Asianet Suvarna News

ಬಯಲೂರಿನ ಬೀರ ಮೈ ಮೇಲೆ ಯಲ್ಲವ್ವ ಬರುವುದು ಯಾಕೆ? ಹಾಗಿದ್ರೆ 'ಹುಲಿಬೀರ' ಸಿನಿಮಾದಲ್ಲಿ ಏನಿದೆ?

Govindaraj S — Sat, 03 Oct 2026 15:54:39 +0530

ಆರ್‌.ಕೇಶವಮೂರ್ತಿ

ಹಾಸ್ಯ ಕಾರ್ಯಕ್ರಮ ನಡೆಸಿಕೊಡಲು ಬರುವ ಪ್ರಾಣೇಶ್‌, ಹಳ್ಳಿಯ ಯುವಕನ ಕತೆ ಹೇಳುತ್ತಾರೆ. ಅಪ್ಪನ ಆಸೆಯಂತೆ ಓದಿ ವಿದ್ಯಾವಂತನಾಗದ ಯುವಕ, ಅಮ್ಮನ ಆಣೆ ಪ್ರಮಾಣಕ್ಕೆ ಕಟ್ಟು ಬಿದ್ದು ಊರು ಕುರಿ ಮಂದೆ ಹಿಂದೆ ಹೋಗುತ್ತಾನೆ, ಕುರಿ, ಕಾಡು- ಪ್ರಕೃತಿ, ಬಟಾ ಬಯಲು, ಪ್ರೀತಿಸಿದ ಹಳೆಯ ಪ್ರೇಯಸಿ, ಮದುವೆಯಾಗಲು ತುದಿಗಾಲ ಮೇಲೆ ನಿಂತಿರುವ ಹೊಸ ಪ್ರೇಯಸಿ, ಹಳ್ಳಿಯ ಪಂಚಾಯಿತಿ ರಾಜಕೀಯ... ಇಂಥ ಹತ್ತು ಹಲವು ವಿಷಯಗಳನ್ನು ಒಳಗೊಂಡ ಅಪ್ಪಟ ಉತ್ತರ ಕರ್ನಾಟಕದ ಹಿನ್ನೆಲೆಯ ಸಿನಿಮಾ ‘ಹುಲಿಬೀರ’.

ಗ್ರಾಮೀಣ ಸೊಗಡಿನ ಕತೆಯನ್ನು ಪ್ರೇಕ್ಷಕರಿಗೆ ಹತ್ತಿರವಾಗಿಸುವುದು ವೀರ್‌ಸಮರ್ಥ್‌ ಸಂಗೀತ ಮತ್ತು ಎರಡು ಜಾನಪದ ಗೀತೆಗಳು. ಕತೆ ಹಾಗೂ ಭೌಗೋಳಿಕ ಪ್ರದೇಶ ಈ ಎರಡನ್ನೂ ಪರಸ್ಪರ ಪೂರಕವಾಗಿ ಸಮರ್ಥವಾಗಿ ದುಡಿಸಿಕೊಂಡಿದ್ದಾರೆ ನಿರ್ದೇಶಕ ಮಲ್ಲಿಕಾರ್ಜುನ್‌. ಚಿತ್ರದ ನಾಯಕ ಅಂಜನ್‌, ಪಂಚಾಯಿತಿಯ ಇಬ್ಬರು ಅಧ್ಯಕ್ಷರು, ರಂಗಯಾಣ ರಘು, ನಾಯಕಿ ಪಾತ್ರಧಾರಿಗಳು... ಹೀಗೆ ಚಿತ್ರದ ಪ್ರತಿ ಪಾತ್ರವೂ ಚಿತ್ರಕಥೆಗೆ ಹೆಗಲಿನಂತೆ ರೂಪುಗೊಂಡಿರುವುದು ‘ಹುಲಿಬೀರನ’ ಶಕ್ತಿ.

ತನ್ನ ಮಗ ಓದಿ ಅಫೀಸರ್‌ ಆಗಬೇಕು ಎಂಬುದು ನಾಯಕನ ತಂದೆಯ ಆಸೆ. ಆದರೆ, ಪ್ರಾರ್ಥನೆ, ಪೂಜೆ, ಅರಿಕೆಯ ಫಲವಾಗಿ ಹುಟ್ಟುವ ಬೀರನಿಗೆ ಓದು ತಲೆಗೆ ಹತ್ತಲ್ಲ. ಯಾವಾಗಲೂ ಸ್ನೇಹಿತರು, ಗಲಾಟೆಗಳ ಜೊತೆಗೆ ಅಕ್ರಮ ಸಂಬಂಧಗಳಿಂದ ದಾರಿ ತಪ್ಪಿ ಚಿಕ್ಕಂದಿನಲ್ಲೇ ಪೋಲಿ ಬೀಳುತ್ತಾನೆ. ಬೀರನಿಗೆ ಮಾವನ ಮಗಳೆಂದರೆ ಬಲು ಪ್ರೀತಿ. ಆಕೆಗೂ ಇವನೆಂದರೆ ಪ್ರಾಣ. ಅಪ್ಪನಿಂದ ಬೈಸಿಕೊಳ್ಳುತ್ತಲೇ ಇರುವ ನಾಯಕ ಊರು ಬಿಡುವುದು ಯಾಕೆ, ಪ್ರೀತಿ ಮಾವನ ಮಗಳ ಜೊತೆಗೆ ಮದುವೆ ಆಗುತ್ತದೆಯೇ, ಬೀರ ಮೈ ಮೇಲೆ ಯಲ್ಲವ್ವ ಬರುವುದು ಯಾಕೆ ಎನ್ನುವುದು ಮುಂದಿನ ಕತೆ.

ಚಿತ್ರ: ಹುಲಿಬೀರ

ತಾರಾಗಣ: ಅಂಜನ್‌, ಚೈತ್ರಾ ತೋಟದ್‌, ವನು ಪಾಟೀಲ್‌, ರಾಜೇಂದ್ರ ಕಾರಂತ್‌, ರಂಗಯಾಣ ರಘು, ಮಲ್ಲು ಬಾಗಲಕೋಟೆ

ನಿರ್ದೇಶನ: ಮಲ್ಲಿಕಾರ್ಜುನ್‌

ರೇಟಿಂಗ್‌: 3

ಸಂಗೀತ ಮತ್ತು ಛಾಯಾಗ್ರಾಹಣ ಚಿತ್ರದ ಶಕ್ತಿಯಾಗಿ ಕೆಲಸ ಮಾಡಿದ್ದು, ನಾಯಕನ ಮೈ ಮೇಲೆ ಬರುವ ಯಲ್ಲವ್ವ, ಆ ಹುಟ್ಟಿಕೊಳ್ಳುವ ಸಾಹಸ ಚಿತ್ರದ ಹೈ ವೋಲ್ಟೇಜ್‌ ದೃಶ್ಯಕ್ಕೆ ನೋಡುಗರು ಫಿದಾ ಆಗುತ್ತಾರೆ. ಬಯಲೂರಿನ ಬೀರ ಮತ್ತು ಯಲ್ಲವ್ವನ ಈ ಚಿತ್ರವನ್ನು ನೋಡುವುದಕ್ಕೆ ಅಡ್ಡಿಯಿಲ್ಲ.

ಒಂಟಿಯಾಗಿದ್ರೆ ಪುನೀತ್ ರಾಜ್‌ಕುಮಾರ್ ನಟನೆಯ ಈ ಸಿನಿಮಾ ನೋಡಿ, ಕಥೆಯಲ್ಲಿ ಕಳೆದುಹೋಗ್ತೀರಿ

Mahmad Rafik — Fri, 09 Oct 2026 09:15:58 +0530

2011ರಲ್ಲಿ ಬಿಡುಗಡೆಯಾದ ಪುನೀತ್ ರಾಜ್‌ಕುಮಾರ್ ನಟನೆಯ ಈ ಸಿನಿಮಾ ನಿರೀಕ್ಷಿತ ಯಶಸ್ಸು ಕಾಣದಿದ್ದರೂ ನಂತರ ಕಲ್ಟ್ ಸಿನಿಮಾ ಆಗಿ ಹೊರಹೊಮ್ಮಿತು. ಈ ಚಿತ್ರದ ಹಾಡುಗಳು ಮತ್ತು ವಿಭಿನ್ನ ಕಥೆ ಪ್ರೇಕ್ಷಕರ ಮನಗೆದ್ದಿದೆ. ಈ ಮ್ಯೂಸಿಕಲ್ ಹಿಟ್ ಸಿನಿಮಾವನ್ನು ಒಂಟಿಯಾಗಿ ಕುಳಿತು ನೋಡಬೇಕು.

ಪವರ್ ಸ್ಟಾರ್ ಪುನೀತ್‌ ರಾಜ್‌ಕುಮಾರ್ ನಟನೆಯ ಹಲವು ಸಿನಿಮಾಗಳು ಸೂಪರ್ ಹಿಟ್ ಪಟ್ಟಿಯಲ್ಲಿವೆ. ಆದ್ರೆ ಕೆಲವೊಂದು ಬಾಕ್ಸ್‌ಆಫಿಸ್‌ನಲ್ಲಿ ಸದ್ದು ಮಾಡಲು ವಿಫಲವಾಗಿದ್ದುಂಟು. ಇಂದು ನಾವು ಹೇಳುತ್ತಿರುವ ಸಿನಿಮಾದಲ್ಲಿ ಒಂದೊಂದು ಹಾಡುಗಳು ಕಿವಿಗಳಿಗೆ ಇಂಪು ಮತ್ತು ಮನಸ್ಸಿಗೆ ತಂಪು ನೀಡುತ್ತಿವೆ. 2011ರಲ್ಲಿ ಬಿಡುಗಡೆಯಾದ ಸಿನಿಮಾ, ವಿಮರ್ಶಕರಿಂದ ಅಪಾರ ಮೆಚ್ಚುಗೆ ಪಡೆದುಕೊಂಡಿದೆ.

2 ಗಂಟೆ 17 ನಿಮಿಷದ ಈ ಸಿನಿಮಾ 6 ಕೋಟಿ ಬಜೆಟ್‌ನಲ್ಲಿ ಸಿದ್ದವಾಗಿ, ಅಂತಿಮವಾಗಿ ಎಲ್ಲಾ ಮೂಲಗಳಿಂದ 25 ಕೋಟಿಯಷ್ಟು ಕಲೆಕ್ಷನ್ ಮಾಡಿದೆ. ಗಣೇಶ್ ಮತ್ತು ಪೂಜಾ ಗಾಂಧಿ ನಟನೆಯ ಮುಂಗಾರುಮಳೆ ಸಿನಿಮಾದ ಎಲ್ಲಾ ದಾಖಲೆಗಳನ್ನು ಇದು ಬ್ರೇಕ್ ಮಾಡಲಿದೆ ಎಂದು ಅಂದಾಜಿಸಲಾಗಿತ್ತು. ಆದ್ರೆ ಈ ಊಹೆ ಸುಳ್ಳಾಯ್ತು. ಈ ವಿಫಲತೆಗೆ ಕಾರಣ ಏನು ಎಂಬುವುದು ಗೊತ್ತಾಯ್ತು. ನಿರೀಕ್ಷಿತ ಯಶಸ್ಸು ಕಾಣದಿದ್ರೂ ನಂತರದ ದಿನಗಳಲ್ಲಿ ಇದೊಂದು 'ಕಲ್ಟ್ ಸಿನಿಮಾ' ಅನ್ನೋದು ಸಾಬೀತಾಗಿದೆ.

ಯೋಗರಾಜ್ ಭಟ್ ನಿರ್ದೇಶನದ, ಪುನೀತ್ ರಾಜ್‌ಕುಮಾರ್ ನಟನೆಯ 'ಪರಮಾತ್ಮ' ಸಿನಿಮಾ ತುಂಬಾ ವಿಭಿನ್ನವಾದ ಕತೆಯೊಂದಿಗೆ ಮತ್ತು ವಿಶೇಷ ಸಂಭಾಷಣೆಯೊಂದಿಗೆ ತರೆ ಮೇಲೆ ಬಂದಿತ್ತು. ಈ ಸಿನಿಮಾದ ಒಂದೊಂದು ಸಂಭಾಷಣೆ, ಪ್ರತಿಯೊಂದು ಪಾತ್ರವೂ ನಿಮ್ಮನ್ನು ನಗಿಸೋದರ ಜೊತೆ ಸಂದೇಶವನ್ನು ನೀಡುತ್ತದೆ. ಕಾಮಿಡಿ ಜೊತೆಯಲ್ಲಿ ಪ್ರೀತಿಯ ಎಳೆಯನ್ನಿಟ್ಟುಕೊಂಡು ಭಾವನಾತ್ಮಕವಾಗಿ ಪರಮಾತ್ಮ ನಿಮ್ಮನ್ನು ಆವರಿಸಿಕೊಳ್ಳುತ್ತಾನೆ.

ಈ ಸಿನಿಮಾದ ಪ್ರತಿಯೊಂದು ಅಂಶಗಳು ಅರ್ಥವಾಗಬೇಕಾದ್ರೆ ಒಬ್ಬರೇ ಕುಳಿತು ಪರಮಾತ್ಮನನ್ನು ನೋಡಬೇಕು. ಫ್ರೆಂಡ್ಸ್ ಮತ್ತು ಫ್ಯಾಮಿಲಿ ಜೊತೆಯಲ್ಲಿ ಹರಟೆ ಹೊಡೆಯುತ್ತಾ ಪರಮಾತ್ಮ ಸಿನಿಮಾ ವೀಕ್ಷಿಸಿದ್ರೆ ಒಂದಕ್ಕೊಂದು ಕೊಂಡಿಯಾಗಿರುವ ಪಾತ್ರಗಳ ವಿಶೇಷತೆ ಮಿಸ್ ಆಗುತ್ತದೆ. ಅದೇ ರೀತಿ ತುಂಬಾನೇ ಕಲರ್‌ಫುಲ್ ಆಗಿರುವ ಪರಮಾತ್ಮ ಚಿತ್ರ ಕಣ್ಣುಗಳಿಗೆ ಹಬ್ಬದೂಟ ನೀಡುತ್ತದೆ.

ಇಷ್ಟೆಲ್ಲಾ ವಿಶೇಷತೆಗಳನ್ನು ಹೊಂದಿರುವ ಪರಮಾತ್ಮನಿಗೆ ಆರು ಹಾಡುಗಳು ಹೂವಿನ ಮಾಲೆಗೆ ಮುತ್ತುಗಳನ್ನು ಜೋಡಿಸಿದಂತಾಗಿದೆ. ಜಯಂತ್ ಕಾಯ್ಕಿಣಿ ಮತ್ತು ಯೋಗರಾಜ್ ಭಟ್ ಅವರ ಸಾಹಿತ್ಯಕ್ಕೆ ವಿ.ಹರಿಕೃಷ್ಣ ಅವರ ಸಂಗೀತದ ಹಾಡುಗಳು ಇಂದಿಗೂ ಎವರ್‌ಗ್ರೀನ್ ಸಾಲಿಗೆ ಸೇರಿಕೊಂಡಿವೆ. ಪ್ರೀತಿ, ಮಧುರತೆ, ಭಾವನೆ ಸೇರಿದಂತೆ ಎಲ್ಲಾ ವರ್ಗದವರಿಗೂ ಇಷ್ಟವಾಗುವಂತಹ ಗೀತೆಗಳನ್ನು ಪರಮಾತ್ಮ ಸಿನಿಮಾ ಹೊಂದಿದೆ. ಈ ಸಿನಿಮಾವನ್ನು Jiohotstar ಪ್ಲಾಟ್‌ಫಾರಂನಲ್ಲಿ ವೀಕ್ಷಿಸಬಹುದು.

'ರುದ್ರಾಭಿಷೇಕಂ' ಸಿನಿಮಾ ವಿಮರ್ಶೆ: ವೀರಗಾಸೆಯ ಸೊಗಡು, ಗ್ರಾಮೀಣ ಪರಿಸರದ ಹೋರಾಟದ ಕಥನ

Govindaraj S — Sat, 26 Sep 2026 16:10:20 +0530

ಆರ್.ಎಸ್.

ಹಳ್ಳಿಗಾಡಿನ ಮಣ್ಣಿನ ವಾಸನೆ, ಧಾರ್ಮಿಕ ಆಚರಣೆ ಹಾಗೂ ಊಳಿಗಮಾನ್ಯ ಪದ್ಧತಿಯ ಕ್ರೂರ ಮುಖಗಳನ್ನು ಒಟ್ಟಿಗೆ ತೆರೆಯ ಮೇಲೆ ತರುವ ಪ್ರಯತ್ನವಿದು. ಇಡೀ ಊರನ್ನೇ ತನ್ನ ಕಪಿಮುಷ್ಠಿಯಲ್ಲಿಟ್ಟುಕೊಂಡು ಮೆರೆಯುವ ಅಹಂಕಾರಿ ಗೌಡನ ದರ್ಪ ಒಂದೆಡೆಯಾದರೆ, ಅದೇ ಮಣ್ಣಿನಲ್ಲಿ ಬೆಳೆದು ಊರ ಒಳಿತಿಗಾಗಿ ತುಡಿಯುವ ನಿಷ್ಠಾವಂತ ಯುವಕನ ಬಂಡಾಯ ಇನ್ನೊಂದೆಡೆ. ಈ ಎರಡು ಧ್ರುವಗಳ ನಡುವಿನ ಕಾದಾಟವೇ ಚಿತ್ರದ ಮುಖ್ಯ ಜೀವಾಳ.

ಕೇವಲ ವೈಯಕ್ತಿಕ ದ್ವೇಷದ ಕಥೆಯಾಗಷ್ಟೇ ಉಳಿಯದೆ, ಸಮಾಜದಲ್ಲಿ ಹಾಸುಹೊಕ್ಕಾಗಿರುವ ಜಾತಿ ತಾರತಮ್ಯ ಮತ್ತು ಅಸ್ಪೃಶ್ಯತೆಯಂತಹ ಸೂಕ್ಷ್ಮ ಪಿಡುಗುಗಳನ್ನು ನಿರ್ದೇಶಕ ವಸಂತ್ ಕುಮಾರ್ ಮುನ್ನೆಲೆಗೆ ತಂದಿದ್ದಾರೆ. ಇದಕ್ಕೆ ವೀರಗಾಸೆಯ ಸಾಂಸ್ಕೃತಿಕ ಕಂಪನ್ನು ಮತ್ತು ವೀರಭದ್ರ ಸ್ವಾಮಿಯ ಪುರಾಣ ಹಿನ್ನೆಲೆಯನ್ನು ಬೆಸೆದಿರುವುದು ಚಿತ್ರಕ್ಕೊಂದು ಗಾಂಭೀರ್ಯ ತಂದುಕೊಟ್ಟಿದೆ. ನಿರ್ದೇಶಕರು ಕಥಾವಸ್ತುವನ್ನು ಅಷ್ಟೇ ಶ್ರದ್ಧೆಯಿಂದ ಕಟ್ಟಿಕೊಟ್ಟಿದ್ದರೂ, ನಿರೂಪಣೆಯಲ್ಲಿ ಹಲವು ವಿಚಾರಗಳನ್ನು ಏಕಕಾಲಕ್ಕೆ ತುರುಕಲು ಹೋಗಿರುವುದು ವೇಗಕ್ಕೆ ತುಸು ತಡೆ ಒಡ್ಡುತ್ತದೆ. ದ್ವಿತೀಯಾರ್ಧದಲ್ಲಿ ಅನಗತ್ಯ ಎನ್ನಿಸುವ ಕೆಲವು ಸನ್ನಿವೇಶಗಳನ್ನು ಚೊಕ್ಕವಾಗಿ ಕತ್ತರಿಸಿದ್ದರೆ ಚಿತ್ರದ ತೂಕ ಹೆಚ್ಚುತ್ತಿತ್ತು.

ಚಿತ್ರ: ರುದ್ರಾಭಿಷೇಕಂ

ನಿರ್ದೇಶನ: ವಸಂತ್ ಕುಮಾರ್

ತಾರಾಗಣ: ವಿಜಯ ರಾಘವೇಂದ್ರ, ಪ್ರಿಯಾಂಕಾ ತಿಮ್ಮೇಶ್, ಬಲರಾಜವಾಡಿ

ರೇಟಿಂಗ್: 3

ವಿಜಯ ರಾಘವೇಂದ್ರ ತಮ್ಮ ಎಂದಿನ ಪರಿಪಕ್ವ ಅಭಿನಯದ ಮೂಲಕ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಪ್ರಿಯಾಂಕಾ ತಿಮ್ಮೇಶ್ ಹಳ್ಳಿಯ ಮುಗ್ಧ ಚೆಲುವೆಯಾಗಿ ಗಮನ ಸೆಳೆಯುತ್ತಾರೆ. ದುಷ್ಟ ಗೌಡನಾಗಿ ಬಲರಾಜವಾಡಿ ಕಾಣಿಸಿಕೊಂಡಿದ್ದಾರೆ. ನಿರ್ದೇಶಕ ವಸಂತ್ ಕುಮಾರ್ ಅತಿಥಿ ಪಾತ್ರವೊಂದರಲ್ಲಿ ಅಭಿನಯಿಸಿದ್ದಾರೆ. ಸಾಂಪ್ರದಾಯಿಕ ಕಲೆ, ನಂಬಿಕೆ ಮತ್ತು ಸಾಮಾಜಿಕ ಹೋರಾಟದ ಹೂರಣವಿರುವ ಹಳ್ಳಿ ಕಥೆಗಳನ್ನು ಇಷ್ಟಪಡುವ ಚಿತ್ರಪ್ರೇಮಿಗಳನ್ನು ಗಮನದಲ್ಲಿರಿಸಿಕೊಂಡು ಮೂಡಿಬಂದಿರುವ ಚಿತ್ರ.

ಚೈತ್ರಾ ಆಚಾರ್ ನಟನೆ, ಪ್ರಶಾಂತ್ ನೀಲ್ ಹೆಸರು: ವಿಮರ್ಶೆಯಲ್ಲಿ ಬಯಲಾಯ್ತು ‘418’ ಹಾರರ್ ಅಸಲಿ ಆಟ

Govindaraj S — Fri, 23 Oct 2026 17:21:29 +0530

ಪ್ರಶಾಂತ್ ನೀಲ್ ಅವರ ಸಮರ್ಪಣೆಯಲ್ಲಿ ಮೈತ್ರಿ ಮೂವೀ ಮೇಕರ್ಸ್ ನಿರ್ಮಿಸಿರುವ ಹಾರರ್ ಸಿನಿಮಾ ‘418’ ಬಿಡುಗಡೆಗೂ ಮುನ್ನವೇ ಸಾಕಷ್ಟು ಕುತೂಹಲ ಮೂಡಿಸಿತ್ತು. ಮೆಡಿಕಲ್ ಕಾಲೇಜಿನ ಹಿನ್ನೆಲೆಯ ಕಥೆ, ಹಳೆಯ ಹಾಸ್ಟೆಲ್‌ನಲ್ಲಿ ಕಾಡುವ ನಿಗೂಢ ಘಟನೆಗಳು ಹಾಗೂ ಟ್ರೇಲರ್‌ನಲ್ಲಿ ಕಾಣಿಸಿಕೊಂಡ ಭಯಾನಕ ದೃಶ್ಯಗಳು ಚಿತ್ರದ ಮೇಲಿನ ನಿರೀಕ್ಷೆಗಳನ್ನು ಹೆಚ್ಚಿಸಿದ್ದವು. ಹಾಗಾದರೆ, ‘418’ ಸಿನಿಮಾ ಪ್ರೇಕ್ಷಕರನ್ನು ನಿಜಕ್ಕೂ ಭಯಪಡಿಸುವಲ್ಲಿ ಯಶಸ್ವಿಯಾಗಿದೆಯೇ? ಚಿತ್ರದ ಪ್ಲಸ್ ಮತ್ತು ಮೈನಸ್‌ಗಳೇನು? ಸಂಪೂರ್ಣ ವಿಮರ್ಶೆ ಇಲ್ಲಿದೆ.

418ನೇ ಕೊಠಡಿಯ ಹಿಂದಿನ ರಹಸ್ಯವೇನು?

ಕರ್ನಾಟಕದ ಒಂದು ಮೆಡಿಕಲ್ ಕಾಲೇಜಿನಲ್ಲಿ ಕೆಲವು ವಿದ್ಯಾರ್ಥಿಗಳಿಗೆ ಹಳೆಯ ಹಾಸ್ಟೆಲ್ ಕಟ್ಟಡದಲ್ಲಿ ಕೊಠಡಿಗಳನ್ನು ಹಂಚಿಕೆ ಮಾಡಲಾಗುತ್ತದೆ. ಆದರೆ, ಆ ಹಾಸ್ಟೆಲ್ ಹಿಂದೆ ಮಾನಸಿಕ ಚಿಕಿತ್ಸಾಲಯವಾಗಿತ್ತು ಎಂಬ ವಿಚಾರ ವಿದ್ಯಾರ್ಥಿಗಳಲ್ಲಿ ಆತಂಕ ಮೂಡಿಸುತ್ತದೆ. ಅದರಲ್ಲೂ ವಿದ್ಯಾರ್ಥಿಗಳಿಗೆ ನೀಡಲಾದ ಕೊಠಡಿಗಳ ಪಕ್ಕದಲ್ಲಿರುವ 418ನೇ ಸಂಖ್ಯೆಯ ಕೋಣೆಯ ಸುತ್ತ ದೆವ್ವಗಳ ಕಾಟವಿದೆ ಎಂಬ ಭಯಾನಕ ಸುದ್ದಿ ಹರಿದಾಡುತ್ತಿರುತ್ತದೆ.

ಆ ಕೋಣೆಯ ಪಕ್ಕದಲ್ಲೇ ವಾಸಿಸಲು ಆರಂಭಿಸುವ ವಿದ್ಯಾರ್ಥಿಗಳಿಗೆ ಒಂದರ ಹಿಂದೆ ಒಂದರಂತೆ ವಿಚಿತ್ರ ಹಾಗೂ ಭಯಾನಕ ಘಟನೆಗಳು ಎದುರಾಗುತ್ತವೆ. ಕೆಲವರು ಅನುಮಾನಾಸ್ಪದವಾಗಿ ಸಾವನ್ನಪ್ಪುತ್ತಾರೆ. ಹಾಗಾದರೆ, 418ನೇ ಕೊಠಡಿಯ ಹಿಂದಿರುವ ರಹಸ್ಯವೇನು? ಆ ಕೋಣೆಯಲ್ಲಿ ನೆಲೆಸಿದೆ ಎನ್ನಲಾದ ಆತ್ಮದ ಕಥೆಯೇನು? ಈ ನಿಗೂಢತೆಯ ಸುತ್ತಲೇ ಚಿತ್ರದ ಕಥೆ ಸಾಗುತ್ತದೆ.

ಶುರುವಿನ ಕುತೂಹಲ, ನಂತರ ರೊಟೀನ್ ಹಾರರ್!

ಪ್ರಶಾಂತ್ ನೀಲ್ ಅವರ ಹೆಸರು ಈ ಚಿತ್ರಕ್ಕೆ ಬೆಂಬಲವಾಗಿ ನಿಂತಿರುವುದು ಹಾಗೂ ಚಿತ್ರದ ಭಯಾನಕ ದೃಶ್ಯಗಳ ಕುರಿತು ಕೇಳಿಬಂದಿದ್ದ ಸುದ್ದಿಗಳು ‘418’ ಮೇಲಿನ ಕುತೂಹಲವನ್ನು ಹೆಚ್ಚಿಸಿದ್ದವು. ನಿರ್ದೇಶಕ ಕೀರ್ತನ್ ನಾಡಗೌಡ ಆಯ್ಕೆ ಮಾಡಿಕೊಂಡಿರುವ ಹಳೆಯ ಹಾಸ್ಟೆಲ್‌ನ ಹಿನ್ನೆಲೆ, ಅದರ ವಾತಾವರಣ ಹಾಗೂ ಆತ್ಮದ ಸುತ್ತ ಹೆಣೆಯಲಾದ ಆರಂಭಿಕ ದೃಶ್ಯಗಳು ಪ್ರೇಕ್ಷಕರಲ್ಲಿ ಆಸಕ್ತಿ ಮೂಡಿಸುತ್ತವೆ. ಆದರೆ, ಈ ಕುತೂಹಲ ಹೆಚ್ಚು ಹೊತ್ತು ಉಳಿಯುವುದಿಲ್ಲ.

ಚಿತ್ರ ಮುಂದುವರಿದಂತೆ, ಪ್ರೇಕ್ಷಕರು ಈಗಾಗಲೇ ಹಲವು ಹಾರರ್ ಸಿನಿಮಾಗಳಲ್ಲಿ ನೋಡಿರುವ ಹಳೆಯ ಫಾರ್ಮುಲಾಕ್ಕೆ ಸಿನಿಮಾ ಜಾರುತ್ತದೆ. ಪಾಳುಬಿದ್ದ ಕಟ್ಟಡ, ಪ್ರತೀಕಾರದ ಕಿಚ್ಚಿನಲ್ಲಿ ಉರಿಯುವ ಆತ್ಮ ಹಾಗೂ ಊಹಿಸಬಹುದಾದ ಭಯಾನಕ ಸನ್ನಿವೇಶಗಳು ಪದೇಪದೆ ಎದುರಾಗುತ್ತವೆ. ಚಿತ್ರಕಥೆಯಲ್ಲಿ ಇನ್ನಷ್ಟು ಹೊಸತನವಿದ್ದಿದ್ದರೆ ‘418’ ಪರಿಣಾಮಕಾರಿಯಾಗಿರುತ್ತಿತ್ತು.

ಪ್ರೇಕ್ಷಕರಲ್ಲಿ ನಿಜವಾದ ಭಯ ಹುಟ್ಟಿಸುವ ಸನ್ನಿವೇಶಗಳಿಗಿಂತ, ಜೋರಾದ ಹಿನ್ನೆಲೆ ಶಬ್ದಗಳ ಮೂಲಕ ದಿಢೀರ್ ಬೆಚ್ಚಿಬೀಳಿಸುವ ದೃಶ್ಯಗಳ ಮೇಲೆಯೇ ನಿರ್ದೇಶಕರು ಹೆಚ್ಚು ಅವಲಂಬಿತರಾಗಿದ್ದಾರೆ. ನರಬಲಿಯಂತಹ ಅಂಶವೂ ಹೊಸತನದಿಂದ ಕೂಡಿರದೆ, ಸಾಮಾನ್ಯ ಹಾರರ್ ಸಿನಿಮಾಗಳಲ್ಲಿ ಕಾಣುವ ಸನ್ನಿವೇಶದಂತೆಯೇ ಭಾಸವಾಗುತ್ತದೆ. ಅಲ್ಲಲ್ಲಿ ‘ಚಂದ್ರಮುಖಿ’ ಸಿನಿಮಾದ ಛಾಯೆ ಕಾಣಿಸಿದರೂ, ಆ ಚಿತ್ರದ ಮಟ್ಟದ ಪರಿಣಾಮವನ್ನು ‘418’ ಸೃಷ್ಟಿಸುವುದಿಲ್ಲ.

ಫ್ಲ್ಯಾಶ್‌ಬ್ಯಾಕ್ ಭಾಗ ಆರಂಭದಲ್ಲಿ ಆಸಕ್ತಿ ಮೂಡಿಸಿದರೂ, ಮುಂದೆ ಅನಗತ್ಯವಾಗಿ ಎಳೆದಂತಾಗುತ್ತದೆ. ವಿಶೇಷವಾಗಿ ಚಿತ್ರದ ಕೊನೆಯ ಅರ್ಧ ಗಂಟೆಯಲ್ಲಿ ಕಥೆಯ ನಿರೂಪಣೆಯ ಮೇಲೆ ಇನ್ನಷ್ಟು ಗಮನ ಹರಿಸಬೇಕಿತ್ತು. ಚಿತ್ರದ ಪ್ರಮುಖ ಕಥಾವಸ್ತು ಈ ಭಾಗದಲ್ಲೇ ತೆರೆದುಕೊಳ್ಳುವುದರಿಂದ, ಇಲ್ಲಿ ಬಿಗಿಯಾದ ನಿರೂಪಣೆ ಅತ್ಯಗತ್ಯವಾಗಿತ್ತು. ಆದರೆ, ತರ್ಕಕ್ಕೆ ನಿಲುಕದ ಕೆಲವು ದೃಶ್ಯಗಳು ಪ್ರೇಕ್ಷಕರ ತಾಳ್ಮೆಯನ್ನು ಪರೀಕ್ಷಿಸುತ್ತವೆ.

ಕ್ಲೈಮ್ಯಾಕ್ಸ್‌ನಲ್ಲಿರುವ ಟ್ವಿಸ್ಟ್ ಅನಿರೀಕ್ಷಿತವಾಗಿದ್ದರೂ, ಅದು ನಿರೀಕ್ಷಿತ ಮಟ್ಟದ ರೋಮಾಂಚನವನ್ನು ನೀಡುವುದಿಲ್ಲ. ಎರಡೂವರೆ ಗಂಟೆಗಳ ಅವಧಿ ಈ ರೀತಿಯ ಸಾಮಾನ್ಯ ಕಥಾಹಂದರದ ಹಾರರ್ ಚಿತ್ರಕ್ಕೆ ತುಸು ಹೆಚ್ಚೇ ಎನಿಸುತ್ತದೆ. ವಿಭಿನ್ನ ಹಾಗೂ ಮೈನವಿರೇಳಿಸುವ ಹಾರರ್ ಅನುಭವದ ನಿರೀಕ್ಷೆಯಲ್ಲಿ ಚಿತ್ರಮಂದಿರಕ್ಕೆ ಬರುವವರಿಗೆ ಚಿತ್ರದ ಸರಳ ಚಿತ್ರಕಥೆ ನಿರಾಸೆ ಮೂಡಿಸಬಹುದು.

ನಟನೆಯಲ್ಲಿ ಚೈತ್ರಾ ಜೆ. ಆಚಾರ್ ಗಮನ ಸೆಳೆಯುತ್ತಾರೆ

‘418’ ಚಿತ್ರದಲ್ಲಿ ಗಮನಾರ್ಹ ಅಭಿನಯ ನೀಡಿರುವುದು ಚೈತ್ರಾ ಜೆ. ಆಚಾರ್. ವಿಶೇಷವಾಗಿ ದ್ವಿತೀಯಾರ್ಧದ ಫ್ಲ್ಯಾಶ್‌ಬ್ಯಾಕ್ ದೃಶ್ಯಗಳಲ್ಲಿ ತಮ್ಮ ನಟನೆಯ ಮೂಲಕ ಭಯದ ವಾತಾವರಣವನ್ನು ಸೃಷ್ಟಿಸುವಲ್ಲಿ ಅವರು ಯಶಸ್ವಿಯಾಗಿದ್ದಾರೆ. ಪ್ರೀತಿ ಪಗಡಾಲ ತೆರೆಮೇಲೆ ಆಕರ್ಷಕವಾಗಿ ಕಾಣಿಸಿಕೊಂಡು ಯುವ ಪ್ರೇಕ್ಷಕರ ಗಮನ ಸೆಳೆಯುತ್ತಾರೆ. ಮನೋವೈದ್ಯರ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ರಮೇಶ್ ಇಂದಿರಾ ಅವರ ಅಭಿನಯ ಸಮಾಧಾನಕರವಾಗಿದ್ದರೂ, ಕಥೆಯ ಅಂತ್ಯದವರೆಗೆ ಆ ಪಾತ್ರಕ್ಕೆ ಹೆಚ್ಚಿನ ಮಹತ್ವ ಸಿಕ್ಕಿಲ್ಲ. ಚರಣ್ ಲಕ್ಕರಾಜು ಹಾಗೂ ಸೂರ್ಯ ರಾಜ್ ತಮ್ಮ ಪಾತ್ರಗಳ ವ್ಯಾಪ್ತಿಯಲ್ಲಿ ಉತ್ತಮವಾಗಿ ನಟಿಸಿದ್ದಾರೆ. ಉಳಿದ ಕಲಾವಿದರ ಅಭಿನಯವೂ ಸಾಧಾರಣವಾಗಿದ್ದು, ವಿಶೇಷವಾಗಿ ನೆನಪಿನಲ್ಲಿ ಉಳಿಯುವಂತಹ ಪ್ರದರ್ಶನಗಳು ಹೆಚ್ಚು ಕಾಣಿಸುವುದಿಲ್ಲ.

ತಾಂತ್ರಿಕವಾಗಿ ಬಲಿಷ್ಠ, ಆದರೆ ಸಂಕಲನದಲ್ಲಿ ಕೊರತೆ

‘418’ ಚಿತ್ರದ ಪ್ರಮುಖ ಶಕ್ತಿ ಅದರ ತಾಂತ್ರಿಕ ವಿಭಾಗ. ಸೌಂಡ್ ಡಿಸೈನ್ ಹಾಗೂ ವೆಂಕಿ ಜಿಜಿ ಅವರ ಹಿನ್ನೆಲೆ ಸಂಗೀತ ಚಿತ್ರಕ್ಕೆ ಜೀವ ತುಂಬಿವೆ. ಭಯಾನಕ ವಾತಾವರಣವನ್ನು ಸೃಷ್ಟಿಸುವಲ್ಲಿ ಸಂಗೀತ ನಿರ್ದೇಶಕರು ಯಶಸ್ವಿಯಾಗಿದ್ದಾರೆ. ಚಿತ್ರದಲ್ಲಿನ ಒಂದು ಹಾಡು ಪ್ರೇಕ್ಷಕರ ಮನಸ್ಸಿನಲ್ಲಿ ಉಳಿಯುವಂತಿದೆ. ದಿನೇಶ್ ದಿವಾಕರನ್ ಅವರ ಛಾಯಾಗ್ರಹಣ ಹಳೆಯ ಹಾಸ್ಟೆಲ್‌ನ ವಾತಾವರಣವನ್ನು ಪರಿಣಾಮಕಾರಿಯಾಗಿ ತೆರೆಮೇಲೆ ಕಟ್ಟಿಕೊಡುತ್ತದೆ.

ಮೈತ್ರಿ ಮೂವೀ ಮೇಕರ್ಸ್‌ನ ಲೋಗೋವನ್ನು ಹಾರರ್ ಥೀಮ್‌ಗೆ ತಕ್ಕಂತೆ ರೂಪಿಸಿರುವುದೂ ಮೆಚ್ಚುಗೆಗೆ ಪಾತ್ರವಾಗುತ್ತದೆ. ಕಥೆಯಲ್ಲಿ ಕಾಣಿಸುವ ಕೆಲವು ಕೊರತೆಗಳನ್ನು ಹಿನ್ನೆಲೆ ಸಂಗೀತದ ಮೂಲಕ ಸರಿದೂಗಿಸಲು ಚಿತ್ರತಂಡ ಪ್ರಯತ್ನಿಸಿದೆ. ಆದರೆ, ಅಕುಲ್ ಅವಿನಾಶ್ ಅವರ ಸಂಕಲನ ಇನ್ನಷ್ಟು ಚುರುಕಾಗಿರಬೇಕಿತ್ತು. ಚಿತ್ರದ ಉದ್ದ ಹಾಗೂ ವಿಶೇಷವಾಗಿ ಕ್ಲೈಮ್ಯಾಕ್ಸ್ ಭಾಗವನ್ನು ಇನ್ನಷ್ಟು ಸಂಕ್ಷಿಪ್ತಗೊಳಿಸದಿರುವುದು ಚಿತ್ರದ ವೇಗಕ್ಕೆ ಅಡ್ಡಿಯಾಗಿದೆ.

ಸಿನಿಮಾ: 418

ತಾರಾಗಣ: ಚೈತ್ರಾ ಜೆ. ಆಚಾರ್, ರಮೇಶ್ ಇಂದಿರಾ, ಸೂರ್ಯ ರಾಜ್ ವೀರಭತ್ತಿನಿ, ಚರಣ್ ಲಕ್ಕರಾಜು, ಪ್ರೀತಿ ಪಗಡಾಲ ಸೇರಿದಂತೆ ಹಲವರು

ಕಥೆ, ಚಿತ್ರಕಥೆ ಹಾಗೂ ನಿರ್ದೇಶನ: ಕೀರ್ತನ್ ನಾಡಗೌಡ

ನಿರ್ಮಾಪಕರು: ನವೀನ್ ಯೆರ್ನೇನಿ, ವೈ. ರವಿಶಂಕರ್

ಸಮರ್ಪಣೆ: ಪ್ರಶಾಂತ್ ನೀಲ್

ಪಂಚ್‌ಲೈನ್

ಇನ್ನು ‘418’ ಅಲ್ಲಲ್ಲಿ ಭಯ ಹುಟ್ಟಿಸುವ ಹಾಗೂ ತಾಂತ್ರಿಕವಾಗಿ ಗಮನ ಸೆಳೆಯುವ ಹಾರರ್ ಥ್ರಿಲ್ಲರ್. ಆದರೆ, ಹಳೆಯ ಹಾರರ್ ಫಾರ್ಮುಲಾ, ಎಳೆದಂತಾಗುವ ನಿರೂಪಣೆ ಮತ್ತು ತರ್ಕಕ್ಕೆ ನಿಲುಕದ ಕೆಲವು ದೃಶ್ಯಗಳು ಚಿತ್ರದ ಪರಿಣಾಮವನ್ನು ಕಡಿಮೆ ಮಾಡುತ್ತವೆ. ಹೊಸತನದ ಹಾರರ್ ಅನುಭವ ಬಯಸುವವರಿಗೆ ಇದು ಸಾಧಾರಣ ಪ್ರಯತ್ನವೆನಿಸಬಹುದು.

ಕನ್ನಡ ಸಿನಿಮಾಗೆ 'ಚಿತ್ರಮಂದಿರ ತುಂಬಿದೆ' ಬೋರ್ಡ್: ವೀಕ್‌ಡೇಸ್‌ನಲ್ಲೂ 'ಪ್ರೇಮದ ಊರಲಿ' 5 ಶೋಗಳೂ ಹೌಸ್‌ಫುಲ್!

Sathish Kumar KH — Thu, 08 Oct 2026 10:46:29 +0530

ಬೆಂಗಳೂರಿನ ಅತಿದೊಡ್ಡ ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರಗಳಲ್ಲಿ ‘ಪ್ರಸನ್ನ’ ಥಿಯೇಟರ್‌ನಲ್ಲಿ 'ಪ್ರೇಮದ ಊರಲಿ' ಹೊಸಬರ ಸಿನಿಮಾ ಕಳೆದ ಏಳೆಂಟು ದಿನಗಳಿಂದ ದಿನದ 5 ಶೋಗಳು ಕೂಡ ಹೌಸ್‌ಫುಲ್ ಪ್ರದರ್ಶನವಾಗುತ್ತಿದೆ. ಟಿಕೆಟ್ ಇಲ್ಲದೇ ಜನರು ಮನೆಗಳಿಗೆ ವಾಪಸ್ ಹೋಗುತ್ತಿದ್ದಾರೆ.

ಬೆಂಗಳೂರಿನ ಅತಿದೊಡ್ಡ ಸಿಂಗಲ್ ಸ್ಕ್ರೀನ್ ಚಿತ್ರಮಂದಿರಗಳಲ್ಲಿ ಒಂದಾದ ಮಾಗಡಿ ರಸ್ತೆಯ ಪ್ರಸನ್ನ ಥಿಯೇಟರ್‌ನಲ್ಲಿ 'ಪ್ರೇಮದ ಊರಲಿ' ಹೊಸಬರ ಸಿನಿಮಾ ಕಳೆದ ಏಳೆಂಟು ದಿನಗಳಿಂದ ದಿನದ 5 ಶೋಗಳು ಕೂಡ ಹೌಸ್‌ಫುಲ್ ಪ್ರದರ್ಶನವಾಗುತ್ತಿದೆ. ಟಿಕೆಟ್ ಇಲ್ಲದೇ ಜನರು ಮನೆಗಳಿಗೆ ವಾಪಸ್ ಹೋಗುತ್ತಿದ್ದಾರೆ.

ಕಳೆದ ಎರಡ್ಮೂರು ವರ್ಷಗಳಿಂದ ನೂರಾರು ಕನ್ನಡ ಸಿನಿಮಾಗಳು ಬಿಡುಗಡೆಯಾದರೂ ಯಶಸ್ಸು ಕಂಡಿದ್ದು ಮಾತ್ರ ಬೆರಳೆಣಿಕೆ ಚಿತ್ರಗಳು ಮಾತ್ರ. ಮಲೆಯಾಳಂ, ತಮಿಳು, ತೆಲುಗು ಸಿನಿಮಾ ಕರ್ನಾಟಕದಲ್ಲಿ ಭರ್ಜರಿ ಪ್ರದರ್ಶನ ಕಂಡು ಕನ್ನಡಿಗರ ಹಣವನ್ನು ತಮ್ಮದಾಗಿಸಿಕೊಳ್ಳುತ್ತಿದ್ದಾರೆ. ಆದರೆ, ಕನ್ನಡ ಚಿತ್ರರಂಗದ ನಾಯಕರು, ನಾಯಕಿಯರು, ನಿರ್ದೇಶಕರು ಹಾಗೂ ನಿರ್ಮಾಪಕರು ಕನ್ನಡ ಸಿನಿಮಾಗಳಿಗೆ ಜನರು ಬರುತ್ತಿಲ್ಲ, ಕನ್ನಡ ಸಿನಿಮಾಗಳನ್ನು ಜನರು ನೋಡುವುದಿಲ್ಲ ಎಂಬ ಆರೋಪಗಳನ್ನು ಮಾಡುತ್ತಿದ್ದರು.

ಆದರೆ, "ಪ್ರೇಮದ ಊರಲಿ" ಸಿನಿಮಾದ ಕನ್ನಡ ಚಿತ್ರರಂಗದವರು ಜನರ ಮೇಲೆ ಮಾಡುತ್ತಿದ್ದ ಎಲ್ಲ ಆರೋಪಗಳನ್ನು ಸಂಪೂರ್ಣ ಸುಳ್ಳಾಗಿಸಿದೆ. ಪ್ರೇಮದ ಊರಲಿ ಸಿನಿಮಾ ಸೆ.25ಕ್ಕೆ ಬಿಡುಗಡೆ ಆಗಿದ್ದು, ಆರಂಭದಲ್ಲಿ ಸೈಕಲ್ ಹೊಡೆಯುತ್ತಿತ್ತು. ಅಷ್ಟಕ್ಕೂ ಸಿನಿಮಾ ಹೀರೋ, ಹೀರೋಯಿನ್‌ಗಳೆಲ್ಲರೂ ಬೀದಿ ಬೀದಿಗಳಲ್ಲಿ ಸೈಕಲ್‌ನಲ್ಲಿ ಪೋಸ್ಟರ್ ಅನ್ನು ಹಿಡಿದು ಪ್ರಚಾರ ಮಾಡಿದ್ದರು. ಸಿನಿಮಾ ನೋಡಲು ಬನ್ನಿ ಎಂದು ಜನರನ್ನು ಆಹ್ವಾನ ಮಾಡುತ್ತಿದ್ದರು. ಆದರೆ, ಜನರು ನೀವು ಸಿನಿಮಾಗೆ ಆಹ್ವಾನ ಮಾಡುವುದೇ ಬೇಡ, ನಾವೇ ಹೌಸ್‌ಫುಲ್ ಮಾಡುತ್ತೇವೆ ಎಂಬಂತೆ ಬಹುತೇಕ ಶೋಗಳು ಹೌಸ್‌ಫುಲ್ ಆಗುವಂತೆ ಬರುತ್ತಿದ್ದಾರೆ.

ಬೆಂಗಳೂರಿನಲ್ಲಿ ಹಾಲಿ ಅತಿದೊಡ್ಡ ಚಿತ್ರಮಂದಿರಗಳಲ್ಲಿ (ಸಿಂಗಲ್ ಸ್ಕ್ರೀನ್) ಒಂದಾದ ಮಾಗಡಿ ರಸ್ತೆಯ ಪ್ರಸನ್ನ ಥಿಯೇಟರ್‌ನಲ್ಲಿ ಕಳೆದ ಏಳೆಂಟು ದಿನಗಳಿಂದ 'ಪ್ರೇಮದ ಊರಲಿ' ಹೌಸ್‌ಫುಲ್ ಪ್ರದರ್ಶನ ಆಗುತ್ತಿದೆ. ಆನ್‌ಲೈನ್ ಟಿಕೆಟ್ ಬುಕಿಂಗ್ ಶೇ.70ಕ್ಕಿಂತ ಹೆಚ್ಚು ಆಗುತ್ತಿದೆ. ಉಳಿದಂತೆ ಜನರು ಬಂದು ಸರತಿ ಸಾಲಿನಲ್ಲಿ ನಿಂತುಕೊಂಡರೂ ಕೆಲವರಿಗಷ್ಟೇ ಟಿಕೆಟ್ ಸಿಗುತ್ತದೆ. ಉಳಿದವರು ಟಿಕೆಟ್ ಸಿಗದೇ ವಾಪಸ್ ಹೋಗುತ್ತಿದ್ದಾರೆ. ಇನ್ನು ದಿನದಲ್ಲಿ ನಡೆಯುವ ಎಲ್ಲ ಶೋಗಳು ಕೂಡ ಹೌಸ್‌ಫುಲ್ ಪ್ರದರ್ಶನ ಆಗುತ್ತಿದೆ. ಕಿಕ್ಕಿರಿದು ಜನರು ತುಂಬಿದ್ದಾರೆ.

ಕನ್ನಡದಲ್ಲಿ ‘ಪ್ರೇಮದ ಊರಲಿ’ ಪ್ರೇಕ್ಷಕರ ಮುಂದೆ ಬಂದು ಇಂದಿಗೆ (ಅ.7) 12 ದಿನಗಳಾಗುತ್ತಿವೆ. ಎರಡನೇ ವಾರಕ್ಕೆ 500ಕ್ಕೂ ಹೆಚ್ಚು ಶೋಗಳು ಹೌಸ್‌ಫುಲ್‌ ಪ್ರದರ್ಶನ ಕಾಣುತ್ತಿವೆ. ಮೊದಲ ಎರಡ್ಮೂರು ದಿನಗಳಲ್ಲಿ ಕೇವಲ ಲಕ್ಷ ಗಳಿಸುವುದಕ್ಕೆ ಒದ್ದಾಡುತ್ತಿದ್ದ ಸಿನಿಮಾ ಇದೀಗ ಕೋಟಿ, ಕೋಟಿ ಗಳಿಕೆ ಮಾಡುತ್ತಿದೆ. 12ನೇ ದಿನಕ್ಕೆ ₹10 ಕೋಟಿ ಹಣವನ್ನು ಗಳಿಕೆ ಮಾಡಿದೆ ಎಂದು ಹೇಳಲಾಗುತ್ತಿದೆ. ಆರಂಭದಲ್ಲಿ ಸಿನಿಮಾ ನೀರಸವಾಗಿ ಸಾಗುತ್ತಿದ್ದ ಸಿನಿಮಾ ನಂತರ ಬಾಯಿಂದ ಬಾಯಿಗೆ ಪ್ರಚಾರವಾಗಿ ಹೌಸ್‌ಫುಲ್ ಪ್ರದರ್ಶನ ಕಾಣುತ್ತಿದೆ. ಅ.2ರ ಗಾಂಧಿ ಜಯಂತಿ ರಜಾ ದಿನದಂದು ಈ ಸಿನಿಮಾ ಬರೋಬ್ಬರಿ ₹3.46 ಕೋಟಿ ಗಳಿಕೆ ಮಾಡಿದೆ.

ಒಂದೊಳ್ಳೆ ಕಥೆಯನ್ನು ಹೊಂದಿರುವ ಸಿನಿಮಾವನ್ನು ಜನರು ಎಂದಿಗೂ ತಿರಸ್ಕಾರ ಮಾಡುವುದಿಲ್ಲ ಎಂಬುದಕ್ಕೆ 'ಪ್ರೇಮದ ಊರಲಿ' ಸಿನಿಮಾ ಕೂಡ ಸಾಕ್ಷಿಯಾಗಿದೆ. ರಂಗಾಯಣ ರಘು ಹೊರತುಪಡಿಸಿ ಶ್ರೀ ರಾಮ್ (Shree Raam), ರಮಿಕಾ (Ramika), ತಪಸ್ವಿನಿ ಪುಣಚ್ಚ ಎಲ್ಲರೂ ಹೊಸಬರೇ ಸೇರಿಕೊಂಡು ಮಾಡಿದ್ದಾರೆ. ಪ್ರೇಮದ ಕಥಾಹಂದರ, ರೈತರಿಗೆ ಹೆಣ್ಣು ಸಿಗುವುದಿಲ್ಲ, ಮೊದಲ ಪ್ರೇಮದಲ್ಲಿ ಮೋಸ, ಮದುವೆಗೆ ಡಿಗ್ರಿ ಮುಗಿಸಿದ ಹೆಣ್ಣು ಹುಡುಕುವುದು, ಪ್ರೀತಿ ಎಂದರೆ ದೇಹವನ್ನೇ ಅರ್ಪಿಸುವುದಲ್ಲ, ಅಪ್ಪನ ಪ್ರೀತಿ ಹೀಗೆ ಹಲವು ಅಂಶಗಳನ್ನು ಸಿನಿಮಾ ಒಳಗೊಂಡಿದ್ದು, ಪ್ರೇಕ್ಷಕರನ್ನು ಆಹ್ವಾನಿಸುತ್ತಿದೆ.

ಈ ಹಿಂದೆ 'ಸು ಫ್ರಂ ಸೋ' ಸಿನಿಮಾ ಕೂಡ ಜನರ ನಿರೀಕ್ಷೆಗೂ ಮೀರಿ ಯಶಸ್ಸು ಕಂಡಿತ್ತು. ಇದೀಗ ಪ್ರೇಮದ ಊರಲಿ ಕೂಡ ಹಾಗೆಯೇ ಯಶಸ್ಸಿನ ಹಾದಿಗೆ ಮರಳಿದೆ. ಇನ್ನು ಅದ್ಧೂರಿ ಪ್ರಚಾರವನ್ನು ಮಾಡಿದರೂ ಕತೆ ಚೆನ್ನಾಗಿಲ್ಲ ಅಥವಾ ಸಿನಿಮಾವನ್ನು ಜನರ ಮುಂದಿಡುವ ಪ್ರಯತ್ನದಲ್ಲಿ ವಿಫಲವಾದರೆ ಜನರು ಸಿನಿಮಾ ವೀಕ್ಷಣೆಗೆ ಬರುವುದಿಲ್ಲ. ತಮ್ಮ ನಾಯಕರು ಎಂಬ ಮಾತ್ರಕ್ಕೆ ಅವರ ಅಭಿಮಾನಿಗಳಷ್ಟೇ ಚಿತ್ರಮಂದಿರಕ್ಕೆ ಹೋಗುತ್ತಾರೆ ಹೊರತು ಕುಟುಂಬ ಸಮೇತರಾಗಿ ಸಿನಿಮಾ ಥಿಯೇಟರ್‌ಗೆ ಹೋಗುವುದಿಲ್ಲ.

Bethlehem Kudumba Unit: ಇದು ವಯಸ್ಸಿನ ಅಂತರದ ಕಥೆಯಲ್ಲ, ಪ್ರೀತಿಯೆಂಬ ಪ್ರಶಾಂತ ಭಾವದ ಸುಂದರ ಕಾವ್ಯ

Santosh Naik — Mon, 05 Oct 2026 18:00:49 +0530

ಚಿತ್ರರಂಗದಲ್ಲಿ ಪ್ರೇಮಕಥೆಗಳಿಗೆಂದೂ ಕೊರತೆಯಿಲ್ಲ. ಆದರೆ, ಕೆಲವು ಸಿನಿಮಾಗಳು ಅತಿರಂಜಿತ ನಾಟಕೀಯತೆಯಿಲ್ಲದೆ, ಅತ್ಯಂತ ಸರಳವಾಗಿ ಮನಸ್ಸಿನಾಳಕ್ಕೆ ಇಳಿದುಬಿಡುತ್ತವೆ. ಅಂತಹದ್ದೇ ಒಂದು ಅಪರೂಪದ ಹಾಗೂ ಪ್ರಶಾಂತ ಪ್ರೇಮಕಾವ್ಯ 'ಬೆತ್ಲೆಹೇಮ್ ಕುಟುಂಬ ಯೂನಿಟ್' (Bethlehem Kudumba Unit). ಮೊದಲೇ ಸ್ಪಷ್ಟಪಡಿಸಬೇಕೆಂದರೆ, ಇದು ಕೇವಲ ಇಬ್ಬರು ವ್ಯಕ್ತಿಗಳ ನಡುವಿನ 'ವಯಸ್ಸಿನ ಅಂತರದ' (Age Gap) ಕಥೆಯಲ್ಲ; ಬದಲಾಗಿ ಸರಿಯಾದ ಮತ್ತು ಪವಿತ್ರವಾದ ಪ್ರೀತಿಯನ್ನು ಕಂಡುಕೊಳ್ಳುವ ಎರಡು ಮನಸ್ಸುಗಳ ಸುಂದರ ಪಯಣ.

ಸಿನಿಮಾದ ಕಥಾಹಂದರವನ್ನು ಮೇಲ್ನೋಟಕ್ಕೆ ನೋಡಿದರೆ ಇದು ತೀರಾ ಸರಳವಾದ ಪ್ರೇಮಕಥೆಯಂತೆ ಕಾಣುತ್ತದೆ. ಒಬ್ಬ ಹುಡುಗಿ ಹೊಸ ನಗರಕ್ಕೆ ಬರುತ್ತಾಳೆ, ನೆರೆಮನೆಯಲ್ಲಿರುವ ವ್ಯಕ್ತಿಯನ್ನು ನೋಡುತ್ತಾಳೆ. ಅವಳಿಗೆ ಅವನು ಇಷ್ಟವಾಗುತ್ತಾನೆ, ಅವನಿಗೆ ಅವಳು ಇಷ್ಟವಾಗುತ್ತಾಳೆ. ದೈನಂದಿನ ಸಂಭಾಷಣೆ, ಸಣ್ಣಪುಟ್ಟ ಕ್ಷಣಗಳ ನಡುವೆ ಇಬ್ಬರ ನಡುವೆ ಪ್ರೀತಿ ಚಿಗುರುತ್ತದೆ. ಇಲ್ಲಿ ಯಾವುದೇ ಅತಿರಂಜಿತ ಘಟನೆಗಳಿಲ್ಲ, ತೀರಾ ಸಾಧಾರಣ ಎನಿಸುವ ಈ ಸರಳತೆಯೇ ಸಿನಿಮಾದ ಜೀವಾಳ.

ವಾಸ್ತವದ ಎದುರು ದೂರವಾದರೂ ಕರಗದ ಪ್ರೀತಿ

ಕಥೆಯಲ್ಲಿ ಪ್ರೀತಿ ಚಿಗುರುತ್ತಿದ್ದಂತೆಯೇ ವಾಸ್ತವದ ಎಂಟ್ರಿಯಾಗುತ್ತದೆ. ಹುಡುಗಿಯ ಮನೆಯವರಿಗೆ ಈ ವಿಷಯ ತಿಳಿದು, ಪ್ರಶ್ನೆಗಳ ಸುರಿಮಳೆಯಾಗಿ, ಮನೆಯಲ್ಲಿ ಗಲಾಟೆಯಾಗುತ್ತದೆ. ಆದರೆ ಜಸ್ಟಿನ್ (Justin), ಆಕೆಯ ಜೀವನ ತನ್ನಿಂದಾಗಿ ಮತ್ತಷ್ಟು ಸಂಕಷ್ಟಕ್ಕೆ ಈಡಾಗಬಾರದು ಎಂಬ ಉದ್ದೇಶದಿಂದ ಆಕೆಯಿಂದ ದೂರ ಸರಿಯುತ್ತಾನೆ.

ಹುಡುಗಿ ಬೇರೆ ದೇಶಕ್ಕೆ ತೆರಳುತ್ತಾಳೆ, ಬೇರೆಯದೇ ಜೀವನ ಆರಂಭವಾಗುತ್ತದೆ, ಕಾಲ ಉರುಳುತ್ತದೆ. ಆದರೆ, ದೂರವಾದ ತಕ್ಷಣ ಕೆಲವು ಆಳವಾದ ಭಾವನೆಗಳು ಎಂದಿಗೂ ಮಾಯವಾಗುವುದಿಲ್ಲ. ವರ್ಷಗಳ ನಂತರ ಆಕೆ ಮರಳಿ ಬಂದಾಗ, ಅವನನ್ನು ಕಂಡ ತಕ್ಷಣ ಆಕೆಗೆ ತನ್ನ ಭಾವನೆಗಳ ಅರಿವಾಗುತ್ತದೆ. ಕೊನೆಗೆ ಇಬ್ಬರೂ ಮತ್ತೆ ಒಂದಾಗುತ್ತಾರೆ, ಈ ಬಾರಿ ಅವರ ಸುತ್ತಮುತ್ತಲಿನ ಜನರಿಗೂ ಹೇಳಲು ಏನೂ ಇರುವುದಿಲ್ಲ. ಕಥೆ ಇಷ್ಟೇ ಆದರೂ, ಈ ಸರಳತೆಯ ಒಳಗೆ ಬೃಹತ್ ಭಾವನಾತ್ಮಕ ಜಗತ್ತೇ ಅಡಗಿದೆ!

12-13 ವರ್ಷಗಳ ಅಂತರ ಮತ್ತು ಪ್ರೀತಿಯ ನೈಜ ಅರ್ಥ

ಪ್ರಮುಖ ಪಾತ್ರಧಾರಿಗಳಾದ ಆಶ್ಲಿ (Ashley) ಮತ್ತು ಜಸ್ಟಿನ್ ನಡುವೆ 12 ರಿಂದ 13 ವರ್ಷಗಳ ವಯಸ್ಸಿನ ಅಂತರವಿದೆ. ಹಾಗಿದ್ದರೂ ಆಶ್ಲಿ, ಜಸ್ಟಿನ್‌ಗೆ ಮನಸೋಲೋದು ಏಕೆ ಅನ್ನೋದಕ್ಕೂ ಕಾರಣವಿದೆ.ಆತನ ಸಾಮೀಪ್ಯದಲ್ಲಿ ಆಕೆಗೆ ಜೀವನಕ್ಕೆ ಅತ್ಯಗತ್ಯವಾದ ಸಂಗತಿಗಳು ಸಿಗುತ್ತವೆ. ಜಸ್ಟೀನ್‌ನಲ್ಲಿ ಆಕೆ, ಸಮಾಧಾನ, ಸುರಕ್ಷತೆ, ಮೆಚ್ಚುಗೆ,ಪ್ರಾಮುಖ್ಯತೆ ಮತ್ತು ಆದ್ಯತೆ ಎಲ್ಲವೂ ಆಕೆಗೆ ಅಲ್ಲಿ ಸಿಗುತ್ತೆ.

ಜಸ್ಟಿನ್ ಇಡೀ ಸಿನಿಮಾದ ಎಲ್ಲೂ ಆಕೆಗೆ "ನೀನು ನನಗೆ ಮುಖ್ಯ" ಎಂದು ಬಾಯಲ್ಲಿ ಹೇಳುವುದಿಲ್ಲ, ಬದಲಾಗಿ ತನ್ನ ನಡವಳಿಕೆಯ ಮೂಲಕ ಆಕೆಗೆ ಅದನ್ನು ಅನುಭವಿಸುವಂತೆ ಮಾಡುತ್ತಾನೆ. ಆಕೆಯ ಆಸಕ್ತಿಗಳನ್ನು ಮೆಚ್ಚುತ್ತಾನೆ, ಆಕೆಗೆ ಮುಖ್ಯವೆನಿಸುವ ವಿಷಯಗಳಿಗಾಗಿ ಕಷ್ಟಪಡುತ್ತಾನೆ. ಆಶ್ಲಿ ಇಷ್ಟಪಡುವ ಮತ್ತು ಮಿಸ್ ಮಾಡಿಕೊಳ್ಳುವ ಪ್ರತಿಯೊಂದು ಸಣ್ಣ ಸಂಗತಿಯನ್ನೂ ಗಮನಿಸುವ ಜಸ್ಟಿನ್, "ನಾನು ನಿನ್ನ ಮಾತನ್ನು ಆಲಿಸಿದ್ದೇನೆ" ಎಂಬ ಭಾವನೆ ಮೂಡಿಸುತ್ತಾನೆ. ಇಬ್ಬರನ್ನೂ ನೋಡುತ್ತಿದ್ದಂತೆ ಅವರ ನಡುವಿನ ವಯಸ್ಸಿನ ಅಂತರ ಮಾಯವಾಗಿ, ಅವರ ನಡುವಿನ ಭಾವನಾತ್ಮಕ ಬಂಧ ಮಾತ್ರ ಕಣ್ಣಿಗೆ ಕಟ್ಟುತ್ತದೆ.

ತಪ್ಪುಗಳನ್ನು ತಿದ್ದುಕೊಳ್ಳುವ ಗುಣ ಹಾಗೂ ಗಾಯಗಳಿಗೆ ಗೌರವ

ಈ ಸಿನಿಮಾದಲ್ಲಿ ಜಸ್ಟಿನ್ ಪರಿಪೂರ್ಣ ವ್ಯಕ್ತಿಯೇನೂ ಅಲ್ಲ (Not Perfect). ಆತನಿಂದಲೂ ತಪ್ಪುಗಳಾಗುತ್ತವೆ, ಆತ ಆಕೆಗೆ ಬೇಸರ ತರಿಸುತ್ತಾನೆ. ಆದರೆ, ಆತ ತನ್ನ ಅಹಂ ಕಾಯ್ದುಕೊಳ್ಳಲು ಸಮಯ ವ್ಯರ್ಥ ಮಾಡುವುದಿಲ್ಲ. ಆತ ಆಕೆಯ ಮಾತನ್ನು ಆಲಿಸುತ್ತಾನೆ, ಅರ್ಥೈಸಿಕೊಳ್ಳುತ್ತಾನೆ ಮತ್ತು ತನ್ನನ್ನು ತಾನು ತಿದ್ದುಕೊಳ್ಳಲು ಪ್ರಯತ್ನಿಸುತ್ತಾನೆ. ಏಕೆಂದರೆ, ಪ್ರೀತಿ ಎಂದರೆ ಕೇವಲ ತಪ್ಪುಗಳನ್ನು ಮಾಡದಿರುವುದಲ್ಲ, ಆಗಿರುವ ತಪ್ಪುಗಳನ್ನು ಸರಿಪಡಿಸಿಕೊಳ್ಳುವುದು ಕೂಡ ಹೌದು.

ಇನ್ನೊಂದೆಡೆ, ಆಶ್ಲಿ ಕೇವಲ ತನ್ನೆದುರು ನಿಂತಿರುವ ಇಂದಿನ ಜಸ್ಟಿನ್‌ನನ್ನು ಮಾತ್ರ ಪ್ರೀತಿಸುವುದಿಲ್ಲ. ಆತನ ಗತಕಾಲ, ಆತನ ಕಳೆದುಕೊಂಡ ಕ್ಷಣಗಳು, ನೆನಪುಗಳು ಹಾಗೂ ಹಳೇ ಇತಿಹಾಸವನ್ನೂ ಸಂಪೂರ್ಣವಾಗಿ ಸ್ವೀಕರಿಸುತ್ತಾಳೆ. ಆತನ ಹಿಸ್ಟರಿ ತನಗೆ ಸ್ಪರ್ಧೆಯಲ್ಲ, ಅದು ಆತನ ಜೀವನದ ಒಂದು ಭಾಗ ಅಷ್ಟೇ ಎಂಬುದನ್ನು ಆಕೆ ಅರ್ಥೈಸಿಕೊಳ್ಳುತ್ತಾಳೆ. ಒಬ್ಬ ವ್ಯಕ್ತಿಯನ್ನು ಪ್ರೀತಿಸುವುದೆಂದರೆ ಕೇವಲ ಅವರಲ್ಲಿರುವ ಸುಂದರ ವಿಷಯಗಳನ್ನು ಪ್ರೀತಿಸುವುದಲ್ಲ, ಬದಲಾಗಿ ಅವರ ನೋವು, ನೆನಪುಗಳು ಮತ್ತು ಅವರು ಹೊತ್ತು ತಂದಿರುವ ಜೀವನದ ಹಳೆಯ ಭಾಗಗಳನ್ನು ಗೌರವಿಸುವುದು ಎಂಬ ಸತ್ಯ ಇಲ್ಲಿದೆ.

ಮನಸ್ಸಿಗೆ ತಲುಪುವ ಶಾಂತ ಪ್ರೀತಿ - ಪ್ರೇಕ್ಷಕರ ಅನುಭವ

ಕೆಲವು ಪ್ರೇಮಕಥೆಗಳು ಸುತ್ತಲಿನ ಪ್ರಪಂಚದ ನಾಟಕೀಯತೆಯಿಂದಾಗಿ ಹೈಲೈಟ್ ಆಗುತ್ತವೆ. ಆದರೆ 'ಬೆತ್ಲೆಹೇಮ್ ಕುಟುಂಬ ಯೂನಿಟ್' ಚಿತ್ರವು ತನ್ನ ಪ್ರಶಾಂತ ಪ್ರೀತಿಯಿಂದಲೇ ವಿಶೇಷವೆನಿಸುತ್ತದೆ. ಎರಡೆರಡು ಕಷ್ಟಕರ ಜೀವನಗಳ ನಡುವೆ ಮೂಡುವ ಸರಳ ನಿರ್ಧಾರ: "ನಾನು ಈಗಲೂ ನಿನ್ನನ್ನೇ ಆಯ್ಕೆ ಮಾಡುತ್ತೇನೆ" (I still choose you) ಎಂಬುದು ಹೃದಯ ಸ್ಪರ್ಶಿ.

ಚಿತ್ರದ ಇಂಟರ್‌ವಲ್ ವೇಳೆಗೆ ಪ್ರೇಕ್ಷಕರ ಮುಖದಲ್ಲಿ ಸಣ್ಣದೊಂದು ಮಂದಹಾಸ ಮೂಡಿದರೆ, ಸಿನಿಮಾ ಮುಗಿಯುವ ಹೊತ್ತಿಗೆ ಒಳಗೊಳಗೇ ಒಂದು ರೀತಿಯ ಬೆಚ್ಚಗಿನ ಅನುಭೂತಿ ಆವರಿಸುತ್ತದೆ. ಇದು ಯಾವುದೇ ಅತಿರಂಜಿತ ಘಟನೆಯಿಂದಾಗ ಅಲ್ಲ, ಬದಲಾಗಿ ಅತ್ಯಂತ ನೈಜವಾದ ಮಾನವೀಯ ಭಾವನೆಗಳಿಂದ ಮೂಡಿದ ಅನುಭವ!

ಒಮ್ಮೆ ನೋಡಿದರೆ ಸಾಲದು, ಮತ್ತೆ ಮತ್ತೆ ನೋಡಬೇಕೆನಿಸುವ ಚಿತ್ರ!

ಈ ಸಿನಿಮಾವನ್ನು ನೀವು ಮೊದಲು ಒಬ್ಬರೇ ಕುಳಿತು ನೋಡಬಹುದು. ನಂತರ ಕುಟುಂಬದ ಜೊತೆ, ಸ್ನೇಹಿತರ ಜೊತೆ ಅಥವಾ ನೀವು ಪ್ರೀತಿಸುವವರ ಜೊತೆ ನೋಡಬೇಕೆನಿಸುತ್ತದೆ. ಅದಾದ ನಂತರ, ಇನ್ನೊಮ್ಮೆ ಒಬ್ಬರೇ ಕುಳಿತು ನೋಡಲು ಮನಸ್ಸಾಗುತ್ತದೆ. ಏಕೆಂದರೆ ಕೆಲವು ಸಿನಿಮಾಗಳು ಕೇವಲ ಮನರಂಜನೆ ನೀಡುವುದಿಲ್ಲ, ಅವು ಒಬ್ಬ ಒಳ್ಳೆಯ ಸ್ನೇಹಿತನಂತೆ ನಮಗೆ ಜೊತೆಯಾಗುತ್ತವೆ.

ಚಿತ್ರದಲ್ಲಿ ಬರುವ 'ರೂಮ್ ನಂಬರ್ 17' (Room No. 17) ಮತ್ತು 'ಎಂಪಿ3 ಕಿಂಗ್' (MP3 King) ಪ್ರಸಂಗಗಳು ಅತ್ಯಂತ ಸರಳ ಸತ್ಯವನ್ನು ನಮಗೆ ನೆನಪಿಸುತ್ತವೆ: ಒಬ್ಬರ ಗತಕಾಲವನ್ನು ಸ್ವೀಕರಿಸಿ, ಅವರು ಹೇಗಿದ್ದಾರೂ ಅವರನ್ನು ಗೌರವಿಸಿ, ಪರಸ್ಪರ ಜೊತೆಯಾಗಿ ನಿಂತು ಸದಾ ಒಬ್ಬರನ್ನೊಬ್ಬರು ಆಯ್ಕೆ ಮಾಡಿಕೊಳ್ಳಿ. ಎರಡು ಮನಸ್ಸುಗಳು ಇದನ್ನು ಮಾಡಿದಾಗ, ಪ್ರೀತಿ ಎನ್ನುವುದು ಕ್ಲಿಷ್ಟಕರ ಅನಿಸುವುದನ್ನು ನಿಲ್ಲಿಸಿ, ಸ್ವಂತ 'ಮನೆ'ಯಂತೆ ನೆಮ್ಮದಿ ನೀಡಲು ಆರಂಭಿಸುತ್ತದೆ!

ಕನ್ನಡದ ಪ್ರೇಮದ ಊರಲಿ ಸಿನಿಮಾವನ್ನು ಥಿಯೇಟರ್‌ನಲ್ಲಿ ಕಂಡು ಪ್ರೀತಿ, ತ್ಯಾಗದ ಅತ್ಯಂತ ಸರಳ ಕಥೆಯನ್ನು ನೋಡಿ ಖುಷಿಪಟ್ಟವರು ಒಟಿಟಿಯಲ್ಲಿ ಬೆತ್ಲೆಹೇಮ್ ಕುಟುಂಬ ಯುನಿಟ್ ಸಿನಿಮಾ ನೋಡಿ ಸಂಭ್ರಮ ಪಡಬಹುದು. ಜಿಯೋ ಹಾಟ್‌ಸ್ಟಾರ್‌ನಲ್ಲಿ ಈ ಸಿನಿಮಾವನ್ನು ನೋಡಬಹುದು. ಕನ್ನಡ ಡಬ್ಬಿಂಗ್‌ ಕೂಡ ಲಭ್ಯವಿದೆ.

OTTಯಲ್ಲಿ ನಡುಕ ಹುಟ್ಟಿಸುವ ಹಾರರ್ ಥ್ರಿಲ್ಲರ್: ಮದುವೆಯಾದ ಪ್ರತಿಯೊಬ್ಬ ಸೊಸೆಗೂ ಅದೇ ಗತಿಯಂತೆ!

Govindaraj S — Sat, 26 Sep 2026 18:26:11 +0530

OTTಯಲ್ಲಿ ಹಾರರ್, ಮಿಸ್ಟರಿ ಹಾಗೂ ಸಸ್ಪೆನ್ಸ್ ಕಥೆಗಳನ್ನು ಇಷ್ಟಪಡುವವರಿಗೆ ‘ಅಯ್ಯನ ಮನೆ’ ಕುತೂಹಲ ಮೂಡಿಸುವ ಕನ್ನಡ ವೆಬ್‌ಸಿರೀಸ್ ಆಗಿದೆ. ಮದುವೆಯಾಗಿ ಹಳೆಯ ‘ಅಯ್ಯನ ಮನೆ’ಗೆ ಬರುವ ಪ್ರತಿಯೊಬ್ಬ ಸೊಸೆಗೂ ಅನಿರೀಕ್ಷಿತ ದುರಂತ ಎದುರಾಗುತ್ತದೆ.

ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗುವ ಸಿನಿಮಾಗಳಿಗಷ್ಟೇ ಅಲ್ಲ, ಓಟಿಟಿಯಲ್ಲಿ ಸ್ಟ್ರೀಮಿಂಗ್ ಆಗುವ ಸಿನಿಮಾಗಳು ಹಾಗೂ ವೆಬ್‌ಸಿರೀಸ್‌ಗಳಿಗೂ ಸಖತ್ ಕ್ರೇಜ್ ಇದೆ. ಯಾವ ಸಿನಿಮಾ, ಯಾವ ವೆಬ್‌ಸಿರೀಸ್ ಯಾವಾಗ OTTಗೆ ಬರುತ್ತದೆ ಎಂದು ಪ್ರೇಕ್ಷಕರು ಕಾತರದಿಂದ ಕಾಯುತ್ತಾರೆ. ಅದರಲ್ಲೂ ಹಾರರ್, ಮಿಸ್ಟರಿ ಹಾಗೂ ಸಸ್ಪೆನ್ಸ್ ಕಥೆಗಳನ್ನು ಇಷ್ಟಪಡುವವರಿಗೆ OTT ಪ್ಲಾಟ್‌ಫಾರ್ಮ್‌ಗಳು ಹೊಸ ಹೊಸ ಕಂಟೆಂಟ್‌ಗಳನ್ನು ನೀಡುತ್ತಿವೆ.

ವಿಶೇಷವಾಗಿ ಕಡಿಮೆ ಅವಧಿಯಲ್ಲಿ ವೇಗವಾಗಿ ಸಾಗುವ ಥ್ರಿಲ್ಲರ್ ವೆಬ್‌ಸಿರೀಸ್‌ಗಳಿಗೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. ಇದೇ ಸಾಲಿನಲ್ಲಿ ಯಾವುದೇ ದೊಡ್ಡ ಹೈಪ್ ಇಲ್ಲದೆ OTTಗೆ ಬಂದಿರುವ ಕನ್ನಡದ ಹಾರರ್ ಮಿಸ್ಟರಿ ಸಿರೀಸ್‌ವೊಂದು ಇದೀಗ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ. ಮದುವೆಯಾಗಿ ಆ ಮನೆಗೆ ಕಾಲಿಡುವ ಪ್ರತಿಯೊಬ್ಬ ಸೊಸಿಗೂ ಅನಿರೀಕ್ಷಿತ ದುರಂತ ಎದುರಾಗುತ್ತದೆ. ಹಾಗಾದರೆ ಆ ಕುಟುಂಬದಲ್ಲಿ ನಡೆಯುತ್ತಿರುವುದೇನು? ಎಂಬ ಪ್ರಶ್ನೆಯೇ ಈ ಸಿರೀಸ್‌ನ ಕುತೂಹಲಕ್ಕೆ ಕಾರಣ.

ಸಾಮಾನ್ಯ ದೆವ್ವದ ಕಥೆಗಳಿಗಿಂತ ವಿಭಿನ್ನವಾಗಿ ಕುಟುಂಬದ ಸಂಬಂಧಗಳು, ಅನುಮಾನಾಸ್ಪದ ಸಾವುಗಳು ಹಾಗೂ ಮನೆಯೊಳಗೆ ಅಡಗಿರುವ ರಹಸ್ಯಗಳನ್ನು ಒಟ್ಟುಗೂಡಿಸಿ ಈ ಸಿರೀಸ್‌ ಅನ್ನು ರೂಪಿಸಲಾಗಿದೆ. ಅದರಲ್ಲೂ ಪ್ರತಿಯೊಂದು ಎಪಿಸೋಡ್ ಕೂಡ ಕಡಿಮೆ ಅವಧಿಯಲ್ಲಿ ಇರುವುದರಿಂದ ಕಥೆ ಎಲ್ಲಿಯೂ ಎಳೆಯಲಾಗಿದೆ ಎನ್ನಿಸುವುದಿಲ್ಲ. ಆರಂಭದಿಂದ ಕೊನೆಯವರೆಗೂ ಸಸ್ಪೆನ್ಸ್ ಉಳಿಸಿಕೊಳ್ಳುವ ರೀತಿಯಲ್ಲಿ ಸ್ಕ್ರೀನ್‌ಪ್ಲೇ ಸಾಗುತ್ತದೆ.

ಕಥೆಯ ವಿಚಾರಕ್ಕೆ ಬಂದರೆ, ಜಾಜಿ ಎಂಬ ಯುವತಿಗೆ ದುಷ್ಯಂತ್ ಜೊತೆ ಮದುವೆಯಾಗುತ್ತದೆ. ಮದುವೆಯ ಬಳಿಕ ಆಕೆ ತನ್ನ ಪತಿಯೊಂದಿಗೆ ಆತನ ಹಳೆಯ ಬಂಗಲೆ ‘ಅಯ್ಯನ ಮನೆ’ಗೆ ಬರುತ್ತಾಳೆ. ಆದರೆ ಮನೆಗೆ ಕಾಲಿಟ್ಟ ಕೆಲವೇ ಸಮಯದಲ್ಲಿ ಅಲ್ಲಿ ಅನಿರೀಕ್ಷಿತ ದುರಂತವೊಂದು ಸಂಭವಿಸುತ್ತದೆ. ಜಾಜಿ ಅತ್ತೆಮನೆಗೆ ಬಂದ ತಕ್ಷಣವೇ ಆಕೆಯ ಮಾವ ಮೃತಪಟ್ಟಿರುತ್ತಾರೆ. ಈ ಘಟನೆ ಜಾಜಿಗೆ ಆ ಮನೆಯ ವಾತಾವರಣದ ಬಗ್ಗೆ ಅನುಮಾನ ಮೂಡಿಸುತ್ತದೆ. ಮನೆಯಲ್ಲಿರುವ ಕುಟುಂಬ ಸದಸ್ಯರ ವರ್ತನೆಯೂ ಆಕೆಗೆ ವಿಚಿತ್ರವಾಗಿ ಕಾಣಿಸುತ್ತದೆ. ಪ್ರತಿಯೊಬ್ಬರ ವರ್ತನೆಯ ಹಿಂದೆಯೂ ಯಾವುದೋ ರಹಸ್ಯ ಅಡಗಿದೆ ಎಂಬ ಅನುಮಾನ ಜಾಜಿಗೆ ಕಾಡಲು ಆರಂಭಿಸುತ್ತದೆ.

ಇದರ ನಡುವೆ ಮನೆಯ ಕೆಲಸದಾಕೆ ಜಾಜಿಗೆ ಹೇಳುವ ವಿಚಾರವೊಂದು ಆಕೆಯನ್ನು ಮತ್ತಷ್ಟು ಬೆಚ್ಚಿಬೀಳಿಸುತ್ತದೆ. ದುಷ್ಯಂತ್‌ಗೆ ಇದು ಮೊದಲ ಮದುವೆಯಲ್ಲ ಎಂಬ ಸತ್ಯ ಆಕೆಗೆ ತಿಳಿಯುತ್ತದೆ. ಈ ಹಿಂದೆ ದುಷ್ಯಂತ್‌ರನ್ನು ಮದುವೆಯಾಗಿದ್ದ ಮಹಿಳೆಯೊಬ್ಬರು ಅನುಮಾನಾಸ್ಪದ ರೀತಿಯಲ್ಲಿ ಮೃತಪಟ್ಟಿದ್ದರು ಎಂಬ ವಿಚಾರವೂ ಜಾಜಿಗೆ ಗೊತ್ತಾಗುತ್ತದೆ. ಅಷ್ಟೇ ಅಲ್ಲ, ಆ ಕುಟುಂಬಕ್ಕೆ ಸೊಸೆಯಾಗಿ ಬಂದ ಮಹಿಳೆಯರು ಒಬ್ಬರ ಹಿಂದೆ ಒಬ್ಬರು ಸಾವನ್ನಪ್ಪಿದ್ದಾರೆ ಎಂಬ ಭಯಾನಕ ಸತ್ಯವೂ ಆಕೆಯ ಮುಂದೆ ತೆರೆದುಕೊಳ್ಳುತ್ತದೆ. ಈ ಹಿಂದೆ ಆ ಮನೆಗೆ ಸೊಸೆಯಾಗಿ ಬಂದಿದ್ದ ಮೂವರು ಮಹಿಳೆಯರೂ ಅನಿರೀಕ್ಷಿತ ರೀತಿಯಲ್ಲಿ ಪ್ರಾಣ ಕಳೆದುಕೊಂಡಿದ್ದಾರೆ ಎಂಬುದು ಜಾಜಿಗೆ ತಿಳಿಯುತ್ತದೆ.

ಕಥೆ ಮುಂದುವರಿದಂತೆ ಜಾಜಿಗೆ ಮನೆಯಲ್ಲಿರುವ ಪ್ರತಿಯೊಬ್ಬರ ಮೇಲೂ ಅನುಮಾನ ಮೂಡುತ್ತದೆ. ಅದರಲ್ಲೂ ಕುಟುಂಬದ ಹಿರಿಯರ ವರ್ತನೆ ಆಕೆಗೆ ಮತ್ತಷ್ಟು ಗೊಂದಲ ಉಂಟುಮಾಡುತ್ತದೆ. ಹಿಂದೆ ನಡೆದ ಸಾವುಗಳ ಹಿಂದೆ ಯಾರ ಕೈವಾಡವಿದೆ? ಆ ಮನೆಗೆ ಸೊಸೆಯಾಗಿ ಬರುವ ಮಹಿಳೆಯರಿಗೇ ಏಕೆ ಅಪಾಯ ಎದುರಾಗುತ್ತಿದೆ? ಈ ಎಲ್ಲಾ ಘಟನೆಗಳಿಗೂ ಅತ್ತೆಗೂ ಏನಾದರೂ ಸಂಬಂಧವಿದೆಯೇ? ಎಂಬ ಪ್ರಶ್ನೆಗಳು ಪ್ರೇಕ್ಷಕರ ಕುತೂಹಲವನ್ನು ಹೆಚ್ಚಿಸುತ್ತವೆ. ಈ ರಹಸ್ಯಕ್ಕೆ ಉತ್ತರ ಕಂಡುಕೊಳ್ಳಲು ಜಾಜಿ ಮುಂದಾಗುತ್ತಾಳೆ. ಆದರೆ ಆಕೆ ಸತ್ಯವನ್ನು ಹುಡುಕಲು ಮಾಡುವ ಪ್ರತಿಯೊಂದು ಪ್ರಯತ್ನದಲ್ಲೂ ಮನೆಯ ಮತ್ತೊಂದು ರಹಸ್ಯ ಬಯಲಾಗುತ್ತಾ ಹೋಗುತ್ತದೆ. ಹೀಗಾಗಿ ಕಥೆ ಮತ್ತಷ್ಟು ರೋಚಕವಾಗುತ್ತದೆ.

ಈ ಹಾರರ್ ಮಿಸ್ಟರಿ ಥ್ರಿಲ್ಲರ್ ಸಿರೀಸ್‌ನ ಹೆಸರು ‘ಅಯ್ಯನ ಮನೆ’. ಕನ್ನಡದಲ್ಲಿ ನಿರ್ಮಾಣವಾಗಿರುವ ಈ ಸಿರೀಸ್‌ ಸದ್ಯ ZEE5ನಲ್ಲಿ ಕನ್ನಡದ ಜೊತೆಗೆ ತೆಲುಗು ಸೇರಿದಂತೆ ಹಲವು ಭಾಷೆಗಳಲ್ಲಿ ಲಭ್ಯವಿದೆ. ‘ಅಯ್ಯನ ಮನೆ’ ಸಿರೀಸ್‌ನಲ್ಲಿ ಒಟ್ಟು 6 ಎಪಿಸೋಡ್‌ಗಳಿವೆ. ಪ್ರತಿಯೊಂದು ಎಪಿಸೋಡ್‌ ಸುಮಾರು 18ರಿಂದ 20 ನಿಮಿಷಗಳ ಅವಧಿಯನ್ನು ಹೊಂದಿದೆ. ಕಡಿಮೆ ರನ್‌ಟೈಮ್‌ನಲ್ಲೇ ಕಥೆಯನ್ನು ವೇಗವಾಗಿ ಮುಂದಕ್ಕೆ ಕೊಂಡೊಯ್ಯುವುದು ಈ ಸಿರೀಸ್‌ನ ಪ್ರಮುಖ ಆಕರ್ಷಣೆಗಳಲ್ಲಿ ಒಂದಾಗಿದೆ. ಇನ್ನು ಕನ್ನಡದ ಜೊತೆಗೆ ತೆಲುಗು, ತಮಿಳು ಹಾಗೂ ಹಿಂದಿ ಭಾಷೆಗಳಲ್ಲೂ ‘ಅಯ್ಯನ ಮನೆ’ ವೀಕ್ಷಿಸಬಹುದಾಗಿದೆ. ಹಾರರ್ ಜೊತೆಗೆ ಮಿಸ್ಟರಿ, ಕುಟುಂಬದ ರಹಸ್ಯಗಳು ಹಾಗೂ ಸಸ್ಪೆನ್ಸ್ ಕಥೆಗಳನ್ನು ಇಷ್ಟಪಡುವವರಿಗೆ ಈ ಸಿರೀಸ್ ಕುತೂಹಲ ಮೂಡಿಸುವ OTT ಆಯ್ಕೆಯಾಗಿದೆ.

520 ದಿನ ಯಶಸ್ವಿ ಪ್ರದರ್ಶನ ಕಂಡ ಕನ್ನಡದ ಸಿನಿಮಾ; 1996ರಲ್ಲೇ 22 ಕೋಟಿ ಕಲೆಕ್ಷನ್

Mahmad Rafik — Sat, 17 Oct 2026 13:04:47 +0530

1996ರಲ್ಲಿ ಬಿಡುಗಡೆಯಾದ ಈ ಸಿನಿಮಾ 520 ದಿನಗಳವರೆಗೆ ಯಶಸ್ವಿ ಪ್ರದರ್ಶನ ಕಂಡಿತ್ತು. ಕೇವಲ 62 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಾಣವಾದ ಈ ಚಿತ್ರ ಬರೋಬ್ಬರಿ 22 ಕೋಟಿ ರೂ. ಕಲೆಕ್ಷನ್ ಮಾಡಿ ಹಲವು ದಾಖಲೆಗಳನ್ನು ಬರೆದಿದೆ.

ಕನ್ನಡದ ಸಿನಿಮಾಗಳು ಹಲವು ದಾಖಲೆಗಳನ್ನು ಬರೆದಿವೆ. ಇಂದು ಒಂದು ಸಿನಿಮಾ ಚಿತ್ರಮಂದಿರದಲ್ಲಿ ವಾರದ ಬಳಿಕವೂ ಪ್ರದರ್ಶನವಾದ್ರೆ ದಾಖಲೆ ಬರೆದಿದೆ ಎಂಬ ಹೆಡ್‌ಲೈನ್ಸ್‌ಗಳು ಬರುತ್ತವೆ. ಇಂದು ನಾವು ಹೇಳುತ್ತಿರುವ ಕನ್ನಡ ಸಿನಿಮಾವೊಂದು ಬರೋಬ್ಬರಿ 520 ದಿನಗಳವರೆಗೆ ಯಶಸ್ವಿ ಪ್ರದರ್ಶನ ಕಂಡಿತ್ತು. ಈ ಸಿನಿಮಾ ಹಲವು ದಾಖಲೆಗಳನ್ನು ತನ್ನ ಹೆಸರಿನಲ್ಲಿ ಬರೆದುಕೊಂಡಿದೆ.

ಈ ಸಿನಿಮಾ ರಾಜ್ಯದ ಐದು ಥಿಯೇಟರ್‌ಗಳಲ್ಲಿ 25 ವಾರ ಪ್ರದರ್ಶನ ಕಂಡಿತು. ಎಂಟು ಥಿಯೇಟರ್‌ಗಳಲ್ಲಿ 365 ದಿನ ಅಂದ್ರೆ ಒಂದು ವರ್ಷದವವರಗೂ ಪ್ರದರ್ಶನವಾಯ್ತು. ರಾಜ್ಯದ ಗಡಿ ಭಾಗದಲ್ಲಿಯೂ ಅತ್ಯುತ್ತಮ ಪ್ರದರ್ಶನ ಹೊಂದುವ ಮೂಲಕ, ಕರುನಾಡಿನ ಮೆಚ್ಚಿದ ಚಿತ್ರ ಎಂಬ ಹೆಗ್ಗಳಿಕೆಗೆ ಕಾರಣವಾಯ್ತು. ಗ್ರಾಮೀಣ ಭಾಗದ ಜನರು ಎತ್ತಿನಬಂಡಿ ಕಟ್ಟಿಕೊಂಡು ನಗರ ಪ್ರದೇಶಗಳಿಗೆ ತೆರಳಿ ಸಿನಿಮಾ ವೀಕ್ಷಣೆ ಮಾಡಿದ್ದರು.

ಟಿಎಸ್ ನಾಗಭರಣ ನಿರ್ದೇಶನದ ಶಿವರಾಜ್‌ಕುಮಾರ್ ಮತ್ತು ಶಿಲ್ಪಾ ಜೋಡಿಯಾಗಿ ನಟಿಸಿದ 'ಜನುಮದ ಜೋಡಿ' ಸಿನಿಮಾ ಒಂದು ವರ್ಷಕ್ಕೂ ಹೆಚ್ಚು ಕಾಲ ಪ್ರದರ್ಶನವಾಗಿದೆ. ರೊಮ್ಯಾಂಟಿಕ್ ಕಥೆಯನ್ನು ಹೊಂದಿದ 'ಜನುಮದ ಜೋಡಿ' ಸಿನಿಮಾ, 1996ರಲ್ಲಿ ಸಂಚಲನವನ್ನೇ ಸೃಷ್ಟಿಸಿತ್ತು. ಗಟ್ಟಿ ಕತೆ ಜೊತೆಯಲ್ಲಿ ಸೂಪರ್‌ ಹಿಟ್ ಹಾಡುಗಳು, ಕಲಾವಿದರ ಸಹಜ ನಟನೆ ಸಿನಿಮಾದ ಗೆಲುವಿಗೆ ಕಾರಣವಾಗಿತ್ತು.

ಕೃಷ್ಣ-ಕನಕಳ ಪ್ರೇಮಕಥೆ ಹಲವು ತಿರುವುಗಳನ್ನು ಪಡೆದುಕೊಳ್ಳುತ್ತಾ ಸಾಗುತ್ತದೆ. ಅಂತಿಮವಾಗಿ ಕೃಷ್ಣ ಮತ್ತು ಕನಕ ಒಂದಾಗ್ತಾರಾ ಅನ್ನೋದೇ ಚಿತ್ರದ ಒನ್‌ಲೈನ್ ಕಥೆಯಾಗಿದೆ. ವಿ.ಮನೋಹರ್ ಅವರ ಸಂಗೀತ ಜನುಮದ ಜೋಡಿ ಪ್ರೀತಿ ನೋಡುಗರ ಹೃದಯಕ್ಕೆ ತಾಗುವಂತೆ ಮಾಡಿತ್ತು. ಚಿತ್ರದ ಕಥೆಗೆ ತಕ್ಕಂತೆಯೇ ಇಲ್ಲಿ ಬರೋ 9 ಹಾಡುಗಳು ನಿಮ್ಮನ್ನು ಕೊನೆಯವರೆಗೂ ಕಟ್ಟಿ ಹಾಕುತ್ತದೆ.

1996ರಲ್ಲಿ ಜನುಮದ ಜೋಡಿ ಸಿನಿಮಾ ನಿರ್ಮಾಣಕ್ಕೆ 62 ಲಕ್ಷ ರೂಪಾಯಿ ಖರ್ಚು ಆಗಿತ್ತು. ಒಂದು ವರ್ಷಕ್ಕೂ ಹೆಚ್ಚು ಯಶಸ್ವಿ ಪ್ರದರ್ಶನವಾದ ಜನುಮದ ಜೋಡಿ ಸಿನಿಮಾ ಬರೋಬ್ಬರಿ 22 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು. ಹಲವು ವಿಭಾಗಗಳಲ್ಲಿ ಜನುಮದ ಜೋಡಿ ರಾಜ್ಯ ಮತ್ತು ಫಿಲಂಫೇರ್ ಅವಾರ್ಡ್ ಪಡೆದುಕೊಂಡಿತ್ತು.

Trikaram Review: ಹಿಂದಿನ ಜನ್ಮದ ಆ ವೀರ ಯಾರು? 'ತ್ರಿಕಾರಂ' ಸಿನಿಮಾದ ದ್ವೇಷ-ಪ್ರೀತಿಯ ರಹಸ್ಯವೇನು?

Govindaraj S — Sat, 03 Oct 2026 15:38:15 +0530

ಆರ್.ಎಸ್.

ಪುನರ್ಜನ್ಮ, ಕರ್ಮದ ಲೆಕ್ಕಾಚಾರ ಹಾಗೂ ದೈವ-ದುಷ್ಟ ಶಕ್ತಿಗಳ ಸಂಘರ್ಷದ ಸುತ್ತ ಸಾಗುವ ಚಿತ್ರ ತ್ರಿಕಾರಂ. ಶೀರ್ಷಿಕೆಗೆ ತಕ್ಕಂತೆ ಮೂರು ಮುಖ್ಯ ಪಾತ್ರಗಳ ಸಂಬಂಧ ಮತ್ತು ಹಿಂದಿನ ಜನ್ಮದ ನಂಟೇ ಚಿತ್ರದ ಜೀವಾಳ. ನಾಯಕ ಮಿಥುನ್‌ನನ್ನು (ಹರ್ಷವರ್ಧನ್) ಹಿಂದಿನ ಜನ್ಮದ ನಿಗೂಢ ಕನಸುಗಳು ಕಾಡುತ್ತಿರುತ್ತವೆ.

ಮತ್ತೊಂದೆಡೆ ಹಗಲಿನಲ್ಲಿ ಈತನ ಪ್ರೀತಿ ತಿರಸ್ಕರಿಸುವ ನಾಯಕಿ ಮೀರಾ (ನಿಶ್ಚಿತಾ ಶೆಟ್ಟಿ), ರಾತ್ರಿಯಾಗುತ್ತಿದ್ದಂತೆ ವಿಚಿತ್ರವಾಗಿ ಈತನ ಬೆನ್ನೇರುತ್ತಾಳೆ. ಆಕೆ ಬಲಾಢ್ಯ ಬಲದೇವನ ಮಗಳು ಎಂದು ತಿಳಿದಾಗ ಪ್ರೀತಿ ಉಳಿಸಿಕೊಳ್ಳಲು ಹಠ ಹಿಡಿಯುವ ನಾಯಕನ ಬದುಕು, ವಿರಾಮದ ನಂತರ ಅನಿರೀಕ್ಷಿತ ತಿರುವು ಪಡೆಯುತ್ತದೆ. ಹಿಂದಿನ ಜನ್ಮದ ಆ ವೀರ ಯಾರು, ಅವರ ನಡುವಿನ ದ್ವೇಷ-ಪ್ರೀತಿಯ ರಹಸ್ಯವೇನು ಎಂಬುದು ಉಳಿದ ಕಥೆ.

ಚಿತ್ರ: ತ್ರಿಕಾರಂ

ನಿರ್ದೇಶನ: ಜಿ. ಆರ್. ದಿಲೀಪ್ ಕುಮಾರ್

ತಾರಾಗಣ: ಹರ್ಷವರ್ಧನ್, ನಿಶ್ಚಿತಾ ಶೆಟ್ಟಿ, ಜಿ. ಗಣೇಶ್ ಮೂರ್ತಿ, ಬಲರಾಜವಾಡಿ, ಮಂಜು ಪಾವಗಡ

ರೇಟಿಂಗ್: 3

ಆರಡಿ ಎತ್ತರದ ಹರ್ಷವರ್ಧನ್ ಆ್ಯಕ್ಷನ್ ಹಾಗೂ ಎಮೋಷನಲ್ ದೃಶ್ಯಗಳಲ್ಲಿ ಗಮನ ಸೆಳೆಯುತ್ತಾರೆ. ನಿಶ್ಚಿತಾ ಶೆಟ್ಟಿ ನಿಗೂಢ ಪಾತ್ರಕ್ಕೆ ನ್ಯಾಯ ಒದಗಿಸಿದ್ದಾರೆ. ಕೋಟಿಯಾಗಿ ಮಂಜು ಪಾವಗಡ ನಗಿಸಿದರೆ, ಮಾಂತ್ರಿಕನಾಗಿ ಬಲರಾಜವಾಡಿ ಅಬ್ಬರಿಸಿದ್ದಾರೆ. ನಿರ್ಮಾಪಕ ಜಿ. ಗಣೇಶ್ ಮೂರ್ತಿ ಖಡಕ್ ಖಳನಾಯಕನಾಗಿದ್ದಾರೆ. ಗತಕಾಲ ಮತ್ತು ವರ್ತಮಾನವನ್ನು ಗೊಂದಲವಿಲ್ಲದೆ ಕಟ್ಟಿಕೊಟ್ಟಿರುವ ಚಿತ್ರವಿದು.

ಕ್ರೈಂ, ಥ್ರಿಲ್ಲರ್ ಅಲ್ಲ; ಯಾವ ಆಡಂಬರವಿಲ್ಲದ ಸುಂದರ, ನಿಗೂಢ ಕಥೆಯ ಮಲಯಾಳಂ ಸಿನಿಮಾ

Mahmad Rafik — Tue, 29 Sep 2026 10:46:57 +0530

ಮಲಯಾಳಂನ ಈ ಸಿನಿಮಾವು ಯಾವುದೇ ಆಡಂಬರವಿಲ್ಲದ ಸುಂದರ ಹಾಗೂ ನಿಗೂಢ ಕಥೆಯನ್ನು ಹೊಂದಿದೆ. ಚಿತ್ರದಲ್ಲಿ ನಾಯಕನ ವರ್ತನೆ ದಿಢೀರ್ ಬದಲಾಗುವ ಮೂಲಕ ಕಥೆ ಕುತೂಹಲಕಾರಿ ತಿರುವು ಪಡೆಯುತ್ತದೆ. ಕೇವಲ 3 ಕೋಟಿ ಬಜೆಟ್‌ನ ಈ ಯಶಸ್ವಿ ಚಿತ್ರವನ್ನು ನೆಟ್‌ಫ್ಲಿಕ್ಸ್‌ನಲ್ಲಿ ವೀಕ್ಷಿಸಬಹುದು.

ಮಲಯಾಳಂ ಸಿನಿಮಾಗಳಲ್ಲಿ ಸಣ್ಣದಾದ ಕಥೆಯನ್ನು ಸುಂದರವಾಗಿ ಯಾವುದೇ ಆಡಂಬರವಿಲ್ಲದೇ ತೆರೆ ಮೇಲೆ ತೆಗೆದುಕೊಂಡು ಬರುತ್ತದೆ. ಈ ಕಾರಣದಿಂದ ಸಿನಿಮಾ ನೋಡುವಾಗ ಇದು ನಮ್ಮ ಕಥೆ ಎಂಬ ಭಾವನೆಯುಂಟಾಗುತ್ತದೆ. ಇಂದು ನಾವು ಹೇಳುತ್ತಿರುವ ಸಿನಿಮಾ ಮಾಲಿವುಡ್ ಅಂಗಳದ ಅತ್ಯಂತ ಸುಂದರ ಚಿತ್ರ ಎಂಬ ಹೆಗ್ಗಳಿಕೆ ಪಡೆದುಕೊಂಡಿದೆ.

ಈ ಸಿನಿಮಾದ ಕಥೆ ಸಿಕ್ಕಾಪಟ್ಟೆ ಥ್ರಿಲ್ಲರ್ ಅಥವಾ ಭಯಪಡಿಸೋ ಕತೆಯನ್ನು ಹೊಂದಿಲ್ಲ. ಆದ್ರೂ ಕಥೆಯಲ್ಲಿನ ನಿಗೂಢತೆ ನಿಮ್ಮನ್ನು ಅಂತ್ಯದವರೆಗೂ ಕರೆದುಕೊಂಡು ಹೋಗುವಲ್ಲಿ ಸಕಸ್ಸ್ ಆಗುತ್ತದೆ. ಕೇರಳದ ಸುಂದರತೆಯನ್ನು ಈ ಸಿನಿಮಾದಲ್ಲಿ ತೆಗೆದುಕೊಂಡು ಬರಲಾಗಿದೆ. 2022ರಲ್ಲಿ ಬಿಡುಗಡೆಗೊಂಡ ಈ ಮಲಯಾಳಂ ಸಿನಿಮಾಗೆ IMDbಯಲ್ಲಿ 7.2 ರೇಟಿಂಗ್ ನೀಡಲಾಗಿದೆ. ಹಾಗಾದ್ರೆ ಯಾವುದು ಈ ಸಿನಿಮಾ ಎಂದು ನೋಡೋಣ ಬನ್ನಿ.

ಮಮ್ಮೂಟಿ, ಸಂಜನಾ ದೀಪು, ರಮ್ಯಾ ಪಾಂಡಿಯನ್, ರಮ್ಯಾ ಸುವಿ, ವಿಪಿನ್ ಅಟ್ಲಿ ನಟನೆಯ ನಾನ್ಪಕಲ್ ನೆರತು ಮಾಯಕ್ಕಂ ಸಿನಿಮಾ ನೋಡಿ ಥಿಯೇಟರ್‌ನಿಂದ ಹೊರಗೂ ಕಥೆ ಬಗ್ಗೆ ಚಿಂತಿಸುವಂತೆ ಮಾಡಿತ್ತು. ಕೇವಲ 3 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣವಾದ ಈ ಸಿನಿಮಾ ಮೂರು ಪಟ್ಟು ಕಲೆಕ್ಷನ್ ಮಾಡಿತ್ತು. ಲಿಜೋ ಜೋಸ್ ಪೆಲ್ಲಿಸ್ಸೆರಿ ಈ ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ್ರೆ, ಎಸ್ ಹರೀಶ್ ಅವರ ಲೇಖನದಲ್ಲಿ ಕಥೆ ಮೂಡಿ ಬಂದಿದೆ.

ಒಮ್ಮೆ ನಾಯಕ ನಟ ತನ್ನ ಕುಟುಂಬದೊಂದಿಗೆ ಪೂಜೆ ಹಿನ್ನೆಲೆ ಊರಿನಿಂದ ಹೊರಗೆ ಹೋಗುತ್ತಾನೆ. ಅಲ್ಲಿಯವರೆಗೂ ಚೆನ್ನಾಗಿಯೇ ಇದ್ದ ನಾಯಕ, ಪೂಜೆಯಿಂದ ಹಿಂದಿರುಗಿ ಬರುವಾಗ ಆತನ ಕ್ಯಾರೆಕ್ಟರ್ ಸಂಪೂರ್ಣವಾಗಿ ಬದಲಾಗುತ್ತದೆ. ಇಲ್ಲಿಂದ ಸಿನಿಮಾ ನಿಗೂಢತೆ ಜೊತೆ ಹಲವು ತಿರುವುಗಳನ್ನು ಪಡೆದುಕೊಳ್ಳಲು ಆರಂಭಿಸುತ್ತದೆ. ಚಿತ್ರದ ಸುಂದರಂ ಎಂಬ ಪಾತ್ರ ಕಥೆಯ ಪ್ರಮುಖ ಆಕರ್ಷಣೆಯಾಗುತ್ತದೆ.

ಮುಮ್ಮಟ್ಟಿ ಅವರ ನಾನ್ಪಕಲ್ ನೆರತು ಮಾಯಕ್ಕಂ ಸಿನಿಮಾವನ್ನು ನೀವು ನೆಟ್‌ಫ್ಲಿಕ್ಸ್‌ನಲ್ಲಿ ನೋಡಬಹುದಾಗಿದೆ. ಡಿಸೆಂಬರ್ 12, 2022 ರಂದು 27 ನೇ ಅಂತರರಾಷ್ಟ್ರೀಯ ಕೇರಳ ಚಲನಚಿತ್ರೋತ್ಸವದಲ್ಲಿ (IIFK) ನಾನ್ಪಕಲ್ ನೆರತು ಮಾಯಕ್ಕಂ ಮೊದಲ ಬಾರಿ ಪ್ರದರ್ಶನಗೊಂಡಿತು. ಈ ಚಿತ್ರಕ್ಕೆ ವಿಮರ್ಶಕರಿಂದ ಸಕಾರಾತ್ಮಕ ಪ್ರತಿಕ್ರಿಯೆ ಪಡೆದುಕೊಂಡಿದೆ.

Anbil Avan: ನೆಮ್ಮದಿಯಾಗಿದ್ದ ಈ ಲವರ್ಸ್ ಬದುಕಿನಲ್ಲಿ ಅದೇನಾಯ್ತು? ಪ್ರಾಣ ಉಳಿಸಿಕೊಳ್ಳಲು ಮಾಡಿದ್ದು ಮಾತ್ರ ಶಾಕಿಂಗ್!

Govindaraj S — Fri, 02 Oct 2026 16:18:58 +0530

ಅಶೋಕ್ ಸೆಲ್ವನ್ ಮತ್ತು ಪ್ರೀತಿ ಮುಕುಂದನ್ ನಟನೆಯ 'ಅನ್ಬಿಲ್ ಅವನ್' ಸಿನಿಮಾ ಅಕ್ಟೋಬರ್ 2, 2026ರಂದು ರಿಲೀಸ್ ಆಗಿದೆ. ರೊಮ್ಯಾಂಟಿಕ್ ಕಥೆಯ ಜೊತೆಗೆ ಆಕ್ಷನ್ ಥ್ರಿಲ್ಲರ್ ಇರುವ ಈ ಚಿತ್ರಕ್ಕೆ ಪ್ರೇಕ್ಷಕರಿಂದ ಒಳ್ಳೆ ರೆಸ್ಪಾನ್ಸ್ ಸಿಗುತ್ತಿದೆ. ನಾಯಕ-ನಾಯಕಿಯ ಕೆಮಿಸ್ಟ್ರಿ ಜನರಿಗೆ ಇಷ್ಟವಾಗಿದೆ. ಆದರೆ, ಆಕ್ಷನ್ ದೃಶ್ಯಗಳು ಊಹಿಸುವಂತಿವೆ ಎಂದು ಕೆಲ ವಿಮರ್ಶಕರು ಹೇಳಿದ್ದಾರೆ.

ಅಶೋಕ್ ಸೆಲ್ವನ್ ಮತ್ತು ಪ್ರೀತಿ ಮುಕುಂದನ್ ನಟನೆಯ 'ಅನ್ಬಿಲ್ ಅವನ್' ಸಿನಿಮಾ ಇಂದು ಥಿಯೇಟರ್‌ಗಳಿಗೆ ಲಗ್ಗೆ ಇಟ್ಟಿದೆ. ಸಿನಿಮಾ ನೋಡಿದ ಪ್ರೇಕ್ಷಕರು ಮತ್ತು ವಿಮರ್ಶಕರು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಆರ್. ಕಾರ್ತಿಕೇಯನ್ ಈ ತಮಿಳು ರೊಮ್ಯಾಂಟಿಕ್ ಆಕ್ಷನ್-ಡ್ರಾಮಾ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ನೆಮ್ಮದಿಯಾಗಿದ್ದ ಒಂದು ಜೋಡಿಯ ಬದುಕಿನಲ್ಲಿ ನಡೆಯುವ ಅನಿರೀಕ್ಷಿತ ಘಟನೆಗಳು ಮತ್ತು ಅವರ ಹೋರಾಟವನ್ನು ಈ ಸಿನಿಮಾ ಹೇಳುತ್ತದೆ.

ಸಿನಿಮಾ ಶುರುವಾಗುವುದು ಒಂದು ಮುದ್ದಾದ ರೊಮ್ಯಾಂಟಿಕ್ ಕಥೆಯೊಂದಿಗೆ. ಹೊಸದಾಗಿ ಮದುವೆಯಾದ ಸೂರ್ಯ (ಅಶೋಕ್ ಸೆಲ್ವನ್) ಮತ್ತು ಇಯಲ್ (ಪ್ರೀತಿ ಮುಕುಂದನ್) ಒಂದು ಸುಂದರವಾದ ಹಿಲ್ ಸ್ಟೇಷನ್‌ಗೆ ಹೋಗುತ್ತಾರೆ. ಅಲ್ಲಿ ಒಂದು ಹೋಮ್‌ಸ್ಟೇ ಶುರು ಮಾಡಬೇಕು ಅನ್ನೋದು ಇಯಲ್ ಕನಸು. ಆದರೆ, ಅವರ ಈ ನೆಮ್ಮದಿಯ ಬದುಕಿಗೆ ಬೇಗನೆ ಬ್ರೇಕ್ ಬೀಳುತ್ತದೆ. ಸ್ಥಳೀಯ ಶಾಸಕ ಮತ್ತು ಪ್ರಭಾವಿ ವ್ಯಕ್ತಿಗಳ ಕಣ್ಣು ಇವರ ಆಸ್ತಿ ಮೇಲೆ ಬೀಳುತ್ತದೆ. ಅಲ್ಲಿಂದ ಈ ಜೋಡಿ ತಮ್ಮ ಪ್ರಾಣ ಉಳಿಸಿಕೊಳ್ಳಲು ಹೋರಾಟ ಶುರು ಮಾಡುತ್ತಾರೆ.

ನಟನೆ ಮತ್ತು ಕಥೆಯ ತಿರುವು ಸೂಪರ್

ಅಶೋಕ್ ಸೆಲ್ವನ್ ಮತ್ತು ಪ್ರೀತಿ ಮುಕುಂದನ್ ನಡುವಿನ ಕೆಮಿಸ್ಟ್ರಿ ಅದ್ಭುತವಾಗಿದೆ ಎಂದು ವಿಮರ್ಶಕರು ಒಪ್ಪಿಕೊಂಡಿದ್ದಾರೆ. ಇಬ್ಬರ ನೈಜ ನಟನೆ ಸಿನಿಮಾದುದ್ದಕ್ಕೂ ಹೈಲೈಟ್ ಆಗಿದೆ. ಸೂರ್ಯ ಪಾತ್ರದಲ್ಲಿ ಅಶೋಕ್ ಸೆಲ್ವನ್ ರೊಮ್ಯಾಂಟಿಕ್ ದೃಶ್ಯಗಳಲ್ಲಿ ಕ್ಯೂಟ್ ಆಗಿ ಕಾಣಿಸಿಕೊಂಡಿದ್ದಾರೆ. ಹಾಗೇ ಆಕ್ಷನ್ ದೃಶ್ಯಗಳಲ್ಲೂ ಅಬ್ಬರಿಸಿದ್ದಾರೆ. ಪ್ರೀತಿ ಮುಕುಂದನ್ ಕೂಡ ತಮ್ಮ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಎಮೋಷನಲ್ ದೃಶ್ಯಗಳಲ್ಲಿ ಅವರು ಅದ್ಭುತವಾಗಿ ನಟಿಸಿದ್ದಾರೆ.

ಸಿನಿಮಾದ ಪ್ಲಸ್ ಪಾಯಿಂಟ್ ಏನು?

ಚಿತ್ರದ ಎಮೋಷನಲ್ ಕನೆಕ್ಟ್ ತುಂಬಾ ಚೆನ್ನಾಗಿದೆ ಎಂದು ವಿಮರ್ಶಕರು ಹೇಳಿದ್ದಾರೆ. ಇದರಿಂದಾಗಿ ಆಕ್ಷನ್ ದೃಶ್ಯಗಳು ಪ್ರೇಕ್ಷಕರಿಗೆ ಹತ್ತಿರವಾಗುತ್ತವೆ. ಗೋವಿಂದ್ ವಸಂತ ಅವರ ಸಂಗೀತ ರೊಮ್ಯಾಂಟಿಕ್ ಮತ್ತು ಸಸ್ಪೆನ್ಸ್ ದೃಶ್ಯಗಳಿಗೆ ಸಾಥ್ ನೀಡಿದೆ. ಪೀಟರ್ ಹೇನ್ ಅವರ ಆಕ್ಷನ್ ಕೊರಿಯೋಗ್ರಫಿ ಸಿನಿಮಾದ ತೂಕ ಹೆಚ್ಚಿಸಿದೆ. ಹಿಲ್ ಸ್ಟೇಷನ್ ಲೊಕೇಶನ್ ಸಿನಿಮಾದ ಮೂಡ್ ಅನ್ನು ಮತ್ತಷ್ಟು ಹೆಚ್ಚಿಸಿದೆ.

ವಿಮರ್ಶಕರು ಮತ್ತು ಪ್ರೇಕ್ಷಕರ ಮಿಶ್ರ ಪ್ರತಿಕ್ರಿಯೆ

ಆದರೆ, ಸಿನಿಮಾ ಎಲ್ಲರಿಗೂ ಇಷ್ಟವಾಗಿಲ್ಲ. ಆರಂಭದ ರೊಮ್ಯಾಂಟಿಕ್ ದೃಶ್ಯಗಳು ಮತ್ತು ನಟನೆಗೆ ಮೆಚ್ಚುಗೆ ವ್ಯಕ್ತವಾಗಿದ್ದರೂ, ಆಕ್ಷನ್-ಥ್ರಿಲ್ಲರ್ ಕಡೆಗೆ ಕಥೆ ಹೊರಳುವಾಗ ಸಿನಿಮಾ ಸ್ವಲ್ಪ ವೀಕ್ ಆಗಿದೆ ಎಂದು ಕೆಲವರು ಹೇಳಿದ್ದಾರೆ. 'ಸಿನಿಮಾ ಎಕ್ಸ್‌ಪ್ರೆಸ್' ವಿಮರ್ಶೆಯ ಪ್ರಕಾರ, ನಾಯಕ-ನಾಯಕಿ ಚೆನ್ನಾಗಿ ನಟಿಸಿದ್ದರೂ, ಊಹಿಸಬಹುದಾದ ಆಕ್ಷನ್ ದೃಶ್ಯಗಳು ಮತ್ತು ಕಥೆಯಲ್ಲಿನ ತಪ್ಪುಗಳು ಸಿನಿಮಾದ ಮಜಾ ಕೆಡಿಸಿವೆ. 'ಟೈಮ್ಸ್ ಆಫ್ ಇಂಡಿಯಾ' ಕೂಡ ಇದೇ ಅಭಿಪ್ರಾಯ ಪಟ್ಟಿದೆ. ರೊಮ್ಯಾಂಟಿಕ್ ಕಥೆಗೂ ಮತ್ತು ಆಕ್ಷನ್ ದೃಶ್ಯಗಳಿಗೂ ಸರಿಯಾದ ಲಿಂಕ್ ಇಲ್ಲ, ಕಥೆ ನಂಬುವಂತಿಲ್ಲ ಎಂದು ಹೇಳಿದೆ.

ಮುಂದೇನು?

ಹಾಗಾದರೆ, 'ಅನ್ಬಿಲ್ ಅವನ್' ಸಿನಿಮಾದ ಮುಂದಿನ ಕಥೆ ಏನು? ಸಿನಿಮಾ ಥಿಯೇಟರ್‌ಗಳಲ್ಲಿ ಪ್ರದರ್ಶನ ಕಾಣುತ್ತಿರುವುದರಿಂದ, ಮುಂದಿನ ದಿನಗಳಲ್ಲಿ ಪ್ರೇಕ್ಷಕರು ಮತ್ತು ವಿಮರ್ಶಕರಿಂದ ಇನ್ನಷ್ಟು ಪ್ರತಿಕ್ರಿಯೆಗಳು ಹೊರಬರಲಿವೆ. ರೊಮ್ಯಾನ್ಸ್, ಡ್ರಾಮಾ ಮತ್ತು ಆಕ್ಷನ್ ಜೊತೆಗೆ ನಾಯಕ-ನಾಯಕಿಯ ಅದ್ಭುತ ನಟನೆಯಿಂದಾಗಿ ಈ ಸಿನಿಮಾ ಸಿನಿರಸಿಕರ ನಡುವೆ ಚರ್ಚೆಯಾಗುತ್ತಿದೆ.

ಮುಂಗಾರುಮಳೆ ನಂತ್ರ ಪ್ರೇಕ್ಷಕರನ್ನು ಭಾವುಕರನ್ನಾಗಿಸಿ ಕೋಟಿ ಕೋಟಿ ಲಾಭ ಗಳಿಸಿದ ಸಿನಿಮಾ

Mahmad Rafik — Mon, 19 Oct 2026 13:34:09 +0530

2008ರಲ್ಲಿ ಬಿಡುಗಡೆಯಾಗಿ ಕೋಟಿ ಕೋಟಿ ಲಾಭ ಗಳಿಸಿದ ಸಿನಿಮಾ ಪ್ರೇಕ್ಷಕರನ್ನು ಭಾವುಕರನ್ನಾಗಿಸುವ ಕ್ಲೈಮ್ಯಾಕ್ಸ್ ಹೊಂದಿದೆ. ಹಳ್ಳಿಯಿಂದ ಬಂದ ಹುಡುಗನೊಬ್ಬ ಅಪರಿಚಿತ ಸೂಟ್‌ಕೇಸ್ ಮೂಲಕ ನಾಯಕಿಯೊಂದಿಗೆ ಫೋನ್‌ನಲ್ಲಿ ಪ್ರೀತಿಯಲ್ಲಿ ಬೀಳುವ ಕಥೆ ಇದರಲ್ಲಿದೆ.

ಒಂದು ಸಿನಿಮಾ ಗೆದ್ರೆ, ಗೆಲುವಿಗೆ ಹಲವು ಕಾರಣಗಳಿರುತ್ತವೆ. ಕಥೆ, ಸಂಗೀತ, ನಟನೆ ಹೀಗೆ ಅನೇಕ ಅಂಶಗಳು ಸಿನಿಮಾ ಸಕ್ಸಸ್‌ಗೆ ಕಾರಣವಾಗುತ್ತವೆ. ಇದೆಲ್ಲದರ ಜೊತೆಗೆ ಕ್ಲೈಮ್ಯಾಕ್ಸ್ ಸಹ ಪ್ರಮುಖವಾಗುತ್ತದೆ. 2008ರಲ್ಲಿ ಬಿಡುಗಡೆಯಾದ ಸಿನಿಮಾದ ಕ್ಲೈಮ್ಯಾಕ್ಸ್ ವೀಕ್ಷಕರ ಹೃದಯಕ್ಕೆ ಶೋಕವನ್ನುಂಟು ಮಾಡಿ ಭಾವುಕರನ್ನಾಗಿಸಿತ್ತು. ಬಾಕ್ಸ್‌ಆಫಿಸ್‌ನಲ್ಲಿ ಗೆದ್ದ ಸಿನಿಮಾಗೆ ವಿಮರ್ಶಕರಿಂದಲೂ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿತ್ತು.

100 ದಿನಗಳ ಪ್ರದರ್ಶನ ಕಂಡಿದ್ದ ಸಿನಿಮಾಗೆ ನಿರ್ಮಾಪಕರಿಗೆ 10 ಕೋಟಿಗೂ ಹೆಚ್ಚಿನ ಲಾಭವನ್ನು ನೀಡಿತ್ತು. ಚಿತ್ರದ ಭಾವನಾತ್ಮಕ ಕತೆಗೆ ಹಾಡುಗಳು ಮತ್ತು ಸಂಗೀತ ಪ್ಲಸ್ ಪಾಯಿಂಟ್ ಆಗಿತ್ತು. ಆರ್ ಚಂದ್ರು ನಿರ್ದೇಶನದ ಈ ಸಿನಿಮಾ 25ನೇ ಜುಲೈ 2008ರಂದು ಬಿಡುಗಡೆಯಾಗಿತ್ತು. ಹಳ್ಳಿಯಿಂದ ಓದಲು ನಗರಕ್ಕೆ ಬರೋ ಹುಡುಗ ಪ್ರೀತಿಯಲ್ಲಿ ಸಿಲುಕಿ ಹೇಗೆ ಬದಲಾಗುತ್ತಾನೆ ಅನ್ನೋದು ಸಿನಿಮಾದ ಒನ್‌ಲೈನ್ ಕತೆ.

ಅಜಯ್ ರಾವ್ ಮತ್ತು ಪೂಜಾ ಗಾಂಧಿ ನಟನೆಯ 'ತಾಜ್‌ ಮಹಲ್'ಚಂದನವನದ ಸೂಪರ್ ಹಿಟ್ ಸಿನಿಮಾಗಳಲ್ಲಿ ಒಂದಾಗಿದೆ. ಅಜಯ್‌ಗೆ ಅಪರಿಚಿತ ಸೂಟ್‌‌ಕೇಸ್‌ ಸಿಗುತ್ತದೆ. ಸೂಟ್‌ಕೇಸ್ ಪೊಲೀಸರಿಗೆ ಹಸ್ತಾಂತರಿಸಿದ ಬಳಿಕ ತನ್ನ ಹೆಸರು ಕುಮಾರ್ ಎಂದು ಸುಳ್ಳು ಹೇಳಿ ಮೊಬೈಲ್ ನಂಬರ್ ನೀಡಿ ಹೋಗುತ್ತಾನೆ. ಸೂಟ್‌ಕೇಸ್ ಸಿಕ್ಕ ಖುಷಿಯಲ್ಲಿ ನಾಯಕಿ ಶೃತಿ, ಪೊಲೀಸರಿಂದ ನಂಬರ್ ಪಡೆದು, ಕುಮಾರ್‌ಗೆ ಥ್ಯಾಂಕ್ ಯು ಹೇಳುತ್ತಾಳೆ.

ತನ್ನೊಂದಿಗೆ ಓದುತ್ತಿರುವಮ ಅಜಯ್‌ನೇ ಕುಮಾರ್ ಎಂಬ ವಿಷಯ ತಿಳಿಯದೇ ಶೃತಿ ಫೋನ್‌ನಲ್ಲಿ ಮಾತನಾಡುತ್ತಿರುತ್ತಾಳೆ. ಈ ಮಾತು ಮುಂದೆ ಪ್ರೀತಿಯಾಗಿ ಬದಲಾಗುತ್ತದೆ. ಶೃತಿಗಾಗಿ ಪರೀಕ್ಷೆ ಬರೆಯೋದನ್ನು ಸಹ ಕುಮಾರ್ ಮಿಸ್ ಮಾಡಿಕೊಳ್ಳುತ್ತಾನೆ. ಮುಂದೆ ಅಜಯ್‌ ಏನು ಮಾಡ್ತಾನೆ? ಕುಮಾರ್ ಯಾರು ಅನ್ನೋ ವಿಷಯ ಶೃತಿಗೆ ಹೇಗೆ ಗೊತ್ತಾಗುತ್ತೆ ಅನ್ನೋದನ್ನು ಸಿನಿಮಾ ನೋಡಿಯೇ ತಿಳಿದುಕೊಳ್ಳಿ.

ಇದನ್ನೂ ಓದಿ: 2009ರಲ್ಲೇ 70 ಕೋಟಿ ದೋಚಿದ ಕನ್ನಡತಿಯ ಫ್ಯಾಂಟಸಿ ಹಾರರ್, ಥ್ರಿಲ್ಲರ್ ನಿಗೂಢ ಸಿನಿಮಾ

'ತಾಜ್ ‌ಮಹಲ್' ಸಿನಿಮಾವನ್ನು Sun NXT, JioTV ಮತ್ತು Airtel Xstream Play ಓಟಿಟಿ ಪ್ಲಾಟ್‌ಫಾರಂನಲ್ಲಿ ನೋಡಬಹುದು. ಯುಟ್ಯೂಬ್‌ನಲ್ಲಿಯೂ ತಾಜ್ ಮಹಲ್ ಸಿನಿಮಾವನ್ನು ಉಚಿತವಾಗಿ ನೋಡಿ.

ಈ ಮೊದಲು 2006ರಲ್ಲಿ ಬಿಡುಗಡೆಯಾದ ಮುಂಗಾರುಮಳೆ ಸಿನಿಮಾ ಸಹ ಇಂತಹವುದೇ ಕ್ಲೈಮ್ಯಾಕ್ಸ್ ಹೊಂದಿತ್ತು. ಕ್ಲೈಮ್ಯಾಕ್ಸ್ ನೋಡುಗರನ್ನು ಭಾವುಕರನ್ನಾಗಿ ಮಾಡುತ್ತದೆ.

ಇದನ್ನೂ ಓದಿ: ಪುನೀತ್ ರಾಜ್‌ಕುಮಾರ್ ನಟನೆಯ ಈ ಸಿನಿಮಾವನ್ನು ಒಂಟಿಯಾಗಿ ಕುಳಿತು ನೋಡಿ, ಕಥೆಯಲ್ಲಿ ಕಳೆದುಹೋಗ್ತೀರಿ

ಬಿಡುಗಡೆಗೂ ಮುನ್ನವೇ ಸದ್ದು ಮಾಡಿದ ಯಶ್‌ರ ‘ರಾಮಾಯಣ’! ಮೊದಲ ವಿಮರ್ಶೆಯಲ್ಲಿ ಏನಿದೆ?

Naveen Kodase — Sun, 25 Oct 2026 13:12:28 +0530

‘ರಾಮಾಯಣ’ ಚಿತ್ರದ ಆರಂಭಿಕ ವಿಮರ್ಶೆ ವೈರಲ್: ಭಾವುಕ ಕಥೆ, ಅದ್ಭುತ ದೃಶ್ಯಗಳ ಬಗ್ಗೆ ಮೆಚ್ಚುಗೆ

Ramayana First Review ಭಾರತೀಯ ಚಿತ್ರರಂಗದಲ್ಲಿ ಬಹಳ ನಿರೀಕ್ಷೆ ಹುಟ್ಟಿಸಿರುವ ‘ರಾಮಾಯಣ: ಪಾರ್ಟ್ 1’ ಚಿತ್ರ ಬಿಡುಗಡೆಯಾಗುವ ಮೊದಲೇ ಸುದ್ದಿಯಲ್ಲಿದೆ. ರಣಬೀರ್ ಕಪೂರ್ ರಾಮನಾಗಿ ಮತ್ತು ಯಶ್ ರಾವಣನಾಗಿ ಕಾಣಿಸಿಕೊಳ್ಳುತ್ತಿರುವ ಈ ಚಿತ್ರದ ಆರಂಭಿಕ ವಿಮರ್ಶೆಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಚಿತ್ರದ ಭಾವನಾತ್ಮಕ ಕಥೆ ಮತ್ತು ಅದ್ಧೂರಿ ದೃಶ್ಯಗಳು ಪ್ರೇಕ್ಷಕರ ಗಮನ ಸೆಳೆದಿವೆ ಎಂಬ ಪ್ರತಿಕ್ರಿಯೆಗಳು ಈಗ ಚರ್ಚೆಗೆ ಕಾರಣವಾಗಿವೆ.

ಕಥೆ ಮನಮುಟ್ಟುತ್ತದೆ ಎಂದಿರುವ ಆರಂಭಿಕ ಪ್ರತಿಕ್ರಿಯೆ

ಚಿತ್ರದ ಇಂಗ್ಲಿಷ್ ಆವೃತ್ತಿಯನ್ನು ವೀಕ್ಷಿಸಿರುವುದಾಗಿ ಹೇಳಿಕೊಂಡಿರುವ ವ್ಯಕ್ತಿಯೊಬ್ಬರ ಪ್ರತಿಕ್ರಿಯೆ ಆನ್‌ಲೈನ್‌ನಲ್ಲಿ ವೈರಲ್ ಆಗಿದೆ. ಈ ಪ್ರತಿಕ್ರಿಯೆಯಲ್ಲಿ ಚಿತ್ರದ ಕಥೆ ಭಾವುಕವಾಗಿದ್ದು, ಕೆಲವು ದೃಶ್ಯಗಳು ಕಣ್ಣೀರು ತರಿಸುವಷ್ಟು ಪರಿಣಾಮಕಾರಿಯಾಗಿವೆ ಎಂದು ಹೇಳಲಾಗಿದೆ. ಕಥೆಯೊಂದಿಗೆ ಭಾವನಾತ್ಮಕವಾಗಿ ಬೆರೆಯಲು ಸಾಧ್ಯವಾಯಿತು ಎಂಬ ಅಭಿಪ್ರಾಯವೂ ಗಮನ ಸೆಳೆದಿದೆ.

ಆದರೆ, ಇವು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವೈಯಕ್ತಿಕ ಅನುಭವದ ಮಾತುಗಳಾಗಿವೆ. ಚಿತ್ರದ ಬಗ್ಗೆ ಎಲ್ಲ ಪ್ರೇಕ್ಷಕರ ಅಭಿಪ್ರಾಯವೂ ಇದೇ ಆಗಿರುತ್ತದೆ ಎಂದು ಈಗಲೇ ನಿರ್ಧರಿಸಲು ಸಾಧ್ಯವಿಲ್ಲ.

ದೃಶ್ಯ ವೈಭವದ ಬಗ್ಗೆಯೂ ಮೆಚ್ಚುಗೆ

‘ರಾಮಾಯಣ’ ಚಿತ್ರದ ಮತ್ತೊಂದು ಪ್ರಮುಖ ಆಕರ್ಷಣೆ ಅದರ ಅದ್ಧೂರಿ ದೃಶ್ಯಗಳು ಮತ್ತು ತಾಂತ್ರಿಕ ನಿರ್ಮಾಣ ಎನ್ನಲಾಗಿದೆ. ಭಾರತೀಯ ಮಹಾಕಾವ್ಯವನ್ನು ದೊಡ್ಡ ಪರದೆಯ ಮೇಲೆ ಭವ್ಯವಾಗಿ ಕಟ್ಟಿಕೊಡುವ ಪ್ರಯತ್ನ ಚಿತ್ರದ ಬಗ್ಗೆ ನಿರೀಕ್ಷೆ ಹೆಚ್ಚಿಸಿದೆ.

ಕೆಲವು ದೃಶ್ಯಗಳ ವೈಭವವನ್ನು ‘ದಿ ಲಾರ್ಡ್ ಆಫ್ ದಿ ರಿಂಗ್ಸ್’ ಚಿತ್ರಕ್ಕೆ ಹೋಲಿಸಿರುವ ಚರ್ಚೆಯೂ ನಡೆದಿದೆ. ಅದೇ ವೇಳೆ, ದೃಶ್ಯ ಪರಿಣಾಮಗಳ ವಿಚಾರದಲ್ಲಿ ‘RRR’ ಚಿತ್ರದೊಂದಿಗೆ ಹೋಲಿಕೆ ಮಾಡಿ ಅಭಿಪ್ರಾಯ ಹಂಚಿಕೊಂಡವರೂ ಇದ್ದಾರೆ. ಇಂತಹ ಹೋಲಿಕೆಗಳು ಚಿತ್ರದ ಕುರಿತು ಅಭಿಮಾನಿಗಳಲ್ಲಿ ಮತ್ತಷ್ಟು ಕುತೂಹಲ ಮೂಡಿಸಿವೆ.

ತಾರಾಗಣ ಮತ್ತು ಸಂಗೀತದ ಮೇಲೆ ನಿರೀಕ್ಷೆ

ನಿತೇಶ್ ತಿವಾರಿ ನಿರ್ದೇಶನದ ಈ ಚಿತ್ರದಲ್ಲಿ ಸಾಯಿ ಪಲ್ಲವಿ ಸೀತೆಯಾಗಿ, ಸನ್ನಿ ಡಿಯೋಲ್ ಹನುಮಂತನಾಗಿ ಮತ್ತು ರವಿ ದುಬೆ ಲಕ್ಷ್ಮಣನಾಗಿ ನಟಿಸಿದ್ದಾರೆ. ಎ.ಆರ್. ರೆಹಮಾನ್ ಮತ್ತು ಹ್ಯಾನ್ಸ್ ಜಿಮ್ಮರ್ ಸಂಗೀತ ಸಂಯೋಜನೆಯಲ್ಲಿ ಕೈಜೋಡಿಸಿರುವುದು ಚಿತ್ರದ ಮತ್ತೊಂದು ವಿಶೇಷವಾಗಿದೆ. ಪೌರಾಣಿಕ ಕಥೆಯನ್ನು ಆಧುನಿಕ ತಂತ್ರಜ್ಞಾನ ಮತ್ತು ಭವ್ಯ ದೃಶ್ಯಗಳ ಮೂಲಕ ಪ್ರೇಕ್ಷಕರಿಗೆ ತಲುಪಿಸುವುದು ಚಿತ್ರತಂಡದ ಉದ್ದೇಶವಾಗಿದೆ.

ನವೆಂಬರ್ 5ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆ

‘ರಾಮಾಯಣ: ಪಾರ್ಟ್ 1’ ವಿಶ್ವದಾದ್ಯಂತ 2026ರ ನವೆಂಬರ್ 5ರಂದು, ದೀಪಾವಳಿ ಸಂದರ್ಭದಲ್ಲಿ ಚಿತ್ರಮಂದಿರಗಳಿಗೆ ಬರಲು ಸಿದ್ಧವಾಗಿದೆ. ಚಿತ್ರದ ಎರಡನೇ ಭಾಗದ ಬಿಡುಗಡೆಯನ್ನು 2027ರಿಂದ 2028ಕ್ಕೆ ಮುಂದೂಡಲಾಗಿದೆ ಎಂಬ ವರದಿಗಳೂ ಪ್ರಕಟವಾಗಿವೆ. ಆದರೆ, ವೈರಲ್ ಆಗಿರುವ ಆರಂಭಿಕ ವಿಮರ್ಶೆಯು ಚಿತ್ರದ ಅಂತಿಮ ಆವೃತ್ತಿಯ ಅಧಿಕೃತ ವಿಮರ್ಶೆಯೇ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಹೀಗಾಗಿ, ಚಿತ್ರದ ನಿಜವಾದ ಗುಣಮಟ್ಟದ ಬಗ್ಗೆ ಅಂತಿಮ ತೀರ್ಮಾನಕ್ಕೆ ಬರಲು ಅಧಿಕೃತ ವಿಮರ್ಶೆಗಳು ಮತ್ತು ಚಿತ್ರ ಬಿಡುಗಡೆಯಾಗುವವರೆಗೆ ಕಾಯಬೇಕಿದೆ.

ಒಟ್ಟಿನಲ್ಲಿ, ಭಾವನಾತ್ಮಕ ಕಥೆ, ಪೌರಾಣಿಕ ಪಾತ್ರಗಳು ಮತ್ತು ಅದ್ಧೂರಿ ದೃಶ್ಯಗಳ ಕಾರಣದಿಂದ ‘ರಾಮಾಯಣ’ ಚಿತ್ರದ ಬಗ್ಗೆ ಪ್ರೇಕ್ಷಕರ ಕುತೂಹಲ ಹೆಚ್ಚಾಗಿದೆ. ಈ ನಿರೀಕ್ಷೆಗಳನ್ನು ಚಿತ್ರವು ತೆರೆಮೇಲೆ ಹೇಗೆ ಪೂರೈಸಲಿದೆ ಎಂಬುದು ಬಿಡುಗಡೆಯ ನಂತರವಷ್ಟೇ ತಿಳಿಯಲಿದೆ.

#Ramayana First Review (English Version) https://t.co/kRtZGz0PA4

— Honest Review 2.0 (@Honestreview03) October 24, 2026

Bail Movie Review: ಕಾನೂನು ತಪ್ಪಿದಾಗ ನ್ಯಾಯಕ್ಕಾಗಿ ಶಿವಣ್ಣನ ಹೊಸ ಹಾದಿ: ಇಲ್ಲೊಂದು ಟ್ವಿಸ್ಟ್!

Chandrashekar GS — Fri, 02 Oct 2026 18:14:12 +0530

ಶಿವಣ್ಣನ ‘ಬೇಲ್’ ಸಿನಿಮಾ ಹೇಗಿದೆ? ಕಾನೂನು ತಪ್ಪಿದಾಗ ನ್ಯಾಯಕ್ಕಾಗಿ ಶಿವಣ್ಣನ ಹೊಸ ಹಾದಿ: ಇಲ್ಲೊಂದು ಟ್ವಿಸ್ಟ್!

ಸ್ಯಾಂಡಲ್‌ವುಡ್‌ನ ಕರುನಾಡ ಚಕ್ರವರ್ತಿ ಶಿವರಾಜ್‌ಕುಮಾರ್ ಅಭಿನಯದ ‘ಬೇಲ್’ ಸಿನಿಮಾ ನಿರೀಕ್ಷೆಯೊಂದಿಗೆ ತೆರೆಗೆ ಬಂದಿದೆ. ಪವನ್ ಒಡೆಯರ್ ನಿರ್ದೇಶನದ ಈ ಚಿತ್ರ ಕ್ರೈಂ, ಆ್ಯಕ್ಷನ್, ಭಾವನೆ ಮತ್ತು ಕಾಮಿಡಿಯನ್ನು ಒಟ್ಟಿಗೆ ಕಟ್ಟಿಕೊಡುವ ಪ್ರಯತ್ನ ಮಾಡಿದೆ. ಕಥೆಯ ಕೇಂದ್ರದಲ್ಲಿ ನಿವೃತ್ತ ಪೊಲೀಸ್ ಕಮಿಷನರ್ ವಿಜಯ್ ಕುಮಾರ್ (ವಿಜಿ) ಪಾತ್ರವಿದ್ದು, ವೈಯಕ್ತಿಕ ನೋವಿನ ಬಳಿಕ ಕಾನೂನಿನ ಹೊರಗೆ ಹೋಗಿ ತನ್ನದೇ ರೀತಿಯಲ್ಲಿ ನ್ಯಾಯ ಕೊಡಿಸಲು ಮುಂದಾಗುತ್ತಾನೆ.

ಆರಂಭದಲ್ಲೇ ಕುತೂಹಲ ಮೂಡಿಸುತ್ತೆ ಕಥೆ!

ಚಿತ್ರದ ಆರಂಭದಲ್ಲೇ ಜಾಮೀನಿನ ಮೇಲೆ ಹೊರಬಂದ ವ್ಯಕ್ತಿಯೊಬ್ಬ ಕೊಲೆಯಾಗುತ್ತಾನೆ. ಅಲ್ಲಿಂದ ಕಥೆ ಹಲವು ತಿರುವುಗಳನ್ನು ಪಡೆದುಕೊಳ್ಳುತ್ತದೆ. ಹೋಟೆಲ್ ಮೇಲಿನ ಉಗ್ರ ದಾಳಿಯ ಘಟನೆಯು ವಿಜಯ್ ಕುಮಾರ್ ಜೀವನವನ್ನೇ ಬದಲಿಸುತ್ತದೆ. ಆ ದುರಂತದ ನೋವಿನಿಂದ ಹೊರಬರಲು ಹೋರಾಡುವ ನಾಯಕ, ನಂತರ ತನ್ನದೇ ರೀತಿಯಲ್ಲಿ ಅಪರಾಧಿಗಳ ವಿರುದ್ಧ ನಿಲ್ಲಲು ನಿರ್ಧರಿಸುತ್ತಾನೆ. ಕಾನೂನಿನ ಲೋಪಗಳನ್ನು ಬಳಸಿಕೊಂಡು ಹೊರಬರುವ ಅಪರಾಧಿಗಳ ವಿರುದ್ಧ ಹೋರಾಡುವ ಮಾಜಿ ಪೊಲೀಸ್ ಅಧಿಕಾರಿಯ ಕಥೆ ಹೊಸದೇನಲ್ಲ. ಆದರೆ ಪವನ್ ಒಡೆಯರ್ ಅದನ್ನು ಕಮರ್ಷಿಯಲ್ ಎಲಿಮೆಂಟ್‌ಗಳೊಂದಿಗೆ ಹೇಳಲು ಪ್ರಯತ್ನಿಸಿದ್ದಾರೆ.

ತ್ರಿಮೂರ್ತಿಗಳ ಕಾಂಬಿನೇಷನ್ ಸಿನಿಮಾಗೆ ಪ್ಲಸ್ ಪಾಯಿಂಟ್

ಶಿವಣ್ಣ ವಿಜಯ್ ಕುಮಾರ್ ಪಾತ್ರದಲ್ಲಿ ತಮ್ಮ ಸಹಜ ಸ್ಟೈಲ್ ಮತ್ತು ಭಾವನಾತ್ಮಕ ಅಭಿನಯದಿಂದ ಗಮನ ಸೆಳೆಯುತ್ತಾರೆ. ವಿಶೇಷವಾಗಿ ಸಾಯಿಕುಮಾರ್ ಮತ್ತು ಜಯರಾಮ್ ಅವರೊಂದಿಗೆ ಅವರ ಕಾಂಬಿನೇಷನ್ ಸಿನಿಮಾದ ಪ್ರಮುಖ ಆಕರ್ಷಣೆ. ಮೂವರು ಹಿರಿಯ ನಟರು ಒಂದೇ ಫ್ರೇಮ್‌ನಲ್ಲಿ ಕಾಣಿಸಿಕೊಂಡಾಗ ಬರುವ ಹಾಸ್ಯ ಮತ್ತು ಸ್ನೇಹದ ದೃಶ್ಯಗಳು ಕಥೆಗೆ ಲವಲವಿಕೆ ನೀಡುತ್ತವೆ. ಜೊತೆಗೆ ದೀಕ್ಷಿತ್ ಶೆಟ್ಟಿ ಪೊಲೀಸ್ ಅಧಿಕಾರಿ ದಯಾ ಪಾತ್ರದಲ್ಲಿ ಯುವ ಎನರ್ಜಿ ತರುತ್ತಾರೆ. ತನಿಖೆಯ ಭಾಗಗಳು ಕಥೆಗೆ ಮತ್ತೊಂದು ವೇಗ ನೀಡುತ್ತವೆ. ಯೋಗೇಶ್ ಕೂಡ ಖಳನಾಯಕನ ಪಾತ್ರದಲ್ಲಿ ಗಮನ ಸೆಳೆಯುತ್ತಾರೆ.

ಆ್ಯಕ್ಷನ್, ಮ್ಯೂಸಿಕ್ ಚೆನ್ನಾಗಿದೆ; ಆದರೆ ರನ್‌ಟೈಮ್ ಸಮಸ್ಯೆ

ಅಜನೀಶ್ ಲೋಕನಾಥ್ ಅವರ ಹಿನ್ನೆಲೆ ಸಂಗೀತ ಚಿತ್ರಕ್ಕೆ ಅಗತ್ಯವಾದ ವೇಗ ನೀಡುತ್ತದೆ. ಕ್ಯಾಮೆರಾ ವರ್ಕ್ ಕೂಡ ಗಮನ ಸೆಳೆಯುತ್ತದೆ. ಆದರೆ 2 ಗಂಟೆ 38 ನಿಮಿಷಗಳ ರನ್‌ಟೈಮ್ ಕೆಲವೆಡೆ ಭಾರವಾಗುತ್ತದೆ. ವಿಶೇಷವಾಗಿ ದ್ವಿತೀಯಾರ್ಧದಲ್ಲಿ ಕಥೆಯನ್ನು ಇನ್ನಷ್ಟು ಚುರುಕಾಗಿ ಎಡಿಟ್ ಮಾಡಬಹುದಿತ್ತು ಎಂಬ ಅಭಿಪ್ರಾಯ ವಿಮರ್ಶೆಗಳಲ್ಲಿ ವ್ಯಕ್ತವಾಗಿದೆ. ಫ್ಲ್ಯಾಶ್‌ಬ್ಯಾಕ್ ದೃಶ್ಯಗಳಲ್ಲಿ ಕಾಲ ಬದಲಾವಣೆಯನ್ನು ತೋರಿಸುವ ಮೇಕಪ್ ಮತ್ತು ವೇಷಭೂಷಣ ಎಲ್ಲೆಡೆ ಸಮಾನವಾಗಿ ಪರಿಣಾಮಕಾರಿಯಾಗಿಲ್ಲ. ಕೆಲವು ಹಾಡುಗಳನ್ನೂ ಕಥೆಯ ವೇಗಕ್ಕೆ ಅನುಗುಣವಾಗಿ ಕಡಿಮೆ ಮಾಡಬಹುದಿತ್ತು ಎಂದೆನಿಸುತ್ತದೆ.

ಅಷ್ಟಕ್ಕೂ ಹೇಗಿದೆ ‘ಬೇಲ್’? ‘

ಬೇಲ್’ ಗಂಭೀರ ಕ್ರೈಂ ಥ್ರಿಲ್ಲರ್‌ಗಿಂತ ಕಮರ್ಷಿಯಲ್ ಎಂಟರ್‌ಟೈನರ್ ಆಗಿ ಹೆಚ್ಚು ಕೆಲಸ ಮಾಡುತ್ತದೆ. ಶಿವಣ್ಣನ ಅಭಿಮಾನಿಗಳಿಗೆ ಅವರ ಆ್ಯಕ್ಷನ್, ಭಾವನೆ ಮತ್ತು ಹಿರಿಯ ನಟರ ಕಾಂಬಿನೇಷನ್ ಪ್ರಮುಖ ಆಕರ್ಷಣೆಯಾಗಬಹುದು. ಆದರೆ ಟೈಟ್ ಕ್ರೈಂ ಕಥೆ ಮತ್ತು ನಿರಂತರ ಥ್ರಿಲ್ ನಿರೀಕ್ಷಿಸುವವರಿಗೆ ಚಿತ್ರದ ಉದ್ದ ಮತ್ತು ಪರಿಚಿತ ಕಥಾಹಂದರ ಕೊಂಚ ನಿರಾಸೆ ಮೂಡಿಸಬಹುದು.

ಸ್ನೇಹಿತರ ಜೊತೆ ನೋಡಿದರೆ ಬೋರಿಂಗ್‌ ಸಿನಿಮಾ, ಒಂಟಿಯಾಗಿ ನೋಡಿದರೆ ಜೀವನಪಾಠ: ಪುನೀತ್‌ ಪರಮಾತ್ಮದೊಳಗಿದೆ ಬದುಕಿನ ಸತ್ಯ!

Santosh Naik — Thu, 29 Oct 2026 19:11:53 +0530

ಬೆಂಗಳೂರು (ಅ.29): ಕನ್ನಡ ಚಿತ್ರರಂಗದ ಅಚ್ಚಳಿಯದ ನೆನಪು, ಕೋಟ್ಯಂತರ ಕನ್ನಡಿಗರ ನೆಚ್ಚಿನ 'ಅಪ್ಪು' ಪುನೀತ್ ರಾಜ್‌ಕುಮಾರ್ (Puneeth Rajkumar) ಅವರು ಭೌತಿಕವಾಗಿ ನಮ್ಮನ್ನು ಅಗಲಿ ಇಂದಿಗೆ (ಅಕ್ಟೋಬರ್ 29) ಭರ್ತಿ ಐದು ವರ್ಷಗಳು ಸಂದಿವೆ. ಕಾಲ ಎಷ್ಟೇ ಉರುಳಿದರೂ ಅವರ ಆಕರ್ಷಕ ನಗು, ಅದ್ಭುತ ವ್ಯಕ್ತಿತ್ವ ಹಾಗೂ ಅವರು ಬಿಟ್ಟುಹೋದ ಸಿನಿಮಾಗಳು ಪ್ರತಿಯೊಬ್ಬ ಕನ್ನಡಿಗನ ಹೃದಯದಲ್ಲಿ ಇಂದಿಗೂ ಅಮರ.

ಯೋಗರಾಜ್ ಭಟ್ ನಿರ್ದೇಶನದಲ್ಲಿ ಅಪ್ಪು ನಟಿಸಿದ್ದ 'ಪರಮಾತ್ಮ' (Paramathma) ಸಿನಿಮಾ ಬಿಡುಗಡೆಯಾದಾಗ ಅದೊಂದು ತಮಾಷೆಯ, ಜಾಲಿಯಾದ ಲವ್ ಸ್ಟೋರಿ ಎಂದೇ ಜನ ಭಾವಿಸಿದ್ದರು. ಆದರೆ, ಕಾಲ ಕಳೆದಂತೆ ಆ ಸಿನಿಮಾ ನೀಡುವ ಆಳವಾದ ಸಂದೇಶ, ಬದುಕಿನ ತತ್ವ ಮತ್ತು 'ಅಗಲಿಕೆ'ಯ ನೋವನ್ನು ಬಿಂಬಿಸುವ ರೀತಿ ನಿಜಕ್ಕೂ ಬೆರಗುಗೊಳಿಸುವಂತದ್ದು. ಅಪ್ಪು ಅವರ 5ನೇ ಪುಣ್ಯತಿಥಿಯಂದು, ಪ್ರತಿಯೊಬ್ಬ ಸಿನೆಮಾ ಪ್ರೇಮಿಯೂ 'ಪರಮಾತ್ಮ' ಚಿತ್ರವನ್ನು ಮತ್ತೆ ಏತಕ್ಕಾಗಿ ನೋಡಬೇಕು ಎಂಬುದಕ್ಕೆ ಇಲ್ಲಿದೆ ಉತ್ತರ. ,ಮೊದಲೇ ಹೇಳಿಬಿಡುತ್ತೇನೆ. ಪರಮಾತ್ಮ ಸಿನಿಮಾ ಫ್ರೆಂಡ್ಸ್‌ ಎಲ್ಲಾ ಕುಳಿತು ಜಾಲಿಯಾಗಿ ನೋಡುವ ಚಿತ್ರವಲ್ಲ, ಏಂಕಾಂಗಿಯಾಗಿ ಕುಳಿತು ನೋಡಿದರೆ ಕಾಡುವಂಥ ಸಿನಿಮಾ.

ಹಣ, ಪ್ರತಿಭೆ, ಸ್ವಾತಂತ್ರ್ಯ ಎಲ್ಲವೂ ಇದ್ದರೂ ನೆಲೆಗಾಗಿ ಹುಡುಕಾಟ!

'ಪರಮಾತ್ಮ' ಚಿತ್ರದ ನಾಯಕ 'ಪರಮ'ನಿಗೆ (ಪುನೀತ್ ರಾಜ್‌ಕುಮಾರ್) ಜೀವನದಲ್ಲಿ ಯಾವುದಕ್ಕೂ ಕೊರತೆಯಿಲ್ಲ. ಕೈತುಂಬಾ ಹಣ, ಅಪಾರ ಪ್ರತಿಭೆ, ಪೂರ್ಣ ಸ್ವಾತಂತ್ರ್ಯ ಮತ್ತು ಮಗನನ್ನು ಅಪಾರವಾಗಿ ಪ್ರೀತಿಸುವ, ಮಕ್ಕಳ ವೈದ್ಯರಾದ ತಂದೆ ಜಯಂತ್ ರಾವ್ ಬೆಂಬಲ ಕೂಡ ಇದೆ. ಬಿ.ಎಸ್ಸಿ ಯಲ್ಲಿ ಗೋಲ್ಡ್ ಮೆಡಲ್ ಪಡೆಯುವಷ್ಟು ಬುದ್ಧಿವಂತನಾಗಿದ್ದ ಪರಮ್‌, ಎಂ.ಎಸ್ಸಿ ಮುಗಿಸಲು ಬರೋಬ್ಬರಿ ಆರು ಎಟೆಂಪ್ಟ್‌ ಮಾಡ್ತಾನೆ. ಹಾಗಂತ ಎಂಎಸ್‌ಸಿ ಕಷ್ಟ ಅಂತಲ್ಲ. ಬದಲಿಗೆ ಜಗತ್ತನ್ನು ಅನುಭವಿಸಲು, ಅಲೆಯಲು, ತಮಾಷೆ ಮಾಡಲು ಹಾಗೂ ತನಗೇ ತಿಳಿಯದ ಯಾವುದೋ ಒಂದನ್ನು ಹುಡುಕಲು ಆತ ಬ್ಯುಸಿಯಾಗಿದ್ದ.

ಮುಂಬೈನಲ್ಲಿ ಶೇರ್ ಬ್ರೋಕರ್ ಆದ, ಕುಂಗ್‌ಫೂ ಕಲಿತ, ಒಂದಾದ ಮೇಲೊಂದರಂತೆ ವಿಭಿನ್ನ ಹಾದಿಗಳನ್ನು ತುಳಿದ. ಆದರೆ, ಯಾವುದೂ ಆತನಿಗೆ ಸ್ವಂತ ಮನೆ ಎಂಬ ಭಾವ ಮೂಡಿಸಲಿಲ್ಲ. ಏಕೆಂದರೆ, ಪರಮ್‌ ಹುಡುಕುತ್ತಿದ್ದದ್ದು ಕೇವಲ ವೃತ್ತಿಯನ್ನಲ್ಲ. ಬದಲಿಗೆ ತಾನು ಒಂದೆಡೆ ನಿಲ್ಲಲು ಬೇಕಾದ ಅರ್ಥಪೂರ್ಣ ಕಾರಣ.

ಯಾವಾಗ ಪರಮ್‌ ಸಿನಿಮಾ ಥಿಯೇಟರ್‌ನಲ್ಲಿ ದೀಪಾಳನ್ನು (ದೀಪಾ ಸನ್ನಿಧಿ) ಕಾಣ್ತಾನೋ, ಆ ಒಂದು ನೋಟ, ಆ ಒಂದು ನಗು ಆ ಚಂಚಲ ಮನಸ್ಸಿನ ಯುವಕನಿಗೊಂದು ಸ್ಪಷ್ಟ ಗುರಿ ನೀಡುತ್ತದೆ. ಆಕೆಯನ್ನರಸಿ ತೀರ್ಥಹಳ್ಳಿಗೆ ತಲುಪುವ ಪರಮ್‌, ಆಕೆಯನ್ನು ಒಲಿಸಿಕೊಳ್ಳಲು ಯತ್ನಿಸುತ್ತಾನೆ. ಆದರೆ, ದೀಪಾಳ ಕಟ್ಟುನಿಟ್ಟಿನ ಕುಟುಂಬ, ತಾತ ಅಪ್ಪಣ್ಣನ ಖಡಕ್ ನಿರ್ಧಾರಗಳ ಮುಂದೆ ಪರಮನ ಚೇಷ್ಟೆಗಳು ನಡೆಯುವುದಿಲ್ಲ. ದೀಪಾ ಆತನ ಮದುವೆ ಪ್ರಸ್ತಾವನೆಯನ್ನು ನಿರಾಕರಿಸಿದಾಗ, ಪರಮ ತನ್ನ ಜೀವನದಲ್ಲೇ ಮೊದಲ ಬಾರಿಗೆ ತಮಾಷೆಯಿಂದ ದಾಟಲು ಸಾಧ್ಯವಾಗದ 'ಇಲ್ಲ' ಎಂಬ ನಿರಾಕರಣೆಯನ್ನು ಎದುರಿಸುತ್ತಾನೆ. ಆ ಕ್ಷಣದಲ್ಲಿ ಆತ ತೋರಿಸುವ ನಿಷ್ಕಲ್ಮಶ ಪ್ರೀತಿ ಆತನ ವ್ಯಕ್ತಿತ್ವದ ನಿಜ ಸೌಂದರ್ಯವನ್ನು ಹೊರಹಾಕುತ್ತದೆ.

ಸಾನ್ವಿಯ ನಿಸ್ವಾರ್ಥ ಪ್ರೇಮ

ಮತ್ತೊಂದೆಡೆ, ಸಾನ್ವಿ (ಐಂದ್ರಿತಾ ರೇ) ಪರಮ್‌ನನ್ನು ಮೌನದಿಂದ ಪ್ರೀತಿ ಮಾಡ್ತಾಳೆ. ಆತನಲ್ಲಿ ಎಷ್ಟೇ ಲೋಪದೋಷಗಳಿದ್ದರೂ ಆತನ ಜೊತೆಗೇ ನಿಲ್ಲುವ ನೈಜ ಗೆಳತಿ ಆಕೆ. ಆದರೆ ಪರಮ್‌ ಆಕೆಗೆ ಯಾವುದೇ ಸುಳ್ಳು ಭರವಸೆ ನೀಡದೆ, ತಾನು ದೀಪಾಳನ್ನು ಮಾತ್ರ ಪ್ರೀತಿಸುತ್ತಿರುವುದಾಗಿ ಸ್ಪಷ್ಟಪಡಿಸುತ್ತಾನೆ. ಸಾನ್ವಿ ಏಕಮುಖ ಪ್ರೀತಿಯನ್ನು ಹೊತ್ತು ನಡೆಯುವ ರೀತಿ, ನಿರಾಕರಣೆಗಿಂತಲೂ ಹೆಚ್ಚು ಕಣ್ಣೀರು ತರಿಸುತ್ತದೆ.

ಅಂತಿಮವಾಗಿ, ಪರಮ್‌ ಮತ್ತು ದೀಪಾ ಮದುವೆಯಾಗುತ್ತಾರೆ. ಅವರಿಗೊಂದು ಮಗು ಹುಟ್ಟುತ್ತದೆ. ಜೀವನ ಸಂಪೂರ್ಣ ಸುಂದರವಾಯಿತಂದಲ್ಲ, ಬದಲಿಗೆ ತಾನು ಉಳಿದುಕೊಳ್ಳಲು ಅರ್ಹವಾದ ವ್ಯಕ್ತಿ ಸಿಕ್ಕಿದ್ದಕ್ಕೆ ಆ Restless ಹುಡುಗ ಕೊನೆಗೂ ತನಗೊಂದು 'ಮನೆ' ಕಂಡುಕೊಳ್ಳುತ್ತಾನೆ.

ಕಾಡುವ ದುರಂತ ಮತ್ತು 'ಪರಮಾತ್ಮ'ನ ನಿಜವಾದ ಹೃದಯ

ಸಂತೋಷದ ಬದುಕಿಗೆ ವಿಧಿ ಹಠಾತ್ತನೆ ತಡೆಯೊಡ್ಡುತ್ತದೆ. ದೀಪಾ ಸಾಯುತ್ತಾಳೆ. ಜವಾಬ್ದಾರಿಗಳಿಂದ ಓಡುತ್ತಿದ್ದ ಯುವಕ, ತಾಯಿಯಿಲ್ಲದ ಮಗು, ಮುರಿದುಬಿದ್ದ ಮನೆ ಮತ್ತು ಭೀಕರ ಮೌನವನ್ನು ಹಿಡಿದು ಒಂಟಿಯಾಗಿ ನಿಲ್ಲುತ್ತಾನೆ. ಅಲ್ಲಿಗೆ ಆ ಚಿತ್ರದಲ್ಲಿದ್ದ ಹಾಸ್ಯ ಕರಗಿಹೋಗಿ, 'ಪರಮಾತ್ಮ'ನ ನಿಜವಾದ ಹೃದಯ ಬಯಲಾಗುತ್ತದೆ.

ದೀಪಾಳ ಅಗಲಿಕೆಯ ನಂತರ ಸಾನ್ವಿ ಮತ್ತೆ ಬಂದು ಪರಮ್‌ನನ್ನು ಮದುವೆಯಾಗಲು ಬಯಸುತ್ತಾಳೆ. ಹಲವು ವರ್ಷಗಳ ನಂತರವೂ ಆಕೆ ಆತನನ್ನೇ ಪ್ರೀತಿಸುತ್ತಿರುತ್ತಾಳೆ. ಆದರೆ, ಪರಮ್‌ ಅತ್ಯಂತ ಮೃದುವಾಗಿ, ತಮಾಷೆಯಾಗಿಯೇ ಆಕೆಯನ್ನು ನಿರಾಕರಿಸುತ್ತಾನೆ. ಏಕೆಂದರೆ, ಪರಮ್‌ನ ಹೃದಯದಿಂದ ದೀಪಾ ಎಂದಿಗೂ ದೂರವಾಗಿರುವುದಿಲ್ಲ! ಆಕೆ ಅವರ ಮಗುವಿನಲ್ಲಿ, ಆತನ ನೆನಪುಗಳಲ್ಲಿ ಮತ್ತು ಆಕೆಯಿಂದಾಗಿ ಆತ ಬದಲಾದ ಹಾದಿಯಲ್ಲಿ ಜೀವಂತವಾಗಿದ್ದಳು.

ನಾವು ಮತ್ತೆ 'ಪರಮಾತ್ಮ' ಏಕೆ ನೋಡಬೇಕು?

ಪ್ರೀತಿ ಎಂದರೆ ಕೇವಲ ಒಲಿದ ಹುಡುಗಿಯನ್ನು ಪಡೆಯುವುದಷ್ಟೇ ಅಲ್ಲ, ಆಕೆಯನ್ನು ಕಳೆದುಕೊಂಡ ಮೇಲೆಯೂ ಆಕೆಯ ನೆನಪಿನಲ್ಲಿ ನಗುತ್ತಾ ಬದುಕುವುದು ಎಂಬುದನ್ನು ಈ ಚಿತ್ರ ತಿಳಿಸುತ್ತದೆ. ಮಜಾವಾಗಿ ಬದುಕುವ ಯುವಕನಿಂದ ಹಿಡಿದು, ಮಗುವಿಗಾಗಿ ಬಾಳುವ ಜವಾಬ್ದಾರಿಯುತ ತಂದೆಯಾಗಿ ಅಪ್ಪು ಅಭಿನಯ ಅವರ ವೃತ್ತಿಜೀವನದ ಶ್ರೇಷ್ಠ ಅಭಿನಯಗಳಲ್ಲೊಂದು.'ಕೆಲವರು ಜಗತ್ತನ್ನು ಬಿಟ್ಟು ಹೋಗಬಹುದು... ಆದರೆ ತಮ್ಮನ್ನು ಪ್ರೀತಿಸಿದವರ ಮನಸ್ಸನ್ನು ಎಂದಿಗೂ ಬಿಟ್ಟು ಹೋಗುವುದಿಲ್ಲ' ಎಂಬ ಸಂದೇಶ, ಇಂದು ಅಪ್ಪು ಅವರ ಅಗಲಿಕೆಯಿಂದ ನೊಂದಿರುವ ನಮಗೆಲ್ಲರಿಗೂ ಸಾಂತ್ವನ ನೀಡುತ್ತದೆ. ದೀಪಾ ಭೌತಿಕವಾಗಿ ಇಲ್ಲದಿರಬಹುದು, ಆದರೆ ಪರಮನ ಹೃದಯದಲ್ಲಿ ಆಕೆ ಸದಾ ಮಾರ್ಗದರ್ಶಕಿಯಾಗಿ, ಪ್ರೀತಿಯ ಬೆಳಕಾಗಿ ಇರುತ್ತಾಳೆ.

ಅಪ್ಪು ಇಂದು ನಮ್ಮೊಂದಿಗಿಲ್ಲದಿರಬಹುದು, ಆದರೆ 'ಪರಮಾತ್ಮ'ನ ಪರಮ್‌ನಂತೆ, ಅವರು ನೀಡಿಹೋದ ನೆನಪುಗಳು, ಸಿನಿಮಾಗಳು ಮತ್ತು ನಗು ನಮ್ಮನ್ನು ಸದಾ ಮುನ್ನಡೆಸುತ್ತವೆ. ಅಪ್ಪು ಅವರ 5ನೇ ಪುಣ್ಯಸ್ಮರಣೆಯ ಈ ದಿನದಂದು 'ಪರಮಾತ್ಮ' ಚಿತ್ರವನ್ನು ಮತ್ತೊಮ್ಮೆ ನೋಡಿ, ಆ ಪ್ರೀತಿ ಮತ್ತು ಬದುಕಿನ ಸತ್ಯವನ್ನು ಅನುಭವಿಸುವುದೇ ನಾವು ಸಲ್ಲಿಸುವ ನಿಜವಾದ ನಮನ.

ಮಗಳ ದೇಹ ಸೇರುವ ತಾಯಿ ಆತ್ಮ; ಇದುವೇ ನೋಡಿ ಕನ್ನಡದ ಹಾರರ್ ಸಿನಿಮಾ! ಸೇಡಿನ ರೋಚಕ ಕತೆ

Mahmad Rafik — Sun, 27 Sep 2026 15:02:07 +0530

1989ರಲ್ಲಿ ಬಿಡುಗಡೆಯಾದ ಈ ಸಿನಿಮಾ ಜನ್ಮ-ಪುನರ್ಜನ್ಮದ ಕಥೆಯನ್ನು ಹೊಂದಿದೆ. ಮಗಳ ಮೇಲಿನ ಮಮಕಾರದಿಂದ ತಾಯಿಯ ಆತ್ಮವು ಮರುಜನ್ಮ ಪಡೆದ ಮಗಳ ದೇಹವನ್ನು ಸೇರಿ ಆಕೆಯ ಪ್ರಿಯಕರನನ್ನು ಕೊಲ್ಲಲು ಯತ್ನಿಸುವ ರೋಚಕ ಕಥೆ ಇದರಲ್ಲಿದೆ.

ಜನ್ಮ-ಪುನರ್ಜನ್ಮ ನಂಬಿಕೆ ಕತೆಯನ್ನಾಧರಿಸಿ ಹಲವು ಸಿನಿಮಾಗಳು ಬಿಡುಗಡೆಗೊಂಡಿವೆ. 21ನೇ ಶತಮಾನ, 5G ಯುಗದಲ್ಲಿಯೂ ಪುನರ್ಜನ್ಮ ಕತೆಗಳನ್ನು ಕೇಳುತ್ತಿರುತ್ತೇವೆ. ಇಂದು ನಾವು ನಿಮಗೆ 1989ರಲ್ಲಿ ಬಿಡುಗಡೆಯಾಗಿ, ನೋಡುಗರಿಗೆ ರಸದೌತನ ನೀಡಿದ ಕನ್ನಡದ ಸಿನಿಮಾ ಬಗ್ಗೆ ಹೇಳುತ್ತಿದ್ದೇವೆ. ಮಗಳ ಮೇಲಿನ ಮಮಕಾರದಿಂದ ತಾಯಿಯ ಆತ್ಮ ಯಾಕೆ ದೇಹವನ್ನು ಪ್ರವೇಶಿಸುತ್ತದೆ.

ಚಿತ್ರದಲ್ಲಿ ಚಂದ್ರು-ಸಂಗೀತಾ ನಡುವೆ ಪ್ರೇಮಾಂಕುರವಾಗಿರುತ್ತೆ. ಆದ್ರೆ ಇಬ್ಬರಿಗೂ ಇದು ತಮ್ಮ ಪುನರ್ಜನ್ಮ ಎಂದು ತಿಳಿದಿರಲ್ಲ. ಮಗಳು ಮತ್ತು ಆಕೆಯ ಪ್ರಿಯಕರನ್ನು ಕೊಂದು ಹುಚ್ಚಿಯಾಗಿ ಬೀದಿ ಹೆಣವಾದ ತಾಯಿಯ ಆತ್ಮ, ಪುನರ್ಜನ್ಮ ಪಡೆದಿರೋ ಮಗಳ ಪ್ರಿಯಕರನ್ನು ಕೊಲ್ಲಲು ಮುಂದಾಗುತ್ತದೆ. ಇದಕ್ಕಾಗಿ ಮಗಳ ದೇಹವನ್ನು ಸೇರುವ ತಾಯಿ ಆತ್ಮದ ದ್ವೇಷವೇ ಚಿತ್ರದ ಒನ್‌ಲೈನ್ ಕಥೆ.

1989ರಲ್ಲಿ ಬಿಡುಗಡೆಯಾದ "ಅದೇ ರಾಗ, ಅದೇ ಹಾಡು" ಕನ್ನಡದ ಮ್ಯೂಸಿಕಲ್ ಹಿಟ್ ಹಾರರ್ ಸಿನಿಮಾ. ಶಿವರಾಜ್ ಕುಮಾರ್, ಸೀಮಾ, ಶ್ರೀನಾಥ್, ತೂಗುದೀಪ ಶ್ರೀನಿವಾಸ್ ಸೇರಿದಂತೆ ದೊಡ್ಡ ತಾರಾಬಳಗವನ್ನೇ ಈ ಸಿನಿಮಾ ಹೊಂದಿದೆ. ಕಾಲೇಜು ಲವ್ ಸ್ಟೋರಿಯಿಂದ ಆರಂಭವಾಗುವ ಈ ಸಿನಿಮಾ ಅಂತ್ಯದಲ್ಲಿ ರೋಚಕ ತಿರುವುಗಳನ್ನು ಪಡೆದುಕೊಳ್ಳುತ್ತದೆ.

ಈ ಸಿನಿಮಾದಲ್ಲಿ ನಾಯಕಿ ತಾಯಿಯೇ ವಿಲನ್. ಸತ್ತ ಮೇಲೆಯೂ ಮಗಳ ಪ್ರಿಯಕರನನ್ನು ಕೊಲ್ಲಲು ಪದೇ ಪದೇ ಪ್ರಯತ್ನಿಸುತ್ತಿರುತ್ತಾಳೆ. ಯಾಕೆ ಈ ದ್ವೇಷ ಎಂದು ಹುಡುಕಾಟ ನಡೆಸಿದಾದ ನಂದಾ ಮತ್ತು ದೀಪಾಳ ಪ್ರೇಮಕಥೆ ತೆರೆದುಕೊಳ್ಳುತ್ತದೆ. ಶ್ರೀಮಂತ ಕುಟುಂಬದ ದೀಪಾಗೆ ಅದೇ ಊರಿಗೆ ಬಡವ ಮತ್ತು ಅನಾಥ ನಂದನ ಮೇಲೆ ಲವ್ ಆಗುತ್ತದೆ. ಈ ವಿಷಯ ತಿಳಿದು ನಾಯಕಿ ತಾಯಿ ನಂದನ ಮನೆಗೆ ಬೆಂಕಿ ಹಚ್ಚುತ್ತಾಳೆ. ಈ ವೇಳೆ ನಂದನ ಮನೆಯಲ್ಲಿದ್ದ ಮಗಳು ದೀಪಾ ಸಹ ಸಾಯುತ್ತಾಳೆ. ನಂತರ ನಾಯಕಿ ತಾಯಿ ಹುಚ್ಚಿಯಾಗಿ ಸಾಯುತ್ತಾಳೆ.

ಇದೇ ನಂದಾ ಮತ್ತು ದೀಪಾ ಮರುಜನ್ಮ ಪಡೆದು ಚಂದ್ರು-ಸಂಗೀತಾ ಆಗುತ್ತಾರೆ. ಇಲ್ಲಿಯೂ ಇಬ್ಬರಿಗೂ ಪ್ರೇಮಾಂಕುರ ಆಗುತ್ತದೆ. ಆದ್ರೆ ಹುಚ್ಚಿಯಾಗಿ ಸತ್ತ ತಾಯಿ ಆತ್ಮ, ಚಂದ್ರುನ ಜೀವ ತೆಗೆಯಲು ಮುಂದಾಗುತ್ತೆ. ಮುಂದೆ ಚಂದ್ರು ಈ ಸಮಸ್ಯೆಯಿಂದ ಹೇಗೆ ಪಾರಾಗುತ್ತಾನೆ? ತಾಯಿಯ ಆತ್ಮಕ್ಕೆ ಮುಕ್ತಿ ಸಿಗುತ್ತಾ ಎಂಬುದನ್ನು ಸಿನಿಮಾ ನೋಡಿ ತಿಳಿದುಕೊಳ್ಳಬಹುದು. ಅದೇ ರಾಗ, ಅದೇ ಹಾಡು ಸಿನಿಮಾ ಯುಟ್ಯೂಬ್‌ನಲ್ಲಿದ್ದು, ಫ್ರಿಯಾಗಿ ನೋಡಬಹುದು.

'ಪ್ರೇಮದ ಊರಲಿ' ಸಿನಿಮಾ ವಿಮರ್ಶೆ: ಸರಳ ಕಥೆ, ಜೀವಂತಿಕೆಯಿಂದ ಕೂಡಿರುವ ಸಂಗೀತಮಯ ಚಿತ್ರ

Govindaraj S — Sat, 26 Sep 2026 15:55:33 +0530

ರಾಜೇಶ್ ಶೆಟ್ಟಿ

ತಂತ್ರಜ್ಞರು ಮತ್ತು ಕಲಾವಿದರು ಹೆಗಲಿಗೆ ಹೆಗಲು ಕೊಟ್ಟು ದುಡಿದರೆ ಒಂದು ಜೀವಂತಿಕೆಯ ಸಿನಿಮಾ ಮೂಡಿಬರಬಹುದು ಎಂಬುದಕ್ಕೆ ಈ ಚಿತ್ರವೇ ಸಾಕ್ಷಿ. ನಾಯಕ ನಟ ಶ್ರೀ, ನಾಯಕಿಯರಾದ ರಮಿಕಾ ಶಿವು ಮತ್ತು ತಪಸ್ವಿನಿ ಪೂಣಚ್ಚ ಈ ಸಿನಿಮಾದ ಜೀವಾಳ. ಅದ್ಭುತವಾಗಿ ನಟಿಸಿದ್ದಾರೆ. ಅದರ ಜೊತೆಗೆ ರಂಗಾಯಣ ರಘು ಸೇರಿದಂತೆ ಎಲ್ಲಾ ಪೋಷಕ ನಟರೂ ಪಾತ್ರವೇ ಆಗಿ ಜೀವ ತುಂಬಿದ್ದಾರೆ.

ನಿರ್ದೇಶಕ ಮನೋಜ್‌ ಕುಮಾರ್‌ ಒಂದು ಸರಳ ಕತೆ ಬರೆದಿದ್ದಾರೆ. ಸೊಗಸಾಗಿ ದೃಶ್ಯಗಳನ್ನು ಪೋಣಿಸಿದ್ದಾರೆ. ಅದನ್ನು ರಾಜ್‌ಕಾಂತ್‌ ಬಹಳ ಆಕರ್ಷಕವಾಗಿ ಸೆರೆ ಹಿಡಿದಿದ್ದಾರೆ. ಸುನಾದ್ ಗೌತಮ್‌ ಈ ಚಿತ್ರವನ್ನು ಆಹ್ಲಾದಕರವಾಗಿ ಸಂಗೀತಮಯಗೊಳಿಸಿದ್ದಾರೆ. ಹೀಗಾಗಿಯೇ ಪ್ರಾಮಾಣಿಕ ಪ್ರಯತ್ನದಿಂದ ಈ ಸಿನಿಮಾ ಜೀವಂತಿಕೆಯಿಂದ ನಳನಳಿಸುತ್ತಿದೆ. ಇದೊಂದು ಸಂಬಂಧಗಳ ಸಂಕೀರ್ಣತೆಯನ್ನು ಹೇಳುವ ಸಿನಿಮಾ.

ಒಳಗಣ್ಣಿನಿಂದ ನೋಡಿದರೆ ಎಲ್ಲವೂ ಅರ್ಥವಾಗುತ್ತದೆ ಎಂಬುದನ್ನು ಸಾರುವ ಸಿನಿಮಾ. ಅದನ್ನು ಹೇಳಲು ನಿರ್ದೇಶಕರು ಬರೆದಿರುವ ಪಾತ್ರಗಳು ಲವಲವಿಕೆಯಿಂದ ಕೂಡಿವೆ. ಊರಲ್ಲೇ ಇರುವ ತರುಣ ರೈತ, ಎಲ್ಲರನ್ನೂ ಗೋಳುಹೊಯ್ದುಕೊಳ್ಳುವ ತರ್ಲೆ ಹುಡುಗಿ, ಮೌನವೇ ಆಭರಣದಂತಿರುವ ಮತ್ತೊಬ್ಬಳು ತರುಣಿ, ಪುತ್ರನನ್ನು ಹಚ್ಚಿಕೊಂಡಿರುವ ಮುಗ್ಧ ತಂದೆ ಹೀಗೆ ಆಪ್ತ ಪಾತ್ರಪ್ರಪಂಚ ಸೃಷ್ಟಿಸಿದ್ದಾರೆ.

ಚಿತ್ರ: ಪ್ರೇಮದ ಊರಲಿ

ನಿರ್ದೇಶನ: ಮನೋಜ್‌ ಕುಮಾರ್

ತಾರಾಗಣ: ಶ್ರೀರಾಮ್, ರಮಿಕಾ ಶಿವು, ತಪಸ್ವಿನಿ ಪೂಣಚ್ಚ, ರಂಗಾಯಣ ರಘು, ಅಭಿಷೇಕ್ ಕಲ್ಮನಿ, ಇಳಾ ವಿಟ್ಲ

ರೇಟಿಂಗ್: 3

ಇಲ್ಲಿ ಹೇಳಿಕೊಳ್ಳುವ ವಿಲನ್‌ಗಳೂ ಇಲ್ಲ. ಸನ್ನಿವೇಶವೇ ವಿಲನ್‌. ಹಾಗಾಗಿ ಸಿನಿಮಾ ಕೊಂಚ ಭಿನ್ನ ಸಾಲಿನಲ್ಲಿ ನಿಲ್ಲುತ್ತದೆ. ಶ್ರೇಷ್ಠತೆಯ ಹಂಬಲವೇ ಇಲ್ಲದೆ ಹೃದಯ ಮುಟ್ಟುವ ಕತೆಯೊಂದನ್ನು ತಂಗಾಳಿ ಸವರಿಹೋಗುವಷ್ಟೇ ಸಹಜವಾಗಿ, ಸರಳವಾಗಿ ನಿರ್ದೇಶಕರು ಹೇಳಿದ್ದಾರೆ. ಅವರ ಕತೆಗಾರಿಕೆಗೆ ಮೆಚ್ಚುಗೆ.

Superhit Movies: ಲವ್‌ ಮಾಡಿ ನೊಂದ ಮನಸ್ಸುಗಳಿಗಾಗಿಯೇ ಮಾಡಿದ ಸಿನಿಮಾ, 14 ವರ್ಷಗಳಿಂದ ಇಂದಿಗೂ ಸಖತ್ ಟ್ರೆಂಡ್‌!

Sumanth SN — Mon, 28 Sep 2026 18:28:05 +0530

ಕೇವಲ 26ನೇ ವಯಸ್ಸಿಗೆ ನಿರ್ದೇಶಕನಾಗಿ ಪಾದಾರ್ಪಣೆ ಮಾಡಿದ ಯುವಕನೊಬ್ಬನ ಮೊದಲ ಸಿನಿಮಾ 14 ವರ್ಷಗಳ ಬಳಿಕವೂ ಓಟಿಟಿಯಲ್ಲಿ ಟ್ರೆಂಡ್ ಆಗುತ್ತಿದೆ. ಇಷ್ಟವಿಲ್ಲದೆ ಮದುವೆಯಾದ ಜೋಡಿಯ ಹಿಂದಿನ ದುರಂತಗಳ ಕಥೆಯನ್ನು ಹೇಳುವ ಈ ಸಿನಿಮಾ ನಿರ್ದೇಶಕನಿಗೆ ರಾತ್ರೋರಾತ್ರಿ ಸ್ಟಾರ್ ಪಟ್ಟ ತಂದುಕೊಟ್ಟಿತ್ತು.

ಸಿನಿಮಾ ಎಂದರೆ ಬಹಳ ಆಸಕ್ತಿ ಹೊಂದಿದ್ದ ಯುವಕ, ಕೇವಲ 26ನೇ ವಯಸ್ಸಿಗೆ ನಿರ್ದೇಶಕನ ಮಾಡಿ ತೆರೆಗೆ ತಂದಿದ್ದರು. ಪ್ರೀತಿಯನ್ನು ಕಳೆದುಕೊಂಡ ಯುವಕರಿಗಾಗಿಯೇ ಮಾಡಿದ ಒಂದು ಅದ್ಭುತ ಕಥೆ. ಅಂದು ಥಿಯೇಟರ್‌ಗಳನ್ನು ಶೇಕ್ ಮಾಡಿದ್ದ ಸಿನಿಮಾ, 14 ವರ್ಷಗಳ ಬಳಿಕವೂ ಓಟಿಟಿಯಲ್ಲಿ ಸಖತ್ ಟ್ರೆಂಡ್ ಆಗುತ್ತಿದೆ. ಮೊದಲ ಸಿನಿಮಾದೊಂದಿಗೆ ಆ ಯುವಕನಿಗೆ ಸ್ಟಾರ್ ನಿರ್ದೇಶಕನ ಪಟ್ಟ ಸಿಕ್ಕಿತ್ತು.

ಕನ್ನಡ ಸೇರಿದಂತೆ ಹಲವು ಸಿನಿಮಾ ರಂಗಗಳಲ್ಲಿ ಮೊದಲ ಸಿನಿಮಾದೊಂದಿಗೆ ಸೂಪರ್ ಹಿಟ್ ಪಡೆದುಕೊಂಡ ಹಲವು ನಿರ್ದೇಶಕರು ನಮ್ಮ ಮುಂದಿದ್ದಾರೆ. ಮಣಿರತ್ನ, ಎಆರ್ ಮುರುಗದಾಸ್ ರಂತಹ ದಿಗ್ಗಜರೊಂದಿಗೆ, ಕೇವಲ 26 ವಯಸ್ಸಿನಲ್ಲಿಯೇ ನಿರ್ದೇಶಕರಾಗಿ ಸಕ್ಸಸ್ ಪಡೆದುಕೊಂಡಿದ್ದ ನಿರ್ದೇಶಕ ಇವರು. ಆತನ ಮೊದಲ ಸಿನಿಮಾಗಾಗಿ ಬರೋಬ್ಬರು 15-18 ಕೋಟಿ ರೂಪಾಯಿ ಹಣವನ್ನು ಖರ್ಚು ಮಾಡಿದ್ದರು.

ಈ ಸಿನಿಮಾ ಸಂಪೂರ್ಣವಾಗಿ ಪ್ರೀತಿ, ನೋವು ಮತ್ತು ಭಾವನೆಗಳಿಂದ ತುಂಬಿದ ಕಥೆ ಹೊಂದಿತ್ತು. ಸಿನಿಮಾ ಬಿಡುಗಡೆಯಾಗಿ 14 ವರ್ಷ ಕಳೆದರೂ ಕ್ರೇಜ್ ಮಾತ್ರ ಕಡಿಮೆಯಾಗಿಲ್ಲ. ಅಂದಹಾಗೇ ನಾವು ಹೇಳುತ್ತಿರುವ ಸಿನಿಮಾ 'ರಾಜಾ ರಾಣಿ'. 2013ರಲ್ಲಿ ಬಿಡುಗಡೆಯಾದ ಈ ಸಿನಿಮಾವನ್ನು ಆಟ್ಲಿ ನಿರ್ದೇಶನ ಮಾಡಿದ್ದರು. ಆ ಬಳಿಕ ವಿಜಯ್, ಶಾರುಖ್ ಖಾನ್, ಅಲ್ಲು ಅರ್ಜುನ್ ರಂತಹ ಸ್ಟಾರ್ ಗಳಿಗೆ ನಿರ್ದೇಶನ ಮಾಡುವ ಅವಕಾಶವನ್ನು ಪಡೆದುಕೊಂಡಿದ್ದಾರೆ.

ನಿರ್ದೇಶಕರಾಗಿ ಪಾದಾರ್ಪಣೆ ಮಾಡುವ ಮುನ್ನ, ಸ್ಟಾರ್ ನಿರ್ದೇಶಕ ಶಂಕರ್ ಅವರೊಂದಿಗೆ ಸಹಾಯಕ ನಿರ್ದೇಶಕರಾಗಿ ಕೆಲಸ ಮಾಡಿದ್ದರು. ಸುಮಾರು ಐದು ವರ್ಷ ಈ ರೀತಿ ಕೆಲಸ ಮಾಡಿದ ಬಳಿಕ ತಮ್ಮದೇ ಒಂದು ಕಥೆ ಸಿದ್ಧಪಡಿಸಿದ್ದರು. ಅವರ ಈ ಕಥೆ ಎಆರ್ ಮುರುಗರಾಸ್, ಫ್ಯಾಕ್ಸ್ ಸ್ಟಾರ್ ಸ್ಟುಡಿಯೋಸ್ ನಂಬಿಕೆಯನ್ನು ಗಳಿಸಿತ್ತು. ಇದರೊಂದಿಗೆ ಸಿನಿಮಾ ಹೀರೋ ಆಗಲು ಶಿವಕಾರ್ತಿಕೇಯನ್ ಅವರನ್ನು ಸಂಪರ್ಕಿಸಲಾಗಿತ್ತು. ಆದರೆ ಈ ಅವಕಾಶ ಕೊನೆಗೆ ನಟ ಆರ್ಯೆ ಅವರ ಕೈ ಸೇರಿತ್ತು. ನಯನತಾರ ಅವರ ಆಗಮನದೊಂದಿಗೆ ಸಿನಿಮಾಗೆ ಹೊಸ ರೂಪವೇ ಸಿಕ್ಕಿತ್ತು.

ಈ ಸಿನಿಮಾ ಮುಹೂರ್ತದಲ್ಲಿ ನಟ ಕಮಲ್ ಹಸನ್ ಕ್ಯಾಮೆರಾ ಆನ್ ಮಾಡಿದರೆ, ಎಆರ್ ಮುರುಗದಾಸ್ ಕ್ಲಾಪ್ ಮಾಡಿದ್ದರು. ಸಿನಿಮಾ ಕಥೆ ಜಾನ್ ಮತ್ತು ರೇಜಿನಾ ಅವರ ಮದುವೆಯೊಂದಿಗೆ ಆರಂಭವಾಗುತ್ತದೆ. ಇಬ್ಬರು ಇಷ್ಟವಿಲ್ಲದೇ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಾರೆ. ಆದರೆ ಮದುವೆ ಬಳಿಕ ಇಬ್ಬರ ಜೀವನದಲ್ಲಿ ನಡೆದ ದುರಂತಗಳ ಬಗ್ಗೆ ಮತ್ತೊಬ್ಬರು ತಿಳಿದುಕೊಳ್ಳುವ ಮೂಲಕ ಕಥೆ ಸಾಗುತ್ತದೆ. ಈ ಪ್ರಯಾಣದಲ್ಲಿ ಅವರ ನಡುವಿನ ಸ್ನೇಹ ರೂಪುಗೊಳ್ಳುತ್ತದೆ. ಆದ್ದರಿಂದಲೇ ಈ ಸಿನಿಮಾ ಎಲ್ಲಾ ಲವ್ ಸಿನಿಮಾಗಳಿಗಿಂತ ಭಿನ್ನವಾಗಿದೆ. ಸದ್ಯ ಈ ಸಿನಿಮಾವನ್ನು ಜಿಯೋ ಹಾಟ್ ಸ್ಟಾರ್‌ನಲ್ಲಿ ನೋಡಬಹುದಾಗಿದೆ.

ಸಿನಿಮಾದಲ್ಲಿ ಪ್ರೀತಿ, ಮದುವೆ, ಹಳೆಯ ಸಂಬಂಧಗಳು, ಒಡೆದ ಹೃದಯಗಳು, ಫ್ಯಾಮಿಲಿ, ಕುಟುಂಬ, ಸ್ನೇಹ, ಎಲ್ಲಾ ಅಂಶಗಳನ್ನು ಆಟ್ಲಿ ಬಹಳ ಜಾಣ್ಮೆಯಿಂದ ಪ್ರಸ್ತುತ ಪಡಿಸಿದ್ದರು. ಹಾಸ್ಯದೊಂದಿಗೆ ಹಲವು ಗಂಭೀರ ವಿಚಾರಗಳನ್ನು ನಿರ್ದೇಶಕರ ಪ್ರೇಕ್ಷಕರ ಮುಂದಿಟ್ಟಿದ್ದರು. ಈ ಸಿನಿಮಾ ಆಟ್ಲಿ ಅವರನ್ನು ರಾತ್ರೋರಾತ್ರಿ ಸ್ಟಾರ್ ಮಾಡಿತ್ತು ಎಂದರೆ ತಪ್ಪಾಗುವುದಿಲ್ಲ. ಸದ್ಯ ಆಟ್ಲಿ, ಟಾಲಿವುಡ್ ನಟ ಅಲ್ಲು ಅರ್ಜುನ್ ಅವರೊಂದಿಗೆ ಸಿನಿಮಾ ಮಾಡುತ್ತಿದ್ದಾರೆ.

ಮನುಷ್ಯನನ್ನೇ ಹಾವಾಗಿಸಿದ 1980ರ ಕನ್ನಡದ ನಿಗೂಢ ಸಿನಿಮಾ; ಹುಣ್ಣಿಮೆಗೆ ಕಾಮೋದ್ರೇಕದಿಂದ ಮಹಿಳೆಯರ ಸಾವು

Mahmad Rafik — Mon, 05 Oct 2026 13:26:17 +0530

1980ರಲ್ಲಿ ಬಿಡುಗಡೆಯಾದ' ಸಿನಿಮಾದಲ್ಲಿ ತಂದೆಯಿಂದಲೇ ವಿಷಪ್ರಾಶನವಾಗಿ ಬೆಳೆದ ನಾಗಪ್ಪನ ಕಥೆಯಿದೆ. ಆತನ ದೇಹದಲ್ಲಿನ ವಿಷದಿಂದಾಗಿ ಆತನನ್ನು ಸೇರಿದ ಮಹಿಳೆಯರೆಲ್ಲರೂ ಪ್ರಾಣ ಕಳೆದುಕೊಳ್ಳುತ್ತಾರೆ. ಹುಣ್ಣಿಮೆಯಂದು ಕಾಮೋದ್ರೇಕಕ್ಕೊಳಗಾಗುವ ಆತನ ನಿಗೂಢ ಅಂತ್ಯವೇ ಈ ಚಿತ್ರದ ರೋಚಕ ಕಥಾವಸ್ತು.

1980ರ ಕನ್ನಡದ ಸಿನಿಮಾವೊಂದು ಹೊಸ ಕಥೆಯೊಂದಿಗೆ ಬಿಡುಗಡೆಯಾಗಿತ್ತು. ಇಲ್ಲಿ ಮಗನನ್ನು ಹಾವಿನಿಂದ ರಕ್ಷಣೆ ಮಾಡಲು ಆತನಿಗೆ ಬಾಲ್ಯದಿಂದಲೇ ವಿಷಪ್ರಾಷಾಣ ಮಾಡಿಸುತ್ತಾನೆ. ಇದರಿಂದ ಆತನ ಜೀವನವೇ ವಿಷಸರ್ಪದಂತಾಗುತ್ತದೆ. ಈ ಚಿತ್ರವನ್ನು ನೀವು ಯುಟ್ಯೂಬ್‌ನಲ್ಲಿ ಉಚಿತವಾಗಿಯೇ ನೋಡಬಹುದಾಗಿದೆ. ಸಿನಿಮಾದ ಆರಂಭದಿಂದಲೂ ಇಲ್ಲಿ ನಿಮಗೆ ನಾಗಪ್ಪ, ಕೆಟ್ಟವನಾ ಅಥವಾ ಒಳ್ಳೆಯವನಾ ಎಂಬ ಗೊಂದಲವಿರುತ್ತದೆ. ಕ್ಲೈಮ್ಯಾಕ್ಸ್ ನೋಡಿದ ಬಳಿಕವಷ್ಟೇ ಇದಕ್ಕೆ ಉತ್ತರ ಸಿಗಲಿದೆ.

1980ರಲ್ಲಿ ಬಿಡುಗಡೆಯಾದ ಈ ಸಿನಿಮಾಗೆ ಖ್ಯಾತ ನಿರ್ದೇಶಕ ರಾಜಶೇಖರ್ ಅವರು ಚಿತ್ರಕಥೆ ಬರೆದು, ಆಕ್ಷನ್ ಕಟ್ ಹೇಳಿದ್ದಾರೆ. ಲೋಕೇಶ್, ಅಶೋಕ್, ರೂಪಾ ಚಕ್ರವರ್ತಿ, ಎಂಎಸ್ ವಸಂತಾ, ಮುಸುರಿ ಕೃಷ್ಣಮೂರ್ತಿ ಸೇರಿದಂತೆ ದೊಡ್ಡತಾರಾ ಬಳಗವನ್ನು ಈ ಸಿನಿಮಾ ಹೊಂದಿತ್ತು. ಹಾಗಾದ್ರೆ ಯಾವುದು ಈ ಚಿತ್ರ? ಚಿತ್ರದ ಕಥೆ ಏನು ಎಂದು ನೋಡೋಣ ಬನ್ನಿ.

'ಹುಣ್ಣಿಮೆ ರಾತ್ರಿಯುಲ್ಲಿ' (Hunnimeya Rathriyalli) ಇದು 1980ರ ಸಿನಿಮಾ ಆಗಿದ್ದು, ಹಾವಿನ ದ್ವೇಷದ ಸುತ್ತವೇ ಚಿತ್ರ ಸುತ್ತ ಸಾಗುತ್ತದೆ. ನಾಗಪ್ಪ (ಲೋಕೇಶ್) ಹಾವು ಹಿಡಿದು ಆಟವಾಡಿಸುವ ಹಾವಾಡಿಗ ಕುಟುಂಬದಲ್ಲಿ ಜನಿಸಿರುತ್ತಾನೆ. ನಾಯಕ ಅಶೋಕ್, ಹಾವನ್ನು ಪೂಜಿಸುವ ಕುಟುಂಬದಿಂದ ಬಂದಿರುತ್ತಾನೆ. ನಾಗಪ್ಪನ ಕುಟುಂಬಸ್ಥರೆಲ್ಲರೂ ಹಾವು ಕಡಿತದಿಂದಲೇ ಸಾಯುತ್ತಿರುತ್ತಾರೆ. ಹಾಗಾಗಿ ಮಗನ ಸಾವು ಹಾವಿನಿಂದ ಆಗಬಾರದು ಎಂದು ಬಾಲ್ಯದಿಂದಲೇ ಆತನ ಆಹಾರದಲ್ಲಿ ಸ್ವಲ್ಪ ಸ್ವಲ್ಪವೇ ವಿಷದಂಶ ಸೇರಿಸಿಕೊಂಡು ಬರುತ್ತಿರುತ್ತಾನೆ.

ಇದ್ಯಾವುದೇ ವಿಷಯ ತಿಳಿಯದ ನಾಗಪ್ಪ ದೊಡ್ಡವನಾಗುತ್ತಾನೆ. ತಂದೆಯಂತೆಯೇ ಹಾವು ಹಿಡಿಯುವ ಕೆಲಸದಲ್ಲಿ ತೊಡಗಿಕೊಳ್ಳುತ್ತಾನೆ. ನಾಗಪ್ಪನಿಗೆ ತನ್ನ ದೇಹದಲ್ಲಿ ಹಾವಿನ ವಿಷದಂಶ ತಿಳಿಯುವಷ್ಟರಲ್ಲಿ ಪ್ರೇಯಸಿಯನ್ನು ಕಳೆದುಕೊಳ್ಳುತ್ತಾನೆ. ನಾಗಪ್ಪ ಯಾರನ್ನೇ ಕಚ್ಚಿದ್ರೂ ಅವರು ವಿಷದಿಂದ ಸಾಯುತ್ತಾರೆ. ಹಾಗೆಯೇ ಆತ ಯಾವುದೇ ಹೆಣ್ಣಿನೊಂದಿಗೆ ಸೇರಿದರೂ ಆಕೆಯ ದೇಹವೆಲ್ಲಾ ನೀಲಿ ಬಣ್ಣಕ್ಕೆ ಬದಲಾಗಿ ಸಾಯುತ್ತಾಳೆ. ಹಾಗೆಯೇ ಹುಣ್ಣಿಮೆಯಂದು ತಾಳೆ ಹೂವಿನ ವಾಸನೆಗೆ ನಾಗಪ್ಪನಿಗೆ ಕಾಮದ್ವೇಗಕ್ಕೊಳಗಾಗಿ ಹಾವಿನಂತೆ ಸಂಗಾತಿಯನ್ನು ಹುಡುಕಲು ಆರಂಭಿಸುತ್ತಾನೆ.

ಇದನ್ನೂ ಓದಿ: ಆಪ್ತಮಿತ್ರ ನಂತರ ಭಯ ಹುಟ್ಟಿಸಿದ ಕನ್ನಡದ ಸಿನಿಮಾ: ಬೆಸ್ಟ್ ಹಾರರ್ ಥ್ರಿಲ್ಲರ್ ಕಥೆ!

ಈ ರೀತಿಯಾಗಿ ಹಾವಾಗಿ ಬದಲಾಗುವ ನಾಗಪ್ಪ, ಹುಣ್ಣಿಮೆ ರಾತ್ರಿಯಲಿ ಮಹಿಳೆಯರ ಸಾವಿಗೆ ಕಾರಣನಾಗುತ್ತಾನೆ. ಇತ್ತ ಸಾಯಲೂ ಆಗದೇ, ಬದುಕಲು ಸಹ ಆಗದೇ ದ್ವಂದ್ವದಲ್ಲಿ ಸಿಲುಕಿಕೊಳ್ಳುತ್ತಾನೆ. ನಂತರ ಈ ವಿಷಯ ನಾಯಕನಿಗೂ ತಿಳಿಯುತ್ತದೆ. ಮುಂದೆ ನಾಗಪ್ಪನ ಅಂತ್ಯ ಹೇಗೆ ಆಗುತ್ತೆ ಅನ್ನೋದೇ ಸಿನಿಮಾದ ಸಸ್ಪೆನ್ಸ್. ನಾಗಪ್ಪ ಒಳ್ಳೆಯವನಾ? ಕೆಟ್ಟವನಾ? ಎಂದು ನಿರ್ಧರಿಸೋದನ್ನು ವೀಕ್ಷಕರಿಗೆಯೇ ಬಿಟ್ಟುಕೊಡಲಾಗಿದೆ.

ಇದನ್ನೂ ಓದಿ: ಮಗಳ ದೇಹ ಸೇರುವ ತಾಯಿ ಆತ್ಮ; ಇದುವೇ ನೋಡಿ ಕನ್ನಡದ ಹಾರರ್ ಸಿನಿಮಾ! ಸೇಡಿನ ರೋಚಕ ಕತೆ

ಇದನ್ನೂ ಓದಿ: ಸಂಗಾತಿಗಾಗಿ 3 ಜನ್ಮ ಕಾಯೋ ಹೆಣ್ಣು ಹಾವು; 1991ರ ಸಸ್ಪೆನ್ಸ್ ಥ್ರಿಲ್ಲರ್ ಕನ್ನಡ ಸಿನಿಮಾ

9.2 ಸಿನಿಮಾ ರೇಟಿಂಗ್; ಮನೋವೈದ್ಯನ ಕೈಗೆ ಸಿಕ್ಕ ಹುಚ್ಚಿ, ಹಾಡುಗಳಿಲ್ಲದ ಇಂಗ್ಲೀಷ್ ಸಿನಿಮಾದಂತಿದೆ ಚಿತ್ರಕಥೆ!

Sathish Kumar KH — Tue, 13 Oct 2026 19:25:33 +0530

ಹಾಡುಗಳಿರುವ ಇಂಗ್ಲಿಷ್ ಚಿತ್ರದಂತೆ ಮೂಡಿಬಂದಿರುವ ಎಸ್.ಆರ್. ಪುಟ್ಟಣ್ಣ ಕಣಗಾಲ್ ಅವರ ನಿರ್ದೇಶನದ 'ಮಾನಸ ಸರೋವರ' (Manasa Sarovara) ಅಂತರರಾಷ್ಟ್ರೀಯ ಗುಣಮಟ್ಟದ ಅತ್ಯುತ್ತಮ ಚಲನಚಿತ್ರವಾಗಿದೆ. ದೃಶ್ಯಕಾವ್ಯದಂತಹ ಈ ಚಿತ್ರದ ಕಥೆ, ಪಾತ್ರವರ್ಗ ಮತ್ತು ನಿರ್ದೇಶನದ ಬಗ್ಗೆ ಇಲ್ಲಿದೆ ನೆಟ್ಟಿಗ ಮಯೂರ ಅವರ ವಿವರವಾದ ವಿಮರ್ಶೆ.

ಚಿತ್ರದ ಕಥಾಸಾರಾಂಶ:

ಡಾ. ಆನಂದ್ ಒಬ್ಬ ವಿವಾಹಿತ ಮನೋವೈದ್ಯ. ತನ್ನ ದಾಂಪತ್ಯದಲ್ಲಿ ಸುಖವೂ ಶಾಂತಿಯೂ ಇಲ್ಲವೆಂದು ಅರಿತು, ಜಂಜಾಟದ ಬದುಕನ್ನು ತೊರೆಯಲು ನಿರ್ಧರಿಸುತ್ತಾನೆ. ಮಾನಸಿಕ ನೆಮ್ಮದಿಗಾಗಿ ಹಳ್ಳಿಗೆ ಮರಳುವ ದಾರಿಯಲ್ಲಿ ಅವನಿಗೆ ವಾಸಂತಿ ಎಂಬ ಯುವತಿ ಸಿಗುತ್ತಾಳೆ. ಕಣ್ಣಿಗೆ ಬಿದ್ದ ಪ್ರತಿ ಯುವಕನಿಗೂ ಕಲ್ಲು ಹೊಡೆದು ಬೆದರಿಸುವ ಹುಚ್ಚಿ ಅವಳು.

ಮನೋವೈದ್ಯನಾದ ಆನಂದ್ ಅವಳ ಸಮಸ್ಯೆಗೆ ಕಾರಣ ತಿಳಿದು, ಅವಳನ್ನು ತನ್ನ ಆರೈಕೆಗೆ ತೆಗೆದುಕೊಂಡು ಗುಣಪಡಿಸುವ ರಿಸ್ಕ್ ತೆಗೆದುಕೊಳ್ಳುತ್ತಾನೆ. ವಾಸಂತಿ ಚೇತರಿಸಿಕೊಳ್ಳುತ್ತಿದ್ದಂತೆ ಗುರು–ಶಿಷ್ಯೆ, ವೈದ್ಯ–ರೋಗಿಯ ನಡುವೆ ಅಪೂರ್ವ ಬಾಂಧವ್ಯ ಬೆಳೆಯುತ್ತದೆ. ನಂತರ ಆನಂದ್ ಮದುವೆಯ ಪ್ರಸ್ತಾಪ ಇಡುತ್ತಾನೆ. ದೆಹಲಿ ಸಮ್ಮೇಳನದಿಂದ ಹಿಂತಿರುಗಿದ ನಂತರ ಮದುವೆಯಾಗಲು ನಿರ್ಧರಿಸುತ್ತಾರೆ. ಇದರ ಮುಂದಿನ ತಿರುವುಗಳೇನು ಎಂಬುದನ್ನು ತೆರೆಯ ಮೇಲೆ ಕಣ್ಣುಂಬಿ ನೋಡಬೇಕು.

ಪುಟ್ಟಣ್ಣ ಕಣಗಾಲ್ ಅವರ ನಿರ್ದೇಶನ ಮತ್ತು ಚಿತ್ರಕಥೆ:

ಈ ಚಿತ್ರವು ನಿರ್ದೇಶಕ ಪುಟ್ಟಣ್ಣ ಕಣಗಾಲ್ ಹಾಗೂ ಹಿರಿಯ ನಟಿ ಆರತಿ ಅವರ ನಡುವಿನ ಪ್ರೇಮಕಥೆಯನ್ನು ಆಧರಿಸಿದೆ ಎಂಬ ಗಾಸಿಪ್‌ಗಳಿದ್ದರೂ, ಚಿತ್ರದ ಚಿತ್ರಕಥೆ ಮಾತ್ರ ಅಷ್ಟು ಸುಲಭವಾಗಿ ಯಾರನ್ನೂ ಲಘುವಾಗಿ ಯೋಚಿಸಲು ಬಿಡುವುದಿಲ್ಲ. ವಾಸಂತಿ ಆನಂದ್‌ನೊಂದಿಗಿನ ತನ್ನ ಸಂಬಂಧವನ್ನು ಯಾರೊಂದಿಗೂ ಬಹಿರಂಗಪಡಿಸುವುದಿಲ್ಲ. ಈ ನೋವು ಪ್ರೇಕ್ಷಕರ ಮನಸ್ಸನ್ನು ಕಾಡುತ್ತದೆ. ಅದಕ್ಕಾಗಿಯೇ 'ನೀನೇ ಸಾಕಿದ ಗಿಣಿ' ಹಾಡು ಅಷ್ಟು ದೊಡ್ಡ ಮಟ್ಟದಲ್ಲಿ ಜನಪ್ರಿಯವಾಯಿತು. ಡಾ. ಜಿ.ಎಸ್. ಶಿವರುದ್ರಪ್ಪನವರ 'ವೇದಾಂತಿ ಹೇಳಿದನು' ಹಾಡು ಕೂಡ ಅತ್ಯಂತ ಅರ್ಥಪೂರ್ಣವಾಗಿದೆ. ಕಥೆಗೆ ತಕ್ಕಂತೆ ಹಾಡುಗಳು ಮತ್ತು ಅನಗತ್ಯ ದೃಶ್ಯಗಳಿಲ್ಲದೆ ವೇಗವಾಗಿ ಸಾಗುವ ಚಿತ್ರಕಥೆ ಚಿತ್ರದ ಮೌಲ್ಯವನ್ನು ಹೆಚ್ಚಿಸುತ್ತದೆ.

ಅಭಿನಯ ಮತ್ತು ಸಂಭಾಷಣೆ:

ವಾಸಂತಿಯ ಪಾತ್ರದಲ್ಲಿ ಪದ್ಮ ವಾಸಂತಿ ಅವರ ಜೀವಂತ ಅಭಿನಯವು ಪ್ರೇಕ್ಷಕರ ಮನಸೂರೆಗೊಳ್ಳುತ್ತದೆ. ಈ ಚಿತ್ರದ ಅದ್ಭುತ ನಟನೆಗಾಗಿ ಪದ್ಮ ವಾಸಂತಿ ಅವರು ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಯನ್ನು ಪಡೆದರು. ಇನ್ನು ಟಿ.ಎನ್. ಸೀತಾರಾಮ್ ಅವರ ಜೀವಂತ ಹಾಗೂ ಶುದ್ಧ ಕನ್ನಡ ಸಂಭಾಷಣೆಗಳು ಚಿತ್ರದ ಪ್ರಮುಖ ಆಕರ್ಷಣೆಯಾಗಿದೆ.

ಸಿನಿಮಾ ಬಿಡುಗಡೆಯಾದಾಗ ಸಾಧಾರಣ ಪ್ರದರ್ಶನ ಕಂಡಿದ್ದರೂ, ಈ ಚಿತ್ರ ಗಲ್ಲಾಪೆಟ್ಟಿಗೆಯಲ್ಲಿ ಇನ್ನೂ ಹೆಚ್ಚಿನ ಯಶಸ್ಸಿಗೆ ಅರ್ಹವಾಗಿತ್ತು. ಜನರ ಗಾಸಿಪ್ ಮಾತುಗಳನ್ನು ಬದಿಗೊತ್ತಿ, ಒಮ್ಮೆ ತಾಜಾ ಮನಸ್ಸಿನಿಂದ ನೋಡಲೇಬೇಕಾದ ಸಿನಿಮಾ 'ಮಾನಸ ಸರೋವರ'.