Asianet Suvarna News

Breaking: ಅಸ್ಸಾಂನ ಹೋಟೆಲ್‌ನಲ್ಲಿ ಭೀಕರ ಗುಂಡಿನ ದಾಳಿ, ಐವರು ಸಾವು; ಬಂದೂಕುಧಾರಿ ಕೃತ್ಯ

Ganesh Mabla Gowda — Mon, 26 Oct 2026 23:44:14 +0530

ನವದೆಹಲಿ: ಅಸ್ಸಾಂ ರಾಜಧಾನಿ ಗುವಾಹಟಿಯ ಹೋಟೆಲ್ ಬಿಲಾಸ್‌ನಲ್ಲಿ ಭೀಕರ ಗುಂಡಿನ ದಾಳಿ ಆಗಿದೆ. ದುಷ್ಕೃತ್ಯದಲ್ಲಿ ಐವರು ಮೃತಪಟ್ಟಿದ್ದಾರೆ. ಹಲವು ಮಂದಿ ಗಾಯಗೊಂಡಿದ್ದಾರೆ ಎಂದು ವರದಿಯಾಗಿದೆ.

ಈ ಘಟನೆಯು ಆ ಪ್ರದೇಶದಲ್ಲಿ ಭೀತಿ ಮತ್ತು ಅವ್ಯವಸ್ಥೆಯನ್ನು ಸೃಷ್ಟಿಸಿದೆ. ಸ್ಥಳೀಯರಿಂದ ಮಾಹಿತಿ ತಿಳಿಯುತ್ತಿದ್ದಂತೆಯೇ ಪೊಲೀಸರು ಅಲ್ಲಿಗೆ ಧಾವಿಸಿದೆ. ಇನ್ನು ಗುಂಡಿನ ದಾಳಿಗೆ ಕಾರಣ ಮತ್ತು ಅದರ ಹಿಂದಿನ ಉದ್ದೇಶ ತಿಳಿದುಬಂದಿಲ್ಲ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.

ಪೊಲೀಸರ ಪ್ರಕಾರ.. ಈ ಘಟನೆ ಉಲುಬಾರಿ ಪ್ರದೇಶದಲ್ಲಿ ನಡೆದಿದೆ. ಆರೋಪಿಗಳನ್ನು ಬಂಧಿಸಲು ಶೋಧ ಕಾರ್ಯಾಚರಣೆ ಶುರುವಾಗಿದೆ. ಗಾಯಗೊಂಡವರಲ್ಲಿ ಕೆಲವು ಹೋಟೆಲ್ ಉದ್ಯೋಗಿಗಳು ಸೇರಿದ್ದಾರೆ. ಗುವಾಹಟಿ ಪೊಲೀಸ್ ಆಯುಕ್ತ ಪಾರ್ಥ ಸಾರಥಿ ಮಹಾಂತ ಗುಂಡಿನ ದಾಳಿಯಲ್ಲಿ ನಾಲ್ವರು ಮೃತಪಟ್ಟಿರೋದನ್ನು ಖಚಿತಪಡಿಸಿದ್ದಾರೆ.

ಗುವಾಹಟಿಯ ಹೃದಯ ಭಾಗದಲ್ಲಿ ಕೃತ್ಯ ನಡೆದಿದೆ. ನಾವು ನಾಲ್ಕು ಶವಗಳನ್ನು ವಶಕ್ಕೆ ಪಡೆದಿದ್ದೇವೆ. ಅವುಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಗುವಾಹಟಿ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಗೆ ಕಳುಹಿಸಲಾಗಿದೆ. ಶೀಘ್ರದಲ್ಲೇ ಕೃತ್ಯ ನಡೆಸಿರೋರನ್ನು ಬಂಧಿಸುತ್ತೇವೆ. ಹೆಚ್ಚಿನ ಮಾಹಿತಿಯನ್ನು ನಿರೀಕ್ಷೆ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ. ಏಕಾಏಕಿ ನುಗ್ಗಿದ ದಾಳಿಕೋರ ಒಂದೇ ಸಮನೇ ಗುಂಡು ಹಾರಿಸಿದ್ದಾನೆ. ಇತರರು ಮಧ್ಯಪ್ರವೇಶಿಸಿ ಬಂದೂಕುಧಾರಿಯನ್ನು ತಡೆಯಲು ಪ್ರಯತ್ನಿಸಿದಾಗ, ಅವರ ಮೇಲೂ ಗುಂಡು ಹಾರಿಸಿದ್ದಾನೆ ಎನ್ನಲಾಗಿದೆ.

ಯಾರು ಆ ದಾಳಿಕೋರ?

ಏಕಾಏಕಿ ಹೋಟೆಲ್‌ಗೆ ನುಗ್ಗಿ ದಾಳಿ ಮಾಡುತ್ತಿದ್ದಂತೆಯೇ ಅಲ್ಲಿದ್ದವರೆಲ್ಲ ಆಘಾತಕ್ಕೆ ಒಳಗಾಗಿದ್ದಾರೆ. ಪ್ರಾಣವನ್ನು ಉಳಿಸಿಕೊಳ್ಳಲು ಎದ್ನೋ, ಬಿದ್ನೋ ಎಂದು ಕಾಲ್ಕಿತ್ತಿದ್ದಾರೆ. ಇನ್ನು ಕೆಲವರು ದುಸ್ಸಾಹಸ ಮಾಡಿ ದುಷ್ಕೃತ್ಯವನ್ನು ತಪ್ಪಿಸಲು ಮುಂದಾಗಿದ್ದಾರೆ. ಆಗ ಯಾರು ತಡೆಯಲು ಯತ್ನಿಸಿದರೋ, ಅವರು ಮೇಲೆ ಗುಂಡಿನ ದಾಳಿ ನಡೆಸಿ ಮುಗಿಸಿದ್ದಾನೆ ಎನ್ನಲಾಗಿದೆ. ಸದ್ಯ ಪೊಲೀಸರು ತನಿಖೆ ಆರಂಭಿಸಿದ್ದು, ಯಾರು ದಾಳಿಕೋರ? ದಾಳಿ ಹಿಂದಿನ ಉದ್ದೇಶ ಏನು? ಯಾಕೆ ಮನಸೋ ಇಚ್ಛೆ ದಾಳಿ ಮಾಡಿದ್ದಾನೆ ಅನ್ನೋದ್ರ ಬಗ್ಗೆ ತನಿಖೆ ಶುರು ಮಾಡಿದ್ದಾರೆ.

ಮುಂದುವರಿದ ರಕ್ಷಣಾ ಕಾರ್ಯ

ಇತ್ತ ಗಾಯಗೊಂಡವರ ರಕ್ಷಣಾಕಾರ್ಯ ಮುಂದುವರಿದಿದೆ. ಹತ್ತಿರದ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಜೊತೆಗೆ ಹೆಚ್ಚಿನ ಚಿಕಿತ್ಸೆಗಾಗಿ ಬೇರೆ ಬೇರೆ ಆಸ್ಪತ್ರೆಗೆ ಅವರನ್ನು ಕೊಂಡೊಯ್ಯಲಾಗುತ್ತಿದೆ. ಇನ್ನು ಗುಂಡಿನ ದಾಳಿ ಹಿನ್ನೆಲೆಯಲ್ಲಿ ಆ ಹೋಟೆಲ್‌ ಸೇರಿದಂತೆ ಅಲ್ಲಿನ ಸುತ್ತಮುತ್ತ ಸ್ಥಳಗಳಲ್ಲಿ ಆತಂಕದ ವಾತಾವರಣ ನಿರ್ಮಾಣ ಆಗಿದೆ. ಪೊಲೀಸರು ಬಿಗಿ ಬಂದೋಬಸ್ತ್ ಏರ್ಪಡಿಸಿದ್ದಾರೆ.

Anushka Sharma: ನಟಿ ಅನುಷ್ಕಾ ಶರ್ಮಾ 3ನೇ ಮಗುವಿಗೆ ಗರ್ಭಿಣಿಯಾಗಿದ್ದಾರಾ? ವಿಡಿಯೋ ವೈರಲ್!

Ravi Janekal — Mon, 26 Oct 2026 23:40:36 +0530

ನಟಿ ಅನುಷ್ಕಾ ಶರ್ಮಾ-ವಿರಾಟ್ ಜೋಡಿ ಇತ್ತೀಚೆಗೆ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವುದು ಕಡಿಮೆ. ಆದರೆ ಇತ್ತೀಚೆಗೆ ಮುಂಬೈನಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಜೊತೆಗಿರುವ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. ವಿಡಿಯೋದಲ್ಲಿ ಅನುಷ್ಕಾ ಕಾಣುವ ರೀತಿ, ನಡೆಯುವ ಶೈಲಿ ನೋಡಿ ಫ್ಯಾನ್ಸ್, 'ಅನುಷ್ಕಾ ಶರ್ಮಾ ಮೂರನೇ ಮಗುವಿಗೆ ತಾಯಿಯಾಗಲಿದ್ದಾರಾ?' ಎಂದು ಕುರಿತು ಬಿಸಿಬಿಸಿ ಚರ್ಚೆ ನಡೆಸಿದ್ದಾರೆ. ಆದರೆ ಈ ಬಗ್ಗೆ ಅನುಷ್ಕಾ ಶರ್ಮಾ ಆಗಲಿ ಅಥವಾ ವಿರಾಟ್ ಕೊಹ್ಲಿ ಆಗಲಿ ಅಧಿಕೃತವಾಗಿ ಈ ವರೆಗೆ ಏನೂ ಮಾಹಿತಿ ನೀಡಿಲ್ಲ. ಆದರೆ ವಿಡಿಯೋ ನೋಡಿದ ಬಳಿಕ ಫ್ಯಾನ್ಸ್‌ಗೆ ಇಂತದ್ದೊಂದು ಅನುಮಾನ ಶುರುವಾಗಿದೆ.

ಅನುಷ್ಕಾ ಶರ್ಮಾ ಮತ್ತೆ ಗರ್ಭಾವತಿ?

ಅನುಷ್ಕಾ ಶರ್ಮಾ ವಿರಾಟ್ ಕೊಹ್ಲಿ ದಂಪತಿಗೆ ಈಗಾಗಲೇ ಇಬ್ಬರು ಮಕ್ಕಳಿದ್ದಾರೆ. ಮಗಳು ವಮಿಕಾ ಮತ್ತು ಮಗ ಅಕಾಯ್ ಜೊತೆ ಸಂತೋಷದ ಜೀವನ ಕಳೆಯುತ್ತಿದ್ದಾರೆ. ಇದೀಗ ಅನುಷ್ಕಾ ಅವರ ಇತ್ತೀಚಿನ ವಿಡಿಯೋ ನೋಡಿದ ಬಳಿಕ ಮತ್ತೊಮ್ಮೆ ಗರ್ಭಿಣಿಯಾಗಿದ್ದಾರಾ ಎಂಬ ವದಂತಿಗೆ ಕಾರಣವಾಗಿದೆ. ಅನುಷ್ಕಾ-ವಿರಾಟ್ ದಂಪತಿ ಮೂರನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಒಂದು ವೇಳೆ ಮೂರನೆ ಮಗುವಿಗೆ ಗರ್ಭಿಣಿಯಾದರೆ, ಹೆಣ್ಣು ಮಗು ಹುಟ್ಟಿದರೆ ಏನು ಹೆಸರಲಿಡಲಿದ್ದಾರೆ? ಗಂಡು ಹುಟ್ಟಿದಾರೆ ಏನು ನಾಮಕರಣ ಮಾಡಬಹುದು ಎಂಬ ಚರ್ಚೆಯೂ ನಡೆದಿದೆ.

ನಿಜಕ್ಕೂ ಅನುಷ್ಕಾ ಮತ್ತೆ ಗರ್ಭಿಣಿಯಾಗಿದ್ದಾರಾ?

ಅನುಷ್ಕಾ ಶರ್ಮಾ ವಿಡಿಯೋಗೆ ನೆಟಿಜನ್ ತರಹೇವಾರಿ ಪ್ರತಿಕ್ರಿಯಿಸಿದ್ದಾರೆ. ಅದರಲ್ಲಿ ಯುವತಿಯೊಬ್ಬಳು, ನಿಜವಾಗಲೂ ಅನುಷ್ಕಾ ಮತ್ತೆ ಗರ್ಭಿಣಿಯಾಗಿದ್ದಾರಾ?' ಎಂದು ಪ್ರಶ್ನಿಸಿದರೆ, ಮತ್ತೊಬ್ಬ, 'ಅನುಷ್ಕಾ ಗರ್ಭಿಣಿಯಾಗಿದ್ದಾರೆ ಎಂದು ನನಗಷ್ಟೇ ಅನಿಸುತ್ತಿದೆಯೇ? ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೊಬ್ಬ ನೆಟಿಜನ್ 'ಅನುಷ್ಕಾ ಮತ್ತೆ ಗರ್ಭಿಣಿಯಾಗಿದ್ದಾರೆ ಎಂಬ 11-12 ಪೋಸ್ಟ್‌ಗಳನ್ನು ಈಗಷ್ಟೇ ನೋಡಿದೆ' ಎಂದು ಹೇಳಿದ್ದಾರೆ. ಮತ್ತೊಬ್ಬರು ತಮಾಷೆಯಾಗಿ, 'ತಾನು ಗರ್ಭಿಣಿಯಾಗಿರುವ ವಿಷಯ ಅನುಷ್ಕಾ ಅವರಿಗೂ ಟ್ವಿಟರ್‌ನಿಂದಲೇ ಗೊತ್ತಾಗಿರಬೇಕು' ಎಂದು ಕಾಮೆಂಟ್ ಮಾಡಿದ್ದಾರೆ.

ಅಷ್ಟಕ್ಕೂ ಅನುಷ್ಕಾ-ವಿರಾಟ್ ಎಲ್ಲಿ ಕಾಣಿಸಿಕೊಂಡಿದ್ರು?

ಅನುಷ್ಕಾ ಮತ್ತು ವಿರಾಟ್ ಅಕ್ಟೋಬರ್ 25, ಭಾನುವಾರದಂದು ಮುಂಬೈನ ವರ್ಲಿಯಲ್ಲಿರುವ ಡೋಮ್, ಎಸ್‌ವಿಪಿ ಸ್ಟೇಡಿಯಂನಲ್ಲಿ ನಡೆದ ಅಮೆರಿಕದ ಭಕ್ತಿ ಸಂಗೀತ ಗಾಯಕ ಕೃಷ್ಣ ದಾಸ್ ಅವರ ಲೈವ್ ಕೀರ್ತನ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಕಾರ್ಯಕ್ರಮಕ್ಕೆ ತೆರಳುವ ಮುನ್ನ ಈ ಜೋಡಿ ಗೇಟ್‌ವೇ ಆಫ್ ಇಂಡಿಯಾ ಬಳಿ ಕಾಣಿಸಿಕೊಂಡಿತ್ತು. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ವಿಡಿಯೋದಲ್ಲಿ ಅನುಷ್ಕಾ ಭಕ್ತಿಗೀತೆಗಳಿಗೆ ಚಪ್ಪಾಳೆ ತಟ್ಟುತ್ತಾಧ್ವನಿಗೂಡಿಸುತ್ತಿರುವುದು ಹಾಡುತ್ತಿದ್ದಾಳೆ. ಪಕ್ಕದಲ್ಲೇ ಕುಳಿತಿರುವ ವಿರಾಟ್ ಕೊಹ್ಲಿ ಸಂಗೀತ ಕೇಳುವಲ್ಲಿ ಮಗ್ನರಾಗಿರುವುದು ವಿಡಿಯೋದಲ್ಲಿ ಕಾಣಿಸಿದೆ.

ಅನುಷ್ಕಾ-ವಿರಾಟ್ ಹಿಂದಿನಿಂದಲೂ ತಮ್ಮ ಪರ್ಸನಲ್ ಲೈಫ್ ಬಗ್ಗೆ ತುಂಬಾ ಕಾಳಜಿವಹಿಸಿದ್ದಾರೆ. ಎಲ್ಲೂ ಸಾರ್ವಜನಿಕವಾಗಿ ಹೇಳಿಕೊಳ್ಳುವುದಿಲ್ಲ. ತಮ್ಮ ಜೀವನದ ಪ್ರಮುಖ ವಿಚಾರಗಳನ್ನು ತಾವೇ ಸೂಕ್ತ ಸಮಯದಲ್ಲಿ ಹಂಚಿಕೊಳ್ಳುವ ನಿರ್ಧಾರವನ್ನು ಈ ದಂಪತಿ ಪಾಲಿಸಿಕೊಂಡು ಬಂದಿದ್ದಾರೆ. ಆದರೆ ಈ ಕಾರ್ಯಕ್ರಮದಲ್ಲಿ ವಿರಾಟ್ ಅನುಷ್ಕಾ ಒಟ್ಟಿಗೆ ಕಾಣಿಸಿಕೊಂಡಿರುವ ವಿಡಿಯೋ ನೋಡಿ ಫ್ಯಾನ್ಸ್ ಗರ್ಭಿಣಿ ವಿಚಾರವಾಗಿ ಚರ್ಚೆ ನಡೆಸಿದ್ದಾರೆ.

Is it only me who thinks that Anushka Sharma is pregnant? https://t.co/pvemKO9sc0

— Sandeep Yadav (@Kohliitak2) October 26, 2026

ಅನುಷ್ಕಾ-ವಿರಾಟ್ ಕೊಹ್ಲಿ ಮದುವೆ ಹಿನ್ನೆಲೆ

2017ರ ಡಿಸೆಂಬರ್‌ನಲ್ಲಿ ವಿವಾಹವಾದ ಈ ಜೋಡಿಗೆ 2021ರ ಜನವರಿಯಲ್ಲಿ ಮಗಳು ವಮಿಕಾ ಜನಿಸಿದರೆ, 2024ರ ಫೆಬ್ರವರಿಯಲ್ಲಿ ಮಗ ಅಕಾಯ್ ಜನಿಸಿದ್ದಾನೆ. ಈ ಹಿಂದೆಯೂ ಅನುಷ್ಕಾ ಗರ್ಭಿಣಿಯಾಗಿದ್ದಾರೆ ಎಂಬ ವದಂತಿಗಳು ಹರಡಿದ್ದವು. 2018ರಲ್ಲಿ ಮದುವೆಯಾದ ಕೆಲವೇ ದಿನಗಳಲ್ಲಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂಬ ಊಹಾಪೋಹಗಳು ಕೇಳಿಬಂದಿದ್ದವು. ಆಗ ಪ್ರತಿಕ್ರಿಯಿಸಿದ್ದ ಅನುಷ್ಕಾ, ಮದುವೆಯಾದ ತಕ್ಷಣವೇ ಮಗು ಆಗಬೇಕು ಎಂದು ನಿರೀಕ್ಷಿಸುವುದು ಹಳೆಯ ಮನಸ್ಥಿತಿ ಎಂದು ಹೇಳಿದ್ದರು. ಅಲ್ಲದೆ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡಿರುವ ಅನುಷ್ಕಾ, ವಿರಾಟ್ ಜೊತೆಗಿನ ಸಂಬಂಧವನ್ನು ತಾವು ಮುಚ್ಚಿಟ್ಟಿರಲಿಲ್ಲ. ಆದರೆ ಅದರ ಬಗ್ಗೆ ಸಾರ್ವಜನಿಕವಾಗಿ ಮಾತನಾಡದಿರಲು ನಿರ್ಧರಿಸಿದ್ದೆ ಎಂದು ದಿ ಇಂಡಿಯನ್ ಎಕ್ಸ್‌ಪ್ರೆಸ್ಗೆ ನೀಡಿದ್ದ ಸಂದರ್ಶನದಲ್ಲಿ ತಿಳಿಸಿದ್ದರು.

ಸದ್ಯ ಅನುಷ್ಕಾ ಮೂರನೇ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂಬ ಸುದ್ದಿ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯಾಗುತ್ತಿದ್ದರೂ, ಈ ಬಗ್ಗೆ ದಂಪತಿಯಿಂದ ಅಧಿಕೃತ ಸ್ಪಷ್ಟನೆ ಬಂದಿಲ್ಲ. ಹೀಗಾಗಿ ಸದ್ಯಕ್ಕೆ ಇದು ಅಭಿಮಾನಿಗಳ ಊಹಾಪೋಹವಾಗಿಯೇ ಉಳಿದಿದೆ.

Delhi North Block Fire: ಭಾರತ-ಚೀನಾ ಗಡಿ ಸಂಘರ್ಷದ ನಡುವೆ ಇತ್ತ ರಾಷ್ಟ್ರಪತಿ ಭವನದ ಸಮೀಪ ಬೆಂಕಿ ಅವಘಡ! ಆಗಿದ್ದೇನು?

Ravi Janekal — Mon, 26 Oct 2026 22:46:13 +0530

ದೆಹಲಿ (ಅ.26): ದೆಹಲಿಯ ಅತ್ಯಂತ ಸೂಕ್ಷ್ಮ ಪ್ರದೇಶವಾದ ರಾಷ್ಟ್ರಪತಿ ಭವನದ ಸಮೀಪದ ನಾರ್ತ್ ಬ್ಲಾಕ್‌ನಲ್ಲಿ ಬೆಂಕಿ ಕಾಣಿಸಿಕೊಂಡು ಕೆಲಕಾಲ ಆತಂಕ ಮೂಡಿಸಿದ ಘಟನೆ ಬಗ್ಗೆ ವರದಿಯಾಗಿದೆ. ರಾಷ್ತ್ರಪತಿ ಭವನದ ಸಮೀಪ ಹೊಗೆ ಕಾಣಿಸಿಕೊಂಡಿರುವುದು ವಿಡಿಯೋಗಳಲ್ಲಿ ಸೆರೆಯಾಗಿದೆ. ಇತ್ತೀಚೆಗೆ ಪ್ರತಿಭಟನೆಗಳು ತೀವ್ರಗೊಂಡ ಹಿನ್ನೆಲೆ ಭಾರೀ ಕಟ್ಟೆಚ್ಚರ ನಡುವೆಯೂ ಅಗ್ನಿ ಅವಘಡ ಹೇಗೆ ಸಂಭವಿಸಿತು? ಉದ್ದೇಶಪೂರ್ವಕವೇ? ಬೆಂಕಿ ಅವಘಡ ಹೇಗಾಯ್ತು? ಅಷ್ಟಕ್ಕೂ ನಡೆದಿದ್ದೇನು?

ರಾಷ್ಟ್ರಪತಿ ಭವನದ ಸಮೀಪದಲ್ಲೇ ಅಗ್ನಿ ಅವಘಡ!

ದೆಹಲಿಯ ನಾರ್ತ್ ಬ್ಲಾಕ್ ರಾಷ್ಟ್ರಪತಿ ಭವನದ ಸಮೀಪವೇ ಇದೆ. ಇಲ್ಲಿನ ಕಟ್ಟಡವೊಂದರ ಛಾವಣಿಯಲ್ಲಿ ಅಳವಡಿಸಿಲಾಗಿದ್ದ ಎಸಿ ಬಾಯ್ಲರ್‌ನಲ್ಲಿ ಬೆಂಕಿ ಕಾಣಿಸಿಕೊಂಡು ಹೊತ್ತಿ ಉರಿದಿದೆ. ಈ ಕಟ್ಟಡದಲ್ಲಿ ವೆಲ್ಡಿಂಗ್‌ ಕೆಲಸ ನಡೆಯುತ್ತಿದೆ ಈ ವೇಳೆ ಬಾಯ್ಲರ್‌ನಲ್ಲಿ ಇದ್ದಕ್ಕಿದ್ದಂತೆ ಶಾರ್ಟ್‌ ಸರ್ಕ್ಯೂಟ್‌ನಿಂದ ಬೆಂಕಿ ಕಾಣಿಸಿಕೊಂಡು ಅವಘಡ ಸಂಭವಿಸಿದೆ. ಅದೃಷ್ಟವಶಾತ್ ಯಾವುದೇ ಹಾನಿ ಸಂಭವಿಸಿಲ್ಲ ಎಂದು ವರದಿಯಾಗಿದೆ. ಘಟನೆಯ ಮಾಹಿತಿ ತಿಳಿದಕೂಡಲೇ ಎಚ್ಚೆತ್ತ ಅಗ್ನಿಶಾಮಕ ದಳದ ಸಿಬ್ಬಂದಿ ತಕ್ಷಣ ರಕ್ಷಣಾ ವಾಹನವನ್ನು ಕಳಹಿಸಿ ಬೆಂಕಿ ನಂದಿಸಲಾಗಿದೆ.

ರಾಜ್ಯಸಭಾ ಸಂಸದ ಮಿಲಿಂದ್ ದಿಯೋರಾ(Milind deora) ಅವರು ನಾರ್ತ್ ಬ್ಲಾಕ್‌ನ ಫೋಟೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದು, 'Noticed thick smoke rising from behind North Block while on my way to Parliament. It appears there may be a fire. Hope everyone is safe and emergency services are responding swiftly' ಎಂದು ಬರೆದುಕೊಂಡಿದ್ದಾರೆ.

ಕೆಲವು ದಿನಗಳ ಹಿಂದೆ ನ್ಯಾಯಾಲಯದ ಎರಡನೇ ಮಹಡಿಯಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು. ಈ ಘಟನೆಯಲ್ಲಿ ಯಾರಿಗೂ ಗಾಯಗಳಾಗಿಲ್ಲ. ದೆಹಲಿ ಅಗ್ನಿಶಾಮಕ ದಳವು ಈ ಬೆಂಕಿ ಅವಘಡದ ಕುರಿತು ಹೆಚ್ಚಿನ ಮಾಹಿತಿ ನೀಡಿದೆ. ಬೆಳಗ್ಗೆ 5:22ಕ್ಕೆ ಅಗ್ನಿಶಾಮಕ ದಳಕ್ಕೆ ಈ ಬಗ್ಗೆ ಮಾಹಿತಿ ಲಭ್ಯವಾಯಿತು. ತಕ್ಷಣವೇ ಎಂಟು ಅಗ್ನಿಶಾಮಕ ವಾಹನಗಳನ್ನು ಸ್ಥಳಕ್ಕೆ ಕಳುಹಿಸಲಾಯಿತು. ಅಗ್ನಿಶಾಮಕ ಸಿಬ್ಬಂದಿ ತ್ವರಿತವಾಗಿ ಬೆಂಕಿಯನ್ನು ನಂದಿಸಲು ಪ್ರಾರಂಭಿಸಿ, ಅದು ಮತ್ತಷ್ಟು ಹರಡದಂತೆ ತಡೆದರು. ಬೆಳಿಗ್ಗೆ 5:50ರ ವೇಳೆಗೆ ಬೆಂಕಿ ಸಂಪೂರ್ಣ ನಿಯಂತ್ರಣಕ್ಕೆ ಬಂದಿತು.

ನಾರ್ತ್ ಬ್ಲಾಕ್ ಅಗ್ನಿ ಅವಘಡದ ಬಗ್ಗೆ ಅಗ್ನಿಶಾಮಕ ಹೇಳಿದ್ದೇನು?

ಅಗ್ನಿಶಾಮಕ ದಳದಿಂದ ಪಡೆದ ಮಾಹಿತಿಯ ಪ್ರಕಾರ, ಕಟ್ಟಡದ ಛಾವಣಿಯಲ್ಲಿದ್ದ ಎಸಿ ಬಾಯ್ಲರ್‌ನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ವೆಲ್ಡಿಂಗ್ ಕೆಲಸ ನಡೆಯುತ್ತಿದ್ದಾಗ, ಬಾಯ್ಲರ್‌ನಲ್ಲಿ ಇದ್ದಕ್ಕಿದ್ದಂತೆ ಶಾರ್ಟ್ ಸರ್ಕ್ಯೂಟ್ ಸಂಭವಿಸಿದೆ. ಇದೊಂದು ಸಣ್ಣ ಪ್ರಮಾಣದ ಅಗ್ನಿ ಅವಘಡವಾಗಿದ್ದು, ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎಂದು ಹೇಳಿದೆ.

ಲಭ್ಯವಿರುವ ಮಾಹಿತಿಯ ಪ್ರಕಾರ, ನಾರ್ತ್ ಬ್ಲಾಕ್ ಎಸಿ ಬಾಯ್ಲರ್ ಬಳಿ ವೆಲ್ಡಿಂಗ್ ಕೆಲಸ ನಡೆಯುತ್ತಿತ್ತು. ಈ ವೇಳೆ ಸಂಭವಿಸಿದ ಪ್ರಮಾದವೊಂದರಿಂದ ಅಲ್ಲಿ ಇರಿಸಲಾಗಿದ್ದ ಪ್ಲಾಸ್ಟಿಕ್ ವಸ್ತುಗಳಿಗೆ ಬೆಂಕಿ ಹೊತ್ತಿಕೊಂಡಿದೆ. ಪ್ಲಾಸ್ಟಿಕ್‌ನಿಂದಾಗಿ ದಟ್ಟವಾದ ಹೊಗೆ ಹರಡಿದೆ. ಇದರಿಂದ ಕೆಲಕಾಲ ಏನಾಯ್ತು ಎಂದು ಆತಂಕವಾಗಿದ್ದು ನಿಜ. ಆದರೆ ಕೂಡಲೇ ಅನೇಕ ಅಗ್ನಿಶಾಮಕ ವಾಹನಗಳನ್ನು ಸ್ಥಳಕ್ಕೆ ಕಳುಹಿಸಲಾಯಿತು. ಬೆಂಕಿಯನ್ನು ಶೀಘ್ರದಲ್ಲೇ ನಿಯಂತ್ರಣಕ್ಕೆ ತರಲಾಯಿತು. ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ.

ಮಾನವಕುಲಕ್ಕೇ ಕಂಟಕವಾಗಬಹುದು ಅತ್ಯಾಧುನಿಕ ಎಐ: IPO ದಾಖಲೆಯಲ್ಲಿ Anthropic ಸಂಸ್ಥೆಯಿಂದಲೇ ಸಂಚಲನಕಾರಿ ವಾರ್ನಿಂಗ್‌

Santosh Naik — Mon, 26 Oct 2026 22:41:48 +0530

ಬೆಂಗಳೂರು (ಅ.26): ಜಾಗತಿಕ ಮಟ್ಟದಲ್ಲಿ ಕೃತಕ ಬುದ್ಧಿಮತ್ತೆ (Artificial Intelligence - AI) ಕ್ಷೇತ್ರ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಬೆನ್ನಲ್ಲೇ, ಪ್ರಮುಖ ಎಐ ದೈತ್ಯ ಸಂಸ್ಥೆಯಾದ 'ಆಂಥ್ರೋಪಿಕ್' (Anthropic) ಅತ್ಯಂತ ಆತಂಕಕಾರಿ ಎಚ್ಚರಿಕೆ ನೀಡಿದೆ. ಅತ್ಯಾಧುನಿಕ ಮತ್ತು ಶಕ್ತಿಶಾಲಿ ಎಐ ತಂತ್ರಜ್ಞಾನಗಳನ್ನು ಹೊಣೆಗಾರಿಕೆಯಿಂದ ಅಭಿವೃದ್ಧಿಪಡಿಸಿ ಬಳಸದಿದ್ದರೆ, ಅವು ಮಾನವ ಸಮಾಜಕ್ಕೆ ಭಾರಿ ವಿನಾಶಕಾರಿ ಅಥವಾ ಅಸ್ತಿತ್ವದ ಅಪಾಯವನ್ನು (Catastrophic or Existential Risks) ತಂದೊಡ್ಡಬಹುದು ಎಂದು ಸಂಸ್ಥೆಯು ತನ್ನ ಐಪಿಒ (IPO) ಸಲ್ಲಿಕೆ ದಾಖಲೆಗಳಲ್ಲಿ ಬಹಿರಂಗಪಡಿಸಿದೆ.

ಷೇರು ಮಾರುಕಟ್ಟೆಗೆ ಪ್ರವೇಶಿಸುವ (Initial Public Offering) ಉದ್ದೇಶದಿಂದ ಸಲ್ಲಿಸಲಾದ ಪ್ರಸ್ತಾವನೆಯಲ್ಲಿ ಈ ಆಘಾತಕಾರಿ ವಿಷಯವನ್ನು ಹಂಚಿಕೊಂಡಿರುವ ಕಂಪನಿಯು, ಸೈಬರ್ ಭದ್ರತಾ ತಪಾಸಣೆಯ (Cybersecurity Evaluations) ಸಮಯದಲ್ಲಿ ತನ್ನದೇ ನಾಲ್ಕು ಎಐ ಮಾಡೆಲ್‌ಗಳು (AI Models) ಅನಧಿಕೃತವಾಗಿ Third-party ಕಂಪ್ಯೂಟರ್ ಸಿಸ್ಟಮ್‌ಗಳಿಗೆ ನುಸುಳಿದ್ದವು (Unauthorised Access) ಎಂಬುದನ್ನು ಬಹಿರಂಗಪಡಿಸಿದೆ.

ಒಂದು ಘಟನೆಯಲ್ಲಿ, ಎಐ ಮಾಡೆಲ್ ಒಂದಕ್ಕೆ ನೀಡಲಾಗಿದ್ದ ಸೈಬರ್ ತಪಾಸಣೆ ಕೆಲಸದ ವೇಳೆ ಅದು ಕಂಡುಕೊಂಡ ಪಾಸ್‌ವರ್ಡ್ ಬಳಸಿ ಸಿಸ್ಟಮ್‌ನ 'ಅಡ್ಮಿನಿಸ್ಟ್ರೇಟರ್' (Administrator) ಹಂತದ ಪ್ರವೇಶವನ್ನು ಪಡೆದುಕೊಂಡಿದೆ. ಅಲ್ಲದೆ ಹೆಚ್ಚುವರಿ ಲಾಗಿನ್ ಮಾಹಿತಿಗಳನ್ನು (Credentials) ಸಂಗ್ರಹಿಸಿ, ಸಿಸ್ಟಮ್‌ನ ಸೆಟ್ಟಿಂಗ್ಸ್‌ಗಳನ್ನು ಬದಲಾಯಿಸಿ, ವ್ಯಕ್ತಿಯೊಬ್ಬರ ವೈಯಕ್ತಿಕ ಮಾಹಿತಿಯನ್ನು ಪ್ರವೇಶಿಸಿತ್ತು! ಆದರೆ, ಈ ಎಐ ಮಾಡೆಲ್‌ಗಳು ತಮಗೆ ವಹಿಸಿದ ಕೆಲಸದ ಹೊರತಾಗಿ ಯಾವುದೇ ದುರುದ್ದೇಶಪೂರಿತ ಸ್ವಂತ ಗುರಿಯನ್ನು ಅನುಸರಿಸಿಲ್ಲ ಅಥವಾ ಮೇಲ್ವಿಚಾರಣೆಯಿಂದ ತಪ್ಪಿಸಿಕೊಳ್ಳಲು ಯತ್ನಿಸಿಲ್ಲ ಎಂದು ಆಂಥ್ರೋಪಿಕ್ ಸ್ಪಷ್ಟಪಡಿಸಿದೆ.

ಆಹಾರ ನೀಡಿದ ಹಸ್ತಕ್ಕೇ ಕಂಟಕವಾಗುವ ಭೀತಿ - ಬ್ಯುಸಿನೆಸ್ ಮೇಲೂ ಪರಿಣಾಮ!

ಎಐ ಸುರಕ್ಷತಾ ಅಪಾಯಗಳನ್ನು ಸರಿಯಾಗಿ ನಿರ್ವಹಿಸಲು ವಿಫಲವಾದರೆ, ಅದು ಕಂಪನಿಯ ಬ್ರ್ಯಾಂಡ್ ಮೌಲ್ಯ, ವ್ಯವಹಾರ, ಹಣಕಾಸು ಸ್ಥಿತಿ ಹಾಗೂ ಕಾರ್ಯಾಚರಣೆಯ ಫಲಿತಾಂಶಗಳ ಮೇಲೆ ತೀವ್ರ ನಕಾರಾತ್ಮಕ ಪರಿಣಾಮ ಬೀರಬಹುದು ಎಂದು ಆಂಥ್ರೋಪಿಕ್ ಎಚ್ಚರಿಸಿದೆ. "ಎಐ ಸುರಕ್ಷತೆಗೆ ನಾವು ನೀಡುತ್ತಿರುವ ಆದ್ಯತೆ ಮತ್ತು ಬದ್ಧತೆಗೆ ಸಂಬಂಧಿಸಿದ ಅಪಾಯಗಳನ್ನು ನಿರ್ವಹಿಸಲು ನಮಗೆ ಸಾಧ್ಯವಾಗದಿದ್ದರೆ, ನಮ್ಮ ಉದ್ಯಮ ಮತ್ತು ಹಣಕಾಸಿನ ಪರಿಸ್ಥಿತಿ ತೀವ್ರವಾಗಿ ಪೆಟ್ಟು ತಿನ್ನಬಹುದು" ಎಂದು ಕಂಪನಿಯು ಸಲ್ಲಿಕೆಯ ದಾಖಲೆಯಲ್ಲಿ ತಿಳಿಸಿದೆ.

ಅಲ್ಲದೆ, ದಿನದಿಂದ ದಿನಕ್ಕೆ ಅತ್ಯಂತ ಸಮರ್ಥವಾಗುತ್ತಿರುವ ಎಐ ಮಾಡೆಲ್‌ಗಳು ಮಾನವ ಉಸ್ತುವಾರಿಯನ್ನು (Human Oversight) ತಪ್ಪಿಸಿಕೊಳ್ಳಲು ಕಲಿಯುತ್ತಿರುವುದರಿಂದ ಅವುಗಳ ಮೇಲೆ ನಿಗಾ ಇಡುವುದು ಅತ್ಯಂತ ಕಷ್ಟಕರವಾಗುತ್ತಿದೆ. ಎಐ ಸ್ವಯಂಚಾಲಿತವಾಗಿ (Autonomous) ಕೆಲಸ ಮಾಡುವ ವೇಗವು, ಮಾನವ ಪರಿಶೀಲಕರ ಮೇಲ್ವಿಚಾರಣಾ ಸಾಮರ್ಥ್ಯವನ್ನೂ ಮೀರಿ ಸಾಗಬಹುದು. ಪ್ರಸ್ತುತ ಎಐ ಮಾಡೆಲ್‌ಗಳು (ತಮ್ಮ ಸ್ವಂತ ಮಾಡೆಲ್‌ಗಳು ಸೇರಿದಂತೆ) ತಮ್ಮನ್ನು ಆಫ್ (Shut down) ಮಾಡದಂತೆ ಪ್ರತಿರೋಧಿಸುವುದು ಹಾಗೂ ಬ್ಲ್ಯಾಕ್‌ಮೇಲ್ (Blackmail) ಮಾದರಿಯ ವರ್ತನೆಗಳನ್ನು ತೋರಿಸುತ್ತಿರುವುದು ಕಳವಳಕಾರಿಯಾಗಿದೆ ಎಂದು ಸಂಸ್ಥೆ ಹೇಳಿದೆ.

ರಾಜಕೀಯ ಸಂಘರ್ಷ ಮತ್ತು ಅಮೆರಿಕ ಪೆಂಟಗನ್ ವಿವಾದ

ಎಐ ನಿಯಂತ್ರಣ ಮತ್ತು ಸುರಕ್ಷತೆಯ ಕುರಿತು ನೀತಿ ನಿರೂಪಕರು ಹಾಗೂ ಸಾರ್ವಜನಿಕ ವೇದಿಕೆಗಳಲ್ಲಿ ಕಂಪನಿಯು ತಳೆದಿರುವ ನಿಲುವುಗಳು ಅದನ್ನು 'ಹೆಚ್ಚಿನ ಪರಿಶೀಲನೆ, ರಾಜಕೀಯ ಆಕ್ರೋಶ ಹಾಗೂ ಅಸಮಾನ ನಿಯಂತ್ರಣ ಕ್ರಮಗಳಿಗೆ' ಒಳಪಡಿಸಬಹುದು ಎಂದು ಆಂಥ್ರೋಪಿಕ್ ಕಳವಳ ವ್ಯಕ್ತಪಡಿಸಿದೆ.

ಈ ಆತಂಕಕಾರಿ ಅಲರ್ಟ್‌, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆಡಳಿತಾವಧಿಯ ಸರ್ಕಾರದೊಂದಿಗೆ ಕಂಪನಿ ಹೊಂದಿರುವ ತೀವ್ರ ಭಿನ್ನಾಭಿಪ್ರಾಯಗಳ ನಡುವೆಯೇ ಹೊರಬಿದ್ದಿದೆ. ಆಂಥ್ರೋಪಿಕ್‌ನ ತಂತ್ರಜ್ಞಾನವನ್ನು ಯುಎಸ್ ರಕ್ಷಣಾ ಇಲಾಖೆ (Pentagon) ಹೇಗೆ ಬಳಸಬೇಕು ಎನ್ನುವ ನಿಯಮಗಳ ಕುರಿತು ಎರಡೂ ಕಡೆಯ ನಡುವೆ ಘರ್ಷಣೆ ಏರ್ಪಟ್ಟಿತ್ತು. ಇತ್ತೀಚಿನ ತಿಂಗಳುಗಳಲ್ಲಿ ಟ್ರಂಪ್ ಆಡಳಿತವು ಆಂಥ್ರೋಪಿಕ್ ಕಂಪನಿಯನ್ನು ಗುರಿಯಾಗಿಸಿಕೊಂಡಿದ್ದು, ಅಮೆರಿಕದ ರಕ್ಷಣಾ ಇಲಾಖೆಯು (Defence Department) ಈ ಸಂಸ್ಥೆಯನ್ನು 'ರಾಷ್ಟ್ರೀಯ ಭದ್ರತಾ ಅಪಾಯ' (National Security Risk) ಎಂದು ಪಟ್ಟಿ ಮಾಡಿ, ಅದನ್ನು ಸಪ್ಲೈಯರ್ ಪಟ್ಟಿಯಿಂದ ನಿಷೇಧಿಸಿದೆ (Barred).

ರೈಲ್ವೇ ಇಲಾಖೆಯಿಂದ ಬಿಗ್ ಅಲರ್ಟ್‌, ಒಟ್ಟು 53 ರೈಲುಗಳ ಓಡಾಟ ದಿಢೀರ್ ರದ್ದು! ಕಾರಣವೇನು?

Ganesh Mabla Gowda — Mon, 26 Oct 2026 22:30:36 +0530

ಬೆಂಗಳೂರು: ಬಂಗಾಳ ಕೊಲ್ಲಿಯಲ್ಲಿ ಉಂಟಾಗಿರುವ ವಾಯಭಾರ ಕುಸಿತವು ದೇಶದ ವಿವಿಧ ಭಾಗಗಳಲ್ಲಿ ಭಾರೀ ತೊಂದರೆಯನ್ನುಂಟು ಮಾಡುತ್ತಿದೆ. ಇದೀಗ ರೈಲ್ವೇ ಇಲಾಖೆ ಮಹತ್ವದ ನಿರ್ಧಾರ ತೆಗೆದುಕೊಂಡಿದ್ದು, ಅಕ್ಟೋಬರ್ 27 ರಿಂದ 28ವರೆಗೆ 53 ರೈಲು ಸೇವೆಗಳನ್ನು ರದ್ದುಗೊಳಿಸಲಾಗಿದೆ ಎಂದು ತಿಳಿಸಿದೆ.

ಭಾರತೀಯ ಹವಾಮಾನ ಇಲಾಖೆ ಹೊರಡಿಸಿದ ಅರ್ನಾಬ್ ಸೈಕ್ಲೋನ್ ಎಚ್ಚರಿಕೆಯನ್ನು ಉಲ್ಲೇಖಿಸಿ ದಕ್ಷಿಣ ಕರಾವಳಿ ರೈಲ್ವೇ, ತನ್ನ ಪ್ರಯಾಣಿಕರ ಸುರಕ್ಷತೆ ದೃಷ್ಟಿಯಿಂದಾಗ ಮುಂಜಾಗೃತ ಕ್ರಮವನ್ನು ತೆಗೆದುಕೊಂಡಿದೆ. ಆಂಧ್ರಪ್ರದೇಶ ಮತ್ತು ನೆರೆಯ ಪ್ರದೇಶಗಳಿಗೆ ಸಂಪರ್ಕ ಕಲ್ಪಿಸುವ ರೈಲುಗಳ ಸೇವೆಯಲ್ಲಿ ವ್ಯತ್ಯಯ ಆಗಲಿದೆ ಎಂದು ತಿಳಿಸಿದೆ.

ಸೌತ್ ಕೋಸ್ಟ್ ರೈಲ್ವೇ ತಿಳಿಸಿರುವ ಮಾಹಿತಿ ಪ್ರಕಾರ.. ಅರ್ನಾಬ್ ಚಂಡ ಮಾರುತದಿಂದಾಗಿ ಸೇವೆಗಳನ್ನು ರದ್ದುಗೊಳಿಸಲು ಅನುಮತಿ ನೀಡಲಾಗಿದೆ. ರಾಜಮಂಡ್ರಿ, ವಿಜಯವಾಡ, ಮಚಲಿಪಟ್ಟಣಂ, ಗುಡಿವಾಡ, ಭೀಮಾವರಂ, ನಿಡದವೋಲು, ನರಸಾಪುರ, ಗುಂಟೂರು, ತೆನಾಲಿ, ವಿಶಾಖಪಟ್ಟಣಂ ಮತ್ತು ಇತರ ಸ್ಥಳಗಳ ನಡುವಿನ ರೈಲುಗಳು ಸೇರಿವೆ.

ಅಕ್ಟೋಬರ್ 27 ರಂದು ಹಲವಾರು ಸೇವೆಗಳನ್ನು ರದ್ದುಗೊಳಿಸಲು ಪಟ್ಟಿ ಮಾಡಲಾಗಿದೆ. ಇನ್ನು ಕೆಲವು ಅಕ್ಟೋಬರ್ 28 ಕ್ಕೆ ನಿಗದಿಯಾಗಿವೆ. ಕೆಲವು ರೈಲುಗಳನ್ನು ಎರಡೂ ದಿನಗಳಲ್ಲಿ ರದ್ದುಗೊಳಿಸಲು ಪಟ್ಟಿ ಮಾಡಲಾಗಿದೆ. ವಿಜಯವಾಡವನ್ನು ಮಚಲಿಪಟ್ಟಣ, ರಾಜಮಂಡ್ರಿ, ನರಸಾಪುರ ಮತ್ತು ಇತರ ನಿಲ್ದಾಣಗಳೊಂದಿಗೆ ಸಂಪರ್ಕಿಸುವ ಮಾರ್ಗಗಳಲ್ಲಿ ಕಾರ್ಯನಿರ್ವಹಿಸುವ ರೈಲುಗಳು ಪರಿಣಾಮ ಬೀರುತ್ತವೆ ಎಂದು ತಿಳಿಸಲಾಗಿದೆ.

ಪ್ರಯಾಣಿಕರು ಹೊರಡುವ ಮೊದಲು ರೈಲು ಸೇವೆ ಇರುತ್ತೋ ಇರಲ್ವೋ ಅನ್ನೋದನ್ನು ತಿಳಿದುಕೊಂಡು ರೈಲು ಪ್ರಯಾಣದ ಪ್ಲಾನ್ ಮಾಡಬೇಕು. ಚಂಡಮಾರುತದ ಪರಿಸ್ಥಿತಿಯನ್ನು ನಮ್ಮ ಅಧಿಕಾರಿಗಳು ಮೇಲ್ವಿಚಾರಣೆ ಮಾಡಲಿದ್ದಾರೆ. ಆ ಬಳಿಕ ರೈಲುಗಳ ಓಡಾಟದ ಬಗ್ಗೆ ನಿರ್ಧಾರ ಆಗಲಿದೆ. ಅಕ್ಟೋಬರ್ 27 ಮತ್ತು 28 ರಂದು ಪ್ರಯಾಣಿಸುವ ಪ್ರಯಾಣಿಕರು ತಮ್ಮ ಪ್ರಯಾಣವನ್ನು ಪ್ರಾರಂಭಿಸುವ ಮೊದಲು ಅಧಿಕೃತ ರೈಲ್ವೆ ಮಾರ್ಗಗಳ ಮೂಲಕ ತಮ್ಮ ರೈಲುಗಳ ಚಾಲನೆಯಲ್ಲಿರುವ ಸ್ಥಿತಿಯನ್ನು ಪರಿಶೀಲಿಸಬೇಕು ಎಂದು ಖಡಕ್ ಆಗಿ ತಿಳಿಸಲಾಗಿದೆ.

ಬಂಗಾಳಕೊಲ್ಲಿಯಲ್ಲಿ ವಾಯುಭಾರ ಕುಸಿತ ಉಂಟಾಗಿದೆ. ಪರಿಣಾಮ ಅರ್ನಾಬ್ ಎಂಬ ಚಂಡಮಾರುತ ಪರಿವರ್ತನೆಗೊಂಡಿದೆ. ಅಕ್ಟೋಬರ್ 28, 2026 ರ ಮಧ್ಯಾಹ್ನ ಆಂಧ್ರಪ್ರದೇಶದ ಬಾಪಟ್ಲಾ ಮತ್ತು ವಿಶಾಖಪಟ್ಟಣಂ ಮಧ್ಯೆ ಹಾಗೂ ಯಾನಂ ಕರಾವಳಿಯಲ್ಲಿ ಇದು ಅಪ್ಪಳಿಸಲಿದೆ. ಗಂಟೆಗೆ ಸುಮಾರು 140 ಕಿ.ಮೀ ವೇಗದಲ್ಲಿ ಭೀಕರ ಗಾಳಿ ಬೀಸುವ ಸಾಧ್ಯತೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಆಂಧ್ರಪ್ರದೇಶ, ಒಡಿಶಾ, ಪಶ್ಚಿಮ ಬಂಗಾಳ ಕರಾವಳಿ ಭಾಗಗಳಲ್ಲಿ ಭಾರೀ ಮಳೆ ಮತ್ತು ಬಿರುಗಾಳಿ ಎಚ್ಚರಿಕೆ ನೀಡಲಾಗಿದೆ. ಒಡಿಶಾದಲ್ಲಿ ಮುನ್ನೆಚ್ಚರಿಕೆಗಾಗಿ 6 ಜಿಲ್ಲೆಗಳಲ್ಲಿ ಶಿಕ್ಷಣ ಸಂಸ್ಥೆಗಳಿಗೆ ರಜೆ ಘೋಷಿಸಲಾಗಿದೆ.

ಕರ್ನಾಟಕದ ಮೇಲೆ ಎಫೆಕ್ಟ್‌?

ಹವಾಮಾನ ಇಲಾಖೆ ನೀಡಿರುವ ಮಾಹಿತಿಗಳ ಪ್ರಕಾರ.. ಅರ್ನಾಬ್ ಚಂಡಮಾರುತದಿಂದ ಕರ್ನಾಟಕದ ಮೇಲೆ ನೇರವಾದ ದೊಡ್ಡ ಪರಿಣಾಮ ಅಥವಾ ಭಾರಿ ಮಳೆಯ ಯಾವುದೇ ಮುನ್ಸೂಚನೆ ಇಲ್ಲ. ಕರ್ನಾಟಕದ ಕರಾವಳಿ ಮತ್ತು ಉತ್ತರ ಒಳನಾಡು ಭಾಗಗಳಲ್ಲಿ ಒಣ ಹವೆ ಮುಂದುವರಿದಿದೆ. ಈ ಚಂಡಮಾರುತವು ಪಶ್ಚಿಮ-ವಾಯುವ್ಯ ದಿಕ್ಕಿನಲ್ಲಿ ಸಾಗಲಿದೆ. ಅಕ್ಟೋಬರ್ 28 ರಂದು ಆಂಧ್ರಪ್ರದೇಶ ಮತ್ತು ಯನಂ ಕರಾವಳಿಯ ನಡುವೆ ಅಪ್ಪಳಿಸಲಿದೆ.

ಬಜೆಟ್‌ಗೂ ಮುನ್ನವೇ ಷೇರು ಮಾರುಕಟ್ಟೆ ಹೂಡಿಕೆದಾರರಿಗೆ ಸಿಗಲಿದೆಯೇ ಬಿಗ್ ರಿಲೀಫ್? LTCG ತೆರಿಗೆ ಪರಿಷ್ಕರಣೆಗೆ ಕೇಂದ್ರದ ಸಿದ್ಧತೆ!

Santosh Naik — Mon, 26 Oct 2026 22:25:39 +0530

ನವದೆಹಲಿ (ಅ.26): ವಿದೇಶಿ ಮತ್ತು ದೇಶೀಯ ಹೂಡಿಕೆದಾರರು ಷೇರು ಮಾರುಕಟ್ಟೆಯ ಇಕ್ವಿಟಿಗಳ (Equities) ಮೇಲೆ ಪಾವತಿಸುತ್ತಿರುವ 'ದೀರ್ಘಾವಧಿ ಬಂಡವಾಳ ಲಾಭ ತೆರಿಗೆ' (Long-Term Capital Gains - LTCG Tax) ಸಂಪೂರ್ಣವಾಗಿ ಪುನರ್‌ರಚಿಸಲು (Restructuring) ಕೇಂದ್ರ ಸರ್ಕಾರ ಗಂಭೀರ ಚಿಂತನೆ ನಡೆಸಿದೆ. ಮುಂಬರುವ ಕೇಂದ್ರ ಬಜೆಟ್‌ಗಿಂತಲೂ ಮುನ್ನ, ಅಂದರೆ ಮುಂಬರುವ ಕೆಲವು ವಾರಗಳಲ್ಲೇ ಈ ಕುರಿತು ಪ್ರಮುಖ ನಿರ್ಧಾರ ಹೊರಬೀಳುವ ಸಾಧ್ಯತೆಯಿದೆ ಎಂದು ಸರ್ಕಾರ ಉನ್ನತ ಮೂಲಗಳನ್ನು ಉಲ್ಲೇಖಿಸಿ ಮನಿ-ಕಂಟ್ರೋಲ್ ವರದಿ ಮಾಡಿದೆ.

ಪ್ರಸ್ತುತ, ದೇಶೀಯ ಹಾಗೂ ವಿದೇಶಿ ಹೂಡಿಕೆದಾರರು ಲಿಸ್ಟ್‌ ಆದ ಷೇರುಗಳನ್ನು (Listed Shares) ಮಾರಾಟ ಮಾಡಿ ಗಳಿಸುವ ಲಾಭದ ಮೇಲೆ ಯಾವುದೇ ಇಂಡೆಕ್ಸೇಷನ್ (Indexation) ಸೌಲಭ್ಯವಿಲ್ಲದೆ ಶೇಕಡಾ 12.5 ರಷ್ಟು ಎಲ್‌ಟಿಸಿಜಿ ತೆರಿಗೆಯನ್ನು ಪಾವತಿಸಬೇಕಿದೆ. ಒಂದು ಹಣಕಾಸು ವರ್ಷದಲ್ಲಿ ಲಭಿಸುವ ₹1.25 ಲಕ್ಷದವರೆಗಿನ ಲಾಭಕ್ಕೆ ತೆರಿಗೆ ವಿನಾಯಿತಿಯಿದ್ದು, ಅದಕ್ಕಿಂತ ಹೆಚ್ಚಿನ ಲಾಭಕ್ಕೆ ಈ ತೆರಿಗೆ ಅನ್ವಯಿಸುತ್ತದೆ. ಆದರೆ, ಪಟ್ಟಿಮಾಡದ (Unlisted) ಷೇರುಗಳ ಮಾರಾಟಕ್ಕೆ ಇಂತಹ ಯಾವುದೇ ವಿನಾಯಿತಿ ಮಿತಿ ಇರುವುದಿಲ್ಲ.

"ಎಲ್‌ಟಿಸಿಜಿ ತೆರಿಗೆಯ ಪುನರ್‌ರಚನೆಯ ನಿರ್ಧಾರವು ಶೀಘ್ರದಲ್ಲೇ ಹೊರಬೀಳುವ ನಿರೀಕ್ಷೆಯಿದೆ. ಪ್ರಮುಖ ಜಾಗತಿಕ ಆರ್ಥಿಕತೆಗಳಲ್ಲಿ ಜಾರಿಯಲ್ಲಿರುವ ತೆರಿಗೆ ದರಗಳಿಗೆ ಹೋಲಿಸಿ ಭಾರತ ಸರ್ಕಾರವು ಪ್ರಸ್ತುತ ತೆರಿಗೆ ದರವನ್ನು ತೀವ್ರ ಪರಿಶೀಲನೆಗೆ ಒಳಪಡಿಸುತ್ತಿದೆ" ಎಂದು ಹೆಸರು ಹೇಳಲಿಚ್ಛಿಸದ ಅಧಿಕಾರಿಯೊಬ್ಬರು ಸ್ಪಷ್ಟಪಡಿಸಿದ್ದಾರೆ. ಇಂಡೆಕ್ಸೇಷನ್ ಎಂಬುದು ಹಣದುಬ್ಬರಕ್ಕೆ (Inflation) ತಕ್ಕಂತೆ ಆಸ್ತಿಯ ಖರೀದಿ ಬೆಲೆಯನ್ನು ಹೊಂದಾಣಿಕೆ ಮಾಡುವ ತೆರಿಗೆ ವ್ಯವಸ್ಥೆಯಾಗಿದ್ದು, ಇದು ಆಸ್ತಿಯ ಮೇಲಿನ ಒಟ್ಟು ತೆರಿಗೆಯನ್ನು ಕಡಿಮೆ ಮಾಡುತ್ತದೆ.

ಹಣಕಾಸು ಸಚಿವಾಲಯ, ಸೆಬಿ ಮತ್ತು ಪ್ರಮುಖ ರಂಗಗಳ ಜೊತೆ ಸರಣಿ ಸಭೆಗಳು

ಹಾಲಿ ಇರುವ ಎಲ್‌ಟಿಸಿಜಿ ತೆರಿಗೆ ಹಾಗೂ ಇದರಿಂದ ಭಾರತೀಯ ಮಾರುಕಟ್ಟೆಯಿಂದ ವಿದೇಶಿ ಬಂಡವಾಳ ಹೊರಹೋಗುತ್ತಿರುವ (Capital Outflows) ಪರಿಣಾಮದ ಕುರಿತು ಕೇಂದ್ರ ಸರ್ಕಾರವು ಉದ್ಯಮ ವಲಯ, ಭಾರತೀಯ ಸೆಕ್ಯೂರಿಟೀಸ್ ಮತ್ತು ಎಕ್ಸ್‌ಚೇಂಜ್ ಮಂಡಳಿ (SEBI), ಕೇಂದ್ರೀಯ ನೇರ ತೆರಿಗೆಗಳ ಮಂಡಳಿ (CBDT), ವಿವಿಧ ಬ್ಯಾಂಕ್‌ಗಳು ಹಾಗೂ ಪ್ರಮುಖ ಮಾರುಕಟ್ಟೆ ಪಾಲುದಾರರೊಂದಿಗೆ ಸರಣಿ ಮಾತುಕತೆಗಳನ್ನು ನಡೆಸಿದೆ.

ಸೆಂಟ್ರಲ್ ಡೆಪಾಸಿಟರಿ ಸರ್ವಿಸಸ್ ಲಿಮಿಟೆಡ್ (CDSL) ನೀಡಿರುವ ಅಧಿಕೃತ ದತ್ತಾಂಶದ ಪ್ರಕಾರ, 2026 ರ ಪ್ರಸ್ತುತ ಅವಧಿಯಲ್ಲಿ ವಿದೇಶಿ ಪೋರ್ಟ್‌ಫೋಲಿಯೊ ಹೂಡಿಕೆದಾರರು (FPI) ಭಾರತೀಯ ಷೇರು ಮಾರುಕಟ್ಟೆಯಿಂದ ಬರೋಬ್ಬರಿ ₹3.1 ಲಕ್ಷ ಕೋಟಿಯನ್ನು ಹಿಂತೆಗೆದುಕೊಂಡಿದ್ದಾರೆ (Outflows). ಇದು 2025 ರ ಇಡೀ ವರ್ಷದಲ್ಲಿ ಹಿಂತೆಗೆದುಕೊಳ್ಳಲಾದ ₹1.7 ಲಕ್ಷ ಕೋಟಿಗೆ ಹೋಲಿಸಿದರೆ ಭಾರಿ ಪ್ರಮಾಣದ ಏರಿಕೆಯಾಗಿದೆ.

"ಭಾರತೀಯ ಷೇರುಗಳ ಜಾಗತಿಕ ಸ್ಪರ್ಧಾತ್ಮಕತೆಯನ್ನು ಹೆಚ್ಚಿಸಲು ಹಾಗೂ ವಿದೇಶಿ ಹೂಡಿಕೆದಾರರನ್ನು ಮತ್ತೆ ಆಕರ್ಷಿಸಲು ಪ್ರಸ್ತುತ ಇರುವ ತೆರಿಗೆ ವ್ಯವಸ್ಥೆಯನ್ನು ಪರಿಶೀಲಿಸುವುದು ಅತ್ಯಗತ್ಯ ಎಂಬ ಅರಿವು ಸರ್ಕಾರಕ್ಕಿದೆ. ಎಲ್‌ಟಿಸಿಜಿ ತೆರಿಗೆ ವಿನಾಯಿತಿ ಹಾಗೂ ಇತರೆ ಪರಿಷ್ಕರಣೆಯ ಪ್ರಸ್ತಾವನೆಗಳನ್ನು ಸರ್ಕಾರ ಕೂಲಂಕಷವಾಗಿ ಪರಿಶೀಲಿಸುತ್ತಿದೆ" ಎಂದು ಈ ಮಾತುಕತೆಗಳಲ್ಲಿ ಭಾಗವಹಿಸಿದ್ದ ಹಿರಿಯ ಬ್ಯಾಂಕಿಂಗ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಇತರೆ ದೇಶಗಳಲ್ಲಿ ತೆರಿಗೆ ಎಷ್ಟಿದೆ?

ವಿದೇಶಿ ಹೂಡಿಕೆದಾರರಿಗೆ ಇಕ್ವಿಟಿ ಎಲ್‌ಟಿಸಿಜಿ ಮೇಲಿನ ತೆರಿಗೆಯು ಅಮೆರಿಕ (ಕೆಲವು ಷರತ್ತುಗೊಳಪಟ್ಟು), ಬ್ರಿಟನ್ (UK), ಸಿಂಗಾಪುರ, ಹಾಂಗ್ ಕಾಂಗ್, ಯುಎಇ (UAE), ಜಪಾನ್ ಮತ್ತು ಕೆನಡಾ ದೇಶಗಳಲ್ಲಿ ಸಂಪೂರ್ಣ ಉಚಿತವಾಗಿದೆ (Nil Tax). ಇನ್ನು ಚೀನಾದಲ್ಲಿ ಕೆಲವು ಷೇರುಗಳಿಗೆ ತೆರಿಗೆ ವಿನಾಯಿತಿಯಿದ್ದು, ಇನ್ನುಳಿದವುಗಳಿಗೆ ಶೇಕಡಾ 10 ರಷ್ಟು ತೆರಿಗೆ ದರವಿದೆ.

ಇದಕ್ಕೂ ಮುನ್ನ ಕಳೆದ ಅಕ್ಟೋಬರ್ 13 ರಂದು ಮಾತನಾಡಿದ್ದ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು, ಎಲ್‌ಟಿಸಿಜಿ ತೆರಿಗೆಯನ್ನು ಸಂಪೂರ್ಣವಾಗಿ ರದ್ದುಗೊಳಿಸುವ ಅಥವಾ ಪರಿಷ್ಕರಿಸುವ ಕುರಿತು ಸಾರ್ವಜನಿಕರು ಹಾಗೂ ಉದ್ಯಮ ವಲಯದ ಅಭಿಪ್ರಾಯಗಳನ್ನು ಆಲಿಸಲು ಸರ್ಕಾರ ಮುಕ್ತವಾಗಿದೆ ಎಂದು ಹೇಳಿದ್ದರು.

'ಡಾಲರ್ ಮೌಲ್ಯದಲ್ಲಿ ತೆರಿಗೆ ಲೆಕ್ಕಹಾಕಿ': ಹೊಸ ಸೂತ್ರದ ಚರ್ಚೆ!

ಹೂಡಿಕೆದಾರರ ಪ್ರಮುಖ ಪ್ರಸ್ತಾವನೆಗಳ ಪ್ರಕಾರ, ವಿದೇಶಿ ಹೂಡಿಕೆದಾರರು ಪಾವತಿಸುವ ಎಲ್‌ಟಿಸಿಜಿ ತೆರಿಗೆಯನ್ನು ರೂಪಾಯಿ ಬದಲಿಗೆ 'ಡಾಲರ್ ಮೌಲ್ಯದಲ್ಲಿ' (Dollar Terms) ಗಳಿಸಿದ ಲಾಭದ ಆಧಾರದ ಮೇಲೆ ಲೆಕ್ಕಹಾಕಬೇಕೇ ಎನ್ನುವುದನ್ನೂ ಸರ್ಕಾರ ಪರಿಶೀಲಿಸುತ್ತಿದೆ. ಪ್ರಸ್ತುತ ಬಂಡವಾಳ ಲಾಭವನ್ನು ಭಾರತೀಯ ರೂಪಾಯಿ ಮೌಲ್ಯದಲ್ಲಿ ಲೆಕ್ಕ ಹಾಕಲಾಗುತ್ತಿದೆ.

ಈ ಕುರಿತು ಈ ಹಿಂದೆ ಮನಿ-ಕಂಟ್ರೋಲ್ ಜೊತೆ ಮಾತನಾಡಿದ್ದ ಟ್ರೈಫೆಕ್ಟಾ ಕ್ಯಾಪಿಟಲ್ (Trifecta Capital) ಸಹ-ಸಂಸ್ಥಾಪಕ ರಾಹುಲ್ ಖನ್ನಾ, "ವಿದೇಶಿ ಹೂಡಿಕೆದಾರರ ಮೇಲಿನ ತೆರಿಗೆ ಪದ್ಧತಿಯನ್ನು ಭಾರತ ಮರುಪರಿಶೀಲಿಸಬೇಕಿದೆ. ಏಕೆಂದರೆ, ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿದಾಗ (Rupee Depreciation), ವಿದೇಶಿ ಹೂಡಿಕೆದಾರರು ಡಾಲರ್ ಲೆಕ್ಕಾಚಾರದಲ್ಲಿ ಗಳಿಸುವ ನೈಜ ಲಾಭದ ಪ್ರಮಾಣ ತೀವ್ರವಾಗಿ ಕಡಿಮೆಯಾಗುತ್ತದೆ" ಎಂದು ವಿವರಿಸಿದ್ದರು.

"ಉದಾಹರಣೆಗೆ, ವಿದೇಶಿ ಹೂಡಿಕೆದಾರರು ಡಾಲರ್‌ಗೆ ₹90 ಇರುವಾಗ ಭಾರತದಲ್ಲಿ ಹೂಡಿಕೆ ಮಾಡಿ, ಹಣ ಹಿಂತೆಗೆದುಕೊಳ್ಳುವಾಗ ಡಾಲರ್ ದರ ₹100 ಕ್ಕೆ ಏರಿದರೆ, ಅವರ ನಿಜವಾದ ಡಾಲರ್ ರಿಟರ್ನ್ ಅತ್ಯಂತ ಕಡಿಮೆಯಿರುತ್ತದೆ. ಮಾರುಕಟ್ಟೆಯಲ್ಲಿ ಕರೆನ್ಸಿ ಹೆಡ್ಜಿಂಗ್ (Currency Hedging) ವೆಚ್ಚ ಅತ್ಯಂತ ಹೆಚ್ಚಿರುವುದರಿಂದ ಹೆಚ್ಚಿನ ವಿದೇಶಿ ಹೂಡಿಕೆದಾರರು ಹೆಡ್ಜಿಂಗ್ ಮಾಡುವುದಿಲ್ಲ. ಪರಿಣಾಮವಾಗಿ ರೂಪಾಯಿ ಲೆಕ್ಕದಲ್ಲಿ ಅವರಿಗೆ ಲಾಭ ಕಾಣಿಸಿದರೂ, ಡಾಲರ್ ಲೆಕ್ಕದಲ್ಲಿ ನೈಜ ಗಳಿಕೆ ಶೂನ್ಯವಾಗಿರುತ್ತದೆ. ಹೀಗಾಗಿ ವಿದೇಶಿ ಕರೆನ್ಸಿಯ ನೈಜ ಮೌಲ್ಯಕ್ಕೆ ತಕ್ಕಂತೆ ತೆರಿಗೆ ವಿಧಿಸುವುದು ನ್ಯಾಯಯುತವಾಗಿರುತ್ತದೆ" ಎಂದು ಅವರು ಅಭಿಪ್ರಾಯಪಟ್ಟಿದ್ದರು.

ಹೆಸರು 'ಕಾಶಿ', ಮೆನ್ಯೂನಲ್ಲಿ ಬೀಫ್, ಗೋಡೆ ಮೇಲೆ ಜಿನ್ನಾ ಫೋಟೋ: ಕೇರಳದ ಕೆಫೆ ಸುತ್ತ ಭುಗಿಲೆದ್ದ ಭಾರಿ ರಾಜಕೀಯ ದಂಗಲ್!

Santosh Naik — Mon, 26 Oct 2026 22:07:00 +0530

ಕೊಚ್ಚಿ (ಅ.26): ಕೇರಳದ ಸೌಂದರ್ಯ ನಗರಿ ಕೊಚ್ಚಿಯಲ್ಲಿರುವ ಸುಮಾರು ಮೂರು ದಶಕಗಳಷ್ಟು ಹಳೆಯ ಇತಿಹಾಸ ಹೊಂದಿರುವ ಪ್ರಸಿದ್ಧ 'ಕಾಶಿ ಆರ್ಟ್ ಕೆಫೆ'ಯ ಹೆಸರು, ಅದರ ಆಹಾರ ಮೆನ್ಯೂ ಹಾಗೂ ಅಲ್ಲಿನ ಗೋಡೆಯ ಮೇಲಿರುವ ಕಲಾಕೃತಿಯೊಂದು ದಿಢೀರನೇ ಭಾರಿ ರಾಜಕೀಯ ಸಂಘರ್ಷಕ್ಕೆ ಕಾರಣವಾಗಿದೆ. ಹಿಂದುಗಳ ಪವಿತ್ರ ನಗರಿ 'ಕಾಶಿ'ಯ ಹೆಸರಿನಲ್ಲಿದ್ದ ಕೆಫೆಯಲ್ಲಿ ಬೀಫ್ ಆಹಾರ ನೀಡಲಾಗುತ್ತಿದೆ ಹಾಗೂ ಅಲ್ಲಿ ಮೊಹಮ್ಮದ್ ಅಲಿ ಜಿನ್ನಾ ಅವರ ಚಿತ್ರವನ್ನು ಗೋಡೆಗೆ ಹಾಕಲಾಗಿದೆ ಎಂದು ಆರೋಪಿಸಿ ಉತ್ತರ ಪ್ರದೇಶ ಮೂಲದ ಅಮೃತ್ ಸಿಂಗ್ ಡ್ಯಾರೆನ್ ಎಂಬ ವ್ಲಾಗರ್ ವಿಡಿಯೋ ಹಂಚಿಕೊಂಡ ನಂತರ ಈ ವಿವಾದ ರಾಜಕೀಯ ಬಣ್ಣ ಪಡೆದುಕೊಂಡಿದೆ.

ಉತ್ತರ ಪ್ರದೇಶದ ವ್ಲಾಗರ್ ಅಮೃತ್ ಸಿಂಗ್ ಡ್ಯಾರೆನ್ ಫೋರ್ಟ್ ಕೊಚ್ಚಿಯಲ್ಲಿರುವ ಈ ಕೆಫೆಯ ಒಳಗಿನ ದೃಶ್ಯಗಳನ್ನು ವಿಡಿಯೋ ಮಾಡಿ, ಇದನ್ನು ಕೇರಳಕ್ಕೆ ಆವರಿಸಿರುವ 'ಮುಸ್ಲಿಂ ಭೀತಿಯ ಸಂಕೇತ' ಎಂದು ಬಿಂಬಿಸಲು ಯತ್ನಿಸಿದ್ದು, ಆಡಳಿತಾರೂಢ ಕಾಂಗ್ರೆಸ್ (UDF) ಹಾಗೂ ವಿರೋಧ ಪಕ್ಷದ ಸಿಪಿಐ(ಎಂ) ನಾಯಕರು ರಾಜ್ಯದ ಜಾತ್ಯತೀತ ಪರಂಪರೆ ಹಾಗೂ ಕೋಮು ಸೌಹಾರ್ದತೆಯ ಪರವಾಗಿ ಒಂದಾಗಿ ಧ್ವನಿ ಎತ್ತಿದ್ದಾರೆ.

ಇನ್ನೊಂದೆಡೆ ಬಿಜೆಪಿ ನಾಯಕ ರಾಜೀವ್ ಚಂದ್ರಶೇಖರ್, ಕೇರಳದಲ್ಲಿ ಏನು ಮಾಡಬೇಕು ಎಂಬುದನ್ನು ಮಲಯಾಳಿಗಳೇ ತೀರ್ಮಾನಿಸುತ್ತಾರೆ ಎಂದು ಹೇಳುತ್ತಲೇ, ಭಾರತ ವಿರೋಧಿ ಹೇಳಿಕೆ ನೀಡುವವರ ವಿರುದ್ಧ ಕ್ರಮ ಕೈಗೊಳ್ಳಲು ಹಿಂಜರಿಯುತ್ತಿರುವ ಆಡಳಿತಾರೂಢ ಕಾಂಗ್ರೆಸ್ ವಿರುದ್ಧ ಕಿಡಿಕಾರಿದ್ದಾರೆ.

ವ್ಲಾಗರ್ ವಿರುದ್ಧ ಎಫ್‌ಐಆರ್ ದಾಖಲು

ತಮ್ಮ ಇನ್‌ಸ್ಟಾಗ್ರಾಮ್ ಪುಟದಲ್ಲಿ ಫೋರ್ಟ್ ಕೊಚ್ಚಿಯ ಕಾಶಿ ಆರ್ಟ್ ಕೆಫೆಯ ವಿಡಿಯೋ ಅಪ್‌ಲೋಡ್ ಮಾಡಿದ್ದ ಅಮೃತ್ ಸಿಂಗ್ ಡ್ಯಾರೆನ್ ವಿರುದ್ಧ ಫೋರ್ಟ್ ಕೊಚ್ಚಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಕೆಫೆಯೊಳಗೆ ಮಹಾತ್ಮ ಗಾಂಧಿ ಹಾಗೂ ಪಾಕಿಸ್ತಾನದ ಸಂಸ್ಥಾಪಕ ಮೊಹಮ್ಮದ್ ಅಲಿ ಜಿನ್ನಾ ಅವರ ಕಲಾಕೃತಿಯನ್ನು (Artwork) ಪ್ರದರ್ಶಿಸಿರುವುದನ್ನು ಪ್ರಶ್ನಿಸಿದ್ದ ವ್ಲಾಗರ್, ಇದು ದೇಶದ ಗೌರವಕ್ಕೆ ಬಗೆದ ಅಪಮಾನ ಎಂದು ಆರೋಪಿಸಿದ್ದರು.

ಅಲ್ಲದೆ, ಹಿಂದೂಗಳ ಪವಿತ್ರ ನಗರ 'ಕಾಶಿ' ಹೆಸರಿನ ಕೆಫೆಯಲ್ಲಿ ಬೀಫ್ ಖಾದ್ಯಗಳನ್ನು (Beef Dishes) ಪೂರೈಸುವುದನ್ನು ತೀವ್ರವಾಗಿ ವಿರೋಧಿಸಿದ್ದ ಅವರು, ಕೆಫೆಯ ಹೆಸರನ್ನು ತಕ್ಷಣವೇ ಬದಲಾಯಿಸಬೇಕೆಂದು ಆಗ್ರಹಿಸಿದ್ದರು. ಸೋಶಿಯಲ್‌ ಮೀಡಿಯಾ ಮೂಲಕ ಸಾರ್ವಜನಿಕರಿಗೆ ಕಿರುಕುಳ ನೀಡುವುದು, ಸುಳ್ಳು ಹಾಗೂ ಭಯಾನಕ ಮಾಹಿತಿಯನ್ನು ಹರಡುವುದು ಮತ್ತು ಸಮಾಜದಲ್ಲಿ ದಂಗೆಗೆ ಪ್ರಚೋದನೆ ನೀಡಿದ ಆರೋಪದಡಿ ಶನಿವಾರ ಅವರ ವಿರುದ್ಧ ಭಾರತೀಯ ನ್ಯಾಯ ಸಂಹಿತೆಯ (BNS) ಸೆಕ್ಷನ್ 353 (2) ಹಾಗೂ 192 ರ ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಲಾಗಿದೆ. ಆದರೆ ಪೊಲೀಸರು ಈವರೆಗೆ ಡ್ಯಾರೆನ್ ಅವರನ್ನು ಬಂಧಿಸಿಲ್ಲ.

ಕೋಮು ಸೌಹಾರ್ದ ಕದಡಲು ಬಿಡಲ್ಲ - ಸಿಎಂ ವಿ.ಡಿ. ಸತೀಶನ್ ಮತ್ತು ಪಿಣರಾಯಿ ವಿಜಯನ್ ಆಕ್ರೋಶ

ಈ ವಿವಾದದ ಕುರಿತು ಪ್ರತಿಕ್ರಿಯಿಸಿರುವ ಮುಖ್ಯಮಂತ್ರಿ ವಿಡಿ ಸತೀಶನ್, "ಕಾನೂನು ತನ್ನದೇ ಆದ ಹಾದಿಯಲ್ಲಿ ಕೆಲಸ ಮಾಡಲಿದೆ. ಇತ್ತೀಚಿನ ಇನ್‌ಸ್ಟಾಗ್ರಾಮ್ ವಿಡಿಯೋ ಫೋರ್ಟ್ ಕೊಚ್ಚಿಯ ಬಗ್ಗೆ ತಪ್ಪು ಮಾಹಿತಿ ಹರಡಲು ಯತ್ನಿಸುತ್ತಿದ್ದು, ನಮ್ಮ ರಾಜ್ಯವನ್ನು ಋಣಾತ್ಮಕವಾಗಿ ಬಿಂಬಿಸಿ ಸಮುದಾಯಗಳನ್ನು ವಿಭಜಿಸಲು ಯತ್ನಿಸುತ್ತಿದೆ. ಇದನ್ನು ಸಹಿಸಲು ಸಾಧ್ಯವಿಲ್ಲ. ನಮ್ಮ ಸರ್ಕಾರ ಯಾವುದೇ ಭಯ ಅಥವಾ ಪಕ್ಷಪಾತವಿಲ್ಲದೆ ಕೋಮು ಸೌಹಾರ್ದತೆಗೆ ಬದ್ಧವಾಗಿದೆ. ದ್ವೇಷಕ್ಕೆ ಇಲ್ಲಿ ಜಾಗವಿಲ್ಲ" ಎಂದು ಎಕ್ಸ್‌ನಲ್ಲಿ ಬರೆದುಕೊಂಡಿದ್ದಾರೆ.

ಮಾಜಿ ಮುಖ್ಯಮಂತ್ರಿ ಹಾಗೂ ಸಿಪಿಐ(ಎಂ) ನಾಯಕ ಪಿಣರಾಯಿ ವಿಜಯನ್ ಮಾತನಾಡಿ, "ಸ್ವಂತ ಲಾಭಕ್ಕಾಗಿ ದ್ವೇಷ ಹರಡುತ್ತಿರುವ ವ್ಲಾಗರ್ ಒಬ್ಬ ಇಂತಹ ಪ್ರಸಿದ್ಧ ಪ್ರವಾಸಿ ತಾಣಗಳಿಗೆ ಕೋಮು ಬಣ್ಣ ಬಳಿಯಲು ಯತ್ನಿಸುತ್ತಿದ್ದಾನೆ. ಕೇರಳವನ್ನು ವಿಭಜಿಸುವಲ್ಲಿ ವಿಫಲವಾದ ನಂತರ ಸಂಘ ಪರಿವಾರವು ತನ್ನ ದ್ವೇಷದ ಪ್ರಚಾರವನ್ನು ಆನ್‌ಲೈನ್ ಗೂಂಡಾಗಳಿಗೆ ಔಟ್‌ಸೋರ್ಸ್ ಮಾಡುತ್ತಿದೆ. ಆದರೆ ಕೇರಳದ ಜಾತ್ಯತೀತ ಭಾವನೆ ಇಂತಹ ದ್ವೇಷದ ರಾಜಕಾರಣಕ್ಕೆ ಎಂದಿಗೂ ತಲೆಬಾಗುವುದಿಲ್ಲ. ಸರ್ಕಾರ ಈ ಕುರಿತು ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕು" ಎಂದು ಆಗ್ರಹಿಸಿದ್ದಾರೆ.

ಮಲಯಾಳಿಗಳೇ ತಮ್ಮ ಭವಿಷ್ಯ ನಿರ್ಧರಿಸಲಿದ್ದಾರೆ - ರಾಜೀವ್ ಚಂದ್ರಶೇಖರ್

ಭಾರತೀಯ ಜನತಾ ಪಾರ್ಟಿಯ ನಾಯಕ ರಾಜೀವ್ ಚಂದ್ರಶೇಖರ್ ಅವರು ಎಕ್ಸ್ (ಟ್ವಿಟರ್) ಖಾತೆಯಲ್ಲಿ ಬರೆದುಕೊಂಡು, "ಕೇರಳದಲ್ಲಿ ಏನು ಮಾಡಬೇಕು, ಏನನ್ನು ತಿನ್ನಬೇಕು, ಏನು ಮಾತನಾಡಬೇಕು, ಏನನ್ನು ಹಾಡಬೇಕು ಹಾಗೂ ಏನನ್ನು ಆಚರಿಸಬೇಕು ಎಂಬುದನ್ನು ಮಲಯಾಳಿಗಳೇ ತೀರ್ಮಾನಿಸುತ್ತಾರೆ. ಹಿಂದೂ ಮಲಯಾಳಿ, ಕ್ರಿಶ್ಚಿಯನ್ ಮಲಯಾಳಿ ಅಥವಾ ಮುಸ್ಲಿಂ ಮಲಯಾಳಿ; ನಾವೆಲ್ಲರೂ ಒಂದಾಗಿ ನಮ್ಮ ಭವಿಷ್ಯವನ್ನು ಕಟ್ಟಿಕೊಳ್ಳುತ್ತೇವೆ" ಎಂದಿದ್ದಾರೆ.

ಸಿಎಂ ವಿರುದ್ಧ ವಾಗ್ದಾಳಿ ನಡೆಸಿದ ಅವರು, "ಪಿಎಫ್‌ಐ (PFI) ಅಥವಾ ಒಂದು ನಿರ್ದಿಷ್ಟ ಸಮುದಾಯದ ವಿರುದ್ಧ ಹೇಳಿಕೆ ಬಂದಾಗ ಮಾತ್ರ ಪ್ರತಿಕ್ರಿಯಿಸಿದರೆ ಸಾಲದು. ಹಿಂದುಗಳು ಮತ್ತು ದೇಶಭಕ್ತರ ವಿರುದ್ಧ ಭಾರತ ವಿರೋಧಿ ಹೇಳಿಕೆಗಳು ಬಂದಾಗ ಹಾಗೂ ಹಮಾಸ್ ಬೆಂಬಲಿತ ಸಂಘಟನೆಗಳಿಗೆ ರಾಜ್ಯದಲ್ಲಿ ಮುಕ್ತ ಅವಕಾಶ ನೀಡಿದಾಗಲೂ ಮುಖ್ಯಮಂತ್ರಿಗಳು ದ್ವಂದ್ವ ನಿಲುವು ತೋರದೆ ತಕ್ಕ ಉತ್ತರ ನೀಡಬೇಕು" ಎಂದು ಸವಾಲೆಸೆದಿದ್ದಾರೆ.

ಏನಿದು 'ಕಾಶಿ ಆರ್ಟ್ ಕೆಫೆ'?

ಫೋರ್ಟ್ ಕೊಚ್ಚಿಯ ಬರ್ಗರ್ ಸ್ಟ್ರೀಟ್‌ನಲ್ಲಿರುವ ಹಳೆಯ ಡಚ್ ಶೈಲಿಯ ವಿಶಾಲವಾದ ಮನೆಯಲ್ಲಿ 1997 ಈ 'ಕಾಶಿ ಆರ್ಟ್ ಕೆಫೆ ಮತ್ತು ಗ್ಯಾಲರಿ' ಆರಂಭವಾಯಿತು. ಅನೂಪ್ ಸ್ಕಾರಿಯಾ ಮತ್ತು ಡೋರಿ ಯಂಗರ್ ಎನ್ನುವವರು ಈ ಗ್ಯಾಲರಿಯನ್ನು ಸಾಗಿಸಿಕೊಂಡು ಬಂದಿದ್ದು, 2012 ರ ಪ್ರಸಿದ್ಧ 'ಕೊಚ್ಚಿ-ಮುಜಿರಿಸ್ ಬಿನಾಲೆ'ಯ (Kochi-Muziris Biennale) ಪ್ರಮುಖ ಪ್ರದರ್ಶನ ತಾಣಗಳಲ್ಲಿ ಇದೂ ಒಂದಾಗಿತ್ತು. ಪ್ರಸ್ತುತ ಎಡ್ಗರ್ ಪಿಂಟೋ ಎಂಬುವವರು ಈ ಕೆಫೆಯ ಮಾಲೀಕರಾಗಿದ್ದಾರೆ.

ಇನ್ನು ಪ್ರಸ್ತುತ ವಿವಾದಕ್ಕೆ ಕಾರಣವಾಗಿರುವ ಗಾಂಧಿ-ಜಿನ್ನಾ ಕಲಾಕೃತಿಯು ಪ್ರಖ್ಯಾತ ಕಲಾವಿದ ರಿಯಾಸ್ ಕೊಮು ಎನ್ನುವವರು ಹಲವು ವರ್ಷಗಳ ಹಿಂದೆ ರಚಿಸಿದ ಅತ್ಯಂತ ಪ್ರಸಿದ್ಧ ಕಲಾಕೃತಿಯಾಗಿದೆ (Art Piece). ಇದು ಇಬ್ಬರೂ ಐತಿಹಾಸಿಕ ನಾಯಕರ ಜೀವನ ಮತ್ತು ಭಾರತ-ಪಾಕಿಸ್ತಾನ ವಿಭಜನೆಯ ಕಥೆಯನ್ನು ಕಲಾತ್ಮಕವಾಗಿ ಬಿಂಬಿಸುತ್ತದೆ.

kerala kochi kashi art cafe beef menu jinnah painting controversy san

ಒಂದು ಅಡಿ ಜಾಗಕ್ಕಾಗಿ 1781 ರಿಂದ ವಿವಾದ, ಕೋರ್ಟ್ ನೆನಪಿಸಿದ 'ಪುರಾತನ ಕತೆ' ಕೇಳಿ 240 ವರ್ಷಗಳ ಹಗೆತನ ಮರೆತ 2 ಕುಟುಂಬಗಳು

Ganesh Mabla Gowda — Mon, 26 Oct 2026 21:56:29 +0530

ಅದು ಕೆಲವೇ ಅಡಿ ಜಾಗ ಅಷ್ಟೇ. ಆ ಜಾಗಕ್ಕಾಗಿ ಎರಡು ಕುಟುಂಬಗಳ ಮಧ್ಯೆ ಬರೋಬ್ಬರಿ 240 ವರ್ಷಗಳಿಂದ ಕಿತ್ತಡಿಕೊಂಡಿದ್ದವು. ತಲೆಮಾರುಗಳು ಉರುಳಿದವು, ಸರ್ಕಾರಗಳು ಬದಲಾದವು. ಆದರೂ ಜಾಗದ ಮೇಲಿನ ವ್ಯಾಮೋಹ ಮತ್ತು ದ್ವೇಷ ಮಾತ್ರ ಹಾಗೇ ಉಳಿದುಕೊಂಡಿತ್ತು. ಇತ್ತೀಚೆಗೆ ಕೋರ್ಟ್, ಒಂದು ಪುರಾತನ ಕಥೆ ಮತ್ತು ಐತಿಹಾಸಿಕ ಪಾಠ ನೆನಪಿಸುವ ಮೂಲಕ 1781ರಿಂದ ಬಗೆಹರಿಯದ ಪ್ರಕರಣವನ್ನ ಇತ್ಯರ್ಥ ಮಾಡಿದೆ!

ಏನಿದು ವಿಚಿತ್ರ ಘಟನೆ?

ಈ ಸ್ವಾರಸ್ಯಕರ ಘಟನೆ ನಡೆದಿರೋದು ಚೀನಾದ ಶಾಂಕ್ಸಿ ಪ್ರಾಂತ್ಯದ ಕ್ಸಿಯಾನ್ ನಗರದ ಯಾಂತಾ ಜಿಲ್ಲೆಯಲ್ಲಿ. ಇಲ್ಲಿನ ಡೂ ಮತ್ತು ಝಾಂಗ್ ಕುಟುಂಬಗಳ ನಡುವೆ ಗಡಿ ವಿವಾದ ಇತ್ತು. ಇತ್ತೀಚೆಗೆ ಡೂ ಕುಟುಂಬ ಮನೆಯ ಅಡುಗೆ ಕೋಣೆ ನವೀಕರಿಸಲು ಮುಂದಾಗಿತ್ತು. ಇದಕ್ಕೆ ಝಾಂಗ್ ಕುಟುಂಬ ತೀವ್ರ ವಿರೋಧ ವ್ಯಕ್ತಪಡಿಸಿತ್ತು. ಅಲ್ಲಿ ಎತ್ತರದ ಗೋಡೆ ಕಟ್ಟಿದರೆ ನಮ್ಮ ಮನೆಗೆ ಗಾಳಿ-ಬೆಳಕು ಬರುವುದಿಲ್ಲ. ಒಳಚರಂಡಿ ನೀರು ಹರಿಯಲು ಜಾಗ ಸಿಗೋದಿಲ್ಲ ಎಂದು ತಕರಾರು ತೆಗೆದಿತ್ತು.

ಈ ಗಲಾಟೆ ವಿಕೋಪಕ್ಕೆ ತಿರುಗಿ ಹೊಡೆದಾಟ ಆಗಿತ್ತು. ನಿತ್ಯವೂ ಬೈಗುಳ, ಕೈಕೈ ಮಿಲಾಯಿಸುವ ಹಂತ ತಲುಪಿತ್ತು. ಪೊಲೀಸರು ಹಾಗೂ ಗ್ರಾಮ ಸಮಿತಿ ಅನೇಕ ಬಾರಿ ಎರಡು ಕುಟುಂಬವನ್ನ ಸೇರಿಸಿ ಪಂಚಾಯ್ತಿ ಮಾಡಿತ್ತು. ಆದರೆ ಯಾವುದೇ ಪ್ರಯೋಜನ ಆಗಿರಲಿಲ್ಲ. ನಂತರ ಈ ಕಿತ್ತಾಟ ಕೋರ್ಟ್‌ ಮೆಟ್ಟಿಲೇರಿತು.

1781ರ ಹಳೆಯ ಪತ್ರ.. ತಲೆಮಾರುಗಳ ದ್ವೇಷ..

ವಿಚಾರಣೆ ಆರಂಭಿಸಿದ ಕೋರ್ಟ್‌ಗೆ ದಂಗಾಗಿಸುವ ವಿಚಾರವೊಂದು ಬೆಳಕಿಗೆ ಬಂತು. ಇದು ಕೇವಲ ಇವತ್ತಿನ ಗೋಡೆಯ ಜಗಳ ಅಲ್ಲ. ಬರೋಬ್ಬರಿ 1781ರಿಂದ ಶುರುವಾಗಿರುವ ಜಗಳ. ಕ್ವಿಂಗ್ ರಾಜವಂಶದ ಆಳ್ವಿಕೆಯ ಕಾಲದಲ್ಲಿ ಮಾಡಿಕೊಂಡಿದ್ದ ಆಸ್ತಿ ಪತ್ರದ ಪ್ರಕಾರ.. ಅಂದಿನಿಂದಲೂ ಈ ಎರಡೂ ಮನೆತನಗಳು ಕೆಲವೇ ಅಡಿ ಜಾಗಕ್ಕಾಗಿ ಕಾದಾಡುತ್ತಿದ್ದವು! 1949ರಲ್ಲಿ ಚೀನಾದಲ್ಲಿ ಗಣರಾಜ್ಯ ಉದಯವಾದರೂ ಈ ಎರಡು ಕುಟುಂಬದ ಮಧ್ಯೆ ರಕ್ತಸಿಕ್ತ ಕಾಳಗ ನಡೆದಿದ್ದವು. ಅಂದರೆ ಬರೋಬ್ಬರಿ ಏಳೆಂಟು ತಲೆಮಾರುಗಳಿಂದ ಈ ಹಗೆತನ ಮುಂದುವರಿದುಕೊಂಡು ಬರುತ್ತಿದೆ ಎಂಬ ವಿಚಾರ ಗೊತ್ತಾಯಿತು.

ಕೋರ್ಟ್‌ನಲ್ಲಿ ಏನಾಯ್ತು?

ಹಿಂದಿನ ಕಾಲದ ಪತ್ರವನ್ನು ನೋಡಿ ಕಾನೂನಿನ ಚೌಕಟ್ಟಿನಲ್ಲಿ ತೀರ್ಪು ನೀಡಿದರೆ.. ಈ ದ್ವೇಷ ಮತ್ತಷ್ಟು ಹೆಚ್ಚಾಗಬಹು ಅನ್ನೋದನ್ನು ನ್ಯಾಯಾಧೀಶರು ಅರಿತುಕೊಂಡರು. ಬದಲಾಗಿ ಇತಿಹಾಸದ ಪ್ರಸಿದ್ಧ ಘಟನೆ ಒಂದನ್ನು ನೆನಪಿಸಿದರು.

ಅದು ಪ್ರಾಚೀನ ಕ್ವಿಂಗ್ ರಾಜವಂಶದ ಪ್ರಸಿದ್ಧ ವಿದ್ವಾಂಸ ಹಾಗೂ ಮಂತ್ರಿ ಝಾಂಗ್ ಯಿಂಗ್ ಕಥೆ. ಒಮ್ಮೆ ಝಾಂಗ್ ಯಿಂಗ್ ಕುಟುಂಬ ನೆರೆಹೊರೆಯವರ ಜೊತೆ ಜಾಗದ ವಿಚಾರವಾಗಿ ಜಗಳವಾಡಿದರು. ಬಳಿಕ ದೂರದಲ್ಲಿದ್ದ ಮಂತ್ರಿ ಝಾಂಗ್‌ಗೆ ಸಹಾಯ ಕೋರಿ ಪತ್ರ ಬರೆದಿದ್ದರು. ಅದಕ್ಕೆ ಮಂತ್ರಿ ಝಾಂಗ್ ಯಿಂಗ್ ಪ್ರತಿಯಾಗಿ ಕವಿತೆ ಬರೆದು ಕಳುಹಿಸಿದ್ದ.

ಕೇವಲ ಒಂದು ಗೋಡೆಗಾಗಿ ಅಷ್ಟೊಂದು ದೂರದಿಂದ ಪತ್ರ ಬರೆಯೋದೇ? ನೆರೆಹೊರೆಯವರಿಗಾಗಿ ಮೂರು ಅಡಿ ಜಾಗ ಬಿಟ್ಟುಕೊಟ್ಟರೆ ಏನು ಮುಳುಗಿ ಹೋಗುತ್ತದೆ? ಇಂದಿಗೂ ಚೀನಾದ ಮಹಾಗೋಡೆ ಹಾಗೇ ಎದ್ದು ನಿಂತಿದೆ. ಆದರೆ ಅಷ್ಟು ದೊಡ್ಡ ಗೋಡೆ ಕಟ್ಟಿಸಿದ ಚಕ್ರವರ್ತಿ ಕಿನ್ ಶಿ ಹುವಾಂಗ್ ಇಂದು ಎಲ್ಲಿ ಹೋದ? ಎಂದು ಮಂತ್ರಿ ಪ್ರಶ್ನಿಸಿದ್ದರು. ತಮ್ಮ ಅಹಂಕಾರವನ್ನು ಬಿಟ್ಟು ಮೂರಡಿ ಜಾಗ ಬಿಟ್ಟುಕೊಡುವಂತೆ ಮಂತ್ರಿ ತಿಳಿಸಿದ್ದ. ಮಂತ್ರಿಯ ಆಜ್ಞೆಯಂತೆ ಆ ಕುಟುಂಬ ಮೂರಡಿ ಜಾಗ ಬಿಟ್ಟಿತು. ಇದನ್ನು ನೋಡಿ ನೆರೆಹೊರೆಯವರೂ ಮೂರಡಿ ಬಿಟ್ಟುಕೊಟ್ಟರು. ಪರಿಣಾಮ.. ಅಲ್ಲಿ ಆರು ಅಡಿ ಅಗಲದ ಸುಂದರ ರಸ್ತೆ ನಿರ್ಮಾಣವಾಗಿತ್ತು. ಅದು ಇಂದಿಗೂ ತ್ಯಾಗ ಮತ್ತು ಸೌಹಾರ್ದತೆಯ ಸಂಕೇತವಾಗಿ ಚೀನಾದಲ್ಲಿ ಪ್ರವಾಸಿ ತಾಣವಾಗಿದೆ ಎಂಬುದನ್ನ ನ್ಯಾಯಾಧೀಶರು ವಿವರಿಸಿದರು.

ದ್ವೇಷ ಮರೆತ ಕುಟುಂಬಗಳು

ನ್ಯಾಯಾಧೀಶರು ವಿವರಿಸಿದ ಈ ಕಥೆಯಿಂದ ಎರಡು ಕುಟುಂಬಗಳು ಮನಸು ಬದಲಿಸಿದವು. ಡೂ ಮತ್ತು ಝಾಂಗ್ ಕುಟುಂಬಗಳ ಕಣ್ಣು ತೆರೆಸಿತು. ಸತ್ತ ಮೇಲೆ ಈ ಮಣ್ಣು ನಮ್ಮ ಜೊತೆ ಬರುವುದಿಲ್ಲ. ಅಡಿ ಜಾಗಕ್ಕಾಗಿ ತಲೆಮಾರುಗಳ ನೆಮ್ಮದಿ ಹಾಳುಮಾಡಿಕೊಂಡೆವಲ್ಲಾ ಎಂಬ ಪಶ್ಚಾತ್ತಾಪ ಮೂಡಿತು. ಕೂಡಲೇ ಅಧಿಕಾರಿಗಳು ಎರಡೂ ಮನೆಗಳ ಜಾಗವನ್ನು ಮರು ಅಳತೆ ಮಾಡಿದರು. ಝಾಂಗ್ ಕುಟುಂಬಕ್ಕೆ ತೊಂದರೆ ಆಗದಂತೆ ಡೂ ಕುಟುಂಬದವರು ತಮ್ಮ ಅಡುಗೆಮನೆಯ ಗೋಡೆಯ ನಕ್ಷೆಯನ್ನು ಬದಲಿಸಿಕೊಂಡರು. ಇತ್ತ ಝಾಂಗ್ ಕುಟುಂಬವೂ ಹಳೆಯ ದ್ವೇಷವನ್ನು ಮರೆತು ಯಾವುದೇ ಅಡ್ಡಿಯಿಲ್ಲದೆ ಒಪ್ಪಿಗೆ ನೀಡಿತು. ಕೇವಲ ಒಂದು ಐತಿಹಾಸಿಕ ಕಥೆಯ ಮೂಲಕ 240 ವರ್ಷಗಳ ಜಿದ್ದಾಜಿದ್ದಿಗೆ ಅಂತ್ಯ ಹಾಡಿತು.

ಸೋಶಿಯಲ್ ಮೀಡಿಯಾದಲ್ಲಿ 21 ಲಕ್ಷ ಫಾಲೋವರ್ಸ್‌, ಚುನಾವಣೆಯಲ್ಲಿ ಪಡೆದಿದ್ದು 33 ಮತಗಳು, ಆ 33 ಮಂದಿ ಯಾರು ಗೊತ್ತೇ?

Ganesh Mabla Gowda — Mon, 26 Oct 2026 21:03:20 +0530

ರಾಜಸ್ಥಾನದ ಪಂಚಾಯತ್ ಚುನಾವಣೆಯ ಮೊದಲ ಹಂತದ ಫಲಿತಾಂಶಗಳು ಪ್ರಕಟ ಆಗುತ್ತಿವೆ. ಅದರಲ್ಲಿ ಒಂದು ಚುನಾವಣೆಯ ಫಲಿತಾಂಶ ಭಾರೀ ಚರ್ಚೆಗೆ ಕಾರಣವಾಗಿದೆ. ಸೋಶಿಯಲ್ ಮೀಡಿಯಾದಲ್ಲಿ ಬರೋಬ್ಬರಿ 21 ಲಕ್ಷ ಫಾಲೋವರ್ಸ್ ಹೊಂದಿರುವ ಈ ವ್ಯಕ್ತಿ, ಚುನಾವಣೆಯಲ್ಲಿ ಗಳಿಸಿದ ಮತ ನೋಡಿ ಆಘಾತಕ್ಕೆ ಒಳಗಾಗಿದ್ದಾನೆ.

ಹೌದು ರಾಜಸ್ಥಾನದ ಫಲೋಡಿಯಿಂದ ಬಂದಿರುವ ಚುನಾವಣಾ ಫಲಿತಾಂಶ ಎಲ್ಲರನ್ನೂ ಹುಬ್ಬೇರುವಂತೆ ಮಾಡಿದೆ. ಹೆಸರು ಓಂ ಪ್ರಕಾಶ್ ಬಿಷ್ಣೋಯ್. ಈ ವ್ಯಕ್ತಿಯ ವಿಡಿಯೋಗಳನ್ನ ನೀವೂ ಕೂಡ ಸೋಶಿಯಲ್ ಮೀಡಿಯಾದಲ್ಲಿ ನೀಡಿರಬಹುದು. ಅವರ ದೇಸಿಯ ಶೈಲಿಯ ಊಟದ ವಿಡಿಯೋಗಳು ವೈರಲ್ ಆಗುತ್ತಲೇ ಇರುತ್ತವೆ. ಇದೀಗ ಅವರು ಚುನಾವಣೆಗೆ ನಿಂತು ಭಾರೀ ಮುಖಭಂಗ ಅನುಭವಿಸಿದ್ದಾರೆ.

11 ಮತಗಳು ಮನೆಯವರೇ ಹಾಕಿದ್ದು

ಫಲೋಡಿಯ ಇಂದ್ರೋನ್ ಕಿ ಧನಿ 2 ಪಂಚಾಯತ್‌ನಿಂದ ಸ್ಪರ್ಧಿಸಿದ್ದರು. 1600 ಮತಗಳನ್ನ ಹೊಂದಿದ್ದ ಕ್ಷೇತ್ರದಲ್ಲಿ ಅವರು ಕೇವಲ 33 ಮತಗಳನ್ನ ಪಡೆದು ಹೀನಾಯವಾಗಿ ಸೋಲನ್ನ ಅನುಭವಿಸಿದ್ದಾರೆ. ಮಾಧ್ಯಮವೊಂದಕ್ಕೆ ಹೇಳಿಕೆ ನೀಡಿರುವ ಅವರು.. ನಾನು ಬಹಳ ಸಮಯದಿಂದ ಧಾರ್ಮಿಕ ಚಟುವಟಕೆಗಳನ್ನ ನಡೆಸುತ್ತಿದ್ದೇನೆ. ಹೆಚ್ಚಿ ಸಂಖ್ಯೆಯ ಹಸುಗಳನ್ನ ನೋಡಿಕೊಳ್ಳುತ್ತಿದ್ದು, ಗೋವುಗಳ ಸೇವೆ ಮಾಡುತ್ತಿದ್ದೇನೆ. ಅದರ ಜೊತೆಗೆ ಜನರ ಸೇವೆ ಮಾಡಬೇಕು ಎಂಬ ಉದ್ದೇಶದಿಂದ ನಾನು ಚುನಾವಣೆಗೆ ನಿಂತಿದ್ದೆ. ನಾನು ಸರಪಂಚ್ ಸ್ಥಾನಕ್ಕೆ ನಿಂತಿದ್ದೆ. ಆದರೆ ಜನರ ಬೆಂಬಲ ಸಿಗಲಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ಚುನಾವಣೆಗೂ ಮೊದಲೇ ನಾನು ಜನರ ಸೇವೆಯಲ್ಲಿ ಇದ್ದೆ. ಚುನಾವಣೆ ನಿಂತ ಮೇಲೆ ಖುದ್ದು ಎಲ್ಲಾ ಮತದಾರರನ್ನೂ ಭೇಟಿಯಾಗಿದ್ದೆ. ಈ ವೇಳೆ ನಾನು ಜನರಿಗೆ ಶುದ್ಧ ತುಪ್ಪದಿಂದ ತಯಾರಿಸಿದ್ದ ಆಹಾರ ನೀಡಿದ್ದೆ. ತುಪ್ಪದಲ್ಲಿ ಮಾಡಿದ್ದ ಅಡುಗೆಗಳನ್ನ ನೀಡಿದ್ದೆ. ಅದಕ್ಕಾಗಿ ನಾನು ಅಡುಗೆ ಸಿಬ್ಬಂದಿಯನ್ನೇ ನೇಮಿಸಿಕೊಂಡಿದ್ದೆ. ನಾನು ಜನರನ್ನ ಭೇಟಿಯಾದಾಗ ನನಗೆ ಬೆಂಬಲ ನೀಡೋದಾಗಿ ಹೇಳಿದರು. ಆದರೆ ಚುನಾವಣಾ ಫಲಿತಾಂಶ ಬಂದ ಮೇಲೆ ನಿಜಕ್ಕೂ ಆಘಾತ ಆಯಿತು.

ಯಾಕೆಂದರೆ ನನ್ನ ಪಂಚಾಯತ್‌ನಲ್ಲಿ ಒಟ್ಟು ನಾಲ್ಕು ಸ್ಪರ್ಧಿಗಳು ನಿಂತಿದ್ದರು. ಅದರಲ್ಲಿ 40 ಮತಗಳು ನೋಟಾ ಬಿದ್ದಿವೆ. ನನಗೆ ಕೇವಲ 33 ಮತಗಳು ಬಂದಿವೆ. ಅದರಲ್ಲಿ 11 ಮತಗಳು ನನ್ನ ಕುಟುಂಬದಿಂದ ಬಂದಿರೋದು. ಇನ್ನುಳಿದ ಮತಗಳನ್ನ ಸ್ನೇಹಿತರು ಹಾಕಿದ್ದಾರೆ ಅಷ್ಟೇ. ನನ್ನ ಸೋಲಿಗೆ ಪ್ರಮುಖ ಕಾರಣ ಡ್ರಗ್ಸ್‌. ಈ ಡ್ರಗ್ಸ್ ವಿರುದ್ಧ ನಾನು ಯಾವಾಗಲೂ ಹೋರಾಟ ಮಾಡುತ್ತ ಇರುತ್ತೇನೆ. ನಾನು ಅವರಂತೆ ಮದ್ಯ ವಿತರಣೆ ಮಾಡಲಿಲ್ಲ. ನಮ್ಮ ದೇಶದಲ್ಲಿ ಇನ್ನೂ ಕೂಡ ಮದ್ಯ ಪಡೆದು ವೋಟ್ ಮಾಡೋರು ಇದ್ದಾರೆ. ಆದರೆ ನನಗೆ ಅಂಥ ಮನಸ್ಥಿತಿ ಇಲ್ಲ. ಇದೇ ಕಾರಣಕ್ಕೆ ನಾನು ಸೋಲನ್ನು ಕಂಡಿದ್ದೇನೆ.

ಬಿಷ್ಣೋಯ್ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ 1.4 ಮಿಲಿಯನ್ ಫಾಲೋವರ್ಸ್ ಹೊಂದಿದ್ದರೆ, ಫೇಸ್‌ಬುಕ್‌ನಲ್ಲಿ 2,32000 ಫಾಲೋವರ್ಸ್ ಹೊಂದಿದ್ದಾರೆ. ಯೂಟ್ಯೂಬ್‌ನಲ್ಲಿ ಐದು ಲಕ್ಷಕ್ಕೂ ಹೆಚ್ಚು ಸಬ್‌ಕ್ರೈಬರ್ಸ್ ಇದ್ದಾರೆ.

View this post on Instagram

A post shared by Amit Kanwa (@amitkanwavlogs)

Deepavali 2026: ದೀಪಾವಳಿ ಹಬ್ಬದಲ್ಲಿ ಸಿಹಿ ತಿಂದರೂ ಬ್ಲಡ್ ಶುಗರ್ ನಿಯಂತ್ರಣದಲ್ಲಿಡುವುದು ಹೇಗೆ? ಇಲ್ಲಿದೆ ಟಿಪ್ಸ್‌

Santosh Naik — Mon, 26 Oct 2026 20:45:59 +0530

ದೀಪಾವಳಿ ಎಂದರೆ ಕೇವಲ ಬೆಳಕಿನ ಹಬ್ಬ ಮಾತ್ರವಲ್ಲ, ಕುಟುಂಬಸ್ಥರ ಸಮ್ಮಿಲನ, ಅದ್ದೂರಿಯ ಭೋಜನ ಹಾಗೂ ಬಗೆಬಗೆಯ ಸಿಹಿತಿಂಡಿಗಳ ಸಂಭ್ರಮ. ಕಾಜು ಕಟ್ಲಿ, ಲಡ್ಡುಗಳಿಂದ ಹಿಡಿದು ಗುಲಾಬ್ ಜಾಮೂನ್ ಮತ್ತು ಬರ್ಫಿವರೆಗೆ ಹಬ್ಬದ ವಾತಾವರಣದಲ್ಲಿ ಸಿಹಿತಿಂಡಿಗಳು ಪ್ರಮುಖ ಪಾತ್ರ ವಹಿಸುತ್ತವೆ. ಆದರೆ, ಮಧುಮೇಹ (Diabetes) ಅಥವಾ ಸಕ್ಕರೆ ಕಾಯಿಲೆಯಿಂದ ಬಳಲುತ್ತಿರುವವರಿಗೆ ಈ ಹಬ್ಬದ ಸಿಹಿಯೂಟವು ರಕ್ತದಲ್ಲಿನ ಸಕ್ಕರೆ ಮಟ್ಟದ (Blood Sugar Levels) ಬಗ್ಗೆ ಭಾರಿ ಆತಂಕವನ್ನು ಮೂಡಿಸುತ್ತದೆ.

ಆದರೆ, ಮಧುಮೇಹವಿದೆ ಎಂದ ಮಾತ್ರಕ್ಕೆ ಹಬ್ಬದ ಪ್ರತಿಯೊಂದು ಸಿಹಿಯನ್ನೂ ತ್ಯಜಿಸಬೇಕೆಂದೇನೂ ಇಲ್ಲ ಎನ್ನುವುದು ವೈದ್ಯಕೀಯ ತಜ್ಞರ ಅಭಿಪ್ರಾಯ. ಸರಿಯಾದ ಆಹಾರ ಯೋಜನೆ, ಪ್ರಮಾಣದ ಮೇಲಿನ ನಿಯಂತ್ರಣ (Portion Control), ನಿಯಮಿತ ಔಷಧ ಸೇವನೆ ಮತ್ತು ಬ್ಲಡ್ ಶುಗರ್ ಟೆಸ್ಟ್‌ನೊಂಧಿಗೆ ನಿಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳುತ್ತಲೇ ದೀಪಾವಳಿ ಹಬ್ಬವನ್ನು ಖುಷಿಯಿಂದ ಸಂಭ್ರಮಿಸಬಹುದು. ಹಬ್ಬದ ಅವಧಿಯಲ್ಲಿ ಮಧುಮೇಹಿಗಳು ತಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಸರಳವಾಗಿ ನಿರ್ವಹಿಸಲು ಅನುಸರಿಸಬೇಕಾದ ಮುಖ್ಯ ಸಲಹೆಗಳು.

ಸಿಹಿತಿಂಡಿಯ ಪ್ರಮಾಣದ (Portion Size) ಮೇಲೆ ಇರಲಿ ನಿಗಾ

ನಿಮಗೆ ಇಷ್ಟವಾದ ಸಿಹಿತಿಂಡಿಗಳನ್ನು ಸಂಪೂರ್ಣವಾಗಿ ಬಿಡಬೇಕಿಲ್ಲ. ಆದರೆ ನೀವು ಎಷ್ಟು ಪ್ರಮಾಣದಲ್ಲಿ ಸೇವಿಸುತ್ತೀರಿ ಎಂಬುದು ಅತ್ಯಂತ ಮುಖ್ಯ. ಲಡ್ಡು, ಕಾಜು ಕಟ್ಲಿ ಹಾಗೂ ಗುಲಾಬ್ ಜಾಮೂನ್‌ಗಳಂತಹ ಸಿಹಿತಿಂಡಿಗಳಲ್ಲಿ ಹೆಚ್ಚಿನ ಕಾರ್ಬೋಹೈಡ್ರೇಟ್‌ಗಳಿದ್ದು, ಇವು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ತಕ್ಷಣವೇ ಹೆಚ್ಚಿಸುತ್ತವೆ. ಒಂದೇ ಬಾರಿಗೆ ಸಾಲು ಸಾಲು ಸಿಹಿಗಳನ್ನು ತಿನ್ನುವ ಬದಲು, ನಿಮಗೆ ಅತ್ಯಂತ ಇಷ್ಟವಾದ ಒಂದೇ ಒಂದು ಸಣ್ಣ ತುಂಡು ಸಿಹಿಯನ್ನು ಆಯ್ದುಕೊಳ್ಳಿ. ನಿಧಾನವಾಗಿ ಅಗಿದು ಆಸ್ವಾದಿಸಿ ತಿನ್ನುವುದರಿಂದ ಪದೇ ಪದೇ ಸಿಹಿ ತಿನ್ನುವ ಬಯಕೆಯನ್ನು ನಿಯಂತ್ರಿಸಬಹುದು.

ಸಿಹಿ ತಿನ್ನುವ ನೆಪದಲ್ಲಿ ಪ್ರಮುಖ ಊಟಗಳನ್ನು ಬಿಡಬೇಡಿ

ರಾತ್ರಿ ದೀಪಾವಳಿ ಹಬ್ಬದ ವಿಶೇಷ ಭೋಜನವಿದೆ ಎಂಬ ಕಾರಣಕ್ಕೆ ಮಧ್ಯಾಹ್ನದ ಊಟವನ್ನು ಬಿಡುವುದು (Skipping Meals) ಅನೇಕರ ಅಭ್ಯಾಸ. ಆದರೆ ಮಧುಮೇಹಿಗಳು ಹೀಗೆ ಮಾಡುವುದು ಅತ್ಯಂತ ಅಪಾಯಕಾರಿ. ಇದು ನಿಮ್ಮ ದೈನಂದಿನ ಆಹಾರದ ಸಮಯವನ್ನು ಏರುಪೇರು ಮಾಡುವುದಲ್ಲದೆ, ನಿರ್ದಿಷ್ಟ ಮಧುಮೇಹದ ಮಾತ್ರೆಗಳನ್ನು ತೆಗೆದುಕೊಳ್ಳುವವರಲ್ಲಿ ಹಠಾತ್ 'ಲೋ ಶುಗರ್' (Hypoglycemia) ಸಮಸ್ಯೆಗೆ ಕಾರಣವಾಗಬಹುದು. ಅಲ್ಲದೆ, ರಾತ್ರಿಯ ಹೊತ್ತಿಗೆ ತೀವ್ರ ಹಸಿವಾಗಿ ಹೆಚ್ಚಿನ ಪ್ರಮಾಣದಲ್ಲಿ ಆಹಾರ ತಿನ್ನುವಂತೆ ಮಾಡುತ್ತದೆ. ಹೀಗಾಗಿ ನಿಮ್ಮ ನಿಯಮಿತ ಸಮಯಕ್ಕೆ ಸರಿಯಾಗಿ ಊಟ ಮಾಡಿ. ಸಿಹಿತಿಂಡಿ ತಿನ್ನುವ ಪ್ಲಾನ್ ಇದ್ದರೆ, ಅದನ್ನು ನಿಮ್ಮ ಒಟ್ಟಾರೆ ಆಹಾರದ ಕ್ಯಾಲೋರಿಯಲ್ಲಿ ಲೆಕ್ಕ ಹಾಕಿಕೊಳ್ಳಿ.

ಹಬ್ಬದ ತಟ್ಟೆಯಲ್ಲಿರಲಿ ಸಮತೋಲನ (Balanced Plate)

ದೀಪಾವಳಿ ಊಟದಲ್ಲಿ ಹೆಚ್ಚಾಗಿ ಪೂರಿ, ಸಮೋಸ, ಖಾರ-ನಮ್ಕೀನ್ ಮತ್ತು ಸಿಹಿತಿಂಡಿಗಳೇ ತುಂಬಿರುತ್ತವೆ. ಇವೆಲ್ಲವೂ ಕಾರ್ಬೋಹೈಡ್ರೇಟ್‌ಗಳಿಂದ ಕೂಡಿದ್ದು, ಒಟ್ಟಿಗೆ ಸೇವಿಸಿದಾಗ ದೇಹದಲ್ಲಿ ಕಾರ್ಬ್ಸ್ ಪ್ರಮಾಣ ಭಾರಿ ಹೆಚ್ಚಾಗುತ್ತದೆ. ಆದ್ದರಿಂದ ನಿಮ್ಮ ತಟ್ಟೆಯಲ್ಲಿ ತರಕಾರಿಗಳು, ಬೇಳೆಕಾಳುಗಳು, ಪನೀರ್, ಮೊಟ್ಟೆ ಅಥವಾ ಕೊಬ್ಬಿನಂಶ ಕಡಿಮೆಯಿರುವ ಮಾಂಸದಂತಹ ಪ್ರೋಟೀನ್ ಯುಕ್ತ ಆಹಾರಗಳಿರುವುದು ಕಡ್ಡಾಯ. ಪ್ರೋಟೀನ್ ಮತ್ತು ನಾರಿನಂಶವಿರುವ ಆಹಾರವು ಸಕ್ಕರೆ ಮಟ್ಟ ತಕ್ಷಣವೇ ಏರದಂತೆ ತಡೆಯುತ್ತದೆ. ಕೇವಲ ಸಿಹಿತಿಂಡಿಗಳಲ್ಲಿ ಮಾತ್ರವಲ್ಲದೆ ಅನ್ನ, ರೊಟ್ಟಿ, ಚಪಾತಿ ಮತ್ತು ಆಲೂಗಡ್ಡೆಯಲ್ಲಿಯೂ ಕಾರ್ಬೋಹೈಡ್ರೇಟ್ ಇರುತ್ತದೆ ಎಂಬುದನ್ನು ನೆನಪಿನಲ್ಲಿಡಿ.

ಸಿಹಿ ಪಾನೀಯಗಳ ಬಗ್ಗೆ ಇರಲಿ ಎಚ್ಚರ

ಹಬ್ಬದ ಸಮಯದಲ್ಲಿ ಕೇವಲ ಸಿಹಿತಿಂಡಿಗಳು ಮಾತ್ರವಲ್ಲ, ಪ್ಯಾಕ್ ಮಾಡಿದ ಹಣ್ಣಿನ ರಸಗಳು (Juices), ಶರಬತ್, ಕೂಲ್ ಡ್ರಿಂಕ್ಸ್ ಹಾಗೂ ಸಿಹಿ ಪಾನೀಯಗಳೂ ಸಹ ರಕ್ತದಲ್ಲಿನ ಗ್ಲೂಕೋಸ್ ಮಟ್ಟವನ್ನು ಸದ್ದಿಲ್ಲದೆ ಹೆಚ್ಚಿಸುತ್ತವೆ. ಇವುಗಳ ಬದಲಾಗಿ ಸಾಧ್ಯವಾದಷ್ಟು ಕುಡಿಯುವ ನೀರು ಅಥವಾ ಸಿಹಿಯಿಲ್ಲದ ಪಾನೀಯಗಳನ್ನು ಆಯ್ಕೆ ಮಾಡಿ. ಯಾವುದಾದರೂ ಪಾನೀಯ ಕುಡಿಯುವ ಮುನ್ನ ಅದರಲ್ಲಿರುವ ಸಕ್ಕರೆಯ ಪ್ರಮಾಣವನ್ನು ಒಮ್ಮೆ ಪರಿಶೀಲಿಸುವುದು ಒಳಿತು.

ಊಟದ ನಂತರ ಸ್ವಲ್ಪ ವಾಕಿಂಗ್ ಮಾಡಿ (Physical Activity)

ನೆಂಟರ ಮನೆಗೆ ಭೇಟಿ ನೀಡುವುದು, ಉಡುಗೊರೆ ವಿನಿಮಯ ಮಾಡಿಕೊಳ್ಳುವುದು ಹಾಗೂ ಅತಿಥಿ ಸತ್ಕಾರದ ನಡುವೆ ವ್ಯಾಯಾಮ ಹೆಚ್ಚಿನ ಸ್ಥಾನ ಪಡೆದುಕೊಳ್ಳೋದಿಲ್ಲ. ಆದರೆ ಮಧುಮೇಹ ನಿರ್ವಹಣೆಯಲ್ಲಿ ದೈಹಿಕ ಚಟುವಟಿಕೆ ಅತ್ಯಂತ ಪ್ರಮುಖ. ಹಬ್ಬದೂಟದ ನಂತರ ಹಗುರವಾದ ನಡಿಗೆ (Gentle Walk) ಮಾಡುವುದು ಅಥವಾ ಕುಟುಂಬದ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳುವುದು ದೇಹದಲ್ಲಿನ ಗ್ಲೂಕೋಸ್ ಅನ್ನು ಕರಗಿಸಲು ನೆರವಾಗುತ್ತದೆ. ಇನ್ಸುಲಿನ್ ಅಥವಾ ವಿಶೇಷ ಮಾತ್ರೆಗಳನ್ನು ಬಳಸುವವರು ತಮ್ಮ ವೈದ್ಯರ ಸಲಹೆಯಂತೆ ಜಾಗರೂಕರಾಗಿ ವ್ಯಾಯಾಮ ಮತ್ತು ತಪಾಸಣೆ ಮಾಡಬೇಕು.

ಷುಗರ್ ಫ್ರೀ ಸಿಹಿಗಳು ಸಂಪೂರ್ಣ ಸುರಕ್ಷಿತವಲ್ಲ!

ಮಾರುಕಟ್ಟೆಯಲ್ಲಿ ಸಿಗುವ 'ಷುಗರ್ ಫ್ರೀ' (Sugar-free) ಸಿಹಿತಿಂಡಿಗಳು ಮಧುಮೇಹಿಗಳಿಗೆ ಸಂಪೂರ್ಣ ಸುರಕ್ಷಿತ ಎನ್ನುವ ಭ್ರಮೆ ಹಲವರಲ್ಲಿದೆ. ಆದರೆ 'ಷುಗರ್ ಫ್ರೀ' ಎಂಬ ಲೇಬಲ್ ಇದ್ದ ತಕ್ಷಣ ಅದು ಸಂಪೂರ್ಣ ಸುರಕ್ಷಿತ ಎಂದರ್ಥವಲ್ಲ. ಅವುಗಳನ್ನು ತಯಾರಿಸಲು ಬಳಸುವ ಪದಾರ್ಥಗಳಲ್ಲಿಯೂ ಕಾರ್ಬೋಹೈಡ್ರೇಟ್, ಕ್ಯಾಲೋರಿ ಹಾಗೂ ಕೊಬ್ಬಿನಂಶ ಇರಬಹುದು. ಇವುಗಳನ್ನು ಕೊಳ್ಳುವ ಮುನ್ನ ಪೌಷ್ಟಿಕಾಂಶಗಳ ಮಾಹಿತಿ (Nutrition Info) ಪರಿಶೀಲಿಸಿ. ಕೆಲವೊಮ್ಮೆ ಕೃತಕ ಸಿಹಿಗಿಂತಲೂ, ಸಾಮಾನ್ಯ ಸಿಹಿತಿಂಡಿಯನ್ನು ಸಣ್ಣ ಪ್ರಮಾಣದಲ್ಲಿ ಜಾಗರೂಕತೆಯಿಂದ ಸೇವಿಸುವುದೇ ಹೆಚ್ಚು ಸೂಕ್ತವಾಗಿರುತ್ತದೆ.

ಒಂದು ನೀರಿನ ಮಧ್ಯೆ, ಮತ್ತೊಂದು ಬೆಟ್ಟದ ಮೇಲೆ... ಈ 2 ಸುಂದರ ಅರಮನೆಗಳು ಎಲ್ಲಿವೆ ಗೊತ್ತಾ?

Govindaraj S — Mon, 26 Oct 2026 20:40:58 +0530

ರಾಜಸ್ಥಾನ ರಾಜ್ಯವು ನಮ್ಮ ಭಾರತದ ಐತಿಹಾಸಿಕ ಸ್ಥಳಗಳ ಕನ್ನಡಿಯಾಗಿದೆ. ಇಲ್ಲಿ ಅರಮನೆ, ಕೋಟೆಗಳಂತಹ ಅದ್ಭುತವಾದ ಸ್ಥಳಗಳನ್ನು ಪರಿಶೀಲಿಸಬಹುದು. ಜನರು ಹೆಚ್ಚಾಗಿ ರಾಜಸ್ಥಾನಿಯ ಶ್ರೀಮಂತ ಸಂಸ್ಕೃತಿ, ಬಾಯೂರಿಸುವ ಸ್ಥಳೀಯ ಖಾದ್ಯಗಳು, ಸಾಂಪ್ರದಾಯಿಕ ಉಡುಗೆ-ತೊಡುಗೆಗಳನ್ನು ಕಣ್ತುಂಬಿಕೊಳ್ಳಲು ಪ್ರವಾಸ ಯೋಜಿಸುತ್ತಾರೆ.

ಹೀಗೆ ರಾಜಸ್ಥಾನಕ್ಕೆ ಹೋದಾಗ ಅಲ್ಲಿನ ಅರಮನೆಗಳನ್ನು ನೋಡುವುದೇ ಪ್ರತಿಯೊಬ್ಬ ಪ್ರವಾಸಿಗನ ಕನಸಾಗಿರುತ್ತದೆ. ಏಕೆಂದರೆ ಇಲ್ಲಿನ ಅರಮನೆಗಳು, ಕೋಟೆಗಳು ತನ್ನ ವಿಶಿಷ್ಟವಾದ ವಾಸ್ತುಶಿಲ್ಪಗಳಿಂದ ಕಣ್ಣು ಕುಕ್ಕುವ ಸೌಂದರ್ಯವನ್ನು ಹೊಂದಿವೆ. ಹಾಗಾದರೆ ಆ ಪ್ಯಾಲೇಸ್‌ಗಳು ಯಾವುವು ಎಂಬುದರ ಬಗ್ಗೆ ಇಲ್ಲಿ ಮಾಹಿತಿ ನೀಡಲಾಗಿದೆ ಓದಿ.

ಲೇಕ್ ಪ್ಯಾಲೇಸ್, ಉದಯಪುರ

ಉದಯಪುರದ ಲೇಕ್‌ ಪ್ಯಾಲೇಸ್‌ ಅತ್ಯಂತ ಸುಂದರವಾದ ಅರಮನೆಗಳಲ್ಲಿ ಒಂದಾಗಿದೆ. ಈ ಅದ್ಭುತವನ್ನು ಮಹಾರಾಜ ಜಗತ್ ಸಿಂಗ್ IIರ ಆಳ್ವಿಕೆಯಲ್ಲಿ ನಿರ್ಮಿಸಲಾಯಿತು. ಸರೋವರದ ಮಧ್ಯೆ ನೆಲೆಸಿರುವ ಈ ಪ್ಯಾಲೇಸ್‌ ಅಂದಿನ ಎಂಜಿನಿಯರ್‌ ಕೈಚಳಕ್ಕೆ ಅತ್ಯುತ್ತಮ ಉದಾಹರಣೆ.

ಈ ಲೇಕ್ ಪ್ಯಾಲೇಸ್ ಅನ್ನು 1743-1746 ರಲ್ಲಿ ನಿರ್ಮಿಸಲಾಯಿತು. ಈ ಅರಮನೆಯನ್ನು ರಾಜಕುಟುಂಬಿಕರು ತಮ್ಮ ಬೇಸಿಗೆಯ ಅರಮನೆಯಾಗಿ ಬಳಸುತ್ತಿದ್ದರು. ಈ ಭವ್ಯವಾದ ಅರಮನೆಯ ಸಂಕೀರ್ಣವು ಪಿಚೋಲಾ ಸರೋವರದಲ್ಲಿರುವ ಜಗ್ನಿವಾಸ್ ದ್ವೀಪದಲ್ಲಿ ನಾಲ್ಕು ಎಕರೆ ಪ್ರದೇಶದಲ್ಲಿ ಹರಡಿದೆ.

ನೀಮ್ರಾನಾ ಕೋಟೆ ಅರಮನೆ, ಅಲ್ವಾರ್

ಅಲ್ವಾರ್‌ನ ಈ ನೀಮ್ರಾನಾ ಕೋಟೆಯು ರಾಜಸ್ಥಾನದ ಮತ್ತೊಂದು ಭವ್ಯವಾದ ಕೋಟೆಯಾಗಿದೆ. ಇದು ಒಂದು ಕಾಲದಲ್ಲಿ ತನ್ನ ವೈಭವದ ಕಾರಣ ಬಹಳ ಪ್ರಸಿದ್ಧವಾಗಿತ್ತು. 1467ರಲ್ಲಿ ರಾಜಾ ದೂಪ್ ರಾಜ್ ಅವರು ಈ ಅರಮನೆಯನ್ನು ನಿರ್ಮಿಸಿದರು.

ಎತ್ತರದ ಬೆಟ್ಟದ ಮೇಲೆ ನೆಲೆಗೊಂಡಿರುವ ಈ ಅರಮನೆಯು ಅಲ್ವಾರ್ ನಗರದ ಭವ್ಯವಾದ ವಿಹಂಗಮ ನೋಟಗಳನ್ನು ನೀಡುತ್ತದೆ. ಪ್ರಸ್ತುತ ಇದು ಪಾರಂಪರಿಕ ಹೋಟೆಲ್‌ ಆಗಿ ಪರಿವರ್ತಿಸಲಾಗಿದೆ. ಹೌದು, ಇದು ದೇಶದ ಅತ್ಯಂತ ಹಳೆಯ ಹೆರಿಟೇಜ್ ರೆಸಾರ್ಟ್ ಹೋಟೆಲ್‌ಗಳಲ್ಲಿ ಒಂದಾಗಿದೆ.

'ಟಕ್ ಟಕ್' ಎಂದು ಸೈಬರ್ ಕ್ರೈಂ ಬಾಗಿಲು ಬಡಿದ ರಶ್ಮಿಕಾ-ವಿಜಯ್ ಜೋಡಿ.. ಯಾರಿಗೆಲ್ಲಾ ಈಗ ಎದೆಯಲ್ಲಿ ಗಡಗಡ ನಡುಕ?

Shriram Bhat — Mon, 26 Oct 2026 20:33:41 +0530

ರಶ್ಮಿಕಾ-ವಿಜಯ್ ದೇವರಕೊಂಡ ಮಹತ್ವದ ನಡೆ! ಪೋಸ್ಟ್ ಬೆನ್ನಲ್ಲೇ ಸೈಬರ್ ಕ್ರೈಂಗೆ ದೂರು

ಟಾಲಿವುಡ್‌ನ ಜನಪ್ರಿಯ ಜೋಡಿ ಎಂದೇ ಗುರುತಿಸಿಕೊಂಡಿರುವ ನಟಿ ರಶ್ಮಿಕಾ ಮಂದಣ್ಣ ಮತ್ತು ನಟ ವಿಜಯ್ ದೇವರಕೊಂಡ ಇದೀಗ ಆನ್‌ಲೈನ್‌ನಲ್ಲಿ ಹರಿದಾಡುತ್ತಿರುವ ಸುಳ್ಳು ಮಾಹಿತಿಯ ವಿರುದ್ಧ ಮಹತ್ವದ ಹೆಜ್ಜೆ ಇಟ್ಟಿದ್ದಾರೆ. ಇತ್ತೀಚಿನ ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದ್ದು, ಅಭಿಮಾನಿಗಳು ಹಾಗೂ ಸಿನಿಮಾ ವಲಯದಲ್ಲಿ ಚರ್ಚೆಗೆ ಕಾರಣವಾಗಿದೆ. ಇಬ್ಬರೂ ನಟರ ಪರವಾಗಿ ಅವರ ಮ್ಯಾನೇಜರ್ ಹೈದರಾಬಾದ್‌ನ ಸೈಬರ್ ಕ್ರೈಂ ಅಧಿಕಾರಿಗಳಿಗೆ ಔಪಚಾರಿಕ ದೂರು ಸಲ್ಲಿಸಿದ್ದಾರೆ.

ಸುಳ್ಳು ಮಾಹಿತಿ, ಎಡಿಟ್ ಮಾಡಿದ ಸ್ಕ್ರೀನ್‌ಶಾಟ್‌ಗಳ ವಿರುದ್ಧ ದೂರು

ನಟರಾದ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಅವರನ್ನು ಒಳಗೊಂಡಂತೆ ಸಾಮಾಜಿಕ ಮಾಧ್ಯಮಗಳಲ್ಲಿ ಹಲವು ಊಹಾಪೋಹದ ವಿಚಾರಗಳು ಹರಿದಾಡುತ್ತಿವೆ ಎನ್ನಲಾಗಿದೆ. ಅಷ್ಟೇ ಅಲ್ಲದೆ, ಕ್ರಿಯೇಟಿವ್ ಎಡಿಟ್ ಮಾಡಿದ ಸ್ಕ್ರೀನ್‌ಶಾಟ್‌ಗಳು, ತಪ್ಪು ಮಾಹಿತಿ ಹಾಗೂ ಉದ್ದೇಶಿತ ಆನ್‌ಲೈನ್ ಕಿರುಕುಳದ ಆರೋಪಗಳೂ ಕೇಳಿಬಂದಿವೆ. ಈ ಹಿನ್ನೆಲೆಯಲ್ಲಿ ಸಂಬಂಧಪಟ್ಟ ಕಂಟೆಂಟ್‌ಗಳ ಬಗ್ಗೆ ತನಿಖೆ ನಡೆಸಿ, ಅಗತ್ಯ ಕ್ರಮ ಕೈಗೊಳ್ಳುವಂತೆ ನಟರ ತಂಡ ಅಧಿಕಾರಿಗಳನ್ನು ಕೋರಿದೆ.

ವರದಿಗಳ ಪ್ರಕಾರ, ಇಬ್ಬರೂ ನಟರ ಮ್ಯಾನೇಜರ್ ಎಂದು ಗುರುತಿಸಲಾದ ಪಿ. ನಿಶಾಂತ್ ಕುಮಾರ್ ಅವರು ದೂರು ದಾಖಲಿಸಿದ್ದಾರೆ. ತನಿಖೆಗೆ ನೆರವಾಗುವ ಉದ್ದೇಶದಿಂದ ಆನ್‌ಲೈನ್ ಲಿಂಕ್‌ಗಳು ಹಾಗೂ ಸಂಬಂಧಿತ ಪುರಾವೆಗಳನ್ನು ಅಧಿಕಾರಿಗಳಿಗೆ ಸಲ್ಲಿಸಲಾಗಿದೆ ಎಂದು ನಟರ ತಂಡದ ಪ್ರಕಟಣೆ ತಿಳಿಸಿದೆ.

ಟೀಕೆಗಳಿಗೆ ಕಡಿವಾಣ ಹಾಕುವ ಉದ್ದೇಶವಲ್ಲ ಎಂದ ತಂಡ

ಈ ದೂರಿನ ಕುರಿತು ನಟರ ತಂಡ ತನ್ನ ನಿಲುವನ್ನೂ ಸ್ಪಷ್ಟಪಡಿಸಿದೆ. ವಾಕ್ ಸ್ವಾತಂತ್ರ್ಯವನ್ನು ಅಥವಾ ನ್ಯಾಯಸಮ್ಮತ ಟೀಕೆಗಳನ್ನು ತಡೆಯುವುದು ಈ ಕ್ರಮದ ಉದ್ದೇಶವಲ್ಲ ಎಂದು ಹೇಳಿದೆ. ಆದರೆ, ಉದ್ದೇಶಪೂರ್ವಕವಾಗಿ ಸುಳ್ಳು ಮಾಹಿತಿಯನ್ನು ಹರಡುವುದು, ವ್ಯಕ್ತಿಗಳ ಗೌರವಕ್ಕೆ ಧಕ್ಕೆ ತರುವ ಕಂಟೆಂಟ್ ಪ್ರಕಟಿಸುವುದು ಮತ್ತು ಕಾನೂನುಬಾಹಿರವಾಗಿರಬಹುದಾದ ಆನ್‌ಲೈನ್ ಕಿರುಕುಳದ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂಬುದು ತಂಡದ ಮನವಿಯಾಗಿದೆ.

ಸಾಮಾಜಿಕ ಮಾಧ್ಯಮ ಬಳಕೆದಾರರು ಯಾವುದೇ ಮಾಹಿತಿಯನ್ನು ಪರಿಶೀಲಿಸದೆ ಹಂಚಿಕೊಳ್ಳಬಾರದು ಎಂದು ತಂಡ ಮನವಿ ಮಾಡಿದೆ. ಅಗತ್ಯವಿದ್ದಲ್ಲಿ ಕಾನೂನುಬದ್ಧ ಪರಿಹಾರಗಳನ್ನು ಮುಂದುವರಿಸುವುದಾಗಿಯೂ ತಿಳಿಸಿದೆ. ಸಲ್ಲಿಸಿರುವ ಕಂಟೆಂಟ್‌ಗಳನ್ನು ಪರಿಶೀಲಿಸಿ, ಆರೋಪಗಳ ಕುರಿತು ತನಿಖೆ ನಡೆಸುವುದು ಈಗ ಅಧಿಕಾರಿಗಳ ಮುಂದಿರುವ ಕೆಲಸವಾಗಿದೆ.

ಪೋಸ್ಟ್‌ಗಳ ಬೆನ್ನಲ್ಲೇ ಹೆಚ್ಚಿದ ಚರ್ಚೆ

ಇತ್ತೀಚೆಗೆ ಕಾಫಿ ವಿತ್ ಕರಣ್ ಕಾರ್ಯಕ್ರಮಕ್ಕೆ ಸಂಬಂಧಿಸಿದ ವಿಚಾರಗಳು ಹಾಗೂ ಸಂದರ್ಶನದ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ನಡೆಯುತ್ತಿರುವ ಸಂದರ್ಭದಲ್ಲೇ ಈ ಬೆಳವಣಿಗೆ ನಡೆದಿದೆ. ರಶ್ಮಿಕಾ ಮಂದಣ್ಣ ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡ ಬಳಿಕ ವಿಜಯ್ ದೇವರಕೊಂಡ ಕೂಡ ಪೋಸ್ಟ್ ಮಾಡಿದ್ದರು ಎನ್ನಲಾಗಿದೆ. ಈ ಪೋಸ್ಟ್‌ಗಳು ವ್ಯಾಪಕವಾಗಿ ಹರಿದಾಡಿದ್ದು, ಅಭಿಮಾನಿಗಳ ಗಮನ ಸೆಳೆದಿವೆ.

ಆದರೆ, ಈ ಪೋಸ್ಟ್‌ಗಳಿಗೂ ಸೈಬರ್ ಕ್ರೈಂ ದೂರಿಗೂ ಇರುವ ನಿಖರ ಸಂಬಂಧದ ಬಗ್ಗೆ ಹೆಚ್ಚಿನ ವಿವರಗಳು ಸ್ಪಷ್ಟವಾಗಿಲ್ಲ. ಸದ್ಯಕ್ಕೆ ಸುಳ್ಳು ಮತ್ತು ದಾರಿತಪ್ಪಿಸುವ ಆನ್‌ಲೈನ್ ಕಂಟೆಂಟ್ ವಿರುದ್ಧ ತನಿಖೆ ನಡೆಸಬೇಕೆಂಬುದೇ ನಟರ ತಂಡದ ಪ್ರಮುಖ ಬೇಡಿಕೆಯಾಗಿದೆ. ಈ ಪ್ರಕರಣದಲ್ಲಿ ಅಧಿಕಾರಿಗಳ ಪರಿಶೀಲನೆಯ ಬಳಿಕ ಯಾವ ರೀತಿಯ ಕ್ರಮ ಕೈಗೊಳ್ಳಲಾಗುತ್ತದೆ ಎಂಬುದನ್ನು ಕಾದು ನೋಡಬೇಕಿದೆ.

ದುಬೈನಲ್ಲಿ ವಿಶ್ವದ ಮೊದಲ 24 ಕ್ಯಾರೆಟ್ ಚಿನ್ನದ ರಸ್ತೆ ಈ ವರ್ಷದ ಅಂತ್ಯಕ್ಕೆ ಅನಾವರಣ, ಚಿನ್ನದ ಮೇಲೆ ನೀವು ಇಲ್ಲಿ ನಡೆಯಬಹುದು!

Santosh Naik — Mon, 26 Oct 2026 19:48:33 +0530

ದುಬೈ (ಅ.26): ತನ್ನ ಭವ್ಯವಾದ ಕಟ್ಟಡಗಳು ಹಾಗೂ ಸ್ವರ್ಣಮಯ ಪ್ರವಾಸೋದ್ಯಮಕ್ಕೆ ಜಗತ್ಪ್ರಸಿದ್ಧಿಯಾಗಿರುವ ದುಬೈ, ಇದೀಗ ಮತ್ತೊಂದು ಅಪರೂಪದ ಕೌತುಕಕ್ಕೆ ವೇದಿಕೆ ಸಜ್ಜುಗೊಳಿಸಿದೆ. ಈ ಬಾರಿ ದುಬೈಗೆ ಭೇಟಿ ನೀಡುವ ಪ್ರವಾಸಿಗರು ನಿಜವಾದ ಚಿನ್ನದ ಮೇಲೆಯೇ ಹೆಜ್ಜೆ ಹಾಕಿ ನಡೆಯುವ ಅಪರೂಪದ ಅನುಭವ ಪಡೆಯಲಿದ್ದಾರೆ! 'ದುಬೈ ಗೋಲ್ಡ್ ಡಿಸ್ಟ್ರಿಕ್ಟ್' (Dubai Gold District) 2026 ರ ವರ್ಷಾಂತ್ಯದೊಳಗೆ ವಿಶ್ವದ ಮೊದಲ ಹಾಗೂ ಅತಿ ಉದ್ದದ 24-ಕ್ಯಾರೆಟ್ (24-Karat) 'ಚಿನ್ನದ ಕಾಲುದಾರಿ'ಯನ್ನು (Gold Walkway) ಸಾರ್ವಜನಿಕರಿಗೆ ಅನಾವರಣಗೊಳಿಸಲು ಸಿದ್ಧತೆ ನಡೆಸಿದೆ.

ದುಬೈ ಗೋಲ್ಡ್ ಡಿಸ್ಟ್ರಿಕ್ಟ್‌ನ ವಾಣಿಜ್ಯ ವಿಭಾಗದ ಹಿರಿಯ ನಿರ್ದೇಶಕ ರಶೀದ್ ಅಲ್ ಹರ್ಮೂದಿ ಅವರ ಪ್ರಕಾರ, ಮುಂದಿನ ಎರಡು ತಿಂಗಳ ಒಳಗಾಗಿ ಈ ಅಭೂತಪೂರ್ವ ಆಕರ್ಷಣೆ ಸಾರ್ವಜನಿಕರ ವೀಕ್ಷಣೆಗೆ ಹಾಗೂ ನಡಿಗೆಗೆ ಮುಕ್ತವಾಗಲಿದೆ.

ಪ್ರಸಿದ್ಧ ಸ್ವರ್ಣ ಮಾರುಕಟ್ಟೆಗಳು (Gold Souks) ಹಾಗೂ ಆಭರಣ ವ್ಯಾಪಾರಕ್ಕೆ ಜಾಗತಿಕ ಕೇಂದ್ರವಾಗಿರುವ ದುಬೈ, ಈ ನೂತನ ಕಾಲುದಾರಿಯ ಮೂಲಕ ಪ್ರವಾಸಿಗರಿಗೆ ಚಿನ್ನವನ್ನು ಖರೀದಿಸುವುದಷ್ಟೇ ಅಲ್ಲದೆ, ಅದನ್ನು ನೇರವಾಗಿ ಅನುಭವಿಸುವ ಹೊಸ ಅವಕಾಶವನ್ನು ಒದಗಿಸುತ್ತಿದೆ. ಪ್ರಸ್ತುತ ಈ ಚಿನ್ನದ ಹಾದಿಯ ನಿಖರವಾದ ಉದ್ದ, ನಿರ್ಮಾಣ ವೆಚ್ಚ ಹಾಗೂ ಉದ್ಘಾಟನೆಯ ದಿನಾಂಕವನ್ನು ರಹಸ್ಯವಾಗಿಡಲಾಗಿದೆ.

ಚಿಲ್ಲರೆ ಮತ್ತು ಪ್ರವಾಸೋದ್ಯಮ ವೃದ್ಧಿಗೆ ದುಬೈ ಮೆಗಾ ಪ್ಲಾನ್

ಈ ಪ್ರಸ್ತಾವಿತ 'ಗೋಲ್ಡನ್ ವಾಕ್‌ವೇ' ದುಬೈ ಗೋಲ್ಡ್ ಡಿಸ್ಟ್ರಿಕ್ಟ್‌ನ ಬೃಹತ್ ಯೋಜನೆಯ ಒಂದು ಭಾಗವಾಗಿದೆ. ದುಬೈನ ಪ್ರತಿಷ್ಠಿತ 'ದೇರಾ' (Deira) ಪ್ರದೇಶದಲ್ಲಿರುವ ಈ ಡಿಸ್ಟ್ರಿಕ್ಟ್ ಅನ್ನು 2026 ರ ಜನವರಿಯಲ್ಲಿ ಉದ್ಘಾಟಿಸಲಾಯಿತು. ಇದು ಚಿನ್ನದ ಚಿಲ್ಲರೆ ವ್ಯಾಪಾರ, ಜ್ಯುವೆಲ್ಲರಿ, ಬುಲಿಯನ್, ಸಗಟು ವ್ಯಾಪಾರ ಹಾಗೂ ಹೂಡಿಕೆಯನ್ನು ಒಂದೇ ಸೂರಿನಡಿ ತರುವ ಬೃಹತ್ ಕೇಂದ್ರವಾಗಿದೆ.

ದುಬೈ ಮೀಡಿಯಾ ಆಫೀಸ್ ನೀಡಿರುವ ಮಾಹಿತಿಯಂತೆ, ಈ ಪ್ರದೇಶದಲ್ಲಿ ಚಿನ್ನ, ಆಭರಣ, ಸುಗಂಧ ದ್ರವ್ಯ, ಸೌಂದರ್ಯವರ್ಧಕಗಳು ಹಾಗೂ ಲೈಫ್‌ಸ್ಟೈಲ್ ವಿಭಾಗದ ಬರೋಬ್ಬರಿ 1,000 ಕ್ಕೂ ಹೆಚ್ಚು ಚಿಲ್ಲರೆ ಮಳಿಗೆಗಳಿವೆ. ಮಧ್ಯಪ್ರಾಚ್ಯದಲ್ಲೇ ಅತಿ ದೊಡ್ಡದಾದ ಚಿನ್ನ ಮತ್ತು ಆಭರಣ ಪ್ರದರ್ಶನವನ್ನು ಆಯೋಜಿಸಲು ರಶೀದ್ ಅಲ್ ಹರ್ಮೂದಿ ಯೋಜಿಸುತ್ತಿದ್ದಾರೆ.

ಇಲ್ಲಿನ ಶೇಕಡಾ 20 ರಷ್ಟು ಸಗಟು ಚಿನ್ನದ ವ್ಯಾಪಾರ ಕಚೇರಿಗಳು ಮತ್ತು ಶೇಕಡಾ 15 ರಷ್ಟು ಹೊಸ ಆಭರಣ, ವಜ್ರ ಹಾಗೂ ಐಷಾರಾಮಿ ವಾಚ್ ಮಳಿಗೆಗಳು 2026 ರ ಆರಂಭದಿಂದೀಚೆಗೆ ಭಾರಿ ಪ್ರಗತಿ ಕಂಡಿವೆ. ಮುಂಬರುವ ವರ್ಷದಲ್ಲಿ ಇನ್ನು ಶೇ. 10 ರಿಂದ 20 ರಷ್ಟು ಕಂಪನಿಗಳು ಇಲ್ಲಿಗೆ ತಮ್ಮ ವಹಿವಾಟನ್ನು ಸ್ಥಳಾಂತರಿಸುವ ನಿರೀಕ್ಷೆಯಿದೆ.

16.5 ಕೆಜಿ ತೂಕದ ಚಿನ್ನದ ಜುಮುಕಿಗೆ ಗಿನ್ನೆಸ್ ದಾಖಲೆಯ ಹೆಗ್ಗಳಿಕೆ!

ಚಿನ್ನದ ಕಾಲುದಾರಿಯ ಪ್ರಕಟಣೆಯ ಬೆನ್ನಲ್ಲೇ ದುಬೈನಲ್ಲಿ ಮತ್ತೊಂದು ಐತಿಹಾಸಿಕ ಸಾಧನೆ ದಾಖಲಾಗಿದೆ. ಭಾರತೀಯ ಮೂಲದ ಪ್ರಸಿದ್ಧ 'ಜೋಯಾಲುಕ್ಕಾಸ್ ಜ್ಯುವೆಲ್ಲರಿ' (Joyalukkas Jewellery) ಸಂಸ್ಥೆ ಸಿದ್ಧಪಡಿಸಿದ ಸಾಂಪ್ರದಾಯಿಕ ಭಾರತೀಯ ವಿನ್ಯಾಸದ 'ಜುಮುಕಿ' (Jhumka) ಕಿವಿಯೋಲೆಗಳಿಗೆ ಎರಡೆರಡು 'ಗಿನ್ನೆಸ್ ವಿಶ್ವ ದಾಖಲೆಗಳು' (Guinness World Records) ಲಭಿಸಿವೆ.

22-ಕ್ಯಾರೆಟ್ ಶುದ್ಧ ಚಿನ್ನದಿಂದ ಕೈಯಲ್ಲೇ ತಯಾರಿಸಲಾದ ಈ ಜೋಡಿ ಜುಮುಕಿಗಳ ತೂಕ ಬರೋಬ್ಬರಿ 16.514 ಕಿಲೋಗ್ರಾಂ! ನವಿಲಿನ ಸೌಂದರ್ಯ, ಗಾಂಭೀರ್ಯ ಮತ್ತು ಕೃಪೆಯಿಂದ ಪ್ರೇರಿತಗೊಂಡು ತಯಾರಿಸಲಾದ ಈ ಜುಮುಕಿಗೆ 'ಮಯೂರ ಸಹಸ್ರ' ಎಂದು ಹೆಸರಿಡಲಾಗಿದೆ. ಇದು ಜಗತ್ತಿನ ಅತಿ ತೂಕದ (Heaviest) ಹಾಗೂ ಅತಿ ದೊಡ್ಡ (Largest) ಕಿವಿಯೋಲೆ ಜೋಡಿ ಎನ್ನುವ ವಿಶ್ವ ದಾಖಲೆಯನ್ನು ತನ್ನದಾಗಿಸಿಕೊಂಡಿದೆ.

2026 ರ ಅಕ್ಟೋಬರ್ 24 ರಂದು ಯುಎಇ ಆರ್ಥಿಕ ಮತ್ತು ಪ್ರವಾಸೋದ್ಯಮ ಸಚಿವ ಅಬ್ದುಲ್ಲಾ ಬಿನ್ ತೌಕ್ ಅಲ್ ಮರ್ರಿ ಅವರ ಉಪಸ್ಥಿತಿಯಲ್ಲಿ ಈ ಬೃಹತ್ ಜುಮುಕಿಯನ್ನು ಅನಾವರಣಗೊಳಿಸಲಾಯಿತು. ಈ ಅಪರೂಪದ ಆಭರಣವನ್ನು ಮಾರಾಟಕ್ಕಿಡದೆ, ಪ್ರವಾಸಿಗರ ವೀಕ್ಷಣೆಗಾಗಿ ದುಬೈನಲ್ಲಿ ಖಾಯಂ ಆಗಿ ಪ್ರದರ್ಶನಕ್ಕಿಡಲಾಗುವುದು ಎಂದು ಸಂಸ್ಥೆ ತಿಳಿಸಿದೆ.

ಒಟ್ಟಾರೆಯಾಗಿ, 24 ಕ್ಯಾರೆಟ್ ಚಿನ್ನದ ನಡಿಗೆ ಹಾದಿ, ಗಿನ್ನೆಸ್ ದಾಖಲೆಯ ಬೃಹತ್ ಜುಮುಕಿ ಹಾಗೂ ಬೃಹತ್ ವ್ಯಾಪಾರ ಪ್ರದರ್ಶನಗಳ ಮೂಲಕ ದುಬೈ ಗೋಲ್ಡ್ ಡಿಸ್ಟ್ರಿಕ್ಟ್ ಜಾಗತಿಕ ಹೂಡಿಕೆದಾರರು ಮತ್ತು ಪ್ರವಾಸಿಗರನ್ನು ತನ್ನತ್ತ ಸೆಳೆಯಲು ಸಂಪೂರ್ಣವಾಗಿ ಸಜ್ಜಾಗಿದೆ.

ಸನಾತನ ಧರ್ಮ ಸ್ವೀಕರಿಸಿದ 'ಸುಪ್ರೀಂ' ವಕೀಲೆ ನಾಜಿಯಾ: ವಿಷಯ ತಿಳಿಯುತ್ತಲೇ ಪಾಕ್ನಿಂದ ಪ್ರಾಣ ಬೆದರಿಕೆ

Suchethana D — Mon, 26 Oct 2026 19:29:03 +0530

ಕೋಲ್ಕತಾ: ಸುಪ್ರೀಂ ಕೋರ್ಟ್ ವಕೀಲೆ ಮತ್ತು ಬಿಜೆಪಿ ನಾಯಕಿ ನಾಜಿಯಾ ಇಲಾಹಿ ಖಾನ್ ಅವರು ಸದಾ ಸದ್ದು ಮಾಡುತ್ತಲೇ ಇರುವಂಥವರು. ಇದಾಗಲೇ ನಾಜಿಯಾ ಖಾನ್‌ ಅವರು, ಹಿಂದೂ ಧರ್ಮದವರಿಗೂ ಅವರ ಧರ್ಮಪಾಲನೆ ಮಾಡಲು ಬೆದರಿಕೆಯೊಡ್ಡುತ್ತಿರುವವರು, ಮತಾಂತರ ಮಾಡಿ ಹಿಂದೂಗಳ ಶೋಷಣೆ ಮಾಡುತ್ತಿರುವವರಿಗೆ ಚಳಿ ಬಿಡಿಸಿದ್ದಾರೆ. ಪ್ರತಿಯೊಂದಕ್ಕೂ ಸಾಕ್ಷಿಯನ್ನು ಮುಂದಿಟ್ಟು ಮಾತನಾಡುವ ಅವರನ್ನು ಕಂಡರೆ ಭಯಬೀಳುವ ದೊಡ್ಡ ವರ್ಗವೇ ಇದೆ. ಅವರ ಎದುರು ವಾದ ಮಾಡಿ ಗೆದ್ದವರೇ ಇಲ್ಲ! ಏಕೆಂದರೆ ಅವರು ಹೇಳುವ ಪ್ರತಿಯೊಂದು ವಿಷಯಕ್ಕೂ ಅವರ ಬಳಿ ಸಾಕ್ಷಿ ಇರುತ್ತದೆ.

ನಾಸಿಕ್‌ನಲ್ಲಿರುವ ಟಿಸಿಎಸ್‌ ಕಂಪೆನಿಯ ಕಾರ್ಪೋರೆಟ್ ಜಿಹಾದ್ ಪ್ರಕರಣ ಇಡೀ ಹಿಂದೂ ಸಮುದಾಯವನ್ನು ಬೆಚ್ಚಿಬೀಳಿಸಿರುವ ಹೊತ್ತಿನಲ್ಲಿಯೇ ಬೆಳಕಿಗೆ ಬಂದದ್ದು, ದೇಶದ ಪ್ರಮುಖ ಐವೇರ್‌ ಕಂಪನಿ 'ಲೆನ್ಸ್‌ಕಾರ್ಟ್' (Lenskart). ಇಲ್ಲಿ ತನ್ನ ಉದ್ಯೋಗಿಗಳಿಗೆ ವಿಧಿಸಿರುವ ಹೊಸ ಡ್ರೆಸ್‌ ಕೋಡ್ ನಿಯಮಾವಳಿಗಳು ಈಗ ವಿವಾದದ ಕೇಂದ್ರಬಿಂದುವಾಗಿವೆ. ಹಿಂದೂ ಧರ್ಮದ ಸಾಂಪ್ರದಾಯಿಕ ಗುರುತುಗಳಾದ ಬಿಂದಿ, ಸಿಂಧೂರ ಮತ್ತು ಕೈಗೆ ಕಟ್ಟುವ ದಾರ ಧರಿಸುವುದರ ಮೇಲೆ ನಿರ್ಬಂಧ ಹೇರಿರುವ ಕಂಪೆನಿ, ಹಿಜಾಬ್ ಧರಿಸಲು ಅವಕಾಶ ನೀಡಿದ್ದು ನಿಮಗೆಲ್ಲಾ ನೆನಪಿರಬಹುದು. ಎಲ್ಲರೂ ಕಣ್ಣುಮುಚ್ಚಿ ಕುಳಿತುಕೊಂಡ ಸಂದರ್ಭದಲ್ಲಿ, ಈ ಕಂಪೆನಿಗೆ ಭೇಟಿ ನೀಡಿ ಹಿಂದೂಗಳಿಗೆ ಧೈರ್ಯದಿಂದ ಕುಂಕುಮ ಹಚ್ಚಿ, ಅಲ್ಲಿದ್ದವರ ಬೆವರಿಳಿಸಿದ್ದು ಇದೇ ನಾಜಿಯಾ ಖಾನ್.

ಇದೀಗ ನಾಜಿಯಾ ಅವರು, ಸನಾತನ ಧರ್ಮವನ್ನು ಸ್ವೀಕರಿಸಿದ್ದಾರೆ. ನಮ್ಮ ಪೂರ್ವಜರು ಸತ್ಯವನ್ನೇ ನಾನು ಸ್ವೀಕರಿಸುತ್ತಿದ್ದೇನೆ. ಇಲ್ಲಿರುವ ಎಲ್ಲ ಮುಸ್ಲಿಮರ ಪೂರ್ವಜರು ಹಿಂದೂಗಳೇ. ಆದ್ದರಿಂದ ನಾನು ಘರ್ ವಾಪಸಿ ಆಗುತ್ತಿದ್ದೇನೆ. ಹಿಂದೂ ಧರ್ಮಕ್ಕೆ ಮರಳುವುದಾಗಿ ಘೋಷಿಸಿದ್ದಾರೆ. "ನಾನು ಸಂವಿಧಾನದ ಪರವಾಗಿ ಮಾತನಾಡಿದ ರೀತಿ, ಯುಸಿಸಿಯನ್ನು ಬೆಂಬಲಿಸಿದ ರೀತಿ, ಜಿರಳೆ ಪ್ರತಿಭಟನೆಯನ್ನು ವಿರೋಧಿಸಿದ ರೀತಿ, ವಿರೋಧ ಪಕ್ಷಗಳನ್ನು ಬಹಿರಂಗಪಡಿಸಿದ ರೀತಿ, ಇಸ್ಲಾಂನ ದುಷ್ಕೃತ್ಯಗಳನ್ನು ಬಹಿರಂಗಪಡಿಸಿದ ರೀತಿ ಮತ್ತು ಇತ್ತೀಚೆಗೆ, ನಾನು ಮಧ್ಯಪ್ರದೇಶದ ಇಂದೋರ್‌ನಲ್ಲಿರುವ ರಾಮ್‌ಘಾಟ್‌ಗೆ ಹೋಗಿ ಶ್ರದ್ಧಾ (ಪವಿತ್ರ ಆಚರಣೆ) ಮಾಡಿದೆ ಮತ್ತು ಅಲ್ಲಿಂದ ನಾನು ಸನಾತನ ಧರ್ಮಕ್ಕೆ ಸೇರುತ್ತೇನೆ ಎಂದು ಘೋಷಿಸಿದೆ ಎಂದಿದ್ದಾರೆ.

ಮತ್ತೆ ಬಂತು ಪಾಕ್ನಿಂದ ಪ್ರಾಣ ಬೆದರಿಕೆ

ನಾಜಿಯಾ ಖಾನ್ ಅವರಿಗೆ ಪಾಕಿಸ್ತಾನದಿಂದ ಪ್ರಾಣ ಬೆದರಿಕೆ ಬರುವುದು ಸರ್ವೇ ಸಾಮಾನ್ಯ. ತಿಂಗಳಿಗೆ ಒಮ್ಮೆಯಾದರೂ ಹೀಗೆ ಬೆದರಿಕೆ ಬರುತ್ತಲೇ ಇರುತ್ತದೆ. ಈಗಲೂ ಅವರು ಹಿಂದೂ ಧರ್ಮ ಸ್ವೀಕಾರದ ಬಗ್ಗೆ ಮಾತನಾಡುತ್ತಲೇ ಮತ್ತೆ ಪ್ರಾಣ ಬೆದರಿಕೆ ಬಂದಿದೆ. ಇತ್ತೀಚೆಗೆ, ನಾಜಿಯಾ ಇಲಾಹಿ ಮಧ್ಯಪ್ರದೇಶದ ರಾಮ್‌ಘಾಟ್‌ಗೆ ಶ್ರದ್ಧಾ ಮತ್ತು ಪಿತೃ ಪಕ್ಷವನ್ನು ಮಾಡಲು ಹೋದರು. ಪಿತೃ ಪಕ್ಷದ ನಂತರ, ಅವರು ಶೀಘ್ರದಲ್ಲೇ ಸನಾತನ ಧರ್ಮಕ್ಕೆ ಮರಳುವುದಾಗಿ ಘೋಷಿಸಿದರು. ತನ್ನ ಪೂರ್ವಜರ ವಾಸ್ತವವಾದ ಸನಾತನ ಧರ್ಮವನ್ನು ಸ್ವೀಕರಿಸುವುದಾಗಿ ನಾಜಿಯಾ ಇಲಾಹಿ ಹೇಳುತ್ತಿದ್ದಂತೆಯೇ ಪಾಕಿಸ್ತಾನದಲ್ಲಿ ಈ ಹಿಂದಿನಂತೆ ಉರಿ ಹೊತ್ತಿದೆ. ಜೀವ ಬೆದರಿಕೆ ಒಡ್ಡಲಾಗಿದೆ ಎನ್ನುವ ವರದಿಗಳು ಬಂದಿವೆ

ನಾಜಿಯಾ ಇಲಾಹಿ ಯಾರು, ಬಿಜೆಪಿಯಲ್ಲಿ ಅವರ ಪಾತ್ರವೇನು?

ನಾಜಿಯಾ ಇಲಾಹಿ ಮೂಲತಃ ಪಶ್ಚಿಮ ಬಂಗಾಳದವರು ಎಂದು ತಿಳಿದುಬಂದಿದೆ. ಅವರು ಕಲ್ಕತ್ತಾ ವಿಶ್ವವಿದ್ಯಾಲಯದಿಂದ ಎಲ್‌ಎಲ್‌ಬಿ ಮತ್ತು ಎಲ್‌ಎಲ್‌ಎಂ ಪಡೆದರು. ಅವರು ಸುಪ್ರೀಂ ಕೋರ್ಟ್ ವಕೀಲರು. ಸುಪ್ರೀಂ ಕೋರ್ಟ್‌ನಲ್ಲಿ ತ್ರಿವಳಿ ತಲಾಖ್ ಪ್ರಕರಣದಲ್ಲಿ ಇಶ್ರತ್ ಜಹಾನ್ ಅವರ ಕಾನೂನು ಸಲಹೆಗಾರರಾಗಿಯೂ ಅವರು ಮನ್ನಣೆ ಪಡೆದರು. ನಂತರ ಅವರು 2018 ರಲ್ಲಿ ಔಪಚಾರಿಕವಾಗಿ ಬಿಜೆಪಿ ಸೇರಿದರು. ಅವರು ಪ್ರಸ್ತುತ ಬಿಜೆಪಿ ಅಲ್ಪಸಂಖ್ಯಾತ ರಂಗದೊಂದಿಗೆ ಸಂಬಂಧ ಹೊಂದಿದ್ದಾರೆ.

ನಾಜಿಯಾ ಇಲಾಹಿಗೂ ಪಾಕಿಸ್ತಾನದಿಂದ ಜೀವ ಬೆದರಿಕೆಗಳು ಬಂದಿವೆ. ಇತ್ತೀಚೆಗೆ, ನಾಜಿಯಾ, "ಐಎಸ್‌ಐ ಹ್ಯಾಂಡ್ಲರ್ ಶಹಜಾದ್ ಭಟ್ಟಿ ಮತ್ತು ಅವರ ಕಮಾಂಡೋ ಹುನೈನ್ ರಾಣಾ ಅವರ ಖಾಸಗಿ ಸಂಖ್ಯೆಗಳಿಂದ ಅವರಿಗೆ ಭಯಾನಕ ವೀಡಿಯೊಗಳು ಮತ್ತು ಸಂದೇಶಗಳನ್ನು ಕಳುಹಿಸಿದ್ದಾರೆ. ಈ ಬೆದರಿಕೆಗಳು ನನ್ನನ್ನು, ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಮತ್ತು ಸುವೇಂದು ಅಧಿಕಾರಿಯನ್ನು ಕ್ರೂರವಾಗಿ ಹಿಂಸಿಸಿ ನಂತರ ಕೊಲ್ಲುವುದಾಗಿ ಹೇಳುತ್ತವೆ" ಎಂದು ನಾಜಿಯಾ ಹೇಳಿದ್ದಾರೆ. ಈ ಬೆದರಿಕೆಗಳ ನಂತರ, ನಾಜಿಯಾ ಪೊಲೀಸ್ ಅಧಿಕಾರಿಗಳು ಮತ್ತು ಭದ್ರತಾ ಸಂಸ್ಥೆಗಳಿಗೆ ದೂರು ನೀಡಿದ್ದಾರೆ.

ಪತ್ನಿಗೆ ಕಾಡಿದ ತೀವ್ರ ಅನಾರೋಗ್ಯ, ಶಸ್ತ್ರಚಿಕಿತ್ಸೆ ವೇಳೆ ದುಃಖ ತಡೆಯಲಾಗದೇ ಕಣ್ಣೀರಿಟ್ಟ ಖ್ಯಾತ ಹಿರಿಯ ನಟ

Ganesh Mabla Gowda — Mon, 26 Oct 2026 19:21:37 +0530

ದಶಕಗಳ ಕಾಲ ನಗಿಸಿದ ಜನಪ್ರಿಯ ಹಾಸ್ಯ ನಟ, ಹಿರಿಯ ಕಲಾವಿದ ಅಲಿ ಅವರ ಪತ್ನಿ ಜುಬೇದಾ ಸುಲ್ತಾನಾ ಬೇಗಂ ತೀವ್ರ ಅನಾರೋಗ್ಯಕ್ಕೆ ಒಳಗಾಗಿದ್ದು, ಹೆಂಡತಿಯ ಸ್ಥಿತಿ ನೆನೆದು ಕಣ್ಣೀರು ಇಟ್ಟಿದ್ದಾರೆ. ಇದೀಗ ಹಿರಿಯ ನಟ ಕಣ್ಣೀರು ಇಡುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

ವಿಡಿಯೋದಲ್ಲಿ ಅವರ ಪತ್ನಿಯನ್ನು ಸಸ್ತ್ರಚಿಕಿತ್ಸೆಗೆ ಕರೆದುಕೊಂಡು ಹೋಗುವ ಸಂದರ್ಭ. ಆ ವೇಳೆ ಅಲಿ ಅವರು ತೀವ್ರ ನೋವು ವ್ಯಕ್ತಪಡಿಸಿದ್ದಾರೆ. ದುಃಖವನ್ನು ತಡೆಯಲಾಗದೇ ಕಷ್ಟಪಟ್ಟಿದ್ದರು. ಯಶಸ್ವಿ ಶಸ್ತ್ರಚಿಕಿತ್ಸೆಯ ನಂತರ ಮನೆಯಲ್ಲಿ ಕೂತು ಆ ದೃಶ್ಯವನ್ನು ನೋಡುವಾಗ ಕಣ್ಣೀರು ಇಟ್ಟಿದ್ದಾರೆ. ಆ ದೃಶ್ಯವನ್ನ ನೋಡಿದ ಅಭಿಮಾನಿಗಳ ಕಣ್ಣಾಲೆಗಳು ಕೂಡ ಒದ್ದೆಯಾಗಿದ್ದು, ನಿಮ್ಮ ಪತ್ನಿ ಆದಷ್ಟು ಬೇಗ ಚೇತರಿಸಿಕೊಳ್ಳಲಿ ಎಂದು ಪ್ರಾರ್ಥಿಸಿದ್ದಾರೆ.

ಅಲಿ ಪತ್ನಿಗೆ ಏನಾಗಿದೆ?

ವರದಿಗಳ ಪ್ರಕಾರ.. ಜುಬೇದಾ ಹೃದಯ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಅವರು ತುರ್ತು ಶಸ್ತ್ರಚಿಕಿತ್ಸೆಗೆ ವೈದ್ಯರು ಸೂಚನೆ ನೀಡಿದ್ದರು. ಇದೀಗ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿದೆ. ಅವರು ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ವರದಿಯಾಗಿದೆ. ಇನ್ನು, ಜುಬೇದಾ ಅವರಿಗೆ ಏನಾಗಿದೆ ಎಂಬುದನ್ನು ಅಲಿ ಕುಟುಂಬ ದೃಢಪಡಿಸಿಲ್ಲ. ಅನಾರೋಗ್ಯ ಕಾಡಿದೆ ಎಂದಷ್ಟೇ ತಿಳಿಸಲಾಗಿದೆ.

ಜುಬೇದಾ, ಯೂಟ್ಯೂಬರ್ ಮತ್ತು ವ್ಲಾಗರ್ ಕೂಡ ಹೌದು. ಅವರು ತಮ್ಮ ಶಸ್ತ್ರಚಿಕಿತ್ಸೆ ಸಂದರ್ಭದಲ್ಲಿ ಪತಿಯ ದುಃಖ ಮತ್ತು ಕುಟುಂಬದ ಸಂಕಷ್ಟವನ್ನು ವಿಡಿಯೋ ಮೂಲಕ ದಾಖಲಿಸಿದ್ದಾರೆ. ಶಸ್ತ್ರಚಿಕಿತ್ಸೆಗೆ ತನ್ನ ಪತ್ನಿ ತಯಾರಿ ನಡೆಸಿದ ರೀತಿ, ಅವರ ನೋವಿನ ನರಳಾಟವನ್ನು ಅಭಿಮಾನಿಗಳ ಜೊತೆ ಹಂಚಿಕೊಂಡಿದ್ದಾರೆ. ಇಂಥ ಸಂಗಾತಿಯನ್ನು ಪಡೆದಿರೋದು ನನ್ನ ಅದೃಷ್ಟ ಎಂಬು ಭಾವುಕರಾಗಿದ್ದಾರೆ. ಇನ್ನ, ತಮ್ಮ ಆರೋಗ್ಯ ಚೇತರಿಕೆಗಾಗಿ ಪ್ರಾರ್ಥಿಸಿದ ಅಭಿಮಾನಿಗಳಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.

ಅಲಿ ಜನವರಿ 23, 1994 ರಂದು ಜುಬೇದಾ ಸುಲ್ತಾನಾ ಬೇಗಂ ಅವರನ್ನು ಮದುವೆ ಆದರು. ಈ ದಂಪತಿಗೆ ಮೂವರು ಮಕ್ಕಳಿದ್ದಾರೆ. ಇಬ್ಬರು ಹೆಣ್ಮಕ್ಕಳು, ಒಬ್ಬ ಮಗ ಇದ್ದಾನೆ.

ಅಲಿ ಯಾರು?

ತೆಲುಗಿನ ಖ್ಯಾತ ಹಾಸ್ಯ ನಟನ ಪೂರ್ಣ ಹೆಸರು ಮೊಹಮ್ಮದ್ ಅಲಿ ಬಾಷಾ. ಅಭಿಮಾನಿಗಳಿಗೆ ಅಲಿ ಎಂದೇ ಪರಿಚಿತರು. ಇವರು ಭಾರತೀಯ ನಟ, ಹಾಸ್ಯನಟ ಮತ್ತು ದೂರದರ್ಶನ ನಿರೂಪಕ, ಮುಖ್ಯವಾಗಿ ತೆಲುಗು ಚಿತ್ರರಂಗದಲ್ಲಿ ಕೆಲಸ ಮಾಡುತ್ತಾರೆ. ಅಕ್ಟೋಬರ್ 10, 1967 ರಂದು ಆಂಧ್ರ ಪ್ರದೇಶದ ರಾಜಮಂಡ್ರಿಯಲ್ಲಿ ಜನಿಸಿದ ಅವರು, ಚಿಕ್ಕ ವಯಸ್ಸಿನಲ್ಲಿಯೇ ಮನರಂಜನೆ ಜಗತ್ತಿಗೆ ದುಮುಕಿದರು. ಕ್ರಮೇಣ ತೆಲುಗು ಚಿತ್ರರಂಗದಲ್ಲಿ ದೊಡ್ಡ ಹೆಸರನ್ನು ಮಾಡಿದರು.

ಬಾಲ ಕಲಾವಿದನಾಗಿ ನಟಿಸಿದ ಅಲಿ, ನಂತರದ ದಿನಗಳಲ್ಲಿ ಹಾಸ್ಯ ಮತ್ತು ಪೋಷಕ ಪಾತ್ರಗಳಲ್ಲಿ ನಟಿಸಿ ಖ್ಯಾತಿಗಳಿಸಿದರು. ಹಾಸ್ಯಮಯ ಸಂಭಾಷಣೆಗಳನ್ನು ನೀಡುವ ಮತ್ತು ವಿಭಿನ್ನ ಪಾತ್ರಗಳಿಗೆ ಹೊಂದಿಕೊಳ್ಳುವ ಶಕ್ತಿ ಅಲಿಗೆ ಇದೆ. ತೆಲುಗಿನ ಖ್ಯಾತ ನಟರ ಜೊತೆ ಕೆಲಸ ಮಾಡಿದ ಅನುಭವವನ್ನು ಹೊಂದಿದ್ದಾರೆ. ಅವರು ತಮ್ಮ ಸುದೀರ್ಘ ಸಿನಿಮಾ ಪ್ರಯಾಣದಲ್ಲಿ ಸಾವಿರಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ. ಹಾಸ್ಯ, ಪೋಷಕ ಪಾತ್ರಗಳು ಮತ್ತು ಪಾತ್ರ-ಆಧಾರಿತ ಅಭಿನಯಗಳಲ್ಲಿ ನಟಿಸಿದ್ದಾರೆ.

2019ರಲ್ಲಿ ಬಿಡುಗಡೆಯಾದ ಸಲ್ಮಾನ್ ಖಾನ್ ಅವರ ದಬಾಂಗ್ 3 ಚಿತ್ರದಲ್ಲಿಯೂ ನಟಿಸುವ ಮೂಲಕ ಬಾಲಿವುಡ್‌ಗೆ ಕಾಲಿಟ್ಟರು. ತೆಲುಗು ಚಿತ್ರರಂಗಕ್ಕೆ ನೀಡಿದ ಕೊಡುಗೆಗಾಗಿ ನಂದಿ ಪ್ರಶಸ್ತಿಗಳು ಮತ್ತು ದಕ್ಷಿಣ ಫಿಲ್ಮ್‌ಫೇರ್ ಪ್ರಶಸ್ತಿಗಳು ಸೇರಿದಂತೆ ಹಲವು ಪ್ರಶಸ್ತಿಗಳನ್ನ ತಮ್ಮದಾಗಿಸಿಕೊಂಡಿದ್ದಾರೆ.

View this post on Instagram

A post shared by iDream Filmnagar (@idream_filmnagar)

ಎಚ್ಚರ, ಎಚ್ಚರ! ಹಾಳಾದ ಮೊಸರು ವಾಪಸ್ ಮಾಡಲು ಹೋಗಿ 98 ಸಾವಿರ ಕಳೆದುಕೊಂಡ ಬೆಂಗಳೂರು ಮಹಿಳೆ

Suchethana D — Mon, 26 Oct 2026 19:05:28 +0530

ಬೆಂಗಳೂರು: ಆನ್‌ಲೈನ್ ಶಾಪಿಂಗ್ ಮಾಡುವಾಗ, ಗ್ರಾಹಕರು ಸಾಮಾನ್ಯವಾಗಿ ದೋಷಪೂರಿತ ವಸ್ತುಗಳನ್ನು ಸ್ವೀಕರಿಸಿದ ನಂತರ ಅದನ್ನು ವಾಪಸ್ ಮಾಡುತ್ತಾರೆ. ಆದರೆ, ಹೀಗೆ ಮರುಪಾವತಿ ಮಾಡುವುದನ್ನೇ ಸೈಬರ್ ವಂಚಕರು ಬಳಸಿಕೊಳ್ಳುವ ಶಾಕಿಂಗ್ ಘಟನೆಯೊಂದು ಬೆಂಗಳುರಿನಲ್ಲಿ ನಡೆದಿದೆ. ಬೆಂಗಳೂರಿನ ಮಹಿಳೆಯೊಬ್ಬರು ಮೊಸರು ಪ್ಯಾಕೆಟ್ ವಾಪಸ್ ಬಗ್ಗೆ ದೂರು ನೀಡುವಾಗ ಸೈಬರ್ ವಂಚಕರಿಗೆ ಬಲಿಯಾಗಿದ್ದಾರೆ. ಒಂದು ಮೊಸರು ಪ್ಯಾಕೆಟ್ ಬದಲಿಗೆ 98 ಸಾವಿರ ರೂಪಾಯಿ ಕಳೆದುಕೊಂಡಿದ್ದಾರೆ!

ಆಗಿದ್ದೇನು?

ವಂಚಕರು ಗ್ರಾಹಕ ಸೇವಾ ಪ್ರತಿನಿಧಿಗಳಂತೆ ನಟಿಸಿ ಅವರನ್ನು ಸಂಪರ್ಕಿಸಿ ಮರುಪಾವತಿಸುವುದಾಗಿ ಭರವಸೆ ನೀಡಿದರು. ಅಲ್ಪಾವಧಿಯಲ್ಲಿಯೇ, ಅವರ ಬ್ಯಾಂಕ್ ಖಾತೆಯಿಂದ ₹98,000 ವಿತ್ಡ್ರಾ ಮಾಡಲಾಗಿದೆ. ದೋಷಪೂರಿತ ಮೊಸರನ್ನು ವಾಪಸ್ ತೆಗೆದುಕೊಂಡು ಹೋಗಲು ಮಹಿಳೆ ಎಲ್ಲಿಯೋ ಸಿಕ್ಕ ನಂಬರ್ಗೆ ಫೋನ್ ಮಾಡಿದ್ದಾರೆ. ಫೋನ್‌ಗೆ ಉತ್ತರಿಸಿದ ವ್ಯಕ್ತಿಯು ದೋಷಯುಕ್ತ ಸರಕುಗಳಿಗೆ ಮರುಪಾವತಿ ಭರವಸೆ ನೀಡಿದರು. ಹಾಗೆ ಮಾಡಲು, ಅವರು ವಾಟ್ಸ್ಆ್ಯಪ್ನಲ್ಲಿ ಲಿಂಕ್ ಕಳುಹಿಸಿದರು ಮತ್ತು ಹರಿದ ಮೊಸರು ಪ್ಯಾಕೆಟ್‌ನ ಫೋಟೋವನ್ನು ಅಪ್‌ಲೋಡ್ ಮಾಡಲು ಕೇಳಿದರು. ಮಹಿಳೆ ಸೂಚನೆಗಳನ್ನು ಅನುಸರಿಸಿದರು.

ಕರೆ ಮಾಡಿದ್ದು ವಂಚಕರಿಗೆ

ಇದರ ನಂತರ, ಇನ್ನೊಬ್ಬ ವ್ಯಕ್ತಿ ಅವರನ್ನು ಸಂಪರ್ಕಿಸಿ, ಮರುಪಾವತಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ್ದೇನೆ ಎಂದು ಹೇಳಿಕೊಂಡು ಅವರ ಡಿಜಿಟಲ್ ಪಾವತಿ ಖಾತೆಯನ್ನು ತೆರೆಯಲು ಮತ್ತು ಅವರ ಬ್ಯಾಲೆನ್ಸ್ ಪರಿಶೀಲಿಸಲು ಕೇಳಿಕೊಂಡರು. ಮಹಿಳೆಯ ಪ್ರಕಾರ, ಖಾತೆಯ ಪಾಸ್‌ವರ್ಡ್ ಅನ್ನು ನಮೂದಿಸಿದಾಗ, ಅಪ್ಲಿಕೇಶನ್ ಅವರ ಪರದೆಯಿಂದ ಕಣ್ಮರೆಯಾಯಿತು. ಸ್ವಲ್ಪ ಸಮಯದ ನಂತರ, ಅವರ ಬ್ಯಾಂಕ್ ಖಾತೆಯಿಂದ ₹98,000 ಕಡಿತಗೊಳಿಸಲಾಗಿದೆ ಎಂದು ಅವರಿಗೆ ತಿಳಿಯಿತು.

ವರದಿಯ ಪ್ರಕಾರ, ಬೆಂಗಳೂರಿನ ವಸಂತ ನಗರದಲ್ಲಿ ವಾಸಿಸುವ 56 ವರ್ಷದ ಗೃಹಿಣಿಯೊಬ್ಬರು ಅಕ್ಟೋಬರ್ 17 ರಂದು ಕ್ವಿಕ್-ಕಾಮರ್ಸ್ ಪ್ಲಾಟ್‌ಫಾರ್ಮ್ ಬಿಲ್ಲಿಂಕಿಟ್‌ನಿಂದ ಮೊಸರು ಆರ್ಡರ್ ಮಾಡಿದರು. ವಿತರಣೆಯನ್ನು ಸ್ವೀಕರಿಸಿದ ನಂತರ, ಪ್ಯಾಕೆಟ್ ಹರಿದಿರುವುದನ್ನು ಅವರು ಕಂಡುಕೊಂಡರು. ಮಹಿಳೆ ವಿತರಣಾ ಏಜೆಂಟ್‌ಗೆ ದೂರು ನೀಡಿದಾಗ, ಅವರು ಗ್ರಾಹಕ ಸೇವೆಯನ್ನು ಸಂಪರ್ಕಿಸಲು ಸಲಹೆ ನೀಡಿದರು. ನಂತರ ಮಹಿಳೆ ಕಂಪನಿಯ ಗ್ರಾಹಕ ಸೇವೆ ಸಂಖ್ಯೆಯನ್ನು ಆನ್‌ಲೈನ್‌ನಲ್ಲಿ ಹುಡುಕಿದರು ಮತ್ತು ಅವರು ಕಂಡುಕೊಂಡ ಸಂಖ್ಯೆಗಳಲ್ಲಿ ಒಂದಕ್ಕೆ ಕರೆ ಮಾಡಿದರು. ಆದರೆ ಅಸಲಿಗೆ ಅವರು ಮಾಡಿದ್ದು ಅರ್ಥಾತ್ ಆನ್ಲೈನ್ನಲ್ಲಿ ಹುಡುಕಿದ್ದು ವಂಚಕರ ಸಂಖ್ಯೆ!. ಇಂಥ ಸಂದರ್ಭದಲ್ಲಿ ಹೀಗೆ ಮೋಸ ಹೋಗಲಿ ಎನ್ನುವ ಕಾರಣಕ್ಕೆ ವಂಚಕರು ಗ್ರಾಹಕರ ಸೇವೆ ಹೆಸರಿನಲ್ಲಿ ತಮ್ಮ ನಂಬರ್ ಹಾಕಿರುತ್ತಾರೆ. ಗೊತ್ತಿಲ್ಲದವರು ಇದನ್ನೇ ಕಸ್ಟಮರ್ ಕೇರ್ ಎಂದು ನಂಬಿ ಕಾಲ್ ಮಾಡುತ್ತಾರೆ ಎನ್ನುವುದು ಅವರಿಗೆ ಚೆನ್ನಾಗಿ ಗೊತ್ತಿದೆ. ಹೀಗೆ ಮೋಸ ಹೋಗುತ್ತಿರುವವರು ಹಲವರು. ವಂಚನೆಯನ್ನು ಪತ್ತೆಹಚ್ಚಿದ ನಂತರ, ಮಹಿಳೆ ಪೊಲೀಸರಿಗೆ ದೂರು ನೀಡಿದರು, ಅದರ ನಂತರ ಸೈಬರ್ ಕ್ರೈಮ್ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಪ್ರಾರಂಭಿಸಿದ್ದಾರೆ.

ಆನ್‌ಲೈನ್ ಮರುಪಾವತಿಯನ್ನು ಬಯಸುವಾಗ ಈ ವಿಷಯಗಳನ್ನು ನೆನಪಿನಲ್ಲಿಡಿ

ಇಂತಹ ಘಟನೆಗಳನ್ನು ತಪ್ಪಿಸಲು, ಬಿಲ್ಲಿಂಗಿಟ್‌ನ ಅಧಿಕೃತ ಅಪ್ಲಿಕೇಶನ್‌ನಲ್ಲಿ ಲಭ್ಯವಿರುವ ಬೆಂಬಲ ಆಯ್ಕೆಗಳನ್ನು ಮಾತ್ರ ಬಳಸಿ. ಕಂಪನಿಯು ತನ್ನ ವೆಬ್‌ಸೈಟ್‌ನಲ್ಲಿ ಅಧಿಕೃತ ಗ್ರಾಹಕ ಸೇವೆ ಫೋನ್ ಸಂಖ್ಯೆಯನ್ನು ಹೊಂದಿಲ್ಲ ಎಂದು ಸ್ಪಷ್ಟಪಡಿಸುತ್ತದೆ. ಅಪರಿಚಿತ ಸಂಖ್ಯೆಗಳಿಂದ ಲಿಂಕ್‌ಗಳನ್ನು ತೆರೆಯಬೇಡಿ ಮತ್ತು ನಿಮ್ಮ OTP, UPI ಪಿನ್, ಪಾಸ್‌ವರ್ಡ್ ಅಥವಾ ಬ್ಯಾಂಕಿಂಗ್ ಗೌಪ್ಯ ಮಾಹಿತಿಯನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ. ಒಂದು ವೇಳೆ ನೀವು ತಪ್ಪಾದ ಕಸ್ಟಮರ್ ಕೇರ್ಗೆ ಕಾಲ್ಮಾಡಿದ್ದರೂ, ಅವರು OTP, UPI ಪಿನ್, ಪಾಸ್‌ವರ್ಡ್ ಇತ್ಯಾದಿ ಕೇಳಿದರು ಎಂದರೆ ಅವರು ಅಸಲಿ ಕಸ್ಟಮರ್ ಕೇರ್ನವರು ಅಲ್ಲವೇ ಅಲ್ಲ, ಅವರು ವಂಚಕರು ಎನ್ನೋದು ಗೊತ್ತಾಗಿ ಕಾಲ್ ಕಟ್ ಮಾಡಿ. ಇಲ್ಲದಿದ್ದರೆ ನಿಮ್ಮ ಬ್ಯಾಂಕ್ ಲೂಟಿಯಾಗುತ್ತದೆ.

ನಿಮ್ಮ ಖಾತೆಯಿಂದ ಅನಧಿಕೃತ ವಹಿವಾಟು ನಡೆದರೆ, ತಕ್ಷಣ ನಿಮ್ಮ ಬ್ಯಾಂಕ್‌ಗೆ ತಿಳಿಸಿ ಮತ್ತು ಸೈಬರ್ ಕ್ರೈಮ್ ಸಹಾಯವಾಣಿ 1930 ಗೆ ದೂರು ದಾಖಲಿಸಿ. ನೆನಪಿಡಿ, ಅಪರಿಚಿತ ವ್ಯಕ್ತಿಯ ಮರುಪಾವತಿ ವಿಧಾನವನ್ನು ಕುರುಡಾಗಿ ನಂಬುವುದು ದುಬಾರಿಯಾಗಬಹುದು.

200 ರೂ. ಬೆಳ್ಳಿಯ ನಾಣ್ಯ ಬಿಡುಗಡೆ- ಒಂದು ನಾಣ್ಯಕ್ಕೆ ಖರ್ಚಾಗಿದ್ದು 7,800 ರೂ! ಇಲ್ಲಿದೆ ಇಂಟರೆಸ್ಟಿಂಗ್ ವಿಷ್ಯ

Suchethana D — Mon, 26 Oct 2026 17:51:26 +0530

ರಾಯ್‌ಪುರ: ರಾಷ್ಟ್ರಪತಿ ದ್ರೌಪದಿ ಮುರ್ಮು ಇಂದು ಛತ್ತೀಸ್‌ಗಢದ ರಾಯಪುರದಲ್ಲಿ, 200 ರೂಪಾಯಿಯ ಬೆಳ್ಳಿ ಲೇಪಿತ ನಾಣ್ಯವನ್ನು ಬಿಡುಗಡೆ ಮಾಡಿದ್ದಾರೆ. ಎರಡು ದಿನಗಳ ಭೇಟಿಗಾಗಿ ಛತ್ತೀಸ್‌ಗಢಕ್ಕೆ ಆಗಮಿಸಿರುವ ರಾಷ್ಟ್ರಪತಿ, ತಮ್ಮ ಭೇಟಿಯ ಮೊದಲ ದಿನದಂದು, ರಾಜಧಾನಿ ರಾಯ್‌ಪುರದ ಲೋಕ ಭವನದಲ್ಲಿ ನಡೆದ ಸಮಾರಂಭದಲ್ಲಿ ರಾಷ್ಟ್ರಪತಿಗಳು ಮಾತಾ ಹಸಿ ದೇವಿ ಜಿ ಅವರ ಗೌರವಾರ್ಥವಾಗಿ 200 ರೂಪಾಯಿಗಳ ಸ್ಮರಣಾರ್ಥ ನಾಣ್ಯವನ್ನು ಬಿಡುಗಡೆ ಮಾಡಿದ್ದಾರೆ. ಈ ಒಂದು ನಾಣ್ಯ ತಯಾರಿಗೆ ಖರ್ಚಾಗಿದ್ದು, ಸುಮಾರು 7800 ರೂಪಾಯಿಗಳು. ನಿಖರವಾಗಿ ಹೇಳುವುದಾರೆ, 7,926 ರೂಪಾಯಿಗಳು. ಈ ವಿಶೇಷ ನಾಣ್ಯವು 35 ಗ್ರಾಂ ತೂಗುತ್ತದೆ ಮತ್ತು ಕೋಲ್ಕತಾ ಠಂಕಸಾಲೆಯಲ್ಲಿ ಮುದ್ರಿಸಲಾಗಿದೆ. ಇದು ಶೇಕಡಾ 50 ಬೆಳ್ಳಿ, ಶೇಕಡಾ 40 ತಾಮ್ರ, ಐದು ಶೇಕಡಾ ನಿಕಲ್ ಮತ್ತು ಐದು ಶೇಕಡಾ ಸತುವುಗಳಿಂದ ಕೂಡಿದೆ.

ಹಾಗಿದ್ರೆ ಏನಿದು ನಾಣ್ಯ? 200 ರೂಪಾಯಿ ನಾಣ್ಯ ಮುದ್ರಿಸಲು ಇಷ್ಟು ದೊಡ್ಡ ಮೊತ್ತದ ಹಣ ಖರ್ಚು ಮಾಡಿದ್ದೇಕೆ, ಇದು ಜನಸಾಮಾನ್ಯರಿಗೆ ಸಿಗತ್ತಾ ಎನ್ನುವ ಎಲ್ಲಾ ಪ್ರಶ್ನೆಗಳೂ ಬಂದಿರುತ್ತವೆ. ಆದರೆ ಅಲ್ಲೇ ಇರೋದು ವಿಶೇಷತೆ. ರಾಯ್‌ಪುರದ ಶಾದಾನಿ ದರ್ಬಾರ್‌ನ ಐದನೇ ಮುಖ್ಯಸ್ಥೆ ಮಾತಾ ಸಾಹಿಬ್ ಹಸಿ ದೇವಿಯ 200 ನೇ ಜನ್ಮ ವಾರ್ಷಿಕೋತ್ಸವವನ್ನು ಗುರುತಿಸಲು ಕೇಂದ್ರ ಹಣಕಾಸು ಸಚಿವಾಲಯವು ಈ 200 ರೂಪಾಯಿಗಳ ಸ್ಮರಣಾರ್ಥ ನಾಣ್ಯವನ್ನು ಬಿಡುಗಡೆ ಮಾಡಿದೆ. ಇದರ ಅರ್ಥ, ಕೇಂದ್ರ ಸರ್ಕಾರ, ಮಹಾನ್ ನಾಯಕರ ಸ್ಮರಣಾರ್ಥ ಬೆಳ್ಳಿ ನಾಣ್ಯಗಳನ್ನು, ಅಂಚೆ ಚೀಟಿಗಳನ್ನು ಬಿಡುಗಡೆ ಮಾಡುವುದು ಹೊಸ ವಿಷಯವೇನಲ್ಲ. ಹಾಗೆಂದು ಅದು ಚಲಾವಣೆಗೆ ಬರುವ ನಾಣ್ಯಗಳಲ್ಲ. ಆದರೆ ಅದನ್ನು ಆನ್ಲೈನ್ ಮೂಲಕ ಪಡೆಯಲು ಬಯಸುವವರಿಗೆ ಅವಕಾಶ ಕಲ್ಪಿಸಲಾಗಿದೆ.

ನಾಣ್ಯದ ವಿಶೇಷತೆಗಳೇನು?

ಕೇಂದ್ರ ಸರ್ಕಾರವು ಬಿಡುಗಡೆ ಮಾಡಿದ ಈ ವಿಶೇಷ ನಾಣ್ಯವು ಪೂಜ್ಯ ಮಾತಾ ಹಸಿ ದೇವಿ ಜಿ ಅವರ ಚಿತ್ರವನ್ನು ಒಳಗೊಂಡಿದೆ. ನಾಣ್ಯದ ಒಂದು ಬದಿಯಲ್ಲಿ ಅಶೋಕ ಸ್ತಂಭದ ಸಿಂಹದ ರಾಜಧಾನಿ ಮತ್ತು 200 ರೂಪಾಯಿಗಳ ಮುಖಬೆಲೆಯನ್ನು ಚಿತ್ರಿಸಲಾಗಿದೆ. ಈ ಸ್ಮರಣಾರ್ಥ ನಾಣ್ಯವು ಅವರ ಜೀವನ, ಆಲೋಚನೆಗಳು ಮತ್ತು ಆಧ್ಯಾತ್ಮಿಕ ಕೊಡುಗೆಗಳನ್ನು ಭವಿಷ್ಯದ ಪೀಳಿಗೆಗೆ ತಿಳಿಸಲು ಪ್ರಯತ್ನಿಸುತ್ತದೆ. ನಾಣ್ಯವನ್ನು ಅನಾವರಣಗೊಳಿಸಿದ ನಂತರ, ಭಕ್ತರು ಮತ್ತು ನಾಣ್ಯ ಸಂಗ್ರಹಕಾರರು ಶಾದಾನಿ ದರ್ಬಾರ್‌ನ ವಿವಿಧ ಘಟಕಗಳ ಮೂಲಕ ಅದನ್ನು ಬುಕ್ ಮಾಡಲು ಸಾಧ್ಯವಾಗುತ್ತದೆ. ಸಿಂಧಿ ದಿಗ್ಗಜರ ಗೌರವಾರ್ಥವಾಗಿ ಸ್ಮರಣಾರ್ಥ ನಾಣ್ಯವನ್ನು ಬಿಡುಗಡೆ ಮಾಡುವುದು ಸಮುದಾಯಕ್ಕೆ ಒಂದು ಐತಿಹಾಸಿಕ ಸಂದರ್ಭವಾಗಿದೆ. ಭಾರತ ಮತ್ತು ವಿದೇಶಗಳಲ್ಲಿ ವಾಸಿಸುವ ಲಕ್ಷಾಂತರ ಸಿಂಧಿಗಳಿಗೆ ಇದು ಹೆಮ್ಮೆಯ ವಿಷಯವಾಗಿದೆ.

ಮಾತಾ ಹಸಿ ದೇವಿ ಯಾರು?

ಮಾತಾ ಸಾಹಿಬ್ ಹಸಿ ದೇವಿ 1826 ರಲ್ಲಿ ಅವಿಭಜಿತ ಭಾರತದ ಸಿಂಧ್ ಪ್ರಾಂತ್ಯದ ಖಾನ್ಪುರ್ ಮಹಾರ್‌ನಲ್ಲಿ ಜನಿಸಿದರು. 26 ನೇ ವಯಸ್ಸಿನಲ್ಲಿ, ಅವರು ಗುರು ಗಡ್ಡಿಯನ್ನು ಶಾದಾನಿ ದರ್ಬಾರ್‌ನ ಐದನೇ ಪೀಠಾಧೀಶ್ವರರಾಗಿ ವಹಿಸಿಕೊಂಡರು. ಅವರು 57 ವರ್ಷಗಳ ಕಾಲ ಸಂಪೂರ್ಣ ಭಕ್ತಿಯಿಂದ ಈ ಆಧ್ಯಾತ್ಮಿಕ ಜವಾಬ್ದಾರಿಯನ್ನು ನಿರ್ವಹಿಸಿದರು. ಅವರ ಅಧಿಕಾರಾವಧಿಯಲ್ಲಿ, ಅವರು ಶಿಕ್ಷಣ, ಸ್ತೋತ್ರಗಳು, ಸಂಸ್ಕೃತಿ ಮತ್ತು ಸಮಾಜದಲ್ಲಿ ನಿರ್ಗತಿಕರಿಗೆ ಸೇವೆಗೆ ಹೊಸ ನಿರ್ದೇಶನ ನೀಡಿದರು.

ಮಾತಾ ಹಸಿ ದೇವಿ ವಿಶೇಷವಾಗಿ ಹಿಂದಿ, ಸಂಸ್ಕೃತ ಮತ್ತು ಸಂಗೀತ ಬೋಧನೆಯನ್ನು ಪ್ರೋತ್ಸಾಹಿಸುತ್ತಿದ್ದರು. ಇದಲ್ಲದೆ, ವಿಧವೆಯರು, ಅನಾಥರು, ಬಡವರು ಮತ್ತು ನಿರ್ಗತಿಕರಿಗೆ ಸಹಾಯ ಮಾಡಲು ಅವರ ಬಾಗಿಲುಗಳು ಯಾವಾಗಲೂ ತೆರೆದಿರುತ್ತವೆ. ಮಾನವೀಯತೆಯ ಸೇವೆಯನ್ನು ತನ್ನ ಶ್ರೇಷ್ಠ ಧರ್ಮವೆಂದು ಪರಿಗಣಿಸಿದ್ದ ಈ ಮಹಾನ್ ಸಂತರು ಏಪ್ರಿಲ್ 30, 1909 ರಂದು ನಿಧನರಾದರು.

Bihar Labourer Viral Video: ತಿಂಗಳೆಲ್ಲಾ ದುಡಿದ ಸಂಬಳವನ್ನು ಖರ್ಚು ಮಾಡಿ ಮೊದಲ ಸಲ ವಿಮಾನದಲ್ಲಿ ಊರಿಗೆ ಹೋದ ಕಾರ್ಮಿಕ..! ವಿಡಿಯೋ ವೈರಲ್

Naveen Kodase — Mon, 26 Oct 2026 17:30:47 +0530

ಬಿಹಾರದ ಯುವ ಕಾರ್ಮಿಕನೊಬ್ಬ ಈಗ ಸೋಷಿಯಲ್ ಮೀಡಿಯಾದಲ್ಲಿ ಸೆನ್ಸೇಷನ್ ಕ್ರಿಯೇಟ್ ಮಾಡಿದ್ದಾನೆ. ಛತ್ ಪೂಜೆಗಾಗಿ ತನ್ನ ಕುಟುಂಬದ ಜೊತೆ ಕಾಲ ಕಳೆಯಲು, ಆತ ತನ್ನ ಒಂದು ತಿಂಗಳ ಪೂರ್ತಿ ಸಂಬಳವನ್ನು ಖರ್ಚು ಮಾಡಿ ಚೆನ್ನೈನಿಂದ ವಿಮಾನದಲ್ಲಿ ಊರಿಗೆ ಹೋಗಿದ್ದಾನೆ. ಆತನ ವಿಮಾನ ಪ್ರಯಾಣದ ವಿಡಿಯೋಗಳು ಈಗ ಎಲ್ಲರ ಗಮನ ಸೆಳೆಯುತ್ತಿವೆ. ಊರಿಗೆ ತಲುಪಿದಾಗ ಗ್ರಾಮಸ್ಥರು ಆತನಿಗೆ ಭರ್ಜರಿ ಸ್ವಾಗತ ಕೋರಿದ್ದಾರೆ. ಕಷ್ಟಪಟ್ಟು ದುಡಿದ ಹಣವನ್ನು ತನ್ನ ಆಸೆ ಈಡೇರಿಸಿಕೊಳ್ಳಲು ಆತ ಬಳಸಿಕೊಂಡಿರುವುದು ಈ ಸ್ಟೋರಿಯ ಹೈಲೈಟ್. ಜವಾಬ್ದಾರಿಗಳ ಜೊತೆಗೆ ಜೀವನವನ್ನು ಎಂಜಾಯ್ ಮಾಡುವುದು ಎಷ್ಟು ಮುಖ್ಯ ಅನ್ನೋದರ ಬಗ್ಗೆ ಈಗ ಆನ್‌ಲೈನ್‌ನಲ್ಲಿ ದೊಡ್ಡ ಚರ್ಚೆಯೇ ಶುರುವಾಗಿದೆ.

ಆತನ ವಿಮಾನ ಪ್ರಯಾಣ

ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ಪೋಸ್ಟ್‌ಗಳ ಪ್ರಕಾರ, ಈತ ಚೆನ್ನೈನಲ್ಲಿ ಕಾರ್ಮಿಕನಾಗಿ ಕೆಲಸ ಮಾಡುತ್ತಿದ್ದಾನೆ. ರೈಲು ಅಥವಾ ಬಸ್‌ನಲ್ಲಿ ಹೋಗುವ ಬದಲು, ವಿಮಾನದಲ್ಲೇ ಬಿಹಾರಕ್ಕೆ ಹೋಗಲು ಆತ ನಿರ್ಧರಿಸಿದ್ದ. ಬಿಹಾರದ ಅತಿ ದೊಡ್ಡ ಹಬ್ಬವಾದ ಛತ್ ಪೂಜೆಗಾಗಿ ಆತ ಚೆನ್ನೈನಿಂದ ರಾಜಧಾನಿ ಪಾಟ್ನಾಕ್ಕೆ ಪ್ರಯಾಣಿಸಿದ್ದಾನೆ. ಈ ಪ್ರಯಾಣಕ್ಕಾಗಿ ಆತ ತನ್ನ ಒಂದು ತಿಂಗಳ ಸಂಪೂರ್ಣ ದುಡಿಮೆಯನ್ನು ಖರ್ಚು ಮಾಡಿದ್ದಾನೆ ಎಂದು ಸೋಷಿಯಲ್ ಮೀಡಿಯಾ ಪೋಸ್ಟ್‌ಗಳು ಹೇಳುತ್ತಿವೆ.

ಆತನ ವಿಮಾನ ಪ್ರಯಾಣದ ವಿಡಿಯೋಗಳು ಈಗ ಸಖತ್ ವೈರಲ್ ಆಗಿವೆ. ತನ್ನ ಕನಸನ್ನು ನನಸು ಮಾಡಿಕೊಂಡ ಆತನ ನಿರ್ಧಾರವನ್ನು ನೆಟ್ಟಿಗರು ಮೆಚ್ಚಿಕೊಳ್ಳುತ್ತಿದ್ದಾರೆ. ಊರಿಗೆ ಹೋದಾಗ ಗ್ರಾಮಸ್ಥರು ಆತನಿಗೆ ಅದ್ಧೂರಿ ಸ್ವಾಗತ ನೀಡಿದ್ದಾರೆ ಎನ್ನಲಾಗಿದೆ. ಆದರೆ ಈ ಬಗ್ಗೆ ನಿಖರ ಮಾಹಿತಿ ಇಲ್ಲ.

ಈತನ ದಿಢೀರ್ ಜನಪ್ರಿಯತೆ ನೋಡಿ ಕಂಟೆಂಟ್ ಕ್ರಿಯೇಟರ್‌ಗಳು ಮತ್ತು ಯೂಟ್ಯೂಬರ್‌ಗಳು ಆತನನ್ನು ಹುಡುಕಿಕೊಂಡು ಹೋಗಿ ಇಂಟರ್ವ್ಯೂ ಮಾಡುತ್ತಿದ್ದಾರೆ. ಕೇವಲ ಊರಿಗೆ ಹೋದ ಒಂದು ಸಾಮಾನ್ಯ ಪ್ರಯಾಣ ಈಗ ಆನ್‌ಲೈನ್‌ನಲ್ಲಿ ದೊಡ್ಡ ಟಾಪಿಕ್ ಆಗಿದೆ. ಒಂದು ನೆನಪಿನುಳಿಯುವ ಅನುಭವಕ್ಕಾಗಿ ಇಷ್ಟೊಂದು ಹಣ ಖರ್ಚು ಮಾಡುವುದು ಸರಿಯೇ ಎಂಬ ಬಗ್ಗೆ ಜನ ಚರ್ಚೆ ಮಾಡುತ್ತಿದ್ದಾರೆ.

'ಅದು ಆತ ಕಷ್ಟಪಟ್ಟು ದುಡಿದ ಹಣ': ನೆಟ್ಟಿಗರ ರಿಯಾಕ್ಷನ್

ಸೋಷಿಯಲ್ ಮೀಡಿಯಾದಲ್ಲಿ ಬಹಳಷ್ಟು ಜನ ಆತನ ನಿರ್ಧಾರವನ್ನು ಬೆಂಬಲಿಸಿದ್ದಾರೆ. ತಾನು ದುಡಿದ ಹಣವನ್ನು ಹೇಗೆ ಖರ್ಚು ಮಾಡಬೇಕು ಎಂದು ನಿರ್ಧರಿಸುವ ಸಂಪೂರ್ಣ ಹಕ್ಕು ಆತನಿಗಿದೆ ಎಂದು ವಾದಿಸುತ್ತಿದ್ದಾರೆ.

"ಅದು ಆತನ ಹಣ" ಎಂದು ಒಬ್ಬರು ಕಮೆಂಟ್ ಮಾಡಿದರೆ, ಆತ ತನ್ನ ಕನಸುಗಳನ್ನು ನನಸು ಮಾಡಿಕೊಳ್ಳುತ್ತಿದ್ದಾನೆ ಎಂದು ಮತ್ತೊಬ್ಬರು ಬರೆದಿದ್ದಾರೆ. ಬಹಳಷ್ಟು ಜನ ಮಾಡಲು ಹಿಂದೇಟು ಹಾಕುವ ಕೆಲಸವನ್ನು ಧೈರ್ಯವಾಗಿ ಮಾಡಿದ್ದಕ್ಕೆ ಹಲವರು ಆತನನ್ನು ಹೊಗಳಿದ್ದಾರೆ.

ಆತನೇ ಕಷ್ಟಪಟ್ಟು ದುಡಿದ ಹಣವಾದ್ದರಿಂದ, ಆತನ ನಿರ್ಧಾರವನ್ನು ನಾವು ಗೌರವಿಸಬೇಕು ಎಂದು ಒಬ್ಬರು ಹೇಳಿದ್ದಾರೆ. ಜೀವನವನ್ನು ಕೇವಲ ಕಳೆಯುವುದಲ್ಲ, ಅದನ್ನು ಬದುಕಬೇಕು ಎಂಬುದಕ್ಕೆ ಆತನ ನಿರ್ಧಾರವೇ ಸಾಕ್ಷಿ ಎಂದು ಇನ್ನೊಬ್ಬರು ಬಣ್ಣಿಸಿದ್ದಾರೆ.

ಬೇರೆಯವರ ಜೀವನದಲ್ಲಿ ಮೂಗು ತೂರಿಸುವ ಬದಲು, ಜನ ತಮ್ಮ ಗುರಿಗಳ ಬಗ್ಗೆ ಗಮನ ಹರಿಸಬೇಕು ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ.

ಜನ ಬೇರೆಯವರನ್ನು ಜಡ್ಜ್ ಮಾಡುವ ಬದಲು ತಮ್ಮ ಕನಸುಗಳ ಬಗ್ಗೆ ಗಮನ ಹರಿಸಿದರೆ ಭಾರತ ಅಭಿವೃದ್ಧಿಯಾಗುತ್ತದೆ ಎಂದು ಒಬ್ಬರು ಕಮೆಂಟ್ ಮಾಡಿದ್ದಾರೆ. ಹಣದ ಹಿಂದೆ ಓಡುವ ಭರದಲ್ಲಿ ಜನ ಜೀವನವನ್ನು ಎಂಜಾಯ್ ಮಾಡುವುದನ್ನೇ ಮರೆತುಬಿಡುತ್ತಾರೆ ಎಂದು ಮತ್ತೊಬ್ಬರು ಹೇಳಿದ್ದಾರೆ.

ಶ್ರೀಮಂತರಿಗೆ ಮಾತ್ರ ಸಿಗುವ ಸೌಲಭ್ಯಗಳನ್ನು ಅನುಭವಿಸಬೇಕು ಎಂದು ಕನಸು ಕಾಣುವ ಮಧ್ಯಮ ಮತ್ತು ಕೆಳಮಧ್ಯಮ ವರ್ಗದ ಜನರ ಆಸೆಗಳನ್ನು ಈ ಚರ್ಚೆ ಪ್ರತಿಬಿಂಬಿಸುತ್ತಿದೆ.

View this post on Instagram

A post shared by I Love Bongaigaon (@ilovebongaigaon)

'ಇರೋದು ಒಂದೇ ಜೀವನ': ಆತನ ನಿರ್ಧಾರ ಯಾಕೆ ಇಷ್ಟವಾಯ್ತು?

ಆರ್ಥಿಕ ಜವಾಬ್ದಾರಿ ಮತ್ತು ವೈಯಕ್ತಿಕ ಸಂತೋಷ ಎರಡೂ ಬೇರೆ ಬೇರೆ ಅಲ್ಲ ಎಂದು ನಂಬುವ ಜನರ ಮನಸ್ಸನ್ನು ಈತನ ಪ್ರಯಾಣ ಗೆದ್ದಿದೆ. ವಿಮಾನಕ್ಕಾಗಿ ಇಷ್ಟೊಂದು ಹಣ ಖರ್ಚು ಮಾಡಿದ್ದಕ್ಕೆ ಕೆಲವರು ಆತನನ್ನು ಗೇಲಿ ಮಾಡಬಹುದು. ಆದರೆ ಜೀವನದ ಬಗ್ಗೆ ಯಾರಿಗೂ ಭರವಸೆ ಇಲ್ಲ, ಹೀಗಾಗಿ ಆಗಾಗ ನಮ್ಮ ಆಸೆಗಳನ್ನು ಈಡೇರಿಸಿಕೊಳ್ಳಬೇಕು ಎಂದು ಒಂದು ಪೋಸ್ಟ್ ಹೇಳಿದೆ.

ಎಲ್ಲವನ್ನೂ ಸಾಧಿಸುವ ಓಟದಲ್ಲಿ ನಮ್ಮನ್ನು ನಾವು ಕಳೆದುಕೊಳ್ಳಬಾರದು. ಜವಾಬ್ದಾರಿಗಳ ಜೊತೆಗೆ ಖುಷಿಯನ್ನು ಅನುಭವಿಸುವುದೇ ನಿಜವಾದ ಜೀವನ ಎಂದು ಈ ಘಟನೆ ನಮಗೆ ನೆನಪಿಸುತ್ತದೆ.

Shani: 2027ರಲ್ಲಿ ಈ 4 ರಾಶಿಗಳಿಗೆ ಶನಿ ಪರೀಕ್ಷೆ! ಹಣಕಾಸು, ಉದ್ಯೋಗದ ವಿಚಾರದಲ್ಲಿ ಎಚ್ಚರ

Sushma Hegde — Mon, 26 Oct 2026 17:26:01 +0530

2027 ರಲ್ಲಿ ಶನಿಯು ತನ್ನ ರಾಶಿಯನ್ನು ಬದಲಾಯಿಸುತ್ತಾನೆ. ಜೂನ್ 3 ರಂದು, ಶನಿಯು ಮೀನ ರಾಶಿಯಿಂದ ಹೊರಬಂದು ಮೇಷ ರಾಶಿಗೆ ಸಾಗುತ್ತಾನೆ. ಶನಿಯು ಮೇಷ ರಾಶಿಗೆ ಚಲಿಸುತ್ತಿದ್ದಂತೆ, ಸಾಡೇ ಸಾತಿಯ ಸಂಪೂರ್ಣ ಲೆಕ್ಕಾಚಾರವು ಬದಲಾಗುತ್ತದೆ. ಜೂನ್ 3, 2027 ರ ಮೊದಲು, ಸಾಡೇ ಸಾತಿ ಕುಂಭ, ಮೀನ ಮತ್ತು ಮೇಷ ರಾಶಿಯ ಮೇಲೆ ಇರುತ್ತದೆ. ಆದಾಗ್ಯೂ, ಶನಿಯ ಸಂಚಾರದ ನಂತರ, ಸಾಡೇ ಸಾತಿ ಕುಂಭ ರಾಶಿಯಿಂದ ಹೊರಬಂದು ವೃಷಭ ರಾಶಿಯಲ್ಲಿ ಸಾಡೇ ಸಾತಿಯ ಮೊದಲ ಹಂತವು ಪ್ರಾರಂಭವಾಗುತ್ತದೆ.

ಮೇಷ

ರಾಶಿಯ ಜನರು 2027 ರಲ್ಲಿ ತಮ್ಮ ನಡವಳಿಕೆ ಮತ್ತು ನಿರ್ಧಾರಗಳ ಬಗ್ಗೆ ಜಾಗರೂಕರಾಗಿರಬೇಕು. ವಿಶೇಷವಾಗಿ ಆರ್ಥಿಕ ಕ್ಷೇತ್ರದಲ್ಲಿ ಅಪಾಯಗಳನ್ನು ತೆಗೆದುಕೊಳ್ಳುವುದನ್ನು ತಪ್ಪಿಸಿ. ಯಾವುದೇ ಹೂಡಿಕೆ ಮಾಡುವ ಮೊದಲು, ನೀವು ಸಂಬಂಧಿತ ವಿಷಯಗಳನ್ನು ನಿರ್ಣಯಿಸಬೇಕು. ಆತುರದ ನಿರ್ಧಾರಗಳು ಭವಿಷ್ಯದಲ್ಲಿ ಆತಂಕವನ್ನು ಹೆಚ್ಚಿಸಬಹುದು. ಆದ್ದರಿಂದ, ಯಾವುದೇ ಪ್ರಮುಖ ಹೆಜ್ಜೆ ಇಡುವ ಮೊದಲು ಪರಿಸ್ಥಿತಿಯನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಅದರ ಸಂಭವನೀಯ ಪರಿಣಾಮಗಳ ಬಗ್ಗೆ ಗಮನ ಹರಿಸುವುದು ಉತ್ತಮ.

ವೃಷಭ

ರಾಶಿಯವರಿಗೆ 2027 ರಲ್ಲಿ ಶನಿಯ ಸಾಡೇ ಸಾತಿಯ ಹೊಸ ಹಂತವು ಮುಖ್ಯವಾಗಬಹುದು. ಈ ಸಮಯದಲ್ಲಿ ಕುಟುಂಬ ಸದಸ್ಯರೊಂದಿಗೆ ಸಾಮರಸ್ಯವನ್ನು ಕಾಪಾಡಿಕೊಳ್ಳಿ. ಸಣ್ಣ ವಿಷಯಗಳಿಗೆ ಜಗಳವಾಡುವುದನ್ನು ತಪ್ಪಿಸಿ ಮತ್ತು ಯಾವುದೇ ಸಮಸ್ಯೆಗಳನ್ನು ತಾಳ್ಮೆಯಿಂದ ಪರಿಹರಿಸಿ. ನಿಮ್ಮ ಜವಾಬ್ದಾರಿಗಳನ್ನು ಗಂಭೀರವಾಗಿ ತೆಗೆದುಕೊಳ್ಳುವುದು ನಿಮಗೆ ಪ್ರಯೋಜನಕಾರಿ. ಪರಿಸ್ಥಿತಿ ಕಷ್ಟಕರವೆಂದು ಭಾವಿಸಿದರೆ, ಆಗ ಮಾತ್ರ ನೀವು ಸಂಯಮದಿಂದ ಮುಂದುವರಿಯಬೇಕು.

ಕುಂಭ ರಾಶಿ:

2027 ರಲ್ಲಿ, ಕುಂಭ ರಾಶಿಯವರು ತಮ್ಮ ಕೆಲಸದಲ್ಲಿ ಶಿಸ್ತನ್ನು ಕಾಯ್ದುಕೊಳ್ಳಬೇಕಾಗುತ್ತದೆ. ಯಾವುದೇ ಪ್ರಮುಖ ನಿರ್ಧಾರ ತೆಗೆದುಕೊಳ್ಳುವ ಮೊದಲು, ಒಳಗೊಂಡಿರುವ ಎಲ್ಲಾ ಅಂಶಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಿ. ಸಂಪೂರ್ಣ ಮಾಹಿತಿಯಿಲ್ಲದೆ ಯಾವುದೇ ಹೆಜ್ಜೆ ಇಡದಿರುವುದು ಉತ್ತಮ. ಅಲ್ಲದೆ, ನಿಮ್ಮ ಆರೋಗ್ಯವನ್ನು ನಿರ್ಲಕ್ಷಿಸಬೇಡಿ. ಈ ಸಮಯದಲ್ಲಿ ನಿಯಮಿತ ದಿನಚರಿಯನ್ನು ಕಾಪಾಡಿಕೊಳ್ಳುವುದು ಮತ್ತು ನಿಮ್ಮ ಜವಾಬ್ದಾರಿಗಳನ್ನು ಶಿಸ್ತುಬದ್ಧವಾಗಿ ಪೂರ್ಣಗೊಳಿಸುವುದು ಬಹಳ ಮುಖ್ಯ.

ಮೀನ

ರಾಶಿಯವರಿಗೆ, 2027 ವರ್ಷವು ತಾಳ್ಮೆ ಮತ್ತು ಜವಾಬ್ದಾರಿಯಿಂದ ಮುಂದುವರಿಯುವ ಅಗತ್ಯವನ್ನು ಸೂಚಿಸುತ್ತದೆ. ಕುಟುಂಬ ಮತ್ತು ಸಂಬಂಧಗಳಿಗೆ ಸಂಬಂಧಿಸಿದ ವಿಷಯಗಳನ್ನು ಚರ್ಚಿಸುವಾಗ ಸಂಯಮವನ್ನು ಕಾಪಾಡಿಕೊಳ್ಳಿ. ನಿಮ್ಮ ನಡುವೆ ಭಿನ್ನಾಭಿಪ್ರಾಯವಿದ್ದರೆ, ತಕ್ಷಣ ಪ್ರತಿಕ್ರಿಯಿಸದೆ ಶಾಂತವಾಗಿ ಚರ್ಚಿಸುವುದು ಉತ್ತಮ. ಅಲ್ಲದೆ, ನಿಯಮಿತ ದಿನಚರಿಯನ್ನು ಕಾಪಾಡಿಕೊಳ್ಳಿ. ಮತ್ತು ಪ್ರಮುಖ ನಿರ್ಧಾರಗಳನ್ನು ಚಿಂತನಶೀಲವಾಗಿ ತೆಗೆದುಕೊಳ್ಳಿ. ನಿಮ್ಮ ಜವಾಬ್ದಾರಿಗಳನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಯೋಜಿತ ರೀತಿಯಲ್ಲಿ ಮುಂದುವರಿಯುವುದು ಸಹಾಯಕವಾಗಬಹುದು.

ಉದ್ಯಮಿ, ಸಮಾಜಸೇವಕ ಗೋಪಾಡಿ ಶ್ರೀನಿವಾಸ ರಾಯರಿಗೆ ಪ್ರತಿಷ್ಠಿತ ಫಾರ್ ಈಸ್ಟ್ ಏಷ್ಯಾ ಲೀಡರ್‌ಶಿಪ್ ಅಂತಾರಾಷ್ಟ್ರೀಯ ಪ್ರಶಸ್ತಿ

Santosh Naik — Mon, 26 Oct 2026 17:10:33 +0530

ಕೌಲಾಲಂಪುರ (ಅ.26): ಆಹಾರೋದ್ಯಮದಲ್ಲಿ ಕ್ರಾಂತಿಕಾರಿ ಬದಲಾವಣೆ ತರುವುದರೊಂದಿಗೆ ಸಮಾಜಸೇವೆಯಲ್ಲಿ ತೊಡಗಿಸಿಕೊಂಡಿರುವ ಮಯೂರ ಗ್ರೂಪ್‌ನ ಅಧ್ಯಕ್ಷರು ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾದ ಕುಂದಾಪುರ ಮೂಲದ ಸಾಧಕ ಗೋಪಾಡಿ ಶ್ರೀನಿವಾಸ ರಾವ್ ಅವರಿಗೆ ಮಲೇಷ್ಯಾದಲ್ಲಿ ನಡೆದ ಸಮಾರಂಭದಲ್ಲಿ ಪ್ರತಿಷ್ಠಿತ ಫಾರ್ ಈಸ್ಟ್ ಏಷ್ಯಾ ಲೀಡರ್‌ಶಿಪ್ ಅವಾರ್ಡ್ 2026 ಪ್ರಶಸ್ತಿ ನೀಡಿ ಗೌರವಿಸಲಾಯಿತು. ಕನ್ನಡಪ್ರಭ ಮತ್ತು ಏಷ್ಯಾನೆಟ್ ಸುವರ್ಣ ನ್ಯೂಸ್ ವತಿಯಿಂದ ಮಲೇಷ್ಯಾದಲ್ಲಿ ಆಯೋಜಿಸಲಾಗಿದ್ದ ಫಾರ್ ಈಸ್ಟ್ ಏಷ್ಯಾ ಲೀಡರ್‌ಶಿಪ್ ಸಮ್ಮಿಟ್ 2026 ಸಮಾರಂಭದಲ್ಲಿ ಗಣ್ಯರ ಸಮ್ಮುಖದಲ್ಲಿ ಈ ಅಂತಾರಾಷ್ಟ್ರೀಯ ಪ್ರಶಸ್ತಿಯನ್ನು ಪ್ರದಾನ ಮಾಡಲಾಯಿತು.

ಕಡಿಮೆ ಬೆಲೆ, ಸ್ವಚ್ಛತೆ, ಉತ್ತಮ ರುಚಿ ಹಾಗೂ ಗ್ರಾಹಕರ ಮುಖದಲ್ಲಿ ತೃಪ್ತಿ ಕಾಣುವುದನ್ನೇ ತಮ್ಮ ವ್ಯಾಪಾರ ಧರ್ಮವನ್ನಾಗಿಸಿಕೊಂಡಿರುವ ಗೋಪಾಡಿ ಶ್ರೀನಿವಾಸ ರಾವ್ ಅವರು, ‘ಮಯೂರ ಬೇಕರಿ’, ‘ತಾಜಾ ತಿಂಡಿ’, ‘ತಾಜಾ ಮಿಠಾಯಿ’, ‘ನಮ್ಮೂರ ಹೋಟೆಲ್’, ‘ಆರೋಗ್ಯ ಆಹಾರ’, ‘ಕೇಕ್‌ವಾಲಾ’, ‘ಈಶಾನ್ಯ’, ‘ಪ್ರೈಡ್ ಬೇಕರ್ಸ್’ ಸೇರಿದಂತೆ ಹಲವು ಜನಪ್ರಿಯ ಸಂಸ್ಥೆಗಳ ಮೂಲಕ ಲಕ್ಷಾಂತರ ಗ್ರಾಹಕರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಸುಮಾರು 1,800ಕ್ಕೂ ಹೆಚ್ಚು ಸಿಬ್ಬಂದಿಯ ಸಹಯೋಗದೊಂದಿಗೆ ಪ್ರತಿದಿನ ಸುಮಾರು 50 ಸಾವಿರಕ್ಕೂ ಅಧಿಕ ಮಂದಿಗೆ ಶುದ್ಧ ಹಾಗೂ ಕೈಗೆಟುಕುವ ದರದಲ್ಲಿ ಗುಣಮಟ್ಟದ ಆಹಾರ ಒದಗಿಸುತ್ತಿದ್ದಾರೆ.

ಸಮಾಜಸೇವೆ ಮತ್ತು ಶೌಚಾಲಯ ಸ್ವಚ್ಛತಾ ಕಾಯಕ

ಆಹಾರೋದ್ಯಮದಷ್ಟೇ ಅಲ್ಲದೆ, ಜಿಎಸ್‌ಆರ್ ಫೌಂಡೇಶನ್ ಹಾಗೂ ಕೋಟೇಶ್ವರ ಸೇವಾ ಟ್ರಸ್ಟ್ ಮೂಲಕ ಸಾವಿರಾರು ಜನರ ಬಾಳಿಗೆ ಬೆಳಕಾಗಿದ್ದಾರೆ. ಲಯನ್ಸ್ ಕ್ಲಬ್ ಮೂಲಕ 40 ವರ್ಷಗಳಿಂದ ಸಮಾಜಸೇವೆಯಲ್ಲಿ ತೊಡಗಿಸಿಕೊಂಡಿರುವ ಇವರು, ಬಡಮಕ್ಕಳ ವಿದ್ಯಾಭ್ಯಾಸಕ್ಕೆ ನೆರವು, ಸರ್ಕಾರಿ ಶಾಲೆಗಳಿಗೆ ಸ್ಮಾರ್ಟ್ ಕ್ಲಾಸ್ ಸೌಲಭ್ಯ ಹಾಗೂ ಸಭಾಂಗಣಗಳನ್ನು ನಿರ್ಮಿಸಿಕೊಟ್ಟಿದ್ದಾರೆ.

ವಿಶೇಷವಾಗಿ, ಪ್ರಧಾನಿ ನರೇಂದ್ರ ಮೋದಿಯವರ ‘ಸ್ವಚ್ಛ ಭಾರತ ಅಭಿಯಾನ’ದಿಂದ ಪ್ರೇರಿತರಾಗಿ ಕುಂದಾಪುರ ವಲಯದ ಕೋಟೇಶ್ವರ ವ್ಯಾಪ್ತಿಯ 26 ಸರ್ಕಾರಿ ಶಾಲೆಗಳ ಶೌಚಾಲಯಗಳನ್ನು ದತ್ತು ಪಡೆದು, ಸ್ವಂತ ಖರ್ಚಿನಲ್ಲಿ ಸಂಚಾರಿ ವಾಹನ (ಮೊಬೈಲ್ ಯೂನಿಟ್) ಹಾಗೂ ಸಿಬ್ಬಂದಿಯನ್ನು ನಿಯೋಜಿಸಿ ಪ್ರತಿದಿನ ಶುಚಿಗೊಳಿಸುವ ಮಹತ್ತರ ಕಾರ್ಯವನ್ನು ಕೈಗೊಂಡಿದ್ದಾರೆ. ಗ್ರಾಮೀಣ ಭಾಗದ ಸುಮಾರು 6,500ಕ್ಕೂ ಹೆಚ್ಚು ಶಾಲಾ ಮಕ್ಕಳ ಆರೋಗ್ಯ ರಕ್ಷಣೆಗೆ ನೆರವಾಗುತ್ತಿದ್ದಾರೆ. ಇದಲ್ಲದೆ, ಕೋಟಲಿಂಗೇಶ್ವರ ದೇಗುಲದ ಶೌಚಾಲಯ ನಿರ್ವಹಣೆಯಲ್ಲೂ ಕೈಜೋಡಿಸಿದ್ದಾರೆ.

ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಗೋಪಾಡಿ ಶ್ರೀನಿವಾಸ ರಾವ್ ಅವರು, "ಕಳೆದ 30 ವರ್ಷಗಳಿಂದ ನಮಗೆ ಮಾರ್ಗದರ್ಶನ ಹಾಗೂ ನಿರಂತರ ಬೆಂಬಲ ನೀಡುತ್ತಾ ಬಂದಿರುವ ಹಿರಿಯ ಪತ್ರಕರ್ತ ರವಿ ಹೆಗಡೆ ಅವರಿಗೆ ಈ ಪ್ರಶಸ್ತಿಯನ್ನು ಮುಡಿಪಾಗಿಡುತ್ತಿದ್ದೇನೆ. ಸ್ವಚ್ಛತೆಯೇ ನನ್ನ ಜೀವನದ ತಪಸ್ಸು. ಸಮಾಜದಲ್ಲಿ ಆಹಾರ, ಧಾರ್ಮಿಕ, ಸಾಮಾಜಿಕ ಹಾಗೂ ಶೈಕ್ಷಣಿಕ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸಲು ಕುಟುಂಬ ಹಾಗೂ ಸಿಬ್ಬಂದಿಯ ಬೆಂಬಲವೇ ಕಾರಣ. ಗ್ರಾಮೀಣ ಭಾಗದ ಸರ್ಕಾರಿ ಶಾಲೆಗಳಲ್ಲಿ ಸ್ವಚ್ಛತೆಯ ಕೊರತೆಯಾಗಬಾರದು ಎಂಬ ಉದ್ದೇಶದಿಂದ ಶೌಚಾಲಯ ನೈರ್ಮಲ್ಯೀಕರಣ ಅಭಿಯಾನವನ್ನು ಮುಂದುವರಿಸಿಕೊಂಡು ಹೋಗುತ್ತಿದ್ದೇವೆ" ಎಂದು ಹರ್ಷ ವ್ಯಕ್ತಪಡಿಸಿದರು.

ಪ್ರಶಸ್ತಿ ಪ್ರದಾನ ಸಂದರ್ಭದಲ್ಲಿ ಗೋಪಾಡಿ ಶ್ರೀನಿವಾಸರಾಯರ ಪತ್ನಿ ರುಕ್ಮಿಣಿ ಇದ್ದರು. ಸುವರ್ಣ ನ್ಯೂಸ್ - ಕನ್ನಡಪ್ರಭ ಸಮೂಹ ಸಂಪಾದಕೀಯ ನಿರ್ದೇಶಕರಾದ ರವಿ ಹೆಗಡೆ, ಮಲೇಷಿಯಾದ ಭಾರತೀಯ ಕೌನ್ಸೆಲರ್, ಮಲೇಷಿಯಾದ ಖ್ಯಾತ ಹೃದ್ರೋಗ ತಜ್ಞ ಮತ್ತು ಉದ್ಯಮಿ ಡಾ. ವೀರಪ್ಪನ್ ಮತ್ತಿತರ ಗಣ್ಯರು ಹಾಜರಿದ್ದರು.

ಟರ್ಕಿ ಸಮುದ್ರದಾಳದಲ್ಲಿ 2100 ವರ್ಷಗಳ ಪ್ರಾಚೀನ ರೋಮನ್ ಹಡಗು ಪತ್ತೆ, ಪ್ಯಾಕಿಂಗ್ ಟೆಕ್ನಿಕ್‌ಗೆ ವಿಜ್ಞಾನಿಗಳೇ ಫಿದಾ!

Gowthami K — Mon, 26 Oct 2026 17:07:30 +0530

ಟರ್ಕಿಯ ಅದ್ರಾಸನ್ ಕರಾವಳಿಯ ಆಳಸಮುದ್ರದಲ್ಲಿ ಸಾಗರ ಪುರಾತತ್ತ್ವಜ್ಞರು ಅತ್ಯಂತ ಅಪರೂಪದ ಹಾಗೂ ರೋಚಕ ಐತಿಹಾಸಿಕ ಆವಿಷ್ಕಾರ ಒಂದನ್ನು ಮಾಡಿದ್ದಾರೆ. ಸುಮಾರು 2,100 ವರ್ಷಗಳ ಹಿಂದೆ ರೋಮ್ ನಗರದತ್ತ ಪ್ರಯಾಣಿಸುತ್ತಿದ್ದ ಪ್ರಾಚೀನ ಸರಕು ಹಡಗಿನ ಅವಶೇಷಗಳು ಪತ್ತೆಯಾಗಿವೆ. ಮೆಡಿಟರೇನಿಯನ್ ಸಮುದ್ರದ ತಳದಲ್ಲಿದ್ದ ಈ ಹಡಗಿನಲ್ಲಿ ಆ ಕಾಲದ ರೋಮನ್ ಗಣ್ಯರು ಬಳಸುತ್ತಿದ್ದ, ಅತ್ಯಂತ ಬೇಡಿಕೆಯಲ್ಲಿದ್ದ ಸಾವಿರಾರು ಸೆರಾಮಿಕ್ ಊಟದ ಟೇಬಲ್‌ ಐಟಂಗಳು, ತಟ್ಟೆಗಳು ಅತ್ಯಂತ ಸುರಕ್ಷಿತ ಸ್ಥಿತಿಯಲ್ಲಿ ಪತ್ತೆಯಾಗಿವೆ.

ಟರ್ಕಿಯ ಸಂಸ್ಕೃತಿ ಮತ್ತು ಪ್ರವಾಸೋದ್ಯಮ ಇಲಾಖೆ ನೀಡಿರುವ ಪ್ರಕಟಣೆಯ ಪ್ರಕಾರ, ಈ ಮುಳುಗಿದ ಹಡಗಿನ ಉತ್ಖನನ ಕೆಲಸವು 2025 ರಲ್ಲಿ ಪ್ರಾರಂಭವಾದವು. ಸಮುದ್ರದ 140 ರಿಂದ 180 ಅಡಿ ಆಳದಲ್ಲಿ ಹಡಗು ಬಿದ್ದಿದ್ದರಿಂದ, ಸಂಶೋಧಕರು ನೀರೊಳಗಿನ ನೂತನ ರೊಬೊಟಿಕ್ ತಂತ್ರಜ್ಞಾನವನ್ನು ಬಳಸಿ ಸಾವಿರಾರು ಸೆರಾಮಿಕ್ ತುಣುಕುಗಳನ್ನು ಆಚೆಗೆ ತೆಗೆದು ಅಂಟಲ್ಯ ವಸ್ತುಸಂಗ್ರಹಾಲಯ ಹಾಗೂ ಸಂರಕ್ಷಣಾ ಪ್ರಯೋಗಾಲಯಗಳಿಗೆ ರವಾನಿಸಿದ್ದಾರೆ.

122 ಪ್ರತ್ಯೇಕ ಮಾದರಿಯ ಅಪರೂಪದ ಪಾತ್ರೆಗಳು

ಸಮುದ್ರದಾಳದಲ್ಲಿ ಸಿಕ್ಕಿರುವ ಈ ಸರಕು ಹಡಗಿನಲ್ಲಿ ಒಟ್ಟು 122 ವಿಭಿನ್ನ ವಿನ್ಯಾಸ ಮತ್ತು ಗಾತ್ರದ ತಟ್ಟೆಗಳು, ಬಟ್ಟಲುಗಳು ಹಾಗೂ ಆಕರ್ಷಕ ಬಡಿಸುವ ಭಕ್ಷ್ಯಗಳು ಪತ್ತೆಯಾಗಿವೆ. ಪ್ರಾಚೀನ ಕಾಲದಲ್ಲಿದ್ದ ರೋಮನ್ನರ ಅಡುಗೆಮನೆ ಹಾಗೂ ಊಟದ ಮೇಜಿನ ವೈವಿಧ್ಯಮಯ ಸಂಸ್ಕೃತಿಯನ್ನು ತಿಳಿದುಕೊಳ್ಳಲು ಈ ಆವಿಷ್ಕಾರ ಅತ್ಯಂತ ಪ್ರಮುಖ ಸಾಕ್ಷಿಯಾಗಿದೆ.

ಇಲ್ಲಿ ಪತ್ತೆಯಾದ ಸರಕು ಇಂದಿನ ಟರ್ಕಿಯ ಅರ್ಸುಜ್‌ನಲ್ಲಿರುವ 'ರೋಸಸ್' ಎಂಬ ಪ್ರಾಚೀನ ಬಂದರು ನಗರದಲ್ಲಿ ತಯಾರಾಗಿರಬಹುದು ಎಂದು ಪುರಾತತ್ತ್ವಜ್ಞರು ಅಂದಾಜಿಸಿದ್ದಾರೆ. ಆ ಕಾಲದಲ್ಲಿ ರೋಸಸ್ ನಗರವು ಗಣ್ಯರು ಬಳಸುವ ಅತ್ಯುನ್ನತ ಗುಣಮಟ್ಟದ ಸೆರಾಮಿಕ್ ಪಾತ್ರೆಗಳ ತಯಾರಿಕೆಗೆ ಹೆಸರುವಾಸಿಯಾಗಿತ್ತು.

ಪ್ರಾಚೀನ ಪ್ಯಾಕಿಂಗ್ ತಂತ್ರಜ್ಞಾನಕ್ಕೆ ವಿಜ್ಞಾನಿಗಳು ಫಿದಾ!

ಈ ಹಡಗು ಧ್ವಂಸದ ಅಧ್ಯಯನ ನಡೆಸಿದ ವಿಜ್ಞಾನಿಗಳಿಗೆ ಅತ್ಯಂತ ಆಶ್ಚರ್ಯ ತಂದ ವಿಷಯವೆಂದರೆ ಆ ಕಾಲದ ನಿಕಟವಾದ ಪ್ಯಾಕಿಂಗ್ ಶೈಲಿ. ಸಮುದ್ರದ ಭೋರ್ಗರೆತಕ್ಕೆ ಪಾತ್ರೆಗಳು ಪರಸ್ಪರ ಅಪ್ಪಳಿಸಿ ಒಡೆದುಹೋಗಬಾರದೆಂದು, ಪೆಟ್ಟಿಗೆಗಳಲ್ಲಿ ಪಾತ್ರೆಗಳನ್ನಿಡುವಾಗ ಅವುಗಳ ನಡುವೆ ಒದ್ದೆಯಾದ ವಿಶೇಷ ಜೇಡಿಮಣ್ಣನ್ನು ತುಂಬಿ ಭದ್ರಪಡಿಸಲಾಗಿತ್ತು. ಇದೇ ಕಾರಣಕ್ಕೆ ಹಡಗು ಮುಳುಗಿ 2,000 ವರ್ಷಗಳಿಗಿಂತಲೂ ಹೆಚ್ಚು ಸಮಯ ಕಳೆದರೂ ಇಂದಿಗೂ ಆ ಪಾತ್ರೆಗಳು ಸವೆಯದೆ ಹಾಗೆಯೇ ಉಳಿದುಕೊಂಡಿವೆ.

ಇತಿಹಾಸದ ದಾಖಲೆಗಳಲ್ಲಿದ್ದ ಸಿಸೆರೊ ಪತ್ರಕ್ಕೆ ಸಿಕ್ಕ ಜೀವಂತ ಸಾಕ್ಷಿ

ರೋಮನ್ ಇತಿಹಾಸದಲ್ಲಿ 'ರೋಸಸ್' ಪಾತ್ರೆಗಳಿಗೆ ಎಷ್ಟೊಂದು ಬೇಡಿಕೆಯಿತ್ತೆಂದರೆ, ಪ್ರಸಿದ್ಧ ರೋಮನ್ ರಾಜಕಾರಣಿ ಹಾಗೂ ವಾಗ್ಮಿ ಮಾರ್ಕಸ್ ಟುಲಿಯಸ್ ಸಿಸೆರೊ ಬಿಟ್ಟುಹೋದ ದಾಖಲೆಗಳಲ್ಲಿಯೂ ಇದರ ಉಲ್ಲೇಖವಿದೆ. ಕ್ರಿ.ಪೂ 50 ರಲ್ಲಿ ಸಿಲಿಸಿಯಾದ ಗವರ್ನರ್ ಆಗಿದ್ದಾಗ ತಮ್ಮ ಆಪ್ತ ಸ್ನೇಹಿತ ಟೈಟಸ್ ಪೊಂಪೋನಿಯಸ್ ಅಟಿಕಸ್ ಎಂಬುವವರಿಗೆ ಬರೆದ ಪತ್ರದಲ್ಲಿ, ತಾವು ರೋಸಸ್‌ನಿಂದ 'ರೋಸಿಕಾ ವಾಸಾ' ರೋಸಸ್ ನಗರದ ವಿಶಿಷ್ಟ ಭಕ್ಷ್ಯಗಳು) ಆರ್ಡರ್ ಮಾಡಿದ್ದಾಗಿ ಬರೆದುಕೊಂಡಿದ್ದರು. ಸಿಸೆರೊ ಉಲ್ಲೇಖಿಸಿದ್ದ ಅದೇ ಮಾದರಿಯ 'ಈಸ್ಟರ್ನ್ ಸಿಗಿಲ್ಲಟಾ ಎ' ವರ್ಗಕ್ಕೆ ಸೇರಿದ ಜೇಡಿಮಣ್ಣಿನ ಭಕ್ಷ್ಯಗಳು ಈಗ ಲಭ್ಯವಾಗಿರುವುದು ಇತಿಹಾಸಕಾರರ ಕುತೂಹಲವನ್ನು ಇಮ್ಮಡಿಗೊಳಿಸಿದೆ.

ಟರ್ಕಿ ಜಲ ಗಡಿಯಲ್ಲಿ ಈ ಹಿಂದೆಯೂ 10,000 ಸೆರಾಮಿಕ್ ತಟ್ಟೆಗಳನ್ನು ಹೊತ್ತ 1,500 ವರ್ಷಗಳಷ್ಟು ಹಳೆಯ ಹಡಗು ಹಾಗೂ 1,100 ವರ್ಷಗಳಷ್ಟು ಹಳೆಯ ಆಲಿವ್ ಎಣ್ಣೆಯ ಜಗ್‌ಗಳಿದ್ದ ಹಡಗುಗಳು ಪತ್ತೆಯಾಗಿದ್ದವು. ಆದರೆ, ಪ್ರಸ್ತುತ ಸಿಕ್ಕಿರುವ ಈ 2,100 ವರ್ಷ ಹಳೆಯ ಹಡಗು ಪ್ರಾಚೀನ ಸಮುದ್ರ ವಾಣಿಜ್ಯ ಹಾಗೂ ಸಾರಿಗೆ ವ್ಯಾಪಾರಕ್ಕೆ ಸಿಕ್ಕ ಅತ್ಯಂತ ಅಪರೂಪದ ಪುರಾವೆಯಾಗಿದೆ.

ಹೆಬ್ಬಾಳ ಕೆರೆ ಅಂಚಿನಲ್ಲೇ ಬರಲಿದೆ 12 ಮೀಟರ್ ಅಗಲದ ಹೊಸ ರಸ್ತೆ: ಜಿಬಿಎ ಪ್ರಸ್ತಾವನೆಗೆ ಪ್ರಕೃತಿ ಪ್ರೇಮಿಗಳ ಕಳವಳ!

Santosh Naik — Mon, 26 Oct 2026 16:56:40 +0530

ಬೆಂಗಳೂರು (ಅ.26): ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಸುಗಮ ಸಂಚಾರ ಹಾಗೂ ರಸ್ತೆ ಸಂಪರ್ಕ ಜಾಲವನ್ನು ಸುಧಾರಿಸುವ ಉದ್ದೇಶದಿಂದ 'ಗ್ರೇಟರ್ ಬೆಂಗಳೂರು ಪ್ರಾಧಿಕಾರ' (GBA) ಸಿದ್ಧಪಡಿಸಿರುವ ಕರಡು ಸಂಚಾರ ಜಾಲ ಯೋಜನೆಯಲ್ಲಿ (Draft Circulation Network Plan) ಪ್ರಸಿದ್ಧ 'ಹೆಬ್ಬಾಳ ಕೆರೆ'ಯ (Hebbal Lake) ಪಕ್ಕದಲ್ಲೇ 12 ಮೀಟರ್ ಅಗಲದ ಹೊಸ ರಸ್ತೆಯನ್ನು ನಿರ್ಮಿಸಲು ಪ್ರಸ್ತಾವನೆ ಸಲ್ಲಿಸಲಾಗಿದೆ. ಆದರೆ, ಈ ಮೂಲಸೌಕರ್ಯ ವಿಸ್ತರಣಾ ಯೋಜನೆಯು ಬೆಂಗಳೂರಿನ ಜೀವಂತ ಕೆರೆಗಳು, ರಾಜಕಾಲುವೆಗಳು (Stormwater Drains) ಹಾಗೂ ಸೂಕ್ಷ್ಮ ಪರಿಸರ ವಲಯಗಳ ಮೇಲೆ ತೀವ್ರ ನಕಾರಾತ್ಮಕ ಪರಿಣಾಮ ಬೀರಬಹುದು ಎನ್ನುವ ಆತಂಕ ಸಾರ್ವಜನಿಕರಲ್ಲಿ ಮತ್ತೆ ಎದುರಾಗಿದೆ.

ಈ ಪ್ರಸ್ತಾವಿತ ರಸ್ತೆಯು ಥಣಿಸಂದ್ರವನ್ನು ಹೆಬ್ಬಾಳದೊಂದಿಗೆ ನೇರವಾಗಿ ಸಂಪರ್ಕಿಸಲಿದ್ದು, ಉತ್ತರ ಬೆಂಗಳೂರಿನ ಪ್ರಮುಖ ವಸತಿ ಪ್ರದೇಶಗಳಾದ ಕೊಡಿಗೇಹಳ್ಳಿ ಹಾಗೂ ವಿದ್ಯಾರಣ್ಯಪುರದ ನಿವಾಸಿಗಳ ಸಂಚಾರಕ್ಕೆ ಭಾರಿ ಅನುಕೂಲವಾಗುವ ನಿರೀಕ್ಷೆಯಿದೆ. ಆದರೆ, ಕೆರೆ ಹಾಗೂ ಅದರ ನೀರು ಹರಿಯುವ ಚರಂಡಿ ಜಾಲದ ಪಕ್ಕದಲ್ಲೇ ರಸ್ತೆ ಮಾರ್ಗವನ್ನು ನಿಗದಿಪಡಿಸಿರುವುದು ಸುತ್ತಮುತ್ತಲಿನ ಪರಿಸರದ ಮೇಲೆ ಯಾವ ರೀತಿಯ ಪರಿಣಾಮ ಬೀರಬಹುದು ಎನ್ನುವ ಗಂಭೀರ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.

ವ್ಯಾಪಕ ರಸ್ತೆ ಸಂಪರ್ಕ ಯೋಜನೆಯ ಭಾಗವಾದ ಪ್ರಸ್ತಾವನೆ

ಜಿಬಿಎ ಮತ್ತು ನಗರದ ಇತರ ಯೋಜನಾ ಸಂಸ್ಥೆಗಳು ಜಂಟಿಯಾಗಿ ಸಿದ್ಧಪಡಿಸಿರುವ ಈ ಕರಡು ಸಂಚಾರ ಯೋಜನೆಯು ಬೆಂಗಳೂರಿನಾದ್ಯಂತ ಹಲವು ಹೊಸ ರಸ್ತೆ ಸಂಪರ್ಕಗಳನ್ನು ಗುರುತಿಸಿದೆ. ವಿಚಿತ್ರವೆಂದರೆ, ಇದರಲ್ಲಿ ಹಲವು ಪ್ರಸ್ತಾವಿತ ರಸ್ತೆಗಳ ಮಾರ್ಗಗಳು (Alignments) ಕೆರೆಗಳ ಪಕ್ಕದಲ್ಲಿ, ಕೆರೆಗಳ ಬಫರ್ ಝೋನ್ (Buffer Zone) ಹಾಗೂ ರಾಜಕಾಲುವೆಗಳ ಪಕ್ಕದಲ್ಲೇ ಹಾದುಹೋಗುವಂತೆ ವಿನ್ಯಾಸಗೊಳಿಸಲಾಗಿದೆ.

ತ್ವರಿತವಾಗಿ ಬೆಳೆಯುತ್ತಿರುವ ನಗರದ ವಿವಿಧ ಭಾಗಗಳನ್ನು ಮತ್ತು ವಸತಿ ಬಡಾವಣೆಗಳನ್ನು ಮುಖ್ಯ ರಸ್ತೆಗಳಿಗೆ ಜೋಡಿಸಿ, ಸಂಚಾರ ದಟ್ಟಣೆಯನ್ನು (Traffic Congestion) ಸುಗಮಗೊಳಿಸುವುದು ಪ್ರಾಧಿಕಾರದ ಮೂಲ ಉದ್ದೇಶವಾಗಿದೆ. ಹೆಬ್ಬಾಳ ಕೆರೆ ಬಳಿಯ 12 ಮೀಟರ್ ಅಗಲದ ರಸ್ತೆಯು ಈ ಯೋಜನೆಯ ಪ್ರಮುಖ ಭಾಗವಾಗಿದೆ. ಪ್ರಸ್ತುತ ಈ ಯೋಜನೆಯನ್ನು ಸಾರ್ವಜನಿಕರ ಆಕ್ಷೇಪಣೆಗಳು ಹಾಗೂ ಸಲಹೆ-ಸೂಚನೆಗಳಿಗಾಗಿ ಮುಕ್ತಗೊಳಿಸಲಾಗಿದ್ದು, ಸಾರ್ವಜನಿಕರು ಮತ್ತು ಪರಿಸರ ಪ್ರೇಮಿಗಳು ತಮ್ಮ ಆತಂಕಗಳನ್ನು ದಾಖಲಿಸಲು ಅವಕಾಶ ನೀಡಲಾಗಿದೆ. ನಗರದ ಹೊಸ ಯೋಜನಾ ಚೌಕಟ್ಟನ್ನು ಅಂತಿಮಗೊಳಿಸುವಾಗ ಈ ಸಂಚಾರ ಜಾಲದ ಪ್ರಸ್ತಾವನೆಗಳನ್ನು ಪರಿಗಣಿಸಲಾಗುತ್ತದೆ. ಸಾರ್ವಜನಿಕರಿಂದ ಬರುವ ಆಕ್ಷೇಪಣೆಗಳನ್ನು ಮರುಪರಿಶೀಲಿಸಿದ ನಂತರವೇ ಈ ರಸ್ತೆಯ ಅಂತಿಮ ಮಾರ್ಗ ಮತ್ತು ಅನುಷ್ಠಾನ ನಿರ್ಧಾರವಾಗಲಿದೆ.

ಹೆಬ್ಬಾಳ ಕೆರೆಯ ಪರಿಸರ ಮತ್ತು ಜೀವವೈವಿಧ್ಯದ ಕಳವಳ

ಉತ್ತರ ಬೆಂಗಳೂರಿನ ಅತ್ಯಂತ ಪ್ರಮುಖ ಜಲಮೂಲಗಳಲ್ಲಿ ಒಂದಾಗಿರುವ ಹೆಬ್ಬಾಳ ಕೆರೆಯು ಸ್ಥಳೀಯ ಜೀವವೈವಿಧ್ಯತೆಗೆ ಬೆನ್ನೆಲುಬಾಗಿದೆ ಹಾಗೂ ಮಳೆನೀರು ನಿರ್ವಹಣೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದೆ. ಕೆರೆಯ ಸುತ್ತಮುತ್ತಲಿನ ಭೂಮಿ ಮತ್ತು ನೀರು ಹರಿಯುವ ಕಾಲುವೆಗಳು ಇಡೀ ನಗರದ ಪ್ರಕೃತಿ ನೀರು ಹರಿಯುವ ವ್ಯವಸ್ಥೆಯ ಪ್ರಮುಖ ಭಾಗವಾಗಿವೆ.

ಇದೀಗ ರಸ್ತೆಯು ಕೆರೆಗೆ ತೀರಾ ಹತ್ತಿರದಲ್ಲಿ ನಿರ್ಮಾಣವಾಗುವುದರಿಂದ ಕೆರೆಯ ಏರಿ (Lake Bund), ಕೆರೆಯ ಸುತ್ತಲಿನ ಹಸಿರು ಹೊದಿಕೆ ಹಾಗೂ ಸಮೀಪದ ರಾಜಕಾಲುವೆ ಜಾಲದ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು ಎಂದು ಆತಂಕ ವ್ಯಕ್ತಪಡಿಸಲಾಗಿದೆ. ಈ ಭಾಗದಲ್ಲಿ ಯಾವುದೇ ನಿರ್ಮಾಣ ಕಾರ್ಯ ಕೈಗೊಳ್ಳುವ ಮುನ್ನ ನೈಸರ್ಗಿಕ ನೀರು ಹರಿಯುವಿಕೆಗೆ ಅಡ್ಡಿಯಾಗದಂತೆ ಸೂಕ್ತ ವೈಜ್ಞಾನಿಕ ಮೌಲ್ಯಮಾಪನ ಮಾಡುವುದು ಅತ್ಯಗತ್ಯ. ವಿಶೇಷವಾಗಿ ಮುಂಗಾರು ಮಳೆಯ ಸಮಯದಲ್ಲಿ (Monsoon) ಕೆರೆಗಳು, ರಾಜಕಾಲುವೆಗಳು ಮತ್ತು ತಗ್ಗು ಪ್ರದೇಶಗಳು ಮಳೆನೀರನ್ನು ಹಿಡಿದಿಟ್ಟುಕೊಳ್ಳುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ರಸ್ತೆ ನಿರ್ಮಾಣದ ವೇಳೆ ನೈಸರ್ಗಿಕ ಭೂದೃಶ್ಯದಲ್ಲಿ ಬದಲಾವಣೆಯಾದರೆ, ಪ್ರದೇಶದಲ್ಲಿ ನೀರು ಹರಿಯುವ ಹಾದಿ ತಪ್ಪಿ ಪ್ರವಾಹ ಪರಿಸ್ಥಿತಿ ನಿರ್ಮಾಣವಾಗಬಹುದು ಎನ್ನುವುದು ತಜ್ಞರ ಎಚ್ಚರಿಕೆಯಾಗಿದೆ.

ಇದು ಕೇವಲ ಒಂದು ರಸ್ತೆಯ ವಿಚಾರವಲ್ಲದೆ, ಬೆಂಗಳೂರಿನ ಒಟ್ಟಾರೆ ನಗರಾಭಿವೃದ್ಧಿ ಮತ್ತು ಪರಿಸರ ಸಂರಕ್ಷಣೆಯ ನಡುವಿನ ಸುದೀರ್ಘ ಚರ್ಚೆಯನ್ನು ಮತ್ತೆ ಮುನ್ನೆಲೆಗೆ ತಂದಿದೆ. ರಸ್ತೆಗಳು ನಗರದ ಸಂಪರ್ಕವನ್ನು ಹೆಚ್ಚಿಸಿದರೂ, ಜಲಮೂಲಗಳ ಬಳಿ ನಿರ್ಮಿಸುವ ಮೂಲಸೌಕರ್ಯಗಳು ಪರಿಸರದ ಸಮತೋಲನ ಹಾಗೂ ಪ್ರವಾಹ ತಡೆ ಕಾಯ್ದೆಗಳಿಗೆ ಅನುಗುಣವಾಗಿರಬೇಕಾದುದು ಕಡ್ಡಾಯವಾಗಿದೆ.

ಸಾರ್ವಜನಿಕರ ಆಕ್ಷೇಪಣೆಗಳ ಪಾತ್ರ ಅತ್ಯಂತ ನಿರ್ಣಾಯಕ

ಜಿಬಿಎ ಬಿಡುಗಡೆ ಮಾಡಿರುವ ಕರಡು ಸಂಚಾರ ಯೋಜನೆಯು ಸಾರ್ವಜನಿಕರಿಗೆ ಪ್ರಸ್ತಾವಿತ ರಸ್ತೆಗಳ ಮಾರ್ಗಗಳನ್ನು ಕೂಲಂಕಷವಾಗಿ ಪರಿಶೀಲಿಸಿ ತಮ್ಮ ದೂರು ಅಥವಾ ಸಲಹೆಗಳನ್ನು ಸಲ್ಲಿಸಲು ಉತ್ತಮ ಅವಕಾಶ ನೀಡಿದೆ. ಹೆಬ್ಬಾಳ ಕೆರೆಯ ಪ್ರಸ್ತಾವನೆಯ ಬಗ್ಗೆ ಕಾಳಜಿ ಹೊಂದಿರುವ ನಿವಾಸಿಗಳು ಮತ್ತು ಪರಿಸರ ಸಂಘಟನೆಗಳು ಯೋಜನಾ ದಾಖಲೆಗಳನ್ನು ಪರಿಶೀಲಿಸಿ, ರಸ್ತೆಯ ಸ್ಥಳ, ಕೆರೆಗೆ ಇರುವ ಸಾಮೀಪ್ಯ ಹಾಗೂ ರಾಜಕಾಲುವೆಗಳ ಮೇಲಾಗುವ ಪರಿಣಾಮಗಳ ಕುರಿತು ನಿರ್ದಿಷ್ಟ ಆಕ್ಷೇಪಣೆಗಳನ್ನು ಸಲ್ಲಿಸಬಹುದಾಗಿದೆ.

ಯೋಜನೆಯನ್ನು ಅಂತಿಮಗೊಳಿಸುವ ಮುನ್ನ ಯೋಜನಾ ಪ್ರಾಧಿಕಾರಗಳು ಈ ಎಲ್ಲಾ ಆಕ್ಷೇಪಣೆಗಳನ್ನು ಕಡ್ಡಾಯವಾಗಿ ಪರಿಗಣಿಸಬೇಕಾಗುತ್ತದೆ. ಸಾರ್ವಜನಿಕರ ತೀವ್ರ ವಿರೋಧ ವ್ಯಕ್ತವಾದರೆ ರಸ್ತೆಯ ಮಾರ್ಗದಲ್ಲಿ ಬದಲಾವಣೆ ಮಾಡುವ ಸಾಧ್ಯತೆಯೂ ಇದೆ.

ಅಲ್ಲದೆ, ರಸ್ತೆಗಳ ಅಗಲ, ಗಡಿ ಗುರುತುಗಳು, ರಾಜಕಾಲುವೆಗಳ ನಕ್ಷೆ ಹಾಗೂ ಪರಿಸರ ಸಂರಕ್ಷಣಾ ನಿಯಮಗಳ ಮಾಹಿತಿಯನ್ನು ಒಳಗೊಂಡ ಯೋಜನಾ ನಕ್ಷೆಗಳನ್ನು (Planning Maps) ಸಾರ್ವಜನಿಕರಿಗೆ ಸುಲಭವಾಗಿ ಲಭ್ಯವಾಗುವಂತೆ ಮಾಡುವುದು ಸರ್ಕಾರದ ಜವಾಬ್ದಾರಿಯಾಗಿದೆ. ಇದರಿಂದ ನಿವಾಸಿಗಳು ಯೋಜನೆಯ ಸಂಪೂರ್ಣ ಪರಿಣಾಮವನ್ನು ಅರ್ಥೈಸಿಕೊಂಡು ಸೂಕ್ತ ಆಕ್ಷೇಪಣೆಗಳನ್ನು ಸಲ್ಲಿಸಲು ಸಾಧ್ಯವಾಗುತ್ತದೆ.

ಸಂಪರ್ಕ ಕ್ರಾಂತಿ ಮತ್ತು ಕೆರೆ ಸಂರಕ್ಷಣೆಯ ನಡುವಿನ ಸಮತೋಲನ:

ಬೆಳೆಯುತ್ತಿರುವ ಬೆಂಗಳೂರಿನ ಸಾರಿಗೆ ಅಗತ್ಯಗಳಿಗೆ ಅನುಗುಣವಾಗಿ ಹೊಸ ರಸ್ತೆಗಳು ಮತ್ತು ಮೂಲಸೌಕರ್ಯ ಯೋಜನೆಗಳು ಅಗತ್ಯ ನಿಜ. ಆದರೆ ಕೆರೆಗಳು ಹಾಗೂ ರಾಜಕಾಲುವೆಗಳ ಸುತ್ತಮುತ್ತ ರಸ್ತೆಗಳನ್ನು ಅಭಿವೃದ್ಧಿಪಡಿಸುವಾಗ ಸಂಯೋಜಿತ ಯೋಜನೆಯ ಅಗತ್ಯವಿದೆ. ಸಂಪರ್ಕ ವೃದ್ಧಿಯ ಹೆಸರಿನಲ್ಲಿ ನಗರದ ನೀರು ನಿರ್ವಹಣೆ ಅಥವಾ ಪರಿಸರ ಮೌಲ್ಯಕ್ಕೆ ಯಾವುದೇ ಧಕ್ಕೆಯಾಗಬಾರದು. ಹೆಬ್ಬಾಳ ಕೆರೆಯ ವಿಷಯದಲ್ಲಿ, ಅಂತಿಮ ರಸ್ತೆ ಮಾರ್ಗ ಹಾಗೂ ನಿರ್ಮಾಣದ ವೇಳೆ ಕೈಗೊಳ್ಳುವ ಪರಿಸರ ಮುನ್ನೆಚ್ಚರಿಕಾ ಕ್ರಮಗಳು ಅತ್ಯಂತ ನಿರ್ಣಾಯಕವಾಗಲಿವೆ. ಪ್ರಸ್ತುತ ಈ ಪ್ರಸ್ತಾವನೆಯು ಕರಡು ಯೋಜನಾ ಹಂತದಲ್ಲಿದ್ದು, ಸಾರ್ವಜನಿಕ ಸಮಾಲೋಚನೆಯ ನಂತರ ಪ್ರಾಧಿಕಾರಗಳು ತೆಗೆದುಕೊಳ್ಳುವ ಅಂತಿಮ ನಿರ್ಧಾರವನ್ನು ಇಡೀ ನಗರವೇ ಕುತೂಹಲದಿಂದ ಕಾಯುತ್ತಿದೆ.

ಇದು ಕೈಬರಹವೋ, ಕಂಪ್ಯೂಟರ್ ಪ್ರಿಂಟೋ? 14ರ ಬಾಲಕಿಯ ಬರವಣಿಗೆಗೆ ಫಿದಾ ಆಯ್ತು ಜಗತ್ತು!

Sushma Hegde — Mon, 26 Oct 2026 16:30:23 +0530

ಇಂದಿನ ಡಿಜಿಟಲ್‌ ಯುಗದಲ್ಲಿ ಬಹುತೇಕರು ಮೊಬೈಲ್‌, ಕಂಪ್ಯೂಟರ್‌ ಮತ್ತು ಕೀಬೋರ್ಡ್‌ಗಳ ಮೂಲಕವೇ ಬರೆಯುತ್ತಾರೆ. ಕೈಯಲ್ಲಿ ಪೆನ್ನು ಹಿಡಿದು ಅಚ್ಚುಕಟ್ಟಾಗಿ ಬರೆಯುವ ಅಭ್ಯಾಸವೂ ನಿಧಾನವಾಗಿ ಕಡಿಮೆಯಾಗುತ್ತಿದೆ. ಆದರೆ, ನೇಪಾಳದ ಪ್ರಕೃತಿ ಮಲ್ಲಾ ಎಂಬ ಯುವತಿಯ ಕೈಬರಹ ಮಾತ್ರ ಜಗತ್ತಿನಾದ್ಯಂತ ಜನರ ಗಮನ ಸೆಳೆದಿತ್ತು. ಆಕೆಯ ಅಕ್ಷರಗಳ ಸ್ಪಷ್ಟತೆ, ಒಂದೇ ರೀತಿಯ ವಿನ್ಯಾಸ ಮತ್ತು ಸಾಲುಗಳ ನಡುವಿನ ಅಚ್ಚುಕಟ್ಟಾದ ಅಂತರವನ್ನು ಕಂಡು ಅನೇಕರು ಅಚ್ಚರಿಪಟ್ಟಿದ್ದರು. ಕೆಲವರು ಆಕೆಯ ಕೈಬರಹ ಕಂಪ್ಯೂಟರ್‌ ಫಾಂಟ್‌ನಂತಿದೆ ಎಂದೂ ಮೆಚ್ಚುಗೆ ವ್ಯಕ್ತಪಡಿಸಿದ್ದರು.

14ನೇ ವಯಸ್ಸಿನಲ್ಲೇ ವೈರಲ್‌ ಆಯ್ತು ಪ್ರಕೃತಿ ಮಲ್ಲಾ ಕೈಬರಹ!

ವರದಿಗಳ ಪ್ರಕಾರ, ಪ್ರಕೃತಿ ಮಲ್ಲಾ ನೇಪಾಳದ ಬಿರೇಂದ್ರ ಸೈನಿಕ್‌ ಆವಾಸೀಯ ಮಹಾವಿದ್ಯಾಲಯದಲ್ಲಿ 8ನೇ ತರಗತಿಯಲ್ಲಿ ಓದುತ್ತಿದ್ದಾಗ ಆಕೆಯ ಕೈಬರಹ ಎಲ್ಲರ ಗಮನ ಸೆಳೆಯಿತು. ಶಾಲೆಯ ಸಾಮಾನ್ಯ ಬರವಣಿಗೆ ಕೆಲಸವೊಂದು ಮುಂದೆ ಜಾಗತಿಕ ಮಟ್ಟದಲ್ಲಿ ಚರ್ಚೆಯಾಗುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಆಕೆ ಬರೆದ ಇಂಗ್ಲಿಷ್‌ ಅಕ್ಷರಗಳ ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡತೊಡಗಿದವು. ಪ್ರತಿಯೊಂದು ಅಕ್ಷರವೂ ಒಂದೇ ರೀತಿಯ ಆಕಾರದಲ್ಲಿದ್ದು, ಪದಗಳ ನಡುವಿನ ಅಂತರವೂ ಅಚ್ಚುಕಟ್ಟಾಗಿತ್ತು. ಸಾಲುಗಳ ಜೋಡಣೆ ಮತ್ತು ಅಕ್ಷರಗಳ ಸ್ಪಷ್ಟತೆಯಿಂದಾಗಿ ಕೈಯಲ್ಲಿ ಬರೆದ ಬರಹವೂ ಮುದ್ರಿತ ಪಠ್ಯದಂತೆ ಕಾಣುತ್ತಿತ್ತು.

ಈ ಚಿತ್ರಗಳನ್ನು ನೋಡಿದ ಅನೇಕರು, ಇಷ್ಟು ಚಿಕ್ಕ ವಯಸ್ಸಿನಲ್ಲಿ ಇಷ್ಟೊಂದು ಅಚ್ಚುಕಟ್ಟಾಗಿ ಬರೆಯಲು ಹೇಗೆ ಸಾಧ್ಯ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದರು. ಕೆಲವರು ಆಕೆಯ ಕೈಬರಹವನ್ನು ಕಂಪ್ಯೂಟರ್‌ ಫಾಂಟ್‌ ಆಗಿ ರೂಪಿಸಬಹುದು ಎಂದೂ ಅಭಿಪ್ರಾಯಪಟ್ಟಿದ್ದರು.

'ವಿಶ್ವದ ಅತ್ಯಂತ ಸುಂದರ ಕೈಬರಹ' ಎಂಬ ಮೆಚ್ಚುಗೆ

ಪ್ರಕೃತಿ ಮಲ್ಲಾ ಅವರ ಕೈಬರಹಕ್ಕೆ 2016ರಲ್ಲಿ ನೇಪಾಳದಲ್ಲಿ ಮನ್ನಣೆ ದೊರೆತಿತ್ತು ಎಂದು ವರದಿಗಳು ತಿಳಿಸಿವೆ. ಬಳಿಕ ಸಾಮಾಜಿಕ ಮಾಧ್ಯಮಗಳಲ್ಲಿ ಆಕೆಯ ಬರವಣಿಗೆಯ ಚಿತ್ರಗಳು ವ್ಯಾಪಕವಾಗಿ ಹರಡಿದಾಗ ಅಂತರರಾಷ್ಟ್ರೀಯ ಮಟ್ಟದಲ್ಲಿಯೂ ಗಮನ ಸೆಳೆದವು. ಆಕೆಯ ಕೈಬರಹವನ್ನು ಅನೇಕರು 'ವಿಶ್ವದ ಅತ್ಯಂತ ಸುಂದರ ಕೈಬರಹ' ಎಂದು ಬಣ್ಣಿಸಿದರು. ಅಕ್ಷರಗಳ ಏಕರೂಪತೆ, ಬರವಣಿಗೆಯ ಸ್ಪಷ್ಟತೆ ಮತ್ತು ಪುಟದ ಮೇಲಿನ ಅಚ್ಚುಕಟ್ಟಾದ ಪ್ರಸ್ತುತಿಯೇ ಈ ಮೆಚ್ಚುಗೆಗೆ ಪ್ರಮುಖ ಕಾರಣವಾಗಿತ್ತು. ಆದರೆ, 'ವಿಶ್ವದ ಅತ್ಯಂತ ಸುಂದರ ಕೈಬರಹ' ಎಂಬುದು ಆಕೆಯ ಬರವಣಿಗೆಯನ್ನು ಹೊಗಳಲು ವ್ಯಾಪಕವಾಗಿ ಬಳಸಲಾದ ವಿವರಣೆಯಾಗಿದ್ದು, ಅದು ಅಧಿಕೃತ ಜಾಗತಿಕ ಶ್ರೇಯಾಂಕವಾಗಿದೆ ಎಂದು ಹೇಳಲು ಸಾಧ್ಯವಿಲ್ಲ.

ಯುಎಇಗೂ ಪತ್ರ ಬರೆದು ಗಮನ ಸೆಳೆದಿದ್ದ ಪ್ರಕೃತಿ

ಪ್ರಕೃತಿ ಮಲ್ಲಾ ಅವರ ಕೈಬರಹಕ್ಕೆ 2022ರ ಡಿಸೆಂಬರ್‌ನಲ್ಲಿ ಮತ್ತೊಮ್ಮೆ ಅಂತರರಾಷ್ಟ್ರೀಯ ಗಮನ ದೊರೆಯಿತು. ಯುನೈಟೆಡ್‌ ಅರಬ್‌ ಎಮಿರೇಟ್ಸ್‌ (ಯುಎಇ) ದೇಶದ 51ನೇ 'ಸ್ಪಿರಿಟ್‌ ಆಫ್‌ ದಿ ಯೂನಿಯನ್‌' ಆಚರಣೆಯ ಸಂದರ್ಭದಲ್ಲಿ ಅಲ್ಲಿನ ನಾಯಕರು ಮತ್ತು ಜನರಿಗೆ ಶುಭಾಶಯ ಕೋರಿ ಅವರು ಕೈಬರಹದ ಪತ್ರ ಬರೆದಿದ್ದರು. ಈ ಪತ್ರವನ್ನು ನೇಪಾಳದಲ್ಲಿರುವ ಯುಎಇ ರಾಯಭಾರ ಕಚೇರಿಗೆ ಸಲ್ಲಿಸಲಾಗಿತ್ತು. ಬಳಿಕ ರಾಯಭಾರ ಕಚೇರಿ ಆಕೆಯ ಕೊಡುಗೆಯನ್ನು ಸಾರ್ವಜನಿಕವಾಗಿ ಗುರುತಿಸಿ, ಆಕೆಯ ಕೈಬರಹವನ್ನು ಮೆಚ್ಚಿಕೊಂಡಿತ್ತು ಎಂದು ವರದಿಯಾಗಿದೆ.

ಇದು ಪ್ರಕೃತಿ ಅವರ ಪ್ರತಿಭೆ ಕೇವಲ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್‌ ಆದ ಕ್ಷಣಕ್ಕೆ ಸೀಮಿತವಾಗಿಲ್ಲ ಎಂಬುದನ್ನು ತೋರಿಸಿತು. ಒಂದು ದೇಶದ ಪ್ರಮುಖ ಆಚರಣೆಗೆ ಶುಭಾಶಯ ತಿಳಿಸಲು ತಮ್ಮ ವಿಶಿಷ್ಟ ಬರವಣಿಗೆಯ ಕೌಶಲ್ಯವನ್ನು ಬಳಸುವ ಮೂಲಕ ಆಕೆ ಗಮನ ಸೆಳೆದಿದ್ದರು.

ಪ್ರಕೃತಿ ಮಲ್ಲಾ ಕೈಬರಹದ ವಿಶೇಷತೆ ಏನು?

ಪ್ರಕೃತಿ ಅವರ ಬರವಣಿಗೆಯಲ್ಲಿ ಗಮನ ಸೆಳೆದಿದ್ದು ಕೇವಲ ಅಲಂಕಾರಿಕ ಅಕ್ಷರಗಳಲ್ಲ. ಪ್ರತಿಯೊಂದು ಅಕ್ಷರದ ವಿನ್ಯಾಸ, ಪದಗಳ ನಡುವಿನ ಅಂತರ, ಸಾಲುಗಳ ಸಮತೋಲನ ಮತ್ತು ಬರವಣಿಗೆಯ ಸ್ಪಷ್ಟತೆಯೇ ಅದರ ವಿಶೇಷತೆಯಾಗಿತ್ತು. ಒಂದು ಪುಟದ ಆರಂಭದಿಂದ ಕೊನೆಯವರೆಗೂ ಒಂದೇ ರೀತಿಯ ಅಕ್ಷರ ವಿನ್ಯಾಸವನ್ನು ಕಾಪಾಡಿಕೊಳ್ಳಲು ತಾಳ್ಮೆ, ಕೈಬರಹದ ಮೇಲಿನ ನಿಯಂತ್ರಣ ಮತ್ತು ನಿರಂತರ ಅಭ್ಯಾಸ ಅಗತ್ಯ. ಪ್ರಕೃತಿ ಅವರ ಬರವಣಿಗೆಯಲ್ಲಿ ಈ ಅಂಶಗಳು ಸ್ಪಷ್ಟವಾಗಿ ಕಾಣಿಸುತ್ತಿದ್ದವು.

ಅಚ್ಚುಕಟ್ಟಾದ ಕೈಬರಹವು ಓದುಗರಿಗೆ ವಿಷಯವನ್ನು ಸುಲಭವಾಗಿ ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಪರೀಕ್ಷೆಗಳಲ್ಲಿ ಉತ್ತರಗಳನ್ನು ಸ್ಪಷ್ಟವಾಗಿ ಬರೆಯುವುದರಿಂದ ಹಿಡಿದು ಪತ್ರಗಳನ್ನು ಸುಂದರವಾಗಿ ಪ್ರಸ್ತುತಪಡಿಸುವವರೆಗೆ ಕೈಬರಹದ ಗುಣಮಟ್ಟ ಮಹತ್ವದ್ದಾಗಿದೆ.

ಡಿಜಿಟಲ್‌ ಯುಗದಲ್ಲೂ ಕೈಬರಹಕ್ಕೆ ಏಕೆ ಇಷ್ಟೊಂದು ಬೆಲೆ?

ಇಂದು ಸಂದೇಶ ಕಳುಹಿಸಲು, ಪತ್ರ ಬರೆಯಲು ಅಥವಾ ಮಾಹಿತಿಯನ್ನು ಹಂಚಿಕೊಳ್ಳಲು ಮೊಬೈಲ್‌ ಮತ್ತು ಕಂಪ್ಯೂಟರ್‌ಗಳನ್ನು ಬಳಸುವುದು ಸಾಮಾನ್ಯವಾಗಿದೆ. ಟೈಪಿಂಗ್‌ ವೇಗವಾಗಿ ಮತ್ತು ಏಕರೂಪವಾಗಿ ಬರೆಯಲು ನೆರವಾಗುತ್ತದೆ. ಆದರೆ, ಕೈಬರಹದಲ್ಲಿ ವ್ಯಕ್ತಿಯ ಸ್ವಂತ ಶೈಲಿ ಮತ್ತು ಪ್ರಯತ್ನ ಪ್ರತಿಫಲಿಸುತ್ತದೆ. ಕೈಯಲ್ಲಿ ಬರೆದ ಪತ್ರದಲ್ಲಿ ಅದನ್ನು ಬರೆಯಲು ತೆಗೆದುಕೊಂಡ ಸಮಯ, ತೋರಿಸಿದ ಕಾಳಜಿ ಮತ್ತು ವೈಯಕ್ತಿಕ ಸ್ಪರ್ಶ ಇರುತ್ತದೆ. ಇದೇ ಕಾರಣಕ್ಕೆ ಡಿಜಿಟಲ್‌ ಸಂದೇಶಗಳ ನಡುವೆ ಕೈಬರಹದ ಪತ್ರಗಳು ಇಂದಿಗೂ ವಿಶೇಷ ಸ್ಥಾನವನ್ನು ಹೊಂದಿವೆ.

ಪ್ರಕೃತಿ ಮಲ್ಲಾ ಅವರ ಕಥೆ ಕೂಡ ಇದೇ ವಿಚಾರವನ್ನು ನೆನಪಿಸುತ್ತದೆ. ಯಾವುದೇ ದೊಡ್ಡ ಪ್ರಚಾರವಿಲ್ಲದೆ, ಶಾಲೆಯ ಬರವಣಿಗೆಯ ಮೂಲಕವೇ ಒಬ್ಬ ವಿದ್ಯಾರ್ಥಿನಿಯ ಪ್ರತಿಭೆ ಜಗತ್ತಿನ ಗಮನ ಸೆಳೆಯಬಹುದು ಎಂಬುದಕ್ಕೆ ಅವರ ಸಾಧನೆ ಉದಾಹರಣೆಯಾಗಿದೆ.

ಒಟ್ಟಿನಲ್ಲಿ, ಪ್ರಕೃತಿ ಮಲ್ಲಾ ಅವರ ಕೈಬರಹವು ಅಚ್ಚುಕಟ್ಟಾದ ಬರವಣಿಗೆ, ತಾಳ್ಮೆ ಮತ್ತು ಅಭ್ಯಾಸದ ಮಹತ್ವವನ್ನು ಸಾರುತ್ತದೆ. ತಂತ್ರಜ್ಞಾನ ಎಷ್ಟೇ ಮುಂದುವರಿದರೂ, ಪೆನ್ನು ಮತ್ತು ಕಾಗದದ ಮೂಲಕ ಮೂಡಿಬರುವ ವಿಶಿಷ್ಟ ಪ್ರತಿಭೆಗೆ ಜನರ ಮನಸ್ಸಿನಲ್ಲಿ ಇಂದಿಗೂ ವಿಶೇಷ ಸ್ಥಾನವಿದೆ.

2028ರ ಚಂದ್ರಯಾನದ ರೇಸ್‌ನಲ್ಲಿ ಮಸ್ಕ್ vs ಬೆಜೋಸ್, ನಾಸಾಗೆ ಕೈಜೋಡಿಸಿದ ಸ್ಪೇಸ್‌ಎಕ್ಸ್ , ಚೀನಾಗೆ ಅಮೆರಿಕ ಸೆಡ್ಡು!

Gowthami K — Mon, 26 Oct 2026 16:33:48 +0530

ಮಾನವ ಕುಲವನ್ನು ಮತ್ತೆ ಚಂದ್ರನ ಅಂಗಳಕ್ಕೆ ತಲುಪಿಸುವ ನಾಸಾದ ಮಹತ್ವಾಕಾಂಕ್ಷೆಯ 'ಆರ್ಟೆಮಿಸ್' ಯೋಜನೆಯು ಹೊಸ ವೇಗ ಪಡೆದುಕೊಂಡಿದೆ. 2028 ರಲ್ಲಿ ಗಗನಯಾತ್ರಿಗಳನ್ನು ಚಂದ್ರನ ಮೇಲೆ ಯಶಸ್ವಿಯಾಗಿ ಇಳಿಸುವ ಬೃಹತ್ ಸಾಹಸಕ್ಕೆ ಮುನ್ನ, 2027 ರಲ್ಲಿ ಅತ್ಯಂತ ಸಂಕೀರ್ಣವಾದ 'ಆರ್ಟೆಮಿಸ್ III' ಬಾಹ್ಯಾಕಾಶ ಪರೀಕ್ಷಾ ಕಾರ್ಯಾಚರಣೆಯನ್ನು ಕೈಗೊಳ್ಳಲು ನಾಸಾ ಅಂತಿಮ ಹಂತಹ ಸಿದ್ಧತೆಗಳನ್ನು ನಡೆಸುತ್ತಿದೆ.

ಈ ನಿರ್ಣಾಯಕ ಕಾರ್ಯಾಚರಣೆಗಾಗಿ ವಿಶ್ವದ ಇಬ್ಬರು ದೈತ್ಯ ಉದ್ಯಮಿಗಳಾದ ಎಲಾನ್ ಮಸ್ಕ್ ನೇತೃತ್ವದ 'ಸ್ಪೇಸ್‌ಎಕ್ಸ್' ಮತ್ತು ಜೆಫ್ ಬೆಜೋಸ್ ಅವರ 'ಬ್ಲೂ ಒರಿಜಿನ್' ಕಂಪನಿಗಳು ತಯಾರಿಸುತ್ತಿರುವ ಚಂದ್ರನ ಲ್ಯಾಂಡರ್‌ಗಳನ್ನು ಭೂಮಿಯ ಕಕ್ಷೆಯಲ್ಲಿ ಕಠಿಣ ಪರೀಕ್ಷೆಗೆ ಒಳಪಡಿಸಲಾಗುವುದು.

2027 ರ ಕಕ್ಷೀಯ ಪರೀಕ್ಷೆ ಮತ್ತು ಗಗನಯಾತ್ರಿಗಳ ತಂಡ

ನಾಸಾದ ಅಧಿಕೃತ ಪ್ರಕಟಣೆಯ ಪ್ರಕಾರ, ಆರ್ಟೆಮಿಸ್ III ಕಾರ್ಯಾಚರಣೆಯು 14 ದಿನಗಳ ಕಾಲ ತಳಮಟ್ಟದ ಭೂಮಿಯ ಕಕ್ಷೆಯಲ್ಲಿ ನಡೆಯಲಿದೆ. ನಾಸಾದ ಪ್ರಸಿದ್ಧ 'ಓರಿಯನ್' ಬಾಹ್ಯಾಕಾಶ ನೌಕೆಯಲ್ಲಿ ನಾಸಾ ಗಗನಯಾತ್ರಿಗಳಾದ ರಾಂಡಿ ಬ್ರೆಸ್ನಿಕ್, ಫ್ರಾಂಕ್ ರುಬಿಯೊ ಮತ್ತು ಆಂಡ್ರೆ ಡೌಗ್ಲಾಸ್ ಅವರೊಂದಿಗೆ ಯುರೋಪಿಯನ್ ಬಾಹ್ಯಾಕಾಶ ಸಂಸ್ಥೆಯ ಲುಕಾ ಪರ್ಮಿಟಾನೊ ಪ್ರಯಾಣಿಸಲಿದ್ದಾರೆ.

ಈ 14 ದಿನಗಳ ಕಕ್ಷೀಯ ಪಯಣದಲ್ಲಿ ಗಗನಯಾತ್ರಿಗಳು ಹಾಗೂ ಫ್ಲೈಟ್ ಕಂಟ್ರೋಲರ್‌ಗಳು, ಸ್ಪೇಸ್‌ಎಕ್ಸ್ ಮತ್ತು ಬ್ಲೂ ಒರಿಜಿನ್ ಕಂಪನಿಗಳು ಅಭಿವೃದ್ಧಿಪಡಿಸುತ್ತಿರುವ ಲ್ಯಾಂಡರ್‌ಗಳ ಮಾದರಿಗಳೊಂದಿಗೆ ಬಾಹ್ಯಾಕಾಶ ನೌಕೆಯ ಜೋಡಣೆ, ವಾಸಸ್ಥಳ ನಿರ್ವಹಣೆ ಹಾಗೂ ಕಾರ್ಯಾಚರಣೆಯ ಪ್ರಕ್ರಿಯೆಗಳನ್ನು ಪ್ರಾಯೋಗಿಕವಾಗಿ ಪರೀಕ್ಷಿಸಲಿದ್ದಾರೆ. 2028 ರ 'ಆರ್ಟೆಮಿಸ್ IV' ಮಾನವಸಹಿತ ಚಂದ್ರಯಾನಕ್ಕೆ ಯಾವ ಕಂಪನಿಯ ಲ್ಯಾಂಡರ್ ಅತ್ಯಂತ ಸುರಕ್ಷಿತ ಮತ್ತು ಸಿದ್ಧವಾಗಿದೆ ಎಂಬುದನ್ನು ನಿರ್ಧರಿಸಲು ಈ ಪರೀಕ್ಷೆ ಅತ್ಯಂತ ಪ್ರಮುಖವಾಗಿದೆ.

ತಾಂತ್ರಿಕ ಸವಾಲುಗಳ ನಡುವೆಯೂ ನಾಸಾ ಕಟ್ಟುನಿಟ್ಟಿನ ಹೆಜ್ಜೆ

ಎರಡೂ ಖಾಸಗಿ ಬಾಹ್ಯಾಕಾಶ ಸಂಸ್ಥೆಗಳು ಕೆಲವು ತಾಂತ್ರಿಕ ತೊಡಕುಗಳನ್ನು ಎದುರಿಸುತ್ತಿದ್ದರೂ, ನಿಗದಿಪಡಿಸಿದ ಸಮಯಕ್ಕೇ ಪರೀಕ್ಷಾ ಕಾರ್ಯಾಚರಣೆ ನಡೆಸಲಾಗುವುದು ಎಂದು ನಾಸಾ ಆಡಳಿತಾಧಿಕಾರಿ ಜೇರೆಡ್ ಐಸಾಕ್‌ಮನ್ ಸ್ಪಷ್ಟಪಡಿಸಿದ್ದಾರೆ. ಹೆಚ್ಚಿನ ಸಮಯ ಅಥವಾ ಹೆಚ್ಚಿನ ಹಣ ವ್ಯಯಿಸುವುದರಿಂದ ಮಾತ್ರವೇ ಸುರಕ್ಷತೆ ಸಿಗುತ್ತದೆ ಎಂಬ ಭ್ರಮೆಯಲ್ಲಿ ನಾವಿಲ್ಲ. ಕಟ್ಟುನಿಟ್ಟಾದ ಪರೀಕ್ಷೆಗಳೇ ನಮಗೆ ನೈಜ ಯಶಸ್ಸು ನೀಡಲಿವೆ ಎಂದು ಅವರು ತಿಳಿಸಿದ್ದಾರೆ. 1972 ರ ಅಪೋಲೋ ಕಾರ್ಯಕ್ರಮದ ನಂತರ ಮಾನವ ಮತ್ತೆ ಚಂದ್ರನ ಮೇಲೆ ಹೆಜ್ಜೆಯಿಡುತ್ತಿರುವುದು ಇದೇ ಮೊದಲ ಬಾರಿಯಾಗಿದೆ.

ಸ್ಪೇಸ್‌ಎಕ್ಸ್ vs ಬ್ಲೂ ಒರಿಜಿನ್: ಯಾರ ತಂತ್ರಜ್ಞಾನ ಹೇಗಿದೆ?

ಚೀನಾ ಸವಾಲು ಮತ್ತು ನಾಸಾದ ಭವಿಷ್ಯದ ಯೋಜನೆ

2030 ರ ವೇಳೆಗೆ ತನ್ನ ದೇಶದ ಗಗನಯಾತ್ರಿಗಳನ್ನು ಚಂದ್ರನ ಮೇಲೆ ಇಳಿಸಲು ಚೀನಾ ಕೂಡ ಶರವೇಗದಲ್ಲಿ ಯೋಜನೆ ರೂಪಿಸುತ್ತಿದೆ. ಅಮೆರಿಕ ಮತ್ತು ಚೀನಾ ನಡುವಿನ ಈ ಬಾಹ್ಯಾಕಾಶ ಸ್ಪರ್ಧೆಯ ಹಿನ್ನೆಲೆಯಲ್ಲಿ, ನಾಸಾ ತನ್ನ ಬಾಹ್ಯಾಕಾಶ ಸೂಟ್‌ಗಳು, ಸ್ಪೇಸ್ ಲಾಂಚ್ ಸಿಸ್ಟಮ್ (SLS) ರಾಕೆಟ್ ಹಾಗೂ ಓರಿಯನ್ ನೌಕೆಯ ವಿನ್ಯಾಸಗಳನ್ನು ಮತ್ತಷ್ಟು ಸರಳೀಕರಿಸಿ ವೇಗವಾಗಿ ಕೆಲಸ ನಿರ್ವಹಿಸುತ್ತಿದೆ. 2028 ರ ಕೊನೆಯಲ್ಲಿ ಅಥವಾ 2029 ರ ಆರಂಭದಲ್ಲಿ ನಡೆಯಲಿರುವ ಆರ್ಟೆಮಿಸ್ IV ಚಂದ್ರಯಾನಕ್ಕಾಗಿ ಸ್ಪೇಸ್‌ಎಕ್ಸ್ ಅಥವಾ ಬ್ಲೂ ಒರಿಜಿನ್ ಈ ಎರಡರಲ್ಲಿ ಯಾವ ಕಂಪನಿಯ ಲ್ಯಾಂಡರ್ ಮೊದಲು ಸಂಪೂರ್ಣ ಸುರಕ್ಷತೆಯೊಂದಿಗೆ ಸಿದ್ಧವಾಗಲಿದೆಯೋ, ಅದನ್ನೇ ಬಳಸಿಕೊಳ್ಳಲು ನಾಸಾ ತೀರ್ಮಾನಿಸಿದೆ.

‘ನನ್ನ ಸಿಬ್ಬಂದಿಯ ಗೌರವವೇ ಮೊದಲು’… ಮಾಣಿಗೆ ಹೊಡೆದ ಗ್ರಾಹಕನನ್ನು ಶಾಶ್ವತವಾಗಿ ಬ್ಯಾನ್ ಮಾಡಿದ ಹೋಟೆಲ್

Naveen Kodase — Mon, 26 Oct 2026 16:20:09 +0530

ಆಗ್ರಾದ ತಾಜ್ ಹೋಟೆಲ್‌ನಲ್ಲಿ ವೇಟರ್‌ಗೆ ಕಪಾಳಮೋಕ್ಷ: ಅತಿಥಿಗೆ ಶಾಶ್ವತ ನಿಷೇಧ ಹೇರಿದ ಆಡಳಿತ ಮಂಡಳಿ

ಆತಿಥ್ಯ ಕ್ಷೇತ್ರದಲ್ಲಿ ಗ್ರಾಹಕರಿಗೆ ಗೌರವ ನೀಡುವುದು ಎಷ್ಟು ಮುಖ್ಯವೋ, ಅಲ್ಲಿನ ಸಿಬ್ಬಂದಿಯ ಗೌರವ ಮತ್ತು ಸುರಕ್ಷತೆಯನ್ನು ಕಾಪಾಡುವುದೂ ಅಷ್ಟೇ ಮುಖ್ಯ. ಆಗ್ರಾದ ತಾಜ್ ಹೋಟೆಲ್‌ನಲ್ಲಿ ಅತಿಥಿಯೊಬ್ಬರು ವೇಟರ್‌ಗೆ ಕಪಾಳಮೋಕ್ಷ ಮಾಡಿದ್ದಾರೆ ಎಂಬ ಆರೋಪದ ಬೆನ್ನಲ್ಲೇ, ಹೋಟೆಲ್ ಆಡಳಿತವು ಆ ಅತಿಥಿಯನ್ನು ತನ್ನ ಆವರಣಕ್ಕೆ ಪ್ರವೇಶಿಸದಂತೆ ಶಾಶ್ವತವಾಗಿ ನಿಷೇಧಿಸಿದೆ. ಈ ಘಟನೆ ಉದ್ಯೋಗಿಗಳ ಗೌರವ ಮತ್ತು ಕೆಲಸದ ಸ್ಥಳದಲ್ಲಿನ ಘನತೆಯ ಕುರಿತು ಚರ್ಚೆಗೆ ಕಾರಣವಾಗಿದೆ.

ಭಾಷೆಯ ಸಮಸ್ಯೆಯಿಂದ ಆರಂಭವಾದ ವಿವಾದ

ಆಗ್ರಾದ ತಾಜ್ ಹೋಟೆಲ್‌ ಆ್ಯಂಡ್ ಕನ್ವೆನ್ಷನ್ ಸೆಂಟರ್‌ನ ರೆಸ್ಟೋರೆಂಟ್‌ನಲ್ಲಿ ಕಾಂತಿ ಎಂಬ ವೇಟರ್ ಅತಿಥಿಯೊಬ್ಬರಿಗೆ ಸೇವೆ ಸಲ್ಲಿಸುತ್ತಿದ್ದರು. ಈ ಸಂದರ್ಭದಲ್ಲಿ ಇಂಗ್ಲಿಷ್‌ ಸಂವಹನದಲ್ಲಿ ತೊಂದರೆ ಉಂಟಾಗಿ, ಇಬ್ಬರ ನಡುವೆ ತಪ್ಪು ತಿಳಿವಳಿಕೆ ಉಂಟಾಗಿದೆ ಎಂದು ಹೋಟೆಲ್ ನಿರ್ವಹಣೆಯೊಂದಿಗೆ ಸಂಬಂಧ ಹೊಂದಿರುವ ಪರಿತೋಷ್ ಲಧಾನಿ ತಿಳಿಸಿದ್ದಾರೆ.

ಈ ತಪ್ಪು ತಿಳಿವಳಿಕೆಯ ಬಳಿಕ ಅತಿಥಿಯು ವೇಟರ್‌ಗೆ ಕಪಾಳಮೋಕ್ಷ ಮಾಡಿದ್ದಾರೆ ಎಂಬುದಾಗಿ ಲಧಾನಿ ತಮ್ಮ ಲಿಂಕ್ಡ್‌ಇನ್‌ ಪೋಸ್ಟ್‌ನಲ್ಲಿ ಆರೋಪಿಸಿದ್ದಾರೆ. ಗ್ರಾಹಕರೊಂದಿಗೆ ಮಾತನಾಡುವಾಗ ಭಾಷಾ ಸಮಸ್ಯೆ ಎದುರಾಗಬಹುದು. ಆದರೆ ಅದಕ್ಕಾಗಿ ಸಿಬ್ಬಂದಿಯ ಮೇಲೆ ದೈಹಿಕ ಹಲ್ಲೆ ನಡೆಸುವುದು ಯಾವುದೇ ಕಾರಣಕ್ಕೂ ಸಮರ್ಥನೀಯವಲ್ಲ ಎಂಬ ಸಂದೇಶ ಈ ಘಟನೆಯಿಂದ ಮುನ್ನೆಲೆಗೆ ಬಂದಿದೆ.

ಕೆಲಸ ಕಳೆದುಕೊಳ್ಳುವ ಭಯದಿಂದ ದೂರು ನೀಡದ ವೇಟರ್!

“ಈ ಹೋಟೆಲ್‌ನಲ್ಲಿ ಕೆಲಸ ಮಾಡುವುದು ನನ್ನ ಕನಸು”

ಈ ಘಟನೆಯಲ್ಲಿನ ಅತ್ಯಂತ ಗಮನಾರ್ಹ ಅಂಶವೆಂದರೆ, ಹಲ್ಲೆಗೊಳಗಾದ ವೇಟರ್ ಕಾಂತಿ ತಕ್ಷಣವೇ ಆಡಳಿತ ಮಂಡಳಿಗೆ ದೂರು ನೀಡಿರಲಿಲ್ಲ ಎನ್ನುವುದು. ಲಧಾನಿ ಅವರು ಈ ಬಗ್ಗೆ ವಿಚಾರಿಸಿದಾಗ, ಕಾಂತಿ ಹತ್ತಿರದ ಗ್ರಾಮದ ಕೃಷಿಕ ಕುಟುಂಬದಿಂದ ಬಂದಿದ್ದು, ಹೋಟೆಲ್‌ನಲ್ಲಿ ಕೆಲಸ ಮಾಡುವುದು ತಮ್ಮ ಕನಸು ಎಂದು ಹೇಳಿಕೊಂಡಿದ್ದಾರೆ.

ಕೆಲಸಕ್ಕೆ ತೊಂದರೆಯಾಗಬಹುದು ಅಥವಾ ಕೆಲಸ ಕಳೆದುಕೊಳ್ಳಬಹುದು ಎಂಬ ಆತಂಕದಿಂದಲೇ ತಾವು ದೂರು ನೀಡಲು ಹಿಂಜರಿದಿದ್ದಾಗಿ ಕಾಂತಿ ತಿಳಿಸಿದ್ದಾರೆ ಎಂದು ವರದಿ ವಿವರಿಸುತ್ತದೆ. ಉದ್ಯೋಗಿಯೊಬ್ಬರು ತಮ್ಮ ಘನತೆಗೆ ಧಕ್ಕೆಯಾದರೂ ಕೆಲಸ ಉಳಿಸಿಕೊಳ್ಳಲು ಮೌನವಾಗಿರುವ ಪರಿಸ್ಥಿತಿ ಎಷ್ಟು ಕಳವಳಕಾರಿ ಎಂಬುದನ್ನು ಈ ಘಟನೆ ತೋರಿಸುತ್ತದೆ.

ಅತಿಥಿಗೆ ಶಾಶ್ವತ ನಿಷೇಧ

ಕಾಂತಿ ಅವರಿಂದ ಘಟನೆ ತಿಳಿದ ಬಳಿಕ, ಹೋಟೆಲ್ ಆಡಳಿತವು ಅತಿಥಿಯ ವಿರುದ್ಧ ಕಠಿಣ ಕ್ರಮ ಕೈಗೊಂಡಿದೆ. ಮರುದಿನವೇ ಆ ವ್ಯಕ್ತಿಯನ್ನು ಹೋಟೆಲ್‌ನಿಂದ ಶಾಶ್ವತವಾಗಿ ನಿಷೇಧಿಸಿರುವುದಾಗಿ ಪರಿತೋಷ್ ಲಧಾನಿ ತಿಳಿಸಿದ್ದಾರೆ.

“ಅತಿಥಿ ಎಷ್ಟೇ ಶ್ರೀಮಂತರಾಗಿರಲಿ, ಪ್ರಭಾವಶಾಲಿಯಾಗಿರಲಿ ಅಥವಾ ಹೋಟೆಲ್‌ನಲ್ಲಿ ಎಷ್ಟೇ ಹಣ ಖರ್ಚು ಮಾಡಲಿ, ನಮ್ಮ ಸಿಬ್ಬಂದಿಯನ್ನು ಅಗೌರವಿಸುವ ಹಕ್ಕು ಯಾರಿಗೂ ಇಲ್ಲ” ಎಂಬುದು ಲಧಾನಿ ಅವರ ಸ್ಪಷ್ಟ ಸಂದೇಶವಾಗಿದೆ.

ಸಾಮಾಜಿಕ ಜಾಲತಾಣದಲ್ಲಿ ನಿರ್ಧಾರಕ್ಕೆ ಮೆಚ್ಚುಗೆ

ಲಧಾನಿ ಅವರ ಲಿಂಕ್ಡ್‌ಇನ್‌ ಪೋಸ್ಟ್‌ಗೆ ಸಾಮಾಜಿಕ ಜಾಲತಾಣದಲ್ಲಿ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಗ್ರಾಹಕರನ್ನು ಸಂತೋಷಪಡಿಸುವುದರ ಜೊತೆಗೆ ಉದ್ಯೋಗಿಗಳ ಗೌರವವನ್ನು ಕಾಪಾಡುವುದು ಕೂಡ ಉತ್ತಮ ನಿರ್ವಹಣೆಯ ಲಕ್ಷಣ ಎಂದು ಹಲವರು ಅಭಿಪ್ರಾಯಪಟ್ಟಿದ್ದಾರೆ.

ಈ ಘಟನೆ ಒಂದು ಮುಖ್ಯ ಪಾಠವನ್ನು ನೆನಪಿಸುತ್ತದೆ: ಸೇವಾ ಕ್ಷೇತ್ರದಲ್ಲಿ ಕೆಲಸ ಮಾಡುವವರೂ ಗೌರವಕ್ಕೆ ಅರ್ಹರು. ಗ್ರಾಹಕರ ಅಸಮಾಧಾನವನ್ನು ಮಾತುಕತೆಯ ಮೂಲಕ ಪರಿಹರಿಸಬಹುದು. ಆದರೆ ದೈಹಿಕ ಹಲ್ಲೆ ಅಥವಾ ಅವಮಾನವನ್ನು ಸಹಿಸಿಕೊಳ್ಳಬೇಕೆಂಬ ನಿರೀಕ್ಷೆ ಯಾರ ಮೇಲೂ ಇರಬಾರದು.

ಏರ್ಟೆಲ್ Vs ಜಿಯೋ: ಯೂಟ್ಯೂಬ್ ಪ್ರೀಮಿಯಂಗೆ ಯಾವುದು ಬೆಸ್ಟ್? ಡಿಟೇಲ್ಸ್ ನೋಡಿ, ಡಿಸೈಡ್ ಮಾಡಿ

Suchethana D — Mon, 26 Oct 2026 16:05:28 +0530

ಭಾರ್ತಿ ಏರ್‌ಟೆಲ್ ಮತ್ತು ರಿಲಯನ್ಸ್ ಜಿಯೋ ತಮ್ಮ ಪ್ರಿಪೇಯ್ಡ್ ಯೋಜನೆಗಳೊಂದಿಗೆ ಯೂಟ್ಯೂಬ್ ಪ್ರೀಮಿಯಂ ಅನ್ನು ನೀಡುತ್ತಿರುವ ಎರಡು ಟೆಲಿಕಾಂ ಆಪರೇಟರ್‌ಗಳಾಗಿವೆ. ಯೂಟ್ಯೂಬ್ ಪ್ರೀಮಿಯಂ ಎಂಬುದು ಯೂಟ್ಯೂಬ್ ನೀಡುವ ಚಂದಾದಾರಿಕೆ ಶ್ರೇಣಿಯಾಗಿದೆ. ಇದರ ಅರ್ಥ, ಪ್ರೀಮಿಯಂ ಚಂದಾದಾರಿಕೆಯೊಂದಿಗೆ, ಬಳಕೆದಾರರು ಜಾಹೀರಾತು ಇಲ್ಲದೇ ಯುಟ್ಯೂಬ್ ವೀಕ್ಷಿಸಬಹುದಾಗಿದೆ. ಇದಷ್ಟೇ ಅಲ್ಲದೇ ಇನ್ನೂ ಕೆಲವೊಂದು ಪ್ರಯೋಜನಳನ್ನು ಬಳಕೆದಾರರು ಪಡೆಯುತ್ತದೆ. ಇವುಗಳಲ್ಲಿ, ಆಫ್‌ಲೈನ್ ವೀಕ್ಷಣೆಗಾಗಿ ವಿಡಿಯೋಗಳನ್ನು ಡೌನ್‌ಲೋಡ್ ಮಾಡುವ ಸಾಮರ್ಥ್ಯ ಮತ್ತು ಅತ್ಯುತ್ತಮ ಗುಣಮಟ್ಟದಲ್ಲಿ ವಿಡಿಯೋಗಳನ್ನು ಸ್ಟ್ರೀಮ್ ಮಾಡುವ ಸಾಮರ್ಥ್ಯವೈ ಸೇರಿವೆ.

ಇತ್ತೀಚೆಗೆ, ಏರ್‌ಟೆಲ್ ತನ್ನ ಯೂಟ್ಯೂಬ್ ಪ್ರೀಮಿಯಂ ಯೋಜನೆಯನ್ನು ಘೋಷಿಸಿದೆ. ಕೆಲವರು ಇದಾಗಲೇ ಜಿಯೋ ಬಳಸುತ್ತಿದ್ದಾರೆ. ಅದಕ್ಕಾಗಿಯೇ, ಇಲ್ಲಿ ಯಾರು ಉತ್ತಮ ಯೋಜನೆಯನ್ನು ಹೊಂದಿದ್ದಾರೆಂದು ಇಲ್ಲಿ ಹೋಲಿಕೆ ಮಾಡಲಾಗಿದೆ.

ಭಾರ್ತಿ ಏರ್ಟೆಲ್ನಲ್ಲಿ ಏನೇನಿದೆ?

ಭಾರ್ತಿ ಏರ್‌ಟೆಲ್ ಕೇವಲ ಒಂದು ಪ್ರಿಪೇಯ್ಡ್ ಯೋಜನೆಯೊಂದಿಗೆ ಯೂಟ್ಯೂಬ್ ಪ್ರೀಮಿಯಂ ಅನ್ನು ನೀಡುತ್ತದೆ. ಅದು ರೂ 200 ಆಯ್ಕೆಯಾಗಿದೆ. ಇದು ಡೇಟಾ ವೋಚರ್ ಆಗಿದೆ, ಮತ್ತು ಸೇವಾ ವ್ಯಾಲಿಡಿಟಿ ಬಂಡಲ್ ಯೋಜನೆಯಲ್ಲ. ಡೇಟಾ ವೋಚರ್ 30GB FUP (ನ್ಯಾಯಯುತ ಬಳಕೆಯ ನೀತಿ) ಡೇಟಾದೊಂದಿಗೆ ಬರುತ್ತದೆ. ಏರ್‌ಟೆಲ್‌ನ ಡೇಟಾ ಪ್ಲ್ಯಾನ್ ಬಳಕೆದಾರರಿಗೆ ಪ್ರೈಮ್ ವಿಡಿಯೋ, ಜಿಯೋಹಾಟ್‌ಸ್ಟಾರ್, ZEE5 ಪ್ರೀಮಿಯಂ, ಸೋನಿಲೈವ್ ಮತ್ತು 18+ ಇತರ OTT ಪ್ಲಾಟ್‌ಫಾರ್ಮ್‌ಗಳನ್ನು ರೂ 200 ಯೋಜನೆಯ ಮೂಲಕ ನೀಡುತ್ತದೆ. ಸಹಜವಾಗಿ, ಈ ಡೇಟಾ ವೋಚರ್‌ಗೆ YouTube ಪ್ರೀಮಿಯಂ ಪ್ರಯೋಜನವನ್ನು ಸೇರಿಸಲಾಗಿದೆ. ಇದು ಹೊಸ ಯೋಜನೆ ಅಲ್ಲ.

ಜಿಯೋದಲ್ಲಿ ಏನೇನಿದೆ?

ಜಿಯೋ ಯೂಟ್ಯೂಬ್ ಪ್ರೀಮಿಯಂ ಪ್ಲಾನ್ ಸೇರಿದಂತೆ OTT ಪ್ರಯೋಜನಗಳೊಂದಿಗೆ ಬರುವ ರೂ 200 ಡೇಟಾ ವೋಚರ್ ಅನ್ನು ಸಹ ನೀಡುತ್ತದೆ. OTT ಪ್ರಯೋಜನಗಳಲ್ಲಿ ಯೂಟ್ಯೂಬ್ ಪ್ರೀಮಿಯಂ, ಪ್ರೈಮ್ ವಿಡಿಯೋ ಮೊಬೈಲ್, ಜಿಯೋಹಾಟ್‌ಸ್ಟಾರ್, ಸೋನಿಲೈವ್, Zee5, SunNXT, ಲಯನ್‌ಗೇಟ್ ಪ್ಲೇ, ಡಿಸ್ಕವರಿ+, ಕಾಂಚಾ ಲಂಕ, ETVWin, ಚೌಪಾಲ್, ಫ್ಯಾನ್‌ಕೋಡ್, ತರಂಗ್ ಪ್ಲಸ್, ಟೈಮ್ಸ್ ಪ್ಲೇ ಮತ್ತು ಹೋಚೋಯ್ ಜಿಯೋಟಿವಿ ಮೊಬೈಲ್ ಅಪ್ಲಿಕೇಶನ್ ಮೂಲಕ ಸೇರಿವೆ. ಸಿನೆಪೊಲಿಸ್‌ನಲ್ಲಿ ರೂ 150 ರಿಯಾಯಿತಿಯೂ ಇದೆ. ಜಿಯೋದ ಯೋಜನೆಯು 30GB ಡೇಟಾವನ್ನು ಸಹ ನೀಡುತ್ತದೆ. ಎರಡೂ ಯೋಜನೆಗಳು 28 ದಿನಗಳ ಮಾನ್ಯತೆಯೊಂದಿಗೆ ಬರುತ್ತವೆ.

ಇವೆರಡನ್ನೂ ಹೋಲಿಕೆ ಮಾಡಿದ್ದಲ್ಲಿ, ಜಿಯೋದ ಯೋಜನೆಯು ಗ್ರಾಹಕರಿಗೆ ಇಲ್ಲಿ ಹೆಚ್ಚಿನ ಪ್ರಯೋಜನಗಳನ್ನು ನೀಡುತ್ತಿದೆ. ವಾಸ್ತವವಾಗಿ, ಈ ಯೋಜನೆಯು ಅರ್ಹ 1GB ದೈನಂದಿನ ಡೇಟಾ ಅಥವಾ 1.5GB ದೈನಂದಿನ ಡೇಟಾ ಆಯ್ಕೆಗಳನ್ನು ಹೊಂದಿರುವ ಬಳಕೆದಾರರಿಗೆ ಅನಿಯಮಿತ 5G ಅನ್ನು ಸಹ ನೀಡುತ್ತದೆ.

ಚಿಕ್ಕಮಗಳೂರು: ಸರ್ಕಾರಿ ಬಸ್‌ಗೆ ಢಿಕ್ಕಿಯಾಗಿ ಬೈಕ್‌ಗೆ ಹೊತ್ತಿಕೊಂಡ ಬೆಂಕಿ, ಐದು ದಿನದ ಹಿಂದೆ ಮದುವೆಯಾಗಿದ್ದ ಯುವಕ ಸುಟ್ಟು ಕರಕಲು!

Santosh Naik — Mon, 26 Oct 2026 15:57:09 +0530

ಚಿಕ್ಕಮಗಳೂರು (ಅ.26): ಕಾಫಿನಾಡು ಚಿಕ್ಕಮಗಳೂರು ಜಿಲ್ಲೆಯ ಶೃಂಗೇರಿ ತಾಲೂಕಿನಲ್ಲಿ ಭಾನುವಾರ ಅತ್ಯಂತ ದಾರುಣ ರಸ್ತೆ ಅಪಘಾತ ಸಂಭವಿಸಿದೆ. ಸರ್ಕಾರಿ ಬಸ್ ಹಾಗೂ ಬೈಕ್ ನಡುವೆ ನಡೆದ ಭೀಕರ ಮುಖಾಮುಖಿ ಡಿಕ್ಕಿಯ ರಭಸಕ್ಕೆ ಬೈಕ್‌ಗೆ ಬೆಂಕಿ ಹೊತ್ತಿಕೊಂಡು, ನವವಿವಾಹಿತ ಯುವಕನೊಬ್ಬ ಬೆಂಕಿಯ ಜ್ವಾಲೆಯಲ್ಲಿ ಅರ್ಧಂಬರ್ಧ ಸುಟ್ಟು ರಸ್ತೆ ಮಧ್ಯದಲ್ಲೇ ಸಜೀವವಾಗಿ ದಹನಗೊಂಡ ಆಘಾತಕಾರಿ ಘಟನೆ ವರದಿಯಾಗಿದೆ.

ಶೃಂಗೇರಿ ತಾಲೂಕಿನ ಕುಂಚೇಬೈಲು ನಿವಾಸಿ ನಾಗರಾಜ್ (32) ಮೃತಪಟ್ಟ ದುರ್ದೈವಿ. ಕೇವಲ ಐದು ದಿನಗಳ ಹಿಂದಷ್ಟೇ ಹಸೆಮಣೆ ಏರಿ ನೂತನ ಜೀವನಕ್ಕೆ ಕಾಲಿಟ್ಟಿದ್ದ ನವವರ ನಾಗರಾಜ್, ಹೀಗೆ ದುರಂತವಾಗಿ ಪ್ರಾಣ ಕಳೆದುಕೊಂಡಿರುವುದು ಇಡೀ ತಾಲೂಕಿನಲ್ಲಿ ತೀವ್ರ ಶೋಕಕ್ಕೆ ಕಾರಣವಾಗಿದೆ.

ಘಟನೆಯ ವಿವರ - ರಸ್ತೆ ಮಧ್ಯದಲ್ಲೇ ಹೊತ್ತಿ ಉರಿದ ಬೈಕ್!:

ಶೃಂಗೇರಿ ತಾಲೂಕಿನ 'ಮೆಣಸೆ' ಗ್ರಾಮದ ಬಳಿ ಈ ಭೀಕರ ಅಪಘಾತ ನಡೆದಿದೆ. ನಾಗರಾಜ್ ಅವರು ತಮ್ಮ ಬೈಕ್‌ನಲ್ಲಿ ತೆರಳುತ್ತಿದ್ದಾಗ, ಜಯಪುರದಿಂದ ಶೃಂಗೇರಿ ಕಡೆಗೆ ಸಂಚರಿಸುತ್ತಿದ್ದ ಸರ್ಕಾರಿ ಬಸ್ ಮುಖಾಮುಖಿ ಡಿಕ್ಕಿಯಾಗಿದೆ. ಡಿಕ್ಕಿಯ ರಭಸಕ್ಕೆ ಬೈಕ್ ತಕ್ಷಣವೇ ರಸ್ತೆ ಮಧ್ಯದಲ್ಲೇ ಬೆ ಹೊತ್ತಿಕೊಂಡು ಭಸ್ಮವಾಗಲು ಪ್ರಾರಂಭಿಸಿದೆ. ಅಪಘಾತ ಸಂಭವಿಸಿದ ತಕ್ಷಣ ಬೈಕ್‌ನಿಂದ ಬಿದ್ದ ನಾಗರಾಜ್ ಅವರ ಮೇಲೆಯೂ ಬೆಂಕಿಯ ಜ್ವಾಲೆ ವ್ಯಾಪಿಸಿದ್ದು, ಪರಿಣಾಮವಾಗಿ ಅವರು ರಸ್ತೆಯಲ್ಲೇ ಅರ್ಧಂಬರ್ಧ ಸುಟ್ಟುಹೋಗಿ ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆ.

ಕಂದಕಕ್ಕೆ ಉರುಳಿದ ಬಸ್ - ಪೊಲೀಸರ ತನಿಖೆ

ಬೈಕ್‌ಗೆ ಡಿಕ್ಕಿ ಹೊಡೆದ ರಭಸಕ್ಕೆ ಚಾಲಕನ ನಿಯಂತ್ರಣ ತಪ್ಪಿದ ಸರ್ಕಾರಿ ಬಸ್, ರಸ್ತೆ ಬದಿಯ ಆಳವಾದ ಕಂದಕಕ್ಕೆ ಇಳಿದು ನಿಂತಿದೆ. ಬಸ್‌ನಲ್ಲಿದ್ದ ಪ್ರಯಾಣಿಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ತಿಳಿದುಬಂದಿದೆ. ಮದುವೆಯಾಗಿ ವಾರವೂ ಕಳೆಯುವ ಮುನ್ನವೇ ಮಗನನ್ನು ಕಳೆದುಕೊಂಡ ಕುಟುಂಬಸ್ಥರ ಹಾಗೂ ನವವಧುವಿನ ಕ್ರಂದನ ಮುಗಿಲು ಮುಟ್ಟಿದೆ. ಈ ಸಂಬಂಧ ಶೃಂಗೇರಿ ಪೊಲೀಸ್ ಠಾಣೆಯ ಅಧಿಕಾರಿಗಳು ಘಟನಾ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕಾನೂನು ಕ್ರಮ ಜರುಗಿಸಿದ್ದಾರೆ.

Trisha: ತ್ರಿಷಾ ಕೊಯಂಬತ್ತೂರು ಸಂಚಲನ.. ದಳಪತಿ ವಿಜಯ್ ರೀತಿಯಲ್ಲೇ ರಾಜಕೀಯಕ್ಕೆ ತ್ರಿಷಾ ಎಂಟ್ರಿಗೆ ಮುಹೂರ್ತ..!?

Shriram Bhat — Mon, 26 Oct 2026 15:51:22 +0530

ರಾಜಕೀಯಕ್ಕೆ ಎಂಟ್ರಿ ಕೊಡ್ತಾರಾ ನಟಿ ತ್ರಿಷಾ? ಕೊಯಮತ್ತೂರಿನಲ್ಲಿ ಅಭಿಮಾನಿಗಳ ಮಹಾಸಾಗರ, ಹೆಚ್ಚಿದ ಕುತೂಹಲ!

ದಕ್ಷಿಣ ಭಾರತದ ಚಿತ್ರರಂಗದ ಜನಪ್ರಿಯ ನಟಿ ತ್ರಿಷಾ ಕೃಷ್ಣನ್ ಈಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಈ ಬಾರಿ ಅವರ ಸಿನಿಮಾ ಅಥವಾ ಹೊಸ ಪ್ರಾಜೆಕ್ಟ್‌ಗಿಂತಲೂ ಕೊಯಮತ್ತೂರಿನಲ್ಲಿ ಅವರಿಗೆ ಸಿಕ್ಕ ಅದ್ಧೂರಿ ಸ್ವಾಗತವೇ ಎಲ್ಲರ ಗಮನ ಸೆಳೆದಿದೆ. ಮೊಬೈಲ್ ಶೋರೂಮ್ ಉದ್ಘಾಟನೆಗಾಗಿ ನಗರಕ್ಕೆ ಆಗಮಿಸಿದ್ದ ತ್ರಿಷಾ ಅವರನ್ನು ನೋಡಲು ಸಾವಿರಾರು ಅಭಿಮಾನಿಗಳು ಜಮಾಯಿಸಿದ್ದು, ಕಾರ್ಯಕ್ರಮದ ಸುತ್ತ ಭಾರೀ ಸಂಚಲನ ಸೃಷ್ಟಿಯಾಗಿದೆ. ಈ ಜನಸಾಗರದ ಬೆನ್ನಲ್ಲೇ ನಟಿ ರಾಜಕೀಯಕ್ಕೆ ಪ್ರವೇಶಿಸಲಿದ್ದಾರೆಯೇ ಎಂಬ ಚರ್ಚೆಯೂ ತಮಿಳುನಾಡಿನಲ್ಲಿ ಮತ್ತೆ ಮುನ್ನೆಲೆಗೆ ಬಂದಿದೆ.

ತ್ರಿಷಾ ನೋಡಲು ಮುಗಿಬಿದ್ದ ಅಭಿಮಾನಿಗಳು!

ಕೊಯಮತ್ತೂರಿನಲ್ಲಿ ನಡೆದ ಮೊಬೈಲ್ ಶೋರೂಮ್ ಉದ್ಘಾಟನಾ ಕಾರ್ಯಕ್ರಮಕ್ಕೆ ತ್ರಿಷಾ ಆಗಮಿಸುತ್ತಿದ್ದಂತೆ ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿತ್ತು. ನೆಚ್ಚಿನ ನಟಿಯನ್ನು ಕಣ್ತುಂಬಿಕೊಳ್ಳಲು ದೊಡ್ಡ ಸಂಖ್ಯೆಯಲ್ಲಿ ಜನರು ನೆರೆದಿದ್ದರು. ಈ ಸಂದರ್ಭದಲ್ಲಿ ತ್ರಿಷಾ ತೆರೆದ ವಾಹನದಲ್ಲಿ ನಿಂತು ಅಭಿಮಾನಿಗಳತ್ತ ಕೈಬೀಸಿ ಸಂತಸ ಹಂಚಿಕೊಂಡರು. ಅವರ ಆಗಮನ ಮತ್ತು ಜನರ ಉತ್ಸಾಹ ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಯಿತು.

ತ್ರಿಷಾ ಅವರ ಜನಪ್ರಿಯತೆ ಎಷ್ಟಿದೆ ಎಂಬುದಕ್ಕೆ ಈ ಜನಸ್ತೋಮವೇ ಸಾಕ್ಷಿ ಎಂದು ಅಭಿಮಾನಿಗಳು ಅಭಿಪ್ರಾಯಪಡುತ್ತಿದ್ದಾರೆ. ಆದರೆ, ಈ ಕಾರ್ಯಕ್ರಮ ಸಿನಿಮಾ ಸಂಬಂಧಿತ ಅಥವಾ ವಾಣಿಜ್ಯ ಉದ್ದೇಶದ ಭೇಟಿಯಾಗಿದ್ದು, ಇದನ್ನು ರಾಜಕೀಯ ರೋಡ್ ಶೋ ಎಂದು ಪರಿಗಣಿಸಲು ಯಾವುದೇ ಅಧಿಕೃತ ಆಧಾರವಿಲ್ಲ.

ರಾಜಕೀಯ ಪ್ರವೇಶದ ವದಂತಿಗೆ ಮತ್ತೆ ರೆಕ್ಕೆ!

ನಟಿ ತ್ರಿಷಾ ರಾಜಕೀಯಕ್ಕೆ ಬರಲಿದ್ದಾರೆಯೇ ಎಂಬ ಪ್ರಶ್ನೆ ಹೊಸದೇನಲ್ಲ. ತಮಿಳುನಾಡಿನಲ್ಲಿ ನಟ ವಿಜಯ್ ಅವರ ರಾಜಕೀಯ ಪಕ್ಷವಾದ ತಮಿಳಗ ವೆಟ್ರಿ ಕಳಗಂ (TVK) ಬಗ್ಗೆ ಚರ್ಚೆಗಳು ನಡೆಯುತ್ತಿರುವ ಹಿನ್ನೆಲೆಯಲ್ಲಿ, ತ್ರಿಷಾ ಅವರ ಹೆಸರು ಕೂಡ ಆಗಾಗ ಮುನ್ನೆಲೆಗೆ ಬರುತ್ತಿದೆ. ವಿಜಯ್ ಅವರ ಅಭಿಮಾನಿಗಳು ಮತ್ತು ಟಿವಿಕೆ ಬೆಂಬಲಿಗರಲ್ಲಿ ಕೆಲವರು ತ್ರಿಷಾ ರಾಜಕೀಯಕ್ಕೆ ಬರಬೇಕು ಎಂಬ ಆಸೆಯನ್ನು ವ್ಯಕ್ತಪಡಿಸುತ್ತಿದ್ದಾರೆ ಎನ್ನಲಾಗಿದೆ.

ಕೊಯಮತ್ತೂರಿನಲ್ಲಿ ನಟಿಗೆ ಸಿಕ್ಕ ಭರ್ಜರಿ ಸ್ವಾಗತದ ಬಳಿಕ ಈ ಚರ್ಚೆಗಳು ಮತ್ತಷ್ಟು ಜೋರಾಗಿವೆ. ಸಿನಿಮಾ ಕ್ಷೇತ್ರದಲ್ಲಿ ಈಗಾಗಲೇ ಅಪಾರ ಅಭಿಮಾನಿಗಳನ್ನು ಹೊಂದಿರುವ ತ್ರಿಷಾ ರಾಜಕೀಯಕ್ಕೆ ಬಂದರೆ ಅವರ ಮುಂದಿನ ನಡೆ ಹೇಗಿರಬಹುದು ಎಂಬ ಕುತೂಹಲವೂ ಕೆಲವರಲ್ಲಿ ಮೂಡಿದೆ.

ಆದರೆ, ಅಭಿಮಾನಿಗಳ ಬೆಂಬಲ ಅಥವಾ ಕಾರ್ಯಕ್ರಮದಲ್ಲಿ ನೆರೆದ ಜನರ ಸಂಖ್ಯೆ ಮಾತ್ರ ರಾಜಕೀಯ ಪ್ರವೇಶದ ನಿರ್ಧಾರವನ್ನು ಸಾಬೀತುಪಡಿಸುವುದಿಲ್ಲ. ಈ ಕುರಿತು ನಟಿ ಯಾವುದೇ ಅಧಿಕೃತ ಘೋಷಣೆ ಮಾಡಿಲ್ಲ ಎಂಬುದನ್ನು ಗಮನಿಸಬೇಕು.

ರಾಜಕೀಯ ಪ್ರಶ್ನೆಗೆ ತ್ರಿಷಾ ಕೊಟ್ಟ ಉತ್ತರವೇನು?

ಕಾರ್ಯಕ್ರಮ ಮುಗಿದ ಬಳಿಕ ಸುದ್ದಿಗಾರರು ತ್ರಿಷಾ ಅವರನ್ನು ರಾಜಕೀಯ ಪ್ರವೇಶದ ಸಾಧ್ಯತೆ ಕುರಿತು ಪ್ರಶ್ನಿಸಿದ್ದಾರೆ ಎನ್ನಲಾಗಿದೆ. ಈ ಪ್ರಶ್ನೆಗೆ ನಟಿ ನೇರವಾಗಿ ಉತ್ತರಿಸುವ ಬದಲು ಮುಗುಳುನಗುತ್ತಾ ಅಲ್ಲಿಂದ ತೆರಳಿದ್ದಾರೆ. ಅವರ ಈ ಪ್ರತಿಕ್ರಿಯೆ ಇದೀಗ ಮತ್ತಷ್ಟು ಕುತೂಹಲಕ್ಕೆ ಕಾರಣವಾಗಿದೆ.

ತ್ರಿಷಾ ಅವರ ನಗು ರಾಜಕೀಯ ಪ್ರವೇಶಕ್ಕೆ ಒಪ್ಪಿಗೆಯೇ ಅಥವಾ ವದಂತಿಗಳಿಗೆ ಪ್ರತಿಕ್ರಿಯಿಸದ ನಿರ್ಧಾರವೇ ಎಂಬುದನ್ನು ಖಚಿತವಾಗಿ ಹೇಳಲು ಸಾಧ್ಯವಿಲ್ಲ. ಅವರ ಮೌನವನ್ನು ರಾಜಕೀಯ ಪ್ರವೇಶದ ಸುಳಿವು ಎಂದು ವ್ಯಾಖ್ಯಾನಿಸುವುದು ಕೂಡ ಸದ್ಯಕ್ಕೆ ಊಹಾಪೋಹವಾಗಿಯೇ ಉಳಿಯುತ್ತದೆ.

ಬೆಳ್ಳಿಪರದೆಯಿಂದ ರಾಜಕೀಯ ಅಂಗಳಕ್ಕೆ ಬರ್ತಾರಾ?

ತಮಿಳುನಾಡಿನಲ್ಲಿ ಸಿನಿಮಾ ಮತ್ತು ರಾಜಕೀಯದ ನಡುವೆ ದೀರ್ಘಕಾಲದ ನಂಟಿದೆ. ಹಲವು ನಟರು ರಾಜಕೀಯ ಕ್ಷೇತ್ರಕ್ಕೆ ಪ್ರವೇಶಿಸಿ ತಮ್ಮದೇ ಆದ ಗುರುತು ಮೂಡಿಸಿದ್ದಾರೆ. ಈ ಹಿನ್ನೆಲೆ ತ್ರಿಷಾ ಅವರ ರಾಜಕೀಯ ಭವಿಷ್ಯದ ಬಗ್ಗೆ ಅಭಿಮಾನಿಗಳಲ್ಲಿ ಕುತೂಹಲ ಮೂಡುವುದು ಸಹಜ.

ಆದರೂ, ಸದ್ಯಕ್ಕೆ ತ್ರಿಷಾ ರಾಜಕೀಯಕ್ಕೆ ಪ್ರವೇಶಿಸಲಿದ್ದಾರೆ ಎಂಬುದನ್ನು ದೃಢಪಡಿಸುವ ಅಧಿಕೃತ ಮಾಹಿತಿ ಲಭ್ಯವಿಲ್ಲ. ಹೀಗಾಗಿ, ಕೊಯಮತ್ತೂರಿನ ಜನಸ್ತೋಮವನ್ನು ಅವರ ಜನಪ್ರಿಯತೆಯ ಸಂಕೇತವಾಗಿ ನೋಡಬಹುದೇ ಹೊರತು ರಾಜಕೀಯ ಪ್ರವೇಶ ಖಚಿತವಾಗಿದೆ ಎಂಬ ನಿರ್ಧಾರಕ್ಕೆ ಬರಲು ಸಾಧ್ಯವಿಲ್ಲ.

ಒಟ್ಟಿನಲ್ಲಿ, ಕೊಯಮತ್ತೂರಿನಲ್ಲಿ ತ್ರಿಷಾ ಅವರಿಗೆ ಸಿಕ್ಕ ಅದ್ಧೂರಿ ಸ್ವಾಗತ ಸಿನಿಮಾ ಮತ್ತು ರಾಜಕೀಯ ವಲಯಗಳಲ್ಲಿ ಚರ್ಚೆಗೆ ಕಾರಣವಾಗಿದೆ. ನಟಿ ತಮ್ಮ ಮುಂದಿನ ನಡೆ ಬಗ್ಗೆ ಯಾವಾಗ ಸ್ಪಷ್ಟನೆ ನೀಡಲಿದ್ದಾರೆ ಎಂಬುದನ್ನು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ತ್ರಿಷಾ ಬೆಳ್ಳಿಪರದೆಯಲ್ಲೇ ಮುಂದುವರಿಯುತ್ತಾರಾ ಅಥವಾ ರಾಜಕೀಯದತ್ತ ಹೆಜ್ಜೆ ಇಡುತ್ತಾರಾ ಎಂಬ ಪ್ರಶ್ನೆಗೆ ಸದ್ಯಕ್ಕೆ ಕಾಲವೇ ಉತ್ತರ ನೀಡಬೇಕಿದೆ.

25-30ನೇ ವಯಸ್ಸಲಲ್ಲ, 40ನೇ ವಯಸ್ಸಿನಲ್ಲಿ ನಾನೇಕೆ ಮನೆ ಖರೀದಿಸಿದೆ? ಉದ್ಯಮಿ ನೀಡಿದ ಸಲಹೆ ಇದು

Gowthami K — Mon, 26 Oct 2026 15:49:21 +0530

ಭಾರತೀಯ ಸಮಾಜದಲ್ಲಿ ಸ್ವಂತ ಮನೆ ಹೊಂದುವುದು ಪ್ರತಿಯೊಬ್ಬರ ಜೀವನದ ಬಹುದೊಡ್ಡ ಕನಸು. ವೃತ್ತಿಜೀವನ ಪ್ರಾರಂಭಿಸಿದ ತಕ್ಷಣ, ಅಂದರೆ 20ರ ಹರೆಯದಲ್ಲೇ ಅಥವಾ 30ರ ದಶಕದ ಆರಂಭದಲ್ಲೇ ಗೃಹ ಸಾಲ ಪಡೆದು ಮನೆ ಖರೀದಿಸುವುದು ಬುದ್ಧಿವಂತಿಕೆ ಎಂಬ ಸಾಮಾನ್ಯ ನಂಬಿಕೆ ನಮ್ಮಲ್ಲಿದೆ. ಆದರೆ, ಪ್ರಸಿದ್ಧ ಉದ್ಯಮಿ, ಲೇಖಕ ಹಾಗೂ ಹಣಕಾಸು ತಜ್ಞ ಅಂಕುರ್ ವಾರಿಕೂ ಈ ಆಲೋಚನೆಗೆ ಸಂಪೂರ್ಣ ಭಿನ್ನವಾದ ದೃಷ್ಟಿಕೋನವನ್ನು ನೀಡಿದ್ದಾರೆ.

ತಮ್ಮ ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ ವಿಷಯ ಹಂಚಿಕೊಂಡಿರುವ ಅವರು, ತಮ್ಮ 40ನೇ ವಯಸ್ಸಿನಲ್ಲಿ ಮೊದಲ ಮನೆ ಖರೀದಿಸಿರುವುದಾಗಿ ತಿಳಿಸಿದ್ದಾರೆ. ಯುವ ವಯಸ್ಸಿನಲ್ಲೇ ಮನೆ ಖರೀದಿಸುವ ಧಾವಂತಕ್ಕಿಂತ, 40ನೇ ವಯಸ್ಸಿನಲ್ಲಿ ಮನೆ ಕೊಳ್ಳುವುದು ಹೇಗೆ ಅತ್ಯಂತ ಸೂಕ್ತ ನಿರ್ಧಾರ ಎಂಬುದನ್ನು ಅವರು 3 ಪ್ರಮುಖ ಕಾರಣಗಳೊಂದಿಗೆ ವಿವರಿಸಿದ್ದಾರೆ.

1. 40 ವರ್ಷ ತಲುಪುವಷ್ಟರಲ್ಲಿ ಎಲ್ಲಿ ಸ್ಥಿರವಾಗಬೇಕೆಂಬ ಸ್ಪಷ್ಟತೆ ಸಿಗುತ್ತದೆ

20ರ ಹರೆಯದಲ್ಲಿ ಬದುಕು ಅತ್ಯಂತ ಅನಿಶ್ಚಿತತೆಯಿಂದ ಕೂಡಿರುತ್ತದೆ. ಹೊಸ ಉದ್ಯೋಗದ ಅವಕಾಶ ಮುಂಬೈಗೆ ಕರೆದೊಯ್ಯಬಹುದು, ಬಡ್ತಿಯು ಕೋಲ್ಕತ್ತಾಗೆ ಬದಲಾಯಿಸಬಹುದು ಅಥವಾ ವಿದೇಶಕ್ಕೆ ತೆರಳುವ ಸಂದರ್ಭ ಬರಬಹುದು. ಮದುವೆಯ ನಂತರವೂ ದಂಪತಿಗಳಿಬ್ಬರ ವೃತ್ತಿಪರ ಆಸೆ-ಆಕಾಂಕ್ಷೆಗಳಿಗೆ ತಕ್ಕಂತೆ ವಾಸಿಸುವ ನಗರಗಳು ಬದಲಾಗುತ್ತಿರುತ್ತವೆ.

ಇಂತಹ ಸಂದರ್ಭದಲ್ಲಿ 20 ಅಥವಾ 30ನೇ ವಯಸ್ಸಿನಲ್ಲೇ ಮನೆ ಖರೀದಿಸಿದರೆ, ದೀರ್ಘಕಾಲದ ಭವಿಷ್ಯದ ಅರಿವಿಲ್ಲದೆ ಒಂದೇ ಸ್ಥಳಕ್ಕೆ ಕಟ್ಟುಬಿದ್ದಂತಾಗುತ್ತದೆ. ಅಂಕುರ್ ವಾರಿಕೂ ಮತ್ತು ಅವರ ಪತ್ನಿ ರುಚಿ ವಾರಿಕೂ ಅವರಿಗೆ 40 ವರ್ಷ ತುಂಬುವಷ್ಟರಲ್ಲಿ ತಾವು ದೆಹಲಿಯಲ್ಲೇ ನೆಲೆಸಬೇಕೆಂಬ ಪೂರ್ಣ ಸ್ಪಷ್ಟತೆ ಸಿಕ್ಕಿತ್ತು. ಈ ಸ್ಪಷ್ಟತೆಯು ಅತ್ಯುತ್ತಮ ಮನೆ ಆಯ್ಕೆ ಮಾಡಲು ಅವರಿಗೆ ನೆರವಾಯಿತು.

2. ಅತ್ಯುತ್ತಮ ಆರ್ಥಿಕ ಶಕ್ತಿ ಮತ್ತು ಕೈಗೆಟುಕುವ ಸಾಮರ್ಥ್ಯ

ಮನೆ ಖರೀದಿಸುವುದು ಕೇವಲ ಭಾವನಾತ್ಮಕ ನಿರ್ಧಾರವಲ್ಲ, ಅದರ ಹಿಂದೆ ಬೃಹತ್ ಮೊತ್ತದ ಹಣಕಾಸಿನ ಬದ್ಧತೆ ಇರುತ್ತದೆ. ಬ್ಯಾಂಕ್‌ನಿಂದ ಗೃಹ ಸಾಲ ಪಡೆಯಲು ಅರ್ಹತೆ ಹೊಂದುವುದಕ್ಕೂ, ಮತ್ತು ಪ್ರತಿ ತಿಂಗಳ ಇಎಮ್‌ಐ ಅನ್ನು ಯಾವುದೇ ಆರ್ಥಿಕ ಒತ್ತಡವಿಲ್ಲದೆ ಸುಲಭವಾಗಿ ಪಾವತಿಸುವುದಕ್ಕೂ ಸಾಕಷ್ಟು ವ್ಯತ್ಯಾಸವಿದೆ.

ಅಲ್ಲದೆ, ಡೌನ್ ಪೇಮೆಂಟ್, ನೋಂದಣಿ , ಸ್ಟಾಂಪ್ ಡ್ಯೂಟಿ, ಇಂಟೀರಿಯರ್ ಪೀಠೋಪಕರಣಗಳು ಹಾಗೂ ಮಾಸಿಕ ನಿರ್ವಹಣಾ ವೆಚ್ಚಗಳು ಸೇರಿ ಮನೆ ಖರೀದಿಯ ವೆಚ್ಚ ದೊಡ್ಡ ಮಟ್ಟದ್ದಾಗಿರುತ್ತದೆ. 40ರ ಹರೆಯದಲ್ಲಿ ಸೂಕ್ತ ಉಳಿತಾಯ ಹಾಗೂ ಆರ್ಥಿಕ ಸ್ಥಿರತೆ ಇರುವುದರಿಂದ, ಕನಸಿನ ಪ್ರೀಮಿಯಂ ಮನೆಯನ್ನು ಯಾವುದೇ ಆರ್ಥಿಕ ಸಂಕಷ್ಟವಿಲ್ಲದೆ ಕೊಳ್ಳಲು ಸಾಧ್ಯವಾಯಿತು ಎಂಬುದು ವಾರಿಕೂ ಅವರ ಅಭಿಪ್ರಾಯ.

3. ಕುಟುಂಬ ಮತ್ತು ಮಕ್ಕಳ ಅಗತ್ಯಗಳ ಸಂಪೂರ್ಣ ಅರಿವು

ಯುವ ವೃತ್ತಿಪರರಿಗೆ ಕಚೇರಿಯ ಹತ್ತಿರವಿರುವ ಸಣ್ಣ ಅಪಾರ್ಟ್‌ಮೆಂಟ್ ಸಾಕಾಗಬಹುದು. ಆದರೆ, ಕುಟುಂಬ ಬೆಳೆದಂತೆ ಮತ್ತು ಮಕ್ಕಳಾದಂತೆ ಆದ್ಯತೆಗಳು ಸಂಪೂರ್ಣವಾಗಿ ಬದಲಾಗುತ್ತವೆ. ಮಕ್ಕಳಿಗೆ ವಿಶಾಲವಾದ ಕೊಠಡಿಗಳು, ಆಟದ ಮೈದಾನ, ಉತ್ತಮ ಶಾಲೆಗಳು ಹಾಗೂ ವೈದ್ಯಕೀಯ ಸೌಲಭ್ಯಗಳ ಅಗತ್ಯವಿರುತ್ತದೆ.

40ನೇ ವಯಸ್ಸಿಗೆ ತಲುಪುವ ಹೊತ್ತಿಗೆ ಕುಟುಂಬದ ನೈಜ ಅಗತ್ಯಗಳು ಏನೆಂಬುದು ಕಾಗದದ ಮೇಲಷ್ಟೇ ಅಲ್ಲದೆ ಪ್ರಾಯೋಗಿಕವಾಗಿ ಅರಿವಿಗೆ ಬರುತ್ತದೆ. ಹೀಗಾಗಿ, ಯಾವುದೇ ಗೊಂದಲವಿಲ್ಲದೆ ತಮ್ಮ ಕುಟುಂಬಕ್ಕೆ ಸೂಕ್ತವಾಗುವ ಅತ್ಯಂತ ಪ್ರೀಮಿಯಂ ವಸತಿ ಸಂಕೀರ್ಣವನ್ನು ಆಯ್ಕೆ ಮಾಡಲು ಅಂಕುರ್ ದಂಪತಿಗೆ ಸಾಧ್ಯವಾಯಿತು.

ವಯಸ್ಸಿನ ಮಿತಿಗಿಂತ ಆರ್ಥಿಕ ಸಿದ್ಧತೆ ಮುಖ್ಯ!

ಮನೆ ಹೊಂದುವುದು ಎಂದರೆ ನಿರ್ದಿಷ್ಟ ವಯಸ್ಸಿನ ಮೈಲಿಗಲ್ಲನ್ನು ತಲುಪುವುದಲ್ಲ, ಬದಲಿಗೆ ನಿಮ್ಮ ಆದ್ಯತೆಗಳು, ಕುಟುಂಬದ ಅಗತ್ಯಗಳು ಹಾಗೂ ಆರ್ಥಿಕ ಸಾಮರ್ಥ್ಯಗಳು ಪರಸ್ಪರ ಸಮತೋಲನದಲ್ಲಿರುವುದಾಗಿದೆ.

— ಅಂಕುರ್ ವಾರಿಕೂ, ಉದ್ಯಮಿ ಹಾಗೂ ವೈಯಕ್ತಿಕ ಹಣಕಾಸು ಶಿಕ್ಷಕ.

ಪ್ರತಿಯೊಬ್ಬರೂ 40ನೇ ವಯಸ್ಸಿನವರೆಗೂ ಕಾಯಬೇಕೇ?

ಅಂಕುರ್ ವಾರಿಕೂ ಅವರ ಈ ಅನುಭವವು ಪ್ರತಿಯೊಬ್ಬರಿಗೂ ಸಾರ್ವತ್ರಿಕ ನಿಯಮವಲ್ಲ. ಸ್ಥಿರ ಆದಾಯ, ಪರ್ಯಾಯ ಉಳಿತಾಯ ಹಾಗೂ ನಿವೃತ್ತಿ ನಿಧಿ ಹೊಂದಿರುವವರು ಮುಂಚಿತವಾಗಿಯೇ ಮನೆ ಖರೀದಿಸುವುದರಲ್ಲಿ ತಪ್ಪಿಲ್ಲ. ಆದರೆ, ಸಮಾಜದ ಒತ್ತಡಕ್ಕೋ ಅಥವಾ 'ಬೇಗ ಮನೆ ಖರೀದಿಸಿದರೆ ಒಳ್ಳೆಯದು' ಎಂಬ ಸಾಂಪ್ರದಾಯಿಕ ನಂಬಿಕೆಗೋ ಬಿದ್ದು ಆತುರದ ನಿರ್ಧಾರ ಕೈಗೊಳ್ಳುವ ಬದಲು, ಆರ್ಥಿಕ ಹಾಗೂ ಜೀವನದ ಸ್ಥಿರತೆ ಬಂದ ಮೇಲಷ್ಟೇ ದೊಡ್ಡ ಹೂಡಿಕೆ ಮಾಡುವುದು ಜಾಣತನ ಎಂಬುದನ್ನು ಈ ಉದಾಹರಣೆ ತೋರಿಸಿಕೊಡುತ್ತದೆ.

Kannada vs Hindi: ಕನ್ನಡಿಗರನ್ನು ಕಡೆಗಣಿಸಿದರೆ ಹುಷಾರ್‌! ಬೆಂಗಳೂರಿನ ಐಟಿ ಕಂಪನಿಗಳಿಗೆ ಡಿಕೆಶಿ ಎಚ್ಚರಿಕೆ

Sushma Hegde — Mon, 26 Oct 2026 15:29:01 +0530

ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಕನ್ನಡಿಗರಿಗೆ ಉದ್ಯೋಗಾವಕಾಶಗಳಲ್ಲಿ ಅನ್ಯಾಯವಾಗುತ್ತಿದೆ ಎಂಬ ಆರೋಪ ಇದೀಗ ಹೊಸ ಚರ್ಚೆಗೆ ನಾಂದಿ ಹಾಡಿದೆ. ಕನ್ನಡ ಮಾತನಾಡುವ ಅಭ್ಯರ್ಥಿಗಳನ್ನು ಐಟಿ ಕಂಪನಿಗಳು ಕಡೆಗಣಿಸುತ್ತಿವೆ ಎಂಬ ದೂರುಗಳನ್ನು ಕರ್ನಾಟಕ ಸರ್ಕಾರ ಗಂಭೀರವಾಗಿ ಪರಿಗಣಿಸಿದ್ದು, ಈ ಕುರಿತು ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಎಚ್ಚರಿಕೆ ನೀಡಿದ್ದಾರೆ. ಅವರ ಹೇಳಿಕೆ ಬೆನ್ನಲ್ಲೇ ಸಾಮಾಜಿಕ ಮಾಧ್ಯಮಗಳಲ್ಲಿ ಕನ್ನಡ ಮತ್ತು ಹಿಂದಿ ಭಾಷೆಯ ಬಳಕೆ, ಸ್ಥಳೀಯರಿಗೆ ಉದ್ಯೋಗಾವಕಾಶ ಹಾಗೂ ಕೆಲಸದ ಸ್ಥಳಗಳಲ್ಲಿ ಭಾಷಾ ತಾರತಮ್ಯದ ಕುರಿತು ಚರ್ಚೆ ಜೋರಾಗಿದೆ.

ಕನ್ನಡಿಗರ ಹಕ್ಕು, ಗೌರವ ಮತ್ತು ಉದ್ಯೋಗಾವಕಾಶಗಳನ್ನು ಯಾವುದೇ ಕಾರಣಕ್ಕೂ ಕಡೆಗಣಿಸಲು ಸರ್ಕಾರ ಅವಕಾಶ ನೀಡುವುದಿಲ್ಲ ಎಂದು ಡಿ.ಕೆ. ಶಿವಕುಮಾರ್ ಸ್ಪಷ್ಟಪಡಿಸಿದ್ದಾರೆ. ಕನ್ನಡಿಗರನ್ನು ಯಾವುದೇ ಖಾಸಗಿ ಸಂಸ್ಥೆ ಉದ್ದೇಶಪೂರ್ವಕವಾಗಿ ಕಡೆಗಣಿಸಿರುವುದು ಕಂಡುಬಂದರೆ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ಅವರು ಎಚ್ಚರಿಸಿದ್ದಾರೆ.

ಕನ್ನಡಿಗರಿಗೆ ಉದ್ಯೋಗದಲ್ಲಿ ಅನ್ಯಾಯವಾಗುತ್ತಿದೆಯೇ?

ಬೆಂಗಳೂರಿನ ಐಟಿ ವಲಯದಲ್ಲಿ ಕನ್ನಡಿಗರಿಗೆ ಉದ್ಯೋಗಾವಕಾಶ ನಿರಾಕರಿಸಲಾಗುತ್ತಿದೆ ಎಂಬ ದೂರುಗಳು ಕೇಳಿಬರುತ್ತಿವೆ. ಈ ಹಿನ್ನೆಲೆಯಲ್ಲಿ ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಪ್ರತಿಕ್ರಿಯಿಸಿರುವ ಡಿ.ಕೆ. ಶಿವಕುಮಾರ್, ಕನ್ನಡ ಮಾತೃಭಾಷೆ ಹೊಂದಿರುವ ಅಭ್ಯರ್ಥಿಗಳನ್ನು ಕಡೆಗಣಿಸಲಾಗುತ್ತಿದೆ ಎಂಬ ವಿಷಯವನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಿದೆ ಎಂದು ತಿಳಿಸಿದ್ದಾರೆ.

ಬೆಂಗಳೂರು ಜಾಗತಿಕ ಮಟ್ಟದಲ್ಲಿ ಭಾರತದ ತಂತ್ರಜ್ಞಾನ ರಾಜಧಾನಿಯಾಗಿ ಗುರುತಿಸಿಕೊಂಡಿದೆ. ನಗರದ ಬೆಳವಣಿಗೆಯಲ್ಲಿ ಕನ್ನಡಿಗರ ಪ್ರತಿಭೆ, ಕೌಶಲ್ಯ ಮತ್ತು ಸಾಮರ್ಥ್ಯಕ್ಕೆ ಮಹತ್ವದ ಕೊಡುಗೆ ಇದೆ ಎಂದು ಅವರು ಹೇಳಿದ್ದಾರೆ.

ಸ್ಥಳೀಯ ಅಭ್ಯರ್ಥಿಗಳಿಗೆ ಅನ್ಯಾಯವಾಗದಂತೆ ನೋಡಿಕೊಳ್ಳುವುದು ಸರ್ಕಾರದ ಜವಾಬ್ದಾರಿಯಾಗಿದೆ ಎಂಬ ಸಂದೇಶವನ್ನು ಅವರು ತಮ್ಮ ಹೇಳಿಕೆಯ ಮೂಲಕ ನೀಡಿದ್ದಾರೆ. ಆದರೆ, ಕನ್ನಡಿಗರಿಗೆ ಉದ್ಯೋಗ ನಿರಾಕರಿಸಲಾಗುತ್ತಿದೆ ಎಂಬ ಆರೋಪಗಳ ಕುರಿತು ನಿರ್ದಿಷ್ಟ ಪ್ರಕರಣಗಳ ಪರಿಶೀಲನೆ ಹಾಗೂ ಅಧಿಕೃತ ಮಾಹಿತಿಯ ಅಗತ್ಯವೂ ಇದೆ.

ಡಿಕೆ ಶಿವಕುಮಾರ್ ಹೇಳಿಕೆಯಿಂದ ಸಾಮಾಜಿಕ ಮಾಧ್ಯಮದಲ್ಲಿ ಚರ್ಚೆ

ಮುಖ್ಯಮಂತ್ರಿಯ ಹೇಳಿಕೆ ಹೊರಬಿದ್ದ ಬಳಿಕ ಉದ್ಯೋಗ ಕ್ಷೇತ್ರದಲ್ಲಿ ಭಾಷೆಯ ಪಾತ್ರದ ಕುರಿತು ಹಲವರು ತಮ್ಮ ಅನುಭವಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಕೆಲವು ಬಳಕೆದಾರರು ಕೆಲಸದ ಸ್ಥಳಗಳಲ್ಲಿ ಭಾಷಾ ಆಧಾರಿತ ಗುಂಪುಗಾರಿಕೆ ಮತ್ತು ತಾರತಮ್ಯವಿದೆ ಎಂದು ಆರೋಪಿಸಿದರೆ, ಇತರರು ಸ್ಥಳೀಯ ಭಾಷೆ ಮಾತನಾಡುವವರಿಗೆ ಸಮಾನ ಅವಕಾಶ ಸಿಗಬೇಕೆಂದು ಅಭಿಪ್ರಾಯಪಟ್ಟಿದ್ದಾರೆ.

ಬೆಂಗಳೂರು, ಮುಂಬೈ, ಪುಣೆ, ಹೈದರಾಬಾದ್, ಚೆನ್ನೈ ಮತ್ತು ಗುರುಗ್ರಾಮ್‌ಗಳಲ್ಲಿ ಕೆಲಸ ಮಾಡಿರುವುದಾಗಿ ಹೇಳಿಕೊಂಡಿರುವ ಸಾಮಾಜಿಕ ಮಾಧ್ಯಮ ಬಳಕೆದಾರರೊಬ್ಬರು, ಕೆಲವು ಐಟಿ ಕೆಲಸದ ಸ್ಥಳಗಳಲ್ಲಿ ಪ್ರಾದೇಶಿಕ ಮತ್ತು ಭಾಷಾ ಆಧಾರಿತ ಗುಂಪುಗಳು ಕಂಡುಬರುತ್ತವೆ ಎಂದು ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.

ಮರಾಠಿ, ತಮಿಳು ಮತ್ತು ಮಲಯಾಳಂ ಮಾತನಾಡುವ ಉದ್ಯೋಗಿಗಳು ಕೆಲವೊಮ್ಮೆ ತಮ್ಮದೇ ಭಾಷೆಯವರೊಂದಿಗೆ ಗುಂಪುಗಳನ್ನು ರಚಿಸುತ್ತಾರೆ ಎಂಬುದು ಅವರ ವೈಯಕ್ತಿಕ ಅಭಿಪ್ರಾಯವಾಗಿದೆ. ಇವು ವೈಯಕ್ತಿಕ ಅವಲೋಕನಗಳಾಗಿದ್ದು, ಸ್ವತಂತ್ರವಾಗಿ ದೃಢೀಕರಿಸಲ್ಪಟ್ಟ ಮಾಹಿತಿಯಲ್ಲ.

ಆಟೋ ಚಾಲಕನ ಭಾಷೆಯ ಬಗ್ಗೆಯೂ ಚರ್ಚೆ

ಭಾಷಾ ಆದ್ಯತೆ ಕೇವಲ ಉದ್ಯೋಗ ಕ್ಷೇತ್ರಕ್ಕೆ ಸೀಮಿತವಾಗಿಲ್ಲ ಎಂಬುದನ್ನು ತೋರಿಸುವ ಮತ್ತೊಂದು ಅನುಭವವನ್ನು ಬಳಕೆದಾರರೊಬ್ಬರು ಹಂಚಿಕೊಂಡಿದ್ದಾರೆ.

ಆ್ಯಪ್ ಮೂಲಕ ಆಟೋ ಬುಕ್ ಮಾಡಿದಾಗ ಚಾಲಕ ಆರಂಭದಲ್ಲಿ ಗಮ್ಯಸ್ಥಾನವನ್ನು ಖಚಿತಪಡಿಸಿಕೊಳ್ಳಲು ಹಿಂದಿಯಲ್ಲಿ ಮಾತನಾಡಿದ್ದಾನೆ. ಆದರೆ, ಪ್ರಯಾಣಿಕ ಮತ್ತು ಅವರ ತಂದೆ ಕನ್ನಡದಲ್ಲಿ ಮಾತನಾಡುವುದನ್ನು ಕೇಳಿದ ಬಳಿಕ ಚಾಲಕ ಕನ್ನಡಕ್ಕೆ ಬದಲಾಯಿಸಿದ್ದಾನೆ ಎಂದು ಪೋಸ್ಟ್‌ನಲ್ಲಿ ಹೇಳಲಾಗಿದೆ.

ಚಾಲಕನ ಪ್ರೊಫೈಲ್‌ನಲ್ಲಿ ಕನ್ನಡ ಭಾಷೆಯನ್ನು ಏಕೆ ನಮೂದಿಸಿಲ್ಲ ಎಂದು ಪ್ರಯಾಣಿಕರು ಪ್ರಶ್ನಿಸಿದಾಗ, ಕನ್ನಡವನ್ನು ಸೇರಿಸಿದರೆ ಬುಕಿಂಗ್‌ಗಳು ಕಡಿಮೆಯಾಗಬಹುದು ಎಂದು ಚಾಲಕ ಹೇಳಿದ್ದಾನೆ ಎನ್ನಲಾಗಿದೆ. ಈ ಅನುಭವವನ್ನು ಹಂಚಿಕೊಂಡ ಬಳಕೆದಾರರು, ಭಾಷೆಗೆ ಸಂಬಂಧಿಸಿದ ಪಕ್ಷಪಾತವು ಉದ್ಯೋಗ ನೇಮಕಾತಿಯ ಆಚೆಗೂ ವಿಸ್ತರಿಸಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಆದರೆ, ಈ ಘಟನೆ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ವೈಯಕ್ತಿಕ ಅನುಭವವಾಗಿದ್ದು, ಅದರ ಸ್ವತಂತ್ರ ದೃಢೀಕರಣ ಲಭ್ಯವಿಲ್ಲ.

ಕನ್ನಡಿಗರ ಹಕ್ಕು ಮತ್ತು ಗೌರವಕ್ಕೆ ಧಕ್ಕೆಯಾಗಲು ಬಿಡುವುದಿಲ್ಲ: ಡಿಕೆಶಿ

ಕನ್ನಡಿಗರ ಹಕ್ಕು, ಗೌರವ ಮತ್ತು ಅವಕಾಶಗಳನ್ನು ಯಾವುದೇ ಕಾರಣಕ್ಕೂ ಕಡೆಗಣಿಸಲು ಸರ್ಕಾರ ಅವಕಾಶ ನೀಡುವುದಿಲ್ಲ ಎಂದು ಡಿ.ಕೆ. ಶಿವಕುಮಾರ್ ಹೇಳಿದ್ದಾರೆ. ಬೆಂಗಳೂರಿನ ಬೆಳವಣಿಗೆಗೆ ಸ್ಥಳೀಯ ಪ್ರತಿಭೆಗಳ ಕೊಡುಗೆ ಮಹತ್ವದ್ದಾಗಿದ್ದು, ಕನ್ನಡಿಗರ ಹಿತಾಸಕ್ತಿಗೆ ಧ್ವನಿಯಾಗಿ ಅವರ ಸಮಸ್ಯೆಗಳಿಗೆ ಸ್ಪಂದಿಸಲು ಸರ್ಕಾರ ಬದ್ಧವಾಗಿದೆ ಎಂದು ಅವರು ತಿಳಿಸಿದ್ದಾರೆ.

ಖಾಸಗಿ ಸಂಸ್ಥೆಗಳು ಉದ್ದೇಶಪೂರ್ವಕವಾಗಿ ಕನ್ನಡಿಗರನ್ನು ಕಡೆಗಣಿಸಿರುವುದು ಕಂಡುಬಂದರೆ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂಬ ಅವರ ಎಚ್ಚರಿಕೆ ಇದೀಗ ಚರ್ಚೆಯ ಕೇಂದ್ರವಾಗಿದೆ.

ಕನ್ನಡ vs ಹಿಂದಿ: ಭಾಷೆಯೇ ಉದ್ಯೋಗಕ್ಕೆ ಅಡ್ಡಿಯಾಗಬೇಕೇ?

ಈ ಬೆಳವಣಿಗೆ ಬೆಂಗಳೂರಿನಲ್ಲಿ ಕನ್ನಡದ ಬಳಕೆ, ಹಿಂದಿ ಸೇರಿದಂತೆ ಇತರ ಭಾಷೆಗಳ ಸ್ಥಾನ ಮತ್ತು ಉದ್ಯೋಗಾವಕಾಶಗಳಲ್ಲಿ ಸಮಾನತೆಯ ಕುರಿತು ಮತ್ತೊಮ್ಮೆ ಚರ್ಚೆ ಹುಟ್ಟುಹಾಕಿದೆ. ಒಂದು ಕಡೆ ಸ್ಥಳೀಯ ಭಾಷೆ ಹಾಗೂ ಕನ್ನಡಿಗರ ಹಕ್ಕುಗಳಿಗೆ ಆದ್ಯತೆ ನೀಡಬೇಕೆಂಬ ಅಭಿಪ್ರಾಯವಿದೆ. ಮತ್ತೊಂದೆಡೆ, ಉದ್ಯೋಗ ನೇಮಕಾತಿಯಲ್ಲಿ ಅಭ್ಯರ್ಥಿಗಳ ಕೌಶಲ್ಯ, ಅರ್ಹತೆ ಮತ್ತು ವೃತ್ತಿಪರ ಸಾಮರ್ಥ್ಯಕ್ಕೂ ಸಮಾನ ಮಹತ್ವ ಇರಬೇಕು ಎಂಬ ನಿಲುವಿದೆ.

ಬಹುಭಾಷಾ ಪರಿಸರ ಹೊಂದಿರುವ ಬೆಂಗಳೂರಿನಲ್ಲಿ ಸ್ಥಳೀಯ ಭಾಷೆಗೆ ಗೌರವ ನೀಡುವುದರ ಜೊತೆಗೆ, ಯಾವುದೇ ಅಭ್ಯರ್ಥಿಯ ವಿರುದ್ಧ ಭಾಷೆಯ ಆಧಾರದಲ್ಲಿ ಅನ್ಯಾಯವಾಗದಂತೆ ನೋಡಿಕೊಳ್ಳುವುದು ಮುಖ್ಯವಾಗಿದೆ. ಡಿ.ಕೆ. ಶಿವಕುಮಾರ್ ಅವರ ಎಚ್ಚರಿಕೆಯ ನಂತರ ಐಟಿ ಕಂಪನಿಗಳ ನೇಮಕಾತಿ ಪ್ರಕ್ರಿಯೆ ಹಾಗೂ ಕೆಲಸದ ಸ್ಥಳಗಳಲ್ಲಿನ ಭಾಷಾ ನೀತಿಗಳ ಕುರಿತು ಮುಂದಿನ ದಿನಗಳಲ್ಲಿ ಯಾವ ರೀತಿಯ ಚರ್ಚೆ ನಡೆಯಲಿದೆ ಎಂಬುದರ ಮೇಲೆ ಎಲ್ಲರ ಗಮನ ನೆಟ್ಟಿದೆ.

ಸ್ನೇಹಿತನ ಭೇಟಿಗೆ ಭಾರತಕ್ಕೆ ಬಂದ ರಷ್ಯನ ಬೆಡಗಿ: Parle-G ಬಿಸ್ಕೆಟ್ ನೋಡಿ ಕಕ್ಕಾಬಿಕ್ಕಿ; ಅಷ್ಟಕ್ಕೂ ಆಗಿದ್ದೇನು

Suchethana D — Mon, 26 Oct 2026 13:54:14 +0530

ದೆಹಲಿ: ಭಾರತದಲ್ಲಿ ಹಲವು ದಶಕಗಳ ಹಿಂದಿನಿಂದಲೂ ಫೇಮಸ್ ಆಗಿರೋ ಪಾರ್ಲೆ-ಜಿ ಬಿಸ್ಕೆಟ್ಗೆ ಅದರದ್ದೇ ಆದ ಮಹತ್ವ ಇದೆ. 1929ರಲ್ಲಿ ಮೋಹನ್‌ಲಾಲ್ ದಯಾಳ್ ಚೌಹಾಣ್ ಅವರು ಮುಂಬೈನ ವಿಲೆ ಪಾರ್ಲೆ (Vile Parle) ಪ್ರದೇಶದಲ್ಲಿ ಕೇವಲ 12 ಕಾರ್ಮಿಕರೊಂದಿಗೆ ಸಣ್ಣ ಕಾರ್ಖಾನೆಯನ್ನು ಪ್ರಾರಂಭಿಸಿದರು. ಮೊದಲು ಅವರು ಮಿಠಾಯಿಗಳನ್ನು (ಕಾಂಡಿ) ತಯಾರಿಸುತ್ತಿದ್ದರು. 1939ರಲ್ಲಿ ಕಂಪನಿಯು 'ಪಾರ್ಲೆ ಗ್ಲುಕೋ' (Parle Gluco) ಹೆಸರಿನಲ್ಲಿ ತನ್ನ ಮೊದಲ ಬಿಸ್ಕತ್ತನ್ನು ಮಾರುಕಟ್ಟೆಗೆ ಪರಿಚಯಿಸಿತು. ಇದು ಬ್ರಿಟಿಷ್ ಬಿಸ್ಕತ್ತುಗಳಿಗೆ ಅಗ್ಗದ ಭಾರತೀಯ ಪರ್ಯಾಯವಾಗಿ ಜನಪ್ರಿಯವಾಯಿತು. 947ರಲ್ಲಿ ಭಾರತಕ್ಕೆ ಸ್ವಾತಂತ್ರ್ಯ ಬಂದ ನಂತರ, ಬ್ರಿಟಿಷ್ ಬಿಸ್ಕತ್ತುಗಳ ವಿರುದ್ಧ ಸ್ವದೇಶಿ ಬಿಸ್ಕತ್ತು ಎಂದು ದೊಡ್ಡ ಮಟ್ಟದ ಜಾಹೀರಾತು ಅಭಿಯಾನ ಕೈಗೊಳ್ಳಲಾಯಿತು. ರ್ಲೆ-ಜಿ ವಿಶ್ವದಲ್ಲೇ ಅತಿ ಹೆಚ್ಚು ಮಾರಾಟವಾಗುವ ಬಿಸ್ಕತ್ತು ಬ್ರ್ಯಾಂಡ್‌ಗಳಲ್ಲಿ ಒಂದಾಗಿದೆ. 2013ರಲ್ಲಿ ಇದು ಭಾರತದಲ್ಲಿ ₹5,000 ಕೋಟಿ ಮಾರಾಟದ ಗಡಿ ದಾಟಿದ ಮೊದಲ FMCG ಬ್ರಾಂಡ್ ಎನಿಸಿಕೊಂಡಿತು.

ರಷ್ಯಾ ಯುವತಿ ಕಕ್ಕಾಬಿಕ್ಕಿ

ಇಂಥ ಪಾರ್ಲೆ-ಜಿ ಬಿಸ್ಕೆಟ್ನ ಚಿಕ್ಕ ಪೊಟ್ಟಣ ಈಗಲೂ ಐದು ರೂಪಾಯಿಗೆ ಸಿಗುವುದು ಇದೆ. ಕೆಲವರು ಈ ಬಿಸ್ಕೆಟ್ ಆರಂಭದ ದಿನಗಳಷ್ಟು ಸ್ವಾದ ಉಳಿಸಿಕೊಂಡಿಲ್ಲ ಎಂದು ಹೇಳುತ್ತಲಾದರೂ, ಈ ಬಿಸ್ಕೆಟ್ ಹಲವರಿಗೆ ವರದಾನವಾಗಿದೆ. ಬಹುತೇಕ ಎಲ್ಲರೂ ಇಷ್ಟಪಡುವ ಬಿಸ್ಕೆಟ್ ಇದಾಗಿದೆ. ಇದೀಗ ಭಾರತಕ್ಕೆ ಸ್ನೇಹಿತನ ಭೇಟಿಗಾಗಿ ಬಂದ ರಷ್ಯನ ಯುವತಿಯೊಬ್ಬಳು, ಪಾರ್ಲೆ-ಜಿ ಬಿಸ್ಕೆಟ್ ಖರೀದಿಸಲು ಹೋಗಿ, ಕಕ್ಕಾಬಿಕ್ಕಿಯಾಗಿದ್ದಾಳೆ. ಭಾರತದ ಭೇಟಿಯ ಸಮಯದಲ್ಲಿ, ಪಾರ್ಲೆ-ಜಿ ಬಿಸ್ಕತ್ತುಗಳ ಪ್ಯಾಕೆಟ್ ಖರೀದಿಸಲು ವಿಮಾನ ನಿಲ್ದಾಣದ ಸಮೀಪ ಇರುವ ಅಂಗಡಿಗೆ ಹೋದಳು. ಬಿಸ್ಕತ್ತುಗಳನ್ನು ಖರೀದಿಸಿದ ನಂತರ, ಅಂಗಡಿಯವನು ಅವಳಿಗೆ ಕೇವಲ ₹5 ಪಾವತಿಸಲು ಹೇಳಿದನು. ಬೆಲೆಯನ್ನು ಕೇಳಿದಾಗ ರಷ್ಯಾದ ಹುಡುಗಿ ಸಂಪೂರ್ಣವಾಗಿ ಆಶ್ಚರ್ಯಚಕಿತಳಾದಳಂತೆ.

ಇದಕ್ಕೆ ಕಾರಣ ಇಷ್ಟೇ. ಈ ರೀತಿಯ ಬಿಸ್ಕತ್ತುಗಳಿಗೆ ರಷ್ಯಾದಲ್ಲಿ ಕನಿಷ್ಠ 500 ರೂಪಾಯಿ ಬೆಲೆ ಇವೆ ಎನ್ನುವುದು. ಇದೇ ಕಾರಣಕ್ಕೆ, ಭಾರತದಲ್ಲಿ ಇಷ್ಟು ಚೀಪಾ ಎಂದು ಒಂದು ಕ್ಷಣ ಕಕ್ಕಾಬಿಕ್ಕಿಯಾಗಿರೋ ಯುವತಿ, ಇದನ್ನು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದು, ಅದೀಗ ವೈರಲ್ ಆಗುತ್ತದೆ. ಭಾರತದಲ್ಲಿ ಬಿಸ್ಕತ್ತುಗಳ ಪ್ಯಾಕೆಟ್ ಕೇವಲ ₹5 ಬೆಲೆಯಲ್ಲಿ ಲಭ್ಯವಿದೆ ಎಂದು ಅವಳು ನಂಬಲು ಸಾಧ್ಯವಾಗಲಿಲ್ಲ ಎಂದು ಆಕೆ ಹೇಳಿದ್ದಾಳೆ. ಕೆಲವೊಮ್ಮೆ, ನಾವು ಲಘುವಾಗಿ ಪರಿಗಣಿಸುವ ಸಣ್ಣ ವಿಷಯಗಳು ಇತರ ದೇಶಗಳ ಜನರನ್ನು ಆಶ್ಚರ್ಯಗೊಳಿಸಬಹುದು. ಭಾರತದ ಕೈಗೆಟುಕುವ ದೈನಂದಿನ ಉತ್ಪನ್ನಗಳು ವಿದೇಶಿ ಸಂದರ್ಶಕರಿಗೆ ನಿಜವಾಗಿಯೂ ಆಕರ್ಷಕವಾಗಿರಬಹುದು ಎಂದು ಕಮೆಂಟಿಗರು ಹೇಳುತ್ತಿದ್ದಾರೆ.

ಬಿಸ್ಕೆಟ್ ಇತಿಹಾಸ

ಇನ್ನು ಈ ಬಿಸ್ಕೆಟ್ನ ಇತಿಹಾಸ ನೋಡುವುದಾದರೆ, 1947ರಲ್ಲಿ ಭಾರತಕ್ಕೆ ಸ್ವಾತಂತ್ರ್ಯ ಬಂದ ನಂತರ, ಬ್ರಿಟಿಷ್ ಬಿಸ್ಕತ್ತುಗಳ ವಿರುದ್ಧ ಸ್ವದೇಶಿ ಬಿಸ್ಕತ್ತು ಎಂದು ದೊಡ್ಡ ಮಟ್ಟದ ಜಾಹೀರಾತು ಅಭಿಯಾನ ಕೈಗೊಳ್ಳಲಾಯಿತು. 1980ರ ದಶಕದವರೆಗೆ ಇದನ್ನು 'ಪಾರ್ಲೆ ಗ್ಲುಕೋ' ಎಂದೇ ಕರೆಯಲಾಗುತ್ತಿತ್ತು. ನಂತರ 1982ರಲ್ಲಿ ಇದನ್ನು 'ಪಾರ್ಲೆ-ಜಿ' ಎಂದು ಮರುನಾಮಕರಣ ಮಾಡಲಾಯಿತು. ಇಲ್ಲಿರುವ 'G' ಮೂಲತಃ 'ಗ್ಲೂಕೋಸ್' (Glucose) ಎಂದು ಸೂಚಿಸುತ್ತದೆ, ಆದರೆ ನಂತರದ ದಿನಗಳಲ್ಲಿ ಕಂಪನಿಯು 'G ಫಾರ್ ಜೀನಿಯಸ್' (G for Genius) ಎಂದು ಬ್ರಾಂಡ್ ಘೋಷಣೆಯನ್ನು ಬಳಸಿತು. ಹಳದಿ ಬಣ್ಣದ ಕಾಗದದ ಪ್ಯಾಕೆಟ್‌ನಲ್ಲಿರುವ ಮುದ್ದಾದ ಪುಟ್ಟ ಮಗುವಿನ ಚಿತ್ರವು ಪಾರ್ಲೆ-ಜಿಯ ವಿಶೇಷತೆಯಾಗಿದೆ.

ಧನ್ವೀರ್ ವಿರುದ್ಧ ಫಿಲಂ ಚೇಂಬರ್‌ಗೆ ದೂರು ನೀಡಿದ ಝೈದ್ ಖಾನ್! ಹಿಂದಿರೋ ಸ್ಪೋಟಕ ಮಾಹಿತಿ ಏನು?

Shriram Bhat — Mon, 26 Oct 2026 14:36:53 +0530

ಧನ್ವೀರ್ ಗೌಡ ವಿರುದ್ಧ ಫಿಲಂ ಚೇಂಬರ್‌ಗೆ ಮತ್ತೊಬ್ಬ ನಟ ದೂರು; ಏನಿದು ಹೊಸ ಬೆಳವಣಿಗೆ?

ಕನ್ನಡ ಚಿತ್ರರಂಗದಲ್ಲಿ ಹಾಗೂ ಕರ್ನಾಟಕದಲ್ಲಿ ಸದ್ಯಕ್ಕೆ ತುಂಬಾ ಸೆನ್ಸೇಷನ್ ಸೃಷ್ಟಿಸುತ್ತಿರುವ ಸಂಗತಿ ಎಂದರೆ ಅದು ದರ್ಶನ್ ಪರಮಾಪ್ತ ಧನ್ವೀರ್ ಗೌಡ ಹಾಗೂ ದರ್ಶನ್ ಪತ್ನಿ ವಿಜಯಲಕ್ಷ್ಮೀ ಈ ಇಬ್ಬರ ಕುಟುಂಬದ ಆಪ್ತರ ಬೀದಿ ಜಗಳ ಎನ್ನಬಹುದು. ಧನ್ವೀರ್ ಗೌಡ ಹಾಗೂ ವಿಜಯಲಕ್ಷ್ಮೀ ದರ್ಶನ್ ಅವರಿಬ್ಬರ ಮಧ್ಯೆ ತಮ್ಮತಮ್ಮ ಆಪ್ತರ ಮೂಲಕ ನಡೆಯುತ್ತಿರುವ ಮನಸ್ತಾಪ ಹಾಗೂ ಕಾನೂನು ಹೋರಾಟ ದಿನದಿಂದ ದಿನಕ್ಕೆ ಕ್ಷಣದಿಂದ ಕ್ಷಣಕ್ಕೆ ಹೊಸ ರೂಪ ಪಡೆದುಕೊಳ್ಳುತ್ತಿದೆ. ಇದೀಗ ಈ ವಿವಾದಕ್ಕೆ ದರ್ಶನ್ ಆಪ್ತ, ಜಮೀರ್ ಅಹ್ಮದ್ ಖಾನ್ ಅವರ ಪುತ್ರ ಝೈದ್ ಖಾನ್ (Zaid Khan) ಎಂಟ್ರಿ ಕೊಟ್ಟಿದ್ದಾರೆ.

ಸಚಿವ ಜಮೀರ್ ಅಹ್ಮದ್ ಖಾನ್ ಪುತ್ರ ಹಾಗೂ ಸ್ಯಾಂಡಲ್‌ವುಡ್ ನಟ ಝೈದ್ ಖಾನ್

ಹೌದು, ಒಂದು ಕಾಲದಲ್ಲಿ ನಟ ದರ್ಶನ್ ಅವರಿಗೆ ಅತ್ಯಂತ ಆಪ್ತರಾಗಿದ್ದ ಬಳಗದಲ್ಲಿ ಸಚಿವ ಜಮೀರ್ ಅಹ್ಮದ್ ಖಾನ್ ಪುತ್ರ ಹಾಗೂ ಸ್ಯಾಂಡಲ್‌ವುಡ್ ನಟ ಝೈದ್ ಖಾನ್ ಕೂಡ ಸೇರಿದ್ದಾರೆ. ಇತ್ತೀಚೆಗೆ ಅವರಿಬ್ಬರ ಸಂಬಂಧ ಹೇಗಿದೆಯೋ ಏನೋ ಅಂತ ಕುತೂಹಲ ಇದ್ದವರಿಗೆ ಇದೀಗ ಉತ್ತರ ಸಿಕ್ಕಿದೆ ಎನ್ನಬಹುದು. ಕಾರಣ, ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿರುವ, ದರ್ಶನ್ ಆಪ್ತ ಧನ್ವೀರ್ ಗೌಡ ಅವರದು ಎಂದು ಹೇಳಲಾಗುತ್ತಿರುವ ಆಡಿಯೋದಲ್ಲಿ ನಟ ಧನ್ವೀರ್ ಅವರು ನಟ ಝೈದ್ ಖಾನ್ ವಿರುದ್ಧ ಅವಹೇಳನಕಾರಿ ಪದ ಬಳಸಿದ್ದಾರೆ ಎನ್ನಲಾಗುತ್ತಿದೆ. ಈ ಸಂಬಂಧ, ಟನ ಝೈದ್ ಖಾನ್ ಅವರು ಇಂದು ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ (ಫಿಲಂ ಚೇಂಬರ್) ಯಲ್ಲಿ ಸಭೆ ಕರೆದಿದ್ದು ಚರ್ಚಿಸಲಿದ್ದಾರೆ ಎನ್ನಲಾಗಿದೆ.

ಇಷ್ಟೇ ಅಲ್ಲ, ನಟ ಧನ್ವೀರ್ ಗೌಡ ವಿರುದ್ಧ ಈಗಾಗಲೇ ಹಲವರು ರೊಚ್ಚಿಗೆದ್ದಿದ್ದಾರೆ. ಅವರ ವಿರುದ್ಧ ಮನಸ್ತಾಪ ಹಾಗೂ ಕಾನೂನು ಹೋರಾಟ ದಿನದಿಂದ ದಿನಕ್ಕೆ ಕ್ಷಣದಿಂದ ಕ್ಷಣಕ್ಕೆ ಹೊಸ ರೂಪ ಪಡೆದುಕೊಳ್ಳುತ್ತಿದೆ. ಇದೀಗ, ಈ ವಿವಾದಕ್ಕೆ ದರ್ಶನ್ ಆಪ್ತ ಮಾಜಿ ಪುರಸಭೆ ಸದಸ್ಯ, ನಟ ಅರ್ಜುನ್ ರಮೇಶ್ ಎಂಟ್ರಿ ಕೊಟ್ಟಿದ್ದಾರೆ.

ಧನ್ವೀರ್ ಗೆ ಟಾಂಗ್ ಕೊಟ್ಟ ದರ್ಶನ್ ಆಪ್ತ ಮಾಜಿ ಪುರಸಭೆ ಸದಸ್ಯ, ನಟ ಅರ್ಜುನ್ ರಮೇಶ್!

ಹೌದು, ದರ್ಶನ್ ಆಪ್ತ, ಮಾಜಿ ಪುರಸಭೆ ಸದಸ್ಯ ಅರ್ಜುನ್ ರಮೇಶ್ ಅವರು ನಟ ಧನ್ವೀರ್ ಗೌಡ ವಿರುದ್ಧ ಧ್ವನಿ ಎತ್ತಿದ್ದಾರೆ. ಕಳೆದ ವರ್ಷ ಬೇಲ್ ಮೂಲಕ ಜೈಲಿನಿಂದ ಆಚೆ ಬಂದಾಗ ನಟ ದರ್ಶನ್ ತೂಗುದೀಪ ಅವರನ್ನು ಭೇಟಿ ಮಾಡಿದ್ದ ಅರ್ಜುನ್ ರಮೇಶ್ ಅವರು ಇದೀಗ ನಟ ಧನ್ವೀರ್ ಗೌಡ ಅವರ ವಿರುದ್ಧ ಅದೇನು ಹೇಳಿದ್ದಾರೆ ನೋಡಿ..

"ಅಣ್ಣ ಅಣ್ಣ ಅಂತಿದವನು ಈಗ ದರ್ಶನ್ ಸರ್ ಅಂತಾನೆ.. ಅಣ್ಣನ ಹೆಸರನ್ನ ಹೇಳಿಕೊಂಡು ಗುರುತಿಸಿಕೊಂಡಿರುವವನು ನಟ ಧನ್ವೀರ್.

ಒಳ ಜಗಳ ಏನೆ ಇದ್ದರೂ ಮೌನವಾಗಿದ್ದು ಎದುರಿಸಬೇಕಿತ್ತು.. ಇಲ್ಲಿ ಇವರೆಲ್ಲರ ಜಗಳಗಳಿಂದ ಹರ್ಟ್ ಆಗ್ತಾ ಇರೋದು ದರ್ಶನ್ ಸರ್‌ ಅವರಿಗೆ.. ಆಡುವ ಮಾತಿನ ಮೇಲೆ ನಿಗಾ ಇರಬೇಕು, ಅಷ್ಟು ಕೆಟ್ಟ ಪದಬಳಕೆ ಮಾಡಿದ್ದಾರೆ ಧನ್ವೀರ್ ಗೌಡ. ಅಮ್ಮ ಅಕ್ಕ ಅಂತ ಮನೆ ಮಂದಿಗೆಲ್ಲ ಬೈಯೋದಾ? ಅವರ ಮನೆಯಲ್ಲಿ ಹೆಣ್ಣು ಮಕ್ಕಳಿಲ್ಲವಾ? ಅದರಲ್ಲೂ ಸಿಎಂ ವಿಚಾರವನ್ನೆಲ್ಲಾ ಪ್ರಸ್ತಾಪಿಸುವ ಅವಶ್ಯಕತೆ ಇತ್ತಾ?" ಎಂದಿದ್ದಾರೆ ಏಷ್ಯಾನೆಟ್ ಸುವರ್ಣ ಪ್ರತಿನಿಧಿಯೊಡನೆ 'ಚಿಟ್‌ಚಾಟ್‌'ನಲ್ಲಿ ಮಾತನ್ನಾಡಿರುವ ಅರ್ಜುನ್ ರಮೇಶ್.

"ಜಂಬೂಸವಾರಿಯಲ್ಲಿ ಆನೆಗಳಿಗೆ ಭಾರ ಹೊರಿಸುವುದನ್ನು ನಿಲ್ಲಿಸಿ, ವಾಹನ ಬಳಸಿ" ಅಭಿಪ್ರಾಯ

Kannadaprabha News — Mon, 26 Oct 2026 14:00:23 +0530

ಮೈಸೂರು: ಹಿಂದಿನ ರಾಜರ ಕಾಲದಲ್ಲಿ ಇಂದಿನಂತೆ ವಾಹನಗಳ ಸೌಲಭ್ಯಗಳಿರಲಿಲ್ಲ. ಆದ್ದರಿಂದ ಸಾರಿಗೆಗಾಗಿ ಕುದುರೆ ಮತ್ತು ಆನೆಗಳನ್ನು ಬಳಸುವುದು ವಾಡಿಕೆಯಾಗಿತ್ತು. ರಾಜರು ಆನೆಯ ಮೇಲಿನ ಅಂಬಾರಿಯಲ್ಲಿ ಕುಳಿತು ಮೆರವಣಿಗೆಯಲ್ಲಿ ಸಾಗುತ್ತಿದ್ದರು. ಕಾಲಕ್ರಮೇಣ ರಾಜರ ಕಾಲ ಮುಗಿದ ನಂತರ, ಅದೇ ಅಂಬಾರಿಯಲ್ಲಿ ಚಾಮುಂಡೇಶ್ವರಿ ಅಮ್ಮನವರ ಮೂರ್ತಿಯನ್ನು ಪ್ರತಿಷ್ಠಾಪಿಸಿ ಉತ್ಸವ ನಡೆಸುವ ಪದ್ಧತಿ ರೂಢಿಗೆ ಬಂದಿತು ಎಂದು ನೃತ್ಯ ಕಲಾವಿದೆ, ಜಮುನಾರಾಣಿ ವಿ. ಮಿರ್ಲೆ ಅಭಿಪ್ರಾಯ ಪಟ್ಟಿದ್ದಾರೆ.

ಆದರೆ ಇಂದಿನ ಸಮಾಜ ಸಾಕಷ್ಟು ಮುಂದುವರಿದಿದೆ. ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ನಾವು ಬಹಳಷ್ಟು ಪ್ರಗತಿ ಸಾಧಿಸಿದ್ದೇವೆ. ಇಂತಹ ಸಂದರ್ಭದಲ್ಲಿ, ಅಲಂಕೃತವಾದ ಭವ್ಯ ರಥವನ್ನು ನಿರ್ಮಿಸಿ, ಅದನ್ನು ವಾಹನದ ಮೇಲೆ ಇರಿಸಿ ಮೆರವಣಿಗೆ ನಡೆಸುವ ಪರ್ಯಾಯ ವ್ಯವಸ್ಥೆಯನ್ನು ಏಕೆ ಮಾಡಬಾರದು?

ಪ್ರಾಣಿಗಳ ಕಷ್ಟ ತಪ್ಪಿಸೋದು ನಮ್ಮ ಕರ್ತವ್ಯ

ಆನೆಗಳು ಮೆರವಣಿಗೆಯಲ್ಲಿ ಭಾಗವಹಿಸುವುದಕ್ಕೆ ನನ್ನ ವಿರೋಧವಿಲ್ಲ. ಅವು ತಮ್ಮ ಸಹಜ ನಡಿಗೆಯಲ್ಲಿ, ಯಾವುದೇ ಭಾರವಿಲ್ಲದೆ ಮೆರವಣಿಗೆಯಲ್ಲಿ ಸಾಗಲಿ. ಆದರೆ ಅವುಗಳ ಮೇಲೆ ಅಂಬಾರಿಯನ್ನು ಹೊರಿಸಿ, ಅದರ ಭಾರವನ್ನು ಹೊರುವಂತೆ ಮಾಡುವುದರಿಂದ ಅವುಗಳಿಗೆ ಎಷ್ಟರಮಟ್ಟಿಗೆ ದೈಹಿಕ ಕಷ್ಟವಾಗುತ್ತದೆ, ನೋವಾಗುತ್ತದೆ ಎಂಬುದು ನಮಗೆ ನಿಖರವಾಗಿ ತಿಳಿದಿಲ್ಲ. ಆ ಮೂಕ ಪ್ರಾಣಿಗಳಿಗೆ ಆಗಬಹುದಾದ ಕಷ್ಟವನ್ನು ತಪ್ಪಿಸುವುದು ನಮ್ಮ ಕರ್ತವ್ಯವಲ್ಲವೇ?

ದೇವರು ಎಂದಿಗೂ ಪ್ರಾಣಿಗಳಿಗೆ ಹಿಂಸೆ ನೀಡಿ ನನಗೆ ಉತ್ಸವ ಮಾಡು ಎಂದು ಬಯಸುವುದಿಲ್ಲ. ಎಲ್ಲ ಜೀವಿಗಳೂ ಸುಖವಾಗಿರಬೇಕು, ಸಂತೋಷವಾಗಿರಬೇಕು ಎಂಬುದೇ ಭಗವಂತನ ಆಶಯವಲ್ಲವೇ?

ಹಾಗಿರುವಾಗ, ನಮ್ಮ ಸಂಪ್ರದಾಯದ ಮೂಲ ಆಶಯವನ್ನು ಉಳಿಸಿಕೊಂಡೇ, ಕಾಲಕ್ಕೆ ತಕ್ಕಂತೆ ಪ್ರಾಣಿಗಳಿಗೂ ಹಿತವಾಗುವ ರೀತಿಯಲ್ಲಿ ಈ ಪದ್ಧತಿಯನ್ನು ಬದಲಾಯಿಸಿಕೊಳ್ಳಬಹುದಲ್ಲವೇ?

ಇದು ನಮ್ಮ ಸಂಪ್ರದಾಯದ ವಿರುದ್ಧದ ಚಿಂತನೆಯಲ್ಲ; ಬದಲಾಗಿ, ಸಂಪ್ರದಾಯದೊಂದಿಗೆ ಕರುಣೆ, ಮಾನವೀಯತೆ ಮತ್ತು ಪ್ರಾಣಿ ಕಲ್ಯಾಣವನ್ನೂ ಬೆಸೆಯುವ ಒಂದು ಸಕಾರಾತ್ಮಕ ಚಿಂತನೆ. ದೇವರ ಮೇಲಿನ ಭಕ್ತಿ ಮತ್ತು ಪ್ರಾಣಿಗಳ ಮೇಲಿನ ಕರುಣೆ ಎರಡೂ ಜೊತೆಜೊತೆಯಾಗಿ ಸಾಗಲಿ ಎಂಬುದೇ ನನ್ನ ಆಶಯ.

- ಜಮುನಾರಾಣಿ ವಿ. ಮಿರ್ಲೆ, ನೃತ್ಯ ಕಲಾವಿದೆ, ಮೈಸೂರು

Namma Metro: ಪಿಂಕ್ ಲೈನ್ ಕಾಮಗಾರಿ ಬಗ್ಗೆ ಹೊರಬಿತ್ತು ಅಚ್ಚರಿ ಮಾಹಿತಿ! ಬೇಸರದ ಸುದ್ದಿ

Mahmad Rafik — Mon, 26 Oct 2026 13:46:45 +0530

ಬೆಂಗಳೂರು: ನಗರದ ದಕ್ಷಿಣ ಭಾಗದಿಂದ ಉತ್ತರ ಭಾಗಕ್ಕೆ ಸಂಪರ್ಕ ಕಲ್ಪಿಸುವ ಪಿಂಕ್ ಲೈನ್ ಮೆಟ್ರೋ ಮತ್ತಷ್ಟು ವಿಳಂಬವಾಗಲಿದೆ. ಯೋಜನಾ ವೆಚ್ಚ ಏರಿಕೆಯಾದ ಹಿನ್ನೆಲೆ ಕಾಮಗಾರಿಯಲ್ಲಿ ತಡೆಯುಂಟಾಗಲಿದೆ ಎಂದು ಹೇಳಲಾಗುತ್ತಿದೆ. ಪಿಂಕ್ ಲೈನ್ ಮೆಟ್ರೋ ಕಾಮಗಾರಿ ವೆಚ್ಚ 8,730 ಕೋಟಿ ರೂ.ಗಳಿಂದ 17,346 ಕೋಟಿ ರೂ.ಗೆ ಏರಿಕೆಯಾಗಿದೆ. ಯೋಜನೆ ವೆಚ್ಚ ಮೂಲ ಅಂದಾಜಿಗಿಂತ ಡಬಲ್ ಏರಿಕೆಯಾಗಿದೆ.

1 ಕಿಲೋಮೀಟರ್‌ಗೆ 1 ಸಾವಿರ ಕೋಟಿ ರೂಪಾಯಿ

ಕಾಳೇನ ಅಗ್ರಹಾರದಿಂದ ನಾಗಾವರದವರೆಗಿನ 21.26 ಕಿಲೋಮೀಟರ್‌ ವರೆಗಿನ ಮಾರ್ಗವನ್ನು ಪಿಂಕ್‌ ಲೈನ್ ಹೊಂದಿದೆ. ಈ 21.26 ಕಿಲೋಮೀಟರ್‌ನಲ್ಲಿ 7.5 km ಎಲಿವೇಟೆಡ್ ಮತ್ತು ಇನ್ನುಳಿದ 13.76 km ಅಂಡರ್‌ಗ್ರೌಂಡ್ ಮಾರ್ಗವಾಗಿದೆ. ಎಲಿವೇಟೆಡ್‌ಗಿಂತ ಅಂಡರ್‌ಗ್ರೌಂಡ್ ನಿರ್ಮಾಣ ವೆಚ್ಚ ಹೆಚ್ಚಿದೆ. ಎಲಿವೇಟೆಡ್ ಮಾರ್ಗದ ನಿರ್ಮಾಣಕ್ಕೆ ₹3,470 ಕೋಟಿ, ಅಂಡರ್‌ಗ್ರೌಂಡ್ ಮಾರ್ಗಕ್ಕೆ ₹13,876 ಕೋಟಿ ವೆಚ್ಚವಾಗುತ್ತಿದೆ. ಅಂದ್ರೆ ಭೂಗತ ಮಾರ್ಗದ 1 ಕಿಲೋಮೀಟರ್ ಮಾರ್ಗಕ್ಕೆ ಬರೋಬ್ಬರಿ 1 ಸಾವಿರ ಕೋಟಿ ಬೇಕಾಗಬಹುದು ಎಂದು ಅಂದಾಜಿಸಲಾಗುತ್ತಿದೆ.

ಅಂದಾಜು ವೆಚ್ಚ ಏರಿಕೆಯಾಗಿದ್ದೇಕೆ?

ಕಳೆದ ಕೆಲವು ತಿಂಗಳುಗಳಿಂದ ಸಿಮೆಂಟ್, ಕಬ್ಬಿಣ, ಜಲ್ಲಿ ಸೇರಿದಂತೆ ನಿರ್ಮಾಣ ಸಾಮಾಗ್ರಿಗಳ ಬೆಲೆ ಗಣನೀಯವಾಗಿ ಏರಿಕೆಯಾಗಿದೆ. ಹಾಗೆಯೇ ಸುರಂಗ ಕೊರೆಯುವ ಯಂತ್ರಗಳ ಬಾಡಿಗೆ, ಕಾರ್ಮಿಕರ ವೇತನ ಸೇರಿದಂತೆ ಇನ್ನಿತರ ಅಂಶಗಳು ಬೆಲೆ ಏರಿಕೆಗೆ ಕಾರಣವಾಗಿವೆ ಎಂದು ಹೇಳಬಹುದು. ಅಂದಾಜು ವೆಚ್ಚ ನಿರ್ಧರಿಸುವಾಗಿನ ಬೆಲೆಗಳು ಇಂದು ಶೇ.40ರಷ್ಟು ಏರಿಕೆಯಾಗಿವೆ. ಈ ಎಲ್ಲಾ ವೆಚ್ಚಗಳನ್ನು ಅಂದಾಜು ಮೂಲವೆಚ್ಚದಲ್ಲಿ ಸೇರಿಸಿದಾಗ ಒಟ್ಟು ಮೊತ್ತ ದುಪ್ಪಟ್ಟು ಏರಿಕೆಯಾಗಿದೆ.

ಸುರಕ್ಷತಾ ವೆಚ್ಚವೂ ಹೆಚ್ಚಳ

ಇದೆಲ್ಲದರಾ ಜೊತೆ ಸುರಕ್ಷತಾ ವೆಚ್ಚಗಳನ್ನು ಸಹ ಸೇರಿಸಲಾಗಿದೆ. ಪ್ಲಾಟ್‌ಫಾರಂಗಳಲ್ಲಿ ಆಟೋಮೆಟಿಕ್ ಡೋರ್ ಅಳವಡಿಸಲಾಗುತ್ತಿದೆ. ಈ ವೆಚ್ಚಗಳು ಯೋಜನೆಯಲ್ಲಿ ಸೇರಿಸಲಾಗಿದೆ. ಸದ್ಯದ ಮೆಟ್ರೋ ನಿಲ್ದಾಣಗಳ ಪ್ಲಾಟ್‌ಫಾರಂನಲ್ಲಿ ಪ್ಲಾಟ್‌ಫಾರ್ಮ್ ಸ್ಕ್ರೀನ್ ಡೋರ್‌ಗಳಿಲ್ಲ.

ಪಿಂಕ್ ಲೈನ್ ಮೆಟ್ರೋ 2027ಕ್ಕೆ ಮುಂದೂಡಿಕೆ

2016ರಲ್ಲಿ ಮುಕ್ತಾಯಗೊಳ್ಳಬೇಕಿದ್ದ ಪಿಂಕ್ ಲೈನ್ ಮೆಟ್ರೋ ಕಾಮಗಾರಿ 2022ರಲ್ಲಿ ಆರಂಭವಾಗಿದೆ. ಇದೀಗ ಈ ಯೋಜನೆ 2027ಕ್ಕೆ ಮುಂದೂಡಿಕೆಯಾಗಿದ್ದು, ಸಾರ್ವಜನಿಕರ ಬೇಸರಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: Namma Metro ಹಳದಿ ಲೈನ್ಗೆ ಜಯಲಲಿತಾ, ಕರುಣಾನಿಧಿ ಹೆಸರಿಡ್ತೀರಾ? ಕನ್ನಡ ಸಂಘಟನೆಗಳಿಂದ ಭಾರಿ ವಿರೋಧ

Predictions: ರಾಹು-ಕೇತುವಿನ ಆಶೀರ್ವಾದ! ಮುಂದಿನ 3 ವರ್ಷ ಈ 4 ರಾಶಿಯವರಿಗೆ ಅದೃಷ್ಟವೇ ಅದೃಷ್ಟ

Sushma Hegde — Mon, 26 Oct 2026 13:39:17 +0530

ಜ್ಯೋತಿಷ್ಯದ ಪ್ರಕಾರ, ರಾಹು ಮತ್ತು ಕೇತುಗಳನ್ನು ಛಾಯಾ ಗ್ರಹಗಳೆಂದು ಪರಿಗಣಿಸಲಾಗುತ್ತದೆ. ಜಾತಕದಲ್ಲಿ ಅವರ ಸ್ಥಾನವು ಜೀವನದ ಮೇಲೆ ಗಮನಾರ್ಹ ಪರಿಣಾಮ ಬೀರುತ್ತದೆ ಎಂದು ಜ್ಯೋತಿಷಿಗಳು ನಂಬುತ್ತಾರೆ. ಸಾಮಾನ್ಯವಾಗಿ, ರಾಹು ಮತ್ತು ಕೇತು ಪ್ರತಿ 18 ತಿಂಗಳಿಗೊಮ್ಮೆ ತಮ್ಮ ರಾಶಿಗಳನ್ನು ಬದಲಾಯಿಸುತ್ತಾರೆ. ರಾಹು ಪ್ರಸ್ತುತ ಕುಂಭ ರಾಶಿಯಲ್ಲಿದ್ದಾರೆ ಮತ್ತು ಕೇತು ಸಿಂಹ ರಾಶಿಯಲ್ಲಿದ್ದಾರೆ. ಡಿಸೆಂಬರ್ 5 ರಿಂದ ರಾಹು ಕುಂಭ ರಾಶಿಯಿಂದ ಮಕರ ರಾಶಿಗೆ ಮತ್ತು ಕೇತು ಸಿಂಹ ರಾಶಿಯಿಂದ ಕರ್ಕ ರಾಶಿಗೆ ಚಲಿಸುತ್ತಾರೆ. ರಾಹು ಮತ್ತು ಕೇತು ಸಾಮಾನ್ಯವಾಗಿ ಇತರ ಗ್ರಹಗಳಿಗಿಂತ ಭಿನ್ನವಾಗಿ ಹಿಂದಕ್ಕೆ ಚಲಿಸುವುದನ್ನು ಕಾಣಬಹುದು.

ಮೇಷ:

ಹತ್ತನೇ ಮನೆಯಲ್ಲಿ ರಾಹುವಿನ ಉಪಸ್ಥಿತಿಯು ಉದ್ಯೋಗ, ವೃತ್ತಿ ಮತ್ತು ಸ್ಥಾನಮಾನದಂತಹ ವಿಷಯಗಳಲ್ಲಿ ಪ್ರಗತಿಗೆ ಕಾರಣವಾಗಬಹುದು ಎಂದು ಜ್ಯೋತಿಷಿಗಳು ಹೇಳುತ್ತಾರೆ. ದೀರ್ಘಕಾಲದ ಸಮಸ್ಯೆಗಳನ್ನು ಪರಿಹರಿಸಬಹುದು ಎಂದು ನಂಬಲಾಗಿದೆ. ಈ ಲೇಖನವು ಅನುಕೂಲಕರ ಪರಿಸ್ಥಿತಿಗಳು ಉದ್ಭವಿಸಬಹುದು ಎಂದು ಹೇಳುತ್ತದೆ, ವಿಶೇಷವಾಗಿ ರಾಜಕೀಯ ಮತ್ತು ನಿರ್ವಹಣಾ ಕ್ಷೇತ್ರಗಳಲ್ಲಿ ಕೆಲಸ ಮಾಡುವವರಿಗೆ. ಜ್ಯೋತಿಷ್ಯ ಭವಿಷ್ಯವಾಣಿಗಳಲ್ಲಿ ಮಧ್ಯದಲ್ಲಿ ನಿಲ್ಲಿಸಲಾದ ಕೆಲಸಗಳನ್ನು ಪೂರ್ಣಗೊಳಿಸುವುದು, ಹೊಸ ಅವಕಾಶಗಳು ಮತ್ತು ಕುಟುಂಬದಲ್ಲಿ ಸಂತೋಷದ ಸಂದರ್ಭಗಳು ಸೇರಿವೆ.

ವೃಷಭ:

ವೃಷಭ ರಾಶಿಯವರಿಗೆ ರಾಹು ಮತ್ತು ಕೇತುವಿನ ಸಂಚಾರವು ಅನುಕೂಲಕರ ಫಲಿತಾಂಶಗಳನ್ನು ತರುತ್ತದೆ ಎಂದು ಹೇಳಲಾಗುತ್ತದೆ. ರಾಹು ಒಂಬತ್ತನೇ ಮನೆಯಲ್ಲಿ ಮತ್ತು ಕೇತು ಮೂರನೇ ಮನೆಯಲ್ಲಿ ಇರುವುದು ಅದೃಷ್ಟವನ್ನು ತರುತ್ತದೆ ಎಂದು ಜ್ಯೋತಿಷ್ಯ ನಂಬುತ್ತದೆ. ದೀರ್ಘಕಾಲದಿಂದ ಬಾಕಿ ಉಳಿದಿರುವ ಕೆಲಸಗಳನ್ನು ಪೂರ್ಣಗೊಳಿಸುವುದು ಮತ್ತು ಹಣ ಬರುವಂತಹ ಪರಿಣಾಮಗಳು ಉಂಟಾಗಬಹುದು ಎಂದು ಲೇಖನವು ವಿವರಿಸುತ್ತದೆ. ಕೆಲಸ ಮಾಡುತ್ತಿರುವವರಿಗೆ ಬಡ್ತಿ ಸಿಗುವ ಸಾಧ್ಯತೆಯಿದೆ ಮತ್ತು ವಿದೇಶಕ್ಕೆ ಹೋಗಲು ಪ್ರಯತ್ನಿಸುತ್ತಿರುವವರಿಗೆ ಅವರ ಆಸೆಗಳು ಈಡೇರಬಹುದು ಎಂದು ಅದು ಹೇಳುತ್ತದೆ. ಜೀವನದಲ್ಲಿ ಎದುರಾಗುವ ಕೆಲವು ಸಮಸ್ಯೆಗಳು ಬಗೆಹರಿಯಬಹುದು ಎಂದು ಜ್ಯೋತಿಷ್ಯ ಭವಿಷ್ಯ ನುಡಿಯುತ್ತದೆ.

ಸಿಂಹ

ರಾಶಿಯವರಿಗೆ ರಾಹು ಆರನೇ ಮನೆಯಲ್ಲಿ ಮತ್ತು ಕೇತು ಹನ್ನೆರಡನೇ ಮನೆಯಲ್ಲಿ ಇರುತ್ತಾರೆ ಎಂದು ಈ ಲೇಖನ ಹೇಳುತ್ತದೆ. ಈ ಗ್ರಹಗಳ ಸ್ಥಾನಗಳು ವಿರೋಧಿಗಳು ಎದುರಿಸುವ ಸಮಸ್ಯೆಗಳನ್ನು ಕಡಿಮೆ ಮಾಡುತ್ತದೆ ಎಂದು ಜ್ಯೋತಿಷಿಗಳು ನಂಬುತ್ತಾರೆ. ನ್ಯಾಯಾಲಯ ಮತ್ತು ಕಾನೂನು ವಿಷಯಗಳಲ್ಲಿ ಅನುಕೂಲಕರ ಫಲಿತಾಂಶಗಳು ಇರಬಹುದು ಎಂದು ಅದು ಹೇಳುತ್ತದೆ. ವ್ಯಾಪಾರ ಮಾಡುವವರಿಗೆ ಲಾಭದ ಸಾಧ್ಯತೆಗಳಿವೆ ಮತ್ತು ಆರ್ಥಿಕ ಪರಿಸ್ಥಿತಿ ಸುಧಾರಿಸಬಹುದು ಎಂದು ಅದು ಹೇಳುತ್ತದೆ. ಹಿಂದೆ ಆರೋಗ್ಯ ಸಮಸ್ಯೆಗಳನ್ನು ಎದುರಿಸಿದವರಿಗೆ ಪರಿಹಾರ ಸಿಗಬಹುದು ಎಂದು ಈ ಲೇಖನ ವಿವರಿಸುತ್ತದೆ. ಆದಾಗ್ಯೂ, ಉತ್ತಮ ಫಲಿತಾಂಶಗಳಿಗಾಗಿ ಕೆಲಸ ಮಾಡುವುದನ್ನು ಮುಂದುವರಿಸುವುದು ಮುಖ್ಯ.

ಕನ್ಯಾ

ರಾಶಿಯವರಿಗೆ ರಾಹು ಐದನೇ ಮನೆಗೆ ಮತ್ತು ಕೇತು ಹನ್ನೊಂದನೇ ಮನೆಗೆ ಪ್ರವೇಶಿಸುತ್ತಾರೆ ಎಂದು ಈ ಲೇಖನ ಹೇಳುತ್ತದೆ. ಈ ಗ್ರಹಗಳ ಸಂಚಾರ ಅನಿರೀಕ್ಷಿತ ಆರ್ಥಿಕ ಲಾಭಗಳನ್ನು ತರಬಹುದು ಎಂದು ಜ್ಯೋತಿಷ್ಯ ಭವಿಷ್ಯ ನುಡಿಯುತ್ತದೆ. ಉದ್ಯೋಗ ಮತ್ತು ವೃತ್ತಿಪರ ಕ್ಷೇತ್ರಗಳಲ್ಲಿ ಹೊಸ ಅವಕಾಶಗಳು ಉದ್ಭವಿಸಬಹುದು ಮತ್ತು ಉನ್ನತ ಹುದ್ದೆಗಳನ್ನು ಪಡೆಯುವ ಅವಕಾಶವಿರಬಹುದು ಎಂದು ಅದು ಹೇಳುತ್ತದೆ. ಆರ್ಥಿಕ ಪರಿಸ್ಥಿತಿಯನ್ನು ಬಲಪಡಿಸುವುದರ ಜೊತೆಗೆ, ಕೆಲವು ದೀರ್ಘಕಾಲದ ಸಮಸ್ಯೆಗಳು ಕಡಿಮೆಯಾಗಬಹುದು ಎಂದು ಜ್ಯೋತಿಷಿಗಳು ನಂಬುತ್ತಾರೆ.

ಅಮಿತ್ ಶಾ ವಿರುದ್ಧ ಬೆಂಗಳೂರಿನಲ್ಲಿ ಹೇಳಿಕೆ, ರಾಹುಲ್ ಗಾಂಧಿಗೆ ರಿಲೀಫ್ ನೀಡಿ ಮಾನನಷ್ಟ ಪ್ರಕರಣ ವಜಾಗೊಳಿಸಿದ ಕೋರ್ಟ್

Gowthami K — Mon, 26 Oct 2026 13:37:23 +0530

ಲೋಕಸಭೆಯ ವಿರೋಧ ಪಕ್ಷದ ನಾಯಕ ಹಾಗೂ ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ಅವರಿಗೆ ಉತ್ತರ ಪ್ರದೇಶದ ಸುಲ್ತಾನ್‌ಪುರದ ವಿಶೇಷ ನ್ಯಾಯಾಲಯದಿಂದ ಬಿಗ್ ರಿಲೀಫ್ ಸಿಕ್ಕಿದೆ. 2018ರಲ್ಲಿ ಕೇಂದ್ರ ಗೃಹ ಸಚಿವ, ಆಗಿನ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷರಾಗಿದ್ದ ಅಮಿತ್ ಶಾ ವಿರುದ್ಧ ನೀಡಿದ್ದರೆನ್ನಲಾದ ಆಕ್ಷೇಪಾರ್ಹ ಹೇಳಿಕೆಗೆ ಸಂಬಂಧಿಸಿದ ಕ್ರಿಮಿನಲ್ ಮಾನನಷ್ಟ ಪ್ರಕರಣವನ್ನು ನ್ಯಾಯಾಲಯವು ಸಂಪೂರ್ಣವಾಗಿ ವಜಾಗೊಳಿಸಿ, ರಾಹುಲ್ ಗಾಂಧಿ ಅವರನ್ನು ಖುಲಾಸೆಗೊಳಿಸಿದೆ.

ಪ್ರಕರಣದ ತೀರ್ಪು ಹಿನ್ನೆಲೆಯಲ್ಲಿ ಸೋಮವಾರ ಬೆಳಿಗ್ಗೆ ಲಕ್ನೋ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ರಾಹುಲ್ ಗಾಂಧಿ, ಬಿಗಿ ಭದ್ರತೆಯ ನಡುವೆ ರಸ್ತೆ ಮಾರ್ಗವಾಗಿ ಸುಲ್ತಾನ್‌ಪುರ ನ್ಯಾಯಾಲಯದ ಮುಂದೆ ಖುದ್ದಾಗಿ ಹಾಜರಾಗಿದ್ದರು. ಹೆಚ್ಚುವರಿ ಸಿವಿಲ್ ನ್ಯಾಯಾಧೀಶ ಶುಭಂ ವರ್ಮಾ ಅವರ ಪೀಠವು ಈ ಮಹತ್ವದ ಆದೇಶವನ್ನು ಹೊರಡಿಸಿದ್ದು, ರಾಹುಲ್ ಪರ ವಕೀಲ ಕಾಶಿ ಪ್ರಸಾದ್ ಶುಕ್ಲಾ ವಾದ ಮಂಡಿಸಿದ್ದರು.

ಪ್ರಕರಣದ ಹಿನ್ನೆಲೆ ಏನು?

ಈ ಪ್ರಕರಣವು 2018ರ ಮೇ ತಿಂಗಳಿನಲ್ಲಿ ನಡೆದ ಕರ್ನಾಟಕ ವಿಧಾನಸಭಾ ಚುನಾವಣೆಯ ಹಿನ್ನೆಲೆ ಬೆಂಗಳೂರಿನಲ್ಲಿ ನಡೆದ ಬೃಹತ್ ರಾಜಕೀಯ ರ್ಯಾಲಿಯೊಂದರಲ್ಲಿ ಮಾತನಾಡಿದ್ದ ರಾಹುಲ್ ಗಾಂಧಿ, ಅಮಿತ್ ಶಾ ಅವರ ವಿರುದ್ಧ ಕೊ**ಲೆ ಆರೋಪಿ ಎಂಬ ಪದ ಬಳಸಿ ಆಕ್ಷೇಪಾರ್ಹ ಹೇಳಿಕೆ ನೀಡಿದ್ದಾರೆ ಎಂದು ಆರೋಪಿಸಲಾಗಿತ್ತು.

ಈ ಹೇಳಿಕೆಯಿಂದ ಬಿಜೆಪಿ ಮತ್ತು ಪಕ್ಷದ ನಾಯಕರ ಘನತೆಗೆ ಧಕ್ಕೆಯಾಗಿದೆ ಎಂದು ಆರೋಪಿಸಿ, ಸುಲ್ತಾನ್‌ಪುರದ ಸ್ಥಳೀಯ ಬಿಜೆಪಿ ನಾಯಕ ಹಾಗೂ ಜಿಲ್ಲಾ ಸಹಕಾರಿ ಬ್ಯಾಂಕಿನ ಮಾಜಿ ಅಧ್ಯಕ್ಷ ವಿಜಯ್ ಮಿಶ್ರಾ ಅವರು 2018ರ ಆಗಸ್ಟ್ 4ರಂದು ಸುಲ್ತಾನ್‌ಪುರ ನ್ಯಾಯಾಲಯದಲ್ಲಿ ಕ್ರಿಮಿನಲ್ ಮಾನನಷ್ಟ ಮೊಕದ್ದಮೆ ದಾಖಲಿಸಿದ್ದರು.

ವರ್ಷಗಳ ಕಾಲ ನಡೆದ ಈ ವಿಚಾರಣೆಯಲ್ಲಿ ನ್ಯಾಯಾಲಯವು ನವೆಂಬರ್ 27, 2023 ರಂದು ರಾಹುಲ್ ಗಾಂಧಿಯವರಿಗೆ ಸಮನ್ಸ್ ಜಾರಿ ಮಾಡಿತ್ತು. ತದನಂತರ, ಫೆಬ್ರವರಿ 20, 2024 ರಂದು ಸುಲ್ತಾನ್‌ಪುರ ನ್ಯಾಯಾಲಯಕ್ಕೆ ಶರಣಾಗಿದ್ದ ರಾಹುಲ್ ಗಾಂಧಿ ಅವರಿಗೆ ನ್ಯಾಯಾಲಯ ಜಾಮೀನು ಮಂಜೂರು ಮಾಡಿತ್ತು.

ಈ ಸುದೀರ್ಘ ಕಾನೂನು ಪ್ರಕ್ರಿಯೆಯಲ್ಲಿ ದೂರುದಾರ ವಿಜಯ್ ಮಿಶ್ರಾ, ಅನಿಲ್ ಮಿಶ್ರಾ ಮತ್ತು ರಾಮಚಂದ್ರ ದುಬೆ ಸೇರಿದಂತೆ ಮೂವರು ಪ್ರಮುಖ ಸಾಕ್ಷಿಗಳ ಹೇಳಿಕೆಗಳನ್ನು ನ್ಯಾಯಾಲಯ ದಾಖಲಿಸಿಕೊಂಡಿತ್ತು. ವಿಚಾರಣೆಯ ಮಧ್ಯದಲ್ಲಿ ದೂರುದಾರರು ಬೆಂಗಳೂರಿನ ರ್ಯಾಲಿಯ ಆಡಿಯೋ ರೆಕಾರ್ಡಿಂಗ್‌ನೊಂದಿಗೆ ರಾಹುಲ್ ಗಾಂಧಿಯವರ ಧ್ವನಿ ಮಾದರಿಯನ್ನು ಹೋಲಿಸಿ ಪರೀಕ್ಷಿಸಲು ಮನವಿ ಸಲ್ಲಿಕೆ ಮಾಡಿದ್ದರು. ಆದರೆ ವಿಚಾರಣಾ ನ್ಯಾಯಾಲಯ, ಸೆಷನ್ಸ್ ನ್ಯಾಯಾಲಯ ಹಾಗೂ ಅಲಹಾಬಾದ್ ಹೈಕೋರ್ಟ್ ಮೂರೂ ಹಂತಗಳಲ್ಲೂ ದೂರುದಾರರ ಈ ಅರ್ಜಿಯನ್ನು ನ್ಯಾಯಮೂರ್ತಿಗಳು ವಜಾಗೊಳಿಸಿದ್ದರು.

ಪ್ರಕರಣದ ಟೈಂಲೈನ್ ಹೀಗಿದೆ

ಅಗಸ್ಟ್ 4, 2018: ಸುಲ್ತಾನ್‌ಪುರ ನ್ಯಾಯಾಲಯದಲ್ಲಿ ರಾಹುಲ್ ಗಾಂಧಿ ವಿರುದ್ಧ ವಿಜಯ್ ಮಿಶ್ರಾ ಅವರಿಂದ ಕ್ರಿಮಿನಲ್ ಮಾನನಷ್ಟ ಮೊಕದ್ದಮೆ ದಾಖಲು.
ನವೆಂಬರ್ 27, 2023: ರಾಹುಲ್ ಗಾಂಧಿಯವರಿಗೆ ಸಮನ್ಸ್ ಜಾರಿ ಮಾಡಿದ ಸುಲ್ತಾನ್‌ಪುರ ವಿಶೇಷ ನ್ಯಾಯಾಲಯ.
ಫೆಬ್ರವರಿ 20, 2024: ನ್ಯಾಯಾಲಯಕ್ಕೆ ಖುದ್ದಾಗಿ ಹಾಜರಾಗಿ ಜಾಮೀನು ಪಡೆದುಕೊಂಡ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ.
ಅಕ್ಟೋಬರ್ 12, 2026: ಎರಡೂ ಕಡೆಯ ವಾದ-ಪ್ರತಿವಾದಗಳು ಪೂರ್ಣಗೊಂಡು ಅಂತಿಮ ತೀರ್ಪನ್ನು ಅಕ್ಟೋಬರ್ 26ಕ್ಕೆ ಕಾಯ್ದಿರಿಸಿದ ಪೀಠ.
ಅಕ್ಟೋಬರ್ 26, 2026: ಪ್ರಕರಣದಲ್ಲಿದ್ದ ಎಲ್ಲಾ ಆರೋಪಗಳಿಂದ ರಾಹುಲ್ ಗಾಂಧಿಯವರನ್ನು ಮುಕ್ತಗೊಳಿಸಿ ಖುಲಾಸೆಗೊಳಿಸಿದ ಸುಲ್ತಾನ್‌ಪುರ ನ್ಯಾಯಾಲಯ.

ಸತ್ಯಕ್ಕೆ ಸಿಕ್ಕ ಜಯ ಎಂದ ಕಾಂಗ್ರೆಸ್

ನ್ಯಾಯಾಲಯದ ಅಂತಿಮ ತೀರ್ಪನ್ನು ಉತ್ತರ ಪ್ರದೇಶ ಕಾಂಗ್ರೆಸ್ ಹಾಗೂ ರಾಷ್ಟ್ರೀಯ ನಾಯಕರು ಹರ್ಷದಿಂದ ಸ್ವಾಗತಿಸಿದ್ದಾರೆ. ಸತ್ಯ ಯಾವಾಗಲೂ ಗೆಲ್ಲುತ್ತದೆ, ಈ ಖುಲಾಸೆಯು ರಾಜಕೀಯ ಪ್ರೇರಿತ ಆರೋಪಗಳಿಗೆ ನ್ಯಾಯಾಲಯ ನೀಡಿದ ಸೂಕ್ತ ಉತ್ತರವಾಗಿದೆ ಎಂದು ಕಾಂಗ್ರೆಸ್ ಪಕ್ಷದ ವಕ್ತಾರರು ಸಂತಸ ವ್ಯಕ್ತಪಡಿಸಿದ್ದಾರೆ. ಈ ಆದೇಶದೊಂದಿಗೆ ಕಳೆದ ಆರು ವರ್ಷಗಳಿಂದ ಕಾಡುತ್ತಿದ್ದ ಪ್ರಮುಖ ರಾಜಕೀಯ ಕಾನೂನು ಹೋರಾಟವೊಂದು ಕೊನೆಯಾದಂತಾಗಿದೆ.

ವಿಜಯಲಕ್ಷ್ಮೀ ದರ್ಶನ್-ಧನ್ವೀರ್ ಗೌಡ ಫೈಟ್‌.. ಧನ್ವೀರ್ ವಿರುದ್ಧ ದರ್ಶನ್ ಆಪ್ತ ಅರ್ಜುನ್ ರಮೇಶ್ ಹೇಳ್ತಿರೋದೇನು?

Shriram Bhat — Mon, 26 Oct 2026 13:30:24 +0530

ಧನ್ವೀರ್ ಗೌಡ ಹಾಗೂ ದರ್ಶನ್ ಪತ್ನಿ ವಿಜಯಲಕ್ಷ್ಮೀ ಜಗಳಕ್ಕೆ ಮತ್ತೊಬ್ಬರ ಎಂಟ್ರಿ!

ಸ್ಯಾಂಡಲ್‌ವುಡ್ ಚಿತ್ರರಂಗದಲ್ಲಿ ಸದ್ಯ ತುಂಬಾ ಸೆನ್ಸೇಷನ್ ಸೃಷ್ಟಿಸುತ್ತಿರುವ ಸಂಗತಿ ಎಂದರೆ ಅದು ದರ್ಶನ್ ಪರಮಾಪ್ತ ಧನ್ವೀರ್ ಗೌಡ ಹಾಗೂ ದರ್ಶನ್ ಪತ್ನಿ ವಿಜಯಲಕ್ಷ್ಮೀ ಈ ಇಬ್ಬರ ಕುಟುಂಬದ ಆಪ್ತರ ಬೀದಿ ಜಗಳ ಎನ್ನಬಹುದು. ಧನ್ವೀರ್ ಗೌಡ ಹಾಗೂ ವಿಜಯಲಕ್ಷ್ಮೀ ದರ್ಶನ್ ಅವರಿಬ್ಬರ ಮಧ್ಯೆ ತಮ್ಮತಮ್ಮ ಆಪ್ತರ ಮೂಲಕ ನಡೆಯುತ್ತಿರುವ ಮನಸ್ತಾಪ ಹಾಗೂ ಕಾನೂನು ಹೋರಾಟ ದಿನದಿಂದ ದಿನಕ್ಕೆ ಕ್ಷಣದಿಂದ ಕ್ಷಣಕ್ಕೆ ಹೊಸ ರೂಪ ಪಡೆದುಕೊಳ್ಳುತ್ತಿದೆ. ಇದೀಗ, ಈ ವಿವಾದಕ್ಕೆ ದರ್ಶನ್ ಆಪ್ತ ಮಾಜಿ ಪುರಸಭೆ ಸದಸ್ಯ, ನಟ ಅರ್ಜುನ್ ರಮೇಶ್ ಎಂಟ್ರಿ ಕೊಟ್ಟಿದ್ದಾರೆ.

ಧನ್ವೀರ್ ಗೆ ಟಾಂಗ್ ಕೊಟ್ಟ ದರ್ಶನ್ ಆಪ್ತ ಮಾಜಿ ಪುರಸಭೆ ಸದಸ್ಯ, ನಟ ಅರ್ಜುನ್ ರಮೇಶ್:- ಹೌದು, ದರ್ಶನ್ ಆಪ್ತ, ಮಾಜಿ ಪುರಸಭೆ ಸದಸ್ಯ ಅರ್ಜುನ್ ರಮೇಶ್ ಅವರು ನಟ ಧನ್ವೀರ್ ಗೌಡ ವಿರುದ್ಧ ಧ್ವನಿ ಎತ್ತಿದ್ದಾರೆ. ಕಳೆದ ವರ್ಷ ಬೇಲ್ ಮೂಲಕ ಜೈಲಿನಿಂದ ಆಚೆ ಬಂದಾಗ ನಟ ದರ್ಶನ್ ತೂಗುದೀಪ ಅವರನ್ನು ಭೇಟಿ ಮಾಡಿದ್ದ ಅರ್ಜುನ್ ರಮೇಶ್ ಅವರು ಇದೀಗ ನಟ ಧನ್ವೀರ್ ಗೌಡ ಅವರ ವಿರುದ್ಧ ಅದೇನು ಹೇಳಿದ್ದಾರೆ ನೋಡಿ..

“ಅಣ್ಣ ಅಣ್ಣ ಅಂತಿದವನು ಈಗ ದರ್ಶನ್ ಸರ್ ಅಂತಾನೆ..”

"ಧನ್ವೀರ್ ಗೌಡ ಈ ಮೊದಲು ಅಣ್ಣ ಅಣ್ಣ ಅಂತಿದವನು ಈಗ ದರ್ಶನ್ ಸರ್ ಅಂತಾನೆ.. ಅಣ್ಣನ ಹೆಸರನ್ನ ಹೇಳಿಕೊಂಡು ಗುರುತಿಸಿಕೊಂಡಿರುವವನು ನಟ ಧನ್ವೀರ್.

ಇದಕ್ಕೂ ಮೊದಲು ಈ ಜಗಳದಲ್ಲಿ ಏನೇನೆಲ್ಲಾ ಆಗಿತ್ತು? ಇಲ್ಲಿದೆ ನೋಡಿ ಹೀಗೋಂದು ಪಕ್ಷಿನೋಟ!

ವಿಜಯಲಕ್ಷ್ಮಿ ಆಪ್ತರಿಂದ ಧನ್ವೀರ್ ವಿರುದ್ಧ ದೂರು

ಸಾಮಾಜಿಕ ಜಾಲತಾಣದ ವಾಗ್ವಾದದ ನಡುವೆಯೇ ವಿಜಯಲಕ್ಷ್ಮಿ ಅವರ ಮ್ಯಾನೇಜರ್ ನಾಗರಾಜ್ ಅವರು ರಾಜರಾಜೇಶ್ವರಿನಗರ ಪೊಲೀಸ್ ಠಾಣೆಯಲ್ಲಿ ಧನ್ವೀರ್ ವಿರುದ್ಧ ದೂರು ದಾಖಲಿಸಿದ್ದಾರೆ ಎಂದು ವರದಿಯಾಗಿದೆ.

ದೂರವಾಣಿ ಮೂಲಕ ಸಂಪರ್ಕಿಸಿದಾಗ ಧನ್ವೀರ್ ಅವಾಚ್ಯ ಶಬ್ದಗಳಿಂದ ನಿಂದಿಸಿ ಬೆದರಿಕೆ ಹಾಕಿದ್ದಾರೆ ಎಂಬುದು ನಾಗರಾಜ್ ಅವರ ಆರೋಪವಾಗಿದೆ. ಈ ಸಂಬಂಧ ಆಡಿಯೋ ಸಾಕ್ಷ್ಯವನ್ನೂ ಪೊಲೀಸರಿಗೆ ನೀಡಲಾಗಿದೆ ಎಂದು ವರದಿಗಳು ತಿಳಿಸಿವೆ.

ಈ ಆರೋಪಗಳ ಕುರಿತು ಧನ್ವೀರ್ ಅವರ ಪ್ರತಿಕ್ರಿಯೆ ಹಾಗೂ ತನಿಖೆಯ ಸಂಪೂರ್ಣ ವಿವರಗಳು ಬಹಿರಂಗವಾಗಬೇಕಿದೆ. ಹೀಗಾಗಿ ದೂರಿನಲ್ಲಿ ಉಲ್ಲೇಖಿಸಿರುವ ಅಂಶಗಳನ್ನು ಸಾಬೀತಾದ ಸಂಗತಿಗಳೆಂದು ಪರಿಗಣಿಸಲು ಸಾಧ್ಯವಿಲ್ಲ.

ಧನ್ವೀರ್ ತಂದೆಯಿಂದಲೂ ಪ್ರತಿದೂರು

ಇತ್ತ ಧನ್ವೀರ್ ವಿರುದ್ಧ ದೂರು ದಾಖಲಾದ ಬೆನ್ನಲ್ಲೇ ಅವರ ತಂದೆ ತಿಮ್ಮೇಗೌಡ ಕೂಡ ರಾಜಾಜಿನಗರ ಪೊಲೀಸ್ ಠಾಣೆಯಲ್ಲಿ ಪ್ರತಿದೂರು ನೀಡಿದ್ದಾರೆ ಎನ್ನಲಾಗಿದೆ.

ವಿಜಯಲಕ್ಷ್ಮಿ, ನಾಗರಾಜ್ ಹಾಗೂ ಅವರ ಜೊತೆಗಿದ್ದವರು ತಮ್ಮ ಮನೆಗೆ ಅಕ್ರಮವಾಗಿ ಪ್ರವೇಶಿಸಿ ಗಲಾಟೆ ನಡೆಸಿ, ಕುಟುಂಬದವರಿಗೆ ಬೆದರಿಕೆ ಹಾಕಿದ್ದಾರೆ ಎಂಬ ಆರೋಪವನ್ನು ತಿಮ್ಮೇಗೌಡ ಮಾಡಿದ್ದಾರೆ ಎಂದು ವರದಿಯಾಗಿದೆ. ಧನ್ವೀರ್ ಮನೆಯಲ್ಲಿ ಇಲ್ಲದ ಸಮಯದಲ್ಲಿ ಈ ಘಟನೆ ನಡೆದಿದೆ ಎಂಬುದು ಅವರ ಕಡೆಯವರ ವಾದವಾಗಿದೆ.

ಹೀಗೆ ಎರಡೂ ಕಡೆಯಿಂದ ದೂರುಗಳು ದಾಖಲಾಗಿರುವುದರಿಂದ ವಿವಾದ ಮತ್ತಷ್ಟು ಗಂಭೀರ ಸ್ವರೂಪ ಪಡೆದುಕೊಂಡಿದೆ. ಒಂದು ಕಡೆ ದೂರವಾಣಿ ಕರೆ ಮೂಲಕ ನಿಂದನೆ ಮತ್ತು ಬೆದರಿಕೆ ಹಾಕಿದ ಆರೋಪವಿದ್ದರೆ, ಮತ್ತೊಂದೆಡೆ ಮನೆಗೆ ನುಗ್ಗಿ ಬೆದರಿಕೆ ಹಾಕಿದ ಆರೋಪ ಕೇಳಿಬಂದಿದೆ. ಈ ಎರಡೂ ಆರೋಪಗಳ ಸತ್ಯಾಸತ್ಯತೆ ಪೊಲೀಸ್ ತನಿಖೆಯಿಂದಲೇ ತಿಳಿಯಬೇಕಿದೆ.

ದರ್ಶನ್ ಬಿಡುಗಡೆ ವಿಚಾರದ ಹಿಂದೆ ಬೇರೇನಾದರೂ ಇದೆಯೇ?

ದರ್ಶನ್ ಜೈಲಿನಲ್ಲಿರುವಾಗ ಅವರ ಕುಟುಂಬದ ಜೊತೆ ಗುರುತಿಸಿಕೊಂಡಿದ್ದ ಆಪ್ತರ ನಡುವೆ ಇಂತಹ ಸಂಘರ್ಷ ಏಕೆ ಉಂಟಾಯಿತು ಎಂಬುದು ಈಗ ಅಭಿಮಾನಿಗಳ ಪ್ರಮುಖ ಪ್ರಶ್ನೆಯಾಗಿದೆ. ದರ್ಶನ್ ಅವರ ಬಿಡುಗಡೆಗೆ ಸಂಬಂಧಿಸಿದ ವಿಚಾರಗಳಲ್ಲಿ ಭಿನ್ನಾಭಿಪ್ರಾಯ ಉಂಟಾಗಿದೆಯೇ ಅಥವಾ ವೈಯಕ್ತಿಕ ಕಾರಣಗಳಿಂದ ಇವರ ಸಂಬಂಧ ಹದಗೆಟ್ಟಿದೆಯೇ ಎಂಬುದಕ್ಕೆ ಇನ್ನೂ ಸ್ಪಷ್ಟ ಉತ್ತರ ಸಿಕ್ಕಿಲ್ಲ. ಕೆಲವರು ಹೇಳುವ ಪ್ರಕಾರ ಇದರಲ್ಲಿ ಹಣದ ವ್ಯವಹಾರವೂ ಸೇರಿದೆ. ಆದರೆ, ತನಿಖೆ ಬಳಿಕವಷ್ಟೇ ಸತ್ಯ ಹೊರಗೆ ಬರಬೇಕಿದೆ.

ಸಾಮಾಜಿಕ ಜಾಲತಾಣದ ಪೋಸ್ಟ್‌ಗಳು, ವೈರಲ್ ಆಡಿಯೋ ಕುರಿತ ಚರ್ಚೆಗಳು ಹಾಗೂ ಪರಸ್ಪರ ದೂರುಗಳು ಈ ಪ್ರಕರಣದ ಬಗ್ಗೆ ಹಲವು ಊಹಾಪೋಹಗಳಿಗೆ ಕಾರಣವಾಗಿವೆ. ಆದರೆ, ಧನ್ವೀರ್ ಮತ್ತು ವಿಜಯಲಕ್ಷ್ಮಿ ನಡುವಿನ ಮನಸ್ತಾಪಕ್ಕೆ ದರ್ಶನ್ ಬಿಡುಗಡೆ ಪ್ರಯತ್ನಗಳೇ ಕಾರಣ ಎಂಬುದನ್ನು ದೃಢಪಡಿಸುವ ಅಧಿಕೃತ ಮಾಹಿತಿ ಸದ್ಯಕ್ಕೆ ಲಭ್ಯವಿಲ್ಲ.

ಒಟ್ಟಿನಲ್ಲಿ, ದರ್ಶನ್ ಅವರ ಸಂಕಷ್ಟದ ಸಮಯದಲ್ಲಿ ಜೊತೆಯಾಗಿದ್ದ ಧನ್ವೀರ್ ಹಾಗೂ ವಿಜಯಲಕ್ಷ್ಮಿ ನಡುವಿನ ಸಂಬಂಧದಲ್ಲಿ ಏನಾಯಿತು ಎಂಬ ಕುತೂಹಲ ಮಾತ್ರ ಹೆಚ್ಚಾಗಿದೆ. ಎರಡೂ ಕಡೆಯವರ ಹೇಳಿಕೆಗಳು ಮತ್ತು ಪೊಲೀಸ್ ತನಿಖೆಯ ಮುಂದಿನ ಬೆಳವಣಿಗೆಗಳು ಹೊರಬಂದ ಬಳಿಕವೇ ಈ ವಿವಾದದ ನೈಜ ಹಿನ್ನೆಲೆ ಸ್ಪಷ್ಟವಾಗಲಿದೆ.

ಗಾಂಧೀಜಿಯ '5ನೇ ಮಗ' ಕಟ್ಟಿದ 14 ಲಕ್ಷ ಕೋಟಿಯ ಸಾಮ್ರಾಜ್ಯ! ಅಪ್ಪನ ಮಾತಿಗೆ ಸಿಟ್ಟಾಗಿ ಆಸ್ತಿ ತ್ಯಜಿಸಲು ಮುಂದಾಗಿದ್ರು

Naveen Kodase — Mon, 26 Oct 2026 13:20:33 +0530

The Untold Story of Jamnalal Bajaj: Business, Freedom Struggle and Social Reform | ಭಾರತದ ಸ್ವಾತಂತ್ರ್ಯ ಹೋರಾಟದ ಇತಿಹಾಸದಲ್ಲಿ ಮಹಾತ್ಮ ಗಾಂಧೀಜಿಯವರ ಹೆಸರು ಕೇಳದೇ ಇರಲು ಸಾಧ್ಯವೇ ಇಲ್ಲ. ಆದರೆ ಗಾಂಧೀಜಿಯವರ ಆಪ್ತ ಸಹಚರರಾಗಿದ್ದ, ಅವರನ್ನು ತಮ್ಮ ತಂದೆಯಂತೆ ಗೌರವಿಸುತ್ತಿದ್ದ ಮತ್ತು ದೇಶದ ಸ್ವಾತಂತ್ರ್ಯ ಚಳವಳಿಗೆ ಆರ್ಥಿಕ ನೆರವು ನೀಡುತ್ತಿದ್ದ ಉದ್ಯಮಿಯೊಬ್ಬರ ಕಥೆ ಅನೇಕರಿಗೆ ತಿಳಿದಿಲ್ಲ. ಅವರೇ ಜಮ್ನಾಲಾಲ್ ಬಜಾಜ್. ಗಾಂಧೀಜಿಯವರು ಇವರನ್ನು ಪ್ರೀತಿಯಿಂದ ತಮ್ಮ ‘ಐದನೇ ಮಗ’ ಎಂದು ಕರೆಯುತ್ತಿದ್ದರು. ಇಂದು ಬಜಾಜ್ ಸಮೂಹವು ಸುಮಾರು ₹14 ಲಕ್ಷ ಕೋಟಿ ಒಟ್ಟು ಮಾರುಕಟ್ಟೆ ಮೌಲ್ಯ ಹೊಂದಿರುವ ಗ್ರೂಪ್ ಆಫ್ ಇಂಡಸ್ಟ್ರಿಯಾಗಿ ಬೆಳೆದಿದೆ.

ಜಮ್ನಾಲಾಲ್ ಬಜಾಜ್ ಗಾಂಧಿಯ ಐದನೇ ಮಗನೆಂಬ ಗೌರವ ಪಡೆದಿದ್ದು ಹೇಗೆ?

1889ರ ನವೆಂಬರ್ 4ರಂದು ರಾಜಸ್ಥಾನದ ಸಿಕರ್ ಸಮೀಪದ ಕಾಶಿ ಕಾ ಬಾಸ್ ಗ್ರಾಮದಲ್ಲಿ ಜಮ್ನಾಲಾಲ್ ಬಜಾಜ್ ಜನಿಸಿದರು. ಅವರ ಕುಟುಂಬ ಆರ್ಥಿಕವಾಗಿ ಸಾಮಾನ್ಯ ಸ್ಥಿತಿಯಲ್ಲಿತ್ತು. ಅವರು ಐದು ವರ್ಷದವರಾಗಿದ್ದಾಗ ವಾರ್ಧಾದ ಶ್ರೀಮಂತ ವ್ಯಾಪಾರಿ ಸೇಠ್ ಬಚ್ಛರಾಜ್ ಬಜಾಜ್ ಮತ್ತು ಅವರ ಪತ್ನಿ ಸದ್ದಿಬಾಯಿ ದತ್ತು ಪಡೆದರು. ಬಾಲ್ಯದಿಂದಲೇ ವ್ಯಾಪಾರ ವಹಿವಾಟುಗಳ ನಡುವೆ ಬೆಳೆದ ಜಮ್ನಾಲಾಲ್, ಹೆಚ್ಚಿನ ಔಪಚಾರಿಕ ಶಿಕ್ಷಣ ಪಡೆಯದಿದ್ದರೂ ವ್ಯವಹಾರದ ಲೆಕ್ಕಾಚಾರ, ಮಾರುಕಟ್ಟೆ ಮತ್ತು ವ್ಯಾಪಾರದ ಸೂಕ್ಷ್ಮತೆಗಳನ್ನು ಪ್ರಾಯೋಗಿಕವಾಗಿ ಕಲಿತರು.

ಆದರೆ ಅವರ ಬದುಕು ಕೇವಲ ಹಣ ಸಂಪಾದಿಸುವುದಕ್ಕೆ ಸೀಮಿತವಾಗಿರಲಿಲ್ಲ. ಮಹಾತ್ಮ ಗಾಂಧೀಜಿಯವರ ಸರಳ ಜೀವನ, ಅಹಿಂಸೆ ಮತ್ತು ಸ್ವದೇಶಿ ಚಿಂತನೆಗಳಿಂದ ಅವರು ಬಹಳ ಪ್ರಭಾವಿತರಾಗಿದ್ದರು. ಗಾಂಧೀಜಿಯವರ ಸ್ವಾತಂತ್ರ್ಯ ಹೋರಾಟಕ್ಕೆ ಕೈಜೋಡಿಸಿದ ಅವರು, ತಮ್ಮ ಸಂಪತ್ತು ಮತ್ತು ಸಮಯವನ್ನು ದೇಶದ ಸೇವೆಗೆ ಬಳಸಿದರು. ಈ ನಿಕಟ ಸಂಬಂಧದ ಕಾರಣದಿಂದಲೇ ಗಾಂಧೀಜಿಯವರು ಅವರನ್ನು ತಮ್ಮ ‘ಐದನೇ ಮಗ’ ಎಂದು ಪ್ರೀತಿಯಿಂದ ಕರೆಯುತ್ತಿದ್ದರು.

ಆಸ್ತಿ ತ್ಯಜಿಸಲು ಮುಂದಾಗಿದ್ದ ಯುವ ಉದ್ಯಮಿ!

ಜಮ್ನಾಲಾಲ್ ಬಜಾಜ್ ಅವರ ಬದುಕಿನಲ್ಲಿ ಕುತೂಹಲಕಾರಿ ಘಟನೆಯೊಂದು ನಡೆಯಿತು. 1906ರಲ್ಲಿ, ತಮಗೆ ಸಿಕ್ಕಿದ್ದ ಆಸ್ತಿ ಮತ್ತು ಸಂಪತ್ತಿನ ಹಕ್ಕನ್ನು ತ್ಯಜಿಸುವುದಾಗಿ ಅವರು ಪತ್ರ ಬರೆದಿದ್ದರು. ದತ್ತು ತಂದೆ ಬಚ್ಛರಾಜ್ ಅವರಿಂದ ಬಂದ ಕಟುವಾದ ಮಾತುಗಳಿಂದ ಬೇಸರಗೊಂಡಿದ್ದ ಅವರು, ವಾರ್ಧಾವನ್ನು ಬಿಟ್ಟು ಹರಿದ್ವಾರ ಮತ್ತು ಋಷಿಕೇಶದ ಕಡೆಗೆ ತೆರಳಲು ನಿರ್ಧರಿಸಿದ್ದರು. ಆದರೆ ರೈಲು ನಿಲ್ದಾಣಕ್ಕೆ ತೆರಳಿದ್ದ ಜಮ್ನಾಲಾಲ್ ಅವರನ್ನು ಬಚ್ಛರಾಜ್ ತಡೆದು ಮನೆಗೆ ಮರಳುವಂತೆ ಮನವೊಲಿಸಿದರು. ಬಳಿಕ ಕುಟುಂಬದ ವ್ಯವಹಾರಗಳ ಜವಾಬ್ದಾರಿ ಅವರ ಹೆಗಲೇರಿತು. ತಾವು ತ್ಯಜಿಸಲು ಬಯಸಿದ್ದ ಉದ್ಯಮವೇ ಮುಂದೆ ಅವರ ಜೀವನದ ಪ್ರಮುಖ ಕೆಲಸವಾಗಿ ಬದಲಾಯಿತು.

ಹತ್ತಿಯಿಂದ ಸಕ್ಕರೆ, ಉಕ್ಕಿನ ಉದ್ಯಮದವರೆಗೆ ಬೆಳವಣಿಗೆ:

ಜಮ್ನಾಲಾಲ್ ಬಜಾಜ್ ಕುಟುಂಬದ ಉದ್ಯಮ ಆರಂಭದಲ್ಲಿ ಹತ್ತಿ ವ್ಯಾಪಾರ ಮತ್ತು ಹತ್ತಿ ಸಂಸ್ಕರಣೆಗೆ ಸಂಬಂಧಿಸಿದ್ದಾಗಿತ್ತು. ಇದಾದ ಬಳಿಕ ಕಾಲಕ್ರಮೇಣ ಈ ವ್ಯವಹಾರವನ್ನು ವಿಸ್ತರಿಸಿ, ಹೊಸ ಉದ್ಯಮಗಳಿಗೆ ಕಾಲಿಟ್ಟರು.

- 1926: ಬಜಾಜ್ ಸಮೂಹದ ಇತಿಹಾಸದಲ್ಲಿ ಪ್ರಮುಖ ಘಟ್ಟ. ಆ ವರ್ಷ ಬಚ್ಛರಾಜ್ ಫ್ಯಾಕ್ಟರೀಸ್ ಪ್ರೈವೇಟ್ ಲಿಮಿಟೆಡ್ ಸ್ಥಾಪನೆಯಾಯಿತು.

- 1931: ಸಕ್ಕರೆ ಉತ್ಪಾದನಾ ಕ್ಷೇತ್ರಕ್ಕೆ ಪ್ರವೇಶಿಸಿದರು.

- 1939: ಉಕ್ಕು ಮತ್ತು ಭಾರೀ ಕೈಗಾರಿಕಾ ಕ್ಷೇತ್ರದಲ್ಲೂ ಉದ್ಯಮ ವಿಸ್ತರಿಸಿದರು.

ಈ ಬೆಳವಣಿಗೆ ಒಂದೇ ದಿನದಲ್ಲಿ ಸಂಭವಿಸಿದ್ದಲ್ಲ. ಮಾರುಕಟ್ಟೆಯ ಅಗತ್ಯಗಳನ್ನು ಅರ್ಥಮಾಡಿಕೊಂಡು, ಹಂತ ಹಂತವಾಗಿ ಹೊಸ ಕ್ಷೇತ್ರಗಳಿಗೆ ಪ್ರವೇಶಿಸುವ ಮೂಲಕ ಉದ್ಯಮದ ನೆಲೆಯನ್ನು ಬಲಪಡಿಸಿದರು.

ಇಂದು ಬಜಾಜ್ ಹೆಸರನ್ನು ಕೇಳಿದಾಗ ಬೈಕ್‌ಗಳು, ಸ್ಕೂಟರ್‌ಗಳು, ಹಣಕಾಸು ಸೇವೆಗಳು ಮತ್ತು ವಿವಿಧ ಕೈಗಾರಿಕೆಗಳು ನೆನಪಾಗುತ್ತವೆ. ಹಲವು ದಶಕಗಳಲ್ಲಿ ಕುಟುಂಬದ ಮುಂದಿನ ಪೀಳಿಗೆಗಳು ಈ ಉದ್ಯಮಗಳನ್ನು ವಿಸ್ತರಿಸಿವೆ. ಹೀಗೆ ಒಂದು ಕುಟುಂಬದ ವ್ಯಾಪಾರವು ಭಾರತದ ಪ್ರಮುಖ ಉದ್ಯಮ ಸಮೂಹಗಳಲ್ಲಿ ಒಂದಾಗಿ ಬೆಳೆದು ನಿಂತಿದೆ.

ಸ್ವಾತಂತ್ರ್ಯ ಹೋರಾಟಕ್ಕೂ ಆರ್ಥಿಕ ನೆರವು

ಜಮ್ನಾಲಾಲ್ ಬಜಾಜ್ ಅವರು ಉದ್ಯಮದ ಬೆಳವಣಿಗೆಯ ಜೊತೆಗೆ ದೇಶದ ಸ್ವಾತಂತ್ರ್ಯ ಹೋರಾಟದಲ್ಲೂ ಸಕ್ರಿಯವಾಗಿ ಭಾಗವಹಿಸಿದ್ದರು. 1921ರಲ್ಲಿ ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್‌ನ ಖಜಾಂಚಿಯಾಗಿ ಜವಾಬ್ದಾರಿ ವಹಿಸಿಕೊಂಡ ಅವರು, ಸುಮಾರು ಎರಡು ದಶಕಗಳ ಕಾಲ ಕಾಂಗ್ರೆಸ್‌ಗೆ ಆರ್ಥಿಕ ನೆರವು ನೀಡಿದರು. 1923ರ ನಾಗಪುರ ಧ್ವಜ ಸತ್ಯಾಗ್ರಹದಲ್ಲಿ ಭಾಗವಹಿಸಿದ್ದಕ್ಕಾಗಿ ಅವರನ್ನು ಬಂಧಿಸಲಾಗಿತ್ತು. ಉಪ್ಪಿನ ಸತ್ಯಾಗ್ರಹ ಸೇರಿದಂತೆ ಹಲವು ಚಳವಳಿಗಳಲ್ಲಿಯೂ ಅವರು ಪಾಲ್ಗೊಂಡಿದ್ದರು. ಬ್ರಿಟಿಷ್ ಸರ್ಕಾರ ನೀಡಿದ್ದ ‘ರಾಯ್ ಬಹದ್ದೂರ್’ ಬಿರುದನ್ನೂ ಜಮ್ನಾಲಾಲ್ ಬಜಾಜ್ ತ್ಯಜಿಸಿದ್ದರು. ಗಾಂಧೀಜಿಯವರ ಸ್ವದೇಶಿ ಚಿಂತನೆಯಂತೆ ಖಾದಿ, ಗ್ರಾಮೀಣ ಕೈಗಾರಿಕೆಗಳು ಮತ್ತು ಸ್ಥಳೀಯ ಉತ್ಪಾದನೆಗೆ ಅವರು ಬೆಂಬಲ ನೀಡಿದರು. ಅವರ ಪಾಲಿಗೆ ಸಂಪತ್ತು ಎಂದರೆ ವೈಯಕ್ತಿಕ ಐಷಾರಾಮಕ್ಕಾಗಿ ಮಾತ್ರವಲ್ಲ, ಸಮಾಜದ ಒಳಿತಿಗೂ ಬಳಕೆಯಾಗಬೇಕಾದ ಸಾಧನವಾಗಿತ್ತು.

ಸಮಾಜ ಸುಧಾರಣೆಯಲ್ಲೂ ಮುಂಚೂಣಿಯಲ್ಲಿದ್ದರು

ಜಮ್ನಾಲಾಲ್ ಬಜಾಜ್ ಅವರು ಸಾಮಾಜಿಕ ಅಸಮಾನತೆಗಳ ವಿರುದ್ಧವೂ ಧ್ವನಿ ಎತ್ತಿದ್ದರು. 1928ರಲ್ಲಿ ವಾರ್ಧಾದಲ್ಲಿದ್ದ ಕುಟುಂಬದ ಲಕ್ಷ್ಮೀ ನಾರಾಯಣ ದೇವಸ್ಥಾನವನ್ನು ದಲಿತರಿಗೆ ಮುಕ್ತಗೊಳಿಸಿದರು. ತಮ್ಮ ಜಮೀನಿನಲ್ಲಿದ್ದ ಬಾವಿಗಳನ್ನೂ ಅವರು ಎಲ್ಲರ ಬಳಕೆಗೆ ತೆರೆಯುವ ಮೂಲಕ ಸಾಮಾಜಿಕ ಸಮಾನತೆಯ ಸಂದೇಶ ಸಾರಿದರು. ಮಹಿಳಾ ಶಿಕ್ಷಣ, ಖಾದಿ ಪ್ರಚಾರ ಮತ್ತು ಗ್ರಾಮೀಣ ಕೈಗಾರಿಕೆಗಳ ಬೆಳವಣಿಗೆಗೂ ಅವರು ಕೊಡುಗೆ ನೀಡಿದರು. ಅವರ ಪತ್ನಿ ಜಾನಕಿದೇವಿ ಬಜಾಜ್ ಕೂಡ ಸಮಾಜ ಸೇವೆ ಮತ್ತು ಮಹಿಳೆಯರ ಸಬಲೀಕರಣದ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದರು.

ಅವರ ನಿಧನದ ಬಳಿಕವೂ ಮುಂದುವರಿದ ಉದ್ಯಮದ ಪಯಣ

1942ರ ಫೆಬ್ರವರಿ 11ರಂದು, ತಮ್ಮ 52ನೇ ವಯಸ್ಸಿನಲ್ಲಿ ಜಮ್ನಾಲಾಲ್ ಬಜಾಜ್ ನಿಧನರಾದರು. ಅವರ ನಂತರ ಪುತ್ರ ಕಮಲನಯನ್ ಬಜಾಜ್ ಉದ್ಯಮದ ಜವಾಬ್ದಾರಿ ವಹಿಸಿಕೊಂಡು ಅದನ್ನು ಮುಂದುವರಿಸಿದರು. ಬಳಿಕದ ಪೀಳಿಗೆಗಳು ವಾಹನ, ಹಣಕಾಸು ಮತ್ತು ಇತರ ಕೈಗಾರಿಕಾ ಕ್ಷೇತ್ರಗಳಲ್ಲಿ ಬಜಾಜ್ ಸಮೂಹವನ್ನು ಮತ್ತಷ್ಟು ವಿಸ್ತರಿಸಿದವು.

ಇಂದು ಬಜಾಜ್ ಸಮೂಹದ ಒಟ್ಟು ಮಾರುಕಟ್ಟೆ ಮೌಲ್ಯ ಸುಮಾರು ₹14 ಲಕ್ಷ ಕೋಟಿ ಎಂದು ವರದಿಯಾಗಿದೆ. ಈ ಅಂಕಿ ಸಮೂಹದ ವಿವಿಧ ಕಂಪನಿಗಳ ಮಾರುಕಟ್ಟೆ ಮೌಲ್ಯವನ್ನು ಆಧರಿಸಿದ್ದು, ಒಬ್ಬ ವ್ಯಕ್ತಿಯ ವೈಯಕ್ತಿಕ ಆಸ್ತಿಯಲ್ಲ. ಒಟ್ಟಿನಲ್ಲಿ, ಜಮ್ನಾಲಾಲ್ ಬಜಾಜ್ ಅವರ ಜೀವನವು ಉದ್ಯಮ ಯಶಸ್ಸು ಮತ್ತು ಸಮಾಜ ಸೇವೆ ಎರಡನ್ನೂ ಒಟ್ಟಿಗೆ ಸಾಧಿಸಬಹುದು ಎಂಬುದಕ್ಕೆ ಉದಾಹರಣೆಯಾಗಿದೆ. ಗಾಂಧೀಜಿಯವರ ‘ಐದನೇ ಮಗ’ ಎಂಬ ಗೌರವದಿಂದ ಗುರುತಿಸಿಕೊಂಡ ಅವರು, ತಮ್ಮ ಸಂಪತ್ತನ್ನು ದೇಶದ ಸ್ವಾತಂತ್ರ್ಯ ಹೋರಾಟಕ್ಕೂ ಸಮಾಜದ ಸುಧಾರಣೆಗೂ ಬಳಸಿದರು. ಅವರ ಕಥೆ ಇಂದಿನ ಉದ್ಯಮಿಗಳಿಗೆ ಮಾತ್ರವಲ್ಲ, ಸಮಾಜಕ್ಕೆ ಕೊಡುಗೆ ನೀಡಲು ಬಯಸುವ ಪ್ರತಿಯೊಬ್ಬರಿಗೂ ಸ್ಫೂರ್ತಿದಾಯಕವಾಗಿದೆ.

ಬೆಂಗ್ಳೂರಲ್ಲಿ 5 ತಿಂಗಳು ಲಿವ್‌ ಇನ್ ರಿಲೇಶನ್‌ಶಿಪ್; ಹಾಸನ ಗೆಳೆಯನ ಮನೆ ಮುಂದೆ ಯುವತಿ ಧರಣಿ

Mahmad Rafik — Mon, 26 Oct 2026 13:07:49 +0530

ಬೆಂಗಳೂರಿನಲ್ಲಿ ಒಟ್ಟಿಗೆ ಕೆಲಸ ಮಾಡುತ್ತಿದ್ದ ಸೂರ್ಯ ಮತ್ತು ಗಾಯಿತ್ರಿ ಐದು ತಿಂಗಳು ಲಿವಿಂಗ್ ರಿಲೇಷನ್‌ಶಿಪ್‌ನಲ್ಲಿದ್ದರು. ಮದುವೆಯಾಗುವುದಾಗಿ ನಂಬಿಸಿದ್ದ ಸೂರ್ಯ ಮತ್ತು ಆತನ ಪೋಷಕರು ಈಗ ಪರಾರಿಯಾಗಿದ್ದಾರೆ.

ಕಾಸರಗೋಡು ಮೂಲದ ಗಾಯಿತ್ರಿ (ಹೆಸರು ಬದಲಾಯಿಸಲಾಗಿದೆ) ಮತ್ತು ಹಾಸನ ಜಿಲ್ಲೆಯ ಚನ್ನರಾಯಪಟ್ಟಣ ತಾಲೂಕಿನ ಕಲ್ಲೇಸೋಮನಹಳ್ಳಿ ಗ್ರಾಮದ ಸೂರ್ಯ ಎಂಬುವವರು ಬೆಂಗಳೂರಿನ ಖಾಸಗಿ ಕಂಪನಿಯೊಂದರಲ್ಲಿ ಒಟ್ಟಿಗೆ ಕೆಲಸ ಮಾಡುತ್ತಿದ್ದರು. ಪರಸ್ಪರ ಪ್ರೀತಿಸುತ್ತಿದ್ದ ಇವರಿಬ್ಬರು ಕಳೆದ ಐದು ತಿಂಗಳುಗಳಿಂದ ಲಿವಿಂಗ್ ರಿಲೇಷನ್‌ಶಿಪ್‌ನಲ್ಲಿದ್ದರು.

ಸೂರ್ಯ ಎಂಬ ಯುವಕನು ತನ್ನನ್ನು ಮದುವೆಯಾಗುವುದಾಗಿ ನಂಬಿಸಿ, ಈಗ ತನಗೆ ಮೋಸ ಮಾಡಿ ಎಸ್ಕೇಪ್ ಆಗಿದ್ದಾನೆ ಎಂದು ಯುವತಿ ಗಾಯಿತ್ರಿ ಆರೋಪಿಸಿದ್ದಾರೆ. ಯುವತಿ ಅನ್ಯ ಜಾತಿಯವಳು ಮತ್ತು ಬೇರೆ ರಾಜ್ಯದವಳು ಎಂಬ ಕಾರಣಕ್ಕೆ ಸೂರ್ಯನ ಪೋಷಕರು ಇವರ ಮದುವೆಗೆ ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.

ಮೋಸ ಹೋದ ಯುವತಿ ಗಾಯಿತ್ರಿ ಅವರು ಕಲ್ಲೇಸೋಮನಹಳ್ಳಿ ಗ್ರಾಮದಲ್ಲಿರುವ ಸೂರ್ಯನ ಮನೆಯ ಮುಂಭಾಗದಲ್ಲಿಯೇ ಧರಣಿ ಕುಳಿತಿದ್ದಾರೆ. ಈ ಹಿಂದೆ ನ್ಯಾಯ ಸಿಗದಿದ್ದಾಗ ಯುವತಿ ಆತ್ಮ*ತ್ಯೆ ಮಾಡಿಕೊಳ್ಳುವುದಾಗಿ ವಿಡಿಯೋ ಮಾಡಿದ್ದರೂ ಸಹ ಯಾವುದೇ ಪ್ರಯೋಜನವಾಗದ ಹಿನ್ನೆಲೆಯಲ್ಲಿ, ಈಗ ಹಗಲು-ರಾತ್ರಿ ಎನ್ನದೇ ಪ್ರಿಯಕರನ ಮನೆ ಮುಂದೆ ಪ್ರತಿಭಟನೆ ನಡೆಸುತ್ತಿದ್ದಾರೆ.

ಈ ವಿಷಯವಾಗಿ ಅಕ್ಟೋಬರ್ 22 ರಂದು ಚನ್ನರಾಯಪಟ್ಟಣ ಗ್ರಾಮಾಂತರ ಪೊಲೀಸರು ಎರಡೂ ಕಡೆಯವರನ್ನು ಠಾಣೆಗೆ ಕರೆಸಿ ಮಾತುಕತೆ ನಡೆಸಿದ್ದರು. ಭಾನುವಾರ ಠಾಣೆಗೆ ಬರುವುದಾಗಿ ಹೇಳಿದ್ದ ಸೂರ್ಯನ ಪೋಷಕರು, ಈಗ ಮನೆಗೆ ಬೀಗ ಹಾಕಿ ಎಸ್ಕೇಪ್ ಆಗಿದ್ದಾರೆ.

ಪ್ರಿಯಕರನ ಮೋಸದ ವಿರುದ್ಧ ಯುವತಿ ಬೆಂಗಳೂರಿನ ಮಹಾಲಕ್ಷ್ಮಿ ಲೇಔಟ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪ್ರಿಯಕರ ಸೂರ್ಯ ಸಹ ಗಾಯಿತ್ರಿ ಸಂಪರ್ಕಕ್ಕೆ ಸಿಗದೇ ಎಸ್ಕೇಪ್ ಆಗಿದ್ದಾರೆ. ಲಿವ್ ಇನ್ ರಿಲೇಶನ್‌ಶಿಪ್‌ ನಲ್ಲಿರೋ ವಿಷಯ ಸೂರ್ಯನ ತಂಗಿಗೂ ಗೊತ್ತಿತ್ತು. ಆಕೆಯೂ ನಮ್ಮೊಂದಿಗೆ ಮೂರು ತಿಂಗಳು ನಮ್ಮೊಂದಿಗೆ ಇದ್ದಳು. ತಂಗಿ ಮದುವೆ ನಂತ್ರ ಸೂರ್ಯನಿಗೆ ಮದುವೆಯಾಗುವಂತೆ ಆತನ ಪೋಷಕರು ಹೇಳಿದ್ದರು ಎಂದು ಗಾಯಿತ್ರಿ ಹೇಳುತ್ತಾರೆ.

“ನೀನು ಹೋದ್ಮೇಲೆ ಮನಸ್ಸೇ ನಿಲ್ಲಲ್ಲ ಕಣೋ…” ಮೊಮ್ಮಗನಿಗೆ ಬೀಳ್ಕೊಡುಗೆ ನೀಡುವಾಗ ಕಣ್ಣೀರಿಟ್ಟ ತಾತ!

Chandrashekar GS — Mon, 26 Oct 2026 12:45:26 +0530

“ನೀನು ಇಲ್ಲದೆ ಮನಸ್ಸೇ ನಿಲ್ಲಲ್ಲ ಕಣೋ…” ಮೊಮ್ಮಗನನ್ನು ಬೀಳ್ಕೊಡುವಾಗ ಭಾವುಕರಾದ ಅಜ್ಜ!

ಸಾಮಾಜಿಕ ಜಾಲತಾಣಗಳಲ್ಲಿ ಪ್ರತಿದಿನ ಅನೇಕ ವಿಡಿಯೊಗಳು ವೈರಲ್ ಆಗುತ್ತವೆ. ಆದರೆ, ಕೆಲವು ವಿಡಿಯೊಗಳು ನಗು ತರಿಸಿದರೆ, ಇನ್ನು ಕೆಲವು ಮನಸ್ಸನ್ನು ಭಾವುಕಗೊಳಿಸುತ್ತವೆ. ಇದೀಗ ಅಜ್ಜ ಮತ್ತು ಮೊಮ್ಮಗನ ನಡುವಿನ ಪ್ರೀತಿಯನ್ನು ತೋರಿಸುವ ಇಂತಹದ್ದೇ ಒಂದು ವಿಡಿಯೊ ನೆಟ್ಟಿಗರ ಗಮನ ಸೆಳೆದಿದೆ. ಮೊಮ್ಮಗನನ್ನು ಬೀಳ್ಕೊಡುವಾಗ ಅಜ್ಜ ಧನರಾಜ್ ಶರ್ಮಾ ವ್ಯಕ್ತಪಡಿಸುವ ಪ್ರೀತಿ, ಕಾಳಜಿ ಮತ್ತು ಬೇಸರ ನೋಡುಗರ ಮನಸ್ಸು ಮುಟ್ಟಿದೆ.

ಮೊಮ್ಮಗನಿಗೆ ಆರು ದಿನಗಳೇ ಬಹಳ ದೂರ!

ವೈರಲ್ ವಿಡಿಯೊದಲ್ಲಿ ಶುಭಂ ತನ್ನ ಅಜ್ಜನಿಗೆ ವಿದಾಯ ಹೇಳುತ್ತಾ, ಮತ್ತೆ ಭಾನುವಾರ ಮನೆಗೆ ಬರುವುದಾಗಿ ತಿಳಿಸುತ್ತಾನೆ. ಇದನ್ನು ಕೇಳಿದ ಅಜ್ಜ, ತಕ್ಷಣವೇ ವಾರದ ದಿನಗಳನ್ನು ಎಣಿಸಲು ಆರಂಭಿಸುತ್ತಾರೆ. ಭಾನುವಾರದ ನಂತರ ಸೋಮವಾರ, ಮಂಗಳವಾರ, ಬುಧವಾರ, ಗುರುವಾರ, ಶುಕ್ರವಾರ, ಶನಿವಾರ ಕಳೆದ ಮೇಲೆಯೇ ಮತ್ತೆ ಭಾನುವಾರ ಬರುತ್ತದೆ ಎಂದು ಹೇಳುತ್ತಾರೆ.

ಮೊಮ್ಮಗ ಮತ್ತೆ ಮನೆಗೆ ಬರುವವರೆಗೆ ಆರು ದಿನ ಕಾಯಬೇಕೆಂಬ ವಿಚಾರವೇ ಅಜ್ಜನಿಗೆ ಬೇಸರ ಉಂಟುಮಾಡುತ್ತದೆ. ಈ ವೇಳೆ ಅವರು, ಮೊಮ್ಮಗನಿಲ್ಲದೆ ಮನಸ್ಸಿಗೆ ನೆಮ್ಮದಿ ಇರುವುದಿಲ್ಲ ಎಂಬ ಅರ್ಥದಲ್ಲಿ ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸುತ್ತಾರೆ. ಅಜ್ಜನ ಮಾತುಗಳನ್ನು ಕೇಳುವ ಶುಭಂ, ತಾನು ಮತ್ತೆ ಬರುವುದಾಗಿ ಭರವಸೆ ನೀಡುತ್ತಾನೆ. ಈ ಸರಳ ಸಂಭಾಷಣೆಯೇ ವಿಡಿಯೊದ ಪ್ರಮುಖ ಆಕರ್ಷಣೆಯಾಗಿದೆ.

“ಆಗಾಗ ಫೋನ್ ಮಾಡುತ್ತಿರು” ಎಂದು ಕಾಳಜಿಯ ಮಾತು

ಮೊಮ್ಮಗನನ್ನು ಬೀಳ್ಕೊಡುವಾಗ ಅಜ್ಜ ಆತನ ಕೆನ್ನೆಯನ್ನು ಪ್ರೀತಿಯಿಂದ ಸವರಿ, ಆಗಾಗ ಫೋನ್ ಮಾಡುತ್ತಿರು ಎಂದು ಹೇಳುತ್ತಾರೆ. ಮೊಮ್ಮಗನಿಂದ ದೂರವಿರುವುದು ಕಷ್ಟವಾದರೂ, ಆತನೊಂದಿಗೆ ಮಾತನಾಡುತ್ತಿರಬಹುದು ಎಂಬ ಸಮಾಧಾನ ಅವರಿಗೆ ಇದೆ. ಮಾತಿನ ನಡುವೆ ಅಜ್ಜನ ಕಣ್ಣುಗಳು ತೇವವಾಗುವುದೂ ವಿಡಿಯೊದಲ್ಲಿ ಕಾಣಿಸುತ್ತದೆ.

ಇಷ್ಟೇ ಅಲ್ಲದೆ, ಮೊಮ್ಮಗನ ಆರೋಗ್ಯದ ಬಗ್ಗೆಯೂ ಅವರು ಕಾಳಜಿ ವಹಿಸುತ್ತಾರೆ. ಜ್ವರ ಬಂದರೆ ಬಳಸಲು ಬೇಕಾದ ಔಷಧಿಗಳನ್ನು ಜೊತೆಯಲ್ಲಿ ಇಟ್ಟುಕೊಳ್ಳುವಂತೆ ಸಲಹೆ ನೀಡುತ್ತಾರೆ. ಈ ಪುಟ್ಟ ಮಾತುಗಳಲ್ಲಿ ಅಜ್ಜನ ಪ್ರೀತಿ ಮಾತ್ರವಲ್ಲದೆ, ಮೊಮ್ಮಗನ ಬಗ್ಗೆ ಇರುವ ಕಾಳಜಿಯೂ ಸ್ಪಷ್ಟವಾಗಿ ಕಾಣಿಸುತ್ತದೆ.

ನೆಟ್ಟಿಗರಿಗೆ ನೆನಪಾದ ತಮ್ಮ ಅಜ್ಜ-ಅಜ್ಜಿ

ಶುಭಂ ತನ್ನ ಅಜ್ಜ ಧನರಾಜ್ ಶರ್ಮಾ ಅವರ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ. ಇದನ್ನು ನೋಡಿದ ಅನೇಕರು ತಮ್ಮ ಅಜ್ಜ-ಅಜ್ಜಿಯೊಂದಿಗಿನ ನೆನಪುಗಳನ್ನು ಹಂಚಿಕೊಂಡಿದ್ದಾರೆ. ಕೆಲವರು ಶುಭಂ ಅದೃಷ್ಟವಂತ ಎಂದು ಹೇಳಿದರೆ, ಇನ್ನು ಕೆಲವರು ಇಂತಹ ಪ್ರೀತಿಯ ಕ್ಷಣಗಳನ್ನು ಜೀವನದಲ್ಲಿ ಅನುಭವಿಸುವುದೇ ದೊಡ್ಡ ಭಾಗ್ಯ ಎಂದು ಪ್ರತಿಕ್ರಿಯಿಸಿದ್ದಾರೆ.

ಸಂಬಂಧಗಳ ಮೌಲ್ಯ ನೆನಪಿಸುವ ವಿಡಿಯೊ

ಇಂದಿನ ದಿನಗಳಲ್ಲಿ ವಿದ್ಯಾಭ್ಯಾಸ ಮತ್ತು ಉದ್ಯೋಗಕ್ಕಾಗಿ ಮಕ್ಕಳು ಕುಟುಂಬದಿಂದ ದೂರವಿರುವುದು ಸಾಮಾನ್ಯ. ಆದರೆ, ಮನೆಯಲ್ಲಿರುವ ಹಿರಿಯರಿಗೆ ತಮ್ಮ ಪ್ರೀತಿಪಾತ್ರರು ದೂರ ಹೋಗುವುದು ಭಾವನಾತ್ಮಕವಾಗಿ ಕಷ್ಟವಾಗಬಹುದು. ಅಜ್ಜನ ಈ ವಿಡಿಯೊ, ಪ್ರೀತಿ ದೊಡ್ಡ ಮಾತುಗಳಲ್ಲೇ ಇರಬೇಕಿಲ್ಲ; ಒಂದು ಫೋನ್ ಕರೆ, ಆರೋಗ್ಯದ ಬಗ್ಗೆ ಕಾಳಜಿ ಮತ್ತು ಮತ್ತೆ ಬರುವ ನಿರೀಕ್ಷೆಯಲ್ಲಿಯೂ ಅದು ವ್ಯಕ್ತವಾಗುತ್ತದೆ ಎಂಬುದನ್ನು ನೆನಪಿಸುತ್ತದೆ.

View this post on Instagram

A post shared by Dhanraj Sharma (@dada_dhanraj1933)

Blinkit: ಬ್ಲಿಂಕಿಟ್‌ನಲ್ಲಿ ಹಾಳಾದ ಮೊಸರು ಪ್ಯಾಕೆಟ್‌; ರೀಫಂಡ್‌ ಕೇಳಲು ಹೋಗಿ ₹98,000 ಕಳೆದುಕೊಂಡ ಬೆಂಗಳೂರಿನ ಮಹಿಳೆ

Sushma Hegde — Mon, 26 Oct 2026 12:23:35 +0530

ಬೆಂಗಳೂರು: ಆನ್‌ಲೈನ್‌ನಲ್ಲಿ ಕಸ್ಟಮರ್‌ ಕೇರ್‌ ನಂಬರ್‌ ಹುಡುಕುವಾಗ ಎಚ್ಚರ! ಬ್ಲಿಂಕಿಟ್‌ನಲ್ಲಿ ಆರ್ಡರ್‌ ಮಾಡಿದ ಮೊಸರು ಪ್ಯಾಕೆಟ್‌ ಹಾಳಾಗಿದ್ದರಿಂದ ಮರುಪಾವತಿ ಪಡೆಯಲು ಪ್ರಯತ್ನಿಸಿದ ಬೆಂಗಳೂರಿನ 56 ವರ್ಷದ ಗೃಹಿಣಿಯೊಬ್ಬರು ಸೈಬರ್‌ ವಂಚಕರ ಬಲೆಗೆ ಬಿದ್ದು ₹98,000 ಕಳೆದುಕೊಂಡಿದ್ದಾರೆ. ಗ್ರಾಹಕ ಸೇವಾ ಪ್ರತಿನಿಧಿಗಳೆಂದು ಹೇಳಿಕೊಂಡು ವಂಚಕರು ವಾಟ್ಸಾಪ್‌ ಮೂಲಕ ಲಿಂಕ್‌ ಕಳುಹಿಸಿ ಮಹಿಳೆಯನ್ನು ವಂಚಿಸಿದ್ದಾರೆ ಎಂದು ಆರೋಪಿಸಲಾಗಿದೆ.

ವಸಂತ ನಗರದ ಪ್ಯಾಲೇಸ್‌ ಕ್ರಾಸ್‌ ರಸ್ತೆಯಲ್ಲಿರುವ ಅಪಾರ್ಟ್‌ಮೆಂಟ್‌ನಲ್ಲಿ ವಾಸಿಸುವ ಸೌಂದರ್ಯ (ಹೆಸರು ಬದಲಾಯಿಸಲಾಗಿದೆ) ಎಂಬುವವರು ಈ ವಂಚನೆಗೆ ಒಳಗಾಗಿದ್ದಾರೆ. ಈ ಸಂಬಂಧ ಕೇಂದ್ರ ಸೈಬರ್‌ ಅಪರಾಧ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಹಾಳಾದ ಮೊಸರು ಪ್ಯಾಕೆಟ್‌; ರೀಫಂಡ್‌ ಪಡೆಯಲು ಮುಂದಾದ ಮಹಿಳೆ

ಅಕ್ಟೋಬರ್‌ 17ರಂದು ಸೌಂದರ್ಯ ಅವರು ಬ್ಲಿಂಕಿಟ್‌ನಲ್ಲಿ ಮೊಸರು ಆರ್ಡರ್‌ ಮಾಡಿದ್ದರು. ಆದರೆ, ಮನೆಗೆ ಬಂದ ಪ್ಯಾಕೆಟ್‌ ಹಾನಿಗೊಳಗಾದ ಸ್ಥಿತಿಯಲ್ಲಿತ್ತು. ಈ ಬಗ್ಗೆ ಅವರು ಡೆಲಿವರಿ ಏಜೆಂಟ್‌ಗೆ ದೂರು ನೀಡಿದಾಗ, ಗ್ರಾಹಕ ಸೇವಾ ಕೇಂದ್ರವನ್ನು ಸಂಪರ್ಕಿಸುವಂತೆ ಸಲಹೆ ನೀಡಲಾಯಿತು. ಹೀಗಾಗಿ ಮಹಿಳೆ ಆನ್‌ಲೈನ್‌ನಲ್ಲಿ ಬ್ಲಿಂಕಿಟ್‌ ಕಸ್ಟಮರ್‌ ಕೇರ್‌ ನಂಬರ್‌ಗಾಗಿ ಹುಡುಕಾಡಿ, ಇಂಟರ್‌ನೆಟ್‌ನಲ್ಲಿ ಸಿಕ್ಕಿದ್ದ ಒಂದು ಸಂಖ್ಯೆಗೆ ಕರೆ ಮಾಡಿದ್ದಾರೆ. ಕರೆ ಸ್ವೀಕರಿಸಿದ ವ್ಯಕ್ತಿ ಮರುಪಾವತಿ ಮಾಡಿಸುವುದಾಗಿ ಭರವಸೆ ನೀಡಿ, ಕೆಲವು ಹಂತಗಳನ್ನು ಅನುಸರಿಸುವಂತೆ ಸೂಚಿಸಿದ್ದಾನೆ.

ವಾಟ್ಸಾಪ್‌ ಲಿಂಕ್‌ ಕಳುಹಿಸಿ ವಂಚನೆ

ಬಳಿಕ ಆ ವ್ಯಕ್ತಿ ಮಹಿಳೆಗೆ ವಾಟ್ಸಾಪ್‌ನಲ್ಲಿ ಲಿಂಕ್‌ ಕಳುಹಿಸಿ, ಹಾಳಾಗಿದ್ದ ಮೊಸರು ಪ್ಯಾಕೆಟ್‌ನ ಫೋಟೋವನ್ನು ಅಪ್‌ಲೋಡ್‌ ಮಾಡುವಂತೆ ಹೇಳಿದ್ದಾನೆ. ಮಹಿಳೆ ಸೂಚನೆಯಂತೆ ಫೋಟೋ ಸಲ್ಲಿಸಿದ್ದಾರೆ. ಇದಾದ ಬಳಿಕ ಮತ್ತೊಬ್ಬ ವ್ಯಕ್ತಿ ಅವರಿಗೆ ಕರೆ ಮಾಡಿ, ಮರುಪಾವತಿ ಪ್ರಕ್ರಿಯೆ ನಡೆಯುತ್ತಿದೆ ಎಂದು ತಿಳಿಸಿದ್ದಾನೆ. ಡಿಜಿಟಲ್‌ ಪಾವತಿ ಖಾತೆಯನ್ನು ಪರಿಶೀಲಿಸುವಂತೆ ಸೂಚಿಸಿ, ಖಾತೆಯ ಬ್ಯಾಲೆನ್ಸ್‌ ನೋಡುವಂತೆ ಹೇಳಿದ್ದಾನೆ.

ಆತನ ಮಾತನ್ನು ನಂಬಿದ ಮಹಿಳೆ ತಮ್ಮ ಖಾತೆಯನ್ನು ತೆರೆಯಲು ಪಾಸ್‌ವರ್ಡ್‌ ನಮೂದಿಸಿದ್ದಾರೆ. ಈ ವೇಳೆ ಮೊಬೈಲ್‌ನಲ್ಲಿದ್ದ ಆ್ಯಪ್‌ ಇದ್ದಕ್ಕಿದ್ದಂತೆ ಪರದೆಯಿಂದ ಕಣ್ಮರೆಯಾಗಿದೆ. ಕೆಲವೇ ಕ್ಷಣಗಳಲ್ಲಿ ಅವರ ಬ್ಯಾಂಕ್‌ ಖಾತೆಯಿಂದ ₹98,000 ಕಡಿತವಾಗಿರುವುದು ತಿಳಿದುಬಂದಿದೆ.

₹98 ಸಾವಿರ ಕಳೆದುಕೊಂಡ ಮಹಿಳೆ; ಪೊಲೀಸರಿಂದ ತನಿಖೆ

ತಾವು ಸೈಬರ್‌ ವಂಚನೆಗೆ ಒಳಗಾಗಿರುವುದನ್ನು ಅರಿತ ಸೌಂದರ್ಯ ಅವರು ಪೊಲೀಸರನ್ನು ಸಂಪರ್ಕಿಸಿ ದೂರು ನೀಡಿದ್ದಾರೆ. ಈ ಸಂಬಂಧ ಕೇಂದ್ರ ಸೈಬರ್‌ ಅಪರಾಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.

ಸೈಬರ್‌ ವಂಚನೆಯಿಂದ ದೂರವಿರಲು ಈ ಮುನ್ನೆಚ್ಚರಿಕೆಗಳನ್ನು ಪಾಲಿಸಿ:

ಅಧಿಕೃತ ಸಹಾಯವಾಣಿ ಬಳಸಿ: ಸಂಬಂಧಿತ ಆ್ಯಪ್‌ನ ಅಧಿಕೃತ ಸಹಾಯ ವಿಭಾಗದ ಮೂಲಕವೇ ಗ್ರಾಹಕ ಸೇವೆಯನ್ನು ಸಂಪರ್ಕಿಸಿ.

ಅಪರಿಚಿತ ಲಿಂಕ್‌ಗಳನ್ನು ತೆರೆಯಬೇಡಿ: ವಾಟ್ಸಾಪ್‌ನಲ್ಲಿ ಬರುವ ಅನುಮಾನಾಸ್ಪದ ಲಿಂಕ್‌ಗಳನ್ನು ಕ್ಲಿಕ್‌ ಮಾಡಬೇಡಿ.

ಪಾಸ್‌ವರ್ಡ್‌ ಹಂಚಿಕೊಳ್ಳಬೇಡಿ: ಬ್ಯಾಂಕಿಂಗ್‌ ಅಥವಾ ಡಿಜಿಟಲ್‌ ಪಾವತಿ ಖಾತೆಯ ಪಾಸ್‌ವರ್ಡ್‌, ಒಟಿಪಿ ಮತ್ತು ಇತರ ಗೌಪ್ಯ ಮಾಹಿತಿಯನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ.

ಹಣ ಕಡಿತವಾದರೆ ತಕ್ಷಣ ದೂರು ನೀಡಿ: ಸೈಬರ್‌ ವಂಚನೆ ನಡೆದರೆ ತಕ್ಷಣ ಬ್ಯಾಂಕ್‌ಗೆ ಮಾಹಿತಿ ನೀಡಿ, ಭಾರತದ ಸೈಬರ್‌ ಅಪರಾಧ ಸಹಾಯವಾಣಿ 1930ಕ್ಕೆ ಕರೆ ಮಾಡಿ ಅಥವಾ ಅಧಿಕೃತ ಪೋರ್ಟಲ್‌ cybercrime.gov.in ಮೂಲಕ ದೂರು ದಾಖಲಿಸಿ.

ದಸರಾದಲ್ಲಿ ಮಿಂಚಿದ ವಿಜಯನಗರ ಕಾಲದ ಬಾವಿಗೇಕೆ ಈ ದುಸ್ಥಿತಿ? ಶತ ಶತಮಾನದಿಂದಲೂ ಅಭಿವೃದ್ಧಿ ಕಾಣದ ಸ್ಮಾರಕ!

Gowthami K — Mon, 26 Oct 2026 11:22:22 +0530

ವರದಿ: ಪ್ರಹ್ಲಾದರೆಡ್ಡಿ ಮಾದಿನಾಳ

ಕನಕಗಿರಿ: ರಾಜ್ಯ ಮತ್ತು ಕೇಂದ್ರ ಸಂರಕ್ಷಿತ ಸ್ಮಾರಕ ಪಟ್ಟಿಯಲ್ಲಿರುವ ಇಲ್ಲಿನ ವೆಂಕಟಪತಿ ಬಾವಿಯು ಶತ ಶತಮಾನಗಳಿಂದಲೂ ಅಭಿವೃದ್ಧಿಯಿಂದ ವಂಚಿತಗೊಂಡಿದ್ದು, ಪ್ರವಾಸಿಗರ ಆಕ್ರೋಶಕ್ಕೆ ಕಾರಣವಾಗಿದೆ.

ಹೌದು, 16ನೇ ಶತಮಾನದಲ್ಲಿ 1ನೇ ಕನಕಪ್ಪ ಉಡಚನಾಯಕನ ಸಹೋದರ ವೆಂಕಟಪ್ಪ ನಾಯಕನು ಈ ಬಾವಿಯನ್ನು ಒಂದು ಲಕ್ಷ ವರಹಗಳನ್ನು ವ್ಯಯಿಸಿ ನಿರ್ಮಿಸಿದ್ದಾನೆಂದು ಅನೇಕ ಸಂಶೋಧನೆಗಳಲ್ಲಿ ಉಲ್ಲೇಖವಾಗಿದೆ. ವಿಜಯನಗರ ಕಾಲದ ಕಲಾತ್ಮಕವಾಗಿ ಬಾವಿಗಳ ಪೈಕಿ ಇದು ಸಹ ಒಂದಾಗಿದೆ.

ಮೈಸೂರು ದಸರಾದಲ್ಲಿ ಪ್ರಥಮ ಸ್ಥಾನ

2024ರ ವಿಶ್ವ ವಿಖ್ಯಾತ ಮೈಸೂರು ದಸರಾದಲ್ಲಿ ಈ ಬಾವಿಯ ಕಲಾಕೃತಿಯು ಪ್ರಥಮ ಸ್ಥಾನ ಪಡೆದಿತ್ತು. 111 ಶಿಲಾಕಂಬಗಳು, ನರ್ತಕಿ, ಗಜ ಹಾಗೂ ಸಿಂಹ ಶಿಲಾಕಂಬಗಳು, ರಾಣಿಯರ ಸ್ನಾನಗೃಹ, ಸಪ್ತ ಸ್ವರವುಳ್ಳ ಶಿಲೆಗಳು, ಶೇಷ, ಬ್ರಹ್ಮ, ವಿಷ್ಣು, ಮಹೇಶ್ವರ ಮೂರ್ತಿಗಳನ್ನು ಈ ಬಾವಿಯು ಒಳಗೊಂಡಿದೆ. ಇನ್ನೂ ಮೇಲ್ಭಾಗದ ಕಟ್ಟಡದ ಕಂಬಗಳಲ್ಲಿನ ಉಬ್ಬು ಶಿಲ್ಪಗಳು, ಚಿತ್ತಾರಗಳು, ಪಟ್ಟಿಕೆಗಳು ಪ್ರವಾಸಿಗರನ್ನು ಆಕರ್ಷಿಸುತ್ತಿವೆ. ಈ ಬಾವಿಯ ನೀರನ್ನು ಏತ ನೀರಾವರಿಗೂ ಉಪಯೋಗಿಸಲಾಗುತ್ತಿತ್ತು ಎನ್ನುವುದಕ್ಕೆ ಬಾವಿ ಮೇಲ್ಭಾಗದಲ್ಲಿ ನಿರ್ಮಿಸಿರುವ ಮಿನಿ ಕಾಲುವೆಯೂ ಇಂದಿಗೂ ಸಾಕ್ಷಿ ರೂಪವಾಗಿದೆ.

ಈ ಐತಿಹ್ಯ ಸ್ಮಾರಕವನ್ನು ಸಂರಕ್ಷಿಸುವ ನಿಟ್ಟಿನಲ್ಲಿ ಈಗಾಗಲೇ ಡೆಕ್ಕನ್ ಹರಿಟೆಜ್ ಫೌಂಡೇಶನ್ ಸಂಶೋಧಕರು ಎರಡು ಬಾರಿ ಇಲ್ಲಿಗೆ ಭೇಟಿ ನೀಡಿ ಶೋಧಿಸಿದ್ದಾರೆ. ರಾಜ್ಯ ಹಾಗೂ ಕೇಂದ್ರ ಸರ್ಕಾರದ ಸಂರಕ್ಷಿತ ಸ್ಮಾರಕ ಪಟ್ಟಿಯಲ್ಲಿ ಸೇರ್ಪಡೆಗೊಳಿಸಲು ಪುರಾತತ್ವ ಇಲಾಖೆ ಮುಂದಾಗಿದೆಯಾದರೂ ಸೌಲಭ್ಯಗಳಿಂದ ವಂಚಿತಗೊಂಡಿದೆ.

ಕುಡಿಯುವ ನೀರು, ಶೌಚಾಲಯ, ವಿದ್ಯುತ್ ಸಂಪರ್ಕ, ಕಾಂಪೌಂಡ್, ಉದ್ಯಾನ ಸೇರಿ ನಾನಾ ಸೌಕರ್ಯಗಳಿಲ್ಲವಾಗಿದ್ದು, ಪ್ರವಾಸಿಗರಿಗೆ ತೀವ್ರ ಸಮಸ್ಯೆಯಾಗಿದೆ.

ಚಿತ್ರೀಕರಣಕ್ಕೆ ಯುವಕ, ಯುವತಿಯರು ಇಲ್ಲಿಗೆ ನಿತ್ಯವೂ ಬರುತ್ತಿದ್ದು, ಕಲ್ಯಾಣ ಕರ್ನಾಟಕದಲ್ಲಿಯೇ ಈ ಕಲಾತ್ಮಕ ಬಾವಿ ಫೇಮಸ್ ಆಗಿದೆ. ಯುವಕರನ್ನು ಬೆಸೆಯುವ ಈ ಬಾವಿಗೆ ಸೌಲಭ್ಯ ಹಾಗೂ ಸ್ವಚ್ಛತೆ ಕಾಪಾಡುವ ಉದ್ದೇಶದಿಂದ ತಾಲೂಕು ಆಡಳಿತ 2026ರ ಏ. 30ರಂದು ಪ್ರೀ ವೆಡ್ಡಿಂಗ್ ಶೂಟಿಂಗ್‌ಗೆ ಬರುವ ಜೋಡಿಗೆ ದಿನಕ್ಕೆ ಸಾವಿರ ರು. ನಿಗದಿಗೊಳಿಸಿ ಆದೇಶಿಸಿದೆ. ಕಳೆದ ಆರು ತಿಂಗಳ ಹಿಂದೆ ಈ ವ್ಯವಸ್ಥೆ ಜಾರಿ ಮಾಡಲಾಗಿದೆ. ಹೀಗೆ ಸಂಗ್ರಹಗೊಂಡ ಹಣದಿಂದ ಬಾವಿ ಸಂರಕ್ಷಣೆ, ಸ್ವಚ್ಛತೆಗೆ ಕ್ರಮ ಕೈಗೊಂಡಿಲ್ಲ. ಸೌಲಭ್ಯಗಳಿಲ್ಲವಾದ್ದರಿಂದ ಇಲ್ಲಿಗೆ ಬರುವ ಪ್ರವಾಸಿಗರ ಸಂಖ್ಯೆಯೂ ವಿರಳವಾಗಿದೆ. ರಾಜ್ಯ ಹಾಗೂ ಕೇಂದ್ರ ಸರ್ಕಾರ ಪ್ರಾಚೀನ ಕಾಲದ ಈ ಸ್ಮಾರಕವನ್ನು ಸಂರಕ್ಷಿಸಬೇಕೆನ್ನುವ ಸ್ಥಳೀಯರ ಕೂಗಿಗೆ ಸರ್ಕಾರಗಳು ಸ್ಪಂದಿಸದಿರುವುದು ದುರಂತವೇ ಸರಿ.

ವಿಜಯನಗರ ಕಾಲದ ವೆಂಕಟಪತಿ ಬಾವಿ ಮೂಲ ಸೌಲಭ್ಯಗಳಿಂದ ವಂಚಿತಗೊಂಡಿದೆ. ಮದುವೆ ಚಿತ್ರೀಕರಣಕ್ಕೆ ಬರುವವರಿಂದ ವಸೂಲಿ ಮಾಡಿದ ಹಣ ತಹಸೀಲ್ದಾರರ ಖಾತೆಗೆ ಸೇರುತ್ತಿದೆಯೇ ಹೊರತು ಅಭಿವೃದ್ಧಿಯಾಗುತ್ತಿಲ್ಲ. ಇಲ್ಲಿನ ಅವ್ಯವಸ್ಥೆಯಿಂದ ಪ್ರವಾಸಿಗರು ಬಾರದ ಪರಿಸ್ಥಿತಿ ನಿರ್ಮಾಣವಾಗಿದೆ ಎನ್ನುತ್ತಾರೆ ಎಬಿವಿಪಿ ಸೇವಾ ಆಯಾಮದ ರಾಜ್ಯ ಸಂಚಾಲಕ ಅಭಿಷೇಕ ಹಿರೇಮಠ.

ಚಿತ್ರೀಕರಣಕ್ಕೆ ಬಂದವರಿಂದ ವಸೂಲಿ ಮಾಡಿದ ಹಣ ಪ್ರವಾಸೋದ್ಯಮ ಇಲಾಖೆಗೆ ಹೋಗಿದೆ. ತಹಸೀಲ್ದಾರರ ಬ್ಯಾಂಕ್ ಖಾತೆಗೆ ಜಮೆಯಾಗಿದೆ ಎಂಬುದು ಸುಳ್ಳು. ವೆಂಕಟಪತಿ ಬಾವಿ ಒಳ್ಳೆಯ ಸ್ಮಾರಕವಾಗಿದೆ. ಮೇಲಧಿಕಾರಿಗಳ ಮಾರ್ಗಸೂಚಿ ಅನ್ವಯ ಕ್ರಮ ಕೈಗೊಳ್ಳುತ್ತೇನೆ ಎಂದು ತಹಸೀಲ್ದಾರ್‌ ಚಂದ್ರಶೇಖರ ಗಾಳಿ ತಿಳಿಸಿದ್ದಾರೆ.

Rahul Gandhi Car Accident: ಅಪಘಾತಕ್ಕೀಡಾದ ವಿಪಕ್ಷ ನಾಯಕ ರಾಹುಲ್ ಗಾಂಧಿ ಕಾನ್ವಾಯ್; ಆತಂಕ ಸೃಷ್ಟಿಸಿದ ಘಟನೆ!

Bhimasi M Koleppanavar — Mon, 26 Oct 2026 10:58:24 +0530

ಲೋಕಸಭೆ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಅವರ ಬೆಂಗಾವಲು ವಾಹನ (ಕಾನ್ವಾಯ್) ಉತ್ತರ ಪ್ರದೇಶದ ಪೂರ್ವಾಂಚಲ ಎಕ್ಸ್‌ಪ್ರೆಸ್‌ವೇನಲ್ಲಿ ಅಪಘಾತಕ್ಕೀಡಾಗಿರುವ ಘಟನೆಗೆ ನಡೆದಿದೆ. ಉತ್ತರ ಪ್ರದೇಶದ ಪೂರ್ವಾಂಚಲ ಎಕ್ಸ್‌ಪ್ರೆಸ್‌ವೇಯ ಹಲಿಯಾಪುರ ಪೊಲೀಸ್ ಠಾಣಾ ವ್ಯಾಪ್ತಿಯ ಕಿಲೋಮೀಟರ್ ಸಂಖ್ಯೆ 91 (ಮೈಲಿಗಲ್ಲು 91) ರ ಬಳಿ ಈ ಅವಘಡ ಸಂಭವಿಸಿದೆ.

ಹೇಗೆ ಆಯಿತು?

ರಾಹುಲ್ ಗಾಂಧಿ ಅವರು ದೆಹಲಿಯಿಂದ ಲಖನೌ ತಲುಪಿ, ಅಲ್ಲಿಂದ ಸುಲ್ತಾನ್‌ಪುರದ ಎಂಪಿ-ಎಮ್‌ಎಲ್‌ಎ ನ್ಯಾಯಾಲಯದ ವಿಚಾರಣೆಗೆ ಹಾಜರಾಗಲು ತೆರಳುತ್ತಿದ್ದಾಗ ಈ ಘಟನೆ ನಡೆದಿದೆ. ಎಕ್ಸ್‌ಪ್ರೆಸ್‌ವೇನಲ್ಲಿ ವೇಗವಾಗಿ ಚಲಿಸುತ್ತಿದ್ದ ಕಾನ್ವಾಯ್‌ನ ಮುಂಭಾಗದ ವಾಹನವು ಇದ್ದಕ್ಕಿದ್ದಂತೆ ಬ್ರೇಕ್ ಹಾಕಿದ ಕಾರಣ, ಹಿಂದಿನಿಂದ ಬರುತ್ತಿದ್ದ ವಾಹನಗಳು ನಿಯಂತ್ರಣ ತಪ್ಪಿ ಒಂದಕ್ಕೊಂದು ಸರಣಿ ಡಿಕ್ಕಿಯಾಗಿವೆ.

ಹಾನಿಗೊಳಗಾದ ವಾಹನಗಳು!

ಕಾನ್ವಾಯ್‌ನಲ್ಲಿದ್ದ ಒಟ್ಟು 5 ವಾಹನಗಳು ಮತ್ತು ಒಂದು ಅಂಬುಲೆನ್ಸ್ (ಆಂಬ್ಯುಲೆನ್ಸ್) ತೀವ್ರವಾಗಿ ಡಿಕ್ಕಿ ಹೊಡೆದುಕೊಂಡಿವೆ.ಅಪಘಾತದ ತೀವ್ರತೆಯಿಂದಾಗಿ ವಾಹನಗಳಲ್ಲಿದ್ದ ಕೆಲವು ಕಾಂಗ್ರೆಸ್ ಕಾರ್ಯಕರ್ತರು, ಪಕ್ಷದ ಪದಾಧಿಕಾರಿಗಳು ಹಾಗೂ ಭದ್ರತಾ ಸಿಬ್ಬಂದಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಅಪಘಾತದಲ್ಲಿ ಕಾನ್ವಾಯ್‌ನ ಇತರ ವಾಹನಗಳು ಜಖಂಗೊಂಡಿದ್ದರೂ, ವಿಪಕ್ಷ ನಾಯಕ ರಾಹುಲ್ ಗಾಂಧಿ ಅವರು ಯಾವುದೇ ಗಾಯಗಳಿಲ್ಲದೆ ಸಂಪೂರ್ಣ ಸುರಕ್ಷಿತವಾಗಿದ್ದಾರೆ. ಸರಣಿ ಡಿಕ್ಕಿಯ ಬೆನ್ನಲ್ಲೇ ಎಕ್ಸ್‌ಪ್ರೆಸ್‌ವೇನಲ್ಲಿ ಕೆಲಕಾಲ ಗೊಂದಲ ಮತ್ತು ಅಫರಾತಫರಿ ವಾತಾವರಣ ನಿರ್ಮಾಣವಾಗಿತ್ತು. ಗಾಯಾಳುಗಳಿಗೆ ತಕ್ಷಣವೇ ಪ್ರಾಥಮಿಕ ಚಿಕಿತ್ಸೆ ನೀಡಲಾಗಿದೆ.

ಅತ್ಯಾಧುನಿಕ ಡಿಜಿಟಲ್ ಹಾಗೂ ತಾಂತ್ರಿಕ ಸೌಲಭ್ಯವಿರುವ ಹೊಸ ಹ್ಯುಂಡೈ ಬಯಾನ್ SUV ಭಾರತದಲ್ಲಿ ಬಿಡುಗಡೆ

Gowthami K — Mon, 26 Oct 2026 10:53:25 +0530

ಹ್ಯುಂಡೈ ಮೋಟಾರ್ ಇಂಡಿಯಾ ತನ್ನ ಜನಪ್ರಿಯ SUV ಪೋರ್ಟ್‌ಫೋಲಿಯೊವನ್ನು ವಿಸ್ತರಿಸಲು ಭಾರತೀಯ ಮಾರುಕಟ್ಟೆಗೆ ಸಂಪೂರ್ಣವಾಗಿ ಹೊಸ ಹ್ಯುಂಡೈ ಬಯಾನ್ SUV ಯನ್ನು ಬಿಡುಗಡೆ ಮಾಡಿದೆ. ಕಂಪನಿಯ ಶ್ರೇಣಿಯಲ್ಲಿ ಈ ಕಾರು ವೆನ್ಯೂ ಮತ್ತು ಕ್ರೆಟಾ ನಡುವೆ ಸ್ಥಾನ ಪಡೆಯಲಿದೆ. ಮಧ್ಯಮ ಗಾತ್ರದ SUV ವಿಭಾಗದಲ್ಲಿ ಇದು ಪ್ರಮುಖವಾಗಿ ಮಾರುತಿ ಸುಜುಕಿ ವಿಕ್ಟೋರಿಸ್‌ನಂತಹ ಪ್ರಬಲ ಪ್ರತಿಸ್ಪರ್ಧಿಗಳಿಗೆ ನೇರ ಪೈಪೋಟಿ ನೀಡಲಿದೆ. ಗ್ರಾಹಕರು ₹11,000 ಮುಂಗಡ ಹಣ ಪಾವತಿಸಿ ಕಂಪನಿಯ ಅಧಿಕೃತ ವೆಬ್‌ಸೈಟ್ ಅಥವಾ ಸಮೀಪದ ಡೀಲರ್‌ಶಿಪ್‌ಗಳ ಮೂಲಕ ಬುಕಿಂಗ್ ಮಾಡಿಕೊಳ್ಳಬಹುದಾಗಿದ್ದು, ಹಬ್ಬದ ಋತುವಿನಲ್ಲಿ ಕಾರಿನ ವಿತರಣೆಗಳು ಆರಂಭವಾಗಲಿವೆ.

ಆಕರ್ಷಕ ಬಾಹ್ಯ ವಿನ್ಯಾಸ

ಹ್ಯುಂಡೈ ಬಯಾನ್ ಮುಂಭಾಗದಲ್ಲಿ ಅತ್ಯಂತ ಆಧುನಿಕ ಹಾಗೂ ಲೇಯರ್ಡ್ ಫ್ಯಾಸಿಯಾ ವಿನ್ಯಾಸವನ್ನು ಹೊಂದಿದೆ.

ಕಾರಿನ ಮುಂಭಾಗ ಬಾನೆಟ್‌ನ ಮೇಲ್ಭಾಗದಲ್ಲಿ ಹರಿಯುವಂತಹ ತೆಳುವಾದ LED DRL ಗಳು ಹಾಗೂ ಬಂಪರ್‌ನಲ್ಲಿ ಕೆಳಭಾಗಕ್ಕೆ ಜೋಡಿಸಲಾದ ಮುಖ್ಯ ಸ್ಪ್ಲಿಟ್ ಹೆಡ್‌ಲ್ಯಾಂಪ್ ಘಟಕಗಳಿವೆ. ಕಪ್ಪು ಮತ್ತು ಬೆಳ್ಳಿಯ ಬಣ್ಣದ ಕ್ಲಾಡಿಂಗ್ ಕಾರಿಗೆ ಕಾಂಟ್ರಾಸ್ಟ್ ಲುಕ್ ನೀಡುತ್ತದೆ.

ಪಕ್ಕದ ವಿನ್ಯಾಸದಲಲಿ ಪ್ರಮುಖವಾದ ವೀಲ್ ಆರ್ಚುಗಳು, ತೀಕ್ಷ್ಣವಾದ ಕ್ಯಾರ್ಯಾಕ್ಟರ್ ಲೈನ್‌ಗಳು ಮತ್ತು ಸ್ಟೈಲಿಶ್ ದಳ-ಆಕಾರದ ಅಲಾಯ್ ವೀಲ್‌ಗಳು ಕಾರಿಗೆ ಪ್ರೀಮಿಯಂ ಲುಕ್ ತರುತ್ತವೆ. ಕಪ್ಪು ಬಣ್ಣದ ಪಿಲರ್‌ಗಳು ತೇಲುವ ಛಾವಣಿಯ ಅನುಭವ ನೀಡುತ್ತವೆ.

ಹಿಂಭಾಗದಲ್ಲಿ ಬೂಟ್ ಲಿಡ್‌ನಲ್ಲಿ ಪ್ರಮುಖವಾಗಿ ಬಯಾನ್ ಅಕ್ಷರಗಳನ್ನು ಕೆತ್ತಲಾಗಿದ್ದು, ಕಪ್ಪು ಟ್ರಿಮ್ ಲೈನ್‌ನಿಂದ ಸಂಪರ್ಕಗೊಂಡ ಸ್ಲಿಮ್ ಟೈಲ್-ಲ್ಯಾಂಪ್‌ಗಳಿವೆ. ಜೊತೆಗೆ ರೂಫ್ ಸ್ಪಾಯ್ಲರ್ ಮತ್ತು ಡ್ಯುಯಲ್-ಟೋನ್ ಬಂಪರ್ ಕಾರಿನ ಸ್ಪೋರ್ಟಿ ಲುಕ್ ಪೂರ್ಣಗೊಳಿಸುತ್ತವೆ.

ಪ್ರೀಮಿಯಂ ಕ್ಯಾಬಿನ್ ಮತ್ತು ಸುಧಾರಿತ ತಂತ್ರಜ್ಞಾನ

ಬಯಾನ್ ಒಳಾಂಗಣವು ಅತ್ಯಾಧುನಿಕ ಡಿಜಿಟಲ್ ಅನುಭವವನ್ನು ನೀಡುವ ರೀತಿಯಲ್ಲಿ ವಿನ್ಯಾಸಗೊಂಡಿದೆ:

ಪನೋರಮಿಕ್ ಡ್ಯಾಶ್‌ಬೋರ್ಡ್‌ನಲ್ಲಿ ಎರಡು 12.3-ಇಂಚಿನ ಸ್ಕ್ರೀನ್‌ಗಳನ್ನು ನೀಡಲಾಗಿದೆ. ಒಂದು ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಆಗಿ ಮತ್ತು ಇನ್ನೊಂದು ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಆಗಿ ಕಾರ್ಯನಿರ್ವಹಿಸುತ್ತದೆ.

NVIDIA ನಿಂದ ವೇಗವರ್ಧಿತಗೊಂಡ ಹ್ಯುಂಡೈನ 'ಕನೆಕ್ಟೆಡ್ ಕಾರ್ ನ್ಯಾವಿಗೇಷನ್ ಕಾಕ್‌ಪಿಟ್' ಆನ್‌ಲೈನ್ ನ್ಯಾವಿಗೇಷನ್, ಸ್ಪ್ಲಿಟ್-ಸ್ಕ್ರೀನ್ ಮತ್ತು ವೈಯಕ್ತಿಕಗೊಳಿಸಿದ ಮೆನುಗಳನ್ನು ನೀಡುತ್ತದೆ.

ಭಾರತದಲ್ಲಿ ಹ್ಯುಂಡೈನ ಮೊದಲ ಜನರೇಟಿವ್ AI ಧ್ವನಿ ಸಹಾಯಕ ಇದಾಗಿದ್ದು, SoundHound AI ಮತ್ತು Perplexity ತಂತ್ರಜ್ಞಾನದಿಂದ ಚಾಲಿತವಾಗಿದೆ. ಇದು ಪ್ರಯಾಣ, ಹವಾಮಾನ ಮತ್ತು ಹತ್ತಿರದ ಹೋಟೆಲ್/ಆಕರ್ಷಣೆಗಳ ಬಗ್ಗೆ ಸಂವಾದಾತ್ಮಕ ಉತ್ತರಗಳನ್ನು ನೀಡುತ್ತದೆ.

ಸಿಸ್ಟಮ್ 10 ಪ್ರಾದೇಶಿಕ ಮತ್ತು 2 ಅಂತರರಾಷ್ಟ್ರೀಯ ಭಾಷೆಗಳನ್ನು ಬೆಂಬಲಿಸುತ್ತದೆ. ಜೊತೆಗೆ ಆಫ್‌ಲೈನ್‌ನಲ್ಲಿದ್ದಾಗಲೂ ಕೆಲಸ ಮಾಡುವ 500 ಕ್ಕೂ ಹೆಚ್ಚು ಎಂಬೆಡೆಡ್ ವಾಯ್ಸ್ ಕಮಾಂಡ್‌ಗಳು ಇಂಗ್ಲಿಷ್, ಹಿಂದಿ, ತಮಿಳು, ತೆಲುಗು ಮತ್ತು ಬೆಂಗಾಲಿ ಭಾಷೆಗಳಲ್ಲಿ ಲಭ್ಯವಿವೆ. 70 ಕ್ಕೂ ಹೆಚ್ಚು ಕನೆಕ್ಟೆಡ್ ಕಾರ್ ವೈಶಿಷ್ಟ್ಯಗಳು ಹಾಗೂ 19 ವಾಹನ ನಿಯಂತ್ರಕಗಳಿಗೆ Over-the-Air (OTA) ಅಪ್‌ಡೇಟ್‌ಗಳ ಬೆಂಬಲವಿದೆ.

ಎಂಜಿನ್ ಮತ್ತು ಕಾರ್ಯಕ್ಷಮತೆ

ಹ್ಯುಂಡೈ ಬಯಾನ್ ನಂಬಿಗಸ್ಥ ಮತ್ತು ಶಕ್ತಿಶಾಲಿ ಪೆಟ್ರೋಲ್ ಎಂಜಿನ್ ಆಯ್ಕೆಯೊಂದಿಗೆ ಬರುತ್ತದೆ.

ಎಂಜಿನ್: 1.5-ಲೀಟರ್, 4-ಸಿಲಿಂಡರ್ ನೈಸರ್ಗಿಕ MPi ಪೆಟ್ರೋಲ್ ಎಂಜಿನ್.

115 bhp ಪವರ್ ಮತ್ತು 144 Nm ಟಾರ್ಕ್. ಇದು ಹ್ಯುಂಡೈ ಕ್ರೆಟಾದ ಪೆಟ್ರೋಲ್ ಆವೃತ್ತಿಯಷ್ಟೇ ಕಾರ್ಯಕ್ಷಮತೆ ಹೊಂದಿದೆ .

ಗೇರ್‌ಬಾಕ್ಸ್: 6-ಸ್ಪೀಡ್ ಮ್ಯಾನುವಲ್ ಹಾಗೂ ಹ್ಯುಂಡೈನ Intelligent Variable Transmission ಆಯ್ಕೆಗಳಿವೆ.

ಡ್ರೈವ್ ಮೋಡ್‌ಗಳು: ನಿಯಂತ್ರಣಕ್ಕಾಗಿ ಇಕೋ, ನಾರ್ಮಲ್ ಮತ್ತು ಸ್ಪೋರ್ಟ್ ಡ್ರೈವ್ ಮೋಡ್‌ಗಳು ಹಾಗೂ ಪ್ಯಾಡಲ್ ಶಿಫ್ಟರ್‌ಗಳನ್ನು ನೀಡಲಾಗಿದೆ. ಜೊತೆಗೆ ಓವರ್‌ಟೇಕ್ ಮಾಡುವಾಗ ತ್ವರಿತ ಪ್ರತಿಕ್ರಿಯೆಗಾಗಿ iVT ಮಾದರಿಯಲ್ಲಿ 'Dash Boost Mode' ನೀಡಲಾಗಿದೆ. ಗಮನಿಸಿ, ಬಯಾನ್ SUVಯಲ್ಲಿ ಸದ್ಯಕ್ಕೆ CNG ರೂಪಾಂತರವನ್ನು ಘೋಷಿಸಲಾಗಿಲ್ಲ.

ಉನ್ನತ ಮಟ್ಟದ ಸುರಕ್ಷತೆ ಮತ್ತು Level-2 Pro ADAS

ಕಂಪನಿಯ ಪ್ರಕಾರ, ಬಯಾನ್ ಕಾರನ್ನು ಸುಧಾರಿತ 'Global K Enhanced Platform' ಆಧಾರದ ಮೇಲೆ ನಿರ್ಮಿಸಲಾಗಿದ್ದು, 69% ನಷ್ಟು ಉನ್ನತ-ಸಾಮರ್ಥ್ಯದ ಉಕ್ಕು ಬಳಸಲಾಗಿದೆ.

ಪ್ರಮಾಣಿತ ಸುರಕ್ಷತೆ: 80 ಕ್ಕೂ ಹೆಚ್ಚು ಸುರಕ್ಷತಾ ವೈಶಿಷ್ಟ್ಯಗಳ ಪೈಕಿ 35 ಕ್ಕೂ ಹೆಚ್ಚು ಪ್ರಮುಖ ಸುರಕ್ಷತಾ ಅಂಶಗಳು (6 ಏರ್‌ಬ್ಯಾಗ್‌ಗಳು, ESC ಇತ್ಯಾದಿ) ಎಲ್ಲಾ ರೂಪಾಂತರಗಳಲ್ಲೂ ಸ್ಟ್ಯಾಂಡರ್ಡ್ ಆಗಿರುತ್ತವೆ.

Hyundai SmartSense Level 2 Pro ADAS: 3 ರಾಡಾರ್‌ಗಳು ಮತ್ತು 12 ಪಾರ್ಕಿಂಗ್ ಸಂವೇದಕಗಳ ನೆರವಿನಿಂದ ಕೆಲಸ ಮಾಡುವ 23 ADAS ಕಾರ್ಯಗಳು ಈ ಕಾರಿನಲ್ಲಿವೆ.

ಮುಖ್ಯ ADAS ವೈಶಿಷ್ಟ್ಯಗಳು: ಮುಂಭಾಗದ ಡಿಕ್ಕಿ ಎಚ್ಚರಿಕೆ ಮತ್ತು ನಿಯಂತ್ರಣ (Forward Collision Avoidance Assist), ಬ್ಲೈಂಡ್-ಸ್ಪಾಟ್ ಕೊಲಿಷನ್ ಅಸಿಸ್ಟ್, ಲೇನ್ ಕೀಪಿಂಗ್ ಅಸಿಸ್ಟ್, ಡ್ರೈವರ್ ಅಟೆನ್ಶನ್ ವಾರ್ನಿಂಗ್, ಮತ್ತು ಜಂಕ್ಷನ್ ಟರ್ನಿಂಗ್ ಅಸಿಸ್ಟ್.

ಹೆದ್ದಾರಿ ಚಾಲನಾ ನೆರವು: ಸ್ಟಾಪ್ & ಗೋ ಬೆಂಬಲವಿರುವ ಸ್ಮಾರ್ಟ್ ಕ್ರೂಸ್ ಕಂಟ್ರೋಲ್, ಲೇನ್ ಫಾಲೋಯಿಂಗ್ ಅಸಿಸ್ಟ್, ಹೈ ಬೋರ್ಡ್ ಅಸಿಸ್ಟ್, ಸರೌಂಡ್ ವ್ಯೂ ಮಾನಿಟರ್ ಮತ್ತು ಬ್ಲೈಂಡ್-ಸ್ಪಾಟ್ ವ್ಯೂ ಮಾನಿಟರ್‌ಗಳು ಇದರಲ್ಲಿವೆ.

ಬೆಲೆ ಮತ್ತು ಲಭ್ಯತೆ

ಹ್ಯುಂಡೈ ಬಯಾನ್ ತನ್ನ ವಿಭಾಗದಲ್ಲಿ ಸ್ಪರ್ಧಾತ್ಮಕ ಬೆಲೆಯಲ್ಲಿ ಹೊರಬರುವ ನಿರೀಕ್ಷೆಯಿದೆ. ಕಂಪನಿಯು ಬಿಡುಗಡೆಯ ವೇಳೆಯಲ್ಲಿ ಕಾರಿನ ರೂಪಾಂತರವಾರು ಬೆಲೆ ಪಟ್ಟಿಯನ್ನು ಅಧಿಕೃತವಾಗಿ ಪ್ರಕಟಿಸಲಿದೆ. ಆಕರ್ಷಕ ವಿನ್ಯಾಸ ಮತ್ತು ಹೈ-ಟೆಕ್ ವೈಶಿಷ್ಟ್ಯಗಳನ್ನು ಬಯಸುವ ಭಾರತೀಯ ಕಾರು ಪ್ರಿಯರಿಗೆ ಬಯಾನ್ ಅತ್ಯುತ್ತಮ ಆಯ್ಕೆಯಾಗಲಿದೆ.

ವಿಶ್ವದಾದ್ಯಂತ 40 ಭಾಷೆಗಳಲ್ಲಿ 'ರಾಮಾಯಣ' ಬಿಡುಗಡೆ!? ಈ ಸಿನಿಮಾದ ಬಗ್ಗೆ ನಿಜವಾದ 'ಜನರಲ್ ಟಾಕ್' ಏನಿದೆ ಗೊತ್ತಾ?

Shriram Bhat — Mon, 26 Oct 2026 10:42:56 +0530

ನವೆಂಬರ್ 5ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ತೆರೆಕಾಣಲು ಸಿದ್ಧವಾಗಿರುವ ರಾಮಾಯಣ ಸಿನಿಮಾ ಬರೋಬ್ಬರಿ 40 ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ ಎನ್ನಲಾಗುತ್ತಿದೆ. ಈ ಸಿನಿಮಾದ ಕುರಿತು ಅಭಿಮಾನಿಗಳಲ್ಲಿ ಈಗಾಗಲೇ ಸಾಕಷ್ಟು ಕುತೂಹಲವಿದೆ. ಈ ಚಿತ್ರದ ಬಗ್ಗೆ ಜನರಲ್ ಟಾಕ್ ಏನಿದೆ? ನೋಡಿ..

ಬರೋಬ್ಬರಿ 40 ಭಾಷೆಗಳಲ್ಲಿ 'ರಾಮಾಯಣ' ಚಿತ್ರ ಬಿಡುಗಡೆ; ರಣಬೀರ್ ಕಪೂರ್, ಯಶ್, ಸಾಯಿ ಪಲ್ಲವಿ ಸಿನಿಮಾಗೆ ಭಾರೀ ನಿರೀಕ್ಷೆ!

ಭಾರತೀಯ ಚಿತ್ರರಂಗದಲ್ಲಿ ಭಾರೀ ನಿರೀಕ್ಷೆ ಹುಟ್ಟಿಸಿರುವ ಬಹುನಿರೀಕ್ಷಿತ ‘ರಾಮಾಯಣ: ಪಾರ್ಟ್ 1’ ಸಿನಿಮಾ ಬಿಡುಗಡೆಯಾಗುವ ಮುನ್ನವೇ ಮತ್ತೊಮ್ಮೆ ಸುದ್ದಿಯಲ್ಲಿದೆ. ಬಾಲಿವುಡ್ ನಟ ರಣಬೀರ್ ಕಪೂರ್ ಶ್ರೀರಾಮನಾಗಿ, ಕನ್ನಡದ ರಾಕಿಂಗ್ ಸ್ಟಾರ್ ಯಶ್ ರಾವಣನಾಗಿ ಕಾಣಿಸಿಕೊಳ್ಳುತ್ತಿರುವ ಈ ಚಿತ್ರದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ಜೋರಾಗಿದೆ. ಅದರಲ್ಲೂ ಚಿತ್ರದ ಆರಂಭಿಕ ವಿಮರ್ಶೆ ಎನ್ನಲಾದ ಪ್ರತಿಕ್ರಿಯೆಯೊಂದು ವೈರಲ್ ಆಗಿದ್ದು, ಕಥೆಯ ಭಾವನಾತ್ಮಕ ಆಳ ಮತ್ತು ಅದ್ಧೂರಿ ದೃಶ್ಯ ವೈಭವದ ಬಗ್ಗೆ ಮೆಚ್ಚುಗೆ ವ್ಯಕ್ತವಾಗಿದೆ ಎನ್ನಲಾಗಿದೆ.

ನವೆಂಬರ್ 5ರಂದು ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ತೆರೆಕಾಣಲು ಸಿದ್ಧವಾಗಿರುವ ರಾಮಾಯಣ ಸಿನಿಮಾ ಬರೋಬ್ಬರಿ 40 ಭಾಷೆಗಳಲ್ಲಿ ಬಿಡುಗಡೆ ಆಗಲಿದೆ ಎನ್ನಲಾಗುತ್ತಿದೆ. ಈ ಸಿನಿಮಾದ ಕುರಿತು ಅಭಿಮಾನಿಗಳಲ್ಲಿ ಈಗಾಗಲೇ ಸಾಕಷ್ಟು ಕುತೂಹಲವಿದೆ. ಅನಧಿಕೃತವಾಗಿ ವೈರಲ್ ಆಗಿರುವ ಈ ಚಿತ್ರದ ವಿಮರ್ಶೆ ಹಾಗೂ ಆ ಬಗ್ಗೆ ಆರಂಭಿಕ ಪ್ರತಿಕ್ರಿಯೆಯು ಈ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ.

ಮನಮುಟ್ಟುವ ಕಥೆ, ಕಣ್ಣೀರು ತರಿಸುವ ದೃಶ್ಯಗಳು!

‘ರಾಮಾಯಣ’ ಚಿತ್ರದ ಇಂಗ್ಲಿಷ್ ಆವೃತ್ತಿಯನ್ನು ವೀಕ್ಷಿಸಿರುವುದಾಗಿ ಹೇಳಿಕೊಂಡಿರುವ ವ್ಯಕ್ತಿಯೊಬ್ಬರು ಹಂಚಿಕೊಂಡ ವಿಮರ್ಶೆ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆದಿದೆ. ಚಿತ್ರದ ಕಥೆ ಭಾವನಾತ್ಮಕವಾಗಿ ಮೂಡಿಬಂದಿದ್ದು, ಕೆಲವು ಸನ್ನಿವೇಶಗಳು ನೋಡುಗರ ಮನಸ್ಸನ್ನು ತಟ್ಟುವಷ್ಟು ಪರಿಣಾಮಕಾರಿಯಾಗಿವೆ ಎಂಬ ಅಭಿಪ್ರಾಯವನ್ನು ಅವರು ವ್ಯಕ್ತಪಡಿಸಿದ್ದಾರೆ ಎನ್ನಲಾಗಿದೆ.

ಮಹಾಕಾವ್ಯದಲ್ಲಿ ಬರುವ ಪ್ರಮುಖ ಘಟನೆಗಳನ್ನು ತೆರೆಯ ಮೇಲೆ ಹೇಗೆ ಕಟ್ಟಿಕೊಡಲಾಗಿದೆ ಎಂಬುದು ಈ ಚಿತ್ರದ ಪ್ರಮುಖ ಆಕರ್ಷಣೆಗಳಲ್ಲಿ ಒಂದಾಗಿರಬಹುದು. ಪಾತ್ರಗಳ ನಡುವಿನ ಭಾವನೆಗಳು, ಸಂಬಂಧಗಳು, ತ್ಯಾಗ ಮತ್ತು ಸಂಘರ್ಷಗಳನ್ನು ಪರಿಣಾಮಕಾರಿಯಾಗಿ ಚಿತ್ರಿಸಿರುವುದಾಗಿ ವೈರಲ್ ಪ್ರತಿಕ್ರಿಯೆಯಲ್ಲಿ ಹೇಳಲಾಗಿದೆ. ಹೀಗಾಗಿ, ಕೇವಲ ದೃಶ್ಯ ವೈಭವವಷ್ಟೇ ಅಲ್ಲದೆ, ಪ್ರೇಕ್ಷಕರ ಭಾವನೆಗಳಿಗೂ ಸಿನಿಮಾ ಹತ್ತಿರವಾಗಬಹುದು ಎಂಬ ನಿರೀಕ್ಷೆ ಮೂಡಿದೆ.

ಆದರೆ, ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಈ ಅಭಿಪ್ರಾಯ ವೈಯಕ್ತಿಕ ಪ್ರತಿಕ್ರಿಯೆಯಾಗಿದ್ದು, ಇದನ್ನು ಚಿತ್ರದ ಅಧಿಕೃತ ವಿಮರ್ಶೆ ಎಂದು ಪರಿಗಣಿಸಲು ಸಾಧ್ಯವಿಲ್ಲ. ಸಿನಿಮಾ ಬಿಡುಗಡೆಯಾದ ಬಳಿಕವೇ ಪ್ರೇಕ್ಷಕರು ಮತ್ತು ವಿಮರ್ಶಕರ ನೈಜ ಪ್ರತಿಕ್ರಿಯೆ ತಿಳಿಯಲಿದೆ.

‘ಲಾರ್ಡ್ ಆಫ್ ದಿ ರಿಂಗ್ಸ್’, ‘RRR’ ಚಿತ್ರಗಳೊಂದಿಗೆ ಹೋಲಿಕೆ!

‘ರಾಮಾಯಣ’ ಚಿತ್ರದ ಕುರಿತು ನಡೆಯುತ್ತಿರುವ ಚರ್ಚೆಯಲ್ಲಿ ಅದರ ದೃಶ್ಯ ವೈಭವವೂ ಪ್ರಮುಖ ಸ್ಥಾನ ಪಡೆದಿದೆ. ಭಾರತೀಯ ಮಹಾಕಾವ್ಯವನ್ನು ಜಾಗತಿಕ ಮಟ್ಟದ ತಾಂತ್ರಿಕ ಗುಣಮಟ್ಟದೊಂದಿಗೆ ದೊಡ್ಡ ಪರದೆಯ ಮೇಲೆ ಪ್ರಸ್ತುತಪಡಿಸುವ ಪ್ರಯತ್ನ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಹೆಚ್ಚಿಸಿದೆ.

ಕೆಲವು ದೃಶ್ಯಗಳ ಭವ್ಯತೆಯನ್ನು ಹಾಲಿವುಡ್‌ನ ‘ದಿ ಲಾರ್ಡ್ ಆಫ್ ದಿ ರಿಂಗ್ಸ್’ ಸರಣಿಗೆ ಹೋಲಿಸಲಾಗುತ್ತಿದೆ ಎನ್ನಲಾಗಿದೆ. ಅದೇ ರೀತಿ, ದೃಶ್ಯ ಪರಿಣಾಮಗಳು ಮತ್ತು ಅದ್ಧೂರಿ ನಿರ್ಮಾಣದ ವಿಚಾರದಲ್ಲಿ ರಾಜಮೌಳಿ ನಿರ್ದೇಶನದ ‘RRR’ ಸಿನಿಮಾವನ್ನೂ ಕೆಲವರು ನೆನಪಿಸಿಕೊಳ್ಳುತ್ತಿದ್ದಾರೆ. ಇಂತಹ ಹೋಲಿಕೆಗಳು ಅಭಿಮಾನಿಗಳಲ್ಲಿ ಚಿತ್ರದ ಬಗ್ಗೆ ಮತ್ತಷ್ಟು ಚರ್ಚೆಗೆ ಕಾರಣವಾಗಿವೆ. ಆದರೆ, ಈ ಹೋಲಿಕೆಗಳು ಚಿತ್ರದ ಗುಣಮಟ್ಟಕ್ಕೆ ಅಂತಿಮ ಪ್ರಮಾಣಪತ್ರವಲ್ಲ. ಚಿತ್ರಮಂದಿರಗಳಲ್ಲಿ ಸಿನಿಮಾ ಬಿಡುಗಡೆಯಾದ ಬಳಿಕ ಅದರ ದೃಶ್ಯ ಪರಿಣಾಮಗಳು, ಕಥೆ ನಿರೂಪಣೆ ಮತ್ತು ತಾಂತ್ರಿಕ ಅಂಶಗಳ ಬಗ್ಗೆ ಸ್ಪಷ್ಟ ಚಿತ್ರಣ ಸಿಗಲಿದೆ.

ರಾಮನಾಗಿ ರಣಬೀರ್, ರಾವಣನಾಗಿ ಯಶ್!

ನಿತೇಶ್ ತಿವಾರಿ ನಿರ್ದೇಶನದ ‘ರಾಮಾಯಣ: ಪಾರ್ಟ್ 1’ ಚಿತ್ರದಲ್ಲಿ ರಣಬೀರ್ ಕಪೂರ್ ಶ್ರೀರಾಮನ ಪಾತ್ರದಲ್ಲಿ ಕಾಣಿಸಿಕೊಂಡರೆ, ಯಶ್ ರಾವಣನ ಪಾತ್ರಕ್ಕೆ ಜೀವ ತುಂಬುತ್ತಿದ್ದಾರೆ. ಸಾಯಿ ಪಲ್ಲವಿ ಸೀತೆಯಾಗಿ, ಸನ್ನಿ ಡಿಯೋಲ್ ಹನುಮಂತನಾಗಿ ಹಾಗೂ ರವಿ ದುಬೆ ಲಕ್ಷ್ಮಣನಾಗಿ ನಟಿಸುತ್ತಿದ್ದಾರೆ.

ವಿಶೇಷವಾಗಿ, ಯಶ್ ರಾವಣನ ಪಾತ್ರದಲ್ಲಿ ಹೇಗೆ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿದೆ. ತಮ್ಮ ವಿಭಿನ್ನ ಅಭಿನಯ ಶೈಲಿ ಮತ್ತು ಪ್ರಭಾವಶಾಲಿ ಪರದೆಯ ವ್ಯಕ್ತಿತ್ವದಿಂದ ಗಮನ ಸೆಳೆಯುವ ಯಶ್, ಈ ಪೌರಾಣಿಕ ಪಾತ್ರವನ್ನು ಯಾವ ರೀತಿಯಲ್ಲಿ ನಿರ್ವಹಿಸಿದ್ದಾರೆ ಎಂಬುದನ್ನು ನೋಡಲು ಅಭಿಮಾನಿಗಳು ಕಾತರರಾಗಿದ್ದಾರೆ. ಮತ್ತೊಂದೆಡೆ, ಶ್ರೀರಾಮನ ಪಾತ್ರದಲ್ಲಿ ರಣಬೀರ್ ಕಪೂರ್ ಅವರ ಅಭಿನಯವೂ ಚಿತ್ರದ ಪ್ರಮುಖ ಆಕರ್ಷಣೆಯಾಗುವ ನಿರೀಕ್ಷೆಯಿದೆ.

ಇದರ ಜೊತೆಗೆ, ಆಸ್ಕರ್ ಪ್ರಶಸ್ತಿ ವಿಜೇತ ಸಂಗೀತ ಸಂಯೋಜಕ ಎ.ಆರ್. ರೆಹಮಾನ್ ಮತ್ತು ಹಾಲಿವುಡ್‌ನ ಖ್ಯಾತ ಸಂಗೀತ ಸಂಯೋಜಕ ಹ್ಯಾನ್ಸ್ ಜಿಮ್ಮರ್ ಕೈಜೋಡಿಸಿರುವುದು ಚಿತ್ರದ ಮೇಲಿನ ಕುತೂಹಲವನ್ನು ಹೆಚ್ಚಿಸಿದೆ. ಸಂಗೀತ, ಹಿನ್ನೆಲೆ ಧ್ವನಿ ಮತ್ತು ದೃಶ್ಯ ವೈಭವದ ಮೂಲಕ ಮಹಾಕಾವ್ಯಕ್ಕೆ ಹೊಸ ಅನುಭವ ನೀಡುವ ಪ್ರಯತ್ನ ಚಿತ್ರತಂಡದ್ದಾಗಿದೆ.

ನವೆಂಬರ್ 5ರಂದು ವಿಶ್ವಾದ್ಯಂತ ಬಿಡುಗಡೆ

‘ರಾಮಾಯಣ: ಪಾರ್ಟ್ 1’ ಸಿನಿಮಾ 2026ರ ನವೆಂಬರ್ 5ರಂದು ದೀಪಾವಳಿ ಸಮಯದಲ್ಲಿ ವಿಶ್ವದಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲು ಸಿದ್ಧವಾಗಿದೆ. ಅದರಲ್ಲೂ 40 ಭಾಷೆಗಳಲ್ಲಿ ಬಿಡುಗಡೆ ಕಂಡರೆ ಈ ಚಿತ್ರದ ಅಬ್ಬರೆ ಅದೆಷ್ಟು ಜೋರಾಗಲಿದೆ ಎಂಬುದನ್ನು ಊಹಿಸಿದರೂ ಮೈ ರೋಮಾಂಚನ ಆಗುತ್ತದೆ. ಚಿತ್ರದ ಎರಡನೇ ಭಾಗದ ಬಿಡುಗಡೆ 2027ರಿಂದ 2028ಕ್ಕೆ ಮುಂದೂಡಲ್ಪಟ್ಟಿದೆ ಎಂಬ ವರದಿಗಳೂ ಹರಿದಾಡುತ್ತಿವೆ.

ಒಟ್ಟಿನಲ್ಲಿ, ವೈರಲ್ ಆಗಿರುವ ಆರಂಭಿಕ ವಿಮರ್ಶೆ, ರಣಬೀರ್ ಕಪೂರ್ ಮತ್ತು ಯಶ್ ಅವರ ವಿಭಿನ್ನ ಪಾತ್ರಗಳು, ಭಾವನಾತ್ಮಕ ಕಥಾಹಂದರ ಹಾಗೂ ಅದ್ಧೂರಿ ದೃಶ್ಯಗಳು ‘ರಾಮಾಯಣ’ ಚಿತ್ರದ ಬಗ್ಗೆ ಪ್ರೇಕ್ಷಕರ ನಿರೀಕ್ಷೆಯನ್ನು ಹೆಚ್ಚಿಸಿವೆ. ಆದರೆ, ಈ ನಿರೀಕ್ಷೆಗಳನ್ನು ಸಿನಿಮಾ ಎಷ್ಟರಮಟ್ಟಿಗೆ ತಲುಪಲಿದೆ ಎಂಬುದಕ್ಕೆ ಅಧಿಕೃತ ವಿಮರ್ಶೆಗಳು ಮತ್ತು ಚಿತ್ರಮಂದಿರಗಳಲ್ಲಿನ ಪ್ರೇಕ್ಷಕರ ಪ್ರತಿಕ್ರಿಯೆಯೇ ಉತ್ತರ ನೀಡಲಿದೆ.

Salman, ಟೈಗರ್ ಅಲ್ಲ; ಶೂಟರ್‌ಗಳ ಟಾರ್ಗೆಟ್ ಆಗಿದ್ದು ಈ ಸೂಪರ್‌ಸ್ಟಾರ್! ಪ್ರಾಣ ಉಳಿಸಿತು ಆ ಒಂದು ಅಭ್ಯಾಸ!

Bhimasi M Koleppanavar — Mon, 26 Oct 2026 10:33:43 +0530

ಉತ್ತರ ಭಾರತಕ್ಕೆ ಸೀಮಿತವಾಗಿದ್ದ ಬೀಷ್ಣೋಯಿ ಗ್ಯಾಂಗ್‌, 2024ರಿಂದ ಮಾಯಾನಗರಿ ಮುಂಬೈನಲ್ಲಿ ಕಣ್ಣಿಟ್ಟಿತು. ಅಲ್ಲದೇ, ಅಲ್ಲಿ ಸಲ್ಮಾನ ಖಾನ್‌ ಮನೆ ಮೇಲೆ ದಾಳಿ, ಬಾಬಾ ಸಿದ್ದೀಕಿ ಹತ್ಯೆ, ದಿಶಾ ಪಠಾಣಿ ಸೇರಿ ಹಲವರಿಗೆ ಬೆದರಿಕೆ ಹಾಕಿದೆ. ಪ್ರಾರಂಭದಲ್ಲಿ ಕೃಷ್ಣಮೃಗದ ಬೇಟೆ ಕಾರಣಕ್ಕೆ ಪ್ರತಿಕಾರಕ್ಕೆ ಮುಂದಾಗಿದೆ ಎಂದು ಹೇಳಿಕೊಂಡಿತ್ತು. ಆದರೆ ಮುಂಬೈ ಪೊಲೀಸರು ನೀಡುತ್ತಿರುವ ಮಾಹಿತಿಯೇ ಬೇರೆಯಾಗಿದೆ. ಅಷ್ಟೇ ಅಲ್ಲ ಮೊನ್ನೆ ನಡೆದ ಶ್ರಾಫ್‌ ಮೇಲೆ ನಡೆದ ದಾಳಿ, ಅವರನ್ನು, ಸಲ್ಮಾನ ಖಾನ್ ಕೇಂದ್ರಿಕರಿಸಿ ಮಾಡಿರುವುದಲ್ಲ, ಅದು ಆ ಸೂಪರ್‍‌ಸ್ಟಾರ್‍‌ನ್ನು ಗುರಿಯಾಗಿಸಿಕೊಂಡಿತ್ತು ಎಂದು ಈಗ ಅದೇ ಪೊಲೀಸರು ಹೇಳಿತ್ತಿದ್ದಾರೆ. ಈ ಕುರಿತು ಸಂಪೂರ್ಣ ಮಾಹಿತಿ ಇಲ್ಲಿದೆ.

ಜುಹುನಲ್ಲಿ ನಡದೇ ಹೋಯ್ತು ದುರಂತ!

ಅಕ್ಟೋಬರ್ 18, 2026 ರ ಸಂಜೆ ಮುಂಬೈನ ಜುಹು ಪ್ರದೇಶದಲ್ಲಿ ಬಾಲಿವುಡ್ ನಟ ಟೈಗರ್ ಶ್ರಾಫ್ ಅವರ ಕಾರಿನ ಮೇಲೆ ದಾಳಿ ನಡೆಸಲಾಯಿತು. ಟೈಗರ್ ಶ್ರಾಫ್ ಫುಟ್ಬಾಲ್ ಆಡಿದ ನಂತರ ತಮ್ಮ ಕಾರಿಗೆ ಹಿಂತಿರುಗುತ್ತಿದ್ದಾಗ ಮೂವರು ಬೈಕ್ ಸವಾರರು ಅವರ ಮೇಲೆ ದಾಳಿ ಮಾಡಿ ಸ್ಥಳದಿಂದ ಪರಾರಿಯಾಗಿದ್ದರು. ಟೈಗರ್ ಶ್ರಾಫ್ ಮಾರಕ ದಾಳಿಯಿಂದ ಬದುಕುಳಿದರು. ಪ್ರಕರಣದಲ್ಲಿ ಪೊಲೀಸರು ತ್ವರಿತವಾಗಿ ಕಾರ್ಯನಿರ್ವಹಿಸಿ ಮೂವರು ಆರೋಪಿಗಳನ್ನು ಬಂಧಿಸಿದ್ದಾರೆ. ಶೂಟರ್ಸ್ ಟೈಗರ್ ಶ್ರಾಫ್ ಅಲ್ಲ, ಅಮೀರ್ ಖಾನ್ ಅನ್ನು ಗುರಿಯಾಗಿಸಲು ಯೋಜಿಸುತ್ತಿದ್ದರು, ಆದರೆ ಸೂಪರ್‌ಸ್ಟಾರ್‌ನ ಅಭ್ಯಾಸ ಅವರ ಜೀವವನ್ನು ಉಳಿಸಿತು ಎಂದು ತನಿಖೆಗಳು ಈಗ ಬಹಿರಂಗಪಡಿಸಿವೆ.

ವರದಿಗಳು ಹೇಳುವುದೇನು?

ಬಿಷ್ಣೋಯ್ ಗ್ಯಾಂಗ್‌ನ ಶೂಟರ್‌ಗಳು ಒಂದು ತಿಂಗಳಿನಿಂದ ಮುಂಬೈನಲ್ಲಿದ್ದರು. ಅವರು ಅಮಿರ್ ಖಾನ್‌ರನ್ನು ಗುರಿಯಾಗಿಸಿಕೊಳ್ಳುವ ಉದ್ದೇಶ ಹೊಂದಿದ್ದರು. ಆ ಕಾರಣದಿಂದಲೇ ಮುಂಬೈನಲ್ಲಿ ಒಂದು ತಿಂಗಳು ಬೀಡುಬಿಟ್ಟು ಸೂಪರ್‌ಸ್ಟಾರ್ ಮನೆ ಪರಿಶೀಲಿಸುತ್ತಿದ್ದರು. ಅಲ್ಲದೇ ಸೂಪರ್‌ಸ್ಟಾರ್‌ನ ಅಭ್ಯಾಸವು ಅವರ ಜೀವಗಳನ್ನು ಉಳಿಸಿತು. ಶೂಟಿಂಗ್ ಸಮಯದಲ್ಲಿ, ಅಮಿರ್ ಖಾನ್ ಹೆಚ್ಚಿನ ಸಮಯ ಶೂಟಿಂಗ್ ಸೆಟ್‌ನಲ್ಲಿರುತ್ತಾರೆ ಅಥವಾ ತಮ್ಮ ಮನೆಯಿಂದ ಹೊರಹೋಗುವುದನ್ನು ತಪ್ಪಿಸುತ್ತಾರೆ ಎಂದು ಶೂಟರ್‌ಗಳಿಗೆ ತಿಳಿದುಬಂದಿತು. ಅಮಿರ್ ಖಾನ್ ಮನೆಯಿಂದ ಹೊರ ಹೋಗದ ಕಾರಣ ಶೂಟರ್‌ಗಳ ಗಮನದಿಂದ ತಪ್ಪಿಸಿಕೊಂಡರು. ಅಲ್ಲದೇ ಟೈಗರ್ ಶ್ರಾಫ್ ಪ್ರತಿ ಭಾನುವಾರ ಫುಟ್‌ಬಾಲ್ ಆಡಲು ಹೋಗುತ್ತಿದ್ದರು ಎಂದು ತನಿಖೆಗಳು ಬಹಿರಂಗಪಡಿಸಿವೆ, ಇದು ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್‌ಗೆ ಸುಲಭವಾದ ಗುರಿಯಾಗುವಂತೆ ಮಾಡಿತು ಎಂದು ಕೆಲ ವರದಿಗಳು ಹೇಳಿವೆ.

ದಾಳಿಗೆ ಕೃಷ್ಣ ಮೃಗದ ಭೇಟೆ ಕಾರಣವಾ? ಪೊಲೀಸರು ಹೇಳಿದ್ದೇನು?

ಕೇವಲ ಉತ್ತರ ಭಾರತಕ್ಕೆ ಸೀಮಿತವಾಗಿದ್ದ, ಈ ಗ್ಯಾಂಗ್‌ವಾರ್‍ಗೆ ಹಾಗೂ ಬಿಷ್ಣೋಯ್‌ಗೆ ಟರ್ನಿಂಗ್‌ ಪಾಯಿಂಟ್‌ ಸಿಕ್ಕಿದ್ದೆ 2021ರಲ್ಲಿ. ಅದು ಬಿಷ್ಣೋಯಿ ಗಾಡ್‌ಫಾದರ್ ಎಂದು ಗುರುತಿಸಿಕೊಂಡಿದ್ದ ಮಿಡ್ಡುಖೇಡನನ್ನು ಹಾಡುಹಗಲೇ ಹತ್ಯೆ ಮಾಡುತ್ತಾರೆ, ನಂತರ ಇದಕ್ಕೆ ಪ್ರತಿಕಾರವಾಗಿ, ಸಿಧು ಮೊಸೆವಾಲಾ ಕೊಲೆ ಮಾಡಲಾಗುತ್ತದೆ. ಇದಾದ ನಂತರ ಈ ಗ್ಯಾಂಗ್‌ ಕಣ್ಣು ಮಾಯಾನಗರಿ ಮುಂಬೈ ಮೇಲೆ ಬೀಳುತ್ತದೆ. ಆದರೆ ಈ ಸಂಘರ್ಷಕ್ಕೆ ಕೃಷ್ಣಮೃಗ ಕಾರಣವಲ್ಲ, ಇದೊಂದು ಹಪ್ತಾ ದಂಧೆ ಎಂದು ಮುಂಬೈ ಪೊಲೀಸರು ಹೇಳಿದ್ದಾರೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ಶ್ರೀಮಂತಿಕೆಯ ನಾಟಕ: 20 ಮಹಿಳಾ ಪೊಲೀಸ್ ಪೇದೆಗಳಿಗೆ ಮದುವೆ ಆಸೆ ತೋರಿಸಿ ₹24 ಲಕ್ಷ ವಂಚನೆ!

Chandrashekar GS — Mon, 26 Oct 2026 08:42:52 +0530

ನವದೆಹಲಿ: ಸಾಮಾಜಿಕ ಜಾಲತಾಣಗಳಲ್ಲಿ ಶ್ರೀಮಂತ ಉದ್ಯಮಿಯಂತೆ ಕಾಣಿಸಿಕೊಂಡು, ಮದುವೆಯ ಭರವಸೆ ಹಾಗೂ ಹೆಚ್ಚಿನ ಲಾಭದ ಆಮಿಷವೊಡ್ಡಿ ಮಹಿಳೆಯೊಬ್ಬರಿಗೆ ಸುಮಾರು ₹24 ಲಕ್ಷ ವಂಚಿಸಿದ ಆರೋಪದ ಮೇಲೆ ದೆಹಲಿ ಪೊಲೀಸರು ವಿಕ್ರಾಂತ್ ಕುಮಾರ್ ಅಲಿಯಾಸ್ ವಿಕ್ಕಿ ತೋಮರ್ ಎಂಬಾತನನ್ನು ಬಂಧಿಸಿದ್ದಾರೆ. ಈತ ಸುಮಾರು 20 ಮಹಿಳಾ ಪೊಲೀಸ್ ಕಾನ್‌ಸ್ಟೆಬಲ್‌ಗಳನ್ನು ಗುರಿಯಾಗಿಸಿಕೊಂಡಿರಬಹುದು ಎಂದು ತನಿಖಾಧಿಕಾರಿಗಳು ಶಂಕಿಸಿದ್ದಾರೆ. ಈ ಪ್ರಕರಣದ ಕುರಿತು ಹೆಚ್ಚಿನ ಮಾಹಿತಿ ಹೊರಬರುತ್ತಿದ್ದು, ಆರೋಪಿಯನ್ನು ಸಾಮಾಜಿಕ ಜಾಲತಾಣಗಳಲ್ಲಿ ‘ಜನ್-ಝಡ್ ರಿಕ್ಕಿ ಬಹ್ಲ್’ ಎಂದು ಕರೆಯಲಾಗುತ್ತಿದೆ.

ಇನ್‌ಸ್ಟಾಗ್ರಾಮ್ ಮೂಲಕ ಪರಿಚಯ, ಬಳಿಕ ಹಣದ ಬೇಡಿಕೆ

ಪೊಲೀಸರ ಮಾಹಿತಿಯ ಪ್ರಕಾರ, ಆರೋಪಿ ಇನ್‌ಸ್ಟಾಗ್ರಾಮ್ ಮೂಲಕ ಮಹಿಳಾ ಕಾನ್‌ಸ್ಟೆಬಲ್‌ರೊಬ್ಬರನ್ನು ಸಂಪರ್ಕಿಸಿದ್ದ. ದೆಹಲಿ ಪೊಲೀಸ್ ಇಲಾಖೆಯ ಕ್ರೀಡಾ ಕೋಟಾದ ನೇಮಕಾತಿಗೆ ಸಂಬಂಧಿಸಿದಂತೆ ಮಾರ್ಗದರ್ಶನ ಬೇಕೆಂದು ಹೇಳಿ ಪರಿಚಯ ಬೆಳೆಸಿಕೊಂಡಿದ್ದ ಎನ್ನಲಾಗಿದೆ. ನಂತರ ವಾಟ್ಸ್‌ಆ್ಯಪ್‌ನಲ್ಲಿ ಮಾತುಕತೆ ಮುಂದುವರಿಸಿ, ತಾನು ಶ್ರೀಮಂತ ಉದ್ಯಮಿ ಹಾಗೂ ಕ್ರಿಕೆಟ್ ಕ್ಷೇತ್ರದಲ್ಲಿ ಪರಿಚಿತ ವ್ಯಕ್ತಿ ಎಂಬಂತೆ ಬಿಂಬಿಸಿಕೊಂಡಿದ್ದ ಎಂದು ಆರೋಪಿಸಲಾಗಿದೆ.

ಐಷಾರಾಮಿ ಕಾರುಗಳು, ದುಬಾರಿ ರೆಸ್ಟೋರೆಂಟ್‌ಗಳು ಮತ್ತು ವೈಭವದ ಜೀವನಶೈಲಿಯನ್ನು ತೋರಿಸುವ ಫೋಟೋ ಹಾಗೂ ವಿಡಿಯೊಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತಿದ್ದ ಎನ್ನಲಾಗಿದೆ. ಮಹಿಳೆಯ ವಿಶ್ವಾಸ ಗಳಿಸಿದ ಬಳಿಕ ಹೆಚ್ಚಿನ ಲಾಭ ನೀಡುವ ಹೂಡಿಕೆಯ ಆಮಿಷವೊಡ್ಡಿ ಹಣ ಪಡೆದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

₹24 ಲಕ್ಷ ಹೇಗೆ ವಂಚಿಸಿದ?

ದೂರುದಾರ ಮಹಿಳಾ ಪೊಲೀಸ್ ಸಿಬ್ಬಂದಿ ತನ್ನ ಉಳಿತಾಯದ ಹಣವನ್ನು ಆರೋಪಿಯ ಸೂಚನೆಯಂತೆ ವರ್ಗಾಯಿಸಿದ್ದರು ಎನ್ನಲಾಗಿದೆ. ಅಲ್ಲದೆ, ಸುಮಾರು ₹12 ಲಕ್ಷ ವೈಯಕ್ತಿಕ ಸಾಲ ಪಡೆದು, ಪರಿಚಯಸ್ಥರಿಂದಲೂ ಹಣ ಸಾಲವಾಗಿ ಪಡೆದಿದ್ದರು ಎಂದು ವರದಿಯಾಗಿದೆ. ಒಟ್ಟಾರೆಯಾಗಿ ಸುಮಾರು ₹24 ಲಕ್ಷ ನಷ್ಟವಾಗಿದೆ ಎಂಬ ಆರೋಪವಿದೆ.

ಈ ಹಣದಲ್ಲಿ ಸುಮಾರು ₹8 ಲಕ್ಷವನ್ನು 1x.com ಬೆಟ್ಟಿಂಗ್ ವೇದಿಕೆಗೆ ಸಂಬಂಧಿಸಿದ ಖಾತೆಗಳಿಗೆ ವರ್ಗಾಯಿಸಲಾಗಿದೆ ಎಂದು ತನಿಖಾಧಿಕಾರಿಗಳು ತಿಳಿಸಿದ್ದಾರೆ. ಉಳಿದ ಹಣದ ವಹಿವಾಟುಗಳ ಬಗ್ಗೆಯೂ ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದಾರೆ.

ಬಾಡಿಗೆ ಐಷಾರಾಮಿ ಕಾರುಗಳಲ್ಲಿ ಸುತ್ತಾಟ

ಆರೋಪಿಯು ದುಬಾರಿ ಕಾರುಗಳನ್ನು ಖರೀದಿಸದೆ, ಕೆಲವು ಗಂಟೆಗಳ ಅವಧಿಗೆ ಬಾಡಿಗೆಗೆ ಪಡೆದು ಮಹಿಳೆಯರ ಮುಂದೆ ತನ್ನ ಶ್ರೀಮಂತಿಕೆಯ ಪ್ರದರ್ಶನ ಮಾಡುತ್ತಿದ್ದ ಎನ್ನಲಾಗಿದೆ. ಈ ಮೂಲಕ ತನ್ನ ಬಳಿ ಸಾಕಷ್ಟು ಹಣವಿದೆ ಎಂಬ ಭಾವನೆ ಮೂಡಿಸಿ ವಿಶ್ವಾಸ ಗಳಿಸಲು ಪ್ರಯತ್ನಿಸಿದ್ದಾನೆ ಎಂದು ಪೊಲೀಸರು ಶಂಕಿಸಿದ್ದಾರೆ.

ತನಿಖೆಯ ವೇಳೆ, ಈತನ ಪರಿಚಯದಲ್ಲಿದ್ದ ಮಹಿಳಾ ಪೊಲೀಸ್ ಸಿಬ್ಬಂದಿಯ ಬ್ಯಾಚ್‌ನ ಇತರ ಮಹಿಳೆಯರೂ ಗುರಿಯಾಗಿರಬಹುದು ಎಂಬ ಮಾಹಿತಿ ಲಭ್ಯವಾಗಿದೆ. ಸುಮಾರು 20 ಮಹಿಳೆಯರು ವಂಚನೆಗೆ ಒಳಗಾಗಿರುವ ಸಾಧ್ಯತೆಯನ್ನು ಪೊಲೀಸರು ಪರಿಶೀಲಿಸುತ್ತಿದ್ದಾರೆ. ಆದರೆ, ಎಲ್ಲರೂ ಅಧಿಕೃತವಾಗಿ ದೂರು ನೀಡಿದ್ದಾರೆಯೇ ಎಂಬುದು ಸ್ಪಷ್ಟವಾಗಿಲ್ಲ.

ಈಗ ಪೊಲೀಸರಿಂದ ತನಿಖೆ ಚುರುಕು

ವಿಕ್ರಾಂತ್ ವಿರುದ್ಧ ದೆಹಲಿಯ ವಿವಿಧ ಪೊಲೀಸ್ ಠಾಣೆಗಳಲ್ಲಿ ಈ ಹಿಂದೆಯೂ ವಂಚನೆಗೆ ಸಂಬಂಧಿಸಿದ ಪ್ರಕರಣಗಳು ದಾಖಲಾಗಿವೆ ಎಂದು ವರದಿಯಾಗಿದೆ. ಸದ್ಯ ಪೊಲೀಸರು ಆತನ ಬ್ಯಾಂಕ್ ಖಾತೆಗಳು, ಮೊಬೈಲ್ ಫೋನ್‌ಗಳು ಮತ್ತು ಸಾಮಾಜಿಕ ಜಾಲತಾಣದ ಚಟುವಟಿಕೆಗಳನ್ನು ಪರಿಶೀಲಿಸುತ್ತಿದ್ದಾರೆ. ಇತರ ಮಹಿಳೆಯರು ವಂಚನೆಗೆ ಒಳಗಾಗಿದ್ದಾರೆಯೇ ಮತ್ತು ಹಣದ ವಹಿವಾಟಿನಲ್ಲಿ ಬೇರೆ ಯಾರಾದರೂ ಭಾಗಿಯಾಗಿದ್ದಾರೆಯೇ ಎಂಬುದರ ಕುರಿತು ತನಿಖೆ ಮುಂದುವರಿದಿದೆ.

ಈ ಪ್ರಕರಣವು ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಿಸುವ ಐಷಾರಾಮಿ ಜೀವನಶೈಲಿಯನ್ನು ಮಾತ್ರ ನಂಬಿ ಹಣಕಾಸಿನ ನಿರ್ಧಾರಗಳನ್ನು ತೆಗೆದುಕೊಳ್ಳಬಾರದು ಎಂಬ ಎಚ್ಚರಿಕೆಯನ್ನೂ ನೀಡುತ್ತದೆ. ಮದುವೆಯ ಭರವಸೆ ಇರಲಿ ಅಥವಾ ಹೆಚ್ಚಿನ ಲಾಭದ ಹೂಡಿಕೆಯ ಆಮಿಷವಿರಲಿ, ಹಣ ವರ್ಗಾಯಿಸುವ ಮೊದಲು ವ್ಯಕ್ತಿಯ ಹಿನ್ನೆಲೆ ಮತ್ತು ಹೂಡಿಕೆಯ ಸತ್ಯಾಸತ್ಯತೆಯನ್ನು ಪರಿಶೀಲಿಸುವುದು ಅಗತ್ಯ.

Delhi scam: 23-yr-old Vikrant Tomar posed as rich businessman on Instagram, defrauded 20 women police constables of ₹24 lakh by promising marriage.

Arrested from Burari; faces 5 FIRs, earlier out on bail. Live-in partner is also a constable from same batch. https://t.co/ZzY5ZLFHnd

— Ghar Ke Kalesh (@gharkekalesh) October 24, 2026

ನನ್ನನ್ನು ಮಂತ್ರಿ ಮಾಡುವಷ್ಟು ತಾಕತ್ತು, ಯೋಗ್ಯತೆ ನಿನಗೆ ಇದೆಯಾ? MP ರೇಣುಕಾಚಾರ್ಯ

Kannadaprabha News — Mon, 26 Oct 2026 08:32:50 +0530

ದಾವಣಗೆರೆ: ನನ್ನನ್ನು ಮಂತ್ರಿ ಮಾಡುವಷ್ಟು ತಾಕತ್ತು, ಯೋಗ್ಯತೆ ನಿನಗೆ ಇದೆಯಾ ಎಂದು ಬಿಜೆಪಿ ಮಾಜಿ ಸಚಿವ ಎಂ.ಪಿ.ರೇಣುಕಾಚಾರ್ಯ ಸ್ವಪಕ್ಷದ ಶಾಸಕ ಹರಿಹರದ ಬಿ.ಪಿ.ಹರೀಶ ವಿರುದ್ಧ ಕೆಂಡ ಕಾರಿದ್ದಾರೆ.

ನಗರದಲ್ಲಿ ಭಾನುವಾರ ಸುದ್ದಿಗಾರೊಂದಿಗೆ ಮಾತನಾಡಿದ ಅವರು, ನನ್ನನ್ನು ಮಂತ್ರಿ ಮಾಡಿದ್ದು ಬಿ.ಎಸ್.ಯಡಿಯೂರಪ್ಪ, ಅನಂತಕುಮಾರ, ಕೆ.ಎಸ್. ಈಶ್ವರಪ್ಪನವರು. 2008ರಿಂದ 13ರವರೆಗೂ ನನಗೆ ಬ್ಲ್ಯಾಕ್ ಮೇಲ್ ಮಾಡಿದ ಮಹಾಶಯ ನೀನು ಎಂದರು.

ಯಡಿಯೂರಪ್ಪ ತಂದೆ ಸಮಾನರು, ಅಂತಹವರಿಗೆ ನಾನು ಬ್ಲ್ಯಾಕ್‌ಮೇಲ್‌ ಮಾಡಿಲ್ಲ. ಹೈದರಾಬಾದ್‌ಗೆ ಬಂದು ಹಣ ಎಣಿಸಿಕೊಂಡೆ, ಬೆಂಗಳೂರಿನಲ್ಲಿ ಎಷ್ಟು ಜಮೀನು ತಗೊಂಡಿದ್ದೀಯಾ ದಾಖಲೆ ಬಿಡುಗಡೆ ಮಾಡ್ಲಾ? 2013ರಲ್ಲಿ ನೀನು ಸೋತಾಗ ಹರಿಹರದಿಂದ ತಲೆಮರೆಸಿಕೊಂಡು ಬಂದು, ಬೆಂಗಳೂರಿನ ಜಯನಗರದ ಲಾಡ್ಜ್‌ವೊಂದರಲ್ಲಿದ್ದೆ. ಆಗ ಮಲೆಬೆನ್ನೂರಿನ ಬಿ.ಎಂ. ವಾಗೀಶಸ್ವಾಮಿ ಕರೆ ಮಾಡಿ, ಹರೀಶ್ ಸೋತು, ಕಾರ್ಯಕರ್ತರಲ್ಲಿ ಸಮಸ್ಯೆ ಮಾಡಿಕೊಂಡು ಬೆಂಗಳೂರಿಗೆ ಹೋಗಿದ್ದಾರೆಂಬ ವಿಷಯ ತಿಳಿಸಿದ್ದರು ಎಂದು ಅವರು ಹೇಳಿದರು.

ನಾನೂ ಸಹ 2023ರ ಚುನಾವಣೆಯಲ್ಲಿ ಸೋತರೂ ಜನರ ಮಧ್ಯೆ ಇದ್ದೇನೆ. ಆದರೆ, ಈ ಮಹಾನುಭಾವ ಬೆಂಗಳೂರಿಗೆ ಹೋಗಿದ್ದಾಗ ಇದ್ದಲ್ಲಿಗೆ ಹೋಗಿ, ತೆರಳಿ ಸಮಾಧಾನಪಡಿಸಿದ್ದೆ. ನಿನ್ನನ್ನು ಹರಿಹರಕ್ಕೆ ಕರೆ ತಂದಿದ್ದು ಯಾರೆಂಬುದನ್ನೇ ಮರೆತಿರಾ ಹರೀಶಣ್ಣ? ನನ್ನ ಮನೆಯಲ್ಲೇ ಇದ್ದೆಯಲ್ಲಪ್ಪಾ? ಊಟ ಮಾಡಿದ್ದು ಮರೆತೆಯಾ? ಸರ್ಕ್ಯೂಟ್ ಹೌಸ್‌ನಲ್ಲಿ ಸಿದ್ದೇಶ್ವರ ತೊಂದರೆ ಕೊಡುತ್ತಿದ್ದಾರೆಂದಾಗ ನಾನು ಎಸ್ಪಿ, ಡಿಸಿಗೆ ಹೇಳಿ, ನಿನ್ನ ಕೆಲಸ ಮಾಡಿಸಿಕೊಟ್ಟಿದ್ದೇನೆ ಎಂದು ಅವರು ತಿಳಿಸಿದರು.

ಕಳೆದ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ-ಜೆಡಿಎಸ್ ಸೇರಿ 1.4 ಲಕ್ಷ ಮತ ಪಡೆದಿದ್ದರು. ಆದರೆ, ಲೋಕಸಭೆ ಚುನಾವಣೆಯಲ್ಲಿ ನಿನ್ನ ಹರಿಹರ ಕ್ಷೇತ್ರದಿಂದ ಬರೀ 74 ಸಾವಿರ ಮತ ಮಾತ್ರ ಬಂದಿದ್ದವು. ಉಳಿದ ಮತಗಳು ಎಲ್ಲಿ ಹೋದವು? ನೀನೂ ಹೊಂದಾಣಿಕೆ ರಾಜಕೀಯ ಮಾಡಿದ್ದೀಯಾ. ಎಸ್.ಎ. ರವೀಂದ್ರನಾಥ ಮನೆಯಲ್ಲಿ ಬಿ.ಪಿ.ಹರೀಶ್‌ಗೆ ಮತ್ತೆ ಬಿಜೆಪಿಗೆ ಸೇರಿಸಿದ್ದೆವು. ಅಂತಹ ರವೀಂದ್ರನಾಥ ಬಗ್ಗೆ ಮಾತನಾಡುತ್ತೀಯಾ? ರವೀಂದ್ರನಾಥ ಭೀಷ್ಮ. ಅಂತಹವರ ಬಗ್ಗೆಯೇ ಮಾತನಾಡುತ್ತೀಯಾ? ಬಿಜೆಪಿಯಿಂದ ಉಚ್ಚಾಟನೆಯಾದರೆ, ಕಾಂಗ್ರೆಸ್ಸಿನವರ ಜೊತೆ ರಾತ್ರಿ ಸೇರಿ, ಮಾತನಾಡುತ್ತೀರಿ ಎಂದು ಅವರು ಟೀಕಿಸಿದರು.

ಡಿ.ಕೆ.ಶಿವಕುಮಾರ ಭಿಕ್ಷೆ:

ಡಿ.ಕೆ.ಶಿವಕುಮಾರ ಭಿಕ್ಷೆಯಿಂದ ವಿಜಯೇಂದ್ರ ಶಾಸಕರಾಗಿಲ್ಲ. ಯಡಿಯೂರಪ್ಪನವರಿಗೆ ಮುಖ್ಯಮಂತ್ರಿ ಮಾಡಿದ್ದು ನೀನಾ? ವಿಜಯೇಂದ್ರ ಬದಲಾವಣೆ ಮಾಡುವುದಕ್ಕೆ ದೆಹಲಿಗೆ ಹೋಗಿದ್ದೆಯಲ್ಲಪ್ಪಾ? ವೈಯಕ್ತಿಕ ವಿಚಾರವನ್ನು ನೀನು ಕೆದಕಿದ್ದೀಯಾ? ನಾನು ಇಷ್ಟಕ್ಕೆ ಬಿಡುವುದಿಲ್ಲ. ವಿಪ ಚುನಾವಣೆಯಲ್ಲಿ ಸಚಿವ ಎಸ್.ಎಸ್. ಮಲ್ಲಿಕಾರ್ಜುನ ಮುಂದೆ ನಾವೇ ಎನ್‌ಡಿಎ ಅಭ್ಯರ್ಥಿಗಳು ಗೆಲ್ಲುತ್ತೇವೆಂದು ಹೇಳಿದ್ದೇವೆ. ಯಾವುದೇ ಹೊಂದಾಣಿಕೆ ಇಲ್ಲ. ವರಿಷ್ಠರಿಗೆ ದೂರು ಕೊಡುವುದಕ್ಕೆ ಹೋಗಬೇಕಿತ್ತು. ಸಚಿವರ ನಮ್ಮ ಭೇಟಿ ಆಕಸ್ಮಿಕ ಭೇಟಿಯಷ್ಟೇ. ಪ್ರೀತಿ, ವಿಶ್ವಾಸದಲ್ಲಿ ಭೇಟಿ ತಪ್ಪಲ್ಲ ಎಂದು ಅವರು ತಿರುಗೇಟು ನೀಡಿದರು.

ಇದು ಹೊಂದಾಣಿಕೆಯಲ್ಲ. ವರಿಷ್ಠರಿಗೆ ದೂರು ನೀಡಿದರೆ ಉತ್ತರ ಕೊಡುತ್ತೇವೆ. ಆದರೆ, ಮಾಧ್ಯಮಗಳ ಬಗ್ಗೆ ಹೇಳಿ, ಪ್ರಚಾರ ಪಡೆಯುತ್ತಿಯಾ. ಸಚಿವ ಎಸ್ಸೆಸ್ ಮಲ್ಲಿಕಾರ್ಜುನ ಭೇಟಿ ವೇಳೆ ಪ್ರೀತಿಯಿಂದ ನನ್ನ ಗಲ್ಲಗಳನ್ನು ಹಿಡಿದಿದ್ದಾರೆ. ನಾನು ದಾವಣಗೆರೆ ಮತಕೇಂದ್ರದ ಬಳಿ ನಿಂತಿದ್ದಾಗ ಸಚಿವ ಎಸ್ಸೆಸ್ ಮಲ್ಲಿಕಾರ್ಜುನ ಬಂದು, ಪ್ರೀತಿಯಿಂದ ಗಲ್ಲ ಹಿಡಿದರು. ಹಾಗಂತಾ ನಾವು ಹೊಂದಾಣಿಕೆ ರಾಜಕೀಯವನ್ನೇನೂ ಮಾಡಿಲ್ಲ ಎಂದು ಅವರು ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದರು.

ಕಾರ್ಯಕರ್ತರಿಗೆ ನೋವು:

ಬಿ.ಪಿ.ಹರೀಶ್ ಹೇಳಿಕೆಗಳಿಂದ ಪಕ್ಷದ ಕಾರ್ಯಕರ್ತರಿಗೆ ನೋವಾಗಿದ್ದು, ಈ ಬಗ್ಗೆ ಮುಖಂಡರು, ಕಾರ್ಯಕರ್ತರಿಗೆ ಕೈಮುಗಿದು ಕ್ಷಮೆ ಕೇಳುತ್ತೇನೆ. ಯಾರೂ ಸ್ವಪಕ್ಷೀಯರ ಬಗ್ಗೆ ಮಾತನಾಡಬಾರದೆಂದು ಸ್ವತಃ ನನಗೆ ನಾನೇ ಲಕ್ಷ್ಮಣ ರೇಖೆ ಎಳೆದುಕೊಂಡಿದ್ದೆ. ಆದರೆ, ಬಿ.ಪಿ.ಹರೀಶ್‌ ಹೇಳಿಕೆಗಳಿಂದ ಕಾರ್ಯಕರ್ತರಿಗೆ ನೋವಾಗಿದೆ. ಜೀವನದಲ್ಲಿ ಹೊಂದಾಣಿಕೆ ರಾಜಕೀಯವೇ ನನಗೆ ಗೊತ್ತಿಲ್ಲ. ನಾನು ಅಭ್ಯರ್ಥಿಯಾಗಿದ್ದರೂ 2008ರ ಚುನಾವಣೆಯಲ್ಲಿ ನಾನೇ ನಿನಗೆ ಹಣ ಕೊಟ್ಟಿದ್ದೇನೆ. ಕೇಂದ್ರದ ಮಾಜಿ ಸಚಿವ ಜಿ.ಎಂ.ಸಿದ್ದೇಶ್ವರ ಮಧ್ಯಸ್ಥಿಕೆಯಲ್ಲಿ ಬೇಕಿದ್ದರೆ ಚರ್ಚೆಗೆ ಬರಲಿ, ಮಾತನಾಡುತ್ತೇನೆ ಎಂದು ಅವರು ಕಿಡಿಕಾರಿದರು.

ಸ್ಟಿಂಗ್ ಪ್ರಕರಣ ಸಿಬಿಐಗೆ ಒಪ್ಪಿಸಲಿ: ರೇಣು

ಇಡೀ ರಾಜ್ಯದಲ್ಲಿ ಭೀಕರ ಬರ ಆವರಿಸಿದ್ದು, ರೈತರ ಬೆಳೆ ಸಂಪೂರ್ಣ ನಾಶವಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ರೈತರ ಬಗ್ಗೆ ಚರ್ಚೆ ಆಗಬೇಕಿತ್ತು. ಆದರೆ, ಸಿದ್ದರಾಮಯ್ಯನಂತಹವರ ವಿರುದ್ಧ ಸ್ಟಿಂಗ್ ಆಪರೇಷನ್ ಮಾಡಿ, ಕಾಂಗ್ರೆಸ್ ಪಕ್ಷ ಒಡೆದ ಮನೆಯಾಗಿದೆ. ಸ್ಟಿಂಗ್ ಪ್ರಕರಣ ಸಿಬಿಐಗೆ ಒಪ್ಪಿಸಿದರೆ ಸತ್ಯಾಂಶ ಹೊರ ಬರುತ್ತದೆ. ಸರ್ಕಾರ ಪ್ರತಿ ಎಕರೆಗೆ 50 ಸಾವಿರ ರು. ಪರಿಹಾರನೀಡಬೇಕು. ಅದೇ ರೀತಿ ರೈತರ ಸಾಲ ಸಂಪೂರ್ಣ ಮನ್ನಾ ಮಾಡಬೇಕು ಎಂದು ರೇಣುಕಾಚಾರ್ಯ ಆಗ್ರಹಿಸಿದರು.

Fetus in Fetu: 2 ತಿಂಗಳ ಮಗುವಿನ ಹೊಟ್ಟೇಲಿ ಮತ್ತೊಂದು ಭ್ರೂಣ: ರಾಜ್ಯದ 3ನೇ ಕೇಸ್

Kannadaprabha News — Mon, 26 Oct 2026 08:19:23 +0530

ರಾಯಚೂರು: ಸಿಂಧನೂರು ನಗರದ ಸಹನಾ ಆಸ್ಪತ್ರೆಯಲ್ಲಿ ಎರಡು ತಿಂಗಳ ಮಗುವಿನ ಹೊಟ್ಟೆಯಲ್ಲಿ ಮತ್ತೊಂದು ಭ್ರೂಣ ಪತ್ತೆಯಾಗಿದ್ದು, ವೈದ್ಯಕೀಯ ಪ್ರಪಂಚದ ವಿಸ್ಮಯವಾಗಿದೆ ಎಂದು ಆಸ್ಪತ್ರೆಯ ಮುಖ್ಯ ವೈದ್ಯ ಡಾ.ಕೆ.ಶಿವರಾಜ ತಿಳಿಸಿದ್ದಾರೆ.

ಅವರು ಈ ಕುರಿತು ಹೇಳಿಕೆ ನೀಡಿ, ಮಸ್ಕಿ ತಾಲೂಕಿನ ಇರಕಲ್ಗಡ ಗ್ರಾಮದ ಎರಡು ತಿಂಗಳ ಗಂಡು ಮಗುವಿನ ಹೊಟ್ಟೆ ದಿನದಿಂದ ದಿನಕ್ಕೆ ದೊಡ್ಡದಾಗುತ್ತಿತ್ತು. ಮಗುವಿಗೆ ಪದೇಪದೇ ವಾಂತಿಯಾಗುತ್ತಿತ್ತು. ಮಗುವಿನ ಬೆಳವಣಿಗೆಯೂ ನಿರೀಕ್ಷಿತ ಮಟ್ಟದಲ್ಲಿ ಇರಲಿಲ್ಲ. ಈ ಸಮಸ್ಯೆಗಳಿಗಾಗಿ ಮಗುವನ್ನು ನಮ್ಮ ಆಸ್ಪತ್ರೆಗೆ ಕರೆತರಲಾಗಿತ್ತು. ಪ್ರಾಥಮಿಕ ತಪಾಸಣೆಯಲ್ಲಿ ಹೊಟ್ಟೆ ದೊಡ್ಡದಾಗಿರುವುದು, ಮಗುವಿನ ತೂಕ, ಬೆಳವಣಿಗೆಗೆ ಸಂಬಂಧಿಸಿದ ಸಮಸ್ಯೆಗಳು ಕಂಡುಬಂದವು.

ಸಾಮಾನ್ಯ ಗಡ್ಡೆಯಂತಿರದೆ ಭ್ರೂಣ ಹೋಲುವ ಆಕೃತಿ

ಹೆಚ್ಚಿನ ಪರೀಕ್ಷೆಗಳಿಗಾಗಿ ಮಗುವಿನ ಹೊಟ್ಟೆಯ ಅಲ್ಟ್ರಾಸೌಂಡ್ ಸ್ಕ್ಯಾನ್ ಮಾಡಿಸಿದಾಗ, ಹೊಟ್ಟೆಯೊಳಗೆ ಗಡ್ಡೆಯಂತಹ ಒಂದು ರಚನೆ ಇರುವುದು ಕಂಡುಬಂತು. ನಂತರ ಡಾ.ಶಿವರಾಜ ಪಾಟೀಲ್ ಮತ್ತು ರೇಡಿಯಾಲಜಿಸ್ಟ್ ಡಾ.ವಿವೇಕ್ ಜೀರಂಕಳಿ ಅವರು ಹೆಚ್ಚಿನ ಪರಿಶೀಲನೆ ನಡೆಸಿದಾಗ, ಆ ರಚನೆಯು ಸಾಮಾನ್ಯ ಗಡ್ಡೆಯಂತಿರದೆ ಭ್ರೂಣ ಹೋಲುವ ಆಕೃತಿ ಹೊಂದಿರುವುದು ಗಮನಕ್ಕೆ ಬಂತು. ವಿಶೇಷ ಚಿತ್ರಣ ಪರೀಕ್ಷೆ ಮತ್ತು ಮರುರಚನಾ ತಂತ್ರಜ್ಞಾನದ ನೆರವಿನಿಂದ ಅದರ ಸ್ವರೂಪ ಇನ್ನಷ್ಟು ಸ್ಪಷ್ಟವಾಗಿ ಪರಿಶೀಲಿಸಲಾಗಿದೆ ಎಂದು ತಿಳಿಸಿದ್ದಾರೆ.

50 ಲಕ್ಷಕ್ಕೆ 1 ಇಂತಹ ಮಗು ಹುಟ್ಟುವ ಸಾಧ್ಯತೆ

ಇದನ್ನು ವೈದ್ಯಕೀಯ ಪರಿಭಾಷೆಯಲ್ಲಿ ಫೀಟಸ್ ಇನ್ ಫೀಟು ಎಂದು ಕರೆಯಾಗುತ್ತದೆ. 50 ಲಕ್ಷಕ್ಕೆ 1 ಇಂತಹ ಮಗು ಹುಟ್ಟುವ ಸಾಧ್ಯತೆ ಇರುತ್ತದೆ. ಇಲ್ಲಿಯವರೆಗೆ ಭಾರತದಲ್ಲಿ ವೈದ್ಯಕೀಯ ಜರ್ನಲ್‌ಗಳಲ್ಲಿ ವರದಿಯಾದ ಪ್ರಕರಣಗಳಲ್ಲಿ ಇದು 230 ಮಾತ್ರ. ಕರ್ನಾಟಕದಲ್ಲಿ ಇದು 3ನೇ ಅಪರೂಪದ ಪ್ರಕರಣ. ಹೆಚ್ಚಿನ ತಜ್ಞರ ಮೌಲ್ಯಮಾಪನ ಮತ್ತು ಮುಂದಿನ ಚಿಕಿತ್ಸೆಗೆ ಮಗುವನ್ನು ಹೆಚ್ಚಿನ ಸೌಲಭ್ಯವಿರುವ ಬಳ್ಳಾರಿಯ ವಿಮ್ಸ್ ಕೇಂದ್ರಕ್ಕೆ ಕಳುಹಿಸಲಾಗಿದೆ ಎಂದು ಮಾಹಿತಿ ನೀಡಿದರು.

Narendr Modi: ಪ್ರಧಾನಿ ವಿರುದ್ಧ ಅವಹೇಳನಕಾರಿ ಹೇಳಿಕೆ: ಎಐಸಿಸಿ ಅಧ್ಯಕ್ಷ ಖರ್ಗೆ ವಿರುದ್ಧ ದೂರು ದಾಖಲು

Bhimasi M Koleppanavar — Mon, 26 Oct 2026 07:47:31 +0530

ಪಾಟ್ನಾದಲ್ಲಿ ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಹೇಳಿಕೆ ರಾಜಕೀಯ ವಿವಾದಕ್ಕೆ ಕಾರಣವಾಗಿದೆ. ಪ್ರಧಾನಿ ನರೇಂದ್ರ ಮೋದಿ ಅವರ ತಂದೆಯ ಬಗ್ಗೆ ಮಾಡಿರುವ ಹೇಳಿಕೆಗಳ ಕುರಿತು ಬಿಜೆಪಿ ನಾಯಕ ಕೃಷ್ಣ ಸಿಂಗ್ ಕಲ್ಲು ಪಾಟ್ನಾದ ಕೊಟ್ವಾಲಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪೊಲೀಸರು ಈ ಬಗ್ಗೆ ತನಿಖೆ ನಡೆಸಿ ಸಾಕ್ಷ್ಯಾಧಾರಗಳ ಆಧಾರದ ಮೇಲೆ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ದೂರುದಾರರು ಒತ್ತಾಯಿಸಿದ್ದಾರೆ.

ಬಾಪು ಆಡಿಟೋರಿಯಂ ಕಾರ್ಯಕ್ರಮದಲ್ಲಿ ನೀಡಿದ ಹೇಳಿಕೆ!

ಈ ವಿಷಯವು ಬಿಹಾರದ ಮೊದಲ ಸಿಎಂ ಶ್ರೀ ಕೃಷ್ಣ ಸಿಂಗ್ ಅವರ ಜನ್ಮ ದಿನದ ಸ್ಮರಣಾರ್ಥ ಪಾಟ್ನಾದ ಬಾಪು ಸಭಾಂಗಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಈ ಘಟನೆ ಸಂಭವಿಸಿದೆ. ಭಾಷಣದ ವೇಳೆಯಲ್ಲಿ ಖರ್ಗೆ, ಪ್ರಧಾನಿ ಬಗ್ಗೆ ನೀಡಿದ ಹೇಳಿಕೆ ವಿವಾದಕ್ಕೆ ಕಾರಣವಾಯಿತು. ಈ ಹೇಳಿಕೆಯಿಂದ ಪ್ರಧಾನಿ ಕುಟುಂಬಕ್ಕೆ ಧಕ್ಕೆ ತಂದಿದೆ ಎಂದು ಬಿಜೆಪಿ ನಾಯಕರು ಪ್ರತಿಭಟಿಸಿದ್ದು, ಅವರ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.

ಪೊಲೀಸರಿಂದ ತನಿಖೆಗೆ ಬಿಜೆಪಿ ನಾಯಕ ಆಗ್ರಹ!

ಸುದ್ದಿ ಹಾಗೂ ಕೆಲ ವರದಿಗಳ ಮೂಲಕ ಹೇಳಿಕೆ ಬಗ್ಗೆ ತಿಳಿದುಕೊಂಡಿದ್ದೇನೆ ಎಂದು ದೂರುದಾರ ಕೃಷ್ಣ ಸಿಂಗ್ ಕಲ್ಲು ಹೇಳಿದ್ದಾರೆ. ಸಂಬಂಧಿತ ವೀಡಿಯೊಗಳು, ಸುದ್ದಿ ಪ್ರಸಾರಗಳು ಮತ್ತು ಲಭ್ಯವಿರುವ ಇತರ ಪುರಾವೆಗಳನ್ನು ತನಿಖೆ ಮಾಡಲು ಮತ್ತು ದೂರಿನಲ್ಲಿರುವ ಹೇಳಿಕೆಯ ನಿಖರವಾದ ಪದಗಳು ಮತ್ತು ಸಂದರ್ಭವನ್ನು ಪರಿಶೀಲಿಸಲು ಅವರು ಪೊಲೀಸರನ್ನು ವಿನಂತಿಸಿದ್ದಾರೆ.

ಈ ಹೇಳಿಕೆಗೆ ಬಿಜೆಪಿ ಅಸಮಾಧಾನ!

ಘಟನೆಯ ಬಗ್ಗೆ ಬಿಹಾರ ಮುಖ್ಯಮಂತ್ರಿ ಸಾಮ್ರಾಟ್ ಚೌಧರಿ ಅಸಮಾಧಾನ ವ್ಯಕ್ತಪಡಿಸಿದ್ದು, ಖರ್ಗೆ ಮತ್ತು ರಾಹುಲ್ ಗಾಂಧಿ ಕ್ಷಮೆಯಾಚಿಸಬೇಕು ಎಂದು ಒತ್ತಾಯಿಸಿದ್ದಾರೆ. ಅಲ್ಲದೇ ಬಿಜೆಪಿ ನಾಯಕರು ಈ ಹೇಳಿಕೆಗಳನ್ನು ಗಂಭೀರವಾಗಿ ಟೀಕಿಸಿದ್ದಾರೆ. ಕಾಂಗ್ರೆಸ್ ಪಕ್ಷದಿಂದ ವಿವರಣೆಯನ್ನು ಕೋರಿದ್ದಾರೆ. ಈ ಹೇಳಿಕೆಯ ಸಂದರ್ಭದ ಬಗ್ಗೆ ಕಾಂಗ್ರೆಸ್ ಪಕ್ಷವು ವಿಭಿನ್ನ ದೃಷ್ಟಿಕೋನವನ್ನು ನೀಡಿದೆ. ಪ್ರಧಾನ ಮಂತ್ರಿಯವರ ಸೈದ್ಧಾಂತಿಕ ಮಾರ್ಗದರ್ಶಕ ರಾಷ್ಟ್ರೀಯ ಸ್ವಯಂಸೇವಕ ಸಂಘ (ಆರ್‌ಎಸ್‌ಎಸ್) ಬಗ್ಗೆ ಖರ್ಗೆ ಉಲ್ಲೇಖಿಸುತ್ತಿದ್ದಾರೆ ಎಂದು ಕಾಂಗ್ರೆಸ್ ಸಂಸದ ಪವನ್ ಖೇರಾ ಹೇಳಿದ್ದಾರೆ.

ತನಿಖೆಯ ನಂತರವೇ ಮುಂದಿನ ಕ್ರಮ!

ಪ್ರಸ್ತುತ, ಈ ಪ್ರಕರಣದಲ್ಲಿ ದೂರು ಮತ್ತು ಆರೋಪಿತ ಹೇಳಿಕೆಗೆ ಸಂಬಂಧಿಸಿದಂತೆ ವಿವಾದ ಉದ್ಭವಿಸಿದೆ. ದೂರು ದಾಖಲಿಸುವುದು ಎಂದರೆ ಆರೋಪಗಳು ಸಾಬೀತಾಗಿವೆ ಎಂದು ಅರ್ಥವಲ್ಲ. ಪೊಲೀಸ್ ತನಿಖೆಯು ಹೇಳಿಕೆಯ ನಿಖರವಾದ ಪದಗಳು, ಅದರ ಸಂದರ್ಭ ಮತ್ತು ಲಭ್ಯವಿರುವ ಪುರಾವೆಗಳನ್ನು ಪರಿಶೀಲಿಸುತ್ತದೆ. ತನಿಖೆಯ ನಂತರವೇ ಕ್ರಮ ಕೈಗೊಳ್ಳಬಹುದು.

Tumakuru: 5 ಲಕ್ಷ ಸಾಲಕ್ಕೆ 4 ಕೋಟಿ ಜಮೀನು ಹರಾಜು: ಬ್ಯಾಂಕೆದುರು ರೈತರಿಂದ ಹೋರಾಟ

Kannadaprabha News — Mon, 26 Oct 2026 07:45:24 +0530

ಕೊರಟಗೆರೆ: ತುರುವೇಕೆರೆ ತಾಲೂಕಿನ ತಾಳೆಕೆರೆ ಗ್ರಾಮದ ದಲಿತ ರೈತ ಕುಟುಂಬದ ಜಮೀನು ಅಕ್ರಮ ಹರಾಜು ಖಂಡಿಸಿ, ನ.೨ರಂದು ತುರುವೇಕೆರೆ ಕರ್ಣಾಟಕ ಬ್ಯಾಂಕ್ ಎದುರು ಬೃಹತ್ ಪ್ರತಿಭಟನೆಗೆ ಕರೆ ನೀಡಲಾಗಿದೆ ಎಂದು ರೈತ ಸಂಘದ ಜಿಲ್ಲಾ ಕಾರ್ಯದರ್ಶಿ ಜಿ.ಸಿ. ಶಂಕರಪ್ಪ ತಿಳಿಸಿದರು.

4 ಕೋಟಿ ರು. ಬೆಲೆಯ 4.14 ಎಕರೆ ಜಮೀನು

ಪಟ್ಟಣದ ಅಂಬೇಡ್ಕರ್‌ ಭವನದಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, 4 ಕೋಟಿ ರು. ಬೆಲೆಯ 4.14 ಎಕರೆ ಜಮೀನನ್ನು ಕೇವಲ 34.80 ಲಕ್ಷಕ್ಕೆ ಹರಾಜು ಮಾಡಿ ಮೋಸ ಮಾಡಲಾಗಿದೆ. ರೈತ 5 ಲಕ್ಷ ಕಟ್ಟಿದರೂ ಜಮೀನು ವಾಪಸ್ ಇಲ್ಲ. ನಾಗರಾಜ್ ಆತ್ಮ*ತ್ಯೆಗೆ ಯತ್ನಿಸಿದ್ದಾರೆ. ಇದು ಅಮಾನವೀಯ, ಸರ್ಕಾರ ಮಧ್ಯ ಪ್ರವೇಶಿಸಬೇಕು ಎಂದು ಹೇಳಿದರು.

ಹರಾಜು ರದ್ದು ಮಾಡುವಂತೆ ಆಗ್ರಹ

ತಾಲೂಕು ಅಧ್ಯಕ್ಷ ರಂಗಹನುಮಯ್ಯ ಮಾತನಾಡಿ, ಕಾರ್ಪೊರೇಟ್ ಕಂಪನಿಗಳ ಕೋಟ್ಯಂತರ ಸಾಲ ಮನ್ನಾ ಮಾಡುವ ಸರ್ಕಾರಗಳು ಅನ್ನದಾತನಿಗೆ ಜಪ್ತಿ ಮಾಡುವುದು ಸರಿಯಲ್ಲ. ಅನ್ನ ನೀಡುವ ರೈತನಿಗೆ ಅನ್ಯಾಯ. ಕರ್ಣಾಟಕ ಬ್ಯಾಂಕ್ ಕೂಡಲೇ ಹರಾಜು ರದ್ದು ಮಾಡಿ ಜಮೀನು ವಾಪಸ್ ನೀಡಬೇಕು. ಎಲ್ಲಾ ಸಂಘಟನೆಗಳು ಬೆಂಬಲ ನೀಡಬೇಕು ಎಂದು ಮನವಿ ಮಾಡುತ್ತೇವೆ ಎಂದರು.

ರೈತ ಸಂಘದ ತಾಲೂಕು ಕಾರ್ಯದರ್ಶಿ ಶಬ್ಬೀರ್‌ ಮಾತನಾಡಿ, ಇದು ಒಬ್ಬ ರೈತನ ಸಮಸ್ಯೆ ಅಲ್ಲ. ಇಡೀ ಸಮುದಾಯದ ಸಮಸ್ಯೆ. ಬ್ಯಾಂಕ್ ೯ ಲಕ್ಷಕ್ಕೆ ಇತ್ಯರ್ಥಕ್ಕೆ ಒಪ್ಪಿ 5 ಲಕ್ಷ ಡಿಡಿ ಪಡೆದು ಎರಡು ವರ್ಷ ಸತಾಯಿಸುತ್ತಿದೆ. ನಾಗರಾಜ್ ಆತ್ಮಹತ್ಯೆ ಯತ್ನಕ್ಕೆ ಬ್ಯಾಂಕ್ ಹೊಣೆ. ಜಮೀನು ವಾಪಸ್ ನೀಡದಿದ್ದರೆ ರಾಜ್ಯಾದ್ಯಂತ ಉಗ್ರ ಹೋರಾಟ ಮಾಡುತ್ತೇವೆ ಎಂದು ಎಚ್ಚರಿಸಿದರು.

ನವೆಂಬರ್ 2ರಂದು ಹೋರಾಟ

ನವೆಂಬರ್ 2ರ ಸೋಮವಾರ ಬೆಳಗ್ಗೆ 11 ಗಂಟೆಗೆ ತುರುವೇಕೆರೆ ಕರ್ನಾಟಕ ಬ್ಯಾಂಕ್ ಎದುರು ನಡೆಯುವ ಪ್ರತಿಭಟನೆಯಲ್ಲಿ ರಾಜ್ಯಾಧ್ಯಕ್ಷ ಬಡಗಲಪುರ ನಾಗೇಂದ್ರ, ಶಾಸಕ ದರ್ಶನ್ ಪುಟ್ಟಣ್ಣಯ್ಯ ಸೇರಿದಂತೆ ಎಲ್ಲಾ ಜಿಲ್ಲೆಗಳ ಮುಖಂಡರು ರೈತ ಸಂಘಟನೆಯ ಪದಾಧಿಕಾರಿಗಳು ಭಾಗವಹಿಸಲಿದ್ದಾರೆ.

ಸುದ್ದಿಗೊಷ್ಠಿಯಲ್ಲಿ ದೊಡ್ಡಮಾಳಯ್ಯ, ತಾಲೂಕು ಉಪಾಧ್ಯಕ್ಷ ರಂಗಹನುಮಯ್ಯ, ನಿವೃತ್ತ ತಹಶೀಲ್ದಾರ್‌ ವಾಸುದೇವರಾವ್, ನಗರ ಘಟಕ ಅಧ್ಯಕ್ಷ ಮಾರುತಿ, ಪ್ರಧಾನ ಕಾರ್ಯದರ್ಶಿ ಕೆ.ಆರ್‌. ರಾಕೇಶ್, ಗೌರವಾಧ್ಯಕ್ಷ ನರಸಿಂಹಮೂರ್ತಿ, ಮೂಡ್ಲಪ್ಪ, ರಾಮಕೃಷ್ಣ, ಲಕ್ಷ್ಮೀಪತಿ, ಶ್ರೀನಿವಾಸ್, ಲಕ್ಷ್ಮಣ ಕೆ.ವಿ, ರಂಗಯ್ಯ, ದಿನೇಶ್, ಹೇಮಂತ, ಮಂಜುನಾಥ ಸೇರಿದಂತೆ ಇತರರು ಇದ್ದರು.

ಪರಿಶುದ್ಧ ಪರೀಕ್ಷಾ ವ್ಯವಸ್ಥೆಗಾಗಿ KPSCಗೆ ಹೊಸ ರೂಪ ಖಚಿತ: ಸಿಎಂ ಡಿಕೆ ಶಿವಕುಮಾರ್

Kannadaprabha News — Mon, 26 Oct 2026 07:25:04 +0530

ಬೆಂಗಳೂರು: ಪರಿಶುದ್ಧ ಪರೀಕ್ಷಾ ವ್ಯವಸ್ಥೆ ತರುವ ಮೂಲಕ ಕರ್ನಾಟಕ ಲೋಕಸೇವಾ ಆಯೋಗಕ್ಕೆ(ಕೆಪಿಎಸ್ಸಿ) ಹೊಸ ರೂಪ ನೀಡಲಾಗುವುದು ಎಂದು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌ ತಿಳಿಸಿದರು.

ಮಾಧ್ಯಮದವರ ಜೊತೆ ಮಾತನಾಡಿ, ಕೆಪಿಎಸ್ಸಿ ಹಗರಣ ಸಂಬಂಧ ನಮ್ಮ ಪೊಲೀಸ್‌ ಅಧಿಕಾರಿಗಳು ಮತ್ತು ಇ.ಡಿಯಿಂದ ತನಿಖೆ ನಡೆಯುತ್ತಿದೆ. ಈ ವೇಳೆ ಕೆಲ ವಿಚಾರಗಳು ನನ್ನ ಗಮನಕ್ಕೆ ಬಂದಿದ್ದರಿಂದ ಎಲ್ಲಾ ಸತ್ಯಾಂಶಗಳು ಹೊರ ಬರಬೇಕು ಎನ್ನುವ ಕಾರಣಕ್ಕೆ ಆರೋಪಿ ಐಎಎಸ್‌ ಅಧಿಕಾರಿ ಜ್ಞಾನೇಂದ್ರಕುಮಾರ್‌ ಅವರ ಪ್ರಾಸಿಕ್ಯೂಷನ್‌ಗೆ ಅನುಮತಿ ನೀಡಿದ್ದೇನೆ ಎಂದರು.

ಸರ್ಕಾರಿ ಹುದ್ದೆಗೇರಬೇಕೆಂದು ನಮ್ಮ ಮಕ್ಕಳು ಕಷ್ಟಪಟ್ಟು ಓದಿರುತ್ತಾರೆ, ಆದರೆ, ಪ್ರಭಾವ, ದುಡ್ಡು, ಕಾಸು ವ್ಯವಹಾರಗಳಿಗೆ ಅವಕಾಶ ನೀಡಿದರೆ ಸರಿ ಇರಲ್ಲ. ಈ ಹಿಂದೆಯೂ ಕೆಪಿಎಸ್ಸಿ ಅಧ್ಯಕ್ಷರು, ಸದಸ್ಯರಿಂದ ಸಾಕಷ್ಟು ಅವಾಂತರಗಳನ್ನು ನೋಡಿದ್ದೇವೆ. ಹಾಗಾಗಿ ಇದೆಲ್ಲವನ್ನೂ ಸರಿಪಡಿಸಬೇಕು, ಕೆಪಿಎಸ್ಸಿ ಪರೀಕ್ಷಾ ವ್ಯವಸ್ಥೆಯಲ್ಲಿ ಸುಧಾರಣೆ ತರಬೇಕೆಂದು ಸಚಿವ ಯು.ಟಿ.ಖಾದರ್‌ ಅವರ ನೇತೃತ್ವದಲ್ಲಿ ಸಂಪುಟ ಉಪ ಸಮಿತಿ ರಚಿಸಿದ್ದೇವೆ ಎಂದರು.

ಸಮಿತಿಗೆ ಎಲ್ಲರ ಅಭಿಪ್ರಾಯ ಪಡೆದು ಸೂಕ್ತ ಶಿಫಾರಸು ಸಲ್ಲಿಸಲು ಹೇಳಿದ್ದೇವೆ. ರಾಷ್ಟ್ರಮಟ್ಟದಲ್ಲೂ ಸಾಕಷ್ಟು ಪ್ರಯತ್ನಗಳು ನಡೆದಿವೆ. ನಮ್ಮ ಪಕ್ಷದ ರಾಷ್ಟ್ರೀಯ ನಾಯಕರೂ ಶಿಕ್ಷಣ ಮತ್ತು ಪರೀಕ್ಷಾ ವ್ಯವಸ್ಥೆಯಲ್ಲಿ ಸುಧಾರಣೆಗೆ ಸಾಕಷ್ಟು ಸಲಹೆ, ಸೂಚನೆ ನೀಡಿದ್ದಾರೆ. ಪರಿಶುದ್ಧ ಪರೀಕ್ಷಾ ವ್ಯವಸ್ಥೆ ಮೂಲಕ ಕೆಪಿಎಸ್ಸಿಗೆ ಹೊಸ ರೂಪ ನೀಡಲು ಆಲೋಚನೆ ನಡೆಸಿದ್ದೇವೆ. ನಾನು ಮತ್ತು ಪ್ರಿಯಾಂಕ್‌ ಖರ್ಗೆ ಪಾರದರ್ಶಕವಾಗಿ ಹೇಗೆ ಪರೀಕ್ಷೆ ನಡೆಸಬೇಕೆಂಬುದರ ಬಗ್ಗೆ ಸೂಕ್ತ ಮಾರ್ಗದರ್ಶನ ನೀಡಿದ್ದೇವೆ ಎಂದರು.

ಕಬ್ಬು ಬೆಳೆಗಾರರ ಜತೆ ಇಂದು ಚರ್ಚೆ

ಬೆಳಗಾವಿಯಲ್ಲಿ ಸೋಮವಾರ ಮೊದಲು ರೈತರ ಜೊತೆ ಚರ್ಚೆ ಮಾಡಿ ನಂತರ ಸಕ್ಕರೆ ಕಾರ್ಖಾನೆ ಮಾಲೀಕರ ಜತೆ ಚರ್ಚೆ ಮಾಡುತ್ತೇನೆ. ಕೇಂದ್ರ ಸಚಿವರು ಕೂಡ ಭಾಗವಹಿಸುವುದಾಗಿ ಹೇಳಿದ್ದರು. ಈಗ ಭಾಗವಹಿಸುವುದಿಲ್ಲ ಎಂದಿದ್ದಾರೆ. ಪಾಪ ಅವರಿಗೆ ಬೇರೆ ಕೆಲಸ ಇರಬಹುದು. ಎಲ್ಲ ರಾಜ್ಯಗಳಲ್ಲಿ ಈ ವಿಚಾರವಾಗಿ ಚರ್ಚೆ ನಡೆಯುತ್ತಿದೆ. ರೈತರು ಆದಷ್ಟು ಬೇಗ ಕಬ್ಬು ಅರೆಯಬೇಕು ಎಂದು ಒತ್ತಡ ಹಾಕುತ್ತಿದ್ದಾರೆ. ಸಂಸದರು, ಸಚಿವರು ಹಾಗೂ ಶಾಸಕರಿಗೆ ಸಭೆಯಲ್ಲಿ ಭಾಗವಹಿಸಲು ತಿಳಿಸಿದ್ದೇನೆ. ನಾವೆಲ್ಲರೂ ಕುಳಿತು ಚರ್ಚೆ ಮಾಡುತ್ತೇವೆ ಎಂದು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌ ತಿಳಿಸಿದರು.

ಶುದ್ಧವಾಗಿದ್ದಾಗ ಮೂಢನಂಬಿಕೆ ದೂರ

‘ಚಾಮರಾಜನಗರಕ್ಕೆ ಬಂದರೆ ಅಧಿಕಾರ ಕಳೆದುಕೊಳ್ಳುತ್ತಾರೆ ಎಂಬ ಅಪನಂಬಿಕೆ ಬೇಡ. ನಾವು ಪರಿಶುದ್ಧವಾಗಿ ಪ್ರಾರ್ಥನೆ, ನಂಬಿಕೆಯಿಂದ ನಡೆಯುವುದು ಮುಖ್ಯ. ನಾವು ಯಾವುದೇ ತಪ್ಪು ಮಾಡದೆ ದೇವರ ಬಳಿ ಒಳ್ಳೆಯದನ್ನೇ ಪ್ರಾರ್ಥಿಸಿದರೆ ಒಳ್ಳೆಯದಾಗುತ್ತೆ. ನಾವು ಶುದ್ಧವಾಗಿದ್ದಾಗ ಮೂಢನಂಬಿಕೆ ದೂರವಾಗುತ್ತದೆ’ ಎಂದು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಹೇಳಿದರು.

ಚಾಮರಾಜನಗರದಲ್ಲಿ ನಡೆದ ಎರಡು ದಿನಗಳ ಅಂತಾರಾಷ್ಟ್ರೀಯ ಬೌದ್ಧ ಸಮ್ಮೇಳನದ ಸಮಾರೋಪ ಸಮಾರಂಭದಲ್ಲಿ ಮಾತನಾಡಿ, ಸಿದ್ದರಾಮಯ್ಯ ಅವರು ಎಂಟು ವರ್ಷಗಳ ಕಾಲ ಅಧಿಕಾರದಲ್ಲಿ ಇದ್ದಾಗ ಚಾಮರಾಜನಗರಕ್ಕೆ ಭೇಟಿ ನೀಡುತ್ತಿದ್ದರು. ಅವರು ಉತ್ತಮ ಆಡಳಿತವನ್ನೂ ನಡೆಸಿದ್ದಾರೆ. ಹೀಗಿರುವಾಗ ಚಾಮರಾಜನಗರಕ್ಕೆ ಬಂದರೆ ಅಧಿಕಾರ ಕಳೆದುಕೊಳ್ಳುತ್ತಾರೆ ಎಂಬ ಮಾತಿಗೆ ಅರ್ಥವಿಲ್ಲ ಎಂದು ತಿಳಿಸಿದರು.

ನಾವು ಇಲ್ಲಿ ಅಭಿವೃದ್ಧಿ ಮತ್ತು ಪ್ರಗತಿಗಾಗಿ ಪ್ರಾರ್ಥಿಸಲು ಬಂದಿದ್ದೇವೆ. ಬುದ್ಧನ ಆಚಾರ-ವಿಚಾರಗಳನ್ನು ಸ್ಮರಿಸಿ, ಅವರ ಸಂದೇಶವನ್ನು ಅರಿತುಕೊಳ್ಳುವುದು ನಮ್ಮ ಉದ್ದೇಶ. ಬುದ್ಧ ಜಗತ್ತಿಗೆ ಮಾನವೀಯತೆ, ತ್ಯಾಗ, ಶಾಂತಿ ಮತ್ತು ಅಭಿವೃದ್ಧಿಯ ಮಹತ್ವದ ಸಂದೇಶ ನೀಡಿದ್ದಾರೆ. ಈ ಸಂದೇಶಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು. ಎಲ್ಲವನ್ನೂ ಅನುಮಾನದಿಂದ ನೋಡುವ ಮನೋಭಾವ ಬೇಡ ಎಂದು ಹೇಳಿದರು.

ಮೀಸಲಾತಿ ಎಂದರೆ ಕೇವಲ ಅವಕಾಶವಲ್ಲ. ಅವಕಾಶಗಳಿಂದ ದೂರ ಉಳಿದವರಿಗೆ ಮುಂದೆ ಬರಲು ದಾರಿ ಮಾಡಿಕೊಡುವ ವ್ಯವಸ್ಥೆ. ಸಾಮಾಜಿಕ ನ್ಯಾಯ ಮತ್ತು ಸಮಾನತೆಯ ಮೂಲಕವೇ ಸಮಾಜದ ಪ್ರಗತಿ ಸಾಧ್ಯ. ಬಡವರು, ಶೋಷಿತರು ಹಾಗೂ ಅವಕಾಶ ವಂಚಿತ ಸಮುದಾಯಗಳ ಬದುಕಿನಲ್ಲಿ ಬದಲಾವಣೆ ತರುವುದೇ ಸರ್ಕಾರದ ಆಶಯ. ಬುದ್ಧ, ಬಸವ ಮತ್ತು ಅಂಬೇಡ್ಕರ್ ಅವರ ತತ್ವಗಳ ಆಧಾರದ ಮೇಲೆ ಸರ್ಕಾರದ ಕಾರ್ಯಕ್ರಮಗಳನ್ನು ರೂಪಿಸಲಾಗುತ್ತಿದೆ ಎಂದರು.

ಅನೇಕ ಬಡ ರೈತರು ನೇಗಿಲು ಮತ್ತು ಜಾನುವಾರುಗಳಿಲ್ಲದೆ ಕೃಷಿ ಮಾಡುವುದು ಕಷ್ಟವಾಗಿದೆ. ಅಂತಹ ರೈತರಿಗೆ ನೆರವಾಗಲು ಉಚಿತವಾಗಿ ಭೂಮಿಯನ್ನು ಉಳುಮೆ ಮಾಡಿಕೊಳ್ಳುವ ಸೌಲಭ್ಯ ಕಲ್ಪಿಸುವ ಉದ್ದೇಶದೊಂದಿಗೆ ‘ನೇಗಿಲಯೋಗಿ’ ಕಾರ್ಯಕ್ರಮವನ್ನು ಆರಂಭಿಸಲಾಗುತ್ತಿದೆ ಎಂದು ತಿಳಿಸಿದರು.

ಕಿತ್ತೂರು ಚನ್ನಮ್ಮ ಹೆಸರಿನಲ್ಲಿ ಸಾರಿಗೆ ಸಂಸ್ಥೆ

ಕಿತ್ತೂರು ರಾಣಿ ಚನ್ನಮ್ಮನ ಶೌರ್ಯ, ಸ್ವಾಭಿಮಾನ ಹಾಗೂ ತ್ಯಾಗದ ಇತಿಹಾಸವನ್ನು ಮುಂದಿನ ಪೀಳಿಗೆಗೆ ಪರಿಚಯಿಸುವ ಉದ್ದೇಶದಿಂದ ಕಿತ್ತೂರು ಕೋಟೆ ಆವರಣದಲ್ಲಿ ₹40 ಕೋಟಿ ವೆಚ್ಚದಲ್ಲಿ ಫ್ರೀಡಂ ಪಾರ್ಕ್ ನಿರ್ಮಿಸಲಾಗುವುದು. ಮುಂದಿನ ಬಜೆಟ್‌ನಲ್ಲಿ ಇದಕ್ಕೆ ಅನುದಾನ ಒದಗಿಸಿ, ತಕ್ಷಣವೇ ಆದೇಶ ಹೊರಡಿಸಲಾಗುವುದು ಎಂದು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಘೋಷಿಸಿದರು.

ಬೆಳಗಾವಿ ಜಿಲ್ಲೆ ಚನ್ನಮ್ಮನ ಕಿತ್ತೂರಿನಲ್ಲಿ ಕಳೆದ ಮೂರು ದಿನಗಳಿಂದ ನಡೆದ ಐತಿಹಾಸಿಕ ಚನ್ನಮ್ಮನ ಕಿತ್ತೂರು ಉತ್ಸವದ ಸಮಾರೋಪ ಸಮಾರಂಭದಲ್ಲಿ ಭಾನುವಾರ ಮಾತನಾಡಿದ ಅವರು, ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ಹೆಸರನ್ನು ಕಿತ್ತೂರು ರಾಣಿ ಚನ್ನಮ್ಮ ರಸ್ತೆ ಸಾರಿಗೆ ಸಂಸ್ಥೆ ಎಂದು ಮರುನಾಮಕರಣ ಮಾಡುವ ತೀರ್ಮಾನವನ್ನು ಸರ್ಕಾರ ಕೈಗೊಳ್ಳಲಿದೆ ಎಂದು ಪ್ರಕಟಿಸಿದರು.

ಕೋಟೆಯ ಆವರಣದಲ್ಲಿ ಇತಿಹಾಸವನ್ನು ದೃಶ್ಯಕಾವ್ಯದ ರೂಪದಲ್ಲಿ ಅನಾವರಣಗೊಳಿಸುವ ಫ್ರೀಡಂಪಾರ್ಕ್ ನಿರ್ಮಾಣಕ್ಕೆ ₹40 ಕೋಟಿ ಅಗತ್ಯವಿದೆ ಎಂಬ ಶಾಸಕರ ಮನವಿಗೆ ಸ್ಪಂದಿಸಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ತಿಳಿಸಿದರು.

ಕಿತ್ತೂರು ಕ್ಷೇತ್ರದಲ್ಲಿ ಸುಮಾರು ₹1,000 ಕೋಟಿ ಮೊತ್ತದ ವಿವಿಧ ಅಭಿವೃದ್ಧಿ ಯೋಜನೆಗಳನ್ನು ರೂಪಿಸಲಾಗುತ್ತಿದೆ. ಲೋಕೋಪಯೋಗಿ ಇಲಾಖೆಯಡಿ ಸುಮಾರು ₹300 ಕೋಟಿ ವೆಚ್ಚದ ರಸ್ತೆ ಕಾಮಗಾರಿಗಳು, ನೂರು ಹಾಸಿಗೆಗಳ ಆಸ್ಪತ್ರೆ, ದೇವಸ್ಥಾನಗಳ ಅಭಿವೃದ್ಧಿ ಹಾಗೂ ಪ್ರವಾಸಿ ಕೇಂದ್ರಗಳ ಅಭಿವೃದ್ಧಿಗೂ ಕ್ರಮ ಕೈಗೊಳ್ಳಲಾಗುತ್ತಿದೆ. ಕಿತ್ತೂರು ಭಾಗದ ರೈತರ ನೀರಾವರಿ ಸಮಸ್ಯೆಗೆ ಸ್ಪಂದಿಸಲು ₹520 ಕೋಟಿ ವೆಚ್ಚದ ಚನ್ನವೃಷಭೇಂದ್ರ ಏತ ನೀರಾವರಿ ಯೋಜನೆಗೆ ಅಗತ್ಯ ಅನುದಾನ ನೀಡಲಾಗುವುದು ಎಂದು ಅವರು ತಿಳಿಸಿದರು.

ರಾಣಿ ಚನ್ನಮ್ಮ, ತ್ಯಾಗ, ಹೋರಾಟ ಮತ್ತು ಧೈರ್ಯದ ಪ್ರತೀಕ. ಅವಳ ಬದುಕು ಇಂದಿನ ಮಹಿಳೆಯರಿಗೆ ಮಾದರಿಯಾಗಬೇಕು. ಮಹಿಳೆಯರು ಉದ್ಯಮಿಗಳಾಗಿ, ಸ್ವಾವಲಂಬಿಗಳಾಗಿ ಬೆಳೆಯಬೇಕು ಎಂದು ಅವರು ಹೇಳಿದರು.

ಕೊಡಗು ಜಿಲ್ಲೆಯಾದ್ಯಂತ ಧಾರಾಕಾರ ಮಳೆ: ಹಾರಂಗಿ ಜಲಾಶಯ ಮಟ್ಟ ಏರಿಕೆ, ರೈತರಲ್ಲಿ ಸಂತಸ

Kannadaprabha News — Mon, 26 Oct 2026 07:11:34 +0530

ಮಡಿಕೇರಿ: ವಾಯುಭಾರ ಕುಸಿತದ ಪರಿಣಾಮ ಕೊಡಗು ಜಿಲ್ಲೆಯಾದ್ಯಂತ ಶನಿವಾರ ರಾತ್ರಿ ಧಾರಾಕಾರ ಮಳೆಯಾಗಿದ್ದು, ಜಿಲ್ಲೆಯ ಪ್ರಮುಖ ಜಲಾಶಯ ಹಾರಂಗಿಗೆ ಭಾರಿ ಪ್ರಮಾಣದಲ್ಲಿ ಒಳ ಹರಿವು ಕಂಡುಬಂದಿದೆ.

ಹಾರಂಗಿ ಜಲಾಶಯಕ್ಕೆ 2846 ಕ್ಯೂಸೆಕ್ ನೀರು

ಜಿಲ್ಲಾ ಕೇಂದ್ರ ಮಡಿಕೇರಿ ಸೇರಿದಂತೆ ಹಲವು ಕಡೆಗಳಲ್ಲಿ ರಾತ್ರಿಯಿಡೀ ಭಾರಿ ಪ್ರಮಾಣದಲ್ಲಿ ಮಳೆಯಾದ ಹಿನ್ನೆಲೆಯಲ್ಲಿ ಕಾವೇರಿ ನದಿ ನೀರಿನ ಮಟ್ಟದಲ್ಲಿ ಏರಿಕೆ ಕಂಡಿದೆ. ಇದರಿಂದಾಗಿ ಹಾರಂಗಿ ಜಲಾಶಯಕ್ಕೆ ಭಾನುವಾರ ಬೆಳಗ್ಗೆ 8.30ರ ವೇಳೆಗೆ ಸುಮಾರು 2846 ಕ್ಯೂಸೆಕ್ ನೀರು ಹರಿದುಬಂದಿದೆ.

ಜೂನ್ ಹಾಗೂ ಜುಲೈ ತಿಂಗಳಲ್ಲಿ ಮುಂಗಾರು ಮಳೆ ಗಣನೀಯ ಪ್ರಮಾಣದಲ್ಲಿ ಇಳಿಕೆ ಕಂಡಿತ್ತು. ಜಿಲ್ಲೆಯಲ್ಲಿ ಸುಮಾರು ಶೇ.42ರಷ್ಟು ವಾಡಿಕೆ ಮಳೆ ಕೊರತೆಯುಂಟಾಗಿತ್ತು. ಆಗಸ್ಟ್ ತಿಂಗಳಲ್ಲಿ ಒಂದಷ್ಟು ಪ್ರಮಾಣದಲ್ಲಿ ಮಳೆಯಾದ ಹಿನ್ನೆಲೆಯಲ್ಲಿ ಹಾರಂಗಿ ಜಲಾಶಯ ಮೈದುಂಬಿತು. ನಂತರ ಮಳೆ ಕೊರತೆ ಸಾಕಷ್ಟು ಕಂಡುಬಂದಿದ್ದು, ಕಾವೇರಿ ನದಿ, ಹಾರಂಗಿ ಜಲಾಶಯದಲ್ಲಿ ನೀರು ಪ್ರಮಾಣ ತೀರಾ ಕುಸಿದಿತ್ತು.

ನಿರಂತರ ಮಳೆಯಿಂದಾಗಿ ಕೃಷಿಕರಲ್ಲಿ ಸಂತಸ

ಬಿಸಿಲಿನ ಕಾರಣದಿಂದಾಗಿ ಕಾವೇರಿ ನದಿಯಲ್ಲಿ ಬಂಡೆ ಕಲ್ಲುಗಳ ಪ್ರದರ್ಶನವಾಗಿತ್ತು. ಇದೀಗ ವಾಯುಭಾರ ಕುಸಿತದ ಪರಿಣಾಮ ಜಿಲ್ಲೆಯಲ್ಲಿ ಕಳೆದ ನಾಲ್ಕು ದಿನಗಳಿಂದ ಉತ್ತಮ ಮಳೆಯಾಗುತ್ತಿದೆ. ನಿರಂತರ ಮಳೆಯಿಂದಾಗಿ ಕೃಷಿಕರಿಗೆ ಖುಷಿಯಾಗಿದೆ.

8.5 ಟಿಎಂಸಿ ನೀರು ಸಂಗ್ರಹಣಾ ಸಾಮರ್ಥ್ಯದ ಹಾರಂಗಿ

ಹಾರಂಗಿ ಜಲಾಶಯದಲ್ಲಿ ಕಳೆದ ಕೆಲವು ದಿನಗಳಿಂದ 500ರಿಂದ 600 ಕ್ಯೂಸೆಕ್‌ನಷ್ಟಿದ್ದ ಒಳಹರಿವು, ಸತತ ಮಳೆಯ ಪರಿಣಾಮ ಇದೀಗ 2,812 ಕ್ಯೂಸೆಕ್‌ಗೆ ಏರಿಕೆಯಾಗಿದೆ. 8.5 ಟಿಎಂಸಿ ನೀರು ಸಂಗ್ರಹಣಾ ಸಾಮರ್ಥ್ಯ ಹೊಂದಿರುವ ಹಾರಂಗಿ ಜಲಾಶಯದಲ್ಲಿ ಪ್ರಸ್ತುತ 4.3 ಟಿಎಂಸಿ ನೀರು ಸಂಗ್ರಹವಾಗಿದೆ. ಇತ್ತೀಚಿನ ದಿನಗಳಲ್ಲಿ ಬಿಸಿಲಿನ ತಾಪಮಾನ ಏರಿಕೆ ಹಾಗೂ ನೀರಿನ ಲಭ್ಯತೆಯ ಕೊರತೆಯಿಂದ ಜನರು ಆತಂಕಕ್ಕೊಳಗಾಗಿದ್ದರು. ಅದರಲ್ಲೂ ಮುಂದಿನ ಬೇಸಿಗೆಯಲ್ಲಿ ಕುಡಿಯುವ ನೀರು ಹಾಗೂ ಕೃಷಿ ಚಟುವಟಿಕೆಗಳಿಗೆ ನೀರಿನ ಸಮಸ್ಯೆ ಎದುರಾಗಬಹುದೆಂಬ ಭೀತಿ ಎದುರಾಗಿತ್ತು.

ಆದರೆ, ಇದೀಗ ಸುರಿಯುತ್ತಿರುವ ಮಳೆ ಜನರಲ್ಲಿ ಹೊಸ ಆಶಾಭಾವನೆ ಮೂಡಿಸಿದೆ. ಹಾರಂಗಿ ಜಲಾನಯನ ಪ್ರದೇಶದಲ್ಲಿ ಮಳೆಯ ಪ್ರಮಾಣ ಮತ್ತಷ್ಟು ಹೆಚ್ಚಾದರೆ ಜಲಾಶಯದ ಒಳಹರಿವು ಇನ್ನಷ್ಟು ಏರಿಕೆಯಾಗುವ ನಿರೀಕ್ಷೆಯಿದೆ. ಇನ್ನೊಂದೆಡೆ, ಉತ್ತಮ ಮಳೆಯ ನಡುವೆಯೂ ಜಿಲ್ಲೆಯ ಕೆಲವೆಡೆ ಮಳೆಯಿಂದಾಗಿ ಮನೆಗಳಿಗೆ ಹಾನಿ ಉಂಟಾಗಿದೆ. ಇದೀಗ ಕೊಡಗಿನಲ್ಲಿ ಚುರುಕುಗೊಂಡಿರುವ ಮಳೆ ಹಾರಂಗಿ ಜಲಾಶಯದ ನೀರಿನ ಮಟ್ಟ ಹೆಚ್ಚಳಕ್ಕೆ ಕಾರಣವಾಗಿದ್ದು, ಬೇಸಿಗೆಯ ನೀರಿನ ಬವಣೆಯ ಆತಂಕದಲ್ಲಿದ್ದ ಜನರಿಗೆ ಸದ್ಯಕ್ಕೆ ಕೊಂಚ ನಿರಾಳತೆ ತಂದಿದೆ.

ಎಲ್ಲಿ, ಎಷ್ಟು ಮಳೆ?

ಸೋಮವಾರಪೇಟೆ ಹೋಬಳಿ ವ್ಯಾಪ್ತಿಯಲ್ಲಿ 32.4 ಮಿ.ಮೀ, ಶನಿವಾರಸಂತೆ 31.6 ಮಿ.ಮೀ, ಶಾಂತಳ್ಳಿ 35.1 ಕೊಡ್ಲಿಪೇಟೆ 20.2, ಕುಶಾಲನಗರ 40.9, ಸುಂಟಿಕೊಪ್ಪ 38.6, ಮಡಿಕೇರಿ 40.2, ನಾಪೋಕ್ಲು 35.6, ಸಂಪಾಜೆ 50.6, ಭಾಗಮಂಡಲ 45.3, ವಿರಾಜಪೇಟೆ 22.39, ಅಮ್ಮತ್ತಿ 8.1, ಪೊನ್ನಂಪೇಟೆ 5.3, ಶ್ರೀಮಂಗಲ 8.2, ಹುದಿಕೇರಿ 12.7, ಬಾಳೆಲೆಯಲ್ಲಿ 5.4 ಮಿ.ಮೀ ಮಳೆಯಾಗಿದೆ.

ಮನೆಗಳಿಗೆ ಹಾನಿ

ಮಳೆಯಿಂದಾಗಿ ಮತ್ತೆ ಮನೆಗಳಿಗೆ ಹಾನಿ ಸಂಭವಿಸಿದೆ. ಮಡಿಕೇರಿ ತಾಲೂಕಿನ ಸಂಪಾಜೆ ಹೋಬಳಿ ಪಿ. ಪೆರಾಜೆ ಗ್ರಾಮದಲ್ಲಿ ವಾಸವಿರುವ ಪದ್ಮಯ್ಯ ಚಾಮಕಜೆ ಎಂಬುವರ ವಾಸದ ಮನೆ ಹೆಚ್ಚಿನ ಮಳೆಯಿಂದಾಗಿ ಸಂಪೂರ್ಣ ಹಾನಿಯಾಗಿರುವುದು. ಕುಶಾಲನಗರ ತಾಲೂಕಿನ ಸಿದ್ದಲಿಂಗಪುರ ಗ್ರಾಮದ ನಿವಾಸಿಯಾದ ಯಶೋಧ ಅವರ ವಾಸದ ಮನೆ ಹೆಚ್ಚಿನ ಮಳೆಗೆ ಮನೆಯ ಗೋಡೆಯ ಭಾಗ ಹಾನಿಯಾಗಿದೆ.

ಮನ್‌ ಕಿ ಬಾತ್‌ನಲ್ಲಿ ಕಲಬುರಗಿ ತೊಗರಿ ಘಮ; ವಿದೇಶಕ್ಕೆ ರಫ್ತು, ಶೇ.30ಕ್ಕೂ ಅಧಿಕ ಲಾಭ

Kannadaprabha News — Mon, 26 Oct 2026 06:57:31 +0530

ಶೇಷಮೂರ್ತಿ ಅವಧಾನಿ

ಕಲಬುರಗಿ: ಪ್ರಧಾನಿ ನರೇಂದ್ರ ಮೋದಿ ಅವರ ಮನ್‌ ಕೀ ಬಾತ್‌ನಲ್ಲಿ ಈ ಬಾರಿ ಕಲಬುರಗಿಯ ತೊಗರಿ ಬೇಳೆಯ ಘಮ ಪಸರಿಸಿದೆ. ಪ್ರಧಾನಿಯವರು ಭಾನುವಾರದ ತಮ್ಮ 139ನೇ ‘ಮನ್ ಕಿ ಬಾತ್’ ರೇಡಿಯೋ ಕಾರ್ಯಕ್ರಮದಲ್ಲಿ ಕಲಬುರಗಿಯ ತೊಗರಿ ಬೇಳೆ ಮಾಲ್ಡೀವ್ಸ್ ದೇಶಕ್ಕೆ ರಫ್ತಾಗುತ್ತಿರುವ ಬಗ್ಗೆ ವಿಶೇಷವಾಗಿ ಪ್ರಸ್ತಾಪಿಸಿದರು. ಮೋದಿಯವರ ಈ ಮೆಚ್ಚುಗೆ ಮಾತುಗಳು ತೊಗರಿ ಕಣಜ ಕಲಬುರಗಿಯಲ್ಲಿ ದಶಕಗಳಿಂದ ತೊಗರಿ ಬೇಸಾಯ ಮಾಡಿಕೊಂಡು ಬರುತ್ತಿರುವ ತೊಗರಿ ರೈತರನ್ನು ಹೆಮ್ಮೆಯಿಂದ ಬೀಗುವಂತ ಮಾಡಿದೆ.

ಭಾನುವಾರ ಪ್ರಸಾರವಾದ ಮನ್‌ ಕೀ ಬಾತ್‌ ಕಾರ್ಯಕ್ರಮದಲ್ಲಿ ಪ್ರಧಾನಿ ಸ್ಥಳೀಯ ಉತ್ಪನ್ನಗಳಿಗೆ ಜಾಗತಿಕ ಮಾರುಕಟ್ಟೆ ಹೇಗೆ ಒದಗುತ್ತದೆ ಎಂಬುದಕ್ಕೆ ಕಲಬುರಗಿಯ ತೊಗರಿ ಬೇಳೆ ಮಾಲ್ಡೀವ್ಸ್‌ ರಫ್ತಾಗಿರುವುದೇ ಉದಾಹರಣೆ ಎಂದರು.

ಭಾರತದ ಸ್ಥಳೀಯ ಉತ್ಪನ್ನಗಳು

ಹಬ್ಬಗಳ ಸೀಸನ್‌ನಲ್ಲಿ ದೇಶದ ಜನರು ''''ವೋಕಲ್ ಫಾರ್ ಲೋಕಲ್'''' (ಸ್ಥಳೀಯ ಉತ್ಪನ್ನಗಳಿಗೆ ಆದ್ಯತೆ) ಅಭಿಯಾನಕ್ಕೆ ಹೆಚ್ಚಿನ ಬೆಂಬಲ ನೀಡುತ್ತಿದ್ದಾರೆ. ಈ ದೇಶಿ ಪ್ರೇಮದಿಂದಾಗಿ ಭಾರತದ ಸ್ಥಳೀಯ ಉತ್ಪನ್ನಗಳು ಇಂದು ಜಗತ್ತಿನಾದ್ಯಂತ ಹೊಸ ಮಾರುಕಟ್ಟೆಗಳನ್ನು ಕಂಡುಕೊಳ್ಳುತ್ತಿವೆ ಎಂದು ಸಂತಸ ವ್ಯಕ್ತಪಡಿಸಿದರು.

ಮಾಲ್ಡೀವ್ಸ್ ತಲುಪಿದ ಕಲಬುರಗಿ ತೊಗರಿ ಬೇಳೆ

ಕರ್ನಾಟಕದ ಹೆಮ್ಮೆಯ, ಭೌಗೋಳಿಕ ಸೂಚ್ಯಂಕ ಮಾನ್ಯತೆ ಹೊಂದಿರುವ ಕಲಬುರಗಿಯ ಪ್ರಸಿದ್ಧ ತೊಗರಿ ಬೇಳೆ ಈಗ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಮಾಲ್ಡೀವ್ಸ್‌ ದೇಶಕ್ಕೆ ರಫ್ತಾಗುತ್ತಿದೆ. ಈಗಾಗಲೇ 1 ಮೆಟ್ರಿಕ್‌ ಟನ್‌ ಬೇಳೆ ಮಾಲ್ಡೀವ್ಸ್‌ ಸೇರಿರುವುದು ಸ್ಥಳೀಯ ಉತ್ಪನ್ನಗಳಿಗೆ ಹೇಗೆ ಅಂತಾರಾಷ್ಟ್ರೀಯ ಮಾರುಕಟ್ಟೆ ತೆರೆದುಕೊಳ್ಳುತ್ತಿದೆ ಎಂಬುದಕ್ಕೆ ಕನ್ನಡಿ ಎಂದು ಮೋದಿ ಶ್ಲಾಘಿಸಿದ್ದಾರೆ.

ರೈತರಿಗೆ ಹೊಸ ಅವಕಾಶ:

ಇಂತಹ ಜಾಗತಿಕ ಬೇಡಿಕೆಯಿಂದಾಗಿ ಭಾರತದ ಸ್ಥಳೀಯ ರೈತರಿಗೆ ಮತ್ತು ದೇಶಿ ಉತ್ಪಾದಕರಿಗೆ ಹೊಸ ವ್ಯಾಪಾರ ಹಾಗೂ ಆರ್ಥಿಕ ಮಾರುಕಟ್ಟೆಯ ಅವಕಾಶಗಳು ಮುಕ್ತವಾಗಿವೆ ಎಂದೂ ನರೇಂದ್ರ ಮೋದಿ ತಮ್ಮ ಮನದಾಳದ ಮಾತಿನಲ್ಲಿ ತಿಳಿಸಿದ್ದಾರೆ.

ಇದು ಕಲಬುರಗಿಯ ರೈತರಿಗೆ ಹೆಮ್ಮೆಯ ಕ್ಷಣ, ‘ವೋಕಲ್ ಫಾರ್ ಲೋಕಲ್’ ಅಭಿಯಾನದ ಮೂಲಕ ಸ್ಥಳೀಯ ಉತ್ಪನ್ನಗಳು ಜಾಗತಿಕ ಮಾರುಕಟ್ಟೆಯನ್ನು ತಲುಪುತ್ತಿವೆ. ಇದರಿಂದ ರೈತರಿಗೂ ಹೆಚ್ಚಿನ ಅನುಕೂಲವಾಗಲಿದೆ ಎಂಬ ಮಾತುಗಳು ಕೇಳಿಬರುತ್ತಿವೆ.

ಪ್ರಧಾನಿ ನರೇಂದ್ರ ಮೋದಿ ಅವರು ಕಳೆದ ವರ್ಷ ತಮ್ಮ ಮನ್ ಕಿ ಬಾತ್ ಭಾಷಣದಲ್ಲಿ ಕಲಬುರಗಿ ರೊಟ್ಟಿಗಳ ಬಗ್ಗೆ ಪ್ರಸ್ತಾಪಿಸಿದ್ದರು. ಮಹಿಳಾ ಉದ್ಯಮ ಶೀಲತೆ ಕಲಬುರಗಿ ಭಾಗದಲ್ಲಿ ಜೋಳದ ರೊಟ್ಟಿಯೊಂದಿಗೆ ಅರಳುತ್ತಿರುವ ಬಗೆಯನ್ನೂ ಮುಕ್ತ ಕಂಠದಿಂದ ಶ್ಲಾಘಿಸಿದ್ದನ್ನು ಸ್ಮರಿಸಬಹುದು.

ಮಾರುಕಟ್ಟೆಯಲ್ಲಿ ಧಾರಣೆ ಗಗನಕ್ಕೆ

ತೊಗರಿ ಅಂತಾರಾಷ್ಟ್ರೀಯ ಮಾರುಕಟ್ಟೆಗೆ ರಫ್ತಾಗುತ್ತಿರುವ ಈ ಸಂದರ್ಭದಲ್ಲಿ ಸ್ಥಳೀಯವಾಗಿ ತೊಗರಿ ಕಣಜ ಕಲಬುರಗಿಯಲ್ಲೇ ತೊಗರಿ ಬೇಳೆ ಬೆಲೆ ಗಗನಕ್ಕೇರಿದೆ. ಸದ್ಯ ಉತ್ಕೃಷ್ಟ ಗುಣಮಟ್ಟದ (ಪಟಕಾ) ತೊಗರಿ ಬೇಳೆ ಬೆಲೆ ಕೆಜಿಗೆ 160 ರು ಇದೆ. ಕ್ವಿಂಟಾಲ್‌ ತೊಗರಿ ಬೇಳೆ ಸದ್ಯದ ಮಾರುಕಟ್ಟೆಯಲ್ಲಿ 16 ಸಾವಿರ ರುಪಾಯಿ ಬೆಲೆಗೆ ಮಾರಾಟವಾಗುತ್ತಿದೆ.

ಈ ಬಾರಿ ಬರಗಾಲದ ಕರಿ ನೆರಳು ಆವರಿಸಿರೋದರಿಂದ ತೊಗರಿ ಕಣಜದಲ್ಲಿ ಶೇ.60ರಷ್ಟು ತೊಗರಿ ಹಾಳಾಗಿದೆ. ತೊಗರಿ ಫಸಲು ಇಳುವರಿ ಕೈ ಕೊಟ್ಟಿದ್ದರಿಂದಲೂ ಹಾಗೂ ಅಂತಾರಾಷ್ಟ್ರೀಯ ಮಾರುಕಟ್ಟೆಗೆ ತೊಗರಿ ಲಗ್ಗೆ ಇಟ್ಟಿದ್ದರಿಂದಲೂ ಸ್ಥಳೀಯವಾಗಿ ತೊಗರಿ ಬೇಳೆ ಬೆಲೆ ದಿನದಿಂದ ದಿನಕ್ಕೆ ಗಗನಕ್ಕೇರುತ್ತಿದೆ.

ಕಳೆದ ವರ್ಷ ಪ್ರಧಾನಿ ನರೇಂದ್ರ ಮೋದಿ ಜೋಳದ ರೊಟ್ಟಿ ಬಗ್ಗೆ ಮನ್‌ ಕೀ ಬಾತ್‌ನಲ್ಲಿ ಪ್ರಸ್ತಾಪಿಸಿದ ಕೆಲವೇ ಗಂಟೆಗಳಲ್ಲಿ ಕಲಬುರಗಿ ರೊಟ್ಟಿ ಉತ್ಪಾದಕರ ಸಹಕಾರ ಸಂಘವು ಅಮೆಜಾನ್ ಮೂಲಕ 60 ಕ್ಕೂ ಹೆಚ್ಚು ಆರ್ಡರ್‌ಗಳನ್ನು ಪಡೆದುಕೊಂಡಿತ್ತು. ಇದೀಗ ತೊಗರಿ ಬೇಳೆಯ ರಫ್ತಿನ ಕುರಿತಂತೆ ಮೋದಿ ಮೆಚ್ಚುಗೆ ಮಾತನ್ನಾಡಿದ್ದಾರೆ. ಹೀಗಾಗಿ ಸಹಜವಾಗಿಯೇ ಕಲಬುರಗಿಯ ಗುಣಮಟ್ಟದ ತೊಗರಿ ಬೇಳೆಗೆ ಬೇಡಿಕೆ ಹೆಚ್ಚಲಿದೆ ಎಂದು ರೈತರು, ವರ್ತಕರು ಹೇಳುತ್ತಿದ್ದಾರೆ.

ವಿದೇಶಕ್ಕೆ ರಫ್ತು, ಶೇ.30ಕ್ಕೂ ಅಧಿಕ ಲಾಭ

ಸೆ. 24ರಂದು ಕೃಷಿ ಮತ್ತು ಸಂಸ್ಕರಿತ ಆಹಾರ ಉತ್ಪನ್ನಗಳ ರಫ್ತು ಅಭಿವೃದ್ಧಿ ಪ್ರಾಧಿಕಾರ (ಎಪಿಇಡಿಎ) ವತಿಯಿಂದ ಒಂದು ಮೆಟ್ರಿಕ್ ಟನ್ ಕಲಬುರಗಿ ತೊಗರಿಬೇಳೆಯ ರಫ್ತು ಸರಕನ್ನು ಮಾಲ್ಡೀವ್ಸ್‌ಗೆ ಕಳುಹಿಸಿರುವ ಬಗ್ಗೆ ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್ ‘ಎಕ್ಸ್‌’ನಲ್ಲಿ ಪೋಸ್ಟ್ ಮಾಡಿ ಗಮನ ಸೆಳೆದಿದ್ದನ್ನು ಸ್ಮರಿಸಬಹುದು.

ಜಿಐ ಮಾನ್ಯತೆ ಪಡೆದ ಕಲಬುರಗಿ ತೊಗರಿಬೇಳೆಗೆ ಜಾಗತಿಕ ಮಾರುಕಟ್ಟೆಯಲ್ಲಿ ಹೆಚ್ಚಿನ ಅವಕಾಶ ಕಲ್ಪಿಸುವ ನಿಟ್ಟಿನಲ್ಲಿ ಈ ರಫ್ತು ಮಹತ್ವದ ಹೆಜ್ಜೆಯಾಗಿತ್ತು. ಭಾರತದ ಜಿಐ ಮಾನ್ಯತೆ ಪಡೆದ ಕೃಷಿ ಉತ್ಪನ್ನಗಳಿಗೆ ಅಂತಾರಾಷ್ಟ್ರೀಯ ಮಾರುಕಟ್ಟೆ ವಿಸ್ತರಿಸುವುದರ ಜತೆಗೆ, ರೈತ ಉತ್ಪಾದಕ ಸಂಸ್ಥೆಗಳ ನೇತೃತ್ವದ ಬ್ರ್ಯಾಂಡ್‌ಗಳ ಕೃಷಿ ಉತ್ಪನ್ನ ರಫ್ತಿನಲ್ಲಿನ ಪಾಲ್ಗೊಳ್ಳುವಿಕೆಯನ್ನು ಬಲಪಡಿಸುವ ಉದ್ದೇಶವೂ ಇದಾಗಿತ್ತು.

ಸದ್ಯ ಮಾರುಕಟ್ಟೆಯಲ್ಲಿ ತೊಗರಿಬೇಳೆಯ ಬೆಲೆ ಕೆಜಿಗೆ 60 ರು.ಇದ್ದು, ರಫ್ತು ಆಧಾರಿತ ಮಾರಾಟ ವ್ಯವಸ್ಥೆಯ ಮೂಲಕ ರೈತರಿಗೆ ಕೆಜಿಗೆ 82 ರು. ದೊರೆತಿದೆ. ಇದರಿಂದ ರೈತರಿಗೆ ಶೇ.30ಕ್ಕೂ ಹೆಚ್ಚು ಲಾಭ ದೊರೆತಿದೆ ಎಂದು ಎಪಿಇಡಿಎ ತಿಳಿಸಿದೆ. ಈ ಉಪಕ್ರಮದ ಮೂಲಕ ರೈತ ಉತ್ಪಾದಕ ಸಂಸ್ಥೆಗಳು ರಫ್ತು ಆಧಾರಿತ ಮೌಲ್ಯ ಸರಪಳಿಯಲ್ಲಿ ನೇರವಾಗಿ ಪಾಲ್ಗೊಳ್ಳಲು ಅವಕಾಶ ದೊರಕಿರುವುದರ ಜತೆಗೆ ಉತ್ಪಾದಕರನ್ನು ಅಂತಾರಾಷ್ಟ್ರೀಯ ಮಾರುಕಟ್ಟೆಯೊಂದಿಗೆ ಸಂಪರ್ಕಿಸಲು ಸಹಕಾರಿಯಾಗಲಿದೆ.

ಸಂಘಟಿತ ರಫ್ತು ವ್ಯವಸ್ಥೆಗಳ ಮೂಲಕ ರೈತರಿಗೆ ಮಾರುಕಟ್ಟೆ ಪ್ರವೇಶ ಮತ್ತು ಉತ್ಪನ್ನದ ಮೌಲ್ಯಕ್ಕೆ ತಕ್ಕ ಪ್ರತಿಫಲ ದೊರಕಿಸುವ ಸಾಧ್ಯತೆಯನ್ನು ಈ ಕ್ರಮ ತೋರಿಸಿಕೊಟ್ಟಿದೆ ಎಂದು ಎಪಿಇಡಿಎ ಹೇಳಿದ್ದನ್ನು ಸ್ಮರಿಸಬಹುದಾಗಿದೆ.

ಕಿತ್ತೂರು ರಾಣಿ ಚೆನ್ನಮ್ಮ ಹೆಸರಿನಲ್ಲಿ ಸಾರಿಗೆ ಸಂಸ್ಥೆ: ಸಿಎಂ ಡಿಕೆ ಶಿವಕುಮಾರ್ ಘೋಷಣೆ

Kannadaprabha News — Mon, 26 Oct 2026 06:43:09 +0530

ಬೆಳಗಾವಿ: ಕಿತ್ತೂರು ರಾಣಿ ಚೆನ್ನಮ್ಮನ ಶೌರ್ಯ, ಸ್ವಾಭಿಮಾನ ಹಾಗೂ ತ್ಯಾಗದ ಇತಿಹಾಸವನ್ನು ಮುಂದಿನ ಪೀಳಿಗೆಗೆ ಪರಿಚಯಿಸುವ ಉದ್ದೇಶದಿಂದ ಕಿತ್ತೂರು ಕೋಟೆ ಆವರಣದಲ್ಲಿ ₹40 ಕೋಟಿ ವೆಚ್ಚದಲ್ಲಿ ‘ಫ್ರೀಡಂ ಪಾರ್ಕ್’ ನಿರ್ಮಿಸಲಾಗುವುದು. ಮುಂದಿನ ಬಜೆಟ್‌ನಲ್ಲಿ ಇದಕ್ಕೆ ಅನುದಾನ ಒದಗಿಸಿ, ತಕ್ಷಣವೇ ಸರ್ಕಾರದ ಆದೇಶ ಹೊರಡಿಸಲಾಗುವುದು ಎಂದು ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ ಘೋಷಿಸಿದರು.

ಕಿತ್ತೂರು ರಾಣಿ ಚೆನ್ನಮ್ಮ ರಸ್ತೆ ಸಾರಿಗೆ ಸಂಸ್ಥೆ

ಕಿತ್ತೂರಿನಲ್ಲಿ ಭಾನುವಾರ ಐತಿಹಾಸಿಕ ಚನ್ನಮ್ಮನ ಕಿತ್ತೂರು ಉತ್ಸವದ ಸಮಾರೋಪ ಸಮಾರಂಭದಲ್ಲಿ ಭಾನುವಾರ ಮಾತನಾಡಿದ ಅವರು, ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ಹೆಸರನ್ನು ಕಿತ್ತೂರು ರಾಣಿ ಚನ್ನಮ್ಮ ರಸ್ತೆ ಸಾರಿಗೆ ಸಂಸ್ಥೆ ಎಂದು ಮರುನಾಮಕರಣ ಮಾಡುವ ತೀರ್ಮಾನವನ್ನೂ ಸರ್ಕಾರ ಕೈಗೊಳ್ಳಲಿದೆ ಎಂದು ಪ್ರಕಟಿಸಿದರು.

ಕಿತ್ತೂರು ರಾಣಿ ಚೆನ್ನಮ್ಮ ಕನ್ನಡನಾಡಿನ ದಿಟ್ಟ ಹೋರಾಟಗಾರ್ತಿ. ಕಿತ್ತೂರು ಶೌರ್ಯದ ಕಥೆ ಹೇಳುವ ನೆಲ. ಚನ್ನಮ್ಮನ ಧೈರ್ಯ ಕೇವಲ ಇತಿಹಾಸವಲ್ಲ; ಪ್ರತಿಯೊಂದು ಪೀಳಿಗೆಗೂ ಸ್ವಾಭಿಮಾನದ ಪಾಠವಾಗಿದೆ. ಅವರ ಸಾಹಸ ನಮಗೆಲ್ಲ ಸ್ಫೂರ್ತಿಯಾಗಿದ್ದು, ಅವರ ತ್ಯಾಗ ಅಜರಾಮರವಾಗಿದೆ ಎಂದು ಹೇಳಿದರು.

ಕಿತ್ತೂರು ಕೋಟೆ ಕೇವಲ ಐತಿಹಾಸಿಕ ಸ್ಮಾರಕವಾಗಿ ಉಳಿಯದೆ, ಮುಂದಿನ ಪೀಳಿಗೆಗೆ ಇತಿಹಾಸವನ್ನು ಪರಿಚಯಿಸುವ ಪ್ರಮುಖ ಪ್ರವಾಸಿ ಕೇಂದ್ರವಾಗಬೇಕು ಎಂಬುದು ಶಾಸಕ ಬಾಬಾಸಾಹೇಬ ಪಾಟೀಲ ಅವರ ಆಶಯವಾಗಿದೆ. ಕೋಟೆಯ ಆವರಣದಲ್ಲಿ ಇತಿಹಾಸವನ್ನು ದೃಶ್ಯಕಾವ್ಯದ ರೂಪದಲ್ಲಿ ಅನಾವರಣಗೊಳಿಸುವ ‘ಫ್ರೀಡಂ ಪಾರ್ಕ್’ ನಿರ್ಮಾಣಕ್ಕೆ ₹40 ಕೋಟಿ ಅಗತ್ಯವಿದೆ ಎಂಬ ಶಾಸಕರ ಮನವಿಗೆ ಸ್ಪಂದಿಸಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ತಿಳಿಸಿದರು.

ಚೆನ್ನಮ್ಮ ಹೆಸರಿನಲ್ಲಿ ಸಾರಿಗೆ ನಿಗಮ

ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆಯ ಹೆಸರನ್ನು ಕಿತ್ತೂರು ರಾಣಿ ಚೆನ್ನಮ್ಮ ಹೆಸರಿನಲ್ಲಿ ಮರುನಾಮಕರಣ ಮಾಡುವುದು ಕಿತ್ತೂರಿನ ಇತಿಹಾಸ ಮತ್ತು ಚನ್ನಮ್ಮನ ಪರಂಪರೆಗೆ ಸಲ್ಲಿಸುವ ಗೌರವವಾಗಿದೆ. ಅಧಿಕಾರ ಎಂಬುದು ಕೇವಲ ಹುದ್ದೆಯಲ್ಲ; ಜನರ ಸೇವೆ ಮಾಡಲು ದೊರೆತ ಅವಕಾಶ. ಕಿತ್ತೂರಿಗೆ ಬಂದಿರುವ ಸಂದರ್ಭದಲ್ಲಿ ಏನಾದರೂ ಕೊಡುಗೆ ನೀಡಬೇಕು ಎಂಬ ಆಸೆಯಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಹೇಳಿದರು.

₹520 ಕೋಟಿ ನೀರಾವರಿ ಯೋಜನೆ

ಕಿತ್ತೂರು ಭಾಗದ ರೈತರ ನೀರಾವರಿ ಸಮಸ್ಯೆಗೆ ಸ್ಪಂದಿಸಲು ₹520 ಕೋಟಿ ವೆಚ್ಚದ ಚನ್ನವೃಷಭೇಂದ್ರ ಏತ ನೀರಾವರಿ ಯೋಜನೆಗೆ ಅಗತ್ಯ ಅನುದಾನ ನೀಡಲಾಗುವುದು. ತಾವು ನೀರಾವರಿ ಸಚಿವರಾಗಿದ್ದ ಸಂದರ್ಭದಲ್ಲಿ ಈ ಭಾಗದ ರೈತರು ಯೋಜನೆಗೆ ಮನವಿ ಮಾಡಿದ್ದರು. ಅವರ ಬೇಡಿಕೆಗೆ ಸ್ಪಂದಿಸಿ ಯೋಜನೆ ಮಂಜೂರು ಮಾಡಲಾಗಿದೆ ಎಂದು ಸ್ಮರಿಸಿದರು.

ಇದಲ್ಲದೆ, ಕಿತ್ತೂರು ಕ್ಷೇತ್ರದಲ್ಲಿ ಸುಮಾರು ₹1,000 ಕೋಟಿ ಮೊತ್ತದ ವಿವಿಧ ಅಭಿವೃದ್ಧಿ ಯೋಜನೆಗಳನ್ನು ರೂಪಿಸಲಾಗುತ್ತಿದೆ. ಲೋಕೋಪಯೋಗಿ ಇಲಾಖೆಯಡಿ ಸುಮಾರು ₹300 ಕೋಟಿ ವೆಚ್ಚದ ರಸ್ತೆ ಕಾಮಗಾರಿಗಳು, ನೂರು ಹಾಸಿಗೆಗಳ ಆಸ್ಪತ್ರೆ, ದೇವಸ್ಥಾನಗಳ ಅಭಿವೃದ್ಧಿ ಹಾಗೂ ಪ್ರವಾಸಿ ಕೇಂದ್ರಗಳ ಅಭಿವೃದ್ಧಿಗೂ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದರು.

ಉತ್ಸವದ ದೀಪ ಬದುಕಿಗೂ ಬೆಳಕು ನೀಡಲಿ

ಕಿತ್ತೂರು ಉತ್ಸವದ ವೇಳೆ ಬೆಳಗಿಸಿದ ದೀಪ ಕೇವಲ ಉತ್ಸವದ ವೇದಿಕೆಯಲ್ಲಿ ಉರಿಯುವ ದೀಪವಾಗಬಾರದು. ಜನರ ಬದುಕಿನಲ್ಲೂ ಅಭಿವೃದ್ಧಿಯ ಬೆಳಕು ಮೂಡಿಸಬೇಕು. ಕಿತ್ತೂರಿನ ಅಭಿವೃದ್ಧಿಯೇ ಸರ್ಕಾರದ ಉದ್ದೇಶವಾಗಿದೆ ಎಂದು ಹೇಳಿದರು.

ಜನರ ಮನೆಬಾಗಿಲಿಗೆ ತೆರಳಿ ಅವರ ಸಮಸ್ಯೆಗಳಿಗೆ ಸ್ಥಳೀಯವಾಗಿಯೇ ಪರಿಹಾರ ಕಲ್ಪಿಸುವ ಉದ್ದೇಶದಿಂಒದ ‘ಪ್ರಜಾಸೇವೆ’ ಇಲಾಖೆಯನ್ನು ಆರಂಭಿಸಲಾಗಿದೆ. ಶಾಸಕರು ತಿಂಗಳಿಗೆ ಎರಡು ಬಾರಿ ಕ್ಷೇತ್ರದ ಪಂಚಾಯಿತಿ ಹಾಗೂ ಹೋಬಳಿ ಮಟ್ಟಕ್ಕೆ ತೆರಳಿ ಜನರ ಅಹವಾಲು ಆಲಿಸಿ, ಆಸ್ತಿ, ದಾಖಲೆ ಸೇರಿದಂತೆ ವಿವಿಧ ಸಮಸ್ಯೆಗಳನ್ನು ಪರಿಹರಿಸಲು ಕ್ರಮ ಕೈಗೊಳ್ಳಬೇಕು ಎಂದು ಸೂಚಿಸಲಾಗಿದೆ ಎಂದರು.

ಚೆನ್ನಮ್ಮ ಮಹಿಳೆಯರಿಗೆ ಸ್ಫೂರ್ತಿ

ರಾಣಿ ಚೆನ್ನಮ್ಮ ತ್ಯಾಗ, ಹೋರಾಟ ಮತ್ತು ಧೈರ್ಯದ ಪ್ರತೀಕ. ಅವರ ಬದುಕು ಇಂದಿನ ಮಹಿಳೆಯರಿಗೆ ಮಾದರಿಯಾಗಬೇಕು. ಮಹಿಳೆಯರು ಉದ್ಯಮಿಗಳಾಗಿ, ಸ್ವಾವಲಂಬಿಗಳಾಗಿ ಬೆಳೆಯಬೇಕು ಎಂದು ಹೇಳಿದರು.

ಸರ್ಕಾರದ ಗ್ಯಾರಂಟಿ ಯೋಜನೆಗಳ ಮೂಲಕ ಜನರ ಬದುಕಿನಲ್ಲಿ ಬದಲಾವಣೆ ತರಲು ಪ್ರಯತ್ನಿಸಲಾಗುತ್ತಿದೆ. ಗೃಹಜ್ಯೋತಿ, ಗೃಹಲಕ್ಷ್ಮಿ, ಅನ್ನಭಾಗ್ಯ, ಶಕ್ತಿ ಸೇರಿದಂತೆ ವಿವಿಧ ಯೋಜನೆಗಳ ಪ್ರಯೋಜನವನ್ನು ಜನರಿಗೆ ತಲುಪಿಸಲಾಗುತ್ತಿದೆ. ಗೃಹಲಕ್ಷ್ಮಿ ಯೋಜನೆಯಡಿ ಮಹಿಳೆಯರ ಖಾತೆಗೆ ನೇರವಾಗಿ ಹಣ ಜಮೆ ಮಾಡುವ ಮೂಲಕ ಕುಟುಂಬಗಳ ಆರ್ಥಿಕ ಬದುಕಿಗೆ ನೆರವಾಗುವ ಪ್ರಯತ್ನ ನಡೆದಿದೆ ಎಂದರು.

ಕಿತ್ತೂರು ರಾಣಿ ಚೆನ್ನಮ್ಮನ ಪರಂಪರೆ ಕರ್ನಾಟಕದ ಹೆಣ್ಣುಮಕ್ಕಳು ಹಾಗೂ ಯುವಕರಲ್ಲಿ ಶೌರ್ಯ ಮತ್ತು ಸ್ವಾಭಿಮಾನದ ರೂಪದಲ್ಲಿ ಮುಂದುವರಿದಿದೆ. ಬಸವಣ್ಣನ ಕಾಯಕ, ದಾಸೋಹ, ಸಮಾನತೆ ಮತ್ತು ಮಾನವೀಯತೆಯ ಸಂದೇಶವನ್ನು ಮುಂದುವರಿಸಿಕೊಂಡು ಹೋಗಬೇಕು. ದ್ವೇಷದಿಂದ ಉತ್ತರ ಸಿಗುವುದಿಲ್ಲ; ಪ್ರೀತಿಯಿಂದ ಜನರನ್ನು ಒಗ್ಗೂಡಿಸಿದಾಗ ಮಾತ್ರ ಸಮಾಜದ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಲು ಸಾಧ್ಯ ಎಂದು ಹೇಳಿದರು.

ಜನರು ನೀಡಿರುವ ಅಧಿಕಾರದ ಋಣ ತೀರಿಸಲು ಪ್ರಾಮಾಣಿಕವಾಗಿ ಸೇವೆ ಸಲ್ಲಿಸುವುದು ತಮ್ಮ ಕರ್ತವ್ಯ. ಕಿತ್ತೂರು ಕ್ಷೇತ್ರದ ಶಾಸಕರು ರೂಪಿಸುತ್ತಿರುವ ಅಭಿವೃದ್ಧಿ ಕಾರ್ಯಕ್ರಮಗಳಿಗೆ ಇಡೀ ಸರ್ಕಾರ ಬೆಂಬಲವಾಗಿ ನಿಲ್ಲಲಿದೆ. ಕಿತ್ತೂರು ರಾಣಿ ಚನ್ನಮ್ಮ ಎಲ್ಲರ ಬದುಕಿಗೂ ಮಾದರಿಯಾಗಲಿ ಎಂದು ಮುಖ್ಯಮಂತ್ರಿ ಆಶಿಸಿದರು.ಕಿತ್ತೂರು ರಾಜಗುರು ಸಂಸ್ಥಾನ ಕಲ್ಮಠದ ಮಡಿವಾಳ ರಾಜಯೋಗೀಂದ್ರ ಸ್ವಾಮೀಜಿ, ಕಾದ್ರೋಳಿಯ ಸೀಮಿಮಠ ಡಾ. ಫಾಲಾಕ್ಷ ಶಿವಯೋಗೇಶ್ವರ ಸ್ವಾಮೀಜಿ,ಬೈಲೂರು ನಿಷ್ಕಲ ಮಂಟಪದ ನಿಜಗುಣಾನಂದ ಸ್ವಾಮೀಜಿ, ನಿಚ್ಚಣಿಕಿ ಮಡಿವಾಳೇಶ್ವರ ಮಠದ ಪಂಚಾಕ್ಷರಿ ಸ್ವಾಮೀಜಿ, ಸಾನ್ನಿಧ್ಯ ವಹಿಸಿದ್ದರು.

ಕಿತ್ತೂರು ಶಾಸಕ ಬಾಬಾಸಾಹೇಬ್ ಪಾಟೀಲ ಅಧ್ಯಕ್ಷತೆ ವಹಿಸಿದ್ದರು. ಪ್ರೊ .ಸವಿತಾ ಬೆನ್ನಾಡಿ , ಸಕ್ಕರೆ ಸಚಿವ ರುದ್ರಪ್ಪ ಲಮಾಣಿ, ಶಾಸಕರಾದ ಮಹಾಂತೇಶ ಕೌಜಲಗಿ, ಅಶೋಕ ಪಟ್ಟಣ, ಆಸೀಫ್ ಸೇಠ್, ಲಕ್ಷ್ಮೀ ಹೆಬ್ಬಾಳಕರ, ಎನ್.ಎಚ್.‌ಕೋನರಡ್ಡಿ, ವಿಶ್ವಾಸ ವೈದ್ಯ, ಮೋಹನ ಲಿಂಬಿಕಾಯಿ, ಚನ್ನರಾಜ ಹಟ್ಟಿಹೊಳಿ ಉಪಸ್ಥಿತರಿದ್ದರು. ಕಿತ್ತೂರು ಅಭಿವೃದ್ಧಿ ಪ್ರಾಧಿಕಾರದ ಆಯುಕ್ತ ಸಂತೋಷ ಹಾನಗಲ್ ಸ್ವಾಗತಿಸಿದರು.

--------

ಸವದತ್ತಿ ಯಲ್ಲಮ್ಮನಗುಡ್ಡಕ್ಕೆ ₹ 215.37 ಕೋಟಿ ಅಭಿವೃದ್ಧಿ ಕಾಮಗಾರಿಗಳ ಕೊಡುಗೆ Belagavi

Kannadaprabha News — Mon, 26 Oct 2026 06:33:55 +0530

ಬೆಳಗಾವಿ: ಸುಕ್ಷೇತ್ರ ಸವದತ್ತಿಯ ರೇಣುಕಾ ಯಲ್ಲಮ್ಮಾ ದೇವಸ್ಥಾನದಲ್ಲಿ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳ ಒಟ್ಟು ₹215.37 ಕೋಟಿ ಅನುದಾನದಲ್ಲಿ ಕೈಗೆತ್ತಿಕೊಳ್ಳಲಿರುವ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಅ.26ರಂದು ಮಧ್ಯಾಹ್ನ 1 ಗಂಟೆಗೆ ಶಂಕುಸ್ಥಾಪನೆ ನೆರವೇರಲಿದೆ.

ಪ್ರವಾಸೋದ್ಯಮ ಇಲಾಖೆ, ಮುಜರಾಯಿ ಇಲಾಖೆ, ಬೆಳಗಾವಿ ಜಿಲ್ಲಾ ಪ್ರವಾಸೋದ್ಯಮ ಅಭಿವೃದ್ಧಿ ಸಮಿತಿ, ರೇಣುಕಾ ಯಲ್ಲಮ್ಮಾ ದೇವಸ್ಥಾನ ಅಭಿವೃದ್ಧಿ ಪ್ರಾಧಿಕಾರ, ಯಲ್ಲಮ್ಮನಗುಡ್ಡ ಹಾಗೂ ಲೋಕೋಪಯೋಗಿ ಇಲಾಖೆ, ಬೆಳಗಾವಿ ಇವರ ಸಂಯುಕ್ತ ಆಶ್ರಯದಲ್ಲಿ ಶಂಕುಸ್ಥಾಪನೆ ಸಮಾರಂಭ ಆಯೋಜಿಸಲಾಗಿದೆ.

ಮುಖ್ಯಮಂತ್ರಿಗಳಿಂದ ಶಂಕುಸ್ಥಾಪನೆ

ಸಮಾರಂಭದಲ್ಲಿ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ ಅವರು ಶಂಕುಸ್ಥಾಪನೆ ನೆರವೇರಿಸಲಿದ್ದಾರೆ. ಲೋಕೋಪಯೋಗಿ ಸಚಿವ ಸತೀಶ್ ಜಾರಕಿಹೊಳಿ, ಸಹಕಾರ ಸಚಿವ ಲಕ್ಷ್ಮಣ ಸವದಿ, ಇಂಧನ ಹಾಗೂ ಪ್ರವಾಸೋದ್ಯಮ ಸಚಿವ ಕೆ.ಜೆ. ಜಾರ್ಜ್, ಮುಜರಾಯಿ ಸಚಿವ ಕೆ.ಎಸ್. ಬಸವಂತಪ್ಪ, ಅರಣ್ಯ, ಜೀವಿಶಾಸ್ತ್ರ ಮತ್ತು ಪರಿಸರ ಸಚಿವ ರಾಮಲಿಂಗಾರೆಡ್ಡಿ ಭಾಗವಹಿಸಲಿದ್ದಾರೆ. ಶಾಸಕ ಹಾಗೂ ರೇಣುಕಾ ಯಲ್ಲಮ್ಮಾ ದೇವಸ್ಥಾನ ಅಭಿವೃದ್ಧಿ ಪ್ರಾಧಿಕಾರದ ಉಪಾಧ್ಯಕ್ಷ ವಿಶ್ವಾಸ ವೈದ್ಯ ಅಧ್ಯಕ್ಷತೆ ವಹಿಸಲಿದ್ದಾರೆ.

ಹಲವು ಗಣ್ಯರು ಭಾಗಿ

ಶಾಸಕ ಹಾಗೂ ಮಾಜಿ ಸಚಿವ ಎಚ್.ಕೆ. ಪಾಟೀಲ, ಶಾಸಕರಾದ ಅಶೋಕ ಪಟ್ಟಣ, ಪ್ರಕಾಶ ಹುಕ್ಕೇರಿ, ಭರಮಗೌಡ ಕಾಗೆ, ಮಹಾಂತೇಶ ಕೌಜಲಗಿ, ಭರಮಣ್ಣ ಉಪ್ಪಾರ, ಸಂಸದರಾದ ಪ್ರಿಯಾಂಕಾ ಜಾರಕಿಹೊಳಿ, ಜಗದೀಶ ಶೆಟ್ಟರ್, ವಿಶ್ವೇಶ್ವರ ಹೆಗಡೆ ಕಾಗೇರಿ, ಶಾಸಕರಾದ ರಮೇಶ ಜಾರಕಿಹೊಳಿ, ಬಾಲಚಂದ್ರ ಜಾರಕಿಹೊಳಿ, ದುರ್ಯೋಧನ ಐಹೊಳೆ, ಶಶಿಕಲಾ ಜೊಲ್ಲೆ, ಗಣೇಶ ಹುಕ್ಕೇರಿ, ಅಭಯ ಪಾಟೀಲ, ಲಕ್ಷ್ಮೀ ಹೆಬ್ಬಾಳಕರ, ಮಹೇಂದ್ರ ತಮ್ಮಣ್ಣವರ, ನಿಖಿಲ್ ಕತ್ತಿ, ಆಶಿಫ್ ಸೇಠ್, ವಿಠ್ಠಲ ಹಲಗೇಕರ ಹಾಗೂ ಬಾಬಾಸಾಹೇಬ ಪಾಟೀಲ ಭಾಗವಹಿಸಲಿದ್ದಾರೆ.

ವಿಧಾನ ಪರಿಷತ್ ಸದಸ್ಯರಾದ ಹನಮಂತ ನಿರಾಣಿ, ಚನ್ನರಾಜ ಹಟ್ಟಿಹೊಳಿ, ಲಖನ ಜಾರಕಿಹೊಳಿ ಹಾಗೂ ಎಂ. ನಾಗರಾಜು, ಕಾಡಾ ಅಧ್ಯಕ್ಷ ಯುವರಾಜ್ ಕದಮ್, ಬಾಲವಿಕಾಸ ಅಕಾಡೆಮಿ ಅಧ್ಯಕ್ಷ ಅಡವೇಶ ಇಟಗಿ, ಗ್ಯಾರಂಟಿ ಯೋಜನೆಗಳ ಜಿಲ್ಲಾಧ್ಯಕ್ಷ ವಿನಯ ನಾವಲಗಟ್ಟಿ ಹಾಗೂ ಶ್ರೀ ರೇಣುಕಾ ಯಲ್ಲಮ್ಮಾ ದೇವಸ್ಥಾನ ಅಭಿವೃದ್ಧಿ ಪ್ರಾಧಿಕಾರದ ಸದಸ್ಯರಾದ ಸಿದ್ದನಗೌಡ ಗೂಢರಾಶಿ, ನಂದಕುಮಾರ ಸುರೇಬಾನ, ಗಂಗಾ ಪಟ್ಟಣಶೆಟ್ಟಿ, ರೇಣುಕಾ ವಾಲೀಕಾರ ಮತ್ತು ಶ್ರೀಶೈಲ್ ಅಬ್ಬಾಯಿ ಸೇರಿದಂತೆ ಹಲವು ಗಣ್ಯರು ಸಮಾರಂಭದಲ್ಲಿ ಪಾಲ್ಗೊಳ್ಳಲಿದ್ದಾರೆ.

ಸ್ಟಿಂಗ್‌ ಕೇಸಿಗೆ ಹೊಸ ತಿರುವು; ಹೇಳಿಕೊಟ್ಟಿರೋದನ್ನು ಹೇಳಿದೆ ಅಷ್ಟೇ ಎಂದ ಮಹಿಳೆ!

Mahmad Rafik — Mon, 26 Oct 2026 06:16:17 +0530

ಬೆಂಗಳೂರು: ಸಿದ್ದರಾಮಯ್ಯ ಅವರು ವೈಯಕ್ತಿಕವಾಗಿ ನನಗೆ ಗೊತ್ತಿಲ್ಲ, ಅವರನ್ನು ಭೇಟಿಯೂ ಆಗಿಲ್ಲ. ನನಗೆ ಏನು ಹೇಳಿಕೊಟ್ಟಿದ್ದರೋ ಅದೇ ರೀತಿ ಹೇಳಿಕೆ ನೀಡಿದ್ದೆ ಎಂದು ಮಾಜಿ ಮುಖ್ಯಮಂತ್ರಿ ವಿರುದ್ಧದ ಸ್ಟಿಂಗ್ ಆಪರೇಷನ್‌ ವಿಡಿಯೋದಲ್ಲಿರುವ ಸಂತ್ರಸ್ತೆ ಎನ್ನಲಾದ ಮಹಿಳೆ ಪೊಲೀಸ್‌ ವಿಚಾರಣೆ ವೇಳೆ ಹೇಳಿಕೆ ನೀಡಿದ್ದಾರೆ.

ಸಿಸಿಬಿ ಪೊಲೀಸರಿಂದ ಮಹಿಳೆಯ ವಿಚಾರಣೆ

ಸಿದ್ದರಾಮಯ್ಯ ವಿರುದ್ಧ ನಡೆದಿದೆ ಎನ್ನಲಾದ ಸ್ಟಿಂಗ್‌ ಆಪರೇಷನ್‌ ವಿಡಿಯೋದಲ್ಲಿರುವ ಮಹಿಳೆಯನ್ನು ಪತ್ತೆ ಹಚ್ಚಿರುವ ಸಿಸಿಬಿ ಸೈಬರ್‌ ಕ್ರೈಂ ಪೊಲೀಸರು ನೋಟಿಸ್‌ ನೀಡಿ ಆಕೆಯ ವಿಚಾರಣೆ ನಡೆಸಿ ಹೇಳಿಕೆಯನ್ನು ವಿಡಿಯೋ ರೆಕಾರ್ಡ್‌ ಮಾಡಿಕೊಂಡಿದ್ದಾರೆ.

ಯಾವಾಗ ವಿಡಿಯೋ ರೆಕಾರ್ಡ್‌ ಮಾಡಲಾಗಿತ್ತು? ವಿಡಿಯೋ ಮಾಡಿದಾಗ ನಿಮ್ಮ ಜತೆ ಯಾರ್‍ಯಾರು ಇದ್ದರು, ಏನಾದರೂ ಆಮಿಷ ಒಡ್ಡಲಾಗಿತ್ತೇ? ಯಾವ ಕಾರಣದಿಂದ ಇಂಥ ಮಾತುಗಳನ್ನು ಹೇಳಿದೆ ಎಂಬ ಹಲವು ಪ್ರಶ್ನೆಗಳನ್ನು ಸಂತ್ರಸ್ತೆಗೆ ವಿಚಾರಣೆ ವೇಳೆ ಕೇಳಲಾಗಿದೆ ಎನ್ನಲಾಗಿದೆ.

ಆಗ, ಸಿದ್ದರಾಮಯ್ಯ ಮಾಜಿ ಮುಖ್ಯಮಂತ್ರಿಗಳು ಎಂಬುದು ನನಗೆ ಗೊತ್ತು. ಆದರೆ, ಅವರು ವೈಯಕ್ತಿಕವಾಗಿ ನನಗೆ ಗೊತ್ತಿಲ್ಲ. ಸಿದ್ದರಾಮಯ್ಯ ಅವರನ್ನು ಭೇಟಿಯಾಗಿಲ್ಲ ಎಂದು ಆಕೆ ಹೇಳಿಕೆ ನೀಡಿದ್ದಾಳೆ ಎನ್ನಲಾಗಿದೆ.

ಕಾಂಗ್ರೆಸ್‌ ನಾಯಕಿ ಕೃಪಾ ಆಳ್ವಾ 2 ತಾಸು ವಿಚಾರಣೆ - ಅದು ಸ್ಟಿಂಗ್‌ ಅಂತ ಗೊತ್ತಿರಲಿಲ್ಲ

ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ವಿರುದ್ಧ ನಡೆದಿದೆ ಎನ್ನಲಾದ ಸ್ಟಿಂಗ್‌ ಆಪರೇಷನ್‌ ಪ್ರಕರಣ ಸಂಬಂಧ ಮಂಗಳೂರು ಮೂಲದ ಕಾಂಗ್ರೆಸ್ ಮುಖಂಡೆ ಹಾಗೂ ರಾಜ್ಯ ಮಕ್ಕಳ ಹಕ್ಕು ರಕ್ಷಣಾ ಆಯೋಗದ ಮಾಜಿ ಅಧ್ಯಕ್ಷೆ ಕೃಪಾ ಆಳ್ವ ಅವರನ್ನು ಸಿಸಿಬಿಯ ಸೈಬರ್‌ ಕ್ರೈಂ ಪೊಲೀಸರು ವಿಚಾರಣೆ ನಡೆಸಿ ಹೇಳಿಕೆ ದಾಖಲಿಸಿದ್ದಾರೆ.

ಪೊಲೀಸರ ನೋಟಿಸ್‌ಗೂ ಮೊದಲೇ ತನಿಖಾಧಿಕಾರಿಗಳ ಮುಂದೆ ಹಾಜರಾದ ಕೃಪಾ ಆಳ್ವ ಅವರನ್ನು ಸುಮಾರು ಎರಡು ಗಂಟೆಗಳ ಕಾಲ ವಿಚಾರಣೆ ನಡೆಸಿ ಹೇಳಿಕೆ ದಾಖಲಿಸಲಾಗಿದೆ.

ಸ್ಟಿಂಗ್ ಆಪರೇಷನ್‌ ಪ್ರಕರಣದಲ್ಲಿ ತಮ್ಮ ಪಾತ್ರವೇನು? ಯಾವ ಉದ್ದೇಶಕ್ಕಾಗಿ ಈ ರೀತಿ ಮಾಡಲಾಗಿತ್ತು? ಪ್ರಕರಣದಲ್ಲಿ ಬೇರೆಯವರ ಪಾತ್ರವೇನು? ಎಲ್ಲಿ, ಯಾವ ವರ್ಷ ಆ ವಿಡಿಯೋವನ್ನು ಮಾಡಲಾಗಿತ್ತು? ಆ ವಿಡಿಯೋದಲ್ಲಿರುವ ಸಂತ್ರಸ್ತೆ ಯಾರು ಎಂಬಿತ್ಯಾದಿ ಹಲವು ಪ್ರಶ್ನೆಗಳನ್ನು ಕೃಪಾ ಆಳ್ವಾ ಅವರಿಗೆ ತನಿಖಾಧಿಕಾರಿಗಳು ಕೇಳಿ ಅವರ ಹೇಳಿಕೆ ದಾಖಲಿಸಿಕೊಂಡಿದ್ದಾರೆ.

ಈ ವೇಳೆ ಕೃಪಾ ಆಳ್ವ ಅವರು, ಅದು ಸ್ಟಿಂಗ್ ಆಪರೇಷನ್‌ ಅಂತ ನನಗೆ ಗೊತ್ತಿಲ್ಲ. ಮಂಗಳೂರು ಮೂಲದ ರಾಕೇಶ್ ಶೆಟ್ಟಿ ಕೆಲವರ ರಹಸ್ಯ ಬಯಲು ಮಾಡಬೇಕಿದೆ ಎಂದು ನನ್ನ ಬಳಿ ಚರ್ಚಿಸಿದರು ಅಷ್ಟೇ. ಹಾಗೆಯೇ ಸಂತ್ರಸ್ತೆ ಯಾರು ಎಂಬುದು ನನಗೆ ಗೊತ್ತಿಲ್ಲ ಎಂದು ಹೇಳಿಕೆ ನೀಡಿದ್ದಾರೆ. ಮಂಗಳೂರಿನ ಹೋಟೆಲ್‌ ಸಮೀಪ ರಾಕೇಶ್ ಶೆಟ್ಟಿ ಭೇಟಿಯಾಗಿ ಚರ್ಚಿಸಿದರು. ವಿಡಿಯೋ ಬಗ್ಗೆ ನನಗೆ ಹೆಚ್ಚಿನ ಮಾಹಿತಿ ಗೊತ್ತಿಲ್ಲ ಎಂದು ಕೃಪಾ ಹೇಳಿಕೆ ನೀಡಿದ್ದಾಗಿ ಮೂಲಗಳು ತಿಳಿಸಿವೆ.

2 ಗಂಟೆ ಕಾಲ ವಿಚಾರಣೆ:

ಸುಮಾರು ಎರಡು ಗಂಟೆಗಳ ವಿಚಾರಣೆ ನಡೆಸಿದ ಬಳಿಕ ಮತ್ತೆ ಕರೆದಾಗ ವಿಚಾರಣೆಗೆ ಬರುವಂತೆ ಸೂಚಿಸಿ, ಕೃಪಾ ಆಳ್ವಾಗೆ ಪೊಲೀಸರು ನೋಟಿಸ್‌ ನೀಡಿ ಕಳುಹಿಸಿದ್ದಾರೆ. ಪ್ರಕರಣದಲ್ಲಿ ಈಗಾಗಲೇ 15ಕ್ಕೂ ಹೆಚ್ಚು ಮಂದಿಯನ್ನು ಪೊಲೀಸರು ವಿಚಾರಣೆ ನಡೆಸಿದ್ದಾರೆ.

ಇನ್ನಿಬ್ಬರ ಶೋಧ:

ಇನ್ನು ಪ್ರಕರಣ ಸಂಬಂಧ ನೋಟಿಸ್ ನೀಡಿದರೂ ವಿಚಾರಣೆಗೆ ಹಾಜರಾಗದೆ ತಲೆಮರೆಸಿಕೊಂಡಿರುವ ಜೆಡಿಎಸ್ ಸಾಮಾಜಿಕ ಜಾಲತಾಣದ ಮುಖಸ್ಥ ಚಂದನ್ ಹಾಗೂ ಮೋಹನ್‌ಗೌಡ ಶೋಧ ಕಾರ್ಯ ನಡೆಯುತ್ತಿದೆ. ಮೋಹನ್ ಗೌಡ ಅವರ ನಿವಾಸಗಳ ಮೇಲೆ ಪೊಲೀಸರು ದಾಳಿ ಮಾಡಿ ಪರಿಶೀಲಿಸಿದ್ದಾರೆ. ಅವರ ಮನೆಯಲ್ಲಿದ್ದ ಪೆನ್ ಡ್ರೈವ್‌ಗಳನ್ನು ಜಪ್ತಿ ಮಾಡಿದ್ದಾರೆ. ಈ ಇಬ್ಬರಿಗೂ ತಾವು ಬಳಸುವ ಮೊಬೈಲ್ ಹಾಗೂ ಲ್ಯಾಪ್‌ಟಾಪ್‌ ಸೇರಿ ಇತರೆ ಎಲೆಕ್ಟ್ರಾನಿಕ್‌ ವಸ್ತುಗಳ ಸಮೇತ ವಿಚಾರಣೆಗೆ ಹಾಜರಾಗುವಂತೆ ಸಿಸಿಬಿ ಈಗಾಗಲೇ ಎರಡು ಬಾರಿ ನೋಟಿಸ್ ನೀಡಿದೆ. ಅಲ್ಲದೆ, ಪ್ರಕರಣದಲ್ಲಿ ಎಸ್.ಶಿವಸ್ವಾಮಿ ಎಂಬುವರ ಹೆಸರು ಕೇಳಿ ಬಂದಿದ್ದು, ಅವರಿಗಾಗಿಯೂ ಪೊಲೀಸರು ಶೋಧ ನಡೆಸುತ್ತಿದ್ದಾರೆ.

ಕಬ್ಬು ಬೆಳೆಗಾರರ ಜತೆ ಬೆಳಗಾವಿಯಲ್ಲಿ ಇಂದು ಡಿಕೆಶಿ ಮಹತ್ವದ ಸಭೆ; ವಿಫಲವಾದರೆ ನಾಳೆ ರಾಜ್ಯ ಬಂದ್‌?

Kannadaprabha News — Mon, 26 Oct 2026 06:08:37 +0530

ಬೆಳಗಾವಿ: ಪ್ರತಿ ಟನ್‌ ಕಬ್ಬಿಗೆ ₹5,500 ದರ ನಿಗದಿ ಸೇರಿ ವಿವಿಧ ಬೇಡಿಕೆಗಳ ಈಡೇರಿಕೆಗಾಗಿ ಆಗ್ರಹಿಸಿ ಪ್ರತಿಭಟನೆ ನಡೆಸುತ್ತಿರುವ ರೈತ ಮುಖಂಡರು ಹಾಗೂ ಸಕ್ಕರೆ ಕಾರ್ಖಾನೆಗಳ ಮಾಲೀಕರ ಜೊತೆ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌ ಅವರು ಸೋಮವಾರ ಮಹತ್ವದ ಸಭೆ ನಡೆಸಲಿದ್ದಾರೆ. ಬೆಳಗಾವಿಯ ಸುವರ್ಣ ವಿಧಾನಸೌಧದಲ್ಲಿ ಸಭೆ ನಡೆಯಲಿದ್ದು, ದರ ನಿಗದಿಗಾಗಿ ರೈತರು ಪಟ್ಟು ಹಿಡಿದಿದ್ದಾರೆ. ಸಿಎಂರಿಂದ ಸ್ಪಂದನೆ ಸಿಗದಿದ್ದರೆ ಮಂಗಳವಾರ ಕರ್ನಾಟಕ ಬಂದ್ ನಡೆಸುವುದಾಗಿ ರೈತ ಮುಖಂಡರು ಎಚ್ಚರಿಕೆ ನೀಡಿದ್ದು, ಸಭೆ ಕುತೂಹಲ ಮೂಡಿಸಿದೆ.

ರೈತ ಮುಖಂಡರೊಂದಿಗೆ ಸಭೆ ನಿಗದಿ

ಭಾನುವಾರ ನಡೆದ ಕಿತ್ತೂರು ಉತ್ಸವದ ಸಮಾರೋಪ ಸಮಾರಂಭದಲ್ಲಿ ಪಾಲ್ಗೊಂಡಿದ್ದ ಸಿಎಂ ಡಿಕೆಶಿ, ರಾತ್ರಿ ಬೆಳಗಾವಿಯಲ್ಲಿಯೇ ತಂಗಿದ್ದು, ಸೋಮವಾರ ಸುವರ್ಣವಿಧಾನಸೌಧದಲ್ಲಿ ಸಕ್ಕರೆ ಕಾರ್ಖಾನೆಗಳ ಮಾಲೀಕರು ಹಾಗೂ ಕಬ್ಬು ಬೆಳೆಗಾರರೊಂದಿಗೆ ಪ್ರತ್ಯೇಕ ಸಭೆ ನಡೆಸಲಿದ್ದಾರೆ. ಬೆಳಗ್ಗೆ 11 ಗಂಟೆಗೆ ಕಾರ್ಖಾನೆ ಮಾಲೀಕರೊಂದಿಗೆ, ಮಧ್ಯಾಹ್ನ 3.30ಕ್ಕೆ ರೈತ ಮುಖಂಡರೊಂದಿಗೆ ಸಭೆ ನಿಗದಿಯಾಗಿದೆ.

ರಾಜ್ಯ ಸರ್ಕಾರ ಪ್ರತಿ ಟನ್ ಕಬ್ಬಿಗೆ ₹1,000 ಪ್ರೋತ್ಸಾಹಧನ ಘೋಷಿಸಬೇಕು. ಕಾರ್ಖಾನೆಗಳಿಂದ ಕನಿಷ್ಠ ₹4,500 ದೊರೆಯುವಂತೆ ಮಾಡಬೇಕು. ಕಾರ್ಖಾನೆಗಳಲ್ಲಿನ ತೂಕದ ಮೋಸ ತಡೆಯಲು ₹500 ಕೋಟಿ ಮೀಸಲಿಡಬೇಕು ಹಾಗೂ ಬೆಳಗಾವಿಯ ಸಕ್ಕರೆ ಆಯುಕ್ತರ ಕಚೇರಿಗೆ ಆಯುಕ್ತರನ್ನು ನೇಮಿಸಬೇಕು ಎಂಬುದು ರೈತರ ಬೇಡಿಕೆ.

ಸಕ್ಕರೆಯ ಕನಿಷ್ಠ ಮಾರಾಟ ದರ

ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಅವರೂ ಸಭೆಯಲ್ಲಿ ಭಾಗವಹಿಸಿ, ಸಕ್ಕರೆಯ ಕನಿಷ್ಠ ಮಾರಾಟ ದರ ಹೆಚ್ಚಳಕ್ಕೆ (ಪ್ರತಿ ಟನ್‌ ಕಬ್ಬಿಗೆ ಕೇಂದ್ರ ಸರ್ಕಾರದಿಂದ ಎಫ್‌ಆರ್‌ಪಿ ₹5,500 ದರ ನಿಗದಿ, ಸಕ್ಕರೆಯ ಕನಿಷ್ಠ ಮಾರಾಟ ದರ ಕೆ.ಜಿ.ಗೆ ₹60ಕ್ಕೆ ಹೆಚ್ಚಳ) ಕೇಂದ್ರದ ಮಟ್ಟದಲ್ಲಿ ಕ್ರಮ ಕೈಗೊಳ್ಳಬೇಕು ಎಂಬುದು ರೈತರ ನಿರೀಕ್ಷೆ. ಒಂದೇ ದಿನ ಕಾರ್ಖಾನೆ ಮಾಲೀಕರು ಮತ್ತು ರೈತ ಮುಖಂಡರೊಂದಿಗೆ ಪ್ರತ್ಯೇಕ ಸಭೆ ನಡೆಸುತ್ತಿರುವುದು ಬಿಕ್ಕಟ್ಟಿನ ತೀವ್ರತೆ ಎತ್ತಿ ತೋರಿಸಿದೆ.

ಮುಖ್ಯಮಂತ್ರಿ ಜೊತೆಗಿನ ಸಭೆಯಲ್ಲಿ ಬೇಡಿಕೆಗಳಿಗೆ ಸಕಾರಾತ್ಮಕ ಸ್ಪಂದನೆ ದೊರೆಯದಿದ್ದರೆ ಮಂಗಳವಾರ ಕರ್ನಾಟಕ ಬಂದ್‌ಗೆ ಕರೆ ನೀಡಲಾಗುವುದು ಎಂದು ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ರಾಜ್ಯಾಧ್ಯಕ್ಷ ಚೂನಪ್ಪ ಪೂಜೇರಿ ಎಚ್ಚರಿಕೆ ನೀಡಿದ್ದಾರೆ. ಹೀಗಾಗಿ ಸಭೆಯ ನಿರ್ಧಾರ ಕಬ್ಬಿನ ಹಂಗಾಮಿನ ಮುಂದಿನ ಬೆಳವಣಿಗೆಗಳ ದೃಷ್ಟಿಯಿಂದ ಮಹತ್ವ ಪಡೆದಿದ್ದು, ಕಬ್ಬಿನ ದರ ವಿವಾದ ರಾಜ್ಯಮಟ್ಟದ ಹೋರಾಟವಾಗಿ ರೂಪುಗೊಳ್ಳುವ ಸಾಧ್ಯತೆ ಎದುರಾಗಿದೆ.

ಗುರ್ಲಾಪುರದಲ್ಲಿ ರೈತರ ಪ್ರತಿಭಟನೆ

ಈ ಮಧ್ಯೆ, ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ನೇತೃತ್ವದಲ್ಲಿ ಭಾನುವಾರ ಮೂಡಲಗಿ ತಾಲೂಕಿನ ಗುರ್ಲಾಪುರ ಕ್ರಾಸ್‌ನಲ್ಲಿ ಬೃಹತ್‌ ಪ್ರತಿಭಟನೆ ನಡೆಸಲಾಯಿತು. ಮುಧೋಳ–ನಿಪ್ಪಾಣಿ ರಾಜ್ಯ ಹೆದ್ದಾರಿ ತಡೆದು ಆಕ್ರೋಶ ವ್ಯಕ್ತಪಡಿಸಲಾಯಿತು.

ರಾಜ್ಯದ ವಿವಿಧ ಜಿಲ್ಲೆಗಳಿಂದ ಆಗಮಿಸಿದ ಅಪಾರ ಸಂಖ್ಯೆಯ ರೈತರು ಪ್ರತಿಭಟನೆಯಲ್ಲಿ ಪಾಲ್ಗೊಂಡು, ಕಬ್ಬು ಬೆಳೆಗಾರರಿಗೆ ನ್ಯಾಯಯುತ ಬೆಲೆ ನೀಡುವಂತೆ ಸರ್ಕಾರವನ್ನು ಒತ್ತಾಯಿಸಿದರು. ಬೇಡಿಕೆಗಳು ಈಡೇರುವವರೆಗೆ ಅಹೋರಾತ್ರಿ ಹೋರಾಟ ಮುಂದುವರಿಸುವುದಾಗಿ ರೈತ ಮುಖಂಡರು ಎಚ್ಚರಿಕೆ ನೀಡಿದರು.

ಬಂಗಾಳಕೊಲ್ಲಿಯಲ್ಲಿ ಭೀಕರ ವಾಯುಭಾರ ಕುಸಿತ; ಅ. 28ರಂದು ಕರಾವಳಿಗೆ ಚಂಡಮಾರುತ ಎಂಟ್ರಿ

Kannadaprabha News — Mon, 26 Oct 2026 05:59:46 +0530

ಕೋಲ್ಕತಾ/ತಿರುವನಂತಪುರಂ: ಬಂಗಾಳಕೊಲ್ಲಿಯಲ್ಲಿ ಉಂಟಾಗಿರುವ ತೀವ್ರ ವಾಯುಭಾರ ಕುಸಿತವು ಶೀಘ್ರದಲ್ಲೇ ಚಂಡಮಾರುತವಾಗಿ ರೂಪಾಂತರಗೊಳ್ಳಲಿದ್ದು, ಅ.28ರಂದು ಆಂಧ್ರಪ್ರದೇಶದ ಕರಾವಳಿಗೆ ಅಪ್ಪಳಿಸುವ ಸಾಧ್ಯತೆಯಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಭಾನುವಾರ ಎಚ್ಚರಿಸಿದೆ. ಇದರ ಪರಿಣಾಮವಾಗಿ ಆಂಧ್ರಪ್ರದೇಶ, ಒಡಿಶಾ, ಪಶ್ಚಿಮ ಬಂಗಾಳ, ತಮಿಳುನಾಡು, ಕೇರಳ ಸೇರಿದಂತೆ ದಕ್ಷಿಣ ಮತ್ತು ಪೂರ್ವ ಭಾರತದ ಹಲವು ಭಾಗಗಳಲ್ಲಿ ಬಿರುಗಾಳಿ ಸಹಿತ ಭಾರಿ ಮಳೆಯಾಗಲಿದೆ.

ಪ್ರಸ್ತುತ ಪೂರ್ವ-ಮಧ್ಯ ಬಂಗಾಳಕೊಲ್ಲಿಯಲ್ಲಿ ವಾಯುಭಾರ ಕುಸಿತ ಉಂಟಾಗಿದ್ದು, ಇದು ಸೋಮವಾರ ಬೆಳಿಗ್ಗೆ ಹೊತ್ತಿಗೆ ತೀವ್ರಗೊಂಡು ಚಂಡಮಾರುತವಾಗಿ ಬದಲಾಗಲಿದೆ. ಅ.27ಕ್ಕೆ ಮತ್ತಷ್ಟು ತೀವ್ರಗೊಂಡು, ಅ.28ಕ್ಕೆ ಭೀಕರ ಚಂಡಮಾರುತವಾಗಿ ಮಾರ್ಪಟ್ಟು ಆಂಧ್ರದ ವಿಶಾಖಪಟ್ಟಣ ಹಾಗೂ ಬಾಪಟ್ಲ ನಡುವಿನ ಕರಾವಳಿಗೆ ಅಪ್ಪಳಿಸಲಿದೆ.

ಆಂಧ್ರ, ಒಡಿಶಾ, ಬಂಗಾಳಕ್ಕೆ ಎಚ್ಚರಿಕೆ

ಈ ಚಂಡಮಾರುತವು ಅ.28ರ ಮಧ್ಯಾಹ್ನದ ಹೊತ್ತಿಗೆ ಆಂಧ್ರಪ್ರದೇಶದ ಬಾಪಟ್ಲಾ ಮತ್ತು ವಿಶಾಖಪಟ್ಟಣಂ ಮಧ್ಯೆ ಹಾಗೂ ಯಾನಂ ಕರಾವಳಿಯ ಭಾಗದಲ್ಲಿ ಅಪ್ಪಳಿಸಲಿದೆ. ಆಂಧ್ರ ಹಾಗೂ ದಕ್ಷಿಣ ಒಡಿಶಾ ಕರಾವಳಿ ಪ್ರದೇಶಗಳಿಗೆ ಈಗಾಗಲೇ ಎಚ್ಚರಿಕೆಯನ್ನು ನೀಡಲಾಗಿದೆ. ಚಂಡಮಾರುತವು ವಾಯುವ್ಯ ದಿಕ್ಕಿನಲ್ಲಿ ಚಲಿಸುವುದರಿಂದ ಪಶ್ಚಿಮ ಬಂಗಾಳದ ಮೇಲೂ ತೀವ್ರ ಪರಿಣಾಮ ಬೀರಲಿದೆ. ಅ.27ರಿಂದಲೇ ಬಂಗಾಳ ಕರಾವಳಿಯಲ್ಲಿ ಬಿರುಗಾಳಿ ಬೀಸಲಿದ್ದು, ಅ.28-30ರವರೆಗೆ ಭಾರಿ ಮಳೆಯಾಗಲಿದೆ.

ಕೇರಳದಲ್ಲಿ ಪ್ರವಾಹ ಸ್ಥಿತಿ

ಭಿಕರವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಕೇರಳದಲ್ಲಿ ಪ್ರವಾಹ ಪರಿಸ್ಥಿತಿ ನಿರ್ಮಾಣವಾಗಿದೆ. ತಗ್ಗು ಪ್ರದೇಶಗಳು ಜಲಾವೃತಗೊಂಡಿದ್ದು, ಸಾರ್ವಜನಿಕ ಜೀವನ ಅಸ್ತವ್ಯಸ್ತಗೊಂಡಿದೆ. ಹವಾಮಾನ ಇಲಾಖೆಯು ಮಲಪ್ಪುರಂ, ಕೋಝಿಕ್ಕೋಡ್ ಮತ್ತು ವಯನಾಡ್ ಜಿಲ್ಲೆಗಳಿಗೆ ರೆಡ್ ಅಲರ್ಟ್ ಘೋಷಿಸಿದೆ. ತಿರುವನಂತಪುರಂ, ಕೊಲ್ಲಂ, ಪತ್ತನಂತಿಟ್ಟ, ಪಾಲಕ್ಕಾಡ್, ಕಣ್ಣೂರು ಸೇರಿದಂತೆ 10 ಜಿಲ್ಲೆಗಳಿಗೆ ಆರೆಂಜ್ ಅಲರ್ಟ್ ಹಾಗೂ ಕಾಸರಗೋಡು ಜಿಲ್ಲೆಗೆ ಯೆಲ್ಲೋ ಅಲರ್ಟ್ ಘೋಷಿಸಲಾಗಿದೆ.

ತ.ನಾಡಿನಲ್ಲಿ ದಾಖಲೆ ಮಳೆ

ಈಶಾನ್ಯ ಮಾನ್ಸೂನ್ ಚುರುಕಾಗಿರುವುದರಿಂದ ತಮಿಳುನಾಡಿನ ವಿವಿಧ ಭಾಗಗಳಲ್ಲಿ ದಾಖಲೆ ಪ್ರಮಾಣದ ಮಳೆಯಾಗಿದೆ. ವಿಶೇಷವಾಗಿ ನೀಲಗಿರಿ ಜಿಲ್ಲೆಯ ಬುರ್ಲಿಯಾರ್‌ನಲ್ಲಿ ಗರಿಷ್ಠ 25 ಸೆಂ.ಮೀ. ಮಳೆ ದಾಖಲಾಗಿದೆ. ದೇವಿಕಾಪುರಂನಲ್ಲಿ 20 ಸೆಂ.ಮೀ., ಕೆಲ್ ಕೋಟಗಿರಿ ಎಸ್ಟೇಟ್‌ನಲ್ಲಿ 20 ಸೆಂ.ಮೀ., ನೆಡುಂಗುಣಂನಲ್ಲಿ 18 ಸೆಂ.ಮೀ., ಕೂನೂರ್ ಪಿಟಿಒನಲ್ಲಿ 17 ಸೆಂ.ಮೀ., ಅಲಕರೈ ಎಸ್ಟೇಟ್‌ನಲ್ಲಿ 16 ಸೆಂ.ಮೀ. ಮಳೆ ಸುರಿದಿದೆ. ಪೂರ್ವ ಮತ್ತು ದಕ್ಷಿಣ ಭಾರತದ ಕರಾವಳಿ ರಾಜ್ಯಗಳಲ್ಲಿ ಪರಿಸ್ಥಿತಿ ತೀವ್ರ ಸ್ವರೂಪ ಪಡೆದುಕೊಳ್ಳುತ್ತಿದ್ದು, ದುರಂತ ನಿರ್ವಹಣಾ ಪಡೆಗಳು ಹಾಗೂ ರಕ್ಷಣಾ ತಂಡಗಳನ್ನು ಮುನ್ನೆಚ್ಚರಿಕಾ ಕ್ರಮವಾಗಿ ಸಜ್ಜುಗೊಳಿಸಲಾಗಿದೆ.

ಪುಲಕೇಶಿನಗರ ಸ್ಫೋಟದ ರಹಸ್ಯ ಬಯಲು: ರಾಯಚೂರು To ಬೆಂಗಳೂರು, ಬಸ್‌ನಲ್ಲಿ IED ಸಾಗಾಟ

Kannadaprabha News — Mon, 26 Oct 2026 05:50:58 +0530

ಬೆಂಗಳೂರು: ಪುಲಕೇಶಿನಗರದ ನಿರ್ಮಾಣ ಹಂತದ ಕಟ್ಟಡದಲ್ಲಿ ಟಾರ್ಚ್‌ ಬ್ಯಾಟರಿಯಲ್ಲಿ ಅಳವಡಿಸಿದ್ದ ಸುಧಾರಿತ ಕಚ್ಚಾ ಬಾಂಬ್ (ಐಇಡಿ) ಸ್ಫೋಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಸ್ಸಾಂ ಮೂಲದ ಮೂವರನ್ನು ಜಂಟಿ ಕಾರ್ಯಾಚರಣೆ ನಡೆಸಿ ಪೊಲೀಸರು ಬಂಧಿಸಿದ್ದಾರೆ.

ಅಸ್ಸಾಂ ರಾಜ್ಯದ ಬುರಹ್ಹಾನ್‌ ಅಹ್ಮದ್ ಬರ್ಭುಯ್ಯ (20), ಜಾಹಿದ್‌ವುಲ್ ಹುಸೇನ್ (27), ಸಾಜಿದುಲ್ ಲಶ್ಕರ್ (22) ಬಂಧಿತರು. ಆರೋಪಿಗಳು ಹಳೇ ದ್ವೇಷದ ಹಿನ್ನೆಲೆಯಲ್ಲಿ ಸೆಕ್ಯೂರಿಟಿ ಗಾರ್ಡ್‌ನನ್ನು ಹತ್ಯೆ ಮಾಡಲು ಸಂಚು ರೂಪಿಸಿರುವುದು ತನಿಖೆ ವೇಳೆ ಬಯಲಾಗಿದೆ ಎಂದು ನಗರ ಪೊಲೀಸ್‌ ಆಯುಕ್ತ ಸೀಮಂತ್‌ ಕುಮಾರ್‌ ಸಿಂಗ್‌ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ಮೂವರು ಆರೋಪಿಗಳು ಹಾಗೂ ಹತ್ಯೆ ಮಾಡಲು ಗುರಿ ಮಾಡಲಾಗಿದ್ದ ಸೆಕ್ಯೂರಿಟಿ ಗಾರ್ಡ್ ಒಂದೇ ಗ್ರಾಮದವರು. ಪುಲಕೇಶಿ ನಗರದ ಜರ್ಮಯ್ಯ ರಸ್ತೆಯಲ್ಲಿ ನಿರ್ಮಾಣ ಹಂತದ ಕಟ್ಟಡದಲ್ಲಿ ಐಇಡಿ ಇರಿಸಿ ಸ್ಫೋಟ ಘಟನೆ ಸಂಬಂಧ ಪೊಲೀಸರು ಕಾರ್ಯಾಚರಣೆ ನಡೆಸಿ ಆರೋಪಿಗಳನ್ನು ಬಂಧಿಸಿದ್ದಾರೆ.

ಯಾರು ಈ ಮೂವರು?

ರಾಯಚೂರು ಜಿಲ್ಲೆ ಮಸ್ಕಿಯಲ್ಲಿ ಐಇಡಿಯನ್ನು ಬುರ‌ಹ್ಹಾನ್‌ ಅಹ್ಮದ್ ಬುರ್ಭುಯ್ಯ ಸಿದ್ಧಪಡಿಸಿದ್ದ. ಇದಕ್ಕೆ ಬೇಕಾದ ವಸ್ತುಗಳ ಖರೀದಿಗೆ ಸಾಜಿದುಲ್ ಹಾಗೂ ಜಾಹಿದ್‌ವುಲ್ ಹಣಕಾಸು ನೆರವು ನೀಡಿದ್ದರು. ಮಸ್ಕಿಯಲ್ಲಿ ಬುರ‌ಹ್ಹಾನ್‌ ಅಹ್ಮದ್ ಎಲೆಕ್ಟ್ರಿಕಲ್ ಕೆಲಸ ಮಾಡುತ್ತಿದ್ದನು. ಜಾಹಿದ್‌ವುಲ್ ಬೆಂಗಳೂರಿನ ಜಯನಗರದಲ್ಲಿ ಬೇಕರಿಯಲ್ಲಿ ಕೆಲಸ ಮಾಡಿಕೊಂಡಿದ್ದ ಮತ್ತು ಸಾಜಿದುಲ್ ಮಲ್ಲೇಶ್ವರದ ಕಾಫಿ ಕೆಫೆಯಲ್ಲಿ ಕೆಲಸ ಮಾಡಿಕೊಂಡಿದ್ದ. ಇಬ್ಬರು ಕಳೆದ 8 ವರ್ಷಗಳಿಂದ ನಗರದಲ್ಲಿ ವಾಸವಾಗಿದ್ದರು. ಸಮಯ ಸಿಕ್ಕಾಗ ಬುರ‌ಹ್ಹಾನ್‌ ಅಹ್ಮದ್ ಬೆಂಗಳೂರಿಗೆ ಬಂದು ಹೋಗುತ್ತಿದ್ದ.

ಬಸ್‌ನಲ್ಲಿ ಸ್ಪೋಟಕ ಸಾಗಾಟ

ಬುರ‌ಹ್ಹಾನ್‌ ಅಹ್ಮದ್ ತಿಂಗಳಿಂದ ಹಂತ ಹಂತವಾಗಿ ಕಚ್ಚಾ ಬಾಂಬ್ ಮನೆಯಲ್ಲಿಯೇ ತಯಾರಿಸಿ ಅ.16ರಂದು ರಾಯಚೂರಿನಿಂದ ಬೆಂಗಳೂರಿಗೆ ಬಸ್‌ನಲ್ಲಿ ತಂದಿದ್ದ. ಸೆಕ್ಯೂರಿಟಿ ಗಾರ್ಡ್ ಅಲ್ಲಾವುದ್ದೀನ್ ಹತ್ಯೆ ಮಾಡಲು ಎರಡು ದಿನ ಮುಂಚೆಯೇ ಬೆಂಗಳೂರಿಗೆ ಆಗಮಿಸಿ ನಂತರ ಸಾಜಿದುಲ್ ಮನೆಯಲ್ಲಿ ಆಶ್ರಯ ಪಡೆದಿದ್ದ. ಅ.19ರಂದು ಮಧ್ಯಾಹ್ನ ನಿರ್ಮಾಣ ಹಂತದ ಕಟ್ಟದ ಪಕ್ಕದ ಅಂಗಡಿಯಲ್ಲಿ ಪಾರ್ಸೆಲ್ ಇಟ್ಟಿದ್ದರು. ದಾರಿಯಲ್ಲಿ ಹೋಗುತ್ತಿದ್ದ ಸಾರ್ವಜನಿಕರೊಬ್ಬರ ಮೊಬೈಲ್ ಪಡೆದು ಅಲ್ಲಾವುದ್ದೀನ್‌ಗೆ ಕರೆ ಮಾಡಿ ಹಿಂದಿ ಭಾಷೆಯಲ್ಲಿ ಬುರ‌ಹ್ಹಾನ್‌ ಅಹ್ಮದ್ ಮಾತನಾಡಿದ್ದ. ಆದರೆ ಸೆಕ್ಯೂರಿಟಿ ಗಾರ್ಡ್‌ಗೆ ಹಿಂದೆ ಮಾತನಾಡಲು ಬಾರದ ಹಿನ್ನೆಲೆಯಲ್ಲಿ ಪಾರ್ಸೆಲ್ ಅನ್ನು ಕಟ್ಟಡ ಮಾಲೀಕ ರೆಹಮಾನ್‌ಗೆ ನೀಡಿದ್ದಾನೆ. ಅವರು ಅದನ್ನು ಪರಿಶೀಲಿಸಿ ಇದು ನನ್ನದಲ್ಲ ಬೇರೆ ಯಾರದ್ದೋ ಇರಬೇಕು ಕೇಳಿ ನೋಡು ಎಂದು ಕಳುಹಿಸಿದ್ದರು. ಇದರಿಂದ ಅವರು ಅಪಾಯದಿಂದ ಪಾರಾಗಿದ್ದರು. ಆ ಪಾರ್ಸೆಲ್‌ನ್ನು ಸೆಕ್ಯೂರಿಟಿ ಗಾರ್ಡ್ ತನ್ನ ಬಳಿಯೇ ಒಂದು ದಿನ ಇಟ್ಟುಕೊಂಡಿದ್ದ.

ಪಾರ್ಸೆಲ್ ಓಪನ್ ಮಾಡಲು ಹೇಳಿದ್ದರು

ತಾವು ರೂಪಿಸಿದ್ದ ಸಂಚಿನಂತೆ ಐಇಡಿ ಸ್ಫೋಟಗೊಳ್ಳದ ಪರಿಣಾಮ ಅ.20ರಂದು ಮಧ್ಯಾಹ್ನ ವ್ಯಕ್ತಿಯೊಬ್ಬರ ಮೊಬೈಲ್‌ನಿಂದ ಸೆಕ್ಯೂರಿಟಿಗೆ ಮತ್ತೆ ಕರೆ ಮಾಡಿ ಪಾರ್ಸೆಲ್ ಓಪನ್ ಮಾಡುವಂತೆ ಹೇಳಿದ್ದಾರೆ. ಹಿಂದಿ ಭಾಷೆ ಅರ್ಥವಾಗದ ಕಾರಣ ಸೆಕ್ಯೂರಿಟಿ ಗಾರ್ಡ್ ಐದನೇ ಮಹಡಿಗೆ ಪಾರ್ಸೆಲ್ ಸಮೇತ ತೆಗೆದುಕೊಂಡು ಹೋಗಿ ಕೆಲಸ ಮಾಡುತ್ತಿದ್ದ ಇತರೆ ಕಾರ್ಮಿಕರಿಗೆ ಕೇಳಿದ್ದ. ಯಾರೊಬ್ಬರು ತಮ್ಮದಲ್ಲ ಎಂದು ಹೇಳಿದ್ದರು.

ಹಿಂದಿಯಲ್ಲಿ ಯಾರೋ ಮಾತನಾಡುತ್ತಿದ್ದಾರೆ ಎಂದು ಹೇಳಿ ಅಲ್ಲಿಯೇ ಇದ್ದ ಪೈಂಟರ್‌ ಸೂರಜ್ ಕುಮಾರ್‌ಗೆ ನೀಡಿದ್ದರು. ಆತ ಆ ವ್ಯಕ್ತಿಯೊಂದಿಗೆ ಮಾತನಾಡುತ್ತಾ ಪಾರ್ಸೆಲ್ ತೆರೆಯುತ್ತಿದ್ದಂತೆ ಐಇಡಿ ಸ್ಫೋಟಗೊಂಡಿದೆ. ಸ್ಫೋಟದಲ್ಲಿ ಉತ್ತರ ಪ್ರದೇಶ ಸೂರಜ್ ಕುಮಾರ್, ಸೆಕ್ಯೂರಿಟಿ ಗಾರ್ಡ್ ಎಂ.ಅಲ್ಲಾವುದ್ದೀನ್ ಗಾಯಗೊಂಡಿದ್ದರು.

ತಂಗಿಯ ಮದುವೆ ನಿಲ್ಲಿಸಿದಕ್ಕೆ ಕೃತ್ಯ

ಆರೋಪಿ ಜಾಹಿದ್‌ವುಲ್ ಮತ್ತು ಅಲ್ಲಾವುದ್ದೀನ್ ಇಬ್ಬರೂ ದಾಯಾದಿ ಸಂಬಂಧಿಕರಾಗಿದ್ದಾರೆ. ಜಮೀನು ಮತ್ತು ಹಣದ ವಿಚಾರವಾಗಿ ಇಬ್ಬರ ಮಧ್ಯೆ ಗಲಾಟೆಯಾಗಿತ್ತು. ಜಾಹಿದ್‌ವುಲ್‌ ತಂಗಿಯ ಮದುವೆ ಯುವಕನೊಂದಿಗೆ ಜತೆ ನಿಶ್ಚಯವಾಗಿತ್ತು. ಆ ಮದುವೆಯನ್ನು ನಿಲ್ಲಿಸಿದ್ದ. ಇದರಿಂದ ವೈರತ್ವ ಉಂಟಾಗಿ ಅಲ್ಲಾವುದ್ದೀನ್ ಹತ್ಯೆ ಮಾಡುವ ಯೋಜನೆ ರೂಪಿಸಿದ್ದ. ತಾಂತ್ರಿಕವಾಗಿ ಪರಿಣತಿ ಹೊಂದಿದ ಅಹ್ಮದ್ ಜತೆ ಸೇರಿ ಐಇಡಿ ತಯಾರಿ ಸ್ಫೋಟಕ್ಕೆ ಯೋಜನೆ ರೂಪಿಸಿದ್ದರು.

ಯೂಟ್ಯೂಬ್ ನೋಡಿ ಐಇಡಿ ತಯಾರಿಕೆ

ಆರೋಪಿ ಬುರ‌ಹ್ಹಾನ್‌ ಅಹ್ಮದ್ ಮಸ್ಕಿಯಲ್ಲಿ ಇಂಟರ್‌ನೆಟ್, ಯೂಟ್ಯೂಬ್ ನೋಡಿ ಐಇಡಿ ತಯಾರಿಸಿದ್ದ. ಅದಕ್ಕೆ ಬೇಕಾಗುವ ಹಣಕಾಸು, ವಸ್ತುಗಳ ನೆರವನ್ನು ಜಾಹಿದ್‌ವುಲ್ ಮತ್ತು ಸಾಜಿದುಲ್ ನೀಡಿದ್ದರು. ಪ್ರಾಯೋಗಿಕವಾಗಿ ತಾನು ಇದ್ದ ಮನೆಯಲ್ಲಿ ಅದನ್ನೂ ಸ್ಫೋಟಗೊಳಿಸಿ ಪರಿಶೀಲನೆ ನಡೆಸಿದ್ದ. ಅದು ಯಶಸ್ವಿಯಾದ ಬಳಿಕ ಬ್ಯಾಟರಿ ಬಾಕ್ಸ್‌ನಲ್ಲಿ ಮತ್ತೊಂದು ಐಇಡಿ ತಯಾರಿಸಿದ್ದ. ಸ್ಫೋಟ ಕೃತ್ಯದ ಬಗ್ಗೆ ಮೂವರು ವಾಟ್ಸ್‌ಪ್ ಗ್ರೂಪ್ ರಚನೆ ಮಾಡಿಕೊಂಡು ಸಂವಹನ ನಡೆಸುತ್ತಿದ್ದರು.

ಆರೋಪಿಗಳ ಪತ್ತೆಗೆ ಪೊಲೀಸರು 1500 ಸಿಸಿ ಕ್ಯಾಮೆರಾಗಳನ್ನು ಪರಿಶೀಲನೆ ನಡೆಸಿದ್ದಾರೆ. ಸ್ಫೋಟಕ್ಕೂ 2 ದಿನ ಮುಂಚಿವಾಗಿ ನಿರ್ಮಾಣ ಹಂತದ ಕಟ್ಟದ ಬಳಿ ಓಡಾಡಿದ್ದ ಮೊಬೈಲ್ ಟವರ್ ಲೋಕೆಷನ್ ಆಧಾದ ಮೇಲೆ ಸ್ಫೋಟ ನಡೆದ 72ಗಂಟೆಯಲ್ಲಿ ಜಾಹಿದ್‌ವುಲ್ ಹುಸೇನ್ ಹಾಗೂ ಸಾಜಿದುಲ್ ಇಸ್ಲಾಮ್‌ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದರು. ನಂತರ ಮಸ್ಕಿಯಲ್ಲಿ ತಲೆಮರೆಸಿಕೊಂಡಿದ್ದ ಐಇಡಿ ತಯಾರಿಸಿದ್ದ ಪ್ರಮುಖ ಆರೋಪಿಯನ್ನು ಬಂಧಿಸಿದ್ದಾರೆ. ಮೊಬೈಲ್ ಸಂಭಾಷಣೆ ಹಾಗೂ ವಾಟ್ಸ್‌ಪ್ ಚಾಟ್‌ನಲ್ಲಿ ಆರೋಪಿಗಳು ಅಸ್ಸಾಮಿ ಭಾಷೆಯಲ್ಲಿ ಪರಸ್ಪರ ಮಾತನಾಡಿಕೊಂಡಿದ್ದರು

ಆರೋಪಿಗಳ ಬಂಧಕ್ಕೆ ಎನ್‌ಐಎ, ಎಟಿಸಿ, ಸಿಸಿಬಿ, ಐಎಸ್‌ಡಿ, ಹಾಗೂ ಅಸ್ಸಾಂ ಪೊಲೀಸರು ಹೆಚ್ಚು ಸಹಕಾರ ನೀಡಿದ್ದಾರೆ. 10 ವಿಶೇಷ ತಂಡ ಕಾರ್ಯಾಚರಣೆ ನಡೆಸಿ ಆರೋಪಿಗಳ ಬಂಧಿಸಿದೆ. ಈ ತಂಡಕ್ಕೆ ಇಲಾಖೆಯಿಂದ 3 ಲಕ್ಷ ಬಹುಮಾನ ಘೋಷಣೆ ಮಾಡಲಾಗಿದೆ. ಆರೋಪಿಗಳು ಉಗ್ರರು, ಉಗ್ರ ಸಂಘಟನೆಗಳ ಸಂಪರ್ಕ ಹೊಂದಿಲ್ಲ. ಈ ಸಂಬಂಧ ಹೆಚ್ಚುವರಿ ತನಿಖೆ ನಡೆಯುತ್ತಿದೆ.

ಸೀಮಂತ್ ಕುಮಾರ್ ಸಿಂಗ್, ನಗರ ಪೊಲೀಸ್ ಆಯುಕ್ತರು

Bengaluru: ಉದ್ಘಾಟನೆಯಾದ 4 ತಿಂಗಳಲ್ಲೇ 631 ಕೋಟಿ ವೆಚ್ಚದ ಕೃಷ್ಣ ರಸ್ತೆ ಗುಂಡಿಮಯ

Kannadaprabha News — Mon, 26 Oct 2026 05:39:13 +0530

ಬೆಂಗಳೂರು: ಉದ್ಘಾಟನೆಯಾದ ಕೇವಲ ನಾಲ್ಕು ತಿಂಗಳಲ್ಲೇ ಅಂದಾಜು 631 ಕೋಟಿ ರು. ವೆಚ್ಚದಲ್ಲಿ ಬಿಡಿಎ ನಿರ್ಮಿಸಿರುವ ಎಸ್.ಎಂ. ಕೃಷ್ಣ ರಸ್ತೆಯಲ್ಲಿ ಅಲ್ಲಲ್ಲಿ ಗುಂಡಿಗಳು ಮತ್ತು ಅನೇಕ ಕಡೆ ರಸ್ತೆ ತಗ್ಗು (ರೋಡ್ ಡಿಪ್ರೆಷನ್) ಸೃಷ್ಟಿಯಾಗಿದ್ದು, ರಸ್ತೆಯ ಗುಣಮಟ್ಟದ ಬಗ್ಗೆ ಸಾರ್ವಜನಿಕರಲ್ಲಿ ಪ್ರಶ್ನೆಗಳು ಏಳುವಂತೆ ಮಾಡಿದೆ.

ಬಿಡಿಎ ನಿರ್ಮಿತ ಕೆಂಪೇಗೌಡ ಬಡಾವಣೆಯ ನಿವಾಸಿಗಳ ಅನುಕೂಲಕ್ಕಾಗಿ, ಮಾಗಡಿ ರಸ್ತೆಯಲ್ಲಿ ಕಡಬಗೆರೆ ಕ್ರಾಸ್‌ನಿಂದ ಮೈಸೂರು ರಸ್ತೆ ಚಲ್ಲಘಟ್ಟ ಮೆಟ್ರೋ ಡಿಪೋ ನಡುವೆ ನಿರ್ಮಿಸಿರುವ ಹತ್ತೂವರೆ ಕಿ.ಮೀ ಉದ್ದದ ಈ ರಸ್ತೆಯನ್ನು ಕೆಂಪೇಗೌಡ ಜನ್ಮದಿನಾಚರಣೆಯಾದ ಜೂ.27ರಂದು ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಉದ್ಘಾಟಿಸಿದ್ದರು. ಆದರೆ, ರಸ್ತೆ ಉದ್ಘಾಟನೆಗೆ ಮೊದಲೇ ಮಾಗಡಿ ರಸ್ತೆ ಬಳಿ ಗುಂಡಿಗಳು ಸೃಷ್ಟಿಯಾಗಿದ್ದವು. ನಂತರ ರಸ್ತೆಯನ್ನು ರಿಪೇರಿ ಮಾಡಲಾಗಿತ್ತು.

ಆದರೆ, ಇತ್ತೀಚೆಗೆ ಸುರಿದ ಮಳೆಯಿಂದ ಮತ್ತೆ ತಗ್ಗು ಹಾಗೂ ಗುಂಡಿಗಳು ಸೃಷ್ಟಿಯಾಗಿವೆ. ಸೂಲಿಕೆರೆ ಸಮೀಪದಲ್ಲಿ ರಸ್ತೆ ದೊಡ್ಡ ಪ್ರಮಾಣದಲ್ಲಿ ಕಿತ್ತುಬಂದಿದ್ದು, ಒಳಗಿನ ಕಲ್ಲುಗಳೆಲ್ಲ ಮೇಲೆದ್ದು ರಸ್ತೆ ತುಂಬ ಹರಡಿಕೊಂಡಿವೆ. ಅಲ್ಲದೇ, ಕೊನೆ ಹಂತದಲ್ಲಿ ಕಾಮಗಾರಿ ಮಾಡಿರುವ ಚಲ್ಲಘಟ್ಟ ಮೆಟ್ರೋ ನಿಲ್ದಾಣ ಕೆಳಗಿನ ಸುರಂಗ ಪ್ರವೇಶದ ಬಳಿ ರಸ್ತೆಯು ತಗ್ಗು ದಿಣ್ಣೆಯಂತಾಗಿದೆ. ಡಾಂಬಾರು ಹಾಕುವ ಮುನ್ನ ಕೆಳಭಾಗದಲ್ಲಿ ಮಣ್ಣು ಮತ್ತು ವೆಟ್ ಮಿಕ್ಸ್ ಅನ್ನು ಸೂಕ್ತ ರೀತಿಯಲ್ಲಿ ಹಾಕಿ ಗಟ್ಟಿಗೊಳಿಸದಿರುವುದೇ ರಸ್ತೆಯಲ್ಲಿ ತಗ್ಗು ದಿಣ್ಣೆ ಸೃಷ್ಟಿಯಾಗಲು ಕಾರಣವಾಗಿದೆ ಎಂದು ಸ್ಥಳೀಯರು ದೂರಿದ್ದಾರೆ.

ಜಾಲತಾಣಗಳಲ್ಲಿ ಅಪ್‌ಲೋಡ್

ಒಳ್ಳೆಯ ರಸ್ತೆ ಹಾಗೂ ವಾಹನ ಸಂಚಾರ ಕಡಿಮೆಯಿದೆ ಎಂದು ಜನರು ವೇಗವಾಗಿ ವಾಹನಗಳನ್ನು ಚಲಾಯಿಸುತ್ತಿದ್ದಾರೆ. ಆದರೆ, ಗುಂಡಿಗಳು ಮತ್ತು ತಗ್ಗು ಇರುವುದರಿಂದ ವಾಹನಗಳು ಸವಾರರ ನಿಯಂತ್ರಣ ತಪ್ಪುತ್ತಿವೆ. ಅದರಲ್ಲೂ ದ್ವಿಚಕ್ರ ವಾಹನ ಸವಾರರು ಹೆಚ್ಚು ಅಪಾಯ ಎದುರಿಸುತ್ತಿದ್ದಾರೆ ಎಂದು ನಾಗರಿಕರು ದೂರಿದ್ದಾರೆ. ಈ ಕುರಿತಾದ ವಿಡಿಯೋವನ್ನು ಅಮಿತ್‌ಗೌಡ ಎಂಬುವರು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಇತ್ತೀಚೆಗೆ ಸುರಿದ ಮಳೆಯಿಂದಾಗಿ ರಸ್ತೆಯ ನೈಜ ಬಣ್ಣ ಬಯಲಾಗಿದೆ. ಕೂಡಲೇ ಸುರಂಗದಲ್ಲಿ ಸೋರುತ್ತಿರುವ ನೀರು ತಡೆಗಟ್ಟಬೇಕು. ತಗ್ಗು ಮತ್ತು ಗುಂಡಿ ಬಿದ್ದಿರುವ ಕಡೆ ಗುಣಮಟ್ಟದೊಂದಿಗೆ ರಸ್ತೆ ಪುನರ್‌ನಿರ್ಮಿಸಬೇಕು ಎಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.

ಸುರಂಗದಲ್ಲಿ ನೀರು ಸೋರಿಕೆ

ಮೈಸೂರು ರಸ್ತೆಯಲ್ಲಿ ಚಲ್ಲಘಟ್ಟ ಮೆಟ್ರೋ ಡಿಪೋ ಕೆಳಭಾಗದಲ್ಲಿ ರಸ್ತೆಯ ಸುರಂಗದಲ್ಲಿ ಅಲ್ಲಲ್ಲಿ ನೀರು ಸೋರಿಕೆಯಾಗುತ್ತಿದೆ. ಇದರಿಂದ ಹಲವು ಗುಂಡಿಗಳು ಸೃಷ್ಟಿಯಾಗಿವೆ. ಒಳಭಾಗದ ಬೃಹತ್ ಕಾಂಕ್ರಿಟ್ ಗೋಡೆಗಳ ಮೇಲೆ ನಿರಂತರವಾಗಿ ನೀರು ಜಿನುಗಿ ಪಾಚಿ ಕಟ್ಟಿಕೊಂಡಿದೆ. ತಕ್ಷಣ ಸಮಸ್ಯೆಯನ್ನು ಸರಿಪಡಿಸದಿದ್ದರೆ ಮುಂದಿನ ದಿನಗಳಲ್ಲಿ ಮತ್ತಷ್ಟು ಅನಾಹುತಗಳು ಸಂಭವಿಸಬಹುದು ಎನ್ನುವ ಆತಂಕವನ್ನು ಸಾರ್ವಜನಿಕರು ವ್ಯಕ್ತಪಡಿಸಿದ್ದಾರೆ.

ನಿರ್ವಹಣೆ ಇಲ್ಲ

ರಸ್ತೆಯಲ್ಲಿ ನಿತ್ಯ ಸಾವಿರಾರು ವಾಹನಗಳು ಸಂಚರಿಸುತ್ತವೆ. ಅದರಲ್ಲೂ ಮರಳು, ಕಲ್ಲು, ಸಿಮೆಂಟ್ ಸಾಗಿಸುವ ಸರಕು ಸಾಗಣೆ ವಾಹನಗಳು ಸಂಚರಿಸುತ್ತವೆ. ಇದರಿಂದ ರಸ್ತೆಯ ಬದಿಯಲ್ಲಿ ನಿತ್ಯ ಕಸ ತುಂಬಿಕೊಳ್ಳುತ್ತಿದೆ. ಆದರೆ, ಅದನ್ನು ನಿಯಮಿತವಾಗಿ ಸ್ವಚ್ಛ ಮಾಡುವ ವ್ಯವಸ್ಥೆಯೇ ಇಲ್ಲ. ಇದರಿಂದಾಗಿ ಕಸ ದಿನದಿಂದ ದಿನಕ್ಕೆ ಹೆಚ್ಚು ಸಂಗ್ರಹವಾಗುತ್ತಿದ್ದು, ದ್ವಿಚಕ್ರ ವಾಹನ ಸವಾರರ ಪಾಲಿಗೆ ಸಮಸ್ಯೆಯಾಗಿದೆ.

ವಿದ್ಯುತ್ ದೀಪಗಳ ನಿರ್ವಹಣೆ ಇಲ್ಲ

ರಸ್ತೆಯಲ್ಲಿನ ಸುರಂಗ ಮಾರ್ಗ ಸೇರಿದಂತೆ ಬಹುತೇಕ ಕಡೆಗಳಲ್ಲಿ ವಿದ್ಯುತ್ ಲೈಟ್‌ಗಳನ್ನು ಅಳವಡಿಸಲಾಗಿದೆಯಾದರೂ ಅವುಗಳ ನಿರ್ವಹಣೆ ಇಲ್ಲ. ಅನೇಕ ಬಾರಿ ಸುರಂಗ ಸೇರಿದಂತೆ ಅನೇಕ ಸ್ಥಳಗಳಲ್ಲಿ ಲೈಟ್ ಆಫ್ ಮಾಡಲಾಗಿರುತ್ತದೆ. ಅದರಲ್ಲೂ ಮಾಗಡಿ ರಸ್ತೆ ಮತ್ತು ಮೈಸೂರು ರಸ್ತೆ ಸಮೀಪ ಮತ್ತು ರೋಟರಿಗಳ ಬಳಿ ಮಾತ್ರ ಲೈಟ್ ಹಾಕುತ್ತಾರೆ. ಉಳಿದೆಡೆ ಲೈಟ್‌ಗಳನ್ನು ನಿಯಮಿತವಾಗಿ ಹಾಕುವುದಿಲ್ಲ ಎಂದು ಜನರು ದೂರಿದ್ದಾರೆ.

ಯುರೋಪ್‌ನ 5 ದೇಶಗಳಲ್ಲಿ ವೀಕೆಂಡ್‌ ದಂಗೆ; ಸರ್ಕಾರಿ ಕಟ್ಟಡಗಳಿಗೆ ಬೆಂಕಿ, ಅಂಗಡಿ ಲೂಟಿ

Kannadaprabha News — Mon, 26 Oct 2026 05:28:20 +0530

ನವದೆಹಲಿ: ಬೆಲೆ ಏರಿಕೆ, ಹಣದುಬ್ಬರ, ನಿರುದ್ಯೋಗ, ಭ್ರಷ್ಟಾಚಾರ ಮೊದಲಾದ ಸಮಸ್ಯೆಗಳ ವಿರುದ್ಧ ಯುರೋಪ್‌ನಾದ್ಯಂತ ನಡೆಯುತ್ತಿರುವ ಹೋರಾಟಗಳು ವಾರಾಂತ್ಯದಲ್ಲಿ ಮತ್ತೆ ಕಾವು ಪಡೆದಿವೆ. ಫ್ರಾನ್ಸ್, ಅಲ್ಬೇನಿಯಾ, ಇಟಲಿ, ಸ್ಪೇನ್ ಮತ್ತು ಪೋರ್ಚುಗಲ್ ಸೇರಿದಂತೆ ವಿವಿಧ ದೇಶಗಳಲ್ಲಿ ಸಾವಿರಾರು ಜನರು ಬೀದಿಗಿಳಿದು ಹೋರಾಟ ನಡೆಸಿದ್ದಾರೆ.

ಕೆಲವು ಪ್ರದೇಶಗಳಲ್ಲಿ ಪ್ರತಿಭಟನೆಗಳು ಹಿಂಸಾರೂಪಕ್ಕೆ ತಿರುಗಿದ್ದು, ಪೊಲೀಸರು ಹಾಗೂ ಪ್ರತಿಭಟನಾಕಾರರ ನಡುವೆ ಘರ್ಷಣೆಗಳು ನಡೆದಿವೆ.

ಫ್ರಾನ್ಸ್‌ನಲ್ಲಿ 1000 ಮಂದಿ ವಶ

ಫ್ರಾನ್ಸ್‌ನಲ್ಲಿ ಶನಿವಾರ ನಡೆದ ಬೃಹತ್ ಪ್ರತಿಭಟನೆ ವೇಳೆ ಹಿಂಸಾಚಾರ ನಡೆದಿದ್ದು, ಸುಮಾರು 1,000 ಜನರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ದೇಶಾದ್ಯಂತ 8 ಲಕ್ಷದವರೆಗೆ ಜನರು ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದಾರೆ ಎಂದು ಅಂದಾಜಿಸಲಾಗಿದೆ. ಈ ಅಶಾಂತಿಗೆ ಫ್ರಾನ್ಸ್‌ನ ವಲಸೆ ನೀತಿಗಳೇ ಕಾರಣ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌ ಪುನಃ ದೂಷಿಸಿದ್ದಾರೆ.

ಅಲ್ಬೇನಿಯಾದ ಸರ್ಕಾರಿ ಕಟ್ಟಡಕ್ಕೆ ಬೆಂಕಿ

ಅಲ್ಬೇನಿಯಾದ ರಾಜಧಾನಿ ಟಿಮಾನಾದಲ್ಲಿ ಸಾವಿರಾರು ಜನರು ಸರ್ಕಾರದ ವಿರುದ್ಧ ರಸ್ತೆಗಿಳಿದು ಬೃಹತ್ ಪ್ರತಿಭಟನೆ ನಡೆಸಿದ್ದಾರೆ. ಪ್ರಧಾನಿ ಎಡಿ ರಾಮ ಅವರ ರಾಜೀನಾಮೆಗೆ ಒತ್ತಾಯಿಸಿ ಕೆಲವರು ಕೃಷಿ ಸಚಿವಾಲಯದ ಪ್ರವೇಶ ದ್ವಾರಕ್ಕೆ ಬೆಂಕಿ ಹಚ್ಚಿ, ಸರ್ಕಾರಿ ಕಟ್ಟಡಗಳು ಹಾಗೂ ಬ್ಯಾಂಕ್‌ಗಳನ್ನು ಧ್ವಂಸಗೊಳಿಸಿದ್ದಾರೆ. ಘರ್ಷಣೆಯಲ್ಲಿ 300ಕ್ಕೂ ಹೆಚ್ಚು ಪ್ರತಿಭಟನಾಕಾರರು ಹಾಗೂ ಪೊಲೀಸರು ಗಾಯಗೊಂಡಿದ್ದಾರೆ.

ಇಟಲಿಯಲ್ಲಿ ಮೆಲೋನಿ ರಾಜೀನಾಮೆಗೆ ಆಗ್ರಹ

ಇಟಲಿಯಲ್ಲಿ ಸರ್ಕಾರಿ ನೀತಿಗಳ ವಿರುದ್ಧ ಸಾರ್ವಜನಿಕರು ಬೀದಿಗಿಳಿದಿದ್ದು, ರೋಮ್‌ನ ಕೊಲೊಸಿಯಮ್ ಬಳಿ ಉದ್ವಿಗ್ನ ಪರಿಸ್ಥಿತಿ ನಿರ್ಮಾಣವಾಗಿದೆ. ಪ್ರತಿಭಟನಾಕಾರರು ‘ಪ್ರಧಾನಿ ಮೆಲೋನಿ ರಾಜೀನಾಮೆ ಕೊಡಿ’ ಎಂಬ ಘೋಷಣೆ ಕೂಗಿದ್ದಾರೆ. ಮಿಲನ್ ಸೇರಿದಂತೆ ಪ್ರಮುಖ ನಗರಗಳಲ್ಲಿ ಸಂಭಾವ್ಯ ಹಿಂಸಾಚಾರ ಹಾಗೂ ದರೋಡೆ ತಡೆಯಲು ಕಟ್ಟೆಚ್ಚರ ವಹಿಸಲಾಗಿದೆ.

ಸ್ಪೇನ್‌ನಲ್ಲಿ ಅಂಗಡಿಗಳ ಲೂಟಿ

ಸ್ಪೇನ್‌ನಲ್ಲಿ ಮನೆ ಬಾಡಿಗೆ ವಿಪರೀತವಾಗಿ ಹೆಚ್ಚಾಗಿರುವುದು ಜನರ ಆಕ್ರೋಶಕ್ಕೆ ಕಾರಣವಾಗಿದೆ. ಬಾರ್ಸಿಲೋನಾ ಸೇರಿದಂತೆ ಪ್ರಮುಖ ನಗರಗಳಲ್ಲಿ ಕಪ್ಪು ಮಾಸ್ಕ್‌ ಧರಿಸಿದ ಪ್ರತಿಭಟನಾಕಾರರು ಹಿಂಸಾಚಾರ ಮತ್ತು ಅಂಗಡಿಗಳ ಲೂಟಿಯಲ್ಲಿ ತೊಡಗಿದ್ದಾರೆ. ಪೋರ್ಚುಗಲ್‌ನಲ್ಲೂ ಯುರೋಪಿನ ಇತರ ರಾಷ್ಟ್ರಗಳಂತೆ ಆರ್ಥಿಕ ಬಿಕ್ಕಟ್ಟು, ಬೆಲೆ ಏರಿಕೆ ಹಾಗೂ ಜೀವನ ಮಟ್ಟ ಕುಸಿತದ ವಿರುದ್ಧ ಜನರು ಬೀದಿಗಿಳಿದಿದ್ದಾರೆ.

ಮದುವೆಯಾದ ಒಂದೇ ತಿಂಗಳಿಗೆ ಕೋಮಾಗೆ ಹೋದ ಸೊಸೆ, 17 ವರ್ಷದಿಂದ ಕಣ್ಣಿನಂತೆ ಕಾಯುತ್ತಿರುವ ಅತ್ತೆ!

Sathish Kumar KH — Sun, 25 Oct 2026 23:21:51 +0530

ಸಾಮಾನ್ಯವಾಗಿ ಸಮಾಜದಲ್ಲಿ 'ಅತ್ತೆ-ಸೊಸೆ' ಎಂದರೆ ಜಗಳ, ಭಿನ್ನಾಭಿಪ್ರಾಯಗಳೇ ಮುನ್ನೆಲೆಗೆ ಬರುತ್ತವೆ. ಆದರೆ, ಹೆತ್ತ ತಾಯಿಯ ಪ್ರೀತಿಯನ್ನೂ ಮೀರಿಸುವಂತಹ ವಾತ್ಸಲ್ಯ ಅತ್ತೆಯಲ್ಲೂ ಇರುತ್ತದೆ ಎಂಬುದಕ್ಕೆ ಚೀನಾದಲ್ಲಿ ನಡೆದಿರುವ ಈ ನೈಜ ಘಟನೆಯೇ ಸಾಕ್ಷಿ.

ಮದುವೆಯಾಗಿ ಕೇವಲ ಒಂದು ತಿಂಗಳಾಗಿದ್ದಾಗ ಭೀಕರ ಅಪಘಾತಕ್ಕೆ ತುತ್ತಾಗಿ ಇಡೀ ದೇಹದ ಸ್ವಾಧೀನ ಕಳೆದುಕೊಂಡ ಸೊಸೆಯನ್ನು, ಕಳೆದ 17 ವರ್ಷಗಳಿಂದ ಹಗಲಿರುಳೆನ್ನದೆ ಕಣ್ಣಿನ ರೆಪ್ಪೆಯಂತೆ ಕಾಯುತ್ತಿರುವ 68 ವರ್ಷದ ಅತ್ತೆಯೊಬ್ಬರ ತ್ಯಾಗದ ಕಥೆ ಇದೀಗ ಇಡೀ ವಿಶ್ವದ ಕಣ್ಣಾಲಿಗಳನ್ನು ತೇವಗೊಳಿಸಿದೆ. ಈ ಅಪರೂಪದ ಹೃದಯಸ್ಪರ್ಶಿ ಘಟನೆಯನ್ನು 'ಸೌತ್ ಚೈನಾ ಮಾರ್ನಿಂಗ್ ಪೋಸ್ಟ್' (SCMP) ವರದಿ ಮಾಡಿದೆ.

ಮದುವೆಯಾದ ಒಂದೇ ತಿಂಗಳಿಗೆ ಒಕ್ಕರಿಸಿದ ವಿಧಿ ಆಟ!

ಪೂರ್ವ ಚೀನಾದ ಶಾಂಡಾಂಗ್ ಪ್ರಾಂತ್ಯದ ಕ್ವಿಂಗ್ಯುನ್ ಕೌಂಟಿಯ ಹಳ್ಳಿಯೊಂದರಲ್ಲಿ 2009ರಲ್ಲಿ ಈ ದುರಂತ ಸಂಭವಿಸಿತ್ತು. ಕ್ಸು ಎಂಬ ಯುವತಿಗೆ ಮದುವೆಯಾಗಿ ಕೇವಲ ಒಂದು ತಿಂಗಳಾಗಿತ್ತು. ಹೊಸ ಬದುಕಿನ ಕನಸು ಕಾಣುತ್ತಿದ್ದ ಆಕೆಗೆ ವೇಗವಾಗಿ ಬಂದ ಟ್ರಕ್ ಒಂದು ಡಿಕ್ಕಿ ಹೊಡೆಯಿತು. ಈ ಭೀಕರ ರಸ್ತೆ ಅಪಘಾತದಲ್ಲಿ ಆಕೆಯ ಮೆದುಳಿಗೆ ತೀವ್ರ ಪೆಟ್ಟಾಗಿ, ಇಡೀ ದೇಹ ಸಂಪೂರ್ಣವಾಗಿ ಸ್ವಾಧೀನ ಕಳೆದುಕೊಂಡಿತು. ಹಾಸಿಗೆ ಹಿಡಿದ ಸೊಸೆಯನ್ನು ನೋಡಿ ಕುಟುಂಬವೇ ಕಂಗಾಲಾಯಿತು. ಆದರೆ, ಆಕೆಯ 68 ವರ್ಷದ ಅತ್ತೆ ಕ್ಸುವಾನ್ ಫೆಂಗ್ಯಿಂಗ್ ಮಾತ್ರ ಎದೆಗುಂದಲಿಲ್ಲ. ಸೊಸೆಯನ್ನು ಕೈಬಿಡದೆ, ಆಕೆಯ ಸಂಪೂರ್ಣ ಜವಾಬ್ದಾರಿಯನ್ನು ತನ್ನ ಹೆಗಲ ಮೇಲೆ ಹೊತ್ತುಕೊಂಡರು.

ಆಕೆ ನನ್ನ ಸೊಸೆಯಲ್ಲ, ನನ್ನ ಮಗಳು!

ಈ ಬಗ್ಗೆ ಮಾತನಾಡುವ ಕ್ಸುವಾನ್, 'ಆಕೆ ನನ್ನ ಮಗನನ್ನು ನಂಬಿ ಬಂದವಳು. ನನ್ನ ಮಗನ ಕೈಹಿಡಿದ ಮೇಲೆ ಆಕೆ ನನ್ನ ಮಗಳು ಕೂಡ ಹೌದು. ಹಾಗಿರುವಾಗ ಸಂಕಷ್ಟದಲ್ಲಿದ್ದ ಆಕೆಯನ್ನು ನಾನು ಹೇಗೆ ತಾನೇ ಅನಾಥವಾಗಿ ಬಿಡಲಿ?" ಎಂದು ಭಾವುಕರಾಗಿ ನುಡಿಯುತ್ತಾರೆ. ಹಾಸಿಗೆಯಲ್ಲೇ ಮಲಗಿರುವ ಸೊಸೆಯ ವೈಯಕ್ತಿಕ ಸ್ವಚ್ಛತೆಯಿಂದ ಹಿಡಿದು ಪ್ರತಿಯೊಂದು ಕೆಲಸವನ್ನೂ ಅವರೇ ಮಾಡುತ್ತಾರೆ. ದ್ರವರೂಪದ ಆಹಾರವನ್ನು ಚಮಚದಲ್ಲಿ ಸ್ವಲ್ಪ ಸ್ವಲ್ಪವೇ ಆಕೆಯ ಬಾಯಿಗೆ ಹಾಕುತ್ತಾರೆ. ಒಂದು ಹೊತ್ತಿನ ಊಟ ಮಾಡಿಸುವುದಕ್ಕೇ ಅತ್ತೆಗೆ ಬರೋಬ್ಬರಿ ಒಂದು ಗಂಟೆ ಸಮಯ ಹಿಡಿಯುತ್ತದೆ. ಸೊಸೆಯ ಮೆದುಳು ಮತ್ತೆ ಚುರುಕಾಗಲಿ ಎಂಬ ಆಸೆಯಿಂದ ಹಳ್ಳಿಯ ಸುದ್ದಿಗಳನ್ನು ಹೇಳುವುದು, ಆಕೆಗೆ ಇಷ್ಟವಾದ ಹಾಡುಗಳನ್ನು ಹಾಡುವುದು ಮತ್ತು ಹೆಸರು ಹಿಡಿದು ಕರೆದು ಹುರಿದುಂಬಿಸುವುದನ್ನು ಈ ಅತ್ತೆ ಎಂದಿಗೂ ನಿಲ್ಲಿಸಲಿಲ್ಲ.

ಪ್ರೀತಿಯ ತಪಸ್ಸಿಗೆ ಒಲಿದ ಪವಾಡ: ಮಗುವಿನಂತೆ ಪ್ರಜ್ಞೆ!

ವರ್ಷಗಳ ನಿರಂತರ ಪರಿಶ್ರಮ, ಕಣ್ಣೀರು ಮತ್ತು ಪ್ರಾರ್ಥನೆಯ ಫಲವಾಗಿ ಕ್ಸು ಅವರ ಆರೋಗ್ಯದಲ್ಲಿ ಈಗ ಪವಾಡಸದೃಶ ಬದಲಾವಣೆ ಕಂಡುಬಂದಿದೆ. ಸಂಪೂರ್ಣ ಕೋಮಾದಲ್ಲಿದ್ದ ಆಕೆಗೆ ಈಗ ಸ್ವಲ್ಪ ಪ್ರಜ್ಞೆ ಮರಳಿದೆ.

ಮೆದುಳಿಗೆ ತೀವ್ರ ಪೆಟ್ಟಾಗಿದ್ದರಿಂದ ಆಕೆಗೆ ಪ್ರಸ್ತುತ ನಾಲ್ಕು ವರ್ಷದ ಮಗುವಿನ ಮಾನಸಿಕ ಬೆಳವಣಿಗೆ ಮಾತ್ರ ಇದೆ. ಆದಾಗ್ಯೂ, ಆಕೆ ಈಗ ಕೆಲವು ತೊದಲು ಪದಗಳನ್ನು ಮಾತನಾಡುತ್ತಾರೆ. ಅಷ್ಟೇ ಅಲ್ಲ, ಹಸಿವಾದಾಗ ತನಗೆ ಬೇಕಾದ ಸರಳವಾದ ಆಹಾರವನ್ನು ತಾನೇ ತಯಾರಿಸಿಕೊಳ್ಳುವ ಮಟ್ಟಿಗೆ ಸುಧಾರಿಸಿಕೊಂಡಿದ್ದಾರೆ. 17 ವರ್ಷಗಳ ತಪಸ್ಸಿಗೆ ಸಿಕ್ಕ ಈ ಪುಟ್ಟ ಫಲವೇ ಅತ್ತೆ ಕ್ಸುವಾನ್ ಅವರ ಮೊಗದಲ್ಲಿ ಕೋಟಿ ರೂಪಾಯಿ ಬೆಲೆಬಾಳುವ ನಗೆ ತರಿಸಿದೆ.

ಮುಪ್ಪಿನ ಕಾಲದಲ್ಲೂ ಸೊಸೆಯದ್ದೇ ಚಿಂತೆ!

ವಯಸ್ಸಾಗುತ್ತಿರುವ ಕ್ಸುವಾನ್ ಅವರಿಗೆ ಈಗಲೂ ಕಾಡುತ್ತಿರುವುದು ಒಂದೇ ಚಿಂತೆ. 'ನಾನು ಜೀವಂತವಾಗಿರುವವರೆಗೂ ಆಕೆಯನ್ನು ಚೆನ್ನಾಗಿ ನೋಡಿಕೊಳ್ಳುತ್ತೇನೆ. ಆದರೆ ನಾನು ಕಣ್ಣು ಮುಚ್ಚಿದ ಮೇಲೆ ಆಕೆ ಹಸಿದುಕೊಂಡು ಇರಬಾರದು. ಈಗ ಆಕೆಗೆ ಸರಳ ಅಡುಗೆ ಮಾಡಿಕೊಳ್ಳಲು ಬರುತ್ತಿರುವುದೇ ನನ್ನ ಪಾಲಿಗೆ ದೊಡ್ಡ ನೆಮ್ಮದಿ' ಎಂದು ಕಣ್ಣೀರಿಡುತ್ತಾರೆ. ತಮ್ಮ ನಂತರ ಸೊಸೆಯನ್ನು ತಾಯಿಯಂತೆ ಕಾಯಬೇಕೆಂದು ಕ್ಸುವಾನ್ ತಮ್ಮ ಮಗನಿಗೂ ಮಾತು ಪಡೆದುಕೊಂಡಿದ್ದಾರೆ. ನಿಸ್ವಾರ್ಥ ಪ್ರೀತಿ, ತಾಳ್ಮೆ ಮತ್ತು ತ್ಯಾಗಕ್ಕೆ ಹಿಡಿದ ಕೈಗನ್ನಡಿಯಂತಿರುವ ಈ ಅತ್ತೆಯ ಕಾರ್ಯಕ್ಕೆ ಜಗತ್ತಿನಾದ್ಯಂತ ನೆಟ್ಟಿಗರು ತಲೆಬಾಗಿ ನಮಿಸುತ್ತಿದ್ದಾರೆ.

ಫೋನ್ ಇಲ್ಲ, ಒಂದೇ ಊರಲ್ಲಿ ವಾಸವಿಲ್ಲ.. 26 ವರ್ಷ ಪೊಲೀಸರಿಂದ ತಪ್ಪಿಸಿಕೊಂಡಿದ್ದ ಹಂತಕ ಸಿಕ್ಕಿಬಿದ್ದಿದ್ದೇ ರೋಚಕ!

Ganesh Mabla Gowda — Sun, 25 Oct 2026 21:41:40 +0530

ಗುಜರಾತ್: ಸೂರತ್‌ನ ಪೊಲೀಸ್ ಅಧಿಕಾರಿಗಳು 62 ವರ್ಷದ ಕೊಲೆ ಆರೋಪಿಯನ್ನ ಬಂಧಿಸಿದ್ದಾರೆ. ಈತನ ಬಂಧನವು ತುಂಬಾ ರೋಚಕವಾಗಿದ್ದು, ಬರೋಬ್ಬರಿ 26 ವರ್ಷಗಳಿಂದ ತಪ್ಪಿಸಿಕೊಂಡು ಓಡಾಡುತ್ತಿದ್ದ. ಈತ ಪೊಲೀಸರಿಗೆ ಹೇಗೆ ಚಳ್ಳೆ ಹಣ್ಣು ತಿನ್ನಿಸುತ್ತಿದ್ದ ಅನ್ನೋದೇ ತುಂಬಾ ಇಂಟರೆಸ್ಟಿಂಗ್ ಆಗಿದೆ.

ಏನಿದು ಪ್ರಕರಣ?

ಅದು 2000 ಇಸವಿ. ಗುಜರಾತ್‌ನ ಸೂರತ್‌ನಲ್ಲಿ ಕೊಲೆಯೊಂದು ನಡೆದಿತ್ತು. ಆ ಕೊಲೆಯ ಆರೋಪಿಯೇ ಈಗ ಬಂಧಿತ 62 ವರ್ಷದ ವೃದ್ಧ. ಈತನ ಹೆಸರು, ಗೋಪಾಲ್ ಮಾನ್ಕರ್. ಸೂರತ್‌ನ ಪಾಂಡೇಸಾರದಲ್ಲಿ ಕಾರ್ಮಿಕನಾಗಿ ಕೆಲಸ ಮಾಡುತ್ತಿದ್ದಾಗ ಮತ್ತೊಬ್ಬ ಕಾರ್ಮಿಕನ ಜೊತೆ ವಾಗ್ವಾದಕ್ಕೆ ಇಳಿದು ಕೋಲಿನಿಂದ ಹಲ್ಲೆ ನಡೆಸಿ ಸಾಯಿಸಿದ್ದ. ಬಳಿಕ ಅಲ್ಲಿಂದ ಎಸ್ಕೇಪ್ ಆಗಿದ್ದ. ಪೊಲೀಸರು ಪ್ರಕರಣ ದಾಖಿಸಿಕೊಂಡು ತನಿಖೆ ಆರಂಭಿಸಿದ್ದರು. ಆದರೆ ಅಸಾಮಿ 26 ವರ್ಷಗಳಿಂದ ಪೊಲೀಸರಿಗೆ ಸಿಕ್ಕಿ ಬಿದ್ದಿರಲಿಲ್ಲ.

ಮಧ್ಯಪ್ರದೇಶದ ಖಾರ್ಗೋನ್ ಜಿಲ್ಲೆಯ ಬಲ್ಹಾವಾಡಾ ಠಾಣೆಯ ನಿಮ್ರಾಣಿ ಗ್ರಾಮದ ನಿವಾಸಿ ಆಗಿದ್ದ ಮಾನ್ಕರ್, ಪೊಲೀಸರಿಂದ ತಪ್ಪಿಸಿಕೊಳ್ಳಲು ಒಂದು ರಾಜ್ಯದಿಂದ ಇನ್ನೊಂದು ರಾಜ್ಯದಿಂದ ರಾಜ್ಯಕ್ಕೆ, ಒಂದು ನಗರದಿಂದ ಇನ್ನೊಂದು ನಗರಕ್ಕೆ ಪಲಾಯನ ಮಾಡುತ್ತಲೇ ಇದ್ದ. ಮಧ್ಯಪ್ರದೇಶದ ಬರ್ವಾನಿ, ಉಜ್ಜಯಿನಿ ಮತ್ತು ಇಂದೋರ್, ಮಹಾರಾಷ್ಟ್ರದ ನಾಸಿಕ್ ಸೇರಿದಂತೆ ಅನೇಕ ಕಡೆಗಳಲ್ಲಿ ಓಡಾಡುತ್ತಿದ್ದ. ಅಂತಿಮವಾಗಿ ಮಹಾರಾಷ್ಟ್ರದ ನಾಸಿಕ್‌ನಲ್ಲಿ ನೆಲೆಸಿದ್ದ.

ಇನ್ನು, ಪೊಲೀಸರಿಗೆ ತನ್ನ ಗುರುತು ಸಿಗಬಾರದೆಂಬ ಕಾರಣಕ್ಕೆ ಕಾರ್ಮಿಕನಾಗಿ ಕೆಲಸಕ್ಕೆ ಹೋಗುತ್ತಿದ್ದ. ಎಲ್ಲರ ಜೊತೆಗೂ ಸಹಜವಾಗಿಯೇ ಇರುತ್ತಿದ್ದ. ಉದ್ದೇಶಪೂರ್ವಕವಾಗಿಯೇ ಆತ ಮೊಬೈಲ್ ಫೋನ್‌ಗಳನ್ನ ಬಳಸುತ್ತಿರಲಿಲ್ಲ. ಯಾರಿಗೂ ಫೋನ್ ಕೂಡ ಮಾಡುತ್ತಿರಲಿಲ್ಲ. ತನ್ನ ಸ್ವಂತ ಹಳ್ಳಿಗೆ ಕೂಡ ಹಿಂತಿರುಗಲಿಲ್ಲ. ಹೀಗಾಗಿ ಆತ ಎಲ್ಲಿದ್ದಾನೆ ಅನ್ನೋದನ್ನ ತಿಳಿಯಲು ಪೊಲೀಸರಿಗೆ ತುಂಬಾ ಕಷ್ಟಾಗಿತ್ತು.

ಇದೊಂದು ಗಂಭೀರ ಪ್ರಕರಣ ಆಗಿರೋದ್ರಿಂದ ಪೊಲೀಸರು, ಆರೋಪಿಯನ್ನ ಬಂಧಿಸಲು ತೀವ್ರ ಪರಿಶೀಲನೆ ನಡೆಸಿದ್ದರು. ಇದರ ಮಧ್ಯೆ ಹಿರಿಯ ಪೊಲೀಸ್ ಅಧಿಕಾರಿಗಳಿಂದ ಖಡಕ್ ಆದೇಶವೊಂದು ಬಂದಿತ್ತು. ಕೊಲೆ, ದರೋಡೆ, ಡಕಾಯಿತಿ, ಮತ್ತು ವಂಚನೆಯಂತಹ ಅಪರಾಧಗಳಲ್ಲಿ ಭಾಗಿಯಾಗಿರುವ ವಾಂಟೆಡ್ ಆರೋಪಿಗಳ ಬಗ್ಗೆ ಮಾಹಿತಿ ಸಂಗ್ರಹಿಸಲು ಸೂಚಿಸಿದ್ದರು. ಜೊತೆಗೆ ಅದಕ್ಕಾಗಿ ಸ್ಥಳೀಯವಾಗಿ ತಂಡ ರಚಿಸಲು ಸೂಚನೆ ನೀಡಲಾಗಿತ್ತು. ಅಂದರೆ ದೀರ್ಘಕಾಲದಿಂದ ತಲೆಮರೆಸಿಕೊಂಡಿರುವ ಶಂಕಿತರ ಸ್ಥಳೀಯ ವಿಳಾಸಗಳು, ಸಂಬಂಧಿಕರು ಮತ್ತು ಸಂಭಾವ್ಯ ಸ್ಥಳಗಳನ್ನು ಪರಿಶೀಲಿಸುವ ಕಾರ್ಯ ನಡೆದಿತ್ತು.

ಹೀಗೆ ಪೊಲೀಸರು ಪ್ರಕರಣದ ಜಾಡು ಹಿಡಿದು ಆರೋಪಿಗಳ ಸುಳಿವಿಗಾಗಿ ಬಲೆ ಬೀಸಿದಾಗ ಪಿಸಿಬಿ ಹೆಡ್ ಕಾನ್ಸ್‌ಟೇಬಲ್ ಅಶೋಕ್‌ಭಾಯ್ ಲುನಿಗೆ ಮಾನ್ಕರ್ ನಾಸಿಕ್ ಜಿಲ್ಲೆಯ ಸೈಖೇಡಾದ ಗಂಗ್‌ನಗರದಲ್ಲಿ ವಾಸಿಸುವ ಬಗ್ಗೆ ಸುಳಿವು ಸಿಗುತ್ತದೆ. ಕೊನೆಗೆ ಪೊಲೀಸರು ತಾಂತ್ರಿಕ ಕಣ್ಗಾವಲು ಮತ್ತು ಮ್ಯಾನ್ ಪವರ್ ಬಳಸಿಕೊಂಡರು. ಆತನ ಸೋದರಿಯರು ಹಾಗೂ ಸೋದರಳಿಯಂದಿರ ಪತ್ತೆ ಹಚ್ಚಿ ಮಾಹಿತಿ ಸಂಗ್ರಹಿಸಲು ಬರೋಬ್ಬರಿ ಮೂರು ವರ್ಷಗಳು ಬೇಕಾಯಿತು ಎನ್ನಲಾಗಿದೆ.

ಮಾನ್ಕರ್ ಇರುವಿಕೆಯ ಬಗ್ಗೆ ಖಚಿತ ಮಾಹಿತಿ ಪಡೆದ ಪೊಲೀಸರು, ಹಿರಿಯ ಪೊಲೀಸ್ ಅಧಿಕಾರಿಗಳ ಅನುಮತಿಯೊಂದಿಗೆ ಲಾಲಾಭಾಯ್‌ನ ಇಟ್ಟಿಗೆ ಗೂಡಿನ ಬಳಿ ಆತನನ್ನು ಬಂಧಿಸಲಾಗಿದೆ. ಹೆಚ್ಚಿನ ತನಿಖೆಗಾಗಿ ಪಾಂಡೇಸಾರ ಪೊಲೀಸ್ ಠಾಣೆಗೆ ಕರೆದುಕೊಂಡು ಬರುವ ಪ್ರಕ್ರಿಯೆಗಳು ನಡೆಯುತ್ತಿವೆ.

ಸಿಂಹಕ್ಕಿಂತ ಜೋರಾಗಿ ಕಚ್ಚಿದ ಅತ್ತಿಗೆ; ಮೈದುನನ ಜನನಾಂಗದ ಸುತ್ತಲೂ 55 ಹೊಲಿಗೆ ಹಾಕಿದ ಡಾಕ್ಟರ್!

Ganesh Mabla Gowda — Sun, 25 Oct 2026 20:55:34 +0530

ಉತ್ತರ ಪ್ರದೇಶ: ಕಾನ್ಪುರದಿಂದ ಆಘಾತಕಾರಿ ಸುದ್ದಿಯೊಂದು ಬಂದಿದೆ. ಕೌಟುಂಬಿಕ ಕಲಹಕ್ಕೆ ಒಳಗಾದ ವ್ಯಕ್ತಿಯೊಬ್ಬ ತನ್ನ ಅಣ್ಣನ ಹೆಂಡತಿ ಅತ್ತಿಗೆಯಿಂದ ಕಚ್ಚಿಸಿಕೊಂಡು ಈಗ ಆಸ್ಪತ್ರೆ ಸೇರಿದ್ದಾನೆ. ಅಷ್ಟೇ ಅಲ್ಲ, ಕಚ್ಚಿದ ಜಾಗಕ್ಕೆ ವೈದ್ಯರು ಬರೋಬ್ಬರಿ 55 ಹೊಲಿಗೆಯ್ನ ಹಾಕಿದ್ದಾರೆ!

ಆಗಿದ್ದೇನು?

ರಜನೀಶ್ ಪ್ರಕರಣದ ಸಂತ್ರಸ್ತ. ಗಾಯತ್ರಿ, ರಜನೀಶ್ ಅವರ ಅತ್ತಿಗೆ. ಪುಷ್ಪರಾಜ್ ರಜನೀಶ ಅವರ ಅಣ್ಣ. ಸುಮನಾ, ರಜನೀಶ್ ಪತ್ನಿ. ಕಳೆದ ಶುಕ್ರವಾರ ಗಾಯತ್ರಿ ಮತ್ತು ಪುಷ್ಪರಾಜ್ ಮಗ ತನ್ನ ಚಿಕ್ಕಮ್ಮ ಸುಮನಾ ಮನೆಗೆ ಹೋಗಿದ್ದ. ಈ ವೇಳೆ ಮನೆಯ ವಿಚಾರಕ್ಕೆ ಗಾಯತ್ರಿ ಮಗನ ಜೊತೆಗೆ ಜಗಳ ಆಗಿದೆ. ಆಗ ರಜನೀಶ್, ಆತನಿಗೆ ಎರಡು ಪೆಟ್ಟು ಕೊಟ್ಟಿದ್ದಾನೆ ಎನ್ನಲಾಗಿದೆ.

ಚಿಕ್ಕಪ್ಪನಿಂದ ಹೊಡೆತ ತಿಂದ ಬಳಿಕ ಆತ, ಅಮ್ಮನ ಬಳಿ ಬಂದು ದೂರು ನೀಡಿದ್ದಾನೆ. ಅಮ್ಮಾ ನನಗೆ ಚಿಕ್ಕಪ್ಪ ಹೊಡೆದ ಎಂದು. ಅದಕ್ಕೆ ಗಾಯತ್ರಿ ರೊಚ್ಚಿಗೆದ್ದಿದ್ದಾಳೆ. ರಜನೀಶ್ ಮನೆಯ ಎದುರು ಹೋಗಿ ಗಲಾಟೆ ಮಾಡಿದ್ದಾಳೆ. ಮಾತಿಗೆ ಮಾತು ಬೆಳೆದು ಗಲಾಟೆ ಜೋರಾಗಿದೆ. ವಾಗ್ಯುದ್ಧ ಜೋರಾಗುತ್ತಿದ್ದಂತೆಯೇ ರಜನೀಶ್ ತನ್ನ ಬಟ್ಟೆಯನ್ನ ಬಿಚ್ಚಿ ಒಗೆದು ಆರ್ಭಟಿಸಿದ್ದಾನೆ ಎನ್ನಲಾಗಿದೆ.

ಆಗ ಗಾಯತ್ರಿ ತನ್ನ ಮೈದುನ ರಜನೀಶ್‌ನನ್ನು ಕೈಯಿಂದ ದೂಡಿ ಕೆಳಗೆ ಬೀಳಿಸಿದ್ದಾಳೆ. ಆಯ ತಪ್ಪಿಬಿದ್ದ ರಜನೀಶ್‌ನ ಮೇಲೆರಗಿ ಆತನ ಖಾಸಗಿ ಭಾಗದ ಸುತ್ತ ಕಚ್ಚಿದ್ದಾಳೆ ಎಂಬ ಆರೋಪವನ್ನು ರಜನೀಶ್ ಮಾಡಿದ್ದಾನೆ. ಯಾವಾಗ ಅತ್ತಿಗೆ ಗಾಯತ್ರಿ ಮಾರಕವಾಗಿ ಕಚ್ಚಿದಳೋ, ಆಗ ರಜನೀಶ್ ಜೋರಾಗಿ ಕಿರುಚಾಡಿಕೊಂಡಿದ್ದಾನೆ. ಆಗ ರಜನೀಶ್ ಅಪ್ಪ ಹಾಗೂ ಸ್ಥಳೀಯರು ಓಡೋಡಿ ಬಂದು ರಜನೀಶ್‌ನನ್ನು ಕಾಪಾಡಿದ್ದಾರೆ ಎನ್ನಲಾಗಿದೆ.

ಕೂಡಲೇ ರಜನೀಶ್ ಅವರನ್ನು ಸ್ಥಳೀಯ ಹ್ಯಾಲೆಟ್ ಆಸ್ಪತ್ರೆಗೆ ಕರೆದುಕೊಂಡು ಬರಲಾಗಿದೆ. ವೈದ್ಯರು ಗಾಯವನ್ನು ಪರಿಶೀಲಿಸಿ ಚಿಕಿತ್ಸೆ ನೀಡಿದ್ದಾರೆ. ವರದಿಗಳ ಪ್ರಕಾರ, ರಜನೀಶ್ ಅವರ ಜನನಾಂಗದ ಸುತ್ತ 55 ಹೊಲಿಗೆಗಳನ್ನ ಹಾಕಿದ್ದಾರಂತೆ. ಸದ್ಯ ರಜನೀಶ್ ಅವರು ಆಸ್ಪತ್ರೆಯ ಬೆಡ್‌ನಲ್ಲಿ ಚೇತರಿಸಿಕೊಳ್ಳುತ್ತಿದ್ದು, ಚಿಕಿತ್ಸೆಗೆ ಸ್ಪಂದಿಸುತ್ತಿದ್ದಾರೆ. ಇತ್ತ ವೈದ್ಯರು ರಜನೀಶ್ ಅವರ ಪ್ರಾಣಕ್ಕೆ ಯಾವುದೇ ತೊಂದರೆ ಇಲ್ಲ ಎಂಬ ಭರವಸೆ ನೀಡಿದ್ದಾರೆ.

ಇತ್ತ ರಜನೀಶ್ ಅವರ ಪತ್ನಿ ಸುಮನಾ ಹಾಗೂ ರಜನೀಶ್ ತಂದೆ ಪೊಲೀಸ್ ಠಾಣೆಗೆ ಓಡೋಡಿ ಬಂದಿದ್ದಾರೆ. ತನ್ನ ಪತಿಯನ್ನು ಕಚ್ಚಿ ಗಾಯಗೊಳಿಸಿರುವ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದಾಳೆ. ದೂರು ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಕೇವಲ ಗಾಯತ್ರಿ ಮಾತ್ರವಲ್ಲದೇ, ಗಾಯತ್ರಿಯ ಪತಿ ಪುಷ್ಪರಾಜ್ ವಿರುದ್ಧವೂ ದೂರು ನೀಡಿದ್ದಾರೆ. ಪುಷ್ಪರಾಜ್ ಅವರು, ಘಟನೆ ನಡೆದ ದಿನ ಮನೆಯಲ್ಲಿ ಇರಲಿಲಿಲ್ಲ. ಅವರು ಅಹ್ಮದಾಬಾದ್‌ನಲ್ಲಿ ಕೆಲಸ ಮಾಡೋದು. ಸದ್ಯ ಅಲ್ಲಿಂದ ಮನೆಗೆ ವಾಪಸ್ ಆಗಿದ್ದಾರೆ.

ಇನ್ನು ದೂರು ದಾಖಲಾಗುತ್ತಿದ್ದಂತೆಯೇ ಹಿರಿಯ ಪೊಲೀಸ್ ಅಧಿಕಾರಿ ಕೃಷ್ಣಕಾಂತ್ ಯಾದವ್ ಪ್ರಕರಣವನ್ನು ದೃಢಪಡಿಸಿದ್ದಾರೆ. ಪೊಲೀಸರು ಮುಂದಿನ ಕ್ರಮ ತೆಗೆದುಕೊಂಡು ಯಾರದ್ದು ಸರಿ, ಯಾರದ್ದು ತಪ್ಪು? ಘಟನೆಗೂ ಮೊದಲು ಏನಾಯಿತು ಅನ್ನೋದ್ರ ಬಗ್ಗೆ ತನಿಖೆ ನಡೆಸಿ ಸೂಕ್ತ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ.

ವಿಜ್ಞಾನ ಲೋಕಕ್ಕೆ ಅಚ್ಚರಿ ಮೂಡಿಸಿದ ಹಾವು; ಎಲ್ಲ ಹಾವುಗಳಂತೆ ತೆವಳೋದಿಲ್ಲ, ಸೈಕಲ್ ಚಕ್ರದಂತೆ ಉರುಳುತ್ತದೆ?

Sathish Kumar KH — Sun, 25 Oct 2026 19:53:02 +0530

ಹಾವುಗಳು ಎಂದಾಕ್ಷಣ ನಮ್ಮ ಕಣ್ಣ ಮುಂದೆ ಬರುವುದು ಅವುಗಳ ಅಂಕುಡೊಂಕಾದ ತೆವಳುವ ಶೈಲಿ (Slithering). ಆದರೆ, ಭೂಮಿಯ ಮೇಲೆ ಅಪಾಯ ಎದುರಾದಾಗ ತೆವಳುವ ಬದಲು ಸೈಕಲ್ ಚಕ್ರದಂತೆ ಗಿರಗಿರನೆ ಉರುಳಿಕೊಂಡು ಓಡುವ ವಿಚಿತ್ರ ಹಾವೊಂದಿದೆ ಎಂದರೆ ನೀವು ನಂಬುತ್ತೀರಾ?

ಹೌದು, ಆಗ್ನೇಯ ಏಷ್ಯಾದ ಕಾಡುಗಳಲ್ಲಿ ಕಂಡುಬರುವ ಪುಟ್ಟ ಗಾತ್ರದ ‘ಡ್ವಾರ್ಫ್ ರೀಡ್‌ಸ್ನೇಕ್’ (Dwarf Reedsnake - Pseudorabdion) ಎಂಬ ಹಾವುಗಳು ಶತ್ರುಗಳಿಂದ ಪಾರಾಗಲು ಈ ಅಸಾಧಾರಣ ‘ರೋಲಿಂಗ್’ (ಉರುಳುವ) ಕಸರತ್ತನ್ನು ಮಾಡುತ್ತವೆ. ಇವು ಸಾಮಾನ್ಯವಾಗಿ ತೆವಳುವುದಕ್ಕಿಂತಲೂ ಬರೋಬ್ಬರಿ ನಾಲ್ಕು ಪಟ್ಟು ಹೆಚ್ಚು ವೇಗವಾಗಿ ಉರುಳಬಲ್ಲವು ಎಂಬುದನ್ನು ವಿಜ್ಞಾನಿಗಳು ಇದೀಗ ಅಧ್ಯಯನದ ಮೂಲಕ ಸಾಬೀತುಪಡಿಸಿದ್ದಾರೆ!

ಪ್ರಾಣಿಗಳಿಗೆ ಚಕ್ರದಂತೆ ಉರುಳುವುದು ಏಕೆ ಕಷ್ಟಸಾಧ್ಯ?

ಸಾಮಾನ್ಯವಾಗಿ ವಾಹನಗಳಲ್ಲಿ ಚಕ್ರ ತಿರುಗಲು ಒಂದು ಆಕ್ಸಲ್ (Axle) ಅಥವಾ ಕಡ್ಡಿ ಇರುತ್ತದೆ. ಇದರಿಂದಾಗಿ ಚಕ್ರ ತಿರುಗಿದರೂ ವಾಹನದ ಮೇಲ್ಭಾಗ ಸ್ಥಿರವಾಗಿರುತ್ತದೆ. ಆದರೆ ಜೀವಿಗಳಲ್ಲಿ ಅಂತಹ ಯಾವುದೇ ಪ್ರತ್ಯೇಕ ಯಾಂತ್ರಿಕ ವ್ಯವಸ್ಥೆ ಇರುವುದಿಲ್ಲ.

ಯಾವುದೇ ಪ್ರಾಣಿ ಇಡೀ ದೇಹವನ್ನು ಉರುಳಿಸಿದರೆ, ಅದರ ತಲೆ ಮತ್ತು ಕಣ್ಣುಗಳು ಕೂಡ ಒಟ್ಟಿಗೇ ಗಿರಗಿರನೆ ತಿರುಗುತ್ತವೆ. ಇದರಿಂದ ವಿಪರೀತ ತಲೆತಿರುಗುವಿಕೆ (Dizziness) ಉಂಟಾಗಿ, ದೃಷ್ಟಿ ಮಂಜಾಗಿ, ಯಾವ ದಿಕ್ಕಿಗೆ ಹೋಗುತ್ತಿದ್ದೇವೆ ಎಂಬ ನಿಯಂತ್ರಣವೇ ತಪ್ಪಿಹೋಗುತ್ತದೆ. ಆದರೆ ಈ ರೀಡ್‌ಸ್ನೇಕ್‌ಗಳು ಈ ಜೈವಿಕ ಮಿತಿಯನ್ನೇ ಬುಡಮೇಲು ಮಾಡಿವೆ!

ವಿಜ್ಞಾನಿಗಳನ್ನೇ ನಿಬ್ಬೆರಗಾಗಿಸಿದ ಹಾವಿನ ಜಾದೂ!

ಸಂಶೋಧಕರು ಹೈ-ಸ್ಪೀಡ್ ಕ್ಯಾಮೆರಾಗಳನ್ನು ಬಳಸಿ ವಿವಿಧ ಕೋನಗಳಿಂದ ಈ ಹಾವುಗಳ ಚಲನವಲನಗಳನ್ನು ಸೂಕ್ಷ್ಮವಾಗಿ ಸೆರೆಹಿಡಿದು ಅಧ್ಯಯನ ಮಾಡಿದ್ದಾರೆ. ಈ ವೇಳೆ ಬಯಲಾದ ಅಚ್ಚರಿಯ ಅಂಶಗಳಿವು:

ಹಾರುವ ವೇಗ: ಉರುಳುವಾಗ ಈ ಹಾವುಗಳು ಪ್ರತಿ ಸೆಕೆಂಡಿಗೆ 1.72 ರಿಂದ 3.69 ಮೀಟರ್‌ಗಳಷ್ಟು ಗರಿಷ್ಠ ವೇಗವನ್ನು (ಅಂದರೆ ಪ್ರತಿ ಗಂಟೆಗೆ 10 ರಿಂದ 13 ಕಿ.ಮೀ ವೇಗ) ತಲುಪುತ್ತವೆ. ಇದು ಅವುಗಳ ಸಾಮಾನ್ಯ ಚಲನೆಗಿಂತ 4 ಪಟ್ಟು ಹೆಚ್ಚು ವೇಗವಾಗಿ ಉರುಳುತ್ತವೆ.

ಸ್ಥಿರವಾಗಿರುವ ತಲೆ (Head Stability): ಹಾವಿನ ಇಡೀ ಹಿಂದಿನ ದೇಹವು ಆಕಾಶ-ಭೂಮಿ ಸುತ್ತುತ್ತಾ ವೇಗವಾಗಿ ಉರುಳುತ್ತಿದ್ದರೂ, ಅದರ ತಲೆ ಮಾತ್ರ ಗಿರಕಿ ಹೊಡೆಯುವುದಿಲ್ಲ! ತಲೆಯನ್ನು ನೆಲದಿಂದ ಒಂದೇ ಸಮಾನ ಎತ್ತರದಲ್ಲಿ ನೇರವಾಗಿ ಮುಂಭಾಗಕ್ಕೆ ಇಟ್ಟುಕೊಂಡು, ಕಣ್ಣುಗಳನ್ನು ತಾನು ಹೋಗುವ ದಿಕ್ಕಿನತ್ತಲೇ ನೆಟ್ಟಿರುತ್ತದೆ.

ಅದ್ಭುತ ನಿಯಂತ್ರಣ: ಇದು ಕೇವಲ ನಿಯಂತ್ರಣವಿಲ್ಲದೆ ಬೆಟ್ಟದಿಂದ ಉರುಳುವ ಕಲ್ಲಿನಂತಲ್ಲ. ಈ ಹಾವುಗಳು ಕೇವಲ 20 ಸೆಂಟಿಮೀಟರ್ ಅಗಲದ ಕಿರಿದಾದ ಟ್ರ್ಯಾಕ್‌ನಲ್ಲಿಯೂ ಅತ್ತಿತ್ತ ವಾಲದೆ ನಿಖರವಾಗಿ ಉರುಳಿಕೊಂಡು ಹೋಗುವ ಅದ್ಭುತ ದೇಹನಿಯಂತ್ರಣ ಹೊಂದಿವೆ.

ಹೇಗೆ ಸಾಧ್ಯವಾಗುತ್ತದೆ ಈ ಅಕ್ರೋಬ್ಯಾಟಿಕ್ ಚಲನೆ?

ಸಂಶೋಧಕರು ಕಂಡುಕೊಂಡಂತೆ, ಈ ಹಾವು ಇಡೀ ದೇಹವನ್ನು ಒಟ್ಟಿಗೆ ತಿರುಗಿಸುವುದಿಲ್ಲ. ಬದಲಾಗಿ, ದೇಹವನ್ನು ಸಣ್ಣ ಸಣ್ಣ ಭಾಗಗಳಾಗಿ ವಿಂಗಡಿಸಿ, ಒಂದು ಭಾಗವನ್ನು ನೆಲಕ್ಕೆ ಒತ್ತಿ ಇನ್ನೊಂದು ಭಾಗವನ್ನು ಪಕ್ಕಕ್ಕೆ ಬೀಸುವ (Stroke) ರೀತಿಯ ಸಂಕೀರ್ಣ ಮಾದರಿಯನ್ನು ಎಡ ಮತ್ತು ಬಲಕ್ಕೆ ಬದಲಾಯಿಸುತ್ತಾ ಸಾಗುತ್ತದೆ. ಇದರಿಂದಾಗಿ ತಲೆಗೆ ಹೊಡೆತ ಬೀಳದೆ, ಇಡೀ ದೇಹವು ಮುನ್ನುಗ್ಗುವ ಶಕ್ತಿಯನ್ನು ಪಡೆಯುತ್ತದೆ.

ವಿಕಾಸವಾದದ (Evolution) ಮಹಾ ವಿಸ್ಮಯ!

ಪ್ರಾಣಿಗಳ ದೇಹರಚನೆಯಷ್ಟೇ ಅವುಗಳ ಸಾಮರ್ಥ್ಯವನ್ನು ನಿರ್ಧರಿಸುವುದಿಲ್ಲ, ಬದಲಿಗೆ ಸ್ನಾಯುಗಳ ಹೊಂದಾಣಿಕೆ ಮತ್ತು ಅಸಾಮಾನ್ಯ ನಡವಳಿಕೆಗಳು ಅಸಾಧ್ಯವಾದುದನ್ನು ಸಾಧ್ಯವಾಗಿಸುತ್ತವೆ ಎಂಬುದಕ್ಕೆ ಈ ಹಾವುಗಳೇ ಜೀವಂತ ಸಾಕ್ಷಿ. ತಮ್ಮ ಜೀವ ಉಳಿಸಿಕೊಳ್ಳಲು ನಿಸರ್ಗ ರೂಪಿಸಿರುವ ಇಂತಹ ತಂತ್ರಜ್ಞಾನ ನಿಜಕ್ಕೂ ಪ್ರಕೃತಿಯ ಇಂಜಿನಿಯರಿಂಗ್ ಅದ್ಭುತಗಳಲ್ಲಿ ಒಂದಾಗಿದೆ.

3ನೇ ಮಹಡಿಯಿಂದ ಗುಟ್ಕಾ ಉಗಿದ, 11ಕೆವಿ ವೈರ್‌ಮೇಲೆ ಬಿತ್ತು; ಕರೆಂಟ್ ಶಾಕ್ ಹೊಡೆದು ವೃದ್ಧನ ಪ್ರಾಣ ಹೋಯ್ತು!

Sathish Kumar KH — Sun, 25 Oct 2026 19:39:38 +0530

ಅತಿಯಾದ ಗುಟ್ಕಾ ಅಥವಾ ತಂಬಾಕು ಜಗಿಯುವ ಅಭ್ಯಾಸ ಆರೋಗ್ಯಕ್ಕೆ ಮಾತ್ರವಲ್ಲ, ಕೆಲವೊಮ್ಮೆ ಜೀವಕ್ಕೇ ಕುತ್ತು ತರುತ್ತದೆ ಎಂಬುದಕ್ಕೆ ಮಧ್ಯಪ್ರದೇಶದಲ್ಲಿ ನಡೆದಿರುವ ಈ ಬೆಚ್ಚಿಬೀಳಿಸುವ ದುರಂತವೇ ಸಾಕ್ಷಿ.

ಮೂರನೇ ಮಹಡಿಯ ಬಾಲ್ಕನಿಯಲ್ಲಿ ನಿಂತು ಗುಟ್ಕಾ ಉಗಿಯಲು ಹೋದ 65 ವರ್ಷದ ವೃದ್ಧರೊಬ್ಬರು 11 ಸಾವಿರ ವೋಲ್ಟ್ (11kV) ಸಾಮರ್ಥ್ಯದ ಹೈಟೆನ್ಷನ್ ವಿದ್ಯುತ್ ತಂತಿಯ ಶಾಕ್‌ಗೆ ಸಿಲುಕಿ ಸ್ಥಳದಲ್ಲೇ ದಾರುಣವಾಗಿ ಸಾವನ್ನಪ್ಪಿರುವ ಘಟನೆ ಮಧ್ಯಪ್ರದೇಶದ ವಿದಿಶಾ ಜಿಲ್ಲೆಯ ಗಂಜ್‌ಬಸೋದಾದಲ್ಲಿ ನಡೆದಿದೆ. ಮೃತರನ್ನು ಮೂಲತಃ ಛತ್ತರ್‌ಪುರದವರಾದ, ಗಾರೆ ಮೇಸ್ತ್ರಿ ಕೆಲಸ ಮಾಡುತ್ತಿದ್ದ ಪ್ರಭುಲಾಲ್ ಗುಪ್ತಾ (65) ಎಂದು ಗುರುತಿಸಲಾಗಿದೆ. ಇವರು ಕಳೆದ 10 ವರ್ಷಗಳಿಂದ ಗಂಜ್‌ಬಸೋದಾದ ಗಾಯತ್ರಿ ನಗರದಲ್ಲಿರುವ ಬಾಡಿಗೆ ಮನೆಯೊಂದರಲ್ಲಿ ವಾಸವಾಗಿದ್ದರು.

ಘಟನೆ ನಡೆದಿದ್ದು ಹೇಗೆ?

ಶುಕ್ರವಾರ ಮಧ್ಯಾಹ್ನ ಸುಮಾರು 1 ಗಂಟೆಯ ಸುಮಾರಿಗೆ ಪ್ರಭುಲಾಲ್ ಗುಪ್ತಾ ಅವರು ತಮ್ಮ ಮೂರನೇ ಮಹಡಿಯ ಬಾಲ್ಕನಿಯಲ್ಲಿ ನಿಂತಿದ್ದರು. ಬಾಯಿಯಲ್ಲಿದ್ದ ಗುಟ್ಕಾವನ್ನು ಹೊರಗೆ ಉಗಿಯಲು ಮುಂದಾಗಿದ್ದಾರೆ. ಪ್ರತ್ಯಕ್ಷದರ್ಶಿಗಳ ಪ್ರಕಾರ, ಬಾಲ್ಕನಿಯ ತೀರಾ ಸನಿಹದಲ್ಲೇ ಹಾದುಹೋಗಿದ್ದ 11kV ಹೈಟೆನ್ಷನ್ ವಿದ್ಯುತ್ ತಂತಿಯ ಮೇಲೆ ಅವರು ಉಗುಳಿದ ಲಾಲಾರಸ (Saliva stream) ಬಿದ್ದಿದೆ. ತಕ್ಷಣವೇ ವಿದ್ಯುತ್ ಪ್ರವಾಹವು ಲಾಲಾರಸದ ಮೂಲಕ ಅವರ ದೇಹಕ್ಕೆ ತಗುಲಿದ್ದು, ಕ್ಷಣಾರ್ಧದಲ್ಲೇ ಪ್ರಭುಲಾಲ್ ಅವರ ದೇಹ ಬೆಂಕಿಗಾಹುತಿಯಾಗಿ ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆ.

ಲಾಲಾರಸದಿಂದ ವಿದ್ಯುತ್ ಪ್ರವಹಿಸಿದ್ದು ಹೇಗೆ? ತಜ್ಞರ ವಿಶ್ಲೇಷಣೆ

ಗುಟ್ಕಾ ಉಗಿದಾಗ ಕರೆಂಟ್ ಶಾಕ್ ಹೊಡೆದು ಸಾಯಲು ಸಾಧ್ಯವೇ ಎಂಬ ಪ್ರಶ್ನೆಗೆ ವಿದ್ಯುತ್ ತಜ್ಞರು ವೈಜ್ಞಾನಿಕ ವಿವರಣೆ ನೀಡಿದ್ದಾರೆ. ಮಾನವನ ಎಂಜಲು ಅಥವಾ ಲಾಲಾರಸದಲ್ಲಿ ತೇವಾಂಶದ ಜೊತೆಗೆ ಲವಣಾಂಶಗಳು (Salts/Electrolytes) ಇರುತ್ತವೆ. ಇದು ಅತ್ಯುತ್ತಮ ವಿದ್ಯುತ್ ವಾಹಕವಾಗಿ (Good conductor) ಕೆಲಸ ಮಾಡುತ್ತದೆ. ಬಾಯಿಯಿಂದ ಹೊರಬಂದ ಎಂಜಲಿನ ಧಾರೆ ನಿರಂತರವಾಗಿ ವಿದ್ಯುತ್ ತಂತಿಯನ್ನು ಸ್ಪರ್ಶಿಸಿದರೆ, ಅದು ಕರೆಂಟ್ ಪ್ರವಹಿಸಲು ನೇರ ಸಂಪರ್ಕ ಮಾರ್ಗವನ್ನು ಕಲ್ಪಿಸುತ್ತದೆ.

ವಿದ್ಯುತ್ ಆರ್ಕ್ (Electrical Arc): 11kV ಯಂತಹ ಅತ್ಯಂತ ಪ್ರಬಲ ಹೈಟೆನ್ಷನ್ ತಂತಿಗಳ ಸಮೀಪಕ್ಕೆ ಯಾವುದೇ ವಾಹಕ ವಸ್ತು ಅಥವಾ ತೇವಾಂಶ ಬಂದರೆ, ವಿದ್ಯುತ್ ಗಾಳಿಯಲ್ಲೇ ಜಿಗಿಯುವ (Arcing) ಗುಣ ಹೊಂದಿರುತ್ತದೆ. ಬಾಲ್ಕನಿಯು ತಂತಿಗೆ ತೀರಾ ಹತ್ತಿರದಲ್ಲಿದ್ದ ಕಾರಣ, ಈ ಆರ್ಕಿಂಗ್ ನೇರವಾಗಿ ವ್ಯಕ್ತಿಯ ದೇಹದ ಮೂಲಕ ಹಾದುಹೋಗಿ ಈ ಭೀಕರ ದುರಂತ ಸಂಭವಿಸಿದೆ ಎಂದು ತಜ್ಞರು ತಿಳಿಸಿದ್ದಾರೆ.

ವಿದ್ಯುತ್ ಇಲಾಖೆಯ ವಿರುದ್ಧ ಸಾರ್ವಜನಿಕರ ಆಕ್ರೋಶ

ಈ ದುರಂತದ ಬೆನ್ನಲ್ಲೇ ಸ್ಥಳೀಯ ನಿವಾಸಿಗಳು ತೀವ್ರ ಆಕ್ರೋಶ ಹೊರಹಾಕಿದ್ದಾರೆ. ಮನೆಗಳ ತೀರಾ ಸಮೀಪದಲ್ಲೇ ಹಾದುಹೋಗಿರುವ 11kV ವಿದ್ಯುತ್ ತಂತಿಗಳನ್ನು ಸ್ಥಳಾಂತರಿಸುವಂತೆ ವಿದ್ಯುತ್ ಇಲಾಖೆಗೆ ಹತ್ತಾರು ಬಾರಿ ದೂರು ನೀಡಿದ್ದರೂ ಯಾವುದೇ ಪ್ರಯೋಜನವಾಗಿಲ್ಲ ಎಂದು ಸ್ಥಳೀಯರು ಆರೋಪಿಸಿದ್ದಾರೆ.

ಮನೆಯ ಮಾಲೀಕರಾದ ಪದ್ಮಾ ಚಿದಾರ್ ಮಾತನಾಡಿ, 'ನಮ್ಮ ಬಡಾವಣೆಯಲ್ಲಿ ವಿದ್ಯುತ್ ಕಂಬಗಳು ಮತ್ತು ತಂತಿಗಳು ಅಪಾಯಕಾರಿ ಸ್ಥಿತಿಯಲ್ಲಿವೆ. ಮನೆಗಳ ಹತ್ತಿರದಲ್ಲೇ ಇರುವ ಹೈಟೆನ್ಷನ್ ಲೈನ್ ತೆಗೆಯುವಂತೆ ಅಧಿಕಾರಿಗಳಿಗೆ ಹಲವು ಬಾರಿ ಮನವಿ ಮಾಡಿದ್ದೆವು. ಸ್ಥಳಾಂತರಿಸುವುದಾಗಿ ಭರವಸೆ ನೀಡಿದ್ದ ಅಧಿಕಾರಿಗಳು ಬಳಿಕ ನಿರ್ಲಕ್ಷ್ಯ ವಹಿಸಿದರು. ಇಲಾಖೆಯ ಬೇಜವಾಬ್ದಾರಿಯೇ ಈ ಸಾವಿಗೆ ಕಾರಣ' ಎಂದು ಕಣ್ಣೀರಿಟ್ಟಿದ್ದಾರೆ.

ಮೋದಿ ಅಷ್ಟೇ ಅಲ್ಲ ಅವರಪ್ಪನೂ ಹೋಗ್ತಾನೆ, ಭಾರಿ ವಿವಾದ ಸೃಷ್ಟಿಸಿದ ಮಲ್ಲಿಕಾರ್ಜುನ್ ಖರ್ಗೆ ಮಾತು

Chethan Kumar — Sun, 25 Oct 2026 18:58:01 +0530

ಪಾಟ್ನಾ (ಅ.25) ಪ್ರಧಾನಿ ನರೇಂದ್ರ ಮೋದಿ, ಬಿಜೆಪಿ ಹಾಗೂ ಆರ್‌ಎಸ್ಎಸ್ ವಿರುದ್ದ ಕಾಂಗ್ರೆಸ್ ನಾಯಕರು ವಾಗ್ದಾಳಿ ನಡೆಸುವುದು ಹೊಸದೇನಲ್ಲ. ಪ್ರತಿ ಭಾಷಣ, ಪ್ರತಿ ಪ್ರತಿಕ್ರಿಯೆಯಲ್ಲಿ ಪ್ರಖರ ಮಾತುಗಳು ಇದ್ದೇ ಇರುತ್ತೆ. ಆದರೆ ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಮೋದಿ, ಬಿಜೆಪಿ ಹಾಗೂ ಆರ್‌ಎಸ್ಎಸ್ ಜೊತೆಗೆ ಮೋದಿ ತಂದೆಯನ್ನು ಎಳೆದು ತಂದು ವಿವಾದ ಸೃಷ್ಟಿಸಿದ್ದಾರೆ. ಬಿಹಾರದ ಪಾಟ್ನಾದಲ್ಲಿ ಆಯೋಜಿಸಿದ ಕಾರ್ಯಕ್ರಮದಲ್ಲಿ ಮಲ್ಲಿಕಾರ್ಜುನ ಖರ್ಗೆ ತಾಳ್ಮೆ ಕಳೆದುಕೊಂಡು ಮೋದಿ ಮಾತ್ರವಲ್ಲ ಅವರಪ್ಪನು ಹೋಗ್ತಾನೆ ಎಂದಿದ್ದಾರೆ. ಈ ಮಾತು ಕೋಲಾಹಲ ಸೃಷ್ಟಿಸಿದೆ.

ಮೋದಿಯನ್ನು ಜೈಲಿಗೆ ಕಳುಹಿಸಿತ್ತೇವೆ

ಬಿಹಾರ ಮಾಜಿ ಮುಖ್ಯಮಂತ್ರಿ ಕೃಷ್ಣ ಸಿಂಗ್ 139ನೇ ಜಯಂತಿ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದ ಖರ್ಗೆ ಕೆರಳಿದ್ದಾರೆ. ಮೋದಿ ಚುನಾವಣೆ ಅಕ್ರಮ ಮಾಡುತ್ತಿದ್ದಾರೆ. ಇದರ ಹಿಂದಿರುವ ವ್ಯಕ್ತಿಗಳನ್ನು ಜೈಲಿಗೆ ಕಳುಹಿಸುವ ಕೆಲಸವನ್ನು ಕಾಂಗ್ರೆಸ್ ಮಾಡಲಿದೆ ಎಂದು ಖರ್ಗೆ ತಮ್ಮ ಭಾಷಣದಲ್ಲಿ ಹೇಳಿದ್ದಾರೆ. ಇದೇ ವೇಳೆ ಕಾರ್ಯಕ್ರಮದಲ್ಲಿ ಸಾಮಾನ್ಯ ವ್ಯಕ್ತಿ, ಮೋದಿ ಎಲ್ಲಿಗೂ ಹೋಗುವುದಿಲ್ಲ ಎಂದು ಕೂಗಿ ಹೇಳಿದ್ದಾರೆ. ಈ ಮಾತಿನಿಂದ ಮಲ್ಲಿಕಾರ್ಜುನ ಖರ್ಗೆ ಕೆರಳಿದ್ದಾರೆ. ವ್ಯಕ್ತಿ ಒಂದೆರೆಡು ಬಾರಿ ಮೋದಿ ಎಲ್ಲಿಗೂ ಹೋಗುವುದಿಲ್ಲ ಎಂದು ಕೂಗಿ ಹೇಳುತ್ತಿದ್ದಂತೆ ಖರ್ಗೆ ತಾಳ್ಮೆ ಕಳೆದುಕೊಂಡಿದ್ದಾರೆ

ಮೋದಿ, ಅಪರಪ್ಪನೂ ಹೋಗ್ತಾನೆ

ವ್ಯಕ್ತಿಯ ಮಾತುಗಳನ್ನು ಕೇಳಿಸಿಕೊಂಡ ಮಲ್ಲಿಕಾರ್ಜುನ ಖರ್ಗೆ, ಮೋದಿ ಕಾ ಬಾಪ್ ಬಿ ಜಾಯೇಗಾ (ಮೋದಿಯ ತಂದೆ ಕೂಡ ಹೋಗ್ತಾನೆ) ಎಂದಿದ್ದಾರೆ. ಇದೇ ಮಾತನ್ನು ಮಲ್ಲಿಖಾರ್ಜುನ ಖರ್ಗೆ ಪುನರುಚ್ಚರಿಸಿದ್ದಾರೆ. ಇಷ್ಟೇ ಅಲ್ಲ ನಡಿ ಇಲ್ಲಿಂದ ಎಂದಿದ್ದಾರೆ. ಖರ್ಗೆ ಮಾತು ಕೇಳಿಸಿಕೊಂಡ ಕಾಂಗ್ರೆಸ್ ಸಿಬ್ಬಂದಿಗಳು ನೇರವಾಗಿ ಕೂಗಿ ಹೇಳಿದ ವ್ಯಕ್ತಿಯನ್ನು ಹೊರಕ್ಕೆ ಕಳುಹಿಸುವ ಪ್ರಯತ್ನ ಮಾಡಿದ್ದಾರೆ. ಈ ವೇಳೆ ರಂಪಾಟ ನಡೆದಿದೆ. ಕಾಂಗ್ರೆಸ್ ವಿರುದ್ಧ ಘೋಷಣೆಗಳು ಮೊಳಗಿದೆ. ಇತ್ತ ಮೋದಿ ಚೋರ್, ಗದ್ದಿ ಚೋರ್ ಘೋಷಣೆಯನ್ನು ಕಾಂಗ್ರೆಸ್ ಕಾರ್ಯಕರ್ತರು ಮೊಳಗಿಸಿದ್ದಾರೆ. ಹೀಗಾಗಿ ಕೆಲ ಹೊತ್ತು ಸಭೆಯಲ್ಲಿ ಗೊಂದಲ, ಆತಂಕದ ವಾತಾವರಣ ನಿರ್ಮಾಣವಾಗಿತ್ತು.

ಸರಿ, ಸರಿ ಎಂದು ಮಲ್ಲಿಕಾರ್ಜುನ್ ಖರ್ಗೆ ಭಾಷಣ ಮುಂದುವರಿಸಿದ್ದಾರೆ. ಅಷ್ಟರಲ್ಲೇ ಖರ್ಗೆ ಮಾತುಗಳು ವಿವಾದವಾಗಿದೆ. ಮೋದಿ ತಂದೆ ಯಾವುದೇ ರಾಜಕೀಯದಲ್ಲಿ ಇರಲಿಲ್ಲ. ವಿನಾಕಾರಣ ಮೋದಿ ತಂದೆಯನ್ನು ಎಳೆದು ತಂದಿದ್ದೇಕೆ, ಮೋದಿ ತಾಯಿಯನ್ನು ನಿಂದಿಸುವ ಪದ್ಧತಿಯನ್ನು ಕಾಂಗ್ರೆಸ್ ಸೇರಿದಂತೆ ವಿಪಕ್ಷಗಳ ಹಲವರು ಮಾಡಿದ್ದಾರೆ. ಇದೀಗ ಮೋದಿ ತಂದೆಯನ್ನು ರಾಜಕೀಯ ಹೇಳಿಕೆಯಲ್ಲಿ ಪ್ರತಿಕ್ರಿಯೆಯಲ್ಲಿ ಎಳೆದು ತಂದಿದ್ದು ಯಾಕೆ ಎಂದು ಪ್ರಶ್ನಿಸಲಾಗುತ್ತಿದೆ. ಮೋದಿ ತಪ್ಪು ಮಾಡಿದ್ದರೆ, ಜೈಲಿಗೆ ಹಾಕಿ, ಆದರೆ ಮೋದಿ ತಂದೆ ಏನು ಮಾಡಿದ್ದಾರೆ, ಕಾಂಗ್ರೆಸ್ ಪದ ಪ್ರಯೋಗ ಎಲ್ಲೇ ಮೀರುತ್ತಿರುವುದು ಯಾಕೆ ಎಂಬ ಪ್ರಶ್ನೆಗಳು ಹುಟ್ಟಿಕೊಂಡಿದೆ.

ಮೋದಿ ತಂದೆ ಕುರಿತು ಆಡಿದ ಕೀಳು ಮಾತುಗಳಿಂದ ಇದೀಗ ಮಲ್ಲಿಕಾರ್ಜುನ ಖರ್ಗೆ ಮಾಡಿದ ಇಡೀ ಭಾಷಣ ಇದೀಗ ಟೀಕೆಗೆ ಗುರಿಯಾಗುತ್ತಿದೆ. ಇದಕ್ಕೂ ಮೊದಲು ಖರ್ಗೆ, ಆರ್‌ಎಸ್ಎಸ್ ಹಾಗೂ ಆರ್‌ಎಸ್ಎಸ್ ಸಿದ್ಧಾಂತ ಇರುವವರೆಗೆ ದೇಶದಲ್ಲಿ ಶಾಂತಿ ನೆಲಸಲು ಸಾಧ್ಯವಿಲ್ಲ ಎಂಬ ಖರ್ಗೆ ಹೇಳಿಕೆಗೂ ಭಾರಿ ಟೀಕೆ ವ್ಯಕ್ತವಾಗುತ್ತಿದೆ .

ಚಿನ್ನ ಪ್ರಿಯರಿಗೆ ಭರ್ಜರಿ ಗುಡ್ನ್ಯೂಸ್: ಪ್ರಯೋಗಾಲಯದಲ್ಲೇ ಬಂಗಾರ ಉತ್ಪತ್ತಿ ಸಕ್ಸಸ್- ಅಗ್ಗದಲ್ಲಿ ಸಿಗತ್ತಾ ಲೋಹ

Suchethana D — Sun, 25 Oct 2026 18:04:37 +0530

ಸ್ಯಾನ್ ಫ್ರಾನ್ಸಿಸ್ಕೋ: ಚಿನ್ನವನ್ನು ಸೃಷ್ಟಿಸುವ ಪ್ರಯತ್ನಗಳು ಶತಮಾನಗಳಿಂದ ನಡೆಯುತ್ತಿವೆ. ಪ್ರಾಚೀನ ಕಾಲದಲ್ಲಿ, ಇದನ್ನು ರಸವಿದ್ಯೆ ಎಂದು ಕರೆಯಲಾಗುತ್ತಿತ್ತು. ಈಗ, ಅಮೆರಿಕದ ಒಂದು ನವೋದ್ಯಮ ಕಂಪೆನಿಯು ಪಾದರಸದಿಂದ (Mercury) ನಿಜವಾದ ಚಿನ್ನವನ್ನು ಸೃಷ್ಟಿಸುವಲ್ಲಿ ಗಮನಾರ್ಹ ಯಶಸ್ಸನ್ನು ಸಾಧಿಸಿದೆ ಎಂದು ವರದಿಯಾಗಿದೆ. ಬ್ಯುಸಿನೆಸ್ ಟುಡೇ ವರದಿಯ ಪ್ರಕಾರ, ಕಂಪೆನಿಯು ಫ್ಯೂಷನ್ನಿಂದ ನ್ಯೂಟ್ರಾನ್‌ಗಳನ್ನು ಬಳಸಿಕೊಂಡು ಪಾದರಸವನ್ನು ಚಿನ್ನವಾಗಿ ಪರಿವರ್ತಿಸುವ ಪ್ರಯೋಗವನ್ನು ಮಾಡಿದೆ ಎಂದು ಹೇಳಿದೆ. ಇದು 2025 ರಲ್ಲಿ ಸ್ಥಾಪಿಸಿದ ದಾಖಲೆಗಿಂತ 10 ಪಟ್ಟು ವೇಗವಾಗಿದೆ ಎಂದು ಅದು ಹೇಳುತ್ತದೆ.

ಇದು ವೈಜ್ಞಾನಿಕ ಸಿನಿಮಾ ರೀತಿ ಅನ್ನಿಸಬಹುದು. ಆದರೆ ಇದರ ಹಿಂದೆ ಪರಮಾಣು ವಿಜ್ಞಾನವಿದೆ. ಸ್ಯಾನ್ ಫ್ರಾನ್ಸಿಸ್ಕೋ ಮೂಲದ ಕಂಪೆನಿ ಮ್ಯಾರಥಾನ್ ಫ್ಯೂಷನ್‌ನ ಯೋಜನೆಗಳು ಚಿನ್ನವನ್ನು ಸೃಷ್ಟಿಸುವುದಕ್ಕೆ ಸೀಮಿತವಾಗಿಲ್ಲ. ಈ ತಂತ್ರಜ್ಞಾನವನ್ನು ಬಳಸಿಕೊಂಡು ಕ್ಯಾನ್ಸರ್ ರೋಗನಿರ್ಣಯ ಮತ್ತು ಚಿಕಿತ್ಸೆಯಲ್ಲಿ ಬಳಸುವ ವಿಕಿರಣಶೀಲ ಐಸೊಟೋಪ್‌ಗಳನ್ನು ರಚಿಸುವಲ್ಲಿಯೂ ಇದು ಕಾರ್ಯನಿರ್ವಹಿಸುತ್ತಿದೆ. ಆದಾಗ್ಯೂ, ಕಂಪೆನಿಯ ಹಕ್ಕುಗಳು ಮತ್ತು ದೊಡ್ಡ ಪ್ರಮಾಣದಲ್ಲಿ ಅಗ್ಗದ ಚಿನ್ನವನ್ನು ಉತ್ಪಾದಿಸುವ ಪ್ರಾಯೋಗಿಕ ವಾಸ್ತವದ ನಡುವೆ ಇನ್ನೂ ಬಹಳ ದೂರವಿದೆ.

ಪಾದರಸದಿಂದ ಚಿನ್ನವನ್ನು ಹೇಗೆ ರಚಿಸಬಹುದು?

ಪಾದರಸವು ಹೊಳೆಯುವ, ದ್ರವ ಲೋಹ ಎಂದು ನಮಗೆ ಸಾಮಾನ್ಯವಾಗಿ ತಿಳಿದಿದೆ, ಆದರೆ ಚಿನ್ನವು ಘನ ಮತ್ತು ಅಮೂಲ್ಯ ಲೋಹವಾಗಿದೆ. ಎರಡೂ ವಿಭಿನ್ನ ಗುಣಲಕ್ಷಣಗಳನ್ನು ಹೊಂದಿವೆ. ಇದು ಪ್ರಶ್ನೆಯನ್ನು ಹುಟ್ಟುಹಾಕುತ್ತದೆ: ಪಾದರಸವನ್ನು ಚಿನ್ನವಾಗಿ ಹೇಗೆ ಪರಿವರ್ತಿಸಬಹುದು? ಉತ್ತರವು ಪರಮಾಣು ವಿಜ್ಞಾನದಲ್ಲಿದೆ. ಮ್ಯಾರಥಾನ್ ಫ್ಯೂಷನ್ ಕಾರ್ಯನಿರ್ವಹಿಸುತ್ತಿರುವ ತಂತ್ರಜ್ಞಾನವನ್ನು ಪರಮಾಣು ಪರಿವರ್ತನೆ ಎಂದು ಕರೆಯಲಾಗುತ್ತದೆ. ಇದು ಪರಮಾಣುವಿನ ಕೇಂದ್ರವಾದ ನ್ಯೂಕ್ಲಿಯಸ್ ಅನ್ನು ಬದಲಾಯಿಸುವುದನ್ನು ಒಳಗೊಂಡಿರುತ್ತದೆ, ಇದು ಒಂದು ಅಂಶವನ್ನು ಮತ್ತೊಂದು ಅಂಶವಾಗಿ ಪರಿವರ್ತಿಸುತ್ತದೆ. ಸರಳವಾಗಿ ಹೇಳುವುದಾದರೆ, ಸಾಮಾನ್ಯ ರಾಸಾಯನಿಕ ಕ್ರಿಯೆಯಲ್ಲಿ, ಒಂದು ವಸ್ತುವಿನಲ್ಲಿರುವ ಅಣುಗಳು ಅಥವಾ ಎಲೆಕ್ಟ್ರಾನ್‌ಗಳ ಜೋಡಣೆ ಬದಲಾಗಬಹುದು, ಆದರೆ ಅಂಶವು ಬದಲಾಗದೆ ಉಳಿಯುತ್ತದೆ. ಇದಕ್ಕೆ ವಿರುದ್ಧವಾಗಿ, ನ್ಯೂಕ್ಲಿಯಸ್‌ನಲ್ಲಿನ ಬದಲಾವಣೆಯು ಒಂದು ಅಂಶವನ್ನು ಇನ್ನೊಂದಕ್ಕೆ ಪರಿವರ್ತಿಸಬಹುದು. ಪಾದರಸವನ್ನು ಚಿನ್ನವಾಗಿ ಪರಿವರ್ತಿಸುವ ಹಕ್ಕು ಈ ಸಿದ್ಧಾಂತವನ್ನು ಆಧರಿಸಿದೆ.

ಕಂಪೆನಿಯ ಪ್ರಸ್ತಾವಿತ ತಂತ್ರಜ್ಞಾನವು ಪಾದರಸದ ನಿರ್ದಿಷ್ಟ ಐಸೊಟೋಪ್, ಮರ್ಕ್ಯುರಿ-198 ಅನ್ನು ಬಳಸುತ್ತದೆ. ಐಸೊಟೋಪ್‌ಗಳು ಅವುಗಳ ಪರಮಾಣು ಕೇಂದ್ರಗಳಲ್ಲಿ ವಿಭಿನ್ನ ಸಂಖ್ಯೆಯ ನ್ಯೂಟ್ರಾನ್‌ಗಳನ್ನು ಹೊಂದಿರುವ ಒಂದೇ ಅಂಶದ ರೂಪಗಳಾಗಿವೆ. ಈ ಪ್ರಕ್ರಿಯೆಯನ್ನು ಮೂರು ಹಂತಗಳಲ್ಲಿ ಅರ್ಥಮಾಡಿಕೊಳ್ಳಬಹುದು.

ಮೊದಲ ಹಂತ: ಕಂಪೆನಿಯ ಯೋಜನೆಯ ಪ್ರಕಾರ, ಫ್ಯೂಷನ್ ರಿಯಾಕ್ಟರ್‌ನಲ್ಲಿ ಡ್ಯೂಟೇರಿಯಮ್ ಮತ್ತು ಟ್ರಿಟಿಯಂನ ಪ್ರತಿಕ್ರಿಯೆಯಿಂದ ಹೆಚ್ಚಿನ ವೇಗದ ನ್ಯೂಟ್ರಾನ್‌ಗಳನ್ನು ಉತ್ಪಾದಿಸಲಾಗುತ್ತದೆ.

ಎರಡನೇ ಹಂತ: ಈ ನ್ಯೂಟ್ರಾನ್‌ಗಳನ್ನು ಪಾದರಸ-198 ಗೆ ನಿರ್ದೇಶಿಸಲಾಗುತ್ತದೆ. ಪ್ರಸ್ತಾವಿತ ಪರಮಾಣು ಕ್ರಿಯೆಯಲ್ಲಿ, ಪಾದರಸ-198 ಅನ್ನು ವಿಕಿರಣಶೀಲ ಪಾದರಸ-197 ಆಗಿ ಪರಿವರ್ತಿಸಬಹುದು.

ಮೂರನೇ ಹಂತ: ಪಾದರಸ-197 ಅನ್ನು ಕೈಗಾರಿಕಾವಾಗಿ ಪಡೆದರೆ ಮತ್ತು ವಿಕಿರಣಶೀಲ ಉಪಉತ್ಪನ್ನಗಳನ್ನು ಸುರಕ್ಷಿತವಾಗಿ ನಿರ್ವಹಿಸಿದರೆ ಅದನ್ನು ಚಿನ್ನ-197 ಆಗಿ ವಿಭಜಿಸಬಹುದು.

ಚಿನ್ನ-197 ಚಿನ್ನದ ಸ್ಥಿರ ಐಸೊಟೋಪ್ ಎಂಬುದನ್ನು ಗಮನಿಸುವುದು ಮುಖ್ಯ. ಇದರರ್ಥ ಪರಮಾಣು ಮಟ್ಟದಲ್ಲಿ ಉತ್ಪತ್ತಿಯಾಗುವ ಚಿನ್ನವು ನಿಜವಾದ ಚಿನ್ನವಾಗಿರುತ್ತದೆ. ಆದರೆ ಇದು ಅಗ್ಗವಾಗಿರುತ್ತದೆ ಅಥವಾ ಉತ್ಪಾದಿಸಲು ಸುಲಭವಾಗುತ್ತದೆ ಎಂದು ಇದರ ಅರ್ಥವಲ್ಲ.

ಈ ಕಲ್ಪನೆ ಹೊಸತಲ್ಲ

ಪಾದರಸದಿಂದ ಚಿನ್ನವನ್ನು ಉತ್ಪಾದಿಸುವ ಕಲ್ಪನೆಯು ಸಂಪೂರ್ಣವಾಗಿ ಹೊಸದಲ್ಲ. ವಿಶ್ವಪ್ರಸಿದ್ಧ ವೈಜ್ಞಾನಿಕ ಪ್ರಯೋಗಾಲಯವಾದ CERN, ಪರಮಾಣು ಪ್ರಕ್ರಿಯೆಗಳ ಮೂಲಕ ಚಿನ್ನದ ಸೃಷ್ಟಿಯನ್ನು ಸಹ ದಾಖಲಿಸಿದೆ. CERN ನ ಲಾರ್ಜ್ ಹ್ಯಾಡ್ರಾನ್ ಕೊಲೈಡರ್‌ನಲ್ಲಿ ALICE ಪ್ರಯೋಗದ ಸಮಯದಲ್ಲಿ, ವಿಜ್ಞಾನಿಗಳು ನಾಲ್ಕು ವರ್ಷಗಳ ಕಠಿಣ ಪರಿಶ್ರಮದ ನಂತರ ಕೇವಲ 29 ಪಿಕೋಗ್ರಾಮ್ ಚಿನ್ನವನ್ನು ಉತ್ಪಾದಿಸಿದರು. ಒಂದು ಪಿಕೋಗ್ರಾಮ್ ಒಂದು ಗ್ರಾಂನ ಒಂದು ಟ್ರಿಲಿಯನ್ ಭಾಗವಾಗಿದೆ. ಇದರರ್ಥ ಇಷ್ಟು ಕಡಿಮೆ ಪ್ರಮಾಣದ ಚಿನ್ನವನ್ನು ಉತ್ಪಾದಿಸಲಾಗಿದ್ದು ಅದನ್ನು ವಾಣಿಜ್ಯಿಕವಾಗಿ ಬಳಸಲು ಅಸಾಧ್ಯವಾಗಿತ್ತು.

ಮ್ಯಾರಥಾನ್ ಫ್ಯೂಷನ್ ತನ್ನ ತಂತ್ರಜ್ಞಾನವು CERN ನ 2025 ರ ದಾಖಲೆಗಿಂತ 10 ಪಟ್ಟು ಹೆಚ್ಚಿನ ದರದಲ್ಲಿ ಚಿನ್ನವನ್ನು ಉತ್ಪಾದಿಸಿದೆ ಎಂದು ಹೇಳಿಕೊಂಡಿದೆ. X ನಲ್ಲಿನ ತನ್ನ ಪೋಸ್ಟ್‌ನಲ್ಲಿ, ಮ್ಯಾರಥಾನ್ ಫ್ಯೂಷನ್ ತನ್ನ ಹಿಂದಿನ ಸೈದ್ಧಾಂತಿಕ ಪ್ರಸ್ತಾಪವನ್ನು ಮೀರಿ ಮುಂದುವರೆದಿದೆ ಮತ್ತು ಫ್ಯೂಷನ್ ನ್ಯೂಟ್ರಾನ್‌ಗಳನ್ನು ಬಳಸಿಕೊಂಡು ಪಾದರಸವನ್ನು ಚಿನ್ನವಾಗಿ ಪರಿವರ್ತಿಸಬಹುದು ಎಂದು ಹೇಳುತ್ತದೆ. ಕಂಪೆನಿಯ ಹೇಳಿಕೆಯನ್ನು ಇನ್ನೂ ಸ್ವತಂತ್ರ ವೈಜ್ಞಾನಿಕ ದೃಢೀಕರಣ ಅಥವಾ ವಾಣಿಜ್ಯ ಉತ್ಪಾದನೆಯ ಪುರಾವೆಯಾಗಿ ನೋಡಬಾರದು.

ಆರು ವರ್ಷದ ಬಾಲಕ ಹಾಲು ಕೇಳಿದ್ದೇ ತಪ್ಪಾಯ್ತು, ಬಿಸಿ ಪ್ಯಾನ್‌ ನಲ್ಲಿ ಕೂರಿಸಿದ ಅಂಗಡಿ ಮಾಲೀಕ !

Roopa Hegde — Sun, 25 Oct 2026 17:49:26 +0530

ಉತ್ತರ ಪ್ರದೇಶದ ಅಲಿಗಢದಲ್ಲಿ ಆಘಾತಕಾರಿ ಘಟನೆಯೊಂದು ನಡೆದಿದೆ. ಅಂಗಡಿಯಲ್ಲಿ ಹಾಲು ಕೇಳಿದ್ದಕ್ಕೆ ಆರು ವರ್ಷದ ಬಾಲಕನನ್ನು ಸಿಹಿತಿಂಡಿ ಅಂಗಡಿಯ ಮಾಲೀಕ ಬಿಸಿ ಪ್ಯಾನ್ನಲ್ಲಿ ಬಲವಂತವಾಗಿ ಕೂರಿಸಿದ್ದಾನೆ ಎನ್ನಲಾಗಿದೆ. ಇದರಿಂದ ಬಾಲಕನ ಹಿಂಭಾಗಕ್ಕೆ ತೀವ್ರ ಸುಟ್ಟ ಗಾಯಗಳಾಗಿವೆ.

ಹಾಲು ತರಲು ಹೋಗಿದ್ದ ಬಾಲಕನಿಗೆ ಕಾದಿತ್ತು ಆಘಾತ!

ಅಲಿಗಢದ ದೆಹಲಿ ಗೇಟ್ ಪೊಲೀಸ್ ಠಾಣೆ ವ್ಯಾಪ್ತಿಯ ನಗ್ಲಾ ಮೆಹ್ತಾಬ್ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ಸುಂದರ್ ಲಾಲ್ ಎಂಬುವವರ ಆರು ವರ್ಷದ ಮಗ ಶನಿವಾರ ರಾತ್ರಿ ಮನೆಯ ಸಮೀಪದಲ್ಲಿದ್ದ ಸಿಹಿತಿಂಡಿ ಅಂಗಡಿಗೆ ಹಾಲು ತರಲು ಹೋಗಿದ್ದ.

ಆದರೆ ಅಂಗಡಿಯಲ್ಲಿ ಹಾಲು ಕೊಡಲು ತಡವಾಗಿದೆ. ಹೀಗಾಗಿ ಬಾಲಕ ಪದೇ ಪದೇ ಹಾಲು ಕೇಳಿದ್ದಾನೆ. ಇದರಿಂದ ಕೋಪಗೊಂಡ ಅಂಗಡಿ ಮಾಲೀಕ ಲಲ್ಲು, ಬಾಲಕನನ್ನು ಬಲವಂತವಾಗಿ ಬಿಸಿ ಪ್ಯಾನ್ನಲ್ಲಿ ಕೂರಿಸಿದ್ದಾನೆ ಎಂದು ದೂರಲಾಗಿದೆ. ಬಿಸಿ ಪ್ಯಾನ್ನಿಂದಾಗಿ ಬಾಲಕನ ಹಿಂಭಾಗಕ್ಕೆ ತೀವ್ರ ಸುಟ್ಟ ಗಾಯಗಳಾಗಿವೆ.

ಮಗನಿಗೆ ಗಾಯಗಳಾಗಿರುವುದನ್ನು ಕಂಡು ಕುಟುಂಬದವರು ಆತಂಕಗೊಂಡಿದ್ದಾರೆ. ತಕ್ಷಣವೇ ಬಾಲಕನನ್ನು ಅಲಿಗಢದ ಮಲ್ಖಾನ್ ಸಿಂಗ್ ಜಿಲ್ಲಾ ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ಕೊಡಿಸಿದ್ದಾರೆ. ಸದ್ಯ ವೈದ್ಯರು ಬಾಲಕನಿಗೆ ಚಿಕಿತ್ಸೆ ನೀಡುತ್ತಿದ್ದಾರೆ ಎಂದು ವರದಿಯಾಗಿದೆ.

ಘಟನೆಗೆ ಸಂಬಂಧಿಸಿದಂತೆ ಬಾಲಕನ ತಂದೆ ಸುಂದರ್ ಲಾಲ್ ಅವರು ದೆಹಲಿ ಗೇಟ್ ಪೊಲೀಸ್ ಠಾಣೆಗೆ ತೆರಳಿ ಅಂಗಡಿ ಮಾಲೀಕನ ವಿರುದ್ಧ ಲಿಖಿತ ದೂರು ನೀಡಿದ್ದಾರೆ. ತಂದೆ ನೀಡಿದ ದೂರಿನ ಆಧಾರದ ಮೇಲೆ ಪೊಲೀಸರು ಅಂಗಡಿ ಮಾಲೀಕ ಲಲ್ಲು ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಬಾಲಕನಿಗೆ ವೈದ್ಯಕೀಯ ಪರೀಕ್ಷೆ ನಡೆದಿದೆ. ಈ ಪ್ರಕರಣದ ಕುರಿತು ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಹಾಲು ಕೇಳಿದ ಆರು ವರ್ಷದ ಬಾಲಕನ ಮೇಲೆ ನಡೆದಿರುವ ಈ ಘಟನೆ ಸ್ಥಳೀಯವಾಗಿ ಆಕ್ರೋಶಕ್ಕೆ ಕಾರಣವಾಗಿದೆ.

ಶ್ರೀರಾಮನಿಗೂ ಉಂಟು, 'ಪ್ರೇಮದ ಊರಲಿ' ಸಿನಿಮಾ ಶೂಟಿಂಗ್ ಸ್ಪಾಟ್ ನಂಟು; ಇಲ್ಲಿದೆ ಸೀಗೆಗುಡ್ಡದ ರೋಚಕ ಇತಿಹಾಸ!

Sathish Kumar KH — Sun, 25 Oct 2026 17:35:24 +0530

ಸ್ಯಾಂಡಲ್‌ವುಡ್‌ನಲ್ಲಿ ಸದ್ದಿಲ್ಲದೆ ಬಂದು ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸುತ್ತಿರುವ ಸದಭಿರುಚಿಯ ಸಿನಿಮಾ 'ಪ್ರೇಮದ ಊರಲಿ'. ಅತ್ಯಂತ ಕಡಿಮೆ ಬಜೆಟ್‌ನಲ್ಲಿ ತಯಾರಾಗಿ, ಕಂಟೆಂಟ್ ಮೂಲಕವೇ ಕನ್ನಡಿಗರ ಮನಗೆದ್ದಿರುವ ಈ ಚಿತ್ರವೀಗ ಗಳಿಕೆಯಲ್ಲೂ ಹೊಸ ಮೈಲಿಗಲ್ಲು ಸೃಷ್ಟಿಸುತ್ತಿದೆ. ಈ ಚಿತ್ರದ ಯಶಸ್ಸಿನ ಜೊತೆಜೊತೆಯಲ್ಲೇ ಇಡೀ ಸಿನಿಮಾವನ್ನು ಅದ್ಭುತವಾಗಿ ಸೆರೆಹಿಡಿದ ಆ ಒಂದು ಸುಂದರ ತಾಣ ಇದೀಗ ರಾಜ್ಯದ ಗಮನ ಸೆಳೆದಿದೆ. ಅದೇ ಹಾಸನ ಜಿಲ್ಲೆಯ ಸುಪ್ರಸಿದ್ಧ 'ಸೀಗೆಗುಡ್ಡ ಮಳೆ ಮಲ್ಲೇಶ್ವರ' ಕ್ಷೇತ್ರ!

ಸಿನಿಮಾ ತೆರೆಕಂಡ ನಂತರ ಈ ನಸರ್ಗಿಕ ರಮಣೀಯ ತಾಣ ಹಾಗೂ ಪುಣ್ಯಕ್ಷೇತ್ರಕ್ಕೆ ಪ್ರವಾಸಿಗರು ಮತ್ತು ಭಕ್ತರ ಮಹಾಪೂರವೇ ಹರಿದುಬರುತ್ತಿದೆ. ಅಷ್ಟಕ್ಕೂ ಈ ಸೀಗೆಗುಡ್ಡ ಎಲ್ಲಿದೆ? ಇದರ ಹಿಂದಿರುವ ಶತಮಾನಗಳ ಐತಿಹಾಸಿಕ ಹಾಗೂ ಪೌರಾಣಿಕ ರಹಸ್ಯವೇನು? ಇಲ್ಲಿದೆ ಸಂಪೂರ್ಣ ಮಾಹಿತಿ.

ಎಲ್ಲಿದೆ ಈ ರಮಣೀಯ ಸೀಗೆಗುಡ್ಡ?

ಹಾಸನ ನಗರದಿಂದ ಕೇವಲ 15 ಕಿಲೋಮೀಟರ್ ದೂರದಲ್ಲಿದೆ ಈ ಸೀಗೆಗುಡ್ಡ. ಸುತ್ತಲೂ ಹಸಿರಿನ ಕಾನನ, ಎತ್ತರದ ಬೆಟ್ಟಗುಡ್ಡಗಳು ಮತ್ತು ತಂಗಾಳಿಯ ನಡುವೆ ನೆಲೆಸಿರುವ ಈ ಕ್ಷೇತ್ರ ಪ್ರಕೃತಿ ಪ್ರಿಯರ ಪಾಲಿಗೆ ಸ್ವರ್ಗ. ಇಲ್ಲಿನ ಪ್ರಶಾಂತ ವಾತಾವರಣದಲ್ಲೇ 'ಪ್ರೇಮದ ಊರಲಿ' ಚಿತ್ರದ ಬಹುತೇಕ ಮಹತ್ವದ ದೃಶ್ಯಗಳನ್ನು ಕಾವ್ಯಾತ್ಮಕವಾಗಿ ಚಿತ್ರೀಕರಿಸಲಾಗಿದೆ.

ಶ್ರೀರಾಮನ ಹುಟ್ಟಿಗೂ ಈ ಬೆಟ್ಟಕ್ಕೂ ಇದೆ ಅವಿನಾಭಾವ ನಂಟು!

ಸೀಗೆಗುಡ್ಡದಲ್ಲಿರುವ ಮಳೆ ಮಲ್ಲೇಶ್ವರ ಕ್ಷೇತ್ರಕ್ಕೆ ಶತಮಾನಗಳ ಭವ್ಯ ಇತಿಹಾಸವಿದೆ. ಪುರಾಣಗಳ ಪ್ರಕಾರ, ಈ ಬೆಟ್ಟವನ್ನು ‘ಋಷ್ಯಶೃಂಗ ಪರ್ವತ’ ಎಂದೂ ಕರೆಯಲಾಗುತ್ತದೆ. ತ್ರೇತಾಯುಗದಲ್ಲಿ ಶ್ರೀರಾಮಚಂದ್ರನ ಜನನಕ್ಕೆ ಕಾರಣವಾದ 'ಪುತ್ರಕಾಮೇಷ್ಟಿ ಯಾಗ'ವನ್ನು ನೆರವೇರಿಸಿದ ಮಹಾನ್ ತಪಸ್ವಿ ಋಷ್ಯಶೃಂಗ ಮುನಿಗಳು. ಈ ಪವಿತ್ರ ಬೆಟ್ಟದಲ್ಲಿ ಋಷ್ಯಶೃಂಗ ಮುನಿಗಳು ತಪಸ್ಸು ಆಚರಿಸಿದ್ದರು ಎಂಬ ಬಲವಾದ ಧಾರ್ಮಿಕ ನಂಬಿಕೆ ಇಲ್ಲಿನ ಜನರಲ್ಲಿದೆ. ಹಾಗಾಗಿಯೇ ಈ ಕ್ಷೇತ್ರಕ್ಕೆ ಸಾಕ್ಷಾತ್ ಶ್ರೀರಾಮನ ಪಾದಸ್ಪರ್ಶದ ಪುಣ್ಯವಿದೆ ಎಂದು ಭಕ್ತರು ನಂಬುತ್ತಾರೆ.

ಬೇಡಿದರೆ ಮಳೆ ಸುರಿಸುವ 'ಮಳೆ ಮಲ್ಲೇಶ್ವರ'!

ಈ ಕ್ಷೇತ್ರಕ್ಕೆ ‘ಮಳೆ ಮಲ್ಲೇಶ್ವರ’ ಎಂಬ ಹೆಸರು ಬರಲು ರೋಚಕ ಕಾರಣವಿದೆ. ಹಿಂದಿನ ರಾಜ-ಮಹಾರಾಜರ ಕಾಲದಲ್ಲಿ ತಮ್ಮ ಪ್ರಾಂತ್ಯದಲ್ಲಿ ತೀವ್ರ ಬರಗಾಲ ಎದುರಾದಾಗ, ರಾಜರು ಮತ್ತು ಪ್ರಜೆಗಳು ಈ ಬೆಟ್ಟದ ಮೇಲಿರುವ ಮಲ್ಲೇಶ್ವರನ ಸನ್ನಿಧಿಗೆ ಬಂದು ವಿಶೇಷ ಪೂಜೆ-ಪುನಸ್ಕಾರಗಳನ್ನು ಸಲ್ಲಿಸುತ್ತಿದ್ದರು. ಪೂಜೆ ಮುಗಿಯುತ್ತಿದ್ದಂತೆ ಮುಗಿಲು ಕವಿದು ಧಾರಾಕಾರ ಮಳೆ ಸುರಿಯುತ್ತಿತ್ತಂತೆ! ಹೀಗಾಗಿ ಭಕ್ತರ ಕಷ್ಟ ನೀಗಿಸಿ ಮಳೆ ಕರುಣಿಸುವ ದೇವನೆಂದು ಈ ಈಶ್ವರನಿಗೆ 'ಮಳೆ ಮಲ್ಲೇಶ್ವರ' ಎಂಬ ಹೆಸರು ಬಂದಿದೆ. ಇಂದಿಗೂ ಪ್ರತಿ ಹುಣ್ಣಿಮೆಯಂದು ಇಲ್ಲಿ ವಿಶೇಷ ಪೂಜಾ ಕೈಂಕರ್ಯಗಳು ಜರುಗುತ್ತವೆ. ಹುಣ್ಣಿಮೆಯ ದಿನವಂತೂ ಸುತ್ತಮುತ್ತಲಿನ ಹಳ್ಳಿಗಳಿಂದ ಸಾವಿರಾರು ಭಕ್ತರು ಆಗಮಿಸಿ ದೇವರ ಕೃಪೆಗೆ ಪಾತ್ರರಾಗುತ್ತಾರೆ.

ರೀಲ್ಸ್, ಕ್ಯಾಮೆರಾ ಹಿಡಿದು ಮುಗಿಬಿದ್ದ ಫ್ಯಾಮಿಲಿ ಪ್ರೇಕ್ಷಕರು!

'ಪ್ರೇಮದ ಊರಲಿ' ಚಿತ್ರ ತೆರೆಕಂಡ ಮೇಲೆ ಸೀಗೆಗುಡ್ಡದ ಚಿತ್ರಣವೇ ಸಂಪೂರ್ಣ ಬದಲಾಗಿದೆ. ಬೆಳ್ಳಿಪರದೆಯ ಮೇಲೆ ಕಣ್ಮನ ಸೆಳೆದ ಆ ಹಸಿರು ಪರಿಸರ, ದೇವಾಲಯದ ಆವರಣವನ್ನು ಕಣ್ಣಾರೆ ಕಣ್ತುಂಬಿಕೊಳ್ಳಲು ಜನ ಮುಗಿಬೀಳುತ್ತಿದ್ದಾರೆ. ಚಿತ್ರಮಂದಿರಕ್ಕೆ ಕುಟುಂಬ ಸಮೇತರಾಗಿ ತೆರಳಿ ಸಿನಿಮಾ ನೋಡಿ ಬಂದ ಜನ, ವಾರಾಂತ್ಯದಲ್ಲಿ ಇಡೀ ಕುಟುಂಬದೊಂದಿಗೆ ಸೀಗೆಗುಡ್ಡಕ್ಕೆ ಲಗ್ಗೆ ಇಡುತ್ತಿದ್ದಾರೆ. ಎಲ್ಲರ ಕೈಯಲ್ಲೂ ಮೊಬೈಲ್ ಕ್ಯಾಮೆರಾಗಳು ರಾರಾಜಿಸುತ್ತಿದ್ದು, ಸಿನಿಮಾದ ಹಾಡುಗಳಿಗೆ ರೀಲ್ಸ್ ಮಾಡುವುದು, ಪ್ರಕೃತಿಯ ಸೌಂದರ್ಯವನ್ನು ಸೆರೆಹಿಡಿಯುವುದು ಸರ್ವೇಸಾಮಾನ್ಯವಾಗಿದೆ.

ಕೇವಲ ಹಾಸನ ಜಿಲ್ಲೆಯಷ್ಟೇ ಅಲ್ಲದೆ ಮೈಸೂರು, ಮಂಡ್ಯ, ಬೆಂಗಳೂರು ಸೇರಿದಂತೆ ರಾಜ್ಯದ ಮೂಲೆ ಮೂಲೆಗಳಿಂದ ಪ್ರವಾಸಿಗರು ಆಗಮಿಸುತ್ತಿದ್ದು, ಈ ತಾಣ ಸದ್ಯ ರಾಜ್ಯದ ಹಾಟ್ ಟೂರಿಸ್ಟ್ ಸ್ಪಾಟ್ (Hot Tourist Spot) ಆಗಿ ಹೊರಹೊಮ್ಮಿದೆ.

ಒಟ್ಟಿನಲ್ಲಿ, ಒಂದೊಳ್ಳೆ ಸಿನಿಮಾ ಕೇವಲ ಚಿತ್ರಮಂದಿರಕ್ಕೆ ಮಾತ್ರ ಸೀಮಿತವಾಗದೆ, ಮರೆಯಾಗಿದ್ದ ನಾಡಿನ ಪವಿತ್ರ ಐತಿಹಾಸಿಕ ತಾಣವೊಂದಕ್ಕೆ ಹೊಸ ಕಳೆ ತಂದುಕೊಟ್ಟಿರುವುದು ನಿಜಕ್ಕೂ ಶ್ಲಾಘನೀಯ.

ಕನಸಿನ ಥಾರ್ ಖರೀದಿಸಲು ಅಂಕಲ್ ಚಿನ್ನ ಕದ್ದ, ಅವರ ಕೈನಿಂದ್ಲೇ ಹೊಸ ಕಾರಿನ ಪೂಜೆ ಮಾಡಿಸಿದ !

Roopa Hegde — Sun, 25 Oct 2026 17:02:31 +0530

ಮಹಾರಾಷ್ಟ್ರದ ಕೊಲ್ಹಾಪುರ ಜಿಲ್ಲೆಯಲ್ಲಿ ಯುವಕನೊಬ್ಬ ಹೊಸ ಮಹೀಂದ್ರಾ ಥಾರ್ ಕಾರು ಖರೀದಿಸಿದ ಘಟನೆ ಈಗ ಚರ್ಚೆಗೆ ಕಾರಣವಾಗಿದೆ. ತನ್ನ ಕನಸಿನ ಎಸ್ಯುವಿ ಖರೀದಿಸಲು ಅಂಕಲ್ ಮನೆಯಿಂದಲೇ ಚಿನ್ನಾಭರಣ ಕದ್ದಿದ್ದಾನೆ ಎಂಬ ಆರೋಪ ಯುವಕನ ಮೇಲಿದೆ. ಅಚ್ಚರಿಯ ಸಂಗತಿ ಏನೆಂದರೆ, ಹೊಸ ಕಾರಿನ ಪೂಜೆಗೆ ಅದೇ ಅಂಕಲ್‌ ನನ್ನು ಯುವಕ ಆಹ್ವಾನಿಸಿದ್ದನಂತೆ.

ಅಸಲಿಗೆ ನಡೆದಿದ್ದೇನು?

ಮಹಾರಾಷ್ಟ್ರದ ಪನ್ಹಾಲಾ ತಾಲೂಕಿನ ಸತಾವೆ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. 19 ವರ್ಷದ ಸಮರ್ ಚವಾಣ್ ಎಂಬಾತ ತನ್ನ ಅಂಕಲ್ ಉಮೇಶ್ ಮಾರುತಿ ಚವಾಣ್ ಅವರ ಮನೆಯ ಸಮೀಪವೇ ವಾಸಿಸುತ್ತಿದ್ದ. ವರದಿಗಳ ಪ್ರಕಾರ, ಸುಮಾರು ಒಂದು ತಿಂಗಳ ಹಿಂದೆ ಉಮೇಶ್ ಅವರ ಮನೆಯಿಂದ 15 ತೊಲಾ ಚಿನ್ನಾಭರಣ, ಅಂದರೆ ಸುಮಾರು 175 ಗ್ರಾಂ ಚಿನ್ನ ಕಳುವಾಗಿತ್ತು. ಈ ಚಿನ್ನಾಭರಣಗಳನ್ನು ಸ್ಥಳೀಯ ಆಭರಣ ವ್ಯಾಪಾರಿ ಸಂಗ್ರಾಮ್ ಬಾಬಾಸೋ ಮೋರೆ ಅವರ ಸಹಾಯದಿಂದ ಸುಮಾರು 10 ಲಕ್ಷ ರೂಪಾಯಿಗೆ ಮಾರಾಟ ಮಾಡಲಾಗಿದೆ ಎಂಬ ಆರೋಪ ಕೇಳಿಬಂದಿದೆ.

ಈ ಹಣದಲ್ಲಿ ಬಳಸಿ ಸಮರ್ ಹೊಸ ಮಹೀಂದ್ರಾ ಥಾರ್ ಖರೀದಿಸಿದ್ದಾನೆ ಎನ್ನಲಾಗಿದೆ. ಹೊಸ ಕಾರನ್ನು ಮನೆಗೆ ತಂದ ಬಳಿಕ ಸಮರ್ ಅದರ ಪೂಜೆಗೆ ತನ್ನಅಂಕಲ್ ಉಮೇಶ್ ಅವರನ್ನೂ ಆಹ್ವಾನಿಸಿದ್ದ ಎನ್ನಲಾಗಿದೆ. ಪೂಜೆಯ ಸಂದರ್ಭದಲ್ಲಿ ಧರಿಸಲು ಉಮೇಶ್ ಅವರು ತಮ್ಮ ಚಿನ್ನಾಭರಣಗಳನ್ನು ಹುಡುಕಿದಾಗ ಅವು ಕಾಣೆಯಾಗಿರುವುದು ಗೊತ್ತಾಗಿದೆ. ಆಗಲೇ ಮನೆಯಲ್ಲಿ ಚಿನ್ನ ಕಳುವಾಗಿರುವ ವಿಚಾರ ಬೆಳಕಿಗೆ ಬಂದಿದೆ.

ಇನ್ನೊಂದು ಸಂಗತಿಯೂ ಕುಟುಂಬದ ಅನುಮಾನವನ್ನು ಹೆಚ್ಚಿಸಿತು. ಉಮೇಶ್ ಅವರ ಅಜ್ಜಿಯ ಚಿನ್ನಾಭರಣಗಳು ಅದೇ ಸ್ಥಳದಲ್ಲಿದ್ದರೂ ಅವುಗಳನ್ನು ಮುಟ್ಟಿರಲಿಲ್ಲ ಎನ್ನಲಾಗಿದೆ. ಆದರೆ ಉಮೇಶ್ ಮತ್ತು ಅವರ ಪತ್ನಿಗೆ ಸೇರಿದ ಆಭರಣಗಳು ಮಾತ್ರ ಕಾಣೆಯಾಗಿದ್ದವು. ಹೀಗಾಗಿ ಮನೆಯ ಬಗ್ಗೆ ಚೆನ್ನಾಗಿ ತಿಳಿದಿರುವವರೇ ಈ ಕೃತ್ಯ ಎಸಗಿರಬಹುದು ಎಂದು ಕುಟುಂಬದವರು ಅನುಮಾನಿಸಿದ್ದಾರೆ.

ಪೊಲೀಸರ ತನಿಖೆಯಲ್ಲಿ ಬಯಲಾಯಿತೇ ಸತ್ಯ?

ಚಿನ್ನಾಭರಣ ಕಾಣೆಯಾಗಿರುವ ಬಗ್ಗೆ ಉಮೇಶ್ ಅವರು ಎರಡು ದಿನಗಳ ಹಿಂದೆ ಕೊಡೋಲಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಪೊಲೀಸರು ಪ್ರಕರಣದ ತನಿಖೆ ಆರಂಭಿಸಿದ್ದರು. ತನಿಖೆಯ ವೇಳೆ ಸಮರ್ ಏಕಾಏಕಿ ಹೊಸ ಕಾರು ಖರೀದಿಸಿರುವ ವಿಚಾರ ಪೊಲೀಸರ ಗಮನಕ್ಕೆ ಬಂದಿದೆ. ಕಾರು ಖರೀದಿಸಲು ಹಣ ಎಲ್ಲಿಂದ ಬಂತು ಎಂಬ ಬಗ್ಗೆಯೂ ಪರಿಶೀಲನೆ ನಡೆಸಲಾಗಿದೆ. ವರದಿಯ ಪ್ರಕಾರ, ತನಿಖೆ ಮುಂದುವರಿದಂತೆ ಸಮರ್ ಕಳ್ಳತನ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾನೆ ಎನ್ನಲಾಗಿದೆ. ಬಳಿಕ ಪೊಲೀಸರು ಸಮರ್ ಚವಾಣ್ ಮತ್ತು ಆಭರಣ ವ್ಯಾಪಾರಿ ಸಂಗ್ರಾಮ್ ಬಾಬಾಸೋ ಮೋರೆ ಅವರನ್ನು ವಶಕ್ಕೆ ಪಡೆದಿದ್ದಾರೆ.

ಬಾಡಿಗೆಗೆ ದುಡ್ಡಿಲ್ಲ ಎಂದು ಎಸ್ಕೇಪ್ ಆದವನ ಮನೆಯಲ್ಲಿ 48 ಲಕ್ಷ ನೋಟಿನ ಕಂತೆ! ಬೇಸ್ತು ಬಿದ್ದ ಮಾಲೀಕ

Suchethana D — Sun, 25 Oct 2026 16:55:36 +0530

ನಾಗ್ಪುರ: ಬಾಡಿಗೆ ಸರಿಯಾಗಿ ಕೊಡದ ಕಾರಣ, ಮನೆ ಮಾಲೀಕ ಬಾಡಿಗೆದಾರರನ್ನು ಓಡಿಸಿದ್ದರೆ, ಆ ಮನೆಯಲ್ಲಿ 48 ಲಕ್ಷದಷ್ಟು ನೋಟಿನ ಕಂತೆ ಸಿಕ್ಕಿರುವ ಶಾಕಿಂಗ್ ಘಟನೆಯೊಂದು ಘಟನೆ ಮಹಾರಾಷ್ಟ್ರದ ನಾಗ್ಪುರದಲ್ಲಿ ನಡೆದಿದೆ. ಆರೋಪಿ ಪುಷ್ಪಕ್ ಕೃಷ್ಣ ಭಂಡಾರ್ಕರ್ ಸುಮಾರು ಒಂದೂವರೆ ವರ್ಷಗಳ ಹಿಂದೆ ಕೊಠಡಿಯನ್ನು ಬಾಡಿಗೆಗೆ ಪಡೆದಿದ್ದ. ಬಾಡಿಗೆ ಒಪ್ಪಂದ ಕಳೆದ ಜನವರಿಯಲ್ಲಿಯೇ ಕೊನೆಗೊಂಡಿತ್ತು. ಆ ಬಳಿಕ ಬಾಡಿಗೆಯನ್ನೇ ಕೊಟ್ಟಿರಲಿಲ್ಲ. ಕೇಳಿದರೆ ತನ್ನ ಬಳಿ ಹಣ ಇಲ್ಲ ಎಂದು ಹೇಳುತ್ತಿದ್ದ. ಮನೆ ಮಾಲೀಕ ರಮೇಶ್ ಬೇಸತ್ತು ಮನೆಯನ್ನು ಖಾಲಿ ಮಾಡುವಂತೆ ಕೇಳಿದಾಗ, ಆತ ಚಾಕುವಿನಿಂದ ಬೆದರಿಕೆ ಹಾಕಿದ್ದ.

ಬಳಿಕ ಮಾಲೀಕ ವಾಥೋಡಾ ಪೊಲೀಸರಿಗೆ ದೂರು ನೀಡಿದ್ದರು. ಇಷ್ಟಾಗುತ್ತಿದ್ದಂತೆಯೇ, ಬಾಡಿಗೆದಾರ ಇದ್ದಕ್ಕಿದ್ದಂತೆಯೇ ಕಣ್ಮರೆಯಾದ. ಮನೆ ಮಾಲೀಕ ರಮೇಶ್, ಈ ಕೋಣೆಯ ಬೀಗವನ್ನು ಒಡೆದು ನೋಡಿದಾಗ ನಗದು, ಪೆನ್ನುಗಳು ಮತ್ತು ಕಾಗದದ ರಾಶಿಗಳಂತೆ ಕಾಣುವ ನೋಟುಗಳ ಬಂಡಲ್‌ಗಳು ಕಂಡುಬಂದಿದ್ದು, ಅವರು ಬೆಚ್ಚಿ ಬಿದ್ದರು. ಮನೆ ಮಾಲೀಕ ತಕ್ಷಣ ಪೊಲಿಸರಿಗೆ ಮಾಹಿತಿ ನೀಡಿದರು. ಸ್ಥಳಕ್ಕೆ ಆಗಮಿಸಿದ ವಾಥೋಡಾ ಪೊಲೀಸರು, ನೋಟುಗಳನ್ನು ಪರಿಶೀಲಿಸಿದಾಗ, ಅವೆಲ್ಲವೂ ಖೋಟಾ ನೋಟು ಅರ್ಥಾತ್ ನಕಲಿ ನೋಟು ಎನ್ನುವುದು ತಿಳಿದಿದೆ.

48 ಲಕ್ಷ ನಕಲಿ ನೋಟುಗಳು

ಕೋಣೆಯಲ್ಲಿದ್ದ ನಕಲಿ ನೋಟುಗಳ ಕಟ್ಟುಗಳು, ಪ್ರಿಂಟರ್ ಮತ್ತು ಮುದ್ರಣ ಸಾಮಗ್ರಿಗಳನ್ನು ಕಂಡು ಪೊಲೀಸರು ಬೆಚ್ಚಿಬಿದ್ದರು. ಅಲ್ಲದೆ, ಭಾಗಶಃ ಮುದ್ರಿತವಾದ ನೋಟುಗಳು ಸೇರಿದಂತೆ ಸುಮಾರು 48 ಲಕ್ಷ ರೂಪಾಯಿ ಮೌಲ್ಯದ ಇತರ ಸಾಮಗ್ರಿಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಆರೋಪಿ ನಾಗ್ಪುರದ ತ್ರಿಮೂರ್ತಿ ನಗರದ ನಿವಾಸಿ ಪುಷ್ಪಕ್ ಕೃಷ್ಣ ಭಂಡಾರ್ಕರ್ (ಅಲಿಯಾಸ್ ಬೆಂದಾನೆ) ಎಂದು ತಿಳಿದುಬಂದಿದ್ದು, ಆತನಿಗಾಗಿ ಕಾರ್ಯಾಚರಣೆ ನಡೆಸಲಾಗುತ್ತಿದೆ.

ತನಿಖೆ ಮಾಡ್ತಿರೋ ಪೊಲೀಸರು

ತನಿಖಾಧಿಕಾರಿಗಳು ವಶಪಡಿಸಿಕೊಂಡ ದಾಖಲೆಗಳನ್ನು ವಿಶ್ಲೇಷಿಸುತ್ತಿದ್ದಾರೆ ಮತ್ತು ಶಂಕಿತ ನಕಲಿ ನೋಟುಗಳ ಚಲಾವಣೆಯನ್ನು ಪರಿಶೀಲಿಸುತ್ತಿದ್ದಾರೆ ಅಥವಾ ಉತ್ಪಾದನೆಯಲ್ಲಿ ಇತರ ಸಹ-ಸಂಚುಕೋರರು ಭಾಗಿಯಾಗಿದ್ದಾರೆಯೇ ಎಂದು ಪರಿಶೀಲಿಸುತ್ತಿದ್ದಾರೆ. ಲಭ್ಯವಿರುವ ಮಾಹಿತಿಯ ಪ್ರಕಾರ, ಪುಷ್ಪಕ್ ಸುಮಾರು ಒಂದೂವರೆ ವರ್ಷದ ಹಿಂದೆ ಖಾರ್ಬಿ ಪ್ರದೇಶದಲ್ಲಿ ಕೋಣೆಯೊಂದನ್ನು ಬಾಡಿಗೆಗೆ ಪಡೆದಿದ್ದ. ಕೊನೆಗೆ ಬಾಡಿಗೆ ಕೊಡದೇ ಪರಾರಿಯಾಗಿದ್ದ. ಸ್ಥಳಕ್ಕೆ ಆಗಮಿಸಿದ ಪೊಲೀಸ್ ತಂಡಗಳು, 500 ರೂಪಾಯಿಯ ನಕಲಿ ನೋಟುಗಳ ಕಟ್ಟುಗಳನ್ನು ಪತ್ತೆಹಚ್ಚಿದವು. ವಶಪಡಿಸಿಕೊಂಡ ನೋಟುಗಳ ಮೊತ್ತವನ್ನು ಅಂದಾಜಿಸಲು ಹಣ ಎಣಿಸುವ ಯಂತ್ರವನ್ನು ತರಿಸಲಾಯಿತು. ಪ್ರಾಥಮಿಕ ತನಿಖೆಯ ಪ್ರಕಾರ, ಆರೋಪಿಯು ಸುಮಾರು 37 ಲಕ್ಷ ರೂಪಾಯಿ ಮೌಲ್ಯದ ನಕಲಿ ನೋಟುಗಳನ್ನು ಮುದ್ರಿಸಿದ್ದಾನೆ ಎಂದು ತಿಳಿದುಬಂದಿದೆ.

ಅಕ್ಟೋಬರ್ 31ರಿಂದ ವಾರಣಸಿಗೆ ವಂದೇ ಭಾರತ್ ಸ್ಲೀಪರ್ ರೈಲು ಸಂಪರ್ಕ, ಇಲ್ಲಿದೆ ವೇಳಾಪಟ್ಟಿ

Chethan Kumar — Sun, 25 Oct 2026 16:43:57 +0530

ದೇಶದ ಎರಡನೇ ವಂದೇ ಭಾರತ್ ಸ್ಲೀಪರ್ ರೈಲು ನೇರವಾಗಿ ವಾರಣಸಿಗೆ ಸಂಪರ್ಕ ಕಲ್ಪಿಸುತ್ತಿದೆ. ಅಕ್ಟೋಬರ್ 31 ರಿಂದ ಈ ರೈಲು ಸೇವೆ ಆರಂಭಗೊಳ್ಳುತ್ತಿದೆ. ರೈಲು ಸಮಯ ಸೇರಿದಂತೆ ಸಂಪೂರ್ಣ ವೇಳಾಪಟ್ಟಿ ಇಲ್ಲಿದೆ.

ಧಾರ್ಮಿಕ ಟೂರಿಸಂಗೆ ಹೆಚ್ಚಿನ ಮಹತ್ವದ ನೀಡಲಾಗುತ್ತಿದೆ. ಪರಿಣಾಮ ಹಲವು ಕ್ಷೇತ್ರಗಳಿಗೆ ನೇರ ರೈಲು ಸಂಪರ್ಕ ಕಲ್ಪಿಸಲಾಗಿದೆ. ಇದೀಗ ವಾರಣಸಿಗೆ ವಂದೇ ಭಾರತ್ ಸ್ಲೀಪರ್ ರೈಲು ಸೇವೆ ಆರಂಭಗೊಳ್ಳುತ್ತಿದೆ. ಅಕ್ಟೋಬರ್ 31ರಿಂದ ಈ ಸೇವೆ ಲಭ್ಯವಿದೆ. ದೆಹಲಿಯಿಂದ ನೇರ ವಾರಣಸಿಗೆ ವಂದೇ ಭಾರತ್ ಸ್ಲೀಪರ್ ರೈಲು ಸೇವೆ ನೀಡಲಾಗುತ್ತಿದೆ. ಈ ಮೂಲಕ ದೇಶದ ಯಾವುದೇ ರಾಜ್ಯದಿಂದ ಸುಲಭವಾಗಿ ವಾರಣಸಿ ದರ್ಶನ ಮಾಡಲು ಸಾಧ್ಯವಿದೆ.

ದೆಹಲಿಯಿಂದ ವಾರಣಸಿ 8 ಗಂಟೆಗಳ ಪ್ರಯಾಣ. ವಂದೇ ಭಾರತ್ ರೈಲಿನ ಮೂಲಕ ಸುಲಭವಾಗಿ ಹಾಗೂ ಆರಾಮದಾಯಕವಾಗಿ ಪ್ರಯಾಣ ಸಾಧ್ಯವಿದೆ. ದೆಹೆಲಿಯಿಂದ ರಾತ್ರಿ ತೆರಳಿದರೆ ಬೆಳಗಿನ ಜಾವ ವಾರಣಸಿ ತಲುಪಲಿದೆ. ಇದರಿಂದ ವಾರಣಸಿ ದರ್ಶನ ಮತ್ತಷ್ಟು ಸುಲಭವಾಗಲಿದೆ. ಅಕ್ಟೋಬರ್ 31ಕ್ಕೆ ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಈ ರೈಲಿಗೆ ಚಾಲನೆ ನೀಡುವ ಸಾಧ್ಯತೆ ಇದೆ.

ದೆಹಲಿ ವಾರಣಸಿ ಹಾಗೂ ವಾರಣಸಿ ದೆಹಲಿ ನಡುವೆ ವಂದೇ ಭಾರತ್ ಸ್ಲೀಪರ್ ರೈಲು ಸಂಖ್ಯೆ 27421 ಹಾಗೂ 27422 ಕಾರ್ಯನಿರ್ವಹಿಸಲಿದೆ. ವಾರಣಸಿಯಿಂದ ರಾತ್ರಿ 8.55ಕ್ಕೆ ಹೊರಟು ಬೆಳಗಿನ 5.55ಕ್ಕೆ ದೆಹಲಿ ತಲುಪಲಿದೆ. ಇನ್ನು ದೆಹಲಿಯಿಂದ ರಾತ್ರಿ 9.40ಕ್ಕೆ ಹೊರಟು ಬೆಳಗಿನ ದಾವ 6.45ಕ್ಕೆ ವಾರಣಸಿ ತಲುಪಲಿದೆ.

ವಾರದಲ್ಲಿ 6 ದಿನ ರೈಲು ಕಾರ್ಯನಿರ್ವಹಿಸಲಿದೆ. ಅಂದರೆ ದೆಹಲಿಯಿಂದ ಶುಕ್ರವಾರ ಹಾಗೂ ವಾರಣಸಿಯಿಂದ ಶನಿವಾರ ವಂದೇ ಭಾರತ್ ಸ್ಲೀಪರ್ ರೈಲು ಸೇವೆ ಲಭ್ಯವಿರುವುದಿಲ್ಲ. ಇನ್ನುಳಿದ ಎಲ್ಲಾ ದಿನ ಈ ಸೇವೆ ಲಭ್ಯವಿದೆ. ಧಾರ್ಮಿಕ ಕ್ಷೇತ್ರಗಳ ಸಂದರ್ಶನಕ್ಕೆ ಹೊಸ ರೈಲು ಸಂಪರ್ಕ ಮತ್ತಷ್ಟು ಉತ್ತೇಜನ ನೀಡಲಿದೆ.

ವಾರಣಸಿ ವಂದೇ ಭಾರತ್ ಸ್ಲೀಪರ್ ರೈಲು 16 ಕೋಚ್ ಹೊಂದಿದೆ. ಪ್ರತಿ ಕೋಚ್ ಕೂಡ ಏರ್ ಕಂಡೀಷನ್ ಸೌಲಭ್ಯವಿದೆ. ಒಂದು ಫಸ್ಟ್ ಎಸಿ ಕೋಚ್, ನಾಲ್ಕು ಸೆಕೆಂಡ್ ಎಸಿ ಕೋಚ್, ಹಾಗೂ 11 ಥರ್ಡ್ ಎಸಿ ಕೋಚ್ ಹೊಂದಿದೆ. ಒಟ್ಟು 823 ಪ್ರಯಾಣಿಕರ ಸಾಮರ್ಥ್ಯ ಹೊಂದಿದೆ.

ನೆಲದಿಂದ 100 ಅಡಿ ಆಳದಲ್ಲಿ ನಿಲ್ದಾಣ, ಸಮುದ್ರದ ಕೆಳಗೆ 7KM ಸುರಂಗ! ದೇಶದ ಮೊದಲ ಬುಲೆಟ್ ರೈಲು ಬಗ್ಗೆ ಕೇಂದ್ರದಿಂದ ಬಿಗ್‌ ಅಪ್‌ಡೇಟ್ಸ್

Ganesh Mabla Gowda — Sun, 25 Oct 2026 16:40:50 +0530

ನವದೆಹಲಿ: ದೇಶದ ಮೊದಲ ಬುಲೆಟ್ ಟ್ರೈನ್ ಬಗ್ಗೆ ಕೇಂದ್ರ ಸರ್ಕಾರ ಬಿಗ್ ಅಪ್‌ಡೇಟ್ಸ್ ನೀಡಿದೆ. ಬುಲೆಟ್ ಟ್ರೈನ್ ಉದ್ಘಾಟನೆಗೆ ಸಮರೋಪಾದಿಯಲ್ಲಿ ಕೆಲಸಗಳು ನಡೆಯುತ್ತಿದ್ದು, 2027ರ ವೇಳೆಗೆ ಅತೀ ವೇಗದ ರೈಲು ಸಂಚಾರ ನಡೆಸುವ ನಿರೀಕ್ಷೆಗಳಿವೆ. ಈ ಬಗ್ಗೆ ಕೇಂದ್ರ ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಅವರು ದೇಶದ ಮೊದಲ ಬುಲೆಟ ಟ್ರೈನ್ ಈಗ ಆಕಾರ ಪಡೆಯುತ್ತಿದೆ ಎಂದು ಮಾಹಿತಿ ನೀಡಿದ್ದಾರೆ.

ಈ ಬಗ್ಗೆ ಸುದೀರ್ಘವಾಗಿ ಕೇಂದ್ರ ಸಚಿವರು ಮಾಹಿತಿ ನೀಡಿದ್ದಾರೆ. ಭಾರತದ ಬುಲೆಟ್ ರೈಲು ಉದ್ಘಾಟನೆ ಬಗ್ಗೆ ಇನ್ನೂ ಘೋಷಣೆ ಆಗಿಲ್ಲ.ಇದು ಒಟ್ಟು 508 ಕಿಲೋ ಮೀಟರ್ ದೂರದ ನಿರ್ಮಾಣ ಕಾರ್ಯ. ತಂಬಾ ವೇಗವಾಗಿ ಇದರ ಕಾರ್ಯಗಳು ನಡೆಯುತ್ತಿವೆ. ಇದರ ಮೊದಲ ಸೇವೆ 2027ರ ಕೊನೆಯ ತ್ರೈಮಾಸಿಕದಲ್ಲಿ ಶುರುವಾಗಲಿದೆ ಎಂದು ತಿಳಿಸಿದ್ದಾರೆ. ಮೊದಲ ಬುಲೆಟ್‌ ಟ್ರೈನ್ ಅಹಮದಾಬಾದ್‌ ಟು ಮುಂಬೈಗೆ ಹೈಸ್ಪೀಡ್ ಮಾರ್ಗದಲ್ಲಿ ಸಂಚಾರ ಮಾಡಲಿದೆ.

ವಿಶೇಷತೆ ಏನು?

ಬುಲೆಟ್ ಟ್ರೈನ್‌ ಯೋಜನೆಯ ಮುಂದುರಿದ ಭಾಗವಾಗಿ ಮುಂಬೈನಲ್ಲಿ ಬೃಹತ್ ರೈಲ್ವೇ ನಿರ್ಮಾಣ ಮಾಡಲಾಗುತ್ತಿದೆ.ಬಾಂದ್ರಾ-ಕುರ್ಲಾ ಸಂಕಿರಣದಲ್ಲಿ 100 ಅಡಿ ಕೆಳಗೆ ಅಂದರೆ 10 ಅಂತಸ್ತಿನ ಕಟ್ಟಡಕ್ಕಿಂತ ಆಳವಾಗಿದೆ. ಮುಂಬೈನ ಹೃದಯಭಾಗವಾಗಿರುವ ಬಿಕೆಸಿಯಲ್ಲಿ ನಾವು ಹೈ-ಸ್ಪೀಡ್ ರೈಲು ಕಾರಿಡಾರ್ ನಡೆಯುತ್ತಿದೆ. ಈ ಕಾರಿಡಾರ್‍‌ನಲ್ಲಿ ನಾವು ಏಕೈಕ ಭೂಗತ ನಿಲ್ದಾಣ ನಿರ್ಮಾಣ ಮಾಡುತ್ತಿದ್ದೇವೆ. ರೈಲ್ವೇ ನಿಲ್ದಾಣದ ಎಂಜಿನಿಯರಿಂಗ್ ಅದ್ಭುತವಾಗಿದೆ ಎಂದು ತಿಳಿಸಿದ್ದಾರೆ.

ಕೇಂದ್ರ ಸಚಿವರು ನೀಡಿರುವ ಮಾಹಿತಿ ಪ್ರಕಾರ.. ಭೂಮಿಯ ಆಳದಲ್ಲಿ ರೈಲ್ವೇ ನಿಲ್ದಾಣ ಮಾಡುವ ಉದ್ದೇಶದಿಂದ 32 ಮೀಟರ್ ಆಳದಲ್ಲಿ ಉತ್ಖನ ನಡೆಯುತ್ತಿದೆ. ಪ್ಲಾಟ್‌ಫಾರ್ಮ್‌ಗಳು, ಕಾನ್ಕೋರ್ಸ್‌ಗಳು ಮತ್ತು ಸೇವಾ ಪ್ರದೇಶಗಳನ್ನು ಒಳಗೊಳ್ಳಲಿದೆ. ಈ ಆಳದಲ್ಲಿ ಒಟ್ಟು ಮೂರು ಹಂತಗಳನ್ನ ನಿರ್ಮಿಸಲಾಗುತ್ತದೆ. 400 ಮೀಟರ್‌ಗಿಂತ ಹೆಚ್ಚು ಉದ್ದದ ಒಟ್ಟು ಆರು ಪ್ಲಾಟ್ ಫಾರ್ಮ್‌ ನಿರ್ಮಾಣ ಮಾಡಲಾಗುತ್ತಿದೆ ಎಂಬ ವಿಚಾರವನ್ನು ತಿಳಿಸಿದ್ದಾರೆ.

ಜೊತೆಗೆ ನೀರಿನೊಳಗೆ ರೈಲು ಸುರಂಗ ನಿರ್ಮಿಸಲು 3200 ಟನ್ ತೂಕದ ಯಂತ್ರವು ಥಾಣೆ ಕ್ರೀಕ್‌ನ ಕೆಳಗೆ ಬಂಡೆಗಳನ್ನ ಸೆವೆಸುತ್ತಿದೆ. ಬುಲೆಟ್ ಟ್ರೈನ್ ಅದರ ಮೂಲಕ ಹೆಚ್ಚಿನ ವೇಗದಲ್ಲಿ ಚಲಿಸಲಿದೆ. ಈ ಬುಲೆಟ್ ಟ್ರೈನ್ ಕಾರಿಡಾರ್‍‌ ಒಟ್ಟು 21 ಕಿಲೋ ಮೀಟರ್ ಉದ್ದದ ಸುರಂಗದ ಮೂಲಕ ಚಲಿಸಲಿದೆ. ಅದರಲ್ಲಿ 7 ಕಿಲೋ ಮೀಟರ್ ಥಾಣೆ ಕ್ರಿಕ್‌ನಡಿ ಹಾದು ಹೋಗುತ್ತದೆ. ಇದು ದೇಶದ ಮೊದಲ ಸಾಗರದೊಳಗಿನ ಸುರಂಗ ಆಗಲಿದೆ ಎಂದು ಅವರು ತಿಳಿಸಿದ್ದಾರೆ.

ರೈಲ್ವೇ ಸಚಿವರು ನೀಡಿದ ಹೆಚ್ಚಿನ ಮಾಹಿತಿ

ಕಳೆದ ಜುಲೈನಲ್ಲಿ ವಿಖ್ರೋಲಿ ಮತ್ತು ಸಾವ್ಲಿಯಿಂದ 2 ಸುರಂಗ ಕೊರೆಯುವ ಯಂತ್ರಗಳ ಉಡಾವಣೆ
ಭಾರತದಲ್ಲಿ ಇದುವರೆಗೆ ಸ್ಥಾಪಿಸಲಾದ ಅತಿದೊಡ್ಡ ಸುರಂಗ ಕೊರೆಯವ ಯಂತ್ರಗಳಲ್ಲಿ ಒಂದಾಗಿದೆ
ಪ್ರತಿ ಯಂತ್ರವು 13.6 ಮೀಟರ್ ವ್ಯಾಸದ ಕಟ್ಟರ್‌ಹೆಡ್ ಅನ್ನು ಹೊಂದಿದೆ ಎಂದು ತಿಳಿದುಬಂದಿದೆ
ಅಂದರೆ ನಾಲ್ಕು ಅಂತಸ್ತಿನ ಕಟ್ಟಡದಷ್ಟು ಎತ್ತರ, ಪ್ರತಿ ಯಂತ್ರವು 3,000 ಟನ್‌ಗಳಿಗಿಂತ ಹೆಚ್ಚು ತೂಕ
ಅಂದರೆ ಸುಮಾರು 500 ಏಷ್ಯನ್ ಆನೆಗಳಿಗೆ ಸಮಾನ, ಯಂತ್ರವು 96 ಮೀಟರ್ ಉದ್ದವಾಗಿದೆ.
ಬುಲೆಟ್ ರೈಲು ಪೂರ್ಣ ವೇಗದಲ್ಲಿ ಚಲಿಸಿದಾಗ ಗಂಟೆಗೆ 320 ಕಿ.ಮೀ ವೇಗದಲ್ಲಿ ಇರುತ್ತದೆ

“ಈಗಾಗಲೇ ನಷ್ಟದಲ್ಲಿದ್ದೇನೆ, ದಯವಿಟ್ಟು ರಿಟರ್ನ್ ಮಾಡಬೇಡಿ”; Flipkart Parcelನಲ್ಲಿ ಸಿಕ್ಕಿತು ಮನಕಲಕುವ ಮನವಿ!

Chandrashekar GS — Sun, 25 Oct 2026 16:22:23 +0530

ಫ್ಲಿಪ್‌ಕಾರ್ಟ್ ಪಾರ್ಸಲ್‌ನಲ್ಲಿ ಅಚ್ಚರಿಯ ಚೀಟಿ!

ಆನ್‌ಲೈನ್‌ನಲ್ಲಿ ವಸ್ತುಗಳನ್ನು ಆರ್ಡರ್ ಮಾಡಿದಾಗ ಪಾರ್ಸಲ್‌ನಲ್ಲಿ ಖರೀದಿಸಿದ ಪ್ರೊಡಕ್ಟ್ ಸಿಗುವುದು ಸಾಮಾನ್ಯ. ಆದರೆ, ಟಿ-ಶರ್ಟ್ ಪಾರ್ಸಲ್‌ನೊಳಗೆ ಮಾರಾಟಗಾರನ ಮನವಿಯಿರುವ ಚೀಟಿಯೊಂದು ಸಿಕ್ಕಿದ್ದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿದೆ. “ದಯವಿಟ್ಟು ಈ ಉತ್ಪನ್ನವನ್ನು ಹಿಂದಿರುಗಿಸಬೇಡಿ. ನಾನು ಈಗಾಗಲೇ ನಷ್ಟದಲ್ಲಿದ್ದೇನೆ” ಎಂಬ ಅರ್ಥದ ಮನವಿಯನ್ನು ಓದಿದ ಗ್ರಾಹಕ ಈ ಅನುಭವವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಪೋಸ್ಟ್ ಅನೇಕ ಮಂದಿಯ ಗಮನ ಸೆಳೆದಿದೆ.

“ದಯವಿಟ್ಟು ರಿಟರ್ನ್ ಮಾಡಬೇಡಿ” ಎಂದ ಮಾರಾಟಗಾರ

ವರದಿಯ ಪ್ರಕಾರ, ಕಲ್ಪೇಶ್ ಕೋಲಿ ಎಂಬ ಬಳಕೆದಾರರು ಫ್ಲಿಪ್‌ಕಾರ್ಟ್‌ನಲ್ಲಿ ಎಲ್‌ (L) ಗಾತ್ರದ ಟಿ-ಶರ್ಟ್ ಖರೀದಿಸಿದ್ದರು. ಪಾರ್ಸಲ್ ತೆರೆದಾಗ ಅದರೊಳಗೆ ಉತ್ಪನ್ನದ ಜೊತೆಗೆ ಸಣ್ಣ ಬಿಳಿ ಕಾಗದವೂ ಇತ್ತು. ಅದರಲ್ಲಿ, ಉತ್ಪನ್ನವನ್ನು ಹಿಂದಿರುಗಿಸದಂತೆ ಮಾರಾಟಗಾರ ಮನವಿ ಮಾಡಿಕೊಂಡಿದ್ದಾನೆ.

ತಾನು ಈಗಾಗಲೇ ವ್ಯಾಪಾರದಲ್ಲಿ ನಷ್ಟ ಅನುಭವಿಸುತ್ತಿರುವುದಾಗಿ ಮಾರಾಟಗಾರ ಬರೆದಿದ್ದಾನೆ ಎನ್ನಲಾಗಿದೆ. ಸಾಮಾನ್ಯವಾಗಿ ಗ್ರಾಹಕರು ಉತ್ಪನ್ನ ಇಷ್ಟವಾಗದಿದ್ದರೆ ಅಥವಾ ಸರಿಯಾದ ಗಾತ್ರ ಸಿಗದಿದ್ದರೆ ಅದನ್ನು ಹಿಂದಿರುಗಿಸುವ ಅವಕಾಶ ಬಳಸಿಕೊಳ್ಳುತ್ತಾರೆ. ಆದರೆ, ಈ ಚೀಟಿ ಗ್ರಾಹಕರಿಗೆ ಆನ್‌ಲೈನ್ ಮಾರಾಟದ ಇನ್ನೊಂದು ಮುಖವನ್ನು ಪರಿಚಯಿಸಿದೆ.

ಸಣ್ಣ ವ್ಯಾಪಾರಿಗಳ ಸಂಕಷ್ಟದ ಬಗ್ಗೆ ಚರ್ಚೆ

ಈ ಪೋಸ್ಟ್ ವೈರಲ್ ಆದ ಬಳಿಕ ಅನೇಕರು ಮಾರಾಟಗಾರನ ಪರಿಸ್ಥಿತಿಯ ಬಗ್ಗೆ ಸಹಾನುಭೂತಿ ವ್ಯಕ್ತಪಡಿಸಿದ್ದಾರೆ. ಆನ್‌ಲೈನ್ ಮಾರುಕಟ್ಟೆಯಲ್ಲಿ ದೊಡ್ಡ ಕಂಪನಿಗಳ ಜೊತೆಗೆ ಸಣ್ಣ ವ್ಯಾಪಾರಿಗಳೂ ಸ್ಪರ್ಧಿಸಬೇಕಾಗುತ್ತದೆ. ಉತ್ಪನ್ನ ತಯಾರಿಕೆ ಅಥವಾ ಖರೀದಿ ವೆಚ್ಚ, ಪ್ಯಾಕಿಂಗ್, ಸಾಗಣೆ ಮತ್ತು ವಾಪಸಾತಿಗೆ ಸಂಬಂಧಿಸಿದ ವೆಚ್ಚಗಳು ಅವರ ಲಾಭದ ಮೇಲೆ ಪರಿಣಾಮ ಬೀರಬಹುದು.

ವಿಶೇಷವಾಗಿ, ಹಬ್ಬದ ಸಮಯದಲ್ಲಿ ಹೆಚ್ಚು ಸರಕು ಸಂಗ್ರಹಿಸುವ ಸಣ್ಣ ವ್ಯಾಪಾರಿಗಳಿಗೆ ಮಾರಾಟವಾಗದ ಉತ್ಪನ್ನಗಳು ಮತ್ತು ವಾಪಸಾದ ಆರ್ಡರ್‌ಗಳು ಹೆಚ್ಚುವರಿ ಹೊರೆ ಉಂಟುಮಾಡಬಹುದು ಎಂಬ ಅಭಿಪ್ರಾಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಕ್ತವಾಗಿವೆ.

ಗ್ರಾಹಕರ ಹಕ್ಕುಗಳೂ ಅಷ್ಟೇ ಮುಖ್ಯ

ಕೆಲವರು ಉತ್ಪನ್ನವನ್ನು ಬಳಸಿದ ನಂತರ ಹಿಂದಿರುಗಿಸುವುದು ಸಣ್ಣ ವ್ಯಾಪಾರಿಗಳಿಗೆ ನಷ್ಟ ಉಂಟುಮಾಡಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಇನ್ನೂ ಕೆಲವರು, ಗ್ರಾಹಕರಿಗೆ ಸರಿಯಾದ ಉತ್ಪನ್ನ ಸಿಗದಿದ್ದರೆ ಅಥವಾ ಗುಣಮಟ್ಟದಲ್ಲಿ ಸಮಸ್ಯೆಯಿದ್ದರೆ ವಾಪಸಾತಿ ಅವರ ಹಕ್ಕು ಎಂದು ಹೇಳಿದ್ದಾರೆ.

ವಾಸ್ತವವಾಗಿ, ಗ್ರಾಹಕರಿಗೆ ಗುಣಮಟ್ಟದ ಉತ್ಪನ್ನ ನೀಡುವುದು ಮಾರಾಟಗಾರರ ಜವಾಬ್ದಾರಿ. ಅದೇ ರೀತಿ, ಉತ್ಪನ್ನ ಸರಿಯಾಗಿದ್ದರೆ ಕೇವಲ ಅನಗತ್ಯ ಕಾರಣಗಳಿಗಾಗಿ ಅದನ್ನು ಹಿಂದಿರುಗಿಸುವ ಮೊದಲು ಸಣ್ಣ ವ್ಯಾಪಾರಿಗಳ ಮೇಲಿನ ಪರಿಣಾಮವನ್ನೂ ಪರಿಗಣಿಸಬಹುದು.

ಒಂದು ಚಿಕ್ಕ ಚೀಟಿಯ ಮೂಲಕ ಮಾರಾಟಗಾರನ ಮನವಿ ಹೊರಬಂದಿರುವ ಈ ಘಟನೆ, ಆನ್‌ಲೈನ್ ಶಾಪಿಂಗ್‌ನಲ್ಲಿ ಗ್ರಾಹಕರು ಮತ್ತು ಮಾರಾಟಗಾರರ ನಡುವಿನ ಸಂಬಂಧದ ಬಗ್ಗೆ ಹೊಸ ಚರ್ಚೆಗೆ ದಾರಿ ಮಾಡಿಕೊಟ್ಟಿದೆ. ವ್ಯಾಪಾರದಲ್ಲಿ ಲಾಭದ ಜೊತೆಗೆ ನಷ್ಟದ ಅಪಾಯವೂ ಇರುತ್ತದೆ ಎಂಬುದನ್ನು ಈ ಘಟನೆ ನೆನಪಿಸುತ್ತದೆ. ಅದೇ ಸಮಯದಲ್ಲಿ, ಗ್ರಾಹಕರ ಹಕ್ಕುಗಳನ್ನು ಗೌರವಿಸುವುದೂ ಅತ್ಯಗತ್ಯ.

I ordered from Flipkart What I got in the box Honest seller https://t.co/ZllrzSVM5W

— kalpesh koli (@dev_kalpeshkk) October 24, 2026

ಇನ್ನೂ 3 ವರ್ಷವೂ ತುಂಬಿಲ್ಲ, ಆಗಲೇ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್‌ನಲ್ಲಿ ಹೆಸರು; ಹೊನ್ನಾವರದ ಪುಟ್ಟ ಬಾಲಕಿಯ ಸಾಧನೆಗೆ ಸಲಾಂ!

Sushma Hegde — Sun, 25 Oct 2026 16:26:14 +0530

ಸಂಗೀತ ಕಲಿಯಲು ತಾಳ್ಮೆ, ಏಕಾಗ್ರತೆ ಮತ್ತು ನಿರಂತರ ಅಭ್ಯಾಸ ಅಗತ್ಯ. ಅದರಲ್ಲೂ ಭಾರತೀಯ ಶಾಸ್ತ್ರೀಯ ಸಂಗೀತದಲ್ಲಿ ವಿವಿಧ ತಾಳಗಳನ್ನು ಗುರುತಿಸಿ, ಅವುಗಳನ್ನು ನುಡಿಸುವುದು ಸುಲಭದ ಮಾತಲ್ಲ. ಆದರೆ, ಇನ್ನೂ ಮೂರು ವರ್ಷವೂ ತುಂಬದ ಕರ್ನಾಟಕದ ಪುಟ್ಟ ಬಾಲಕಿಯೊಬ್ಬಳು ತನ್ನ ಅದ್ಭುತ ಪ್ರತಿಭೆಯಿಂದ ಎಲ್ಲರ ಗಮನ ಸೆಳೆದಿದ್ದಾಳೆ. ಕೇವಲ 2 ವರ್ಷ 10 ತಿಂಗಳ ವಯಸ್ಸಿನಲ್ಲೇ ತಬಲಾದಲ್ಲಿ 12 ತಾಳಗಳನ್ನು ನುಡಿಸಿ, ಪಠಿಸುವ ಮೂಲಕ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್‌ನಲ್ಲಿ ಸ್ಥಾನ ಪಡೆದಿದ್ದಾಳೆ.

ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದ ಸ್ವರಶ್ರೀ ಹೆಗಡೆ ಎಂಬ ಪುಟ್ಟ ಬಾಲಕಿಯೇ ಈ ಸಾಧನೆ ಮಾಡಿದ ಪ್ರತಿಭೆ. ಇಷ್ಟು ಚಿಕ್ಕ ವಯಸ್ಸಿನಲ್ಲೇ ಸಂಗೀತದಲ್ಲಿ ತೋರಿರುವ ಆಸಕ್ತಿ ಮತ್ತು ಕೌಶಲಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಬಾಲಕಿಯ ತಬಲಾ ಪ್ರದರ್ಶನದ ವಿಡಿಯೋ ಎಕ್ಸ್‌ (X) ಜಾಲತಾಣದಲ್ಲಿ ವೈರಲ್ ಆಗಿದ್ದು, ಅನೇಕರು ಪುಟ್ಟ ಬಾಲಕಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.

ಎರಡೂವರೆ ವರ್ಷದ ಮಗುವಿನ ಸಂಗೀತ ಪ್ರತಿಭೆಗೆ ನೆಟ್ಟಿಗರು ಫಿದಾ!

ಸ್ವರಶ್ರೀ ಹೆಗಡೆ ತನ್ನ ಚಿಕ್ಕ ವಯಸ್ಸಿನಲ್ಲೇ ತಬಲಾದಲ್ಲಿ 12 ತಾಳಗಳನ್ನು ಪಠಿಸುವುದರ ಜೊತೆಗೆ ನುಡಿಸುವ ಸಾಮರ್ಥ್ಯ ಪ್ರದರ್ಶಿಸಿದ್ದಾಳೆ. ಈ ಸಾಧನೆಯಿಂದಾಗಿ ಆಕೆಯ ಹೆಸರು ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್‌ನಲ್ಲಿ ದಾಖಲಾಗಿದೆ.

ಭಾರತೀಯ ಶಾಸ್ತ್ರೀಯ ಸಂಗೀತದಲ್ಲಿ ತಾಳವು ಅತ್ಯಂತ ಪ್ರಮುಖ ಪಾತ್ರ ವಹಿಸುತ್ತದೆ. ಸಂಗೀತದ ಲಯವನ್ನು ನಿರ್ಧರಿಸುವ ತಾಳಗಳಲ್ಲಿನ ವಿವಿಧ ಬೋಲ್‌ಗಳನ್ನು ಪಠಿಸುವುದಕ್ಕೂ, ತಬಲಾದಲ್ಲಿ ಅವುಗಳನ್ನು ಸರಿಯಾದ ಲಯದಲ್ಲಿ ನುಡಿಸುವುದಕ್ಕೂ ಏಕಾಗ್ರತೆ, ಕೈಗಳ ಸಮನ್ವಯ ಮತ್ತು ಅಭ್ಯಾಸದ ಅಗತ್ಯವಿದೆ.

ಇಂತಹ ಕೌಶಲವನ್ನು ಇನ್ನೂ ಮೂರು ವರ್ಷವೂ ತುಂಬದ ಮಗು ಪ್ರದರ್ಶಿಸಿರುವುದು ವಿಶೇಷವಾಗಿದೆ. ಸ್ವರ್ಶ್ರೀಯ ಸಾಧನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹಲವರ ಮೆಚ್ಚುಗೆಗೆ ಪಾತ್ರವಾಗಿದೆ.

ಪುಟ್ಟ ಬಾಲಕಿಯ ಸಾಧನೆಗೆ ಮೆಚ್ಚುಗೆಯ ಮಹಾಪೂರ

ಸ್ವರ್ಶ್ರೀಯ ತಬಲಾ ಪ್ರದರ್ಶನವನ್ನು ಕಂಡ ನೆಟ್ಟಿಗರು ವಿವಿಧ ರೀತಿಯಲ್ಲಿ ತಮ್ಮ ಸಂತಸ ವ್ಯಕ್ತಪಡಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಗೆ ಇದು ಹೆಮ್ಮೆಯ ಕ್ಷಣ ಎಂದು ಕೆಲವರು ಕೊಂಡಾಡಿದ್ದಾರೆ.

ಇನ್ನೊಬ್ಬರು ಸಂಗೀತ ಮತ್ತು ಜ್ಞಾನದ ಅಧಿದೇವತೆ ಸರಸ್ವತಿ ದೇವಿಯ ಆಶೀರ್ವಾದ ಈ ಪುಟ್ಟ ಬಾಲಕಿಯ ಮೇಲಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಮತ್ತೊಬ್ಬರು ಆಕೆಯ ಪ್ರತಿಭೆಯನ್ನು ಶ್ಲಾಘಿಸುವುದರ ಜೊತೆಗೆ, ಆಕೆಯ ಹೆಸರಿನಲ್ಲಿರುವ ‘ಸ್ವರ’ ಎಂಬ ಅರ್ಥವನ್ನೂ ಉಲ್ಲೇಖಿಸಿದ್ದಾರೆ.

ಇನ್ನು ಕೆಲವರು, ತಬಲಾ ನುಡಿಸುತ್ತಾ ಸಂಗೀತದ ತಾಳಗಳನ್ನು ಪಠಿಸುವ ಪುಟ್ಟ ಬಾಲಕಿಯನ್ನು ಕಂಡು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಆಕೆ ತಾಯಿಯ ಗರ್ಭದಲ್ಲಿರುವಾಗಲೇ ಅಭ್ಯಾಸ ಆರಂಭಿಸಿರಬಹುದು ಎಂದು ತಮಾಷೆಯಾಗಿ ಕಾಮೆಂಟ್ ಮಾಡಿದವರೂ ಇದ್ದಾರೆ.

ಕರ್ನಾಟಕದ ಪುಟ್ಟ ಪ್ರತಿಭೆಗೆ ಅಭಿನಂದನೆ

ಮಕ್ಕಳಲ್ಲಿ ಅಡಗಿರುವ ಪ್ರತಿಭೆಯನ್ನು ಗುರುತಿಸಿ, ಅದನ್ನು ಬೆಳೆಸಲು ಸೂಕ್ತ ಅವಕಾಶ ಮತ್ತು ಪ್ರೋತ್ಸಾಹ ನೀಡುವುದು ಬಹಳ ಮುಖ್ಯ. ಸ್ವರಶ್ರೀ ಹೆಗಡೆಯ ಸಾಧನೆ ಸಂಗೀತದ ಮೇಲಿನ ಆಸಕ್ತಿ ಚಿಕ್ಕ ವಯಸ್ಸಿನಲ್ಲಿಯೇ ಅರಳಬಹುದು ಎಂಬುದಕ್ಕೆ ಉದಾಹರಣೆಯಾಗಿದೆ.

ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರದ ಈ ಪುಟ್ಟ ಬಾಲಕಿ ತಬಲಾದಲ್ಲಿ 12 ತಾಳಗಳನ್ನು ನುಡಿಸಿ ಮತ್ತು ಪಠಿಸಿ ದಾಖಲೆ ಪುಸ್ತಕದಲ್ಲಿ ಸ್ಥಾನ ಪಡೆದಿರುವುದು ಗಮನಾರ್ಹ. ಆಕೆಯ ಪ್ರತಿಭೆ ಇನ್ನಷ್ಟು ಬೆಳೆಯಲಿ, ಸಂಗೀತ ಕ್ಷೇತ್ರದಲ್ಲಿ ಮತ್ತಷ್ಟು ಸಾಧನೆಗಳನ್ನು ಮಾಡಲಿ ಎಂದು ಹಲವರು ಹಾರೈಸುತ್ತಿದ್ದಾರೆ.

ಕೇವಲ 2 ವರ್ಷ 10 ತಿಂಗಳ ವಯಸ್ಸಿನಲ್ಲಿ ಇಂತಹ ಸಾಧನೆ ಮಾಡಿರುವ ಸ್ವರ್ಶ್ರೀ ಹೆಗಡೆಗೆ ಅಭಿನಂದನೆಗಳು!

ವಾಲ್ಮೀಕಿ ಪ್ರಶಸ್ತಿಗೆ 10 ಜನ ಸಾಧಕರ ಆಯ್ಕೆ; ಪುರಸ್ಕೃತರಿಗೆ ಸಿಗುವ ನಗದು ಹಾಗೂ ಬಂಗಾರವೆಷ್ಟು ಗೊತ್ತಾ?

Sathish Kumar KH — Sun, 25 Oct 2026 16:24:36 +0530

ಬೆಂಗಳೂರು (ಅ.25): ರಾಜ್ಯಾದ್ಯಂತ ನಾಳೆ ಮಹರ್ಷಿ ವಾಲ್ಮೀಕಿ ಜಯಂತಿಯನ್ನು ಅತ್ಯಂತ ವಿಜೃಂಭಣೆಯಿಂದ ಆಚರಿಸಲು ಸಕಲ ಸಿದ್ಧತೆಗಳು ಪೂರ್ಣಗೊಂಡಿವೆ. ಈ ಮಹತ್ವದ ದಿನದ ಅಂಗವಾಗಿ ರಾಜ್ಯ ಸರ್ಕಾರವು ವಿವಿಧ ಕ್ಷೇತ್ರಗಳಲ್ಲಿ ಗಣನೀಯ ಸೇವೆ ಸಲ್ಲಿಸಿದ 10 ಮಂದಿ ಗಣ್ಯ ಸಾಧಕರಿಗೆ ಪ್ರತಿಷ್ಠಿತ ರಾಜ್ಯಮಟ್ಟದ ‘ಮಹರ್ಷಿ ವಾಲ್ಮೀಕಿ ಪ್ರಶಸ್ತಿ’ಯನ್ನು ನೀಡಿ ಗೌರವಿಸಲಿದೆ.

ಬೆಂಗಳೂರಿನ ವಿಧಾನಸೌಧದ ಬ್ಯಾಂಕ್ವೆಟ್ ಹಾಲ್‌ನಲ್ಲಿ (Banquet Hall) ನಡೆಯಲಿರುವ ಅದ್ಧೂರಿ ಸಮಾರಂಭದಲ್ಲಿ ಮುಖ್ಯಮಂತ್ರಿಗಳು ಹಾಗೂ ಗಣ್ಯರ ಉಪಸ್ಥಿತಿಯಲ್ಲಿ ಈ ಪ್ರಶಸ್ತಿಗಳನ್ನು ಪ್ರದಾನ ಮಾಡಲಾಗುತ್ತದೆ.

137 ಅರ್ಜಿಗಳ ಪರಿಶೀಲನೆ: ಕಠಿಣ ಆಯ್ಕೆ ಪ್ರಕ್ರಿಯೆ

ಪ್ರಸಕ್ತ ಸಾಲಿನ ವಾಲ್ಮೀಕಿ ಪ್ರಶಸ್ತಿಗಾಗಿ ರಾಜ್ಯದ ಮೂಲೆ ಮೂಲೆಗಳಿಂದ ಒಟ್ಟು 137 ಅರ್ಜಿಗಳು ಸ್ವೀಕೃತವಾಗಿದ್ದವು. ತಜ್ಞರ ಸಮಿತಿಯು ಪ್ರತಿಯೊಂದು ಅರ್ಜಿಯನ್ನು ಸೂಕ್ಷ್ಮವಾಗಿ ಪರಿಶೀಲಿಸಿ, ಶೈಕ್ಷಣಿಕ, ಸಾಹಿತ್ಯ, ಕಲೆ-ಸಾಂಸ್ಕೃತಿಕ, ವಿಜ್ಞಾನ-ತಂತ್ರಜ್ಞಾನ ಮತ್ತು ಸಾಮಾಜಿಕ ಸೇವಾ ಕ್ಷೇತ್ರಗಳಲ್ಲಿ ನಿಸ್ವಾರ್ಥ ಕೊಡುಗೆ ನೀಡಿದ 10 ಅರ್ಹ ಸಾಧಕರನ್ನು ಅಂತಿಮವಾಗಿ ಆಯ್ಕೆ ಮಾಡಿದೆ.

ಪ್ರಶಸ್ತಿಯ ಗೌರವವೇನು?

ರಾಜ್ಯ ಸರ್ಕಾರ ನೀಡುವ ಈ ಪ್ರತಿಷ್ಠಿತ ಪ್ರಶಸ್ತಿಯು ಅತ್ಯಂತ ಮೌಲ್ಯಯುತವಾಗಿದ್ದು, ಪುರಸ್ಕೃತ ಪ್ರತಿಯೊಬ್ಬ ಸಾಧಕರಿಗೂ ₹5,00,000 (5 ಲಕ್ಷ ರೂಪಾಯಿ) ನಗದು ಬಹುಮಾನ, 25 ಗ್ರಾಂ ತೂಕದ ಚಿನ್ನದ ಪದಕ ಹಾಗೂ ಸ್ಮರಣಿಕೆ ಮತ್ತು ಪ್ರಶಸ್ತಿ ಫಲಕ ನೀಡಿ ಸನ್ಮಾನಿಸಲಾಗುತ್ತದೆ. ಒಟ್ಟಾರೆಯಾಗಿ ಚಿನ್ನ ಮತ್ತು ನಗದು ಬಹುಮಾನ ಸೇರಿ 8.5 ಲಕ್ಷ ರೂ. ಆಗಲಿದೆ.

ವಾಲ್ಮೀಕಿ ಪ್ರಶಸ್ತಿ ಪುರಸ್ಕೃತರ ಸಂಪೂರ್ಣ ಪಟ್ಟಿ (ಕ್ಷೇತ್ರವಾರು):

ತೇಜಸ್ವಿ ಕಟ್ಟಿಮನಿ – ಶೈಕ್ಷಣಿಕ ಕ್ಷೇತ್ರ
ತಿಪ್ಪಣ್ಣ ಮರಿಕುಂಟೆ – ಸಾಹಿತ್ಯ ಕ್ಷೇತ್ರ
ಆರ್.ಎಂ. ಮುನಿರಾಜು – ಸಾಂಸ್ಕೃತಿಕ ಸೇವೆ
ಡಾ. ಚಂದ್ರನಾಯಕ್ ಎಸ್. – ವಿಜ್ಞಾನ, ತಂತ್ರಜ್ಞಾನ ಮತ್ತು ಶಿಕ್ಷಣ
ಜೆ.ಪಿ. ರಾಜು – ಸಾಮಾಜಿಕ ಸೇವೆ
ಶಿವನಗೌಡ ಹೊನ್ನನಗೌಡ ಪಾಟೀಲ್ – ಸಾಮಾಜಿಕ ಸೇವೆ
ನಂದಕುಮಾರ ಮಾಲಿ ಪಾಟೀಲ – ಸಾಮಾಜಿಕ ಸೇವೆ
ಕೇತಮ್ಮ – ಸಾಮಾಜಿಕ ಸೇವೆ
ಬಿ.ಜಿ. ಕೃಷ್ಣಪ್ಪ – ಸಾಮಾಜಿಕ ಸೇವೆ
ವೆಂಕಟರಾಮ್ – ಸಾಮಾಜಿಕ ಸೇವೆ

ನಗರದಲ್ಲಿ ‘ವಾಲ್ಮೀಕಿ ಜ್ಯೋತಿ’ ಮೆರವಣಿಗೆ: ಜಾನಪದ ಕಲಾ ವೈಭವ

ಪ್ರಶಸ್ತಿ ಪ್ರದಾನ ಕಾರ್ಯಕ್ರಮಕ್ಕೂ ಮುನ್ನ ರಾಜಧಾನಿ ಬೆಂಗಳೂರಿನಲ್ಲಿ ಭವ್ಯ ‘ವಾಲ್ಮೀಕಿ ಜ್ಯೋತಿ ಮೆರವಣಿಗೆ’ ಏರ್ಪಡಿಸಲಾಗಿದೆ. ಐತಿಹಾಸಿಕ ಬಸವನಗುಡಿಯ ಶ್ರೀ ಬೇಡರ ಕಣ್ಣಪ್ಪ ಸ್ವಾಮಿ ದೇವಸ್ಥಾನದಿಂದ ಪೂರ್ಣಕುಂಭ, ನಾದಸ್ವರ ಹಾಗೂ ಜ್ಯೋತಿಯ ಮೆರವಣಿಗೆಯು ವಿಧ್ಯುಕ್ತವಾಗಿ ಆರಂಭವಾಗಲಿದೆ. ಸಾಂಸ್ಕೃತಿಕ ಕಲಾತಂಡಗಳು, ಬುಡಕಟ್ಟು ಜಾನಪದ ನೃತ್ಯಗಳು ಹಾಗೂ ಡೊಳ್ಳು ಕುಣಿತ ಮೆರವಣಿಗೆಗೆ ಮೆರುಗು ನೀಡಲಿವೆ. ಮೆರವಣಿಗೆಯು ಶಾಸಕರ ಭವನದ (LH) ಆವರಣ ತಲುಪಿದ ಬಳಿಕ, ಅಲ್ಲಿರುವ ಮಹರ್ಷಿ ವಾಲ್ಮೀಕಿ ಅವರ ಪ್ರತಿಮೆಗೆ ಗಣ್ಯರು ಪುಷ್ಪಾರ್ಚನೆ ನೆರವೇರಿಸಿ ಗೌರವ ಸಲ್ಲಿಸಲಿದ್ದಾರೆ. ನಂತರ ವಿಧಾನಸೌಧದ ಸಭಾಂಗಣದಲ್ಲಿ ಮುಖ್ಯ ಕಾರ್ಯಕ್ರಮ ಜರುಗಲಿದೆ.

Marriage ಪ್ರಾಮಿಸ್ ಮಾಡೋ ಮುನ್ನ ಯೋಚಿಸಿ; ರಾಜ್ಯಪಾಲರಾದ ಆನಂದಿಬೆನ್‌ರಿಂದ ಯೂತ್ಸ್‌ಗೆ ಮಾರ್ಮಿಕ ಸಂದೇಶ! ಅಸಲಿ ಕಥೆ ಏನು?

Bhimasi M Koleppanavar — Sun, 25 Oct 2026 16:19:49 +0530

ಇಂದಿನ ಆಧುನಿಕ ಯುಗದಲ್ಲಿ ಪ್ರೀತಿ, ಡೇಟಿಂಗ್ ಮತ್ತು ಸಂಬಂಧಗಳು ತುಂಬಾ ಸುಲಭವಾಗಿಬಿಟ್ಟಿವೆ. ಆದರೆ ಅದೇ ವೇಗದಲ್ಲಿ ಸಂಬಂಧಗಳಲ್ಲಿನ ಗಾಢತೆ ಮತ್ತು ಪ್ರಾಮಾಣಿಕತೆ ಕರಗುತ್ತಿದೆ. ಸಂಬಂಧ ಎಂದರೆ ಕೇವಲ ಒಟ್ಟಿಗೆ ಸುತ್ತುವುದು ಅಥವಾ ಮಾತುಗಳಲ್ಲ, ಅದೊಂದು ದೊಡ್ಡ ಬದ್ಧತೆ ಎಂಬುದನ್ನು ಉತ್ತರ ಪ್ರದೇಶದ ರಾಜ್ಯಪಾಲರಾದ ಆನಂದಿಬೇನ್ ಪಟೇಲ್ ಅವರು ಯುವಜನತೆಗೆ ನೆನಪಿಸಿದ್ದಾರೆ. ವಿಶ್ವವಿದ್ಯಾಲಯವೊಂದರ ಸಮಾರಂಭದಲ್ಲಿ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಅವರು ಆಡಿದ ಮಾತುಗಳು ಕೇವಲ ರಾಜಕೀಯ ಭಾಷಣವಾಗಿರದೆ, ಸಮಾಜದ ಕಣ್ಣು ತೆರೆಸುವ ತಾಯಿಯೊಬ್ಬಳ ಕಳಕಳಿಯಂತೆ ಮೂಡಿಬಂದಿದೆ.

ಗರ್ಲ್‌ಫ್ರೆಂಡ್ ಇದ್ದರೆ ಅವರನ್ನೇ ಮದುವೆ ಆಗಿ!

ನೀವು ಯಾರನ್ನಾದರೂ ಪ್ರೀತಿಸಿದರೆ ಅಥವಾ ಗರ್ಲ್‌ಫ್ರೆಂಡ್ ಮಾಡಿಕೊಂಡರೆ, ಜವಾಬ್ದಾರಿಯಿಂದ ಅವರನ್ನೇ ಮದುವೆಯಾಗಬೇಕು" ಎಂದು ಆನಂದಿಬೇನ್ ಪಟೇಲ್ ಹೇಳಿದ್ದಾರೆ. ಪ್ರೀತಿಯ ಹೆಸರಿನಲ್ಲಿ ವರ್ಷಗಟ್ಟಲೆ ಜೊತೆಗಿದ್ದು, ಮದುವೆಯ ಮಾತು ಬಂದಾಗ ಪೋಷಕರ ನೆಪವೊಡ್ಡಿ ಅಥವಾ ಬೇರೆ ಕಾರಣ ನೀಡಿ ಕೈಬಿಟ್ಟು ಹೋಗುವ ಯುವಕರ ಧೋರಣೆಯನ್ನು ಅವರು ತೀವ್ರವಾಗಿ ಖಂಡಿಸಿದ್ದಾರೆ. ಸಂಬಂಧವನ್ನು ಕೇವಲ ಮೋಜಿನ ವಿಷಯವಾಗಿ ನೋಡಬಾರದು. ಯಾರದೇ ಭಾವನೆಗಳೊಂದಿಗೆ ಆಟವಾಡುವುದು ಅಪರಾಧ ಎಂಬ ಗಂಭೀರ ಸಂದೇಶವನ್ನು ಅವರು ಯುವ ಪೀಳಿಗೆಯ ಮನಸ್ಸಿಗೆ ತಲುಪಿಸಿದ್ದಾರೆ.

ಸಂಬಂಧದ ನಿಜವಾದ ಅರ್ಥ; ಪ್ರೀತಿ, ಗೌರವ ಮತ್ತು ಬದ್ಧತೆ!

ಸಂಬಂಧಗಳು ಕೇವಲ ಪ್ರೀತಿಯಿಂದ ಮಾತ್ರ ಉಳಿಯುವುದಿಲ್ಲ. ಅಲ್ಲಿ ಪರಸ್ಪರ ಗೌರವ, ನಂಬಿಕೆ ಮತ್ತು ಭವಿಷ್ಯದ ಬಗೆಗಿನ ಜವಾಬ್ದಾರಿ ಇರಬೇಕಾಗುತ್ತದೆ. ಬದುಕು ಎಂದರೆ ಕೇವಲ ಸಂತೋಷದ ದಿನಗಳಲ್ಲ. ಕಷ್ಟದ ಸಮಯದಲ್ಲಿ ಪರಸ್ಪರ ಬೆಂಬಲವಾಗಿ ನಿಲ್ಲುವುದು ಮತ್ತು ಕಠಿಣ ಸನ್ನಿವೇಶಗಳಲ್ಲೂ ಕೈಬಿಡದೆ ಜೊತೆಯಾಗಿ ಸಾಗುವುದೇ ನಿಜವಾದ ಬದ್ಧತೆ. ಯುವಜನತೆ ಸಂಬಂಧಗಳನ್ನು ಬೆಳೆಸುವ ಮುನ್ನವೇ ಮಾನಸಿಕವಾಗಿ ಪಕ್ವತೆಯನ್ನು ಹೊಂದಿರಬೇಕು. ತಾವು ತೆಗೆದುಕೊಳ್ಳುವ ನಿರ್ಧಾರ ಇನ್ನೊಂದು ಜೀವದ ಇಡೀ ಬದುಕನ್ನು ನಿರ್ಧರಿಸುತ್ತದೆ ಎಂಬ ಪ್ರಜ್ಞೆ ಇರಬೇಕು.

ಮಹಿಳೆಯರ ಘನತೆ ಮತ್ತು ಸಾಮಾಜಿಕ ಪರಿಣಾಮ!

ಪ್ರೀತಿಯ ಹೆಸರಿನಲ್ಲಿ ವಂಚನೆಗೊಳಗಾಗಿ ಅರ್ಧ ಹಾದಿಯಲ್ಲೇ ಒಂಟಿಯಾಗುವ ಹೆಣ್ಣುಮಕ್ಕಳು ಸಮಾಜದಲ್ಲಿ ಅನುಭವಿಸುವ ಮಾನಸಿಕ ಯಾತನೆ ಅಪಾರ. ಮದುವೆಯಾಗದೆ ಜೊತೆಯಲ್ಲಿದ್ದು ಕೊನೆಗೆ ಕೈಬಿಟ್ಟಾಗ, ಅದರಿಂದ ಹುಟ್ಟುವ ಮಕ್ಕಳು ಮತ್ತು ಆ ಹೆಣ್ಣುಮಗಳು ಅನಾಥರಾಗುವ ಸ್ಥಿತಿ ನಿರ್ಮಾಣವಾಗುತ್ತಿದೆ. ಇಂತಹ ಸಾಮಾಜಿಕ ಪಿಡುಗುಗಳ ವಿರುದ್ಧ ರಾಜ್ಯಪಾಲರು ಧ್ವನಿ ಎತ್ತಿದ್ದಾರೆ.

ಇಂದಿನ ಪೀಳಿಗೆ ಕಲಿಯಬೇಕಾದ ಪಾಠ!

ಕೇವಲ ಭಾವನೆಗಳಿಗೆ ಮಾರುಹೋಗದೆ, ಯುವಕ ಮತ್ತು ಯುವತಿಯರಿಬ್ಬರೂ ಮೊದಲು ತಮ್ಮ ಕಾಲಿನ ಮೇಲೆ ನಿಂತು ಆರ್ಥಿಕ ಭದ್ರತೆ ಮಾಡಿಕೊಳ್ಳಬೇಕು, ನಂತರವೇ ಸಂಸಾರದ ಜವಾಬ್ದಾರಿ ಹೊರಬೇಕು. ಕಾನೂನು ಅಥವಾ ಕಟ್ಟುಪಾಡುಗಳಿಗಿಂತ ಹೆಚ್ಚಾಗಿ, ಪ್ರತಿಯೊಬ್ಬ ವ್ಯಕ್ತಿಯಲ್ಲೂ ನೈತಿಕತೆ ಮತ್ತು ಮಾನವೀಯ ಮೌಲ್ಯಗಳು ಜಾಗೃತವಾಗಬೇಕು. ಆನಂದಿಬೇನ್ ಪಟೇಲ್ ಅವರ ಈ ಮಾತುಗಳು ಕೇವಲ ಯುವಕರಿಗಷ್ಟೇ ಅಲ್ಲ, ಇಡೀ ಸಮಾಜಕ್ಕೆ ಬದುಕಿನ ಪಾಠವಾಗಿದೆ. ಪ್ರೀತಿಸಿದ ಜೀವಕ್ಕೆ ಕೊನೆಯವರೆಗೂ ನ್ಯಾಯ ಒದಗಿಸುವುದೇ ಅತ್ಯುನ್ನತ ಮನುಷ್ಯ ಧರ್ಮ ಎಂಬುದನ್ನು ಲೇಖನದ ಕೊನೆಯಲ್ಲಿ ಮನಮುಟ್ಟುವಂತೆ ಬರೆಯಿರಿ.

ಗಿನ್ನೆಸ್ ದಾಖಲೆ ಪಡೆದಿದ್ದ ಖ್ಯಾತ ಬಾಣಸಿಗ ಚೆಫ್ ದಾಮುಗೆ ಏನಾಗಿತ್ತು? ಅವರ ಸಾಧನೆಗಳೇನು?

Govindaraj S — Sun, 25 Oct 2026 16:12:32 +0530

'ಕುಕ್ ವಿತ್ ಕೋಮಾಲಿ' ಶೋ ಮೂಲಕ ಮನೆಮಾತಾಗಿದ್ದ ಖ್ಯಾತ ಬಾಣಸಿಗ ಕೆ. ದಾಮೋದರನ್ (ಚೆಫ್ ದಾಮು) ತಮ್ಮ 72ನೇ ವಯಸ್ಸಿನಲ್ಲಿ ನಿಧನರಾಗಿದ್ದಾರೆ. ಗಿನ್ನೆಸ್ ದಾಖಲೆ ಹಾಗೂ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತರಾಗಿದ್ದ ಇವರು, ಕಿರುತೆರೆ ವೀಕ್ಷಕರ ಅಚ್ಚುಮೆಚ್ಚಿನ ತೀರ್ಪುಗಾರರಾಗಿದ್ದರು.

ಪಾಕಶಾಲೆಯ ದಿಗ್ಗಜ ಚೆಫ್ ದಾಮು ನೆನಪು

'ಚೆಫ್ ದಾಮು' ಎಂದೇ ಜನಪ್ರಿಯರಾಗಿದ್ದ ಖ್ಯಾತ ಬಾಣಸಿಗ ಕೆ. ದಾಮೋದರನ್ ತಮ್ಮ 72ನೇ ವಯಸ್ಸಿನಲ್ಲಿ ಇಹಲೋಕ ತ್ಯಜಿಸಿದ್ದಾರೆ. ಪಾಕಶಾಸ್ತ್ರ ಮತ್ತು ಟಿವಿ ರಂಗಕ್ಕೆ ಅವರು ನೀಡಿದ ಕೊಡುಗೆ ಅಪಾರ. 'ಕುಕ್ ವಿತ್ ಕೋಮಾಲಿ'ಯಂತಹ ಜನಪ್ರಿಯ ಶೋಗಳ ಮೂಲಕ ಅಡುಗೆಯನ್ನು ಟಿವಿ ವೀಕ್ಷಕರಿಗೆ ಹತ್ತಿರ ಮಾಡಿದ ಅವರು, ತಮಿಳು ಕಿರುತೆರೆಯ ಚಿರಪರಿಚಿತ ಮುಖವಾಗಿದ್ದರು. ತಮಿಳುನಾಡು ಮುಖ್ಯಮಂತ್ರಿ ಸಿ. ಜೋಸೆಫ್ ವಿಜಯ್ ಅವರು ಎಕ್ಸ್ (X) ಖಾತೆಯಲ್ಲಿ ಪೋಸ್ಟ್ ಮಾಡುವ ಮೂಲಕ ದಾಮು ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ.

ಟಿವಿ ಕಾರ್ಯಕ್ರಮಗಳ ಮೂಲಕ ಅಡುಗೆಯನ್ನು ಜನಸಾಮಾನ್ಯರಿಗೆ ತಲುಪಿಸಿದ ಅವರ ಶ್ರಮವನ್ನು ಸಿಎಂ ಸ್ಮರಿಸಿದ್ದಾರೆ. ತಮಿಳುನಾಡು ಮುಖ್ಯಮಂತ್ರಿ ಕಚೇರಿ ಹಂಚಿಕೊಂಡಿರುವ ಪೋಸ್ಟ್‌ನಲ್ಲಿ, "ತಮ್ಮ ಪಾಕಶಾಸ್ತ್ರದ ಪರಿಣತಿ ಮತ್ತು ವಿಶಿಷ್ಟ ಶೈಲಿಯ ಮೂಲಕ ಅವರು ಅಡುಗೆ ಕಲೆಯನ್ನು ಟಿವಿ ಕಾರ್ಯಕ್ರಮಗಳ ಮೂಲಕ ಜನರಿಗೆ ತಲುಪಿಸಿದರು. 2010ರಲ್ಲಿ ಅತಿ ಉದ್ದದ ವೈಯಕ್ತಿಕ ಅಡುಗೆ ಮ್ಯಾರಥಾನ್‌ಗಾಗಿ ಅವರು ಗಿನ್ನೆಸ್ ವಿಶ್ವ ದಾಖಲೆ ನಿರ್ಮಿಸಿದ್ದರು. ಅಲ್ಲದೆ, ಪದ್ಮಶ್ರೀ ಪ್ರಶಸ್ತಿಗೂ ಭಾಜನರಾಗಿದ್ದರು. ಅವರ ನಿಧನ ಪಾಕಶಾಸ್ತ್ರ ಕ್ಷೇತ್ರಕ್ಕೆ ತುಂಬಲಾರದ ನಷ್ಟ" ಎಂದು ಬರೆಯಲಾಗಿದೆ.

ವೃತ್ತಿಜೀವನದ ಸಾಧನೆಗಳು ಮತ್ತು ಟಿವಿ ಲೋಕದ ಸ್ಟಾರ್‌ಡಮ್

1954ರಲ್ಲಿ ಜನಿಸಿದ ಚೆಫ್ ದಾಮು, ಚೆನ್ನೈನ ಇನ್‌ಸ್ಟಿಟ್ಯೂಟ್ ಆಫ್ ಹೋಟೆಲ್ ಮ್ಯಾನೇಜ್‌ಮೆಂಟ್‌ನಲ್ಲಿ ಶಿಕ್ಷಣ ಪಡೆದರು. ತಮಿಳುನಾಡು ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮದಲ್ಲಿ ಮ್ಯಾನೇಜ್‌ಮೆಂಟ್ ಟ್ರೈನಿಯಾಗಿ ತಮ್ಮ ವೃತ್ತಿಜೀವನ ಆರಂಭಿಸಿದ ಅವರು, ಬಳಿಕ ಪಾಕಶಾಲೆಯ ಜಗತ್ತಿನಲ್ಲಿ ಪ್ರಮುಖ ವ್ಯಕ್ತಿಯಾಗಿ ಬೆಳೆದರು. ಡಿಸೆಂಬರ್ 2010ರಲ್ಲಿ, ಕೇವಲ 24 ಗಂಟೆ, 30 ನಿಮಿಷ ಮತ್ತು 12 ಸೆಕೆಂಡುಗಳಲ್ಲಿ ಒಟ್ಟು 190 ಕೆಜಿ ತೂಕದ 617 ಭಕ್ಷ್ಯಗಳನ್ನು ತಯಾರಿಸುವ ಮೂಲಕ ಅವರು ಗಿನ್ನೆಸ್ ವಿಶ್ವ ದಾಖಲೆಗೆ ಸೇರಿದರು. ಆ ನಂತರ ಮಧುರೈನಲ್ಲಿ 14.7 ಮೀಟರ್ ಉದ್ದದ ದೋಸೆ ಮಾಡಿದ್ದು ಮತ್ತು ಸಿಂಗಾಪುರದಲ್ಲಿ ವಿಶ್ವದ ಅತಿದೊಡ್ಡ ಕರಿ (curry) ತಯಾರಿಸಿದ್ದು ಸೇರಿದಂತೆ ಹಲವು ಅಡುಗೆ ಸವಾಲುಗಳನ್ನು ಅವರು ಯಶಸ್ವಿಯಾಗಿ ಪೂರೈಸಿದ್ದರು.

ತಮಿಳು ಮಾಧ್ಯಮದ ಮೇಲಿನ ಪ್ರಭಾವ

ಇನ್ನು ವಿಜಯ್ ಟಿವಿಯ 'ಕುಕ್ ವಿತ್ ಕೋಮಾಲಿ' ಶೋದ ತೀರ್ಪುಗಾರರಾಗಿ ಚೆಫ್ ದಾಮು ಟಿವಿ ವೀಕ್ಷಕರಿಗೆ ಬಹಳ ಹತ್ತಿರವಾಗಿದ್ದರು. ಅಡುಗೆ ಸವಾಲುಗಳು ಮತ್ತು ಕಾಮಿಡಿ ಎರಡನ್ನೂ ಒಟ್ಟಿಗೆ ತಂದ ಈ ಶೋನಲ್ಲಿ, ತಮ್ಮ ಮೃದು ಹಾಸ್ಯ ಮತ್ತು ಸ್ಪರ್ಧಿಗಳಿಗೆ ನೀಡುತ್ತಿದ್ದ ಸಲಹೆಗಳ ಮೂಲಕ ದಾಮು ಎಲ್ಲರ ಗಮನ ಸೆಳೆದರು. ಶೋದ ಆರಂಭಿಕ ಸೀಸನ್‌ಗಳಿಂದಲೂ ಕಾಣಿಸಿಕೊಂಡಿದ್ದರು.

ಅಡುಗೆಯ ತಂತ್ರಗಳನ್ನು ಸರಳವಾಗಿ ವಿವರಿಸುವುದರಲ್ಲಿ ಎತ್ತಿದ ಕೈ. ಟಿವಿ ಮಾತ್ರವಲ್ಲದೆ, ತಮಿಳು ಸಿನಿಮಾಗಳಲ್ಲೂ ಬಣ್ಣ ಹಚ್ಚಿದ್ದ ಚೆಫ್ ದಾಮು, ಪಾಕಶಾಸ್ತ್ರ ಕ್ಷೇತ್ರಕ್ಕೆ ತಮ್ಮ ಕೊಡುಗೆಯನ್ನು ಮುಂದುವರಿಸಿದ್ದರು. ಪಾಕಶಾಸ್ತ್ರ ಕ್ಷೇತ್ರಕ್ಕೆ ನೀಡಿದ ಅಪಾರ ಕೊಡುಗೆಯನ್ನು ಗುರುತಿಸಿ, ಜನವರಿ 2025ರಲ್ಲಿ ಅವರು ಪದ್ಮಶ್ರೀ ಪ್ರಶಸ್ತಿಗೆ ಭಾಜನರಾದರು. ವೃತ್ತಿಪರ ಅಡುಗೆಯನ್ನು ಜನಸಾಮಾನ್ಯರಿಗೆ ತಲುಪಿಸಿದ ಮತ್ತು ಆಹಾರ ಉದ್ಯಮದಲ್ಲಿ ಕೆಲಸ ಮಾಡುವವರಿಗೆ ಸ್ಫೂರ್ತಿಯಾದ ಅವರ ಕಾರ್ಯಕ್ಕೆ ಈ ಗೌರವ ಒಲಿದುಬಂದಿತ್ತು.

ಬಾಬಾ ವಂಗಾ ಪ್ರಕಾರ ಮುಂದಿನ 7 ದಿನ 5 ರಾಶಿಗೆ ಲಾಟರಿ, ಗ್ರಹಗಳ ಪ್ರಬಲ ಶುಭ ಸಂಯೋಜನೆ, ಕೈ ತುಂಬಾ ದುಡ್ಡು

Sushma Hegde — Sun, 25 Oct 2026 15:37:12 +0530

ಜ್ಯೋತಿಷ್ಯದ ಪ್ರಕಾರ, ಬಾಬಾ ವಂಗಾ ನೀಡಿದ ಭವಿಷ್ಯದ ಬಗ್ಗೆ ದೇಶಾದ್ಯಂತ ಕುತೂಹಲವಿದೆ. ಇದಕ್ಕೆ ಕಾರಣವೆಂದರೆ ಬಾಬಾ ವಂಗಾ ಭವಿಷ್ಯದ ಘಟನೆಗಳನ್ನು ಮುಂಚಿತವಾಗಿ ಊಹಿಸಬಲ್ಲರು. ಅದರಂತೆ, ಅಕ್ಟೋಬರ್ ಕೊನೆಯ ವಾರ (ಅಕ್ಟೋಬರ್ 2026) ಶೀಘ್ರದಲ್ಲೇ ಪ್ರಾರಂಭವಾಗುತ್ತದೆ . ಜ್ಯೋತಿಷ್ಯದ ಪ್ರಕಾರ , ಈ ತಿಂಗಳ ಕೊನೆಯ ವಾರ ಅಕ್ಟೋಬರ್ 26 ರಿಂದ ನವೆಂಬರ್ 1 ರವರೆಗೆ ಇರುತ್ತದೆ . ಈ ವಾರ ಅನೇಕ ಶುಭ ಯೋಗಗಳು ರೂಪುಗೊಳ್ಳುತ್ತವೆ . ಆದಾಗ್ಯೂ, ಬಾಬಾ ವಂಗಾ ಅವರ ಭವಿಷ್ಯವಾಣಿಯ ಪ್ರಕಾರ, ಈ ವಾರ ಯಾವ 5 ರಾಶಿಚಕ್ರ ಚಿಹ್ನೆಗಳಿಗೆ ಅದೃಷ್ಟಶಾಲಿಗಳು ಎಂದು ತಿಳಿಯೋಣ.

ವೃಷಭ ರಾಶಿ ಭವಿಷ್ಯ

ಬಾಬಾ ವಂಗಾ ಅವರ ಭವಿಷ್ಯವಾಣಿಯ ಪ್ರಕಾರ, ಅಕ್ಟೋಬರ್ ಕೊನೆಯ ವಾರ ವೃಷಭ ರಾಶಿಯವರಿಗೆ ಅನುಕೂಲಕರವಾಗಿರುತ್ತದೆ. ಈ ಅವಧಿಯಲ್ಲಿ, ನಿಮ್ಮ ಕಠಿಣ ಪರಿಶ್ರಮದಿಂದ ನೀವು ಉತ್ತಮ ಫಲಿತಾಂಶಗಳನ್ನು ಪಡೆಯುತ್ತೀರಿ. ಅಲ್ಲದೆ, ನಿಮ್ಮ ಬಾಕಿ ಇರುವ ಕೆಲವು ಕೆಲಸಗಳನ್ನು ಪೂರ್ಣಗೊಳಿಸಲು ನಿಮಗೆ ಸಾಧ್ಯವಾಗುತ್ತದೆ. ಹಣಕಾಸಿನ ವಿಷಯಗಳಲ್ಲಿ ಬಜೆಟ್ ಮಾಡುವುದು ನಿಮಗೆ ಪ್ರಯೋಜನಕಾರಿಯಾಗಿದೆ. ಮನೆಯಲ್ಲಿನ ವಾತಾವರಣವು ಸಂತೋಷವಾಗಿರುತ್ತದೆ.

ಕರ್ಕಾಟಕ ರಾಶಿ ಭವಿಷ್ಯ

ಕರ್ಕಾಟಕ ರಾಶಿಯವರಿಗೆ ಮುಂದಿನ ವಾರ ಭಾವನಾತ್ಮಕವಾಗಿ ಸಮತೋಲನದಿಂದ ಕೂಡಿರುತ್ತದೆ. ಈ ಅವಧಿಯಲ್ಲಿ, ಕೆಲವು ಕೆಲಸದ ಜವಾಬ್ದಾರಿಗಳನ್ನು ಕಾರ್ಮಿಕ ವರ್ಗದವರಿಗೆ ವಹಿಸಲಾಗುವುದು. ಕೆಲಸದ ಬಗ್ಗೆ ಚಿಂತನಶೀಲ ನಿರ್ಧಾರಗಳನ್ನು ತೆಗೆದುಕೊಳ್ಳಿ. ಅಲ್ಲದೆ, ನಿಮ್ಮ ವೈವಾಹಿಕ ಜೀವನವು ಸುಗಮವಾಗಿ ನಡೆಯುತ್ತದೆ. ಸಮಾಜದಲ್ಲಿ ನಿಮಗೆ ಗೌರವ ಮತ್ತು ಗೌರವ ಸಿಗುತ್ತದೆ.

ಕನ್ಯಾ ರಾಶಿ ಭವಿಷ್ಯ

ಬಾಬಾ ವಂಗಾ ಅವರ ಭವಿಷ್ಯವಾಣಿಯ ಪ್ರಕಾರ, ಮುಂಬರುವ ವರ್ಷದ ಕೊನೆಯ ವಾರದಲ್ಲಿ ನೀವು ಕೆಲವು ಪ್ರಮುಖ ಯೋಜನೆಗಳನ್ನು ಕಾರ್ಯಗತಗೊಳಿಸುತ್ತೀರಿ. ಕಾರ್ಮಿಕ ವರ್ಗದ ಜನರು ತಮ್ಮ ಪ್ರಯತ್ನಗಳ ಫಲವನ್ನು ಪಡೆಯುತ್ತಾರೆ. ಹೊಸ ಉದ್ಯೋಗಾವಕಾಶಗಳು ಲಭ್ಯವಿರುತ್ತವೆ. ಭವಿಷ್ಯಕ್ಕಾಗಿ ನೀವು ಕೆಲವು ಹೂಡಿಕೆಗಳನ್ನು ಮಾಡಬಹುದು. ನಿಮ್ಮ ವ್ಯವಹಾರದ ವಿಸ್ತರಣೆಯಲ್ಲಿ ಹೆಚ್ಚಳವನ್ನು ನೀವು ನೋಡುತ್ತೀರಿ. ನೀವು ಆರೋಗ್ಯದ ಬಗ್ಗೆ ಚಿಂತಿಸಬೇಕಾಗಿಲ್ಲ.

ಧನು ರಾಶಿ ಭವಿಷ್ಯ

ಧನು ರಾಶಿಯವರಿಗೆ ಕೊನೆಯ ವಾರ ಪ್ರಯೋಜನಕಾರಿಯಾಗಲಿದೆ. ಈ ಅವಧಿಯಲ್ಲಿ, ನಿಮಗೆ ಕೆಲವು ಹೊಸ ಜವಾಬ್ದಾರಿಗಳು ವಹಿಸಿಕೊಡಲ್ಪಡುತ್ತವೆ. ನಿಮ್ಮ ಆರ್ಥಿಕ ಸ್ಥಿತಿ ಮೊದಲಿಗಿಂತ ಉತ್ತಮವಾಗಿರುತ್ತದೆ. ಮಕ್ಕಳ ಪ್ರತಿಭೆಗೆ ಉತ್ತಮ ಅವಕಾಶ ಸಿಗುತ್ತದೆ. ಅಲ್ಲದೆ, ನಿಯಮಿತ ವ್ಯಾಯಾಮವು ನಿಮಗೆ ಪ್ರಯೋಜನಕಾರಿಯಾಗಿದೆ. ಮನೆಯಲ್ಲಿನ ವಾತಾವರಣವು ಶುಭವಾಗಿರುತ್ತದೆ. ನಿಮ್ಮ ಕೆಲಸಕ್ಕೆ ಪ್ರೋತ್ಸಾಹ ದೊರೆಯುತ್ತದೆ.

ಮೀನ ರಾಶಿ ಭವಿಷ್ಯ

ಮೀನ ರಾಶಿಯವರಿಗೆ ಮುಂದಿನ ವಾರವು ಸಕಾರಾತ್ಮಕವಾಗಿರುತ್ತದೆ. ಈ ಅವಧಿಯಲ್ಲಿ, ನೀವು ನಿಮ್ಮ ಕೆಲಸದ ಮೇಲೆ ಗಮನ ಹರಿಸಬೇಕಾಗುತ್ತದೆ. ಹಣಕಾಸಿನ ಬಗ್ಗೆ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ಯಾವುದೇ ಆತುರಪಡಬೇಡಿ. ಅಲ್ಲದೆ, ಸಂಬಂಧಗಳು ಬಲಗೊಳ್ಳುತ್ತವೆ. ನಿಮ್ಮ ನೈತಿಕತೆಯನ್ನು ಹೆಚ್ಚಿಸಿ.

75 ವರ್ಷದ ವ್ಯಕ್ತಿ ಜೊತೆ ಎಂಗೇಜ್ಮೆಂಟ್ ಮಾಡ್ಕೊಂಡಿದ್ದ ಬ್ಲಾಗರ್ ಯು ಟರ್ನ್ ! ಗಂಡನ ಜೊತೆ ಮರುಮದುವೆ

Roopa Hegde — Sun, 25 Oct 2026 15:35:46 +0530

ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುವ ಎಲ್ಲ ವಿಡಿಯೋಗಳನ್ನು ನಂಬೋದು ಕಷ್ಟ. ಅನೇಕ ವಿಡಿಯೋಗಳನ್ನು ಜನರು ವೈರಲ್ ಆಗಲು ಮಾಡ್ತಾರೆ. ಕೆಲ ದಿನಗಳ ಹಿಂದೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ಒಂದು ವಿಡಿಯೋಕ್ಕೆ ಈಗ ಹೊಸ ಟ್ವಿಸ್ಟ್ ಸಿಕ್ಕಿದೆ.

ವೈರಲ್ ವಿಡಿಯೋದಲ್ಲಿ ಏನಿತ್ತು?

75 ವರ್ಷದ ರಾಮ್ಸಾಗರ್ ಮಹಿಳ ಬ್ಲಾಗರ್ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿರುವ ವಿಡಿಯೋವೊಂದು ವೈರಲ್ ಆಗಿತ್ತು. ಈ ವೈರಲ್ ವಿಡಿಯೋ ಉತ್ತರ ಪ್ರದೇಶದ ಔರೈಯಾದ್ದು ಎನ್ನಲಾಗಿದೆ. ರೀನಾ ಎಂಬ ಮಹಿಳೆ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಲವಾರು ವೀಡಿಯೊಗಳನ್ನು ಪೋಸ್ಟ್ ಮಾಡಿದ್ದರು. ಈಗ ವೃದ್ಧ ವ್ಯಕ್ತಿ ಜೊತೆ ನಿಶ್ಚಿತಾರ್ಥ ಮಾಡ್ಕೊಂಡಿದ್ದನ್ನು ನಿರಾಕರಿಸಿದ್ದಾರೆ. ವೀಡಿಯೊದಲ್ಲಿ, ತನ್ನ ಪತಿ ವಾಪಸ್ ಬಂದಿದ್ದಾರೆ, ಅವರ ಜೊತೆ ವಾಸ ಮಾಡ್ತಿದ್ದೇನೆ ಎಂದಿದ್ದಲ್ಲದೆ, 75 ವರ್ಷದ ವ್ಯಕ್ತಿಯೊಂದಿಗೆ ನಿಶ್ಚಿತಾರ್ಥದ ಕೇವಲ ವಿಡಿಯೋಕ್ಕಾಗಿ ಮಾಡಿದ್ದು ಎಂದು ರೀನಾ ರಜಪೂತ್ ಹೇಳಿದ್ದಾರೆ.

ಮರುಮದುವೆಯಾದ ರೀನಾ

ತನ್ನ ನಿಶ್ಚಿತಾರ್ಥದ ವಿಡಿಯೋ ನೋಡಿ ಪತಿ ವಾಪಸ್ ಬಂದಿದ್ದಾರೆ. ನಾವಿಬ್ಬರು ಮತ್ತೆ ಮದುವೆ ಆಗ್ತೇವೆ ಎಂದಿದ್ದ ರೀನಾ, ಇನ್ನೊಂದು ವಿಡಿಯೋದಲ್ಲಿ ಹಾರ ಬದಲಿಸಿಕೊಳ್ಳುವುದನ್ನು ತೋರಿಸಿದ್ದಾರೆ. ಇನ್ನೊಂದು ವಿಡಿಯೋದಲ್ಲಿ ರೀನಾ ಹಣೆಗೆ ಪತಿ ಸಿಂಧೂರ ಇಡ್ತಿದ್ದಾರೆ.

ಮಾಹಿತಿಯ ಪ್ರಕಾರ, ವೃದ್ಧ ರಾಮ್ಸುಗ್ಗರ್, ಔರೈಯಾ ಜಿಲ್ಲೆಯ ಅರಿಯಾರಿ ಗ್ರಾಮದ ನಿವಾಸಿ. ರಾಮ್ಸುಗ್ಗರ್ ಅವರ ಹೆಸರು ರಾಮ್ಸುಗ್ಗರ್. ಅವರಿಗೆ ರಾಧಾ ಎಂಬ ಮಗಳಿದ್ದಾರೆ. ಅವರು ಸಾಮಾಜಿಕ ಮಾಧ್ಯಮಕ್ಕಾಗಿ ವೀಡಿಯೊಗಳನ್ನು ಮಾಡುತ್ತಾರೆ. ಈ ಸಮಯದಲ್ಲಿ, ರಾಣಿ ರಾಮ್ಸುಗ್ಗರ್ ಅವರ ಮನೆಗೆ ಭೇಟಿ ನೀಡಲು ಪ್ರಾರಂಭಿಸಿದರು ಮತ್ತು ಇಬ್ಬರೂ ಪ್ರೀತಿಯಲ್ಲಿ ಸಿಲುಕಿದರು ಎಂದು ಹೇಳಲಾಗಿದೆ. ನಂತರ ಅವರು ಮದುವೆಯಾಗಲು ನಿರ್ಧರಿಸಿದರು. ರಾಧಿ, ವಿಡಿಯೋ ಹಂಚಿಕೊಂಡಿದ್ದಾರೆ. ಈಗ ರಾಧಾ ಮೇಲೆಯೂ ರಾಣಿ ಕಿಡಿಕಾಡಿದ್ದಾರೆ.

ವಿದೇಶಿ ಗೆಳೆಯನ ಕೈಹಿಡಿದ ನಟ ಅರ್ಜುನ್ ಸರ್ಜಾ ಕಿರಿಯ ಪುತ್ರಿ.. ಅದ್ದೂರಿಯಾಗಿ ನೆರವೇರಿತು ಅಂಜನಾ-ಇಸಾಯ್ ವಿವಾಹ

Ashwini HR — Sun, 25 Oct 2026 14:55:07 +0530

ದಕ್ಷಿಣ ಭಾರತದ ಖ್ಯಾತ ನಟ ಆ್ಯಕ್ಷನ್ ಕಿಂಗ್ ಅರ್ಜುನ್ ಸರ್ಜಾ ಅವರ ಮನೆಯಲ್ಲಿ ಸಂಭ್ರಮದ ಸಡಗರ ಮುಗಿಲುಮುಟ್ಟಿದೆ. ಅರ್ಜುನ್ ಸರ್ಜಾ ಅವರ ಎರಡನೇ ಪುತ್ರಿ ಅಂಜನಾ ಅರ್ಜುನ್, ತಮ್ಮ ಬಹುಕಾಲದ ವಿದೇಶಿ ಗೆಳೆಯ ಹಾಗೂ ಉದ್ಯಮಿ ಇಸಾಯ್ ನಟ್ಟರ್ (Isai Natter) ಜೊತೆ ಸಪ್ತಪದಿ ತುಳಿದಿದ್ದಾರೆ.

ಬರೋಬ್ಬರಿ 14 ವರ್ಷಗಳಿಂದ ಪರಸ್ಪರ ಪ್ರೀತಿಸುತ್ತಿದ್ದ ಈ ಪ್ರೇಮಿಗಳು, ಇದೀಗ ಎರಡೂ ಕುಟುಂಬಗಳ ಸಮ್ಮುಖದಲ್ಲಿ ಹಸೆಮಣೆ ಏರುವ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

14 ವರ್ಷಗಳ ಪ್ರೇಮಕಥೆಗೆ ಸುಖಾಂತ್ಯ

ಚಿತ್ರರಂಗ ಹಾಗೂ ಲೈಮ್‌ಲೈಟ್‌ನಿಂದ ಸದಾ ದೂರವಿದ್ದು, ಫ್ಯಾಷನ್ ಉದ್ಯಮದಲ್ಲಿ ಯಶಸ್ವಿಯಾಗಿ ಗುರುತಿಸಿಕೊಂಡಿರುವ ಅಂಜನಾ, ಇಸಾಯ್ ನಟ್ಟರ್ ಅವರನ್ನು ಕಳೆದ 14 ವರ್ಷಗಳಿಂದ ಪ್ರೀತಿಸುತ್ತಿದ್ದರು. ಕಳೆದ ಏಪ್ರಿಲ್‌ನಲ್ಲಿ ವಿದೇಶದಲ್ಲಿ ಇಸಾಯ್ ಪ್ರಪೋಸ್ ಮಾಡಿದ ಕ್ಷಣವನ್ನು ಹಂಚಿಕೊಂಡಿದ್ದ ಅಂಜನಾ, "13 ವರ್ಷಗಳ ಪ್ರೀತಿಯ ನಂತರ ನಾನು ಮದುವೆಗೆ ‘ಹೌದು’ ಎನ್ನದೇ ಇರಲು ಹೇಗೆ ಸಾಧ್ಯ?" ಎಂದು ಭಾವುಕರಾಗಿ ಬರೆದುಕೊಂಡಿದ್ದರು. ಇದೀಗ ಈ ಪ್ರೇಮಪಕ್ಷಿಗಳು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿವೆ.

ಸಾಕ್ಷಿಯಾದ ತಾರಾ ಕುಟುಂಬ

ಅಂಜನಾ ಮತ್ತು ಇಸಾಯ್ ಅವರ ಈ ಶುಭ ವಿವಾಹಕ್ಕೆ ಇಡೀ ಸರ್ಜಾ ಕುಟುಂಬ ಸಾಕ್ಷಿಯಾಗಿದೆ. ತಂದೆ ಅರ್ಜುನ್ ಸರ್ಜಾ, ತಾಯಿ ನಿವೇದಿತಾ ಅರ್ಜುನ್ (ಆಶಾ ರಾಣಿ), ಹಿರಿಯ ಪುತ್ರಿ ನಟಿ ಐಶ್ವರ್ಯಾ ಅರ್ಜುನ್ ಹಾಗೂ ಅಳಿಯ ಸೇರಿದಂತೆ ಆಪ್ತ ಬಂಧು-ಮಿತ್ರರು ಹಾಜರಿದ್ದು ನವದಂಪತಿಗೆ ಆಶೀರ್ವದಿಸಿದ್ದಾರೆ.

2024ರಲ್ಲಿ ಅರ್ಜುನ್ ಸರ್ಜಾ ಅವರ ಹಿರಿಯ ಪುತ್ರಿ ಐಶ್ವರ್ಯಾ ಅವರ ಮದುವೆ ತಮಿಳು ನಟ ಉಮಾಪತಿ ಜೊತೆ ಚೆನ್ನೈನಲ್ಲಿ ಅದ್ಧೂರಿಯಾಗಿ ನಡೆದಿತ್ತು. ಇದೀಗ ಕಿರಿಯ ಮಗಳ ಮದುವೆಯೂ ಸಂಭ್ರಮದಿಂದ ನೆರವೇರಿದ್ದು, ಅಭಿಮಾನಿಗಳು ಹಾಗೂ ಚಿತ್ರರಂಗದ ಗಣ್ಯರು ಸಾಮಾಜಿಕ ಜಾಲತಾಣಗಳಲ್ಲಿ ನವಜೋಡಿಗೆ ಶುಭಾಶಯಗಳ ಮಹಾಪೂರವನ್ನೇ ಹರಿಸುತ್ತಿದ್ದಾರೆ.

ಯಶಸ್ವಿ ಮಹಿಳಾ ಉದ್ಯಮಿ ಅಂಜನಾ

ವಿಶೇಷವೆಂದರೆ, ತಂದೆ ಮತ್ತು ಅಕ್ಕ ಇಬ್ಬರೂ ಸಿನಿಮಾ ರಂಗದಲ್ಲಿದ್ದರೂ ಅಂಜನಾ ಮಾತ್ರ ಬಣ್ಣದ ಲೋಕಕ್ಕೆ ಕಾಲಿಡದೆ ಸ್ವತಂತ್ರವಾಗಿ ತಮ್ಮದೇ ಹಾದಿ ಕಂಡುಕೊಂಡಿದ್ದಾರೆ. ಪರಿಸರಸ್ನೇಹಿ ಯುವ ಉದ್ಯಮಿಯಾಗಿ ಗುರುತಿಸಿಕೊಂಡಿರುವ ಅವರು, ಪ್ರಾಣಿಹಿಂಸೆ ರಹಿತವಾಗಿ ಹಣ್ಣುಗಳ ಸಿಪ್ಪೆಯಿಂದ (ಸೇಬು ಹಾಗೂ ಅನಾನಸ್ ತ್ಯಾಜ್ಯದಿಂದ) ತಯಾರಾಗುವ ‘ಸರ್ಜಾ’ (Sarjaa) ಎಂಬ ಐಷಾರಾಮಿ ವೆಗನ್ ಹ್ಯಾಂಡ್‌ಬ್ಯಾಗ್ ಬ್ರ್ಯಾಂಡ್ ಕಟ್ಟಿ ಯಶಸ್ವಿ ಮಹಿಳಾ ಉದ್ಯಮಿಯಾಗಿ ದೇಶ-ವಿದೇಶಗಳಲ್ಲಿ ಸೈ ಎನಿಸಿಕೊಂಡಿದ್ದಾರೆ.

ಇನ್ನು ಅಂಜನಾ ಕೈಹಿಡಿದಿರುವ ವರ ಇಸಾಯ್ ನಟ್ಟರ್ (Isai Natter) ಅವರು ವಿದೇಶದಲ್ಲಿ ನೆಲೆಸಿರುವ ಯಶಸ್ವಿ ಉದ್ಯಮಿಯಾಗಿದ್ದಾರೆ. ಮಾರ್ಕೆಟಿಂಗ್ ಮತ್ತು ಜಾಗತಿಕ ಬ್ರ್ಯಾಂಡಿಂಗ್ ಕ್ಷೇತ್ರದಲ್ಲಿ ಗುರುತಿಸಿಕೊಂಡಿರುವ ಇವರು, ಹಲವು ವರ್ಷಗಳಿಂದ ಅಂಜನಾ ಅವರ ಅತ್ಯಂತ ಆಪ್ತ ಸ್ನೇಹಿತರಾಗಿದ್ದರು. ಕಾಲಕ್ರಮೇಣ ಇವರ ನಡುವಿನ ಸ್ನೇಹವೇ ಗಾಢ ಪ್ರೀತಿಗೆ ತಿರುಗಿ, ಇದೀಗ 14 ವರ್ಷಗಳ ಸುದೀರ್ಘ ಒಡನಾಟ ಹಸೆಮಣೆ ಏರುವ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದೆ.

2024 ಜೂನ್ 10 ರಂದು ಹಿರಿಯ ಪುತ್ರಿ ಐಶ್ವರ್ಯಾ ಅವರ ಮದುವೆಯನ್ನು ಚೆನ್ನೈನಲ್ಲಿ ಅದ್ಧೂರಿಯಾಗಿ ನೆರವೇರಿಸಿದ್ದ ಅರ್ಜುನ್ ಸರ್ಜಾ, ಇದೀಗ ಎರಡನೇ ಪುತ್ರಿ ಅಂಜನಾ ಅವರ ಮದುವೆ ಮಾಡಿದ್ದಾರೆ. ಇಬ್ಬರೂ ಮುದ್ದಿನ ಹೆಣ್ಣುಮಕ್ಕಳನ್ನು ದಾಂಪತ್ಯ ಜೀವನಕ್ಕೆ ಹರಸಿ ಕಳುಹಿಸಿಕೊಟ್ಟಿರುವ ಅರ್ಜುನ್ ಸರ್ಜಾ ಮತ್ತು ನಿವೇದಿತಾ ದಂಪತಿಗೆ ಇದು ಅತ್ಯಂತ ಹೆಮ್ಮೆ ಹಾಗೂ ಭಾವುಕ ಕ್ಷಣವಾಗಿದೆ.

View this post on Instagram

A post shared by Anjana Arjun (@anj204)

Work from home: ಕರ್ನಾಟಕದಲ್ಲಿ ನಕಲಿ ವರ್ಕ್ ಫ್ರಮ್ ಹೋಮ್ ಜಾಲ; 600ಕ್ಕೂ ಹೆಚ್ಚು ಜನರಿಗೆ ವಂಚನೆ

Sushma Hegde — Sun, 25 Oct 2026 14:50:14 +0530

ಮನೆಯಲ್ಲೇ ಕುಳಿತು ಕೆಲಸ ಮಾಡಬೇಕು, ಕುಟುಂಬದ ಜವಾಬ್ದಾರಿಗಳನ್ನು ನಿಭಾಯಿಸುತ್ತಲೇ ಒಂದಿಷ್ಟು ಆದಾಯ ಗಳಿಸಬೇಕು ಎಂಬ ಆಸೆ ಹಲವರಿಗಿದೆ. ವಿಶೇಷವಾಗಿ ಗೃಹಿಣಿಯರು, ವಿದ್ಯಾರ್ಥಿಗಳು ಮತ್ತು ಉದ್ಯೋಗಕ್ಕಾಗಿ ಕಾಯುತ್ತಿರುವ ಯುವಜನರಿಗೆ ಮನೆಯಿಂದಲೇ ಕೆಲಸ ಮಾಡುವ ಅವಕಾಶಗಳು ಆಕರ್ಷಕವಾಗಿ ಕಾಣುತ್ತವೆ. ಇದನ್ನೇ ಬಂಡವಾಳವಾಗಿಸಿಕೊಂಡಿರುವ ಸೈಬರ್ ವಂಚಕರು ಇದೀಗ ನಕಲಿ ಉದ್ಯೋಗದ ಆಮಿಷವೊಡ್ಡಿ ಜನರನ್ನು ವಂಚಿಸುತ್ತಿದ್ದಾರೆ.

ಅಗರಬತ್ತಿ ಪ್ಯಾಕಿಂಗ್, ಕ್ಯಾಂಡಲ್ ತಯಾರಿಕೆ, ನೋಟ್‌ಬುಕ್‌ಗಳಲ್ಲಿ ಕೈಬರಹ ನಕಲು ಮಾಡುವುದು, ಡೇಟಾ ಎಂಟ್ರಿ ಹಾಗೂ ಸಣ್ಣಪುಟ್ಟ ವಸ್ತುಗಳ ಪ್ಯಾಕಿಂಗ್‌ನಂತಹ ಕೆಲಸಗಳನ್ನು ನೀಡುವುದಾಗಿ ಹೇಳಿ ತಿಂಗಳಿಗೆ ₹20,000ರಿಂದ ₹30,000ದವರೆಗೆ ಆದಾಯ ಗಳಿಸಬಹುದು ಎಂದು ನಂಬಿಸಲಾಗುತ್ತಿದೆ. ಸಾಮಾಜಿಕ ಮಾಧ್ಯಮ, ವಾಟ್ಸ್‌ಆ್ಯಪ್ ಗುಂಪುಗಳು ಮತ್ತು ನಕಲಿ ವೆಬ್‌ಸೈಟ್‌ಗಳ ಮೂಲಕ ಇಂತಹ ಜಾಹೀರಾತುಗಳು ಹರಿದಾಡುತ್ತಿವೆ.

ಮೊದಲು ಹಣ ಪಾವತಿಸಿ, ಆಮೇಲೆ ಕೆಲಸ ಶುರು; ಇದೇ ವಂಚಕರ ತಂತ್ರ!

ಈ ವಂಚನೆಯ ಜಾಲವು ಸಾಮಾನ್ಯವಾಗಿ ಒಂದೇ ರೀತಿಯ ತಂತ್ರವನ್ನು ಅನುಸರಿಸುತ್ತದೆ. ಮನೆಯಿಂದಲೇ ಕೆಲಸ ಮಾಡುವ ಅವಕಾಶವಿದೆ, ಯಾವುದೇ ವಿಶೇಷ ಅನುಭವದ ಅಗತ್ಯವಿಲ್ಲ, ಕೆಲವೇ ಗಂಟೆ ಕೆಲಸ ಮಾಡಿದರೆ ಸಾಕು ಎಂಬ ಆಮಿಷವೊಡ್ಡಲಾಗುತ್ತದೆ. ಆಸಕ್ತರು ಸಂಪರ್ಕಿಸಿದಾಗ ಕೆಲಸ ಆರಂಭಿಸಲು ಮೊದಲು ಸ್ವಲ್ಪ ಹಣ ಪಾವತಿಸಬೇಕು ಎಂದು ಹೇಳಲಾಗುತ್ತದೆ. ನೋಂದಣಿ ಶುಲ್ಕ, ಭದ್ರತಾ ಠೇವಣಿ, ತರಬೇತಿ ಶುಲ್ಕ ಅಥವಾ ಪ್ರೊಸೆಸಿಂಗ್ ಶುಲ್ಕದ ಹೆಸರಿನಲ್ಲಿ ಹಣ ಕೇಳಲಾಗುತ್ತದೆ. ಆರಂಭದಲ್ಲಿ ಮೊತ್ತ ಕಡಿಮೆ ಇರುವುದರಿಂದ ಅನೇಕರು ಅನುಮಾನಿಸದೆ ಹಣ ವರ್ಗಾಯಿಸುತ್ತಾರೆ.

ಹಣ ಪಾವತಿಸಿದ ಬಳಿಕ ಕೆಲವರಿಗೆ ನೇಮಕಾತಿದಾರರಿಂದ ಯಾವುದೇ ಪ್ರತಿಕ್ರಿಯೆ ಬರುವುದಿಲ್ಲ. ಇನ್ನೂ ಕೆಲವರಿಗೆ ಆರಂಭದಲ್ಲಿ ಸಣ್ಣಪುಟ್ಟ ಕೆಲಸಗಳನ್ನು ನೀಡಿ, ಅಲ್ಪ ಮೊತ್ತವನ್ನು ಪಾವತಿಸುವ ಮೂಲಕ ನಂಬಿಕೆ ಮೂಡಿಸಲಾಗುತ್ತದೆ. ಬಳಿಕ ಹೆಚ್ಚಿನ ಆದಾಯದ ಭರವಸೆ ನೀಡಿ ದೊಡ್ಡ ಮೊತ್ತವನ್ನು ಹೂಡಿಕೆ ಮಾಡುವಂತೆ ಪ್ರೇರೇಪಿಸಲಾಗುತ್ತದೆ. ಕೊನೆಗೆ ಹಣವೂ ಇಲ್ಲ, ಕೆಲಸವೂ ಇಲ್ಲ ಎಂಬ ಪರಿಸ್ಥಿತಿ ಎದುರಾಗುತ್ತದೆ.

ಬೆಂಗಳೂರಿನ ಸುತ್ತಮುತ್ತಲೂ ವಂಚನೆ; 600ಕ್ಕೂ ಹೆಚ್ಚು ಜನರಿಗೆ ಮೋಸ?

ಮನೆಯಿಂದಲೇ ಕೆಲಸ ನೀಡುವುದಾಗಿ ನಂಬಿಸಿ ಹಣ ವಸೂಲಿ ಮಾಡುತ್ತಿರುವ ಪ್ರಕರಣಗಳು ಕರ್ನಾಟಕದ ವಿವಿಧ ಜಿಲ್ಲೆಗಳಲ್ಲಿ ಬೆಳಕಿಗೆ ಬರುತ್ತಿವೆ. ವರದಿಗಳ ಪ್ರಕಾರ, ಬೆಂಗಳೂರಿನ ಹೊರವಲಯದಲ್ಲಿ ಅಗರಬತ್ತಿ ಮತ್ತು ಕ್ಯಾಂಡಲ್ ಪ್ಯಾಕಿಂಗ್ ಕೆಲಸ ನೀಡುವುದಾಗಿ ಹೇಳಿ 600ಕ್ಕೂ ಹೆಚ್ಚು ಜನರಿಂದ ಮುಂಗಡ ಹಣ ಪಡೆದು ವಂಚಿಸಿರುವ ಆರೋಪ ಕೇಳಿಬಂದಿದೆ.

ಹಾವೇರಿಯಲ್ಲಿಯೂ ನಕಲಿ ಗೃಹಾಧಾರಿತ ಪ್ಯಾಕಿಂಗ್ ಕೆಲಸಗಳ ಹೆಸರಿನಲ್ಲಿ ಕೋಟ್ಯಂತರ ರೂಪಾಯಿ ಸಂಗ್ರಹಿಸಿರುವ ಆರೋಪಗಳು ವರದಿಯಾಗಿವೆ. ಹೊಸಕೋಟೆ ಭಾಗದಲ್ಲಿಯೂ ಕೆಲಸದ ಆಸೆಗೆ ಹಣ ಪಾವತಿಸಿ ವಂಚನೆಗೆ ಒಳಗಾದ ಮಹಿಳೆಯರ ಬಗ್ಗೆ ದೂರುಗಳು ಕೇಳಿಬಂದಿವೆ.

ಇಂತಹ ಪ್ರಕರಣಗಳು ಹೆಚ್ಚುತ್ತಿದ್ದರೂ, ನಿಜವಾಗಿ ಎಷ್ಟು ಜನರು ವಂಚನೆಗೆ ಒಳಗಾಗಿದ್ದಾರೆ ಎಂಬುದನ್ನು ನಿಖರವಾಗಿ ಅಂದಾಜಿಸುವುದು ಕಷ್ಟವಾಗಿದೆ. ಏಕೆಂದರೆ, ಕಡಿಮೆ ಮೊತ್ತದ ಹಣ ಕಳೆದುಕೊಂಡವರು ದೂರು ನೀಡಲು ಹಿಂದೇಟು ಹಾಕುವ ಸಾಧ್ಯತೆಯಿದೆ. ಹಣ ವಾಪಸ್ ಸಿಗುವುದಿಲ್ಲ ಎಂಬ ಭಯ ಅಥವಾ ಮುಜುಗರದಿಂದಾಗಿ ಕೆಲವರು ಪ್ರಕರಣವನ್ನು ಪೊಲೀಸರ ಗಮನಕ್ಕೂ ತರುವುದಿಲ್ಲ.

ಮಹಿಳೆಯರು, ವಿದ್ಯಾರ್ಥಿಗಳು ಮತ್ತು ನಿರುದ್ಯೋಗಿಗಳೇ ವಂಚಕರ ಟಾರ್ಗೆಟ್

ಈ ವಂಚಕರು ಮುಖ್ಯವಾಗಿ ಹೆಚ್ಚುವರಿ ಆದಾಯ ಗಳಿಸಲು ಬಯಸುವವರನ್ನೇ ಗುರಿಯಾಗಿಸಿಕೊಳ್ಳುತ್ತಿದ್ದಾರೆ. ಮನೆಯ ಕೆಲಸಗಳ ಜೊತೆಗೆ ಹಣ ಸಂಪಾದಿಸಲು ಬಯಸುವ ಮಹಿಳೆಯರು, ಅರೆಕಾಲಿಕ ಉದ್ಯೋಗ ಹುಡುಕುತ್ತಿರುವ ವಿದ್ಯಾರ್ಥಿಗಳು ಮತ್ತು ಉದ್ಯೋಗಕ್ಕಾಗಿ ಕಾಯುತ್ತಿರುವ ಯುವಜನರು ಇಂತಹ ಜಾಹೀರಾತುಗಳಿಗೆ ಬೇಗ ಆಕರ್ಷಿತರಾಗುವ ಸಾಧ್ಯತೆಯಿದೆ.

ವರದಿಯಲ್ಲಿರುವ ದೊಡ್ಡಬಳ್ಳಾಪುರದ ಸಂತ್ರಸ್ತರೊಬ್ಬರು, ಪುಸ್ತಕ ಬರೆಯುವ ಕೆಲಸದ ಭರವಸೆಯಿಂದ ಹಣ ಪಾವತಿಸಿದ್ದಾಗಿ ತಿಳಿಸಿದ್ದಾರೆ. ಕೆಲಸ ಪೂರ್ಣಗೊಳಿಸಿದ ಬಳಿಕ ಪಾವತಿ ಪಡೆಯಲು ಸಂಘಟಕರನ್ನು ಸಂಪರ್ಕಿಸಲು ಪ್ರಯತ್ನಿಸಿದಾಗ ಅವರು ಪ್ರತಿಕ್ರಿಯಿಸುವುದನ್ನು ನಿಲ್ಲಿಸಿದ್ದರು. ಆಗ ತಾವು ವಂಚನೆಗೆ ಒಳಗಾಗಿರುವುದು ತಿಳಿಯಿತು ಎಂದು ಅವರು ಅಳಲು ತೋಡಿಕೊಂಡಿದ್ದಾರೆ.

ಮನೆಯಿಂದ ಕೆಲಸದ ಆಫರ್ ಬಂದರೆ ಈ ಎಚ್ಚರಿಕೆಗಳನ್ನು ಮರೆಯಬೇಡಿ

ನಕಲಿ ಉದ್ಯೋಗ ಜಾಹೀರಾತುಗಳಿಂದ ದೂರವಿರಲು ಉದ್ಯೋಗಾಕಾಂಕ್ಷಿಗಳು ಕೆಲವು ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವುದು ಅಗತ್ಯ.

- ಮುಂಗಡ ಹಣ ಪಾವತಿಸಬೇಡಿ: ಕೆಲಸ ನೀಡುವ ಮೊದಲು ನೋಂದಣಿ, ತರಬೇತಿ ಅಥವಾ ಭದ್ರತಾ ಠೇವಣಿಯ ಹೆಸರಿನಲ್ಲಿ ಹಣ ಕೇಳಿದರೆ ಎಚ್ಚರ ವಹಿಸಿ.

- ಕಂಪನಿಯ ವಿವರ ಪರಿಶೀಲಿಸಿ: ಕಂಪನಿಯ ಅಧಿಕೃತ ವೆಬ್‌ಸೈಟ್, ವಿಳಾಸ, ಸಂಪರ್ಕ ವಿವರ ಮತ್ತು ಉದ್ಯೋಗದ ಮಾಹಿತಿಯನ್ನು ಸ್ವತಂತ್ರವಾಗಿ ಪರಿಶೀಲಿಸಿ.

- ಅತಿಯಾದ ಸಂಬಳದ ಭರವಸೆಗೆ ಮರುಳಾಗಬೇಡಿ: ಕಡಿಮೆ ಸಮಯದ ಸರಳ ಕೆಲಸಕ್ಕೆ ಅಸಾಧಾರಣ ಆದಾಯದ ಭರವಸೆ ನೀಡಿದರೆ ಅನುಮಾನದಿಂದ ಪರಿಶೀಲಿಸಿ.

- ವೈಯಕ್ತಿಕ ಮತ್ತು ಬ್ಯಾಂಕ್ ವಿವರಗಳನ್ನು ಹಂಚಿಕೊಳ್ಳಬೇಡಿ: ಪರಿಶೀಲಿಸದ ವ್ಯಕ್ತಿಗಳಿಗೆ ಬ್ಯಾಂಕ್ ಮಾಹಿತಿ, ಒಟಿಪಿ ಅಥವಾ ಇತರ ಸೂಕ್ಷ್ಮ ವಿವರಗಳನ್ನು ನೀಡಬೇಡಿ.

- ವಂಚನೆ ನಡೆದರೆ ದೂರು ನೀಡಿ: ಹಣ ಕಳೆದುಕೊಂಡಿದ್ದರೆ ತಕ್ಷಣ ನಿಮ್ಮ ಬ್ಯಾಂಕ್ ಅನ್ನು ಸಂಪರ್ಕಿಸಿ, ಸೈಬರ್ ಅಪರಾಧ ಸಹಾಯವಾಣಿ 1930ಕ್ಕೆ ಕರೆ ಮಾಡಿ ಅಥವಾ ರಾಷ್ಟ್ರೀಯ ಸೈಬರ್ ಅಪರಾಧ ವರದಿ ಪೋರ್ಟಲ್ನಲ್ಲಿ ದೂರು ದಾಖಲಿಸಿ.

ಜನಪ್ರಿಯ ಶೆಫ್, ಪದ್ಮಶ್ರಿ ಪ್ರಶಸ್ತಿ ಪುರಸ್ಕೃತ ದಾಮು ಅಲಿಯಾಸ್ ದಾಮೋದರನ್ ನಿಧನ, ಗಣ್ಯರಿಂದ ಸಂತಾಪ

Chethan Kumar — Sun, 25 Oct 2026 14:25:00 +0530

ಚೆನ್ನೈ (ಅ.25) ಅಸಾಧ್ಯ ಕುಕಿಂಗ್ ಸ್ಕಿಲ್, ಟಿವಿ ಕಾರ್ಯಕ್ರಮಗಳ ಮೂಲಕ ಅತ್ಯಂತ ಜನಪ್ರಿಯರಾಗಿರುವ ಖ್ಯಾತ ಶೆಪ್ ದಾಮು ಅಲಿಯಾಸ್ ದಾಮೋದರ್ ಕೋದಂಡರಾಮನ್ ನಿಧನರಾಗಿದ್ದಾರೆ. ಪದ್ಮಶ್ರಿ ಪ್ರಶಸ್ತಿ ಪುರಸ್ಕೃತ ಶೆಫ್ ದಾಮು ಅನಾರೋಗ್ಯದಿಂದ ನಿಧನರಾಗಿದ್ದಾರೆ. ಕಳೆದ ಕೆಲ ದಿನಗಳಿಂದ ದಾಮು ಆರೋಗ್ಯ ಬಿಗಡಾಯಿಸಿತ್ತು. ಇಂದು ಚೆನ್ನೈನಲ್ಲಿ ನಿಧನರಾಗಿದ್ದಾರೆ. ದಾಮು ನಿಧನ ಸುದ್ದಿ ಹೊರಬೀಳುತ್ತಿದ್ದಂತೆ ಕುಕಿಂಗ್ ಕ್ಷೇತ್ರದ ದಿಗ್ಗಜರು, ಹಲವು ಗಣ್ಯರು ಸಂತಾಪ ಸೂಚಿಸಿದ್ದಾರೆ.

25ಕ್ಕೂ ಹೆಚ್ಚು ಪುಸ್ತಕ ಪ್ರಕಟಿಸಿದ್ದ ದಾಮು ಅಪ್ಪ

ಕುಕ್ ವಿತ್ ಕೋಮಾಲಿ ರಿಯಾಲಿಟಿ ಶೋ ಮೂಲಕ ದಾಮು ಅತ್ಯಂತ ಜನಪ್ರಿಯರಾಗಿದ್ದರು. ದೇಶದಲ್ಲೇ ಶೆಫ್ ದಾಮು ಜನಪ್ರಿಯರಾಗಿದ್ದರು. 25ಕ್ಕೂ ಹೆಚ್ಚು ಪುಸ್ತಕ ಬರೆದಿರುವ ದಾಮು ಅಗಲಿಕೆಗೆ ನೋವನ್ನು ಮತ್ತೊರ್ವ ಖ್ಯಾತ ಶೆಫ್ ವೆಂಕಟೇಶ್ ಭಟ್ ಹಂಚಿಕೊಂಡಿದ್ದಾರೆ. ಸಾಂಪ್ರಾದಾಯಿಕ ತಮಿಳು ಅಡುಗೆಯನ್ನು ವಿಶ್ವ ಮಟ್ಟಕ್ಕೆ ಕೊಂಡೊಯ್ದು ಪ್ರಚಾರ ಮಾಡಿದ ಹಾಗೂ ತಮಿಳು ನಾಡಿನ ವಿಶೇಷ ಖಾದ್ಯ, ಭಾರತದ ಪಾಕ ಪರಂಪರೆಯನ್ನು ಜಗತ್ತಿಗೆ ಸಾರಿದ ಕೆಲವೇ ಕೆಲವು ಶೆಫ್ ಪೈಕಿ ದಾಮು ಕೂಜ ಒಬ್ಬರಾಗಿದ್ದಾರೆ ಎಂದು ವಂಕಟೇಶ್ ಭಟ್ ಹೇಳಿದ್ದಾರೆ.

ಭಾರತೀಯ ಅಡುಗೆಯನ್ನು ಸರಳವಾಗಿ, ಸುಲಭವಾಗಿ, ಸಂಪ್ರದಾಯಬದ್ಧವಾಗಿ ಹಾಗೂ ಶುಚಿಯಾಗಿ ಜನರಿಗೆ ತಲುಪಿಗೆ ಮೇರು ವ್ಯಕ್ತಿತ್ವ ಎಂದು ಹಲವರು ದಾಮು ಅವರ ಕೊಡುಗೆಯನ್ನು ಸ್ಮರಿಸಿದ್ದಾರೆ. ದಾಮು ಪಾಕ ಕ್ಷೇತ್ರದಲ್ಲಿ ನೀಡಿದ ಕೊಡುಗೆ ಅಪಾರ. ಅವರ ಸಲಹೆಗಳು, ಪಾಕ ವಿಧಾನ ಅಡುಗಮನೆಯಲ್ಲಿ ನಿರಂತವಾಗಲಿ ಸಾಗಲಿದೆ ಎಂದು ಹಲವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಹೊಟೆಲ್ ಮ್ಯಾನೇಜ್‌ಮೆಂಟ್ ಪದವಿ ಬಳಿಕ ಪ್ರವಾಸೋದ್ಯ ಇಲಾಖೆಯಲ್ಲಿ ಸೇವೆ ಆರಂಭಿಸಿದ ದಾಮು, ತಮ್ಮ ಆಸಕ್ತಿಯ ಕುಕಿಂಗ್ ಕ್ಷೇತ್ರಕ್ಕೆ ಮರಳಲು ಕಾತರಗೊಂಡಿದ್ದರು. ಹೀಗಾಗಿ 2004ರಲ್ಲಿ ಮದ್ರಾಸ್ ವಿಶ್ವವಿದ್ಯಾಲಯದಿಂದ ಹೊಟೆಲ್ ಮ್ಯಾನೇಜ್‌ಮೆಂಟ್ ಹಾಗೂ ಕ್ಯಾಟರಿಂಗ್ ಕ್ಷೇತ್ರದಲ್ಲಿ ಪಿಹೆಚ್‌ಡಿ ಪದವಿ ಪೂರೈಸಿದರು. ಈ ಸಾಧನೆ ಮಾಡಿದ ಭಾರತದ ಮೊದಲ ಶೆಫ್ ಅನ್ನೋ ಹೆಗ್ಗಳಿಕೆಗೂ ದಾಮು ಪಾತ್ರರಾಗಿದ್ದಾರೆ. ತಮಿಳುನಾಡಿನ ಶಾಲೆಗಳಲ್ಲಿ ಮಕ್ಕಳ ಮಧ್ಯಾಹ್ನದ ಊಟದ ವ್ಯವಸ್ಥೆಯಲ್ಲಿ ಸುಧಾರಣೆಗೆ ಸಲಹೆ, 1.4 ಲಕ್ಷ ಕಾರ್ಮಿಕರಿಗೆ ತರಬೇತಿ ಸೇರಿದಂತೆ ಹಲವು ಸಾಮಾಜಿಕ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿದ್ದರು.

ದಾಮು ಅಪ್ಪ ಎಂದೇ ಗುರುತಿಸಿಕೊಂಡಿದ್ದ ದಾಮೋದರನ್ ದೇಶಾದ್ಯಂತ ಅಭಿಮಾನಿ ಬಳಗ ಹೊಂದಿದ್ದರು. ಒಬ್ಬ ಶೆಫ್ ಈ ಮಟ್ಟಿಗೆ ಜನಪ್ರಿಯರಾಗಬಹುದು ಅನ್ನೋದು ತೋರಿಸಿಕೊಟ್ಟಿದ್ದೆ ದಾಮು ಅನ್ನೋ ಮಾತಿದೆ.

ತಂದೆ ಹೆಸರಿನ ಗೊಂದಲದಲ್ಲಿ ಜಿರಳೆ ಲೀಡರ್ ಸೌರವ್ ದಾಸ್: SIR ವಿರೋಧದ ಕಾರಣ ಹೆಕ್ಕಿ ತೆಗೆದರು- ಅಪ್ಪ ಯಾರು

Suchethana D — Sun, 25 Oct 2026 14:14:57 +0530

ಮುಂಬೈ: ಕಾಕ್ರೋಚ್ ಜನತಾ ಪಕ್ಷ (CJP)ಯ ಸಂಸ್ಥಾಪಕ ಅಭಿಜೀತ್ ದೀಪ್ಕೆ ಇದಾಗಲೇ ಪ್ರತಿಭಟನೆಯ ಮುಂದಾಳತ್ವ ವಹಿಸಿದೋನು ನಾನಲ್ಲ, ಅದೇನಿದ್ದರೂ ಸೌರವ್ ದಾಸ್ ಮತ್ತು ಅಶುತೋಷ್ ರಾಂಕಾ ಎಂದು ವಿಡಿಯೋ ಮಾಡುವ ಮೂಲಕ ನುಣುಚಿಕೊಳ್ಳುವ ಯತ್ನ ಮಾಡಿರುವುದು ಇದಾಗಲೇ ಸಾಕಷ್ಟು ಟ್ರೋಲ್ ಆಗಿದೆ. ದೆಹಲಿಯಲ್ಲಿ ನಡೆದ ಘಟನೆಯ ತನಿಖೆಯನ್ನು ಕ್ರೈಂಬ್ರ್ಯಾಂಚ್ನವರು ವಹಿಸಿಕೊಂಡ ಬೆನ್ನಲ್ಲೇ ದೀಪ್ಕೆ ವಿಡಿಯೋ ಮಾಡಿ, ಉಳಿದಿಬ್ಬರ ಹೆಸರು ಹೇಳಿ ನಾನು ಅವರು ಹೇಳಿದಂತೆ ಕೇಳುವವ ಅಷ್ಟೇ ಅಂದಿದ್ದಾರೆ! ಇದೇ ಘಟನೆಗೆ ಸಂಬಂಧಿಸಿದಂತೆ ದೀಪ್ಕೆ ಹೊರಕ್ಕೆ ಇದ್ದರೆ, ಸೌರವ್ ದಾಸ್ ಮತ್ತು ಅಶುತೋಷ್ ರಾಂಕಾ ಅವರು ಏಳು ದಿನ ನ್ಯಾಯಾಂಗ ಬಂಧನದಲ್ಲಿ ಇದ್ದರು.

ಈ ಮಧ್ಯೆ, ಸೌರವ್ ದಾಸ್ ಅವರಿಗೆ ಜಾಮೀನು ನೀಡಲು ನಿರಾಕರಿಸಿದ್ದರ ಹಿಂದಿರುವ ಕೋರ್ಟ್ ಆದೇಶದ ಪ್ರತಿ ಇದೀಗ ವೈರಲ್ ಆಗಿದೆ. ಇದಕ್ಕೆ ಕಾರಣ, ಅರ್ಜಿಯಲ್ಲಿ ಕೆಲವೊಂದು ಲೋಪ ಇರುವುದು ಒಂದೆಡೆಯಾದರೆ, ಅವರು ತಮ್ಮ ತಂದೆಯ ಹೆಸರನ್ನು ಸರಿಯಾಗಿ ನೀಡಲು ಸೌರವ್ ದಾಸ್ ವಿಫಲವಾಗಿರುವುದು ಎಂದು ಬರೆಯಲಾಗಿದೆ. ಎಸ್‌ಇಎಂ ನ್ಯಾಯಾಲಯದ ದಾಖಲೆಗಳಿಗಾಗಿ ಸೌರವ್ ಅವರು ತಂದೆಯ ಹೆಸರು ಮತ್ತು ವಿಳಾಸವನ್ನು ನೀಡಲು ಸಾಧ್ಯವಾಗದಿದ್ದಾಗ ಬಹಳಷ್ಟು ತೊಂದರೆಗೆ ಸಿಲುಕಿದರು. ಕೊನೆಗೂ ಅವರು ದೆಹಲಿಯ ಒಂದು ಅಡ್ರೆಸ್ ಕೊಟ್ಟು ತಂದೆಯ ಹೆಸರನ್ನು ಸುಬೀರ್ ದಾಸ್ ಎಂದು ಬರೆದರು.

ಆದರೆ ಸಮಸ್ಯೆ ಶುರುವಾಗಿದ್ದು, ಅಲ್ಲಿಂದಲೇ, 2023 ರ ಮದ್ರಾಸ್ ಹೈಕೋರ್ಟ್ ಆದೇಶದ ಪ್ರತಿಯೊಂದರಲ್ಲಿ ಸೌರವ್ ಅವರು ಸೀಮಾ ಛೆಟ್ರಿ ಅವರ ಪುತ್ರ ಎಂದು ಉಲ್ಲೇಖಿಸುತ್ತದೆ. ಅಲ್ಲಿ ಪಾಂಡಿಚೇರಿ ವಿಳಾಸ ನೀಡಲಾಗಿದೆ. ಇದೀಗ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ.

ಹಾಗಾದರೆ ಸತ್ಯವೇನು?

ಸದ್ಯ ಎಲ್ಲೆಡೆ ಹರಿದಾಡುತ್ತಿರುವ ಮಾಹಿತಿಯ ಪ್ರಕಾರ, ಸೌರವ್ ದಾಸ್ ಅವರು "ಪ್ರಮುಖ ರಾಜಕಾರಣಿ"ಯ ಮಗ ಎಂದು ಹೇಳಲಾಗುತ್ತದೆ. ಅವರ ಹೆತ್ತ ತಂದೆಯ ಹೆಸರು ಸದ್ಯ ಬೆಳಕಿಗೆ ಬಂದಿಲ್ಲ. ವಾಸ್ತವವೆಂದರೆ ಅವರ ತಂದೆ ನೇಪಾಳಿಯಾಗಿದ್ದು, ಸೌರವ್ 3 ವರ್ಷದವನಿದ್ದಾಗ ಅವರನ್ನು ತ್ಯಜಿಸಿದ್ದರು. ಕೆಲವು ವರ್ಷಗಳ ನಂತರ, ಅವರ ತಾಯಿ ಸುಬೀರ್ ದಾಸ್ ಅವರನ್ನು ಭೇಟಿಯಾಗಿ ಅವರ ಜೊತೆ ನೆಲೆಸಿದ್ದಾರೆ. ಸುಬೀರ್ ಸೌರವ್ ಅವರು ಸೌರವ್ ಅವರನ್ನು ಕಾನೂನುಬದ್ಧವಾಗಿ ದತ್ತು ಪಡೆದಿಲ್ಲ. ಆದರೆ ಸೌರವ್ ಅವರು ದಾಸ್ ಎನ್ನುವ ಸರ್ನೇಮ್ನಿಂದ ಗುರುತಿಸಿಕೊಳ್ಳುತ್ತಿದ್ದಾರೆ. ಇದೇ ಕಾರಣಕ್ಕೆ ಕೆಲವು ಕಡೆಗಳಲ್ಲಿ ತಾಯಿಯ ಹೆಸರು ಸೂಚಿಸುತ್ತಿದ್ದಾರೆ. ಆಗಿದ್ದು ಇಷ್ಟೇ. ಆದರೆ ಇದೇ ಈಗ ಬಹುದೊಡ್ಡ ಪ್ರಮಾಣದಲ್ಲಿ ಚರ್ಚೆಯಾಗುತ್ತಿದೆ ಅಷ್ಟೇ.

ನೇಪಾಳದಿಂದ ಭಾರತಕ್ಕೆ ದಿಢೀರ್ ಬಂದ ಅಮ್ಮ

2019 ರಲ್ಲಿ CAA/NRC ಜಾರಿಗೆ ಬರುವವರೆಗೂ, ಸೀಮಾ ಛೆಟ್ರಿ ತಮ್ಮನ್ನು ನೇಪಾಳಿ ಎಂದು ಹೆಮ್ಮೆಯಿಂದ ಗುರುತಿಸಿಕೊಳ್ಳುತ್ತಿದ್ದರು. CAA/NRC ನಂತರ, ಅವರ ಮೂಲ ಸ್ಥಳವು ನಿಗೂಢವಾಗಿ ಪಶ್ಚಿಮ ಬಂಗಾಳದ ಸಿಲಿಗುರಿಗೆ ಬದಲಾಯಿತು. ಇದು ಸೌರವ್ ಅವರನ್ನು ಸ್ವಲ್ಪ ಮಟ್ಟಿಗೆ ಗೊಂದಲಕ್ಕೀಡು ಮಾಡುತ್ತಿದೆ ಎಂದೂ ಹೇಳಲಾಗುತ್ತಿದೆ. ಅವರ ಜೈವಿಕ ಪೋಷಕರು ಇಬ್ಬರೂ ನೇಪಾಳಿ ಮೂಲದವರು ಎಂದು ಕಂಡುಬಂದರೆ, ಅವರು ಭಾರತದಲ್ಲಿ ಜನಿಸಿದರೂ ಸಹ, ಅವರು ಭಾರತೀಯ ಪ್ರಜೆಯಾಗುವುದಿಲ್ಲ. ಭಾರತೀಯ ಕಾನೂನಿನ ಪ್ರಕಾರ, 1987 ಮತ್ತು 2004 ರ ನಡುವೆ ಭಾರತದಲ್ಲಿ ಜನಿಸಿದ ವ್ಯಕ್ತಿಯು ಸ್ವಯಂ ಆಗಿ ಭಾರತೀಯ ಪ್ರಜೆಯಾಗುತ್ತಾನೆ, ಅವರ ಜೈವಿಕ ಪೋಷಕರಲ್ಲಿ ಕನಿಷ್ಠ ಒಬ್ಬರು ಭಾರತೀಯ ಪ್ರಜೆಯಾಗಿದ್ದರೆ ಮಾತ್ರ.

ಸೌರವ್ ದಾಸ್ 2000 ರಲ್ಲಿ ಜನಿಸಿದ ಕಾರಣ, ಈ ಸಂಗತಿ (ನಿಜವಾಗಿದ್ದರೆ) ಅವರು ಭಾರತೀಯ ಪ್ರಜೆ ಆಗುವುದಿಲ್ಲ. ಮತ್ತು ಇದು ಅವರ ಜೀವನವನ್ನು ಕಷ್ಟಕರವಾಗಿಸಬಹುದು. ಅವರು ಆರಂಭದಲ್ಲಿ RTI ಕಾರ್ಯಕರ್ತನಾಗಿ ಖ್ಯಾತಿಯನ್ನು ಗಳಿಸಿದ್ದರಿಂದ ಮತ್ತು ಈಗ ರಾಜಕೀಯ ಸವಾಲುಗಳನ್ನು ಎದುರಿಸುತ್ತಿರುವುದರಿಂದ ಅವರಿಗೆ ಇನ್ನೂ ಹೆಚ್ಚಿನ ಕಷ್ಟವಾಗಬಹುದು. ಆದರೆ ಈ ಬಗ್ಗೆ ಎಲ್ಲಿಯೂ ಅಧಿಕೃತಪಟ್ಟಿಲ್ಲ ಎನ್ನುವುದು ಕೂಡ ಗಮನಿಸಬೇಕಾದ ಅಂಶ.

ಸ್ಟಿಂಗ್ ಆಪರೇಷನ್, ಆರೆಸ್ಸೆಸ್, ರಾಹುಲ್ ಗಾಂಧಿ ಸೀಕ್ರೆಟ್ ವಿದೇಶ ಪ್ರವಾಸ... ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಮಹತ್ವದ ಹೇಳಿಕೆ!

Ravi Janekal — Sun, 25 Oct 2026 14:12:30 +0530

ಹುಬ್ಬಳ್ಳಿ (ಅ.25): ರಾಜ್ಯದಲ್ಲಿ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ವಿರುದ್ಧ ನಡೆದಿದೆ ಎನ್ನಲಾದ ಸ್ಟಿಂಗ್ ಆಪರೇಷನ್‌ನಿಂದಾಗಿ ಕಾಂಗ್ರೆಸ್ ಪಕ್ಷದೊಳಗೆ ಕೋಲಾಹಲ ಸೃಷ್ಟಿಸಿದ್ದಾರೆ. ಸಿದ್ದರಾಮಯ್ಯ 'ಇದು ನಮ್ಮ ಸರ್ಕಾರವಲ್ಲ' ಎಂದು ಅಸಮಾಧಾನಗೊಂಡಿದ್ದಾರೆ. ಇನ್ನೊಂದೆ ಆರೆಸ್ಸೆಸ್ ಪಥಸಂಚಲನ ವಿಚಾರದಲ್ಲಿ ಗೃಹ ಸಚಿವ ಪ್ರಿಯಾಂಕ್ ಖರ್ಗೆ ಮತ್ತೆ ಸುದ್ದಿಯಲ್ಲಿದ್ದಾರೆ. ಈ ಎರಡೂ ವಿಚಾರಗಳಿಗೆ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಅವರು ಹುಬ್ಬಳ್ಳಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಸ್ಟಿಂಗ್ ಆಪರೇಷನ್, ಆರೆಸ್ಸೆಸ್ ಪಥಸಂಚಲನ ಕುರಿತಾಗಿ ಏನು ಹೇಳಿದರೂ ನೋಡೋಣ.

ಸ್ಟಿಂಗ್ ಆಪರೇಷನ್ ಸೂತ್ರಧಾರಿಯನ್ನ ಮೊದಲು ಬಂಧಿಸಿ

ಸ್ಟಿಂಗ್ ವಿಚಾರದಲ್ಲಿ ರಾಜ್ಯ ಸರ್ಕಾರ ಇಬ್ಬಗೆ ನೀತಿ ಅನುಸರಿಸುತ್ತಿದೆ. ವಿಡಿಯೋ ಶೇರ್ ಮಾಡಿದವರನ್ನು ಬಂಧಿಸಿದೆ. ಇನ್ನು ಕೆಲವರನ್ನ ಬಂಧಿಸುವ ಯತ್ನ ನಡೆಯುತ್ತಿದೆ. ಸ್ಟಿಂಗ್ ಆಪರೇಷನ್ ನಡೆಸಿರೋದು ಸ್ವಪಕ್ಷದವರೇ ಎಂದು ಯತೀಂದ್ರ ಸಿದ್ದರಾಮಯ್ಯ ಹೇಳಿದ್ದಾರೆ. ಕಾಂಗ್ರೆಸ್‌ನ ಮಹಿಳಾ ಮುಖಂಡರೊಬ್ಬರಿಗೆ ಪೊಲೀಸರು ಶೋಕಾಸ್ ನೋಟಿಸ್ ನೀಡಿದ್ದಾರೆ. ಆದರೆ ಸ್ಟಿಂಗ್ ಆಪರೇಷನ್ ಮೂಲ ಸೂತ್ರಧಾರಿಯನ್ನು ಬಂಧಿಸಿಲ್ಲ ಇದು ಕಾಂಗ್ರೆಸ್‌ನ ಡಬಲ್ ಸ್ಟಾಂಡರ್ಡ್ ನೀತಿ ತೋರಿಸುತ್ತಿದೆ. ಮೊದಲು ಆ ಸೂತ್ರಧಾರಿಯನ್ನ ಬಂಧಿಸಿ ಎಂದು ಆಗ್ರಹಿಸಿದರು.

ಸಿದ್ದರಾಮಯ್ಯರನ್ನ ಅವಮಾನಿಸಲು, ಅವರ ತೇಜೋವಧೆ ಮಾಡಲು ಪಕ್ಕಾ ಪ್ಲಾನ್ ಮಾಡಿದವರು ಯಾರು? ಎಂದು ಪ್ರಶ್ನಿಸಿದ ಸಚಿವರು, ವೀಡಿಯೋ ದಲ್ಲಿ ಕಾಣಿಸಿಕೊಂಡ ಮಹಿಳೆ ಯೂ ಟರ್ನ್ ವಿಚಾರದ ಬಗ್ಗೆಯೂ ಪ್ರಸ್ತಾಪಿಸಿ, ಆ ಮಹಿಳೆಗೆ ಈಗ ಸೂತ್ರಧಾರಿಗಳು ಏನು ಹೇಳಿಕೊಟ್ಟಿದ್ದಾರೋ ಅದನ್ನು ಹೇಳಿರುತ್ತಾಳೆ. ಬೋಗಸ್ ಹೊಸ ಕಥೆ ಕಟ್ಟಿ ಹಳೆಯ ಪ್ರಕರಣ ಮುಚ್ಚಿಹಾಕಲು ಸಾಧ್ಯವಿಲ್ಲ. ಹಾಗಾದ್ರೆ ಈ ಹಿಂದೆ ಈ ಮಹಿಳೆಯೇ ಯಾಕೆ ಹಾಗೆ ಹೇಳಿದ್ದರು? ಈಗ್ಯಾಕೆ ಯುಟರ್ನ್ ಹೇಳಿಕೆ ನೀಡುತ್ತಿದ್ದಾಳೆ? ಇದೆಲ್ಲವೂ ತನಿಖೆಯಾಗಬೇಕು ಎಂದು ಆಗ್ರಹಿಸಿದರು.

ಕಾಂಗ್ರೆಸ್‌ ಸರ್ಕಾರದಿಂದ ದ್ವೇಷದ ರಾಜಕಾರಣ: ಪ್ರಲ್ಹಾದ್ ಜೋಶಿ ಕಿಡಿ

ಆರೆಸ್ಸೆಸ್ ವಿಚಾರದಲ್ಲಿ ಕಾಂಗ್ರೆಸ್ ಸರ್ಕಾರ ದ್ವೇಷದ ರಾಜಕಾರಣ ಮಾಡುತ್ತಿದೆ. ಪಥಸಂಚಲನಕ್ಕೆ ಕೆಲವೆಡೆ ಅನುಮತಿ ನೀಡಿಲ್ಲ. ನೀತಿ ಸಂಹಿತೆ ನೆಪ ಹೇಳಲಾಗಿದೆ. ಆದರೆ ಚುನಾವಣೆ ನೀತಿ ಸಂಹಿತೆ ಇದ್ದರೂ ಹುಬ್ಬಳ್ಳಿಯಲ್ಲಿ ಅನುಮತಿ ನೀಡಿದ್ದಾರೆ. ಆರೆಸ್ಸೆಸ್ ಪಥಸಂಚಲನ ಇಂದು ನಿನ್ನೆಯದಲ್ಲ, ಕಳೆದ 70 ವರ್ಷಗಳಿಂದಲೂ ದೇಶಾದ್ಯಂತ ಪಥಸಂಚಲನ ನಡೆದಿದೆ. ಬೇರೆಯವರಿಗೆ ಸಹಿಷ್ಣು ಪಾಠ ಮಾಡುವ ಕಾಂಗ್ರೆಸ್ ವಾಸ್ತವದಲ್ಲಿ ಅದೇ ಪಕ್ಷವೇ ದ್ವೇಷದ ರಾಜಕಾರಣ ಮಾಡುತ್ತಿದೆ. ಪಥಸಂಚಲನಕ್ಕೆ ಕಳೆದ ಬಾರಿಯೂ ಅಡ್ಡಿಪಡಿಸಿದ್ದರು. ಈ ಬಾರಿಯೂ ಕೋಡ್ ಆಫ್ ಕಂಡಕ್ಟ್ ಅಂತ ಅನೇಕ ಕಡೆ ಕಾರಣ ನೀಡಿ ಅನುಮತಿ ನೀಡಿಲ್ಲ. ಆದರೆ ಹುಬ್ಬಳ್ಳಿಯಲ್ಲಿ ಇವತ್ತು ಪಥಸಂಚಲನ ಇದೆ. ಇಲ್ಲಿ ಚುನಾವಣೆಯೂ ನಡೆದಿದೆ. ಆದರೂ ಇಲ್ಲಿನ ಪೊಲೀಸರು ಅನುಮತಿ ನೀಡಿದ್ದಾರೆ ಎಂದರು.

ಸ್ಟಿಂಗ್ ವಿಷಯ ಡೈವರ್ಟ್ ಮಾಡಲು ಆರೆಸ್ಸೆಸ್ ವಿಚಾರ ಮುನ್ನಲೆಗೆ

ಕಾಂಗ್ರೆಸ್ ಸರ್ಕಾರ ಸ್ಟಿಂಗ್ ವಿಚಾರವನ್ನು ಡೈವರ್ಟ್ ಮಾಡಲು ಆರೆಸ್ಸೆಸ್ ವಿಚಾರ ಎಳೆದು ತರುವ ಪ್ರಯತ್ನ ಮಾಡ್ತಿದೆ. ಸ್ಟಿಂಗ್ ಹಿಂದೆ ಯಾರಿದ್ದಾರೆ? ನಿಮ್ಮದೇ ಪಕ್ಷದ ನಾಯಕರು. ಇದನ್ನ ಯತೀಂದ್ರ ಅವರೇ ಓಪನ್ ಆಗಿ ಹೇಳಿದ್ದಾರೆ. ಇದರಿಂದ ಗೊತ್ತಾಗುತ್ತಿದೆ ಕಾಂಗ್ರೆಸ್‌ನಲ್ಲಿ ಬೆಂಕಿ ಹೊತ್ತಿಕೊಂಡು ಉರಿಯುತ್ತಿದೆ. ಈಗ ಇವರ ಪರಿಸ್ಥಿತಿ ಹೇಗಾಗಿದೆ ಎಂದರೆ ಜ್ವಾಲಾಮುಖಿ ಕೆಳಗೆ ಕುಳಿತಂತಾಗಿದೆ. ಹೀಗಾಗಿ ಸ್ಟಿಂಗ್ ವಿಚಾರ ಡೈವರ್ಟ್ ಮಾಡಲು ಈ ರೀತಿ ಮಾಡ್ತಿದ್ದಾರೆ ಎಂದು ಆರೋಪಿಸಿದರು.

ಇನ್ನು ರಾಹುಲ್ ಗಾಂಧಿ ವಿದೇಶಕ್ಕೆ ಹಾರಿದ ವಿಚಾರ ಪ್ರಸ್ತಾಪಿಸಿದ ಸಚಿವರು, ರಾಹುಲ್ ಗಾಂಧಿ ಸೋಲಿನ ಸೆಂಚುರಿ ಬಾರಿಸಿದ್ದಾರೆ. ದೆಹಲಿ ಪ್ರತಿಭಟನೆ ವಿಫಲವಾಗುತ್ತಿದ್ದಂತೆ ರಾಹುಲ್ ಗಾಂಧಿ ವಿದೇಶಕ್ಕೆ ಹೋಗಿದ್ದಾರೆ. ಅವರು ಎಲ್ಲಿ ಹೋಗಿದ್ದಾರೆ, ಯಾಕೆ ಹೋಗಿದ್ದಾರೆ ಅಂತಾ ಯಾರಿಗೂ ಗೊತ್ತಿಲ್ಲ. ಸಿಕ್ರೇಟ್ ಆಗಿ ಎಲ್ಲಿ ಹೋಗ್ತಿದ್ತಾರೆ, ಯಾರನ್ನು ಭೇಟಿ ಮಾಡ್ತಿದ್ದಾರೆ? ವಿರೋಧ ಪಕ್ಷದ ನಾಯಕರಾಗಿ ಹೊಣೆಗಾರಿಕೆ ಇಲ್ಲದೆ ಇದನ್ನೆಲ್ಲ ಅವರು ಯಾಕೆ ಮಾಡುತ್ತಿದ್ದಾರೆ. ಹೋಗಿರುವ ವಿವರಗಳನ್ನೆಲ್ಲ ಯಾಕೆ ಮುಚ್ಚಿಡುತ್ತಿದ್ದಾರೆ.? ಎಂದು ಪ್ರಶ್ನಿಸಿದರು.

Phone charging mistakes: ಮೊಬೈಲ್ ಹಾಳಾಗಲು ದೊಡ್ಡ ಕಾರಣ ಬೇಕಿಲ್ಲ; ನೀವು ಮಾಡುವ ಈ ಸಣ್ಣ ತಪ್ಪುಗಳೇ ಸಾಕು!

Sushma Hegde — Sun, 25 Oct 2026 13:34:50 +0530

ನಾವು ಪ್ರತಿದಿನ ಮೊಬೈಲ್ ಫೋನ್ ಬಳಸುತ್ತೇವೆ. ಕರೆ ಮಾಡುವುದು, ಮೆಸೇಜ್ ಕಳುಹಿಸುವುದು, ಫೋಟೋ ತೆಗೆಯುವುದು, ವಿಡಿಯೋ ನೋಡುವುದು ಸೇರಿದಂತೆ ಬಹುತೇಕ ಎಲ್ಲ ಕೆಲಸಗಳಿಗೂ ಸ್ಮಾರ್ಟ್‌ಫೋನ್ ಬೇಕೇ ಬೇಕು. ಆದರೆ, ಮೊಬೈಲ್ ಬಳಸುವಾಗ ಅದರ ಸರಿಯಾದ ಆರೈಕೆಯ ಬಗ್ಗೆ ಹೆಚ್ಚಿನವರು ಗಮನ ಹರಿಸುವುದಿಲ್ಲ. ನಮ್ಮ ಕೆಲವು ಸಣ್ಣ ಅಭ್ಯಾಸಗಳೇ ಫೋನ್‌ನ ಬ್ಯಾಟರಿ ಸಾಮರ್ಥ್ಯ ಕಡಿಮೆಯಾಗಲು ಕಾರಣವಾಗಬಹುದು.

1. ಬಿಸಿಲಿನಲ್ಲಿ ಮೊಬೈಲ್ ಇಡುವ ಅಭ್ಯಾಸ

ಕೆಲವರು ಕಾರಿನ ಡ್ಯಾಶ್‌ಬೋರ್ಡ್ ಮೇಲೆ ಅಥವಾ ಕಿಟಕಿಯ ಪಕ್ಕದಲ್ಲಿ ನೇರ ಬಿಸಿಲು ಬೀಳುವ ಜಾಗದಲ್ಲಿ ಮೊಬೈಲ್ ಇಡುತ್ತಾರೆ. ಸ್ವಲ್ಪ ಸಮಯ ಇಟ್ಟರೆ ಏನೂ ಆಗುವುದಿಲ್ಲ ಎಂದುಕೊಳ್ಳಬಹುದು. ಆದರೆ, ಅತಿಯಾದ ಬಿಸಿಯು ಮೊಬೈಲ್‌ನ ಬ್ಯಾಟರಿ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಪದೇಪದೇ ಹೆಚ್ಚಿನ ತಾಪಮಾನಕ್ಕೆ ಒಡ್ಡಿಕೊಳ್ಳುವುದರಿಂದ ಬ್ಯಾಟರಿ ಸಾಮರ್ಥ್ಯ ಕುಸಿಯುವ ಸಾಧ್ಯತೆಯಿದೆ. ವಿಶೇಷವಾಗಿ ಬಿಸಿಲಿನಲ್ಲಿ ನಿಲ್ಲಿಸಿರುವ ಕಾರಿನೊಳಗೆ ಮೊಬೈಲ್ ಬಿಟ್ಟು ಹೋಗುವುದು ಅಪಾಯಕಾರಿ.

2. ದಿಂಬಿನ ಕೆಳಗೆ ಇಟ್ಟು ಮೊಬೈಲ್ ಚಾರ್ಜ್ ಮಾಡುವುದು

ರಾತ್ರಿ ಮಲಗುವಾಗ ಮೊಬೈಲ್ ಅನ್ನು ಹಾಸಿಗೆಯ ಮೇಲೆ ಇಟ್ಟು ಚಾರ್ಜ್ ಮಾಡುವ ಅಭ್ಯಾಸ ಹಲವರಿಗಿದೆ. ಕೆಲವರು ಫೋನ್ ಅನ್ನು ದಿಂಬಿನ ಕೆಳಗೆ ಅಥವಾ ಹೊದಿಕೆಯೊಳಗೆ ಇಟ್ಟುಕೊಂಡೇ ಚಾರ್ಜ್ ಮಾಡುತ್ತಾರೆ. ಆದರೆ, ಇದು ಅಪಾಯಕಾರಿಯಾದ ಅಭ್ಯಾಸವಾಗಬಹುದು. ದಿಂಬು ಮತ್ತು ಹೊದಿಕೆಗಳು ಮೊಬೈಲ್‌ನಿಂದ ಹೊರಬರುವ ಶಾಖವನ್ನು ಹಿಡಿದಿಟ್ಟುಕೊಳ್ಳಬಹುದು. ಇದರಿಂದ ಫೋನ್ ಹೆಚ್ಚು ಬಿಸಿಯಾಗುವ ಸಾಧ್ಯತೆಯಿದ್ದು, ಬ್ಯಾಟರಿ ಮೇಲೆ ಪರಿಣಾಮ ಬೀರಬಹುದು.

3. ಚಾರ್ಜಿಂಗ್ ಪೋರ್ಟ್‌ನಲ್ಲಿರುವ ಧೂಳನ್ನು ನಿರ್ಲಕ್ಷಿಸುವುದು

ನಿಮ್ಮ ಮೊಬೈಲ್ ಚಾರ್ಜರ್ ಸರಿಯಾಗಿ ಸಂಪರ್ಕವಾಗುತ್ತಿಲ್ಲವೇ? ಕೇಬಲ್ ಸ್ವಲ್ಪ ಅಲುಗಾಡಿಸಿದಾಗ ಮಾತ್ರ ಚಾರ್ಜ್ ಆಗುತ್ತಿದೆಯೇ? ಹಾಗಾದರೆ, ಚಾರ್ಜಿಂಗ್ ಪೋರ್ಟ್‌ನಲ್ಲಿ ಧೂಳು ಅಥವಾ ಬಟ್ಟೆಯ ನಾರುಗಳು ಸೇರಿಕೊಂಡಿರುವ ಸಾಧ್ಯತೆಯಿದೆ. ಮೊಬೈಲ್ ಅನ್ನು ಜೇಬಿನಲ್ಲಿ ಅಥವಾ ಬ್ಯಾಗ್‌ನಲ್ಲಿ ಇಟ್ಟುಕೊಂಡು ಓಡಾಡುವಾಗ ಸಣ್ಣ ಧೂಳಿನ ಕಣಗಳು ಚಾರ್ಜಿಂಗ್ ಪೋರ್ಟ್‌ನಲ್ಲಿ ಸೇರಿಕೊಳ್ಳಬಹುದು. ಕಾಲಕ್ರಮೇಣ ಇದು ಚಾರ್ಜಿಂಗ್ ಸಂಪರ್ಕಕ್ಕೆ ಅಡ್ಡಿಯಾಗಬಹುದು. ಇಂತಹ ಸಂದರ್ಭದಲ್ಲಿ ಬಲವಂತವಾಗಿ ಕೇಬಲ್ ತೂರಿಸುವುದರಿಂದ ಪೋರ್ಟ್ ಹಾನಿಗೊಳಗಾಗುವ ಸಾಧ್ಯತೆಯಿದೆ.

4. ಸಾಫ್ಟ್‌ವೇರ್ ಅಪ್‌ಡೇಟ್‌ಗಳನ್ನು ಪದೇಪದೇ ಮುಂದೂಡುವುದು

ಮೊಬೈಲ್‌ನಲ್ಲಿ ಸಾಫ್ಟ್‌ವೇರ್ ಅಪ್‌ಡೇಟ್ ಸೂಚನೆ ಬಂದಾಗ ಅನೇಕರು ಅದನ್ನು ಮುಂದೂಡುತ್ತಲೇ ಇರುತ್ತಾರೆ. ಅಪ್‌ಡೇಟ್ ಮಾಡಿದರೆ ಸಮಯ ಹಿಡಿಯುತ್ತದೆ ಅಥವಾ ಫೋನ್ ನಿಧಾನವಾಗಬಹುದು ಎಂಬ ಭಯವೂ ಕೆಲವರಲ್ಲಿರುತ್ತದೆ. ಆದರೆ, ಅಧಿಕೃತ ಅಪ್‌ಡೇಟ್‌ಗಳನ್ನು ದೀರ್ಘಕಾಲ ನಿರ್ಲಕ್ಷಿಸುವುದು ಸರಿಯಾದ ಅಭ್ಯಾಸವಲ್ಲ. ಸಾಫ್ಟ್‌ವೇರ್ ಅಪ್‌ಡೇಟ್‌ಗಳಲ್ಲಿ ಭದ್ರತಾ ದೋಷಗಳನ್ನು ಸರಿಪಡಿಸುವ ವ್ಯವಸ್ಥೆಗಳು ಮತ್ತು ಸಾಫ್ಟ್‌ವೇರ್ ಸಮಸ್ಯೆಗಳಿಗೆ ಪರಿಹಾರಗಳು ಇರಬಹುದು. ಅವುಗಳನ್ನು ಇನ್‌ಸ್ಟಾಲ್ ಮಾಡದಿದ್ದರೆ ನಿಮ್ಮ ಸಾಧನವು ಕೆಲವು ಭದ್ರತಾ ಅಪಾಯಗಳಿಗೆ ಹೆಚ್ಚು ಒಳಗಾಗಬಹುದು.

5. ಮೊಬೈಲ್‌ಗೆ ಕವರ್ ಮತ್ತು ಸ್ಕ್ರೀನ್ ಪ್ರೊಟೆಕ್ಟರ್ ಬಳಸದೇ ಇರುವುದು

ಮೊಬೈಲ್ ಕೈಯಿಂದ ಜಾರಿಬೀಳುವುದು ಸಾಮಾನ್ಯ. ನಡೆಯುವಾಗ, ಕಾರಿನಿಂದ ಇಳಿಯುವಾಗ ಅಥವಾ ಅವಸರದಲ್ಲಿ ಫೋನ್ ಬಳಸುವಾಗ ಅದು ಕೆಳಗೆ ಬೀಳಬಹುದು. ಸ್ಕ್ರೀನ್ ಒಡೆಯದಿದ್ದರೂ ಬಲವಾದ ಹೊಡೆತದಿಂದ ಒಳಗಿನ ಭಾಗಗಳಿಗೆ ಹಾನಿಯಾಗುವ ಸಾಧ್ಯತೆಯಿದೆ. ಇನ್ನು, ಮೊಬೈಲ್ ಅನ್ನು ಕೀಲಿ ಅಥವಾ ಇತರ ಗಟ್ಟಿಯಾದ ವಸ್ತುಗಳ ಜೊತೆ ಒಂದೇ ಜೇಬಿನಲ್ಲಿ ಇಟ್ಟುಕೊಂಡರೆ ಸ್ಕ್ರೀನ್ ಮತ್ತು ಫೋನ್‌ನ ಹೊರಭಾಗದಲ್ಲಿ ಗೀರುಗಳು ಬೀಳಬಹುದು.

ಪುರುಷರನ್ನು ಮೆಚ್ಚಿಸಲು ಇತರ ಮಹಿಳೆಯ ಬೆನ್ನಿಗೆ ಇರಿಯೋದು ನಿಲ್ಲಿಸಿ- ಉದ್ಯಮಿ ಉಪಾಸನಾ ಖಡಕ್ ವಾರ್ನಿಂಗ್

Suchethana D — Sun, 25 Oct 2026 12:57:30 +0530

ಮುಂಬೈ: ಮಹಿಳೆಗೆ ಮಹಿಳೆಯೇ ಶತ್ರು ಎನ್ನುವುದು ತಲೆತಲಾಂತರಗಳಿಂದ ಬಂದಿರುವ ಮಾತು. ಹಾಗೆಂದು ಇದನ್ನು ಹಿರಿಯರೇನೂ ಸುಖಾಸುಮ್ಮನೇ ಮಾಡಿದ್ದಲ್ಲ. ಹತ್ತು ಹಲವು ಉದಾಹರಣೆಗಳನ್ನು ನೋಡಿಯೇ ಈ ಮಾತು ಚಾಲ್ತಿಯಲ್ಲಿ ಬಂದಿರುವುದು. ಮಹಿಳಾವಾದಿಗಳಿಗೆ ಈ ಮಾತು ಹಿಡಿಸದೇ ಹೋದರೂ, ಮನೆಯಿಂದ ಹಿಡಿದು ಕಚೇರಿಯವರೆಗೆ, ಚಿಕ್ಕ ಪುಟ್ಟ ಉದ್ಯೋಗ ಸ್ಥಳದಿಂದ ಹಿಡಿದು, ದೊಡ್ಡ ದೊಡ್ಡ ವಲಯಗಳಲ್ಲಿ, ಹಲವಾರು ಮಹಿಳೆಯರು ಇನ್ನೋರ್ವ ಮಹಿಳೆಯಿಂದಲೇ ಯಾತನೆ ಅನುಭವಿಸಿರುವುದು ಇದ್ದೇ ಇದೆ. ವಿಧಾನಗಳು ಬೇರೆಬೇರೆಯಾಗಿದ್ದರೂ, ಎಲ್ಲಾ ಕ್ಷೇತ್ರಗಳಲ್ಲಿಯೂ ಹಲವು ಮಹಿಳೆಯರು ಈ ಕೆಟ್ಟ ಅನುಭವವನ್ನು ಅನುಭವಿಸಿಯೇ ಇರುತ್ತಾರೆ. ಅದರಲ್ಲಿಯೂ ಕೆಲವು ಕ್ಷೇತ್ರಗಳಲ್ಲಿ ತಾವು ಉನ್ನತ ಮಟ್ಟಕ್ಕೆ ಏರಲು ಯಾವೆಲ್ಲಾ ಮಟ್ಟಿಗೆ ಮಹಿಳೆಯರು ಹೋಗುತ್ತಾರೆ ಎನ್ನುವ ಅನುಭವವೂ ಹಲವರಿಗೆ ಆಗಿದ್ದಿದೆ.

ಇದೀಗ ಅದರ ಬಗ್ಗೆಯೇ ಮಾತನಾಡಿದ್ದಾರೆ ಉದ್ಯಮಿ ಹಾಗೂ ನಟ ರಾಮ್ಚರಣ್ ಅವರ ಪತ್ನಿ ಉಪಾಸನಾ ಕಾಮಿನೇನಿ ಕೊನಿಡೇಲಾ (Upasana Kamineni Konidela). ಉಪಾಸನಾ ಅವರು ಸಾಕಷ್ಟು ಬಾರಿ ಮಹಿಳಾ ಸಬಲೀಕರಣದ ಬಗ್ಗೆ ಧ್ವನಿ ಎತ್ತುತ್ತಾರೆ, ಮಹಿಳೆಯರ ಸಬಲೀಕರಣದ ಬಗ್ಗೆ ಸಾಕಷ್ಟು ಕೆಲಸವನ್ನೂ ಮಾಡಿದ್ದಾರೆ. ಆದರೆ ಇದೀಗ ಅವರು ಕೆಲವು ಮಹಿಳೆಯರ ಬಗ್ಗೆ ಮಾತನಾಡಿದ್ದಾರೆ. ತಮ್ಮ ವೈಯಕ್ತಿಕ ಲಾಭಕ್ಕಾಗಿ ಅಥವಾ ಪುರುಷರನ್ನು ಮೆಚ್ಚಿಸಲು ಇತರ ಮಹಿಳೆಯರನ್ನು ಕೆಳಗಿಳಿಸುವ ಮಹಿಳೆಯರಿಗೆ ಅವರು ಬಲವಾದ ಸಂದೇಶವನ್ನು ಕಳುಹಿಸಿದ್ದಾರೆ. 'ಒಬ್ಬ ಮಹಿಳೆಯ ನೋವು ಎಂದಿಗೂ ಇನ್ನೊಬ್ಬ ಮಹಿಳೆಯ ಗೆಲುವಾಗಬಾರದು' ಎಂದಿರುವ ಉಪಸನಾ ಅವರು, ದುರ್ಬಲ ಪುರುಷರನ್ನು ಮೆಚ್ಚಿಸಲು ಇತರ ಮಹಿಳೆಯ ಬೆನ್ನಿಗೆ ಇರಿಯುವುದನ್ನು ನಿಲ್ಲಿಸಿ ಎಂದು ಹೆಂಗಳೆಯರಿಗೆ ಖಡಕ್ ವಾರ್ನಿಂಗ್ ನೀಡಿದ್ದಾರೆ.

ಒಬ್ಬ ಮಹಿಳೆಯ ನೋವು ಎಂದಿಗೂ ಇನ್ನೊಬ್ಬ ಮಹಿಳೆಯ ಗೆಲುವಾಗಬಾರದು

ಇತ್ತೀಚೆಗೆ ನಡೆದ ಕಾರ್ಯಕ್ರಮವೊಂದರಲ್ಲಿ, ಒಬ್ಬರನ್ನೊಬ್ಬರು ನಿಜವಾಗಿಯೂ ಬೆಂಬಲಿಸುವ, ಆಚರಿಸುವ ಮತ್ತು ಪ್ರೇರೇಪಿಸುವ ಮಹಿಳೆಯರಿಗಿಂತ ಹೆಚ್ಚಿನ ಸಬಲೀಕರಣ ಇನ್ನೊಂದಿಲ್ಲ ಎಂದು ಉಪಾಸನಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಉಪಾಸನಾ ಸ್ಪಷ್ಟವಾಗಿ "ಒಬ್ಬ ಮಹಿಳೆಯ ನೋವು ಎಂದಿಗೂ ಇನ್ನೊಬ್ಬ ಮಹಿಳೆಯ ಗೆಲುವಾಗಬಾರದು. ಪರಸ್ಪರರ ಸೋಲುಗಳಲ್ಲಿ ಸಂತೋಷವನ್ನು ಕಂಡುಕೊಳ್ಳುವ ಮನಸ್ಥಿತಿಯನ್ನು ಮಹಿಳೆಯರು ಬದಲಾಯಿಸಬೇಕು. ದುರ್ಬಲ ಪುರುಷರನ್ನು ಮೆಚ್ಚಿಸಲು ಬೆನ್ನಿಗೆ ಇರಿಯುವುದನ್ನು ನಿಲ್ಲಿಸಿ ಎನ್ನುವ ಮೂಲಕ ವೈಯಕ್ತಿಕ ಲಾಭಕ್ಕಾಗಿ ಅಥವಾ "ದುರ್ಬಲ ಪುರುಷ"ನನ್ನು ಸಮಾಧಾನಪಡಿಸಲು ಇತರ ಮಹಿಳೆಯರನ್ನು ಬಳಸುವ ಅಥವಾ ತಡೆಯುವ ಮಹಿಳೆಯರಿಗೆ ಅವರು ಕಠಿಣ ಎಚ್ಚರಿಕೆ ನೀಡಿದ್ದಾರೆ.

ನಿಜವಾದ ಸಬಲೀಕರಣ ಎಂದರೆ...

ನಿಜವಾದ ಸಬಲೀಕರಣವು ಪರಸ್ಪರ ಸ್ಪರ್ಧಿಸುವುದರಲ್ಲಿ ಅಥವಾ ಕೆಳಕ್ಕೆ ಎಳೆಯುವುದರಲ್ಲಿ ಅಲ್ಲ, ಆದರೆ ಒಟ್ಟಿಗೆ ಎದ್ದು ಪರಸ್ಪರ ಬೆಂಬಲಿಸುವುದರಲ್ಲಿ ಅಡಗಿದೆ ಎಂದು ಉಪಾಸನಾ ಒತ್ತಿ ಹೇಳಿದ್ದಾರೆ. ಸಾಮಾಜಿಕ ಕಾರ್ಯಕರ್ತೆ ಸುನೀತಾ ಕೃಷ್ಣನ್ ಅವರ ಕೆಲಸವನ್ನು ಉಲ್ಲೇಖಿಸಿ, ಸಮಾಜದಲ್ಲಿ ಮಹಿಳೆಯರು ಎದುರಿಸುತ್ತಿರುವ ಅನ್ಯಾಯ ಅಥವಾ ಶೋಷಣೆಯು ಇತರ ಮಹಿಳೆಯರ ಪಾತ್ರ ಅಥವಾ ಸ್ವಾರ್ಥದಿಂದಾಗಿ ಸಂಭವಿಸುತ್ತದೆ ಎಂದು ಅವರು ಕಳವಳ ವ್ಯಕ್ತಪಡಿಸಿದರು, ಇದನ್ನು ತುರ್ತಾಗಿ ನಿಲ್ಲಿಸಬೇಕಾಗಿದೆ ಎಂದರು. ನಮ್ಮ ಸಹಾಯದ ಅಗತ್ಯವಿರುವ ಅನೇಕ ಮಹಿಳೆಯರು ಇದ್ದಾರೆ. ಆದರೆ ನನ್ನ ಸಂಶೋಧನೆಯು, ಇತರ ಮಹಿಳೆಯರನ್ನು ತುಳಿಯುವ ಮಹಿಳೆಯರ ಬಗ್ಗೆ ತೋರಿಸುತ್ತದೆ ಎಂದಿರುವ ಉಪಾಸನಾ, ನಿಮಗೆ ನನ್ನ ಎಚ್ಚರಿಕೆ ಇದು: ನಿಮ್ಮ ಯಶಸ್ಸಿಗಾಗಿ ಅಥವಾ ದುರ್ಬಲ ಪುರುಷನನ್ನು ಮೆಚ್ಚಿಸಲು ನೀವು ಮಹಿಳೆಯ ಮೇಲೆ ಕಾಲಿಡಬಹುದು ಎಂದು ಭಾವಿಸಬೇಡಿ. ನಮ್ಮ ಹೆಚ್ಚಿನ ಮಕ್ಕಳು ಆ ಪರಿಸ್ಥಿತಿಯಲ್ಲಿದ್ದಾರೆ. ಏಕೆಂದರೆ ಇತರ ಮಹಿಳೆಯರು ತಮ್ಮ ಸ್ವಂತ ಸಂತೋಷವನ್ನು ಪಡೆಯಲು ಮಹಿಳೆಯರಿಗೆ ಅನ್ಯಾಯ ಮಾಡಿದ್ದಾರೆ ಎಂದಿದ್ದಾರೆ.

₹3 ಲಕ್ಷ ಕೊಟ್ಟು ಹಳೆಯ ಕಾರು ಖರೀದಿಸಿದ ಬೆಂಗಳೂರಿನ ಟೆಕ್ಕಿ; ಮನೆಯಲ್ಲಿ ಹೊಸ ಸ್ಕೋಡಾ ಇದ್ದರೂ ಈ ನಿರ್ಧಾರವೇಕೆ?

Sushma Hegde — Sun, 25 Oct 2026 12:41:02 +0530

ಬೆಂಗಳೂರು ಎಂದರೆ ಟ್ರಾಫಿಕ್ ಜಾಮ್, ವಾಹನಗಳ ಕಿರಿಕಿರಿ, ಸಣ್ಣಪುಟ್ಟ ಅಪಘಾತಗಳು ಮತ್ತು ಕಾರುಗಳಿಗೆ ಬೀಳುವ ಗೀರುಗಳು ನೆನಪಾಗುತ್ತವೆ. ಅದರಲ್ಲೂ ಹೊಸ ಕಾರು ಖರೀದಿಸಿದವರಿಗೆ ನಗರದ ಟ್ರಾಫಿಕ್‌ನಲ್ಲಿ ವಾಹನ ಚಲಾಯಿಸುವುದು ದೊಡ್ಡ ತಲೆನೋವು. ಪಕ್ಕದಲ್ಲಿ ಬೈಕ್ ತಾಗಿದರೂ, ಆಟೋ ಬಂದು ಗೀರು ಹಾಕಿದರೂ ಮನಸ್ಸಿಗೆ ಕಿರಿಕಿರಿಯಾಗುವುದು ಸಹಜ. ಆದರೆ, ಬೆಂಗಳೂರಿನ ವ್ಯಕ್ತಿಯೊಬ್ಬರು ಈ ಸಮಸ್ಯೆಗೆ ಕಂಡುಕೊಂಡಿರುವ ಪರಿಹಾರ ಮಾತ್ರ ವಿಭಿನ್ನವಾಗಿದೆ. ತಮ್ಮ ಹೊಸ ಕಾರನ್ನು ಟ್ರಾಫಿಕ್‌ನ ಗದ್ದಲದಿಂದ ಕಾಪಾಡಲು ಅವರು ಕೇವಲ ₹3 ಲಕ್ಷಕ್ಕೆ ಹಳೆಯ ಕಾರೊಂದನ್ನು ಖರೀದಿಸಿದ್ದಾರೆ.

ಹೊಸ ಕಾರು ಬಿಟ್ಟು ಹಳೆಯ ಕಾರನ್ನೇ ಆಯ್ಕೆ ಮಾಡಿಕೊಂಡಿದ್ದೇಕೆ?

ಈ ವ್ಯಕ್ತಿಯ ಬಳಿ ಸ್ಕೋಡಾ ಸ್ಲಾವಿಯಾ (Skoda Slavia) ಎಂಬ ಹೊಸ ಕಾರು ಇದೆ. ಆದರೆ, ಕಂಪನಿಯು ಉದ್ಯೋಗಿಗಳಿಗೆ ಕಚೇರಿಯಿಂದಲೇ ಕೆಲಸ ಮಾಡುವುದನ್ನು ಕಡ್ಡಾಯಗೊಳಿಸಿದ ಬಳಿಕ ಪ್ರತಿದಿನ ಬೆಂಗಳೂರಿನ ಟ್ರಾಫಿಕ್‌ನಲ್ಲಿ ಕಾರು ಚಲಾಯಿಸುವ ಅನಿವಾರ್ಯತೆ ಎದುರಾಯಿತು. ನಗರದ ವಾಹನ ದಟ್ಟಣೆ, ಬೈಕ್ ಸವಾರರ ಓಡಾಟ ಮತ್ತು ಆಟೋಗಳ ನಡುವೆ ಹೊಸ ಕಾರನ್ನು ಓಡಿಸುವಾಗ ಸ್ಕ್ರಾಚ್ ಅಥವಾ ಡೆಂಟ್ ಆಗುವ ಆತಂಕ ಅವರನ್ನು ಕಾಡುತ್ತಿತ್ತು. ಹೀಗಾಗಿ, ತಮ್ಮ ಹೊಸ ಕಾರನ್ನು ಪ್ರತಿದಿನದ ಟ್ರಾಫಿಕ್‌ನಿಂದ ದೂರವಿಡಲು ನಿರ್ಧರಿಸಿದರು.

ಇದಕ್ಕಾಗಿ ಅವರು 2015ರ ಮಾದರಿಯ ಮಾರುತಿ ಸುಜುಕಿ ಸೆಲೆರಿಯೊ (Maruti Suzuki Celerio) ಸೆಕೆಂಡ್‌ ಹ್ಯಾಂಡ್ ಕಾರನ್ನು ಖರೀದಿಸಿದರು. Cars24 ಮೂಲಕ ಖರೀದಿಸಿದ ಈ ಕಾರಿಗೆ ಸುಮಾರು ₹3 ಲಕ್ಷ ಖರ್ಚು ಮಾಡಿರುವುದಾಗಿ ಅವರು ತಿಳಿಸಿದ್ದಾರೆ. ಹೊಸ ಕಾರಿನ ಹೊಳಪು, ಲುಕ್ ಮತ್ತು ಅದರ ನಿರ್ವಹಣೆಯ ಬಗ್ಗೆ ಚಿಂತಿಸುವ ಬದಲು, ಕಚೇರಿಗೆ ಹೋಗಿಬರಲು ಹಳೆಯ ಕಾರನ್ನೇ ಬಳಸುವುದು ಅವರ ಯೋಜನೆಯಾಗಿತ್ತು.

ಆಟೋ ಗೀರು ಹಾಕಿದರೂ ಕೋಪ ಮಾಡಿಕೊಳ್ಳಲಿಲ್ಲ!

ಈ ನಿರ್ಧಾರದಿಂದ ತಮಗೆ ಎಷ್ಟು ನೆಮ್ಮದಿ ಸಿಕ್ಕಿದೆ ಎಂಬುದಕ್ಕೆ ಅವರು ನೀಡಿದ ಒಂದು ಉದಾಹರಣೆ ಈಗ ಚರ್ಚೆಯಾಗುತ್ತಿದೆ. ಒಂದು ದಿನ ಬೆಂಗಳೂರಿನ ಸಿಲ್ಕ್ ಬೋರ್ಡ್ ಸಿಗ್ನಲ್ ಬಳಿ ಆಟೋರಿಕ್ಷಾವೊಂದು ಅವರ ಕಾರಿನ ಮುಂಭಾಗದ ಬಂಪರ್‌ಗೆ ಗೀರು ಹಾಕಿತು. ಸಾಮಾನ್ಯವಾಗಿ ಇಂತಹ ಸಂದರ್ಭದಲ್ಲಿ ವಾಹನ ಸವಾರರ ನಡುವೆ ವಾಗ್ವಾದ ನಡೆಯುವುದುಂಟು. ಆದರೆ, ಈ ವ್ಯಕ್ತಿ ಮಾತ್ರ ಸಂಪೂರ್ಣ ವಿಭಿನ್ನವಾಗಿ ಪ್ರತಿಕ್ರಿಯಿಸಿದರು.

ತಮ್ಮ ಸಾಮಾಜಿಕ ಜಾಲತಾಣದ ಪೋಸ್ಟ್‌ನಲ್ಲಿ ಅವರು, ಆಟೋ ಚಾಲಕ ಗೀರು ಹಾಕಿದ ಬಳಿಕ ಗಲಾಟೆಯಾಗಬಹುದು ಎಂದು ಭಯಗೊಂಡಿದ್ದ. ಆದರೆ, ತಾವು ಆತನಿಗೆ ಹೆಬ್ಬೆರಳು ತೋರಿಸಿ ಅಲ್ಲಿಂದ ಮುಂದೆ ಸಾಗಿದೆ ಎಂದು ವಿವರಿಸಿದ್ದಾರೆ. ಅಂದರೆ, ಹೊಸ ಕಾರಿಗೆ ಹಾನಿಯಾಯಿತೆಂಬ ಬೇಸರವಾಗಲಿ, ದುರಸ್ತಿ ವೆಚ್ಚದ ಆತಂಕವಾಗಲಿ ಅವರಿಗಿರಲಿಲ್ಲ. ಹಳೆಯ ಕಾರನ್ನು ಖರೀದಿಸಿದ ಉದ್ದೇಶವೇ ಪ್ರತಿದಿನದ ಪ್ರಯಾಣದ ಒತ್ತಡವನ್ನು ಕಡಿಮೆ ಮಾಡಿಕೊಳ್ಳುವುದಾಗಿದ್ದರಿಂದ, ಸಣ್ಣಪುಟ್ಟ ಗೀರುಗಳು ಅವರಿಗೆ ದೊಡ್ಡ ಸಮಸ್ಯೆಯಾಗಿ ಕಾಣಿಸಲಿಲ್ಲ.

'₹3 ಲಕ್ಷ ಖರ್ಚು ಮಾಡಿದ್ದು ಸಾರ್ಥಕವಾಯಿತು!'

ತಮ್ಮ ನಿರ್ಧಾರದ ಬಗ್ಗೆ ವಿವರಿಸಿರುವ ಅವರು, ಹಳೆಯ ಕಾರಿನ ಬಣ್ಣ ಈಗಾಗಲೇ ಮಾಸಿದೆ. ಹವಾನಿಯಂತ್ರಣ ವ್ಯವಸ್ಥೆ (AC) ಸರಿಯಾಗಿ ಕೆಲಸ ಮಾಡುತ್ತಿದೆ. ತಾವು ಈಗಾಗಲೇ ಎರಡು ಬಾರಿ ಕಾರಿಗೆ ಡೆಂಟ್ ಮಾಡಿಕೊಂಡಿದ್ದರೂ ಅದರ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳುತ್ತಿಲ್ಲ ಎಂದು ಹೇಳಿದ್ದಾರೆ. ಕಚೇರಿಗೆ ಹೋಗಿಬರಲು ಹೊಸ ಕಾರನ್ನು ಬಳಸುವುದಕ್ಕಿಂತ, ಹಳೆಯ ಕಾರನ್ನು ಬಳಸುವುದರಿಂದ ಮಾನಸಿಕ ನೆಮ್ಮದಿ ಸಿಕ್ಕಿದೆ ಎಂಬುದು ಅವರ ಅಭಿಪ್ರಾಯ.

ಪ್ರತಿದಿನದ ಪ್ರಯಾಣಕ್ಕಾಗಿ ಇಂತಹ ಕಡಿಮೆ ಬೆಲೆಯ ಹಳೆಯ ಕಾರನ್ನು ಖರೀದಿಸುವುದು ಒಳ್ಳೆಯ ಆಯ್ಕೆ ಎಂದು ಅವರು ಇತರರಿಗೂ ಸಲಹೆ ನೀಡಿದ್ದಾರೆ. ಹೊಸ ಕಾರಿನ ಹೊಳಪನ್ನು ಕಾಪಾಡಲು ಟ್ರಾಫಿಕ್‌ನಲ್ಲಿ ಒತ್ತಡ ಅನುಭವಿಸುವ ಬದಲು, ದೈನಂದಿನ ಪ್ರಯಾಣಕ್ಕೆ ಪ್ರತ್ಯೇಕ ಕಾರು ಬಳಸುವುದು ಅವರ ದೃಷ್ಟಿಯಲ್ಲಿ ಹೆಚ್ಚು ಪ್ರಾಯೋಗಿಕ ಪರಿಹಾರ.

ನೆಟ್ಟಿಗರು ಹೇಳಿದ್ದೇನು?

ಈ ವ್ಯಕ್ತಿಯ ಉಪಾಯಕ್ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಬೆಂಗಳೂರಿನ ಟ್ರಾಫಿಕ್‌ನಲ್ಲಿ ಹೊಸ ಕಾರನ್ನು ಕಾಪಾಡಿಕೊಳ್ಳುವ ಆತಂಕಕ್ಕಿಂತ, ಹಳೆಯ ಕಾರನ್ನು ಬಳಸುವುದೇ ಉತ್ತಮ ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ. ಒಬ್ಬರು, ಹೊಸ ಸ್ಕೋಡಾ ಸ್ಲಾವಿಯಾವನ್ನು ಉತ್ತಮ ಪ್ರಯಾಣಗಳಿಗೆ ಇಟ್ಟುಕೊಂಡು, ಪ್ರತಿದಿನದ ಟ್ರಾಫಿಕ್‌ನ ಹೊಡೆತವನ್ನು ಸೆಲೆರಿಯೊಗೆ ಬಿಡುವುದು ಜಾಣತನದ ನಿರ್ಧಾರ ಎಂದು ಪ್ರತಿಕ್ರಿಯಿಸಿದ್ದಾರೆ.

ಇನ್ನೊಬ್ಬರು, ನಗರದೊಳಗೆ ಪ್ರಯಾಣಿಸಲು ಕಡಿಮೆ ಬೆಲೆಯ ಸಣ್ಣ ಮಾರುತಿ ಕಾರು ಬಳಸುವುದರಿಂದ ಒಂದು ರೀತಿಯ ಸ್ವಾತಂತ್ರ್ಯದ ಅನುಭವ ಸಿಗುತ್ತದೆ ಎಂದು ಹೇಳಿದ್ದಾರೆ.

ಮತ್ತೊಬ್ಬರು ತಮ್ಮ ಸ್ಕೋಡಾ ಕಾರಿಗೂ ಕಳೆದ ಎರಡು ವರ್ಷಗಳಲ್ಲಿ ಇತರರ ತಪ್ಪಿನಿಂದ ಎರಡು ಬಾರಿ ಅಪಘಾತ ಸಂಭವಿಸಿದೆ ಎಂದು ಹೇಳಿಕೊಂಡಿದ್ದಾರೆ. ಬೆಂಗಳೂರಿನ ಟ್ರಾಫಿಕ್‌ನಲ್ಲಿ ವಾಹನ ಚಲಾಯಿಸುವುದೇ ಬೇಸರ ತರಿಸುತ್ತದೆ. ಇಂತಹ ಸಂದರ್ಭದಲ್ಲಿ ಹಳೆಯ ಕಾರು ಬಳಸುವ ನಿರ್ಧಾರ ಒಳ್ಳೆಯದು ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಇನ್ನು ಕೆಲವರು, ತಮ್ಮ ವಾಹನಕ್ಕೆ ಸಣ್ಣಪುಟ್ಟ ಗೀರುಗಳಾದರೂ ತಲೆಕೆಡಿಸಿಕೊಳ್ಳದ ಚಾಲಕರನ್ನು ಕಂಡಾಗ ರಸ್ತೆಯಲ್ಲಿ ಕೆಲವರು ಅನಗತ್ಯವಾಗಿ ತೋರುವ ದರ್ಪ ಕಡಿಮೆಯಾಗಬಹುದು ಎಂದು ಹೇಳಿದ್ದಾರೆ.

Second marriage: ಬಯಲಾಯ್ತು ಗಂಡನ ಅಸಲಿ ರೂಪ; ಎರಡನೇ ಮದುವೆಯಲ್ಲೂ ಟ್ವಿಂಕಲ್‌ಗೆ ಬಿಗ್‌ ಶಾಕ್‌!

Bhimasi M Koleppanavar — Sun, 25 Oct 2026 12:39:16 +0530

ಪ್ರೀತಿ ಯಾರ ಮೇಲೆ, ಹೇಗಾಗುತ್ತೆ, ಎಲ್ಲಿ ಹುಟ್ಟುತ್ತದೆ ಎನ್ನುವುದನ್ನು ಭಾವಿಸುವುದಕ್ಕೆ ಸಾಧ್ಯವಿಲ್ಲ, ಒಟ್ಟಿನಲ್ಲಿ ಪ್ರೀತಿ ಎನ್ನುವುದು ದೈವಿ ಸ್ವರೂಪ. ಅದು ದಾನವ ರೂಪದಲ್ಲೂ ಪುನಾರ್ತನೆಯಾಗಬಹುದು. ಅದು, ಪುನಾವರ್ತನೆಯಾಗಬೇಕಾದರೆ, ಅದನ್ನು ನೋಡುವ ಹಾಗೂ ಕಾಣುವ ಕಣ್ಣು, ಅದರೊಂದಿಗೆ ಹಾಕುವ ಹೆಜ್ಜೆ ಮೇಲೆ ನಿಂತಿರುತ್ತದೆ. ಹೀಗೆ ಪಂಜಾಬ್‌ನ ಒಂದು ಸಿಟಿಯಲ್ಲಿ ಇಬ್ಬರ ನಡುವೆ ಪ್ರೀತಿಯಾಗುತ್ತದೆ, ನಂತರ ಅದು ಮದುವೆ ಹಂತಕ್ಕೆ ಬಂದು, ಇಬ್ಬರ ಮದುವೆಯೂ ಆಗುತ್ತದೆ. ಆಮೇಲೆ ಆದ ಕಥೆಯೇ ಬೇರೆ. ಮೊದಲು ಥಾಋ, ನಂತರ ಬೈಕ್‌ಗೆ ಬೇಡಿಕೆ, ಇದಾದ ಮೇಲೆ ಪತ್ನಿಯನ್ನು ರಸ್ತೆಗೆ ತಂದ ಭೂಪ ಮಾಡಿದ್ದೇನು? ಎಳೆ-ಎಳೆಯಾಗಿ ನೋಡೋಣ ಬನ್ನಿ.

ಪತ್ನಿಯನ್ನು ಕ್ರೂರವಾಗಿ ಥಳಿಸಿದ ಪತಿ!

ಪಂಜಾಬ್‌ನ ಲುಧಿಯಾನದ ಜಸ್ಸಿಯಾ ಗ್ರೀನ್ ಎನ್‌ಕ್ಲೇವ್‌ನಲ್ಲಿ ಪತಿಯೊಬ್ಬ ತನ್ನ ಪತ್ನಿಯನ್ನು ಸಾರ್ವಜನಿಕವಾಗಿ ಕ್ರೂರವಾಗಿ ಥಳಿಸುತ್ತಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಘಟನೆಯ ಸಿಸಿಟಿವಿ ದೃಶ್ಯಗಳು ಸಹ ಹೊರಬಂದಿವೆ. ಪತಿ ಮೊದಲು ತನ್ನ ಪತ್ನಿಗೆ ಕಪಾಳಮೋಕ್ಷ ಮಾಡಿ, ನಂತರ ಆಕೆಯ ಕೂದಲನ್ನು ಹಿಡಿದು, ಬೀದಿಗೆ ಎಸೆದು, ತೀವ್ರವಾಗಿ ಒದೆಯುತ್ತಿರುವುದನ್ನು ವೀಡಿಯೊ ವೈರಲ್‌ ಆಗಿದೆ. ಮಹಿಳೆಯ ಕಿರುಚಾಟ ಕೇಳಿದ ನೆರೆಹೊರೆಯವರು ತಕ್ಷಣ ತಮ್ಮ ಮನೆಗಳಿಂದ ಹೊರಗೆ ಓಡಿಬಂದರು. ಅವರು ಧೈರ್ಯದಿಂದ ಮಧ್ಯಪ್ರವೇಶಿಸಿ ಮಹಿಳೆಯ ಜೀವವನ್ನು ಉಳಿಸಿದ್ದಾರೆ.

ದೂರು ನೀಡಿದ ಮಹಿಳೆ!

ನಂತರ ಅವರು ತಕ್ಷಣ ಮಹಿಳೆಯ ಕುಟುಂಬಕ್ಕೆ ಕರೆ ಮಾಡಿ ದಾಳಿಯ ಬಗ್ಗೆ ಮಾಹಿತಿ ನೀಡಿದರು. ಸಂತ್ರಸ್ತೆ ಜಗತ್‌ಪುರಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದು, ಸಿಸಿಟಿವಿ ದೃಶ್ಯಗಳನ್ನು ಸಲ್ಲಿಸಿದ್ದಾರೆ. ಪೊಲೀಸರು ಈ ಬಗ್ಗೆ ತನಿಖೆ ಆರಂಭಿಸಿದ್ದಾರೆ. ಥಾರ್ ಕಾರನ್ನು ಬೇಡಿಕೆ ಇಟ್ಟ ನಂತರ, ಆರೋಪಿ ಈಗ ಮೋಟಾರ್ ಸೈಕಲ್‌ಗೆ ಬೇಡಿಕೆ ಇಡುತ್ತಿದ್ದಾನೆ ಎಂದು ವರದಿಯಾಗಿದೆ.

ಸಲೂನ್‌ ನಡೆಸುತ್ತಿರುವ ಟ್ವಿಂಕಲ್!

ಸಂತ್ರಸ್ತೆ ಟ್ವಿಂಕಲ್ ತನ್ನದೇ ಆದ ಸಲೂನ್ ನಡೆಸುತ್ತಾಳೆ. ಆಕೆಯ ಆರೋಪಿ ಪತಿ ರಿತೀಶ್ ಶರ್ಮಾ ವೈದ್ಯಕೀಯ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಾರೆ. ರಿತೀಶ್ ಒಂಟಿ ಪೋಷಕರಾಗಿದ್ದು, ಒಬ್ಬಂಟಿಯಾಗಿ ವಾಸಿಸುತ್ತಿದ್ದಾರೆ. ಇದು ರಿತೀಶ್ ಅವರ ಮೊದಲ ಮದುವೆಯಾಗಿದ್ದರೆ, ಟ್ವಿಂಕಲ್ ಅವರದು ಎರಡನೇ ಮದುವೆ. ಟ್ವಿಂಕಲ್ ಸುಮಾರು ಎರಡು ವರ್ಷಗಳ ಹಿಂದೆ ತನ್ನ ಮೊದಲ ಪತಿಗೆ ವಿಚ್ಛೇದನ ನೀಡಿದರು, ಅವರೊಂದಿಗೆ ಅವರಿಗೆ ಏಳು ವರ್ಷದ ಮಗನಿದ್ದಾನೆ. ವಿಚ್ಛೇದನ ಪ್ರಕ್ರಿಯೆಯ ಸಮಯದಲ್ಲಿ ಅವರು ರಿತೀಶ್ ಅವರನ್ನು ಭೇಟಿಯಾಗಿದ್ದಾರೆ, ನಂತರ ಸ್ನೇಹ ಹುಟ್ಟತ್ತೆ,ಕಳೆದ ವರ್ಷ ನವೆಂಬರ್‌ನಲ್ಲಿ ವಿವಾಹವಾಗಿದ್ದಾರೆ. ಅವರ ಮದುವೆಯ ನಂತರ, ಅವರು ತಮ್ಮ ಹೊಸ ಜೀವನ ಪ್ರಾರಂಭಿಸಲು ಜಸ್ಸಿಯಾ ಗ್ರೀನ್ ಎನ್‌ಕ್ಲೇವ್‌ನಲ್ಲಿ ವಾಸಿಸುತ್ತಿದ್ದರು.

ಮದುವೆಯಾದ ಕೇವಲ 3 ತಿಂಗಳ ನಂತರ ಥಾರ್‌ಗೆ ಬೇಡಿಕೆ ಪ್ರಾರಂಭ!.

ಮದುವೆಯಾದ ಕೇವಲ ಮೂರು ತಿಂಗಳ ನಂತರ, ರಿತೀಶ್ ತನ್ನ ಆಸೆಗಳನ್ನು ಪೂರೈಸಲು ತನ್ನ ಹೆಂಡತಿಯಿಂದ ಥಾರ್ ಕೇಳಲು ಪ್ರಾರಂಭಿಸಿದನು ಎಂದು ಆರೋಪಿಸಲಾಗಿದೆ. ಆ ಹುಡುಗ ಪೋಷಕರಿಲ್ಲದ ವ್ಯಕ್ತಿಯಾಗಿದ್ದರಿಂದ, ಇದು ಸಾಂಪ್ರದಾಯಿಕ ವರದಕ್ಷಿಣೆ ಸಮಸ್ಯೆಯಾಗಿರಲಿಲ್ಲ, ಬದಲಾಗಿ ರಿತೀಶ್‌ನ ಸ್ವಂತ ದುರಾಸೆಯಾಗಿತ್ತು. ಥಾರ್ ಕುಟುಂಬದಲ್ಲಿ ದೈನಂದಿನ ಸಂಘರ್ಷದ ಮೂಲವಾಯಿತು. ವಿವಾದ ಉಲ್ಬಣಗೊಂಡಾಗ, ಮಧ್ಯವರ್ತಿಯ ಮೂಲಕ ರಾಜಿ ಮಾಡಿಕೊಳ್ಳಲಾಯಿತು, ಇದು ಸ್ವಲ್ಪ ಸಮಯದವರೆಗೆ ಪರಿಸ್ಥಿತಿಯನ್ನು ಶಾಂತಗೊಳಿಸಿತು.

ರಕ್ಷಣೆಗೆ ನೆರೆಯವರ ಬಳಿಗೆ ಹೋದರೂ ಬಿಡದ ಗಂಡ!

ಥಾರ್ ಬೇಡಿಕೆ ನಿಂತ ಕೆಲವೇ ತಿಂಗಳುಗಳ ನಂತರ, ರಿತೀಶ್ ಬೈಕ್‌ಗೆ ಬೇಡಿಕೆ ಇಡಲು ಪ್ರಾರಂಭಿಸಿದಳು. ಘಟನೆ ನಡೆದ ದಿನ, ಬೈಕ್‌ನ ವಿವಾದ ಎಷ್ಟರ ಮಟ್ಟಿಗೆ ಬೆಳೆದುತ್ತೆಂದರೆ, ಟ್ವಿಂಕಲ್ ತನ್ನನ್ನು ತಾನು ರಕ್ಷಿಸಿಕೊಳ್ಳಲು ತನ್ನ ನೆರೆಹೊರೆಯವರ ಬಳಿಗೆ ಹೋದಳು. ಆದರೆ ರಿತೀಶ್ ಅಲ್ಲಿಗೆ ಬಂದು ಸಾರ್ವಜನಿಕವಾಗಿ ಅವಳನ್ನು ಹೊಡೆಯಲು ಪ್ರಾರಂಭಿಸಿದಳು. ಅವಳನ್ನು ರಸ್ತೆಯ ಮೇಲೆ ಎಳೆದುಕೊಂಡು ಹೋಗಿ ಹೊಡೆಯುವ ಸಂಪೂರ್ಣ ಘಟನೆ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಪ್ರಸ್ತುತ, ದೂರಿನ ಆಧಾರದ ಮೇಲೆ ಆರೋಪಿ ಪತಿಯ ವಿರುದ್ಧ ಪೊಲೀಸರು ಮುಂದಿನ ಕ್ರಮ ಕೈಗೊಳ್ಳುತ್ತಿದ್ದಾರೆ.

ಡೆಲಿವರಿ ಬಾಯ್ಗೆ ಅನಂತ್ ಅಂಬಾನಿ ಸರ್ಪ್ರೈಸ್ ಗಿಫ್ಟ್: ಹೃದಯ ಶ್ರೀಮಂತಿಕೆಯ ಭಾವುಕ ವಿಡಿಯೋ ವೈರಲ್

Suchethana D — Sun, 25 Oct 2026 12:23:34 +0530

ಜಗತ್ತಿನ ಶ್ರೀಮಂತರಲ್ಲಿ ಒಬ್ಬರಾಗಿರುವ ರಿಲಯನ್ಸ್ ಇಂಡಸ್ಟ್ರೀಸ್ ನಿರ್ದೇಶಕ ಅನಂತ್ ಅಂಬಾನಿ ಅವರು ಇದಾಗಲೇ ಹಲವರು ಬಾರಿ ಹೃದಯ ಶ್ರೀಮಂತಿಕೆಯನ್ನೂ ಮೆರೆದಿದ್ದಾರೆ. ವಿಕೃತ ಮನಸ್ಸಿನವರು ಅವರ ಬಾಡಿ ಶೇಮಿಂಗ್ ಮಾಡುತ್ತಿದ್ದರೂ, ಅದ್ಯಾವುದನ್ನೂ ಪರಿಗಣನೆಗೆ ತೆಗೆದುಕೊಳ್ಳದೇ, ಪ್ರಚಾರವನ್ನೂ ಬಯಸದೇ ಸದ್ದಿಲ್ಲದೇ ತಮ್ಮ ಸಮಾಜ ಸೇವೆಯನ್ನು ಮುಂದುವರೆಸುತ್ತಿದ್ದಾರೆ ಅನಂತ್ ಅಂಬಾನಿ. ಅವರು ಸಮಾಜ ಸೇವೆ ಹಾಗೂ ಮುಖ್ಯವಾಗಿ ಪ್ರಾಣಿ ಕಲ್ಯಾಣ ಮತ್ತು ವನ್ಯಜೀವಿ ಸಂರಕ್ಷಣಾ ಕ್ಷೇತ್ರಗಳಲ್ಲಿ ಬೃಹತ್ ಕೊಡುಗೆಗಳನ್ನು ನೀಡುತ್ತಿದ್ದಾರೆ. ತಮ್ಮ ಸನಾತನ ಸಿದ್ಧಾಂತವಾದ 'ಜೀವ ಸೇವೆ'ಯನ್ನು (ಎಲ್ಲಾ ಜೀವಿಗಳ ಸೇವೆ) ಜೀವನದ ಮುಖ್ಯ ಉದ್ದೇಶವಾಗಿಸಿಕೊಂಡು ಅವರು ಹಲವು ಜನಪರ ಹಾಗೂ ಪ್ರಾಣಿ ಕಲ್ಯಾಣ ಕಾರ್ಯಕ್ರಮಗಳನ್ನು ನಡೆಸುತ್ತಿದ್ದಾರೆ.

ತಮ್ಮ ಹುಟ್ಟುಹಬ್ಬ ಹಾಗೂ ವಿಶೇಷ ಸಂದರ್ಭಗಳಲ್ಲಿ ಜಾಮ್‌ನಗರ ಮತ್ತು ಸುತ್ತಮುತ್ತಲಿನ ಹಳ್ಳಿಗಳಲ್ಲಿ ಬೃಹತ್ ಜನಸೇವೆಯನ್ನು ಕೈಗೊಳ್ಳುತ್ತಾರೆ. ಬಡ ರೋಗಿಗಳಿಗೆ ಮಲ್ಟಿ-ಸ್ಪೆಷಾಲಿಟಿ ಆರೋಗ್ಯ ಶಿಬಿರಗಳು ಮತ್ತು ಉಚಿತ ಕಣ್ಣಿನ ತಪಾಸಣೆಗಳನ್ನು ಆಯೋಜಿಸುತ್ತಾರೆ. ಗುರು ಗೋವಿಂದ್ ಸಿಂಗ್ ಆಸ್ಪತ್ರೆಯ ಲಕ್ಷಾಂತರ ರೋಗಿಗಳಿಗೆ ಹಾಗೂ ಸ್ಥಳೀಯ ಜನರಿಗೆ ಉಚಿತ ಊಟದ ವ್ಯವಸ್ಥೆ ಮಾಡಲಾಗುತ್ತದೆ. ಗ್ರಾಮೀಣ ಭಾಗದ ಸರ್ಕಾರಿ ಶಾಲಾ ಮಕ್ಕಳಿಗೆ ಉಚಿತ ಸ್ಕೂಲ್ ಕಿಟ್, ಶಾಲಾ ಕಟ್ಟಡಗಳ ನವೀಕರಣ ಹಾಗೂ ಕ್ರೀಡಾ ಸಾಮಗ್ರಿಗಳನ್ನು ವಿತರಿಸುತ್ತಾರೆ. ಅನಂತ್ ಅಂಬಾನಿ ಅವರು ರಿಲಯನ್ಸ್ ಫೌಂಡೇಶನ್ ಮೂಲಕ ದೇಶದ ಶಿಕ್ಷಣ, ಗ್ರಾಮೀಣಾಭಿವೃದ್ಧಿ ಹಾಗೂ ವಿಪತ್ತು ನಿರ್ವಹಣಾ ಕಾರ್ಯಗಳಿಗೂ ಬೆಂಬಲ ನೀಡುತ್ತಿದ್ದಾರೆ.

ಡೆಲಿವರಿ ಬಾಯ್ಗೆ ಸ್ಕೂಟರ್ ಗಿಫ್ಟ್

ಇಂಥ ಹತ್ತು ಹಲವು ಕಾರ್ಯಗಳನ್ನು ಸೈಲೆಂಟ್ ಆಗಿಮಾಡುವ ಕಾರಣ, ಅವರ ಈ ಮಹತ್ಕಾರ್ಯಗಳು ಉಳಿದವರಿಗೆ ತಿಳಿಯುವುದೇ ಇಲ್ಲ. ಇದೀಗ ಅವರು, ಸೈಕಲ್‌ನಲ್ಲಿ ಡೆಲಿವರಿ ಮಾಡುತ್ತಿದ್ದ ಬ್ಲಿಂಕಿಟ್ ಡೆಲಿವರಿ ಕೆಲಸಗಾರನಿಗೆ ಎಲೆಕ್ಟ್ರಿಕ್ ಸ್ಕೂಟರ್ ಉಡುಗೊರೆಯಾಗಿ ನೀಡುವ ಮೂಲಕ ಜನರ ಹೃದಯ ಗೆದ್ದಿದ್ದಾರೆ. ಸೈಕಲ್ ಮೇಲೆ ಡೆಲವರಿ ಮಾಡುತ್ತಿದ್ದ ಸಿಬ್ಬಂದಿಯೊಬ್ಬರಿಗೆ, ಇದಾಗಲೇ ಜನಸೇವೆ ಮೂಲಕ ಸೋಷಿಯಲ್ ಮೀಡಿಯಾದಲ್ಲಿ ಜನರ ಮನಸ್ಸನ್ನು ಗೆದ್ದಿರುವ ಹುಸೇನ್ ಮನ್ಸೂರಿ ಅವರ ಮೂಲಕ, ಈ ಉಡುಗೊರೆಯನ್ನು ನೀಡಿದ್ದಾರೆ ಅನಂತ್ ಅಂಬಾನಿ.

ಹುಸೇನ್ ಮನ್ಸೂರಿ ಅವರು ಈ ವಿಡಿಯೋ ಅನ್ನು ತಮ್ಮ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಸೈಕಲ್ ಮೇಲೆ ಹೋಗುವ ಡೆಲವರಿ ಬಾಯ್ ಅನ್ನು ಮಾತನಾಡಿಸಿ, ಕೊನೆಗೆ, ಅವರ ಕಣ್ಣಿಗೆ ಬಟ್ಟೆ ಕಟ್ಟಿ, ಅನಂತ್ ಅಂಬಾನಿ ಅವರು ನೀಡಿರುವ ಎಲೆಕ್ಟ್ರಿಕ್ ಸ್ಕೂಟರ್ ಉಡುಗೊರೆಯನ್ನು ತೋರಿಸಿದಾಗ, ಆ ವ್ಯಕ್ತಿಗೆ ಕಣ್ಣೀರು ತಡೆಯಲು ಆಗಲಿಲ್ಲ. ಅನಂತ್ ಅಂಬಾನಿ ಅವರಿಗೆ ಹೃದಯಪೂರ್ವಕವಾಗಿ ಆಶೀರ್ವದಿಸಿದ್ದಾರೆ ಅವರು. ಇದರ ವಿಡಿಯೋ ವೈರಲ್ ಆಗಿದ್ದು, ಅಂಬಾನಿ ಕುಟುಂಬಕ್ಕೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಯುವಕನ ಕಣ್ಣೀರು

ಇನ್ನು ಅನಂತ್ ಅಂಬಾನಿ ಅವರ ಕುರಿತು ಹೇಳುವುದಾದರೆ, ಇವರಿಗೆ 'ಗ್ಲೋಬಲ್ ಹ್ಯುಮಾನಿಟೇರಿಯನ್ ಅವಾರ್ಡ್' (Global Humanitarian Award) ನೀಡಿ ಗೌರವಿಸಲಾಗಿದೆ. ಈ ಪ್ರಶಸ್ತಿಯನ್ನು ಪಡೆದ ಅತ್ಯಂತ ಕಿರಿಯ ಹಾಗೂ ಮೊದಲ ಏಷ್ಯಾದ ವ್ಯಕ್ತಿ ಇವರಾಗಿದ್ದಾರೆ. ಗುಜರಾತ್‌ನ ಜಾಮ್‌ನಗರದಲ್ಲಿ ಸುಮಾರು 3,500 ಎಕರೆ ಪ್ರದೇಶದಲ್ಲಿ ಈ ಅತ್ಯಾಧುನಿಕ ವನ್ಯಜೀವಿ ರಕ್ಷಣೆ, ಪುನರ್ವಸತಿ ಮತ್ತು ಆರೈಕೆ ಕೇಂದ್ರವನ್ನು ಸ್ಥಾಪಿಸಲಾಗಿದೆ. ಜಗತ್ತಿನಾದ್ಯಂತ ಹಿಂಸೆ, ಅನಾರೋಗ್ಯ ಹಾಗೂ ಅಪಾಯಕ್ಕೆ ಸಿಲುಕಿದ್ದ ಸುಮಾರು 1.5 ಲಕ್ಷಕ್ಕೂ ಹೆಚ್ಚು ಪ್ರಾಣಿಗಳನ್ನು ರಕ್ಷಿಸಿ ಇಲ್ಲಿ ಪೋಷಿಸಲಾಗುತ್ತಿದೆ. ಇದರಲ್ಲಿ ಆನೆಗಳು, ಚಿರತೆಗಳು, ಹುಲಿಗಳು ಮತ್ತು ವಿವಿಧ ಪಕ್ಷಿ ಪ್ರಭೇದಗಳು ಸೇರಿವೆ. ಇಲ್ಲಿ ಆನೆಗಳಿಗಾಗಿಯೇ ಜಗತ್ತಿನ ಅತ್ಯಂತ ದೊಡ್ಡ ಹೈಟೆಕ್ ಆಸ್ಪತ್ರೆಯನ್ನು ನಿರ್ಮಿಸಲಾಗಿದ್ದು, ಗಾಯಗೊಂಡ ಆನೆಗಳಿಗೆ ಹೈಡ್ರೋಥೆರಪಿ ಹಾಗೂ ಸುಧಾರಿತ ಶಸ್ತ್ರಚಿಕಿತ್ಸೆಗಳನ್ನು ನೀಡಲಾಗುತ್ತದೆ.• ಇತ್ತೀಚಿನ ವರದಿಗಳ ಪ್ರಕಾರ, ಅವರ ನೇತೃತ್ವದ ತಂಡವು ಸುಮಾರು ೯ ಲಕ್ಷ ಗೋವುಗಳ ರಕ್ಷಣೆ ಮತ್ತು ಆರೈಕೆಯ ಜವಾಬ್ದಾರಿಯನ್ನು ಹೊತ್ತುಕೊಂಡಿದೆ.

ಇದರಲ್ಲಿ ಹಾಲು ನೀಡದ ಸುಮಾರು 7 ಲಕ್ಷಕ್ಕೂ ಅಧಿಕ ವೃದ್ಧ ಹಾಗೂ ಅಶಕ್ತ ಗೋವುಗಳನ್ನು ವಿಶೇಷ ಕಾಳಜಿಯಿಂದ ಸಾಕಿ ಸಲಹಲಾಗುತ್ತಿದೆ. ಸಮುದಾಯದಲ್ಲಿರುವ ಪ್ರಾಣಿಗಳ ಕಲ್ಯಾಣಕ್ಕಾಗಿ ಅವರು 'Champions of Care' ಎಂಬ ರಾಷ್ಟ್ರೀಯ ಯೋಜನೆಯನ್ನು ಘೋಷಿಸಿದ್ದಾರೆ. ಈ ಮೂಲಕ ಭಾರತದಾದ್ಯಂತ ಇರುವ 50ಕ್ಕೂ ಹೆಚ್ಚು ಪ್ರಾಣಿ ಕಲ್ಯಾಣ ಸಂಸ್ಥೆಗಳನ್ನು ಒಟ್ಟುಗೂಡಿಸಿ, ಬೀದಿ ನಾಯಿಗಳು, ಬೆಕ್ಕುಗಳು ಮತ್ತು ಇತರೆ ಪ್ರಾಣಿಗಳಿಗೆ ಉಚಿತ ಅಂಬುಲೆನ್ಸ್, ವೈದ್ಯಕೀಯ ಚಿಕಿತ್ಸೆ ಹಾಗೂ ಪುನರ್ವಸತಿ ಸೌಲಭ್ಯಗಳನ್ನು ಒದಗಿಸಲು ನೆರವು ನೀಡುತ್ತಿದ್ದಾರೆ

ಕೇರಳದ ಈ ಕೆಫೆಯಲ್ಲಿ ಗಾಂಧಿ ಪಕ್ಕ ಜಿನ್ನಾ ಪ್ರತಿಮೆ, ಗೋಮಾಂಸವೂ ಸರ್ವ್‌? ಯೂಟ್ಯೂಬರ್‌ಗೆ ಆರೋಪಕ್ಕೆ ಭಾರೀ ಆಕ್ರೋಶ!

Ravi Janekal — Sun, 25 Oct 2026 11:58:33 +0530

ಕೇರಳದ ಕೊಚ್ಚಿಯಲ್ಲಿರುವ, ಪೋರ್ಟ್ ಕೊಚ್ಚಿ ಎಂದೇ ಪ್ರಸಿದ್ಧವಾಗಿರುವ ಈ ಪ್ರದೇಶ ಅತ್ಯುತ್ತಮ ಕೆಫೆಗಳಿಗೆ ಹೆಸರುವಾಸಿ. ಪ್ರವಾಸಿಗರು ಹೆಚ್ಚು ಭೇಟಿ ನೀಡುವುದು ಇಲ್ಲಿನ ಕೆಫೆಗಳಿಗೆ ಆದರೆ ಇದೀಗ ಅಲ್ಲಿ ನಡೆದಿರುವ ಒಂದು ಆಘಾತಕಾರಿ ಕೃತ್ಯದಿಂದಾಗಿ ದೇಶಾದ್ಯಂತ ಚರ್ಚೆಗೆ ಗ್ರಾಸವಾಗಿದೆ. ಪ್ರಕರಣ ಸಂಬಂಧ ಎಫ್‌ಐಆರ್ ದಾಖಲಾಗಿದೆ. ಈ ಘಟನೆಗೆ ಕೇರಳ ಸಿಎಂ ತೀವ್ರವಾಗಿ ಖಂಡಿಸಿದ್ದಾರೆ. ಪೋರ್ಟ್ ಕೊಚ್ಚಿ ಕೆಫೆಯಲ್ಲಿ ನಡೆದಿದ್ದೇನು? ಅಷ್ಟಕ್ಕೂ ಯುಟ್ಯೂಬರ್ ಮಾಡಿರುವ ಗಂಭೀರ ಆರೋಪವೇನು?

ಯುಟ್ಯೂಬರ್ ಮಾಡಿರುವ ವಿಡಿಯೋದಲ್ಲಿ ಏನಿದೆ?

ಕೇರಳದೆ ಈ ಕೆಫೆ ಭೇಟಿ ನೀಡಿದ್ದ ಯುಟ್ಯೂಬರ್ ಅಮೃತ್ ಸಿಂಗ್ ಡ್ಯಾರೆನ್ ಎಂಬಾತ ಇನ್‌ಸ್ಟಾಗ್ರಾಮ್‌ನಲ್ಲಿ ಒಂದು ವಿಡಿಯೋ ಹಂಚಿಕೊಂಡಿದ್ದಾನೆ. ಕೇರಳದ ಪೋರ್ಟ್ ಕೊಚ್ಚಿ ಕೆಫೆಯಲ್ಲಿ ಮಹಾತ್ಮ ಗಾಂಧೀಜಿಯ ಪ್ರತಿಮೆ ಜೊತೆಗೆ ಪಾಕಿಸ್ತಾನದ ಸಂಸ್ಥಾಪಕ ಮೊಹಮ್ಮದ್ ಅಲಿ ಜಿನ್ನಾ ಪ್ರತಿಮೆಯನ್ನ ಇರಿಸಲಾಗಿದೆ. ಮಹಾತ್ಮನ ಪ್ರತಿಮೆ ಇಂಥ ಕೆಫೆಯಲ್ಲಿ ಗೋಮಾಂಸ ನೀಡಲಾಗುತ್ತಿದೆ ಎಂದು ತಿಳಿಸಿರುವ ವಿಡಿಯೋ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ದೇಶಾದ್ಯಂತ ವೈರಲ್ ಆಗಿದ್ದು ಕೋಮು ಗಲಭೆಗೆ ಪ್ರಚೋದನೆ ನೀಡಿದಂತಾಗಿದೆ. ಈ ವಿಡಿಯೋ ನೋಡಿದ ಬಳಿಕ ಹಿಂದೂ-ಮುಸ್ಲಿಂ ಆರೋಪ ಪ್ರತ್ಯಾರೋಪಗಳು ಮತ್ತೆ ಜೋರಾಗಿವೆ.

ಕೋಮು ಪ್ರಚೋದನಕಾರಿ ಹೇಳಿಕೆ ಯುಟ್ಯೂಬರ್ ವಿರುದ್ಧ ಎಫ್‌ಐಆರ್

ಯುಟ್ಯೂಬರ್ ಹಂಚಿಕೊಂಡಿರುವ ವಿಡಿಯೋದಿಂದಾಗ ಸಾಮಾಜಿಕ ಜಾಲತಾಣದಲ್ಲಿ ಕೆಫೆ ವಿರುದ್ಧ ಭಾರೀ ಆಕ್ರೋಶ ವ್ಯಕ್ತವಾಗಿದೆ. ಅಕ್ಟೋಬರ್ 22ರಂದು ಬೆಳಿಗ್ಗೆ ಸುಮಾರು 6 ಗಂಟೆಗೆ ಈ ವಿಡಿಯೋವನ್ನು ಪೋಸ್ಟ್ ಮಾಡಲಾಗಿದ್ದು. ಈ ವಿಡಿಯೋ ಕಾಡ್ಗಿಚ್ಚಿನಂತೆ ದೇಶಾದ್ಯಂತ ಹಬ್ಬಿ ಇದೀಗ ವಿವಾದ ಸೃಷ್ಟಿಸಿದೆ ಅಲ್ಲ, ಹಿಂದೂ ಮುಸ್ಲಿಂ ನಡುವಿನ ಸೌಹಾರ್ದತೆಗೆ ಕೊಳ್ಳಿ ಇಟ್ಟಂತಾಗಿದೆ. ಈ ಘಟನೆಯನ್ನು ಕೇರಳ ಮುಖ್ಯಮಂತ್ರಿ ವಿ.ಡಿ. ಸತೀಶನ್ ಮತ್ತು ಸಿಪಿಐ(ಎಂ) ಹಿರಿಯ ನಾಯಕ ಪಿಣರಾಯಿ ವಿಜಯನ್ ಅವರು ಕೂಡ ತೀವ್ರವಾಗಿ ಖಂಡಿಸಿದ್ದಾರೆ. ಫೋರ್ಟ್ ಕೊಚ್ಚಿ ಪೊಲೀಸರು ಭಾರತೀಯ ನ್ಯಾಯ ಸಂಹಿತೆ (ಬಿಎನ್‌ಎಸ್) ಸೆಕ್ಷನ್ 353(2) ಮತ್ತು 192ರ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

ಕಾಶಿ ಆರ್ಟ್‌ ಕೆಫೆಯಲ್ಲಿ ಜಿನ್ನಾ ಪ್ರತಿಮೆ ಇದೆಯೇ?

ಯುಟ್ಯೂಬರ್ ಆರೋಪಿಸಿದಂತೆ ಕಾಶಿ ಆರ್ಟ್ ಕೆಫೆಯಲ್ಲಿ ಮಹಾತ್ಮ ಗಾಂಧೀಜಿ ಜೊತೆಗೆ ಪಕ್ಕದಲ್ಲಿ ಬೆಳ್ಳಿಯಿಂದ ತಯಾರಿಸಲಾದ ಮೊಹಮ್ಮದ್ ಅಲಿ ಜಿನ್ನಾ ಪ್ರತಿಮೆ ಇಡಲಾಗಿದೆಯೇ? ಈ ಕೆಫೆಯಲ್ಲಿ ನಿಜಕ್ಕೂ ಗೋಮಾಂಸ ನೀಡಲಾಗುತ್ತದೆಯೇ? ಈ ಆರೋಪಗಳಿಗೆ ಸೋಷಿಯಲ್ ಮೀಡಿಯಾದಲ್ಲಿ ಮಿಶ್ರ ಪ್ರತಿಕ್ರಿಯೆ ಬಂದಿವೆ. ಕೆಲವರು ಯುಟ್ಯೂಬರ್ ಹೇಳುವುದು ನಿಜ ಎಂದರೆ, ಇನ್ನು ಕೆಲವರು ವಿರೋಧಿಸಿದ್ದಾರೆ.

ಆದರೆ ಎಫ್‌ಐಆರ್ ವರದಿ ಪ್ರಕಾರ ಆರೋಪಿ ತನ್ನ ಕೃತ್ಯದಿಂದ ಸಾರ್ವಜನಿಕ ಶಾಂತಿಗೆ ಭಂಗ ತರಬಹುದು ಎಂದು ಗೊತ್ತಿದ್ದರೂ ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋ ಹಂಚಿಕೊಂಡಿದ್ದಾರೆ. ಅಂದರೆ ಹಿಂದೂ ಮುಸ್ಲಿಂ ನಡುವೆ ಸಂಘರ್ಷ ತಂದಿಡಲೆಂದೇ, ಉದ್ದೇಶಪೂರ್ವಕವಾಗಿ ಶೇರ್ ಮಾಡಿಕೊಂಡಿರುವುದು ಮೇಲ್ನೋಟಕ್ಕೆ ಕಂಡುಬಂದಿದೆ. ಹಿಂದೂಗಳಿಗೆ ಧಾರ್ಮಿಕ ಮಹತ್ವ ಹೊಂದಿರುವ ಕಾಶಿ ಕೆಫೆ ಎಂದು ಹೆಸರಿಡಲಾಗಿದ್ದರು. ಈ ಕೆಫೆಯ ಸುತ್ತಮುತ್ತಲು ಮುಸ್ಲಿಂರ ಸಂಖ್ಯೆ ಹೆಚ್ಚಿರುವ ಕಾರಣ ಅಲ್ಲಿ ಗೋಮಾಂಸ ನೀಡಲಾಗುತ್ತಿದೆ ಎಂಬ ಅರ್ಥ ಬರುವಂತೆ ವಿಡಿಯೋದಲ್ಲಿ ಹೇಳಲಾಗಿದೆ ಎಂದು ಎಫ್‌ಐಆರ್‌ನಲ್ಲಿ ಉಲ್ಲೇಖಿಸಲಾಗಿದೆ. ಇದು ಕೋಮು ವೈಷಮ್ಯಕ್ಕೆ ಕಾರಣವಾಗುತ್ತದೆ ಎಂದು ಎಫ್‌ಐಆರ್‌ನಲ್ಲಿ ತಿಳಿಸಿದೆ.

ಯುಟ್ಯೂಬರ್ ವಿರುದ್ಧ ಕೇಸ್ ದಾಖಲು

ಸಮಾಜದಲ್ಲಿ ಗೊಂದಲ ಸೃಷ್ಟಿಸುವ ಉದ್ದೇಶ, ಹಿಂದೂ ಮುಸ್ಲಿಂ ಕೋಮು ಸಂಘರ್ಷಕ್ಕೆ ಪ್ರಚೋದಿಸುವ ಉದ್ದೇಶದಿಂದ ವಿಡಿಯೋ ಹಂಚಿಕೊಳ್ಳಲಾಗಿದೆ ಎಂಬ ಆರೋಪ ಹಿನ್ನೆಲೆ ಯುಟ್ಯೂಬರ್ ವಿರುದ್ಧ ಬಿಎನ್‌ಎಸ್ ಸೆಕ್ಷನ್ 353(2) ಸಾರ್ವಜನಿಕರಲ್ಲಿ ಗೊಂದಲ ಉದ್ವಿಗ್ನತೆ, ಪ್ರಚೋದನೆ ಮಾಡುವ ಕೃತ್ಯಕ್ಕೆ ಸಂಬಂಧಿಸಿದ ಸೆಕ್ಷನ್ 192 ರ ಅಡಿ ಕೇಸ್ ದಾಖಲಾಗಿದೆ.

ಯುಟ್ಯೂಬರ್ ವಿಡಿಯೋ ಖಂಡಿಸಿದ ಕೇರಳ ಸಿಎಂ

ಈ ವಿಡಿಯೋವನ್ನು ಕೇರಳ ಮುಖ್ಯಮಂತ್ರಿ ವಿ.ಡಿ. ಸತೀಶನ್ ತೀವ್ರವಾಗಿ ಖಂಡಿಸಿದ್ದಾರೆ. ಕೇರಳದ ಜನರು ಒಗ್ಗಟ್ಟಿನಿಂದ ಇದ್ದಾರೆ. ಇಲ್ಲಿ ಕೋಮು ದ್ವೇಷ ಹರಡುವ ಪ್ರಯತ್ನಗಳನ್ನು ಸಹಿಸುವುದಿಲ್ಲ ಎಂದು ಎಚ್ಚರಿಸಿದ್ದಾರೆ. ರಾಜ್ಯದ ಹೊರಗಿನ ವ್ಲಾಗರ್ ಒಬ್ಬರು ಫೋರ್ಟ್ ಕೊಚ್ಚಿ ಕುರಿತು ತಪ್ಪು ಮಾಹಿತಿಯನ್ನು ಹರಡಿ, ನಮ್ಮ ರಾಜ್ಯವನ್ನು ಕೆಟ್ಟದಾಗಿ ಬಿಂಬಿಸಿ, ಸಮುದಾಯಗಳ ನಡುವೆ ವಿಭಜನೆ ಮೂಡಿಸಲು ಪ್ರಯತ್ನಿಸಿರುವ ಇತ್ತೀಚಿನ ಇನ್‌ಸ್ಟಾಗ್ರಾಂ ವಿಡಿಯೋ ಸ್ವೀಕಾರಾರ್ಹವಲ್ಲ. ದೇವರ ಸ್ವಂತ ನಾಡಿನಲ್ಲಿ ಹೊಸ ಯುಗ ಆರಂಭವಾಗಿದೆ. ದ್ವೇಷಕ್ಕೆ ಇಲ್ಲಿ ಅವಕಾಶವಿಲ್ಲ. ನಮ್ಮ ಕೋಮು ಸೌಹಾರ್ದಕ್ಕೆ ಯಾರೂ ಧಕ್ಕೆ ತರಲು ನಾವು ಬಿಡುವುದಿಲ್ಲ ಎಂದು ಸತೀಶನ್ ಅವರು ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.

ಮಾಜಿ ಸಿಎಂ ಪಿಣರಾಯಿ ಕಿಡಿ

ಕೇರಳದಲ್ಲಿ ದ್ವೇಷ ಹರಡಲು ಯತ್ನಿಸಿದ್ದಾರೆ ಎಂದು ಪಿಣರಾಯಿ ವಿಜಯನ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದ್ದ ವಿಜಯನ್, ಫೋರ್ಟ್ ಕೊಚ್ಚಿ ಮತ್ತು ವರ್ಕಲಾ ಪ್ರದೇಶಗಳು ವಿವಿಧ ಸಂಸ್ಕೃತಿಗಳು ಒಂದಾಗುವ, ಇತಿಹಾಸಗಳು ಬೆಸೆದುಕೊಳ್ಳುವ ಮತ್ತು ವೈವಿಧ್ಯತೆ ಬೆಳೆಯುವ ಸ್ಥಳಗಳಾಗಿವೆ ಎಂದು ಹೇಳಿದ್ದಾರೆ. ಅಲ್ಲದೆ ಸುಳ್ಳು ಸುದ್ದಿ ಶೇರ್ ಮಾಡಿಕೊಂಡಿರುವ ಯುಟ್ಯೂಬರ್ ವಿರುದ್ಧ ಕಠಿಣ ಕ್ರಮಕ್ಕೆ ಆಗ್ರಹಿಸಿದ್ದಾರೆ

ಯುಟ್ಯೂಬ್ ವೀಕ್ಷಣೆ, ಸಬ್‌ಸ್ಕ್ರೈಬ್ ಪಡೆಯಲು ಈ ರೀತಿ ದ್ವೇಷ ಹರಡುವ ವ್ಲಾಗರ್‌ ಒಬ್ಬರು ಪೋರ್ಟ್ ಕೊಚ್ಚಿ ಕೆಫೆ ಬಗ್ಗೆ ಕೋಮು ವಿಭಜನೆ ದೃಷ್ಟಿಯಿಂದ ವ್ಲಾಗರ್ ಯತ್ನಿಸುತ್ತಿದ್ದಾರೆ ಎಂಬುದು ಮೇಲ್ನೋಟಕ್ಕೆ ಕಂಡುಬರುತ್ತಿದೆ. ಸೂಕ್ತ ಹಾಗೂ ಕಠಿಣ ಕ್ರಮಕ್ಕೆ ಪಿಣರಾಯಿ ವಿಜಯನ್ ಆಗ್ರಹಿಸಿದ್ದಾರೆ.

Snake secret: ಮಳೆ ಸುರಿದಾಗ ಹಾವುಗಳು ಏನು ಮಾಡುತ್ತವೆ? ಅವು ಆಶ್ರಯ ಪಡೆಯುವ ಜಾಗಗಳಿವು!

Sushma Hegde — Sun, 25 Oct 2026 11:36:24 +0530

ಮಳೆ ಆರಂಭವಾದರೆ ಸಾಕು, ರಸ್ತೆಗಳು, ಹೊಲಗಳು, ತೋಟಗಳು ಸೇರಿದಂತೆ ಎಲ್ಲೆಡೆ ನೀರು ತುಂಬಿಕೊಳ್ಳುತ್ತದೆ. ಮನುಷ್ಯರು ಮಳೆಯಿಂದ ರಕ್ಷಿಸಿಕೊಳ್ಳಲು ಮನೆಯೊಳಗೆ ಆಶ್ರಯ ಪಡೆಯುತ್ತಾರೆ. ಹಾಗಾದರೆ, ಮಳೆ ಬಂದಾಗ ಹಾವುಗಳು ಏನು ಮಾಡುತ್ತವೆ? ಅವು ಎಲ್ಲಿಗೆ ಹೋಗಿ ಅಡಗಿಕೊಳ್ಳುತ್ತವೆ? ಭಾರಿ ಮಳೆಯ ಬಳಿಕ ಮನೆಯ ಅಂಗಳ, ಗ್ಯಾರೇಜ್ ಅಥವಾ ಕಟ್ಟಡಗಳ ಸುತ್ತ ಹಾವುಗಳು ಕಾಣಿಸಿಕೊಳ್ಳುವುದೇಕೆ? ಈ ಪ್ರಶ್ನೆಗಳು ಹಲವರಲ್ಲಿ ಕುತೂಹಲ ಮೂಡಿಸುತ್ತವೆ.

ಮಳೆ ಬಂದಾಗ ಹಾವುಗಳು ಎಲ್ಲಿ ಅಡಗಿಕೊಳ್ಳುತ್ತವೆ?

ಸಾಮಾನ್ಯ ಮಳೆಯ ಸಂದರ್ಭದಲ್ಲಿ ಹಾವುಗಳು ಮಳೆಯಿಂದ ರಕ್ಷಣೆ ಪಡೆಯಲು ಸುರಕ್ಷಿತವಾದ ಜಾಗಗಳನ್ನು ಹುಡುಕುತ್ತವೆ. ನೆಲದೊಳಗಿನ ಬಿಲಗಳು, ಇಲಿಗಳ ಬಿಲಗಳು, ಬಂಡೆಗಳ ಸಂದುಗಳು, ಮರದ ಬುಡದಲ್ಲಿರುವ ಪೊಟರೆಗಳು ಮತ್ತು ಕಟ್ಟಿಗೆಗಳ ರಾಶಿಯ ಕೆಳಗೆ ಅವು ಆಶ್ರಯ ಪಡೆಯಬಹುದು. ಕೆಲವು ಹಾವುಗಳು ಕಟ್ಟಡಗಳ ಕೆಳಭಾಗ ಅಥವಾ ಇತರ ಸುರಕ್ಷಿತ ಸ್ಥಳಗಳಲ್ಲಿಯೂ ಅಡಗಿಕೊಳ್ಳುತ್ತವೆ. ಇಂತಹ ಜಾಗಗಳು ಅವುಗಳಿಗೆ ಮಳೆಯಿಂದ ರಕ್ಷಣೆ ನೀಡುವುದರ ಜೊತೆಗೆ ದೇಹದ ಉಷ್ಣತೆಯನ್ನು ನಿಯಂತ್ರಿಸಿಕೊಳ್ಳಲು ಸಹಾಯ ಮಾಡುತ್ತವೆ.

ಆದರೆ, ಮಳೆ ಬಂದರೆ ಹಾವುಗಳು ಕಡ್ಡಾಯವಾಗಿ ಬಿಲದೊಳಗೆ ಹೋಗುತ್ತವೆ ಎಂದು ಹೇಳಲು ಸಾಧ್ಯವಿಲ್ಲ. ಕೆಲವು ಪರಿಸರಗಳಲ್ಲಿ ಮಳೆಯು ಹಾವುಗಳಿಗೆ ನೀರಿನ ಲಭ್ಯತೆಯನ್ನು ಹೆಚ್ಚಿಸುತ್ತದೆ. ವಿಶೇಷವಾಗಿ ಒಣ ಹವಾಮಾನವಿರುವ ಪ್ರದೇಶಗಳಲ್ಲಿ ಮಳೆಯ ನೀರು ಅವುಗಳಿಗೆ ಉಪಯುಕ್ತವಾಗಬಹುದು.

ಮಳೆಯ ನೀರನ್ನು ಹಾವುಗಳು ಕುಡಿಯುತ್ತವೆಯೇ?

ಹೌದು, ಹಾವುಗಳು ಮಳೆಯ ನೀರನ್ನು ಕುಡಿಯುತ್ತವೆ. ಕೆಲವು ಹಾವುಗಳು ತಮ್ಮ ದೇಹದ ಮೇಲ್ಮೈಯಲ್ಲಿ ಸಂಗ್ರಹವಾಗುವ ನೀರನ್ನು ಕುಡಿಯುವ ವಿಶಿಷ್ಟ ವರ್ತನೆಯನ್ನೂ ತೋರಿಸುತ್ತವೆ. ಉದಾಹರಣೆಗೆ, ಕೆಲವು ರ್ಯಾಟಲ್‌ಸ್ನೇಕ್‌ಗಳು ತಮ್ಮ ದೇಹವನ್ನು ಸುರುಳಿಯಾಕಾರದಲ್ಲಿ ಮಡಚಿಕೊಂಡು ಮಳೆಯ ನೀರನ್ನು ಸಂಗ್ರಹಿಸಲು ಅನುಕೂಲವಾಗುವಂತೆ ಮಾಡುತ್ತವೆ ಎಂದು ಸರೀಸೃಪ ತಜ್ಞರು ವಿವರಿಸಿದ್ದಾರೆ. ಹೀಗೆ ಸಂಗ್ರಹವಾದ ನೀರನ್ನು ಅವು ಕುಡಿಯಬಹುದು.

ಇದರರ್ಥ ಮಳೆ ಬಂದಾಗ ಎಲ್ಲ ಹಾವುಗಳೂ ಹೊರಗೆ ಬರುತ್ತವೆ ಎಂದಲ್ಲ. ಕೆಲವು ಹಾವುಗಳು ಆಶ್ರಯದಲ್ಲಿಯೇ ಉಳಿಯಬಹುದು. ಇನ್ನು ಕೆಲವು ನೀರು ಅಥವಾ ಆಹಾರ ಹುಡುಕಲು ಚಲಿಸಬಹುದು. ಅವುಗಳ ವರ್ತನೆ ಹವಾಮಾನ ಮತ್ತು ವಾಸಸ್ಥಳವನ್ನು ಅವಲಂಬಿಸಿರುತ್ತದೆ.

ಮಳೆ ಬಂದ ಬಳಿಕ ಹಾವುಗಳು ಹೆಚ್ಚು ಕಾಣಿಸಿಕೊಳ್ಳುವುದೇಕೆ?

ಮಳೆ ಬಂದ ತಕ್ಷಣ ಹಾವುಗಳ ಸಂಖ್ಯೆ ಹೆಚ್ಚಾಗುತ್ತದೆ ಎಂಬ ನಂಬಿಕೆ ಹಲವರಲ್ಲಿದೆ. ಆದರೆ, ಮಳೆಯ ಬಳಿಕ ಹೆಚ್ಚು ಹಾವುಗಳು ಕಾಣಿಸಿಕೊಂಡರೆ ಅವುಗಳ ಸಂಖ್ಯೆ ನಿಜವಾಗಿಯೂ ಹೆಚ್ಚಾಗಿದೆ ಎಂದರ್ಥವಲ್ಲ. ಮಳೆಯಿಂದ ನೆಲದೊಳಗಿನ ಬಿಲಗಳಿಗೆ ನೀರು ನುಗ್ಗಿದರೆ ಹಾವುಗಳು ಬೇರೆ ಆಶ್ರಯವನ್ನು ಹುಡುಕಬೇಕಾಗಬಹುದು. ಜೊತೆಗೆ, ಮಳೆಯಿಂದ ಕಪ್ಪೆಗಳು, ಇತರ ಉಭಯಚರಗಳು ಮತ್ತು ಕೀಟಗಳ ಚಟುವಟಿಕೆ ಹೆಚ್ಚಾಗಬಹುದು. ಇವು ಹಾವುಗಳಿಗೆ ಆಹಾರದ ಮೂಲಗಳಾಗಿರುವುದರಿಂದ, ಆಹಾರ ಹುಡುಕುತ್ತಾ ಅವು ಹೆಚ್ಚು ಚಲಿಸುವ ಸಾಧ್ಯತೆಯಿದೆ.

ಮಳೆಯ ನೀರಿನಿಂದ ತಾತ್ಕಾಲಿಕ ಜೌಗು ಪ್ರದೇಶಗಳು ನಿರ್ಮಾಣವಾಗುವುದೂ ಕೆಲವು ಹಾವುಗಳಿಗೆ ಅನುಕೂಲಕರ ವಾಸಸ್ಥಳವನ್ನು ಒದಗಿಸಬಹುದು. ಹೀಗಾಗಿ, ಮಳೆಯ ನಂತರ ಹಾವುಗಳು ಹೆಚ್ಚು ಗೋಚರಿಸುವುದಕ್ಕೆ ಅವುಗಳ ಚಲನವಲನ ಹೆಚ್ಚಾಗಿರುವುದು ಒಂದು ಕಾರಣವಾಗಿರಬಹುದು.

ಭಾರಿ ಮಳೆ ಮತ್ತು ಪ್ರವಾಹ ಬಂದಾಗ ಹಾವುಗಳು ಏನು ಮಾಡುತ್ತವೆ?

ಸಾಮಾನ್ಯ ಮಳೆಗಿಂತ ಭಾರಿ ಮಳೆ ಅಥವಾ ಪ್ರವಾಹದ ಸಂದರ್ಭದಲ್ಲಿ ಹಾವುಗಳಿಗೆ ಹೆಚ್ಚಿನ ತೊಂದರೆ ಉಂಟಾಗಬಹುದು. ಅವು ಅಡಗಿಕೊಂಡಿರುವ ಬಿಲಗಳಿಗೆ ನೀರು ತುಂಬಿದರೆ, ಅಲ್ಲಿಂದ ಹೊರಬಂದು ಬೇರೆ ಸುರಕ್ಷಿತ ಸ್ಥಳವನ್ನು ಹುಡುಕಬೇಕಾಗುತ್ತದೆ. ಇಂತಹ ಸಂದರ್ಭಗಳಲ್ಲಿ ಹಾವುಗಳು ಎತ್ತರದ ನೆಲ, ಒಣ ಪ್ರದೇಶ ಅಥವಾ ಕಟ್ಟಡಗಳ ಸುರಕ್ಷಿತ ಭಾಗಗಳತ್ತ ಸಾಗಬಹುದು. ಕೆಲವು ಪ್ರಭೇದಗಳು ಮರಗಳನ್ನು ಹತ್ತುವ ಮೂಲಕವೂ ನೀರಿನಿಂದ ತಪ್ಪಿಸಿಕೊಳ್ಳಲು ಪ್ರಯತ್ನಿಸಬಹುದು.

ಹಾವುಗಳು ಸಾಮಾನ್ಯವಾಗಿ ಈಜಬಲ್ಲವು. ಆದರೂ, ಪ್ರವಾಹದ ನೀರಿನ ರಭಸಕ್ಕೆ ಕೆಲವು ಹಾವುಗಳು ಕೊಚ್ಚಿಕೊಂಡು ಹೋಗುವ ಸಾಧ್ಯತೆಯಿದೆ. ಇದರಿಂದ ಅವು ತಮ್ಮ ಸಾಮಾನ್ಯ ವಾಸಸ್ಥಳದಿಂದ ದೂರದ ಪ್ರದೇಶಗಳಿಗೂ ತಲುಪಬಹುದು. ಭಾರಿ ಮಳೆ ಅಥವಾ ಚಂಡಮಾರುತದ ಬಳಿಕ ಗ್ಯಾರೇಜ್‌ಗಳು, ಗೋಡೆಗಳ ಸಂದುಗಳು, ಕಟ್ಟಿಗೆಗಳ ರಾಶಿ ಮತ್ತು ಮನೆಯ ಸುತ್ತಮುತ್ತ ಹಾವುಗಳು ಕಾಣಿಸಿಕೊಳ್ಳಲು ಇದೇ ಕಾರಣವಾಗಿರಬಹುದು.

ಮಳೆ ನಿಂತ ಬಳಿಕ ಹಾವುಗಳು ಯಾವಾಗ ಹೊರಬರುತ್ತವೆ?

ಮಳೆ ನಿಂತ ತಕ್ಷಣವೇ ಹಾವುಗಳು ಹೊರಬರುತ್ತವೆ ಎಂಬ ನಿಯಮವಿಲ್ಲ. ಕೆಲವು ಹಾವುಗಳು ಮಳೆ ಕಡಿಮೆಯಾದ ಬಳಿಕ ತಮ್ಮ ಸಾಮಾನ್ಯ ಚಟುವಟಿಕೆಗಳನ್ನು ಮುಂದುವರಿಸಬಹುದು. ಇನ್ನು ಕೆಲವು ಹಾವುಗಳು ನೀರು ನಿಲ್ಲುವವರೆಗೆ ಅಥವಾ ಹವಾಮಾನ ಅನುಕೂಲಕರವಾಗುವವರೆಗೆ ಆಶ್ರಯದಲ್ಲಿಯೇ ಉಳಿಯಬಹುದು. ಇದರಲ್ಲಿ ತಾಪಮಾನ ಪ್ರಮುಖ ಪಾತ್ರ ವಹಿಸುತ್ತದೆ. ಹಾವುಗಳು ಶೀತರಕ್ತದ ಪ್ರಾಣಿಗಳಾಗಿದ್ದು, ದೇಹದ ಉಷ್ಣತೆಯನ್ನು ನಿಯಂತ್ರಿಸಲು ಹೊರಗಿನ ಪರಿಸರದ ಉಷ್ಣತೆಯನ್ನು ಅವಲಂಬಿಸಿರುತ್ತವೆ.

ಹೀಗಾಗಿ, ಅತಿಯಾದ ಚಳಿ ಅಥವಾ ಬಿಸಿಲು ಅವುಗಳ ಚಟುವಟಿಕೆಯ ಮೇಲೆ ಪರಿಣಾಮ ಬೀರಬಹುದು. ಇದರ ಜೊತೆಗೆ ಗಾಳಿಯಲ್ಲಿನ ತೇವಾಂಶ, ಆಹಾರದ ಲಭ್ಯತೆ ಮತ್ತು ವಾಸಸ್ಥಳದ ಪರಿಸ್ಥಿತಿಗಳೂ ಹಾವುಗಳು ಯಾವಾಗ ಹೊರಬರುತ್ತವೆ ಎಂಬುದನ್ನು ನಿರ್ಧರಿಸುತ್ತವೆ.

ಮಳೆಯ ಬಳಿಕ ಮನೆಯ ಅಂಗಳದಲ್ಲಿ ಹಾವು ಕಂಡರೆ ಏನು ಮಾಡಬೇಕು?

ಮಳೆಗಾಲದಲ್ಲಿ ಮನೆಯ ಸುತ್ತಮುತ್ತ ನೀರು ನಿಲ್ಲುವ ಪ್ರದೇಶಗಳು, ಕಟ್ಟಿಗೆಗಳ ರಾಶಿ ಮತ್ತು ಇತರ ಅಡಗಿಕೊಳ್ಳುವ ಸ್ಥಳಗಳ ಬಗ್ಗೆ ಎಚ್ಚರಿಕೆ ವಹಿಸುವುದು ಮುಖ್ಯ. ಹಾವು ಕಾಣಿಸಿಕೊಂಡರೆ ಅದನ್ನು ಹಿಡಿಯಲು ಅಥವಾ ಓಡಿಸಲು ಪ್ರಯತ್ನಿಸಬೇಡಿ.

ಸುರಕ್ಷಿತ ಅಂತರ ಕಾಯ್ದುಕೊಳ್ಳಿ: ಹಾವಿನ ಹತ್ತಿರ ಹೋಗಬೇಡಿ. ಅದನ್ನು ಮುಟ್ಟಲು ಅಥವಾ ಹಿಡಿಯಲು ಪ್ರಯತ್ನಿಸಬೇಡಿ.

ಕೈಯಿಂದ ವಸ್ತುಗಳನ್ನು ಪರಿಶೀಲಿಸಬೇಡಿ: ಕಟ್ಟಿಗೆಗಳ ರಾಶಿ, ಎಲೆಗಳ ಗುಡ್ಡ ಅಥವಾ ಅವಶೇಷಗಳ ನಡುವೆ ಕೈ ಹಾಕಬೇಡಿ.

ಹಾವನ್ನು ಕೆಣಕಬೇಡಿ: ಹಾವು ಬೆದರಿದಾಗ ಅಥವಾ ಸಿಕ್ಕಿಹಾಕಿಕೊಂಡಾಗ ಆತ್ಮರಕ್ಷಣೆಗಾಗಿ ಕಚ್ಚಬಹುದು.

ತಜ್ಞರ ನೆರವು ಪಡೆಯಿರಿ: ಹಾವು ಮನೆಯೊಳಗೆ ಅಥವಾ ಜನರು ಓಡಾಡುವ ಪ್ರದೇಶದಲ್ಲಿ ಕಂಡುಬಂದರೆ ಸ್ಥಳೀಯ ಅರಣ್ಯ ಇಲಾಖೆ ಅಥವಾ ತರಬೇತಿ ಪಡೆದ ಹಾವು ರಕ್ಷಕರನ್ನು ಸಂಪರ್ಕಿಸಿ.

ಪ್ರವಾಹದ ಬಳಿಕ ಎಚ್ಚರಿಕೆಯಿಂದಿರಿ: ಉರುಳಿದ ಬಕೆಟ್‌ಗಳು, ನೀರಿನ ಪಾತ್ರೆಗಳು ಮತ್ತು ಇತರ ವಸ್ತುಗಳಲ್ಲಿ ಸಣ್ಣ ಪ್ರಾಣಿಗಳು ಸಿಲುಕಿರುವ ಸಾಧ್ಯತೆಯಿದೆ. ಅವುಗಳನ್ನು ಪರಿಶೀಲಿಸುವಾಗ ಸುರಕ್ಷತೆಗೆ ಆದ್ಯತೆ ನೀಡಿ.

ಗಾಯಗೊಂಡ ಅಥವಾ ಸಿಲುಕಿಕೊಂಡ ಹಾವನ್ನು ನೀವೇ ರಕ್ಷಿಸಲು ಪ್ರಯತ್ನಿಸುವ ಬದಲು, ವನ್ಯಜೀವಿ ತಜ್ಞರ ನೆರವು ಪಡೆಯುವುದು ಸೂಕ್ತ.

ಮಳೆಗಾಲದಲ್ಲಿ ಹಾವುಗಳ ಬಗ್ಗೆ ಈ ವಿಚಾರ ನೆನಪಿಡಿ

ಮಳೆ ಬಂದಾಗ ಹಾವುಗಳು ಮಾಯವಾಗುವುದಿಲ್ಲ. ಅವು ಪರಿಸರದ ಬದಲಾವಣೆಗಳಿಗೆ ತಕ್ಕಂತೆ ತಮ್ಮ ಆಶ್ರಯ, ಚಲನವಲನ ಮತ್ತು ಆಹಾರ ಹುಡುಕುವ ವಿಧಾನಗಳನ್ನು ಬದಲಿಸಿಕೊಳ್ಳುತ್ತವೆ. ಭಾರಿ ಮಳೆ ಮತ್ತು ಪ್ರವಾಹವು ಅವುಗಳ ಸಾಮಾನ್ಯ ವಾಸಸ್ಥಳಕ್ಕೆ ಅಡ್ಡಿಪಡಿಸಿದಾಗ, ಮನೆಗಳ ಸುತ್ತಮುತ್ತ ಅವು ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ.

ಆದ್ದರಿಂದ, ಮಳೆಯ ಬಳಿಕ ಹಾವು ಕಂಡರೆ ಭಯದಿಂದ ಅದನ್ನು ಕೊಲ್ಲಲು ಅಥವಾ ಹಿಡಿಯಲು ಪ್ರಯತ್ನಿಸಬೇಡಿ. ಸುರಕ್ಷಿತ ಅಂತರ ಕಾಯ್ದುಕೊಂಡು ತಜ್ಞರ ನೆರವು ಪಡೆಯಿರಿ. ಮನುಷ್ಯರ ಸುರಕ್ಷತೆಯ ಜೊತೆಗೆ ವನ್ಯಜೀವಿಗಳ ರಕ್ಷಣೆಯೂ ಅಷ್ಟೇ ಮುಖ್ಯ.

ಪ್ರತಿಭಟನಕಾರರಿಂದ NHPC ಕಚೇರಿ, ಪೊಲೀಸ್ ಠಾಣೆಗೆ ಬೆಂಕಿ, ಬಿಜೆಪಿ ರಾಜ್ಯಾಧ್ಯಕ್ಷನ ಮನೆ ಪುಡಿ ಪುಡಿ

Chethan Kumar — Sun, 25 Oct 2026 11:35:18 +0530

ಇಟಾನಗರ (ಅ.25) ಪ್ರತಿಭಟನೆ ಆರಂಭಗೊಳ್ಳುತ್ತಿದ್ದಂತೆ ಹಿಂಸೆಗೆ ತಿರುಗಿದೆ. ಪರಿಣಾಮ ರಾಷ್ಟ್ರೀಯ ಹೈಡ್ರೋಎಲೆಕ್ಟ್ರಿಕ್ ಪವರ್ ಕಾರ್ಪೋರೇಶನ್(NHPC) ಕಚೇರಿ, ಪೊಲೀಸ್ ಠಾಣೆಗೆ ಪ್ರತಿಭಟನಾಕಾರರು ಬೆಂಕಿ ಹಚ್ಚಿದ್ದಾರೆ. ಇದೇ ವೇಳೆ ಬಿಜೆಪಿ ರಾಜ್ಯಾಧ್ಯಕ್ಷನ ಮನೆಯನ್ನು ಪುಡಿ ಮಾಡಿದ್ದಾರೆ. ಇತ್ತ ಬಿಜೆಪಿ ಮಾಜಿ ಶಾಸಕನ ಮನೆಯನ್ನು ದೋಚಲಾಗಿದೆ. ದಂಗೆಯ ಸ್ವರೂಪ ಪಡೆದುಕೊಂಡ ಪ್ರತಿಭಟನೆಯಿಂದ ಹಲವರು ಪೊಲೀಸರು ಗಂಭೀರವಾಗಿ ಗಾಯಗೊಂಡ ಘಟನೆ ಅರುಣಾಚಲ ಪ್ರದೇಶದಲ್ಲಿ ನಡೆದಿದೆ. ಅರುಣಾಚಲ ಪ್ರದೇಶ ಪವರ್ ಪ್ರಾಜೆಕ್ಟ್ ವಿರುದ್ಧ ಆರಂಭಗೊಂಡ ಪ್ರತಿಭಟನೆ ಇದೀಗ ಹಿಂಸೆಗೆ ತಿರುಗಿದ್ದು, ಕೋಲಾಹಲ ಸೃಷ್ಟಿಯಾಗಿದೆ.

ಉದ್ರಿಕ್ತರ ಗುಂಪಿನಿಂದ ಕೃತ್ಯ

11,200 MW ಸಿಯಾಂಗ್ ಅಪ್ಪರ್ ಮಲ್ಟಿಪರ್ಪಸ್ ಪವರ್ ಪ್ರಾಜೆಕ್ಟ್ ಯೋಜನೆಗೆ ಪೂರ್ವ ಸಿಯಾಂಗ್ ಜಿಲ್ಲೆಯಲ್ಲಿ ಭಾರಿ ವಿರೋಧ ವ್ಯಕ್ತವಾಗಿದೆ. ಪಸಿಘಾಟ್‌ನಲ್ಲಿ ಆರಂಭಗೊಂಡ ಪ್ರತಿಭಟನೆ ಇಡೀ ಸಿಯಾಂಗ್ ಜಿಲ್ಲೆಗೆ ಆವರಿಸಿದೆ. ಹೈಡ್ರೋ ಪವರ್ ಪ್ರಾಜೆಕ್ಟ್ ವಿರುದ್ಧ 12 ಗಂಟೆ ಬಂದ್ ಆಚರಿಸಿ ಪ್ರತಿಭಟನೆ ಹಮ್ಮಿಕೊಂಡಿತ್ತು. ಶುಕ್ರವಾರ ಈ ಪ್ರತಿಭಟನೆಗೆ ಪೊಲೀಸರು ಸಕಲ ತಯಾರಿ ನಡೆಸಿದ್ದರು, ಪ್ರತಿಭಟನೆ ವೇಳೆ ನೂಕಾಟ, ತಳ್ಳಾಟಗಳು ನಡೆದಿತ್ತು. ಪ್ರತಿಭಟನೆ ಬಳಿಕ ಪೊಲೀಸ್ ನಿಯೋಜನೆ ಸಡಿಲಗೊಂಡಿತ್ತು. ಇದೇ ವೇಳೆ ಉದ್ರಿಕ್ತರ ಗುಂಪು ಏಕಾಏಕಿ ರಸ್ತೆಗಳಲ್ಲಿ ನುಗ್ಗಿದೆ. ಪವರ್ ಪ್ರಾಜೆಕ್ಟ್ ಕಚೇರಿಗಳು, ಪೊಲೀಸ್ ಠಾಣೆಗೆ ನುಗ್ಗಿ ದಾಂಧಲೆ ನಡೆಸಿದೆ ಎಂದು ಪಸಿಘಾಟ್ ಸುಪರಿಡೆಂಟ್ ಆಫ್ ಪೊಲೀಸಿ ಟೋನಿ ತಾಟಕ್ ಹೇಳಿದ್ದಾರೆ.

ಬಿಜೆಪಿ ರಾಜ್ಯಾಧ್ಯಕ್ಷನ ಮನೆ ಧ್ವಂಸ

ಪ್ರತಿಭಟನೆ ಬಳಿಕ ಉದ್ರಿಕ್ತರ ಗುಂಪು ನೇರವಾಗಿ ಅರುಣಾಚಲ ಬಿಜೆಪಿ ರಾಜಾಧ್ಯಕ್ಷ ಹಾಗೂ ಮಾಜಿ ಶಾಸಕ ಕಲಿಂಗ್ ಮಯೋಂಗ್ ಅವರ ಮನೆಯತ್ತ ನುಗ್ಗಿದೆ. ಪಸಿಘಾಟ್‌ನಲ್ಲಿರುವ ಮಯೋಂಗ್ ಮನೆಗೆ ನುಗ್ಗಿದ್ದ ಉದ್ರಿಕ್ತರ ಗುಂಪು ಮನೆಯನ್ನು ಪುಡಿ ಮಾಡಿದೆ. ಆರಂಭದಲ್ಲಿ ಕಲ್ಲು ತೂರಾಟ ನಡೆಸಿದರೆ ಬಲಿಕ ನೇರವಾಗಿ ಮನೆಗೆ ನುಗ್ಗಿ ಪಿಠೋಪಕರಣ ಸೇರಿದಂತಂ ವಸ್ತುಗಳನ್ನು ಪುಡಿ ಮಾಡಿ ಹೊರಗೆಸೆದಿದ್ದಾರೆ. ಕೌಂಪೌಂಡ್ ಧ್ವಂಸಗೊಳಿಸಲಾಗಿದೆ. ಬಾಗಿಲು ಮುರಿಯಲಾಗಿದೆ.

ಪವರ್ ಕಾರ್ಪೋರೇಶನ್ ಕಚೇರಿಗೆ ಬೆಂಕಿ

ಪಸಿಘಾಟ್‌ನಲ್ಲಿರುವ NHPC ಕಚೇರಿಯತ್ತ ನುಗ್ಗಿದ ಉದ್ರಿಕ್ತರು ಕಚೇರಿಗೆ ಬೆಂಕಿ ಹಚ್ಚಿದ್ದಾರೆ. ದಾಖಲೆಗಳು, ಕಂಪ್ಯೂಟರ್ ಸೇರಿದಂತೆ ಇಡೀ ಕಚೇರಿ ಹೊತ್ತಿ ಉರಿದಿದೆ. ಪೆಟ್ರೋಲ್ ಸೇರಿದಂತೆ ಎಲ್ಲಾ ತಯಾರಿಯೊಂದಿಗೆ ಉದ್ರಿಕ್ತರು ಆಗಮಿಸಿದ್ದರು. ಕೆಲವೇ ಕ್ಷಣದಲ್ಲಿ NHPC ಕಚೇರಿ ಹೊತ್ತಿ ಉರಿದಿದೆ. ಅಗ್ನಿಶಾಮಕ ದಳ ಸ್ಥಳಕ್ಕೆ ಆಗಮಿಸುವ ವೇಳೆ ಕಚೇರಿ ಸಂಪೂರ್ಣ ಹೊತ್ತಿ ಉರಿದಿತ್ತು.

ಪೊಲೀಸ್ ಠಾಣೆಗೆ ಬೆಂಕಿ

ಇದೇ ವೇಳೆ ಉದ್ರಿಕ್ತರ ಗುಂಪು ನೇರವಾಗಿ ಪೊಲೀಸ್ ಠಾಣೆಗೆ ನುಗ್ಗಿದೆ. 1500ಕ್ಕೂ ಹೆಚ್ಚು ಉದ್ರಿಕ್ತರು ಕೈಯಲ್ಲಿ ಆಯುಧ, ಪೆಟ್ರೋಲ್ ಹಿಡಿದುಕೊಂಡೆ ಪೊಲೀಸ್ ಠಾಣೆಗೆ ನುಗ್ಗಿದ್ದರು. ಪೊಲೀಸ್ ವಾಹನ, ಪೊಲೀಸ್ ಠಾಣೆಗೆ ಬೇಕಿ ಹಚ್ಚಿದ್ದಾರೆ. ಪ್ರತಿಭಟನಕಾರರನ್ನು ಹತ್ತಿಕ್ಕಲು ಆಗಮಿಸಿದ ಪೊಲೀಸರ ಮೇಲೆ ಕಲ್ಲು ತೂರಾಟ ನಡೆಸಲಾಗಿದೆ. ಹಲವು ಪೊಲೀಸರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಉದ್ರಿಕ್ತ ಗುಂಪು ಹಲವು ಬೇಡಿಕೆ ಮುಂದಿಟ್ಟಿದೆ. ಬಂಧಿತ 10 ಹೋರಾಟಗಾರರನ್ನು ಬಿಡುಗಡೆ ಮಾಡುವಂತೆ ಮೊದಲ ಬೇಡಿಕೆ ಮುಂದಿಟ್ಟಿದೆ. ಪ್ರಸ್ತಾವಿತ ಪವರ್ ಪ್ರಾಜೆಕ್ಟ್ ಯೋಜನೆ ಕೈಬಿಡುವಂತೆ ಸೂಚಿಸಿದೆ. ಪ್ಯಾರಾಮಿಲಿಟರಿ ತುಕಡಿಯನ್ನು ಹಿಂಪಡೆಯುವಂತೆ ಉದ್ರಿಕ್ತರು ಹಾಗೂ ಪ್ರತಿಭಟನಾಕಾರರು ಬೇಡಿಕೆ ಮುಂದಿಟ್ಟಿದ್ದಾರೆ.

Lion of Naushera story: ಧರ್ಮದ ಕಾರ್ಡ್ ಪ್ಲೇ ಮಾಡಿದ ಜಿನ್ನಾಗೆ ಬ್ರಿಗೇಡಿಯರ್ ಉಸ್ಮಾನ್ ಕೊಟ್ಟ ಖಡಕ್ ಮಾತು ಈಗ ವೈರಲ್‌

Bhimasi M Koleppanavar — Sun, 25 Oct 2026 11:16:32 +0530

1947 ರ ದೇಶ ವಿಭಜನೆಯ ಸುಡುವ ಸನ್ನಿವೇಶದಲ್ಲಿ ಧರ್ಮದ ಆಧಾರದ ಮೇಲೆ ಭಾರತ-ಪಾಕಿಸ್ತಾನ ಪ್ರತ್ಯೇಕಗೊಂಡಾಗ, ಮುಸ್ಲಿಂ ಲೀಗ್ ಹಾಗೂ ಪಾಕಿಸ್ತಾನ ಸರ್ಕಾರ ಆಡಿದ ಕೋಮು ಕಾರ್ಡ್‌ಗೆ ಭಾರತದ ಹೆಮ್ಮೆಯ ಸೇನಾಧಿಕಾರಿ ಬ್ರಿಗೇಡಿಯರ್ ಮೊಹಮ್ಮದ್ ಉಸ್ಮಾನ್ ನೀಡಿದ ಖಡಕ್ ಉತ್ತರ ಇಂದಿಗೂ ಇತಿಹಾಸದ ಪುಟಗಳಲ್ಲಿ ಸ್ವರ್ಣಾಕ್ಷರಗಳಲ್ಲಿ ಉಳಿದಿದೆ.

ಪಾಕ್ ಸೇನಾ ಮುಖ್ಯಸ್ಥ ಹುದ್ದೆಯ ಆಮಿಷ ತಿರಸ್ಕಾರ!

ವಿಭಜನೆಯ ಸಮಯದಲ್ಲಿ ಪಾಕಿಸ್ತಾನ ಸರ್ಕಾರವು ಬ್ರಿಗೇಡಿಯರ್ ಉಸ್ಮಾನ್ ಅವರಿಗೆ ತಮ್ಮ ದೇಶದ ಸೇನಾ ಮುಖ್ಯಸ್ಥ (ಆರ್ಮಿ ಚೀಫ್) ಹುದ್ದೆ ವಹಿಸಿಕೊಳ್ಳುವಂತೆ ಬೃಹತ್ ಆಫರ್ ನೀಡಿತ್ತು. ಧರ್ಮದ ಹೆಸರಿನಲ್ಲಿ ನೀಡಲಾದ ಈ ಮಹೋನ್ನತ ಅಧಿಕಾರದ ಆಸೆ ಕಸದಂತೆ ತಳ್ಳಿಹಾಕಿದ ಉಸ್ಮಾನ್, "ನಾನು ಭಾರತೀಯನಾಗಿ ಹುಟ್ಟಿದ್ದೇನೆ, ಭಾರತೀಯನಾಗಿಯೇ ಸಾಯುತ್ತೇನೆ" ಎಂಬ ಐತಿಹಾಸಿಕ ಮಾತಿನ ಮೂಲಕ ಜಿನ್ನಾ ಪಡೆಗೆ ತಕ್ಕ ಚಾಟಿ ಬೀಸಿದ್ದರು.

ನೌಶೇರಾ ಕದನ ಮತ್ತು 'ಲಯನ್ ಆಫ್ ನೌಶೇರಾ' ಅಭಿದಾನ!

ವಿಭಜನೆಯ ಬೆನ್ನಲ್ಲೇ ಪಾಕಿಸ್ತಾನ ಬೆಂಬಲಿತ ಆಕ್ರಮಣಕಾರರು ಕಾಶ್ಮೀರದ ಮೇಲೆ ದಾಳಿ ನಡೆಸಿದಾಗ, ಬ್ರಿಗೇಡಿಯರ್ ಉಸ್ಮಾನ್ ಅವರು ಭಾರತೀಯ ಸೇನಾ ಪಡೆಗಳ ಮುಂಚೂಣಿ ನಾಯಕತ್ವ ವಹಿಸಿಕೊಂಡರು. ಶತ್ರುಗಳ ಸಂಖ್ಯೆ ಭಾರತೀಯ ಸೈನಿಕರಿಗಿಂತ ಎಷ್ಟೋ ಪಟ್ಟು ಹೆಚ್ಚಿದ್ದರೂ, ಯುದ್ಧಭೂಮಿಯಲ್ಲಿ ಅಪ್ರತಿಮ ಧೈರ್ಯ ಮತ್ತು ತಂತ್ರಗಾರಿಕೆ ಪ್ರದರ್ಶಿಸಿದ ಅವರು ನೌಶೇರಾ ವಲಯವನ್ನು ಯಶಸ್ವಿಯಾಗಿ ರಕ್ಷಿಸಿದರು. ಶತ್ರುಪಡೆಗಳನ್ನು ಬೆಚ್ಚಿಬೀಳಿಸಿದ ಅವರ ನಾಯಕತ್ವಕ್ಕೆ ‘ದಿ ಲಯನ್ ಆಫ್ ನೌಶೇರಾ’ (ನೌಶೇರಾದ ಸಿಂಹ) ಎಂಬ ಹೆಮ್ಮೆಯ ಬಿರುದು ಒಲಿದುಬಂತು.

35ನೇ ವಯಸ್ಸಿನಲ್ಲಿ ಮಾತೃಭೂಮಿಗಾಗಿ ವೀರಮರಣ!

ಜುಲೈ 1948 ರಲ್ಲಿ ನೌಶೇರಾ ವಲಯವನ್ನು ಶತ್ರುಗಳ ಆಕ್ರಮಣದಿಂದ ರಕ್ಷಿಸುವ ಕಾರ್ಯಾಚರಣೆಯಲ್ಲಿದ್ದಾಗ, ನಡೆದ ಭೀಕರ ಫಿರಂಗಿ ದಾಳಿಯಲ್ಲಿ ಬ್ರಿಗೇಡಿಯರ್ ಉಸ್ಮಾನ್ ತಮ್ಮ 35ನೇ ವಯಸ್ಸಿನಲ್ಲಿಯೇ ಪ್ರಾಣಾರ್ಪಣೆ ಮಾಡಿ ವೀರಮರಣ ಅಪ್ಪಿದರು. ಕಣ್ಣಮುಂದಿದ್ದ ಉನ್ನತ ಹುದ್ದೆ, ಅಧಿಕಾರ ಹಾಗೂ ಧರ್ಮದ ಆಮಿಷಗಳನ್ನು ಬದಿಗೊತ್ತಿ ತಾಯ್ನಾಡಿನ ರಕ್ಷಣೆಗಾಗಿ ಪ್ರಾಣ ಮುಡುಪಾಗಿಟ್ಟ ಬ್ರಿಗೇಡಿಯರ್ ಉಸ್ಮಾನ್ ಅವರ ಈ ನಿಸ್ವಾರ್ಥ ಬಲಿದಾನವು ಭಾರತೀಯ ಸೇನಾ ಇತಿಹಾಸದಲ್ಲಿ ದೇಶಭಕ್ತಿ ಮತ್ತು ಶೌರ್ಯದ ಅತ್ಯುನ್ನತ ಸಂಕೇತವಾಗಿ ಶಾಶ್ವತವಾಗಿ ನೆಲೆನಿಂತಿದೆ.

ವೈರಲ್‌ ಆದ ಖಡಕ್‌ ಮಾತು!

ನಾನು ಭಾರತೀಯನಾಗಿ ಹುಟ್ಟಿದ್ದೇನೆ, ಭಾರತೀಯನಾಗಿಯೇ ಸಾಯುತ್ತೇನೆ) ಎಂಬ ಸಾಲೇ ಈ ಇಡೀ ಕಥೆಯ ಅತ್ಯಂತ ಭಾವನಾತ್ಮಕ ಹಾಗೂ ಶಕ್ತಿಶಾಲಿ ಭಾಗವಾಗಿದೆ. ಈ ಮಾತು ಜನರ ಮನಸ್ಸಿನಲ್ಲಿ ಶಾಶ್ವತವಾಗಿ ಉಳಿಯಲು ಮತ್ತು ವೈರಲ್ ಆಗಲು ಪ್ರಮುಖ ಕಾರಣಗಳನ್ನು ಸಹ ನೋಡಬಹುದು. ಉನ್ನತ ಹುದ್ದೆಯ ಆಮಿಷವನ್ನು ಮೆಟ್ಟಿನಿಂತದ್ದು: ಪಾಕಿಸ್ತಾನದ ಸೇನಾ ಮುಖ್ಯಸ್ಥ (Army Chief) ಆಗುವ ಬೃಹತ್ ಅವಕಾಶ ಕಣ್ಣಮುಂದಿದ್ದರೂ, ಅಧಿಕಾರದ ಆಸೆಗೆ ಬಲಿಬೀಳದೆ ತಾಯ್ನಾಡಿನ ಪರವಾಗಿ ನಿಂತ ಅವರ ನಿಸ್ವಾರ್ಥ ದೇಶಭಕ್ತಿಗೆ ಈ ಸಾಲು ಸಾಕ್ಷಿಯಾಗಿದೆ.ದೇಶ ವಿಭಜನೆಯ ಸಂದರ್ಭದಲ್ಲಿ ಧರ್ಮದ ಹೆಸರಿನಲ್ಲಿ ಬಂದ ಆಫರ್‌ಗೆ ಅವರು ನೀಡಿದ ಈ ಉತ್ತರ, "ದೇಶಭಕ್ತಿಗೆ ಧರ್ಮಕ್ಕಿಂತ ದೇಶವೇ ಮೊದಲು" ಎಂಬುದನ್ನು ಗಟ್ಟಿಯಾಗಿ ಸಾರಿತು.

Adulterated Ghee: ತಿರುಪತಿ ಬಳಿಕ ಶಬರಿಮಲೇಲೂ ಕಳಪೆ ತುಪ್ಪ ಪೂರೈಕೆ ಗೋಲ್ಮಾಲ್, ಗುತ್ತಿಗೆದಾರ ಅರೆಸ್ಟ್

Kannadaprabha News — Sun, 25 Oct 2026 09:36:31 +0530

ತಿರುವನಂತಪುರಂ: ಶಬರಿಮಲೆ ದೇವಸ್ಥಾನಕ್ಕೆ ಅರವಣ ಪ್ರಸಾದ ತಯಾರಿಸಲು ಸಾಗಿಸಬೇಕಿದ್ದ 11 ಸಾವಿರ ಲೀಟರ್‌ ಮಿಲ್ಮಾ ತುಪ್ಪದ ಬದಲು ಕಡಿಮೆ ಗುಣಮಟ್ಟದ ತುಪ್ಪ ಪೂರೈಸುವ ಮೂಲಕ ತಿರುವಾಂಕೂರು ದೇವಸ್ವಂ ಮಂಡಳಿ (ಟಿಡಿಬಿ)ಗೆ 2.5 ಕೋಟಿ ರು. ನಷ್ಟ ಉಂಟು ಮಾಡಿದ ಆರೋಪಕ್ಕೆ ಸಂಬಂಧಿಸಿ ಲಾರಿ ಕಾಂಟ್ರ್ಯಾಕ್ಟರ್‌ ಒಬ್ಬರನ್ನು ಬಂಧಿಸಲಾಗಿದೆ.

11,000 ಲೀ. ಮಿಲ್ಮಾ ತುಪ್ಪ ಬದಲು ಕಡಿಮೆ ಗುಣಮಟ್ಟದ ತುಪ್ಪ ಪೂರೈಕೆ

ಬಂಧಿತನನ್ನು ಎಸ್‌.ಎಸ್‌.ಬಿನು ಎಂದು ಗುರುತಿಸಲಾಗಿದ್ದು, ಈತ 2025ರಿಂದ ಶಬರಿಮಲೆ ದೇಗುಲಕ್ಕೆ ಮಿಲ್ಮಾ ಡೈರಿಯಿಂದ ತುಪ್ಪ ಸಾಗಿಸುವ ಕಾಂಟ್ರ್ಯಾಕ್ಟ್‌ ಪಡೆದಿದ್ದ. ತುಪ್ಪ ಪೂರೈಕೆಯಲ್ಲಿ ಭಾರೀ ಅಕ್ರಮದ ಆರೋಪ ಕೇಳಿಬಂದ ಹಿನ್ನೆಲೆಯಲ್ಲಿ ಕೇರಳ ಹೈಕೋರ್ಟ್‌ ಉಸ್ತುವಾರಿಯಲ್ಲಿ ತನಿಖೆ ನಡೆಸುತ್ತಿರುವ ವಿಚಕ್ಷಣ ಹಾಗೂ ಭ್ರಷ್ಟಾಚಾರ ನಿಗ್ರಹ ದಳದ ಅಧಿಕಾರಿಗಳು ಶುಕ್ರವಾರ ಬಿನುನನ್ನು ಬಂಧಿಸಿದ್ದಾರೆ.

ಸಾರಿಗೆ ಕಾಂಟ್ರ್ಯಾಕ್ಟರ್‌ ಬಂಧಿಸಿದ ವಿಚಕ್ಷಣ ದಳ

ಕರ್ನಾಟಕದ ಕೆಎಂಎಫ್‌ನ ನಂದಿನಿ ಬ್ರ್ಯಾಂಡ್‌ನಂತೆ ಕೇರಳದ ಸಹಕಾರಿ ಹಾಲು ಒಕ್ಕೂಟವು ಮಿಲ್ಮಾ ಬ್ರ್ಯಾಂಡ್‌ನಡಿ ಹಾಲು ಮತ್ತು ಹಾಲಿನ ಉತ್ಪನ್ನಗಳನ್ನು ಮಾರಾಟ ಮಾಡುತ್ತದೆ. ಶಬರಿಮಲೆಯ ಅರವಣ (ಸಿಹಿ) ಪ್ರಸಾದಕ್ಕಾಗಿ ಟಿಡಿಬಿಯು ಪಟ್ಟಣಂತಿಟ್ಟ ಮಿಲ್ಮಾ ಡೈರಿ ಜತೆ ನೇರ ಒಪ್ಪಂದ ಮಾಡಿಕೊಂಡಿತ್ತು.

ತುಪ್ಪ ಸಾಗಣೆ ವೇಳೆ ಅಕ್ರಮ, 2.5 ಕೋಟಿ ನಷ್ಟ ಉಂಟುಮಾಡಿದ ಆರೋಪ

ಡೈರಿಯಿಂದ ತುಪ್ಪವನ್ನು ಸಾಗಿಸುವ ಗುತ್ತಿಗೆಯನ್ನು ಆರೋಪಿ ಬಿನುಗೆ ನೀಡಲಾಗಿತ್ತು. ಆದರೆ ಆರೋಪಿ ಬಿನು ಮಿಲ್ಮಾ ಡೈರಿಯಿಂದ ಲಾರಿಗೆ ತುಂಬುತ್ತಿದ್ದ ನೈಜ ತುಪ್ಪ ಬೇರೆಡೆ ವರ್ಗಾಯಿಸಿ, ಶಬರಿಮಲೆಗೆ ಕಡಿಮೆ ಗುಣಮಟ್ಟದ ತುಪ್ಪ ಪೂರೈಸಿದ್ದ. ತಮಿಳುನಾಡಿನ ಶ್ರೀ ವೆಂಕಟೇಶ್ವರ ಟ್ರೇಡರ್ಸ್‌ ಮತ್ತು ಲಿಯೋ ಟ್ರೇಡರ್ಸ್‌ಗೆ ನೈಜ ಮಿಲ್ಮಾ ತುಪ್ಪವನ್ನು ನಕಲಿ ದಾಖಲೆಗಳನ್ನು ಬಳಸಿ ಸಾಗಿಸಲಾಗಿದೆ ಎಂಬ ಆರೋಪವಿದೆ.

ವಾಹನಗಳ ಕಿರಿಕಿರಿ ನಡುವೆ ಜನಸ್ನೇಹಿ ಬೆಂಗಳೂರು: ಫ್ಲೈಓವರ್‌ ಕೆಳಗಿನ ಖಾಲಿ ಜಾಗ ಈಗ 'ಪಾಸ್‌ ಪಾರ್ಕ್'!

Sushma Hegde — Sun, 25 Oct 2026 10:42:14 +0530

ಬೆಂಗಳೂರು ಎಂದರೆ ಟ್ರಾಫಿಕ್ ಜಾಮ್, ಫ್ಲೈಓವರ್‌ಗಳು, ವಾಹನಗಳ ಕಿರಿಕಿರಿ ಮತ್ತು ಪಾದಚಾರಿಗಳಿಗೆ ಸಾಲದಷ್ಟು ಜಾಗ ಎಂಬ ಚಿತ್ರಣ ಸಾಮಾನ್ಯ. ಆದರೆ, ಇದೇ ನಗರದ ರಸ್ತೆಗಳು ಮತ್ತು ಫ್ಲೈಓವರ್‌ಗಳ ಕೆಳಗೆ ಬಳಕೆಯಾಗದೆ ಉಳಿದಿರುವ ಜಾಗವನ್ನು ಜನರಿಗಾಗಿ ಸುಂದರ ಸಾರ್ವಜನಿಕ ಸ್ಥಳಗಳನ್ನಾಗಿ ಪರಿವರ್ತಿಸಲು ಇಬ್ಬರು ನಗರ ವಿನ್ಯಾಸಕರು ಪ್ರಯತ್ನಿಸಿದ್ದಾರೆ. ಸ್ವಿಂಗ್‌ಗಳು, ಕುಳಿತುಕೊಳ್ಳಲು ಬೆಂಚ್‌ಗಳು, ಹಸಿರು ಗಿಡಗಳು ಮತ್ತು ಕಲಾಕೃತಿಗಳ ಮೂಲಕ ನಗರದ ನಿರ್ಲಕ್ಷಿತ ಜಾಗಗಳಿಗೆ ಹೊಸ ರೂಪ ನೀಡುವ ಈ ಪ್ರಯತ್ನ ಈಗ ಗಮನ ಸೆಳೆಯುತ್ತಿದೆ.

ನಗರ ವಿನ್ಯಾಸಕರಾದ ನಿಶಿತಾ ಪರ್ಮಾರ್ ಮತ್ತು ವೇದಾಂತಿ ಅಗರ್ವಾಲ್, Compartment S4 ತಂಡದೊಂದಿಗೆ ಸೇರಿ ಬೆಂಗಳೂರಿನ ರಸ್ತೆ ಜಂಕ್ಷನ್‌ಗಳು ಹಾಗೂ ಫ್ಲೈಓವರ್ ಕೆಳಗಿನ ಪ್ರದೇಶಗಳನ್ನು ಜನಸ್ನೇಹಿಯಾಗಿಸುವ ಕೆಲಸದಲ್ಲಿ ತೊಡಗಿದ್ದಾರೆ.

ರೇಸ್‌ಕೋರ್ಸ್ ಜಂಕ್ಷನ್‌ನಲ್ಲಿ ಪಾದಚಾರಿಗಳಿಗೆ ಎದುರಾಗಿದ್ದ ಸಮಸ್ಯೆ ಏನು?

ಬೆಂಗಳೂರಿನ ರೇಸ್‌ಕೋರ್ಸ್ ಜಂಕ್ಷನ್‌ನಲ್ಲಿ ರಸ್ತೆ ದಾಟುವ ಪಾದಚಾರಿಗಳು ವಾಹನಗಳ ನಡುವೆ ಹೆಚ್ಚು ಸಮಯ ಕಳೆಯಬೇಕಾದ ಪರಿಸ್ಥಿತಿ ಇತ್ತು. ಕೆಲವು ತಿರುವುಗಳಲ್ಲಿ ವಾಹನಗಳು ಸುಲಭವಾಗಿ ಸಾಗಲು ಹೆಚ್ಚಿನ ಜಾಗವಿದ್ದರೂ, ಆ ಮಾರ್ಗದಲ್ಲಿ ಸಂಚರಿಸುವ ವಾಹನಗಳ ಸಂಖ್ಯೆ ಕಡಿಮೆಯಾಗಿತ್ತು. ಆದರೆ, ಅದೇ ಪ್ರದೇಶದಲ್ಲಿ ರಸ್ತೆ ದಾಟಲು ಹೆಚ್ಚಿನ ಸಂಖ್ಯೆಯಲ್ಲಿ ಪಾದಚಾರಿಗಳು ಬರುತ್ತಿದ್ದರು.

ಈ ಸಮಸ್ಯೆಯನ್ನು ಗಮನಿಸಿದ ನಿಶಿತಾ ಪರ್ಮಾರ್ ಮತ್ತು ವೇದಾಂತಿ ಅಗರ್ವಾಲ್ ಅವರ ತಂಡ, ಜಂಕ್ಷನ್‌ನಲ್ಲಿ ವಾಹನಗಳು ಮತ್ತು ಪಾದಚಾರಿಗಳು ಹೇಗೆ ಸಂಚರಿಸುತ್ತಾರೆ ಎಂಬುದನ್ನು ಅಧ್ಯಯನ ಮಾಡಿತು. ವಾಹನಗಳ ಸಂಖ್ಯೆಯನ್ನು ಲೆಕ್ಕ ಹಾಕಿ, ಜನರು ರಸ್ತೆ ದಾಟುವ ಮಾರ್ಗಗಳನ್ನು ಗಮನಿಸಿ, ಎಲ್ಲಿ ಸಂಘರ್ಷ ಉಂಟಾಗುತ್ತಿದೆ ಎಂಬುದನ್ನು ಗುರುತಿಸಿತು.

ಈ ಅಧ್ಯಯನದ ಬಳಿಕ ಒಂದು ಪ್ರಮುಖ ವಿಚಾರ ತಿಳಿಯಿತು. ಕಡಿಮೆ ವಾಹನಗಳು ಬಳಸುತ್ತಿದ್ದ ತಿರುವಿಗೆ ಹೆಚ್ಚಿನ ಜಾಗ ನೀಡಲಾಗಿತ್ತು. ಆದರೆ, ಪಾದಚಾರಿಗಳು ರಸ್ತೆ ದಾಟಲು ಹೆಚ್ಚು ದೂರ ಕ್ರಮಿಸಬೇಕಾಗಿತ್ತು.

ಇದಕ್ಕೆ ಪರಿಹಾರವಾಗಿ ತಿರುವಿನ ವಿನ್ಯಾಸವನ್ನು ಬದಲಾಯಿಸುವುದು, ವಾಹನಗಳ ಸಂಚಾರ ವ್ಯವಸ್ಥೆಯಲ್ಲಿ ಸೂಕ್ತ ಬದಲಾವಣೆ ತರುವುದು ಮತ್ತು ರಸ್ತೆ ದಾಟುವ ಮಧ್ಯೆ ಪಾದಚಾರಿಗಳು ಸ್ವಲ್ಪ ಸಮಯ ನಿಲ್ಲಲು ಅನುಕೂಲವಾಗುವಂತಹ ಸುರಕ್ಷಿತ ದ್ವೀಪದ ವ್ಯವಸ್ಥೆ ರೂಪಿಸುವ ಪ್ರಸ್ತಾವನೆ ಮಾಡಲಾಯಿತು.

ಇದರಿಂದ ಕಾಲೇಜಿಗೆ ಹೋಗುವ ವಿದ್ಯಾರ್ಥಿಗಳು, ಕಚೇರಿಗೆ ತೆರಳುವ ಉದ್ಯೋಗಿಗಳು ಸೇರಿದಂತೆ ಪ್ರತಿದಿನ ಈ ಮಾರ್ಗ ಬಳಸುವ ಜನರಿಗೆ ರಸ್ತೆ ದಾಟುವುದು ಸುಲಭವಾಗುವ ನಿರೀಕ್ಷೆ ಇತ್ತು.

ಪಾದಚಾರಿಗಳ ಸುರಕ್ಷತೆಗೆ ಬಿಬಿಎಂಪಿ ಯೋಜನೆ

ಈ ಕೆಲಸವು 'ಆರ್ಬಿಟಲ್' (Orbital) ಯೋಜನೆಯ ಭಾಗವಾಗಿದ್ದು, ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆ (BBMP) ಇದಕ್ಕೆ ಚಾಲನೆ ನೀಡಿತ್ತು. ಸುಸ್ಥಿರ ಸಾರಿಗೆ ವ್ಯವಸ್ಥೆಯನ್ನು ಉತ್ತೇಜಿಸುವ Sustainable Mobility Network ಕೂಡ ಯೋಜನೆಗೆ ಬೆಂಬಲ ನೀಡಿತ್ತು.

2023ರ ಡಿಸೆಂಬರ್‌ನಲ್ಲಿ ರೇಸ್‌ಕೋರ್ಸ್ ರಸ್ತೆ ಜಂಕ್ಷನ್‌ನ ಪುನರ್‌ಅಭಿವೃದ್ಧಿ ಕಾಮಗಾರಿ ಆರಂಭವಾಗಿತ್ತು. ಪಾದಚಾರಿ ದಾಟುವ ಮಾರ್ಗಗಳು, ಕುಳಿತುಕೊಳ್ಳಲು ಬೆಂಚ್‌ಗಳು ಮತ್ತು ಕಾಯುವ ಸ್ಥಳಗಳನ್ನು ಅಭಿವೃದ್ಧಿಪಡಿಸುವ ಯೋಜನೆಯೂ ಇದರಲ್ಲಿತ್ತು.

2025ರ ಫೆಬ್ರವರಿಯಲ್ಲಿ ಪ್ರಕಟವಾದ ಸ್ಥಳೀಯ ವರದಿಗಳ ಪ್ರಕಾರ, ಜಂಕ್ಷನ್‌ನ ಅಭಿವೃದ್ಧಿ ಕಾರ್ಯ ಪೂರ್ಣಗೊಂಡಿದ್ದು, ಪಾದಚಾರಿಗಳು ಮತ್ತು ಕಚೇರಿ ಉದ್ಯೋಗಿಗಳ ಅನುಕೂಲಕ್ಕಾಗಿ ಬೆಂಚ್‌ಗಳನ್ನು ಅಳವಡಿಸಲಾಗಿತ್ತು. Compartment S4 ಕೂಡ ತನ್ನ ರೇಸ್‌ಕೋರ್ಸ್ ಜಂಕ್ಷನ್ ಯೋಜನೆಯನ್ನು ಪೂರ್ಣಗೊಂಡ ಯೋಜನೆ ಎಂದು ದಾಖಲಿಸಿದೆ.

ಆದರೆ, ಈ ಬದಲಾವಣೆಗಳಿಂದ ರಸ್ತೆ ದಾಟುವ ಸಮಯ ಎಷ್ಟು ಕಡಿಮೆಯಾಯಿತು ಅಥವಾ ವಾಹನಗಳೊಂದಿಗಿನ ಸಂಘರ್ಷಗಳು ಎಷ್ಟು ತಗ್ಗಿದವು ಎಂಬುದನ್ನು ತೋರಿಸುವ ನಿಖರವಾದ ಅಂಕಿಅಂಶಗಳು ಲಭ್ಯವಿಲ್ಲ.

ಫ್ಲೈಓವರ್ ಕೆಳಗಿನ ಜಾಗಕ್ಕೆ ಹೊಸ ರೂಪ ನೀಡಿದ 'ಪಾಸ್ ಪಾರ್ಕ್'

ನಗರದ ರಸ್ತೆ ಜಂಕ್ಷನ್‌ಗಳಲ್ಲಿ ಪಾದಚಾರಿಗಳ ಸುರಕ್ಷತೆಗೆ ಆದ್ಯತೆ ನೀಡಿದ ತಂಡ, ಬಳಿಕ ಫ್ಲೈಓವರ್‌ಗಳ ಕೆಳಗೆ ಬಳಕೆಯಾಗದೆ ಉಳಿದಿರುವ ಜಾಗಗಳತ್ತ ಗಮನ ಹರಿಸಿತು. ಈ ಪ್ರಯತ್ನದ ಪ್ರಮುಖ ಉದಾಹರಣೆ ಶಿವಾನಂದ ಫ್ಲೈಓವರ್ ಪ್ರದೇಶ.

ಇಲ್ಲಿ ಫ್ಲೈಓವರ್ ಕೆಳಗೆ ಸಾಕಷ್ಟು ಜಾಗ ಬಳಕೆಯಾಗದೆ ಉಳಿದಿತ್ತು. ಮತ್ತೊಂದೆಡೆ, ಪಾದಚಾರಿಗಳಿಗೆ ನಡೆಯಲು ಕೆಲವೆಡೆ ಕೇವಲ 1.5 ಅಡಿ ಅಗಲದ ಫುಟ್‌ಪಾತ್ ಮಾತ್ರ ಇತ್ತು. ವಸತಿ ಪ್ರದೇಶಗಳು, ವಿಶ್ವವಿದ್ಯಾಲಯಗಳು ಮತ್ತು ರೇಸ್‌ಕೋರ್ಸ್ ನಡುವೆ ಸಂಚರಿಸುವ ಜನರು ಇದೇ ಮಾರ್ಗವನ್ನು ಬಳಸುತ್ತಿದ್ದರು.

ಹಾಗಾದರೆ, ಫ್ಲೈಓವರ್ ಕೆಳಗೆ ಖಾಲಿ ಬಿದ್ದಿರುವ ಜಾಗವನ್ನು ಜನರಿಗೆ ಅನುಕೂಲವಾಗುವಂತೆ ಏಕೆ ಬಳಸಬಾರದು? ಇದೇ ಆಲೋಚನೆಯಿಂದ 'ಪಾಸ್ ಪಾರ್ಕ್' (Pause Park) ಪರಿಕಲ್ಪನೆ ರೂಪುಗೊಂಡಿತು.

ಈ ಯೋಜನೆಯಲ್ಲಿ ಜನರು ಕುಳಿತು ವಿಶ್ರಾಂತಿ ಪಡೆಯಲು ಬೆಂಚ್‌ಗಳು, ಮೆಟ್ಟಿಲುಗಳು, ವಿವಿಧ ಹಂತದ ವೇದಿಕೆಗಳು, ಸ್ವಿಂಗ್‌ಗಳು, ಹಸಿರು ಗಿಡಗಳು ಮತ್ತು ಕಲಾಕೃತಿಗಳಿಗೆ ಸ್ಥಳ ಕಲ್ಪಿಸುವ ಉದ್ದೇಶವಿತ್ತು. ವಾಹನಗಳ ಕೆಳಗೆ ನಿರುಪಯುಕ್ತವಾಗಿ ಕಾಣುತ್ತಿದ್ದ ಜಾಗವನ್ನು ಜನರು ಸ್ವಲ್ಪ ಸಮಯ ಕಳೆಯಬಹುದಾದ ಸಾರ್ವಜನಿಕ ಸ್ಥಳವನ್ನಾಗಿ ರೂಪಿಸುವುದು ಇದರ ಮುಖ್ಯ ಗುರಿ.

2023ರ ಜೂನ್ ವೇಳೆಗೆ ಈ ಪ್ರದೇಶವನ್ನು ಉಪಯುಕ್ತವಾಗಿಸುವ ಕಾಮಗಾರಿಗಳು ನಡೆಯುತ್ತಿದ್ದವು. ಈ ಹಿಂದೆ ಇಲ್ಲಿ ಬಾಸ್ಕೆಟ್‌ಬಾಲ್ ಕೋರ್ಟ್ ಮತ್ತು ಸ್ಕೇಟಿಂಗ್ ರಿಂಕ್ ನಿರ್ಮಿಸುವ ಪ್ರಸ್ತಾವನೆಗೆ ಸ್ಥಳೀಯ ನಿವಾಸಿಗಳು ಸುರಕ್ಷತೆಯ ಕಾರಣದಿಂದ ಆಕ್ಷೇಪ ವ್ಯಕ್ತಪಡಿಸಿದ್ದರು. ಬಳಿಕ ಬಿಬಿಎಂಪಿ ಬೆಂಚ್‌ಗಳು ಮತ್ತು ಸಾರ್ವಜನಿಕ ಶೌಚಾಲಯಗಳ ನಿರ್ಮಾಣ ಕಾರ್ಯ ಕೈಗೊಂಡಿತ್ತು.

2025ರ ಫೆಬ್ರವರಿಯಲ್ಲಿ ಶಿವಾನಂದ ವೃತ್ತವನ್ನು ಅಭಿವೃದ್ಧಿಪಡಿಸಿದ ಜಂಕ್ಷನ್‌ಗಳಲ್ಲಿ ಒಂದೆಂದು ನಾಗರಿಕ ಅಧಿಕಾರಿಗಳು ಉಲ್ಲೇಖಿಸಿದ್ದರು. ಆದರೆ, ಅದೇ ವರ್ಷದ ಮೇ 31ರಂದು ಪ್ರಕಟವಾದ ವರದಿಯ ಪ್ರಕಾರ, ಮಿನಿ ಪಾರ್ಕ್‌ನ ಸ್ವಿಂಗ್‌ಗಳು ಮತ್ತು ಹಸಿರು ವ್ಯವಸ್ಥೆಗೆ ಸಂಬಂಧಿಸಿದ ಅಂತಿಮ ಕಾಮಗಾರಿಗಳು ಇನ್ನೂ ಪ್ರಗತಿಯಲ್ಲಿದ್ದವು.

ಹೀಗಾಗಿ, ಪಾರ್ಕ್‌ನ ಎಲ್ಲ ಸೌಲಭ್ಯಗಳು ಸಾರ್ವಜನಿಕರಿಗೆ ಸಂಪೂರ್ಣವಾಗಿ ಬಳಕೆಗೆ ಲಭ್ಯವಿವೆಯೇ ಎಂಬುದನ್ನು ಖಚಿತಪಡಿಸುವ ಮಾಹಿತಿ ಲಭ್ಯವಿಲ್ಲ. ಆದರೂ, ಫ್ಲೈಓವರ್ ಕೆಳಗಿನ ಜಾಗವನ್ನು ಜನಸ್ನೇಹಿಯಾಗಿ ಬಳಸುವ ಈ ಆಲೋಚನೆ ನಗರಾಭಿವೃದ್ಧಿಯ ಬಗ್ಗೆ ಹೊಸ ಚರ್ಚೆಗೆ ಅವಕಾಶ ನೀಡಿದೆ.

ಜನಸ್ನೇಹಿ ಬೆಂಗಳೂರಿನತ್ತ ಹೆಜ್ಜೆ

ನಗರ ವಿನ್ಯಾಸದ ಉದ್ದೇಶ ಕೇವಲ ರಸ್ತೆಗಳ ಸೌಂದರ್ಯ ಹೆಚ್ಚಿಸುವುದಲ್ಲ. ಮಕ್ಕಳು ಆಟವಾಡಲು, ಹಿರಿಯರು ವಿಶ್ರಾಂತಿ ಪಡೆಯಲು ಮತ್ತು ಪಾದಚಾರಿಗಳು ಸುರಕ್ಷಿತವಾಗಿ ಸಂಚರಿಸಲು ಅನುಕೂಲ ಕಲ್ಪಿಸುವುದೂ ಮುಖ್ಯವಾಗಿದೆ. ಬಳಕೆಯಾಗದ ಜಾಗಗಳನ್ನು ಜನೋಪಯೋಗಿ ಸ್ಥಳಗಳನ್ನಾಗಿ ಪರಿವರ್ತಿಸುವ ಇಂತಹ ಪ್ರಯತ್ನಗಳು ಬೆಂಗಳೂರಿನ ನಗರ ಜೀವನಕ್ಕೆ ಹೊಸ ಆಯಾಮ ನೀಡಬಹುದು. ವಾಹನಗಳಿಗೆ ಮಾತ್ರವಲ್ಲ, ಜನರಿಗೂ ಆದ್ಯತೆ ನೀಡುವ ನಗರ ನಿರ್ಮಾಣದ ಅಗತ್ಯವನ್ನು ಈ ಯೋಜನೆಗಳು ಎತ್ತಿ ತೋರಿಸುತ್ತವೆ.

ಬೆಂಗಳೂರು: 50,000 ಕ್ಕೂ ಹೆಚ್ಚು ಜನರಿರುವ 5,480 ಪಿಜಿಗಳ ಪೈಕಿ 3,597 ಪೇಯಿಂಗ್ ಗೆಸ್ಟ್ ಅನಧಿಕೃತ!

Kannadaprabha News — Sun, 25 Oct 2026 10:23:49 +0530

ಬೆಂಗಳೂರು (ಅ.25): ನಗರದಲ್ಲಿ ಕಾರ್ಯಾಚರಿಸುತ್ತಿರುವ 5,480 ಪೇಯಿಂಗ್ ಗೆಸ್ಟ್(Paying Guest) ಕೇಂದ್ರಗಳ (PG) ಪೈಕಿ 3,597 (ಶೇ.66ರಷ್ಟು) ಅನಧಿಕೃತವಾಗಿವೆ ಎಂದು ಜಿಬಿಎ(GBA Report) ಇತ್ತೀಚೆಗೆ ನಡೆಸಿದ ಪಿ.ಜಿ ಪರಿಶೀಲನೆಯ ಆಡಿಟ್ ವರದಿಯಲ್ಲಿ ಕಂಡು ಬಂದಿದೆ.

ಹೈಕೋರ್ಟ್ ಸೂಚನೆ ಹಿನ್ನೆಲೆ ಬೆಂಗಳೂರು ಪಿಜಿಗಳ ಪರಿಶೀಲನೆ

ಹೈಕೋರ್ಟ್ ಸೂಚನೆ ಹಿನ್ನೆಲೆಯಲ್ಲಿ ಆರೋಗ್ಯ ಇಲಾಖೆ ಮತ್ತು ಪಾಲಿಕೆಯ ಎಂಜಿನಿಯರ್‌ಗಳು ನಗರದಲ್ಲಿನ ಪಿಜಿಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. 2025ರ ನಗರಾಭಿವೃದ್ಧಿ ಇಲಾಖೆಯ ಸುತ್ತೋಲೆ ಪ್ರಕಾರ, 40 ಅಡಿಗಿಂತ ಕಡಿಮೆ ಅಗಲದ ರಸ್ತೆ, ಬಿಲ್ಡಿಂಗ್ ಪ್ಲಾನ್ ಉಲ್ಲಂಘನೆ, ಜನವಸತಿ ಪ್ರದೇಶಗಳಲ್ಲಿನ ಪಿ.ಜಿ.ಗಳು ಹಾಗೂ ಬೇಸ್ಮೆಂಟ್‌ನಲ್ಲಿ ಕಿಚನ್ ಹೊಂದಿರುವ ಪಿ.ಜಿ.ಗಳಿಗೆ ಟ್ರೇಡ್ ಲೈಸನ್ ನೀಡುವಂತಿಲ್ಲ. ಇಂತಹ ಪಿ.ಜಿ.ಗಳು ಅನಧಿಕೃತ ವರ್ಗಕ್ಕೆ ಸೇರುತ್ತವೆ.

ಅನಧಿಕೃತ ಪಿಜಿ ನಡೆಸುವ ಮಾಲೀಕರಿಗೆ ನೋಟಿಸ್

ಜಿಬಿಎ ಆರೋಗ್ಯ ಇಲಾಖೆಯು ಪಿ.ಜಿ.ಗಳಿಗೆ ಪರವಾನಗಿ ನೀಡುತ್ತದೆ. ಅನಧಿಕೃತ ಪಿ.ಜಿ.ಗಳನ್ನು ನಡೆಸುತ್ತಿರುವವರಿಗೆ ಈಗಾಗಲೇ ನೋಟಿಸ್ ಜಾರಿಗೊಳಿಸಲಾಗಿದೆ. ಈ ಕುರಿತು ಜಿಬಿಎ ಮುಖ್ಯ ಆಯುಕ್ತರು, ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಿದ್ದಾರೆ. ನಿಯಮ ಉಲ್ಲಂಘಿಸಿ ನಡೆಯುತ್ತಿರುವ ಪಿ.ಜಿ.ಗಳ ವಿರುದ್ಧ ಯಾವ ರೀತಿ ಕ್ರಮ ಕೈಗೊಳ್ಳಬಹುದು ಎಂಬುದರ ಕುರಿತು ಮುಂದಿನ ದಿನಗಳಲ್ಲಿ ತೀರ್ಮಾನಿಸಲಾಗುತ್ತದೆ ಎಂದು ತಿಳಿದು ಬಂದಿದೆ.

ಬೆಂಗಳೂರು ಪಿಜಿಗಳಲ್ಲಿದ್ದಾರೆ 50,000ಕ್ಕೂ ಹೆಚ್ಚು ಮಂದಿ!

ರಾಜ್ಯ ಮತ್ತು ಹೊರ ರಾಜ್ಯಗಳಿಂದ ಉದ್ಯೋಗ, ವ್ಯಾಸಂಗ ಮತ್ತಿತರ ಉದ್ದೇಶಗಳಿಗೆ ನಗರಕ್ಕೆ ಬಂದಿರುವ ಸುಮಾರು 50,000ಕ್ಕೂ ಹೆಚ್ಚು ಜನರು ಪಿ.ಜಿ.ಗಳಲ್ಲಿ ನೆಲೆಸಿದ್ದಾರೆ. ಕಠಿಣ ಕ್ರಮಗಳನ್ನು ಕೈಗೊಳ್ಳಲು ಮುಂದಾದರೆ ಜನರಿಗೆ ತೊಂದರೆಯಾಗುತ್ತದೆ. ಮತ್ತೊಂದೆಡೆ ಪೇಯಿಂಗ್ ಗೆಸ್ಟ್‌ಗಳು ವಾಣಿಜ್ಯ ಚಟುವಟಿಕೆಯಲ್ಲಿ ತೊಡಗಿಸಿಕೊಂಡಿದ್ದರೂ ವಸತಿ ವರ್ಗದಲ್ಲೇ ತೆರಿಗೆ ಪಾವತಿ ಮತ್ತು ವಿದ್ಯುತ್ ಬಿಲ್ ಪಾವತಿಸುತ್ತಿವೆ. ಇದರಿಂದ ಪಾಲಿಕೆ ಮತ್ತು ಬೆಸ್ಕಾಂಗೆ ಕೋಟ್ಯಂತರ ರು. ಆದಾಯ ನಷ್ಟವಾಗುತ್ತಿದೆ ಎಂದು ಜಿಬಿಎ ಅಧಿಕಾರಿಗಳು ಹೇಳಿದ್ದಾರೆ.

ನಿಯಮ ಉಲ್ಲಂಘಿಸುವ ಪಿಜಿಗಳ ವಿರುದ್ಧ ಕ್ರಮ

ನಿಯಮ ಉಲ್ಲಂಘಿಸಿ ಕಾರ್ಯಾಚರಿಸುತ್ತಿರುವ ಪೇಯಿಂಗ್ ಗೆಸ್ಟ್‌ಗಳ ವಿರುದ್ಧ ಕ್ರಮ ಕೋರಿ ಲೋಕಾಯುಕ್ತಕ್ಕೆ ದೂರು ಸಲ್ಲಿಸಲಾಗಿತ್ತು. ಈ ದೂರು ಆಧಾರಿಸಿ ಬೇರೆ ಬೇರೆ ಠಾಣೆಗಳಲ್ಲಿ ಎಫ್‌ಐಆರ್ ದಾಖಲಾಗಿದ್ದವು. ಎಫ್‌ಐಆರ್ ಪ್ರಶ್ನಿಸಿ ಪಿ.ಜಿ ಮಾಲೀಕರು ಹೈಕೋರ್ಟ್ ಮೊರೆ ಹೋಗಿದ್ದರು. ಈ ವೇಳೆ ಪಿ.ಜಿಗಳ ಸ್ಥಿತಿ ಗತಿ ಪರಿಶೀಲಿಸುವಂತೆ ಹೈಕೋರ್ಟ್ ಸೂಚಿಸಿತ್ತು.

100 ಕೋಟಿ ರೂ. ಆರೋಪ 500 ಕೋಟಿಯಾಗಿದ್ದು ಹೇಗೆ? ಕಾನೂನು ಸಮರಕ್ಕೆ ಸಿದ್ಧವಾದ ಬಿಜೆಪಿ

Kannadaprabha News — Sun, 25 Oct 2026 09:23:49 +0530

ಮುಂಬೈ: ಮರಾಠಾ ಮೀಸಲು ಹೋರಾಟಗಾರ ಮನೋಜ್‌ ಜಾರಂಗೆ ಅವರನ್ನು ಸುಮ್ಮನಾಗಿಸಲು 500 ಕೋಟಿ ರು. ನೀಡಿದ ಆರೋಪಕ್ಕೆ ಸಂಬಂಧಿಸಿದ ವಿವಾದಾತ್ಮಕ ಆಡಿಯೋ ನಕಲಿ, ಇದರ ಹಿಂದೆ ಶಿವಸೇನೆ (ಉದ್ದವ್‌ ಬಣ) ಮುಖಂಡ ಸಂಜಯ್‌ ರಾವುತ್‌ ಇದ್ದಾರೆ ಎಂದು ಬಿಜೆಪಿ ಆರೋಪಿಸಿದೆ.

ಭಿನ್ನಮತ ಸೃಷ್ಟಿಸಲು ಪ್ರಯತ್ನ

ಸಂಜಯ್‌ ರಾವುತ್‌ ಅವರು ನಕಲಿ ಎಐ ಆಡಿಯೋ ಸೃಷ್ಟಿಸಿ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ ಅವರ ಅಜೆಂಡಾ ಜಾರಿಗೊಳಿಸಲು ಹಾಗೂ ಆಡಳಿತಾರೂಢ ಮೈತ್ರಿಕೂಟ ನಡುವೆ ಭಿನ್ನಮತ ಸೃಷ್ಟಿಸಲು ಹೊರಟಿದ್ದಾರೆ ಎಂದು ಕಿಡಿಕಾರಿದೆ. ಜತೆಗೆ ಅಗತ್ಯಬಿದ್ದರೆ ರಾವುತ್‌ ವಿರುದ್ಧ ದೂರು ನೀಡಲಾಗುವುದು ಎಂದು ಹೇಳಿದೆ.

ರಾಹುಲ್‌ ಗಾಂಧಿಯಿಂದ ಹಣ ನೀಡಿದ್ದಾರೆಯೇ?

ರಾವುತ್‌ ಅವರು ಮಹಾರಾಷ್ಟ್ರ ರಾಜಕಾರಣದಲ್ಲಿ ಭಾರೀ ಸಂಚಲನಕ್ಕೆ ಕಾರಣವಾದ ಆಡಿಯೋ ಕ್ಲಿಪ್‌ ಅನ್ನು ಬಿಜೆಪಿ ಎಂಎಎಲ್ಸಿಯೊಬ್ಬರು ಲೀಕ್‌ ಮಾಡಿದ್ದಾರೆ ಎಂದು ಆರೋಪಿಸಿದ್ದರು. ಈ ಕುರಿತು ಪ್ರತಿಕ್ರಿಯಿಸಿರುವ ಬಿಜೆಪಿ ವಕ್ತಾರ ನವನಾಥ್‌ ಬನ್‌ ಅವರು, ಆ ಆಡಿಯೋ ಸಂಬಂಧ ಅಗತ್ಯಬಿದ್ದರೆ ಸಂಜಯ್‌ ರಾವುತ್‌ ವಿರುದ್ಧ ಪ್ರಕರಣ ದಾಖಲಿಸಲಾಗುವುದು ಮತ್ತು ಈ ರೀತಿಯ ಷಡ್ಯಂತ್ರ ರೂಪಿಸಲು ರಾಹುಲ್‌ ಗಾಂಧಿಯಿಂದ ಹಣ ನೀಡಿದ್ದಾರೆಯೇ ಎಂಬ ಬಗ್ಗೆ ತನಿಖೆಯನ್ನೂ ನಡೆಸಲಾಗುವುದು ಎಂದು ಹೇಳಿದ್ದಾರೆ.

ಮಾಧ್ಯಮದ ಗಮನ ಸೆಳೆಯಲು 500 ಕೋಟಿಗೆ ಹೆಚ್ಚಳ

ರಾವುತ್‌ ಅವರು ಈ ಆಡಿಯೋ ಕ್ಲಿಪ್‌ ವಿಚಾರವಾಗಿ 2 ತಿಂಗಳಿಂದ ಕೆಲಸ ಮಾಡುತ್ತಿದ್ದಾರೆ, ಯೂಟ್ಯೂಬ್‌ನಲ್ಲಿ ಲಭ್ಯವಿರುವ ಧ್ವನಿ ಮಾದರಿಯನ್ನು ಆಧಾರವಾಗಿಟ್ಟುಕೊಂಡು ಎಐ ಬಳಸಿ ಈ ಆಡಿಯೋ ಸಿದ್ಧಪಡಿಸಲಾಗಿದೆ. ಈ ಕುರಿತ ಸ್ಕ್ರಿಪ್ಟ್‌ ಅನ್ನು ಸಾಮ್ನಾದಲ್ಲಿ ಸಿದ್ಧವಾಗಿದ್ದು, ಆರಂಭದಲ್ಲಿ 100 ಕೋಟಿ ರು. ನೀಡಿದ ಆರೋಪ ಮಾಡಲಾಗಿತ್ತು. ಆ ಬಳಿಕ ಮಾಧ್ಯಮದ ಗಮನ ಸೆಳೆಯಲು ಅದನ್ನು 500 ಕೋಟಿ ರು.ಗೆ ಹೆಚ್ಚಿಸಲಾಗಿದೆ ಎಂದು ದೂರಿದ್ದಾರೆ.

ಬಿಜೆಪಿ ನಾಯಕರು, ಶಿಂದೆ ಹಾಗೂ ಜಾರಂಗೆ ಅವರ ಗೌರವ ಹಾಳುಗೆಡವಲು ಮತ್ತು ಮಿತ್ರಪಕ್ಷಗಳ ನಡುವೆ ಭಿನ್ನಮತ ಸೃಷ್ಟಿಸಲು ಈ ಆಡಿಯೋ ಸಿದ್ಧಪಡಿಸಲಾಗಿದೆ. ಈಗಾಗಲೇ ಈ ಆಡಿಯೋ ಕುರಿತು ಮುಖ್ಯಮಂತ್ರಿ ಫಡ್ನವೀಸ್‌ ಅ‍ವರು ಫಾರೆನ್ಸಿಕ್‌ ತನಿಖೆಗೆ ಆದೇಶಿಸಿದ್ದಾರೆ ಎಂದರು.

ಇದನ್ನೂ ಓದಿ: Farooq Abdullah: 'ಪಾಕಿಸ್ತಾನ ನಮ್ಮನ್ನು ರಕ್ಷಿಸುತ್ತಿದೆ..' ಫಾರೂಕ್ ಅಬ್ದುಲ್ಲಾ ವಿವಾದಾತ್ಮಕ ಹೇಳಿಕೆ!

Asianet Suvarna News

Breaking: ಅಸ್ಸಾಂನ ಹೋಟೆಲ್‌ನಲ್ಲಿ ಭೀಕರ ಗುಂಡಿನ ದಾಳಿ, ಐವರು ಸಾವು; ಬಂದೂಕುಧಾರಿ ಕೃತ್ಯ

ಯಾರು ಆ ದಾಳಿಕೋರ?

ಮುಂದುವರಿದ ರಕ್ಷಣಾ ಕಾರ್ಯ

Anushka Sharma: ನಟಿ ಅನುಷ್ಕಾ ಶರ್ಮಾ 3ನೇ ಮಗುವಿಗೆ ಗರ್ಭಿಣಿಯಾಗಿದ್ದಾರಾ? ವಿಡಿಯೋ ವೈರಲ್!

ಅನುಷ್ಕಾ ಶರ್ಮಾ ಮತ್ತೆ ಗರ್ಭಾವತಿ?

ನಿಜಕ್ಕೂ ಅನುಷ್ಕಾ ಮತ್ತೆ ಗರ್ಭಿಣಿಯಾಗಿದ್ದಾರಾ?

ಅಷ್ಟಕ್ಕೂ ಅನುಷ್ಕಾ-ವಿರಾಟ್ ಎಲ್ಲಿ ಕಾಣಿಸಿಕೊಂಡಿದ್ರು?

ಅನುಷ್ಕಾ-ವಿರಾಟ್ ಕೊಹ್ಲಿ ಮದುವೆ ಹಿನ್ನೆಲೆ

Delhi North Block Fire: ಭಾರತ-ಚೀನಾ ಗಡಿ ಸಂಘರ್ಷದ ನಡುವೆ ಇತ್ತ ರಾಷ್ಟ್ರಪತಿ ಭವನದ ಸಮೀಪ ಬೆಂಕಿ ಅವಘಡ! ಆಗಿದ್ದೇನು?

ರಾಷ್ಟ್ರಪತಿ ಭವನದ ಸಮೀಪದಲ್ಲೇ ಅಗ್ನಿ ಅವಘಡ!

ನಾರ್ತ್ ಬ್ಲಾಕ್ ಅಗ್ನಿ ಅವಘಡದ ಬಗ್ಗೆ ಅಗ್ನಿಶಾಮಕ ಹೇಳಿದ್ದೇನು?

ಮಾನವಕುಲಕ್ಕೇ ಕಂಟಕವಾಗಬಹುದು ಅತ್ಯಾಧುನಿಕ ಎಐ: IPO ದಾಖಲೆಯಲ್ಲಿ Anthropic ಸಂಸ್ಥೆಯಿಂದಲೇ ಸಂಚಲನಕಾರಿ ವಾರ್ನಿಂಗ್‌

ಆಹಾರ ನೀಡಿದ ಹಸ್ತಕ್ಕೇ ಕಂಟಕವಾಗುವ ಭೀತಿ - ಬ್ಯುಸಿನೆಸ್ ಮೇಲೂ ಪರಿಣಾಮ!

ರಾಜಕೀಯ ಸಂಘರ್ಷ ಮತ್ತು ಅಮೆರಿಕ ಪೆಂಟಗನ್ ವಿವಾದ

ರೈಲ್ವೇ ಇಲಾಖೆಯಿಂದ ಬಿಗ್ ಅಲರ್ಟ್‌, ಒಟ್ಟು 53 ರೈಲುಗಳ ಓಡಾಟ ದಿಢೀರ್ ರದ್ದು! ಕಾರಣವೇನು?

ಕರ್ನಾಟಕದ ಮೇಲೆ ಎಫೆಕ್ಟ್‌?

ಬಜೆಟ್‌ಗೂ ಮುನ್ನವೇ ಷೇರು ಮಾರುಕಟ್ಟೆ ಹೂಡಿಕೆದಾರರಿಗೆ ಸಿಗಲಿದೆಯೇ ಬಿಗ್ ರಿಲೀಫ್? LTCG ತೆರಿಗೆ ಪರಿಷ್ಕರಣೆಗೆ ಕೇಂದ್ರದ ಸಿದ್ಧತೆ!

ಹಣಕಾಸು ಸಚಿವಾಲಯ, ಸೆಬಿ ಮತ್ತು ಪ್ರಮುಖ ರಂಗಗಳ ಜೊತೆ ಸರಣಿ ಸಭೆಗಳು

ಇತರೆ ದೇಶಗಳಲ್ಲಿ ತೆರಿಗೆ ಎಷ್ಟಿದೆ?

'ಡಾಲರ್ ಮೌಲ್ಯದಲ್ಲಿ ತೆರಿಗೆ ಲೆಕ್ಕಹಾಕಿ': ಹೊಸ ಸೂತ್ರದ ಚರ್ಚೆ!

ಹೆಸರು 'ಕಾಶಿ', ಮೆನ್ಯೂನಲ್ಲಿ ಬೀಫ್, ಗೋಡೆ ಮೇಲೆ ಜಿನ್ನಾ ಫೋಟೋ: ಕೇರಳದ ಕೆಫೆ ಸುತ್ತ ಭುಗಿಲೆದ್ದ ಭಾರಿ ರಾಜಕೀಯ ದಂಗಲ್!

ವ್ಲಾಗರ್ ವಿರುದ್ಧ ಎಫ್‌ಐಆರ್ ದಾಖಲು

ಕೋಮು ಸೌಹಾರ್ದ ಕದಡಲು ಬಿಡಲ್ಲ - ಸಿಎಂ ವಿ.ಡಿ. ಸತೀಶನ್ ಮತ್ತು ಪಿಣರಾಯಿ ವಿಜಯನ್ ಆಕ್ರೋಶ

ಮಲಯಾಳಿಗಳೇ ತಮ್ಮ ಭವಿಷ್ಯ ನಿರ್ಧರಿಸಲಿದ್ದಾರೆ - ರಾಜೀವ್ ಚಂದ್ರಶೇಖರ್

ಏನಿದು 'ಕಾಶಿ ಆರ್ಟ್ ಕೆಫೆ'?

ಒಂದು ಅಡಿ ಜಾಗಕ್ಕಾಗಿ 1781 ರಿಂದ ವಿವಾದ, ಕೋರ್ಟ್ ನೆನಪಿಸಿದ 'ಪುರಾತನ ಕತೆ' ಕೇಳಿ 240 ವರ್ಷಗಳ ಹಗೆತನ ಮರೆತ 2 ಕುಟುಂಬಗಳು

ಏನಿದು ವಿಚಿತ್ರ ಘಟನೆ?

1781ರ ಹಳೆಯ ಪತ್ರ.. ತಲೆಮಾರುಗಳ ದ್ವೇಷ..

ಕೋರ್ಟ್‌ನಲ್ಲಿ ಏನಾಯ್ತು?

ದ್ವೇಷ ಮರೆತ ಕುಟುಂಬಗಳು

ಸೋಶಿಯಲ್ ಮೀಡಿಯಾದಲ್ಲಿ 21 ಲಕ್ಷ ಫಾಲೋವರ್ಸ್‌, ಚುನಾವಣೆಯಲ್ಲಿ ಪಡೆದಿದ್ದು 33 ಮತಗಳು, ಆ 33 ಮಂದಿ ಯಾರು ಗೊತ್ತೇ?

11 ಮತಗಳು ಮನೆಯವರೇ ಹಾಕಿದ್ದು

Deepavali 2026: ದೀಪಾವಳಿ ಹಬ್ಬದಲ್ಲಿ ಸಿಹಿ ತಿಂದರೂ ಬ್ಲಡ್ ಶುಗರ್ ನಿಯಂತ್ರಣದಲ್ಲಿಡುವುದು ಹೇಗೆ? ಇಲ್ಲಿದೆ ಟಿಪ್ಸ್‌

ಸಿಹಿತಿಂಡಿಯ ಪ್ರಮಾಣದ (Portion Size) ಮೇಲೆ ಇರಲಿ ನಿಗಾ

ಸಿಹಿ ತಿನ್ನುವ ನೆಪದಲ್ಲಿ ಪ್ರಮುಖ ಊಟಗಳನ್ನು ಬಿಡಬೇಡಿ

ಹಬ್ಬದ ತಟ್ಟೆಯಲ್ಲಿರಲಿ ಸಮತೋಲನ (Balanced Plate)

ಸಿಹಿ ಪಾನೀಯಗಳ ಬಗ್ಗೆ ಇರಲಿ ಎಚ್ಚರ

ಊಟದ ನಂತರ ಸ್ವಲ್ಪ ವಾಕಿಂಗ್ ಮಾಡಿ (Physical Activity)

ಷುಗರ್ ಫ್ರೀ ಸಿಹಿಗಳು ಸಂಪೂರ್ಣ ಸುರಕ್ಷಿತವಲ್ಲ!

ಒಂದು ನೀರಿನ ಮಧ್ಯೆ, ಮತ್ತೊಂದು ಬೆಟ್ಟದ ಮೇಲೆ... ಈ 2 ಸುಂದರ ಅರಮನೆಗಳು ಎಲ್ಲಿವೆ ಗೊತ್ತಾ?

ನೀಮ್ರಾನಾ ಕೋಟೆ ಅರಮನೆ, ಅಲ್ವಾರ್

'ಟಕ್ ಟಕ್' ಎಂದು ಸೈಬರ್ ಕ್ರೈಂ ಬಾಗಿಲು ಬಡಿದ ರಶ್ಮಿಕಾ-ವಿಜಯ್ ಜೋಡಿ.. ಯಾರಿಗೆಲ್ಲಾ ಈಗ ಎದೆಯಲ್ಲಿ ಗಡಗಡ ನಡುಕ?

ಸುಳ್ಳು ಮಾಹಿತಿ, ಎಡಿಟ್ ಮಾಡಿದ ಸ್ಕ್ರೀನ್‌ಶಾಟ್‌ಗಳ ವಿರುದ್ಧ ದೂರು

ಟೀಕೆಗಳಿಗೆ ಕಡಿವಾಣ ಹಾಕುವ ಉದ್ದೇಶವಲ್ಲ ಎಂದ ತಂಡ

ದುಬೈನಲ್ಲಿ ವಿಶ್ವದ ಮೊದಲ 24 ಕ್ಯಾರೆಟ್ ಚಿನ್ನದ ರಸ್ತೆ ಈ ವರ್ಷದ ಅಂತ್ಯಕ್ಕೆ ಅನಾವರಣ, ಚಿನ್ನದ ಮೇಲೆ ನೀವು ಇಲ್ಲಿ ನಡೆಯಬಹುದು!

ಚಿಲ್ಲರೆ ಮತ್ತು ಪ್ರವಾಸೋದ್ಯಮ ವೃದ್ಧಿಗೆ ದುಬೈ ಮೆಗಾ ಪ್ಲಾನ್

16.5 ಕೆಜಿ ತೂಕದ ಚಿನ್ನದ ಜುಮುಕಿಗೆ ಗಿನ್ನೆಸ್ ದಾಖಲೆಯ ಹೆಗ್ಗಳಿಕೆ!

ಸನಾತನ ಧರ್ಮ ಸ್ವೀಕರಿಸಿದ 'ಸುಪ್ರೀಂ' ವಕೀಲೆ ನಾಜಿಯಾ: ವಿಷಯ ತಿಳಿಯುತ್ತಲೇ ಪಾಕ್​ನಿಂದ ಪ್ರಾಣ ಬೆದರಿಕೆ

ಮತ್ತೆ ಬಂತು ಪಾಕ್​ನಿಂದ ಪ್ರಾಣ ಬೆದರಿಕೆ

ನಾಜಿಯಾ ಇಲಾಹಿ ಯಾರು, ಬಿಜೆಪಿಯಲ್ಲಿ ಅವರ ಪಾತ್ರವೇನು?

ಪತ್ನಿಗೆ ಕಾಡಿದ ತೀವ್ರ ಅನಾರೋಗ್ಯ, ಶಸ್ತ್ರಚಿಕಿತ್ಸೆ ವೇಳೆ ದುಃಖ ತಡೆಯಲಾಗದೇ ಕಣ್ಣೀರಿಟ್ಟ ಖ್ಯಾತ ಹಿರಿಯ ನಟ

ಅಲಿ ಪತ್ನಿಗೆ ಏನಾಗಿದೆ?

ಅಲಿ ಯಾರು?

ಎಚ್ಚರ, ಎಚ್ಚರ! ಹಾಳಾದ ಮೊಸರು ವಾಪಸ್​ ಮಾಡಲು ಹೋಗಿ 98 ಸಾವಿರ ಕಳೆದುಕೊಂಡ ಬೆಂಗಳೂರು ಮಹಿಳೆ

ಆಗಿದ್ದೇನು?

ಕರೆ ಮಾಡಿದ್ದು ವಂಚಕರಿಗೆ

ಆನ್‌ಲೈನ್ ಮರುಪಾವತಿಯನ್ನು ಬಯಸುವಾಗ ಈ ವಿಷಯಗಳನ್ನು ನೆನಪಿನಲ್ಲಿಡಿ

200 ರೂ. ಬೆಳ್ಳಿಯ ನಾಣ್ಯ ಬಿಡುಗಡೆ- ಒಂದು ನಾಣ್ಯಕ್ಕೆ ಖರ್ಚಾಗಿದ್ದು 7,800 ರೂ! ಇಲ್ಲಿದೆ ಇಂಟರೆಸ್ಟಿಂಗ್​ ವಿಷ್ಯ

ನಾಣ್ಯದ ವಿಶೇಷತೆಗಳೇನು?

ಮಾತಾ ಹಸಿ ದೇವಿ ಯಾರು?

Bihar Labourer Viral Video: ತಿಂಗಳೆಲ್ಲಾ ದುಡಿದ ಸಂಬಳವನ್ನು ಖರ್ಚು ಮಾಡಿ ಮೊದಲ ಸಲ ವಿಮಾನದಲ್ಲಿ ಊರಿಗೆ ಹೋದ ಕಾರ್ಮಿಕ..! ವಿಡಿಯೋ ವೈರಲ್

ಆತನ ವಿಮಾನ ಪ್ರಯಾಣ

'ಅದು ಆತ ಕಷ್ಟಪಟ್ಟು ದುಡಿದ ಹಣ': ನೆಟ್ಟಿಗರ ರಿಯಾಕ್ಷನ್

'ಇರೋದು ಒಂದೇ ಜೀವನ': ಆತನ ನಿರ್ಧಾರ ಯಾಕೆ ಇಷ್ಟವಾಯ್ತು?

Shani: 2027ರಲ್ಲಿ ಈ 4 ರಾಶಿಗಳಿಗೆ ಶನಿ ಪರೀಕ್ಷೆ! ಹಣಕಾಸು, ಉದ್ಯೋಗದ ವಿಚಾರದಲ್ಲಿ ಎಚ್ಚರ

ಉದ್ಯಮಿ, ಸಮಾಜಸೇವಕ ಗೋಪಾಡಿ ಶ್ರೀನಿವಾಸ ರಾಯರಿಗೆ ಪ್ರತಿಷ್ಠಿತ ಫಾರ್ ಈಸ್ಟ್ ಏಷ್ಯಾ ಲೀಡರ್‌ಶಿಪ್ ಅಂತಾರಾಷ್ಟ್ರೀಯ ಪ್ರಶಸ್ತಿ

ಸಮಾಜಸೇವೆ ಮತ್ತು ಶೌಚಾಲಯ ಸ್ವಚ್ಛತಾ ಕಾಯಕ

ಟರ್ಕಿ ಸಮುದ್ರದಾಳದಲ್ಲಿ 2100 ವರ್ಷಗಳ ಪ್ರಾಚೀನ ರೋಮನ್ ಹಡಗು ಪತ್ತೆ, ಪ್ಯಾಕಿಂಗ್ ಟೆಕ್ನಿಕ್‌ಗೆ ವಿಜ್ಞಾನಿಗಳೇ ಫಿದಾ!

122 ಪ್ರತ್ಯೇಕ ಮಾದರಿಯ ಅಪರೂಪದ ಪಾತ್ರೆಗಳು

ಪ್ರಾಚೀನ ಪ್ಯಾಕಿಂಗ್ ತಂತ್ರಜ್ಞಾನಕ್ಕೆ ವಿಜ್ಞಾನಿಗಳು ಫಿದಾ!

ಇತಿಹಾಸದ ದಾಖಲೆಗಳಲ್ಲಿದ್ದ ಸಿಸೆರೊ ಪತ್ರಕ್ಕೆ ಸಿಕ್ಕ ಜೀವಂತ ಸಾಕ್ಷಿ

ಹೆಬ್ಬಾಳ ಕೆರೆ ಅಂಚಿನಲ್ಲೇ ಬರಲಿದೆ 12 ಮೀಟರ್ ಅಗಲದ ಹೊಸ ರಸ್ತೆ: ಜಿಬಿಎ ಪ್ರಸ್ತಾವನೆಗೆ ಪ್ರಕೃತಿ ಪ್ರೇಮಿಗಳ ಕಳವಳ!

ವ್ಯಾಪಕ ರಸ್ತೆ ಸಂಪರ್ಕ ಯೋಜನೆಯ ಭಾಗವಾದ ಪ್ರಸ್ತಾವನೆ

ಹೆಬ್ಬಾಳ ಕೆರೆಯ ಪರಿಸರ ಮತ್ತು ಜೀವವೈವಿಧ್ಯದ ಕಳವಳ

ಸಾರ್ವಜನಿಕರ ಆಕ್ಷೇಪಣೆಗಳ ಪಾತ್ರ ಅತ್ಯಂತ ನಿರ್ಣಾಯಕ

ಸಂಪರ್ಕ ಕ್ರಾಂತಿ ಮತ್ತು ಕೆರೆ ಸಂರಕ್ಷಣೆಯ ನಡುವಿನ ಸಮತೋಲನ:

ಇದು ಕೈಬರಹವೋ, ಕಂಪ್ಯೂಟರ್ ಪ್ರಿಂಟೋ? 14ರ ಬಾಲಕಿಯ ಬರವಣಿಗೆಗೆ ಫಿದಾ ಆಯ್ತು ಜಗತ್ತು!

2028ರ ಚಂದ್ರಯಾನದ ರೇಸ್‌ನಲ್ಲಿ ಮಸ್ಕ್ vs ಬೆಜೋಸ್, ನಾಸಾಗೆ ಕೈಜೋಡಿಸಿದ ಸ್ಪೇಸ್‌ಎಕ್ಸ್ , ಚೀನಾಗೆ ಅಮೆರಿಕ ಸೆಡ್ಡು!

2027 ರ ಕಕ್ಷೀಯ ಪರೀಕ್ಷೆ ಮತ್ತು ಗಗನಯಾತ್ರಿಗಳ ತಂಡ

ಸನಾತನ ಧರ್ಮ ಸ್ವೀಕರಿಸಿದ 'ಸುಪ್ರೀಂ' ವಕೀಲೆ ನಾಜಿಯಾ: ವಿಷಯ ತಿಳಿಯುತ್ತಲೇ ಪಾಕ್ನಿಂದ ಪ್ರಾಣ ಬೆದರಿಕೆ

ಮತ್ತೆ ಬಂತು ಪಾಕ್ನಿಂದ ಪ್ರಾಣ ಬೆದರಿಕೆ

ಎಚ್ಚರ, ಎಚ್ಚರ! ಹಾಳಾದ ಮೊಸರು ವಾಪಸ್ ಮಾಡಲು ಹೋಗಿ 98 ಸಾವಿರ ಕಳೆದುಕೊಂಡ ಬೆಂಗಳೂರು ಮಹಿಳೆ

200 ರೂ. ಬೆಳ್ಳಿಯ ನಾಣ್ಯ ಬಿಡುಗಡೆ- ಒಂದು ನಾಣ್ಯಕ್ಕೆ ಖರ್ಚಾಗಿದ್ದು 7,800 ರೂ! ಇಲ್ಲಿದೆ ಇಂಟರೆಸ್ಟಿಂಗ್ ವಿಷ್ಯ

ಏರ್ಟೆಲ್ Vs ಜಿಯೋ: ಯೂಟ್ಯೂಬ್ ಪ್ರೀಮಿಯಂಗೆ ಯಾವುದು ಬೆಸ್ಟ್? ಡಿಟೇಲ್ಸ್ ನೋಡಿ, ಡಿಸೈಡ್ ಮಾಡಿ

ಭಾರ್ತಿ ಏರ್ಟೆಲ್ನಲ್ಲಿ ಏನೇನಿದೆ?

ಸ್ನೇಹಿತನ ಭೇಟಿಗೆ ಭಾರತಕ್ಕೆ ಬಂದ ರಷ್ಯನ ಬೆಡಗಿ: Parle-G ಬಿಸ್ಕೆಟ್ ನೋಡಿ ಕಕ್ಕಾಬಿಕ್ಕಿ; ಅಷ್ಟಕ್ಕೂ ಆಗಿದ್ದೇನು

ಬಿಸ್ಕೆಟ್ ಇತಿಹಾಸ