Asianet Suvarna News

ಈ ಗಿಡಗಳು ಮನೆಯಲ್ಲಿದ್ದರೆ ಎಸಿ ಕೂಲರ್ ಯಾವುದು ಬೇಡ: ಬೇಸಿಗೆಯಲ್ಲೂ ತಂಪಾಗಿರುತ್ತೆ ಮನೆ

Wed, 09 Apr 2025 09:16:07 +0530

ಬೇಸಿಗೆ ಬಂತೆಂದ್ರೆ ಮೈ ಉರಿಯುವಂತಹ ಬಿಸಿಲು, ಉಕ್ಕಿ ಬರುವ ಬೆವರು. ಇದರಿಂದ ತಪ್ಪಿಸಿಕೊಳ್ಳೋಕೆ ಜನ ಎಸಿ ಕೂಲರ್‌ಗಳ ಮೊರೆ ಹೋಗ್ತಾರೆ. ಇದರಿಂದ ಕರೆಂಟ್ ಬಿಲ್ ಜಾಸ್ತಿ ಆಗುತ್ತೆ. ಆದ್ರೆ ಎಸಿ ಯೂಸ್ ಮಾಡೋ ಬದಲು ಮನೆಯಲ್ಲಿಯೇ ಒಂದಿಷ್ಟು ಗಿಡಗಳನ್ನ ಬೆಳೆಸಿ. ಅವುಗಳು ಮನೆಯಲ್ಲಿದ್ದರೆ ನಿಮಗೆ ಯಾವ ಏಸಿಯ ಅಗತ್ಯವೂ ಇರುವುದಿಲ್ಲ.

ಏಪ್ರಿಲ್‌ನಲ್ಲೇ ಬಿಸಿಲು ಬಹಳ ಜೋರಾಗಿದೆ. ಇನ್ನೆರಡು ತಿಂಗಳು ಇನ್ನಷ್ಟು ಬಿಸಿಲು ಹೆಚ್ಚಾಗಿ ಕಷ್ಟ ಆಗೋದು ಗ್ಯಾರಂಟಿ. ಈ ವರ್ಷ ಉಷ್ಣಾಂಶ ಜಾಸ್ತಿ ಆಗುತ್ತೆ ಅಂತ ಹವಾಮಾನ ಇಲಾಖೆ ಹೇಳಿದೆ. ಬಿಸಿಲಿನಿಂದ ತಪ್ಪಿಸಿಕೊಳ್ಳೋಕೆ ಎಲ್ಲರೂ ಎಸಿ ಕೂಲರ್‌ಗಳ ಮೊರೆ ಹೋಗ್ತಿದ್ದಾರೆ. ಇದರಿಂದ ಕರೆಂಟ್ ಬಿಲ್ ಜಾಸ್ತಿ ಆಗೋದಲ್ಲದೆ, ಆರೋಗ್ಯ ಸಮಸ್ಯೆಗಳು ಬರುತ್ತವೆ.

ಆದರೆ ಮನೆಯನ್ನು ಕೃತಕವಾವಾಗಿ ತಂಪು ಮಾಡೋ ಬದಲು, ಪ್ರಕೃತಿ ಕೊಟ್ಟ ಗಿಡಗಳನ್ನ ಮನೆಯೊಳಗೆ ನೆಟ್ಟರೆ ರೂಂ ತಂಪಾಗಿರುತ್ತೆ. ಯಾವ ರೂಮಲ್ಲಿ ಯಾವ ಗಿಡ ಇಟ್ಟರೆ ತಂಪಾಗಿರುತ್ತೆ ಅಂತ ತಿಳ್ಕೊಳೋಣ. ಬೆಡ್‌ರೂಮ್‌ನಲ್ಲಿ ಸ್ನೇಕ್ ಪ್ಲಾಂಟ್ (Snake Plant) ಇಡಿ. ಇದು ರಾತ್ರಿ ಹೊತ್ತು ಹೆಚ್ಚು ಆಕ್ಸಿಜನ್ ಕೊಡುತ್ತೆ, ಕೋಣೆಯನ್ನು ತಂಪಾಗಿಡುತ್ತೆ.

ಬಾಲ್ಕನಿ ಅಥವಾ ರೋಡ್ ಕಡೆ ಇರೋ ರೂಮಲ್ಲಿ ಫಿಕಸ್ (Ficus) ಗಿಡ ನೆಡಿ. ಇದು ಗಾಳಿಯನ್ನ ಶುದ್ಧ ಮಾಡುತ್ತೆ, ಗಾಳಿಯ ಗುಣಮಟ್ಟ ಹೆಚ್ಚಿಸುತ್ತೆ. ಜೊತೆಗೆ ಉಷ್ಣಾಂಶ ಕಂಟ್ರೋಲ್ ಮಾಡುತ್ತೆ. ಗೋಲ್ಡನ್ ಪಾಥೋಸ್ (Golden Pathos) ಅನ್ನೋ ಗಿಡವನ್ನ ಮನೆಯಲ್ಲಿ ನೆಟ್ಟರೆ ಸುತ್ತಮುತ್ತಲಿನ ವಾತಾವರಣ ತಂಪಾಗಿರುತ್ತೆ. ಆದ್ರೆ ಈ ಗಿಡಕ್ಕೆ ಬೆಳಕು ಬೇಕು, ಅದಕ್ಕೆ ಬೆಳಕು ಬರೋ ಕಡೆ ನೆಡಿ.

ಈ ಟೈಮಲ್ಲಿ ನೋಳಿಸರ (Aloe Vera) ಗಿಡ ನೆಡದೋರು ಇರಲ್ಲ. ತುಂಬಾ ಜನ ಮನೆ ಹತ್ರ ನೆಡ್ತಾರೆ, ಆದ್ರೆ ಇದನ್ನು ಮನೆಯೊಳಗಿಟ್ಟರೆ ಉಷ್ಣಾಂಶ ಕಂಟ್ರೋಲ್ ಆಗುತ್ತೆ, ಬಿಸಿಲಿನ ತಾಪ ಕಮ್ಮಿ ಆಗುತ್ತೆ. ಲಿವಿಂಗ್ ರೂಮ್ (Living Room)ನಲ್ಲಿ ಅರೆಕಾ ಪಾಮ್ (Areca Palm) ಇಡಿ. ಇದು ಗಾಳಿಯಲ್ಲಿ ತೇವಾಂಶ ಉಳಿಸಿಕೊಳ್ಳುತ್ತೆ, ಇದರಿಂದ ರೂಂ ಟೆಂಪರೇಚರ್ ನಾರ್ಮಲ್ ಆಗಿರುತ್ತೆ. ಈ ಗಿಡಗಳು ನರ್ಸರಿಗಳಲ್ಲಿ ಸಿಗುತ್ತವೆ. ನಿಮ್ಮ ಹತ್ತಿರದ ನರ್ಸರಿಯಿಂದ ಗಿಡಗಳನ್ನ ತಂದು ನಿಮ್ಮ ರೂಂ ತಂಪಾಗಿ ಇಟ್ಟುಕೊಳ್ಳಬಹುದಾಗಿದೆ.

Rent Agreementನಲ್ಲಿ ತಪ್ಪದೇ ಈ ವಿಷಯವನ್ನು ಬರೆಸಿ; ಇಲ್ಲಾಂದ್ರೆ ಪೊಲೀಸರ ಬಳಿ ಹೋಗಬೇಕಾಗುತ್ತೆ!

Sun, 06 Apr 2025 12:08:11 +0530

Rent Agreement: ಮಹಾನಗರಗಳಲ್ಲಿ ಬಾಡಿಗೆ ಮನೆ ಪಡೆಯುವಾಗ ಕಾನೂನಿನ ಪ್ರಕಾರ ಒಪ್ಪಂದ ಮಾಡಿಕೊಳ್ಳುವುದು ಮುಖ್ಯ. ಬಾಡಿಗೆ ಒಪ್ಪಂದದಲ್ಲಿಕೆಲವು ಅಂಶವನ್ನು ಸ್ಪಷ್ಟವಾಗಿ ಉಲ್ಲೇಖಿಸಬೇಕು, ಇಲ್ಲವಾದ್ರೆ ಪೊಲೀಸ್ ಠಾಣೆಗೆ ಅಲೆಯಬೇಕಾಗುತ್ತದೆ.

ಮಹಾನಗರಗಳಲ್ಲಿ ಬಾಡಿಗೆ ಮನೆ ಪಡೆಯುವಾಗ ಕಾನೂನಿನ ಪ್ರಕಾರ ಒಪ್ಪಂದ ಮಾಡಿಕೊಳ್ಳಲಾಗುತ್ತದೆ. ಜನರು ಒಂದು ನಗರದಿಂದ ಮತ್ತೊಂದು ನಗರಕ್ಕೆ ತೆರಳಿದ ಸಂದರ್ಭದಲ್ಲಿ ವಾಸಿಸಲು ಬಾಡಿಗೆ ಮನೆ ಪಡೆದುಕೊಳ್ಳಬೇಕಾಗುತ್ತದೆ. ಈ ಸಂದರ್ಭದಲ್ಲಿ Rent Agreement ಮಾಡಿಸಿಕೊಳ್ಳಬೇಕಾಗುತ್ತದೆ.

ಬಾಡಿಗೆ ಒಪ್ಪಂದ ಅನ್ನೋದು ಬಾಡಿಗೆದಾರ ಮತ್ತು ಮನೆ ಮಾಲೀಕನ ನಡುವೆ ಏರ್ಪಡುತ್ತದೆ. ಈ ಒಪ್ಪಂದ ಇಬ್ಬರ ಹಕ್ಕು ಮತ್ತು ಜವಾಬ್ದಾರಿಗಳನ್ನು ಒಳಗೊಂಡಿರುತ್ತವೆ. ಭವಿಷ್ಯದಲ್ಲಿ ಯಾವುದೇ ವಿವಾದ ಅಥವಾ ಹಣಕಾಸಿನ ವಿಚಾರದಲ್ಲಿ ಮನಸ್ತಾಪ ಉಂಟಾಗಬಾರದು ಎಂಬ ಉದ್ದೇಶದಿಂದ ಕಾನೂನಿನ ಪ್ರಕಾರ ಒಪ್ಪಂದ ಮಾಡಿಕೊಳ್ಳಲಾಗುತ್ತದೆ.

ಬಾಡಿಗೆ ಒಪ್ಪಂದದಲ್ಲಿ ಬಾಡಿಗೆ ಹಣ, ಒಪ್ಪಂದದ ದಿನಾಂಕ ಸೇರಿದಂತೆ ಹಲವು ವಿಷಯಗಳಿರುತ್ತವೆ. ನೀವು ಬಾಡಿಗೆದಾರರಾಗಿದ್ರೆ ಅಗ್ರಿಮೆಂಟ್ ಬರೆಸುವ ಮುನ್ನ ಒಂದು ವಿಷಯವನ್ನು ನೆನಪಿನಿಂದ ಸೇರಿಸಬೇಕಾಗುತ್ತದೆ. ಇಲ್ಲವಾದ್ರೆ ಪೊಲೀಸ್ ಠಾಣೆಗೆ ಅಲೆಯಬೇಕಾಗುತ್ತದೆ.

ಬಾಡಿಗೆ ಒಪ್ಪಂದದಲ್ಲಿ ಮನೆಯನ್ನು ಯಾವಾಗ ಮತ್ತು ಹೇಗೆ ಖಾಲಿ ಮಾಡಬೇಕು ಎಂಬ ಅಂಶವನ್ನು ಸ್ಪಷ್ಟವಾಗಿ ಉಲ್ಲೇಖಿಸಬೇಕು. ಒಪ್ಪಂದದ ಅವಧಿ ಮುಕ್ತಾಯದ ಬಳಿಕ ಅಥವಾ ಅದಕ್ಕಿಂತ ಮೊದಲು ಮನೆ ಖಾಲಿ ಮಾಡಬೇಕಾ ಎಂಬ ಮಾಹಿತಿಯನ್ನು ಸ್ಪಷ್ಟವಾಗಿ ನಮೂದಿಸಬೇಕಾಗುತ್ತದೆ.

ಮನೆ ಖಾಲಿ ಮಾಡಿಸುವ ಮುನ್ನ ಮಾಲೀಕರು ಮುಂಚಿತವಾಗಿಯೇ ಇಂತಿಷ್ಟು ದಿನದ ಮೊದಲೇ ಮಾಹಿತಿ ಹೇಳಬೇಕು. ದಿಡೀರ್ ಮನೆ ಖಾಲಿ ಮಾಡಲು ಅಸಾಧ್ಯವಾದ ಕಾರಣ ಅಂಶವನ್ನು ನೆನಪಿನಿಂದ ಬರೆಸಬೇಕು. ಮನೆ ನಿರ್ಗಮನದ ರೀತಿಯನ್ನು ಉಲ್ಲೇಖಿಸದಿದ್ದರೆ ಭವಿಷ್ಯದಲ್ಲಿ ಸಮಸ್ಯೆ ಎದುರಿಸಬೇಕಾಗುತ್ತದೆ.

ನಿರ್ಗಮನದ ಬಗ್ಗೆ ಯಾವುದೇ ಮಾಹಿತಿ ಬರೆಸದಿದ್ದರೆ, ಮಾಲೀಕರು ಸೂಚಿಸಿದ ಸಮಯದಲ್ಲಿ ಮನೆ ಖಾಲಿ ಮಾಡಬೇಕು. ಒಂದು ವೇಳೆ ನೀವು ಮನೆ ಖಾಲಿ ಮಾಡಲು ಒಪ್ಪದಿದ್ರೆ, ಮಾಲೀಕರು ನಿಮ್ಮ ವಿರುದ್ಧ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಬಹುದು.

ಬೇಸಿಗೆಯ ಸೆಖೆಗೆ ತಂಪಾಗಲು 5000 ರೂ. ಒಳಗೆ ಸಿಗಬಹುದಾದ ಬೆಸ್ಟ್ ಏರ್ ಕೂಲರ್‌ಗಳು

Wed, 26 Mar 2025 15:47:16 +0530

ಬೇಸಿಗೆ ಬಂದಿದೆ. ಬಿಸಿಲು ಜೋರಾಗಿದೆ. ಬೆಳಿಗ್ಗೆ 8 ಗಂಟೆಗೆ ಸೂರ್ಯ ಉರಿಯುತ್ತಿದ್ದಾನೆ. ಇದರಿಂದ ಜನರು ಹೊರಗೆ ಹೋಗಲು ಭಯಪಡುವ ಸ್ಥಿತಿ ಇದೆ. ಮನೆಯಲ್ಲಿ ಕುಳಿತರೂ ಸೆಖೆಯೇ, ಆದ್ದರಿಂದ ಜನ ಮನೆಯೊಳಗಾದರೂ ತಂಪಾಗಿ ಕೋರೋಣ ಎಂದು ಕೂಲರ್‌ಗಳು ಮತ್ತು ಎಸಿಗಳನ್ನು ಹುಡುಕುತ್ತಿದ್ದಾರೆ. ಇಲ್ಲಿ ಕಡಿಮೆ ದರದ ಕೆಲ ಒಳ್ಳೆಯ ಗುಣಮಟ್ಟದ ಕೂಲರ್‌ಗಳ ಬಗ್ಗೆ ಮಾಹಿತಿ ಇದೆ.

ಹಿಂಡ್‌ವೇರ್ ಸ್ಮಾರ್ಟ್ ಅಪ್ಲೈಯನ್ಸಸ್: ಹಿಂಡ್‌ವೇರ್ ಕಂಪನಿಯ ಈ ಕೂಲರ್‌ನ ಅಸಲಿ ಬೆಲೆ ರೂ. 8,990. ಸದ್ಯಕ್ಕೆ ಅಮೆಜಾನ್‌ನಲ್ಲಿ 48% ರಿಯಾಯಿತಿಯೊಂದಿಗೆ ರೂ. 4699ಕ್ಕೆ ಸಿಗುತ್ತದೆ.

ಸಿಂಫನಿ ಕಂಪನಿಯ ಈ ಕೂಲರ್‌ನ ಅಸಲಿ ಬೆಲೆ ರೂ. 7,999. ಅಮೆಜಾನ್‌ನಲ್ಲಿ 31% ರಿಯಾಯಿತಿಯೊಂದಿಗೆ ರೂ. 5499ಕ್ಕೆ ಸಿಗುತ್ತದೆ. ಇದರಲ್ಲಿ ಐ ಪ್ಯೂರ್ ತಂತ್ರಜ್ಞಾನ ಇದೆ.

ಕಡಿಮೆ ಬೆಲೆಯಲ್ಲಿ ಒಬ್ಬರು ಅಥವಾ ಇಬ್ಬರಿಗೆ ಮಾತ್ರ ಸೂಕ್ತವಾದ ಕೂಲರ್ ಬೇಕೆಂದರೆ ಇದು ಬೆಸ್ಟ್ ಆಯ್ಕೆ. ಈ ಕೂಲರ್‌ನ ಅಸಲಿ ಬೆಲೆ ರೂ. 8,790.

ಈ ಕೂಲರ್‌ನ ಅಸಲಿ ಬೆಲೆ ರೂ. 7,700. ಅಮೆಜಾನ್‌ನಲ್ಲಿ 39% ರಿಯಾಯಿತಿಯೊಂದಿಗೆ ರೂ. 4699ಕ್ಕೆ ಸಿಗುತ್ತದೆ. ಈ ಕೂಲರ್‌ನಲ್ಲಿ 24 ಲೀಟರ್ ಸಾಮರ್ಥ್ಯದ ಟ್ಯಾಂಕ್ ಇದೆ.

ಈ ಕೂಲರ್‌ನ ಅಸಲಿ ಬೆಲೆ ರೂ. 8,790. ಅಮೆಜಾನ್‌ನಲ್ಲಿ 48% ರಿಯಾಯಿತಿಯೊಂದಿಗೆ ರೂ. 4599ಕ್ಕೆ ಸಿಗುತ್ತದೆ. ಈ ಕೂಲರ್ 24 ಲೀಟರ್ ಸಾಮರ್ಥ್ಯ ಹೊಂದಿದೆ.

ಬಿರು ಬೇಸಿಗೆಯಲ್ಲಿ ಎಸಿ ಇಲ್ಲದೆಯೂ ಮನೆಯನ್ನು ತಂಪಾಗಿಡುವುದು ಹೇಗೆ: ಇಲ್ಲಿದೆ ಸೂಪರ್ ಟಿಪ್ಸ್!

Mon, 03 Mar 2025 13:34:04 +0530

ಬೇಸಿಗೆ ಬಂತೆಂದರೆ ಸಾಕು ತಾರಸಿ ಮನೆಗಳು ಸುಡುವ ಕೆಂಡದಂತೆ ಕಾಯಲು ಶುರುವಾಗುತ್ತದೆ. ಎಸಿ ಅಥವಾ ಫ್ಯಾನ್ ಇಲ್ಲದೆಯೇ ಮನೆಯೊಳಗೆ ಕುಳಿತುಕೊಳ್ಳುವುದೇ ದೊಡ್ಡ ಸಾಹಸವೆನಿಸುತ್ತದೆ. ಹೀಗಿರುವಾಗ ಬೇಸಿಗೆಯಲ್ಲಿ ಏಸಿ ಇಲ್ಲಿದೆಯೂ ಮನೆಯನ್ನು ತಂಪಾಗಿಡಲು ಕೆಲ ಟಿಪ್ಸ್ ಇಲ್ಲಿದೆ.

ಬೇಸಿಗೆ ಬಂತೆಂದರೆ ಸಾಕು ತಾರಸಿ ಮನೆಗಳು ಸುಡುವ ಕೆಂಡದಂತೆ ಕಾಯಲು ಶುರುವಾಗುತ್ತದೆ. ಎಸಿ ಅಥವಾ ಫ್ಯಾನ್ ಇಲ್ಲದೆಯೇ ಮನೆಯೊಳಗೆ ಕುಳಿತುಕೊಳ್ಳುವುದೇ ದೊಡ್ಡ ಸಾಹಸವೆನಿಸುತ್ತದೆ. ಹೀಗಾಗಿ ಬಹುತೇಕರು, ಎಸಿ,ಕೂಲರ್ ಫ್ಯಾನ್‌ ಮುಂತಾದ ಇಲೆಕ್ಟ್ರಿಕ್‌ ವಸ್ತುಗಳ ಮೊರೆ ಹೋಗುತ್ತಾರೆ. ಹೀಗಿರುವಾಗ ಬೇಸಿಗೆಯಲ್ಲಿ ಏಸಿ ಇಲ್ಲಿದೆಯೂ ಮನೆಯನ್ನು ತಂಪಾಗಿಡಲು ಕೆಲ ಟಿಪ್ಸ್ ಇಲ್ಲಿದೆ.

ಬೇಸಿಗೆಯಲ್ಲಿ ಎಸಿ ಅಥವಾ ಕೂಲರ್ ಇಲ್ಲದೆ ಮನೆಯನ್ನು ತಂಪಾಗಿಡುವುದು ಹೇಗೆ ಎಂದು ನೀವು ಯೋಚಿಸುತ್ತಿದ್ದರೆ, ನಿಮಗಾಗಿ ಕೆಲವು ಸಲಹೆಗಳು ಇಲ್ಲಿವೆ. ಮನೆಯ ಸುತ್ತಲೂ ಗಿಡಗಳನ್ನು ಬೆಳೆಸಿ, ಮನೆಯ ತಾರಸಿಯಲ್ಲಿ ಹಬ್ಬು ಬಳ್ಳಿಗಳನ್ನು ಬೆಳೆಸಿ ಇವರು ಬೇಸಿಗೆಯಲ್ಲಿ ಮನೆಯನ್ನು ತಂಪಾಗಿಡಲು ನೆರವಾಗುತ್ತವೆ.

ಬೇಸಿಗೆ ಕಾಲಕ್ಕೆ ತಕ್ಕಂತೆ ಬಣ್ಣಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಬೇಸಿಗೆಯಲ್ಲಿ ಮನೆಯಲ್ಲಿ ಶಾಖ ಹೆಚ್ಚಾಗಲು ಮುಖ್ಯ ಕಾರಣ ಮನೆಗೆ ಹೊಡೆದಿರುವ ಬಣ್ಣಗಳು ಹೀಗಾಗಿ ಮನೆಗೆ ಬಿಳಿ ಮುಂತಾದ ತಿಳಿ ಬಣ್ಣವನ್ನೇ ಆಯ್ಕೆ ಮಾಡಿ. ಮನೆಯೊಳಗೆ ಹೊರಗಿನಿಂದ ಬಿಸಿಗಾಳಿ ಬರದಂತೆ ತಡೆಯಲು ಕಿಟಕಿ ಮತ್ತು ಬಾಗಿಲುಗಳನ್ನು ಮುಚ್ಚಿ ಅವುಗಳ ಹೊರಗೆ ಲೈಟ್‌ ಬಣ್ಣದ ಹತ್ತಿಯ ಪರದೆಗಳನ್ನು ಹಾಕಿ.

ತೆಂಗಿನ ಮರದ ಗರಿಗಳು, ಅಡಿಕೆ ಮರದ ಗರಿ(ಸೋಗೆ)ತಾಳೆ ಮರದ ಗರಿಗಳು ಮುಂತಾದವುಗಳನ್ನು ಮನೆಯ ತಾರಸಿ ಮೇಲೆ ಹಾಗೂ ಮನೆಯ ಮುಂದೆ ಅವುಗಳ ಚಪ್ಪರ ಹಾಕಿದರೆ ಮನೆಯೊಳಗೆ ತಂಪಾಗಿರುತ್ತದೆ.

ಒಳಾಂಗಣ ಸಸ್ಯಗಳು: ಬೇಸಿಗೆಯಲ್ಲಿ ಮನೆಯಲ್ಲಿ ತಂಪು ಉಳಿಯಲು ಒಳಾಂಗಣ ಸಸ್ಯಗಳನ್ನು ಇರಿಸಿ. ಇವು ಮನೆಗೆ ತಂಪು ನೀಡುವುದಲ್ಲದೆ ಸೌಂದರ್ಯವನ್ನೂ ಹೆಚ್ಚಿಸುತ್ತವೆ.

ಮಾರುಕಟ್ಟೆಯಲ್ಲಿ ಅನೇಕ ತಂಪು ದೀಪಗಳು ಮಾರಾಟವಾಗುತ್ತಿವೆ. ಈ ಬೇಸಿಗೆಯಲ್ಲಿ ನೀವು ಅವುಗಳನ್ನು ಖರೀದಿಸಿ ಬಳಸಿದರೆ ಮನೆಯಲ್ಲಿ ಅಷ್ಟೊಂದು ಬಿಸಿ ಇರುವುದಿಲ್ಲ.

ರಾತ್ರಿಯಲ್ಲಿ ಕಿಟಕಿಗಳನ್ನು ತೆರೆಯಿರಿ

ರಾತ್ರಿಯಲ್ಲಿ ಮನೆಯ ಕಿಟಕಿಗಳನ್ನು ತೆರೆಯಿರಿ ಮತ್ತು ಕಿಟಕಿಯ ಬಳಿ ಟೇಬಲ್ ಫ್ಯಾನ್ ಇರಿಸಿ. ಇದು ಕೋಣೆಗೆ ನೈಸರ್ಗಿಕ ಗಾಳಿಯನ್ನು ತರುತ್ತದೆ.

ಸೂಚನೆ : ಮೇಲೆ ಹೇಳಿದ ಎಲ್ಲಕ್ಕಿಂತ ಹೆಚ್ಚಾಗಿ ಬೇಸಿಗೆಯಲ್ಲಿ ಹತ್ತಿ ಬಟ್ಟೆಗಳನ್ನು ಹೆಚ್ಚಾಗಿ ಬಳಸಿ

ಗಟ್ಟಿಗಿತ್ತಿ ಮನೆಯೊಡತಿಗೆ ಗಟ್ಟಿ ಛಾವಣಿ: ಸುಭದ್ರ ಸಂಸಾರಕ್ಕೆ ಇದೇ ಗುರಾಣಿ!

Thu, 13 Feb 2020 15:06:00 +0530

ಛಾವಣಿಗಳು ಮನೆ ಹಾಗೂ ಇತರ ಕಟ್ಟಡಗಳಿಗೆ ಅತ್ಯಂತ ಅವಶ್ಯಕ. ಜಲನಿರೋಧಕವಾಗುವುದರ ಜೊತೆಗೆ ಸೂರ್ಯನ ಕಿರಣ, ಮಳೆ, ಹಿಮ ಮತ್ತು ಇತರ ಪ್ರಾಕೃತಿಕ ಅಂಶಗಳಿಂದ ಕಟ್ಟಡಗಳನ್ನು ರಕ್ಷಿಸಲು ಛಾವಣಿಗಳು ಸಹಾಯ ಮಾಡುತ್ತವೆ. ಛಾವಣಿಯ ಆಕಾರ, ಸ್ಥಳ ಮತ್ತು ಹವಾಮಾನದ ಆಧಾರದ ಮೇಲೆ ರೂಫಿಂಗ್ ವಸ್ತುಗಳು ಬದಲಾಗುತ್ತವೆ. ವಸತಿ ಅಥವಾ ವಾಣಿಜ್ಯ ಕಡ್ಡಟಡಗಳ ಅವಶ್ಯಕತೆಯನ್ನು ಇದು ಅವಲಂಬಿಸಿರುತ್ತದೆ. ಆಸ್ಫಾಲ್ಟ್ ಶಿಂಗಲ್ಸ್ ವಸತಿ ಬಳಕೆಗೆ ಜನಪ್ರಿಯವಾಗಿವೆ ಏಕೆಂದರೆ ಅವುಗಳು ಸಾಕಷ್ಟು ಅಗ್ಗವಾಗಿವೆ ಮತ್ತು ಉತ್ತಮ ಜೀವಿತಾವಧಿಯನ್ನು ಹೊಂದಿವೆ. ಚಪ್ಪಟೆ ಛಾವಣಿಗಳು ಹೆಚ್ಚು ಸಾಮಾನ್ಯವಾಗಿರುವ ವಾಣಿಜ್ಯ ಕಟ್ಟಡದ ನಿರ್ಮಾಣದಲ್ಲಿ, ಲೋಹ, ಇಪಿಡಿಎಂ ಮತ್ತು ಅಂತರ್ನಿರ್ಮಿತ ಛಾವಣಿಗಳನ್ನು ವ್ಯಾಪಕವಾಗಿ ಬಳಸಲಾಗುತ್ತದೆ. ಅದಾಗ್ಯೂ, ಕಟ್ಟಡಗಳಲ್ಲಿ ಹವಾಮಾನ ನಿರೋಧಕ ರಕ್ಷಣೆಯನ್ನು ಒದಗಿಸುವ ಸಲುವಾಗಿ ಪರಸ್ಪರ ಸಂಪರ್ಕ ಹೊಂದಿದ ವಿವಿಧ ರೀತಿಯ ವಸ್ತುಗಳನ್ನು ಒಳಗೊಂಡಿರುವ ಛಾವಣಿಯ ವ್ಯವಸ್ಥೆಯನ್ನು ಹೊಂದಿರುವುದು ಉತ್ತಮ. ವೈವಿಧ್ಯಮಯ ಛಾವಣಿಯ ಹೊದಿಕೆಗಳು ಇಂದು ಅಸ್ತಿತ್ವದಲ್ಲಿವೆ. ಬಳಕೆಯನ್ನು ಅವಲಂಬಿಸಿ ತನ್ನದೇ ಆದ ಅನುಕೂಲಗಳನ್ನು ಹೊಂದಿದೆ. ಲಭ್ಯವಿರುವ ಸಾಮಾನ್ಯ ಚಾವಣಿ ವಸ್ತುಗಳು ಆಸ್ಫಾಲ್ಟ್, ಮರ, ಲೋಹ, ಜೇಡಿಮಣ್ಣು, ಸಿಮೆಂಟ್ ಮತ್ತು ಸ್ಲೇಟ್, ಗಾಜು ಮತ್ತು ಪ್ಲಾಸ್ಟಿಕ್, ಆಸ್ಫಾಲ್ಟ್ ಮತ್ತು ಕಲ್ಲಿದ್ದಲು-ಟಾರ್ ಪಿಚ್ ಅಂತರ್ ನಿರ್ಮಿತ ರೂಫಿಂಗ್‌ನಲ್ಲಿ ಬಳಸುವ ಬಿಟುಮಿನಸ್ ವಸ್ತುಗಳು. ಇಳಿಜಾರಿನ s ಛಾವಣಿಗಳಿಗೆ ಮತ್ತು ಚಪ್ಪಟೆ s ಛಾವಣಿಗಳಿಗೆ ಕಲ್ಲಿದ್ದಲು ಟಾರ್ಗೆ ಆಸ್ಫಾಲ್ಟ್’ಗೆ ಸಾಮಾನ್ಯವಾಗಿ ಆದ್ಯತೆ ನೀಡಲಾಗುತ್ತದೆ. ಲೋಹದ s ಛಾವಣಿಗಳನ್ನು ಸಾಮಾನ್ಯವಾಗಿ ಚಪ್ಪಟೆ s ಛಾವಣಿಗಳ ಮೇಲೆ ಬಳಸಲಾಗುತ್ತದೆ. ಆದರೆ 3:12 ಅಥವಾ ಅದಕ್ಕಿಂತ ಹೆಚ್ಚಿನ ಪಿಚ್ ಹೊಂದಿರುವ s ಛಾವಣಿಗಳ ಮೇಲೆ ಸಹ ಇದನ್ನು ಬಳಸಬಹುದಾಗಿದೆ. ಚಪ್ಪಟೆ s ಛಾವಣಿಗಳ ಮೇಲೆ ಬಳಸಿದರೆ ಅವು ಸಾಮಾನ್ಯವಾಗಿ ಒಂದಕ್ಕೊಂದು ಬೆಸುಗೆ ಹಾಕಲ್ಪಡುತ್ತವೆ. ಆದರೆ ಪಿಚ್ಡ್ s ಛಾವಣಿಗಳ ಮೇಲೆ ಅವುಗಳನ್ನು ಒಂದೇ ಲೋಹದ ಮೊಳೆಗಳೊಂದಿಗೆ ಜೋಡಿಸಲಾಗುತ್ತದೆ. ಲೋಹದ ಛಾವಣಿ ವಸ್ತುಗಳು ಕಲಾಯಿ ಕಬ್ಬಿಣ, ತಾಮ್ರ, ಅಲ್ಯೂಮಿನಿಯಂ ಮತ್ತು ಟೆರ್ನೆ ಪ್ಲೇಟ್ (ಸೀಸ ಮತ್ತು ತವರದಿಂದ ಲೇಪಿತ ಉಕ್ಕು) ಸೀಸ, ಸತು ಮತ್ತು ಸ್ಟೇನ್ಲೆಸ್ ಸ್ಟೀಲ್’ನ್ನು ಸಹ ಬಳಸಲಾಗುತ್ತದೆ. ಮರದ ಶಿಂಗಲ್‌ಗಳನ್ನು ಕೊಳೆತ-ನಿರೋಧಕ ಮರದ ಪ್ರಭೇದಗಳಾದ ಕೆಂಪು ಸೀಡರ್, ಸೈಪ್ರೆಸ್, ರೆಡ್‌ವುಡ್ ಮುಂತಾದವುಗಳಿಂದ ತಯಾರಿಸಲಾಗುತ್ತದೆ. ಅವು ವಿವಿಧ ಶ್ರೇಣಿಗಳಲ್ಲಿ ಲಭ್ಯವಿದೆ. ಮರದ ಶಿಂಗಲ್‌ಗಳನ್ನು ಛಾವಣಿಗಳು ಮತ್ತು ಗೋಡೆಗಳಿಗೆ ಘನ ಅಥವಾ ಅಂತರದ ಹೊದಿಕೆಯ ಮೇಲೆ ಅನ್ವಯಿಸಲಾಗುತ್ತದೆ ಮತ್ತು ಅಲ್ಯೂಮಿನಿಯಂ ಅಥವಾ ಕಲಾಯಿಯಿಂದ ಜೋಡಿಸಲಾಗುತ್ತದೆ. ನಿರ್ದಿಷ್ಟ ಅಳತೆಯನ್ನು ಉತ್ಪಾದಿಸಲು ಬೇಕಾದ ಶಿಂಗಲ್‌ಗಳ ಸಂಖ್ಯೆಯಾಗಿ ದಪ್ಪ ತುದಿಯನ್ನು ಜೋಡಿಸುವುದರೊಂದಿಗೆ ಶಿಂಗಲ್‌ಗಳನ್ನು ದಪ್ಪವಾಗಿ ಜೋಡಿಸಲಾಗುತ್ತದೆ. ಮರದ ಶಿಂಗಲ್‌ಗಳನ್ನು ಛಾವಣಿಯ ಮೇಲ್ಭಾಗದಂತೆಯೇ ಸಾಮಾನ್ಯವಲ್ಲ. ಆದರೂ ಕೆಲವರು ಇದನ್ನು ಗೋಡೆಗಳ ಮೇಲೆ ಮತ್ತು ಕಾಂಕ್ರೀಟ್ ಛಾವಣಿ ಅಡಿಯಲ್ಲಿ ಶಾಖವನ್ನು ಕಡಿಮೆ ಮಾಡಲು ಬಳಸುತ್ತಾರೆ. ಕ್ಲೇ ರೂಫಿಂಗ್ ಅಂಚುಗಳು ವ್ಯಾಪಕವಾದ ಭೂಮಿಯ ಬಣ್ಣಗಳು ಹಾಗೂ ವಿವಿಧ ಮಾದರಿಗಳಲ್ಲಿ ಲಭ್ಯವಿದೆ ಮತ್ತು ಅವುಗಳನ್ನು ಮೆರುಗುಗೊಳಿಸಬಹುದು. ಅವುಗಳನ್ನು ಇಟ್ಟಿಗೆಗಳಂತೆಯೇ ಜೇಡಿಮಣ್ಣಿನಿಂದ ತಯಾರಿಸಲಾಗುತ್ತದೆ. ಸಿಮೆಂಟ್ ರೂಫಿಂಗ್ ಅಂಚುಗಳನ್ನು ಪೋರ್ಟ್ಲ್ಯಾಂಡ್ ಸಿಮೆಂಟ್’ನಿಂದ ತಯಾರಿಸಲಾಗುತ್ತದೆ. ಅವು ಮಣ್ಣಿನ ಅಂಚುಗಳಿಗಿಂತ ಕಡಿಮೆ ವೆಚ್ಚದಲ್ಲಿ ಲಭ್ಯವಿದೆ. ಇವು ಮಣ್ಣಿನ ಅಂಚುಗಳನ್ನು ಹೋಲುವ ವಿವಿಧ ಬಣ್ಣಗಳು ಮತ್ತು ಆಕಾರಗಳಲ್ಲಿ ಲಭ್ಯವಿರುತ್ತವೆ. ಸ್ಲೇಟ್ ರೂಫಿಂಗ್ ಟೈಲ್ಸ್ ಅಥವಾ ಶಿಂಗಲ್ಸ್ ಅನ್ನು ನೈಸರ್ಗಿಕ ಬಂಡೆಯಿಂದ ಕಲ್ಲುಗಣಿ ಮತ್ತು ತೆಳುವಾದ ಆಯತಾಕಾರದ ಚಪ್ಪಡಿಗಳಾಗಿ ವಿಭಜಿಸಲಾಗುತ್ತದೆ. ಇವುಗಳ ಸರಾಸರಿ ಗಾತ್ರ ಸುಮಾರು 12 ಇಂಚುಗಳಿಂದ 16 ಇಂಚುಗಳವರೆಗೆ ಬದಲಾಗುತ್ತವೆ. ಒರಟಾದ ಮೇಲ್ಮೈಯಿಂದ ನಯವಾಗಿಸಲು ಈ ಸ್ಲೇಟ್ ವಿವಿಧ ಬಣ್ಣಗಳು ಮತ್ತು ವಿನ್ಯಾಸಗಳಲ್ಲಿ ಲಭ್ಯವಿದೆ. ಟೈಲ್ s ಛಾವಣಿಗಳು ಸಾಮಾನ್ಯವಾಗಿ ಭಾರವಾದ, ಬಹಳ ಬಾಳಿಕೆ ಬರುವ ಹಾಗೂ ಅಗ್ನಿ ನಿರೋಧಕ ಛಾವಣಿಗಳಾಗಿದ್ದು, ತುಲನಾತ್ಮಕವಾಗಿ ದುಬಾರಿಯಾಗಿದೆ. ಅವುಗಳನ್ನು ಯಾವಾಗಲೂ ಇಳಿಜಾರಿನ s ಛಾವಣಿಗಳಲ್ಲಿ ಬಳಸಲಾಗುತ್ತದೆ. ಗ್ಲಾಸ್ ಮತ್ತು ಅರೆಪಾರದರ್ಶಕ ಪ್ಲಾಸ್ಟಿಕ್ ಹಾಳೆಗಳನ್ನು ಸ್ಕೈಲೈಟ್‌ಗಳು ಮತ್ತು ಕ್ಲಿಯರ್‌ಸ್ಟೋರಿಗಳಲ್ಲಿ ಅಥವಾ ಕೈಗಾರಿಕೆಗಳಲ್ಲಿ ಅಥವಾ ಹಸಿರು ಮನೆಗಳಲ್ಲಿ ಬಳಸಲಾಗುತ್ತದೆ. ಪ್ಲಾಸ್ಟಿಕ್ ಮತ್ತು ಗಾಜು ಎರಡೂ ಬೆಂಕಿ ಎದುರು ಕಳಪೆ ಪ್ರತಿರೋಧವನ್ನು ಹೊಂದಿದ್ದು, ತಂತಿ-ಬಲವರ್ಧಿತ ಗಾಜು ಮತ್ತು ಫೈಬರ್ ಗ್ಲಾಸ್ ಬಲವರ್ಧಿತ ಅಕ್ರಿಲಿಕ್ ಹಾಳೆಗಳನ್ನು ಸಾಮಾನ್ಯವಾಗಿ ಇವುಗಳಲ್ಲಿ ಬಳಸಲಾಗುತ್ತದೆ. ಸ್ಕೈಲೈಟ್‌ಗಳು ಫ್ಲಾಟ್, ಗುಮ್ಮಟ, ಕಮಾನಿನ ಮತ್ತು ಪಿರಮಿಡ್ ಸೇರಿದಂತೆ ವಿವಿಧ ಆಕಾರಗಳಲ್ಲಿ ಬರುತ್ತವೆ. ಅವು ಸ್ಥಿರ ಅಥವಾ ಕಾರ್ಯರೂಪಕ್ಕೆ ಬರಬಹುದು, ಕಿಟಕಿಗೆ ಹೋಲುವ ರೀತಿಯಲ್ಲಿ roof ಛಾವಣಿಯ ಮೂಲಕ ಗಾಳಿ ಬೀಸುತ್ತವೆ. ಬೆಳಕನ್ನು ಖಚಿತಪಡಿಸಿಕೊಳ್ಳಲು ಅಥವಾ ಸೌಂದರ್ಯವನ್ನು ಹೆಚ್ಚಿಸಲು ಇದನ್ನು ಇತರ ರೂಫಿಂಗ್ ವಿಧಾನಗಳೊಂದಿಗೆ ಹೆಚ್ಚಾಗಿ ಬಳಸಲಾಗುತ್ತದೆ.

ನಿಮ್ಮ ಅಂದದ ಮನೆಗೆ ರೂಫಿಂಗ್ ಶೀಟ್ ಆಯ್ಕೆ ಹೇಗೆ? ಇಲ್ಲಿದೆ ಟಿಪ್ಸ್

Thu, 13 Feb 2020 15:04:00 +0530

ಮಾರುಕಟ್ಟೆಯಲ್ಲಿ ಸಿಗುವ ಯಾವುದಾದರೊಂದು ರೂಫಿಂಗ್ ಶೀಟ್ ಆಯ್ಕೆ ಮಾಡುವ ಯೋಚನೆ ನಿಮಗಿದ್ದರೆ, ಅದು ತಪ್ಪು ಅನ್ನೋದು ರೂಫಿಂಗ್ ತಜ್ಞರ ಮಾತು. ಎಲ್ಲಾ ರೂಫಿಂಗ್ ಶೀಟ್ ಒಂದೇ ಗುಣಮಟ್ಟ ಹೊಂದಿರುವುದಿಲ್ಲ. ರೂಫಿಂಗ್ ಶೀಟ್ ಪದೇ ಪದೇ ಬದಲಾಯಿಸುವಂತಿರಬಾರದು. ಸದ್ಯ ರೂಫ್ ಟೈಲ್ಸ್, ಸ್ಲೇಟ್ಸ್ ಹಾಗೂ ಫ್ಲಾಟ್ ರೂಫ್ ಹೆಚ್ಚು ಜನಪ್ರಿಯವಾಗಿದೆ. ಶಾಕ್ ಪ್ರೂಫ್ ಮನೆ ನಿರ್ಮಿಸುವುದು ಹೇಗೆ? ಇಲ್ಲಿವೆ ಸಿಂಪಲ್ ಟಿಪ್ಸ್ ರೂಫ್ ಶೀಟ್‌ಗಳು ಹೆಚ್ಚು ಕಾಲ ಬಾಳಿಕೆ ಬರಬೇಕು ಎಂದರೇ ತಯಾರಿಕೆಯಲ್ಲಿ ಅತ್ಯುತ್ತಮ ಗುಣಮಟ್ಟದ ವಸ್ತುಗಳನ್ನು ಬಳಕೆ ಮಾಡಿರಬೇಕು. ನಿಮ್ಮ ಮನೆ ಛಾವಣಿ, ಟೆರೆಸ್ ಮೇಲ್ಬಾಗ, ಗ್ಯಾರೇಜ್, ಪಾರ್ಕಿಂಗ್ ಸ್ಥ ಸೇರಿದಂತೆ ಹಲವು ಕಡಗಳಲ್ಲಿ ಬಳಕೆ ಮಾಡುವ ರೂಫಿಂಗ್ ಶೀಟ್, ಮಳೆ, ಬಿಸಿಲು ಸೇರಿದಂತೆ ಎಲ್ಲಾ ವಾತಾವರಣವನ್ನು ಸಶಕ್ತವಾಗಿ ಎದುರಿಸವಂತಿರಬೇಕು. ಸದ್ಯ ನಾಲ್ಕ ವಿದದ ರೂಫಿಂಗ್ ಶೀಟ್ ಹೆಚ್ಚು ಚಾಲ್ತಿಯಲ್ಲಿದೆ. ಮೆಟಲ್ ರೂಫ್ ಶೀಟ್ ಅಥವಾ ಲೋಹದ ಚಾವಣಿ ಹಾಳೆ: ಮನೆ ಮೇಲ್ಛಾವಣಿ, ಬಿಲ್ಡಿಂಗ್ ಮೇಲ್ಬಾಗ, ಟೆರೆಸ್ ಮೇಲೆ, ಗ್ಯಾರೇಜ್ ಸೇರಿದಂತೆ ಯಾವುದೇ ಭಾಗದಲ್ಲಿ ಮೆಟಲ್ ರೂಫ್ ಶೀಟ್ ಅತ್ಯುತ್ತಮ ಆಯ್ಕೆ. ಯಾವುದೇ ವಾತಾವರಣಕ್ಕೂ ಹೊಂದಿಕೊಳ್ಳುವ ಹಾಗೂ ಹೆಚ್ಚು ಬಾಳಿಕೆ ಬರುವ ಗುಣಟ್ಟ ಮೆಟಲ್ ರೂಫ್‌ಶೀಟ್‌ಗೆ ಇದೆ. ಮಟೆಲ್ ರೂಫ್ ಶೀಟ್‌ಗಳನ್ನು ತುಂಡರಿಸುವುದು ಅಥವಾ ವಸ್ತುಗಳಿಂದ ಹಾನಿ ಮಾಡುವುದು ಕಷ್ಟ. ಇನ್ನು ಈ ರೂಫ್ ಶೀಟ್ ಕಡಿಮೆ ತೂಕ ಹೊಂದಿರುವ ಕಾರಣ ಅಳವಡಿಕೆ, ಸಾಗಾಣಿಕೆ ಕೂಡ ಸುಲಭ. ನೀರಿಗೆ ಮುದುಡದ, ಬೆಂಕಿಗೆ ಸುಡದ ಕಾಗದದ ಮನೆಗಳು ಮೆಟಲ್ ರೂಫ್ ಶೀಟ್ ಇತರ ರೂಫಿಂಗ್ ಶೀಟ್‌ಗೆ ಹೋಲಿಸಿದರೆ ಬೆಲೆ ಕಡಿಮೆ. ಇನ್ನು ಇದೇ ಮೆಟಲ್ ಶೀಟ್‌ಗೆ ಪಾಲಿಸ್ಟರ್ ಅಥವಾ ಪ್ಲಾಸ್ಟಿಕ್ ಕೋಟಿಂಗ್ ಮಾಡಿದ್ದರೆ ಇದರ ಬಣ್ಣ ಕೂಡ ಕಳೆಗುಂದುವುದಿಲ್ಲ. ಇಷ್ಟವಾದ ಬಣ್ಣಗಳಲ್ಲಿ ಮೆಟಲ್ ರೂಫಿಂಗ್ ಶೀಟ್ ಕೋಟಿಂಗ್ ಮಾಡಿಸಿಕೊಳ್ಳಬಹುದು. ಇಷ್ಟೇ ಅಲ್ಲ ಲೈಟಿಂಗ್ ಕೂಡ ಸುಲಭವಾಗಿ ಮಾಡಿಕೊಳ್ಳಬಹುದು. ಪ್ಲಾಸ್ಟಿಕ್ ರೂಫ್ ಶೀಟ್: ಮೆಟರ್ ರೂಫ್ ಶೀಟ್‌ಗೆ ಹೋಲಿಸಿದರೆ ಪ್ಲಾಸ್ಟಿಕ್ ರೂಫ್ ಶೀಟ್ ಕಡಿಮೆ ಗಾತ್ರ ಹೊಂದಿದೆ. ಗಾರ್ಡನ್ ಶೆಡ್, ತಾತ್ಕಾಲಿಕ ಬಿಲ್ಡಿಂಗ್, ಸೇರಿದಂತೆ ಸಣ್ಣ ಗಾತ್ರದ ಮೇಲ್ಚಾವಣಿ ಹಾಕುವ ಯೋಜನೆ ನಿಮ್ಮದಾಗಿದ್ದರೆ ಪ್ಲಾಸ್ಟಿಕ್ ರೂಫ್ ಶೀಟ್ ಉತ್ತಮ. ಆದರೆ ಪ್ಲಾಸ್ಟಿಕ್ ರೂಫ್ ಶೀಟ್ ಆಯ್ಕೆ ಮಾಡಿಕೊಳ್ಳುವಾಗ ಕೆಲ ಅಂಶಗಳನ್ನು ಗಮನದಲ್ಲಿಡಬೇಕು. ನಿಮ್ಮ ಮೇಲ್ಚಾವಣಿಗೆ ಕಡಿಮೆ ತೂಕದ ರೂಫ್ ಶೀಟ್ ಅಗತ್ಯವಿದ್ದರೆ ಲೈಟ್‌ವೇಟ್ ಪ್ಲಾಸ್ಟಿಕ್ ರೂಫ್ ಶೀಟ್ ಲಭ್ಯವಿದೆ. ಆದರೆ ಈ ರೂಫ್ ಶೀಟ್ ಬಾಳಿಕೆ ಕಡಿಮೆ. ಆದರೆ ಹೆಚ್ಚಿನ ಬಾಳಿಕೆಯ ಪ್ಲಾಸ್ಟಿಕ್ ರೂಫ್ ಶೀಟ್‌ಗಳು ತೂಕ ಹೊಂದಿರುತ್ತೆ. ಜೊತೆಗೆ ಬೆಲೆಯೂ ಕೊಂಚ ಹೆಚ್ಚಿರುತ್ತದೆ. ಪ್ಲಾಸ್ಟಿಕ್ ರೂಫ್ ಶೀಟ್‌ಗಳನ್ನು ಮೆಟಲ್ ಶೀಟ್ ಅಥವಾ ಪಾಲಿಕಾರ್ಬೋನೇಟ್ ಶೀಟ್‌ಗಳಿಗೆ ಹೋಲಿಸುವುದು ಸೂಕ್ತವಲ್ಲ. ಪಾಲಿಕಾರ್ಬೋನೇಟ್ ರೂಫ್ ಶೀಟ್: ಕಾರು ಪಾರ್ಕಿಂಗ್, ಸಾಕು ಪ್ರಾಣಿಗಳಿಗಾಗಿ, ಹಕ್ಕಿಗಳಿಗಾಗಿ ಸಣ್ಣ ಚಾವಣಿ ವ್ಯವಸ್ಥೆ ಅಥವಾ ಪಂಜರ ಮಾಡುವ ನಿರ್ಧಾರ ನಿಮ್ಮದಾಗಿದ್ದರೆ ಪಾಲಿಕಾರ್ಬೋನೇಟ್ ರೂಫ್ ಶೀಟ್ ಉತ್ತಮ. ಯಾವುದೇ ವಾತಾವರಣಕ್ಕೂ ಪಾಲಿಕಾರ್ಬೋನೇಟ್ ರೂಫ್ ಶೀಟ್ ಸಾಟಿಇಲ್ಲದ ಬಾಳಿಕೆ ನೀಡಲಿದೆ. ಪಾಲಿಕಾರ್ಬೋನೇಟ್ ರೂಫ್ ಶೀಟ್‌ಗಳನ್ನು ಹೆಚ್ಚಿನ ಪ್ರಭಾವದ ಪಾಲಿಪ್ರೋಪಿಲಿನ್ ಬಳಲಿ ತಯಾರಿಸಲಾಗುತ್ತದೆ. ಇದು ಕಡಿಮೆ ತೂಕ ಹಾಗೂ ಹೆಚ್ಚು ಕಾಲ ಬಾಳಿಕೆ ಬರಲಿದೆ. ಈ ಶೀಟ್‍‌ಗಳನ್ನು ಚಾಕೂ ಮೂಲಕ ಸುಭವಾಗಿ ಕಟ್ ಮಾಡಹುದು. ಪಾಲಿಕಾರ್ಬೋನೇಟ್ ರೂಫ್ ಶೀಟ್ ಪಿಹೆಚ್ ನ್ಯೂಟ್ರಲ್‌ನಿಂದ ಡಿಸೈನ್ ಮಾಡಲಾಗಿದೆ. ಹೀಗಾಗಿ ಮಳೆ, ಬಿಸಿಲು, ಎಣ್ಣೆ, ಕೆಮಿಕಲ್ಸ್‌ ಬಿದ್ದರೂ ಯಾವುದೇ ಸಮಸ್ಯೆ ಇಲ್ಲ. ಯುವಿ ಪ್ರೊಟೆಕ್ಷನ್, ಬೆಂಕಿ ನಿವಾರಕ, ನಾಶಕಾರಿ ಪ್ರತಿರೋಧಕಗಳು, ವಿರೋಧಿ ಸ್ಥಿರ ವಿಘಟಕಗಳಿಂದ ಪಾಲಿಕಾರ್ಬೋನೇಟ್ ರೂಫ್ ಶೀಟ್‌ಗೆ ಯಾವುದೇ ಸಮಸ್ಯೆ ಇಲ್ಲ. ಕರೊಗೇಟೆಡ್ ರೂಫ್ ಶೀಟ್: ರೂಫ್ ಶೀಟ್‌ಗಳಲ್ಲಿ ಅಂತಿಮ ವಿಧ ಕರೋಗೆಟೆಡ್ ರೂಫ್ ಶೀಟ್, ಕೃಷಿ ಸಂಬಂಧಿತ ಬಿಲ್ಡಿಂಗ್‌ಗಳಿಗೆ ಹೆಚ್ಚು ಬಳಕೆ ಮಾಡುತ್ತಾರೆ. ಎಲ್ಲಾ ವಾತಾವರಣದಲ್ಲಿ ಬಳಕೆ ಮಾಡಬಹುದಾದ ವಿಶ್ವಾಸತೆಯನ್ನು ಕರೋಗೆಟೆಡ್ ರೂಫ್ ಶೀಟ್ ಹೊಂದಿದೆ. ಪಿವಿಸಿ ಪ್ಲಾಸ್ಟಿಸೊಲ್‌ನಿಂದ ತಯಾರಿಸುವ ಕರೊಗೇಟೆಡ್ ರೂಫ್ ಶೀಟ್ ಕಳೆಗುಂದುವುದಿಲ್ಲ ಹಾಗೂ ಗೀಟುಗಳು ಬೀಳುವುದಿಲ್ಲ. ಕರೋಗೆಟೆಡ್ ರೂಫ್ ಶೀಟ್ ನಿರ್ವಹಣೆ ವೆಚ್ಚ ಕಡಿಮೆ. ಕಾರಣ 5 ರಿಂದ 10 ವರ್ಷಕ್ಕೊಮ್ಮೆ ನಿರ್ವಹಣೆ ಮಾಡಿದರೆ ಸಾಕು. ಎರಡು ಕರೋಗೆಟೆಡ್ ಶೀಟ್‌ಗಳನ್ನು ಉಚ್ಚಿದರೆ ಗೀಟುಗಳು ಬೀಳಲಿದೆ. ಆದರೆ ಶೀಟ್ ಮೇಲೆ ಗೀಟು, ಸ್ಕ್ರಾಚ್ ಇದ್ದರೆ ಹೋಗಿಸಲು ಮಾರುಕಟ್ಟೆಯಲ್ಲಿ ಪೈಂಟ್ ಲಭ್ಯವಿದೆ.

ಕ್ಯಾಂಪ್ಟೆಕ್ ಬರಲಿದೆ ನಿಮ್ಮ ಮನೆಗೆ: ವಿದ್ಯುತ್ ಉಳಿತಾಯ ಇನ್ನು ಸುಲಭ!

Tue, 04 Feb 2020 12:50:00 +0530

ತಿರುವನಂತಪುರಂ(ಫೆ.04): 2015 ರಲ್ಲಿ ಸ್ಥಾಪನೆಯಾದ ಕ್ಯಾಂಪ್ಟೆಕ್ ಇನ್ನೋವೇಟಿವ್ ಟೆಕ್ನಾಲಜೀಸ್ ಪ್ರೈವೇಟ್ ಲಿಮಿಟೆಡ್, ಕಡಿಮೆ ಪ್ರಮಾಣದ ವೋಲ್ಟೇಜ್ ವಿತರಣಾ ಉತ್ಪನ್ನಗಳು, ಎಲೆಕ್ಟ್ರಿಕಲ್ ಐಸೊಲೇಟರ್, ಕರೆಂಟ್ ಸರ್ಕ್ಯೂಟ್ ಬ್ರೇಕರ್ ಇತ್ಯಾದಿಗಳ ವ್ಯಾಪಕ ವಿತರಕ ಹಾಗೂ ಪಾಲುದಾರ ಸಂಸ್ಥೆ. ಕ್ಯಾಂಪ್ಟೆಕ್ ತಂತ್ರಜ್ಞಾನವನ್ನು ಶಕ್ತಿ ನಿರ್ವಹಣಾ ವ್ಯವಸ್ಥೆಗಳು, ವಿದ್ಯುತ್ ವ್ಯವಸ್ಥೆಗಳು, ಯಾಂತ್ರೀಕೃತಗೊಂಡ ಮತ್ತು ಮಿಂಚಿನ ರಕ್ಷಣಾ ವ್ಯವಸ್ಥೆಗಳಲ್ಲಿ ಉನ್ನತ-ಮಟ್ಟದ ಎಂಜಿನಿಯರಿಂಗ್ ಪರಿಹಾರಗಳನ್ನು ನೀಡಲು ಚಾಲಕವಾಗಿ ಬಳಸಲಾಗುತ್ತದೆ. ಕಡಿಮೆ ಶಕ್ತಿಯ ಬಳಕೆಯ ಉದ್ದೇಶದೊಂದಿಗೆ ಕೇರಳದಲ್ಲಿ ಅಸ್ತಿತ್ವಕ್ಕೆ ಬಂದ ಈ ಸಂಸ್ಥೆ, ಭಾರತದ ಇತರ ರಾಜ್ಯಗಳಲ್ಲೂ ತನ್ನ ಜಾಲವನ್ನು ವಿಸ್ತರಿಸುತ್ತಿದೆ. ಗ್ರಾಹಕರಿಗೆ ವಿದ್ಯುತ್ ಶಕ್ತಿಯ ಜೊತೆಗೆ ವಿಶ್ವಾಸವನ್ನೂ ರವಾನಿಸಲು ಹೆಮ್ಮೆಪಡುವುದಾಗಿ ಸಂಸ್ಥೆ ಹೇಳಿದೆ. ಭಾರತ ಮತ್ತು ವಿದೇಶಗಳಲ್ಲಿ ಯಶಸ್ವಿ ಉದ್ದಿಮೆಯನ್ನು ಮುನ್ನಡೆಸುವ ಇತಿಹಾಸ ಹೊಂದಿರುವ ಕ್ಯಾಂಪ್ಟೆಕ್, ಇದೀಗ ತನ್ನ ಕಾರ್ಯವ್ಯಾಪ್ತಿಯನ್ನು ವಿಸ್ತರಿಸುತ್ತಿರುವುದು ಗಮನಾರ್ಹ. ಎಂಜಿನಿಯರಿಂಗ್, ಉತ್ಪಾದನೆ ಮತ್ತು ಯೋಜನಾ ನಿರ್ವಹಣಾ ಕ್ಷೇತ್ರದಲ್ಲಿ ಪ್ರಾವೀಣ್ಯತೆ ಹೊಂದಿರುವ ಕ್ಯಾಂಪ್ಟೆಕ್ ಸಿಬ್ಬಂದಿ, ಶಕ್ತಿ ಪರಿಹಾರಗಳನ್ನು ನವೀಕರಿಸಿ ಅದನ್ನು ಸಮಾಜದ ಕಟ್ಟಕಡೆಯ ವ್ಯಕ್ತಿಗೂ ತಲುಪಿಸುವಲ್ಲಿ ಶ್ರಮಿಸುತ್ತಿದೆ.

ಶಾಕ್ ಪ್ರೂಫ್ ಮನೆ ನಿರ್ಮಿಸುವುದು ಹೇಗೆ? ಇಲ್ಲಿವೆ ಸಿಂಪಲ್ ಟಿಪ್ಸ್

Thu, 09 Jan 2020 17:57:00 +0530

ಮನೆ ನಿರ್ಮಾಣ ಮಾಡುವಾಗ ಎಲೆಕ್ಟ್ರಿಶಿಯನ್‌ಗಳು, ವೈರಿಂಗ್ ಮತ್ತು ಪೈಪ್ ಅಳವಡಿಸುವಾಗ ಗುಣಮಟ್ಟವನ್ನು ಗಮನದಲ್ಲಿಟ್ಟುಕೊಳ್ಳಬೇಕು. ಎಳ್ಳಷ್ಟು ಅಜಾಗರೂಕತೆ ಅಥವಾ ಕಳಪೆ ಸರಕು ಬಳಕೆಯು ಮಾರಕ ಅವಘಡಗಳನ್ನು ತಂದೊಡ್ಡಬಹುದು. ಇಂತಹ ಕೆಲಸಗಳು ಸುಲಭವಾಗಿ ಮಾಡುವಂತಹದ್ದಲ್ಲ. ನಿಮ್ಮ ಮನೆಯನ್ನು ಕಟ್ಟುವ ಸಂದರ್ಭದಲ್ಲಿ, ಎಲೆಕ್ಟ್ರಿಕ್ ಕೆಲಸಗಳನ್ನು ಮಾಡುವಾಗ ಈ ಎಲ್ಲದರ ಬಗ್ಗೆ ನೀವು ಗಮನ ಕೊಡಬೇಕು. ಮನೆಕಟ್ಟುವ ಸಂದರ್ಭದಲ್ಲಿ ಎಲೆಕ್ಟ್ರಿಕ್ ಕೆಲಸ ಮಾಡಿಸುವಾಗ ಗಮನದಲ್ಲಿಡಬೇಕಾದ ಉಪಯುಕ್ತ ಟಿಪ್ಸ್ ಇಲ್ಲಿವೆ.... ಲೋಡ್‌ಗೆ ಅನುಗುಣವಾಗಿ ಪಾಯಿಂಟ್‌ಗಳಿವೆಯೇ ಎಂಬುವುದನ್ನು ಎಲೆಕ್ಟ್ರಿಶಿಯನ್ ಮೊದಲು ಖಚಿತಪಡಿಸಿಕೊಳ್ಳಬೇಕು. ಇದರ ಜತೆಗೆ ವಿವಿಧ ಪಾಯಿಂಟ್‌ಗಳನ್ನು ಸಂಪರ್ಕಿಸುವ ವೈರ್ ಲೋಡ್ ಸಾಮರ್ಥ್ಯ ಸರಿಯಾಗಿದೆಯೇ ಎನ್ನುವುದನ್ನು ಗಮನಿಸಿ. ಸಾಮಾನ್ಯವಾಗಿ ಸರಿಯಾಗಿ ಲೋಡ್ ನಿರ್ವಹಿಸುವ ವೈರ್‌ಗಳ ಬಗ್ಗೆ ಎಲೆಕ್ಟ್ರಿಶಿಯನ್‌ಗಳು ನಿರ್ಲಕ್ಷ್ಯ ವಹಿಸುತ್ತಾರೆ. ಒಂದು ವೇಳೆ ದೋಷಯುಕ್ತ ಅಥವಾ ಕಡಿಮೆ ಸಾಮರ್ಥ್ಯದ ವೈರ್ ಬಳಸಿದರೆ, ಮನೆಗೆ ಬೆಂಕಿ ಬೀಳಬಹುದು, ಇಲ್ಲವೇ ಮನುಷ್ಯನ ಜೀವವೂ ಹೋಗಬಹುದು. ಎಲ್ಲಾ ಎಲೆಕ್ಟ್ರಿಕ್ ಕೆಲಸಗಳು ಹಾಗೂ ಅಳವಡಿಕೆಗಳು ಭಾರತದ ಹೊಸ ಎಲೆಕ್ಟ್ರಿಕ್ ನೀತಿ ನಿಯಮಗಳಿಗೊಳಪಟ್ಟಿರಬೇಕು. ಎಲ್ಲಾ ಎಲೆಕ್ಟ್ರಿಕ್ ಸರಕುಗಳು ಗುಣಮಟ್ಟದ ಉತ್ಫಾದಕರಿಂದ ತಯಾರಾಗಿದ್ದು, ISI ಮಾನ್ಯತೆ ಹೊಂದಿರಬೇಕು. RCC ಸ್ಲ್ಯಾಬ್ ಹಾಗೂ ಗೋಡೆಗಳಿಗೆ ಪೈಪ್‌ಗಳನ್ನು, ಜಂಕ್ಷನ್ ಬಾಕ್ಸ್ ಹಾಗೂ ಫ್ಯಾನ್ ಬಾಕ್ಸ್ ಅಳವಡಿಸುವಾಗ ಎಲ್ಲಾ ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಒಂದು ವೇಳೆ ತಪ್ಪಾಗಿ ಅಳವಡಿಸಿದರೆ, ಆ ಬಳಿಕ ಎಂತಹ ಅವಘಡಗಳು ಬೇಕಾದರೂ ಸಂಭವಿಸಬಹುದು. ಇಲ್ಲವೆಂದರೆ ತಪ್ಪಾದ ಅಳವಡಿಕೆಯನ್ನು ಆ ಬಳಿಕ ಕಿತ್ತುಹಾಕಬೇಕಾಗಬಹುದು. ಹೀಗಾಗಿ ಇಂತಹ ಅಚಾತುರ್ಯಗಳನ್ನು ತಡೆಯಲು, ಮೊದಲೇ ಗಮನ ಹರಿಸಬೇಕು. ಮನೆಯನ್ನು ಎಲೆಕ್ಟ್ರಿಕ್ ಶಾಕ್ ಪ್ರೂಫ್ ಅನ್ನಾಗಿ ನಿರ್ಮಿಸಲು ಈ ಎಲ್ಲಾ ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ವೈರಿಂಗ್ ಮಾಡುವಾಗ ವಿತರಣಾ ವ್ಯವಸ್ಥೆಗನುಗುಣವಾಗಿರಬೇಕು. ಬೋರ್ಡ್‌ಗೆ ಮುಖ್ಯ ಹಾಗೂ ಬ್ರ್ಯಾಂಚ್ ಸೆಂಟರ್’ಗಳು ಸೂಕ್ತ ಅಂತರದಲ್ಲಿರಬೇಕು. ಇದು ಫ್ಯೂಸ್’ನಿಂದ ಹೊರತಾಗಿರಬೇಕು. ಸಾಧ್ಯವಿದ್ದರೆ, ಎಲ್ಲಾ ಕಂಡಕ್ಟರ್’ಗಳು ವಾಲ್ ಹಾಗೂ ಸೀಲಿಂಗ್ ಮೂಲಕ ಕಾರ್ಯ ನಿರ್ವಹಿಸುವಂತಿರಬೇಕು. ಹೀಗಾದಲ್ಲಿ ಸಮಸ್ಯೆ ಬಂದಾಗ ಸುಲಭವಾಗಿ ಪರೀಕ್ಷಿಸಬಹುದು. ಯಾವುದೇ ಸಂದರ್ಭದಲ್ಲೂ ವೈರಿಂಗ್ ಸೀಲಿಂಗ್ ಮೇಲಿರಬಾರದು. ಎರಡು ಸರ್ಕಿಟ್‌ಗಳ ನಡುವಿನ ಅಂತರ ಕನಿಷ್ಠ 7 ಅಡಿಯಾದರೂ ಇರಲಿ. ಎಲ್ಲಾ ವೈರ್ ಮತ್ತು ಉಪಕರಣಗಳು ISI ಮಾನದಂಡಗಳಿಗೆ ಅನುಗುಣವಾಗಿರಬೇಕು. ಲೈಟ್ ಸರ್ಕ್ಯೂಟ್ ಪಾಯಿಂಟ್’ಗಳ ಸಂಖ್ಯೆ 10ಕ್ಕಿಂತ ಹೆಚ್ಚಿರಬಾರದು, ಹಾಗೆಯೇ ಒಟ್ಟಾರೆ ವಿದ್ಯುತ್ ಲೋಡ್ 800 ವ್ಯಾಟ್ ಮೀರಬಾರದು. ಒಂದು ಸರ್ಕ್ಯೂಟ್ ಎಲೆಕ್ಟ್ರಿಕ್ ಮೀಟರ್ ಅಥವಾ ಮುಖ್ಯ ಫ್ಯೂಸ್ ಸರ್ಕ್ಯೂಟ್’ಗೆ ಸಂಪರ್ಕ ಹೊಂದಿರಬೇಕು. ಪವರ್ ವೈರಿಂಗ್ ಸರ್ಕ್ಯೂಟ್ ಪಾಯಿಂಟ್’ಗಳು ಎರಡಕ್ಕಿಂತ ಹೆಚ್ಚಿರಬಾರದು. ಹಾಗೂ ವೈಯರ್ ಸೈಜ್ 1.5 MM ಕಾಫರ್ ಸುತ್ತಳತೆ ಹಾಗೂ 2 Mm ಅಲ್ಯೂಮಿನಿಯಂ ಸುತ್ತಳತೆ ಹೊಂದಿರಬೇಕು. ಸ್ವಿಚ್ ಬೋರ್ಡ್ ಯಾವತ್ತಿಗೂ 1.5 ಮೀಟರ್ ಎತ್ತರಕ್ಕಿಂತ ಹೆಚ್ಚಿರಬೇಕು. ಅಡ್ಡವಾಗಿ ಎಳೆದಿರುವ ವೈಯರ್’ಗಳು ಕನಿಷ್ಠ 3 ಮೀಟರ್ ಎತ್ತರದಲ್ಲಿರಬೇಕು. ಕನಿಷ್ಠವೆಂದರೂ 14 SWG ಕಾಪರ್ ಹಾಗೂ 4 mm ಅಲ್ಯೂಮಿನಿಯಂ ಅರ್ಥ್ ವೈಯರ್’ನಲ್ಲಿರಬೇಕು. ಫ್ಯೂಸ್ ವೈಯರ್’ಗಳು ಫ್ಯೂಸ್ ವೈಯರ್’ಗಳಿಗೆ ಸಂಪರ್ಕ ಹೊಂದಿರಬೇಕು. ಇನ್ನು ನ್ಯೂಟ್ರಲ್ ಸಂಪರ್ಕಗಳು ನ್ಯೂಟ್ರಲ್’ಗೆ ಸಂಪರ್ಕ ಹೊಂದಿರಬೇಕು. ಎಲ್ಲಾ ಸ್ವಿಚ್’ಗಳು ಫೇಸ್ ವೈರ್ ಸಂಪರ್ಕ ಹೊಂದಿರಬೇಕು. ಇನ್ನು ಲೈಟ್ ಸರ್ಕ್ಯೂಟ್’ನ ಅರ್ಥ್ ವೈಯರ್’ಗಳು ಕನಿಷ್ಟವೆಂದರೂ 1 mm ಕಾಫರ್ ಹಾಗೂ 1.5 mm ಸುತ್ತಳತೆಯ ಅಲ್ಯೂಮೀನಿಯಂ ಹೊಂದಿರಬೇಕು. ಎಲ್ಲಾ ಕಂಡಕ್ಟರ್‌ಗಳು ತಾಮ್ರದಿಂದಲೇ ಮಾಡಲ್ಪಟ್ಟಿರಬೇಕು. ಸುಡುವ ಘಟಕಾಂಶ, ಕತ್ತರಿಸಿದ/ಹರಿದ ವೈಯರ್’ಗಳು, ಸಡಿಲ/ಮುಕ್ತ ಸಂಪರ್ಕಗಳು ಹಾಗೂ ತುಕ್ಕು ಹಿಡಿದ ಪಾಯಿಂಟ್’ಗಳನ್ನು ಬಳಸದಿದ್ದರೆ ಓಪನ್ ಸರ್ಕ್ಯೂಟ್ ಆಗದಂತೆ ತಡೆಯಬಹುದು. ತುಂಡಾದ ವೈಯರ್’ಗಳನ್ನು ಅಳವಡಿಸದೇ ಇರುವುದರಿಂದ ಶಾರ್ಟ್ ಸರ್ಕ್ಯೂಟ್ ತಡೆಯಬಹುದು. ಅರ್ಥ್ ಫಾಲ್ಟ್ ತಡೆಯಬೇಕಾದರೆ, ತುಂಡಾದ ಅಥವಾ ಲೂಸ್ ಸಂಪರ್ಕ ಹೊಂದದಂತೆ ನೋಡಿಕೊಳ್ಳಬೇಕು. ವೋಲ್ಟೇಜ್ ಹೆಚ್ಚಿಸಲು ಮತ್ತು ಹಠಾತ್ ವಿದ್ಯುತ್ ಅಘಾತದಿಂದ ಮನುಷ್ಯರನ್ನು ರಕ್ಷಿಸಲು ಅರ್ಥಿಂಗ್ ಅನ್ನು ಮಾಡಬೇಕು. ಮಿಂಚು ಗುಡುಗುಗಳಿಂದ ಕಟ್ಟಡವನ್ನು ರಕ್ಷಿಸಲು ಮಿಂಚಿನ ತಂತಿಯನ್ನು ನೆಲಕ್ಕೆ ಸರಿಯಾಗಿ ಜೋಡಿಸಬೇಕು.

ವಿದ್ಯುತ್ ಬಿಲ್ ಕಡಿಮೆಗೊಳಿಸಲು ಸಿಂಪಲ್ ಟಿಪ್ಸ್

Thu, 09 Jan 2020 17:50:00 +0530

ವಿದ್ಯುತ್ ಉಳಿತಾಯದಿಂದ ಎರಡು ಲಾಭಗಳಿವೆ. ಮೊದಲನೆಯದಾಗಿ ಇದು ಜಾಗತಿಕ ತಾಪಮಾನ ಕಡಿಮೆಗೊಳಿಸಲು ಸಹಾಯ ಮಾಡುತ್ತದೆ. ಎರಡನೆಯದಾಗಿ ಇದು ಹಣ ಉಳಿಸಲು ಸಹಾಯ ಮಾಡುತ್ತದೆ. ಹೀಗಿರುವಾಗ ಕೆಲ ಸ್ಮಾರ್ಟ್ ಉಪಕರಣಗಳು ಹಾಗೂ ಸಿಂಪಲ್ ಟಿಪ್ಸ್ ಪ್ರತಿ ತಿಂಗಳು ನಿಮ್ಮ ವಿದ್ಯುತ್ ಬಿಲ್ ಕಡಿಮೆ ಮಾಡಲು ಸಹಾಯ ಮಾಡುತ್ತವೆ. ನಿಮ್ಮ ಮನೆ, ಕಚೇರಿಯಲ್ಲಿರುವ ವಸ್ತುಗಳ ಮೇಲೆ ಒಮ್ಮೆ ದೃಷ್ಟಿ ಹಾಯಿಸಿ, ವಿದ್ಯುತ್‌ನಿಂದ ಕಾರ್ಯನಿರ್ವಹಿಸುವ ಯಾವುದೇ ಉಪಕರಣವನ್ನು ನೀವು ಕಡಿಮೆ ವಿದ್ಯುತ್ ಬಳಸುವ ಸಾಧನವನ್ನಾಗಿ ಮಾರ್ಪಾಡು ಮಾಡಿ. ನಿಮ್ಮ ದಿನನಿತ್ಯದ ಅಭ್ಯಾಸ ಬದಲಾಯಿಸುವುದರಿಂದ ವಿದ್ಯುತ್ ಉಳಿತಾಯ ಮಾಡಬಹುದು. ಒಂದು ವೇಳೆ ನೀವು ಅತಿ ಪ್ರಕಾಶಮಾನವಾದ, ಬೆಳಕು ಅತಿ ಹೆಚ್ಚು ಬಳಸುವ ಬಲ್ಬ್ ಬಳಸುತ್ತೀರೆಂದಾದರೆ ಈ ಕೂಡಲೇ CFL ಅಥವಾ LED ಬಲ್ಬ್ ಗಳಿಗೆ ಶಿಫ್ಟ್ ಆಗಿ. ಅಡುಗೆ ಮನೆ, ಲಿವಿಂಗ್ ರೂಂ ಹಾಗೂ ಬೆಡ್ ರೂಂ ಹೀಗೆ ಟ್ಯೂಬ್ ಲೈಟ್ ಅತಿ ಹೆಚ್ಚು ಬಳಸುವಲ್ಲಿ LED ಅಥವಾ T5 ಟ್ಯೂಬ್ ಬಳಸಬಹುದು. ಬಲ್ಬ್ ಬಳಸದಿದ್ದಾಗ ಮಾತ್ರ ಸ್ವಿಚ್ ಆಫ್ ಮಾಡಲು ಮರೆಯಬೇಡಿ. ಇನ್ನು ನೀವು ಹೊರ ಹೋದಾಗ ಅಥವಾ ಬಳಸದಾಗ, ಲೈಟ್ ಅಥವಾ ಫ್ಯಾನ್ ಸ್ವಿಚ್ ಆಫ್ ಮಾಡಲು ಮರೆಯದಿರಿ. ಒಂದು ವೇಳೆ ನೀವು ಹೊಸಫ್ಯಾನ್ ಖರೀದಿಸುತ್ತೀರೆಂದಾದರೆ ಇಂಧನ ಉಳಿಸುವ ಫ್ಯಾನ್ ಖರೀದಿಸಿ. ನೀವು 12 ತಾಸಿಗೂ ಹೆಚ್ಚು ಫ್ಯಾನ್ ಬಳಸುತ್ತೀರೆಂದಾದರೆ ಅವುಗಳನ್ನು ಇಂಧನ ದಕ್ಷತೆಯುಳ್ಳ ಫ್ಯಾನ್ ಆಗಿ ಬದಲಾಯಿಸಿ ಈ ಮೂಲಕ ನೀವು 2 ವರ್ಷದೊಳಗೆ ನಿಮ್ಮ ಹಣ ಹಿಂಪಡೆದುಕೊಳ್ಳಬಹುದು. ಬಳಿಕ ಏನೇ ಸಿಕ್ಕರೂ ಅದು ಬೋನಸ್ ನಂತೆ. ಹಲವಾರು ಬಾರಿ ನಾವು ಟಿವಿ ಹಾಗೂ ಅದಕ್ಕೆ ಜೋಡಿಸಲ್ಪಟ್ಟ ಉಪಕರಣ [ಸೆಟ್ ಟಾಪ್ ಬಾಕ್ಸ್, ಸ್ಪೀಕರ್, ಮೊದಲಾದವು]ಗಳನ್ನೂ ಬಳಸದಿದ್ದರೂ ಸ್ವಿಚ್ ಆನ್ ಮಾಡಿ ಇಟ್ಟಿರುತ್ತೇವೆ. ಇದು ಹೆಚ್ಚು ವಿದ್ಯುತ್ ಬಳಸಿಕೊಳ್ಳುವುದಿಲ್ಲ ಎಂದು ನೀವು ಭಾವಿಸಬಹುದು, ಆದರೆ ಗಮನದಲ್ಲಿರಲಿ ಇದು ಹೆಚ್ಚು ವಿದ್ಯುತ್ ಬಳಸಿಕೊಳ್ಳುತ್ತದೆ. ಹೀಗಾಗಿ ಟಿವಿ ವೀಕ್ಷಿಸದೇ ಇದ್ದಾಗ ಅದನ್ನು ಆಫ್ ಮಾಡುವ ಅಭ್ಯಾಸ ರೂಢಿಸಿಕೊಳ್ಳಿ. ರೆಫ್ರಿಜರೇಟರನ್ನು ಗೋಡೆಯಿಂದ ಸುಮಾರು ಅರ್ಧ ಅಡಿ ದೂರದಲ್ಲಿಡಿ. ಫ್ರಿಡ್ಜ್ ಬಿಸಿ ಗಾಳಿಯನ್ನು ಹೊರ ಸೂಸುತ್ತವೆ. ಹೀಗಿರುವಾಗ ಆ ಬಿಸಿ ಗಾಳಿ ಅಲ್ಲಿ ಉಳಿಯದಂತೆ ನಿಗಾ ವಹಿಸಿ. ಒಂದು ವೇಳೆ ಈ ಬಿಸಿ ಗಾಳಿ ಅಲ್ಲೇ ಉಳಿದುಕೊಂಡರೆ ಅದು ಫ್ರಿಡ್ಜ್‌ನ ಕಾರ್ಯ ಕ್ಷಮತೆಯನ್ನು ಕುಗ್ಗಿಸುತ್ತದೆ. ಇನ್ನು ರೆಫ್ರಿಜರೇಟರ್‌ನಲ್ಲಿ ಹೆಚ್ಚು ಆಹಾರವನ್ನು ಇಟ್ಟುಕೊಳ್ಳಬೇಡಿ. ಚಳಿಗಾಲದಲ್ಲಿ ಕನಿಷ್ಟ ಕೂಲಿಂಗ್‌ನಲ್ಲಿಡಿ. ಒಂದು ವೇಳೆ ಯಾವುದಾದರೂ ಪಾತ್ರೆಯಲ್ಲಿ ಕಡಿಮೆ ಆಹಾರವಿದ್ದಲ್ಲಿ ಅದನ್ನು ಸಾಧ್ಯವಾದಷ್ಟು ಬೇಗ ಮುಗಿಸಲು ಪ್ರಯತ್ನಿಸಿ. ಯಾಕಂದ್ರೆ ಫ್ರಿಡ್ಜ್ ನಲ್ಲಿಡುವ ಪಾತ್ರೆಯನ್ನೇ ಕೂಲಾಗಿಡಲು ಬಹಳಷ್ಟು ವಿದ್ಯುತ್ ಬಳಕೆಯಾಗುತ್ತದೆ. ಸ್ನಾನಕ್ಕೆ ಹೋಗುವ ತಾಸಿಗೂ ಮುನ್ನ ವಿದ್ಯುತ್ ಗೀಸರ್ ಆನ್ ಮಾಡಬೇಡಿ. ಹಾಗೆಯೇ ಸ್ನಾನ ಮುಗಿಸಿ ಹೊರ ಬಂದ ಕೂಡಲೇ ಗೀಸರ್ ಆಫ್ ಮಾಡುವುದು ಮುಖ್ಯ. ಗೀಸರ್ ಆಟೋ ಆಫ್ ಫೀಚರ್ ಹೊಂದಿದ್ದರೂ, ಇದು ಕೆಲ ಸಮಯದ ಬಳಿಕ ಮತ್ತೆ ಆನ್ ಆಗುತ್ತದೆ. ಇನ್ನು ನಿಮ್ಮ ಮನೆಯಲ್ಲಿ ಒಂದು ಅಥವಾ ಅದಕ್ಕೂ ಹೆಚ್ಚು ಎಸಿ ಇದ್ದರೆ ನೀವು ವಿದ್ಯುತ್ ಉಳಿತಾಯದ ಕಡೆ ಮತ್ತಷ್ಟು ಹೆಚ್ಚು ನಿಗಾ ವಹಿಸಬೇಕು. ಎಸಿ ಬಳಸುವಾಗ ಬಾಗಿಲು ಹಾಗೂ ಕಿಟಕಿಗಳು ಸರಿಯಾಗಿ ಮುಚ್ಚಿವೆ ಎಂಬುವುದನ್ನು ಮೊದಲು ಖಾತ್ರಿಪಡಿಸಿಕೊಳ್ಳಿ. ಎಸಿ ಬಳಸುವಾಗ ಫ್ಯಾನ್ ಆನ್ ಇಟ್ಟರೆ ಎಸಿಯನ್ನು ಗರಿಷ್ಟ ಟೆಂಪರೇಚರ್ ನಲ್ಲಿಡಲು ಸಹಾಯ ಮಾಡುತ್ತದೆ. ನೀವು ಭಾರತವಾಸಿಯಾಗಿದ್ದು, ಎಸಿಯನ್ನು ಅತ್ಯಂತ ಕಡಿಮೆ ಟೆಂಪರೇಚರ್‌ನಲ್ಲಿಡುವ ಅಂದರೆ 18 ಡಿಗ್ರಿ ಸೆಲ್ಸಿಯಸ್ ನಲ್ಲಿಡುವ ಅಭ್ಯಾಸ ನಿಮಗಿದ್ದರೆ, ಕೂಡಲೇ ನಿಮ್ಮ ಅಭ್ಯಾಸವನ್ನು ಬಿಟ್ಟು ಹಾಕಿ. ಯಾಕೆಂದರೆ ಎಸಿ ಗಾಳಿ ಆರೋಗ್ಯದ ಮೇಲೆ ಅತಿ ಕೆಟ್ಟ ಪರಿಣಾಮ ಬೀರುತ್ತದೆ. ಅಲ್ಲದೇ ಕಿಟಕಿ ತೆರೆದಿಟ್ಟರೆ ಎಸಿಗಿಂತಲೂ ತಂಪಾದ ಹಾಗೂ ಶುದ್ಧ ಗಾಳಿ ಒಳ ಬರುತ್ತದೆ. ಎಸಿ ಆನ್ ಮಾಡುವ ವೇಳೆ, ವಾತಾವರಣ ಬೇಗ ತಂಪಾಗಲಿ ಎಂಬ ಮನಸ್ಥಿತಿಯಿಂದ ಅತ್ಯಂತ ಕಡಿಮೆ ಟೆಂಪರೇಚರ್ ನಲ್ಲಿಡಬೇಡಿ. ಯಾಕೆಂದರೆ ಅದು ಅಸಾಧ್ಯ. ಇನ್ನು ರಾತ್ರಿ ವೇಳೆ ಕೇವಲ 1 ಅಥವಾ 2 ಗಂಟೆ ಕಾಲ ನೀವು ಎಸಿ ಆನ್ ಮಾಡಿದರೆ ಸಾಕಾಗುತ್ತದೆ. ಕೋಣೆ ತಂಪಾದ ಬಳಿಕ ಆಫ್ ಮಾಡಬಹುದು. ಅಲ್ಲದೇ ಹಳೆಯ ಎಸಿ ಹೆಚ್ಚು ವಿದ್ಯುತ್ ಬಳಸುವುದರಿಂದ, ಅದನ್ನು ಇಂಧನ ದಕ್ಷತೆಯುಳ್ಳ ಎಸಿಯೊಂದಿಗೆ ಬದಲಾಯಿಸಿಕೊಳ್ಳಿ. ಅಂತಿಮವಾಗಿ ನೀವು ಲೈಟ್, ಫ್ಯಾನ್, ಟಿವಿ, ಎಸಿ ಹೀಗೆ ಯಾವುದೇ ಹೊಸ ವಿದ್ಯುತ್ ಉಪಕರಣ ಖರೀದಿಸುವಾಗ ಇಂಧನ ದಕ್ಷತೆಯ ಉಪಕರಣ ಖರೀದಿಸಿ.

ಮನೆಯ ಸ್ವಿಚ್‌: ನೀವು ತಿಳಿದಿರಲೇಬೇಕಾದ ವಿಷಯಗಳು

Thu, 09 Jan 2020 16:39:00 +0530

ನಿಮ್ಮ ಹಳೆ ಮನೆಯ ನವೀಕರಣವಾಗಿರಲಿ ಅಥವಾ ಹೊಸ ಮನೆಯ ನಿರ್ಮಾಣವಾಗಿರಲಿ, ಇಲೆಕ್ಟ್ರಿಕಲ್ ಕೆಲಸಗಳನ್ನು ಕಡೆಗಣಿಸುವ ಹಾಗಿಲ್ಲ. ಮನೆಯ ಅಂದ ಹೆಚ್ಚಿಸುವಲ್ಲಿ ಸ್ವಿಚ್ ಬೋರ್ಡ್‌ಗಳು ಕೂಡ ಮಹತ್ತರ ಪಾತ್ರ ವಹಿಸುತ್ತವೆ. ಹೊಸ ಮನೆಗೆ ಕಾಲಿಟ್ಟು, ಸ್ವಿಚ್ ಬೋರ್ಡ್‌ಗಳನ್ನು ನೋಡಿದಾಗ, ಅಯ್ಯೋ ಇಲೆಕ್ಟ್ರಿಕಲ್ ಪ್ಲಾನಿಂಗ್ ಮಾಡುವಾಗ ನಾನಿದ್ದಿದ್ದರೇ ಎಂದು ಮರುಗುವ ಪ್ರಮೇಯ ಬರಬಾರದು. ಈಗಿನ ಟ್ರೆಂಡ್‌ಗೆ ತಕ್ಕಂತೆ ವಿನೂತನ ಮಾದರಿಯ ಸ್ವಿಚ್‌ಗಳನ್ನ ಹಾಕಿಸಿದಾಗ ಮನೆಗೆ ಒಂದು ಶೋಭೆ ಬರುತ್ತದೆ. ಈಗಿನ ಕಾಲದ ವಿದ್ಯುತ್ ಸ್ವಿಚ್‌ಗಳು ತರಹೇವಾರಿ ಮಾದರಿಯಲ್ಲಿ ಲಭ್ಯವಿದೆ. ಪ್ರೀ-ಸೆಟ್ಟಿಂಗ್ ಮಾಡಬಹುದಾದ ಸ್ವಿಚ್‌ಗಳಿಂದ ಹಿಡಿದು, ಮನೆಗೆ ಯಾರಾದರೂ ಪ್ರವೇಶಿಸಿದಾಗ ಬಲ್ಬ್‌ಗಳು ಸ್ವಯಂಚಾಲಿತವಾಗಿ ಆನ್ ಆಗುವ ವ್ಯವಸ್ಥೆಗಳು ಇವೆ. ಮನೆಯ ಎಲ್ಲಾ ಲೈಟ್‌ಗಳನ್ನು ಒಂದೇ ಕಡೆಯಿಂದ ನಿಯಂತ್ರಿಸುವ ಸೆಂಟ್ರಲ್ ಕಂಟ್ರೋಲ್ ಸಿಸ್ಟಮ್‌ನಿಂದ ಹಿಡಿದು, ಕೂತಲ್ಲಿಂದ ಕಂಟ್ರೋಲ್ ಮಾಡೋ ಇನ್ಫ್ರಾರೆಡ್ ಅಥವಾ ವೈರ್‌ಲೆಸ್‌ ರಿಮೋಟ್‌ ಕಂಟ್ರೋಲ್ ವ್ಯವಸ್ಥೆಯೂ ಲಭ್ಯವಿದೆ. ಇಂತಹ ಟೆಕ್ನಾಲಜಿ ನಿಮ್ಮ ಶ್ರಮವನ್ನು ಕಡಿಮೆ ಮಾಡುತ್ತವೆಯಲ್ಲದೇ, ವಿದ್ಯುತ್ ಉಳಿತಾಯ ಮಾಡಲು ಕೂಡಾ ಸಹಕಾರಿಯಾಗಿವೆ. ಹೊಸ ಪೀಳಿಗೆಯ ಈ ಸ್ವಿಚ್‌ಗಳನ್ನು ಕೀ, ಟೈಮರ್ಸ್‌ ಮತ್ತು ಫ್ಲ್ಯಾಟ್ ರಾಕರ್ಸ್‌ ಮೂಲಕವೂ ನಿಯಂತ್ರಿಸಬಹುದು. ಮನೆ ಹೊರಾಂಗಣಕ್ಕಾಗಿ ಜಲನಿರೋಧಕ ಸ್ವಿಚ್‌ಗಳೂ ಕೂಡಾ ಲಭ್ಯ ಇವೆ. ಬೆಳಕನ್ನೇ ಸೆನ್ಸ್ ಮಾಡಿ ಕಾರ್ಯಾಚರಿಸುವ ಸ್ವೀಚ್‌ಗಳೂ ಇವೆ. ವಿದ್ಯುತ್‌ ಪ್ರವಾಹದ ಪ್ರಮಾಣವನ್ನು ನಿಯಂತ್ರಿಸುವ ಡಿಮ್ಮರ್‌ಗಳನ್ನು ಟಾಗರ್‌, ಡಯಲ್, ಸ್ಲೈಡ್‌, ಸ್ವಿಚ್‌, ಟಚ್‌ ಪ್ಯಾಡ್‌ ಅಥವಾ ಬಟನ್ ಮೂಲಕವೂ ನಿಯಂತ್ರಿಸಬಹುದಾಗಿದೆ. ಸ್ವಿಚ್‌ಗಳ ಸ್ಥಳ ಮತ್ತು ಸಂಖ್ಯೆ- ಮನೆಯಲ್ಲಿ ವಿದ್ಯುತ್ ಸ್ವಿಚ್‌ಗಳನ್ನು ಅಳವಡಿಸುವಾಗ ಪ್ರಮುಖವಾಗಿ ಪರಿಗಣಸಲೇಬೇಕಾದ ಅಂಶಗಳು. ಅಡುಗೆ ಮನೆಯಲ್ಲಿ ಮಿಕ್ಸರ್, ಮತ್ತಿತರ ಇಲೆಕ್ಟ್ರಿಕಲ್ ಅಪ್ಲಯನ್ಸ್‌ಗಳಿಗಾಗಿ ಕಡಿಮೆ ಸಾಮರ್ಥ್ಯದ ಸ್ವಿಚ್‌ಗಳನ್ನು ಅಳವಡಿಸಿದರೆ, ರೆಫ್ರಿಜರೇಟರ್ ಮತ್ತು ಮೈಕ್ರೊವೇವ್‌ಗಾಗಿ ಹೆಚ್ಚಿನ ಸಾಮರ್ಥ್ಯದ ಸ್ವಿಚ್‌ಗಳನ್ನು ಹಾಕಬೇಕಾಗುತ್ತದೆ. ಇಡೀ ರಾತ್ರಿ ಆನ್‌ ಇದ್ದರೂ, ಯಾವುದೇ ಖರ್ಚು ಇರದ ಎಲ್‌ಇಡಿ ಲೈಟ್ಸ್‌ಗಳನ್ನು ಕೂಡಾ ಅಳವಡಿಸಬಹುದು. ಇನ್ನು ಲಿವಿಂಗ್‌ ರೂಮ್‌ಗೆ ಬಂದಾಗ, ಪ್ರತಿ ಗೋಡೆಯ ಮಧ್ಯೆ ಹಾಗೂ ಮೂಲೆಗಳಲ್ಲಿಯೂ ಸ್ವಿಚ್‌ಗಳನ್ನು ಹಾಕುವ ಬಗ್ಗೆ ಗಮನಹರಿಸಿ. ಇನ್ನು ಗೋಡೆಯಲ್ಲಿ ಟೀವಿ ಫಿಕ್ಸ್ ಮಾಡುವ ಯೋಚನೆಯಿದ್ದರೆ, ಕೇಬಲ್‌ಗಳು ಕಾಣದಂತೆ, ಅಥವಾ ಕಿರಿಕಿರಿಯಾಗುವುದನ್ನು ತಪ್ಪಿಸಲು ಟೀವಿ ಹಿಂದೆಯೇ ಸ್ವಿಚ್ ಇರಲಿ. ಕಾಫಿ ಟೇಬಲ್‌ ಮೇಲೆ ಆಲಂಕಾರಿಕ ವಸ್ತುಗಳನ್ನು ಪ್ರದರ್ಶನಕ್ಕಿಡಬೇಕಾದರೆ, ನೆಲದೊಳಗಡೆ ಸ್ವಿಚ್‌ಗಳನ್ನು ಹಾಕಿಸಿ. ಕ್ರಿಸ್‌ಮಸ್ ಟ್ರೀಯನ್ನು ಸಿಂಗರಿಸುವ ಇರಾದೆ ಇದ್ದರೆ, ಅದಕ್ಕೆ ಸೂಕ್ತ ಸ್ಥಳ ಗುರುತಿಸಿ ಸ್ವಿಚ್ ಹಾಕಿಸಿಕೊಳ್ಳಿ. ಹೊಸ ಮನೆಯನ್ನು ಕಟ್ಟುವಾಗ, ದೂರದೃಷ್ಟಿ ಇರಲಿ, ನಿಮ್ಮ ಅನುಕೂಲ, ಸೌಲಭ್ಯ ಗಮನದಲ್ಲಿರಲಿ. ಇನ್ನು ಬಾತ್‌ರೂಮ್‌ ಬಗ್ಗೆ ಹೇಳೋದಾದರೆ, ಇಲ್ಲಿ ಜಿಎಫ್‌ಐ ಪ್ಲಗ್‌ಗಳನ್ನೇ ಅಳವಡಿಸಿ. ಮೊದಲು ಸ್ವಿಚ್‌ಗೆ ಪ್ರಶಸ್ತವಾದ ಸ್ಥಳವನ್ನು ಗುರುತಿಸಿ. ಉಪಕರಣಗಳನ್ನು ಇಡೋ ಜಾಗದ ಹತ್ತಿರದಲ್ಲೇ ಸ್ವಿಚ್ ಪಾಯಿಂಟ್‌ ಇದ್ರೆ ಚೆನ್ನ. ಬಾತ್‌ರೂಂನಲ್ಲಿ ನೇತಾಡುವ ವೈರ್‌ಗಳು ಬರೇ ಕಿರಿಕಿರಿಯಲ್ಲ, ಅಪಾಯಕಾರಿಯೂ ಹೌದು. ಬೆಡ್‌ರೂಮ್‌ನಲ್ಲಿ ಬೆಡ್‌ ಎಲ್ಲಿ ಹಾಕಬೇಕು, ಬೆಡ್‌ಲ್ಯಾಂಪ್‌ಗಳನ್ನು ಎಲ್ಲಿಡಬೇಕು ಎಂದು ಮೊದಲೇ ನಿರ್ಧರಿಸಿ, ಸೂಕ್ತವಾದ ಸ್ಥಳದಲ್ಲಿ ಪ್ಲಗ್‌ಗಳನ್ನು ಅಳವಡಿಸಿ. ವೈರ್‌ಗಳು ಕಾಣದಂತೆ ಇರಬೇಕಾದ್ರೆ, ಪ್ಲಗ್‌ಗಳು ಕೆಳ ಮಟ್ಟದಲ್ಲಿರಲಿ. 3-ವೇ ಸ್ವಿಚ್‌ಗಳನ್ನು ಅಳವಡಿಸಿದರೆ ಸೂಕ್ತ. ಬಾಗಿಲ ಬಳಿ ಒಂದಾದರೆ, ಇನ್ನೆರಡು ಮಂಚದ ಎರಡೂ ಬದಿಗಳಲ್ಲಿರಲಿ. ಮನೆಯಲ್ಲಿ ಸ್ವಿಚ್‌ಗಳನ್ನು ಅಳವಡಿಸುವಾಗ ನಿಮ್ಮ ರಜಾದಿನಗಳ ದಿನಚರಿ, ಪಾರ್ಟಿ, ಸಮಾರಂಭಗಳು ಕೂಡಾ ಗಮನದಲ್ಲಿರಲಿ. ಅವುಗಳಿಗೆ ತಕ್ಕಂತೆ ಸ್ವಿಚ್-ಪ್ಲಗ್‌ಗಳನ್ನು ಹಾಕಿಸಿ. ಮನೆಯ ಲೈಟ್ಸ್‌ಗಳನ್ನು ಇನ್ನೂ ಸುಲಭವಾಗಿ ನಿಯಂತ್ರಿಸಬೇಕಾದರೆ, ಟೈಮರ್ಸ್‌ಗಳನ್ನು ಬಳಸಿ.

ನಿಮ್ಮ ಕನಸಿನ ಮನೆ ನಿರ್ಮಿಸುವಾಗ ಈ ಅಂಶಗಳು ಗಮನದಲ್ಲಿರಲಿ..!

Thu, 09 Jan 2020 16:10:00 +0530

ನಿಮ್ಮ ಮನೆ ನಿಮ್ಮ ಕನಸು, ನೋವು, ನಲಿವುಗಳ ಕೇಂದ್ರವಾಗಿದ್ದು, ನಿಮ್ಮ ಜೀವನದ ಜೊತೆ ಬೆಸೆದುಕೊಂಡಿರುತ್ತದೆ. ನಿಮ್ಮ ಮನೆ ನಿರ್ಮಾಣವಾಗಿರುವ ರೀತಿ, ಅದರ ಸೌಂದರ್ಯ ನಿಮ್ಮ ಬದುಕಿಗೂ ರೂಪ ನೀಡುತ್ತದೆ. ನಿಮ್ಮ ಮನಸಿನ ಮನೆಯನ್ನು ನಿರ್ಮಿಸುವಾಗ ಗಮನದಲ್ಲಿರಿಸಬೇಕಾದ ಕೆಲವು ಪ್ರಮುಖ ವಿಚಾರಗಳು ಇಲ್ಲಿವೆ. ವಿದ್ಯುತ್‌ ಸಂಪರ್ಕ: ಯಾವುದೇ ಮನೆಯಲ್ಲಿ ಸೂಕ್ತ ಮತ್ತು ಸುರಕ್ಷಿತ ವಿದ್ಯುತ್‌ ಸಂಪರ್ಕವನ್ನು ಕಲ್ಪಿಸುವುದು ಅತ್ಯಗತ್ಯದ ಕೆಲಸ. ಮನೆಯಲ್ಲಿ ವಾಸಿಸುವವರಿಗೆ ಆ ಮನೆ ಸುರಕ್ಷಿತವಾಗಿರಬೇಕು. ಹಾಗಾಗಿ ಮನೆಗೆ ಸಂಬಂಧಿಸಿದ ಸುರಕ್ಷಾ ವಿಚಾರಗಳಲ್ಲಿ ರಾಜಿಯಾಗದೆ ಅದಕ್ಕೆ ಆದ್ಯತೆ ಕೊಡುವುದು ಅಗತ್ಯ. ಹಾಗಾಗಿ ಮನೆಯ ವಿದ್ಯುತ್ ಸಂಪರ್ಕ ಅಳವಡಿಸುವಾಗ ಗುಣಮಟ್ಟದ ವಸ್ತುಗಳನ್ನು ಆರಿಸಿಕೊಳ್ಳಬೇಕು. ಚಾವಣಿ: ಮನೆಯ ಛಾವಣಿ ಮನೆಗೆ ರಕ್ಷಾ ಕವಚವಿದ್ದಂತೆ. ಮಳೆ, ಗಾಳಿ, ಬಿಸಿಲು ಮತ್ತು ಹಿಮದಿಂದ ರಕ್ಷಿಸುವ ಸೂರಿನ ಬಗ್ಗೆ ಕಾಳಜಿ ಅಗತ್ಯ. ಪ್ರತಿನಿತ್ಯ ಮನೆಯ ಛಾವಣಿ ಮಳೆ, ಬಿಸಿಲು, ಧೂಳಿಗೆ ಮೈಯೊಡ್ಡುತ್ತದೆ. ವಾತಾವರಣದಲ್ಲಾಗುವ ಪ್ರತಿ ಬದಲಾವಣೆ ನಿಮ್ಮ ಮನೆಯ ಸೂರಿನ ಮೇಲೆ ಪ್ರಭಾವ ಬೀರುತ್ತದೆ. ಬಿರುಕು ಬಿಡುವುದು, ಕ್ರಮೇಣ ದುರ್ಬಲವಾಗುತ್ತಾ ಬರುವ ಸಾಧ್ಯತೆ ಇರುತ್ತದೆ. ಹಾಗಾಗಿ ಮನೆಯ ಛಾವಣಿಗೆ ಹೆಚ್ಚಿನ ಪ್ರಾಮುಖ್ಯತೆ ಕೊಡಲೇಬೇಕಾಗುತ್ತದೆ. ಪ್ಲಂಬಿಂಗ್: ಯಾವುದೇ ಕಟ್ಟಡ ನಿಮರ್ಮಿಸುವಾಗಲೂ ಪ್ಲಂಬಿಂಗ್ ಕೆಲಸ ಬಹಳ ಮುಖ್ಯವಾದದ್ದು. ಒಬ್ಬ ಪ್ಲಂಬರ್‌ನ ಕೈಚಳಕವಿಲ್ಲದಿದ್ದರೆ ಆ ಕಟ್ಟಡವೇ ಅಪೂರ್ಣ. ಪೈಪ್‌ಗಳನ್ನು ಅಳವಡಿಸುವುದು, ಬಳಸಿದ ನೀರು ಹೊರಹೋಗಲು ಸೂಕ್ತ ಚರಂಡಿ ಪೈಪ್‌ಗಳನ್ನು ಅಳವಡಿಸುವುದು, ವಾಲ್ವ್‌ ಮುಂತಾದ ಉಪಕರಣಗಳನ್ನು ಅಳವಡಿಸುವ ಮೂಲಕ ಮನೆಯಲ್ಲಿ ನೀರಿನ ವ್ಯವಸ್ಥೆಯು ನೀಟಾಗಿರುವಂತೆ ನೋಡಿಕೊಳ್ಳಬೇಕಾಗುತ್ತದೆ. ಲಿವಿಂಗ್ ರೂಮ್: ಲಿವಿಂಗ್ ರೂಮ್ ಎನ್ನುವುದು ಪ್ರತಿ ಮನೆಯ ಪ್ರಮುಖ ಭಾಗ. ಮನೆಯ ಇತರ ಕೋಣೆಗಳಿಗೆ ಸಂಪರ್ಕವೇರ್ಪಡಿಸುವ ಜೊತೆ ಮನೆಮಂದಿಯ ನಡುವಿನ ಕೊಂಡಿಯಾಗಿರುತ್ತೆ ಲಿವಿಂಗ್ ಟುಗೆದರ್. ಹಾಗಾಗಿ ಹೆಚ್ಚಾಗಿ ಬಳಕೆಯಾಗುವ ಸ್ಥಳ ಇದು . ಈ ಸ್ಥಳದಲ್ಲಿ ಯಥೇಚ್ಛವಾಗಿ ಗಾಳಿ, ಬೆಳಕು ಬರುವಂತಿರಬೇಕು. ಲಿವಿಂಗ್ ರೂಮ್ ಆದಷ್ಟು ದೊಡ್ಡದಾಗಿದ್ದರೆ ಉತ್ತಮ. ಮನೆಯಲ್ಲಿ ನಡೆಯುವ ಕಾರ್ಯಕ್ರಮ, ಫಂಕ್ಷನ್‌ಗಳಿಗೆ ಲಿವಿಂಗ್‌ ರೂಂ ಅಗತ್ಯವಿರುತ್ತದೆ.