Asianet Suvarna News

ನಿಮ್ಮ ಮುಖದ ಕಾಂತಿ ಹೆಚ್ಚಿಸಲಿದೆ ಹಳದಿ ಐಸ್ ಕ್ಯೂಬ್ಸ್: ವೈರಲ್ ಆಗಿರುವ ಈ ದೇಸಿ ಬ್ಯೂಟಿ ಹ್ಯಾಕ್

Santosh Naik — Tue, 26 May 2026 20:22:30 +0530

ಮುಖದ ಉಬ್ಬುವಿಕೆ ಮತ್ತು ಮಂದತೆಯನ್ನು ಕಡಿಮೆ ಮಾಡಲು ಹಳದಿ ಐಸ್ ಕ್ಯೂಬ್‌ಗಳು ಪರಿಣಾಮಕಾರಿ ಮನೆಮದ್ದಾಗಿದೆ. ಆಯುರ್ವೇದ ಮತ್ತು ಕ್ರಯೋಥೆರಪಿಯ ಈ ಮಿಶ್ರಣವು, ಅರಿಶಿನದ ಗುಣಗಳಿಂದ ಚರ್ಮಕ್ಕೆ ನೈಸರ್ಗಿಕ ಕಾಂತಿಯನ್ನು ನೀಡುತ್ತದೆ.

ನಾವೆಲ್ಲರೂ ಎಂದಾದರೂ ಒಂದಲ್ಲ ಒಂದು ಬಾರಿ ಈ ಪರಿಸ್ಥಿತಿಯನ್ನು ಎದುರಿಸಿರುತ್ತೇವೆ. ಬೆಳಗ್ಗೆ ಎದ್ದು ಕನ್ನಡಿ ನೋಡಿದಾಗ ಮುಖವು ಸುಂದರವಾಗಿ ಕಾಣುವ ಬದಲು, ವಿಪರೀತವಾಗಿ ಉಬ್ಬಿದಂತೆ (Puffy face) ಕಾಣಿಸುತ್ತದೆ. ನೀವು ಇತ್ತೀಚೆಗೆ ಸೋಶಿಯಲ್ ಮೀಡಿಯಾ ರೀಲ್ಸ್‌ಗಳನ್ನು ಗಮನಿಸಿದ್ದರೆ, ಪ್ರತಿಯೊಬ್ಬರೂ ತಮ್ಮ ಮುಖಕ್ಕೆ ಹಳದಿ ಬಣ್ಣದ ಐಸ್ ಕ್ಯೂಬ್‌ಗಳನ್ನು ಉಜ್ಜಿಕೊಳ್ಳುವುದನ್ನು ನೋಡಿರಬಹುದು. ಇದನ್ನು ಹಚ್ಚಿಕೊಳ್ಳುವಾಗ ಕೊಂಚ ಗಲೀಜಾಗಿ ಕಂಡರೂ, ಇದರ ಫಲಿತಾಂಶ ಮಾತ್ರ ನಿಜಕ್ಕೂ ಅದ್ಭುತವಾಗಿದೆ.

ಇದು ಪ್ರಾಚೀನ ಆಯುರ್ವೇದ ಮತ್ತು ಆಧುನಿಕ ‘ಕ್ರಯೋಥೆರಪಿ’ (ಐಸ್ ಚಿಕಿತ್ಸೆ) ಮಿಶ್ರಣವಾಗಿದ್ದು, ಮುಖದ ಮಂದತೆ, ಉರಿ ಹಾಗೂ ಉಬ್ಬುವಿಕೆಯನ್ನು ಏಕಕಾಲದಲ್ಲಿ ಕಡಿಮೆ ಮಾಡುವ ಅತ್ಯಂತ ಕಡಿಮೆ ವೆಚ್ಚದ ಹೋಮ್ ಮೇಡ್ ರೆಮೆಡಿಯಾಗಿದೆ.

ಐಸ್ ಕ್ಯೂಬ್ ಅನ್ನು ಮುಖಕ್ಕೆ ಉಜ್ಜಿದಾಗ ರಕ್ತನಾಳಗಳು ಸಂಕುಚಿತಗೊಂಡು ಮುಖದ ಉಬ್ಬುವಿಕೆ ಮತ್ತು ಕೆಂಪಾಗುವಿಕೆ ತಕ್ಷಣ ಕಡಿಮೆಯಾಗುತ್ತದೆ. ಐಸ್ ತೆಗೆದ ತಕ್ಷಣ ಆ ಭಾಗಕ್ಕೆ ಆಮ್ಲಜನಕಯುಕ್ತ ರಕ್ತ ವೇಗವಾಗಿ ಹರಿಯುವುದರಿಂದ ಮುಖಕ್ಕೆ ನೈಸರ್ಗಿಕ ಕಾಂತಿ ಸಿಗುತ್ತದೆ.

ಅರಿಶಿನದಲ್ಲಿರುವ ‘ಕರ್ಕ್ಯುಮಿನ್’ ಅಂಶವು ಪ್ರಬಲ ಆಂಟಿಆಕ್ಸಿಡೆಂಟ್ ಆಗಿದ್ದು, ಮೊಡವೆ ಉಂಟುಮಾಡುವ ಬ್ಯಾಕ್ಟೀರಿಯಾಗಳನ್ನು ನಾಶಪಡಿಸುತ್ತದೆ. ಅಲ್ಲದೆ, ಇದು ಚರ್ಮದ ಮೆಲನಿನ್ ಉತ್ಪಾದನೆಯನ್ನು ನಿಯಂತ್ರಿಸಿ ಕಪ್ಪು ಕಲೆ ಹಾಗೂ ಹೈಪರ್ ಪಿಗ್ಮೆಂಟೇಶನ್ ಅನ್ನು ದೂರ ಮಾಡುತ್ತದೆ.

ಮುಖ ಹಳದಿಯಾಗದಂತೆ ತಡೆಯಲು ಸಾಮಾನ್ಯ ಅರಿಶಿನದ ಬದಲು ‘ಕಸ್ತೂರಿ ಹರಿಶಿನ’ ಬಳಸಬೇಕು. 1 ಚಮಚ ಕಸ್ತೂರಿ ಅರಿಶಿನವನ್ನು ಅರ್ಧ ಕಪ್ ರೋಸ್ ವಾಟರ್ ಅಥವಾ ಅಲೋವೆರಾ ಜ್ಯೂಸ್ ಜೊತೆ ಬೆರೆಸಿ (ಒಣ ಚರ್ಮದವರು 1 ಚಮಚ ಹಾಲು/ಜೇನುತುಪ್ಪ ಸೇರಿಸಬಹುದು) ಐಸ್ ಟ್ರೇನಲ್ಲಿ 6-8 ಗಂಟೆ ಫ್ರೀಜ್ ಮಾಡಬೇಕು.

ಐಸ್ ಬರ್ನ್ ತಡೆಯಲು ಐಸ್ ಕ್ಯೂಬ್ ಅನ್ನು ನೇರವಾಗಿ ಹಚ್ಚದೆ, ತೆಳುವಾದ ಹತ್ತಿ ಬಟ್ಟೆಯಲ್ಲಿ ಸುತ್ತಿ ಮುಖದ ಮೇಲೆ 1 ರಿಂದ 2 ನಿಮಿಷ ವೃತ್ತಾಕಾರವಾಗಿ ಮಸಾಜ್ ಮಾಡಬೇಕು. ನಂತರ 5 ನಿಮಿಷ ಬಿಟ್ಟು ತಂಪಾದ ನೀರಿನಿಂದ ತೊಳೆದು ಮಾಯಿಶ್ಚರೈಸರ್ ಹಚ್ಚಬೇಕು.

Magic Bath: ಈ ಮ್ಯಾಜಿಕ್ ಸ್ನಾನದಿಂದ ಸ್ಟ್ರೆಸ್ ಔಟ್, ಸ್ಲೀಪ್ ಇನ್.. ನಿಮ್ಮ ದೇಹ-ಮನಸ್ಸು 'ಥ್ಯಾಂಕ್ಸ್' ಹೇಳುತ್ತವೆ!

Shriram Bhat — Sun, 24 May 2026 23:39:13 +0530

ಬರೀ ಒಂದೇ ಒಂದು ಹಿಡಿ ಉಪ್ಪು ನಿಮ್ಮ ಲೈಫ್ ಸ್ಟೈಲ್ ಬದಲಿಸಬಹುದು! ಈ 'ಮ್ಯಾಜಿಕ್ ಸ್ನಾನ'ದ ಬಗ್ಗೆ ನಿಮಗೆ ಗೊತ್ತಾ?

ಆಫೀಸ್ ಕೆಲಸ, ಸಿಟಿ ಟ್ರಾಫಿಕ್ ಕಿರಿಕಿರಿ, ಮನೆಯ ಜವಾಬ್ದಾರಿಗಳ ನಡುವೆ ಸಿಲುಕಿ ದಿನದ ಕೊನೆಯಲ್ಲಿ ನಮ್ಮ ದೇಹ ಅಕ್ಷರಶಃ ಪಂಚರ್ ಆದ ಟೈರ್‌ನಂತೆ ಆಗಿಬಿಟ್ಟಿರುತ್ತದೆ. ಕೈಕಾಲು ನೋವು, ಬೆನ್ನು ನೋವು ಸಾಲದೆಂಬಂತೆ ಮನಸ್ಸಿನ ತುಂಬಾ ಒತ್ತಡ! ಇಂತಹ ಸಮಯದಲ್ಲಿ ನಮಗೆ ನೆನಪಾಗುವುದು ಯಾವುದಾದರೂ ಐಷಾರಾಮಿ ಸ್ಪಾ (Spa) ಅಥವಾ ಮಸಾಜ್ ಸೆಂಟರ್. ಆದರೆ ಗೆಳೆಯರೇ, ಸಾವಿರಾರು ರೂಪಾಯಿ ಖರ್ಚು ಮಾಡುವ ಬದಲು ನಿಮ್ಮ ಅಡುಗೆ ಮನೆಯಲ್ಲಿರುವ 'ಉಪ್ಪು' ನಿಮ್ಮನ್ನು ರಾಜನಂತೆ ಫೀಲ್ ಮಾಡಿಸಬಹುದು ಎಂದರೆ ನಂಬುತ್ತೀರಾ?

ಹೌದು, ಇತ್ತೀಚಿನ ದಿನಗಳಲ್ಲಿ ಸೆಲೆಬ್ರಿಟಿಗಳಿಂದ ಹಿಡಿದು ಫಿಟ್ನೆಸ್ ಫ್ರೀಕ್‌ಗಳವರೆಗೆ ಎಲ್ಲರೂ ಫಾಲೋ ಮಾಡುತ್ತಿರುವ ಟ್ರೆಂಡ್ ಅಂದರೆ ಅದು 'ಸಾಲ್ಟ್ ವಾಟರ್ ಬಾತ್' ಅಥವಾ ಉಪ್ಪು ನೀರಿನ ಸ್ನಾನ. ಇದ್ಯಾವುದೋ ಹೊಸ ಫ್ಯಾಷನ್ ಅಲ್ಲ, ನಮ್ಮ ಹಿರಿಯರು ಕಾಲಕಾಲದಿಂದ ಮಾಡಿಕೊಂಡು ಬರುತ್ತಿದ್ದ ಚಿಕಿತ್ಸೆ. ಈ ಉಪ್ಪು ನೀರಿನ ಸ್ನಾನದ ಮ್ಯಾಜಿಕ್ ಏನು ಎಂಬುದನ್ನು ತಿಳಿಯೋಣ ಬನ್ನಿ!

1. ಇನ್‌ಸ್ಟಂಟ್ ರಿಲ್ಯಾಕ್ಸ್ - ನೋವಿಗೆ ಹೇಳಿ ಗುಡ್ ಬೈ!

ದಿನವಿಡೀ ಓಡಾಡಿ ನಿಮ್ಮ ಸ್ನಾಯುಗಳು ಬಿಗಿತಗೊಂಡಿದ್ದರೆ, ಉಗುರು ಬೆಚ್ಚಗಿನ ನೀರಿಗೆ ಸ್ವಲ್ಪ ಎಪ್ಸಮ್ ಉಪ್ಪು (Epsom Salt) ಸೇರಿಸಿ ಸ್ನಾನ ಮಾಡಿ ನೋಡಿ. ಇದರಲ್ಲಿರುವ ಮೆಗ್ನೀಸಿಯಮ್ ನಿಮ್ಮ ಸ್ನಾಯುಗಳ ಒಳಗೆ ಇಳಿದು, ಅಲ್ಲಿನ ನೋವನ್ನು ಹೀರಿಕೊಳ್ಳುತ್ತದೆ. ಜಿಮ್‌ಗೆ ಹೋಗಿ ಮೈಕೈ ನೋವು ಮಾಡಿಕೊಂಡವರಿಗೆ ಇದೊಂದು ಅದ್ಭುತ ಮದ್ದು. ಸ್ನಾನ ಮಾಡಿದ ಮೇಲೆ ನಿಮ್ಮ ದೇಹ ಎಷ್ಟು ಹಗುರವಾಗುತ್ತದೆ ಎಂದರೆ, ಗಾಳಿಯಲ್ಲಿ ತೇಲುತ್ತಿರುವಂತೆ ಅನುಭವವಾಗುವುದು ಗ್ಯಾರಂಟಿ!

2. ಮಿರಮಿರ ಮಿಂಚುವ ಚರ್ಮ ನಿಮ್ಮದಾಗಲಿ!

ದುಬಾರಿ ಫೇಶಿಯಲ್ ಅಥವಾ ಸ್ಕ್ರಬ್ ಮಾಡಿಸಿಕೊಳ್ಳುವ ಅಗತ್ಯವಿಲ್ಲ. ಉಪ್ಪು ನೀರು ನೈಸರ್ಗಿಕ ಕ್ಲೆನ್ಸರ್ ಆಗಿ ಕೆಲಸ ಮಾಡುತ್ತದೆ. ನಿಮ್ಮ ಚರ್ಮದ ಮೇಲಿರುವ ಸತ್ತ ಕೋಶಗಳನ್ನು (Dead Skin) ತೆಗೆದುಹಾಕಿ, ಚರ್ಮಕ್ಕೆ ಹೊಸ ಕಳೆಯನ್ನು ನೀಡುತ್ತದೆ. ಅಷ್ಟೇ ಅಲ್ಲ, ಚರ್ಮದ ಮೇಲಿರುವ ಬ್ಯಾಕ್ಟೀರಿಯಾಗಳನ್ನು ಕೊಂದು ತುರಿಕೆ ಅಥವಾ ಸಣ್ಣಪುಟ್ಟ ಸೋಂಕುಗಳು ಬರದಂತೆ ತಡೆಯುತ್ತದೆ. ಸ್ನಾನದ ನಂತರ ನಿಮ್ಮ ಸ್ಕಿನ್ ಎಷ್ಟು ಸಾಫ್ಟ್ ಆಗುತ್ತದೆ ಎಂದರೆ ನೀವೇ ಆಶ್ಚರ್ಯ ಪಡುತ್ತೀರಿ.

3. ಸ್ಟ್ರೆಸ್ ಔಟ್... ಸ್ಲೀಪ್ ಇನ್!

ಇಂದಿನ ಕಾಲದಲ್ಲಿ ನೆಮ್ಮದಿಯ ನಿದ್ರೆ ಎನ್ನುವುದು ಮರೀಚಿಕೆಯಾಗಿದೆ. ಆದರೆ ಮಲಗುವ ಮುನ್ನ ಉಪ್ಪು ನೀರಿನ ಸ್ನಾನ ಮಾಡುವುದರಿಂದ ನಿಮ್ಮ ನರಮಂಡಲ ಶಾಂತವಾಗುತ್ತದೆ. ಬೆಚ್ಚಗಿನ ನೀರಿನ ಸ್ಪರ್ಶ ಮತ್ತು ಉಪ್ಪಿನ ಗುಣಗಳು ಮೆದುಳಿಗೆ "ಈಗ ವಿಶ್ರಾಂತಿ ಪಡೆಯುವ ಸಮಯ" ಎಂಬ ಸಂಕೇತ ನೀಡುತ್ತವೆ. ಇದರಿಂದ ಒತ್ತಡದ ಮೋಡಗಳು ಕರಗಿ, ಆರಾಮವಾಗಿ ಗೊರಕೆ ಹೊಡೆಯುವಂತಹ ನಿದ್ರೆ ನಿಮ್ಮದಾಗುತ್ತದೆ.

4. ಕೀಲು ನೋವಿಗೆ ರಾಮಬಾಣ

ವಯಸ್ಸಾದವರು ಅಥವಾ ಕೀಲು ನೋವಿನಿಂದ ಬಳಲುತ್ತಿರುವವರಿಗೆ ಉಪ್ಪು ನೀರು ವರದಾನವಿದ್ದಂತೆ. ಇದು ದೇಹದಲ್ಲಿ ರಕ್ತ ಪರಿಚಲನೆಯನ್ನು ಸುಧಾರಿಸುತ್ತದೆ. ಕೀಲುಗಳಲ್ಲಿನ ಊತ ಮತ್ತು ಜಡತ್ವವನ್ನು ಕಡಿಮೆ ಮಾಡುತ್ತದೆ. ದಿನದ ಕೊನೆಯಲ್ಲಿ ಈ ರೀತಿ ಸ್ನಾನ ಮಾಡುವುದು ಒಂದು ಫಿಸಿಯೋಥೆರಪಿ ಮಾಡಿಸಿಕೊಂಡಷ್ಟೇ ಪರಿಣಾಮಕಾರಿ.

ಒಂದು ಸಣ್ಣ ಟಿಪ್:

ಎಲ್ಲಾ ಉಪ್ಪುಗಳೂ ಒಂದೇ ಅಲ್ಲ! ಅಡುಗೆಗೆ ಬಳಸುವ ಪುಡಿ ಉಪ್ಪಿಗಿಂತ ಹರಳು ಉಪ್ಪು ಅಥವಾ ಎಪ್ಸಮ್ ಸಾಲ್ಟ್ ಬಳಸುವುದು ಹೆಚ್ಚು ಸೂಕ್ತ. ಒಂದೇ ಒಂದು ಬಕೆಟ್ ಉಗುರು ಬೆಚ್ಚಗಿನ ನೀರು, ಎರಡು ಚಮಚ ಉಪ್ಪು - ಇಷ್ಟಿದ್ದರೆ ಸಾಕು, ನಿಮ್ಮ ಮನೆ ಬಚ್ಚಲುಮನೆಯೇ ಐಷಾರಾಮಿ ಸ್ಪಾ ಆಗಿ ಬದಲಾಗುತ್ತದೆ!

ಯಾಕೆ ತಡ? ಇಂದೇ ಈ 'ಮ್ಯಾಜಿಕ್ ಸ್ನಾನ' ಮಾಡಿ ನೋಡಿ, ನಿಮ್ಮ ದೇಹ ಮತ್ತು ಮನಸ್ಸು ನಿಮಗೆ ಖಂಡಿತ "ಥ್ಯಾಂಕ್ಸ್" ಹೇಳುತ್ತವೆ!

ಭಾರತದಲ್ಲಿ 3 ರೆಕ್ಕೆಗಳಿರುವ ಫ್ಯಾನ್‌ಗಳೇ ಫೇಮಸ್‌ ಯಾಕೆ? ಇದರ ಹಿಂದಿದೆ ಜಗತ್ತಿಗೆ ತಿಳಿಯದ ಬಿಗ್ ಲಾಜಿಕ್!

Santosh Naik — Tue, 26 May 2026 16:52:25 +0530

ಭಾರತದ ಬಿಸಿ ಹವಾಮಾನಕ್ಕೆ ತಕ್ಕಂತೆ, 3 ರೆಕ್ಕೆಗಳ ಫ್ಯಾನ್‌ಗಳು ಕಡಿಮೆ ಗಾಳಿಯ ಪ್ರತಿರೋಧದಿಂದಾಗಿ ವೇಗವಾಗಿ ತಿರುಗಿ ನೇರವಾದ, ತಂಪಾದ ಗಾಳಿಯನ್ನು ನೀಡುತ್ತವೆ. ಇದಕ್ಕೆ ಹೋಲಿಸಿದರೆ, 4 ಅಥವಾ 5 ರೆಕ್ಕೆಗಳ ಫ್ಯಾನ್‌ಗಳು ತೂಕ ಹೆಚ್ಚಾಗಿದ್ದು, ಹೆಚ್ಚು ವಿದ್ಯುತ್ ಬಳಸುತ್ತವೆ.

ಬೇಸಿಗೆ ಕಾಲ ಆರಂಭವಾಯಿತೆಂದರೆ ಸಾಕು ಪ್ರತಿಯೊಬ್ಬ ಭಾರತೀಯನ ಮನೆಯಲ್ಲೂ ಸೀಲಿಂಗ್ ಫ್ಯಾನ್ (Ceiling Fan) ನಿರಂತರವಾಗಿ ತಿರುಗುತ್ತಿರುತ್ತದೆ. ಭಾರತದಲ್ಲಿ ಫ್ಯಾನ್ ಎಂಬುದು ಪ್ರತಿಯೊಂದು ಕುಟುಂಬದ ಅತ್ಯಂತ ಮೂಲಭೂತ ಅಗತ್ಯಗಳಲ್ಲಿ ಒಂದಾಗಿದೆ. ಆದರೆ, ನಮ್ಮ ಮನೆಗಳಲ್ಲಿರುವ ಫ್ಯಾನ್‌ಗಳಿಗೆ ಯಾವಾಗಲೂ ಕೇವಲ 3 ರೆಕ್ಕೆಗಳು (Blades) ಮಾತ್ರ ಏಕೆ ಇರುತ್ತವೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಇದೇ ವೇಳೆ, ಹಾಲಿವುಡ್ ಸಿನಿಮಾಗಳಲ್ಲಿ ಅಥವಾ ವಿದೇಶಿ ಮನೆಗಳಲ್ಲಿ ಕಾಣಿಸುವ ಫ್ಯಾನ್‌ಗಳಿಗೆ 4 ಅಥವಾ 5 ರೆಕ್ಕೆಗಳಿರುತ್ತವೆ!

ಇದು ಕೇವಲ ವಿನ್ಯಾಸದ (Design) ಭಾಗವಲ್ಲ. ಬದಲಿಗೆ ಇದರ ಹಿಂದೆ ವಿಜ್ಞಾನ, ಎಂಜಿನಿಯರಿಂಗ್ ಮತ್ತು ಹವಾಮಾನದ ಭೂಗೋಳ ಅಡಗಿದೆ. ಫ್ಯಾನ್‌ಗಳಲ್ಲಿನ 3 ಮತ್ತು 4 ರೆಕ್ಕೆಗಳ ನಡುವಿನ ನಿಖರ ವ್ಯತ್ಯಾಸ ಹಾಗೂ ಅದರ ಹಿಂದಿರುವ ರೋಚಕ ಕಾರಣಗಳ ಸಂಪೂರ್ಣ ವಿವರ ಇಲ್ಲಿದೆ.

ಭಾರತವು ಉಷ್ಣವಲಯದ ದೇಶವಾಗಿದ್ದು, ಇಲ್ಲಿ ಬೇಸಿಗೆಯಲ್ಲಿ ತಾಪಮಾನವು ತೀವ್ರವಾಗಿ ಹೆಚ್ಚಿರುತ್ತದೆ. ಭಾರತದಲ್ಲಿ ಫ್ಯಾನ್ ಬಳಸುವ ಮುಖ್ಯ ಉದ್ದೇಶ ಕೇವಲ ಕೋಣೆಯಲ್ಲಿ ಗಾಳಿಯಾಡುವಂತೆ ಮಾಡುವುದು ಮಾತ್ರವಲ್ಲ; ಬದಲಿಗೆ ಮೈಮೇಲಿನ ಬೆವರಿನ ವೇಗದ ಬಾಷ್ಪೀಕರಣವನ್ನು (Evaporation) ಉತ್ತೇಜಿಸಿ, ನೇರವಾಗಿ ತಂಪಾದ ಗಾಳಿಯನ್ನು ನೀಡುವುದಾಗಿದೆ. ಇದಕ್ಕೆ ವ್ಯತಿರಿಕ್ತವಾಗಿ ಅಮೆರಿಕ, ಕೆನಡಾ ಅಥವಾ ಯುರೋಪಿಯನ್ ದೇಶಗಳಲ್ಲಿ ಹವಾಮಾನವು ತಂಪಾಗಿರುತ್ತದೆ. ಅಲ್ಲಿ ಫ್ಯಾನ್‌ಗಳನ್ನು ಶಾಖದಿಂದ ಮುಕ್ತಿ ಪಡೆಯಲು ಬಳಸುವುದಿಲ್ಲ; ಬದಲಿಗೆ ಹವಾನಿಯಂತ್ರಣ (AC) ವ್ಯವಸ್ಥೆಯ ಜೊತೆಗೆ ಕೋಣೆಯಾದ್ಯಂತ ಗಾಳಿಯ ಸರಿಯಾದ ಪ್ರಸರಣಕ್ಕಾಗಿ (Circulation) ಬಳಸಲಾಗುತ್ತದೆ.

ಭೌತವಿಜ್ಞಾನದ ನಿಯಮಗಳ ಪ್ರಕಾರ, ಫ್ಯಾನ್‌ಗೆ ಎಷ್ಟು ಕಡಿಮೆ ರೆಕ್ಕೆಗಳು ಇರುತ್ತವೆಯೋ, ಅಷ್ಟು ಗಾಳಿಯ ಪ್ರತಿರೋಧವು (Air Resistance) ಕಡಿಮೆಯಿರುತ್ತದೆ. 3 ರೆಕ್ಕೆಗಳನ್ನು ಹೊಂದಿರುವ ಫ್ಯಾನ್‌ಗೆ ಗಾಳಿಯ ತಡೆ ಅತ್ಯಂತ ಕಡಿಮೆ ತಗುಲುವುದರಿಂದ, ಫ್ಯಾನ್‌ನ ಮೋಟಾರ್ ಯಾವುದೇ ಹೆಚ್ಚುವರಿ ಒತ್ತಡವಿಲ್ಲದೆ ಅತ್ಯಂತ ಹೆಚ್ಚಿನ ವೇಗದಲ್ಲಿ ತಿರುಗಬಲ್ಲದು. ಈ ಹಗುರವಾದ ಫ್ಯಾನ್ ಕೋಣೆಯ ಮೂಲೆ ಮೂಲೆಗೂ ಬಲವಾದ ಗಾಳಿಯನ್ನು ತಲುಪಿಸುತ್ತದೆ. ಅದೇ 4 ಅಥವಾ 5 ರೆಕ್ಕೆಗಳಿರುವ ಫ್ಯಾನ್‌ಗಳು ಗಾಳಿಯನ್ನು ನಿಧಾನವಾಗಿ ಹರಡುತ್ತವೆಯೇ ಹೊರತು, ನೇರವಾಗಿ ಬಲವಾದ ಗಾಳಿಯನ್ನು ನೀಡಲು ಸಾಧ್ಯವಿಲ್ಲ.

ಎಂಜಿನಿಯರಿಂಗ್ ದೃಷ್ಟಿಕೋನದಿಂದ ನೋಡುವುದಾದರೆ, ಫ್ಯಾನ್‌ಗೆ ರೆಕ್ಕೆಗಳ ಸಂಖ್ಯೆ ಹೆಚ್ಚಾದಷ್ಟೂ ಅದರ ತೂಕ ಹೆಚ್ಚಾಗುತ್ತದೆ. ತೂಕದ ಫ್ಯಾನ್ ಅನ್ನು ತಿರುಗಿಸಲು ದೊಡ್ಡದಾದ ಮತ್ತು ಹೆಚ್ಚಿನ ವೋಲ್ಟೇಜ್‌ ಹೊಂದಿರುವ ಮೋಟಾರ್ ಅಗತ್ಯವಿರುತ್ತದೆ. ಇದರಿಂದ ವಿದ್ಯುತ್ ಬಳಕೆ ಹೆಚ್ಚಾಗಿ, ತಿಂಗಳ ಕರೆಂಟ್ ಬಿಲ್ ಕೂಡ ದುಬಾರಿಯಾಗುತ್ತದೆ. ಆದರೆ 3 ರೆಕ್ಕೆಗಳ ಫ್ಯಾನ್‌ಗಳು ತೂಕದಲ್ಲಿ ಹಗುರವಾಗಿರುವುದರಿಂದ ಕಡಿಮೆ ವಿದ್ಯುತ್ ಬಳಸಿಕೊಂಡು ಅತ್ಯಂತ ಪರಿಣಾಮಕಾರಿಯಾಗಿ ಮತ್ತು ವೇಗವಾಗಿ ಚಲಿಸುತ್ತವೆ. ಭಾರತೀಯ ಗ್ರಾಹಕರಿಗೆ ಈ ಇಂಧನ ದಕ್ಷತೆ (Energy Efficiency) ಅತ್ಯಂತ ಪ್ರಮುಖ ಅಂಶವಾಗಿದೆ.

ಫ್ಯಾನ್‌ನ ರೆಕ್ಕೆಗಳ ಸಂಖ್ಯೆಗೂ ಅದು ಮಾಡುವ ಶಬ್ದಕ್ಕೂ ನೇರ ಸಂಬಂಧವಿದೆ. 4 ಅಥವಾ 5 ರೆಕ್ಕೆಗಳನ್ನು ಹೊಂದಿರುವ ಭಾರೀ ಫ್ಯಾನ್‌ಗಳು ಅತಿ ವೇಗವಾಗಿ ಚಲಿಸಿದಾಗ, ಗಾಳಿಯ ಹೆಚ್ಚಿನ ಒತ್ತಡದ ಕಾರಣದಿಂದ ದೊಡ್ಡದಾದ ಶಬ್ದ ನಿರ್ಮಾಣವಾಗುತ್ತದೆ. ಭಾರತದಲ್ಲಿ ಜನರು ಯಾವುದೇ ಗದ್ದಲವಿಲ್ಲದೆ ಶಾಂತ ವಾತಾವರಣದಲ್ಲಿ ಮಲಗಲು ಇಷ್ಟಪಡುತ್ತಾರೆ. 3 ರೆಕ್ಕೆಗಳ ಫ್ಯಾನ್‌ಗಳ ವಿನ್ಯಾಸವನ್ನು ಕೋಣೆಯಲ್ಲಿ ಯಾವುದೇ ಕಿರಿಕಿರಿ ಉಂಟುಮಾಡುವ ಶಬ್ದವಿಲ್ಲದೆ, ಅತ್ಯಂತ ಶಾಂತವಾಗಿ ಗಾಳಿಯ ಹರಿವನ್ನು ನೀಡುವ ರೀತಿಯಲ್ಲಿಯೇ ರೂಪಿಸಲಾಗಿರುತ್ತದೆ.

ಭಾರತೀಯ ಮಾರುಕಟ್ಟೆಯಲ್ಲಿ ಗ್ರಾಹಕರ ಬಜೆಟ್ ಎನ್ನುವುದು ಕಂಪನಿಗಳಿಗೆ ಅತ್ಯಂತ ನಿರ್ಣಾಯಕ ಸಂಗತಿಯಾಗಿದೆ. 3 ರೆಕ್ಕೆಗಳ ಸೀಲಿಂಗ್ ಫ್ಯಾನ್ ತಯಾರಿಸಲು 4 ಅಥವಾ 5 ರೆಕ್ಕೆಗಳ ಫ್ಯಾನ್‌ಗೆ ಹೋಲಿಸಿದರೆ ಕಡಿಮೆ ಪ್ರಮಾಣದ ಲೋಹ (Metal) ಅಥವಾ ಪ್ಲಾಸ್ಟಿಕ್ ಬಳಕೆಯಾಗುತ್ತದೆ. ಇದರಿಂದ ಕಂಪನಿಗಳ ಉತ್ಪಾದನಾ ವೆಚ್ಚ ಕಡಿಮೆಯಾಗುತ್ತದೆ ಮತ್ತು ಗ್ರಾಹಕರಿಗೂ ಸಹ ಕೈಗೆಟುಕುವ ಬೆಲೆಯಲ್ಲಿ ಅತ್ಯುತ್ತಮ ಗುಣಮಟ್ಟದ ಫ್ಯಾನ್‌ಗಳು ಮಾರುಕಟ್ಟೆಯಲ್ಲಿ ಲಭ್ಯವಾಗುತ್ತವೆ.

Gym Secret: ಜಿಮ್‌ಗೆ ಹೋಗೋಕ್ ಆಗಲ್ವಾ? ಚಿಂತೆ ಬೇಡ, ಈ ಟ್ರಿಕ್‌ ಬಳಿಸಿ ಮನೆಯಲ್ಲೇ ಫಿಟ್ನೆಸ್ ಕಾಪಾಡಿಕೊಳ್ಳಿ!

Shriram Bhat — Wed, 27 May 2026 16:28:10 +0530

ಜಿಮ್‌ಗೆ ಹೋಗಲು ಟೈಮ್ ಇಲ್ವಾ? ಚಿಂತೆ ಬಿಡಿ! ಮನೆಯಲ್ಲೇ ಫಿಟ್ ಆಗಿರಲು ಇಲ್ಲಿದೆ ನೋಡಿ ಮ್ಯಾಜಿಕಲ್ ಟ್ರಿಕ್ಸ್!

ಇಂದಿನ ಓಟದ ಬದುಕಿನಲ್ಲಿ ಪ್ರತಿಯೊಬ್ಬರಿಗೂ ಫಿಟ್ ಆಗಿರಬೇಕು, ಸುಂದರವಾಗಿ ಕಾಣಬೇಕು ಎಂಬ ಆಸೆ ಇದ್ದೇ ಇರುತ್ತದೆ. ಆದರೆ "ಫಿಟ್‌ನೆಸ್" ಅಂದ ಕೂಡಲೇ ನಮ್ಮ ಕಣ್ಣಮುಂದೆ ಬರುವುದು ದೊಡ್ಡ ಜಿಮ್ (GYM), ಅಲ್ಲಿನ ಭಾರೀ ತೂಕದ ಯಂತ್ರಗಳು ಮತ್ತು ತಿಂಗಳ ಸಾವಿರಾರು ರೂಪಾಯಿ ಫೀಸು! ಅನೇಕರು ಸಮಯದ ಅಭಾವ ಅಥವಾ ಹಣದ ಕಾರಣಕ್ಕೆ ಜಿಮ್‌ಗೆ ಹೋಗಲು ಸಾಧ್ಯವಾಗದೆ ಫಿಟ್‌ನೆಸ್ ಕನಸನ್ನೇ ಕೈಬಿಡುತ್ತಾರೆ. ಆದರೆ ನೆನಪಿಡಿ, ಫಿಟ್ ಆಗಿರಲು ನೀವು ಜಿಮ್ ಮೆಟ್ಟಿಲು ಹತ್ತಲೇಬೇಕು ಎಂದೇನಿಲ್ಲ. ನಿಮ್ಮ ಲೈಫ್‌ಸ್ಟೈಲ್‌ನಲ್ಲಿ ಸಣ್ಣ ಬದಲಾವಣೆ ಮಾಡಿಕೊಂಡರೆ ಸಾಕು, ನಿಮ್ಮ ಮನೆಯೇ ಒಂದು ಅದ್ಭುತ ಜಿಮ್ ಆಗಬಲ್ಲದು!

ಜಿಮ್ ಸಂಸ್ಕೃತಿಯಿಂದ ಹೊರಬನ್ನಿ:

ಜಿಮ್‌ಗೆ ಹೋದರೆ ಮಾತ್ರ ದೇಹ ಫಿಟ್ ಆಗುತ್ತದೆ ಎಂಬುದು ಕೇವಲ ಒಂದು ಮಿಥ್ಯೆ. ಗಂಟೆಗಟ್ಟಲೆ ಬೆವರು ಸುರಿಸಿ ವರ್ಕೌಟ್ ಮಾಡುವುದು ಎಲ್ಲರಿಗೂ ಸಾಧ್ಯವಾಗದಿರಬಹುದು. ಆದರೆ ನಮ್ಮ ದೈನಂದಿನ ಕೆಲಸಗಳ ನಡುವೆಯೇ ದೈಹಿಕ ಚಟುವಟಿಕೆಯನ್ನು ಅಳವಡಿಸಿಕೊಳ್ಳುವುದು ಅತಿ ಮುಖ್ಯ. ನೀವು ಜಿಮ್‌ಗೆ ಖರ್ಚು ಮಾಡುವ ಹಣ ಮತ್ತು ಹೋಗಿ ಬರಲು ವ್ಯಯಿಸುವ ಸಮಯವನ್ನು ಉಳಿಸಿ, ಆ ಸಮಯದಲ್ಲಿ ಮನೆಯಲ್ಲೇ ಅಥವಾ ಹತ್ತಿರದ ಪಾರ್ಕ್‌ನಲ್ಲಿ ಸರಳ ವ್ಯಾಯಾಮ ಮಾಡಬಹುದು.

ಕೇವಲ 5 ನಿಮಿಷಗಳ ಮ್ಯಾಜಿಕ್!

ನಿಮಗೆ ನಂಬಲು ಅಸಾಧ್ಯ ಎನಿಸಬಹುದು, ಆದರೆ ದಿನಕ್ಕೆ ಕೇವಲ 5 ರಿಂದ 15 ನಿಮಿಷಗಳ ಕಾಲ ನೀವು ಚಟುವಟಿಕೆಯಿಂದ ಇರುವುದು ಕೂಡ ನಿಮ್ಮ ಆರೋಗ್ಯದ ಮೇಲೆ ದೊಡ್ಡ ಪರಿಣಾಮ ಬೀರುತ್ತದೆ. "ನನಗೆ ವ್ಯಾಯಾಮ ಮಾಡಲು ಗಂಟೆಗಟ್ಟಲೆ ಸಮಯವಿಲ್ಲ" ಎಂದು ಹೇಳುವವರು ಈ 5 ನಿಮಿಷದ ಟ್ರಿಕ್ ಬಳಸಬಹುದು. ದಿನದ ಯಾವುದಾದರೂ ಒಂದು ಸಮಯದಲ್ಲಿ ಕೇವಲ ಐದು ನಿಮಿಷಗಳ ಕಾಲ ತೀವ್ರವಾದ ನಡಿಗೆ, ಜಂಪಿಂಗ್ ಜಾಕ್ಸ್ ಅಥವಾ ಸ್ಟ್ರೆಚಿಂಗ್ ಮಾಡುವುದರಿಂದ ನಿಮ್ಮ ಹೃದಯದ ಆರೋಗ್ಯ ಸುಧಾರಿಸುತ್ತದೆ ಮತ್ತು ಅಕಾಲಿಕ ಸಾವಿನ ಅಪಾಯದಿಂದ ನಿಮ್ಮನ್ನು ದೂರವಿರಿಸುತ್ತದೆ.

ಲಿಫ್ಟ್ ಬಿಡಿ, ಮೆಟ್ಟಿಲು ಹತ್ತಿ!

ಇದು ಅತ್ಯಂತ ಸರಳ ಮತ್ತು ಪರಿಣಾಮಕಾರಿ ಲೈಫ್‌ಸ್ಟೈಲ್ ಬದಲಾವಣೆ. ಆಫೀಸ್‌ಗೆ ಹೋದಾಗ ಅಥವಾ ಮಾಲ್‌ಗಳಿಗೆ ಹೋದಾಗ ಲಿಫ್ಟ್ ಬಳಸುವ ಬದಲು ಮೆಟ್ಟಿಲುಗಳನ್ನು ಹತ್ತಿ. ಇದು ನಿಮ್ಮ ಕಾಲಿನ ಸ್ನಾಯುಗಳನ್ನು ಬಲಪಡಿಸುವುದಲ್ಲದೆ, ಕ್ಯಾಲೊರಿಗಳನ್ನು ಸುಡಲು ಸಹಾಯ ಮಾಡುತ್ತದೆ. ಇಂದಿನ ದಿನಗಳಲ್ಲಿ ಮೊಬೈಲ್ ಮತ್ತು ಕಂಪ್ಯೂಟರ್ ಮುಂದೆ ಗಂಟೆಗಟ್ಟಲೆ ಕುಳಿತುಕೊಳ್ಳುವ ಅಭ್ಯಾಸ ನಮಗಿದೆ. ಇದರಿಂದ 'ಸಿಟ್ಟಿಂಗ್ ಡಿಸೀಸ್' (Sitting Disease) ಬರುವ ಸಾಧ್ಯತೆ ಹೆಚ್ಚು. ಆದ್ದರಿಂದ ಪ್ರತಿ ಅರ್ಧ ಗಂಟೆಗೊಮ್ಮೆ ಎದ್ದು ಒಂದು ನಿಮಿಷ ನಡೆಯುವ ಅಭ್ಯಾಸ ಮಾಡಿಕೊಳ್ಳಿ.

ವಾರದ ಗುರಿ ಎಷ್ಟು?

ಆರೋಗ್ಯ ತಜ್ಞರ ಪ್ರಕಾರ, ಒಬ್ಬ ವ್ಯಕ್ತಿಯು ವಾರಕ್ಕೆ ಕನಿಷ್ಠ 150 ನಿಮಿಷಗಳ ಕಾಲ ದೈಹಿಕವಾಗಿ ಸಕ್ರಿಯವಾಗಿರಬೇಕು. ಅಂದರೆ ಪ್ರತಿದಿನ ಸುಮಾರು 20-25 ನಿಮಿಷಗಳ ಕಾಲ ನೀವು ಯಾವುದಾದರೂ ಒಂದು ರೀತಿಯ ವ್ಯಾಯಾಮ ಮಾಡಲೇಬೇಕು. ಯಾವುದೇ ಕಾರಣಕ್ಕೂ ಜಿಮ್‌ಗೆ ಹೋಗಲು ಸಾಧ್ಯವಾಗದ ಯುವಕರು ಅಥವಾ ಗೃಹಿಣಿಯರು ಮನೆಯ ಕೆಲಸಗಳ ಜೊತೆಗೆ ಇಂತಹ ಸಣ್ಣ ಪುಟ್ಟ ವ್ಯಾಯಾಮಗಳನ್ನು ರೂಢಿಸಿಕೊಳ್ಳುವುದು ಉತ್ತಮ.

ಕೊನೆಯ ಮಾತು:

ಫಿಟ್‌ನೆಸ್ ಎನ್ನುವುದು ಕೇವಲ ತೋರಿಕೆಯಲ್ಲ, ಅದು ನಿಮ್ಮ ಒಳಗಿನ ಆರೋಗ್ಯ. ಜಿಮ್‌ಗೆ ಹೋಗಿ ಭಾರ ಎತ್ತುವುದಕ್ಕಿಂತ, ಪ್ರತಿದಿನ ಶಿಸ್ತಿನಿಂದ ದೈಹಿಕವಾಗಿ ಸಕ್ರಿಯವಾಗಿರುವುದು ಮುಖ್ಯ. ಏನೂ ಮಾಡದೆ ಇರುವುದಕ್ಕಿಂತ, ಕೇವಲ 5 ನಿಮಿಷಗಳ ಕಾಲ ಚಟುವಟಿಕೆಯಿಂದ ಇರುವುದು ಎಷ್ಟೋ ಪಟ್ಟು ಮೇಲು. ಇಂದೇ ನಿಮ್ಮ ಲೈಫ್‌ಸ್ಟೈಲ್ ಬದಲಿಸಿ, ಆರೋಗ್ಯಕರ ಜೀವನದತ್ತ ಹೆಜ್ಜೆ ಇಡಿ!

ಅಜ್ಜಿ ಹೇಳಿದ ಬೊಟ್ಟಿನ ಗುಟ್ಟು.. ಕೇವಲ ಸಂಪ್ರದಾಯವಲ್ಲ, ಇದರ ಹಿಂದಿದೆ ವೈಜ್ಞಾನಿಕ ರಹಸ್ಯ

Ashwini HR — Wed, 27 May 2026 21:36:26 +0530

Significance of Bindi: ಸಾಮಾನ್ಯವಾಗಿ ನಾವೆಲ್ಲರೂ ಅಲಂಕಾರಕ್ಕಾಗಿ ಬೊಟ್ಟು ಇಟ್ಟುಕೊಳ್ಳುತ್ತೇವೆ, ಆದರೆ ಎರಡು ಹುಬ್ಬುಗಳ ಮಧ್ಯೆ ತಿಲಕ ಧರಿಸುವುದರ ಹಿಂದೆ ಅಚ್ಚರಿಯ ವೈಜ್ಞಾನಿಕ ಮತ್ತು ಆಧ್ಯಾತ್ಮಿಕ ರಹಸ್ಯಗಳು ಅಡಗಿವೆ ಎಂಬುದು ನಿಮಗೆ ಗೊತ್ತೇ?

ಹೀಗೇಕೆ ಹೇಳುತ್ತಿದ್ದರು?ಬೊಟ್ಟು ಅಥವಾ ಬಿಂದಿ ಅಥವಾ ತಿಲಕದ ವಿಶೇಷತೆಯ ಬಗ್ಗೆ ಎಷ್ಟು ಹೇಳಿದರೂ ಕಡಿಮೆಯೇ. ಚಿಕ್ಕ ಮಕ್ಕಳಿಂದ ಹಿಡಿದು ವಯಸ್ಸಾದವರವರೆಗೆ ಪ್ರತಿಯೊಬ್ಬರೂ ಹಣೆಯ ಮೇಲೆ ಬೊಟ್ಟು ಇಟ್ಟುಕೊಳ್ಳುತ್ತಾರೆ. "ಬೊಟ್ಟು ಇಟ್ಟುಕೊಳ್ಳಲೇಬೇಕು" ಎಂದು ಮನೆಯಲ್ಲಿ ಹಿರಿಯರು ಒತ್ತಾಯ ಮಾಡುವುದನ್ನು ನಾವು ಕೇಳಿರುತ್ತೇವೆ. ಅದರಲ್ಲೂ ವಿಶೇಷವಾಗಿ ಅಜ್ಜಿಯಂದಿರು "ಬೊಟ್ಟು ಇಲ್ಲದೆ ಹೊರಗೆ ಹೋಗಬೇಡ" ಎಂದು ಹೇಳುತ್ತಿರುತ್ತಾರೆ. ಅವರು ಹೀಗೆ ಏಕೆ ಹೇಳುತ್ತಿದ್ದರು ಎಂದು ನಿಮಗೆ ತಿಳಿದಿದೆಯೇ? ಇದು ಕೇವಲ ಸಂಪ್ರದಾಯವಲ್ಲ, ಇದರ ಹಿಂದೆ ಮನಸೂರೆಗೊಳ್ಳುವಂತಹ ವೈಜ್ಞಾನಿಕ ರಹಸ್ಯಗಳಿವೆ. ಅವುಗಳೇನು ಎಂಬುದನ್ನು ಈಗ ನೋಡೋಣ.

3000 ವರ್ಷಗಳ ವಿಜ್ಞಾನ ಮತ್ತು ಆಧ್ಯಾತ್ಮಿಕತೆಹಿಂದೂ ಸಂಸ್ಕೃತಿಯಲ್ಲಿ ಬೊಟ್ಟಿಗೆ ಹೆಚ್ಚಿನ ಪ್ರಾಮುಖ್ಯತೆಯಿದೆ. ಪ್ರತಿಯೊಬ್ಬರೂ ಹಣೆಯ ಮೇಲೆ ಬೊಟ್ಟು ಇಟ್ಟುಕೊಳ್ಳಲೇಬೇಕು ಎಂಬ ನಂಬಿಕೆಯಿದೆ. ಅದರಲ್ಲೂ ಹೆಣ್ಣುಮಕ್ಕಳು ಹಣೆಯ ಮೇಲೆ ಬೊಟ್ಟು ಧರಿಸುವುದು ಕಡ್ಡಾಯ ಎಂದು ಹೇಳಲಾಗುತ್ತದೆ. ಬಹಳಷ್ಟು ಜನರು ಇದು ಕೇವಲ ಸೌಂದರ್ಯಕ್ಕಾಗಿ ಅಥವಾ ಅಲಂಕಾರಕ್ಕಾಗಿ ಎಂದು ಭಾವಿಸುತ್ತಾರೆ. ಆದರೆ, ಎರಡು ಹುಬ್ಬುಗಳ ಮಧ್ಯೆ ಬೊಟ್ಟು ಇಟ್ಟುಕೊಳ್ಳುವ ಹಿಂದೆ 3000 ವರ್ಷಗಳ ವಿಜ್ಞಾನ ಮತ್ತು ಆಧ್ಯಾತ್ಮಿಕತೆ ಅಡಗಿದೆ ಎಂದು ತಜ್ಞರು ಹೇಳುತ್ತಾರೆ. ಅದರ ಬಗ್ಗೆ ಈಗ ವಿವರವಾಗಿ ತಿಳಿದುಕೊಳ್ಳೋಣ.

ಮೆಲಟೋನಿನ್ ಮತ್ತು ಸಿರೊಟೋನಿನ್ ಹಾರ್ಮೋನುಗಳ ಬಿಡುಗಡೆನಮ್ಮ ಎರಡು ಹುಬ್ಬುಗಳ ಮಧ್ಯದ ಭಾಗದಲ್ಲಿ 'ಆಜ್ಞಾ ಚಕ್ರ' ಇರುತ್ತದೆ. ಇಲ್ಲಿ ಕೆಂಪು ಬಣ್ಣದ ತಿಲಕವನ್ನು ಇಟ್ಟುಕೊಳ್ಳುವುದರಿಂದ ಇದು ಅಂತರಂಗದ ಜ್ಞಾನವನ್ನು ಹೆಚ್ಚಿಸಿ, ದೈವಿಕ ಶಕ್ತಿಗಳನ್ನು ಜಾಗೃತಗೊಳಿಸುತ್ತದೆ ಎಂದು ಪಂಡಿತರು ಹೇಳುತ್ತಾರೆ. ಇನ್ನು ವೈಜ್ಞಾನಿಕವಾಗಿ ನೋಡುವುದಾದರೆ, ಇಲ್ಲಿ 'ಪೀನಿಕಲ್ ಗ್ರಂಥಿ' (Pineal Gland) ಇರುತ್ತದೆ. ಇದು ಮೆಲಟೋನಿನ್ ಮತ್ತು ಸಿರೊಟೋನಿನ್ ಹಾರ್ಮೋನುಗಳನ್ನು ಬಿಡುಗಡೆ ಮಾಡುತ್ತದೆ. ಇವು ನಿಮ್ಮ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಇದು ಉತ್ತಮ ನಿದ್ರೆ ಮತ್ತು ಏಕಾಗ್ರತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಬೊಟ್ಟು ಇಟ್ಟುಕೊಳ್ಳುವುದರಿಂದ ಇನ್ನು ಹತ್ತು ಹಲವು ಪ್ರಯೋಜನಗಳಿವೆ.

ತಲೆನೋವು ಕಡಿಮೆಯಾಗುತ್ತೆಪ್ರತಿದಿನ ನಿಯಮಿತವಾಗಿ ಬೊಟ್ಟು ಇಟ್ಟುಕೊಳ್ಳುವುದರಿಂದ ತಲೆನೋವು ಕಡಿಮೆಯಾಗುತ್ತದೆ. ನಾವು ಬೊಟ್ಟು ಇಟ್ಟುಕೊಳ್ಳುವ ಸಮಯದಲ್ಲಿ ಎರಡು ಹುಬ್ಬುಗಳ ಮಧ್ಯದ ಭಾಗವನ್ನು ಬೆರಳಿನಿಂದ ಸ್ವಲ್ಪ ಒತ್ತುತ್ತೇವೆ. ಇದು ಆ ಭಾಗದಲ್ಲಿ ಮಸಾಜ್ ಮಾಡಿದಂತಾಗುತ್ತದೆ. ಈ ಬಿಂದುವಿನ ಮೇಲಿನ ಒತ್ತಡವು ತಲೆನೋವನ್ನು ಕಡಿಮೆ ಮಾಡಿ, ಮನಸ್ಸಿಗೆ ಪ್ರಶಾಂತತೆಯನ್ನು ನೀಡುತ್ತದೆ. ಅಷ್ಟೇ ಅಲ್ಲದೆ, ಇದು ನಿಮ್ಮಲ್ಲಿ ಹೊಸ ಉತ್ಸಾಹವನ್ನು ತರುತ್ತದೆ ಮತ್ತು ಮಾನಸಿಕ ನೆಮ್ಮದಿಯನ್ನು ನೀಡುತ್ತದೆ ಎಂದು ತಜ್ಞರು ವಿವರಿಸುತ್ತಾರೆ.

ಸೂರ್ಯನ ಕಿರಣಗಳಿಂದ ರಕ್ಷಣೆಹಾಗೆಯೇ, ಬೊಟ್ಟು ಸೂರ್ಯನ ಕಿರಣಗಳಿಂದ ರಕ್ಷಣೆ ನೀಡುತ್ತದೆ ಎಂದು ನಂಬಲಾಗಿದೆ. ಹಣೆಯ ಮೇಲೆ ಬೊಟ್ಟು ಇಡುವುದರಿಂದ ಮೆದುಳಿನ ಮುಂಭಾಗದ ಭಾಗ (Frontal Lobe) ಸಕ್ರಿಯವಾಗುತ್ತದೆ, ಇದು ಏಕಾಗ್ರತೆಯನ್ನು ಹೆಚ್ಚಿಸುತ್ತದೆ. ಇನ್ನು ಆಧ್ಯಾತ್ಮಿಕವಾಗಿ ನೋಡುವುದಾದರೆ, ಸುಮಂಗಲೆಯರು ಕೆಂಪು ಬಣ್ಣದ ಬೊಟ್ಟು ಇಟ್ಟುಕೊಳ್ಳುವುದರಿಂದ ಪತಿಯ ಆಯುಷ್ಯ ವೃದ್ಧಿಯಾಗುತ್ತದೆ ಮತ್ತು ಲಕ್ಷ್ಮೀ ದೇವಿಯ ಕಟಾಕ್ಷ ಸಿಗುತ್ತದೆ ಎಂಬ ನಂಬಿಕೆಯಿದೆ.

ಬೇಸಿಗೆಯಲ್ಲಿ ಮೂಲವ್ಯಾಧಿ ಸಮಸ್ಯೆ ಹೆಚ್ಚಾಗಲು ಕಾರಣವೇನು? ಈ ಬಗ್ಗೆ ತಜ್ಞರು ಏನ್ ಹೇಳಿದಾರೆ ನೋಡಿ!

Shriram Bhat — Mon, 25 May 2026 10:03:59 +0530

ಬೇಸಿಗೆಯ ಬಿಸಿ ಮತ್ತು 'ಮೂಲವ್ಯಾಧಿ' ಕಿರಿಕಿರಿ: ನಿಮ್ಮ ಹೊಟ್ಟೆಯೊಳಗೆ ನಡೆಯುತ್ತಿದೆಯೇ ಅಗ್ನಿಪರೀಕ್ಷೆ?

ಬೇಸಿಗೆ ಬಂತೆಂದರೆ ಸಾಕು, ನಮಗೆ ನೆನಪಾಗುವುದು ತಣ್ಣನೆಯ ಐಸ್‌ಕ್ರೀಮ್, ರಸಭರಿತ ಮಾವಿನ ಹಣ್ಣು ಮತ್ತು ಸ್ವಿಮ್ಮಿಂಗ್ ಪೂಲ್. ಆದರೆ, ಇದೇ ಬೇಸಿಗೆ ಕೆಲವರಿಗೆ ಅಕ್ಷರಶಃ 'ಬೆಂಕಿ'ಯ ಅನುಭವ ನೀಡುತ್ತದೆ! ಹೌದು, ನಾವು ಮಾತನಾಡುತ್ತಿರುವುದು ಮೂಲವ್ಯಾಧಿ ಅಥವಾ ಪೈಲ್ಸ್ (Hemorrhoids) ಬಗ್ಗೆ. ಹೊರಗಿನ ತಾಪಮಾನ 40 ಡಿಗ್ರಿ ದಾಟುತ್ತಿದ್ದಂತೆ, ದೇಹದ ಒಳಗಿನ 'ಪೈಪ್‌ಲೈನ್' ಸಮಸ್ಯೆಗಳು ಕೂಡ ಉಲ್ಬಣಗೊಳ್ಳುತ್ತವೆ. ಕುಳಿತುಕೊಳ್ಳಲು ಆಗದೆ, ನಿಲ್ಲಲು ಮನಸ್ಸಿಲ್ಲದೆ ಒದ್ದಾಡುವ ಈ ಪರಿಸ್ಥಿತಿಗೆ ಕಾರಣವೇನು?

1. ಸೂರ್ಯನ ತಾಪ - ದೇಹದೊಳಗೆ ಮರುಭೂಮಿ!

ಬೇಸಿಗೆಯಲ್ಲಿ ಸೂರ್ಯ ದೇವ ನಮ್ಮ ದೇಹದಿಂದ ನೀರನ್ನು ಹೀರುವ 'ವ್ಯಾಕ್ಯೂಮ್ ಕ್ಲೀನರ್' ತರಹ ಕೆಲಸ ಮಾಡುತ್ತಾನೆ. ಬೆವರಿನ ರೂಪದಲ್ಲಿ ನೀರು ಹೊರಹೋದಾಗ, ದೇಹದ ಒಳಗಡೆ ನಿರ್ಜಲೀಕರಣ (Dehydration) ಉಂಟಾಗುತ್ತದೆ. ಇದರ ನೇರ ಪರಿಣಾಮ ಬೀರುವುದು ನಮ್ಮ ಜೀರ್ಣಾಂಗ ವ್ಯೂಹದ ಮೇಲೆ. ನೀರಿಲ್ಲದಿದ್ದರೆ ಮಲವು ಕಲ್ಲಿನಂತೆ ಗಟ್ಟಿಯಾಗುತ್ತದೆ. ಆಗ ಶುರುವಾಗುವುದೇ ಅಸಲಿ 'ಸಿನಿಮಾ'. ಗಟ್ಟಿಯಾದ ಮಲವನ್ನು ಹೊರಹಾಕಲು ನೀವು ನೀಡುವ ಒತ್ತಡ, ಗುದದ್ವಾರದ ರಕ್ತನಾಳಗಳ ಮೇಲೆ ದಾಳಿ ಮಾಡುತ್ತದೆ. ಪರಿಣಾಮ? ನೋವು ಮತ್ತು ರಕ್ತಸ್ರಾವ!

2. ಮಸಾಲೆ ಪ್ರಿಯರಿಗೆ ಎಚ್ಚರಿಕೆ!

ಬೇಸಿಗೆಯಲ್ಲಿ ಮಸಾಲೆ ಭರಿತ ಬಿರಿಯಾನಿ, ಎಣ್ಣೆಯಲ್ಲಿ ಕರಿದ ಬೋಂಡಾ-ಬಜ್ಜಿ ತಿನ್ನುವುದು ನೋಡಲು ಚೆಂದ, ಆದರೆ ಅದರ ಫಲಿತಾಂಶ ಮಾತ್ರ ಭೀಕರ. ಈ ಮಸಾಲೆಯುಕ್ತ ಆಹಾರಗಳು ದೇಹದಲ್ಲಿ ಉಷ್ಣತೆಯನ್ನು ಹೆಚ್ಚಿಸಿ, ಮೂಲವ್ಯಾಧಿಯ ಸಮಸ್ಯೆಯನ್ನು ಕೆರಳಿಸುತ್ತವೆ. "ನಾಲಿಗೆಗೆ ರುಚಿ, ಕೆಳಗೆ ಕವಾಯತು" ಎನ್ನುವಂತಾಗುತ್ತದೆ ಪರಿಸ್ಥಿತಿ.

3. 'ಸೋಫಾ ಪೊಟಾಟೋ' ಲೈಫ್‌ಸ್ಟೈಲ್

ಎಸಿ ರೂಮಿನಲ್ಲಿ ಕುಳಿತು ಗಂಟೆಗಟ್ಟಲೆ ಕೆಲಸ ಮಾಡುವುದು ಅಥವಾ ಮೊಬೈಲ್ ಹಿಡಿದು ಒಂದೇ ಕಡೆ ಜಡವಾಗಿ ಕುಳಿತುಕೊಳ್ಳುವುದು ಮೂಲವ್ಯಾಧಿಗೆ ರೆಡ್ ಕಾರ್ಪೆಟ್ ಹಾಕಿದಂತೆ. ಒಂದೇ ಕಡೆ ದೀರ್ಘಕಾಲ ಕುಳಿತುಕೊಳ್ಳುವುದರಿಂದ ಗುದದ್ವಾರದ ಭಾಗದಲ್ಲಿ ರಕ್ತ ಸಂಚಾರ ಕುಂಠಿತವಾಗಿ, ಅಲ್ಲಿನ ನಾಳಗಳು ಉಬ್ಬಿಕೊಳ್ಳುತ್ತವೆ.

ಈ 'ಬಿಸಿ' ಸಮಸ್ಯೆಯಿಂದ ಬಚಾವಾಗುವುದು ಹೇಗೆ? (Simple Tips)

ನಿಮ್ಮ ಲೈಫ್‌ಸ್ಟೈಲ್‌ನಲ್ಲಿ ಈ ಸಣ್ಣ ಬದಲಾವಣೆಗಳನ್ನು ಮಾಡಿಕೊಂಡರೆ, ನೀವು 'ಕೂಲ್' ಆಗಿರಬಹುದು:

ನೀರೇ ದಿವ್ಯೌಷಧ: ದಿನಕ್ಕೆ ಕನಿಷ್ಠ 8 ರಿಂದ 10 ಗ್ಲಾಸ್ ನೀರು ಕುಡಿಯಿರಿ. ನಿಮ್ಮ ದೇಹವು ಹೈಡ್ರೇಟ್ ಆಗಿದ್ದರೆ, ಮಲವಿಸರ್ಜನೆ "ಸ್ಮೂತ್" ಆಗಿ ನಡೆಯುತ್ತದೆ. ಎಳನೀರು, ಮಜ್ಜಿಗೆ ನಿಮ್ಮ ಬೆಸ್ಟ್ ಫ್ರೆಂಡ್ಸ್ ಆಗಿರಲಿ.

ಫೈಬರ್ ಎಂಬ ಹೀರೋ: ನಿಮ್ಮ ಊಟದಲ್ಲಿ ಹಸಿರು ತರಕಾರಿ, ಹಣ್ಣುಗಳು ಮತ್ತು ಧಾನ್ಯಗಳನ್ನು ಸೇರಿಸಿ. ಫೈಬರ್ (ನಾರಿನಂಶ) ಮಲವನ್ನು ಮೃದುಗೊಳಿಸುವ ಕೆಲಸ ಮಾಡುತ್ತದೆ. ಇದು ನಿಮ್ಮ ಹೊಟ್ಟೆಯ ಒಳಗಿನ "ಜಾಮ್" ಅನ್ನು ಕ್ಲಿಯರ್ ಮಾಡುತ್ತದೆ.

ಬ್ರೇಕ್ ತಗೊಳ್ಳಿ: ಆಫೀಸ್‌ನಲ್ಲಿ ಅಥವಾ ಮನೆಯಲ್ಲಿ ಕೆಲಸ ಮಾಡುವಾಗ ಪ್ರತಿ 40 ನಿಮಿಷಕ್ಕೊಮ್ಮೆ ಎದ್ದು ಒಂದು ರೌಂಡ್ ವಾಕಿಂಗ್ ಮಾಡಿ. ಸತತವಾಗಿ ಕುಳಿತುಕೊಳ್ಳುವುದು ಬೇಡ.

ಕಾಫಿ-ಟೀಗೆ ಟಾಟಾ ಹೇಳಿ: ಅತಿಯಾದ ಕೆಫೀನ್ ಮತ್ತು ಆಲ್ಕೋಹಾಲ್ ಸೇವನೆ ನಿಮ್ಮನ್ನು ಇನ್ನಷ್ಟು ನಿರ್ಜಲೀಕರಣಕ್ಕೆ ತಳ್ಳುತ್ತದೆ. ಅದರ ಬದಲಿಗೆ ತಾಜಾ ಜ್ಯೂಸ್ ಕುಡಿಯಿರಿ.

ಕೊನೆಯ ಮಾತು: ಮೂಲವ್ಯಾಧಿ ಎನ್ನುವುದು ಮುಚ್ಚಿಡುವ ವಿಷಯವಲ್ಲ. ನೋವು ಅಥವಾ ರಕ್ತಸ್ರಾವ ಕಾಣಿಸಿಕೊಂಡರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ. ನೆನಪಿಡಿ, ನಿರ್ಲಕ್ಷ್ಯ ಮಾಡಿದರೆ ಸಣ್ಣ ಸಮಸ್ಯೆ ದೊಡ್ಡ 'ಆಪರೇಷನ್' ಹಂತಕ್ಕೆ ಹೋಗಬಹುದು. ಈ ಬೇಸಿಗೆಯಲ್ಲಿ ನಿಮ್ಮ ಹೊಟ್ಟೆಯನ್ನು ತಂಪಾಗಿಡಿ, ಮೂಲವ್ಯಾಧಿಯಿಂದ ದೂರವಿರಿ!

ಸ್ನಾನದ ನೀರಿಗೆ ಒಂದೇ ಒಂದು ಚಿಟಿಕೆ ಅರಿಶಿನ ಬೆರೆಸಿದ್ರೆ ಸಾಕು ಇನ್ಫೆಕ್ಷನ್ ಆಗಲ್ಲ, ಫರ್‌ಫ್ಯೂಮ್‌ ಬೇಕಾಗಿಲ್ಲ!

Ashwini HR — Wed, 27 May 2026 22:11:26 +0530

Turmeric Bath Benefits: ಹಿರಿಯರು ಹಬ್ಬ ಹರಿದಿನಗಳಲ್ಲಿ ಅರಿಶಿನ ಹಚ್ಚಿ ಸ್ನಾನ ಮಾಡುವುದನ್ನು ಸಂಪ್ರದಾಯವಾಗಿಸಿದ್ದರು. ಆದರೆ ಇದರ ಹಿಂದೆ ದೊಡ್ಡ ವೈಜ್ಞಾನಿಕ ರಹಸ್ಯವೇ ಅಡಗಿದೆ. ಚರ್ಮದ ಇನ್ಫೆಕ್ಷನ್‌ನಿಂದ ಹಿಡಿದು ನೈಸರ್ಗಿಕ ಹೊಳಪಿನವರೆಗೆ, ಅರಿಶಿನದ ನೀರಿನ ಸ್ನಾನದಿಂದ ಸಿಗುವ ಅದ್ಭುತ ಲಾಭ ಇಲ್ಲಿದೆ.

ಅರಿಶಿನದ ನೀರಿನಿಂದ ಸ್ನಾನಭಾರತೀಯ ಸಂಪ್ರದಾಯದಲ್ಲಿ ಅರಿಶಿನಕ್ಕೆ ವಿಶೇಷ ಸ್ಥಾನವಿದೆ. ಕೇವಲ ಅಡುಗೆಯಲ್ಲಿ ಮಾತ್ರವಲ್ಲದೆ, ಆಯುರ್ವೇದ ಮತ್ತು ಚರ್ಮದ ಆರೈಕೆಯಲ್ಲಿ ಶತಮಾನಗಳಿಂದಲೂ ಅರಿಶಿನವನ್ನು ಬಳಸಲಾಗುತ್ತಿದೆ. ಅರಿಶಿನದಲ್ಲಿ ನೈಸರ್ಗಿಕವಾಗಿ ಇರುವ ಆಂಟಿ-ಆಕ್ಸಿಡೆಂಟ್ ಗುಣಗಳು ಚರ್ಮವನ್ನು ಆರೋಗ್ಯವಾಗಿಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. ಮುಖ್ಯವಾಗಿ ಅರಿಶಿನದ ನೀರಿನಿಂದ ಸ್ನಾನ ಮಾಡುವುದರಿಂದ ಚರ್ಮವು ಸ್ವಚ್ಛವಾಗುವುದಲ್ಲದೆ, ತುರಿಕೆ, ಸೋಂಕು ಮತ್ತು ಇತರ ಚರ್ಮದ ಸಮಸ್ಯೆಗಳಿಂದ ಮುಕ್ತಿ ಪಡೆಯಬಹುದು.

ಅರಿಶಿನದ ನೀರಿನಿಂದ ಸ್ನಾನ ಮಾಡುವುದರಿಂದಾಗುವ ಅದ್ಭುತ ಪ್ರಯೋಜನಗಳುಚರ್ಮವನ್ನು ಸ್ವಚ್ಛವಾಗಿ ಮತ್ತು ತಾಜಾವಾಗಿರಿಸುತ್ತದೆಚರ್ಮದ ಮೇಲೆ ಸಂಗ್ರಹವಾಗಿರುವ ಕೊಳೆ, ಬೆವರು ಮತ್ತು ಬ್ಯಾಕ್ಟೀರಿಯಾಗಳನ್ನು ಹೋಗಲಾಡಿಸಲು ಅರಿಶಿನ ಸಹಕಾರಿ. ಇದರಿಂದ ಚರ್ಮವು ಸ್ವಚ್ಛವಾಗಿ, ಆರೋಗ್ಯವಾಗಿ ಕಾಣುತ್ತದೆ.ಮೊಡವೆ ಮತ್ತು ಕಲೆಗಳ ನಿವಾರಣೆಅರಿಶಿನದಲ್ಲಿರುವ ಆಂಟಿ-ಬ್ಯಾಕ್ಟೀರಿಯಲ್ ಗುಣಗಳು ಮೊಡವೆಗೆ ಕಾರಣವಾಗುವ ಬ್ಯಾಕ್ಟೀರಿಯಾಗಳನ್ನು ನಾಶಪಡಿಸುತ್ತವೆ. ಅಲ್ಲದೆ ಮೊಡವೆಯಿಂದ ಉಂಟಾಗುವ ಉರಿಯೂತ, ಕೆಂಪಾಗುವಿಕೆ ಮತ್ತು ಕಲೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.ಚರ್ಮದ ತೇವಾಂಶವನ್ನು ಕಾಯ್ದುಕೊಳ್ಳುತ್ತದೆಅರಿಶಿನವು ಚರ್ಮವು ಒಣಗದಂತೆ ಕಾಪಾಡಿ ನೈಸರ್ಗಿಕ ತೇವಾಂಶವನ್ನು ಉಳಿಸಿಕೊಳ್ಳುತ್ತದೆ. ಇದರಿಂದ ಚರ್ಮವು ಮೃದುವಾಗುತ್ತದೆ.

ಗಾಯಗಳು ಬೇಗನೆ ವಾಸಿಯಾಗುತ್ತವೆಸಣ್ಣಪುಟ್ಟ ಗಾಯಗಳು, ಗೀರುಗಳು ಅಥವಾ ದದ್ದುಗಳು ಇದ್ದಾಗ ಅರಿಶಿನದ ನೀರಿನಿಂದ ಸ್ನಾನ ಮಾಡುವುದು ಒಳ್ಳೆಯದು. ಅರಿಶಿನದ ಗುಣಗಳು ಗಾಯಗಳನ್ನು ಬೇಗನೆ ಗುಣಪಡಿಸುತ್ತವೆ.ತುರಿಕೆ ಮತ್ತು ಫಂಗಲ್ ಇನ್ಫೆಕ್ಷನ್‌ಗೆ ರಾಮಬಾಣತುರಿಕೆ ಅಥವಾ ಫಂಗಲ್ ಇನ್ಫೆಕ್ಷನ್‌ನಿಂದ ಬಳಲುತ್ತಿರುವವರು ಸ್ನಾನದ ನೀರಿಗೆ ಸ್ವಲ್ಪ ಅರಿಶಿನ ಬೆರೆಸಿ ಸ್ನಾನ ಮಾಡಿದರೆ ತಕ್ಷಣದ ಉಪಶಮನ ಪಡೆಯಬಹುದು.ನೈಸರ್ಗಿಕ ಕಾಂತಿನಿಯಮಿತವಾಗಿ ಅರಿಶಿನದ ನೀರನ್ನು ಬಳಸುವುದರಿಂದ ಚರ್ಮಕ್ಕೆ ನೈಸರ್ಗಿಕ ಹೊಳಪು ಬರುತ್ತದೆ.ದೇಹದ ದುರ್ವಾಸನೆ ಕಡಿಮೆ ಮಾಡುತ್ತೆಬೆವರಿನಿಂದ ಉಂಟಾಗುವ ಬ್ಯಾಕ್ಟೀರಿಯಾಗಳನ್ನು ತಡೆದು ದೇಹದ ದುರ್ವಾಸನೆಯನ್ನು ಹೋಗಲಾಡಿಸುತ್ತದೆ.

ಅರಿಶಿನದ ನೀರನ್ನು ಬಳಸುವುದು ಹೇಗೆ?ಒಂದು ಬಕೆಟ್ ಉಗುರುಬೆಚ್ಚಗಿನ ನೀರಿಗೆ ಸುಮಾರು ಒಂದು ಟೀಚಮಚ ಅರಿಶಿನ ಪುಡಿಯನ್ನು ಬೆರೆಸಿ. ನೀರನ್ನು ಚೆನ್ನಾಗಿ ಕಲಕಿದ ನಂತರ ಆ ನೀರಿನಿಂದ ಸ್ನಾನ ಮಾಡಿ. ಇಷ್ಟವಿದ್ದರೆ ಇದಕ್ಕೆ ಸ್ವಲ್ಪ ರೋಸ್ ವಾಟರ್ ಅಥವಾ ಬೇವಿನ ಎಲೆಯ ನೀರನ್ನು ಕೂಡ ಸೇರಿಸಿಕೊಳ್ಳಬಹುದು.

ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆಗಳುಅರಿಶಿನದ ನೀರನ್ನು ಬಳಸುವ ಮುನ್ನ ಚರ್ಮದ ಒಂದು ಸಣ್ಣ ಭಾಗದಲ್ಲಿ ಪರೀಕ್ಷಿಸಿ (Patch Test). ಚರ್ಮದ ಮೇಲೆ ಕೆಂಪಾಗುವಿಕೆ, ಉರಿ ಅಥವಾ ತುರಿಕೆ ಕಂಡುಬಂದರೆ ತಕ್ಷಣ ಬಳಸುವುದನ್ನು ನಿಲ್ಲಿಸಿ. ಅತೀ ಸೂಕ್ಷ್ಮ ಚರ್ಮ (Sensitive Skin) ಹೊಂದಿರುವವರು ವೈದ್ಯರ ಸಲಹೆ ಪಡೆಯುವುದು ಉತ್ತಮ.

ಮನುಷ್ಯರ ಕ್ಯಾನ್ಸರ್ ಚಿಕಿತ್ಸೆಗೆ ದಾರಿದೀಪವಾಗಲಿವೆ ಸಾಕು ಬೆಕ್ಕುಗಳು: ವಿಜ್ಞಾನಿಗಳ ಹೊಸ ಸಂಶೋಧನೆ

Ashwini HR — Wed, 27 May 2026 17:09:46 +0530

Cat Cancer Research Kannada: ವಿಜ್ಞಾನಿಗಳು ಬೆಕ್ಕುಗಳ ಕ್ಯಾನ್ಸರ್ ಗಡ್ಡೆಗಳ ಮೇಲೆ ನಡೆಸಿದ ಬೃಹತ್ ಸಂಶೋಧನೆಯು, ಆ ಪ್ರಾಣಿಗಳಲ್ಲಿ ಕ್ಯಾನ್ಸರ್ ಬರಲು ಕಾರಣವಾಗುವ ವಂಶವಾಹಿ ರಹಸ್ಯಗಳನ್ನು ಪತ್ತೆಹಚ್ಚುವಲ್ಲಿ ಯಶಸ್ವಿಯಾಗಿದೆ.

ಸಂಶೋಧನೆಯ ಮುಖ್ಯಾಂಶಗಳುತಳೀಯ ಹೋಲಿಕೆಗಳು: ಸುಮಾರು 500 ಸಾಕು ಬೆಕ್ಕುಗಳ ಟ್ಯೂಮರ್ ಮಾದರಿಗಳನ್ನು ವಿಶ್ಲೇಷಿಸಿದಾಗ, ಮನುಷ್ಯರು ಮತ್ತು ನಾಯಿಗಳಲ್ಲಿ ಕಂಡುಬರುವ ಕ್ಯಾನ್ಸರ್ ಕಾರಕ ಜೀನ್‌ಗಳೇ ಬೆಕ್ಕುಗಳಲ್ಲೂ ಇರುವುದು ಪತ್ತೆಯಾಗಿದೆ.ಸ್ತನ ಕ್ಯಾನ್ಸರ್ (Mammary Cancer): ಬೆಕ್ಕುಗಳಲ್ಲಿನ ಸ್ತನ ಕ್ಯಾನ್ಸರ್ ಟ್ಯೂಮರ್‌ಗಳಲ್ಲಿ FBXW7 ಎಂಬ ಜೀನ್ ಅತಿ ಹೆಚ್ಚು ಬದಲಾವಣೆಗೆ ಒಳಗಾಗಿರುವುದು ಕಂಡುಬಂದಿದೆ. ಮನುಷ್ಯರ ಸ್ತನ ಕ್ಯಾನ್ಸರ್‌ನಲ್ಲೂ ಇದೇ ಜೀನ್‌ನ ಬದಲಾವಣೆಗಳು ಗಂಭೀರ ಪರಿಣಾಮಗಳನ್ನು ಬೀರುತ್ತವೆ.ಪರಿಸರದ ಪ್ರಭಾವ: ಬೆಕ್ಕುಗಳು ತಮ್ಮ ಮಾಲೀಕರೊಂದಿಗೆ ಒಂದೇ ಪರಿಸರದಲ್ಲಿ ವಾಸಿಸುವುದರಿಂದ, ಪರಿಸರ ಮಾಲಿನ್ಯ ಅಥವಾ ಇತರ ಅಂಶಗಳು ಮನುಷ್ಯರು ಮತ್ತು ಬೆಕ್ಕುಗಳಿಬ್ಬರಲ್ಲೂ ಕ್ಯಾನ್ಸರ್ ಅಪಾಯವನ್ನು ಹೇಗೆ ಹೆಚ್ಚಿಸುತ್ತವೆ ಎಂಬುದನ್ನು ಅರ್ಥಮಾಡಿಕೊಳ್ಳಲು ಇದು ಸಹಕಾರಿ.

ಚಿಕಿತ್ಸೆಯಲ್ಲಿ ಹೊಸ ಭರವಸೆಸಂಶೋಧನೆಯಲ್ಲಿ ಕಂಡುಬಂದ ಆಶಾದಾಯಕ ವಿಷಯವೆಂದರೆ, ಕೆಲವು ನಿರ್ದಿಷ್ಟ ಕೆಮೊಥೆರಪಿ ಔಷಧಗಳು ಮ್ಯುಟೇಶನ್ ಹೊಂದಿದ (Mutated) FBXW7 ಜೀನ್ ಇರುವ ಟ್ಯೂಮರ್‌ಗಳ ಮೇಲೆ ಹೆಚ್ಚು ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತವೆ. ಇದು ಭವಿಷ್ಯದಲ್ಲಿ ಮನುಷ್ಯರು ಮತ್ತು ಪ್ರಾಣಿಗಳಿಗೆ ನಿಖರವಾದ (Precision) ಕ್ಯಾನ್ಸರ್ ಚಿಕಿತ್ಸೆ ನೀಡಲು ದಾರಿಯಾಗಲಿದೆ.

'ಒನ್ ಮೆಡಿಸಿನ್' (One Medicine) ಪರಿಕಲ್ಪನೆಈ ಅಧ್ಯಯನವು 'ಒನ್ ಮೆಡಿಸಿನ್' ಎಂಬ ದೃಷ್ಟಿಕೋನವನ್ನು ಆಧರಿಸಿದೆ. ಅಂದರೆ, ಪಶುವೈದ್ಯಕೀಯ ಮತ್ತು ಮಾನವ ವೈದ್ಯಕೀಯ ಸಂಶೋಧಕರು ಪರಸ್ಪರ ಮಾಹಿತಿ ಹಂಚಿಕೊಳ್ಳುವ ಮೂಲಕ ಎರಡೂ ಜೀವಿಗಳ ಆರೋಗ್ಯ ಸುಧಾರಿಸುವುದು ಇದರ ಗುರಿ.

ವಿಜ್ಞಾನಿಗಳ ಮಾತು"ಈ ಸಂಶೋಧನೆಯು ಬೆಕ್ಕುಗಳಲ್ಲಿ ಕ್ಯಾನ್ಸರ್ ಏಕೆ ಬೆಳೆಯುತ್ತದೆ, ನಮ್ಮ ಸುತ್ತಮುತ್ತಲಿನ ಪ್ರಪಂಚವು ಕ್ಯಾನ್ಸರ್ ಅಪಾಯದ ಮೇಲೆ ಹೇಗೆ ಪ್ರಭಾವ ಬೀರುತ್ತದೆ ಮತ್ತು ಹೊಸ ಚಿಕಿತ್ಸಾ ವಿಧಾನಗಳನ್ನು ಹೇಗೆ ಕಂಡುಹಿಡಿಯಬಹುದು ಎಂಬುದನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ," ಎಂದು ಸಂಶೋಧನೆಯ ಸಹ-ಲೇಖಕ ಡಾ. ಜೆಫ್ರಿ ವುಡ್ ಹೇಳಿದ್ದಾರೆ.

ಒಟ್ಟಾರೆಯಾಗಿ, ಈ ಅಧ್ಯಯನವು ಬೆಕ್ಕುಗಳಿಗೆ ಉತ್ತಮ ಚಿಕಿತ್ಸೆ ಒದಗಿಸುವುದರ ಜೊತೆಗೆ, ಮನುಷ್ಯರಲ್ಲಿ ಕ್ಯಾನ್ಸರ್ ತಡೆಗಟ್ಟಲು ಮತ್ತು ಗುಣಪಡಿಸಲು ಹೊಸ ಮಾರ್ಗಗಳನ್ನು ತೆರೆದಿದೆ.

ಗಮನಿಸಿ: ಇದು ವಿಜ್ಞಾನ ಮತ್ತು ಪ್ರಾಣಿಗಳ ಆರೋಗ್ಯದ ನಡುವಿನ ಸಂಬಂಧವನ್ನು ವಿವರಿಸುವ ಲೇಖನವಾಗಿದೆ. ಹೆಚ್ಚಿನ ವೈದ್ಯಕೀಯ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸುವುದು ಉತ್ತಮ.

ಊಟವಾದ್ಮೇಲೆ ಒಂದು ಪಾನ್ ಇದ್ರೆ ಅದ್ರ ಮಜವೇ ಬೇರೆ, ಹಾಗಂತ ಎಲ್ಲರೂ ತಿನ್ನೋದು ಒಳ್ಳೇದಲ್ಲ

Roopa Hegde — Tue, 26 May 2026 16:24:49 +0530

ಭಾರತದಲ್ಲಿ ಪಾನ್ (paan) ತಿನ್ನೋದು ಹಳೆಯ ಸಂಪ್ರದಾಯ. ಅನೇಕರಿಗೆ ಇದು ಅಭ್ಯಾಸವಾದ್ರೆ ಮತ್ತೆ ಕೆಲವರಿಗೆ ಇದು ಚಟ. ಊಟ ಆದ್ಮೇಲೆ ನೀವು ತಿನ್ನುವ ಸ್ವೀಟ್‌ ಪಾನ್‌ ಕೂಡ ನಿಮ್ಮ ಆರೋಗ್ಯ ಹಾಳ್ಮಾಡ್ಬಹುದು ಜಾಗ್ರತೆ.

ಪಾನ್ ಗೆ ಆಯುರ್ವೇದದಲ್ಲಿ ಹೆಚ್ಚಿನ ಪ್ರಾಮುಖ್ಯತೆ ಇದೆ. ವೀಳ್ಯದೆಲೆ ಗಾಯಗಳನ್ನು ಗುಣಪಡಿಸಲು ಸಹಾಯ ಮಾಡುತ್ತದೆ. ಇದರಲ್ಲಿ ಕ್ಯಾಲ್ಸಿಯಂ, ವಿಟಮಿನ್ ಸಿ, ರಿಬೋಫ್ಲಾವಿನ್, ಕ್ಯಾರೋಟಿನ್, ನಿಯಾಸಿನ್, ಕ್ಲೋರೊಫಿಲ್ ಮತ್ತು ಉತ್ಕರ್ಷಣ ನಿರೋಧಕಗಳಿವೆ. ಸರಿಯಾಗಿ ಸೇವಿಸಿದರೆ, ಪಾನ್ ದೇಹವನ್ನು ಅನೇಕ ಸಮಸ್ಯೆಗಳಿಂದ ರಕ್ಷಿಸುತ್ತದೆ. ಪಾನ್ ಅನ್ನು ವೀಳ್ಯದೆಲೆ, ಅಡಿಕೆ, ಸುಣ್ಣ, ಸೋಂಪು ಸೇರಿದಂತೆ ಅನೇಕ ಪದಾರ್ಥಗಳನ್ನು ಸೇರಿಸಿ ತಿನ್ನಲಾಗುತ್ತದೆ.

ತಂಬಾಕು ಸೇವನೆ ಯಾವುದೇ ವ್ಯಕ್ತಿಗೆ ಸೂಕ್ತವಲ್ಲ. ಸಿಹಿ ಪಾನ್ ಕೂಡ ಪ್ರತಿ ದಿನ ತಿನ್ನಬಾರದು. ಸ್ವೀಟ್ ಪಾನ್ ನಲ್ಲಿ ಬಹಳಷ್ಟು ಸಕ್ಕರೆ, ಗುಲ್ಕನ್ ಮತ್ತು ಸಿಹಿ ಪದಾರ್ಥಗಳಿರುತ್ತವೆ. ಸಿಹಿ ಪದಾರ್ಥಗಳು ರಕ್ತದಲ್ಲಿನ ಸಕ್ಕರೆ ಮಟ್ಟದಲ್ಲಿ ಏರಿಕೆಗೆ ಕಾರಣವಾಗಬಹುದು. ಹಾಗಾಗಿ ಮಧುಮೇಹ ರೋಗಿಗಳು ಇದನ್ನು ತಿನ್ನಬಾರದು.

ಗರ್ಭಾವಸ್ಥೆಯಲ್ಲಿ ತಂಬಾಕು ಅಥವಾ ವೀಳ್ಯದೆಲೆ ಹೊಂದಿರುವ ಪಾನ್ ತಿನ್ನುವುದು ಉತ್ತಮವಲ್ಲ. ಇದು ತಾಯಿ ಮತ್ತು ಮಗು ಇಬ್ಬರಿಗೂ ಹಾನಿಕಾರಕವೆಂದು ಪರಿಗಣಿಸಲಾಗುತ್ತದೆ.

ಹಲ್ಲಿನ ಸಮಸ್ಯೆ ಇರುವವರು ಪಾನ್ ತಿನ್ನಬಾರದು. ಹಲ್ಲಿನಲ್ಲಿ ಹುಳು ಅಥವಾ ಹಲ್ಲು ಹಾಳಾಗಿದ್ದರೆ ಪಾನ್ ತಿನ್ನುವುದ್ರಿಂದ ಸಮಸ್ಯೆ ಹೆಚ್ಚಾಗುತ್ತದೆ. ಹಲ್ಲಿನ ನೋವು ಕಾಡುತ್ತದೆ.

ತಂಬಾಕು ಪಾನ್ ಅಥವಾ ಸಿಹಿ ಪಾನನ್ನು ನಿರಂತರ ಸೇವನೆ ಮಾಡೋದ್ರಿಂದ ಅಥವಾ ಬಾಯಲ್ಲಿ ತುಂಬಾ ಸಮಯ ಇಟ್ಟುಕೊಳ್ಳುವುದ್ರಿಂದ ಬಾಯಿ ಕ್ಯಾನ್ಸರ್ ಕಾಡುವ ಅಪಾಯ ಹೆಚ್ಚಿರುತ್ತದೆ. ಇಡೀ ದಿನ ಪಾನ್ ಸೇವನೆ ಮಾಡೋದ್ರಿಂದ ಜೀರ್ಣಕ್ರಿಯೆ ಸಮಸ್ಯೆ ಕೂಡ ಕಾಡಬಹುದು. ನೀವು ತಿಂದ ಆಹಾರ ಸರಿಯಾಗಿ ಜೀರ್ಣವಾಗದೆ ಹೊಟ್ಟೆಯಲ್ಲಿ ಬೇರೆ ಬೇರೆ ಸಮಸ್ಯೆ ಕಾಣಿಸಿಕೊಳ್ಳಬಹುದು.

ಹೊಟ್ಟೆ ಉಬ್ಬರ, ಗ್ಯಾಸ್ಟ್ರಿಕ್ ಸಮಸ್ಯೆಯಿಂದ ಬಳಲುತ್ತಿರುವ ಜನರು ಕೂಡ ಪಾನ್ ತಿನ್ನಬೇಡಿ. ಪಾನ್ ತಿಂದ ತಕ್ಷಣ ನೀವು ನೀರು ಕುಡಿದ್ರೆ ತಲೆ ನೋವು, ಗ್ಯಾಸ್ಟ್ರಿಕ್ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ಔಷಧಿ ಸೇವನೆ ಮಾಡುವವರು ಹೆಚ್ಚಿನ ಪ್ರಮಾಣದಲ್ಲಿ ಪಾನ್ ತಿನ್ನಬೇಡಿ. ಇದು ಹೊಟ್ಟೆ ನೋವಿಗೆ ಕಾರಣ ಆಗ್ಬಹುದು.

ಪಾನ್ ಗೆ ಬಳಸುವ ವೀಳ್ಯದ ಎಲೆಯ ಕಟು ಮತ್ತು ತಣ್ಣನೆಯ ಪರಿಣಾಮ ಮಕ್ಕಳು ಮತ್ತು ವೃದ್ಧರಿಗೆ ಹಾನಿಕಾರಕ. ಪಾನ್ ಸೇವನೆಯಿಂದ ಮಕ್ಕಳ ಆರೋಗ್ಯ ಹದಗೆಡುವ ಸಾಧ್ಯತೆ ಇರುತ್ತದೆ.

ಬಿಪಿಯಿಂದ ಬಳಲುತ್ತಿರುವ ಜನರು ಎಂದಿಗೂ ಪಾನ್ ತಿನ್ನಬಾರದು. ಯಾರಿಗಾದರೂ ಅಧಿಕ ಬಿಪಿ ಸಮಸ್ಯೆ ಇದ್ದರೆ, ಅವರು ತಂಬಾಕು ಅಥವಾ ವೀಳ್ಯದೆಲೆಯೊಂದಿಗೆ ಪಾನ್ ತಿನ್ನಬೇಡಿ. ತಂಬಾಕು ಮತ್ತು ವೀಳ್ಯದೆಲೆ ಇವೆರಡೂ ರಕ್ತದೊತ್ತಡವನ್ನು ಹೆಚ್ಚಿಸಬಹುದು

Mental Health: ಲೈಫ್‌ ಬೇಡ, ಜಿಗುಪ್ಸೆ ಬಂತು, ಜೀವನವೇ ಸಾಕು ಎನಿಸ್ತಿದ್ಯಾ? ಹಾಗಿದ್ರೆ ನೀವು ಹೀಗೆ ಮಾಡ್ಬೇಕು!

Padmashree Bhat — Mon, 25 May 2026 17:06:18 +0530

Top 10 tips to maintain your mental health: ಇಂದು ಎಲ್ಲರೂ ಧಾವಂತದ ಬದುಕಿನಲ್ಲಿ ಓಡುತ್ತಿದ್ದಾರೆ. ಕೆಲಸದ ಒತ್ತಡ, ಒಂಟಿತನ, ಅನಾರೋಗ್ಯ, ಶಿಸ್ತಿಲ್ಲದ ಜೀವನಶೈಲಿ ಅನೇಕರನ್ನು ಡಿಪ್ರೆಶನ್‌ಗೆ ತಳ್ಳಿ ಹಾಕುತ್ತಿವೆ. ಜೀವನವೇ ಸಾಕು, ಜೀವನದ ಮೇಲೆ ಜಿಗುಪ್ಸೆ ಬಂದಿದೆ ಎಂದು ಕೆಲವರು ಹೇಳುತ್ತಾರೆ.

ನಿಮ್ಮ ಸ್ನೇಹಿತರು ಅಥವಾ ಮನೆಯವರು, ಕುಟುಂಬದ ಸದಸ್ಯರು, ಸಹದ್ಯೋಗಿಗಳ ಜೊತೆ ಮಾತನಾಡಿ, ಎಷ್ಟು ಆಗತ್ತೋ ಅಷ್ಟು ಮುಕ್ತವಾಗಿ ಮಾತನಾಡಿ. ನೀವು ಯಾರ ಬಳಿ ಏನು ಮಾತನಾಡ್ತೀರಿ ಎನ್ನೋದು ಮುಖ್ಯವಾಗುತ್ತದೆ, ಅದನ್ನು ನೀವು ನೆನಪಿನಲ್ಲಿ ಇಡಬೇಕು. ಆಗ ನಮ್ಮಲ್ಲಿರುವ ಆತ್ಮವಿಶ್ವಾಸ ಹೆಚ್ಚುತ್ತದೆ.

ವ್ಯಾಯಾಮ ಮಾಡುವುದರಿಂದ ಬಾಡಿ ಆಕ್ಟಿವ್‌ ಆಗುತ್ತದೆ, ಇದರಿಂದ ಮಾನಸಿಕ ಆರೋಗ್ಯ ಕೂಡ ಚೆನ್ನಾಗಿರುತ್ತದೆ. ನಿತ್ಯವೂ ವ್ಯಾಯಾಮ ಮಾಡೋದರಿಂದ ನಿಮ್ಮನ್ನು ಗಟ್ಟಿ ಮಾಡುತ್ತವೆ, ಮೂಡ್‌ ಸುಧಾರಿಸುತ್ತದೆ.

ಜೀವನದಲ್ಲಿ ನಿತ್ಯವೂ ಒಂದಲ್ಲ ಒಂದು ವಿಷಯವನ್ನು ಕಲಿಯುತ್ತಿರಬೇಕು. ಇದರಿಂದ ನಮ್ಮ ಬೆಳವಣಿಗೆ ಆಗುತ್ತದೆ. ಅಷ್ಟೇ ಅಲ್ಲದೆ ಹೊಸ ಹೊಸ ಅವಕಾಶಗಳು ಸೃಷ್ಟಿ ಆಗುತ್ತವೆ.

ಅಗತ್ಯವಿರುವವರಿಗೆ ಸಹಾಯ ಮಾಡುವುದು ಖುಷಿ ಕೊಡುತ್ತದೆ. ಇದರಿಂದ ನಮ್ಮ ಪ್ರೀತಿಪಾತ್ರರಿಗೆ ಖುಷಿ ಸಿಗುತ್ತದೆ, ಸಂಬಂಧವೂ ಸುಧಾರಿಸುತ್ತದೆ. ಬೇರೆಯವರಿಗೆ ಸಹಾಯ ಮಾಡೋದು ಅಂತರಾತ್ಮಕ್ಕೆ ಖುಷಿ ಕೊಡುತ್ತದೆ.

ನಾವು ಒಂಟಿಯಾಗಿ ಹೆಚ್ಚು ಸಮಯ ಕಳೆದರೆ ನಕಾರಾತ್ಮಕ ವಿಷಯಗಳು ಬರುತ್ತವೆ. ಹೀಗಾಗಿ ಆಲೋಚನೆಗಳನ್ನು ಬದಲಾಯಿಸಬೇಕು, ಒಂದಿಷ್ಟು ಚಟುವಟಿಕೆಗಳಲ್ಲಿ ಭಾಗಿಯಾಗಬೇಕು.

Mind It: ವಾಸ್ತು ಶಾಸ್ತ್ರದ ಪ್ರಕಾರ ಫ್ರಿಡ್ಜ್‌ ಮೇಲೆ ಈ ವಸ್ತುಗಳನ್ನು ಇಡಲೇಬೇಡಿ; ಅಪಾಯ ತಪ್ಪಿದ್ದಲ್ಲ, ಹುಶಾರ್!

Shriram Bhat — Sun, 24 May 2026 23:08:37 +0530

ಫ್ರಿಡ್ಜ್ ಮೇಲೆ ಏನೇನೋ ಇಡೋ ಮುನ್ನ ಹತ್ತು ಬಾರಿ ಯೋಚಿಸಿ! ವಾಸ್ತು ಶಾಸ್ತ್ರದ ಈ ಎಚ್ಚರಿಕೆ ನಿಮ್ಮ ಮನೆಯ ಸುಖ-ಶಾಂತಿಗಾಗಿ..

ಇಂದಿನ ಕಾಲದಲ್ಲಿ ಫ್ರಿಡ್ಜ್ (Refrigerator) ಇಲ್ಲದ ಮನೆ ಹುಡುಕುವುದು ಕಷ್ಟ. ಅಡುಗೆ ಮನೆಯಲ್ಲಿ ಫ್ರಿಡ್ಜ್ ಎಂಬುದು ಬರೀ ಹಣ್ಣು-ತರಕಾರಿ ಇಡುವ ಯಂತ್ರವಲ್ಲ, ಅದು ಮನೆಯ ಒಂದು ಅವಿಭಾಜ್ಯ ಅಂಗವಾಗಿಬಿಟ್ಟಿದೆ. ಆದರೆ, ನಾವೇನು ಮಾಡುತ್ತೇವೆ? ಫ್ರಿಡ್ಜ್ ಮೇಲೆ ಜಾಗ ಖಾಲಿ ಇದೆಯಲ್ಲ ಎಂದು ಸಿಕ್ಕಸಿಕ್ಕ ವಸ್ತುಗಳನ್ನು ತಂದು ಅಲ್ಲಿ ಪೇರಿಸಿಡುತ್ತೇವೆ. ಹಳೆಯ ಪೇಪರ್, ಔಷಧಿ ಡಬ್ಬಿ, ಮಕ್ಕಳ ಆಟಿಕೆ ಅಥವಾ ಯಾವುದೋ ಸುಂದರವಾದ ಆಯಸ್ಕಾಂತ (Magnets) ಹೀಗೆ ಫ್ರಿಡ್ಜ್ ಮೇಲ್ಭಾಗ ಒಂದು ಸಣ್ಣ ಮಿನಿ ಸ್ಟೋರೇಜ್ ರೂಮ್ ಆಗಿಬಿಟ್ಟಿರುತ್ತದೆ.

ಆದರೆ ವಾಸ್ತು ಶಾಸ್ತ್ರದ ಪ್ರಕಾರ, ನೀವು ಫ್ರಿಡ್ಜ್ ಮೇಲೆ ಇಡುವ ಈ ಸಣ್ಣಪುಟ್ಟ ವಸ್ತುಗಳು ನಿಮ್ಮ ಮನೆಯ ಆರ್ಥಿಕ ಪರಿಸ್ಥಿತಿ ಮತ್ತು ನೆಮ್ಮದಿಯ ಮೇಲೆ ದೊಡ್ಡ ಪ್ರಭಾವ ಬೀರುತ್ತವೆ ಎಂದರೆ ನೀವು ನಂಬಲೇಬೇಕು! ಹೌದು, ಫ್ರಿಡ್ಜ್ ಮೇಲ್ಭಾಗದಲ್ಲಿ ಯಾವ ವಸ್ತುಗಳನ್ನು ಇಡಬಾರದು ಎಂಬ ಬಗ್ಗೆ ಇಲ್ಲಿದೆ ಒಂದು ಇಂಟರೆಸ್ಟಿಂಗ್ ಮಾಹಿತಿ.

1. ರಾಹು-ಶನಿಯ ಪ್ರಭಾವ ಇರಲಿ ಎಚ್ಚರ!

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಫ್ರಿಡ್ಜ್ ಒಂದು ಎಲೆಕ್ಟ್ರಾನಿಕ್ ಸಾಧನ ಮತ್ತು ಇದು ಲೋಹದಿಂದ ಮಾಡಲ್ಪಟ್ಟಿದೆ. ಯಾವುದೇ ಎಲೆಕ್ಟ್ರಾನಿಕ್ ವಸ್ತುಗಳು ರಾಹು ಮತ್ತು ಶನಿ ಗ್ರಹಗಳ ಪ್ರಭಾವಕ್ಕೆ ಒಳಪಟ್ಟಿರುತ್ತವೆ. ನೀವು ಅದರ ಮೇಲೆ ಅಸ್ತವ್ಯಸ್ತವಾಗಿ ವಸ್ತುಗಳನ್ನು ಇಟ್ಟರೆ, ಆ ಗ್ರಹಗಳ ನಕಾರಾತ್ಮಕ ದೃಷ್ಟಿ ನಿಮ್ಮ ಮನೆಯ ಮೇಲೆ ಬೀಳಬಹುದು. ಇದು ಮನೆಯಲ್ಲಿ ಅನಗತ್ಯ ಕಿರಿಕಿರಿ ಮತ್ತು ಹಣದ ಮುಗ್ಗಟ್ಟಿಗೆ ಕಾರಣವಾಗಬಹುದು.

2. ಆಯಸ್ಕಾಂತಗಳು ಮತ್ತು ಬಣ್ಣದ ಸ್ಟಿಕ್ಕರ್‌ಗಳು:

ನಾವೆಲ್ಲರೂ ಪ್ರವಾಸ ಹೋದಾಗ ಅಲ್ಲಿಂದ ತಂದ ಸುಂದರವಾದ 'ಫ್ರಿಡ್ಜ್ ಮ್ಯಾಗ್ನೆಟ್'ಗಳನ್ನು ಅಂಟಿಸಲು ಇಷ್ಟಪಡುತ್ತೇವೆ. ಆದರೆ ವಾಸ್ತು ಪ್ರಕಾರ, ಈ ಆಯಸ್ಕಾಂತಗಳು ಆ ಜಾಗದ ಕಾಸ್ಮಿಕ್ ಶಕ್ತಿಯನ್ನು ಕೆರಳಿಸುತ್ತವೆ. ಅದರಲ್ಲೂ ವಿಚಿತ್ರ ಬಣ್ಣ ಅಥವಾ ವಿನ್ಯಾಸದ ಮ್ಯಾಗ್ನೆಟ್‌ಗಳು ರಾಹುವಿನ ನಕಾರಾತ್ಮಕ ಶಕ್ತಿಯನ್ನು ಸಕ್ರಿಯಗೊಳಿಸುತ್ತವೆ. ಇದು ಮನೆಯಲ್ಲಿ ಅಶಾಂತಿಯನ್ನು ತರಬಹುದು.

3. ಯುದ್ಧದ ಚಿತ್ರಗಳು ಅಥವಾ ಹಿಂಸ್ರ ಪ್ರಾಣಿಗಳು:

ಕೆಲವರು ಫ್ರಿಡ್ಜ್ ಮೇಲೆ ಸಿಂಹ, ಚಿರತೆ ಅಥವಾ ಯಾವುದೋ ಯುದ್ಧದ ಸನ್ನಿವೇಶದ ಸ್ಟಿಕ್ಕರ್‌ಗಳನ್ನು ಅಂಟಿಸುತ್ತಾರೆ. ಇದು ನೋಡಲು ಸ್ಟೈಲಿಶ್ ಆಗಿ ಕಾಣಬಹುದು, ಆದರೆ ವಾಸ್ತು ಪ್ರಕಾರ ಇದು ಮನೆಯಲ್ಲಿ 'ಕ್ರೋಧ' ಅಥವಾ ಸಿಟ್ಟನ್ನು ಹೆಚ್ಚಿಸುತ್ತದೆ. ಇದರಿಂದ ಕುಟುಂಬದ ಸದಸ್ಯರ ನಡುವೆ ಸಣ್ಣ ವಿಷಯಕ್ಕೂ ಜಗಳವಾಗುವ ಸಾಧ್ಯತೆ ಇರುತ್ತದೆ.

4. ಮುಳ್ಳಿನ ಗಿಡಗಳು ಅಥವಾ ಕೆಟ್ಟ ಎಮೋಜಿಗಳು:

ಫ್ರಿಡ್ಜ್ ಮೇಲೆ ಅಲಂಕಾರಕ್ಕಾಗಿ ಪಾಪಾಸ್‌ಕಳ್ಳಿಯಂತಹ ಮುಳ್ಳಿನ ಗಿಡಗಳನ್ನಾಗಲಿ ಅಥವಾ ದುಃಖ ಸೂಚಿಸುವ ಎಮೋಜಿಗಳನ್ನಾಗಲಿ ಇಡಬೇಡಿ. ಇವು ನಕಾರಾತ್ಮಕತೆಯನ್ನು ಆಕರ್ಷಿಸುತ್ತವೆ. ಇದು ಮಕ್ಕಳ ಶಿಕ್ಷಣದ ಮೇಲೆ ಮತ್ತು ನಿಮ್ಮ ಉದ್ಯೋಗದ ಪ್ರಗತಿಯ ಮೇಲೆ ಅಡೆತಡೆಗಳನ್ನು ಉಂಟುಮಾಡಬಹುದು ಎಂದು ವಾಸ್ತು ತಜ್ಞರು ಎಚ್ಚರಿಸುತ್ತಾರೆ.

5. ಅನ್ನಪೂರ್ಣ ದೇವಿಯ ಅವಕೃಪೆ:

ಅಡುಗೆ ಮನೆ ಎಂದರೆ ಅದು ಸಾಕ್ಷಾತ್ ಅನ್ನಪೂರ್ಣೇಶ್ವರಿ ನೆಲೆಸುವ ಜಾಗ. ಫ್ರಿಡ್ಜ್‌ನಲ್ಲಿ ನಾವು ಆಹಾರವನ್ನು ಸಂಗ್ರಹಿಸಿಡುತ್ತೇವೆ. ಅಂತಹ ಫ್ರಿಡ್ಜ್ ಮೇಲೆ ಧೂಳು ಹಿಡಿದ ವಸ್ತುಗಳು ಅಥವಾ ಕಸವನ್ನು ಇಟ್ಟರೆ ಅದು ದೇವಿಗೆ ಮಾಡುವ ಅಪಮಾನವೆಂದು ಪರಿಗಣಿಸಲಾಗುತ್ತದೆ. ಇದರಿಂದ ಮನೆಯಲ್ಲಿ ಐಶ್ವರ್ಯ ಕಡಿಮೆಯಾಗಬಹುದು.

ಪರಿಹಾರವೇನು?

ನಿಮ್ಮ ಫ್ರಿಡ್ಜ್ ಮೇಲ್ಭಾಗ ಯಾವಾಗಲೂ ಸ್ವಚ್ಛವಾಗಿರಲಿ. ಬದಲಿಗೆ ಅಲ್ಲಿ 'ಸ್ವಸ್ತಿಕ್' ಅಥವಾ 'ಶುಭ ಲಾಭ'ದಂತಹ ಪವಿತ್ರ ಚಿಹ್ನೆಗಳನ್ನು ಇಡಿ. ಇದು ಮನೆಯಲ್ಲಿ ಸಕಾರಾತ್ಮಕ ಶಕ್ತಿಯನ್ನು ತುಂಬುತ್ತದೆ. ಇಂದೇ ನಿಮ್ಮ ಫ್ರಿಡ್ಜ್ ಮೇಲಿರುವ ಬೇಡದ ವಸ್ತುಗಳನ್ನು ತೆರವುಗೊಳಿಸಿ, ಮನೆಯಲ್ಲಿ ಅದೃಷ್ಟದ ಬಾಗಿಲು ತೆರೆಯಿರಿ!

ನಿತ್ಯವೂ ಚೀಟ್‌ ಡೇ ಮಾಡ್ತೀನಿ: ವಯಸ್ಸು 60 ಆದ್ರೂ Actor Salman Khan ಇಷ್ಟು ಫಿಟ್‌ ಆಗಿರೋದು ಹೇಗೆ?

Padmashree Bhat — Wed, 27 May 2026 13:41:32 +0530

Actor Salman Khan News: 60 ವರ್ಷದ ನಟ ಸಲ್ಮಾನ್ ಖಾನ್ ಸದಾ ಅವರ ಫಿಟ್‌ನೆಸ್‌ನಿಂದ ಗಮನಸೆಳೆಯುತ್ತಾರೆ. ಫಿಟ್‌ನೆಸ್‌ಗೆ 20% ವರ್ಕೌಟ್‌ ಮಾಡಿದರೆ, 80% ಡಯೆಟ್‌ ಮಾಡಬೇಕಾಗುತ್ತದೆ. ಆದರೆ ಸಲ್ಮಾನ್‌ ಖಾನ್‌ ಮಾತ್ರ ನಿತ್ಯವೂ ಚೀಟ್‌ ಮಾಡುತ್ತಾರಂತೆ.

ಸಲ್ಮಾನ್‌ ಖಾನ್‌ ಮಾತನಾಡಿ, "ನನಗೆ ಪ್ರತಿದಿನವೂ ಚೀಟ್ ಮೀಲ್‌ ಇರುತ್ತದೆ. ಜಿಮ್‌ನಲ್ಲಿ ಬೇಕಿದ್ರೆ 20 ನಿಮಿಷ ಅಥವಾ ಒಂದು ಗಂಟೆ ಕಾಲ ಹೆಚ್ಚು ವರ್ಕೌಟ್‌ ಮಾಡೋಕೆ ರೆಡಿ ಇದ್ದೀನಿ. ಆದರೆ ನಾನು ಏನು ತಿನ್ನಬೇಕೋ ಅದನ್ನೇ ತಿನ್ನುತ್ತೇನೆ. ನಾನು ಬೇಯಿಸಿದ ಆಹಾರವನ್ನು ತಿನ್ನುವುದಿಲ್ಲ" ಎಂದು ಹೇಳಿದ್ದಾರೆ.

"ನನ್ನ ದೇಹಕ್ಕೆ ಎಷ್ಟು ಪ್ರೋಟೀನ್ ಬೇಕೋ, ಅಷ್ಟನ್ನು ನಾನು ತಿನ್ನುತ್ತೇನೆ. ಆಹಾರ ಎಷ್ಟು ಟೇಸ್ಟೀಯಾಗಿರಲಿ, ನಾನು ಕೇವಲ ಒಂದು ಚಮಚದಷ್ಟು ಅನ್ನವನ್ನು ತಿನ್ನುತ್ತೇನೆ. ನಾನು ರೊಟ್ಟಿಗಳನ್ನು ಮಾತ್ರ ಮುಟ್ಟಲ್ಲ. ನಾನು ಇಷ್ಟನ್ನೇ ಪಾಲಿಸುವೆ. ಆ ಒಂದು ಚಮಚ ಅನ್ನದ ಜೊತೆಗೆ, ನನಗೆ ಎಷ್ಟು ಪ್ರೋಟೀನ್‌ ಬೇಕೋ ಅಷ್ಟು ತಿನ್ನುವೆ” ಎಂದು ಹೇಳಿದ್ದಾರೆ.

ಇಲ್ಲಿ ನಿತ್ಯವೂ ಕಟ್ಟುನಿಟ್ಟಾದ ಡಯೆಟ್‌ ಮಾಡೋದಕ್ಕಿಂತ ಬದಲಾಗಿ, ನಿರಂತರವಾಗಿ ಡಯೆಟ್‌ ಮಾಡೋದರ ಬಗ್ಗೆ ಹೆಚ್ಚು ಗಮನ ಕೊಡಬೇಕು ಎನ್ನೋದು ಗೊತ್ತಾಗುತ್ತದೆ.

ಎಲ್ಲರಿಗೂ ಸಲ್ಮಾನ್‌ ಖಾನ್‌ ತರ ವರ್ಕೌಟ್‌ ಮಾಡೋಕೆ ಕಷ್ಟ ಆಗಬಹುದು, ಅಥವಾ ಡಯೆಟ್‌ ಕೂಡ ಮಾಡೋಕೆ ಆಗದೆ ಇರಬಹುದು. ಹೀಗಾಗಿ ಡಾಕ್ಟರ್‌ ಸಲಹೆಯಂತೆ ಡಯೆಟ್‌ ಮಾಡಬೇಕು, ಆದರೆ ಇದು ಒಂದು ದಿನಕ್ಕೆ ಸೀಮಿತ ಆಗಬಾರದು, ನಿತ್ಯವೂ ಇರಬೇಕು.

ಅಗ್ಗ ಮತ್ತು ಸುರಕ್ಷಿತ ವಿಧಾನವಿದು.. ಜಿರಲೆಗಳು ಓಡಾಡುವ ಜಾಗದಲ್ಲಿ ಈ ಪೌಡರ್ ಉದುರಿಸಿ

Ashwini HR — Tue, 26 May 2026 15:04:53 +0530

Cockroach control tips: ಈ ಜಿರಲೆಗಳು ಕೇವಲ ಗಲೀಜು ಮಾಡುವುದು ಮಾತ್ರವಲ್ಲದೆ, ಗಂಭೀರ ಕಾಯಿಲೆಗಳಿಗೂ ಕಾರಣವಾಗಬಹುದು. ರಾಸಾಯನಿಕ ಸ್ಪ್ರೇಗಳ ಬದಲು ನಿಮ್ಮ ಮನೆಯಲ್ಲೇ ಇರುವ ಪದಾರ್ಥಗಳನ್ನ ಬಳಸಿ ಜಿರಲೆಗಳನ್ನು ಶಾಶ್ವತವಾಗಿ ಓಡಿಸುವುದು ಹೇಗೆ ಎಂಬ ಸುಲಭ ಕಿಚನ್ ಟಿಪ್ಸ್ ಇಲ್ಲಿವೆ ನೋಡಿ.

ಜಿರಲೆಗಳು ಹೆಚ್ಚಾಗಿ ಕೊಳೆ ಮತ್ತು ತೇವಾಂಶವಿರುವ ಸ್ಥಳಗಳಲ್ಲಿ ಬೆಳೆಯುತ್ತವೆ. ಮನೆಯಲ್ಲಿ ಎಲ್ಲಾದರೂ ನೀರು ನಿಂತಿದ್ದರೆ, ಅಡುಗೆ ಮನೆ ಒದ್ದೆಯಾಗಿದ್ದರೆ ಅಥವಾ ಆಹಾರದ ತುಣುಕುಗಳು ತೆರೆದಿದ್ದರೆ ಜಿರಲೆಗಳು ವೇಗವಾಗಿ ಹರಡುತ್ತವೆ. ಬೇಸಿಗೆಯ ಬಿಸಿ ಮತ್ತು ತೇವಾಂಶವು ಅವುಗಳ ಸಂತಾನೋತ್ಪತ್ತಿಗೆ ಪೂರಕವಾಗಿರುವುದರಿಂದ ಈ ಸಮಯದಲ್ಲಿ ಜಿರಲೆಗಳ ಕಾಟ ರಾತ್ರೋರಾತ್ರಿ ಹೆಚ್ಚಾಗುತ್ತದೆ.

ಜಿರಲೆಗಳು ಕೇವಲ ಗಲೀಜು ಮಾಡುವುದು ಮಾತ್ರವಲ್ಲದೆ, ಗಂಭೀರ ಕಾಯಿಲೆಗಳಿಗೂ ಕಾರಣವಾಗುತ್ತವೆ. ಇವು ಚರಂಡಿ ಮತ್ತು ಕಸದ ರಾಶಿಯಲ್ಲಿ ಓಡಾಡಿ, ನೇರವಾಗಿ ನಿಮ್ಮ ಆಹಾರ ಮತ್ತು ಪಾತ್ರೆಗಳ ಮೇಲೆ ಹತ್ತುತ್ತವೆ. ಇದರಿಂದ ಹೊಟ್ಟೆ ನೋವು, ಅತಿಸಾರ (Diarrhea), ಫುಡ್ ಪಾಯಿಸನಿಂಗ್, ಅಲರ್ಜಿ ಮತ್ತು ಅಸ್ತಮಾದಂತಹ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ವಿಶೇಷವಾಗಿ ಮಕ್ಕಳು ಮತ್ತು ವೃದ್ಧರಿಗೆ ಇದು ಹೆಚ್ಚು ಅಪಾಯಕಾರಿ.

ಬೋರಿಕ್ ಆಸಿಡ್ (Boric Acid) ಬಳಕೆಇದು ಜಿರಲೆಗಳನ್ನು ಓಡಿಸಲು ಅತ್ಯಂತ ಪ್ರಬಲ ಮಾರ್ಗ. ಮಡಿಕಲ್ ಸ್ಟೋರ್‌ಗಳಲ್ಲಿ ಇದು ಸುಲಭವಾಗಿ ಸಿಗುತ್ತದೆ. ಸ್ವಲ್ಪ ಬೋರಿಕ್ ಆಸಿಡ್ ತೆಗೆದುಕೊಂಡು ಅದಕ್ಕೆ ಗೋಧಿ ಹಿಟ್ಟು ಮತ್ತು ಸಕ್ಕರೆ ಬೆರೆಸಿ ಸಣ್ಣ ಗುಳಿಗೆಗಳನ್ನು ಮಾಡಿ. ಇವುಗಳನ್ನು ಅಡುಗೆ ಮನೆಯ ಮೂಲೆಗಳು, ಸಿಂಕ್ ಕೆಳಗೆ ಮತ್ತು ಗ್ಯಾಸ್ ಸ್ಟೌವ್ ಹಿಂಭಾಗದಲ್ಲಿ ಇರಿಸಿ. ಸಕ್ಕರೆಯ ಆಸೆಗಾಗಿ ಬರುವ ಜಿರಲೆಗಳು ಇದನ್ನು ತಿಂದು ಸಾಯುತ್ತವೆ.

ಜಿರಲೆಗಳಿಗೆ ತೀಕ್ಷ್ಣವಾದ ವಾಸನೆ ಎಂದರೆ ಆಗುವುದಿಲ್ಲ. ಆದ್ದರಿಂದ ಮನೆ ಒರೆಸುವ ನೀರಿಗೆ ಕೆಲವು ಹನಿ ಬೇವಿನ ಎಣ್ಣೆ ಅಥವಾ ಪುದೀನಾ ಎಣ್ಣೆಯನ್ನು ಹಾಕಿ ಕ್ಲೀನ್ ಮಾಡಿ. ರಾತ್ರಿಯ ಸಮಯದಲ್ಲಿ ಹತ್ತಿಯ ಉಂಡೆಗಳಿಗೆ ಪುದೀನಾ ಎಣ್ಣೆ ಸವರಿ ಅಡುಗೆ ಮನೆಯ ಮೂಲೆಗಳಲ್ಲಿ ಇಡುವುದರಿಂದ ಜಿರಲೆಗಳು ದೂರವಾಗುತ್ತವೆ.

ಇದು ಅಗ್ಗದ ಮತ್ತು ಸುರಕ್ಷಿತ ವಿಧಾನ. ಬೇಕಿಂಗ್ ಸೋಡಾ ಮತ್ತು ಸಕ್ಕರೆಯನ್ನು ಸಮ ಪ್ರಮಾಣದಲ್ಲಿ ಬೆರೆಸಿ ಜಿರಲೆಗಳು ಓಡಾಡುವ ಜಾಗದಲ್ಲಿ ಉದುರಿಸಿ. ಸಕ್ಕರೆಯು ಜಿರಲೆಗಳನ್ನು ಆಕರ್ಷಿಸಿದರೆ, ಬೇಕಿಂಗ್ ಸೋಡಾ ಅವುಗಳನ್ನು ನಾಶಪಡಿಸುತ್ತದೆ.

ಕೇವಲ ಮದ್ದು ಹಾಕುವುದರಿಂದ ಜಿರಲೆಗಳು ಸಂಪೂರ್ಣವಾಗಿ ಹೋಗುವುದಿಲ್ಲ. ಕೆಲವು ನಿಯಮಗಳನ್ನು ಪಾಲಿಸುವುದು ಅನಿವಾರ್ಯ:ರಾತ್ರಿ ವೇಳೆ ಪಾತ್ರೆಗಳನ್ನು ತೊಳೆಯದೆ ಮಲಗಬೇಡಿ.ಕಸದ ಬುಟ್ಟಿಯನ್ನು ಪ್ರತಿದಿನ ಸ್ವಚ್ಛಗೊಳಿಸಿ ಮತ್ತು ಸಿಂಕ್ ಅನ್ನು ಒಣದಾಗಿಡಿ.ಆಹಾರದ ಡಬ್ಬಿಗಳನ್ನು ಯಾವಾಗಲೂ ಬಿಗಿಯಾಗಿ ಮುಚ್ಚಿಡಿ.ಗೋಡೆ ಅಥವಾ ಪೈಪ್‌ಗಳ ಬಳಿ ಇರುವ ಬಿರುಕುಗಳನ್ನು ಮುಚ್ಚಿ, ಇದರಿಂದ ಜಿರಲೆಗಳಿಗೆ ಅಡಗಿಕೊಳ್ಳಲು ಜಾಗ ಸಿಗುವುದಿಲ್ಲ.ಒಂದು ವೇಳೆ ಈ ಎಲ್ಲಾ ಕ್ರಮಗಳ ನಂತರವೂ ಜಿರಲೆಗಳ ಕಾಟ ಕಡಿಮೆಯಾಗದಿದ್ದರೆ, 'ಪೆಸ್ಟ್ ಕಂಟ್ರೋಲ್' (Pest Control) ಮಾಡಿಸುವುದು ಉತ್ತಮ. ವೃತ್ತಿಪರ ಸ್ವಚ್ಛತೆಯು ಗೋಡೆ ಅಥವಾ ಪೈಪ್‌ಗಳ ಒಳಗಿರುವ ಜಿರಲೆ ಮೊಟ್ಟೆಗಳನ್ನು ನಾಶಪಡಿಸಲು ಸಹಾಯ ಮಾಡುತ್ತದೆ.

Diarrhea: ಪದೇ ಪದೇ ಭೇದಿ ಆಗ್ತಿದ್ಯಾ? ಈ ಗಂಭೀರ ಕಾಯಿಲೆಗಳ ಲಕ್ಷಣವಿರಬಹುದು, ಹುಷಾರ್!

Govindaraj S — Wed, 27 May 2026 18:25:58 +0530

ಕೆಲವರಿಗೆ ಪದೇ ಪದೇ ಭೇದಿಯಾಗಲು ಹಲವಾರು ಕಾರಣಗಳಿರುತ್ತವೆ. ಇರಿಟೇಬಲ್ ಬವೆಲ್ ಸಿಂಡ್ರೋಮ್ (IBS) ಮತ್ತು ಇನ್ಫ್ಲಮೇಟರಿ ಬವೆಲ್ ಡಿಸೀಸ್ (IBD) ನಂತಹ ಸಮಸ್ಯೆಗಳು ನಿರಂತರ ಭೇದಿಗೆ ಕಾರಣವಾಗಬಹುದು. ಕ್ಯೂರಿಯಸ್ (Cureus) ಜರ್ನಲ್‌ನಲ್ಲಿ ಪ್ರಕಟವಾದ ಒಂದು ಅಧ್ಯಯನದ ಪ್ರಕಾರ, ಜಾಗತಿಕವಾಗಿ ಸುಮಾರು 10-15% ಜನರು ಐಬಿಎಸ್‌ನಿಂದ ಬಳಲುತ್ತಿದ್ದಾರೆ. ಸಾಮಾನ್ಯವಾಗಿ ಜನರು ಈ ರೋಗಲಕ್ಷಣಗಳನ್ನು ಕಡೆಗಣಿಸುತ್ತಾರೆ ಅಥವಾ ಮನೆಯಲ್ಲೇ ಚಿಕಿತ್ಸೆ ಮಾಡಿಕೊಳ್ಳುತ್ತಾರೆ.

ಇದರಿಂದಾಗಿ ಹಲವು ಪ್ರಕರಣಗಳು ಪತ್ತೆಯಾಗುವುದೇ ಇಲ್ಲ. ಸೋಂಕು ಅಥವಾ ಕಲುಷಿತ ಆಹಾರ ಸೇವನೆಯಿಂದಾಗಿ ಆಗಾಗ ಹೊಟ್ಟೆ ಕೆಡುವುದು ಸಾಮಾನ್ಯ. ಆದರೆ, ಭೇದಿ ವಾರಗಟ್ಟಲೆ ಮುಂದುವರಿದರೆ ಅಥವಾ ಪದೇ ಪದೇ ಮರುಕಳಿಸಿದರೆ, ಅದು ದೀರ್ಘಕಾಲದ ಜೀರ್ಣಕಾರಿ ಸಮಸ್ಯೆಯ ಸಂಕೇತವಾಗಿರಬಹುದು. ಶಾರದಾಕೇರ್-ಹೆಲ್ತ್‌ಸಿಟಿಯ ಗ್ಯಾಸ್ಟ್ರೋಎಂಟರಾಲಜಿ ವಿಭಾಗದ ಹಿರಿಯ ನಿರ್ದೇಶಕ ಮತ್ತು ಯುನಿಟ್ ಮುಖ್ಯಸ್ಥರಾದ ಡಾ. ವಿನೀತ್ ಕುಮಾರ್ ಗುಪ್ತಾ ಅವರು, "ಪದೇ ಪದೇ ಕಾಡುವ ಭೇದಿಯನ್ನು ಎಂದಿಗೂ ನಿರ್ಲಕ್ಷಿಸಬಾರದು" ಎಂದು ಎಚ್ಚರಿಸುತ್ತಾರೆ.

ಪದೇ ಪದೇ ಭೇದಿಯಾಗಲು ಐಬಿಎಸ್ ಅಥವಾ ಐಬಿಡಿ ಪ್ರಮುಖ ಕಾರಣಗಳಾಗಿವೆ. ಇದು ಒಂದು ರೀತಿಯ ಇರಿಟೇಬಲ್ ಬವೆಲ್ ಸಿಂಡ್ರೋಮ್ ಆಗಿದ್ದು, ಇದರಲ್ಲಿ ಭೇದಿಯೇ ಪ್ರಮುಖ ಲಕ್ಷಣ. ಆಗಾಗ ಮಲವಿಸರ್ಜನೆ, ಹೊಟ್ಟೆ ನೋವು ಮತ್ತು ಹೊಟ್ಟೆ ಉಬ್ಬರ ಇದರ ಇತರ ಲಕ್ಷಣಗಳಾಗಿವೆ. ಆದರೆ, ದೀರ್ಘಕಾಲದ ಭೇದಿಗೆ ಯಾವಾಗಲೂ ಐಬಿಎಸ್ ಒಂದೇ ಕಾರಣವಾಗಿರಬೇಕಿಲ್ಲ. ಇತರ ಜೀರ್ಣಕಾರಿ ಸಮಸ್ಯೆಗಳು ಕೂಡ ಈ ತೊಂದರೆಗೆ ಕಾರಣವಾಗಬಹುದು. ಅಲ್ಸರೇಟಿವ್ ಕೊಲೈಟಿಸ್ ಮತ್ತು ಕ್ರೋನ್ಸ್ ಕಾಯಿಲೆಯಂತಹ ಇನ್ಫ್ಲಮೇಟರಿ ಬವೆಲ್ ಡಿಸೀಸ್‌ಗಳು ಕರುಳಿನಲ್ಲಿ ದೀರ್ಘಕಾಲದ ಉರಿಯೂತಕ್ಕೆ ಕಾರಣವಾಗುತ್ತವೆ.

ತಕ್ಷಣ ವೈದ್ಯರನ್ನು ಸಂಪರ್ಕಿಸಿ

ಇನ್ನು ಕೆಲವರಿಗೆ ಲ್ಯಾಕ್ಟೋಸ್ ಅಥವಾ ಗ್ಲುಟೆನ್‌ನಂತಹ ಆಹಾರಗಳು ಅಲರ್ಜಿ ಉಂಟುಮಾಡಬಹುದು. ಇಂತಹ ಆಹಾರಗಳನ್ನು ಸೇವಿಸಿದಾಗ, ಜೀರ್ಣಾಂಗ ವ್ಯವಸ್ಥೆಯಲ್ಲಿ ಕಿರಿಕಿರಿಯಾಗಿ ಪದೇ ಪದೇ ಹೊಟ್ಟೆನೋವು ಮತ್ತು ಭೇದಿ ಕಾಣಿಸಿಕೊಳ್ಳಬಹುದು. ಎರಡು ವಾರಗಳಿಗಿಂತ ಹೆಚ್ಚು ಕಾಲ ಭೇದಿ ಮುಂದುವರಿದರೆ, ಮಲದಲ್ಲಿ ರಕ್ತ ಕಾಣಿಸಿಕೊಂಡರೆ, ತೂಕ ಇಳಿಕೆ, ತೀವ್ರ ಹೊಟ್ಟೆ ನೋವು, ಜ್ವರ, ನಿರ್ಜಲೀಕರಣ ಅಥವಾ ನಿಶ್ಯಕ್ತಿಯಂತಹ ಲಕ್ಷಣಗಳು ಕಂಡುಬಂದರೆ, ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು.

ಗಂಡುಮಕ್ಕಳು ಕಿವಿ ಚುಚ್ಚಿಸ್ಕೋಬಾರ್ದಾ? ಬಾಯ್ಸ್ ಸ್ಟಡ್ ಹಾಕಿದ್ರೆ ಕೆಟ್ಟದಾಗುತ್ತಾ? ಉತ್ತರ ಇಲ್ಲಿದೆ ನೋಡಿ!

Shriram Bhat — Wed, 27 May 2026 22:08:44 +0530

ಬಾಯ್ಸ್ ಇಯರ್ ಪಿಯರ್ಸಿಂಗ್: ಇದು ಬರಿ ಸ್ಟೈಲ್ ಮಾತ್ರವಲ್ಲ, ಇದರ ಹಿಂದೆ ಇದೆ ಒಂದು 'ರಾಕ್‌ಸ್ಟಾರ್' ಸೀಕ್ರೆಟ್!

ಇಂದಿನ ಯುವಜನತೆಯಲ್ಲಿ 'ಸ್ವಾಗ್' (Swag) ಎನ್ನುವುದು ಬರಿ ಬಟ್ಟೆ ಅಥವಾ ಹೇರ್‌ಸ್ಟೈಲ್‌ಗೆ ಸೀಮಿತವಾಗಿಲ್ಲ. ಇತ್ತೀಚೆಗೆ ಹುಡುಗರು ಕಿವಿ ಚುಚ್ಚಿಸಿಕೊಳ್ಳುವುದು (Ear Piercing) ಒಂದು ದೊಡ್ಡ ಟ್ರೆಂಡ್ ಆಗಿ ಬದಲಾಗಿದೆ. ಕಾಲೇಜು ಹುಡುಗರಿರಲಿ ಅಥವಾ ಆಫೀಸ್‌ಗೆ ಹೋಗುವ ಕೂಲ್ ಡ್ಯೂಡ್ಸ್ ಇರಲಿ, ಕಿವಿಯಲ್ಲಿ ಒಂದು ಸಣ್ಣ ಸ್ಟಡ್ (Stud) ಇದ್ದರೆ ಆ ಲುಕ್ಕೇ ಬೇರೆ! ಆದರೆ, "ಗಂಡು ಮಕ್ಕಳು ಕಿವಿ ಚುಚ್ಚಿಸಿಕೊಳ್ಳಬಾರದು, ಅದು ಸಂಪ್ರದಾಯಕ್ಕೆ ವಿರುದ್ಧ" ಎಂದು ಮನೆಯಲ್ಲಿ ಅಜ್ಜಿ ಅಥವಾ ಪೋಷಕರು ಅಡ್ಡಗಾಲು ಹಾಕಬಹುದು.

ಆದರೆ ಹುಡುಗರೇ ಕೇಳಿ, ನೀವು ಕಿವಿ ಚುಚ್ಚಿಸಿಕೊಳ್ಳುವುದು ಕೇವಲ 'ಕಿಲ್ಲರ್ ಲುಕ್'ಗಾಗಿ ಮಾತ್ರವಲ್ಲ, ಇದರ ಹಿಂದೆ ಸಾವಿರಾರು ವರ್ಷಗಳ ಸಂಪ್ರದಾಯ ಮತ್ತು ವೈಜ್ಞಾನಿಕ ಹಿನ್ನೆಲೆಯೂ ಇದೆ. ನಿಮಗಾಗಿ ಇಲ್ಲಿದೆ ಕಂಪ್ಲೀಟ್ ಲೈಫ್‌ಸ್ಟೈಲ್ ಗೈಡ್!

ಸಂಪ್ರದಾಯದ 'ಕರ್ಣವೇಧ' ಸಂಸ್ಕಾರ:

ನಮ್ಮ ಭಾರತೀಯ ಸಂಸ್ಕೃತಿಯಲ್ಲಿ 16 ಮುಖ್ಯ ಸಂಸ್ಕಾರಗಳಿವೆ, ಅದರಲ್ಲಿ 'ಕರ್ಣವೇಧ' ಕೂಡ ಒಂದು. ವಿಶೇಷವೆಂದರೆ, ಹಳೆಯ ಕಾಲದಲ್ಲಿ ಗಂಡು-ಹೆಣ್ಣು ಎಂಬ ಭೇದವಿಲ್ಲದೆ ಎಲ್ಲರಿಗೂ ಕಿವಿ ಚುಚ್ಚಲಾಗುತ್ತಿತ್ತು. ಇದು ಮಗುವಿನ ಬುದ್ಧಿಶಕ್ತಿಯನ್ನು ಚುರುಕುಗೊಳಿಸುವ ಕ್ರಿಯೆ ಎಂದು ನಂಬಲಾಗಿತ್ತು. ಅಷ್ಟೇ ಏಕೆ, ನಮ್ಮ ಪುರಾಣದ ವೀರರಾದ ಕೃಷ್ಣ, ಅರ್ಜುನ ಅಥವಾ ರಾಜ ಮಹಾರಾಜರ ಚಿತ್ರಗಳನ್ನು ಗಮನಿಸಿ, ಅವರೆಲ್ಲರೂ ಕಿವಿ ಚುಚ್ಚಿಸಿಕೊಂಡು ದೊಡ್ಡ ಆಭರಣಗಳನ್ನು ಧರಿಸುತ್ತಿದ್ದರು. ಅಂದರೆ, ಕಿವಿ ಚುಚ್ಚಿಸಿಕೊಳ್ಳುವುದು ಪುರುಷತ್ವಕ್ಕೆ ಅಥವಾ ಗೌರವಕ್ಕೆ ಎಂದಿಗೂ ಕುಂದು ತರುವುದಿಲ್ಲ!

ಜ್ಯೋತಿಷ್ಯ ಮತ್ತು ಆರೋಗ್ಯದ ಪ್ಲಸ್ ಪಾಯಿಂಟ್ಸ್:

ಕೇವಲ ಫ್ಯಾಷನ್ ಅಂತಷ್ಟೇ ಅಲ್ಲದೆ, ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಕಿವಿ ಚುಚ್ಚಿಸಿಕೊಳ್ಳುವುದರಿಂದ ರಾಹು ಮತ್ತು ಕೇತು ಗ್ರಹಗಳ ನಕಾರಾತ್ಮಕ ಪ್ರಭಾವ ಕಡಿಮೆಯಾಗುತ್ತದೆಯಂತೆ. ಇನ್ನು ಆಯುರ್ವೇದ ಹೇಳುವಂತೆ, ಕಿವಿಯ ಹಾಲೆಗಳ ಮೇಲೆ ಕೆಲವು ಮರ್ಮ ಬಿಂದುಗಳಿರುತ್ತವೆ. ಇವುಗಳನ್ನು ಚುಚ್ಚಿದಾಗ ಮೆದುಳಿನ ಸ್ಮರಣಶಕ್ತಿ ಮತ್ತು ಏಕಾಗ್ರತೆ ಹೆಚ್ಚಾಗುತ್ತದೆ. ನೀವು ಓದಿನಲ್ಲಿ ಅಥವಾ ಕ್ರಿಯೇಟಿವ್ ಕೆಲಸದಲ್ಲಿ ಹೆಚ್ಚು ಗಮನ ಹರಿಸಬೇಕೆಂದರೆ, ಈ ಪುರಾತನ ಟ್ರಿಕ್ ಕೆಲಸ ಮಾಡಬಹುದು!

ಸ್ಟೈಲಿಂಗ್ ಟಿಪ್ಸ್: ಎಡನಾ ಅಥವಾ ಬಲನಾ?

ಇಂದಿನ ದಿನಗಳಲ್ಲಿ ಹುಡುಗರು ಹೆಚ್ಚಾಗಿ ಎಡ ಕಿವಿಯನ್ನು ಮಾತ್ರ ಚುಚ್ಚಿಸಿಕೊಳ್ಳುತ್ತಾರೆ, ಇದು ಒಂದು ರೀತಿಯ 'ಕ್ಲಾಸಿ' ಲುಕ್ ನೀಡುತ್ತದೆ. ಇನ್ನು ಕೆಲವರು ಎರಡೂ ಕಿವಿಗಳಿಗೆ ಸಣ್ಣ ಹೂಪ್ಸ್ (Hoops) ಧರಿಸಲು ಇಷ್ಟಪಡುತ್ತಾರೆ. ಆದರೆ ನೆನಪಿಡಿ, ನೀವು ಕಿವಿ ಚುಚ್ಚಿಸಿಕೊಳ್ಳುವಾಗ ಹೈಜೀನ್ ಅಥವಾ ಸ್ವಚ್ಛತೆ ಬಹಳ ಮುಖ್ಯ. ಮೊದಲ ಬಾರಿ ಚುಚ್ಚಿಸಿಕೊಳ್ಳುವಾಗ ಚಿನ್ನದ ಹರಳು ಅಥವಾ ಸ್ಟೆರಿಲೈಸ್ ಮಾಡಿದ ಸ್ಟೀಲ್ ಸ್ಟಡ್ ಬಳಸುವುದು ಒಳಿತು. ಇದು ಇನ್ಫೆಕ್ಷನ್ ಆಗದಂತೆ ತಡೆಯುತ್ತದೆ.

ಮನೆಯವರನ್ನು ಒಪ್ಪಿಸುವುದು ಹೇಗೆ?

ನಿಮ್ಮ ಮನೆಯಲ್ಲಿ ಕಿವಿ ಚುಚ್ಚಿಸಿಕೊಳ್ಳಲು ವಿರೋಧವಿದ್ದರೆ, ಅವರಿಗೆ ಇದರ ಆರೋಗ್ಯ ಮತ್ತು ಸಾಂಪ್ರದಾಯಿಕ ಮಹತ್ವವನ್ನು ತಿಳಿಸಿ ಹೇಳಿ. ಇದು ಬರಿ 'ರಾಕ್‌ಸ್ಟಾರ್' ಆಗಲು ಮಾತ್ರವಲ್ಲ, ಏಕಾಗ್ರತೆ ಹೆಚ್ಚಿಸಲು ಮಾಡುವ ಒಂದು ಸಂಸ್ಕಾರ ಎಂದು ಮನವರಿಕೆ ಮಾಡಿ. ಸಿನಿಮಾ ಸ್ಟಾರ್‌ಗಳು, ಕ್ರಿಕೆಟಿಗರು ಈ ಸ್ಟೈಲ್ ಅನ್ನು ಹೇಗೆ ಮ್ಯಾನೇಜ್ ಮಾಡುತ್ತಾರೆ ಎಂಬುದನ್ನು ತೋರಿಸಿ.

ಕೊನೆಯ ಮಾತು:

ಒಟ್ಟಾರೆಯಾಗಿ ಹೇಳುವುದಾದರೆ, ಕಿವಿ ಚುಚ್ಚಿಸಿಕೊಳ್ಳುವುದು ನಿಮ್ಮ ವೈಯಕ್ತಿಕ ಆಯ್ಕೆ. ನೀವು ಸಾಂಪ್ರದಾಯಿಕ ನಂಬಿಕೆಗೆ ಬೆಲೆ ಕೊಡುತ್ತೀರೋ ಅಥವಾ ಆಧುನಿಕ ಫ್ಯಾಷನ್ ಲೋಕದ ಭಾಗವಾಗಲು ಬಯಸುತ್ತೀರೋ, ಅದು ನಿಮಗೆ ಬಿಟ್ಟದ್ದು. ಆದರೆ ಒಮ್ಮೆ ಚುಚ್ಚಿಸಿಕೊಂಡ ಮೇಲೆ ಆ ಸ್ಟೈಲ್ ಅನ್ನು ಆತ್ಮವಿಶ್ವಾಸದಿಂದ ಕ್ಯಾರಿ ಮಾಡುವುದು ಮುಖ್ಯ. ಸೋ, ಆಲ್ ದಿ ಬೆಸ್ಟ್ ರಾಕ್‌ಸ್ಟಾರ್ಸ್!

ಬಿಸಿ ಅನ್ನ-ಚಪಾತಿಯೊಂದಿಗೆ ಬೆಸ್ಟ್ ಕಾಂಬಿನೇಶನ್ ಹಸಿ ಪಪ್ಪಾಯಿ ಚಟ್ನಿ.. ಮಾಡೋದೂ ಸುಲಭ

Ashwini HR — Tue, 26 May 2026 19:52:52 +0530

ಹಸಿ ಪಪ್ಪಾಯಿ ಚಟ್ನಿಯನ್ನು ಈ ರೀತಿ ಮಾಡಿದರೆ ತುಂಬಾ ರುಚಿಯಾಗಿರುತ್ತದೆ. ಅಷ್ಟೇ ಅಲ್ಲ, ಇದು ಆರೋಗ್ಯಕ್ಕೂ ಕೂಡ ಬಹಳ ಒಳ್ಳೆಯದು. ಬಿಸಿ ಬಿಸಿ ಅನ್ನದ ಜೊತೆ ಸ್ವಲ್ಪ ತುಪ್ಪ ಹಾಕಿಕೊಂಡು ಈ ಚಟ್ನಿ ತಿಂದರೆ ಅದರ ಮಜವೇ ಬೇರೆ. ಹಾಗಾದರೆ, ಈ ರುಚಿಕರ ಚಟ್ನಿಗೆ ಬೇಕಾಗುವ ಪದಾರ್ಥಗಳು ಮತ್ತು ತಯಾರಿಸುವ ವಿಧಾನವನ್ನು ಇಲ್ಲಿ ತಿಳಿಯೋಣ.

ಬೇಕಾಗುವ ಪದಾರ್ಥಗಳು

ಹಸಿ ಪಪ್ಪಾಯಿ: ತುರಿ ಅಥವಾ ಸಣ್ಣಗೆ ಹೆಚ್ಚಿದ 2 ಕಪ್ ತುಂಡುಗಳುಹಸಿಮೆಣಸಿನಕಾಯಿ: 4ಹುಣಸೆಹಣ್ಣು: ಸ್ವಲ್ಪಬೆಳ್ಳುಳ್ಳಿ: 4 ರಿಂದ 5 ಎಸಳುಉಪ್ಪು: ರುಚಿಗೆ ತಕ್ಕಷ್ಟುಕೊತ್ತಂಬರಿ ಸೊಪ್ಪು: ಸ್ವಲ್ಪಎಣ್ಣೆ: ಅರ್ಧ ಕಪ್ (ಹುರಿಯಲು ಮತ್ತು ಒಗ್ಗರಣೆಗೆ)

ಒಗ್ಗರಣೆ ಪದಾರ್ಥಗಳು

ಸಾಸಿವೆ (1 ಟೇಬಲ್ ಚಮಚ), ಜೀರಿಗೆ (1 ಟೇಬಲ್ ಚಮಚ), ಉದ್ದಿನಬೇಳೆ (1 ಟೇಬಲ್ ಚಮಚ), ಕಡಲೆಬೇಳೆ (ಅರ್ಧ ಟೇಬಲ್ ಚಮಚ) ಕರಿಬೇವು: ಸ್ವಲ್ಪ, ಒಣಮೆಣಸಿನಕಾಯಿ: 6 ರಿಂದ 7

ತಯಾರಿಸುವ ವಿಧಾನ

1. ಪಪ್ಪಾಯಿ ಹುರಿಯುವ ಕ್ರಮಮೊದಲು ಸ್ಟವ್ ಮೇಲೆ ಒಂದು ಪ್ಯಾನ್ ಇಟ್ಟು ಒಂದು ಚಮಚ ಎಣ್ಣೆ ಹಾಕಿ. ಎಣ್ಣೆ ಕಾದ ನಂತರ ಅದಕ್ಕೆ ಹಸಿ ಪಪ್ಪಾಯಿ ತುಂಡುಗಳು ಮತ್ತು ಹಸಿಮೆಣಸಿನಕಾಯಿ ಹಾಕಿ. ಪಪ್ಪಾಯಿಯ ಹಸಿ ವಾಸನೆ ಹೋಗುವವರೆಗೆ ಮಧ್ಯಮ ಉರಿಯಲ್ಲಿ ಚೆನ್ನಾಗಿ ಹುರಿಯಿರಿ. ನೆನಪಿಡಿ, ಪಪ್ಪಾಯಿ ತುಂಡುಗಳು ಚೆನ್ನಾಗಿ ಬೇಯಬೇಕು.

2. ಚಟ್ನಿ ರುಬ್ಬುವ ಕ್ರಮಹುರಿದ ಪಪ್ಪಾಯಿ ತುಂಡುಗಳು ಮತ್ತು ಹಸಿಮೆಣಸಿನಕಾಯಿಯನ್ನು ಮಿಕ್ಸಿ ಜಾರ್‌ಗೆ ಹಾಕಿಕೊಳ್ಳಿ. ಇದಕ್ಕೆ ಬೆಳ್ಳುಳ್ಳಿ ಎಸಳು, ಸ್ವಲ್ಪ ಹುಣಸೆಹಣ್ಣು, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಸ್ವಲ್ಪ ಕೊತ್ತಂಬರಿ ಸೊಪ್ಪನ್ನು ಸೇರಿಸಿ ಮೆತ್ತಗೆ ರುಬ್ಬಿಕೊಳ್ಳಿ. ಹೀಗೆ ನುಣ್ಣಗೆ ರುಬ್ಬಿಕೊಂಡರೆ ತಿನ್ನಲು ತುಂಬಾ ರುಚಿಯಾಗಿರುತ್ತದೆ.

3. ಒಗ್ಗರಣೆ ಹಾಕುವ ಕ್ರಮಈಗ ಮತ್ತೊಂದು ಪ್ಯಾನ್‌ನಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಕಾಯಿಸಿ. ಅದಕ್ಕೆ ಸಾಸಿವೆ, ಜೀರಿಗೆ, ಉದ್ದಿನ ಬೇಳೆ, ಕಡಲೆ ಬೇಳೆ, ಕರಿಬೇವು ಮತ್ತು ಒಣಮೆಣಸಿನಕಾಯಿ ಹಾಕಿ ಒಗ್ಗರಣೆ ಸಿದ್ಧಪಡಿಸಿ. ಕೊನೆಯಲ್ಲಿ ರುಬ್ಬಿಟ್ಟುಕೊಂಡ ಪಪ್ಪಾಯಿ ಮಿಶ್ರಣವನ್ನು ಈ ಒಗ್ಗರಣೆಗೆ ಸೇರಿಸಿ, ನಾಲ್ಕು ನಿಮಿಷಗಳ ಕಾಲ ಕೈಯಾಡಿಸಿ ಸ್ಟವ್ ಆಫ್ ಮಾಡಿ.

ಈಗ ರುಚಿಕರವಾದ ಹಸಿ ಪಪ್ಪಾಯಿ ಚಟ್ನಿ ಸವಿಯಲು ಸಿದ್ಧ! ಇದನ್ನು ಬಿಸಿ ಅನ್ನದೊಂದಿಗೆ ಸವಿಯಿರಿ. ಇದು ಜೀರ್ಣಕ್ರಿಯೆಗೆ ಉತ್ತಮ ಮತ್ತು ತೂಕ ಇಳಿಸಲು ಬಯಸುವವರಿಗೆ ಅತ್ಯುತ್ತಮ ಆಹಾರವಾಗಿದೆ.

ರುಚಿ ಹೆಚ್ಚಿಸಲು ಟಿಪ್ಸ್

ಸಂಪೂರ್ಣ ಹಸಿ ಇರಲಿ: ಚಟ್ನಿಗೆ ಬಳಸುವ ಪಪ್ಪಾಯಿ ಪೂರ್ತಿ ಹಸಿಯಾಗಿರಲಿ. ಸ್ವಲ್ಪ ಹಣ್ಣಾಗಿದ್ದರೂ ಚಟ್ನಿ ಸಿಹಿ ಬರಬಹುದು, ಅದು ಈ ಮಸಾಲೆಯುಕ್ತ ಚಟ್ನಿಗೆ ಅಷ್ಟೊಂದು ಹೊಂದಿಕೆಯಾಗುವುದಿಲ್ಲ.ಸಿಪ್ಪೆ ತೆಗೆಯಿರಿ: ಪಪ್ಪಾಯಿಯ ಹೊರಗಿನ ದಪ್ಪ ಹಸಿರು ಸಿಪ್ಪೆಯನ್ನು ಪೂರ್ತಿಯಾಗಿ ತೆಗೆದು ಬಳಸಿ, ಇಲ್ಲದಿದ್ದರೆ ಚಟ್ನಿ ಸ್ವಲ್ಪ ಕಹಿ ಎನಿಸಬಹುದು.ಹಾಲು ತೆಗೆಯಿರಿ: ಪಪ್ಪಾಯಿ ಹೆಚ್ಚಿದ ಮೇಲೆ ಅದನ್ನು ನೀರಿನಲ್ಲಿ ಒಂದೆರಡು ಬಾರಿ ತೊಳೆಯಿರಿ. ಇದರಿಂದ ಅದರ 'ಹಾಲು' ಅಥವಾ ಅಂಟು ಅಂಶ ಹೋಗಿ ಚಟ್ನಿ ಮೃದುವಾಗಿ ಬರುತ್ತದೆ."ಕಡಿಮೆ ಎಣ್ಣೆ ಬಳಸಿ: ತೂಕ ಇಳಿಸುವ ಉದ್ದೇಶವಿದ್ದರೆ, ಒಗ್ಗರಣೆಗೆ ಬಳಸುವ ಎಣ್ಣೆಯ ಪ್ರಮಾಣವನ್ನು ಕಡಿಮೆ ಮಾಡಿ. ಆಲಿವ್ ಆಯಿಲ್ ಅಥವಾ ಕೊಬ್ಬರಿ ಎಣ್ಣೆ ಬಳಸುವುದು ಇನ್ನು ಉತ್ತಮ.

ಈ 4 ಸಮಸ್ಯೆಗಳಿಗೆ ಬಾಳೆಹಣ್ಣಿನ ಸಿಪ್ಪೆಯೇ ಮದ್ದು: ವಾರದಲ್ಲೇ ಪಡೆಯಿರಿ ಮಿರಾಕಲ್ ರಿಸಲ್ಟ್!

Ashwini HR — Tue, 26 May 2026 22:06:39 +0530

Banana peel for face: ಸಾಮಾನ್ಯವಾಗಿ ನಾವು ಬಾಳೆಹಣ್ಣು ತಿಂದ ಮೇಲೆ ಅದರ ಸಿಪ್ಪೆಯನ್ನು ಕಸದ ಬುಟ್ಟಿಗೆ ಎಸೆಯುತ್ತೇವೆ. ಆದರೆ ಸೌಂದರ್ಯ ತಜ್ಞರ ಪ್ರಕಾರ, ಈ ಸಿಪ್ಪೆಯಲ್ಲಿ ನಿಮ್ಮ ತ್ವಚೆಯ ಕಾಂತಿಯನ್ನು ಹೆಚ್ಚಿಸುವ ಅದ್ಭುತ ಶಕ್ತಿಯಿದೆ! ಸಿಪ್ಪೆಯನ್ನು ಹೇಗೆ ಬಳಸಬೇಕು ಎಂಬ ಕುತೂಹಲಕಾರಿ ಮಾಹಿತಿ ಇಲ್ಲಿದೆ.

ಬಾಳೆಹಣ್ಣಿನ ಸಿಪ್ಪೆಯಿಂದ ಮೃದುವಾಗಿ ಉಜ್ಜಿಬಾಳೆಹಣ್ಣು ಕೇವಲ ರುಚಿಗೆ ಮತ್ತು ಆರೋಗ್ಯಕ್ಕೆ ಮಾತ್ರವಲ್ಲ, ಚರ್ಮದ ಸೌಂದರ್ಯವನ್ನು ಹೆಚ್ಚಿಸಲು ಕೂಡ ಅಷ್ಟೇ ಸಹಕಾರಿ. ಸಾಮಾನ್ಯವಾಗಿ ನಾವು ಬಾಳೆಹಣ್ಣು ತಿಂದ ನಂತರ ಅದರ ಸಿಪ್ಪೆಯನ್ನು ಎಸೆದುಬಿಡುತ್ತೇವೆ. ಆದರೆ, ಆ ಬಾಳೆಹಣ್ಣಿನ ಸಿಪ್ಪೆಯಲ್ಲಿ ಚರ್ಮಕ್ಕೆ ಪ್ರಯೋಜನ ನೀಡುವ ಎಷ್ಟೋ ಪೌಷ್ಟಿಕಾಂಶಗಳು ಅಡಗಿವೆ ಎಂಬುದು ನಿಮಗೆ ತಿಳಿದಿದೆಯೇ? ಪ್ರತಿದಿನ ಮುಖದ ಮೇಲೆ ಬಾಳೆಹಣ್ಣಿನ ಸಿಪ್ಪೆಯನ್ನು ಮೃದುವಾಗಿ ಉಜ್ಜುವುದರಿಂದ ಅನೇಕ ಚರ್ಮದ ಸಮಸ್ಯೆಗಳಿಂದ ಮುಕ್ತಿ ಪಡೆಯಬಹುದು ಎಂದು ತಜ್ಞರು ಹೇಳುತ್ತಾರೆ. ಅವುಗಳೆಲ್ಲವನ್ನೂ ಇಲ್ಲಿ ನೋಡೋಣ..

ಚರ್ಮಕ್ಕೆ ಒಂದಲ್ಲ ಹಲವಾರು ಪ್ರಯೋಜನಬಾಳೆಹಣ್ಣು ಆರೋಗ್ಯದ ಜೊತೆಗೆ ಚರ್ಮದ ಸೌಂದರ್ಯವನ್ನು ವೃದ್ಧಿಸಲು ಅದ್ಭುತವಾಗಿ ಕೆಲಸ ಮಾಡುತ್ತದೆ. ಪ್ರತಿದಿನ ಮುಖದ ಮೇಲೆ ಬಾಳೆಹಣ್ಣಿನ ಸಿಪ್ಪೆಯಿಂದ ಮಸಾಜ್ ಮಾಡುವುದರಿಂದ ಚರ್ಮಕ್ಕೆ ಹಲವಾರು ಪ್ರಯೋಜನಗಳಿವೆ. ಇದು ಚರ್ಮದ ಮೇಲಿನ ಸುಕ್ಕುಗಳನ್ನು ನಿವಾರಿಸಿ, ವಯಸ್ಸಾದ ಲಕ್ಷಣಗಳನ್ನು (Aging) ಕಡಿಮೆ ಮಾಡುತ್ತದೆ. ಮೊಡವೆ ಮತ್ತು ಕಲೆಗಳ ಸಮಸ್ಯೆಯಿಂದ ಬಳಲುತ್ತಿರುವವರಿಗೆ ಇದು ಉತ್ತಮ ನೈಸರ್ಗಿಕ ಔಷಧಿಯಾಗಿ ಕೆಲಸ ಮಾಡುತ್ತದೆ. ಮುಖ್ಯವಾಗಿ ಬೇಸಿಗೆ ಕಾಲದಲ್ಲಿ ಚರ್ಮದ ಮೇಲಿನ ಉರಿ ಮತ್ತು ಕೆಂಪು ಬಣ್ಣವನ್ನು ಕಡಿಮೆ ಮಾಡಿ ಚರ್ಮವನ್ನು ತಂಪಾಗಿರಿಸುತ್ತದೆ.

ಸುಕ್ಕುಗಳ ನಿವಾರಣೆ (Anti-Aging)ವಯಸ್ಸಾದಂತೆ ಮುಖದ ಮೇಲೆ ಸುಕ್ಕುಗಳು ಬರುವುದು ಸಹಜ. ಬಾಳೆಹಣ್ಣಿನ ಸಿಪ್ಪೆಯಿಂದ ಮುಖವನ್ನು ಮಸಾಜ್ ಮಾಡುವುದರಿಂದ ಸುಕ್ಕುಗಳು ಮತ್ತು ಸಣ್ಣ ಗೆರೆಗಳು ಕ್ರಮೇಣ ಕಡಿಮೆಯಾಗುತ್ತವೆ. ಇದು ಚರ್ಮವನ್ನು ಬಿಗಿಗೊಳಿಸಿ ನೀವು ಯಂಗ್ ಆಗಿ ಕಾಣುವಂತೆ ಮಾಡುತ್ತದೆ.

ಮೊಡವೆಗಳಿಂದ ಮುಕ್ತಿ (Acne & Pimples)ಮೊಡವೆ ಮತ್ತು ಕಲೆಗಳ ಸಮಸ್ಯೆಗೆ ಬಾಳೆಹಣ್ಣಿನ ಸಿಪ್ಪೆ ಒಂದು ಅದ್ಭುತ ಮನೆಮದ್ದು. ಇದರಲ್ಲಿರುವ ಆಂಟಿ-ಆಕ್ಸಿಡೆಂಟ್‌ಗಳು ಚರ್ಮದ ರಂಧ್ರಗಳಲ್ಲಿರುವ ಬ್ಯಾಕ್ಟೀರಿಯಾವನ್ನು ಹೊರಹಾಕಿ, ಮೊಡವೆಗಳು ಬೇಗನೆ ವಾಸಿಯಾಗುವಂತೆ ಮಾಡುತ್ತವೆ.

ಬೇಸಿಗೆಯ ಚರ್ಮದ ಸಮಸ್ಯೆಗಳಿಗೆ ಬ್ರೇಕ್ (Soothes Skin Irritation)ಬೇಸಿಗೆಯಲ್ಲಿ ಬಿಸಿಲಿನ ತಾಪದಿಂದಾಗಿ ಚರ್ಮದ ಮೇಲೆ ಉರಿ, ತುರಿಕೆ ಅಥವಾ ಕೆಂಪು ಕಲೆಗಳು ಕಾಣಿಸಿಕೊಳ್ಳುತ್ತವೆ. ಅಂತಹ ಸಮಯದಲ್ಲಿ ಬಾಳೆಹಣ್ಣಿನ ಸಿಪ್ಪೆಯನ್ನು ಮುಖದ ಮೇಲೆ ಉಜ್ಜುವುದರಿಂದ ಚರ್ಮವು ತಂಪಾಗಿ ಸಮಾಧಾನ ಸಿಗುತ್ತದೆ.

ಹೊಳೆಯುವ ಚರ್ಮ ನಿಮ್ಮದಾಗಲಿ (Glowing Skin)ಬಾಳೆಹಣ್ಣಿನ ಸಿಪ್ಪೆಯಲ್ಲಿರುವ ವಿಟಮಿನ್‌ಗಳು ಮತ್ತು ಖನಿಜಗಳು ಚರ್ಮಕ್ಕೆ ಆಳವಾದ ಪೋಷಣೆಯನ್ನು ನೀಡುತ್ತವೆ. ಇದು ಚರ್ಮದ ಮೇಲಿನ ಟ್ಯಾನ್ (ಕಪ್ಪು ಕಲೆ) ಮತ್ತು ಸತ್ತ ಜೀವಕೋಶಗಳನ್ನು (Dead skin cells) ತೆಗೆದುಹಾಕಿ, ಮುಖಕ್ಕೆ ನೈಸರ್ಗಿಕ ಹೊಳಪನ್ನು ನೀಡುತ್ತದೆ.

ಬಳಸುವ ವಿಧಾನಬಾಳೆಹಣ್ಣಿನ ಸಿಪ್ಪೆಯನ್ನು ನೇರವಾಗಿ ಮುಖದ ಮೇಲೆ ವೃತ್ತಾಕಾರವಾಗಿ ಕೆಲವು ನಿಮಿಷಗಳ ಕಾಲ ಮಸಾಜ್ ಮಾಡಿ, ನಂತರ ತಣ್ಣೀರಿನಿಂದ ತೊಳೆದುಕೊಳ್ಳಬೇಕು.ಸೂಚನೆ: ಪ್ರತಿಯೊಬ್ಬರ ಚರ್ಮದ ತತ್ವವು ವಿಭಿನ್ನವಾಗಿರುತ್ತದೆ. ಆದ್ದರಿಂದ ನಿಮ್ಮ ದಿನಚರಿಯಲ್ಲಿ ಯಾವುದಾದರೂ ಹೊಸ ಬದಲಾವಣೆ ಮಾಡುವ ಮೊದಲು 'ಪ್ಯಾಚ್ ಟೆಸ್ಟ್' ಮಾಡಿಕೊಳ್ಳುವುದು ಅಥವಾ ಚರ್ಮ ತಜ್ಞರ (Dermatologist) ಸಲಹೆ ಪಡೆಯುವುದು ಉತ್ತಮ.

Shocking Truth: ಪುರುಷರೇ, ಈ ಬೀಜ ಬಳಿಸಿ.. ಕುದುರೆ ಹಾಗೆ ಜಿಗಿಯುತ್ತ ನೆಗೆಯುತ್ತ ಲೈಫ್ ಎಂಜಾಯ್ ಮಾಡಿ!

Shriram Bhat — Sun, 24 May 2026 19:22:37 +0530

ಪುರುಷರ ಪಾಲಿನ ಅಸಲಿ 'ಆರೋಗ್ಯ ಸಂಜೀವಿನಿ' ಈ ಸೂಪರ್‌ಫುಡ್!

ನಮ್ಮ ಇಂದಿನ ಕಾರ್ಯನಿರತ ಜೀವನಶೈಲಿಯಲ್ಲಿ ಆರೋಗ್ಯವನ್ನು ಕಾಪಾಡಿಕೊಳ್ಳುವುದು ಒಂದು ಸವಾಲೇ ಸರಿ. ದೈಹಿಕ ಶಕ್ತಿ ಹೆಚ್ಚಿಸಿಕೊಳ್ಳಲು ಅಥವಾ ರೋಗನಿರೋಧಕ ಶಕ್ತಿ ವೃದ್ಧಿಸಿಕೊಳ್ಳಲು ನಾವು ಸಾಮಾನ್ಯವಾಗಿ ಬಾದಾಮಿ, ಪಿಸ್ತಾ, ಗೋಡಂಬಿಯಂತಹ ದುಬಾರಿ ಡ್ರೈ ಫ್ರೂಟ್ಸ್‌ಗಳ ಮೊರೆ ಹೋಗುತ್ತೇವೆ. ಇಲ್ಲವೇ ವಿದೇಶಿ ಕಂಪನಿಗಳ ಸಾವಿರಾರು ರೂಪಾಯಿ ಬೆಲೆಯ ಹೆಲ್ತ್ ಸಪ್ಲಿಮೆಂಟ್‌ಗಳನ್ನು ಖರೀದಿಸುತ್ತೇವೆ. ಆದರೆ, ನಮ್ಮ ಅಡುಗೆಮನೆಯಲ್ಲೇ ಅತ್ಯಂತ ಕಡಿಮೆ ಬೆಲೆಗೆ ಸಿಗುವ, ನಾವು ಸಾಮಾನ್ಯವಾಗಿ ಕಸ ಎಂದು ಭಾವಿಸಿ ಎಸೆಯುವ 'ಕುಂಬಳಕಾಯಿ ಬೀಜಗಳು' (Pumpkin Seeds) ಪೋಷಕಾಂಶಗಳ ಅದ್ಭುತ ಗಣಿ ಎಂಬುದು ನಿಮಗೆ ಗೊತ್ತೇ?

ವಿಶೇಷವಾಗಿ ಪುರುಷರ ಪಾಲಿಗೆ ಈ ಪುಟ್ಟ ಬೀಜಗಳು ಒಂದು ವರದಾನವಿದ್ದಂತೆ. ಪೌಷ್ಟಿಕತಜ್ಞರ ಪ್ರಕಾರ, ಪ್ರತಿದಿನ ಕೇವಲ ಒಂದು ಚಮಚ ಕುಂಬಳಕಾಯಿ ಬೀಜಗಳನ್ನು ಸೇವಿಸುವುದರಿಂದ ನಂಬಲಾಗದ ಆರೋಗ್ಯ ಲಾಭಗಳನ್ನು ಪಡೆಯಬಹುದು.

ಪುರುಷರ ಲೈಂಗಿಕ ಮತ್ತು ಹಾರ್ಮೋನ್ ಆರೋಗ್ಯಕ್ಕೆ ಸಹಕಾರಿ

ಪುರುಷರಲ್ಲಿ ಟೆಸ್ಟೋಸ್ಟೆರಾನ್ (Testosterone) ಹಾರ್ಮೋನ್ ಮಟ್ಟವನ್ನು ಸಮತೋಲನದಲ್ಲಿಡಲು ಕುಂಬಳಕಾಯಿ ಬೀಜಗಳು ಅತ್ಯುತ್ತಮ ಮದ್ದು. ಇದರಲ್ಲಿ ಸಮೃದ್ಧವಾಗಿರುವ 'ಜಿಂಕ್' (Zinc) ಅಂಶವು ಪುರುಷರ ಸಂತಾನೋತ್ಪತ್ತಿ ಸಾಮರ್ಥ್ಯವನ್ನು ಹೆಚ್ಚಿಸಲು ಮತ್ತು ಪ್ರೊಸ್ಟೇಟ್ ಗ್ರಂಥಿಯ ಆರೋಗ್ಯವನ್ನು ಕಾಪಾಡಲು ಸಹಾಯ ಮಾಡುತ್ತದೆ. ಇಂದಿನ ಒತ್ತಡದ ಬದುಕಿನಲ್ಲಿ ಎದುರಾಗುವ ಲೈಂಗಿಕ ದೌರ್ಬಲ್ಯಗಳಿಗೆ ಇದೊಂದು ನೈಸರ್ಗಿಕ ಔಷಧಿಯಂತೆ ಕೆಲಸ ಮಾಡುತ್ತದೆ.

ಹೃದಯದ ಆರೋಗ್ಯ ಮತ್ತು ರಕ್ತದೊತ್ತಡಕ್ಕೆ ರಾಮಬಾಣ

ಇಂದಿನ ದಿನಗಳಲ್ಲಿ ಚಿಕ್ಕ ವಯಸ್ಸಿನಲ್ಲೇ ಹೃದಯಾಘಾತ ಮತ್ತು ಅಧಿಕ ರಕ್ತದೊತ್ತಡದ (BP) ಸಮಸ್ಯೆಗಳು ಕಾಡುತ್ತಿವೆ. ಕುಂಬಳಕಾಯಿ ಬೀಜಗಳಲ್ಲಿರುವ ಮೆಗ್ನೀಸಿಯಮ್ ಮತ್ತು ಆರೋಗ್ಯಕರ ಕೊಬ್ಬಿನಾಮ್ಲಗಳು ಹೃದಯದ ಕಾರ್ಯಕ್ಷಮತೆಯನ್ನು ಹೆಚ್ಚಿಸುತ್ತವೆ. ಇದು ರಕ್ತನಾಳಗಳನ್ನು ಸಡಿಲಗೊಳಿಸಿ ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡಲು ಸಹಾಯ ಮಾಡುತ್ತದೆ.

ಕೂದಲು ಉದುರುವಿಕೆಗೆ ಬ್ರೇಕ್!

ಕೇವಲ ಪುರುಷರಿಗಷ್ಟೇ ಅಲ್ಲ, ಮಹಿಳೆಯರಿಗೂ ಇದು ವರದಾನ. ಕೂದಲು ಅತಿಯಾಗಿ ಉದುರುತ್ತಿದ್ದರೆ ಅಥವಾ ಚರ್ಮದ ಕಾಂತಿ ಕಡಿಮೆಯಾಗುತ್ತಿದ್ದರೆ ಕುಂಬಳಕಾಯಿ ಬೀಜ ಸೇವನೆ ಆರಂಭಿಸಿ. ಇದರಲ್ಲಿರುವ ಒಮೆಗಾ-3 ಕೊಬ್ಬಿನಾಮ್ಲಗಳು ಮತ್ತು ವಿಟಮಿನ್ ಇ ಚರ್ಮವನ್ನು ಒಳಗಿನಿಂದ ಪೋಷಿಸಿ, ಕೂದಲು ಸೊಂಪಾಗಿ ಬೆಳೆಯಲು ಪ್ರೇರೇಪಿಸುತ್ತದೆ.

ಉತ್ತಮ ನಿದ್ರೆ ಮತ್ತು ಮಾನಸಿಕ ಶಾಂತಿ

ರಾತ್ರಿ ಸರಿಯಾಗಿ ನಿದ್ರೆ ಬರದಿದ್ದರೆ ಅಥವಾ ಸದಾ ಮಾನಸಿಕ ಒತ್ತಡ ಅನುಭವಿಸುತ್ತಿದ್ದರೆ, ಈ ಬೀಜಗಳು ನಿಮ್ಮ ಸಹಾಯಕ್ಕೆ ಬರುತ್ತವೆ. ಇದರಲ್ಲಿರುವ 'ಟ್ರಿಪ್ಟೊಫಾನ್' ಎಂಬ ಅಮೈನೋ ಆಮ್ಲವು ನೈಸರ್ಗಿಕವಾಗಿ ಉತ್ತಮ ನಿದ್ರೆ ಬರಲು ಮತ್ತು ಮನಸ್ಸನ್ನು ಪ್ರಶಾಂತವಾಗಿಡಲು ನೆರವಾಗುತ್ತದೆ.

ಬಳಸುವುದು ಹೇಗೆ?

ಕುಂಬಳಕಾಯಿ ಬೀಜಗಳನ್ನು ಹಸಿಯಾಗಿ ತಿನ್ನಬಹುದು ಅಥವಾ ಲಘುವಾಗಿ ಹುರಿದು (Roasted) ತಿನ್ನಬಹುದು. ಬೆಳಗಿನ ಉಪಾಹಾರದ ಓಟ್ಸ್, ಸ್ಮೂಥಿ ಅಥವಾ ಸಲಾಡ್‌ಗಳ ಮೇಲೆ ಉದುರಿಸಿಕೊಂಡು ಸೇವಿಸುವುದು ಇನ್ನೂ ಉತ್ತಮ. ದಿನಕ್ಕೆ ಒಂದು ಚಮಚದಷ್ಟು ಬೀಜಗಳ ಸೇವನೆ ನಿಮ್ಮ ಒಟ್ಟಾರೆ ಆರೋಗ್ಯದ ಚಿತ್ರಣವನ್ನೇ ಬದಲಿಸಬಲ್ಲದು.

ನೆನಪಿಡಿ, ಆರೋಗ್ಯಕ್ಕಾಗಿ ಸಾವಿರಾರು ರೂಪಾಯಿ ವೆಚ್ಚ ಮಾಡುವ ಬದಲು, ಪ್ರಕೃತಿ ನೀಡಿರುವ ಈ ಸರಳ ಹಾಗೂ ಶಕ್ತಿಯುತ ಬೀಜಗಳನ್ನು ನಿಮ್ಮ ದೈನಂದಿನ ಆಹಾರದ ಭಾಗವಾಗಿಸಿಕೊಳ್ಳಿ.

ಪುರುಷರಿಗೆ ನಾಚಿಕೆ ಆಗಬೇಕು- ಸಿಕ್ಸ್‌ ಪ್ಯಾಕ್‌ ಮಾಡಿ ತೋರಿಸಿದ ಕನ್ನಡದ ಸ್ಟಾರ್‌ ನಟನ ಮಗಳು! ಯಾರದು?

Padmashree Bhat — Tue, 26 May 2026 13:58:38 +0530

Kannada Star Actor Daughter: ಕನ್ನಡದ ಸ್ಟಾರ್‌ ನಟನ ಮಗಳೋರ್ವರು ಸಿಕ್ಸ್‌ ಪ್ಯಾಕ್‌ ಮಾಡಿದ್ದಾರೆ. ಈಗ ಈ ಫೋಟೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗುತ್ತಿವೆ. ಹಾಗಾದರೆ ಯಾರದು? ಅವರು ಯಾರು?

ಹೌದು, ಪುರುಷರಿಗೆ ಠಕ್ಕರ್‌ ಕೊಡೋ ರೀತಿಯಲ್ಲಿ ಸಿಕ್ಸ್‌ ಪ್ಯಾಕ್‌ ಮಾಡಿದ್ದಾರೆ. ಈ ಫೋಟೋಗಳನ್ನು ನೋಡಿ ಅನೇಕರು ಕಂಗಾಲಾಗಿದ್ದಾರೆ.

ನಟ ಉಪೇಂದ್ರ ಹಾಗೂ ಪ್ರಿಯಾಂಕಾ ಅವರ ಮಗಳು ಐಶ್ವರ್ಯಾ ಅವರು ಗುರುತೇ ಸಿಗದಷ್ಟರ ಮಟ್ಟಿಗೆ ಬದಲಾಗಿದ್ದಾರೆ, ಸಣ್ಣಗಾಗಿದ್ದಾರೆ.

ಇವರ ಸಿಕ್ಸ್‌ ಪ್ಯಾಕ್‌ ನೋಡಿ ಅನೇಕರು ಕಂಗಾಲಾಗಿದ್ದಾರೆ. ಸರಿಯಾದ ಸಮತೋಲನ ಆಹಾರದ ಜೊತೆಗೆ ವರ್ಕೌಟ್‌ ಕೂಡ ಮುಖ್ಯ ಆಗುತ್ತದೆ.

ಈ ರೀತಿ ಬಾಡಿ ಮಾಡಲು ಶ್ರದ್ಧೆ, ಶ್ರಮ ಬೇಕೇ ಬೇಕು. ಇದು ಎರಡು ದಿನದ ಕೆಲಸವಲ್ಲ.

ಮೀನನ್ನು ಫ್ರಿಡ್ಜ್‌ನಲ್ಲಿ ಇಡ್ತೀರಾ? ಅದಕ್ಕೂ ಮುನ್ನ ಇದನ್ನ ತಿಳ್ಕೊಳ್ಳಿ

Ashwini HR — Tue, 26 May 2026 14:22:08 +0530

Fish storage tips: ಆಹಾರದಲ್ಲಿ ಮೀನು ಸಹ ಬಹಳ ಮುಖ್ಯವಾದ ಭಾಗ. ಇದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಇತ್ತೀಚಿನ ದಿನಗಳಲ್ಲಿ ಮೀನುಗಳನ್ನು ಖರೀದಿಸಿ ಫ್ರಿಡ್ಜ್‌ನಲ್ಲಿ ಸಂಗ್ರಹಿಸಿಡುವುದು ಸಾಮಾನ್ಯವಾಗಿದೆ.