Asianet Suvarna News

ಇಡ್ಲಿ, ದೋಸೆ ಹಿಟ್ಟು ಯಾವ ಪಾತ್ರೆಯಲ್ಲಿಟ್ರೆ ಸುರಕ್ಷಿತ? ಪ್ಲಾಸ್ಟಿಕ್/ಸ್ಟೀಲ್/ತಾಮ್ರ/ಅಲ್ಯೂಮಿನಿಯಂ

Mahmad Rafik — Tue, 06 Oct 2026 09:00:55 +0530

ದೋಸೆ ಮತ್ತು ಇಡ್ಲಿ ಹಿಟ್ಟನ್ನು ಸಂಗ್ರಹಿಸಲು ಸ್ಟೀಲ್ ಪಾತ್ರೆಗಳು ಅತ್ಯುತ್ತಮ ಮತ್ತು ಸುರಕ್ಷಿತ ಆಯ್ಕೆಯಾಗಿದೆ. ಪ್ಲಾಸ್ಟಿಕ್, ಅಲ್ಯೂಮಿನಿಯಂ ಮತ್ತು ತಾಮ್ರದ ಪಾತ್ರೆಗಳ ಬಳಕೆಯ ಮಾಹಿತಿಯನ್ನು ಈ ಲೇಖನ ಹೊಂದಿದೆ.

ದಕ್ಷಿಣ ಭಾರತದ ಬಹುತೇಕ ಮನೆಗಳಲ್ಲಿ ವಾರಕ್ಕೆ ಎರಡು ಬಾರಿಯಾದ್ರೂ ಇಡ್ಲಿ ಮತ್ತು ದೋಸೆ ಇರುತ್ತದೆ. ದೋಸೆ ಮತ್ತು ಇಡ್ಲಿ ಮಾಡೋದು ದೀರ್ಘವಾದ ಪ್ರಕ್ರಿಯೆಯಾಗಿದ್ದು, ಒಂದು ದಿನ ಮುಂಚಿತವಾಗಿಯೇ ಸಿದ್ಧತೆ ಮಾಡಿಕೊಳ್ಳಬೇಕಾಗುತ್ತದೆ. ರಾತ್ರಿ ಅಥವಾ 8 ಗಂಟೆ ಮುಂಚೆಯೇ ಸಿದ್ಧ ಮಾಡಿರಿಕೊಂಡಿರುವ ಹಿಟ್ಟನ್ನು ಯಾವ ಪಾತ್ರೆಯಲ್ಲಿ ಸ್ಟೋರ್ ಮಾಡಿಕೊಳ್ಳಬೇಕು ಎಂಬುದರ ಮಾಹಿತಿಯನ್ನ ಹೊಂದಿದೆ.

ಇಂದು ಪ್ಲಾಸ್ಟಿಕ್ ಪಾತ್ರೆಗಳು ಅಡುಗೆಮನೆಯನ್ನು ಆಳುತ್ತಿವೆ. ಏರ್‌ ಟೈಟ್ ಕಂಟೇನರ್ ಅಂತ ಹೇಳುತ್ತಿದ್ದಂತೆ ಪ್ಲಾಸ್ಟಿಕ್ ಕಣ್ಮುಂದೆ ಬರುತ್ತದೆ. ಉತ್ತಮ ಗುಣಮಟ್ಟದ, ಬಿಪಿಎ-ಮುಕ್ತ ಪ್ಲಾಸ್ಟಿಕ್ ಕಂಟೇನರ್‌ಗಳಲ್ಲಿ ಹಿಟ್ಟು ಸಂಗ್ರಹಿಸಿಡಬಹುದು. ಆದ್ರೆ ಹೊರಗಿನ ವಾತಾವರಣ ಅಂದ್ರೆ ಗಾಳಿಯೂ ಸಹ ಡಬ್ಬದೊಳಗೆ ಹೋಗಲ್ಲ. ಅಗ್ಗದ ಪ್ಲಾಸ್ಟಿಕ್ ದೋಸೆಹಿಟ್ಟಿನ ರುಚಿಯನ್ನು ಹಾಳು ಮಾಡಬಹುದು ಅಥವಾ ಹುದುಗುವಿಕೆ ಪ್ರಕ್ರಿಯೆಯನ್ನು ನಿಧಾನಗೊಳಿಸುವ ಸಾಧ್ಯತೆ ಇರುತ್ತೆ. ಆರೋಗ್ಯ ದೃಷ್ಟಿಯಿಂದ ಪ್ಲಾಸ್ಟಿಕ್ ಬಳಕೆ ಅಪಾಯಕಾರಿ.

ಬಹುತೇಕರು ಸ್ಟೀಲ್ ಪಾತ್ರೆಗಳನ್ನು ಬಳಸುತ್ತಾರೆ. ಸ್ಟೀಲ್ ಪಾತ್ರೆಗಳು ಆಹಾರಕ್ಕೆ ಸುರಕ್ಷಿತ ದರ್ಜೆಯದ್ದು ಎಂದು ಪರಿಗಣಿಸಲಾಗುತ್ತದೆ. ಈ ಪಾತ್ರೆಗಳಲ್ಲಿ ದೋಸೆ/ಇಡ್ಲಿ ಹಿಟ್ಟನ್ನು ಸ್ಟೋರ್ ಮಾಡಬಹುದು. ಈ ಪಾತ್ರೆಗಳು ಆಹಾರದ ಮೇಲೆ ಯಾವುದೇ ರೀತಿಯ ರಾಸಾಯನಿಕ ಬಿಡುಗಡೆ ಮಾಡಲ್ಲ. ಈ ಪಾತ್ರೆಗಳನ್ನು ಸುಲಭವಾಗಿ ತೊಳೆಯಬಹುದು. ಫೇಸ್‌ಬುಕ್‌ನಲ್ಲಿರುವ ಬಹುತೇಕ ಬಳಕೆದಾರರು ಸಹ ಸ್ಟೇನ್‌ಲೆಸ್ ಸ್ಟೀಲ್ ಹಿಟ್ಟಿನ ಪಾತ್ರೆಗಳೇ ಅತ್ಯುತ್ತಮ ಆಯ್ಕೆ ಎಂದು ಹೇಳುತ್ತಾರೆ.

ಅಲ್ಯೂಮಿನಿಯಂ ಪಾತ್ರೆಗಳು ದೋಸೆ ಮತ್ತು ಇಡ್ಲಿ ಬ್ಯಾಟರ್‌ನಲ್ಲಿರುವ ನೈಸರ್ಗಿಕ ಲ್ಯಾಕ್ಟಿಕ್ ಆಮ್ಲ ಮತ್ತು ಹುದುಗುವಿಕೆ ಪ್ರಕ್ರಿಯೆಯು ಲೋಹದೊಂದಿಗೆ ಪ್ರತಿಕ್ರಿಯಿಸುವ ಸಾಧ್ಯತೆಗಳಿರುತ್ತವೆ. ಈ ಪಾತ್ರೆ ಬಳಕೆ ಮಾಡಿದಂತೆ ಸವೆದು ಲೋಹದಂಶವನ್ನು ಬಿಡುಗಡೆ ಮಾಡುತ್ತದೆ. ಈ ಸವೆತದಿಂದ ಲೋಹದ ಅಂಶ ಆಹಾರಕ್ಕೆ ವರ್ಗಾವಣೆಯಾಗುವ ಅಪಾಯವಿರುತ್ತದೆ.

ದೋಸೆ ಮತ್ತು ಇಡ್ಲಿ ಬ್ಯಾಟರ್ ಸಂಗ್ರಹಣೆಗೆ ತಾಮ್ರ ಸೂಕ್ತವಲ್ಲ ಎಂಬ ಅಭಿಪ್ರಾಯವಿದೆ. ಆಮ್ಲೀಯ ಮತ್ತು ಹುದುಗುವ ಆಹಾರಗಳೊಂದಿಗೆ ತಾಮ್ರವು ಹೆಚ್ಚು ಪ್ರತಿಕ್ರಿಯಾತ್ಮಕವಾಗಿರುತ್ತದೆ. ಇದು ರಾಸಾಯನಿಕ ವಿಷತ್ವವನ್ನು ಉಂಟುಮಾಡಬಹುದು ಮತ್ತು ಬ್ಯಾಟರ್‌ನ ರುಚಿ ಮತ್ತು ಸುರಕ್ಷತೆಯನ್ನು ಹಾಳುಮಾಡಬಹುದು.

Fennel Seeds: ಊಟದ ಬಳಿಕ ಸ್ವಲ್ಪ ಸೋಂಪು ಕಾಳು ತಿಂದ್ರೆ ಬೆಟರ್ ಅನ್ಸುತ್ತೆ!

Shriram Bhat — Sun, 04 Oct 2026 22:53:07 +0530

ಊಟದ ನಂತರ ಸ್ವಲ್ಪ ಸೋಂಪು ಕಾಳು ಜಗಿದು ತಿನ್ನುವ ಅಭ್ಯಾಸ ನಿಮಗಿದೆಯಾ? ಹಾಗಾದರೆ ಇದರಿಂದ ಆರೋಗ್ಯಕ್ಕೆ ಏನೆಲ್ಲಾ ಲಾಭಗಳಿವೆ ಎಂದು ಇಲ್ಲಿ ತಿಳಿಯಿರಿ.

Kids Brain Food: ಮಕ್ಕಳ ಬುದ್ಧಿಶಕ್ತಿ ಹೆಚ್ಚಿಸಲು ಈ 7 ಆಹಾರಗಳನ್ನು ತಪ್ಪದೇ ಕೊಡಿ

Shriram Bhat — Sun, 04 Oct 2026 22:44:26 +0530

ಮಕ್ಕಳ ಮೆದುಳಿನ ಬೆಳವಣಿಗೆ ಹಾಗೂ ಬುದ್ಧಿಶಕ್ತಿ ಹೆಚ್ಚಿಸಲು ಸಹಾಯ ಮಾಡುವ 7 ಪ್ರಮುಖ ಆಹಾರಗಳ ಮಾಹಿತಿ ಇಲ್ಲಿದೆ.

ಸ್ಟೀಲ್ ಸ್ಕ್ರಬ್ಬರ್ ಬೇಡವೇ ಬೇಡ.. ಸೀದ ಪಾತ್ರೆ, ಬಾಣಲೆ ಸುಲಭವಾಗಿ ಕ್ಲೀನ್ ಮಾಡಲು ಇಲ್ಲಿದೆ ಟಿಶ್ಯೂ ಪೇಪರ್ ಟ್ರಿಕ್

Ashwini HR — Tue, 06 Oct 2026 12:19:19 +0530

Clean Burnt Pan: ಸೀದುಹೋದ ಪಾತ್ರೆಗಳನ್ನು ಸ್ಟೀಲ್ ಸ್ಕ್ರಬ್ಬರ್‌ನಿಂದ ಉಜ್ಜಿ ಹಾಳುಮಾಡುತ್ತಿದ್ದೀರಾ? ಹಾಗಿದ್ದರೆ ಈ ಸಿಂಪಲ್ ಕಿಚನ್ ಟ್ರಿಕ್ ನಿಮಗಾಗಿ! ಯಾವುದೇ ಶ್ರಮವಿಲ್ಲದೆ, ಕೇವಲ ಮೂರೇ ಮನೆಮದ್ದುಗಳಿಂದ ಎಷ್ಟೇ ಕಪ್ಪಾದ ಪಾತ್ರೆಯನ್ನೂ ಹೊಚ್ಚ ಹೊಸದರಂತೆ ಮಾಡುವ ಸುಲಭ ವಿಧಾನ ಇಲ್ಲಿದೆ ನೋಡಿ.

ಕೇವಲ ಕೆಲವೇ ನಿಮಿಷ ಸಾಕುಅಡುಗೆ ಮಾಡುವಾಗ ಪಾತ್ರೆ ಅಥವಾ ಬಾಣಲೆ ಸೀದು ಕಪ್ಪಾಗುವುದು ಸಾಮಾನ್ಯ. ಎಷ್ಟೇ ಉಜ್ಜಿದರೂ ಹೋಗದ ಈ ಜಿಡ್ಡು ಮತ್ತು ಕಪ್ಪುಕಲೆಯ ಜಿಡ್ಡುತನವನ್ನು ಹೋಗಲಾಡಿಸಲು ಸ್ಟೀಲ್ ಸ್ಕ್ರಬ್ಬರ್ ಬಳಸಿ ಪಾತ್ರೆ ಹಾಳುಮಾಡಿಕೊಳ್ಳಬೇಕಿಲ್ಲ. ಮನೆಯಲ್ಲಿರುವ ಪದಾರ್ಥ ಬಳಸಿ ಕೇವಲ ಕೆಲವೇ ನಿಮಿಷಗಳಲ್ಲಿ ಪಾತ್ರೆಯನ್ನು ಹೊಸದರಂತೆ ಹೊಳೆಯಿಸಬಹುದು.

ಬೇಕಾಗುವ ಸಾಮಗ್ರಿಗಳುಅಡುಗೆ ಉಪ್ಪು (ದಪ್ಪ ಉಪ್ಪು ಅಥವಾ ಪುಡಿ ಉಪ್ಪು)ಅಡುಗೆ ಸೋಡಾ (Baking Soda)ಪಾತ್ರೆ ತೊಳೆಯುವ ಲಿಕ್ವಿಡ್ (Dish Soap)ಬಿಳಿ ವಿನೆಗರ್ (White Vinegar)ಪೇಪರ್ ಟವೆಲ್ ಅಥವಾ ಟಿಶ್ಯೂ ಪೇಪರ್

ಪಾತ್ರೆ ಸ್ವಚ್ಛಗೊಳಿಸುವ ಹಂತ-ಹಂತದ ವಿಧಾನ*ಮೊದಲು ಸೀದುಹೋದ ಒಣ ಪಾತ್ರೆಯ ತಳಕ್ಕೆ ಸ್ವಲ್ಪ ಉಪ್ಪು ಹಾಗೂ ಅದರ ಮೇಲೆ ಅಡುಗೆ ಸೋಡಾವನ್ನು ಸಮ ಪ್ರಮಾಣದಲ್ಲಿ ಹರಡಿ.

*ಇದರ ಮೇಲೆ ಪಾತ್ರೆ ತೊಳೆಯುವ ಲಿಕ್ವಿಡ್ ಅನ್ನು ಹಾಕಿ, ಲಘುವಾಗಿ ಆ ಮಿಶ್ರಣದ ಮೇಲೆ ಹರಡಿ (ಉಜ್ಜುವ ಅಗತ್ಯವಿಲ್ಲ).

*ಈ ಮಿಶ್ರಣದ ಮೇಲೆ ಪೇಪರ್ ಟವೆಲ್ ಅಥವಾ ಟಿಶ್ಯೂ ಪೇಪರ್ ಅನ್ನು ಪಾತ್ರೆಯ ಅಂಚುಗಳಿಗೂ ತಾಗುವಂತೆ ಸರಿಯಾಗಿ ಹರಡಿ ಮುಚ್ಚಿ.

*ಪೇಪರ್ ಟವೆಲ್ ಅಥವಾ ಟಿಶ್ಯೂ ಪೇಪರ್ ಮೇಲೆ ಬಿಳಿ ವಿನೆಗರ್ ಅನ್ನು ಸಂಪೂರ್ಣವಾಗಿ ನೆನೆಯುವಂತೆ ಸುರಿಯಿರಿ. ವಿನೆಗರ್ ಮತ್ತು ಸೋಡಾ ಸೇರಿದಾಗ ಗುಳ್ಳೆಗಳು (Carbon Dioxide) ಏಳಲು ಶುರುವಾಗುತ್ತದೆ. ಈ ರಾಸಾಯನಿಕ ಕ್ರಿಯೆಯು ಕಪ್ಪಾದ ಕರೆಯನ್ನು ಪಾತ್ರೆಯ ತಳದಿಂದ ಸಡಿಲಗೊಳಿಸುತ್ತದೆ.

15 ರಿಂದ 45 ನಿಮಿಷ ಬಿಡಿಕಡಿಮೆ ಕಲೆಯಿದ್ದರೆ 15 ನಿಮಿಷ, ದಪ್ಪನೆಯ ಕಪ್ಪು ಪದರವಿದ್ದರೆ 40-45 ನಿಮಿಷ ಹಾಗೆಯೇ ಬಿಡಿ.ನಂತರ ಅದೇ ಪೇಪರ್ ಟವೆಲ್‌ನಿಂದ ಪಾತ್ರೆಯನ್ನು ಒರೆಸಿದರೆ, ಅಂಟಿಕೊಂಡಿದ್ದ ಕಪ್ಪು ಪದರವು ಸುಲಭವಾಗಿ ಕಳಚಿ ಬರುತ್ತದೆ. ಕೊನೆಯಲ್ಲಿ ಸಾಮಾನ್ಯ ಸ್ಪಾಂಜ್ ಮತ್ತು ನೀರಿನಿಂದ ತೊಳೆದರೆ ಪಾತ್ರೆ ಹೊಸದರಂತೆ ಹೊಳೆಯುತ್ತದೆ!

ಸ್ಟೀಲ್ ಸ್ಕ್ರಬ್ಬರ್ ಏಕೆ ಬಳಸಬಾರದು?ಸಾಮಾನ್ಯವಾಗಿ ಗಟ್ಟಿಯಾದ ಕರೆಯನ್ನು ತೆಗೆಯಲು ತಂತಿಯ ಸ್ಕ್ರಬ್ಬರ್ ಬಳಸುತ್ತಾರೆ. ಇದರಿಂದ ಸ್ಟೇನ್‌ಲೆಸ್ ಸ್ಟೀಲ್ ಅಥವಾ ನಾನ್‌ಸ್ಟಿಕ್ ಪಾತ್ರೆಗಳ ಮೇಲೆ ಗೀರುಗಳು (Scratches) ಬೀಳುತ್ತವೆ. ಹೀಗೆ ಗೀರು ಬಿದ್ದ ಜಾಗದಲ್ಲಿ ಮುಂದಿನ ದಿನಗಳಲ್ಲಿ ಆಹಾರ ಮತ್ತು ಜಿಡ್ಡು ಮತ್ತಷ್ಟು ಗಟ್ಟಿಯಾಗಿ ಅಂಟಿಕೊಳ್ಳುತ್ತದೆ. ಆದರೆ ಈ 'ಪೇಪರ್ ಟವೆಲ್ ಕಂಪ್ರೆಸ್' ವಿಧಾನದಲ್ಲಿ ಯಾವುದೇ ಗೀರು ಬೀಳದೆ ಪಾತ್ರೆ ಸುರಕ್ಷಿತವಾಗಿರುತ್ತದೆ.

ಪರಾಠ ತಯಾರಿಸುವಾಗ ತುಪ್ಪ, ಬೆಣ್ಣೆ- ಎಣ್ಣೆಯಲ್ಲಿ ಯಾವುದು ಹಾಕಿದ್ರೆ ಆರೋಗ್ಯಕ್ಕೆ ಬೆಸ್ಟ್ ?

Roopa Hegde — Mon, 05 Oct 2026 13:35:33 +0530

ದಕ್ಷಿಣ ಭಾರತದ ಮನೆಗಳಲ್ಲೂ ಇತ್ತೀಚಿನ ದಿನಗಳಲ್ಲಿ ಮಕ್ಕಳ ಲಂಚ್ ಬಾಕ್ಸ್, ಇಲ್ಲ ಬೆಳಗ್ಗಿನ ಬ್ರೇಕ್‌ ಫಾಸ್ಟ್‌ ಗೆ ಬಿಸಿಬಿಸಿ ಪರಾಠ ಉತ್ತಮ ಆಯ್ಕೆಯಾಗಿದೆ. ಆದರೆ ಪರಾಠ ಮಾಡುವಾಗ ಅದನ್ನು ಹೇಗೆ ಬೇಯಿಸ್ಬೇಕು ಎನ್ನುವ ಕನ್ಫ್ಯೂಸ್‌ ಅನೇಕರಿಗೆ. ಅದಕ್ಕೆ ಉತ್ತರ ಇಲ್ಲಿದೆ.

ಬಹುತೇಕ ಮನೆಗಳಲ್ಲಿ ಪರಾಠ ಬೇಯಿಸಲು ದೇಸಿ ತುಪ್ಪ ಬಳಸುತ್ತಾರೆ. ತುಪ್ಪ ಹಾಕಿ ಬೇಯಿಸಿದ ಪರಾಠಗೆ ಒಳ್ಳೆಯ ಫ್ಲೇವರ್, ರುಚಿ ಮತ್ತು ಕ್ರಿಸ್ಪಿ ಟೆಕ್ಸ್ಚರ್ ಬರುತ್ತೆ. ತುಪ್ಪದಲ್ಲಿ ಫ್ಯಾಟ್ ಸೊಲ್ಯೂಬಲ್ ವಿಟಮಿನ್ಗಳಾದ ಎ, ಡಿ, ಇ ಮತ್ತು ಕೆ ಇರುತ್ತವೆ. ಜೊತೆಗೆ ಇದರಲ್ಲಿ ಬ್ಯುಟಿರೇಟ್ ಕೂಡ ಇದ್ದು, ಇದು ಗಟ್ ಹೆಲ್ತ್ಗೆ ಸಪೋರ್ಟ್ ಮಾಡುತ್ತದೆ. ತುಪ್ಪದ ಸ್ಮೋಕಿಂಗ್ ಪಾಯಿಂಟ್ ಕೂಡ ಹೆಚ್ಚಿರುವುದರಿಂದ ಹೆಚ್ಚಿನ ಟೆಂಪರೇಚರ್ನಲ್ಲಿ ಅಡುಗೆ ಮಾಡಲು ಇದನ್ನು ಬಳಸಬಹುದು. ಆದರೆ ತುಪ್ಪದಲ್ಲಿ ಸ್ಯಾಚುರೇಟೆಡ್ ಫ್ಯಾಟ್ ಪ್ರಮಾಣ ಹೆಚ್ಚಿರುತ್ತದೆ. ಹಾಗಾಗಿ ಇದನ್ನು ಹೆಚ್ಚು ಪ್ರಮಾಣದಲ್ಲಿ ಸೇವಿಸುವುದು ಒಳ್ಳೆಯದಲ್ಲ.ವಿಶೇಷವಾಗಿ ಕೊಲೆಸ್ಟ್ರಾಲ್ ಹೆಚ್ಚಾಗಿರುವವರು ತುಪ್ಪದ ಪ್ರಮಾಣದ ಬಗ್ಗೆ ಹೆಚ್ಚು ಗಮನ ಕೊಡಬೇಕು. ಅಗತ್ಯವಿದ್ದರೆ ಡಾಕ್ಟರ್ ಸಲಹೆ ಪಡೆಯುವುದು ಉತ್ತಮ.

ಪರಾಠ ಮಾಡಲು ಎಣ್ಣೆಯನ್ನೂ ಬಳಸಬಹುದು. ಆದರೆ ಪ್ರತಿದಿನ ರಿಫೈನ್ಡ್ ಆಯಿಲ್ ಬಳಸುವ ಬದಲು ಅನ್ಸ್ಯಾಚುರೇಟೆಡ್ ಫ್ಯಾಟ್ ಹೊಂದಿರುವ ಎಣ್ಣೆಗಳನ್ನು ಆಯ್ಕೆ ಮಾಡುವುದು ಉತ್ತಮ. ಸಾಸಿವೆ ಎಣ್ಣೆ, ಸೋಯಾಬೀನ್ ಎಣ್ಣೆ, ಆಲಿವ್ ಆಯಿಲ್ ಅಥವಾ ಕ್ಯಾನೋಲಾ ಆಯಿಲ್ ಬಳಸಬಹುದು. ಆದರೆ ಎಣ್ಣೆ ಕೂಡ ಕ್ಯಾಲೊರಿಗಳಲ್ಲಿ ಹೆಚ್ಚಾಗಿರುತ್ತದೆ. ಹೀಗಾಗಿ ಎಣ್ಣೆ ಎಷ್ಟೇ ಹೆಲ್ದಿ ಆಗಿದ್ದರೂ ಹೆಚ್ಚು ಪ್ರಮಾಣದಲ್ಲಿ ಬಳಸುವುದು ಸೂಕ್ತವಲ್ಲ. ಪರಾಠಗೆ ಸ್ವಲ್ಪ ಪ್ರಮಾಣದಲ್ಲಿ ಎಣ್ಣೆ ಹಚ್ಚಿ ಬೇಯಿಸುವುದು ಉತ್ತಮ ಆಯ್ಕೆ.

ಪರಾಠಗೆ ಬೆಣ್ಣೆ ಹಾಕಿದರೆ ಅದರ ರುಚಿಯೇ ಬೇರೆ. ಬೆಣ್ಣೆಯಲ್ಲಿ ಕೆಲವು ವಿಟಮಿನ್ಗಳು ಮತ್ತು ಶಾರ್ಟ್ ಚೈನ್ ಫ್ಯಾಟಿ ಆಸಿಡ್ಗಳು ಇರುತ್ತವೆ. ಇವು ಎನರ್ಜಿ ಮೆಟಾಬಾಲಿಸಂಗೆ ಸಪೋರ್ಟ್ ಮಾಡುತ್ತವೆ. ಆದರೆ ಬೆಣ್ಣೆಯಲ್ಲೂ ಸ್ಯಾಚುರೇಟೆಡ್ ಫ್ಯಾಟ್ ಪ್ರಮಾಣ ಹೆಚ್ಚಿರುತ್ತದೆ. ಹಾಗಾಗಿ ಹೆಚ್ಚು ಪ್ರಮಾಣದಲ್ಲಿ ಅಥವಾ ಪ್ರತಿದಿನ ಬೆಣ್ಣೆ ಹಾಕಿಕೊಂಡು ಪರಾಠ ತಿನ್ನುವುದನ್ನು ತಪ್ಪಿಸುವುದು ಉತ್ತಮ. ಒಮ್ಮೊಮ್ಮೆ ಪರಾಠಾ ತಿನ್ನುವಾಗ ರುಚಿಗಾಗಿ ಸ್ವಲ್ಪ ಬೆಣ್ಣೆ ಬಳಸಬಹುದು. ಆದರೆ ಪ್ರಮಾಣದ ಮೇಲೆ ಕಂಟ್ರೋಲ್ ಇರಬೇಕು.

ಪರಾಠ ಮಾಡಲು ತುಪ್ಪ ಅಥವಾ ಎಣ್ಣೆ ಉತ್ತಮ ಆಯ್ಕೆಗಳಾಗಬಹುದು. ಆದರೆ ಯಾವುದೇ ಫ್ಯಾಟ್ ಬಳಸಿದರೂ ಪ್ರಮಾಣ ಕಡಿಮೆ ಇಡುವುದು ಮುಖ್ಯ. ನಿಮಗೆ ಕೊಲೆಸ್ಟ್ರಾಲ್ ಹೆಚ್ಚಾಗಿದ್ದರೆ ಸ್ಯಾಚುರೇಟೆಡ್ ಫ್ಯಾಟ್ ಇರುವ ತುಪ್ಪ ಮತ್ತು ಬೆಣ್ಣೆಯನ್ನು ಹೆಚ್ಚು ಬಳಸಬಾರದು. ಎಣ್ಣೆಯನ್ನೂ ಅಗತ್ಯಕ್ಕಿಂತ ಹೆಚ್ಚು ಹಾಕಬಾರದು. ನೀವು ಪರಾಠಾವನ್ನು ಅಪರೂಪಕ್ಕೆ ಮಾತ್ರ ತಿನ್ನುತ್ತಿದ್ದರೆ, ರುಚಿಗಾಗಿ ಸ್ವಲ್ಪ ಬೆಣ್ಣೆ ಬಳಸಬಹುದು. ಆದರೆ ಪ್ರತಿದಿನ ಪರಾಠ ತಿನ್ನುವ ಅಭ್ಯಾಸವಿದ್ದರೆ, ಕಡಿಮೆ ಪ್ರಮಾಣದ ಎಣ್ಣೆ ಅಥವಾ ತುಪ್ಪ ಬಳಸಿ ಬೇಯಿಸುವುದು ಉತ್ತಮ.

ಮಾನಸಿಕ ಆರೋಗ್ಯ ಸುಧಾರಿಸಲು ಈ ಆಹಾರಗಳನ್ನು ಸೇವಿಸಿ

Shriram Bhat — Sat, 03 Oct 2026 22:27:01 +0530

ನಿಮ್ಮ ಮಾನಸಿಕ ಆರೋಗ್ಯವನ್ನು ಸುಧಾರಿಸಲು ಮತ್ತು ಸಂತೋಷದ ಹಾರ್ಮೋನ್ ಆದ ಸೆರೊಟೋನಿನ್ ಉತ್ಪಾದನೆಯನ್ನು ಹೆಚ್ಚಿಸಲು ಪ್ರತಿದಿನ ನೀವು ಯಾವೆಲ್ಲಾ ಆಹಾರಗಳನ್ನು ಸೇವಿಸಬೇಕು ಎಂಬುದನ್ನು ಇಲ್ಲಿ ತಿಳಿಯಿರಿ.

'ಗಾರ್ಲಿಕ್ ಸ್ಮ್ಯಾಶ್ಡ್ ಪೊಟಾಟೊ' ಕಡಿಮೆ ಸಮಯದಲ್ಲಿ ತಯಾರಿಸಬಹುದಾದ ಸೂಪರ್ ಟೇಸ್ಟಿ ಸ್ನ್ಯಾಕ್ಸ್

Ashwini HR — Tue, 06 Oct 2026 13:40:28 +0530

ಹೊರಗಡೆ ಗರಿಗರಿ, ಒಳಗಡೆ ಮೃದುವಾಗಿರುವ ಈ 'ಗಾರ್ಲಿಕ್ ಸ್ಮ್ಯಾಶ್ಡ್ ಪೊಟಾಟೊ' ಬಾಯಿಗಿಟ್ಟರೆ ಥೇಟ್ ಗಾರ್ಲಿಕ್ ಬ್ರೆಡ್ ತಿಂದ ಅನುಭವ ನೀಡುತ್ತದೆ. ಬೆಣ್ಣೆ, ಬೆಳ್ಳುಳ್ಳಿ ಮತ್ತು ಚೀಸ್ ಸುವಾಸನೆಯ ಈ ಸೂಪರ್ ಟೇಸ್ಟಿ ಸ್ನ್ಯಾಕ್ಸ್ ಅನ್ನು ಸಂಜೆಯ ಚಹಾ ಅಥವಾ ಪಾರ್ಟಿಗಳಿಗೆ ಸುಲಭವಾಗಿ ತಯಾರಿಸಬಹುದು..

ಬೇಕಾಗುವ ಸಾಮಗ್ರಿಗಳು (Ingredients)

ಚಿಕ್ಕ ಆಲೂಗಡ್ಡೆ (Baby Potatoes): ಅರ್ಧ ಕೆಜಿಬೆಣ್ಣೆ (Butter): 4 ರಿಂದ 5 ಚಮಚಬೆಳ್ಳುಳ್ಳಿ: 6-7 ಎಸಳು (ಚಿಕ್ಕದಾಗಿ ಹೆಚ್ಚಿದ್ದು)ಚೀಸ್ (Parmesan/Cheese): 2 ಚಮಚ (ತುರಿದದ್ದು)ಬ್ರೆಡ್ ಕ್ರಂಬ್ಸ್ ಅಥವಾ ಕ್ರೌಟನ್ಸ್ (Croutons): 2-3 ಚಮಚಕಾಳುಮೆಣಸಿನ ಪುಡಿ (Black Pepper): ಅರ್ಧ ಚಮಚಉಪ್ಪು: ರುಚಿಗೆ ತಕ್ಕಷ್ಟುಕೊತ್ತಂಬರಿ ಸೊಪ್ಪು ಅಥವಾ ಪಾರ್ಸ್ಲಿ: ಸ್ವಲ್ಪ (ಚಿಕ್ಕದಾಗಿ ಹೆಚ್ಚಿದ್ದು)

ಮಾಡುವ ವಿಧಾನ (Step-by-Step Directions)

ಆಲೂಗಡ್ಡೆ ಬೇಯಿಸಿಕೊಳ್ಳಿಚಿಕ್ಕ ಆಲೂಗಡ್ಡೆಗಳನ್ನು ತೊಳೆದು, ಉಪ್ಪು ಹಾಕಿದ ನೀರಿನಲ್ಲಿ 12-15 ನಿಮಿಷ ಬೇಯಿಸಿ (ಚಾಕು ಚುಚ್ಚಿದರೆ ಸುಲಭವಾಗಿ ಇಳಿಯುವಷ್ಟು ಮೃದುವಾಗಬೇಕು). ನಂತರ ನೀರು ಬಸಿದು, 5 ನಿಮಿಷ ತಣ್ಣಗಾಗಲು ಬಿಡಿ.

ಗಾರ್ಲಿಕ್ ಬಟರ್ ತಯಾರಿಒಂದು ಬಟ್ಟಲಿನಲ್ಲಿ ಕರಗಿಸಿದ ಬೆಣ್ಣೆ, ಸಣ್ಣಗೆ ಹೆಚ್ಚಿದ ಬೆಳ್ಳುಳ್ಳಿ, ಕಾಳುಮೆಣಸಿನ ಪುಡಿ ಮತ್ತು ಸ್ವಲ್ಪ ಉಪ್ಪು ಸೇರಿಸಿ ಮಿಕ್ಸ್ ಮಾಡಿ ಗಾರ್ಲಿಕ್ ಬಟರ್ ಸಿದ್ಧಪಡಿಸಿ.

ಟಾಪಿಂಗ್ ತಯಾರಿಮಿಕ್ಸಿಯಲ್ಲಿ ಕ್ರೌಟನ್ಸ್ (ಅಥವಾ ಒಣಗಿದ ಬ್ರೆಡ್ ಚೂರುಗಳು) ಮತ್ತು ಚೀಸ್ ಹಾಕಿ ತರಿತರಿಯಾಗಿ ಪುಡಿ ಮಾಡಿಕೊಳ್ಳಿ.

ಆಲೂಗಡ್ಡೆ ಸ್ಮ್ಯಾಶ್ ಮಾಡಿ (ಚಪ್ಪಟೆ ಮಾಡಿ)ಬೇಯಿಸಿದ ಆಲೂಗಡ್ಡೆಯನ್ನು ಬೇಕಿಂಗ್ ಟ್ರೇ ಅಥವಾ ತವಾ ಮೇಲೆ ಇಟ್ಟು, ಲೋಟ ಅಥವಾ ಕಪ್‌ನ ತಳಭಾಗದಿಂದ ಹಗುರವಾಗಿ ಒತ್ತಿ ಚಪ್ಪಟೆ (Smash) ಮಾಡಿ (ತುಂಡಾಗದಂತೆ ಎಚ್ಚರವಿರಲಿ).

ಬಟರ್ ಹಚ್ಚಿ ಬೇಕ್ ಮಾಡಿಚಪ್ಪಟೆ ಮಾಡಿದ ಆಲೂಗಡ್ಡೆಯ ಎರಡೂ ಬದಿಗೆ ತಯಾರಿಸಿದ ಗಾರ್ಲಿಕ್ ಬಟರ್ ಹಚ್ಚಿ. ನಂತರ ಇದರ ಮೇಲೆ ಚೀಸ್ ಮತ್ತು ಬ್ರೆಡ್ ಪುಡಿಯ ಮಿಶ್ರಣವನ್ನು ಉದುರಿಸಿ.

ಗರಿಗರಿಯಾಗಿಸಿಓವನ್‌ನಲ್ಲಿ: 220°C (450°F) ನಲ್ಲಿ 20 ನಿಮಿಷಗಳ ಕಾಲ ಬಂಗಾರದ ಬಣ್ಣ ಬರುವವರೆಗೆ ಬೇಕ್ ಮಾಡಿ.

ತವಾ/ಏರ್ ಫ್ರೈಯರ್‌ನಲ್ಲಿ: ತವಾ ಮೇಲೆ ಸ್ವಲ್ಪ ಬೆಣ್ಣೆ ಹಾಕಿ ಎರಡೂ ಬದಿ ಕೆಂಪಗೆ, ಗರಿಗರಿಯಾಗುವವರೆಗೂ ಕಾಯಿಸಬಹುದು.

ಸರ್ವ್ ಮಾಡಿಮೇಲಿಂದ ಸ್ವಲ್ಪ ಕೊತ್ತಂಬರಿ ಸೊಪ್ಪು ಮತ್ತು ಉಳಿದ ಬೆಳ್ಳುಳ್ಳಿ ಬೆಣ್ಣೆಯನ್ನು ಚಿಮುಕಿಸಿ, ಬಿಸಿಬಿಸಿಯಾಗಿ ತಿನ್ನಲು ಕೊಡಿ.

ರುಚಿ ಹೆಚ್ಚಿಸಲು ಟಿಪ್ಸ್ಸ್ವಲ್ಪ ಖಾರ ಇಷ್ಟಪಡುವವರು ಗಾರ್ಲಿಕ್ ಬಟರ್‌ಗೆ ಚಿಲ್ಲಿ ಫ್ಲೇಕ್ಸ್ (ಖಾರದ ಪುಡಿ/ಒಣಮೆಣಸಿನ ಚೂರು) ಸೇರಿಸಬಹುದು.

ಪರ್ಫೆಕ್ಟ್ ಆಗಿ ಬರಲು ಉಪಯುಕ್ತ ಟಿಪ್ಸ್ (Pro Cooking Tips)

ಆಲೂಗಡ್ಡೆ ತೇವಾಂಶ ಸಂಪೂರ್ಣ ಆರಿರಲಿ (ಅತ್ಯಂತ ಮುಖ್ಯ)ಬೇಯಿಸಿದ ಆಲೂಗಡ್ಡೆಯ ನೀರನ್ನು ಬಸಿದ ನಂತರ, 5-10 ನಿಮಿಷ ಹಾಗೆಯೇ ಬಿಡಿ. ಅದರ ಮೇಲಿರುವ ಹಬೆ ಮತ್ತು ತೇವಾಂಶ ಸಂಪೂರ್ಣವಾಗಿ ಒಣಗಿದಷ್ಟೂ, ಬೇಕ್ ಅಥವಾ ಫ್ರೈ ಮಾಡುವಾಗ ಆಲೂಗಡ್ಡೆ ಸೂಪರ್ ಕ್ರಿಸ್ಪಿಯಾಗಿ ಬರುತ್ತದೆ.

ಸ್ಮ್ಯಾಶ್ ಮಾಡುವ ಸುಲಭ ಉಪಾಯಆಲೂಗಡ್ಡೆಯನ್ನು ಲೋಟ ಅಥವಾ ಬಟ್ಟಲಿನಿಂದ ಚಪ್ಪಟೆ ಮಾಡುವಾಗ, ಆ ಲೋಟದ ತಳಕ್ಕೆ ಸ್ವಲ್ಪ ಬೆಣ್ಣೆ ಅಥವಾ ಎಣ್ಣೆ ಸವರಿ ಒತ್ತಿ. ಇದರಿಂದ ಆಲೂಗಡ್ಡೆ ಲೋಟಕ್ಕೆ ಅಂಟಿಕೊಳ್ಳುವುದಿಲ್ಲ ಮತ್ತು ಒಡೆಯದೆ ಅಚ್ಚುಕಟ್ಟಾಗಿ ಚಪ್ಪಟೆಯಾಗುತ್ತದೆ.

ಓವನ್ ಇಲ್ಲದಿದ್ದರೆ ತವಾ ಟ್ರಿಕ್ (No Oven Hack)ನಿಮ್ಮ ಮನೆಯಲ್ಲಿ ಓವನ್ ಇಲ್ಲದಿದ್ದರೆ, ದೋಸೆ ತವಾ ಮೇಲೆ 2 ಚಮಚ ಬೆಣ್ಣೆ ಹಾಕಿ, ಚಪ್ಪಟೆ ಮಾಡಿದ ಆಲೂಗಡ್ಡೆಯನ್ನು ಸಣ್ಣ ಉರಿಯಲ್ಲಿ (Low-Medium flame) ಎರಡು ಬದಿ ತಲಾ 7-8 ನಿಮಿಷ ಮುಚ್ಚಳ ಮುಚ್ಚಿ ರೋಸ್ಟ್ ಮಾಡಿ. ಬೇಕಿಂಗ್ ಮಾಡಿದಷ್ಟೇ ಗರಿಗರಿಯಾಗಿ ಬರುತ್ತದೆ! (ಏರ್ ಫ್ರೈಯರ್ ಇದ್ದರೆ 200°C ನಲ್ಲಿ 15 ನಿಮಿಷ ಇಡಿ).

ಸ್ವಲ್ಪ ಸ್ಪೈಸಿ ಇಷ್ಟಪಡುವವರುಬೆಳ್ಳುಳ್ಳಿ-ಬೆಣ್ಣೆ ಮಿಶ್ರಣಕ್ಕೆ ಚಿಲ್ಲಿ ಫ್ಲೇಕ್ಸ್ (Chili Flakes), ಒರೆಗಾನೊ (Oregano) ಅಥವಾ ಕೊನೆಯಲ್ಲಿ ಸ್ವಲ್ಪ ಚಾಟ್ ಮಸಾಲಾ ಉದುರಿಸಿದರೆ ಭಾರತೀಯ ನಾಲಿಗೆಗೆ ಹೇಳಿಮಾಡಿಸಿದ ರುಚಿ ಸಿಗುತ್ತದೆ.

ಮರುದಿನ ತಿನ್ನಲು ಹೀಗೆ ಬಿಸಿ ಮಾಡಿಉಳಿದ ಆಲೂಗಡ್ಡೆಯನ್ನು ಎಂದಿಗೂ ಮೈಕ್ರೋವೇವ್‌ನಲ್ಲಿ ಬಿಸಿ ಮಾಡಬೇಡಿ, ಅದು ಮೆತ್ತಗಾಗಿಬಿಡುತ್ತದೆ. ಬದಲಾಗಿ ತವಾ ಅಥವಾ ಏರ್ ಫ್ರೈಯರ್‌ನಲ್ಲಿ ಬಿಸಿ ಮಾಡಿದರೆ ಮತ್ತೆ ಮೊದಲಿನಂತೆಯೇ ಗರಿಗರಿಯಾಗುತ್ತದೆ.

Paneer dosa recipe: ಅಕ್ಕಿ ದೋಸೆ ಮರೆತುಬಿಡಿ! ಈ ಹೊಸ ಪ್ರೋಟೀನ್ ಭರಿತ ದೋಸೆ ಟ್ರೈ ಮಾಡಿ, ಇಲ್ಲಿದೆ ರೆಸಿಪಿ

Ravi Janekal — Tue, 06 Oct 2026 14:43:25 +0530

ಪ್ರತಿದಿನವೂ ಅದೇ ಅಕ್ಕಿ ಉದ್ದಿನಬೇಳೆ ದೋಸೆ ತಿಂದು ಬೇಸತ್ತಿದ್ದೀರಾ? ದೋಸೆಯಲ್ಲಿ ಹೊಸ ರುಚಿ, ಹೊಸ ವರೈಟಿ ಹುಡುಕುತ್ತಿದ್ದೀರಾ ಹಾಗಾದರೆ ನೀವು ಸರಿಯಾದ ರೆಸಿಪಿಯನ್ನೇ ಓದುತ್ತಿದ್ದೀರಿ. ಸಾಮಾನ್ಯ ಅಕ್ಕಿ ಉದ್ದಿನಬೇಳೆಗಿಂತ ಸ್ವಲ್ಪ ಹೊಸ ರುಚಿಯೊಂದಿಗೆ ಪನೀರ್ ದೋಸೆ ಹೇಗೆ ಮಾಡಬಹುದು ಎಂಬುದನ್ನು ಇಲ್ಲಿ ಸ್ಟೆಪ್ ಬೈ ಸ್ಟೆಪ್ ತಿಳಿಸುತ್ತೇವೆ.

ಕ್ವಿನೋವಾ ಪನೀರ್ ದೋಸೆ ಮಾಡುವುದು ಹೇಗೆ?

ಇದು ಸಾಮಾನ್ಯ ದೋಸೆಯಂತೆ ಅಕ್ಕಿ ಉದ್ದಿನಬೇಳೆಯಿಂದ ಮಾಡುವಂತೆ ಅಲ್ಲ. ಇದರ ರೆಸಿಪಿ, ರುಚಿಯೂ ಬೇರೆಯೇ ಆಗಿದೆ. ಈ ಕ್ವಿನೋವಾ ಪನೀರ್ ದೋಸೆಯನ್ನ ಬೇಳೆ, ಮೆಂತ್ಯ ಕಾಳು ಸೇರಿಸಿ ಪೌಷ್ಟಿಕವಾದ ಹಿಟ್ಟು ತಯಾರಿಸಿ ಮಾಡಲಾಗುತ್ತೆ. ಆದರೆ ಇಲ್ಲಿ ತುರಿದ ಪನೀರ್ ರುಚಿಕರವಾದ ಪ್ರೋಟೀನ್‌ ಭರಿತವಾಗಿರುತ್ತದೆ. ಮೊರಿಂಗಾ ಪುಡಿ, ಟೋಮ್ಯಾಟೋ ಶೇಂಗಾ ಚಟ್ನಿಯೊಂದಿಗೆ ಇದನ್ನು ತಿಂದರೆ ಮೂರು ಹೊತ್ತು ಅದನ್ನೇ ತಿನ್ನಬೇಕೆನಿಸುವಷ್ಟು ರುಚಿಯಾಗಿರುತ್ತದೆ. ಬೆಳಗಿನ ತಿಂಡಿ ಅಥವಾ ಉಪಾಹಾರಕ್ಕೆ ಇದು ಸೂಕ್ತವಾಗಿದೆ.

ಪನೀರ್ ದೋಸೆ ತಯಾರಿಸುವ ವಿಧಾನ:

ನಿಮಗೆ ½ ಕಪ್ ಕ್ವಿನೋವಾ(ನವಣೆ), ½ ಕಪ್ ಮಿಶ್ರ ಬೇಳೆ (ಹಳದಿ ಹೆಸರುಬೇಳೆ, ಕಪ್ಪು ಉದ್ದಿನ ಬೇಳೆ, ಹೆಸರುಬೇಳೆ ಮತ್ತು ಮಸೂರ್) ಮತ್ತು 1 ಚಮಚ ಮೆಂತ್ಯ ಬೀಜಗಳು ಬೇಕಾಗುತ್ತವೆ. ಕ್ವಿನೋವಾ ಮತ್ತು ಬೇಳೆಗಳನ್ನು ಚೆನ್ನಾಗಿ ತೊಳೆದು ಮೆಂತ್ಯ ಬೀಜಗಳೊಂದಿಗೆ ಕನಿಷ್ಠ 5-6 ಗಂಟೆಗಳ ಕಾಲ ನೆನೆಸಿಡಿ. ನೀರನ್ನು ಬಸಿದು ಎಲ್ಲವನ್ನೂ ಮಿಕ್ಸರ್‌ಗೆ ಹಾಕಿ ಕೆಲವು ಚಮಚ ನೀರನ್ನು ಸೇರಿಸಿ ಮತ್ತು ನಯವಾದ, ದಪ್ಪ ಬರುವಂತೆ ದೋಸೆ ಹಿಟ್ಟು ತಯಾರಿಸಿಕೊಳ್ಳಿ. ಸ್ವಲ್ಪ ಉಪ್ಪು ಸೇರಿಸಿ ಚೆನ್ನಾಗಿ ಕಲಸಿ. ನೀವು ಬ್ಯಾಟರ್ ಅನ್ನು ರಾತ್ರಿಯಿಡೀ ಅಥವಾ 6-7 ಗಂಟೆಗಳ ಕಾಲ ಹುದುಗಿಸಬಹುದು. ಒಂದು ವೇಳೆ ನಿಮಗೆ ಸಮಯ ಕಡಿಮೆಯಿದ್ದರೆ ನೇರವಾಗಿಯೇ ದೋಸೆ ತಯಾರಿಸಬಹುದು.

ಈ ಪನೀರ್ ದೋಸೆಗೆ ಚಟ್ನಿ ಮಾಡುವ ವಿಧಾನ:

ಚಟ್ನಿಗಾಗಿ, ಒಂದು ಪ್ಯಾನ್‌ನಲ್ಲಿ(ಪಾತ್ರೆ) 2 ಚಮಚ ಎಣ್ಣೆಯನ್ನು ಬಿಸಿ ಮಾಡಿ. ಬಿಸಿಯಾದ ನಂತರ 3-4 ಒಣಗಿದ ಕೆಂಪು ಮೆಣಸಿನಕಾಯಿಗಳು, ½ ಕಪ್ ಶೇಂಗಾ ಸೇರಿಸಿ ಮತ್ತು ಶೇಂಗಾ ಚೆನ್ನಾಗಿ ಬೇಯುವವರೆಗೆ ಅಂದರೆ ಸುಮಾರು 4-5 ನಿಮಿಷಗಳ ಕಾಲ ಹುರಿಯಿರಿ. 2-ಇಂಚಿನ ಶುಂಠಿ ಮತ್ತು 10-12 ಬೆಳ್ಳುಳ್ಳಿ ಎಸಳುಗಳನ್ನು ಸೇರಿಸಿ, ಹಸಿ ವಾಸನೆ ಹೋಗುವವರೆಗೆ ಇನ್ನೊಂದು ಎರಡು ನಿಮಿಷಗಳ ಕಾಲ ಹುರಿಯಿರಿ. ನಂತರ 3 ಹೋಳು ಮಾಡಿದ ಈರುಳ್ಳಿಯನ್ನು ಸೇರಿಸಿ, ಮಧ್ಯಮ ಉರಿಯಲ್ಲಿ 3-4 ನಿಮಿಷಗಳ ಕಾಲ ಹಾಗೆ ಬೇಯಿಸಿ. ಬಳಿಕ ಕತ್ತರಿಸಿದ ಟೊಮೆಟೊ ಜೊತೆಗೆ ಉಪ್ಪನ್ನು ಸೇರಿಸಿದ ಬಳಿಕ ಚೆನ್ನಾಗಿ ಕಲಸಿ. ಈಗ ಪ್ಯಾನ್ ಅನ್ನು ಒಂದು ಪಾತ್ರೆಯಿಂದ ಮುಚ್ಚಿ. ಹೀಗೆ 5-6 ನಿಮಿಷಗಳ ಕಾಲ ಮುಚ್ಚಿದಾಗ ಟೊಮೆಟೊ ಮೃದು ಬೇಯುತ್ತದೆ. ಅನಂತರ ಇದೆಲ್ಲದರ ಮಿಕ್ಸ್ ಮಾಡಿದ ಚಟ್ನಿ ಸ್ವಲ್ಪ ತಣ್ಣಗಾಗಲು ಬಿಡಿ, ನಂತರ ಅದನ್ನು ನಯವಾದ ಪೇಸ್ಟ್ ರೀತಿ ಬರುವವರೆಗೆ ಕಲಸಿ.

ಅಡುಗೆ ಮನೆಗೆ ಹೆಲ್ಪ್ ಆಗುತ್ತೆ ಈ 4 ಟಿಪ್ಸ್, ಶೆಫ್ ಹಂಚಿಕೊಂಡ ಸಿಂಪಲ್ ಇಂಡಿಯಾ ಟ್ರೈ ಮಾಡಿ ನೋಡಿ

Chethan Kumar — Sun, 04 Oct 2026 16:31:18 +0530

ಅಡುಗೆ ಮಾಡುವುದಕ್ಕಿಂತ ದೊಡ್ಡ ಕೆಲಸ ಅಡುಗೆ ಬಳಸಿದ ವಸ್ತುಗಳನ್ನು ಶುಚಿಗೊಳಿಸುವುದು, ಅದು ಮಿಕ್ಸಿ ಗ್ರೈಂಡರ್ ಆಗಿರಲಿ, ಪಾತ್ರೆಯಾಗಿರಲಿ, ಮೈಕ್ರೋವೇವ್ ಆಗಿರಲಿ. ಆದ್ರೆ ಅಡುಗೆಗೆ ಕೆಲವೊಂದು ಹ್ಯಾಕ್‌ ಇರುವುಂತೆ ಈ ಮೈಕ್ರೋವೇವ್, ಗ್ರೈಂಡರ್ ಇವುಗಳನ್ನೆಲ್ಲಾ ಕೆಲವೇ ಸೆಕೆಂಡ್‌ಗಳಲ್ಲಿ ಶುಚಿಗೊಳಿಸುವ ಟಿಪ್ಸ್ ತಿಳಿಸಿದ್ದಾರೆ ಲೈಫ್‌ಸ್ಟೈಲ್‌ ಕಂಟೆಂಟ್ ಕ್ರಿಯೇಟರ್ ಹಾಗೂ ಶೆಫ್ ಆಗಿರುವ ಫ್ಯಾವರಿಕ್ ಮಾರ್ಕ್. ಇವರು ತಮ್ಮ ಇನ್‌ಸ್ಟಾ ಖಾತೆಯಲ್ಲಿ ಶೇರ್‌ ಮಾಡಿರುವ ಈ ಟಿಪ್ಸ್ ನಿಮಗೂ ಹೆಲ್ಪ್‌ ಆಗಬಹುದು ನೋಡಿ:

ಬ್ಲೆಂಡರ್ ಅನ್ನು ಹತ್ತೇ ಸೆಕೆಂಡ್‌ನಲ್ಲಿ ಕ್ಲೀನ್ ಮಾಡಬಹುದು

ಬ್ಲೆಂಡರ್‌ ಕ್ಲೀನ್ ಮಾಡುವುದು ಅಷ್ಟು ಸುಲಭವಲ್ಲ ಅಲ್ವಾ? ಅದರಲ್ಲಿಯೂ ಈ ಚಳಿಗಾಲದಲ್ಲಿ ಬ್ಲೆಂಡರ್ ಕ್ಲೀನ್ ಇನ್ನೂ ಕಷ್ಟ. ನೀವು ಬ್ಲೆಂಡರ್‌ಗೆ ಅರ್ಧದಷ್ಟು ಉಗುರು ಬೆಚ್ಚಗಿನ ನೀರು ಹಾಕಿ ಅದಕ್ಕೆ ಸ್ವಲ್ಪ ಡಿಶ್ ಲಿಕ್ವಿಡ್ ಅಥವಾ ಸೋಪ್‌ ತುಂಡು ಹಾಕಿ 10 ಸೆಕೆಂಡ್ ಬ್ಲೆಂಡ್ ಮಾಡಿದರೆ ಬ್ಲೆಂಡರ್ ಫುಲ್ ಕ್ಲೀನ್ ಆಗುತ್ತೆ ಅಂತೆ, ನಂತರ ಸ್ವಲ್ಪ ನೀರಿನಲ್ಲಿ ತೊಳೆದರೆ ಕ್ಲೀನ್ ಆಗಿರುತ್ತೆ.

ಮೈಕ್ರೋವೇವ್ ಕ್ಲೀನ್ ಮಾಡಲು ಟಿಪ್ಸ್

ಮೈಕ್ರೋವೇವ್‌ ಶುಚಿ ಮಾಡಲು ಒಂದು ಬೌಲ್‌ನಲ್ಲಿ ನಿಂಬೆ ಹಣ್ಣನ್ನು ತುಂಡುಗಳನ್ನಾಗಿ ಮಾಡಿ ಹಾಕಿ ಒಂದು ನಿಮಿಷ ಬಿಸಿ ಮಾಡಿ, ಹೀಗೆ ಮಾಡಿದಾಗ ಆ ಹಬೆ ಕಲೆಯನ್ನು ಸುಲಭವಾಗಿ ತೆಗೆಯಲು ಸಹಾಯ ಮಾಡುತ್ತೆ, ಅಲ್ಲದೆ ನಿಂಬೆ ಹಣ್ಣು ದುರ್ವಾಸನೆ ಹೋಗಲಾಡಿಸುತ್ತೆ.

ಇನ್ನು ಈ ಟಿಪ್ಸ್ ಅಂತೂ ಪ್ರತಿಯೊಂದು ಮನೆಯಲ್ಲಿ ಸಹಾಯ ಮಾಡುತ್ತೆ ಅಕ್ಕಿಗೆ ಹುಳ ಬರದಂತೆ ತಡೆಯಲು ಈ ಟಿಪ್ಸ್ ಬೆಸ್ಟ್ ಅಕ್ಕಿಯನ್ನು ತುಂಬಾ ಸಮಯ ಇಟ್ಟಾಗ ಹುಳ ಬರುತ್ತೆ, ಇದನ್ನು ತಡೆಗಟ್ಟಲು 2-3 ಪಲಾವ್ ಎಲೆ ಹಾಕಿಟ್ಟರೆ ಸಾಕು ಅಕ್ಕಿ ವರ್ಷದವರೆಗೆ ಇಟ್ಟರೂ ಹುಳ ಬರಲ್ಲ. ಅಕ್ಕಿಗೆ 2 ಲವಂಗ ಹಾಗೂ 8-10 ಕಾಳು ಮೆಣಸು ಹಾಕಿಟ್ಟರೆ ಹುಳ ಬರಲ್ಲ. ಬೆಳ್ಳುಳ್ಳಿ ಜಜ್ಜಿ ಹಾಕಿದರೂ ಹುಳ ಬರಲ್ಲ.

ಅಡುಗೆಯ ಟೇಸ್ಟ್ ಹೆಚ್ಚಿಸಲು

ನಾವು ಅಡುಗೆ ಮಾಡುವಾಗ ಸಂಬಾರ ಪದಾರ್ಥ ಹಾಗೇ ಹಾಕುವ ಬದಲಿಗೆ ಎಣ್ಣೆಯಲ್ಲಿ ಸ್ವಲಪ್ ಹುರಿದು ನಂತರ ಹಾಕಿದರೆ ರುಚಿ ಹೆಚ್ಚು.

ಏನ್ ಮಾಡಿದ್ರೂ ದೇಹದಲ್ಲಿರೋ ಬೊಜ್ಜು ಕಡಿಮೆ ಆಗ್ತಿಲ್ವಾ? ಹೀಗ್ ಮಾಡಿ!

Shriram Bhat — Tue, 06 Oct 2026 14:51:03 +0530

ದೇಹದಲ್ಲಿರುವ ಹೆಚ್ಚುವರಿ ಕೊಬ್ಬನ್ನು ಕರಗಿಸಲು ಮತ್ತು ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುವ 6 ಅದ್ಭುತ ಪಾನೀಯಗಳ ಮಾಹಿತಿ ಇಲ್ಲಿದೆ.

ಕಾವಲಿಗೆ ದೋಸೆ ಅಂಟಿಕೊಂಡು ತೆಗೆಯೋದು ಕಷ್ಟ ಆಗ್ತಿದ್ಯಾ? ಈ ಉಪ್ಪಿನ ಟ್ರಿಕ್ಸ್ ಮಾಡಿ ನೋಡಿ

Suchethana D — Sun, 04 Oct 2026 20:36:31 +0530

ದೋಸೆ ಎನ್ನೋದು ಹಲವರಿಗೆ ಸಿಕ್ಕಾಪಟ್ಟೆ ಇಷ್ಟದ ತಿನಿಸು. ನೂರಾರು ಬಗೆಯ ದೋಸೆಗಳಿವೆ. ಹೊಸ ಹೊಸ ವಿಧವಾದ ದೋಸೆಗಳನ್ನು ಟ್ರೈ ಮಾಡುವ ದೊಡ್ಡ ವರ್ಗವೇ ಇದೆ. ಅದನ್ನು, ಇದನ್ನು ಎಲ್ಲಾ ಮಿಕ್ಸ್ ಮಾಡಿ ಹೇಗೆಯೇ ದೋಸೆ ಮಾಡಿದ್ರೂ ಅದು ಸಕತ್ ಟೇಸ್ಟಿಯಾಗಿಯೇ ಇರುತ್ತವೆ. ಮಸಾಲೆ ದೋಸೆ, ನೀರ್ ದೋಸೆ, ಬೆಣ್ಣೆ ದೋಸೆ, ಸೆಟ್ ದೋಸೆ, ಮೈಸೂರು ದೋಸೆ, ರವಾ, ಈರುಳ್ಳಿ, ರಾಗಿ, ಅಕ್ಕಿ, ಉದ್ದು, ಜೋಳ, ಬೇಳೆ ಪನ್ನೀರ್.... ಅಬ್ಬಬ್ಬಾ ದೋಸೆಯ ಬಗೆ ಹೇಳುತ್ತಾ ಹೋದರೆ ಪುಟಗಳೇ ಸಾಲುವುದಿಲ್ಲ.

ಅಂಟಿಕೊಳ್ಳುವ ದೋಸೆ

ಆದರೆ ಅದೇ ವೇಳೆ, ದೋಸೆ ಹಿಟ್ಟೇನೋ ರೆಡಿಯಾಗಿ ಬಿಡುತ್ತದೆ. ಕೆಲವೊಂದು ದೋಸೆ ಕಾವಲಿಯಿಂದ ಏಳುವುದೇ ಕಷ್ಟವಾಗಿ ಮಾಡಿದ ಶ್ರಮವೆಲ್ಲಾ ವ್ಯರ್ಥ ಆಗುವುದು ಉಂಟು. ಕೆಲವೊಮ್ಮೆ ಹಳೆಯ ವಿಧಾನದಲ್ಲಿ ದೋಸೆ ಮಾಡಿದ್ರೂ, ಏನೋ ಸಣ್ಣ ಎಡವಟ್ಟಿನಿಂದಾಗಿ ಹೆಂಚಿನ ಮೇಲೆಯೇ ಅಂಟಿಕೊಳ್ಳುವುದು ಸಹಜ. ಅದರಲ್ಲಿಯೂ ದೋಸೆ ಕಾವಲಿ ಯಾವತ್ತೂ ಬದಲು ಮಾಡಬಾರದು. ಹೆಂಚಿನ ಬಂಡಿಯಾಗಿದ್ದರೆ ಎಣ್ಣೆಯನ್ನು ಬದಲಾಯಿಸುವುದು ಅರ್ಥಾತ್ ಒಮ್ಮೆ ಕೊಬ್ಬರಿ ಎಣ್ಣೆ, ಇನ್ನೊಮ್ಮೆ ಶೇಂಗಾ ಎಣ್ಣೆ... ಹೀಗೆ ಮಾಡುವುದರಿಂದಲೂ ಹೆಂಚಿನಿಂದ ದೋಸೆ ಏಳದೇ ಅಲ್ಲಿಯೇ ಅಂಟಿಕೊಳ್ಳುವುದು ಇದೆ.

ಎಲ್ಲರ ಮನೆ ಸಮಸ್ಯೆ

ಹೀಗೆಲ್ಲಾ ಸಮಸ್ಯೆ ಬಹುತೇಕ ಮಹಿಳೆಯರು ಅನುಭವಿಸಿಯೇ ಇರುತ್ತಾರೆ. ಕಾರಣ ಏನೇ ಇರಲಿ. ಒಂದು ವೇಳೆ ದೋಸೆ ಏಳದೇ ಹೆಂಚಿಗೆ ಅಂಟಿಕೊಂಡರೆ ಇನ್ನು ಚಿಂತೆ ಬಿಡಿ, ಈ ಟಿಪ್ಸ್ ಫಾಲೋ ಮಾಡಿದ್ರೆ, ದೋಸೆ ಅಂಟುವುದೇ ಇಲ್ಲ. ಅದಕ್ಕಾಗಿ ನೀವು ಮಾಡಬೇಕಿರುವುದು ಇಷ್ಟೇ.

ದೋಸೆ ಅಂಟಿಕೊಂಡಿದ್ದರೆ ಅದನ್ನು ಕ್ಲೀನ್ ಆಗಿ ತೆಗೆಯಿರಿ. ಬಳಿಕ ಹೆಂಚಿನ ಮೇಲೆ ಬಿಳಿ ಪುಡಿಯುಪ್ಪನ್ನು ಹಾಕಿ ಸವರಿ. ಒಂದು ನಿಮಿಷ ಅಲ್ಲಿಯೇ ಕೈಯಾಡಿಸಿ. ಬಳಿಕ ಒಂದು ಬಟ್ಟೆಯಿಂದ ಅದನ್ನು ತೆಗೆಯಿರಿ. ಬಳಿಕ ಅದರ ಮೇಲೆ ಸ್ವಲ್ಪ ಎಣ್ಣೆ ಹಾಕಿ. ಬಳಿಕ ನೀರು ಚಿಮುಕಿಸಿ, ಅದು ಚುಸ್ ಎಂದು ಸೌಂಡ್ ಬಂದ ನಂತರ ಹಿಟ್ಟನ್ನು ಹುಯ್ದರೆ ದೋಸೆ ಚೆನ್ನಾಗಿ ಏಳುತ್ತದೆ, ನೋಡಿ

Stomach Ulcer: ಟೈಮ್‌ಗೆ ಸರಿಯಾಗಿ ಊಟ ಮಾಡದಿದ್ದರೆ ಅಲ್ಸರ್ ಬರುತ್ತಾ? ಸೀಕ್ರೆಟ್ ಮಾಹಿತಿ ಇಲ್ಲಿದೆ!

Shriram Bhat — Sun, 04 Oct 2026 23:34:12 +0530

ಇಂದಿನ ಬ್ಯುಸಿ ಲೈಫ್‌ನಲ್ಲಿ ಟೈಮ್‌ಗೆ ಸರಿಯಾಗಿ ಊಟ ಮಾಡದಿರುವುದು, ಫಾಸ್ಟ್ ಫುಡ್‌ಗೆ ಅಡಿಕ್ಟ್ ಆಗುವುದು ಕಾಮನ್ ಆಗಿದೆ. ಇದರಿಂದ ಅಲ್ಸರ್ ಬರುವ ಸಾಧ್ಯತೆ ಇದೆ. ಅಲ್ಸರ್‌ನ ಪ್ರಮುಖ ಲಕ್ಷಣಗಳು ಇಲ್ಲಿವೆ.

ಹೊಟ್ಟೆಯ ಮೇಲ್ಭಾಗದಲ್ಲಿ ವಿಪರೀತ ಉರಿ ಕಾಣಿಸಿಕೊಳ್ಳುತ್ತದೆ. ವಿಶೇಷವಾಗಿ ಊಟದ ನಂತರ ಅಥವಾ ರಾತ್ರಿ ವೇಳೆ ಈ ಸಮಸ್ಯೆ ಹೆಚ್ಚಾಗುತ್ತದೆ. ಊಟ ಮಾಡಿದ ತಕ್ಷಣ ಸ್ವಲ್ಪ ರಿಲೀಫ್ ಸಿಗಬಹುದು.

ತುಂಬಾ ಖಾರ ಅಥವಾ ಎಣ್ಣೆಯಂಶ ಇರುವ ಆಹಾರ ತಿಂದಾಗ ಹೊಟ್ಟೆ ಭಾರವಾಗುತ್ತದೆ. ಹೊಟ್ಟೆ ಉಬ್ಬರ ಮತ್ತು ವಾಂತಿ ಬರುವಂತಹ ಅನುಭವ ಕೂಡ ಆಗುತ್ತದೆ.

ಸರಿಯಾಗಿ ಹಸಿವಾಗುವುದಿಲ್ಲ. ಸ್ವಲ್ಪ ಊಟ ಮಾಡಿದರೂ ಹೊಟ್ಟೆ ತುಂಬಿದಂತೆ ಅನಿಸುತ್ತದೆ. ಇದರಿಂದ ದಿನ ಕಳೆದಂತೆ ದೇಹದ ತೂಕ ಕೂಡ ಕಡಿಮೆಯಾಗುತ್ತದೆ.

ಆಗಾಗ ಅಸಿಡಿಟಿ ಸಮಸ್ಯೆ ಕಾಡುತ್ತದೆ. ಹುಳಿ ತೇಗು ಬರುವುದು ಮತ್ತು ಬಾಯಿಯಲ್ಲಿ ಹುಳಿ ರುಚಿ ಇರುವುದು ಇದರ ಪ್ರಮುಖ ಲಕ್ಷಣವಾಗಿದೆ.

ರಕ್ತ ವಾಂತಿ, ಕಪ್ಪು ಬಣ್ಣದ ಮಲ ವಿಸರ್ಜನೆ, ತೂಕ ಇಳಿಕೆ ಮತ್ತು ವಿಪರೀತ ಹೊಟ್ಟೆ ನೋವು ಕಾಣಿಸಿಕೊಂಡರೆ ತಕ್ಷಣ ವೈದ್ಯರನ್ನು ಭೇಟಿಯಾಗಿ. ಇದು ರಕ್ತಸ್ರಾವದ ಅಲ್ಸರ್ ಲಕ್ಷಣವಾಗಿರಬಹುದು.

ಹಿಟ್ಟಿನ ಡಬ್ಬದಲ್ಲಿ ಹುಳುಗಳ ಕಾಟವೇ? ಈ ಒಂದು ಎಲೆ ಹಾಕಿ, ಆ ಚಿಂತೆ ಮರೆತುಬಿಡಿ!

Shriram Bhat — Tue, 06 Oct 2026 14:33:48 +0530

ನಾವು ಅಡುಗೆಮನೆಯಲ್ಲಿ ಗೋಧಿ ಹಿಟ್ಟು, ಮೈದಾ ಅಥವಾ ಅಕ್ಕಿ ಹಿಟ್ಟನ್ನು ಇಟ್ಟಾಗ ಕೆಲವೇ ದಿನಗಳಲ್ಲಿ ಸಣ್ಣ ಕಪ್ಪು ಹುಳಗಳು ಮತ್ತು ಬಿಳಿ ಬೂಸ್ಟ್ ಬರುವುದನ್ನು ನೋಡುತ್ತೇವೆ. ತೇವಾಂಶ ಹೆಚ್ಚಿರುವಾಗ ಹಿಟ್ಟಿನಲ್ಲಿ ಹುಳಗಳು ಸುಲಭವಾಗಿ ಮೊಟ್ಟೆ ಇಡುತ್ತವೆ. ಬಹಳಷ್ಟು ಜನ ಅಂಗಡಿಯಲ್ಲಿ ಸಿಗುವ ಕೆಮಿಕಲ್ ಮಾತ್ರೆಗಳನ್ನು ತಂದು ಡಬ್ಬಕ್ಕೆ ಹಾಕುತ್ತಾರೆ. ಆದರೆ ನಾವು ಪ್ರತಿದಿನ ತಿನ್ನುವ ಆಹಾರದಲ್ಲಿ ಕೆಮಿಕಲ್ ಬಳಸುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಇದರ ಬದಲು ನಮ್ಮ ತೋಟದಲ್ಲಿ ಅಥವಾ ಹಿತ್ತಲಲ್ಲಿ ಇರುವ ಲಕ್ಕಿ ಸೊಪ್ಪು ಅಥವಾ ಲಕ್ಕಿ ಎಲೆ ಬಳಸಿದರೆ ಈ ಸಮಸ್ಯೆಗೆ ಶಾಶ್ವತ ಪರಿಹಾರ ಸಿಗುತ್ತೆ.

ಲಕ್ಕಿ ಸೊಪ್ಪು ನೈಸರ್ಗಿಕ ಕೀಟನಾಶಕದಂತೆ ಕೆಲಸ ಮಾಡುತ್ತೆ. ಇದರಲ್ಲಿ ವಿಶೇಷ ಸುಗಂಧ ತೈಲಗಳು ಇವೆ. ಈ ಎಲೆಯ ಘಾಟು ವಾಸನೆ ನಮಗೆ ಇಷ್ಟವಾದರೂ, ಹಿಟ್ಟಿನಲ್ಲಿರುವ ಸಣ್ಣ ಹುಳಗಳಿಗೆ ಮತ್ತು ಕೀಟಗಳಿಗೆ ಇದು ಆಗಿಬರಲ್ಲ. ಆ ವಾಸನೆಗೆ ಹುಳಗಳು ಡಬ್ಬದ ಹತ್ತಿರವೂ ಸುಳಿಯಲ್ಲ. ಕೆಮಿಕಲ್ ಮಾತ್ರೆಗಳಂತೆ ಇದು ಹಿಟ್ಟಿನ ರುಚಿ ಅಥವಾ ಗುಣವನ್ನು ಬದಲಾಯಿಸುವುದಿಲ್ಲ. ಇದು ಯಾವುದೇ ಅಡ್ಡಪರಿಣಾಮಗಳಿಲ್ಲದ ಸಂಪೂರ್ಣ ಸುರಕ್ಷಿತ ಮತ್ತು ನೈಸರ್ಗಿಕ ವಿಧಾನ.

ನೀವು ಹಿಟ್ಟು ತುಂಬುವ ಮುನ್ನ ಡಬ್ಬವನ್ನು ಒದ್ದೆ ಇಲ್ಲದಂತೆ ಒರೆಸಿ ಚೆನ್ನಾಗಿ ಒಣಗಿಸಬೇಕು. ಹಿಟ್ಟು ಹಾಕಿದ ಮೇಲೆ ಅದರ ಪ್ರಮಾಣಕ್ಕೆ ತಕ್ಕಂತೆ, ಲಕ್ಕಿ ಸೊಪ್ಪು ಅಥವಾ ಕೆಲವು ಎಲೆಗಳನ್ನು ಅಥವಾ ಒಂದು ಗೊಂಚಲನ್ನು ಹಿಟ್ಟಿನ ಮಧ್ಯದಲ್ಲಿ ಮತ್ತು ಮೇಲ್ಭಾಗದಲ್ಲಿ ಇಡಬೇಕು. ಆಮೇಲೆ ಗಾಳಿ ಹೋಗದಂತೆ ಡಬ್ಬದ ಮುಚ್ಚಳವನ್ನು ಟೈಟ್ ಆಗಿ ಮುಚ್ಚಿ. ಕೆಲವು ತಿಂಗಳ ನಂತರ ಎಲೆಗಳ ಘಾಟು ಕಡಿಮೆಯಾಗಿದೆ ಎನಿಸಿದರೆ, ಹಳೆಯ ಎಲೆಗಳನ್ನು ತೆಗೆದು ಹೊಸ ಎಲೆಗಳನ್ನು ಇಡಿ. ಒಂದು ರೂಪಾಯಿ ಖರ್ಚಿಲ್ಲದೆ ಹಿಟ್ಟನ್ನು ಫ್ರೆಶ್ ಆಗಿ ಇಡಲು ಇದಕ್ಕಿಂತ ಒಳ್ಳೆ ಐಡಿಯಾ ಬೇರೊಂದಿಲ್ಲ.

ಉಪ್ಪಿನ ಡಬ್ಬಿಯಲ್ಲಿ ಅಕ್ಕಿ ಏಕೆ ಇಡುತ್ತಾರೆ? ಕಾರಣ ತಿಳಿದ್ರೆ ನೀವು ಕೂಡ ಹೀಗೆ ಮಾಡ್ತೀರಾ!

Pavna Das — Mon, 05 Oct 2026 13:19:36 +0530

Kitchen Trick: ಉಪ್ಪು ಡಬ್ಬಿಯಲ್ಲಿ ಸ್ವಲ್ಪ ಅಕ್ಕಿ ಕಾಳು ಹಾಕಿಡೋದನ್ನು ನೀವು ನೋಡಿದ್ದೀರ? ಇದು ಹಲವು ಮನೆಗಳಲ್ಲಿ ಅನುಸರಿಸುವ ಹಳೆಯ ಮನೆಮದ್ದು. ಹಾಗಾದರೆ ಇದರ ಹಿಂದಿರುವ ನಿಜವಾದ ಕಾರಣವೇನು? ಇದು ಹೇಗೆ ಕೆಲಸ ಮಾಡುತ್ತದೆ ಎಂಬುದನ್ನು ತಿಳಿಯೋಣ.

ಅಡುಗೆ ಮನೆಯಲ್ಲಿ ಇಟ್ಟಿರುವ ಉಪ್ಪಿನ ಡಬ್ಬಿ ಕೆಲ ಸಮಯದ ನಂತರ ತೇವವಾಗುವುದು ಸಾಮಾನ್ಯ. ವಿಶೇಷವಾಗಿ ಮಳೆಗಾಲದಲ್ಲಿ ಅಥವಾ ಗಾಳಿಯಲ್ಲಿ ತೇವಾಂಶ ಹೆಚ್ಚಿರುವಾಗ ಉಪ್ಪಿನ ಕಣಗಳು ಒಂದಕ್ಕೊಂದು ಅಂಟಿಕೊಂಡು ಗಟ್ಟಿಯಾಗುತ್ತವೆ. ಇದರಿಂದ ಉಪ್ಪನ್ನು ಡಬ್ಬಿಯಿಂದ ತೆಗೆಯುವುದು ಕಷ್ಟವಾಗುತ್ತದೆ. ಈ ಸಮಸ್ಯೆಯನ್ನು ತಪ್ಪಿಸಲು ಹಲವು ಮನೆಗಳಲ್ಲಿ ಉಪ್ಪಿನ ಡಬ್ಬಿಗೆ ಸ್ವಲ್ಪ ಅಕ್ಕಿಯನ್ನು ಹಾಕಿ ಇಡುತ್ತಾರೆ. ನಿಮ್ಮ ಮನೆಯಲ್ಲಿಯೂ ಅಥವಾ ಸಂಬಂಧಿಕರ ಅಡುಗೆ ಮನೆಯಲ್ಲಿಯೂ ಇದನ್ನು ನೋಡಿರಬಹುದು. ಆದರೆ ಉಪ್ಪಿನ ಜೊತೆಗೆ ಅಕ್ಕಿಯನ್ನೇ ಏಕೆ ಇಡುತ್ತಾರೆ ಎಂದು ಎಂದಾದರೂ ಯೋಚಿಸಿದ್ದೀರಾ? ಇದು ತೇವಾಂಶವನ್ನು ನಿಯಂತ್ರಿಸಲು ಬಳಸುವ ಸರಳ ವಿಧಾನವಾಗಿದೆ. ಇದು ಹೇಗೆ ಕೆಲಸ ಮಾಡುತ್ತದೆ ಮತ್ತು ಉಪ್ಪನ್ನು ಒಣವಾಗಿಡಲು ಇನ್ನೇನು ಮಾಡಬಹುದು ಎಂಬುದನ್ನು ತಿಳಿಯೋಣ.

ಉಪ್ಪಿನ ಸ್ವಭಾವವೇ ಸುತ್ತಮುತ್ತಲಿನ ಗಾಳಿಯಲ್ಲಿರುವ ತೇವಾಂಶವನ್ನು ತನ್ನತ್ತ ಸೆಳೆಯುವುದು. ವಿಜ್ಞಾನದಲ್ಲಿ ಇದನ್ನು ಹೈಗ್ರೋಸ್ಕೋಪಿಕ್ ನೇಚರ್ (Hygroscopic Nature) ಎಂದು ಕರೆಯಲಾಗುತ್ತದೆ. ಗಾಳಿಯಲ್ಲಿ ತೇವಾಂಶ ಹೆಚ್ಚಾದಾಗ ಉಪ್ಪಿನ ಕಣಗಳ ಮೇಲ್ಮೈಯಲ್ಲಿ ನೀರಿನ ತೆಳುವಾದ ಪದರ ರೂಪುಗೊಳ್ಳುತ್ತದೆ. ಇದರಿಂದ ಕ್ರಮೇಣ ಉಪ್ಪಿನ ಕಣಗಳು ಒಂದಕ್ಕೊಂದು ಅಂಟಿಕೊಂಡು ಡಬ್ಬಿಯಲ್ಲಿ ಉಂಡೆಗಳಾಗುತ್ತವೆ. ಅಡುಗೆ ಮಾಡುವಾಗ ಉಂಟಾಗುವ ಆವಿ, ಒದ್ದೆಯಾದ ಕೈಗಳು ಅಥವಾ ಒದ್ದೆಯಾದ ಚಮಚವನ್ನು ಬಳಸುವುದರಿಂದಲೂ ಉಪ್ಪಿನ ಡಬ್ಬಿಯೊಳಗೆ ತೇವಾಂಶ ಸೇರುತ್ತದೆ. ಮಳೆಗಾಲದಲ್ಲಿ ಈ ಸಮಸ್ಯೆ ಹೆಚ್ಚಾಗಿ ಕಾಣಿಸಿಕೊಳ್ಳಲು ಇದೇ ಪ್ರಮುಖ ಕಾರಣ.

ಉಪ್ಪಿನ ಡಬ್ಬಿಗೆ ಕೆಲವು ಒಣ ಅಕ್ಕಿಕಾಳುಗಳನ್ನು ಹಾಕುವುದರಿಂದ ಉಪ್ಪಿನಲ್ಲಿರುವ ತೇವಾಂಶವನ್ನು ಕಡಿಮೆ ಮಾಡಲು ಸಹಾಯವಾಗುತ್ತದೆ. ಅಕ್ಕಿ ಒಣವಾಗಿದ್ದು, ಅದರ ಕಾಳುಗಳು ಡಬ್ಬಿಯೊಳಗಿನ ಕೆಲವು ತೇವಾಂಶವನ್ನು ಹೀರಿಕೊಳ್ಳಲು ಅಥವಾ ಹಿಡಿದಿಟ್ಟುಕೊಳ್ಳಲು ಸಹಾಯ ಮಾಡುತ್ತವೆ. ಜೊತೆಗೆ ಅಕ್ಕಿಯ ಕಾಳುಗಳು ಉಪ್ಪಿನ ಸಣ್ಣ ಕಣಗಳು ಒಂದಕ್ಕೊಂದು ಅಂಟಿಕೊಳ್ಳುವುದನ್ನು ಕಡಿಮೆ ಮಾಡಲು ಸಹಾಯಕವಾಗುತ್ತವೆ. ಆದರೆ ಡಬ್ಬಿಯೊಳಗೆ ಹೆಚ್ಚಿನ ಪ್ರಮಾಣದ ನೀರು ಅಥವಾ ನಿರಂತರವಾಗಿ ತೇವಾಂಶ ಸೇರುತ್ತಿದ್ದರೆ, ಕೇವಲ ಅಕ್ಕಿ ಹಾಕುವುದರಿಂದ ಸಮಸ್ಯೆ ಸಂಪೂರ್ಣವಾಗಿ ನಿವಾರಣೆಯಾಗುವುದಿಲ್ಲ. ಅಂತಹ ಸಂದರ್ಭದಲ್ಲಿ ತೇವಾಂಶ ಒಳಗೆ ಬರುತ್ತಿರುವ ಕಾರಣವನ್ನು ಮೊದಲು ಸರಿಪಡಿಸಬೇಕು.

ಇದಕ್ಕಾಗಿ ಹೆಚ್ಚಿನ ಪ್ರಮಾಣದ ಅಕ್ಕಿಯ ಅಗತ್ಯವಿಲ್ಲ. ಉಪ್ಪಿನ ಡಬ್ಬಿಯ ಗಾತ್ರಕ್ಕೆ ಅನುಗುಣವಾಗಿ ಕೆಲವು ಒಣ ಅಕ್ಕಿಕಾಳುಗಳು ಸಾಕಾಗುತ್ತವೆ. ದೊಡ್ಡ ಡಬ್ಬಿಯಾಗಿದ್ದರೆ ಸ್ವಲ್ಪ ಹೆಚ್ಚು ಪ್ರಮಾಣ ಬಳಸಬಹುದು. ಅಕ್ಕಿಕಾಳುಗಳು ಸಂಪೂರ್ಣವಾಗಿ ಒಣವಾಗಿರಬೇಕು ಎಂಬುದನ್ನು ಗಮನದಲ್ಲಿಟ್ಟುಕೊಳ್ಳಿ. ಒದ್ದೆಯಾದ ಅಥವಾ ತೇವಾಂಶವಿರುವ ಅಕ್ಕಿಯನ್ನು ಹಾಕಿದರೆ ಪ್ರಯೋಜನವಾಗುವ ಬದಲು ಉಪ್ಪಿನಲ್ಲಿ ತೇವಾಂಶ ಹೆಚ್ಚಾಗಬಹುದು. ಅಕ್ಕಿಕಾಳುಗಳು ತೇವಾಂಶವನ್ನು ಹೀರಿಕೊಂಡು ಮೃದುವಾಗಿದ್ದರೆ, ಅವುಗಳನ್ನು ಕಾಲಕಾಲಕ್ಕೆ ಬದಲಾಯಿಸುವುದು ಉತ್ತಮ.

ಉಪ್ಪಿಗೆ ಅಕ್ಕಿ ಹಾಕುವುದರ ಜೊತೆಗೆ ಕೆಲವು ಸಣ್ಣ ಅಭ್ಯಾಸಗಳು ಉಪ್ಪಿನಲ್ಲಿ ತೇವಾಂಶ ಹೆಚ್ಚಾಗುವುದನ್ನು ತಡೆಯಲು ಸಹಾಯ ಮಾಡುತ್ತವೆ.

ಉಪ್ಪಿನ ಡಬ್ಬಿಯನ್ನು ಯಾವಾಗಲೂ ಒಣ ಸ್ಥಳದಲ್ಲಿ ಇಡಿ. ಗ್ಯಾಸ್‌ನ ಆವಿ ಅಥವಾ ಸಿಂಕ್‌ನ ಪಕ್ಕದಲ್ಲೇ ಇಡುವುದನ್ನು ತಪ್ಪಿಸಿ. ಉಪ್ಪು ತೆಗೆದುಕೊಳ್ಳುವಾಗ ಸದಾ ಒಣ ಚಮಚವನ್ನು ಬಳಸಿ. ಡಬ್ಬಿಯ ಮುಚ್ಚಳವನ್ನು ಸಹ ಸರಿಯಾಗಿ ಮುಚ್ಚಿ ಇಡುವುದು ಬಹಳ ಮುಖ್ಯ.

ಮನೆಯಲ್ಲೇ ಬೆಳ್ಳುಳ್ಳಿ ಬೆಳೆಯೋದು ಹೇಗೆ? ಸುಲಭದ ದಾರಿ ಇದು!

Shriram Bhat — Sun, 04 Oct 2026 20:03:05 +0530

ಬೆಳ್ಳುಳ್ಳಿಯನ್ನು ನಮ್ಮ ಮನೆಯಲ್ಲೇ ಸುಲಭವಾಗಿ ಬೆಳೆಯಬಹುದು. ಆದರೆ, ಅದಕ್ಕೂ ಮುನ್ನ ನೀವು ಕೆಲವು ಪ್ರಮುಖ ವಿಚಾರಗಳನ್ನು ತಿಳಿದುಕೊಳ್ಳಬೇಕು.

ಟೊಮೆಟೊ ತಿಂದ್ರೆ ಆರೋಗ್ಯಕ್ಕೆ ಇವೆಲ್ಲಾ ಅದ್ಭುತ ಲಾಭಗಳಿವೆ ನೋಡಿ!

Shriram Bhat — Sun, 04 Oct 2026 20:22:11 +0530

ನಮ್ಮ ದೈನಂದಿನ ಅಡುಗೆಯಲ್ಲಿ ಬಳಸುವ ಟೊಮೆಟೊ ಕೇವಲ ರುಚಿಗೆ ಮಾತ್ರವಲ್ಲ, ಆರೋಗ್ಯಕ್ಕೂ ಬಹಳ ಒಳ್ಳೆಯದು. ಟೊಮೆಟೊ ತಿನ್ನುವುದರಿಂದ ಸಿಗುವ 7 ಪ್ರಮುಖ ಆರೋಗ್ಯ ಪ್ರಯೋಜನಗಳು ಇಲ್ಲಿವೆ.

ಉತ್ತರ ಕರ್ನಾಟಕ ಶೈಲಿಯ ಖಾರಾ ಮಂಡಕ್ಕಿ ರೆಸಿಪಿ: 5 ನಿಮಿಷದಲ್ಲಿ ತಯಾರಿಸಿ, ಸಂಜೆ ಮಳೆಗೆ ಚಹಾ ಜೊತೆ ಸವಿಯಿರಿ, ಇಲ್ಲಿದೆ ರೆಸಿಪಿ!

Ravi Janekal — Tue, 06 Oct 2026 12:37:32 +0530

ಬೆಂಗಳೂರಿನ ವಾತಾವರಣವು ಕ್ಷಣ ಕ್ಷಣಕ್ಕೂ ಬದಲಾಗುತ್ತಿದೆ. ಬೆಳಗ್ಗೆ ಬಿಸಿಲಿದ್ದರೆ ಮಧ್ಯಾಹ್ನವೇಳೆ ಮೋಡ, ಸಂಜೆ ಕಾರ್ಮೋಡ ಗುಡುಗು ಸಿಡಿಲಿನೊಂದಿಗೆ ಭರ್ಜರಿ ಮಳೆ ಜೊತೆಗೆ ಮೈನಡುಗಿಸುವ ತಂಪು ಮಳೆಯಲ್ಲಿ ಏನಾದ್ರೂ ಚುರುಮುರಿ ತಿನ್ನಬೇಕು ಅನಿಸುತ್ತೆ. ಖಾರಾ ಮಂಡಕ್ಕಿ ತಿನ್ನೋಣವೆಂದರೆ ಮಳೆಯಲ್ಲಿ ದೂರ ಹೋಗುವುದು ಆಗದು. ಮನೆಯಲ್ಲೇ ಖಾರಾ ಮಂಡಕ್ಕಿ ಮಾಡೋಣ ಎಂದರೆ ರೆಸಿಪಿ ಗೊತ್ತಿಲ್ಲದೆ ಹೇಗೆ ಮಾಡುವುದು ಎಂಬ ಯೋಚನೆ. ಇಂಥವರಿಗೆ ನಾವು ಇಂದು ಖಾರಾ ಮಂಡಕ್ಕಿ ಹೇಗೆ ಕೆಲವೇ ನಿಮಿಷಗಳಲ್ಲಿ ತಯಾರಿಬಹುದು ಅನ್ನೋದು ತಿಳಿಸುತ್ತೇವೆ. ಈ ವಿಧಾನ ಸುಲಭವಾಗಿದೆ. ಒಮ್ಮೆ ಈ ಲೇಖನ ಓದಿ ಮುಗಿಸುತ್ತಿದ್ದಂತೆ ಇಂದು ಸಂಜೆಯೇ ಖಾರಾ ಮಂಡಕ್ಕಿಯೊಂದಿಗೆ ಮಳೆಯನ್ನ ನೋಡುತ್ತಾ ಎಂಜಾಯ್ ಮಾಡಬಹುದು.

ಉತ್ತರ ಕರ್ನಾಟಕ ಶೈಲಿಯ ಖಾರಾ ಮಂಡಕ್ಕಿ ಮಾಡುವ ವಿಧಾನ

ಉತ್ತರ ಕರ್ನಾಟಕ ಎಂದರೆನೇ ಅಲ್ಲಿ ಖಾರಾ ಮಸಾಲೆ ಇರಲೇಕು. ಚಳಿಗಾಲ, ಮಳೆಗಾಲದಲ್ಲಿ ಖಾರಾ ಮಂಡಕ್ಕಿ ತಿನ್ನುತ್ತಿದ್ದರೆ ಮೈಯಲ್ಲ ಬಿಸಿ, ಚಳಿ ಮಳೆಯ ಎಫೆಕ್ಟ್ ಇರಲ್ಲ. ಹೌದು ಖಾರಾ ಮಂಡಕ್ಕಿ ಇದರೊಂದಿಗೆ ಹಸಿಮೆಣಸಿನಕಾಯಿ ಈರುಳ್ಳಿ ಇದ್ದರಂತೂ ಆಹಾ..!

ಖಾರಾ ಮಂಡಕ್ಕಿ ಮಾಡುವ ವಿಧಾನವನ್ನ ಇಲ್ಲಿ ಹಂತ ಹಂತವಾಗಿ ವಿವರಿಸುತ್ತೆವೆ. ಮಂಡಾಳು(ಚುರುಮುರಿ), ಹುರಿದ ಶೇಂಗಾ, ಮೆಣಸಿನಕಾಯಿ, ಈರುಳ್ಳಿ, ಕರಿಬೇವಿನ ಮಿಶ್ರಣವಾಗಿದೆ. ಈ ಖಾರಾ ಮಂಡಕ್ಕಿ ಸಂಜೆ ಮಳೆ ನಡುವೆ ಚಹಾ ಇರುತ್ತಾ ತಿನ್ನುವುದು ಸಖತ್ ಟೇಸ್ಟ್. ತಿಂದೇ ಅನುಭವಿಸಬೇಕು.

ಬೆಂಗಳೂರಿನಂಹ ಆಗಾಗ ಸುರಿಯುವ ಮಳೆಗೆ ಈ ರುಚಿಕರವಾದ, ಸುಲಭವಾಗಿಯೂ ತಯಾರಿಸಬಹುದು. ಇದಕ್ಕೆ ಹೆಚ್ಚು ಸಮಯ ಬೇಕಿಲ್ಲ.ಮಕ್ಕಳಿಗೂ ಇದನ್ನ ಸಂಜೆಯ ತಿಂಡಿಗೆ ಪಕ್ಕಾ ಇಷ್ಟಪಡ್ತಾರೆ. ಉತ್ತರ ಕರ್ನಾಟಕದ ಈ ಖಾರಾ ಮಂಡಕ್ಕಿ ಅದೆಷ್ಟು ರುಚಿಕರ ಎಂದರೆ ಇದನ್ನ ಒಮ್ಮೆ ತಯಾರಿಸಿ ಗಾಳಿಯಾಡದ ಡಬ್ಬಿಯಲ್ಲಿಟ್ಟರೆ ಹದಿನೈದಿಪ್ಪತ್ತು ದಿನಗಳಿಗೂ ತಿನ್ನಬಹುದು. ಅದೇ ಕ್ರಿಸ್ಪಿ, ರುಚಿ! ಇದನ್ನ ಬೆಂಗಳೂರಿನಂತಹ ಸಿಟಿಯಲ್ಲಿ ಖಾರಾ ಪುರಿ, ಕಡ್ಲೆಪುರಿ, ಖಾರಾ ಫಾರ್ಮುಲಾ, ಖಾರಾ ಕುರ್ಮುರಾ ಅನೇಕ ಹೆಸರುಗಳಿಂದ ಕರೆಯುತ್ತಾರೆ, ರುಚಿಯೂ ಬೇರೆ ಬೇರೆಯಾಗಿರುತ್ತದೆ. ಆದರೆ ಉತ್ತರ ಕರ್ನಾಟಕದ ಖಾರಾ ಮಂಡಕ್ಕಿ ರುಚಿಯೇ ಬೇರೆ. ಇದಕ್ಕೆ ಯಾವುದೂ ಸರಿಸಾಟಿ ಆಗದು.

ಖಾರಾ ಮಂಡಕ್ಕಿ ಮಾಡುವ ವಿಧಾನ:

ಉತ್ತರ ಕರ್ನಾಟಕ ಶೈಲಿಯ ಖಾರಾ ಮಂಡಕ್ಕಿ ಮಾಡುವ ವಿಧಾನ ನೋಡೋಲು ಸುಲಭ. ಮಾಡೋಕೂ ಸುಲಭ ಆದರೆ ಒಂದು ಸಣ್ಣ ತಪ್ಪಾದರೂ ರುಚಿ ಬಣ್ಣ ಕೆಡುತ್ತದೆ. ಸರಿಯಾಗಿ ಮಾಡುವ ವಿಧಾನ ಹೇಗೆಂಬುದು ಇಲ್ಲಿ ತಿಳಿಯಿರಿ.

ಖಾರಾ ಮಂಡಕ್ಕಿ ಮಾಡಲು ಬೇಕಾಗುವ ಸಾಮಗ್ರಿಗಳು:

200 ಗ್ರಾಂ ಮಂಡಕ್ಕಿ ಅಥವಾ ಪಫ್ಡ್ ರೈಸ್
ಚಮಚ ಕಡಲೆಕಾಯಿ ಅಥವಾ ಶೇಂಗಾ
3 ಟೇಬಲ್ಸ್ಪೂನ್ ಹುರಿದ ಕಡಲೆ
1 ಟೀಸ್ಪೂನ್ ಸಾಸಿವೆ
1 ಟೀಸ್ಪೂನ್ ಜೀರಿಗೆ
1 ಕೆಂಪು ಮೆಣಸಿನಕಾಯಿ
ಒಂದು ಅಥವಾ ಎರಡು ಹಸಿ ಮೆಣಸಿನಕಾಯಿಗಳು
5 - 6 ಬೆಳ್ಳುಳ್ಳಿ ಎಸಳುಗಳು, ಜಜ್ಜಿದ್ದು
2 ಚಮಚ ಎಣ್ಣೆ
1 ಟೀಸ್ಪೂನ್ ಕೆಂಪು ಮೆಣಸಿನ ಪುಡಿ (ನಿಮಗೆ ಎಷ್ಟು ಅಗತ್ಯವೋ ಅಷ್ಟು)
1/4 ಟೀಸ್ಪೂನ್ ಅರಿಶಿನ ಪುಡಿ
7 - 8 ಕರಿಬೇವು ಎಲೆಗಳು
1 ಟೀಸ್ಪೂನ್ ಉಪ್ಪು (ಅಥವಾ ನಿಮ್ಮ ರುಚಿಗೆ ತಕ್ಕಂತೆ)

ಈಗ ಖಾರ ಮಂಡಕ್ಕಿ ಅಥವಾ ಮಂಡಕ್ಕಿ ಚಿವ್ಡಾ ಮಾಡಲು ಸೂಚನೆಗಳು:

ಒಂದು ಪ್ಯಾನ್‌ನಲ್ಲಿ 2 ಚಮಚ ಎಣ್ಣೆ ಬಿಸಿ ಮಾಡಿ, ಅದಕ್ಕೆ ಶೇಂಗಾ ಸೇರಿಸಿ, ಅದು ಸಿಡಿಯಲು ಪ್ರಾರಂಭವಾಗುವವರೆಗೆ ಹುರಿಯಿರಿ.

ಸಾಸಿವೆ ಮತ್ತು ಜೀರಿಗೆ ಸೇರಿಸಿ. ಸ್ವಲ್ಪ ಹೊತ್ತಿನಲ್ಲೇ ಸಾಸಿವೆ ಮತ್ತು ಜೀರಿಗೆ ಸಿಡಿಯುತ್ತದೆ. ಆಗ ತೆಗೆಯಿರಿ.

ನಂತರ ತುಂಡು ಮಾಡಿದ ಕೆಂಪು ಮೆಣಸಿನಕಾಯಿ, ಸೀಳಿದ ಹಸಿರು ಮೆಣಸಿನಕಾಯಿ, ಕರಿಬೇವು ಮತ್ತು ಜಜ್ಜಿದ ಬೆಳ್ಳುಳ್ಳಿ ಸೇರಿಸಿ ಸ್ವಲ್ಪ ಹೊತ್ತು ಹುರಿಯಿರಿ.

ಈಗ ಹುರಿದ ಶೇಂಗಾ ಅಥವಾ ಕಡಲೆಕಾಯಿ ಅಥವಾ ಪುಟಾಣಿ ಸೇರಿಸಿ ಬೇಗನೆ ಮಿಶ್ರಣ ಮಾಡಿ.

ಕೆಂಪು ಮೆಣಸಿನ ಪುಡಿ, ಅರಿಶಿನ ಪುಡಿ ಮತ್ತು ಉಪ್ಪು ಸೇರಿಸಿ ಬೇಗನೆ ಮಿಶ್ರಣ ಮಾಡಿ.

ಎಲ್ಲ ಮಿಕ್ಸ್ ಆಗಿ ಒಗ್ಗರಣೆ ಆಗಿರುತ್ತಲ್ಲ, ಈಗ ಮಂಡಾಳು ಇರುವ ಪಾತ್ರೆಗೆ ಹಾಕಿ ಐದು ನಿಮಿಷಗಳ ಕಾಲ ತುಂಬಾ ಚೆನ್ನಾಗಿ ಅರಶಿಣ ಬಣ್ಣಕ್ಕೆ ತಿರುಗುವವರೆಗೆ ಮಂಡಕ್ಕಿ ಉದ್ದನೆಯ ಚಮಚ ಅಥವಾ ಕೈಗಳಿಂದಲೇ ಮಿಶ್ರಣ ಮಾಡಿ. ಈಗ ಗರಿಗರಿಯಾದ ಮಂಡಕ್ಕಿ ಸಿದ್ಧವಾಗಿರುತ್ತೆ.

ಇದರೊಂದಿಗೆ ಮೆಣಸಿನ ಕಾಯಿ ಭಜಿ ಇದ್ದರೆ ಉತ್ತಮ. ಭಜಿ ಇಲ್ಲದಿದ್ರೆ ಚಿಂತೆಯಿಲ್ಲ. ಹಸಿ ಈರುಳ್ಳಿ ಸಣ್ಣ ಸಣ್ಣ ತುಂಡುಗಳನ್ನಾಗಿ ಮಾಡಿಕೊಂಡು ಖಾರಾ ಮಂಡಕ್ಕಿಯೊಂದಿಗೆ ತಿನ್ನಬಹುದು. ಜೊತೆಗೆ ಬಿಸಿ ಬಿಸಿ ಚಹಾ ಇರುತ್ತಿದ್ದರೆ, ಹೊರಗಡೆ ಮಳೆ, ತಂಪಾದ ಗಾಳಿ ಬೀಸುತ್ತಿದ್ದರೆ ಹೊತ್ತು ಸರಿದಿದ್ದೇ ಗೊತ್ತಾಗಲ್ಲ!

ಕಣ್ಣಿನ ಆರೋಗ್ಯ ಕಾಪಾಡಲು ಈ 6 ಆಹಾರಗಳನ್ನು ತಿನ್ನಿ!

Shriram Bhat — Sun, 04 Oct 2026 22:39:13 +0530

ಕಣ್ಣಿನ ದೃಷ್ಟಿ ಚುರುಕಾಗಿಸಲು ಮತ್ತು ಕಣ್ಣಿನ ಆರೋಗ್ಯವನ್ನು ಕಾಪಾಡಲು ನಿಮ್ಮ ದೈನಂದಿನ ಡಯಟ್‌ನಲ್ಲಿ ಸೇರಿಸಬೇಕಾದ 6 ಪ್ರಮುಖ ಆಹಾರಗಳ ಮಾಹಿತಿ ಇಲ್ಲಿದೆ.

ಬಿಸಿ ಬಿಸಿ ಟೀ, ಕಾಫಿ ಕುಡಿಯೋ ಅಭ್ಯಾಸ ನಿಮಗಿದ್ಯಾ? ಹಾಗಾದ್ರೆ ಈ ಕಾಯಿಲೆ ಬರಬಹುದು, ಎಚ್ಚರ!

Shriram Bhat — Sat, 03 Oct 2026 23:02:40 +0530

ಅತಿಯಾದ ಬಿಸಿ ಪಾನೀಯಗಳನ್ನು ಕುಡಿಯುವುದರಿಂದ ಅನ್ನನಾಳಕ್ಕೆ ಹಾನಿಯಾಗುತ್ತದೆ ಮತ್ತು ಕ್ಯಾನ್ಸರ್ ಬರುವ ಅಪಾಯ ಹೆಚ್ಚಿರುತ್ತದೆ ಎಂದು ಹೊಸ ಅಧ್ಯಯನವೊಂದು ಎಚ್ಚರಿಸಿದೆ.

ಅತಿಯಾದ ಬಿಸಿ ಪಾನೀಯಗಳನ್ನು ಕುಡಿಯುವುದರಿಂದ ಅನ್ನನಾಳಕ್ಕೆ ಹಾನಿಯಾಗುತ್ತದೆ. ಇದು ಕ್ಯಾನ್ಸರ್ ಬರುವ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಅಧ್ಯಯನವೊಂದು ಹೇಳಿದೆ. ಯುಕೆಯಲ್ಲಿ ಸುಮಾರು 10 ಲಕ್ಷ ಜನರ ಮೇಲೆ ಸಂಶೋಧಕರು ಈ ಅಧ್ಯಯನ ನಡೆಸಿದ್ದಾರೆ. ಬಿಸಿ ಬಿಸಿ ಟೀ, ಕಾಫಿ ಕುಡಿಯುವ ಜನರಿಗೆ ಅನ್ನನಾಳದ ಕ್ಯಾನ್ಸರ್ (Esophageal cancer) ಬರುವ ಸಾಧ್ಯತೆ ಹೆಚ್ಚು ಎಂದು ಈ ವರದಿ ತಿಳಿಸಿದೆ.

ಸಾಧಾರಣ ಬಿಸಿ ಇರುವ ಟೀ ಅಥವಾ ಕಾಫಿ ಕುಡಿಯುವವರಿಗಿಂತ, ಅತಿಯಾದ ಬಿಸಿ ಪಾನೀಯ ಕುಡಿಯುವವರಿಗೆ ಅನ್ನನಾಳದ ಕ್ಯಾನ್ಸರ್ ಬರುವ ಅಪಾಯ ಮೂರು ಪಟ್ಟು ಹೆಚ್ಚು ಎಂದು ಈ ಅಧ್ಯಯನ ಕಂಡುಹಿಡಿದಿದೆ. ಅತಿಯಾದ ಬಿಸಿ ದ್ರವವು ಹೊಟ್ಟೆಯನ್ನು ಸೇರುವಾಗ ಅನ್ನನಾಳದ ಒಳಪದರದ ಜೀವಕೋಶಗಳಿಗೆ ಹಾನಿ ಮಾಡುತ್ತದೆ.

ಪಾನೀಯಗಳು ಕುಡಿಯುವ ಹದಕ್ಕೆ ಬರುವವರೆಗೆ ಕಾಯುವುದು ಒಳ್ಳೆಯದು ಎಂದು ಸಂಶೋಧಕರು ಸಲಹೆ ನೀಡಿದ್ದಾರೆ. ದಕ್ಷಿಣ ಅಮೆರಿಕಾದಲ್ಲಿ ಜನರು 'ಮೇಟ್' (mate) ಎಂಬ ಅತಿಯಾದ ಬಿಸಿ ಗಿಡಮೂಲಿಕೆ ಪಾನೀಯವನ್ನು ಹೆಚ್ಚು ಕುಡಿಯುತ್ತಾರೆ. ಅಲ್ಲಿ ನಡೆಸಿದ ಸಂಶೋಧನೆಗಳಲ್ಲೂ ಬಿಸಿ ಪಾನೀಯ ಮತ್ತು ಅನ್ನನಾಳದ ಕ್ಯಾನ್ಸರ್ ನಡುವಿನ ಸಂಬಂಧ ಸಾಬೀತಾಗಿದೆ ಎಂದು ಸಂಶೋಧಕಿ ಡಾ. ಕೆರೆನ್ ಪಾಪಿಯರ್ ತಿಳಿಸಿದ್ದಾರೆ.

ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದ ಸಂಶೋಧಕರು ಈ ಅಧ್ಯಯನ ನಡೆಸಿದ್ದಾರೆ. 'ಇಂಟರ್ನ್ಯಾಷನಲ್ ಜರ್ನಲ್ ಆಫ್ ಕ್ಯಾನ್ಸರ್' ನಿಯತಕಾಲಿಕದಲ್ಲಿ ಈ ವರದಿ ಪ್ರಕಟವಾಗಿದೆ. 65 ಡಿಗ್ರಿ ಸೆಲ್ಸಿಯಸ್ ಅಥವಾ ಅದಕ್ಕಿಂತ ಹೆಚ್ಚಿನ ತಾಪಮಾನ ಇರುವ ಪಾನೀಯಗಳನ್ನು ಸಂಶೋಧಕರು "ಅತಿಯಾದ ಬಿಸಿ" ಎಂದು ಕರೆದಿದ್ದಾರೆ. ದಿನಕ್ಕೆ ಆರು ಅಥವಾ ಅದಕ್ಕಿಂತ ಹೆಚ್ಚು ಬಾರಿ ಇಂತಹ ಬಿಸಿ ಪಾನೀಯ ಕುಡಿಯುವುದು ಆರೋಗ್ಯಕ್ಕೆ ಅಪಾಯಕಾರಿ ಎಂದು ಅವರು ಹೇಳಿದ್ದಾರೆ.

ಅನ್ನನಾಳಕ್ಕೆ ಕಿರಿಕಿರಿ ಉಂಟುಮಾಡುವ ಅಭ್ಯಾಸಗಳು ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸುತ್ತವೆ. ಆಹಾರ ನುಂಗಲು ಕಷ್ಟವಾಗುವುದು, ಮದ್ಯಪಾನ, ಧೂಮಪಾನ, ಬೊಜ್ಜು, ಗ್ಯಾಸ್ಟ್ರೋ ಈಸೋಫೇಜಿಲ್ ರಿಫ್ಲಕ್ಸ್ ಕಾಯಿಲೆ (GERD) ಮತ್ತು ಅತಿಯಾದ ಬಿಸಿ ಪಾನೀಯಗಳನ್ನು ಕುಡಿಯುವ ಅಭ್ಯಾಸಗಳು ಈ ಕ್ಯಾನ್ಸರ್‌ಗೆ ಪ್ರಮುಖ ಕಾರಣಗಳಾಗಿವೆ.

ಧೂಮಪಾನ ಮತ್ತು ಮದ್ಯಪಾನವನ್ನು ಕಡಿಮೆ ಮಾಡುವುದರಿಂದ ಸ್ಕ್ವಾಮಸ್ ಸೆಲ್ ಅನ್ನನಾಳದ ಕ್ಯಾನ್ಸರ್ ಬರುವ ಅಪಾಯವನ್ನು ತಡೆಯಬಹುದು. ಎದೆಯುರಿ, ಅಜೀರ್ಣ, ಗಂಟಲು ಅಥವಾ ಎದೆ ನೋವು ಮತ್ತು ಹಠಾತ್ ತೂಕ ಕಡಿಮೆಯಾಗುವುದು ಅನ್ನನಾಳದ ಕ್ಯಾನ್ಸರ್‌ನ ಪ್ರಮುಖ ಲಕ್ಷಣಗಳಾಗಿವೆ.

ಸ್ಕ್ವಾಮಸ್ ಸೆಲ್ ಅನ್ನನಾಳದ ಕ್ಯಾನ್ಸರ್ (Squamous cell oesophageal cancer) ತುಂಬಾ ಅಪರೂಪದ ಕಾಯಿಲೆಯಾಗಿದೆ. ಪ್ರತಿ ವರ್ಷ ಕೆಲವೇ ಸಾವಿರ ಜನರಿಗೆ ಮಾತ್ರ ಇದು ಬರುತ್ತದೆ. ಧೂಮಪಾನದಂತಹ ಇತರ ಅಭ್ಯಾಸಗಳು ಕೂಡ ಅನ್ನನಾಳದ ಕ್ಯಾನ್ಸರ್ ಬರುವ ಅಪಾಯವನ್ನು ಹೆಚ್ಚಿಸುತ್ತವೆ ಎಂದು ಸಂಶೋಧಕರು ಸ್ಪಷ್ಟಪಡಿಸಿದ್ದಾರೆ.

ಕೇವಲ 1 ಹೀರೆಕಾಯಿ, ರವೆ ಬಳಸಿ 10 ನಿಮಿಷದಲ್ಲಿ ಮಾಡಿ ಹತ್ತಿಯಂತೆ ಮೃದುವಾದ ರೊಟ್ಟಿ

Ashwini HR — Sun, 04 Oct 2026 20:32:40 +0530

ಬೆಳಗಿನ ತಿಂಡಿಗೆ ಅಥವಾ ಮಕ್ಕಳ ಲಂಚ್ ಬಾಕ್ಸ್‌ಗೆ ಪ್ರತಿದಿನ ಏನು ಮಾಡುವುದು ಎಂಬ ಚಿಂತೆ ನಿಮಗಿದೆಯೇ? ಮಕ್ಕಳು ತರಕಾರಿ ತಿನ್ನಲು ಹಠ ಮಾಡುತ್ತಿದ್ದರೆ, ಕೇವಲ 1 ಹೀರೆಕಾಯಿ ಮತ್ತು ರವೆ ಬಳಸಿ 10 ನಿಮಿಷದಲ್ಲಿ ಹತ್ತಿಯಂತೆ ಮೃದುವಾದ ರೊಟ್ಟಿ ಮಾಡಬಹುದು! ಉತ್ತರ ಕರ್ನಾಟಕ ಶೈಲಿಯ ಈ ರುಚಿಕರ ಹೀರೆಕಾಯಿ ರವೆ ರೊಟ್ಟಿ ಮಾಡುವ ಸುಲಭ ವಿಧಾನ ಇಲ್ಲಿದೆ ನೋಡಿ...

ಬೇಕಾಗುವ ಸಾಮಗ್ರಿಗಳು

ರವೆ (ಮೀಡಿಯಂ ಅಥವಾ ಚಿರೋಟಿ ರವೆ): 3 ಕಪ್ಹೀರೆಕಾಯಿ: 1 (ಸಿಪ್ಪೆ ತೆಗೆಯದೆ ನುಣ್ಣಗೆ ತುರಿದದ್ದು)ಈರುಳ್ಳಿ (ಉಳ್ಳಾಗಡ್ಡಿ): 2 (ಸಣ್ಣಗೆ ಹೆಚ್ಚಿದ್ದು)ಹಸಿಮೆಣಸಿನಕಾಯಿ ಪೇಸ್ಟ್: 1 ರಿಂದ 2 ಚಮಚ (ಖಾರಕ್ಕೆ ತಕ್ಕಂತೆ)ಜೀರಿಗೆ: 1 ಚಮಚಓಂ ಕಾಳು(ಅಜ್ವೈನ್): ಅರ್ಧ ಚಮಚಕರಿಬೇವು ಮತ್ತು ಕೊತ್ತಂಬರಿ ಸೊಪ್ಪು: ಸಣ್ಣಗೆ ಹೆಚ್ಚಿದ್ದು ಸ್ವಲ್ಪರುಚಿಗೆ ತಕ್ಕಷ್ಟು ಉಪ್ಪುಎಣ್ಣೆ ಅಥವಾ ತುಪ್ಪ: ರೊಟ್ಟಿ ಬೇಯಿಸಲು

ಮಾಡುವ ಸುಲಭ ವಿಧಾನ

*ಹೀರೆಕಾಯಿಯನ್ನು ಚೆನ್ನಾಗಿ ತೊಳೆದು, ಸಿಪ್ಪೆ ಸಮೇತವೇ ತುರಿಮಣೆಯಲ್ಲಿ ತುರಿದುಕೊಳ್ಳಿ. (ಹೀರೆಕಾಯಿಯಲ್ಲೇ ನೈಸರ್ಗಿಕ ನೀರಿನಂಶ ಹೆಚ್ಚಿರುತ್ತದೆ).

*ಒಂದು ಅಗಲವಾದ ಪಾತ್ರೆಗೆ ರವೆ, ರುಚಿಗೆ ತಕ್ಕಷ್ಟು ಉಪ್ಪು, ಸಣ್ಣಗೆ ಹೆಚ್ಚಿದ ಕರಿಬೇವು, ಕೊತ್ತಂಬರಿ ಸೊಪ್ಪು, ಜೀರಿಗೆ, ಅಜ್ವೈನ್ ಮತ್ತು ಹಸಿಮೆಣಸಿನಕಾಯಿ ಪೇಸ್ಟ್ ಹಾಕಿ ಬೆರೆಸಿ. ನಂತರ ಇದಕ್ಕೆ ತುರಿದ ಹೀರೆಕಾಯಿ ಮತ್ತು ಸಣ್ಣಗೆ ಹೆಚ್ಚಿದ ಈರುಳ್ಳಿ ಸೇರಿಸಿ ಚೆನ್ನಾಗಿ ಕಲಸಿಕೊಳ್ಳಿ.(ಹೀರೆಕಾಯಿ ಮತ್ತು ಈರುಳ್ಳಿಯಲ್ಲಿರುವ ನೈಸರ್ಗಿಕ ತೇವಾಂಶದಲ್ಲೇ ರವೆ ಚೆನ್ನಾಗಿ ನೆನೆಯುತ್ತದೆ, ಹೆಚ್ಚುವರಿ ನೀರು ಹಾಕುವ ಅಗತ್ಯವಿಲ್ಲ).

*ಹಿಟ್ಟನ್ನು 5 ನಿಮಿಷ ಮುಚ್ಚಿಡಿ. ರವೆ ತೇವಾಂಶವನ್ನು ಹೀರಿಕೊಂಡು ಮೃದುವಾದ ಹದಕ್ಕೆ ಬರುತ್ತದೆ.

*ಬಟರ್ ಪೇಪರ್, ಬಾಳೆ ಎಲೆ ಅಥವಾ ಪ್ಲಾಸ್ಟಿಕ್ ಶೀಟ್‌ಗೆ ಸ್ವಲ್ಪ ಎಣ್ಣೆ ಸವರಿ. ಒಂದು ಉಂಡೆ ಹಿಟ್ಟನ್ನಿಟ್ಟು ಕೈಯಿಂದ ನುಣುಪಾಗಿ ತಟ್ಟಿಕೊಳ್ಳಿ (ತುಂಬಾ ದಪ್ಪನೂ ಅಲ್ಲದೆ, ತುಂಬಾ ತೆಳುವೂ ಅಲ್ಲದೆ ಮೀಡಿಯಂ ಆಗಿರಲಿ).

ಹಂಚಿನಲ್ಲಿ ಬೇಯಿಸಿ

ಕಾದ ಕಬ್ಬಿಣದ ತವಾ ಅಥವಾ ಕಾವಲಿಗೆ ಸ್ವಲ್ಪ ಎಣ್ಣೆ ಸವರಿ, ತಟ್ಟಿದ ರೊಟ್ಟಿಯನ್ನು ಹಾಕಿ. ಎರಡೂ ಬದಿಗೂ ಸ್ವಲ್ಪ ಎಣ್ಣೆ/ತುಪ್ಪ ಹಾಕಿ, ಸಣ್ಣ ಕಂದು ಕಲೆಗಳು (ಕಣ್ಣು ಬೀಳುವವರೆಗೆ) ಬರುವಂತೆ ಹದವಾಗಿ ಬೇಯಿಸಿ ತೆಗೆಯಿರಿ.

ಬಿಸಿಬಿಸಿಯಾದ ಮೃದುವಾದ ಹೀರೆಕಾಯಿ ರವೆ ರೊಟ್ಟಿಯನ್ನು ತಾಜಾ ತೆಂಗಿನಕಾಯಿ ಚಟ್ನಿ ಜೊತೆ ಸವಿಯಲು ನೀಡಿದರೆ ಮಕ್ಕಳು-ದೊಡ್ಡವರೆನ್ನದೆ ಎಲ್ಲರೂ ಇಷ್ಟಪಟ್ಟು ತಿನ್ನುತ್ತಾರೆ!

ಇದು ಗಮನದಲ್ಲಿರಲಿ

ತುರಿದ ಹೀರೆಕಾಯಿ ಮತ್ತು ಹೆಚ್ಚಿದ ಈರುಳ್ಳಿಯಲ್ಲಿ ನೈಸರ್ಗಿಕ ನೀರಿನಂಶ ಹೆಚ್ಚಿರುತ್ತದೆ. ಮೊದಲು ರವೆಯೊಂದಿಗೆ ಇವೆರಡನ್ನೂ ಚೆನ್ನಾಗಿ ಕಿವುಚಿ ಕಲಸಿ. ಹಿಟ್ಟು ತುಂಬಾ ಗಟ್ಟಿ ಎನಿಸಿದರೆ ಮಾತ್ರ 1-2 ಚಮಚ ನೀರು ಚುಮುಕಿಸಿಕೊಳ್ಳಿ.

ಹೀರೆಕಾಯಿಯ ಮೇಲಿನ ಸಿಪ್ಪೆಯಲ್ಲೇ ನಾರಿನಂಶ (Fiber) ಮತ್ತು ಪೋಷಕಾಂಶಗಳು ಹೆಚ್ಚಿರುತ್ತವೆ. ಹಾಗಾಗಿ ಸಿಪ್ಪೆ ಸಮೇತವೇ ತುರಿದುಕೊಂಡರೆ ರೊಟ್ಟಿ ಹೆಚ್ಚು ಆರೋಗ್ಯಕರ ಹಾಗೂ ರುಚಿಯಾಗಿರುತ್ತದೆ.

ಹಿಟ್ಟು ಕಲಸಿದ ತಕ್ಷಣ ರೊಟ್ಟಿ ತಟ್ಟಬೇಡಿ. ಕನಿಷ್ಠ 5 ರಿಂದ 7 ನಿಮಿಷ ಮುಚ್ಚಿಟ್ಟರೆ, ರವೆ ತರಕಾರಿಯ ನೀರಿನಂಶವನ್ನು ಹೀರಿಕೊಂಡು ಮೃದುವಾಗುತ್ತದೆ. ಇದರಿಂದ ರೊಟ್ಟಿ ತಟ್ಟುವಾಗ ಬಿರುಕು ಬಿಡುವುದಿಲ್ಲ.

ಹಸಿಮೆಣಸಿನಕಾಯಿಯನ್ನು ಹೆಚ್ಚಿ ಹಾಕುವ ಬದಲು, ಮಿಕ್ಸಿಯಲ್ಲಿ ಪೇಸ್ಟ್ ಮಾಡಿ ಹಾಕಿದರೆ ಮಕ್ಕಳಿಗೆ ಊಟ ಮಾಡುವಾಗ ಬಾಯಿಗೆ ಮೆಣಸಿನಕಾಯಿ ಸಿಗುವುದಿಲ್ಲ ಮತ್ತು ಖಾರ ಸಮನಾಗಿ ಹರಡುತ್ತದೆ.

ಮೀಡಿಯಂ ಉಪ್ಪಿಟ್ಟು ರವೆ ಅಥವಾ ಚಿರೋಟಿ ರವೆ ಎರಡನ್ನೂ ಬಳಸಬಹುದು. ಒಂದು ವೇಳೆ ರವೆ ಬೇಡವೆಂದರೆ ಅದೇ ಅಳತೆಯಲ್ಲಿ ಅಕ್ಕಿ ಹಿಟ್ಟು ಬಳಸಿಯೂ ಹೀರೆಕಾಯಿ ಅಕ್ಕಿ ರೊಟ್ಟಿ ಮಾಡಬಹುದು.