Asianet Suvarna News

ಮೊಬೈಲ್, ಟಿವಿ ನೋಡ್ಕೊಂಡೆ ಊಟ ಮಾಡ್ತೀರಾ? ಹಾಗಿದ್ರೆ ಇದನ್ನೊಮ್ಮೆ ಓದಿ…

Pavna Das — Sat, 31 Oct 2026 12:59:54 +0530

Ayurveda Tips: ಟಿವಿ ಅಥವಾ ಮೊಬೈಲ್ ನೋಡುತ್ತಾ ಊಟ ಮಾಡುವ ಅಭ್ಯಾಸ ನಿಮಗಿದೆಯೇ? ಆಯುರ್ವೇದದ ಪ್ರಕಾರ ಆಹಾರ ಸೇವಿಸುವ ವಿಧಾನವೂ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಈ ಏಳು ಕ್ರಮಗಳನ್ನು ಅನುಸರಿಸುವುದು ಆರೋಗ್ಯಕ್ಕೆ ಉತ್ತಮ.

ಇತ್ತೀಚಿನ ದಿನಗಳಲ್ಲಿ ಜನರು ಕೇವಲ ಹೊಟ್ಟೆ ತುಂಬಿಸಿಕೊಳ್ಳಲು ಮಾತ್ರ ಊಟ ಮಾಡುವುದಿಲ್ಲ. ಕೆಲವರು ಕಚೇರಿ ಕೆಲಸ ಮಾಡುತ್ತಾ ಮಧ್ಯಾಹ್ನದ ಊಟ ಮಾಡಿದರೆ, ಇನ್ನು ಕೆಲವರು ಟಿವಿ ಅಥವಾ ಮೊಬೈಲ್ ನೋಡುತ್ತಾ ಆಹಾರ ಸೇವಿಸುತ್ತಾರೆ. ಇಂತಹ ಸಂದರ್ಭಗಳಲ್ಲಿ ನಮ್ಮ ಸಂಪೂರ್ಣ ಗಮನ ಊಟದ ಮೇಲಿರುವುದಿಲ್ಲ. ಹೀಗಾಗಿ ಆಹಾರವನ್ನು ಸರಿಯಾಗಿ ಅಗಿಯುವುದನ್ನೂ ಮರೆತುಬಿಡುತ್ತೇವೆ. ಆದರೆ ಆಯುರ್ವೇದದ ಪ್ರಕಾರ ಆರೋಗ್ಯಕ್ಕಾಗಿ ಪೌಷ್ಟಿಕ ಆಹಾರ ಸೇವಿಸುವುದು ಎಷ್ಟು ಮುಖ್ಯವೋ, ಅದನ್ನು ಸೇವಿಸುವ ವಿಧಾನವೂ ಅಷ್ಟೇ ಮುಖ್ಯ. ಹಾಗಾದರೆ ಊಟ ಮಾಡುವ ಸರಿಯಾದ ವಿಧಾನ ಯಾವುದು ನೋಡೋಣ.

ಆಯುರ್ವೇದದ ಪ್ರಕಾರ ಯಾವಾಗಲೂ ಶಾಂತ ಮತ್ತು ಸ್ವಚ್ಛವಾದ ಸ್ಥಳದಲ್ಲಿ ಕುಳಿತು ಊಟ ಮಾಡಬೇಕು. ಆಹಾರ ಸೇವಿಸುವಾಗ ಟಿವಿ ನೋಡುವುದು, ಮೊಬೈಲ್ ಬಳಸುವುದು ಅಥವಾ ಜೋರಾಗಿ ಮಾತನಾಡುವುದನ್ನು ತಪ್ಪಿಸಬೇಕು. ಇಂತಹ ಅಭ್ಯಾಸಗಳಿಂದ ನಮ್ಮ ಗಮನ ಊಟದ ಮೇಲಿರುವುದಿಲ್ಲ. ಪ್ರತಿಯೊಂದು ತುತ್ತನ್ನೂ ಚೆನ್ನಾಗಿ ಅಗಿದು ತಿನ್ನಲು ಪ್ರಯತ್ನಿಸಿ. ಆಹಾರವನ್ನು ತುಂಬಾ ವೇಗವಾಗಿ ನುಂಗಬಾರದು ಅಥವಾ ಅಗತ್ಯಕ್ಕಿಂತ ಹೆಚ್ಚು ಸಮಯ ತೆಗೆದುಕೊಂಡು ತಿನ್ನಬಾರದು.

ಕೆಲವರಿಗೆ ತುಂಬಾ ಬಿಸಿಯಾದ ಆಹಾರ ಇಷ್ಟವಾದರೆ, ಇನ್ನು ಕೆಲವರು ಫ್ರಿಜ್‌ನಿಂದ ತೆಗೆದ ತಣ್ಣನೆಯ ಆಹಾರವನ್ನು ಸೇವಿಸುತ್ತಾರೆ. ಆಯುರ್ವೇದದ ಪ್ರಕಾರ ಆಹಾರವು ತುಂಬಾ ಬಿಸಿಯಾಗಿಯೂ ಇರಬಾರದು, ಅತಿಯಾಗಿ ತಣ್ಣಗಾಗಿಯೂ ಇರಬಾರದು. ಸಾಮಾನ್ಯ ತಾಪಮಾನದಲ್ಲಿರುವ ಅಥವಾ ಸ್ವಲ್ಪ ಬೆಚ್ಚಗಿರುವ ಆಹಾರ ಸೇವಿಸುವುದು ಜೀರ್ಣಕ್ರಿಯೆಗೆ ಉತ್ತಮ.

ಆಯುರ್ವೇದದಲ್ಲಿ ಆರು ರಸಗಳನ್ನು ಆಹಾರದ ಪ್ರಮುಖ ಭಾಗವೆಂದು ಪರಿಗಣಿಸಲಾಗಿದೆ. ಅವುಗಳೆಂದರೆ ಸಿಹಿ, ಹುಳಿ, ಉಪ್ಪು, ಖಾರ, ಕಹಿ ಮತ್ತು ಒಗರು ರುಚಿಗಳು. ಹೀಗಾಗಿ ನಿಮ್ಮ ಊಟದ ತಟ್ಟೆಯಲ್ಲಿ ವಿಭಿನ್ನ ರುಚಿಗಳಿರುವ ಆಹಾರಗಳನ್ನು ಸೇರಿಸಿಕೊಳ್ಳಿ. ಹಣ್ಣುಗಳು, ಬೇಳೆಕಾಳುಗಳು, ತರಕಾರಿಗಳು ಮತ್ತು ಸಲಾಡ್ ಸೇವಿಸುವುದರಿಂದ ಆಹಾರದಲ್ಲಿ ವೈವಿಧ್ಯತೆ ಕಾಪಾಡಿಕೊಳ್ಳಬಹುದು.

ಊಟ ಮಾಡುವುದಕ್ಕಿಂತ ಸ್ವಲ್ಪ ಮೊದಲು ಅಥವಾ ಊಟ ಮಾಡಿದ ತಕ್ಷಣ ಹೆಚ್ಚಿನ ಪ್ರಮಾಣದಲ್ಲಿ ನೀರು ಕುಡಿಯುವುದನ್ನು ತಪ್ಪಿಸಬೇಕು. ಆಯುರ್ವೇದದ ಪ್ರಕಾರ ಇದರಿಂದ ಜೀರ್ಣಕ್ರಿಯೆಯ ಮೇಲೆ ಪರಿಣಾಮ ಬೀರಬಹುದು. ಊಟದ ಸಮಯದಲ್ಲಿ ಬಾಯಾರಿಕೆಯಾದರೆ ಸ್ವಲ್ಪ ಸ್ವಲ್ಪವಾಗಿ ನೀರು ಕುಡಿಯಬಹುದು.

ಹಗಲಿನ ಊಟಕ್ಕೆ ಹೋಲಿಸಿದರೆ ರಾತ್ರಿ ಊಟವನ್ನು ಹಗುರವಾಗಿರಿಸಿಕೊಳ್ಳುವುದು ಉತ್ತಮ. ಮಲಗುವ ಕನಿಷ್ಠ 2-3 ಗಂಟೆಗಳ ಮೊದಲು ರಾತ್ರಿ ಊಟ ಮಾಡುವ ಪ್ರಯತ್ನ ಮಾಡಿ. ಇದರಿಂದ ಆಹಾರ ಜೀರ್ಣವಾಗಲು ದೇಹಕ್ಕೆ ಸಾಕಷ್ಟು ಸಮಯ ಸಿಗುತ್ತದೆ.

ಊಟ ಮಾಡಿದ ತಕ್ಷಣ ಹಾಸಿಗೆಯ ಮೇಲೆ ಮಲಗುವುದು ಅಥವಾ ನಿದ್ರೆ ಮಾಡುವುದನ್ನು ತಪ್ಪಿಸಿ. ಆಯುರ್ವೇದದಲ್ಲಿ ರಾತ್ರಿ ಊಟದ ನಂತರ ಸ್ವಲ್ಪ ಹೊತ್ತು ನಡೆಯುವಂತೆ ಸಲಹೆ ನೀಡಲಾಗುತ್ತದೆ. ನೀವು ಆರಾಮವಾಗಿ 100 ಹೆಜ್ಜೆ ನಡೆಯಬಹುದು.

ಊಟ ಮಾಡಿದ ತಕ್ಷಣ ಜಿಮ್‌ಗೆ ಹೋಗುವುದು, ಭಾರವಾದ ತೂಕ ಎತ್ತುವುದು ಅಥವಾ ಕಠಿಣ ದೈಹಿಕ ಚಟುವಟಿಕೆಗಳಲ್ಲಿ ತೊಡಗಿಕೊಳ್ಳುವುದು ಒಳ್ಳೆಯದಲ್ಲ. ಊಟದ ನಂತರ ದೇಹಕ್ಕೆ ಸ್ವಲ್ಪ ವಿಶ್ರಾಂತಿ ನೀಡಬೇಕು.

ಜ್ಯುವೆಲ್ಲರಿ ಮೇಳಕ್ಕೆ ಚಾಲನೆ ನೀಡಿ, ಜೈ ಕರ್ನಾಟಕ ಎಂದ ನಟಿ ಮೃಣಾಲ್‌ ಠಾಕೂರ್‌; ಮುದ್ದಾಗಿ ಕನ್ನಡ ಮಾತನಾಡಿ ಮನಗೆದ್ದ ಸೀತಾ ಮಹಾಲಕ್ಷ್ಮೀ

Santosh Naik — Sat, 31 Oct 2026 12:45:23 +0530

ಬೆಂಗಳೂರು (ಅ.31): 'ಸೀತಾ ರಾಮಂ' ಚಿತ್ರದ 'ಸೀತಾ ಮಹಾಲಕ್ಷ್ಮಿ' ಪಾತ್ರದ ಮೂಲಕ ಇಡೀ ದಕ್ಷಿಣ ಭಾರತದಾದ್ಯಂತ ಅಪಾರ ಅಭಿಮಾನಿಗಳನ್ನು ಗಳಿಸಿರುವ ನಟಿ ಮೃಣಾಲ್ ಠಾಕೂರ್ (Mrunal Thakur) ಸಿಲಿಕಾನ್ ಸಿಟಿ ಬೆಂಗಳೂರಿಗೆ ಆಗಮಿಸಿ ಕನ್ನಡಿಗರ ಮನ ಗೆದ್ದಿದ್ದಾರೆ. ಜ್ಯುವೆಲ್ಲರಿ ಮೇಳ ಉದ್ಘಾಟಿಸಿದ ಅವರು ವೇದಿಕೆ ಮೇಲೆ ಸ್ಪಷ್ಟವಾಗಿ ಕನ್ನಡದಲ್ಲೇ ಮಾತನಾಡಿ 'ಜೈ ಕರ್ನಾಟಕ' ಎನ್ನುವ ಮೂಲಕ ಕನ್ನಡಿಗರ ಮೆಚ್ಚುಗೆಗೆ ಪಾತ್ರವಾಗಿದ್ದಾರೆ.

ನಟಿ ಮೃಣಾಲ್ ಠಾಕೂರ್ ಅವರು ಅಕ್ಟೋಬರ್ 29ರಂದು ಬೆಂಗಳೂರಿನ ಪ್ರಸಿದ್ಧ ಅರಮನೆ ಮೈದಾನದಲ್ಲಿ ಆಯೋಜಿಸಲಾಗಿದ್ದ ಹೆಮ್ಮೆಯ ‘ಜ್ಯುವೆಲ್ಸ್ ಆಫ್ ಇಂಡಿಯಾ’ (Jewels of India) ಒಡವೆಗಳ ಪ್ರದರ್ಶನ ಹಾಗೂ ಮೇಳಕ್ಕೆ ಮುಖ್ಯ ಅತಿಥಿಯಾಗಿ ಆಗಮಿಸಿದ್ದರು. ಸಾಂಪ್ರದಾಯಿಕ ಉಡುಗೆ ಹಾಗೂ ಕ್ಯೂಟ್ ಲುಕ್‌ನಲ್ಲಿ ಮಿಂಚಿದ ಮೃಣಾಲ್, ದೀಪ ಬೆಳಗಿಸುವ ಮೂಲಕ ಬೃಹತ್ ಪ್ರದರ್ಶನಕ್ಕೆ ಚಾಲನೆ ನೀಡಿದರು.

ಹೇಗಿದ್ದೀರಾ ಬೆಂಗಳೂರು... ಜೈ ಕರ್ನಾಟಕ!

ಸಾಮಾನ್ಯವಾಗಿ ಅನ್ಯಭಾಷಾ ನಟ-ನಟಿಯರು ಬೆಂಗಳೂರಿಗೆ ಬಂದಾಗ ಇಂಗ್ಲಿಷ್‌ನಲ್ಲಿ 'ಹೌ ಆರ್ ಯು ಬೆಂಗಳೂರು' ಎನ್ನುವುದು ವಾಡಿಕೆ. ಆದರೆ, ವೇದಿಕೆ ಏರಿದ ಮೃಣಾಲ್ ಠಾಕೂರ್ ಅವರು "ಹೌ ಆರ್‌ ಯು ಬೆಂಗಳೂರು ಅಂತ ನಾನು ಇಂಗ್ಲಿಷ್‌ನಲ್ಲಿ ಹೇಳ್ಬೇಕಾ? ಹೇಗಿದ್ದೀರಾ ಬೆಂಗಳೂರು!" ಎಂದು ಅತ್ಯಂತ ಸ್ಪಷ್ಟವಾಗಿ ಹಾಗೂ ಮುದ್ದಾಗಿ ಕನ್ನಡದಲ್ಲೇ ಮಾತನಾಡಿ ನೆರೆದಿದ್ದ ಸಾರ್ವಜನಿಕರ ಮನಗೆದ್ದರು.

ಅಷ್ಟಕ್ಕೇ ನಿಲ್ಲದೆ, ತಾವು ಹೇಳುವ ಪ್ರತಿಯೊಂದು ಕನ್ನಡ ಮಾತಿನ ಅರ್ಥವನ್ನೂ ಅಭಿಮಾನಿಗಳಿಂದ ಕೇಳಿ ತಿಳಿದುಕೊಂಡ ಅವರು, "ಬೆಂಗಳೂರಿಗೆ ಬಂದು ನನಗೆ ತುಂಬಾ ಖುಷಿಯಾಗಿದೆ... ಜೈ ಕರ್ನಾಟಕ!" ಎಂದು ಕನ್ನಡಿಗರ ನಾಡು-ನುಡಿಗೆ ಗೌರವ ಸಲ್ಲಿಸಿ ಜಯಘೋಷ ಕೂಗಿದರು. ನಟಿಯ ಈ ಕನ್ನಡ ಪ್ರೀತಿಗೆ ಕನ್ನಡಿಗರು ಅಕ್ಷರಶಃ ಫಿದಾ ಆಗಿದ್ದಾರೆ.

ಸಿಲ್ಕಿ ಕೂದಲಿನ ಸೌಂದರ್ಯಕ್ಕೆ ಮನಸೋತ ಅಭಿಮಾನಿಗಳು

ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಮೃಣಾಲ್ ಅವರನ್ನು ನೇರವಾಗಿ ಕಂಡ ಅಭಿಮಾನಿಗಳು ಅವರ ಅನುರೂಪದ ಸೌಂದರ್ಯ ಮತ್ತು ಕೇಶರಾಶಿಗೆ ಮಾರುಹೋದರು. ಯಾವುದೇ ಅತಿಯಾದ ಆಡಂಬರವಿಲ್ಲದೆ, ನೈಸರ್ಗಿಕವಾಗಿ ಲಿಕ್ವಿಡ್‌ ಸಿಲ್ಕ್‌ನಂತಿರುವ ಅವರ ಕೇಶ ವಿನ್ಯಾಸ ಹಾಗೂ ಅಪ್ರತಿಮ ಸೌಂದರ್ಯದ ಸೀಕ್ರೆಟ್ ಏನಿರಬಹುದು ಎಂದು ಅಭಿಮಾನಿಗಳು ಪರಸ್ಪರ ಚರ್ಚಿಸಿಕೊಳ್ಳುವುದು ಕಂಡುಬಂತು. ಬೆಳ್ಳಿಪರದೆಯ ಮೇಲೆಷ್ಟೇ ಅಲ್ಲದೆ ನಿಜ ಜೀವನದಲ್ಲೂ ಅವರ ಈ ಸರಳ ಹಾಗೂ ಲವಲವಿಕೆಯ ಎಲಿಗನ್ಸ್ ಜನರ ಗಮನಸೆಳೆದಿದೆ.

ಕರ್ನಾಟಕದಲ್ಲೂ ಭಾರಿ ಕ್ರೇಜ್ ಹೊಂದಿರುವ 'ಸೀತಾ'

ಪ್ರಸ್ತುತ ಮೃಣಾಲ್ ಠಾಕೂರ್ ಅವರು ಯಾವುದೇ ನೇರ ಕನ್ನಡ ಸಿನಿಮಾಗಳಲ್ಲಿ ನಟಿಸಿಲ್ಲವಾದರೂ, ಕನ್ನಡಿಗರಿಗೆ ಅವರ ಮೇಲೆ ಅಪಾರ ಅಭಿಮಾನವಿದೆ. ಅವರು ನಟಿಸಿರುವ 'ಸೀತಾ ರಾಮಂ' (Sita Ramam), 'ಹಾಯ್ ನಾನ' (Hi Nanna) ಹಾಗೂ 'ಫ್ಯಾಮಿಲಿ ಸ್ಟಾರ್' (The Family Star) ನಂತಹ ಪ್ರಸಿದ್ಧ ತೆಲುಗು ಚಿತ್ರಗಳು ಕನ್ನಡಕ್ಕೆ ಡಬ್ ಆಗಿ ಕರ್ನಾಟಕದಾದ್ಯಂತ ಬಿಡುಗಡೆಯಾಗಿ ಭಾರಿ ಯಶಸ್ಸು ಕಂಡಿವೆ. ವಿಶೇಷವಾಗಿ 'ಸೀತಾ ರಾಮಂ' ಚಿತ್ರದ 'ಸೀತಾ ಮಹಾಲಕ್ಷ್ಮಿ' ಪಾತ್ರದ ಮೂಲಕ ಕರ್ನಾಟಕದ ಪ್ರತಿಯೊಂದು ಮನೆಯಲ್ಲೂ ಅವರು ನೆಚ್ಚಿನ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಇದೀಗ ಬೆಂಗಳೂರು ಭೇಟಿಯ ವೇಳೆ ಅವರು ತೋರಿದ ಸರಳತೆ ಮತ್ತು ಕನ್ನಡ ಪ್ರೀತಿ ಕನ್ನಡಿಗರ ಹೃದಯದಲ್ಲಿ ಅವರಿಗಿರುವ ಸ್ಥಾನವನ್ನು ಮತ್ತಷ್ಟು ಎತ್ತರಕ್ಕೇರಿಸಿದೆ.

View this post on Instagram

A post shared by CineTalkies_Kannada (@cinetalkies_kannadaa)

ಕಾಜು ಮೈಸೂರು ಪಾಕ್‌ನಿಂದ ಕೇಸರ್ ಬಾದಾಮಿ ಜಾಮೂನ್‌ವರೆಗೆ; 3 ತಿಂಗಳವರೆಗೆ ತಾಜಾವಾಗಿರಲಿವೆ MTR ಸ್ವೀಟ್ಸ್!

Sushma Hegde — Sat, 31 Oct 2026 12:42:35 +0530

ಹಬ್ಬದ ಸೀಸನ್ ಆರಂಭವಾಗುತ್ತಿದ್ದಂತೆ ಸಿಹಿ ತಿನಿಸುಗಳಿಗೆ ಬೇಡಿಕೆ ಹೆಚ್ಚಾಗುವುದು ಸಹಜ. ಈ ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ಬೆಂಗಳೂರಿನ ಜನಪ್ರಿಯ ಆಹಾರ ಬ್ರ್ಯಾಂಡ್ MTR Foods ತನ್ನ ಸಿಹಿ ತಿನಿಸುಗಳ ವಿಭಾಗವನ್ನು ವಿಸ್ತರಿಸಿದೆ. ಸಾಂಪ್ರದಾಯಿಕ ರುಚಿಗೆ ಹೊಸ ರೂಪ ನೀಡುವ ಉದ್ದೇಶದಿಂದ ಹಲವು ಹೊಸ ಸ್ವೀಟ್‌ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದ್ದು, ಕಂಪನಿಯ ಒಟ್ಟು ಸಿಹಿ ತಿನಿಸುಗಳ ಶ್ರೇಣಿ ಈಗ 27ಕ್ಕೆ ಏರಿಕೆಯಾಗಿದೆ.

ಮೈಸೂರು ಪಾಕ್‌ಗೆ ಹೊಸ ಹೊಸ ರೂಪ!

ಕರ್ನಾಟಕದ ಜನಪ್ರಿಯ ಸಿಹಿ ತಿನಿಸಾದ ಮೈಸೂರು ಪಾಕ್‌ಗೆ MTR ಹೊಸ ಟ್ವಿಸ್ಟ್ ನೀಡಿದೆ. ಹೊಸ ಉತ್ಪನ್ನಗಳ ಪಟ್ಟಿಯಲ್ಲಿ ಮಿಲ್ಕ್ ಮೈಸೂರು ಪಾಕ್ ಮತ್ತು ಕಾಜು ಮೈಸೂರು ಪಾಕ್ ಸೇರಿವೆ.

ಇದರ ಜೊತೆಗೆ ತುಪ್ಪ ಮತ್ತು ಬೆಲ್ಲದ ಸಂಯೋಜನೆಯಲ್ಲಿ ತಯಾರಿಸಿದ ಹೊಸ ಶ್ರೇಣಿಯನ್ನೂ ಕಂಪನಿ ಪರಿಚಯಿಸಿದೆ. ಅವುಗಳಲ್ಲಿ:

- ಬೆಲ್ಲ-ತುಪ್ಪ ಮೈಸೂರು ಪಾಕ್

- ಬೆಲ್ಲ-ತುಪ್ಪ ಕೊಬ್ಬರಿ ಬರ್ಫಿ

- ತುಪ್ಪ ಡ್ರೈ ಫ್ರೂಟ್ ಬರ್ಫಿ

ಸೇರಿವೆ.

ಖರ್ಜೂರ ಮತ್ತು ಡ್ರೈ ಫ್ರೂಟ್ಸ್‌ನೊಂದಿಗೆ ಹೊಸ ಮೈಸೂರು ಪಾಕ್

MTR ಪರಿಚಯಿಸಿರುವ ಮತ್ತೊಂದು ವಿಶೇಷ ಉತ್ಪನ್ನ ಮೈಸೂರು ಪಾಕ್ ಡೇಟ್ ಬೈಟ್ಸ್. ಇದರಲ್ಲಿ ಮೈಸೂರು ಪಾಕ್ ಜೊತೆಗೆ ಖರ್ಜೂರ ಮತ್ತು ಡ್ರೈ ಫ್ರೂಟ್ಸ್‌ಗಳನ್ನು ಎರಡು ಹಂತದ ವಿನ್ಯಾಸದಲ್ಲಿ ಸಂಯೋಜಿಸಲಾಗಿದೆ.

ಗುಲಾಬ್ ಜಾಮೂನ್ ಪ್ರಿಯರಿಗೂ ಹೊಸ ಆಯ್ಕೆಗಳನ್ನು ಕಂಪನಿ ನೀಡಿದೆ. ಈಗಿನ ಮಿಶ್ರಣ ಮತ್ತು ರೆಡಿ-ಟು-ಈಟ್ ಉತ್ಪನ್ನಗಳ ಜೊತೆಗೆ ಡ್ರೈ ಜಾಮೂನ್, ಕಾಳಾ ಜಾಮೂನ್ ಹಾಗೂ ಕೇಸರ್ ಬಾದಾಮಿ ಗುಲಾಬ್ ಜಾಮೂನ್ ಕೂಡ ಹೊಸ ಶ್ರೇಣಿಯಲ್ಲಿ ಲಭ್ಯವಾಗಲಿದೆ.

ಸಾಂಪ್ರದಾಯಿಕ ರುಚಿಗೆ ಹೊಸ ಪೀಳಿಗೆಯ ಟಚ್

ಗ್ರಾಹಕರ ಅಭಿರುಚಿ ಬದಲಾಗುತ್ತಿರುವ ಹಿನ್ನೆಲೆಯಲ್ಲಿ ಸಂಪ್ರದಾಯ ಮತ್ತು ಹೊಸತನದ ಸಮತೋಲನಕ್ಕೆ MTR ಆದ್ಯತೆ ನೀಡುತ್ತಿದೆ ಎಂದು ಕಂಪನಿಯ CEO ಸುನಯ್ ಭಾಸಿನ್ ಹೇಳಿದ್ದಾರೆ.

ಮೈಸೂರು ಪಾಕ್ ಅಥವಾ ಧಾರವಾಡ ಪೇಡಾದಂತಹ ಪ್ರಾದೇಶಿಕ ಸಿಹಿ ತಿನಿಸುಗಳ ಬಗ್ಗೆ ದೇಶದ ಬೇರೆ ಭಾಗಗಳ ಜನರಿಗೆ ಪರಿಚಯವಿದ್ದರೂ, ಅವುಗಳನ್ನು ಸುಲಭವಾಗಿ ಖರೀದಿಸುವ ಅವಕಾಶ ಎಲ್ಲೆಡೆ ಇಲ್ಲ. ಇಂತಹ ಸಿಹಿ ತಿನಿಸುಗಳನ್ನು ಹೆಚ್ಚಿನ ಗ್ರಾಹಕರಿಗೆ ತಲುಪಿಸುವುದು ಕಂಪನಿಯ ಉದ್ದೇಶವಾಗಿದೆ.

ಸಿಹಿ ತಿನಿಸುಗಳು ಹೆಚ್ಚು ದಿನ ತಾಜಾವಾಗಿರಲು ಹೊಸ ತಂತ್ರಜ್ಞಾನ

ಹೊಸ ಉತ್ಪನ್ನಗಳ ವಿಸ್ತರಣೆಯ ಜೊತೆಗೆ ಪ್ಯಾಕೇಜಿಂಗ್ ತಂತ್ರಜ್ಞಾನಕ್ಕೂ MTR ಗಮನ ಹರಿಸಿದೆ. Modified Atmosphere Packaging (MAP) ತಂತ್ರಜ್ಞಾನದ ನೆರವಿನಿಂದ ಕೆಲವು ಸಿಹಿ ತಿನಿಸುಗಳ ಶೆಲ್ಫ್ ಲೈಫ್ ಅನ್ನು ಸಂರಕ್ಷಕಗಳನ್ನು ಸೇರಿಸದೇ ಸುಮಾರು ಎರಡರಿಂದ ಮೂರು ತಿಂಗಳವರೆಗೆ ಹೆಚ್ಚಿಸಲು ಸಾಧ್ಯವಾಗಿದೆ ಎಂದು ಕಂಪನಿ ತಿಳಿಸಿದೆ.

ಕರ್ನಾಟಕ, ಆಂಧ್ರಪ್ರದೇಶ ಮತ್ತು ತೆಲಂಗಾಣದಲ್ಲಿ ತನ್ನ ಪ್ರಮುಖ ಮಾರುಕಟ್ಟೆಯನ್ನು ಮತ್ತಷ್ಟು ಬಲಪಡಿಸುವ ಜೊತೆಗೆ ಗ್ರಾಮೀಣ ಪ್ರದೇಶಗಳಲ್ಲೂ ವಿತರಣೆಯನ್ನು ವಿಸ್ತರಿಸಲು ಕಂಪನಿ ಮುಂದಾಗಿದೆ.

ಮೆಟ್ರೋ ನಗರಗಳಲ್ಲೂ ಲಭ್ಯ

ಹೊಸ ಸಿಹಿ ತಿನಿಸುಗಳ ಶ್ರೇಣಿಯು ಪ್ರಮುಖ ಮೆಟ್ರೋ ನಗರಗಳಲ್ಲಿ ಕ್ವಿಕ್ ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳು, ಸಾಮಾನ್ಯ ಮಳಿಗೆಗಳು ಮತ್ತು ಆಧುನಿಕ ರಿಟೇಲ್ ಮಳಿಗೆಗಳ ಮೂಲಕ ಲಭ್ಯವಾಗಲಿದೆ.

ಹಬ್ಬದ ಸಂಭ್ರಮದಲ್ಲಿ ಸಾಂಪ್ರದಾಯಿಕ ಮೈಸೂರು ಪಾಕ್ ಮತ್ತು ಗುಲಾಬ್ ಜಾಮೂನ್‌ಗೆ ಹೊಸ ರೂಪ ನೀಡಿರುವ MTR, ಹಳೆಯ ರುಚಿಯನ್ನು ಉಳಿಸಿಕೊಂಡೇ ಹೊಸ ಗ್ರಾಹಕರನ್ನು ಸೆಳೆಯಲು ಮುಂದಾಗಿದೆ. ಬೆಲ್ಲ, ತುಪ್ಪ, ಕಾಜು, ಖರ್ಜೂರ ಮತ್ತು ಡ್ರೈ ಫ್ರೂಟ್ಸ್‌ಗಳ ಸಂಯೋಜನೆಯ ಈ ಹೊಸ ಸ್ವೀಟ್‌ಗಳು ಹಬ್ಬದ ಸೀಸನ್‌ನಲ್ಲಿ ಸಿಹಿಪ್ರಿಯರ ಗಮನ ಸೆಳೆಯಲಿವೆ.

ಜರಡಿ ಹಿಡಿಯದೇ ಜೋಳ/ಗೋಧಿ/ಮೈದಾ ಹಿಟ್ಟಿನಲ್ಲಿ ಆಗಿರೋ ಹುಳು ತೆಗೆಯುವ ಅದ್ಭುತ ಟ್ರಿಕ್

Mahmad Rafik — Sat, 31 Oct 2026 12:40:48 +0530

Kannada Kitchen Hacks: ಕಲೆವೊಮ್ಮೆ ಅಡುಗೆಮನೆಯಲ್ಲಿಟ್ಟ ವಸ್ತುಗಳನ್ನು ಮರೆಯುತ್ತವೆ. ಇದರಿಂದ ಆ ವಸ್ತುಗಳಲ್ಲಿ ಹುಳು ಸೇರಿದಂತೆ ಬೇರೆ ಬೇರೆ ರೀತಿಯಲ್ಲಿ ಹಾಳಾಗುತ್ತದೆ. ಅದರಲ್ಲಿಯೂ ಗೋಧಿ, ಜೋಳ, ಕಡಲೆ ಅಥವಾ ಸಜ್ಜೆ ಹಿಟ್ಟನ್ನು ಹೆಚ್ಚು ದಿನ ಸ್ಟೋರ್ ಮಾಡಿದ್ರೆ ಹುಳು ಆಗುತ್ತವೆ. ಸಣ್ಣ ಸಣ್ಣ ಕೀಟ ಅಥವಾ ಚಿಟ್ಟೆಯಂತಹ ಕೀಟಗಳು ಮನೆ ತುಂಬೆಲ್ಲಾ ಹಾರಾಡಲು ಶುರು ಮಾಡುತ್ತವೆ. ಹಿಟ್ಟಿನಲ್ಲಿ ಹುಳು ಆದ್ರೆ ಅದನ್ನು ಜರಡಿ ಹಿಡಿಯಬೇಕಾಗುತ್ತದೆ. ಜರಡಿ ಹಿಡಿಯುವ ಕೆಲಸ ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ. ಇಂದು ನಿಮಗೆ ಜರಡಿ ಹಿಡಿಯದೇ ಹಿಟ್ಟಿನಲ್ಲಾಗಿರುವ ಹುಳುಗಳನ್ನು ಹೇಗೆ ತೆಗೆಯೋದು ಎಂದು ನೋಡೋಣ ಬನ್ನಿ.

ಸಾಮಾನ್ಯವಾಗಿ ಜನರು 15 ಅಥವಾ ಒಂದು ತಿಂಗಳಿಗೆ ಆಗುವಷ್ಟು ಹಿಟ್ಟನ್ನು ಮನೆಯಲ್ಲಿ ಸ್ಟೋರ್ ಮಾಡಿಕೊಳ್ಳುತ್ತಾರೆ. ಕೊನೆಗೆ ಇನ್ನೊಂದೆರಡು ಬಾರಿ ಬಳಕೆಯಾಗುವಷ್ಟು ಹಿಟ್ಟು ಉಳಿದಾಗ ಅದರಲ್ಲಿ ಸಣ್ಣ ಹುಳು ಅಥವಾ ಕೀಟಗಳು ಕಾಣಿಸಿಕೊಳ್ಳಲು ಆರಂಭಿಸುತ್ತವೆ. ಹುಳು ಆಗಿರುವ ಸಂದರ್ಭದಲ್ಲಿ ಎರಡ್ಮೂರು ಬಾರಿ ಜರಡಿ ಹಿಡಿಯಬೇಕಾಗುತ್ತದೆ. ಜರಡಿ ಹಿಡಿಯಲು ಸಮಯವಿಲ್ಲದಿದ್ರೆ ಈ ಸಣ್ಣ ಉಪಾಯವನ್ನು ನೀವು ಬಳಸಬಹುದು. ಈ ಉಪಾಯ ತುಂಬಾ ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆ.

ಹುಳು ತೆಗೆಯಲು ಏನು ಮಾಡಬೇಕು?

ಮೊದಲಿಗೆ ಒಂದು ಅಗಲವಾದ ಪಾತ್ರೆಯನ್ನು ತೆಗೆದುಕೊಳ್ಳಿ. ಈ ಪಾತ್ರೆಯಲ್ಲಿ ಕಾಲು ಭಾಗದಷ್ಟು ನೀರು ಹಾಕಿಕೊಳ್ಳಿ. ನಂತರ ಈ ಪಾತ್ರೆಯಲ್ಲಿ ಹುಳು ಆಗಿರುವ ಹಿಟ್ಟನ್ನು ಒಂದು ಬೌಲ್‌ಗೆ ಹಾಕಿ ಇದರೊಳಗೆ ಇಟ್ಟುಕೊಳ್ಳಿ. ನಂತರ ಒಂದು ಚಿಕ್ಕ ಬೌಲ್‌ನಲ್ಲಿ ವಿನೇಗರ್ ತುಂಬಿಸಿ, ಹಿಟ್ಟಿನ ಪಾತ್ರೆಯ ಮಧ್ಯದಲ್ಲಿಡಿ.

ವಿನೇಗರ್ ಕಡುವಾಸನೆಗೆ ಹುಳುಗಳು ಹಿಟ್ಟಿನಿಂದ ಹೊರಗೆ ಬರಲು ಆರಂಭಿಸುತ್ತದೆ. ಹೊರಗಡೆ ಬರುತ್ತಿದ್ದಂತೆ ಹುಳುಗಳು ನೀರಿನಲ್ಲಿ ಬಿದ್ದು ಸಾಯುತ್ತವೆ. ಇದರಿಂದ ಸರಳವಾಗಿ ಹುಳುಗಳೇ ಹಿಟ್ಟಿನಿಂದ ಹೊರಗೆ ಹೋಗಿ ನಿಮ್ಮ ಕೆಲಸವನ್ನು ಸರಳವಾಗಿ ಮಾಡುತ್ತದೆ. ಹುಳು ಹೋದ್ಮೇಲೆ ಒಂದು ಬಾರಿ ಜರಡಿ ಹಿಡಿದ್ರೆ ಹಿಟ್ಟು ಬಳಕೆಗೆ ಯೋಗ್ಯವಾಗುತ್ತದೆ.

ಅಕ್ಕಿಯಲ್ಲಿ ಹುಳು

ಅಕ್ಕಿ ಅಥವಾ ಬೇಳೆಕಾಳುಗಳಲ್ಲಿಯೂ ನುಶಿ ಅಥವಾ ಹುಳುಗಳಾಗಿದ್ರೆ ಈ ಮೇಲಿನ ಟ್ರಿಕ್ಸ್ ಬಳಸಬಹುದು. ಅಕ್ಕಿಯಲ್ಲಿ ನುಶಿಯಾದ್ರೆ, ಡಬ್ಬದಲ್ಲಿ ಒಂದು ಬೌಲ್‌ನೊಳಗೆ ವಿನೇಗರ್ ಸೇರಿಸಿಡಿ. ವಿನೇಗರ್ ವಾಸನೆಗೆ ನುಶಿ ಹೊರಗೆ ಬರುತ್ತದೆ. ನುಶಿಯನ್ನು ತೆಗೆಯುವ ಕೆಲಸವನ್ನು ವಿನೇಗರ್ ಮಾಡುತ್ತದೆ. ಅಕ್ಕಿಯಲ್ಲಿ ನುಶಿಯಾಗದಂತೆ ತಡೆಯಲು ಒಂದೆರಡು ಲವಂಗ ಅಥವಾ ಪುಲಾವ್ ಎಲೆ ಸೇರಿಸಬಹುದು.

ಇದನ್ನೂ ಓದಿ: ಬೆಂಗಳೂರಿನ ಮಲ್ಲೇಶ್ವರದ ಪ್ರಸಿದ್ಧ CTR ದೋಸೆಯಲ್ಲಿ ಜಿರಳೆ ಪತ್ತೆ, ಗ್ರಾಹಕರ ಕ್ಷಮೆ ಕೋರಿದ ಹೋಟೆಲ್‌

ಇದನ್ನೂ ಓದಿ: Recipe: ಇಡ್ಲಿ ಬ್ಯಾಟರ್‌ನಿಂದ ಕ್ರಿಸ್ಪಿ & ಸ್ಪಾಂಜಿ ದೋಸೆ; ಕಾವಲಿ ಬೇಡ, ಬಾಣಲೆ ಬೇಕು

ಅಪ್ಪನ ಕನಸು ನನಸು ಮಾಡಲು 13ರ ಹರೆಯದಲ್ಲೇ ಪಣ ತೊಟ್ಟ ಮಗಳು! ಒಂದು ಟಿ-ಶರ್ಟ್ ಹಿಂದೆ ಇದೆ ಕಣ್ಣೀರ ಕಥೆ

Chandrashekar GS — Sat, 31 Oct 2026 12:16:23 +0530

ಅಪ್ಪನ ಕನಸಿಗೆ ಚಿನ್ನದ ಪದಕದ ಗೌರವ: ಇತಿಹಾಸ ಬರೆದ ಮಾನಿಷಾ ಭನ್ವಾಲಾ!

ಕೆಲವು ಗೆಲುವುಗಳು ಕೇವಲ ಪದಕಕ್ಕೆ ಸೀಮಿತವಾಗಿರುವುದಿಲ್ಲ. ಅದರ ಹಿಂದೆ ವರ್ಷಗಳ ಪರಿಶ್ರಮ, ಕುಟುಂಬದ ತ್ಯಾಗ, ನೋವು ಮತ್ತು ಮರೆಯಲಾಗದ ನೆನಪುಗಳಿರುತ್ತವೆ. ಹರಿಯಾಣದ ಕುಸ್ತಿಪಟು ಮಾನಿಷಾ ಭನ್ವಾಲಾ ಅವರ ವಿಶ್ವ ಚಾಂಪಿಯನ್ ಪಟ್ಟದ ಗೆಲುವು ಕೂಡ ಇಂತಹದ್ದೇ ಒಂದು ಭಾವನಾತ್ಮಕ ಕಥೆ. ತಂದೆ ಕಂಡಿದ್ದ ಕನಸನ್ನು ನನಸು ಮಾಡಿರುವ ಮಾನಿಷಾ, ಭಾರತದ ಕ್ರೀಡಾ ಇತಿಹಾಸದಲ್ಲಿ ಹೊಸ ಅಧ್ಯಾಯ ಬರೆದಿದ್ದಾರೆ.

13 ವರ್ಷಗಳ ಹಿಂದೆ ಆರಂಭವಾದ ಕನಸು

ಹರಿಯಾಣದ ಜಿಂದ್ ಜಿಲ್ಲೆಯ ಮಾನಿಷಾ ಅವರನ್ನು ಸುಮಾರು 13 ವರ್ಷಗಳ ಹಿಂದೆ ಕುಸ್ತಿ ಕ್ರೀಡೆಗೆ ಪರಿಚಯಿಸಿದ್ದು ಅವರ ತಂದೆ ಸುರೇಶ್ ಭನ್ವಾಲಾ. ಮಗಳು ಒಂದು ದಿನ ಭಾರತದ ಪರವಾಗಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಚಿನ್ನದ ಪದಕ ಗೆಲ್ಲಬೇಕು ಎಂಬುದು ಅವರ ಆಸೆಯಾಗಿತ್ತು. ತಂದೆಯ ಪ್ರೋತ್ಸಾಹದಿಂದ ಕುಸ್ತಿ ಅಭ್ಯಾಸ ಆರಂಭಿಸಿದ ಮಾನಿಷಾ, ನಿಧಾನವಾಗಿ ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಂಡರು.

ಆದರೆ 2022ರಲ್ಲಿ ತಂದೆ ಹೃದಯಾಘಾತದಿಂದ ನಿಧನರಾದರು. ಈ ಘಟನೆ ಮಾನಿಷಾ ಅವರ ಬದುಕಿನಲ್ಲಿ ದೊಡ್ಡ ಆಘಾತ ತಂದಿತು. ತಂದೆಯ ಸಾವಿನಿಂದ ಕುಗ್ಗಿಹೋಗಿದ್ದ ಅವರು ಕುಸ್ತಿ ತೊರೆಯುವ ಯೋಚನೆಯನ್ನೂ ಮಾಡಿದ್ದರು. ಆದರೆ ಕುಟುಂಬದವರು ತಂದೆಯ ಕನಸನ್ನು ನೆನಪಿಸಿ ಮತ್ತೆ ಕ್ರೀಡಾಂಗಣಕ್ಕೆ ಮರಳಲು ಧೈರ್ಯ ತುಂಬಿದರು.

6-1ರಿಂದ 8-6ಕ್ಕೆ: ರೋಚಕ ಗೆಲುವು

2026ರ ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನ 59 ಕೆ.ಜಿ. ವಿಭಾಗದ ಫೈನಲ್‌ನಲ್ಲಿ ಅಮೆರಿಕದ ಅಬಿಗೇಲ್ ನೆಟ್ಟೆ ಅವರನ್ನು ಮಾನಿಷಾ ಎದುರಿಸಿದರು. ಪಂದ್ಯದ ಮೊದಲ ಅವಧಿಯಲ್ಲಿ 1-6 ಅಂಕಗಳಿಂದ ಹಿನ್ನಡೆ ಅನುಭವಿಸಿದರೂ ಅವರು ಆತ್ಮವಿಶ್ವಾಸ ಕಳೆದುಕೊಳ್ಳಲಿಲ್ಲ.

ದ್ವಿತೀಯ ಅವಧಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿದ ಮಾನಿಷಾ ಸತತ ಏಳು ಅಂಕಗಳನ್ನು ಗಳಿಸಿ 8-6 ಅಂತರದಲ್ಲಿ ಗೆಲುವು ಸಾಧಿಸಿದರು. ಈ ಮೂಲಕ ಹಿರಿಯರ ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನ ಗೆದ್ದ ಭಾರತದ ಮೊದಲ ಮಹಿಳಾ ಕುಸ್ತಿಪಟು ಎಂಬ ಐತಿಹಾಸಿಕ ಸಾಧನೆ ಮಾಡಿದರು.

ತಂದೆಯ ಫೋಟೋ ಇದ್ದ ಟಿ-ಶರ್ಟ್‌ನಲ್ಲಿ ಭಾವನಾತ್ಮಕ ಕ್ಷಣ

ಗೆಲುವಿನ ಬಳಿಕ ಮಾನಿಷಾ ಮಾಡಿದ ಒಂದು ಕೆಲಸ ಎಲ್ಲರ ಮನಮುಟ್ಟಿತು. ತಂದೆಯ ಫೋಟೋ ಮುದ್ರಿಸಿದ್ದ ಟಿ-ಶರ್ಟ್ ಅನ್ನು ಪ್ರದರ್ಶಿಸಿ ತಮ್ಮ ಗೆಲುವನ್ನು ಅವರಿಗೆ ಅರ್ಪಿಸಿದರು. ನಾಲ್ಕು ವರ್ಷಗಳ ಹಿಂದೆ ಅಗಲಿದ ತಂದೆ ಈ ಕ್ಷಣವನ್ನು ನೋಡಲು ಇಲ್ಲದಿದ್ದರೂ, ಅವರ ನೆನಪನ್ನು ತಮ್ಮೊಂದಿಗೆ ಹೊತ್ತುಕೊಂಡೇ ಮಾನಿಷಾ ಈ ಸಾಧನೆ ಮಾಡಿದ್ದಾರೆ.

ಸೋಲಿನಿಂದ ಪಾಠ, ಗೆಲುವಿನತ್ತ ದೃಢ ಹೆಜ್ಜೆ

2026ರ ಏಷ್ಯನ್ ಗೇಮ್ಸ್‌ನಲ್ಲಿ ಪದಕ ಗೆಲ್ಲಲು ಸಾಧ್ಯವಾಗದಿದ್ದರೂ ಮಾನಿಷಾ ಎದೆಗುಂದಲಿಲ್ಲ. ಮರಳಿ ಅಭ್ಯಾಸ ಆರಂಭಿಸಿ ತಮ್ಮ ದೈಹಿಕ ಸಾಮರ್ಥ್ಯ ಮತ್ತು ಸಹನಶಕ್ತಿಯನ್ನು ಹೆಚ್ಚಿಸಿಕೊಂಡರು. ಆ ಪರಿಶ್ರಮವೇ ವಿಶ್ವ ಚಾಂಪಿಯನ್ ಪಟ್ಟ ತಂದುಕೊಟ್ಟಿತು.

ಮಾನಿಷಾ ಅವರ ಈ ಸಾಧನೆ ಕೇವಲ ಕ್ರೀಡಾ ಗೆಲುವಲ್ಲ; ತಂದೆಯ ಕನಸು, ಕುಟುಂಬದ ನಂಬಿಕೆ ಮತ್ತು ಮಗಳ ಅಚಲ ಸಂಕಲ್ಪಕ್ಕೆ ಸಿಕ್ಕ ಚಿನ್ನದ ಗೌರವವಾಗಿದೆ.

ಸೋದರ ಮಾವ ಅರ್ಜುನ್ ಸರ್ಜಾ ಮಗಳ ಮದುವೆಯಲ್ಲಿ ಭರ್ಜರಿಯಾಗಿ ಡ್ಯಾನ್ಸ್ ಮಾಡಿದ ಧ್ರುವ ಸರ್ಜಾ..! ವಿಡಿಯೋ ವೈರಲ್

Naveen Kodase — Sat, 31 Oct 2026 12:12:16 +0530

ಬೆಂಗಳೂರು(ಅ.31): ದಕ್ಷಿಣ ಭಾರತದ ಖ್ಯಾತ ನಟ ಅರ್ಜುನ್‌ ಸರ್ಜಾ ಅವರ ಕಿರಿಯ ಪುತ್ರಿ ಅಂಜನಾ ಸರ್ಜಾ ಅವರ ಅದ್ದೂರಿ ಮದುವೆ ಇತ್ತೀಚೆಗೆ ಇಟಲಿಯಲ್ಲಿ ನೆರವೇರಿದೆ. ಈ ಮದುವೆಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದ್ದಂತೆ, ಕುಟುಂಬದ ಸಂಭ್ರಮದ ಜೊತೆಗೆ ಕೆಲವು ವಿಚಾರಗಳು ಅಭಿಮಾನಿಗಳ ಗಮನ ಸೆಳೆದಿವೆ. ಅದರಲ್ಲೂ ನಟ ಧ್ರುವ ಸರ್ಜಾ ಮದುವೆಯ ಫೋಟೋಗಳಲ್ಲಿ ಕಾಣಿಸಿಕೊಳ್ಳದಿರುವುದು ಅಚ್ಚರಿ ಮೂಡಿಸಿತ್ತು. ಇದೀಗ ಸಂಗೀತ್‌ ಕಾರ್ಯಕ್ರಮದಲ್ಲಿ ಅರ್ಜುನ್‌ ಸರ್ಜಾ ಹಾಗೂ ಧ್ರುವ ಸರ್ಜಾ ಒಟ್ಟಿಗೆ ಭರ್ಜರಿಯಾಗಿ ಹೆಜ್ಜೆ ಹಾಕಿರುವ ವಿಡಿಯೋ ವೈರಲ್‌ ಆಗಿದ್ದು, ಕುಟುಂಬದ ಸಂಭ್ರಮದ ಕ್ಷಣಗಳು ಅಭಿಮಾನಿಗಳ ಗಮನ ಸೆಳೆಯುತ್ತಿವೆ.

ಸಂಗೀತ್‌ ಕಾರ್ಯಕ್ರಮದಲ್ಲಿ ಧ್ರುವ ಸರ್ಜಾ, ಅರ್ಜುನ್‌ ಸರ್ಜಾ ಭರ್ಜರಿ ಡ್ಯಾನ್ಸ್‌!

ಅಂಜನಾ ಸರ್ಜಾ ಅವರ ಮದುವೆ ಸಂಭ್ರಮದ ಅಂಗವಾಗಿ ನಡೆದ ಸಂಗೀತ್‌ ಕಾರ್ಯಕ್ರಮದಲ್ಲಿ ಅರ್ಜುನ್‌ ಸರ್ಜಾ ಹಾಗೂ ಧ್ರುವ ಸರ್ಜಾ ಒಟ್ಟಿಗೆ ಡ್ಯಾನ್ಸ್‌ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಇಬ್ಬರೂ ಉತ್ಸಾಹದಿಂದ ಹೆಜ್ಜೆ ಹಾಕಿದ್ದು, ಕುಟುಂಬದ ಇತರ ಸದಸ್ಯರೂ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಸಂಭ್ರಮಿಸಿದ್ದಾರೆ. ಮದುವೆಯ ಸಂಭ್ರಮದ ನಡುವಿನ ಈ ಕ್ಷಣಗಳು ಅಭಿಮಾನಿಗಳ ಗಮನ ಸೆಳೆದಿವೆ.

ಧ್ರುವ್‌ ಸರ್ಜಾ ಮದುವೆಯ ಫೋಟೋಗಳಲ್ಲಿ ಕಾಣಿಸದಿರುವುದನ್ನು ಗಮನಿಸಿದ್ದ ಅಭಿಮಾನಿಗಳಿಗೆ ಇದೀಗ ಸಂಗೀತ್‌ ಕಾರ್ಯಕ್ರಮದ ವಿಡಿಯೋ ಹೊಸ ಕುತೂಹಲ ಮೂಡಿಸಿದೆ. ಆದರೆ, ಮದುವೆಯ ಫೋಟೋಗಳಲ್ಲಿ ಕಾಣಿಸದಿರುವುದಕ್ಕೆ ಕಾರಣವೇನು ಎಂಬ ಬಗ್ಗೆ ಅಧಿಕೃತ ಮಾಹಿತಿ ಲಭ್ಯವಿಲ್ಲ. ಹೀಗಾಗಿ ಈ ವಿಚಾರವಾಗಿ ಉಂಟಾಗಿದ್ದ ಊಹಾಪೋಹಗಳಿಗಳಿಗೆ ತೆರೆ ಬಿದ್ದಿದೆ.

View this post on Instagram

A post shared by Sandalwood official (@sandalwoodofficial_)

ಅರ್ಜುನ್‌ ಸರ್ಜಾ ಮತ್ತು ನಿವೇದಿತಾ ದಂಪತಿಯ ಕಿರಿಯ ಪುತ್ರಿ ಅಂಜನಾ ಸರ್ಜಾ, ತಮ್ಮ ಬಹುಕಾಲದ ಪ್ರೀತಿಯ ಸಂಗಾತಿ ಇಸೈಯಾ ನಟ್ಟರ್‌ (Isaiah Nutter) ಅವರನ್ನು ಅಕ್ಟೋಬರ್‌ 19, 2026ರಂದು ವಿವಾಹವಾಗಿದ್ದಾರೆ. ಇಟಲಿಯ ಟಸ್ಕನಿಯಲ್ಲಿರುವ ಐತಿಹಾಸಿಕ ವಿಲ್ಲಾ ಸೆಟಿನಾಲೆ (Villa Cetinale) ಈ ಮದುವೆಗೆ ಸುಂದರ ವೇದಿಕೆಯಾಗಿತ್ತು. ಕುಟುಂಬದವರು ಹಾಗೂ ಆಪ್ತರ ಸಮ್ಮುಖದಲ್ಲಿ ಮದುವೆ ನೆರವೇರಿದೆ. 2025ರ ಏಪ್ರಿಲ್‌ನಲ್ಲಿ ಇಟಲಿಯ ಲೇಕ್‌ ಕೊಮೊದಲ್ಲಿ ಈ ಜೋಡಿಯ ನಿಶ್ಚಿತಾರ್ಥ ನಡೆದಿತ್ತು.

ಹಿಂದೂ ಮತ್ತು ಕ್ರಿಶ್ಚಿಯನ್‌ ಸಂಪ್ರದಾಯದಲ್ಲಿ ಮದುವೆ

ಅಂಜನಾ ಮತ್ತು ಇಸೈಯಾ ಅವರ ಮದುವೆ ಸಂಭ್ರಮದಲ್ಲಿ ಭಾರತೀಯ ಸಾಂಪ್ರದಾಯಿಕ ಆಚರಣೆಗಳ ಜೊತೆಗೆ ಕ್ರಿಶ್ಚಿಯನ್‌ ಸಂಪ್ರದಾಯದ ಕಾರ್ಯಕ್ರಮವೂ ನಡೆದಿರುವುದಾಗಿ ವರದಿಯಾಗಿದೆ. ವಧು-ವರರು ಮದುವೆಯ ವಿವಿಧ ಕಾರ್ಯಕ್ರಮಗಳಲ್ಲಿ ಸಾಂಪ್ರದಾಯಿಕ ಉಡುಪು ಹಾಗೂ ಪಾಶ್ಚಾತ್ಯ ಶೈಲಿಯ ಉಡುಪುಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಗುಲಾಬಿ ಬಣ್ಣದ ಹೂವಿನ ಅಲಂಕಾರ, ಮಂಟಪದ ಸೌಂದರ್ಯ ಮತ್ತು ಇಟಲಿಯ ಸುಂದರ ಪರಿಸರ ಮದುವೆಯ ಫೋಟೋಗಳಿಗೆ ವಿಶೇಷ ಮೆರುಗು ನೀಡಿವೆ.

ಅಂಜನಾ ಸಿನಿಮಾ ಕ್ಷೇತ್ರದಿಂದ ದೂರವಿದ್ದು, ಉದ್ಯಮದತ್ತ ಗಮನ ಹರಿಸಿದ್ದಾರೆ. ಅವರು ಪರಿಸರ ಸ್ನೇಹಿ, ಸಸ್ಯಾಧಾರಿತ ಹ್ಯಾಂಡ್‌ಬ್ಯಾಗ್‌ ಬ್ರ್ಯಾಂಡ್‌ Sarjaa ಸ್ಥಾಪಿಸಿರುವ ಉದ್ಯಮಿಯೂ ಹೌದು. ಹಿರಿಯ ಪುತ್ರಿ ಐಶ್ವರ್ಯಾ ಅರ್ಜುನ್‌ ಸಿನಿಮಾ ಕ್ಷೇತ್ರದಲ್ಲಿ ಗುರುತಿಸಿಕೊಂಡಿದ್ದಾರೆ.

ಲೈವ್‌ನಲ್ಲೇ ಎಡವಟ್ಟು.. ಆ್ಯಂಕರ್ ಮಾಡಿದ ಆ ತಪ್ಪಿಗೆ ನೋವಲ್ಲಿ ನರಳಿದ ಮುಗ್ಧ ಮಾಡೆಲ್!

Ashwini HR — Sat, 31 Oct 2026 11:46:37 +0530

ಲೈವ್ ಟಿವಿ ಕಾರ್ಯಕ್ರಮವೊಂದರಲ್ಲಿ ನಿರೂಪಕನೊಬ್ಬ ಅತಿಯಾದ ಕೋಪ ಮತ್ತು ಅಸಹನೆಯಿಂದ ಮಾಡಿದ ಕೃತ್ಯಕ್ಕೆ ಮಹಿಳಾ ಮಾಡೆಲ್ ಒಬ್ಬರು ಗಂಭೀರವಾಗಿ ಗಾಯಗೊಂಡಿರುವ ಆಘಾತಕಾರಿ ಘಟನೆ ಮೆಕ್ಸಿಕೋದಲ್ಲಿ ನಡೆದಿದೆ. ಸ್ಟುಡಿಯೋದಲ್ಲಿ ಹಾರಾಡುತ್ತಿದ್ದ ಡ್ರೋನ್ ಅನ್ನು ನಿರೂಪಕ ಕಾಲಿನಿಂದ ಒದ್ದ ಪರಿಣಾಮ, ಅದು ನೇರವಾಗಿ ಪಕ್ಕದಲ್ಲಿದ್ದ ಕೊಲಂಬಿಯಾದ ಮಾಡೆಲ್ ಮುಖಕ್ಕೆ ಬಡಿದಿದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನಿರೂಪಕನ ಬೇಜವಾಬ್ದಾರಿತನಕ್ಕೆ ಸಾರ್ವಜನಿಕರಿಂದ ತೀವ್ರ ಆಕ್ರೋಶ ವ್ಯಕ್ತವಾಗಿದೆ.

ಘಟನೆಯ ವಿವರ

ಮೆಕ್ಸಿಕೋದ ‘ಕೆನಾಲ್ 6’ ವಾಹಿನಿಯಲ್ಲಿ ಪ್ರಸಾರವಾಗುವ ‘ಎಸ್ ಶೋ’ (Es Show) ಎಂಬ ಮನರಂಜನಾ ಕಾರ್ಯಕ್ರಮದಲ್ಲಿ ಅಕ್ಟೋಬರ್ 26 ರಂದು ಈ ಅಹಿತಕರ ಘಟನೆ ಸಂಭವಿಸಿದೆ. ಲೈವ್ ಶೋ ನಡೆಯುತ್ತಿದ್ದ ವೇಳೆ ಅರ್ನೆಸ್ಟೊ ಚವಾನಾ ಎಂಬ ನಿರೂಪಕ, ತನ್ನ ಹತ್ತಿರದಲ್ಲೇ ಹಾರಾಡುತ್ತಿದ್ದ ಸಣ್ಣ ಡ್ರೋನ್ ಕ್ಯಾಮೆರಾವನ್ನು ನೋಡಿ ಕಿರಿಕಿರಿಗೊಂಡಿದ್ದಾನೆ. ಕ್ಷಣಿಕಾವೇಶದಲ್ಲಿ ಆತ ಡ್ರೋನ್‌ಗೆ ಕಾಲಿನಿಂದ ಬಲವಾಗಿ ಒದ್ದಿದ್ದಾನೆ. ಆದರೆ, ನಿಯಂತ್ರಣ ಕಳೆದುಕೊಂಡ ಆ ಡ್ರೋನ್ ವೇಗವಾಗಿ ಹೋಗಿ ಪಕ್ಕದಲ್ಲೇ ನಿಂತಿದ್ದ ಕೊಲಂಬಿಯಾದ ಖ್ಯಾತ ಮಾಡೆಲ್ ಮತ್ತು ನರ್ತಕಿ ಇಸಾಬೆಲ್ಲಾ ರೋಜಾಸ್ ಅವರ ಮುಖಕ್ಕೆ ಬಲವಾಗಿ ಅಪ್ಪಳಿಸಿದೆ.

ಡ್ರೋನ್ ಮುಖಕ್ಕೆ ಬಡಿಯುತ್ತಿದ್ದಂತೆ ಇಸಾಬೆಲ್ಲಾ ನೋವಿನಿಂದ ನರಳಾಡಿದ್ದಾರೆ. ಇದರಿಂದಾಗಿ ಲೈವ್ ಶೋನಲ್ಲೇ ಕೆಲಕಾಲ ಗೊಂದಲದ ವಾತಾವರಣ ನಿರ್ಮಾಣವಾಯಿತು. ತಕ್ಷಣವೇ ಇತರ ಸಹ-ಮಾಡೆಲ್‌ಗಳು ಆಕೆಯ ನೆರವಿಗೆ ಧಾವಿಸಿ, ಪ್ರಥಮ ಚಿಕಿತ್ಸೆಗಾಗಿ ಸ್ಟುಡಿಯೋದಿಂದ ಹೊರಗೆ ಕರೆದೊಯ್ದರು. ಚಿಕಿತ್ಸೆಯ ನಂತರ ಮತ್ತೆ ಸ್ಟುಡಿಯೋಗೆ ಮರಳಿದ ಮಾಡೆಲ್, ತನ್ನ ತುಟಿಗೆ ಗಾಯವಾಗಿ ರಕ್ತ ಬಂದಿರುವುದನ್ನು ಕ್ಯಾಮೆರಾ ಎದುರು ಪ್ರೇಕ್ಷಕರಿಗೆ ತೋರಿಸಿದರು.

ನಿರೂಪಕನ ವಿರುದ್ಧ ನೆಟ್ಟಿಗರ ಆಕ್ರೋಶ

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ನಿರೂಪಕ ಅರ್ನೆಸ್ಟೊ ಚವಾನಾ ವಿರುದ್ಧ ತೀವ್ರ ಆಕ್ರೋಶ ಹೊರಹಾಕಿದ್ದಾರೆ. ಮಾಡೆಲ್‌ಗೆ ಗಾಯವಾಗಿದ್ದರೂ, ತಕ್ಷಣ ಆಕೆಗೆ ಕ್ಷಮೆ ಕೇಳದೆ ಡ್ರೋನ್ ಅನ್ನು ಅಲ್ಲಿಂದ ತೆಗೆಯುವಂತೆ ಕೂಗಾಡಿದ ನಿರೂಪಕನ ಅಹಂಕಾರ ಮತ್ತು ಅವಿವೇಕದ ವರ್ತನೆಯನ್ನು ತೀವ್ರವಾಗಿ ಖಂಡಿಸಿದ್ದಾರೆ. ಸಂತ್ರಸ್ತ ಮಾಡೆಲ್‌ಗೆ ನ್ಯಾಯ ಸಿಗಬೇಕು ಮತ್ತು ನಿರೂಪಕನ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಟೀಕೆಗಳು ವ್ಯಕ್ತವಾದ ಬೆನ್ನಲ್ಲೇ ಎಚ್ಚೆತ್ತುಕೊಂಡ ನಿರೂಪಕ ಅರ್ನೆಸ್ಟೊ, ತನ್ನ ತಪ್ಪನ್ನು ಒಪ್ಪಿಕೊಂಡು ಬಹಿರಂಗವಾಗಿ ಕ್ಷಮೆಯಾಚಿಸಿದ್ದಾನೆ. ಪ್ರಸ್ತುತ ಈ ವಿಡಿಯೋ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ದೊಡ್ಡ ದುರಂತದಿಂದ ಕೂದಲೆಳೆ ಅಂತರದಲ್ಲಿ ಪಾರು

ಲೈವ್ ಶೋನಲ್ಲಿ ನಡೆದ ಈ ಕೃತ್ಯ ಕೇವಲ ಸಣ್ಣ ಗಾಯಕ್ಕೆ ಸೀಮಿತವಾಗಿದ್ದೇ ಪವಾಡ ಎನ್ನಬಹುದು. ಏಕೆಂದರೆ, ಡ್ರೋನ್‌ನ ಬ್ಲೇಡ್‌ಗಳು (ರೋಟರ್‌ಗಳು) ಅತ್ಯಂತ ವೇಗವಾಗಿ ತಿರುಗುತ್ತಿದ್ದವು. ಆ ಡ್ರೋನ್ ಮಾಡೆಲ್ ಇಸಾಬೆಲ್ಲಾ ಅವರ ತುಟಿಗೆ ತಗುಲುವ ಬದಲಿಗೆ, ಕೆಲವೇ ಇಂಚುಗಳ ಮೇಲಿದ್ದ ಕಣ್ಣಿಗೆ ಅಪ್ಪಳಿಸಿದ್ದರೆ ಆಕೆ ಶಾಶ್ವತವಾಗಿ ದೃಷ್ಟಿ ಕಳೆದುಕೊಳ್ಳುವ ಅಥವಾ ಆಕೆಯ ಮುಖ ಸಂಪೂರ್ಣ ವಿರೂಪಗೊಳ್ಳುವ ಭೀಕರ ಅಪಾಯವಿತ್ತು. ಗ್ಲಾಮರ್ ಜಗತ್ತಿನಲ್ಲಿ ಮುಖವನ್ನೇ ಬಂಡವಾಳವಾಗಿಸಿಕೊಂಡು ನರ್ತಕಿ ಮತ್ತು ಮಾಡೆಲ್ ಆಗಿ ಗುರುತಿಸಿಕೊಂಡಿರುವ ಇಸಾಬೆಲ್ಲಾ ಅವರ ಇಡೀ ವೃತ್ತಿಜೀವನವೇ ಈ ಒಂದೇ ಒಂದು ಘಟನೆಯಿಂದ ನಾಶವಾಗುವ ಸಾಧ್ಯತೆಯಿತ್ತು ಎಂದು ಪ್ರೇಕ್ಷಕರು ಕಳವಳ ವ್ಯಕ್ತಪಡಿಸಿದ್ದಾರೆ.

ಆ್ಯಂಕರ್ ವಜಾಗೊಳಿಸಲು ಜಾಲತಾಣದಲ್ಲಿ ಅಭಿಯಾನ

ವಿಡಿಯೋ ವೈರಲ್ ಆಗುತ್ತಿದ್ದಂತೆ ನಿರೂಪಕ ಅರ್ನೆಸ್ಟೊ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಆಕ್ರೋಶದ ಅಭಿಯಾನವೇ ಶುರುವಾಗಿದೆ. "ಇದು ಆಕಸ್ಮಿಕವಾಗಿ ನಡೆದ ಘಟನೆಯಲ್ಲ, ಬದಲಿಗೆ ಆ್ಯಂಕರ್‌ನ ಅಹಂಕಾರ ಮತ್ತು ಅಸಹನೆಯಿಂದ ಮಹಿಳೆಯ ಮೇಲೆ ನಡೆದ ನೇರ ಹಲ್ಲೆ" ಎಂದು ನೆಟ್ಟಿಗರು ಕಿಡಿಕಾರಿದ್ದಾರೆ. ಆತ ಲೈವ್‌ನಲ್ಲಿ ಕೇಳಿದ ಕ್ಷಮೆಯನ್ನು ಸಾರಾಸಗಟಾಗಿ ತಿರಸ್ಕರಿಸಿರುವ ಸಾರ್ವಜನಿಕರು, "ವಾಹಿನಿಯು ಆತನನ್ನು ತಕ್ಷಣವೇ ಕೆಲಸದಿಂದ ವಜಾಗೊಳಿಸಬೇಕು. ಜೊತೆಗೆ ಗಾಯಗೊಂಡ ಮಹಿಳಾ ಮಾಡೆಲ್‌ಗೆ ಭಾರಿ ಮೊತ್ತದ ವೈದ್ಯಕೀಯ ನಷ್ಟಪರಿಹಾರ ನೀಡಬೇಕು ಮತ್ತು ನಿರೂಪಕನ ಮೇಲೆ ಕಾನೂನು ಕ್ರಮ ಜರುಗಿಸಬೇಕು" ಎಂದು ತೀವ್ರವಾಗಿ ಒತ್ತಾಯಿಸುತ್ತಿದ್ದಾರೆ.

Esto acaba de pasar en un programa de México. https://t.co/2Xa0NsZ3eM

— Decko. (@Frankzm) October 27, 2026

ಪೋಷಕರು, ಬಂಧುಗಳು ಇಲ್ಲವೆಂದು ಅಪರಿಚಿತರಿಗೆ ಆಹ್ವಾನ, ಮದುವೆಗೆ ಸಿಕ್ಕ ಸರ್ಪ್ರೈಸ್‌ಗೆ ಭಾವುಕನಾದ ವರ

Chethan Kumar — Sat, 31 Oct 2026 11:46:20 +0530

ಚಿಕ್ಕವನಿದ್ದಾಗ ತಂದೆ ತೀರಿಕೊಂಡರು, ತಾಯಿ ಬೇರೆ ಮದುವೆಯಾಗಿ ದೂರವಾದರು. ಇತ್ತ ಬಂಧು ಬಳಗದವರು ನನ್ನ ಜೊತೆಗಿಲ್ಲ. ನನ್ನ ಜೀವನದ ಪ್ರಮುಖ ಘಟ್ಟಕ್ಕೆ ನಾನು ತಲುಪಿದ್ದೇನೆ. ಬಹುಕಾಲದ ಪ್ರೀತಿಸಿದ ಗೆಳತಿ ಜೊತೆ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದೇನೆ. ನನ್ನ ಮದುವೆಯಲ್ಲಿ ಆಪ್ತರು, ಬಂಧುಬಳಗವಿಲ್ಲದೆ ಸೊರಗಬಾರದು. ನಿಮ್ಮೆಲ್ಲರಿಗೂ ಮದುವೆಗೆ ಆಹ್ವಾನ ನೀಡುತ್ತಿದ್ದೇನೆ. ಬಂದು ನಮಗೆ ಹರಸಿ ಎಂದು ವರ ಅಪರಿಚಿತರಿಗೆ ಆಹ್ವಾನ ನೀಡಿದ್ದಾನೆ. ಮದುವೆ ದಿನ ಬಂದೇ ಬಿಟ್ಟಿತ್ತು. ವರನ ಆತಂಕ ಹೆಚ್ಚಾಗಿತ್ತು. ಮದುವೆ ದಿನ ಯಾರೂ ಇಲ್ಲದೆ ಸ್ಮರಣೀಯ ಕ್ಷಣದ ಸಂಭ್ರಮ ಇಲ್ಲವಾಗುತ್ತೋ ಅನ್ನೋ ಆತಂಕ ಎದುರಾಗಿತ್ತು. ಆದರೆ ಅಪರಿಚಿತರು ನೀಡಿದ ಸರ್ಪ್ರೈಸ್‌ಗೆ ವರ ಭಾವುಕನಾದ ಘಟನೆ ಚೀನಾದಲ್ಲಿ ನಡೆದಿದೆ.

ಅಚ್ಚರಿ ಮೇಲೆ ಅಚ್ಚರಿ

ಯುವಕನೊಬ್ಬ ತನ್ನ ಮದುವೆಗೆ ಸೂಕ್ತ ಬಂಧುಮಿತ್ರರಿಲ್ಲ ಎಂಬ ಕೊರಗಿನಿಂದ ಸೋಶಿಯಲ್ ಮೀಡಿಯಾದಲ್ಲಿ ಅಪರಿಚಿತರಿಗೆ ಆಹ್ವಾನ ಪತ್ರಿಕೆ ನೀಡಿದ್ದಾನೆ. ಯುವಕನ ಮದುವೆಗೆ ಸಾರ್ವಜನಿಕರು ಬರೋಬ್ಬರಿ ಲಕ್ಷುರಿ ಮೈಬ್ಯಾಕ್' (Maybach) ಸೇರಿದಂತೆ ಸಾಲು ಸಾಲು ಐಷಾರಾಮಿ ಕಾರುಗಳ ಮೆರವಣಿಗೆಯೊಂದಿಗೆ ಆಗಮಿಸಿ ಅಚ್ಚರಿ ಮೇಲೆ ಅಚ್ಚರಿ ಕೊಟ್ಟಿದ್ದಾರೆ.

ಮದುವೆಗೆ ಉಚಿತವಾಗಿ ಆಗಮಿಸಿ ಶುಭಕೋರಿ

ಬಾಲ್ಯದಲ್ಲೇ ಕೌಟುಂಬಿಕ ಬೆಂಬಲವಿಲ್ಲದೆ, ಕೌಟುಂಬಿಕ ವಲಯದಲ್ಲಿ ಬೆಳೆದ ಈ ಯುವಕ ಈತ. ತನ್ನ ಮದುವೆಯ ಶುಭ ಸಂದರ್ಭದಲ್ಲಿ ಮಂಟಪ ಖಾಲಿಯಾಗಿರಬಾರದು ಎಂಬುದು ಈತನ ಬಯಕೆಯಾಗಿತ್ತು. ಹೀಗಾಗಿ ಯುವಕ ಸೋಶಿಯಲ್ ಮೀಡಿಯಾದಲ್ಲಿ ತನ್ನ ನೋವಿನ ಕತೆಯ ಸಣ್ಣ ಸಾರಾಂಶ ಹಂಚಿಕೊಂಡಿದ್ದ. ನನ್ನ ಮದುವೆಗೆ ಬಂದು ಆಶೀರ್ವದಿಸಲು ನನ್ನ ಬಳಿ ಹೆಚ್ಚಿನ ಸಂಬಂಧಿಕರಿಲ್ಲ. ಮದುವೆ ಮಾಡಿಸಿಕೊಡಲು ಪೋಷಕರೂ ಇಲ್ಲ. ಆಸಕ್ತಿ ಇರುವ ಅಪರಿಚಿತರು ಯಾರು ಬೇಕಾದರೂ ನನ್ನ ಮದುವೆಗೆ ಉಚಿತವಾಗಿ ಆಗಮಿಸಿ ಶುಭಕೋರಬಹುದು ಎಂದು ಪೋಸ್ಟ್ ಮಾಡಿದ್ದಾನೆ.

ಯುವಕನ ಪೋಸ್ಟ್ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಚೀನಾದ ನೆಟ್ಟಿಗರು ಭಾವುಕವಾಗಿ ಸ್ಪಂದಿಸಿದ್ದಾರೆ. ಮದುವೆ ದಿನ ಯುವಕನ ಆತಂಕ ಹೆಚ್ಚಾಗಿತ್ತು. ಸೋಶಿಯಲ್ ಮೀಡಿಯಾ ಕರೆಗೆ ಯಾರು ತಮ್ಮ ಸಮಯವನ್ನು ನನ್ನ ಮದುವೆಗೆ ಮೀಸಲಿಡುತ್ತಾರೆ ಎಂದುಕೊಂಡಿದ್ದ. ಆದರೆ ಮದುವೆಗೆ ವರ ಹಾಗೂ ವಧು ಮಂಟಪಕ್ಕೆ ಆಗಮಿಸುವ ವೇಳೆ ಅಚ್ಚರಿ ಕಾದಿತ್ತು. ಮರ್ಸಿಡಿಸ್ ಬೆಂಜ್ ಮೇಬ್ಯಾಕ್ ಸೇರಿದಂತೆ ಐಷಾರಾಮಿ ಕಾರುಗಳು ಮಂಟಪದ ಮುಂದೆ ಸಾಲು ಸಾಲಾಗಿ ನಿಂತಿತ್ತು. ನೂರೂರು ಮಂದಿ ವಧು ವರರ ಸ್ವಾಗತಕ್ಕೆ ನಿಂತಿದ್ದರು. ಚಪ್ಪಾಳೆ, ಹೂವುಗಳ ಮೂಲಕ ಸ್ವಾಗತ ಕೋರಿದ್ದಾರೆ. ಇಲ್ಲಿ ಸ್ವಾಗತ ಕೋರಿದವರು, ಮಂಟಪದಲ್ಲಿ ತುಂಬಿ ತುಳುಕಿದ್ದವರೆಲ್ಲೂ ಅಪರಿಚಿತರು.

ವಧು ವರರಿಗೆ ಭರ್ಜರಿ ಗಿಫ್ಟ್

ವೇದಿಕೆ ಹತ್ತುವ ವೇಳೆ ವರ ಭಾವುಕನಾಗಿದ್ದಾನೆ. ತನ್ನ ಸೋಶಿಯಲ್ ಮೀಡಿಯಾ ಪೋಸ್ಟ್ ನೋಡಿ ಆಗಮಿಸಿದ ಅಪರಿಚಿತರಿಗೆ ಧನ್ಯವಾದ ಹೇಳಿ ಕಣ್ಣೀರಿಟ್ಟಿದ್ದಾನೆ. ಸಾಲು ಸಾಲಾಗಿ ಬಂದ ಅಪರಿಚಿತರು ವಧು ವರರಿಗೆ ಭರ್ಜರಿ ಗಿಫ್ಟ್ ನೀಡಿ ಶುಭಕೋರಿದ್ದಾರೆ. ಮದುವೆ ಮಂಪದಲ್ಲಿ ಶ್ರೀಮಂತರು, ಅಪರಿಚಿತರ ದಂಡೇ ನೆರೆದಿತ್ತು. ರ್ತತ ಸಂಬಂಧವಿಲ್ಲದಿದ್ದರೂ ಮಾನವಿಯತೆ ದೃಷ್ಟಿಯಿಂದ ಅಪರಿಚಿತರು ಯುವಕನ ಮನವಿಗೆ ಸ್ವಂದಿಸಿದ್ದರು. ಈ ಘಟನೆ ಚೀನಾದಲ್ಲಿ ಭಾರಿ ಸದ್ದು ಮಾಡುತ್ತಿದೆ. ಪ್ರತಿಯೊಬ್ಬ ವ್ಯಕ್ತಿ ತನ್ನ ಜೀವನದ ವಿಶೇಷ ಕ್ಷಣಗಳು, ದಿನಗಳನ್ನು ಸಂಭ್ರಮಿಸಲು ಅರ್ಹ ಎಂದು ಹಲವರು ಕಮೆಂಟ್ಸ್ ಮಾಡುತ್ತಿದ್ದಾರೆ.

ಮಗಳಿಗೆ ದುಬಾರಿ ಫೋನ್ ಬದಲು ಕೀಪ್ಯಾಡ್ ಮೊಬೈಲ್ ಕೊಡಿಸಿದ ಅಪ್ಪ! ಮಗಳ ಖುಷಿ ಕಂಡು ಭಾವುಕರಾದ ನೆಟ್ಟಿಗರು

Chandrashekar GS — Sat, 31 Oct 2026 11:30:21 +0530

ಐಫೋನ್ ಕಾಲದಲ್ಲಿ ಮಗಳಿಗೆ ಕೀಪ್ಯಾಡ್ ಫೋನ್ ಕೊಡಿಸಿದ ಅಪ್ಪ; ಮಗಳ ಖುಷಿ ಕಂಡು ಭಾವುಕರಾದ ನೆಟ್ಟಿಗರು!

ಇಂದಿನ ಕಾಲದಲ್ಲಿ ಸ್ಮಾರ್ಟ್‌ಫೋನ್‌ಗಳೇ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರ ಆಕರ್ಷಣೆ. ಅದರಲ್ಲೂ ಐಫೋನ್‌ನಂತಹ ದುಬಾರಿ ಮೊಬೈಲ್‌ಗಳನ್ನು ಹೊಂದಬೇಕೆಂಬ ಆಸೆ ಅನೇಕರಿಗಿದೆ. ಆದರೆ ಇಂತಹ ಸ್ಮಾರ್ಟ್‌ಫೋನ್‌ಗಳ ಯುಗದಲ್ಲಿ ತಂದೆಯೊಬ್ಬರು ತಮ್ಮ ಮಗಳಿಗೆ ಸರಳವಾದ ಕೀಪ್ಯಾಡ್ ಮೊಬೈಲ್ ಕೊಡಿಸಿದ್ದಾರೆ. ಅಚ್ಚರಿಯ ಸಂಗತಿಯೆಂದರೆ, ಮಗಳೂ ಆ ಫೋನ್‌ ಅನ್ನು ಸಂತೋಷದಿಂದ ಸ್ವೀಕರಿಸಿದ್ದಾಳೆ. ತಂದೆ-ಮಗಳ ಈ ಮಧುರ ಕ್ಷಣದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅನೇಕರು ಭಾವುಕರಾಗಿದ್ದಾರೆ.

ಮಗಳಿಗೆ ಕೀಪ್ಯಾಡ್ ಫೋನ್ ಕೊಡಿಸಿದ ತಂದೆ

ವೈರಲ್ ವಿಡಿಯೋದಲ್ಲಿ ತಂದೆಯೊಬ್ಬರು ತಮ್ಮ ಮಗಳೊಂದಿಗೆ ಮೊಬೈಲ್ ಅಂಗಡಿಗೆ ತೆರಳಿರುವುದು ಕಾಣಿಸುತ್ತದೆ. ಅಂಗಡಿಯಲ್ಲಿ ವಿವಿಧ ಮಾದರಿಯ ಮೊಬೈಲ್‌ಗಳಿದ್ದರೂ, ತಂದೆ ಮಗಳಿಗಾಗಿ ಕೀಪ್ಯಾಡ್ ಇರುವ ಸರಳ ಮೊಬೈಲ್ ಫೋನ್ ಆಯ್ಕೆ ಮಾಡುತ್ತಾರೆ.

ತಂದೆ ಕೊಡಿಸಿದ ಫೋನ್‌ ಅನ್ನು ಮಗಳು ಆಸಕ್ತಿಯಿಂದ ನೋಡುತ್ತಾಳೆ. ಅದನ್ನು ಕೈಯಲ್ಲಿ ಹಿಡಿದು ಬಳಸಲು ಪ್ರಯತ್ನಿಸುತ್ತಾಳೆ. ದುಬಾರಿ ಸ್ಮಾರ್ಟ್‌ಫೋನ್ ಸಿಗದಿದ್ದರೂ, ತನಗೆ ಸಿಕ್ಕ ಉಡುಗೊರೆಯನ್ನು ಕಂಡು ಆಕೆಯ ಮುಖದಲ್ಲಿ ಮೂಡುವ ಸಂತೋಷವೇ ಈ ವಿಡಿಯೋದ ಪ್ರಮುಖ ಆಕರ್ಷಣೆ. ಮಗಳ ಖುಷಿ ಕಂಡು ತಂದೆಯೂ ಸಂತೋಷಪಡುತ್ತಾರೆ.

ಮಗಳ ಮುಗ್ಧ ಸಂತೋಷಕ್ಕೆ ನೆಟ್ಟಿಗರು ಫಿದಾ!

ಈ ವಿಡಿಯೋವನ್ನು ಅಕ್ಟೋಬರ್ 29ರಂದು 'SaiAnvii' ಎಂಬ ಎಕ್ಸ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಐಫೋನ್‌ಗಳ ಜಗತ್ತಿನಲ್ಲಿ ಈ ಪುಟ್ಟ ಹುಡುಗಿ ನೋಕಿಯಾ ಫೋನ್ ಪಡೆದಿದ್ದರೂ ಅಷ್ಟೇ ಖುಷಿಯಾಗಿದ್ದಾಳೆ ಎಂಬ ಅರ್ಥದ ಶೀರ್ಷಿಕೆಯನ್ನು ವಿಡಿಯೋಗೆ ನೀಡಲಾಗಿದೆ.

ಇದನ್ನು ನೋಡಿದ ಅನೇಕರು ತಂದೆ-ಮಗಳ ಬಾಂಧವ್ಯವನ್ನು ಮೆಚ್ಚಿಕೊಂಡಿದ್ದಾರೆ. ಉಡುಗೊರೆಯ ಬೆಲೆಗಿಂತ ಅದನ್ನು ನೀಡುವವರ ಪ್ರೀತಿ ಮುಖ್ಯ ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ. ಇನ್ನು ಕೆಲವರು ಮಕ್ಕಳಲ್ಲಿ ಸರಳತೆಯ ಸಂತೋಷ ಉಳಿಯಬೇಕು ಎಂಬ ಮಾತನ್ನೂ ಹೇಳಿದ್ದಾರೆ.

ಸಂತೋಷಕ್ಕೆ ಬೆಲೆ ಕಟ್ಟಲು ಸಾಧ್ಯವೇ?

ಇಂದಿನ ದಿನಗಳಲ್ಲಿ ಮಕ್ಕಳ ನಡುವೆ ದುಬಾರಿ ಗ್ಯಾಜೆಟ್‌ಗಳ ಮೇಲಿನ ಆಕರ್ಷಣೆ ಹೆಚ್ಚಾಗಿದೆ. ಸ್ನೇಹಿತರ ಬಳಿ ಇರುವ ಫೋನ್ ನೋಡಿ ತಮಗೂ ಅದೇ ಬೇಕೆಂದು ಬಯಸುವ ಮಕ್ಕಳೂ ಇದ್ದಾರೆ. ಆದರೆ ಈ ವಿಡಿಯೋದಲ್ಲಿ ಕಾಣುವ ಬಾಲಕಿಯ ಪ್ರತಿಕ್ರಿಯೆ ಒಂದು ವಿಷಯವನ್ನು ನೆನಪಿಸುತ್ತದೆ: ಸಂತೋಷ ಎನ್ನುವುದು ಯಾವಾಗಲೂ ದುಬಾರಿ ವಸ್ತುಗಳಿಂದಲೇ ಸಿಗುವುದಿಲ್ಲ.

ತಂದೆ ನೀಡಿದ ಸರಳ ಉಡುಗೊರೆಯನ್ನು ಪ್ರೀತಿಯಿಂದ ಸ್ವೀಕರಿಸಿದ ಮಗಳ ಮುಗ್ಧತೆ ಹಲವರ ಮನಸ್ಸು ಗೆದ್ದಿದೆ. ಕೊನೆಗೆ, ಮೊಬೈಲ್ ಯಾವ ಮಾದರಿಯದ್ದು ಎಂಬುದಕ್ಕಿಂತ ಅದನ್ನು ಪ್ರೀತಿಯಿಂದ ನೀಡಿದ ತಂದೆಯ ಭಾವನೆಯೇ ಈ ವಿಡಿಯೋವನ್ನು ವಿಶೇಷವಾಗಿಸಿದೆ.

In the world of iphone she's so happy with this Nokia phone

Her father's reaction https://t.co/gjHm5ocj21

— Sai • சாய் (@SaiAnvii) October 29, 2026

ಮನೆಯಲ್ಲೇ ಮಾಡಿ ರೆಸ್ಟೋರೆಂಟ್ ಸ್ಟೈಲ್ ವೆಜ್ ದಮ್ ಬಿರಿಯಾನಿ! ಘಮಘಮಿಸುವ ರುಚಿಗೆ ಫಿದಾ ಆಗ್ತೀರಾ

Pavna Das — Sat, 31 Oct 2026 11:20:25 +0530

ರುಚಿಕರವಾದ ವೆಜ್ ದಮ್ ಬಿರಿಯಾನಿ ಮನೆಯಲ್ಲೇ ಮಾಡಿ

ನಿಮಗೆ ಬಿರಿಯಾನಿ ತಿನ್ನುವ ಆಸೆಯಿದ್ದರೆ, ಅದಕ್ಕಾಗಿ ಇನ್ನು ಮುಂದೆ ರೆಸ್ಟೋರೆಂಟ್‌ಗೆ ಹೋಗಬೇಕಿಲ್ಲ. ಮನೆಯಲ್ಲಿಯೇ ಸುಲಭವಾಗಿ ರೆಸ್ಟೋರೆಂಟ್‌ನಂತೆಯೇ ರುಚಿಕರವಾದ ವೆಜ್ ದಮ್ ಬಿರಿಯಾನಿ ತಯಾರಿಸಬಹುದು. ಹಾಗಾದರೆ ರುಚಿಯಾದ ವೆಜ್ ದಮ್ ಬಿರಿಯಾನಿ ಮಾಡುವ ಸುಲಭ ರೆಸಿಪಿ ಹೇಗೆ ನೋಡಿ.

ವೆಜ್ ದಮ್ ಬಿರಿಯಾನಿ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

ಬಾಸ್ಮತಿ ಅಕ್ಕಿ
ಈರುಳ್ಳಿ 6 ಮಧ್ಯಮ ಗಾತ್ರದ್ದು
ಬೆಳ್ಳುಳ್ಳಿ 20-25 ಎಸಳು
ಶುಂಠಿ 2 ಇಂಚು
ಹಸಿಮೆಣಸಿನಕಾಯಿ 3-4
ಟೊಮೆಟೊ 1
ತಾಜಾ ಕೊತ್ತಂಬರಿ ಸೊಪ್ಪು
ಪುದೀನಾ ಎಲೆಗಳು
ಕ್ಯಾರೆಟ್ 2
ಫ್ರೆಂಚ್ ಬೀನ್ಸ್
ಅರ್ಧ ಹೂಕೋಸು
ಮಧ್ಯಮ ಗಾತ್ರದ ಆಲೂಗಡ್ಡೆ 2

ಬಿರಿಯಾನಿ ಮಸಾಲೆ ತಯಾರಿಗೆ:

ಎಣ್ಣೆ 3-4 ದೊಡ್ಡ ಚಮಚ
ಅರಿಶಿನ ಪುಡಿ ಅರ್ಧ ಚಮಚ
ಕಾಳುಮೆಣಸಿನ ಪುಡಿ 1 ದೊಡ್ಡ ಚಮಚ
ಖಾರದ ಪುಡಿ 1 ಚಮಚ
ಧನಿಯಾ ಪುಡಿ 2 ಚಮಚ
ಬಿರಿಯಾನಿ ಮಸಾಲೆ 1.5 ಚಮಚ
ಅಗತ್ಯಕ್ಕೆ ತಕ್ಕಷ್ಟು ಬಿಸಿ ನೀರು
ಮೊಸರು 200 ಗ್ರಾಂ
ರುಚಿಗೆ ತಕ್ಕಷ್ಟು ಉಪ್ಪು
ಹಸಿರು ಬಟಾಣಿ ಅರ್ಧ ಕಪ್
ಕೊತ್ತಂಬರಿ ಸೊಪ್ಪು ಮತ್ತು ಪುದೀನಾ

ವೆಜ್ ದಮ್ ಬಿರಿಯಾನಿ ಮಾಡುವ ವಿಧಾನ

ಮೊದಲನೆಯದಾಗಿ ಬಾಸ್ಮತಿ ಅಕ್ಕಿಯನ್ನು ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ. ನೀರು ತಿಳಿಯಾಗುವವರೆಗೆ ತೊಳೆಯಬೇಕು. ನಂತರ ಅಕ್ಕಿಯನ್ನು ಕನಿಷ್ಠ 30-45 ನಿಮಿಷಗಳ ಕಾಲ ನೀರಿನಲ್ಲಿ ನೆನೆಸಿಡಿ. ಆನಂತರ ಅಕ್ಕಿಯನ್ನು ಅರ್ಧ ಬೇಯಿಸಿಟ್ಟುಕೊಳ್ಳಬೇಕು. .
ಈಗ ಗ್ರೇವಿ ತಯಾರಿಸಲು ಈರುಳ್ಳಿ, ಶುಂಠಿ, ಬೆಳ್ಳುಳ್ಳಿ, ಹಸಿಮೆಣಸಿನಕಾಯಿ, ಟೊಮೆಟೊ, ತಾಜಾ ಕೊತ್ತಂಬರಿ ಸೊಪ್ಪು ಮತ್ತು ಪುದೀನಾವನ್ನು ಸಣ್ಣದಾಗಿ ಹೆಚ್ಚಿಕೊಳ್ಳಿ.
ಈಗ ಎಲ್ಲಾ ತರಕಾರಿಗಳನ್ನು ಮಧ್ಯಮ ಗಾತ್ರದ ತುಂಡುಗಳಾಗಿ ಹೆಚ್ಚಿಕೊಳ್ಳಿ. ಆದರೆ ಆಲೂಗಡ್ಡೆಯ ತುಂಡುಗಳನ್ನು ಸ್ವಲ್ಪ ದೊಡ್ಡದಾಗಿ ಕತ್ತರಿಸಿಕೊಳ್ಳಿ.
ಬಿರಿಯಾನಿ ಮಸಾಲೆ ತಯಾರಿಸಲು ಅಗಲವಾದ ಬಾಯಿ ಮತ್ತು ದಪ್ಪ ತಳವಿರುವ ಪಾತ್ರೆಯನ್ನು ಬಳಸಿ. ಪಾತ್ರೆಯನ್ನು ಹೆಚ್ಚಿನ ಉರಿಯಲ್ಲಿ ಬಿಸಿಮಾಡಿ, ಎಣ್ಣೆ ಹಾಕಿ. ಎಣ್ಣೆ ಬಿಸಿಯಾದ ನಂತರ ಈರುಳ್ಳಿ ಹಾಕಿ ಚೆನ್ನಾಗಿ ಕಲಸಿ. ಈರುಳ್ಳಿ ಚಿನ್ನದ ಬಣ್ಣಕ್ಕೆ ತಿರುಗುವವರೆಗೆ ಮಧ್ಯಮದಿಂದ ಹೆಚ್ಚಿನ ಉರಿಯಲ್ಲಿ ಹುರಿಯಿರಿ.
ನಂತರ ಹೆಚ್ಚಿಕೊಂಡ ಶುಂಠಿ, ಬೆಳ್ಳುಳ್ಳಿ ಮತ್ತು ಹಸಿಮೆಣಸಿನಕಾಯಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ 2-3 ನಿಮಿಷ ಬೇಯಿಸಿ. ಆನಂತರ ಪುಡಿ ಮಸಾಲೆಗಳನ್ನು ಸೇರಿಸಿ.
ಈಗ ಹೆಚ್ಚಿಕೊಂಡ ಟೊಮೆಟೊ, ಚೆನ್ನಾಗಿ ಕಡೆಯಲಾದ ಮೊಸರು ಮತ್ತು ಉಪ್ಪನ್ನು ಸೇರಿಸಿ. ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ. ಎಣ್ಣೆ ಬೇರ್ಪಡುವವರೆಗೆ ಹೆಚ್ಚಿನ ಉರಿಯಲ್ಲಿ ಬೇಯಿಸಿ.
ಗ್ರೇವಿ ಚೆನ್ನಾಗಿ ಬೆಂದು ಎಣ್ಣೆ ಬೇರ್ಪಡಲು ಆರಂಭಿಸಿದಾಗ ಹೆಚ್ಚಿಕೊಂಡ ಆಲೂಗಡ್ಡೆಯನ್ನು ಸೇರಿಸಿ 2-3 ನಿಮಿಷ ಬೇಯಿಸಿ. ಆಲೂಗಡ್ಡೆ ಚೆನ್ನಾಗಿ ಬೇಯುವವರೆಗೆ ಕಡಿಮೆ ಉರಿಯಲ್ಲಿ ಬೇಯಿಸಿ.
ಆಲೂಗಡ್ಡೆ ಬೆಂದ ನಂತರ ಉಳಿದ ಎಲ್ಲಾ ತರಕಾರಿಗಳನ್ನು ಸೇರಿಸಿ. ನಂತರ ಗ್ರೇವಿಯ ಹದವನ್ನು ಸರಿಪಡಿಸಲು ಅಗತ್ಯವಿರುವಷ್ಟು ನೀರನ್ನು ಹಾಕಿ.
ಈಗ ಅದರ ಮೇಲೆ ಅರ್ಧ ಬೆಂದ ಅನ್ನವನ್ನು ಹಾಕಿ. ಅನ್ನದ ಮೇಲೆ ಒಂದು ಹಿಡಿಯಷ್ಟು ಪುದೀನಾ ಮತ್ತು ಕೊತ್ತಂಬರಿ ಸೊಪ್ಪನ್ನು ಹಾಕಿ. ನಂತರ ಕರಗಿಸಿದ ತುಪ್ಪವನ್ನು ಎಲ್ಲೆಡೆ ಸಮಾನವಾಗಿ ಸುರಿಯಿರಿ.
ತರಕಾರಿಗಳೊಂದಿಗೆ ಅನ್ನವನ್ನು ಚೆನ್ನಾಗಿ ಮಿಶ್ರಣ ಮಾಡಿ. ನಂತರ ಮುಚ್ಚಳ ಮುಚ್ಚಿ ಬಿರಿಯಾನಿಯನ್ನು ಐದು ನಿಮಿಷ ಸಣ್ಣ ಉರಿಯಲ್ಲಿ ಇಟ್ಟು, ಬಳಿಕ ಸ್ಟೌ ಆಫ್ ಮಾಡಿ.ಕನಿಷ್ಠ 20-30 ನಿಮಿಷಗಳ ಕಾಲ ಮುಚ್ಚಿ ಹಾಗೆಯೇ ಬಿಡಿ.
ಸ್ವಲ್ಪ ಸಮಯದ ನಂತರ ಮುಚ್ಚಳ ತೆಗೆದು ರುಚಿಕರವಾದ ವೆಜ್ ದಮ್ ಬಿರಿಯಾನಿಯನ್ನು ಬಡಿಸಬಹುದು.

Vineesh Birthday : ದರ್ಶನ್ ಪುತ್ರ ವಿನೀಶ್ಹುಟ್ಟುಹಬ್ಬ; ವಿಜಯಲಕ್ಷ್ಮೀ 'ಸ್ಪೆಷಲ್ ಬುದ್ದಿಮಾತು' ಸಖತ್ ವೈರಲ್ ಆಯ್ತು!

Shriram Bhat — Sat, 31 Oct 2026 10:48:13 +0530

Vineesh Birthday : ದರ್ಶನ್ ಪುತ್ರ ವಿನೀಶ್ ಹುಟ್ಟುಹಬ್ಬ; ವಿಜಯಲಕ್ಷ್ಮೀ ಸ್ಪೆಷಲ್ ವಿಶ್‌

ಕನ್ನಡದ ಸ್ಟಾರ್ ನಟ ದರ್ಶನ್ ಪುತ್ರ ವಿನೀಶ್ ತೂಗುದೀಪ್ ಇಂದು (ಅಕ್ಟೋಬರ್ 31) ತಮ್ಮ 18ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಈ ವಿಶೇಷ ದಿನದಂದು ತಾಯಿ ವಿಜಯಲಕ್ಷ್ಮೀ ದರ್ಶನ್ ಅವರು ಮಗನಿಗೆ ಪ್ರೀತಿಯಿಂದ ಶುಭಾಶಯ ಕೋರಿದ್ದಾರೆ. ಆದರೆ ಈ ಬಾರಿಯ ಹುಟ್ಟುಹಬ್ಬದ ಆಚರಣೆ ಕೊಂಚ ಭಿನ್ನವಾಗಿತ್ತು. ಪತಿ ದರ್ಶನ್ ಅನುಪಸ್ಥಿತಿಯಲ್ಲಿ ವಿಜಯಲಕ್ಷ್ಮೀ ಅವರು ಮಧ್ಯರಾತ್ರಿಯೇ ಮಗನ ಹುಟ್ಟುಹಬ್ಬವನ್ನು ಸರಳವಾಗಿ ಆಚರಿಸಿದ್ದಾರೆ. ಇದರ ಜೊತೆಗೆ ಸಾಮಾಜಿಕ ಜಾಲತಾಣದಲ್ಲಿ ಮಗನೊಂದಿಗಿನ ಸುಂದರ ಕ್ಷಣಗಳ ಫೋಟೊಗಳನ್ನು ಹಂಚಿಕೊಂಡು ಭಾವುಕ ಸಂದೇಶವೊಂದನ್ನು ಬರೆದಿದ್ದಾರೆ.

ವಿನೀಶ್ ಜೀವನದ 18ನೇ ವರ್ಷಕ್ಕೆ ಕಾಲಿಡುತ್ತಿರುವ ಹಿನ್ನೆಲೆಯಲ್ಲಿ ವಿಜಯಲಕ್ಷ್ಮೀ ಅವರ ಶುಭಾಶಯದ ಪೋಸ್ಟ್ ಅಭಿಮಾನಿಗಳ ಗಮನ ಸೆಳೆದಿದೆ. ಕೇವಲ ಹುಟ್ಟುಹಬ್ಬದ ಶುಭಾಶಯಗಳನ್ನು ತಿಳಿಸುವುದಷ್ಟೇ ಅಲ್ಲದೆ, ಜೀವನದಲ್ಲಿ ಎದುರಾಗುವ ಕಷ್ಟಗಳು ಮತ್ತು ಸವಾಲುಗಳನ್ನು ಹೇಗೆ ಎದುರಿಸಬೇಕು ಎಂಬುದರ ಬಗ್ಗೆಯೂ ಮಗನಿಗೆ ಕೆಲವು ಮಹತ್ವದ ಸಲಹೆಗಳನ್ನು ನೀಡಿದ್ದಾರೆ.

"ನೀನು ಉತ್ತಮ ಚಾರಿತ್ರ್ಯ, ಧೈರ್ಯ ಮತ್ತು ದಯಾಗುಣವುಳ್ಳ ವ್ಯಕ್ತಿಯಾಗಿ ಬೆಳವಣಿಗೆ ಹೊಂದಬೇಕು. ಜೀವನ ನಿನಗೆ ಸಾಕಷ್ಟು ಪಾಠಗಳನ್ನು ಕಲಿಸುತ್ತದೆ. ಹಾಗಾಗಿ ಪ್ರತಿಯೊಂದು ಸವಾಲನ್ನೂ ಶಕ್ತಿಯಿಂದ ಎದುರಿಸು. ನಿನ್ನಲ್ಲಿರುವ ಒಳ್ಳೆಯತನವನ್ನು ಎಂದಿಗೂ ಕಳೆದುಕೊಳ್ಳಬೇಡ. 18ನೇ ಹುಟ್ಟುಹಬ್ಬದ ಶುಭಾಶಯಗಳು ವಿನೀಶ್ ಬಂಗಾರು" ಎಂದು ವಿಜಯಲಕ್ಷ್ಮೀ ಬರೆದುಕೊಂಡಿದ್ದಾರೆ.

ಬ್ಲ್ಯಾಕ್ ಅಂಡ್ ವೈಟ್ ಥೀಮ್‌ನಲ್ಲಿ ಬರ್ತ್‌ಡೇ ಸೆಲೆಬ್ರೇಷನ್

ಮಗನ ವಿಶೇಷ ದಿನವನ್ನು ನೆನಪಿನಲ್ಲಿ ಉಳಿಯುವಂತೆ ಮಾಡಲು ವಿಜಯಲಕ್ಷ್ಮೀ ವಿಶೇಷ ಸಿದ್ಧತೆ ಮಾಡಿಕೊಂಡಿದ್ದರು. ಬ್ಲ್ಯಾಕ್ ಅಂಡ್ ವೈಟ್ ಥೀಮ್‌ನಲ್ಲಿ ಹುಟ್ಟುಹಬ್ಬದ ಅಲಂಕಾರ ಮಾಡಿಸಿ ಮಧ್ಯರಾತ್ರಿಯೇ ವಿನೀಶ್ ಜೊತೆ ಕೇಕ್ ಕತ್ತರಿಸಿ ಸಂಭ್ರಮಿಸಿದ್ದಾರೆ. ತಾಯಿ ಮತ್ತು ಮಗ ಒಟ್ಟಿಗೆ ಇರುವ ಹಲವು ಫೋಟೊಗಳನ್ನು ಹಂಚಿಕೊಂಡಿರುವ ಅವರು, ತಮ್ಮ ಪ್ರೀತಿಯನ್ನು ವಿಶೇಷವಾಗಿ ವ್ಯಕ್ತಪಡಿಸಿದ್ದಾರೆ.

ವಿಜಯಲಕ್ಷ್ಮೀ ಅವರ ಈ ಪೋಸ್ಟ್‌ಗೆ ದರ್ಶನ್ ಅಭಿಮಾನಿಗಳು ಹಾಗೂ ವಿನೀಶ್ ಅಭಿಮಾನಿಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. 18ನೇ ವಯಸ್ಸಿಗೆ ಕಾಲಿಟ್ಟಿರುವ ವಿನೀಶ್‌ಗೆ ಉತ್ತಮ ಭವಿಷ್ಯ ಸಿಗಲಿ ಎಂದು ಹಲವರು ಹಾರೈಸುತ್ತಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಕಡಿಮೆ ಸಕ್ರಿಯವಾಗಿರುವ ವಿನೀಶ್

ಇನ್ನು ದರ್ಶನ್ ಪುತ್ರ ವಿನೀಶ್ ಸಾಮಾಜಿಕ ಜಾಲತಾಣಗಳಲ್ಲಿ ಖಾತೆ ಹೊಂದಿದ್ದರೂ, ಆಗಾಗ್ಗೆ ಮಾತ್ರ ಪೋಸ್ಟ್‌ಗಳನ್ನು ಹಂಚಿಕೊಳ್ಳುತ್ತಾರೆ. ತಂದೆಯಂತೆ ಸಿನಿಮಾ ಮತ್ತು ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಹೆಚ್ಚು ಕಾಣಿಸಿಕೊಳ್ಳುವುದಿಲ್ಲ. ಕೆಲವೊಮ್ಮೆ ಯೂಟ್ಯೂಬರ್‌ಗಳ ವಿಡಿಯೋಗಳಲ್ಲಿ ಕಾಣಿಸಿಕೊಂಡು ಗಮನ ಸೆಳೆಯುತ್ತಾರೆ. ಇದೀಗ 18ನೇ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ ಮತ್ತೆ ಸುದ್ದಿಯಲ್ಲಿದ್ದಾರೆ.

ಒಟ್ಟಿನಲ್ಲಿ, ಮಗನ ಹುಟ್ಟುಹಬ್ಬದಂದು ವಿಜಯಲಕ್ಷ್ಮೀ ಹಂಚಿಕೊಂಡಿರುವ ಫೋಟೊಗಳು ಮತ್ತು ಜೀವನದ ಮೌಲ್ಯಗಳನ್ನು ತಿಳಿಸುವ ಸಂದೇಶ ಅಭಿಮಾನಿಗಳ ಮನಮುಟ್ಟಿದೆ. ಮಗನ ಮುಂದಿನ ಜೀವನ ಧೈರ್ಯ, ಒಳ್ಳೆಯತನ ಮತ್ತು ಯಶಸ್ಸಿನಿಂದ ಕೂಡಿರಲಿ ಎಂಬ ತಾಯಿಯ ಹಾರೈಕೆ ಈ ಬರ್ತ್‌ಡೇ ಪೋಸ್ಟ್‌ನ ವಿಶೇಷ ಆಕರ್ಷಣೆಯಾಗಿದೆ.

ಕನ್ನಡ ರಾಜ್ಯೋತ್ಸವ: ಕರ್ನಾಟಕದ ಹಿರಿಮೆ-ಗರಿಮೆ ಹೆಚ್ಚಿಸುವ, ನಾವು ಭೇಟಿ ನೀಡಲೇಬೇಕಾದ 10 ಐತಿಹಾಸಿಕ ಸ್ಥಳಗಳು

Santosh Naik — Sat, 31 Oct 2026 10:49:15 +0530

ಬೆಂಗಳೂರು (ಅ.31): ಕನ್ನಡ ನಾಡು ಕೇವಲ ಸಾಹಿತ್ಯ, ಕಲೆಗೆ ಮಾತ್ರವಲ್ಲದೆ ವಿಶ್ವದಲ್ಲೇ ಅಪರೂಪವೆನಿಸುವ ಭವ್ಯ ವಾಸ್ತುಶಿಲ್ಪ ಮತ್ತು ಇತಿಹಾಸಕ್ಕೆ ಹೆಸರುವಾಸಿಯಾಗಿದೆ: ಕದಂಬರು, ಗಂಗರು, ಚಾಲುಕ್ಯರು, ರಾಷ್ಟ್ರಕೂಟರು, ಹೊಯ್ಸಳರು, ವಿಜಯನಗರ ಸಾಮ್ರಾಜ್ಯ ಹಾಗೂ ಮೈಸೂರು ಒಡೆಯರ ಆಳ್ವಿಕೆಯಲ್ಲಿ ನಿರ್ಮಾಣಗೊಂಡ ಹಲವು ಶಿಲ್ಪಕಲಾ ಕಾವ್ಯಗಳು ಇಂದಿಗೂ ನಮಗೆ ಹೆಮ್ಮೆಯ ಸಂಕೇತವಾಗಿ ನಿಂತಿವೆ. ಕನ್ನಡಿಗರಷ್ಟೇ ಅಲ್ಲದೆ ಜಗತ್ತಿನಾದ್ಯಂತ ಜನರು ವೀಕ್ಷಿಸಲೇಬೇಕಾದ ಕರ್ನಾಟಕದ Top-10 ಐತಿಹಾಸಿಕ ತಾಣಗಳ ವಿವರ ಇಲ್ಲಿದೆ. ದೀಪಾವಳಿಯ ರಜಾ ಕಾಲದಲ್ಲಿ ನೀವು ಭೇಟಿ ನೀಡಲೇಬೇಕಾದ 10 ಐತಿಹಾಸಿಕ ಸ್ಥಳಗಳು ಇಲ್ಲಿವೆ.

ಹಂಪಿ (Hampi - ವಿಜಯನಗರ)

ವಿಜಯನಗರ ಸಾಮ್ರಾಜ್ಯದ ರಾಜಧಾನಿಯಾಗಿದ್ದ ಹಂಪಿ 'ಯುನೆಸ್ಕೋ' (UNESCO) ವಿಶ್ವ ಪರಂಪರೆಯ ತಾಣವಾಗಿದೆ. ತುಂಗಭದ್ರಾ ನದಿಯ ದಂಡೆಯಲ್ಲಿರುವ ಈ ತಾಣದಲ್ಲಿನ ಕಲ್ಲಿನ ರಥ, ವಿರೂಪಾಕ್ಷ ದೇವಾಲಯ, ವಿಜಯ ವಿಠ್ಠಲ ದೇವಾಲಯದ ಸಂಗೀತ ಕಂಬಗಳು ಹಾಗೂ ಉಗ್ರ ನರಸಿಂಹ ಮೂರ್ತಿಗಳು ವಿಜಯನಗರ ಶೈಲಿಯ ಸುಂದರ ವಾಸ್ತುಶಿಲ್ಪಕ್ಕೆ ಸಾಕ್ಷಿಯಾಗಿವೆ.

ಮೈಸೂರು ಅರಮನೆ (Mysore Palace - ಮೈಸೂರು)

ಮೈಸೂರು ಸಂಸ್ಥಾನದ ಯದುವಂಶದ ಒಡೆಯರ ವೈಭವವನ್ನು ಸಾರುವ ಮೈಸೂರು ಅರಮನೆ ಭಾರತದಲ್ಲೇ ಅತ್ಯಂತ ಹೆಚ್ಚು ಪ್ರವಾಸಿಗರು ಭೇಟಿ ನೀಡುವ ತಾಣಗಳಲ್ಲಿ ಒಂದಾಗಿದೆ. ಇಂಡೋ-ಸಾರ್ಸೆನಿಕ್ ಶೈಲಿಯಲ್ಲಿ ನಿರ್ಮಾಣಗೊಂಡಿರುವ ಈ ಅರಮನೆಯು ದಸರಾ ಮಹೋತ್ಸವದ ಸಮಯದಲ್ಲಿ ಲಕ್ಷಾಂತರ ದೀಪಗಳಿಂದ ಕಂಗೊಳಿಸುತ್ತದೆ.

ಬೇಲೂರು ಮತ್ತು ಹಳೇಬೀಡು (Belur & Halebidu - ಹಾಸನ)

ಹೊಯ್ಸಳ ರಾಜವಂಶದ ಕಲಾತ್ಮಕ ಶಿಲ್ಪಕಲೆಗೆ ಸಾಕ್ಷಿ ಪ್ರಜ್ಞೆಯಂತಿರುವ ಬೇಲೂರಿನ ಚನ್ನಕೇಶವ ದೇವಾಲಯ ಹಾಗೂ ಹಳೇಬೀಡಿನ ಹೊಯ್ಸಳೇಶ್ವರ ದೇವಾಲಯ ಇತ್ತೀಚೆಗೆ 'ಯುನೆಸ್ಕೋ' ವಿಶ್ವ ಪರಂಪರೆಯ ಪಟ್ಟಿಗೆ ಸೇರ್ಪಡೆಯಾಗಿವೆ. ನಕ್ಷತ್ರಾಕಾರದ ಜಗಲಿಗಳು ಹಾಗೂ ಕಲ್ಲಿನಲ್ಲಿ ಕೆತ್ತಲಾದ ಮದನಿಕೆ ವಿಗ್ರಹಗಳು ಪ್ರವಾಸಿಗರನ್ನು ಮೂಕವಿಸ್ಮಿತರನ್ನಾಗಿಸುತ್ತವೆ.

ಬಾದಾಮಿ, ಐಹೊಳೆ ಮತ್ತು ಪಟ್ಟದಕಲ್ಲು (Badami, Aihole & Pattadakal - ಬಾಗಲಕೋಟೆ)

ಬಾದಾಮಿ ಚಾಲುಕ್ಯರ ಸಾಮ್ರಾಜ್ಯದ ರಾಜಧಾನಿಯಾಗಿದ್ದ ಬಾದಾಮಿಯ ಗುಹಾಂತರ ದೇವಾಲಯಗಳು (Cave Temples) ವಿಶ್ವಪ್ರಸಿದ್ಧ. ಭಾರತೀಯ ದೇವಾಲಯ ವಾಸ್ತುಶಿಲ್ಪದ ತೊಟ್ಟಿಲು ಎಂದೇ ಕರೆಯಲ್ಪಡುವ ಐಹೊಳೆ ಹಾಗೂ ಯುನೆಸ್ಕೋ ಪಟ್ಟಿಯಲ್ಲಿರುವ ಪಟ್ಟದಕಲ್ಲಿನ ಮಲ್ಲಿಕಾರ್ಜುನ ಮತ್ತು ವಿರೂಪಾಕ್ಷ ದೇವಾಲಯಗಳು ಶಿಲ್ಪಕಲೆಯ ಅದ್ಭುತಗಳಾಗಿವೆ.

ಗೋಲ್ ಗುಂಬಜ್ (Gol Gumbaz - ವಿಜಯಪುರ)

ಆದಿಲ್ ಶಾಹಿ ರಾಜವಂಶದ ಮೊಹಮ್ಮದ್ ಆದಿಲ್ ಶಾ ಸಮಾಧಿ ಸ್ಥಳವಾದ ವಿಜಯಪುರದ ಗೋಲ್ ಗುಂಬಜ್, ಜಗತ್ತಿನ ಎರಡನೇ ಅತಿ ದೊಡ್ಡ ಆಸರೆಯಿಲ್ಲದ ಗಮ್ಮಟ (Dome) ಹೊಂದಿದೆ. ಇಲ್ಲಿರುವ 'ಪಿಸುಮಾತಿನ ಗ್ಯಾಲರಿ'ಯಲ್ಲಿ (Whispering Gallery) ಸಣ್ಣ ಶಬ್ದ ಮಾಡಿದರೂ ಅದು ಏಳು ಬಾರಿ ಪ್ರತಿಧ್ವನಿಸುವುದು ಇದರ ವಿಶೇಷ.

ಶ್ರವಣಬೆಳಗೊಳ (Shravanabelagola - ಹಾಸನ)

ವಿಶ್ವದ ಅತ್ಯಂತ ಎತ್ತರದ ಏಕಶಿಲಾ ವಿಗ್ರಹಗಳಲ್ಲಿ ಒಂದಾದ ಗೊಮ್ಮಟೇಶ್ವರನ 57 ಅಡಿ ಎತ್ತರದ ಮೂರ್ತಿ ಶ್ರವಣಬೆಳಗೊಳದ ವಿಂಧ್ಯಗಿರಿ ಬೆಟ್ಟದಲ್ಲಿದೆ. ಗಂಗರ ದಂಡನಾಯಕ ಚಾವುಂಡರಾಯ ನಿರ್ಮಿಸಿದ ಈ ಜೈನ ಪುಣ್ಯಕ್ಷೇತ್ರದಲ್ಲಿ 12 ವರ್ಷಗಳಿಗೊಮ್ಮೆ ನಡೆಯುವ ಮಹಾಮಸ್ತಕಾಭಿಷೇಕ ಜಾಗತಿಕ ಗಮನ ಸೆಳೆಯುತ್ತದೆ.

ಚಿತ್ರದುರ್ಗದ ಕೋಟೆ (Chitradurga Fort - ಚಿತ್ರದುರ್ಗ)

'ಏಳು ಸುತ್ತಿನ ಕೋಟೆ' ಎಂದೇ ಖ್ಯಾತವಾಗಿರುವ ಚಿತ್ರದುರ್ಗದ ರಕ್ಷಣೆ ಮತ್ತು ಆಡಳಿತ ವೈಭವ ಭಾರತೀಯ ಕೋಟೆ ನಿರ್ಮಾಣ ಕಲೆಗೆ ಮಾದರಿಯಾಗಿದೆ. ಪಾಳೆಗಾರರ ಆಳ್ವಿಕೆ, ಒನಕೆ ಓಬವ್ವಳ ಶೌರ್ಯದ ಕಥೆಗಳು ಹಾಗೂ ಕೋಟೆಯ ಒಳಗಿರುವ ಹೈದರಾಲಿ ಗರಡಿ, ಎಣ್ಣೆ ಕೊಳಗಳು ಮತ್ತು ದೇವಾಲಯಗಳು ರೋಚಕ ಇತಿಹಾಸವನ್ನು ಬಿಚ್ಚಿಡುತ್ತವೆ.

ಬೀದರ್‌ ಕೋಟೆ (Bidar Fort - ಬೀದರ್‌)

ಬಹುಮನಿ ಸುಲ್ತಾನರ ರಾಜಧಾನಿಯಾಗಿದ್ದ ಬೀದರ್‌ ಕೋಟೆಯು ಪರ್ಷಿಯನ್ ಹಾಗೂ ಇಸ್ಲಾಮಿಕ್ ವಾಸ್ತುಶಿಲ್ಪದ ಅಪರೂಪದ ಸಮ್ಮಿಲನವಾಗಿದೆ. ರಂಗೀನ್ ಮಹಲ್, ತಖ್ತ್‌ ಮಹಲ್, ಮಹಮೂದ್ ಗವಾನ್ ಮದರಸಾ ಹಾಗೂ ಜಲ ನಿರ್ವಹಣೆಯ 'ಕರೇಜ್ ಸಿಸ್ಟಮ್' (Karez Water System) ಬೀದರ್‌ ಕೋಟೆಯ ವೈಶಿಷ್ಟ್ಯಗಳಾಗಿವೆ.

ಬನವಾಸಿ (Banavasi - ಉತ್ತರ ಕನ್ನಡ)

ಬನವಾಸಿಯು ಕನ್ನಡದ ಪ್ರಥಮ ರಾಜವಂಶವಾದ ಕದಂಬರ ರಾಜಧಾನಿಯಾಗಿತ್ತು. ವರದಾ ನದಿಯ ದಂಡೆಯಲ್ಲಿರುವ ಇಲ್ಲಿನ ಮಧುಕೇಶ್ವರ ದೇವಾಲಯವು ಪ್ರಾಚೀನ ಕನ್ನಡ ಕಲೆ ಮತ್ತು ಸಂಸ್ಕೃತಿಗೆ ದ್ಯೋತಕವಾಗಿದೆ.

ಶ್ರೀರಂಗಪಟ್ಟಣ (Srirangapatna - ಮಂಡ್ಯ)

ಕಾವೇರಿ ನದಿಯಿಂದ ಸುತ್ತುವರಿಯಲ್ಪಟ್ಟ ನಗರವಾದ ಶ್ರೀರಂಗಪಟ್ಟಣವು ವಿಜಯನಗರ ಮಂಡಲೇಶ್ವರ ಮತ್ತು ಮೈಸೂರು ಹುಲಿ ಟಿಪ್ಪು ಸುಲ್ತಾನ್‌ನ ರಾಜಧಾನಿಯಾಗಿತ್ತು. ರಂಗನಾಥಸ್ವಾಮಿ ದೇವಾಲಯ, ಟಿಪ್ಪುವಿನ ಬೇಸಿಗೆ ಅರಮನೆ (ದರಿಯಾ ದೌಲತ್ ಬಾಗ್), ಗುಂಬಜ್ ಹಾಗೂ ಐತಿಹಾಸಿಕ ಕೋಟೆಗಳು ಶ್ರೀರಂಗಪಟ್ಟಣದ ಪ್ರಮುಖ ಆಕರ್ಷಣೆಗಳಾಗಿವೆ.

ಕೇವಲ ಮೂರೇ ವಸ್ತು ಬಳಸಿ ಕಿತ್ತಳೆ ಹಣ್ಣಿನ ಸಿಪ್ಪೆಯಿಂದ ಮನೆಯಲ್ಲೇ ತಯಾರಿಸಿ ನೈಸರ್ಗಿಕ ಸೋಪ್

Roopa Hegde — Sat, 31 Oct 2026 10:28:00 +0530

ಕಿತ್ತಳೆ ಹಣ್ಣಿನ ಸೀಸನ್‌ ಶುರುವಾಗಿದೆ. ವಿಟಮಿನ್‌ ಸಿ ಹೆಚ್ಚಿರುವ ಕಿತ್ತಳೆ ಹಣ್ಣನ್ನು ಬಹುತೇಕ ಎಲ್ಲರೂ ಇಷ್ಟಪಡ್ತಾರೆ. ಆದ್ರೆ ಕಿತ್ತಳೆಹಣ್ಣು ತಿಂದು ಸಿಪ್ಪೆಯನ್ನು ಕಸಕ್ಕೆ ಹಾಕ್ತಾರೆ. ಈ ಸಿಪ್ಪೆಯಿಂದ ಕೆಲ ಆಹಾರ ತಯಾರಿಸ್ಬಹುದು. ಹಾಗೆಯೇ ನಿಮ್ಮ ಸೌಂದರ್ಯ ವರ್ದಕವಾಗಿ ಅದನ್ನು ಬಳಸಬಹುದು. ಕಿತ್ತಳೆ ಹಣ್ಣಿನ ಸಿಪ್ಪೆಯಿಂದ ಸೋಫ್‌ ತಯಾರಿಸೋದು ಹೇಗೆ ಗೊತ್ತಾ?

ಸೋಫ್ ತಯಾರಿಸಲು ಬೇಕಾಗುವ ವಸ್ತುಗಳು

ತಾಜಾ ಕಿತ್ತಳೆ ಹಣ್ಣಿನ ಸಿಪ್ಪೆಗಳು, ಸೋಪ್ ಬೇಸ್, ಸ್ವಲ್ಪ ನೀರು, ಸೋಪ್ ಗಟ್ಟಿಯಾಗಿಸಲು ಸಿಲಿಕಾನ್ ಮೋಲ್ಡ್. ಇದು ಇಲ್ಲದಿದ್ದರೆ ಪೇಪರ್ ಕಪ್ ಬಳಸಬಹುದು.

ಕಿತ್ತಳೆ ಸಿಪ್ಪೆಯ ಸೋಪ್ ತಯಾರಿಸುವ ವಿಧಾನ

ಮೊದಲಿಗೆ ಕಿತ್ತಳೆ ಹಣ್ಣಿನ ಸಿಪ್ಪೆಗಳನ್ನು ಚೆನ್ನಾಗಿ ತೊಳೆದುಕೊಳ್ಳಿ. ಅವುಗಳ ಮೇಲಿರುವ ಧೂಳು, ಕೊಳೆ ಸಂಪೂರ್ಣವಾಗಿ ಹೋಗುವಂತೆ ಸ್ವಚ್ಛಗೊಳಿಸಿ. ಬಳಿಕ ಸಿಪ್ಪೆಗಳನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿಕೊಳ್ಳಿ. ಈ ತುಂಡುಗಳನ್ನು ಮಿಕ್ಸಿ ಜಾರಿಗೆ ಹಾಕಿ, ಸ್ವಲ್ಪ ನೀರು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ. ಹೆಚ್ಚು ನೀರು ಸೇರಿಸದಂತೆ ಎಚ್ಚರವಹಿಸಿ. ರುಬ್ಬಿದ ಮಿಶ್ರಣವನ್ನು ಸಣ್ಣ ಜಾಲರಿಯ ಅಥವಾ ಸ್ವಚ್ಛವಾದ ಹತ್ತಿ ಬಟ್ಟೆಯ ಸಹಾಯದಿಂದ ಸೋಸಿಕೊಳ್ಳಿ. ಇದರಿಂದ ಸಿಪ್ಪೆಯ ದೊಡ್ಡ ತುಂಡುಗಳು ಬೇರ್ಪಟ್ಟು ನಯವಾದ ಮಿಶ್ರಣ ಸಿಗುತ್ತದೆ. ನಂತರ ಸೋಪ್ ಬೇಸ್ ಅನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿಕೊಳ್ಳಿ. ಒಂದು ಪಾತ್ರೆಯೊಳಗೆ ಸಣ್ಣ ಬಟ್ಟಲನ್ನು ಇಡಿ. ದೊಡ್ಡ ಪಾತ್ರೆಯಲ್ಲಿ ನೀರು ಹಾಕಿ, ಬಟ್ಟಲು ಸ್ವಲ್ಪ ಮುಳುಗುವಂತೆ ನೋಡಿಕೊಳ್ಳಿ. ಆದರೆ ಬಟ್ಟಲಿನೊಳಗೆ ನೀರು ಹೋಗಬಾರದು.

ಈಗ ಬಟ್ಟಲಿನೊಳಗೆ ಸೋಪ್ ಬೇಸ್ ತುಂಡುಗಳನ್ನು ಹಾಕಿ, ಮಧ್ಯಮ ಉರಿಯಲ್ಲಿ ಬಿಸಿ ಮಾಡಿ. ಇದನ್ನು ಡಬಲ್ ಬಾಯ್ಲರ್ ವಿಧಾನ ಎಂದು ಕರೆಯುತ್ತಾರೆ. ಈ ವಿಧಾನದಲ್ಲಿ ಸೋಪ್ ಬೇಸ್ ಸುಡದೆ ನಿಧಾನವಾಗಿ ಕರಗುತ್ತದೆ. ಸೋಪ್ ಬೇಸ್ ಸಂಪೂರ್ಣವಾಗಿ ಕರಗಿದ ಬಳಿಕ ಅದಕ್ಕೆ ಮೊದಲೇ ತಯಾರಿಸಿಟ್ಟ ಕಿತ್ತಳೆ ಸಿಪ್ಪೆಯ ಮಿಶ್ರಣವನ್ನು ಸೇರಿಸಿ ಚೆನ್ನಾಗಿ ಕಲಸಿ. ಈ ಮಿಶ್ರಣವನ್ನು ಕಡಿಮೆ ಉರಿಯಲ್ಲಿ ಸುಮಾರು 12ರಿಂದ 13 ನಿಮಿಷಗಳ ಕಾಲ ನಿರಂತರವಾಗಿ ಕಲಕುತ್ತಾ ಬೇಯಿಸಿ. ಮಿಶ್ರಣದಲ್ಲಿ ಯಾವುದೇ ಗಂಟುಗಳು ಉಳಿಯದಂತೆ ನೋಡಿಕೊಳ್ಳಿ. ಬಳಿಕ ಗ್ಯಾಸ್ ಆಫ್ ಮಾಡಿ.

ಈಗ ತಯಾರಾದ ಮಿಶ್ರಣವನ್ನು ಸಾಬೂನಿನ ಅಚ್ಚಿಗೆ ಹಾಕಿ. ಅಚ್ಚು ಇಲ್ಲದಿದ್ದರೆ ಸ್ವಲ್ಪ ತಣ್ಣಗಾದ ಬಳಿಕ ಪೇಪರ್ ಕಪ್ಗೆ ಹಾಕಬಹುದು. ಇದನ್ನು ಕೋಣೆಯ ಉಷ್ಣಾಂಶದಲ್ಲಿ ಸುಮಾರು 30 ನಿಮಿಷಗಳ ಕಾಲ ಗಟ್ಟಿಯಾಗಲು ಬಿಡಿ. ಬೇಗ ಗಟ್ಟಿಯಾಗಬೇಕೆಂದರೆ ಸ್ವಲ್ಪ ಸಮಯ ಫ್ರಿಡ್ಜ್ನಲ್ಲಿಡಬಹುದು. ಸೋಪ್ ಗಟ್ಟಿಯಾದ ಬಳಿಕ ಅಚ್ಚಿನಿಂದ ಹೊರತೆಗೆಯಿರಿ. ಇಷ್ಟಾದರೆ ಮನೆಯಲ್ಲೇ ಕಿತ್ತಳೆ ಸಿಪ್ಪೆಯ ಸೋಪ್ ಸಿದ್ಧ.

ಈ ಸೋಪ್ ಸ್ನಾನಕ್ಕೆ ಬಳಸಬಹುದು. ಇದರಿಂದ ದೇಹಕ್ಕೆ ಕಿತ್ತಳೆಯ ನೈಸರ್ಗಿಕ ಪರಿಮಳ ಸಿಗುತ್ತದೆ. ಕಿತ್ತಳೆ ಸಿಪ್ಪೆಯನ್ನು ತ್ವಚೆಯ ಆರೈಕೆಗೂ ಬಳಸಲಾಗುತ್ತದೆ.

ನವೆಂಬರ್‌ ತಿಂಗಳ ಪ್ರವಾಸಕ್ಕೆ ಹೇಳಿಮಾಡಿಸಿದ ಕರ್ನಾಟಕದ 5 ಪ್ರವಾಸಿ ತಾಣಗಳಿವು!

Ravi Janekal — Sat, 31 Oct 2026 09:52:49 +0530

5 Best tourist Places to Visit in Karnataka in November: ಮುಂದಿನ ತಿಂಗಳು ನವೆಂಬರ್ ಕುಟುಂಬದೊಂದಿಗೆ, ಸ್ನೇಹಿತರೊಂದಿಗೆ ಅಥವಾ ಸಂಗಾತಿಯೊಂದಿಗೆ ಪ್ರವಾಸ ಹೋಗುವ ಪ್ಲಾನ್ ಮಾಡಿದ್ದೀರಾ? ಹಾಗಾದ್ರೆ ನವೆಂಬರ್‌ನಲ್ಲಿ ಭೇಟಿ ನೀಡಬಹುದಾದ ಕರ್ನಾಟಕ ಐದು ಪ್ರವಾಸಿತಾಣಗಳು ಇಲ್ಲಿವೆ ನೋಡಿ.

ಇನ್ನೇನು ಅರ್ಧಕರ್ಧ ಮಳೆಗಾಲ ಮುಗಿದಿದೆ, ಇದೀಗ ತಾನೇ ಕುಳಿರ್ಗಾಳಿ ಬಿಸುತ್ತಾ ಚಳಿಗಾಲ ಶುರುವಾಗಿದೆ. ಮುಂದಿನ ತಿಂಗಳು ನವೆಂಬರ್ ಬರ್ತಿದೆ, ಕರ್ನಾಟಕ ರಾಜ್ಯೋತ್ಸವ ಸಂಭ್ರಮ ಇದೆ. ಇದೇ ನೆಪದಲ್ಲಿ ನವೆಂಬರ್‌ ತಿಂಗಳು ಕುಟುಂಬದ ಜೊತೆಗೆ ಅಥವಾ ಸಂಗಾತಿ ಜೊತೆಗೆ ಪ್ರವಾಸ ಹೋಗಲು ಪ್ಲಾನ್ ಮಾಡಿದ್ದೀರಾ? ನವೆಂಬರ್‌ ತಿಂಗಳಲ್ಲಿ ಯಾವ ಸ್ಥಳಗಳಿಗೆ ಭೇಟಿ ನೀಡುವುದು ಉತ್ತಮ ಅಂತಾ ಯೋಚಿಸುತ್ತಿದ್ದೀರಾ? ಹಾಗಾದರೆ ಮುಂದಿನ ನವೆಂಬರ್ ತಿಂಗಳು ಪ್ರವಾಸಕ್ಕೆ ಹೇಳಿ ಮಾಡಿಸಿದ ಸಮಯ.

ನವೆಂಬರ್‌ ತಿಂಗಳಲ್ಲಿ ಪ್ರವಾಸ ಹೋಗುವವರಿಗೆ ಯಾಕೆ ಉತ್ತಮ ಸಮಯ ಎಂದರೆ ಬಹುತೇಕ ಮಳೆಗಾಲ ಮುಗಿದು ಹವಾಮಾನ ತಂಪಾಗಿರುತ್ತದೆ ಜೊತೆಗೆ ಮಂಜು ಮುಸುಕಿದ ಚಳಿ, ಇಂಥ ಸಮಯದಲ್ಲಿ ಮಲೆನಾಡಿನ ಹಸಿರು ತುಂಬಿದ ಬೆಟ್ಟಗಳು, ಧರೆಗಿಳಿದಂತ ಮೋಡಗಳು, ಕಾಫಿ ತೋಟಗಳು, ಐತಿಹಾಸಿಕ ಸ್ಮಾರಕಗಳು, ವನ್ಯಜೀವಿಗಳ ತಾಣಗಳು, ಶಾಂತವಾದ ಕಡತೀರಗಳಿಗೆ ಭೇಟಿ ನೀಡಲು ಉತ್ತಮವಾದ ಸಮಯ ಎಂದರೆ ನವೆಂಬರ್ ತಿಂಗಳೇ ಆಗಿದೆ.

ಪ್ರವಾಸ ಎಂದರೆ ಅನ್ಯರಾಜ್ಯಗಳೇ ಆಗಬೇಕಿಲ್ಲ. ನವೆಂಬರ್ ತಿಂಗಳಲ್ಲಿ ಕರ್ನಾಟಕದಲ್ಲಿ ಹಲವು ಸುಂದರ ತಾಣಗಳಿವೆ. ಅವುಗಳನ್ನ ನೋಡಲು ಅನ್ಯರಾಜ್ಯದ ಪ್ರವಾಸಿಗರ ದಂಡೇ ರಾಜ್ಯಕ್ಕೆ ಬರುತ್ತದೆ. ನೀವು ಹಿಂದೆ ಈ ತಾಣಗಳನ್ನು ನೋಡಿದ್ದರೂ ಪರವಾಗಿಲ್ಲ, ಈ ನವೆಂಬರ್ ತಿಂಗಳದಲ್ಲಿ ಒಮ್ಮೆ ಭೇಟಿ ನೀಡಿ, ಪ್ರವಾಸಿತಾಣಗಳ ವಿಶೇಷತೆ, ಹಿನ್ನೆಲೆ ಕುರಿತು ಮಾಹಿತಿ ಇಲ್ಲಿದೆ.

ಗೋಕರ್ಣ:

ನವೆಂಬರ್ ತಿಂಗಳ ಪ್ರವಾಸಕ್ಕೆ ಹೇಳಿ ಮಾಡಿಸಿದ ಸ್ಥಳವೆಂದರೆ ಗೋಕರ್ಣ. ಇಲ್ಲಿನ ಓಂ ಬೀಚ್, ಕುಡ್ಲೆ ಬೀಚ್, ಮಹಾಬಲೇಶ್ವರ್ ದೇವಸ್ಥಾನ, ಅರಬ್ಬಿ ಸಮುದ್ರದ ಸೌಂದರ್ಯ ನೋಡಲು ಎರಡು ಕಣ್ಣೂ ಸಾಲದು. ಕಡಲತೀರದಲ್ಲಿ ಸಮಯ ಕಳೆಯಲು ಇಷ್ಟಪಡೋರಿಗೆ ಗೋಕರ್ಣ ಬೆಸ್ಟ್ ಆಯ್ಕೆ. ಯಾಕೆಂದರೆ ನವೆಂಬರ್‌ನಿಂದ ಕರಾವಳಿ ಭಾಗದಲ್ಲಿನ ಹವಾಮಾನ ಪ್ರವಾಸಕ್ಕೆ ತುಂಬಾ ಅನುಕೂಲವಾಗಿರುತ್ತದೆ. ಮಳೆಗಾಲದ ನಂತರ ಅಲ್ಲಿನ ಕಡಲತೀರಗಳು, ಸುತ್ತಮುತ್ತಲಿನ ಪ್ರಕೃತಿಗೆ ಹೊಸ ಕಳೆ ಪಡೆದಿರುತ್ತದೆ..

ಗೋಕರ್ಣ ಪ್ರವಾಸ ಏಕೆ ಹೋಗಬೇಕು?

ಓಂ ಬೀಚ್, ಕುಡ್ಲೆ ಬೀಚ್, ಹಾಫ್ ಮೂನ್ ಬೀಚ್ ಮತ್ತು ಮಹಾಬಲೇಶ್ವರ ದೇವಸ್ಥಾನ ಇಲ್ಲಿನ ಪ್ರಮುಖ ಆಕರ್ಷಣೆಗಳು. ಕುಟುಂಬದೊಂದಿಗೆ, ಸ್ನೆಹಿತರೊಂದಿಗೆ ಹೋಗಲು ಉತ್ತಮ ಪ್ರವಾಸಿ ಸ್ಥಳ. ಆದರೆ ಸಮುದ್ರದಲ್ಲಿ ಈಜುವ ಸಾಹಸ ಮಾಡಬೇಡಿ, ಸಮುದ್ರದಲ್ಲಿ ಇಳಿಯುವ ಮುನ್ನ ಸ್ಥಳೀಯ ಸುರಕ್ಷತಾ ಸೂಚನೆಗಳನ್ನು ತಪ್ಪದೇ ಪಾಲಿಸಿ.

ಮೈಸೂರಿನ ಕಬಿನಿ ಜಲಾಶಯ ಚಳಿಗಾಲದಲ್ಲಿ ಪ್ರವಾಸ ಮಾಡಲು ಉತ್ತಮ ಪ್ರವಾಸಿ ತಾಣ. ನೀವು ಕೂರ್ಗ್ ಪ್ರವಾಸಕ್ಕೆ ಹೋಗಿ ಬರುವಾಗ ಅಥವಾ ಹೋಗುವ ಮುನ್ನವೇ ಈ ಈ ಪ್ರವಾಸಿ ತಾಣವನ್ನು ನೋಡಬಹುದು. ಇಲ್ಲಿನ ವಿಶೇಷತೆ ಎಂದರೆ ವನ್ಯಜೀವಿ ಸಫಾರಿ, ಆನೆಗಳು, ಹುಲಿಗಳು, ಪಕ್ಷಿಗಳು ಇತರೆ ವನ್ಯಜೀವಿಗಳನ್ನ ಕಾಣಬಹುದು. ಅಲ್ಲದೆ ಕಬಿನಿ ಹಿನ್ನೀರು ನೋಡಲು ಸುಂದರ.

ವನ್ಯಜೀವಿಗಳನ್ನು ಹತ್ತಿರದಿಂದ ನೋಡಿ ಕಣ್ತುಂಬಿಕೊಳ್ಳಬಹುದು. ಪ್ರಕೃತಿ ಪ್ರಿಯರಾಗಿದ್ದರೆ ನಿಮಗೆ ಇದು ಹೇಳಿ ಮಾಡಿಸಿದ ಸ್ಥಳ. ಇಲ್ಲಿನ ಅರಣ್ಯ ಸಫಾರಿ, ಆನೆ, ಜಿಂಕೆ ಸೇರಿದಂತೆ ವಿವಿಧ ವನ್ಯಜೀವಿಗಳನ್ನು ವೀಕ್ಷಿಸಬಹುದು. ಹುಲಿಯ ದರ್ಶನವೂ ಆಗಬಹುದು. ಪ್ರಕೃತಿಯ ನಡುವೆ ನೆಮ್ಮದಿಯ ವೀಕೆಂಡ್ ಅನುಭವಿಸಲು ಇದಕ್ಕಿಂತ ಉತ್ತಮ ತಾಣ ಮತ್ತೊಂದಿಲ್ಲ.ವನ್ಯಜೀವಿಗಳ ವೀಕ್ಷಣೆ ಖಚಿತವಿಲ್ಲ. ಸಫಾರಿ ಸಮಯ ಮತ್ತು ಅನುಮತಿ ಮುಂಚಿತವಾಗಿ ತಿಳಿದುಕೊಂಡರೆ ಒಳ್ಳೆಯದು.

ನವೆಂಬರ್ ತಿಂಗಳಲ್ಲಿ ಪ್ರವಾಸ ಹೋಗಲು ಮತ್ತೊಂದು ಮಲೆನಾಡಿನ ಉತ್ತಮ ಪ್ರವಾಸಿ ಸ್ಥಳವೆಂದರೆ ಚಿಕ್ಕಮಗಳೂರು ಹಚ್ಚಹಸುರಿನಿಂದ ಕೂಡಿದ ಇಲ್ಲಿನ ಮುಳ್ಳಯ್ಯನ ಗಿರಿ, ಬಾಬಾಬುಡನಗಿರಿ, ಕಾಫಿ ತೋಟಗಳು ಸುಂದರ. ನೀವು ಚಾರಣ ಪ್ರಿಯರಾಗಿದ್ದರೆ ಖಂಡಿತ ನವೆಂಬರ್‌ ತಿಂಗಳಲ್ಲಿ ಚಿಕ್ಕಮಗಳೂರು ಪ್ರವಾಸ ಮಾಡಿ. ಏಕೆಂದರೆ ನವೆಂಬರ್‌ನಲ್ಲಿ ಮಳೆ ಕಡಿಮೆಯಾಗಿ ವಾತಾವರಣ ತಂಪಾಗಿರುವುದರಿಂದ ಇಲ್ಲಿ, ಕಾಫಿತೋಟಗಳಲ್ಲಿ ಸುತ್ತಾಡಲು ಅನುಕೂಲ ಮತ್ತು ವಾತಾವರಣ ತಂಪಾಗಿರುತ್ತದೆ. ಕರ್ನಾಟಕದ ಅತಿ ಎತ್ತರದ ಶಿಖರವಾದ ಮುಳ್ಳಯ್ಯನಗಿರಿ ಪ್ರವಾಸಿಗರ ಪ್ರಮುಖ ಆಕರ್ಷಣೆಯಾಗಿದೆ.

ಏನೇನು ನೋಡಬಹುದು?

ಮುಳ್ಳಯ್ಯನಗಿರಿ ಬೆಟ್ಟ, ಬಾಬಾಬುಡನ್‌ಗಿರಿ, ಜರಿ ಜಲಪಾತ, ಕಾಫಿ ತೋಟಗಳ ಸೌಂದರ್ಯ, ನೀವು ಚಾರಣಿಗರು, ಫೋಟೋಗ್ರಾಫಿ ಅಥವಾ ನೇಚರ್ ಫೋಟೋಗ್ರಾಫಿ ಆಸಕ್ತಿ ಉಳ್ಳವರಾಗಿದ್ದರೆ ಇದು ಸೂಕ್ತ ಸ್ಥಳ.

ಕರ್ನಾಟಕ ಕಾಶ್ಮೀರ ಎಂದೇ ಪ್ರಸಿದ್ಧವಾಗಿರುವ ಕೊಡಗು(ಕೂರ್ಗ್) ನವೆಂಬರ್ ತಿಂಗಳ ಪ್ರವಾಸಕ್ಕೆ ಹೇಳಿ ಮಾಡಿಸಿದ ಸ್ಥಳ. ಇಲ್ಲಿನ ಮುಂಜಾವು ಅನುಭವಿಸಲೇಬೇಕು. ಮಂಜು, ಎಳೆ ಬಿಸಿಲು ತಣ್ಣ ಚಳಿ ಎತ್ತ ನೋಡಿದರೂ ಹಸಿರು ಹಾಸಿ ಹೊದ್ದ ಬೆಟ್ಟಗಳು, ಹಕ್ಕಿಗಳ ಕಲರವ, ಜುಳುಜುಳು ಹರಿಯುವ ಝರಿ, ಜಲಪಾತಗಳು.. ಇಲ್ಲಿನ ತಂಪಾದ ವಾತಾವರಣಕ್ಕೆ ವಾಪಸ್ ಬರುವ ಮನಸೇ ಆಗುವುದಿಲ್ಲ.

ಇದಕ್ಕಾಗಿಯೇ ಕೊಡಗು ಕರ್ನಾಟಕದ ಸ್ಕಾಟ್ಲೆಂಡ್ ಎಂದೇ ಹೆಸರುವಾಸಿಯಾಗಿದೆ. ಪ್ರವಾಸ ಮಾಡುವುದಾದರೆ ಮುಂದಿನ ತಿಂಗಳು ಕೊಡಗು ಪ್ರವಾಸ ಮಾಡಿ. ಕಾಫಿ ತೋಟಗಳ ನಡುವೆ ಸಂಗಾತಿಯೊಂದಿಗೆ ಹೆಜ್ಜೆ ಹಾಕುವುದು ಹೊಸ ಅನುಭವ ನೀಡಬಹುದು. ಕೊಡಗು ಪ್ರವಾಸ ಏನೇನು ನೋಡಬಹುದು?

ಅಬ್ಬೆ ಜಲಪಾತ, ರಾಜಾಸೀಟ್, ದುಬಾರೆ ಆನೆ ಶಿಬಿರ, ತಲಕಾವೇರಿ ಮತ್ತು ಕಾಫಿ ತೋಟಗಳು, ಅಲ್ಲಿನ ವಿಶಿಷ್ಟ ತಿಂಡಿ, ತಿನಿಸುಗಳು, ರಸ್ತೆ ತಿರುವಿನ ಪ್ರಯಾಣ, ಮುಗಿಲೆತ್ತರಕ್ಕೆ ಬೆಳೆದು ನಿಂತ ಮರಗಳು.. ಇಲ್ಲಿಗೆ ಕುಟುಂಬಸ್ಥರೊಂದಿಗೆ, ಸ್ನೇಹಿತರೊಂದಿಗೆ ಪ್ರವಾಸ ಹೋಗುವುದು ಉತ್ತಮ.

ಹಂಪಿ ಪ್ರವಾಸ ಮಾಡಿ

ಚಳಿಗಾಲದಲ್ಲಿ ಹಂಪಿ ಪ್ರವಾಸ ಮಾಡುವುದು ಒಂದು ವಿಶೇಷ ಅನುಭವ. ಡಿಸೆಂಬರ್ ಜನೆವರಿಯಲ್ಲಿ ಪ್ರವಾಸಿಗರಿಂದ ಹೆಚ್ಚು ಜನಜಂಗುಳಿ ಇರುವುದರಿಂದ ಕುಟುಂಬದೊಂದಿಗೆ ಪ್ರವಾಸ ಮಾಡಲು ನವೆಂಬರ್ ತಿಂಗಳು ಬೆಸ್ಟ್ ಸಮಯ. ಹಂಪಿ ಪ್ರವಾಸ ನಿಮ್ಮನ್ನು ವಿಜಯನಗರ ಸಾಮ್ರಾಜ್ಯದ ಗತಕಾಲದ ವೈಭವದ ಯುಗಕ್ಕೆ ಕರೆದೊಯ್ಯುತ್ತದೆ. ಅಲ್ಲಿನ ಕಲ್ಲಿನ ರಥ, ಐತಿಹಾಸಿಕ ಸ್ಮಾರಕಗಳು, ವಿರೂಪಾಕ್ಷ, ವಿಜಯ ವಿಠ್ಟಲ ದೇವಾಲಯಗಳು, ಪಕ್ಕದಲ್ಲೇ ಹರಿಯುವ ತುಂಗಾಭದ್ರಾ ನದಿ ಇವೆಲ್ಲವನ್ನು ಕಣ್ತುಂಬಿಕೊಳ್ಳಬಹುದು.

ನವೆಂಬರ್ ತಿಂಗಳಲ್ಲಿ ಚಳಿಗಾಲ ಶುರುವಾಗುವುದರಿಂದ ಬಿಸಿಲು ಅಷ್ಟಾಗಿ ಇರದು. ಹಗಲಿನಲ್ಲಿ ಹಂಪಿ ಸುತ್ತಾಡಬಹುದು. ಇಲ್ಲಿನ ಪುರಾತನ ಸ್ಮಾರಕಗಳು, ದೇವಾಲಯಗಳನ್ನ ಕಾಲ್ನಡಿಗೆಯಲ್ಲೇ ಸುತ್ತಾಡಿ ನೋಡಬಹುದು. ಇತ್ತೀಚೆಗೆ ಹಂಪಿಗೆ ಯುನೆಸ್ಕೋ ತಂಡ ಭೇಟಿ ನೀಡಿತ್ತು. ಹಂಪಿ ಇದು ವಿಶ್ವ ಪರಂಪರೆಯ ತಾಣವಾಗಿದೆ. ನೀವು ಇತಿಹಾಸ ಪ್ರಿಯರಾಗಿದ್ದರೆ, ಛಾಯಾಗ್ರಹಣದಲ್ಲಿ ಆಸಕ್ತಿವುಳ್ಳರಾಗಿದ್ದರೆ ನವೆಂಬರ್ ತಿಂಗಳಲ್ಲಿ ಹಂಪಿ ಪ್ರವಾಸ ಮಾಡಿ. ವಿಶೇಷ ಅನುಭವ ನೀಡುತ್ತದೆ.

ಹಂಪಿಯಲ್ಲಿ ಏನೇನು ನೋಡಬಹುದು?

ಕಲ್ಲಿನ ರಥ, ವಿರೂಪಾಕ್ಷ ದೇವಾಲಯ, ವಿಜಯ ವಿಠಲ ದೇಗುಲ, ಮಾತಂಗ ಬೆಟ್ಟದ ಸೂರ್ಯಾಸ್ತ, ತುಂಗಭದ್ರಾ ನದಿಯ ಸೌಂದರ್ಯ ಕಣ್ತುಂಬಿಕೊಳ್ಳಬಹುದು. ಹಾಗೆಯೇ ಪಕ್ಕದಲ್ಲೇ ಇರುವ ಅಂಜನಾದ್ರಿ ಬೆಟ್ಟಕ್ಕೂ ಹೋಗಬಹುದು. ಅಲ್ಲಿಂದ ಹಂಪಿ ನೋಡುವುದೇ ಅದ್ಭುತ!

ಬೆಂಗಳೂರಿನ ರಾಜಾಜಿನಗರದ ಐಕಾನಿಕ್‌ ಲ್ಯಾಂಡ್‌ಮಾರ್ಕ್‌ ಸುಗುಣ ಹಾಸ್ಪಿಟಲ್‌ ಇನ್ನು ನೆನಪು ಮಾತ್ರ!

Santosh Naik — Sat, 31 Oct 2026 09:54:55 +0530

ಬೆಂಗಳೂರು (ಅ.31): ದೇಶದ ಆರೋಗ್ಯ ಸೇವಾ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ಫೋರ್ಟಿಸ್ ಹೆಲ್ತ್‌ಕೇರ್ ಲಿಮಿಟೆಡ್ (FHL), ಸುಗುಣ ರಾಮಯ್ಯ ಹಾಸ್ಪಿಟಲ್ಸ್ ಪ್ರೈವೇಟ್ ಲಿಮಿಟೆಡ್ ಸೇರಿದಂತೆ ಸಂಸ್ಥೆಯ ಶೇರುದಾರರಿಂದ ರಾಜಾಜಿನಗರದ ಸುಗುಣ ಆಸ್ಪತ್ರೆಯನ್ನು ಖರೀದಿಸಿರುವುದಾಗಿ ಅಧಿಕೃತವಾಗಿ ಪ್ರಕಟಿಸಿದೆ. ಫೋರ್ಟಿಸ್ ಸಂಸ್ಥೆಯ ಶೇಕಡಾ 100 ರಷ್ಟು ಸಂಪೂರ್ಣ ಒಡೆತನದ ಉಪಸಂಸ್ಥೆಯಾಗಿರುವ 'ಇಂಟರ್ನ್ಯಾಷನಲ್ ಹಾಸ್ಪಿಟಲ್ ಲಿಮಿಟೆಡ್' (IHL) ಮೂಲಕ ಈ ಖರೀದಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲಾಗಿದೆ.

ಈ ಬೃಹತ್ ಒಪ್ಪಂದದ ಭಾಗವಾಗಿ, ಇಂಟರ್ನ್ಯಾಷನಲ್ ಹಾಸ್ಪಿಟಲ್ ಲಿಮಿಟೆಡ್ ಸಂಸ್ಥೆಯು ಸುಗುಣ ಆಸ್ಪತ್ರೆಯ ಸಂಪೂರ್ಣ ಆಡಳಿತಾತ್ಮಕ ಮತ್ತು ಕಾರ್ಯಾಚರಣಾ ಉದ್ಯಮದ ಜೊತೆಗೆ, ಆಸ್ಪತ್ರೆಯ ಸ್ಥಿರಾಸ್ತಿಯಾಗಿರುವ ಜಮೀನು ಹಾಗೂ ಬೃಹತ್ ಕಟ್ಟಡವನ್ನು ಸಹ ತನ್ನ ಸುಪರ್ದಿಗೆ ಪಡೆದುಕೊಂಡಿದೆ. ಸಂಪೂರ್ಣ ನಗದು ಪಾವತಿ ಆಧಾರಿತವಾಗಿ ಈ ವ್ಯವಹಾರ ನಡೆದಿದೆ. ಬೆಂಗಳೂರು ನಗರದಲ್ಲಿ ತನ್ನ ಆಸ್ಪತ್ರೆಗಳ ನೆಟ್‌ವರ್ಕ್ ಅನ್ನು ಮತ್ತಷ್ಟು ಗಟ್ಟಿಗೊಳಿಸುವ ಫೋರ್ಟಿಸ್ ಸಂಸ್ಥೆಯ ಕ್ಲಸ್ಟರ್-ಆಧಾರಿತ ವಿಸ್ತರಣಾ ಕಾರ್ಯತಂತ್ರದ ಭಾಗವಾಗಿ ಈ ಡೀಲ್‌ ನಡೆದಿದೆ.

150 ಬೆಡ್‌ಗಳಿಗೆ ವಿಸ್ತರಿಸುವ ಸಾಮರ್ಥ್ಯ - 500 ಬೆಡ್‌ಗಳ ನೆಟ್‌ವರ್ಕ್

2006 ರಲ್ಲಿ ಚಾಲನೆಗೊಂಡ ಸುಗುಣ ಆಸ್ಪತ್ರೆಯು ಉತ್ತರ-ಪಶ್ಚಿಮ ಬೆಂಗಳೂರಿನ ಅತ್ಯಂತ ಆಯಕಟ್ಟಿನ ಪ್ರದೇಶವಾದ ರಾಜಾಜಿನಗರದ ಡಾ. ರಾಜ್‌ಕುಮಾರ್ ರಸ್ತೆಯಲ್ಲಿದ್ದು, ಪ್ರಸ್ತುತ 110 ಬೆಡ್‌ಗಳ ಸೌಲಭ್ಯವನ್ನು ಹೊಂದಿದೆ. ಮುಂದಿನ ದಿನಗಳಲ್ಲಿ ಇದನ್ನು 150 ಬೆಡ್‌ಗಳವರೆಗೆ ವಿಸ್ತರಿಸುವ ಎಲ್ಲಾ ಸಾಮರ್ಥ್ಯಗಳನ್ನು ಈ ಆಸ್ಪತ್ರೆ ಹೊಂದಿದೆ. ಉತ್ತಮ ಸಂಪರ್ಕ ಸೇತುವೆಯಾಗಿರುವ ಹಾಗೂ ದಟ್ಟ ಜನಸಂಖ್ಯೆ ಹೊಂದಿರುವ ಈ ಸಮೃದ್ಧ ವಲಯದಲ್ಲಿ ಆಸ್ಪತ್ರೆಯು ಆಯಕಟ್ಟಿನ ಸ್ಥಳದಲ್ಲಿದೆ.

ಈ ನೂತನ ಖರೀದಿಯೊಂದಿಗೆ ವಾಯುವ್ಯ ಬೆಂಗಳೂರು ವಲಯದಲ್ಲಿ ಫೋರ್ಟಿಸ್ ಹೆಲ್ತ್‌ಕೇರ್ ತನ್ನ ಸ್ಥಾನ ಇನ್ನಷ್ಟು ಬಲಪಡಿಸಿಕೊಂಡಿದೆ. ಪ್ರಸ್ತುತ ರಾಜಾಜಿನಗರದಲ್ಲಿರುವ ಫೋರ್ಟಿಸ್‌ನ ಸ್ವಂತ ಘಟಕ, ಯಶವಂತಪುರದಲ್ಲಿರುವ ಪೀಪಲ್ ಟ್ರೀ ಆಸ್ಪತ್ರೆ ಸೌಲಭ್ಯ ಹಾಗೂ ನೂತನವಾಗಿ ಸೇರ್ಪಡೆಯಾಗಿರುವ ಸುಗುಣ ಆಸ್ಪತ್ರೆ ಸೇರಿದಂತೆ ಈ ಒಂದೇ ವಲಯದಲ್ಲಿ ಫೋರ್ಟಿಸ್ ಸಂಸ್ಥೆಯು ಒಟ್ಟಾರೆಯಾಗಿ ಬರೋಬ್ಬರಿ 500 ಬೆಡ್‌ಗಳ ಬೃಹತ್ ಹೆಲ್ತ್‌ಕೇರ್ ನೆಟ್‌ವರ್ಕ್ ಹೊಂದಿದಂತಾಗಿದೆ.

2025-26 ನೇ ಹಣಕಾಸು ವರ್ಷದಲ್ಲಿ (FY26) ಸುಗುಣ ಆಸ್ಪತ್ರೆಯು ಸುಮಾರು ₹50 ಕೋಟಿ ಆದಾಯವನ್ನು ದಾಖಲಿಸಿತ್ತು. ಪ್ರಸ್ತುತ ಆಸ್ಪತ್ರೆಯ ಖರೀದಿ ಜೊತೆಗೆ ವೈದ್ಯಕೀಯ ಮೂಲಸೌಕರ್ಯ ಮೇಲ್ದರ್ಜೆಗೇರಿಸುವುದು, ಪ್ರಮುಖ ಚಿಕಿತ್ಸಾ ವಿಭಾಗಗಳನ್ನು ವಿಸ್ತರಿಸುವುದು ಹಾಗೂ ಹೆಚ್ಚುವರಿ ಬೆಡ್ ಸಾಮರ್ಥ್ಯವನ್ನು ಸೇರ್ಪಡೆಗೊಳಿಸಲು ಫೋರ್ಟಿಸ್ ಭಾರಿ ಹೂಡಿಕೆಗೆ ಯೋಜನೆ ರೂಪಿಸಿದೆ.

ಬೆಂಗಳೂರಿನಲ್ಲಿ 1,000 ಬೆಡ್‌ಗಳ ಮೈಲಿಗಲ್ಲು: ಫೋರ್ಟಿಸ್ ಎಂಡಿ ಡಾ. ಅಶುತೋಷ್ ರಘುವಂಶಿ

ಸುಗುಣ ಆಸ್ಪತ್ರೆಯ ಖರೀದಿಯ ಕುರಿತು ಹರ್ಷ ವ್ಯಕ್ತಪಡಿಸಿ ಮಾತನಾಡಿದ ಫೋರ್ಟಿಸ್ ಹೆಲ್ತ್‌ಕೇರ್‌ನ ವ್ಯವಸ್ಥಾಪಕ ನಿರ್ದೇಶಕ (MD) ಮತ್ತು ಸಿಇಒ (CEO) ಡಾ. ಅಶುತೋಷ್ ರಘುವಂಶಿ ಈ ಹೊಸ ಆಸ್ಪತ್ರೆಯ ಸೇರ್ಪಡೆಯು ಬೆಂಗಳೂರು ನಗರದಲ್ಲಿ ಹಾಗೂ ವಿಶೇಷವಾಗಿ ವಾಯುವ್ಯ ಬೆಂಗಳೂರು ಕಾರಿಡಾರ್‌ನಲ್ಲಿ ನಮ್ಮ ಅಸ್ತಿತ್ವವನ್ನು ಮತ್ತಷ್ಟು ವಿಸ್ತರಿಸಿದೆ. ಸುಗುಣ ಆಸ್ಪತ್ರೆಯು ನಮ್ಮ ಪೋರ್ಟ್‌ಫೋಲಿಯೊಗೆ ಸೇರ್ಪಡೆಯಾಗಿರುವುದರಿಂದ, ಒ ಅಂಡ್ ಎಂ (O&M) ಸೌಲಭ್ಯಗಳು ಸೇರಿದಂತೆ ಬೆಂಗಳೂರು ನಗರ ಒಂದರಲ್ಲೇ ಫೋರ್ಟಿಸ್‌ನ ಕಾರ್ಯಾಚರಣಾ ಬೆಡ್‌ಗಳ ಸಂಖ್ಯೆ ಈಗ ಬರೋಬ್ಬರಿ 1,000 ಕ್ಕೆ ಏರಿಕೆಯಾಗಿದೆ. ಇದು ನಮ್ಮ ಪ್ರಮುಖ ಕ್ಲಸ್ಟರ್‌ಗಳಲ್ಲಿ ಅಸ್ತಿತ್ವವನ್ನು ವಿಸ್ತರಿಸುವ ಹಾಗೂ ಆಳವಾಗಿಸುವ ತಂತ್ರಕ್ಕೆ ನೀಡಿದ ದೊಡ್ಡ ಬಲವಾಗಿದೆ ಎಂದರು.

ಸುಗುಣ ಆಸ್ಪತ್ರೆಯ ಪ್ರಮೋಟರ್‌ ಆಗಿರುವ ಡಾ. ಆರ್. ರವೀಂದ್ರ ಹಾಗೂ ಸುಜಾತಾ ರವೀಂದ್ರ, ಕಳೆದ ಹಲವು ವರ್ಷಗಳಿಂದ ಸುಗುಣ ಆಸ್ಪತ್ರೆಯು ಜನಸಾಮಾನ್ಯರಿಗೆ ಸುಲಭವಾಗಿ ಲಭ್ಯವಾಗುವ ಹಾಗೂ ಗುಣಮಟ್ಟದ ಆರೋಗ್ಯ ಸೇವೆಯನ್ನು ನೀಡುವ ಏಕೈಕ ಗುರಿಯೊಂದಿಗೆ ಬೆಳೆದುಬಂದಿದೆ. ಫೋರ್ಟಿಸ್ ಹೆಲ್ತ್‌ಕೇರ್ ಜೊತೆಗಿನ ಈ ಒಪ್ಪಂದವು ಆಸ್ಪತ್ರೆಯ ಮುಂದಿನ ಹಂತದ ಮಹತ್ವದ ಬೆಳವಣಿಗೆಗೆ ಇಟ್ಟ ದೊಡ್ಡ ಹೆಜ್ಜೆಯಾಗಿದೆ. ಫೋರ್ಟಿಸ್ ಸಂಸ್ಥೆಯು ಅಪಾರ ವೈದ್ಯಕೀಯ ನೈಪುಣ್ಯ, ಕಾರ್ಯಾಚರಣಾ ಸಾಮರ್ಥ್ಯ ಹಾಗೂ ಸಂಪನ್ಮೂಲಗಳನ್ನು ತರಲಿದ್ದು, ಇದು ರೋಗಿಗಳಿಗೆ ಚಿಕಿತ್ಸಾ ಸೌಲಭ್ಯಗಳನ್ನು ವಿಸ್ತರಿಸಲು ಸಹಾಯ ಮಾಡಲಿದೆ. ಈ ಹಸ್ತಾಂತರವು ಆಸ್ಪತ್ರೆ ಹಾಗೂ ನೌಕರರಿಗೆ ಹೊಸ ನವೀನ ಅವಕಾಶಗಳನ್ನು ಸೃಷ್ಟಿಸಲಿದೆ" ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ಜೀವನವೇ ಒಂದು ಪರೀಕ್ಷೆ, ಆದರೆ ಸಿಲಬಸ್‌ ಯಾರಿಗೂ ಗೊತ್ತಿಲ್ಲ! ಸುಧಾ ಮೂರ್ತಿ ಮಾತಿನ ಹಿಂದಿದೆ ದೊಡ್ಡ ಜೀವನ ಪಾಠ

Chandrashekar GS — Sat, 31 Oct 2026 09:16:57 +0530

ಜೀವನವೆಂಬ ಪರೀಕ್ಷೆಗೆ ಸಿಲಬಸ್ ಇಲ್ಲ, ಪ್ರಶ್ನೆಪತ್ರಿಕೆಯೂ ಮೊದಲೇ ಗೊತ್ತಿಲ್ಲ; ಸುಧಾಮೂರ್ತಿ ಮಾತಿನ ಅರ್ಥವೇನು?

ಪರೀಕ್ಷೆ ಎಂದಾಕ್ಷಣ ವಿದ್ಯಾರ್ಥಿಗಳಿಗೆ ಓದು, ಪಠ್ಯಪುಸ್ತಕ, ಸಿಲಬಸ್, ಪ್ರಶ್ನೆಪತ್ರಿಕೆ ಮತ್ತು ಫಲಿತಾಂಶ ನೆನಪಾಗುತ್ತದೆ. ಆದರೆ ಜೀವನದ ಪರೀಕ್ಷೆಗೆ ಇವು ಯಾವುದೂ ಇರುವುದಿಲ್ಲ. ಯಾವಾಗ ಯಾವ ಸವಾಲು ಎದುರಾಗುತ್ತದೆ, ಅದನ್ನು ಹೇಗೆ ನಿಭಾಯಿಸಬೇಕು ಎಂಬುದು ಮೊದಲೇ ತಿಳಿದಿರುವುದಿಲ್ಲ. ಈ ಜೀವನದ ಸತ್ಯವನ್ನು ಸರಳವಾಗಿ ವಿವರಿಸುವ ಸುಧಾಮೂರ್ತಿ ಅವರ ಒಂದು ಮಾತು ಈಗ ಗಮನ ಸೆಳೆಯುತ್ತಿದೆ.

“ಜೀವನವೆಂಬುದು ಒಂದು ಪರೀಕ್ಷೆ. ಇಲ್ಲಿ ಸಿಲಬಸ್ ಏನೆಂಬುದು ಗೊತ್ತಿರುವುದಿಲ್ಲ, ಪ್ರಶ್ನೆಪತ್ರಿಕೆಯನ್ನೂ ಮೊದಲೇ ಸಿದ್ಧಪಡಿಸಿರುವುದಿಲ್ಲ. ಅಷ್ಟೇ ಅಲ್ಲ, ಮಾದರಿ ಉತ್ತರಗಳೂ ಇರುವುದಿಲ್ಲ” ಎಂಬುದು ಅವರ ಪ್ರಸಿದ್ಧ ಹೇಳಿಕೆ. ಈ ಮಾತು ಅವರ Wise & Otherwise ಪುಸ್ತಕದಲ್ಲಿಯೂ ಕಾಣಿಸುತ್ತದೆ.

ಜೀವನದಲ್ಲಿ ಎಲ್ಲವೂ ನಮ್ಮ ಯೋಜನೆಯಂತೆ ನಡೆಯುವುದಿಲ್ಲ

ನಾವು ಪ್ರತಿಯೊಂದು ಕೆಲಸಕ್ಕೂ ಯೋಜನೆ ರೂಪಿಸುತ್ತೇವೆ. ಯಾವ ವಯಸ್ಸಿಗೆ ಓದು ಮುಗಿಸಬೇಕು, ಯಾವಾಗ ಉದ್ಯೋಗ ಪಡೆಯಬೇಕು, ಯಾವಾಗ ಮದುವೆಯಾಗಬೇಕು, ಎಷ್ಟು ಹಣ ಸಂಪಾದಿಸಬೇಕು ಎಂಬ ಗುರಿಗಳನ್ನು ಇಟ್ಟುಕೊಳ್ಳುತ್ತೇವೆ. ಆದರೆ ಜೀವನ ಯಾವಾಗಲೂ ನಮ್ಮ ಯೋಜನೆಯಂತೆಯೇ ಸಾಗುವುದಿಲ್ಲ.

ಕೆಲವೊಮ್ಮೆ ನಿರೀಕ್ಷಿಸಿದ ಉದ್ಯೋಗ ಸಿಗುವುದಿಲ್ಲ. ಕೆಲವೊಮ್ಮೆ ಸಂಬಂಧಗಳಲ್ಲಿ ಸಮಸ್ಯೆಗಳು ಎದುರಾಗುತ್ತವೆ. ಇನ್ನೂ ಕೆಲವು ಸಂದರ್ಭಗಳಲ್ಲಿ ಆರೋಗ್ಯ, ಆರ್ಥಿಕ ಪರಿಸ್ಥಿತಿ ಅಥವಾ ಕುಟುಂಬದ ಜವಾಬ್ದಾರಿಗಳು ನಮ್ಮ ದಾರಿಯನ್ನೇ ಬದಲಾಯಿಸಬಹುದು. ಇಂತಹ ಸಮಯದಲ್ಲಿ ಎಲ್ಲವೂ ಮುಗಿದುಹೋಯಿತು ಎಂದು ಭಾವಿಸುವ ಬದಲು, ಪರಿಸ್ಥಿತಿಗೆ ತಕ್ಕಂತೆ ಹೊಂದಿಕೊಳ್ಳುವುದು ಮುಖ್ಯ.

ಇತರರ ಬದುಕಿನೊಂದಿಗೆ ನಮ್ಮನ್ನು ಹೋಲಿಸಿಕೊಳ್ಳಬೇಡಿ

ಇಂದಿನ ಸಾಮಾಜಿಕ ಜಾಲತಾಣಗಳ ಕಾಲದಲ್ಲಿ ಇತರರ ಯಶಸ್ಸು, ಪ್ರವಾಸ, ಉದ್ಯೋಗ, ಹಣ ಮತ್ತು ಸಂತೋಷದ ಕ್ಷಣಗಳನ್ನು ನೋಡುತ್ತಾ ನಮ್ಮ ಬದುಕನ್ನು ಹೋಲಿಸಿಕೊಳ್ಳುತ್ತೇವೆ. ಆದರೆ ಪ್ರತಿಯೊಬ್ಬರ ಜೀವನದ ಪಯಣವೂ ವಿಭಿನ್ನವಾಗಿರುತ್ತದೆ. ಮತ್ತೊಬ್ಬರಿಗೆ ಸಿಕ್ಕ ಯಶಸ್ಸು ನಮಗೂ ಅದೇ ಸಮಯದಲ್ಲಿ ಸಿಗಬೇಕು ಎಂದೇನಿಲ್ಲ.

ಜೀವನದಲ್ಲಿ ಎಲ್ಲರಿಗೂ ಒಂದೇ ರೀತಿಯ ಪ್ರಶ್ನೆಗಳು ಬರುವುದಿಲ್ಲ. ಹಾಗೆಯೇ ಎಲ್ಲರಿಗೂ ಒಂದೇ ಉತ್ತರಗಳೂ ಅನ್ವಯಿಸುವುದಿಲ್ಲ. ಆದ್ದರಿಂದ ನಮ್ಮದೇ ವೇಗದಲ್ಲಿ ಮುನ್ನಡೆಯುವುದು ಅಗತ್ಯ.

ಸೋಲೂ ಒಂದು ಪಾಠ, ಅನುಭವವೇ ಉತ್ತರ

ಸುಧಾಮೂರ್ತಿ ಅವರ ಈ ಮಾತಿನ ಮುಖ್ಯ ಸಂದೇಶವೆಂದರೆ, ಅನಿಶ್ಚಿತತೆಯನ್ನು ಕಂಡು ಹೆದರಬಾರದು. ಪ್ರತಿಯೊಂದು ಸಮಸ್ಯೆಗೂ ತಕ್ಷಣ ಪರಿಹಾರ ಸಿಗದಿರಬಹುದು. ಆದರೆ ಅನುಭವದಿಂದ ಕಲಿಯುವ ಮನೋಭಾವ, ಆತ್ಮವಿಶ್ವಾಸ ಮತ್ತು ಬದಲಾವಣೆಗೆ ಹೊಂದಿಕೊಳ್ಳುವ ಗುಣ ನಮ್ಮನ್ನು ಮುಂದಕ್ಕೆ ಕರೆದೊಯ್ಯುತ್ತವೆ.

ಭವಿಷ್ಯದ ಬಗ್ಗೆ ಅತಿಯಾಗಿ ಚಿಂತಿಸುವ ಬದಲು, ಇಂದು ಮಾಡಬಹುದಾದ ಕೆಲಸವನ್ನು ಪ್ರಾಮಾಣಿಕವಾಗಿ ಮಾಡುವುದು ಮುಖ್ಯ. ಏಕೆಂದರೆ ಜೀವನದ ಪರೀಕ್ಷೆಯಲ್ಲಿ ಅಂಕಗಳಿಗಿಂತ ಅನುಭವ, ಧೈರ್ಯ ಮತ್ತು ಕಲಿಯುವ ಮನಸ್ಸೇ ಹೆಚ್ಚು ನೆರವಾಗುತ್ತವೆ.

ದೀಪಾವಳಿ 2026 : ಮನೆ ಅಲಂಕರಿಸುವ ಮುನ್ನ ಎಚ್ಚರ! ಲೈಟ್ ಖರೀದಿಸುವಾಗ ಈ ತಪ್ಪು ಮಾಡಬೇಡಿ

Roopa Hegde — Sat, 31 Oct 2026 08:53:26 +0530

ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಎಲ್ಲರೂ ತಮ್ಮ ಮನೆಯ ಹೊರಭಾಗದಲ್ಲಿ ಅಥವಾ ಬಾಲ್ಕನಿಯಲ್ಲಿ ಬಣ್ಣಬಣ್ಣದ, ಹೊಳೆಯುವ ಲೈಟ್ಗಳನ್ನು ಹಾಕಿ ಮನೆ ಅಲಂಕರಿಸುತ್ತಾರೆ. ಆದರೆ ಲೈಟ್ ಖರೀದಿಸುವಾಗ ಮಾಡುವ ಸಣ್ಣ ತಪ್ಪು ಕೂಡ ದೊಡ್ಡ ಅನಾಹುತಕ್ಕೆ ಕಾರಣವಾಗಬಹುದು. ಕಳಪೆ ಗುಣಮಟ್ಟದ ಲೈಟ್ಗಳಿಂದ ಶಾರ್ಟ್ ಸರ್ಕ್ಯೂಟ್, ವಿದ್ಯುತ್ ಶಾಕ್ ಮತ್ತು ಬೆಂಕಿ ಅವಘಡ ಸಂಭವಿಸುವ ಅಪಾಯವಿರುತ್ತದೆ. ಹೀಗಾಗಿ ಹಬ್ಬದ ಸಂಭ್ರಮದ ನಡುವೆ ಯಾವುದೇ ತೊಂದರೆ ಉಂಟಾಗದಂತೆ ಕೆಲವು ಮುನ್ನೆಚ್ಚರಿಕೆಗಳನ್ನು ವಹಿಸುವುದು ಅಗತ್ಯ.

ಲೈಟ್ ಖರೀದಿಸುವಾಗ ಎಚ್ಚರಿಕೆ ಇರಲಿ

ಮನೆ ಅಲಂಕರಿಸಲು ಹಲವರು ಕಡಿಮೆ ಬೆಲೆಯ ಲೈಟ್ಗಳನ್ನು ಖರೀದಿಸುತ್ತಾರೆ. ಆದರೆ ಕಡಿಮೆ ಬೆಲೆಯ ಲೈಟ್ ಖರೀದಿಸುವುದಷ್ಟೇ ಸಮಸ್ಯೆಯಲ್ಲ. ಅದರ ಗುಣಮಟ್ಟ ಮತ್ತು ಸುರಕ್ಷತೆಯ ಬಗ್ಗೆಯೂ ಗಮನಹರಿಸುವುದು ಮುಖ್ಯ. ಕಳಪೆ ಗುಣಮಟ್ಟದ ಲೈಟ್ಗಳು ಕೆಲವೇ ದಿನಗಳಲ್ಲಿ ಕೆಟ್ಟುಹೋಗಬಹುದು. ಹೀಗಾಗಿ ಲೈಟ್ ಖರೀದಿಸುವಾಗ ಅದರ ಪ್ಯಾಕೆಟ್ ಮೇಲಿರುವ ಸುರಕ್ಷತಾ ಪ್ರಮಾಣೀಕರಣ ಮತ್ತು ಅಗತ್ಯ ಮಾಹಿತಿಯನ್ನು ಪರಿಶೀಲಿಸಿ. ಯಾವುದೇ ಮಾಹಿತಿ ಇಲ್ಲದ ಲೈಟ್ಗಳನ್ನು ಖರೀದಿಸುವುದನ್ನು ತಪ್ಪಿಸಿ.

ಲೈಟ್ಗಳನ್ನು ಸರಿಯಾಗಿ ಪರಿಶೀಲಿಸಿ

ಲೈಟ್ ಖರೀದಿಸಲು ಹೋದಾಗ ಅದನ್ನು ಸರಿಯಾಗಿ ಪರಿಶೀಲಿಸಿ. ಅದರಲ್ಲೂ ವೈರ್ಗಳು, ಪ್ಲಗ್ ಮತ್ತು ಕನೆಕ್ಷನ್ಗಳ ಬಗ್ಗೆ ಹೆಚ್ಚು ಗಮನ ಕೊಡಿ. ವೈರ್ಗಳು ತುಂಬಾ ತೆಳುವಾಗಿದ್ದರೆ, ಕಟ್ ಆಗಿದ್ದರೆ ಅಥವಾ ಎಲ್ಲಿಯಾದರೂ ಕವಚ ಕಿತ್ತು ಒಳಗಿನ ತಂತಿ ಕಾಣುತ್ತಿದ್ದರೆ ಅಂತಹ ಲೈಟ್ಗಳನ್ನು ಖರೀದಿಸಬೇಡಿ. ಹಳೆಯ ಲೈಟ್ಗಳನ್ನು ಬಳಸುತ್ತಿದ್ದರೆ, ಅವುಗಳನ್ನೂ ಮೊದಲೇ ಪರಿಶೀಲಿಸಿಕೊಳ್ಳಿ. ವೈರ್ಗಳಲ್ಲಿ ದೋಷವಿದ್ದರೆ ವಿದ್ಯುತ್ ಶಾಕ್ ಅಥವಾ ಶಾರ್ಟ್ ಸರ್ಕ್ಯೂಟ್ ಸಂಭವಿಸುವ ಅಪಾಯವಿರುತ್ತದೆ. ಹಾಗಾಗಿ ಲೈಟ್ ಅಳವಡಿಸುವ ಮೊದಲು ಅದರ ಸ್ಥಿತಿಯನ್ನು ಖಚಿತಪಡಿಸಿಕೊಳ್ಳಿ.

ಎಕ್ಸ್ಟೆನ್ಷನ್ ಕಾರ್ಡ್ ಮೇಲೆ ಹೆಚ್ಚು ಲೋಡ್ ಹಾಕಬೇಡಿ

ಮನೆ ಅಲಂಕಾರ ಮಾಡುವಾಗ ಹಲವರು ಒಂದೇ ಎಕ್ಸ್ಟೆನ್ಷನ್ ಬೋರ್ಡ್ಗೆ ಹಲವು ಲೈಟ್ಗಳು ಮತ್ತು ಇತರ ವಿದ್ಯುತ್ ಉಪಕರಣಗಳನ್ನು ಕನೆಕ್ಟ್ ಮಾಡುತ್ತಾರೆ. ಇದರಿಂದ ಬೋರ್ಡ್ ಮೇಲೆ ಹೆಚ್ಚಿನ ಹೊರೆ ಬೀಳಬಹುದು. ಪರಿಣಾಮವಾಗಿ ಅದು ಹೆಚ್ಚು ಬಿಸಿಯಾಗುವ ಅಥವಾ ಶಾರ್ಟ್ ಸರ್ಕ್ಯೂಟ್ ಉಂಟಾಗುವ ಅಪಾಯವಿರುತ್ತದೆ. ಹೀಗಾಗಿ ಒಂದೇ ಬೋರ್ಡ್ಗೆ ಅಗತ್ಯಕ್ಕಿಂತ ಹೆಚ್ಚು ಪ್ಲಗ್ಗಳನ್ನು ಹಾಕಬೇಡಿ. ಎಕ್ಸ್ಟೆನ್ಷನ್ ಕಾರ್ಡ್ ಬಳಸುವ ಅಗತ್ಯವಿದ್ದರೆ ಉತ್ತಮ ಗುಣಮಟ್ಟದ ಕಾರ್ಡ್ ಬಳಸಿ. ಅದರ ಸಾಮರ್ಥ್ಯಕ್ಕೆ ಅನುಗುಣವಾಗಿ ಮಾತ್ರ ವಿದ್ಯುತ್ ಉಪಕರಣಗಳನ್ನು ಕನೆಕ್ಟ್ ಮಾಡಿ.

ರಾತ್ರಿ ಇಡೀ ಲೈಟ್ ಆನ್ ಇಡುವುದು ಅಪಾಯಕಾರಿ

ದೀಪಾವಳಿ ಸಂದರ್ಭದಲ್ಲಿ ಮನೆಯ ಬಾಲ್ಕನಿ ಮತ್ತು ಟೆರೇಸ್ಗಳಲ್ಲಿ ಹಾಕಿರುವ ಲೈಟ್ಗಳನ್ನು ಆಫ್ ಮಾಡಲು ಹಲವರು ಮರೆತುಬಿಡುತ್ತಾರೆ. ಇದರಿಂದ ಲೈಟ್ಗಳು ರಾತ್ರಿ ಇಡೀ ಆನ್ ಆಗಿಯೇ ಇರುತ್ತವೆ. ಆದರೆ ಹೀಗೆ ಮಾಡುವುದು ಅಪಾಯಕಾರಿ. ಅದರಲ್ಲೂ ಲೈಟ್ನ ಗುಣಮಟ್ಟ ಕಳಪೆಯಾಗಿದ್ದರೆ ಅಥವಾ ವೈರ್ಗಳಲ್ಲಿ ಸಮಸ್ಯೆಯಿದ್ದರೆ ಅಪಾಯ ಹೆಚ್ಚಾಗಬಹುದು.

ಒದ್ದೆ ಕೈಗಳಿಂದ ಲೈಟ್ ಮುಟ್ಟಬೇಡಿ

ದೀಪಾವಳಿ ಸಂದರ್ಭದಲ್ಲಿ ಮನೆ ಸ್ವಚ್ಛಗೊಳಿಸುವಾಗ ಅಥವಾ ಮಳೆಯ ನಂತರ ಲೈಟ್ಗಳು ಮತ್ತು ಅವುಗಳ ಕನೆಕ್ಷನ್ಗಳು ಒದ್ದೆಯಾಗಬಹುದು. ಇಂತಹ ಸಂದರ್ಭದಲ್ಲಿ ಒದ್ದೆ ಕೈಗಳಿಂದ ಲೈಟ್ ಅಥವಾ ಪ್ಲಗ್ ಮುಟ್ಟುವುದು ಅಪಾಯಕಾರಿ. ಇದರಿಂದ ವಿದ್ಯುತ್ ಶಾಕ್ ಹೊಡೆಯುವ ಸಾಧ್ಯತೆ ಇರುತ್ತದೆ.

Koppal: 10 km ಗುಡ್ಡಗಾಡು ಓಟದ ಸ್ಪರ್ಧೆ; 1 ವರ್ಷದ ಮಗುವಿನ ತಾಯಿಗೆ ಪ್ರಥಮ ಸ್ಥಾನ

Kannadaprabha News — Sat, 31 Oct 2026 08:41:11 +0530

ಪ್ರಹ್ಲಾರೆಡ್ಡಿ ಮಾದಿನಾಳ

ಕನಕಗಿರಿ: ವಿಶ್ವವಿದ್ಯಾಲಯ ಮಟ್ಟದ 10 ಕಿಮೀ ಗುಡ್ಡಗಾಡು ಓಟದಲ್ಲಿ ಒಂದು ವರ್ಷದ ಮಗವಿನ ತಾಯಿ ಪ್ರಥಮ ಸ್ಥಾನ ಪಡೆದಿದ್ದಾಳೆ!

ಕನಕಗಿರಿಯ ಪದವಿ ಕಾಲೇಜಿನ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಕೊಪ್ಪಳ ವಿಶ್ವವಿದ್ಯಾಲಯ ಮಟ್ಟದ ಅಂತರ್ ಕಾಲೇಜುಗಳ ಗುಡ್ಡಗಾಡು ಓಟದ ಸ್ಪರ್ಧೆಯಲ್ಲಿ ಕೊಪ್ಪಳ ತಾಲೂಕಿನ ಹಿಟ್ನಾಳದ ಸ.ಪ್ರ.ದ. ಕಾಲೇಜಿನಲ್ಲಿ ಅಂತಿಮ ವರ್ಷದ ವಿದ್ಯಾರ್ಥಿನಿ ನಾಗವೇಣಿ ದೇವಣ್ಣ ದ್ಯಾಮನೂರ ಇಂತಹದೊಂದು ಸಾಧನೆ ಮಾಡಿ, ಗಮನ ಸೆಳೆದಿದ್ದಾರೆ.

ಮೂರು ಬಾರಿ ಚಾಂಪಿಯನ್

ವಿವಾಹವಾದ ಬಳಿಕ ಮನೆಯಲ್ಲಿ ಗೃಹಣಿ ಅಥವಾ ಕೆಲಸಕ್ಕೆ ಹೋಗುವುದು ಸಾಮಾನ್ಯ. ಆದರೆ ಈ ವಿದ್ಯಾರ್ಥಿನಿ ಮದುವೆಯಾಗಿ ಮೂರು ವರ್ಷವಾದರೂ ಓದುವ ಹಂಬಲದಿಂದ ಹಿಟ್ನಾಳ್ ಸರ್ಕಾರಿ ಪದವಿ ಕಾಲೇಜಿಗೆ ಕಳೆದ ಎರಡು ವರ್ಷಗಳ ಹಿಂದೆ ದಾಖಲಾಗಿದ್ದರು. ಪ್ರಾಥಮಿಕ ಹಂತದಲ್ಲಿರುವಾಗಲೇ ರನ್ನಿಂಗ್ ರೇಸ್‌ನಲ್ಲಿ ಆಸಕ್ತಿ ಹೊಂದಿದ್ದ ನಾಗವೇಣಿ ಮೂರು ಬಾರಿ ಚಾಂಪಿಯನ್ ಆಗಿ ಹೊರ ಹೊಮ್ಮಿದ್ದರು. ಪ್ರೌಢಶಾಲೆ ಹಂತದಲ್ಲಿ ಕೊರೋನಾ ಹಿನ್ನೆಲೆ ಸ್ಪರ್ಧೆಗಳಿಂದ ಅನಿವಾರ್ಯವಾಗಿ ವಂಚಿತರಾದರು. ಪಿಯುಸಿ ಹಂತದಲ್ಲಿಯೂ ಎರಡು ಬಾರಿಯೂ ಚಾಂಪಿಯನ್ ಪಟ್ಟ ಗಿಟ್ಟಿಸಿಕೊಂಡಿದ್ದರು. ಈಗ ಕೊಪ್ಪಳ ವಿಶ್ವ ವಿದ್ಯಾಲಯ ಮಟ್ಟದ ಗುಡ್ಡಗಾಡು ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದು ಸೈ ಎನಿಸಿದ್ದಾರೆ.

ಅ. 29ರ ರಾತ್ರಿಯೇ ಕನಕಗಿರಿಗೆ ತನ್ನ ಒಂದು ವರ್ಷದ ಮಗುವಿನ ಜತೆ ಬಂದಿದ್ದ ನಾಗವೇಣಿ, ಕ್ರೀಡಾಕೂಟದಲ್ಲಿ ಭಾಗಿಯಾದ ಎಲ್ಲರೂ ಪ್ರೋತ್ಸಾಹಿಸುತ್ತಿದ್ದರು. ಅ. 30ರಂದು ಬೆಳ್ಳಂಬೆಳಗ್ಗೆ ಶುರುವಾದ ಗುಡ್ಡಗಾಡು ಓಟದ ಸ್ಪರ್ಧೆಯಲ್ಲಿ ಪಾಲ್ಗೊಂಡು, ಪ್ರಥಮ ಸ್ಥಾನ ಪಡೆದರು. ಕಾಲೇಜು ಆವರಣದಲ್ಲಿ ಅಂತರ್ ಕಾಲೇಜುಗಳ ವಿದ್ಯಾರ್ಥಿಗಳು ಹಾಗೂ ಉಪನ್ಯಾಸಕರಿಂದಲೂ ಅಭಿನಂದನೆಗಳ ಮಹಾಪೂರವೇ ಹರಿಯಿತು. ಸ್ಪರ್ಧೆ ಮುಕ್ತಾಯದ ನಂತರ ನಡೆದ ಕಾರ್ಯಕ್ರಮದಲ್ಲಿ ಪಾರಿತೋಷಕ ಹಾಗೂ ಪ್ರಶಸ್ತಿಪತ್ರ ವಿತರಿಸಿ, ಗೌರವಿಸಲಾಯಿತು.

ಆಸೆ ಈಡೇರಿದೆ

ಮೊದಲಿನಿಂದಲೂ ರನ್ನಿಂಗ್ ರೂಢಿಯಾಗಿತ್ತು. ಶಾಲಾ, ಕಾಲೇಜುಗಳಲ್ಲಿ ಭಾಗವಹಿಸಿದ ಎಲ್ಲ ಸ್ಪರ್ಧೆಗಳಲ್ಲಿ ರಾಜ್ಯ ಮಟ್ಟಕ್ಕೆ ಹೋಗಿದ್ದೆ. ಪದವಿಯಲ್ಲೂ ಹೆಸರು ಮಾಡಬೇಕೆನ್ನುವ ಆಸೆ ಎರಡು ವರ್ಷಗಳ ನಂತರ ಈಡೇರಿದೆ. ಈ ಸಾಧನೆಗೆ ನನ್ನ ಪತಿ, ಸ್ನೇಹಿತರು ಮತ್ತು ಕುಟುಂಬದ ಬೆಂಬಲ ಕಾರಣ ಎಂದು ಪ್ರಥಮ ಸ್ಥಾನ ಪಡೆದ ವಿದ್ಯಾರ್ಥಿನಿ ನಾಗವೇಣಿ ಹೇಳಿದರು.

ಹಿಟ್ನಾಳದ ವಿದ್ಯಾರ್ಥಿನಿ ನಾಗವೇಣಿ ಒಂದು ವರ್ಷದ ಮಗುವಿನ ತಾಯಿಯಾದರೂ ಕ್ರೀಡೆಯಲ್ಲಿ ಸಾಧಿಸಬೇಕೆನ್ನುವ ಹಂಬಲದಿಂದ ಕನಕಗಿರಿಗೆ ಬಂದಿದ್ದಳು. ಸತತ ಪ್ರಯತ್ನ, ಪರಿಶ್ರಮದಿಂದ ನಾಗವೇಣಿ ಗುಡ್ಡಗಾಡು ಓಟದಲ್ಲಿ ಪ್ರಥಮ ಸ್ಥಾನಕ್ಕೆ ಭಾಜವಾದಳು. ಈ ಸಾಧನೆ ವಿಶ್ವವಿದ್ಯಾಲಯವೇ ಪ್ರಶಂಸೆ ವ್ಯಕ್ತಪಡಿಸಿದ್ದು, ಹೊಸ ದಾಖಲೆಯಾಗಿದೆ ಎಂದು ಕನಕಗಿರಿ ಡಿಗ್ರಿ ಕಾಲೇಜು ಪ್ರಾಂಶುಪಾಲ ಬಜರಂಗಬಲಿ ಹೇಳಿದರು.

ದೊಡ್ಡವರಾದ ಮೇಲೆ ಅಣ್ಣ-ತಂಗಿ ನಡುವೆ ಮೊದಲಿನ ಆತ್ಮೀಯತೆ ಏಕಿರಲ್ಲ? ಸಂಬಂಧ ದೂರವಾಗಲು ಇವೇ ಕಾರಣ

Pavna Das — Fri, 30 Oct 2026 22:36:42 +0530

ದೊಡ್ಡವರಾದ ಮೇಲೆ ಅಣ್ಣ-ತಂಗಿ ನಡುವೆ ಮೊದಲಿನ ಆತ್ಮೀಯತೆ ಏಕಿರಲ್ಲ

ಬಾಲ್ಯದಲ್ಲಿ ಅಣ್ಣ-ತಂಗಿ ಅಥವಾ ಅಕ್ಕ-ತಮ್ಮನ ನಡುವೆ ಸಣ್ಣಪುಟ್ಟ ಜಗಳಗಳು ನಡೆಯುವುದು ಸಹಜ. ಕೆಲವೇ ನಿಮಿಷಗಳಲ್ಲಿ ಮತ್ತೆ ಒಂದಾಗಿ ಆಟವಾಡುವುದು, ಒಬ್ಬರಿಗೊಬ್ಬರು ಕೀಟಲೆ ಮಾಡುವುದು, ನಗುವುದು, ಎಲ್ಲ ವಿಚಾರಗಳನ್ನು ಹಂಚಿಕೊಳ್ಳುವುದು ದಿನನಿತ್ಯದ ಭಾಗವಾಗಿರುತ್ತದೆ. ಆದರೆ ವಯಸ್ಸು ಹೆಚ್ಚಾದಂತೆ ಈ ಸಂಬಂಧದಲ್ಲಿ ಕೆಲವು ಬದಲಾವಣೆಗಳು ಕಾಣಿಸಿಕೊಳ್ಳುತ್ತವೆ. ಮೊದಲಿನಂತೆ ಗಂಟೆಗಟ್ಟಲೆ ಮಾತನಾಡುವುದಿಲ್ಲ. ಫೋನ್ ಕರೆಗಳು ಕೂಡ ಅಗತ್ಯವಿದ್ದಾಗ ಮಾತ್ರ ಸೀಮಿತವಾಗುತ್ತವೆ. ಜೀವನದ ಜವಾಬ್ದಾರಿಗಳು, ಬದಲಾಗುವ ಆದ್ಯತೆಗಳು ಮತ್ತು ಮನಸ್ಸಿನಲ್ಲಿರುವ ನೋವುಗಳು ಸಂಬಂಧದಲ್ಲಿ ಅಂತರವನ್ನು ಸೃಷ್ಟಿಸಬಹುದು. ಹಾಗಾದರೆ ದೊಡ್ಡವರಾದ ಮೇಲೆ ಒಡಹುಟ್ಟಿದವರ ನಡುವಿನ ಆತ್ಮೀಯತೆ ಕಡಿಮೆಯಾಗಲು ಕಾರಣಗಳೇನು? ನೋಡೋಣ.

ತಮ್ಮದೇ ಜೀವನದಲ್ಲಿ ಬ್ಯುಸಿಯಾಗುವುದು

ಬಾಲ್ಯದಲ್ಲಿ ಅಣ್ಣ-ತಂಗಿ ಅಥವಾ ಅಕ್ಕ-ತಮ್ಮನ ಹೆಚ್ಚಿನ ಸಮಯ ಒಟ್ಟಿಗೆ ಕಳೆಯುತ್ತದೆ. ಶಾಲೆ, ಆಟ, ಊಟ ಮತ್ತು ಮನೆಯ ವಿಚಾರಗಳೆಲ್ಲವೂ ಒಟ್ಟಿಗೆ ಸಾಗುತ್ತವೆ. ಆದರೆ ದೊಡ್ಡವರಾದಂತೆ ವಿದ್ಯಾಭ್ಯಾಸ, ಉದ್ಯೋಗ, ಮದುವೆ ಮತ್ತು ಕುಟುಂಬದ ಜವಾಬ್ದಾರಿಗಳು ಹೆಚ್ಚಾಗುತ್ತವೆ. ಹೀಗಾಗಿ ಮೊದಲಿನಂತೆ ಗಂಟೆಗಟ್ಟಲೆ ಕುಳಿತು ಮಾತನಾಡಲು ಸಮಯ ಸಿಗುವುದಿಲ್ಲ. ಆರಂಭದಲ್ಲಿ ಇದು ಸಹಜ ಎನಿಸಿದರೂ, ಕ್ರಮೇಣ ಮಾತನಾಡುವುದೇ ಕಡಿಮೆಯಾಗುತ್ತದೆ.

ಹಳೆಯ ನೋವು ಮತ್ತು ಬೇಸರಗಳನ್ನು ಮನಸ್ಸಿನಲ್ಲೇ ಇಟ್ಟುಕೊಳ್ಳುವುದು

ಒಡಹುಟ್ಟಿದವರ ನಡುವಿನ ಹಳೆಯ ಮನಸ್ತಾಪಗಳು ಕೂಡ ಸಂಬಂಧದಲ್ಲಿ ಅಂತರ ಹೆಚ್ಚಾಗಲು ಕಾರಣವಾಗಬಹುದು. ಬಾಲ್ಯದಲ್ಲಿ ಸಣ್ಣದಾಗಿ ಕಂಡ ಕೆಲವು ಘಟನೆಗಳು ದೊಡ್ಡವರಾದ ಮೇಲೆ ಹೆಚ್ಚು ನೋವುಂಟುಮಾಡಬಹುದು. ಉದಾಹರಣೆಗೆ, ತಂದೆ-ತಾಯಿ ಯಾವಾಗಲೂ ಇನ್ನೊಬ್ಬರಿಗೆ ಹೆಚ್ಚು ಪ್ರಾಮುಖ್ಯತೆ ನೀಡುತ್ತಿದ್ದರು ಎಂಬ ಭಾವನೆ ಇರಬಹುದು. ಕಷ್ಟದ ಸಮಯದಲ್ಲಿ ಅಣ್ಣ ಅಥವಾ ತಂಗಿ ಜೊತೆ ನಿಲ್ಲಲಿಲ್ಲ ಎಂಬ ಬೇಸರವೂ ಮನಸ್ಸಿನಲ್ಲಿ ಉಳಿದಿರಬಹುದು.

ಹೋಲಿಕೆ ಮತ್ತು ಪೈಪೋಟಿಯ ಭಾವನೆ

ಕೆಲವು ಕುಟುಂಬಗಳಲ್ಲಿ ಒಡಹುಟ್ಟಿದವರನ್ನು ಓದು, ಉದ್ಯೋಗ, ಸಂಬಳ ಅಥವಾ ಮದುವೆಯ ವಿಚಾರದಲ್ಲಿ ಹೋಲಿಕೆ ಮಾಡಲಾಗುತ್ತದೆ. ಪದೇಪದೇ ಒಬ್ಬರನ್ನು ಇನ್ನೊಬ್ಬರಿಗೆ ಹೋಲಿಸುವುದರಿಂದ ಕೀಳರಿಮೆ ಅಥವಾ ಪೈಪೋಟಿಯ ಭಾವನೆ ಮೂಡಬಹುದು.

ಮದುವೆ ಮತ್ತು ಹೊಸ ಜವಾಬ್ದಾರಿಗಳಿಂದ ಬದಲಾವಣೆ

ಮದುವೆಯ ನಂತರ ಜೀವನದಲ್ಲಿ ಹೊಸ ಸಂಬಂಧಗಳು ಮತ್ತು ಜವಾಬ್ದಾರಿಗಳು ಸೇರ್ಪಡೆಯಾಗುತ್ತವೆ. ಗಂಡ ಅಥವಾ ಹೆಂಡತಿ, ಮಕ್ಕಳು ಮತ್ತು ಕುಟುಂಬದ ಅಗತ್ಯಗಳಿಗೆ ಸಮಯ ನೀಡಬೇಕಾಗುತ್ತದೆ. ಇದರಿಂದ ಸಹಜವಾಗಿಯೇ ಒಡಹುಟ್ಟಿದವರ ಜೊತೆ ಮಾತನಾಡುವ ಸಮಯ ಕಡಿಮೆಯಾಗಬಹುದು.

ಭಾವನೆಗಳನ್ನು ಮನಬಿಚ್ಚಿ ಹೇಳಿಕೊಳ್ಳದಿರುವುದು

ದೊಡ್ಡವರಾದಂತೆ ಅನೇಕರು ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಲು ಹಿಂಜರಿಯುತ್ತಾರೆ. ಅಣ್ಣ ಅಥವಾ ತಂಗಿಗೆ ತಮ್ಮ ಪ್ರೀತಿ ಮತ್ತು ಕಾಳಜಿ ಅರ್ಥವಾಗುತ್ತದೆ ಎಂದು ಭಾವಿಸುತ್ತಾರೆ. ಆದರೆ ಮನಸ್ಸಿನಲ್ಲಿ ಪ್ರೀತಿ ಇರುವುದು ಮತ್ತು ಅದನ್ನು ವ್ಯಕ್ತಪಡಿಸುವುದು ಎರಡೂ ಬೇರೆ. ಒಂದು ಸಣ್ಣ ಫೋನ್ ಕರೆ, ಆರೋಗ್ಯ ವಿಚಾರಿಸುವುದು ಅಥವಾ ಕಷ್ಟದ ಸಮಯದಲ್ಲಿ ಜೊತೆಯಾಗಿ ನಿಲ್ಲುವುದು ಕೂಡ ಸಂಬಂಧವನ್ನು ಗಟ್ಟಿಗೊಳಿಸುತ್ತದೆ. ಇಬ್ಬರೂ ಮಾತನಾಡಲು ಪ್ರಯತ್ನಿಸದಿದ್ದರೆ ಆತ್ಮೀಯ ಸಂಬಂಧವೂ ಕ್ರಮೇಣ ದೂರವಾಗುತ್ತದೆ.

ಒಡಹುಟ್ಟಿದವರ ನಡುವೆ ಮತ್ತೆ ಆತ್ಮೀಯತೆ ಹೆಚ್ಚಿಸುವುದು ಹೇಗೆ?

ನಿಮ್ಮ ಅಣ್ಣ ಅಥವಾ ತಂಗಿಯೊಂದಿಗೆ ಮೊದಲಿನಂತೆ ಮಾತನಾಡಲು ಸಾಧ್ಯವಾಗುತ್ತಿಲ್ಲ ಎಂದಾದರೆ ಸಣ್ಣ ಪ್ರಯತ್ನದಿಂದಲೇ ಆರಂಭಿಸಿ. ಯಾವುದೇ ವಿಶೇಷ ಕಾರಣವಿಲ್ಲದೆ ಫೋನ್ ಮಾಡಿ ಆರೋಗ್ಯ ವಿಚಾರಿಸಿ. ಹಳೆಯ ನೋವುಗಳನ್ನು ಮತ್ತೆ ಮತ್ತೆ ನೆನಪಿಸಿ ಚುಚ್ಚುವ ಬದಲು ಶಾಂತವಾಗಿ ನಿಮ್ಮ ಭಾವನೆಗಳನ್ನು ಹಂಚಿಕೊಳ್ಳಿ. ಯಾವಾಗಲೂ ಎದುರಿನವರೇ ಮೊದಲು ಮಾತನಾಡಬೇಕು ಎಂದು ನಿರೀಕ್ಷಿಸಬೇಡಿ. ನೀವೂ ಒಂದು ಹೆಜ್ಜೆ ಮುಂದಿಡಿ. ಸಣ್ಣಪುಟ್ಟ ಮಾತುಕತೆ, ಪರಸ್ಪರ ಕಾಳಜಿ ಮತ್ತು ಸಮಯ ನೀಡುವ ಮೂಲಕ ಒಡಹುಟ್ಟಿದವರ ನಡುವಿನ ಹಳೆಯ ಆತ್ಮೀಯತೆಯನ್ನು ಮತ್ತೆ ಬೆಳೆಸಿಕೊಳ್ಳಬಹುದು.

ಡಾ. ವಿಷ್ಣುವರ್ಧನ್‌, ಬಿ. ಸರೋಜಾದೇವಿಗೆ ʻಕರ್ನಾಟಕ ರತ್ನʼ ಪ್ರಶಸ್ತಿ ಪ್ರಧಾನ; ರಜನಿಕಾಂತ್‌ ಮುಖ್ಯ ಅತಿಥಿ? ನಟಿಯರಲ್ಲಿ ಯಾರು?

Shriram Bhat — Fri, 30 Oct 2026 20:17:40 +0530

Karnataka Ratna Award for Dr Vishnuvardhan and B Saroja Devi, Rajinikanth is the Cheif Guest? ವಿಷ್ಣುವರ್ಧನ್, ಬಿ. ಸರೋಜಾದೇವಿಗೆ ಕರ್ನಾಟಕ ರತ್ನ ಪ್ರದಾನ: ಸಮಾರಂಭಕ್ಕೆ ಸೂಪರ್‌ಸ್ಟಾರ್ ರಜನಿಕಾಂತ್ ಅತಿಥಿಯಾಗಿ ಭಾಗಿ?

ಕನ್ನಡ ಚಿತ್ರರಂಗಕ್ಕೆ ಅಪಾರ ಕೊಡುಗೆ ನೀಡಿದ ದಿಗ್ಗಜ ನಟರಾದ ಸಾಹಸಸಿಂಹ ವಿಷ್ಣುವರ್ಧನ್ ಮತ್ತು ಅಭಿನಯ ಸರಸ್ವತಿ ಬಿ. ಸರೋಜಾದೇವಿ ಅವರಿಗೆ ಕರ್ನಾಟಕ ರತ್ನ ಪ್ರಶಸ್ತಿ ಪ್ರದಾನ ಮಾಡುವ ಕ್ಷಣಕ್ಕಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಈ ಇಬ್ಬರು ಹಿರಿಯ ಕಲಾವಿದರಿಗೆ ಕರ್ನಾಟಕ ರತ್ನ ಗೌರವ ನೀಡುವುದಾಗಿ ರಾಜ್ಯ ಸರ್ಕಾರ ಕಳೆದ ವರ್ಷವೇ ಘೋಷಿಸಿತ್ತು. ಇದೀಗ ಪ್ರಶಸ್ತಿ ಪ್ರದಾನ ಸಮಾರಂಭದ ದಿನಾಂಕ ಹಾಗೂ ಗಣ್ಯ ಅತಿಥಿಗಳ ವಿಚಾರ ಮುನ್ನೆಲೆಗೆ ಬಂದಿದ್ದು, ಚಿತ್ರರಸಿಕರಲ್ಲಿ ವಿಶೇಷ ಕುತೂಹಲ ಮೂಡಿಸಿದೆ.

ಪ್ರತಿ ವರ್ಷ ನವೆಂಬರ್ 1ರಂದು ಕನ್ನಡ ರಾಜ್ಯೋತ್ಸವದ ಅಂಗವಾಗಿ ವಿವಿಧ ಕ್ಷೇತ್ರಗಳಲ್ಲಿ ಅಸಾಧಾರಣ ಸಾಧನೆ ಮಾಡಿದ ಗಣ್ಯರಿಗೆ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಲಾಗುತ್ತದೆ. ಸಾಹಿತ್ಯ, ಸಿನಿಮಾ, ಕಲೆ, ಸಂಗೀತ, ಶಿಕ್ಷಣ, ಸಮಾಜಸೇವೆ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ ಸಾಧಕರನ್ನು ಗುರುತಿಸಿ ಸರ್ಕಾರ ಈ ಪ್ರಶಸ್ತಿಗಳನ್ನು ನೀಡುತ್ತದೆ. ಅದರಂತೆ 2026ನೇ ಸಾಲಿನ ರಾಜ್ಯೋತ್ಸವ ಪ್ರಶಸ್ತಿಗಳನ್ನೂ ಪ್ರಕಟಿಸಲಾಗಿದ್ದು, ಹಲವು ಗಣ್ಯರು ಈ ಬಾರಿಯ ಗೌರವಕ್ಕೆ ಪಾತ್ರರಾಗಿದ್ದಾರೆ.

ಡಾ ವಿಷ್ಣುವರ್ಧನ್ ಮತ್ತು ಬಿ. ಸರೋಜಾದೇವಿ ಅವರಿಗೆ ಕರ್ನಾಟಕ ರತ್ನ ಪ್ರದಾನ

ಆದರೆ ಈ ಬಾರಿಯ ಪ್ರಶಸ್ತಿ ಸಮಾರಂಭದಲ್ಲಿ ವಿಷ್ಣುವರ್ಧನ್ ಮತ್ತು ಬಿ. ಸರೋಜಾದೇವಿ ಅವರಿಗೆ ಕರ್ನಾಟಕ ರತ್ನ ಪ್ರದಾನ ಮಾಡುವುದೇ ಪ್ರಮುಖ ಆಕರ್ಷಣೆಯಾಗಲಿದೆ. ನವೆಂಬರ್ 19ರಂದು ನಡೆಯಲಿರುವ ಸಮಾರಂಭದಲ್ಲಿ ಇಬ್ಬರು ಕಲಾವಿದರ ಕುಟುಂಬದ ಸದಸ್ಯರು ಅವರ ಪರವಾಗಿ ಪ್ರಶಸ್ತಿಯನ್ನು ಸ್ವೀಕರಿಸಲಿದ್ದಾರೆ ಎಂದು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಚಿವ ಶಿವರಾಜ್ ತಂಗಡಗಿ ತಿಳಿಸಿದ್ದಾರೆ.

ರಜನಿಕಾಂತ್‌ಗೆ ವಿಶೇಷ ಆಹ್ವಾನ ನೀಡಲು ಚಿಂತನೆ

ಈ ಸಮಾರಂಭಕ್ಕೆ ಸೂಪರ್‌ಸ್ಟಾರ್ ರಜನಿಕಾಂತ್ ಅವರನ್ನು ಮುಖ್ಯ ಅತಿಥಿಯಾಗಿ ಆಹ್ವಾನಿಸುವ ಬಗ್ಗೆಯೂ ಸಚಿವ ಶಿವರಾಜ್ ತಂಗಡಗಿ ಮಾಹಿತಿ ಹಂಚಿಕೊಂಡಿದ್ದಾರೆ. ತಮಿಳು ಚಿತ್ರರಂಗದಲ್ಲಿ ಅಪಾರ ಜನಪ್ರಿಯತೆ ಗಳಿಸಿರುವ ರಜನಿಕಾಂತ್ ಅವರಿಗೂ ಕರ್ನಾಟಕದೊಂದಿಗೆ ವಿಶೇಷ ನಂಟಿದೆ. ಅವರು ಮೂಲತಃ ಕನ್ನಡಿಗರಾಗಿರುವುದರಿಂದ ಈ ಮಹತ್ವದ ಕಾರ್ಯಕ್ರಮಕ್ಕೆ ಅವರನ್ನು ಆಹ್ವಾನಿಸಬೇಕು ಎಂಬ ಚಿಂತನೆ ಸರ್ಕಾರದ ಮಟ್ಟದಲ್ಲಿ ನಡೆಯುತ್ತಿದೆ ಎಂದು ಸಚಿವರು ಹೇಳಿದ್ದಾರೆ.

ಮಹಿಳಾ ಅತಿಥಿಗಳ ವಿಚಾರದಲ್ಲಿಯೂ ವಿಶೇಷ ಯೋಜನೆ ರೂಪಿಸಲಾಗುತ್ತಿದೆ. ಹಿರಿಯ ನಟಿಯರಾದ ಲಕ್ಷ್ಮೀ ಮತ್ತು ಸುಹಾಸಿನಿ ಅವರಲ್ಲಿ ಒಬ್ಬರನ್ನು ಆಹ್ವಾನಿಸುವ ಬಗ್ಗೆ ಚರ್ಚೆ ನಡೆಯುತ್ತಿದೆ. ವಿಷ್ಣುವರ್ಧನ್ ಅವರೊಂದಿಗೆ ಈ ಇಬ್ಬರೂ ನಟಿಯರು ಸಿನಿಮಾಗಳಲ್ಲಿ ಅಭಿನಯಿಸಿರುವ ಹಿನ್ನೆಲೆಯಲ್ಲಿ ಅವರಲ್ಲಿ ಒಬ್ಬರನ್ನು ಕಾರ್ಯಕ್ರಮಕ್ಕೆ ಕರೆಸಲು ಪ್ರಯತ್ನಿಸಲಾಗುತ್ತಿದೆ ಎಂದು ಸಚಿವರು ತಿಳಿಸಿದ್ದಾರೆ.

ವಿಷ್ಣುವರ್ಧನ್ ನೆನಪಿಗೆ ಮತ್ತೊಂದು ಗೌರವ

ಕನ್ನಡ ಚಿತ್ರರಂಗದಲ್ಲಿ ವಿಷ್ಣುವರ್ಧನ್ ಅವರ ಕೊಡುಗೆ ಅಪಾರ. ವಿಭಿನ್ನ ಪಾತ್ರಗಳು, ಅಭಿನಯದ ವೈಶಿಷ್ಟ್ಯ, ಸಂಭಾಷಣೆ ಹೇಳುವ ಶೈಲಿ ಹಾಗೂ ಅಭಿಮಾನಿಗಳೊಂದಿಗಿನ ಆತ್ಮೀಯ ಸಂಬಂಧದಿಂದ ಅವರು ಇಂದಿಗೂ ಕನ್ನಡಿಗರ ಮನಸ್ಸಿನಲ್ಲಿ ಅಚ್ಚಳಿಯದ ಸ್ಥಾನ ಪಡೆದಿದ್ದಾರೆ. ಅದೇ ರೀತಿ ಬಿ. ಸರೋಜಾದೇವಿ ಕೂಡ ತಮ್ಮ ಅಭಿನಯದ ಮೂಲಕ ದಕ್ಷಿಣ ಭಾರತದ ಹಲವು ಭಾಷೆಗಳ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ಕನ್ನಡ ಸಿನಿಮಾಗಳಿಗೆ ಅವರು ನೀಡಿದ ಕೊಡುಗೆ ಸದಾ ಸ್ಮರಣೀಯ.

ಹೀಗಾಗಿ ಈ ಇಬ್ಬರು ಕಲಾವಿದರಿಗೆ ಕರ್ನಾಟಕ ರತ್ನ ಪ್ರಶಸ್ತಿ ಪ್ರದಾನ ಮಾಡುವ ಕಾರ್ಯಕ್ರಮವು ಕೇವಲ ಪ್ರಶಸ್ತಿ ಸಮಾರಂಭವಾಗಿರದೆ, ಕನ್ನಡ ಚಿತ್ರರಂಗದ ಸುವರ್ಣಯುಗವನ್ನು ನೆನಪಿಸುವ ವಿಶೇಷ ಸಂದರ್ಭವಾಗಲಿದೆ. ಅದರಲ್ಲೂ ರಜನಿಕಾಂತ್ ಅವರಂತಹ ದೊಡ್ಡ ತಾರೆಯನ್ನು ಆಹ್ವಾನಿಸುವ ಪ್ರಯತ್ನ ನಡೆಯುತ್ತಿರುವುದು ಅಭಿಮಾನಿಗಳ ನಿರೀಕ್ಷೆಯನ್ನು ಹೆಚ್ಚಿಸಿದೆ. ರಜನಿಕಾಂತ್ ಕಾರ್ಯಕ್ರಮಕ್ಕೆ ಆಗಮಿಸುತ್ತಾರೆಯೇ? ಲಕ್ಷ್ಮೀ ಅಥವಾ ಸುಹಾಸಿನಿ ಅವರಲ್ಲಿ ಯಾರು ವಿಶೇಷ ಅತಿಥಿಯಾಗಿ ಭಾಗವಹಿಸಲಿದ್ದಾರೆ? ಎಂಬ ಕುತೂಹಲಕ್ಕೆ ಅಧಿಕೃತ ಆಹ್ವಾನ ಮತ್ತು ಅಂತಿಮ ನಿರ್ಧಾರ ಹೊರಬಂದ ಬಳಿಕ ಉತ್ತರ ಸಿಗಲಿದೆ.

ನಕಲಿ ಖಾತೆಗಳ ಕಾಟಕ್ಕೆ ಬೇಸತ್ತು ಹೈರಾಣು: ದಳಪತಿ ವಿಜಯ್ ಮಗ ಜೇಸನ್ ಸಂಜಯ್ ಅಭಿಮಾನಿಗಳಿಗೆ ಕೊಟ್ಟ ಖಡಕ್ ಎಚ್ಚರಿಕೆ ಏನು?

Shriram Bhat — Fri, 30 Oct 2026 19:33:15 +0530

Thalapathy Vijay son Jason Sanjay warned his fans about fake social media accounts operating in his name: ವಿಜಯ್ ದಳಪತಿ ಪುತ್ರ ಜೇಸನ್ ಸಂಜಯ್ ಹೆಸರಿನಲ್ಲಿ ನಕಲಿ ಖಾತೆಗಳ ಹಾವಳಿ; ಅಭಿಮಾನಿಗಳಿಗೆ ಖಡಕ್ ಎಚ್ಚರಿಕೆ!

ತಮಿಳು ಚಿತ್ರರಂಗದ ನಟ ಹಾಗೂ ತಮಿಳುನಾಡಿನ ಮುಖ್ಯಮಂತ್ರಿ ವಿಜಯ್ ದಳಪತಿ ಅವರ ಪುತ್ರ ಜೇಸನ್ ಸಂಜಯ್ ಇದೀಗ ಸುದ್ದಿಯಲ್ಲಿದ್ದಾರೆ. ತಂದೆಯಂತೆ ನಟನೆಯ ಹಾದಿ ಆಯ್ಕೆ ಮಾಡಿಕೊಳ್ಳದೆ ನಿರ್ದೇಶನದ ಮೂಲಕ ಚಿತ್ರರಂಗದಲ್ಲಿ ಗುರುತಿಸಿಕೊಳ್ಳಲು ಮುಂದಾಗಿರುವ ಜೇಸನ್, ತಮ್ಮ ಹೆಸರಿನಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಸೃಷ್ಟಿಯಾಗಿರುವ ನಕಲಿ ಖಾತೆಗಳ ಬಗ್ಗೆ ಅಭಿಮಾನಿಗಳಿಗೆ ಎಚ್ಚರಿಕೆ ನೀಡಿದ್ದಾರೆ. ಅಕ್ಟೋಬರ್ 29ರಂದು ಈ ಕುರಿತು ಮಹತ್ವದ ಮಾಹಿತಿ ಹಂಚಿಕೊಂಡಿರುವ ಅವರು, ತಮ್ಮ ಹೆಸರನ್ನು ದುರುಪಯೋಗಪಡಿಸಿಕೊಳ್ಳುವವರ ಬಗ್ಗೆ ಎಚ್ಚರದಿಂದಿರುವಂತೆ ಮನವಿ ಮಾಡಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ಸೆಲೆಬ್ರಿಟಿಗಳ ಹೆಸರು ಮತ್ತು ಫೋಟೋಗಳನ್ನು ಬಳಸಿಕೊಂಡು ನಕಲಿ ಸಾಮಾಜಿಕ ಜಾಲತಾಣ ಖಾತೆಗಳನ್ನು ಸೃಷ್ಟಿಸುವ ಪ್ರಕರಣಗಳು ಹೆಚ್ಚಾಗುತ್ತಿವೆ. ಇಂತಹ ಖಾತೆಗಳ ಮೂಲಕ ಅಭಿಮಾನಿಗಳನ್ನು ಸಂಪರ್ಕಿಸಿ ವೈಯಕ್ತಿಕ ಮಾಹಿತಿ ಪಡೆಯುವುದು, ಹಣಕ್ಕೆ ಬೇಡಿಕೆ ಇಡುವುದು ಅಥವಾ ಉದ್ಯೋಗದ ಆಮಿಷ ಒಡ್ಡುವ ಸಾಧ್ಯತೆಗಳಿರುತ್ತವೆ. ಇದೇ ಹಿನ್ನೆಲೆಯಲ್ಲಿ ಜೇಸನ್ ಸಂಜಯ್ ತಮ್ಮ ಅಧಿಕೃತ ಖಾತೆಗಳ ವಿವರಗಳನ್ನು ಬಹಿರಂಗಪಡಿಸಿದ್ದಾರೆ.

ನಕಲಿ ಖಾತೆಗಳಿಂದ ಎಚ್ಚರ! ಜೇಸನ್ ಹೇಳಿದ್ದೇನು?

ತಮ್ಮ ಹೆಸರಿನಲ್ಲಿ ಹಲವು ಖಾತೆಗಳು ಕಾರ್ಯನಿರ್ವಹಿಸುತ್ತಿರುವುದನ್ನು ಗಮನಿಸಿರುವ ಜೇಸನ್, ತಾವು ಅಧಿಕೃತವಾಗಿ ಬಳಸುತ್ತಿರುವ ಸಾಮಾಜಿಕ ಜಾಲತಾಣಗಳ ಲಿಂಕ್ ಹಾಗೂ ಬಳಕೆದಾರರ ಹೆಸರುಗಳನ್ನು ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ಈ ಪಟ್ಟಿಯಲ್ಲಿ ಇಲ್ಲದ ಖಾತೆಗಳು ತಮ್ಮ ಅಧಿಕೃತ ಖಾತೆಗಳಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಅಷ್ಟೇ ಅಲ್ಲದೆ, ಅಪರಿಚಿತ ಖಾತೆಗಳಿಂದ ಬರುವ ಖಾಸಗಿ ಸಂದೇಶಗಳು, ಕಾಮೆಂಟ್‌ಗಳು ಮತ್ತು ವ್ಯವಹಾರ ಸಂಬಂಧಿತ ಪ್ರಸ್ತಾಪಗಳನ್ನು ನಂಬದಂತೆ ಸೂಚಿಸಿದ್ದಾರೆ. ವಿಶೇಷವಾಗಿ ಸಿನಿಮಾ ಕ್ಷೇತ್ರದಲ್ಲಿ ಉದ್ಯೋಗ ಕೊಡಿಸುವುದಾಗಿ ಅಥವಾ ಚಿತ್ರಗಳಲ್ಲಿ ಅವಕಾಶ ಕಲ್ಪಿಸುವುದಾಗಿ ಭರವಸೆ ನೀಡುವ ಖಾತೆಗಳ ಬಗ್ಗೆ ಎಚ್ಚರಿಕೆ ವಹಿಸಬೇಕು ಎಂದು ತಿಳಿಸಿದ್ದಾರೆ. ಇಂತಹ ಖಾತೆಗಳು ತಮ್ಮ ಪರವಾಗಿ ಮಾತನಾಡುತ್ತಿವೆ ಎಂದು ಅಭಿಮಾನಿಗಳು ಭಾವಿಸಬಾರದು ಎಂಬುದು ಅವರ ಉದ್ದೇಶವಾಗಿದೆ.

ಅಭಿಮಾನಿ ಸಂಘಗಳ ಬಗ್ಗೆಯೂ ಮಹತ್ವದ ಸ್ಪಷ್ಟನೆ!

ಜೇಸನ್ ಸಂಜಯ್ ತಮ್ಮ ಹೆಸರಿನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಅಭಿಮಾನಿ ಸಂಘಗಳ ಬಗ್ಗೆಯೂ ಸ್ಪಷ್ಟನೆ ನೀಡಿದ್ದಾರೆ. ತಾವು ಈವರೆಗೆ ಯಾವುದೇ ಅಧಿಕೃತ ಅಭಿಮಾನಿ ಸಂಘವನ್ನು ಸ್ಥಾಪಿಸಿಲ್ಲ. ಅಲ್ಲದೆ, ತಮ್ಮ ಪರವಾಗಿ ಕಾರ್ಯನಿರ್ವಹಿಸಲು ಯಾವುದೇ ಅಭಿಮಾನಿ ಬಳಗ ಅಥವಾ ಸಮುದಾಯ ಗುಂಪಿಗೆ ಅನುಮತಿ ನೀಡಿಲ್ಲ ಎಂದು ತಿಳಿಸಿದ್ದಾರೆ.

ಹೀಗಾಗಿ ತಮ್ಮ ಹೆಸರಿನಲ್ಲಿ ಅಭಿಮಾನಿ ಸಂಘ ಎಂದು ಹೇಳಿಕೊಳ್ಳುವ ಯಾವುದೇ ಪುಟ ಅಥವಾ ಗುಂಪನ್ನು ಅಧಿಕೃತವೆಂದು ಪರಿಗಣಿಸಬಾರದು ಎಂದು ಮನವಿ ಮಾಡಿದ್ದಾರೆ. ಅಭಿಮಾನಿಗಳ ಪ್ರೀತಿ ಮತ್ತು ಬೆಂಬಲವನ್ನು ದುರುಪಯೋಗಪಡಿಸಿಕೊಂಡು ಕೆಲವರು ವಂಚನೆಗೆ ಮುಂದಾಗಬಹುದು ಎಂಬ ಆತಂಕದಿಂದಲೇ ಈ ಮಾಹಿತಿ ಹಂಚಿಕೊಂಡಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಯಾರನ್ನಾದರೂ ನಂಬುವ ಮೊದಲು ಅವರ ಖಾತೆಯ ಅಧಿಕೃತತೆಯನ್ನು ಪರಿಶೀಲಿಸುವುದು ಎಷ್ಟು ಮುಖ್ಯ ಎಂಬುದನ್ನೂ ಈ ಮೂಲಕ ನೆನಪಿಸಿದ್ದಾರೆ.

ಜೇಸನ್ ನಿರ್ದೇಶನದ ‘ಸಿಗ್ಮಾ’ ಈಗ ಒಟಿಟಿಯಲ್ಲಿ!

ಇನ್ನು ಜೇಸನ್ ಸಂಜಯ್ ಅವರ ಸಿನಿಮಾ ವಿಚಾರಕ್ಕೆ ಬಂದರೆ, ಅವರು ನಿರ್ದೇಶಕರಾಗಿ ಮೊದಲ ಬಾರಿಗೆ ಕೈಗೆತ್ತಿಕೊಂಡಿರುವ ‘ಸಿಗ್ಮಾ’ ಸಿನಿಮಾ ಈಗಾಗಲೇ ಪ್ರೇಕ್ಷಕರ ಗಮನ ಸೆಳೆದಿದೆ. ಸಂದೀಪ್ ಕಿಶನ್ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಈ ಚಿತ್ರ ಥ್ರಿಲ್ಲರ್ ಕಥಾಹಂದರ ಹೊಂದಿದೆ. ಅಕ್ಟೋಬರ್ 2ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದ್ದ ಸಿನಿಮಾ ಇದೀಗ ಒಟಿಟಿಗೂ ಲಗ್ಗೆ ಇಟ್ಟಿದೆ.

ಅಕ್ಟೋಬರ್ 30ರಿಂದ ನೆಟ್‌ಫ್ಲಿಕ್ಸ್‌ನಲ್ಲಿ ‘ಸಿಗ್ಮಾ’ ವೀಕ್ಷಣೆಗೆ ಲಭ್ಯವಾಗಿದೆ. ಚಿತ್ರಮಂದಿರಗಳಲ್ಲಿ ಸಿನಿಮಾ ನೋಡಲು ಸಾಧ್ಯವಾಗದವರು ಇದೀಗ ಮನೆಯಲ್ಲಿಯೇ ಕುಳಿತು ವೀಕ್ಷಿಸಬಹುದು. ವಿಜಯ್ ದಳಪತಿ ಅವರ ಪುತ್ರನ ಮೊದಲ ನಿರ್ದೇಶನದ ಪ್ರಯತ್ನವಾಗಿರುವುದರಿಂದ ಸಹಜವಾಗಿಯೇ ಅಭಿಮಾನಿಗಳಲ್ಲಿ ಚಿತ್ರದ ಬಗ್ಗೆ ಕುತೂಹಲವಿದೆ.

ಒಂದೆಡೆ ನಿರ್ದೇಶಕರಾಗಿ ತಮ್ಮದೇ ಆದ ಗುರುತು ಮೂಡಿಸಲು ಜೇಸನ್ ಪ್ರಯತ್ನಿಸುತ್ತಿದ್ದರೆ, ಮತ್ತೊಂದೆಡೆ ತಮ್ಮ ಹೆಸರಿನಲ್ಲಿ ನಡೆಯುತ್ತಿರುವ ನಕಲಿ ಖಾತೆಗಳ ವಿರುದ್ಧ ಅಭಿಮಾನಿಗಳಿಗೆ ಎಚ್ಚರಿಕೆ ನೀಡಿದ್ದಾರೆ. ಒಟ್ಟಿನಲ್ಲಿ, ಸಿನಿಮಾ ಮತ್ತು ಸಾಮಾಜಿಕ ಜಾಲತಾಣದ ವಿಚಾರಗಳೆರಡರಲ್ಲೂ ಜೇಸನ್ ಸಂಜಯ್ ಸದ್ಯ ಸುದ್ದಿಯಲ್ಲಿದ್ದಾರೆ.

ಮನೆ ಮುಂದಿಟ್ಟ ದೀಪಾವಳಿ ದೀಪ ಗಾಳಿಗೆ ಆರದಿರಲು ಸರಳ ಉಪಾಯ: ದೀರ್ಘಕಾಲ ಬೆಳಗುವ ಸಲಹೆ

Mahmad Rafik — Fri, 30 Oct 2026 18:51:39 +0530

ದೀಪಾವಳಿ ಹಬ್ಬದಲ್ಲಿ ಮನೆಮುಂದೆ ಹಚ್ಚುವ ದೀಪಗಳು ಗಾಳಿಗೆ ಆರಿಹೋಗುವುದು ಅಪಶಕುನ ಎಂಬ ಭಯ ಅನೇಕರಲ್ಲಿರುತ್ತದೆ. ದೀಪವು ಕಡಿಮೆ ಎಣ್ಣೆಯನ್ನು ಹೀರಿಕೊಂಡು ಗಾಳಿಯಲ್ಲೂ ದೀರ್ಘಕಾಲ ಉರಿಯಲು ಏನು ಮಾಡಬೇಕು ಎಂಬುದರ ಮಾಹಿತಿಯನ್ನು ಈ ಲೇಖನ ಹೊಂದಿದೆ.

ದೀಪಾವಳಿ ಹಬ್ಬಕ್ಕೆ ಕ್ಷಣಗಣನೇ ಆರಂಭವಾಗಿದ್ದು, ಜನರು ಸಹ ಹಂತ ಹಂತವಾಗಿ ಸಿದ್ಧತೆ ಮಾಡಿಕೊಳ್ಳಲಾರಂಭಿಸುತ್ತಾರೆ. ಮನೆಯ ಅಟ್ಟ ಅಥವಾ ಹಳೆ ಪೆಟ್ಟಿಗೆಯಲ್ಲಿಟ್ಟಿರೋ ಆಕಾಶದೀಪ, ಮಣ್ಣಿನ ಹಣತೆಗಳನ್ನು ಹೊರಗೆ ತೆಗೆದು ಸ್ವಚ್ಚಗೊಳಿಸುತ್ತಿರುತ್ತಾರೆ.

ದೀಪಾವಳಿ ಅಂದ್ರೆ ದೀಪಗಳ ಹಬ್ಬ. ಮನೆಯ ಮುಂದೆ ಕೆಲವರು 5 ಅಥವಾ 11 ದಿನ ಅಂತ ದೀಪಗಳನ್ನು ಬೆಳಗುತ್ತಾರೆ. ಆದರೆ ಮನೆ ಮುಂದೆ ಬೆಳಗುವ ದೀಪಗಳು ಗಾಳಿಗೆ ಪದೇ ಪದೇ ಆರುತ್ತಿರುತ್ತವೆ. ಕೆಲವೊಮ್ಮೆ ದೀಪ ಶಾಂತವಾಗೋದನ್ನು ಅಪಶಕುನ ಎಂದು ಸಹ ಪರಿಗಣಿಸಲಾಗುತ್ತದೆ. ನಿಮಗೂ ಈ ರೀತಿ ಭಯವಿದ್ರೆ, ನಾವು ಹೇಳುವ ರೀತಿಯಲ್ಲಿ ದೀಪ ಬೆಳಗಿ. ಇದರಿಂದ ದೀಪಗಳು ಗಾಳಿಯಲ್ಲಿಯೂ ಚೆನ್ನಾಗಿ ಉರಿಯುತ್ತವೆ.

ದೀಪ ಬೆಳಗಲು ಹತ್ತಿ ಬೇಕಾಗುತ್ತದೆ. ಇಂದು ಮಾರುಕಟ್ಟೆಯಲ್ಲಿ ನಿಮಗೆ ರೆಡಿಮೇಡ್ ದೀಪದ ಬತ್ತಿ ಸಿಗುತ್ತವೆ. ಈ ದೀಪದ ಬತ್ತಿಗಳು ಹಣತೆಯಲ್ಲಿ ಹಾಕುವ ಮುಂಚೆ ಒಂದು ಚಿಕ್ಕದಾದ ಕೆಲಸ ಮಾಡಿಕೊಳ್ಳಿ. ಈ ಒಂದು ಟಿಪ್ಸ್ ದೀಪ ಚೆನ್ನಾಗಿ ಮತ್ತು ದೀರ್ಘಕಾಲದವರೆಗೆ ಉರಿಯಲು ಸಹಾಯ ಮಾಡುತ್ತದೆ.

ಬತ್ತಿಯನ್ನು ಮೊದಲು ಅಂಗೈಯಲ್ಲಿ ಹಾಕಿಕೊಂಡು ಹೊಸೆದುಕೊಳ್ಳಿ ಅಥವಾ ತೀಡಿಕೊಳ್ಳಿ. ಈಗ ಬತ್ತಿಯ ಮುಂಭಾಗ ಮನೆಯಲ್ಲಿರುವ ನೇಲ್‌ಪಾಲಿಶ್‌ನ್ನು ತೆಳುವಾಗಿ ಸವರಿ, ಒಣಗಿಸಿಕೊಳ್ಳಿ. ನೇಲ್‌ಪಾಲಿಶ್ ಒಣಗಿದ ಬಳಿಕ ಬತ್ತಿಯನ್ನು ಹಣತೆಯಲ್ಲಿಟ್ಟುಕೊಂಡು ದೀಪದೆಣ್ಣೆಯನ್ನು ಹಣತೆಗೆ ಹಾಕಿಕೊಳ್ಳಿ.

ನೇಲ್‌ಪಾಲಿಶ್‌ ಹಾಕಲಾಗಿರುವ ಬತ್ತಿ ಮುಂಭಾಗದಲ್ಲಿರುವಂತೆ ನೋಡಿಕೊಳ್ಳಬೇಕು. ಈಗ ಬತ್ತಿಗೆ ಬೆಂಕಿ ತಾಗಿಸಿ ದೀಪವನ್ನು ಬೆಳಗಿ. ಹೀಗೆ ಮಾಡೋದರಿಂದ ದೀಪವೂ ಕಡಿಮೆ ಎಣ್ಣೆಯನ್ನು ಹೀರುತ್ತಾ ದೀರ್ಘಕಾಲ ಬೆಳಗುತ್ತದೆ. ಹಾಗೆಯೇ ಸಣ್ಣ ಗಾಳಿಯಲ್ಲೆಲ್ಲಾ ನಿಮ್ಮ ದೀಪಗಳು ಶಾಂತವಾಗಲ್ಲ.

(Disclaimer: ಇದು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಇದನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ ದೃಢೀಕರಿಸುವದಿಲ್ಲ. ಬಳಕೆದಾರರು ಇವನ್ನು ಕೇವಲ ಮಾಹಿತಿಯನ್ನಾಗಿ ಮಾತ್ರ ಪರಿಗಣಿಸಬೇಕಾಗಿ ವಿನಂತಿ.)

ವಾಯು ಮಾಲಿನ್ಯದಿಂದ ತಪ್ಪಿಸಿಕೊಳ್ಳೋದು ಕಷ್ಟ! ಆದಾಗ್ಯೂ, ನಮ್ಮನ್ನು ರಕ್ಷಿಸಿಕೊಳ್ಳಲು ಎಂಥಾ ಮಾಸ್ಕ್‌ ಧರಿಸಬೇಕು?

Shriram Bhat — Fri, 30 Oct 2026 18:46:42 +0530

Best Face Masks: ವಾಯುಮಾಲಿನ್ಯ ಹೆಚ್ಚಾದಾಗ ಯಾವ ಮಾಸ್ಕ್ ಧರಿಸಬೇಕು? N95, N99 ನಡುವೆ ಯಾವುದು ಉತ್ತಮ? ಆರೋಗ್ಯ ಕಾಪಾಡಿಕೊಳ್ಳಲು ಇಲ್ಲಿದೆ ಮಾಹಿತಿ

ನವೆಂಬರ್ ತಿಂಗಳು ಆರಂಭವಾಗುತ್ತಿದ್ದಂತೆ ವಾತಾವರಣದಲ್ಲಿ ಚಳಿಯ ಅನುಭವ ಹೆಚ್ಚಾಗತೊಡಗುತ್ತದೆ. ಆದರೆ ಚಳಿಗಾಲದ ಆಗಮನದ ಜೊತೆಗೆ ಮತ್ತೊಂದು ಸಮಸ್ಯೆಯೂ ಜನರನ್ನು ಕಾಡುತ್ತದೆ. ಅದುವೇ ವಾಯುಮಾಲಿನ್ಯ (Air Pollution). ದೇಶದ ಹಲವು ನಗರಗಳಲ್ಲಿ ಈಗಾಗಲೇ ಗಾಳಿಯ ಗುಣಮಟ್ಟ ಆತಂಕಕಾರಿ ಮಟ್ಟಕ್ಕೆ ಕುಸಿಯುತ್ತಿದೆ. ಇದರ ನಡುವೆ ದೀಪಾವಳಿ ಹಬ್ಬದ ಸಂಭ್ರಮವೂ ಆರಂಭವಾಗಲಿದ್ದು, ಪಟಾಕಿಗಳ ಹೊಗೆಯಿಂದ ವಾತಾವರಣ ಮತ್ತಷ್ಟು ಕಲುಷಿತಗೊಳ್ಳುವ ಸಾಧ್ಯತೆಯಿದೆ. ಇಂತಹ ಸಂದರ್ಭದಲ್ಲಿ ಶುದ್ಧ ಗಾಳಿ ಉಸಿರಾಡುವುದೇ ಸವಾಲಾಗಿ ಪರಿಣಮಿಸಬಹುದು.

ವಾಯುಮಾಲಿನ್ಯವನ್ನು ಸಂಪೂರ್ಣವಾಗಿ ನಿಯಂತ್ರಿಸುವುದು ಸರ್ಕಾರ ಮತ್ತು ಸಾರ್ವಜನಿಕರ ಜವಾಬ್ದಾರಿಯಾಗಿದ್ದರೂ, ಪರಿಸ್ಥಿತಿ ಸುಧಾರಿಸುವವರೆಗೆ ನಮ್ಮ ಆರೋಗ್ಯದ ರಕ್ಷಣೆಯ ಬಗ್ಗೆಯೂ ಗಮನಹರಿಸುವುದು ಅಗತ್ಯ. ಅದರಲ್ಲೂ ಮಾಲಿನ್ಯ ಹೆಚ್ಚಿರುವ ಪ್ರದೇಶಗಳಲ್ಲಿ ಓಡಾಡುವವರು ಸೂಕ್ತ ಮಾಸ್ಕ್ (Mask) ಧರಿಸುವುದು ತಾತ್ಕಾಲಿಕ ರಕ್ಷಣೆಗೆ ಸಹಾಯ ಮಾಡಬಹುದು. ಆದರೆ ಮಾರುಕಟ್ಟೆಯಲ್ಲಿ ಹಲವು ಬಗೆಯ ಮಾಸ್ಕ್‌ಗಳು ಲಭ್ಯವಿರುವುದರಿಂದ ಯಾವುದನ್ನು ಆಯ್ಕೆ ಮಾಡಿಕೊಳ್ಳಬೇಕು ಎಂಬ ಗೊಂದಲ ಹಲವರಲ್ಲಿದೆ.

ಸಾಮಾನ್ಯ ಮಾಸ್ಕ್‌ಗಿಂತ N95 ಉತ್ತಮವೇ?

ಗಾಳಿಯ ಗುಣಮಟ್ಟವನ್ನು ಅಳೆಯುವ AQI (Air Quality Index) ಪ್ರಮಾಣ ಹೆಚ್ಚಾಗುತ್ತಿದೆ ಎಂದರೆ ವಾತಾವರಣದಲ್ಲಿ ಮಾಲಿನ್ಯಕಾರಕ ಕಣಗಳ ಪ್ರಮಾಣವೂ ಹೆಚ್ಚಿದೆ ಎಂದರ್ಥ. ವಿಶೇಷವಾಗಿ PM2.5 ನಂತಹ ಅತಿ ಸೂಕ್ಷ್ಮ ಕಣಗಳು ಉಸಿರಾಟದ ಮೂಲಕ ಶ್ವಾಸಕೋಶವನ್ನು ತಲುಪಬಹುದು. ಇದರಿಂದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಉಂಟಾಗುವ ಸಾಧ್ಯತೆಯಿದೆ.

ಇಂತಹ ಸಂದರ್ಭಗಳಲ್ಲಿ ಸಾಮಾನ್ಯ ಬಟ್ಟೆಯ ಮಾಸ್ಕ್‌ಗಳು ಅಥವಾ ಶೀತ, ಕೆಮ್ಮಿನ ಸಮಯದಲ್ಲಿ ಬಳಸುವ ಸರ್ಜಿಕಲ್ ಮಾಸ್ಕ್‌ಗಳು ಸಾಕಷ್ಟು ರಕ್ಷಣೆ ನೀಡುವುದಿಲ್ಲ. ಬದಲಾಗಿ N95, KN95, N99 ಮತ್ತು FFP2 ಮಾದರಿಯ ಮಾಸ್ಕ್‌ಗಳನ್ನು ಪರಿಗಣಿಸಬಹುದು. ಇವು ಸೂಕ್ಷ್ಮ ಮಾಲಿನ್ಯಕಾರಕ ಕಣಗಳನ್ನು ಶೋಧಿಸಲು ವಿನ್ಯಾಸಗೊಳಿಸಲಾಗಿವೆ.

N95 ಮತ್ತು KN95 ಮಾಸ್ಕ್‌ಗಳು ಸೂಕ್ತ ಮಾನದಂಡಗಳ ಪ್ರಕಾರ ಶೇ.95ರಷ್ಟು ವಾಯುವಾಹಕ ಕಣಗಳನ್ನು ತಡೆಯುವ ಸಾಮರ್ಥ್ಯ ಹೊಂದಿವೆ. FFP2 ಮಾಸ್ಕ್‌ಗಳು ಶೇ.94ರಷ್ಟು ಕಣಗಳನ್ನು ಶೋಧಿಸಬಲ್ಲವು. ಇನ್ನು N99 ಮಾಸ್ಕ್‌ಗಳು ಶೇ.99ರಷ್ಟು ಕಣಗಳನ್ನು ತಡೆಯುವ ಸಾಮರ್ಥ್ಯ ಹೊಂದಿವೆ. N100 ಮಾಸ್ಕ್‌ಗಳ ಶೋಧನಾ ಸಾಮರ್ಥ್ಯ ಶೇ.99.97ರಷ್ಟಿರುತ್ತದೆ. ಆದರೆ ಈ ಪ್ರಮಾಣಗಳು ನಿರ್ದಿಷ್ಟ ಪರೀಕ್ಷಾ ಮಾನದಂಡಗಳಿಗೆ ಸಂಬಂಧಿಸಿವೆ. ನೈಜ ಬಳಕೆಯಲ್ಲಿ ಮಾಸ್ಕ್ ಮುಖಕ್ಕೆ ಎಷ್ಟು ಸರಿಯಾಗಿ ಹೊಂದಿಕೊಳ್ಳುತ್ತದೆ ಎಂಬುದರ ಮೇಲೂ ರಕ್ಷಣೆ ಅವಲಂಬಿತವಾಗಿರುತ್ತದೆ.

ಮಾಸ್ಕ್ ಧರಿಸುವಾಗ ಈ ತಪ್ಪು ಮಾಡಬೇಡಿ!

ಉತ್ತಮ ಗುಣಮಟ್ಟದ ಮಾಸ್ಕ್ ಖರೀದಿಸಿದರೆ ಮಾತ್ರ ಸಾಲದು. ಅದನ್ನು ಸರಿಯಾದ ರೀತಿಯಲ್ಲಿ ಧರಿಸುವುದೂ ಅಷ್ಟೇ ಮುಖ್ಯ. ಮಾಸ್ಕ್ ಮೂಗು, ಬಾಯಿ ಮತ್ತು ಗಲ್ಲದ ಭಾಗವನ್ನು ಸಂಪೂರ್ಣವಾಗಿ ಮುಚ್ಚಬೇಕು. ಮುಖದ ಅಂಚುಗಳಲ್ಲಿ ಖಾಲಿ ಜಾಗ ಉಳಿದರೆ ಮಾಲಿನ್ಯಕಾರಕ ಕಣಗಳು ಒಳಗೆ ಪ್ರವೇಶಿಸಬಹುದು.

ಪ್ರತಿಯೊಬ್ಬರ ಮುಖದ ಆಕಾರ ಮತ್ತು ಗಾತ್ರ ವಿಭಿನ್ನವಾಗಿರುವುದರಿಂದ ಅದಕ್ಕೆ ಸರಿಹೊಂದುವ ಮಾಸ್ಕ್ ಆಯ್ಕೆ ಮಾಡಿಕೊಳ್ಳಬೇಕು. ಮಕ್ಕಳಿಗೆ ಮಾಸ್ಕ್ ಅಗತ್ಯವಿದ್ದರೆ ಅವರ ಮುಖದ ಅಳತೆಗೆ ತಕ್ಕ ಮಾದರಿಯನ್ನು ಬಳಸಬೇಕು. ಮೂಗಿನ ಮೇಲಿರುವ ಲೋಹದ ಪಟ್ಟಿಯನ್ನು ಸರಿಯಾಗಿ ಹೊಂದಿಸಿ, ಗಾಳಿಯು ಅಂಚುಗಳಿಂದ ಒಳಬರದಂತೆ ನೋಡಿಕೊಳ್ಳುವುದು ಉತ್ತಮ.

ಹೆಚ್ಚು ಸಮಯ ಹೊರಗಿರುವವರು ಯಾವುದನ್ನು ಬಳಸಬೇಕು?

ಕೆಲವರು ಉದ್ಯೋಗ, ಪ್ರಯಾಣ ಅಥವಾ ಇತರ ಕೆಲಸಗಳಿಗಾಗಿ ದಿನದ ಬಹುಪಾಲು ಸಮಯ ಹೊರಗೇ ಕಳೆಯುತ್ತಾರೆ. ಅಂತಹವರು ಕಿವಿಗೆ ನೇತುಹಾಕುವ ಮಾಸ್ಕ್‌ಗಳಿಗಿಂತ ತಲೆಯ ಹಿಂಭಾಗಕ್ಕೆ ಪಟ್ಟಿಗಳ ಮೂಲಕ ಬಿಗಿಯುವ ಮಾಸ್ಕ್‌ಗಳನ್ನು ಪರಿಗಣಿಸಬಹುದು. ಇವು ದೀರ್ಘಕಾಲ ಧರಿಸಿದಾಗ ಹೆಚ್ಚು ಸ್ಥಿರವಾಗಿ ಇರಲು ಸಹಾಯ ಮಾಡುತ್ತವೆ.

ಮಾಸ್ಕ್ ಖರೀದಿಸುವಾಗ ಅದರ ಗುಣಮಟ್ಟ, ತಯಾರಕರ ಮಾಹಿತಿ ಮತ್ತು ಪ್ರಮಾಣೀಕರಣವನ್ನು ಪರಿಶೀಲಿಸಬೇಕು. ಮರುಬಳಕೆಗೆ ಅನುಮತಿ ಇದೆಯೇ ಎಂಬುದನ್ನು ತಿಳಿದುಕೊಳ್ಳುವುದು ಮುಖ್ಯ. ಮರುಬಳಕೆ ಮಾಡಬಹುದಾದ ಮಾಸ್ಕ್‌ಗಳನ್ನು ತಯಾರಕರ ಸೂಚನೆಯಂತೆ ಸ್ವಚ್ಛಗೊಳಿಸಿ ಸಂಗ್ರಹಿಸಬೇಕು. ಮಾಸ್ಕ್ ಒದ್ದೆಯಾದರೆ, ಹಾನಿಗೊಳಗಾದರೆ ಅಥವಾ ಅದರ ಶೋಧನಾ ಸಾಮರ್ಥ್ಯ ಕಡಿಮೆಯಾದರೆ ಬದಲಾಯಿಸಬೇಕು. ಹರಿದ ಅಥವಾ ಸರಿಯಾಗಿ ಹೊಂದಿಕೊಳ್ಳದ ಮಾಸ್ಕ್‌ಗಳನ್ನು ಬಳಸಬಾರದು.

ಅಸ್ತಮಾ ಸಮಸ್ಯೆ ಇರುವವರು ಎಚ್ಚರಿಕೆ ವಹಿಸಿ

ಅಸ್ತಮಾ (Asthma), ಸಿಒಪಿಡಿ (COPD) ಅಥವಾ ಇತರ ಉಸಿರಾಟದ ಸಮಸ್ಯೆ ಇರುವವರು ಮಾಲಿನ್ಯದಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ಮಾಸ್ಕ್ ಬಳಸುವ ಮುನ್ನ ವೈದ್ಯರ ಸಲಹೆ ಪಡೆಯುವುದು ಸೂಕ್ತ. ಕೆಲವು ಮಾಸ್ಕ್‌ಗಳನ್ನು ದೀರ್ಘಕಾಲ ಧರಿಸುವುದರಿಂದ ಉಸಿರಾಟದಲ್ಲಿ ಅಸ್ವಸ್ಥತೆ ಉಂಟಾಗಬಹುದು. ಈಗಾಗಲೇ ಉಸಿರಾಟದ ತೊಂದರೆ ಇರುವವರಿಗೆ ಇದು ಹೆಚ್ಚಿನ ಸಮಸ್ಯೆ ಉಂಟುಮಾಡುವ ಸಾಧ್ಯತೆಯಿದೆ. ಆದ್ದರಿಂದ ತಮ್ಮ ಆರೋಗ್ಯ ಸ್ಥಿತಿಗೆ ಅನುಗುಣವಾಗಿ ಯಾವ ಮಾಸ್ಕ್ ಸೂಕ್ತ ಎಂಬುದನ್ನು ವೈದ್ಯರಿಂದ ತಿಳಿದುಕೊಳ್ಳಬೇಕು.

ಅಂದಹಾಗೆ, ವಾಯುಮಾಲಿನ್ಯ ಹೆಚ್ಚಾಗುತ್ತಿರುವ ಈ ಸಮಯದಲ್ಲಿ ಆರೋಗ್ಯದ ಬಗ್ಗೆ ನಿರ್ಲಕ್ಷ್ಯ ಮಾಡಬಾರದು. ಸೂಕ್ತ ಮಾಸ್ಕ್ ಬಳಕೆ, ಮಾಲಿನ್ಯ ಹೆಚ್ಚಿರುವ ಸಮಯದಲ್ಲಿ ಅನಗತ್ಯವಾಗಿ ಹೊರಗೆ ಹೋಗುವುದನ್ನು ತಪ್ಪಿಸುವುದು ಮತ್ತು ಮನೆಯ ಒಳಗಿನ ಗಾಳಿಯ ಗುಣಮಟ್ಟದ ಬಗ್ಗೆಯೂ ಗಮನಹರಿಸುವುದು ಮುಖ್ಯ. ಮಾಸ್ಕ್ ಸಂಪೂರ್ಣ ರಕ್ಷಣೆಗೆ ಪರ್ಯಾಯವಲ್ಲವಾದರೂ, ಸರಿಯಾದ ರೀತಿಯಲ್ಲಿ ಬಳಸಿದರೆ ಮಾಲಿನ್ಯಕಾರಕ ಕಣಗಳ ಸಂಪರ್ಕವನ್ನು ಕಡಿಮೆ ಮಾಡಲು ನೆರವಾಗಬಹುದು.

Halloween 2026 : ಮಕ್ಕಳ ಜೊತೆ ನೀವು ರೆಡಿಯಾಗ್ಬೇಕಾ? ದುಬಾರಿ ಬಟ್ಟೆ ಬೇಡ, ಹಳೆ ಡ್ರೆಸ್ ಗೆ ನೀಡಿ ಭಯಾನಕ ಲುಕ್

Roopa Hegde — Fri, 30 Oct 2026 18:41:58 +0530

ಪ್ರತಿ ವರ್ಷ ಅಕ್ಟೋಬರ್ 31ರಂದು ವಿಶ್ವದಾದ್ಯಂತ ಹ್ಯಾಲೋವೀನ್ ಹಬ್ಬವನ್ನು ಆಚರಿಸಲಾಗುತ್ತದೆ. ವಿದೇಶಗಳಲ್ಲಿ ಮಾತ್ರವಲ್ಲ ಈಗ ಭಾರತದಲ್ಲೂ ಹ್ಯಾಲೋವೀನ್‌ ಹಬ್ಬ ಆಚರಿಸ್ತಾರೆ. ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಈ ಹ್ಯಾಲೋವೀನ್‌ ಹಬ್ಬಕ್ಕೆ ಸಿದ್ಧಲಾಗಲು ಇಷ್ಟಪಡ್ತಾರೆ. ನೀವೂ ಹ್ಯಾಲೋವೀನ್‌ ಪಾರ್ಟಿಗೆ ಹೋಗ್ತಿದ್ದು, ಬಟ್ಟೆ ಬಗ್ಗೆ ಟೆನ್ಷನ್‌ ಆಗ್ತಿದೆ ನಿಮ್ಮ ಹಳೆ ಡ್ರೆಸ್‌ ಗೆ ಹೊಸ ಲುಕ್‌ ನೀಡುವ ಪ್ಲಾನ್‌ ನಾವು ಹೇಳ್ತೇವೆ.

ಕಪ್ಪು ಬಟ್ಟೆಯಲ್ಲಿ ಭಯಾನಕ ವ್ಯಾಂಪೈರ್ ಲುಕ್

ನಿಮ್ಮ ಬಳಿ ಕಪ್ಪು ಬಣ್ಣದ ಶರ್ಟ್, ಟಾಪ್ ಅಥವಾ ಕುರ್ತಿ ಇದ್ದರೆ ಅದನ್ನೇ ಹ್ಯಾಲೋವೀನ್ ಲುಕ್ಗೆ ಬಳಸಬಹುದು. ಅದರ ಜೊತೆಗೆ ಕಪ್ಪು ಪ್ಯಾಂಟ್ ಅಥವಾ ಸ್ಕರ್ಟ್ ಧರಿಸಿ. ಮುಖಕ್ಕೆ ಸ್ವಲ್ಪ ಫೌಂಡೇಶನ್ ಹಚ್ಚಿ, ಕಣ್ಣುಗಳ ಕೆಳಗೆ ಕಪ್ಪು ಕಾಜಲ್ ಅಥವಾ ಐಶ್ಯಾಡೋ ಬಳಸಿ ಡಾರ್ಕ್ ಎಫೆಕ್ಟ್ ನೀಡಿ. ತುಟಿಗಳಿಗೆ ಕೆಂಪು ಲಿಪ್ಸ್ಟಿಕ್ ಹಚ್ಚಿ, ತುಟಿಗಳ ಅಂಚಿನಿಂದ ಸ್ವಲ್ಪ ಕೆಂಪು ಬಣ್ಣ ಕೆಳಕ್ಕೆ ಹರಿದಂತೆ ಮಾಡಿದರೆ ನಕಲಿ ರಕ್ತದ ಎಫೆಕ್ಟ್ ಸಿಗುತ್ತದೆ. ಅಷ್ಟೇ, ನಿಮ್ಮ ವ್ಯಾಂಪೈರ್ ಲುಕ್ ರೆಡಿ

ಬಿಳಿ ದುಪಟ್ಟಾದಿಂದ ಭೂತದ ವೇಷ

ಹ್ಯಾಲೋವೀನ್ ಪಾರ್ಟಿಯಲ್ಲಿ ಭೂತದ ವೇಷ ಧರಿಸುವುದು ಎಂದಿಗೂ ಹಳೆಯದಾಗದ ಐಡಿಯಾ. ಇದಕ್ಕಾಗಿ ಮನೆಯಲ್ಲಿರುವ ಬಿಳಿ ದುಪಟ್ಟಾ ಅಥವಾ ಹಳೆಯ ಬಿಳಿ ಬೆಡ್ಶೀಟ್ ಬಳಸಬಹುದು. ಅದನ್ನು ಭುಜಗಳ ಮೇಲೆ ಸ್ವಲ್ಪ ಸಡಿಲವಾಗಿ ಸುತ್ತಿಕೊಳ್ಳಿ. ಕಣ್ಣುಗಳ ಸುತ್ತ ಕಪ್ಪು ಬಣ್ಣದ ಮೇಕಪ್ ಮಾಡಿ. ನಿಮ್ಮ ಬಳಿ ಬಿಳಿ ಕುರ್ತಿ ಅಥವಾ ಸಲ್ವಾರ್ ಇದ್ದರೆ ಅದನ್ನೂ ಧರಿಸಬಹುದು. ಬೇಕಿದ್ದರೆ ಬಿಳಿ ಬಟ್ಟೆಯ ಮೇಲೊಂದು ಕಪ್ಪು ಕನ್ನಡಕವನ್ನೂ ಹಾಕಿಕೊಳ್ಳಬಹುದು.

ಕಾಜಲ್ ಬಳಸಿ ಭಯಾನಕ ಜಾಂಬಿ ಮೇಕಪ್

ಜಾಂಬಿ ಲುಕ್ ಪಡೆಯಲು ದುಬಾರಿ ಮೇಕಪ್ ಉತ್ಪನ್ನಗಳ ಅಗತ್ಯವಿಲ್ಲ. ಪ್ರತಿದಿನ ಬಳಸುವ ಕಾಜಲ್, ಐಲೈನರ್ ಮತ್ತು ಲಿಪ್ಸ್ಟಿಕ್ನಿಂದಲೇ ಈ ಲುಕ್ ಸಿದ್ಧಪಡಿಸಬಹುದು. ಕಣ್ಣುಗಳ ಕೆಳಗೆ ಕಾಜಲ್ ಮತ್ತು ಡಾರ್ಕ್ ಐಶ್ಯಾಡೋ ಹಚ್ಚಿ, ನಿದ್ರೆಯಿಲ್ಲದಂತೆ ದಣಿದ ಹಾಗೂ ಭಯಾನಕ ಎಫೆಕ್ಟ್ ನೀಡಿ. ಕೆನ್ನೆಗಳ ಮೇಲೆ ಸ್ವಲ್ಪ ಡಾರ್ಕ್ ಶೇಡ್ ಹಚ್ಚಿ, ತುಟಿಗಳಿಗೆ ಗಾಢ ಬಣ್ಣದ ಲಿಪ್ಸ್ಟಿಕ್ ಬಳಸಿ. ಇದರ ಜೊತೆಗೆ ಹಳೆಯ ಅಥವಾ ಸಡಿಲವಾದ ಬಟ್ಟೆಗಳನ್ನು ಧರಿಸಿದರೆ ಜಾಂಬಿ ಲುಕ್ ಪೂರ್ಣವಾಗುತ್ತದೆ.

ಹಳೆಯ ಬಟ್ಟೆಯಿಂದ ಮಮ್ಮಿ ಲುಕ್

ನಿಮ್ಮ ಬಳಿ ಹಳೆಯ ಬಿಳಿ ಶರ್ಟ್ ಅಥವಾ ಬಿಳಿ ಬಟ್ಟೆ ಇದ್ದರೆ ಅದರಿಂದ ಮಮ್ಮಿ ಲುಕ್ ಸಿದ್ಧಪಡಿಸಬಹುದು. ಬಟ್ಟೆಯನ್ನು ಉದ್ದನೆಯ ಪಟ್ಟಿಗಳಾಗಿ ಕತ್ತರಿಸಿ, ಕೈಗಳ ಮೇಲೆ ಮತ್ತು ಬಟ್ಟೆಯ ಮೇಲ್ಭಾಗದಲ್ಲಿ ಸಡಿಲವಾಗಿ ಸುತ್ತಿಕೊಳ್ಳಿ. ಆದರೆ ಮುಖವನ್ನು ಸಂಪೂರ್ಣವಾಗಿ ಮುಚ್ಚಬೇಡಿ. ಇದರಿಂದ ನೋಡಲು ಅಥವಾ ಉಸಿರಾಡಲು ತೊಂದರೆಯಾಗಬಹುದು. ಕಣ್ಣುಗಳ ಸುತ್ತ ಸ್ವಲ್ಪ ಕಪ್ಪು ಮೇಕಪ್ ಮಾಡಿದರೆ ನಿಮ್ಮ ಮಮ್ಮಿ ಕಾಸ್ಟ್ಯೂಮ್ ಸಿದ್ಧವಾಗುತ್ತದೆ.

ಕೆಂಪು ಲಿಪ್ಸ್ಟಿಕ್ನಿಂದ ಬ್ಲಡಿ ಲುಕ್

ರೆಡಿಯಾಗಲು ಟೈಂ ಇಲ್ಲ ಎನ್ನುವವರು ಇದನ್ನು ಮಾಡ್ಬಹುದು. ಕಪ್ಪು ಅಥವಾ ಗಾಢ ಬಣ್ಣದ ಬಟ್ಟೆ ಧರಿಸಿ. ನಂತರ ಕೆಂಪು ಲಿಪ್ಸ್ಟಿಕ್ ಅನ್ನು ತುಟಿಗಳ ಅಂಚಿನಲ್ಲಿ ಸ್ವಲ್ಪ ಹರಡಿದಂತೆ ಹಚ್ಚಿ, ನಕಲಿ ರಕ್ತದ ಎಫೆಕ್ಟ್ ನೀಡಿ. ಕಣ್ಣುಗಳ ಸುತ್ತ ಕಾಜಲ್ ಹಚ್ಚಿ ಸ್ವಲ್ಪ ಸ್ಮಡ್ಜ್ ಮಾಡಿ. ಕೂದಲನ್ನು ಬಿಟ್ಟುಕೊಂಡು ಅಸ್ತವ್ಯಸ್ತವಾಗಿ ಇರಿಸಿ. ಕೆಲವೇ ನಿಮಿಷಗಳಲ್ಲಿ ನಿಮ್ಮ ಭಯಾನಕ ಹ್ಯಾಲೋವೀನ್ ಲುಕ್ ಸಿದ್ಧವಾಗುತ್ತದೆ.

ಹ್ಯಾಲೋವೀನ್ ಲುಕ್ ಮಾಡುವಾಗ ಈ ಎಚ್ಚರಿಕೆ ಇರಲಿ

ಹ್ಯಾಲೋವೀನ್ ಲುಕ್ಗಾಗಿ ಹೊಸ ಬಟ್ಟೆ ಖರೀದಿಸುವ ಬದಲು ಮನೆಯಲ್ಲಿರುವ ಹಳೆಯ ಬಟ್ಟೆಗಳನ್ನೇ ಬಳಸಿ.ನಕಲಿ ರಕ್ತದ ಎಫೆಕ್ಟ್ಗಾಗಿ ಚರ್ಮಕ್ಕೆ ಸುರಕ್ಷಿತವಾದ ಕಾಸ್ಮೆಟಿಕ್ ಉತ್ಪನ್ನಗಳನ್ನೇ ಬಳಸಿ. ಕಣ್ಣುಗಳ ಒಳಗೆ ಅಥವಾ ಕಣ್ಣುಗಳಿಗೆ ತೀರಾ ಹತ್ತಿರ ಬಣ್ಣ ಅಥವಾ ಲಿಪ್ಸ್ಟಿಕ್ ಹಚ್ಚಬೇಡಿ. ಬಟ್ಟೆಗಳ ಮೇಲೆ ನಿಜವಾದ ರಕ್ತ, ರಾಸಾಯನಿಕ ಅಥವಾ ಚರ್ಮಕ್ಕೆ ಹಾನಿ ಉಂಟುಮಾಡುವ ವಸ್ತುಗಳನ್ನು ಬಳಸಬೇಡಿ.

ಬೆಂಗಳೂರಿನ ಜಂಜಾಟ ಸಾಕು ಅಂತ ಗೋವಾಗೆ ಶಿಫ್ಟ್‌ ಆದ ಜೋಡಿ: ₹75,500 ವೆಚ್ಚದಲ್ಲಿ ನೆಮ್ಮದಿಯ ಸ್ಲೋ ಲೈಫ್ ಕಂಡುಕೊಂಡ ದಂಪತಿ!

Santosh Naik — Fri, 30 Oct 2026 18:15:37 +0530

ಬೆಂಗಳೂರು (ಅ.30): ಮೆಟ್ರೋ ಸಿಟಿಯ ಇಕ್ಕಟ್ಟಿನ ಬದುಕಿನಿಂದ ಹೊರಬಂದು ಸಮುದ್ರದ ತೀರದಲ್ಲಿ ಪ್ರಕೃತಿಯ ಮಡಿಲಿನಲ್ಲಿ ನೆಮ್ಮದಿಯ ಜೀವನ ನಡೆಸಬೇಕೆಂಬುದು ಇಂದಿನ ಬಹುತೇಕ ಐಟಿ ಹಾಗೂ ಕಾರ್ಪೊರೇಟ್ ನೌಕರರ ಕನಸು. ಆದರೆ, ಈ ಕನಸನ್ನು ನನಸು ಮಾಡಿಕೊಳ್ಳಲು ಬರೋಬ್ಬರಿ ಒಂದು ವರ್ಷಕ್ಕೂ ಹೆಚ್ಚು ಕಾಲ ಸೂಕ್ತ ಪ್ಲಾನಿಂಗ್ ನಡೆಸಿ, ಕೊನೆಗೂ ಯಶಸ್ವಿಯಾಗಿ ಗೋವಾಗೆ ಶಿಫ್ಟ್ ಆಗಿದ್ದಾರೆ ಬೆಂಗಳೂರಿನ ದಂಪತಿ ರಾಧಿಕಾ ಹಾಗೂ ಏಕಾಂಶ್ (Radhika and Ekansh). ಬೆಂಗಳೂರು ಬಿಟ್ಟು ಗೋವಾದಲ್ಲಿ ನೆಲೆಸಿ ಒಂದು ತಿಂಗಳು ಪೂರೈಸಿರುವ ಈ ದಂಪತಿ, ತಮಗೆ ಬೆಂಗಳೂರಿನಿಂದ ಗೋವಾಗೆ ಶಿಫ್ಟ್ ಆಗಲು ತಗುಲಿದ ಪ್ರತಿಯೊಂದು ರೂಪಾಯಿಯ ಖರ್ಚಿನ ವಿವರಗಳನ್ನು ಒಳಗೊಂಡ ವಿಡಿಯೋ ಒಂದನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ (Instagram) ಹಂಚಿಕೊಂಡಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ವೈರಲ್ ಆಗಿದೆ.

ಖರ್ಚಿನ ಕಂಪ್ಲೀಟ್ ಬ್ರೇಕಪ್: ಆರಂಭಿಕ ವೆಚ್ಚ ಎಷ್ಟು?

ಒಂದು ನಗರದಿಂದ ಮತ್ತೊಂದು ನಗರಕ್ಕೆ ವಾಸಸ್ಥಳ ಬದಲಾಯಿಸುವುದು ಸಣ್ಣ ಮಾತಲ್ಲ. ಬ್ಯಾಗ್ ಪ್ಯಾಕ್ ಮಾಡಿಕೊಂಡು ಹೋಗುವುದಷ್ಟೇ ಅಲ್ಲದೇ, ಲಗೇಜ್ ಶಿಫ್ಟಿಂಗ್, ಸ್ಟೋರೇಜ್ ಮತ್ತು ಬೆಂಗಳೂರಿನಿಂದ ಗೋವಾಗೆ ರೋಡ್ ಟ್ರಿಪ್ ಮಾಡುವ ವೆಚ್ಚಗಳನ್ನು ರಾಧಿಕಾ ಹಂಚಿಕೊಂಡಿದ್ದಾರೆ. ನಾವು ಹೆಕ್ಟಿಕ್ ಬೆಂಗಳೂರು ನಗರವನ್ನು ಬಿಟ್ಟು ಶಾಂತವಾದ, 'ಸ್ಲೋ ಲೈಫ್' (Slower life) ನಡೆಸುವ ಭರವಸೆಯಿಂದ ಗೋವಾಗೆ ಶಿಫ್ಟ್ ಆಗಿ ಈಗ ಒಂದು ತಿಂಗಳು ಕಳೆದಿದೆ ಎಂದು ವಿಡಿಯೋದಲ್ಲಿ ರಾಧಿಕಾ ಹೇಳಿದ್ದಾರೆ.

ಶಿಫ್ಟಿಂಗ್‌ಗೆ ತಗುಲಿದ ಆರಂಭಿಕ ಖರ್ಚುಗಳು

ಬೆಂಗಳೂರಿನ ಸೊಸೈಟಿ ಬಿಟ್ಟು ವಸ್ತುಗಳನ್ನು ತಾತ್ಕಾಲಿಕವಾಗಿ ಸ್ಟೋರ್ ಮಾಡಲು ₹15,000 ವೆಚ್ಚವಾಗಿತ್ತು ಎಂದು ಹೇಳಿದ್ದರೆ, ಮನೆ ಸಾಮಗ್ರಿಗಳನ್ನು ಬೆಂಗಳೂರಿನಿಂದ ಗೋವಾಗೆ ಸಾಗಿಸಲು 24 ಸಾವಿರ ರೂಪಾಯಿ ಸಾರಿಗೆ ವೆಚ್ಚವಾಗಿದೆ ಎಂದಿದ್ದಾರೆ. ಸ್ವಂತ ಕಾರಿನಲ್ಲಿ ಬೆಂಗಳೂರಿನಿಂದ ಗೋವಾಗೆ ಪಯಣಿಸುವಾಗ ಕಾರ್ ಸರ್ವಿಸಿಂಗ್, ಪಿಯುಸಿ ಹಾಗೂ ಪೆಟ್ರೋಲ್ ಖರ್ಚು ಎಂದು ₹10,000 ಆಗಿದೆ ಎಂದಿದ್ದಾರೆ. ಇನ್ನು ಗೋವಾಗೆ ತಲುಪಿದ ತಕ್ಷಣವೇ ಮನೆ ಸಿಗಲಿಲ್ಲ. ತಮಗೆ ಸೂಕ್ತವಾದ ಮನೆ ಸಿಗುವವರೆಗೆ ರಾಧಿಕಾ ಹಾಗೂ ಏಕಾಂಶ್ ದಂಪತಿ 3 ವಾರಗಳ ಕಾಲ ಕಾಯಬೇಕಾಯಿತು.

3 ವಾರಗಳ ಮನೆ ಹುಡುಕಾಟದ ಸಮಯದಲ್ಲಿ ತಾತ್ಕಾಲಿಕವಾಗಿ ಏರ್‌ಬಿಎನ್‌ಬಿಯಲ್ಲಿ ತಂಗಿದ್ದ ದಂಪತಿ ₹45,000 ಖರ್ಚು ಮಾಡಿದ್ದರು. ಆದರೆ, ಈ ಮೊತ್ತವನ್ನು ಅವರು ತಮ್ಮ ಹೆಚ್ಚುವರಿ ಶಿಫ್ಟಿಂಗ್ ವೆಚ್ಚದ ಪಟ್ಟಿಗೆ ಸೇರಿಸಿಲ್ಲ. ಏಕೆಂದರೆ, ಬೆಂಗಳೂರಿನಲ್ಲಿ ಅವರು ಕಟ್ಟುತ್ತಿದ್ದ ಮಾಸಿಕ ಮನೆ ಬಾಡಿಗೆಗೆ ಇದು ಸಮನಾಗಿತ್ತು ಎಂದು ವಿವರಿಸಿದ್ದಾರೆ.

ಗೋವಾದ ವಿವಿಧ ಮೂಲೆಗಳಲ್ಲಿ ಮನೆ ಹುಡುಕಾಡಲು ಅಲೆದಾಡಿದಾಗ ಪೆಟ್ರೋಲ್‌ಗೆ 5 ಸಾವಿರ ರೂಪಾಯಿ ವೆಚ್ಚವಾಗಿತ್ತು. ಶಿಫ್ಟಿಂಗ್ ಗಡಿಬಿಡಿಯ ಸಮಯದಲ್ಲಿ ದಿನಸಿ, ಆನ್‌ಲೈನ್ ಫುಡ್ ಆರ್ಡರ್ ಹಾಗೂ ಹೊರಗಡೆ ಊಟಕ್ಕಾಗಿ ₹12,000 ವೆಚ್ಚವಾಗಿದೆ. ಕೊನೆಗೂ ಸೂಕ್ತ ಮನೆ ಸಿಕ್ಕ ಬಳಿಕ ಅಲ್ಲಿ ಏರ್ ಕಂಡೀಷನರ್ (AC) ಮತ್ತು ವಾಷಿಂಗ್ ಮೆಷಿನ್ ಫಿಕ್ಸ್ ಮಾಡಲು ಹಾಗೂ ಕಾರ್ಪೆಂಟರ್ ಮತ್ತು ಪ್ಲಂಬರ್ ಕೂಲಿ ಎಲ್ಲಾ ಸೇರಿ ತಗುಲಿದ ವೆಚ್ಚ ₹9,500 ರೂಪಾಯಿ ಎಂದಿದ್ದಾರೆ.

ಒಟ್ಟು ವೆಚ್ಚ ₹75,500: ಇದು ಶೇಕಡಾ 100% ವರ್ತ್!

ಈ ಎಲ್ಲಾ ಹೆಚ್ಚುವರಿ ವೆಚ್ಚಗಳನ್ನು ಒಟ್ಟುಗೂಡಿಸಿದಾಗ, ಬೆಂಗಳೂರಿನಿಂದ ಗೋವಾಗೆ ಪೂರ್ಣಪ್ರಮಾಣದಲ್ಲಿ ಶಿಫ್ಟ್ ಆಗಲು ತಮಗೆ ತಗುಲಿದ ಒಟ್ಟು ಹೆಚ್ಚುವರಿ ಮೊತ್ತ ₹75,500 ಎಂದು ರಾಧಿಕಾ ಸ್ಪಷ್ಟಪಡಿಸಿದ್ದಾರೆ. ಈ ಖರ್ಚು ಸಂಪೂರ್ಣವಾಗಿ ಯೋಗ್ಯವಾದದ್ದು ಎಂದು ಸಮರ್ಥಿಸಿಕೊಂಡಿರುವ ರಾಧಿಕಾ, "ಸಾಮಾನ್ಯವಾಗಿ ಜನರು ಕೇವಲ 5 ದಿನಗಳ ಗೋವಾ ಟ್ರಿಪ್‌ಗಾಗಿ ₹30,000 ದಿಂದ ₹40,000 ಖರ್ಚು ಮಾಡುತ್ತಾರೆ. ಹಾಗಿರುವಾಗ, ಇಡೀ ಬದುಕನ್ನೇ ಗೋವಾದಲ್ಲಿ ಹೊಸದಾಗಿ ಆರಂಭಿಸಲು ನಾವು ₹75,000 ಖರ್ಚು ಮಾಡಿರುವುದು ಖಂಡಿತವಾಗಿಯೂ ಶೇಕಡಾ 100% ಯೋಗ್ಯವಾದ ನಿರ್ಧಾರ" ಎಂದು ಬರೆದುಕೊಂಡಿದ್ದಾರೆ.

ಜೈಪುರ ಬಿಟ್ಟು ಗೋವಾಗೇ ಯಾಕೆ ಬಂದ್ರು?

ಗೋವಾಗೆ ಶಿಫ್ಟ್ ಆಗುವ ಆಲೋಚನೆ ತಮಗೆ ಒಂದು ವರ್ಷದಿಂದ ಇತ್ತು ಎಂದು ದಂಪತಿ ಹೇಳಿದ್ದಾರೆ. ತಮ್ಮ ತಾಯ್ನಾಡಾದ ರಾಜಸ್ಥಾನದ ಜೈಪುರಕ್ಕೆ ಹಿಂತಿರುಗುವ ಅವಕಾಶವಿದ್ದರೂ, ಅವರು ಗೋವಾವನ್ನೇ ಆಯ್ಕೆ ಮಾಡಿಕೊಂಡಿದ್ದೇಕೆ ಎಂಬುದಕ್ಕೂ ಸಕಾರಣ ನೀಡಿದ್ದಾರೆ. ಸಮುದ್ರ ತೀರದ ಹತ್ತಿರ ವಾಸಿಸುವುದು, ಐಟಿ ಮತ್ತು ಕಾರ್ಪೊರೇಟ್ ಪ್ರಪಂಚವನ್ನು ಹೊರತುಪಡಿಸಿ ವಿಭಿನ್ನ ಕ್ಷೇತ್ರಗಳಲ್ಲಿ ಕೆಲಸ ಮಾಡುವ ಸೃಜನಶೀಲ (Creative) ಜನರ ಮಧ್ಯೆ ಇರುವುದು ನಮಗೆ ಕಂಪ್ಲೀಟ್ ಭಿನ್ನ ಅನುಭವ ನೀಡುತ್ತದೆ. ನಮಗೆ ಶಾಂತವಾದ ಬದುಕು ಬೇಕಿತ್ತೇ ಹೊರತು, ಬೋರಿಂಗ್ ಲೈಫ್ ಅಲ್ಲ! ಅದಕ್ಕಾಗಿಯೇ ಗೋವಾವನ್ನು ಆಯ್ಕೆ ಮಾಡಿದೆವು ಎಂದು ಈ ಐಟಿ ದಂಪತಿ ಸಂತಸ ವ್ಯಕ್ತಪಡಿಸಿದ್ದಾರೆ.

ಬ್ರೇಕಪ್ ಆದ ತಕ್ಷಣ ರೇ*ಪ್ ಕೇಸ್ ಹಾಕೋ ಹಾಗಿಲ್ಲ: ಸುಪ್ರೀಂ ಕೋರ್ಟ್‌ನಿಂದ ಬಂತು ಮಹತ್ವದ ತೀರ್ಪು

Ashwini HR — Fri, 30 Oct 2026 17:53:42 +0530

ನವದೆಹಲಿ: ಇಬ್ಬರ ನಡುವಿನ ಪರಸ್ಪರ ಒಪ್ಪಿಗೆಯಿಂದ (ಸಮ್ಮತಿಯಿಂದ) ಕೂಡಿದ ಪ್ರೇಮ ಸಂಬಂಧವು ಕಾಲಕ್ರಮೇಣ ಮುರಿದುಬಿದ್ದ ತಕ್ಷಣವೇ, ಆ ಹಿಂದಿನ ಶಾರೀರಿಕ ಸಾಮೀಪ್ಯವನ್ನು ‘ಅ*ತ್ಯಾ*ಚಾರ’ ಎಂದು ಪರಿಗಣಿಸಲು ಸಾಧ್ಯವಿಲ್ಲ ಎಂದು ಸುಪ್ರೀಂ ಕೋರ್ಟ್ ಅತ್ಯಂತ ಮಹತ್ವದ ತೀರ್ಪು ನೀಡಿದೆ. ಸಂಬಂಧಗಳು ವಿಫಲವಾದಾಗಲೆಲ್ಲಾ ಅವುಗಳನ್ನು ಕ್ರಿಮಿನಲ್ ಪ್ರಕರಣಗಳನ್ನಾಗಿ (ರೇ*ಪ್ ಕೇಸ್) ಬದಲಾಯಿಸುವ ಪ್ರವೃತ್ತಿ ಇತ್ತೀಚೆಗೆ ಹೆಚ್ಚಾಗುತ್ತಿರುವುದರ ಬಗ್ಗೆ ಸರ್ವೋಚ್ಚ ನ್ಯಾಯಾಲಯ ತೀವ್ರ ಕಳವಳ ವ್ಯಕ್ತಪಡಿಸಿದೆ.

ಪಶ್ಚಾತ್ತಾಪಕ್ಕೂ ಮತ್ತು ವಂಚನೆಗೂ ವ್ಯತ್ಯಾಸವಿದೆ

ನ್ಯಾಯಮೂರ್ತಿಗಳಾದ ಬಿ.ವಿ. ನಾಗರತ್ನ ಮತ್ತು ಆರ್. ಮಹದೇವನ್ ಅವರಿದ್ದ ದ್ವಿಸದಸ್ಯ ಪೀಠವು ಈ ಮಹತ್ವದ ಆದೇಶ ನೀಡಿದೆ. "ಆರಂಭದಿಂದಲೇ ಉದ್ದೇಶಪೂರ್ವಕವಾಗಿ ವಂಚಿಸಿ ಲೈಂ*ಗಿಕ ಸಮ್ಮತಿ ಪಡೆಯುವುದಕ್ಕೂ ಮತ್ತು ಸಂಬಂಧ ಮುರಿದುಬಿದ್ದ ನಂತರ ವ್ಯಕ್ತವಾಗುವ ಪಶ್ಚಾತ್ತಾಪ ಅಥವಾ ಅಸಮಾಧಾನಕ್ಕೂ ನಡುವೆ ಸಾಕಷ್ಟು ವ್ಯತ್ಯಾಸವಿದೆ. ಇದನ್ನು ನ್ಯಾಯಾಲಯಗಳು ಸೂಕ್ಷ್ಮವಾಗಿ ಗಮನಿಸಬೇಕು. ಇಬ್ಬರ ಸಮ್ಮತಿಯಿಂದ ನಡೆದ ದೈಹಿಕ ಸಂಬಂಧವನ್ನು, ಸಂಬಂಧ ಹಳಸಿದ ನಂತರ ಕ್ರೂರ ಅ*ತ್ಯಾ*ಚಾರ ಎಂದು ಬಿಂಬಿಸುವುದು ಸರಿಯಲ್ಲ" ಎಂದು ನ್ಯಾಯಪೀಠ ಸ್ಪಷ್ಟಪಡಿಸಿದೆ.

ಸಂಬಂಧದಿಂದ ಹೊರಬರುವ ಹಕ್ಕು ಪುರುಷನಿಗೆ ಇಲ್ವಾ?

ನ್ಯಾಯಪೀಠವು ಈ ವೇಳೆ ಮಹತ್ವದ ಪ್ರಶ್ನೆಯೊಂದನ್ನು ಎತ್ತಿದ್ದು, "ಒಂದು ಕಾಲದಲ್ಲಿ ಪರಸ್ಪರ ಒಪ್ಪಿಗೆಯ ಸಂಬಂಧದಲ್ಲಿದ್ದ ಮಾತ್ರಕ್ಕೆ, ಭವಿಷ್ಯದಲ್ಲಿ ಎಲ್ಲಿ ತನ್ನ ಮೇಲೆ ರೇ*ಪ್ ಕೇಸ್ ಹಾಕುತ್ತಾರೋ ಎಂಬ ಭಯದಿಂದ ಆ ಪುರುಷ ಆ ಸಂಬಂಧದಲ್ಲೇ ಜೀತದಾಳಿನಂತೆ (ಬಂದಿಯಾಗಿ) ಉಳಿಯಬೇಕೇ? ಆ ಸಂಬಂಧದಿಂದ ಹೊರಬರುವ ಹಕ್ಕು ಪುರುಷನಿಗೆ ಇರುವುದಿಲ್ಲವೇ? ಸಂಬಂಧದಿಂದ ಆಚೆ ಬಂದಿದ್ದನ್ನೇ ವಂಚನೆ ಎಂದು ಕರೆಯುವುದು ಹೇಗೆ?" ಎಂದು ಕೋರ್ಟ್ ಪ್ರಶ್ನಿಸಿದೆ. ಇಂತಹ ಧೋರಣೆ ಕ್ರಿಮಿನಲ್ ನ್ಯಾಯಾಂಗ ವ್ಯವಸ್ಥೆಯನ್ನು ದುರುಪಯೋಗಪಡಿಸಿಕೊಳ್ಳುವುದಲ್ಲದೆ, ಆರೋಪಿಯ ವೈಯಕ್ತಿಕ ಘನತೆ ಮತ್ತು ಸ್ವಾತಂತ್ರ್ಯಕ್ಕೆ ಧಕ್ಕೆ ತರುತ್ತದೆ ಎಂದಿದೆ.

ನೈಜ ಅಪರಾಧಗಳ ತೀವ್ರತೆ ಕಡಿಮೆಯಾಗುತ್ತೆ

ಬ*ಲಾತ್ಕಾರ, ನಿಜವಾದ ಲೈಂ*ಗಿಕ ದೌರ್ಜನ್ಯ ಅಥವಾ ಮೋಸದಿಂದ ಒಪ್ಪಿಗೆ ಪಡೆದಂತಹ ಗಂಭೀರ ಪ್ರಕರಣಗಳಲ್ಲಿ ಮಾತ್ರ ಅ*ತ್ಯಾ*ಚಾರ ವಿರೋಧಿ ಕಠಿಣ ಕಾನೂನುಗಳನ್ನು ಬಳಸಬೇಕು. ಮುರಿದುಬಿದ್ದ ಪ್ರತಿಯೊಂದು ಸಮ್ಮತಿಯ ಸಂಬಂಧವನ್ನೂ ರೇ*ಪ್ ಎಂದು ಬಿಂಬಿಸಿದರೆ, ನೈಜ ಲೈಂ*ಗಿಕ ಅಪರಾಧಗಳ ಗಂಭೀರತೆ ಕಡಿಮೆಯಾಗುತ್ತದೆ ಎಂದು ನ್ಯಾಯಾಧೀಶರು ಎಚ್ಚರಿಸಿದ್ದಾರೆ.

ಕೇರಳದ ಪ್ರಕರಣ ರದ್ದು

ಕೇರಳ ಮೂಲದ ಸಂತೋಷ್ ಕುಮಾರ್ ಎನ್.ಪಿ. ಎಂಬುವವರ ವಿರುದ್ಧ ದಾಖಲಾಗಿದ್ದ ಅ*ತ್ಯಾ*ಚಾರ, ವಂಚನೆ ಮತ್ತು ನಂಬಿಕೆದ್ರೋಹದ ಪ್ರಕರಣವನ್ನು ರದ್ದುಗೊಳಿಸಿ ಸುಪ್ರೀಂ ಕೋರ್ಟ್ ಈ ತೀರ್ಪು ನೀಡಿದೆ. ದೂರುದಾರ ಮಹಿಳೆ, "ಸಂತೋಷ್ ಕುಮಾರ್ ಮೊದಲ ಮದುವೆಯನ್ನು ಮುಚ್ಚಿಟ್ಟು ನನ್ನನ್ನು ಎರಡನೇ ವಿವಾಹವಾಗಿ, ಸಮ್ಮತಿ ಪಡೆದು ಶಾರೀರಿಕ ಸಂಬಂಧ ಬೆಳೆಸಿದ್ದರು" ಎಂದು ಆರೋಪಿಸಿದ್ದರು. ಇವರಿಬ್ಬರು 1996 ರಿಂದ 2003 ರವರೆಗೆ ಮೈಸೂರಿನಲ್ಲಿ ಒಟ್ಟಿಗೆ ವಾಸವಾಗಿದ್ದರು. ಈ ಪ್ರಕರಣವನ್ನು ಕೂಲಂಕಷವಾಗಿ ಪರಿಶೀಲಿಸಿದ ಸುಪ್ರೀಂ ಕೋರ್ಟ್, ಸಂತೋಷ್ ಕುಮಾರ್ ವಿರುದ್ಧದ ಕ್ರಿಮಿನಲ್ ಮೊಕದ್ದಮೆಯನ್ನು ಸಂಪೂರ್ಣವಾಗಿ ರದ್ದುಗೊಳಿಸಿದೆ.

ಹೊಸ ಕಾನೂನು ‘ಬಿಎನ್‌ಎಸ್’ (BNS Section 69) ಅನ್ವಯ ಮಹತ್ವ

ದೇಶದಲ್ಲಿ ಜಾರಿಗೆ ಬಂದಿರುವ ನೂತನ ಕ್ರಿಮಿನಲ್ ಕಾನೂನು ‘ಭಾರತೀಯ ನ್ಯಾಯ ಸಂಹಿತೆ’ಯ (BNS) ಸೆಕ್ಷನ್ 69ರ ಅಡಿಯಲ್ಲಿ 'ಮದುವೆಯ ಸುಳ್ಳು ಭರವಸೆ ನೀಡಿ ಶಾರೀರಿಕ ಸಂಪರ್ಕ ಬೆಳೆಸುವುದು' ಶಿಕ್ಷಾರ್ಹ ಅಪರಾಧವಾಗಿದೆ. ಈ ಹಿನ್ನೆಲೆಯಲ್ಲಿ ಸುಪ್ರೀಂ ಕೋರ್ಟ್ ನೀಡಿರುವ ಈ ತೀರ್ಪು, ಕೇವಲ ಬ್ರೇಕಪ್ ಆದ ಮಾತ್ರಕ್ಕೆ ಸುಳ್ಳು ಕೇಸ್ ದಾಖಲಿಸುವುದನ್ನು ತಡೆಯಲು ಅತ್ಯಂತ ನಿರ್ಣಾಯಕ ಮಾರ್ಗಸೂಚಿಯಾಗಲಿದೆ.

ಕೇರಳ ಹೈಕೋರ್ಟ್ ಆದೇಶ ರದ್ದುಗೊಳಿಸಿದ ಸುಪ್ರೀಂ

ಈ ಪ್ರಕರಣದಲ್ಲಿ ಆರೋಪಿ ಸಂತೋಷ್ ಕುಮಾರ್ ತನಗಾದ ಅನ್ಯಾಯದ ವಿರುದ್ಧ ಕೇರಳ ಹೈಕೋರ್ಟ್ ಮೊರೆ ಹೋಗಿದ್ದರು. ಆದರೆ ಹೈಕೋರ್ಟ್ ಪ್ರಕರಣ ರದ್ದುಗೊಳಿಸಲು (Quash) ನಿರಾಕರಿಸಿತ್ತು. ಹೈಕೋರ್ಟ್‌ನ ಆ ಆದೇಶವನ್ನು ದೋಷಪೂರಿತ ಎಂದಿರುವ ಸುಪ್ರೀಂ ಕೋರ್ಟ್, ಕಾನೂನಿನ ದುರುಪಯೋಗವನ್ನು ತಡೆಯಲು ಕ್ರಿಮಿನಲ್ ಮೊಕದ್ದಮೆಯನ್ನು ಸಂಪೂರ್ಣವಾಗಿ ವಜಾಗೊಳಿಸಿದೆ.

ದೀಪಾವಳಿಗೆ ಸಿಂಪಲ್ ಸೂಟ್‌ಗೆ ರಾಯಲ್ ಲುಕ್ ನೀಡಲು ಸ್ಟೈಲಿಂಗ್ ಟಿಪ್ಸ್

Pavna Das — Fri, 30 Oct 2026 17:26:54 +0530

ದೀಪಾವಳಿಗೆ ಸಿಂಪಲ್ ಸೂಟ್‌ಗೆ ರಾಯಲ್ ಲುಕ್

ದೀಪಾವಳಿ ಎಂದರೆ ಬೆಳಕು, ಸಂತೋಷ ಮತ್ತು ಸಂಭ್ರಮದ ಹಬ್ಬ. ಈ ವಿಶೇಷ ಸಂದರ್ಭದಲ್ಲಿ ಪ್ರತಿಯೊಬ್ಬರೂ ಸುಂದರವಾಗಿ ಹಾಗೂ ಸ್ಟೈಲಿಶ್ ಆಗಿ ಕಾಣಲು ಬಯಸುತ್ತಾರೆ. ಹೀಗಿರುವಾಗ ಈ ದೀಪಾವಳಿಗೆ ಹೊಸ ಬಟ್ಟೆ ಖರೀದಿಸುವ ಬದಲು ನಿಮ್ಮ ಹಳೆಯ ಅಥವಾ ಸಿಂಪಲ್ ಸೂಟ್ ಅನ್ನೇ ಧರಿಸಲು ಯೋಚಿಸುತ್ತಿದ್ದರೆ ಚಿಂತಿಸುವ ಅಗತ್ಯವಿಲ್ಲ. ಸರಿಯಾದ ಸ್ಟೈಲಿಂಗ್ ಮತ್ತು ಆಕ್ಸೆಸರೀಸ್‌ಗಳ ಸಹಾಯದಿಂದ ಸರಳವಾದ ಸೂಟ್‌ಗೂ ಹೆವಿ ಹಾಗೂ ರಾಯಲ್ ಲುಕ್ ನೀಡಬಹುದು. ಅದು ಹೇಗೆ ನೋಡೋಣ.

ಹೆವಿ ದುಪಟ್ಟಾದಿಂದ ರಾಯಲ್ ಲುಕ್

ಸರಳವಾದ ಸೂಟ್‌ಗೆ ಹಬ್ಬದ ಕಳೆ ನೀಡಲು ಹೆವಿ ದುಪಟ್ಟಾ ಅತ್ಯುತ್ತಮ ಆಯ್ಕೆಯಾಗಿದೆ. ನಿಮ್ಮ ಸೂಟ್‌ನೊಂದಿಗೆ ಬನಾರಸಿ, ಸಿಲ್ಕ್, ಆರ್ಗೆಂಜಾ ಅಥವಾ ಗೋತಾ-ಪಟ್ಟಿ ವರ್ಕ್ ಇರುವ ದುಪಟ್ಟಾ ಧರಿಸಬಹುದು. ನಿಮ್ಮ ಸೂಟ್ ಒಂದೇ ಬಣ್ಣದಲ್ಲಿದ್ದರೆ ಅದಕ್ಕೆ ಕಾಂಟ್ರಾಸ್ಟ್ ಬಣ್ಣದ ದುಪಟ್ಟಾ ಆಯ್ಕೆ ಮಾಡಿಕೊಳ್ಳಿ. ಇದು ನಿಮ್ಮ ಸಂಪೂರ್ಣ ಲುಕ್‌ಗೆ ವಿಶೇಷ ಮೆರುಗು ನೀಡುತ್ತದೆ.

ಸ್ಟೇಟ್‌ಮೆಂಟ್ ಜ್ಯುವೆಲ್

ಸಿಂಪಲ್ ಸೂಟ್‌ಗೆ ಹೆವಿ ಲುಕ್ ನೀಡುವಲ್ಲಿ ಆಭರಣಗಳ ಪಾತ್ರ ಬಹಳ ಮುಖ್ಯ. ನೀವು ಆಭರಣಗಳನ್ನು ಧರಿಸಲು ಇಷ್ಟಪಡುವವರಾಗಿದ್ದರೆ ಚಾಂದ್‌ಬಾಲಿ, ಕುಂದನ್ ಜುಮ್ಕಾ, ಹೆವಿ ನೆಕ್ಲೆಸ್ ಅಥವಾ ಆಕ್ಸಿಡೈಸ್ಡ್ ಜ್ಯುವೆಲ್ಲರಿ ಆಯ್ಕೆ ಮಾಡಿಕೊಳ್ಳಬಹುದು. ನಿಮ್ಮ ಸೂಟ್‌ನ ಕತ್ತಿನ ವಿನ್ಯಾಸ ಸರಳವಾಗಿದ್ದರೆ ಅದರೊಂದಿಗೆ ಚೋಕರ್ ಅಥವಾ ಸ್ಟೇಟ್‌ಮೆಂಟ್ ನೆಕ್ಲೆಸ್ ಚೆನ್ನಾಗಿ ಹೊಂದಿಕೆಯಾಗುತ್ತದೆ. ಅದೇ ರೀತಿ ಹೆವಿ ಇಯರಿಂಗ್ ಧರಿಸುತ್ತಿದ್ದರೆ ನೆಕ್ಲೆಸ್ ಲೈಟ್ ಆಗಿರಲಿ.

ಬೆಲ್ಟ್‌ನೊಂದಿಗೆ ದುಪಟ್ಟಾವನ್ನು ಸ್ಟೈಲ್ ಮಾಡಿ

ನಿಮ್ಮ ಎಥ್ನಿಕ್ ಲುಕ್‌ಗೆ ಸ್ವಲ್ಪ ಮಾಡರ್ನ್ ಟಚ್ ನೀಡಲು ಬಯಸಿದರೆ ದುಪಟ್ಟಾದೊಂದಿಗೆ ಎಥ್ನಿಕ್ ಬೆಲ್ಟ್ ಟ್ರೈ ಮಾಡಬಹುದು. ಸೊಂಟದ ಭಾಗದಲ್ಲಿ ಬೆಲ್ಟ್ ಧರಿಸುವುದರಿಂದ ಸೂಟ್‌ಗೆ ವಿಭಿನ್ನ ಸ್ಟೈಲ್ ಸಿಗುತ್ತದೆ. ಜೊತೆಗೆ ದುಪಟ್ಟಾ ಕೂಡ ತನ್ನ ಜಾಗದಲ್ಲಿಯೇ ಇರುತ್ತದೆ. ಇದಕ್ಕಾಗಿ ಮೆಟಲ್, ಎಂಬ್ರಾಯ್ಡರಿ ಅಥವಾ ಫ್ಯಾಬ್ರಿಕ್ ಬೆಲ್ಟ್‌ಗಳನ್ನು ಆಯ್ಕೆ ಮಾಡಬಹುದು.

ಫೆಸ್ಟಿವ್ ಫುಟ್‌ವೇರ್ ಆಯ್ಕೆ ಮಾಡಿ

ಒಂದು ಸುಂದರವಾದ ಉಡುಗೆಗೆ ಸೂಕ್ತವಾದ ಫುಟ್‌ವೇರ್ ಕೂಡ ಅಗತ್ಯ. ದೀಪಾವಳಿಯಂದು ನಿಮ್ಮ ಸಿಂಪಲ್ ಸೂಟ್‌ನೊಂದಿಗೆ ಎಂಬ್ರಾಯ್ಡರಿ ವರ್ಕ್ ಇರುವ ಚಪ್ಪಲ್ ಅಥವಾ ಗೋಲ್ಡನ್-ಸಿಲ್ವರ್ ಸ್ಯಾಂಡಲ್‌ಗಳನ್ನು ಧರಿಸಬಹುದು. ಸೂಟ್ ಸರಳವಾಗಿದ್ದರೆ ಸ್ವಲ್ಪ ವರ್ಕ್ ಇರುವ ಚಪ್ಪಲಿಗಳು ನಿಮ್ಮ ಲುಕ್‌ಗೆ ಮತ್ತಷ್ಟು ಮೆರುಗು ನೀಡುತ್ತವೆ. ಆದರೆ ಫುಟ್‌ವೇರ್ ಆಯ್ಕೆ ಮಾಡುವಾಗ ಆರಾಮಕ್ಕೂ ಆದ್ಯತೆ ನೀಡಿ.

ಹೇರ್‌ಸ್ಟೈಲ್‌ನಿಂದ ಬದಲಿಸಿ ನಿಮ್ಮ ಸಂಪೂರ್ಣ ಲುಕ್

ದೀಪಾವಳಿಗೆ ಕೇವಲ ಬಟ್ಟೆ ಮತ್ತು ಆಭರಣಗಳ ಕಡೆಗೆ ಗಮನ ನೀಡಿದರೆ ಸಾಲದು. ನಿಮ್ಮ ಲುಕ್‌ಗೆ ಪರ್ಫೆಕ್ಟ್ ಫಿನಿಶಿಂಗ್ ನೀಡಲು ಸರಿಯಾದ ಹೇರ್‌ಸ್ಟೈಲ್ ಕೂಡ ಮುಖ್ಯ. ಸೂಟ್‌ನೊಂದಿಗೆ ಸ್ಲೀಕ್ ಬನ್, ಲೋ ಬನ್, ಸಾಫ್ಟ್ ಕರ್ಲ್ಸ್ ಅಥವಾ ಹಾಫ್-ಅಪ್ ಹೇರ್‌ಸ್ಟೈಲ್ ಟ್ರೈ ಮಾಡಬಹುದು. ಬನ್‌ನೊಂದಿಗೆ ಹೂವನ್ನ ಮುಡಿದರೆ ಟ್ರೆಡಿಶನಲ್ ಲುಕ್ ಪಡೆಯಬಹುದು. ಇನ್ನು ಓಪನ್ ಹೇರ್ ಸಾಫ್ಟ್ ಕರ್ಲ್ಸ್ ಮಾಡಿಕೊಂಡರೆ ಮಾಡರ್ನ್ ಹಾಗೂ ಸ್ಟೈಲಿಶ್ ಆಗಿ ಕಾಣಬಹುದು.

ಕುಡಿಯುವವರ ಸಂಖ್ಯೆಯಲ್ಲಿ ಭಾರೀ ಇಳಿಕೆ: ಅಮೆರಿಕದ ಷೇರು ಮಾರುಕಟ್ಟೆಯಲ್ಲಿ ಮದ್ಯದ ಕಂಪನಿಗಳಿಗೆ ಹೊಡೆತ!

Ashwini HR — Fri, 30 Oct 2026 17:11:48 +0530

ಅಮೆರಿಕದಲ್ಲಿ ಕುಟುಂಬಗಳ ಒಟ್ಟು ಬಜೆಟ್‌ನಲ್ಲಿ ಮದ್ಯಕ್ಕಾಗಿ ಮೀಸಲಿಡುವ ವೆಚ್ಚದ ಪಾಲು ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ಕುಸಿದಿದೆ. 2025ರಲ್ಲಿ ಅಲ್ಲಿನ ಪ್ರತಿ ಮನೆಯು ಮದ್ಯಕ್ಕಾಗಿ ಸರಾಸರಿ ಕೇವಲ 630 ಡಾಲರ್‌ಗಳನ್ನು ಮಾತ್ರ ಖರ್ಚು ಮಾಡಿದೆ ಎಂದು ‘ಯುಎಸ್ ಬ್ಯೂರೋ ಆಫ್ ಲೇಬರ್ ಸ್ಟ್ಯಾಟಿಸ್ಟಿಕ್ಸ್’ (BLS) ವರದಿ ಬಹಿರಂಗಪಡಿಸಿದೆ. ಜನರಲ್ಲಿ ಆರೋಗ್ಯದ ಬಗ್ಗೆ ಹೆಚ್ಚುತ್ತಿರುವ ಕಾಳಜಿಯೇ ಈ ಮಹತ್ತರ ಬದಲಾವಣೆಗೆ ಕಾರಣ ಎಂದು ವರದಿಗಳು ಸ್ಪಷ್ಟಪಡಿಸಿವೆ.

ಅಮೆರಿಕದ ಜನರ ಜೀವನಶೈಲಿಯಲ್ಲಿ ಗಮನಾರ್ಹ ಬದಲಾವಣೆ ಕಂಡುಬರುತ್ತಿದೆ. ಅಲ್ಲಿನ ನಾಗರಿಕರು ಕ್ರಮೇಣ ಮದ್ಯಪಾನದ ಅಭ್ಯಾಸದಿಂದ ದೂರವಾಗುತ್ತಿದ್ದಾರೆ. ಇದರಿಂದಾಗಿ ಕುಟುಂಬಗಳು ತಮ್ಮ ವಾರ್ಷಿಕ ಬಜೆಟ್‌ನಲ್ಲಿ ಮದ್ಯಕ್ಕಾಗಿ ವ್ಯಯಿಸುವ ಹಣದ ಪ್ರಮಾಣ ದಾಖಲೆ ಮಟ್ಟದಲ್ಲಿ ಕುಸಿದಿದೆ.

40 ವರ್ಷಗಳಲ್ಲೇ ಅತ್ಯಂತ ಕನಿಷ್ಠ ಮಟ್ಟ!

ಯುಎಸ್ ಬ್ಯೂರೋ ಆಫ್ ಲೇಬರ್ ಸ್ಟ್ಯಾಟಿಸ್ಟಿಕ್ಸ್ ಗುರುವಾರ ಬಿಡುಗಡೆ ಮಾಡಿದ ವಾರ್ಷಿಕ ಗ್ರಾಹಕ ವೆಚ್ಚ ಸಮೀಕ್ಷೆಯ ಪ್ರಕಾರ, 2025ರಲ್ಲಿ ಅಮೆರಿಕನ್ ಕುಟುಂಬಗಳ ಸರಾಸರಿ ಒಟ್ಟು ಖರ್ಚಿನಲ್ಲಿ ಮದ್ಯದ ಪಾಲು ಕೇವಲ ಶೇಕಡ 0.77ಕ್ಕೆ ಸೀಮಿತವಾಗಿದೆ. ಅಂದರೆ, ಪ್ರತಿ ಕುಟುಂಬಕ್ಕೆ ಸರಾಸರಿ 630 ಡಾಲರ್ ಮಾತ್ರ. 1984ರಲ್ಲಿ ಇಂತಹ ದತ್ತಾಂಶಗಳನ್ನು ಸಂಗ್ರಹಿಸಲು ಪ್ರಾರಂಭಿಸಿದ ನಂತರ ದಾಖಲಾದ ಅತ್ಯಂತ ಕಡಿಮೆ ಪ್ರಮಾಣ ಇದಾಗಿದೆ. 2020ರ ಕೋವಿಡ್ ಲಾಕ್‌ಡೌನ್ ಸಮಯದಲ್ಲಿ ದಾಖಲಾಗಿದ್ದ ಶೇ. 0.78ರ ದಾಖಲೆಗಿಂತಲೂ ಇದು ಮತ್ತಷ್ಟು ಕುಸಿದಿದೆ.

ಆರೋಗ್ಯದ ಮೇಲಿನ ಕಾಳಜಿ ಮತ್ತು ಮಾರ್ಗಸೂಚಿಗಳ ಪ್ರಭಾವ

ಕರೊನಾ ಸಾಂಕ್ರಾಮಿಕ ರೋಗ ಮುಗಿದಾಗಿನಿಂದಲೂ ಮದ್ಯದ ಮಾರಾಟವು ತೀವ್ರ ಕುಸಿತವನ್ನು ಎದುರಿಸುತ್ತಿದೆ. ಗ್ರಾಹಕರಲ್ಲಿ ಆರೋಗ್ಯ ಮತ್ತು ಫಿಟ್‌ನೆಸ್ ಬಗ್ಗೆ ಜಾಗೃತಿ ಹೆಚ್ಚಾಗಿರುವುದೇ ಇದಕ್ಕೆ ಪ್ರಮುಖ ಕಾರಣ. ಮದ್ಯಪಾನ ಮಾಡುವುದರಿಂದ ಉಂಟಾಗುವ ದುಷ್ಪರಿಣಾಮಗಳ ಬಗ್ಗೆ ಸಾರ್ವಜನಿಕ ಆರೋಗ್ಯ ಸಂಸ್ಥೆಗಳು ನೀಡುತ್ತಿರುವ ಹೊಸ ಎಚ್ಚರಿಕೆಗಳು ಗ್ರಾಹಕರ ಚಿಂತನೆಯನ್ನೇ ಬದಲಾಯಿಸಿವೆ.

ಪ್ರಸಿದ್ಧ ‘ಗ್ಯಾಲಪ್’ (Gallup) ಸಮೀಕ್ಷೆಯ ಫಲಿತಾಂಶಗಳು ಸಹ ಇದನ್ನು ದೃಢಪಡಿಸಿವೆ. ಅಮೆರಿಕದಲ್ಲಿ ಮದ್ಯ ಸೇವಿಸುವವರ ಪ್ರಮಾಣವು ಕಳೆದ ವರ್ಷ ದಾಖಲೆಯ ಶೇಕಡ 54ಕ್ಕೆ ಕುಸಿದಿದ್ದು, ಈ ವರ್ಷವೂ (2026) ಅದೇ ಮಟ್ಟದಲ್ಲಿ ಮುಂದುವರಿದಿದೆ.

ಷೇರು ಮಾರುಕಟ್ಟೆಯಲ್ಲಿ ಮದ್ಯದ ಕಂಪನಿಗಳಿಗೆ ಭಾರಿ ಹೊಡೆತ

ಮದ್ಯ ಮಾರಾಟ ಕುಸಿದಿದ್ದರಿಂದ ಹೂಡಿಕೆದಾರರು ಈ ಕಂಪನಿಗಳ ಮೇಲಿನ ನಂಬಿಕೆಯನ್ನು ಕಳೆದುಕೊಳ್ಳುತ್ತಿದ್ದಾರೆ. ಕಳೆದ ಐದು ವರ್ಷಗಳಲ್ಲಿ ಪ್ರಮುಖ ಮದ್ಯ ಉತ್ಪಾದನಾ ದೈತ್ಯ ಕಂಪನಿಗಳಾದ ‘ಡಿಯಾಜಿಯೋ ಪಿಎಲ್‌ಸಿ’ (Diageo Plc) ಮತ್ತು ‘ಬ್ರೌನ್-ಫಾರ್ಮನ್ ಕಾರ್ಪೊರೇಷನ್’ ಷೇರುಗಳು ಶೇಕಡ 50ಕ್ಕಿಂತ ಹೆಚ್ಚು ಕುಸಿದಿವೆ. ಮತ್ತೊಂದೆಡೆ, ಬಿಯರ್ ತಯಾರಿಕಾ ಕ್ಷೇತ್ರದ ‘ಕಾನ್‌ಸ್ಟೆಲ್ಲೇಷನ್ ಬ್ರಾಂಡ್ಸ್’ ಷೇರುಗಳು ಶೇ. 40ರಷ್ಟು ಮತ್ತು ‘ಮೊಲ್ಸನ್ ಕೂರ್ಸ್ ಬೆವೊರೇಜ್’ ಕಂಪನಿಯ ಷೇರುಗಳು ಶೇ. 11ರಷ್ಟು ನಷ್ಟ ಅನುಭವಿಸಿವೆ.

ಮದ್ಯ ಕಂಪನಿಗಳ ಹೊಸ ತಂತ್ರ

ಕುಸಿಯುತ್ತಿರುವ ಮಾರಾಟವನ್ನು ಮತ್ತೆ ಹೆಚ್ಚಿಸಲು ಮದ್ಯದ ಕಂಪನಿಗಳು ಹೊಚ್ಚ ಹೊಸ ತಂತ್ರಗಳನ್ನು ರೂಪಿಸುತ್ತಿವೆ. ಯುವ ಗ್ರಾಹಕರನ್ನು ಆಕರ್ಷಿಸಲು ಕೈಗೆಟುಕುವ ದರದಲ್ಲಿ ಸಿಗುವ ‘ರೆಡಿ-ಟು-ಡ್ರಿಂಕ್’ (RTD) ಪ್ರಿ-ಮೇಡ್ ಕಾಕ್‌ಟೈಲ್‌ಗಳು ಹಾಗೂ ವಿವಿಧ ಫ್ಲೇವರ್‌ಗಳನ್ನು ಮಾರುಕಟ್ಟೆಗೆ ತರುತ್ತಿವೆ. ಇನ್ನು ಕಡಿಮೆ ಕುಡಿದರೂ ಗುಣಮಟ್ಟದ ಬ್ರ್ಯಾಂಡ್‌ಗಳನ್ನೇ ಇಷ್ಟಪಡುವ ಗ್ರಾಹಕರಿಗಾಗಿ ಪ್ರೀಮಿಯಂ ಆವೃತ್ತಿಯ ಉತ್ಪನ್ನಗಳನ್ನು ಬಿಡುಗಡೆ ಮಾಡುತ್ತಿವೆ.

ಅಮೆರಿಕದ ಇಂದಿನ ಯುವ ಪೀಳಿಗೆ (Gen-Z) ಮದ್ಯಪಾನದಿಂದ ದೂರವಿರಲು ಮುಖ್ಯ ಕಾರಣ ಫಿಟ್‌ನೆಸ್ ಕಾಳಜಿ. ಪಾರ್ಟಿಗಳಲ್ಲಿ ಮದ್ಯ ಕುಡಿಯುವ ಬದಲು 'ಆಲ್ಕೋಹಾಲ್ ರಹಿತ ಬಿಯರ್' (Non-Alcoholic Drinks) ಅಥವಾ ಹಣ್ಣಿನ ರಸಗಳನ್ನು ಕುಡಿಯುವುದು ಅಲ್ಲಿ ಹೊಸ ಟ್ರೆಂಡ್ ಆಗಿದೆ. ಪಾಶ್ಚಿಮಾತ್ಯ ದೇಶಗಳಲ್ಲಿ ಮದ್ಯಪಾನದ ಖರ್ಚು ಹೀಗೆ ಕನಿಷ್ಠ ಮಟ್ಟಕ್ಕೆ ಇಳಿಯುತ್ತಿದ್ದರೆ, ಭಾರತದಲ್ಲಿ ಮಾತ್ರ ಮದ್ಯ ಸೇವನೆ ನಿರಂತರವಾಗಿ ಹೆಚ್ಚುತ್ತಿರುವುದು ಜಾಗತಿಕ ಮಟ್ಟದಲ್ಲಿ ಭಾರಿ ವ್ಯತಿರಿಕ್ತ ಬೆಳವಣಿಗೆಯಾಗಿದೆ.

ತವಾದಿಂದ ಗರಿಗರಿಯಾಗಿ ಏಳ್ಬೇಕಾ ರವೆ ದೋಸೆ? ಹೊಟೇಲ್‌ ರುಚಿ ಇರಬೇಕು ಅಂದ್ರೆ ಈ ಟಿಪ್ಸ್‌ ಫಾಲೋ ಮಾಡಿ

Roopa Hegde — Fri, 30 Oct 2026 14:58:38 +0530

ಸಾಮಾನ್ಯ ಅಕ್ಕಿ ದೋಸೆಗಿಂತ ರವೆ ದೋಸೆ ಸ್ವಲ್ಪ ವಿಭಿನ್ನ. ರವೆ ದೋಸೆ ಮಾಡಲು ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ಗಂಟೆಗಟ್ಟಲೆ ನೆನೆಸಿ, ರುಬ್ಬುವ ಅಗತ್ಯವಿಲ್ಲ. ಬದಲಿಗೆ ರವೆ ಮತ್ತು ಇತರ ಕೆಲವು ಪದಾರ್ಥಗಳನ್ನು ಬಳಸಿ ಸುಲಭವಾಗಿ ಮನೆಯಲ್ಲೇ ತಯಾರಿಸಬಹುದು.

ರವೆ ದೋಸೆ ಮಾಡೋದು ಹೇಗೆ?

ರವೆ ದೋಸೆ ತುಂಬಾ ತೆಳುವಾಗಿ, ಗರಿಗರಿಯಾಗಿರುತ್ತೆ. ಹಾಗಾಗಿ ಜನರು ರವೆ ದೋಸೆಯನ್ನು ಹೆಚ್ಚು ಇಷ್ಟಪಡ್ತಾರೆ. ಬೆಳಗಿನ ತಿಂಡಿ, ಸಂಜೆ ಹೊತ್ತಿನಲ್ಲಿ ಅಥವಾ ಲಘು ರಾತ್ರಿಯ ಊಟಕ್ಕೆ ರವಾ ದೋಸೆ ಉತ್ತಮ ಆಯ್ಕೆ. ಇದನ್ನು ತೆಂಗಿನಕಾಯಿ ಚಟ್ನಿ, ಟೊಮೆಟೊ ಚಟ್ನಿ ಅಥವಾ ಸಾಂಬಾರ್ ಜೊತೆ ಸವಿಯಬಹುದು.

ಆದರೆ ಮನೆಯಲ್ಲಿ ರವೆ ದೋಸೆ ಮಾಡುವಾಗ ಕೆಲವರಿಗೆ ಅದು ತವಾಕ್ಕೆ ಅಂಟಿಕೊಳ್ಳುತ್ತದೆ ಅಥವಾ ಹೋಟೆಲ್ನಲ್ಲಿರುವಂತೆ ಗರಿಗರಿಯಾಗಿ ಬರುವುದಿಲ್ಲ. ಇದಕ್ಕೆ ಹಿಟ್ಟಿನ ಹದ, ತವೆಯ ಉಷ್ಣತೆ ಮತ್ತು ದೋಸೆ ಮಾಡುವ ವಿಧಾನ ಮುಖ್ಯ ಕಾರಣ.

ರವೆ ದೋಸೆ ಹಿಟ್ಟು ತಯಾರಿಸುವ ವಿಧಾನ

ಮೊದಲು ಒಂದು ದೊಡ್ಡ ಪಾತ್ರೆಯಲ್ಲಿ ರವೆ, ಅಕ್ಕಿ ಹಿಟ್ಟು ಮತ್ತು ಮೈದಾ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. ನಂತರ ಇದಕ್ಕೆ ಜೀರಿಗೆ, ಹಸಿಮೆಣಸಿನಕಾಯಿ, ಶುಂಠಿ, ಕೊತ್ತಂಬರಿ ಸೊಪ್ಪು, ಕಾಳುಮೆಣಸು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. ನೀವು ಬಯಸಿದರೆ ಸ್ವಲ್ಪ ಮೊಸರನ್ನೂ ಸೇರಿಸಬಹುದು. ಈಗ ಸ್ವಲ್ಪ ಸ್ವಲ್ಪವೇ ನೀರು ಹಾಕುತ್ತಾ ತೆಳುವಾದ ಹಿಟ್ಟನ್ನು ತಯಾರಿಸಿ. ಸಾಮಾನ್ಯ ದೋಸೆ ಹಿಟ್ಟಿಗಿಂತ ರವಾ ದೋಸೆ ಹಿಟ್ಟು ಹೆಚ್ಚು ತೆಳುವಾಗಿರಬೇಕು. ರವೆಯನ್ನು ನೀವು ಸ್ವಲ್ಪ ಸಮಯ ನೀರಿನಲ್ಲಿ ನೆನೆಹಾಕಿ, ರುಬ್ಬಿಕೊಳ್ಳಬಹುದು.

ಈ ಹಿಟ್ಟನ್ನು ಸುಮಾರು 20ರಿಂದ 30 ನಿಮಿಷಗಳ ಕಾಲ ಮುಚ್ಚಿಡಿ. ಈ ಸಮಯದಲ್ಲಿ ರವೆ ನೀರನ್ನು ಹೀರಿಕೊಂಡು ಹಿಟ್ಟು ಸ್ವಲ್ಪ ಗಟ್ಟಿಯಾಗುತ್ತದೆ. ದೋಸೆ ಮಾಡುವ ಮೊದಲು ಮತ್ತೆ ಸ್ವಲ್ಪ ನೀರು ಸೇರಿಸಿ ಸರಿಯಾದ ಹದಕ್ಕೆ ತನ್ನಿ. ತವೆಯ ಮೇಲೆ ಸುರಿದಾಗ ಸುಲಭವಾಗಿ ಹರಡುವಷ್ಟು ತೆಳುವಾಗಿರಬೇಕು.

ತವೆಯ ಮೇಲೆ ದೋಸೆ ತಯಾರಿಸುವ ವಿಧಾನ

ಮೊದಲು ಕಬ್ಬಿಣದ ತವೆ ಅಥವಾ ನಾನ್ಸ್ಟಿಕ್ ತವೆಯನ್ನು ಚೆನ್ನಾಗಿ ಬಿಸಿ ಮಾಡಿ. ತವೆ ಅತಿಯಾಗಿ ಬಿಸಿಯಾಗಿದ್ದರೆ ಉರಿಯನ್ನು ಸ್ವಲ್ಪ ಕಡಿಮೆ ಮಾಡಿ. ಈಗ ಒಂದು ಸೌಟು ಅಥವಾ ಬಟ್ಟಲಿನಿಂದ ಹಿಟ್ಟನ್ನು ತವೆಯ ಅಂಚಿನಿಂದ ಮಧ್ಯದ ಕಡೆಗೆ ನಿಧಾನವಾಗಿ ಸುರಿಯಿರಿ. ಸಾಮಾನ್ಯ ದೋಸೆಯಂತೆ ಹಿಟ್ಟನ್ನು ತವೆಯ ಮೇಲೆ ಸುತ್ತಲೂ ಹರಡುವ ಅಗತ್ಯವಿಲ್ಲ. ಹಿಟ್ಟು ತಾನಾಗಿಯೇ ಹರಡಿ ಜಾಲರಿಯಂತಹ ವಿನ್ಯಾಸವನ್ನು ಪಡೆಯುತ್ತದೆ.

ದೋಸೆಯ ಅಂಚುಗಳಿಗೆ ಸ್ವಲ್ಪ ಎಣ್ಣೆ ಅಥವಾ ತುಪ್ಪ ಹಾಕಿ. ಮಧ್ಯಮ ಉರಿಯಲ್ಲಿ ದೋಸೆಯ ಅಂಚುಗಳು ಹೊಂಬಣ್ಣಕ್ಕೆ ತಿರುಗಿ ಗರಿಗರಿಯಾಗುವವರೆಗೆ ಬೇಯಿಸಿ. ನಂತರ ನಿಧಾನವಾಗಿ ಮಗುಚಿ ಇನ್ನೊಂದು ಬದಿಯನ್ನೂ ಸ್ವಲ್ಪ ಹೊತ್ತು ಬೇಯಿಸಿ. ದೋಸೆ ಸಿದ್ಧವಾದ ಬಳಿಕ ಮಡಚಿ ತಟ್ಟೆಗೆ ಹಾಕಿ.

ರವೆ ದೋಸೆ ಗರಿಗರಿಯಾಗಲು ಈ ಟಿಪ್ಸ್ ಪಾಲಿಸಿ

• ರವೆ ದೋಸೆ ಗರಿಗರಿಯಾಗಿ ಬರಲು ಹಿಟ್ಟಿನ ಹದ ಬಹಳ ಮುಖ್ಯ. ಹಿಟ್ಟು ಗಟ್ಟಿಯಾಗಿದ್ದರೆ ಜಾಲರಿಯಂತಹ ವಿನ್ಯಾಸ ಬರುವುದಿಲ್ಲ.

• ರವೆ ಪಾತ್ರೆಯ ತಳದಲ್ಲಿ ಕುಳಿತುಕೊಳ್ಳುವುದರಿಂದ ಪ್ರತಿ ದೋಸೆ ಮಾಡುವ ಮೊದಲು ಹಿಟ್ಟನ್ನು ಚೆನ್ನಾಗಿ ಕಲಸಿಕೊಳ್ಳಿ.

• ತವೆ ಅತಿಯಾಗಿ ಬಿಸಿಯಾಗಿದ್ದರೆ ಹಿಟ್ಟು ಸರಿಯಾಗಿ ಹರಡುವುದಿಲ್ಲ. ಆದ್ದರಿಂದ ತಾಪಮಾನ ಗಮನಿಸಿ.

• ದೋಸೆಯ ಕೆಳಭಾಗ ಹೊಂಬಣ್ಣಕ್ಕೆ ತಿರುಗಿ ಗರಿಗರಿಯಾಗುವವರೆಗೆ ಕಾಯಿರಿ. ನಂತರವೇ ತವೆಯಿಂದ ತೆಗೆಯಿರಿ.

ಪ್ರತಿದಿನ ಎರಡೇ ಎರಡು ಹಸಿರುಮೆಣಸು ತಿನ್ನಿ… ಆಮೇಲೆ ಏನೆಲ್ಲಾ ಬದಲಾವಣೆ ಆಗುತ್ತೆ ನೋಡಿ

Pavna Das — Fri, 30 Oct 2026 13:40:23 +0530

ಹಸಿಮೆಣಸಿನಕಾಯಿಯ ಆರೋಗ್ಯ ಪ್ರಯೋಜನಗಳು

ಹೆಚ್ಚಿನ ಜನರು ಹಸಿರು ಮೆಣಸಿನಕಾಯಿ ಸೇವಿಸುವುದರಿಂದ ಆರೋಗ್ಯಕ್ಕೆ ಹಾನಿಯಾಗುತ್ತದೆ ಎಂದು ಭಾವಿಸುತ್ತಾರೆ. ಇದನ್ನು ತಿನ್ನುವುದರಿಂದ ಹೊಟ್ಟೆಯಲ್ಲಿ ಉರಿ, ಗ್ಯಾಸ್ ಮತ್ತು ಆ್ಯಸಿಡಿಟಿ ಸಮಸ್ಯೆಗಳು ಉಂಟಾಗುತ್ತವೆ ಎಂದುಕೊಳ್ಳುತ್ತಾರೆ. ಆದರೆ ಸರಿಯಾದ ಪ್ರಮಾಣದಲ್ಲಿ ಹಸಿರು ಮೆಣಸಿನಕಾಯಿ ಸೇವಿಸುವುದರಿಂದ ಆರೋಗ್ಯಕ್ಕೆ ಹಲವು ಪ್ರಯೋಜನಗಳಿವೆ ಎಂಬುದು ನಿಮಗೆ ತಿಳಿದಿದೆಯೇ? ಮೆಣಸಿನಕಾಯಿ ಸೇವನೆಯಿಂದ ಸಿಗುವ ಆರೋಗ್ಯ ಪ್ರಯೋಜನಗಳ ಬಗ್ಗೆ ವೈದ್ಯರು ಏನು ಹೇಳಿದ್ದಾರೆ ನೋಡಿ.

ತೂಕ ಇಳಿಕೆ ಮತ್ತು ಮೆಟಾಬಾಲಿಸಂ ಹೆಚ್ಚಿಸಲು ಸಹಕಾರಿ:

ಹಸಿರು ಮೆಣಸಿನಕಾಯಿಯಲ್ಲಿ ಕ್ಯಾಪ್ಸೈಸಿನ್ ಎಂಬ ಅಂಶವಿದೆ. ಇದು ದೇಹದ ಮೆಟಾಬಾಲಿಸಂ ಪ್ರಕ್ರಿಯೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಅಲ್ಲದೆ, ದೇಹದಲ್ಲಿ ಹೆಚ್ಚುವರಿ ಕ್ಯಾಲೊರಿಗಳನ್ನು ಸುಡುವ ಪ್ರಕ್ರಿಯೆಗೆ ನೆರವಾಗಬಹುದು. ಇದರಿಂದ ತೂಕವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಲು ಸಹಕಾರಿಯಾಗುತ್ತದೆ.

ಜೀರ್ಣಾಂಗ ವ್ಯವಸ್ಥೆಗೆ ಪ್ರಯೋಜನಕಾರಿ:

ಹಸಿರು ಮೆಣಸಿನಕಾಯಿಯಲ್ಲಿ ಡಯೆಟರಿ ಫೈಬರ್ ಅಂದರೆ ನಾರಿನಂಶವಿದೆ. ಇದು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ. ಮಲಬದ್ಧತೆ ಸಮಸ್ಯೆಯನ್ನು ನಿಯಂತ್ರಿಸಲು ಮತ್ತು ಆಹಾರದಲ್ಲಿರುವ ಪೋಷಕಾಂಶಗಳು ದೇಹಕ್ಕೆ ಸರಿಯಾಗಿ ಹೀರಿಕೊಳ್ಳಲು ನೆರವಾಗುತ್ತದೆ.

ರೋಗನಿರೋಧಕ ಶಕ್ತಿ ಹೆಚ್ಚಿಸಲು ಸಹಕಾರಿ:

ಹಸಿರು ಮೆಣಸಿನಕಾಯಿಯಲ್ಲಿ ವಿಟಮಿನ್ ಸಿ ಹೇರಳವಾಗಿದೆ. ಇದು ದೇಹದ ರೋಗನಿರೋಧಕ ಶಕ್ತಿಯನ್ನು ಬೆಂಬಲಿಸುತ್ತದೆ. ಇದರಿಂದ ಶೀತ, ಕೆಮ್ಮು ಮತ್ತು ಸೋಂಕುಗಳ ವಿರುದ್ಧ ಹೋರಾಡಲು ದೇಹಕ್ಕೆ ಸಹಾಯವಾಗುತ್ತದೆ. ಹಸಿರು ಮೆಣಸಿನಕಾಯಿ ವಿಟಮಿನ್ ಸಿ ಹೊಂದಿರುವ ಉತ್ತಮ ಆಹಾರ ಮೂಲವಾಗಿದೆ.

ರಕ್ತದಲ್ಲಿನ ಸಕ್ಕರೆ ಮಟ್ಟ ನಿಯಂತ್ರಣಕ್ಕೆ ಸಹಕಾರಿ:

ಹಸಿರು ಮೆಣಸಿನಕಾಯಿಯಲ್ಲಿರುವ ಕೆಲವು ಅಂಶಗಳು ರಕ್ತದಲ್ಲಿನ ಸಕ್ಕರೆ ಮಟ್ಟ ಮತ್ತು ಇನ್ಸುಲಿನ್ ಕಾರ್ಯನಿರ್ವಹಣೆಯ ಮೇಲೆ ಸಕಾರಾತ್ಮಕ ಪರಿಣಾಮ ಬೀರಬಹುದು. ಹೀಗಾಗಿ ಮಧುಮೇಹ ಇರುವವರು ತಮ್ಮ ಆಹಾರದಲ್ಲಿ ಸೂಕ್ತ ಪ್ರಮಾಣದಲ್ಲಿ ಇದನ್ನು ಸೇರಿಸಿಕೊಳ್ಳಬಹುದು.

ಹೃದಯದ ಆರೋಗ್ಯಕ್ಕೆ ಪ್ರಯೋಜನಕಾರಿ:

ಹಸಿರು ಮೆಣಸಿನಕಾಯಿಯಲ್ಲಿರುವ ಕ್ಯಾಪ್ಸೈಸಿನ್ ಸೇರಿದಂತೆ ಕೆಲವು ಸಕ್ರಿಯ ಅಂಶಗಳು ಕೆಟ್ಟ ಕೊಲೆಸ್ಟ್ರಾಲ್ ನಿಯಂತ್ರಣಕ್ಕೆ ಮತ್ತು ರಕ್ತನಾಳಗಳ ಆರೋಗ್ಯಕ್ಕೆ ಸಹಾಯ ಮಾಡಬಹುದು. ಅಲ್ಲದೆ, ರಕ್ತ ಹೆಪ್ಪುಗಟ್ಟುವಿಕೆಯ ಅಪಾಯವನ್ನು ಕಡಿಮೆ ಮಾಡುವ ಸಾಧ್ಯತೆಯ ಬಗ್ಗೆಯೂ ಅಧ್ಯಯನಗಳು ನಡೆಯುತ್ತಿವೆ. ಇದರಿಂದ ಹೃದಯದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ನೆರವಾಗಬಹುದು.

ಕೇವಲ ₹5 ಲಕ್ಷ ಹೂಡಿಕೆ, ಈಗ ₹20 ಲಕ್ಷದ ಉದ್ಯಮ! ಬೆಂಗಳೂರಿನ ಮಹಿಳೆಯ ಬಿಂದಿ ಬಿಸಿನೆಸ್‌ಗೆ ಬಾಲಿವುಡ್ ತಾರೆಯರೇ ಗ್ರಾಹಕರು!

Chandrashekar GS — Fri, 30 Oct 2026 14:28:43 +0530

ಪುಟ್ಟ ಬಿಂದಿಯಿಂದ 20 ಲಕ್ಷ ರೂ. ಆದಾಯದವರೆಗೆ; ಬೆಂಗಳೂರಿನ ಮಹಿಳೆಯ ಉದ್ಯಮದ ಯಶಸ್ಸಿನ ಕಥೆ!

ಸಾಮಾನ್ಯವಾಗಿ ಬಿಂದಿಯನ್ನು ಸಾಂಪ್ರದಾಯಿಕ ಅಲಂಕಾರದ ಭಾಗವಾಗಿ ನೋಡುತ್ತೇವೆ. ಆದರೆ ಅದನ್ನೇ ಹೊಸ ಫ್ಯಾಷನ್ ಉತ್ಪನ್ನವನ್ನಾಗಿ ರೂಪಿಸಿ ಉದ್ಯಮ ಕಟ್ಟಬಹುದು ಎಂಬುದನ್ನು ಬೆಂಗಳೂರಿನ ಮೇಘನಾ ಖನ್ನಾ ತೋರಿಸಿಕೊಟ್ಟಿದ್ದಾರೆ. ಕೇವಲ 5 ಲಕ್ಷ ರೂ. ಆರಂಭಿಕ ಬಂಡವಾಳದಲ್ಲಿ ಶುರುವಾದ ಅವರ ‘ದಿ ಬಿಂದಿ ಪ್ರಾಜೆಕ್ಟ್’ 2025ರ ವೇಳೆಗೆ 20 ಲಕ್ಷ ರೂ. ವಾರ್ಷಿಕ ಆದಾಯ ಗಳಿಸಿದೆ. ಕರೀನಾ ಕಪೂರ್, ಕಾಜೋಲ್, ಸೋನಂ ಕಪೂರ್ ಮತ್ತು ತಮನ್ನಾ ಭಾಟಿಯಾ ಅವರಂತಹ ಬಾಲಿವುಡ್ ನಟಿಯರೂ ಈ ಬ್ರ್ಯಾಂಡ್‌ನ ಬಿಂದಿಗಳನ್ನು ಧರಿಸಿದ್ದಾರೆ.

ಕಾರ್ಪೊರೇಟ್ ಕೆಲಸದಿಂದ ಸ್ವಂತ ಉದ್ಯಮದತ್ತ

ಮೇಘನಾ ಖನ್ನಾ ಮಾರ್ಕೆಟಿಂಗ್ ಮತ್ತು ಫೈನಾನ್ಸ್‌ನಲ್ಲಿ ಎಂಬಿಎ ಪದವಿ ಪಡೆದಿದ್ದಾರೆ. ಆರಂಭದಲ್ಲಿ ಕಾರ್ಪೊರೇಟ್ ಕ್ಷೇತ್ರದಲ್ಲಿ ಕೆಲಸ ಮಾಡಿದ ಅವರು, ಸ್ವಂತ ಉದ್ಯಮ ಆರಂಭಿಸುವ ಆಸೆಯಿಂದ ಕೆಲಸ ತೊರೆದರು. 2002ರಲ್ಲಿ ‘ಲೆವಿಟೇಟ್’ ಹೆಸರಿನಲ್ಲಿ ಕೈಯಿಂದ ತಯಾರಿಸಿದ ಆಭರಣಗಳ ಉದ್ಯಮ ಆರಂಭಿಸಿದರು. ಸುಮಾರು 18 ವರ್ಷಗಳ ಕಾಲ ಅದನ್ನು ನಡೆಸಿದರೂ, ಕೋವಿಡ್ ಸಾಂಕ್ರಾಮಿಕದ ಪರಿಣಾಮ 2020ರಲ್ಲಿ ಉದ್ಯಮವನ್ನು ಮುಚ್ಚಬೇಕಾಯಿತು.

ಆದರೆ ಉದ್ಯಮಶೀಲತೆಯ ಆಸಕ್ತಿ ಅವರಲ್ಲಿ ಕಡಿಮೆಯಾಗಲಿಲ್ಲ. 2022ರಲ್ಲಿ ಸ್ನೇಹಿತೆಯೊಂದಿಗೆ ಅಜ್ಜಿಯ ಕಾಲದ ಬಿಂದಿಯ ಬಗ್ಗೆ ಮಾತನಾಡುವಾಗ ಹೊಸ ಆಲೋಚನೆ ಹೊಳೆಯಿತು. ಹಿಂದಿನ ಕಾಲದಲ್ಲಿ ಬಿಂದಿಗೆ ಇದ್ದ ಸಾಂಸ್ಕೃತಿಕ ಮತ್ತು ಭಾವನಾತ್ಮಕ ಮಹತ್ವವನ್ನು ಗಮನಿಸಿದ ಅವರು, ಅದಕ್ಕೆ ಆಧುನಿಕ ವಿನ್ಯಾಸದ ಸ್ಪರ್ಶ ನೀಡಲು ನಿರ್ಧರಿಸಿದರು.

5 ಲಕ್ಷ ರೂ. ಬಂಡವಾಳದಲ್ಲಿ ‘ದಿ ಬಿಂದಿ ಪ್ರಾಜೆಕ್ಟ್’

2022ರ ಡಿಸೆಂಬರ್‌ನಲ್ಲಿ ಮೇಘನಾ ‘ದಿ ಬಿಂದಿ ಪ್ರಾಜೆಕ್ಟ್’ ಆರಂಭಿಸಿದರು. ತಮ್ಮ ಹಿಂದಿನ ಆಭರಣ ಉದ್ಯಮದಲ್ಲಿ ಉಳಿದಿದ್ದ ಕೆಲವು ವಸ್ತುಗಳನ್ನೂ ಹೊಸ ವಿನ್ಯಾಸಗಳಿಗೆ ಬಳಸಿಕೊಂಡರು. ಸಾಂಪ್ರದಾಯಿಕ ಶೈಲಿಯ ಜೊತೆಗೆ ಆಧುನಿಕ ಉಡುಪುಗಳಿಗೂ ಹೊಂದುವಂತೆ ಬಣ್ಣಬಣ್ಣದ, ಆಕರ್ಷಕ ಮತ್ತು ಮರುಬಳಕೆ ಮಾಡಬಹುದಾದ ಬಿಂದಿಗಳನ್ನು ತಯಾರಿಸಿದರು.

ಹಬ್ಬದ ಸಂದರ್ಭಗಳಿಗೆ ವಿಶೇಷ ವಿನ್ಯಾಸಗಳು, ಲೆದರ್ ಮತ್ತು ಟೆಕ್ಸ್‌ಟೈಲ್ ಬಿಂದಿಗಳು ಸೇರಿದಂತೆ ಹಲವು ಮಾದರಿಗಳನ್ನು ಪರಿಚಯಿಸಿದರು. ಇದರಿಂದ ವಿಭಿನ್ನ ಅಭಿರುಚಿಯ ಗ್ರಾಹಕರನ್ನೂ ಸೆಳೆಯಲು ಸಾಧ್ಯವಾಯಿತು.

1,500ಕ್ಕೂ ಹೆಚ್ಚು ಗ್ರಾಹಕರು, ಬಾಲಿವುಡ್‌ನಲ್ಲೂ ಗುರುತು

2025ರ ವೇಳೆಗೆ ಈ ಬ್ರ್ಯಾಂಡ್ 1,500ಕ್ಕೂ ಹೆಚ್ಚು ಗ್ರಾಹಕರನ್ನು ತಲುಪಿತ್ತು. ಮೊದಲ ವರ್ಷದ ಕಾರ್ಯಾಚರಣೆಯಲ್ಲಿ ಸುಮಾರು 10 ಲಕ್ಷ ರೂ. ಆದಾಯ ಗಳಿಸಿದ್ದ ಉದ್ಯಮ, 2025ರಲ್ಲಿ 20 ಲಕ್ಷ ರೂ. ವಾರ್ಷಿಕ ಆದಾಯ ದಾಖಲಿಸಿತು. ಕರೀನಾ ಕಪೂರ್, ಕಾಜೋಲ್, ಸೋನಂ ಕಪೂರ್ ಮತ್ತು ತಮನ್ನಾ ಭಾಟಿಯಾ ಅವರಂತಹ ನಟಿಯರು ಈ ಬಿಂದಿಗಳನ್ನು ಧರಿಸಿರುವುದು ಬ್ರ್ಯಾಂಡ್‌ಗೆ ಮತ್ತಷ್ಟು ಗುರುತನ್ನು ತಂದುಕೊಟ್ಟಿದೆ.

ಸಾಮಾನ್ಯವಾಗಿ ಕಾಣುವ ಸಾಂಪ್ರದಾಯಿಕ ವಸ್ತುವಿಗೂ ಹೊಸ ಆಲೋಚನೆ, ವಿನ್ಯಾಸ ಮತ್ತು ಸೃಜನಶೀಲತೆಯ ಮೂಲಕ ಮಾರುಕಟ್ಟೆಯಲ್ಲಿ ವಿಶೇಷ ಸ್ಥಾನ ಕಲ್ಪಿಸಬಹುದು ಎಂಬುದಕ್ಕೆ ಮೇಘನಾ ಅವರ ಪ್ರಯತ್ನ ಉದಾಹರಣೆಯಾಗಿದೆ.

ಬಿಜೆಪಿ ನಾಯಕ ರೇಣುಕಾಚಾರ್ಯ ಪುತ್ರನ ಮದುವೆಗೆ ಸಿದ್ದರಾಮಯ್ಯಗೆ ಆಹ್ವಾನ, ಹೊನ್ನಾಳಿ ಸೊಸೆ ಯಾರು?

Chethan Kumar — Fri, 30 Oct 2026 13:50:38 +0530

ಬೆಂಗಳೂರು (ಅ.30) ಬಿಜೆಪಿ ನಾಯಕ ಎಂಪಿ ರೇಣುಕಾಚಾರ್ಯ ಪುತ್ರ ಚಂದನ್ ಮದುವೆ ಕಾರ್ಯಕ್ರಮಕ್ಕೆ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯಗೆ ಆಹ್ವಾನ ನೀಡಲಾಗಿದೆ. ಡಿಸೆಂಬರ್ 10 ರಂದು ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಅದ್ದೂರಿಯಾಗಿ ವಿವಾಹ ಮಹೋತ್ಸವ ನಡೆಯಲಿದೆ. ಬಿಎಸ್ ಯಡಿಯೂರಪ್ಪ ಸೇರಿದಂತೆ ಬಿಜೆಪಿ ಪ್ರಮುಖರಿಗೆ ಆಹ್ವಾನ ನೀಡಲಾಗಿದೆ. ಇದೀಗ ಕಾಂಗ್ರೆಸ್ ನಾಯಕರು, ಸರ್ಕಾರದ ಸಚಿವರಿಗೆ ಮದುವೆ ಆಹ್ವಾನ ಪತ್ರಿಕೆ ನೀಡಲಾಗುತ್ತಿದೆ. ಬಿಜೆಪಿ ಹಿರಿಯ ನಾಯಕರನ್ನು ಮದುವೆಗೆ ಆಹ್ವಾನಿಸಲಾಗಿದೆ.

ಮಾಣಿಕ್ಯ ವಜ್ರ ಅರಮನೆ ಮೈದಾನದಲ್ಲಿ ಮದುವೆ

ಮಾರ್ಚ್ 28ರಂದು ಅರಮನೆ ಮೈದಾನದಲ್ಲಿ ಚಂದನ್ ನಿಶ್ಚಾರ್ಥ ನೆರವೇರಿತ್ತು. ಡಿಸೆಂಬರ್ 10 ರಂದು ಮಾಣಿಕ್ಯ ಚಾಮರಾಜ ವಜ್ರ ಅರಮನೆ ಮೈದಾನದಲ್ಲಿ ರೇಣುಕಾಚಾರ್ಯ ಪುತ್ರನ ವಿವಾಹ ಸಮಾರಂಭ ನಡೆಯಲಿದೆ. ಈ ಕುರಿತು ಎಂಪಿ ರೇಣುಕಾಚಾರ್ಯ ಹಾಗೂ ಕುಟುಂಬಸ್ಥರು ಭರ್ಜರಿ ತಯಾರಿಯಲ್ಲಿದ್ದಾರೆ. ನಾಯಕ ರೇಣುಕಾಚಾರ್ಯ ತಮ್ಮ ಮಗನ ಮದುವೆ ಖುಷಿಯನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ನಿಶ್ಚಿತಾರ್ಥಕ್ಕೆ ಆಗಮಿಸಿತ್ತು ಗಣ್ಯರ ದಂಡು

ಮಾರ್ಚ್ 28, 2026ರಂದು ಬೆಂಗಳೂರು ಅರಮನೆ ಮೈದಾನದಲ್ಲಿ ಚಂದನ್ ರೇಣುಕಾಚಾರ್ಯ ನಿಶ್ಚಿತಾರ್ಥ ನಡೆದಿತ್ತು. ಮಾಜಿ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ, ಬಿಜೆಪಿ ನಾಯಕರು ಆಗಮಿಸಿ ಶುಭಕೋರಿದ್ದರು. ಅಶ್ವಿನಿ ಪುನೀತ್ ರಾಜ್‌ಕುಮಾರ್ ಹಾಗೂ ಕುಟುಂಬಸ್ಥರು ಸೇರಿದಂತೆ ಹಲವು ಗಣ್ಯರು ನಿಶ್ಚಿತಾರ್ಥಕ್ಕೆ ಆಗಮಿಸಿದ್ದರು.

ಎಂಪಿ ರೇಣುಕಾಚಾರ್ಯ ಪುತ್ರ ಚಂದನ್ ತಂದೆಯ ರಾಜಕೀಯದಲ್ಲಿ, ಸಾರ್ವಜನಿಕ ಜೀವನದಲ್ಲಿ ಹೆಚ್ಚಾಗಿ ಕಾಣಿಸಿಕೊಂಡಿಲ್ಲ. ಆದರೆ ಹೊನ್ನಾಳಿಯಲ್ಲಿ ಜನಪ್ರಿಯರಾಗಿದ್ದಾರೆ. ಮಾಧ್ಯಮಗಳಲ್ಲಿ, ಸೋಶಿಯಲ್ ಮೀಡಿಯಾಗಳಲ್ಲಿ ಚಂದನ್ ಹೆಚ್ಚಾಗಿ ಕಾಣಿಸಿಕೊಂಡಿಲ್ಲ, ಸಕ್ರಿಯವಾಗಿಲ್ಲ. ಆದರೆ 2022ರಲ್ಲಿ ರೇಣುಕಾಚಾರ್ಯ ಸಹೋದರನ ಮಗ ಚಂದ್ರಶೇಖರ್ ನಿಗೂಢ ಸಾವಿನ ಸಂದರ್ಭದಲ್ಲಿ ಮಾಧ್ಯಮಕ್ಕೆ ಸ್ಪಷ್ಟನೆ ನೀಡಿದ್ದರು. ಸಂಬಂಧಿಯ ನಿಗೂಢ ಸಾವಿನ ತನಿಖೆಗೆ ಆಗ್ರಹಿಸಬೇಕು ಎಂದು ಭಾವುಕರಾಗಿದ್ದರು.

ಎಂಪಿ ರೇಣುಕಾಚಾರ್ಯ ರಾಜಕೀಯ

ಎಂಪಿ ರೇಣುಕಾಚಾರ್ಯ ಬಿಜೆಪಿಯ ಪ್ರಮುಖ ನಾಯಕರಾಗಿ ಗುರುತಿಸಿಕೊಂಡಿದ್ದಾರೆ. ಪ್ರಮುಖವಾಗಿ ಮಾಜಿ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ಬಣದಲ್ಲಿ ಗುರುತಿಸಿಕೊಂಡ ನಾಯಕ. ಕಳೆದ ಕರ್ನಾಟಕ ವಿಧಾನಸಭೆ ಚುನಾವಣೆಯಲ್ಲಿ ಎಂಪಿ ರೇಣುಕಾಚಾರ್ಯ ಹೊನ್ನಾಳಿ ವಿಧಾನಸಭಾ ಕ್ಷೇತ್ರದಲ್ಲಿ ಸೋಲು ಕಂಡಿದ್ದಾರೆ. ಕಾಂಗ್ರೆಸ್‌ನ ಡಿಜಿ ಶಾಂತನಗೌಡ ಬರೋಬ್ಬರಿ 17 ಸಾವಿರ ಮತಗಳ ಅಂತರದಿಂದ ಗೆದ್ದು ಬೀಗಿದ್ದಾರೆ. ಹೊನ್ನಾಳಿ ಕ್ಷೇತ್ರದಲ್ಲಿ ಪ್ರಭಾವಿಯಾಗಿರುವ ಎಂಪಿ ರೇಣುಕಾಚಾರ್ಯ ರಾಜಕಾರಣದಲ್ಲಿ ಸಕ್ರಿಯವಾಗಿದ್ದಾರೆ. ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ಗೆಲುವಿನ ವಿಶ್ವಾಸದಲ್ಲಿದ್ದಾರೆ.

ಗಂಡನ ಆಯಸ್ಸು ವೃದ್ಧಿಗೆ ರಜಪೂತ ವಂಶಸ್ಥೆ Amruthadhaare ಛಾಯಾ ಸಿಂಗ್ ಕರ್ವಾ ಚೌತ್ ಆಚರಣೆ

Suchethana D — Fri, 30 Oct 2026 13:31:35 +0530

ಬೆಂಗಳೂರು: ಗಂಡನ ಆಯಸ್ಸು ವೃದ್ಧಿಗೆ ಉತ್ತರ ಭಾರತದಲ್ಲಿ ಅದರಲ್ಲಿಯೂ ಹೆಚ್ಚಾಗಿ ಪಂಜಾಬ್, ಹರಿಯಾಣ, ಹಿಮಾಚಲ ಪ್ರದೇಶ, ಉತ್ತರ ಪ್ರದೇಶ, ರಾಜಸ್ಥಾನ ಮತ್ತು ದೆಹಲಿ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಆಚರಿಸುವ ಹಬ್ಬ ಕರ್ವಾ ಚೌತ್ (Karwa Chauth). ಹಿಂದೂ ಚಾಂದ್ರಮಾನ ಕ್ಯಾಲೆಂಡರ್‌ನ ಕಾರ್ತಿಕ ಮಾಸದ ಕೃಷ್ಣ ಪಕ್ಷದ ಚತುರ್ಥಿ (ನಾಲ್ಕನೇ ದಿನ)ದಿಂದು ಇದನ್ನು ಆಚರಿಸಲಾಗುತ್ತದೆ. ವಿವಾಹಿತೆಯು ತಮ್ಮ ಪತಿಯ ಉತ್ತಮ ಆರೋಗ್ಯ, ಆಯಸ್ಸು ಮತ್ತು ಯೋಗಕ್ಷೇಮಕ್ಕಾಗಿ ಸೂರ್ಯೋದಯದಿಂದ ಚಂದ್ರೋದಯದವರೆಗೆ ನೀರು ಸಹ ಸೇವಿಸದೆ ಕಠಿಣ ಉಪವಾಸ ಮಾಡಿ ಇದನ್ನು ಆಚರಿಸುವುದು ಇದೆ. ಸಂಜೆ ಸಮಯದಲ್ಲಿ ಶಿವ, ಪಾರ್ವತಿ ಮತ್ತು ಗಣಪತಿ ಪರಿವಾರವನ್ನು ಪೂಜಿಸಿ, ಕರ್ವಾ ಚೌತ್ ಕಥೆ ಕೇಳಲಾಗುತ್ತದೆ. ರಾತ್ರಿ ಚಂದ್ರೋದಯದ ನಂತರ ಚಂದ್ರನಿಗೆ ಅರ್ಘ್ಯ ನೀಡಿ, ಪತಿಯ ಮುಖ ನೋಡಿ ವ್ರತವನ್ನು ಮುಕ್ತಾಯಗೊಳಿಸಲಾಗುತ್ತದೆ.

ಇದನ್ನು ನಿನ್ನೆ ಆಚರಿಸಲಾಗಿತ್ತು. ಸೆಲೆಬ್ರಿಟಿಗಳು ಸೇರಿದಂತೆ ಹಲವಾರು ಮಂದಿ ಇದನ್ನು ಆಚರಿಸಿದರು. ಅದೇ ರೀತಿ, ಅಮೃತಧಾರೆ ಸೀರಿಯಲ್ (Amruthadhaare Serial) ಮೂಲಕ ಎಲ್ಲರ ಮನಸ್ಸನ್ನು ಗೆದ್ದಿರೋ ನಟಿ ಛಾಯಾ ಸಿಂಗ್ ಅವರೂ, ತಮ್ಮ ಪತಿ ಕೃಷ್ಣ ಅವರ ಆಯಸ್ಸು ವೃದ್ಧಿಗೆ ಇದನ್ನು ಆಚರಿಸಿದ್ದು, ಅದರ ವಿಡಿಯೋ ಅನ್ನು ಪತಿ ಕೃಷ್ಣ ಅವರು ಶೇರ್ ಮಾಡಿಕೊಂಡಿದ್ದಾರೆ. ಅಷ್ಟಕ್ಕೂ ನಟಿ ಛಾಯಾ ಸಿಂಗ್ ಅವರು ರಜಪೂತರ ಕುಟುಂಬಸ್ಥರು ಎನ್ನಲಾಗಿದೆ. ಇದೇ ಕಾರಣಕ್ಕೆ, ಅವರು ಈ ಹಬ್ಬವನ್ನು ಆಚರಿಸಿದ್ದಾರೆ.

ನಟಿಯ ಮದುವೆಯ ಕುರಿತು...

ನಟಿಯ ಮದುವೆಯ ಕುರಿತು ಹೇಳುವುದಾದರೆ, ಛಾಯಾ ಸಿಂಗ್ ಮತ್ತು ಕೃಷ್ಣ ಅವರ ದಾಂಪತ್ಯ ಜೀವನಕ್ಕೆ ಈಗ 14 ವರ್ಷ. ಕೃಷ್ಣ ಅವರು ಛಾಯಾ ಅವರಿಗೆ ಪರಿಚಯವಾದದ್ದು ತಮಿಳು ಚಿತ್ರದಲ್ಲಿ ನಟಿಸುವ ಸಮಯದಲ್ಲಿ. ಕೃಷ್ಣ ಅವರೂ ಸಿನಿಮಾರಂಗದಲ್ಲೇ ಇದ್ದು, ತಮಿಳು ಕಿರುತೆರೆಯ ಜನಪ್ರಿಯ ನಟ. 2010ರಲ್ಲಿ ತಮಿಳು ನಟ ಕೃಷ್ಣರನ್ನು ಮೊದಲು ಭೇಟಿಯಾಗಿದ್ದರು. 'ಆನಂದಪುರತು ವೀಡ್' (Anandhapurathu Veedu) ಎಂಬ ಸಿನಿಮಾದ ವೇಳೆ ಭೇಟಿಯಾದ ಇವರು 2012ರಲ್ಲಿ ಮದುವೆಯಾಗಿದ್ದಾರೆ. 2010ರಲ್ಲಿ ತೆರೆ ಕಂಡ ಈ ಚಿತ್ರ ಸೂಪರ್‌ನ್ಯಾಚುರಲ್ ಮಿಸ್ಟರಿ ಸಿನಿಮಾವಾಗಿದ್ದು, ಇವರಿಬ್ಬರೂ ನಟಿಸಿದ್ದಾರೆ. ನಿರ್ದೇಶಕ ಶಂಕರ್ ನಿರ್ಮಾಣದ ಈ ಚಿತ್ರಕ್ಕೆ ಪಾಸಿಟಿವ್ ಪ್ರತಿಕ್ರಿಯೆ ಹೆಚ್ಚು ಸಿಕ್ಕಿತ್ತು. ಈ ಸಿನಿಮಾದಲ್ಲಿ ಛಾಯಾ ಅವರು ನಾಯಕಿ ಪಾತ್ರ ಮಾಡಿದ್ದರೆ ಕೃಷ್ಣ (Krishna) ಅವರು ನೆಗೆಟಿವ್ ಪಾತ್ರ ಮಾಡಿದ್ದರು.

ಮದುವೆ ಸ್ಟೋರಿ

ಅಷ್ಟಕ್ಕೂ ಇವರ ಮದುವೆಯ ಸ್ಟೋರಿಯೂ ಚೆನ್ನಾಗಿದೆ. ಕೃಷ್ಣ ಮತ್ತು ನಮ್ಮಮ್ಮ ಮಾತನಾಡಿಕೊಳ್ತಿದ್ರು. ನನಗೆ ಗೊತ್ತೇ ಇರಲಿಲ್ಲ. ಅದೊಂದು ದಿನ ಕೃಷ್ಣ ಅವರೇ ನನ್ನ ಅಮ್ಮನ ಬಳಿ ಬಂದು ನಿಮ್ಮ ಹುಡುಗಿಯನ್ನು ಇಷ್ಟಪಟ್ಟಿದ್ದೇನೆ, ಮದ್ವೆಯಾಗ್ತೇನೆ ಎಂದ್ರು. ಅಮ್ಮ ಓಕೆ ಅಂದುಬಿಟ್ರು. ನನಗೆ ಏನು ಆಗ್ತಿದೆ ಎಂದೇ ನಿಜಕ್ಕೂ ಗೊತ್ತಿರಲಿಲ್ಲ. ಹೀಗೆ ನಮಗೆ ಮದ್ವೆಯಾಯ್ತು. ಆದರೆ ಕೃಷ್ಣ ಇರುವುದು ಚೆನ್ನೈನಲ್ಲಿ, ಛಾಯಾ ಇರುವುದು ಬೆಂಗಳೂರಿನಲ್ಲಿ. ಇಬ್ಬರೂ ಶೂಟಿಂಗ್ನಲ್ಲಿ ಬಿಜಿ. ಇದೇ ಕಾರಣಕ್ಕೆ ವರ್ಷದಲ್ಲಿ 10 ದಿನ ಕೂಡ ಒಟ್ಟಿಗೇ ಇರುವುದು ಕಷ್ಟವಾಗುತ್ತಿದೆ ಎಂದು ಸಂದರ್ಶನದಲ್ಲಿ ನೋವು ತೋಡಿಕೊಂಡಿದ್ದರು ಛಾಯಾ.

ಕರವಾ ಚೌತ್ ದಿನ ಬಾಯ್‌ ಫ್ರೆಂಡ್ ಇಲ್ಲ ಅಂತ ಸಾಬೀತುಪಡಿಸೋಕೆ ಇಂಥ ಕೆಲ್ಸ ಮಾಡಿದ ಯುವತಿ ! ಅನುಮಾನ ಹೆಚ್ಚಾಗಲು ಕಾರಣವಾಯ್ತು ಸಮಯ

Roopa Hegde — Fri, 30 Oct 2026 13:17:50 +0530

ಪಾಲಕರ ವಿಶೇಷ ಗಮನ ಬೆಳೆಯುತ್ತಿರುವ ಮಕ್ಕಳ ಮೇಲಿರುತ್ತದೆ. ಮಕ್ಕಳು ಏನೂ ಮಾಡಿದ್ರೂ ಅವರನ್ನು ಅನುಮಾನದಿಂದ ನೋಡ್ತಾರೆ. ಪತಿ ಅಥವಾ ಜೀವನ ಸಂಗಾತಿ ಉತ್ತಮ ಆಯಸ್ಸು, ಆರೋಗ್ಯ ವೃದ್ಧಿಗೆ ಅಂತ ಕರವಾ ಚೌತ್‌ ವ್ರತ ಮಾಡ್ತಾರೆ. ಮದುವೆಯಾಗದ ಹುಡುಗಿ ಈ ವ್ರತ ಮಾಡಿದಾಗ ಅನುಮಾನ ಬರೋದು ಸಹಜ. ಆಕೆ ಯಾರಿಗಾಗಿ ವ್ರತ ಮಾಡ್ತಿದ್ದಾಳೆ? ಯಾರನ್ನಾದ್ರೂ ಪ್ರೀತಿ ಮಾಡ್ತಿದ್ದಾಳಾ ಎಂಬ ಪ್ರಶ್ನೆ ಪಾಲಕರನ್ನು ಸಹಜವಾಗಿ ಕಾಡುತ್ತದೆ. ಅದಕ್ಕೆ ಯುವತಿಯೊಬ್ಬಳು ತನ್ನದೇ ರೀತಿಯಲ್ಲಿ ಉತ್ತರ ನೀಡಿದ್ದಾರೆ.

ಆರು ಪರೋಟ ತಿಂದ ಯುವತಿ

ಕರವಾ ಚೌತ್‌ ದಿನ ಯುವತಿ ಆರು ಆಲೂ ಪರೋಟ ತಿನ್ನುವ ಮೂಲಕ ನನಗೆ ಯಾರೂ ಬಾಯ್ ಫ್ರೆಂಡ್‌ ಇಲ್ಲ ಎಂಬುದನ್ನು ಪಾಲಕರಿಗೆ ಪರೋಕ್ಷವಾಗಿ ಹೇಳಿದ್ದಾಳೆ. ಇದಕ್ಕೂ ಒಂದು ಕಾರಣವಿದೆ. ಮೂಲಗಳ ಪ್ರಕಾರ, ಕಳೆದ ಮೂರು ವರ್ಷಗಳಿಂದ ಕರವಾಚೌತ್ ದಿನ ಯುವತಿ ಹೊಟ್ಟೆ ನೋವು ಎನ್ನುತ್ತ ಊಟ ಮಾಡದೆ ಉಪವಾಸ ಇರ್ತಿದ್ಲು. ಇದನ್ನು ಪೋಷಕರು ಗಮನಿಸಿದ್ದರು. ಇದರಿಂದ ಮಗಳಿಗೆ ಯಾರೋ ಬಾಯ್ಫ್ರೆಂಡ್ ಇದ್ದಾನೆ, ಆತನಿಗಾಗಿ ಉಪವಾಸ ಮಾಡುತ್ತಿದ್ದಾಳೆ ಎಂಬ ಅನುಮಾನ ಪೋಷಕರಲ್ಲಿ ಮೂಡಿತ್ತು.

ಈ ಅನುಮಾನಕ್ಕೆ ಅಂತ್ಯ ಹಾಡಬೇಕು ಎಂದು ನಿರ್ಧರಿಸಿದ ಯುವತಿ, ಈ ಬಾರಿ ಕರವಾಚೌತ್ ದಿನ ಕುಟುಂಬದವರ ಎದುರೇ ಆರು ಆಲೂ ಪರೋಟ ಗಳನ್ನು ತಿಂದಿದ್ದಾಳೆ. ಯಾರಿಗೋಸ್ಕರವೂ ತಾನು ಉಪವಾಸ ಮಾಡುವ ಉದ್ದೇಶ ಹೊಂದಿಲ್ಲ ಎಂಬುದನ್ನು ಸಾಬೀತುಪಡಿಸುವ ಪ್ರಯತ್ನ ಮಾಡಿದ್ದಾಳೆ.

ಪರೋಟ ತಿಂದ್ಮೇಲೆ ಮತ್ತಷ್ಟು ಅನುಮಾನ

ಮಗಳು ಹೊಟ್ಟೆತುಂಬಾ ಊಟ ಮಾಡುತ್ತಿದ್ದನ್ನು ನೋಡಿ ತಾಯಿಗೆ ಸಮಾಧಾನವೇನೋ ಆಗಿದೆ. ಆದ್ರೆ ಯುವತಿ ಆರು ಪರೋಟ ತಿಂದ ನಂತ್ರ ಕುಟುಂಬದವರಿಗೆ ಮತ್ತಷ್ಟು ಅನುಮಾನ ಶುರುವಾಗಿದೆ. ಕರವಾಚೌತ್ ಉಪವಾಸ ಮುರಿಯುವ ಸಮಯದಲ್ಲೇ ಆಕೆ ಆರು ಪರೋಟಗಳನ್ನು ತಿಂದಿದ್ದಾಳೆ. ಇದು ಕೇವಲ ಕಾಕತಾಳೀಯವೇ ಅಥವಾ ಪೋಷಕರ ಅನುಮಾನದಲ್ಲಿ ಏನಾದರೂ ಸತ್ಯವಿದೆಯೇ ತಿಳಿದಿಲ್ಲ. ಸೋಶಿಯಲ್ ಮೀಡಿಯಾದಲ್ಲಿ ಇದಕ್ಕೆ ಸಾಕಷ್ಟು ಕಮೆಂಟ್ ಬಂದಿದೆ. ಹುಡುಗಿ ಪ್ರೀತಿಸುತ್ತಿರುವ ಹುಡುಗನ ಜಾತಿ, ಪ್ರದೇಶದ ಬಗ್ಗೆ ಬಳಕೆದಾರರು ಅನುಮಾನ ವ್ಯಕ್ತಪಡಿಸಿದ್ದಾರೆ.

ಅಮೆರಿಕಾದಲ್ಲಿ ಕರವಾಚೌತ್‌ ಆಚರಿಸಿಕೊಂಡ ಪ್ರಿಯಾಂಕಾ ಚೋಪ್ರಾ, ಪತಿ ನಿಕ್‌ ಜೋನಸ್‌ ನೀಡಿದ ಸರ್ಪ್ರೈಸ್‌ ಗೆ ಮನಸೋತ ನಟಿ

Roopa Hegde — Fri, 30 Oct 2026 12:27:55 +0530

ವಿದೇಶದಲ್ಲಿದ್ರೂ ದೇಶದ ಸಂಪ್ರದಾಯವನ್ನು ನಟಿ ಪ್ರಿಯಾಂಕಾ ಚೋಪ್ರಾ ಬಿಟ್ಟಿಲ್ಲ. ಪ್ರತಿ ವರ್ಷದಂತೆ ಈ ವರ್ಷವೂ ಅವರು ಅಮೆರಿಕದ ಲಾಸ್ ಏಂಜಲೀಸ್ನಲ್ಲಿ ಕರವಾಚೌತ್ ಆಚರಿಸಿದ್ದಾರೆ. ಈ ಬಾರಿ ಅವರ ಕರವಾ ಚೌತ್‌ ಸ್ವಲ್ಪ ವಿಶೇಷವಾಗಿತ್ತು. ಕರವಾಚೌತ್ ದಿನ ಪತಿ ನಿಕ್‌ ಪತ್ನಿ ಪ್ರಿಯಾಂಕಾ ಚೋಪ್ರಾ ಅವರಿಗೆ ಸರ್ಪ್ರೈಸ್‌ ನೀಡಿದ್ದರು. ಇದನ್ನು ಪ್ರಿಯಾಂಕಾ ಚೋಪ್ರಾ ಇನ್ಸ್ಟಾಗ್ರಾಮ್‌ ನಲ್ಲಿ ಹಂಚಿಕೊಂಡಿದ್ದಾರೆ.

ಪ್ರಿಯಾಂಕಾ ಚೋಪ್ರಾಗೆ ನಿಕ್‌ ಸರ್ಪ್ರೈಸ್

ಪ್ರಿಯಾಂಕಾ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋಗಳಲ್ಲಿ ಅವರು ಸುಂದರವಾದ ದೇಸಿ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಪತಿ ನಿಕ್ ಜೋನಸ್ ಮತ್ತು ಮಗಳು ಮಾಲ್ತಿ ಮೇರಿ ಚೋಪ್ರಾ ಜೋನಸ್ ಅವರ ಝಲಕ್ ಕೂಡ ಫೋಟೋಗಳಲ್ಲಿ ಸೆರೆಯಾಗಿದೆ. ಒಂದು ಫೋಟೋದಲ್ಲಿ ಮಾಲ್ತಿಯ ಪುಟ್ಟ ಶೂಗಳು ಕಾಣಿಸಿಕೊಂಡರೆ, ಮತ್ತೊಂದು ಫೋಟೋದಲ್ಲಿ ನಿಕ್ ತಮ್ಮ ಮುಖವನ್ನು ಮರೆಮಾಡಿಕೊಂಡಿರುವುದು ಗಮನ ಸೆಳೆದಿದೆ. ಇದರ ಜೊತೆಗೆ ಪ್ರಿಯಾಂಕಾ ತಮ್ಮ ಮಂಗಳಸೂತ್ರ, ಹಾರ ಸೇರಿದಂತೆ ಸುಂದರವಾದ ಆಭರಣಗಳ ಫೋಟೋಗಳನ್ನೂ ಹಂಚಿಕೊಂಡಿದ್ದಾರೆ. ಇದೇ ವೇಳೆ ನಿಕ್‌ ಅವರು ಪತ್ನಿಗೆ ಸರ್ಪ್ರೈಸ್‌ ನೀಡಿದ್ದಾರೆ. ಅವರ ಟ್ರಿಪ್‌ ಅರ್ಧಕ್ಕೆ ನಿಲ್ಲಿಸಿ ಅವರು ಮನೆಗೆ ವಾಪಸ್‌ ಬಂದು ಪತ್ನಿ ಜೊತೆ ಕರವಾ ಚೌತ್‌ ಆಚರಿಸಿಕೊಂಡಿದ್ದಾರೆ.

ಪ್ರಿಯಾಂಕಾ ಚೋಪ್ರಾ ಪೋಸ್ಟ್ನಲ್ಲಿ ಬರೆದಿದ್ದೇನು?

ಇನ್ಸ್ಟಾಗ್ರಾಮ್ ಪೋಸ್ಟ್ಗೆ ಪ್ರಿಯಾಂಕಾ ವಿಶೇಷವಾದ ಕ್ಯಾಪ್ಷನ್ ಬರೆದಿದ್ದಾರೆ. ನಾನು ಹೇಳದೆಯೇ ಅವರು ಮನೆಗೆ ಬಂದರು. ಈ ದಿನ ನನಗೆ ಎಷ್ಟು ಮುಖ್ಯ ಎಂಬುದು ಅವರಿಗೆ ತಿಳಿದಿತ್ತು. ಕರವಾಚೌತ್ ದಿನ ಮನೆಯಲ್ಲಿರಲು ಸಾಧ್ಯವಾಗುವಂತೆ ತಮ್ಮ ಟೂರ್ನ ವೇಳಾಪಟ್ಟಿಯನ್ನು ಯೋಜಿಸಿದ್ದರು. ನನ್ನ ಸಂಗಾತಿಯಂತಹ ವ್ಯಕ್ತಿ ಬೇರಾರೂ ಇಲ್ಲ. ನಿಮ್ಮೆಲ್ಲರಿಗೂ ಇಂತಹ ಪ್ರೀತಿ ಸಿಗಲಿ. ಹ್ಯಾಪಿ ಕರವಾಚೌತ್ ಎಂದು ಬರೆದುಕೊಂಡಿದ್ದಾರೆ.

ಪ್ರಿಯಾಂಕಾ ಅವರ ಈ ಪೋಸ್ಟ್ಗೆ ಅಭಿಮಾನಿಗಳು ಹಾರ್ಟ್ ಎಮೋಜಿಗಳ ಸುರಿಮಳೆಗೈದಿದ್ದಾರೆ. ಸುಮಾರು 38 ಲಕ್ಷಕ್ಕೂ ಹೆಚ್ಚು ಮಂದಿ ಈ ಪೋಸ್ಟ್ಗೆ ಲೈಕ್ ಮಾಡಿದ್ದಾರೆ. ನಿಕ್ ಈ ಸಂಸ್ಕೃತಿಯನ್ನು ಅಳವಡಿಸಿಕೊಂಡಿರುವ ರೀತಿ, ಅದಕ್ಕೆ ನೀಡುವ ಗೌರವ ಮತ್ತು ಅದರಲ್ಲಿ ಸಂಪೂರ್ಣವಾಗಿ ಬೆರೆತುಹೋಗಿರುವುದು ನಿಜಕ್ಕೂ ಸುಂದರವಾಗಿದೆ. ನಿಮ್ಮ ಜೀವನದಲ್ಲಿ ಇಂತಹ ವ್ಯಕ್ತಿ ಇರುವುದಕ್ಕೆ ಖುಷಿಯಾಗುತ್ತದೆ ಕಮೆಂಟ್‌ ಬಂದಿದೆ. ಇನ್ನೊಬ್ಬರು, ನಮ್ಮ ದೇಸಿ ಗರ್ಲ್ಗೆ ಅತ್ಯುತ್ತಮ ಜೋನಸ್ ಸಹೋದರ ಸಿಕ್ಕಿದ್ದಾರೆ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, ಬೇರೆ ದೇಶಕ್ಕೆ ಹೋದರೂ ಪ್ರಿಯಾಂಕಾ ತಮ್ಮ ಬೇರುಗಳನ್ನು ಮರೆತಿಲ್ಲ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಯಾವ ಟೂರ್ನಲ್ಲಿದ್ದಾರೆ ನಿಕ್ ಜೋನಸ್?

ನಿಕ್ ಜೋನಸ್ ತಮ್ಮ ಸಹೋದರರಾದ ಜೋ ಮತ್ತು ಕೆವಿನ್ ಜೋನಸ್ ಜೊತೆ ಜೋನಸ್ ಬ್ರದರ್ಸ್ ತಂಡದ ಬರ್ನಿಂಗ್ ಅಪ್ ಟೂರ್ ಆಲ್ ಓವರ್ ಅಗೇನ್ ಮ್ಯೂಜಿಕ್‌ ಟೂರ್‌ನಲ್ಲಿದ್ದಾರೆ. 2008ರ ಅವರ ಬರ್ನಿಂಗ್ ಅಪ್ ಟೂರ್ ನಿಂದ ಪ್ರೇರಿತವಾಗಿರುವ ಈ ಉತ್ತರ ಅಮೆರಿಕದ ಸಂಗೀತ ಪ್ರವಾಸ 2026ರ ಆಗಸ್ಟ್ 20ರಂದು ನ್ಯೂಯಾರ್ಕ್ನಲ್ಲಿ ಆರಂಭವಾಗಿದೆ. ಡಿಸೆಂಬರ್ವರೆಗೆ ನಡೆಯಲಿರುವ ಈ ಟೂರ್ನಲ್ಲಿ ಅಮೆರಿಕ ಮತ್ತು ಕೆನಡಾದ ಹಲವು ನಗರಗಳಲ್ಲಿ ಅವರು ಸಂಗೀತ ಕಾರ್ಯಕ್ರಮಗಳನ್ನು ನೀಡಲಿದ್ದಾರೆ.

ಇನ್ನು ಪ್ರಿಯಾಂಕಾ ಚೋಪ್ರಾ ಮತ್ತು ನಿಕ್ ಜೋನಸ್ 2018ರ ಡಿಸೆಂಬರ್ನಲ್ಲಿ ಭಾರತದ ಜೋಧ್ಪುರದಲ್ಲಿ ವಿವಾಹವಾಗಿದ್ದರು. ಈ ದಂಪತಿಗೆ ಮಾಲ್ತಿ ಮೇರಿ ಚೋಪ್ರಾ ಜೋನಸ್ ಎಂಬ ಮಗಳಿದ್ದಾಳೆ.

Bigg Boss ಮನೆಯಲ್ಲೇ ಸೌಂದರ್ಯ ಮದ್ವೆ ಫಿಕ್ಸ್: ಯಾರಿಗೆ ಒಲಿದ್ರು ಶೆಟ್ಟಿ ಡಾನ್? ರಕ್ಷಿತಾ ಎದುರು ಮಾತುಕತೆ

Suchethana D — Fri, 30 Oct 2026 12:18:47 +0530

ಬೆಂಗಳೂರು: ಬಿಗ್ಬಾಸ್ 13 (Bigg Boss 13) ಈಗ ಏಳನೇ ವಾರಕ್ಕೆ ಕಾಲಿಟ್ಟಿದೆ. ಇದೀಗ ಮನೆಯೊಳಕ್ಕೆ ರಕ್ಷಿತಾ ಶೆಟ್ಟಿ ಎಂಟ್ರಿಕೊಡುತ್ತಲೇ ಸಪ್ಪೆಯಾಗಿದ್ದ ಬಿಗ್ಬಾಸ್ 13ನೇ ಸೀಸನ್ ಚಿಗುರಿಕೊಂಡಿದೆ. ಇದಾಗಲೇ ಮನೆಯೊಳಕ್ಕೆ ಮದುವೆಯ ಟಾಸ್ಕ್ಕೂಡ ನೀಡಲಾಗಿತ್ತು. ಒಂದು ಕಡೆ ಗಗನ್ ಚಿನ್ನಪ್ಪ ಮತ್ತು ಇನ್ನೊಂದು ಕಡೆ ಯಶಸ್ ಸೌಂದರ್ಯ ಶೆಟ್ಟಿ ಅವರನ್ನು ಒಲಿಸಿಕೊಳ್ಳಲು ಪ್ರಯತ್ನ ಪಟ್ಟಿದ್ದರು. ಹೆಣ್ಣುಮಕ್ಕಳ ಮನಸ್ಸನ್ನು ಹೇಗೆ ಗೆಲ್ಲಬೇಕು ಎಂದು ರಕ್ಷಿತಾ ಶೆಟ್ಟಿ ಕೂಡ ಟಿಪ್ಸ್ ಕೊಟ್ಟಿದ್ದರು. ಇವೆಲ್ಲಾ ಆದ ಮೇಲೆ ಸೌಂದರ್ಯ ಅವರ ಮನಸ್ಸನ್ನು ಗೆಲ್ಲುವುದು ಟಾಸ್ಕ್ ಆಗಿತ್ತು. ಇದಕ್ಕಾಗಿ ಗಗನ್ ಮತ್ತು ಯಶಸ್ ನಡುವೆ ಸಾಕಷ್ಟು ಜಟಾಪಟಿಯೂ ನಡೆದಿತ್ತು. ಒಂದು ಹಂತದಲ್ಲಿ ಇಬ್ಬರೂ ಸೀರಿಯಸ್ ಎನ್ನುವಷ್ಟರ ಮಟ್ಟಿಗೆ ಜಗಳ ಮಾಡಿಕೊಂಡಿದ್ದರು. ಆದರೆ ಕೊನೆಗೆ ಇಬ್ಬರೂ ಒಂದಾಗಿದ್ದರು.

ಯಾರಿಗೆ ಒಲಿದ್ರು ಸೌಂದರ್ಯ

ಇದರ ನಡುವೆಯೇ, ಒಬ್ಬರು ಶೆಟ್ಟಿ ಡಾನ್ ಎಂದೇ ಫೇಮಸ್ ಆಗಿರೋ ಸೌಂದರ್ಯ ಶೆಟ್ಟಿ (Bigg Boss Soundarya Shetty) ಮನಸ್ಸನ್ನು ಒಲಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಇಬ್ಬರಲ್ಲಿ ಒಬ್ಬರಿಗೆ ಸೌಂದರ್ಯ ಒಲಿದಿದ್ದಾರೆ. ಇದರಿಂದಾಗಿ ಬಿಗ್ಬಾಸ್ ಮನೆಯೊಳಕ್ಕೆ ಮದುವೆ ಮಾತುಕತೆ ನಡೆದಿದೆ. ಸೌಂದರ್ಯ ಮದ್ವೆಗೆ ಸೈ ಎಂದಿದ್ದಾರೆ. ಅಷ್ಟಕ್ಕೂ ಇದೇನು ಸೀರಿಯಲ್ ಮದುವೆಯಲ್ಲ. ಕೇವಲ ಟಾಸ್ಕ್ ಅಷ್ಟೇ ಅನ್ನಿ.

ಆದರೂ, ಇದು ಸೀರಿಯಲ್ ಎನ್ನುವಷ್ಟರ ಮಟ್ಟಿಗೆ ಹೋಗಿತ್ತು. ಅಷ್ಟಕ್ಕೂ, ಯಶಸ್ ಮತ್ತು ಸೌಂದರ್ಯ ಬಾಂಡಿಂಗ್ ಮೊದಲಿನಿಂದಲೂ ಚೆನ್ನಾಗಿಯೇ ಇದೆ. ಗಗನ್ ಅವರ ಜೊತೆಯೂ ಸೌಂದರ್ಯ ಚೆನ್ನಾಗಿದ್ದಾರೆ. ಆದರೆ ಈ ಹಿಂದೆ ಸೌಂದರ್ಯ ಶೆಟ್ಟಿ ಅವರು ಓಪನ್ ಆಗಿಯೇ, ಗಗನ್‌ ನನ್ನ ಬೆಸ್ಟ್‌ ಫ್ರೆಂಡ್‌, ಯಶಸ್‌ ಕೃಷ್ಣನ ನಾನು ಸ್ನೇಹಿತ ಅಂತ ಹೇಳಲ್ಲ, ಅದಕ್ಕೂ ಮೀರಿದ ಸಂಬಂಧ ಎಂದು ಹೇಳಿದ್ದೂ ಇದೆ. ಅದಕ್ಕಾಗಿಯೇ ಸಹಜವಾಗಿ ಯಶಸ್ ಅವರನ್ನು ಸೌಂದರ್ಯ ಒಪ್ಪಿಕೊಂಡಿದ್ದಾರೆ. ಇವರಿಬ್ಬರ ಜೋಡಿ ಸಕತ್ ಆಗಿದೆ ಎಂದು ವೀಕ್ಷಕರು ಮೆಚ್ಚಿಕೊಂಡಿದ್ದಾರೆ, ಜೊತೆಗೆ ಮನೆಯೊಳಕ್ಕೆ ಇರುವ ಆಸಿಯಾ ಕೂಡ ಹೇಳಿದ್ದಾರೆ.

ರಕ್ಷಿತಾ ಶೆಟ್ಟಿ ಅವರೇ ಮಿಡ್ಲ್ಮನ್

ಅಂದಹಾಗೆ ಇವರಿಬ್ಬರಲ್ಲಿ ಯಾರನ್ನು ಆಯ್ಕೆಮಾಡಬೇಕು ಎನ್ನುವ ಮಿಡ್ಲ್ಮನ್ ರೀತಿ ರಕ್ಷಿತಾ ಶೆಟ್ಟಿ ವರ್ತಿಸಿದ್ದರು. ಇಬ್ಬರಿಗೂ ಸಾಕಷ್ಟು ಟಿಪ್ಸ್ಕೊಟ್ಟಿದ್ದರು. ಕೊನೆಗೆ ರಕ್ಷಿತಾ ಅವರೇ, ಗಗನ್‌ ಒಳ್ಳೆಯ ವ್ಯಕ್ತಿ, ಅವರಿಗೆ ಜವಾಬ್ದಾರಿ ಇದೆ. ಆದರೆ ಸೌಂದರ್ಯ ಶೆಟ್ಟಿ ಜಾಲಿ ಸ್ವಭಾವದವರು. ಆದ್ದರಿಂದ ಇಬ್ಬರೂ ವಿಭಿನ್ನ ಕ್ಯಾರೆಕ್ಟರ್ ಆಗಿರೋಕಾರಣ, ಅರ್ಥ ಸಂಸಾರಸರಿಯಾಗುತ್ತದೆ ಎಂದು ಆರು ಅಂಕ ಕೊಟ್ಟಿದ್ದರೆ, ಯಶಸ್ ಕೂಡ ಜಾಲಿ ಹುಡುಗ ಆಗಿರುವುದರಿಂದ ಇಬ್ಬರೂ ಜಾಲಿ ಆದ್ರೆ ಲೈಫ್ ಕಷ್ಟ ಎಂದು ನಾಲ್ಕೇ ಮಾರ್ಕ್ಸ್ ಕೊಟ್ಟಿದ್ದರು. ಅಷ್ಟಕ್ಕೂ ಗಗನ್ ಅವರಿಗೆ ಆರು ಅಂಕ ಕೊಡಿ ಎಂದು ಹೇಳಿದವರು ಕೂಡ ಸೌಂದರ್ಯ ಅವರೇ. ಕೊನೆಗೆ ಎಲ್ಲಾ ಅಳೆದು ತೂಗಿ ರಕ್ಷಿತಾ ಶೆಟ್ಟಿ ಡಿಸೈಡ್ ಮಾಡಿದ್ದರು.

ಕೇಳ್ರಪ್ಪಾ… ಈ ಸ್ಟ್ರೀಟ್ ಫುಡ್ ಆರೋಗ್ಯಕ್ಕೆ ತುಂಬಾನೆ ಒಳ್ಳೆದಂತೆ! ವೈದ್ಯರೇ ಹೇಳಿದ್ದಾರೆ

Pavna Das — Fri, 30 Oct 2026 12:16:43 +0530

Healthy Street Food: ಸ್ಟ್ರೀಟ್ ಫುಡ್ ಸೇವನೆ ಯಾವಾಗಲೂ ಆರೋಗ್ಯಕ್ಕೆ ಹಾನಿಕಾರಕವಾಗಿರಬೇಕೆಂದಿಲ್ಲ. ಕೆಲವು ಬೀದಿ ಬದಿಯ ಆಹಾರಗಳನ್ನು ಸರಿಯಾದ ರೀತಿಯಲ್ಲಿ ತಯಾರಿಸಿ ಸೇವಿಸಿದರೆ ಅವು ಆರೋಗ್ಯಕ್ಕೂ ಪ್ರಯೋಜನಕಾರಿಯಾಗಬಹುದು. ಹಾಗಾದರೆ ಯಾವೆಲ್ಲ ಸ್ಟ್ರೀಟ್ ಫುಡ್‌ಗಳನ್ನು ಧೈರ್ಯವಾಗಿ ತಿನ್ನಬಹುದು? ನೋಡೋಣ.

ಸ್ಟ್ರೀಟ್ ಫುಡ್ ಎಂದ ತಕ್ಷಣ ಬಹುತೇಕ ಜನರಿಗೆ ಅದು ಆರೋಗ್ಯಕ್ಕೆ ಹಾನಿಕಾರಕ ಎಂಬ ಭಾವನೆ ಮೂಡುತ್ತದೆ. ಆದರೆ ಎಲ್ಲಾ ಸ್ಟ್ರೀಟ್ ಫುಡ್‌ಗಳು ಹಾನಿಕಾರಕವಲ್ಲ. ಕೆಲವು ಆಹಾರಗಳನ್ನು ಸ್ವಚ್ಛವಾಗಿ ಮತ್ತು ಸರಿಯಾದ ವಿಧಾನದಲ್ಲಿ ತಯಾರಿಸಿ ಸೇವಿಸಿದರೆ ಅವು ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಒದಗಿಸಬಹುದು. ಅಂತಹ ಸ್ಟ್ರೀಟ್ ಫುಡ್ ಗಳು ಯಾವುವು ಅನ್ನೋದನ್ನು ವೈದ್ಯರೇ ತಿಳಿಸಿದ್ದಾರೆ ನೋಡಿ.

ಭೇಲ್‌ಪುರಿಯನ್ನು ಮಂಡಕ್ಕಿ, ಈರುಳ್ಳಿ, ಟೊಮೆಟೊ, ಸೌತೆಕಾಯಿ, ಕೊತ್ತಂಬರಿ ಸೊಪ್ಪು ಮತ್ತು ನಿಂಬೆಹಣ್ಣಿನ ರಸವನ್ನು ಸೇರಿಸಿ ತಯಾರಿಸಲಾಗುತ್ತದೆ. ವೈದ್ಯರಾದ ಶುಭಂ ವತ್ಸ್ ಅವರ ಪ್ರಕಾರ, ಮಂಡಕ್ಕಿಯಲ್ಲಿ ಕಾರ್ಬೋಹೈಡ್ರೇಟ್‌ಗಳಿದ್ದು, ಇದು ದೇಹಕ್ಕೆ ಶಕ್ತಿಯನ್ನು ಒದಗಿಸುತ್ತದೆ. ಇದನ್ನು ಇನ್ನಷ್ಟು ಆರೋಗ್ಯಕರವಾಗಿಸಲು ಸೇವ್ ಮತ್ತು ಉಪ್ಪಿನ ಬಳಕೆಯನ್ನು ಕಡಿಮೆ ಮಾಡಬೇಕು.

ಇಡ್ಲಿಯನ್ನು ಹಬೆಯಲ್ಲಿ ಬೇಯಿಸುವುದರಿಂದ ಎಣ್ಣೆಯಲ್ಲಿ ಕರಿಯುವ ಅಗತ್ಯವಿರುವುದಿಲ್ಲ. ಇನ್ನು ಸಾಂಬಾರ್‌ನಲ್ಲಿರುವ ಬೇಳೆಯಿಂದ ಪ್ರೋಟೀನ್ ಮತ್ತು ತರಕಾರಿಗಳಿಂದ ಫೈಬರ್ ದೊರೆಯುತ್ತದೆ. ಇಡ್ಲಿ ತಿನ್ನುವಾಗ ಸಾಕಷ್ಟು ಪ್ರಮಾಣದಲ್ಲಿ ಸಾಂಬಾರ್ ಸೇವಿಸುವುದು ಉತ್ತಮ. ಇದರಿಂದ ಹೆಚ್ಚಿನ ಪೋಷಕಾಂಶಗಳು ದೇಹಕ್ಕೆ ದೊರೆಯುತ್ತವೆ.

ಕಡಲೆ ಮತ್ತು ಮೊಳಕೆಕಾಳುಗಳಲ್ಲಿ ಪ್ರೋಟೀನ್, ಫೈಬರ್ ಹಾಗೂ ಹಲವು ಅಗತ್ಯ ಪೋಷಕಾಂಶಗಳು ಹೇರಳವಾಗಿವೆ. ಇದಕ್ಕೆ ಈರುಳ್ಳಿ, ಟೊಮೆಟೊ, ಸೌತೆಕಾಯಿ, ನಿಂಬೆಹಣ್ಣಿನ ರಸ ಮತ್ತು ಕೊತ್ತಂಬರಿ ಸೊಪ್ಪನ್ನು ಸೇರಿಸುವುದರಿಂದ ರುಚಿಯ ಜೊತೆಗೆ ಪೌಷ್ಟಿಕಾಂಶವೂ ಹೆಚ್ಚುತ್ತದೆ.

ಜೋಳದ ಕಾಳುಗಳನ್ನು ಸುಟ್ಟು ತಿನ್ನುವುದು ಕೂಡ ಆರೋಗ್ಯಕರ ಆಯ್ಕೆ. ಜೋಳದಲ್ಲಿ ಕಾರ್ಬೋಹೈಡ್ರೇಟ್, ಫೈಬರ್ ಹಾಗೂ ಕೆಲವು ವಿಟಮಿನ್‌ಗಳು ಮತ್ತು ಖನಿಜಾಂಶಗಳು ಕಂಡುಬರುತ್ತವೆ. ಇದನ್ನು ನಿಂಬೆಹಣ್ಣಿನ ರಸ ಮತ್ತು ಕಡಿಮೆ ಪ್ರಮಾಣದ ಮಸಾಲೆಗಳನ್ನು ಸೇರಿಸಿ ಸೇವಿಸಬಹುದು.

ಸೀಸನ್‌ಗೆ ಅನುಗುಣವಾಗಿ ಸಿಗುವ ತಾಜಾ ಹಣ್ಣುಗಳಾದ ಸೀಬೆಹಣ್ಣು, ದಾಳಿಂಬೆ, ಸೇಬು ಮತ್ತು ಬಾಳೆಹಣ್ಣನ್ನು ಸೇರಿಸಿ ಹಣ್ಣಿನ ಚಾಟ್ ತಯಾರಿಸಬಹುದು. ಇದಕ್ಕೆ ಸ್ವಲ್ಪ ಬ್ಲಾಕ್ ಸಾಲ್ಟ್ ಮತ್ತು ನಿಂಬೆಹಣ್ಣಿನ ರಸವನ್ನು ಸೇರಿಸಿ ಸೇವಿಸಬಹುದು. ಹಣ್ಣುಗಳಲ್ಲಿರುವ ನೈಸರ್ಗಿಕ ವಿಟಮಿನ್‌ಗಳು ಮತ್ತು ಪೋಷಕಾಂಶಗಳು ದೇಹದ ಆರೋಗ್ಯಕ್ಕೆ ಸಹಾಯ ಮಾಡುತ್ತವೆ.

ಬೀದಿ ಬದಿಯಲ್ಲಿ ಸುಲಭವಾಗಿ ಸಿಗುವ ಬೇಯಿಸಿದ ಮೊಟ್ಟೆ ಮತ್ತು ಆಮ್ಲೆಟ್ ಉತ್ತಮ ಪ್ರೋಟೀನ್ ಮೂಲಗಳಾಗಿವೆ. ಇವು ಹೊಟ್ಟೆ ತುಂಬಿದ ಅನುಭವ ನೀಡುವುದರ ಜೊತೆಗೆ ಸ್ನಾಯುಗಳ ಬೆಳವಣಿಗೆ ಮತ್ತು ಚೇತರಿಕೆಗೆ ಸಹಾಯ ಮಾಡುತ್ತವೆ. ಸಾಧ್ಯವಾದಷ್ಟು ಕಡಿಮೆ ಎಣ್ಣೆ ಬಳಸಿ ತಯಾರಿಸಿದ ಮೊಟ್ಟೆಗಳನ್ನು ಆಯ್ಕೆ ಮಾಡಿಕೊಳ್ಳಿ.

ಸೂಚನೆ: ಸ್ಟ್ರೀಟ್ ಫುಡ್ ಸೇವಿಸುವಾಗ ಸ್ವಚ್ಛತೆ, ತಾಜಾತನ ಮತ್ತು ಆಹಾರ ತಯಾರಿಸುವ ವಿಧಾನಕ್ಕೆ ಆದ್ಯತೆ ನೀಡಿ.

Liver Health: ವೃದ್ಧಾಪ್ಯದವರೆಗೂ ಲಿವರ್ ಗಟ್ಟಿಮುಟ್ಟಾಗಿರಬೇಕಾ? ಈ ಆಹಾರಗಳನ್ನು ಇಂದೇ ತಿನ್ನಲು ಶುರುಮಾಡಿ!

Pavna Das — Fri, 30 Oct 2026 11:35:27 +0530

ಲಿವರ್ ನಮ್ಮ ದೇಹದ ಪ್ರಮುಖ ಅಂಗ. ಫ್ಯಾಟಿ ಲಿವರ್ ಸೇರಿದಂತೆ ಲಿವರ್ ಸಮಸ್ಯೆಗಳಿಂದ ದೂರವಿದ್ದು, ಯಕೃತ್ತಿನ ಆರೋಗ್ಯ ಕಾಪಾಡಿಕೊಳ್ಳಲು ನಮ್ಮ ಆಹಾರ ಪದ್ಧತಿಯೂ ಮುಖ್ಯ. ಬೆಳ್ಳುಳ್ಳಿ, ಮೊಸರು ಸೇರಿದಂತೆ ಲಿವರ್ ಆರೋಗ್ಯಕ್ಕೆ ಸಹಾಯ ಮಾಡುವ 5 ಆಹಾರಗಳ ಬಗ್ಗೆ ತಿಳಿಯಿರಿ.

ಲಿವರ್ (ಯಕೃತ್ತು) ನಮ್ಮ ದೇಹದ ಅತ್ಯಂತ ಪ್ರಮುಖ ಅಂಗಗಳಲ್ಲಿ ಒಂದಾಗಿದೆ. ಇತ್ತೀಚಿನ ದಿನಗಳಲ್ಲಿ ಫ್ಯಾಟಿ ಲಿವರ್ ಸಮಸ್ಯೆ ಸಾಮಾನ್ಯವಾಗುತ್ತಿದೆ. ಫ್ಯಾಟಿ ಲಿವರ್ ಸಮಸ್ಯೆಯನ್ನು ಗುಣಪಡಿಸಿಕೊಳ್ಳಲು ಹಲವರು ಔಷಧಿಗಳ ಮೊರೆ ಹೋಗುತ್ತಾರೆ. ಆದರೆ ವೈದ್ಯರು ತಿಳಿಸುವ ಪ್ರಕಾರ, ನಮ್ಮ ದೈನಂದಿನ ಆಹಾರದಲ್ಲಿ ಈ 5 ಪದಾರ್ಥಗಳನ್ನು ಸೇರಿಸಿಕೊಳ್ಳುವುದರಿಂದ ಲಿವರ್ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯವಾಗುತ್ತದೆ. ಹಾಗಾದರೆ ಆ 5 ಆಹಾರ ಪದಾರ್ಥಗಳು ಯಾವುವು ಎಂಬುದನ್ನು ತಿಳಿಯೋಣ.

ಬೆಳ್ಳುಳ್ಳಿಯಲ್ಲಿ ಸಲ್ಫರ್ ಸಂಯುಕ್ತಗಳು ಸಮೃದ್ಧವಾಗಿವೆ. ಇವು ಲಿವರ್‌ನ ಕಿಣ್ವಗಳನ್ನು ಸಕ್ರಿಯಗೊಳಿಸಲು ಸಹಾಯ ಮಾಡುತ್ತವೆ. ದೇಹದಲ್ಲಿರುವ ಹಾನಿಕಾರಕ ವಸ್ತುಗಳನ್ನು ಸಂಸ್ಕರಿಸಿ ಹೊರಹಾಕುವ ಲಿವರ್‌ನ ಕಾರ್ಯಕ್ಕೆ ಬೆಳ್ಳುಳ್ಳಿ ನೆರವಾಗಬಹುದು. ಪ್ರತಿದಿನ ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ 1-2 ಎಸಳು ಹಸಿ ಬೆಳ್ಳುಳ್ಳಿಯನ್ನು ಉಗುರುಬೆಚ್ಚಗಿನ ನೀರಿನೊಂದಿಗೆ ಸೇವಿಸುವುದು ಪ್ರಯೋಜನಕಾರಿ.

ಅರಿಶಿನದಲ್ಲಿ ಕರ್ಕ್ಯುಮಿನ್ ಎಂಬ ಪ್ರಮುಖ ಅಂಶವಿದೆ. ಇದು ಉರಿಯೂತ ನಿವಾರಕ ಮತ್ತು ಆ್ಯಂಟಿಆಕ್ಸಿಡೆಂಟ್ ಗುಣಗಳನ್ನು ಹೊಂದಿದೆ. ಲಿವರ್‌ನ ಜೀವಕೋಶಗಳನ್ನು ಹಾನಿಯಿಂದ ರಕ್ಷಿಸಲು ಮತ್ತು ಲಿವರ್ ಆರೋಗ್ಯವನ್ನು ಕಾಪಾಡಲು ಇದು ಸಹಾಯ ಮಾಡಬಹುದು.

ಮೊಸರು ಮತ್ತು ಮಜ್ಜಿಗೆ ಕೂಡ ಫ್ಯಾಟಿ ಲಿವರ್ ಸಮಸ್ಯೆಯಿರುವವರಿಗೆ ಪ್ರಯೋಜನಕಾರಿಯಾಗಬಹುದು. ಊಟದ ಜೊತೆಗೆ ಇವುಗಳನ್ನು ಸೇವಿಸಬಹುದು. ಆದರೆ ಮನೆಯಲ್ಲಿಯೇ ತಯಾರಿಸಿದ ತಾಜಾ ಮೊಸರಿಗೆ ಆದ್ಯತೆ ನೀಡುವುದು ಉತ್ತಮ.

ಪಾಲಕ್ ಸೊಪ್ಪು, ಎಲೆಕೋಸು, ಬ್ರೊಕೋಲಿ ಮತ್ತು ಹೂಕೋಸು ಸೇರಿದಂತೆ ಹಸಿರು ತರಕಾರಿಗಳಲ್ಲಿ ಕ್ಲೋರೊಫಿಲ್ ಹಾಗೂ ಆ್ಯಂಟಿಆಕ್ಸಿಡೆಂಟ್‌ಗಳು ಹೇರಳವಾಗಿವೆ. ಇವು ದೇಹದ ಆರೋಗ್ಯವನ್ನು ಕಾಪಾಡಲು ಮತ್ತು ಲಿವರ್ ಮೇಲಿನ ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡಬಹುದು. ಇವುಗಳನ್ನು ಸಲಾಡ್, ಸೂಪ್ ಅಥವಾ ಹಬೆಯಲ್ಲಿ ಬೇಯಿಸಿ ನಿಮ್ಮ ದೈನಂದಿನ ಆಹಾರದಲ್ಲಿ ಸೇರಿಸಿಕೊಳ್ಳಿ.

ಫ್ಯಾಟಿ ಲಿವರ್ ಸಮಸ್ಯೆಯಿರುವವರಿಗೆ ಕಾಫಿ ಕೂಡ ಪ್ರಯೋಜನಕಾರಿಯಾಗಬಹುದು. ವಿಶೇಷವಾಗಿ ಸಕ್ಕರೆ ಸೇರಿಸದ ಬ್ಲ್ಯಾಕ್ ಕಾಫಿಯನ್ನು ಮಿತವಾಗಿ ಸೇವಿಸುವುದು ಲಿವರ್ ಆರೋಗ್ಯಕ್ಕೆ ಸಹಕಾರಿಯಾಗಬಹುದು.

Puffed Rice: ಅಪರೂಪಕ್ಕೆ ಬಳಸುವ ಈ ಅರಳಿನಲ್ಲಿದೆ ಅಪಾರ ಶಕ್ತಿ ! ಗ್ಯಾಸ್ಟ್ರಿಕ್‌ ಸಮಸ್ಯೆಗೆ ರಾಮಬಾಣ

Roopa Hegde — Fri, 30 Oct 2026 11:47:19 +0530

ಇತ್ತೀಚಿನ ದಿನಗಳಲ್ಲಿ ಗ್ಯಾಸ್ಟ್ರಿಕ್, ಎಸಿಡಿಟಿ ಸಾಮಾನ್ಯ ಸಮಸ್ಯೆಯಾಗಿದೆ. ಬಹುತೇಕರು ಹೊಟ್ಟೆ ಉಬ್ಬರ, ಹೊಟ್ಟೆ ಉರಿ ಸಮಸ್ಯೆಯಿಂದ ಬಳಲುತ್ತಾರೆ. ಔಷಧಿ- ಮಾತ್ರೆಗಳನ್ನು ಸೇವಿಸಿ ಸುಸ್ತಾದ ಜನರಿದ್ದಾರೆ. ನೀವೂ ಹೊಟ್ಟೆ ಉರಿ, ಗ್ಯಾಸ್ಟ್ರಿಕ್‌ ಸಮಸ್ಯೆಯಿಂದ ಬಳಲುತ್ತಿದ್ದರೆ ಈ ಮನೆ ಮದ್ದನ್ನು ಟ್ರೈ ಮಾಡಿ.

ಅರಳು ಮತ್ತು ಸೋಂಪಿನ ಔಷಧಿ

ಸೋಂಪು ಜೀರ್ಣಕ್ರಿಯೆಗೆ ಸಹಕಾರಿ ಅರಳು ಮತ್ತು ಸೋಂಪು ಎರಡೂ ದೇಹಕ್ಕೆ ತಂಪು ನೀಡುವ ಗುಣ ಹೊಂದಿವೆ. ಇವೆರಡನ್ನು ಬಳಸಿ ಎಸಿಡಿಟಿ ಮತ್ತು ಹೊಟ್ಟೆಯ ಉರಿಯೂತದ ಸಮಸ್ಯೆ ಕಡಿಮೆ ಮಾಡಬಹುದು ಎಂದು ಡಾ. ಸೌಮ್ಯ ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಮನೆಮದ್ದು ತಯಾರಿಸುವುದು ಹೇಗೆ?

ಮೊದಲು 50 ಗ್ರಾಂ ಅರಳು ಮತ್ತು 50 ಗ್ರಾಂ ಸೋಂಪನ್ನು ತೆಗೆದುಕೊಳ್ಳಿ. ಎರಡನ್ನೂ ಪ್ರತ್ಯೇಕವಾಗಿ ಅಥವಾ ಒಟ್ಟಿಗೆ ನುಣ್ಣಗೆ ಪುಡಿ ಮಾಡಿಕೊಂಡು ಗಾಳಿಯಾಡದ ಡಬ್ಬದಲ್ಲಿ ಸಂಗ್ರಹಿಸಿಟ್ಟುಕೊಳ್ಳಿ.

ಪ್ರತಿದಿನ ರಾತ್ರಿ ಎರಡು ಚಮಚ ಈ ಪುಡಿಯನ್ನು ಒಂದು ಲೋಟ ಬಿಸಿ ನೀರಿಗೆ ಹಾಕಿ ನೆನೆಸಿಡಿ. ಮರುದಿನ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಈ ನೀರನ್ನು ಕುಡಿಯಬಹುದು ಎಂದು ಅವರು ಸಲಹೆ ನೀಡಿದ್ದಾರೆ. ಈ ಮಿಶ್ರಣದಿಂದ ಹೊಟ್ಟೆಯ ಉರಿ, ಎಸಿಡಿಟಿ, ಗ್ಯಾಸ್ ಮತ್ತು ಬ್ಲೋಟಿಂಗ್ ಸಮಸ್ಯೆ ಕಡಿಮೆಯಾಗುತ್ತದೆ.

ಮನೆಮದ್ದು ಎಲ್ಲರಿಗೂ ಒಂದೇ ರೀತಿಯಲ್ಲಿ ಪರಿಣಾಮ ಬೀರುವುದಿಲ್ಲ. ಅರಳು ಮತ್ತು ಸೋಂಪಿನ ಮಿಶ್ರಣವನ್ನು ಒಂದೆರಡು ದಿನ ಸೇವಿಸಿದಾಗ ನಿಮಗೆ ಅಡ್ಡಪರಿಣಾಮ ಕಾಣಿಸಿಕೊಂಡ್ರೆ ಇದರಿಂದ ದೂರವಿದೆ.

View this post on Instagram

A post shared by Sowmya Girish Rao (@sowshrirao)

'ನನಗೆ ಊಟಕ್ಕೂ ಹಣವಿರಲಿಲ್ಲ' ಎಂದ ಮಹಿಳೆ… ಗ್ರಾಹಕರು ತಿನ್ನದೇ ಬಿಟ್ಟಿದ್ದ ಆಹಾರ ಮನೆಗೆ ಒಯ್ದಿದ್ದಕ್ಕೆ ಕೆಲಸವೇ ಹೋಯ್ತು

Chandrashekar GS — Fri, 30 Oct 2026 12:03:47 +0530

“ಊಟಕ್ಕೂ ಹಣ ಹೊಂದಿಸಲು ಕಷ್ಟ”: ಗ್ರಾಹಕರು ಮುಟ್ಟದ ಆಹಾರ ಮನೆಗೆ ತೆಗೆದುಕೊಂಡಿದ್ದಕ್ಕೆ ಕೆಲಸ ಕಳೆದುಕೊಂಡಳಾ ಮಹಿಳೆ?

ಕೆಲಸ ಮಾಡುವ ಸ್ಥಳದಲ್ಲಿ ಉಳಿಯುವ ಆಹಾರವನ್ನು ಮನೆಗೆ ತೆಗೆದುಕೊಂಡು ಹೋಗುವುದು ತಪ್ಪೇ? ಅದರಲ್ಲೂ ಗ್ರಾಹಕರು ಮುಟ್ಟದೇ ಬಿಟ್ಟಿರುವ ಆಹಾರವಾಗಿದ್ದರೆ ಅದನ್ನು ಮನೆಗೆ ಕೊಂಡೊಯ್ಯುವುದರಲ್ಲಿ ಏನು ತಪ್ಪು ಎಂಬ ಪ್ರಶ್ನೆ ಈಗ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಕಾರಣವಾಗಿದೆ. ರೆಸ್ಟೋರೆಂಟ್‌ನಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆಯೊಬ್ಬರು, ಗ್ರಾಹಕರು ಮುಟ್ಟದ ಆಹಾರವನ್ನು ಮನೆಗೆ ತೆಗೆದುಕೊಂಡು ಹೋಗಿದ್ದಕ್ಕಾಗಿ ಮ್ಯಾನೇಜರ್ ತಮ್ಮನ್ನು ಕೆಲಸದಿಂದ ವಜಾಗೊಳಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.

ಮನೆಗೆ ಊಟ ತೆಗೆದುಕೊಂಡಿದ್ದೇ ಕೆಲಸ ಕಳೆದುಕೊಳ್ಳಲು ಕಾರಣವಾಯಿತೇ?

ರೆಸ್ಟೋರೆಂಟ್‌ನಲ್ಲಿ ಗ್ರಾಹಕರು ಮುಟ್ಟದೇ ಉಳಿಸಿದ್ದ ಆಹಾರವನ್ನು ಮಹಿಳೆ ಮನೆಗೆ ಕೊಂಡೊಯ್ದಿದ್ದರು. ಆದರೆ ಈ ವಿಷಯ ಮ್ಯಾನೇಜರ್ ಗಮನಕ್ಕೆ ಬಂದ ಬಳಿಕ ಅವರನ್ನು ಕೆಲಸದಿಂದ ತೆಗೆದುಹಾಕಲಾಗಿದೆ ಎಂಬುದು ಮಹಿಳೆಯ ಆರೋಪ.

ತಮಗೆ ಆಹಾರ ಖರೀದಿಸಲು ಸಾಕಷ್ಟು ಹಣವಿಲ್ಲ, ಊಟದ ಖರ್ಚು ಹೊಂದಿಸುವುದೇ ಕಷ್ಟವಾಗುತ್ತಿದೆ ಎಂಬ ಅಸಹಾಯಕತೆಯನ್ನೂ ಮಹಿಳೆ ವ್ಯಕ್ತಪಡಿಸಿದ್ದಾರೆ ಎಂದು ವರದಿ ತಿಳಿಸುತ್ತದೆ. ದಿನನಿತ್ಯದ ಜೀವನ ನಿರ್ವಹಣೆಯೇ ಸವಾಲಾಗಿರುವಾಗ, ತಿನ್ನಲು ಯೋಗ್ಯವಾಗಿರುವ ಆಹಾರವನ್ನು ಮನೆಗೆ ತೆಗೆದುಕೊಂಡು ಹೋಗಿದ್ದಕ್ಕೆ ಕೆಲಸ ಕಳೆದುಕೊಳ್ಳುವ ಪರಿಸ್ಥಿತಿ ಎದುರಾಗಿದೆ ಎಂಬುದು ಅವರ ಅಳಲು.

ಆಹಾರ ವ್ಯರ್ಥವಾಗುವುದಕ್ಕಿಂತ ಹಸಿದವರಿಗೆ ಸಿಗಬಾರದೇ?

ಈ ಘಟನೆ ಆಹಾರ ವ್ಯರ್ಥವಾಗುವ ಸಮಸ್ಯೆಯ ಬಗ್ಗೆಯೂ ಚರ್ಚೆ ಹುಟ್ಟುಹಾಕಿದೆ. ಹೋಟೆಲ್‌ಗಳು ಮತ್ತು ರೆಸ್ಟೋರೆಂಟ್‌ಗಳಲ್ಲಿ ಪ್ರತಿದಿನ ಸಾಕಷ್ಟು ಆಹಾರ ಉಳಿಯುವ ಸಾಧ್ಯತೆ ಇದೆ. ಅದರಲ್ಲಿ ಕೆಲವು ಆಹಾರವನ್ನು ಸುರಕ್ಷಿತವಾಗಿ ಸಂಗ್ರಹಿಸಿ ಅಗತ್ಯವಿರುವವರಿಗೆ ತಲುಪಿಸಲು ಸಾಧ್ಯವೇ ಎಂಬ ಪ್ರಶ್ನೆಯೂ ಎದುರಾಗಿದೆ.

ಆದರೆ ಗ್ರಾಹಕರು ಮುಟ್ಟದ ಆಹಾರವೆಂದು ಹೇಳಿದ ಮಾತ್ರಕ್ಕೆ ಅದನ್ನು ಮನೆಗೆ ತೆಗೆದುಕೊಂಡು ಹೋಗುವುದು ಎಲ್ಲ ಸಂದರ್ಭಗಳಲ್ಲೂ ಸುರಕ್ಷಿತ ಅಥವಾ ಅನುಮತಿತ ಎಂದು ಹೇಳಲಾಗುವುದಿಲ್ಲ. ಆಹಾರದ ಗುಣಮಟ್ಟ, ಸಂಗ್ರಹಣೆಯ ವಿಧಾನ ಮತ್ತು ಸಂಸ್ಥೆಯ ನಿಯಮಗಳೂ ಮುಖ್ಯವಾಗುತ್ತವೆ. ಉದ್ಯೋಗಿಗಳಿಗೂ ಈ ನಿಯಮಗಳನ್ನು ಸ್ಪಷ್ಟವಾಗಿ ತಿಳಿಸಬೇಕಾಗುತ್ತದೆ.

ಉದ್ಯೋಗಿಗಳ ಸಂಕಷ್ಟ ಮತ್ತು ಸಂಸ್ಥೆಗಳ ಜವಾಬ್ದಾರಿ

ಈ ಪ್ರಕರಣದಲ್ಲಿ ಮಹಿಳೆಯ ಆರೋಪದ ಸಂಪೂರ್ಣ ವಿವರಗಳು, ರೆಸ್ಟೋರೆಂಟ್‌ನ ಪ್ರತಿಕ್ರಿಯೆ ಮತ್ತು ವಜಾಗೊಳಿಸುವ ನಿರ್ಧಾರದ ಹಿಂದಿನ ಕಾರಣಗಳು ಸ್ವತಂತ್ರವಾಗಿ ದೃಢಪಟ್ಟಿಲ್ಲ. ಆದ್ದರಿಂದ ಒಂದು ಕಡೆಯ ಹೇಳಿಕೆಯನ್ನೇ ಅಂತಿಮ ಸತ್ಯವೆಂದು ಪರಿಗಣಿಸಲು ಸಾಧ್ಯವಿಲ್ಲ.

ಆದರೂ ಈ ಘಟನೆ ಒಂದು ಮುಖ್ಯ ಪ್ರಶ್ನೆಯನ್ನು ಮುಂದಿಡುತ್ತದೆ: ಆಹಾರ ವ್ಯರ್ಥವಾಗುವುದನ್ನು ತಡೆಯುವ ಪ್ರಯತ್ನ ಮತ್ತು ಆರ್ಥಿಕ ಸಂಕಷ್ಟದಲ್ಲಿರುವ ಉದ್ಯೋಗಿಗಳಿಗೆ ಮಾನವೀಯವಾಗಿ ನೆರವಾಗುವ ಮಾರ್ಗಗಳನ್ನು ಸಂಸ್ಥೆಗಳು ರೂಪಿಸಬಹುದೇ? ನಿಯಮಗಳ ಜೊತೆಗೆ ಮಾನವೀಯತೆಯೂ ಕೆಲಸದ ಸ್ಥಳದಲ್ಲಿ ಮುಖ್ಯ ಎಂಬ ಚರ್ಚೆಗೆ ಈ ಘಟನೆ ಮತ್ತೊಮ್ಮೆ ವೇದಿಕೆ ಕಲ್ಪಿಸಿದೆ.

I (F18) was fired for taking home leftover foodby u/jobs in jobs

ದೀಪಾವಳಿಗೆ ಸ್ವೀಟ್ ಖರೀದಿ ಬೇಡ, ಈ ನಾಲ್ಕು ಪದಾರ್ಥಗಳಿಂದ ಮನೆಯಲ್ಲೇ ಮಾಡಿ ಬಾಯಲ್ಲಿ ನೀರೂರಿಸುವ ಹಲ್ವಾ!

Ravi Janekal — Fri, 30 Oct 2026 10:39:49 +0530

Moong Dal Halwa Recipe: ಚಳಿಗಾಲ, ದೀಪಾವಳಿ ಹಬ್ಬದ ಸಮಯದಲ್ಲಿ ಹೆಸರುಬೇಳೆ ಹಲ್ವಾ ತಿನ್ನುವುದು ನಾಲಗೆಗೆ ಮನಸಿಗೆ ಎರಡಕ್ಕೂ ಸುಖ ಸಿಗುತ್ತದೆ. ಅದರಲ್ಲೂ ಮದುವೆ, ಹಬ್ಬಗಳಂತಹ ವಿಶೇಷ ದಿನಗಳಲ್ಲಿ ಈ ಸಿಹಿ ತಿಂಡಿ ತುಂಬಾ ಇಷ್ಟವಾಗುತ್ತದೆ.

ತುಪ್ಪ, ಸಕ್ಕರೆ, ಹೆಸರುಬೇಳೆ ಮತ್ತು ಇತರೆ ಪದಾರ್ಥಗಳಿಂದ ತಯಾರಿಸಿದ ಈ ಹಲ್ವಾ ಅದೆಷ್ಟು ರುಚಿಕರ ಎಂದರೆ ಒಮ್ಮೆ ತಿಂದರೆ ಮತ್ತೆ ಮತ್ತೆ ತಿನ್ನಬೇಕೆನಿಸುತ್ತದೆ. ಅಷ್ಟಕ್ಕೂ ಇದು ಹೊರಗಡೆ ಸಿಹಿತಿಂಡಿ ಅಂಗಡಿಗಳಲ್ಲಿ ತರುವುದು ಅಗತ್ಯವಿಲ್ಲ. ಇದು ಮನೆಯಲ್ಲೇ ಮಾಡೋದು ತುಂಬಾ ಸುಲಭ! ಈಗ ಪ್ರತಿಯೊಬ್ಬರ ಅಡುಗೆ ಮನೆಯಲ್ಲಿ ಹೆಸರುಬೇಳೆ ಸ್ಟಾಕ್ ಇದ್ದೇ ಇರುತ್ತೆ ಅಲ್ವಾ? ಈ ಬಾರಿ ಹಲ್ವಾ ಹೊರಗಡೆ ಖರೀದಿಸುವುದು ಬೇಡ. ಅದನ್ನು ಈ ಸಲ ಮನೆಯಲ್ಲೇ ತಯಾರಿಸಿ. ತಯಾರಿಸುವುದು ಹೇಗೆ, ಯಾವ್ಯಾವ ಪದಾರ್ಥಗಳು ಬೇಕು ಎಲ್ಲವನ್ನೂ ಇಲ್ಲಿ ಹಂತ ಹಂತವಾಗಿ ತಿಳಿಸಿಕೊಡಲಾಗುತ್ತೆ.

ಹೆಸರುಬೇಳೆ ಹಲ್ವಾ ಮಾಡೋದು ಹೇಗೆ?

ಈ ಹಲ್ವಾ ಮಾಡಲು ಹೆಸರುಕಾಳು, ತುಪ್ಪ, ಸಕ್ಕರೆ, ಹಾಲು ಬೇಕಾಗುತ್ತದೆ. ರುಚಿ, ಅದರ ವಿನ್ಯಾಸ ಹೆಚ್ಚಿಸಲು ಖೋಯಾ ಅಥಾವಾ ಮಾವಾ (ಹಾಲಿನ ಗಟ್ಟಿಯಾದ ಭಾಗ ಕೆನೆ)ಸಹ ಸೇರಿಸಲಾಗುತ್ತದೆ. ಇದರ ಜೊತೆಗೆ ಕಡಲೆ ಹಿಟ್ಟು ಮತ್ತು ರವೆ ಸಹ ಬಳಸಬಹುದು. ಹಲ್ವಾ ಘಮ್ಮೆನ್ನುವಂತಹ ಸುವಾಸನೆ ಬರಲು ಕೇಸರಿ ಮತ್ತು ಏಲಕ್ಕಿ ಪುಡಿಯನ್ನು ಸೇರಿಸಲಾಗುತ್ತದೆ. ಬಾದಾಮಿ, ಪಿಸ್ತಾ ಮತ್ತು ಗೋಡಂಬಿ ಸೇರಿಸುವುದರಿಂದ ಇನ್ನಷ್ಟು ರುಚಿ ಹೆಚ್ಚುತ್ತದೆ.

ಮೊದಲಿಗೆ ಬೆಳಗೆ ನೆನೆಸಿಡಿ

ಹೆಸರು ಕಾಳನ್ನು ಚೆನ್ನಾಗಿ ತೊಳೆಯಿರಿ, ನಂತರ ಕನಿಷ್ಠ 4 ರಿಂದ 5 ಗಂಟೆಗಳ ಕಾಲ ನೀರಿನಲ್ಲಿ ನೆನೆಸಿಡಿ. ರಾತ್ರಿಯಿಡೀ ನೆನೆಸಬಹುದು. ಬೆಳಗ್ಗೆ ನೀರು ಬಸಿಯಿರಿ ಈಗ ಮಿಶ್ರಣಕ್ಕೆ ಬಹಳ ಕಡಿಮೆ ನೀರು ಸೇರಿಸಿ, ಮಿಕ್ಸರ್‌ನಲ್ಲಿ ರುಬ್ಬಿಕೊಳ್ಳಿ. ಅದು ಪೇಸ್ಟ್ ತುಂಬಾ ತೆಳುವಾಗದಂತೆ ಎಚ್ಚರವಹಿಸಿ. ಪೇಸ್ಟ್‌ನಲ್ಲಿ ಹೆಚ್ಚು ನೀರು ಇದ್ದಷ್ಟೂ ಅದು ಬೇಯಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ.

ಬಾಣಲೆಗೆ ತುಪ್ಪ ಹಾಕಿ ಹೆಸರುಬೇಳೆ ಹುರಿಯಿರಿ

ಈಗ ಅಗಲವಾದ ದಪ್ಪ ತಳದ ಪ್ಯಾನ್ ತೆಗೆದುಕೊಳ್ಳಿ. ಅದರಲ್ಲಿ ಅರ್ಧದಷ್ಟು ತುಪ್ಪವನ್ನು ಬಿಸಿ ಮಾಡಿ. ಮೊದಲು ರವೆ ಮತ್ತು ಕಡಲೆ ಹಿಟ್ಟು ಸೇರಿಸಿ ಹುರಿಯಿರಿ. ನಂತರ ತಯಾರಾದ ಹೆಸರು ಬೇಳೆ ಪೇಸ್ಟ್ ಸೇರಿಸಿ, ಕಡಿಮೆ ಅಥವಾ ಮಧ್ಯಮ ಉರಿಯಲ್ಲಿ ಚೆನ್ನಾಗಿ ಹುರಿಯಲು ಬಿಡಿ.

ಬೇಳೆ ಚೆನ್ನಾಗಿ ಹುರಿಯಲು ಸಮಯ ತೆಗೆದುಕೊಳ್ಳುತ್ತೆ. ಇದು ಹಲ್ವಾ ತಯಾರಿಸಲು ಮುಖ್ಯವಾದ ಭಾಗ. ಪ್ಯಾನ್‌ಗೆ ಅಂಟಿಕೊಳ್ಳದಂತೆ ತಡೆಯಲು ನಿರಂತರವಾಗಿ ತಿರುವುತ್ತಾ ಇರಿ. ಇದೇ ರೀತಿ ಕನಿಷ್ಠ 15 ರಿಂದ 20 ನಿಮಿಷಗಳ ಕಾಲ ಕಡಿಮೆ ಉರಿಯಲ್ಲಿ ಹುರಿಯಿರಿ. ಚೆನ್ನಾಗಿ ಹುರಿದ ನಂತರ ತಿಳಿ ಕಂದು ಬಣ್ಣಕ್ಕೆ ತಿರುಗಲು ಪ್ರಾರಂಭವಾಗುತ್ತದೆ. ಆಗ ಒಂದು ಪರಿಮಳದ ವಾಸನೆ ಬರಲಾರಂಭಿಸುತ್ತದೆ.

ಈಗ ಹಾಲು ಮತ್ತು ಉಳಿದ ತುಪ್ಪ ಸೇರಿಸಿ.

ಬೇಳೆ ಚೆನ್ನಾಗಿ ಹುರಿದ ನಂತರ ಹಾಲು ಸೇರಿಸಿ ನಿರಂತರವಾಗಿ ತಿರುವುತ್ತಾ ಬೇಯಿಸಿ. ಹಾಲು ಸಂಪೂರ್ಣವಾಗಿ ಆವಿಯಾಗುವವರೆಗೆ ಬೇಯಿಸುವುದನ್ನು ಮುಂದುವರಿಸಿ. ಅನಂತರ ಉಳಿದ ತುಪ್ಪವನ್ನು ಸೇರಿಸಿ ಮತ್ತು ಸುಮಾರು 5 ನಿಮಿಷ ಬೇಯಿಸಿ. ಹಲ್ವಾ ತಳಕ್ಕೆ ಅಂಟಿಕೊಳ್ಳದಂತೆ ತಡೆಯಲು ಈ ಸಮಯದಲ್ಲಿ ನಿರಂತರವಾಗಿ ತಿರುವುತ್ತಿರುವುದು ಮರೆಯಬೇಡಿ.

ಖೋವಾ ಸೇರಿಸುವುದರಿಂದ ವಿಶೇಷ ರುಚಿ

ಈಗ ಮಾವಾ ಅಥವಾ ಖೋವಾ(ಹಾಲಿನ ಕೆನೆ) ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಈಗ ನೀವು ಬಾದಾಮಿ, ಗೋಡಂಬಿ ಇನ್ನಿತರ ಬೀಜಗಳು ಸೇರಿಸಬಹುದು. ಇದರಿಂದ ಹಲ್ವಾದ ರುಚಿ ಹೆಚ್ಚುತ್ತದೆ.

ಸಕ್ಕರೆ ಪಾಕ ತಯಾರಿಸುವ ವಿಧಾನ

ಹಲ್ವಾ ಮಾಡಲು ಒಂದು ಪ್ಯಾನ್‌ನಲ್ಲಿ ಸಕ್ಕರೆ ಮತ್ತು ನೀರನ್ನು ಬಿಸಿ ಮಾಡಿ. ಸಕ್ಕರೆ ಸಂಪೂರ್ಣವಾಗಿ ಕರಗುವವರೆಗೆ ಬೇಯಿಸಿ. ಸಕ್ಕರೆ ಕರುಗುತ್ತಿದ್ದಂತೆ ಟಾನಿಕ್ ರೀತಿ ಆಗುತ್ತದೆ. ಸಕ್ಕರೆ ಸಂಪೂರ್ಣವಾಗಿ ಕರಗಿದ ನಂತರ ಅದನ್ನು ಪಕ್ಕಕ್ಕೆ ಇರಿಸಿ.ತುಂಬಾ ಬೇಗನೆ ಸಕ್ಕರೆ ಸೇರಿಸುವುದರಿಂದ ಬೇಳೆ ಸರಿಯಾಗಿ ಬೇಯಲು ಕಾರಣವಾಗಬಹುದು.

ಕೊನೆಗೆ ಸಕ್ಕರೆ ಪಾಕ, ಕೇಸರಿ ಮತ್ತು ಏಲಕ್ಕಿ ಸೇರಿಸಿ.

ಈಗ ತಯಾರಾದ ಸಕ್ಕರೆ ಪಾಕವನ್ನು ಹುರಿದ ಬೇಳೆ ಮಿಶ್ರಣಕ್ಕೆ ಖೋಯಾ ಮಿಶ್ರಣಕ್ಕೆ ಸುರಿಯಿರಿ. ಚೆನ್ನಾಗಿ ಮಿಶ್ರಣ ಮಾಡಿ ಬೇಯಿಸಿ. ಪ್ಯಾನ್‌ನ ಬದಿಗಳಿಂದ ತುಪ್ಪ ಬೇರ್ಪಡಲು ಪ್ರಾರಂಭವಾಗುವವರೆಗೆ ಹಲ್ವಾ ಬೇಯಿಸುವುದನ್ನು ಮುಂದುವರಿಸಿ. ನಂತರ ಕೇಸರಿ ಹಾಲು ಮತ್ತು ಏಲಕ್ಕಿ ಪುಡಿಯನ್ನು ಸೇರಿಸಿ. ಚೆನ್ನಾಗಿ ಮಿಶ್ರಣ ಮಾಡಿದ ನಂತರ ಕತ್ತರಿಸಿದ ಬಾದಾಮಿ, ಪಿಸ್ತಾ ಮತ್ತು ಗೋಡಂಬಿಯನ್ನು ಮೇಲೆ ಹಾಕಿ. ಇದು ರುಚಿಯನ್ನು ಹೆಚ್ಚಿಸುತ್ತದೆ.

ಹೆಸರು ಬೇಳೆ ಹಲ್ವಾ ಬಿಸಿಯಾಗಿದ್ದಾಗಲೇ ತಿನ್ನಿ

ಎಲ್ಲವೂ ಚೆನ್ನಾಗಿ ಬೆಂದ ನಂತರ ಒಲೆಯನ್ನು ಆಫ್ ಮಾಡಿ. ಹೆಸರುಬೇಳೆ ಹಲ್ವಾ ಸಿದ್ಧವಾಗಿದೆ. ಬಿಸಿಯಾಗಿ ಬಡಿಸಿ ಮತ್ತು ನಿಮ್ಮ ನೆಚ್ಚಿನ ಬೀಜಗಳೊಂದಿಗೆ ಸಿಂಪಡಿಸಿ. ಈ ಹಲ್ವಾವನ್ನು ಹಬ್ಬಗಳು, ಮದುವೆಗಳು, ಪಾರ್ಟಿಗಳು ಅಥವಾ ಯಾವುದೇ ವಿಶೇಷ ದಿನಗಳಂದು ಮನೆಯಲ್ಲೇ ಮಾಡಬಹುದು. ಅದರಲ್ಲೂ ಚಳಿಗಾಲದಲ್ಲಿ ಬಿಸಿ ಹಲ್ವಾ ಇನ್ನೂ ರುಚಿಯಾಗಿರುತ್ತದೆ.

ಹೇಗೆ ತಯಾರಿಸಬೇಕು ಎಂದು ಕೆಳಗಿನ ವಿಡಿಯೋ ನೋಡಿನೂ ಪ್ರಯತ್ನಿಸಬಹುದು.

https://youtube.com/shorts/Q2igNzj-Or0?si=4D_P7rZrgpHg5KPj

ಮೈದಾ-ಸೋಡಾ ಬೇಡ್ವೇ ಬೇಡ, ದೀಪಾವಳಿಗೆ ಸಬ್ಬಕ್ಕಿಯಿಂದ ಮಾಡಿ ಗರಿಗರಿಯಾದ ಜ್ಯೂಸಿ ಜಿಲೇಬಿ.. 15 ನಿಮಿಷದಲ್ಲಿ ರೆಡಿಯಾಗುತ್ತೆ

Ashwini HR — Fri, 30 Oct 2026 11:25:28 +0530

ಸಾಮಾನ್ಯವಾಗಿ ಜಿಲೇಬಿ ಎಂದರೆ ಮೈದಾ ಹಿಟ್ಟು ಹಾಕಿ, ಹುದುಗು ಬರಿಸಿ ಮಾಡಬೇಕು. ಆದರೆ ಆರೋಗ್ಯಕ್ಕೆ ಹಾನಿಕಾರಕವಾದ ಮೈದಾ ಮತ್ತು ಅಡುಗೆ ಸೋಡಾ ಬಳಸದೆ, ಕೇವಲ ಮನೆಯಲ್ಲಿರುವ ಸಬ್ಬಕ್ಕಿ (ಸಾಬೂದಾನಿ) ಬಳಸಿ ಕ್ಷಣಾರ್ಧದಲ್ಲಿ ಅದ್ಭುತ ರುಚಿಯ, ಗರಿಗರಿಯಾದ ಹಾಗೂ ರಸಭರಿತವಾದ (ಜ್ಯೂಸಿ) ಜಿಲೇಬಿ ಮಾಡಬಹುದು. ಉಪವಾಸದ ದಿನಗಳಿಗೂ ಅಥವಾ ದಿಢೀರನೆ ಸಿಹಿ ತಿನ್ನಬೇಕು ಎನಿಸಿದಾಗ ಈ ರೆಸಿಪಿ ಹೇಳಿಮಾಡಿಸಿದ್ದು.

ಬೇಕಾಗುವ ಸಾಮಗ್ರಿಗಳು

ದಪ್ಪ ಸಬ್ಬಕ್ಕಿ (ಸಾಬೂದಾನಿ): 1 ಕಪ್ಸಕ್ಕರೆ: 1 ಕಪ್ನೀರು: 1 ಕಪ್ (ಪಾಕಕ್ಕೆ) + ಹಿಟ್ಟು ಕಲಸಲು ಅಗತ್ಯವಿರುವಷ್ಟುಏಲಕ್ಕಿ ಪುಡಿ: 1/2 ಚಮಚತುಪ್ಪ: 1 ಚಮಚಉಪ್ಪು: 1 ಚಿಟಿಕೆಎಣ್ಣೆ: ಕರಿಯಲುಪಿಸ್ತಾ/ಬಾದಾಮಿ ಚೂರುಗಳು: ಗಾರ್ನಿಶ್ ಮಾಡಲು (ಆಪ್ಷನಲ್)

ಮಾಡುವ ವಿಧಾನ

ಸಕ್ಕರೆ ಪಾಕ ತಯಾರಿಸಿ*ಒಂದು ಪಾತ್ರೆಗೆ 1 ಕಪ್ ಸಕ್ಕರೆ ಮತ್ತು 1 ಕಪ್ ನೀರು ಹಾಕಿ ಬಿಸಿ ಮಾಡಿ.*ಸಕ್ಕರೆ ಸಂಪೂರ್ಣವಾಗಿ ಕರಗಿದ ನಂತರ ಏಲಕ್ಕಿ ಪುಡಿ ಸೇರಿಸಿ ಕುದಿಸಿ.*ಜಾಮೂನು ಅಥವಾ ಜಿಲೇಬಿಗೆ ಮಾಡುವಂತೆ ಕೈಬೆರಳಿಗೆ ಅಂಟಂಟಾಗಿ (ಸ್ಟಿಕ್ಕಿ) ಬರುವ ಹದಕ್ಕೆ ಪಾಕ ತಯಾರಿಸಿ ಗ್ಯಾಸ್ ಆಫ್ ಮಾಡಿ ಪಕ್ಕಕ್ಕಿಡಿ (ಒಂದೆಳೆ ಪಾಕ ಬರುವುದು ಬೇಡ).

ಸಬ್ಬಕ್ಕಿ ಹಿಟ್ಟು ಸಿದ್ಧಪಡಿಸಿಕೊಳ್ಳಿ*ಬಾಣಲೆಯಲ್ಲಿ 1 ಕಪ್ ಸಬ್ಬಕ್ಕಿಯನ್ನು ಹಾಕಿ, ಸಣ್ಣ ಉರಿಯಲ್ಲಿ (Low flame) 5 ನಿಮಿಷಗಳ ಕಾಲ ಚೆನ್ನಾಗಿ ಹುರಿಯಿರಿ.*ಹುರಿದ ಸಬ್ಬಕ್ಕಿ ಸಂಪೂರ್ಣವಾಗಿ ತಣ್ಣಗಾದ ಮೇಲೆ ಮಿಕ್ಸಿ ಜಾರಿಗೆ ಹಾಕಿ ನುಣ್ಣಗೆ ಪುಡಿ ಮಾಡಿಕೊಳ್ಳಿ.*ಈ ಪುಡಿಯನ್ನು ಜರಡಿಯಿಂದ (ಚಾಣಿಸಿ) ಸೋಸಿಕೊಳ್ಳಿ. ತರಿತರಿ ಭಾಗ ಉಳಿದರೆ ಮತ್ತೊಮ್ಮೆ ಮಿಕ್ಸಿಗೆ ಹಾಕಿ ಪುಡಿ ಮಾಡಿ.*ಈಗ ಈ ನುಣ್ಣನೆಯ ಹಿಟ್ಟಿಗೆ ಒಂದು ಚಿಟಿಕೆ ಉಪ್ಪು ಮತ್ತು 1 ಚಮಚ ತುಪ್ಪ ಹಾಕಿ ಚೆನ್ನಾಗಿ ಬೆರೆಸಿ.

ಹಿಟ್ಟು ಕಲಸಿ (ಮುಖ್ಯ ಹಂತ)*ಸಬ್ಬಕ್ಕಿ ಪುಡಿಗೆ ಒಮ್ಮೆಲೆ ಹೆಚ್ಚು ನೀರು ಹಾಕದೆ, ಸ್ವಲ್ಪ ಸ್ವಲ್ಪವೇ ನೀರು ಸೇರಿಸುತ್ತಾ ಗಂಟಿಲ್ಲದಂತೆ ನಯವಾಗಿ ಕಲಸಿಕೊಳ್ಳಿ. (ಸಬ್ಬಕ್ಕಿ ನೀರನ್ನು ಹೆಚ್ಚು ಹೀರಿಕೊಳ್ಳುವುದರಿಂದ ಹಿಟ್ಟು ಮೆತ್ತಗೆ, ಜಿಲೇಬಿ ಬಿಡುವ ಹದಕ್ಕೆ ಇರಬೇಕು).*ಕಲಸಿದ ಹಿಟ್ಟನ್ನು ಹಾಲಿನ ಖಾಲಿ ಪ್ಯಾಕೆಟ್ ಅಥವಾ ಪೈಪಿಂಗ್ ಬ್ಯಾಗ್‌ನಲ್ಲಿ ತುಂಬಿ, ತುದಿಯಲ್ಲಿ ಸಣ್ಣದಾಗಿ ಕತ್ತರಿಸಿಕೊಳ್ಳಿ.

ಜಿಲೇಬಿ ಕರಿಯಿರಿ*ಅಗಲವಾದ ಬಾಣಲೆಯಲ್ಲಿ ಎಣ್ಣೆ ಕಾಯಲು ಇಡಿ. ಉರಿಯನ್ನು ಹೈ ಫ್ಲೇಮ್‌ನಲ್ಲಿ (High flame) ಇಟ್ಟು, ಕಾದ ಎಣ್ಣೆಯಲ್ಲಿ ವೃತ್ತಾಕಾರವಾಗಿ ಜಿಲೇಬಿಗಳನ್ನು ಸುತ್ತಿ.*ಜಿಲೇಬಿಗಳು ಎರಡೂ ಬದಿ ಗರಿಗರಿಯಾಗಿ ಬೆಂದ ನಂತರ (ಬಣ್ಣ ಬದಲಾಗದೆ ಬಿಳಿಯಾಗಿಯೇ ಕ್ರಿಸ್ಪಿ ಆಗುತ್ತವೆ) ಎಣ್ಣೆಯಿಂದ ತೆಗೆಯಿರಿ.*ತಕ್ಷಣವೇ ಈ ಬಿಸಿ ಜಿಲೇಬಿಗಳನ್ನು ಉಗುರುಬೆಚ್ಚಗಿನ ಸಕ್ಕರೆ ಪಾಕದಲ್ಲಿ ಹಾಕಿ, 1-2 ನಿಮಿಷಗಳ ಕಾಲ ಬಿಟ್ಟು ತೆಗೆಯಿರಿ.*ಮೇಲಿಂದ ಸಣ್ಣಗೆ ಹೆಚ್ಚಿದ ಪಿಸ್ತಾ ಚೂರುಗಳಿಂದ ಅಲಂಕರಿಸಿದರೆ, ಹೊರಗೆ ಗರಿಗರಿಯಾಗಿ ಒಳಗಡೆ ಜ್ಯೂಸಿಯಾಗಿರುವ ಇನ್‌ಸ್ಟಂಟ್ ಸಬ್ಬಕ್ಕಿ ಜಿಲೇಬಿ ಸವಿಯಲು ಸಿದ್ಧ!

ಪರ್ಫೆಕ್ಟ್ ಜಿಲೇಬಿಗಾಗಿ ಸೀಕ್ರೆಟ್ ಟಿಪ್ಸ್

ಕರಿಯುವಾಗ ಹೈ ಫ್ಲೇಮ್ ಇರಲಿ: ಸಬ್ಬಕ್ಕಿ ಜಿಲೇಬಿಯನ್ನು ಕಡಿಮೆ ಉರಿಯಲ್ಲಿ ಕರಿದರೆ ಅದು ಎಣ್ಣೆ ಹೀರಿಕೊಳ್ಳುತ್ತದೆ ಮತ್ತು ಮೆತ್ತಗಾಗುತ್ತದೆ. ಆದ್ದರಿಂದ ಎಣ್ಣೆ ಚೆನ್ನಾಗಿ ಕಾದಿರಬೇಕು ಹಾಗೂ ಹೈ ಫ್ಲೇಮ್‌ನಲ್ಲೇ ಕರಿಯಬೇಕು.

ಪಾಕದ ಹದ: ಸಕ್ಕರೆ ಪಾಕ ತುಂಬಾ ಗಟ್ಟಿಯಾದರೆ ಜಿಲೇಬಿ ಒಳಗೆ ಇಳಿಯುವುದಿಲ್ಲ, ತೀರಾ ನೀರಾದರೆ ಜಿಲೇಬಿ ಮೆತ್ತಗಾಗಿಬಿಡುತ್ತದೆ. ಜಾಮೂನ್ ಪಾಕದಂತೆ ಅಂಟಂಟಾಗಿದ್ದರೆ ಸಾಕು.

ಮನೆಯಲ್ಲಿ ಗದ್ದೆ, ಸೌದೆ ಸೀಳೋ ಕೆಲಸ ಮಾಡಿ ರ‍್ಯಾಂಪ್‌ನಲ್ಲಿ ಟ್ರೆಂಡ್ ಸೃಷ್ಟಿಸಿದ ಭಾರತೀಯ ಮಾಡೆಲ್ಸ್

Chethan Kumar — Fri, 30 Oct 2026 11:19:22 +0530

ನವದೆಹಲಿ (ಅ.30) ಫ್ಯಾಶನ್ ಜಗತ್ತಿನಲ್ಲಿ ಹಲವು ಮಾಡೆಲ್ಸ್ ಮಿಂಚಿದ್ದಾರೆ. ಸುಷ್ಮಿತಾ ಸೇನ್, ಐಶ್ವರ್ಯ ರೈನಿಂದ ಇತ್ತೀಚಿನ ಸಾಧ್ವಿ ಸತೀಶ್ ಸೈಲ್ ವರೆಗೆ ಮಾಡೆಲ್ ಮಿಂಚಿದ್ದಾರೆ. ಮಾಡೆಲ್ಸ್ 10 ರಿಂದ 15 ನಿಮಿಷದ ನಡಿಗೆಗೆ ಇಡೀ ವರ್ಷ ತಯಾರಿ ಮಾಡುತ್ತಾರೆ. ಕಠಿಣ ಡಯೆಟ್ ಪಾಲಿಸುತ್ತಾರೆ. ಕಠಿಣ ತಯಾರಿ ಮೂಲಕ ಸೌಂದರ್ಯ ಸ್ಪರ್ಧೆಯಲ್ಲಿ ಕಿರೀಟ ಮುಡಿಗೇರಿಸಿಕೊಳ್ಳುತ್ತಾರೆ. ಇದರ ನಡುವೆ ಇದೀಗ ಹೋಮ್‌ಟೌನ್ ವರ್ಸಸ್ ರ‍್ಯಾಂಪ್‌ ಭಾರಿ ಟ್ರೆಂಡ್ ಆಗಿದೆ. ಕೆಲ ಮಾಡೆಲ್ಸ್ ಮನೆಯಲ್ಲಿ ಗದ್ದೆ ಕೆಲಸ ಸೇರಿದಂತೆ ಸಾಮಾನ್ಯರಂತೆ ಎಲ್ಲಾ ಕೆಲಸ ಮಾಡಿ ಸೌಂದರ್ಯ ಸ್ಪರ್ಧೆ ಬರುವಾಗ ಮಾಡೆಲ್ ಆಗಿ ಮಿಂಚುತ್ತಿದ್ದಾರೆ. ಮನೆಗೂ ರ‍್ಯಾಂಪ್‌ಗೂ ಗುರುತೇ ಸಿಗದಷ್ಟು ಬದಲಾಗುತ್ತಾರೆ. ಹೀಗೆ ಹೊಸ ಟ್ರೆಂಡ್ ಸೃಷ್ಟಿಸಿರುವ ಮಾಡೆಲ್ಸ್ ಇಲ್ಲಿದ್ದಾರೆ.

ಗ್ರಾಮರ್ ಪ್ರಪಚಂದ ಹಿಂದಿನ ಜಗತ್ತು

ಗ್ಲಾಮರ್ ಪ್ರಪಂಚದ ಮಿಂಚಿನ ಬೆಳಕಿನ ಹಿಂದೆ ಇರುವ ತಮ್ಮ ನೈಜ ಹಾಗೂ ಸರಳ ಜೀವನದ ದಿನಗಳನ್ನು ಭಾರತೀಯ ಮಾಡೆಲ್ಸ್ ಈ ಟ್ರೆಂಡ್ ಮೂಲಕ ಜಗತ್ತಿಗೆ ಪರಿಚಯಿಸುತ್ತಿದ್ದಾರೆ. ಉತ್ತರಾಖಂಡದ ಜಾನಪದ ಹಾಡಾದ ಸ್ವಾಮಿ ಪರದೇಶ್ ಎಂಬ ಗಾರ್ವಾಲಿ (Garhwali) ರಿದಮಿಕ್ ಹಾಡಿನ ಹಿನ್ನೆಲೆ ಸಂಗೀತದೊಂದಿಗೆ ಈ ವಿಡಿಯೋಗಳನ್ನು ರೆಕಾರ್ಡ್ ಮಾಡಲಾಗುತ್ತಿದೆ ವಿಡಿಯೋದ ಮೊದಲ ಭಾಗದಲ್ಲಿ ನನ್ನ ಸ್ವಗ್ರಾಮದಲ್ಲಿ ನಾನು ( ಮಿ ಇನ್ ಹೋಮ್‌ಟೌನ್) ಎಂದು ಪೋಸ್ಟ್ ಮಾಡುತ್ತಿದ್ದಾರೆ. ಈ ವಿಡಿಯೋದ ಆರಂಭದಲ್ಲಿ ಮನೆಯಲ್ಲಿ ಮಾಡೆಲ್ ಎಲ್ಲರಂತೆ ಕೆಲಸ ಮಾಡುತ್ತಿರುವ ಚಿತ್ರಣವಿದೆ. ಬಳಿಕ ರ‍್ಯಾಂಪ್‌ ಮೇಲೆ ಗ್ಲಾಮರಸ್ ಆಗಿ ಹೆಜ್ಜೆ ಹಾಕುತ್ತಾ ಎಂಟ್ರಿಕೊಡುತ್ತಿರುವ ದೃಶ್ಯಗಳಿವೆ.

ಹಳ್ಳಿ ಜೀವನದಲ್ಲಿ ಮಾಡೆಲ್ಸ್

ವಿಡಿಯೋ ಆರಂಭದಲ್ಲಿ ಮಾಡೆಲ್‌ಗಳು ಯಾವುದೇ ಮೇಕಪ್ ಇಲ್ಲದೆ, ತೀರಾ ಸಾಮಾನ್ಯ ಉಡುಪಿನಲ್ಲಿ ತಮ್ಮ ಹಳ್ಳಿಯ ಮನೆಯ ದಿನನಿತ್ಯದ ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದಾರೆ.. ಕೆಲವರು ನೆಲದ ಮೇಲೆ ಕುಳಿತು ಚಪಾತಿ ಲಟ್ಟಿಸುತ್ತಿದ್ದರೆ, ಮತ್ತೆ ಕೆಲವರು ಸೌದೆ ಸೀಳುವುದು, ಎಳನೀರು ಕತ್ತರಿಸುವುದು ಹಾಗೂ ಜಮೀನಿನಲ್ಲಿ ಕೃಷಿ ಕೆಲಸ ಮಾಡುವುದನ್ನು ಕಾಣಬಹುದು. ಸಣ್ಣ ಪುಟ್ಟ ಗ್ರಾಮಗಳಿಂದ ಬಂದ ಈ ಮಾಡೆಲ್‌ಗಳ ಸರಳತೆ ವೀಕ್ಷಕರ ಗಮನ ಸೆಳೆಯುತ್ತಿದೆ.

ಆದರೆ ಹಾಡಿನ ಬಿಟ್ ಬದಲಾಗುತ್ತಿದ್ದಂತೆ, ವಿಡಿಯೋದಲ್ಲಿನ ದೃಶ್ಯ ಸಂಪೂರ್ಣವಾಗಿ ಬದಲಾಗುತ್ತದೆ. ಹಳ್ಳಿಯ ಸಾಮಾನ್ಯ ಉಡುಪಿನಿಂದ ಒಮ್ಮೆಲೇ ಟಾಪ್ ಡಿಸೈನರ್ಸ್‌ಗಳ ಕೌಚರ್ ಹಾಗೂ ದುಬಾರಿ ಫ್ಯಾಷನ್ ಉಡುಪುಗಳಿಗೆ ಬದಲಾಗುವ ಮಾಡೆಲ್‌ಗಳು, ಲ್ಯಾಕ್ಮೆ ಫ್ಯಾಷನ್ ವೀಕ್ ಸೇರಿದಂತೆ ದೇಶ-ವಿದೇಶಗಳ ಪ್ರಮುಖ ಫ್ಯಾಷನ್ ಶೋಗಳ ರ‍್ಯಾಂಪ್ ಮೇಲೆ ರಾಜಗಾಂಭೀರ್ಯದಿಂದ ಹೆಜ್ಜೆ ಹಾಕುತ್ತಾರೆ.

ಲ್ಯಾಕ್ಮೆ ಫ್ಯಾಶನ್ ವೀಕ್‌ನಲ್ಲಿ ಹಳ್ಳಿ ಮಾಡೆಲ್ಸ್

ಈ ವೈರಲ್ ಟ್ರೆಂಡ್‌ನಲ್ಲಿ ಭಾಗವಹಿಸಿರುವ ಪ್ರಮುಖ ಮಾಡೆಲ್‌ಗಳಲ್ಲಿ ಒಬ್ಬರಾದ ದೀಕ್ಷಾ, ಹಳ್ಳಿಯಲ್ಲಿ ಕುಳಿತು ಚಪಾತಿ ಲಾಟಿಸುವ ದೃಶ್ಯದ ನಂತರ ಲ್ಯಾಕ್ಮೆ ಫ್ಯಾಷನ್ ವೀಕ್ ರ‍್ಯಾಂಪ್ ಮೇಲಿನ ಗ್ಲಾಮರಸ್ ಲುಕ್ ಶೇರ್ ಮಾಡಿದ್ದಾರೆ. ಮತ್ತೋರ್ವ ಮಾಡೆಲ್ ಕರಣ್ ನೀರು ಹೊರುವ ವೀಡಿಯೋ ಶೇರ್ ಮಾಡಿದ್ದರೆ, ಮಹಾರಾಷ್ಟ್ರ ಮೂಲದ ಸಾಕ್ಷಿ ಕುಂಬಾರ್ ಜಮೀನಿನಲ್ಲಿ ಬೆಳೆ ಕೊಯ್ಲು ಮಾಡುವ ಹಳ್ಳಿಯ ಉಡುಪಿನಿಂದ ದಿಢೀರನೆ ಹೈ-ಫ್ಯಾಷನ್ ಕಪ್ಪು ಉಡುಪಿಗೆ ಬದಲಾಗಿ ರ‍್ಯಾಂಪ್ ಮೇಲೆ ಸಾಗುವ ದೃಶ್ಯ ಭಾರಿ ಮೆಚ್ಚುಗೆಗೆ ಪಾತ್ರವಾಗಿದೆ.

ಪ್ರಸಿದ್ಧ ಅಂತಾರಾಷ್ಟ್ರೀಯ ಬ್ರ್ಯಾಂಡ್ 'ವರ್ಸೇಸ್' (Versace) ಶೋನಲ್ಲಿ ಹೆಜ್ಜೆ ಹಾಕಿದ ನಕುಲ್ ಭಾರದ್ವಾಜ್, ತಾವು ಅಡುಗೆ ಮನೆಯ ಕೆಲಸ ಮಾಡುತ್ತಿದ್ದ ಹಳೆಯ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ. ಬೆಂಗಳೂರು ಮೂಲದ ಮಾಡೆಲ್ ಸಂಗೀತ ರಮೇಶ್ ಕೂಡ ತಾವು ಚಪಾತಿ ಲಾಟಿಸುವ ಸರಳ ಜೀವನದಿಂದ ಬೆಳ್ಳಿ ಬಣ್ಣದ ಹೊಳೆಯುವ ಉಡುಪಿನಲ್ಲಿ ರ‍್ಯಾಂಪ್ ಮೇಲೆ ಮಿಂಚಿದ ಜರ್ನಿಯನ್ನು ಶೇರ್ ಮಾಡಿದ್ದಾರೆ. ಕಷ್ಟಪಟ್ಟು ಹಳ್ಳಿಯಿಂದ ಬಂದ ಮಾಡೆಲ್‌ಗಳು ಇಂದು ಗ್ಲಾಮರ್ ಜಗತ್ತಿನಲ್ಲಿ ಸಾಧನೆ ಮಾಡಿರುವುದನ್ನು ಕಂಡು ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

View this post on Instagram

A post shared by Sakshi Kumbhar (@sakshikumbharr)

ಮದುವೆ ಸಂಭ್ರಮ ಇಬ್ಬರಿಗೂ, ಖರ್ಚು ಮಾತ್ರ ಹುಡುಗಿ ಮನೆಯವರಿಗೇಕೆ? ಯುವತಿಯ ಕಡಕ್ ಪ್ರಶ್ನೆ!

Chandrashekar GS — Fri, 30 Oct 2026 08:32:53 +0530

ಮದುವೆ ಖರ್ಚು 50-50 ಹಂಚಿಕೊಂಡರೆ ಅತ್ತೆಮನೆಗೆ ಅವಮಾನವಾಗುತ್ತಾ? ಯುವತಿಯ ಪ್ರಶ್ನೆಗೆ ಭಾರಿ ಚರ್ಚೆ!

ಮದುವೆ ಎಂದರೆ ಎರಡು ಮನಸ್ಸುಗಳ ಬೆಸುಗೆಯಷ್ಟೇ ಅಲ್ಲ, ಎರಡು ಕುಟುಂಬಗಳ ಸಂಬಂಧವೂ ಹೌದು. ಆದರೆ ಮದುವೆಯ ಖರ್ಚು ಭರಿಸುವ ವಿಚಾರ ಬಂದಾಗ ಮಾತ್ರ ಹಲವು ಕುಟುಂಬಗಳಲ್ಲಿ ಭಿನ್ನಾಭಿಪ್ರಾಯಗಳು ಕಾಣಿಸಿಕೊಳ್ಳುತ್ತವೆ. ಸಾಮಾನ್ಯವಾಗಿ ವಧುವಿನ ಮನೆಯವರೇ ಹೆಚ್ಚಿನ ಖರ್ಚು ಮಾಡಬೇಕು ಎಂಬ ಹಳೆಯ ಸಂಪ್ರದಾಯ ಇಂದಿಗೂ ಕೆಲವು ಕಡೆ ಮುಂದುವರಿದಿದೆ. ಇದೀಗ ಮದುವೆಯ ಖರ್ಚನ್ನು ಎರಡೂ ಕುಟುಂಬಗಳು ಸಮಾನವಾಗಿ ಹಂಚಿಕೊಳ್ಳಬಹುದೇ ಎಂಬ ಯುವತಿಯೊಬ್ಬಳ ಪ್ರಶ್ನೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಕಾರಣವಾಗಿದೆ.

ಮದುವೆ ಖರ್ಚು ವಧುವಿನ ಮನೆಯವರದ್ದೇ ಏಕೆ?

ರೆಡ್ಡಿಟ್‌ನಲ್ಲಿ ಯುವತಿಯೊಬ್ಬಳು ತನ್ನ ಮದುವೆಯ ಖರ್ಚಿನ ಬಗ್ಗೆ ಸಲಹೆ ಕೇಳಿದ್ದಾರೆ. ತಾನು ಮತ್ತು ತನ್ನ ಭಾವಿ ಪತಿ ಡೆಸ್ಟಿನೇಷನ್ ವೆಡ್ಡಿಂಗ್ ಆಯೋಜಿಸಲು ನಿರ್ಧರಿಸಿದ್ದು, ಅದಕ್ಕಾಗಿ ರೆಸಾರ್ಟ್ ಬುಕ್ ಮಾಡುವ ಯೋಚನೆಯಲ್ಲಿದ್ದೇವೆ ಎಂದು ಅವರು ತಿಳಿಸಿದ್ದಾರೆ.

ಆದರೆ ಮದುವೆಯ ಖರ್ಚನ್ನು ಹೇಗೆ ಹಂಚಿಕೊಳ್ಳಬೇಕು ಎಂಬ ವಿಚಾರದಲ್ಲಿ ಗೊಂದಲ ಎದುರಾಗಿದೆ. ತಮ್ಮ ಭಾವಿ ಅತ್ತೆಮನೆಯವರು ಸಾಂಪ್ರದಾಯಿಕವಾಗಿ ಮದುವೆಯ ಖರ್ಚನ್ನು ವಧುವಿನ ಮನೆಯವರೇ ಭರಿಸಬೇಕು ಎಂದು ನಂಬಿದ್ದಾರೆ. ಆದರೆ ಮದುವೆಯಲ್ಲಿ ತಿಲಕ್, ಮೆಹೆಂದಿ, ಸಂಗೀತ್ ಮತ್ತು ಕಾಕ್‌ಟೇಲ್ ಪಾರ್ಟಿಯಂತಹ ಹಲವು ಕಾರ್ಯಕ್ರಮಗಳಿವೆ. ಈ ಕಾರ್ಯಕ್ರಮಗಳಿಗೆ ಎರಡೂ ಕುಟುಂಬಗಳ ಅತಿಥಿಗಳು ಭಾಗವಹಿಸಲಿರುವಾಗ ಎಲ್ಲ ಖರ್ಚನ್ನೂ ವಧುವಿನ ಮನೆಯವರೇ ಏಕೆ ಭರಿಸಬೇಕು ಎಂಬುದು ಯುವತಿಯ ಪ್ರಶ್ನೆ.

50-50 ಖರ್ಚಿನ ಹಂಚಿಕೆ ಮಾಡಿದರೆ ತಪ್ಪೇ?

ಮದುವೆಯ ಖರ್ಚನ್ನು ಎರಡೂ ಕುಟುಂಬಗಳು ಸಮಾನವಾಗಿ ಹಂಚಿಕೊಳ್ಳುವ ಪ್ರಸ್ತಾಪ ಮಾಡುವುದು ಸರಿಯೇ ಅಥವಾ ಅದರಿಂದ ಭಾವಿ ಅತ್ತೆಮನೆಯವರಿಗೆ ಅವಮಾನವಾಗಬಹುದೇ ಎಂದು ಅವರು ಕೇಳಿದ್ದಾರೆ. ತಮ್ಮ ಅಭಿಪ್ರಾಯವನ್ನು ಸ್ಪಷ್ಟವಾಗಿ ಹೇಳುವುದರ ಜೊತೆಗೆ ಕುಟುಂಬದವರ ಭಾವನೆಗಳಿಗೂ ನೋವಾಗದಂತೆ ಹೇಗೆ ನಿರ್ಧಾರ ತೆಗೆದುಕೊಳ್ಳಬೇಕು ಎಂಬ ಸಲಹೆ ಬಯಸಿದ್ದಾರೆ.

ಈ ಪ್ರಶ್ನೆ ಮದುವೆಯ ಸಂಪ್ರದಾಯ ಮತ್ತು ಇಂದಿನ ಆರ್ಥಿಕ ವಾಸ್ತವದ ನಡುವಿನ ವ್ಯತ್ಯಾಸವನ್ನು ಎತ್ತಿ ತೋರಿಸಿದೆ.

ಮದುವೆ ಖರ್ಚಿನ ಬಗ್ಗೆ ಮೊದಲೇ ಮಾತುಕತೆ ಅಗತ್ಯ

ಇಂದಿನ ದಿನಗಳಲ್ಲಿ ಅನೇಕ ದಂಪತಿಗಳು ಮದುವೆಯ ಖರ್ಚನ್ನು ತಾವೇ ಭರಿಸುತ್ತಾರೆ ಅಥವಾ ಎರಡೂ ಕುಟುಂಬಗಳ ಸಾಮರ್ಥ್ಯಕ್ಕೆ ಅನುಗುಣವಾಗಿ ಹಂಚಿಕೊಳ್ಳುತ್ತಾರೆ. ಎಲ್ಲರಿಗೂ ಅನ್ವಯಿಸುವ ಒಂದೇ ನಿಯಮವಿಲ್ಲ. ಮದುವೆಯ ಬಜೆಟ್, ಅತಿಥಿಗಳ ಸಂಖ್ಯೆ, ಕಾರ್ಯಕ್ರಮಗಳ ಸ್ವರೂಪ ಮತ್ತು ಕುಟುಂಬಗಳ ಆರ್ಥಿಕ ಪರಿಸ್ಥಿತಿಯನ್ನು ಗಮನದಲ್ಲಿಟ್ಟುಕೊಂಡು ನಿರ್ಧಾರ ಮಾಡುವುದು ಸೂಕ್ತ.

ಮದುವೆಯ ಸಂಭ್ರಮಕ್ಕಾಗಿ ಸಾಲದ ಹೊರೆ ಹೆಚ್ಚಿಸಿಕೊಳ್ಳುವುದಕ್ಕಿಂತ ಮೊದಲೇ ಖರ್ಚಿನ ಬಗ್ಗೆ ಮುಕ್ತವಾಗಿ ಚರ್ಚಿಸಿ ಒಪ್ಪಂದಕ್ಕೆ ಬರುವುದು ಉತ್ತಮ. ಮದುವೆ ಎರಡೂ ಕುಟುಂಬಗಳ ಸಂಭ್ರಮವಾಗಿರುವುದರಿಂದ ಖರ್ಚಿನ ಹಂಚಿಕೆಯೂ ಪರಸ್ಪರ ಒಪ್ಪಿಗೆ ಮತ್ತು ಗೌರವದಿಂದ ನಡೆಯಬೇಕು.

Should wedding expenses be split?by u/throwaway20250123 in AskIndianMen

ಅಕ್ಕಿ-ಬೇಳೆ ನೆನೆಸೋ ಕೆಲಸವೇ ಇಲ್ಲ.. ಹತ್ತೇ ನಿಮಿಷದಲ್ಲಿ ಮಾಡಿ ಹೊರಗೆ ಕ್ರಿಸ್ಪಿ, ಒಳಗೆ ಸಾಫ್ಟ್ ಆದ ಪಡ್ಡು

Ashwini HR — Thu, 29 Oct 2026 15:10:39 +0530

ಬೆಳಗಿನ ಉಪಾಹಾರಕ್ಕೆ ಅಥವಾ ಸಂಜೆಯ ಸ್ನ್ಯಾಕ್ಸ್‌ಗೆ ದಿಢೀರನೆ ಏನಾದರೂ ರುಚಿಕರವಾಗಿ ಮಾಡಬೇಕು ಎಂದರೆ ಈ ಇನ್‌ಸ್ಟಂಟ್ ಪಡ್ಡು’ ಅತ್ಯುತ್ತಮ ಆಯ್ಕೆ. ಇದಕ್ಕೆ ಅಕ್ಕಿ ನೆನೆಸಿ, ಹಿಟ್ಟು ರುಬ್ಬಿ ರಾತ್ರಿಯಿಡೀ ಹುದುಗಿಸುವ (Fermentation) ಅಗತ್ಯವಿಲ್ಲ. ಕೇವಲ 10 ನಿಮಿಷದಲ್ಲಿ ಹೊರಗಡೆ ಗರಿಗರಿಯಾಗಿ, ಒಳಗಡೆ ಮೃದುವಾಗಿರುವ ಪಡ್ಡನ್ನು ಸುಲಭವಾಗಿ ತಯಾರಿಸಬಹುದು.

ಬೇಕಾಗುವ ಸಾಮಗ್ರಿಗಳು

ಇಡ್ಲಿ ರವೆ (ಅಕ್ಕಿ ತರಿ): 1 ಕಪ್ಅವಲಕ್ಕಿ (ಮೀಡಿಯಂ): 1/4 ಕಪ್ಅಕ್ಕಿ ಹಿಟ್ಟು: 1/4 ಕಪ್ಮೊಸರು: 1/4 ಕಪ್ಈರುಳ್ಳಿ: 1 (ಸಣ್ಣದಾಗಿ ಹೆಚ್ಚಿದ್ದು)ಹಸಿಮೆಣಸಿನಕಾಯಿ: 2-3 (ಖಾರಕ್ಕೆ ತಕ್ಕಂತೆ)ಶುಂಠಿ: ಸ್ವಲ್ಪ (ತುರಿದದ್ದು ಅಥವಾ ಸಣ್ಣಗೆ ಹೆಚ್ಚಿದ್ದು)ತೆಂಗಿನತುರಿ: 2-3 ಚಮಚಕೊತ್ತಂಬರಿ ಸೊಪ್ಪು: ಸ್ವಲ್ಪ (ಸಣ್ಣಗೆ ಹೆಚ್ಚಿದ್ದು)ಉಪ್ಪು: ರುಚಿಗೆ ತಕ್ಕಷ್ಟುಕುದಿಯುವ ಬಿಸಿ ನೀರು: ರವೆ ನೆನೆಸಲು ಅಗತ್ಯವಿರುವಷ್ಟುಇನೋ (Eno) ಅಥವಾ ಅಡುಗೆ ಸೋಡಾ: 1/4 ಚಮಚ (ಆಪ್ಷನಲ್ / ಕಡ್ಡಾಯವಲ್ಲ)ಎಣ್ಣೆ: ಪಡ್ಡು ಬೇಯಿಸಲು

ಮಾಡುವ ವಿಧಾನ

ನೆನೆಯಲು ಬಿಡಿಒಂದು ಕಪ್ ಇಡ್ಲಿ ರವೆಯನ್ನು ನೀರಿನಲ್ಲಿ ಒಂದು ಬಾರಿ ತೊಳೆದು ನೀರು ಬಸಿದುಕೊಳ್ಳಿ. ನಂತರ ಅದಕ್ಕೆ ಕುದಿಯುವ ಬಿಸಿ ನೀರನ್ನು ಹಾಕಿ 10 ನಿಮಿಷ ನೆನೆಯಲು ಬಿಡಿ.ಮತ್ತೊಂದು ಬಟ್ಟಲಿನಲ್ಲಿ 1/4 ಕಪ್ ಅವಲಕ್ಕಿಯನ್ನು ಮಾಮೂಲಿ ನೀರಿನಲ್ಲಿ ತೊಳೆದು 10 ನಿಮಿಷ ನೆನೆಸಿಡಿ.

ರುಬ್ಬಿಕೊಳ್ಳಿ10 ನಿಮಿಷಗಳ ನಂತರ ರವೆ ಮತ್ತು ಅವಲಕ್ಕಿಯಲ್ಲಿರುವ ಹೆಚ್ಚುವರಿ ನೀರನ್ನು ಬಸಿದು ತೆಗೆಯಿರಿ.ಮೊದಲು ನೆನೆಸಿದ ಇಡ್ಲಿ ರವೆಯನ್ನು ಮಿಕ್ಸಿ ಜಾರಿಗೆ ಹಾಕಿ, ನೀರು ಹಾಕದೆ ತರಿತರಿಯಾಗಿ ರುಬ್ಬಿಕೊಳ್ಳಿ.ನಂತರ ಅದಕ್ಕೆ ನೆನೆಸಿದ ಅವಲಕ್ಕಿ, 1/4 ಕಪ್ ಅಕ್ಕಿ ಹಿಟ್ಟು ಮತ್ತು 1/4 ಕಪ್ ಮೊಸರು ಸೇರಿಸಿ ಮತ್ತೊಮ್ಮೆ ನುಣ್ಣಗೆ ರುಬ್ಬಿಕೊಳ್ಳಿ (ಹಿಟ್ಟು ಬಿಸಿಯಾಗದಂತೆ ನೋಡಿಕೊಳ್ಳಿ).

ಹಿಟ್ಟು ಸಿದ್ಧಪಡಿಸಿಕೊಳ್ಳಿರುಬ್ಬಿದ ಹಿಟ್ಟನ್ನು ಪಾತ್ರೆಗೆ ಹಾಕಿ, ಅಗತ್ಯವಿದ್ದರೆ ಸ್ವಲ್ಪ ನೀರು ಸೇರಿಸಿ ಪಡ್ಡು ಅಥವಾ ದೋಸೆ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ.ಈಗ ಇದಕ್ಕೆ ಹೆಚ್ಚಿದ ಈರುಳ್ಳಿ, ಹಸಿಮೆಣಸು, ಶುಂಠಿ, ತೆಂಗಿನತುರಿ, ಕೊತ್ತಂಬರಿ ಸೊಪ್ಪು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ. (ಹೆಚ್ಚು ಮೃದುವಾಗಿ ಬೇಕಿದ್ದರೆ ಮಾತ್ರ 1/4 ಚಮಚ ಇನೋ ಅಥವಾ ಸೋಡಾ ಸೇರಿಸಿ, ಇಲ್ಲದಿದ್ದರೂ ಚೆನ್ನಾಗಿ ಬರುತ್ತದೆ).

ಪಡ್ಡು ಬೇಯಿಸಿಪಡ್ಡು ತವಾವನ್ನು (ಗುಳಿಯಪ್ಪದ ಹಂಚು) ಬಿಸಿ ಮಾಡಿ, ಪ್ರತಿಯೊಂದು ಗುಳಿಗೆ ಸ್ವಲ್ಪ ಎಣ್ಣೆ ಹಾಕಿ.ಸಿದ್ಧಪಡಿಸಿದ ಹಿಟ್ಟನ್ನು ಗುಳಿಗಳಿಗೆ ತುಂಬಿಸಿ, ಮಧ್ಯಮ ಉರಿಯಲ್ಲಿ ಮುಚ್ಚಳ ಮುಚ್ಚಿ ಬೇಯಿಸಿ.ಒಂದು ಬದಿ ಗೋಲ್ಡನ್ ಬ್ರೌನ್ (ಹೊಂಬಣ್ಣ) ಬಂದ ನಂತರ ಮೇಲಿಂದ ಸ್ವಲ್ಪ ಎಣ್ಣೆ ಹಾಕಿ, ಮಗುಚಿ ಹಾಕಿ ಎರಡೂ ಬದಿ ಗರಿಗರಿಯಾಗುವಂತೆ ಬೇಯಿಸಿ.ಈಗ ಬಿಸಿಬಿಸಿಯಾದ ರುಚಿಕರ ಇನ್‌ಸ್ಟಂಟ್ ಪಡ್ಡು ಸವಿಯಲು ಸಿದ್ಧ! ಇದನ್ನು ತೆಂಗಿನಕಾಯಿ ಚಟ್ನಿ, ಸಾಂಬಾರ್ ಅಥವಾ ಚಟ್ನಿ ಪುಡಿ-ತುಪ್ಪದ ಜೊತೆ ಸವಿಯಲು ಅದ್ಭುತವಾಗಿರುತ್ತದೆ.

ಇದು ಗಮನದಲ್ಲಿರಲಿ

ಕುದಿಯುವ ನೀರೇ ಮುಖ್ಯ (Hot Water Trick)ಇಡ್ಲಿ ರವೆ ಬೇಗ ಮೆತ್ತಗಾಗಲು ಮತ್ತು ಪಡ್ಡು ಒಳಗಡೆ ಮೃದುವಾಗಿ ಬರಲು ಚೆನ್ನಾಗಿ ಕುದಿಯುವ ನೀರನ್ನೇ ಬಳಸಬೇಕು. ತಣ್ಣೀರು ಅಥವಾ ಉಗುರುಬೆಚ್ಚಗಿನ ನೀರು ಹಾಕಿದರೆ ರವೆ ಬೇಗ ನೆನೆಯುವುದಿಲ್ಲ.

ಹಿಟ್ಟಿನ ಹದ (Batter Consistency)ಹಿಟ್ಟು ತುಂಬಾ ತೆಳುವಾಗಬಾರದು (ದೋಸೆ ಹಿಟ್ಟಿಗಿಂತ ಸ್ವಲ್ಪ ಗಟ್ಟಿಯಾಗಿ, ಇಡ್ಲಿ ಹಿಟ್ಟಿನ ಹದದಲ್ಲಿರಬೇಕು). ನೀರು ಜಾಸ್ತಿಯಾದರೆ ಪಡ್ಡು ತವಾಕ್ಕೆ ಅಂಟಿಕೊಳ್ಳುತ್ತದೆ ಅಥವಾ ಎಣ್ಣೆ ಜಾಸ್ತಿ ಹೀರಿಕೊಳ್ಳುತ್ತದೆ.

ಹೊರಗೆ ಕ್ರಿಸ್ಪಿ, ಒಳಗೆ ಸಾಫ್ಟ್ ಆಗಲು (Crispy Secret)ನಾವು ಸೇರಿಸುವ ಅಕ್ಕಿ ಹಿಟ್ಟು ಪಡ್ಡಿಗೆ ಹೊರಗಡೆ ಗರಿಗರಿ (ಕ್ರಿಸ್ಪಿ) ತನ ಕೊಡುತ್ತದೆ, ಮತ್ತು ಅವಲಕ್ಕಿ ಹಾಗೂ ಮೊಸರು ಒಳಗಡೆ ಮೃದುವಾಗಿರಲು (ಸಾಫ್ಟ್) ಸಹಾಯ ಮಾಡುತ್ತದೆ. ಹಾಗಾಗಿ ಈ ಅಳತೆಯನ್ನು ಮಿಸ್ ಮಾಡಬೇಡಿ.

ಹಂಚು ಸರಿಯಾಗಿ ಕಾದಿರಬೇಕು (Pan Temperature)ಪಡ್ಡು ತವಾವನ್ನು (ಹಂಚು) ಮೊದಲು ಚೆನ್ನಾಗಿ ಬಿಸಿ ಮಾಡಿ, ನಂತರ ಉರಿಯನ್ನು ಮಧ್ಯಮ (Medium Flame) ಮಟ್ಟಕ್ಕೆ ಇಟ್ಟು ಬೇಯಿಸಬೇಕು. ತವಾ ಸರಿಯಾಗಿ ಕಾಯದಿದ್ದರೆ ಪಡ್ಡು ಎದ್ದೇಳುವುದಿಲ್ಲ, ಹಂಚಿಗೆ ಅಂಟಿಕೊಳ್ಳುತ್ತದೆ.

ಭಾರತದ 7 ಅತಿದೊಡ್ಡ ಏಕಶಿಲಾ ನಂದಿ ವಿಗ್ರಹಗಳು: ಚಾಮುಂಡಿ ಬೆಟ್ಟದ ನಂದಿ, ಬೆಂಗಳೂರಿನ ದೊಡ್ಡ ಬಸವಣ್ಣನ ಸ್ಥಾನವೆಷ್ಟು?

Sathish Kumar KH — Thu, 29 Oct 2026 14:59:28 +0530

ಹಿಂದೂ ಧರ್ಮ ಮತ್ತು ಶೈವ ಪರಂಪರೆಯಲ್ಲಿ ಪರಮಶಿವನ ವಾಹನವಾದ ನಂದಿಗೆ ಅಗ್ರಸ್ಥಾನವಿದೆ. ಭಾರತದ ಪುರಾತನ ದೇವಾಲಯ ವಾಸ್ತುಶಿಲ್ಪದಲ್ಲಿ ಏಕಶಿಲೆಯಲ್ಲೇ (Monolithic) ಕೆತ್ತಲಾದ ಬೃಹತ್ ನಂದಿ ವಿಗ್ರಹಗಳು ನಮ್ಮ ಕಲೆ ಮತ್ತು ಇಂಜಿನಿಯರಿಂಗ್ ಕೌಶಲ್ಯಕ್ಕೆ ಸಾಕ್ಷಿಯಾಗಿವೆ. ದೇಶದಲ್ಲಿರುವ ಇಂತಹ ಅತಿ ಎತ್ತರದ ಹಾಗೂ ಅತಿದೊಡ್ಡ 7 ನಂದಿ ವಿಗ್ರಹಗಳು ಯಾವುವು? ಈ ಪಟ್ಟಿಯಲ್ಲಿ ಕರ್ನಾಟಕದ ಪಾರುಪತ್ಯ ಎಷ್ಟು? ಬನ್ನಿ ತಿಳಿಯೋಣ.

ಭಾರತದ ಟಾಪ್ 7 ಅತಿದೊಡ್ಡ ನಂದಿ ವಿಗ್ರಹಗಳು:

1. ಲೇಪಾಕ್ಷಿ ನಂದಿ (ಅನಂತಪುರ, ಆಂಧ್ರಪ್ರದೇಶ)

ದೇಶದ ಅತಿ ದೊಡ್ಡ ಏಕಶಿಲಾ ನಂದಿ ಎಂಬ ಹೆಗ್ಗಳಿಕೆ ಲೇಪಾಕ್ಷಿಯ ವೀರಭದ್ರ ದೇವಾಲಯದ ಸಮೀಪವಿರುವ ನಂದಿಗಿದೆ. ಸುಮಾರು 15 ಅಡಿ ಎತ್ತರ ಹಾಗೂ 27 ಅಡಿ ಉದ್ದವಿರುವ ಈ ನಂದಿಯನ್ನು ಒಂದೇ ಗ್ರಾನೈಟ್ ಬಂಡೆಯಲ್ಲಿ ಅದ್ಭುತವಾಗಿ ಕೆತ್ತಲಾಗಿದೆ.

2. ಚಾಮುಂಡಿ ಬೆಟ್ಟದ ನಂದಿ (ಮೈಸೂರು, ಕರ್ನಾಟಕ)

ಮೈಸೂರಿನ ಚಾಮುಂಡಿ ಬೆಟ್ಟಕ್ಕೆ ಹೋಗುವ ಮಾರ್ಗದಲ್ಲಿರುವ ಈ ಕಪ್ಪು ಶಿಲೆಯ ನಂದಿ ವಿಗ್ರಹವು ಸುಮಾರು 16 ಅಡಿ ಎತ್ತರ ಮತ್ತು 24 ಅಡಿ ಉದ್ದವಿದೆ. ಇದನ್ನು 1664ರಲ್ಲಿ ಮೈಸೂರಿನ ಮಹಾರಾಜರಾಗಿದ್ದ ದೊಡ್ಡ ದೇವರಾಜ ಒಡೆಯರ್ ಕಾಲದಲ್ಲಿ ಕೆತ್ತಲಾಯಿತು.

3. ಬಸವನಗುಡಿ ದೊಡ್ಡ ಬಸವಣ್ಣ (ಬೆಂಗಳೂರು, ಕರ್ನಾಟಕ)

ಬೆಂಗಳೂರಿನ ಐತಿಹಾಸಿಕ ಬಸವನಗುಡಿಯ ‘ಬುಲ್ ಟೆಂಪಲ್’ನಲ್ಲಿರುವ ನಂದಿಯು ಭಾರತದ ಅತಿ ಭವ್ಯ ವಿಗ್ರಹಗಳಲ್ಲಿ ಒಂದು. ಇದು ಸುಮಾರು 15 ಅಡಿ ಎತ್ತರ ಹಾಗೂ 20 ಅಡಿ ಉದ್ದವಿದೆ.

4. ಬೃಹದೀಶ್ವರ ದೇವಾಲಯದ ನಂದಿ (ತಂಜಾವೂರು, ತಮಿಳುನಾಡು)

ಚೋಳರ ಕಾಲದ ವಾಸ್ತುಶಿಲ್ಪದ ಹೆಗ್ಗುರುತಾಗಿರುವ ತಂಜಾವೂರಿನ ಬೃಹದೀಶ್ವರ ದೇವಾಲಯದ ಮುಂಭಾಗವಿರುವ ನಂದಿಯು ಸುಮಾರು 13 ಅಡಿ ಎತ್ತರ ಹಾಗೂ 16 ಅಡಿ ಉದ್ದವಿದ್ದು, ಒಂದೇ ಶಿಲೆಯಲ್ಲಿ ನಿರ್ಮಾಣಗೊಂಡಿದೆ.

5. ಎದುರು ಬಸವಣ್ಣ (ಹಂಪಿ, ಕರ್ನಾಟಕ)

ವಿಜಯನಗರ ಸಾಮ್ರಾಜ್ಯದ ವೈಭವ ಸಾರುವ ಹಂಪಿಯ ವಿರೂಪಾಕ್ಷ ದೇವಾಲಯದ ಎದುರು, ಹಂಪಿ ಬಜಾರ್‌ನ ಕೊನೆಯಲ್ಲಿರುವ ಈ ನಂದಿ ವಿಗ್ರಹ ಅತ್ಯಂತ ಆಕರ್ಷಕವಾಗಿದೆ. ಎರಡು ಅಂತಸ್ತಿನ ಮಂಟಪದಲ್ಲಿರುವ ಈ ನಂದಿ ಪ್ರವಾಸಿಗರ ಪ್ರಮುಖ ಆಕರ್ಷಣೆ.

6. ಹೊಯ್ಸಳೇಶ್ವರ ದೇವಾಲಯದ ನಂದಿ (ಹಳೇಬೀಡು, ಕರ್ನಾಟಕ)

ಹಾಸನ ಜಿಲ್ಲೆಯ ಹಳೇಬೀಡಿನ ಹೊಯ್ಸಳೇಶ್ವರ ದೇವಾಲಯ ಸಂಕೀರ್ಣದಲ್ಲಿರುವ ಎರಡು ಬೃಹತ್ ನಂದಿ ವಿಗ್ರಹಗಳು ಹೊಯ್ಸಳ ಶೈಲಿಯ ಸೂಕ್ಷ್ಮ ಕೆತ್ತನೆಗೆ ವಿಶ್ವಪ್ರಸಿದ್ಧ. ಸುಮಾರು 14 ಅಡಿ ಎತ್ತರವಿರುವ ಈ ನಂದಿಯ ಆಭರಣ ಕೆತ್ತನೆಗಳು ಮನಸೂರೆಗೊಳ್ಳುತ್ತವೆ.

7. ರಾಮನಾಥಸ್ವಾಮಿ ದೇವಾಲಯದ ನಂದಿ (ರಾಮೇಶ್ವರಂ, ತಮಿಳುನಾಡು)

ಜ್ಯೋತಿರ್ಲಿಂಗ ಕ್ಷೇತ್ರವಾದ ರಾಮೇಶ್ವರಂನಲ್ಲಿರುವ ನಂದಿ ವಿಗ್ರಹವು ಸುಮಾರು 12 ಅಡಿ ಎತ್ತರ ಹಾಗೂ 22 ಅಡಿ ಉದ್ದವಿದ್ದು, ಅಪರೂಪದ ಕಲ್ಲಿನ ಕಲೆಯಾಗಿದೆ.

ಪಟ್ಟಿಯಲ್ಲಿ ಕರ್ನಾಟಕದ ಪಾರುಪತ್ಯ ಎಷ್ಟು?

ಭಾರತದ ಅಗ್ರ 7 ಅತಿದೊಡ್ಡ ನಂದಿ ವಿಗ್ರಹಗಳ ಪೈಕಿ ಬರೋಬ್ಬರಿ 4 ವಿಗ್ರಹಗಳು ನಮ್ಮ ಹೆಮ್ಮೆಯ ಕರ್ನಾಟಕದಲ್ಲೇ ಇವೆ! (ಮೈಸೂರು, ಬೆಂಗಳೂರು, ಹಂಪಿ, ಹಳೇಬೀಡು). ಇದು ಕನ್ನಡ ನಾಡಿನ ಕಲೆ, ಸಂಸ್ಕೃತಿ ಮತ್ತು ಹೊಯ್ಸಳ, ವಿಜಯನಗರ ಹಾಗೂ ಒಡೆಯರ್ ರಾಜಮನೆತನಗಳ ವಾಸ್ತುಶಿಲ್ಪ ಪ್ರೇಮಕ್ಕೆ ಹಿಡಿದ ಕೈಗನ್ನಡಿಯಾಗಿದೆ.

ಪತ್ನಿ ಹಸಿವಿನಿಂದ ಬಳಲುತ್ತಿದ್ದರೂ ಸುಮ್ಮನಿರುವ ಗಂಡಂದಿರೇ, ನಿಮಗೆ ನಾಚಿಕೆಯಾಗಬೇಕು! ಮನೋವಿಜ್ಞಾನಿ ಆಕ್ರೋಶ

Chandrashekar GS — Thu, 29 Oct 2026 17:02:52 +0530

ಕರ್ವಾ ಚೌತ್‌ನಲ್ಲಿ ಪತ್ನಿಯರೇ ಏಕೆ ಉಪವಾಸ ಮಾಡಬೇಕು? ಮನಶ್ಶಾಸ್ತ್ರಜ್ಞೆ ದಿವಿಜಾ ಭಾಸಿನ್ ಪ್ರಶ್ನೆ

ಕರ್ವಾ ಚೌತ್ ಹಬ್ಬದ ಸಂದರ್ಭದಲ್ಲಿ ಪತ್ನಿಯರು ತಮ್ಮ ಪತಿಯ ದೀರ್ಘಾಯುಷ್ಯ ಮತ್ತು ಆರೋಗ್ಯಕ್ಕಾಗಿ ಉಪವಾಸ ಮಾಡುವುದು ಸಂಪ್ರದಾಯ. ಆದರೆ ಈ ಆಚರಣೆಯಲ್ಲಿ ಮಹಿಳೆಯರಿಗೇ ಹೆಚ್ಚು ತ್ಯಾಗದ ಹೊಣೆ ಏಕೆ ಎಂಬ ಪ್ರಶ್ನೆ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿದೆ. ಮನಶ್ಶಾಸ್ತ್ರಜ್ಞೆ ದಿವಿಜಾ ಭಾಸಿನ್ ಅವರು ಹಂಚಿಕೊಂಡಿರುವ ವಿಡಿಯೊ ಈ ಚರ್ಚೆಗೆ ಮತ್ತಷ್ಟು ಕಾವು ನೀಡಿದೆ.

ಪತ್ನಿ ಹಸಿವಿನಿಂದ ಬಳಲುವುದನ್ನು ನೋಡುತ್ತಾ ಸುಮ್ಮನಿರಬೇಕಾ?

ದಿವಿಜಾ ಭಾಸಿನ್ ತಮ್ಮ ವಿಡಿಯೊದಲ್ಲಿ, ಪತ್ನಿ ತನ್ನ ಪತಿಗಾಗಿ ಆಹಾರ ಮತ್ತು ನೀರನ್ನು ತ್ಯಜಿಸಿ ಉಪವಾಸ ಮಾಡುವಾಗ ಪತಿ ಸುಮ್ಮನೆ ನೋಡುವುದು ಸರಿಯೇ ಎಂದು ಪ್ರಶ್ನಿಸಿದ್ದಾರೆ. ಪ್ರೀತಿ ಸಾಬೀತುಪಡಿಸಲು ಮಹಿಳೆಯರೇ ಹಸಿವು ಮತ್ತು ಬಾಯಾರಿಕೆಯನ್ನು ಸಹಿಸಬೇಕೇ ಎಂಬುದು ಅವರ ಪ್ರಮುಖ ಆಕ್ಷೇಪವಾಗಿದೆ.

ಪತ್ನಿ ಪತಿಗಾಗಿ ಉಪವಾಸ ಮಾಡುವುದು ಪ್ರೀತಿಯ ಸಂಕೇತವೆಂದು ಪರಿಗಣಿಸಿದರೆ, ಪತಿಯೂ ಪತ್ನಿಗಾಗಿ ಅದೇ ರೀತಿಯ ವ್ರತ ಆಚರಿಸಬಹುದಲ್ಲವೇ ಎಂದು ಅವರು ಪ್ರಶ್ನಿಸಿದ್ದಾರೆ. ಮದುವೆ ಸಂಬಂಧದಲ್ಲಿ ಪ್ರೀತಿ, ಕಾಳಜಿ ಮತ್ತು ತ್ಯಾಗ ಎರಡೂ ಕಡೆಯಿಂದ ಇರಬೇಕು ಎಂಬುದು ಅವರ ಅಭಿಪ್ರಾಯ.

ಪತಿಯ ಪಾದ ಮುಟ್ಟುವ ಸಂಪ್ರದಾಯದ ಬಗ್ಗೆಯೂ ಆಕ್ಷೇಪ

ಕರ್ವಾ ಚೌತ್ ಆಚರಣೆಯ ಸಂದರ್ಭದಲ್ಲಿ ಕೆಲವು ಕುಟುಂಬಗಳಲ್ಲಿ ಪತಿಯ ಪಾದ ಮುಟ್ಟುವ ಪದ್ಧತಿಯೂ ಇದೆ. ಈ ಆಚರಣೆಯ ಬಗ್ಗೆಯೂ ದಿವಿಜಾ ಭಾಸಿನ್ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಪತ್ನಿ ಉಪವಾಸ ಮಾಡಿ ತನ್ನ ಪ್ರೀತಿಯನ್ನು ತೋರಿಸಿದ ಬಳಿಕವೂ ಪತಿಯನ್ನೇ ಪೂಜಿಸುವ ರೀತಿಯ ಆಚರಣೆಗಳು ಸಮಾನತೆಯ ದೃಷ್ಟಿಯಿಂದ ಪ್ರಶ್ನಾರ್ಹ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಆದರೆ ಈ ಸಂಪ್ರದಾಯಗಳು ಎಲ್ಲ ಕುಟುಂಬಗಳಲ್ಲೂ ಒಂದೇ ರೀತಿಯಲ್ಲಿಲ್ಲ. ಪ್ರಾದೇಶಿಕ ಮತ್ತು ಕೌಟುಂಬಿಕ ಆಚರಣೆಗಳಿಗೆ ಅನುಗುಣವಾಗಿ ಪದ್ಧತಿಗಳು ಬದಲಾಗುತ್ತವೆ.

ಸಾಮಾಜಿಕ ಜಾಲತಾಣದಲ್ಲಿ ಪರ-ವಿರೋಧ ಚರ್ಚೆ

ದಿವಿಜಾ ಅವರ ಹೇಳಿಕೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ವಿಭಿನ್ನ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಕೆಲವರು ಮಹಿಳೆಯರ ಮೇಲಿನ ಏಕಪಕ್ಷೀಯ ನಿರೀಕ್ಷೆಗಳನ್ನು ಪ್ರಶ್ನಿಸಿರುವ ಅವರ ನಿಲುವನ್ನು ಬೆಂಬಲಿಸಿದ್ದಾರೆ. ಮತ್ತೊಂದೆಡೆ, ಕೆಲವು ಮಹಿಳೆಯರು ಕರ್ವಾ ಚೌತ್ ವ್ರತವನ್ನು ತಾವು ಸ್ವಇಚ್ಛೆಯಿಂದ, ಭಕ್ತಿ ಮತ್ತು ಪ್ರೀತಿಯಿಂದ ಆಚರಿಸುತ್ತೇವೆ ಎಂದು ಹೇಳಿದ್ದಾರೆ.

ಸಂಪ್ರದಾಯಕ್ಕಿಂತ ಮುಖ್ಯವೇ ಪರಸ್ಪರ ಗೌರವ?

ಕರ್ವಾ ಚೌತ್ ಅನೇಕ ಕುಟುಂಬಗಳಿಗೆ ಧಾರ್ಮಿಕ ನಂಬಿಕೆ ಮತ್ತು ಪ್ರೀತಿಯ ಸಂಕೇತವಾಗಿದೆ. ಅದೇ ಸಮಯದಲ್ಲಿ, ಯಾವುದೇ ಆಚರಣೆ ಒತ್ತಡದಿಂದ ನಡೆಯಬಾರದು ಎಂಬ ಅಭಿಪ್ರಾಯವೂ ಚರ್ಚೆಯಲ್ಲಿದೆ. ದಂಪತಿಗಳು ತಮ್ಮ ನಂಬಿಕೆ ಮತ್ತು ಅನುಕೂಲಕ್ಕೆ ತಕ್ಕಂತೆ ಒಟ್ಟಿಗೆ ಉಪವಾಸ ಮಾಡಬಹುದು ಅಥವಾ ಬೇರೆ ರೀತಿಯಲ್ಲಿ ಹಬ್ಬ ಆಚರಿಸಬಹುದು.

ಅಂತಿಮವಾಗಿ, ಉಪವಾಸ ಮಾಡಬೇಕೇ ಬೇಡವೇ ಎಂಬುದು ವೈಯಕ್ತಿಕ ಆಯ್ಕೆಯಾಗಿರಬೇಕು. ಸಂಪ್ರದಾಯವನ್ನು ಗೌರವಿಸುವುದರ ಜೊತೆಗೆ ಪರಸ್ಪರ ಕಾಳಜಿ, ಸಮಾನತೆ ಮತ್ತು ಆರೋಗ್ಯಕ್ಕೂ ಆದ್ಯತೆ ನೀಡುವುದು ಮುಖ್ಯ.

View this post on Instagram

A post shared by Divija Bhasin | Mental Health (@awkwardgoat3)

ಹೂಕೋಸಿನಲ್ಲಿರುವ ಹುಳುಗಳನ್ನು ತೆಗೆಯೋದು ಕಷ್ಟಾನ? ವೈರಲ್ ಆಗ್ತಿರೋ ಈ ದೇಸಿ ಟ್ರಿಕ್ಸ್ ಟ್ರೈ ಮಾಡಿ!

Pavna Das — Thu, 29 Oct 2026 17:34:28 +0530

ಹೂಕೋಸಿನ ಹುಳ ತೆಗೆಯಲು ವೈರಲ್ ಟ್ರಿಕ್ಸ್

ಹೂಕೋಸಿನ ಸಣ್ಣ ಸಣ್ಣ ಹೂಗಳ ನಡುವೆ ಮತ್ತು ಪದರಗಳ ಒಳಗೆ ಅಡಗಿರುವ ಹಸಿರು ಅಥವಾ ಬಿಳಿ ಬಣ್ಣದ ಸಣ್ಣ ಹುಳುಗಳು ಅಡುಗೆ ಮಾಡುವಾಗ ತೊಂದರೆ ಉಂಟುಮಾಡುತ್ತವೆ. ಕೆಲವೊಮ್ಮೆ ಪದೇಪದೇ ನೀರಿನಲ್ಲಿ ತೊಳೆದರೂ ಈ ಹುಳುಗಳು ಒಳಭಾಗದಲ್ಲಿ ಅಂಟಿಕೊಂಡಿರುತ್ತವೆ. ಇಂತಹ ಸಂದರ್ಭದಲ್ಲಿ ಹೂಕೋಸಿನಿಂದ ಹುಳುಗಳನ್ನು ನಿವಾರಣೆ ಮಾಡಲು ಇತ್ತೀಚೆಗೆ ಇಂಟರ್ನೆಟ್ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ದೇಸಿ ಉಪಾಯವೊಂದನ್ನು ಟ್ರೈ ಮಾಡಬಹುದು. ಈ ವಿಧಾನದಿಂದ ಹೂಕೋಸಿಗೆ ಹಾನಿಯಾಗದಂತೆ ಕೆಲವೇ ನಿಮಿಷಗಳಲ್ಲಿ ಅಡಗಿರುವ ಹುಳುಗಳನ್ನು ಹೊರಗೆ ತರಬಹುದು. ಆ ವಿಧಾನಗಳು ಯಾವುವು ನೋಡೋಣ.

1. ಸಾಸಿವೆ ಎಣ್ಣೆಯನ್ನು ಹಚ್ಚಿ: ಮೊದಲು ಒಂದು ಸಂಪೂರ್ಣ ಹೂಕೋಸನ್ನು ತೆಗೆದುಕೊಳ್ಳಿ. ಅದರ ಮೇಲ್ಭಾಗ ಮತ್ತು ಪದರಗಳ ಮೇಲೆ ಕೈಯಿಂದ ಸ್ವಲ್ಪ ಪ್ರಮಾಣದ ಸಾಸಿವೆ ಎಣ್ಣೆಯನ್ನು ಹಚ್ಚಿ.

2. ಉಪ್ಪನ್ನು ಸಿಂಪಡಿಸಿ: ಎಣ್ಣೆ ಹಚ್ಚಿದ ತಕ್ಷಣ ಹೂಕೋಸಿನ ಮೇಲೆ ಸ್ವಲ್ಪ ಬಿಳಿ ಉಪ್ಪನ್ನು ಸಿಂಪಡಿಸಿ.

3. ಕಡಿಮೆ ಉರಿಯಲ್ಲಿ ಬಿಸಿ ಮಾಡಿ: ಈಗ ಇಕ್ಕಳದ ಸಹಾಯದಿಂದ ಹೂಕೋಸನ್ನು ಹಿಡಿದು, ಗ್ಯಾಸ್‌ನ ಅತಿ ಕಡಿಮೆ ಉರಿಯಲ್ಲಿ ಕೆಲವು ಸೆಕೆಂಡುಗಳ ಕಾಲ ಎಲ್ಲ ಬದಿಗಳಿಂದಲೂ ನಿಧಾನವಾಗಿ ತಿರುಗಿಸುತ್ತಾ ಬಿಸಿ ಮಾಡಿ.

ಈ ಟ್ರಿಕ್ ಹೇಗೆ ಕೆಲಸ ಮಾಡುತ್ತದೆ?

ಸಾಸಿವೆ ಎಣ್ಣೆ ಸ್ವಲ್ಪ ಬಿಸಿಯಾದಾಗ ಅದರಿಂದ ತೀಕ್ಷ್ಣವಾದ ವಾಸನೆ ಬರುತ್ತದೆ. ಇದರ ಜೊತೆಗೆ ಉರಿಯ ಶಾಖವು ಹೂಕೋಸಿನ ಒಳಗಿನ ಪದರಗಳಿಗೂ ತಲುಪುತ್ತದೆ. ಸಾಸಿವೆ ಎಣ್ಣೆಯ ವಾಸನೆ ಮತ್ತು ಶಾಖದಿಂದ ಒಳಗೆ ಅಡಗಿರುವ ಸಣ್ಣ ಹುಳುಗಳು ಹೊರಗೆ ಬರುತ್ತವೆ ಎಂದು ಈ ವೈರಲ್ ಉಪಾಯದಲ್ಲಿ ಹೇಳಲಾಗುತ್ತದೆ. ನಂತರ ಅವುಗಳನ್ನು ಸುಲಭವಾಗಿ ಗುರುತಿಸಿ ತೆಗೆಯಬಹುದು ಎಂದು ಹೇಳಲಾಗುತ್ತದೆ. ಹುಳುಗಳನ್ನು ತೆಗೆದ ಬಳಿಕ ಹೂಕೋಸನ್ನು ತುಂಡುಗಳಾಗಿ ಕತ್ತರಿಸಿ ಉಗುರುಬೆಚ್ಚಗಿನ ನೀರಿನಲ್ಲಿ ಚೆನ್ನಾಗಿ ತೊಳೆಯಬೇಕು.

ಯಾವ ವಿಷಯಗಳ ಬಗ್ಗೆ ಗಮನ ಹರಿಸಬೇಕು?

ಹೂಕೋಸಿನಲ್ಲಿರುವ ಹುಳುಗಳನ್ನು ತೆಗೆಯಲು ಈ ಉಪಾಯವನ್ನು ಪ್ರಯತ್ನಿಸುವ ಬಗ್ಗೆ ಯೋಚಿಸುತ್ತಿದ್ದರೆ, ಸ್ವಚ್ಛತೆ ಮತ್ತು ಸುರಕ್ಷತೆಗೆ ಸಂಬಂಧಿಸಿದ ಈ ಅಂಶಗಳನ್ನು ಗಮನದಲ್ಲಿಡಿ.

ಗ್ಯಾಸ್‌ನ ಉರಿಯ ಬಗ್ಗೆ ಎಚ್ಚರಿಕೆ: ಹೂಕೋಸನ್ನು ನೇರವಾಗಿ ಬೆಂಕಿಯ ಮೇಲೆ ಹಿಡಿದು ಬಿಸಿ ಮಾಡುವುದನ್ನು ತಪ್ಪಿಸಿ. ಇದರಿಂದ ಸುಡುವ ಅಪಾಯವಿದೆ.
ಸುರಕ್ಷಿತವಾಗಿ ಸ್ವಚ್ಛಗೊಳಿಸಿ: ಹೂಕೋಸನ್ನು ಕೈಯಿಂದ ಹಿಡಿದು ಪ್ರತ್ಯೇಕ ಹೂಗಳಾಗಿ ಬಿಡಿಸಿ, ಹರಿಯುವ ಶುದ್ಧ ನೀರಿನಲ್ಲಿ ಚೆನ್ನಾಗಿ ತೊಳೆಯಿರಿ.
ಹೂಕೋಸನ್ನು ಒಂದೇ ಸ್ಥಳದಲ್ಲಿ ಇಡಬೇಡಿ: ಹೂಕೋಸಿನ ಎಲ್ಲಾ ಭಾಗಗಳನ್ನೂ ಪರಿಶೀಲಿಸಿ. ಹುಳುಗಳು ಅಥವಾ ಕೊಳಕು ಕಾಣಿಸಿದರೆ ಅವುಗಳನ್ನು ತೆಗೆದುಹಾಕಿ.
ಎಣ್ಣೆಯ ಬಳಕೆಯಲ್ಲಿ ಎಚ್ಚರಿಕೆ ವಹಿಸಿ: ಸಾಸಿವೆ ಎಣ್ಣೆಯನ್ನು ಹಚ್ಚಿ ನೇರವಾಗಿ ಬೆಂಕಿಯಲ್ಲಿ ಬಿಸಿ ಮಾಡುವುದರಿಂದ ಎಣ್ಣೆ ತೊಟ್ಟಿಕ್ಕಿ ಬೆಂಕಿ ಹೊತ್ತಿಕೊಳ್ಳುವ ಅಪಾಯವಿದೆ.
ಉಪ್ಪು ನೀರನ್ನು ಬಳಸಬಹುದು: ಹೂಕೋಸಿನ ಹೂಗಳನ್ನು ತುಂಡುಗಳಾಗಿ ಬಿಡಿಸಿ, ಸ್ವಲ್ಪ ಉಪ್ಪು ಬೆರೆಸಿದ ನೀರಿನಲ್ಲಿ ಕೆಲವು ನಿಮಿಷ ಇಟ್ಟು ನಂತರ ಶುದ್ಧ ನೀರಿನಲ್ಲಿ ಚೆನ್ನಾಗಿ ತೊಳೆಯಬಹುದು. ಇದು ಸ್ವಚ್ಛಗೊಳಿಸಲು ಸಹಾಯ ಮಾಡುತ್ತದೆ; ಆದರೆ ಎಲ್ಲಾ ಹುಳುಗಳು ಅಥವಾ ಕೀಟನಾಶಕಗಳು ಸಂಪೂರ್ಣವಾಗಿ ನಿವಾರಣೆಯಾಗುತ್ತವೆ ಎಂಬ ಖಾತರಿ ಇಲ್ಲ.

ಯಾವ ಸಿಹಿತಿನಿಸನ್ನು ‘King of Sweets’ ಎನ್ನುತ್ತಾರೆ ಅನ್ನೋದು ಗೊತ್ತಾ? ಕೇಳಿದ್ರೆ ಶಾಕ್ ಆಗ್ತೀರಿ!

Pavna Das — Thu, 29 Oct 2026 21:48:46 +0530

‘ಸಿಹಿತಿಂಡಿಗಳ ರಾಜ’ ಎಂದು ಯಾವ ಸಿಹಿತಿಂಡಿಯನ್ನು ಕರೆಯುತ್ತಾರೆ ಗೊತ್ತಾ?

ಭಾರತದಲ್ಲಿ ನೂರಾರು ಬಗೆಯ ಸಾಂಪ್ರದಾಯಿಕ ಸಿಹಿತಿಂಡಿಗಳಿವೆ. ಪ್ರತಿಯೊಂದು ಸಿಹಿತಿಂಡಿಯೂ ತನ್ನದೇ ಆದ ರುಚಿ, ತಯಾರಿಸುವ ವಿಧಾನ ಮತ್ತು ಸಾಂಸ್ಕೃತಿಕ ಮಹತ್ವವನ್ನು ಹೊಂದಿದೆ. ದೇಶದ ವಿವಿಧ ಭಾಗಗಳಲ್ಲಿ ವಿಶೇಷ ಸಿಹಿತಿಂಡಿಗಳು ಜನಪ್ರಿಯವಾಗಿದ್ದರೂ, ದಕ್ಷಿಣ ಭಾರತದ ಒಂದು ಸಿಹಿತಿಂಡಿ ‘ಸಿಹಿತಿಂಡಿಗಳ ರಾಜ’ ಎಂಬ ಖ್ಯಾತಿಯನ್ನು ಗಳಿಸಿದೆ. ಅದುವೇ ಕರ್ನಾಟಕದ ಹೆಮ್ಮೆಯ ಮೈಸೂರ್ ಪಾಕ್. ಈ ಸಿಹಿತಿಂಡಿಗೆ ಮೈಸೂರಿನ ರಾಜಮನೆತನದ ಇತಿಹಾಸದೊಂದಿಗೂ ನಿಕಟ ಸಂಬಂಧವಿದೆ.

ಮೈಸೂರ್ ಪಾಕ್‌ನ ವಿಶೇಷತೆ ಏನು?

ಮೈಸೂರ್ ಪಾಕ್ ಕರ್ನಾಟಕದ ಮೈಸೂರಿನಲ್ಲಿ ಹುಟ್ಟಿಕೊಂಡ ಸಾಂಪ್ರದಾಯಿಕ ಸಿಹಿತಿಂಡಿಯಾಗಿದೆ. ಇದನ್ನು ಮುಖ್ಯವಾಗಿ ಕಡಲೆ ಹಿಟ್ಟು, ಸಕ್ಕರೆ ಮತ್ತು ತುಪ್ಪ ಎಂಬ ಮೂರು ಪದಾರ್ಥಗಳಿಂದ ತಯಾರಿಸಲಾಗುತ್ತದೆ. ಈ ಪದಾರ್ಥಗಳನ್ನು ಸರಿಯಾದ ಪ್ರಮಾಣದಲ್ಲಿ ಬೆರೆಸಿ, ಸೂಕ್ತ ರೀತಿಯಲ್ಲಿ ಬೇಯಿಸುವುದರಿಂದ ಮೈಸೂರ್ ಪಾಕ್‌ಗೆ ವಿಶಿಷ್ಟವಾದ ರುಚಿ ಮತ್ತು ವಿನ್ಯಾಸ ದೊರೆಯುತ್ತದೆ. ಚೆನ್ನಾಗಿ ತಯಾರಿಸಿದ ಮೈಸೂರ್ ಪಾಕ್ ಬೆಣ್ಣೆಯಂತಹ ರಿಚ್ ಟೇಸ್ಟ್ ಹೊಂದಿರುತ್ತದೆ.

ಮೈಸೂರ್ ಪಾಕ್‌ನ ಹಿಂದಿದೆ ರಾಜಮನೆತನದ ಕಥೆ

ಮೈಸೂರ್ ಪಾಕ್‌ನ ಇತಿಹಾಸವು ಮೈಸೂರು ಸಂಸ್ಥಾನವನ್ನು ಆಳಿದ ಒಡೆಯರ್ ರಾಜವಂಶದೊಂದಿಗೆ ನಿಕಟ ಸಂಬಂಧ ಹೊಂದಿದೆ. ಜನಪ್ರಿಯ ಕಥೆಗಳ ಪ್ರಕಾರ, ಈ ಸಿಹಿತಿಂಡಿಯನ್ನು ಮೊದಲು ರಾಜಮನೆತನದ ಅಡುಗೆಮನೆಯಲ್ಲಿ ಅರಮನೆಯವರಿಗಾಗಿ ತಯಾರಿಸಲಾಗಿತ್ತು. ಅರಮನೆಯ ಅಡುಗೆಯವರು ಭಾರತೀಯ ಅಡುಗೆಮನೆಗಳಲ್ಲಿ ಸಾಮಾನ್ಯವಾಗಿ ಬಳಸುವ ಪದಾರ್ಥಗಳನ್ನು ಪ್ರಯೋಗಿಸಿ ಈ ಸಿಹಿತಿಂಡಿ ತಯಾರಿಸಿದರು. ಇದರ ರುಚಿ ರಾಜಮನೆತನದವರ ಮೆಚ್ಚುಗೆಗೆ ಪಾತ್ರವಾಯಿತು ಎನ್ನಲಾಗುತ್ತದೆ.

ನಂತರ ಈ ಸಿಹಿತಿಂಡಿ ಅರಮನೆಯಿಂದ ಹೊರಬಂದು ಸ್ಥಳೀಯ ಸಿಹಿತಿಂಡಿ ಅಂಗಡಿಗಳು ಮತ್ತು ಮನೆಗಳನ್ನು ತಲುಪಿತು. ಕಾಲಕ್ರಮೇಣ ಮೈಸೂರ್ ಪಾಕ್ ಕರ್ನಾಟಕದ ಪಾಕಪದ್ಧತಿಯ ಪ್ರಮುಖ ಭಾಗವಾಯಿತು. ರಾಜಮನೆತನದ ಅಡುಗೆಮನೆಯೊಂದಿಗಿನ ಇದರ ಸಂಬಂಧವು ಇಂದಿಗೂ ಈ ಸಿಹಿತಿಂಡಿಯ ಆಕರ್ಷಣೆಯನ್ನು ಹೆಚ್ಚಿಸಿದೆ.

ಮೈಸೂರ್ ಪಾಕ್ ತಯಾರಿಸುವುದು ಅಷ್ಟು ಸುಲಭವಲ್ಲ!

ಮೈಸೂರ್ ಪಾಕ್ ತಯಾರಿಸಲು ಬೇಕಾಗುವ ಪದಾರ್ಥಗಳು ಸರಳವಾಗಿದ್ದರೂ, ಅದನ್ನು ಪರಿಪೂರ್ಣವಾಗಿ ತಯಾರಿಸಲು ಸಾಕಷ್ಟು ಕೌಶಲ ಮತ್ತು ತಾಳ್ಮೆ ಅಗತ್ಯವಿದೆ. ಕಡಲೆ ಹಿಟ್ಟು, ಸಕ್ಕರೆ ಮತ್ತು ತುಪ್ಪದ ಸರಿಯಾದ ಪ್ರಮಾಣವನ್ನು ಬಳಸುವುದು ಹಾಗೂ ಮಿಶ್ರಣವನ್ನು ಸೂಕ್ತ ಹಂತದವರೆಗೆ ಬೇಯಿಸುವುದು ಬಹಳ ಮುಖ್ಯ. ತುಪ್ಪವು ಸಿಹಿತಿಂಡಿಗೆ ರಿಚ್ ರುಚಿಯನ್ನು ನೀಡಿದರೆ, ತಯಾರಿಸುವ ವಿಧಾನವು ಅದರ ಅಂತಿಮ ವಿನ್ಯಾಸವನ್ನು ನಿರ್ಧರಿಸುತ್ತದೆ.

ಕೆಲವು ಸಿಹಿತಿಂಡಿ ತಯಾರಕರು ಸ್ವಲ್ಪ ಗಟ್ಟಿಯಾಗಿ, ಪುಡಿಯಾಗುವಂತಹ ಮೈಸೂರ್ ಪಾಕ್ ತಯಾರಿಸಿದರೆ, ಇನ್ನು ಕೆಲವರು ಬಾಯಲ್ಲಿ ಕರಗುವಷ್ಟು ಮೃದುವಾದ ರೂಪದಲ್ಲಿ ತಯಾರಿಸುತ್ತಾರೆ. ಹೀಗಾಗಿ ಗ್ರಾಹಕರು ತಮ್ಮ ಇಷ್ಟಕ್ಕೆ ತಕ್ಕಂತೆ ವಿವಿಧ ಬಗೆಯ ಮೈಸೂರ್ ಪಾಕ್‌ಗಳನ್ನು ಸವಿಯಬಹುದು.

ಇಂದಿಗೂ ಕಡಿಮೆಯಾಗದ ಮೈಸೂರ್ ಪಾಕ್‌ನ ಜನಪ್ರಿಯತೆ

ಮೈಸೂರಿನ ರಾಜಮನೆತನದ ಅಡುಗೆಮನೆಯಿಂದ ಆರಂಭವಾಯಿತು ಎಂದು ಹೇಳಲಾಗುವ ಮೈಸೂರ್ ಪಾಕ್ ಇಂದು ಭಾರತದಾದ್ಯಂತ ಸಿಹಿತಿಂಡಿ ಅಂಗಡಿಗಳಲ್ಲಿ ಲಭ್ಯವಿದೆ. ಇದರ ವಿಶಿಷ್ಟ ರುಚಿ, ಸಾಂಪ್ರದಾಯಿಕ ತಯಾರಿಕಾ ವಿಧಾನ ಮತ್ತು ರಾಜಮನೆತನದೊಂದಿಗಿನ ಐತಿಹಾಸಿಕ ಸಂಬಂಧವು ಈ ಸಿಹಿತಿಂಡಿಗೆ ವಿಶೇಷ ಸ್ಥಾನವನ್ನು ತಂದುಕೊಟ್ಟಿದೆ. ಕರ್ನಾಟಕದ ಪಾಕಪರಂಪರೆಯ ಹೆಮ್ಮೆಯ ಸಂಕೇತವಾಗಿರುವ ಮೈಸೂರ್ ಪಾಕ್ ಇಂದಿಗೂ ಸಿಹಿಪ್ರಿಯರ ನೆಚ್ಚಿನ ಆಯ್ಕೆಯಾಗಿದೆ.

ಯಾವಾಗ್ಲೂ ಹೆಲ್ತಿಯಾಗಿರಬೇಕು, ಆಸ್ಪತ್ರೆಯಿಂದ ದೂರ ಇರಬೇಕು ಅಂದ್ರೆ ಈ ದಿನಚರಿ ನಿಮ್ಮದಾಗಿರಲಿ

Pavna Das — Thu, 29 Oct 2026 19:33:05 +0530

ಉತ್ತಮ ಆರೋಗ್ಯಕ್ಕೆ ಆಯುರ್ವೇದ

ಆಯುರ್ವೇದವು ಕೇವಲ ರೋಗಗಳಿಗೆ ಚಿಕಿತ್ಸೆ ನೀಡುವ ಪದ್ಧತಿಯಲ್ಲ; ಇದು ಜೀವನವನ್ನು ಆರೋಗ್ಯಕರವಾಗಿ ನಡೆಸಲು ಮಾರ್ಗದರ್ಶನ ನೀಡುವ ಸಮಗ್ರ ವಿಜ್ಞಾನವಾಗಿದೆ. ಆಯುರ್ವೇದ ತಜ್ಞರ ಪ್ರಕಾರ, ವ್ಯಕ್ತಿಯು ತನ್ನ ದೈನಂದಿನ ಅಭ್ಯಾಸಗಳನ್ನು ಸರಿಪಡಿಸಿಕೊಂಡು, ಋತುಮಾನಕ್ಕೆ ಅನುಗುಣವಾಗಿ ಜೀವನಶೈಲಿಯನ್ನು ಬದಲಾಯಿಸಿಕೊಂಡರೆ ಆರೋಗ್ಯ ಮತ್ತು ಚೈತನ್ಯವನ್ನು ಕಾಪಾಡಿಕೊಳ್ಳಲು ಸಹಾಯವಾಗುತ್ತದೆ. ಈ ನಿಯಮಗಳು ದೇಹದ ಆರೋಗ್ಯ ಹಾಗೂ ತ್ವಚೆಯ ಸೌಂದರ್ಯಕ್ಕೆ ಹೇಗೆ ಪೂರಕವಾಗುತ್ತವೆ ಎಂಬುದನ್ನು ತಿಳಿಯೋಣ.

1. ಆಯುರ್ವೇದ ದಿನಚರಿಯ ಮಹತ್ವ

ಆಯುರ್ವೇದದ ದಿನಚರ್ಯೆ ಮತ್ತು ಋತುಚರ್ಯೆ ಆರೋಗ್ಯಕರ ಜೀವನಶೈಲಿಗೆ ಸಹಕಾರಿ. ದೈನಂದಿನ ಅಭ್ಯಾಸ ಹಾಗೂ ಋತುಮಾನಕ್ಕೆ ತಕ್ಕ ಆಹಾರ ಪದ್ಧತಿಯನ್ನು ಅನುಸರಿಸುವುದು ಮುಖ್ಯ.

2. ಎಣ್ಣೆ ಮಸಾಜ್‌ನ ಪ್ರಯೋಜನಗಳು

ತೆಂಗಿನೆಣ್ಣೆ ಮತ್ತು ಎಳ್ಳೆಣ್ಣೆಯಿಂದ ಮಸಾಜ್ ಮಾಡುವುದರಿಂದ ತ್ವಚೆಯ ತೇವಾಂಶ ಕಾಪಾಡಲು, ಆಯಾಸ ಕಡಿಮೆ ಮಾಡಲು ಮತ್ತು ವಿಶ್ರಾಂತಿ ಪಡೆಯಲು ಸಹಾಯವಾಗಬಹುದು.

3. ಉದ್ವರ್ತನದಿಂದ ತ್ವಚೆಯ ಆರೈಕೆ

ತ್ರಿಫಲ ಮತ್ತು ಕುಲತ್ಥದಂತಹ ಪದಾರ್ಥಗಳಿಂದ ತಯಾರಿಸಿದ ಉಬ್ಟನ್ ಅನ್ನು ಆಯುರ್ವೇದದಲ್ಲಿ ದೇಹದ ಆರೈಕೆಗಾಗಿ ಬಳಸಲಾಗುತ್ತದೆ. ಇದು ದೇಹದ ಹೆಚ್ಚುವರಿ ಕೊಬ್ಬನ್ನು ಕಡಿಮೆ ಮಾಡಲು, ರಕ್ತ ಪರಿಚಲನೆಯನ್ನು ಸುಧಾರಿಸಲು ಮತ್ತು ಚರ್ಮದ ಬಣ್ಣ ಹಾಗೂ ಅಂದವನ್ನು ಹೆಚ್ಚಿಸಲು ಸಹಾಯಕವಾಗಿದೆ.

4. ಋತುಚರ್ಯೆಯ ಮಹತ್ವ

ಋತುಮಾನಕ್ಕೆ ಅನುಗುಣವಾಗಿ ಆಹಾರ ಮತ್ತು ಜೀವನಶೈಲಿಯನ್ನು ಬದಲಾಯಿಸಿಕೊಳ್ಳುವುದು ಋತುಚರ್ಯೆಯ ಉದ್ದೇಶವಾಗಿದೆ. ಹೊರಗಿನ ಹವಾಮಾನದಲ್ಲಿ ಎಂತಹ ಬದಲಾವಣೆಗಳೇ ಆದರೂ, ನಮ್ಮ ದೇಹದ ಆಂತರಿಕ ಚಯಾಪಚಯ ಕ್ರಿಯೆಯು ಸಮತೋಲನದಲ್ಲಿರುವುದನ್ನು ಖಚಿತಪಡಿಸಿಕೊಳ್ಳುವುದೇ ಇದರ ಮುಖ್ಯ ಉದ್ದೇಶವಾಗಿದೆ.

5. ಹೇಮಂತ ಋತುವಿನಲ್ಲಿ ಆಹಾರ

ಚಳಿಗಾಲದ ಆರಂಭದಲ್ಲಿ ನಮ್ಮ ಜೀರ್ಣ ಶಕ್ತಿ ಉತ್ತಮವಾಗಿರುತ್ತದೆ. ಹಾಗಾಗಿ ಗೋಧಿ, ಕಪ್ಪು ಕಡಲೆ, ಹಾಲಿನ ಪದಾರ್ಥಗಳು ಮತ್ತು ಪೌಷ್ಟಿಕ ಆಹಾರಕ್ಕೆ ಆದ್ಯತೆ ನೀಡಬಹುದು. ಉಗುರುಬೆಚ್ಚಗಿನ ನೀರು ಕುಡಿಯುವುದೂ ಉತ್ತಮ ಅಭ್ಯಾಸ.

6. ಶಿಶಿರ ಋತುವಿನಲ್ಲಿ ಆರೋಗ್ಯ

ತೀವ್ರ ಚಳಿಯ ಸಮಯದಲ್ಲಿ ದೇಹವನ್ನು ಬೆಚ್ಚಗಿರಿಸಿಕೊಳ್ಳಿ. ಸಮತೋಲಿತ ಆಹಾರ ಸೇವಿಸಿ, ನಿಯಮಿತ ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳಿ. ಬೆಚ್ಚಗಿನ ಆಹಾರ ಸೇವಿಸುವುದು, ಎಣ್ಣೆಸ್ನಾನ ಮಾಡುವುದು ಉತ್ತಮ. ದೀಪಾವಳಿಯಂತಹ ಹಬ್ಬಗಳಲ್ಲಿ ಎಣ್ಣೆ ಹಚ್ಚಿ ಸ್ನಾನ ಮಾಡುವ ಸಂಪ್ರದಾಯವಿದೆ. ಇಂತಹ ಕೆಲವು ಆಚರಣೆಗಳು ದೇಹದ ಆರೈಕೆ ಮತ್ತು ವೈಯಕ್ತಿಕ ಸ್ವಚ್ಛತೆಗೆ ಪೂರಕವಾಗಿರಬಹುದು.

7. ತ್ವಚೆ ಮತ್ತು ಆಂತರಿಕ ಆರೋಗ್ಯ

ಸಮತೋಲಿತ ಆಹಾರ, ಉತ್ತಮ ನಿದ್ರೆ, ಸರಿಯಾದ ಜೀರ್ಣಕ್ರಿಯೆ ಮತ್ತು ಮಾನಸಿಕ ನೆಮ್ಮದಿ ಆರೋಗ್ಯಕರ ತ್ವಚೆಗೆ ಸಹಕಾರಿಯಾಗುತ್ತವೆ. ಜೀರ್ಣಕ್ರಿಯೆ ಚೆನ್ನಾಗಿದ್ದರೆ ನಿಮ್ಮ ತ್ವಚೆ ಕೂಡ ಹೊಳೆಯಲು ಶುರು ಮಾಡುತ್ತದೆ.

Food: ಸೂಪರ್‌ಫುಡ್‌ ಆಲೂಗಡ್ಡೆ; ದೇಶದ ಅಪೌಷ್ಟಿಕತೆ ಓಡಿಸಲು ಸಜ್ಜಾದ 'ಪರ್ಪಲ್ ಪೊಟಾಟೊ!

Bhimasi M Koleppanavar — Thu, 29 Oct 2026 18:56:32 +0530

ಮಾರುಕಟ್ಟೆಗೆ ನೇರಳೆ ಬಣ್ಣದ ಆಲೂಗಡ್ಡೆ ಬಂದಿದೆ. ಈ ಹೊಸ ನೇರಳೆ ಬಣ್ಣದ ಆಲೂಗಡ್ಡೆ ತಳಿಗೆ ಕುಫ್ರಿ ಜಮುನಿಯಾ ಎಂದು ಹೆಸರಿಡಲಾಗಿದ್ದು, ಇದನ್ನು ಕೇಂದ್ರ ಆಲೂಗಡ್ಡೆ ಸಂಶೋಧನಾ ಸಂಸ್ಥೆಅಭಿವೃದ್ಧಿಪಡಿಸಿದೆ. ಇನ್ನು ಇದರ ಉದ್ದೇಶ ನೋಡ ಹೋರಟರೆ, ಸಾಮಾನ್ಯ ಜನರು ಪ್ರತಿದಿನ ಬಳಸುವ ಆಹಾರದಲ್ಲೇ ಪೌಷ್ಟಿಕಾಂಶವನ್ನು ಹೆಚ್ಚಿಸುವ ಮೂಲಕ ದೇಶದಲ್ಲಿನ 'ಮರೆಮಾಚಿದ ಹಸಿವು' ನೀಗಿಸಲು ಸರ್ಕಾರ ಇದನ್ನು ಪ್ರೋತ್ಸಾಹಿಸುತ್ತಿದೆ.

ಬಿಡುಗಡೆ ಆಗಿದ್ದು ಯಾವಾಗ?

ಈ ತಳಿಯನ್ನು ಅಧಿಕೃತವಾಗಿ 2024 ರಲ್ಲಿ ಬಿಡುಗಡೆ ಮಾಡಲಾಗಿದೆ. ಪೌಷ್ಟಿಕಾಂಶಗಳ ಹೋಲಿಕೆ ನೋಡಿದರೆ, ಕಬ್ಬಿನಾಂಶ ಸಾಮಾನ್ಯ ಆಲೂಗಡ್ಡೆಯಲ್ಲಿ 23.15 ಮಿಗ್ರಾಂ ಇದ್ದರೆ, ಕುಫ್ರಿ ಜಮುನಿಯಾದಲ್ಲಿ 42.75 ಮಿಗ್ರಾಂ ಇದೆ. ಅದರಂತೆ ಸಾಮಾನ್ಯ ತಳಿಯಲ್ಲಿ 0.57 ಮಿಗ್ರಾಂ ಇದ್ದರೆ, ಇದರಲ್ಲಿ 3.22 ಮಿಗ್ರಾಂ ನಷ್ಟಿದೆ. ಸತು ಸಾಮಾನ್ಯ ಆಲೂಗಡ್ಡೆಯಲ್ಲಿ 0.28 ಮಿಗ್ರಾಂ ಇದ್ದರೆ, ಇದರಲ್ಲಿ 2.28 ಮಿಗ್ರಾಂ ಇದೆ. ಅಲ್ಲದೇ ಇದರ ನೇರಳೆ ಬಣ್ಣಕ್ಕೆ ಕಾರಣವಾಗಿರುವ 'ಆಂಥೋಸಯಾನಿನ್' ಎಂಬ ನೈಸರ್ಗಿಕ ವರ್ಣದ್ರವ್ಯವು ಉತ್ತಮ ಆಂಟಿಆಕ್ಸಿಡೆಂಟ್ ಆಗಿ ಕೆಲಸ ಮಾಡುತ್ತದೆ.

ಕೃಷಿ ಮತ್ತು ಇಳುವರಿ!

ನಿಗದಿಪಡಿಸಿದ ಕೃಷಿ ಪದ್ಧತಿಗಳ ಅಡಿಯಲ್ಲಿ ಪ್ರತಿ ಹೆಕ್ಟೇರ್‌ಗೆ 32 ರಿಂದ 35 ಟನ್ ಇಳುವರಿ ಪಡೆಯಬಹುದು. ಪ್ರಾಯೋಗಿಕ ಪರೀಕ್ಷೆಗಳಲ್ಲಿ ಇದು 90 ದಿನಗಳಲ್ಲಿ ಸುಮಾರು 49 ಟನ್‌ಗಳಷ್ಟು ಗರಿಷ್ಠ ಇಳುವರಿ ನೀಡಿದೆ. ಇದನ್ನು ಉತ್ತರ ಭಾರತದ ಬಯಲು ಸೀಮೆಗಳಲ್ಲಿ ಬೆಳೆಯಲು ಶಿಫಾರಸು ಮಾಡಲಾಗಿದೆ ಹಾಗೂ ಇದು ಉತ್ತಮ ಶೇಖರಣಾ ಸಾಮರ್ಥ್ಯವನ್ನು ಹೊಂದಿದೆ.

ಬಯೋಫೋರ್ಟಿಫಿಕೇಶನ್!

ಇದು ಸಾಮಾನ್ಯ ಆಹಾರದ ಕೋಟಾಗಳಲ್ಲಿ ಪೌಷ್ಟಿಕಾಂಶ ಸೇರಿಸುವ ಕೃತಕ ಪದ್ಧತಿಯಲ್ಲ. ಬದಲಿಗೆ, ಸಸ್ಯ ತಳಿ ಅಭಿವೃದ್ಧಿ ಮತ್ತು ಸುಧಾರಿತ ಬೇಸಾಯದ ಮೂಲಕ ಬೆಳೆ ಬೆಳೆಯುವಾಗಲೇ ಅದರಲ್ಲಿ ನೈಸರ್ಗಿಕವಾಗಿ ಪೋಷಕಾಂಶಗಳು ಹೆಚ್ಚಾಗುವಂತೆ ಮಾಡುವ 'ಬಯೋಫೋರ್ಟಿಫಿಕೇಶನ್' ತಂತ್ರಜ್ಞಾನವಾಗಿದೆ.

ರೈತರ ಮತ್ತು ಗ್ರಾಹಕರ ಸ್ವೀಕೃತಿ!

ಇದರ ವಿಭಿನ್ನ ಬಣ್ಣವನ್ನು ಗ್ರಾಹಕರು ಹೇಗೆ ಸ್ವೀಕರಿಸುತ್ತಾರೆ ಮತ್ತು ಮಾರುಕಟ್ಟೆಯಲ್ಲಿ ರೈತರಿಗೆ ಇದು ಆರ್ಥಿಕವಾಗಿ ಎಷ್ಟು ಲಾಭ ತರಲಿದೆ ಎಂಬುದು ಮುಖ್ಯವಾಗಿದೆ. ಆಲೂಗಡ್ಡೆಯನ್ನು ಬೇಯಿಸಿದ ನಂತರವೂ ಅದರಲ್ಲಿನ ಪೋಷಕಾಂಶಗಳು ಎಷ್ಟು ಪ್ರಮಾಣದಲ್ಲಿ ಉಳಿಯುತ್ತವೆ ಮತ್ತು ಅದನ್ನು ದೇಹವು ಎಷ್ಟು ಹೀರಿಕೊಳ್ಳುತ್ತದೆ ಎಂಬುದರ ಕುರಿತು ಇನ್ನಷ್ಟು ಸಂಶೋಧನೆ ಅಗತ್ಯವಾಗಿವೆ.

ಥುಂಬಾಡ್ ಹಸ್ತರ್‌ ಅವತಾರದಲ್ಲಿ ಓರಿ: ಹ್ಯಾಲೋವೀನ್ ಲುಕ್ ನೋಡಿ ಕಂಗಾಲಾದ ಮುಂಬೈ ಪಾಪರಾಜಿಗಳು!

Santosh Naik — Thu, 29 Oct 2026 22:47:13 +0530

ಮುಂಬೈ (ಅ.29): ಸೋಶಿಯಲ್‌ ಮೀಡಿಯಾಗಳ ಹಾಟ್ ಫೇವರಿಟ್ ಹಾಗೂ ಬಾಲಿವುಡ್ ಸೆಲೆಬ್ರಿಟಿಗಳ ನೆಚ್ಚಿನ ಗೆಳೆಯ ಓರಿ (Orry) ತಮ್ಮ ವಿಭಿನ್ನ ಹ್ಯಾಲೋವೀನ್ ಲುಕ್ ಮೂಲಕ ಮತ್ತೊಮ್ಮೆ ಎಲ್ಲರ ಗಮನಸೆಳೆದಿದ್ದಾರೆ. ಮುಂಬೈನ ಬಾಂದ್ರಾ ಪ್ರದೇಶದಲ್ಲಿ ಪ್ಯಾಪರಾಜಿಗಳ (Paparazzi) ಮುಂದೆ ಪ್ರತ್ಯಕ್ಷರಾದ ಓರಿ, 2018 ರ ಪ್ರಸಿದ್ಧ ಕಲ್ಟ್ ಹಾರರ್ ಸಿನಿಮಾ ಥುಂಬಾಡ್‌ ಚಿತ್ರದ ದುರಾಸೆಯ ಶಾಪಗ್ರಸ್ತ ದೇವತೆ ಹಸ್ತರ್‌ ರೂಪದಲ್ಲಿ ಕಾಣಿಸಿಕೊಂಡು ಎಲ್ಲರನ್ನೂ ಕ್ಷಣಕಾಲ ಅಚ್ಚರಿಗೆ ನೂಕಿದ್ದಾರೆ.

ಹ್ಯಾಲೋವೀನ್ ಅವತಾರದಲ್ಲಿ ಓರಿ, ದೇಹ ಪೂರ್ತಿ ಕೆಂಪು ಬಣ್ಣ ಬಳಿದುಕೊಂಡು, ತಲೆಯಲ್ಲಿ ಚಿನ್ನದ ಹೋಲಿಕೆಯ ಕಿರೀಟ, ಸಾಂಪ್ರದಾಯಿಕ ಕೆಂಪು-ಚಿನ್ನದ ಪಟ್ಟಿಯ ಶೈಲಿಯ ಡ್ರೆಸ್ ಹಾಗೂ ಸ್ಕರ್ಟ್ ಧರಿಸಿ ಹುಬ್ಬೇರಿಸಿದ್ದರು. ಹಸ್ತರ್‌ ದೇವತೆಯ ರಕ್ತಸಿಕ್ತ ಹಾಗೂ ಭಯಾನಕ ರೂಪವನ್ನು ಮರುಸೃಷ್ಟಿಸಿದ್ದ ಓರಿಯ ಈ ಹೈ-ಫ್ಯಾಷನ್ ಹಾಗೂ ಹಾರರ್ ಸಮ್ಮಿಲನದ ಅವತಾರವನ್ನು ಕಂಡು ಪ್ಯಾಪರಾಜಿಗಳು ಹಾಗೂ ಅಭಿಮಾನಿಗಳು ಅಚ್ಚರಿಪಟ್ಟಿದ್ದು, "ಓರಿ ಕಂಪ್ಲೀಟ್ ಆಗಿ ಧೂಳೆಬ್ಬಿಸಿದ್ದಾರೆ" ಎಂದು ಸೋಶಿಯಲ್ ಮೀಡಿಯಾದಲ್ಲಿ ಪ್ರಶಂಸೆಯ ಮಹಾಪೂರ ಹರಿಸುತ್ತಿದ್ದಾರೆ.

ಅಧಿಕೃತವಾಗಿ ಅನೌನ್ಸ್ ಆಗಿದೆ ಥುಂಬಾಡ್‌-2

ಓರಿ ಅವರ ಈ ಹಸ್ತರ್ ಅವತಾರ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಬೆನ್ನಲ್ಲೇ, ಥುಂಬಾಡ್‌ ಸಿನಿಮಾದ ಅಭಿಮಾನಿಗಳಿಗೂ ಸಿಹಿ ಸುದ್ದಿ ಸಿಕ್ಕಿದೆ. ಇತ್ತೀಚೆಗಷ್ಟೇ ಮರು-ಬಿಡುಗಡೆಯಾಗಿ (Re-release) ಗಲ್ಲಾಪೆಟ್ಟಿಗೆಯಲ್ಲಿ ಕೋಟಿ ಕಲೆಕ್ಷನ್ ಮಾಡಿ ಇತಿಹಾಸ ನಿರ್ಮಿಸಿದ್ದ ಥುಂಬಾಡ್‌ ಸಿನಿಮಾದ ಎರಡನೇ ಭಾಗ ‘ಥುಂಬಾಡ್ 2’ (Tumbbad 2) ಅಧಿಕೃತವಾಗಿ ಶೂಟಿಂಗ್ ಹಂತಕ್ಕೆ ಕಾಲಿಟ್ಟಿದೆ. ಚಿತ್ರದ ನಾಯಕ ಹಾಗೂ ನಿರ್ಮಾಪಕ ಸೋಹಮ್ ಶಾ (Sohum Shah) ಅವರು Pralay Aayega ಎನ್ನುವ ಕಥಾ ಸಾಲಿನೊಂದಿಗೆ 'ಥುಂಬಾಡ್ 2' ಚಿತ್ರದ ಥಿಯೇಟರ್ ಬಿಡುಗಡೆ ದಿನಾಂಕವನ್ನು ಪ್ರಕಟಿಸಿದ್ದಾರೆ. ಈ ಬೃಹತ್ ಫ್ಯಾಂಟಸಿ ಹಾರರ್ ಚಿತ್ರವು 2027 ರ ಡಿಸೆಂಬರ್ 3 ರಂದು ಜಗತ್ತಿನಾದ್ಯಂತ ರಿಲೀಸ್‌ ಆಗಲಿದೆ.

ಆಲಿಯಾ ಭಟ್, ನವಾಜುದ್ದೀನ್ ಸಿದ್ದಿಕಿ ಮೆಗಾ ಎಂಟ್ರಿ!

'ಥುಂಬಾಡ್ 2' ಚಿತ್ರವು ಮೊದಲ ಭಾಗಕ್ಕಿಂತಲೂ ಭಾರಿ ದೊಡ್ಡ ಮಟ್ಟದಲ್ಲಿ ರೂಪುಗೊಳ್ಳುತ್ತಿದ್ದು, ಬಾಲಿವುಡ್‌ನ ಪ್ರಮುಖರು ಶಾಪಗ್ರಸ್ತ ಲೋಕಕ್ಕೆ ಪ್ರವೇಶಿಸಿದ್ದಾರೆ. ಪ್ರಮುಖ ಲೀಡ್ ಪಾತ್ರವೊಂದರಲ್ಲಿ ನಟಿ ಆಲಿಯಾ ಭಟ್ ನಟಿಸುವುದು ಖಚಿತವಾಗಿದೆ. ಬರೋಬ್ಬರಿ 5 ವರ್ಷಗಳ ಕಾಲ ಬರೆಯಲಾದ ಈ ಸೀಕ್ವೆಲ್‌ನ ಸ್ಕ್ರಿಪ್ಟ್ ಕೇಳಿ ಅಚ್ಚರಿಪಟ್ಟಿರುವ ಆಲಿಯಾ, ಕೇವಲ ಎರಡೇ ಭೇಟಿಯಲ್ಲಿ ಸಿನಿಮಾ ಮಾಡಲು ಗ್ರೀನ್ ಸಿಗ್ನಲ್ ನೀಡಿದ್ದಾರೆ ಎಂದು ಸೋಹಮ್ ಶಾ ತಿಳಿಸಿದ್ದಾರೆ.

ನವಾಜುದ್ದೀನ್ ಸಿದ್ದಿಕಿ ಈ ಚಿತ್ರದಲ್ಲಿ ಅತ್ಯಂತ ಸಂಕೀರ್ಣವಾದ ಪ್ರಮುಖ ಪಾತ್ರವೊಂದನ್ನು ಪೋಷಿಸುತ್ತಿದ್ದಾರೆ. ಈಗಾಗಲೇ ಸತಾರಾ ಹಾಗೂ ಮುಂಬೈನಲ್ಲಿ ನಡೆದಿರುವ ಮೊದಲ ಹಂತದ ಶೂಟಿಂಗ್‌ನಲ್ಲಿ ಅವರು ಭಾಗವಹಿಸಿ ತಮ್ಮ ದೃಶ್ಯಗಳನ್ನು ಪೂರ್ಣಗೊಳಿಸಿದ್ದಾರೆ. ಮೊದಲ ಭಾಗದಂತೆ ನಾಯಕ ನಟನಾಗಿ ಹಾಗೂ 'ಸೋಹಮ್ ಶಾ ಫಿಲ್ಮ್ಸ್' ಮತ್ತು 'ಪೆನ್ ಸ್ಟುಡಿಯೋಸ್' ಬ್ಯಾನರ್ ಅಡಿಯಲ್ಲಿ ನಿರ್ಮಾಪಕರಾಗಿ ಸೀಕ್ವೆಲ್ ಅನ್ನು ಮುನ್ನಡೆಸುತ್ತಿದ್ದಾರೆ.

ನಿರ್ದೇಶಕರು ಮತ್ತು ಕಥೆಯ ರಹಸ್ಯ

2018 ರ ಮೂಲ 'ಥುಂಬಾಡ್' ಚಿತ್ರಕ್ಕೆ ಸಹ-ನಿರ್ದೇಶಕರಾಗಿ ಹಾಗೂ ಬರಹಗಾರರಾಗಿ ಕೆಲಸ ಮಾಡಿದ್ದ ಆದೇಶ್ ಪ್ರಸಾದ್ (Adesh Prasad) ಅವರು 'ಥುಂಬಾಡ್ 2' ಚಿತ್ರದ ಪೂರ್ಣಪ್ರಮಾಣದ ನಿರ್ದೇಶನದ ಚುಕ್ಕಾಣಿ ಹಿಡಿದಿದ್ದಾರೆ. ಮೂಲ ಚಿತ್ರದ ನಿರ್ದೇಶಕ ರಾಹಿ ಅನಿಲ್ ಬಾರ್ವೆ ಅವರು ಸದ್ಯ ಪ್ರತ್ಯೇಕ ಪ್ರಾಜೆಕ್ಟ್‌ನಲ್ಲಿ ಬ್ಯುಸಿಯಾಗಿರುವ ಕಾರಣ ಈ ಯೋಜನೆಯಿಂದ ಹೊರಗುಳಿದಿದ್ದಾರೆ. ಚಿತ್ರದ ಕಥಾಹಂದರವನ್ನು ಅತ್ಯಂತ ರಹಸ್ಯವಾಗಿಡಲಾಗಿದ್ದರೂ, ಸೀಕ್ವೆಲ್‌ನಲ್ಲಿ ಹಸ್ತರ್‌ ದೇವತೆಯ ಕರಾಳ ಪುರಾಣದ ಆಳಕ್ಕೆ ಇಳಿಯಲಿದ್ದು, ಮಾನವನ ಅಪರಿಮಿತ ದುರಾಸೆಯ ವಿನಾಶಕಾರಿ ಚಕ್ರವನ್ನು ಮತ್ತಷ್ಟು ಭೀಕರವಾಗಿ ಹಾಗೂ ಬೃಹತ್ ಕ್ಯಾನ್ವಾಸ್‌ನಲ್ಲಿ ತೋರಿಸುವ ಸಾಧ್ಯತೆ ಇದೆ.

Orry just won Halloween by becoming everyone's favorite terrifying deity - Hastar! https://t.co/1J0wrB9Qsp

— Filmfare (@filmfare) October 29, 2026

ಈ 4 ಮಾತುಗಳನ್ನು ನಿಮ್ಮ ಸಂಗಾತಿಗೆ ಹೇಳೋ ತಪ್ಪು ಮಾಡ್ಲೇ ಬೇಡಿ… ಹೇಳಿದ್ರೋ ಸಂಬಂಧ ದಿ ಎಂಡ್!

Pavna Das — Thu, 29 Oct 2026 20:52:46 +0530

Relationship Tips: ಪ್ರೀತಿಯ ಸಂಬಂಧದಲ್ಲಿ ಕೋಪದ ಭರದಲ್ಲಿ ಆಡುವ ಕೆಲವು ಮಾತುಗಳು ಸಂಗಾತಿಯ ಮನಸ್ಸಿಗೆ ನೋವುಂಟುಮಾಡಬಹುದು. ಸಂಬಂಧದಲ್ಲಿ ನಂಬಿಕೆ ಮತ್ತು ಗೌರವವನ್ನು ಕಾಪಾಡಿಕೊಳ್ಳಲು ಸಂಗಾತಿಗೆ ಎಂದಿಗೂ ಹೇಳಬಾರದ ಈ ನಾಲ್ಕು ಮಾತುಗಳು ಯಾವುವು ಎಂಬುದನ್ನು ತಿಳಿಯಿರಿ.

ನೀವು ನಿಮ್ಮ ಸಂಗಾತಿಯನ್ನು ತುಂಬಾ ಪ್ರೀತಿಸುತ್ತೀರಿ. ಅವರೇ ನಿಮ್ಮ ಜೀವನದ ಪರ್ಫೆಕ್ಟ್ ವ್ಯಕ್ತಿ ಎಂದು ಭಾವಿಸುತ್ತೀರಿ. ಅವರೊಂದಿಗೆ ನಗುತ್ತಾ, ಸಂತೋಷದಿಂದ ಸಮಯ ಕಳೆಯುತ್ತೀರಿ. ನಿಮ್ಮ ವಿಚಿತ್ರ ಅಭ್ಯಾಸಗಳ ಬಗ್ಗೆಯೂ ಅವರಿಗೆ ತಿಳಿದಿರುತ್ತದೆ. ನಿಮ್ಮ ಜೀವನಕ್ಕೆ ಬೇಕಾದ ವ್ಯಕ್ತಿ ಅವರೇ ಎಂದು ನಿಮಗೆ ಅನಿಸುತ್ತದೆ. ಆದರೆ ಕೆಲವೊಮ್ಮೆ, ನಿಮ್ಮ ಬಾಯಿಯಿಂದ ತಪ್ಪಾಗಿ ಬರುವಂತಹ ಕೆಲವು ಮಾತುಗಳು, ಸಂಬಂಧದಲ್ಲಿ ದೊಡ್ಡ ಬಿರುಗಾಳಿಯನ್ನೇ ಎಬ್ಬಿಸಬಹುದು.

ಸಂಗಾತಿಗೆ ಏನು ಹೇಳಬೇಕು, ಹೇಗೆ ಮಾತನಾಡಬೇಕು ಎಂಬುದರ ಬಗ್ಗೆ ನಾವು ಸಾಕಷ್ಟು ಯೋಚಿಸುತ್ತೇವೆ. ಆದರೆ ಸಂಗಾತಿಗೆ ಏನು ಹೇಳಬಾರದು ಎಂಬುದನ್ನು ತಿಳಿದುಕೊಳ್ಳುವುದೂ ಅಷ್ಟೇ ಮುಖ್ಯ. ಸಂಬಂಧವು ಸೂಕ್ಷ್ಮವಾದ ಗಾಜಿನ ವಸ್ತುವಿನಂತೆ. ಮೇಲ್ನೋಟಕ್ಕೆ ಸಾಮಾನ್ಯವೆನಿಸುವ ಮಾತುಗಳೂ ಸಂಬಂಧದ ಸಮತೋಲನವನ್ನು ಹಾಳುಮಾಡಬಹುದು. ಕೋಪದಲ್ಲಿದ್ದರೂ ಅಥವಾ ಬೇಸರಗೊಂಡಿದ್ದರೂ ಸಂಗಾತಿಗೆ ಹೇಳಬಾರದ ನಾಲ್ಕು ಮಾತುಗಳು ಇಲ್ಲಿವೆ.

ನಿಮ್ಮಿಬ್ಬರ ನಡುವೆ ದೊಡ್ಡ ಜಗಳವೇ ನಡೆಯುತ್ತಿರಬಹುದು. ಆದರೆ, 'ನಿನ್ನನ್ನು ಪ್ರೀತಿಸಿದ್ದು ನನ್ನ ಜೀವನದ ದೊಡ್ಡ ತಪ್ಪು' ಅಥವಾ 'ನಿನ್ನನ್ನು ಮದುವೆಯಾಗಿದ್ದು ತಪ್ಪಾಯಿತು' ಎಂಬ ಮಾತುಗಳನ್ನು ಎಂದಿಗೂ ಹೇಳಬೇಡಿ. ಇಂತಹ ಮಾತುಗಳು ಸಂಗಾತಿಯ ಮನಸ್ಸಿಗೆ ಆಳವಾದ ನೋವುಂಟುಮಾಡಬಹುದು. ನೀವು ನಂತರ ಕ್ಷಮೆ ಕೇಳಿದರೂ ಆ ಮಾತುಗಳಿಂದ ಉಂಟಾದ ನೋವನ್ನು ಮರೆಯುವುದು ಅವರಿಗೆ ಕಷ್ಟವಾಗಬಹುದು. ನಿಮ್ಮ ಜೀವನದಲ್ಲಿ ಸಂಗಾತಿಯೇ ದೊಡ್ಡ ತಪ್ಪು ಎಂದು ಹೇಳುವುದು ಸಂಬಂಧದ ನಂಬಿಕೆಯನ್ನು ದುರ್ಬಲಗೊಳಿಸಬಹುದು. ಆದ್ದರಿಂದ, ಕೋಪದ ಭರದಲ್ಲಿ ಇಂತಹ ಮಾತುಗಳನ್ನು ಆಡಬೇಡಿ.

ನಿಮ್ಮ ಸಂಗಾತಿ ಬಡತನದಲ್ಲಿ ಬೆಳೆದಿರಬಹುದು ಅಥವಾ ಶ್ರೀಮಂತ ಕುಟುಂಬದಿಂದ ಬಂದಿರಬಹುದು. ಆದರೆ ಜಗಳದ ಸಮಯದಲ್ಲಿ ಅವರ ಆರ್ಥಿಕ ಹಿನ್ನೆಲೆಯನ್ನು ಎಳೆದು ತಂದು ಅವಮಾನಿಸುವುದು ಸರಿಯಲ್ಲ. ಹಣಕಾಸಿನ ವಿಷಯಗಳು ವೈಯಕ್ತಿಕವಾಗಿರುತ್ತವೆ. ಅವು ವ್ಯಕ್ತಿಯ ಜೀವನಾನುಭವ, ಆತ್ಮಗೌರವ ಮತ್ತು ಗುರುತಿನೊಂದಿಗೆ ಸಂಬಂಧ ಹೊಂದಿರಬಹುದು. 'ನಿನ್ನ ಬಳಿ ಹಣವೇ ಇರಲಿಲ್ಲ' ಅಥವಾ 'ನಿನ್ನ ಕುಟುಂಬದ ಹಿನ್ನೆಲೆಯೇ ಸರಿಯಿಲ್ಲ' ಎಂಬ ಮಾತುಗಳು ಸಂಗಾತಿಯ ಮನಸ್ಸಿಗೆ ನೋವುಂಟುಮಾಡಬಹುದು.

ನಿಮ್ಮ ಸಂಗಾತಿಯ ಸ್ನೇಹಿತರಲ್ಲಿ ಯಾರಾದರೂ ನಿಮಗೆ ಇಷ್ಟವಾಗದಿರಬಹುದು. ಕುಟುಂಬದ ಯಾವುದೋ ಸದಸ್ಯರ ವರ್ತನೆಯೂ ನಿಮಗೆ ಬೇಸರ ತರಿಸಬಹುದು. ಆದರೆ ಜಗಳದ ವೇಳೆ ಅವರ ಕುಟುಂಬದವರನ್ನು ಅಥವಾ ಸ್ನೇಹಿತರನ್ನು ಅವಮಾನಿಸುವುದು ಒಳ್ಳೆಯದಲ್ಲ. ನಿಮ್ಮ ಸಂಗಾತಿಗೆ ತಮ್ಮ ಕುಟುಂಬದವರ ಬಗ್ಗೆ ಅಥವಾ ಸ್ನೇಹಿತರ ಬಗ್ಗೆ ದೂರು ಹೇಳುವ ಸ್ವಾತಂತ್ರ್ಯವಿದೆ. ಆದರೆ ಅದೇ ವ್ಯಕ್ತಿಗಳ ಬಗ್ಗೆ ನೀವು ಕೆಟ್ಟದಾಗಿ ಮಾತನಾಡಿದರೆ ಅವರಿಗೆ ನೋವಾಗಬಹುದು. ತಮಾಷೆಗಾಗಿ ಹೇಳಿದ ಮಾತುಗಳೂ ಕೆಲವೊಮ್ಮೆ ಮನಸ್ಸಿನಲ್ಲಿ ಉಳಿದುಕೊಳ್ಳುತ್ತವೆ. ಹೀಗಾಗಿ, ಸಂಗಾತಿಯ ಪ್ರೀತಿಪಾತ್ರರನ್ನು ಅವಮಾನಿಸುವ ಬದಲು ನಿಮ್ಮ ಸಮಸ್ಯೆಯನ್ನು ಶಾಂತವಾಗಿ ವಿವರಿಸಿ.

ನಿಮ್ಮ ಸಂಗಾತಿಯ ದೌರ್ಬಲ್ಯಗಳು ಮತ್ತು ಅವರಿಗೆ ಇರುವ ಅಭದ್ರತೆಗಳನ್ನು ಎಂದಿಗೂ ತಮಾಷೆಯ ವಿಷಯವನ್ನಾಗಿ ಮಾಡಬೇಡಿ. ಉದಾಹರಣೆಗೆ, ತಮ್ಮ ದೇಹದ ಆಕಾರ ಅಥವಾ ರೂಪದ ಬಗ್ಗೆ ಸಂಗಾತಿಗೆ ಆತಂಕವಿದ್ದರೆ, ಅದನ್ನೇ ಮುಂದಿಟ್ಟುಕೊಂಡು ಹಾಸ್ಯ ಮಾಡುವುದು ಅವರ ಆತ್ಮವಿಶ್ವಾಸಕ್ಕೆ ಧಕ್ಕೆ ತರಬಹುದು. ನಿಮಗೆ ಅದು ಸಣ್ಣ ತಮಾಷೆಯಾಗಿ ಕಂಡರೂ, ಸಂಗಾತಿಗೆ ಅದು ಆಳವಾದ ನೋವನ್ನುಂಟುಮಾಡಬಹುದು. ವಿಶೇಷವಾಗಿ ಅವರು ಈಗಾಗಲೇ ಯಾವುದಾದರೂ ವಿಷಯದಿಂದ ಬೇಸರಗೊಂಡಿರುವಾಗ ಅವರ ದುರ್ಬಲ ಅಂಶಗಳನ್ನು ಎತ್ತಿ ತೋರಿಸುವುದು ಸಂಬಂಧದಲ್ಲಿ ಅಂತರವನ್ನು ಹೆಚ್ಚಿಸಬಹುದು.

ಹೋಟೆಲ್ ಶೈಲಿಯ ಪುಲಾವ್ ಮಾಡಬೇಕಾ? ಮನೆಯಲ್ಲೇ ಪುಲಾವ್ ಮಸಾಲೆ ತಯಾರಿಸುವ ಸುಲಭ ವಿಧಾನ ಇಲ್ಲಿದೆ

Pavna Das — Thu, 29 Oct 2026 14:32:54 +0530

ಮನೆಯಲ್ಲಿಯೇ ತಯಾರಿಸಿ ರುಚಿಯಾದ ಪುಲಾವ್ ಮಸಾಲ

ಮನೆಯಲ್ಲಿ ತಯಾರಿಸಿದ ಮಸಾಲೆ ಆಹಾರದ ರುಚಿಯನ್ನು ಹೆಚ್ಚಿಸುವುದರ ಜೊತೆಗೆ, ಅದರಲ್ಲಿ ಬಳಸುವ ಪದಾರ್ಥಗಳನ್ನು ನಮ್ಮ ಇಷ್ಟಕ್ಕೆ ತಕ್ಕಂತೆ ಆಯ್ಕೆ ಮಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಪುಲಾವ್‌ಗಾಗಿ ಮನೆಯಲ್ಲೇ ವಿಶೇಷವಾದ ಮಸಾಲೆ ತಯಾರಿಸಬಹುದು. ಈ ಮಸಾಲೆಯ ಪರಿಮಳ ಅನ್ನ ಬೇಯುವಾಗಲೇ ಮನೆಯೆಲ್ಲ ಹರಡುತ್ತದೆ. ಇದನ್ನು ತಯಾರಿಸಲು ಹೆಚ್ಚಿನ ಪದಾರ್ಥಗಳ ಅಗತ್ಯವಿಲ್ಲ. ಸರಿಯಾದ ಮಸಾಲೆಗಳ ಮಿಶ್ರಣವೇ ಪುಲಾವ್‌ಗೆ ವಿಶೇಷ ರುಚಿ ಮತ್ತು ಸುವಾಸನೆ ನೀಡುತ್ತದೆ. ಮಾರುಕಟ್ಟೆಯಲ್ಲಿ ಸಿಗುವ ಸಿದ್ಧ ಮಸಾಲೆಗಳಿಗಿಂತ ಮನೆಯಲ್ಲೇ ತಯಾರಿಸಿದ ತಾಜಾ ಮಸಾಲೆ ಇಷ್ಟಪಡುವವರಿಗೆ ಈ ರೆಸಿಪಿ ಬೆಸ್ಟ್.

ಪುಲಾವ್ ಮಸಾಲೆ ತಯಾರಿಸಲು ಬೇಕಾಗುವ ಪದಾರ್ಥಗಳು

ಪುಲಾವ್ ಮಸಾಲೆಯ ರುಚಿ ಮುಖ್ಯವಾಗಿ ಸಾಂಬಾರ ಪದಾರ್ಥಗಳಿಂದ ಬರುತ್ತದೆ. ಇದಕ್ಕಾಗಿ ಜೀರಿಗೆ, ಕೊತ್ತಂಬರಿ ಬೀಜ, ಕಾಳುಮೆಣಸು, ಲವಂಗ, ದಾಲ್ಚಿನ್ನಿ, ದೊಡ್ಡ ಏಲಕ್ಕಿ, ಸಣ್ಣ ಏಲಕ್ಕಿ, ಬಿರಿಯಾನಿ ಎಲೆ ಮತ್ತು ಸೋಂಪು ಬೇಕಾಗುತ್ತದೆ. ಇದರ ಜೊತೆಗೆ ಸ್ವಲ್ಪ ಜಾಪತ್ರಿ ಮತ್ತು ಜಾಯಿಕಾಯಿ ಸೇರಿಸಿದರೆ ಮಸಾಲೆಗೆ ವಿಶೇಷವಾದ ಪರಿಮಳ ಸಿಗುತ್ತದೆ. ನಿಮಗೆ ಸ್ವಲ್ಪ ಖಾರವಾದ ಪರಿಮಳ ಇಷ್ಟವಿದ್ದರೆ ಅಲ್ಪ ಪ್ರಮಾಣದಲ್ಲಿ ಒಣ ಕೆಂಪು ಮೆಣಸಿನಕಾಯಿಯನ್ನೂ ಸೇರಿಸಬಹುದು. ಎಲ್ಲಾ ಮಸಾಲೆಗಳನ್ನು ಸಮಾನ ಪ್ರಮಾಣದಲ್ಲಿ ಬಳಸಬಾರದು ಎಂಬುದನ್ನು ನೆನಪಿಡಿ. ಜೀರಿಗೆ ಮತ್ತು ಕೊತ್ತಂಬರಿ ಬೀಜಗಳು ಮಸಾಲೆಗೆ ಮೂಲ ರುಚಿಯನ್ನು ನೀಡುತ್ತವೆ. ದಾಲ್ಚಿನ್ನಿ, ಲವಂಗ ಮತ್ತು ಏಲಕ್ಕಿಯಂತಹ ಪದಾರ್ಥಗಳು ಗಾಢವಾದ ಪರಿಮಳ ನೀಡುವುದರಿಂದ ಅವುಗಳನ್ನು ಕಡಿಮೆ ಪ್ರಮಾಣದಲ್ಲಿ ಬಳಸುವುದು ಉತ್ತಮ.

ತಯಾರಿಸುವ ಸುಲಭ ವಿಧಾನ

ಪುಲಾವ್ ಮಸಾಲೆ ತಯಾರಿಸಲು ಮೊದಲು ಸಾಂಬಾರ ಪದಾರ್ಥಗಳನ್ನು ಹಗುರವಾಗಿ ಹುರಿಯಬೇಕು. ಇದಕ್ಕಾಗಿ ಬಾಣಲೆಯನ್ನು ಕಡಿಮೆ ಉರಿಯಲ್ಲಿ ಬಿಸಿ ಮಾಡಿ ಅದಕ್ಕೆ ಮಸಾಲೆಗಳನ್ನು ಹಾಕಿ.
ಮಸಾಲೆಗಳು ಸುಡದಂತೆ ನಿರಂತರವಾಗಿ ಕೈಯಾಡಿಸುತ್ತಾ ಕೆಲವು ನಿಮಿಷಗಳ ಕಾಲ ಹುರಿಯಿರಿ. ಅವುಗಳಿಂದ ಪರಿಮಳ ಬರಲು ಪ್ರಾರಂಭಿಸಿದ ತಕ್ಷಣ ಗ್ಯಾಸ್ ಆಫ್ ಮಾಡಿ. ನಂತರ ಮಸಾಲೆಗಳನ್ನು ಒಂದು ತಟ್ಟೆಗೆ ಹಾಕಿ ಸಂಪೂರ್ಣವಾಗಿ ತಣ್ಣಗಾಗಲು ಬಿಡಿ. ಹೆಚ್ಚಿಗೆ ಹುರಿದರೆ ಕಹಿಯಾಗುತ್ತದೆ.
ಹುರಿದ ಮಸಾಲೆಗಳು ಸಂಪೂರ್ಣವಾಗಿ ತಣ್ಣಗಾದ ನಂತರ ಅವುಗಳನ್ನು ಮಿಕ್ಸರ್ ಗ್ರೈಂಡರ್‌ಗೆ ಹಾಕಿ ನುಣ್ಣಗೆ ಪುಡಿ ಮಾಡಿ.
ನಿಮಗೆ ಬೇಕಿದ್ದರೆ ಮಸಾಲೆಯನ್ನು ತುಂಬಾ ನುಣ್ಣಗೆ ಮಾಡುವ ಬದಲು ಸ್ವಲ್ಪ ತರಿತರಿಯಾಗಿಯೂ ಇಟ್ಟುಕೊಳ್ಳಬಹುದು. ತರಿತರಿಯಾದ ಮಸಾಲೆ ಪುಲಾವ್‌ಗೆ ವಿಭಿನ್ನವಾದ ರುಚಿ ಮತ್ತು ಪರಿಮಳ ನೀಡುತ್ತದೆ.
ಮಸಾಲೆ ಪುಡಿ ಸಿದ್ಧವಾದ ಬಳಿಕ ಅದನ್ನು ಗಾಳಿಯಾಡದ ಡಬ್ಬಿಯಲ್ಲಿ ತುಂಬಿ ಸಂಗ್ರಹಿಸಿ.

ಪುಲಾವ್ ತಯಾರಿಸುವಾಗ ಮಸಾಲೆಯನ್ನು ಹೇಗೆ ಬಳಸಬೇಕು?

ನಾಲ್ಕು ಜನರಿಗೆ ಪುಲಾವ್ ತಯಾರಿಸಲು ಸಾಮಾನ್ಯವಾಗಿ ಒಂದರಿಂದ ಎರಡು ಟೀ ಚಮಚಗಳಷ್ಟು ಮನೆಯಲ್ಲೇ ತಯಾರಿಸಿದ ಪುಲಾವ್ ಮಸಾಲೆ ಸಾಕಾಗಬಹುದು. ಆದರೆ ನಿಮ್ಮ ರುಚಿ ಮತ್ತು ಮಸಾಲೆಯ ತೀವ್ರತೆಗೆ ಅನುಗುಣವಾಗಿ ಪ್ರಮಾಣವನ್ನು ಹೊಂದಿಸಿಕೊಳ್ಳಿ. ಮೊದಲು ಈರುಳ್ಳಿ ಅಥವಾ ತರಕಾರಿಗಳನ್ನು ಹುರಿದ ಬಳಿಕ ತಯಾರಿಸಿದ ಮಸಾಲೆಯನ್ನು ಸೇರಿಸಿ ಸ್ವಲ್ಪ ಹೊತ್ತು ಹುರಿಯಿರಿ. ನಂತರ ಅಕ್ಕಿ ಮತ್ತು ನೀರನ್ನು ಸೇರಿಸಿ ಪುಲಾವ್ ತಯಾರಿಸಿ. ಈ ವಿಧಾನದಿಂದ ಮಸಾಲೆಯ ಪರಿಮಳ ಅಕ್ಕಿಯಲ್ಲಿ ಚೆನ್ನಾಗಿ ಬೆರೆತು, ಪುಲಾವ್ ರುಚಿಕರವಾಗಿ ತಯಾರಾಗುತ್ತದೆ.

ತಿರುಪತಿ ತಿರುಮಲದಲ್ಲಿ ತೀವ್ರ ನೀರಿನ ಅಭಾವ, ಕರ್ನಾಟಕ ಭವನದ ಬುಕ್ಕಿಂಗ್ ನಿಲ್ಲಿಸಿದ ಸರ್ಕಾರ!

Gowthami K — Thu, 29 Oct 2026 14:53:34 +0530

ಬೆಂಗಳೂರು: ಪ್ರಸಿದ್ಧ ಯಾತ್ರಾ ಸ್ಥಳವಾದ ಆಂಧ್ರಪ್ರದೇಶದ ತಿರುಮಲದಲ್ಲಿ ತೀವ್ರ ನೀರಿನ ಬಿಕ್ಕಟ್ಟು ತಲೆದೋರಿದ್ದು, ಇದರ ಬಿಸಿ ಈಗ ಶ್ರೀ ವೆಂಕಟೇಶ್ವರ ಸ್ವಾಮಿಯ ದರ್ಶನಕ್ಕೆ ತೆರಳುವ ಕರ್ನಾಟಕದ ಯಾತ್ರಿಕರಿಗೂ ತಟ್ಟಿದೆ. ತಿರುಮಲದಲ್ಲಿರುವ ಸರ್ಕಾರಿ ಸ್ವಾಮ್ಯದ 'ಕರ್ನಾಟಕ ಭವನ'ದಲ್ಲಿ ಕೊಠಡಿಗಳು ಹಾಗೂ ವಸತಿ ನಿಲಯಗಳ ಬುಕಿಂಗ್‌ಗಾಗಿ ನೀಡಲಾಗುತ್ತಿದ್ದ ಅಧಿಕೃತ ಶಿಫಾರಸು ಪತ್ರಗಳನ್ನು ತಾತ್ಕಾಲಿಕವಾಗಿ ತಡೆಹಿಡಿಯಲು ಕರ್ನಾಟಕ ಸರ್ಕಾರ ಮಹತ್ವದ ನಿರ್ಧಾರ ಕೈಗೊಂಡಿದೆ.

ಜಲಾಶಯಗಳಲ್ಲಿ ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ಕುಸಿದ ನೀರು

ಕಳೆದ ಆರು ತಿಂಗಳುಗಳಿಂದ ಸೂಕ್ತ ಮಳೆಯಾಗದ ಹಿನ್ನೆಲೆಯಲ್ಲಿ ತಿರುಮಲ ಬೆಟ್ಟದ ಸುತ್ತಮುತ್ತಲಿನ ಕುಡಿಯುವ ನೀರಿನ ಜಲಾಶಯಗಳು ಬತ್ತಿ ಹೋಗಿದೆ. ಕ್ಷೇತ್ರಕ್ಕೆ ಪ್ರಮುಖ ನೀರಿನ ಆಸರೆಯಾಗಿದ್ದ ಕಲ್ಯಾಣಿ, ಪಾಪವಿನಾಶನಂ, ಗೋಗರ್ಭಂ, ಕುಮಾರಧಾರ, ಪಶುಪುಧಾರ ಮತ್ತು ಆಕಾಶ ಗಂಗೆಯಂತಹ ಪ್ರಮುಖ ಜಲಾಶಯಗಳು ಹಾಗೂ ಪುಷ್ಕರಿಣಿಗಳಲ್ಲಿ ನೀರಿನ ಮಟ್ಟ ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ಕುಸಿದಿದೆ. ಇಡೀ ಪರ್ಯಾಯ ದ್ವೀಪ ಪ್ರದೇಶದಲ್ಲಿ ಬರ ಆವರಿಸಿದ್ದು, ನೀರಿನ ಮಟ್ಟ ವೇಗವಾಗಿ ಕ್ಷೀಣಿಸುತ್ತಿರುವುದು ಆಡಳಿತ ಮಂಡಳಿಗೆ ದೊಡ್ಡ ತಲೆನೋವಾಗಿದೆ.

ಟ್ಯಾಂಕರ್ ನೀರೇ ಆಸರೆ

ಈ ಕುರಿತು ಪ್ರತಿಕ್ರಿಯಿಸಿರುವ ಮುಜರಾಯಿ ಸಚಿವ ಕೆ.ಎಸ್. ಬಸವಂತಪ್ಪ ಅವರು, ಕಳೆದ ಕೆಲವು ವಾರಗಳಿಂದ ತಿರುಮಲದಲ್ಲಿ ತೀವ್ರ ನೀರಿನ ಕೊರತೆ ಎದುರಾಗಿದೆ. ಪರಿಸ್ಥಿತಿ ಗಂಭೀರವಾಗಿರುವುದರಿಂದ ಕರ್ನಾಟಕ ಭವನಕ್ಕೆ ನೀರು ಪೂರೈಸಲು ಸದ್ಯಕ್ಕೆ ಖಾಸಗಿ ನೀರಿನ ಟ್ಯಾಂಕರ್‌ಗಳನ್ನೇ ಸಂಪೂರ್ಣವಾಗಿ ಅವಲಂಬಿಸಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ತಿಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ, ಮುಜರಾಯಿ ಇಲಾಖೆಯು ಸಚಿವರ ಕಚೇರಿಯಿಂದ ನೀಡಲಾಗುತ್ತಿದ್ದ ಎಲ್ಲ ರೀತಿಯ ವಸತಿ ಶಿಫಾರಸು ಪತ್ರಗಳ ವಿತರಣೆಯನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ನಿಲ್ಲಿಸಲಾಗಿದೆ.

ಕರ್ನಾಟಕ ಭವನದ ಪ್ರಸ್ತುತ ಸ್ಥಿತಿಗತಿ

ತಿರುಮಲದಲ್ಲಿರುವ ಪ್ರಮುಖ ಮತ್ತು ಅತಿ ದೊಡ್ಡ ಯಾತ್ರಿ ವಸತಿ ಸಂಕೀರ್ಣಗಳಲ್ಲಿ ಒಂದಾಗಿರುವ ಕರ್ನಾಟಕ ಭವನವು ಒಟ್ಟು ಐದು ಬ್ಲಾಕ್‌ಗಳಲ್ಲಿ 350 ಕೊಠಡಿಗಳು, 12 ವಸತಿ ನಿಲಯಗಳು ಹಾಗೂ ಒಂದು ಬೃಹತ್ ಕಲ್ಯಾಣ ಮಂಟಪವನ್ನು ಹೊಂದಿದೆ.

ಪ್ರಸ್ತುತ ನೀರಿನ ಅಭಾವದಿಂದಾಗಿ ಎದುರಾಗಿರುವ ಪ್ರಮುಖ ಬದಲಾವಣೆಗಳೆಂದರೆ, ಕಷ್ಟಪಟ್ಟು ನಾಲ್ಕು ನೀರಿನ ಟ್ಯಾಂಕರ್‌ಗಳನ್ನು ವ್ಯವಸ್ಥೆಗೊಳಿಸಿ ಭವನದ ದೈನಂದಿನ ಅಗತ್ಯಗಳನ್ನು ನಿರ್ವಹಿಸಲಾಗುತ್ತಿದೆ. ಸ್ಥಳದಲ್ಲೇ ನೀಡಲಾಗುತ್ತಿದ್ದ ಆಫ್‌ಲೈನ್ ಕೊಠಡಿ ಬುಕಿಂಗ್‌ಗಳನ್ನು ಕೂಡ ಸಂಪೂರ್ಣವಾಗಿ ರದ್ದುಗೊಳಿಸಲಾಗಿದೆ. ಮೂರು ತಿಂಗಳ ಮುಂಚಿತವಾಗಿಯೇ ಮುಂಗಡವಾಗಿ ಆನ್‌ಲೈನ್ ಕಾಯ್ದಿರಿಸಿದ ಭಕ್ತರಿಗೆ ಮಾತ್ರ ಸದ್ಯ ಕೊಠಡಿಗಳನ್ನು ನೀಡಲಾಗುತ್ತಿದ್ದು, ಅವರಿಗೆ ಕೇವಲ ಶೌಚ ಹಾಗೂ ನೈರ್ಮಲ್ಯಕ್ಕೆ ಅಗತ್ಯವಿರುವಷ್ಟು ಮಾತ್ರ ನೀರು ಸರಬರಾಜು ಮಾಡಲಾಗುತ್ತಿದೆ. ಆನ್‌ಲೈನ್ ಬುಕ್ಕಿಂಗ್ ಕೂಡ ನಿಲ್ಲಿಸಲಾಗಿದೆ

ಸೀಮಿತ ನೀರು ಪೂರೈಕೆಗೆ TTD ಸೂಚನೆ

ತಿರುಮಲಕ್ಕೆ ಪ್ರತಿದಿನ ಅಂದಾಜು 20 ರಿಂದ 25 ಮಿಲಿಯನ್ ಲೀಟರ್ ನೀರು ಅಗತ್ಯವಿದೆ. ಇತ್ತೀಚೆಗೆ ಮುಕ್ತಾಯಗೊಂಡ ಬ್ರಹ್ಮೋತ್ಸವದ ನಂತರ, ತಿರುಮಲ ತಿರುಪತಿ ದೇವಸ್ಥಾನಂ ಆಡಳಿತ ಮಂಡಳಿಯು ನೀರನ್ನು ಕೇವಲ ಕುಡಿಯುವ ಉದ್ದೇಶಗಳಿಗೆ ಆದ್ಯತೆಯ ಮೇಲೆ ಬಳಸುವಂತೆ ಮತ್ತು ದಿನಕ್ಕೆ ಕೇವಲ ಬೆಳಿಗ್ಗೆ 2 ಗಂಟೆ ಹಾಗೂ ಸಂಜೆ 2 ಗಂಟೆಗಳ ಕಾಲ ಮಾತ್ರ ನೀರು ಪೂರೈಸುವಂತೆ ಎಲ್ಲ ವಸತಿ ನಿಲಯಗಳಿಗೆ ಸ್ಪಷ್ಟ ನಿರ್ದೇಶನ ನೀಡಿದೆ.

ತಿರುಮಲದಲ್ಲಿರುವ 7,000ಕ್ಕೂ ಹೆಚ್ಚು ಕುಟೀರಗಳು, ಅತಿಥಿ ಗೃಹಗಳು ಹಾಗೂ ಸಾರ್ವಜನಿಕ ಶೌಚಾಲಯ ಸಂಕೀರ್ಣಗಳ ಮೇಲೆ ಈ ನೀರಿನ ಬಿಕ್ಕಟ್ಟು ಗಂಭೀರ ಪರಿಣಾಮ ಬೀರಿದ್ದು, ಮಳೆಯಾಗುವವರೆಗೆ ಭಕ್ತಾದಿಗಳು ಪರಿಸ್ಥಿತಿಯನ್ನು ಅರ್ಥೈಸಿಕೊಂಡು ಸಹಕರಿಸಬೇಕಾಗಿ ಇಲಾಖೆ ಮನವಿ ಮಾಡಿದೆ.

ಬೆಳ್ಳುಳ್ಳಿ ಒಣಗಿ ಜೊಳ್ಳಾಗುತ್ತಿದೆಯೇ? 2-3 ವರ್ಷವಾದ್ರೂ ಹಾಳಾಗಲ್ಲ, ಫ್ಲೇವರ್ ಹೋಗಲ್ಲ.. ಇಲ್ಲಿದೆ ಸ್ಟೋರ್ ಮಾಡುವ ಟಿಪ್ಸ್

Ashwini HR — Thu, 29 Oct 2026 20:33:50 +0530

ಮಾರುಕಟ್ಟೆಯಲ್ಲಿ ಬೆಳ್ಳುಳ್ಳಿ ಸೀಸನ್‌ನಲ್ಲಿ ಕಡಿಮೆ ಬೆಲೆಗೆ ಮತ್ತು ಉತ್ತಮ ಗುಣಮಟ್ಟದಲ್ಲಿ ಸಿಗುತ್ತದೆ. ಆದರೆ, ಅದನ್ನು ತಂದು ಮನೆಯಲ್ಲಿಟ್ಟರೆ ಕೆಲವೇ ದಿನಗಳಲ್ಲಿ ಒಣಗಿ ಹೋಗುವುದು, ಜೊಳ್ಳಾಗುವುದು ಅಥವಾ ಮೊಳಕೆ ಬಂದು ಕೊಳೆಯುವುದು ಸಾಮಾನ್ಯ. ಹಾಗಾಗಿ, ಸೀಸನ್‌ನಲ್ಲಿ ಕಡಿಮೆ ಬೆಲೆಗೆ ಸಿಗುವಾಗ ಬೆಳ್ಳುಳ್ಳಿಯನ್ನು ಬಲ್ಕ್ ಆಗಿ ತಂದು, 1 ರಿಂದ 3 ವರ್ಷಗಳ ಕಾಲ ಹಾಳಾಗದಂತೆ ಸುರಕ್ಷಿತವಾಗಿ ಶೇಖರಿಸಿಡುವ (Store) ಸರಳ ವಿಧಾನಗಳು ಇಲ್ಲಿವೆ.

1. ಪ್ಲಾಸ್ಟಿಕ್ ಕವರ್ ಬಳಸಬೇಡಿ

ಬೆಳ್ಳುಳ್ಳಿಯನ್ನು ಎಂದಿಗೂ ಗಾಳಿಯಾಡದ ಪ್ಲಾಸ್ಟಿಕ್ ಕವರ್‌ಗಳಲ್ಲಿ ಇಡಬಾರದು. ಅದರಿಂದ ತೇವಾಂಶ ಉಂಟಾಗಿ ಬೆಳ್ಳುಳ್ಳಿ ಬೇಗ ಕೊಳೆಯುತ್ತದೆ. ಬದಲಿಗೆ, ಗಾಳಿಯಾಡುವ ನೆಟ್ ಬ್ಯಾಗ್ (Mesh bag), ಸೆಣಬಿನ ಚೀಲ (Jute bag) ಅಥವಾ ಪೇಪರ್ ಕವರ್‌ಗಳಲ್ಲಿ ಹಾಕಿ ಗಾಳಿಯಾಡುವ, ಒಣಗಿದ ಜಾಗದಲ್ಲಿ ಇಟ್ಟರೆ ತಿಂಗಳುಗಟ್ಟಲೆ ಹಾಳಾಗುವುದಿಲ್ಲ.

2. ಸಿಪ್ಪೆ ಸುಲಿದ ಬೆಳ್ಳುಳ್ಳಿ ಶೇಖರಣೆ (ದೈನಂದಿನ ಬಳಕೆಗೆ)

ಪ್ರತಿದಿನ ಅಡುಗೆಗೆ ಸಿಪ್ಪೆ ಸುಲಿಯಲು ಸಮಯವಿಲ್ಲದಿದ್ದರೆಬೆಳ್ಳುಳ್ಳಿ ಎಸಳುಗಳ ಸಿಪ್ಪೆ ಸುಲಿದು, ಚೆನ್ನಾಗಿ ಒರೆಸಿ ತೇವಾಂಶವಿಲ್ಲದಂತೆ ನೋಡಿಕೊಳ್ಳಿ.ಗಾಜಿನ ಬಾಟಲಿ (Glass Jar) ಅಥವಾ ಏರ್‌ಟೈಟ್ ಬಾಕ್ಸ್‌ನ ತಳದಲ್ಲಿ ಟಿಶ್ಯೂ ಪೇಪರ್ ಹಾಕಿ, ಅದರಲ್ಲಿ ಸುಲಿದ ಬೆಳ್ಳುಳ್ಳಿ ಹಾಕಿ ಫ್ರಿಡ್ಜ್‌ನಲ್ಲಿಟ್ಟರೆ 2-3 ತಿಂಗಳು ಫ್ರೆಶ್ ಆಗಿರುತ್ತದೆ.

3. ಬೆಳ್ಳುಳ್ಳಿ ಪೇಸ್ಟ್ ಮಾಡಿ ಫ್ರೀಜರ್‌ನಲ್ಲಿಡುವುದು

ಬೆಳ್ಳುಳ್ಳಿಯನ್ನು ನೀರು ಹಾಕದೆ ಸ್ವಲ್ಪ ಉಪ್ಪು ಮತ್ತು ಒಂದೆರಡು ಚಮಚ ಅಡುಗೆ ಎಣ್ಣೆ ಸೇರಿಸಿ ತರಿತರಿಯಾಗಿ ರುಬ್ಬಿಕೊಳ್ಳಿ.ಇದನ್ನು ಐಸ್ ಕ್ಯೂಬ್ ಟ್ರೇನಲ್ಲಿ (Ice Tray) ಹಾಕಿ ಫ್ರೀಜ್ ಮಾಡಿ, ನಂತರ ಆ ಕ್ಯೂಬ್‌ಗಳನ್ನು ಜಿಪ್‌ಲಾಕ್ ಕವರ್‌ನಲ್ಲಿ ಹಾಕಿ ಫ್ರೀಜರ್‌ನಲ್ಲಿಟ್ಟರೆ 6 ತಿಂಗಳಿಗೂ ಹೆಚ್ಚು ಕಾಲ ಬಣ್ಣ ಮತ್ತು ಫ್ಲೇವರ್ ಬದಲಾಗದೆ ಉಳಿಯುತ್ತದೆ.

4. ಬೆಳ್ಳುಳ್ಳಿ ಪುಡಿ (Garlic Powder) ಮಾಡಿ 2-3 ವರ್ಷ ಇಡಿ

ಬೆಳ್ಳುಳ್ಳಿ ಎಸಳುಗಳನ್ನು ಸಣ್ಣದಾಗಿ ಹೆಚ್ಚಿ ಅಥವಾ ಜಜ್ಜಿ, ಬಿಸಿಲಿನಲ್ಲಿ ಚೆನ್ನಾಗಿ ಒಣಗಿಸಿ (Dehydrate).ಚೆನ್ನಾಗಿ ಗರಿಗರಿಯಾಗಿ ಒಣಗಿದ ನಂತರ ಮಿಕ್ಸಿಯಲ್ಲಿ ನುಣ್ಣಗೆ ಪುಡಿ ಮಾಡಿ, ಗಾಜಿನ ಬಾಟಲಿಯಲ್ಲಿ ಹಾಕಿ ಫ್ರೀಜರ್‌ನಲ್ಲಿಡಿ.ಈ ಹೋಮ್‌ಮೇಡ್ ಬೆಳ್ಳುಳ್ಳಿ ಪುಡಿಯನ್ನು (Garlic Powder) ಸಾರು, ಸಾಂಬಾರ್, ಪಲ್ಯ ಅಥವಾ ಗ್ರೇವಿಗಳಿಗೆ ಬಳಸಬಹುದು. ಇದು 2 ರಿಂದ 3 ವರ್ಷಗಳ ಕಾಲ ಯಾವುದೇ ಫ್ಲೇವರ್ ಮತ್ತು ರುಚಿ ಕಳೆದುಕೊಳ್ಳದೆ ಹೊಸದರಂತೆಯೇ ಇರುತ್ತದೆ!

ಮಾರುಕಟ್ಟೆಯಲ್ಲಿ ಬೆಳ್ಳುಳ್ಳಿ ಖರೀದಿಸುವಾಗ ಈ ತಪ್ಪು ಮಾಡಬೇಡಿ (Buying Guide)

ಬೆಳ್ಳುಳ್ಳಿಯನ್ನು ದೀರ್ಘಕಾಲ ಶೇಖರಿಸಿಡಬೇಕೆಂದರೆ ಖರೀದಿಸುವಾಗಲೇ ಸರಿಯಾದದ್ದನ್ನು ಆರಿಸಬೇಕು. ಗಡ್ಡೆಯನ್ನು ಕೈಯಲ್ಲಿ ಹಿಡಿದು ನೋಡಿದಾಗ ಅದು ಗಟ್ಟಿಯಾಗಿ ಮತ್ತು ತೂಕವಾಗಿರಬೇಕು (ಹಗುರವಾಗಿದ್ದರೆ ಒಳಗೆ ಜೊಳ್ಳಾಗಿರುತ್ತದೆ). ಗಡ್ಡೆಯ ಮೇಲೆ ಹಸಿರು ಮೊಳಕೆ ಬಂದಿರಬಾರದು ಅಥವಾ ಕಪ್ಪು ಬಣ್ಣದ ಬೂಸ್ಟ್ (Fungus) ಇರಬಾರದು. ಸಾಧ್ಯವಾದರೆ ನಾಟಿ ಬೆಳ್ಳುಳ್ಳಿ (ಗಾತ್ರ ಸಣ್ಣದಿದ್ದರೂ ಹೆಚ್ಚು ಘಾಟು ಮತ್ತು ಬಾಳಿಕೆ ಜಾಸ್ತಿ) ಖರೀದಿಸಿ.

ಆಲೂಗಡ್ಡೆಯ ಜೊತೆ ಬೆಳ್ಳುಳ್ಳಿ ಎಂದಿಗೂ ಇಡಬೇಡಿ! (Common Mistake)

ಹಲವರು ಬೆಳ್ಳುಳ್ಳಿ ಮತ್ತು ಆಲೂಗಡ್ಡೆಯನ್ನು ಒಂದೇ ಬುಟ್ಟಿಯಲ್ಲಿ ಒಟ್ಟಿಗೆ ಇಡುತ್ತಾರೆ. ಇದು ತಪ್ಪು! ಆಲೂಗಡ್ಡೆಯಿಂದ ಬಿಡುಗಡೆಯಾಗುವ ತೇವಾಂಶ ಮತ್ತು ಗ್ಯಾಸ್‌ನಿಂದಾಗಿ ಬೆಳ್ಳುಳ್ಳಿ ಬೇಗನೆ ಮೊಳಕೆ ಬರುತ್ತದೆ ಅಥವಾ ಕೊಳೆಯಲು ಶುರುವಾಗುತ್ತದೆ. ಇವೆರಡನ್ನೂ ಯಾವಾಗಲೂ ಪ್ರತ್ಯೇಕ ಬುಟ್ಟಿಯಲ್ಲಿಡಬೇಕು.

ಕುಂಡದಲ್ಲೇ ಬೆಳೆಯಿರಿ ಗೊಂಚಲು ಗೊಂಚಲು ನಿಂಬೆಕಾಯಿ.. ಗಿಡದ ತುಂಬಾ ಕಾಯಿ ಬಿಡಲು ಇಲ್ಲಿದೆ ಸೂಪರ್ ಟಿಪ್ಸ್

Ashwini HR — Thu, 29 Oct 2026 18:30:38 +0530

ಟೆರೇಸ್ ಗಾರ್ಡನ್ ಅಥವಾ ಬಾಲ್ಕನಿಯಲ್ಲಿ ಕುಂಡಗಳಲ್ಲಿ ನಿಂಬೆ, ಮೂಸಂಬಿ ಅಥವಾ ಕಿತ್ತಳೆ ಹಣ್ಣಿನ ಗಿಡಗಳನ್ನು ಬೆಳೆಸುವುದು ಹಲವರ ಕನಸು. ಆದರೆ ಹೆಚ್ಚಿನವರಿಗೆ ಎದುರಾಗುವ ಸಮಸ್ಯೆ ಎಂದರೆ—ಗಿಡ ಚೆನ್ನಾಗಿ ಬೆಳೆದರೂ ಹೂವು ಬಿಡುವುದಿಲ್ಲ, ಹೂವು ಬಿಟ್ಟರೂ ಕಾಯಿ ಕಚ್ಚದೆ ಉದುರಿಹೋಗುತ್ತದೆ. ಮನೆಯಲ್ಲೇ ಕುಂಡಗಳಲ್ಲಿ ಯಶಸ್ವಿಯಾಗಿ ನಿಂಬೆ ಗಿಡ ಬೆಳೆಸಿ, ಬಂಪರ್ ಇಳುವರಿ ಪಡೆಯಲು ಅನುಸರಿಸಬೇಕಾದ 10 ಪ್ರಮುಖ ಟಿಪ್ಸ್ ಇಲ್ಲಿದೆ.

1. ಸರಿಯಾದ ತಳಿಯ ಆಯ್ಕೆ (ಕಸಿ ಗಿಡವೇ ಬೆಸ್ಟ್)

ಬೀಜಗಳಿಂದ ನಿಂಬೆ ಗಿಡ ಬೆಳೆಸಿದರೆ ಕಾಯಿ ಬಿಡಲು 5 ರಿಂದ 8 ವರ್ಷಗಳು ಬೇಕಾಗಬಹುದು ಹಾಗೂ ಹಣ್ಣು ಬಿಡದೆಯೂ ಇರಬಹುದು. ಆದ್ದರಿಂದ ಯಾವಾಗಲೂ ನರ್ಸರಿಯಿಂದ ಉತ್ತಮ ತಳಿಯ ಕಸಿ ಮಾಡಿದ (Grafted) ಗಿಡವನ್ನೇ ಖರೀದಿಸಿ. ಇವು ಅದೇ ವರ್ಷದಲ್ಲೇ ಹೂವು-ಕಾಯಿ ಬಿಡಲು ಪ್ರಾರಂಭಿಸುತ್ತವೆ.

2. ಸೂಕ್ತ ಗಾತ್ರದ ಕುಂಡ (Container Size)

ನಿಂಬೆ ಗಿಡಗಳಿಗೆ ಕನಿಷ್ಠ 14 ಇಂಚು ಅಗಲ ಮತ್ತು 14 ಇಂಚು ಆಳವಿರುವ ಕುಂಡವನ್ನು ಆಯ್ಕೆ ಮಾಡಿ. ಸಿಮೆಂಟ್, ಮಣ್ಣಿನ ಮಡಕೆ ಅಥವಾ ಪ್ಲಾಸ್ಟಿಕ್ ಡ್ರಮ್ ಬಳಸಬಹುದು. ಪಾಟ್‌ನ ತಳಭಾಗದಲ್ಲಿ ನೀರು ಸರಾಗವಾಗಿ ಹರಿದುಹೋಗಲು ಸಾಕಷ್ಟು ರಂಧ್ರಗಳಿರಬೇಕು (Drainage Holes).

3. ಮಣ್ಣಿನ ಸರಿಯಾದ ಮಿಶ್ರಣ (Potting Mix)

ಬೇರುಗಳು ಗಟ್ಟಿಯಾಗಿ ಬೆಳೆಯಲು ಹಗುರವಾದ ಮಣ್ಣು ಬೇಕು40% ತೋಟದ ಮಣ್ಣು40% ಕೋಕೋಪೀಟ್20% ಎರೆಹುಳು ಗೊಬ್ಬರ (ವರ್ಮಿಕಾಂಪೋಸ್ಟ್) ಅಥವಾ ಕೊಟ್ಟಿಗೆ ಗೊಬ್ಬರಇದರೊಂದಿಗೆ ಒಂದು ಹಿಡಿ ಬೋನ್ ಮೀಲ್ (Bone meal) ಅಥವಾ ರಾಕ್ ಫಾಸ್ಫೇಟ್ ಪುಡಿ ಬೆರೆಸಿದರೆ ಬೇರುಗಳು ಬಲಗೊಂಡು ಹೂವು ಚೆನ್ನಾಗಿ ಬಿಡುತ್ತದೆ.

4. ಸೂರ್ಯನ ಬೆಳಕು ಮತ್ತು ರಿಪಾಟಿಂಗ್ ಕೇರ್

ನಿಂಬೆ ಗಿಡಕ್ಕೆ ದಿನಕ್ಕೆ ಕನಿಷ್ಠ 6 ಗಂಟೆಗಳ ನೇರ ಬಿಸಿಲು ಅತ್ಯಗತ್ಯ.ಟಿಪ್: ನರ್ಸರಿಯಿಂದ ತಂದ ತಕ್ಷಣ ಗಿಡವನ್ನು ಬೇರೆ ಕುಂಡಕ್ಕೆ ಬದಲಾಯಿಸಬೇಡಿ. 3-4 ದಿನ ನೆರಳಿನಲ್ಲಿಟ್ಟು ನಂತರ ಹೊಸ ಕುಂಡಕ್ಕೆ ಹಾಕಿ. ಕುಂಡ ಬದಲಾಯಿಸಿದ ನಂತರ 1 ಲೀಟರ್ ನೀರಿಗೆ 1 ಚಮಚ ಎಪ್ಸಮ್ ಸಾಲ್ಟ್ (Epsom Salt) ಬೆರೆಸಿ ಬುಡಕ್ಕೆ ಹಾಕಿದರೆ ಗಿಡ ಹೊಸ ಮಣ್ಣಿಗೆ ಸುಲಭವಾಗಿ ಹೊಂದಿಕೊಳ್ಳುತ್ತದೆ.

5. ನೀರುಣಿಸುವ ಸರಿಯಾದ ನಿಯಮ

ಹೆಚ್ಚು ನೀರು ಹಾಕಿದರೆ ಬೇರು ಕೊಳೆತು ಗಿಡ ಸಾಯುತ್ತದೆ. ಆದ್ದರಿಂದ ಕುಂಡದ ಮಣ್ಣಿನಲ್ಲಿ 1 ಇಂಚು ಬೆರಳು ಇಟ್ಟು ನೋಡಿ. ಮಣ್ಣು ಒಣಗಿದ್ದರೆ ಮಾತ್ರ ನೀರು ಹಾಕಿ. ನೀರು ಹಾಕುವಾಗ ಬುಡದ ರಂಧ್ರದಿಂದ ನೀರು ಹೊರಬರುವಂತೆ ಪೂರ್ಣವಾಗಿ ನೆನೆಯಿಸಿ.

6. ಅಗತ್ಯ ಪೋಷಕಾಂಶಗಳು ಮತ್ತು ಗೊಬ್ಬರ (ಅತ್ಯಂತ ಮುಖ್ಯ)

ಹೂವು ಬಿಡುವ ಸಮಯದಲ್ಲಿ ಗಿಡಕ್ಕೆ ಅಧಿಕ ಪೋಷಕಾಂಶ ಬೇಕುತಿಂಗಳಿಗೊಮ್ಮೆ ಒಂದು ಹಿಡಿ ಎರೆಹುಳು ಗೊಬ್ಬರ ನೀಡಿ.15 ದಿನಗಳಿಗೊಮ್ಮೆ 1 ಚಮಚ ಎಪ್ಸಮ್ ಸಾಲ್ಟ್ ಅನ್ನು 1 ಲೀಟರ್ ನೀರಿನಲ್ಲಿ ಕರಗಿಸಿ ಎಲೆಗಳ ಕೆಳಭಾಗಕ್ಕೆ ಸ್ಪ್ರೇ ಮಾಡಿ (ಇದರಿಂದ ಎಲೆಗಳು ಹಳದಿಯಾಗುವುದು ತಪ್ಪುತ್ತದೆ).ಪೊಟ್ಯಾಶಿಯಂ ಹೆಚ್ಚಿಸಲು 15 ದಿನಕ್ಕೊಮ್ಮೆ ಬಾಳೆಹಣ್ಣಿನ ಸಿಪ್ಪೆಯ ದ್ರವ ಗೊಬ್ಬರ (Banana peel fertilizer) ನೀಡಿ.

7. ಕೀಟ ಬಾಧೆ ನಿಯಂತ್ರಣ

ಹಿಟ್ಟು ತಿಗಣೆ (Mealybugs), ಗಿಡಹೇನು (Aphids) ಬಾರದಂತೆ ತಡೆಯಲು 15 ದಿನಕ್ಕೊಮ್ಮೆ ಬೇವು ಎಣ್ಣೆ (Neem Oil 5-10 ml) ಯನ್ನು 1 ಲೀಟರ್ ನೀರಿನಲ್ಲಿ ಬೆರೆಸಿ ಸಂಜೆ ವೇಳೆ ಸಿಂಪಡಿಸಿ.

8. ಮಣ್ಣಿನ ಪಿ.ಹೆಚ್ (Soil pH)

ನಿಂಬೆ ಹುಳಿಯಾಗಿರುವುದರಿಂದ ಮಣ್ಣು ಅತಿಯಾದ ಆಮ್ಲೀಯವಾಗಿರಬೇಕು ಎಂದೇನಿಲ್ಲ. ಸಾಮಾನ್ಯ ಗಿಡಗಳಂತೆ 6.0 ರಿಂದ 6.5 pH ಮಟ್ಟದ ಮಣ್ಣು ಇದಕ್ಕೆ ಹೇಳಿಮಾಡಿಸಿದ್ದು.

9. ಪರಾಗಸ್ಪರ್ಶಕಗಳನ್ನು ಆಕರ್ಷಿಸಿ (Pollination)

ಹೂವುಗಳು ಕಾಯಿಯಾಗಲು ದುಂಬಿ ಮತ್ತು ಜೇನುನೊಣಗಳು ಅಗತ್ಯ. ಹಾಗಾಗಿ ರಾಸಾಯನಿಕ ಕೀಟನಾಶಕಗಳನ್ನು ಸಿಂಪಡಿಸಬೇಡಿ. ಇವುಗಳ ಬದಲು ಜೇನುನೊಣಗಳನ್ನು ಆಕರ್ಷಿಸಲು ಹೂವಿನ ಗಿಡಗಳನ್ನು ನಿಂಬೆ ಗಿಡದ ಪಕ್ಕದಲ್ಲಿ ಇಡಿ. ಇದರಿಂದ ಹೂವು ಉದುರುವುದು ನಿಲ್ಲುತ್ತದೆ.

10. ಗಿಡ ಕತ್ತರಿಸಿ (Pruning)

ಒಣಗಿದ, ರೋಗಪೀಡಿತ ಕೊಂಬೆಗಳನ್ನು ಕಾಲಕಾಲಕ್ಕೆ ಕತ್ತರಿಸುತ್ತಿರಿ. ಹಣ್ಣು ಬಿಡುವುದು ಮುಗಿದ ನಂತರ ಗಿಡವನ್ನು ಪ್ರೂನ್ (Prune) ಮಾಡಿದರೆ ಹೊಸ ಚಿಗುರು ಬಂದು ಹೆಚ್ಚಿನ ಹೂವುಗಳು ಮೂಡುತ್ತವೆ.

ಈ ಮೂರು ಪದಾರ್ಥ ಇದ್ರೆ ಸಾಕು, ಕೆಮಿಕಲ್ ಹೇರ್ಡೈಗೆ ಹೇಳಿ ಗುಡ್ಬೈ : ಖ್ಯಾತ ವೈದ್ಯರು ಕೊಟ್ಟ ಟಿಪ್ಸ್ ನೋಡಿ

Suchethana D — Thu, 29 Oct 2026 19:34:57 +0530

ವಯಸ್ಸಾದಂತೆ ಕೂದಲು ಬಿಳಿ ಬಣ್ಣಕ್ಕೆ ತಿರುಗುವುದು ಸಾಮಾನ್ಯ. ಆದಾಗ್ಯೂ, ಅನೇಕ ಜನರು ಚಿಕ್ಕ ವಯಸ್ಸಿನಲ್ಲಿಯೂ ಈ ಸಮಸ್ಯೆ ಎದುರಿಸುತ್ತಿದ್ದಾರೆ. ಇದಕ್ಕೆ ಕಾರಣ ಹಲವಾರು ಇರಬಹುದು. ಇಂದಿನ ವಾತಾವರಣ, ಆಹಾರ ಪದ್ಧತಿ, ಆನುವಂಶಿಕತೆ, ಅನಾರೋಗ್ಯ ಸಮಸ್ಯೆ... ಹೀಗೆ ಕೂದಲು ಬೇಗ ಹಣ್ಣಾಗಲು ಹಲವಾರು ಕಾರಣಗಳು ಇರುತ್ತವೆ. ಆದರೆ ಕೂದಲನ್ನು ಕಪ್ಪು ಮಾಡಿಕೊಳ್ಳಲು ಜನರು ಕೂದಲಿನ ಬಣ್ಣಗಳು ಮತ್ತು ಕೆಮಿಕಲ್ಸ್ ಇರುವ ಹೇರ್ ಡೈ ಬಳಸುವುದು ಮಾಮೂಲು. ಈ ಎಲ್ಲವೂ ಬಣ್ಣಗಳು ಕೂದಲನ್ನು ಕಪ್ಪಾಗಿಸಬಹುದು, ಆದರೆ ಕಾಲಾನಂತರದಲ್ಲಿ ಅವು ಒಣಗುತ್ತವೆ. ಕೂದಲಿನ ಬಣ್ಣವು ಅದನ್ನು ಒರಟು, ನಿರ್ಜೀವ ಮತ್ತು ಜಟಿಲವಾಗಿ ಕಾಣುವಂತೆ ಮಾಡುತ್ತದೆ. ಅಷ್ಟೇ ಅಲ್ಲದೇ ಇದರಲ್ಲಿ ಇರುವ ರಾಸಾಯನಿಕ ಅಂಶದಿಂದ ಮಹಿಳೆಯರಲ್ಲಿ ಬ್ರೆಸ್ಟ್ ಕ್ಯಾನ್ಸರ್ ಸೇರಿದಂತೆ ಪುರುಷರಲ್ಲಿಯೂ ಹಲವು ಮಾರಣಾಂತಿಕ ರೋಗಗಳು ಬರುತ್ತವೆ ಎಂದು ಇದಾಗಲೇ ಅಧ್ಯಯನದಲ್ಲಿ ಸಾಬೀತಾಗಿದೆ.

ನೀವು ಬಯಸಿದರೆ, ನಿಮ್ಮ ಬಿಳಿ ಕೂದಲನ್ನು ಕಪ್ಪಾಗಿಸಲು ನೈಸರ್ಗಿಕ ಪದಾರ್ಥಗಳನ್ನು ಬಳಸಲು ಸಹ ನೀವು ಪ್ರಯತ್ನಿಸಬಹುದು. ಪ್ರಸಿದ್ಧ ಆಯುರ್ವೇದ ವೈದ್ಯ ಸಲೀಮ್ ಜೈದಿ ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ವಿಡಿಯೊವನ್ನು ಹಂಚಿಕೊಂಡಿದ್ದಾರೆ, ಬಿಳಿಯ ಕೂದಲನ್ನು ಕಪ್ಪಾಗಿಸಲು ಇದೇ ರೀತಿಯ ವಿಧಾನವನ್ನು ತಾವು ಅನುಸರಿಸುತ್ತಿರುವುದಾಗಿ ಅವರು ಹೇಳಿದ್ದಾರೆ. ಈ ವಿಧಾನವು ಸಂಪೂರ್ಣವಾಗಿ ನೈಸರ್ಗಿಕವಾಗಿದೆ ಮತ್ತು ನಿಮ್ಮ ಕೂದಲನ್ನು ಒಣಗಿಸುವುದಿಲ್ಲ; ಬದಲಾಗಿ, ಅದು ಅದನ್ನು ಆಳವಾಗಿ ಪೋಷಿಸುತ್ತದೆ ಎಂದು ಹೇಳುತ್ತಾರೆ.

ವೈದ್ಯರು ಕೊಟ್ಟ ಸಲಹೆ

ನಿಮ್ಮ ಕೂದಲನ್ನು ನೈಸರ್ಗಿಕವಾಗಿ ಕಪ್ಪಾಗಿಸಲು, ನೀವು ಎರಡು ಹಂತಗಳನ್ನು ಅನುಸರಿಸಬೇಕು ಎಂದು ಆಯುರ್ವೇದ ವೈದ್ಯರು ವಿವರಿಸುತ್ತಾರೆ. ಮೊದಲ ಹಂತಕ್ಕೆ, ನಿಮಗೆ ಗೋರಂಟಿ ಪುಡಿ ಮತ್ತು ಭೃಂಗರಾಜ್ ಪುಡಿ ಬೇಕಾಗುತ್ತದೆ. ಎರಡನೇ ಹಂತಕ್ಕೆ, ನಿಮಗೆ ಇಂಡಿಗೊ ಪುಡಿ ಬೇಕಾಗುತ್ತದೆ.

ಮೊದಲ ಹಂತದಲ್ಲಿ ಹೆನ್ನಾ ಮತ್ತು ಭೃಂಗರಾಜ್ ಹಚ್ಚಿ

ಡಾ. ಸಲೀಂ ಜೈದಿ ಅವರ ಪ್ರಕಾರ, ಮೊದಲ ಹಂತಕ್ಕಾಗಿ, ಮೂರು ಭಾಗಗಳ ಹೆನ್ನಾ ಪುಡಿಯನ್ನು ಒಂದು ಭಾಗ ಭೃಂಗರಾಜ್ ಪುಡಿಯೊಂದಿಗೆ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.

ಈಗ, ನಯವಾದ ಪೇಸ್ಟ್ ರೂಪಿಸಲು ನೀರನ್ನು ಸ್ವಲ್ಪ ಸ್ವಲ್ಪವಾಗಿ ಸೇರಿಸಿ. ಪೇಸ್ಟ್‌ನಲ್ಲಿ ಯಾವುದೇ ಉಂಡೆಗಳಿಲ್ಲ ಎಂದು ಖಚಿತಪಡಿಸಿಕೊಳ್ಳಿ.

ಈ ಪೇಸ್ಟ್ ಅನ್ನು ಕಬ್ಬಿಣದ ಪ್ಯಾನ್‌ನಲ್ಲಿ ಇರಿಸಿ, ಮುಚ್ಚಿ, ಎರಡರಿಂದ ಮೂರು ಗಂಟೆಗಳ ಕಾಲ ಅಥವಾ ರಾತ್ರಿಯಿಡೀ ಬಿಡಿ.

ಮರುದಿನ, ನಿಮ್ಮ ಕೂದಲನ್ನು ಶಾಂಪೂ ಬಳಸಿ ಚೆನ್ನಾಗಿ ತೊಳೆಯಿರಿ ಮತ್ತು ಒಣಗಿಸಿ.

ನಂತರ ತಯಾರಾದ ಪೇಸ್ಟ್ ಅನ್ನು ನಿಮ್ಮ ಕೂದಲಿಗೆ ಚೆನ್ನಾಗಿ ಹಚ್ಚಿ ಮತ್ತು ಎರಡು ಮೂರು ಗಂಟೆಗಳ ನಂತರ ಸರಳ ನೀರಿನಿಂದ ತೊಳೆಯಿರಿ.

ಇದು ನಿಮ್ಮ ಕೂದಲಿಗೆ ತಿಳಿ ಕೆಂಪು ಅಥವಾ ಕಂದು ಬಣ್ಣವನ್ನು ನೀಡುತ್ತದೆ.

ಎರಡನೇ ಹಂತದಲ್ಲಿ ಇಂಡಿಗೋ ಪುಡಿಯನ್ನು ಹಚ್ಚಿ

ಎರಡನೇ ಹಂತದಲ್ಲಿ ನಿಮ್ಮ ಕೂದಲಿಗೆ ಕಪ್ಪು ಬಣ್ಣವನ್ನು ನೀಡಲು ಇಂಡಿಗೋ ಪುಡಿಯನ್ನು ಬಳಸಲಾಗುತ್ತದೆ. ಇದನ್ನು ಮಾಡಲು, ಪೇಸ್ಟ್ ಮಾಡಲು ಇಂಡಿಗೋ ಪುಡಿಯನ್ನು ನೀರಿನೊಂದಿಗೆ ಬೆರೆಸಿ. ಸುಮಾರು ಐದು ನಿಮಿಷಗಳ ಕಾಲ ಕುಳಿತುಕೊಳ್ಳಿ, ನಂತರ ಅದನ್ನು ನಿಮ್ಮ ಕೂದಲಿಗೆ ಹಚ್ಚಿ. ನಿಮ್ಮ ಕೂದಲಿನ ಮೇಲೆ ಇಂಡಿಗೋ ಪೌಡರ್ ಅನ್ನು ಸುಮಾರು 45 ನಿಮಿಷಗಳ ಕಾಲ ಬಿಟ್ಟು ಗಾಢ ಕಂದು ಬಣ್ಣವನ್ನು ಪಡೆಯಬಹುದು ಮತ್ತು ಸುಮಾರು 90 ನಿಮಿಷಗಳ ಕಾಲ ಕಪ್ಪು ಬಣ್ಣವನ್ನು ಪಡೆಯಬಹುದು. ನಂತರ, ನಿಮ್ಮ ಕೂದಲನ್ನು ಸರಳ ನೀರಿನಿಂದ ತೊಳೆಯಿರಿ. ಇಂಡಿಗೋವನ್ನು ಹಚ್ಚಿದ ನಂತರ ಕನಿಷ್ಠ 24 ರಿಂದ 36 ಗಂಟೆಗಳ ಕಾಲ ಶಾಂಪೂ ಅಥವಾ ಯಾವುದೇ ಇತರ ಉತ್ಪನ್ನವನ್ನು ಬಳಸುವುದನ್ನು ತಪ್ಪಿಸಿ.

ಈ ರೀತಿಯಾಗಿ, ನೀವು ನೈಸರ್ಗಿಕವಾಗಿ ನಿಮ್ಮ ಕೂದಲಿಗೆ ರಾಸಾಯನಿಕ ಬಣ್ಣಗಳಿಲ್ಲದೆ ಆಳವಾದ ಕಪ್ಪು ಬಣ್ಣವನ್ನು ಬಣ್ಣ ಮಾಡಬಹುದು ಮತ್ತು ಬೂದು ಕೂದಲನ್ನು ಮರೆಮಾಡಬಹುದು.

ಊಟದ ಬಳಿಕ ಸ್ಪೂನ್ ಎಸೆಯಬೇಡಿ ತಿನ್ನಿ, 88 ವಿಫಲ ಪ್ರಯತ್ನ ನಂತರ ಯಶಸ್ಸು ಸಾಧಿಸಿದ ಎಡಿಬೈಟ್

Chethan Kumar — Thu, 29 Oct 2026 18:16:31 +0530

ಮುಂಬೈ (ಅ.29) ಊಟ, ಚಾಟ್ಸ್, ಐಸ್‌ಕ್ರೀಂ ಸೇರಿದಂತೆ ಹಲವು ತಿನಿಸುಗಳಿಗೆ ಸ್ಪೂನ್ ಬೇಕೇ ಬೇಕು. ಬಹುತೇಕ ಕಡೆಗಳಲ್ಲಿ ಪ್ಲಾಸ್ಟಿಕ್ ಸ್ಪೂನ್ ಬಳಕೆ ಮಾಡಲಾಗುತ್ತದೆ. ಊಟದ ಬಳಿಕ, ತಿನಿಸು ತಿಂದ ಬಳಿಕ ಸ್ಪೂನ್ ಎಸೆಯಲಾಗುತ್ತದೆ. ಪ್ಲಾಸ್ಟಿಕ್ ಸ್ಪೂನ್ ದೇಹಕ್ಕೂ ಉತ್ತಮವಲ್ಲ, ಪರಿಸರಕ್ಕೂ ಒಳ್ಳೇದಲ್ಲ. ಇದೀಗ ಊಟದ ಬಳಿಕ ಸ್ಪೂನ್ ಎಸೆಯಬೇಕಾಗಿಲ್ಲ, ನೇರವಾಗಿ ತಿನ್ನಬಹುದು. ಹೌದು, ಬರೋಬ್ಬರಿ 88 ವಿಫಲ ಪ್ರಯತ್ನ ಬಳಿಕ ಎಡಿಬೈಟ್ಸ್ ( Edybites) ಸ್ಟಾರ್ಟ್ ಅಪ್ ಕಂಪನಿ ಸಂಸ್ಥಾಪಕ ಉದ್ಯಮಿ, ರೂಪೇಶ್ ಕೆ ಸಂಘವಿ ತಿನ್ನೋ ಸ್ಪೂನ್ ಆವಿಷ್ಕರಿಸಿ ಮಾರುಕಟ್ಟೆಗೆ ಲಾಂಚ್ ಮಾಡಿದ್ದಾರೆ. ಪ್ಲಾಸ್ಟಿಕ್‌ಗೆ ಪರ್ಯಾಯವಾಗಿ ಮಾರುಕಟ್ಟೆ ಬಂದಿರುವ ಈ ಸ್ಪೂನ್ ಭಾರಿ ಮೆಚ್ಚುಗೆಗೆ ಪಾತ್ರವಾಗಿದೆ.

ಸಿರಿಧಾನ್ಯಗಳ ಮಿಶ್ರಣದ ಸ್ಪೂನ್

ಎಡಿಬೈಟ್ಸ್ ಸ್ಟಾರ್ಟ್ಅಪ್ ಕಂಪನಿ ಸಂಸ್ಥಾಪಕ ರೂಪೇಶ್ ಕೆ ಸಂಘವಿ ಹೊಸ ಸ್ಪೂನ್ ಅವಿಷ್ಕರಿಸಿದ್ದಾರೆ. ಬಳಕೆ ಬಳಿಕ ಸ್ಪೂನ್ ಎಸೆಯಬೇಕಾಗಿಲ್ಲ. ಹಾಗೇ ತಿನ್ನಬಹುದು. ಹೌದು, ಅಕ್ಕಿ, ಜೋಳ, ಗೋಧಿ ಹಿಟ್ಟು ಸೇರಿದಂತೆ ಸಿರಿಧಾನ್ಯಗಳಿಂದ ಈ ಸ್ಪೂನ್ ತಯಾರಿಸಲಾಗಿದೆ. ಸಿರಿಧಾನ್ಯಗಳ ಮಿಶ್ರಣದಿಂದ ತಯಾರಿಸಿದ ಈ ಸ್ಪೂನ್ ತಿನಿಸು ತಿಂದ ಬಳಿಕ ತಿನ್ನಬಹುದು. ತಿನ್ನದೇ ಹಾಗೇ ಎಸೆದರೇ ಒಂದೇ ದಿನದಲ್ಲಿ ಕೊಳೆತು ಹೋಗಲಿದೆ.

ಯೂಸ್ ಆ್ಯಂಡ್ ಥ್ರೋ ಸ್ಪೂನ್ ಎಲ್ಲೆಡೆ ಲಭ್ಯವಿದೆ. ಆದರೆ ಇದು ಅತ್ಯಂತ ಅಪಾಯಕಾರಿ. ಪರಿಸರದಲ್ಲೂ ಈ ಸ್ಪೂನ್ ಕೊಲೆಯದೆ, ಕರಗದೇ ಹಾಗೇ ಉಳಿಯುತ್ತದೆ. ಪ್ರತಿ ದಿನ ಲಕ್ಷಾಂತರ ಪ್ಲಾಸ್ಟಿಕ್ ಸ್ಪೂನ್ ಬಳಕೆಯಾಗಿ ಎಸೆಯಲಾಗುತ್ತದೆ. ಇನ್ನು ಕೆಲ ಪರಿಸರ ಪೂರಕ ಎಂದು ಬಂದಿರುವ ಯೂಸ್ ಆ್ಯಂಡ್ ಥ್ರೋ ಪ್ಲಾಸ್ಟಿಕ್ ಸ್ಪೂನ್‌ಗಳಲ್ಲಿ 2.5 ಗ್ರಾಂನಿಂದ 3 ಗ್ರಾಂ ಪ್ಲಾಸ್ಟಿಕ್ ಇದೆ. ಇದೀಗ ಸಿರಿಧಾನ್ಯಗಳ ಮಿಶ್ರಣದ ತಿನ್ನಬಹುದಾದ 1 ಲಕ್ಷ ಸ್ಪೂನ್‌ನಿಂದ 250 ರಿಂದ 300 ಕೆಜಿ ಪ್ಲಾಸಿಕ್ ಬಳಕೆ ತಪ್ಪಲಿದೆ. ಇದು ಪರಿಸರಕ್ಕೆ ಹಾಗೂ ಮನುಷ್ಯ ಆರೋಗ್ಯಕ್ಕೂ ಸಹಕಾರಿಯಾಗಿದೆ ಎಂದು ರೂಪೇಶ್ ಹೇಳಿದ್ದಾರೆ.

ಕೋವಿಡ್‌ನಿಂದ ಹುಟ್ಟಿಡ ಐಡಿಯಾ

ಕೋವಿಡ್ ಸಮಯದಲ್ಲಿ ರೂಪೇಶ್‌ಗೆ ಮನೆ ಕೆಲಸದವರ ಸಮಸ್ಯೆ ಎದುರಾಗಿತ್ತು. ನಿರ್ಬಂಧಗಳ ಕಾರಣ ಯಾರು ಬರುವಂತಿಲ್ಲ, ಯಾರೂ ಇರಲಿಲ್ಲ. ಪಾತ್ರೆ ತೊಳೆಯಲು ಕೆಲಸದವರು ಇರಲಿಲ್ಲ. ಶುಚಿಯಾದ ಪಾತ್ರೆ, ಸ್ಪೂನ್ ಇಲ್ಲದೆ ರೂಪೇಶ್ ಪರದಾಡಿದ್ದರು. ಹೀಗಾಗಿ ಯೂಸ್ ಆ್ಯಂಡ್ ಥ್ರೂ ಸ್ಪೂನ್ ಬಳಸಬೇಕಾಯಿತು. ಆದರೆ ಯೂಸ್ ಆ್ಯಂಡ್ ಥ್ರೋ ಪ್ಲಾಸ್ಟಿಕ್ ಸ್ಪೂನ್‌ ಬದಲು ಆರೋಗ್ಯ, ದೇಹಕ್ಕೂ ಉತ್ತಮ ಸ್ಪೂನ್ ಆವಿಷ್ಕರಿಸುವ ಪ್ಲಾನ್ ಹುಟ್ಟಿಕೊಂಡಿತು.

88 ಬಾರಿ ಪ್ರಯತ್ನಿಸಿ ಸೋತಿದ್ದ ರೂಪೇಶ್

ರೂಪೇಶ್‌ಗೆ ಹೊಳದ ಐಡಿಯಾ ಬೆನ್ನಲ್ಲೇ ಆವಿಷ್ಕಾರಗಳು ಆರಂಭಗೊಂಡಿತು. ಆದರೆ ಪ್ರಯತ್ನಗಳು ವಿಫಲಗೊಂಡಿತು. ಸ್ಪೂನ್ ಡಿಸೈನ್, ಸಿರಿಧಾನ್ಯಗಳ ಮಿಶ್ರಣ, ಗಟ್ಟಿತನದ ಕೊರತೆಯಿಂದ ಸ್ಪೂನ್ ಪ್ರಯತ್ನ ಕೈಗೂಡಲಿಲ್ಲ. ಬರೋಬ್ಬರಿ 88 ಬಾರಿ ನಡೆಸಿದ ಪ್ರಯತ್ನ ವಿಫಲಗೊಂಡಿತ್ತು. ಕೊನೆಗೂ ರೊಪೇಶ್ ಪ್ರಯತ್ನದಲ್ಲಿ ಯಶಸ್ಸು ಸಾಧಿಸಿದ್ದರು.

ರೆಫ್ರಿಜರೇಟರ್ ಇಲ್ಲದೆ ಎಡಿಬೈಟ್ಸ್ ಸ್ಪೂನ್‌ಗಳನ್ನು 3 ತಿಂಗಳ ವರೆಗೆ ಶೇಖರಿಸಿಡಲು ಸಾಧ್ಯವಿದೆ. ಒಂದು ಎಡಿಬೈಟ್ಸ್ ಚಮಚಾ ಬೆಲೆ 7 ರಿಂದ 8 ರೂಪಾಯಿ . ಸದ್ಯ 5000ಕ್ಕೂ ಹೆಚ್ಚು ಚಮಚಾ ಮಾರಾಟ ಮಾಡಲಾಗಿದೆ.

ಇದೀಗ ಮುಂಬೈನಲ್ಲಿ ಎಡಿಬೈಟ್ಸ್ ಸ್ಪೂನ್ ಭಾರಿ ಜನಪ್ರಿಯವಾಗಿದೆ. ಹಲವರ ಟೇಬಲ್‌ನಲ್ಲಿ ಇದೀಗ ಎಡಿಬೈಟ್ಸ್ ಸ್ಪೂನ್ ಬಳಕೆ ಮಾಡಲಾಗುತ್ತದೆ. ಮುಂಬೈನಿಂದ ಇತರ ನಗರದಲ್ಲೂ ಎಡಿಬೈಟ್ಸ್ ಸ್ಪೂನ್ ಲಭ್ಯವಾಗುತ್ತಿದೆ.

ಪ್ರೀತಿಯಲ್ಲೂ ಬ್ಯಾಕಪ್ ಆಪ್ಷನ್! Gen Z ಡೇಟಿಂಗ್‌ನ ಹೊಸ ಬೆಂಚಿಂಗ್ ಟ್ರೆಂಡ್ ಬಗ್ಗೆ ಗೊತ್ತಾ?

Pavna Das — Thu, 29 Oct 2026 16:32:07 +0530

Benching Trend: ಡೇಟಿಂಗ್ ಜಗತ್ತಿನಲ್ಲಿ ವೇಗವಾಗಿ ಚರ್ಚೆಯಾಗುತ್ತಿರುವ ಬೆಂಚಿಂಗ್ ಟ್ರೆಂಡ್ ಎಂದರೇನು? ನಿಮಗೆ ಗೊತ್ತಾ? ನಿಮ್ಮೊಂದಿಗೆ ಮಾತನಾಡುತ್ತಾ, ಆಸಕ್ತಿ ತೋರಿಸುತ್ತಾ, ಸಂಬಂಧದ ಬಗ್ಗೆ ಸ್ಪಷ್ಟತೆ ನೀಡದೆ ನಿಮ್ಮನ್ನು ಬ್ಯಾಕಪ್ ಆಯ್ಕೆಯಾಗಿ ಇರಿಸಿಕೊಳ್ಳುವ ವರ್ತನೆಯೇ ಬೆಂಚಿಂಗ್.

ಇತ್ತೀಚಿನ ದಿನಗಳಲ್ಲಿ ಡೇಟಿಂಗ್‌ನಲ್ಲಿ ಒಬ್ಬರನ್ನು ಇಷ್ಟಪಡುವುದು ಮತ್ತು ಅವರಿಗೆ ತಮ್ಮ ಜೀವನದಲ್ಲಿ ಸ್ಥಾನ ನೀಡುವುದು ಎರಡೂ ಬೇರೆ ಬೇರೆ ವಿಷಯಗಳಾಗುತ್ತಿವೆ. ಕೆಲವೊಮ್ಮೆ ಒಬ್ಬ ವ್ಯಕ್ತಿ ನಿಮ್ಮೊಂದಿಗೆ ಮಾತನಾಡುತ್ತಾನೆ, ಫ್ಲರ್ಟ್ ಮಾಡುತ್ತಾನೆ, ನಿಮ್ಮ ಯೋಗಕ್ಷೇಮ ವಿಚಾರಿಸುತ್ತಾನೆ. ಆದರೆ ಸಂಬಂಧದ ಬಗ್ಗೆ ಯಾವುದೇ ಸ್ಪಷ್ಟ ಉತ್ತರ ನೀಡುವುದಿಲ್ಲ. ನಿಮ್ಮಿಬ್ಬರ ನಡುವೆ ಸಂಬಂಧ ಮುಂದುವರಿಯಬಹುದು ಎಂದು ನಿಮಗೆ ಅನಿಸುತ್ತದೆ. ಆದರೆ ಎದುರಿನ ವ್ಯಕ್ತಿ ನಿಮ್ಮನ್ನು ಸಂಪೂರ್ಣವಾಗಿ ಒಪ್ಪಿಕೊಳ್ಳುವುದೂ ಇಲ್ಲ, ನಿಮ್ಮಿಂದ ದೂರವಾಗುವುದೂ ಇಲ್ಲ. ಡೇಟಿಂಗ್ ಜಗತ್ತಿನಲ್ಲಿ ಇಂತಹ ವರ್ತನೆಯನ್ನು ಬೆಂಚಿಂಗ್ (Benching) ಎಂದು ಕರೆಯಲಾಗುತ್ತದೆ.

ಸಂಬಂಧದಲ್ಲಿ ಒಬ್ಬ ವ್ಯಕ್ತಿಯನ್ನು ಮೊದಲ ಆಯ್ಕೆಯಾಗಿ ಪರಿಗಣಿಸುವ ಬದಲು, ಬ್ಯಾಕಪ್ ಆಯ್ಕೆಯಾಗಿ ಇರಿಸಿಕೊಳ್ಳುವುದೇ ಬೆಂಚಿಂಗ್. ಕ್ರಿಕೆಟ್‌ನಲ್ಲಿ ಆಟಗಾರನೊಬ್ಬ ಮೈದಾನದಲ್ಲಿ ಆಡುವ ಬದಲು ತನ್ನ ಸರದಿಗಾಗಿ ಬೆಂಚ್ ಮೇಲೆ ಕುಳಿತು ಕಾಯುವಂತೆ, ಡೇಟಿಂಗ್‌ನಲ್ಲಿಯೂ ಒಬ್ಬ ವ್ಯಕ್ತಿಯನ್ನು ಕಾಯುವಂತೆ ಮಾಡಲಾಗುತ್ತದೆ. ಇಂತಹ ಸಂದರ್ಭದಲ್ಲಿ ಎದುರಿನ ವ್ಯಕ್ತಿ ಆಗಾಗ ನಿಮ್ಮೊಂದಿಗೆ ಮಾತನಾಡುತ್ತಾನೆ, ನಿಮ್ಮ ಸೋಶಿಯಲ್ ಮೀಡಿಯಾ ಸ್ಟೋರಿಗಳಿಗೆ ಪ್ರತಿಕ್ರಿಯಿಸುತ್ತಾನೆ ಅಥವಾ ಇದ್ದಕ್ಕಿದ್ದಂತೆ ಮೆಸೇಜ್ ಕಳುಹಿಸಿ ಆಸಕ್ತಿ ತೋರಿಸುತ್ತಾನೆ. ಆದರೆ ಭೇಟಿಯಾಗುವ, ಬದ್ಧತೆಯನ್ನು ತೋರಿಸುವ ಅಥವಾ ಸಂಬಂಧವನ್ನು ಮುಂದುವರಿಸುವ ವಿಷಯ ಬಂದಾಗ ಹಿಂದೆ ಸರಿಯುತ್ತಾನೆ.

ಉದಾಹರಣೆಗೆ, ನೀವು ಒಬ್ಬ ವ್ಯಕ್ತಿಯೊಂದಿಗೆ ಹಲವು ಸಮಯದಿಂದ ಮಾತನಾಡುತ್ತಿದ್ದೀರಿ ಎಂದುಕೊಳ್ಳಿ. ಕೆಲವೊಮ್ಮೆ ಆತ ನಿಮ್ಮೊಂದಿಗೆ ಗಂಟೆಗಟ್ಟಲೆ ಚಾಟ್ ಮಾಡುತ್ತಾನೆ. ಮತ್ತೆ ಕೆಲವೊಮ್ಮೆ ಹಲವು ದಿನಗಳವರೆಗೆ ಕಾಣೆಯಾಗುತ್ತಾನೆ. ನೀವು ಆತನಿಂದ ದೂರವಾಗಲು ಪ್ರಾರಂಭಿಸಿದಾಗ, ಇದ್ದಕ್ಕಿದ್ದಂತೆ “ಹಾಯ್, ಹೇಗಿದ್ದೀಯಾ?” ಅಥವಾ “ತುಂಬಾ ದಿನಗಳಿಂದ ಮಾತನಾಡಿಯೇ ಇಲ್ಲ” ಎಂಬ ಮೆಸೇಜ್ ಬರುತ್ತದೆ. ಆತ ಈಗ ಸಂಬಂಧದ ಬಗ್ಗೆ ಗಂಭೀರವಾಗುತ್ತಿದ್ದಾನೆ ಎಂದು ನಿಮಗೆ ಅನಿಸಬಹುದು. ಆದರೆ ಸ್ವಲ್ಪ ಸಮಯದ ನಂತರ ಮತ್ತೆ ಅದೇ ಅಂತರ ಕಾಣಿಸಿಕೊಳ್ಳುತ್ತದೆ. ಆತ ಬೇರೆಯವರೊಂದಿಗೆ ಡೇಟಿಂಗ್ ಮಾಡುತ್ತಿರಬಹುದು ಮತ್ತು ನಿಮ್ಮನ್ನು ಎರಡನೇ ಆಯ್ಕೆಯಾಗಿ ಉಳಿಸಿಕೊಂಡಿರಬಹುದು.

ಕೆಲವರು ಒಂಟಿಯಾಗಿರಲು ಬಯಸುವುದಿಲ್ಲ. ಇನ್ನು ಕೆಲವರು ತಮ್ಮ ಮುಂದಿರುವ ಆಯ್ಕೆಗಳನ್ನು ತೆರೆದಿಟ್ಟುಕೊಳ್ಳಲು ಬಯಸುತ್ತಾರೆ. ಮತ್ತೆ ಕೆಲವರಿಗೆ ತಮಗೆ ನಿಜವಾಗಿಯೂ ಸಂಬಂಧ ಬೇಕೇ ಬೇಡವೇ ಎಂಬುದೇ ಸ್ಪಷ್ಟವಾಗಿರುವುದಿಲ್ಲ. ಸಾಮಾಜಿಕ ಮಾಧ್ಯಮ ಮತ್ತು ಡೇಟಿಂಗ್ ಆ್ಯಪ್‌ಗಳಲ್ಲಿ ಹೊಸ ಜನರನ್ನು ಭೇಟಿಯಾಗುವುದು ಸುಲಭವಾಗಿರುವುದರಿಂದಲೂ ಕೆಲವರು ಒಂದೇ ಸಮಯದಲ್ಲಿ ಹಲವು ಜನರೊಂದಿಗೆ ಮಾತನಾಡುತ್ತಾರೆ.

ಯಾರಾದರೂ ಪದೇಪದೇ ಆಸಕ್ತಿ ತೋರಿಸಿ ನಂತರ ಕಾಣೆಯಾಗುತ್ತಿದ್ದರೆ, ಭೇಟಿಯಾಗುವ ಯೋಜನೆ ರೂಪಿಸಿ ಮತ್ತೆ ಅದನ್ನು ಕ್ಯಾನ್ಸಲ್ ಮಾಡುತ್ತಿದ್ದರೆ ಅಥವಾ ಸಂಬಂಧದಂತಹ ವಿಷಯಗಳ ಬಗ್ಗೆ ಮಾತನಾಡುವುದನ್ನು ತಪ್ಪಿಸುತ್ತಿದ್ದರೆ, ಅವರ ಈ ವರ್ತನೆಯ ಬಗ್ಗೆ ಗಮನ ಹರಿಸುವುದು ಮುಖ್ಯ. ಇಂತಹ ಸಂದರ್ಭದಲ್ಲಿ ಗೊಂದಲದಲ್ಲೇ ಉಳಿಯುವ ಬದಲು, ಎದುರಿನ ವ್ಯಕ್ತಿಯನ್ನು ನೇರವಾಗಿ ಕೇಳಿ, ಈ ಸಂಬಂಧದಿಂದ ಅವರು ಏನನ್ನು ಬಯಸುತ್ತಾರೆ ಎಂಬುದನ್ನು ತಿಳಿದುಕೊಳ್ಳಿ.

parenting tips : ಚಿಕ್ಕ ಮಕ್ಕಳ ಮುಂದೆ ಬಟ್ಟೆ ಬದಲಿಸಬಹುದೇ? ಇದರಿಂದ ಮಕ್ಕಳ ಮೇಲಾಗುವ ಪರಿಣಾಮ ಏನು?

Roopa Hegde — Thu, 29 Oct 2026 18:12:06 +0530

ಮಕ್ಕಳನ್ನು ಬೆಳೆಸುವಾಗ ಪೋಷಕರ ಮನಸ್ಸಿನಲ್ಲಿ ಹಲವು ಪ್ರಶ್ನೆಗಳು ಮೂಡುತ್ತವೆ. ಅವುಗಳಲ್ಲಿ ಒಂದು, ಮಕ್ಕಳ ಮುಂದೆ ಬಟ್ಟೆ ಬದಲಿಸುವುದು ಅಥವಾ ಸ್ನಾನ ಮಾಡುವುದು ಸರಿಯೇ ಎಂಬುದು. ಹೀಗೆ ಮಾಡುವುದರಿಂದ ಮಕ್ಕಳ ಮೇಲೆ ಕೆಟ್ಟ ಪರಿಣಾಮ ಉಂಟಾಗಬಹುದು ಎಂದು ಕೆಲವರು ಭಾವಿಸುತ್ತಾರೆ. ಇನ್ನು ಕೆಲವರು ಚಿಕ್ಕ ಮಕ್ಕಳಿಗೆ ಹೆಚ್ಚು ತಿಳಿವಳಿಕೆ ಇರುವುದಿಲ್ಲ, ಹಾಗಾಗಿ ಅವರ ಮುಂದೆ ಬಟ್ಟೆ ಬದಲಿಸಿದರೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದುಕೊಳ್ಳುತ್ತಾರೆ.

ತಜ್ಞರು ಏನು ಹೇಳ್ತಾರೆ?

ಮಕ್ಕಳು ಚಿಕ್ಕವರಿದ್ದಾಗ ಅವರ ಬೆಳವಣಿಗೆಯ ಹಂತದಲ್ಲಿ ಸುತ್ತಮುತ್ತಲಿನ ವಿಷಯಗಳನ್ನು ಗಮನಿಸಿ, ಅರ್ಥಮಾಡಿಕೊಂಡು ಕಲಿಯುತ್ತಾರೆ ಎಂದು ಮಕ್ಕಳ ತಜ್ಞೆ ಹೇಳುತ್ತಾರೆ. ಈ ವಯಸ್ಸಿನಲ್ಲಿ ಪೋಷಕರು ಮಕ್ಕಳ ಮುಂದೆ ಬಟ್ಟೆ ಬದಲಿಸಿದರೆ, ದೇಹದ ವಿವಿಧ ಅಂಗಗಳ ಬಗ್ಗೆ ಮಕ್ಕಳಿಗೆ ಸಹಜವಾದ ತಿಳಿವಳಿಕೆ ಮೂಡುತ್ತದೆ. ಮಾನವ ದೇಹ ಸಹಜವಾದದ್ದು, ಅದರ ಬಗ್ಗೆ ನಾಚಿಕೆಪಡುವ ಅಗತ್ಯವಿಲ್ಲ ಎಂಬುದನ್ನು ಮಕ್ಕಳು ಅರ್ಥಮಾಡಿಕೊಳ್ಳುತ್ತಾರೆ.

ವಯಸ್ಸಿನ ಮಿತಿ ಇರಲಿ

ಮಕ್ಕಳು ಸುಮಾರು ಮೂರೂವರೆ ಅಥವಾ ನಾಲ್ಕು ವರ್ಷದವರಾಗುತ್ತಿದ್ದಂತೆ ಅವರಿಗೆ ವೈಯಕ್ತಿಕ ಸ್ವಾತಂತ್ರ್ಯ ಮತ್ತು ಖಾಸಗಿತನದ ಬಗ್ಗೆ ತಿಳಿಸುವುದು ಮುಖ್ಯವಾಗುತ್ತದೆ. ಈ ವಯಸ್ಸಿನ ನಂತರ ಮಕ್ಕಳ ಮುಂದೆ ಬಟ್ಟೆ ಬದಲಿಸುವುದನ್ನು ತಪ್ಪಿಸಿ. ಇದು ವೈಯಕ್ತಿಕ ಖಾಸಗಿತನಕ್ಕೆ ಸಂಬಂಧಿಸಿದ ವಿಷಯ ಎಂಬುದನ್ನು ಅವರಿಗೆ ಕಲಿಸಬೇಕು. ಬೇರೆಯವರು ಬಟ್ಟೆ ಬದಲಿಸುವಾಗ ಏಕಾಂತ ಬಯಸಿದರೆ ಅವರ ಇಚ್ಛೆಯನ್ನು ಗೌರವಿಸಬೇಕು. ಪೋಷಕರು ಕೂಡ ತಮ್ಮ ಖಾಸಗಿತನವನ್ನು ಕಾಪಾಡಿಕೊಳ್ಳುವ ಮೂಲಕ ಮಕ್ಕಳಿಗೆ ಮಾದರಿಯಾಗಬೇಕು.

ಮಕ್ಕಳಿಗೆ ತಮ್ಮ ದೇಹದ ಮೇಲೆ ತಮಗೇ ಹಕ್ಕಿದೆ ಎಂಬುದನ್ನು ತಿಳಿಸುವುದು ಬಹಳ ಮುಖ್ಯ. ಈ ಮೂಲಕ ಮಕ್ಕಳು ಸರಿ-ತಪ್ಪು, ವೈಯಕ್ತಿಕ ಮಿತಿಗಳು ಮತ್ತು ಇತರರ ಒಪ್ಪಿಗೆಯನ್ನು ಗೌರವಿಸುವುದನ್ನು ಕಲಿಯುತ್ತಾರೆ. ಮಕ್ಕಳ ವಯಸ್ಸಿಗೆ ಅನುಗುಣವಾಗಿ ಅವರಿಗೆ ಇಂತಹ ವಿಷಯಗಳನ್ನು ತಿಳಿಸಿಕೊಡಬಹುದು. ಮಕ್ಕಳು ಈ ಬಗ್ಗೆ ಪ್ರಶ್ನೆಗಳನ್ನು ಕೇಳಿದರೆ, ಅವರನ್ನು ಗದರಿಸದೆ ಸಮಾಧಾನದಿಂದ ಉತ್ತರಿಸಬೇಕು. ಜೊತೆಗೆ, ಪೋಷಕರು ಮಕ್ಕಳ ವೈಯಕ್ತಿಕ ಮಿತಿಗಳನ್ನೂ ಗೌರವಿಸಬೇಕು.

60 ದಿನದಲ್ಲಿ 6 ಕೆಜಿ ತೂಕ ಇಳಿಸಿ, ವಯಸ್ಸಾಗೋದನ್ನ ತಡೆಯಿರಿ, ಹೆಲ್ತ್ ಸಪ್ಲಿಮೆಂಟ್ ಜಾಹೀರಾತುಗಳ ಬಣ್ಣ ASCI ನಿಂದ ಬಯಲು

Gowthami K — Thu, 29 Oct 2026 15:47:15 +0530

ಆರೋಗ್ಯದ ಕಾಳಜಿಯಿಂದ ನೀವು ಹೆಲ್ತ್ ಸಪ್ಲಿಮೆಂಟ್ಸ್ (ನ್ಯೂಟ್ರಾಸುಟಿಕಲ್ಸ್), ಪ್ರೋಟೀನ್ ಪೌಡರ್ ಅಥವಾ ವಿಟಮಿನ್ ಮಾತ್ರೆಗಳನ್ನು ಖರೀದಿಸುತ್ತಿದ್ದೀರಾ? ಟಿವಿ, ಮೊಬೈಲ್‌ಗಳಲ್ಲಿ ಬರುವ ಜಾಹೀರಾತುಗಳನ್ನು ನೋಡಿ ಈ ಉತ್ಪನ್ನಗಳು 'ಮ್ಯಾಜಿಕ್' ಮಾಡುತ್ತವೆ ಎಂದು ನಂಬಿದ್ದರೆ, ನೀವು ಎಚ್ಚರಗೊಳ್ಳಲೇಬೇಕು!

ಭಾರತೀಯ ಜಾಹೀರಾತು ಗುಣಮಟ್ಟ ಮಂಡಳಿ (ಎಎಸ್‌ಸಿಐ) ಬಿಡುಗಡೆ ಮಾಡಿರುವ ಎ ಪಿಲ್ ಫಾರ್ ಥಾಟ್ ಎಂಬ ಹೊಸ ವರದಿಯಲ್ಲಿ, ಆರೋಗ್ಯ ಮತ್ತು ವೆಲ್‌ನೆಸ್‌ ಉತ್ಪನ್ನಗಳ ಜಾಹೀರಾತುಗಳಲ್ಲಿ ಮಾಡಲಾಗುತ್ತಿರುವ ಸುಳ್ಳು ಭರವಸೆಗಳನ್ನು ಬಯಲಿಗೆಳೆಯಲಾಗಿದೆ.

ಜುಲೈನಿಂದ ಸೆಪ್ಟೆಂಬರ್ 2026ರವರೆಗೆ ಎಎಸ್‌ಸಿಐ ಪರಿಶೀಲಿಸಿದ 61 ಜಾಹೀರಾತುಗಳ ಪೈಕಿ ಬರೋಬ್ಬರಿ 60 ಜಾಹೀರಾತುಗಳು ಗ್ರಾಹಕರನ್ನು ದಾರಿತಪ್ಪಿಸುತ್ತಿವೆ ಮತ್ತು ನಿಯಮಗಳನ್ನು ಉಲ್ಲಂಘಿಸಿವೆ ಎಂಬ ಆಘಾತಕಾರಿ ಸತ್ಯ ಹೊರಬಿದ್ದಿದೆ.

ಯಾವೆಲ್ಲಾ ಸುಳ್ಳು ಭರವಸೆಗಳನ್ನು ನೀಡಲಾಗುತ್ತಿದೆ?

60 ದಿನಗಳಲ್ಲಿ 6 ಕೆ.ಜಿ ತೂಕ ಇಳಿಸಿʼ, 12 ವಾರಗಳಲ್ಲಿ ತೊಡೆಯ ಬೊಜ್ಜು ಕರಗಿಸಿʼ, ಯುವಿ ಕಿರಣಗಳಿಂದ ಶೇ. 300ರಷ್ಟು ರಕ್ಷಣೆ ಹೀಗೆ ತೂಕ ಇಳಿಕೆ, ವಯಸ್ಸಾಗುವುದನ್ನು ತಡೆಯುವುದು, ಚರ್ಮದ ಕಾಂತಿ ಹೆಚ್ಚಿಸುವ ಜಾಹೀರಾತುಗಳು ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲದೆ ಪ್ರಸಾರವಾಗುತ್ತಿವೆ.

ಅಷ್ಟೇ ಅಲ್ಲದೆ, ಕೆಲವೊಂದು ಉತ್ಪನ್ನಗಳು ಅಸ್ತಮಾ, ರಕ್ತದೊತ್ತಡ (ಬಿಪಿ), ಕೊಲೆಸ್ಟ್ರಾಲ್ ಮತ್ತು ಪಿಸಿಓಎಸ್‌ನಂತಹ ಗಂಭೀರ ಕಾಯಿಲೆಗಳನ್ನು ಗುಣಪಡಿಸುತ್ತವೆ ಎಂದು ಹೇಳಿಕೊಳ್ಳುತ್ತಿರುವುದು ಆತಂಕಕಾರಿ ಸಂಗತಿಯಾಗಿದೆ. ಜನರ ಅನಾರೋಗ್ಯವನ್ನೇ ಬಂಡವಾಳ ಮಾಡಿಕೊಂಡು ಕಂಪನಿಗಳು ಭ್ರಮೆ ಹುಟ್ಟಿಸುತ್ತಿವೆ ಎಂದು ವರದಿ ಹೇಳಿದೆ.

ಕಂಪನಿಗಳು ಜನರನ್ನು ಯಾಮಾರಿಸುವುದು ಹೇಗೆ?

ಎಎಸ್‌ಸಿಐ ವರದಿಯ ಪ್ರಕಾರ, ಈ ಕಂಪನಿಗಳು ಪ್ರಮುಖವಾಗಿ 3 ವಿಧಾನಗಳಲ್ಲಿ ಜನರನ್ನು ಯಾಮಾರಿಸುತ್ತಿವೆ.

ಮೊದಲನೆಯದ್ದು ಅರ್ಧ ಸತ್ಯ. ಉತ್ಪನ್ನದಲ್ಲಿರುವ ಯಾವುದೋ ಒಂದು ಮೂಲವಸ್ತುವಿಗೆ (ಉದಾಹರಣೆಗೆ: ಅಶ್ವಗಂಧ ಅಥವಾ ವಿಟಮಿನ್ ಸಿ) ಒಳ್ಳೆಯ ಗುಣವಿರುತ್ತದೆ. ಆ ಒಂದು ವಸ್ತುವಿನ ಲಾಭವನ್ನೇ ಮುಂದಿಟ್ಟುಕೊಂಡು, ಇಡೀ ಉತ್ಪನ್ನವೇ ಅದ್ಭುತ ಎಂದು ಬಿಂಬಿಸಲಾಗುತ್ತದೆ. ಆದರೆ ಆ ಅಂತಿಮ ಉತ್ಪನ್ನದಿಂದ ನಿಜಕ್ಕೂ ಲಾಭವಿದೆಯೇ ಎಂಬುದಕ್ಕೆ ಕಂಪನಿಗಳ ಬಳಿ ಯಾವುದೇ ಕ್ಲಿನಿಕಲ್ ಸಾಕ್ಷ್ಯಗಳಿರುವುದಿಲ್ಲ.

ಎರಡನೆಯದ್ದು ಸಾಕ್ಷ್ಯವಿಲ್ಲದ ಹೋಲಿಕೆ. ನಮ್ಮ ಉತ್ಪನ್ನ ಇತರರಿಗಿಂತ ವೇಗವಾಗಿ ಕೆಲಸ ಮಾಡುತ್ತದೆ , ಬಹಳ ಎಫೆಕ್ಟಿವ್ ಎಂದು ಹೇಳುತ್ತಾರೆ. ಆದರೆ ಯಾರಿಗೆ ಅಥವಾ ಯಾವ ಉತ್ಪನ್ನಕ್ಕೆ ಹೋಲಿಸಿ ಈ ಮಾತು ಹೇಳುತ್ತಿದ್ದಾರೆ ಎಂಬುದಕ್ಕೆ ಯಾವುದೇ ಆಧಾರ ಇರುವುದಿಲ್ಲ.

ಮೂರನೆಯದ್ದು ಸುಳ್ಳು ಬಿಫೋರ್-ಆಫ್ಟರ್ ಫೋಟೋಗಳು ಮತ್ತು ಎಸ್ಕೇಪ್ ತಂತ್ರ. ಗ್ರಾಹಕರನ್ನು ಸೆಳೆಯಲು ನಕಲಿ 'ಬಿಫೋರ್-ಆಫ್ಟರ್' ಫೋಟೋಗಳನ್ನು ಬಳಸಲಾಗುತ್ತಿದೆ. ವಿಪರ್ಯಾಸವೆಂದರೆ, ಎಸ್‌ಸಿಐ ಈ ಬಗ್ಗೆ ಸಾಕ್ಷ್ಯ ಕೇಳಿ ನೋಟಿಸ್ ನೀಡಿದಾಗ, 31 ಕಂಪನಿಗಳು ಯಾವುದೇ ಸಾಕ್ಷ್ಯ ಒದಗಿಸಲು ವಿಫಲವಾಗಿವೆ. ಹಲವು ಕಂಪನಿಗಳು ಸಾಕ್ಷ್ಯ ನೀಡುವ ಬದಲು ತಮ್ಮ ಜಾಹೀರಾತುಗಳನ್ನೇ ದಿಢೀರ್ ಹಿಂಪಡೆದಿವೆ.

ಭಾರೀ ದೊಡ್ಡ ಮಾರುಕಟ್ಟೆ

ಜನರಲ್ಲಿ ಆರೋಗ್ಯದ ಬಗ್ಗೆ ಅರಿವು ಹೆಚ್ಚಾದಂತೆ, ರೋಗ ಬರುವ ಮುನ್ನವೇ ತಡೆಯಬೇಕು ಎಂಬ ಉದ್ದೇಶದಿಂದ ನ್ಯೂಟ್ರಾಸ್ಯುಟಿಕಲ್ಸ್ (ಆರೋಗ್ಯ ವರ್ಧಕಗಳು) ಬಳಕೆ ಹೆಚ್ಚಾಗಿದೆ. 2025ರ ಹೊತ್ತಿಗೆ ಭಾರತದಲ್ಲಿ ಈ ಮಾರುಕಟ್ಟೆ 38.77 ಬಿಲಿಯನ್ ಡಾಲರ್ ಮೌಲ್ಯ ತಲುಪಿದ್ದು, 2033ರ ವೇಳೆಗೆ ಇದು ಬರೋಬ್ಬರಿ 1,151.5 ಬಿಲಿಯನ್ ಡಾಲರ್‌ಗೆ ಏರಿಕೆಯಾಗುವ ಅಂದಾಜಿದೆ. ಇದೇ ಕಾರಣಕ್ಕೆ ಕಂಪನಿಗಳು ಆಕರ್ಷಕ ಜಾಹೀರಾತುಗಳ ಮೊರೆ ಹೋಗುತ್ತಿವೆ.

ಜನರು ತಮ್ಮ ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ ಎಂಬ ನಂಬಿಕೆಯಿಂದ ಇಂತಹ ಉತ್ಪನ್ನಗಳನ್ನು ಖರೀದಿಸುತ್ತಾರೆ. ದಿಢೀರ್ ತೂಕ ಇಳಿಕೆ ಅಥವಾ ವಯಸ್ಸಾಗುವಿಕೆಯನ್ನು ತಡೆಯುವಂತಹ ಜಾಹೀರಾತುಗಳನ್ನು ನೀಡುವಾಗ, ಕಂಪನಿಗಳು ಅದಕ್ಕೆ ತಕ್ಕ ಬಲವಾದ ವೈಜ್ಞಾನಿಕ ಪುರಾವೆಗಳನ್ನು ನೀಡಲೇಬೇಕು. ಯಾವುದೋ ಒಂದು ಕಚ್ಚಾವಸ್ತುವಿನ ಗುಣವನ್ನು ಇಡೀ ಉತ್ಪನ್ನದ ಗುಣ ಎಂದು ಹೇಳಬಾರದು. ಕಂಪನಿಗಳ ಜಾಹೀರಾತಿನ ಭರವಸೆಗಳು ಸಾಕ್ಷ್ಯಾಧಾರಿತವಾಗಿರಬೇಕು, ಗ್ರಾಹಕರ ನಂಬಿಕೆಯನ್ನು ಒಡೆಯಬಾರದು ಎಂದು ಎಎಸ್‌ಸಿಐ ಸಿಇಒ ಮನೀಶಾ ಕಪೂರ್ ಎಚ್ಚರಿಸಿದ್ದಾರೆ.

ಗ್ರಾಹಕರಿಗೆ ಪಾಠ

ಟಿವಿಯಲ್ಲಿ, ಇನ್‌ಸ್ಟಾಗ್ರಾಮ್‌ನಲ್ಲಿ ಬರುವ ಜಾಹೀರಾತುಗಳನ್ನು ನೋಡಿ, ದಿಢೀರ್ ಮ್ಯಾಜಿಕ್ ನಡೆಯುತ್ತದೆ ಎಂದು ನಂಬಿ ಸಾವಿರಾರು ರೂಪಾಯಿ ಸುರಿದು ಹೆಲ್ತ್ ಸಪ್ಲಿಮೆಂಟ್ಸ್ ಖರೀದಿಸುವ ಮುನ್ನ ಗ್ರಾಹಕರು ಎಚ್ಚರ ವಹಿಸುವುದು ಅತ್ಯಗತ್ಯ.

Ramayana: ಗ್ಯಾರೇಜ್ ಕಾರ್ಮಿಕ, ಈಗ ₹4,000 ಕೋಟಿ ವೆಚ್ಚದ 'ರಾಮಾಯಣ'ದ ಮೋವಿ ಸೂತ್ರಧಾರ! ಯಾರು ಈ ಮಲ್ಹೋತ್ರಾ?

Bhimasi M Koleppanavar — Thu, 29 Oct 2026 17:57:17 +0530

'ರಾಮಾಯಣ' ಚಿತ್ರದ ಭಾರಿ ಬಜೆಟ್‌: ರಣಬೀರ್ ಕಪೂರ್ ನಟನೆಯ 'ರಾಮಾಯಣ' ಸಿನಿಮಾವು ಅದರ ₹4,000 ಕೋಟಿ ರೂಪಾಯಿ ಬೃಹತ್ ಬಜೆಟ್‌ ಕಾರಣದಿಂದಾಗಿ ದೇಶಾದ್ಯಂತ ವ್ಯಾಪಕ ಚರ್ಚೆ ಸೃಷ್ಟಿಸಿದೆ. ನಮಿತ್ ಮಲ್ಹೋತ್ರಾ ಮತ್ತು ಯಶ್ ಜಂಟಿಯಾಗಿ ನಿರ್ಮಿಸುತ್ತಿರುವ, ರಣಬೀರ್ ಕಪೂರ್, ಸಾಯಿ ಪಲ್ಲವಿ ಹಾಗೂ ಸನ್ನಿ ಡಿಯೋಲ್ ನಟಿಸಿರುವ ಈ ಬಹುನಿರೀಕ್ಷಿತ ಚಿತ್ರವು ದೀಪಾವಳಿ ಹಬ್ಬದ ಪ್ರಯುಕ್ತ ನವೆಂಬರ್ 5 ರಂದು ತೆರೆಕಾಣುತ್ತಿದೆ. ಆದರೆ ಆರಂಭದಲ್ಲಿ ಗ್ಯಾರೇಜ್‌ ಕಾರ್ಮಿಕರಾಗಿದ್ದ ಮಲ್ಹೋತ್ರಾ ಈಗ 16 ಸಾವಿರ ಕೋಟಿ ಒಡೆಯನಾಗಿದ್ದು ಹೇಗೆ? ಇಲ್ಲಿದೆ ಕಂಪ್ಲೀಟ್‌ ಸ್ಟೋರಿ.

ನಮಿತ್ ಮಲ್ಹೋತ್ರಾ ಅವರ ಇಂದಿನ ಆಸ್ತಿ ಹಾಗೂ ನೆಟ್‌ವರ್ತ್!

ಇತ್ತೀಚಿನ ಇಂಡಿಯನ್ ಹುರುನ್ ರಿಚ್ ಲಿಸ್ಟ್ 202 ವರದಿ ಪ್ರಕಾರ, ನಿರ್ಮಾಪಕ ನಮಿತ್ ಮಲ್ಹೋತ್ರಾ ಅವರ ಕುಟುಂಬದ ಒಟ್ಟು ನಿವ್ವಳ ಆಸ್ತಿ ಮೌಲ್ಯ ಸುಮಾರು ₹16,000 ಕೋಟಿ ಎಂದು ಅಂದಾಜಿಸಲಾಗಿದೆ. ಉದ್ಯಮಿಗಳ ಕುಟುಂಬದ 3ನೇ ತಲೆಮಾರಿನವರಾದ 50 ವರ್ಷದ ನಮಿತ್ ಮಲ್ಹೋತ್ರಾ, ಕೇವಲ 19ನೇ ವಯಸ್ಸಿನಲ್ಲಿ ಮುಂಬೈನ ಗ್ಯಾರೇಜ್ ಒಂದರಲ್ಲಿ ಕೆಲಸ ಮಾಡುತ್ತ ವೀಡಿಯೊ ಎಡಿಟಿಂಗ್ ಮತ್ತು ಕಂಪ್ಯೂಟರ್ ಗ್ರಾಫಿಕ್ಸ್ ಕೆಲಸದ ಮೂಲಕ ತಮ್ಮ ವೃತ್ತಿಜೀವನ ಆರಂಭಿಸಿದ್ದರು.

ಆಪಲ್ ತಂತ್ರಜ್ಞಾನದ ನೆರವು!

ಆರಂಭಿಕ ದಿನಗಳಲ್ಲಿ ಸ್ವಂತ ಆಪಲ್ ಕಂಪ್ಯೂಟರ್ ಹೊಂದಿದ್ದ ಅವರು, ಗ್ರಾಫಿಕ್ಸ್ ತಂತ್ರಜ್ಞಾನವನ್ನು ಕರಗತ ಮಾಡಿಕೊಳ್ಳಲು ಮೂವರು ಶಿಕ್ಷಕರನ್ನು ನೇಮಿಸಿಕೊಂಡಿದ್ದರು. 1997 ರಲ್ಲಿ ನಮಿತ್ ಅವರು ತಮ್ಮ ತಂದೆಯ ಸಲಕರಣೆ ಬಾಡಿಗೆ ಕಂಪನಿಯೊಂದಿಗೆ ತಮ್ಮ ವ್ಯವಹಾರವನ್ನು ವಿಲೀನಗೊಳಿಸಿ 'ಪ್ರೈಮ್ ಫೋಕಸ್ ಲಿಮಿಟೆಡ್' ಸಂಸ್ಥೆ ಸ್ಥಾಪಿಸಿದರು. ಆ ನಂತರ ಬಾಲಿವುಡ್ ಮತ್ತು ಹಾಲಿವುಡ್ ನಡುವೆ ಜಾಗತಿಕ ಸಂಪರ್ಕ ಸೇತುವೆ ನಿರ್ಮಿಸುವ ಕನಸಿನೊಂದಿಗೆ ಮುಂಬೈನಲ್ಲಿ 10 ವರ್ಷ ಕೆಲಸ ಮಾಡಿದ ಬಳಿಕ, 2007 ರಲ್ಲಿ ಅಮೆರಿಕದ ಲಾಸ್ ಏಂಜಲೀಸ್‌ಗೆ ಸ್ಥಳಾಂತರಗೊಂಡರು.

ಆರ್ಥಿಕ ಹಿಂಜರಿತ ಮತ್ತು ಶೇ. 90 ರಷ್ಟು ಆಸ್ತಿ ನಷ್ಟ!

ಅಮೆರಿಕಕ್ಕೆ ಹೋದ ಕೆಲವೇ ದಿನಗಳಲ್ಲಿ ಅಪ್ಪಳಿಸಿದ 2008 ರ ಜಾಗತಿಕ ಆರ್ಥಿಕ ಹಿಂಜರಿತವು ಅವರ ವ್ಯವಹಾರಕ್ಕೆ ಭಾರಿ ಹೊಡೆತ ನೀಡಿತು. ಇದರ ಪರಿಣಾಮವಾಗಿ ಅವರು ತಮ್ಮ ಒಟ್ಟು ಸಂಪತ್ತಿನ ಶೇಕಡಾ 90 ರಷ್ಟನ್ನು ಕಳೆದುಕೊಂಡು ತೀವ್ರ ಸಂಕಷ್ಟಕ್ಕೆ ಸಿಲುಕಿದರು.

ಆಸ್ಕರ್ ಸಾಧನೆ ಮತ್ತು ಡಿಇಎನ್‌ಜಿ ಸಂಸ್ಥೆ ಉದಯ!

ಆಸ್ತಿ ಕಳೆದುಕೊಂಡರೂ ಧೃತಿಗೆಡದ ನಮಿತ್, 2014 ರಲ್ಲಿ ಪ್ರೈಮ್ ಫೋಕಸ್ ಸಂಸ್ಥೆ ಲಂಡನ್ ಮೂಲದ ಪ್ರಸಿದ್ಧ ವಿಷುಯಲ್ ಎಫೆಕ್ಟ್ಸ್ ಸ್ಟುಡಿಯೋ 'ಡಬಲ್ ನೆಗೆಟಿವ್' ಜೊತೆ ವಿಲೀನಗೊಳಿಸಿ 'ಡಿಎನ್‌ಇಜಿ' ಕಂಪನಿ ಅಸ್ತಿತ್ವಕ್ಕೆ ತಂದರು. ದೃಶ್ಯ ವೈಭವದ ಜಾಗತಿಕ ದೈತ್ಯ ಸಂಸ್ಥೆಯಾಗಿ ಬೆಳೆದ ಡಿಇಎನ್‌ಜಿ, ಹಾಲಿವುಡ್‌ನ ಪ್ರಮುಖ ಚಿತ್ರಗಳಿಗೆ ಕೆಲಸ ಮಾಡಿದ್ದು, ಇಲ್ಲಿಯವರೆಗೆ ಬರೋಬ್ಬರಿ 8 ಆಸ್ಕರ್ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದೆ. ನಮಿತ್ ಮಲ್ಹೋತ್ರಾ ಅವರ ಈ ಅಸಾಮಾನ್ಯ ಜಾಗತಿಕ ಯಶಸ್ಸಿನ ಹಿಂದೆ ಅವರ ತಂದೆ ನರೇಶ್ ಮಲ್ಹೋತ್ರಾ, ತಾಯಿ ನೀತಾ ಮತ್ತು ಪತ್ನಿಯ ಭದ್ರವಾದ ಬೆಂಬಲ ಹಾಗೂ ನಂಬಿಕೆ ಇತ್ತು.

ನಮೀತ್‌ಗೆ ಕನ್ನಡದ ಸಾಥ್!

ನಮಿತ್ ಮಲ್ಹೋತ್ರಾ ಅವರು ತಮ್ಮದೇ ಆದ 'ಪ್ರೈಮ್ ಫೋಕಸ್ ಸ್ಟುಡಿಯೋಸ್' ಬ್ಯಾನರ್ ಅಡಿಯಲ್ಲಿ ಈ ದೃಶ್ಯ ವೈಭವದ ಮಹಾಕಾವ್ಯವನ್ನು ಅತ್ಯಂತ ಬೃಹತ್ ಪ್ರಮಾಣದಲ್ಲಿ ನಿರ್ಮಿಸುತ್ತಿದ್ದಾರೆ. ಅಲ್ಲದೇ ಈ ಚಿತ್ರಕ್ಕಾಗಿ ನಮಿತ್ ಮಲ್ಹೋತ್ರಾ ಅವರು ಕನ್ನಡದ ಖ್ಯಾತ ನಟ ಯಶ್ (ಮಾನ್ಸ್ಟರ್ ಮೈಂಡ್ ಕ್ರಿಯೇಷನ್ಸ್) ಅವರೊಂದಿಗೆ ಕೈಜೋಡಿಸಿದ್ದು, ಇಬ್ಬರೂ ಜಂಟಿಯಾಗಿ ಚಿತ್ರವನ್ನು ಜಾಗತಿಕ ಮಟ್ಟದಲ್ಲಿ ನಿರ್ಮಿಸುತ್ತಿದ್ದಾರೆ.

Asianet Suvarna News

ಮೊಬೈಲ್, ಟಿವಿ ನೋಡ್ಕೊಂಡೆ ಊಟ ಮಾಡ್ತೀರಾ? ಹಾಗಿದ್ರೆ ಇದನ್ನೊಮ್ಮೆ ಓದಿ…

ಹೇಗಿದ್ದೀರಾ ಬೆಂಗಳೂರು... ಜೈ ಕರ್ನಾಟಕ!

ಸಿಲ್ಕಿ ಕೂದಲಿನ ಸೌಂದರ್ಯಕ್ಕೆ ಮನಸೋತ ಅಭಿಮಾನಿಗಳು

ಕರ್ನಾಟಕದಲ್ಲೂ ಭಾರಿ ಕ್ರೇಜ್ ಹೊಂದಿರುವ 'ಸೀತಾ'

ಕಾಜು ಮೈಸೂರು ಪಾಕ್‌ನಿಂದ ಕೇಸರ್ ಬಾದಾಮಿ ಜಾಮೂನ್‌ವರೆಗೆ; 3 ತಿಂಗಳವರೆಗೆ ತಾಜಾವಾಗಿರಲಿವೆ MTR ಸ್ವೀಟ್ಸ್!

ಮೈಸೂರು ಪಾಕ್‌ಗೆ ಹೊಸ ಹೊಸ ರೂಪ!

ಸಾಂಪ್ರದಾಯಿಕ ರುಚಿಗೆ ಹೊಸ ಪೀಳಿಗೆಯ ಟಚ್

ಸಿಹಿ ತಿನಿಸುಗಳು ಹೆಚ್ಚು ದಿನ ತಾಜಾವಾಗಿರಲು ಹೊಸ ತಂತ್ರಜ್ಞಾನ

ಮೆಟ್ರೋ ನಗರಗಳಲ್ಲೂ ಲಭ್ಯ

ಜರಡಿ ಹಿಡಿಯದೇ ಜೋಳ/ಗೋಧಿ/ಮೈದಾ ಹಿಟ್ಟಿನಲ್ಲಿ ಆಗಿರೋ ಹುಳು ತೆಗೆಯುವ ಅದ್ಭುತ ಟ್ರಿಕ್

ಹುಳು ತೆಗೆಯಲು ಏನು ಮಾಡಬೇಕು?

ಅಕ್ಕಿಯಲ್ಲಿ ಹುಳು

ಅಪ್ಪನ ಕನಸು ನನಸು ಮಾಡಲು 13ರ ಹರೆಯದಲ್ಲೇ ಪಣ ತೊಟ್ಟ ಮಗಳು! ಒಂದು ಟಿ-ಶರ್ಟ್ ಹಿಂದೆ ಇದೆ ಕಣ್ಣೀರ ಕಥೆ

ಅಪ್ಪನ ಕನಸಿಗೆ ಚಿನ್ನದ ಪದಕದ ಗೌರವ: ಇತಿಹಾಸ ಬರೆದ ಮಾನಿಷಾ ಭನ್ವಾಲಾ!

13 ವರ್ಷಗಳ ಹಿಂದೆ ಆರಂಭವಾದ ಕನಸು

6-1ರಿಂದ 8-6ಕ್ಕೆ: ರೋಚಕ ಗೆಲುವು

ತಂದೆಯ ಫೋಟೋ ಇದ್ದ ಟಿ-ಶರ್ಟ್‌ನಲ್ಲಿ ಭಾವನಾತ್ಮಕ ಕ್ಷಣ

ಸೋಲಿನಿಂದ ಪಾಠ, ಗೆಲುವಿನತ್ತ ದೃಢ ಹೆಜ್ಜೆ

ಸೋದರ ಮಾವ ಅರ್ಜುನ್ ಸರ್ಜಾ ಮಗಳ ಮದುವೆಯಲ್ಲಿ ಭರ್ಜರಿಯಾಗಿ ಡ್ಯಾನ್ಸ್ ಮಾಡಿದ ಧ್ರುವ ಸರ್ಜಾ..! ವಿಡಿಯೋ ವೈರಲ್

ಸಂಗೀತ್‌ ಕಾರ್ಯಕ್ರಮದಲ್ಲಿ ಧ್ರುವ ಸರ್ಜಾ, ಅರ್ಜುನ್‌ ಸರ್ಜಾ ಭರ್ಜರಿ ಡ್ಯಾನ್ಸ್‌!

ಹಿಂದೂ ಮತ್ತು ಕ್ರಿಶ್ಚಿಯನ್‌ ಸಂಪ್ರದಾಯದಲ್ಲಿ ಮದುವೆ

ಲೈವ್‌ನಲ್ಲೇ ಎಡವಟ್ಟು.. ಆ್ಯಂಕರ್ ಮಾಡಿದ ಆ ತಪ್ಪಿಗೆ ನೋವಲ್ಲಿ ನರಳಿದ ಮುಗ್ಧ ಮಾಡೆಲ್!

ಘಟನೆಯ ವಿವರ

ನಿರೂಪಕನ ವಿರುದ್ಧ ನೆಟ್ಟಿಗರ ಆಕ್ರೋಶ

ದೊಡ್ಡ ದುರಂತದಿಂದ ಕೂದಲೆಳೆ ಅಂತರದಲ್ಲಿ ಪಾರು

ಆ್ಯಂಕರ್ ವಜಾಗೊಳಿಸಲು ಜಾಲತಾಣದಲ್ಲಿ ಅಭಿಯಾನ

ಪೋಷಕರು, ಬಂಧುಗಳು ಇಲ್ಲವೆಂದು ಅಪರಿಚಿತರಿಗೆ ಆಹ್ವಾನ, ಮದುವೆಗೆ ಸಿಕ್ಕ ಸರ್ಪ್ರೈಸ್‌ಗೆ ಭಾವುಕನಾದ ವರ

ಅಚ್ಚರಿ ಮೇಲೆ ಅಚ್ಚರಿ

ಮದುವೆಗೆ ಉಚಿತವಾಗಿ ಆಗಮಿಸಿ ಶುಭಕೋರಿ

ವಧು ವರರಿಗೆ ಭರ್ಜರಿ ಗಿಫ್ಟ್

ಮಗಳಿಗೆ ದುಬಾರಿ ಫೋನ್ ಬದಲು ಕೀಪ್ಯಾಡ್ ಮೊಬೈಲ್ ಕೊಡಿಸಿದ ಅಪ್ಪ! ಮಗಳ ಖುಷಿ ಕಂಡು ಭಾವುಕರಾದ ನೆಟ್ಟಿಗರು

ಐಫೋನ್ ಕಾಲದಲ್ಲಿ ಮಗಳಿಗೆ ಕೀಪ್ಯಾಡ್ ಫೋನ್ ಕೊಡಿಸಿದ ಅಪ್ಪ; ಮಗಳ ಖುಷಿ ಕಂಡು ಭಾವುಕರಾದ ನೆಟ್ಟಿಗರು!

ಮಗಳಿಗೆ ಕೀಪ್ಯಾಡ್ ಫೋನ್ ಕೊಡಿಸಿದ ತಂದೆ

ಮಗಳ ಮುಗ್ಧ ಸಂತೋಷಕ್ಕೆ ನೆಟ್ಟಿಗರು ಫಿದಾ!

ಸಂತೋಷಕ್ಕೆ ಬೆಲೆ ಕಟ್ಟಲು ಸಾಧ್ಯವೇ?

ಮನೆಯಲ್ಲೇ ಮಾಡಿ ರೆಸ್ಟೋರೆಂಟ್ ಸ್ಟೈಲ್ ವೆಜ್ ದಮ್ ಬಿರಿಯಾನಿ! ಘಮಘಮಿಸುವ ರುಚಿಗೆ ಫಿದಾ ಆಗ್ತೀರಾ

ರುಚಿಕರವಾದ ವೆಜ್ ದಮ್ ಬಿರಿಯಾನಿ ಮನೆಯಲ್ಲೇ ಮಾಡಿ

ವೆಜ್ ದಮ್ ಬಿರಿಯಾನಿ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

Vineesh Birthday : ದರ್ಶನ್ ಪುತ್ರ ವಿನೀಶ್​ಹುಟ್ಟುಹಬ್ಬ; ವಿಜಯಲಕ್ಷ್ಮೀ 'ಸ್ಪೆಷಲ್ ಬುದ್ದಿಮಾತು' ಸಖತ್ ವೈರಲ್ ಆಯ್ತು!

ಬ್ಲ್ಯಾಕ್ ಅಂಡ್ ವೈಟ್ ಥೀಮ್‌ನಲ್ಲಿ ಬರ್ತ್‌ಡೇ ಸೆಲೆಬ್ರೇಷನ್

ಸೋಷಿಯಲ್ ಮೀಡಿಯಾದಲ್ಲಿ ಕಡಿಮೆ ಸಕ್ರಿಯವಾಗಿರುವ ವಿನೀಶ್

ಕನ್ನಡ ರಾಜ್ಯೋತ್ಸವ: ಕರ್ನಾಟಕದ ಹಿರಿಮೆ-ಗರಿಮೆ ಹೆಚ್ಚಿಸುವ, ನಾವು ಭೇಟಿ ನೀಡಲೇಬೇಕಾದ 10 ಐತಿಹಾಸಿಕ ಸ್ಥಳಗಳು

ಹಂಪಿ (Hampi - ವಿಜಯನಗರ)

ಮೈಸೂರು ಅರಮನೆ (Mysore Palace - ಮೈಸೂರು)

ಬೇಲೂರು ಮತ್ತು ಹಳೇಬೀಡು (Belur & Halebidu - ಹಾಸನ)

ಬಾದಾಮಿ, ಐಹೊಳೆ ಮತ್ತು ಪಟ್ಟದಕಲ್ಲು (Badami, Aihole & Pattadakal - ಬಾಗಲಕೋಟೆ)

ಗೋಲ್ ಗುಂಬಜ್ (Gol Gumbaz - ವಿಜಯಪುರ)

ಶ್ರವಣಬೆಳಗೊಳ (Shravanabelagola - ಹಾಸನ)

ಚಿತ್ರದುರ್ಗದ ಕೋಟೆ (Chitradurga Fort - ಚಿತ್ರದುರ್ಗ)

ಬೀದರ್‌ ಕೋಟೆ (Bidar Fort - ಬೀದರ್‌)

ಬನವಾಸಿ (Banavasi - ಉತ್ತರ ಕನ್ನಡ)

ಶ್ರೀರಂಗಪಟ್ಟಣ (Srirangapatna - ಮಂಡ್ಯ)

ಕೇವಲ ಮೂರೇ ವಸ್ತು ಬಳಸಿ ಕಿತ್ತಳೆ ಹಣ್ಣಿನ ಸಿಪ್ಪೆಯಿಂದ ಮನೆಯಲ್ಲೇ ತಯಾರಿಸಿ ನೈಸರ್ಗಿಕ ಸೋಪ್

ಸೋಫ್ ತಯಾರಿಸಲು ಬೇಕಾಗುವ ವಸ್ತುಗಳು

ಕಿತ್ತಳೆ ಸಿಪ್ಪೆಯ ಸೋಪ್ ತಯಾರಿಸುವ ವಿಧಾನ

ನವೆಂಬರ್‌ ತಿಂಗಳ ಪ್ರವಾಸಕ್ಕೆ ಹೇಳಿಮಾಡಿಸಿದ ಕರ್ನಾಟಕದ 5 ಪ್ರವಾಸಿ ತಾಣಗಳಿವು!

ಬೆಂಗಳೂರಿನ ರಾಜಾಜಿನಗರದ ಐಕಾನಿಕ್‌ ಲ್ಯಾಂಡ್‌ಮಾರ್ಕ್‌ ಸುಗುಣ ಹಾಸ್ಪಿಟಲ್‌ ಇನ್ನು ನೆನಪು ಮಾತ್ರ!

150 ಬೆಡ್‌ಗಳಿಗೆ ವಿಸ್ತರಿಸುವ ಸಾಮರ್ಥ್ಯ - 500 ಬೆಡ್‌ಗಳ ನೆಟ್‌ವರ್ಕ್

ಬೆಂಗಳೂರಿನಲ್ಲಿ 1,000 ಬೆಡ್‌ಗಳ ಮೈಲಿಗಲ್ಲು: ಫೋರ್ಟಿಸ್ ಎಂಡಿ ಡಾ. ಅಶುತೋಷ್ ರಘುವಂಶಿ

ಜೀವನವೇ ಒಂದು ಪರೀಕ್ಷೆ, ಆದರೆ ಸಿಲಬಸ್‌ ಯಾರಿಗೂ ಗೊತ್ತಿಲ್ಲ! ಸುಧಾ ಮೂರ್ತಿ ಮಾತಿನ ಹಿಂದಿದೆ ದೊಡ್ಡ ಜೀವನ ಪಾಠ

ಜೀವನವೆಂಬ ಪರೀಕ್ಷೆಗೆ ಸಿಲಬಸ್ ಇಲ್ಲ, ಪ್ರಶ್ನೆಪತ್ರಿಕೆಯೂ ಮೊದಲೇ ಗೊತ್ತಿಲ್ಲ; ಸುಧಾಮೂರ್ತಿ ಮಾತಿನ ಅರ್ಥವೇನು?

ಜೀವನದಲ್ಲಿ ಎಲ್ಲವೂ ನಮ್ಮ ಯೋಜನೆಯಂತೆ ನಡೆಯುವುದಿಲ್ಲ

ಇತರರ ಬದುಕಿನೊಂದಿಗೆ ನಮ್ಮನ್ನು ಹೋಲಿಸಿಕೊಳ್ಳಬೇಡಿ

ಸೋಲೂ ಒಂದು ಪಾಠ, ಅನುಭವವೇ ಉತ್ತರ

ದೀಪಾವಳಿ 2026 : ಮನೆ ಅಲಂಕರಿಸುವ ಮುನ್ನ ಎಚ್ಚರ! ಲೈಟ್ ಖರೀದಿಸುವಾಗ ಈ ತಪ್ಪು ಮಾಡಬೇಡಿ

ಲೈಟ್ ಖರೀದಿಸುವಾಗ ಎಚ್ಚರಿಕೆ ಇರಲಿ

ಲೈಟ್ಗಳನ್ನು ಸರಿಯಾಗಿ ಪರಿಶೀಲಿಸಿ

Koppal: 10 km ಗುಡ್ಡಗಾಡು ಓಟದ ಸ್ಪರ್ಧೆ; 1 ವರ್ಷದ ಮಗುವಿನ ತಾಯಿಗೆ ಪ್ರಥಮ ಸ್ಥಾನ

ಮೂರು ಬಾರಿ ಚಾಂಪಿಯನ್

ಆಸೆ ಈಡೇರಿದೆ

ದೊಡ್ಡವರಾದ ಮೇಲೆ ಅಣ್ಣ-ತಂಗಿ ನಡುವೆ ಮೊದಲಿನ ಆತ್ಮೀಯತೆ ಏಕಿರಲ್ಲ? ಸಂಬಂಧ ದೂರವಾಗಲು ಇವೇ ಕಾರಣ

ದೊಡ್ಡವರಾದ ಮೇಲೆ ಅಣ್ಣ-ತಂಗಿ ನಡುವೆ ಮೊದಲಿನ ಆತ್ಮೀಯತೆ ಏಕಿರಲ್ಲ

ತಮ್ಮದೇ ಜೀವನದಲ್ಲಿ ಬ್ಯುಸಿಯಾಗುವುದು

ಡಾ. ವಿಷ್ಣುವರ್ಧನ್‌, ಬಿ. ಸರೋಜಾದೇವಿಗೆ ʻಕರ್ನಾಟಕ ರತ್ನʼ ಪ್ರಶಸ್ತಿ ಪ್ರಧಾನ; ರಜನಿಕಾಂತ್‌ ಮುಖ್ಯ ಅತಿಥಿ? ನಟಿಯರಲ್ಲಿ ಯಾರು?

ಡಾ ವಿಷ್ಣುವರ್ಧನ್ ಮತ್ತು ಬಿ. ಸರೋಜಾದೇವಿ ಅವರಿಗೆ ಕರ್ನಾಟಕ ರತ್ನ ಪ್ರದಾನ

ವಿಷ್ಣುವರ್ಧನ್ ನೆನಪಿಗೆ ಮತ್ತೊಂದು ಗೌರವ

ನಕಲಿ ಖಾತೆಗಳ ಕಾಟಕ್ಕೆ ಬೇಸತ್ತು ಹೈರಾಣು: ದಳಪತಿ ವಿಜಯ್ ಮಗ ಜೇಸನ್ ಸಂಜಯ್ ಅಭಿಮಾನಿಗಳಿಗೆ ಕೊಟ್ಟ ಖಡಕ್ ಎಚ್ಚರಿಕೆ ಏನು?

ನಕಲಿ ಖಾತೆಗಳಿಂದ ಎಚ್ಚರ! ಜೇಸನ್ ಹೇಳಿದ್ದೇನು?

ಅಭಿಮಾನಿ ಸಂಘಗಳ ಬಗ್ಗೆಯೂ ಮಹತ್ವದ ಸ್ಪಷ್ಟನೆ!

Vineesh Birthday : ದರ್ಶನ್ ಪುತ್ರ ವಿನೀಶ್ಹುಟ್ಟುಹಬ್ಬ; ವಿಜಯಲಕ್ಷ್ಮೀ 'ಸ್ಪೆಷಲ್ ಬುದ್ದಿಮಾತು' ಸಖತ್ ವೈರಲ್ ಆಯ್ತು!

ಗಂಡನ ಆಯಸ್ಸು ವೃದ್ಧಿಗೆ ರಜಪೂತ ವಂಶಸ್ಥೆ Amruthadhaare ಛಾಯಾ ಸಿಂಗ್ ಕರ್ವಾ ಚೌತ್ ಆಚರಣೆ

Bigg Boss ಮನೆಯಲ್ಲೇ ಸೌಂದರ್ಯ ಮದ್ವೆ ಫಿಕ್ಸ್: ಯಾರಿಗೆ ಒಲಿದ್ರು ಶೆಟ್ಟಿ ಡಾನ್? ರಕ್ಷಿತಾ ಎದುರು ಮಾತುಕತೆ

ರಕ್ಷಿತಾ ಶೆಟ್ಟಿ ಅವರೇ ಮಿಡ್ಲ್ಮನ್