Asianet Suvarna News

ಪೇಟೆಂಟ್ ಉಲ್ಲಂಘನೆ, ಆ್ಯಪಲ್ ಕಂಪನಿಗೆ ₹54,000 ಕೋಟಿ ದಂಡ; iPhone ಈ ಫೀಚರ್ ಕಡಿತಗೊಳ್ಳುತ್ತಾ?

Sathish Kumar KH — Mon, 28 Sep 2026 10:12:57 +0530

ನವದೆಹಲಿ/ವಾಷಿಂಗ್ಟನ್: ಐಫೋನ್‌ಗಳು ಮತ್ತು ಆ್ಯಪಲ್ ವಾಚ್‌ಗಳಲ್ಲಿ (Apple Watches) ಬಳಸುವ ಟ್ಯಾಪಿಂಗ್ ಅಥವಾ ಸ್ಪರ್ಶ ಅನುಭವ ನೀಡುವ ತಂತ್ರಜ್ಞಾನವು ಪೇಟೆಂಟ್ (ಹಕ್ಕುಸ್ವಾಮ್ಯ) ನಿಯಮಗಳನ್ನು ಉಲ್ಲಂಘಿಸಿದೆ ಎಂದು ತೀರ್ಪು ನೀಡಿರುವ ಅಮೆರಿಕದ ಫೆಡರಲ್ ನ್ಯಾಯಾಲಯವು, ತಂತ್ರಜ್ಞಾನ ದಿಗ್ಗಜ ಆ್ಯಪಲ್ ಕಂಪನಿಗೆ ಬರೋಬ್ಬರಿ 54,000 ಕೋಟಿ ರೂ. ($5.7 ಬಿಲಿಯನ್) ದಂಡ ವಿಧಿಸಿದೆ. ಅಮೆರಿಕದ ಇತಿಹಾಸದಲ್ಲೇ ಇಂತಹ ಪ್ರಕರಣದಲ್ಲಿ ವಿಧಿಸಲಾದ ಅತಿ ದೊಡ್ಡ ಮೊತ್ತದ ದಂಡ ಇದಾಗಿದೆ.

ಸ್ಯಾನ್ ಡಿಯಾಗೋ ಮೂಲದ 'ಟ್ಯಾಕ್ಷನ್ ಟೆಕ್ನಾಲಜಿ' (Taction Technology) ಎನ್ನುವ ಕಂಪನಿಯು, ಐಫೋನ್ ಸಂಸ್ಥೆಯು ತಮ್ಮ ಕಂಪನಿಯ ಪೇಟೆಂಟ್ ವೈಬ್ರೇಶನ್ ತಂತ್ರಜ್ಞಾನವನ್ನು (Vibration Technology) ಅನುಮತಿಯಿಲ್ಲದೆ ಫೋನ್ ಮತ್ತು ವಾಚ್‌ಗಳ 'Taptic Engine' ನಲ್ಲಿ ಬಳಸಿಕೊಂಡಿದೆ ಎಂದು ಆರೋಪಿಸಿ 2021ರಲ್ಲಿ ಮೊಕದ್ದಮೆ ಹೂಡಿತ್ತು.

ಪ್ರಕರಣದ ಹಿನ್ನೆಲೆ:

2023ರಲ್ಲಿ ಕೆಳಹಂತದ ಫೆಡರಲ್ ನ್ಯಾಯಾಲಯವು ಆ್ಯಪಲ್ ಪರವಾಗಿ ತೀರ್ಪು ನೀಡಿ ದೂರು ವಜಾಗೊಳಿಸಿತ್ತು. ಆದರೆ ಇದನ್ನು ಪ್ರಶ್ನಿಸಿ ಟ್ಯಾಕ್ಷನ್ ಟೆಕ್ನಾಲಜಿ ಕಂಪನಿಯು ಮೇಲ್ಮನವಿ ಸಲ್ಲಿಸಿದ್ದು, ನಂತರ ಫೆಡರಲ್ ಸರ್ಕ್ಯೂಟ್ ಈ ಪ್ರಕರಣವನ್ನು ಮರುಪರಿಶೀಲನೆಗೆ ಒಳಪಡಿಸಿತ್ತು.

ಸೆಪ್ಟೆಂಬರ್ 14ರಂದು ಆರಂಭವಾದ ವಿಚಾರಣೆಯಲ್ಲಿ, ಆ್ಯಪಲ್‌ನ 'Taptic Engine' (ಇದು ಐಫೋನ್ ಮತ್ತು ವಾಚ್‌ಗಳಲ್ಲಿ ಸ್ಪರ್ಶ ಅನುಭವ, ವೈಬ್ರೇಶನ್ ಹಾಗೂ ಹೃದಯದ ಬಡಿತದ ಸಿಮ್ಯುಲೇಶನ್ ನೀಡುತ್ತದೆ) ಟ್ಯಾಕ್ಷನ್ ಕಂಪನಿಯ ಎರಡು ಪೇಟೆಂಟ್‌ಗಳನ್ನು (Nos. 10,659,885 ಮತ್ತು 10,820,117) ಉಲ್ಲಂಘಿಸಿದೆ ಎಂದು 7 ಮಂದಿಯ ಜ್ಯೂರಿ ಒಮ್ಮತದ ತೀರ್ಪು ನೀಡಿದೆ. ಆದರೆ ಆ್ಯಪಲ್ ಉದ್ದೇಶಪೂರ್ವಕವಾಗಿ ಈ ಕೃತ್ಯ ಎಸಗಿಲ್ಲ ಎಂದೂ ನ್ಯಾಯಾಲಯ ತಿಳಿಸಿದೆ. ಇನ್ನು ಈಗಾಗಲೇ ಇರುವ ಐಫೋನ್ ಹಾಗೂ ವಾಚ್‌ನಲ್ಲಿನ ಸೌಲಭ್ಯ ಕಡಿತಗೊಳ್ಳುತ್ತದೆಯೇ ಎಂಬುದಕ್ಕೆ ಸ್ಪಷ್ಟನೆ ಸಿಕ್ಕಿಲ್ಲ.

ಆ್ಯಪಲ್ ಪ್ರತಿಕ್ರಿಯೆ ಏನು?

ನ್ಯಾಯಾಲಯದ ತೀರ್ಪನ್ನು ತಳ್ಳಿಹಾಕಿರುವ ಆ್ಯಪಲ್ ಕಂಪನಿಯು, 'ಜ್ಯೂರಿಯ ಪರಿಗಣನೆಗೆ ಧನ್ಯವಾದಗಳು, ಆದರೆ ಇಂದಿನ ತೀರ್ಪು ಮತ್ತು ವಿಧಿಸಿರುವ ದಂಡದ ಮೊತ್ತವನ್ನು ನಾವು ಬಲವಾಗಿ ವಿರೋಧಿಸುತ್ತೇವೆ. ಇದು ವಾಸ್ತವ ಸಂಗತಿಗಳಿಗೆ ವಿರುದ್ಧವಾಗಿದೆ. ನಮ್ಮ 'Taptic Engine' ತಂತ್ರಜ್ಞಾನವು ಟ್ಯಾಕ್ಷನ್ ತಂತ್ರಜ್ಞಾನಕ್ಕಿಂತ ಸಂಪೂರ್ಣವಾಗಿ ಭಿನ್ನವಾಗಿದೆ. ನಾವು ಇದರ ವಿರುದ್ಧ ಮೇಲ್ಮನವಿ (Appeal) ಸಲ್ಲಿಸುತ್ತೇವೆ' ಎಂದು ಸ್ಪಷ್ಟಪಡಿಸಿದೆ.

ಮತ್ತೊಂದೆಡೆ, ಟ್ಯಾಕ್ಷನ್ ಕಂಪನಿಯ ಪರ ವಕೀಲ ಲ್ಯಾನ್ಸ್ ಯಾಂಗ್ ಮಾತನಾಡಿ, 'ನಾವು ಈ ಪ್ರಕರಣದ ನ್ಯಾಯಕ್ಕಾಗಿ ಐದುವರೆ ವರ್ಷ ಕಾಯಬೇಕಾಯಿತು. ಜ್ಯೂರಿ ನಮ್ಮ ಪರವಾಗಿ ತೀರ್ಪು ನೀಡಿರುವುದು ಸಂತಸ ತಂದಿದೆ' ಎಂದಿದ್ದಾರೆ. ಸದ್ಯ ಈ ಪ್ರಕರಣವು ಮೇಲ್ಮನವಿ ಹಂತಕ್ಕೆ ತಲುಪಿದ್ದು, ಎಲ್ಲರ ಕಣ್ಣು ಆ್ಯಪಲ್‌ನ ಮುಂದಿನ ಕಾನೂನು ಹೋರಾಟದ ಮೇಲಿದೆ.

ಹಾರ್ಟ್ ಬೀಟ್ ಟ್ರ್ಯಾಕ್ ಮಾಡುವ 5000 ರೂ. ಒಳಗಿನ ಬೆಸ್ಟ್ ಸ್ಮಾರ್ಟ್‌ವಾಚ್‌ಗಳು ಇವು!

Shriram Bhat — Sat, 26 Sep 2026 20:52:55 +0530

ಸ್ಮಾರ್ಟ್‌ವಾಚ್‌ಗಳು ಈಗ ಕೇವಲ ಟೈಮ್ ನೋಡೋಕೆ ಮಾತ್ರ ಸೀಮಿತವಾಗಿಲ್ಲ, ನಮ್ಮ ಹೆಲ್ತ್ ಟ್ರ್ಯಾಕ್ ಮಾಡುವ ಬೆಸ್ಟ್ ಫ್ರೆಂಡ್ಸ್ ಆಗಿವೆ. 5,000 ರೂ. ಬಜೆಟ್‌ನಲ್ಲಿ ಯಾವೆಲ್ಲಾ ಟಾಪ್ 5 ಸ್ಮಾರ್ಟ್‌ವಾಚ್‌ಗಳಿವೆ? ಡೀಟೇಲ್ಸ್ ಇಲ್ಲಿದೆ ನೋಡಿ..

ಈ ಸ್ಮಾರ್ಟ್‌ವಾಚ್‌ಗಳು ಆರೋಗ್ಯದ ಬಗ್ಗೆ ಸಾಕಷ್ಟು ಮಾಹಿತಿ ನೀಡಿದರೂ, ಇವುಗಳನ್ನು ಮೆಡಿಕಲ್ ಚೆಕಪ್‌ಗಳಿಗೆ ಪರ್ಯಾಯವಾಗಿ ಬಳಸಬಾರದು. ಹಾರ್ಟ್ ರೇಟ್ ಅಥವಾ ಆಕ್ಸಿಜನ್ ಲೆವೆಲ್‌ನಲ್ಲಿ ಪದೇ ಪದೇ ಏರುಪೇರಾದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು. ಬೆಸ್ಟ್ ಡಿಸ್‌ಪ್ಲೇ, ಬ್ಯಾಟರಿ ಲೈಫ್, ಬ್ಲೂಟೂತ್ ಕಾಲಿಂಗ್ ಹಾಗೂ ಫಿಟ್‌ನೆಸ್ ಟ್ರ್ಯಾಕಿಂಗ್ ಬೇಕು ಎನ್ನುವವರಿಗೆ 5,000 ರೂ. ಒಳಗಿನ ಈ ಮಾಡೆಲ್‌ಗಳು ಬೆಸ್ಟ್ ಚಾಯ್ಸ್.

ನಾಯ್ಸ್ ಕಲರ್‌ಫಿಟ್ ಪ್ರೊ 5 ಮ್ಯಾಕ್ಸ್ ಬೆಲೆ 4,999 ರೂ. ಗಳಿಂದ ಶುರುವಾಗುತ್ತದೆ. 1.96 ಇಂಚಿನ ಅಮೋಲೆಡ್ ಡಿಸ್‌ಪ್ಲೇ, ಹಾರ್ಟ್ ರೇಟ್, SpO2, ನಿದ್ರೆ ಹಾಗೂ ಒತ್ತಡ ಟ್ರ್ಯಾಕಿಂಗ್ ಜೊತೆಗೆ 100ಕ್ಕೂ ಹೆಚ್ಚು ಸ್ಪೋರ್ಟ್ಸ್ ಮೋಡ್‌ಗಳಿವೆ. 150ಕ್ಕೂ ಹೆಚ್ಚು ವಾಚ್ ಫೇಸ್, SOS ಫೀಚರ್ ಹಾಗೂ ಬ್ಲೂಟೂತ್ 5.3 ಕನೆಕ್ಟಿವಿಟಿ ಇದರಲ್ಲಿದೆ. ಒಮ್ಮೆ ಚಾರ್ಜ್ ಮಾಡಿದರೆ 7 ದಿನಗಳವರೆಗೆ ಬ್ಯಾಟರಿ ಲೈಫ್ ಸಿಗುತ್ತದೆ.

ಬೋಟ್ ವಾಲರ್ ವಾಚ್ 1R ಬೆಲೆ 4,499 ರೂ. ಇದ್ದು, 700ಕ್ಕೂ ಹೆಚ್ಚು ಸ್ಪೋರ್ಟ್ಸ್ ಮೋಡ್‌ಗಳನ್ನು ನೀಡುತ್ತದೆ. ಹಾರ್ಟ್ ರೇಟ್, SpO2, ಹಾರ್ಟ್ ರೇಟ್ ವೇರಿಯಬಿಲಿಟಿ, VO2 ಮ್ಯಾಕ್ಸ್, ನಿದ್ರೆ ಹಾಗೂ ಒತ್ತಡವನ್ನು ಇದು ಟ್ರ್ಯಾಕ್ ಮಾಡುತ್ತದೆ. 1.43 ಇಂಚಿನ ಅಮೋಲೆಡ್ ಡಿಸ್‌ಪ್ಲೇ, 7 ರಿಂದ 10 ದಿನಗಳ ಬ್ಯಾಟರಿ ಬ್ಯಾಕಪ್ ಹಾಗೂ 3 ATM ವಾಟರ್ ರೆಸಿಸ್ಟೆನ್ಸ್ ಇದರ ಸ್ಪೆಷಾಲಿಟಿ.

ನಥಿಂಗ್ ಕಂಪನಿಯ ಸಬ್-ಬ್ರ್ಯಾಂಡ್ CMF ಬಿಡುಗಡೆ ಮಾಡಿರುವ ವಾಚ್ ಪ್ರೊ 2 ಬೆಲೆ 4,999 ರೂ. ಇದೆ. 1.32 ಇಂಚಿನ ಅಮೋಲೆಡ್ ಡಿಸ್‌ಪ್ಲೇ, ಹಾರ್ಟ್ ರೇಟ್, SpO2 ಮಾನಿಟರಿಂಗ್, 120ಕ್ಕೂ ಹೆಚ್ಚು ಸ್ಪೋರ್ಟ್ಸ್ ಮೋಡ್ ಹಾಗೂ ಬ್ಲೂಟೂತ್ ಕಾಲಿಂಗ್ ಫೀಚರ್ ಇದರಲ್ಲಿದೆ. IP68 ಪ್ರೊಟೆಕ್ಷನ್ ಜೊತೆಗೆ ಒಮ್ಮೆ ಚಾರ್ಜ್ ಮಾಡಿದರೆ 11 ದಿನಗಳವರೆಗೆ ಬ್ಯಾಟರಿ ಲೈಫ್ ಕೊಡುತ್ತದೆ.

ಬೋಟ್ ಕ್ರೋಮ್ ಐರಿಸ್ ಸ್ಮಾರ್ಟ್‌ವಾಚ್ ಬೆಲೆ 3,499 ರೂ. ಇದೆ. 1.32 ಇಂಚಿನ ಅಮೋಲೆಡ್ ಆಲ್ವೇಸ್-ಆನ್ ಡಿಸ್‌ಪ್ಲೇ, ಹಾರ್ಟ್ ರೇಟ್, SpO2 ಮಾನಿಟರಿಂಗ್, ಸ್ಲೀಪ್ ಟ್ರ್ಯಾಕಿಂಗ್, ಬ್ರೀತಿಂಗ್ ಟ್ರೈನಿಂಗ್ ಹಾಗೂ ಬ್ಲೂಟೂತ್ ಕಾಲಿಂಗ್ ಫೀಚರ್‌ಗಳನ್ನು ಇದು ಹೊಂದಿದೆ. IP68 ವಾಟರ್ ರೆಸಿಸ್ಟೆನ್ಸ್ ಕೂಡ ಇದೆ. ಪವರ್ ಸೇವಿಂಗ್ ಮೋಡ್‌ನಲ್ಲಿ 5 ದಿನಗಳವರೆಗೆ ಬ್ಯಾಟರಿ ಬ್ಯಾಕಪ್ ಸಿಗುತ್ತದೆ.

ರಿಯಲ್‌ಮಿ ವಾಚ್ 5 ಬೆಲೆ 4,299 ರೂ. ಇದೆ. ಈ ವಾಚ್ 1.97 ಇಂಚಿನ ಅಮೋಲೆಡ್ ಡಿಸ್‌ಪ್ಲೇ ಹೊಂದಿದೆ. ಹಾರ್ಟ್ ರೇಟ್, SpO2, ನಿದ್ರೆ, ಒತ್ತಡ ಹಾಗೂ ಮಹಿಳೆಯರ ಋತುಚಕ್ರವನ್ನು ಇದು ಟ್ರ್ಯಾಕ್ ಮಾಡುತ್ತದೆ. 108 ಸ್ಪೋರ್ಟ್ಸ್ ಮೋಡ್, 300ಕ್ಕೂ ಹೆಚ್ಚು ವಾಚ್ ಫೇಸ್, ಬ್ಲೂಟೂತ್ ಕಾಲಿಂಗ್ ಹಾಗೂ IP68 ವಾಟರ್ ರೆಸಿಸ್ಟೆನ್ಸ್ ಇದರಲ್ಲಿದೆ. ಒಮ್ಮೆ ಚಾರ್ಜ್ ಮಾಡಿದರೆ 16 ದಿನಗಳವರೆಗೆ ಬ್ಯಾಟರಿ ಬರುತ್ತೆ ಎಂದು ಕಂಪನಿ ಹೇಳಿದೆ.

ಮೆಡಿಕಲ್ ಡಿವೈಸ್‌ಗಳಿಗೆ ಇವು ಪರ್ಯಾಯವಲ್ಲ. ಆದರೆ, ನಮ್ಮ ಆರೋಗ್ಯದಲ್ಲಿ ಆಗುವ ಅಸಾಧಾರಣ ಬದಲಾವಣೆಗಳನ್ನು ಮೊದಲೇ ಗುರುತಿಸಲು ಈ ವಾಚ್‌ಗಳು ತುಂಬಾನೇ ಹೆಲ್ಪ್ ಮಾಡುತ್ತವೆ. 5,000 ರೂ. ಒಳಗಿನ ಬೆಲೆಯಲ್ಲಿ ಸಿಗುವ ಟಾಪ್ 5 ಸ್ಮಾರ್ಟ್‌ವಾಚ್‌ಗಳ ಬಗ್ಗೆ ನಾವಿಲ್ಲಿ ಮಾಹಿತಿ ನೀಡಿದ್ದೇವೆ.

ಸ್ಮಾರ್ಟ್‌ವಾಚ್‌ಗಳು ಈಗ ಕೇವಲ ಟೈಮ್ ತೋರಿಸುವ ಡಿವೈಸ್ ಆಗುಳಿದಿಲ್ಲ, ನಮ್ಮ ಆರೋಗ್ಯ ಕಾಪಾಡುವ ಪರ್ಸನಲ್ ಅಸಿಸ್ಟೆಂಟ್ ಆಗಿ ಬದಲಾಗಿವೆ. ಹಾರ್ಟ್ ರೇಟ್ ಮಾನಿಟರಿಂಗ್, ರಕ್ತದಲ್ಲಿನ ಆಕ್ಸಿಜನ್ ಲೆವೆಲ್ ಚೆಕ್ ಮಾಡುವ SpO2, ಸ್ಲೀಪ್ ಟ್ರ್ಯಾಕಿಂಗ್‌ನಂತಹ ಹಲವು ಫೀಚರ್‌ಗಳು ಈಗ ಬಜೆಟ್ ಬೆಲೆಯ ಸ್ಮಾರ್ಟ್‌ವಾಚ್‌ಗಳಲ್ಲೂ ಸಿಗುತ್ತಿವೆ.

Samsung Galaxy S26 FE ಭಾರತದಲ್ಲಿ ಲಾಂಚ್‌; 50MP ಕ್ಯಾಮೆರಾ, 4,900mAh ಬ್ಯಾಟರಿ, 45W ಫಾಸ್ಟ್ ಚಾರ್ಜಿಂಗ್‌!

Naveen Kodase — Wed, 16 Sep 2026 16:10:28 +0530

ಸ್ಯಾಮ್‌ಸಂಗ್ ಕಂಪನಿ ತನ್ನ ಗ್ಯಾಲಕ್ಸಿ S26 ಸೀರೀಸ್‌ಗೆ ಹೊಸ ಮಾಡೆಲ್ ಸೇರಿಸಿದೆ. ಗ್ಯಾಲಕ್ಸಿ S26 FE ಫೋನ್ ಅನ್ನು ಕಂಪನಿ ಭಾರತದಲ್ಲಿ ಲಾಂಚ್ ಮಾಡಿದೆ. ಪ್ರೀಮಿಯಂ ಫೋನ್‌ಗಳ ಬೆಸ್ಟ್ ಫೀಚರ್ಸ್ ಅನ್ನು ಸಾಮಾನ್ಯ ಗ್ರಾಹಕರಿಗೂ ತಲುಪಿಸುವ ಉದ್ದೇಶದಿಂದ ಈ ಹೊಸ FE ಮಾಡೆಲ್ ಬಂದಿದೆ. ಬೆಸ್ಟ್ ಕ್ಯಾಮೆರಾ, ಗ್ಯಾಲಕ್ಸಿ AI ಫೀಚರ್ಸ್ ಹಾಗೂ ಡೈಲಿ ಯೂಸ್‌ಗೆ ಬೇಕಾದ ಪವರ್‌ಫುಲ್ ಪರ್ಫಾರ್ಮೆನ್ಸ್ ಈ ಫೋನ್‌ನಲ್ಲಿದೆ. 120Hz ರಿಫ್ರೆಶ್ ರೇಟ್ ಇರುವ 6.7 ಇಂಚಿನ ಡೈನಾಮಿಕ್ AMOLED 2X ಡಿಸ್‌ಪ್ಲೇ, Exynos 2500 ಪ್ರೊಸೆಸರ್ ಹಾಗೂ 4,900 mAh ಬ್ಯಾಟರಿ ಈ ಫೋನ್‌ನಲ್ಲಿದೆ.

ಗ್ಯಾಲಕ್ಸಿ S26 FE ಬೆಲೆ ಮತ್ತು ಆಫರ್ಸ್

ಭಾರತದಲ್ಲಿ 8GB RAM ಮತ್ತು 256GB ಸ್ಟೋರೇಜ್ ಮಾಡೆಲ್‌ಗೆ 79,999 ರೂ. ಬೆಲೆ ನಿಗದಿ ಮಾಡಲಾಗಿದೆ. ಪಿಸ್ತಾಶಿಯೋ, ಬ್ಲೂಬೆರ್ರಿ ಮತ್ತು ಗ್ರಾಫೈಟ್ ಬಣ್ಣಗಳಲ್ಲಿ ಈ ಫೋನ್ ಸಿಗಲಿದೆ. ಹೊಸ ಫೋನ್ ಖರೀದಿಸುವ ಗ್ರಾಹಕರಿಗೆ ಸ್ಯಾಮ್‌ಸಂಗ್ ಭರ್ಜರಿ ಆಫರ್ಸ್ ಕೂಡ ಅನೌನ್ಸ್ ಮಾಡಿದೆ. ಹಳೆಯ ಫೋನ್ ಎಕ್ಸ್‌ಚೇಂಜ್ ಮಾಡಿದರೆ 8,000 ರೂ. ವರೆಗೆ ಅಪ್‌ಗ್ರೇಡ್ ಬೋನಸ್ ಸಿಗುತ್ತದೆ. ಆಯ್ದ NBFCಗಳ ಮೂಲಕ 30 ತಿಂಗಳವರೆಗೆ ನೋ-ಕಾಸ್ಟ್ EMI ಆಪ್ಷನ್ ಕೂಡ ಇದೆ. ಇದರ ಜೊತೆಗೆ 3,000 ರೂ. ಎಕ್ಸ್‌ಟ್ರಾ ಅಪ್‌ಗ್ರೇಡ್ ಬೋನಸ್ ಸಿಗಲಿದೆ. ಪ್ರಮುಖ ಬ್ಯಾಂಕ್ ಕಾರ್ಡ್‌ಗಳನ್ನು ಬಳಸಿದರೆ 7,000 ರೂ. ವರೆಗೆ ಕ್ಯಾಶ್‌ಬ್ಯಾಕ್ ಅಥವಾ 12 ತಿಂಗಳ ನೋ-ಕಾಸ್ಟ್ EMI ಆಪ್ಷನ್ ಕೂಡ ನೀವು ಆಯ್ಕೆ ಮಾಡಬಹುದು.

6.7 ಇಂಚಿನ AMOLED ಡಿಸ್‌ಪ್ಲೇ

ಗ್ಯಾಲಕ್ಸಿ S26 FE ಫೋನ್‌ನಲ್ಲಿ 6.7 ಇಂಚಿನ ಫುಲ್ HD+ ಡೈನಾಮಿಕ್ AMOLED 2X ಡಿಸ್‌ಪ್ಲೇ ಕೊಟ್ಟಿದ್ದಾರೆ. 120Hz ರಿಫ್ರೆಶ್ ರೇಟ್ ಇರುವ ಈ ಸ್ಕ್ರೀನ್ 1,900 ನಿಟ್ಸ್ ಪೀಕ್ ಬ್ರೈಟ್‌ನೆಸ್ ಸಪೋರ್ಟ್ ಮಾಡುತ್ತದೆ. Exynos 2500 ಪ್ರೊಸೆಸರ್ ಈ ಫೋನ್‌ಗೆ ಪವರ್ ಕೊಡುತ್ತದೆ. ಹಾಗೇ, ಬ್ಯಾಟರಿ ಬ್ಯಾಕಪ್‌ಗಾಗಿ 4,900 mAh ಕೆಪಾಸಿಟಿಯ ಬ್ಯಾಟರಿ ಕೂಡ ಇದರಲ್ಲಿದೆ.

ಟ್ರಿಪಲ್ ರಿಯರ್ ಕ್ಯಾಮೆರಾ

ಕ್ಯಾಮರಾ ವಿಚಾರಕ್ಕೆ ಬಂದರೆ, ಈ ಫೋನ್‌ನಲ್ಲಿ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಇದೆ. 50 ಮೆಗಾಪಿಕ್ಸೆಲ್ ವೈಡ್ ಕ್ಯಾಮೆರಾ, 12 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾ ಹಾಗೂ 3x ಆಪ್ಟಿಕಲ್ ಜೂಮ್ ಸಪೋರ್ಟ್ ಮಾಡುವ 8 ಮೆಗಾಪಿಕ್ಸೆಲ್ ಟೆಲಿಫೋಟೋ ಕ್ಯಾಮೆರಾ ಇದರಲ್ಲಿದೆ. ಸೆಲ್ಫಿ ಮತ್ತು ವಿಡಿಯೋ ಕಾಲಿಂಗ್‌ಗಾಗಿ 12 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಕೂಡ ಕೊಟ್ಟಿದ್ದಾರೆ.

ಗ್ಯಾಲಕ್ಸಿ AI ಜೊತೆ ಹೊಸ ಸಾಫ್ಟ್‌ವೇರ್

ಗ್ಯಾಲಕ್ಸಿ S26 FE ಫೋನ್ ಆಂಡ್ರಾಯ್ಡ್ 17 ಆಧಾರಿತ One UI 9 ನಲ್ಲಿ ಕೆಲಸ ಮಾಡುತ್ತದೆ. ಡೈಲಿ ಯೂಸ್ ಅನ್ನು ಇನ್ನಷ್ಟು ಸುಲಭ ಮಾಡುವ ಗ್ಯಾಲಕ್ಸಿ AI ಫೀಚರ್ಸ್ ಈ ಹೊಸ ಸಾಫ್ಟ್‌ವೇರ್‌ನ ಪ್ರಮುಖ ಹೈಲೈಟ್. ಅಪ್‌ಡೇಟ್ ಆಗಿರುವ 'ನೌ ಬ್ರೀಫ್' (Now Brief) ಸಿಸ್ಟಮ್, ಯೂಸರ್‌ಗೆ ಬೇಕಾದ ಮಾಹಿತಿಯನ್ನು ಅವರವರ ಅಗತ್ಯಕ್ಕೆ ತಕ್ಕಂತೆ ಕಸ್ಟಮೈಸ್ ಮಾಡಿ ಕೊಡುತ್ತದೆ. ಕಸ್ಟಮೈಸ್ ಮಾಡಬಹುದಾದ ಬ್ರೀಫಿಂಗ್ ಕಾರ್ಡ್ಸ್, ಹವಾಮಾನ ವರದಿ, ಹೆಲ್ತ್ ಮತ್ತು ಫಿಟ್‌ನೆಸ್ ಡೀಟೇಲ್ಸ್ ಇದರಲ್ಲಿ ಸಿಗುತ್ತದೆ. ಸಿಂಪಲ್ ಕಮಾಂಡ್ ಕೊಡುವ ಮೂಲಕ ಯೂಸರ್ಸ್ ತಮ್ಮದೇ ಆದ ಕಾರ್ಡ್‌ಗಳನ್ನು ಕೂಡ ಕ್ರಿಯೇಟ್ ಮಾಡಬಹುದು. ಆಯ್ದ ಥರ್ಡ್-ಪಾರ್ಟಿ ಆ್ಯಪ್‌ಗಳು ಮತ್ತು ನೋಟಿಫಿಕೇಶನ್‌ಗಳಿಗೂ ಸಂದರ್ಭಕ್ಕೆ ತಕ್ಕಂತೆ ಸಜೆಷನ್ ಕೊಡಲು 'ನೌ ಬ್ರೀಫ್'ಗೆ ಸಾಧ್ಯವಿದೆ.

IP68 ಸೇಫ್ಟಿ ಮತ್ತು 7 ವರ್ಷದ ಅಪ್‌ಡೇಟ್

161.6 x 76.9 x 7.4 mm ಅಳತೆ ಇರುವ ಈ ಫೋನ್ 193 ಗ್ರಾಂ ತೂಕ ಇದೆ. ನೀರು ಮತ್ತು ಧೂಳಿನಿಂದ ರಕ್ಷಣೆ ಕೊಡಲು IP68 ರೇಟಿಂಗ್ ಕೂಡ ಸಿಕ್ಕಿದೆ. ಸ್ಯಾಮ್‌ಸಂಗ್ ಈ ಫೋನ್‌ಗೆ ದೀರ್ಘಕಾಲದ ಸಾಫ್ಟ್‌ವೇರ್ ಸಪೋರ್ಟ್ ಭರವಸೆ ಕೊಟ್ಟಿದೆ. ಗ್ಲೋಬಲ್ ಮಾರ್ಕೆಟ್‌ಗೆ ಲಾಂಚ್ ಆದ ದಿನಾಂಕದಿಂದ 7 ತಲೆಮಾರಿನ OS ಅಪ್‌ಗ್ರೇಡ್ಸ್ ಮತ್ತು 7 ವರ್ಷಗಳ ಸೆಕ್ಯೂರಿಟಿ ಅಪ್‌ಡೇಟ್ಸ್ ಈ ಫೋನ್‌ಗೆ ಸಿಗಲಿದೆ ಎಂದು ಕಂಪನಿ ತಿಳಿಸಿದೆ.

45W ಫಾಸ್ಟ್ ಚಾರ್ಜಿಂಗ್

3 ನ್ಯಾನೋಮೀಟರ್ ಟೆಕ್ನಾಲಜಿಯಲ್ಲಿ ತಯಾರಾದ Exynos 2500 ಪ್ರೊಸೆಸರ್ ಈ ಫೋನ್‌ನಲ್ಲಿದೆ. 5G, LTE, Wi-Fi 6E, Wi-Fi Direct ಮತ್ತು ಬ್ಲೂಟೂತ್ 5.4 ಕನೆಕ್ಟಿವಿಟಿ ಆಪ್ಷನ್ಸ್ ಇವೆ. 4,900 mAh ಬ್ಯಾಟರಿಗೆ 45W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಸಪೋರ್ಟ್ ಇದೆ. 45W ಅಡಾಪ್ಟರ್ ಬಳಸಿದರೆ ಕೇವಲ 30 ನಿಮಿಷಗಳಲ್ಲಿ ಬ್ಯಾಟರಿ 69% ವರೆಗೆ ಚಾರ್ಜ್ ಆಗುತ್ತದೆ ಎಂದು ಸ್ಯಾಮ್‌ಸಂಗ್ ಹೇಳಿಕೊಂಡಿದೆ. 15W ಫಾಸ್ಟ್ ವೈರ್‌ಲೆಸ್ ಚಾರ್ಜಿಂಗ್ ಮತ್ತು ವೈರ್‌ಲೆಸ್ ಪವರ್ ಶೇರ್ ಫೆಸಿಲಿಟಿ ಕೂಡ ಈ ಫೋನ್‌ನಲ್ಲಿದೆ.

Samsung Galaxy A08: ಸ್ಯಾಮ್‌ಸಂಗ್‌ನಿಂದ ಹೊಸ ಬಜೆಟ್ ಫ್ರೆಂಡ್ಲಿ ಫೋನ್ ರಿಲೀಸ್; ಫೀಚರ್ಸ್ ಹೇಗಿದೆ ಗೊತ್ತಾ?

Naveen Kodase — Thu, 17 Sep 2026 12:58:31 +0530

ಎಂಟ್ರಿ ಲೆವೆಲ್ ಸ್ಮಾರ್ಟ್‌ಫೋನ್ ಸೆಗ್ಮೆಂಟ್‌ನಲ್ಲಿ ಸ್ಯಾಮ್‌ಸಂಗ್ ಹೊಸ ಮಾಡೆಲ್ ಪರಿಚಯಿಸಿದೆ. ಆಯ್ದ ಜಾಗತಿಕ ಮಾರುಕಟ್ಟೆಗಳಲ್ಲಿ ಗ್ಯಾಲಕ್ಸಿ A08 ಫೋನ್ ಅನ್ನು ಕಂಪನಿ ರಿಲೀಸ್ ಮಾಡಿದೆ. ಸದ್ಯಕ್ಕೆ ಸ್ಯಾಮ್‌ಸಂಗ್ ಉಕ್ರೇನ್ ಆನ್‌ಲೈನ್ ಸ್ಟೋರ್ ಈ ಫೋನ್ ಅನ್ನು ಸೇಲ್ ಮಾಡುತ್ತಿದೆ. 4GB RAM ಮತ್ತು 128GB ಸ್ಟೋರೇಜ್‌ನ ಒಂದೇ ವೇರಿಯೆಂಟ್‌ನಲ್ಲಿ ಗ್ಯಾಲಕ್ಸಿ A08 ಗ್ರಾಹಕರಿಗೆ ಸಿಗುತ್ತಿದೆ.

ಬೆಲೆ ಮತ್ತು ಬಣ್ಣಗಳು

ಕಂಪನಿಯು ಗ್ಯಾಲಕ್ಸಿ A08 ಫೋನ್‌ಗೆ 10,699 ಉಕ್ರೇನಿಯನ್ ಹ್ರಿವ್ನಿಯಾ (Ukrainian Hryvnia) ಬೆಲೆ ನಿಗದಿಪಡಿಸಿದೆ. ಭಾರತೀಯ ರೂಪಾಯಿ ಲೆಕ್ಕದಲ್ಲಿ ಇದು ಸುಮಾರು 23,000 ರೂ. ಆಗುತ್ತದೆ. ಗ್ರಾಹಕರು ಡಾರ್ಕ್ ಬ್ಲೂ, ಗ್ರೀನ್ ಮತ್ತು ಸಿಲ್ವರ್ ಸೇರಿ ಒಟ್ಟು 3 ಬಣ್ಣಗಳಲ್ಲಿ ಈ ಫೋನ್ ಖರೀದಿಸಬಹುದು. ಭಾರತದಲ್ಲಿ ಗ್ಯಾಲಕ್ಸಿ A08 ಯಾವಾಗ ಸೇಲ್‌ಗೆ ಬರುತ್ತೆ ಅಥವಾ ಇದರ ಬೆಲೆ ಎಷ್ಟಿರಲಿದೆ ಅನ್ನೋದನ್ನು ಸ್ಯಾಮ್‌ಸಂಗ್ ಇನ್ನೂ ಹೇಳಿಲ್ಲ.

120Hz ಡಿಸ್‌ಪ್ಲೇ

ಗ್ಯಾಲಕ್ಸಿ A08 ಫೋನ್‌ನಲ್ಲಿ 6.7 ಇಂಚಿನ HD+ PLS LCD ಡಿಸ್‌ಪ್ಲೇಯನ್ನು ಕಂಪನಿ ನೀಡಿದೆ. 720 x 1600 ಪಿಕ್ಸೆಲ್ ರೆಸಲ್ಯೂಶನ್ ಹೊಂದಿರುವ ಈ ಡಿಸ್‌ಪ್ಲೇಗೆ 120Hz ವರೆಗಿನ ರಿಫ್ರೆಶ್ ರೇಟ್ ಸಪೋರ್ಟ್ ಇದೆ. ಸ್ಕ್ರೀನ್ 16 ಮಿಲಿಯನ್ ಬಣ್ಣಗಳನ್ನು ತೋರಿಸುವ ಸಾಮರ್ಥ್ಯ ಹೊಂದಿದೆ. ಆಂಡ್ರಾಯ್ಡ್ 16 ಆಧಾರಿತ ಒನ್ ಯುಐ 8 (One UI 8) ಆಪರೇಟಿಂಗ್ ಸಿಸ್ಟಮ್ ಮೇಲೆ ಈ ಫೋನ್ ಕೆಲಸ ಮಾಡುತ್ತದೆ. 2032ರ ವರೆಗೆ ಸಾಫ್ಟ್‌ವೇರ್ ಸಪೋರ್ಟ್ ಕೊಡುವುದಾಗಿ ಸ್ಯಾಮ್‌ಸಂಗ್ ಭರವಸೆ ನೀಡಿದೆ.

ಮೀಡಿಯಾಟೆಕ್ ಚಿಪ್‌ಸೆಟ್

6nm ಫ್ಯಾಬ್ರಿಕೇಶನ್ ಪ್ರಕ್ರಿಯೆಯಲ್ಲಿ ತಯಾರಾದ ಮೀಡಿಯಾಟೆಕ್ ಹೀಲಿಯೊ G99 ಚಿಪ್‌ಸೆಟ್ ಗ್ಯಾಲಕ್ಸಿ A08 ಫೋನ್‌ಗೆ ಪವರ್ ಕೊಡುತ್ತದೆ. ಈ ಚಿಪ್‌ಸೆಟ್‌ನಲ್ಲಿ 2.2GHz ವರೆಗಿನ ಕ್ಲಾಕ್ ಸ್ಪೀಡ್ ಕೊಡುವ 2 ಪರ್ಫಾರ್ಮೆನ್ಸ್ ಕೋರ್‌ಗಳು ಮತ್ತು 2.0GHz ವರೆಗಿನ ಸ್ಪೀಡ್ ಇರುವ 6 ಎಫಿಷಿಯನ್ಸಿ ಕೋರ್‌ಗಳಿವೆ. ಫೋನ್‌ನಲ್ಲಿ 4GB RAM ಹಾಗೂ 128GB ಇಂಟರ್ನಲ್ ಸ್ಟೋರೇಜ್ ಇದೆ. ಮೈಕ್ರೊ ಎಸ್‌ಡಿ ಕಾರ್ಡ್ ಬಳಸಿ ಬಳಕೆದಾರರು ಸ್ಟೋರೇಜ್ ಅನ್ನು 2TB ವರೆಗೆ ಹೆಚ್ಚಿಸಿಕೊಳ್ಳಬಹುದು.

6000mAh ಬ್ಯಾಟರಿ

6000mAh ಸಾಮರ್ಥ್ಯದ ದೊಡ್ಡ ಬ್ಯಾಟರಿ ಗ್ಯಾಲಕ್ಸಿ A08 ಫೋನ್‌ನ ಪ್ರಮುಖ ಆಕರ್ಷಣೆಗಳಲ್ಲಿ ಒಂದು. ಕನೆಕ್ಟಿವಿಟಿಗಾಗಿ 4G LTE, ಡ್ಯುಯಲ್-ಬ್ಯಾಂಡ್ ವೈ-ಫೈ, ಬ್ಲೂಟೂತ್ 5.3 ಮತ್ತು ಯುಎಸ್‌ಬಿ ಟೈಪ್-ಸಿ ಪೋರ್ಟ್ ನೀಡಲಾಗಿದೆ. ಜಿಪಿಎಸ್, ಬೈಡೌ (Beidou), ಗೆಲಿಲಿಯೋ ಮತ್ತು QZSS ಸಪೋರ್ಟ್ ಕೂಡ ಫೋನ್‌ನಲ್ಲಿದೆ. ಭದ್ರತೆಗಾಗಿ ಕಂಪನಿಯು ಫಿಂಗರ್‌ಪ್ರಿಂಟ್ ಸ್ಕ್ಯಾನರ್, ಆಂಬಿಯೆಂಟ್ ಲೈಟ್ ಸೆನ್ಸಾರ್ ಹಾಗೂ ಪ್ರಾಕ್ಸಿಮಿಟಿ ಸೆನ್ಸಾರ್‌ಗಳನ್ನು ಅಳವಡಿಸಿದೆ. ಫೋನ್ 167.4 x 77.4 x 8mm ಅಳತೆ ಹೊಂದಿದ್ದು, ಸುಮಾರು 197 ಗ್ರಾಂ ತೂಕವಿದೆ.

50MP ಮೇನ್ ಕ್ಯಾಮೆರಾ

ಕ್ಯಾಮೆರಾ ವಿಚಾರಕ್ಕೆ ಬಂದರೆ, ಸ್ಯಾಮ್‌ಸಂಗ್ ಈ ಫೋನ್‌ನಲ್ಲಿ 50MP ಮೇನ್ ಕ್ಯಾಮೆರಾ ಇರುವ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ನೀಡಿದೆ. f/1.8 ಅಪರ್ಚರ್ ಇರುವ ಮೇನ್ ಕ್ಯಾಮೆರಾದಲ್ಲಿ ಆಟೋಫೋಕಸ್ ಮತ್ತು 10x ವರೆಗಿನ ಡಿಜಿಟಲ್ ಜೂಮ್ ಸೌಲಭ್ಯವಿದೆ. ಇದರ ಜೊತೆಗೆ 2MP ಸೆಕೆಂಡರಿ ಕ್ಯಾಮೆರಾ ಕೂಡ ಇದೆ. ಸೆಲ್ಫಿ ಹಾಗೂ ವಿಡಿಯೋ ಕಾಲ್‌ಗಳಿಗಾಗಿ 8MP ಫ್ರಂಟ್ ಕ್ಯಾಮೆರಾವನ್ನು ಕಂಪನಿ ಒದಗಿಸಿದೆ. ಈ ಫೋನ್ ಬಳಸಿ 120fps ವರೆಗೆ HD ವಿಡಿಯೋ ರೆಕಾರ್ಡ್ ಮಾಡಬಹುದು. ಭಾರತೀಯ ಮಾರುಕಟ್ಟೆಗೆ ಗ್ಯಾಲಕ್ಸಿ A08 ಎಂಟ್ರಿಕೊಟ್ಟಾಗ ಬೆಲೆ ಮತ್ತು ಲಭ್ಯತೆ ಬಗ್ಗೆ ಹೆಚ್ಚಿನ ಮಾಹಿತಿ ಹೊರಬೀಳುವ ನಿರೀಕ್ಷೆಯಿದೆ.

Razer: ಗೇಮಿಂಗ್ ಪ್ರಿಯರಿಗೆ ಬಂತು ಪವರ್‌ಫುಲ್ ಹೆಡ್‌ಸೆಟ್! ಏನೆಲ್ಲ ಫೀಚರ್ಚ್ ಇವೆ, ಬೆಲೆ ಎಷ್ಟು? ಇಲ್ಲಿದೆ ಮಾಹಿತಿ

Ravi Janekal — Sun, 18 Oct 2026 09:27:14 +0530

ಭಾರತ ಯುವಕರ ದೇಶ. ಇಲ್ಲಿನ ಬಹುತೇಕ ಯುವಕರು ಗೇಮಿಂಗ್ ಪ್ರಿಯರು. ಅದರಲ್ಲೂ ಮೊಬೈಲ್ ಗೇಮಿಂಗ್ ಹೆಚ್ಚು. ಇದೀಗ ಅಂತಹ ಯುವ ಸಮೂಹ ಗುರಿಯಾಗಿಟ್ಟುಕೊಂಡು Razer ಅತ್ಯಾಧುನಿಕವಾಗಿರುವ ಹೊಸ ಗೇಮಿಂಗ್ ಹೆಡ್‌ಸೆಟ್ ಬಿಡುಗಡೆ ಮಾಡಿದೆ. ಇದರ ಬೆಲೆ ಎಷ್ಟು, ಫೀಚರ್ಸ್ ಏನು ಅನ್ನೋದು ಕೆಳಗೆ ವಿವರಿಸಲಾಗಿದೆ.

ಇಂದು ಸಾಕಷ್ಟು ಹೆಡ್‌ಸೆಟ್‌ಗಳು ಮಾರ್ಕೆಟ್‌ನಲ್ಲಿ ಸಿಗುತ್ತವೆಯಾದರೂ ಅವೆಲ್ಲ ಮೊಬೈಲ್ ಗೇಮಿಂಗ್, ಪಿಸಿ ಗೇಮಿಂಗ್, ಎಂಟರ್ಟೈನ್‌ಮೆಂಟ್‌, ದೈನಂದಿನ ಬಳಕೆಗೆ ಸೂಕ್ತವಾಗಿರುವುದಿಲ್ಲ. ಕಡಿಮೆ ಬೆಲೆಯಲ್ಲಿ ಸಿಗುವ ಬಹಳಷ್ಟು ತಿಂಗಳೊಳಗೆ ಹಾಳಾಗುತ್ತವೆ. ಆದರೆ ರೇಜರ್ ಬಿಡುಗಡೆ ಮಾಡಿರುವ ಅತ್ಯಾಧುನಿಕ ಹೆಡ್‌ಸೆಟ್ ಗೇಮರ್‌ಗಳನ್ನು ಗಮನದಲ್ಲಿಟ್ಟುಕೊಂಡೇ ವಿನ್ಯಾಸಗೊಳಿಸಲಾಗಿದೆ.

'Razer Barracuda V2 Pro' ಈ ಹೆಡ್‌ಸೆಟ್, ವೈರ್‌ಲೆಸ್ ಕನೆಕ್ಟ್, ಆಕ್ಟಿವ್ ನಾಯ್ಸ್ ಕ್ಯಾನ್ಸಲೇಷನ್ (ಶಬ್ದ ರದ್ದತಿ) ಮತ್ತು ಡ್ಯುಯಲ್-ಮೈಕ್ರೊಫೋನ್ ಸಿಸ್ಟಂ ಹೊಂದಿದೆ. ಇದು ಒಮ್ಮೆ ಚಾರ್ಜ್ ಮಾಡಿದರೆ 70 ಗಂಟೆಗಳವರೆಗೆ ಬ್ಯಾಟರಿ ಬಾಳಿಕೆ ಬರುತ್ತೆ!

ಅತ್ಯಾಧುನಿಕ ಫೀಚರ್ಸ್ ಇರೋದ್ರಿಂದ ಸಾಮಾನ್ಯವಾಗಿ ಇದರ ಬೆಲೆಯೂ ತುಸು ದುಬಾರಿ ಎನಿಸಬಹುದು. 26,900 ರೂಪಾಯಿ ಬೆಲೆಯ ಈ Barracuda V2 Pro, 40mm TriForce Bio-Cellulose ಡ್ರೈವರ್‌ಗಳನ್ನು ಹೊಂದಿದ್ದು, PC ಯಲ್ಲಿ 'THX Spatial Audio+' ಸಪೋರ್ಟ್ ಇದೆ. ಇದರ ವೈಶಿಷ್ಟ್ಯತೆ ಏನೆಂದರೆ ಇದನ್ನ ಬೇರೆ ಬೇರೆ ಸಾಧನಗಳಿಗೆ ಬದಲಾಯಿಸುವ ಅಗತ್ಯವಿಲ್ಲದೆಯೇ, ಗೇಮಿಂಗ್ ಸೆಟಪ್‌ಗಳು ಮತ್ತು ಮೊಬೈಲ್ ಬಳಕೆಯ ನಡುವೆ ಸುಲಭವಾಗಿ ಬದಲಾಯಿಸಿಕೊಳ್ಳಲು ಅನುಕೂಲವಾಗುವಂತೆ ಇದನ್ನು ಡಿಸೈನ್ ಮಾಡಲಾಗಿದೆ ಎಂದು Razer ತಿಳಿಸಿದೆ.

Razer Barracuda V2 Pro: ಬೆಲೆ ಎಷ್ಟು? ಫೀಚರ್ಸ್ ಏನು?

Razer Barracuda V2 Pro ನ ಬೆಲೆ 26,900 ರೂಪಾಯಿಗಳು. ಇದರ ಪ್ರಮುಖ ವೈಶಿಷ್ಟ್ಯಗಳಲ್ಲಿ Razer HyperSpeed Wireless, ಬ್ಲೂಟೂತ್ ಕನೆಕ್ಟ್, ಹೈಬ್ರಿಡ್ ಆಕ್ಟಿವ್ ನಾಯ್ಸ್ ಕ್ಯಾನ್ಸಲೇಷನ್ ಮತ್ತು AI- ಪವರ್ಡ್ ಮೈಕ್ರೊಫೋನ್ ನಾಯ್ಸ್ ಕ್ಯಾನ್ಸಲೇಷನ್ ಸೇರಿವೆ.

ಈ ಹೆಡ್‌ಸೆಟ್ ನಿಂದ ಒಂದೇ ಸಮಯಕ್ಕೆ 2.4GHz ವೈರ್‌ಲೆಸ್ ಮತ್ತು ಬ್ಲೂಟೂತ್ ಆಡಿಯೊ ಬಳಸಬಹುದು. ಅಂದರೆ ಮತ್ತೊಂದಲ್ಲಿ ಕರೆಗಳು, ಸಂದೇಶಗಳು ಅಥವಾ ಮ್ಯೂಸಿಕ್ ಪ್ಲೇ ಆಡಿಯೋ ಕೇಳಬಹುದು. ಮೀಸಲಾದ ರೇಜರ್ ಸ್ಮಾರ್ಟ್‌ಸ್ವಿಚ್ ಬಟನ್ ಇದೆ ಇದು ಎರಡು ವೈರ್‌ಲೆಸ್ ಕನೆಕ್ಟ್ ನಡುವೆ ಬದಲಾಯಿಸುವ ಆಯ್ಕೆ ನೀಡಿದೆ. ಇದರೊಂದಿಗೆ ಪಿಸಿ, ಮೊಬೈಲ್, ಕನ್ಸೋಲ್ ಮತ್ತು ಹ್ಯಾಂಡ್‌ಹೆಲ್ಡ್ ಸಾಧನಗಳಲ್ಲಿ ಗೇಮಿಂಗ್‌ಗಾಗಿ ಕಡಿಮೆ-ಲೇಟೆನ್ಸಿ ಆಡಿಯೊವನ್ನು ನೀಡಲು ರೇಜರ್ ಹೈಪರ್‌ಸ್ಪೀಡ್ ವೈರ್‌ಲೆಸ್ ಅನ್ನು ವಿನ್ಯಾಸಗೊಳಿಸಲಾಗಿದೆ.

ಆಡಿಯೊಗಾಗಿ, ಬರಾಕುಡಾ V2 ಪ್ರೊ 40mm ಟ್ರೈಫೋರ್ಸ್ ಬಯೋ-ಸೆಲ್ಯುಲೋಸ್ ಡ್ರೈವ್ ಬಳಸುತ್ತದೆ. ಪಿಸಿಗೆ ಸಂಪರ್ಕಿಸಿದಾಗ, ಇದು 7.1.4 ವರ್ಚುವಲ್ ಸರೌಂಡ್ ಸೌಂಡ್‌ನೊಂದಿಗೆ THX ಸ್ಪಾಟಿಯಲ್ ಆಡಿಯೊ+ ಸಹ ಸಪೋರ್ಟ್ ಮಾಡುತ್ತೆ. ಜೊತೆಗೆ ಸೆಟಪ್ ನಾಲ್ಕು ಓವರ್‌ಹೆಡ್ ವರ್ಚುವಲ್ ಆಡಿಯೊ ಚಾನೆಲ್‌ಗಳನ್ನು ಒಳಗೊಂಡಿದೆ ಇವುಗಳನ್ನು ಆಟಗಾರರು ತಮ್ಮ ಸುತ್ತಲಿನ ಮತ್ತು ಮೇಲಿನ ಶಬ್ದಗಳನ್ನು ಗುರುತಿಸಲು ಸಹಾಯ ಮಾಡಲು ವಿನ್ಯಾಸಗೊಳಿಸಲಾಗಿದೆ.

ಹೆಡ್‌ಸೆಟ್ ಹೈಬ್ರಿಡ್ ಆಕ್ಟಿವ್ ನಾಯ್ಸ್ ಕ್ಯಾನ್ಸಲೇಷನ್ ಅನ್ನು ಸಹ ಹೊಂದಿದೆ. ಇದು ಸುತ್ತಮುತ್ತಲಿನ ಶಬ್ದವನ್ನು ಕಡಿಮೆ ಮಾಡಲು ಹೊರಗಿನ, ಒಳಗಿನ ಮೈಕ್ರೊಫೋನ್‌ಗಳನ್ನು ಬಳಸುತ್ತದೆ. ಗದ್ದಲದ ವಾತಾವರಣದ ನಡುವೆಯೂ ಗೇಮಿಂಗ್ ಮಾಡುವಾಗ ಅಥವಾ ಪ್ರಯಾಣಿಸುವಾಗ ಸಂಗೀತವನ್ನು ಕೇಳುವಾಗ ಇದು ಅನುಕೂಲ.

ಬರಾಕುಡಾ V2 ಪ್ರೊ ಗೇಮಿಂಗ್ ದಿನ ಬಳಕೆಗಾಗಿ ವಿನ್ಯಾಸಗೊಳಿಸಲಾದ ಡ್ಯುಯಲ್-ಮೈಕ್ರೋಫೋನ್ ಇರುವ ಹೆಡ್‌ಸೆಟ್ ಆಗಿದೆ. ಇದು ಗೇಮಿಂಗ್ ಅವಧಿಗಳ ಸಮಯದಲ್ಲಿ ವಾಯ್ಸ್ ಚಾಟ್ ಗಾಗಿ ಬೂಮ್ ಮೈಕ್ರೊಫೋನ್ ಇದೆ.ಆದರೆ ಬಳಕೆದಾರರು ಬೂಮ್ ಮೈಕ್ ಇಲ್ಲದೆ ಹೆಡ್‌ಸೆಟ್ ಅನ್ನು ಬಳಸಲು ಬಯಸಿದ್ರೆ ಅಂತರ್ನಿರ್ಮಿತ ಬೀಮ್‌ಫಾರ್ಮಿಂಗ್ ಮೈಕ್ರೊಫೋನ್‌ಗಳು ಕೆಲಸ ಮಾಡುತ್ತವೆ.

ಮೊಬೈಲ್‌ಗೆ ಕಾಲ್ ಬಂದಾಗ ಅಥವಾ ಆಟದಲ್ಲಿನ ಸಂವಹನದ ಸಮಯದಲ್ಲಿ ಹಿನ್ನೆಲೆ ಶಬ್ದವನ್ನು ಕಡಿಮೆ ಮಾಡಲು AI-ಚಾಲಿತ ಮೈಕ್ರೊಫೋನ್ ಶಬ್ದ ರದ್ದತಿ ಎರಡೂ ಮೈಕ್ರೊಫೋನ್ ಕಾನ್ಫಿಗರೇಶನ್‌ಗಳೊಂದಿಗೆ ಕಾರ್ಯನಿರ್ವಹಿಸುತ್ತದೆ ಎಂದು ರೇಜರ್ ಹೇಳುತ್ತದೆ.

ಹೆಡ್‌ಸೆಟ್ 285 ಗ್ರಾಂ ತೂಗುತ್ತದೆ ಎಲ್ಲ ಕಡೆ ಆರಾಮಾಗಿ ಸಾಗಿಸಬಹುದು. ಲೇ-ಫ್ಲಾಟ್ ವಿನ್ಯಾಸವನ್ನು ಹೊಂದಿದೆ. ಇದು ಪ್ಲಶ್ ಇಯರ್ ಕುಶನ್‌ಗಳು, ಪ್ಯಾಡ್ಡ್ ಹೆಡ್‌ಬ್ಯಾಂಡ್ ಮತ್ತು ಅದರ ವೈರ್‌ಲೆಸ್ ಡಾಂಗಲ್‌ಗಾಗಿ Built-in ಸಹ ಇದೆ.

ಬ್ಯಾಟರಿ ಬಾಳಿಕೆಯೇ ಇದರ ಪ್ಲಸ್ ಪಾಯಿಂಟ್. ರೇಜರ್ ಒಂದೇ ಚಾರ್ಜ್‌ನಲ್ಲಿ 70 ಗಂಟೆಗಳವರೆಗೆ ಬಳಸಬಹುದಾಗಿದೆ.

iPhone 17 Pro Price Drop: ಐಫೋನ್ 17 ಪ್ರೊ ಬೆಲೆ ಭಾರೀ ಇಳಿಕೆ..! ₹69,990 ಕ್ಕೆ ಐಫೋನ್ 17 ಪ್ರೊ ಸಿಗೋದು ಹೇಗೆ?

Naveen Kodase — Tue, 15 Sep 2026 10:43:59 +0530

ಹೊಸ ಐಫೋನ್ ಮಾಡೆಲ್‌ಗಳು ಮಾರುಕಟ್ಟೆಗೆ ಬಂದ ತಕ್ಷಣ, ಕಳೆದ ವರ್ಷದ ಪ್ರೊ ಮಾಡೆಲ್‌ಗಳ ಬೆಲೆಯಲ್ಲಿ ಭಾರಿ ಇಳಿಕೆಯಾಗಿದೆ. ಆ್ಯಪಲ್ ಕಂಪನಿ ಇತ್ತೀಚೆಗೆ ಐಫೋನ್ 18 ಪ್ರೊ ಸೀರೀಸ್ ಮತ್ತು ಹೊಸ ಐಫೋನ್ ಡ್ಯುಯೋವನ್ನು ಪರಿಚಯಿಸಿದೆ. ಇದರ ಬೆನ್ನಲ್ಲೇ, ಐಫೋನ್ 17 ಪ್ರೊ ಮತ್ತು ಐಫೋನ್ 17 ಪ್ರೊ ಮ್ಯಾಕ್ಸ್ ಮಾಡೆಲ್‌ಗಳ ಮೇಲೆ ಆಕರ್ಷಕ ಆಫರ್‌ಗಳು ಶುರುವಾಗಿವೆ. ಭಾರತದಲ್ಲಿ ₹1,34,900 ಕ್ಕೆ ಬಿಡುಗಡೆಯಾಗಿದ್ದ ಐಫೋನ್ 17 ಪ್ರೊ, ಈಗ ₹69,990 ರಷ್ಟು ಕಡಿಮೆ ಬೆಲೆಗೆ ಸಿಗುತ್ತಿದೆ ಎಂದು ಕ್ರೋಮಾ ತನ್ನ ಹೊಸ ಆಫರ್‌ನಲ್ಲಿ ಹೇಳಿದೆ. ಆದರೆ, ಈ ಬೆಲೆಗೆ ಫೋನ್ ಸಿಗಬೇಕಾದರೆ ನಿಮ್ಮ ಹಳೆಯ ಫೋನ್‌ ಅನ್ನು ಎಕ್ಸ್‌ಚೇಂಜ್ ಮಾಡುವುದು ಸೇರಿದಂತೆ ಕೆಲವು ಷರತ್ತುಗಳಿವೆ.

₹69,990 ಕ್ಕೆ ಐಫೋನ್ 17 ಪ್ರೊ ಸಿಗೋದು ಹೇಗೆ?

ಐಫೋನ್ 17 ಪ್ರೊ (256GB) ಮಾಡೆಲ್‌ನ ಈಗಿನ ಬೆಲೆ ₹1,30,490. ಅಂದರೆ, ಬಿಡುಗಡೆ ಬೆಲೆಗೆ ಹೋಲಿಸಿದರೆ ನೇರವಾಗಿ ₹4,410 ರಿಯಾಯಿತಿ ಸಿಕ್ಕಿದೆ. ಇದರ ಜೊತೆಗೆ, ಬ್ಯಾಂಕ್ ಆಫರ್ ಬಳಸಿ ₹4,000 ವರೆಗೆ ಹೆಚ್ಚುವರಿ ಹಣ ಉಳಿಸಬಹುದು. ಆಗ ಫೋನ್ ಬೆಲೆ ₹1,26,490 ಆಗುತ್ತದೆ. ಆದರೆ, ಅತಿದೊಡ್ಡ ಲಾಭ ಸಿಗುವುದು ನಿಮ್ಮ ಹಳೆಯ ಫೋನ್ ಎಕ್ಸ್‌ಚೇಂಜ್ ಮಾಡಿದಾಗ. ಉದಾಹರಣೆಗೆ, ಐಫೋನ್ 15 ಪ್ರೊ ನಂತಹ ಹಳೆಯ ಫೋನ್ ಕೊಟ್ಟರೆ, ₹44,500 ವರೆಗೆ ಎಕ್ಸ್‌ಚೇಂಜ್ ಮೌಲ್ಯ ಸಿಗಬಹುದು. ನೀವು ಕೊಡುವ ಫೋನ್‌ನ ಮಾಡೆಲ್ ಮತ್ತು ಸ್ಥಿತಿಗತಿ ಆಧರಿಸಿ ಈ ಮೊತ್ತ ಬದಲಾಗುತ್ತದೆ. ಇದರ ಜೊತೆಗೆ, ₹12,000 ಎಕ್ಸ್‌ಚೇಂಜ್ ಬೋನಸ್ ಕೂಡ ಸಿಗಲಿದೆ. ಇದೆಲ್ಲಾ ಸೇರಿದಾಗ, ಐಫೋನ್ 17 ಪ್ರೊ ನಿಮಗೆ ₹69,990 ಕ್ಕೆ ಸಿಕ್ಕಂತಾಗುತ್ತೆ. ಇದೇ ರೀತಿ, ಐಫೋನ್ 17 ಪ್ರೊ ಮ್ಯಾಕ್ಸ್‌ಗೂ ಆಫರ್ ಇದ್ದು, ಎಕ್ಸ್‌ಚೇಂಜ್ ಸೇರಿದಂತೆ ಎಲ್ಲಾ ರಿಯಾಯಿತಿ ಬಳಸಿಕೊಂಡರೆ ₹74,990 ರಷ್ಟು ಕಡಿಮೆ ಬೆಲೆಗೆ ಖರೀದಿಸಬಹುದು.

ಐಫೋನ್ 17 ಪ್ರೊ ಖರೀದಿಸೋದು ಒಳ್ಳೇ ನಿರ್ಧಾರನಾ?

ಹೊಸ ಐಫೋನ್ ಮಾಡೆಲ್‌ಗಳ ಬೆಲೆ ಗಗನಕ್ಕೇರಿರುವಾಗ, ಕಡಿಮೆ ಬಜೆಟ್‌ನಲ್ಲಿ ಪ್ರೊ ಐಫೋನ್ ಬೇಕು ಅನ್ನೋರಿಗೆ ಐಫೋನ್ 17 ಪ್ರೊ ಒಂದು ಒಳ್ಳೇ ಆಯ್ಕೆ. ಇದು ಒಂದು ವರ್ಷ ಹಳೆಯ ಮಾಡೆಲ್ ಆದರೂ, ಪರ್ಫಾಮೆನ್ಸ್ ವಿಚಾರದಲ್ಲಿ ಈಗಲೂ ಪವರ್‌ಫುಲ್ ಆಗಿದೆ. ಇದರಲ್ಲಿ A19 ಪ್ರೊ ಚಿಪ್ ಜೊತೆಗೆ ವೇಪರ್ ಕೂಲಿಂಗ್ ಸಿಸ್ಟಮ್ ಕೂಡ ಇದೆ. ಅಷ್ಟೇ ಅಲ್ಲ, ಐಫೋನ್ 18 ಪ್ರೊ ನಂತೆಯೇ ಕಾಣುವ ಅಲ್ಯೂಮಿನಿಯಂ ಯೂನಿಬಾಡಿ ಡಿಸೈನ್ ಇದಕ್ಕಿದೆ.

ಕ್ಯಾಮೆರಾ ವಿಚಾರದಲ್ಲೂ ಸೂಪರ್

ಈ ಫೋನ್‌ನ ಹಿಂಭಾಗದಲ್ಲಿ ತಲಾ 48 ಮೆಗಾಪಿಕ್ಸೆಲ್‌ನ ಮೂರು ಕ್ಯಾಮೆರಾಗಳಿವೆ. ಇದರಲ್ಲಿ ಮುಖ್ಯ ಕ್ಯಾಮೆರಾ, ಅಲ್ಟ್ರಾ-ವೈಡ್ ಕ್ಯಾಮೆರಾ ಮತ್ತು 4x ಟೆಲಿಫೋಟೋ ಕ್ಯಾಮೆರಾ ಸೇರಿವೆ. ಇನ್ನು ಮುಂಭಾಗದಲ್ಲಿ 18 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಇದೆ. ವಿಶೇಷ ಅಂದರೆ, ಹೊಸ ಐಫೋನ್ 18 ಪ್ರೊನಲ್ಲೂ ಇದೇ 18 ಮೆಗಾಪಿಕ್ಸೆಲ್‌ನ ಫ್ರಂಟ್ ಕ್ಯಾಮೆರಾವನ್ನೇ ನೀಡಲಾಗಿದೆ.

ಹೊಸ ಐಫೋನ್ 18 ಪ್ರೊ ಮೇಲೂ ಆಫರ್ ಇದೆ

ಆದರೆ, ಐಫೋನ್ 17 ಪ್ರೊ ಖರೀದಿಸುವ ಮುನ್ನ, ಹೊಸ ಐಫೋನ್ 18 ಪ್ರೊ ಸೀರೀಸ್‌ ಮೇಲಿರುವ ಆಫರ್‌ಗಳನ್ನೂ ಒಮ್ಮೆ ನೋಡಿ. ಐಫೋನ್ 18 ಪ್ರೊ ಮತ್ತು ಐಫೋನ್ 18 ಪ್ರೊ ಮ್ಯಾಕ್ಸ್ ಪ್ರೀ-ಬುಕಿಂಗ್ ಮಾಡುವವರಿಗೆ ₹12,000 ಎಕ್ಸ್‌ಚೇಂಜ್ ಬೋನಸ್ ಸಿಗಲಿದೆ. ಇದು ನಿಮ್ಮ ಹಳೆಯ ಫೋನ್‌ನ ಎಕ್ಸ್‌ಚೇಂಜ್ ಮೌಲ್ಯಕ್ಕೆ ಹೆಚ್ಚುವರಿಯಾಗಿ ಸಿಗುವ ಬೋನಸ್. ಸೆಪ್ಟೆಂಬರ್ 12 ರಿಂದ ಐಫೋನ್ 18 ಪ್ರೊ ಪ್ರೀ-ಬುಕಿಂಗ್ ಶುರುವಾಗಲಿದ್ದು, ಸೆಪ್ಟೆಂಬರ್ 18 ರಿಂದ ಮಾರಾಟ ಆರಂಭವಾಗಲಿದೆ.

₹30,000 ಬೆಲೆ ವ್ಯತ್ಯಾಸ

ಆದರೆ, ಹೊಸ ಮಾಡೆಲ್‌ಗೆ ನೀವು ದೊಡ್ಡ ಮೊತ್ತವನ್ನೇ ತೆರಬೇಕಾಗುತ್ತದೆ. ಭಾರತದಲ್ಲಿ ಐಫೋನ್ 18 ಪ್ರೊ ಆರಂಭಿಕ ಬೆಲೆ ₹1,64,900. ಇದು ಐಫೋನ್ 17 ಪ್ರೊ ಸೀರೀಸ್‌ನ ಬಿಡುಗಡೆ ಬೆಲೆಗಿಂತ ₹30,000 ಹೆಚ್ಚು. ಹೀಗಾಗಿ, ಲೇಟೆಸ್ಟ್ ಐಫೋನ್ ಬೇಕೇಬೇಕು ಅಂತಿಲ್ಲ, ದೊಡ್ಡ ಬಜೆಟ್ ಕೂಡ ಇಲ್ಲ ಅನ್ನೋರಿಗೆ ಐಫೋನ್ 17 ಪ್ರೊ ಸದ್ಯದ ಆಫರ್‌ನಲ್ಲಿ ಒಂದು ಸೂಪರ್ ಡೀಲ್ ಆಗಬಹುದು. ಅದರಲ್ಲೂ, ಹಳೆಯ ಪ್ರೀಮಿಯಂ ಫೋನ್ ಎಕ್ಸ್‌ಚೇಂಜ್ ಮಾಡುವವರಿಗೆ ₹69,990 ರಿಯಾಯಿತಿ ದರವು ಖಂಡಿತವಾಗಿಯೂ ಆಕರ್ಷಕ ಆಫರ್ ಆಗಿದೆ.

20 ಸಾವಿರ ಒಳಗೆ 6 ಬೆಸ್ಟ್ ಫೋನ್, ಫೋನ್ ಖರೀದಿ ವೇಳೆ ಚೆಕ್ ಮಾಡಬೇಕಾದ 4 ಸಿಕ್ರೇಟ್‌

Ganesh Mabla Gowda — Fri, 18 Sep 2026 09:32:14 +0530

ಫೋನ್ ಖರೀದಿ ಮಾಡುವಾಗ ಗಮನಿಸಬೇಕಾದ ಪ್ರಮುಖ ವಿಚಾರ ಏನೆಂದರೆ.. ಕ್ಯಾಮೆರಾ, ಬ್ಯಾಟರಿ ಮತ್ತು ಪ್ರೊಸೆಸರ್ ಜೊತೆಗೆ, ನೀರು ಮತ್ತು ಧೂಳಿನ ರಕ್ಷಣೆಯೂ ಬಹಳ ಮುಖ್ಯ. ಅದರಲ್ಲೂ ವಿಶೇಷವಾಗಿ ಮಳೆಗಾಲದಲ್ಲಿ ನಮ್ಮ ಫೋನ್ ಅನ್ನು ಹೇಗೆ ರಕ್ಷಿಸಿಕೊಳ್ಳಬಹುದು ಅಂತಾ. ಯಾಕೆಂದರೆ ನಾವು ಫೋನ್ ಬಳಸುತ್ತಿದ್ದೇವೆ ಅಂದರೆ ಅದು ನೀರಿನ ಸಂಪರ್ಕಕ್ಕೆ ಬರೋದಂತೂ ಗ್ಯಾರಂಟಿ.

ಹಾಗಾಗಿ ಹೊಸ ಫೋನ್ ಖರೀದಿಸುವಾಗ ಫೋನ್‌ನ ಐಪಿ ರೇಟಿಂಗ್ ಪರಿಶೀಲಿಸಬೇಕು. ಐಪಿ ರೇಟಿಂಗ್ ಸಾಧನವು ಧೂಳು ಮತ್ತು ನೀರಿನಿಂದ ಎಷ್ಟು ರಕ್ಷಣೆ ನೀಡುತ್ತದೆ ಅಂತಾ ತೋರಿಸುತ್ತದೆ. ಮಳೆಯಲ್ಲಿ ಫೋನ್ ಬಳಸುವವರಿಗೆ ಇದು ತುಂಬಾನೇ ಮುಖ್ಯವಾಗುತ್ತದೆ. ಪ್ರಸ್ತುತ ಐಪಿ 68 ಮತ್ತು ಐಪಿ 69 ರೇಟಿಂಗ್‌ ಟ್ರೆಂಡಿಂಗ್‌ನಲ್ಲಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ A33 5G ಮತ್ತು ಗ್ಯಾಲಕ್ಸಿ A34 5G

IP67 ರೇಟಿಂಗ್ ಹೊಂದಿರುವ ಫೋನ್‌ ಬಯಸುವ ಬಳಕೆದಾರರಿಗೆ Samsung Galaxy A33 5G ಮತ್ತು Galaxy A34 5G ಒಳ್ಳೆಯ ಆಯ್ಕೆ. ಭಾರತದಲ್ಲಿ Galaxy A33 5G ಯ ಪ್ರಸ್ತುತ ಬೆಲೆ ₹19,980 ರಿಂದ ₹33,990 ವರೆಗೆ ಇದೆ. Samsung Galaxy A34 5G ಬೆಲೆ ₹20,790 ರಿಂದ ಪ್ರಾರಂಭವಾಗುತ್ತದೆ. Galaxy A34 5G IP67 ರೇಟಿಂಗ್, ಉತ್ತಮ ಕ್ಯಾಮೆರಾ ಮತ್ತು ದೀರ್ಘಕಾಲೀನ ಸಾಫ್ಟ್‌ವೇರ್ ಸಪೋರ್ಟಿಂಗ್ ಸಿಸ್ಟಮ್ ಹೊಂದಿದೆ.

ಮೋಟೋ G96 5G

Moto G96 5G ಬೆಲೆ ₹18,999 ರಿಂದ ₹21,099 ವರೆಗೆ ಇದೆ
ಸ್ಟೋರೇಜ್ ಮೇಲೆ ಬೆಲೆ ನಿರ್ಧಾರ ಮಾಡಲಾಗುತ್ತದೆ
Moto G96 5G ಈ ಪಟ್ಟಿಯಲ್ಲಿ ಅತ್ಯುತ್ತಮ ಆಯ್ಕೆ
144Hz ರಿಫ್ರೆಶ್ ದರ ಮತ್ತು 1600 nits ಹೊಂದಿದೆ
6.67-ಇಂಚಿನ ಬಾಗಿದ P-OLED ಡಿಸ್ಪ್ಲೇಯನ್ನು ಹೊಂದಿದೆ
ಫೋನ್ ಸ್ನಾಪ್‌ಡ್ರಾಗನ್ 7s Gen 2 ಪ್ರೊಸೆಸರ್,
8GB RAM ಮತ್ತು 128GB/256GB ಚಾಲಿತ ಫೋನ್
50MP ಮುಖ್ಯ ಮತ್ತು 8MP ಅಲ್ಟ್ರಾ-ವೈಡ್ ಕ್ಯಾಮೆರಾ,
32MP ಮುಂಭಾಗದ ಕ್ಯಾಮೆರಾ, 5,500mAh ಬ್ಯಾಟರಿ ಹೊಂದಿದೆ
ಪ್ರಮುಖವಾಗಿ ಇದು IP68 ರೇಟಿಂಗ್ ಹೊಂದಿದೆ

ಒಪ್ಪೋ ಎ6ಸಿ

OPPO A6c ಸ್ಮಾರ್ಟ್‌ಫೋನ್ IP64 ರೇಟಿಂಗ್ ಹೊಂದಿದೆ. ಕಂಪನಿ ಹೇಳಿಕೊಂಡಿರುವ ಪ್ರಕಾರ.. ಇದು ಸಾಮಾನ್ಯ ಬಳಕೆಯ ಸಮಯದಲ್ಲಿ ನೀರು ಮತ್ತು ಧೂಳಿನ ವಿರುದ್ಧ ರಕ್ಷಣೆ ನೀಡುತ್ತದೆ. 4GB+64GB ರೂಪಾಂತರದ ಪ್ರಸ್ತುತ ಬೆಲೆ ಸುಮಾರು ₹16,999. ಈ ಫೋನ್ 6.75-ಇಂಚಿನ 120Hz ಡಿಸ್ಪ್ಲೇ, ಸ್ನಾಪ್‌ಡ್ರಾಗನ್ 685 ಪ್ರೊಸೆಸರ್ ಮತ್ತು 6,500mAh ಬ್ಯಾಟರಿ ಹೊಂದಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ A06 5G

Samsung Galaxy A06 5G IP54 ರೇಟಿಂಗ್ ಹೊಂದಿದೆ. ಇದು ನೀರು ಮತ್ತು ಧೂಳಿನ ವಿರುದ್ಧ ರಕ್ಷಣೆ ನೀಡುತ್ತದೆ. ಆದರೆ ಇದನ್ನು ಮುಳುಗುವಿಕೆಗಾಗಿ ವಿನ್ಯಾಸಗೊಳಿಸಲಾಗಿಲ್ಲ. ಇದರ ಬೆಲೆ ₹17,499. ಫೋನ್ 5G ಸಂಪರ್ಕವನ್ನು ನೀಡುತ್ತದೆ.

ರೆಡ್ಮಿ ಎ7 ಪ್ರೊ 5ಜಿ

Redmi A7 Pro 5G ಸ್ಮಾರ್ಟ್‌ಫೋನ್ IP52 ರೇಟಿಂಗ್ ಹೊಂದಿದೆ. ಧೂಳು ಮತ್ತು ನೀರಿನ ಸ್ಪ್ಲಾಶ್‌ಗಳ ವಿರುದ್ಧ ರಕ್ಷಣೆ ನೀಡುತ್ತದೆ. ಮೂಲ ಬೆಲೆ ₹14,499 ರಿಂದ ಪ್ರಾರಂಭವಾಗುತ್ತದೆ. ಈ ಫೋನ್ 6.9-ಇಂಚಿನ 120Hz ಡಿಸ್‌ಪ್ಲೇ ಹೊಂದಿದೆ.

ಪೊಕೊ ಸಿ85 5ಜಿ

POCO C85 5G ಸ್ಮಾರ್ಟ್‌ಫೋನ್ ಐಪಿ ರೇಟಿಂಗ್ ಜೊತೆಗೆ ಧೂಳು ಮತ್ತು ನೀರಿನ ಪ್ರತಿರೋಧವನ್ನೂ ಹೊಂದಿದೆ. 128GB ರೂಪಾಂತರದ ಪ್ರಸ್ತುತ ಬೆಲೆ ಸುಮಾರು ₹16,999 ರಿಂದ ಪ್ರಾರಂಭಗುತ್ತದೆ. 8GB+128GB ಮಾಡೆಲ್ ₹17,999 ವರೆಗೆ ಇದೆ. ಈ ಫೋನ್ 6.9-ಇಂಚಿನ 120Hz HD+ ಡಿಸ್ಪ್ಲೇ ಮತ್ತು 50MP ಹಿಂಬದಿಯ ಕ್ಯಾಮೆರಾ ಹೊಂದಿದೆ.

iPhone ಖರೀದಿಸುವವರಿಗೆ ಗುಡ್‌ ನ್ಯೂಸ್‌; iPhone 15ರಿಂದ 17 Pro Maxವರೆಗೆ ಭರ್ಜರಿ ಡಿಸ್ಕೌಂಟ್‌

Naveen Kodase — Wed, 07 Oct 2026 14:00:30 +0530

Reliance Digital iPhone festive offers: ಹಬ್ಬದ ಸೀಸನ್ ಶುರುವಾಗುತ್ತಿದ್ದಂತೆ ಐಫೋನ್ ಖರೀದಿಸುವವರಿಗೆ ಪ್ರಮುಖ ರಿಟೇಲ್ ಸ್ಟೋರ್‌ಗಳು ಭರ್ಜರಿ ಆಫರ್ ನೀಡುತ್ತಿವೆ. ಆಪಲ್‌ನ ವಿವಿಧ ಐಫೋನ್ ಮಾಡೆಲ್‌ಗಳು ಆನ್‌ಲೈನ್ ಮತ್ತು ಆಫ್‌ಲೈನ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಕಡಿಮೆ ಬೆಲೆಗೆ ಸಿಗುತ್ತಿವೆ. ರಿಲಯನ್ಸ್ ಡಿಜಿಟಲ್ ತನ್ನ 'ಫೆಸ್ಟಿವಲ್ ಆಫ್ ಎಲೆಕ್ಟ್ರಾನಿಕ್ಸ್' ಸೇಲ್‌ನಲ್ಲಿ ಐಫೋನ್ ಮಾಡೆಲ್‌ಗಳ ಮೇಲೆ ವಿಶೇಷ ಆಫರ್ ಘೋಷಿಸಿದೆ. ಅಕ್ಟೋಬರ್ 9ರಂದು ಬೆಳಗ್ಗೆ 9 ಗಂಟೆಯಿಂದ ಈ ಸೇಲ್ ಶುರುವಾಗಲಿದೆ. ಐಫೋನ್ 15, ಐಫೋನ್ 16, ಐಫೋನ್ 17 ಜೊತೆಗೆ ಐಫೋನ್ 17 ಪ್ರೊ ಮತ್ತು ಐಫೋನ್ 17 ಪ್ರೊ ಮ್ಯಾಕ್ಸ್ ಮಾಡೆಲ್‌ಗಳಿಗೂ ಭರ್ಜರಿ ಡಿಸ್ಕೌಂಟ್ ಸಿಗಲಿದೆ.

ಐಫೋನ್ 17 ಈಗ ಕೇವಲ 68,899 ರೂಪಾಯಿಗೆ?

ರಿಲಯನ್ಸ್ ಡಿಜಿಟಲ್‌ನಲ್ಲಿ 256 ಜಿಬಿ ಸ್ಟೋರೇಜ್‌ನ ಐಫೋನ್ 17 ಮೇಲೆ ಬೊಂಬಾಟ್ ಆಫರ್ ಇದೆ. ಸೇಲ್ ಟೈಮ್‌ನಲ್ಲಿ ಈ ಫೋನ್ 79,899 ರೂಪಾಯಿಗೆ ಸಿಗಲಿದೆ. ಇದರ ಜೊತೆಗೆ 3,000 ರೂಪಾಯಿ ಬ್ಯಾಂಕ್ ಕ್ಯಾಶ್‌ಬ್ಯಾಕ್ ಮತ್ತು 8,000 ರೂಪಾಯಿ ಎಕ್ಸ್‌ಚೇಂಜ್ ಬೋನಸ್ ಕೂಡ ಸಿಗಲಿದೆ. ಇವೆರಡೂ ಆಫರ್ ಬಳಸಿಕೊಂಡರೆ ಫೋನ್‌ನ ಅಂತಿಮ ಬೆಲೆ 68,899 ರೂಪಾಯಿಗೆ ಇಳಿಯಲಿದೆ.

ಐಫೋನ್ 15, ಐಫೋನ್ 16 ಬೆಲೆಯೂ ಕಡಿತ

128 ಜಿಬಿ ಐಫೋನ್ 15 ಫೋನ್ 59,899 ರೂಪಾಯಿಗೆ ಸೇಲ್ ಆಗುತ್ತಿದೆ. 1,500 ರೂಪಾಯಿ ಬ್ಯಾಂಕ್ ಕ್ಯಾಶ್‌ಬ್ಯಾಕ್ ಮತ್ತು 3,000 ರೂಪಾಯಿ ಎಕ್ಸ್‌ಚೇಂಜ್ ಬೋನಸ್ ಸೇರಿಸಿದರೆ, ಇದರ ಬೆಲೆ 55,399 ರೂಪಾಯಿಗೆ ಇಳಿಯುತ್ತದೆ. 128 ಜಿಬಿ ಐಫೋನ್ 16 ಮೇಲೂ ಆಫರ್ ಇದೆ. ಇದರ ಸೇಲ್ ಬೆಲೆ 69,899 ರೂಪಾಯಿ. 1,500 ರೂಪಾಯಿ ಬ್ಯಾಂಕ್ ಕ್ಯಾಶ್‌ಬ್ಯಾಕ್ ಹಾಗೂ 3,000 ರೂಪಾಯಿ ಎಕ್ಸ್‌ಚೇಂಜ್ ಬೋನಸ್ ಪಡೆದರೆ, ಫೋನ್ ಕೇವಲ 65,399 ರೂಪಾಯಿಗೆ ನಿಮ್ಮದಾಗಲಿದೆ.

ಐಫೋನ್ 17 ಪ್ರೊ ಮೇಲೂ ಭರ್ಜರಿ ಡಿಸ್ಕೌಂಟ್

ದುಬಾರಿ ಬೆಲೆಯ ಐಫೋನ್ 17 ಪ್ರೊ ಮತ್ತು ಐಫೋನ್ 17 ಪ್ರೊ ಮ್ಯಾಕ್ಸ್ ಮಾಡೆಲ್‌ಗಳಿಗೂ ರಿಲಯನ್ಸ್ ಡಿಜಿಟಲ್ ವಿಶೇಷ ಆಫರ್ ನೀಡುತ್ತಿದೆ. 256 ಜಿಬಿ ಐಫೋನ್ 17 ಪ್ರೊ ಅಸಲಿ ಬೆಲೆ 1,34,900 ರೂಪಾಯಿ. 9,910 ರೂಪಾಯಿ ಇನ್-ಸ್ಟೋರ್ ಡಿಸ್ಕೌಂಟ್ ಬಳಿಕ ಇದು 1,24,990 ರೂಪಾಯಿಗೆ ಸಿಗಲಿದೆ. ಹಳೆಯ ಐಫೋನ್‌ಗೆ 55,000 ರೂಪಾಯಿ ಎಕ್ಸ್‌ಚೇಂಜ್ ವ್ಯಾಲ್ಯೂ, 10,000 ರೂಪಾಯಿ ಎಕ್ಸ್‌ಚೇಂಜ್ ಬೋನಸ್ ಮತ್ತು 3,000 ರೂಪಾಯಿ ಕ್ಯಾಶ್‌ಬ್ಯಾಕ್ ಪಡೆದರೆ, ಫೋನ್‌ನ ಅಂತಿಮ ಬೆಲೆ ಬರೋಬ್ಬರಿ 56,990 ರೂಪಾಯಿಗೆ ಇಳಿಯಲಿದೆ.

ಐಫೋನ್ 17 ಪ್ರೊ ಮ್ಯಾಕ್ಸ್ ಬೆಲೆಯಲ್ಲೂ ಇಳಿಕೆ

256 ಜಿಬಿ ಐಫೋನ್ 17 ಪ್ರೊ ಮ್ಯಾಕ್ಸ್ ಬೆಲೆ 1,49,900 ರೂಪಾಯಿಯಿಂದ 1,39,990 ರೂಪಾಯಿಗೆ ಇಳಿಕೆಯಾಗಲಿದೆ. ಎಕ್ಸ್‌ಚೇಂಜ್ ಆಫರ್ ಮತ್ತು ಕ್ಯಾಶ್‌ಬ್ಯಾಕ್ ಎಲ್ಲವನ್ನೂ ಬಳಸಿಕೊಂಡರೆ, ಈ ಫೋನ್ ಕೇವಲ 71,990 ರೂಪಾಯಿಗೆ ಸಿಗಲಿದೆ ಎಂದು ರಿಲಯನ್ಸ್ ಡಿಜಿಟಲ್ ತಿಳಿಸಿದೆ.

ಆಫರ್ ಪಡೆಯಲು ಇವೆ ಷರತ್ತುಗಳು

ಗ್ರಾಹಕರು ಇವೆಲ್ಲವೂ ಆಫರ್ ಬಳಿಕ ಸಿಗುವ ಅಂತಿಮ ಬೆಲೆಗಳು ಎಂಬುದನ್ನು ಗಮನಿಸಬೇಕು. ಎಲ್ಲರಿಗೂ ಇದೇ ಬೆಲೆಗೆ ಫೋನ್ ಸಿಗುವುದಿಲ್ಲ. ಪ್ರೊ ಮಾಡೆಲ್‌ಗಳ ಲೆಕ್ಕಾಚಾರದಲ್ಲಿ, ಐಫೋನ್ 15 ಪ್ರೊ ಫೋನ್‌ಗೆ 55,000 ರೂಪಾಯಿ ಎಕ್ಸ್‌ಚೇಂಜ್ ವ್ಯಾಲ್ಯೂ ಸಿಗುತ್ತದೆ ಎಂದು ಅಂದಾಜಿಸಲಾಗಿದೆ. ಅಸಲಿ ಎಕ್ಸ್‌ಚೇಂಜ್ ಬೆಲೆಯು ನೀವು ಕೊಡುವ ಫೋನ್‌ನ ಮಾಡೆಲ್ ಮತ್ತು ಅದರ ಕಂಡೀಷನ್ ಮೇಲೆ ಡಿಪೆಂಡ್ ಆಗಿರುತ್ತದೆ. ಬ್ಯಾಂಕ್ ಕ್ಯಾಶ್‌ಬ್ಯಾಕ್‌ಗೂ ಷರತ್ತುಗಳು ಅನ್ವಯಿಸುತ್ತವೆ. ಹಾಗಾಗಿ ಫೋನ್ ಖರೀದಿಸುವ ಮುನ್ನ ಎಕ್ಸ್‌ಚೇಂಜ್ ವ್ಯಾಲ್ಯೂ, ಬ್ಯಾಂಕ್ ಆಫರ್ ಮತ್ತು ಎಲ್ಲಾ ಆಫರ್‌ಗಳನ್ನು ಒಟ್ಟಿಗೆ ಬಳಸಬಹುದಾ ಎಂದು ಚೆಕ್ ಮಾಡಿಕೊಳ್ಳುವುದು ಒಳ್ಳೆಯದು.

ಯೂಟೂಬ್ ಚಾನೆಲ್‌ಗೆ ವಿಡಿಯೋ ಮಾಡಲು ₹1 ಲಕ್ಷದೊಳಗೆ ಬರುವ ಟಾಪ್-5 ಬೆಸ್ಟ್ ಕ್ಯಾಮೆರಾ ಮೊಬೈಲ್‌ಗಳು!

Sathish Kumar KH — Tue, 22 Sep 2026 12:45:50 +0530

ಯೂಟ್ಯೂಬ್ ಕಂಟೆಂಟ್ ಕ್ರಿಯೇಟರ್‌ಗಳಿಗೆ 1 ಲಕ್ಷ ರೂಪಾಯಿಯೊಳಗೆ ಲಭ್ಯವಿರುವ ಅತ್ಯುತ್ತಮ ಕ್ಯಾಮೆರಾ ಫೋನ್‌ಗಳ ಬಗ್ಗೆ ಇಲ್ಲಿ ವಿವರಿಸಲಾಗಿದೆ. ಐಫೋನ್ 17, ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್26 ಸೇರಿದಂತೆ 4K ಮತ್ತು 8K ವಿಡಿಯೋ ರೆಕಾರ್ಡಿಂಗ್ ಸಾಮರ್ಥ್ಯವಿರುವ ಟಾಪ್ 5 ಫೋನ್‌ಗಳ ಮಾಹಿತಿ ಇಲ್ಲಿದೆ.

ಸ್ಮಾರ್ಟ್‌ಫೋನ್‌ಗಳು ಈಗ ಕೇವಲ ಮಾತನಾಡುವ ಸಾಧನಗಳಾಗಿ ಉಳಿದಿಲ್ಲ. ಬೆಸ್ಟ್ ಕ್ಯಾಮೆರಾ ಫೋನ್‌ಗಳನ್ನು ಬಳಸಿ ನೀವು ಪ್ರೊಫೆಷನಲ್ ಲೆವೆಲ್ ವಿಡಿಯೋಗಳನ್ನು ಸುಲಭವಾಗಿ ಶೂಟ್ ಮಾಡಬಹುದು. ಬಜೆಟ್ ಫೋನ್‌ಗಳಿಂದ ಹಿಡಿದು ಪ್ರೀಮಿಯಂ ಫೋನ್‌ಗಳವರೆಗೆ, ಮುಂಭಾಗ ಮತ್ತು ಹಿಂಭಾಗದಲ್ಲಿ ಅತ್ಯುತ್ತಮ ಕ್ಯಾಮೆರಾಗಳು ಸಿಗುತ್ತಿವೆ. ಹಲವು ಫ್ಲ್ಯಾಗ್‌ಶಿಪ್ ಮತ್ತು ಪ್ರೀಮಿಯಂ ಮಿಡ್-ರೇಂಜ್ ಫೋನ್‌ಗಳು 4K/60fps ವಿಡಿಯೋ ರೆಕಾರ್ಡಿಂಗ್ ಸಪೋರ್ಟ್ ಮಾಡಿದರೆ, ಕೆಲವು ಮಾಡೆಲ್‌ಗಳು 8K ವಿಡಿಯೋ ರೆಕಾರ್ಡಿಂಗ್ ಫೀಚರ್ ನೀಡುತ್ತಿವೆ.

ಯೂಟ್ಯೂಬ್ ಕಂಟೆಂಟ್ ಕ್ರಿಯೇಟರ್‌ಗಳಿಗೆ ಮತ್ತು ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ಹಂಚಿಕೊಳ್ಳುವವರಿಗೆ ಬೆಸ್ಟ್ ಕ್ಯಾಮೆರಾ ಫೋನ್ ತುಂಬಾನೇ ಯೂಸ್ ಆಗುತ್ತದೆ. ಭಾರತದಲ್ಲಿ 1,00,000 ರೂಪಾಯಿಯೊಳಗೆ ಅತ್ಯುತ್ತಮ ವಿಡಿಯೋ ರೆಕಾರ್ಡಿಂಗ್ ಸಾಮರ್ಥ್ಯವಿರುವ ಹಲವು ಫೋನ್‌ಗಳು ಲಭ್ಯವಿವೆ. ಅವುಗಳಲ್ಲಿ ಟಾಪ್ 5 ಮಾಡೆಲ್‌ಗಳ ಬಗ್ಗೆ ನಾವಿಂದು ತಿಳಿಯೋಣ.

ಆಪಲ್‌ನ ಐಫೋನ್ 17 ಈ ಲಿಸ್ಟ್‌ನಲ್ಲಿರುವ ಪ್ರಮುಖ ಫೋನ್. A19 ಚಿಪ್‌ಸೆಟ್‌ನಿಂದ ಕೆಲಸ ಮಾಡುವ ಈ ಫೋನ್‌ನಲ್ಲಿ 48 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾ ಮತ್ತು 48 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾ ಇದೆ. ನೀವು 4K ರೆಸಲ್ಯೂಶನ್‌ನಲ್ಲಿ 60fps ವರೆಗೆ ವಿಡಿಯೋ ರೆಕಾರ್ಡ್ ಮಾಡಬಹುದು. ಸೆಂಟರ್ ಸ್ಟೇಜ್ ಫೀಚರ್ ಜೊತೆಗೆ 18 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾವನ್ನು ಈ ಫೋನ್ ಹೊಂದಿದೆ. 256GB ಸ್ಟೋರೇಜ್‌ನ ಬೇಸ್ ಮಾಡೆಲ್‌ಗೆ ಭಾರತದಲ್ಲಿ 99,900 ರೂಪಾಯಿ ಬೆಲೆ ಇದೆ.

ಸ್ಯಾಮ್‌ಸಂಗ್‌ನ ಲೇಟೆಸ್ಟ್ ಎಸ್ ಸೀರೀಸ್ ಮಾಡೆಲ್ ಗ್ಯಾಲಕ್ಸಿ ಎಸ್26 ಎಕ್ಸಿನೋಸ್ 2600 ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. 50 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾ ಜೊತೆಗೆ 10 ಮೆಗಾಪಿಕ್ಸೆಲ್ ಟೆಲಿಫೋಟೋ ಮತ್ತು 12 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾಗಳನ್ನು ಈ ಫೋನ್ ಒಳಗೊಂಡಿದೆ. ನೀವು 8K ರೆಸಲ್ಯೂಶನ್‌ನಲ್ಲಿ 30fps ವರೆಗೆ ಮತ್ತು 4K ನಲ್ಲಿ 60fps ವರೆಗೆ ವಿಡಿಯೋ ರೆಕಾರ್ಡ್ ಮಾಡಬಹುದು. ಇದರ 256GB ವೇರಿಯೆಂಟ್‌ಗೆ 79,999 ರೂಪಾಯಿ ಬೆಲೆ ಇದೆ.

ಸ್ನಾಪ್‌ಡ್ರಾಗನ್ 8 ಜೆನ್ 5 ಚಿಪ್‌ಸೆಟ್‌ನೊಂದಿಗೆ ಬಂದಿರುವ ವಿವೋ ಎಕ್ಸ್300 ಎಫ್‌ಇ ಫೋನ್‌ನಲ್ಲಿ 50 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾ, 50 ಮೆಗಾಪಿಕ್ಸೆಲ್ ಟೆಲಿಫೋಟೋ ಕ್ಯಾಮೆರಾ ಮತ್ತು 8 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾ ಇದೆ. 8K ವಿಡಿಯೋ ರೆಕಾರ್ಡಿಂಗ್ ಸಪೋರ್ಟ್ ಮಾಡುವ ಈ ಫೋನ್‌ನಲ್ಲಿ 50 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಕೂಡ ಲಭ್ಯವಿದೆ. 256GB ಬೇಸ್ ಮಾಡೆಲ್‌ಗೆ 89,999 ರೂಪಾಯಿ ಬೆಲೆ ನಿಗದಿಯಾಗಿದೆ.

ಒಪ್ಪೋ ಫೈಂಡ್ ಎಕ್ಸ್9 ಫೋನ್ 50 ಮೆಗಾಪಿಕ್ಸೆಲ್ ಪ್ರೈಮರಿ, ಅಲ್ಟ್ರಾವೈಡ್ ಮತ್ತು ಟೆಲಿಫೋಟೋ ಕ್ಯಾಮೆರಾಗಳ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಹೊಂದಿದೆ. ಮೀಡಿಯಾಟೆಕ್ ಡೈಮೆನ್ಸಿಟಿ 9500 ಚಿಪ್‌ಸೆಟ್ ಈ ಫೋನ್‌ಗೆ ಪವರ್ ನೀಡುತ್ತದೆ. ನೀವು 4K ರೆಸಲ್ಯೂಶನ್‌ನಲ್ಲಿ 120fps ವರೆಗೆ ವಿಡಿಯೋ ರೆಕಾರ್ಡ್ ಮಾಡಬಹುದು. 7,025 mAh ಬ್ಯಾಟರಿ ಜೊತೆಗೆ 80W ವೈರ್ಡ್ ಮತ್ತು 50W ವೈರ್‌ಲೆಸ್ ಚಾರ್ಜಿಂಗ್ ಸಪೋರ್ಟ್ ಅನ್ನು ಈ ಫೋನ್ ಹೊಂದಿದೆ. 256GB ಮಾಡೆಲ್‌ಗೆ 84,999 ರೂಪಾಯಿ ಬೆಲೆ ಇದೆ.

ಗೂಗಲ್ ಪಿಕ್ಸೆಲ್ 11 ಈ ಲಿಸ್ಟ್‌ನಲ್ಲಿರುವ ಮತ್ತೊಂದು ಬೆಸ್ಟ್ ಮಾಡೆಲ್. ಗೂಗಲ್‌ನ ಟೆನ್ಸರ್ ಜಿ6 ಚಿಪ್‌ಸೆಟ್‌ನಲ್ಲಿ ಕೆಲಸ ಮಾಡುವ ಈ ಫೋನ್‌ನಲ್ಲಿ 48 ಮೆಗಾಪಿಕ್ಸೆಲ್ ಪ್ರೈಮರಿ ಕ್ಯಾಮೆರಾ, 13 ಮೆಗಾಪಿಕ್ಸೆಲ್ ಅಲ್ಟ್ರಾವೈಡ್ ಕ್ಯಾಮೆರಾ ಮತ್ತು 10.8 ಮೆಗಾಪಿಕ್ಸೆಲ್ ಟೆಲಿಫೋಟೋ ಕ್ಯಾಮೆರಾ ಇದೆ. ನೀವು 4K ರೆಸಲ್ಯೂಶನ್‌ನಲ್ಲಿ 60fps ವರೆಗೆ ವಿಡಿಯೋ ರೆಕಾರ್ಡ್ ಮಾಡಬಹುದು. 12GB RAM ಜೊತೆಗೆ 256GB ಮತ್ತು 512GB ಸ್ಟೋರೇಜ್ ಆಪ್ಷನ್‌ಗಳು ಲಭ್ಯವಿವೆ. 256GB ವೇರಿಯೆಂಟ್‌ಗೆ ಭಾರತದಲ್ಲಿ 89,999 ರೂಪಾಯಿ ಬೆಲೆ ಇದೆ.

ಒಂದು ಲಕ್ಷ ರೂಪಾಯಿಯೊಳಗೆ ಬೆಸ್ಟ್ ವಿಡಿಯೋ ರೆಕಾರ್ಡಿಂಗ್ ಸಾಮರ್ಥ್ಯವಿರುವ ಹಲವು ಫೋನ್‌ಗಳು ಪ್ರಸ್ತುತ ಭಾರತೀಯ ಮಾರುಕಟ್ಟೆಯಲ್ಲಿವೆ. 8K ವಿಡಿಯೋ ಬೇಕೆನ್ನುವವರು ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎಸ್26 ಮತ್ತು ವಿವೋ ಎಕ್ಸ್300 ಎಫ್‌ಇ ಮಾಡೆಲ್‌ಗಳನ್ನು ಆಯ್ಕೆ ಮಾಡಬಹುದು. ಹೈ ಫ್ರೇಮ್ ರೇಟ್‌ನ 4K ವಿಡಿಯೋ ಬೇಕೆನ್ನುವವರಿಗೆ ಒಪ್ಪೋ ಫೈಂಡ್ ಎಕ್ಸ್9 ಬೆಸ್ಟ್ ಆಪ್ಷನ್. ಅದೇ ರೀತಿ, ಆಪಲ್ ಮತ್ತು ಗೂಗಲ್ ಮಾಡೆಲ್‌ಗಳು ಕೂಡ ಅತ್ಯುತ್ತಮ ವಿಡಿಯೋ ರೆಕಾರ್ಡಿಂಗ್ ಅನುಭವವನ್ನು ನೀಡುತ್ತವೆ.

Samsung Galaxy Tab S10+ ಖರೀದಿಸುವವರಿಗೆ ಗುಡ್‌ ನ್ಯೂಸ್‌; ಬೆಲೆ ₹17,000 ಕಡಿತ!

Naveen Kodase — Sat, 12 Sep 2026 14:53:37 +0530

ಹಬ್ಬದ ಸೀಸನ್‌ ಮಾರಾಟಕ್ಕೂ ಮುನ್ನ ಸ್ಯಾಮ್‌ಸಂಗ್ ಇಂಡಿಯಾ, ಗ್ಯಾಲಕ್ಸಿ ಟ್ಯಾಬ್ S10+ ಮೇಲೆ ವಿಶೇಷ ಆಫರ್‌ಗಳನ್ನು ಘೋಷಿಸಿದೆ. ಈ ಹಬ್ಬದ ಆಫರ್‌ನ ಭಾಗವಾಗಿ, 12GB RAM ಮತ್ತು 256GB ಸ್ಟೋರೇಜ್ ಹೊಂದಿರುವ ಗ್ಯಾಲಕ್ಸಿ ಟ್ಯಾಬ್ S10+ ವೈ-ಫೈ ಆವೃತ್ತಿಯ ಬೆಲೆ ₹1,05,999 ರಿಂದ ₹88,999 ಕ್ಕೆ ಇಳಿದಿದೆ. ಹಾಗೆಯೇ, 5G ಆವೃತ್ತಿಯ ಬೆಲೆ ₹1,20,999 ರಿಂದ ₹1,03,999 ಕ್ಕೆ ಇಳಿಕೆಯಾಗಿದೆ.

ನೋ-ಕಾಸ್ಟ್ ಇಎಂಐ ಸೌಲಭ್ಯ

ಗ್ರಾಹಕರು ಬ್ಯಾಂಕ್‌ಗಳ ಮೂಲಕ ಆರು ತಿಂಗಳವರೆಗೆ ಮತ್ತು NBFC ಗಳ ಮೂಲಕ 12 ತಿಂಗಳವರೆಗೆ ನೋ-ಕಾಸ್ಟ್ ಇಎಂಐ ಸೌಲಭ್ಯವನ್ನು ಪಡೆಯಬಹುದು. ಕಂಪನಿಯು ತನ್ನ ಪತ್ರಿಕಾ ಪ್ರಕಟಣೆಯಲ್ಲಿ EMI ವಿವರಗಳನ್ನು ನೀಡಿದೆ. ವೈ-ಫೈ ಆವೃತ್ತಿಗೆ, ಬ್ಯಾಂಕ್ ಇಎಂಐ ತಿಂಗಳಿಗೆ ₹14,833 ರಿಂದ, ಎನ್‌ಬಿಎಫ್‌ಸಿ ಇಎಂಐ ₹7,417 ರಿಂದ ಮತ್ತು ಸ್ಯಾಮ್‌ಸಂಗ್ ಫೈನಾನ್ಸ್ ಪ್ಲಸ್ ಮೂಲಕ 15% ಡೌನ್ ಪೇಮೆಂಟ್ ಮಾಡಿದರೆ, ತಿಂಗಳಿಗೆ ₹6,877 ರಿಂದ ಇಎಂಐ ಆರಂಭವಾಗುತ್ತದೆ. 5G ಆವೃತ್ತಿಗೆ ಈ ಮಾಸಿಕ ಇಎಂಐ ಮೊತ್ತಗಳು ಕ್ರಮವಾಗಿ ₹17,333, ₹8,667, ಮತ್ತು ₹8,036 ಆಗಿರುತ್ತದೆ.

ಗ್ಯಾಲಕ್ಸಿ ಟ್ಯಾಬ್ S10+ ವಿಶೇಷತೆಗಳು

ಸ್ಯಾಮ್‌ಸಂಗ್, ಗ್ಯಾಲಕ್ಸಿ ಟ್ಯಾಬ್ S10+ ಅನ್ನು ಉತ್ಪಾದಕತೆ, ಸೃಜನಶೀಲತೆ, ಮನರಂಜನೆ ಮತ್ತು ಸ್ಮಾರ್ಟ್ ಹೋಮ್ ನಿಯಂತ್ರಣದಂತಹ ಎಲ್ಲಾ ಕೆಲಸಗಳನ್ನು ಒಂದೇ ಸಾಧನದಲ್ಲಿ ಮಾಡುವಂತೆ ವಿನ್ಯಾಸಗೊಳಿಸಿದೆ. ಇದು 31.47 ಸೆಂ.ಮೀ. ಡೈನಾಮಿಕ್ ಅಮೋಲೆಡ್ 2X ಡಿಸ್‌ಪ್ಲೇ ಹೊಂದಿದ್ದು, ಬೆಳಕಿನ ಪ್ರತಿಫಲನವನ್ನು ಕಡಿಮೆ ಮಾಡುವ ತಂತ್ರಜ್ಞಾನದಿಂದಾಗಿ ಅತ್ಯುತ್ತಮ ದೃಶ್ಯಾನುಭವ ನೀಡುತ್ತದೆ. AI ಡೈಲಾಗ್ ಬೂಸ್ಟ್ ಸಿಸ್ಟಮ್ ಹೊಂದಿರುವ ಕ್ವಾಡ್ ಸ್ಪೀಕರ್‌ಗಳು, IP68 ಧೂಳು ಮತ್ತು ನೀರಿನ ಪ್ರತಿರೋಧ, ಹಾಗೂ ಆರ್ಮರ್ ಅಲ್ಯೂಮಿನಿಯಂ ಬಾಡಿ ಈ ಟ್ಯಾಬ್‌ನ ಪ್ರಮುಖ ಫೀಚರ್‌ಗಳಾಗಿವೆ.

ಬಳಕೆದಾರರು ಎಸ್ ಪೆನ್ ಬಳಸಿ ಮೀಟಿಂಗ್ ನೋಟ್ಸ್ ಮಾಡಬಹುದು, ಡಾಕ್ಯುಮೆಂಟ್‌ಗಳನ್ನು ಮಾರ್ಕ್ ಮಾಡಬಹುದು ಮತ್ತು ಸ್ಕೆಚ್‌ಗಳನ್ನು ಸಹ ಮಾಡಬಹುದು. ನೋಟ್ ಅಸಿಸ್ಟ್ AI ಫೀಚರ್, ಕೈಬರಹದ ನೋಟ್ಸ್‌ಗಳನ್ನು ಟೈಪ್ ಮಾಡಿ, ಸಾರಾಂಶ ಮಾಡಲು ಸಹಾಯ ಮಾಡುತ್ತದೆ. ಪಿಡಿಎಫ್ ಓವರ್‌ಲೇ ಟ್ರಾನ್ಸ್‌ಲೇಶನ್ ಮೂಲಕ ಸ್ಕ್ರೀನ್ ಮೇಲೆಯೇ ಪಿಡಿಎಫ್ ಡಾಕ್ಯುಮೆಂಟ್‌ಗಳನ್ನು ಭಾಷಾಂತರಿಸಬಹುದು. ಹ್ಯಾಂಡ್‌ರೈಟಿಂಗ್ ಹೆಲ್ಪ್ ಫೀಚರ್, ಕೈಬರಹದ ನೋಟ್ಸ್‌ಗಳನ್ನು ಅಚ್ಚುಕಟ್ಟಾಗಿ ಕಾಣುವಂತೆ ಮಾಡುತ್ತದೆ. ಸರ್ಕಲ್ ಟು ಸರ್ಚ್ ಬಳಸಿ, ಆ್ಯಪ್‌ಗಳನ್ನು ಬದಲಿಸದೆಯೇ ಸ್ಕ್ರೀನ್ ಮೇಲಿರುವ ಯಾವುದೇ ಮಾಹಿತಿಯನ್ನು ಹುಡುಕಬಹುದು ಅಥವಾ ಭಾಷಾಂತರಿಸಬಹುದು. AI ಒಳಗೊಂಡಿರುವ ಏರ್ ಕಮಾಂಡ್ ಮೂಲಕ ಗ್ಯಾಲಕ್ಸಿ AI ಅಸಿಸ್ಟೆಂಟ್ ಫೀಚರ್‌ಗಳನ್ನು ವೇಗವಾಗಿ ಬಳಸಬಹುದು. ಬಳಕೆದಾರರು ತಮ್ಮ ಅನುಕೂಲಕ್ಕೆ ತಕ್ಕಂತೆ ಸ್ಯಾಮ್‌ಸಂಗ್ ಬಿಕ್ಸ್‌ಬಿ ಅಥವಾ ಗೂಗಲ್ ಜೆಮಿನಿ ಆಯ್ಕೆ ಮಾಡಿಕೊಳ್ಳುವ ಅವಕಾಶವನ್ನೂ ಗ್ಯಾಲಕ್ಸಿ AI ಸಿಸ್ಟಮ್ ನೀಡುತ್ತದೆ.

ಗ್ಯಾಲಕ್ಸಿ ಟ್ಯಾಬ್ S10+ ಅನ್ನು ಸ್ಮಾರ್ಟ್ ಹೋಮ್ ಹಬ್ ಆಗಿಯೂ ಬಳಸಬಹುದು. ಸ್ಮಾರ್ಟ್‌ಥಿಂಗ್ಸ್‌ನಲ್ಲಿರುವ 3D ಮ್ಯಾಪ್ ವ್ಯೂ ಬಳಸಿ, ಕನೆಕ್ಟ್ ಆಗಿರುವ ಎಲ್ಲಾ ಡಿವೈಸ್‌ಗಳನ್ನು ಒಂದೇ ಸ್ಕ್ರೀನ್‌ನಲ್ಲಿ ನೋಡಬಹುದು. ಸ್ಮಾರ್ಟ್‌ಥಿಂಗ್ಸ್ ಎನರ್ಜಿ ಮತ್ತು AI ಎನರ್ಜಿ ಮೋಡ್, ವಿದ್ಯುತ್ ಬಳಕೆಯ ಬಗ್ಗೆ ಮಾಹಿತಿ ನೀಡುತ್ತದೆ. ಈ ಟ್ಯಾಬ್‌ಗೆ ಮೀಡಿಯಾಟೆಕ್ ಡೈಮೆನ್ಸಿಟಿ 9300+ ಪ್ರೊಸೆಸರ್ ಶಕ್ತಿ ನೀಡುತ್ತದೆ. ಇದು 12GB RAM ಮತ್ತು 256GB ಸ್ಟೋರೇಜ್ ಹೊಂದಿದ್ದು, ಮೈಕ್ರೋ ಎಸ್‌ಡಿ ಕಾರ್ಡ್ ಮೂಲಕ ಸ್ಟೋರೇಜ್ ವಿಸ್ತರಿಸಬಹುದು. ಇದರಲ್ಲಿ 10,090 mAh ಬ್ಯಾಟರಿ ಮತ್ತು 45 ವ್ಯಾಟ್ ಫಾಸ್ಟ್ ಚಾರ್ಜಿಂಗ್ ಸೌಲಭ್ಯವಿದೆ.

ಸಾಲಮಾಡಿ ಐಫೋನ್ ತಗೋತೀರಾ? ಇರಿ ಸ್ವಲ್ಪ.. ವಿರಾಜಪೇಟೆ ಅಳಿಯ ವಿಜಯ್ ಮಾತು ಒಮ್ಮೆ ಕೇಳಿ, ಆಮೇಲೆ ನಿಮ್ಮಿಷ್ಟ!

Shriram Bhat — Tue, 06 Oct 2026 12:07:37 +0530

Vijay Deverakonda talked about iPhone craze, buying iPhone or expensive phone on loan-ನನ್ನ ಫೋನ್ ಚೆನ್ನಾಗೇ ಕೆಲಸ ಮಾಡ್ತಿದೆ, ಹೊಸದೇಕೆ?’; ಐಫೋನ್ ಕ್ರೇಜ್ ಬಗ್ಗೆ ವಿಜಯ್ ದೇವರಕೊಂಡ ಖಡಕ್ ಮಾತು!

ಇತ್ತೀಚಿನ ದಿನಗಳಲ್ಲಿ ಕೈಯಲ್ಲಿರುವ ಸ್ಮಾರ್ಟ್‌ಫೋನ್ ಕೇವಲ ಸಂವಹನದ ಸಾಧನವಾಗಿ ಉಳಿದಿಲ್ಲ. ಅದರಲ್ಲೂ ಐಫೋನ್ ಹೊಂದಿರುವುದು ಕೆಲವರಿಗೆ ಸ್ಟೇಟಸ್ ಸಿಂಬಲ್ ಆಗಿ ಬದಲಾಗಿದೆ. ಹೊಸ ಮಾಡೆಲ್ ಮಾರುಕಟ್ಟೆಗೆ ಬಂದ ತಕ್ಷಣ ಅದನ್ನು ಖರೀದಿಸಿ ಸೋಷಿಯಲ್ ಮೀಡಿಯಾದಲ್ಲಿ ಪ್ರದರ್ಶಿಸುವ ಕ್ರೇಜ್ ಕೂಡ ಹೆಚ್ಚಾಗಿದೆ. ಆರ್ಥಿಕವಾಗಿ ಕಷ್ಟವಿದ್ದರೂ ಸಾಲ ಮಾಡಿ ದುಬಾರಿ ಫೋನ್ ಖರೀದಿಸುವವರೂ ಇದ್ದಾರೆ. ಆದರೆ ಇದೇ ವಿಚಾರಕ್ಕೆ ಸಂಬಂಧಿಸಿದಂತೆ ನಟ ವಿಜಯ್ ದೇವರಕೊಂಡ ನೀಡಿರುವ ಸರಳ ಉತ್ತರ ಇದೀಗ ಗಮನ ಸೆಳೆಯುತ್ತಿದೆ.

ವಿಜಯ್ ದೇವರಕೊಂಡ ಹಳೆಯ ಫೋನ್ ಬಳಕೆಯ ಬಗ್ಗೆ ಕುತೂಹಲಕಾರಿ ಪ್ರಶ್ನೆ

ಇತ್ತೀಚಿನ ಸಂದರ್ಶನವೊಂದರಲ್ಲಿ ವಿಜಯ್ ದೇವರಕೊಂಡ ಅವರ ಫೋನ್ ಬಳಕೆಯ ಬಗ್ಗೆ ಕುತೂಹಲಕಾರಿ ಪ್ರಶ್ನೆ ಕೇಳಲಾಗಿದೆ. ವಿರಾಟ್ ಕೊಹ್ಲಿ ಸೇರಿದಂತೆ ಹಲವು ದೊಡ್ಡ ಸೆಲೆಬ್ರಿಟಿಗಳು ಹೊಸ ಮಾಡೆಲ್‌ಗಳ ಹಿಂದೆ ಓಡದೆ ಹಳೆಯ ಐಫೋನ್‌ಗಳನ್ನೇ ಬಳಸುತ್ತಿರುವ ವಿಚಾರವನ್ನು ಸಂದರ್ಶಕರು ಪ್ರಸ್ತಾಪಿಸಿದ್ದಾರೆ. ‘ನಿಮ್ಮ ಬಳಿ ಸಾಕಷ್ಟು ಹಣವಿದ್ದರೂ ಈಗಿರುವ ಫೋನ್ ಸರಿಯಾಗಿ ಕೆಲಸ ಮಾಡುತ್ತಿದೆ ಎಂಬ ಕಾರಣಕ್ಕೆ ಹೊಸ ಫೋನ್ ಖರೀದಿಸುತ್ತಿಲ್ಲ ಅಲ್ಲವೇ?’ ಎಂದು ವಿಜಯ್‌ಗೆ ಪ್ರಶ್ನಿಸಲಾಗಿದೆ.

ಇದಕ್ಕೆ ವಿಜಯ್ ದೇವರಕೊಂಡ ನೀಡಿದ ಉತ್ತರ ಮಾತ್ರ ಸಖತ್ ಸಿಂಪಲ್. ‘ನನ್ನ ಬಳಿ ಇರುವ ಫೋನ್ ಇನ್ನೂ ಚೆನ್ನಾಗಿ ಕೆಲಸ ಮಾಡುತ್ತಿದೆ. ಹಾಗಾಗಿ ಹೊಸದನ್ನು ಖರೀದಿಸುವ ಅಗತ್ಯವೇನಿದೆ?’ ಎಂಬರ್ಥದಲ್ಲಿ ಅವರು ಉತ್ತರಿಸಿದ್ದಾರೆ. ದುಡ್ಡಿದೆ ಎಂಬ ಕಾರಣಕ್ಕೆ ಅಗತ್ಯವಿಲ್ಲದ ವಸ್ತುವನ್ನು ಖರೀದಿಸುವ ಬದಲು, ಇರುವ ವಸ್ತು ಉಪಯೋಗಕ್ಕೆ ಬರುತ್ತಿದ್ದರೆ ಅದನ್ನೇ ಬಳಸುವುದು ಉತ್ತಮ ಎಂಬ ಮನಸ್ಥಿತಿ ಅವರ ಮಾತಿನಲ್ಲಿ ಕಾಣಿಸಿಕೊಂಡಿದೆ.

ಸೆಲೆಬ್ರಿಟಿಗಳ ಜೀವನಶೈಲಿಯ ಮತ್ತೊಂದು ಮುಖ

ಇದೇ ವೇಳೆ ಸೆಲೆಬ್ರಿಟಿಗಳ ಜೀವನಶೈಲಿಯ ಮತ್ತೊಂದು ಮುಖವನ್ನೂ ವಿಜಯ್ ಬಹಿರಂಗಪಡಿಸಿದ್ದಾರೆ. ನಟರು ಹಾಗೂ ದೊಡ್ಡ ತಾರೆಯರಿಗೆ ಹಲವು ಬ್ರ್ಯಾಂಡ್‌ಗಳಿಂದ ಫೋನ್‌ಗಳು, ಗ್ಯಾಜೆಟ್‌ಗಳು ಸೇರಿದಂತೆ ವಿವಿಧ ವಸ್ತುಗಳು ಉಡುಗೊರೆಯಾಗಿ ಬರುತ್ತವೆ. ಹೀಗಾಗಿ ಸೆಲೆಬ್ರಿಟಿಗಳು ಬಳಸುವ ಪ್ರತಿಯೊಂದು ವಸ್ತುವನ್ನೂ ಅವರು ತಮ್ಮ ಸ್ವಂತ ಹಣದಿಂದ ಖರೀದಿಸಿರುತ್ತಾರೆ ಎಂದು ಭಾವಿಸುವುದು ಸರಿಯಲ್ಲ ಎಂಬುದನ್ನು ಅವರು ಸ್ಪಷ್ಟಪಡಿಸಿದ್ದಾರೆ.

ಇನ್ನು ಕೇವಲ ಇತರರಿಗೆ ತೋರಿಸಿಕೊಳ್ಳಲು ದುಬಾರಿ ಐಫೋನ್ ಖರೀದಿಸುವ ಮನಸ್ಥಿತಿಯ ಬಗ್ಗೆಯೂ ವಿಜಯ್ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಮನೆಯ ಅಗತ್ಯಗಳನ್ನು ನಿಭಾಯಿಸಲು ಕಷ್ಟವಾಗುತ್ತಿದ್ದರೂ, ಕೇವಲ ಸ್ಟೇಟಸ್‌ಗಾಗಿ ಸಾಲ ಮಾಡಿ ದುಬಾರಿ ಫೋನ್ ಖರೀದಿಸುವುದು ಸರಿಯಾದ ನಿರ್ಧಾರವಲ್ಲ ಎಂಬ ಸಂದೇಶವನ್ನು ಅವರು ನೀಡಿದ್ದಾರೆ.

ಜೀವನದಲ್ಲಿ ನಾವು ಏನು ತೋರಿಸುತ್ತೇವೆ ಎನ್ನುವುದಕ್ಕಿಂತ, ನಮಗೆ ನಿಜವಾಗಿ ಏನು ಬೇಕು ಎಂಬುದೇ ಮುಖ್ಯ. ವಿಜಯ್ ದೇವರಕೊಂಡ ಅವರ ಸರಳ ಮಾತು ಇದೀಗ ಐಫೋನ್ ಕ್ರೇಜ್‌ನ ನಡುವೆ ಸಾಕಷ್ಟು ಜನರಿಗೆ ಯೋಚಿಸುವಂತೆ ಮಾಡಿದೆ. ಹೊಸ ಫೋನ್ ಖರೀದಿಸುವ ಮುನ್ನ ‘ನಿಜವಾಗಿಯೂ ಇದು ಅಗತ್ಯವೇ?’ ಎಂದು ಒಮ್ಮೆ ನಮ್ಮನ್ನೇ ಕೇಳಿಕೊಳ್ಳಬೇಕು ಎಂಬ ಸಂದೇಶವನ್ನು ನಟನ ಮಾತು ಸಾರುತ್ತಿದೆ.

₹10 ಸಾವಿರದೊಳಗೆ ಬೆಸ್ಟ್‌ ಸ್ಮಾರ್ಟ್‌ಫೋನ್‌ ಬೇಕಾ? 120Hz, 5G, 50MP ಕ್ಯಾಮೆರಾ ಇರುವ Top 10 ಫೋನ್‌ಗಳಿವು

Naveen Kodase — Thu, 17 Sep 2026 21:10:39 +0530

10 ಸಾವಿರ ರೂಪಾಯಿಗಿಂತ ಕಡಿಮೆ ಬೆಲೆಯಲ್ಲಿ ಹೊಸ ಸ್ಮಾರ್ಟ್‌ಫೋನ್ ಹುಡುಕುತ್ತಿದ್ದೀರಾ? ನಿಮಗಾಗಿ ಮಾರುಕಟ್ಟೆಯಲ್ಲಿ ಭರ್ಜರಿ ಆಪ್ಷನ್‌ಗಳಿವೆ. ಬಜೆಟ್ ಬೆಲೆಯಲ್ಲಿ 120Hz ರಿಫ್ರೆಶ್ ರೇಟ್ ಡಿಸ್‌ಪ್ಲೇ, 50MP ಕ್ಯಾಮೆರಾ ಹಾಗೂ ಫಾಸ್ಟ್ 5G ಕನೆಕ್ಟಿವಿಟಿ ನೀಡುವ ಬೆಸ್ಟ್ ಸ್ಮಾರ್ಟ್‌ಫೋನ್‌ಗಳ ಲಿಸ್ಟ್ ಇಲ್ಲಿದೆ.

ಕಡಿಮೆ ಬಜೆಟ್‌ನಲ್ಲಿ ಒಳ್ಳೆ ಫೀಚರ್‌ಗಳಿರುವ ಸ್ಮಾರ್ಟ್‌ಫೋನ್ ಖರೀದಿಸುವುದು ಈಗ ತುಂಬಾನೇ ಸುಲಭ. ನಿಮ್ಮ ಬಜೆಟ್ ₹10,000 ಕ್ಕಿಂತ ಕಡಿಮೆಯಿದ್ದರೆ, ಹೊಸ ಫೋನ್ ಖರೀದಿಸಲು ಈಗ ಸಾಕಷ್ಟು ಆಪ್ಷನ್‌ಗಳಿವೆ. ಇದೇ ಬೆಲೆಗೆ ದೊಡ್ಡ ಸ್ಕ್ರೀನ್, 120Hz ರಿಫ್ರೆಶ್ ರೇಟ್, 5G ಕನೆಕ್ಟಿವಿಟಿ, ಪವರ್‌ಫುಲ್ ಬ್ಯಾಟರಿ ಹಾಗೂ ಅದ್ಭುತ ಕ್ಯಾಮೆರಾ ಇರುವ ಫೋನ್‌ಗಳು ಸಿಗುತ್ತಿವೆ. ಮಾರುಕಟ್ಟೆಯಲ್ಲಿರುವ ಟಾಪ್ ಮಾಡೆಲ್‌ಗಳ ಡೀಟೇಲ್ಸ್ ಇಲ್ಲಿದೆ ನೋಡಿ.

Moto G05: ಮೊಟೊರೊಲಾದಿಂದ ಬಂದಿರುವ ಮೊಟೊ G05 ಫೋನ್ 6.67 ಇಂಚಿನ 90Hz ಡಿಸ್‌ಪ್ಲೇಯೊಂದಿಗೆ ಸಿಗುತ್ತದೆ. ಇದರಲ್ಲಿ Helio G81 Extreme ಪ್ರೊಸೆಸರ್ ಬಳಸಿದ್ದಾರೆ. ಕ್ಲಾರಿಟಿ ಫೋಟೋಗಳಿಗಾಗಿ 50MP ಕ್ಯಾಮೆರಾ, 5200mAh ಬ್ಯಾಟರಿ ಇದರಲ್ಲಿದೆ. ಇದರ ಬೆಲೆ ₹7,299.

Lava Storm Lite 5G: ಕಡಿಮೆ ಬೆಲೆಯಲ್ಲಿ 5G ಬೇಕೆನ್ನುವವರಿಗೆ ಇದು ಬೆಸ್ಟ್ ಆಪ್ಷನ್. ಇದರಲ್ಲಿ Dimensity 6400 ಪ್ರೊಸೆಸರ್ ಇದೆ. 6.74 ಇಂಚಿನ 120Hz ಡಿಸ್‌ಪ್ಲೇ, 50MP ಕ್ಯಾಮೆರಾ, 5000mAh ಬ್ಯಾಟರಿಯೊಂದಿಗೆ ಬರುತ್ತಿರುವ ಈ 5G ಫೋನ್ ಬೆಲೆ ಕೇವಲ ₹7,999.

Tecno Spark Go 2: ಈ ಸ್ಮಾರ್ಟ್‌ಫೋನ್ 6.67 ಇಂಚಿನ 120Hz ಡಿಸ್‌ಪ್ಲೇ ಹೊಂದಿದೆ. ಇದರಲ್ಲಿ Unisoc T7250 ಪ್ರೊಸೆಸರ್ ಇದೆ. 13MP ಕ್ಯಾಮೆರಾ, 5000mAh ಬ್ಯಾಟರಿಯೊಂದಿಗೆ ಸಿಗುವ ಈ ಫೋನ್ ಬೆಲೆಯನ್ನು ₹7,499 ಕ್ಕೆ ನಿಗದಿಪಡಿಸಿದ್ದಾರೆ.

Vivo Y19e: ವಿವೋ ಬ್ರ್ಯಾಂಡ್‌ನ ಈ ಮಾಡೆಲ್ 6.74 ಇಂಚಿನ 90Hz ಡಿಸ್‌ಪ್ಲೇಯೊಂದಿಗೆ ಬರುತ್ತದೆ. ಇದರಲ್ಲಿ Unisoc T7225 ಪ್ರೊಸೆಸರ್ ಕೊಟ್ಟಿದ್ದಾರೆ. 13MP ಕ್ಯಾಮೆರಾ, 5500mAh ದೊಡ್ಡ ಬ್ಯಾಟರಿ ಇದರಲ್ಲಿದೆ. ಈ ಫೋನ್ ಬೆಲೆ ₹8,999.

Lava Shark 2: ಲಾವಾ ಸಂಸ್ಥೆ ನೀಡುತ್ತಿರುವ ಮತ್ತೊಂದು ಹೊಸ ಮಾಡೆಲ್ ಲಾವಾ ಶಾರ್ಕ್ 2. ಇದು 6.75 ಇಂಚಿನ 120Hz ಡಿಸ್‌ಪ್ಲೇಯೊಂದಿಗೆ ಬರುತ್ತದೆ. ಇದರಲ್ಲಿ Unisoc T7250 ಪ್ರೊಸೆಸರ್, 50MP ಪ್ರೈಮರಿ ಕ್ಯಾಮೆರಾ, 5000mAh ಬ್ಯಾಟರಿ ಕೊಟ್ಟಿದ್ದಾರೆ. ವೇಗವಾಗಿ ಚಾರ್ಜ್ ಆಗಲು 18W ಚಾರ್ಜಿಂಗ್ ಸಪೋರ್ಟ್ ಕೂಡ ಇದೆ. ಈ ಫೋನ್ ಬೆಲೆ ₹7,999.

Itel Zeno 200: ಐಟೆಲ್ ಝೆನೋ 200 ಮಾಡೆಲ್ 6.75 ಇಂಚಿನ 120Hz ಡಿಸ್‌ಪ್ಲೇಯೊಂದಿಗೆ ಬರುತ್ತದೆ. ಇದರಲ್ಲಿ Unisoc T7250 ಪ್ರೊಸೆಸರ್ ಬಳಸಿದ್ದಾರೆ. ಈ ಫೋನ್‌ನಲ್ಲಿ 13MP ಕ್ಯಾಮೆರಾ, 5000mAh ಬ್ಯಾಟರಿ, 128GB ಸ್ಟೋರೇಜ್ ಲಭ್ಯವಿದೆ. ಇದರ ಬೆಲೆ ₹9,999.

Tecno Pop X: ಟೆಕ್ನೋ ಕಂಪನಿಯ ಈ ಡಿವೈಸ್ 6.75 ಇಂಚಿನ 120Hz ಡಿಸ್‌ಪ್ಲೇ ಹೊಂದಿದೆ. ಇದರಲ್ಲಿ Unisoc T7250 ಚಿಪ್‌ಸೆಟ್ ಇದೆ. ಹಿಂಭಾಗದಲ್ಲಿ 13MP ಕ್ಯಾಮೆರಾ, ಮುಂಭಾಗದಲ್ಲಿ 8MP ಫ್ರಂಟ್ ಕ್ಯಾಮೆರಾ ಕೊಟ್ಟಿದ್ದಾರೆ. 5000mAh ಬ್ಯಾಟರಿ ಇರುವ ಈ ಫೋನ್ ಬೆಲೆ ₹9,499.

Boltt Evo: ಈ ಫೋನ್ 6.79 ಇಂಚಿನ 120Hz ಡಿಸ್‌ಪ್ಲೇ ಹೊಂದಿದೆ. ಇದರಲ್ಲಿ Unisoc T7250 ಪ್ರೊಸೆಸರ್ ಕೊಟ್ಟಿದ್ದಾರೆ. ಫೋಟೋಗ್ರಫಿಗೆ 50MP ಕ್ಯಾಮೆರಾ ಇದೆ. ಇಡೀ ದಿನ ಚಾರ್ಜಿಂಗ್ ಬರಲು 6000mAh ದೊಡ್ಡ ಬ್ಯಾಟರಿ ನೀಡಿದ್ದಾರೆ. ಇದರ ಬೆಲೆ ₹9,999.

POCO C71: ಪೊಕೊದಿಂದ ಬಂದಿರುವ ಈ ಮಾಡೆಲ್ 6.88 ಇಂಚಿನ 120Hz ಡಿಸ್‌ಪ್ಲೇ ಹೊಂದಿದೆ. ಇದರಲ್ಲಿ Unisoc T7250 ಚಿಪ್ ಬಳಸಿದ್ದಾರೆ. 32MP ಪ್ರೈಮರಿ ಕ್ಯಾಮೆರಾ, 5200mAh ಬ್ಯಾಟರಿ ಸಿಗುತ್ತದೆ. ಈ ಫೋನ್ ಬೆಲೆ ಕೇವಲ ₹8,999.

Lava Virat V1: ಲಾವಾದ ಈ ಬಜೆಟ್ ಫೋನ್ 6.75 ಇಂಚಿನ 90Hz ಡಿಸ್‌ಪ್ಲೇಯೊಂದಿಗೆ ಲಭ್ಯವಿದೆ. ಇದರಲ್ಲಿ 13MP ಕ್ಯಾಮೆರಾ, 5000mAh ಬ್ಯಾಟರಿ, 4GB RAM ಕೊಟ್ಟಿದ್ದಾರೆ. ಇದರ ಬೆಲೆ ₹9,999.

ಇವುಗಳಷ್ಟೇ ಅಲ್ಲದೆ ₹10,000 ಆಸುಪಾಸಿನಲ್ಲಿ ಅದ್ಭುತ ಫೀಚರ್‌ಗಳು, 5G ಕನೆಕ್ಟಿವಿಟಿ, ಪವರ್‌ಫುಲ್ ಕ್ಯಾಮೆರಾಗಳಿರುವ ಹಲವು ಸ್ಮಾರ್ಟ್‌ಫೋನ್‌ಗಳು ಮಾರುಕಟ್ಟೆಯಲ್ಲಿ ಲಭ್ಯವಿವೆ.

ಕರೆಂಟ್ ಬಿಲ್ 'ಶಾಕ್' ಕೊಡ್ತಿದೆಯಾ? ಅದನ್ನ ಕಡಿಮೆ ಮಾಡೋದು ಕಷ್ಟವಲ್ಲ, ಹೀಗೆ ಮಾಡಿದ್ರೆ ಆಯ್ತು!

Shriram Bhat — Wed, 30 Sep 2026 17:59:01 +0530

Electricity Bill Reduction Tips: ತಿಂಗಳ ಆರಂಭದಲ್ಲಿ ಮನೆ ಖರ್ಚುಗಳ ಲೆಕ್ಕ ಹಾಕುವಾಗ ವಿದ್ಯುತ್ ಬಿಲ್ ಕೂಡ ಪ್ರಮುಖವಾಗಿರುತ್ತದೆ. ಅದರಲ್ಲೂ ಬೇಸಿಗೆಯಲ್ಲಿ ಎಸಿ ಬಳಕೆ ಹೆಚ್ಚಾದರೆ ಅಥವಾ ಮನೆಯಲ್ಲಿ ಫ್ರಿಜ್, ವಾಷಿಂಗ್ ಮೆಷಿನ್, ಗೀಸರ್, ಟಿವಿ ಸೇರಿದಂತೆ ಹಲವು ಉಪಕರಣಗಳು ನಿರಂತರವಾಗಿ ಕಾರ್ಯನಿರ್ವಹಿಸುತ್ತಿದ್ದರೆ ಕರೆಂಟ್ ಬಿಲ್ ಏರಿಕೆಯಾಗುವುದು ಸಹಜ. ಆದರೆ ಬಿಲ್ ಕಡಿಮೆ ಮಾಡಬೇಕು ಎಂದರೆ ಪ್ರತಿಬಾರಿಯೂ ಹೊಸ ಉಪಕರಣಗಳನ್ನು ಖರೀದಿಸಬೇಕೆಂದಿಲ್ಲ. ನಮ್ಮ ದಿನನಿತ್ಯದ ಕೆಲವು ಸಣ್ಣ ಅಭ್ಯಾಸಗಳನ್ನು ಬದಲಾಯಿಸಿಕೊಂಡರೂ ವಿದ್ಯುತ್ ಬಳಕೆಯನ್ನು ನಿಯಂತ್ರಿಸಬಹುದು.

ಮನೆಯಲ್ಲಿ ವಿದ್ಯುತ್ ಉಳಿತಾಯ ಮಾಡುವುದರ ಜೊತೆಗೆ, ಅನಗತ್ಯವಾಗಿ ವಿದ್ಯುತ್ ವ್ಯರ್ಥವಾಗುವುದನ್ನು ತಡೆಯುವುದು ಕೂಡ ಮುಖ್ಯ. ಇದಕ್ಕಾಗಿ ಗಮನದಲ್ಲಿಟ್ಟುಕೊಳ್ಳಬಹುದಾದ ಐದು ಸರಳ ಕ್ರಮಗಳು ಇಲ್ಲಿವೆ.

ಎಸಿಯನ್ನು ಅತಿಯಾಗಿ ಕಡಿಮೆ ತಾಪಮಾನದಲ್ಲಿ ಇಡಬೇಡಿ

ಬೇಸಿಗೆಯಲ್ಲಿ ಎಸಿ ಇಲ್ಲದೆ ದಿನ ಕಳೆಯುವುದು ಕಷ್ಟ ಎನ್ನಿಸುವುದು ಸಹಜ. ಆದರೆ ಕೊಠಡಿಯನ್ನು ಬೇಗ ತಂಪಾಗಿಸಬೇಕು ಎಂಬ ಕಾರಣಕ್ಕೆ 18 ಅಥವಾ 20 ಡಿಗ್ರಿಗೆ ಎಸಿ ಹೊಂದಿಸುವ ಅಭ್ಯಾಸ ಕೆಲವರಲ್ಲಿದೆ. ಕಡಿಮೆ ತಾಪಮಾನವನ್ನು ಆಯ್ಕೆ ಮಾಡಿದಷ್ಟೂ ಎಸಿ ಹೆಚ್ಚು ಸಮಯ ಕೆಲಸ ಮಾಡಬೇಕಾಗಬಹುದು. ಆದ್ದರಿಂದ ಆರಾಮದಾಯಕ ತಾಪಮಾನವನ್ನು ಆಯ್ಕೆ ಮಾಡುವುದು ಉತ್ತಮ. 24ರಿಂದ 27 ಡಿಗ್ರಿ ವ್ಯಾಪ್ತಿಯ ಸೆಟ್ಟಿಂಗ್ ಅನೇಕ ಮನೆಗಳಲ್ಲಿ ಬಳಸಬಹುದಾದ ಒಂದು ಸಾಮಾನ್ಯ ಮಾರ್ಗವಾಗಿದ್ದು, ವೈಯಕ್ತಿಕ ಆರಾಮ ಮತ್ತು ಹೊರಗಿನ ತಾಪಮಾನಕ್ಕೆ ಅನುಗುಣವಾಗಿ ಹೊಂದಿಸಬಹುದು. ಎಸಿ ಫಿಲ್ಟರ್‌ಗಳನ್ನು ಸ್ವಚ್ಛವಾಗಿಡುವುದೂ ಮುಖ್ಯ.

ಫ್ರಿಜ್ ಬಾಗಿಲು ಪದೇಪದೇ ತೆರೆಯುವುದನ್ನು ತಪ್ಪಿಸಿ

ಅಡುಗೆಮನೆಯಲ್ಲಿರುವ ಫ್ರಿಜ್ ದಿನದ 24 ಗಂಟೆಯೂ ಕಾರ್ಯನಿರ್ವಹಿಸುವ ಉಪಕರಣ. ಹೀಗಾಗಿ ಅದನ್ನು ಸರಿಯಾಗಿ ಬಳಸುವುದರಿಂದಲೂ ವಿದ್ಯುತ್ ಬಳಕೆಯನ್ನು ನಿಯಂತ್ರಿಸಬಹುದು. ಬೇಕಾದ ವಸ್ತು ಯಾವುದು ಎಂದು ಮೊದಲೇ ನಿರ್ಧರಿಸಿ ನಂತರ ಫ್ರಿಜ್ ಬಾಗಿಲು ತೆರೆಯುವುದು ಉತ್ತಮ. ಬಿಸಿ ಆಹಾರವನ್ನು ತಕ್ಷಣವೇ ಒಳಗೆ ಇಡುವ ಬದಲು ಅದು ಸ್ವಲ್ಪ ತಣ್ಣಗಾದ ಬಳಿಕ ಸಂಗ್ರಹಿಸುವುದು ಸೂಕ್ತ. ಫ್ರಿಜ್ ಬಾಗಿಲು ಸರಿಯಾಗಿ ಮುಚ್ಚುತ್ತಿದೆಯೇ ಎಂಬುದನ್ನೂ ಆಗಾಗ್ಗೆ ಪರಿಶೀಲಿಸಿ.

ವಾಷಿಂಗ್ ಮೆಷಿನ್ ಬಳಕೆಯಲ್ಲೂ ಪ್ಲಾನ್ ಇರಲಿ

ಪ್ರತಿದಿನ ಕಡಿಮೆ ಪ್ರಮಾಣದ ಬಟ್ಟೆಗಳಿಗೆ ವಾಷಿಂಗ್ ಮೆಷಿನ್ ಓಡಿಸುವ ಬದಲು, ಸಾಧ್ಯವಾದಷ್ಟು ಬಟ್ಟೆಗಳನ್ನು ಒಟ್ಟಿಗೆ ತೊಳೆಯುವುದು ವಿದ್ಯುತ್ ಹಾಗೂ ನೀರಿನ ಬಳಕೆಯನ್ನು ನಿಯಂತ್ರಿಸಲು ನೆರವಾಗಬಹುದು. ಆದರೆ ಮೆಷಿನ್‌ನ ಸಾಮರ್ಥ್ಯಕ್ಕಿಂತ ಹೆಚ್ಚು ಬಟ್ಟೆ ತುಂಬಬಾರದು. ಉಪಕರಣದ ತಯಾರಕರ ಸೂಚನೆಗಳನ್ನು ಅನುಸರಿಸುವುದು ಉತ್ತಮ.

ಸ್ಟ್ಯಾಂಡ್‌ಬೈ ಮೋಡ್‌ಗೆ ವಿದಾಯ ಹೇಳಿ

ಟಿವಿ, ಮೈಕ್ರೋವೇವ್, ಮಿಕ್ಸರ್ ಅಥವಾ ಇತರ ವಿದ್ಯುತ್ ಸಾಧನಗಳನ್ನು ಬಳಸಿದ ಬಳಿಕ ಸ್ವಿಚ್ ಆಫ್ ಮಾಡುವ ಅಭ್ಯಾಸ ಬೆಳೆಸಿಕೊಳ್ಳಿ. ಕೆಲವು ಉಪಕರಣಗಳು ಸ್ಟ್ಯಾಂಡ್‌ಬೈನಲ್ಲಿದ್ದಾಗಲೂ ವಿದ್ಯುತ್ ಬಳಸಬಹುದು. ಮೊಬೈಲ್ ಚಾರ್ಜರ್ ಬಳಸದೇ ಇದ್ದಾಗ ಸಾಕೆಟ್‌ಗೆ ಪ್ಲಗ್ ಮಾಡಿಟ್ಟುಕೊಳ್ಳುವುದನ್ನು ತಪ್ಪಿಸುವುದು ಕೂಡ ಉತ್ತಮ ಅಭ್ಯಾಸ.

ಗೀಸರ್‌ನಂತಹ ಹೆಚ್ಚಿನ ವಿದ್ಯುತ್ ಬಳಸುವ ಉಪಕರಣಗಳನ್ನು ಅಗತ್ಯವಿದ್ದಾಗ ಮಾತ್ರ ಬಳಸಬಹುದು. ಬಿಸಿ ನೀರಿನ ಅಗತ್ಯ ಮುಗಿದ ಬಳಿಕ ಅದನ್ನು ಆಫ್ ಮಾಡುವುದು ವಿದ್ಯುತ್ ವ್ಯರ್ಥವಾಗುವುದನ್ನು ಕಡಿಮೆ ಮಾಡುತ್ತದೆ. ಸಾಧ್ಯವಿದ್ದಲ್ಲಿ ಸೌರ ನೀರು ಬಿಸಿಮಾಡುವ ವ್ಯವಸ್ಥೆಯನ್ನೂ ಪರಿಗಣಿಸಬಹುದು.

ಸಣ್ಣ ಬದಲಾವಣೆ, ಉತ್ತಮ ಉಳಿತಾಯ

ಕೊಠಡಿಯಿಂದ ಹೊರಬರುವಾಗ ಲೈಟ್ ಮತ್ತು ಫ್ಯಾನ್ ಆಫ್ ಮಾಡುವುದು, ಹಗಲಿನಲ್ಲಿ ಸಾಧ್ಯವಾದಷ್ಟು ನೈಸರ್ಗಿಕ ಬೆಳಕನ್ನು ಬಳಸುವುದು, ಎಸಿಯನ್ನು ಸೂಕ್ತ ತಾಪಮಾನದಲ್ಲಿ ಇಡುವುದು, ಬಳಕೆಯಲ್ಲಿಲ್ಲದ ಉಪಕರಣಗಳನ್ನು ಸ್ವಿಚ್ ಆಫ್ ಮಾಡುವುದು—ಇಂತಹ ಸರಳ ಕ್ರಮಗಳು ದಿನನಿತ್ಯದ ವಿದ್ಯುತ್ ಬಳಕೆಯನ್ನು ನಿಯಂತ್ರಿಸಲು ಸಹಾಯ ಮಾಡುತ್ತವೆ.

ಪ್ರತಿ ಮನೆಯಲ್ಲೂ ವಿದ್ಯುತ್ ಬಿಲ್ ಎಷ್ಟು ಕಡಿಮೆಯಾಗುತ್ತದೆ ಎಂಬುದು ಉಪಕರಣಗಳ ಸಂಖ್ಯೆ, ಅವುಗಳ ಸಾಮರ್ಥ್ಯ, ಬಳಕೆಯ ಅವಧಿ ಮತ್ತು ವಿದ್ಯುತ್ ದರದ ಮೇಲೆ ಅವಲಂಬಿತವಾಗಿರುತ್ತದೆ. ಆದ್ದರಿಂದ ಶೇಕಡಾವಾರು ಉಳಿತಾಯ ಒಂದೇ ರೀತಿ ಇರಲಿದೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ವಿದ್ಯುತ್ ಬಳಕೆಯ ಬಗ್ಗೆ ಸ್ವಲ್ಪ ಹೆಚ್ಚು ಜಾಗರೂಕರಾದರೆ ಅನಗತ್ಯ ಖರ್ಚನ್ನು ಕಡಿಮೆ ಮಾಡುವ ಜೊತೆಗೆ, ಮನೆಯ ಸಂಪನ್ಮೂಲಗಳನ್ನು ಜವಾಬ್ದಾರಿಯಿಂದ ಬಳಸುವ ಉತ್ತಮ ಜೀವನಶೈಲಿಯನ್ನೂ ಬೆಳೆಸಿಕೊಳ್ಳಬಹುದು.

ನಿಮ್ಮನೆಯ ಟಿವಿ ರಿಮೋಟ್ ಒಮ್ಮೆ ತಟ್ಟಿದಾಗ ಮಾತ್ರ ಕೆಲಸ ಮಾಡೋದ್ಯಾಕೆ? ಇದರ ಹಿಂದಿದೆ ಸೈನ್ಸ್ ಕಥೆ!

Sathish Kumar KH — Fri, 11 Sep 2026 15:21:55 +0530

ಕೆಲಸ ಮಾಡದ ಟಿವಿ ರಿಮೋಟ್‌ಗೆ ತಟ್ಟಿದಾಗ ಅದು ತಕ್ಷಣ ಕೆಲಸ ಮಾಡುವುದೇಕೆ? ಇದರ ಹಿಂದಿರುವ ಭೌತಶಾಸ್ತ್ರ ಮತ್ತು ರಸಾಯನಶಾಸ್ತ್ರದ ನಿಯಮಗಳು, ಬ್ಯಾಟರಿ ಆಕ್ಸಿಡೀಕರಣ ಹಾಗೂ ಸುಲಭ ಪರಿಹಾರಗಳ ಮಾಹಿತಿ ಇಲ್ಲಿದೆ.

ರಿಮೋಟ್‌ಗೆ ತಟ್ಟಿದಾಗ ಅದು ಕೆಲಸ ಮಾಡಲು ಯಾವುದೇ ಮ್ಯಾಜಿಕ್ ಕಾರಣವಲ್ಲ, ಇದರ ಹಿಂದೆ ಸಂಪೂರ್ಣವಾಗಿ ಭೌತಶಾಸ್ತ್ರ ಮತ್ತು ರಸಾಯನಶಾಸ್ತ್ರದ ನಿಯಮಗಳಿವೆ:

1. ಬ್ಯಾಟರಿ ತುಕ್ಕು (ಆಕ್ಸಿಡೀಕರಣ - Oxidation):

ರಿಮೋಟ್ ಒಳಗೆ ಬ್ಯಾಟರಿಗಳನ್ನು ಕೂರಿಸುವ ಜಾಗದಲ್ಲಿ ಲೋಹದ ಸ್ಪ್ರಿಂಗ್‌ಗಳು (Springs/Terminals) ಇರುತ್ತವೆ. ಗಾಳಿಯಲ್ಲಿನ ತೇವಾಂಶ ಮತ್ತು ಧೂಳಿನಿಂದಾಗಿ ಬ್ಯಾಟರಿಯ ತುದಿ ಹಾಗೂ ಸ್ಪ್ರಿಂಗ್ ನಡುವೆ ನಮಗೆ ಕಣ್ಣಿಗೆ ಕಾಣಿಸದಂತಹ ಅತ್ಯಂತ ತೆಳುವಾದ ತುಕ್ಕು ಅಥವಾ ಆಕ್ಸೈಡ್ ಪದರ (Oxidation layer) ಜಮೆಯಾಗುತ್ತದೆ. ಇದು ಬ್ಯಾಟರಿಯಿಂದ ರಿಮೋಟ್‌ಗೆ ವಿದ್ಯುತ್ ಹರಿಯುವುದನ್ನು ತಡೆಯುತ್ತದೆ.

ತಟ್ಟಿದಾಗ ಏನಾಗುತ್ತದೆ?: ನಾವು ರಿಮೋಟ್‌ಗೆ ತಟ್ಟಿದಾಗ ಅಥವಾ ಬಡಿದಾಗ, ಬ್ಯಾಟರಿ ಮತ್ತು ಸ್ಪ್ರಿಂಗ್ ನಡುವೆ ಘರ್ಷಣೆ (Friction) ಉಂಟಾಗಿ ಆ ತುಕ್ಕು ಅಥವಾ ಕೊಳೆ ಸ್ವಲ್ಪ ಪಕ್ಕಕ್ಕೆ ಸರಿಯುತ್ತದೆ. ಇದರಿಂದ ವಿದ್ಯುತ್ ಸಂಚಾರ ಮತ್ತೆ ಆರಂಭವಾಗಿ ರಿಮೋಟ್ ಕೆಲಸ ಮಾಡುತ್ತದೆ.

2. ಸ್ಪ್ರಿಂಗ್ ಸಡಿಲವಾಗಿರುವುದು (Loose Connection):

ರಿಮೋಟ್ ಕೈಯಿಂದ ಕೆಳಗೆ ಬಿದ್ದಾಗ ಅಥವಾ ತುಂಬಾ ಸಮಯ ಒಂದೇ ಕಡೆ ಇದ್ದಾಗ, ಬ್ಯಾಟರಿಯನ್ನು ಹಿಡಿದಿಟ್ಟುಕೊಳ್ಳುವ ಸ್ಪ್ರಿಂಗ್ ಸಡಿಲವಾಗಿರುತ್ತದೆ (Loose contact). ರಿಮೋಟ್‌ಗೆ ಬಡಿದಾಗ ಬ್ಯಾಟರಿ ಸ್ವಲ್ಪ ಜರಿದು ಸರಿಯಾದ ಸ್ಥಾನಕ್ಕೆ ಕೂರುತ್ತದೆ, ಇದರಿಂದ ಸಂಪರ್ಕ ಪುನಃ ಸಿಗುತ್ತದೆ.

3. ಬ್ಯಾಟರಿಯ ಕೊನೆಯ ಹಂತದ ಚಾರ್ಜ್ (Chemical Jolt):

ಬ್ಯಾಟರಿಯ ಜೀವಿತಾವಧಿ ಮುಗಿಯುತ್ತಾ ಬಂದಾಗ, ಅದರ ಒಳಗಿನ ರಾಸಾಯನಿಕ ಪ್ರತಿಕ್ರಿಯೆ ನಿಧಾನವಾಗಿರುತ್ತದೆ. ರಿಮೋಟ್‌ಗೆ ತಟ್ಟಿದಾಗ ಅಥವಾ ಅಲುಗಾಡಿಸಿದಾಗ ಬ್ಯಾಟರಿಯೊಳಗಿನ ರಾಸಾಯನಿಕಗಳು ಸ್ವಲ್ಪ ಚಲಿಸಿ, ಕ್ಷಣಕಾಲ ಅತ್ಯಲ್ಪ ಪ್ರಮಾಣದ ಹೆಚ್ಚುವರಿ ವೋಲ್ಟೇಜ್ ಉತ್ಪತ್ತಿಯಾಗುತ್ತದೆ. ರಿಮೋಟ್‌ನಿಂದ ಟಿವಿಗೆ ಸಿಗ್ನಲ್ ಕಳುಹಿಸಲು ಈ ಒಂದು ಸೆಕೆಂಡಿನ ಶಕ್ತಿಯೇ ಸಾಕಾಗುತ್ತದೆ.

ಹಾಗಾದರೆ, ಇದು ಯಾವುದರ ಮುನ್ಸೂಚನೆ?

ರಿಮೋಟ್‌ಗೆ ತಟ್ಟಿದಾಗ ಮಾತ್ರ ಕೆಲಸ ಮಾಡುತ್ತಿದೆ ಎಂದರೆ ಅದು ನಿಮ್ಮ ರಿಮೋಟ್ ನೀಡುತ್ತಿರುವ ಸ್ಪಷ್ಟ ಸೂಚನೆಗಳಾಗಿವೆ:

ಬ್ಯಾಟರಿ ಜೀವಿತಾವಧಿ ಮುಗಿದಿದೆ: ನಿಮ್ಮ ರಿಮೋಟ್‌ನಲ್ಲಿರುವ ಬ್ಯಾಟರಿಗಳು ಸಂಪೂರ್ಣವಾಗಿ ಡ್ರೈನ್ (ಖಾಲಿ) ಆಗುವ ಹಂತಕ್ಕೆ ತಲುಪಿವೆ ಎಂದರ್ಥ.

ಕಾರ್ಬನ್ ಅಥವಾ ಕೊಳೆ ಕುಳಿತಿದೆ: ಬ್ಯಾಟರಿ ಕೂರುವ ಸ್ಪ್ರಿಂಗ್‌ಗಳಲ್ಲಿ ಧೂಳು ಅಥವಾ ತೇವಾಂಶದಿಂದ ತುಕ್ಕು ಹಿಡಿದಿದೆ ಎಂದರ್ಥ.

ಪ್ರಮುಖ ಎಚ್ಚರಿಕೆ: ಪದೇ ಪದೇ ತಟ್ಟಬೇಡಿ!

ರಿಮೋಟ್ ಕೆಲಸ ಮಾಡದಿದ್ದಾಗ ಕೈಯಿಂದ ಬಡಿಯುವುದು ಅಥವಾ ಸೋಫಾ, ಟೇಬಲ್‌ಗೆ ಕುಟ್ಟುವುದು ದೀರ್ಘಕಾಲದ ಪರಿಹಾರವಲ್ಲ.

ಹೀಗೆ ಬಡಿಯುವುದರಿಂದ ರಿಮೋಟ್‌ನ ಒಳಗಿರುವ ಚಿಕ್ಕ ಮದರ್‌ಬೋರ್ಡ್ (Circuit Board), ಐಆರ್ ಸೆನ್ಸರ್ (IR LED) ಅಥವಾ ಪ್ಲಾಸ್ಟಿಕ್ ಲಾಕ್‌ಗಳು ಮುರಿದುಹೋಗಿ ರಿಮೋಟ್ ಶಾಶ್ವತವಾಗಿ ಹಾಳಾಗಬಹುದು.

ಇದಕ್ಕೆ ಸುಲಭ ಪರಿಹಾರವೇನು?

ರಿಮೋಟ್‌ಗೆ ಬಡಿಯುವ ಬದಲು, ಬ್ಯಾಟರಿ ಕವರ್ ತೆಗೆದು ಎರಡೂ ಬ್ಯಾಟರಿಗಳನ್ನು ನಿಮ್ಮ ಬೆರಳಿನಿಂದಲೇ ಹಿಂದಕ್ಕೂ ಮುಂದಕ್ಕೂ ಒಂದೆರಡು ಬಾರಿ ತಿರುಗಿಸಿ (Rotate ಮಾಡಿ). ಇದರಿಂದ ತುಕ್ಕು ಸರಿದು ತಕ್ಷಣ ಸಂಪರ್ಕ ಸಿಗುತ್ತದೆ.

ಸ್ಪ್ರಿಂಗ್ ಮೇಲೆ ಕೊಳೆ ಇದ್ದರೆ ಒಣ ಬಟ್ಟೆ ಅಥವಾ ರಬ್ಬರ್ (Eraser) ನಿಂದ ಸ್ವಚ್ಛಗೊಳಿಸಿ.

ಎಲ್ಲಕ್ಕಿಂತ ಮುಖ್ಯವಾಗಿ, ತಕ್ಷಣವೇ ಹೊಸ ಬ್ಯಾಟರಿಗಳನ್ನು ಹಾಕಿ, ನಿಮ್ಮ ರಿಮೋಟ್ ಸುಸೂತ್ರವಾಗಿ ಕೆಲಸ ಮಾಡುತ್ತದೆ!

Escalator vs Travelator: ಎಸ್ಕಲೇಟರ್ & ಟ್ರಾವೆಲೇಟರ್; ಇವುಗಳ ನಡುವಿನ ವ್ಯತ್ಯಾಸವೇನು?

Shriram Bhat — Mon, 19 Oct 2026 14:15:31 +0530

ಶಾಪಿಂಗ್ ಮಾಲ್, ರೈಲ್ವೆ ಸ್ಟೇಷನ್ ಅಥವಾ ಏರ್‌ಪೋರ್ಟ್‌ಗಳಿಗೆ ಹೋದಾಗ ನೀವು ಎಸ್ಕಲೇಟರ್ ಮತ್ತು ಟ್ರಾವೆಲೇಟರ್‌ಗಳನ್ನು ನೋಡಿರುತ್ತೀರಿ. ಇವೆರಡೂ ಜನರಿಗೆ ಸುಲಭವಾಗಿ ಓಡಾಡಲು ಸಹಾಯ ಮಾಡುತ್ತವೆ. ಆದರೆ ಇವುಗಳ ಕೆಲಸ ಬೇರೆ ಬೇರೆ. ಇವೆರಡರ ನಡುವಿನ ಅಸಲಿ ವ್ಯತ್ಯಾಸ ಏನು ಗೊತ್ತಾ?

ಎಸ್ಕಲೇಟರ್ ಅಂದರೆ ಚಲಿಸುವ ಮೆಟ್ಟಿಲುಗಳು. ಇದು ಜನರನ್ನು ಒಂದು ಮಹಡಿಯಿಂದ ಮತ್ತೊಂದು ಮಹಡಿಗೆ ಕರೆದೊಯ್ಯುತ್ತದೆ. ಇದು ಮೇಲಕ್ಕೆ ಅಥವಾ ಕೆಳಕ್ಕೆ ಚಲಿಸುತ್ತದೆ. ಇದರಿಂದ ಕಟ್ಟಡದ ಬೇರೆ ಬೇರೆ ಫ್ಲೋರ್‌ಗಳಿಗೆ ಹೋಗುವುದು ಸುಲಭ. ಎಲೆಕ್ಟ್ರಿಕ್ ಮೋಟಾರ್ ಸಹಾಯದಿಂದ ಈ ಮೆಟ್ಟಿಲುಗಳು ನಿರಂತರವಾಗಿ ಚಲಿಸುತ್ತವೆ. ಪ್ರಯಾಣಿಕರು ಇದರ ಮೇಲೆ ಸುಮ್ಮನೆ ನಿಲ್ಲಬಹುದು ಅಥವಾ ಬೇಕಿದ್ದರೆ ಮೆಟ್ಟಿಲು ಹತ್ತಿ ಇಳಿಯಬಹುದು. ಬ್ಯಾಲೆನ್ಸ್ ತಪ್ಪದಿರಲು ಎರಡು ಬದಿಯಲ್ಲಿ ಚಲಿಸುವ ಹ್ಯಾಂಡ್‌ರೈಲ್ ಇರುತ್ತದೆ. ಶಾಪಿಂಗ್ ಮಾಲ್, ಮೆಟ್ರೋ ಸ್ಟೇಷನ್, ರೈಲ್ವೆ ಸ್ಟೇಷನ್, ಏರ್‌ಪೋರ್ಟ್ ಮತ್ತು ದೊಡ್ಡ ಕಮರ್ಷಿಯಲ್ ಬಿಲ್ಡಿಂಗ್‌ಗಳಲ್ಲಿ ಎಸ್ಕಲೇಟರ್‌ಗಳನ್ನು ನೀವು ನೋಡಬಹುದು. ಒಂದೇ ಬಾರಿಗೆ ಬಹಳಷ್ಟು ಜನರು ಬೇರೆ ಬೇರೆ ಫ್ಲೋರ್‌ಗಳಿಗೆ ಹೋಗಬೇಕಾದಾಗ ಇದು ತುಂಬಾ ಉಪಯುಕ್ತ.

ಟ್ರಾವೆಲೇಟರ್ ಅನ್ನು ಮೂವಿಂಗ್ ವಾಕ್‌ವೇ ಅಥವಾ ಮೂವಿಂಗ್ ವಾಕ್ ಅಂತಲೂ ಕರೆಯುತ್ತಾರೆ. ಇದು ಸಮತಟ್ಟಾದ ಮೇಲ್ಮೈ ಹೊಂದಿರುವ ಚಲಿಸುವ ಪ್ಲಾಟ್‌ಫಾರ್ಮ್. ಇದು ಜನರನ್ನು ಒಂದೇ ಫ್ಲೋರ್‌ನಲ್ಲಿ ಒಂದು ಕಡೆಯಿಂದ ಮತ್ತೊಂದು ಕಡೆಗೆ ಕರೆದೊಯ್ಯುತ್ತದೆ. ಎಸ್ಕಲೇಟರ್‌ಗಳಂತೆ ಇದರಲ್ಲಿ ಮೆಟ್ಟಿಲುಗಳು ಇರುವುದಿಲ್ಲ. ಬದಲಾಗಿ, ನಿರಂತರವಾಗಿ ಚಲಿಸುವ ಫ್ಲಾಟ್ ಬೆಲ್ಟ್ ಇರುತ್ತದೆ. ಇದರ ಮೇಲೆ ನಿಂತರೆ ಸಾಕು, ಯಾವುದೇ ಶ್ರಮವಿಲ್ಲದೆ ಮುಂದೆ ಸಾಗಬಹುದು. ಬೇಗ ತಲುಪಬೇಕು ಎಂದರೆ ಇದರ ಮೇಲೆಯೇ ನಡೆದುಕೊಂಡು ಹೋಗಬಹುದು. ಕೆಲವು ಟ್ರಾವೆಲೇಟರ್‌ಗಳು ಸಂಪೂರ್ಣವಾಗಿ ಸಮತಟ್ಟಾಗಿದ್ದರೆ, ಇನ್ನು ಕೆಲವು ಬೇರೆ ಬೇರೆ ಲೆವೆಲ್‌ಗಳಿಗೆ ಹೋಗಲು ಸ್ವಲ್ಪ ಇಳಿಜಾರಾಗಿರುತ್ತವೆ. ಏರ್‌ಪೋರ್ಟ್, ದೊಡ್ಡ ಶಾಪಿಂಗ್ ಮಾಲ್ ಮತ್ತು ಟ್ರಾನ್ಸ್‌ಪೋರ್ಟ್ ಹಬ್‌ಗಳಲ್ಲಿ ಇವು ಹೆಚ್ಚಾಗಿ ಕಂಡುಬರುತ್ತವೆ. ಏರ್‌ಪೋರ್ಟ್‌ಗಳಲ್ಲಿ ಟರ್ಮಿನಲ್, ಬೋರ್ಡಿಂಗ್ ಗೇಟ್ ಮತ್ತು ಇತರ ಸೌಲಭ್ಯಗಳ ನಡುವೆ ನಡೆದುಕೊಂಡು ಹೋಗುವ ಬದಲು, ಈ ಟ್ರಾವೆಲೇಟರ್‌ಗಳು ಪ್ರಯಾಣಿಕರಿಗೆ ತುಂಬಾ ಸಹಾಯ ಮಾಡುತ್ತವೆ.

ಇವೆರಡೂ ಜನರನ್ನು ಕರೆದೊಯ್ಯಲು ಬಳಸುವ ಎಲೆಕ್ಟ್ರಿಕ್ ಸಿಸ್ಟಮ್‌ಗಳೇ ಆದರೂ, ಇವುಗಳ ವಿನ್ಯಾಸ, ಚಲಿಸುವ ದಿಕ್ಕು ಮತ್ತು ಉದ್ದೇಶ ಬೇರೆ ಬೇರೆ.

ವಿನ್ಯಾಸ: ಎಸ್ಕಲೇಟರ್‌ನಲ್ಲಿ ಚಲಿಸುವ ಮೆಟ್ಟಿಲುಗಳಿರುತ್ತವೆ. ಆದರೆ ಟ್ರಾವೆಲೇಟರ್‌ನಲ್ಲಿ ಸಮತಟ್ಟಾದ, ಚಲಿಸುವ ಬೆಲ್ಟ್ ಇರುತ್ತದೆ.

ಮುಖ್ಯ ಉದ್ದೇಶ: ಎಸ್ಕಲೇಟರ್‌ಗಳು ಜನರನ್ನು ಒಂದು ಫ್ಲೋರ್‌ನಿಂದ ಮತ್ತೊಂದು ಫ್ಲೋರ್‌ಗೆ ಕರೆದೊಯ್ಯುತ್ತವೆ. ಟ್ರಾವೆಲೇಟರ್‌ಗಳನ್ನು ಒಂದೇ ಫ್ಲೋರ್‌ನಲ್ಲಿ ಹೆಚ್ಚು ದೂರ ಸಾಗಲು ಬಳಸುತ್ತಾರೆ.

ಚಲಿಸುವ ದಿಕ್ಕು: ಎಸ್ಕಲೇಟರ್‌ಗಳು ಮೇಲಕ್ಕೆ ಅಥವಾ ಕೆಳಕ್ಕೆ ಚಲಿಸುತ್ತವೆ. ಟ್ರಾವೆಲೇಟರ್‌ಗಳು ಸಾಮಾನ್ಯವಾಗಿ ಅಡ್ಡಲಾಗಿ ಚಲಿಸುತ್ತವೆ. ಆದರೆ ಕೆಲವು ಸ್ವಲ್ಪ ಇಳಿಜಾರಾಗಿರುತ್ತವೆ.

ಲಗೇಜ್ ಸಾಗಣೆ: ಟ್ರಾವೆಲೇಟರ್‌ಗಳಲ್ಲಿ ಚಕ್ರವಿರುವ ಸೂಟ್‌ಕೇಸ್ ಮತ್ತು ಲಗೇಜ್ ಕಾರ್ಟ್‌ಗಳನ್ನು ಸುಲಭವಾಗಿ ಒಯ್ಯಬಹುದು. ಆದರೆ ಎಲ್ಲಾ ಟ್ರಾವೆಲೇಟರ್‌ಗಳು ಎಲ್ಲಾ ರೀತಿಯ ಟ್ರಾಲಿಗಳಿಗೆ ಸರಿಹೊಂದುವುದಿಲ್ಲ. ಎಸ್ಕಲೇಟರ್‌ಗಳಲ್ಲಿ ಶಾಪಿಂಗ್ ಟ್ರಾಲಿ ಅಥವಾ ಚಕ್ರವಿರುವ ಕಾರ್ಟ್‌ಗಳನ್ನು ಒಯ್ಯುವುದು ಸೇಫ್ ಅಲ್ಲ.

ಬಳಸುವ ಸ್ಥಳಗಳು: ಎಸ್ಕಲೇಟರ್‌ಗಳನ್ನು ಶಾಪಿಂಗ್ ಮಾಲ್, ಮೆಟ್ರೋ ಮತ್ತು ರೈಲ್ವೆ ಸ್ಟೇಷನ್‌ಗಳಲ್ಲಿ ಹೆಚ್ಚಾಗಿ ಬಳಸುತ್ತಾರೆ. ಟ್ರಾವೆಲೇಟರ್‌ಗಳನ್ನು ಏರ್‌ಪೋರ್ಟ್, ದೊಡ್ಡ ಮಾಲ್ ಮತ್ತು ಹೆಚ್ಚು ದೂರ ನಡೆಯಬೇಕಾದ ಟ್ರಾನ್ಸ್‌ಪೋರ್ಟ್ ಜಾಗಗಳಲ್ಲಿ ಬಳಸುತ್ತಾರೆ.

ಟ್ರಾವೆಲೇಟರ್‌ನ ಉದ್ದವು ಅದನ್ನು ಎಲ್ಲಿ ಅಳವಡಿಸಲಾಗಿದೆ, ಜನರು ಎಷ್ಟು ದೂರ ಕ್ರಮಿಸಬೇಕು ಮತ್ತು ಪ್ರಯಾಣಿಕರ ದಟ್ಟಣೆ ಎಷ್ಟಿದೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಕೆಲವು ಟ್ರಾವೆಲೇಟರ್‌ಗಳು ಕೇವಲ ಕೆಲವು ಮೀಟರ್‌ಗಳಷ್ಟು ಉದ್ದವಿದ್ದರೆ, ಏರ್‌ಪೋರ್ಟ್‌ಗಳಲ್ಲಿರುವ ಟ್ರಾವೆಲೇಟರ್‌ಗಳು ಹತ್ತಾರು ಮೀಟರ್‌ಗಳಷ್ಟು ಉದ್ದವಿರುತ್ತವೆ. ವಿಶೇಷವಾಗಿ ವಿನ್ಯಾಸಗೊಳಿಸಿದ ಕೆಲವು ಸಿಸ್ಟಮ್‌ಗಳು 100 ಮೀಟರ್‌ಗಿಂತಲೂ ಹೆಚ್ಚು ಉದ್ದವಿರಬಹುದು.

ಉದಾಹರಣೆಗೆ, ದೊಡ್ಡ ಏರ್‌ಪೋರ್ಟ್‌ಗಳಲ್ಲಿ ಪ್ರಯಾಣಿಕರು ಒಂದು ಬೋರ್ಡಿಂಗ್ ಗೇಟ್‌ನಿಂದ ಮತ್ತೊಂದು ಗೇಟ್‌ಗೆ ಸಾಕಷ್ಟು ದೂರ ನಡೆಯಬೇಕಾಗುತ್ತದೆ. ಉದ್ದವಾದ ಟ್ರಾವೆಲೇಟರ್‌ಗಳು ಈ ದೂರವನ್ನು ಸುಲಭವಾಗಿ ಮತ್ತು ಆರಾಮದಾಯಕವಾಗಿ ಕ್ರಮಿಸಲು ಸಹಾಯ ಮಾಡುತ್ತವೆ.

ಶಾಪಿಂಗ್ ಮಾಲ್‌ಗಳಲ್ಲಿ, ಬಿಲ್ಡಿಂಗ್‌ನ ಬೇರೆ ಬೇರೆ ವಿಭಾಗಗಳ ನಡುವೆ ಓಡಾಡಲು ಚಿಕ್ಕ ಟ್ರಾವೆಲೇಟರ್‌ಗಳನ್ನು ಅಳವಡಿಸಿರುತ್ತಾರೆ.

ಲಭ್ಯವಿರುವ ಜಾಗ, ಪ್ರಯಾಣಿಕರ ಸಂಖ್ಯೆ, ಬಿಲ್ಡಿಂಗ್ ವಿನ್ಯಾಸ ಮತ್ತು ಸುರಕ್ಷತೆಯ ಆಧಾರದ ಮೇಲೆ ಟ್ರಾವೆಲೇಟರ್‌ನ ಉದ್ದವನ್ನು ನಿರ್ಧರಿಸಲಾಗುತ್ತದೆ.

ಒಟ್ಟಿನಲ್ಲಿ, ಎಸ್ಕಲೇಟರ್ ಮತ್ತು ಟ್ರಾವೆಲೇಟರ್ ಎರಡೂ ದೊಡ್ಡ ಬಿಲ್ಡಿಂಗ್‌ಗಳಲ್ಲಿ ಓಡಾಟವನ್ನು ಸುಲಭಗೊಳಿಸುತ್ತವೆ. ಇವೆರಡರ ನಡುವಿನ ಮುಖ್ಯ ವ್ಯತ್ಯಾಸ ತುಂಬಾ ಸಿಂಪಲ್.. ಎಸ್ಕಲೇಟರ್ ನಿಮ್ಮನ್ನು ಬೇರೆ ಬೇರೆ ಫ್ಲೋರ್‌ಗಳಿಗೆ ಕರೆದೊಯ್ದರೆ, ಟ್ರಾವೆಲೇಟರ್ ನೀವು ಹೆಚ್ಚು ನಡೆಯದಂತೆ ಒಂದೇ ಫ್ಲೋರ್‌ನಲ್ಲಿ ದೂರ ಸಾಗಲು ಸಹಾಯ ಮಾಡುತ್ತದೆ.

ಐಫೋನ್ 18 Pro ಬೆಲೆಯಲ್ಲಿ ಬಾರೀ ಇಳಿಕೆ! ಬರೋಬ್ಬರಿ ₹57,000 ಆಫರ್ ಪಡೆದುಕೊಳ್ಳುವುದು ಹೇಗೆ?

Sushma Hegde — Mon, 28 Sep 2026 14:29:27 +0530

ಹೊಸ iPhone ಖರೀದಿಸಬೇಕು ಎಂದುಕೊಂಡಿರುವವರಿಗೆ Appleನ ಇತ್ತೀಚಿನ iPhone 18 Pro ಗಮನ ಸೆಳೆಯುತ್ತಿದೆ. ಭಾರತದಲ್ಲಿ ಇದರ ಆರಂಭಿಕ ಬೆಲೆ ₹1,64,900. ಆದರೆ ಕೆಲವು ಬ್ಯಾಂಕ್ ಕಾರ್ಡ್ ಆಫರ್, ಹಳೆಯ iPhone ಎಕ್ಸ್‌ಚೇಂಜ್ ಮತ್ತು ಹೆಚ್ಚುವರಿ ಎಕ್ಸ್‌ಚೇಂಜ್ ಬೋನಸ್‌ಗಳನ್ನು ಬಳಸಿಕೊಂಡರೆ ಒಟ್ಟು ಉಳಿತಾಯದ ಮೊತ್ತ ಗಣನೀಯವಾಗಿ ಹೆಚ್ಚಬಹುದು.

India iStoreನಲ್ಲಿ ಪ್ರಸ್ತುತ ನೀಡಲಾಗುತ್ತಿರುವ ಆಫರ್ ಪ್ರಕಾರ, ಅರ್ಹ ಖರೀದಿದಾರರಿಗೆ ಕಾರ್ಡ್ ಕ್ಯಾಶ್‌ಬ್ಯಾಕ್ ಮತ್ತು ಟ್ರೇಡ್-ಇನ್ ಪ್ರಯೋಜನಗಳನ್ನು ಒಟ್ಟಿಗೆ ಪಡೆಯುವ ಅವಕಾಶವಿದೆ. ಆದರೆ ಗಮನಿಸಬೇಕಾದ ಸಂಗತಿಯೆಂದರೆ, ₹1,07,900 ಎಂಬುದು ಎಲ್ಲರಿಗೂ ಅನ್ವಯಿಸುವ ನೇರ ಮಾರಾಟ ಬೆಲೆ ಅಲ್ಲ; ಇದು ನಿರ್ದಿಷ್ಟ ಎಕ್ಸ್‌ಚೇಂಜ್ ಮತ್ತು ಆಫರ್‌ಗಳನ್ನು ಸೇರಿಸಿದ ಪರಿಣಾಮಕಾರಿ ಬೆಲೆಯ ಲೆಕ್ಕಾಚಾರವಾಗಿದೆ.

₹57,000 ಉಳಿತಾಯದ ಲೆಕ್ಕ ಹೇಗೆ?

iPhone 18 Pro 256GB ಮಾದರಿಯ ಆರಂಭಿಕ MRP ₹1,64,900. ಅರ್ಹ Axis Bank, ICICI Bank ಅಥವಾ SBI Card ಬಳಸಿ EMI ಮೂಲಕ ಖರೀದಿಸಿದರೆ ಗರಿಷ್ಠ ₹7,000 ಇನ್‌ಸ್ಟಂಟ್ ಕ್ಯಾಶ್‌ಬ್ಯಾಕ್ ಸಿಗಬಹುದು. Non-EMI ವ್ಯವಹಾರಗಳಿಗೆ ₹6,000ವರೆಗೆ ಕ್ಯಾಶ್‌ಬ್ಯಾಕ್ ಇರುವುದಾಗಿ India iStore ತಿಳಿಸಿದೆ. ಇದಾದ ಬಳಿಕ ಹಳೆಯ iPhone ಅನ್ನು ಎಕ್ಸ್‌ಚೇಂಜ್ ಮಾಡುವುದರಿಂದ ಮತ್ತೊಂದು ದೊಡ್ಡ ಮೊತ್ತ ಕಡಿತವಾಗಬಹುದು. ಹಳೆಯ ಸಾಧನದ ಸ್ಥಿತಿ, ಮಾದರಿ ಮತ್ತು ಮೌಲ್ಯಮಾಪನದ ಆಧಾರದ ಮೇಲೆ ಟ್ರೇಡ್-ಇನ್ ಮೊತ್ತ ಬದಲಾಗುತ್ತದೆ.

ಇದರ ಜೊತೆಗೆ ಅರ್ಹ ಸಾಧನಗಳಿಗೆ ₹10,000ವರೆಗೆ ಎಕ್ಸ್‌ಚೇಂಜ್ ಬೋನಸ್ ಸಿಗಬಹುದು. ₹22,000 ಅಥವಾ ಅದಕ್ಕಿಂತ ಹೆಚ್ಚಿನ ಮೌಲ್ಯ ಹೊಂದಿರುವ ಅರ್ಹ ಹಳೆಯ ಸಾಧನಗಳಿಗೆ ಗರಿಷ್ಠ ₹10,000 ಬೋನಸ್ ಅನ್ವಯಿಸುತ್ತದೆ ಎಂದು India iStoreನ ನಿಯಮಗಳಲ್ಲಿ ಹೇಳಲಾಗಿದೆ.

₹1,07,900 ಬೆಲೆ ಹೇಗೆ ಬರುತ್ತದೆ?

ನೀವು ನೋಡುತ್ತಿರುವ ಗರಿಷ್ಠ ₹57,000 ಪ್ರಯೋಜನದ ಲೆಕ್ಕವನ್ನು ಸರಳವಾಗಿ ನೋಡಿದರೆ:

iPhone 18 Pro ಆರಂಭಿಕ ಬೆಲೆ – ₹1,64,900

ಬ್ಯಾಂಕ್ ಕ್ಯಾಶ್‌ಬ್ಯಾಕ್ – ₹7,000

ಹಳೆಯ iPhone ಎಕ್ಸ್‌ಚೇಂಜ್ ಮೌಲ್ಯ – ₹40,000

ಹೆಚ್ಚುವರಿ ಎಕ್ಸ್‌ಚೇಂಜ್ ಬೋನಸ್ – ₹10,000

ಒಟ್ಟು ಪ್ರಯೋಜನ – ₹57,000

ಪರಿಣಾಮಕಾರಿ ಬೆಲೆ – ₹1,07,900

ಆದರೆ ಇಲ್ಲಿ ಒಂದು ಪ್ರಮುಖ ಅಂಶವಿದೆ. ₹40,000 ಎಕ್ಸ್‌ಚೇಂಜ್ ಮೌಲ್ಯವು ಉದಾಹರಣೆಯ ಲೆಕ್ಕವಾಗಿದ್ದು, ಪ್ರತಿಯೊಬ್ಬ ಗ್ರಾಹಕರಿಗೂ ಇದೇ ಮೊತ್ತ ಸಿಗುತ್ತದೆ ಎಂದರ್ಥವಲ್ಲ.

ಹಳೆಯ iPhone ಎಕ್ಸ್‌ಚೇಂಜ್ ಮಾಡಿದಾಗ ಎಷ್ಟು ಸಿಗುತ್ತದೆ?

ಹಳೆಯ ಫೋನ್‌ನ ನಿಜವಾದ ಎಕ್ಸ್‌ಚೇಂಜ್ ಮೌಲ್ಯವನ್ನು Appleನ ಅಧಿಕೃತ ಟ್ರೇಡ್-ಇನ್ ಪಾಲುದಾರರು ಸಾಧನವನ್ನು ಪರಿಶೀಲಿಸಿದ ಬಳಿಕ ನಿರ್ಧರಿಸುತ್ತಾರೆ. ಫೋನ್‌ನ ಮಾದರಿ, ಸ್ಟೋರೇಜ್, ಕಾರ್ಯನಿರ್ವಹಣೆ ಹಾಗೂ ಭೌತಿಕ ಸ್ಥಿತಿಯಂತಹ ಅಂಶಗಳು ಅಂತಿಮ ಮೌಲ್ಯದ ಮೇಲೆ ಪರಿಣಾಮ ಬೀರುತ್ತವೆ. India iStore ಕೂಡ ಮೌಲ್ಯಮಾಪನದ ಬಳಿಕ ನೀಡುವ ಟ್ರೇಡ್-ಇನ್ ಮೊತ್ತವೇ ಅಂತಿಮ ಎಂದು ಸ್ಪಷ್ಟಪಡಿಸಿದೆ. ಹೀಗಾಗಿ ಜಾಹೀರಾತಿನಲ್ಲಿ ಕಾಣಿಸುವ ಗರಿಷ್ಠ ಎಕ್ಸ್‌ಚೇಂಜ್ ಪ್ರಯೋಜನವನ್ನು ನೋಡಿ ನೇರವಾಗಿ ₹1,07,900 ಪಾವತಿಸಬೇಕಾಗುತ್ತದೆ ಎಂದು ಭಾವಿಸುವುದು ಸರಿಯಲ್ಲ.

iPhone 18 Proನಲ್ಲಿ ಏನೆಲ್ಲಾ ಹೊಸದು?

Apple ಪ್ರಕಾರ iPhone 18 Proನಲ್ಲಿ ಕಾರ್ಯಕ್ಷಮತೆ, ಬ್ಯಾಟರಿ ಮತ್ತು ಕ್ಯಾಮೆರಾ ವಿಭಾಗಗಳಲ್ಲಿ ಪ್ರಮುಖ ಸುಧಾರಣೆಗಳನ್ನು ನೀಡಲಾಗಿದೆ. 256GB ಮಾದರಿಯು 6.3-ಇಂಚಿನ ಡಿಸ್ಪ್ಲೇ ಹೊಂದಿದ್ದು, Apple Intelligence ಸೇರಿದಂತೆ ಹಲವು ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

ಹೊಸ ಮಾದರಿಯಲ್ಲಿ ವೇಗದ ಪ್ರೊಸೆಸಿಂಗ್, ಕ್ಯಾಮೆರಾ ಸುಧಾರಣೆಗಳು ಮತ್ತು ಬ್ಯಾಟರಿ ಕಾರ್ಯಕ್ಷಮತೆಯ ಮೇಲೆ ಗಮನ ನೀಡಲಾಗಿದೆ. ಈಗಾಗಲೇ ಇತ್ತೀಚಿನ Pro ಮಾದರಿ ಹೊಂದಿರುವವರಿಗೆ ಅಪ್‌ಗ್ರೇಡ್‌ನ ಪ್ರಯೋಜನವು ಅವರ ಪ್ರಸ್ತುತ ಫೋನ್ ಮತ್ತು ಬಳಕೆಯ ಮೇಲೆ ಅವಲಂಬಿತವಾಗಿರುತ್ತದೆ.

ಆಫರ್ ಪಡೆಯುವ ಮುನ್ನ ಈ ವಿಷಯ ಗಮನಿಸಿ

₹57,000 ಉಳಿತಾಯದ ಸಂಪೂರ್ಣ ಪ್ರಯೋಜನ ಪಡೆಯಲು ಕೆಲವು ಷರತ್ತುಗಳಿವೆ. ಅರ್ಹ ಬ್ಯಾಂಕ್ ಕಾರ್ಡ್, ಅಗತ್ಯವಿರುವ ವಹಿವಾಟಿನ ವಿಧಾನ ಹಾಗೂ ಅರ್ಹ ಹಳೆಯ ಸಾಧನದ ಎಕ್ಸ್‌ಚೇಂಜ್ ಅಗತ್ಯವಾಗಬಹುದು. ಇದಲ್ಲದೆ, ಈ ಆಫರ್‌ಗಳು ಆಯ್ದ Apple Authorized Reseller storesನಲ್ಲಿ ಮಾತ್ರ ಲಭ್ಯವಿದ್ದು, ಸ್ಟಾಕ್ ಮತ್ತು ಪ್ರಚಾರ ಅವಧಿಗೆ ಒಳಪಟ್ಟಿರುತ್ತವೆ. ಆಫರ್‌ಗಳನ್ನು ಮುಂಚಿತ ಸೂಚನೆ ಇಲ್ಲದೆ ಬದಲಾಯಿಸುವ ಅಥವಾ ಹಿಂಪಡೆಯುವ ಹಕ್ಕು ಕೂಡ ಇದೆ ಎಂದು India iStore ತಿಳಿಸಿದೆ.

ಹೀಗಾಗಿ iPhone 18 Pro ಖರೀದಿಸುವ ಮುನ್ನ ನಿಮ್ಮ ಹಳೆಯ ಫೋನ್‌ಗೆ ಸಿಗುವ ನಿಖರ ಎಕ್ಸ್‌ಚೇಂಜ್ ಮೌಲ್ಯ, ಅನ್ವಯಿಸುವ ಬ್ಯಾಂಕ್ ಆಫರ್ ಮತ್ತು ಎಕ್ಸ್‌ಚೇಂಜ್ ಬೋನಸ್ಗಳನ್ನು ಪ್ರತ್ಯೇಕವಾಗಿ ಪರಿಶೀಲಿಸುವುದು ಮುಖ್ಯ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ S26 ಬೆಲೆಯಲ್ಲಿ ಭಾರೀ ಬದಲಾವಣೆ?

Naveen Kodase — Fri, 18 Sep 2026 12:45:52 +0530

ಭಾರತದಲ್ಲಿ ಸ್ಯಾಮ್‌ಸಂಗ್ ಗ್ಯಾಲಕ್ಸಿ S26 ಸರಣಿಯ ಬೆಲೆ ಏರಿಕೆಯಾಗುವ ಬಗ್ಗೆ ವರದಿಗಳು ಬರುತ್ತಿವೆ. ಗ್ಯಾಲಕ್ಸಿ S26 ನ ಎರಡು ಸ್ಟೋರೇಜ್ ವೇರಿಯೆಂಟ್‌ಗಳ ಮೇಲೆ ತಲಾ 12,000 ರೂ. ಬೆಲೆ ಹೆಚ್ಚಾಗಬಹುದು. ಟಿಪ್‌ಸ್ಟರ್ ಸಂಜು ಚೌಧರಿ ಎಕ್ಸ್ (X) ಖಾತೆಯಲ್ಲಿ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಆದರೆ, ಬೆಲೆ ಏರಿಕೆ ಬಗ್ಗೆ ಸ್ಯಾಮ್‌ಸಂಗ್ ಇನ್ನೂ ಯಾವುದೇ ಅಧಿಕೃತ ಪ್ರಕಟಣೆ ಹೊರಡಿಸಿಲ್ಲ.

256GB ಮಾಡೆಲ್‌ಗೆ ಹೊಸ ಬೆಲೆ ಎಷ್ಟು?

ವರದಿಗಳ ಪ್ರಕಾರ, 12GB RAM + 256GB ಸ್ಟೋರೇಜ್ ಮಾಡೆಲ್ ಬೆಲೆ 87,999 ರೂ.ಗಳಿಂದ 99,999 ರೂ.ಗೆ ಏರಿಕೆಯಾಗಬಹುದು. ಹಾಗೆಯೇ, 12GB RAM + 512GB ಸ್ಟೋರೇಜ್ ವೇರಿಯೆಂಟ್ ಬೆಲೆ 1,07,999 ರೂ.ಗಳಿಂದ 1,19,999 ರೂ.ಗೆ ಹೆಚ್ಚಾಗುವ ಸಾಧ್ಯತೆಯಿದೆ. ಅಂದರೆ, ಎರಡೂ ಮಾಡೆಲ್‌ಗಳ ಮೇಲೆ 12,000 ರೂ.ಗಳಷ್ಟು ಬೆಲೆ ಏರಿಕೆಯಾಗಲಿದೆ.

ಪ್ರಸ್ತುತ ಬೆಲೆ ಎಷ್ಟಿದೆ?

ಸ್ಯಾಮ್‌ಸಂಗ್ ಅಧಿಕೃತ ವೆಬ್‌ಸೈಟ್‌ನಲ್ಲಿ ಸದ್ಯ ಗ್ಯಾಲಕ್ಸಿ S26 ನ 12GB RAM + 256GB ಸ್ಟೋರೇಜ್ ಮಾಡೆಲ್‌ಗೆ 79,999 ರೂ. ಬೆಲೆಯಿದೆ. 12GB RAM + 512GB ಸ್ಟೋರೇಜ್ ಮಾಡೆಲ್‌ಗೆ 99,999 ರೂ. ನಿಗದಿಪಡಿಸಲಾಗಿದೆ. ವರದಿಯಾಗಿರುವ ಹೊಸ ಬೆಲೆಗಳು ಇನ್ನೂ ಸ್ಯಾಮ್‌ಸಂಗ್ ವೆಬ್‌ಸೈಟ್‌ನಲ್ಲಿ ಅಪ್‌ಡೇಟ್ ಆಗಿಲ್ಲ. ಹಾಗಾಗಿ, ಅಧಿಕೃತ ಮಾಹಿತಿ ಬರುವವರೆಗೂ ಇದನ್ನು ಕೇವಲ ವದಂತಿ ಎಂದೇ ಪರಿಗಣಿಸಬೇಕಾಗುತ್ತದೆ.

ಬೇರೆ ಫೋನ್‌ಗಳ ಬೆಲೆಯೂ ಹೆಚ್ಚಾಗುತ್ತಾ?

ಗ್ಯಾಲಕ್ಸಿ S26 ಮಾತ್ರವಲ್ಲದೆ, ಸ್ಯಾಮ್‌ಸಂಗ್‌ನ ಇತರ ಪ್ರೀಮಿಯಂ ಮಾಡೆಲ್‌ಗಳ ಬೆಲೆಯೂ ಹೆಚ್ಚಾಗುವ ನಿರೀಕ್ಷೆಯಿದೆ. ಗ್ಯಾಲಕ್ಸಿ S26 ಅಲ್ಟ್ರಾ, ಗ್ಯಾಲಕ್ಸಿ Z ಫೋಲ್ಡ್ 8 ಮತ್ತು ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ಫೋನ್‌ಗಳ ಬೆಲೆಯೂ ಏರಿಕೆಯಾಗಬಹುದು. ಆದರೆ, ಈ ಬಗ್ಗೆ ಸ್ಯಾಮ್‌ಸಂಗ್ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ. ಹೊಸ ಬೆಲೆಗಳು ಯಾವಾಗ ಜಾರಿಗೆ ಬರುತ್ತವೆ ಅನ್ನೋದು ಕೂಡ ಇನ್ನೂ ಸ್ಪಷ್ಟವಾಗಿಲ್ಲ.

ಗ್ಯಾಲಕ್ಸಿ S26 ಅಲ್ಟ್ರಾ ಬೆಲೆಯೂ ಏರಿಕೆ ಸಾಧ್ಯತೆ

ಗ್ಯಾಲಕ್ಸಿ S26 ಅಲ್ಟ್ರಾ ಬೆಲೆಯೂ ಶೀಘ್ರದಲ್ಲೇ ಹೆಚ್ಚಾಗಲಿದೆ ಎಂದು ಈ ಹಿಂದೆಯೇ ವರದಿಯಾಗಿತ್ತು. ಒಂದು ವೇಳೆ ಬೆಲೆ ಹೆಚ್ಚಾದರೆ, ಭಾರತದಲ್ಲಿ ಆಪಲ್‌ನ ಹೊಸ ಪ್ರೊ ಮಾಡೆಲ್‌ಗಳ ಬೆಲೆಗೆ ಸ್ಯಾಮ್‌ಸಂಗ್‌ನ ಈ ಪ್ರೀಮಿಯಂ ಫೋನ್ ಹತ್ತಿರವಾಗಲಿದೆ. ಭಾರತದಲ್ಲಿ ಆಪಲ್‌ನ ಹೊಸ ಪ್ರೊ ಮಾಡೆಲ್ ಬೆಲೆ 1,64,900 ರೂ.ಗಳಿಂದ ಶುರುವಾಗುತ್ತದೆ. ಸದ್ಯ ಗ್ಯಾಲಕ್ಸಿ S26 ಅಲ್ಟ್ರಾದ ಆರಂಭಿಕ MRP 1,39,999 ರೂ. ಇದೆ.

ಫೋಲ್ಡಬಲ್ ಫೋನ್‌ಗಳಿಗೆ ಹೊಸ ಪ್ಲಾನ್

ಇದರ ನಡುವೆ, ಗ್ಯಾಲಕ್ಸಿ Z ಫೋಲ್ಡ್ 8 ಅಲ್ಟ್ರಾ ಮತ್ತು ಗ್ಯಾಲಕ್ಸಿ Z ಫೋಲ್ಡ್ 8 ಫೋನ್‌ಗಳಿಗಾಗಿ ಸ್ಯಾಮ್‌ಸಂಗ್ ಭಾರತದಲ್ಲಿ ಹೊಸ 24 ತಿಂಗಳ 'ಗ್ಯಾಲಕ್ಸಿ ಫಾರೆವರ್' (Galaxy Forever) ಪೇಮೆಂಟ್ ಆಯ್ಕೆಯನ್ನು ಘೋಷಿಸಿದೆ. ಈ ಪ್ಲಾನ್ ಅಡಿ, ಫೋನ್‌ನ ಒಟ್ಟು ಬೆಲೆಯ ಶೇ.60 ರಷ್ಟು ಹಣವನ್ನು ಇಎಂಐ ಮೂಲಕ ಪಾವತಿಸಬೇಕು. ಉಳಿದ ಶೇ.40 ರಷ್ಟು ಮೊತ್ತವನ್ನು 24 ತಿಂಗಳ ಅವಧಿ ಮುಗಿಯುವವರೆಗೆ ತಡೆಹಿಡಿಯಬಹುದು.

ಅತ್ಯಂತ ಕಡಿಮೆ ಬೆಲೆಗೆ ಐಫೋನ್ ಸಿಗುವ ಟಾಪ್ 10 ದೇಶಗಳು..! ಭಾರತದಲ್ಲಿ ಯಾಕೆ ಇಷ್ಟೊಂದು ದುಬಾರಿ?

Naveen Kodase — Thu, 10 Sep 2026 14:12:33 +0530

ಇಂದು ಟೆಕ್ ದೈತ್ಯ ಕಂಪನಿಯಾದ ಆ್ಯಪಲ್, ಬಹುನಿರೀಕ್ಷಿತ ಐಫೋನ್ 18 ಪ್ರೊ ಮತ್ತು ಐಫೋನ್ 18 ಪ್ರೊ ಮ್ಯಾಕ್ಸ್ ಫೋನ್‌ಗಳನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಅಂದಹಾಗೆ ಕಳೆದ ವರ್ಷದ ಐಫೋನ್ 17 ಪ್ರೊ ಮಾಡೆಲ್‌ಗಳಿಗೆ ಹೋಲಿಸಿದರೆ, ಈ ಬಾರಿ ಹಾರ್ಡ್‌ವೇರ್‌ನಲ್ಲಿ ದೊಡ್ಡ ಮಟ್ಟದ ಅಪ್‌ಗ್ರೇಡ್‌ಗಳನ್ನು ಮಾಡಲಾಗಿದೆ. ಸೆಪ್ಟೆಂಬರ್ 12 ರಿಂದ ಪ್ರೀ-ಆರ್ಡರ್ ಶುರುವಾಗಲಿದ್ದು, ಸೆಪ್ಟೆಂಬರ್ 18 ರಿಂದ ಮಾರುಕಟ್ಟೆಯಲ್ಲಿ ಸಿಗಲಿದೆ ಎಂದು ಆ್ಯಪಲ್ ಅಧಿಕೃತವಾಗಿ ಮಾಹಿತಿ ಹಂಚಿಕೊಂಡಿದೆ.

ಐಫೋನ್‌ ಖರೀದಿಸಬೇಕು ಎಂಬ ಆಸೆ ಬಹುತೇಕ ಸ್ಮಾರ್ಟ್‌ಫೋನ್‌ ಬಳಕೆದಾರರಲ್ಲಿರುತ್ತದೆ. ಆದರೆ ಭಾರತದಲ್ಲಿ ಐಫೋನ್‌ಗಳ ಬೆಲೆ ಇತರ ಕೆಲವು ದೇಶಗಳಿಗೆ ಹೋಲಿಸಿದರೆ ಹೆಚ್ಚಾಗಿರುವುದು ಗ್ರಾಹಕರ ಗಮನಕ್ಕೆ ಬರುತ್ತದೆ. ಇದೇ ಕಾರಣಕ್ಕೆ ವಿದೇಶಕ್ಕೆ ತೆರಳುವವರು ಅಲ್ಲಿಂದ ಐಫೋನ್‌ ಖರೀದಿಸಿ ಭಾರತಕ್ಕೆ ತರುವ ಬಗ್ಗೆ ಯೋಚಿಸುತ್ತಾರೆ.

ಡಾಯ್ಚ ಬ್ಯಾಂಕ್‌ (Deutsche Bank) ವರದಿ ಹಾಗೂ ಜಾಗತಿಕ ಮಾರುಕಟ್ಟೆಯ ಬೆಲೆಗಳ ಆಧಾರದ ಮೇಲೆ, ಭಾರತಕ್ಕೆ ಹೋಲಿಸಿದರೆ ಕೆಲವು ದೇಶಗಳಲ್ಲಿ ಐಫೋನ್‌ಗಳು ಕಡಿಮೆ ಬೆಲೆಗೆ ಲಭ್ಯವಾಗುತ್ತವೆ. ತೆರಿಗೆ, ಆಮದು ಸುಂಕ, ಸ್ಥಳೀಯ ಮಾರುಕಟ್ಟೆಯ ಬೆಲೆ ನೀತಿ ಹಾಗೂ ಕರೆನ್ಸಿ ಮೌಲ್ಯ ಸೇರಿದಂತೆ ಹಲವು ಅಂಶಗಳು ಇದಕ್ಕೆ ಕಾರಣವಾಗಿವೆ.

ಅತಿ ಕಡಿಮೆ ಬೆಲೆಗೆ ಐಫೋನ್ ಸಿಗುವ ಟಾಪ್ 10 ದೇಶಗಳು

1. ಅಮೆರಿಕ (USA)

ಐಫೋನ್‌ ಖರೀದಿಸಲು ವಿಶ್ವದ ಅಗ್ಗದ ಮಾರುಕಟ್ಟೆಗಳಲ್ಲಿ ಅಮೆರಿಕ ಪ್ರಮುಖ ಸ್ಥಾನದಲ್ಲಿದೆ. ಇಲ್ಲಿ ಐಫೋನ್‌ಗಳ ಮೂಲ ಬೆಲೆ ಹಲವು ದೇಶಗಳಿಗಿಂತ ಕಡಿಮೆಯಿರುತ್ತದೆ. ಆದರೆ ಅಮೆರಿಕದ ಕೆಲವು ರಾಜ್ಯಗಳಲ್ಲಿ ಮಾರಾಟ ತೆರಿಗೆ ಪ್ರತ್ಯೇಕವಾಗಿ ವಿಧಿಸಲಾಗುತ್ತದೆ. ಹೀಗಾಗಿ ಅಂಗಡಿಯಲ್ಲಿ ಅಥವಾ ಆನ್‌ಲೈನ್‌ನಲ್ಲಿ ಕಾಣಿಸುವ ಬೆಲೆ ಮತ್ತು ಅಂತಿಮವಾಗಿ ಪಾವತಿಸುವ ಮೊತ್ತ ಒಂದೇ ಆಗಿರುವುದಿಲ್ಲ ಎನ್ನುವುದು ನೆನಪಿರಲಿ.

2. ದಕ್ಷಿಣ ಕೊರಿಯಾ

ದಕ್ಷಿಣ ಕೊರಿಯಾ ಕೂಡ ಐಫೋನ್‌ ಕಡಿಮೆ ಬೆಲೆಗೆ ಸಿಗುವ ಪ್ರಮುಖ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. ಆಪಲ್‌ನ ಪ್ರಾದೇಶಿಕ ಬೆಲೆ ನೀತಿ ಹಾಗೂ ಸ್ಥಳೀಯ ತೆರಿಗೆ ವ್ಯವಸ್ಥೆಯಿಂದಾಗಿ ಕೆಲವು ಮಾದರಿಗಳು ಭಾರತಕ್ಕಿಂತ ಕಡಿಮೆ ದರದಲ್ಲಿ ಐಫೋನ್ ಖರೀದಿಸಬಹುದು.

3. ಜಪಾನ್

ಜಪಾನ್‌ನಲ್ಲಿ ಐಫೋನ್‌ಗಳ ಬೆಲೆ ಹಲವು ದೇಶಗಳಿಗೆ ಹೋಲಿಸಿದರೆ ಸ್ಪರ್ಧಾತ್ಮಕವಾಗಿದೆ. ಅಲ್ಲಿನ ಬಳಕೆ ತೆರಿಗೆ ಹಾಗೂ ಆಪಲ್‌ನ ಪ್ರಾದೇಶಿಕ ಬೆಲೆ ತಂತ್ರಗಾರಿಕೆ ಇದಕ್ಕೆ ಪ್ರಮುಖ ಕಾರಣಗಳಾಗಿವೆ. ಪ್ರವಾಸಿಗರಿಗೆ ಲಭ್ಯವಿರುವ ತೆರಿಗೆ ಮರುಪಾವತಿ ಸೌಲಭ್ಯವೂ ಕೆಲವು ಸಂದರ್ಭಗಳಲ್ಲಿ ಬೆಲೆಯನ್ನು ಮತ್ತಷ್ಟು ಕಡಿಮೆ ಮಾಡುತ್ತದೆ. ಇದೇ ಕಾರಣಕ್ಕೆ ಭಾರತಕ್ಕಿಂತ ಜಪಾನ್‌ನಲ್ಲಿ ಕಡಿಮೆ ಬೆಲೆಗೆ ಐಫೋನ್ ದೊರೆಯುತ್ತದೆ.

4. ಹಾಂಗ್ ಕಾಂಗ್

ಹಾಂಗ್ ಕಾಂಗ್‌ನಲ್ಲಿ ಸಾಮಾನ್ಯ VAT ಅಥವಾ Sales Tax ವ್ಯವಸ್ಥೆ ಇಲ್ಲದಿರುವುದು ಎಲೆಕ್ಟ್ರಾನಿಕ್ಸ್‌ ಬೆಲೆ ಕಡಿಮೆ ಇರಲು ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ. ಹೀಗಾಗಿ ಐಫೋನ್‌ ಖರೀದಿಸಲು ಇದು ಜನಪ್ರಿಯ ಮಾರುಕಟ್ಟೆಯಾಗಿದೆ.

5. ತೈವಾನ್

ತೈವಾನ್‌ನಲ್ಲೂ ಕೆಲವು ಐಫೋನ್‌ ಮಾದರಿಗಳು ಭಾರತಕ್ಕಿಂತ ಕಡಿಮೆ ಬೆಲೆಗೆ ದೊರೆಯುತ್ತವೆ. ತೆರಿಗೆ ವ್ಯವಸ್ಥೆ, ಸ್ಥಳೀಯ ಮಾರುಕಟ್ಟೆ ಬೆಲೆ ಮತ್ತು ಕರೆನ್ಸಿ ಮೌಲ್ಯ ಇವುಗಳ ಪ್ರಭಾವದಿಂದಾಗಿ ಗ್ರಾಹಕರಿಗೆ ಬೆಲೆಯಲ್ಲಿ ವ್ಯತ್ಯಾಸ ಕಾಣಿಸಬಹುದು.

6. ಯುನೈಟೆಡ್ ಅರಬ್ ಎಮಿರೇಟ್ಸ್ (UAE)

ಭಾರತೀಯರಿಗೆ ಐಫೋನ್‌ ಖರೀದಿಸಲು ದುಬೈ ಅತ್ಯಂತ ಜನಪ್ರಿಯ ವಿದೇಶಿ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. UAEಯಲ್ಲಿ ಕಡಿಮೆ ಪ್ರಮಾಣದ VAT ಇರುವುದರ ಜೊತೆಗೆ, ಅರ್ಹ ಪ್ರವಾಸಿಗರಿಗೆ Tax Refund ಸೌಲಭ್ಯವೂ ಲಭ್ಯವಿದೆ. ಹೀಗಾಗಿ ತೆರಿಗೆ ಮರುಪಾವತಿ ಪಡೆಯಲು ಸಾಧ್ಯವಾದರೆ ಐಫೋನ್‌ನ ಒಟ್ಟಾರೆ ಖರೀದಿ ವೆಚ್ಚ ಕಡಿಮೆಯಾಗಬಹುದು.

7. ಕೆನಡಾ

ಕೆನಡಾದಲ್ಲೂ ಕೆಲವು ಐಫೋನ್‌ ಮಾದರಿಗಳು ಭಾರತಕ್ಕಿಂತ ಕಡಿಮೆ ದರದಲ್ಲಿ ಲಭ್ಯವಾಗಬಹುದು. ಆದರೆ ಇಲ್ಲಿ ಪ್ರಾಂತ್ಯದ ಆಧಾರದ ಮೇಲೆ Sales Tax ಬದಲಾಗುವುದರಿಂದ ಅಂತಿಮ ಬೆಲೆ ಸ್ಥಳದಿಂದ ಸ್ಥಳಕ್ಕೆ ವ್ಯತ್ಯಾಸವಾಗಬಹುದು.

8. ಫಿಲಿಪೈನ್ಸ್

ಆಗ್ನೇಯ ಏಷ್ಯಾದ ಮಾರುಕಟ್ಟೆಗಳಲ್ಲಿ ಫಿಲಿಪೈನ್ಸ್‌ ಕೂಡ ಐಫೋನ್‌ಗಳಿಗೆ ತುಸು ಕೈಗೆಟುಕುವ ಬೆಲೆ ಹೊಂದಿರುವ ದೇಶಗಳಲ್ಲಿ ಒಂದಾಗಿದೆ. ಆಪಲ್‌ನ ಪ್ರಾದೇಶಿಕ ಬೆಲೆ ನೀತಿ ಹಾಗೂ ತೆರಿಗೆ ವ್ಯವಸ್ಥೆಯಿಂದಾಗಿ ಕೆಲವು ಮಾದರಿಗಳ ಬೆಲೆ ಭಾರತಕ್ಕಿಂತ ಕಡಿಮೆಯಾಗಿರುತ್ತದೆ.

9. ವಿಯೆಟ್ನಾಂ

ವಿಯೆಟ್ನಾಂನಲ್ಲಿ ಇತ್ತೀಚಿನ ವರ್ಷಗಳಲ್ಲಿ ಐಫೋನ್‌ ಮಾರುಕಟ್ಟೆ ವೇಗವಾಗಿ ಬೆಳೆಯುತ್ತಿದೆ. ಸ್ಥಳೀಯ ಮಾರುಕಟ್ಟೆಯ ಸ್ಪರ್ಧೆ ಹಾಗೂ ಆಪಲ್‌ನ ಬೆಲೆ ನೀತಿಯಿಂದಾಗಿ ಕೆಲವು ಐಫೋನ್‌ ಮಾದರಿಗಳು ಜಾಗತಿಕ ಬೆಲೆಗಳಿಗೆ ಹೋಲಿಸಿದರೆ ಸ್ಪರ್ಧಾತ್ಮಕ ದರದಲ್ಲಿ ಲಭ್ಯವಾಗುತ್ತವೆ.

10. ಚೀನಾ

ಆಪಲ್‌ನ ಪೂರೈಕೆ ಸರಪಳಿಯಲ್ಲಿ ಚೀನಾಕ್ಕೆ ಪ್ರಮುಖ ಸ್ಥಾನವಿದೆ. ಹಲವು ಐಫೋನ್‌ಗಳ ಉತ್ಪಾದನೆ ಮತ್ತು ಅಸೆಂಬ್ಲಿ ಚೀನಾದಲ್ಲಿ ನಡೆಯುವುದರಿಂದ, ಕೆಲವು ಸಂದರ್ಭಗಳಲ್ಲಿ ಸಾಗಣೆ ಮತ್ತು ಪೂರೈಕೆ ಸರಪಳಿ ವೆಚ್ಚದ ಪರಿಣಾಮ ಕಡಿಮೆಯಾಗಬಹುದು.

ಭಾರತದಲ್ಲಿ ಐಫೋನ್‌ ಬೆಲೆ ಏಕೆ ಹೆಚ್ಚಾಗಿದೆ?

ಭಾರತದಲ್ಲಿ ಐಫೋನ್‌ ಬೆಲೆ ಹೆಚ್ಚಾಗಲು ತೆರಿಗೆ ಮತ್ತು ಆಮದು ಸಂಬಂಧಿತ ವೆಚ್ಚಗಳು ಪ್ರಮುಖ ಕಾರಣಗಳಾಗಿವೆ. ಐಫೋನ್‌ ಮೇಲೆ 18% GST ಅನ್ವಯಿಸುತ್ತದೆ. ಇದರ ಜೊತೆಗೆ, ಆಮದು ಮಾಡಿಕೊಳ್ಳುವ ಘಟಕಗಳು ಮತ್ತು ಉತ್ಪನ್ನಗಳಿಗೆ ಸಂಬಂಧಿಸಿದ ಸುಂಕ ಹಾಗೂ ಪೂರೈಕೆ ಸರಪಳಿ ವೆಚ್ಚಗಳು ಅಂತಿಮ ಬೆಲೆಯ ಮೇಲೆ ಪರಿಣಾಮ ಬೀರುತ್ತವೆ.

ಭಾರತದಲ್ಲಿ ಆಪಲ್‌ ಸ್ಥಳೀಯ ಉತ್ಪಾದನೆಯನ್ನು ಹೆಚ್ಚಿಸುತ್ತಿದ್ದರೂ, ಎಲ್ಲಾ ಮಾದರಿಗಳು ಮತ್ತು ಎಲ್ಲಾ ಘಟಕಗಳ ಪೂರೈಕೆ ಒಂದೇ ರೀತಿಯಲ್ಲಿ ಸ್ಥಳೀಯವಾಗಿಲ್ಲ. ಹೀಗಾಗಿ ಮಾದರಿ, ಉತ್ಪಾದನಾ ಸ್ಥಳ, ಆಮದು ಮಾಡಿಕೊಳ್ಳುವ ಘಟಕಗಳು ಮತ್ತು ತೆರಿಗೆ ರಚನೆಯ ಆಧಾರದ ಮೇಲೆ ಬೆಲೆ ಬದಲಾಗುತ್ತದೆ.

ಹಾಗಾದರೆ ವಿದೇಶದಿಂದ ಐಫೋನ್‌ ಖರೀದಿಸುವುದು ಉತ್ತಮವಾ?

ವಿದೇಶದಲ್ಲಿ ಐಫೋನ್‌ ಬೆಲೆ ಕಡಿಮೆ ಕಾಣಿಸಿದರೂ, ಭಾರತಕ್ಕೆ ತರುವ ಒಟ್ಟು ವೆಚ್ಚವನ್ನು ಪರಿಗಣಿಸಿದ ನಂತರವೇ ನಿರ್ಧಾರ ತೆಗೆದುಕೊಳ್ಳಬೇಕು. ವಾರಂಟಿ, SIM/eSIM, 5G ಬ್ಯಾಂಡ್‌ಗಳು ಹಾಗೂ ತೆರಿಗೆ ನಿಯಮಗಳನ್ನು ಪರಿಶೀಲಿಸಿದ ಬಳಿಕ ಖರೀದಿಸಿದರೆ ಅನಗತ್ಯ ಸಮಸ್ಯೆಗಳನ್ನು ತಪ್ಪಿಸಬಹುದು.

ಒಂದಲ್ಲ, ಎರಡಲ್ಲ... 22,222 ಲೆವೆಲ್! Candy Crush ಆಡಿ ವಿಶ್ವ ದಾಖಲೆ ಬರೆದ 19ರ ಯುವಕ!

Chandrashekar GS — Thu, 08 Oct 2026 10:35:27 +0530

ಗೇಮ್‌ನಲ್ಲಿ ಅಪರೂಪದ ಮೈಲಿಗಲ್ಲು

ಸಾಮಾನ್ಯವಾಗಿ Candy Crush Saga ಎಂದರೆ ಬಿಡುವಿನ ವೇಳೆಯಲ್ಲಿ ಆಡುವ ಮೊಬೈಲ್ ಗೇಮ್ ಎಂದು ಹಲವರು ಭಾವಿಸುತ್ತಾರೆ. ಆದರೆ ಬಿಹಾರದ 19 ವರ್ಷದ ಎಂಜಿನಿಯರಿಂಗ್ ವಿದ್ಯಾರ್ಥಿ ಶುಭಂ ಕುಮಾರ್ ಅವರಿಗೆ ಇದೇ ಗೇಮ್ ಒಂದು ವಿಶೇಷ ದಾಖಲೆಯನ್ನೇ ತಂದುಕೊಟ್ಟಿದೆ. ಅವರು Candy Crushನಲ್ಲಿ 22,222ನೇ ಹಂತ ತಲುಪಿದ್ದು, International Book of Recordsನಲ್ಲಿ ಸ್ಥಾನ ಪಡೆದಿದ್ದಾರೆ.

ಜುಲೈ 5ರಂದು 22,222ನೇ ಹಂತ

ಬಿಹಾರದ ದಿಘ್ವಾರಾ ನಿವಾಸಿ ಶುಭಂ ಕುಮಾರ್ ಅವರು 2026ರ ಜುಲೈ 5ರಂದು ಈ ಮೈಲಿಗಲ್ಲು ಸಾಧಿಸಿದರು. ಆ ಸಮಯದಲ್ಲಿ ಅವರಿಗೆ 19 ವರ್ಷ, 8 ತಿಂಗಳು ಮತ್ತು 25 ದಿನ ವಯಸ್ಸಾಗಿತ್ತು. International Book of Records ಈ ಸಾಧನೆಯನ್ನು “Highest Level Achieved in Candy Crush Saga (Teenager)” ಎಂಬ ವಿಭಾಗದಲ್ಲಿ ಗುರುತಿಸಿದೆ.

Candy Crush Saga ಒಂದು match-three puzzle game. ಒಂದೇ ಬಣ್ಣದ ಕ್ಯಾಂಡಿಗಳನ್ನು ಹೊಂದಿಸಿ ನಿರ್ದಿಷ್ಟ ಗುರಿಯನ್ನು ಪೂರ್ಣಗೊಳಿಸುವುದು ಇದರ ಮೂಲ ಆಟದ ವಿಧಾನ. ಹಂತಗಳು ಮುಂದುವರಿದಂತೆ ಸವಾಲುಗಳೂ ಬದಲಾಗುತ್ತವೆ. ಸಾವಿರಾರು ಹಂತಗಳನ್ನು ದಾಟುತ್ತಾ ಮುಂದುವರಿಯುವುದು ಆಟಗಾರರಿಗೆ ಸಹನೆ ಮತ್ತು ನಿರಂತರ ಪ್ರಯತ್ನದ ಸವಾಲಾಗುತ್ತದೆ.

ದಾಖಲೆ ಮಾಡಿದರೂ ಆಟ ನಿಲ್ಲಿಸಲಿಲ್ಲ!

ಶುಭಂ ಅವರ ಸಾಧನೆಯ ಮತ್ತೊಂದು ಕುತೂಹಲಕಾರಿ ಅಂಶವೆಂದರೆ, 22,222ನೇ ಹಂತ ತಲುಪಿದ ನಂತರವೂ ಅವರು ಆಟವನ್ನು ನಿಲ್ಲಿಸಿಲ್ಲ. Candy Crush ಸಮುದಾಯದ ಪೋಸ್ಟ್‌ನಲ್ಲಿ ನಂತರ ತಮ್ಮ ಪ್ರಸ್ತುತ ಹಂತ 23,165ಕ್ಕೆ ತಲುಪಿದೆ ಎಂದು ಅವರು ತಿಳಿಸಿದ್ದಾರೆ ಎಂದು ವರದಿಯಾಗಿದೆ. ಆದರೆ International Book of Recordsನಲ್ಲಿ ಗುರುತಿಸಲಾದ ದಾಖಲೆ 22,222ನೇ ಹಂತದ್ದೇ ಆಗಿದೆ.

ಓದಿನಾಚೆಗಿನ ವಿಭಿನ್ನ ಸಾಧನೆ

ವಿದ್ಯಾರ್ಥಿಗಳ ಸಾಧನೆ ಎಂದಾಗ ಸಾಮಾನ್ಯವಾಗಿ ಪರೀಕ್ಷಾ ಫಲಿತಾಂಶ, ಸ್ಪರ್ಧಾತ್ಮಕ ಪರೀಕ್ಷೆ ಅಥವಾ ಶೈಕ್ಷಣಿಕ ಸಾಧನೆಗಳು ನೆನಪಿಗೆ ಬರುತ್ತವೆ. ಆದರೆ ಶುಭಂ ಅವರ ಕಥೆ ಬೇರೆ ರೀತಿಯ ಆಸಕ್ತಿ ಮತ್ತು ಕೌಶಲ್ಯಕ್ಕೂ ಮಾನ್ಯತೆ ಸಿಗಬಹುದು ಎಂಬುದನ್ನು ತೋರಿಸುತ್ತದೆ. ಅದೇ ಸಮಯದಲ್ಲಿ, ಈ ದಾಖಲೆಯಿಂದ ಅವರ ಶೈಕ್ಷಣಿಕ ಸಾಮರ್ಥ್ಯ ಅಥವಾ ಓದಿನ ಮೇಲೆ ಗೇಮಿಂಗ್‌ನ ಪರಿಣಾಮದ ಬಗ್ಗೆ ಯಾವುದೇ ತೀರ್ಮಾನಕ್ಕೆ ಬರಲು ಸಾಧ್ಯವಿಲ್ಲ.

ಬಿಹಾರದ ಯುವಕನಿಗೆ ಹೊಸ ಗುರುತಿನ ಹೆಜ್ಜೆ

ಶುಭಂ ಅವರ ಸಾಧನೆಗೆ ಬಿಹಾರ ಸರ್ಕಾರದ ಇಲಾಖೆಯಿಂದಲೂ ಅಭಿನಂದನೆ ವ್ಯಕ್ತವಾಗಿದೆ. ಅವರ ದಾಖಲೆ ಕುಟುಂಬ, ಸ್ನೇಹಿತರು ಮತ್ತು ಶಿಕ್ಷಣ ಸಂಸ್ಥೆಯಲ್ಲೂ ಸಂತಸ ಮೂಡಿಸಿದೆ ಎಂದು ವರದಿಗಳು ತಿಳಿಸಿವೆ.

Candy Crushನಂತಹ ಜನಪ್ರಿಯ ಮೊಬೈಲ್ ಗೇಮ್‌ನಲ್ಲಿ 22,222ನೇ ಹಂತ ತಲುಪಿ ದಾಖಲೆ ಪುಸ್ತಕದಲ್ಲಿ ಹೆಸರು ಪಡೆಯುವುದು ಖಂಡಿತವಾಗಿಯೂ ವಿಭಿನ್ನ ಸಾಧನೆ. 19ನೇ ವಯಸ್ಸಿನಲ್ಲೇ ಈ ಮೈಲಿಗಲ್ಲು ತಲುಪಿರುವ ಶುಭಂ ಅವರ ಕಥೆ ಈಗ ಗೇಮಿಂಗ್ ಜಗತ್ತಿನಲ್ಲೂ ಗಮನ ಸೆಳೆದಿದೆ.