Asianet Suvarna News

200MP ಲೈಕಾ ಕ್ಯಾಮೆರಾ, 8500mAh ಬ್ಯಾಟರಿಯೊಂದಿಗೆ ಬರ್ತಿದೆ ಶಿಯೋಮಿ 18 ಪ್ರೊ! iPhoneಗೆ ಶುರುವಾಯ್ತು ನಡುಕ!

Sathish Kumar KH — Tue, 22 Sep 2026 11:11:17 +0530

ಶಿಯೋಮಿ 18 ಪ್ರೊ ಸರಣಿ ಸೆಪ್ಟೆಂಬರ್ 23ರಂದು ಲಾಂಚ್ ಆಗ್ತಿದೆ. 8,500 mAh ಬ್ಯಾಟರಿ, 200 MP ಲೈಕಾ ಕ್ಯಾಮೆರಾದಂತಹ ಸಖತ್ ಫೀಚರ್ಸ್ ಈ ಫೋನ್‌ನಲ್ಲಿದೆ. ಆದ್ರೆ ಇದರ ಬೆಲೆ ಮಾತ್ರ ಸದ್ಯಕ್ಕೆ ಸಸ್ಪೆನ್ಸ್.

ಶಿಯೋಮಿ 18 ಪ್ರೊ ಸರಣಿಯ ಲಾಂಚ್ ಡೇಟ್ ಫಿಕ್ಸ್ ಆಗಿದೆ. ಸೆಪ್ಟೆಂಬರ್ 23, 2026ರಂದು ಚೀನಾದಲ್ಲಿ ಶಿಯೋಮಿ 18 ಪ್ರೊ ಹಾಗೂ ಶಿಯೋಮಿ 18 ಪ್ರೊ ಮ್ಯಾಕ್ಸ್ ಸ್ಮಾರ್ಟ್‌ಫೋನ್‌ಗಳು ರಿಲೀಸ್ ಆಗ್ತಿವೆ. ಚೀನಾ ಕಾಲಮಾನ ಸಂಜೆ 7 ಗಂಟೆಗೆ (ಭಾರತೀಯ ಕಾಲಮಾನ ಸಂಜೆ 4.30) ಕಾರ್ಯಕ್ರಮ ಶುರುವಾಗಲಿದೆ. ಸದ್ಯದ ಮಾಹಿತಿ ಪ್ರಕಾರ, ರೆಗ್ಯುಲರ್ ಶಿಯೋಮಿ 18 ಮಾಡೆಲ್ ಈಗಲೇ ಬರ್ತಿಲ್ಲ. ಆ ಫೋನ್ 2026ರ ಕೊನೆಗೆ ಅಥವಾ 2027ರ ಆರಂಭದಲ್ಲಿ ಬರಬಹುದು. ಹೊಸ ಪ್ರೊ ಸರಣಿಯ ದೊಡ್ಡ ಹೈಲೈಟ್ ಅಂದ್ರೆ ಅದರ ಬ್ಯಾಟರಿ. ಶಿಯೋಮಿ 18 ಪ್ರೊ ಫೋನ್‌ನಲ್ಲಿ 7,000 mAh ಬ್ಯಾಟರಿ ಇದ್ರೆ, ಶಿಯೋಮಿ 18 ಪ್ರೊ ಮ್ಯಾಕ್ಸ್‌ನಲ್ಲಿ ಬರೋಬ್ಬರಿ 8,500 mAh ಬ್ಯಾಟರಿ ಕೊಟ್ಟಿದ್ದಾರೆ.

ಇನ್ನು ಶಿಯೋಮಿ 18 ಪ್ರೊ ಮಾಡೆಲ್‌ಗಿಂತ ಪ್ರೊ ಮ್ಯಾಕ್ಸ್‌ನಲ್ಲಿ 1,500 mAh ಹೆಚ್ಚು ಬ್ಯಾಟರಿ ಸಿಗುತ್ತೆ. ಹಳೆಯ ಶಿಯೋಮಿ 17 ಪ್ರೊ ಮ್ಯಾಕ್ಸ್‌ಗೆ ಹೋಲಿಸಿದ್ರೂ ಹೊಸ ಫೋನ್‌ನಲ್ಲಿ 1,000 mAh ಹೆಚ್ಚು ಬ್ಯಾಟರಿ ಸಾಮರ್ಥ್ಯ ಇದೆ. ಬ್ಯಾಟರಿ ಸೆಲ್‌ಗಳಲ್ಲಿ ಶೇ.32ರಷ್ಟು ಸಿಲಿಕಾನ್ ಬಳಸಿದ್ದಾರೆ. ಸಾಮಾನ್ಯ ಗ್ರಾಫೈಟ್ ಬ್ಯಾಟರಿಗಳಿಗಿಂತ ಸಿಲಿಕಾನ್ ತಂತ್ರಜ್ಞಾನದಲ್ಲಿ ಹೆಚ್ಚು ಪವರ್ ಸೇವ್ ಮಾಡಬಹುದು. ಇದರಿಂದ ಫೋನ್ ದಪ್ಪ ಆಗದಂತೆ ದೊಡ್ಡ ಬ್ಯಾಟರಿ ಕೊಡೋಕೆ ಸಾಧ್ಯವಾಗಿದೆ. ಆದ್ರೆ 8,500 mAh ಬ್ಯಾಟರಿ ಇದೆ ಅಂದಾಕ್ಷಣ 7,000 mAh ಮಾಡೆಲ್‌ಗಿಂತ ನಿಖರವಾಗಿ ಶೇ.21ರಷ್ಟು ಹೆಚ್ಚು ಬ್ಯಾಟರಿ ಬ್ಯಾಕಪ್ ಸಿಗುತ್ತೆ ಅಂತ ಲೆಕ್ಕ ಹಾಕೋಕೆ ಆಗಲ್ಲ.

ಸ್ಕ್ರೀನ್ ಬ್ರೈಟ್‌ನೆಸ್, ಮೊಬೈಲ್ ನೆಟ್‌ವರ್ಕ್, ಗೇಮಿಂಗ್, ಕ್ಯಾಮೆರಾ ಬಳಕೆ, ಪ್ರೊಸೆಸರ್ ಹಾಗೂ ಸಾಫ್ಟ್‌ವೇರ್ ಮೇಲೆ ಅಸಲಿ ಬ್ಯಾಟರಿ ಬ್ಯಾಕಪ್ ನಿರ್ಧಾರ ಆಗುತ್ತೆ. ಪವರ್ ಬಳಕೆ ಕಡಿಮೆ ಮಾಡಲು ಶಿಯೋಮಿ ಹೊಸ ಡಿಸ್‌ಪ್ಲೇ ತಂತ್ರಜ್ಞಾನ ಬಳಸಿದೆ. ಒಮ್ಮೆ ಚಾರ್ಜ್ ಮಾಡಿದ್ರೆ ಫೋನ್ ಎಷ್ಟು ಹೊತ್ತು ಬರುತ್ತೆ ಅನ್ನೋದು ಲಾಂಚ್ ಆದ್ಮೇಲೆ ಗೊತ್ತಾಗಲಿದೆ.

ಕ್ಯಾಮೆರಾ ವಿಚಾರದಲ್ಲೂ ಶಿಯೋಮಿ ಈ ಬಾರಿ ದೊಡ್ಡ ಗೇಮ್ ಪ್ಲಾನ್ ಮಾಡಿದೆ. ಶಿಯೋಮಿ 18 ಪ್ರೊ ಹಾಗೂ ಪ್ರೊ ಮ್ಯಾಕ್ಸ್ ಎರಡೂ ಫೋನ್‌ಗಳಲ್ಲಿ 200 MP ಮೇನ್ ಕ್ಯಾಮೆರಾ ಹಾಗೂ 200 MP ಪೆರಿಸ್ಕೋಪ್ ಟೆಲಿಫೋಟೋ ಕ್ಯಾಮೆರಾ ಇರಲಿದೆ ಅಂತ ಕಂಪನಿ ಹೇಳಿದೆ. ಎರಡರಲ್ಲೂ ಲೈಕಾ (Leica) ಕ್ಯಾಮೆರಾ ಸೆಟಪ್ ಇದೆ. ಹೀಗಾಗಿ ಕ್ಯಾಮೆರಾ ಈ ಫೋನ್‌ನ ಅತಿದೊಡ್ಡ ಹೈಲೈಟ್. ಎರಡೂ ಕ್ಯಾಮೆರಾಗಳು 200 MP ಅಂದಾಕ್ಷಣ ಒಂದೇ ಥರ ಫೋಟೋ ಬರುತ್ತೆ ಅಂತ ಅಂದುಕೊಳ್ಳಬಾರದು. ಸೆನ್ಸಾರ್ ಸೈಜ್, ಅಪರ್ಚರ್, ಲೆನ್ಸ್, ಪ್ರೊಸೆಸಿಂಗ್ ಹಾಗೂ ಸಾಫ್ಟ್‌ವೇರ್ ಮೇಲೆ ಫೋಟೋ ಕ್ವಾಲಿಟಿ ನಿಂತಿದೆ. ವಿಶೇಷವಾಗಿ ನೈಟ್ ಫೋಟೋಗ್ರಫಿ, ಪೋರ್ಟ್ರೇಟ್ ಹಾಗೂ ಜೂಮ್ ಫೋಟೋಗಳಲ್ಲಿ ಲೈಕಾ ಕ್ಯಾಮೆರಾ ಮ್ಯಾಜಿಕ್ ಮಾಡೋದು ಪಕ್ಕಾ.

ಶಿಯೋಮಿ 18 ಪ್ರೊ ಸರಣಿಯ ಮತ್ತೊಂದು ಸಖತ್ ಫೀಚರ್ ಅಂದ್ರೆ ಹಿಂಬದಿ ಇರುವ ಎರಡನೇ ಡಿಸ್‌ಪ್ಲೇ. ಶಿಯೋಮಿ 17 ಪ್ರೊ ಸರಣಿಯಲ್ಲಿದ್ದ ಈ ರಿಯರ್ ಡಿಸ್‌ಪ್ಲೇ, ಹೊಸ ಫೋನ್‌ನಲ್ಲಿ ಇನ್ನಷ್ಟು ದೊಡ್ಡದಾಗಿರಲಿದೆ. ಇದು ಕ್ಯಾಮೆರಾ ಮಾಡ್ಯೂಲ್ ಜೊತೆಯೇ ಮಿಕ್ಸ್ ಆದಂತೆ ಕಾಣಬಹುದು. ಹೈಪರ್‌ಓಎಸ್ 4 (HyperOS 4) ಮೂಲಕ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಬಳಸಿ, ಬಳಕೆದಾರರು ಈ ಹಿಂಬದಿ ಸ್ಕ್ರೀನ್‌ನಲ್ಲಿ ತಮಗೆ ಬೇಕಾದ ಕಾರ್ಡ್‌ಗಳನ್ನು ಸೆಟ್ ಮಾಡಿಕೊಳ್ಳಬಹುದು. ಮೇನ್ ಡಿಸ್‌ಪ್ಲೇಯಲ್ಲೂ ಅಪ್‌ಡೇಟ್ ಇದೆ. ಹೊಸ M11 ಪ್ಯಾನೆಲ್, 4,000 ನಿಟ್ಸ್ ಗರಿಷ್ಠ ಬ್ರೈಟ್‌ನೆಸ್ ಹಾಗೂ ಕೇವಲ 0.99 ಎಂಎಂ ಬೆಜೆಲ್ಸ್ ಇರಲಿದೆ. ಜೊತೆಗೆ ಪ್ರೈವೆಸಿ ಕಾಪಾಡುವ ಹೊಸ ಡಿಸ್‌ಪ್ಲೇ ತಂತ್ರಜ್ಞಾನವೂ ಇದೆ. ಶಿಯೋಮಿ 18 ಪ್ರೊ ಸರಣಿಯಲ್ಲಿ 2 ನ್ಯಾನೋಮೀಟರ್ ಪ್ಲಾಟ್‌ಫಾರ್ಮ್ ಬಳಸಲಾಗಿದೆ. ಆದ್ರೆ ಯಾವ ಚಿಪ್‌ಸೆಟ್ ಅಂತ ಇನ್ನೂ ಕನ್ಫರ್ಮ್ ಆಗಿಲ್ಲ. ಸೆಪ್ಟೆಂಬರ್ 22 ರಿಂದ 24ರವರೆಗೆ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ (Qualcomm Snapdragon) ಕಾರ್ಯಕ್ರಮ ನಡೆಯಲಿರುವುದರಿಂದ, ಪ್ರೊಸೆಸರ್ ಡೀಟೇಲ್ಸ್ ಲಾಂಚ್ ಇವೆಂಟ್‌ನಲ್ಲೇ ಗೊತ್ತಾಗಬಹುದು.

ಬೆಲೆ ವಿಚಾರ ಸದ್ಯಕ್ಕೆ ಸಸ್ಪೆನ್ಸ್. ಹಳೆಯ ಶಿಯೋಮಿ 17 ಪ್ರೊ 4,999 ಚೀನೀ ಯುವಾನ್‌ಗೆ ಹಾಗೂ 17 ಪ್ರೊ ಮ್ಯಾಕ್ಸ್ 5,999 ಚೀನೀ ಯುವಾನ್‌ಗೆ ಲಾಂಚ್ ಆಗಿತ್ತು. ಈ ಬಾರಿ ದೊಡ್ಡ ಬ್ಯಾಟರಿ, ಡ್ಯುಯಲ್ 200 MP ಕ್ಯಾಮೆರಾ ಇರೋದ್ರಿಂದ ಬೆಲೆ ಎಷ್ಟಿರಬಹುದು ಅನ್ನೋ ಕುತೂಹಲ ಇದೆ. 12GB RAM ಮತ್ತು 512GB ಸ್ಟೋರೇಜ್ ಫೋನ್‌ನ ಮೆಮೊರಿ ಬಿಡಿಭಾಗಗಳ ಬೆಲೆ 2025ರ ಆರಂಭಕ್ಕೆ ಹೋಲಿಸಿದ್ರೆ ಸುಮಾರು 1,500 ಚೀನೀ ಯುವಾನ್ ಹೆಚ್ಚಾಗಿದೆ (ಅಂದರೆ ಒಟ್ಟಾರೆ 1,07,300 ರೂ.) ಅಂತ ಶಿಯೋಮಿ ಅಧ್ಯಕ್ಷ ಲು ವೀಬಿಂಗ್ (Lu Weibing) ಹೇಳಿದ್ದಾರೆ.

ಈ ಬೆಲೆ ಏರಿಕೆ ಶಿಯೋಮಿ 18 ಪ್ರೊ ಸರಣಿ ಮೇಲೆ ಎಷ್ಟು ಪ್ರಭಾವ ಬೀರಲಿದೆ ಅಂತ ಕಾದುನೋಡಬೇಕು. ಭಾರತದಲ್ಲಿ ಲಾಂಚ್ ಆಗುವ ದಿನಾಂಕ ಹಾಗೂ ಬೆಲೆ ಬಗ್ಗೆ ಇನ್ನೂ ಮಾಹಿತಿ ಸಿಕ್ಕಿಲ್ಲ. ಸದ್ಯಕ್ಕೆ 7,000 mAh ಮತ್ತು 8,500 mAh ಬ್ಯಾಟರಿ, ಡ್ಯುಯಲ್ 200 MP ಲೈಕಾ ಕ್ಯಾಮೆರಾ, ರಿಯರ್ ಡಿಸ್‌ಪ್ಲೇ, ಹೈಪರ್‌ಓಎಸ್ 4 ಹಾಗೂ 2 ನ್ಯಾನೋಮೀಟರ್ ಪ್ಲಾಟ್‌ಫಾರ್ಮ್ ಈ ಫೋನ್‌ನ ಪ್ರಮುಖ ಹೈಲೈಟ್ಸ್ ಆಗಿದೆ. ಈ ಮಾಡೆಲ್ ಇದೀಗ ಐಫೋನ್ 18 ಸರಣಿಗೆ ಮಾತ್ರ ಖಂಡಿತವಾಗಿ ಟಕ್ಕರ್ ಕೊಡಲಿದೆ.

ಕೇವಲ ₹50ಕ್ಕೆ ನಿಮ್ಮಿಷ್ಟದ ಜಿಯೋ VIP ನಂಬರ್ ಬುಕ್ ಮಾಡುವುದು ಹೇಗೆ? ಇಲ್ಲಿದೆ ಕಂಪ್ಲೀಟ್ ಗೈಡ್!

Ganesh Mabla Gowda — Mon, 21 Sep 2026 21:39:50 +0530

ಹೊಸ ಸಿಮ್ ಖರೀದಿಸಲು ಹೋದರೆ..ಟೆಲಿಕಾಂ ಕಂಪನಿಗಳು ಕಂಪ್ಯೂಟರ್‌ನಿಂದ ಆಟೋಮ್ಯಾಟಿಕ್ ಆಗಿ ಜನರೇಟ್ ಆಗಿರುವ ಒಂದು ಮೊಬೈಲ್ ಸಂಖ್ಯೆಯನ್ನು ನೀಡುತ್ತವೆ. ಇಂಥ ಸಂಖ್ಯೆಗಳನ್ನು ನೆನಪಿಟ್ಟುಕೊಳ್ಳುವುದು ಕಷ್ಟಕರ. ಹುಟ್ಟಿದ ದಿನಾಂಕ, ವಾಹನ ನೋಂದಣಿ ಸಂಖ್ಯೆ, ಅದೃಷ್ಟದ ಸಂಖ್ಯೆ (Lucky Number) ಅಥವಾ ನೆನಪಿಟ್ಟುಕೊಳ್ಳಲು ಅತ್ಯಂತ ಸುಲಭವಾದ ಫ್ಯಾನ್ಸಿ ನಂಬರ್ ಹೊಂದಬೇಕೆಂಬ ಆಸೆ ನಿಮಗಿದೆಯೇ? ಹಾಗಿದ್ದರೆ ರಿಲಯನ್ಸ್ ಜಿಯೋ (Reliance Jio) ತನ್ನ ಗ್ರಾಹಕರಿಗೆ ಇಂತಹದ್ದೊಂದು ಸುವರ್ಣಾವಕಾಶ ನೀಡುತ್ತಿದೆ.

ಜಿಯೋ VIP ನಂಬರ್ ಎಂದರೇನು?

ನಾವು ಹೊಸ ಸಿಮ್ ಖರೀದಿಸಲು ಹೋದಾಗಿ Random ಆಗಿ ಯಾವುದೋ ನಂಬರ್ ಆಯ್ಕೆ ಮಾಡಿಕೊಳ್ಳುವ ಬದಲಾಗಿ, ಇಷ್ಟವಾದ ನಂಬರ್‍‌ಗಳನ್ನ ಹೊಂದಿರುವ ಸಂಖ್ಯೆಯನ್ನು ಪಡೆಯುವುದೇ ವಿಐಪಿ ಅಥವಾ ಫ್ಯಾನ್ಸಿ ನಂಬರ್ ಆಗಿದೆ.

ಉದಾಹರಣೆಗೆ: 777, 888, 666, 9999 ನಂತಹ ಪುನರಾವರ್ತಿತ ಅಂಕಿಗಳುಳ್ಳ ನಂಬರ್‌ಗಳು. ಇನ್ನೂ ಸರಳವಾಗಿ ಹೇಳೋದಾರೆ ನೀವು ಸುಲಭವಾಗಿ ನೆನಪಿಟ್ಟುಕೊಳ್ಳಲು ಸಾಧ್ಯವಿರುವ ನಂಬರ್‍‌ಗಳು. ವ್ಯಾಪಾರಸ್ಥರು, ಉದ್ಯಮಿಗಳು ಹಾಗೂ ತಮ್ಮ ಸಂಪರ್ಕ ಸಂಖ್ಯೆ ಎಲ್ಲರಿಗಿಂತ ಭಿನ್ನವಾಗಿರಬೇಕು ಎಂದು ಬಯಸುವವರಿಗೆ ವಿಐಪಿ ನಂಬರ್‌ಗಳು ಹೆಚ್ಚು ಆಕರ್ಷಕವಾಗಿರುತ್ತವೆ.

ಬೆಲೆ ಎಷ್ಟು?

ಜಿಯೋ ಸಂಸ್ಥೆಯು ವಿಐಪಿ ಸಂಖ್ಯೆಗಳಿಗೆ ನಿಗದಿಪಡಿಸುವ ದರವು.. ಆಯ್ಕೆ ಸಂಖ್ಯೆಯ ಪ್ಯಾಟರ್ನ್ ಮತ್ತು ಮಾರುಕಟ್ಟೆಯಲ್ಲಿ ಅದಕ್ಕಿರುವ ಬೇಡಿಕೆಯ ಆಧಾರದ ಮೇಲೆ ನಿರ್ಧಾರವಾಗುತ್ತದೆ ಎಂದು ಸಂಸ್ಥೆ ಹೇಳಿದೆ. ಅದರ ಕನಿಷ್ಠದರ 50 ರೂಪಾಯಿಯಿಂದ ಪ್ರಾರಂಭವಾಗತ್ತದೆ.

ಸಾಮಾನ್ಯ ಪ್ಯಾಟರ್ನ್‌ಗಳು: ಉದಾಹರಣೆಗೆ 686, 777, 888 ಇಂಥ ಸಂಖ್ಯೆಗಳು ಗ್ರಾಹಕರಿಗೆ ಕೈಗೆಟುಕುವ ಬೆಲೆಯಲ್ಲಿ ಸಿಗುತ್ತವೆ.

ಪ್ರೀಮಿಯಂ ಮತ್ತು ರೇರ್ ನಂಬರ್‌ಗಳು: ಅತ್ಯಂತ ಅಪರೂಪದ ಮತ್ತು ಭಾರಿ ಬೇಡಿಕೆಯಿರುವ ಸಂಖ್ಯೆಗಳಾದ 0000, 1000 ಅಥವಾ ಸೂಪರ್ ಫ್ಯಾನ್ಸಿ ಸರಣಿಯ ನಂಬರ್‌ಗಳ ಬೆಲೆ ಬರೋಬ್ಬರಿ ₹15,000 ದವರೆಗೂ ಇರಲಿದೆ.

VIP ನಂಬರ್ ಹುಡುಕೋದು ಹೇಗೆ?

ನಿಮ್ಮ ನೆಚ್ಚಿನ ಸಂಖ್ಯೆಗೆ ಜಿಯೋ ಸ್ಟೋರ್‌ಗೆ ಅಲೆಯಬೇಕಾಗಿಲ್ಲ
ಮನೆಯಲ್ಲೇ ಕುಳಿತು ನಿಮ್ಮ ಮೊಬೈಲ್ ಮೂಲಕವೇ ಹುಡುಕಬಹುದು
ಮೊಬೈಲ್‌ನಲ್ಲಿ MyJio App ಓಪನ್ ಮಾಡಿ
ಅಥವಾ ಜಿಯೋದ ಅಧಿಕೃತ ವೆಬ್‌ಸೈಟ್‌ಗೆ (jio.com) ಭೇಟಿ ನೀಡ
ಅಲ್ಲಿ ಕಾಣಿಸುವ ‘Choice Number’ ಅಥವಾ ‘VIP Number’ ಆಯ್ಕೆ ಇರುತ್ತೆ
ನಂತರ ನಿಮ್ಮ ಹಾಲಿ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ
ಬರುವ OTP (One Time Password) ಹಾಕಿ ಲಾಗಿನ್ ಆಗಿ
ಸರ್ಚ್ ಬಾಕ್ಸ್‌ನಲ್ಲಿ ನಿಮಗೆ ಇಷ್ಟವಾದ 4 ಅಥವಾ 5 ಅಂಕಿಗಳನ್ ಹಾಕಿ
ಅಲ್ಲಿ ನಿಮ್ಮ ಆಯ್ಕೆಯ ನಂಬರ್ ಲಭ್ಯವಿದ್ದರೆ ತೋರಿಸುತ್ತದೆ

ಖರೀದಿ ಮಾಡೋದು ಹೇಗೆ?

ಲಭ್ಯವಿರುವ ಪಟ್ಟಿಯಲ್ಲಿ ಇಷ್ಟವಾದ ಸಂಖ್ಯೆಯನ್ನು ಆಯ್ಕೆ ಮಾಡಿ
ಅಲ್ಲಿ ತೋರಿಸಲಾದ ಬೆಲೆ ಮತ್ತು ನಿಯಮಗಳನ್ನು ಸರಿಯಾಗಿ ಓದಿಕೊಳ್ಳಿ
'Pay' ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ, ಯುಪಿಐ (UPI),
ನೆಟ್ ಬ್ಯಾಂಕಿಂಗ್ ಅಥವಾ ಕಾರ್ಡ್ ಮೂಲಕ ಹಣ ಪಾವತಿಸಿ
ನಂತರ ಒಂದು ಬುಕಿಂಗ್ ಕೋಡ್ ಅಥವಾ ರೆಫರೆನ್ಸ್ ನಂಬರ್ ಸಿಗಲಿದೆ
ಈ ಕೋಡ್ ತೆಗೆದುಕೊಂಡು ಜಿಯೋ ಸ್ಟೋರ್‌ಗೆ ಭೇಟಿ ನೀಡಿ
ಅವರು ನಿಮ್ಮಿಷ್ಟ ನಂಬರ್ ಹೊಂದಿರುವ ಸಿಮ್ ಕಾರ್ಡ್ ಕೊಡ್ತಾರೆ
ಹೋಮ್ ಡೆಲಿವರಿ ಲಭ್ಯವಿದ್ದರೆ ಮನೆ ಬಾಗಿಲಿಗೇ ತರಿಸಿಕೊಳ್ಳಬಹುದು

Xiaomi 18 Pro Max Leaks: ಆಪಲ್‌ಗೆ ನಡುಕ ಹುಟ್ಟಿಸಿದ ಶಿಯೋಮಿ 18 ಪ್ರೊ ಮ್ಯಾಕ್ಸ್ ಫೀಚರ್ಸ್! ಯಾವಾಗ ಬಿಡುಗಡೆ? ಬೆಲೆ ಎಷ್ಟು?

Ravi Janekal — Tue, 22 Sep 2026 11:17:45 +0530

ಸ್ಮಾರ್ಟ್‌ಫೋನ್ ಜಗತ್ತಿನಲ್ಲಿ ಆಪಲ್‌ ಕಂಪನಿಯೊಂದಿಗೆ ತೀವ್ರ ಪೈಪೋಟಿ ಏರ್ಪಟ್ಟಿದೆ. ಐಫೋನ್ 18 Pro ಜಾಗತಿಕವಾಗಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿರುವ ಬೆನ್ನಲ್ಲೇ ಒಪ್ಪೋ, ವಿವೋ ಕೂಡ ಹೊಸ ಮಾದರಿಯ ಸ್ಮಾರ್ಟ್ ಫೋನ್ ಬಿಡುಗಡೆ ಮಾಡಿ ಆಪಲ್‌ಗೆ ಸೆಡ್ಡು ಹೊಡೆದಿದೆ. ಇದೀಗ ಲೇಟೆಸ್ಟ್ ಸುದ್ದಿ ಎಂದರೆ ಶಿಯೋಮಿ ಕಂಪನಿ ಕೂಡ Xiaomi 18 Pro Max ಬಿಡುಗಡೆ ಮಾಡುವುದಾಗಿ ಘೋಷಿಸಿದ ಬಳಿಕ ಇದೀಗ ದೈತ್ಯ ಮೊಬೈಲ್ ಕಂಪನಿಗಳ ನಡುವೆ ತೀವ್ರ ಪೈಪೋರ್ಟಿ ಏರ್ಪಟ್ಟಿದೆ.

ಐಫೋನ್ ತನ್ನ ಹೊಸ ಮಾದರಿ ಬಿಡುಗಡೆ ಮಾಡಿದ ಎರಡೇ ವಾರದೊಳಗೆ ಶಿಯೋಮಿ ಕೂಡ ಅತ್ಯಾಧುನಿಕ ಫಿಚರ್ಸ್ ಹೊಂದಿರುವ ಫ್ಲ್ಯಾಗ್‌ಶಿಪ್ ಸಿರೀಸ್‌ನ Xiaomi 18 ಮತ್ತು Xiaomi 18 Pro Max 5G ಮಾದರಿಗಳನ್ನು ಬಿಡುಗಡೆ ಮಾಡಲು ಸಜ್ಜಾಗಿರುವ ಬೆನ್ನಲ್ಲೇ ಕೆಲವು ಮಾಹಿತಿಗಳು, ಫೋಟೋಗಳು ಲೀಕ್ ಆಗಿವೆ. ಸದ್ಯ Xiaomi 18 Pro Max ಭಾರತದಲ್ಲಿ ಬಿಡುಗಡೆಯಾಗುತ್ತಿಲ್ಲ. ಮೊದಲಿಗೆ ಚೀನಾದಲ್ಲಿ ನಾಳೆ ಅಂದರೆ ಸೆಪ್ಟೆಂಬರ್ 23, 2026ರಂದು ಬಿಡುಗಡೆಯಾಗಲಿದೆ. ಬಿಡುಗಡೆಗೂ ಮುನ್ನ ಈ ಫೋನ್‌ನ ಹಲವು ಪ್ರಮುಖ ಫೀಚರ್‌ಗಳು ಮತ್ತು ವಿಶೇಷತೆಗಳ ಮಾಹಿತಿ ಲೀಕ್ ಆಗಿದೆ.

ಇದನ್ನೂ ಓದಿ: Iphone ಗೆ ವಿವೋ ಸೆಡ್ಡು: ನಾಳೆ ನಾಡಿದ್ದು Vivo X500, X500 Pro ಎರಡು ಶಕ್ತಿಶಾಲಿ ಹೊಸ ಫೋನ್ ಬಿಡುಗಡೆ! ಬೆಲೆ ಎಷ್ಟು, ಹೊಸತೇನಿದೆ?

ಸ್ಯಾಮ್‌ಸಂಗ್ ಗ್ಯಾಲಕ್ಸಿ ರೀತಿಯಲ್ಲೇ Xiaomi 18 Pro Max ಪ್ರೈವೆಸಿ ಡಿಸ್‌ಪ್ಲೇ!

ಸೋರಿಕೆಯಾದ ಮಾಹಿತಿಯ ಪ್ರಕಾರ, Xiaomi 18 Pro Maxನಲ್ಲಿ ದೊಡ್ಡ 8500mAh ಬ್ಯಾಟರಿ ಇರಲಿದೆ. ಜೊತೆಗೆ ಕ್ವಾಲ್ಕಾಮ್‌ನ ಹೊಸ 2nm Snapdragon 8 Elite Gen 6 Pro ಚಿಪ್‌ಸೆಟ್‌ ಇರಲಿದೆ ಎಂದು ಹೇಳಲಾಗಿದೆ. ಹೊಸ ಚಿಪ್‌ಸೆಟ್ ಜೊತೆಗೆ, Samsung Galaxy S26 Ultra ದಲ್ಲಿನ ಅತ್ಯಾಧುನಿಕ ಫಿಚರ್‌ ಆದ Privacy Displayಗೆ ಸೆಡ್ಡು ಹೊಡೆಯಲು ಶಿಯೋಮಿ ಕೂಡ ಹೊಸ Privacy Display ತನ್ನದೇ ತಂತ್ರಜ್ಞಾನವನ್ನು ಪರಿಚಯಿಸಲಿದೆ.

ಲೀಕ್ ಆಗಿರುವ ಈ ವಿಶೇಷತೆಗಳನ್ನು ಗಮನಿಸಿದರೆ, Xiaomi 18 Pro Max ಇತ್ತೀಚೆಗೆ ಬಿಡುಗಡೆಯಾದ Apple iPhone 18 Pro Maxಗೆ ನೇರ ಸ್ಪರ್ಧೆ ನೀಡುವ ಸಾಧ್ಯತೆ ಇದೆ. iPhone 18 Pro Max ಬಿಡುಗಡೆಯಾಗಿ ಕೇವಲ ಎರಡು ವಾರಗಳಾಗಿವೆಯಷ್ಟೇ. ಕೇವಲ ಎರಡುವಾರದಲ್ಲೇ ಶಿಯೋಮಿ ತನ್ನ ಹೊಸ ಮಾದರಿಯ ಮೊಬೈಲ್ ಬಿಡುಗಡೆ ಮಾಡಲಿರುವುದು ಆಪಲ್ ಕಂಪನಿಗೆ ನೇರ ಪೈಪೋಟಿ ಎಂದೇ ಹೇಳಬಹುದು.

ಇದನ್ನೂ ಓದಿ: ಕೇವಲ 17 ನಿಮಿಷದಲ್ಲಿ iPhone 18 Pro ಮನೆ ಬಾಗಿಲಿಗೆ! ಸರತಿ ಸಾಲಲ್ಲಿ ಕಾಯದೆ ಇಷ್ಟು ಮಾಡಿ ಸಾಕು

Xiaomi 18 Pro Max ಹೊಸ ಡಿಸ್‌ಪ್ಲೇ ತಂತ್ರಜ್ಞಾನ

ನಾಳೆ (ಸೆಪ್ಟೆಂಬರ್ 23, 2026) ಚೀನಾದಲ್ಲಿ ಬಿಡುಗಡೆಯಾಗಲಿರುವ Xiaomi 18 Pro Maxನಲ್ಲಿ ಹೊಸ TCL M11 Super Pixel Real RGB OLED ಫ್ಲ್ಯಾಟ್ ಡಿಸ್‌ಪ್ಲೇ ಇರಲಿದೆ ಎಂದು ವರದಿಗಳು ತಿಳಿಸಿವೆ. ಇದರಲ್ಲಿ Privacy Display ತಂತ್ರಜ್ಞಾನವೂ ಇರಲಿದೆ. Privacy Display ಫೀಚರ್‌ ಸ್ಯಾಮ್‌ಸಂಗ ಹೊರತುಪಡಿಸಿ ಬೇರಾವ ಸ್ಮಾರ್ಟ್‌ಫೋನ್‌ಗಳಲ್ಲೂ ಈ ಸೌಲಭ್ಯವಿರಲಿಲ್ಲ. ಇದೀಗ ಸ್ಯಾಮ್‌ಸಂಗ್ ಬಳಲಿಕ ಮತ್ತೊಂದು ಸ್ಮಾರ್ಟ್‌ಫೋನ್ ಡಿಸ್‌ಪ್ಲೇ ಹೊಂದಿರುವ ಫೋನ್ ಇದಾಗಲಿದೆ. ಅಲ್ಲದೆ ಫೋನ್‌ನ ಡಿಸ್‌ಪ್ಲೇ ಸುತ್ತಲಿನ ಬೆಜಲ್‌ ಕೇವಲ 0.99mm ಇರಲಿದೆ ಎನ್ನಲಾಗಿದೆ. ಇದರಿಂದ ಮುಂಭಾಗದಲ್ಲಿ ಬಹುತೇಕ ಸಂಪೂರ್ಣ ಸ್ಕ್ರೀನ್ ಇರುವಂತಹ ವಿನ್ಯಾಸವನ್ನು ಕಾಣಬಹುದು.

ಹಿಂಭಾಗದಲ್ಲೂ ಡಿಸ್‌ಪ್ಲೇ

ಫ್ಲ್ಯಾಗ್‌ಶಿಪ್ ಮುಂಭಾಗದ ಡಿಸ್‌ಪ್ಲೇ ಜೊತೆಗೆ Xiaomi 18 Pro Maxನಲ್ಲಿ ಹಿಂಭಾಗದಲ್ಲೂ ಬಹುಪಯೋಗಿ ಡಿಸ್‌ಪ್ಲೇ ಇರಲಿದೆ ಎಂದು ವರದಿಗಳು ಹೇಳಿವೆ. ಹಿಂಭಾಗದ ಡಿಸ್‌ಪ್ಲೇನಲ್ಲಿ ನಿರ್ದಿಷ್ಟ ಕೆಲಸಗಳನ್ನು ಮಾಡುವಂತಹ AI ಆಧಾರಿತ ಆ್ಯಪ್‌ಗಳನ್ನು ಬಳಕೆದಾರರು ರಚಿಸಿಕೊಳ್ಳಬಹುದು ಎನ್ನಲಾಗಿದೆ. ಉದಾಹರಣೆಗೆ ನೀರು ಕುಡಿಯುವ ಸಮಯವನ್ನು ನೆನಪಿಸುವ ಆ್ಯಪ್‌ ಅನ್ನು ರಚಿಸಿಕೊಳ್ಳಬಹುದು.

Xiaomi 18 Pro Maxನಲ್ಲಿ ಐಫೋನ್‌ನಂತಯೇ ಶಕ್ತಿಶಾಲಿ ಚಿಪ್‌ಸೆಟ್

ಇಂತಹ ಹಲವು ಕಾರ್ಯಗಳನ್ನು ನಿರ್ವಹಿಸಲು Xiaomi 18 Pro Maxನಲ್ಲಿ Qualcomm Snapdragon 8 Elite Gen 6 Pro ಚಿಪ್‌ಸೆಟ್‌ ಇರಲಿದೆ ಎಂದು ನಿರೀಕ್ಷಿಸಲಾಗಿದೆ. ಈ ಹೊಸ ಚಿಪ್‌ಸೆಟ್‌ ಅನ್ನು ಕ್ವಾಲ್ಕಾಮ್ ತನ್ನ Summit ಕಾರ್ಯಕ್ರಮದಲ್ಲಿ ಪರಿಚಯಿಸಲಿದೆ.

Xiaomi 18 Pro Max ಕ್ಯಾಮೆರಾ ಹೇಗಿರಲಿದೆ?

ಕ್ಯಾಮೆರಾ ವಿಭಾಗದಲ್ಲೂ Xiaomi 18 Pro Max ಹಲವು ವೈಶಿಷ್ಠ್ಯಗಳನ್ನು ಹೊಂದಿರಲಿದೆ ಎನ್ನಲಾಗಿದೆ. ಫೋನ್‌ನಲ್ಲಿ Leica Dual 200MP ಮುಖ್ಯ ಕ್ಯಾಮೆರಾ, 50MP ಅಲ್ಟ್ರಾ-ವೈಡ್ ಆಂಗಲ್ ಕ್ಯಾಮೆರಾ ಮತ್ತು 200MP OIS ಪೆರಿಸ್ಕೋಪ್ ಕ್ಯಾಮೆರಾ ಇರಲಿದೆ ಎಂದು ವರದಿಗಳು ತಿಳಿಸಿವೆ. ಇದರಲ್ಲಿ IP68 ಮತ್ತು IP69 ನೀರು ಹಾಗೂ ಧೂಳು ನಿರೋಧಕ ರೇಟಿಂಗ್‌ಗಳು ಇರಲಿವೆ ಎಂದು ಹೇಳಲಾಗಿದೆ. ಇದೇ ರೀತಿ Apple iPhone 18 Pro Max ಕೂಡ ಹಲವು ಪ್ರಮುಖ ಫೀಚರ್‌ಗಳನ್ನು ಹೊಂದಿದೆ. ಇದರಲ್ಲಿ ಹೊಸ 2nm ಆಧಾರಿತ Apple A20 Pro ಚಿಪ್‌ಸೆಟ್‌ ಮತ್ತು ವೇರಿಯಬಲ್ ಅಪರ್ಚರ್ ಲೆನ್ಸ್ ಹೊಂದಿರುವ ಮೂರು 48MP ಕ್ಯಾಮೆರಾಗಳ ಸೆಟಪ್ ಇದೆ. ಆದರೆ ಮೆಮೊರಿ ಬೆಲೆ ಏರಿಕೆಯಿಂದಾಗಿ iPhone 18 Pro Max ಹೆಚ್ಚಿನ ಬೆಲೆಯಲ್ಲಿ ಬಿಡುಗಡೆಯಾಗಿದೆ ಎಂದು ವರದಿಯಾಗಿದೆ. Xiaomi 18 Pro Max ಅನ್ನು iPhone 18 Pro Maxಗಿಂತ ಕಡಿಮೆ ಬೆಲೆಯಲ್ಲಿ ಬಿಡುಗಡೆ ಮಾಡಲು ಶಿಯೋಮಿ ಯಶಸ್ವಿಯಾದರೆ, ಬಿಡುಗಡೆಯ ಬಳಿಕ ಈ ಫೋನ್‌ಗೆ ಹೆಚ್ಚಿನ ಬೇಡಿಕೆ ಬರಬಹುದು.

ಹೆಚ್ಚು ಕೇಳಲಾದ ಪ್ರಶ್ನೆಗಳು ಕೆಳಗಿವೆ

Xiaomi 18 Pro Max ಬೆಲೆ ಎಷ್ಟು?

Xiaomi 18 Pro Max ಬೆಲೆಯಲ್ಲಿ ಸ್ವಲ್ಪ ಏರಿಕೆಯಾಗುವ ಸಾಧ್ಯತೆ ಇದೆ. ಕಳೆದ ವರ್ಷ ಬಿಡುಗಡೆಯಾದ Xiaomi 17 Pro Max ಬೆಲೆ CNY 4,999ರಿಂದ ಆರಂಭವಾಗಿತ್ತು.

ಈ ಬಾರಿ Xiaomi 18 Pro Max ಬೆಲೆ ಸುಮಾರು CNY 5,999 ಇರಬಹುದು ಎಂದು ಅಂದಾಜಿಸಲಾಗಿದೆ. ಇದು ಭಾರತೀಯ ರೂಪಾಯಿ ಮೌಲ್ಯದಲ್ಲಿ ಸುಮಾರು ₹90,000 ಆಗುತ್ತದೆ.

Xiaomi 18 Pro Max ಯಾವಾಗ ಬಿಡುಗಡೆಯಾಗಲಿದೆ?

ಉತ್ತರ: Xiaomi 18 Pro Max ಫೋನ್‌ ಚೀನಾದಲ್ಲಿ ಸೆಪ್ಟೆಂಬರ್ 23, 2026ರಂದು ಬಿಡುಗಡೆಯಾಗಲಿದೆ.

Xiaomi 18 Pro Maxನಲ್ಲಿ ಯಾವ ಚಿಪ್‌ಸೆಟ್ ಇರಲಿದೆ?

ಉತ್ತರ: Xiaomi 18 Pro Maxನಲ್ಲಿ Qualcomm Snapdragon 8 Elite Gen 6 Pro ಚಿಪ್‌ಸೆಟ್‌ ಇರಲಿದೆ ಎಂದು ನಿರೀಕ್ಷಿಸಲಾಗಿದೆ.

Xiaomi 18 Pro Max ಭಾರತದಲ್ಲಿ ಬಿಡುಗಡೆಯಾಗಲಿದೆಯೇ?

ಉತ್ತರ: ಚೀನಾದಲ್ಲಿ ಸೆಪ್ಟೆಂಬರ್ 23, 2026ರಂದು ಬಿಡುಗಡೆಯಾಗಲಿದೆ. ಆದರೆ ಭಾರತದಲ್ಲಿ ಈ ಫೋನ್ ಯಾವಾಗ ಬಿಡುಗಡೆಯಾಗಲಿದೆ ಮತ್ತು ಬೆಲೆ ಎಷ್ಟಿರಲಿದೆ ಎಂಬುದನ್ನು ಶಿಯೋಮಿ ಮಾಹಿತಿ ಬಿಟ್ಟುಕೊಟ್ಟಿಲ್ಲ.

Xiaomi 18 Pro Max ಮತ್ತು iPhone 18 Pro Max ನಡುವೆ ಏನು ವ್ಯತ್ಯಾಸ?

Xiaomi 18 Pro Maxನಲ್ಲಿ Snapdragon 8 Elite Gen 6 Pro ಚಿಪ್‌ಸೆಟ್‌, 8,500mAh ಬ್ಯಾಟರಿ, Privacy Display ಮತ್ತು ಹೆಚ್ಚಿನ ರೆಸಲ್ಯೂಶನ್ ಹೊಂದಿರುವ Leica ಕ್ಯಾಮೆರಾಗಳು ಇರಲಿವೆ ಎಂದು ನಿರೀಕ್ಷಿಸಲಾಗಿದೆ.

ಇನ್ನು iPhone 18 Pro Maxನಲ್ಲಿ Apple A20 Pro ಚಿಪ್‌ಸೆಟ್‌ ಮತ್ತು ವೇರಿಯಬಲ್ ಅಪರ್ಚರ್ ಲೆನ್ಸ್ ಹೊಂದಿರುವ ಮೂರು ಕ್ಯಾಮೆರಾಗಳ ವ್ಯವಸ್ಥೆ ಇದೆ.

Xiaomi 18 Pro Max ನೀರು ನಿರೋಧಕವಾಗಿದೆಯೇ?

ವರದಿಗಳ ಪ್ರಕಾರ, Xiaomi 18 Pro Max IP68 ಮತ್ತು IP69 ರೇಟಿಂಗ್‌ಗಳೊಂದಿಗೆ ನೀರು ಮತ್ತು ಧೂಳಿನಿಂದ ರಕ್ಷಣೆ ನೀಡುವ ಸಾಧ್ಯತೆ ಇದೆ.

ಬಿಗ್ ರಿಲೀಫ್! 'ನೆಟ್ಟು ಗಿಟ್ಟು ಬೇಕಾಗಿಲ್ಲ' ಜಸ್ಟ್ ಮಾತಾಡೋಕೆ ರೀಚಾರ್ಜ್ ಬೇಕು ಅನ್ನೋರಿಗೆ ಗುಡ್‌ನ್ಯೂಸ್

Ganesh Mabla Gowda — Tue, 22 Sep 2026 21:17:48 +0530

ನವದೆಹಲಿ: ಮೊಬೈಲ್ ಬಳಕೆದಾರರಿಗೆ ಟೆಲಿಕಾಂ ನಿಯಂತ್ರಣ ಪ್ರಾಧಿಕಾರ (TRAI) ಬಿಗ್ ರಿಲೀಫ್ ನೀಡಲು ಮುಂದಾಗಿದೆ. ಮೊಬೈಲ್ ಇದೆ ಅಂದ್ರೆ ಇವತ್ತು ರಿಚಾರ್ಜ್‌ ಮಾಡಿದಷ್ಟೂ ಸಾಕಾಗಲ್ಲ. ತಿಂಗಳ ಹೇಗೆ ಕಳೆಯುತ್ತೋ ಗೊತ್ತೇ ಆಗಲ್ಲ. ಅಷ್ಟರಲ್ಲೇ ರಿಚಾರ್ಜ್ ಮಾಡಿ ಎಂಬ ಸಂದೇಶ ಬಂದಾಗಿರುತ್ತೆ. ಅದು ದುಬಾರಿ ರಿಚಾರ್ಜ್‌!

ಇಂಟರ್‍‌ನೆಟ್ ಬಳಸಲಿ, ಬಳಸದಿರಲಿ ಫೋನ್ ಅಲ್ಲಿ ಮಾತಾಡಬೇಕು ಅಂದ್ರೆ ದುಬಾರಿ ರಿಚಾರ್ಜ್ ಮಾಡಿಸಿಕೊಳ್ಳಲೇಬೇಕು. ದೊಡ್ಡ ದೊಡ್ಡ ದೈತ್ಯ ಕಂಪನಿಗಳು ಹಣ ಮಾಡುವ ಹಪಾಹಪಿಗೆ ಮೊಬೈಲ್ ಬಳಸದೇ ಇರೋರನ್ನೂ ಸುಲಿಗೆ ಮಾಡ್ತಿದೆ. ಇದಕ್ಕೆಲ್ಲಾ ವಿರಾಮ ಹಾಡಲು ಟ್ರಾಯ್ ಮುಂದಾಗಿದೆ. ಇನ್ಮುಂದೆ ನನಗೆ ಯಾವುದೇ ಡೇಟಾ ಬೇಡ, ಜಸ್ಟ್ ಹಲೋ ಅಂತಾ ಹೇಳೋಕೆ ರಿಚಾರ್ಜ್ ಇದ್ದರೆ ಸಾಕು ಅನ್ನೋರಿಗೆ ಟ್ರಾಯ್ ಗುಡ್‌ನ್ಯೂಸ್ ಕೊಡಲಿದೆ.

TRAI ಹೊಸ ನಿಯಮದಲ್ಲಿ ಏನಿದೆ?

ಹೊಸ ನಿಯಮದ ಪ್ರಕಾರ.. ಜಿಯೋ (Jio), ಏರ್‌ಟೆಲ್ (Airtel) ಮತ್ತು ವೊಡಾಫೋನ್ ಐಡಿಯಾ (Vi) ಇಂಟರ್ನೆಟ್ ಡೇಟಾ ಇಲ್ಲದ ಪ್ರತ್ಯೇಕ ರೀಚಾರ್ಜ್ ಪ್ಲಾನ್‌ಗಳನ್ನು ನೀಡಲಿವೆ. ಪ್ರಸ್ತುತ ಕಂಪನಿಗಳು 28 ದಿನ, 56 ದಿನ ಅಥವಾ 84 ದಿನಗಳ ವ್ಯಾಲಿಡಿಟಿ ಇರುವ ಪ್ಲಾನ್‌ಗಳನ್ನು ನೀಡುತ್ತಿವೆ. ಇನ್ಮುಂದೆ ಇದೇ ಅವಧಿಗೆ ಕೇವಲ ವಾಯ್ಸ್ ಕಾಲ್ ಮತ್ತು ಎಸ್‌ಎಂಎಸ್ ಮಾತ್ರ ಒಳಗೊಂಡಿರುವ ಪ್ಲಾನ್‌ಗಳನ್ನು ಕಂಪನಿಗಳು ನೀಡಲೇಬೇಕು.

ಟ್ರಾಯ್‌ನ ಹೊಸ ನಿಯಮದಿಂದ ದೇಶದ ಕೋಟ್ಯಂತರ ಜನರಿಗೆ ನೇರ ಲಾಭವಾಗಲಿದೆ. ಮನೆಯಲ್ಲಿರುವ ಹಿರಿಯರು ಮೊಬೈಲ್ ಅನ್ನು ಕೇವಲ ಮಾತನಾಡೋದಕ್ಕೆ ಮಾತ್ರ ಬಳಸುತ್ತಾರೆ. ಅವರಿಗೆ ಡೇಟಾ ಪ್ಯಾಕ್‌ನ ಅವಶ್ಯಕತೆ ಬೇಕಾಗಿಲ್ಲ. ಬೇಸಿಕ್ ರಿಚಾರ್ಜ್ ಪ್ಲಾನ್ ಇದ್ದರೆ ಸಾಕು.

ಅಷ್ಟೇ ಅಲ್ಲದೇ ನಮ್ಮ ದೇಶದಲ್ಲಿ ಇಂದಿಗೂ ಕೋಟ್ಯಂತರ ಜನರು ಇಂಟರ್ನೆಟ್ ಇಲ್ಲದ ಸಾಮಾನ್ಯ ಫೋನ್‌ಗಳನ್ನು ಬಳಸುತ್ತಿದ್ದಾರೆ. ಅವರಿಗೂ ಈ ಡೇಟಾ ಶುಲ್ಕ ಉಳಿಯಲಿದೆ. ಜೊತೆಗೆ ಅನೇಕ ಮಂದಿ ಎರಡು ಸಿಮ್‌ ಬಳಸುತ್ತಿರುತ್ತಾರೆ. ಅಂತವರಿಗೂ ಒಂದು ನಂಬರ್‍‌ನಿಂದ ಕರೆ ಮಾಡಲು ಮಾತ್ರ ರಿಚಾರ್ಜ್‌ ಅಗತ್ಯ ಇರುತ್ತದೆ. ಅಂಥವ್ರಿಗೆ ಹೊಸ ನಿಯಮ ತುಂಬಾನೇ ಪ್ರಯೋಜನ ಆಗಲಿದೆ.

ಟ್ರಾಯ್ ಮೊಬೈಲ್ ರೀಚಾರ್ಜ್ ಬೆಲೆಗಳನ್ನು ನೇರವಾಗಿ ಕಡಿಮೆ ಮಾಡುತ್ತಿಲ್ಲ. ಬದಲಾಗಿ ನಿಮಗೆ ಇಂಟರ್ನೆಟ್ ಬೇಡ ಎಂದಾದರೆ ಡೇಟಾ ಇಲ್ಲದ ಪ್ಲಾನ್ ಆಯ್ಕೆ ಮಾಡಿಕೊಳ್ಳುವ ಸ್ವಾತಂತ್ರ್ಯವನ್ನು ನೀಡುತ್ತಿದೆ. ನೀವು ಬಳಸುವ ಸೇವೆಗೆ ಮಾತ್ರ ಹಣ ಪಾವತಿಸಿ (Pay only for what you use), ಉಳಿದ ಹಣವನ್ನು ಉಳಿಸಿಕೊಳ್ಳಲು ಈ ನಿಯಮ ನೆರವಾಗಲಿದೆ. ಜೊತೆಗೆ 30 ದಿನಗಳ ಮಾಸಿಕ ವ್ಯಾಲಿಡಿಟಿ ಪ್ಲಾನ್‌ಗಳು ಕೂಡ ಎಂದಿನಂತೆ ಮುಂದುವರಿಯಲಿವೆ ಎಂದು ವರದಿಯಾಗಿದೆ.

ನಂಗೆ ಈ ನೆಟ್ಟು ಗಿಟ್ಟು ಬೇಡ. ಜಸ್ಟ್ ಮಾತಾಡೋಕೆ ಪ್ಲಾನ್ ಇದ್ದರೆ ಸಾಕು ಮಾರಾಯ್ರೆ ಇದೆಂಥ? ರಿಚಾರ್ಜ್‌ ಮಾಡಿ ಮಾಡಿ ಸಾಕಾಯ್ತು ಅನ್ನೋರಿಗೆ ಹೊಸ ನಿಯಮ ತುಂಬಾನೇ ಹೆಲ್ಪ್ ಆಗಲಿದೆ. ಜೊತೆಗೆ ಜೇಬಲ್ಲಿ ಸ್ವಲ್ಪ ಹಣ ಕೂಡ ಉಳಿತಾಯ ಆಗಲಿದೆ.

iPhone 17 ಗೆ ₹20 ಸಾವಿರ ರಿಯಾಯಿತಿ, ಈ ದಿನದಿಂದ ಭರ್ಜರಿ ಮಾರಾಟ

Ganesh Mabla Gowda — Wed, 30 Sep 2026 19:21:43 +0530

ಹಬ್ಬದ ಸೀಸನ್ ಶುರುವಾಗ್ತಿದೆ. ಫ್ಲಿಪ್‌ಕಾರ್ಟ್‌ನ ಬಿಗ್ ಬಿಲಿಯನ್ ಡೇಸ್‌ ಸೇಲ್-2026 ಆರಂಭಕ್ಕೂ ಮುನ್ನವೇ ಫೋನ್ ಖರೀದಿ ಮಾಡುವ ಪ್ಲಾನ್‌ನಲ್ಲಿ ಇರೋರಿಗೆ ಭರ್ಜರಿ ಗುಡ್‌ನ್ಯೂಸ್ ಸಿಕ್ಕಿದೆ. ಕಂಪನಿಯು ಐಫೋನ್ 15 ಮತ್ತು 17 ಮಾರಾಟದ ಬೆಲೆಯನ್ನ ಬಹಿರಂಗಪಡಿಸಿ ಸಂಚಲನ ಸೃಷ್ಟಿಸಿದೆ.

ಐಫೋನ್ ಖರೀದಿಗೆ ಒಳ್ಳೆ ಅವಕಾಶ

ಐಫೋನ್ ಬೆಲೆಯಲ್ಲಿ ಭಾರೀ ಇಳಿಕೆ ಮಾಡೋದಾಗಿ ತಿಳಿಸಲಾಗಿದ್ದು ಅದರಲ್ಲೂ 17 ಫೋನ್ ಖರೀದಿಸಿದ್ರೆ ನಿಮಗೆ ಬರೋಬ್ಬರಿ 20 ಸಾವಿರ ರೂಪಾಯಿ ಡಿಸ್ಕೌಂಟ್ ಸಿಗಲಿದೆ. ಇದರಲ್ಲಿ ಬ್ಯಾಂಕ್ ಕೊಡುಗೆಗಳು ಮತ್ತು ವಿನಿಮಯ ಬೋನಸ್‌ಗಳು ಕೂಡ ಸೇರಲಿದೆ.

ಇನ್ನು ಫ್ಲಿಪ್ ಕಾರ್ಟ್‌ನ ಬಿಗ್ ಬಿಲಿಯನ್ ಡೇ ಅಕ್ಟೋಬರ್ 9 ರಿಂದ ಪ್ರಾರಂಭವಾಗಲಿದೆ. ಪ್ಲಸ್ ಮತ್ತು ಬ್ಲ್ಯಾಕ್ ಸದಸ್ಯರಿಗೆ ಅಕ್ಟೋಬರ್ 8 ರಿಂದಲೇ ಅದರ ಪ್ರವೇಶ ಸಿಗಲಿದೆ. ಇದು ಐಫೋನ್ ಖರೀದಿದಾರರಿಗೆ ಒಳ್ಳೆಯ ವೇದಿಕೆಯನ್ನ ನೀಡಲಿದೆ.

ಐಫೋನ್ ಬೆಲೆ 79,999

ನೀವು ಫ್ಲಿಪ್‌ ಕಾರ್ಟ್‌ನಲ್ಲಿ ಡೀಲ್ ಮಾಡೋದಾಗಿದ್ದರೆ.. ಪ್ರಸ್ತುತ ಮಾರುಕಟ್ಟೆಯಲ್ಲಿ 256 ಜಿಬಿ ಐಫೋನ್ 17 ಬೆಲೆ 99,900 ಇದೆ. ಈ ಮೆಗಾ ಈವೆಂಟ್‌ನಲ್ಲಿ ನೀವು 79,999 ರೂಪಾಯಿಗೆ ಪಡೆಯಬಹುದಾಗಿದೆ. ಅಂದರೆ ನೀವು ಪ್ರಸ್ತುತ ಬೆಲೆಗಿಂತ 19,901 ರೂಪಾಯಿ ಕಡಿಮೆಗೆ ಸಿಗಲಿದೆ.

ಇನ್ನೊಂದು ವಿಚಾರ ಏನಂದರೆ ಎಲ್ಲಾ ಗ್ರಾಹಕರಿಗೂ 19,901 ರೂಪಾಯಿ ಕಡಿಮೆ ಆಗಲ್ಲ.ವರದಿಗಳ ಪ್ರಕಾರ ಐಫೋನ್ 17 ಬೆಲೆಯನ್ನು 84,999 ರೂಪಾಯಿಗೆ ನಿಗದಿಪಡಿಸಲಾಗಿದೆ. ಬ್ಯಾಂಕ್ ರಿಯಾಯಿತಿ ಮತ್ತು ವಿನಿಮಯ ಬೋನಸ್‌ಗಳ ನಂತರ ಅದರ ಬೆಲೆ 79,999 ರೂಪಾಯಿ ಆಗಲಿದೆ.

ಐಫೋನ್ 15 ಕೂಡ ಕಮ್ಮಿ ಬೆಲೆಗೆ

ನಿಮಗೆ ಐಫೋನ್ 17 ಖರೀದಸಲು ಸಾಧ್ಯವಾಗದಿದ್ದರೆ.. 15ಕ್ಕೆ ಹೋಗಬಹುದು. ಫ್ಲಿಪ್‌ಕಾರ್ಟ್‌ ನೀಡಿರುವ ಬೆಲೆ ಪ್ರಕಾರ, 63,999ಕ್ಕೆ ಏರಬಹುದು. ಇಲ್ಲಿಯೂ ಕೂಡ ಬ್ಯಾಂಕ್ ಕೊಡುಗೆಗಳು ಹಾಗೂ ವಿವಿಧ ರಿಯಾಯತಿ ಇದೆ. ಇನ್ನು ಇದರ ಮಾರಾಟದ ಬೆಲೆಯಲ್ಲಿ 67,999 ರೂಪಾಯಿಗೆ ನಿಗದಿಪಡಿಸಲಾಗಿದೆ. ಬ್ಯಾಂಕ್ ರಿಯಾಯತಿಯಲ್ಲಿ ಮೂರು ಸಾವಿರ ರೂಪಾಯಿ ಗರಿಷ್ಠ ಬೋನಸ್ ಸಿಗಲಿದೆ. ಅಂದರೆ ನೀವು ಐಫೋನ್ ಅನ್ನು 63,999 ರೂಪಾಯಿಗೆ ಐಫೋನ್ 15 ಖರೀದಿಸಬಹುದು.

ಐಫೋನ್ 17 ಬೆಲೆ ಹೆಚ್ಚಿಸಿರುವ ಕಂಪನಿ

ಇತ್ತೀಚೆಗೆ ಐಫೋನ್ 18 ಅನ್ನು ಬಿಡುಗಡೆ ಮಾಡಿದೆ. ಬೆನ್ನಲ್ಲೇ 17 ಬೆಲೆಯನ್ನು ಕಂಪನಿ ಏರಿಕೆ ಮಾಡಿದೆ. ಈ ಮೊದಲು 82,900 ರೂಪಾಯಿ 17 ಬೆಲೆ ನಿಗಧಿ ಆಗಿತ್ತು. 18 ಬಿಡುಗಡೆ ಬೆನ್ನಲ್ಲೇ 99,999ಕ್ಕೆ ಹೆಚ್ಚಿಸಿದೆ. ಇನ್ನು ಫ್ಲಿಪ್‌ಕಾರ್ಟ್‌ ತನ್ನ ಮೆಗಾ ಈವೆಂಟ್‌ನಲ್ಲಿ ಫೋನ್ ಖರೀದಿ ಮಾಡೋರಿಗೆ ಒಳ್ಳೆಯ ಅವಕಾಶವನ್ನ ನೀಡುತ್ತಿದೆ. ಕೇವಲ ಐಫೋನ್ ಮಾತ್ರವಲ್ಲದೇ ಸ್ಯಾಮ್‌ಸಂಗ್, ಮೊಟೊರೊಲಾ, ಗೂಗಲ್, ನಥಿಂಗ್ ಸೇರಿದಂತೆ ಇತರೆ ಕಂಪನಿಗಳ ಸ್ಮಾರ್ಟ್‌ಫೋನ್ ಬೆಲೆಯಲ್ಲೂ ಭಾರೀ ರಿಯಾಯತಿ ನೀಡಲಿದೆ. ಅಷ್ಟೇ ಅಲ್ಲದೇ.. ಈಗಾಗಲೇ ಅನೇಕ ಎಲೆಕ್ಟ್ರಾನಿಕ್ ಐಟಂಗಳ ಮೇಲೆ ಕಂಪನಿ ರಿಯಾತಿ ನೀಡಿದೆ.

ಸತತ 5ನೇ ಬಾರಿಗೆ iPhone ಕಳೆದುಕೊಂಡ ಭಾರತೀಯ ಮಹಿಳೆ, ಮತ್ತೆ ಮತ್ತೆ ಫೋನ್ ಹುಡುಕಿಕೊಂಡ ಸಿಕ್ರೇಟ್ ರಿವೀಲ್

Ganesh Mabla Gowda — Mon, 21 Sep 2026 16:17:13 +0530

ಈ ಮರೆವಿನ ಕಾಯಿಲೆ ಇದ್ದವರು ಅನುಭವಿಸುವ ಚಡಪಡಿಕೆ ಅಷ್ಟಿಷ್ಟಲ್ಲ. ಕೆಲವರಿಗಂತೂ ಈಗ ಇಟ್ಟ ವಸ್ತು ಈಗಲೇ ನೆನಪು ಇರೋದಿಲ್ಲ. ಈಗ ಕೇಳಿದ ಮಾತು ಈಗಲೇ ನೆನಪು ಇರೋಲ್ಲ. ಅದೆಷ್ಟೋ ಬಾರಿ ಲಕ್ಷ್ಯ ಎಲ್ಲೋ, ಕೆಲಸ ಎಲ್ಲೋ. ಅನೇಕ ಬಾರಿ ಹಲವು ವಿಚಾರಗಳಲ್ಲಿ ಮುಳುಗಿ ಹೋಗಿರ್ತಿವಿ. ಜೊತೆಗಿದ್ದವರೂ ನೆನಪಿಗೆ ಬರಲ್ಲ. ಕೈಯಲ್ಲಿದ್ದ ವಸ್ತು ಕೂಡ ಇಲ್ಲಿಗೆ ಹೋಯ್ತು ಅಂತಾ ಗೊತ್ತಾಗಲ್ಲ. ಅಷ್ಟರಮಟ್ಟಿಗೆ ಮಗ್ನರಾಗಿರ್ತೇವೆ. ಅದೇ ರೀತಿ ಜಪಾನ್‌ನಲ್ಲಿ ಭಾರತೀಯ ಮಹಿಳೆಯೊಬ್ಬರು ತಮ್ಮ ಐಫೋನ್ iPhone ಅನ್ನ ಒಂದೆಲ್ಲ, ಎರಡಲ್ಲ ಬರೋಬ್ಬರಿ ಐದು ಬಾರಿ ಕಳೆದುಕೊಂಡಿದ್ದಾಳೆ.

ವಿಶೇಷ ಅಂದರೆ.. ಆಕೆ ಐದು ಬಾರಿ ಕಳೆದುಕೊಂಡರೂ ಮೊಬೈಲ್ ವಾಪಸ್ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾಳೆ. ಐದು ಬಾರಿಯೂ ಯಶಸ್ವಿಯಾಗಿ ಮೊಬೈಲ್ ಹುಡುಕುವಲ್ಲಿ ಯಶಸ್ವಿಯಾದ ಬೆನ್ನಲ್ಲೇ, ಅಲ್ಲಿನ ಜನ ತುಂಬಾ ಪ್ರಾಮಾಣಿಕರು ಮತ್ತು ಸುರಕ್ಷಿತ ಎಂದು ಮೊಬೈಲ್ ಕಳೆದಕೊಂಡ ಮಹಿಳೆ ಹೇಳ್ತಿದ್ದಾರೆ.

ಪ್ರಗತಿ ಎಂಬ ಮಹಿಳೆ ಜಪಾನ್‌ನಲ್ಲಿ ತನ್ನ ಪತಿಯೊಂದಿಗೆ ವಾಸಿಸುತ್ತಿದ್ದಾರೆ. ಅವರು ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಮೊಬೈಲ್ ಹುಡುಕುತ್ತಿರುವ ದೃಶ್ಯವನ್ನು ಹಂಚಿಕೊಂಡಿದ್ದಾರೆ. ಸಾರ್ವಜನಿಕ ಸ್ಥಳಗಳಲ್ಲಿ ಮೊಬೈಲ್ ಫೋನ್ ಬಿಟ್ಟು ಬರೋದು ನನ್ನ ಪದೇ ಪದೇ ಅಭ್ಯಾಸವಾಗಿಬಿಟ್ಟಿದೆ. ಯಾಕೆಂದರೆ ನಾನು ಫೋನ್‌ ಅನ್ನು ಹೆಚ್ಚು ಬಳಸುವುದಿಲ್ಲ. ಹೀಗಾಗಿ ಅದನ್ನು ನಾನು ಆಗಾಗ ಪರಿಶೀಲನೆ ಮಾಡೋದಿಲ್ಲ ಎಂದು ಬರೆದುಕೊಂಡಿದ್ದಾರೆ.

ಫೋನ್ ಪತ್ತೆ ಹಚ್ಚಿದ್ದು ಹೇಗೆ?

ಅಂದ್ಹಾಗೆ ಪ್ರಗತಿ ಅವರಿಗೆ ತಮ್ಮ ಫೋನ್ ಬಿಟ್ಟು ಹೋದ ಕೆಲವು ಗಂಟೆಗಳ ಬಳಿಕ ಫೋನ್ ಮಿಸ್ ಆಗಿರೋ ಬಗ್ಗೆ ಗೊತ್ತಾಗಿದೆ. ಕೂಡಲೇ ಅವರು ಆಪಲ್‌ನ find my app ಮೂಲಕ ಮೊಬೈಲ್‌ಗಾಗಿ ಹುಡುಕಾಟ ನಡೆಸಿದ್ದಾರೆ. ಕೊನೆಗೆ ನೋಡಿದ್ರೆ ಆ ಫೋನ್ ತಾವು ಇದ್ದ ಜಾಗದಿಂದ ಬರೋಬ್ಬರಿ 600 ಕಿಲೋ ಮೀಟರ್ ದೂರದಲ್ಲಿ ಮೊಬೈಲ್ ಇರೋದು ಗೊತ್ತಾಗಿದೆ. ಬೆನ್ನಲ್ಲೇ ಅವರು ರಾತ್ರೋರಾತ್ರಿ ಫೋನ್ ವಾಪಸ್ ಹುಡುಕಿ ತರಲು ಮುಂದಾಗಿದ್ದಾರೆ. ಅಂತೆಯೇ ಕೊನೆಗೂ ಅವರು ಫೋನ್ ಅನ್ನು ಪತ್ತೆ ಹಚ್ಚಿ ವಾಪಸ್ ತಂದಿದ್ದಾರೆ. ಅವರ ಪ್ರಕಾರ ಫೈಂಡ್ ಮೈ ಅಪ್ಲಿಕೇಷನ್ ಪ್ರತಿಸಾರಿಯೂ ಫೋನ್ ಕಳೆದಾಗ ಪತ್ತೆ ಹಚ್ಚಲು ಸಹಾಯ ಮಾಡಿದೆ ಎನ್ನುತ್ತಾರೆ ಪ್ರಗತಿ.

ಫೋನ್ ಕಳೆದುಕೊಂಡಿದ್ದು ಹೇಗೆ?

ಕಡಲ ಕಿನಾರೆಗೆ ಹೋಗಿದ್ದ ಪ್ರಗತಿ ಅಲ್ಲಿ ಪತಿಯೊಂದಿಗೆ ಊಟ ಮಾಡಿದ್ದಾರೆ. ನಂತರ ಬೀಚ್‌ನಲ್ಲಿ ಸುತ್ತಾಡಿದ್ದಾರೆ. ಅಲ್ಲೇ ಹರಟೆ ಹೊಡೆದಿದ್ದಾರೆ. ಈ ವೇಳೆ ಫೋನ್ ಬಿಟ್ಟು ವಾಪಸ್ ಬಂದುಬಿಟ್ಟಿದ್ದಾರೆ. ಅವರು ನೀಡಿರುವ ಮಾಹಿತಿಯಂತೆ ಐದು ಬಾರಿ ಐಫೋನ್ ಕಳೆದುಕೊಂಡಿದ್ದಾರೆ. ಒಂದು ಬಾರಿ ಪೊಲೀಸರ ಸಹಾಯದಿಂದ ವಾಪಸ್ ಪಡೆದಿದ್ದಾರೆ. ಇನ್ನೊಮ್ಮೆ ಮಾರುಕಟ್ಟೆಯಲ್ಲಿ ಬಿಟ್ಟು ಬಂದಿದ್ದರು. ಅಲ್ಲಿ ಅಪ್ಲಿಕೇಷನ್ ಸಹಾಯದಿಂದ ಫೋನ್ ಹುಡುಕಿಕೊಂಡಿದ್ದಾರೆ. ಫೋನ್ ಹುಡುಕಲು ನಾನು ಹರಸಾಹಸ ಏನೂ ಮಾಡಲಿಲ್ಲ.

ಜಪಾನ್ ಜನರು ಬೇರೆಯವರ ವಸ್ತುಗಳನ್ನ ಮುಟ್ಟೋದು ತೀರಾ ಕಡಿಮೆ. ಒಂದು ವೇಳೆ ನಾವು ಫೋನ್ ಬಿಟ್ಟು ಹೋದರೆ ಅದು ಅಲ್ಲಿಯೇ ಬಿದ್ದಿರುತ್ತದೆ. ಅದನ್ನು ಆಚೆ ಈಚೆ ಕೂಡ ಸರಿಸೋದಿಲ್ಲ. ಎಲ್ಲಿರುತ್ತೋ ಅಲ್ಲಿಯೇ ಬಿದ್ದಿರುತ್ತದೆ. ಜಪಾನ್‌ನ ಜನರು ತುಂಬಾ ಪ್ರಾಮಾಣಿಕರು ಎನ್ನುತ್ತಾರೆ.

ಚೀನಾ ಫೋನ್‌ಗಳಿಗೆ ನಡುಕ, ಭಾರತದ ಮಿವಿ ಒನ್‌ನಿಂದ ಕೈಗೆಟುಕುವ ದರದಲ್ಲಿ ಫೋನ್ ಲಾಂಚ್

Chethan Kumar — Thu, 24 Sep 2026 16:46:01 +0530

ನವದೆಹಲಿ (ಸೆ.24) ಭಾರತದ ಮಾರುಕಟ್ಟೆಯಲ್ಲಿ ಚೀನಾ ಫೋನ್‌ಗಳೇ ಹೆಚ್ಚು ಆವರಿಸಿಕೊಂಡಿದೆ. ಕಡಿಮೆ ಬೆಲೆ, ಉತ್ತಮ ಸ್ಟೋರೇಜ್, ಅತ್ಯಾಧುನಿಕ ಫೀಚರ್, ಗುಣಮಟ್ಟದ ಕ್ಯಾಮೆರಾಗಳ ಕಾರಣ ಚೀನಾ ಫೋನ್‌ಗಳೇ ಹೆಚ್ಚು ಮಾರಾಟ ಕಾಣುತ್ತಿದೆ. ಇದೀಗ ಚೀನಾ ಫೋನ್‌ಗಳಿಗೆ ಸೆಡ್ಡು ಹೊಡೆಯಲು ಭಾರತದ ಎಲೆಕ್ಟ್ರಾನಿಕ್ಸ್ ಬ್ರ್ಯಾಂಡ್ ಮಿವಿ ಒನ್ ಇದೀಗ 5ಜಿ ಫೋನ್ ಲಾಂಚ್ ಮಾಡಿದೆ. ಮಿವಿ ಬಿಡುಗಡೆ ಮಾಡಿರುವ ಫೋನ್ ಕೈಗೆಟುಕುವ ಬೆಲೆಯಲ್ಲಿ ಲಭ್ಯವಿದೆ. ವಿಶೇಷ ಅಂದರೆ ಆರಂಭಿಕ ಮಾರಾಟದಲ್ಲಿ 3000 ರೂಪಾಯಿ ಡಿಸ್ಕೌಂಟ್ ಬೆಲೆಯಲ್ಲಿ ಲಭ್ಯವಿದೆ.

ಮಿವಿ ಒನ್ 5ಜಿ ಫೋನ್ ವಿಶೇಷತೆ ಹಾಗೂ ಬೆಲೆ

ಮಿವಿ ಒನ್ 5ಜಿ ಪೋನ್ ಹಲವು ವಿಶೇಷತೆ ಹೊಂದಿದೆ. ಜೊತೆಗೆ ಚೀನಾ ಫೋನ್‌ಗಳಿಗೆ ಠಕ್ಕರ್ ಕೊಡುವುದು ಬಹುತೇಕ ಖಚಿತವಾಗಿದೆ. ಪ್ರಮುಖವಾಗಿ ಇದು ಭಾರತದಲ್ಲೇ ತಯಾರಾದ, ಭಾರತದ ಕಂಪನಿಯ ಫೋನ್. ಇನ್ನು ಕ್ವಾಲ್ಕಾಮ್ ಪ್ರೊಸೆಸರ್, 8ಜಿಬಿ RAM ವೇರಿಯೆಂಟ್, 5 ವಿವಿಧ ಬಣ್ಣಗಳು, 50ಎಂಪಿ ಕ್ಯಾಮೆರಾ, 90Hz ರೀಫ್ರೆಶ್ ರೇಟ್ ಸೇರಿದಂತೆ ಹಲವು ವಿಶೇಷತೆ ಈ ಫೋನ್‌ನಲ್ಲಿದೆ. ಇದರ ಆರಂಭಿಕ ಬೆಲೆ 14,999 ರೂಪಾಯಿ. ಜೊತೆಗೆ ಆರಂಭಿಕ ಹಂತದಲ್ಲಿ ಇನ್‌ಸ್ಟಾಂಟ್ ಡಿಸ್ಕೌಂಟ್ 3000 ರೂಪಾಯಿವರೆಗೂ ಸಿಗಲಿದೆ.

ಮಿವಿ ಒನ್ 5ಜಿ ಫೋನ್ ಬೆಲೆ ಹಾಗೂ ವೇರಿಯೆಂಟ್

ಮಿವಿ ಒನ್ 5ಜಿ ಫೋನ್ 4GB RAM ಹಾಗೂ 128 ಜಿಬಿ ಸ್ಟೋರೇಜ್: 14,999 ರೂಪಾಯಿ
ಮಿವಿ ಒನ್ 5ಜಿ ಫೋನ್ 6GB RAM ಹಾಗೂ 128 ಜಿಬಿ ಸ್ಟೋರೇಜ್: 15,999 ರೂಪಾಯಿ
ಮಿವಿ ಒನ್ 5ಜಿ ಫೋನ್ 8GB RAM ಹಾಗೂ 128 ಜಿಬಿ ಸ್ಟೋರೇಜ್: 16,999 ರೂಪಾಯಿ

3000 ರೂಪಾಯಿ ಡಿಸ್ಕೌಂಟ್

ಭಾರತದ ಮಾರುಕಟ್ಟೆಗೆ ಮಿವಿ ಒನ್ 5ಜಿ ಫೋನ್ ಲಾಂಚ್ ಆಗಿದೆ. ಇಕಾಮರ್ಸ್ ಮೂಲಕ ಅಕ್ಟೋಬರ್ 8 ರಿಂದ ಖರೀದಿಗೆ ಲಭ್ಯವಿದೆ. ಬಿಗ್ ಬಿಲಿಯನ್ ಡೇಸ್ ಮೂಲಕ ಖರೀದಿ ಮಾಡುವುದಾದರೆ 3000 ರೂಪಾಯಿ ಇನ್‌ಸ್ಟಾಂಟ್ ಡಿಸ್ಕೌಂಟ್ ಸಿಗಲಿದೆ.

ಮಿವಿ ಒನ್ 5ಜಿ ಫೋನ್ 50ಎಂಪಿ ಕ್ಯಾಮೆರಾ ಹೊಂದಿದೆ. ಸೆಲ್ಫಿ ಹಾಗೂ ವಿಡಿಯೋ ಕಾಲ್ಸ್‌ಗೆ 8ಎಂಪಿ ಫ್ರಂಟ್ ಕ್ಯಾಮೆರಾ ಆಯ್ಕೆ ಹೊಂದಿದೆ. 6.74 ಇಂಚಿನ HD+ ಡಿಸ್‌ಪ್ಲೇ, 90Hz ರೀಫ್ರೆಶ್ ರೇಟ್, ಆ್ಯಂಡ್ರಾಯ್ಡ್ 16 ಆಪರೇಟಿಂಗ್ ಸಿಸ್ಟಮ್, ಕ್ವಾಲ್ಕಾಂ ಸ್ನಾಪ್‌ಡ್ರಾಗನ್ 4 Gen 2 ಪ್ರೊಸೆಸರ್, 6000mAh ಬ್ಯಾಟರಿ ಸೇರಿದಂತೆ ಹಲವು ವಿಶೇಷತೆಗಳು ಈ ಫೋನ್‌ನಲ್ಲಿದೆ.

Jioದಿಂದ ಬಂಪರ್ ಗಿಫ್ಟ್, ನಿಮಗೆ ಸಿಗಲಿಗೆ 6 ತಿಂಗಳ ಫ್ರೀ ರಿಚಾರ್ಜ್ ಆಫರ್! ನೀವು ಏನು ಮಾಡ್ಬೇಕು?

Sumanth SN — Tue, 29 Sep 2026 16:54:05 +0530

ಹೊಸ ಫೋನ್ ಖರೀದಿ ಮಾಡುತ್ತಿದ್ದೀರಾ? ಆದರೆ ಆರು ತಿಂಗಳ ರಿಚಾರ್ಜ್ ಉಚಿತವಾಗಿ ಪಡೆದುಕೊಳ್ಳುವ ಅವಕಾಶವಿದೆ. ಹೊಸ ಫೋನ್ ಖರೀದಿ ಮಾಡಬೇಕು ಎಂದು ಯೋಚನೆ ಮಾಡುತ್ತಿರುವ ರಿಲಯನ್ಸ್ ಜಿಯೋ ಬಳಕೆದಾರರಿಗೆ ವಿಶೇಷ ಆಫರ್ ಪ್ರಕಟಿಸಿದೆ. ಜಿಯೋ 10ನೇ ವಾರ್ಷಿಕೋತ್ಸವದ ಹಿನ್ನೆಲೆಯಲ್ಲಿ 2026ರ ಸೆಪ್ಟೆಂಬರ್ 15ರಿಂದ ಅಕ್ಟೋಬರ್ 20ರ ವರೆಗೂ ಈ ಆಫರ್ ಲಭ್ಯವಾಗಲಿದೆ. ಆದರೆ ಇದು ಹೊಸ ಜಿಯೋ ಭಾರತ್ 4ಜಿ ಫೋನ್ ಮಾಡುವವರಿಗೆ ಮಾತ್ರ ಆಫರ್ ಸಿಗಲಿದೆ. ಅಂದರೆ ಜಿಯೋ ಕಂಪನಿ ಆಫರ್ ನೀಡಿದ ಫೋನ್ ಖರೀದಿ ಮಾಡಿದವರಿಗೆ ಮಾತ್ರ ಈ ಆಫರ್ ಅನ್ವಯ ಆಗಲಿದೆ.

ಜಿಯೋ ಹೊಸ ಫೋನ್ ಖರೀದಿಸುವ ಮುನ್ನ ಈ ಬಂಪರ್ ಆಫರ್ ತಿಳಿಯಿರಿ!

ಅರ್ಹ ಗ್ರಾಹಕರಿಗೆ ಆರು ರಿಚಾರ್ಜ್‌ಗಳು ಫ್ರೀಯಾಗಿ ಸಿಗಲಿದೆ. ಒಮ್ಮೆ 28 ದಿನಗಳ ವ್ಯಾಲಿಟಿಡಿ ನೀಡಲಿದೆ. ಪ್ರತಿ ಸೈಕಿಲ್‌ನಲ್ಲಿ ಅನಿಯಮಿತ ವಾಯ್ಸ್ ಕಾಲ್‌, ದಿನಕ್ಕೆ 0.5 ಜಿಬಿ ಹೈಸ್ಪೀಡ್ ಡೇಟಾ ಸೇರಿದಂತೆ 14ಜಿಬಿ, 300 ಫ್ರೀ ಎಸ್‌ಎಂಎಸ್ ಸಿಗಲಿದೆ. ಆದರೆ ಐಎಸ್‌ಡಿ ಕರೆಗಳು, ಇಂಟರ್ ನ್ಯಾಷನ್ ಮೆಸೇಜ್‌ಗಳ ಸೌಲಭ್ಯ ಸಿಗುವುದಿಲ್ಲ. ಒಟ್ಟು ಆರು ಬಾರಿ ಒಟ್ಟು 168 ದಿನಗಳ ವ್ಯಾಲಿಟಿಡಿ, 84ಜಿಬಿ ಡೇಟಾ, 1,800 ಎಸ್‌ಎಎಸ್‌ಗಳು ಲಭ್ಯವಾಗಲಿದೆ.

ಆರು ರಿಚಾರ್ಜ್‌ಗಳು ಉಚಿತವಾಗಿ ಸಿಗಲಿದೆ

ಈ ಎಲ್ಲಾ ಪ್ರಯೋಜನಗಳು ಒಟ್ಟಿಗೆ ಸಿಗೋದಿಲ್ಲ. ಜಿಯೋ ನಿಯಮಗಳ ಅನ್ವಯ, ಕಸ್ಟಮರ್ ಐಎಂಇಎ ಮೊಬೈಲ್ ನಂಬರ್ ಲಿಂಕ್ ನಿರಂತರವಾಗಿ ರಿಚಾರ್ಜ ಸರ್ಕಲ್‌ ನೊಂದಿಗೆ ಮುಂದುವರಿಸಿದರೆ ಮುಂದಿನ ರಿಚಾರ್ಜ್ ಸೌಲಭ್ಯ ಸಿಗಲಿದೆ. ಅಷ್ಟು ಕರೆ, ಎಸ್‌ಎಂಎಸ್ ಬಳಕೆ ಮಾಡಿಕೊಳ್ಳದಿದ್ದರೆ ಉಳಿಕೆ ಡೇಟಾ ಸೇರಿದಂತೆ ಎಲ್ಲವೂ ಕ್ಯಾರಿ ಫಾರ್ವಡ್‌ ಆಗಲಿದೆ. ಈ ಯೋಜನೆಯ ಪ್ರಮುಖ ಷರತ್ತು ಎಂದರೆ, ಜಿಯೋ ಸಿಮ್ ಅನ್ನು ಸ್ಲಾಟ್ 01 ರಲ್ಲಿಯೇ ಉಳಿಸಬೇಕು. ಆರು ಸೈಕಿಲ್‌ ಅವಧಿಯಲ್ಲಿ ಐಎಂಇಐ, ಮೊಬೈಲ್ ನಂಬರ್ ಲಿಂಕ್ ಕೂಡ ಮುಂದುವರಿಯಬೇಕು.

1,499 ರೂಪಾಯಿಗೆ ಜಿಯೋ ಭಾರತ್ ಮೊಬೈಲ್ ಖರೀದಿಸಿದರೆ, 6 ತಿಂಗಳ ಆಫರ್ ಅನ್ವಯ ಆಗಲಿದೆ. 6 ತಿಂಗಳ ಅವಧಿಗೆ 14 ಜಿಬಿ ಡೇಟಾ, ಅನಿಯಮಿತ ಎಚ್‌ಡಿ ಕರೆಗಳು ಕೂಡ ಇದರಲ್ಲಿದೆ. ಉಳಿದಂತೆ ಜಿಯೋ ಭಾರತ್ ಎ1, ಬಿ1, ಬಿ2 ಮತ್ತು ಬಿ3 ಫೋನ ಖರೀದಿಸಿದರೆ ಮಾತ್ರ ಯೋಜನೆಗೆ ಅರ್ಹರಾಗಲಿದ್ದಾರೆ. ಈ ಆರು ತಿಂಗಳ ಪ್ರಯೋಜನಗಳನ್ನು ಅನ್‌ಲಾಕ್ ಮಾಡಲು 123 ರೂಪಾಯಿ ಕಡ್ಡಾಯವಾಗಿ ಮೊದಲ ರಿಚಾರ್ಜ್ ಮಾಡಬೇಕಿದೆ.

₹ ಲಕ್ಷಾಂತರ ಕೊಟ್ಟು iPhone 18 Pro ಖರೀದಿಸಿದವರಿಗೆ ಬಿಗ್ ಶಾಕ್! ಫೋನ್‌ ಇದ್ದಕ್ಕಿದ್ದಂತೆ ರಿಸ್ಟಾರ್ಟ್ ಆಗ್ತಿರೋದ್ಯಾಕೆ?

Ravi Janekal — Sun, 27 Sep 2026 22:13:40 +0530

ಮಾರಾಟ ಆರಂಭವಾಗಿ ಕೆಲವೇ ದಿನಗಳಲ್ಲಿ ಆ್ಯಪಲ್‌ನ ಹೊಸ iPhone 18 Pro ಸಿರೀಸ್‌ನಲ್ಲಿ ಹೊಸದೊಂದು ಸಾಫ್ಟ್‌ವೇರ್ ಸಮಸ್ಯೆ ಕಾಣಿಸಿಕೊಂಡಿದೆ. iPhone 18 Pro ಮತ್ತು iPhone 18 Pro Max ಬಳಕೆದಾರರು Face ID ಮೂಲಕ ಫೋನ್ ಅನ್‌ಲಾಕ್ ಮಾಡಲು ವಿಫಲವಾದ ಬಳಿಕ ಫೋನ್ ಕೆಲ ಸೆಕೆಂಡ್‌ಗಳ ಕಾಲ ಕೆಲಸ ಮಾಡದೆ ನಿಂತುಹೋಗುತ್ತಿದೆ. ಬಳಿಕ ಯಾವುದೇ ಸೂಚನೆ ಇಲ್ಲದೆ ಫೋನ್ ಸ್ವಯಂಚಾಲಿತವಾಗಿ ರೀಸ್ಟಾರ್ಟ್ ಆಗುತ್ತಿದೆ ಎಂದು ಹಲವರು ವರದಿ ಮಾಡಿದ್ದಾರೆ.

ಈ ಸಮಸ್ಯೆಯ ಬಗ್ಗೆ ಆ್ಯಪಲ್‌ಗೆ ಮಾಹಿತಿ ಇದೆ ಎನ್ನಲಾಗಿದ್ದು, ಅದನ್ನು ಸರಿಪಡಿಸಲು ಕಂಪನಿ ಸಾಫ್ಟ್‌ವೇರ್ ಅಪ್‌ಡೇಟ್ ಸಿದ್ಧಪಡಿಸುತ್ತಿದೆ ಎಂದು ವರದಿಯಾಗಿದೆ. ಈ ಅಪ್‌ಡೇಟ್ ಮುಂದಿನ ವಾರ iOS 27 ರೂಪದಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ.

Face ID ವಿಫಲವಾದರೆ ಫೋನ್ ರೀಸ್ಟಾರ್ಟ್!

9to5Mac ವರದಿ ಪ್ರಕಾರ, iPhone 18 Pro ಮತ್ತು iPhone 18 Pro Maxನಲ್ಲಿ ಕಾಣಿಸಿಕೊಂಡಿರುವ ಈ ರೀಸ್ಟಾರ್ಟ್ ಸಮಸ್ಯೆಯ ಬಗ್ಗೆ ಆ್ಯಪಲ್‌ಗೆ ತಿಳಿದಿದೆ. ಸಮಸ್ಯೆಗೆ ಪರಿಹಾರ ನೀಡಲು ಕಂಪನಿ ಕೆಲಸ ಮಾಡುತ್ತಿದ್ದು, ಮುಂದಿನ ವಾರ ಹೊಸ iOS 27 ಅಪ್‌ಡೇಟ್ ಮೂಲಕ ಫಿಕ್ಸ್ ನೀಡುವ ಸಾಧ್ಯತೆ ಇದೆ.

ಯಾವಾಗಿನಿಂದ ಫೇಸ್‌ ಐಡಿ ಸಮಸ್ಯೆ?

ಕಳೆದ ವಾರದಿಂದಲೇ ಈ ಸಮಸ್ಯೆ ಬಗ್ಗೆ ಬಳಕೆದಾರರು ದೂರು ನೀಡಲು ಆರಂಭಿಸಿದ್ದರು. Face ID ಮೂಲಕ ಫೋನ್ ಅನ್‌ಲಾಕ್ ಮಾಡಲು ಪ್ರಯತ್ನಿಸಿದಾಗ ಅದು ತನ್ನಿಂತಾನೆ ಕೆಲಸ ಮಾಡದೆ ನಿಂತು ಹೋಗುತ್ತಿದೆ. ಕೆಲವು ಸೆಕೆಂಡ್‌ಗಳ ಕಾಲ ಸ್ಕ್ರೀನ್ ಫ್ರೀಜ್ ಆದ ನಂತರ ಫೋನ್ ಸ್ವಯಂಚಾಲಿತವಾಗಿ ರೀಸ್ಟಾರ್ಟ್ ಆಗುತ್ತಿದೆ ಎಂದು ಬಳಕೆದಾರರು ತಿಳಿಸಿದ್ದಾರೆ.

ಸಮಸ್ಯೆ ಎದುರಿಸಿದವರು ತಮ್ಮ iPhoneನ Settings > iPhone Analytics ವಿಭಾಗದಲ್ಲಿ ಸಂಬಂಧಿತ ‘panic log’ ಅನ್ನು ನೋಡಬಹುದು ಎಂದು 9to5Mac ವರದಿ ತಿಳಿಸಿದೆ. ಇದರಿಂದ ಇದು ಫೋನ್‌ನ ಸಿಸ್ಟಂ ಮಟ್ಟದಲ್ಲಿ ಉಂಟಾಗುತ್ತಿರುವ ಕ್ರ್ಯಾಶ್ ಆಗಿರಬಹುದು ಎಂಬುದು ಗೊತ್ತಾಗುತ್ತದೆ. ಆದರೆ ಈ ಸಮಸ್ಯೆ ನಿಖರವಾಗಿ ಏಕೆ ಉಂಟಾಗುತ್ತಿದೆ ಎಂಬುದನ್ನು ಆ್ಯಪಲ್ ಸಾರ್ವಜನಿಕವಾಗಿ ಬಹಿರಂಗಪಡಿಸಿಲ್ಲ.

ಈ ಸಮಸ್ಯೆ ನಿರ್ದಿಷ್ಟ ಸಂದರ್ಭಗಳಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತದೆಯೇ ಅಥವಾ ಎಲ್ಲ ಐಫೋನ್ 18 Pro ಬಳಕೆದಾರರಿಗೂ ಇದೇ ಸಮಸ್ಯೆ ಆಗಿದೆಯೋ ಎಂಬುದು ಇನ್ನು ಸ್ಪಷ್ಟವಾಗಿಲ್ಲ. ಸದ್ಯಕ್ಕೆ, ಮುಂಬರುವ ಸಾಫ್ಟ್‌ವೇರ್ ಅಪ್‌ಡೇಟ್‌ನಲ್ಲೇ ಈ ಸಮಸ್ಯೆಗೆ ಪರಿಹಾರ ಸಿಗಬಹುದು ಎಂಬ ನಿರೀಕ್ಷೆಯಿದೆ.

ಹೊಸ Dynamic Island ಕಾರಣವೇ?

iPhone 18 Pro ಸರಣಿಯಲ್ಲಿ ಆ್ಯಪಲ್ ಚಿಕ್ಕದಾದ Dynamic Island ಪರಿಚಯಿಸಿದೆ. ಹಿಂದಿನ ಮಾದರಿಗಳಲ್ಲಿ ಎರಡು Live Activities ತೋರಿಸಲು ಸಾಧ್ಯವಿದ್ದರೆ, ಹೊಸ ಮಾದರಿಯಲ್ಲಿ ಒಂದೇ ಸಮಯದಲ್ಲಿ ಮೂರು Live Activities ತೋರಿಸಬಹುದು ಎಂದು ಆ್ಯಪಲ್ ಹೇಳಿದೆ.

ಹೊಸ ವಿನ್ಯಾಸಕ್ಕೆ ಜಾಗ ಕಲ್ಪಿಸಲು Face ID ಸೆನ್ಸರ್‌ನ ಸ್ಥಾನವನ್ನೂ ಬದಲಾಯಿಸಲಾಗಿದೆ. ಈ ಹಿಂದೆ Dynamic Island ಕಾಣುವ ಜಾಗಕ್ಕೆ Face ID ಸೆನ್ಸರ್ ಅನ್ನು ಇದೀಗ ಡಿಸ್ಪ್ಲೇಯ ಮೇಲ್ಭಾಗದ ಎಡ ಮೂಲೆಯಲ್ಲಿ, ಸ್ಕ್ರೀನ್‌ನ ಕೆಳಭಾಗದಲ್ಲಿ ಅಳವಡಿಸಲಾಗಿದೆ. ಇದರಿಂದ ಹೊಸ Face ID ವಿನ್ಯಾಸಕ್ಕೂ ಫೋನ್ ರೀಸ್ಟಾರ್ಟ್ ಆಗುತ್ತಿರುವ ಸಮಸ್ಯೆಗೂ ಸಂಬಂಧವಿದೆಯೇ ಎಂಬ ಪ್ರಶ್ನೆ ಎದುರಾಗಿದೆ. ಆದರೆ ಲಭ್ಯವಿರುವ ವರದಿಗಳ ಪ್ರಕಾರ, ಸಮಸ್ಯೆ ಹಾರ್ಡ್‌ವೇರ್‌ಗೆ ಸಂಬಂಧಿಸಿದ್ದಲ್ಲ, ಸಾಫ್ಟ್‌ವೇರ್ ಸಮಸ್ಯೆ ಆಗಿರುವ ಸಾಧ್ಯತೆ ಇದೆ.

ಹೀಗಾಗಿ iPhone 18 Pro ಅಥವಾ iPhone 18 Pro Max ಬಳಕೆದಾರರು ಈ ಸಮಸ್ಯೆ ಎದುರಿಸುತ್ತಿದ್ದರೆ, ಮುಂಬರುವ iOS 27 ಅಪ್‌ಡೇಟ್‌ಗಾಗಿ ಕಾಯಬೇಕಾಗಬಹುದು. ಆ್ಯಪಲ್ ನೀಡುವ ಅಪ್‌ಡೇಟ್ ಬಳಿಕ ಸಮಸ್ಯೆ ಸಂಪೂರ್ಣವಾಗಿ ಪರಿಹಾರವಾಗುತ್ತದೆಯೇ ಎಂಬುದು ತಿಳಿಯಲಿದೆ.

OnePlus N6 5G ಫೋನ್ ಬೆಲೆಯಲ್ಲಿ ₹6000 ಕಡಿತ, ಅಮೇಜಾನ್ ಬಿಗ್ ಸೇಲ್‌ಗೂ ಮುನ್ನ ಧಮಾಕಾ ಆಫರ್

Ganesh Mabla Gowda — Tue, 22 Sep 2026 15:59:13 +0530

ದಸರಾ, ದೀಪಾವಳಿ.. ಸೇರಿದಂತೆ ಹಬ್ಬದ ಸೀಸನ್‌ಗಳು ಇನ್ನೇನು ಶುರವಾಗಲಿವೆ. ಈ ಹಬ್ಬ ಹುಣ್ಣಿಮೆ ಸೀಸನ್ ಬಂತು ಅಂದ್ರೆ ಸಾಕು ಇ-ಕಾಮರ್ಸ್ ಬ್ಯುಸಿನೆಸ್‌ ಪ್ಲಾಟ್‌ಫಾರ್ಮ್‌ಗಳಿಗೆ ದೊಡ್ಡ ಹಬ್ಬದ ಸಂಭ್ರಮ. ಅಮೇಜಾನ್, ಫ್ಲಿಪ್‌ಕಾರ್ಟ್‌ನಂಥ ದೈತ್ಯ ಸಂಸ್ಥೆಗಳು ಮಾರ್ಕೆಟಿಂಗ್ ಲಾಭದ ಲೆಕ್ಕಾಚಾರ ಹಾಕುತ್ತ ಇರುತ್ತಾರೆ. ಇನ್ನೇನು ಕೆಲವೇ ದಿನಗಳಲ್ಲಿ ಅಮೇಜಾನ್ ಫೆಸ್ಟಿವಲ್ ಸೇಲ್ ಮಾಡೋದಾಗಿ ಘೋಷಿಸಿದೆ. ಈ ಮಧ್ಯೆ ಒನ್ ಪ್ಲಸ್ ಗ್ರಾಹಕರಿಗೆ ಭರ್ಜರಿ ಆಫರ್ ನೀಡಿದೆ..

ಬ್ಯಾಂಕ್ ಕಾರ್ಡ್, ಹಳೆಯ ಫೋನ್ ಇದ್ದರೆ ಇನ್ನೂ ಕಡಿಮೆ ಬೆಲೆ

OnePlus N6 5G ಸ್ಮಾರ್ಟ್‌ಫೋನ್ ಬೆಲೆಯಲ್ಲಿ ಭಾರೀ ಕಡಿತ ಮಾಡಿದೆ. ಕೆಲವು ತಿಂಗಳುಗಳ ಹಿಂದಷ್ಟೇ OnePlus N6 5G ಫೋನ್ ಲಾಂಚ್ ಆಗಿತ್ತು. 4GB RAM + 128GB ಸ್ಟೋರೇಜ್ ಸಿರೀಸ್‌ನ ಮೊದಲ ಬೆಲೆ 22,999 ರೂಪಾಯಿ ಆಗಿತ್ತು. 6GB RAM ಆವೃತ್ತಿಯು 24,999 ರೂಪಾಯಿ ಬೆಲೆ ಇತ್ತು. ಇತ್ತೀಚೆಗೆ ಬೆಲೆ ಏರಿಕೆ ಮಾಡಲಾಗಿತ್ತು. ಬೆಲೆ ಏರಿಕೆ ನಂತರ ಅಮೆಜಾನ್‌ನಲ್ಲಿ ಇದರ ಬೆಲೆ 30,999 ರೂ.ಗೆ ತಲುಪಿತ್ತು. ಇದೀಗ ಈ ಫೋನ್ ಬೆಲೆಯಲ್ಲಿ 6,000 ರೂಪಾಯಿ ಇಳಿಕೆ ಮಾಡಲಾಗಿದೆ. ಇದೀಗ ಆ ಫೋನ್ ಅನ್ನು ನೀವು 24,999 ರೂಪಾಯಿಗೆ ಖರೀದಿ ಮಾಡಬಹುದಾಗಿದೆ.

ಇನ್ನು, ಆಯ್ದ ಕೆಲವು ಬ್ಯಾಂಕ್ ಕಾರ್ಡ್‌ಗಳನ್ನು ಬಳಸಿಕೊಂಡು ಖರೀದಿಸಿದ್ರೆ ಹೆಚ್ಚುವರಿಯಾಗಿ 1,500 ರೂಪಾಯಿಗಳ ಡಿಸ್ಕೌಂಟ್ ಸಿಗಲಿದೆ. ಒಂದು ವೇಳೆ ಫೋನ್ ಖರೀದಿ ವೇಳೆ ನೀವು ಬ್ಯಾಂಕ್ ಕಾರ್ಡ್‌ ಬಳಸಿದ್ರೆ ಕೇವಲ 23,499 ರೂಪಾಯಿಗೆ ಇಳಿಯಲಿದೆ. ಇನ್ನು, ತಮ್ಮ ಹಳೆಯ ಮೊಬೈಲ್ ಕೊಟ್ಟು ಹೊಸ ಫೋನ್ ಖರೀದಿಸೋರಿಗೂ ಇಲ್ಲಿ ಅವಕಾಶ ಇದೆ. ಆ ಮೂಲಕ ನೀವು ಇನ್ನಷ್ಟು ಕಡಿಮೆ ಬೆಲೆಗೆ ಫೋನ್ ಖರೀದಿ ಮಾಡಬಹುದಾಗಿದೆ.

OnePlus N6 5G ವಿಶೇಷತೆಗಳು ಏನು?

ಸ್ಮಾರ್ಟ್‌ಫೋನ್ 6.8 ಇಂಚಿನ HD+ LCD ಡಿಸ್ಪ್ಲೇ
120Hz ರಿಫ್ರೆಶ್ ರೇಟ್, 1,200 ನಿಟ್ಸ್ ಪೀಕ್ ಬ್ರೈಟ್‌ನೆಸ್ ಸಪೋರ್ಟ್
8.88mm ಸ್ಲಿಮ್ ಆಗಿದ್ದರೂ, ಗಟ್ಟಿಮುಟ್ಟಾದ ಫೋನ್
ಫೋನ್‌ನ ಪ್ರಮುಖ ಆಕರ್ಷಣೆ 8,000mAh ಬ್ಯಾಟರಿ ಸಾಮರ್ಥ್ಯ
45W SuperVOOC ಫಾಸ್ಟ್ ಚಾರ್ಜಿಂಗ್ ವ್ಯವಸ್ಥೆ ನೀಡಲಾಗಿದೆ
ಮೀಡಿಯಾಟೆಕ್ ಡೈಮೆನ್ಸಿಟಿ 6360 ಅಪೆಕ್ಸ್ ಪ್ರೊಸೆಸರ್
6GB RAM ಮತ್ತು 128GB ಇಂಟರ್ನಲ್ ಸ್ಟೋರೇಜ್
ಸುರಕ್ಷತೆಗಾಗಿ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್
10x ಡಿಜಿಟಲ್ ಜೂಮ್ ಸಾಮರ್ಥ್ಯದ 50MP ಪ್ರಮುಖ ಕ್ಯಾಮೆರಾ
ಸೆಕೆಂಡರಿ ಸೆನ್ಸಾರ್ ಒಳಗೊಂಡ ಡ್ಯುಯಲ್ ಕ್ಯಾಮೆರಾ ಸೆಟಪ್
ಸೆಲ್ಫಿ, ವಿಡಿಯೋ ಕರೆಗಳಿಗಾಗಿ 8MP ಫ್ರಂಟ್ ಕ್ಯಾಮೆರಾ ಲಭ್ಯವಿದೆ
7 ವರ್ಷಗಳ ಕಾಲ ಸೆಕ್ಯುರಿಟಿ ಅಪ್ಡೇಟ್ಸ್ ಸಿಗಲಿದೆ

25 ಸಾವಿರ ಬೆಲೆಯೊಳಗೆ ಮೊಬೈಲ್ ಖರೀದಿ ಮಾಡುವ ಪ್ಲಾನ್‌ನಲ್ಲಿ ನೀವೇನಾದರೂ ಇದ್ದರೆ ಒಳ್ಳೆಯ ಆಫರ್ ಇದಾಗಿದೆ. ದೀಪಾವಳಿಗೆ ಮೊಬೈಲ್ ಅಥವಾ ದಸರಾಗೆ ಮೊಬೈಲ್ ಖರೀದಿ ಮಾಡಬೇಕು ಅಂದ್ಕೊಂಡವರಿಗೆ ಒಳ್ಳೆಯ ಅವಕಾಶ.

WhatsApp Ban Alert: ವಾಟ್ಸಾಪ್ ಬಳಕೆದಾರರಿಗೆ ಅಲರ್ಟ್, ಈ 7 ತಪ್ಪು ಮಾಡಿದ್ರೆ ಅಕೌಂಟ್ ಬ್ಯಾನ್!

Sathish Kumar KH — Thu, 01 Oct 2026 12:39:12 +0530

WhatsApp Ban 7 Mistakes: ವಾಟ್ಸಾಪ್‌ನಲ್ಲಿ ನೀವು ಮಾಡುವ ಸಣ್ಣ ತಪ್ಪುಗಳು ನಿಮ್ಮ ಅಕೌಂಟ್ ಅನ್ನು ಶಾಶ್ವತವಾಗಿ ಬ್ಯಾನ್ ಮಾಡಬಹುದು. ನಿಮ್ಮ ಅಕೌಂಟ್ ಸೇಫ್ ಆಗಿರಲು ನೀವು ನೆನಪಿಡಬೇಕಾದ 7 ಪ್ರಮುಖ ವಿಷಯಗಳು ಇಲ್ಲಿವೆ.

ಪ್ರಪಂಚದಾದ್ಯಂತ ಅತಿ ಹೆಚ್ಚು ಜನ ಬಳಸುವ ಮೆಸೇಜಿಂಗ್ ಆ್ಯಪ್‌ಗಳಲ್ಲಿ ವಾಟ್ಸಾಪ್ ಕೂಡ ಒಂದು. ಮೆಟಾ ಒಡೆತನದ ಈ ಆ್ಯಪ್ ಮೂಲಕ ಮೊಬೈಲ್ ಮತ್ತು ಡೆಸ್ಕ್‌ಟಾಪ್‌ನಲ್ಲಿ ಇಂಟರ್ನೆಟ್ ಬಳಸಿ ಮೆಸೇಜ್ ಹಾಗೂ ಮಾಹಿತಿ ಹಂಚಿಕೊಳ್ಳುವುದು ತುಂಬಾ ಸುಲಭ.

ಆದರೆ, ವಾಟ್ಸಾಪ್ ಬಳಸುವಾಗ ಅದರ ಸೇವಾ ನಿಯಮಗಳನ್ನು ಪಾಲಿಸುವುದು ಬಹಳ ಮುಖ್ಯ. ನೀವು ಮಾಡುವ ಕೆಲವು ತಪ್ಪುಗಳು ಅಥವಾ ನಿಯಮಗಳ ಉಲ್ಲಂಘನೆಯಿಂದ ನಿಮ್ಮ ಅಕೌಂಟ್ ಶಾಶ್ವತವಾಗಿ ಬ್ಯಾನ್ ಆಗುವ ಅಪಾಯವಿದೆ. ನಿಮ್ಮ ವಾಟ್ಸಾಪ್ ಅಕೌಂಟ್ ಸೇಫ್ ಆಗಿರಲು ನೀವು ಮಾಡಬಾರದ 7 ಪ್ರಮುಖ ವಿಷಯಗಳನ್ನು ಈಗ ವಿವರವಾಗಿ ತಿಳಿಯೋಣ.

ವಾಟ್ಸಾಪ್‌ನಲ್ಲಿ ಬೇರೆಯವರಿಗೆ ಅನಗತ್ಯ ಮೆಸೇಜ್‌ಗಳನ್ನು ಕಳುಹಿಸಿದರೆ ನಿಮ್ಮ ಅಕೌಂಟ್ ಮೇಲೆ ದೂರುಗಳು ಬರುವ ಸಾಧ್ಯತೆಯಿದೆ. ಇತರರ ಪ್ರೈವೆಸಿಗೆ ತೊಂದರೆಯಾಗುವಂತೆ ಮೆಸೇಜ್ ಮಾಡಿದರೆ, ಅವರು ನಿಮ್ಮನ್ನು ಬ್ಲಾಕ್ ಮಾಡಬಹುದು ಅಥವಾ ರಿಪೋರ್ಟ್ ಮಾಡಬಹುದು.

• ನಿಮಗೆ ಇಷ್ಟವಿಲ್ಲದ ಅಥವಾ ಪರಿಚಯವಿಲ್ಲದ ಅಕೌಂಟ್‌ಗಳಿಂದ ಬರುವ ಮೆಸೇಜ್‌ಗಳನ್ನು ತಡೆಯಲು ಸೆಂಡರ್ ಅನ್ನು ಸುಲಭವಾಗಿ ಬ್ಲಾಕ್ ಮಾಡಬಹುದು.

• ಆ ಅಕೌಂಟ್ ಬಗ್ಗೆ ವಾಟ್ಸಾಪ್‌ಗೆ ರಿಪೋರ್ಟ್ ಮಾಡುವ ಆಯ್ಕೆಯೂ ಇದೆ.

• ಅಪರಿಚಿತ ನಂಬರ್‌ಗಳಿಂದ ಬರುವ ಮೆಸೇಜ್ ಮತ್ತು ಕರೆಗಳಿಂದ ಕಿರಿಕಿರಿಯಾಗದಿರಲು ಆಟೋಮ್ಯಾಟಿಕ್ ವಾಲ್ಯೂಮ್ ಫಿಲ್ಟರ್‌ಗಳನ್ನು ಆನ್ ಮಾಡಿಕೊಳ್ಳಬಹುದು.

ವಾಟ್ಸಾಪ್‌ನಲ್ಲಿ ಬಲ್ಕ್ ಮೆಸೇಜ್ ಅಥವಾ ಆಟೋಮ್ಯಾಟೆಡ್ ಮೆಸೇಜ್ ಕಳುಹಿಸುವುದು ಪ್ಲಾಟ್‌ಫಾರ್ಮ್ ನಿಯಮಗಳಿಗೆ ವಿರುದ್ಧವಾಗಿದೆ. ಥರ್ಡ್ ಪಾರ್ಟಿ ಆ್ಯಪ್‌ಗಳನ್ನು ಬಳಸಿ ಒಂದೇ ಬಾರಿಗೆ ಸಾವಿರಾರು ಜನರಿಗೆ ಮೆಸೇಜ್ ಕಳುಹಿಸಿದರೆ, ವಾಟ್ಸಾಪ್ ಸೆಕ್ಯುರಿಟಿ ಸಿಸ್ಟಮ್ ಅದನ್ನು ಸ್ಪ್ಯಾಮ್ ಎಂದು ಗುರುತಿಸುತ್ತದೆ.

• ಬ್ಯುಸಿನೆಸ್ ಅಥವಾ ಪ್ರಮೋಷನ್‌ಗಳಿಗಾಗಿ ಆಟೋಮ್ಯಾಟೆಡ್ ಮೆಸೇಜ್ ಕಳುಹಿಸಬೇಕಾದರೆ ಅಧಿಕೃತ ವಾಟ್ಸಾಪ್ ಬ್ಯುಸಿನೆಸ್ ಪ್ಲಾಟ್‌ಫಾರ್ಮ್ ಬಳಸಬೇಕು.

• ಅಧಿಕೃತ ಮಾರ್ಗಗಳನ್ನು ಬಿಟ್ಟು ಸಾಮಾನ್ಯ ಅಕೌಂಟ್‌ಗಳಿಂದ ಬಲ್ಕ್ ಮೆಸೇಜ್ ಕಳುಹಿಸಿದರೆ ಅಕೌಂಟ್ ತಕ್ಷಣವೇ ಬ್ಯಾನ್ ಆಗುತ್ತದೆ.

ಬೇರೆಯವರ ಅನುಮತಿಯಿಲ್ಲದೆ ಅವರ ಕಾಂಟ್ಯಾಕ್ಟ್ ಲಿಸ್ಟ್ ಅಥವಾ ಫೋನ್ ನಂಬರ್‌ಗಳನ್ನು ಬಳಸುವುದು ಗಂಭೀರವಾದ ನಿಯಮ ಉಲ್ಲಂಘನೆಯಾಗುತ್ತದೆ.

• ಅನುಮತಿಯಿಲ್ಲದೆ ಇತರರ ಫೋನ್ ನಂಬರ್‌ಗಳನ್ನು ಕಲೆಹಾಕುವುದು ಅಥವಾ ಶೇರ್ ಮಾಡುವುದು ವಾಟ್ಸಾಪ್ ಸೇವಾ ನಿಯಮಗಳನ್ನು ಉಲ್ಲಂಘಿಸಿದಂತೆ.

• ಪ್ರೈವೆಸಿಯನ್ನು ಕಾಪಾಡಲು ವಾಟ್ಸಾಪ್ ಈ ವಿಚಾರದಲ್ಲಿ ತುಂಬಾ ಕಟ್ಟುನಿಟ್ಟಾಗಿ ವರ್ತಿಸುತ್ತದೆ. ಇಂತಹ ಕೆಲಸಗಳನ್ನು ಮಾಡಿದರೆ ಅಕೌಂಟ್ ಶಾಶ್ವತವಾಗಿ ಸಸ್ಪೆಂಡ್ ಆಗುವ ಅಪಾಯವಿದೆ.

ವಾಟ್ಸಾಪ್‌ನಲ್ಲಿ ಬ್ರಾಡ್‌ಕಾಸ್ಟ್ ಲಿಸ್ಟ್ ಮೂಲಕ ಒಂದೇ ಬಾರಿಗೆ ಹಲವರಿಗೆ ಮೆಸೇಜ್ ಕಳುಹಿಸುವ ಅವಕಾಶವಿದೆ. ಆದರೆ ಇದನ್ನು ಅತಿಯಾಗಿ ಬಳಸುವುದರಿಂದ ಸಮಸ್ಯೆಗಳು ಎದುರಾಗುತ್ತವೆ.

• ಬ್ರಾಡ್‌ಕಾಸ್ಟ್ ಲಿಸ್ಟ್‌ಗಳನ್ನು ಅತಿಯಾಗಿ ಬಳಸುವುದರಿಂದ ನಿಮ್ಮ ಅಕೌಂಟ್ ಸ್ಪ್ಯಾಮ್ ಕೆಟಗರಿಗೆ ಸೇರುವ ಸಾಧ್ಯತೆಯಿದೆ.

• ಮಿತಿಗಿಂತ ಹೆಚ್ಚು ಬ್ರಾಡ್‌ಕಾಸ್ಟ್ ಮೆಸೇಜ್‌ಗಳನ್ನು ಕಳುಹಿಸಿದರೆ ನಿಮ್ಮ ಅಕೌಂಟ್ ತಾತ್ಕಾಲಿಕವಾಗಿ ಸಸ್ಪೆಂಡ್ ಆಗಬಹುದು ಅಥವಾ ಶಾಶ್ವತವಾಗಿ ಬ್ಯಾನ್ ಆಗಬಹುದು.

ವಾಟ್ಸಾಪ್ ಬಳಕೆದಾರರ ಅನುಮತಿಯಿಲ್ಲದೆ ಅವರ ವೈಯಕ್ತಿಕ ಮಾಹಿತಿಯನ್ನು ಕಲೆಹಾಕುವುದು ಕಾನೂನು ಮತ್ತು ಪ್ಲಾಟ್‌ಫಾರ್ಮ್ ನಿಯಮಗಳ ಪ್ರಕಾರ ಅಪರಾಧವಾಗಿದೆ.

• ಆಟೋಮ್ಯಾಟೆಡ್ ಟೂಲ್‌ಗಳನ್ನು ಬಳಸಿ ಅಥವಾ ಅಕ್ರಮ ಮಾರ್ಗಗಳಲ್ಲಿ ಇತರ ಬಳಕೆದಾರರ ಪ್ರೊಫೈಲ್ ವಿವರಗಳು, ಫೋನ್ ನಂಬರ್‌ಗಳು ಮತ್ತು ಮಾಹಿತಿಯನ್ನು ಕಲೆಹಾಕಿದರೆ ಅಕೌಂಟ್ ಬ್ಯಾನ್ ಆಗುತ್ತದೆ.

• ಬಳಕೆದಾರರ ಡೇಟಾವನ್ನು ಕಲೆಹಾಕುವುದು ವಾಟ್ಸಾಪ್ ನಿಯಮಗಳಿಗೆ ವಿರುದ್ಧವಾಗಿದೆ. ನಿಯಮಗಳ ಪ್ರಕಾರ ಮೆಟಾ ಕಂಪನಿಯ ಸ್ವಂತ ಡೇಟಾ ಶೇರಿಂಗ್ ನೀತಿಗಳ ಮೇಲೂ ರೆಗ್ಯುಲೇಟರ್‌ಗಳಿಂದ ಕಟ್ಟುನಿಟ್ಟಾದ ಕಾನೂನು ನಿರ್ಬಂಧಗಳಿವೆ.

ವಾಟ್ಸಾಪ್ ರೂಪಿಸಿರುವ ಸೇವಾ ನಿಯಮಗಳನ್ನು ಪ್ರತಿಯೊಬ್ಬ ಬಳಕೆದಾರರು ಕಡ್ಡಾಯವಾಗಿ ಪಾಲಿಸಬೇಕು. ಒಂದು ವೇಳೆ ನಿಮ್ಮ ಅಕೌಂಟ್ ನಿರ್ಬಂಧಕ್ಕೊಳಗಾದರೆ ಅಥವಾ ಬ್ಯಾನ್ ಆದರೆ ನಿರಾಸೆಗೊಳ್ಳುವ ಅಗತ್ಯವಿಲ್ಲ.

• ಅಧಿಕೃತ ವಿವರಗಳಿಗಾಗಿ ಅಥವಾ ಬ್ಯಾನ್ ಆದ ಅಕೌಂಟ್ ಬಗ್ಗೆ ಪರಿಶೀಲನೆಗೆ ವಿನಂತಿಸಲು ವಾಟ್ಸಾಪ್ ಹೆಲ್ಪ್ ಸೆಂಟರ್ ಮೂಲಕ ನೇರವಾಗಿ ಅರ್ಜಿ ಸಲ್ಲಿಸಬಹುದು.

• ಹೆಲ್ಪ್ ಸೆಂಟರ್ ಮೂಲಕ ನಿಮ್ಮ ಅಕೌಂಟ್ ಮೇಲಿರುವ ನಿರ್ಬಂಧಗಳನ್ನು ಪರಿಶೀಲಿಸುವ ಅವಕಾಶವಿರುತ್ತದೆ.

ದೀರ್ಘ ಬ್ಯಾಟರಿ ಬಾಳಿಕೆ ಬರುವ ಆಲ್‌ರೌಂಡರ್‌ ರೆಡ್‌ಮಿ ನೋಟ್ 17 ಪ್ರೊ: ಈ ಫೋನ್‌ನಲ್ಲಿ ಇನ್ನೇನಿದೆ?

Govindaraj S — Mon, 28 Sep 2026 20:46:36 +0530

ಮಧ್ಯಮ ಬಜೆಟ್ ಸ್ಮಾರ್ಟ್‌ಫೋನ್ ವಿಭಾಗದಲ್ಲಿ ಅತ್ಯಂತ ಜನಪ್ರಿಯವಾಗಿರುವ ರೆಡ್‌ಮಿ ನೋಟ್ ಸರಣಿಯ, ಉತ್ಕೃಷ್ಟ ಬ್ಯಾಟರಿ ಬಾಳಿಕೆ ಹಾಗೂ ಆಕರ್ಷಕ ಫೀಚರ್ ಹೊಂದಿರುವ ನೂತನ ಫೋನ್ ರೆಡ್‌ಮಿ ನೋಟ್ 17 ಪ್ರೊ 5ಜಿ.

ಈ ಫೋನಿನ ನಿಜವಾದ ಹೀರೋ ಇದರ ದೈತ್ಯ ಬ್ಯಾಟರಿ. ಎಷ್ಟೇ ವಿಡಿಯೋ ನೋಡಿದರೂ, ಆಟವಾಡಿದರೂ ಚಾರ್ಜ್ ಅಂದಾಜು ಮೂರು ದಿನಗಳ ಕಾಲ ಬರುತ್ತದೆ. 67 ವ್ಯಾಟ್ ಚಾರ್ಜರ್ ನೀಡಲಾಗಿದೆ. ಇನ್ನೊಂದು ಮೊಬೈಲ್ ಅನ್ನು ಪವರ್ ಬ್ಯಾಂಕ್‌ನಂತೆ ಚಾರ್ಜ್ ಮಾಡಲು 22.5 ವ್ಯಾಟ್ ರಿವರ್ಸ್ ಚಾರ್ಜಿಂಗ್ ಸೌಲಭ್ಯವೂ ಇದೆ.

ಅಂಡರ್‌ವಾಟರ್‌ ಮೋಡ್‌

ಹಿಂದೆಯೆಲ್ಲಾ ದೊಡ್ಡ ಬ್ಯಾಟರಿ ಇರುವ ಫೋನ್‌ಗಳು ಇಟ್ಟಿಗೆಯಂತೆ ದಪ್ಪವಾಗಿರುತ್ತಿದ್ದವು. ಆದರೆ ಈ ಫೋನ್‌ನಲ್ಲಿ 9,000 ಎಂಎಎಚ್ ಬ್ಯಾಟರಿ ಇದ್ದೂ 226 ಗ್ರಾಂ ತೂಕ ಹಾಗೂ ಕೇವಲ 8.6 ಮಿಮೀ ತೆಳುವಾಗಿರುವುದು ವಿಶೇಷ. ಇದು ಕೈಯಲ್ಲಿ ಹಿಡಿಯಲು ಬಲು ಹಗುರ ಮತ್ತು ಆರಾಮದಾಯಕ. ಧೂಳು ಮತ್ತು ನೀರಿನಿಂದ ರಕ್ಷಣೆ ಪಡೆಯಲು ಐಪಿ68 ಹಾಗೂ ಐಪಿ69ಕೆ ರೇಟಿಂಗ್ ಹೊಂದಿದ್ದು, ನೀರಿನೊಳಗೆ ಫೋಟೋ ತೆಗೆಯುವ ಅಂಡರ್‌ವಾಟರ್‌ ಮೋಡ್‌ ಇರುವುದು ವಿಶೇಷ.

6.83 ಇಂಚಿನ ಅತ್ಯಾಕರ್ಷಕ 1.5ಕೆ ಅಮೋಲ್ಡ್ ಸ್ಕ್ರೀನ್‌, 120 ಹರ್ಟ್ಜ್ ರಿಫ್ರೆಶ್ ರೇಟ್ ಹಾಗೂ 3500 ನಿಟ್ಸ್ ಪೀಕ್ ಬ್ರೈಟ್‌ನೆಸ್ ಇದರಲ್ಲಿದೆ. ಇದರಿಂದಾಗಿ ಬಿರುಬಿಸಿಲಿನಲ್ಲೂ ಅಕ್ಷರಗಳು ಮತ್ತು ಚಿತ್ರಗಳು ಅತ್ಯಂತ ಸ್ಪಷ್ಟವಾಗಿ ಗೋಚರಿಸುತ್ತವೆ. ಗೊರಿಲ್ಲಾ ಗ್ಲಾಸ್ ವಿಕ್ಟಸ್ 2 ರಕ್ಷಣೆ ಇದ್ದು, ಕೈಗಳು ಒದ್ದೆಯಾಗಿದ್ದರೂ ಪರದೆಯನ್ನು ನಿರಾಯಾಸವಾಗಿ ಬಳಸಲು ವೆಟ್ ಟಚ್ 2.0 ಸೌಲಭ್ಯವಿದೆ.

ಐಆರ್ ಬ್ಲಾಸ್ಟರ್

ಸ್ನಾಪ್‌ಡ್ರಾಗನ್ 6ಎಸ್ ಜೆನ್ 4 ಪ್ರೊಸೆಸರ್ ದಿನನಿತ್ಯದ ಕೆಲಸಗಳನ್ನು ಸರಾಗವಾಗಿ ನಿಭಾಯಿಸುತ್ತದೆ. ಆಂಡ್ರಾಯ್ಡ್ 16 ಆಧಾರಿತ ಹೈಪರ್‌ಓಎಸ್ 3ನಲ್ಲಿ ಇದು ಕಾರ್ಯನಿರ್ವಹಿಸುತ್ತದೆ. ಸಾಮಾನ್ಯ ಹಾಗೂ ಸಾಧಾರಣ ಮಟ್ಟದ ಗೇಮ್‌ಗಳನ್ನು ಅಡೆತಡೆಯಿಲ್ಲದೆ ಆಡಬಹುದು. ಮನರಂಜನೆಗಾಗಿ ಡಾಲ್ಬಿ ಅಟ್ಮಾಸ್ ಹಾಗೂ ಶೇ. 300ರಷ್ಟು ವಾಲ್ಯೂಮ್ ಬೂಸ್ಟ್ ನೀಡುವ ಡ್ಯುಯಲ್ ಸ್ಟೀರಿಯೋ ಸ್ಪೀಕರ್‌ಗಳು, ಇನ್-ಡಿಸ್ಪ್ಲೇ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಮತ್ತು ರಿಮೋಟ್ ಆಗಿ ಬಳಸಲು ಐಆರ್ ಬ್ಲಾಸ್ಟರ್ ನೀಡಲಾಗಿದೆ.

ಉತ್ತಮ ಆಲ್‌ರೌಂಡರ್ ಫೋನ್

ಹಿಂಭಾಗದಲ್ಲಿ 50 ಎಂಪಿ ಮುಖ್ಯ ಕ್ಯಾಮೆರಾ ಹಾಗೂ 8 ಎಂಪಿ ಅಲ್ಟ್ರಾ-ವೈಡ್ ಲೆನ್ಸ್ ಇದೆ. ಬ್ಲರ್‌ ಇಲ್ಲದೆ ಸ್ಪಷ್ಟ ಚಿತ್ರ ಮೂಡಿಬರಲು ಆಪ್ಟಿಕಲ್ ಇಮೇಜ್ ಸ್ಟೆಬಿಲೈಸೇಶನ್ ನೀಡಲಾಗಿದ್ದು, ಹಗಲಿನ ಬೆಳಕಿನಲ್ಲಿ ಬಣ್ಣಗಳು ನೈಜವಾಗಿ ಮೂಡಿಬರುತ್ತವೆ. ಸೆಲ್ಫಿಗಾಗಿ 16 ಎಂಪಿ ಕ್ಯಾಮೆರಾ ಇದೆ. ಆದರೆ, ಈ ಬೆಲೆಯ ಫೋನ್‌ನಲ್ಲಿ 4ಕೆ ವಿಡಿಯೋ ರೆಕಾರ್ಡಿಂಗ್ ಸೌಲಭ್ಯವಿಲ್ಲದೆ, ಕೇವಲ 1080ಪಿ ವಿಡಿಯೋಗೆ ಸೀಮಿತವಾಗಿರುವುದು ಕೊಂಚ ಬೇಸರ.

ಈ ಸರಣಿಯ ಆರಂಭಿಕ ಬೆಲೆ ₹36,999. ಈ ದರಕ್ಕೆ ಪ್ರೊಸೆಸರ್ ಇನ್ನೂ ಪ್ರಬಲವಾಗಿರಬಹುದಿತ್ತು ಎನಿಸಿದರೂ, ಅದ್ಭುತ ಪರದೆ, ಕಠಿಣ ಬಾಳಿಕೆ ಹಾಗೂ ದೈತ್ಯ ಬ್ಯಾಟರಿ ಬಯಸುವ ಗ್ರಾಹಕರಿಗೆ ಇದೊಂದು ಉತ್ತಮ ಆಲ್‌ರೌಂಡರ್ ಫೋನ್.

Redmi 17C 5G ಭಾರತದಲ್ಲಿ ಲಾಂಚ್‌; ₹20,999 ಬೆಲೆಗೆ 50MP ಕ್ಯಾಮೆರಾ, 6000mAh ಬ್ಯಾಟರಿ! ಏನೆಲ್ಲಾ ಫೀಚರ್ಸ್‌ ಇವೆ?

Naveen Kodase — Sat, 03 Oct 2026 10:11:22 +0530

ಶಿಯೋಮಿ ಕಂಪನಿ ರೆಡ್‌ಮಿ ಸರಣಿಯಲ್ಲಿ ಹೊಸ ಸ್ಮಾರ್ಟ್‌ಫೋನ್ ಪರಿಚಯಿಸಿದೆ. ರೆಡ್‌ಮಿ 17C 5G ಫೋನ್ ಅನ್ನು ಭಾರತದ ಮಾರುಕಟ್ಟೆಗೆ ಲಾಂಚ್ ಮಾಡಿದೆ. ಕಳೆದ ಡಿಸೆಂಬರ್‌ನಲ್ಲಿ ಬಂದಿದ್ದ ರೆಡ್‌ಮಿ 15C ಫೋನಿನ ಮುಂದುವರಿದ ಆವೃತ್ತಿಯಾಗಿ ಈ ಹೊಸ ಫೋನ್ ಎಂಟ್ರಿ ಕೊಟ್ಟಿದೆ. ದೊಡ್ಡ ಡಿಸ್‌ಪ್ಲೇ, ಪವರ್‌ಫುಲ್ ಬ್ಯಾಟರಿ ಹಾಗೂ 5G ಕನೆಕ್ಟಿವಿಟಿ ಇದರ ಪ್ರಮುಖ ಆಕರ್ಷಣೆ. ಮೀಡಿಯಾಟೆಕ್ ಡೈಮೆನ್ಸಿಟಿ 6300 ಚಿಪ್‌ಸೆಟ್‌ನೊಂದಿಗೆ ಈ ಫೋನ್ ಕೆಲಸ ಮಾಡುತ್ತದೆ. ಶಿಯೋಮಿಯ ಹೈಪರ್‌ಓಎಸ್ 3 ಆಪರೇಟಿಂಗ್ ಸಿಸ್ಟಮ್ ಇದರಲ್ಲಿದೆ. ಅಕ್ಟೋಬರ್ 7 ರಿಂದ ಭಾರತದಲ್ಲಿ ಈ ಫೋನ್ ಖರೀದಿಗೆ ಸಿಗಲಿದೆ.

120Hz ರಿಫ್ರೆಶ್ ರೇಟ್ ಇರುವ ದೊಡ್ಡ ಡಿಸ್‌ಪ್ಲೇ

ರೆಡ್‌ಮಿ 17C 5G ಫೋನಿನಲ್ಲಿ 6.9 ಇಂಚಿನ HD+ LCD ಡಿಸ್‌ಪ್ಲೇಯನ್ನು ಕಂಪನಿ ನೀಡಿದೆ. ಇದು 120Hz ರಿಫ್ರೆಶ್ ರೇಟ್ ಹಾಗೂ HBM ಮೋಡ್‌ನಲ್ಲಿ 810 ನಿಟ್ಸ್ ಬ್ರೈಟ್‌ನೆಸ್ ಸಪೋರ್ಟ್ ಮಾಡುತ್ತದೆ. ಸ್ಕ್ರೋಲ್ ಮಾಡುವಾಗ, ವಿಡಿಯೋ ನೋಡುವಾಗ ಮತ್ತು ವೆಬ್ ಬ್ರೌಸ್ ಮಾಡುವಾಗ ಅತ್ಯುತ್ತಮ ಅನುಭವ ನೀಡುವಂತೆ ಕಂಪನಿ ಈ ಡಿಸ್‌ಪ್ಲೇಯನ್ನು ವಿನ್ಯಾಸಗೊಳಿಸಿದೆ. ಕಣ್ಣಿನ ರಕ್ಷಣೆಗೆ ಕಡಿಮೆ ಬ್ಲೂ ಲೈಟ್, ಫ್ಲಿಕರ್ ಫ್ರೀ ಹಾಗೂ ಸರ್ಕಾಡಿಯನ್ ಫ್ರೆಂಡ್ಲಿ ಫೀಚರ್ಸ್ ಜೊತೆಗೆ TUV ರೈನ್‌ಲ್ಯಾಂಡ್ ಸರ್ಟಿಫಿಕೇಶನ್ ಕೂಡ ಈ ಡಿಸ್‌ಪ್ಲೇಗಿದೆ.

ಮೀಡಿಯಾಟೆಕ್ ಡೈಮೆನ್ಸಿಟಿ 6300 ಚಿಪ್‌ಸೆಟ್

ಮೀಡಿಯಾಟೆಕ್ ಡೈಮೆನ್ಸಿಟಿ 6300 ಮೊಬೈಲ್ ಪ್ಲಾಟ್‌ಫಾರ್ಮ್‌ನಲ್ಲಿ ರೆಡ್‌ಮಿ 17C 5G ಫೋನ್ ಕಾರ್ಯನಿರ್ವಹಿಸುತ್ತದೆ. ಮೆಮೊರಿ ಎಕ್ಸ್‌ಟೆನ್ಶನ್ ಫೀಚರ್ ಮೂಲಕ ನೀವು 12GB ವರೆಗೆ RAM ವಿಸ್ತರಿಸಬಹುದು. ಆದರೆ, ಮಾರುಕಟ್ಟೆಯಲ್ಲಿ ಗರಿಷ್ಠ 6GB ಫಿಸಿಕಲ್ RAM ಇರುವ ವೇರಿಯಂಟ್‌ಗಳು ಮಾತ್ರ ಲಭ್ಯವಿವೆ.

50 ಮೆಗಾಪಿಕ್ಸೆಲ್ ಕ್ಯಾಮೆರಾ

ಕಂಪನಿಯು ಫೋಟೋಗ್ರಫಿಗಾಗಿ 50 ಮೆಗಾಪಿಕ್ಸೆಲ್ AI ರಿಯರ್ ಕ್ಯಾಮೆರಾವನ್ನು ಈ ಫೋನಿನಲ್ಲಿ ನೀಡಿದೆ. ಅಲ್ಟ್ರಾ HD, ಪೋರ್ಟ್ರೇಟ್ ಹಾಗೂ ನೈಟ್ ಮೋಡ್‌ನಂತಹ ಕ್ಯಾಮೆರಾ ಫೀಚರ್ಸ್ ಇದರಲ್ಲಿವೆ. ಸೆಲ್ಫಿ ಹಾಗೂ ವಿಡಿಯೋ ಕಾಲಿಂಗ್‌ಗಾಗಿ ಮುಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಕ್ಯಾಮೆರಾ ಅಳವಡಿಸಿದೆ.

6,000mAh ಬ್ಯಾಟರಿ

6,000mAh ಸಾಮರ್ಥ್ಯದ ಬ್ಯಾಟರಿ ರೆಡ್‌ಮಿ 17C 5G ಫೋನಿನ ಮತ್ತೊಂದು ಪ್ರಮುಖ ಹೈಲೈಟ್. ಇದು 33W ಫಾಸ್ಟ್ ಚಾರ್ಜಿಂಗ್ ಸಪೋರ್ಟ್ ಮಾಡುತ್ತದೆ. 1,000 ಬಾರಿ ಪೂರ್ಣ ಚಾರ್ಜಿಂಗ್ ಸೈಕಲ್ ಮುಗಿದ ಮೇಲೂ ಬ್ಯಾಟರಿಯ ಶೇ.80 ರಷ್ಟು ಸಾಮರ್ಥ್ಯ ಹಾಗೆಯೇ ಉಳಿಯುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ನೀರು ಮತ್ತು ಧೂಳು ನಿರೋಧಕ

ಕಂಪನಿಯು ಈ ಫೋನಿಗೆ IP64 ರೇಟಿಂಗ್ ನೀಡಿದೆ. ಅಂದರೆ, ಧೂಳು ಮತ್ತು ನೀರಿನ ಹನಿಗಳಿಂದ ಫೋನ್ ಸುರಕ್ಷಿತವಾಗಿರುತ್ತದೆ. ಬೆರಳುಗಳಲ್ಲಿ ತೇವಾಂಶ, ಎಣ್ಣೆ ಅಥವಾ ಸೋಪು ಇದ್ದರೂ ಟಚ್ ಸ್ಕ್ರೀನ್ ಕೆಲಸ ಮಾಡಲು ವೆಟ್ ಟಚ್ ಟೆಕ್ನಾಲಜಿ 2.0 ಅನ್ನು ಫೋನಿನಲ್ಲಿ ಅಳವಡಿಸಿದೆ.

ಆಂಡ್ರಾಯ್ಡ್ 16 ಆಧಾರಿತ ಹೈಪರ್‌ಓಎಸ್ 3

ಆಂಡ್ರಾಯ್ಡ್ 16 ಆಧಾರಿತ ಶಿಯೋಮಿ ಹೈಪರ್‌ಓಎಸ್ 3 ನಲ್ಲಿ ರೆಡ್‌ಮಿ 17C 5G ಫೋನ್ ರನ್ ಆಗುತ್ತದೆ. ಗೂಗಲ್ ಜೆಮಿನಿ, ಸರ್ಕಲ್ ಟು ಸರ್ಚ್‌ನಂತಹ ಫೀಚರ್ಸ್ ಕೂಡ ಸಿಗಲಿವೆ. ಆದರೆ, ಪ್ರದೇಶ ಮತ್ತು ಸಾಧನಕ್ಕೆ ಅನುಗುಣವಾಗಿ ಇವುಗಳ ಲಭ್ಯತೆ ಬದಲಾಗಬಹುದು. ಸೈಡ್ ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಹಾಗೂ 200% ವಾಲ್ಯೂಮ್ ಬೂಸ್ಟ್ ಇದರ ಇತರ ವಿಶೇಷತೆಗಳು.

ಬೆಲೆ ಮತ್ತು ಸೇಲ್ ಡೀಟೇಲ್ಸ್

4GB RAM ಮತ್ತು 128GB ಸ್ಟೋರೇಜ್ ಮಾಡೆಲ್ ಬೆಲೆ 20,999 ರೂಪಾಯಿ. 6GB RAM ಮತ್ತು 128GB ಸ್ಟೋರೇಜ್ ವೇರಿಯಂಟ್ ಖರೀದಿಸಲು 22,999 ರೂಪಾಯಿ ನೀಡಬೇಕು. ಡಾರ್ಕ್ ನೈಟ್, ಕಾಫಿ ಬ್ರೂ ಹಾಗೂ ಪರ್ಪಲ್ ಡಾನ್ ಎಂಬ 3 ಬಣ್ಣಗಳಲ್ಲಿ ಈ ಫೋನ್ ಲಭ್ಯವಿದೆ. ಅಕ್ಟೋಬರ್ 7 ರಿಂದ Mi.com, ಅಮೆಜಾನ್ ಇಂಡಿಯಾ ಹಾಗೂ ಶಿಯೋಮಿ ರಿಟೇಲ್ ಸ್ಟೋರ್‌ಗಳ ಮೂಲಕ ರೆಡ್‌ಮಿ 17C 5G ಸೇಲ್ ಶುರುವಾಗಲಿದೆ.

ಯೂಟೂಬ್ ಚಾನೆಲ್‌ಗೆ ವಿಡಿಯೋ ಮಾಡಲು ₹1 ಲಕ್ಷದೊಳಗೆ ಬರುವ ಟಾಪ್-5 ಬೆಸ್ಟ್ ಕ್ಯಾಮೆರಾ ಮೊಬೈಲ್‌ಗಳು!

Sathish Kumar KH — Tue, 22 Sep 2026 12:45:50 +0530

ಯೂಟ್ಯೂಬ್ ಕಂಟೆಂಟ್ ಕ್ರಿಯೇಟರ್‌ಗಳಿಗೆ 1 ಲಕ್ಷ ರೂಪಾಯಿಯೊಳಗೆ ಲಭ್ಯವಿರುವ ಅತ್ಯುತ್ತಮ ಕ್ಯಾಮೆರಾ ಫೋನ್‌ಗಳ ಬಗ್ಗೆ ಇಲ್ಲಿ ವಿವರಿಸಲಾಗಿದೆ. ಐಫೋನ್ 17, ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್26 ಸೇರಿದಂತೆ 4K ಮತ್ತು 8K ವಿಡಿಯೋ ರೆಕಾರ್ಡಿಂಗ್ ಸಾಮರ್ಥ್ಯವಿರುವ ಟಾಪ್ 5 ಫೋನ್‌ಗಳ ಮಾಹಿತಿ ಇಲ್ಲಿದೆ.

ಸ್ಮಾರ್ಟ್‌ಫೋನ್‌ಗಳು ಈಗ ಕೇವಲ ಮಾತನಾಡುವ ಸಾಧನಗಳಾಗಿ ಉಳಿದಿಲ್ಲ. ಬೆಸ್ಟ್ ಕ್ಯಾಮೆರಾ ಫೋನ್‌ಗಳನ್ನು ಬಳಸಿ ನೀವು ಪ್ರೊಫೆಷನಲ್ ಲೆವೆಲ್ ವಿಡಿಯೋಗಳನ್ನು ಸುಲಭವಾಗಿ ಶೂಟ್ ಮಾಡಬಹುದು. ಬಜೆಟ್ ಫೋನ್‌ಗಳಿಂದ ಹಿಡಿದು ಪ್ರೀಮಿಯಂ ಫೋನ್‌ಗಳವರೆಗೆ, ಮುಂಭಾಗ ಮತ್ತು ಹಿಂಭಾಗದಲ್ಲಿ ಅತ್ಯುತ್ತಮ ಕ್ಯಾಮೆರಾಗಳು ಸಿಗುತ್ತಿವೆ. ಹಲವು ಫ್ಲ್ಯಾಗ್‌ಶಿಪ್ ಮತ್ತು ಪ್ರೀಮಿಯಂ ಮಿಡ್-ರೇಂಜ್ ಫೋನ್‌ಗಳು 4K/60fps ವಿಡಿಯೋ ರೆಕಾರ್ಡಿಂಗ್ ಸಪೋರ್ಟ್ ಮಾಡಿದರೆ, ಕೆಲವು ಮಾಡೆಲ್‌ಗಳು 8K ವಿಡಿಯೋ ರೆಕಾರ್ಡಿಂಗ್ ಫೀಚರ್ ನೀಡುತ್ತಿವೆ.

ಯೂಟ್ಯೂಬ್ ಕಂಟೆಂಟ್ ಕ್ರಿಯೇಟರ್‌ಗಳಿಗೆ ಮತ್ತು ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ಹಂಚಿಕೊಳ್ಳುವವರಿಗೆ ಬೆಸ್ಟ್ ಕ್ಯಾಮೆರಾ ಫೋನ್ ತುಂಬಾನೇ ಯೂಸ್ ಆಗುತ್ತದೆ. ಭಾರತದಲ್ಲಿ 1,00,000 ರೂಪಾಯಿಯೊಳಗೆ ಅತ್ಯುತ್ತಮ ವಿಡಿಯೋ ರೆಕಾರ್ಡಿಂಗ್ ಸಾಮರ್ಥ್ಯವಿರುವ ಹಲವು ಫೋನ್‌ಗಳು ಲಭ್ಯವಿವೆ. ಅವುಗಳಲ್ಲಿ ಟಾಪ್ 5 ಮಾಡೆಲ್‌ಗಳ ಬಗ್ಗೆ ನಾವಿಂದು ತಿಳಿಯೋಣ.

ಆಪಲ್‌ನ ಐಫೋನ್ 17 ಈ ಲಿಸ್ಟ್‌ನಲ್ಲಿರುವ ಪ್ರಮುಖ ಫೋನ್. A19 ಚಿಪ್‌ಸೆಟ್‌ನಿಂದ ಕೆಲಸ ಮಾಡುವ ಈ ಫೋನ್‌ನಲ್ಲಿ 48 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾ ಮತ್ತು 48 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾ ಇದೆ. ನೀವು 4K ರೆಸಲ್ಯೂಶನ್‌ನಲ್ಲಿ 60fps ವರೆಗೆ ವಿಡಿಯೋ ರೆಕಾರ್ಡ್ ಮಾಡಬಹುದು. ಸೆಂಟರ್ ಸ್ಟೇಜ್ ಫೀಚರ್ ಜೊತೆಗೆ 18 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾವನ್ನು ಈ ಫೋನ್ ಹೊಂದಿದೆ. 256GB ಸ್ಟೋರೇಜ್‌ನ ಬೇಸ್ ಮಾಡೆಲ್‌ಗೆ ಭಾರತದಲ್ಲಿ 99,900 ರೂಪಾಯಿ ಬೆಲೆ ಇದೆ.

ಸ್ಯಾಮ್‌ಸಂಗ್‌ನ ಲೇಟೆಸ್ಟ್ ಎಸ್ ಸೀರೀಸ್ ಮಾಡೆಲ್ ಗ್ಯಾಲಕ್ಸಿ ಎಸ್26 ಎಕ್ಸಿನೋಸ್ 2600 ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. 50 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾ ಜೊತೆಗೆ 10 ಮೆಗಾಪಿಕ್ಸೆಲ್ ಟೆಲಿಫೋಟೋ ಮತ್ತು 12 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾಗಳನ್ನು ಈ ಫೋನ್ ಒಳಗೊಂಡಿದೆ. ನೀವು 8K ರೆಸಲ್ಯೂಶನ್‌ನಲ್ಲಿ 30fps ವರೆಗೆ ಮತ್ತು 4K ನಲ್ಲಿ 60fps ವರೆಗೆ ವಿಡಿಯೋ ರೆಕಾರ್ಡ್ ಮಾಡಬಹುದು. ಇದರ 256GB ವೇರಿಯೆಂಟ್‌ಗೆ 79,999 ರೂಪಾಯಿ ಬೆಲೆ ಇದೆ.

ಸ್ನಾಪ್‌ಡ್ರಾಗನ್ 8 ಜೆನ್ 5 ಚಿಪ್‌ಸೆಟ್‌ನೊಂದಿಗೆ ಬಂದಿರುವ ವಿವೋ ಎಕ್ಸ್300 ಎಫ್‌ಇ ಫೋನ್‌ನಲ್ಲಿ 50 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾ, 50 ಮೆಗಾಪಿಕ್ಸೆಲ್ ಟೆಲಿಫೋಟೋ ಕ್ಯಾಮೆರಾ ಮತ್ತು 8 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾ ಇದೆ. 8K ವಿಡಿಯೋ ರೆಕಾರ್ಡಿಂಗ್ ಸಪೋರ್ಟ್ ಮಾಡುವ ಈ ಫೋನ್‌ನಲ್ಲಿ 50 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಕೂಡ ಲಭ್ಯವಿದೆ. 256GB ಬೇಸ್ ಮಾಡೆಲ್‌ಗೆ 89,999 ರೂಪಾಯಿ ಬೆಲೆ ನಿಗದಿಯಾಗಿದೆ.

ಒಪ್ಪೋ ಫೈಂಡ್ ಎಕ್ಸ್9 ಫೋನ್ 50 ಮೆಗಾಪಿಕ್ಸೆಲ್ ಪ್ರೈಮರಿ, ಅಲ್ಟ್ರಾವೈಡ್ ಮತ್ತು ಟೆಲಿಫೋಟೋ ಕ್ಯಾಮೆರಾಗಳ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿದೆ. ಮೀಡಿಯಾಟೆಕ್ ಡೈಮೆನ್ಸಿಟಿ 9500 ಚಿಪ್‌ಸೆಟ್ ಈ ಫೋನ್‌ಗೆ ಪವರ್ ನೀಡುತ್ತದೆ. ನೀವು 4K ರೆಸಲ್ಯೂಶನ್‌ನಲ್ಲಿ 120fps ವರೆಗೆ ವಿಡಿಯೋ ರೆಕಾರ್ಡ್ ಮಾಡಬಹುದು. 7,025 mAh ಬ್ಯಾಟರಿ ಜೊತೆಗೆ 80W ವೈರ್ಡ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಸಪೋರ್ಟ್ ಅನ್ನು ಈ ಫೋನ್ ಹೊಂದಿದೆ. 256GB ಮಾಡೆಲ್‌ಗೆ 84,999 ರೂಪಾಯಿ ಬೆಲೆ ಇದೆ.

ಗೂಗಲ್ ಪಿಕ್ಸೆಲ್ 11 ಈ ಲಿಸ್ಟ್‌ನಲ್ಲಿರುವ ಮತ್ತೊಂದು ಬೆಸ್ಟ್ ಮಾಡೆಲ್. ಗೂಗಲ್‌ನ ಟೆನ್ಸರ್ ಜಿ6 ಚಿಪ್‌ಸೆಟ್‌ನಲ್ಲಿ ಕೆಲಸ ಮಾಡುವ ಈ ಫೋನ್‌ನಲ್ಲಿ 48 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾ, 13 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾ ಮತ್ತು 10.8 ಮೆಗಾಪಿಕ್ಸೆಲ್ ಟೆಲಿಫೋಟೋ ಕ್ಯಾಮೆರಾ ಇದೆ. ನೀವು 4K ರೆಸಲ್ಯೂಶನ್‌ನಲ್ಲಿ 60fps ವರೆಗೆ ವಿಡಿಯೋ ರೆಕಾರ್ಡ್ ಮಾಡಬಹುದು. 12GB RAM ಜೊತೆಗೆ 256GB ಮತ್ತು 512GB ಸ್ಟೋರೇಜ್ ಆಪ್ಷನ್‌ಗಳು ಲಭ್ಯವಿವೆ. 256GB ವೇರಿಯೆಂಟ್‌ಗೆ ಭಾರತದಲ್ಲಿ 89,999 ರೂಪಾಯಿ ಬೆಲೆ ಇದೆ.

ಒಂದು ಲಕ್ಷ ರೂಪಾಯಿಯೊಳಗೆ ಬೆಸ್ಟ್ ವಿಡಿಯೋ ರೆಕಾರ್ಡಿಂಗ್ ಸಾಮರ್ಥ್ಯವಿರುವ ಹಲವು ಫೋನ್‌ಗಳು ಪ್ರಸ್ತುತ ಭಾರತೀಯ ಮಾರುಕಟ್ಟೆಯಲ್ಲಿವೆ. 8K ವಿಡಿಯೋ ಬೇಕೆನ್ನುವವರು ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್26 ಮತ್ತು ವಿವೋ ಎಕ್ಸ್300 ಎಫ್‌ಇ ಮಾಡೆಲ್‌ಗಳನ್ನು ಆಯ್ಕೆ ಮಾಡಬಹುದು. ಹೈ ಫ್ರೇಮ್ ರೇಟ್‌ನ 4K ವಿಡಿಯೋ ಬೇಕೆನ್ನುವವರಿಗೆ ಒಪ್ಪೋ ಫೈಂಡ್ ಎಕ್ಸ್9 ಬೆಸ್ಟ್ ಆಪ್ಷನ್. ಅದೇ ರೀತಿ, ಆಪಲ್ ಮತ್ತು ಗೂಗಲ್ ಮಾಡೆಲ್‌ಗಳು ಕೂಡ ಅತ್ಯುತ್ತಮ ವಿಡಿಯೋ ರೆಕಾರ್ಡಿಂಗ್ ಅನುಭವವನ್ನು ನೀಡುತ್ತವೆ.

iPhone 18 Pro ಮೇನಿಯಾ, ಫೋನ್‌ ಖರೀದಿಗೆ ದುಬೈಗೆ ಹೊರಟ ಭಾರತೀಯರಿಗೆ ಸಿಗುತ್ತಾ ಲಾಭ?

Roopa Hegde — Mon, 21 Sep 2026 13:14:18 +0530

ಭಾರತೀಯರಿಗೆ ಐಫೋನ್ ಕ್ರೇಜ್ ಹೊಸತಲ್ಲ. ಹೊಸ ಮಾಡೆಲ್ ಬಿಡುಗಡೆಯಾದ್ರೆ ಸಾಕು, ಅದನ್ನು ಖರೀದಿಸಲು ಸಾಕಷ್ಟು ಪ್ರಯತ್ನಗಳು ನಡೆಯುತ್ತಿರುತ್ವೆ. ಕೆಲವರು ಭಾರತದಲ್ಲೇ ಗಂಟೆಗಟ್ಟಲೆ ಕ್ಯೂನಲ್ಲಿ ನಿಂತು ಫೋನ್ ಖರೀದಿಸಿದ್ರೆ ಮತ್ತೆ ಕೆಲವರು ದುಬೈಗೇ ಹಾರ್ತಿದ್ದಾರೆ. ಹಾಗಾದ್ರೆ ಭಾರತಕ್ಕಿಂತ ದುಬೈನಲ್ಲಿ ಐಫೋನ್ ಎಷ್ಟು ಅಗ್ಗ? ಎಷ್ಟು ಉಳಿಸ್ಬಹುದು ಎಂಬ ಮಾಹಿತಿ ಇಲ್ಲಿದೆ.

ದುಬೈನಲ್ಲಿ iPhone 18 Pro ಬೆಲೆ ಎಷ್ಟು?

ಐಫೋನ್ 18 ಪ್ರೊ (iPhone 18 Pro) ಮತ್ತು ಐಫೋನ್ 18 ಪ್ರೊ ಮ್ಯಾಕ್ಸ್ (iPhone 18 Pro Max) ಮಾರಾಟ ಸೆಪ್ಟೆಂಬರ್ 18ರಿಂದ ಶುರುವಾಗಿದೆ. ದುಬೈನಲ್ಲಿ ಐಫೋನ್‌ 18 ಪ್ರೋ ಬೆಲೆ 5,099 ದಿರ್ಹಮ್ನಿಂದ ಆರಂಭವಾಗುತ್ತದೆ. ಭಾರತೀಯ ರೂಪಾಯಿಯಲ್ಲಿ ಇದು ಸುಮಾರು 1.33 ಲಕ್ಷ ರೂಪಾಯಿ. ಇನ್ನು ಐಫೋನ್‌ 18 ಪ್ರೋ ಮ್ಯಾಕ್ಸ್ ಬೆಲೆ 5,499 ದಿರ್ಹಮ್, ಅಂದರೆ ಸುಮಾರು 1.43 ಲಕ್ಷ ರೂಪಾಯಿ. ಎರಡೂ ಫೋನ್ಗಳು 256ಜಿಬಿ, 512ಜಿಬಿ, 1ಟಿಬಿ ಮತ್ತು 2ಟಿಬಿ ಸ್ಟೋರೇಜ್ ಆಯ್ಕೆಗಳಲ್ಲಿ ಸಿಗುತ್ತವೆ.

ಭಾರತದಲ್ಲಿ ಎಷ್ಟು ಬೆಲೆ?

ಐಫೋನ್‌ 18 ಪ್ರೋನ 256 ಜಿಬಿ ಮಾಡೆಲ್ ಆರಂಭಿಕ ಬೆಲೆ ಭಾರತದಲ್ಲಿ 1,64,900 ರೂಪಾಯಿ. ಐಫೋನ್ 18 ಪ್ರೋ ಮ್ಯಾಕ್ಸ್ ಬೆಲೆ 1,79,900 ರೂಪಾಯಿಯಿಂದ ಶುರುವಾಗುತ್ತದೆ. ಅಂದರೆ ಆರಂಭಿಕ ಬೆಲೆಯನ್ನೇ ಹೋಲಿಕೆ ಮಾಡಿದರೆ, ಐಫೋನ್‌ 18 ಪ್ರೋ ದುಬೈನಲ್ಲಿ ಸುಮಾರು 33 ಸಾವಿರ ರೂಪಾಯಿ ಅಗ್ಗ. ಐಫೋನ್‌ 18 ಪ್ರೋ ಮ್ಯಾಕ್ಸ್ ನಲ್ಲಿ ಸುಮಾರು 36 ರಿಂದ 38 ಸಾವಿರ ರೂಪಾಯಿವರೆಗೆ ವ್ಯತ್ಯಾಸ ಕಾಣಿಸುತ್ತದೆ.

ದುಬೈಗೆ ಹೋಗಿ ಖರೀದಿಸಿದರೆ ನಿಜವಾಗಿಯೂ ಲಾಭವೇ?

ಭಾರತದಿಂದ ದುಬೈಗೆ ಹೋಗಬೇಕೆಂದರೆ ವಿಮಾನ ಟಿಕೆಟ್, ವೀಸಾ, ಅಲ್ಲಿನ ವಾಸ್ತವ್ಯ ಮತ್ತು ಊಟ ಸೇರಿದಂತೆ ಹೆಚ್ಚುವರಿ ಖರ್ಚು ಬರುತ್ತೆ. ಹಾಗಿದ್ದರೂ ಕೆಲವು ಭಾರತೀಯ ಖರೀದಿದಾರರು ದುಬೈಯಿಂದಲೇ ಐಫೋನ್ ಖರೀದಿಸುವುದು ತಮಗೆ ಲಾಭದಾಯಕವಾಗಿದೆ ಎಂದು ಹೇಳಿದ್ದಾರೆ. ಮುಂಬೈನ ಅಮನ್ ಸೊಲಂಕಿ ಎಂಬ ಖರೀದಿದಾರರು ವಿಮಾನ ಟಿಕೆಟ್ ಮತ್ತು ವೀಸಾ ಖರ್ಚನ್ನೂ ಸೇರಿಸಿದ ನಂತರವೂ ದುಬೈಯಿಂದ ಫೋನ್ ಖರೀದಿಸುವುದು ಭಾರತಕ್ಕಿಂತ ಅಗ್ಗವಾಗಿದೆ ಎಂದಿದ್ದಾರೆ. ಅವರು ತಮ್ಮ ಕುಟುಂಬಕ್ಕಾಗಿ ಒಟ್ಟು ಮೂರು ಐಫೋನ್‌ 18 ಪ್ರೋ ಮ್ಯಾಕ್ಸ್ ಫೋನ್ಗಳನ್ನು ಖರೀದಿಸುತ್ತಿರುವುದರಿಂದ ಬೆಲೆ ವ್ಯತ್ಯಾಸದಿಂದ ಆಗುವ ಉಳಿತಾಯ ಇನ್ನಷ್ಟು ಹೆಚ್ಚಾಗುತ್ತದೆ ಎಂದಿದ್ದಾರೆ.

ಇನ್ನು ಕೇರಳದ ಮೊಹಮ್ಮದ್ ಸಯ್ಯದ್ ಅವರು ಕುಟುಂಬವನ್ನು ಭೇಟಿಯಾಗಲು ಮೊದಲೇ ದುಬೈಗೆ ಹೋಗಿದ್ದರು. ಭಾರತ ಮತ್ತು ದುಬೈ ಬೆಲೆಗಳನ್ನು ಹೋಲಿಕೆ ಮಾಡಿದ ಬಳಿಕ ಅಲ್ಲಿಂದಲೇ ಹೊಸ ಐಫೋನ್ ಖರೀದಿಸಲು ನಿರ್ಧರಿಸಿದ್ದಾರೆ. ಅವರ ಲೆಕ್ಕಾಚಾರದ ಪ್ರಕಾರ ಸುಮಾರು 20 ರಿಂದ 30 ಸಾವಿರ ರೂಪಾಯಿ ಅವರಿಗೆ ಉಳಿತಾಯವಾಗುತ್ತಿದೆ.

ಹೀಗಾಗಿ ಒಂದು ಫೋನ್ ಖರೀದಿಸಲು ಮಾತ್ರ ಭಾರತದಿಂದ ದುಬೈಗೆ ಹೋಗುವುದಾದರೆ, ವಿಮಾನ, ವೀಸಾ ಮತ್ತು ವಾಸ್ತವ್ಯದ ಖರ್ಚುಗಳನ್ನು ಮೊದಲು ಲೆಕ್ಕ ಹಾಕಬೇಕು. ಆದರೆ ಒಂದಕ್ಕಿಂತ ಹೆಚ್ಚು ಫೋನ್ ಖರೀದಿಸುತ್ತಿದ್ದರೆ ಅಥವಾ ಈಗಾಗಲೇ ದುಬೈಗೆ ಹೋಗುವ ಪ್ಲಾನ್ ಇದ್ದರೆ, ಬೆಲೆ ವ್ಯತ್ಯಾಸದಿಂದ ಉಳಿತಾಯವಾಗುವ ಸಾಧ್ಯತೆ ಹೆಚ್ಚು.

20 ಸಾವಿರಕ್ಕಿಂತ ಕಮ್ಮಿ ಬೆಲೆಗೆ 4 ಬೆಸ್ಟ್ ಸೆಲ್ಫಿ ಫೋನ್‌ಗಳು, ಸಾಟಿ ಇಲ್ಲದ ಅದ್ಭುತ ಮೊಬೈಲ್‌ಗಳು

Ganesh Mabla Gowda — Mon, 21 Sep 2026 19:53:03 +0530

20 ಸಾವಿರಕ್ಕಿಂತ ಕಡಿಮೆ ಬೆಲೆಗೆ ಬೆಸ್ಟ್‌ ಸೆಲ್ಫಿ ಫೋನ್ ಹುಡುಕುತ್ತಿದ್ದರೆ ಈ 4 ಫೋನ್‌ಗಳನ್ನ ಕಣ್ಮುಚ್ಚಿಕೊಂಡು ನೀವು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಬಜೆಟ್ ಸ್ನೇಹಿ ಆಗಿರುವ ಈ ಸ್ಮಾರ್ಟ್‌ಫೋನ್‌ಗಳು ಒಂದಕ್ಕಿತ ಒಂದು ಅದ್ಭುತ ಫೀಚರ್ಸ್‌ ಹೊಂದಿದೆ. ಅವುಗಳ ವಿವರ ಇಲ್ಲಿದೆ.

ಅನೇಕರಿಗೆ ಸೆಲ್ಫಿ ಹುಚ್ಚು. ವಿಡಿಯೋ ಮಾಡೋರಿಗೆ, ಸಣ್ಣಪುಟ್ಟ ವ್ಲಾಗ್ ಮಾಡೋರು ಒಳ್ಳೆಯ ಸೆಲ್ಫಿ ಕ್ಯಾಮರಾ ಇರುವ ಮೊಬೈಲ್ ಹುಡುಕುತ್ತಾರೆ. ಅವುಗಳಲ್ಲಿ ಮೊಟೊರೊಲಾ, ರೀಯಲ್ ಮೀ ಮತ್ತು ಐಕ್ಯೂ 32 ಎಂಪಿವರೆಗಿನ ಫ್ರಂಟ್ ಕ್ಯಾಮೆರಾಗಳು ಮತ್ತು ಶಕ್ತಿಯುತ ಪ್ರೊಸೆಸರ್‍‌ಗಳು ಮತ್ತು ಪವರ್‍‌ಫುಲ್ ಡಿಸ್‌ಪ್ಲೇ ಫೀಚರ್ಸ್‌ ಸಿಗಲಿವೆ.

ಪ್ರೀಮಿಯಂ ಲುಕ್ ಹೊಂದಿದೆ, ಅದ್ಭುತವಾಗಿ ಕೆಲಸ ಮಾಡುತ್ತೆ
ಇಂದಿನ ಅನೇಕ ಯುವಕರು ಇದೇ ಫೋನ್ ಬಳಸುತ್ತಾರೆ
ಬೆಲೆ 20,000 ರೂಪಾಯಿಗಿಂತ ಕಡಿಮೆ ಹೊಂದಿದೆ
16-ಮೆಗಾಪಿಕ್ಸೆಲ್ ಫ್ರಂಟ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ
ಸ್ಪೆಷಲ್ ಫಿಲ್ಟರ್‍‌ಗಳನ್ನು ಸಹ ಇದೆ

ವಿವೋ ಬೆಸ್ಟ್ ಕ್ಯಾಮೆರಾ ಗುಣಮಟ್ಟಕ್ಕೆ ಹೆಸರುವಾಸಿ
ಸೆಲ್ಫಿ ಫೋಟೋಗಳು ಇದರಲ್ಲಿ ತುಂಬಾ ಚೆನ್ನಾಗಿ ಬರುತ್ತೆ
ವಿವೋ ಟಿ3 5ಜಿ 16-ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಹೊಂದಿದೆ
ಮಂದ ಬೆಳಕಿನಲ್ಲೂ ಸ್ಪಷ್ಟವಾದ ಸೆಲ್ಫಿಗಳನ್ನ ಸೆರೆಹಿಡಿಯಬಹುದು
ನೈಟ್ ಮೋಡ್ ಸಪೋರ್ಟಿಂಗ್ ಸಿಸ್ಟಮ್ ಕೂಡ ಹೊಂದಿದೆ

ಗಟ್ಟಿಮುಟ್ಟಾದ ಫೋನ್, ದೀರ್ಘ ಬ್ಯಾಟರಿ ಬಾಳಿಕೆಗೆ ಹೆಸರುವಾಸಿ
ಬಜೆಟ್ ಸ್ನೇಹಿ, ಸೆಲ್ಫಿಗಳ ವಿಷಯದಲ್ಲೂ ಅತ್ಯುತ್ತಮ ಆಯ್ಕೆ
13-ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಹೊಂದಿದೆ

ಮೊಟೊರೊಲಾ ಭಾರತೀಯ ಮಾರುಕಟ್ಟೆಯಲ್ಲಿ ಸದಾಕಾಲ ಟ್ರೆಂಡಿಂಗ್
ಕ್ಲೀನ್ ಆಂಡ್ರಾಯ್ಡ್ ಫೀಲಿಂಗ್, ಬೆಸ್ಟ್ ಕ್ಯಾಮೆರಾ
32 ಮೆಗಾಪಿಕ್ಸೆಲ್‌ಗಳವರೆಗಿನ ಹೆಚ್ಚಿನ ರೆಸಲ್ಯೂಶನ್ ಫ್ರಂಟ್ ಕ್ಯಾಮೆರಾ
ಗ್ರೂಫ್ ಸೆಲ್ಫಿಗೆ ಹೇಳಿ ಮಾಡಿಸಿದ ಫೋನ್ ಇದಾಗಿದೆ

ಇನ್ನು, ನೀವು ಸೆಲ್ಫಿಗಾಗಿ ಫೋನ್ ಖರೀದಿ ವೇಳೆ ಮುಖ್ಯವಾಗಿ ಗಮನಿಸಬೇಕಾದ ವಿಚಾರ ಏನೆಂದರೆ, ಅಪರ್ಚರ್ ಮತ್ತು ಪ್ರೊಸೆಸರ್ ಸಹ ಸೆಲ್ಫಿ ತೆಗೆದುಕೊಳ್ಳುವಾಗ ಪ್ರಮುಖ ಪಾತ್ರವಹಿಸುತ್ತವೆ. ಉತ್ತಮ ಪ್ರೊಸೆಸರ್ ಎಫೆಕ್ಟೀವ್ ಫೋಟೋಗೆ ಸಹಾಯ ಮಾಡುತ್ತವೆ.

BSNL ಭರ್ಜರಿ ಆಫರ್, ಒಂದು ರೂಪಾಯಿ ಪಾವತಿಸಿದ್ರೆ 24 ದಿನ ಅನಿಯಮಿತ ಕರೆ, ಇಂಟರ್‍‌ನೆಟ್ ಸೌಲಭ್ಯ

Ganesh Mabla Gowda — Sun, 04 Oct 2026 21:09:33 +0530

ನವದೆಹಲಿ: ಸರ್ಕಾರಿ ಸ್ವಾಮ್ಯದ ಬಿಎಸ್‌ಎನ್‌ಎಲ್ (Bharat Sanchar Nigam Limited) ಇತ್ತೀಚೆಗೆ ಗ್ರಾಹಕರ ಸ್ನೇಹಿಯಾಗಿ ಸೇವೆ ನೀಡುತ್ತಿದೆ. ಅದರ ಮುಂದುವರಿದ ಭಾಗವಾಗಿ ಇದೀಗ BSNL ಫ್ರೀಡಂ 2.0 ಎಂಬ ಹೊಸ ಯೋಜನೆ ಪರಿಚಯಿಸಿದೆ.

ಏನದು?

ಬಿಎಸ್‌ಎನ್‌ಎಲ್‌ನ ಹೊಸ ಯೋಜನೆಯು ಅಕ್ಟೋಬರ್ 12 ರವರೆಗೆ ಮಾತ್ರ ಲಭ್ಯವಿರುತ್ತದೆ. ಅಷ್ಟರೊಳಗೆ ನೀವು ಸಿಮ್ ಖರೀದಿಸಿದ್ರೆ ಈ ಆಫರ್ ನಿಮಗೆ ಅನ್ವಯ ಆಗಲಿದೆ. ಇನ್ನು, ಆಫರ್ ಏನು ಎಂದು ನೋಡೋದಾದ್ರೆ.. BSNL ಕೇವಲ 1 ರೂ.ಗೆ ಸಿಮ್ ಕಾರ್ಡ್ ನೀಡುತ್ತಿದೆ. ಅದು 24 ದಿನಗಳ ಕಾಲ ಮಾನ್ಯವಾಗಿರುತ್ತದೆ. ಜೊತೆಗೆ ಉಚಿತ ಅನಿಯಮಿತ ಕರೆಗಳನ್ನು ನೀವು ಮಾಡಬಹುದಾಗಿದೆ..

ಏನೆಲ್ಲ ಬಳಕೆ ಮಾಡಬಹುದು?

ದೇಶದ ಯಾವುದೇ ನೆಟ್‌ವರ್ಕ್‌ಗೆ ನೀವು ಅನಿಯಮಿತವಾಗಿ ಕರೆ ಮಾಡಬಹುದು. ಈ ವಿಶೇಷ ಆಫರ್, ಒಂದು ನೆಟ್‌ವರ್ಕ್‌ನಿಂದ ಇನ್ನೊಂದು ಬಿಎಸ್‌ಎನ್‌ಎಲ್‌ಗೆ ಬರುತ್ತಿರೋರಿಗೆ ಹಾಗೂ ಹೊಸ ಸಿಮ್ ಕಾರ್ಡ್ ಅನ್ವಯಿಸುತ್ತದೆ. ಈಗಾಗಲೇ ನೀವು ಬಿಎಸ್‌ಎನ್‌ಎಲ್ ಸಿಮ್ ಬಳಸುತ್ತಿದ್ದರೆ ನಿಮಗೆ ಈ ಆಫರ್ ಸಿಗೋದಿಲ್ಲ.

ದಿನಕ್ಕೆ ಒಂದು ಜಿಬಿ ಡೇಟಾ ಉಚಿತ
ಅನ್‌ಲಿಮಿಟೆಡ್ ಕರೆಗಳು
ದಿನಕ್ಕೆ 100 ಸಂದೇಶಗಳು ಉಚಿತ
24 ದಿನ ವ್ಯಾಲಿಡಿಟಿ

ಉದ್ದೇಶ ಏನು?

ಹೊಸ ಗ್ರಾಹಕರನ್ನು ತನ್ನ ನೆಟ್‌ವರ್ಕ್‌ಗೆ ಸೆಳೆಯಲು ಬಿಎಸ್‌ಎನ್‌ಎಲ್ ಈ ಕೊಡುಗೆ ಜಾರಿಗೆ ತಂದಿದೆ. ಉಚಿತ ಕರೆಗಳ ಜೊತೆಗೆ.. ದಿನಕ್ಕೆ 1 ಜಿಬಿ ಹೈ-ಸ್ಪೀಡ್ ಇಂಟರ್ನೆಟ್ ಸಹ ಈ ಯೋಜನೆಯಲ್ಲಿ ಸೇರುತ್ತದೆ. ಅಷ್ಟೇ ಅಲ್ಲದೇ ನೀವು ದಿನಕ್ಕೆ 100 ಉಚಿತ ಎಸ್‌ಎಂಎಸ್‌ಗಳನ್ನು ಕಳುಹಿಸಬಹುದು. ಈ ಯೋಜನೆ 24 ದಿನಗಳವರೆಗೆ ಮಾತ್ರ ಮಾನ್ಯವಾಗಿರುತ್ತದೆ..

ಅಕ್ಟೋಬರ್ 12 ರ ಮೊದಲು ಹೊಸ ಸಿಮ್ ಖರೀದಿಸುವ ಮೊಬೈಲ್ ಬಳಕೆದಾರರಿಗೆ ಈ ಪ್ಲಾನ್ ಲಭ್ಯ. ಅದರ ನಂತರ ಈ ಸೇವೆ ಇರೋದಿಲ್ಲ. ಒಂದು ವೇಳೆ ನೀವೇನಾದರೂ ಈ ಸೇವೆಯನ್ನ ಪಡೆಯಬೇಕು ಎಂದು ಹತ್ತಿರದ ಬಿಎಸ್‌‌ಎನ್‌ಎಲ್ ಸೇವಾ ಕೇಂದ್ರಕ್ಕೆ ಭೇಟಿ ನೀಡಿ ಪ್ರಯೋಜನ ಪಡೆಯಬಹುದು. ಅಲ್ಲದೇ ಅಧಿಕೃತ ಚಿಲ್ಲರೆ ವ್ಯಾಪಾರಿಯಲ್ಲಿಯೂ ಲಭ್ಯವಿದೆ.

ಸಿಮ್ ಖರೀದಿಸುವಾಗ ಆಧಾರ್ ಮತ್ತು ನಿಮ್ಮ ಕೆವೈಸಿ ವಿವರಗಳನ್ನು ನೀಡಿದರೆ ಸಿಮ್ ಸಕ್ರಿಯಗೊಳ್ಳುತ್ತದೆ. ಹೆಚ್ಚಿನ ಮಾಹಿತಿಗಾಗಿ ಬಿಎಸ್‌ಎನ್‌ಎಲ್ ಟೋಲ್-ಫ್ರೀ ಸಂಖ್ಯೆ 1800-180-1503 ಅಥವಾ ಬಿಎಸ್‌ಎನ್‌ಎಲ್ ನ್ಯೂ ಸೆಲ್ಫ್ ಕೇರ್ ಅಪ್ಲಿಕೇಶನ್‌ಗೆ ಕರೆ ಮಾಡಿ. ಇನ್ನು ಬಿಎಸ್‌ಎನ್‌ಎಲ್ ತನ್ನ ವಿಶೇಷ ಆಫರ್ ಬಗ್ಗೆ ಟ್ವಿಟರ್‍‌ನಲ್ಲಿ ಮಾಹಿತಿಯನ್ನ ಹಂಚಿಕೊಂಡಿದೆ.

ಇಂಟರ್ನೆಟ್ ಕೂಡ..

BSNL ಹೊಸ ಗ್ರಾಹಕರನ್ನು ಆಕರ್ಷಿಸಲು ಹೀಗೆ ಮಾಡುತ್ತಿದೆ. ಈಗಾಗಲೇ ಇತರೆ ಟೆಲಿಕಾಂ ಕಂಪನಿಗಳು ತಮ್ಮ ರೀಚಾರ್ಜ್ ಬೆಲೆಗಳನ್ನು ಹೆಚ್ಚಿಸಿವೆ. ಆದರೆ BSNL ನ ರೀಚಾರ್ಜ್ ಬೆಲೆಗಳು ತುಂಬಾ ಕಡಿಮೆ. ಅನೇಕರು BSNLಗೆ ಪೋರ್ಟ್ ಮಾಡಿಸಿಕೊಳ್ಳಲು ಆಸಕ್ತಿ ಹೊಂದಿದ್ದಾರೆ. ಅಂತಹ ಗ್ರಾಹಕರನ್ನು ಆಕರ್ಷಿಸುವ ಸಲುವಾಗಿ ಅನೇಕ ಕೊಡುಗೆಗಳನ್ನು ತಂದಿದೆ. ಇದು ಹೊಸ ಸಿಮ್ ಖರೀದಿದಾರರಿಗೆ ಅಗ್ಗದ ಬೆಲೆಯಲ್ಲಿ ಪ್ಲಾನ್ ತರುತ್ತದೆ.

Big Connectivity. Tiny SIM Price.

#BSNLIndia #BSNLSelfCareApp #InternetForEveryone #DigitalLife #IndiaOnline #BSNLServices #SmartIndia #EverydayConnectivity #HamaraBSNL #frc1 @CMDBSNL @robertravi21 https://t.co/pblKSeg1xM

— BSNL India (@BSNLCorporate) October 3, 2026

ಕೇವಲ ₹299 ಗೆ ಫೋನ್, 6 ತಿಂಗಳ ರಿಚಾರ್ಜ್ ಉಚಿತ! ಈ ಬಂಪರ್ ಆಫರ್‍‌ ಹಿಂದಿನ ರಹಸ್ಯವೂ ರಿವೀಲ್

Ganesh Mabla Gowda — Wed, 30 Sep 2026 20:29:15 +0530

ಸ್ಮಾರ್ಟ್‌ಫೋನ್ ಜೊತೆಗೆ ಕೀಪ್ಯಾಡ್‌ ಸೆಟ್‌ಗಳನ್ನ ಈಗಲೂ ಇಷ್ಟಪಡುವ ಒಂದು ವರ್ಗ ಇದೆ. ಅನೇಕ ಹಿರಿಯ ನಾಗರಿಕರು ಕೂಡ ಕೀಪ್ಯಾಡ್ ಫೋನ್ ಬಳಸೋರು ಇದ್ದಾರೆ. ಅಂಥವ್ರಿಗಾಗಿ ಜಿಯೋ ಭರ್ಜರಿ ಗುಡ್‌ನ್ಯೂಸ್ ನೀಡಿದೆ. ಕೇವಲ 299 ರೂಪಾಯಿಗೆ ಫೋನ್ ಆಫರ್ ಮಾಡಿದೆ. ಹೌದು, ಫೀಚರ್ ಫೋನ್‌ಗಳನ್ನು ಇಷ್ಟಪಡೋರಿಗೆ ಇದು ಒಳ್ಳೆಯ ಸುದ್ದಿ ಇದಾಗಿದೆ.

ಜಿಯೋ ಟೆಲಿಕಾಂ ಕ್ಷೇತ್ರಕ್ಕೆ ಪ್ರವೇಶಿಸಿ 10 ವರ್ಷಗಳನ್ನು ಪೂರೈಸಿದೆ. ಇತ್ತೀಚೆಗೆ ಜಿಯೋ ತನ್ನ 10ನೇ ವಾರ್ಷಿಕೋತ್ಸವ ಆಚರಿಸಿತು. ಈ ವೇಳೆ ಬಂಪರ್ ಆಫರ್ ಘೋಷಣೆ ಮಾಡಿದೆ. ನೀವು 299 ರೂಪಾಯಿಗೆ ಫೋನ್ (jio bharat 4g phone ) ಖರೀದಿ ಜೊತೆಗೆ ಆರು ತಿಂಗಳವರೆಗೆ ಉಚಿತ ರೀಚಾರ್ಜ್ ಲಾಭ ಸಿಗಲಿದೆ. ಆದರೆ ಜಿಯೋ ಅದಕ್ಕಾಗಿ ಒಂದು ಪ್ಲಾನ್ ನೀಡಿದೆ.

ಕೇವಲ 299 ರೂಪಾಯಿ ಕೊಟ್ರೆ ಫೋನ್ ಸಿಗಲ್ಲ!

ನೀವು ಕೇವಲ 299 ರೂಪಾಯಿ ಹಿಡಿದು ಜಿಯೋ ಸ್ಟೋರ್‍‌ಗೆ ಹೋದರೆ ಫೋನ್ ಸಿಗಲ್ಲ. ಅದಕ್ಕಾಗಿ ನೀವು ಒಟ್ಟಿ 1499 ರೂಪಾಯಿ ಪಾವತಿ ಮಾಡಬೇಕು. ಆಫರ್‌ನ ಭಾಗವಾಗಿ.. 1499 ರೂ.ಗೆ 4G ಜಿಯೋ ಭಾರತ್ ಫೋನ್ ಸಿಗಲಿದೆ. ಆರು ತಿಂಗಳವರೆಗೆ 1200 ರೂ. ಮೌಲ್ಯದ ಉಚಿತ ರೀಚಾರ್ಜ್ ನೀಡಲಿದೆ. ಆ ಮೂಲಕ ಫೋನ್ 299 ರೂಪಾಯಿಗೆ ಲಭ್ಯ ಆಗಲಿದೆ. ನೀವು ಆರು ತಿಂಗಳವರೆಗೆ ರೀಚಾರ್ಜ್ ಮಾಡಬೇಕಾಗಿಲ್ಲ. ನೀವು ಉಚಿತ ರೀಚಾರ್ಜ್ ಪ್ರಯೋಜನಗಳನ್ನು ಪಡೆಯುತ್ತೀರಿ. ಜೊತೆಗೆ ಅನಿಯಮಿತ ಕರೆಗಳನ್ನು ಮಾಡಬಹುದು.

ಸಾಮಾನ್ಯ 2G ಫೋನ್ ರೀಚಾರ್ಜ್‌ಗೆ ತಿಂಗಳಿಗೆ ರೂ. 199 ವೆಚ್ಚ ಆಗಲಿದೆ
ಆರು ತಿಂಗಳವರೆಗೆ ರಿಚಾರ್ಜ್ ವೆಚ್ಚ 1200 ರೂಪಾಯಿ ಆಗುತ್ತದೆ
ನೀವು 1499 ಪಾವತಿಸಿ ಮುಂಚಿತವಾಗಿಯೇ ಫೋನ್ ಖರೀದಿ ಮಾಡಬೇಕು
ಆರು ತಿಂಗಳಿಗೆ ರೀಚಾರ್ಜ್ ಮಾಡಲು 1200 ರೂಪಾಯಿ ವೆಚ್ಚ ಆಗಲಿದೆ
ಆದರೆ ಜಿಯೋ ಆರು ತಿಂಗಳ ಉಚಿತ ರೀಚಾರ್ಜ್ ನೀಡಲಿದೆ
ಹೀಗಾಗಿ ನೀವು ರೂ. 1200 ಕಡಿತಗೊಳಿಸಿದರೆ 299 ರೂಪಾಯಿಗೆ ಫೋನ್ ಸಿಕ್ಕಂತಾಗುತ್ತದೆ
ಇನ್ನು ಆರು ತಿಂಗಳವರೆಗೆ ಅನಿಯಮಿತ ಕರೆಗಳನ್ನು ಮತ್ತು ಪ್ರತಿ ತಿಂಗಳು 14GB ಡೇಟಾವನ್ನು ಪಡೆಯಬಹುದು

ಈ ಫೋನ್‌ನಲ್ಲಿ ಹಲವು ಫೀಚರ್ಸ್ ನೋಡಬಹುದಾಗಿದೆ. ಕರೆಗಳು ಮತ್ತು ಸಂದೇಶಗಳ ಜೊತೆಗೆ, ನೀವು ಟಿವಿ ಕಾರ್ಯಕ್ರಮಗಳನ್ನೂ ವೀಕ್ಷಿಸಬಹುದು. ಹಾಡುಗಳನ್ನು ಕೇಳಬಹುದು. ಅಲ್ಲದೇ UPI ಪಾವತಿಗಳನ್ನು ಸಹ ಮಾಡಬಹುದು. HD ಧ್ವನಿ ಕರೆಗಳನ್ನು ಸಹ ಮಾಡಬಹುದು. ಜಿಯೋ ಭಾರತ್ ಸರಣಿಯ ಭಾಗವಾಗಿ, A1, B1, B2, B3 ಸೇರಿದಂತೆ ಹಲವು ಮಾದರಿಗಳನ್ನು ಬಿಡುಗಡೆ ಮಾಡಲಾಗಿದೆ. ಇವುಗಳು ಜಿಯೋ ಪೇ ಮೂಲಕ UPI ಪಾವತಿಗೆ ವ್ಯವಸ್ಥೆ ಮಾಡಲಾಗಿದೆ.

ಜಿಯೋ ಭಾರತ್ 4G ಫೋನ್ ವಿಶೇಷತೆಗಳು

2.4-ಇಂಚಿನ ಡಿಸ್ಪ್ಲೇ, 2,000mAh ಬ್ಯಾಟರಿ
ಜಿಯೋ 4G ನೆಟ್‌ವರ್ಕ್, HD ವಾಯ್ಸ್ ಕರೆ
ಜಿಯೋಟಿವಿ ಮೂಲಕ 500ಕ್ಕೂ ಹೆಚ್ಚು ಟಿವಿ ಚಾನೆಲ್‌ಗಳು ಉಚಿತ
ಜಿಯೋಹಾಟ್‌ಸ್ಟಾರ್‌ನಲ್ಲಿ ಲೈವ್ ಕ್ರಿಕೆಟ್
ಜಿಯೋ ಮ್ಯೂಸಿಕ್ ಮೂಲಕ ಹಾಡುಗಳನ್ನು ಕೇಳಬಹುದು
ಜಿಯೋಪೇ ಮೂಲಕ ಡಿಜಿಟಲ್ ಪಾವತಿಗಳನ್ನು ಮಾಡಬಹುದು
ಜಿಯೋ ಸೇಫ್ಟಿ ಶೀಲ್ಡ್ ಸುರಕ್ಷಿತ ಕರೆ
FM ರೇಡಿಯೊವನ್ನು ಸಹ ಕೇಳಬಹುದು

ಇನ್ನು ಜಿಯೋ ಆಫರ್‍‌ ವಿಚಾರ ತಿಳಿಯುತ್ತಿದ್ದಂತೆಯೇ ಜನ ಎಕ್ಸೈಟ್ ಆಗಿದ್ದಾರೆ. ಜನ ಮೊಬೈಲ್‌ಗಾಗಿ ರಸ್ತೆಯಲ್ಲಿ ಕ್ಯೂ ಹಚ್ಚಿ ನಿಲ್ಲುತ್ತಾರೆ ಎಂದು ತಮಾಷೆಯಾಗಿ ಕಾಮೆಂಟ್ ಮಾಡುತ್ತಾರೆ.

ನಿಮ್ಮ ಸ್ಮಾರ್ಟ್‌ಫೋನ್ ಸ್ಕ್ರೀನ್ ಗಾರ್ಡ್‌ಗೆ ಕಾದಿದೆ ದೊಡ್ಡ ಕಂಟಕ! 2027ರ ಏಪ್ರಿಲ್ 1ರಿಂದ ಈ ನಿಯಮ ಅನ್ವಯ

Gowthami K — Wed, 23 Sep 2026 09:59:00 +0530

ನವದೆಹಲಿ: ನಿಗದಿತ ಗುಣಮಟ್ಟದ ಮಾನದಂಡಗಳನ್ನು ಪೂರೈಸದ ಕಳಪೆ ಸ್ಮಾರ್ಟ್‌ಫೋನ್ ಸ್ಕ್ರೀನ್ ಗಾರ್ಡ್‌ಗಳನ್ನು 2027ರ ಏ.1ರಿಂದ ನಿಷೇಧಿಸಲು ಕೇಂದ್ರ ಸರ್ಕಾರ ನಿರ್ಧರಿಸಿದೆ. ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯವು ಸ್ಕ್ರೀನ್ ಗಾರ್ಡ್‌ಅನ್ನು ‘ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ಸ್’ ನೋಂದಣಿ ಚೌಕಟ್ಟಿನ ವ್ಯಾಪ್ತಿಗೆ ತಂದಿದೆ. ಹೀಗಾಗಿ ಅಂತಹ ಉತ್ಪನ್ನಗಳು 2027ರ ಏ.1ರಿಂದ ಭಾರತೀಯ ಮಾನದಂಡವನ್ನು ಕಡ್ಡಾಯವಾಗಿ ಪಾಲಿಸಬೇಕಾಗುತ್ತವೆ.

ಸೋಮವಾರ ಈ ಬಗ್ಗೆ ಹೊರಡಿಸಲಾಗಿರುವ ಅಧಿಸೂಚನೆಯಲ್ಲಿ, ಕಳಪೆ ಸ್ಟ್ರೀನ್‌ ಪ್ರೊಟೆಕ್ಟರ್‌ಗಳನ್ನು ತಕ್ಷಣದಿಂದ ನಿಷೇಧಿಸುವ ಬಗ್ಗೆ ಘೋಷಿಸಲಾಗಿಲ್ಲ. ಬದಲಿಗೆ, ಮಾನದಂಡಗಳಿಗೆ ಹೊಂದಿಕೆಯಾಗುವಂತೆ ತಮ್ಮ ಉತ್ಪನ್ನಗಳ ಗುಣಮಟ್ಟ ಇರುವಂತೆ ಮಾಡಲು ಮುಂದಿನ ವರ್ಷದ ಏಪ್ರಿಲ್‌ ವರೆಗೆ ಉತ್ಪಾದಕರಿಗೆ ಹಾಗೂ ಆಮದುದಾರರಿಗೆ ಸಮಯಾವಕಾಶ ನೀಡಲಾಗಿದೆ. ಆ ಬಳಿಕ ಸ್ಕ್ರೀನ್‌ಗಾರ್ಡ್‌ಗೆ ‘IS 19348:2025’ ಮಾನದಂಡ ಅನುಸರಣೆ ಕಡ್ಡಾಯವಾಗಲಿದೆ.

ಬೆಲೆ ಹೆಚ್ಚಳ?:

ಈಗ ಸ್ಕ್ರೀನ್‌ ಗಾರ್ಡ್‌ಗಳು ಎಲ್ಲೆಂದರಲ್ಲಿ ಸಿಗುತ್ತಿವೆ. ಆದರೆ ಮಾನದಂಡ ಕಡ್ಡಾಯದ ಬಳಿಕ ಅವುಗಳ ಲಭ್ಯತೆ ಕಮ್ಮಿ ಆಗಬಹುದು. ಇದರಿಂದ ಸ್ಕ್ರೀನ್‌ ಗಾರ್ಡ್‌ಗಳ ಬೆಲೆ ಹೆಚ್ಚಲಿದೆ ಎನ್ನಲಾಗಿದೆ.

ಹೊಸ ಮಾರ್ಗಸೂಚಿಯಲ್ಲಿ ಏನಿದೆ?:

ಹೊಸ ಮಾನದಂಡಗಳ ಅಡಿಯಲ್ಲಿ ಗಾಜಿನ ಗುಣಮಟ್ಟ, ಸ್ಪಷ್ಟತೆ, ಒಡೆಯದಂತಹ ಫಿಲ್ಮ್, ಒಲಿಯೊಫೋಬಿಕ್ ಲೇಪನ, ಪ್ರಜ್ವಲಿಸುವಿಕೆ ನಿರೋಧಕ, ನೀಲಿ ಬೆಳಕಿನ ಫಿಲ್ಟರ್‌ ಮತ್ತು ಗೌಪ್ಯತೆ ಫಿಲ್ಮ್‌ಗಳು ಇರುವುದು ಕಡ್ಡಾಯ. ಜತೆಗೆ, ಉತ್ಪಾದಕರ ಮಾಹಿತಿ, ಬ್ಯಾಚ್‌ ಸಂಖ್ಯೆ ಸೇರಿದಂತೆ ಅದಕ್ಕೆ ಸಂಬಂಧಿಸಿದ ಎಲ್ಲಾ ಮಾಹಿತಿಗಳನ್ನು ಪ್ಯಾಕೆಟ್‌ನ ಹೊರಗೆ ಮುದ್ರಿಸಬೇಕಾಗುವುದು.

ಹೊಸ ಮಾರ್ಗಸೂಚಿ ಹಾಗೂ ಗುಣಮಟ್ಟದ ಷರತ್ತುಗಳು

ಹೊಸ ನಿಯಮಾವಳಿಗಳ ಪ್ರಕಾರ, ಮಾರುಕಟ್ಟೆಯಲ್ಲಿ ಲಭ್ಯವಿರುವ ಪ್ರತಿಯೊಂದು ಸ್ಕ್ರೀನ್‌ಗಾರ್ಡ್‌ ಕೆಳಗಿನ ತಾಂತ್ರಿಕ ಮಾನದಂಡಗಳನ್ನು ಪೂರೈಸುವುದು ಕಡ್ಡಾಯವಾಗಿರುತ್ತದೆ:

ಗಾಜಿನ ಸ್ಪಷ್ಟತೆ ಹಾಗೂ ಗುಣಮಟ್ಟ: ಸ್ಕ್ರೀನ್‌ಗಾರ್ಡ್‌ನಲ್ಲಿ ಬಳಸುವ ಗ್ಲಾಸ್ ಉನ್ನತ ಮಟ್ಟದ ದೃಶ್ಯ ಸ್ಪಷ್ಟತೆ (Optical Clarity) ಹೊಂದಿರಬೇಕು.

ಒಡೆಯದಂತಹ ಫಿಲ್ಮ್ (Shatterproof Film): ಫೋನ್ ಬಿದ್ದಾಗ ಗ್ಲಾಸ್ ಚೂರುಚೂರಾಗಿ ಹಾರದೆ, ಗಾಯಗಳನ್ನು ತಡೆಯುವಂತಹ ಸುರಕ್ಷತಾ ಫಿಲ್ಮ್ ಇರಬೇಕು.

ವಿಶೇಷ ಲೇಪನ ಹಾಗೂ ಫಿಲ್ಟರ್‌ಗಳು: ಕೈಬೆರಳ ಅಚ್ಚುಗಳನ್ನು ತಡೆಯುವ ಒಲಿಯೊಫೋಬಿಕ್ ಲೇಪನ (Oleophobic coating), ಕಣ್ಣಿಗೆ ಬೆಳಕಿನ ಪ್ರಖರತೆ ತಾಕದಂತೆ ತಡೆಯುವ ಪ್ರಜ್ವಲಿಸುವಿಕೆ ನಿರೋಧಕ (Anti-glare), ಹಾನಿಕಾರಕ ನೀಲಿ ಬೆಳಕಿನ ಫಿಲ್ಟರ್ (Blue Light Filter) ಹಾಗೂ ಗೌಪ್ಯತೆ ಫಿಲ್ಮ್ (Privacy Filter) ಮಾನದಂಡಗಳು ಇರಬೇಕು.

ಪ್ಯಾಕೇಜಿಂಗ್ ಮಾಹಿತಿ: ಪ್ರತಿಯೊಂದು ಸ್ಕ್ರೀನ್‌ಗಾರ್ಡ್ ಪ್ಯಾಕೆಟ್‌ನ ಹೊರಭಾಗದಲ್ಲಿ ಉತ್ಪಾದಕರ ಹೆಸರು, ವಿಳಾಸ, ಬ್ಯಾಚ್ ಸಂಖ್ಯೆ ಮತ್ತು ಸಂಬಂಧಿತ ತಾಂತ್ರಿಕ ವಿವರಗಳನ್ನು ಸ್ಪಷ್ಟವಾಗಿ ಮುದ್ರಿಸುವುದು ಕಡ್ಡಾಯ.

ಗ್ರಾಹಕರ ಮೇಲಾಗುವ ಪರಿಣಾಮ

ಪ್ರಸ್ತುತ ಮಾರುಕಟ್ಟೆಯಲ್ಲಿ ಹಾಗೂ ರಸ್ತೆಬದಿಯ ಅಂಗಡಿಗಳಲ್ಲಿ ಅಗ್ಗದ ದರದಲ್ಲಿ ಯಾವುದೇ ತಪಾಸಣೆ ಇಲ್ಲದೆ ಸ್ಕ್ರೀನ್‌ಗಾರ್ಡ್‌ಗಳು ಲಭ್ಯವಿವೆ. ಆದರೆ ಬಿಐಎಸ್ (BIS) ನಿಯಮ ಕಡ್ಡಾಯಗೊಂಡ ಬಳಿಕ, ನಿಯಮ ಪಾಲಿಸದ ಅಸಂಘಟಿತ ಸಂಸ್ಥೆಗಳ ಕಳಪೆ ಉತ್ಪನ್ನಗಳ ಲಭ್ಯತೆ ಗಣನೀಯವಾಗಿ ಕಡಿಮೆಯಾಗಲಿದೆ.

ತಾಂತ್ರಿಕ ತಪಾಸಣೆ ಹಾಗೂ ಪರೀಕ್ಷಿತ ಗುಣಮಟ್ಟವನ್ನು ಕಾಯ್ದುಕೊಳ್ಳಬೇಕಿರುವುದರಿಂದ, ಉತ್ಪಾದನಾ ವೆಚ್ಚ ಹೆಚ್ಚಾಗಲಿದ್ದು, ಭವಿಷ್ಯದಲ್ಲಿ ಸ್ಕ್ರೀನ್‌ಗಾರ್ಡ್‌ಗಳ ಚಿಲ್ಲರೆ ಬೆಲೆಯಲ್ಲಿ ಏರಿಕೆಯಾಗುವ ಸಾಧ್ಯತೆಯಿದೆ ಎಂದು ಮಾರುಕಟ್ಟೆ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಆದಾಗ್ಯೂ, ಇದು ಗ್ರಾಹಕರ ಸ್ಮಾರ್ಟ್‌ಫೋನ್ ಡಿಸ್‌ಪ್ಲೇ ಭದ್ರತೆ ಮತ್ತು ಕಣ್ಣಿನ ಆರೋಗ್ಯದ ದೃಷ್ಟಿಯಿಂದ ಅತ್ಯಂತ ಸೂಕ್ತ ಹಾಗೂ ಸುರಕ್ಷಿತ ಹೆಜ್ಜೆಯಾಗಿದೆ.

ಐಫೋನ್ 18 Pro ಬೆಲೆಯಲ್ಲಿ ಬಾರೀ ಇಳಿಕೆ! ಬರೋಬ್ಬರಿ ₹57,000 ಆಫರ್ ಪಡೆದುಕೊಳ್ಳುವುದು ಹೇಗೆ?

Sushma Hegde — Mon, 28 Sep 2026 14:29:27 +0530

ಹೊಸ iPhone ಖರೀದಿಸಬೇಕು ಎಂದುಕೊಂಡಿರುವವರಿಗೆ Appleನ ಇತ್ತೀಚಿನ iPhone 18 Pro ಗಮನ ಸೆಳೆಯುತ್ತಿದೆ. ಭಾರತದಲ್ಲಿ ಇದರ ಆರಂಭಿಕ ಬೆಲೆ ₹1,64,900. ಆದರೆ ಕೆಲವು ಬ್ಯಾಂಕ್ ಕಾರ್ಡ್ ಆಫರ್, ಹಳೆಯ iPhone ಎಕ್ಸ್‌ಚೇಂಜ್ ಮತ್ತು ಹೆಚ್ಚುವರಿ ಎಕ್ಸ್‌ಚೇಂಜ್ ಬೋನಸ್‌ಗಳನ್ನು ಬಳಸಿಕೊಂಡರೆ ಒಟ್ಟು ಉಳಿತಾಯದ ಮೊತ್ತ ಗಣನೀಯವಾಗಿ ಹೆಚ್ಚಬಹುದು.

India iStoreನಲ್ಲಿ ಪ್ರಸ್ತುತ ನೀಡಲಾಗುತ್ತಿರುವ ಆಫರ್ ಪ್ರಕಾರ, ಅರ್ಹ ಖರೀದಿದಾರರಿಗೆ ಕಾರ್ಡ್ ಕ್ಯಾಶ್‌ಬ್ಯಾಕ್ ಮತ್ತು ಟ್ರೇಡ್-ಇನ್ ಪ್ರಯೋಜನಗಳನ್ನು ಒಟ್ಟಿಗೆ ಪಡೆಯುವ ಅವಕಾಶವಿದೆ. ಆದರೆ ಗಮನಿಸಬೇಕಾದ ಸಂಗತಿಯೆಂದರೆ, ₹1,07,900 ಎಂಬುದು ಎಲ್ಲರಿಗೂ ಅನ್ವಯಿಸುವ ನೇರ ಮಾರಾಟ ಬೆಲೆ ಅಲ್ಲ; ಇದು ನಿರ್ದಿಷ್ಟ ಎಕ್ಸ್‌ಚೇಂಜ್ ಮತ್ತು ಆಫರ್‌ಗಳನ್ನು ಸೇರಿಸಿದ ಪರಿಣಾಮಕಾರಿ ಬೆಲೆಯ ಲೆಕ್ಕಾಚಾರವಾಗಿದೆ.

₹57,000 ಉಳಿತಾಯದ ಲೆಕ್ಕ ಹೇಗೆ?

iPhone 18 Pro 256GB ಮಾದರಿಯ ಆರಂಭಿಕ MRP ₹1,64,900. ಅರ್ಹ Axis Bank, ICICI Bank ಅಥವಾ SBI Card ಬಳಸಿ EMI ಮೂಲಕ ಖರೀದಿಸಿದರೆ ಗರಿಷ್ಠ ₹7,000 ಇನ್‌ಸ್ಟಂಟ್ ಕ್ಯಾಶ್‌ಬ್ಯಾಕ್ ಸಿಗಬಹುದು. Non-EMI ವ್ಯವಹಾರಗಳಿಗೆ ₹6,000ವರೆಗೆ ಕ್ಯಾಶ್‌ಬ್ಯಾಕ್ ಇರುವುದಾಗಿ India iStore ತಿಳಿಸಿದೆ. ಇದಾದ ಬಳಿಕ ಹಳೆಯ iPhone ಅನ್ನು ಎಕ್ಸ್‌ಚೇಂಜ್ ಮಾಡುವುದರಿಂದ ಮತ್ತೊಂದು ದೊಡ್ಡ ಮೊತ್ತ ಕಡಿತವಾಗಬಹುದು. ಹಳೆಯ ಸಾಧನದ ಸ್ಥಿತಿ, ಮಾದರಿ ಮತ್ತು ಮೌಲ್ಯಮಾಪನದ ಆಧಾರದ ಮೇಲೆ ಟ್ರೇಡ್-ಇನ್ ಮೊತ್ತ ಬದಲಾಗುತ್ತದೆ.

ಇದರ ಜೊತೆಗೆ ಅರ್ಹ ಸಾಧನಗಳಿಗೆ ₹10,000ವರೆಗೆ ಎಕ್ಸ್‌ಚೇಂಜ್ ಬೋನಸ್ ಸಿಗಬಹುದು. ₹22,000 ಅಥವಾ ಅದಕ್ಕಿಂತ ಹೆಚ್ಚಿನ ಮೌಲ್ಯ ಹೊಂದಿರುವ ಅರ್ಹ ಹಳೆಯ ಸಾಧನಗಳಿಗೆ ಗರಿಷ್ಠ ₹10,000 ಬೋನಸ್ ಅನ್ವಯಿಸುತ್ತದೆ ಎಂದು India iStoreನ ನಿಯಮಗಳಲ್ಲಿ ಹೇಳಲಾಗಿದೆ.

₹1,07,900 ಬೆಲೆ ಹೇಗೆ ಬರುತ್ತದೆ?

ನೀವು ನೋಡುತ್ತಿರುವ ಗರಿಷ್ಠ ₹57,000 ಪ್ರಯೋಜನದ ಲೆಕ್ಕವನ್ನು ಸರಳವಾಗಿ ನೋಡಿದರೆ:

iPhone 18 Pro ಆರಂಭಿಕ ಬೆಲೆ – ₹1,64,900

ಬ್ಯಾಂಕ್ ಕ್ಯಾಶ್‌ಬ್ಯಾಕ್ – ₹7,000

ಹಳೆಯ iPhone ಎಕ್ಸ್‌ಚೇಂಜ್ ಮೌಲ್ಯ – ₹40,000

ಹೆಚ್ಚುವರಿ ಎಕ್ಸ್‌ಚೇಂಜ್ ಬೋನಸ್ – ₹10,000

ಒಟ್ಟು ಪ್ರಯೋಜನ – ₹57,000

ಪರಿಣಾಮಕಾರಿ ಬೆಲೆ – ₹1,07,900

ಆದರೆ ಇಲ್ಲಿ ಒಂದು ಪ್ರಮುಖ ಅಂಶವಿದೆ. ₹40,000 ಎಕ್ಸ್‌ಚೇಂಜ್ ಮೌಲ್ಯವು ಉದಾಹರಣೆಯ ಲೆಕ್ಕವಾಗಿದ್ದು, ಪ್ರತಿಯೊಬ್ಬ ಗ್ರಾಹಕರಿಗೂ ಇದೇ ಮೊತ್ತ ಸಿಗುತ್ತದೆ ಎಂದರ್ಥವಲ್ಲ.

ಹಳೆಯ iPhone ಎಕ್ಸ್‌ಚೇಂಜ್ ಮಾಡಿದಾಗ ಎಷ್ಟು ಸಿಗುತ್ತದೆ?

ಹಳೆಯ ಫೋನ್‌ನ ನಿಜವಾದ ಎಕ್ಸ್‌ಚೇಂಜ್ ಮೌಲ್ಯವನ್ನು Appleನ ಅಧಿಕೃತ ಟ್ರೇಡ್-ಇನ್ ಪಾಲುದಾರರು ಸಾಧನವನ್ನು ಪರಿಶೀಲಿಸಿದ ಬಳಿಕ ನಿರ್ಧರಿಸುತ್ತಾರೆ. ಫೋನ್‌ನ ಮಾದರಿ, ಸ್ಟೋರೇಜ್, ಕಾರ್ಯನಿರ್ವಹಣೆ ಹಾಗೂ ಭೌತಿಕ ಸ್ಥಿತಿಯಂತಹ ಅಂಶಗಳು ಅಂತಿಮ ಮೌಲ್ಯದ ಮೇಲೆ ಪರಿಣಾಮ ಬೀರುತ್ತವೆ. India iStore ಕೂಡ ಮೌಲ್ಯಮಾಪನದ ಬಳಿಕ ನೀಡುವ ಟ್ರೇಡ್-ಇನ್ ಮೊತ್ತವೇ ಅಂತಿಮ ಎಂದು ಸ್ಪಷ್ಟಪಡಿಸಿದೆ. ಹೀಗಾಗಿ ಜಾಹೀರಾತಿನಲ್ಲಿ ಕಾಣಿಸುವ ಗರಿಷ್ಠ ಎಕ್ಸ್‌ಚೇಂಜ್ ಪ್ರಯೋಜನವನ್ನು ನೋಡಿ ನೇರವಾಗಿ ₹1,07,900 ಪಾವತಿಸಬೇಕಾಗುತ್ತದೆ ಎಂದು ಭಾವಿಸುವುದು ಸರಿಯಲ್ಲ.

iPhone 18 Proನಲ್ಲಿ ಏನೆಲ್ಲಾ ಹೊಸದು?

Apple ಪ್ರಕಾರ iPhone 18 Proನಲ್ಲಿ ಕಾರ್ಯಕ್ಷಮತೆ, ಬ್ಯಾಟರಿ ಮತ್ತು ಕ್ಯಾಮೆರಾ ವಿಭಾಗಗಳಲ್ಲಿ ಪ್ರಮುಖ ಸುಧಾರಣೆಗಳನ್ನು ನೀಡಲಾಗಿದೆ. 256GB ಮಾದರಿಯು 6.3-ಇಂಚಿನ ಡಿಸ್ಪ್ಲೇ ಹೊಂದಿದ್ದು, Apple Intelligence ಸೇರಿದಂತೆ ಹಲವು ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

ಹೊಸ ಮಾದರಿಯಲ್ಲಿ ವೇಗದ ಪ್ರೊಸೆಸಿಂಗ್, ಕ್ಯಾಮೆರಾ ಸುಧಾರಣೆಗಳು ಮತ್ತು ಬ್ಯಾಟರಿ ಕಾರ್ಯಕ್ಷಮತೆಯ ಮೇಲೆ ಗಮನ ನೀಡಲಾಗಿದೆ. ಈಗಾಗಲೇ ಇತ್ತೀಚಿನ Pro ಮಾದರಿ ಹೊಂದಿರುವವರಿಗೆ ಅಪ್‌ಗ್ರೇಡ್‌ನ ಪ್ರಯೋಜನವು ಅವರ ಪ್ರಸ್ತುತ ಫೋನ್ ಮತ್ತು ಬಳಕೆಯ ಮೇಲೆ ಅವಲಂಬಿತವಾಗಿರುತ್ತದೆ.

ಆಫರ್ ಪಡೆಯುವ ಮುನ್ನ ಈ ವಿಷಯ ಗಮನಿಸಿ

₹57,000 ಉಳಿತಾಯದ ಸಂಪೂರ್ಣ ಪ್ರಯೋಜನ ಪಡೆಯಲು ಕೆಲವು ಷರತ್ತುಗಳಿವೆ. ಅರ್ಹ ಬ್ಯಾಂಕ್ ಕಾರ್ಡ್, ಅಗತ್ಯವಿರುವ ವಹಿವಾಟಿನ ವಿಧಾನ ಹಾಗೂ ಅರ್ಹ ಹಳೆಯ ಸಾಧನದ ಎಕ್ಸ್‌ಚೇಂಜ್ ಅಗತ್ಯವಾಗಬಹುದು. ಇದಲ್ಲದೆ, ಈ ಆಫರ್‌ಗಳು ಆಯ್ದ Apple Authorized Reseller storesನಲ್ಲಿ ಮಾತ್ರ ಲಭ್ಯವಿದ್ದು, ಸ್ಟಾಕ್ ಮತ್ತು ಪ್ರಚಾರ ಅವಧಿಗೆ ಒಳಪಟ್ಟಿರುತ್ತವೆ. ಆಫರ್‌ಗಳನ್ನು ಮುಂಚಿತ ಸೂಚನೆ ಇಲ್ಲದೆ ಬದಲಾಯಿಸುವ ಅಥವಾ ಹಿಂಪಡೆಯುವ ಹಕ್ಕು ಕೂಡ ಇದೆ ಎಂದು India iStore ತಿಳಿಸಿದೆ.

ಹೀಗಾಗಿ iPhone 18 Pro ಖರೀದಿಸುವ ಮುನ್ನ ನಿಮ್ಮ ಹಳೆಯ ಫೋನ್‌ಗೆ ಸಿಗುವ ನಿಖರ ಎಕ್ಸ್‌ಚೇಂಜ್ ಮೌಲ್ಯ, ಅನ್ವಯಿಸುವ ಬ್ಯಾಂಕ್ ಆಫರ್ ಮತ್ತು ಎಕ್ಸ್‌ಚೇಂಜ್ ಬೋನಸ್ಗಳನ್ನು ಪ್ರತ್ಯೇಕವಾಗಿ ಪರಿಶೀಲಿಸುವುದು ಮುಖ್ಯ.