Asianet Suvarna News

ಅಮೆಜಾನ್ ಸೇಲ್‌ನಲ್ಲಿ Oneplus 15 ಮೊಬೈಲ್ ಬೆಲೆ 6000 ರೂಪಾಯಿಗೆ ಕಡಿತ, ನೀವು ಅಂದುಕೊಂಡ ಪ್ರೈಜ್‌ಗೆ ಖರೀದಿಸಬಹುದು!

Ganesh Mabla Gowda — Thu, 15 Oct 2026 12:21:43 +0530

ಮೊಬೈಲ್‌ ಬಳಕೆದಾರರು ಹೆಚ್ಚು ಇಷ್ಟ ಪಡುವ ಫೋನ್‌ಗಳಲ್ಲಿ ಒನ್‌ ಪ್ಲಸ್‌ ಕೂಡ ಒಂದು. ಇದೀಗ ಅಮೇಜಾನ್‌ನಲ್ಲಿ ಗ್ರೇಟ್‌ ಇಂಡಿಯನ್‌ ಫೆಸ್ಟಿವಲ್ಸ್‌ನಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಒನ್‌ಪ್ಲಸ್ 15 ಮೊಬೈಲ್‌ (Oneplus 15 ) ಅನ್ನು ಕಂಪನಿ ಆರಂಭದಲ್ಲಿ 72,999 ರೂಪಾಯಿಗೆ ನಿಗಧಿ ಮಾಡಿತ್ತು. ಅದಾದ ಬಳಿಕ ಬೇಡಿಕೆ ಹೆಚ್ಚಾದ ಹಿನ್ನೆಲೆಯಲ್ಲಿ ಏಕಾಏಕಿ 89,999 ರೂಪಾಯಿಗೆ ಪಟ್ಟಿಮಾಡಿದೆ.

ಇದೀಗ ಅಮೇಜಾನ್‌ ಗ್ರೇಟ್ ಇಂಡಿಯನ್ ಫೆಸ್ಟಿವಲ್‌ನಲ್ಲಿ 6 ಸಾವಿರ ರೂಪಾಯಿ ಘೋಷಣೆ ಮಾಡಲಾಗಿದೆ. ಅದಂರೆ ಒನ್ ಪ್ಲಸ್ 15 ನೀವು ಅಮೇಜಾನ್‌ನಲ್ಲಿ ಖರೀದಿಸಿದ್ರೆ.. 84,999 ರೂಪಾಯಿಗೆ ಕೊಂಡುಕೊಳ್ಳಬಹುದು. ಇನ್ನು ಆರು ಸಾವಿರ ರೂಪಾಯಿ ಆಫರ್‍‌ನಲ್ಲಿ 5000 ರೂಪಾಯಿ ಕಂಪನಿಯಿಂದ ಕಡಿತಗೊಳ್ಳಲಿದೆ. ಇನ್ನುಳಿದ ಒಂದು ಸಾವಿರ ರೂಪಾಯಿ ಬ್ಯಾಂಕ್ ರಿಯಾಯತಿ ಆಗಿದೆ. ಈ ಎಲ್ಲಾ ರಿಯಾಯತಿಯ ನಂತರ ನೀವು 90 ಸಾವಿರ ಬೆಲೆಯ ಫೋನ್ ಅನ್ನು 83,999 ರೂಪಾಯಿಗೆ ಖರೀದಿಸಿಬಹುದು. ಅಂದ್ಹಾಗೆ ಈ ಫೋನ್ ಎರಡು ಬಗೆಯ ಸ್ಟೋರೆಜ್ ಫೋನ್ ಒಳಗೊಂಡಿದೆ. 12GB RAM + 256 GB ಮತ್ತು 16 GB RAM + 512 GB ವೇರಿಯಂಟ್‌ನಲ್ಲಿ ಫೋನ್ ಲಭ್ಯವಿದೆ.

ಏನೆಲ್ಲ ವಿಶೇಷತೆ ಹೊಂದಿದೆ?

OnePlus 15 ದೊಡ್ಡ 6.78-ಇಂಚಿನ AMOLED ಡಿಸ್‌ಪ್ಲೇ
2772 x 1272 ಪಿಕ್ಸೆಲ್‌ಗಳ ರೆಸಲ್ಯೂಶನ್
ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ 2 ಹೊಂದಿದೆ
1800 nits ವರೆಗೆ ಡಿಸ್‌ಪ್ಲೇ ಹೊಳಪು ಹೊಂದಿದೆ
ಇನ್-ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್ ಸೆನ್ಸರ್ ಸಪೋರ್ಟ್ ಮಾಡಲಿದೆ
Qualcomm Snapdragon 8 Elite Gen 5 ಪ್ರೊಸೆಸರ್
16GB RAM ಮತ್ತು 512GB ವರೆಗಿನ ಸ್ಟೋರೇಜ್
OnePlus 15 120W ವೈರ್ಡ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್‌
7,300mAh ಸಾಮರ್ಥ್ಯದ ಬ್ಯಾಟರಿ ಹೊಂದಿದೆ
OIS ಸಪೋಪೋರ್ಟಿಂಗ್ ಮೇನ್ ಕ್ಯಾಮೆರಾ
50MP ಅಲ್ಟ್ರಾ-ವೈಡ್ ಮತ್ತು 50MP ಟೆಲಿಫೋಟೋ ಕ್ಯಾಮೆರಾ
ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಾಗಿ 32MP ಫ್ರಂಟ್ ಕ್ಯಾಮೆರಾ
ಫೋನ್ ಆಂಡ್ರಾಯ್ಡ್ 16 ಆಧಾರಿತ ಆಕ್ಸಿಜನ್ OS ನಲ್ಲಿ ಕೆಲಸ

ಒನ್‌ಪ್ಲಸ್ N6 (OnePlus N6 5G)

OnePlus N6 (6GB + 128GB) ರೂ. 24,999 ಗೆ ಮಾರಾಟ
45W ವೈರ್ಡ್ ಚಾರ್ಜಿಂಗ್‌ ಸಪೋರ್ಟ್‌
8,000mAh ಬ್ಯಾಟರಿ ಪ್ಯಾಕ್
ಡೈಮೆನ್ಸಿಟಿ 6360 ಅಪೆಕ್ಸ್‌ ಮೂಲಕ ರನ್ನಿಂಗ್‌
ಆಕ್ಸಿಜನ್ OS 16 ಅನ್ನು ರನ್ ಮಾಡುತ್ತದೆ

ಐಕ್ಯೂಒ ಝಡ್11ಎಕ್ಸ್ಎ 5ಜಿ (IQOO Z11X 5G)

iQOO Z11xa 5G (8GB + 128GB) ಬೆಲೆ ರೂ. 28,998
7200mAh ಬ್ಯಾಟರಿಯನ್ನು ಪ್ಯಾಕ್
ಡೈಮೆನ್ಸಿಟಿ 7400 ಟರ್ಬೊ ಪ್ರೊಸೆಸರ್‌

ದೀಪಾವಳಿಗೆ ನಿಮ್ಮವರಿಗೊಂದು ಅದ್ಭುತ ಗಿಫ್ಟ್ ನೀಡಿ! ₹12 ಸಾವಿರದಿಂದ ಸಿಗುವ 3 ಬೆಸ್ಟ್ 5G ಫೋನ್‌ಗಳು

Pavna Das — Wed, 28 Oct 2026 13:46:03 +0530

Best 5G Smartphones: ಈ ದೀಪಾವಳಿಗೆ ಸಿಹಿತಿಂಡಿ, ಡ್ರೈ ಫ್ರೂಟ್ಸ್‌ ಬದಲಿಗೆ ನಿಮ್ಮ ಕುಟುಂಬದವರಿಗೆ ಏನಾದರೂ ವಿಶೇಷವಾದ ಉಡುಗೊರೆ ನೀಡಲು ಬಯಸುತ್ತಿದ್ದೀರಾ? ಹಾಗಾದರೆ ಹೊಸ 5G ಸ್ಮಾರ್ಟ್‌ಫೋನ್ ಅತ್ಯುತ್ತಮ ಆಯ್ಕೆ. ಕಡಿಮೆ ಬಜೆಟ್‌ನಲ್ಲಿಯೇ ಅತ್ಯುತ್ತಮ ಫೀಚರ್ಸ್ ಹೊಂದಿರುವ ಹಲವು ಫೋನ್‌ಗಳು ಲಭ್ಯವಿವೆ.

ದೀಪಾವಳಿ ಹಬ್ಬಕ್ಕೆ ಇನ್ನು ಕೆಲವೇ ದಿನಗಳು ಬಾಕಿ ಉಳಿದಿವೆ. ದೇಶಾದ್ಯಂತ ಈ ಹಬ್ಬದ ಸಂಭ್ರಮ ಕಳೆಗಟ್ಟಿದ್ದು, ಎಲ್ಲೆಡೆ ದೀಪಗಳ ಬೆಳಕು ಕಂಗೊಳಿಸುತ್ತಿದೆ. ದೀಪಾವಳಿಯ ಸಂದರ್ಭದಲ್ಲಿ ಅನೇಕರು ತಮ್ಮ ಸ್ನೇಹಿತರು, ಪ್ರೀತಿಪಾತ್ರರು ಮತ್ತು ಸಂಬಂಧಿಕರಿಗೆ ಉಡುಗೊರೆಗಳನ್ನು ನೀಡುತ್ತಾರೆ. ಉಡುಗೊರೆ ಎಂದರೆ ಸಿಹಿತಿಂಡಿಗಳ ಬಾಕ್ಸ್ ಅಥವಾ ಡ್ರೈ ಫ್ರೂಟ್ಸ್ ನೀಡುವ ಕಾಲ ಈಗ ಬದಲಾಗುತ್ತಿದೆ. ಇಂದಿನ ದಿನಗಳಲ್ಲಿ ದಿನನಿತ್ಯದ ಕೆಲಸಗಳಿಗೆ ಉಪಯೋಗವಾಗುವ ಮತ್ತು ಉಡುಗೊರೆ ಸ್ವೀಕರಿಸುವವರ ಮುಖದಲ್ಲಿ ನಗು ಮೂಡಿಸುವಂತಹ ಗಿಫ್ಟ್ ನೀಡಲು ಹಲವರು ಬಯಸುತ್ತಾರೆ.

ನೀವು ಗಿಫ್ಟ್ ನೀಡಲು ಬಯಸಿದರೆ ಹೊಸ 5G ಸ್ಮಾರ್ಟ್‌ಫೋನ್ ಅತ್ಯುತ್ತಮ ಆಯ್ಕೆಯಾಗಬಹುದು. ಒಳ್ಳೆಯ ಸ್ಮಾರ್ಟ್‌ಫೋನ್ ಖರೀದಿಸಲು ಈಗ ಹೆಚ್ಚು ಹಣ ಖರ್ಚು ಮಾಡುವ ಅಗತ್ಯವಿಲ್ಲ. ಹಬ್ಬದ ಆಫರ್‌ಗಳ ಸಂದರ್ಭದಲ್ಲಿ ಆನ್‌ಲೈನ್ ಮತ್ತು ಆಫ್‌ಲೈನ್ ಮಾರುಕಟ್ಟೆಗಳಲ್ಲಿ ಸುಮಾರು ₹12,000ರಿಂದ ₹15,000ರ ಬಜೆಟ್‌ನಲ್ಲಿ ಉತ್ತಮ ಫೀಚರ್ಸ್ ಹೊಂದಿರುವ ಸ್ಮಾರ್ಟ್‌ಫೋನ್‌ಗಳು ಸಿಗುತ್ತವೆ. ಈ ದೀಪಾವಳಿಗೆ ಗಿಫ್ಟ್ ನೀಡಲು ಸೂಕ್ತವಾಗಿರುವ ಮೂರು ಫೋನ್‌ಗಳ ವಿವರ ಇಲ್ಲಿದೆ.

ನಿಮ್ಮ ಪರಿಚಯದವರಿಗೆ ವಿಭಿನ್ನ ವಿನ್ಯಾಸ ಮತ್ತು ಸ್ಟೈಲಿಶ್ ಫೋನ್ ಇಷ್ಟವಾಗುತ್ತಿದ್ದರೆ, Nothing ಕಂಪನಿಯ ಸಬ್‌ಬ್ರ್ಯಾಂಡ್ ಆಗಿರುವ CMFನ CMF Phone 1 ಉತ್ತಮ ಉಡುಗೊರೆ. ಇದರ ವಿಶೇಷ ಸ್ಕ್ರೂ ವಿನ್ಯಾಸ ಮತ್ತು ಬದಲಾಯಿಸಬಹುದಾದ ಬ್ಯಾಕ್ ಪ್ಯಾನೆಲ್ ಫೋನ್‌ಗೆ ವಿಭಿನ್ನ ಲುಕ್ ನೀಡುತ್ತದೆ. ಮಾರುಕಟ್ಟೆಯಲ್ಲಿರುವ ಇತರ ಫೋನ್‌ಗಳಿಗಿಂತ ಇದರ ವಿನ್ಯಾಸ ಆಕರ್ಷಕವಾಗಿದೆ.

CMF Phone 1 ಪ್ರಮುಖ ಫೀಚರ್ಸ್:

ಡಿಸ್‌ಪ್ಲೇ: 6.67 ಇಂಚಿನ Super AMOLED ಸ್ಕ್ರೀನ್.
ರಿಫ್ರೆಶ್ ರೇಟ್: 120Hz.
ಬ್ರೈಟ್‌ನೆಸ್: 2000 ನಿಟ್ಸ್ ಗರಿಷ್ಠ ಬ್ರೈಟ್‌ನೆಸ್.
ಪ್ರೊಸೆಸರ್: MediaTek Dimensity 7300 5G.
ಹಿಂಬದಿಯ ಕ್ಯಾಮೆರಾ: 50MP Sony ಮುಖ್ಯ ಕ್ಯಾಮೆರಾ.
ಸೆಲ್ಫಿ ಕ್ಯಾಮೆರಾ: 16MP ಫ್ರಂಟ್ ಕ್ಯಾಮೆರಾ.
ಬ್ಯಾಟರಿ: 5000mAh.
ವಿನ್ಯಾಸ: ಬದಲಾಯಿಸಬಹುದಾದ ಬ್ಯಾಕ್ ಪ್ಯಾನೆಲ್ ಮತ್ತು ವಿಶಿಷ್ಟ ಸ್ಕ್ರೂ ವಿನ್ಯಾಸ.
ಬೆಲೆ: ಅಂದಾಜು ಬೆಲೆ ₹14,999.
ಈ ಫೋನ್ ದಿನನಿತ್ಯದ ಬಳಕೆ, ಮಲ್ಟಿಟಾಸ್ಕಿಂಗ್ ಮತ್ತು ಗೇಮಿಂಗ್‌ಗೆ ಸೂಕ್ತವಾಗಿರಬಹುದು. ಉತ್ತಮ ಡಿಸ್‌ಪ್ಲೇ ಮತ್ತು ವಿಭಿನ್ನ ವಿನ್ಯಾಸವನ್ನು ಇಷ್ಟಪಡುವವರಿಗೆ ಇದು ಆಕರ್ಷಕ ಆಯ್ಕೆಯಾಗಿದೆ.

ಉಡುಗೊರೆಯಾಗಿ ನೀಡುವ ಫೋನ್ ನೋಡಲು ಪ್ರೀಮಿಯಂ ಆಗಿದ್ದರೆ ಅದರ ಆಕರ್ಷಣೆ ಇನ್ನಷ್ಟು ಹೆಚ್ಚುತ್ತದೆ. ಈ ವಿಷಯದಲ್ಲಿ Motorolaದ Moto G85 5G ಗಮನ ಸೆಳೆಯುತ್ತದೆ. ಕಡಿಮೆ ಬೆಲೆಯಲ್ಲಿಯೇ ದುಬಾರಿ ಫ್ಲ್ಯಾಗ್‌ಶಿಪ್ ಫೋನ್‌ಗಳಂತಿರುವ ಕರ್ವ್ಡ್ ಡಿಸ್‌ಪ್ಲೇ ಮತ್ತು ಪ್ರೀಮಿಯಂ ವೀಗನ್ ಲೆದರ್ ಫಿನಿಶ್ ಇದರ ವಿಶೇಷತೆಗಳಾಗಿವೆ.

Moto G85 5G ಪ್ರಮುಖ ಫೀಚರ್ಸ್:

ಡಿಸ್‌ಪ್ಲೇ: 6.67 ಇಂಚಿನ 3D ಕರ್ವ್ಡ್ pOLED ಸ್ಕ್ರೀನ್.
ರಿಫ್ರೆಶ್ ರೇಟ್: 120Hz.
ಸ್ಕ್ರೀನ್ ಪ್ರೊಟೆಕ್ಷನ್: Corning Gorilla Glass 5.
ಪ್ರೊಸೆಸರ್: Qualcomm Snapdragon 6s Gen 3.
ಮುಖ್ಯ ಕ್ಯಾಮೆರಾ: 50MP Sony LYTIA 600 ಕ್ಯಾಮೆರಾ.
ಕ್ಯಾಮೆರಾ ವಿಶೇಷತೆ: OIS ಇಮೇಜ್ ಸ್ಟೆಬಿಲೈಸೇಶನ್ ಸಪೋರ್ಟ್.
ಅಲ್ಟ್ರಾ-ವೈಡ್ ಕ್ಯಾಮೆರಾ: 8MP.
ಸೆಲ್ಫಿ ಕ್ಯಾಮೆರಾ: 32MP.
ಸ್ಪೀಕರ್: Dolby Atmos ಸಪೋರ್ಟ್.
ಬ್ಯಾಟರಿ: 5000mAh.
ವಿನ್ಯಾಸ: ಪ್ರೀಮಿಯಂ ವೀಗನ್ ಲೆದರ್ ಫಿನಿಶ್.
ಬೆಲೆ: ಅಂದಾಜು ಹಬ್ಬದ ಆಫರ್ ಬೆಲೆ ₹15,999.
ಕರ್ವ್ಡ್ ಡಿಸ್‌ಪ್ಲೇ, ಆಕರ್ಷಕ ವಿನ್ಯಾಸ ಮತ್ತು ಕ್ಯಾಮೆರಾ ವೈಶಿಷ್ಟ್ಯಗಳನ್ನು ಬಯಸುವವರಿಗೆ ಈ ಫೋನ್ ಉತ್ತಮ ಆಯ್ಕೆಯಾಗಬಹುದು. OIS ಸಪೋರ್ಟ್ ಕ್ಯಾಮೆರಾ ಅಲುಗಾಡುವಿಕೆಯನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ನಿಮ್ಮ ಮನೆಯ ಹಿರಿಯರು, ತಂದೆ-ತಾಯಿ ಅಥವಾ ದಿನವಿಡೀ ಮೊಬೈಲ್‌ನಲ್ಲಿ ವಿಡಿಯೋ ನೋಡುವವರಿಗೆ ಫೋನ್ ಖರೀದಿಸುತ್ತಿದ್ದರೆ Vivo T3x 5G ಉತ್ತಮ ಆಯ್ಕೆಯಾಗಬಹುದು. ಪದೇಪದೇ ಫೋನ್ ಚಾರ್ಜ್ ಮಾಡಲು ಸಮಯವಿಲ್ಲದವರಿಗೆ ಇದರ ದೊಡ್ಡ ಬ್ಯಾಟರಿ ವಿಶೇಷವಾಗಿ ಉಪಯುಕ್ತವಾಗಿದೆ.

Vivo T3x 5G ಪ್ರಮುಖ ಫೀಚರ್ಸ್:

ಡಿಸ್‌ಪ್ಲೇ: 6.72 ಇಂಚಿನ Full HD+ ಸ್ಕ್ರೀನ್.
ರಿಫ್ರೆಶ್ ರೇಟ್: 120Hz.
ಪ್ರೊಸೆಸರ್: Qualcomm Snapdragon 6 Gen 1.
ಮುಖ್ಯ ಕ್ಯಾಮೆರಾ: 50MP ಬ್ಯಾಕ್ ಕ್ಯಾಮೆರಾ.
ಬ್ಯಾಟರಿ: 6000mAh ದೊಡ್ಡ ಬ್ಯಾಟರಿ.
ಫಾಸ್ಟ್ ಚಾರ್ಜಿಂಗ್: 44W ಚಾರ್ಜಿಂಗ್ ಸಪೋರ್ಟ್.
ಸ್ಪೀಕರ್: ಡ್ಯುಯಲ್ ಸ್ಟೀರಿಯೋ ಸ್ಪೀಕರ್‌ಗಳು.
ದಪ್ಪ: ಸುಮಾರು 7.99 ಮಿಮೀ.
ಬೆಲೆ: ಅಂದಾಜು ಆರಂಭಿಕ ಬೆಲೆ ₹12,499.
ಬ್ಯಾಟರಿ ಲೈಫ್ ಹೆಚ್ಚು ಇರುವುದರಿಂದ ವಿಡಿಯೋ ನೋಡುವುದು, ಕರೆ ಮಾಡುವುದು ಮತ್ತು ದಿನನಿತ್ಯದ ಕೆಲಸಗಳಿಗೆ ಫೋನ್ ಬಳಸುವವರಿಗೆ ಇದು ಅನುಕೂಲಕರವಾಗಿದೆ. 44W ಫಾಸ್ಟ್ ಚಾರ್ಜಿಂಗ್ ಸಪೋರ್ಟ್ ಚಾರ್ಜಿಂಗ್ ಸಮಯವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

₹40,000 ಬಜೆಟ್‌ನಲ್ಲಿ ಸಿಗುವ ಈ 2 ಫೋನ್‌ಗಳು ಐಫೋನ್ ಮೀರಿಸುವಷ್ಟು ಪವರ್‌ಫುಲ್!

Ravi Janekal — Fri, 16 Oct 2026 11:21:29 +0530

ಇತ್ತೀಚೆಗೆ ಆಪಲ್, ಸ್ಯಾಮ್ಸಂಗ್ ದುಬಾರಿ ಬೆಲೆಯ ಫೋನ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿವೆ. ಅವುಗಳ ಬೆಲೆ ಒಂದು ಲಕ್ಷ ರೂಪಾಯಿಯಿಂದ ಮೂರು ಲಕ್ಷ ರೂಪಾಯಿವರೆಗೂ ಇವೆ. ಇಂಥ ದುಬಾರಿ ಫೋನ್‌ಗಳನ್ನು ಸಾಮಾನ್ಯ ಜನರು ಖರೀದಿಸುವುದು ಕನಸಿನ ಮಾತು. ಹೆಚ್ಚಿನ ಜನರು ಅಬ್ಬಬ್ಬಾ ಎಂದರೆ 30 ರಿಂದ 40 ಸಾವಿರ ಬಜೆಟ್‌ನೊಳಗಿನ ಫೋನ್ ಖರೀದಿಸಲು ಇಷ್ಟಪಡ್ತಾರೆ. ಅದಕ್ಕಿಂತ ಹೆಚ್ಚಿನ ಬೆಲೆಗೆ ಖರೀದಿಸುವುದು ಕಷ್ಟವೇ.

ಆದರೆ ಸಾಮಾನ್ಯ ಜನರ 40,000 ಬಜೆಟ್‌ನಲ್ಲಿ ಯಾವ ಫೋನ್ ಪವರ್ ಫುಲ್? ಯಾವ ಫೋನ್ ಅತ್ಯಾಧುನಿಕ ಫೀಚರ್ಸ್, ಬಾಡಿ, ಡಿಸ್ಪಲೇ, ಅತ್ಯುತ್ತಮ ಕ್ಯಾಮೆರಾ ಇದೆ ಎಂದು ತಿಳಿದುಕೊಳ್ಳುವುದು ಅಷ್ಟೇ ಮುಖ್ಯ.

ಇತ್ತೀಚಿನ ದಿನಗಳಲ್ಲಿ ಒಳ್ಳೆಯ ಮೊಬೈಲ್ ಫೋನ್ ಎಂದರೆ ಐಫೋನ್ ಆಗಬೇಕಿಲ್ಲ. ಅದಕ್ಕಾಗಿ ಲಕ್ಷಾಂತರ ರೂಪಾಯಿ ಖರ್ಚು ಮಾಡಬೇಕಾಗಿಯೂ ಇಲ್ಲ. ನಿಮ್ಮ ಹತ್ರ 40,000 ಬಜೆಟ್‌ನಲ್ಲಿ ಮೊಬೈಲ್ ಖರೀದಿಸು ಸಾಧ್ಯವಿದ್ದರೆ ಈ ಬಜೆಟ್‌ನೊಳಗೇ ಐಫೋನ್‌ನಷ್ಟೇ ಪವರ್ ಫುಲ್ ಆಗಿರುವ ಕ್ಯಾಮೆರಾ ಫೋನ್‌ಗಳು ಇಲ್ಲಿವೆ.

OnePlus 12R, iQOO ನಿಯೋ 9 ಪ್ರೊ ಬೆಲೆ ಎಷ್ಟು?

OnePlus 12R, iQOO ನಿಯೋ 9 ಪ್ರೊ ಫೋನ್‌ಗಳ ಬೆಲೆ ಐಫೋನ್‌ಗೆ ಹೋಲಿಸಿದ್ರೆ ತುಂಬಾ ಕಡಿಮೆ. ಕೇವಲ 40 ಸಾವಿರ ಬಜೆಟ್‌ನಲ್ಲಿ ಖರೀದಿಸಬಹುದು. ನಾಲ್ಕರಿಂದ ಐದು ವರ್ಷಗಳು ಬಾಳಿಕೆ ಬರುತ್ತವೆ. ಮೇಲಿನ ಎರಡು ಫೋನ್‌ಗಳಲ್ಲಿ ಒನ್‌ಪ್ಲಸ್ ಐಟಿಆರ್(OnePlus 12R) ಬೆಸ್ಟ್ ಚಾಯ್ಸ್. ಇದರ ಬೇಲೆ ಸುಮಾರು ₹38,000 ರಿಂದ ₹39,000 ಒಳಗೆ ಸಿಗುತ್ತೆ. ಈ ಫೋನ್ ಸ್ನಾಪ್‌ಡ್ರಾಗನ್ 8 Gen 2 ಪ್ರೊಸೆಸರ್ ಹೊಂದಿದ್ದು, ಆಪ್ ಗೇಮಿಂಗ್‌ ಬಳಕೆಗೆ ಯಾವುದೇ ಅಡಚಣೆಯಾಗದಂತೆ ವಿನ್ಯಾಸಗೊಳಿಸಲಾಗಿದೆ. ವಿಶೇಷ ಎಂದರೆ ಇದು ಅರ್ಧ ಗಂಟೆಯಲ್ಲೇ ಫುಲ್ ಚಾರ್ಜ್ ಆಗುವಂತಹ 5500mAh ಬ್ಯಾಟರಿಯನ್ನು ಹೊಂದಿದೆ.

ಇನ್ನು iQOO ನಿಯೋ 9 ಪ್ರೊ ಮತ್ತೊಂದು ಆಯ್ಕೆಯಾಗಿದ್ದು, ಇದರ ಬೆಲೆ ₹35,000 ರಿಂದ ₹37,000 ರವರೆಗೆ ಇರುತ್ತದೆ. ದಿನವಿಡೀ ತಮ್ಮ ಫೋನ್ ಅನ್ನು ಹೆಚ್ಚು ಬಳಸುವವರಿಗೆ ಈ ಫೋನ್ ಸೂಕ್ತವಾಗಿದೆ. ಇದರ ಹೆಚ್ಚಿನ ವೇಗದ ಜೊತೆಗೆ, ಇದರ 50-ಮೆಗಾಪಿಕ್ಸೆಲ್ ಕ್ಯಾಮೆರಾ ಹಗಲು ರಾತ್ರಿ ಸ್ಪಷ್ಟ ಮತ್ತು ನೈಸರ್ಗಿಕ ಫೋಟೋಗಳನ್ನು ಸೆರೆಹಿಡಿಯುತ್ತದೆ, ಇದು ಹಣಕ್ಕೆ ಉತ್ತಮ ಮೌಲ್ಯವನ್ನು ನೀಡುತ್ತದೆ.

ಸ್ನಾಪ್‌ಡ್ರಾಗನ್ 8 Gen 2 ಪ್ರೊಸೆಸರ್ ಅನ್ನು ಹೊಂದಿದ್ದು, ಭಾರೀ ಅಪ್ಲಿಕೇಶನ್‌ಗಳು ಮತ್ತು ಗೇಮಿಂಗ್‌ನೊಂದಿಗೆ ಸಹ ತೊದಲುವಂತೆ ವಿನ್ಯಾಸಗೊಳಿಸಲಾಗಿದೆ. ಇದು 100-ವ್ಯಾಟ್ ಚಾರ್ಜರ್ ಬಳಸಿ ಅರ್ಧ ಗಂಟೆಗಿಂತ ಕಡಿಮೆ ಅವಧಿಯಲ್ಲಿ ಸಂಪೂರ್ಣವಾಗಿ ಚಾರ್ಜ್ ಆಗುವ ಬೃಹತ್ 5500mAh ಬ್ಯಾಟರಿಯನ್ನು ಹೊಂದಿದೆ.

ಇನ್ನು iQOO ನಿಯೋ 9 ಪ್ರೊ ಮೊಬೈಲ್ ಕೂಡ ಉತ್ತಮ ಆಯ್ಕೆ. ಇದರ ಬೆಲೆ ₹35,000 ರಿಂದ ₹37,000 ರವರೆಗೆ ಇರಬಹುದು. ಹಬ್ಬದ ಸೀಸನ್‌ಗಳಲ್ಲಿ ಇನ್ನಷ್ಟು ಕಡಿಮೆ ಆಗಬಹುದು. ದಿನವಿಡೀ ಫೋನ್ ಬಳಸುವವರಿಗೆ ಈ ಫೋನ್ ಬೆಸ್ಟ್. 50-ಮೆಗಾಪಿಕ್ಸೆಲ್ ಕ್ಯಾಮೆರಾ ಹಗಲು ರಾತ್ರಿ ಸ್ಪಷ್ಟವಾದ ನ್ಯಾಚುರಲ್ ಫೋಟೋ ತೆಗೆಯುವುದರಲ್ಲಿ ಐಫೋನ್‌ನಷ್ಟೇ ಉತ್ತಮ.

ವಿವೋ V40 ಮತ್ತು ಶಿಯೋಮಿ 14 ಸಿವಿ

ಅನೇಕ ಜನರು ಫೋನ್ ಖರೀದಿಸುವಾಗ ಕ್ಯಾಮೆರಾ ಹೇಗಿದೆ ಅಂತಾ ನೋಡ್ತಾರೆ.ಅಂತಹ ವ್ಯಕ್ತಿಗಳಿಗೆ, ವಿವೋ V40 ಬೆಸ್ಟ್, ಇದರ ಬೆಲೆ ಸುಮಾರು ₹35,000. ಫೋನ್‌ನ ಕ್ಯಾಮೆರಾ ವಿಶೇಷವಾದ ಝೈಸ್ ಲೆನ್ಸ್ ತಂತ್ರಜ್ಞಾನವನ್ನು ಹೊಂದಿದ್ದು ಅದ್ಭುತವಾದ DSLR-ತರಹದ ಫೋಟೊ, ವಿಡಿಯೋ ಮಾಡಬಹುದು. 5500 mAh ಬ್ಯಾಟರಿಯಿದೆ.

ಅದೇ ರೀತಿ, Xiaomi 14 Civi ಈ ಬಜೆಟ್‌ನಲ್ಲಿ ಬೆಸ್ಟ್ ಫೋನ್. ಈ ಫೋನ್ ಲೈಕಾ ಕ್ಯಾಮೆರಾಗಳನ್ನು ಹೊಂದಿದ್ದು, ಸೆಲ್ಫಿ, ವೀಡಿಯೊ ಸೆರೆಹಿಡಿಯಲು ಇಷ್ಟಪಡುವವರಿಗೆ ಬೆಸ್ಟ್. ಏಕೆಂದರೆ ಇದರಲ್ಲಿ ಎರಡು 32-ಮೆಗಾಪಿಕ್ಸೆಲ್ ಮುಂಭಾಗದ ಕ್ಯಾಮೆರಾಗಳಿವೆ. ಇದರ ಪ್ರೀಮಿಯಂ ಡಿಸೈನ್ ₹100,000 ಮೌಲ್ಯದ ಉನ್ನತ-ಮಟ್ಟದ ಫೋನ್‌ನಂತೆ ಕಾಣುತ್ತದೆ.

ಎಲೋನ್ ಮಸ್ಕ್‌ಗೆ ಅಂಬಾನಿ ಟಕ್ಕರ್, ಸ್ಯಾಟಲೈಟ್ ನೆಟ್‌ವರ್ಕ್ ನಲ್ಲಿ ಜಿಯೋ ಕ್ರಾಂತಿ, 6 ಲಕ್ಷ ಹಳ್ಳಿಗಳಿಗೆ ಇಂಟರ್ನೆಟ್!

Gowthami K — Thu, 08 Oct 2026 17:42:37 +0530

ನವದೆಹಲಿ: ಭಾರತದ ಅತ್ಯಂತ ಸವಾಲಿನ ಗಡಿ ಪ್ರದೇಶಗಳಿಗೂ ಹೈ-ಸ್ಪೀಡ್ ಇಂಟರ್ನೆಟ್ ತಲುಪಿಸುವ ನಿಟ್ಟಿನಲ್ಲಿ ರಿಲಯನ್ಸ್ ಜಿಯೋ ಕ್ರಾಂತಿಕಾರಿ ಹೆಜ್ಜೆಯನ್ನಿಟ್ಟಿದೆ. ಕಂಪನಿಯು ಬರೋಬ್ಬರಿ 1,600 ಉಪಗ್ರಹಗಳ ಬೃಹತ್ ಸಮೂಹ ಹಾಗೂ ಭಾರತದಾದ್ಯಂತ 23 ಭೂ ಕೇಂದ್ರಗಳನ್ನು ಸ್ಥಾಪಿಸುವ ಮಹತ್ವಾಕಾಂಕ್ಷೆಯ ಯೋಜನೆಯನ್ನು ಪ್ರಕಟಿಸಿದೆ.

ನವದೆಹಲಿಯಲ್ಲಿ ನಡೆಯುತ್ತಿರುವ ಇಂಡಿಯಾ ಮೊಬೈಲ್ ಕಾಂಗ್ರೇಸ್ 2026 ಜಾಗತಿಕ ವೇದಿಕೆಯಲ್ಲಿ ಜಿಯೋ ಈ "ಸಾರ್ವಭೌಮ ಉಪಗ್ರಹ ಸಂಪರ್ಕ" (Sovereign Satellite Connectivity) ಯೋಜನೆಯನ್ನು ಅಧಿಕೃತವಾಗಿ ಘೋಷಿಸಿತು. ಎಲೋನ್ ಮಸ್ಕ್ ಒಡೆತನದ 'ಸ್ಟಾರ್‌ಲಿಂಕ್' ಭಾರತದಲ್ಲಿ ವಾಣಿಜ್ಯ ಸೇವೆ ಆರಂಭಿಸಲು ಒಪ್ಪಿಗೆಗೆ ಕಾಯುತ್ತಿರುವ ಬೆನ್ನಲ್ಲೇ ಜಿಯೋ ಈ ಬೃಹತ್ ಹೆಜ್ಜೆ ಇಟ್ಟಿದೆ.

ಈ ಯೋಜನೆಯ ಪ್ರಮುಖ ಮುಖ್ಯಾಂಶಗಳು

ಜಿಯೋದ ಈ ಯೋಜನೆಯು ಕೇವಲ ವಿದೇಶಿ ತಂತ್ರಜ್ಞಾನವನ್ನು ಬಳಸಿ ಸೇವೆ ನೀಡುವುದಕ್ಕೆ ಸೀಮಿತವಾಗಿಲ್ಲ. ಬದಲಾಗಿ, ತಂತ್ರಜ್ಞಾನದ ಸಂಪೂರ್ಣ ಹಕ್ಕು ಭಾರತದ ಬಳಿಯೇ ಇರಬೇಕೆಂಬ ಉದ್ದೇಶವನ್ನು ಹೊಂದಿದೆ.

ಭೂಮಿಗೆ ಹತ್ತಿರವಿರುವ ಕಕ್ಷೆಯಲ್ಲಿ (Low Earth Orbit) ಕಾರ್ಯನಿರ್ವಹಿಸುವ 1,600 ಉಪಗ್ರಹಗಳ ನೆಟ್‌ವರ್ಕ್ ಇದಾಗಿದೆ.

ಉಪಗ್ರಹ ನೆಟ್‌ವರ್ಕ್ ಅನ್ನು ಭಾರತದ ನೆಲದ ಮೇಲಿನ ಮೊಬೈಲ್ ಮತ್ತು ಫೈಬರ್ ಶೋರೂಮ್/ಟವರ್ ವ್ಯವಸ್ಥೆಗೆ ಜೋಡಿಸಲು 23 ಬೃಹತ್ ಗ್ರೌಂಡ್ ಸ್ಟೇಷನ್‌ಗಳನ್ನು ನಿರ್ಮಿಸಲಾಗುವುದು.

ಭಾರತದ ಭೂಪ್ರದೇಶ ಮತ್ತು ಸಮುದ್ರ ಗಡಿಗಳಲ್ಲಿ ಶೇಕಡಾ 100 ರಷ್ಟು ಸಂಪರ್ಕ ಸಾಧಿಸುವುದು ಇದರ ಮುಖ್ಯ ಉದ್ದೇಶವಾಗಿದೆ.

ಮೊಬೈಲ್ ಟವರ್ ಅಥವಾ ಫೈಬರ್ ಕೇಬಲ್ ತಲುಪಿಸಲು ಸಾಧ್ಯವಾಗದ ದೇಶದ 6 ಲಕ್ಷಕ್ಕೂ ಹೆಚ್ಚು ದೂರದ ಹಳ್ಳಿಗಳು, ದ್ವೀಪಗಳು, ಗಡಿ ಪ್ರದೇಶಗಳು ಹಾಗೂ ಹಿಮಾಲಯದ ದುರ್ಗಮ ಭಾಗಗಳಿಗೆ ಇದು ಇಂಟರ್ನೆಟ್ ಒದಗಿಸಲಿದೆ.

ವಿನ್ಯಾಸ, ಎಂಜಿನಿಯರಿಂಗ್, ಏಕೀಕರಣ ಮತ್ತು ಪರೀಕ್ಷೆಯಿಂದ ಹಿಡಿದು ಉಡಾವಣೆ, ನಿಯೋಜನೆ ಹಾಗೂ ಕಾರ್ಯಾಚರಣೆಯವರೆಗೆ ಸಂಪೂರ್ಣ ಉಪಗ್ರಹ ಮೌಲ್ಯ ಸರಪಳಿಯು ಭಾರತದ ಆಂತರಿಕ ನಿರ್ವಹಣೆಯಲ್ಲೇ ಇರಬೇಕು ಎಂಬುದು ಜಿಯೋದ ದೃಷ್ಟಿಕೋನವಾಗಿದೆ.

ಅಸ್ತಿತ್ವದಲ್ಲಿರುವ ಜಾಲದೊಂದಿಗೆ ಸಂಯೋಜನೆ

ತನ್ನ ಉಪಗ್ರಹ ಜಾಲವನ್ನು ಪ್ರತ್ಯೇಕ ವ್ಯವಸ್ಥೆಯಾಗಿ ಬಳಸುವ ಬದಲು, ಜಿಯೋ ಇದನ್ನು ತನ್ನ ಅಸ್ತಿತ್ವದಲ್ಲಿರುವ 4G, 5G ಮೊಬೈಲ್ ಮತ್ತು ಫೈಬರ್ ಮೂಲಸೌಕರ್ಯದೊಂದಿಗೆ ವಿಲೀನಗೊಳಿಸಲಿದೆ.

ಇದರಿಂದಾಗಿ ಗ್ರಾಮೀಣ ಹಾಗೂ ದೂರದ ಪ್ರದೇಶಗಳಲ್ಲಿ ಸಾಮಾನ್ಯ ಸ್ಮಾರ್ಟ್‌ಫೋನ್‌ಗಳಿಗೆ ನೇರವಾಗಿ ಉಪಗ್ರಹ ಸಂಪರ್ಕ ಸಿಗುವ 'ಡೈರೆಕ್ಟ್-ಟು-ಡಿವೈಸ್' ಕರೆ ಮತ್ತು ಡೇಟಾ ಸೌಲಭ್ಯ ಲಭ್ಯವಾಗಲಿದೆ. ಜೊತೆಗೆ ಈ ನೆಟ್‌ವರ್ಕ್ ಅನ್ನು ವಿಪತ್ತು ನಿರ್ವಹಣೆ ಭಾರತೀಯ ರಕ್ಷಣಾ ಪಡೆಗಳು , ವಾಯುಯಾನ ಮತ್ತು ಕಡಲ ಸಾರಿಗೆಗೆ ಪರಿಣಾಮಕಾರಿಯಾಗಿ ಬಳಸಿಕೊಳ್ಳಬಹುದು.

ಜಿಯೋ vs ಸ್ಟಾರ್‌ಲಿಂಕ್: ಸರ್ಕಾರದ ಸ್ಪಷ್ಟನೆ ಏನು?

ಎಲೋನ್ ಮಸ್ಕ್ ಇತ್ತೀಚೆಗೆ ಸೋಶಿಯಲ್ ಮೀಡಿಯಾ 'X' ನಲ್ಲಿ, ಕೆಲವು ಉದ್ಯಮಿಗಳು ತಮ್ಮ ಮಾರುಕಟ್ಟೆ ಸ್ಥಾನವನ್ನು ರಕ್ಷಿಸಿಕೊಳ್ಳಲು ಸ್ಟಾರ್‌ಲಿಂಕ್ ಪ್ರವೇಶವನ್ನು ತಡೆಯುತ್ತಿದ್ದಾರೆ ಎಂದು ಆರೋಪಿಸಿದ್ದರು. ಆದರೆ ಭಾರತದ ಸಂವಹನ ಸಚಿವಾಲಯವು ಈ ಆರೋಪವನ್ನು ತಳ್ಳಿಹಾಕಿದೆ. ಭಾರತ ಸರ್ಕಾರವು ಉಪಗ್ರಹ ಸೇವೆಗಳಿಗೆ ನ್ಯಾಯಯುತ ಮತ್ತು ಪಾರದರ್ಶಕ ಅಧಿಕಾರ ಪ್ರಕ್ರಿಯೆಯನ್ನು ಅನುಸರಿಸುತ್ತದೆ ಎಂದು ಸ್ಪಷ್ಟಪಡಿಸಿದೆ.

ಸ್ಟಾರ್‌ಲಿಂಕ್, ಜಿಯೋ ಸ್ಯಾಟಲೈಟ್ ಕಮ್ಯುನಿಕೇಷನ್ಸ್ ಮತ್ತು ಭಾರ್ತಿ ಏರ್‌ಟೆಲ್ ಬೆಂಬಲಿತ ಯುಟೆಲ್‌ಸ್ಯಾಟ್ ಒನ್‌ವೆಬ್ ಮೂರೂ ಕಂಪನಿಗಳ ಭದ್ರತಾ ತನಿಖೆಗಳು ಪ್ರಸ್ತುತ ಒಂದೇ ಹಂತದಲ್ಲಿವೆ. ಸ್ಟಾರ್‌ಲಿಂಕ್ ಈಗಾಗಲೇ ತನಗೆ ಅಗತ್ಯವಿರುವ GMPCS ಪರವಾನಗಿ ಮತ್ತು IN-SPACe ಅಧಿಕಾರವನ್ನು ಪಡೆದುಕೊಂಡಿದೆ. ಅಲ್ಲದೆ ಭಾರತದಲ್ಲೇ 20 ಗೇಟ್‌ವೇ ಸೈಟ್‌ಗಳನ್ನು ಸ್ಥಾಪಿಸಿ, ಭಾರತೀಯರ ಡೇಟಾ ದೇಶದ ಒಳಗೇ ಸುರಕ್ಷಿತವಾಗಿರಲು ಅಗತ್ಯ ಮೂಲಸೌಕರ್ಯ ಸಜ್ಜುಗೊಳಿಸಿದೆ.

ಸ್ಟಾರ್‌ಲಿಂಕ್ ತಕ್ಷಣವೇ ಭಾರತದ ಮಾರುಕಟ್ಟೆಯನ್ನು ಪ್ರವೇಶಿಸಲು ಸಿದ್ಧತೆ ನಡೆಸುತ್ತಿದ್ದರೆ, ರಿಲಯನ್ಸ್ ಜಿಯೋ ಭಾರತದ ಸ್ವಾವಲಂಬನೆಗೆ ಪೂರಕವಾಗಿ ಬೃಹತ್ 'ಸಾರ್ವಭೌಮ ಉಪಗ್ರಹ ನೆಟ್‌ವರ್ಕ್' ನಿರ್ಮಿಸುವ ದೀರ್ಘಾವಧಿ ಕಾರ್ಯತಂತ್ರದೊಂದಿಗೆ ಅಖಾಡಕ್ಕಿಳಿಸಿದೆ.

70 ಸಾವಿರದ ಯಂತ್ರದಿಂದ ತಿಂಗಳಿಗೆ 60 ಸಾವಿರ ಲಾಭ: ಅಪ್ಪನ ಕ್ಯಾಟರಿಂಗ್‌ ಬ್ಯುಸಿನೆಸ್ ಬಿಟ್ಟು ಶ್ರೀಮಂತನಾಗುವ ಸಿಂಪಲ್‌ ಹಾದಿ ತುಳಿದ ಮಗ

Sushma Hegde — Mon, 12 Oct 2026 10:26:47 +0530

ಕಡಿಮೆ ಬಂಡವಾಳದಲ್ಲಿ ಆರಂಭಿಸಿದ ಟೆಂಪರ್ಡ್ ಗ್ಲಾಸ್ ತಯಾರಿಕೆ ಉದ್ಯಮ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿದೆ. ಕೇವಲ ₹70,000 ಮೌಲ್ಯದ ಯಂತ್ರ ಖರೀದಿಸಿ ಮೊಬೈಲ್ ಸ್ಕ್ರೀನ್ ಗಾರ್ಡ್ ತಯಾರಿಸುತ್ತಿರುವ ಯುವಕ, ತಿಂಗಳಿಗೆ ₹50,000ದಿಂದ ₹60,000 ಲಾಭ ಗಳಿಸುತ್ತಿದ್ದಾನೆ ಎಂಬ ಮಾಹಿತಿ ಗಮನ ಸೆಳೆದಿದೆ.

ಸಣ್ಣ ಉದ್ಯಮ ಆರಂಭಿಸಬೇಕು, ಕಡಿಮೆ ಬಂಡವಾಳದಲ್ಲಿ ಸ್ವಂತ ಆದಾಯ ಗಳಿಸಬೇಕು ಎಂದುಕೊಳ್ಳುವವರಿಗೆ ಇಂತಹ ವ್ಯವಹಾರ ಕಲ್ಪನೆಗಳು ಆಸಕ್ತಿ ಮೂಡಿಸುತ್ತವೆ. ಅದರಲ್ಲೂ ಮೊಬೈಲ್ ಪರಿಕರಗಳಿಗೆ ನಿರಂತರ ಬೇಡಿಕೆ ಇರುವುದರಿಂದ, ಈ ಯುವಕನ ಉದ್ಯಮದ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ನಡೆಯುತ್ತಿದೆ.

ಅಡುಗೆಯವರ ಮಗನ ಉದ್ಯಮದ ಕಥೆ ವೈರಲ್!

ಸಾಮಾಜಿಕ ಜಾಲತಾಣದಲ್ಲಿ ಬಳಕೆದಾರರೊಬ್ಬರು ತಮ್ಮ ಮನೆಯ ಅಡುಗೆಯವರ ಮಗ ನಡೆಸುತ್ತಿರುವ ಉದ್ಯಮದ ಕುರಿತು ಮಾಹಿತಿ ಹಂಚಿಕೊಂಡಿದ್ದಾರೆ. ಅಡುಗೆಯವರು ತಮ್ಮ ಕುಟುಂಬದ ಆರ್ಥಿಕ ನಿರ್ವಹಣೆಯ ಬಗ್ಗೆ ಮಾತನಾಡುವಾಗ, ಮಗನೂ ಆದಾಯ ಗಳಿಸುತ್ತಿದ್ದಾನೆ ಎಂದು ತಿಳಿಸಿದ್ದಾರೆ. ಆರಂಭದಲ್ಲಿ ಮಗ ಸಣ್ಣ ಮೊಬೈಲ್ ರಿಪೇರಿ ಅಂಗಡಿ ನಡೆಸುತ್ತಿರಬಹುದು ಎಂದು ಭಾವಿಸಿದ್ದ ಬಳಕೆದಾರರಿಗೆ, ಆತ ಟೆಂಪರ್ಡ್ ಗ್ಲಾಸ್ ತಯಾರಿಸಿ ಮಾರಾಟ ಮಾಡುತ್ತಾನೆ ಎಂಬ ವಿಚಾರ ತಿಳಿದು ಅಚ್ಚರಿಯಾಗಿದೆ.

ಈ ಘಟನೆಯನ್ನು ಅವರು ಎಕ್ಸ್‌ (ಹಿಂದಿನ ಟ್ವಿಟರ್) ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದು, ಪೋಸ್ಟ್ ಗಮನ ಸೆಳೆದಿದೆ.

₹70,000 ಯಂತ್ರದಿಂದ ಆರಂಭವಾದ ಉದ್ಯಮ

ಯುವಕ ಟೆಂಪರ್ಡ್ ಗ್ಲಾಸ್ ತಯಾರಿಸಲು ಸುಮಾರು ₹70,000 ಮೌಲ್ಯದ ಗ್ಲಾಸ್ ಕತ್ತರಿಸುವ ಯಂತ್ರವನ್ನು ಖರೀದಿಸಿದ್ದಾನೆ ಎನ್ನಲಾಗಿದೆ. ಈ ಯಂತ್ರದ ಸಹಾಯದಿಂದ ವಿವಿಧ ಮಾದರಿಯ ಸ್ಮಾರ್ಟ್‌ಫೋನ್‌ಗಳಿಗೆ ಹೊಂದುವ ಸ್ಕ್ರೀನ್ ಪ್ರೊಟೆಕ್ಟರ್‌ಗಳನ್ನು ತಯಾರಿಸುತ್ತಾನೆ. ಇದರ ಪ್ರಕ್ರಿಯೆಯೂ ಸರಳವಾಗಿದೆ. ಮೊಬೈಲ್ ಫೋನ್‌ಗೆ ಯಂತ್ರವನ್ನು ಸಂಪರ್ಕಿಸಿ, ಅಗತ್ಯವಿರುವ ಮೊಬೈಲ್ ಮಾದರಿಯನ್ನು ಆಯ್ಕೆ ಮಾಡಬೇಕು. ನಂತರ ಯಂತ್ರವು ಸುಮಾರು 30 ಸೆಕೆಂಡುಗಳಲ್ಲಿ ಟೆಂಪರ್ಡ್ ಗ್ಲಾಸ್ ಕತ್ತರಿಸಿ ಸಿದ್ಧಪಡಿಸುತ್ತದೆ ಎಂದು ಪೋಸ್ಟ್‌ನಲ್ಲಿ ವಿವರಿಸಲಾಗಿದೆ.

₹8-10ಕ್ಕೆ ತಯಾರಿಸಿ ₹25-30ಕ್ಕೆ ಮಾರಾಟ!

ಈ ಉದ್ಯಮದ ಪ್ರಮುಖ ಆಕರ್ಷಣೆ ಎಂದರೆ ಉತ್ಪಾದನಾ ವೆಚ್ಚ ಮತ್ತು ಮಾರಾಟದ ಬೆಲೆಯ ನಡುವಿನ ವ್ಯತ್ಯಾಸ.

ಒಂದು ಟೆಂಪರ್ಡ್ ಗ್ಲಾಸ್‌ನ ವೆಚ್ಚ: ₹8ರಿಂದ ₹10

ಮಾರಾಟದ ಬೆಲೆ: ₹25ರಿಂದ ₹30

ಪ್ರತಿ ಗ್ಲಾಸ್‌ಗೆ ಅಂದಾಜು ವ್ಯತ್ಯಾಸ: ₹15ರಿಂದ ₹22

ತಿಂಗಳ ಲಾಭದ ಬಗ್ಗೆ ಹೇಳಿಕೆ: ₹50,000ರಿಂದ ₹60,000

ಯುವಕ ತಯಾರಿಸಿದ ಟೆಂಪರ್ಡ್ ಗ್ಲಾಸ್‌ಗಳನ್ನು ಹತ್ತಿರದ ಮೊಬೈಲ್ ಅಂಗಡಿಗಳಿಗೆ ಪೂರೈಕೆ ಮಾಡುತ್ತಾನೆ. ಇದರಿಂದ ಪ್ರತಿ ಗ್ರಾಹಕರನ್ನು ಪ್ರತ್ಯೇಕವಾಗಿ ಹುಡುಕುವ ಬದಲು, ಅಂಗಡಿಗಳ ಮೂಲಕ ನಿರಂತರ ಬೇಡಿಕೆಯನ್ನು ಪಡೆಯಲು ಸಾಧ್ಯವಾಗುತ್ತದೆ. ಆದರೆ ಪ್ರತಿ ಗ್ಲಾಸ್‌ನ ವೆಚ್ಚ ಮತ್ತು ಮಾರಾಟದ ಬೆಲೆಯ ನಡುವಿನ ವ್ಯತ್ಯಾಸವೇ ಅಂತಿಮ ಲಾಭವಲ್ಲ. ಯಂತ್ರದ ನಿರ್ವಹಣೆ, ವಿದ್ಯುತ್, ಸಾರಿಗೆ, ವ್ಯರ್ಥವಾಗುವ ವಸ್ತುಗಳು ಮತ್ತು ಇತರ ಖರ್ಚುಗಳನ್ನು ಪರಿಗಣಿಸಿದ ಬಳಿಕವೇ ನಿಜವಾದ ನಿವ್ವಳ ಲಾಭವನ್ನು ಲೆಕ್ಕ ಹಾಕಬೇಕು. ತಿಂಗಳಿಗೆ ₹50,000-60,000 ಲಾಭ ಗಳಿಸುತ್ತಾನೆ ಎಂಬುದು ಸಾಮಾಜಿಕ ಜಾಲತಾಣದ ಪೋಸ್ಟ್‌ನಲ್ಲಿರುವ ಹೇಳಿಕೆಯಾಗಿದ್ದು, ಸ್ವತಂತ್ರವಾಗಿ ದೃಢಪಟ್ಟ ಅಂಕಿಅಂಶವಲ್ಲ.

ಟೆಂಪರ್ಡ್ ಗ್ಲಾಸ್ ಉದ್ಯಮಕ್ಕೆ ಸರ್ಕಾರದ ಹೊಸ ನಿಯಮ

ಒಂದೆಡೆ ಈ ಸಣ್ಣ ಉದ್ಯಮದ ಕಥೆ ಗಮನ ಸೆಳೆಯುತ್ತಿದ್ದರೆ, ಮತ್ತೊಂದೆಡೆ ಮೊಬೈಲ್ ಸ್ಕ್ರೀನ್ ಪ್ರೊಟೆಕ್ಟರ್‌ಗಳ ಗುಣಮಟ್ಟಕ್ಕೆ ಸಂಬಂಧಿಸಿದ ಸರ್ಕಾರಿ ನಿಯಮಗಳೂ ಮಹತ್ವ ಪಡೆದಿವೆ.

ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ (MeitY) ಸ್ಮಾರ್ಟ್‌ಫೋನ್‌ಗಳ ಸ್ಕ್ರೀನ್ ಪ್ರೊಟೆಕ್ಟರ್‌ಗಳನ್ನು ಕಡ್ಡಾಯ ನೋಂದಣಿ ಚೌಕಟ್ಟಿನ ವ್ಯಾಪ್ತಿಗೆ ಸೇರಿಸಿರುವುದಾಗಿ ನೀಡಲಾದ ಮಾಹಿತಿಯಲ್ಲಿ ಉಲ್ಲೇಖಿಸಲಾಗಿದೆ. ಇದರ ಉದ್ದೇಶ ಕಳಪೆ ಗುಣಮಟ್ಟದ ಉತ್ಪನ್ನಗಳ ಮಾರಾಟವನ್ನು ನಿಯಂತ್ರಿಸುವುದು ಮತ್ತು ಗ್ರಾಹಕರಿಗೆ ಗುಣಮಟ್ಟದ ಉತ್ಪನ್ನಗಳು ಲಭ್ಯವಾಗುವಂತೆ ಮಾಡುವುದು.

ನೀಡಲಾದ ವಿವರಗಳ ಪ್ರಕಾರ, ಭಾರತದಲ್ಲಿ ಗಾಜಿನ ಸ್ಕ್ರೀನ್ ಪ್ರೊಟೆಕ್ಟರ್‌ಗಳನ್ನು ತಯಾರಿಸುವವರು ಮತ್ತು ಆಮದು ಮಾಡಿಕೊಳ್ಳುವವರು IS 19348:2025 ಮಾನದಂಡಕ್ಕೆ ಅನುಗುಣವಾಗಿ ಉತ್ಪನ್ನಗಳನ್ನು ಪರೀಕ್ಷಿಸಿ ಪ್ರಮಾಣೀಕರಿಸುವ ಅಗತ್ಯವಿದೆ ಎಂದು ತಿಳಿಸಲಾಗಿದೆ. ಗಾಜಿನ ಬಲ, ದಪ್ಪ, ಗೀರು ನಿರೋಧಕತೆ, ಅಂಟಿಕೊಳ್ಳುವ ಗುಣ ಮತ್ತು ವಿಶೇಷ ಲೇಪನಗಳಂತಹ ಅಂಶಗಳು ಈ ಮಾನದಂಡದ ವ್ಯಾಪ್ತಿಗೆ ಬರುತ್ತವೆ ಎಂದು ವರದಿಯಲ್ಲಿ ಹೇಳಲಾಗಿದೆ.

ಹೀಗಾಗಿ ಈ ಉದ್ಯಮ ಆರಂಭಿಸಲು ಆಸಕ್ತಿ ಹೊಂದಿರುವವರು ಯಂತ್ರ ಖರೀದಿಸುವುದರ ಜೊತೆಗೆ ಅನ್ವಯವಾಗುವ ಗುಣಮಟ್ಟದ ಮಾನದಂಡಗಳು ಮತ್ತು ಪ್ರಮಾಣೀಕರಣದ ನಿಯಮಗಳನ್ನೂ ಪರಿಶೀಲಿಸುವುದು ಮುಖ್ಯ.

Reliance Jio: 5Gಗಿಂತ 10 ಪಟ್ಟು ವೇಗ! 6G ತಂತ್ರಜ್ಞಾನಕ್ಕಾಗಿ ಜಿಯೋ ಮಾಸ್ಟರ್ ಪ್ಲ್ಯಾನ್

Sushma Hegde — Fri, 09 Oct 2026 13:37:10 +0530

ಮೊಬೈಲ್ ಇಂಟರ್ನೆಟ್ ಜಗತ್ತಿನಲ್ಲಿ 5G ತಂತ್ರಜ್ಞಾನ ಇನ್ನೂ ವಿಸ್ತರಿಸುತ್ತಿರುವಾಗಲೇ, ಇದೀಗ ಮುಂದಿನ ಪೀಳಿಗೆಯ 6G ತಂತ್ರಜ್ಞಾನದ ಬಗ್ಗೆ ಚರ್ಚೆ ಜೋರಾಗಿದೆ. 2030ರ ವೇಳೆಗೆ ಭಾರತದಲ್ಲಿ 6G ತಂತ್ರಜ್ಞಾನವನ್ನು ಪರಿಚಯಿಸುವ ಗುರಿಯನ್ನು ಕೇಂದ್ರ ಸರ್ಕಾರ ಹೊಂದಿದೆ. ಈ ಮಹತ್ವಾಕಾಂಕ್ಷೆಯ ಯೋಜನೆಯಲ್ಲಿ ರಿಲಯನ್ಸ್ ಜಿಯೋ ಕೂಡ ಪ್ರಮುಖ ಪಾತ್ರ ವಹಿಸಲು ಸಿದ್ಧತೆ ನಡೆಸುತ್ತಿದೆ. ಸ್ವದೇಶಿ ತಂತ್ರಜ್ಞಾನ, ಪೇಟೆಂಟ್‌ಗಳು, ಕೃತಕ ಬುದ್ಧಿಮತ್ತೆ (AI) ಹಾಗೂ ಅತ್ಯಾಧುನಿಕ ನೆಟ್‌ವರ್ಕ್ ವ್ಯವಸ್ಥೆಗಳ ಅಭಿವೃದ್ಧಿಗೆ ಕಂಪನಿ ಒತ್ತು ನೀಡುತ್ತಿದೆ. ಆದರೆ 6G ಬಂದರೆ ಇಂಟರ್ನೆಟ್ ವೇಗ ಎಷ್ಟು ಹೆಚ್ಚಾಗಬಹುದು? ಜಿಯೋ ಈಗಾಗಲೇ ಯಾವ ತಂತ್ರಜ್ಞಾನಗಳನ್ನು ಅಭಿವೃದ್ಧಿಪಡಿಸುತ್ತಿದೆ? ಈ ಕುರಿತ ಮಾಹಿತಿ ಇಲ್ಲಿದೆ.

2030ರ ವೇಳೆಗೆ ಭಾರತಕ್ಕೆ 6G ತರುವ ಗುರಿ

ಭಾರತದ 6G ಮಹತ್ವಾಕಾಂಕ್ಷೆಗೆ 2023ರ ಮಾರ್ಚ್‌ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಬಿಡುಗಡೆ ಮಾಡಿದ 'ಭಾರತ್ 6G ವಿಷನ್' ಮಾರ್ಗಸೂಚಿ ಪ್ರಮುಖ ಆಧಾರವಾಗಿದೆ. ಭಾರತವು ಕೇವಲ ವಿದೇಶಗಳಲ್ಲಿ ಅಭಿವೃದ್ಧಿಪಡಿಸಿದ ತಂತ್ರಜ್ಞಾನವನ್ನು ಬಳಸುವುದಷ್ಟೇ ಅಲ್ಲದೆ, 6G ತಂತ್ರಜ್ಞಾನದ ವಿನ್ಯಾಸ, ಸಂಶೋಧನೆ ಮತ್ತು ಅಭಿವೃದ್ಧಿಯಲ್ಲಿಯೂ ಪ್ರಮುಖ ಕೊಡುಗೆ ನೀಡಬೇಕು ಎಂಬುದು ಇದರ ಉದ್ದೇಶ. ಇದಕ್ಕಾಗಿ ಸರ್ಕಾರವು ಅಂತರರಾಷ್ಟ್ರೀಯ ಸಹಕಾರಕ್ಕೂ ಆದ್ಯತೆ ನೀಡುತ್ತಿದೆ. 6G ತಂತ್ರಜ್ಞಾನ ಇನ್ನೂ ಸಂಶೋಧನೆ ಮತ್ತು ಜಾಗತಿಕ ಮಾನದಂಡಗಳ ರೂಪಿಸುವ ಹಂತದಲ್ಲಿದ್ದು, ವಾಣಿಜ್ಯ ಬಳಕೆಯ ನೆಟ್‌ವರ್ಕ್‌ಗಳು 2030ರ ದಶಕದಲ್ಲಿ ವ್ಯಾಪಕವಾಗಿ ಹೊರಹೊಮ್ಮುವ ನಿರೀಕ್ಷೆಯಿದೆ.

ಜಿಯೋದಿಂದ ಸಾವಿರಾರು ಪೇಟೆಂಟ್‌ಗಳ ಸಲ್ಲಿಕೆ!

6G ತಂತ್ರಜ್ಞಾನದಲ್ಲಿ ಮುಂಚೂಣಿಯಲ್ಲಿರಲು ಜಿಯೋ ಸಂಶೋಧನೆ ಮತ್ತು ಅಭಿವೃದ್ಧಿಗೆ ಒತ್ತು ನೀಡುತ್ತಿದೆ. ನೀಡಲಾದ ಮಾಹಿತಿಯ ಪ್ರಕಾರ, ಜಿಯೋ ಪ್ಲಾಟ್‌ಫಾರ್ಮ್ಸ್ ಮತ್ತು ಅದರ ಅಂಗಸಂಸ್ಥೆಗಳು 2026ರ ಮಾರ್ಚ್ ವೇಳೆಗೆ 4G, 5G, 6G, ಕ್ಲೌಡ್ ಕಂಪ್ಯೂಟಿಂಗ್ ಹಾಗೂ AI ಸೇರಿದಂತೆ ವಿವಿಧ ತಂತ್ರಜ್ಞಾನಗಳಿಗೆ ಸಂಬಂಧಿಸಿದಂತೆ ಒಟ್ಟು 6,817 ಪೇಟೆಂಟ್‌ಗಳನ್ನು ಸಲ್ಲಿಸಿವೆ. ಇವುಗಳಲ್ಲಿ 1,009ಕ್ಕೂ ಹೆಚ್ಚು ಪೇಟೆಂಟ್‌ಗಳಿಗೆ ಜಾಗತಿಕವಾಗಿ ಅನುಮೋದನೆ ದೊರೆತಿದೆ ಎಂದು ವರದಿಯಾಗಿದೆ.

6G ತಂತ್ರಜ್ಞಾನದ ಜಾಗತಿಕ ಮಾನದಂಡಗಳು ರೂಪುಗೊಳ್ಳುವಾಗ ಇಂತಹ ಸಂಶೋಧನೆಗಳು ಮಹತ್ವ ಪಡೆಯಬಹುದು. ಆದರೆ ಪೇಟೆಂಟ್ ಸಲ್ಲಿಸಿರುವುದರಿಂದ ಮಾತ್ರ ಆ ತಂತ್ರಜ್ಞಾನಗಳು ಅಂತಿಮ 6G ಮಾನದಂಡಗಳಲ್ಲಿ ಸೇರ್ಪಡೆಯಾಗುತ್ತವೆ ಎಂಬ ಖಾತರಿ ಇರುವುದಿಲ್ಲ.

5Gಗಿಂತ 8ರಿಂದ 10 ಪಟ್ಟು ವೇಗ ಸಿಗುತ್ತಾ?

ಜಿಯೋ ಅಭಿವೃದ್ಧಿಪಡಿಸುತ್ತಿರುವ ಪ್ರಮುಖ ತಂತ್ರಜ್ಞಾನಗಳಲ್ಲಿ 'ಜೈಂಟ್ MIMO' (gMIMO) ಕೂಡ ಒಂದು. ಇದು ಹೆಚ್ಚಿನ ಸಂಖ್ಯೆಯ ಆಂಟೆನಾ ಘಟಕಗಳನ್ನು ಬಳಸುವ ಅತ್ಯಾಧುನಿಕ ವೈರ್‌ಲೆಸ್ ನೆಟ್‌ವರ್ಕ್ ತಂತ್ರಜ್ಞಾನವಾಗಿದೆ. ಕಂಪನಿಯ ಪ್ರದರ್ಶನದ ಪ್ರಕಾರ, ಈ ವ್ಯವಸ್ಥೆಯು 1,024 ಆಂಟೆನಾ ಘಟಕಗಳನ್ನು ಬಳಸುತ್ತದೆ. ಭವಿಷ್ಯದ ನೆಟ್‌ವರ್ಕ್‌ಗಳಲ್ಲಿ ಸಾಮರ್ಥ್ಯವನ್ನು ಹೆಚ್ಚಿಸುವುದು ಹಾಗೂ ಹೆಚ್ಚಿನ ಪ್ರಮಾಣದ ಡೇಟಾವನ್ನು ನಿರ್ವಹಿಸುವುದು ಇದರ ಉದ್ದೇಶವಾಗಿದೆ.

ಈ ತಂತ್ರಜ್ಞಾನವು ನೆಟ್‌ವರ್ಕ್ ಸಾಮರ್ಥ್ಯವನ್ನು 10 ಪಟ್ಟು ಹೆಚ್ಚಿಸುವ ಹಾಗೂ 5Gಗೆ ಹೋಲಿಸಿದರೆ ಎಂಟರಿಂದ ಹತ್ತು ಪಟ್ಟು ಥ್ರೋಪುಟ್ ಸಾಧಿಸುವ ಗುರಿಯನ್ನು ಹೊಂದಿದೆ ಎಂದು ಜಿಯೋ ಹೇಳಿದೆ. ಆದರೆ ಇವು ಅಭಿವೃದ್ಧಿ ಹಂತದ ಗುರಿಗಳಾಗಿದ್ದು, ವಾಣಿಜ್ಯ 6G ನೆಟ್‌ವರ್ಕ್‌ಗಳಲ್ಲಿ ಇದೇ ವೇಗ ಸಿಗಲಿದೆ ಎಂದು ಈಗಲೇ ಖಚಿತವಾಗಿ ಹೇಳಲು ಸಾಧ್ಯವಿಲ್ಲ.

ಸಿಗ್ನಲ್ ಸಮಸ್ಯೆಗೂ ಪರಿಹಾರ ತರಲಿದೆಯೇ ಹೊಸ ತಂತ್ರಜ್ಞಾನ?

ಜಿಯೋ ಅಭಿವೃದ್ಧಿಪಡಿಸುತ್ತಿರುವ ಮತ್ತೊಂದು ತಂತ್ರಜ್ಞಾನವೆಂದರೆ 'ರಿಕಾನ್ಫಿಗರೇಬಲ್ ಇಂಟೆಲಿಜೆಂಟ್ ಸರ್ಫೇಸ್' (RIS). ಈ ವ್ಯವಸ್ಥೆಯಲ್ಲಿ ವಿಶೇಷವಾಗಿ ವಿನ್ಯಾಸಗೊಳಿಸಿದ ಫಲಕಗಳ ಮೂಲಕ ರೇಡಿಯೋ ಸಿಗ್ನಲ್‌ಗಳ ದಿಕ್ಕಿನ ಮೇಲೆ ಪ್ರಭಾವ ಬೀರಬಹುದು. ಇದರಿಂದ ಸಿಗ್ನಲ್ ವ್ಯಾಪ್ತಿಯನ್ನು ಸುಧಾರಿಸಲು, ಸಂಪರ್ಕವನ್ನು ಹೆಚ್ಚು ಪರಿಣಾಮಕಾರಿಯಾಗಿ ನಿರ್ವಹಿಸಲು ಮತ್ತು ವಿದ್ಯುತ್ ಬಳಕೆಯನ್ನು ಕಡಿಮೆ ಮಾಡಲು ನೆರವಾಗಬಹುದು. ಜಿಯೋ 7 ವ್ಯಾಟ್‌ಗಿಂತ ಕಡಿಮೆ ವಿದ್ಯುತ್ ಬಳಸುವ RIS ವ್ಯವಸ್ಥೆಯನ್ನು ಪ್ರದರ್ಶಿಸಿದೆ ಎಂದು ನೀಡಲಾದ ಮಾಹಿತಿಯಲ್ಲಿ ತಿಳಿಸಲಾಗಿದೆ. ಇದರ ಜೊತೆಗೆ, ಈಗಿರುವ 4G ಮತ್ತು 5G ಮೂಲಸೌಕರ್ಯಗಳೊಂದಿಗೆ ಹೊಂದಾಣಿಕೆ ಹೊಂದುವಂತೆ ವಿನ್ಯಾಸಗೊಳಿಸಲಾದ ಪೂರ್ವ-ಮಾನದಂಡ 6G ಕೋರ್ ತಂತ್ರಜ್ಞಾನವನ್ನೂ ಕಂಪನಿ ಪ್ರದರ್ಶಿಸಿದೆ.

AI ಮತ್ತು ಉಪಗ್ರಹ ಸಂಪರ್ಕಕ್ಕೂ ಆದ್ಯತೆ

6G ತಂತ್ರಜ್ಞಾನದಲ್ಲಿ ಕೃತಕ ಬುದ್ಧಿಮತ್ತೆ ಪ್ರಮುಖ ಪಾತ್ರ ವಹಿಸುವ ನಿರೀಕ್ಷೆಯಿದೆ. ನೆಟ್‌ವರ್ಕ್ ನಿರ್ವಹಣೆ, ಡೇಟಾ ಸಂಚಾರದ ನಿಯಂತ್ರಣ, ಸ್ವಯಂಚಾಲಿತ ಕಾರ್ಯಾಚರಣೆ ಮತ್ತು ಸಂಪನ್ಮೂಲಗಳ ಸಮರ್ಪಕ ಬಳಕೆಗೆ AI ನೆರವಾಗಬಹುದು. ಜಿಯೋ ತನ್ನ ಸಂಶೋಧನಾ ಯೋಜನೆಗಳಲ್ಲಿ AI ಅನ್ನು ಸಂವಹನ ತಂತ್ರಜ್ಞಾನದೊಂದಿಗೆ ಸಂಯೋಜಿಸುವತ್ತ ಗಮನಹರಿಸುತ್ತಿದೆ. ಭೂಮಿಯ ಮೇಲಿನ ಮೊಬೈಲ್ ಟವರ್‌ಗಳ ಜೊತೆಗೆ ಉಪಗ್ರಹ ಸಂವಹನ ವ್ಯವಸ್ಥೆಗಳನ್ನೂ ಒಗ್ಗೂಡಿಸುವ ಸಾಧ್ಯತೆಗಳನ್ನು ಪರಿಶೀಲಿಸುತ್ತಿದೆ.

6G ಬಂದರೆ ಗ್ರಾಹಕರಿಗೆ ಏನು ಲಾಭ?

6G ತಂತ್ರಜ್ಞಾನವು ಹೆಚ್ಚಿನ ವೇಗದ ಡೇಟಾ ಸಂವಹನ, ಕಡಿಮೆ ವಿಳಂಬದ ಸಂಪರ್ಕ, ಸುಧಾರಿತ ನೆಟ್‌ವರ್ಕ್ ಸಾಮರ್ಥ್ಯ ಮತ್ತು AI ಆಧಾರಿತ ಸೇವೆಗಳಿಗೆ ಹೊಸ ಅವಕಾಶಗಳನ್ನು ಸೃಷ್ಟಿಸುವ ನಿರೀಕ್ಷೆಯಿದೆ.

ಹೆಚ್ಚಿನ ಡೇಟಾ ವೇಗ: ದೊಡ್ಡ ಪ್ರಮಾಣದ ಫೈಲ್‌ಗಳು ಮತ್ತು ಡೇಟಾವನ್ನು ವೇಗವಾಗಿ ವರ್ಗಾಯಿಸುವ ಸಾಧ್ಯತೆ.

ಕಡಿಮೆ ವಿಳಂಬ: ರಿಯಲ್‌ಟೈಮ್ ಗೇಮಿಂಗ್, ದೂರಸ್ಥ ನಿಯಂತ್ರಣ ಮತ್ತು ಕೆಲವು ಸುಧಾರಿತ ಡಿಜಿಟಲ್ ಸೇವೆಗಳಿಗೆ ನೆರವು.

ಉತ್ತಮ ನೆಟ್‌ವರ್ಕ್ ಸಾಮರ್ಥ್ಯ: ಒಂದೇ ಸಮಯದಲ್ಲಿ ಹೆಚ್ಚಿನ ಸಾಧನಗಳಿಗೆ ಸಂಪರ್ಕ ಒದಗಿಸುವ ಸಾಧ್ಯತೆ.

AI ಆಧಾರಿತ ನಿರ್ವಹಣೆ: ನೆಟ್‌ವರ್ಕ್ ಕಾರ್ಯಕ್ಷಮತೆ ಮತ್ತು ಸಂಪನ್ಮೂಲಗಳ ಬಳಕೆಯನ್ನು ಸುಧಾರಿಸುವ ಅವಕಾಶ.

ವಿಸ್ತೃತ ಸಂಪರ್ಕ: ಭವಿಷ್ಯದಲ್ಲಿ ಭೂಮಿಯ ಮೇಲಿನ ನೆಟ್‌ವರ್ಕ್‌ಗಳೊಂದಿಗೆ ಉಪಗ್ರಹ ಸಂಪರ್ಕದ ಸಂಯೋಜನೆ.

ಆದರೆ ಈ ಪ್ರಯೋಜನಗಳು ವ್ಯಾಪಕವಾಗಿ ಲಭ್ಯವಾಗಲು ತಂತ್ರಜ್ಞಾನದ ಅಭಿವೃದ್ಧಿ, ಸ್ಪೆಕ್ಟ್ರಮ್ ಹಂಚಿಕೆ, ಜಾಗತಿಕ ಮಾನದಂಡಗಳು ಮತ್ತು ಮೂಲಸೌಕರ್ಯಗಳ ನಿರ್ಮಾಣ ಅಗತ್ಯವಾಗಿರುತ್ತದೆ.

Jio AI Glasses: ಕನ್ನಡಕ ಧರಿಸಿ, QR ಕೋಡ್ ನೋಡಿ, ಪೇಮೆಂಟ್ ಮಾಡಿ! ಜಿಯೋ AI ಗ್ಲಾಸ್‌ನ ವಿಶೇಷತೆಗಳೇನು?

Sushma Hegde — Tue, 13 Oct 2026 16:10:25 +0530

ಸಾಮಾನ್ಯವಾಗಿ ಅಂಗಡಿಗಳಲ್ಲಿ ಹಣ ಪಾವತಿಸಲು ಮೊಬೈಲ್ ತೆಗೆದು UPI ಆ್ಯಪ್ ತೆರೆಯಬೇಕು. ನಂತರ QR ಕೋಡ್ ಸ್ಕ್ಯಾನ್ ಮಾಡಿ ಪಾವತಿಯನ್ನು ದೃಢೀಕರಿಸಬೇಕು. ಆದರೆ ಜಿಯೋ ಪರಿಚಯಿಸಿರುವ AI ಕ್ಯಾಮೆರಾ ಗ್ಲಾಸ್‌ನಲ್ಲಿ ಈ ಪ್ರಕ್ರಿಯೆಯನ್ನು ಮತ್ತಷ್ಟು ಸರಳಗೊಳಿಸುವ ಪ್ರಯತ್ನ ಮಾಡಲಾಗಿದೆ. ಬಳಕೆದಾರರು ಕನ್ನಡಕದ ಕ್ಯಾಮೆರಾ ಮೂಲಕ ಅಂಗಡಿಯ QR ಕೋಡ್ ಅನ್ನು ಸ್ಕ್ಯಾನ್ ಮಾಡಬಹುದು. ಬಳಿಕ ಮಾತಿನ ಮೂಲಕ ಮೂಲಕ ಪಾವತಿ ಪ್ರಕ್ರಿಯೆಯನ್ನು ಆರಂಭಿಸಬಹುದು. ಹಣ ಪಾವತಿಸಿದ ದೃಢೀಕರಣದ ನಂತರ ವಹಿವಾಟು ಪೂರ್ಣಗೊಳ್ಳುತ್ತದೆ. ಇದರಿಂದ ಪ್ರತಿಯೊಂದು ಸಣ್ಣ ವಹಿವಾಟಿಗೂ ಮೊಬೈಲ್ ಹೊರತೆಗೆಯುವ ಅಗತ್ಯ ಕಡಿಮೆಯಾಗಬಹುದು.

ಒಂದು ವಹಿವಾಟಿಗೆ ₹5,000 ಪಾವತಿ ಸಾಧ್ಯವೇ?

ಈ ವೈಶಿಷ್ಟ್ಯದಲ್ಲಿ UPI Circle ವ್ಯವಸ್ಥೆಯ ಬಳಕೆಯನ್ನು ತೋರಿಸಲಾಗಿದೆ. ಅದರ ಪ್ರಕಾರ, ಸಂಬಂಧಿತ ನಿಯಮಗಳ ಅಡಿಯಲ್ಲಿ ಒಂದು ವಹಿವಾಟಿಗೆ ಗರಿಷ್ಠ ₹5,000 ಮತ್ತು ತಿಂಗಳಿಗೆ ಒಟ್ಟು ₹15,000 ಪಾವತಿ ಮಿತಿಯಿರಬಹುದು. ಈ ಮಿತಿಗಳು ಜಿಯೋ ಪ್ರತ್ಯೇಕವಾಗಿ ನಿಗದಿಪಡಿಸಿರುವುದಲ್ಲ; UPI Circle ನಿಯಮಗಳಿಗೆ ಸಂಬಂಧಿಸಿವೆ.

ಹಲವು ಭಾರತೀಯ ಭಾಷೆಗಳಿಗೆ ಬೆಂಬಲ

ಜಿಯೋ AI ಸ್ಮಾರ್ಟ್ ಗ್ಲಾಸ್‌ನ ಮತ್ತೊಂದು ಪ್ರಮುಖ ವೈಶಿಷ್ಟ್ಯ ಲೈವ್ ಟ್ರಾನ್ಸ್‌ಲೇಷನ್. ಬೇರೆ ಬೇರೆ ಭಾರತೀಯ ಭಾಷೆಗಳನ್ನು ಮಾತನಾಡುವವರು ಪರಸ್ಪರ ಸಂವಹನ ನಡೆಸಲು ಈ ತಂತ್ರಜ್ಞಾನ ನೆರವಾಗುವ ಉದ್ದೇಶ ಹೊಂದಿದೆ. ಭಾಷೆಯ ಅಡೆತಡೆ ಎದುರಾಗುವ ಪ್ರಯಾಣ, ಕೆಲಸ ಅಥವಾ ದೈನಂದಿನ ಸಂವಹನದ ಸಂದರ್ಭಗಳಲ್ಲಿ ಈ ಸೌಲಭ್ಯ ಉಪಯುಕ್ತವಾಗಬಹುದು. ಭಾರತೀಯ ಭಾಷೆಗಳಿಗೆ ಬೆಂಬಲ ನೀಡುವ AI ವಾಯ್ಸ್ ಅಸಿಸ್ಟೆಂಟ್ ಕೂಡ ಈ ಸಾಧನಗಳ ಪ್ರಮುಖ ಆಕರ್ಷಣೆಯಾಗಿದೆ.

AI ನೋಟ್‌ಟೇಕಿಂಗ್, ಕ್ರಿಕೆಟ್ ಕಾಮೆಂಟ್ರಿಯೂ ಇದೆ!

ಜಿಯೋ ಪ್ರದರ್ಶಿಸಿರುವ AI ಆಧಾರಿತ ಸಾಧನಗಳಲ್ಲಿ ಸಭೆ ಅಥವಾ ಮಾತುಕತೆಯ ಪ್ರಮುಖ ಅಂಶಗಳನ್ನು ದಾಖಲಿಸಲು ನೆರವಾಗುವ AI ನೋಟ್‌ಟೇಕಿಂಗ್ ಸೌಲಭ್ಯವೂ ಇದೆ. ಇದರ ಜೊತೆಗೆ, ಪ್ರಯಾಣಿಸುವಾಗ ಅಥವಾ ಬೇರೆ ಕೆಲಸಗಳಲ್ಲಿ ತೊಡಗಿರುವಾಗಲೂ ಕ್ರಿಕೆಟ್ ಪಂದ್ಯದ ಲೈವ್ ಕಾಮೆಂಟ್ರಿ ಕೇಳಲು ನೆರವಾಗುವ ವೈಶಿಷ್ಟ್ಯವನ್ನು ಪ್ರದರ್ಶಿಸಲಾಗಿದೆ. ಈ ಮೂಲಕ ಸ್ಮಾರ್ಟ್ ಗ್ಲಾಸ್‌ಗಳು ಕೇವಲ ಫ್ಯಾಷನ್ ಪರಿಕರವಾಗಿರದೆ, ಪಾವತಿ, ಮಾಹಿತಿ ಮತ್ತು ಸಂವಹನಕ್ಕೆ ನೆರವಾಗುವ ತಂತ್ರಜ್ಞಾನ ಸಾಧನಗಳಾಗುವ ಸಾಧ್ಯತೆಯನ್ನು ಜಿಯೋ ತೋರಿಸಿದೆ.

ಬೆಲೆ ಎಷ್ಟು? ಮಾರುಕಟ್ಟೆಗೆ ಯಾವಾಗ ಬರಲಿದೆ?

ಜಿಯೋ ಈ ಸಾಧನಗಳನ್ನು India Mobile Congress 2026ರಲ್ಲಿ ಪ್ರದರ್ಶಿಸಿದೆ. ಆದರೆ ಲಭ್ಯವಿರುವ ಮಾಹಿತಿಯ ಪ್ರಕಾರ, ಅವುಗಳ ಅಂತಿಮ ಬೆಲೆ ಮತ್ತು ಮಾರುಕಟ್ಟೆ ಬಿಡುಗಡೆ ದಿನಾಂಕವನ್ನು ಇನ್ನೂ ಅಧಿಕೃತವಾಗಿ ಪ್ರಕಟಿಸಿಲ್ಲ. ಹೀಗಾಗಿ ಗ್ರಾಹಕರು ಖರೀದಿಗೆ ಮುಂದಾಗುವ ಮೊದಲು ಕಂಪನಿಯ ಅಧಿಕೃತ ಪ್ರಕಟಣೆಗಾಗಿ ಕಾಯಬೇಕಿದೆ. ಒಟ್ಟಿನಲ್ಲಿ, ಕನ್ನಡಕದ ಮೂಲಕವೇ QR ಕೋಡ್ ಸ್ಕ್ಯಾನ್ ಮಾಡಿ ಧ್ವನಿ ಆಜ್ಞೆಯಿಂದ UPI ಪಾವತಿ ಮಾಡುವ ಕಲ್ಪನೆ ಭಾರತದ ಡಿಜಿಟಲ್ ಪಾವತಿ ಕ್ಷೇತ್ರದಲ್ಲಿ ಕುತೂಹಲ ಮೂಡಿಸಿದೆ. ಆದರೆ ಈ ತಂತ್ರಜ್ಞಾನ ಎಷ್ಟು ಸುಲಭ, ಸುರಕ್ಷಿತ ಮತ್ತು ಪ್ರಾಯೋಗಿಕವಾಗಿರಲಿದೆ ಎಂಬುದು ಅದರ ಅಂತಿಮ ಬಿಡುಗಡೆ ಹಾಗೂ ಬಳಕೆಯ ಅನುಭವದ ಬಳಿಕ ಸ್ಪಷ್ಟವಾಗಲಿದೆ.

iPhone Duo ರಿಪೇರಿ ವೆಚ್ಚ ರಿಲೀಸ್‌ ಮಾಡಿದ ಆಪಲ್‌, ಇದರ ಬೆಲೆಯಲ್ಲಿ ಹೊಸ iPhone 18 Pro ಖರೀದಿ ಮಾಡ್ಬಹುದು

Santosh Naik — Fri, 16 Oct 2026 15:53:30 +0530

ಬೆಂಗಳೂರು (ಅ,16): ಜಾಗತಿಕ ತಂತ್ರಜ್ಞಾನ ದೈತ್ಯ 'ಆ್ಯಪಲ್' (Apple) ಸಂಸ್ಥೆಯು ಇತ್ತೀಚೆಗೆ ಮಾರುಕಟ್ಟೆಗೆ ಪರಿಚಯಿಸಿದ ತನ್ನ ಪ್ರಪ್ರಥಮ ಫೋಲ್ಡಬಲ್ ಸ್ಮಾರ್ಟ್‌ಫೋನ್ 'ಆ್ಯಪಲ್ ಐಫೋನ್ ಡುಯೋ' (Apple iPhone Duo) ಭಾರತೀಯ ಮಾರುಕಟ್ಟೆಯಲ್ಲಿ ಭಾರಿ ಸಂಚಲನ ಮೂಡಿಸಿದೆ. ಅಕ್ಟೋಬರ್ 23 ರಿಂದ ಅಧಿಕೃತ ಮಾರಾಟ ಹಾಗೂ ಅಕ್ಟೋಬರ್ 16 ರಿಂದ ಪ್ರೀ-ಆರ್ಡರ್ ಆರಂಭವಾಗುತ್ತಿರುವ ಬೆನ್ನಲ್ಲೇ, ಆ್ಯಪಲ್ ಸಂಸ್ಥೆಯು ಈ ಐಷಾರಾಮಿ ಫೋಲ್ಡಬಲ್ ಫೋನ್‌ನ ಸಂಪೂರ್ಣ ರಿಪೇರಿ ವೆಚ್ಚದ (Repair Costs) ದರ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

ಇದರಲ್ಲಿನ ಕೆಲ ರಿಪೇರಿ ವೆಚ್ಚಗಳು ಎಷ್ಟೊಂದು ದುಬಾರಿಯಾಗಿವೆ ಎಂದರೆ, ಆ ಹಣದಲ್ಲಿ ಗ್ರಾಹಕರು ನೂತನವಾಗಿ ಬಿಡುಗಡೆಯಾಗಿರುವ 'ಆ್ಯಪಲ್ ಐಫೋನ್ 18 ಪ್ರೋ' (iPhone 18 Pro) ಫೋನನ್ನೇ ನೇರವಾಗಿ ಖರೀದಿಸಬಹುದಾಗಿದೆ. 2026 ರ ಸೆಪ್ಟೆಂಬರ್ 9 ರಂದು ಈ ಐಫೋನ್ ಡುಯೋ ಅನ್ನು ಜಾಗತಿಕವಾಗಿ ಅನಾವರಣಗೊಳಿಸಿತ್ತು. ಭಾರತದಲ್ಲಿ ಇದರ ಆರಂಭಿಕ ಬೆಲೆ ₹2,99,900 ಆಗಿದೆ.

ಐಫೋನ್ ಡುಯೋ ರಿಪೇರಿ ದರ ಪಟ್ಟಿ (iPhone Duo Repair Price List India)

ಫೋಲ್ಡಬಲ್ ಫೋನ್‌ನ ಒಳಭಾಗದ ಡಿಸ್ಪ್ಲೇ ಮೇಲಿರುವ ತೆಳುವಾದ ಕವರ್ ಲೇಯರ್‌ನಿಂದ ಹಿಡಿದು ಪ್ರಮುಖ ಬಿಡಿಭಾಗಗಳವರೆಗೆ ಆ್ಯಪಲ್ ನಿಗದಿಪಡಿಸಿರುವ ಸರಿಪಡಿಸುವಿಕೆಯ ವೆಚ್ಚ ಹೀಗಿದೆ.

ರಿಪೇರಿ/ಸೇವೆ ವಿವರ (Repair Service)	ರಿಪೇರಿ ವೆಚ್ಚ (ಭಾರತೀಯ ರೂಪಾಯಿಗಳಲ್ಲಿ)
ಕವರ್ ಲೇಯರ್ ರಿಪೇರಿ (Cover layer damage	₹5,900
ಹಿಂಭಾಗದ ಗ್ಲಾಸ್ ಡ್ಯಾಮೇಜ್ (Back glass damage)	₹20,900
ಬ್ಯಾಟರಿ ಸರ್ವಿಸ್ (Battery service)	₹24,900
ಹಿಂಬದಿಯ ಕ್ಯಾಮೆರಾ ಡ್ಯಾಮೇಜ್ (Rear camera damage)	₹26,900
ಹೊರಭಾಗದ ಡಿಸ್ಪ್ಲೇ ಡ್ಯಾಮೇಜ್ (Outer display damage)	₹42,900
ಹೊರ ಡಿಸ್ಪ್ಲೇ ಹಾಗೂ ಹಿಂಭಾಗದ ಗ್ಲಾಸ್ ಡ್ಯಾಮೇಜ್ (Outer display & back glass)	₹55,900
ಒಳಭಾಗದ ಡಿಸ್ಪ್ಲೇ ಡ್ಯಾಮೇಜ್ (Inner display damage)	₹1,49,900
ಇತರ ಪ್ರಮುಖ ಹಾನಿ/ಸಂಕೀರ್ಣ ರಿಪೇರಿ (Other damage)	₹2,24,900

ಒಳಭಾಗದ ಫೋಲ್ಡಬಲ್ ಡಿಸ್ಪ್ಲೇ ಮೇಲಿರುವ ರಕ್ಷಣಾತ್ಮಕ 'ಕವರ್ ಲೇಯರ್' ಅನ್ನು ಯಾವುದೇ ಕಾರಣಕ್ಕೂ ಗ್ರಾಹಕರು ತೆಗೆದು ಹಾಕದಂತೆ ಆ್ಯಪಲ್ ಸಲಹೆ ನೀಡಿದೆ. ಒಂದು ವೇಳೆ ಅದು ಹಾಳಾದರೆ ಅದನ್ನು ಬದಲಾಯಿಸಲು ₹5,900 ವೆಚ್ಚವಾಗಲಿದೆ. ಇನ್ನು ಮುಖ್ಯವಾದ ಒಳಭಾಗದ ಫೋಲ್ಡಬಲ್ ಡಿಸ್ಪ್ಲೇ (Inner Display) ಹಾಳಾದರೆ ಅದನ್ನು ಬದಲಾಯಿಸಲು ಬರೋಬ್ಬರಿ ₹1,49,900 ಪಾವತಿಸಬೇಕಾಗುತ್ತದೆ. ಯಾವುದೇ ಸಂಕೀರ್ಣ ಅಥವಾ ಪಟ್ಟಿಯಲ್ಲಿ ಉಲ್ಲೇಖವಿಲ್ಲದ ಪ್ರಮುಖ ಹಾನಿ ಸಂಭವಿಸಿದರೆ (Other Damage) ಗ್ರಾಹಕರು ಬರೋಬ್ಬರಿ ₹2,24,900 ರಿಪೇರಿ ವೆಚ್ಚ ತೆರಬೇಕಾಗುತ್ತದೆ!

ಐಫೋನ್ ಡುಯೋ ಭಾರತದಲ್ಲಿ ಮಾರಾಟವಾಗುವ ಮೂಲ ಬೆಲೆಗಳು:

256 GB ಆವೃತ್ತಿ: ₹2,99,900
512 GB ಆವೃತ್ತಿ: ₹3,24,900
1 TB ಆವೃತ್ತಿ: ₹3,74,900
2 TB ಆವೃತ್ತಿ: ₹4,49,900

ಭಾರತದಲ್ಲಿ ಐಫೋನ್ ಡುಯೋ ರಿಪೇರಿ ವೆಚ್ಚ ಇಷ್ಟೊಂದು ದುಬಾರಿಯೇಕೆ?

ಇತರ ದೇಶಗಳಿಗೆ ಹೋಲಿಸಿದರೆ ಭಾರತದಲ್ಲಿ ಐಫೋನ್ ಡುಯೋ ಮೂಲ ಬೆಲೆ ಹಾಗೂ ರಿಪೇರಿ ದರ ಎರಡೂ ತೀರಾ ಹೆಚ್ಚಾಗಿದೆ. ಉದಾಹರಣೆಗೆ, ದುಬೈನಲ್ಲಿ ಇದರ ಆರಂಭಿಕ ಬೆಲೆ AED 8,499 (ಸುಮಾರು ₹2,20,000) ಇದ್ದರೆ, ಅಮೆರಿಕದಲ್ಲಿ (USA) $1,999 (ಸುಮಾರು ₹1,90,000) ನಿಗದಿಯಾಗಿದೆ.

ಈ ಭಾರಿ ಬೆಲೆ ವ್ಯತ್ಯಾಸಕ್ಕೆ ಮುಖ್ಯ ಕಾರಣ ಆ್ಯಪಲ್ ಸಂಸ್ಥೆಯ ಉತ್ಪಾದನಾ ನೀತಿ. ಆ್ಯಪಲ್ ಸಂಸ್ಥೆಯು ಐಫೋನ್ ಡುಯೋ ಫೋನ್ ಅನ್ನು ಚೀನಾದಲ್ಲಿರುವ ಫಾಕ್ಸ್‌ಕಾನ್ (Foxconn) ಕಾರ್ಖಾನೆಯಲ್ಲಿ ಮಾತ್ರ ಪ್ರತ್ಯೇಕವಾಗಿ ತಯಾರಿಸಿ ಜೋಡಿಸುತ್ತದೆ (Assemble). ಫೋಲ್ಡಬಲ್ ಡಿಸ್ಪ್ಲೇ ಹಾಗೂ ಅತ್ಯಂತ ಸಂಕೀರ್ಣ ಹಿಂಜ್ (Hinge System) ತಂತ್ರಜ್ಞಾನವನ್ನು ತಯಾರಿಸುವುದು ಕಷ್ಟಕರವಾದ್ದರಿಂದ ಚೀನಾದಲ್ಲೇ ಸಂಪೂರ್ಣ ಉತ್ಪಾದನೆ ನಡೆಯುತ್ತಿದೆ. ಭಾರತ ಸೇರಿದಂತೆ ಇತರ ದೇಶಗಳಿಗೆ ಆ್ಯಪಲ್ ಇದನ್ನು 'ಕಂಪ್ಲೀಟ್ಲಿ ಬಿಲ್ಟ್ ಯುನಿಟ್' (CBU) ರೂಪದಲ್ಲಿ ಆಮದು ಮಾಡಿಕೊಳ್ಳುತ್ತದೆ. ಇದರಿಂದಾಗಿ ಭಾರಿ ಪ್ರಮಾಣದ ಆಮದು ಸುಂಕ (Import Duties) ಮತ್ತು ತೆರಿಗೆಗಳು ವಿಧಿಸಲ್ಪಡುತ್ತವೆ. ಈ ಆಮದು ಸುಂಕದ ಬಿಸಿಯು ಬಿಡಿಭಾಗಗಳ ಮೇಲೆಯೂ ಬೀರುವುದರಿಂದ ರಿಪೇರಿ ವೆಚ್ಚ ಶೇ. 30 ರಿಂದ 40 ರಷ್ಟು ಹೆಚ್ಚಾಗಿದೆ.

ರಿಪೇರಿ ಬದಲು ಹೊಸ 'ಐಫೋನ್ 18 ಪ್ರೋ' ಕೊಳ್ಳುವುದೇ ಜಾಣತನ

ಭಾರತದಲ್ಲಿ ನೂತನವಾಗಿ ಅನಾವರಣಗೊಂಡಿರುವ ಆ್ಯಪಲ್‌ನ 'ಐಫೋನ್ 18 ಪ್ರೋ' (iPhone 18 Pro) ಫೋನ್‌ನ ಆರಂಭಿಕ ಬೆಲೆ ₹1,64,900 ಆಗಿದೆ. ಹೀಗಿರುವಾಗ ಐಫೋನ್ ಡುಯೋದ ಇತರ ಹಾನಿಗಳಿಗೆ ₹2,24,900 ಅಥವಾ ಒಳ ಡಿಸ್ಪ್ಲೇ ರಿಪೇರಿಗೆ ₹1,49,900 ಪಾವತಿಸುವ ಬದಲು, ಸಲ್ಪ ಹಣ ಸೇರಿಸಿ ಗ್ರಾಹಕರು ಮಾರುಕಟ್ಟೆಯಲ್ಲಿ ಲಭ್ಯವಿರುವ ಪ್ರೀಮಿಯಂ ಹಾಗೂ ಬ್ರಾಂಡ್ ನ್ಯೂ 'ಐಫೋನ್ 18 ಪ್ರೋ' ಫೋನನ್ನೇ ಹೊಸದಾಗಿ ಖರೀದಿ ಮಾಡುವುದು ಜಾಣತನದ ನಿರ್ಧಾರವಾಗಲಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

ರೇಣುಕಾಸ್ವಾಮಿ ಕೇಸ್‌ನಲ್ಲಿ ಇವತ್ತು ಮೂರು ದೊಡ್ಡ ಬೆಳವಣಿಗೆ, ದರ್ಶನ್‌ಗೆ ಕೊಂಚ ಸಮಾಧಾನ

Ganesh Mabla Gowda — Wed, 14 Oct 2026 19:15:27 +0530

ಬೆಂಗಳೂರು: ಚಿತ್ರದುರ್ಗ ರೇಣುಕಾಸ್ವಾಮಿ ಪ್ರಕರಣದಲ್ಲಿ (Chitradurga Renukaswamy case) ಇವತ್ತು ಮೂರು ಮಹತ್ವದ ಬದಲಾವಣೆ ಆಗಿದೆ. ಮೊದಲನೇಯದು ಮಾಫಿ ಸಾಕ್ಷ್ಯದಿಂದ 10ನೇ ಆರೋಪಿ ಹಿಂದೆ ಸರಿಸಿದ್ದಾರೆ. ಪ್ರಕರಣದಲ್ಲಿ ತನ್ನನ್ನು ಮಾಫಿ ಸಾಕ್ಷಿ ಮಾಡುವಂತೆ ಕೋರಿ ವಿನಯ್ ಸಲ್ಲಿಸಿದ್ದ ಅರ್ಜಿಯನ್ನು ವಾಪಸ್ ಪಡೆದುಕೊಂಡಿದ್ದಾನೆ. ಇದರಿಂದ ದರ್ಶನ್‌ಗೆ ಕೊಂಚ ಸಮಾಧಾನ ಸಿಕ್ಕಂತಾಗಿದೆ.

ಮತ್ತೊಬ್ಬ ಆರೋಪಿ ಪ್ರದೋಷ್ ಈ ಪ್ರಕರಣದಲ್ಲಿ ಮಾಫಿ ಸಾಕ್ಷಿ ಆಗಿದ್ದಾನೆ. ಈಗಾಲೇ ಆತನ ಹೇಳಿಕೆಗಳನ್ನ ಕೋರ್ಟ್ ದಾಖಲಿಸಿಕೊಂಡಿದೆ. ಬೆನ್ನಲ್ಲೇ ವಿನಯ್ ಕೂಡ ಅರ್ಜಿ ಸಲ್ಲಿಸಿದ್ದ. ಇದೀಗ 59ನೇ ಸಿಸಿಹೆಚ್ ಕೋರ್ಟ್‌ನಲ್ಲಿ ವಾಪಸ್ ಪಡೆದುಕೊಂಡಿದ್ದಾನೆ. ವಿನಯ್ ದರ್ಶನ್ ಅವರ ಅತ್ಯಾಪ್ತರಲ್ಲಿ ಒಬ್ಬನಾಗಿದ್ದ. ಬೆಂಗಳೂರಿನ ಸ್ಟೋನಿ ಬ್ರೂಕ್ ಪಬ್‌ನ ಮಾಲೀಕ ಕೂಡ ಹೌದು. ಚಿತ್ರದುರ್ಗದಿಂದ ರೇಣುಕಾಸ್ವಾಮಿಯನ್ನು ಅಪಹರಿಸಿ ಬೆಂಗಳೂರಿಗೆ ತಂದಾಗ ಪಟ್ಟಣಗೆರೆ ಶೆಡ್‌ನಲ್ಲಿ ಹಲ್ಲೆ ನಡೆಸಲು ಸಹಕಾರ ನೀಡಿದ ಆರೋಪ ಈ ವಿನಯ್ ಮೇಲಿದೆ..

ಎರಡನೇ ಬೆಳವಣಿಗೆ

ಮತ್ತೊಂದು ಕಡೆ ಜೈಲಿನಲ್ಲಿ ಸೂಕ್ತ ವ್ಯವಸ್ಥೆ ಕೋರಿ ಪವಿತ್ರ ಗೌಡ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆಯು ಕಂಪ್ಲೀಟ್ ಆಗಿದೆ. ನ್ಯಾಯಾಧೀಶರೇ ಪರಪ್ಪನ ಅಗ್ರಹಾರ ಜೈಲಿಗೆ ಭೇಟಿ ನೀಡುವಂತೆ ಕೋರಿ ಪವಿತ್ರಗೌಡ ಅರ್ಜಿ ಸಲ್ಲಿಸಿದ್ದರು. ಅರ್ಜಿ ವಿಚಾರಣೆ ನಡೆಸಿದ ಸೆಷನ್ಸ್ ಕೋರ್ಟ್‌, ಆದೇಶವನ್ನು ಕಾಯ್ದಿರಿಸಿದೆ. ಅಕ್ಟೋಬರ್ 17ಕ್ಕೆ 59ನೇ ಸಿಸಿಹೆಚ್ ಕೋರ್ಟ್ ತನ್ನ ತೀರ್ಪನ್ನು ಪ್ರಕಟ ಮಾಡಲಿದೆ. ಪ್ರಾಸಿಕ್ಯೂಷನ್ ಪರವಾಗಿ ASPP ಸಚಿನ್ ವಾದ ಮಂಡಿಸಿದ್ದಾರೆ. ಪವಿತ್ರ ಗೌಡ ಪರವಾಗಿ ವಕೀಲ ನಾರಾಯಣಸ್ವಾಮಿ ವಾದ ಮಂಡಿಸಿದ್ದಾರೆ.

ಕೋರ್ಟ್ ಆದೇಶಕ್ಕೆ ಜೈಲು ಅಧಿಕಾರಿಗಳು ಗೌರವ ನೀಡುತ್ತಿಲ್ಲ. ತಾವೇ (ಜಡ್ಜ್) ಜೈಲಿಗೆ ಭೇಟಿ ನೀಡಿ, ಪವಿತ್ರಾಗೌಡ ಹೇಳಿಕೆ ಪಡೆಯಬೇಕು. ಅಥವಾ ಕೋರ್ಟ್ ಕಮಿಷನರ್ ನೇಮಕ ಮಾಡಬೇಕು. ಜೈಲು ಅಧಿಕಾರಿಗಳು ಕೋರ್ಟ್ ಆದೇಶ ಪಾಲನೆ ಅಂತ ಹೇಳ್ತಾರೆ. ಆದ್ರೆ ಯಾವುದೂ ಇಲ್ಲಿ ಪಾಲನೆ ಆಗುತ್ತಿಲ್ಲ ಎಂದು ಪವಿತ್ರಗೌಡ ಪರ ವಕೀಲರ ಆರೋಪ ಆಗಿದೆ. ಈ ಸಂಬಂಧ ಅಕ್ಟೋಬರ್ 17 ರಂದು ಕೋರ್ಟ್ ತೀರ್ಪು ಪ್ರಕಟಿಸಲಿದೆ.

ಮೂರನೇಯ ಬೆಳವಣಿಗೆ ಏನೆಂದರೆ.. ಅನುಕುಮಾರ್, ಜಗದೀಶ್ ಜಾಮೀನು ಅರ್ಜಿ ವಿಚಾ. ಇವರಿಬ್ಬರ ಜಾಮೀನು ಅರ್ಜಿಯ ವಿಚಾರಣೆ ಮುಕ್ತಾಯ ಆಗಿದೆ. ವಾದ-ಪ್ರತಿವಾದ ಆಲಿಸಿರುವ ಕೋರ್ಟ್, ಆದೇಶವನ್ನು ಕಾಯ್ದಿರಿಸಿದೆ. ಅದು ಕೂಡ ಅಕ್ಟೋಬರ್ 17 ರಂದು ಇಬ್ಬರು ಆರೋಪಿಗಳ ಜಾಮೀನು ಭವಿಷ್ಯ ನಿರ್ಧಾರ ಆಗಲಿದೆ. ಸದ್ಯ ಪರಪ್ಪನ ಅಗ್ರಹಾರ ಜೈಲ್ಲಿನಲ್ಲಿ ಅನುಕುಮಾರ್, ಜಗದೀಶ್ ಇದ್ದಾರೆ. ಆರೋಪಿಗಳ ಪರ ವಕೀಲ ರಂಗನಾಥ್ ರೆಡ್ಡಿ ವಾದ ಮಂಡಿಸಿದ್ದಾರೆ.

ಈ ಹಿನ್ನೆಲೆಯಲ್ಲಿ ಅಕ್ಟೋಬರ್ 17 ರಂದು ರೇಣುಕಾಸ್ವಾಮಿ ಪ್ರಕರಣದಲ್ಲಿ ಮತ್ತೆ ದೊಡ್ಡ ಬೆಳವಣಿಗೆ ಆಗುವ ನಿರೀಕ್ಷೆ ಇದೆ. ಕೋರ್ಟ್ ಪವಿತ್ರ ಗೌಡ ಜಾಗೂ ಅನುಕುಮಾರ್ ಮತ್ತು ಜಗದೀಶ್ ಅರ್ಜಿಗೆ ಏನು ತೀರ್ಪು ನೀಡಲಿದೆ ಎಂಬ ಕುತೂಹಲ ಹೆಚ್ಚಾಗಿದೆ.

ಬಂಪರ್ ಆಫರ್ ಕೊಟ್ಟ Airtel, ಅತ್ಯಂತ ಕಮ್ಮಿ ಬೆಲೆಗೆ ಮೂರು ರಿಚಾರ್ಜ್ ಪ್ಲಾನ್

Ganesh Mabla Gowda — Sun, 18 Oct 2026 17:11:09 +0530

ಏರ್‍‌ಟೆಲ್ ತನ್ನ ಗ್ರಾಹಕರಿಗೆ ಬಿಗ್ ಅಪ್‌ಡೇಟ್ಸ್ ನೀಡಿದೆ. ಮೂರು ಕಡಿಮೆ ಬೆಲೆಗೆ ರಿಚಾರ್ಜ್ ಪ್ಲಾನ್ ಪರಿಚಯಿಸಿದ್ದು, ಗ್ರಾಹಕರಿಗೆ ಕೊಂಚ ನಿರಾಳ ಎನಿಸಿದೆ.

ಟ್ರಾಯ್ ಆದೇಶದ ನಂತರ ಏರ್‍‌ಟೆಲ್ ತನ್ನ ಗ್ರಾಹಕರಿಗೆ ಗುಡ್‌ನ್ಯೂಸ್ ನೀಡಿದೆ. ಇದೀಗ ತನ್ನ ಮೂರು ಕೈಗೆಟಕುವ ರಿಚಾರ್ಜ್ ಪ್ಲಾನ್‌ಗಳನ್ನ ಮುಂದಿಟ್ಟಿದೆ. ಒಂದು 185 ರೂಪಾಯಿ ಪ್ಲಾನ್. ಇನ್ನೊಂದು 203 ಹಾಗೆ 206 ರೂಪಾಯಿ ಯೋಜನೆ ಇದಾಗಿದೆ. ಇವುಗಳಿಂದ ಏನೆಲ್ಲ ಲಾಭ ಸಿಗಲಿದೆ ಅನ್ನೋ ವಿವರ ಈ ಸ್ಟೋರಿಯಲ್ಲಿದೆ.

ಕೈಗೆಟುಕುವ ರೀಚಾರ್ಜ್ ಪ್ಲಾನ್
28 ದಿನಗಳ ಮಾನ್ಯತೆ
ಅನಿಯಮಿತ ಧ್ವನಿ ಕರೆ (ಭಾರತದಲ್ಲಿ ಮಾತ್ರ)
ಉಚಿತ ರಾಷ್ಟ್ರೀಯ ರೋಮಿಂಗ್
300 SMS ಸಂದೇಶ ಉಚಿತ

30 ದಿನಗಳ ಮಾನ್ಯತೆ
ಭಾರತದಾದ್ಯಂತ ಅನಿಯಮಿತ ಕರೆ
ಉಚಿತ ರಾಷ್ಟ್ರೀಯ ರೋಮಿಂಗ್
300 SMS ಸಂದೇಶಗಳು ಉಚಿತ

ಒಂದು ತಿಂಗಳ ಮಾನ್ಯತೆ
ಕ್ಯಾಲೆಂಡರ್ ತಿಂಗಳ ಆಧಾರದ ಮೇಲೆ ಮಾನ್ಯತೆ
ಭಾರತದಾದ್ಯಂತ ಅನಿಯಮಿತ ಕರೆ
ಉಚಿತ ರಾಷ್ಟ್ರೀಯ ರೋಮಿಂಗ್
300 ಉಚಿತ SMS

Amazon, Flipkart ನಲ್ಲಿ ₹ 30,000 ಗಿಂತ ಕಡಿಮೆ ಬೆಲೆಗೆ 5 ಬೆಸ್ಟ್‌ ಸ್ಮಾರ್ಟ್‌ಫೋನ್‌ಗಳು

Ganesh Mabla Gowda — Wed, 14 Oct 2026 13:08:06 +0530

Amazon, Flipkart ನಲ್ಲಿ ಬಿಗ್‌ ಡೀಲ್‌ ನಡೆಯುತ್ತಿದೆ. ನೀವು ಏನಾದರೂ 30 ಸಾವಿರ ರೂಪಾಯಿ ಒಳಗೆ ಮೊಬೈಲ್‌ ನೋಡುತ್ತಿದ್ದರೆ.. ಟಾಪ್‌ ಡೀಲ್‌ ಮೊಬೈಲ್‌ಗಳ ವಿವರವನ್ನ ಈ ಸ್ಟೋರಿಯಲ್ಲಿ ನೀಡಲಾಗಿದೆ. ಬಜೆಟ್‌ ಸ್ನೇಹಿ ಮತ್ತು ಅತ್ಯುತ್ತಮ ಮೊಬೈಲ್‌ಗಳಲ್ಲಿ ಒಂದಾಗಿವೆ.

ಫ್ಲಿಪ್‌ಕಾರ್ಟ್‌ ಮತ್ತು ಅಮೇಜಾನ್‌ (Amazon, Flipkart) ದಸರಾ ಹಬ್ಬದ ಅಂಗವಾಗಿ ತಮ್ಮ ಗ್ರಾಹಕರಿಗೆ ವಿಶೇಷ ಆಫರ್‌ಗಳನ್ನ ನೀಡುತ್ತಿವೆ. ಫ್ಲಿಪ್‌ಕಾರ್ಟ್‌ ಬಿಗ್‌ ಬಿಲಿಯನ್‌ಡೇ (Big Billion Days Sale ) ಹೆಸರಲ್ಲಿ, ಅಮೇಜಾನ್‌ ಗ್ರೇಟ್‌ ಇಂಡಿಯನ್‌ ಫೆಸ್ಟಿವಲ್ಸ್‌ ಸೇಲ್‌ (Great Indian Festival sale) ನಡೆಸುತ್ತಿದೆ. ಈ ವಿಶೇಷ ದಿನದಲ್ಲಿ ಮೊಬೈಲ್‌ಗಳ ಮೇಲೆ ಭಾರೀ ರಿಯಾಯತಿ ಸಿಗ್ತಿದೆ. ನಿಮಗೆ 30 ಸಾವಿರ ರೂಪಾಯಿ ಒಳಗೆ ಸಿಗುವ ಬೆಸ್ಟ್‌ ಮೊಬೈಲ್‌ ಫೋನ್‌ಗಳ ವಿವರ ಇಲ್ಲಿದೆ.

Samsung Galaxy A36 5G

(8GB + 256GB) ಪ್ರಸ್ತುತ ರೂ. 38,999 ಕ್ಕೆ ಬದಲಾಗಿ ರೂ. 28,999 ಕ್ಕೆ ಮಾರಾಟ
ಸ್ಮಾರ್ಟ್‌ಫೋನ್ ಸ್ನಾಪ್‌ಡ್ರಾಗನ್ 6 ಜೆನ್ 3 ಪ್ರೊಸೆಸರ್‌
ಟ್ರಿಪಲ್ ಕ್ಯಾಮೆರಾ ಸೆಟಪ್, 50MP ಪ್ರೈಮರಿ 8MP ಮತ್ತು 5MP ಲೆನ್ಸ್
5,000mAh ಬ್ಯಾಟರಿಯನ್ನು ಪ್ಯಾಕ್
6.7-ಇಂಚಿನ ಸೂಪರ್ AMOLED ಡಿಸ್‌ಪ್ಲೇ

ನಥಿಂಗ್ ಫೋನ್ (4b) Nothing Phone (4b)

ನಥಿಂಗ್ ಫೋನ್ (4b) (6GB + 128GB) ಮಾಡೆಲ್‌
ಮೂಲ ಬೆಲೆ 49,999 ರೂ.ಗಳಿಂದ 29,999 ರೂ.ಗಳಿಗೆ ಇಳಿದಿದೆ
6.77-ಇಂಚಿನ ಡಿಸ್‌ಪ್ಲೇ ಹೊಂದಿದೆ
6,000MAh ಬ್ಯಾಟರಿ ಪ್ಯಾಕ್
ಸ್ನಾಪ್‌ಡ್ರಾಗನ್ 6 Gen 4 ಪ್ರೊಸೆಸರ್‌
8MP ಲೆನ್ಸ್ ಜೊತೆಗೆ 50MP ಪ್ರೈಮರಿ ಸಂವೇದಕ
ಡ್ಯುಯಲ್ ಬ್ಯಾಕ್ ಕ್ಯಾಮೆರಾ

ಒಪ್ಪೋ ಕೆ14 ಪ್ಲಸ್ 5ಜಿ (OPPO K14 Plus 5G)

(6GB + 128GB) ರೂ. 29,999 ಗೆ ಲಭ್ಯ
ಡೈಮೆನ್ಸಿಟಿ 7360 ಮ್ಯಾಕ್ಸ್ ಪ್ರೊಸೆಸರ್
6.78-ಇಂಚಿನ ಹೊಂದಿದೆ
8,000mAh ಬ್ಯಾಟರಿ ಪ್ಯಾಕ್
50MP ಮೇನ್‌ ಕ್ಯಾಮೆರಾ ಸೆನ್ಸರ್
2MP ಲೆನ್ಸ್‌ನೊಂದಿಗೆ ಡ್ಯುಯಲ್ ಬ್ಯಾಕ್ ಕ್ಯಾಮೆರಾ

ಒನ್‌ಪ್ಲಸ್ N6 (OnePlus N6 5G)

OnePlus N6 (6GB + 128GB) ರೂ. 24,999 ಗೆ ಮಾರಾಟ
45W ವೈರ್ಡ್ ಚಾರ್ಜಿಂಗ್‌ ಸಪೋರ್ಟ್‌
8,000mAh ಬ್ಯಾಟರಿ ಪ್ಯಾಕ್
ಡೈಮೆನ್ಸಿಟಿ 6360 ಅಪೆಕ್ಸ್‌ ಮೂಲಕ ರನ್ನಿಂಗ್‌
ಆಕ್ಸಿಜನ್ OS 16 ಅನ್ನು ರನ್ ಮಾಡುತ್ತದೆ

ಐಕ್ಯೂಒ ಝಡ್11ಎಕ್ಸ್ಎ 5ಜಿ (IQOO Z11X 5G)

iQOO Z11xa 5G (8GB + 128GB) ಬೆಲೆ ರೂ. 28,998
7200mAh ಬ್ಯಾಟರಿಯನ್ನು ಪ್ಯಾಕ್
ಡೈಮೆನ್ಸಿಟಿ 7400 ಟರ್ಬೊ ಪ್ರೊಸೆಸರ್‌

ಗೇಮಿಂಗ್ ಜಗತ್ತನ್ನೇ ಬದಲಾಯಿಸಲಿರುವ iQOO Neo 12 ಬಿಡುಗಡೆ, ಈ ಸ್ಮಾರ್ಟ್‌ಫೋನ್ ಬೆಲೆ ಎಷ್ಟು?

Gowthami K — Tue, 20 Oct 2026 10:00:52 +0530

ಸ್ಮಾರ್ಟ್‌ಫೋನ್ ಪ್ರಿಯರು ಹಾಗೂ ಗೇಮಿಂಗ್ ಆಸಕ್ತರು ಕಾತರದಿಂದ ಕಾಯುತ್ತಿದ್ದ iQOO Neo 12 ಅಧಿಕೃತವಾಗಿ ಅಕ್ಟೋಬರ್ 28 ರಂದು ಚೀನಾ ಮಾರುಕಟ್ಟೆಗೆ ಬರಲಿದೆ. ಬಿಡುಗಡೆಯಾದ ದಿನವೇ ಈ ಫೋನ್ ಮಾರಾಟಕ್ಕೂ ಲಭ್ಯವಾಗಲಿದೆ ಎಂದು ಕಂಪನಿ ದೃಢಪಡಿಸಿದೆ. ಹಿಂದಿನ Neo 11 ಮಾದರಿಗೆ ಹೋಲಿಸಿದರೆ, ಈ ಹೊಸ ಸ್ಮಾರ್ಟ್‌ಫೋನ್ ವಿನ್ಯಾಸ, ಪ್ರೊಸೆಸಿಂಗ್ ಸಾಮರ್ಥ್ಯ, ಡಿಸ್ಪ್ಲೇ ಹಾಗೂ ಬ್ಯಾಟರಿ ವಿಭಾಗದಲ್ಲಿ ಪ್ರಮುಖ ಬದಲಾವಣೆಗಳನ್ನು ಪಡೆದುಕೊಂಡಿದೆ.

ಆಕರ್ಷಕ ವಿನ್ಯಾಸ ಮತ್ತು ಸಕ್ರಿಯ ಕೂಲಿಂಗ್ ಸೌಲಭ್ಯ

iQOO Neo 12 ಈ ಬಾರಿಯ ವಿನ್ಯಾಸದಲ್ಲಿ ಗಮನಾರ್ಹ ಹೆಜ್ಜೆ ಮುಂದಿಟ್ಟಿದೆ. ಹಿಂಭಾಗದ ಪ್ಯಾನಲ್‌ನ ಮೇಲ್ಭಾಗದಲ್ಲಿ ದೊಡ್ಡದಾದ ಚೌಕಾಕಾರದ ಕ್ಯಾಮೆರಾ ಮಾಡ್ಯೂಲ್ ಅನ್ನು ನೀಡಲಾಗಿದ್ದು, ಇದರಲ್ಲಿ ಎರಡು ಕ್ಯಾಮೆರಾ ಲೆನ್ಸ್ ಹಾಗೂ ಮೋನ್‌ಸ್ಟರ್ ಇನ್‌ಸೈಡ್ ಎಂಬ ಬ್ರ್ಯಾಂಡಿಂಗ್ ಕಾಣಬಹುದು.

ಹೆಚ್ಚಿನ ಸತತ ಗೇಮಿಂಗ್ ವೇಳೆಯಲ್ಲಿ ಫೋನ್ ಬಿಸಿಯಾಗುವುದನ್ನು ತಡೆಯಲು ಅಂತರ್ನಿರ್ಮಿತ ಸಕ್ರಿಯ ಕೂಲಿಂಗ್ ಫ್ಯಾನ್ ಅಳವಡಿಸಲಾಗಿದೆ. ಇದಕ್ಕೆ ಬೆಂಬಲವಾಗಿ ಸಾಧನದ ಮೆಟಲ್ ಫ್ರೇಮ್‌ನಲ್ಲಿ ಗಾಳಿ ಹೊರಹೋಗಲು ವಿಶೇಷ ಡಿಸೈನ್ ನೀಡಲಾಗಿದೆ. ಹಿಂಭಾಗದಲ್ಲಿ ನೀಡಲಾಗಿರುವ ಬ್ರಷ್-ಸ್ಟ್ರೋಕ್ ಶೈಲಿಯ ಸಿಲ್ವರ್-ಬ್ಲೂ ಬಣ್ಣವು ಈ ಫೋನ್‌ಗೆ ಪ್ರೀಮಿಯಂ ಹಾಗೂ ಗೇಮಿಂಗ್-ಫೋಕಸ್ಡ್ ನೋಟವನ್ನು ನೀಡುತ್ತದೆ.

185Hz ರಿಫ್ರೆಶ್ ರೇಟ್ ಹೊಂದಿರುವ ಅತ್ಯಾಧುನಿಕ 2K ಡಿಸ್ಪ್ಲೇ

ಗೇಮಿಂಗ್ ಪ್ರಿಯರಿಗಾಗಿ ಈ ಫೋನ್‌ನಲ್ಲಿ 2K ರೆಸಲ್ಯೂಶನ್ ಜೊತೆಗೆ 185Hz ರಿಫ್ರೆಶ್ ರೇಟ್ ಬೆಂಬಲಿಸುವ ಪ್ರದರ್ಶಕವನ್ನು ನೀಡಲಾಗಿದೆ.

ಗರಿಷ್ಠ ಬ್ರೈಟ್‌ನೆಸ್: ಹೈ-ಬ್ರೈಟ್‌ನೆಸ್ ಮೋಡ್‌ನಲ್ಲಿ 2,200 ನಿಟ್ಸ್ ಪ್ರಕಾಶಮಾನತೆ ತಲುಪಬಲ್ಲದು.

ಕಡಿಮೆ ಬೆಳಕಿನ ಬಳಕೆ: ಕತ್ತಲೆಯಲ್ಲಿ ಕಣ್ಣಿನ ರಕ್ಷಣೆಗಾಗಿ ಬ್ರೈಟ್‌ನೆಸ್ ಅನ್ನು ಕೇವಲ 1 ನಿಟ್‌ಗೆ ಇಳಿಸುವ ವ್ಯವಸ್ಥೆ ಇದೆ.

ಟಚ್ ರೆಸ್ಪಾನ್ಸ್: 5,000Hz ಸ್ಪರ್ಶ ಮಾದರಿ ದರ ಹೊಂದಿದ್ದು, ಗೇಮಿಂಗ್‌ನಲ್ಲಿ ವೇಗದ ಸ್ಪಂದನೆ ನೀಡುತ್ತದೆ.

ಚೀನಾ ಅಕಾಡೆಮಿ ಆಫ್ ಆರ್ಟ್ ಸಹಯೋಗದೊಂದಿಗೆ ಈ ಹೊಸ ಡಿಸ್ಪ್ಲೇ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಲಾಗಿದೆ.

ಪವರ್‌ಫುಲ್ ಪ್ರೊಸೆಸರ್ ಹಾಗೂ ಬ್ಯಾಟರಿ ಸಾಮರ್ಥ್ಯ

ಸಾಧನದ ಕಾರ್ಯಕ್ಷಮತೆಯನ್ನು ಹೆಚ್ಚಿಸಲು ಅತ್ಯಾಧುನಿಕ ಫ್ಲ್ಯಾಗ್‌ಶಿಪ್ ಪ್ರೊಸೆಸರ್ ನೀಡಲಾಗಿದೆ:

ಚಿಪ್‌ಸೆಟ್: ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 8 ಎಲೈಟ್ ಜೆನ್ 5 (Qualcomm Snapdragon 8 Elite Gen 5) ಪ್ರೊಸೆಸರ್.

ಗೇಮಿಂಗ್ ಚಿಪ್: ಗ್ರಾಫಿಕ್ಸ್ ಮತ್ತು ಫ್ರೇಮ್ ರೇಟ್ ಹೆಚ್ಚಿಸಲು ಪ್ರತ್ಯೇಕ Q3 ಗೇಮಿಂಗ್ ಚಿಪ್.

ಬ್ಯಾಟರಿ: ದೀರ್ಘಕಾಲದ ಬಳಕೆಗೆ ಸೂಕ್ತವಾದ 9,000mAh ಸಾಮರ್ಥ್ಯದ ಬೃಹತ್ ಬ್ಯಾಟರಿ.

ಇತರ ವೈಶಿಷ್ಟ್ಯಗಳು: ಭದ್ರತೆಗಾಗಿ 3D ಅಲ್ಟ್ರಾಸಾನಿಕ್ ಫಿಂಗರ್‌ಪ್ರಿಂಟ್ ಸೆನ್ಸರ್ ನೀಡಲಾಗಿದೆ. 50ಕ್ಕೂ ಹೆಚ್ಚು ಪ್ರಸಿದ್ಧ ಗೇಮ್‌ಗಳಲ್ಲಿ 2K ಉನ್ನತ ಮಟ್ಟದ ಗೇಮಿಂಗ್ ಬೆಂಬಲ ದೊರೆಯಲಿದೆ.

ಜಾಗತಿಕ ಮತ್ತು ಭಾರತೀಯ ಮಾರುಕಟ್ಟೆ ಲಭ್ಯತೆ

ಚೀನಾದಲ್ಲಿ ಬಿಡುಗಡೆಯಾದ ನಂತರ, ಈ ಸ್ಮಾರ್ಟ್‌ಫೋನ್ ಜಾಗತಿಕ ಮಾರುಕಟ್ಟೆಗಳಿಗೆ iQOO 16R ಹೆಸರಿನಲ್ಲಿ ಕಾಲಿಡುವ ಸಾಧ್ಯತೆಯಿದೆ. ಸೋರಿಕೆಯಾದ ಮಾಹಿತಿಯಂತೆ ಇದು Android 17 ಆಧಾರಿತ OriginOS 7, 16GB RAM ಹಾಗೂ Adreno 840 GPU ನೊಂದಿಗೆ ಬರಬಹುದು.

ಭಾರತದಲ್ಲಿ Neo 10 ನಂತರ ಹೊಸ ಮಾದರಿ ಬಿಡುಗಡೆಯಾಗಿಲ್ಲ , ಈ Neo 12 ಅಥವಾ iQOO 16R ಸರಣಿಯ ಅಡಿಯಲ್ಲಿ ಭಾರತೀಯ ಗೇಮಿಂಗ್ ಪ್ರಿಯರಿಗೆ ಲಭ್ಯವಾಗುವ ನಿರೀಕ್ಷೆಯಿದೆ. ಕ್ಯಾಮೆರಾ ವಿವರಗಳು ಹಾಗೂ ದರದ ಮಾಹಿತಿಯನ್ನು ಕಂಪನಿ ಬಿಡುಗಡೆ ದಿನದಂದು ಸ್ಪಷ್ಟಪಡಿಸಲಿದೆ. ಭಾರತದಲ್ಲಿ ಇದರ ಅಂದಾಜು ಬೆಲೆ 52,999 ಇರಬಹುದೆಂದು ಅಂದಾಜಿಸಲಾಗಿದೆ.

ಅಕ್ಟೋಬರ್ 22 ರಂದು ಭಾರತಕ್ಕೆ ಬರಲಿದೆ ಒಪ್ಪೋ ಫೈಂಡ್ X10 ಸರಣಿ, ಬಿಡುಗಡೆ ಮುನ್ನವೇ ಆಕರ್ಷಕ ಕೊಡುಗೆ ಘೋಷಣೆ

Gowthami K — Wed, 14 Oct 2026 11:44:09 +0530

ಒಪ್ಪೋ (OPPO) ಕಂಪನಿಯು ತನ್ನ ಹೊಚ್ಚಹೊಸ ಫ್ಲ್ಯಾಗ್‌ಶಿಪ್ ಸ್ಮಾರ್ಟ್‌ಫೋನ್ ಸರಣಿ 'ಫೈಂಡ್ X10' ಸೇರಿದಂತೆ ಪ್ರಮುಖ ಡಿವೈಸ್‌ಗಳನ್ನು ಭಾರತೀಯ ಮಾರುಕಟ್ಟೆಗೆ ತರಲು ಸಜ್ಜಾಗಿದೆ. ಒಪ್ಪೋ ಇಂಡಿಯಾ ವೆಬ್‌ಸೈಟ್ ಪ್ರಕಾರ, OPPO Find X10 ಸರಣಿ, OPPO Pad Mini (ಮ್ಯಾಟ್ ಡಿಸ್ಪ್ಲೇ ಎಡಿಷನ್) ಮತ್ತು Enco X4 ಇಯರ್‌ಬಡ್ಸ್‌ಗಳು ಅಕ್ಟೋಬರ್ 22 ರಂದು ಸಂಜೆ 4:45 ಕ್ಕೆ (IST) ಭಾರತದಲ್ಲಿ ಅಧಿಕೃತವಾಗಿ ಬಿಡುಗಡೆಯಾಗಲಿವೆ. ಅಕ್ಟೋಬರ್ 21 ರಂದು ಸ್ಪೇನ್‌ನ ಮಲ್ಲೋರ್ಕಾದಲ್ಲಿ ನಡೆಯಲಿರುವ ಬಿಡುಗಡೆ ಕಾರ್ಯಕ್ರಮದ ಬೆನ್ನಲ್ಲೇ ಭಾರತದಲ್ಲೂ ಈ ಸರಣಿ ಅನಾವರಣಗೊಳ್ಳಲಿದೆ.

OPPO Find X10 ಸರಣಿಯ ವೈಶಿಷ್ಟ್ಯವೇನು?

ಹಿಂದಿನ Find X9 ಸರಣಿಯ ಯಶಸ್ಸಿನ ನಂತರ ಹೊರಬರುತ್ತಿರುವ ಈ ನೂತನ ಸರಣಿಯಲ್ಲಿ 'Find X10 Pro Max' ಅತ್ಯಂತ ಪ್ರೀಮಿಯಂ ಮಾದರಿಯಾಗಿದೆ. ಹಿಂಭಾಗದಲ್ಲಿ ಮೂರು 200MP ಕ್ಯಾಮೆರಾಗಳನ್ನು ಹೊಂದಿರುವ ವಿಶ್ವದ ಮೊದಲ ಸ್ಮಾರ್ಟ್‌ಫೋನ್ ಎಂಬ ಹೆಗ್ಗಳಿಕೆಗೆ ಇದು ಪಾತ್ರವಾಗಿದೆ. ಹ್ಯಾಸೆಲ್‌ಬ್ಲಾಡ್ (Hasselblad) ಟ್ಯೂನ್ ಮಾಡಲಾದ ಈ ಕ್ಯಾಮೆರಾ ವ್ಯವಸ್ಥೆಯು ಮೂರೂ ಸೆನ್ಸರ್‌ಗಳಲ್ಲಿ 8K ಲಾಗ್ ರೆಕಾರ್ಡಿಂಗ್ ಮತ್ತು ವಿವಿಧ ಫೋಕಲ್ ಲೆಂತ್‌ಗಳಲ್ಲಿ 4K 120fps ಡಾಲ್ಬಿ ವಿಷನ್ ವೀಡಿಯೊ ರೆಕಾರ್ಡಿಂಗ್‌ಗೆ ಬೆಂಬಲ ನೀಡುತ್ತದೆ.

ಪ್ರೊಸೆಸರ್ ಹಾಗೂ ಬ್ಯಾಟರಿ: ಈ ಸ್ಮಾರ್ಟ್‌ಫೋನ್ ಪ್ರೀಮಿಯಂ 2nm ಮೀಡಿಯಾ ಟೆಕ್ ಡೈಮೆನ್ಸಿಟಿ 9600 ಪ್ರೊ (Dimensity 9600 Pro) ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. 144Hz ರಿಫ್ರೆಶ್ ದರ ಹೊಂದಿರುವ 6.78-ಇಂಚಿನ LTPO OLED ಡಿಸ್ಪ್ಲೇ, 8,000mAh ದೈತ್ಯ ಬ್ಯಾಟರಿ ಮತ್ತು 80W ಸೂಪರ್‌VOOC ಫಾಸ್ಟ್ ಚಾರ್ಜಿಂಗ್ ಇದರಲ್ಲಿದೆ. ಸ್ಟ್ಯಾಂಡರ್ಡ್ ಮಾದರಿ: ಸರಣಿಯ ಮೂಲ Find X10 ಮಾದರಿಯು ಡೈಮೆನ್ಸಿಟಿ 9600M ಪ್ರೊಸೆಸರ್‌ನೊಂದಿಗೆ ಬರಲಿದೆ.

ಆಕರ್ಷಕ ಕೊಡುಗೆ

ಬಿಡುಗಡೆಯ ಮುನ್ನವೇ ಒಪ್ಪೋ ತನ್ನ ಭಾರತೀಯ ವೆಬ್‌ಸೈಟ್‌ನಲ್ಲಿ ₹9 ಬೆಲೆಯ ವಿಶೇಷ 'ಪ್ರಿವಿಲೇಜ್ ಪ್ಯಾಕ್' ಪ್ರಚಾರ ಮಾಡುತ್ತಿದೆ. ಇದನ್ನು ಖರೀದಿಸುವ ಗ್ರಾಹಕರು ಒಟ್ಟು ₹29,997 ವರೆಗಿನ ಪ್ರಯೋಜನಗಳನ್ನು ಪಡೆಯಬಹುದು.

ಕೊಡುಗೆಯ ವಿವರಗಳು: ಒಪ್ಪೋ ಪ್ಯಾಡ್ SE (ಮೊದಲ 50 ಯೂನಿಟ್‌ಗಳಿಗೆ ಸೀಮಿತ), ಪ್ಯಾಡ್ ಮಿನಿಗೆ ₹1,000 ಕೂಪನ್ ಮತ್ತು ಎನ್ಕೋ X4 ಗೆ ₹500 ರಿಯಾಯಿತಿ ಕೂಪನ್ ಸೇರಿವೆ. ಜೊತೆಗೆ Find X10, ಹ್ಯಾಸೆಲ್‌ಬ್ಲಾಡ್ ಟೆಲಿಕನ್ವರ್ಟರ್ ಕಿಟ್ ಹಾಗೂ ಆಕ್ಸೆಸರಿಗಳನ್ನು ಗೆಲ್ಲುವ ಲಕ್ಕಿ ಡ್ರಾ ಕೊಡುಗೆಗಳೂ ಇವೆ (ಬಳಕೆದಾರರು ಖರೀದಿಸುವ ಮುನ್ನ ನಿಬಂಧನೆಗಳನ್ನು ಪರಿಶೀಲಿಸುವುದು ಸೂಕ್ತ).

ಇತರ ಹೊಸ ಉತ್ಪನ್ನಗಳು:

OPPO ಪ್ಯಾಡ್‌ ಮಿನಿ : ಇದು 144Hz ರಿಫ್ರೆಶ್ ದರದೊಂದಿಗೆ 2.5K OLED ಮ್ಯಾಟ್ ಡಿಸ್ಪ್ಲೇ ಹೊಂದಿದೆ. ಕಣ್ಣಿನ ರಕ್ಷಣೆಗೆ TUV ರೈನ್‌ಲ್ಯಾಂಡ್ ಪ್ರಮಾಣೀಕರಣ, ಸ್ನಾಪ್‌ಡ್ರಾಗನ್ 8 Gen 5 ಪ್ರೊಸೆಸರ್, ಪೇಪರ್ ತರಹದ ಸ್ಟೈಲಸ್ ಅನುಭವ ಮತ್ತು 8,000mAh ಬ್ಯಾಟರಿಯನ್ನು ಹೊಂದಿದೆ.

OPPO Enco X4 Buds: AI-ಚಾಲಿತ ಆಕ್ಟಿವ್ ನಾಯ್ಸ್ ಕ್ಯಾನ್ಸಲೇಶನ್ (ANC), 6nm ಚಿಪ್, 3 ಮೈಕ್ರೊಫೋನ್‌ಗಳು ಮತ್ತು ಒಟ್ಟು 53 ಗಂಟೆಗಳ ಪ್ಲೇಬ್ಯಾಕ್ ಬ್ಯಾಟರಿ ಲೈಫ್ ಅನ್ನು ಈ ವೈರ್‌ಲೆಸ್ ಇಯರ್‌ಬಡ್ಸ್‌ಗಳು ನೀಡುತ್ತವೆ.

ನಿರೀಕ್ಷಿತ ಬೆಲೆ ಮತ್ತು ಮಾರುಕಟ್ಟೆ ಸ್ಪರ್ಧೆ:

ಚೀನಾದಲ್ಲಿ Find X10 Pro Max ಬೆಲೆ CNY 6,799 ರಿಂದ (ಸುಮಾರು ₹97,000) ಪ್ರಾರಂಭವಾಗುತ್ತದೆ. ಭಾರತದಲ್ಲಿ ಇದರ ಬೆಲೆ ₹1.5 ಲಕ್ಷ ಮೀರಬಹುದು ಎಂದು ಅಂದಾಜಿಸಲಾಗಿದ್ದು, ಇದು Samsung Galaxy S26 Ultra ನಂತಹ ಪ್ರೀಮಿಯಂ ಕ್ಯಾಮೆರಾ ಫೋನ್‌ಗಳಿಗೆ ನೇರ ಸ್ಪರ್ಧೆ ನೀಡಲಿದೆ. ಮೂಲ Find X10 Pro ಮಾದರಿಯು ಸುಮಾರು ₹1,28,999 ಬೆಲೆಯಲ್ಲಿ ಪಟ್ಟಿ ಮಾಡಲ್ಪಟ್ಟಿರುವುದರಿಂದ, ಪ್ರೊ ಮ್ಯಾಕ್ಸ್ ಆವೃತ್ತಿಯು ಇನ್‌ನಷ್ಟು ಹೆಚ್ಚಿನ ಬೆಲೆ ಹೊಂದಿರಲಿದೆ.

ಫ್ಲಿಪ್‌ಕಾರ್ಟ್‌ನಲ್ಲಿ 10 ಸಾವಿರಕ್ಕಿಂತ ಕಡಿಮೆ ಬೆಲೆಗೆ ಮೂರು ಅತ್ಯುತ್ತಮ ಫೋನ್!

Ganesh Mabla Gowda — Sun, 11 Oct 2026 21:38:15 +0530

ಫ್ಲಿಪ್‌ಕಾರ್ಟ್‌ನ ಬಿಗ್ ಬಿಲಿಯನ್ಸ್ ಡೇ ಸೇಲ್‌ನಲ್ಲಿ 10 ಸಾವಿರ ರೂಪಾಯಿಗಿಂತ ಕಡಿಮೆ ಬೆಲೆಗೆ ಅತ್ಯುತ್ತಮ ಸ್ಮಾರ್ಟ್‌ಫೋನ್‌ಗಳು ಲಭ್ಯವಿವೆ. ರಿಯಲ್ ಮೀ ಸಿ61, ಎಐ+ ಪಲ್ಸ್ 2 ಮತ್ತು ಬೋಲ್ಟ್ ಇವೊ ಫೋನ್‌ಗಳು ಆಕರ್ಷಕ ಫೀಚರ್ಸ್ ಮತ್ತು ರಿಯಾಯಿತಿ ದರದಲ್ಲಿ ಸಿಗುತ್ತಿವೆ.

ಫೋನ್ ಇಲ್ಲ (Smartphones) ಅಂದ್ರೆ ಇವತ್ತು ಆಗೋದೇ ಇಲ್ಲ. ಜಾಸ್ತಿ ಕೊಟ್ಟು ಫೋನ್ ಖರೀದಿಸೋಣ ಅಂದ್ರೆ ಕೈಯಲ್ಲಿ ಕಾಸು ಇರಲ್ಲ. ಇಐಂ ಮೂಲಕ ತಗೊಳ್ಳೋಣ ಅಂದ್ರೆ ಬಿಡ್ಡಿ ಕಟ್ಟೋದು ಕಷ್ಟ. ಏನಪ್ಪ ಮಾಡೋದು ಅಂತಾ ಯೋಚ್ನೆ ಮಾಡ್ತ ಕೂತಿದ್ರೆ, ನಿಮಗಾಗಿ ಫ್ಲಿಪ್‌ಕಾರ್ಟ್‌ನ ಬಿಗ್ ಬಿಲಿಯನ್ಸ್ ಡೇ (Flipkart Big Billion Days Sale) ಆರಂಭವಾಗಿದೆ. ಜಸ್ಟ್ 10 ಸಾವಿರ ಅಥವಾ ಅದಕ್ಕಿಂತ ಕಡಿಮೆ ಒಳ್ಳೊಳ್ಳೆ ಫೋನ್‌ಗಳು ನಿಮಗಾಗಿ ಕಾದಿವೆ.

ರಿಯಲ್ ಮೀ ಸಿ61 ಬೆಲೆಗೆ ತಕ್ಕಂತ ಸ್ಮಾರ್ಟ್‌ ಫೋನ್ ಆಗಿದೆ
ಡಿಸ್ಪ್ಲೇ 90Hz ರಿಫ್ರೆಶ್ ರೇಟ್ ಸಪೋರ್ಟ್ ಮಾಡಲಿದೆ
6.745-ಇಂಚಿನ HD+ LCD ಡಿಸ್ಪ್ಲೇ ಹೊಂದಿದೆ
5000mAh ಬ್ಯಾಟರಿ, ದೀರ್ಘಕಾಲ ಬಾಳಿಕೆ ಗ್ಯಾರಂಟಿ
32MP ಬ್ಯಾಕ್ ಕ್ಯಾಮೆರಾ, 5MP ಫ್ರಂಟ್ ಕ್ಯಾಮೆರಾ
T612 ಆಕ್ಟಾ-ಕೋರ್ ಪ್ರೊಸೆಸರ್‌ನಿಂದ ಕೆಲಸ
ಮೂಲ ಬೆಲೆ 8999 ರೂಪಾಯಿ ಆಗಿತ್ತು
ಈಗ ರಿಯಾಯತಿ ಮೇರೆಗೆ 7249 ರೂಗೆ ಸಿಗ್ತಿದೆ

ಮಲ್ಟಿ ಮಿಡಿಯಾ ಬಳಕೆಗೆ ಇದು ಬೆಸ್ಟ್ ಫೋನ್
120Hz ರಿಫ್ರೆಶ್ ರೇಟ್, 6.745-ಇಂಚಿನ ಡಿಸ್‌ಪ್ಲೇ
50MP ಕ್ಯಾಮೆರಾ, 8MP ಫ್ರಂಟ್ ಕ್ಯಾಮೆರಾ
6000mAh ಬ್ಯಾಟರಿ ಸಾಮರ್ಥ್ಯ
T7250 ಆಕ್ಟಾ-ಕೋರ್ ಪ್ರೊಸೆಸರ್‌ನಿಂದ ಚಾಲಿತ
₹10,999ಗೆ ಸಿಗ್ತಿದ್ದ ಫೋನ್ ₹8,999ಕ್ಕೆ ಸಿಗಲಿದೆ

ಕಡಿಮೆ ಬೆಲೆಗೆ ಶಕ್ತಿಶಾಲಿ ಫೀಚರ್ಸ್ ಹೊಂದಿದೆ
120Hz ರಿಫ್ರೆಶ್ ರೇಟ್ಮ 6.79-ಇಂಚಿನ ಡಿಸ್ಪ್ಲೇ
50MP + 2MP ಹಿಂಬದಿಯ ಕ್ಯಾಮೆರಾ
8MP ಸೆಲ್ಫಿ ಕ್ಯಾಮೆರಾ
AI ನೈಟ್ ಮೋಡ್ ಸಹ ಹೊಂದಿದೆ
6000mAh ಬ್ಯಾಟರಿ ಬಾಳಿಕೆ
ಈ ಫೋನ್ T7250 ಆಕ್ಟಾ-ಕೋರ್ ಪ್ರೊಸೆಸರ್‍‌ನಿಂದ ಕೆಲಸ
4GB RAM ಮತ್ತು 64GB ಸಂಗ್ರಹಣೆ
MRP ₹17,999, ಆದರೆ ಇದನ್ನು ಡೀಲ್‌ನಲ್ಲಿ ₹8,999ಗೆ ಸಿಗ್ತಿದೆ

ಕಮ್ಮಿ ಬೆಲೆಗೆ ಒಳ್ಳೆಯ ಸ್ಮಾರ್ಟ್‌ಫೋನ್ ಬೇಕು ಅಂದ್ರೆ ಈ ಮೂರು ಫೋನ್‌ಗಳು ಒಳ್ಳೆಯ ಆಯ್ಕೆ ಆಗಿದೆ. 10 ಸಾವಿರಕ್ಕಿಂತ ಕಡಿಮೆ ಫೋನ್ ತುಂಬಾ ಕಡಿಮೆ ಬಜೆಟ್‌ ಆಯ್ತು ಅಂತಾ ಅನ್ಕೊಂಡ್ರೆ ನಿಮಗೆ ಬೇಕಾದ ಬಜೆಟ್ ಸ್ನೇಹಿ ಫೋನ್‌ಗಳು ಕೂಡ ಲಭ್ಯ ಇವೆ.

iPhone ಖರೀದಿಗೆ ಹೊಸ ನಿಯಮ, ಗ್ರಾಹಕರಿಗೆ ಶಾಕಿಂಗ್‌ ನ್ಯೂಸ್‌ ಕೊಟ್ಟ ಆಪಲ್‌ ಕಂಪನಿ

Ganesh Mabla Gowda — Thu, 22 Oct 2026 09:14:38 +0530

ಐಫೋನ್‌ಗೆ ಬೇಡಿಕೆ ಭಾರೀ ಹೆಚ್ಚಾಗಿದೆ. ಇದೀಗ ಆಪಲ್‌ ಸಂಸ್ಥೆಯು ತನ್ನ ಗ್ರಾಹಕರಿಗೆ ಶಾಕಿಂಗ್‌ ನ್ಯೂಸ್‌ ಒಂದನ್ನ ನೀಡಿದೆ. ಫೋನ್‌ ಖರೀದಿಗೆ ಹೊಸ ನಿಯಮ ಜಾರಿಗೆ ತಂದಿದೆ. ಅದರ ಹೊಸ ನಿಯಮ ಮೂರು ನಾಲ್ಕು ಮೊಬೈಲ್‌ಗಳನ್ನ ಹೊಂದುವ ಕನಸಿಗೆ ತಣ್ಣೀರು ಇಡಲಿದೆ.

ಹೌದು.. ಭಾರತದಲ್ಲಿ ಆಪಲ್ ತನ್ನ ಗ್ರಾಹಕರಿಗೆ ಟೆನ್ಷನ್‌ ತಂದಿಟ್ಟಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಐಫೋನ್ ಖರೀದಿಗೆ ಮಿತಿ ವಿಧಿಸಿದೆ. ಹೊಸ ನಿಯಮಗಳ ಪ್ರಕಾರ.. ಗ್ರಾಹಕರು ಈಗ ಸಂಪೂರ್ಣ ಐಫೋನ್ ಶ್ರೇಣಿಯಿಂದ ಗರಿಷ್ಠ ಎರಡು ಯೂನಿಟ್‌ಗಳನ್ನು ಖರೀದಿಸಬಹುದು. ಖರೀದಿದಾರರು ಆನ್‌ಲೈನ್‌ನಲ್ಲಿ ಮೂರು ಐಫೋನ್‌ಗಳನ್ನು ಖರೀದಿಸಲು ಪ್ರಯತ್ನಿಸಿದರೆ.. ಸಿಸ್ಟಂ ಅದನ್ನು ಸ್ವೀಕರಿಸುವುದಿಲ್ಲ. ಅಂದರೆ ನೀವು ಒಂದೇ ಬಾರಿಗೆ ಮೂರು ಫೋನ್‌ ಆರ್ಡರ್‌ ಮಾಡಲು ಯತ್ನಿಸಿದರೆ ಅದು ಸಾಧ್ಯವಾಗುವುದಿಲ್ಲ.

ಇನ್ನು ಕಂಪನಿ ನಿಯಮಗಳ ಪ್ರಕಾರ.. ಗ್ರಾಹಕರು ಒಂದೇ ಮಾದರಿಯ 2 ಐಫೋನ್‌ಗಳನ್ನು ಏಕಕಾಲದಲ್ಲಿ ಆರ್ಡರ್ ಮಾಡಬಹುದು. ಜೊತೆಗೆ ತಮ್ಮ ಆಯ್ಕೆಯ ಎರಡು ವಿಭಿನ್ನ ಐಫೋನ್ ಮಾದರಿಗಳನ್ನು ಆಯ್ಕೆ ಮಾಡಬಹುದು. ಅಕ್ಟೋಬರ್ 23 ರಂದು ಪ್ರಾರಂಭವಾಗುವ ಐಫೋನ್ ಡ್ಯುಯೊದ ಅಧಿಕೃತ ಮಾರಾಟಕ್ಕೂ ಮುನ್ನ ಕಂಪನಿಯು ಹೊಸ ನಿಯಮವನ್ನು ಜಾರಿಗೆ ತಂದಿದೆ. ಅದರಲ್ಲೂ ವಿಶೇಷವಾಗಿ ಐಫೋನ್ ಡ್ಯುಯೊ ಆಪಲ್‌ನ ಮೊದಲ ಮಡಿಸಬಹುದಾದ ಸ್ಮಾರ್ಟ್‌ಫೋನ್ ಆಗಿದೆ.

ಯಾಕೆ ಈ ನಿಯಮ?

ಇದು ಹಬ್ಬದ ಸೀಸನ್.‌ ಫೋನ್‌ಗಳಿಗೆ ಸಹಜವಾಗಿಯೇ ಬೇಡಿಕೆ ಇದೆ. ಬೇಡಿಕೆಗೆ ತಕ್ಕಂತೆ ಫೋನ್‌ಗಳನ್ನ ಮಾರಾಟ ಮಾಡೋದು ಕಷ್ಟ. ಜೊತೆಗೆ ಐಫೋನ್‌ಗೆ ಇರುವ ಬೇಡಿಕೆಯನ್ನೇ ಕೆಲವರು ಬಂಡವಾಳ ಮಾಡಿಕೊಂಡು ಬ್ಲಾಕ್‌ ಮಾರ್ಕೆಟ್‌ ಮೂಲಕ ಹಣದ ದಂಧೆಗೆ ಇಳಿಯುವ ಸಾಧ್ಯತೆ ಇದೆ. ಜೊತೆಗೆ ಹಠಾತ್ ಸ್ಟಾಕ್ ಕೊರತೆ ತಡೆಗಟ್ಟಲು ಈ ಕ್ರಮವನ್ನು ತೆಗೆದುಕೊಂಡಿದೆ ಎಂದು ವರದಿಯಾಗಿದೆ. ಇನ್ನು ಈ ನಿಯಮವು ಪ್ರೀಮಿಯಂ ಅಥವಾ ಹೊಸದಾಗಿ ಬಿಡುಗಡೆಯಾದ ಸ್ಮಾರ್ಟ್‌ಫೋನ್‌ಗಳಿಗೆ ಸೀಮಿತವಾಗಿಲ್ಲ. ಇದು ಅಂಗಡಿಗಳಲ್ಲಿ ಲಭ್ಯವಿರುವ ಹಳೆಯ ಮತ್ತು ಹೊಸ ಎರಡೂ ಐಫೋನ್ ಮಾದರಿಗಳಿಗೆ ಅನ್ವಯ.

ಖರೀದಿ ಮಿತಿ ಐಫೋನ್ ಡ್ಯುಯೊ, ಐಫೋನ್ 18 ಪ್ರೊ ಮತ್ತು ಐಫೋನ್ 18 ಪ್ರೊ ಮ್ಯಾಕ್ಸ್ ಸೇರಿದಂತೆ ಎಲ್ಲಾ ಫೋನ್‌ಗಳಿಗೆ ಅನ್ವಯಿಸುತ್ತದೆ. ಗ್ರಾಹಕರು ಐಫೋನ್ ಡ್ಯುಯೊದ ಎರಡು ಯೂನಿಟ್‌ಗಳನ್ನು ಆರ್ಡರ್ ಮಾಡಬಹುದು. ಐಫೋನ್ ಡ್ಯುಯೊ ಜೊತೆಗೆ ಐಫೋನ್ 18 ಪ್ರೊ ಖರೀದಿಸಬಹುದು. ಐಫೋನ್ 17 ಸೇರಿದಂತೆ ಇತರ ಮಾದರಿಗಳಿಗೂ ಇದೇ ನಿಯಮ ಅನ್ವಯಿಸುತ್ತದೆ. ಗ್ರಾಹಕರು ಮೂರನೇ ಫೋನ್ ಖರೀದಿಸಲು ಬಯಸಿದರೆ ಅದು ಸಾಧ್ಯವಾಗುವುದಿಲ್ಲ. ಪ್ರತಿಯೊಬ್ಬ ಗ್ರಾಹಕರು ಗರಿಷ್ಠ ಎರಡು ಐಫೋನ್‌ಗಳನ್ನು ಖರೀದಿಸಬಹುದು.

ಪ್ಯಾಟರ್ನ್ ಲಾಕ್ ಬಳಸ್ತೀರಾ? ಹಾಗಾದ್ರೆ ನಿಮ್ಮ ಪರ್ಸನಲ್ ಡೇಟಾ ಸೇಫ್ ಇಲ್ಲ! ಸಂಶೋಧನೆಯಲ್ಲಿ ಸ್ಫೋಟಕ ಸತ್ಯ ಬಯಲು!

Sathish Kumar KH — Fri, 16 Oct 2026 23:30:48 +0530

ಇಂದಿನ ಡಿಜಿಟಲ್ ಜಗತ್ತಿನಲ್ಲಿ ನಮ್ಮ ಇಡೀ ಪ್ರಪಂಚವೇ ಸ್ಮಾರ್ಟ್‌ಫೋನ್‌ನಲ್ಲಿ ಅಡಗಿದೆ. ಬ್ಯಾಂಕ್ ಖಾತೆಯ ವಿವರಗಳಿಂದ ಹಿಡಿದು, ಖಾಸಗಿ ಫೋಟೋಗಳು, ಚಾಟ್‌ಗಳವರೆಗೆ ಎಲ್ಲವೂ ಮೊಬೈಲ್‌ನಲ್ಲೇ ಇರುತ್ತವೆ. ಹೀಗಾಗಿ ಪ್ರತಿಯೊಬ್ಬರೂ ಮೊಬೈಲ್‌ಗೆ ಸ್ಕ್ರೀನ್ ಲಾಕ್ (Screen Lock) ಹಾಕುವುದು ಸಾಮಾನ್ಯ. ಆದರೆ, ನೀವು ಬಳಸುತ್ತಿರುವ ಲಾಕ್ ಎಷ್ಟು ಸುರಕ್ಷಿತ? ಪ್ಯಾಟರ್ನ್ ಲಾಕ್ (Pattern Lock) ಉತ್ತಮವೇ ಅಥವಾ ಪಿನ್ ನಂಬರ್ (PIN) ಸುರಕ್ಷಿತವೇ? ಸೈಬರ್ ಭದ್ರತಾ ತಜ್ಞರು ನಡೆಸಿರುವ ಅಧ್ಯಯನವೊಂದರಲ್ಲಿ ಪ್ಯಾಟರ್ನ್ ಲಾಕ್ ಕುರಿತು ಅತ್ಯಂತ ಶಾಕಿಂಗ್ ಮಾಹಿತಿಯೊಂದು ಹೊರಬಿದ್ದಿದೆ!

ಅಧ್ಯಯನದಲ್ಲಿ ಬಯಲಾದ ಆಘಾತಕಾರಿ ಸತ್ಯವೇನು?

ಕಂಪ್ಯೂಟರ್ ಸೆಕ್ಯೂರಿಟಿ ತಜ್ಞರು ನಡೆಸಿದ ಪ್ರಾಯೋಗಿಕ ಪರೀಕ್ಷೆಯಲ್ಲಿ, ಜನರು ಮೊಬೈಲ್ ಅನ್‌ಲಾಕ್ ಮಾಡುವ ವಿಡಿಯೋಗಳನ್ನು ಇತರರಿಗೆ ತೋರಿಸಲಾಯಿತು. ಈ ಸಂಶೋಧನೆಯ ಫಲಿತಾಂಶ ಹೀಗಿದೆ:

ಪ್ಯಾಟರ್ನ್ ಲಾಕ್: ಒಬ್ಬ ವ್ಯಕ್ತಿ ಮೊಬೈಲ್‌ನಲ್ಲಿ ಪ್ಯಾಟರ್ನ್ ಡ್ರಾ ಮಾಡುವುದನ್ನು ಕೇವಲ ಒಮ್ಮೆ ನೋಡಿದವರಲ್ಲಿ ಶೇ. 64.2 ರಷ್ಟು ಜನ ಆ ಲಾಕ್ ಅನ್ನು ಸುಲಭವಾಗಿ ನೆನಪಿಟ್ಟುಕೊಂಡು ಅನ್‌ಲಾಕ್ ಮಾಡಿದ್ದಾರೆ! ಅದೇ ವಿಡಿಯೋವನ್ನು ಎರಡನೇ ಬಾರಿ ನೋಡಿದಾಗ ಈ ಪ್ರಮಾಣ ಬರೋಬ್ಬರಿ ಶೇ. 79.9 ಕ್ಕೆ ಏರಿಕೆಯಾಗಿದೆ!

6 ಅಂಕಿಯ ಪಿನ್ (PIN): ಇದಕ್ಕೆ ವ್ಯತಿರಿಕ್ತವಾಗಿ, 6 ಅಂಕಿಯ ಪಿನ್ ನಂಬರ್ ಒತ್ತಿದ್ದನ್ನು ಒಮ್ಮೆ ನೋಡಿದವರಲ್ಲಿ ಕೇವಲ ಶೇ. 10.8 ರಷ್ಟು ಜನರಿಗೆ ಮಾತ್ರ ಅದನ್ನು ಗುರುತಿಸಲು ಸಾಧ್ಯವಾಗಿದೆ. ಎರಡನೇ ಬಾರಿ ನೋಡಿದರೂ ಶೇ. 26.5 ಕ್ಕಿಂತ ಹೆಚ್ಚು ಜನರಿಗೆ ಊಹಿಸಲು ಸಾಧ್ಯವಾಗಿಲ್ಲ!

ಇದರರ್ಥ, ಬಸ್ಸು, ರೈಲು ಅಥವಾ ಸಾರ್ವಜನಿಕ ಸ್ಥಳಗಳಲ್ಲಿ ನೀವು ಸ್ಕ್ರೀನ್ ಮೇಲೆ ಬೆರಳಿನಿಂದ ಪ್ಯಾಟರ್ನ್ ಎಳೆಯುವುದನ್ನು ಪಕ್ಕದಲ್ಲಿರುವವರು ಕಣ್ಣು ಮಿಟುಕಿಸುವುದರೊಳಗೆ ಸುಲಭವಾಗಿ ಕದ್ದು ನೋಡಬಹುದು (Shoulder Surfing).

ನೀವು ಮಾಡುವ ಈ ತಪ್ಪುಗಳೇ ಕಳ್ಳರಿಗೆ ವರದಾನ!

ಸುಲಭದ ನಂಬರ್‌ಗಳು: 1234, 0000, 1111 ನಂತಹ ಸುಲಭ ಸಂಖ್ಯೆಗಳನ್ನು ಪಿನ್ ಆಗಿ ಇಡುವುದು.

ಹುಟ್ಟಿದ ದಿನಾಂಕ: ನಿಮ್ಮ ಅಥವಾ ಮನೆಯವರ ಹುಟ್ಟಿದ ದಿನಾಂಕ, ಮದುವೆ ದಿನಾಂಕಗಳನ್ನು ಲಾಕ್ ಆಗಿ ಬಳಸುವುದು (ಸಾಮಾಜಿಕ ಜಾಲತಾಣಗಳಿಂದ ಇವುಗಳನ್ನು ಹ್ಯಾಕರ್ಸ್ ಸುಲಭವಾಗಿ ಪತ್ತೆಹಚ್ಚುತ್ತಾರೆ).

ಸ್ಕ್ರೀನ್ ಮೇಲಿನ ಬೆರಳಚ್ಚು: ಪ್ಯಾಟರ್ನ್ ಬಳಸುವಾಗ ಸ್ಕ್ರೀನ್ ಮೇಲೆ ಮೂಡುವ ಬೆರಳಿನ ಜಿಡ್ಡು/ಗೆರೆಗಳನ್ನು ನೋಡಿಯೇ ಕಳ್ಳರು ಫೋನ್ ತೆರೆಯುವ ಅಪಾಯವಿರುತ್ತದೆ.

ನಿಮ್ಮ ಫೋನ್ ಸೇಫ್ ಆಗಿರಲು ಈ 5 ಟಿಪ್ಸ್ ಫಾಲೋ ಮಾಡಿ:

6 ಅಂಕಿಯ ಕಠಿಣ PIN ಬಳಸಿ: ಕನಿಷ್ಠ 6 ಸಂಖ್ಯೆಗಳಿರುವ, ಯಾರೂ ಊಹಿಸಲು ಸಾಧ್ಯವಾಗದ ಪಿನ್ ನಂಬರ್ ಸೆಟ್ ಮಾಡಿ. ಸಾಧ್ಯವಾದರೆ ಅಕ್ಷರ, ಸಂಖ್ಯೆ ಮತ್ತು ಸ್ಪೆಷಲ್ ಕ್ಯಾರೆಕ್ಟರ್‌ಗಳಿರುವ ‘ಆಲ್ಫಾನ್ಯೂಮರಿಕ್ ಪಾಸ್‌ವರ್ಡ್’ (Alphanumeric Password) ಬಳಸಿ.

ಪ್ಯಾಟರ್ನ್ ಲೈನ್ ಹೈಡ್ ಮಾಡಿ: ಒಂದು ವೇಳೆ ನೀವು ಪ್ಯಾಟರ್ನ್ ಲಾಕ್ ಅನ್ನೇ ಬಳಸಬೇಕೆಂದಿದ್ದರೆ, ಮೊಬೈಲ್ ಸೆಟ್ಟಿಂಗ್ಸ್‌ನಲ್ಲಿ "Make Pattern Visible" ಆಯ್ಕೆಯನ್ನು ಆಫ್ (Disable) ಮಾಡಿ. ಇದರಿಂದ ನೀವು ಗೆರೆ ಎಳೆಯುವಾಗ ಸ್ಕ್ರೀನ್ ಮೇಲೆ ಯಾವುದೇ ಗೆರೆ ಕಾಣಿಸುವುದಿಲ್ಲ.

ಬಯೋಮೆಟ್ರಿಕ್ ಸುರಕ್ಷತೆ: ಫಿಂಗರ್‌ಪ್ರಿಂಟ್ (Fingerprint) ಅಥವಾ ಫೇಸ್ ಅನ್‌ಲಾಕ್ (Face Unlock) ಬಳಸಿ. ಆದರೆ ಫೋನ್ ರಿಸ್ಟಾರ್ಟ್ ಆದಾಗ ಅಥವಾ ಬ್ಯಾಂಕ್ ಆ್ಯಪ್‌ಗಳಿಗೆ ಸ್ಟ್ರಾಂಗ್ ಪಿನ್ ಇರಲೇಬೇಕು.

ಫೈಂಡ್ ಮೈ ಡಿವೈಸ್ ಆನ್ ಇರಲಿ: ಮೊಬೈಲ್ ಕಳುವಾದರೆ ದೂರದಿಂದಲೇ ಡೇಟಾ ಡಿಲೀಟ್ ಮಾಡಲು 'Find My Device' (Android) ಅಥವಾ 'Find My iPhone' ಫೀಚರ್ ಅನ್ನು ಯಾವಾಗಲೂ ಆನ್‌ನಲ್ಲಿಡಿ.

ಟೂ-ಫ್ಯಾಕ್ಟರ್ ಅಥೆಂಟಿಕೇಶನ್ (2FA): ಮುಖ್ಯವಾದ ಗೂಗಲ್ ಅಕೌಂಟ್ ಮತ್ತು ಬ್ಯಾಂಕಿಂಗ್ ಆ್ಯಪ್‌ಗಳಿಗೆ 2FA ಸಕ್ರಿಯಗೊಳಿಸಿ.

ನೆನಪಿಡಿ: ನೆನಪಿಟ್ಟುಕೊಳ್ಳಲು ಸುಲಭ ಎಂಬ ಕಾರಣಕ್ಕೆ ದುರ್ಬಲ ಲಾಕ್ ಬಳಸಿದರೆ, ನಿಮ್ಮ ಬ್ಯಾಂಕ್ ಖಾತೆ ಖಾಲಿಯಾಗಲು ಅಥವಾ ಖಾಸಗಿ ಮಾಹಿತಿ ಸೋರಿಕೆಯಾಗಲು ಕೆಲವೇ ಸೆಕೆಂಡುಗಳು ಸಾಕು!

Phone charging mistakes: ಮೊಬೈಲ್ ಹಾಳಾಗಲು ದೊಡ್ಡ ಕಾರಣ ಬೇಕಿಲ್ಲ; ನೀವು ಮಾಡುವ ಈ ಸಣ್ಣ ತಪ್ಪುಗಳೇ ಸಾಕು!

Sushma Hegde — Sun, 25 Oct 2026 13:34:50 +0530

ನಾವು ಪ್ರತಿದಿನ ಮೊಬೈಲ್ ಫೋನ್ ಬಳಸುತ್ತೇವೆ. ಕರೆ ಮಾಡುವುದು, ಮೆಸೇಜ್ ಕಳುಹಿಸುವುದು, ಫೋಟೋ ತೆಗೆಯುವುದು, ವಿಡಿಯೋ ನೋಡುವುದು ಸೇರಿದಂತೆ ಬಹುತೇಕ ಎಲ್ಲ ಕೆಲಸಗಳಿಗೂ ಸ್ಮಾರ್ಟ್‌ಫೋನ್ ಬೇಕೇ ಬೇಕು. ಆದರೆ, ಮೊಬೈಲ್ ಬಳಸುವಾಗ ಅದರ ಸರಿಯಾದ ಆರೈಕೆಯ ಬಗ್ಗೆ ಹೆಚ್ಚಿನವರು ಗಮನ ಹರಿಸುವುದಿಲ್ಲ. ನಮ್ಮ ಕೆಲವು ಸಣ್ಣ ಅಭ್ಯಾಸಗಳೇ ಫೋನ್‌ನ ಬ್ಯಾಟರಿ ಸಾಮರ್ಥ್ಯ ಕಡಿಮೆಯಾಗಲು ಕಾರಣವಾಗಬಹುದು.

1. ಬಿಸಿಲಿನಲ್ಲಿ ಮೊಬೈಲ್ ಇಡುವ ಅಭ್ಯಾಸ

ಕೆಲವರು ಕಾರಿನ ಡ್ಯಾಶ್‌ಬೋರ್ಡ್ ಮೇಲೆ ಅಥವಾ ಕಿಟಕಿಯ ಪಕ್ಕದಲ್ಲಿ ನೇರ ಬಿಸಿಲು ಬೀಳುವ ಜಾಗದಲ್ಲಿ ಮೊಬೈಲ್ ಇಡುತ್ತಾರೆ. ಸ್ವಲ್ಪ ಸಮಯ ಇಟ್ಟರೆ ಏನೂ ಆಗುವುದಿಲ್ಲ ಎಂದುಕೊಳ್ಳಬಹುದು. ಆದರೆ, ಅತಿಯಾದ ಬಿಸಿಯು ಮೊಬೈಲ್‌ನ ಬ್ಯಾಟರಿ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಪದೇಪದೇ ಹೆಚ್ಚಿನ ತಾಪಮಾನಕ್ಕೆ ಒಡ್ಡಿಕೊಳ್ಳುವುದರಿಂದ ಬ್ಯಾಟರಿ ಸಾಮರ್ಥ್ಯ ಕುಸಿಯುವ ಸಾಧ್ಯತೆಯಿದೆ. ವಿಶೇಷವಾಗಿ ಬಿಸಿಲಿನಲ್ಲಿ ನಿಲ್ಲಿಸಿರುವ ಕಾರಿನೊಳಗೆ ಮೊಬೈಲ್ ಬಿಟ್ಟು ಹೋಗುವುದು ಅಪಾಯಕಾರಿ.

2. ದಿಂಬಿನ ಕೆಳಗೆ ಇಟ್ಟು ಮೊಬೈಲ್ ಚಾರ್ಜ್ ಮಾಡುವುದು

ರಾತ್ರಿ ಮಲಗುವಾಗ ಮೊಬೈಲ್ ಅನ್ನು ಹಾಸಿಗೆಯ ಮೇಲೆ ಇಟ್ಟು ಚಾರ್ಜ್ ಮಾಡುವ ಅಭ್ಯಾಸ ಹಲವರಿಗಿದೆ. ಕೆಲವರು ಫೋನ್ ಅನ್ನು ದಿಂಬಿನ ಕೆಳಗೆ ಅಥವಾ ಹೊದಿಕೆಯೊಳಗೆ ಇಟ್ಟುಕೊಂಡೇ ಚಾರ್ಜ್ ಮಾಡುತ್ತಾರೆ. ಆದರೆ, ಇದು ಅಪಾಯಕಾರಿಯಾದ ಅಭ್ಯಾಸವಾಗಬಹುದು. ದಿಂಬು ಮತ್ತು ಹೊದಿಕೆಗಳು ಮೊಬೈಲ್‌ನಿಂದ ಹೊರಬರುವ ಶಾಖವನ್ನು ಹಿಡಿದಿಟ್ಟುಕೊಳ್ಳಬಹುದು. ಇದರಿಂದ ಫೋನ್ ಹೆಚ್ಚು ಬಿಸಿಯಾಗುವ ಸಾಧ್ಯತೆಯಿದ್ದು, ಬ್ಯಾಟರಿ ಮೇಲೆ ಪರಿಣಾಮ ಬೀರಬಹುದು.

3. ಚಾರ್ಜಿಂಗ್ ಪೋರ್ಟ್‌ನಲ್ಲಿರುವ ಧೂಳನ್ನು ನಿರ್ಲಕ್ಷಿಸುವುದು

ನಿಮ್ಮ ಮೊಬೈಲ್ ಚಾರ್ಜರ್ ಸರಿಯಾಗಿ ಸಂಪರ್ಕವಾಗುತ್ತಿಲ್ಲವೇ? ಕೇಬಲ್ ಸ್ವಲ್ಪ ಅಲುಗಾಡಿಸಿದಾಗ ಮಾತ್ರ ಚಾರ್ಜ್ ಆಗುತ್ತಿದೆಯೇ? ಹಾಗಾದರೆ, ಚಾರ್ಜಿಂಗ್ ಪೋರ್ಟ್‌ನಲ್ಲಿ ಧೂಳು ಅಥವಾ ಬಟ್ಟೆಯ ನಾರುಗಳು ಸೇರಿಕೊಂಡಿರುವ ಸಾಧ್ಯತೆಯಿದೆ. ಮೊಬೈಲ್ ಅನ್ನು ಜೇಬಿನಲ್ಲಿ ಅಥವಾ ಬ್ಯಾಗ್‌ನಲ್ಲಿ ಇಟ್ಟುಕೊಂಡು ಓಡಾಡುವಾಗ ಸಣ್ಣ ಧೂಳಿನ ಕಣಗಳು ಚಾರ್ಜಿಂಗ್ ಪೋರ್ಟ್‌ನಲ್ಲಿ ಸೇರಿಕೊಳ್ಳಬಹುದು. ಕಾಲಕ್ರಮೇಣ ಇದು ಚಾರ್ಜಿಂಗ್ ಸಂಪರ್ಕಕ್ಕೆ ಅಡ್ಡಿಯಾಗಬಹುದು. ಇಂತಹ ಸಂದರ್ಭದಲ್ಲಿ ಬಲವಂತವಾಗಿ ಕೇಬಲ್ ತೂರಿಸುವುದರಿಂದ ಪೋರ್ಟ್ ಹಾನಿಗೊಳಗಾಗುವ ಸಾಧ್ಯತೆಯಿದೆ.

4. ಸಾಫ್ಟ್‌ವೇರ್ ಅಪ್‌ಡೇಟ್‌ಗಳನ್ನು ಪದೇಪದೇ ಮುಂದೂಡುವುದು

ಮೊಬೈಲ್‌ನಲ್ಲಿ ಸಾಫ್ಟ್‌ವೇರ್ ಅಪ್‌ಡೇಟ್ ಸೂಚನೆ ಬಂದಾಗ ಅನೇಕರು ಅದನ್ನು ಮುಂದೂಡುತ್ತಲೇ ಇರುತ್ತಾರೆ. ಅಪ್‌ಡೇಟ್ ಮಾಡಿದರೆ ಸಮಯ ಹಿಡಿಯುತ್ತದೆ ಅಥವಾ ಫೋನ್ ನಿಧಾನವಾಗಬಹುದು ಎಂಬ ಭಯವೂ ಕೆಲವರಲ್ಲಿರುತ್ತದೆ. ಆದರೆ, ಅಧಿಕೃತ ಅಪ್‌ಡೇಟ್‌ಗಳನ್ನು ದೀರ್ಘಕಾಲ ನಿರ್ಲಕ್ಷಿಸುವುದು ಸರಿಯಾದ ಅಭ್ಯಾಸವಲ್ಲ. ಸಾಫ್ಟ್‌ವೇರ್ ಅಪ್‌ಡೇಟ್‌ಗಳಲ್ಲಿ ಭದ್ರತಾ ದೋಷಗಳನ್ನು ಸರಿಪಡಿಸುವ ವ್ಯವಸ್ಥೆಗಳು ಮತ್ತು ಸಾಫ್ಟ್‌ವೇರ್ ಸಮಸ್ಯೆಗಳಿಗೆ ಪರಿಹಾರಗಳು ಇರಬಹುದು. ಅವುಗಳನ್ನು ಇನ್‌ಸ್ಟಾಲ್ ಮಾಡದಿದ್ದರೆ ನಿಮ್ಮ ಸಾಧನವು ಕೆಲವು ಭದ್ರತಾ ಅಪಾಯಗಳಿಗೆ ಹೆಚ್ಚು ಒಳಗಾಗಬಹುದು.

5. ಮೊಬೈಲ್‌ಗೆ ಕವರ್ ಮತ್ತು ಸ್ಕ್ರೀನ್ ಪ್ರೊಟೆಕ್ಟರ್ ಬಳಸದೇ ಇರುವುದು

ಮೊಬೈಲ್ ಕೈಯಿಂದ ಜಾರಿಬೀಳುವುದು ಸಾಮಾನ್ಯ. ನಡೆಯುವಾಗ, ಕಾರಿನಿಂದ ಇಳಿಯುವಾಗ ಅಥವಾ ಅವಸರದಲ್ಲಿ ಫೋನ್ ಬಳಸುವಾಗ ಅದು ಕೆಳಗೆ ಬೀಳಬಹುದು. ಸ್ಕ್ರೀನ್ ಒಡೆಯದಿದ್ದರೂ ಬಲವಾದ ಹೊಡೆತದಿಂದ ಒಳಗಿನ ಭಾಗಗಳಿಗೆ ಹಾನಿಯಾಗುವ ಸಾಧ್ಯತೆಯಿದೆ. ಇನ್ನು, ಮೊಬೈಲ್ ಅನ್ನು ಕೀಲಿ ಅಥವಾ ಇತರ ಗಟ್ಟಿಯಾದ ವಸ್ತುಗಳ ಜೊತೆ ಒಂದೇ ಜೇಬಿನಲ್ಲಿ ಇಟ್ಟುಕೊಂಡರೆ ಸ್ಕ್ರೀನ್ ಮತ್ತು ಫೋನ್‌ನ ಹೊರಭಾಗದಲ್ಲಿ ಗೀರುಗಳು ಬೀಳಬಹುದು.

₹15,000ಕ್ಕೆ ಸೂಪರ್ ಮೊಬೈಲ್, ಹೊಸ ಫೋನ್ ಹುಡುಕುತ್ತಿರೋರಿಗೆ ಬೆಸ್ಟ್ ಆಫರ್

Ganesh Mabla Gowda — Tue, 20 Oct 2026 08:49:47 +0530

ಭಾರತದಲ್ಲಿ Itel City 300 5G ಫೋನ್ ಬಿಡುಗಡೆ ಆಗಿದೆ. ಹೊಸ ಫೋನ್ ಖರೀದಿಸಲು ಯೋಚಿಸುತ್ತಿರೋರಿಗೆ ಇದು ಒಳ್ಳೆಯ ಆಯ್ಕೆ ಆಗಿದೆ. ಅದರ ಬೆಲೆ ಮತ್ತು ಫೀಚರ್ ಬಗ್ಗೆ ವಿವರ ಇಲ್ಲಿದೆ.

ಸಿಟಿ 300 5G ಫೋನ್ ಭಾರತದಲ್ಲಿ ಬಿಡುಗಡೆ ಆಗಿದೆ. 120Hz ರಿಫ್ರೆಶ್ ರೇಟ್ ಡಿಸ್‌ಪ್ಲೇ ಹೊಂದಿದ್ದು, ಸುಗಮ ಸ್ಕ್ರೋಲಿಂಗ್ ಖಚಿತಪಡಿಸಿದೆ. 5,000mAh ಬ್ಯಾಟರಿ ಮತ್ತು ಆಂಡ್ರಾಯ್ಡ್ 16 ಗೋ ಆವೃತ್ತಿಯನ್ನು ಒಳಗೊಂಡಿದೆ.

4GB RAM ಮತ್ತು 64GB ಸ್ಟೋರೇಜ್ ಬೆಲೆ ₹14,999. ಈ ಫೋನ್ ಮೂರು ಬಣ್ಣಗಳಲ್ಲಿ ಲಭ್ಯವಿದೆ. ಡಾರ್ಕ್ ರೂಬಿ, ಮಿಸ್ಟ್ ಬೀಜ್ ಮತ್ತು ಬೋಲ್ಡ್ ಇಂಡಿಗೊ. ಇದನ್ನು ಕಂಪನಿಯ ಆಫ್‌ಲೈನ್ ಚಿಲ್ಲರೆ ಅಂಗಡಿಗಳಿಂದ ಖರೀದಿಸಬಹುದು.

6.67-ಇಂಚಿನ HD+ LCD ಸ್ಕ್ರೀನ್
120Hz ರಿಫ್ರೆಶ್ ರೇಟ್
ಡಿಸ್‌ಪ್ಲೇ ಪಂಚ್-ಹೋಲ್ ಡಿಸೈನ್
2.5D ಕರ್ವ್ಡ್ ಗ್ಲಾಸ್ ಹೊಂದಿದೆ
6nm ತಂತ್ರಜ್ಞಾನದಲ್ಲಿ ನಿರ್ಮಾಣ
ಯುನಿಸಾಕ್ T8200 ಆಕ್ಟಾ-ಕೋರ್ ಪ್ರೊಸೆಸರ್‌
4GB LPDDR4X RAM ಮತ್ತು 64GB ಸ್ಟೋರೇಜ್'
ಮೈಕ್ರೊ SD ಕಾರ್ಡ್‌ನೊಂದಿಗೆ 1TB ವರೆಗೆ ವಿಸ್ತರಣೆಗೆ ಅವಕಾಶ

ಈ ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್ 16 ಗೋ ಆವೃತ್ತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ. ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸರ್ ಮತ್ತು ಫೇಸ್ ಅನ್‌ಲಾಕ್ ಒಳಗೊಂಡಿದೆ. ಫೋನ್ 3.5mm ಹೆಡ್‌ಫೋನ್ ಜ್ಯಾಕ್, USB ಟೈಪ್-ಸಿ ಪೋರ್ಟ್, ಬ್ಲೂಟೂತ್ 5.0 ಮತ್ತು ವೈ-ಫೈ 5 ಸಪೋರ್ಟ್ ಮಾಡಲಿದೆ.

ಐಟೆಲ್ ಸಿಟಿ 300 5G ಬ್ಯಾಟರಿ, ಕ್ಯಾಮೆರಾ
5,000mAh ಬ್ಯಾಟರಿಯಿಂದ ಚಾಲಿತ
10W ಚಾರ್ಜಿಂಗ್ ಸಪೋರ್ಟ್
ಬಾಕ್ಸ್‌ನಲ್ಲಿ ಚಾರ್ಜರ್ ನೀಡುತ್ತದೆ
13MP ಹಿಂಬದಿ, 8MP ಮುಂಬದಿಯ ಕ್ಯಾಮೆರಾ ಹೊಂದಿದೆ

Best 5G Smartphones Under 10000: ಸ್ಯಾಮ್‌ಸಂಗ್‌ನಿಂದ ರೆಡ್ಮಿವರೆಗೆ 10 ಸಾವಿರದೊಳಗೆ ಸಿಗುವ ಟಾಪ್-5 ಬೆಸ್ಟ್ 5G ಫೋನ್‌ಗಳು!

Naveen Kodase — Mon, 19 Oct 2026 21:42:38 +0530

ಕಡಿಮೆ ಬೆಲೆಯಲ್ಲಿ ಒಳ್ಳೆ ಫೀಚರ್ಸ್ ಇರೋ ಸ್ಮಾರ್ಟ್‌ಫೋನ್ ಹುಡುಕ್ತಿದ್ದೀರಾ? ಹಾಗಾದ್ರೆ ಈ ಮಾಹಿತಿ ನಿಮಗಾಗಿಯೇ. ಮಾರುಕಟ್ಟೆಯಲ್ಲಿ ಕೇವಲ 10,000 ರೂ. ಬಜೆಟ್‌ನಲ್ಲಿ ಸಿಗುವ ಟಾಪ್ 5G ಮೊಬೈಲ್‌ಗಳ ಡೀಟೇಲ್ಸ್ ಇಲ್ಲಿದೆ ನೋಡಿ.

ಈಗ ಬಜೆಟ್ ಬೆಲೆಯಲ್ಲೇ ಹೈ-ಸ್ಪೀಡ್ ಇಂಟರ್ನೆಟ್ ಕೊಡುವ 5G ಸ್ಮಾರ್ಟ್‌ಫೋನ್‌ಗಳ ಟ್ರೆಂಡ್ ನಡೀತಿದೆ. 10,000 ರೂ. ಒಳಗೆ ಒಳ್ಳೆ ಪ್ರೊಸೆಸರ್, ದೊಡ್ಡ ಬ್ಯಾಟರಿ ಹಾಗೂ ಸೂಪರ್ ಕ್ಯಾಮೆರಾ ಇರೋ ಫೋನ್ ತಗೋಬೇಕು ಅನ್ನೋರಿಗೆ ಮಾರುಕಟ್ಟೆಯಲ್ಲಿ ಭರ್ಜರಿ ಆಯ್ಕೆಗಳಿವೆ. ಕಡಿಮೆ ಬೆಲೆಗೆ ಸಿಗುವ ಟಾಪ್-5 ಬೆಸ್ಟ್ 5G ಫೋನ್‌ಗಳ ಫೀಚರ್ಸ್ ಮತ್ತು ಬೆಲೆ ವಿವರ ಇಲ್ಲಿದೆ.

ಬೆಲೆ: ಸುಮಾರು ರೂ. 8,999 ರಿಂದ ಶುರು

ಪ್ರಮುಖ ಫೀಚರ್ಸ್:

ಡಿಸ್‌ಪ್ಲೇ: 6.88-ಇಂಚಿನ ದೊಡ್ಡ HD+ ಡಿಸ್‌ಪ್ಲೇ, 120Hz ರಿಫ್ರೆಶ್ ರೇಟ್

ಪ್ರೊಸೆಸರ್: ಸ್ನಾಪ್‌ಡ್ರಾಗನ್ 4s Gen 2 ಪ್ರೊಸೆಸರ್

ಕ್ಯಾಮೆರಾ: 50MP ಮೇನ್ ಕ್ಯಾಮೆರಾ, 5MP ಸೆಲ್ಫಿ ಕ್ಯಾಮೆರಾ

ಬ್ಯಾಟರಿ: 5160mAh ದೊಡ್ಡ ಬ್ಯಾಟರಿ

18W ಫಾಸ್ಟ್ ಚಾರ್ಜಿಂಗ್ ಸಪೋರ್ಟ್

ಬೆಲೆ: ಸುಮಾರು ರೂ. 8,499 ರಿಂದ ರೂ. 9,999 (ಆಫರ್ ಸೇರಿ)

ಪ್ರಮುಖ ಫೀಚರ್ಸ್:

ಡಿಸ್‌ಪ್ಲೇ: 6.74-ಇಂಚಿನ HD+ ಡಿಸ್‌ಪ್ಲೇ (90Hz ರಿಫ್ರೆಶ್ ರೇಟ್)

ಪ್ರೊಸೆಸರ್: ಮೀಡಿಯಾಟೆಕ್ ಡೈಮೆನ್ಸಿಟಿ 6100+ 5G ಚಿಪ್‌ಸೆಟ್

ಕ್ಯಾಮೆರಾ: 50MP ಡ್ಯುಯಲ್ AI ರಿಯರ್ ಕ್ಯಾಮೆರಾ, 5MP ಫ್ರಂಟ್ ಕ್ಯಾಮೆರಾ

ಬ್ಯಾಟರಿ: 5000mAh ಬ್ಯಾಟರಿ

18W ಚಾರ್ಜಿಂಗ್ ಸಪೋರ್ಟ್

ಬೆಲೆ: ಸುಮಾರು ರೂ. 9,299 ರಿಂದ ರೂ. 9,999

ಪ್ರಮುಖ ಫೀಚರ್ಸ್:

ಡಿಸ್‌ಪ್ಲೇ: 6.5-ಇಂಚಿನ HD+ IPS ಡಿಸ್‌ಪ್ಲೇ, 90Hz ರಿಫ್ರೆಶ್ ರೇಟ್

ಪ್ರೊಸೆಸರ್: ಮೀಡಿಯಾಟೆಕ್ ಡೈಮೆನ್ಸಿಟಿ 700 5G ಆಕ್ಟಾ-ಕೋರ್ ಪ್ರೊಸೆಸರ್

ಕ್ಯಾಮೆರಾ: 50MP AI ಟ್ರಿಪಲ್ ರಿಯರ್ ಕ್ಯಾಮೆರಾ, 8MP ಫ್ರಂಟ್ ಕ್ಯಾಮೆರಾ

ಬ್ಯಾಟರಿ: 5000mAh ಬ್ಯಾಟರಿ, ಕ್ಲೀನ್ ಆಂಡ್ರಾಯ್ಡ್ ಅನುಭವ

ಬೆಲೆ: ಸುಮಾರು ರೂ. 9,999

ಪ್ರಮುಖ ಫೀಚರ್ಸ್:

ಡಿಸ್‌ಪ್ಲೇ: 6.67-ಇಂಚಿನ HD+ ಡಿಸ್‌ಪ್ಲೇ, 90Hz ರಿಫ್ರೆಶ್ ರೇಟ್

ಪ್ರೊಸೆಸರ್: ಮೀಡಿಯಾಟೆಕ್ ಡೈಮೆನ್ಸಿಟಿ 6300 5G ಚಿಪ್‌ಸೆಟ್

ಕ್ಯಾಮೆರಾ: 50MP AI ಕ್ಯಾಮೆರಾ, 8MP ಫ್ರಂಟ್ ಕ್ಯಾಮೆರಾ

ಬ್ಯಾಟರಿ: 5000mAh ಬ್ಯಾಟರಿ

ಬೆಲೆ: ಸುಮಾರು ರೂ. 9,999 (ಆಫರ್ ಸೇರಿ)

ಪ್ರಮುಖ ಫೀಚರ್ಸ್:

ಡಿಸ್‌ಪ್ಲೇ: 6.6-ಇಂಚಿನ FHD+ IPS LCD ಡಿಸ್‌ಪ್ಲೇ, 90Hz ರಿಫ್ರೆಶ್ ರೇಟ್

ಪ್ರೊಸೆಸರ್: ಎಕ್ಸಿನೋಸ್ 1330 ಆಕ್ಟಾ-ಕೋರ್ 5G ಪ್ರೊಸೆಸರ್

ಕ್ಯಾಮೆರಾ: 50MP + 2MP + 2MP ಟ್ರಿಪಲ್ ರಿಯರ್ ಕ್ಯಾಮೆರಾ, 13MP ಸೆಲ್ಫಿ ಕ್ಯಾಮೆರಾ

ಬ್ಯಾಟರಿ: 6000mAh ದೊಡ್ಡ ಬ್ಯಾಟರಿ

ಒಂದು ಲಕ್ಷದ iPhone ಈಗ ₹49161 ಗೆ ಲಭ್ಯ.. ಖರೀದಿಸುವ ಮುನ್ನ ಈ ನಿಯಮ ತಿಳಿದುಕೊಳ್ಳಿ

Ganesh Mabla Gowda — Wed, 14 Oct 2026 18:02:59 +0530

iPhone 18 ಪ್ರೋ ಸರಣಿ ಬರುತ್ತಿದೆ. 17 ಬೆಲೆ ಕಡಿಮೆ ಆಗಲಿದೆ ಅಂದ್ಕೊಂಡವ್ರಿಗೆ Apple ಬಿಗ್ ಶಾಕ್ ನೀಡಿತ್ತು. 18 ಬಿಡುಗಡೆ ಬೆನ್ನಲ್ಲೇ 17 ಬೆಲೆಯನ್ನು ಒಂದು ಲಕ್ಷ ರೂಪಾಯಿಗೆ ಏರಿಕೆ ಮಾಡಿತ್ತು. ಆದರೆ ಇದೀಗ ನೀವು ಅದೇ 17 ಫೋನ್ ಅನ್ನು 49161 ರೂಪಾಯಿಗೆ ಖರೀದಿ ಮಾಡಬಹುದಾಗಿದೆ.

ಅಂದ್ಹಾಗೆ ಕಂಪನಿ ಅಧಿಕೃತವಾಗಿ 17 ಬೆಲೆಯನ್ನು ಕಡಿತ ಮಾಡಿಲ್ಲ. ಐಫೋನ್ 17 256 ಸ್ಟೋರೇಜ್‌ನ ಆಪಲ್ ಫೋನ್ ಅನ್ನು ಫ್ಲಿಪ್‌ಕಾರ್ಟ್‌ನಲ್ಲಿ ವಿಶೇಷ ಆಫರ್ ಮೂಲಕ ಖರೀದಿ ಮಾಡಬಹುದು. ಈ ಬೆಲೆಗೆ ನೀವು ಫೋನ್ ಖರೀದಿಸುತ್ತೀರಿ ಎಂದರೆ ನಿಮಗೆ ಕೆಲವು ಷರತ್ತುಗಳು ಇವೆ. ಹಳೆ ಫೋನ್ ವಿನಿಮಯ ಹಾಗೂ ಬ್ಯಾಂಕ್ ಕೊಡುಗೆ ಇಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ.

17 ಬೆಲೆಗೆ ಪ್ರಸ್ತುತ ಅಧಿೃತ ಮಾರಾಟದ ಬೆಲೆ 99,900 ರೂಪಾಯಿ. ಬಿಗ್ ಬಿಲಿಯನ್ಸ್ ಡೇ ಹಿನ್ನೆಲೆಯಲ್ಲಿ ಫ್ಲಿಪ್‌ಕಾರ್ಟ್ 86,999 ರೂಪಾಯಿಗೆ ಪಟ್ಟಿ ಮಾಡಿದೆ. ಅದನ್ನ 49161 ರೂಪಾಯಿಗೆ ನೀವು ಖರೀದಿಸಬೇಕು ಅಂದರೆ..ನೀವು ನಿಮ್ಮ ಹಳೆಯ ಫೋನ್ ಅನ್ನು ಎಕ್ಸ್‌ಚೇಂಜ್ ಮಾಡಿಕೊಳ್ಳಬೇಕು. ಜೊತೆಗೆ ಬ್ಯಾಂಕ್ ಕೊಡುಗೆಯ ಲಾಭವನ್ನು ಪಡೆದುಕೊಳ್ಳಬೇಕು. ಫ್ಲಿಪ್‌ಕಾರ್ಟ್ ಆಪಲ್ 15ಕ್ಕೆ ಗರಿಷ್ಟ 34250 ರೂಪಾಯಿ ಬೆಲೆ ನೀಡಿದೆ. ಹೆಚ್ಚುವರಿಯಾಗಿ ಆಕ್ಸಿಸ್ ಕಾರ್ಡ್‌ ಬಳಸಿ ಪಾವತಿ ಮಾಡಿದರೆ ಹೆಚ್ಚುವರಿಯಾಗಿ 3588 ರೂಪಾಯಿ ರಿಯಾಯತಿ ಸಿಗಲಿದೆ. ಈ ಎರಡು ಕೊಡುಗೆಗಳನ್ನ ಪಡೆದುಕೊಂಡು ಐಫೋನ್ 17 ಅನ್ನು 49161 ಖರೀದಿಸಬಹುದು.

ಒಂದು ವೇಳೆ ನಿಮ್ಮ ಬಳಿ ಹಳೆಯ ಐಫೋನ್ ಇಲ್ಲದಿದ್ದರೆ, ಬ್ಯಾಂಕ್ ಕಾರ್ಡ್‌ ಇಲ್ಲದಿದ್ದರೆ ಈ ಆಫರ್‍‌ನಿಂದ ವಂಚಿತರಾಗುತ್ತೀರಿ. ಅಲ್ಲದೇ ಐಫೋನ್ 17 ಖರೀದಿ ಮಾಡಬೇಕು ಅಂದರೆ ಅಷ್ಟೂ ಹಣವನ್ನು ನೀಡಿ ಖರೀದಿ ಮಾಡಬೇಕಾಗುತ್ತದೆ.

ಐಫೋನ್ 17 6.3-ಇಂಚಿನ OLED ಡಿಸ್‌ಪ್ಲೇ
ಆಪಲ್‌ನ A19 ಚಿಪ್‌ನಿಂದ ಚಾಲಿತ
ದೈನಂದಿನ ಕೆಲಸಗಳು, ಗೇಮಿಂಗ್
ಫೋಟೋ ಮತ್ತು ವಿಡಿಯೋ ಎಡಿಟಿಂಗ್‌ಗಾಗಿ ಡಿಸೈನ್
ಫೋನ್ 2 48MP ಬ್ಯಾಕ್ ಕ್ಯಾಮೆರಾ
ಸೆಲ್ಫಿಗಳು ಮತ್ತು ವೀಡಿಯೊ ಕರೆಗಳಿಗಾಗಿ 18MP ಫ್ರಂಟ್ ಕ್ಯಾಮೆರಾ ಲಭ್ಯ
5G ಸಂಪರ್ಕ ಮತ್ತು ಫೇಸ್ ಐಡಿ
256GB ಸ್ಟೋರೇಜ್

ಒಂದು ಕ್ಷಣ ರಿಯಾಯಿತಿ ನೋಡಿ ಖರೀದಿಸುವುದು ಒಳ್ಳೆಯದಲ್ಲ. ಆದರೆ ನಿಮ್ಮ ಬಳಿ ಹಳೆಯ ಫೋನ್ ಹಾಗೂ ಬ್ಯಾಂಕ್ ಕಾರ್ಡ್ ಹೊಂದಿದ್ದರೆ ಈಗಿರುವ ಬೆಲೆಗೆ ಖರೀದಿಸೋದ್ರಿಂದ ನಿಮಗೆ ಪ್ರಯೋಜನ ಆಗಬಹುದು. ಆದರೆ ನಿಮ್ಮ ಬಳಿ ಹಳೆಯ ಫೋನ್ ಇಲ್ಲ, ಕಾರ್ಡ್ ಇಲ್ಲ ಎಂದಾಗ ಸ್ವಲ್ಪ ವಿಚಾರಿಸಿ. ಮುಂದೊಂದು ದಿನ ಇನ್ನೂ ಕಡಿಮೆಗೆ ಸಿಕ್ಕರೂ ಸಿಗಬಹುದು.