Asianet Suvarna News

ದೀಪಾವಳಿಗೆ ಪಟಾಕಿ ಸಿಡಿಸುವ ಮುನ್ನ ಈ ಲೇಖನ ಓದಿ! ವೈದ್ಯರು ನೀಡಿದ ಎಚ್ಚರಿಕೆಗಳೇನು?

Kannadaprabha News — Sun, 08 Nov 2026 13:45:18 +0530

ಡಾ.ಮುರಲೀ ಮೋಹನ್ ಚೂಂತಾರು, ದಂತ ವೈದ್ಯರು

ಕಾಲಚಕ್ರ ವೇಗವಾಗಿ ಚಲಿಸುತ್ತಿದೆ. ಮೊನ್ನೆ ಮೊನ್ನೆಯಷ್ಟೇ ಮುಗಿದ ದೀಪಾವಳಿ ಪುನಃ ಬಂದೇ ಬಿಟ್ಟಿತು. ದೀಪಾವಳಿ ಎಂದಾಕ್ಷಣ ನಮಗೆ ನೆನಪಾಗುವುದು ಸಾಲು ಸಾಲು ದೀಪಗಳು, ಸಿಡಿಮದ್ದುಗಳು, ರಾಕೆಟ್‍ಗಳು ಬಾಣ ಬಿರುಸುಗಳು. ಎಲ್ಲೆಲ್ಲೂ ಸಂಭ್ರಮದ ಸಡಗರದ ವಾತಾವರಣ. ಮನೆಮಂದಿಯೆಲ್ಲಾ ಒಟ್ಟಿಗೆ ಕುಳಿತು ಹೊಸ ಬಟ್ಟೆ ತೊಟ್ಟು ಸಂಭ್ರಮಿಸುವ ಪರ್ವಕಾಲ. ಜಾತಿ, ಮತ, ಧರ್ಮಗಳ ಬೇಧವಿಲ್ಲದೆ ಚಿಕ್ಕ ಮಕ್ಕಳಿಂದ ಹಿಡಿದು ಎಂಬತ್ತರ ಆಸುಪಾಸಿನ ಮುದುಕರಿಗೂ ಎಲ್ಲಿಲ್ಲದ ಸಂಭ್ರಮ. ಮಕ್ಕಳಿಗೆ ಸುರು ಸುರುಕಡ್ಡಿ ಮತ್ತು ಹೂಕುಂಡದ ಬೆಳಕಿನ ಸುರಿಮಳೆ. ಅಜ್ಜ, ಅಜ್ಜಿಯರಿಗೆ ಮೊಮ್ಮಕ್ಕಳ ಜೊತೆ ಆಡುವ ನಲಿಯುವ ಮತ್ತು ತಮ್ಮ ಬಾಲ್ಯದ ದಿನಗಳ ಚೇಷ್ಠೆಗಳನ್ನು ಪುನಃ ಮೆಲುಕು ಹಾಕುವ ಸುಸಂದರ್ಭ. ಮಧುಮೇಹ ರೋಗವಿದ್ದರೂ ಹಬ್ಬದ ನೆನಪಲ್ಲ ಸಿಹಿತಿಂಡಿಯನ್ನು ಮೆಲ್ಲುವ ಸುವರ್ಣವಕಾಶ. ಪರವಾಗಿಲ್ಲ, ಹೊಗಲಿ ಬಿಡಿ ಹಬ್ಬದ ದಿನ ಒಂದು ಸ್ವೀಟ್ ತಿಂದಲ್ಲಿ ಏನಾಗಲ್ಲ ಬಿಡಿ ಎಂದು ಸಮಜಾಯಿಸಿ ನೀಡುವ ಸೊಸೆಯಂದಿರು ಮತ್ತು ಮಕ್ಕಳು. ಒಟ್ಟಿನಲ್ಲಿ ಊರಿಗೆ ಊರೇ ಸಂಭ್ರಮ ಸಡಗರದಿಂದ ಮಿಂದೇಳುತ್ತಿರುತ್ತದೆ.

ಒಂದು ಅಂದಾಜಿನ ಪ್ರಕಾರ ದೀಪಾವಳಿ ಸಂದರ್ಭದಲ್ಲಿ ಸಾವಿರಾರು ಕೋಟಿ ರೂಪಾಯಿಗಳ ಮೌಲ್ಯದ ಸಿಡಿಮದ್ದನ್ನು ಸಿಡಿಯಲಾಗುತ್ತದೆ. ದೀಪಾವಳಿ ಸಂಭ್ರಮ ಮತ್ತು ಸಂತಸದ ಪ್ರತೀಕವಾಗಿದ್ದರೂ, ಈ ಪಟಾಕಿ, ಸಿಡಿಮದ್ದು ಮತ್ತು ಬಾಣ ಬಿರುಸುಗಳಿಂದ ಆಗುವ ಅನಾಹುತ ಮತ್ತು ದುರಂತಗಳಿಗೆ ಏಣೆಯೇ ಇಲ್ಲ. ಅತಿಯಾದ ಸದ್ದು ಮಾಡುವ ಅಪಾಯಕಾರಿ ಪಟಾಕಿಗಳನ್ನು ಸರಕಾರ ನಿಷೇಧಿಸಿದೆ. ಈ ಸಂಬಂಧವಾಗಿ ಸ್ಪೋಟಕಗಳ ಕಾಯ್ದೆ ಮತ್ತು ನಿಯಮಗಳು ಎಂಬ ಕಾನೂನೇ ಇದ್ದರೂ ಜನರು ಮತ್ತು ವ್ಯಾಪಾರಿಗಳು ಈ ಕಾನೂನನ್ನು ಪರಿಪಾಲಿಸದಿರುವುದು ಬಹುದೊಡ್ಡ ದುರಂತವೇ ಸರಿ. ಸರಕಾರ ಕೂಡ ಈ ಕಾನೂನನ್ನು ಪರಿಣಾಮಕಾರಿಯಾಗಿ ಜಾರಿಮಾಡದಿರುವುದು ದುರದೃಷ್ಟಕರ ವಿಚಾರವಾಗಿದೆ.

ಉತ್ತಮ ದರ್ಜೆಯ ಗುಣಪಟ್ಟದ ಪಟಾಕಿಗಳು ಮತ್ತು ಸಿಡಿಮದ್ದಿನ ತಯಾರಿಕೆ, ಅವುಗಳ ಸಂಗ್ರಹ, ಅಪಾಯಕಾರಿ ಸಿಡಿಮದ್ದುಗಳನ್ನು ಬಳಸದಿರುವಿಕೆ ಮುಂತಾದ ಕಾನೂನನ್ನು ಯಾರು ಪಾಲಿಸುತ್ತಿಲ್ಲ. ಇದೇ ಕಾರಣದಿಂದಲೇ ವಾತಾವರಣ ಕಲುಷಿತಗೊಳ್ಳುತ್ತಿದೆ. ಶ್ವಾಸಕೋಶ ಸಂಬಂಧಿ ರೋಗಗಳಾದ ಅಸ್ತಮ ಮುಂತಾದ ಚರ್ಮರೋಗಗಳು ಇತ್ಯಾದಿಗಳು ಹಬ್ಬ ಹರಿದಿನಗಳ ಸಂದರ್ಭದಲ್ಲಿ ಉಲ್ಬಣಿಸುತ್ತಿದೆ. ಅದೇ ರೀತಿ ಬಾರೀ ಸದ್ದಿನ ಪಟಾಕಿ ಸಿಡಿಸುವುದರಿಂದ ಉಂಟಾಗುವ ಸದ್ದಿನಿಂದ ಶ್ರವಣಶಕ್ತಿ ಕುಂದುತ್ತದೆ. ಸಾಕುಪ್ರಾಣಿಗಳು, ಪಕ್ಷಿ ಸಂಕುಲಗಳು ಬೆದರಿ ಹಿಂಸೆಗೊಳಗಾಗುತ್ತದೆ. ಪುಟ್ಟ ಮಕ್ಕಳಿಗೂ ಹಿಂಸೆಯಾಗಬಹುದು ಮತ್ತು ಮಾನಸಿಕವಾಗಿ ಕುಗ್ಗಿ ಹೋಗಬಹುದು. ಮಕ್ಕಳಿಗೆ ತುಂಬಾ ಸದ್ದಿನ ಸಿಡಿಮದ್ದನ್ನು ಸಿಡಿಸಿದಾಗ ಭಯಬೀತರಾಗಬಹುದು. ಮಾನಸಿಕವಾಗಿ ವಿಶೇಷ ಪರಿಣಾಮ ಬೀರಿ ಮಾನಸಿಕ ಸ್ಥೈರ್ಯ ಉಡುಗಿ ಹೋಗಬಹುದು. ಅಜಾಗರೂಕತೆಯಿಂದ ಸಿಡಿಮದ್ದನ್ನು ಬಳಸಿದಲ್ಲಿ ಕೈಕಾಲುಗಳಿಗೆ ಸುಟ್ಟು ಗಾಯಗಳಾಗಬಹುದು, ಕಣ್ಣುಗಳಿಗೆ ಹಾನಿಯಾಗಬಹುದು. ದೇಹದ ಇತರ ಭಾಗಗಳಿಗೂ ಗಾಯವಾಗಬಹುದು. ಬೆಂಕಿಯ ಜೊತೆ ಸರಸ ಯಾವತ್ತೂ ಒಳ್ಳೆಯದಲ್ಲ. ಆ ಕಾರಣಕ್ಕಾಗಿಯೇ ಹಲವಾರು ಮುಂಜಾಗರೂಕತಾ ಕ್ರಮಬನ್ನು ಕಡ್ಡಾಯವಾಗಿ ಪಾಲಿಸಲೇಬೇಕು.

ಮುಂಜಾಗರೂಕತೆ ಮತ್ತು ಮುನ್ನೆಚ್ಚರಿಕೆ

1. ಯಾವತ್ತೂ ಮನೆಯ ಒಳಗೆ ಪಟಾಕಿ ಸಿಡಿಮದ್ದು ಸುಡಲೇಬಾರದು. ನಾಲ್ಕು ಗೋಡೆಗಳ ನಡುವೆ ಪಟಾಕಿಯ ಜೊತೆ ಸರಸ ಯಾವತ್ತೂ ಅಪಾಯಕಾರಿ. ಮನೆಯ ಹೊರಗಡೆ ಬಯಲು ಪ್ರದೇಶದಲ್ಲಿ ಪಟಾಕಿ ಸಿಡಿಸುವುದು ಉತ್ತಮ.

2. ಮಕ್ಕಳು ಪಟಾಕಿ ಸುಡುವಾಗ ಹಿರಿಯರು ಜೊತೆಗೆ ಇರಲೇಬೇಕು. ಯಾವತ್ತೂ ಮಕ್ಕಳ ಮೇಲೆ ಒಂದು ಕಣ್ಣು ಇರಬೇಕು ಮತ್ತು ವಿಶೇಷ ಮುತುವರ್ಜಿ ಮತ್ತು ಕಾಳಜಿ ಇರಿಸಬೇಕು, ಒಮ್ಮೆ ಸಿಡಿಯಲು ಯತ್ನಿಸಿದ ಸಿಡಿಯದೇ ಇದ್ದ ಪಟಾಕಿಯನ್ನು ಪುನಃ ಸಿಡಿಸುವ ಪ್ರಯತ್ನ ಮಾಡಲೇ ಬಾರದು. ಯಾವತ್ತೂ ಉತ್ತಮ ದರ್ಜೆಯ ಗುಣಪಟ್ಟದ ಪಟಾಕಿಯನ್ನೇ ಖರೀದಿಸಿ. ಖರ್ಚು ಹೆಚ್ಚಾದರೂ ಪರವಾಗಿಲ್ಲ. ಅಗ್ಗದ ಬೆಲೆಯ ಕಳಪೆ ಗುಣಮಟ್ಟದ ಸಿಡಿಮದ್ದು ಯಾವತ್ತೂ ಅಪಾಯಕಾರಿ. ಉಚಿತವಾಗಿ ಸಿಕ್ಕಿದ ಕಳಪೆ ದರ್ಜೆಯ ಪಟಾಕಿ ಉಪಯೋಗಿಸಬೇಡಿ.

3. ಮಕ್ಕಳು ಪಟಾಕಿ ಹಚ್ಚುವಾಗ ಪರಸ್ಪರ ಚೇಷ್ಟೆ, ತುಂಟಾಟ ಮತ್ತು ಮಕ್ಕಳಾಟಿಕೆಗೆ ಅವಕಾಶ ನೀಡಬೇಡಿ. ಒಂದು ಕ್ಷಣದ ಮರೆವು ಮತ್ತು ತುಂಟಾಟ ಇನ್ನೊಬಬ್ಬರ ಜೀವಕ್ಕೆ ಅಂಧಕಾರ ತರಲೂ ಬಹುದು. ಮಕ್ಕಳಿಗೆ ಮಕ್ಕಳಿಗಾಗಿ ಮಾಡಿದ ಸಿಡಿಮದ್ದನ್ನು ಮತ್ತು ಪಟಾಕಿಗಳನ್ನು ನೀಡಬೇಕು. ಸುರುಸುರು ಕಡ್ಡಿ, ಹೂಕುಂಡ, ಭೂಚಕ್ರ, ಗುಬ್ಬಿ ಪಟಾಕಿ ಇತ್ಯಾದಿ ಕಡಿಮೆ ಸದ್ದಿನ ಮತ್ತು ಕಡಿಮೆ ಅಪಾಯವಿರುವ ಪಟಾಕಿಗಳನ್ನು ನೀಡಬೇಕು. ಅಪಾಯಕಾರಿ ಸಿಡಿಮದ್ದನ್ನು ಮಕ್ಕಳಿಂದ ದೂರವಿಡಬೇಕು.

4. ಪಟಾಕಿ ಸಿಡಿಸುವುದು ಧೈಯದ ಸಂಕೇತವಲ್ಲ. ಸಿಡಿಯುವ ಪಟಾಕಿಗಳನ್ನು ಕೈಯಲ್ಲಿ ಹೊತ್ತಿಸಬಾರದು. ಮಕ್ಕಳು ಇದನ್ನು ಧೈರ್ಯದ ಸಂಕೇತವೆಂದು ಭಾವಿಸುತ್ತಾರೆ ಮತ್ತು ಇತರ ಮಕ್ಕಳ ಮುಂದೆ ಮೊಂಡು ಧೈರ್ಯ ತೋರಿಸಲು ಹೋಗಿ ಅಪಾಯವನ್ನು ಆಹ್ವಾನಿಸುತ್ತಾರೆ. ಇದರ ಅಪಾಯ ಮತ್ತು ತೊಂದೆರೆಗಳ ಬಗ್ಗೆ ಹೆತ್ತವರು ತಿಳಿ ಹೇಳಬೇಕು.

5. ಹೂಕುಂಡ, ಭೂಚಕ್ರ ಮುಂತಾದವುಗಳನ್ನು ಕೆಳಗಿ ಬಾಗಿ ಹಚ್ಚುವಾಗ ವಿಶೇಷ ಗಮನವಿರಲಿ. ಸಿಡಿಯದ ಪಟಾಕಿಗಳನ್ನು ಕೈಯಿಂದ ಮುಟ್ಟಲು ಹೋದಾಗ ಹಠಾತ್ ಸಿಡಿಯಲೂ ಬಹುದು. ಸಿಡಿಯದ ಪಟಾಕಿಗಳನ್ನು ಪುನಃ ಬಳಸಲೇ ಬೇಡಿ. ಸುರು ಸುರು ಕಡ್ಡಿ ಹೊತ್ತಿಸುವಾಗ ಹೊರಹೊಮ್ಮುವ ಕಿಡಿಗಳ ಬಗ್ಗೆ ಗಮನವಿರಲಿ. ಬೇರೆ ಮಕ್ಕಳ ದೇಹದ ಮೇಲೆ ಮತ್ತು ಮೈ ಮೇಲೆ ಬೆಂಕಿಯ ಕಿಡಿ ಸಿಡಿದು ಬೀಳದಂತೆ ಎಚ್ಚರವಹಿಸಿ. ಮೈ ಮೇಲೆ ಬಟ್ಟೆ ಧರಿಸಿ, ಮೈ ಮುಚ್ಚಿಕೊಂಡು ಸಿಡಿಮದ್ದನ್ನು ಮತ್ತು ಪಟಾಕಿಗಳನ್ನು ಹಚ್ಚಬೇಕು. ಹತ್ತಿಯ ಅಥವಾ ಕಾಟನ್ ಬಟ್ಟೆ ಉತ್ತಮ. ನೈಲಾನ್ ಬಟ್ಟೆ ಬಳಸಬಾರದು. 6. ರಾಕೇಟ್ ಪಟಾಕಿ ಹಚ್ಚುವಾಗ ವಿಶೇಷ ಮುನ್ನೆಚ್ಚರಿಕೆ ವಹಿಸಬೇಕು. ಅವು ನೇರವಾಗಿ ಮೇಲ್ಮುಖವಾಗಿ ಹಾರುವಂತಿರಬೇಕು. ಕೈಯಲ್ಲಿ ಹಿಡಿದು ರಾಕೇಟ್‍ಗೆ ಬೆಂಕಿ ಹಚ್ಚುವುದು ಅತೀ ಅಪಾಯಕಾರಿ ಮತ್ತು ಮುರ್ಖತನದ ಪರಮಾವಧಿ.

7. ಪಟಾಕಿ ಹಚ್ಚುವ ಸಮಯದಲ್ಲಿ ಮಕ್ಕಳು ಜೇಬುಗಳಲ್ಲಿ ಮತ್ತು ಇನ್ನೊಂದು ಕೈಯಲ್ಲಿ ನಾಲ್ಕೈದು ಪಟಾಕಿ ಇಟ್ಟುಕೊಳ್ಳಬಾರದು. ಯಾವುದೇ ಪಟಾಕಿಯ ಕಿಡಿ ತಗಲಿದಲ್ಲಿ ಜೀವಕ್ಕೂ ಸಂಚಕಾರ ಬರಬಹುದು ಒಮ್ಮೆಗೆ ಒಂದೇ ಪಟಾಕಿ ಎಂಬ ನಿಯಮ ಕಡ್ಡಾಯವಾಗಿ ಪಾಲಿಸಬೇಕು.

8. ಮಕ್ಕಳು ಮತ್ತು ಹೆತ್ತವರು ಪಟಾಕಿ ಸುಡುವಾಗ ಚಪ್ಪಲಿ ಧರಿಸಲೇಬೇಕು. ಮಕ್ಕಳೂ ಅವಸರದಲ್ಲಿ ಬರಿಗಾಲಲ್ಲಿ ಓಡಾಡುವಾಗ ಭೂಚಕ್ರ, ಸುರುಸುರುಬತ್ತಿ ಮತ್ತು ಹೂಕುಂಡ ಮುಂತಾದವುಗಳು ಸುಟ್ಟು ಹೋದ ಬಳಿಕವೂ ಬಿಸಿಯಾಗಿರುತ್ತದೆ. ಬರಿಗಾಲಿಗೆ ಬೆಂಕಿ ತಗಲಿ ಸುಟ್ಟು ಗಾಯವಾಗಬಹುದು ಮಕ್ಕಳು ಬಳಸಿದ ಪಟಾಕಿಗಳನ್ನು ಒಂದು ಸುರಕ್ಷಿತ ಮೂಲೆಯಲ್ಲಿ ರಾಶಿ ಹಾಕುವುದು ಉತ್ತಮ. ಅದೇ ರೀತಿ ಪಟಾಕಿ ಹಚ್ಚುವ ಸಮಯದಲ್ಲಿ ಒಂದೆರಡು ಬಕೇಟ್ ನೀರನ್ನು ಇಟ್ಟುಕೊಳ್ಳುವುದು ಅತೀ ಅಗತ್ಯ. ಹಾಗೆಯೇ ಪಟಾಕಿ ಸುಡುವ ಸಮಯದಲ್ಲಿ ಯಾವುದೇ ಕ್ಷಣದಲ್ಲಿ ಅಪಾಯ ಸಂಭವಿಸಬಹುದು. ಆ ಕಾರಣದಿಂದ ಪ್ರಥಮ ಚಿಕಿತ್ಸೆ ಸಾಧನೆಗಳನ್ನು ಸಿದ್ಧವಾಗಿಟ್ಟುಕೊಳ್ಳಬೇಕು. ಯಾವುದೇ ರೀತಿಯ ನಿರ್ಲಕ್ಷ ಪ್ರಾಣಕ್ಕೆ ಸಂಚಕಾರ ತರಬಹುದು. ಸಾಕಷ್ಟು ಮುಂಜಾಗರಕತೆ ವಹಿಸಿದ್ದಲ್ಲಿ ದೊಡ್ಡ ಅನಾಹುತವನ್ನು ತಡೆಗಟ್ಟಬಹುದು. ಒಟ್ಟಿನಲ್ಲಿ ದೀಪಾವಳಿಯ ಸಂತಸ, ಸಂಭ್ರಮ ಮತ್ತು ಸುಡುಮದ್ದುಗಳ ಬರಾಟೆಯ ನಡುವೆ ಹೆತ್ತವರು, ಹಿರಿಯರು ತಮ್ಮ ಜವಾಬ್ದಾರಿ ಮತ್ತು ಹೊಣೆಗಾರಿಕೆಯನ್ನು ನಿಭಾಯಿಸಿದ್ದಲ್ಲಿ ಬೆಳಕಿನ ಹಬ್ಬ ದೀಪಾವಳಿ ಎಲ್ಲರ ಬದುಕಿಗೂ ಬೆಳಕಿನ ಸಿಂಚನ ನೀಡಬಹುದು. ಇಲ್ಲವಾದಲ್ಲಿ ಬೆಳಕಿನ ಹಬ್ಬ ಕೆಲವರ ಬಾಳಿಗೆ ಶಾಶ್ವತ ಅಂಧಕಾರವನ್ನು ತರಲೂಬಹುದು ಎಂಬ ಕಟು ಸತ್ಯದ ಅರಿವು ಎಲ್ಲರಿಗೂ ಇದ್ದಲ್ಲಿ ದೀಪಾವಳಿಯ ಆಚರಣೆ ಹೆಚ್ಚು ಮೌಲ್ಯಪೂರ್ಣವಾಗಬಹುದು.

ದೀಪಾವಳಿ ಎನ್ನುವುದು ಬರೀ ಹೊಸಬಟ್ಟೆ, ಹಬ್ಬದೂಟ ಮತ್ತು ಸುಡು ಮದ್ದಿನ ಆರ್ಭಟಕ್ಕೆ ಸೀಮಿತವಾಗಬಾರದು. ದೀಪಾವಳಿ ಆಚರಣೆ ಎನ್ನುವುದು ಶ್ರೀಮಂತಿಕೆ ಮತ್ತು ದೊಡ್ಡತನದ ಪ್ರದರ್ಶನಕ್ಕೆ ವೇದಿಕೆಯಾಗಬಾರದು. ಶರತ್ ಋತುವಿನ ಮಧ್ಯಭಾಗದಲ್ಲಿ ಬರುವ ದೀಪಾವಳಿ ಸಡಗರ ಸಂಭ್ರಮ ಮತ್ತು ಸಂತಸದ ಪ್ರತೀಕವಾಗಿರುತ್ತದೆ. ಮಳೆ ಮುಗಿದು ಮೋಡ ಚದುರಿ ತಿಳಿಯಾಗಿ, ಮುಗಿಲಾಗಿ ಮಾರ್ಪಾಡಾಗಿ ನೆಲ ಹಸಿಯಾಗಿ, ಭೂತಾಯಿ ಹಸಿರಿನಿಂದ ಕಂಗೊಳಿಸಿರುತ್ತಾಳೆ. ಇದು ಸಮೃದ್ಧಿಯ ಸಂದೇಶ ಮತ್ತು ಸಂಕೇತ. ಈ ಶುಭಗಳಿಗೆಯಲ್ಲಿ ಮನೆಮಂದಿಯೆಲ್ಲಾ ಒಟ್ಟು ಸೇರಿ ಊರ ಕೇರಿನ ಜನರೆಲ್ಲಾ ಒಂದಾಗಿ ಜಾತಿ ಮತ ಧರ್ಮದ ಬೇಧವಿಲ್ಲದೇ ವಿಶ್ವ ಭಾತೃತ್ವವನ್ನು ಸಾರುವ ಮಾನವೀಯತೆಯ ಪ್ರತೀಕವಾಗಬೇಕೇ ಹೊರತು, ಒಣ ಪ್ರತಿಷ್ಠೆ ಮತ್ತು ಆಡಂಬರದ ಧ್ಯೋತಕವಾಗಬಾರದು. ಹಾಗಾದಲ್ಲಿ ಮಾತ್ರ ದೀಪಾವಳಿಯ ಆಚರಣೆಗೆ ಹೆಚ್ಚು ಮೌಲ್ಯ ಬಂದೀತು ಮತ್ತು ಅರ್ಥಪೂರ್ಣವಾಗಬಹುದು.

ಮದುವೆಯಾದ ಬಳಿಕ ಮೊದಲ ದೀಪಾವಳಿ ಆಚರಿಸಿದ ಅರ್ಜುನ್‌ ತೆಂಡೂಲ್ಕರ್‌–ಸಾನಿಯಾ ಚಾಂದೋಕ್‌; ಪತ್ನಿ ಅಂಜಲಿ ಜೊತೆ ಲಕ್ಷ್ಮೀ ಪೂಜೆ ಮಾಡಿದ ಸಚಿನ್‌!

Naveen Kodase — Tue, 10 Nov 2026 12:08:10 +0530

ಮುಂಬೈ(ನ.10): ಭಾರತದಲ್ಲಿ ಭಾನುವಾರ ದೀಪಾವಳಿ ಹಬ್ಬವನ್ನು ಅತ್ಯಂತ ಸಂಭ್ರಮ ಹಾಗೂ ಸಡಗರದಿಂದ ಆಚರಿಸಲಾಯಿತು. ಈ ಸಂದರ್ಭದಲ್ಲಿ ಕ್ರಿಕೆಟ್‌ ದಿಗ್ಗಜ ಸಚಿನ್‌ ತೆಂಡೂಲ್ಕರ್‌ ತಮ್ಮ ಅಭಿಮಾನಿಗಳಿಗೆ ದೀಪಾವಳಿ ಆಚರಣೆಯ ಕೆಲವು ಕ್ಷಣಗಳನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಹಂಚಿಕೊಂಡಿದ್ದಾರೆ. ಇತ್ತ, ಸಚಿನ್‌ ಪುತ್ರ ಅರ್ಜುನ್‌ ತೆಂಡೂಲ್ಕರ್‌ ಹಾಗೂ ಅವರ ಪತ್ನಿ, ಉದ್ಯಮಿ ಸಾನಿಯಾ ಚಾಂದೋಕ್‌ ಮದುವೆಯಾದ ಬಳಿಕ ಆಚರಿಸುತ್ತಿರುವ ಮೊದಲ ದೀಪಾವಳಿಯ ಫೋಟೋಗಳನ್ನು ಹಂಚಿಕೊಂಡು ಗಮನ ಸೆಳೆದಿದ್ದಾರೆ.

ಸಚಿನ್‌ ತೆಂಡೂಲ್ಕರ್‌ ಎರಡು ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ. ಮೊದಲ ವಿಡಿಯೋದಲ್ಲಿ ತಮ್ಮ ಮುದ್ದಿನ ಸಾಕು ನಾಯಿಯೊಂದಿಗೆ ಕಾರು ಚಾಲನೆ ಮಾಡುತ್ತಿರುವುದು ಕಂಡುಬಂದಿದೆ. ಮತ್ತೊಂದು ವಿಡಿಯೋದಲ್ಲಿ ಪತ್ನಿ ಅಂಜಲಿ ತೆಂಡೂಲ್ಕರ್‌ ಅವರೊಂದಿಗೆ ಲಕ್ಷ್ಮೀ ಪೂಜೆ ನೆರವೇರಿಸುತ್ತಿರುವ ದೃಶ್ಯಗಳಿವೆ.

Laxmi Pujan at our home.

An evening of prayers, traditions and blessings. https://t.co/kFwtSO22da

— Sachin Tendulkar (@sachin_rt) November 8, 2026

ಮೊದಲ ದೀಪಾವಳಿ ಆಚರಿಸಿದ ಸಚಿನ್ ಪುತ್ರ, ಸೊಸೆ:

ಇದೇ ವೇಳೆ, ಸಚಿನ್‌ ಅವರ ಪುತ್ರ ಅರ್ಜುನ್‌ ತೆಂಡೂಲ್ಕರ್‌ ಹಾಗೂ ಅವರ ಪತ್ನಿ ಸಾನಿಯಾ ಚಾಂದೋಕ್‌ ಕೂಡ ತಮ್ಮ ದೀಪಾವಳಿ ಸಂಭ್ರಮದ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಉದ್ಯಮಿಯಾಗಿರುವ ಸಾನಿಯಾ ಹಾಗೂ ಅರ್ಜುನ್‌ ಈ ವರ್ಷದ ಮಾರ್ಚ್‌ನಲ್ಲಿ ವಿವಾಹವಾಗಿದ್ದರು. ಹೀಗಾಗಿ, ಮದುವೆಯಾದ ಬಳಿಕ ದಂಪತಿ ಆಚರಿಸುತ್ತಿರುವ ಮೊದಲ ದೀಪಾವಳಿ ಇದಾಗಿದೆ.

View this post on Instagram

A post shared by Saaniya Chandhok (@saaniyatendulkar)

ಕ್ರೀಡಾ ಕ್ಷೇತ್ರದ ಗಣ್ಯರು ಹಾಗೂ ವಿವಿಧ ಕ್ರೀಡಾ ಸಂಸ್ಥೆಗಳು ಕೂಡ ದೀಪಾವಳಿ ಹಬ್ಬದ ಶುಭಾಶಯಗಳನ್ನು ಹಂಚಿಕೊಳ್ಳುವ ಮೂಲಕ ಹಬ್ಬದ ಸಂಭ್ರಮವನ್ನು ಹೆಚ್ಚಿಸಿವೆ. ಹಲವು ಪ್ರಮುಖ ಕ್ರೀಡಾಪಟುಗಳು ಜನರಿಗೆ ಶುಭಾಶಯ ಕೋರಿ, ಹಬ್ಬವು ಎಲ್ಲರ ಬದುಕಿನಲ್ಲಿ ಸಂತೋಷ ಮತ್ತು ಸಕಾರಾತ್ಮಕತೆಯನ್ನು ತರಲಿ ಎಂದು ಹಾರೈಸಿದ್ದಾರೆ.

ಕ್ರೀಡಾ ತಾರೆಗಳಿಂದ ದೀಪಾವಳಿ ಶುಭಾಶಯ

ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ (ಬಿಸಿಸಿಐ)ಯ ಮಾಜಿ ಕಾರ್ಯದರ್ಶಿ ಹಾಗೂ ಪ್ರಸ್ತುತ ಕ್ರಿಕೆಟ್‌ ಆಡಳಿತದಲ್ಲಿ ಪ್ರಮುಖ ಪಾತ್ರ ವಹಿಸಿರುವ ಜಯ್‌ ಶಾ ಕೂಡ ಎಕ್ಸ್‌ ಮೂಲಕ ಹಬ್ಬದ ಶುಭಾಶಯಗಳನ್ನು ತಿಳಿಸಿದ್ದಾರೆ. ಶಾಂತಿ, ಪ್ರಗತಿ ಮತ್ತು ಸಮೃದ್ಧಿಯಿಂದ ಕೂಡಿದ ಭವಿಷ್ಯವನ್ನು ನಿರ್ಮಿಸುವ ಸಂಕಲ್ಪವನ್ನು ದೀಪಾವಳಿ ಮತ್ತಷ್ಟು ಬಲಪಡಿಸಲಿ ಎಂದು ಅವರು ಆಶಿಸಿದ್ದಾರೆ.

"ಬೆಳಕಿನ ಹಬ್ಬವು ಶಾಂತಿ, ಪ್ರಗತಿ ಮತ್ತು ಸಮೃದ್ಧಿಯಿಂದ ಕೂಡಿದ ಭವಿಷ್ಯವನ್ನು ನಿರ್ಮಿಸುವ ನಮ್ಮ ಸಂಕಲ್ಪವನ್ನು ಬಲಪಡಿಸಲಿ. ಎಲ್ಲರಿಗೂ ದೀಪಾವಳಿಯ ಹಾರ್ದಿಕ ಶುಭಾಶಯಗಳು" ಎಂದು ಜಯ್‌ ಶಾ ಬರೆದುಕೊಂಡಿದ್ದಾರೆ.

ಮಾಜಿ ಭಾರತೀಯ ಕ್ರಿಕೆಟಿಗ ವಿವಿಎಸ್‌ ಲಕ್ಷ್ಮಣ್‌ ಕೂಡ ದೀಪಾವಳಿ ಸಂದರ್ಭದಲ್ಲಿ ಎಲ್ಲರಿಗೂ ಹೃತ್ಪೂರ್ವಕ ಶುಭಾಶಯಗಳನ್ನು ತಿಳಿಸಿದ್ದಾರೆ. ಈ ಹಬ್ಬವು ಜನರು ಹಾಗೂ ಅವರ ಕುಟುಂಬದವರ ಬದುಕಿನಲ್ಲಿ ಸಂತೋಷ, ಶಾಂತಿ, ಸಮೃದ್ಧಿ ಮತ್ತು ಉತ್ತಮ ಆರೋಗ್ಯವನ್ನು ತರಲಿ ಎಂದು ಹಾರೈಸಿದ್ದಾರೆ.

"ಎಲ್ಲರಿಗೂ ದೀಪಾವಳಿಯ ಹಾರ್ದಿಕ ಶುಭಾಶಯಗಳು. ಬೆಳಕಿನ ಹಬ್ಬವು ನಿಮಗೆ ಮತ್ತು ನಿಮ್ಮ ಪ್ರೀತಿಪಾತ್ರರಿಗೆ ಸಂತೋಷ, ಶಾಂತಿ, ಸಮೃದ್ಧಿ ಹಾಗೂ ಉತ್ತಮ ಆರೋಗ್ಯವನ್ನು ತರಲಿ. ನಾವು ಬೆಳಕು, ಭರವಸೆ ಮತ್ತು ಸಕಾರಾತ್ಮಕತೆಯನ್ನು ಹರಡುವುದನ್ನು ಮುಂದುವರಿಸೋಣ" ಎಂದು ಲಕ್ಷ್ಮಣ್‌ ಎಕ್ಸ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.

ಭಾರತದ ಮಾಜಿ ವಿಕೆಟ್‌ಕೀಪರ್‌ ಬ್ಯಾಟರ್‌ ಪಾರ್ಥಿವ್‌ ಪಟೇಲ್‌ ಕೂಡ ದೀಪಾವಳಿ ಶುಭಾಶಯದ ಸಂದೇಶ ಹಂಚಿಕೊಂಡಿದ್ದಾರೆ. ಸಂಪ್ರದಾಯಗಳು, ಸವಿನೆನಪುಗಳು ಹಾಗೂ ಪ್ರೀತಿಪಾತ್ರರೊಂದಿಗೆ ಸಮಯ ಕಳೆಯುವ ಮಹತ್ವವನ್ನು ತಮ್ಮ ಸಂದೇಶದಲ್ಲಿ ಅವರು ಒತ್ತಿಹೇಳಿದ್ದಾರೆ.

"ಕೆಲವು ಸಂಪ್ರದಾಯಗಳು ಎಂದಿಗೂ ಹಳೆಯದಾಗುವುದಿಲ್ಲ. ಇನ್ನು ಕೆಲವು ಕ್ಷಣಗಳು ಜೀವನಪೂರ್ತಿ ನಮ್ಮೊಂದಿಗೆ ಉಳಿಯುವ ನೆನಪುಗಳಾಗುತ್ತವೆ. ಸ್ವಲ್ಪ ಬೆಳಕು, ಅಪಾರ ಪ್ರೀತಿ ಮತ್ತು ನಮಗೆ ಅತ್ಯಂತ ಮುಖ್ಯವಾದ ವ್ಯಕ್ತಿಗಳೊಂದಿಗೆ ಕಳೆಯುವ ಅಮೂಲ್ಯ ಕ್ಷಣಗಳು. ಎಲ್ಲರಿಗೂ ಸುಂದರ ದೀಪಾವಳಿಯ ಶುಭಾಶಯಗಳು!" ಎಂದು ಪಾರ್ಥಿವ್‌ ಪಟೇಲ್‌ ಬರೆದುಕೊಂಡಿದ್ದಾರೆ.

ದೀಪಾವಳಿ ಮುಗಿಯುತ್ತಿದ್ದಂತೆಯೇ 'ಇವರನ್ನೆಲ್ಲಾ' ಜೈಲಿಗೆ ಹಾಕಿ ಎಂದ ಉರ್ಫಿ ಜಾವೇದ್‌..!

Naveen Kodase — Wed, 11 Nov 2026 09:36:05 +0530

ದೀಪಾವಳಿ ಹಬ್ಬದ ಬಳಿಕ ದೇಶದ ಹಲವು ನಗರಗಳಲ್ಲಿ ವಾಯುಮಾಲಿನ್ಯ ಹೆಚ್ಚಾಗಿದ್ದು, ದೆಹಲಿಯ ವಾಯು ಗುಣಮಟ್ಟ ಕಳಪೆ ಹಾಗೂ ತೀವ್ರ ಕಳಪೆ ಮಟ್ಟಕ್ಕೆ ಕುಸಿದಿದೆ. ಈ ಬೆಳವಣಿಗೆಯಿಂದ ಆಕ್ರೋಶಗೊಂಡಿರುವ ನಟಿ, ರಿಯಾಲಿಟಿ ಶೋ ತಾರೆ ಹಾಗೂ ಕಂಟೆಂಟ್‌ ಕ್ರಿಯೇಟರ್‌ ಉರ್ಫಿ ಜಾವೇದ್‌, ಪಟಾಕಿ ಸಿಡಿಸಿದವರನ್ನು ಜೈಲಿಗೆ ಹಾಕಬೇಕು ಎಂದು ಆಗ್ರಹಿಸಿದ್ದಾರೆ. ಪಟಾಕಿ ಸಿಡಿಸುವುದರಿಂದ ವಾಯುಮಾಲಿನ್ಯದ ಮೇಲೆ ಉಂಟಾಗುವ ಪರಿಣಾಮದ ಬಗ್ಗೆ ಗೊತ್ತಿದ್ದರೂ ಜನರು ಹೀಗೆ ಮಾಡುತ್ತಿರುವುದೇಕೆ ಎಂದು ಅವರು ಪ್ರಶ್ನಿಸಿದ್ದಾರೆ.

ದೀಪಾವಳಿ ಬಳಿಕ ಹಲವು ನಗರಗಳಲ್ಲಿ ಮಾಲಿನ್ಯದ ಪ್ರಮಾಣ ಏರಿಕೆಯಾಗಿರುವ ಹಿನ್ನೆಲೆಯಲ್ಲಿ ಪಟಾಕಿ ಸಿಡಿಸಿದವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಉರ್ಫಿ ಜಾವೇದ್‌ ಒತ್ತಾಯಿಸಿದ್ದಾರೆ. ನವೆಂಬರ್‌ 9ರ ಸೋಮವಾರ ಅವರು ಇನ್‌ಸ್ಟಾಗ್ರಾಂ ಸ್ಟೋರಿಯಲ್ಲಿ ತಮ್ಮ ಆಕ್ರೋಶವನ್ನು ವ್ಯಕ್ತಪಡಿಸಿದ್ದಾರೆ. ವಿಶೇಷವಾಗಿ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಹಬ್ಬದ ಆಚರಣೆಯ ಬಳಿಕ ವಾಯು ಗುಣಮಟ್ಟ ತೀವ್ರವಾಗಿ ಕುಸಿದಿರುವುದಕ್ಕೆ ಅವರು ಕಿಡಿಕಾರಿದ್ದಾರೆ.

ಪಟಾಕಿ ಸಿಡಿಸೋರನ್ನ ಜೈಲಿಗೆ ಹಾಕಿ

ಇನ್‌ಸ್ಟಾಗ್ರಾಂ ಸ್ಟೋರಿಯಲ್ಲಿ ತಮ್ಮ ಅಭಿಪ್ರಾಯ ಹಂಚಿಕೊಂಡಿರುವ ಉರ್ಫಿ, "ಪಟಾಕಿ ಸಿಡಿಸುವ ಪ್ರತಿಯೊಬ್ಬರನ್ನೂ ಜೈಲಿಗೆ ಹಾಕಬೇಕು! ಅಷ್ಟೇ! ಗವಾರ್‌ ಜನರು ಪರಿಸ್ಥಿತಿಯನ್ನು ಏನು ಮಾಡಿದ್ದಾರೆ ನೋಡಿ?" ಎಂದು ಬರೆದುಕೊಂಡಿದ್ದಾರೆ. ಪಟಾಕಿ ಸಿಡಿಸುವುದರ ಮೇಲೆ ನಿರ್ಬಂಧಗಳಿದ್ದರೂ ಜನರು ಅವುಗಳನ್ನು ಮುಂದುವರಿಸಿರುವುದನ್ನು ಹಾಗೂ ಇದರಿಂದ ರಾಷ್ಟ್ರ ರಾಜಧಾನಿಯ ವಾಯು ಗುಣಮಟ್ಟ ಹದಗೆಟ್ಟಿರುವುದನ್ನು ಅವರು ಟೀಕಿಸಿದ್ದಾರೆ.

ದೆಹಲಿಯಲ್ಲಿ 400ರ ಗಡಿ ದಾಟಿದ ಹಲವು ಪ್ರದೇಶಗಳ AQI

ಸೋಮವಾರ ಬೆಳಗ್ಗೆ ದೆಹಲಿಯ ಒಟ್ಟಾರೆ ವಾಯು ಗುಣಮಟ್ಟ ಸೂಚ್ಯಂಕ (AQI) 'ಅತ್ಯಂತ ಕಳಪೆ' (Very Poor) ವಿಭಾಗದಲ್ಲಿತ್ತು. ನಗರದ ಹಲವು ವಾಯು ಗುಣಮಟ್ಟ ಮಾಪನ ಕೇಂದ್ರಗಳಲ್ಲಿ ಎಕ್ಯೂಐ ಪ್ರಮಾಣ 400ರ ಗಡಿಯನ್ನು ದಾಟಿದ್ದು, ಅವು 'ತೀವ್ರ ಕಳಪೆ' (Severe) ವಿಭಾಗಕ್ಕೆ ಸೇರಿದ್ದವು. ಇನ್ನೊಂದೆಡೆ, ಮುಂಬೈ ನಗರದ ಒಟ್ಟಾರೆ ಎಕ್ಯೂಐ 171 ದಾಖಲಾಗಿತ್ತು. ಇದು 'ಮಧ್ಯಮ' (Moderate) ವಿಭಾಗಕ್ಕೆ ಸೇರುತ್ತದೆ.

ದೆಹಲಿಯಲ್ಲಿ ಮತ್ತೊಮ್ಮೆ ಹೆಚ್ಚಾದ ಮಾಲಿನ್ಯವು ದೀಪಾವಳಿ ಸಂದರ್ಭದಲ್ಲಿ ಪಟಾಕಿ ಸಿಡಿಸುವ ವಿಚಾರವನ್ನು ಚರ್ಚೆಯ ಮುನ್ನೆಲೆಗೆ ತಂದಿದೆ. ಪಟಾಕಿ ಸಿಡಿಸುವುದಕ್ಕೆ ನಿರ್ಬಂಧಗಳಿದ್ದರೂ, ಭಾನುವಾರ ರಾತ್ರಿ ಅನುಮತಿಸಲಾದ ಸಮಯ ಮುಗಿದ ಬಳಿಕವೂ ಮಧ್ಯರಾತ್ರಿಯವರೆಗೆ ಹಲವೆಡೆ ಪಟಾಕಿ ಸಿಡಿಸುವುದು ಮುಂದುವರಿದಿತ್ತು.

ಕೆಲಸದ ವಿಚಾರದಲ್ಲಿ ಉರ್ಫಿ ಬ್ಯುಸಿ

ವೃತ್ತಿಜೀವನದ ವಿಚಾರಕ್ಕೆ ಬಂದರೆ, ಉರ್ಫಿ ಇತ್ತೀಚೆಗೆ 'ಲಾಕ್‌ ಅಪ್‌' ಕಾರ್ಯಕ್ರಮದ ಪ್ರೀಮಿಯರ್‌ ಸಂಚಿಕೆಯಲ್ಲಿ ಕಾಣಿಸಿಕೊಂಡಿದ್ದರು. ಈ ವೇಳೆ 'ಸ್ಪ್ಲಿಟ್ಸ್‌ವಿಲ್ಲಾ' ಸ್ಪರ್ಧಿಗಳಾದ ಯೋಗೇಶ್‌ ರಾವತ್‌ ಮತ್ತು ಆಕಾಂಕ್ಷಾ ಚೌಧರಿ ನಡುವಿನ ಸಂಬಂಧದ ಬಗ್ಗೆ ಮಾತನಾಡಿದ್ದರು. ಇದಕ್ಕೂ ಮೊದಲು ಅವರು ಸನ್ನಿ ಲಿಯೋನ್‌, ಕರಣ್‌ ಕುಂದ್ರಾ ಮತ್ತು ನಿಯಾ ಶರ್ಮಾ ಅವರೊಂದಿಗೆ 'ಸ್ಪ್ಲಿಟ್ಸ್‌ವಿಲ್ಲಾ X6' ಕಾರ್ಯಕ್ರಮವನ್ನು ನಿರೂಪಿಸಿದ್ದರು. ಈ ಕಾರ್ಯಕ್ರಮದಲ್ಲಿ ಅವರು 'ಮಿಸ್ಚೀಫ್‌ ಮೇಕರ್‌' ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ಶುಕ್ರನ ವಕ್ರ ನಿವೃತ್ತಿ; ಲವ್, ಮ್ಯಾರೇಜ್, ಹಣಕಾಸಿನ ವಿಷಯದಲ್ಲಿ 5 ರಾಶಿಗೆ ಬಂಪರ್ ಲಾಭ!

Mahmad Rafik — Thu, 12 Nov 2026 08:04:12 +0530

ಅಕ್ಟೋಬರ್ 3ರಿಂದ ವಕ್ರ ಚಲನೆಯಲ್ಲಿದ್ದ ಶುಕ್ರ, ನವೆಂಬರ್ 14ರಂದು ನೇರ ಚಲನೆಗೆ ಮರಳಲಿದ್ದಾನೆ. ಈ ಬದಲಾವಣೆಯು 5 ರಾಶಿಗಳ ಮೇಲೆ ಪ್ರಮುಖ ಪ್ರಭಾವ ಬೀರಲಿದೆ. ಪ್ರೀತಿ, ಆರ್ಥಿಕತೆ ಮತ್ತು ವೃತ್ತಿ ಜೀವನದಲ್ಲಿ ಇದು ತರುವ ಬದಲಾವಣೆಗಳನ್ನು ತಿಳಿಯಿರಿ.

ಜ್ಯೋತಿಷ್ಯದಲ್ಲಿ ಪ್ರೀತಿ, ಮದುವೆ, ಐಷಾರಾಮಿ ಜೀವನ, ಸೌಂದರ್ಯ ಮತ್ತು ಸಂಪತ್ತಿಗೆ ಶುಕ್ರನನ್ನು ಪ್ರಮುಖ ಗ್ರಹವೆಂದು ಪರಿಗಣಿಸಲಾಗುತ್ತದೆ. ಒಬ್ಬರ ಜೀವನದಲ್ಲಿ ಸಂಬಂಧಗಳು ಎಷ್ಟು ಖುಷಿ ಕೊಡುತ್ತವೆ, ಆರ್ಥಿಕ ಸ್ಥಿತಿ ಹೇಗಿರುತ್ತದೆ ಅನ್ನೋದನ್ನು ತಿಳಿಯಲು ಶುಕ್ರನ ಸ್ಥಾನ ನೋಡಲಾಗುತ್ತದೆ.

ಅಕ್ಟೋಬರ್ 3ರಿಂದ ವಕ್ರ ಚಲನೆಯಲ್ಲಿದ್ದ ಶುಕ್ರ, ನವೆಂಬರ್ 14ರ ಮುಂಜಾನೆ ನೇರ ಚಲನೆಗೆ ಮರಳಲಿದ್ದಾನೆ. ಸುಮಾರು 42 ದಿನಗಳ ಕಾಲ ನಡೆದ ಈ ವಕ್ರ ಸಂಚಾರ ಅಂತ್ಯವಾಗುತ್ತಿರುವುದು ಜ್ಯೋತಿಷ್ಯದ ಪ್ರಕಾರ ಬಹುದೊಡ್ಡ ಬದಲಾವಣೆಯಾಗಿದೆ.

ಪ್ರೇಮ ಸಂಬಂಧಗಳಲ್ಲಿದ್ದ ಗೊಂದಲಗಳು ದೂರವಾಗಿ, ಸಂಗಾತಿಯೊಂದಿಗೆ ಮುಕ್ತವಾಗಿ ಮಾತನಾಡುವ ಅವಕಾಶ ಸಿಗಲಿದೆ. ಮದುವೆಗಾಗಿ ಕಾಯುತ್ತಿರುವವರಿಗೆ ಹೊಸ ಸಂಬಂಧಗಳ ಮಾತುಕತೆ ಮುಂದವರಿಯಬಹುದು. ಹಣಕಾಸಿನ ವಿಚಾರದಲ್ಲಿ ಹೊಸ ಐಡಿಯಾಗಳು ಬರಬಹುದು. ಕಲೆ, ಸೌಂದರ್ಯ, ಡಿಸೈನಿಂಗ್, ಮನರಂಜನೆ ಕ್ಷೇತ್ರದಲ್ಲಿರುವವರಿಗೆ ತಮ್ಮ ಪ್ರತಿಭೆ ತೋರಿಸಲು ಒಳ್ಳೆ ಅವಕಾಶ ಸಿಗಲಿದೆ.

ಬಹಳ ದಿನಗಳಿಂದ ಕಾಯುತ್ತಿದ್ದ ಹಣಕಾಸಿನ ವಿಚಾರಗಳಲ್ಲಿ ಪಾಸಿಟಿವ್ ಬೆಳವಣಿಗೆ ಆಗಬಹುದು. ವೃತ್ತಿ ಮತ್ತು ವ್ಯಾಪಾರದಲ್ಲಿ ಹೊಸ ಸಂಪರ್ಕಗಳು ಬೆಳೆಯುವ ಸಾಧ್ಯತೆ ಇದೆ. ಲವ್ ಲೈಫ್‌ನಲ್ಲೂ ಸ್ನೇಹಿತರ ಮೂಲಕ ಹೊಸ ಪರಿಚಯಗಳು ಸಿಗಬಹುದು. ಈಗಾಗಲೇ ಪ್ರೀತಿಯಲ್ಲಿರುವವರು ತಮ್ಮ ಭವಿಷ್ಯದ ಪ್ಲಾನ್‌ಗಳ ಬಗ್ಗೆ ಮಾತನಾಡಲು ಇದು ಸರಿಯಾದ ಸಮಯ. ಹೊಸ ಅವಕಾಶಗಳು ಸಿಕ್ಕರೂ ಅವುಗಳನ್ನು ಸರಿಯಾಗಿ ಪರಿಶೀಲಿಸಿ ನಿರ್ಧಾರ ತೆಗೆದುಕೊಳ್ಳುವುದು ಬಹಳ ಮುಖ್ಯ.

ಮಕರ ರಾಶಿಯವರಿಗೆ ಶುಕ್ರನು ಒಂಬತ್ತನೇ ಮನೆಯಲ್ಲಿ ಸಂಚರಿಸಲಿದ್ದಾನೆ. ಜ್ಯೋತಿಷ್ಯದಲ್ಲಿ ಒಂಬತ್ತನೇ ಮನೆ ಅದೃಷ್ಟ, ತಂದೆ, ಗುರು, ಉನ್ನತ ಶಿಕ್ಷಣ ಮತ್ತು ದೂರದ ಪ್ರಯಾಣವನ್ನು ಸೂಚಿಸುತ್ತದೆ. ಹೀಗಾಗಿ ಬಹಳ ದಿನಗಳಿಂದ ಮುಂದೂಡುತ್ತಿದ್ದ ಕೆಲವು ಪ್ಲಾನ್‌ಗಳನ್ನು ಮತ್ತೆ ಶುರು ಮಾಡುವ ಯೋಚನೆ ಬರಬಹುದು. ಉನ್ನತ ಶಿಕ್ಷಣ, ಹೊಸ ಸ್ಕಿಲ್ ಕಲಿಯುವುದು ಹಾಗೂ ವಿದೇಶಕ್ಕೆ ಸಂಬಂಧಿಸಿದ ಪ್ರಯತ್ನಗಳತ್ತ ಫೋಕಸ್ ಮಾಡಬಹುದು.

ಪ್ರೀತಿಯ ವಿಚಾರದಲ್ಲಿ ಭವಿಷ್ಯದ ಬಗೆಗಿನ ಮಾತುಕತೆಗಳು ಪ್ರಾಮುಖ್ಯತೆ ಪಡೆಯಲಿವೆ. ಮದುವೆಗೆ ಟ್ರೈ ಮಾಡುತ್ತಿರುವವರಿಗೆ ಮನೆಯವರ ಮೂಲಕ ಹೊಸ ಮಾತುಕತೆಗಳು ಶುರುವಾಗಬಹುದು. ಆರ್ಥಿಕ ವಿಚಾರಗಳಲ್ಲಿ ಹೊಸ ಪ್ಲಾನ್ ಮಾಡಲು ಮತ್ತು ಉಳಿತಾಯ ಹೆಚ್ಚಿಸಲು ಇದು ಬೆಸ್ಟ್ ಟೈಮ್.

ಆಫೀಸ್‌ನಲ್ಲಿ ಹೊಸ ಜವಾಬ್ದಾರಿಗಳು ಅಥವಾ ತಮ್ಮ ಸ್ಕಿಲ್ ಪ್ರೂವ್ ಮಾಡಲು ಅವಕಾಶಗಳು ಸಿಗಬಹುದು. ಕೆಲಸ ಹುಡುಕುತ್ತಿರುವವರು ಹೊಸ ಉದ್ಯೋಗಾವಕಾಶಗಳತ್ತ ಗಮನ ಹರಿಸಬಹುದು. ವ್ಯಾಪಾರ ಮಾಡುವವರಿಗೆ ಗ್ರಾಹಕರೊಂದಿಗೆ ಒಳ್ಳೆ ಕನೆಕ್ಷನ್ ಬೆಳೆಸುವ ಅವಕಾಶ ಸಿಗಲಿದೆ. ಅದರಲ್ಲೂ ಬ್ಯೂಟಿ, ಬಟ್ಟೆ, ಡೆಕೋರೇಷನ್, ಕಲೆ ಮತ್ತು ಐಷಾರಾಮಿ ವಸ್ತುಗಳ ಬ್ಯುಸಿನೆಸ್‌ನಲ್ಲಿರುವವರು ಹೊಸ ಪ್ರಯತ್ನಗಳಿಗೆ ಕೈಹಾಕಬಹುದು. ಕೌಟುಂಬಿಕ ಜೀವನದಲ್ಲಿ ಕೆಲಸ ಮತ್ತು ಪರ್ಸನಲ್ ಲೈಫ್ ನಡುವೆ ಬ್ಯಾಲೆನ್ಸ್ ಮಾಡುವುದು ತುಂಬಾ ಮುಖ್ಯ.

ಕುಟುಂಬದಲ್ಲಿದ್ದ ಭಿನ್ನಾಭಿಪ್ರಾಯಗಳನ್ನು ಕೂತು ಬಗೆಹರಿಸಿಕೊಳ್ಳುವ ವಾತಾವರಣ ನಿರ್ಮಾಣವಾಗಲಿದೆ. ಕುಟುಂಬದ ಸದಸ್ಯರ ನಡುವೆ ಹೊಂದಾಣಿಕೆ ಹೆಚ್ಚಾಗುವ ಸಾಧ್ಯತೆ ಇದೆ. ಆದಾಯವನ್ನು ಉಳಿತಾಯವಾಗಿ ಬದಲಾಯಿಸುವತ್ತ ಗಮನ ಹರಿಸಬೇಕಾದ ಸಮಯ ಇದು. ಬಾಕಿ ಉಳಿದಿರುವ ಹಣಕಾಸಿನ ವಿಚಾರಗಳಲ್ಲಿ ಪ್ರಗತಿ ಕಾಣಬಹುದು. ವಿವಾಹಿತ ದಂಪತಿಗಳಿಗೆ ಕೌಟುಂಬಿಕ ಜವಾಬ್ದಾರಿಗಳನ್ನು ಹಂಚಿಕೊಳ್ಳುವಲ್ಲಿ ಒಳ್ಳೆ ಅಂಡರ್‌ಸ್ಟ್ಯಾಂಡಿಂಗ್ ಬರಲಿದೆ.

ಶುಕ್ರನು ನೇರ ಚಲನೆಗೆ ಮರಳುವುದರಿಂದ ಎಲ್ಲರ ಜೀವನದಲ್ಲೂ ಒಂದೇ ರೀತಿಯ ಬದಲಾವಣೆಗಳು ಆಗುತ್ತವೆ ಅಂತ ಹೇಳೋಕಾಗಲ್ಲ. ಅದರಲ್ಲೂ ವೇದ ಜ್ಯೋತಿಷ್ಯದಲ್ಲಿ ಕನ್ಯಾ ರಾಶಿಯನ್ನು ಶುಕ್ರನ ನೀಚ ರಾಶಿ ಅಂತ ಪರಿಗಣಿಸಲಾಗುತ್ತದೆ.

ಹಾಗಾಗಿ, ವಕ್ರ ನಿವೃತ್ತಿ ಆಗುತ್ತಿದ್ದಾನೆ ಅನ್ನೋ ಒಂದೇ ಕಾರಣಕ್ಕೆ ಶುಕ್ರನಿಗೆ ಸಂಬಂಧಿಸಿದ ಎಲ್ಲಾ ಫಲಿತಾಂಶಗಳು ತಕ್ಷಣವೇ ಪಾಸಿಟಿವ್ ಆಗಿಬಿಡುತ್ತವೆ ಅಂತ ಅಂದುಕೊಳ್ಳಬಾರದು. ಒಬ್ಬರ ಜಾತಕದಲ್ಲಿ ಶುಕ್ರನಿರುವ ಸ್ಥಾನ, ಅವರ ದಶಾ ಭುಕ್ತಿ, ಲಗ್ನ, ಬೇರೆ ಗ್ರಹಗಳ ದೃಷ್ಟಿ ಮತ್ತು ಸಂಯೋಜನೆಯನ್ನು ಆಧರಿಸಿ ಫಲಿತಾಂಶಗಳು ಬದಲಾಗಬಹುದು.

ವಿಶೇಷ ಮನವಿ: ಜ್ಯೋತಿಷ್ಯ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜ್ಯೋತಿಷಿಗಳು, ಪಂಚಾಂಗ, ಧಾರ್ಮಿಕ ಗ್ರಂಥಗಳು ಮತ್ತು ನಂಬಿಕೆಗಳನ್ನು ಆಧರಿಸಿದೆ. ಈ ಮಾಹಿತಿಯನ್ನು ನಿಮಗೆ ತಲುಪಿಸುವುದು ನಮ್ಮ ಉದ್ದೇಶ. ಬಳಕೆದಾರರು ಇವನ್ನು ಕೇವಲ ಮಾಹಿತಿಯನ್ನಾಗಿ ಮಾತ್ರ ಪರಿಗಣಿಸಬೇಕಾಗಿ ವಿನಂತಿ.

ಮಂಗಳ ಗ್ರಹದ ವಿಶೇಷ ಗೋಚಾರ ಫಲ: ಬ್ಯಾಂಕ್ ಬ್ಯಾಲೆನ್ಸ್ ಹೆಚ್ಚಿ, ಭಾಗ್ಯ ತೆರೆಯಲಿರುವ ಅದೃಷ್ಟಶಾಲಿ ರಾಶಿಗಳು ಇವೇ!

Sushma Hegde — Mon, 09 Nov 2026 10:00:07 +0530

ನವೆಂಬರ್ 12 ರವರೆಗೆ ಮಂಗಳ ಗ್ರಹವು ಸಂಚಾರದಲ್ಲಿರುತ್ತದೆ. ಅದರ ಪ್ರಭಾವದಿಂದಾಗಿ, 4 ರಾಶಿಚಕ್ರ ಚಿಹ್ನೆಗಳಿಗೆ ಹೆಚ್ಚಿನ ಪ್ರಗತಿ ಖಚಿತ. ನಿಮಗೆ ಸಾಕಷ್ಟು ಹಣ ಸಿಗುತ್ತದೆ. ಇದರೊಂದಿಗೆ, ಕೆಲಸದಲ್ಲಿ ಬಡ್ತಿ ಸಿಗಬಹುದು. ಸಂಬಳದಲ್ಲಿ ಹೆಚ್ಚಳವಾಗಬಹುದು.

ಜ್ಯೋತಿಷ್ಯದ ಪ್ರಕಾರ, ಮಂಗಳವು ಅತ್ಯಂತ ಶಕ್ತಿಶಾಲಿ ಗ್ರಹ. ಇದು ಧೈರ್ಯ, ಶಕ್ತಿ, ಶೌರ್ಯ, ಭೂಮಿ, ಸಂಪತ್ತು ಮತ್ತು ಆತ್ಮವಿಶ್ವಾಸದ ಸಂಕೇತವಾಗಿದೆ. ಮತ್ತು ಅಂತಹ ಪ್ರಮುಖ ಗ್ರಹವಾದ ಮಂಗಳವು ಪ್ರಸ್ತುತ ಕರ್ಕಾಟಕ ರಾಶಿಯಲ್ಲಿದೆ. ಇದು ನವೆಂಬರ್ 12, 2026 ರವರೆಗೆ ಇಲ್ಲಿಯೇ ಇರುತ್ತದೆ. ಮತ್ತು ಈ ಬಾರಿ, ಮಂಗಳ ಸಂಚಾರವು 4 ರಾಶಿಚಕ್ರ ಚಿಹ್ನೆಗಳಿಗೆ ಉತ್ತಮ ಪ್ರಗತಿಯನ್ನು ತರುತ್ತದೆ. ಆರ್ಥಿಕ ಸ್ಥಿತಿ ಸುಧಾರಿಸುತ್ತದೆ. ವ್ಯವಹಾರದಲ್ಲಿ ಹೊಸ ಅವಕಾಶಗಳು ಬರುತ್ತವೆ. ಉದ್ಯೋಗದಲ್ಲಿ ಬಡ್ತಿ ಇರಬಹುದು. ಜೀವನದಲ್ಲಿ ಸಂತೋಷ ಬರುತ್ತದೆ. ಅದೃಷ್ಟ ಹೊಳೆಯುತ್ತದೆ.

ಮಂಗಳ ಗ್ರಹದ ಸಂಚಾರದಿಂದಾಗಿ, ಮೇಷ ರಾಶಿಯ ಸ್ಥಳೀಯರು ಮತ್ತು ಸ್ಥಳೀಯರು ನವೆಂಬರ್ 12 ರವರೆಗೆ ಸಂತೋಷದ ದಿನವನ್ನು ಕಳೆಯುತ್ತಾರೆ. ಅವರಿಗೆ ಕಚೇರಿಯಲ್ಲಿ ತಮ್ಮ ಕೆಲಸವನ್ನು ತೋರಿಸಲು ಅವಕಾಶ ಸಿಗುತ್ತದೆ. ಪರಿಣಾಮವಾಗಿ, ಹೆಚ್ಚಿನ ಪ್ರಗತಿಯ ಭರವಸೆ ಇದೆ. ಅಷ್ಟೇ ಅಲ್ಲ, ಈ ಸಮಯದಲ್ಲಿ, ದೀರ್ಘಕಾಲದವರೆಗೆ ಸಿಲುಕಿಕೊಂಡಿದ್ದ ಕೆಲಸವು ಪೂರ್ಣಗೊಳ್ಳುತ್ತದೆ. ನೀವು ಹೊಸ ಜವಾಬ್ದಾರಿಗಳನ್ನು ಪಡೆಯಬಹುದು. ಮೇಲಿನ ಜನರೊಂದಿಗೆ ಉತ್ತಮ ಸಂಬಂಧವಿರುತ್ತದೆ. ಇದಲ್ಲದೆ, ಈ ಸಮಯದಲ್ಲಿ, ಹಣದ ಕೊರತೆಯನ್ನು ಪರಿಹರಿಸಲಾಗುತ್ತದೆ. ವ್ಯವಹಾರವು ದೊಡ್ಡದಾಗಿರುತ್ತದೆ. ಲಾಭವು ಒಂದೇ ಬಾರಿಗೆ ಬಹಳಷ್ಟು ಹೆಚ್ಚಾಗುತ್ತದೆ.

ಈ ರಾಶಿಚಕ್ರ ಚಿಹ್ನೆಗೆ ಈ ಸಮಯವು ತುಂಬಾ ಉತ್ತಮವಾಗಿರುತ್ತದೆ. ಸ್ಥಳೀಯರು ಮತ್ತು ಸ್ಥಳೀಯರು ಹೆಚ್ಚಿನ ಪ್ರಗತಿಯನ್ನು ಸಾಧಿಸುತ್ತಾರೆ. ಮನಸ್ಸು ಉತ್ತಮವಾಗಿರುತ್ತದೆ. ನೀವು ದಿಟ್ಟ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸಾಧ್ಯವಾಗುತ್ತದೆ. ಅಷ್ಟೇ ಅಲ್ಲ, ನಿಮ್ಮ ಹಳೆಯ ವ್ಯವಹಾರವನ್ನು ಮರುಸಂಘಟಿಸಲು ನಿಮಗೆ ಸಾಧ್ಯವಾಗುತ್ತದೆ. ಲಾಭಗಳು ಬಹಳಷ್ಟು ಹೆಚ್ಚಾಗುತ್ತವೆ. ಈ ಸಮಯದಲ್ಲಿ, ನಿಮ್ಮ ಕೆಲಸದಲ್ಲಿ ಸುಧಾರಣೆಯ ಭರವಸೆ ಇದೆ. ನಿಮಗೆ ಬಡ್ತಿ ಸಿಗಬಹುದು. ಆದ್ದರಿಂದ, ಚಿಂತಿಸಲು ಏನೂ ಇಲ್ಲ.

ಮಂಗಳ ಗ್ರಹದ ಸಂಚಾರದಿಂದ ಧನು ರಾಶಿಯ ಸ್ಥಳೀಯರು ಮತ್ತು ಸ್ಥಳೀಯರು ಮುಂದುವರಿಯುತ್ತಾರೆ. ಆರ್ಥಿಕ ಪರಿಸ್ಥಿತಿ ಸುಧಾರಿಸುತ್ತದೆ. ಬಹಳಷ್ಟು ಹಣ ಬ್ಯಾಂಕಿಗೆ ಸೇರುತ್ತದೆ. ಅಷ್ಟೇ ಅಲ್ಲ, ಈ ಸಮಯದಲ್ಲಿ ನಿಮ್ಮ ಕೆಲಸಕ್ಕೆ ಮನ್ನಣೆ ಸಿಗುತ್ತದೆ. ನಿಮಗೆ ಹೊಸ ದೊಡ್ಡ ಜವಾಬ್ದಾರಿಗಳು ಸಿಗಬಹುದು. ಸಂಬಳ ಹೆಚ್ಚಾಗುವ ಸಾಧ್ಯತೆಯೂ ಇದೆ. ವ್ಯವಹಾರ ಬೆಳೆಯುತ್ತದೆ. ನಿಮಗೆ ಹೊಸ ಹೂಡಿಕೆದಾರರು ಸಿಗಬಹುದು. ಉದ್ಯೋಗ ಸಿಗುವ ಸಾಧ್ಯತೆಯೂ ಇದೆ. ಆದ್ದರಿಂದ ಚಿಂತಿಸಲು ಏನೂ ಇಲ್ಲ.

ಮೀನ ರಾಶಿಯವರಿಗೆ ಮತ್ತು ಸ್ಥಳೀಯರಿಗೆ ಬಹಳ ಶುಭ ಸಮಯವಿರುತ್ತದೆ. ದೀರ್ಘಕಾಲದವರೆಗೆ ತೊಡಕುಗಳಲ್ಲಿ ಬದುಕುತ್ತಿರುವವರಿಗೆ ಈಗ ಅವರ ಸಮಸ್ಯೆಗಳು ಬಗೆಹರಿಯುತ್ತವೆ. ಈ ಸಮಯದಲ್ಲಿ, ವ್ಯವಹಾರದಲ್ಲಿ ಲಾಭ ಹೆಚ್ಚಾಗುತ್ತದೆ. ಹೊಸ ಯೋಜನೆಗಳಲ್ಲಿ ಕೆಲಸ ಮಾಡಲು ನಿಮಗೆ ಅವಕಾಶಗಳು ಸಿಗುತ್ತವೆ. ಆದ್ದರಿಂದ ಚಿಂತಿಸಬೇಡಿ.

ಡಿಸೆಂಬರ್ 4ರಿಂದ 13ರವರೆಗೆ ಅದ್ಧೂರಿ ‘ಬೆಂಗಳೂರು ಜಾತ್ರೆ’: ಗ್ರೇಟರ್ ಬೆಂಗಳೂರು ಪ್ರಾಧಿಕಾರದಿಂದ ಭಾರಿ ಸಿದ್ಧತೆ!

Sathish Kumar KH — Wed, 11 Nov 2026 17:04:33 +0530

ಬೆಂಗಳೂರು (ನ.11): ಗ್ರೇಟರ್ ಬೆಂಗಳೂರು ಪ್ರಾಧಿಕಾರದ (GBA) ನೇತೃತ್ವದಲ್ಲಿ ಬೆಂಗಳೂರು ಪೂರ್ವ ನಗರ ಪಾಲಿಕೆ ವ್ಯಾಪ್ತಿಯಲ್ಲಿ ಮುಂಬರುವ ಡಿಸೆಂಬರ್ 4 ರಿಂದ 13 ರವರೆಗೆ ‘ಬೆಂಗಳೂರು ಜಾತ್ರೆ’ ಅತ್ಯಂತ ಸಡಗರ-ಸಂಭ್ರಮದಿಂದ ನಡೆಯಲಿದೆ. ಈ ಹಿನ್ನೆಲೆಯಲ್ಲಿ ಕಾರ್ಯಕ್ರಮದ ಪೂರ್ವ ಸಿದ್ಧತೆ, ನಗರ ಸ್ವಚ್ಛತೆ, ರಸ್ತೆ ಗುಂಡಿ ದುರಸ್ತಿ ಹಾಗೂ ಅನಧಿಕೃತ ಕಟ್ಟಡಗಳ ತೆರವು ಕುರಿತು ಪಾಲಿಕೆ ಆಯುಕ್ತರಾದ ಡಿ.ಎಸ್. ರಮೇಶ್ ಅವರ ಅಧ್ಯಕ್ಷತೆಯಲ್ಲಿ ಉನ್ನತ ಮಟ್ಟದ ಅಧಿಕಾರಿಗಳ ಪರಿಶೀಲನಾ ಸಭೆ ನಡೆಯಿತು.

ಸಭೆಯಲ್ಲಿ ಸಾರ್ವಜನಿಕರ ದೂರು ವಿಲೇವಾರಿ, ಬಿಡಾಡಿ ವಾಹನಗಳ ಜಪ್ತಿ ಹಾಗೂ ವಾರ್ಡ್ ಒನ್ ಅಭಿಯಾನದ ಪ್ರಗತಿಯನ್ನು ಪರಿಶೀಲಿಸಿದ ಆಯುಕ್ತರು, ಕರ್ತವ್ಯ ಲೋಪ ಎಸಗುವ ಅಧಿಕಾರಿಗಳ ವಿರುದ್ಧ ಕಟ್ಟುನಿಟ್ಟಿನ ಎಚ್ಚರಿಕೆ ನೀಡಿದ್ದಾರೆ.

1. 10 ದಿನಗಳ ಕಾಲ ಸಂಸ್ಕೃತಿ ಮತ್ತು ಕ್ರೀಡಾ ಹಬ್ಬ:

ಸಾಂಸ್ಕೃತಿಕ ಹಿರಿಮೆ ಹಾಗೂ ಜನಸಹಭಾಗಿತ್ವವನ್ನು ಹೆಚ್ಚಿಸಲು ಮೆಗಾ, ಮೀಡಿಯಂ ಹಾಗೂ ಮಿನಿ ಈವೆಂಟ್‌ಗಳನ್ನು ಆಯೋಜಿಸಲು ಯೋಜನೆ ರೂಪಿಸಲಾಗಿದೆ:

ಮೀಡಿಯಂ ಈವೆಂಟ್‌ಗಳ ಸ್ಥಳ: ಐಟಿಐ ಲಿಮಿಟೆಡ್ (ITI Limited) ಆವರಣ ಹಾಗೂ ಪಟ್ಟಂದೂರು ಅಗ್ರಹಾರದ ದಸರಾ ಮೈದಾನ.

ಮಿನಿ ಈವೆಂಟ್‌ಗಳು: ಕೆ.ಆರ್. ಪುರಂ ಮತ್ತು ಮಹದೇವಪುರ ವಲಯಗಳಲ್ಲಿ ತಲಾ 5 ಸ್ಥಳಗಳು ಸೇರಿದಂತೆ ಒಟ್ಟು 10 ಸೂಕ್ತ ಸ್ಥಳಗಳನ್ನು ಗುರುತಿಸಲು ಸೂಚಿಸಲಾಗಿದೆ.

ವೈವಿಧ್ಯಮಯ ಕಾರ್ಯಕ್ರಮಗಳು: ವಾಕ್‌ಥಾನ್, ಸೈಕ್ಲೋಥಾನ್, ಕ್ರೀಡಾಕೂಟಗಳು, ಸಾಂಪ್ರದಾಯಿಕ ರಂಗೋಲಿ ಸ್ಪರ್ಧೆ ಹಾಗೂ ವೈವಿಧ್ಯಮಯ ಆಹಾರ ಮೇಳಗಳನ್ನು ಆಯೋಜಿಸಲಾಗುವುದು.

ಸ್ಥಳೀಯ ಕಲಾವಿದರಿಗೆ ಆದ್ಯತೆ: ಜಿಬಿಎ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಕಲಾವಿದರ ಜೊತೆಗೆ ಸ್ಥಳೀಯ ಪ್ರತಿಭಾವಂತ ಕಲಾವಿದರನ್ನು ಗುರುತಿಸಿ, ಗೌರವಧನ ನಿಗದಿಪಡಿಸಲು ಸೂಚಿಸಲಾಗಿದೆ.

2. ರಸ್ತೆ ಬದಿಯ 53 ಬಿಡಾಡಿ (ಅನಾಥ) ವಾಹನಗಳ ಸ್ಕ್ರಾಪ್‌ಗೆ ನಿರ್ದೇಶನ

ನಗರದ ರಸ್ತೆ ಹಾಗೂ ಪಾದಚಾರಿ ಮಾರ್ಗಗಳನ್ನು ಅತಿಕ್ರಮಿಸಿಕೊಂಡಿರುವ ಅನಾಥ ವಾಹನಗಳ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗುತ್ತಿದೆ:
ಪೂರ್ವ ವಲಯ ವ್ಯಾಪ್ತಿಯಲ್ಲಿ 53 ಬಿಡಾಡಿ ವಾಹನಗಳನ್ನು ಗುರುತಿಸಲಾಗಿದ್ದು, ಈಗಾಗಲೇ 3 ವಾಹನಗಳನ್ನು ಮಾಲೀಕರಿಗೆ ಹಸ್ತಾಂತರಿಸಲಾಗಿದೆ.
ಬಾಕಿ ಉಳಿದ 50 ವಾಹನಗಳನ್ನು ಕಾನೂನು ನಿಯಮಾವಳಿ ಪ್ರಕಾರ ತ್ವರಿತವಾಗಿ ಸ್ಕ್ರಾಪ್ (Scrap) ಮಾಡಲು ಆಯುಕ್ತರು ಸೂಚಿಸಿದ್ದಾರೆ.

3. ಅನಧಿಕೃತ ಕಟ್ಟಡಗಳು ಹಾಗೂ ಪಿಜಿ (PG) ವಿರುದ್ಧ ಸಮರ

8 ಉಪವಿಭಾಗಗಳ ಪೈಕಿ ಕೇವಲ 6 ಉಪವಿಭಾಗಗಳಲ್ಲಿ ಮಾತ್ರ ನೋಟಿಸ್ ನೀಡಿರುವುದಕ್ಕೆ ಆಯುಕ್ತರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ನೋಟಿಸ್ ಜಾರಿಯಾದ ಬಳಿಕವೂ ಕಾಮಗಾರಿ ನಿಲ್ಲಿಸದ ಅನಧಿಕೃತ ಕಟ್ಟಡಗಳು ಮತ್ತು ನಿಯಮ ಉಲ್ಲಂಘಿಸಿರುವ ಪಿಜಿಗಳ (Pay Guest) ವಿರುದ್ಧ ತಕ್ಷಣವೇ ತೆರವು ಕಾರ್ಯಾಚರಣೆ ನಡೆಸಲು ಕಾರ್ಯನಿರ್ವಾಹಕ ಎಂಜಿನಿಯರ್‌ಗಳಿಗೆ ಆದೇಶಿಸಲಾಗಿದೆ.

4. ರಸ್ತೆ ಅಭಿವೃದ್ಧಿ ಕಾಮಗಾರಿ ಮತ್ತು 'ಸಹಾಯ ಆಪ್' ದೂರುಗಳ ವಿಲೇವಾರಿ

ಸಿಎಂಐಡಿಪಿ (CMIDP) ಕಾಮಗಾರಿಗಳು: ಡಾಂಬರೀಕರಣ ಹಾಗೂ ಸಿಸಿ ರಸ್ತೆ ಕಾಮಗಾರಿಗಳನ್ನು ಚಾಲ್ತಿ ತಿಂಗಳೊಳಗಾಗಿ ಪೂರ್ಣಗೊಳಿಸಿ, ಪ್ರಗತಿ ವಿವರಗಳನ್ನು ಸ್ಪ್ರೆಡ್‌ಶೀಟ್‌ನಲ್ಲಿ ಅಪ್‌ಲೋಡ್ ಮಾಡಲು ಗಡುವು ನೀಡಲಾಗಿದೆ.

ಸಹಾಯ ಆಪ್ (Sahaaya App): ಸಾರ್ವಜನಿಕರ ದೂರುಗಳನ್ನು ತಕ್ಷಣ ಪರಿಹರಿಸಲು ಆಯುಕ್ತರು ಸೂಚಿಸಿದ್ದು, ಈ ಸಂಬಂಧ ನವೆಂಬರ್ 12ರಂದು ಪಾಲಿಕೆ ಅಧಿಕಾರಿಗಳು ಮತ್ತು ಸಿಬ್ಬಂದಿಗೆ ವಿಶೇಷ ತರಬೇತಿ ಕಾರ್ಯಕ್ರಮ ಆಯೋಜಿಸಲಾಗಿದೆ.

ತ್ಯಾಜ್ಯ ನಿರ್ವಹಣೆ: ಹಸಿ ಮತ್ತು ಒಣ ಕಸದ ಪ್ರತ್ಯೇಕ ಸಂಗ್ರಹಣೆ ಹಾಗೂ ಸಿ&ಡಿ (C&D) ಕಟ್ಟಡ ತ್ಯಾಜ್ಯ ವಿಲೇವಾರಿಗೆ ನಾಗರಿಕರಲ್ಲಿ ಮಾಹಿತಿ ಮತ್ತು ಸಂವಹನ (IEC) ಅಭಿಯಾನದ ಮೂಲಕ ಅರಿವು ಮೂಡಿಸಲು ನಿರ್ಧರಿಸಲಾಗಿದೆ.

ಕ್ಯೂಟ್ ಗೆಳತಿ ಜತೆ ದೀಪಾವಳಿ ಶುಭಾಶಯ ಕೋರಿದ ಅರ್ಶದೀಪ್ ಸಿಂಗ್..! ಆದ್ರೆ ಈ ಪೋಸ್ಟ್‌ನಲ್ಲಿ ಪಾಕ್ ಲಿಂಕ್..!

Naveen Kodase — Mon, 09 Nov 2026 15:53:05 +0530

ಬೆಂಗಳೂರು(ನ.09): ಭಾರತೀಯ ಕ್ರಿಕೆಟ್ ತಂಡದ ವೇಗಿ ಅರ್ಶದೀಪ್ ಸಿಂಗ್ ಸಿಂಗ್ ಅವರಿಗೂ ಇದೀಗ 'ಅಲ್ಫಾಜ್' ಹಾಡಿನ ಕ್ರೇಜ್ ತಟ್ಟಿದೆ. ಭಾರತ ಮತ್ತು ಪಾಕಿಸ್ತಾನ ಎರಡೂ ದೇಶಗಳಲ್ಲಿ ಸಂಗೀತ ಪ್ರಿಯರ ಮನಗೆದ್ದಿರುವ ಈ ಪಾಕಿಸ್ತಾನಿ ರೊಮ್ಯಾಂಟಿಕ್ ಹಾಡು ಇದೀಗ ಅರ್ಶದೀಪ್ ಸಿಂಗ್ ಅವರ ದೀಪಾವಳಿ ಸಂಭ್ರಮದಲ್ಲೂ ಸದ್ದು ಮಾಡಿದೆ. ತಮ್ಮ ಗೆಳತಿ, ನಟಿ ಹಾಗೂ ಮಾಡೆಲ್ ಸಮ್ರೀನ್ ಕೌರ್ ಜೊತೆಗಿನ ಫೋಟೋವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಅರ್ಶದೀಪ್ ಸಿಂಗ್, ಅದಕ್ಕೆ ಹಿನ್ನೆಲೆ ಸಂಗೀತವಾಗಿ ಪಾಕಿಸ್ತಾನದ ಜನಪ್ರಿಯ ಹಾಡನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಇದೀಗ ಈ ಪೋಸ್ಟ್ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.

ಭಾನುವಾರ (ನವೆಂಬರ್ 8) ದೀಪಾವಳಿ ಹಬ್ಬವನ್ನು ಗೆಳತಿ ಸಮ್ರೀನ್ ಕೌರ್ ಜೊತೆ ಸಂಭ್ರಮಿಸಿದ ಅರ್ಶದೀಪ್ ಸಿಂಗ್, ಇಬ್ಬರೂ ಜೊತೆಯಲ್ಲಿರುವ ಸುಂದರ ಫೋಟೋವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದರು. ಈ ಫೋಟೋಗೆ, "ನಮ್ಮಿಬ್ಬರ ಕಡೆಯಿಂದ ನಿಮಗೆಲ್ಲರಿಗೂ ದೀಪಾವಳಿಯ ಹಾರ್ದಿಕ ಶುಭಾಶಯಗಳು" ಎಂದು ಅವರು ಶೀರ್ಷಿಕೆ ನೀಡಿದ್ದರು.

ಆದರೆ, ಫೋಟೋಗಿಂತಲೂ ಅದಕ್ಕೆ ಬಳಸಿದ್ದ ಹಾಡು ಅಭಿಮಾನಿಗಳ ಗಮನ ಸೆಳೆಯಿತು. ಪಾಕಿಸ್ತಾನದ ಖ್ಯಾತ ಗಾಯಕ ಹಮ್ಜಾ ಮಲಿಕ್ ಮತ್ತು ಜೈನ್ ಜೋಹೈಬ್ ಹಾಡಿರುವ ಜನಪ್ರಿಯ ರೊಮ್ಯಾಂಟಿಕ್ ಹಾಡು 'ಅಲ್ಫಾಜ್' ಅನ್ನು ಅರ್ಶದೀಪ್ ಸಿಂಗ್ ತಮ್ಮ ಪೋಸ್ಟ್‌ಗೆ ಹಿನ್ನೆಲೆ ಸಂಗೀತವಾಗಿ ಬಳಸಿಕೊಂಡಿದ್ದರು.

View this post on Instagram

A post shared by Arshdeep Singh (@_arshdeep.singh__)

ಪಾಕಿಸ್ತಾನದ 'ಅಲ್ಫಾಜ್' ಹಾಡಿನ ಕ್ರೇಜ್ ಹೇಗಿದೆ?

ಜುಲೈ 2026ರಲ್ಲಿ ಬಿಡುಗಡೆಯಾದ 'ಅಲ್ಫಾಜ್' ಹಾಡು ಭಾರತ ಮತ್ತು ಪಾಕಿಸ್ತಾನ ಎರಡೂ ದೇಶಗಳಲ್ಲಿ ಭಾರಿ ಜನಪ್ರಿಯತೆ ಗಳಿಸಿದೆ. ಸಂಗೀತಕ್ಕೆ ಯಾವುದೇ ಗಡಿ, ಭಾಷೆಯ ಹಂಗಿಲ್ಲ ಎಂಬುದನ್ನು ಈ ಹಾಡು ಮತ್ತೊಮ್ಮೆ ಸಾಬೀತುಪಡಿಸಿದೆ. ಸ್ಪಾಟಿಫೈ (Spotify) ದೈನಂದಿನ ಸಂಗೀತ ಪಟ್ಟಿಯಲ್ಲಿ ಭಾರತ ಮತ್ತು ಪಾಕಿಸ್ತಾನ ಎರಡೂ ದೇಶಗಳಲ್ಲಿ ಈ ಹಾಡು ಅಗ್ರಸ್ಥಾನಕ್ಕೇರಿತ್ತು. ಅಷ್ಟೇ ಅಲ್ಲದೆ, ಸ್ಪಾಟಿಫೈನ ಜಾಗತಿಕ ಟಾಪ್ 50 ಪಟ್ಟಿಯಲ್ಲೂ ಸ್ಥಾನ ಪಡೆದಿತ್ತು. ಅಕ್ಟೋಬರ್ ತಿಂಗಳಲ್ಲಿ ಜಾಗತಿಕ ಪಟ್ಟಿಯಲ್ಲಿ 39ನೇ ಸ್ಥಾನ ತಲುಪುವ ಮೂಲಕ ಗಮನ ಸೆಳೆದಿತ್ತು.

ಅರ್ಶದೀಪ್ ಸಿಂಗ್ ಸಿಂಗ್ ಮತ್ತು ಸಮ್ರೀನ್ ಕೌರ್ ಪ್ರೇಮಕಥೆ

ಅರ್ಶದೀಪ್ ಸಿಂಗ್ ಸಿಂಗ್ ಮತ್ತು ನಟಿ ಹಾಗೂ ಮಾಡೆಲ್ ಸಮ್ರೀನ್ ಕೌರ್ ನಡುವಿನ ಸಂಬಂಧದ ವಿಚಾರವೂ ಇತ್ತೀಚೆಗೆ ಸಾಕಷ್ಟು ಸುದ್ದಿಯಾಗಿದೆ. ಈ ವರ್ಷದ ಜುಲೈನಲ್ಲಿ ಅರ್ಶದೀಪ್ ಸಿಂಗ್ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಸಮ್ರೀನ್ ಜೊತೆಗಿನ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ತಮ್ಮ ಪ್ರೀತಿಯ ವಿಚಾರವನ್ನು ಬಹಿರಂಗಪಡಿಸಿದ್ದರು. ಈ ಫೋಟೋಗಳಿಗೆ 'ಮೈ ಪರ್ಸನ್' (My Person) ಎಂದು ಶೀರ್ಷಿಕೆ ನೀಡಿದ್ದರು.

ಅಲ್ಲಿಂದೀಚೆಗೆ ಈ ಜೋಡಿಯ ಬಗ್ಗೆ ಅಭಿಮಾನಿಗಳಲ್ಲಿ ಸಾಕಷ್ಟು ಕುತೂಹಲ ಮೂಡಿದೆ. ದೀಪಾವಳಿಗೂ ಕೆಲವೇ ದಿನಗಳ ಮೊದಲು ನ್ಯೂಜಿಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲೂ ಅರ್ಶದೀಪ್ ಸಿಂಗ್ ತಮ್ಮ ವಿಶೇಷ ವಿಕೆಟ್ ಸಂಭ್ರಮವನ್ನು ಗೆಳತಿ ಸಮ್ರೀನ್‌ಗೆ ಅರ್ಪಿಸಿದ್ದರು. ಆ ಪಂದ್ಯದಲ್ಲಿ ನಾಲ್ಕು ವಿಕೆಟ್ ಕಬಳಿಸಿದ ಬಳಿಕ ತಮ್ಮದೇ ಶೈಲಿಯಲ್ಲಿ ಸಂಭ್ರಮಿಸಿದ್ದ ಅರ್ಶದೀಪ್ ಸಿಂಗ್, ಅದರ ಹಿಂದಿನ ಕಾರಣವನ್ನೂ ಬಹಿರಂಗಪಡಿಸಿದ್ದರು.

"ಇದು ನನ್ನ ಗೆಳತಿಗಾಗಿ. ನಾವು ಹೊರಗೆ ವಾಕಿಂಗ್‌ಗೆ ಹೋದಾಗ ಅಥವಾ ಬೇರೆ ಸಮಯದಲ್ಲಿ ಇಂತಹ ನೃತ್ಯದ ಹೆಜ್ಜೆಗಳನ್ನು ಹಾಕುತ್ತಿರುತ್ತೇವೆ" ಎಂದು ಅರ್ಶದೀಪ್ ಸಿಂಗ್ ಹೇಳಿದ್ದರು. ಇತ್ತೀಚೆಗೆ ಸಮ್ರೀನ್ ಕೌರ್ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಕೆಲವರು ಟೀಕೆಗಳನ್ನು ಮಾಡಿದ್ದಾಗಲೂ ಅರ್ಶದೀಪ್ ಸಿಂಗ್ ಆಕೆಯ ಬೆಂಬಲಕ್ಕೆ ನಿಂತಿದ್ದರು. ತಮ್ಮ ವೈಯಕ್ತಿಕ ಜೀವನವನ್ನು ಗೌರವಿಸುವಂತೆ ಅವರು ನೆಟ್ಟಿಗರಲ್ಲಿ ಮನವಿ ಮಾಡಿದ್ದರು.

ಒಟ್ಟಿನಲ್ಲಿ, ದೀಪಾವಳಿಯ ಶುಭಾಶಯದ ಫೋಟೋಗೆ ಪಾಕಿಸ್ತಾನದ ಜನಪ್ರಿಯ ಹಾಡನ್ನು ಬಳಸಿರುವ ಅರ್ಶದೀಪ್ ಸಿಂಗ್ ಸಿಂಗ್, ಇದೀಗ ಮತ್ತೊಮ್ಮೆ ಅಭಿಮಾನಿಗಳ ಚರ್ಚೆಯ ಕೇಂದ್ರವಾಗಿದ್ದಾರೆ.

‘ಹೊಸ ಜಾಬ್ ಆಫರ್, ಬಡ್ತಿ, ಭಾರಿ ಲಾಭ’: ಶುಕ್ರ ಮಾರ್ಗಿಯಿಂದ ನವೆಂಬರ್ 14ರಿಂದ ಈ 4 ರಾಶಿಗಳಿಗೆ ಬಂಪರ್ ಕೊಡುಗೆ

Sushma Hegde — Mon, 09 Nov 2026 10:41:02 +0530

ನವೆಂಬರ್ 14, 2026 ರಂದು ಶುಕ್ರನು ಸಂಚಾರ ಮಾಡಲಿದ್ದಾನೆ. ಶುಕ್ರನ ನೇರ ಸಂಚಾರವು ಕೆಲವು ರಾಶಿಗಳ ಜೀವನದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರುತ್ತದೆ. ಜ್ಯೋತಿಷ್ಯದಲ್ಲಿ, ಶುಕ್ರನು ಲೌಕಿಕ ಸಂತೋಷ, ವೈವಾಹಿಕ ಜೀವನ, ಪ್ರೇಮ ಸಂಬಂಧಗಳು, ಕಲೆ, ಸೌಂದರ್ಯ ಮತ್ತು ಸಂಪತ್ತಿಗೆ ಕಾರಣವಾದ ಗ್ರಹವೆಂದು ಪರಿಗಣಿಸಲಾಗಿದೆ.

ಜ್ಯೋತಿಷ್ಯದಲ್ಲಿ, ಶುಕ್ರನನ್ನು ಸಂಪತ್ತು, ಸಂಪತ್ತು, ಸಂತೋಷ, ಪ್ರೀತಿ ಮತ್ತು ಸಮೃದ್ಧಿಗೆ ಕಾರಣವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ, ಶುಕ್ರನ ಸಂಚಾರದಲ್ಲಿನ ಬದಲಾವಣೆಗಳು ಎಲ್ಲಾ 12 ರಾಶಿಚಕ್ರ ಚಿಹ್ನೆಗಳ ಜೀವನದ ಮೇಲೆ ವಿಶೇಷ ಪರಿಣಾಮ ಬೀರುತ್ತವೆ. ಪಂಚಾಂಗದ ಪ್ರಕಾರ, ನವೆಂಬರ್ 14, 2026 ರಂದು ದೀಪಾವಳಿಯ ನಂತರ ಶುಕ್ರ ಮಾರ್ಗಿಯಾಗಲಿದ್ದಾನೆ. ಶುಕ್ರನ ನೇರ ಸಂಚಾರವು ಕೆಲವು ರಾಶಿಚಕ್ರ ಚಿಹ್ನೆಗಳ ಜೀವನದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರುತ್ತದೆ. ಜ್ಯೋತಿಷ್ಯದಲ್ಲಿ, ಶುಕ್ರನನ್ನು ಲೌಕಿಕ ಸಂತೋಷ, ವೈವಾಹಿಕ ಜೀವನ, ಪ್ರೇಮ ಸಂಬಂಧಗಳು, ಕಲೆ, ಸೌಂದರ್ಯ ಮತ್ತು ಸಂಪತ್ತಿಗೆ ಕಾರಣವೆಂದು ಪರಿಗಣಿಸಲಾಗುತ್ತದೆ. ಶುಕ್ರನು ತನ್ನ ವಕ್ರ ಸ್ಥಿತಿಯಿಂದ ಹೊರಬಂದು ಮಾರ್ಗಿಯಾದಾಗ, ಈ ಗ್ರಹಕ್ಕೆ ಸಂಬಂಧಿಸಿದ ವಿಷಯಗಳು ಚಲನೆಗೆ ಬರುತ್ತವೆ. ಶುಕ್ರನ ಮಾರ್ಗಿ ಯಾವ ರಾಶಿಚಕ್ರ ಚಿಹ್ನೆಗಳಿಗೆ ಫಲಪ್ರದವಾಗುತ್ತದೆ ಎಂಬುದನ್ನು ಕಂಡುಹಿಡಿಯೋಣ.

ಕನ್ಯಾ ರಾಶಿಯವರಿಗೆ ಶುಕ್ರನ ಸಂಚಾರವು ಪ್ರಯೋಜನಕಾರಿಯಾಗಬಹುದು. ಉದ್ಯೋಗಿಗಳಿಗೆ, ಹೊಸ ಜವಾಬ್ದಾರಿಗಳು ಅಥವಾ ಬಡ್ತಿ ಪಡೆಯುವ ಅವಕಾಶವಿರುತ್ತದೆ. ವ್ಯವಹಾರದಲ್ಲಿ ನಿಮಗೆ ಹೊಸ ಒಪ್ಪಂದ ಸಿಗಬಹುದು ಮತ್ತು ಸಿಲುಕಿಕೊಂಡಿದ್ದ ಹಣವನ್ನು ಮರಳಿ ಪಡೆಯುವ ಸಾಧ್ಯತೆಯಿದೆ. ಆರ್ಥಿಕ ಪರಿಸ್ಥಿತಿ ಸುಧಾರಿಸುತ್ತದೆ ಮತ್ತು ನೀವು ಸೌಕರ್ಯ ಮತ್ತು ಖರ್ಚುಗಳನ್ನು ಆನಂದಿಸುವ ಅವಕಾಶವನ್ನು ಪಡೆಯುತ್ತೀರಿ.

ರಾಶಿಯ ಅಧಿಪತಿ ಶುಕ್ರ. ಆದ್ದರಿಂದ, ಈ ರಾಶಿಚಕ್ರದ ಜನರಿಗೆ ಶುಕ್ರನ ಸಂಚಾರವು ವಿಶೇಷವೆಂದು ಪರಿಗಣಿಸಲಾಗುತ್ತದೆ. ಆತ್ಮವಿಶ್ವಾಸ ಹೆಚ್ಚಾಗುತ್ತದೆ ಮತ್ತು ನಿಮ್ಮ ವೃತ್ತಿಜೀವನದಲ್ಲಿ ಮುಂದುವರಿಯಲು ನಿಮಗೆ ಅವಕಾಶ ಸಿಗುತ್ತದೆ. ನೀವು ಉದ್ಯೋಗಗಳನ್ನು ಬದಲಾಯಿಸಲು ಯೋಜಿಸುತ್ತಿದ್ದರೆ, ನಿಮಗೆ ಒಳ್ಳೆಯ ಸುದ್ದಿ ಸಿಗಬಹುದು. ವ್ಯವಹಾರದಲ್ಲಿ ಲಾಭ ಹೆಚ್ಚಾಗುತ್ತದೆ ಮತ್ತು ನಿಮ್ಮ ಆರ್ಥಿಕ ಪರಿಸ್ಥಿತಿ ಬಲವಾಗಿರುತ್ತದೆ.

ಶುಕ್ರನ ಆಳ್ವಿಕೆಯು ಮೇಷ ರಾಶಿಯವರಿಗೆ ಆರ್ಥಿಕ ಪರಿಹಾರವನ್ನು ತರುತ್ತದೆ. ಕೆಲಸದಲ್ಲಿ ನಿಮ್ಮ ಮೇಲಧಿಕಾರಿಗಳಿಂದ ನಿಮಗೆ ಬೆಂಬಲ ಸಿಗುತ್ತದೆ. ಕೆಲಸದಲ್ಲಿ ನಿಮ್ಮ ಕೆಲಸಕ್ಕೆ ಮೆಚ್ಚುಗೆ ದೊರೆಯುತ್ತದೆ. ಪಾಲುದಾರಿಕೆ ವ್ಯವಹಾರದಲ್ಲಿ ಲಾಭದ ಸಾಧ್ಯತೆ ಇದೆ. ಕುಟುಂಬದಲ್ಲಿ ಸಂತೋಷ ಮತ್ತು ಶಾಂತಿ ಇರುತ್ತದೆ. ಹಣವನ್ನು ಉಳಿಸುವಲ್ಲಿ ನೀವು ಯಶಸ್ವಿಯಾಗುತ್ತೀರಿ.

ಕುಂಭ ರಾಶಿಯವರಿಗೆ ಶುಕ್ರನ ನೇರ ಸಂಚಾರವು ಆರ್ಥಿಕವಾಗಿ ಶುಭವಾಗಲಿದೆ. ನಿಮ್ಮ ಉದ್ಯೋಗದಲ್ಲಿ ಪ್ರಗತಿಗೆ ಅವಕಾಶಗಳು ಸಿಗುತ್ತವೆ. ಹೊಸ ಆದಾಯದ ಮೂಲ ಸೃಷ್ಟಿಯಾಗುತ್ತದೆ. ವ್ಯವಹಾರದಲ್ಲಿ ತೊಡಗಿರುವ ಜನರು ದೊಡ್ಡ ಒಪ್ಪಂದಗಳನ್ನು ಪಡೆಯಬಹುದು. ಹೂಡಿಕೆಗೆ ಸಂಬಂಧಿಸಿದ ಪ್ರಕರಣಗಳಲ್ಲಿ ನೀವು ಸಕಾರಾತ್ಮಕ ಫಲಿತಾಂಶಗಳನ್ನು ಪಡೆಯುತ್ತೀರಿ. ಆದಾಗ್ಯೂ, ಎಚ್ಚರಿಕೆಯಿಂದ ಪರಿಗಣಿಸಿದ ನಂತರ ನಿರ್ಧಾರಗಳನ್ನು ತೆಗೆದುಕೊಳ್ಳಿ.

ಇಂದಿನಿಂದ ನಾಲ್ಕು ರಾಶಿಗಳ ಮೇಲೆ ಗುರುವಿನ ಕೃಪೆ; ಏನೆಲ್ಲಾ ಅದೃಷ್ಟ ದೊರೆಯಲಿದೆ ಗೊತ್ತಾ?

Mahmad Rafik — Wed, 11 Nov 2026 07:31:26 +0530

ನವೆಂಬರ್‌ನಲ್ಲಿ ಮಂಗಳ, ಬುಧ ಮತ್ತು ಶುಕ್ರ ಗ್ರಹಗಳ ಚಲನೆಯಿಂದಾಗಿ ಕೆಲವು ರಾಶಿಯವರಿಗೆ ಅದೃಷ್ಟ ಒಲಿಯಲಿದೆ. ಆರ್ಥಿಕ ಅಭಿವೃದ್ಧಿ, ಹೊಸ ಉದ್ಯೋಗ ಮತ್ತು ವ್ಯಾಪಾರದಲ್ಲಿ ಲಾಭದ ನಿರೀಕ್ಷೆಗಳಿವೆ.

ಗ್ರಹಗಳ ಸಂಚಾರದಲ್ಲಿನ ಬದಲಾವಣೆಗಳು ಒಬ್ಬರ ಜೀವನದ ಮೇಲೆ ವಿವಿಧ ಪರಿಣಾಮಗಳನ್ನು ಬೀರುತ್ತವೆ ಎನ್ನುವುದು ಜ್ಯೋತಿಷಿಗಳ ನಂಬಿಕೆ. ವಿಶೇಷವಾಗಿ, ಗುರುವು ಸಿಂಹ ರಾಶಿಯಲ್ಲಿ ಸಂಚರಿಸುತ್ತಿರುವುದು ಮತ್ತು ನವೆಂಬರ್‌ನಲ್ಲಿ ಮಂಗಳ, ಬುಧ ಹಾಗೂ ಶುಕ್ರ ಗ್ರಹಗಳ ಚಲನೆಯಲ್ಲಿನ ಬದಲಾವಣೆಗಳು ಬಹಳ ಮುಖ್ಯವಾಗಿವೆ. ಈ ಕಾರಣದಿಂದಾಗಿ, ಕೆಲವು ರಾಶಿಯವರಿಗೆ ಬಹಳ ದಿನಗಳಿಂದ ತಡೆಹಿಡಿಯಲಾಗಿದ್ದ ಹಣ ಕೈಸೇರಲಿದೆ, ಕೆಲಸದಲ್ಲಿ ಹೊಸ ಜವಾಬ್ದಾರಿಗಳು ಅರಸಿ ಬರಲಿವೆ ಮತ್ತು ವ್ಯಾಪಾರದಲ್ಲಿ ಲಾಭ ಹೆಚ್ಚಾಗುವ ಸಾಧ್ಯತೆಯಿದೆ ಎಂದು ಜ್ಯೋತಿಷ್ಯ ಹೇಳುತ್ತದೆ.

ವೃಶ್ಚಿಕ ರಾಶಿಯವರಿಗೆ ವೃತ್ತಿ ಮತ್ತು ಉದ್ಯೋಗದಲ್ಲಿ ಪ್ರಗತಿಯ ಅವಕಾಶಗಳು ಸೃಷ್ಟಿಯಾಗಲಿವೆ. ಗುರುವು ಹತ್ತನೇ ಮನೆಯಲ್ಲಿ ಸಂಚರಿಸುವುದು ವೃತ್ತಿ ಸ್ಥಾನಕ್ಕೆ ಬಹಳ ಅನುಕೂಲಕರ ಎಂದು ಜ್ಯೋತಿಷ್ಯದಲ್ಲಿ ಹೇಳಲಾಗುತ್ತದೆ.

ಹಣಕಾಸು

ವ್ಯಾಪಾರದ ಮೂಲಕ ಆದಾಯ ಹೆಚ್ಚಾಗಲಿದೆ.
ಹೊಸ ವ್ಯಾಪಾರ ಅವಕಾಶಗಳು ಸಿಗಲಿವೆ.
ಬಹಳ ದಿನಗಳಿಂದ ಬಾಕಿ ಉಳಿದಿದ್ದ ಹಣ ಕೈಸೇರಬಹುದು.
ಹೆಚ್ಚುವರಿ ಆದಾಯ ಗಳಿಸುವ ಪ್ರಯತ್ನಗಳು ಯಶಸ್ವಿಯಾಗಲಿವೆ.

ವೃತ್ತಿ ಮತ್ತು ಉದ್ಯೋಗ

ಕೆಲಸ ಹುಡುಕುತ್ತಿರುವವರಿಗೆ ಒಳ್ಳೆಯ ಕಂಪನಿಗಳಿಂದ ಕರೆಗಳು ಬರಬಹುದು. ಈಗಾಗಲೇ ಕೆಲಸದಲ್ಲಿರುವವರಿಗೆ ಬಡ್ತಿ, ಸಂಬಳ ಹೆಚ್ಚಳ ಅಥವಾ ಹೊಸ ಜವಾಬ್ದಾರಿಗಳು ಸಿಗುವ ಸಾಧ್ಯತೆ ಇದೆ.

ಸ್ವಂತ ವ್ಯಾಪಾರ ಮಾಡುವವರು ಹೊಸ ಯೋಜನೆಗಳನ್ನು ಆರಂಭಿಸಬಹುದು. ವಿಶೇಷವಾಗಿ, ವ್ಯಾಪಾರದಲ್ಲಿ ಬಹಳ ದಿನಗಳಿಂದ ನಿರೀಕ್ಷಿಸುತ್ತಿದ್ದ ಬೆಳವಣಿಗೆಯನ್ನು ಸಾಧಿಸಲು ಪ್ರಗತಿ ಕಂಡುಬರಲಿದೆ.

ಕುಟುಂಬ

ಕುಟುಂಬಸ್ಥರ ಬೆಂಬಲವು ಮನಸ್ಸಿಗೆ ಸಂತೋಷ ನೀಡಲಿದೆ. ಮನೆಯಲ್ಲಿ ಶುಭ ಕಾರ್ಯಗಳಿಗೆ ಸಂಬಂಧಿಸಿದ ಮಾತುಕತೆಗಳು ನಡೆಯಬಹುದು. ಪ್ರಮುಖ ನಿರ್ಧಾರಗಳನ್ನು ತೆಗೆದುಕೊಳ್ಳುವಾಗ ಕುಟುಂಬಸ್ಥರ ಸಲಹೆ ಪಡೆಯುವುದು ಉತ್ತಮ.

ಮೇಷ ರಾಶಿಯವರಿಗೆ ಈ ಅವಧಿಯು ಹೊಸ ಪ್ರಯತ್ನಗಳಿಗೆ ದಾರಿಯಾಗಲಿದೆ. ಗುರುವಿನ ಸಂಚಾರವು ಐದನೇ ಮನೆಗೆ ಸಂಬಂಧಿಸಿದಂತೆ ಉತ್ತಮ ಫಲಗಳನ್ನು ನೀಡಲಿದೆ ಎಂದು ಜ್ಯೋತಿಷ್ಯದಲ್ಲಿ ಹೇಳಲಾಗಿದೆ.

ಹಣಕಾಸು

ಬಹಳ ದಿನಗಳಿಂದ ಬಾರದೇ ಇದ್ದ ಹಣ ಕೈಸೇರುವ ಅವಕಾಶಗಳು ಸೃಷ್ಟಿಯಾಗಲಿವೆ.
ಅನಿರೀಕ್ಷಿತ ಆದಾಯದ ಮೂಲಗಳು ಅರಸಿ ಬರಲಿವೆ.
ಉಳಿತಾಯವನ್ನು ಹೆಚ್ಚಿಸುವ ಆಲೋಚನೆ ಬರುತ್ತದೆ.
ಕುಟುಂಬದ ಆರ್ಥಿಕ ಸ್ಥಿತಿ ಸುಧಾರಿಸಲು ಉತ್ತಮ ವಾತಾವರಣ ನಿರ್ಮಾಣವಾಗಲಿದೆ.

ವೃತ್ತಿ ಮತ್ತು ಉದ್ಯೋಗ

ಕೆಲಸ ಹುಡುಕುತ್ತಿರುವವರಿಗೆ ಹೊಸ ಉದ್ಯೋಗಾವಕಾಶಗಳು ಸಿಗಲಿವೆ. ಈಗಾಗಲೇ ಕೆಲಸದಲ್ಲಿರುವವರಿಗೆ ಹೆಚ್ಚುವರಿ ಜವಾಬ್ದಾರಿಗಳು ಅಥವಾ ಬಡ್ತಿ ಸಿಗುವ ಸಾಧ್ಯತೆ ಇದೆ. ಸ್ವಂತ ವ್ಯಾಪಾರ ಮಾಡುವವರು ಹೊಸ ಗ್ರಾಹಕರನ್ನು ಸೆಳೆಯಲು ಮತ್ತು ವ್ಯಾಪಾರ ವಿಸ್ತರಿಸಲು ಪ್ರಯತ್ನಿಸಬಹುದು.

ಕುಟುಂಬ

ಕುಟುಂಬದಲ್ಲಿದ್ದ ಸಣ್ಣಪುಟ್ಟ ಭಿನ್ನಾಭಿಪ್ರಾಯಗಳು ದೂರವಾಗಿ ಸಂತೋಷದ ವಾತಾವರಣ ನಿರ್ಮಾಣವಾಗಲಿದೆ. ಮಕ್ಕಳ ಶಿಕ್ಷಣಕ್ಕೆ ಸಂಬಂಧಿಸಿದಂತೆ ಸಿಹಿಸುದ್ದಿ ಸಿಗಲಿದೆ.

ಧನುಸ್ಸು ರಾಶಿಯವರಿಗೆ ಗುರುವು ಒಂಬತ್ತನೇ ಮನೆಯಲ್ಲಿ ಸಂಚರಿಸುವುದರಿಂದ ಅದೃಷ್ಟ, ಭಾಗ್ಯ, ಆಧ್ಯಾತ್ಮ ಮತ್ತು ಉನ್ನತ ಶಿಕ್ಷಣಕ್ಕೆ ಸಂಬಂಧಿಸಿದಂತೆ ಶುಭ ಫಲಗಳು ಸಿಗಲಿವೆ ಎನ್ನಲಾಗಿದೆ.

ಹಣಕಾಸು

ಅನಿರೀಕ್ಷಿತ ಧನಲಾಭದ ಅವಕಾಶಗಳು ಸೃಷ್ಟಿಯಾಗಲಿವೆ.
ವಿದೇಶಕ್ಕೆ ಸಂಬಂಧಿಸಿದ ವ್ಯಾಪಾರ ಪ್ರಯತ್ನಗಳಲ್ಲಿ ಪ್ರಗತಿ ಕಾಣಬಹುದು.
ಹೊಸ ಹೂಡಿಕೆಯ ಅವಕಾಶಗಳು ಸಿಗಲಿವೆ.
ಆದಾಯವನ್ನು ಹೆಚ್ಚಿಸುವ ಯೋಜನೆಗಳು ಕೈಗೂಡಲಿವೆ.

ವೃತ್ತಿ ಮತ್ತು ಉದ್ಯೋಗ

ಕೆಲಸಕ್ಕಾಗಿ ಕಾಯುತ್ತಿರುವವರಿಗೆ ಹೊಸ ಅವಕಾಶಗಳು ಸಿಗಲಿವೆ. ವಿದೇಶದಲ್ಲಿ ಕೆಲಸ ಮಾಡಲು ಇಚ್ಛಿಸುವವರಿಗೆ ಶುಭ ಸುದ್ದಿಗಳು ಬರಬಹುದು. ಈಗಾಗಲೇ ವ್ಯಾಪಾರ ಮಾಡುತ್ತಿರುವವರು ತಮ್ಮ ಉದ್ಯಮವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯುವ ಪ್ರಯತ್ನಗಳನ್ನು ಮಾಡಬಹುದು.

ಮೇಲಧಿಕಾರಿಗಳು ಮತ್ತು ಅನುಭವಿ ವ್ಯಕ್ತಿಗಳ ಮಾರ್ಗದರ್ಶನ ಸಿಗಲಿದೆ. ಹೊಸ ಕೌಶಲ್ಯಗಳನ್ನು ಕಲಿಯುವ ಮೂಲಕ ವೃತ್ತಿಯಲ್ಲಿ ಮುನ್ನಡೆಯಲು ಅವಕಾಶಗಳು ಒದಗಿಬರಲಿವೆ.

ಕುಟುಂಬ

ಕುಟುಂಬದಲ್ಲಿ ಸಂತೋಷದ ವಾತಾವರಣ ಇರಲಿದೆ. ಆಧ್ಯಾತ್ಮಿಕ ಪ್ರವಾಸಗಳನ್ನು ಮಾಡುವ ಅವಕಾಶ ಸಿಗಬಹುದು. ಬಹಳ ದಿನಗಳಿಂದ ಮುಂದೂಡಲ್ಪಡುತ್ತಿದ್ದ ಶುಭ ಕಾರ್ಯಗಳನ್ನು ಮತ್ತೆ ಆರಂಭಿಸಬಹುದು.

ಸಿಂಹ ರಾಶಿಯವರಿಗೆ ಗುರುವು ತಮ್ಮದೇ ರಾಶಿಯಲ್ಲಿ ಸಂಚರಿಸುವುದು ಜ್ಯೋತಿಷ್ಯದ ಪ್ರಕಾರ ಪ್ರಮುಖ ಘಟನೆಯಾಗಿದೆ. ಇದರಿಂದಾಗಿ ಆತ್ಮವಿಶ್ವಾಸ, ನಾಯಕತ್ವದ ಗುಣ ಮತ್ತು ಹೊಸ ಪ್ರಯತ್ನಗಳಲ್ಲಿ ಆಸಕ್ತಿ ಹೆಚ್ಚಾಗಲಿದೆ.

ಹಣಕಾಸು

ಆದಾಯವನ್ನು ಹೆಚ್ಚಿಸಲು ಹೊಸ ದಾರಿಗಳು ತೆರೆದುಕೊಳ್ಳಲಿವೆ.
ವ್ಯಾಪಾರದಲ್ಲಿ ಹೊಸ ಒಪ್ಪಂದಗಳು ಸಿಗುವ ಸಾಧ್ಯತೆಯಿದೆ.
ಬಹಳ ದಿನಗಳಿಂದ ನಿರೀಕ್ಷಿಸುತ್ತಿದ್ದ ಆರ್ಥಿಕ ಸಹಾಯ ಸಿಗಲಿದೆ.
ಆರ್ಥಿಕ ಯೋಜನೆಗಳನ್ನು ಕಾರ್ಯಗತಗೊಳಿಸಲು ಸೂಕ್ತ ಸಮಯ ಒದಗಿಬರಲಿದೆ.

ವೃತ್ತಿ ಮತ್ತು ಉದ್ಯೋಗ

ಕೆಲಸ ಮಾಡುವ ಸ್ಥಳದಲ್ಲಿ ನಿಮ್ಮ ಕೌಶಲ್ಯಗಳಿಗೆ ಮನ್ನಣೆ ಸಿಗಲಿದೆ. ಮೇಲಧಿಕಾರಿಗಳ ಬೆಂಬಲದ ಜೊತೆಗೆ ಹೊಸ ಜವಾಬ್ದಾರಿಗಳು ಸಹ ಅರಸಿ ಬರಲಿವೆ. ವ್ಯಾಪಾರಸ್ಥರಿಗೆ ಹೊಸ ಪಾಲುದಾರಿಕೆ ಮತ್ತು ವ್ಯಾಪಾರ ವಿಸ್ತರಣೆಯ ಆಲೋಚನೆಗಳು ಮೂಡಲಿವೆ.

ವಿಶೇಷವಾಗಿ, ನವೆಂಬರ್ 12ರಂದು ಮಂಗಳ ಸಿಂಹ ರಾಶಿಗೆ ಪ್ರವೇಶಿಸುವುದರಿಂದ ನಾಯಕತ್ವದ ಜವಾಬ್ದಾರಿಗಳು ಮತ್ತು ಕಾರ್ಯಕ್ಷಮತೆಯ ವೇಗ ಹೆಚ್ಚಾಗಲಿದೆ. ಆದರೆ, ಅವಸರದ ನಿರ್ಧಾರಗಳನ್ನು ತಪ್ಪಿಸುವುದು ಒಳ್ಳೆಯದು.

ಕುಟುಂಬ

ಕುಟುಂಬದಲ್ಲಿ ಸಂತೋಷದ ಘಟನೆಗಳು ನಡೆಯಲಿವೆ. ಸಂಬಂಧಿಕರ ಬೆಂಬಲ ಸಿಗಲಿದೆ. ಬಹಳ ದಿನಗಳಿಂದ ಅಂದುಕೊಂಡಿದ್ದ ಶುಭ ಕಾರ್ಯಗಳನ್ನು ಮಾಡಲು ಅವಕಾಶ ಒದಗಿಬರಲಿದೆ.

ಗುರು: ಸಿಂಹ ರಾಶಿಯಲ್ಲಿ ಸಂಚರಿಸುತ್ತಿದ್ದಾನೆ.

ಶನಿ: ಮೀನ ರಾಶಿಯಲ್ಲಿ ಹಿಮ್ಮುಖ ಚಲನೆಯಲ್ಲಿದ್ದಾನೆ (ವಕ್ರ ಸ್ಥಿತಿ).

ಬುಧ: ತುಲಾ ರಾಶಿಯಲ್ಲಿ ಹಿಮ್ಮುಖ ಚಲನೆಯಲ್ಲಿದ್ದಾನೆ.

ಶುಕ್ರ: ಕನ್ಯಾ ರಾಶಿಯಲ್ಲಿ ಹಿಮ್ಮುಖ ಚಲನೆಯಲ್ಲಿದ್ದಾನೆ.

ಮಂಗಳ: ಕರ್ಕಾಟಕ ರಾಶಿಯಲ್ಲಿ ಸಂಚರಿಸುತ್ತಿದ್ದಾನೆ. ನವೆಂಬರ್ 12ರಂದು ಸಿಂಹ ರಾಶಿಗೆ ಪ್ರವೇಶಿಸುತ್ತಾನೆ.

ವಿಶೇಷವಾಗಿ, ನವೆಂಬರ್ 13ರಂದು ಬುಧನ ವಕ್ರ ನಿವೃತ್ತಿ ಮತ್ತು ನವೆಂಬರ್ 14ರಂದು ಶುಕ್ರನ ವಕ್ರ ನಿವೃತ್ತಿ ಜ್ಯೋತಿಷ್ಯದ ಪ್ರಕಾರ ಪ್ರಮುಖ ಬದಲಾವಣೆಗಳಾಗಿವೆ.

ಆದಾಯ ಹೆಚ್ಚಾದರೂ ಅನಗತ್ಯ ಖರ್ಚುಗಳನ್ನು ನಿಯಂತ್ರಿಸಿ.

ಅವಸರಪಟ್ಟು ದೊಡ್ಡ ಹೂಡಿಕೆಗಳನ್ನು ಮಾಡಬೇಡಿ.

ಹೊಸ ವ್ಯಾಪಾರ ಆರಂಭಿಸುವ ಮುನ್ನ ಸಂಪೂರ್ಣ ಯೋಜನೆ ಅತ್ಯಗತ್ಯ.

ಉದ್ಯೋಗಾವಕಾಶಗಳನ್ನು ಹುಡುಕುತ್ತಿರುವವರು ನಿರಂತರ ಪ್ರಯತ್ನ ಮಾಡುತ್ತಲೇ ಇರಿ.

ಕುಟುಂಬದ ಸಂಬಂಧಗಳಲ್ಲಿ ತಾಳ್ಮೆ ಮತ್ತು ತಿಳುವಳಿಕೆ ಇರಲಿ.

ಸೂಚನೆ: ಇವು ಜ್ಯೋತಿಷ್ಯ ನಂಬಿಕೆಗಳ ಆಧಾರದ ಮೇಲಿನ ಸಾಮಾನ್ಯ ರಾಶಿ ಫಲಗಳಷ್ಟೇ. ವೈಜ್ಞಾನಿಕವಾಗಿ ಸಾಬೀತಾದ ಪುರಾವೆಗಳಿಲ್ಲ. ವ್ಯಕ್ತಿಯ ವೈಯಕ್ತಿಕ ಜಾತಕ, ಲಗ್ನ, ದಶಾ ಭುಕ್ತಿ ಮತ್ತು ಗ್ರಹಗತಿಗಳ ಆಧಾರದ ಮೇಲೆ ಫಲಗಳು ಬದಲಾಗಬಹುದು.

ಇತಿಹಾಸ ಸೃಷ್ಟಿಸಿದ ಹಾಸನಾಂಬೆ ದೇವಿ: 28 ಲಕ್ಷ ಭಕ್ತರ ದರ್ಶನ, ಭರ್ಜರಿ ₹26 ಕೋಟಿ ಬೊಕ್ಕಸಕ್ಕೆ ಆದಾಯ!

Sathish Kumar KH — Tue, 10 Nov 2026 12:41:34 +0530

ಹಾಸನ (ನ.10): ವರ್ಷಕ್ಕೊಮ್ಮೆ ಮಾತ್ರ ದರ್ಶನ ನೀಡುವ ಹಾಸನದ ಐತಿಹಾಸಿಕ ಹಾಸನಾಂಬೆ ದೇವಿಯ ದರ್ಶನೋತ್ಸವ ಈ ಬಾರಿ ಹೊಸ ಇತಿಹಾಸವನ್ನೇ ಸೃಷ್ಟಿಸಿದೆ. ಈ ಬಾರಿಯ ಜಾತ್ರೋತ್ಸವದಲ್ಲಿ ಇದುವರೆಗೆ ಬರೋಬ್ಬರಿ 28 ಲಕ್ಷ ಭಕ್ತರು ದೇವಿಯ ದರ್ಶನ ಪಡೆದು ಪುನೀತರಾಗಿದ್ದು, ದೇವಾಲಯದ ಬೊಕ್ಕಸಕ್ಕೆ ಆನ್‌ಲೈನ್-ಆಫ್‌ಲೈನ್ ಟಿಕೆಟ್ ಹಾಗೂ ಲಾಡು ಪ್ರಸಾದ ಮಾರಾಟದಿಂದ 26 ಕೋಟಿ ರೂಪಾಯಿ ದಾಖಲೆ ಆದಾಯ ಹರಿದುಬಂದಿದೆ. ಈ ಮಹತ್ವದ ಮಾಹಿತಿಯನ್ನು ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಂ. ಶಿವಲಿಂಗೇಗೌಡ ಅವರು ಏಷ್ಯಾನೆಟ್ ಸುವರ್ಣ ನ್ಯೂಸ್‌ಗೆ ನೀಡಿದ್ದಾರೆ.

ಇಂದು ಸಂಜೆ 6 ಗಂಟೆಗೆ ಸಾರ್ವಜನಿಕ ದರ್ಶನ ಮುಕ್ತಾಯ

ಹಾಸನಾಂಬೆ ದೇವಿಯ ಸಾರ್ವಜನಿಕ ದರ್ಶನಕ್ಕೆ ಇಂದು (ನವೆಂಬರ್ 10) ಕೊನೆಯ ದಿನವಾಗಿದೆ.
- ಸಂಜೆ 4 ಗಂಟೆಗೆ: ಸಾರ್ವಜನಿಕರ ಸರತಿ ಸಾಲುಗಳು (Queue lines) ಅಧಿಕೃತವಾಗಿ ಕ್ಲೋಸ್ ಆಗಲಿವೆ.
- ಸಂಜೆ 6 ಗಂಟೆಗೆ: ಸಾರ್ವಜನಿಕ ದರ್ಶನ ಸಂಪೂರ್ಣವಾಗಿ ಮುಕ್ತಾಯಗೊಳ್ಳಲಿದೆ.

ದರ್ಶನ ಮುಗಿಯುತ್ತಿದ್ದಂತೆ ಸಂಜೆಯಿಂದಲೇ ದೇವಾಲಯದಲ್ಲಿ ಧಾರ್ಮಿಕ ಪೂಜಾ ವಿಧಿವಿಧಾನಗಳು ಪ್ರಾರಂಭವಾಗಲಿದ್ದು, ಸಿದ್ದೇಶ್ವರ ಜಾತ್ರೋತ್ಸವ ವಿಜೃಂಭಣೆಯಿಂದ ನಡೆಯಲಿದೆ. ನಾಳೆ (ನವೆಂಬರ್ 11) ಮಧ್ಯಾಹ್ನ 12 ಗಂಟೆಯ ಸುಮಾರಿಗೆ ಗರ್ಭಗುಡಿಯ ಬಾಗಿಲನ್ನು ಶಾಸ್ತ್ರೋಕ್ತವಾಗಿ ಮುಚ್ಚಲಾಗುವುದು. ಇದರೊಂದಿಗೆ ಈ ವರ್ಷದ ಹಾಸನಾಂಬೆ ದರ್ಶನೋತ್ಸವಕ್ಕೆ ವಿದ್ಯುಕ್ತ ತೆರೆ ಬೀಳಲಿದೆ.

ಮಳೆಯನ್ನೂ ಲೆಕ್ಕಿಸದೆ ಹರಿದುಬಂದ ಭಕ್ತ ಸಾಗರ!

ಕಳೆದ ಎರಡು ದಿನಗಳ ಹಿಂದೆ ದೇವಿ ದರ್ಶನಕ್ಕಾಗಿ ಭಕ್ತರ ಮಹಾಪೂರವೇ ಹರಿದುಬಂದಿತ್ತು. ಜಿಲ್ಲೆಯಲ್ಲಿ ಸುರಿಯುತ್ತಿರುವ ಮಳೆಯನ್ನೂ ಲೆಕ್ಕಿಸದೆ ಸಾವಿರಾರು ಭಕ್ತರು ಸಾಲಿನಲ್ಲಿ ನಿಂತು ದೇವಿಯ ದರ್ಶನ ಪಡೆದಿದ್ದರು. ಕೆಲವು ಭಕ್ತರು ಮಳೆಯಿಂದ ರಕ್ಷಣೆ ಪಡೆಯಲು ಚೇರ್‌ಗಳನ್ನು (ಖುರ್ಚಿ) ತಲೆ ಮೇಲೆ ಹೊತ್ತುಕೊಂಡು ಸಾಲಿನಲ್ಲಿ ಸಾಗುತ್ತಿದ್ದ ದೃಶ್ಯಗಳು ಕಂಡುಬಂದಿದ್ದವು. ಮಳೆಯ ಕಿರಿಕಿರಿ ಮತ್ತು ತೊಂದರೆಯ ನಡುವೆಯೂ ಭಕ್ತರ ಶ್ರದ್ಧೆ ಹಾಗೂ ಭಕ್ತಿ ಮುಗಿಲು ಮುಟ್ಟಿತ್ತು.

ಕಳೆದ ವರ್ಷ ಡಿಸಿಎಂ, ಈ ವರ್ಷ ಸಿಎಂ ಆಗಿ ದರ್ಶನ

ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಭಾನುವಾರ ಹಾಸನಾಂಬೆ ದರ್ಶನ ಪಡೆದಿದ್ದರು. ನಂತರ ಮಾತನಾಡಿದ ಅವರು, ಎಲ್ಲಿ ಭಕ್ತಿ ಇದ್ಯೋ ಅಲ್ಲಿ ಭಗವಂತ ಇರ್ತಾನೆ. ಧರ್ಮದಲ್ಲಿ 3 ತತ್ವ ಇವೆ. ದೇಶ ಸೇವೆ, ಈಶ ಸೇವೆ , ಪ್ರಜಾ ಸೇವೆಗಳಿವೆ. ನಾವು ಧರ್ಮವನ್ನು ರಕ್ಷಿಸಿದರೆ ಧರ್ಮ ರಕ್ಷಿಸುತ್ತದೆ. ಪೂಜೆ ಮಾತ್ರ ಧರ್ಮವಲ್ಲ. ಸತ್ಯ, ನಿಷ್ಟೆ, ಪ್ರಾಮಾಣಿಕತೆ ಇಟ್ಟುಕೊಂಡಾಗ ಧರ್ಮ ಆಗುತ್ತೆ. ಮಾನವನ ಕಲ್ಯಾಣಕ್ಕೋಸ್ಕರ ಇವತ್ತು ತಾಯಿಯ ದೇವಿ ದರ್ಶನಕ್ಕೆ ಬಂದಿದ್ದೇವೆ. ಮಳೆ-ಬೆಳೆ ಆಗಿ ಜನರಿಗೆ ನೆಮ್ಮದಿ ಸಿಗಲೆಂದು ಪ್ರಾರ್ಥಿಸಿದ್ದೇನೆ. ನಾನು ಕಳೆದ ವರ್ಷ ಡಿಸಿಎಂ ಆಗಿ ಬಂದಿದ್ದೆ. ಇಂದು ಸಿಎಂ ಮತ್ತು ಭಕ್ತ ನಾಗಿ ಬಂದಿದ್ದೇನೆ. ಅರ್ಚಕರ ಏನು ಬೇಕಿದೆ ಸೌಲಭ್ಯ ಕೇಳಿದೆ, ಸ್ವಲ್ಪ ಜಾಗ ಇತ್ತಂತೆ. ವರದಿ ತರಿಸಿಕೊಂಡು ಮನೆಗಳ ಜಾಗ ಬಿಡಿಸಿಕೊಳ್ಳುವ ಬಗ್ಗೆ ಚರ್ಚಿಸುತ್ತೇನೆ. ರಾಜ್ಯಕ್ಕೆ ಹಿತಕ್ಕಾಗಿ ಜನರಿಗೆ, ಧರ್ಮ ಕಾಪಾಡೋರಿಗೆ ಒಳ್ಳೆಯದಾಗುತ್ತದೆ ಎಂದು ಸಿಎಂ ಡಿ.ಕೆ. ಶಿವಕುಮಾರ್ ಹೇಳಿದರು.

ಹಾಸನಾಂಬೆ ಭಕ್ತರಿಗೆ ಗುಡ್‌ನ್ಯೂಸ್: ನಾಳೆ ಬೆಳಗಿನ ಜಾವ 4 ಗಂಟೆವರೆಗೂ ದೇವಿ ದರ್ಶನಕ್ಕೆ ಅವಕಾಶ, ಸಚಿವರ ಘೋಷಣೆ!

Sathish Kumar KH — Tue, 10 Nov 2026 17:35:49 +0530

ಹಾಸನ (ನ.10): ಹಾಸನದ ಅಧಿದೇವತೆ ಹಾಸನಾಂಬೆ ದರ್ಶನಕ್ಕೆ ಆಗಮಿಸುತ್ತಿರುವ ಭಕ್ತರಿಗೆ ರಾಜ್ಯ ಸರ್ಕಾರ ಸಿಹಿಸುದ್ದಿ ನೀಡಿದೆ. ಭಕ್ತರ ಸಂಖ್ಯೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ದೇವಿಯ ದರ್ಶನದ ಅವಧಿಯನ್ನು ವಿಸ್ತರಿಸಲು ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಂ. ಶಿವಲಿಂಗೇಗೌಡ ನಿರ್ಧರಿಸಿದ್ದಾರೆ. ಅದರಂತೆ, ನಾಳೆ ಬೆಳಗಿನ ಜಾವ 4 ಗಂಟೆಯವರೆಗೂ ಭಕ್ತರಿಗೆ ಹಾಸನಾಂಬೆ ದರ್ಶನ ಪಡೆಯಲು ಅವಕಾಶ ಕಲ್ಪಿಸಲಾಗಿದೆ. ಹೀಗಾಗಿ, ದೀಪಾವಳಿ ಹಬ್ಬದ ಬಳಿಕ ದೇವಿಯ ದರ್ಶನಕ್ಕೆ ಆಗಮಿಸುತ್ತಿರುವ ಭಕ್ತರಿಗೆ ದೊಡ್ಡ ಅನುಕೂಲವಾಗಲಿದೆ.

ನಾಳೆ ಬೆಳಗಿನ ಜಾವ 4 ಗಂಟೆಯವರೆಗೂ ದರ್ಶನಕ್ಕೆ ಅವಕಾಶ

ಹಾಸನಾಂಬೆ ದರ್ಶನಕ್ಕೆ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತರು ಆಗಮಿಸುತ್ತಿದ್ದಾರೆ. ಹಬ್ಬದ ಹಿನ್ನೆಲೆಯಲ್ಲಿ ಅನೇಕರು ತಮ್ಮ ಕುಟುಂಬದ ಹಿರಿಯರಿಗೆ ಎಡೆ ಇಟ್ಟ ಬಳಿಕ ದೇವಿಯ ದರ್ಶನ ಪಡೆಯಲು ಹಾಸನಕ್ಕೆ ಬರುತ್ತಿದ್ದಾರೆ. ಹೀಗಾಗಿ, ದರ್ಶನದ ಅವಧಿಯನ್ನು ಹೆಚ್ಚಿಸುವಂತೆ ಭಕ್ತರಿಂದ ಬೇಡಿಕೆ ವ್ಯಕ್ತವಾಗಿತ್ತು. ಈ ಹಿನ್ನೆಲೆಯಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವ ಕೆ.ಎಂ. ಶಿವಲಿಂಗೇಗೌಡ ಅವರು ದರ್ಶನದ ಸಮಯ ವಿಸ್ತರಿಸುವುದಾಗಿ ತಿಳಿಸಿದ್ದಾರೆ. ಬಂದಿರುವ ಭಕ್ತರು ದೇವಿಯ ದರ್ಶನ ಪಡೆಯದೆ ವಾಪಸ್ ಹೋಗಬಾರದು ಎಂಬ ಉದ್ದೇಶದಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಹೇಳಿದ್ದಾರೆ.

ರಾತ್ರಿ 10ರಿಂದ ಬೆಳಗ್ಗೆ 4ರವರೆಗೆ ನಿರಂತರ ದರ್ಶನ

ದರ್ಶನದ ವೇಳಾಪಟ್ಟಿಯ ಕುರಿತು ಮಾಹಿತಿ ನೀಡಿದ ಸಚಿವರು, ರಾತ್ರಿ 8 ಗಂಟೆಯಿಂದ 10 ಗಂಟೆಯವರೆಗೆ ದೇವಿಗೆ ನೈವೇದ್ಯ ಪೂಜೆ ನಡೆಯಲಿದೆ. ಬಳಿಕ ರಾತ್ರಿ 10 ಗಂಟೆಯಿಂದ ಮರುದಿನ ಬೆಳಗಿನ ಜಾವ 4 ಗಂಟೆಯವರೆಗೆ ಭಕ್ತರಿಗೆ ನಿರಂತರವಾಗಿ ದೇವಿಯ ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ. ಭಕ್ತರು ಯಾವುದೇ ಆತಂಕವಿಲ್ಲದೆ ಹಾಸನಕ್ಕೆ ಆಗಮಿಸಿ ಸುಲಲಿತವಾಗಿ ದೇವಿಯ ದರ್ಶನ ಪಡೆದು ತೆರಳಬಹುದು ಎಂದು ಸಚಿವರು ಮನವಿ ಮಾಡಿದ್ದಾರೆ.

ಮುಂದಿನ ವರ್ಷ ಮತ್ತೆ ದರ್ಶನಕ್ಕೆ ಕಾಯಬೇಕು!

ಹಾಸನಾಂಬೆ ದೇವಿಯ ದರ್ಶನದ ಅವಕಾಶ ವರ್ಷದಲ್ಲಿ ನಿರ್ದಿಷ್ಟ ಅವಧಿಗೆ ಮಾತ್ರ ಸಿಗುವುದರಿಂದ, ಈ ಬಾರಿ ದರ್ಶನಕ್ಕೆ ಬಂದಿರುವ ಭಕ್ತರು ಅವಕಾಶ ಕಳೆದುಕೊಳ್ಳಬಾರದು. ಮುಂದಿನ ವರ್ಷ ಮತ್ತೆ ದೇವಿಯ ದರ್ಶನಕ್ಕೆ ಕಾಯಬೇಕಾಗುತ್ತದೆ. ಆದ್ದರಿಂದ ಈಗಾಗಲೇ ಹಾಸನಕ್ಕೆ ಆಗಮಿಸಿರುವ ಭಕ್ತರಿಗೆ ಅನುಕೂಲವಾಗುವಂತೆ ಹೆಚ್ಚುವರಿ ಸಮಯ ನಿಗದಿಪಡಿಸಲಾಗಿದೆ ಎಂದು ಶಿವಲಿಂಗೇಗೌಡ ತಿಳಿಸಿದ್ದಾರೆ.

ದೀಪಾವಳಿ ಹಬ್ಬದ ಸಂಭ್ರಮ ಮುಗಿಸಿ ದೇವಿಯ ದರ್ಶನಕ್ಕೆ ಬರುತ್ತಿರುವ ಭಕ್ತರು ಹಾಗೂ ಕುಟುಂಬದ ಹಿರಿಯರಿಗೆ ಎಡೆ ಇಟ್ಟ ಬಳಿಕ ಹಾಸನಾಂಬೆ ದರ್ಶನ ಪಡೆಯಲು ಬಯಸುವವರಿಗೆ ಈ ನಿರ್ಧಾರ ಅನುಕೂಲವಾಗಲಿದೆ.

ಒಟ್ಟಿನಲ್ಲಿ, ಭಕ್ತರ ಹೆಚ್ಚುತ್ತಿರುವ ಸಂಖ್ಯೆಯನ್ನು ಗಮನದಲ್ಲಿಟ್ಟುಕೊಂಡು ದರ್ಶನದ ಅವಧಿಯನ್ನು ವಿಸ್ತರಿಸಿರುವುದು ಹಾಸನಾಂಬೆ ಭಕ್ತರಲ್ಲಿ ಸಂತಸ ಮೂಡಿಸಿದೆ. ನಾಳೆ ಬೆಳಗಿನ ಜಾವ 4 ಗಂಟೆಯವರೆಗೂ ದರ್ಶನಕ್ಕೆ ಅವಕಾಶ ಇರುವುದರಿಂದ ದೇವಿಯ ದರ್ಶನ ಪಡೆಯಲು ಬಯಸುವ ಭಕ್ತರಿಗೆ ಮತ್ತಷ್ಟು ಸಮಯ ಸಿಕ್ಕಂತಾಗಿದೆ.

Astrology: ಪೂರ್ವ ಪುಣ್ಯ ಯೋಗದಿಂದ 4 ರಾಶಿಯ ಜನರು ಭರ್ಜರಿಯಾಗಿ ಆಸ್ತಿ ಮಾಡ್ತಾರೆ!

Mahmad Rafik — Wed, 11 Nov 2026 09:16:07 +0530

ಜ್ಯೋತಿಷ್ಯದ ಪ್ರಕಾರ, ಪೂರ್ವ ಪುಣ್ಯ ಯೋಗ ಜಾಗೃತವಾದಾಗ ಅದೃಷ್ಟವು ದಿಢೀರನೆ ಒಲಿಯುತ್ತದೆ. 2026ರ ನವೆಂಬರ್ ಹಾಗೂ ಡಿಸೆಂಬರ್‌ನಲ್ಲಿ ಗ್ರಹಗಳ ಚಲನೆಯಿಂದ 4 ರಾಶಿಗಳಿಗೆ ಭರ್ಜರಿ ಆರ್ಥಿಕ ಲಾಭ ಹಾಗೂ ಆಸ್ತಿ ಯೋಗ ದೊರೆಯಲಿದೆ.

ಜ್ಯೋತಿಷ್ಯದ ನಿಯಮಗಳ ಪ್ರಕಾರ, ಒಬ್ಬರ ಜಾತಕದಲ್ಲಿ ಪೂರ್ವ ಪುಣ್ಯ ಯೋಗ ಜಾಗೃತವಾದಾಗ, ಇಷ್ಟು ದಿನಗಳ ಕಾಲ ಮಲಗಿದ್ದ ಅದೃಷ್ಟ ದಿಢೀರನೆ ಬಾಗಿಲು ತಟ್ಟುತ್ತದೆ. ಬಹಳ ದಿನಗಳಿಂದ ಎಷ್ಟೇ ಪ್ರಯತ್ನಪಟ್ಟರೂ ಮಾರಾಟವಾಗದ ಜಮೀನುಗಳು ಹೆಚ್ಚಿನ ಬೆಲೆಗೆ ಸೇಲ್ ಆಗುತ್ತವೆ.

ಕೈತಪ್ಪಿ ಹೋದ ಪೂರ್ವೀಕ ಆಸ್ತಿಗಳು ತಾವಾಗಿಯೇ ಒಲಿದು ಬರುತ್ತವೆ. ಷೇರು ಮಾರುಕಟ್ಟೆ, ರಿಯಲ್ ಎಸ್ಟೇಟ್ ಹಾಗೂ ಚಿನ್ನದ ಮೇಲಿನ ಹೂಡಿಕೆಗಳಿಂದ ದುಪ್ಪಟ್ಟು ಲಾಭ ಸಿಗುತ್ತದೆ. ಒಟ್ಟಿನಲ್ಲಿ ಹೇಳುವುದಾದರೆ, "ಇವರು ಮುಟ್ಟಿದ್ದೆಲ್ಲಾ ಚಿನ್ನವಾಗುವ" ಸುವರ್ಣ ಕಾಲವಿದು!

ಪ್ರಸ್ತುತ ನಡೆಯುತ್ತಿರುವ ನವೆಂಬರ್ ಹಾಗೂ ಡಿಸೆಂಬರ್ 2026ರ ಅವಧಿಯಲ್ಲಿ ಸಂಭವಿಸುವ ಪ್ರಮುಖ ಗ್ರಹಗಳ ಬದಲಾವಣೆಗಳು ಮತ್ತು ಅವುಗಳ ದೃಷ್ಟಿಯಿಂದಲೇ ಈ ಪೂರ್ವ ಪುಣ್ಯ ಯೋಗವು ಸಂಪೂರ್ಣ ಫಲಗಳನ್ನು ನೀಡಲು ಶುರುಮಾಡಿದೆ.

ಮಂಗಳ - ಗುರು ಮತ್ತು ಕೇತುವಿನ ಸಂಚಾರ ಕಾಲ (ನವೆಂಬರ್ - ಡಿಸೆಂಬರ್ 2026): ಸಿಂಹ ರಾಶಿಯಲ್ಲಿ ಮಂಗಳ ಹಾಗೂ ಕೇತುವಿನ ಪ್ರಬಲ ಸಂಯೋಗ, ಜೊತೆಗೆ ಧನುಸ್ಸು ಮತ್ತು ಸಿಂಹ ರಾಶಿಗಳ ನಡುವೆ ಇರುವ ಗುರುವಿನ ದೃಷ್ಟಿ ಸೇರಿ ಈ ಪೂರ್ವ ಪುಣ್ಯ ಸ್ಥಾನವನ್ನು (5ನೇ ಮನೆ) ಸಂಪೂರ್ಣವಾಗಿ ಜಾಗೃತಗೊಳಿಸುತ್ತಿವೆ.

ಬುಧ ವಕ್ರ ನಿವಾರಣೆ ಹಾಗೂ ಶುಕ್ರನ ಬದಲಾವಣೆ (ನವೆಂಬರ್ ಅಂತ್ಯದಿಂದ ಡಿಸೆಂಬರ್ 2026ರವರೆಗೆ): ಈ ಸಮಯದಲ್ಲಿ ಗ್ರಹಗಳ ಚಲನೆಯಲ್ಲಾಗುವ ಬದಲಾವಣೆಗಳು, ಹಿಂದಿನ ದಿನಗಳಲ್ಲಿ ನೆನೆಗುದಿಗೆ ಬಿದ್ದಿದ್ದ ಆಸ್ತಿ ವಿಚಾರಗಳನ್ನು ಹಾಗೂ ಪೂರ್ವ ಪುಣ್ಯದ ಫಲಗಳನ್ನು ತಕ್ಷಣವೇ ಹೊರತರುತ್ತವೆ. ಒಟ್ಟಿನಲ್ಲಿ ಹೇಳಬೇಕೆಂದರೆ, ಈ 2026ರ ಕೊನೆಯ ಎರಡು ತಿಂಗಳುಗಳ (ನವೆಂಬರ್ ಮತ್ತು ಡಿಸೆಂಬರ್) ಉದ್ದಕ್ಕೂ ಈ ಯೋಗದ ಪ್ರಭಾವ ಉತ್ತುಂಗದಲ್ಲಿರುತ್ತದೆ!

ಯೋಗದ ತಿರುವು: ಪೂರ್ವ ಪುಣ್ಯ ಸ್ಥಾನವಾದ 5ನೇ ಮನೆಯಲ್ಲಿ ಶುಭ ಗ್ರಹಗಳ ಪ್ರಭಾವ ಹೆಚ್ಚಾಗುವುದರಿಂದ, ನೀವು ಹಾಕುವ ಪ್ರತಿಯೊಂದು ಹೆಜ್ಜೆಯೂ ಭಾರೀ ಆರ್ಥಿಕ ಯಶಸ್ಸನ್ನು ತಂದುಕೊಡುತ್ತದೆ.

ಫಲಗಳು: ಸ್ವಂತ ಮನೆ ಖರೀದಿಸಬೇಕು ಎನ್ನುವ ನಿಮ್ಮ ಹಲವು ವರ್ಷಗಳ ಕನಸು ಈ ಯೋಗದ ಅವಧಿಯಲ್ಲಿ ನನಸಾಗುತ್ತದೆ. ರಿಯಲ್ ಎಸ್ಟೇಟ್ ಮತ್ತು ಭೂಮಿಯ ವ್ಯವಹಾರದಲ್ಲಿರುವವರು ನಿರೀಕ್ಷೆಗೂ ಮೀರಿದ ದೊಡ್ಡ ಡೀಲ್‌ಗಳನ್ನು ಪಡೆದು ಭರ್ಜರಿ ಲಾಭ ನೋಡುತ್ತಾರೆ. ಕೃಷಿ ಜಮೀನುಗಳು ಅಥವಾ ಕಮರ್ಷಿಯಲ್ ಕಾಂಪ್ಲೆಕ್ಸ್‌ಗಳನ್ನು ಖರೀದಿಸುವ ಯೋಗ ಕೂಡಿಬರುತ್ತದೆ.

ಯೋಗದ ತಿರುವು: ಪೂರ್ವ ಪುಣ್ಯ ಯೋಗದ ಬಲದಿಂದ ನಿಮ್ಮ ಹಣಕಾಸಿನ ಸ್ಥಾನ ಹಾಗೂ ಧನ ಸ್ಥಾನ ಬಲಗೊಂಡು ಅசைக்கಲಾಗದ ಶಕ್ತಿಯನ್ನು ಪಡೆಯುತ್ತದೆ.

ಫಲಗಳು: ಇಷ್ಟು ದಿನಗಳ ಕಾಲ ನಿಮ್ಮನ್ನು ಕಾಡುತ್ತಿದ್ದ ಸಾಲಗಳೆಲ್ಲವೂ ಸಂಪೂರ್ಣವಾಗಿ ತೀರುತ್ತವೆ. ಜಮೀನು ಹಾಗೂ ಕಟ್ಟಡಗಳಲ್ಲಿ ಮಾಡುವ ಹೂಡಿಕೆಗಳು ನಿಮಗೆ ಜೀವಮಾನವಿಡೀ ಬತ್ತದ ಆದಾಯವನ್ನು ತಂದುಕೊಡುತ್ತವೆ. ಕಮರ್ಷಿಯಲ್ ಬಿಲ್ಡಿಂಗ್‌ಗಳು ಹಾಗೂ ಹೊಸ ನಿವೇಶನಗಳನ್ನು ಖರೀದಿಸಿ ಜೀವನದಲ್ಲಿ ಶಾಶ್ವತವಾಗಿ ಸೆಟಲ್ ಆಗುತ್ತೀರಿ.

ಯೋಗದ ತಿರುವು: ನಿಮ್ಮ ರಾಶ್ಯಾಧಿಪತಿ ಹಾಗೂ 5ನೇ ಅಧಿಪತಿಯ ತ್ರಿಕೋಣ ಸಂಯೋಗವು ಪೂರ್ವ ಪುಣ್ಯದ ಅಲೆಗಳನ್ನು ಹತ್ತುಪಟ್ಟು ಹೆಚ್ಚಿಸುತ್ತದೆ.

ಫಲಗಳು: ಅನಿರೀಕ್ಷಿತ ದಾರಿಗಳಿಂದ ದಿಢೀರ್ ಹಣದ ಹರಿವು, ಹಾಗೂ ಚಿನ್ನಾಭರಣಗಳು, ಬೆಲೆಬಾಳುವ ಆಸ್ತಿಗಳನ್ನು ಖರೀದಿಸುವ ಅವಕಾಶ ಹುಡುಕಿಕೊಂಡು ಬರುತ್ತದೆ. ಹಳೆಯ ಹೂಡಿಕೆಗಳಿಂದ ಬಂದ ಲಾಭವನ್ನು ಬಳಸಿ ಹೊಸ ಮನೆಗಳನ್ನು ಕಟ್ಟಲು ಶುರುಮಾಡುತ್ತೀರಿ. ಸಮಾಜದಲ್ಲಿ ನಿಮ್ಮ ಅಂತಸ್ತು ಹಾಗೂ ಅಧಿಕಾರಯುತ ಆಸ್ತಿಗಳ ಗಳಿಕೆ ಎಷ್ಟೋ ಪಟ್ಟು ಹೆಚ್ಚಾಗುತ್ತದೆ.

ಯೋಗದ ತಿರುವು: ನಿಮ್ಮ ರಾಶಿಗೆ ಪೂರ್ವ ಪುಣ್ಯ ಸ್ಥಾನದ ಅಧಿಪತಿಯಾದ ಮಂಗಳ ಹಾಗೂ ಗುರುವಿನ ಶುಭ ದೃಷ್ಟಿಗಳು ಒಂದಾಗುವುದರಿಂದ, ಪೂರ್ವ ಪುಣ್ಯ ಯೋಗವು ಸಂಪೂರ್ಣವಾಗಿ ಕೆಲಸ ಮಾಡಲು ಶುರುವಾಗುತ್ತದೆ.

ಫಲಗಳು: ಹಿರಿಯರ ಪೂರ್ವೀಕ ಆಸ್ತಿಗಳು ಯಾವುದೇ ಅಡೆತಡೆಯಿಲ್ಲದೆ ನಿಮ್ಮ ಕೈಸೇರುತ್ತವೆ. ಬಾಕಿ ಉಳಿದಿದ್ದ ಜಮೀನು ವಿವಾದಗಳು ಹಾಗೂ ಕೋರ್ಟ್ ಕೇಸ್‌ಗಳು ನಿಮ್ಮ ಪರವಾಗಿ ಇತ್ಯರ್ಥಗೊಂಡು, ಕೋಟಿಗಟ್ಟಲೆ ಪರಿಹಾರ ಅಥವಾ ಆಸ್ತಿಗಳು ಸಿಗುತ್ತವೆ. ಹೊಸ ನಿವೇಶನಗಳು ಹಾಗೂ ಮನೆಗಳಲ್ಲಿ ಹೂಡಿಕೆ ಮಾಡಿ ಆಸ್ತಿ ಮೌಲ್ಯವನ್ನು ಹೆಚ್ಚಿಸಿಕೊಳ್ಳುತ್ತೀರಿ.

Disclaimer: ಇದು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಇದನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ ದೃಢೀಕರಿಸುವದಿಲ್ಲ.

ರಜನೀ ಸ್ಟೈಲ್ನಲ್ಲಿ ದೀಪಾವಳಿ ಶುಭಾಶಯ ಕೋರಿದ ಮಲೇಷ್ಯಾ ಪ್ರಧಾನಿ: ವಿಡಿಯೋ ವೈರಲ್

Suchethana D — Mon, 09 Nov 2026 18:01:43 +0530

ದೆಹಲಿ: ಸೂಪರ್ಸ್ಟಾರ್ ರಜನಿಕಾಂತ್ ಅವರನ್ನು ಅನುಸರಿಸುವವರು ತುಂಬಾ ಅಭಿಮಾನಿಗಳು ಇದ್ದಾರೆ. ಏಕೆಂದರೆ, ಅವರ ಕೆಲವೊಂದು ಸ್ಟೈಲ್ಗಳಿಗೆ ಅವರೇ ಸಾಟಿ ಎನ್ನುವಂತಿದೆ. ಪ್ರತಿಯೊಂದು ಸಿನಿಮಾದಲ್ಲಿಯೂ ಅವರ ವಿಭಿನ್ನ ಸ್ಟೈಲ್ಗಳು ಜನಪ್ರಿಯವಾಗಿದ್ದು, ಕೆಲವೊಂದನ್ನು ಯಾರೇ ಮಾಡಿದರೂ ಅದು ರಜನೀಕಾಂತ್ ಅವರ ಸ್ಟೈಲೇ ಎನ್ನುವಷ್ಟರ ಮಟ್ಟಿಗೆ ಫೇಮಸ್ ಆಗಿದೆ. ಅಷ್ಟಕ್ಕೂ ರಜನೀಕಾಂತ್ ಅವರಿಗೆ ಭಾರತ ಮಾತ್ರವಲ್ಲದೇ ವಿದೇಶದಲ್ಲಿಯೂ ಸಿಕ್ಕಾಪಟ್ಟೆ ಫ್ಯಾನ್ಸ್ ಇದ್ದಾರೆ. ಅವರಲ್ಲಿ ಒಬ್ಬರು ಮಲೇಷ್ಯಾದ ಪ್ರಧಾನಿ ಅನ್ವರ್ ಇಬ್ರಾಹಿಂ. ಇದಾಗಲೇ ಹೊಸ ವರ್ಷ ಸೇರಿದಂತೆ ಕೆಲವು ಸಂದರ್ಭದಲ್ಲಿ ಪ್ರಧಾನಿ ಅನ್ವರ್ ಇಬ್ರಾಹಿಂ ಅವರು, ರಜನೀಕಾಂತ್ ಅವರ ಸ್ಟೈಲ್ನಲ್ಲಿಯೇ ವಿಷ್ ಮಾಡಿರುವುದು ಇದೆ.

ಇದೀಗ ಅವರು ಇನ್ನೊಂದು ಹೆಜ್ಜೆ ಮುಂದಕ್ಕೆ ಹೋಗಿದ್ದಾರೆ. ರಜನೀಕಾಂತ್ ಅವರ ಐಕಾನಿಕ್ ಸ್ಟೈಲ್ನಲ್ಲಿ ಒಂದಾಗಿರುವುದು ಸನ್ ಗ್ಲಾಸ್‌ಗಳನ್ನು ತಿರುಗಿಸುತ್ತಾ ಕಣ್ಣಿಗೆ ಧರಿಸುವುದು. ಅದೇ ಸ್ಟೈಲ್ನಲ್ಲಿ ಈಗ ಪ್ರಧಾನಿ ಅನ್ವರ್ ಇಬ್ರಾಹಿಂ ಭಾರತದ ಜನರು ಹಾಗೂ ವಿದೇಶಗಳಲ್ಲಿ ವಾಸಿಸುವ ಹಿಂದೂಗಳಿಗೆ ದೀಪಾವಳಿ ಶುಭಾಶಯಗಳನ್ನು ತಿಳಿಸಿದ್ದಾರೆ. ಇದರ ವಿಡಿಯೋ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಇಬ್ರಾಹಿಂ ಅವರು ಕಂಟೆಂಟ್ ಕ್ರಿಯೇಟರ್ ದೇವರಾಜ್ ಡೇವಿಡ್ ಅವರೊಂದಿಗೆ ಕಾಣಿಸಿಕೊಂಡಿದ್ದು, ರಜನಿಕಾಂತ್ ಅವರ ಸಿನಿಮಾದ ಸಂಭಾಷಣೆ ಸಹ ಕೇಳಿಸುತ್ತದೆ. ಹಿಂದಿ ಚಲನಚಿತ್ರಗಳು ಮತ್ತು ಸಂಗೀತದ ದೊಡ್ಡ ಅಭಿಮಾನಿಯಾಗಿರುವ ಇಬ್ರಾಹಿಂ, ನಾಗರಿಕರು ದೀಪಾವಳಿಯನ್ನು ತಮ್ಮ ಕುಟುಂಬದೊಂದಿಗೆ ಆಚರಿಸುವಂತೆ ಕರೆ ನೀಡಿದ್ದಾರೆ.

'ಸಂಸ್ಕೃತಿಗಳು ಮತ್ತು ಸಂಪ್ರದಾಯಗಳ ವೈವಿಧ್ಯತೆಯನ್ನು ಶಾಶ್ವತಗೊಳಿಸುವ ಬಹುತ್ವ ಸಮಾಜದಲ್ಲಿ, ಪರಸ್ಪರ ಗೌರವ, ತಿಳಿವಳಿಕೆ ಮತ್ತು ವ್ಯತ್ಯಾಸಗಳನ್ನು ಸ್ವೀಕರಿಸುವ ಮೌಲ್ಯವನ್ನು ನಿರಂತರವಾಗಿ ಬಲಪಡಿಸಬೇಕು. ಈ ಆಚರಣೆಯು ಏಕತೆಯನ್ನು ಬಲಪಡಿಸಲು, ಜನಾಂಗಗಳ ನಡುವಿನ ಅಂತರವನ್ನು ಕಡಿಮೆ ಮಾಡಲು ಮತ್ತು ಅಗತ್ಯವಿರುವವರಿಗೆ ದಾನ ಮತ್ತು ಕಾಳಜಿಯ ಮೌಲ್ಯಗಳನ್ನು ತುಂಬಲು ಒಂದು ಮಾಧ್ಯಮವಾಗಲಿ' ಎಂದು ಪ್ರಧಾನಿ ಇಬ್ರಾಹಿಂ ಫೇಸ್‌ಬುಕ್ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

ಇದೇ ಮೊದಲಲ್ಲ

ಇಬ್ರಾಹಿಂ 2023 ರಲ್ಲಿ ರಜನೀಕಾಂತ್ ಅವರನ್ನು ಭೇಟಿಯಾಗಿದ್ದರು. ಕೆಲ ತಿಂಗಳ ಹಿಂದೆ ದೆಹಲಿಯಲ್ಲಿ ನಡೆದ ಬ್ರಿಕ್ಸ್‌ ಶೃಂಗಸಭೆಯಲ್ಲಿ ಭಾಗವಹಿಸಲು ಭಾರತಕ್ಕೆ ಬಂದಿದ್ದ ಮಲೇಷ್ಯಾ ಪ್ರಧಾನಿ ಅನ್ವರ್‌ ಇಬ್ರಾಹಿಂ ಅವರು, ಹಿಂದಿ ಚಿತ್ರರಂಗದ ದಿಗ್ಗದ ಗಾಯಕರಾದ ಮುಕೇಶ್‌ ಮತ್ತು ಕಿಶೋರ್‌ ಕುಮಾರ್‌ ಅವರ ಹಾಡುಗಳನ್ನು ಹಾಡಿ ಗಮನ ಸೆಳೆದಿದ್ದರು. ಬ್ರಿಕ್ಸ್‌ ಗಾಲೆ ಡಿನ್ನರ್‌ ಪಾರ್ಟಿಯಲ್ಲಿ, ಮಲೇಷ್ಯಾ ಪ್ರಧಾನಿ ಅನ್ವರ್‌ ಇಬ್ರಾಹಿಂ ಅವರು ಮುಕೇಶ್‌ ಅವರ "ದೋಸ್ತ್‌ ದೋಸ್ತ್‌ ನಾ ರಹಾ.." ಮತ್ತು ಕಿಶೋರ್‌ ಕುಮಾರ್‌ ಅವರ "ಖ್ವಾಬ್‌ ಹೋ ತುಮ್‌ ಯಾ ಕೋಯಿ ಹಕೀಕತ್.."‌ ಹಾಡುಗಳನ್ನು ಹಾಡಿದರು. ಅನ್ವರ್‌ ಇಬ್ರಾಹಿಂ ಅವರು ಹಿಂದಿ ಚಿತ್ರ ಗೀತೆಗಳನ್ನು ಹಾಡಿದ್ದರು.

ಮಲೇಷ್ಯಾ ಪ್ರಧಾನಿ ಅನ್ವರ್‌ ಇಬ್ರಾಹಿಂ ಅವರು ಭಾರತೀಯ ಹಾಡುಗಳ ಮೇಲಿನ ತಮ್ಮ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದು ಇದೇ ಮೊದಲ ಬಾರಿಯಲ್ಲ. ಭಾರತೀಯ ಚಲನಚಿತ್ರ ಮತ್ತು ಸಂಗೀತದ ಬಗ್ಗೆ ತಮಗಿರುವ ಅಚಲ ಪ್ರೀತಿಯ ಬಗ್ಗೆ, ಅನ್ವರ್‌ ಇಬ್ರಾಹಿಂ ದೀರ್ಘಕಾಲದಿಂದಲೂ ಮಾತನಾಡುತ್ತಾ ಬಂದಿದ್ದಾರೆ. ಅವರು ಈ ಹಿಂದೆ ಭಾರತಕ್ಕೆ ಭೇಟಿ ನೀಡಿದ್ದಾಗ ಮಾಧ್ಯಮಗಳೊಂದಿಗಿನ ಸಂವಾದವೊಂದರಲ್ಲಿ, ಕಿಶೋರ್ ಕುಮಾರ್ ಅವರ ಹಾಡನ್ನು ಹಾಡಿದ್ದರು ಮತ್ತು 2024ರಲ್ಲಿ ದೆಹಲಿಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮುಕೇಶ್ ಅವರ ಜನಪ್ರಿಯ ಗೀತೆಯನ್ನು ಪ್ರಸ್ತುತಪಡಿಸಿದ್ದರು.

Deepavali Nalvaalthukkal!

#MalaysiaMADANI

#YakinMADANI https://t.co/PDxKmIesAA

— Anwar Ibrahim (@anwaribrahim) November 6, 2026

ವಿವಾದದಲ್ಲಿ ನಟಿ ಕರೀನಾ ಕಪೂರ್ ದೀಪಾವಳಿ ಪೆಂಡೆಂಟ್: ಕಾಂಗ್ರೆಸ್ ವಕ್ತಾರ ಅಬ್ಬಾಸ್ ಕಾನೂನು ನೋಟಿಸ್

Suchethana D — Thu, 12 Nov 2026 13:12:48 +0530

ಮುಂಬೈ: ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್ ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಿಂದ ವಿವಾದಕ್ಕೆ ಸಿಲುಕಿದ್ದಾರೆ. ಭೋಪಾಲ್ ಮೂಲದ ಅಬ್ಬಾಸ್ ಹಫೀಜ್ ಅವರು ಕರೀನಾ ಕಪೂರ್ ಮತ್ತು ಅವರ ಸ್ಟೈಲಿಸ್ಟ್ ರಿಯಾ ಕಪೂರ್ ಅವರಿಗೆ ಕಾನೂನು ನೋಟಿಸ್ ಕಳುಹಿಸಿದ್ದಾರೆ. ದೀಪಾವಳಿ ಸಂದರ್ಭದಲ್ಲಿ ಹಂಚಿಕೊಂಡ ಫೋಟೋಗಳಲ್ಲಿ ಕರೀನಾ ಧರಿಸಿದ್ದ ಐತಿಹಾಸಿಕ ಪೆಂಡೆಂಟ್‌ಗೆ ಹಫೀಜ್ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಪೆಂಡೆಂಟ್ ಭೋಪಾಲ್ ರಾಜ್ಯದ ಬೇಗಂಗಳ ಪರಂಪರೆಗೆ ಸಂಬಂಧಿಸಿದೆ ಮತ್ತು ಅದರ ಮೇಲೆ ಕುರಾನ್‌ನ ಪವಿತ್ರ ಪದ್ಯವನ್ನು ಕೆತ್ತಲಾಗಿದೆ ಎಂದು ಅವರು ಹೇಳಿದ್ದಾರೆ. ಧಾರ್ಮಿಕ ಭಾವನೆಗಳಿಗೆ ವಿರುದ್ಧವಾಗಿ ಅದನ್ನು ಧರಿಸುವುದನ್ನು ಅವರು ಫ್ಯಾಷನ್ ಎಂದು ಹೇಳಿದ್ದಕ್ಕೆ ಕಿಡಿ ಕಾರಿದ್ದಾರೆ.

ಕಾಂಗ್ರೆಸ್ ಪಕ್ಷದ ವಕ್ತಾರ ಅಬ್ಬಾಸ್ ಹಫೀಜ್ ಪ್ರಕಾರ, ಕರೀನಾ ಕಪೂರ್ ದೀಪಾವಳಿ ಸಂದರ್ಭದಲ್ಲಿ ಸಾಮಾಜಿಕ ಮಾಧ್ಯಮದಲ್ಲಿ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇವುಗಳಲ್ಲಿ, ಭೋಪಾಲ್ ರಾಜ್ಯದ ಬೇಗಂಗಳ ಐತಿಹಾಸಿಕ ಪರಂಪರೆಗೆ ಸಂಬಂಧಿಸಿದ ಪೆಂಡೆಂಟ್ ಧರಿಸಿದ್ದರು. ಪೆಂಡೆಂಟ್‌ನಲ್ಲಿ ಕುರಾನ್‌ನ ಪದ್ಯವನ್ನು ಕೆತ್ತಲಾಗಿದೆ ಎಂದು ಹಫೀಜ್ ಹೇಳಿದ್ದಾರೆ.ಈ ಧಾರ್ಮಿಕ ಮಹತ್ವದಿಂದಾಗಿ, ಅವರು ನಟಿ ಮತ್ತು ಅವರ ಸ್ಟೈಲಿಸ್ಟ್ ರಿಯಾ ಕಪೂರ್ ಅವರಿಗೆ ಕಾನೂನು ನೋಟಿಸ್ ಕಳುಹಿಸಿದ್ದಾರೆ.

ಫ್ಯಾಷನ್ ಪರಿಕರವಾಗಿ ಆಯತ್-ಉಲ್-ಕುರ್ಸಿ ಧರಿಸುವುದಕ್ಕೆ ಆಕ್ಷೇಪ

ಮುಸ್ಲಿಂ ಸಮುದಾಯದಲ್ಲಿ ಕುರಾನ್‌ನ ಪದ್ಯಗಳನ್ನು ಅತ್ಯಂತ ಪವಿತ್ರವೆಂದು ಪರಿಗಣಿಸಲಾಗಿದೆ ಎಂದು ಹಫೀಜ್ ಹೇಳಿದ್ದಾರೆ. ಧಾರ್ಮಿಕ ನಂಬಿಕೆಯ ಪ್ರಕಾರ, ಅನೇಕ ಜನರು ಶುದ್ಧತೆಯ ಸ್ಥಿತಿಯಾದ ಶುದ್ಧೀಕರಣದ ಸಮಯದಲ್ಲಿ ಮಾತ್ರ ಕುರಾನ್ ಪದ್ಯಗಳನ್ನು ಮುಟ್ಟುತ್ತಾರೆ. ಧಾರ್ಮಿಕ ನಂಬಿಕೆಗಳಿಗೆ ಸಂಬಂಧಿಸಿದ ಈ ಪೆಂಡೆಂಟ್ ಅನ್ನು ಫ್ಯಾಷನ್ ಹೇಳಿಕೆಯಾಗಿ ಧರಿಸಲಾಗಿದೆ ಎಂದು ಅವರು ಆಕ್ಷೇಪಿಸಿದರು, ಅದನ್ನು ಅವರು ಸೂಕ್ತವಲ್ಲ ಎಂದು ಎಂದಿದ್ದಾರೆ. ಭೋಪಾಲ್ ನವಾಬನ ಲಾಂಛನವನ್ನು ಧರಿಸಲು ತಮಗೆ ಯಾವುದೇ ಆಕ್ಷೇಪವಿಲ್ಲ, ಆದರೆ ಪವಿತ್ರ ಪದ್ಯವಿರುವ ಪೆಂಡೆಂಟ್ ಅನ್ನು ಈ ರೀತಿ ಬಳಸುವುದು ಸೂಕ್ತವಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.

ಸಾರ್ವಜನಿಕ ಕ್ಷಮೆಯಾಚನೆಗೆ ಆಗ್ರಹ

ಕಾನೂನು ಸೂಚನೆಯ ಮೂಲಕ, ಅಬ್ಬಾಸ್ ಹಫೀಜ್ ಕರೀನಾ ಕಪೂರ್ ತನ್ನ ಎಲ್ಲಾ ಸಾಮಾಜಿಕ ಮಾಧ್ಯಮ ಖಾತೆಗಳಿಂದ ಫೋಟೋಗಳನ್ನು ತಕ್ಷಣ ತೆಗೆದುಹಾಕಿ ಸಾರ್ವಜನಿಕವಾಗಿ ಕ್ಷಮೆಯಾಚಿಸಬೇಕೆಂದು ಒತ್ತಾಯಿಸಿದರು. ಪವಿತ್ರ ಧಾರ್ಮಿಕ ಚಿಹ್ನೆಗಳನ್ನು ಈ ರೀತಿ ಬಳಸಬಾರದು ಎಂದು ಅವರು ಹೇಳಿದ್ದಾರೆ. ಈ ವಿಷಯದ ಬಗ್ಗೆ ಕರೀನಾ ಕಪೂರ್ ಮತ್ತು ರಿಯಾ ಕಪೂರ್ ಅವರಿಂದ ಯಾವುದೇ ಪ್ರತಿಕ್ರಿಯೆ ವರದಿಯಾಗಿಲ್ಲ. ಅಬ್ಬಾಸ್ ಹಫೀಜ್ ಅವರ ವಕೀಲ ಮೊಹಮ್ಮದ್ ಜಾಫರ್, ಈ ಕೃತ್ಯವು ಮುಸ್ಲಿಂ ಸಮುದಾಯದ ಧಾರ್ಮಿಕ ಭಾವನೆಗಳಿಗೆ ನೋವುಂಟು ಮಾಡಿದೆ ಎಂದು ಹೇಳಿದ್ದಾರೆ. ಇದರ ಆಧಾರದ ಮೇಲೆ, ಬೇಡಿಕೆ ನೋಟಿಸ್ ನೀಡಲಾಗಿದೆ. ಫೋಟೋಗಳನ್ನು ತೆಗೆದು ಸಾರ್ವಜನಿಕ ಕ್ಷಮೆಯಾಚಿಸದಿದ್ದರೆ, ಪೊಲೀಸ್ ಅಥವಾ ಸಕ್ಷಮ ನ್ಯಾಯಾಲಯದ ಮೂಲಕ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ವಕೀಲರು ಎಚ್ಚರಿಸಿದ್ದಾರೆ. ಪ್ರಸ್ತುತ, ನೋಟಿಸ್ ಮೂಲಕ ಎತ್ತಲಾದ ಆಕ್ಷೇಪಣೆಗಳು ಮತ್ತು ಸಂಭಾವ್ಯ ಕಾನೂನು ಕ್ರಮಗಳ ಕುರಿತು ಚರ್ಚೆಯಲ್ಲಿದೆ.

ದೀಪಾವಳಿ ಹಬ್ಬಕ್ಕೂ ಮುನ್ನ ಶಿವಮೊಗ್ಗದ ಗ್ರಾಮಗಳಲ್ಲಿ 'ನೋನಿ' ಸಂಭ್ರಮ: ಈ ಹಬ್ಬದ ವಿಶೇಷನೆ ಏನು ಗೊತ್ತಾ?

Sathish Kumar KH — Sun, 08 Nov 2026 14:39:43 +0530

ಶಿವಮೊಗ್ಗ: ಬೆಳಕಿನ ಹಬ್ಬ ದೀಪಾವಳಿಗೆ ಇಡೀ ನಾಡು ಸಜ್ಜಾಗುತ್ತಿರುವ ಬೆನ್ನಲ್ಲೇ, ಮಲೆನಾಡಿನ ಹೆಬ್ಬಾಗಿಲು ಶಿವಮೊಗ್ಗ ಜಿಲ್ಲೆಯ ಗ್ರಾಮೀಣ ಭಾಗಗಳಲ್ಲಿ ಹಬ್ಬಕ್ಕೂ ಮೂರ್ನಾಲ್ಕು ದಿನ ಮುಂಚಿತವಾಗಿಯೇ ಸಾಂಪ್ರದಾಯಿಕ 'ನೋನಿ ಹಬ್ಬ'ದ ಸಡಗರ ಮನೆಮಾಡಿದೆ. ರಿಪ್ಪನ್‌ಪೇಟೆ ಹಾಗೂ ಲಕ್ಕವಳ್ಳಿ ಸುತ್ತಮುತ್ತಲಿನ ಹಳ್ಳಿಗಳಲ್ಲಿ ಗ್ರಾಮ ದೇವತೆಗಳಿಗೆ ವಿಶೇಷ ಪೂಜೆ ಸಲ್ಲಿಸಿ, ಪ್ರಾಣಿ ಬಲಿ ನೀಡುವ ಮೂಲಕ ಪೂರ್ವಜರ ಕಾಲದಿಂದ ನಡೆದುಬಂದ ಐತಿಹಾಸಿಕ 'ನೋನಿ' ಆಚರಣೆಯನ್ನು ಗ್ರಾಮಸ್ಥರು ಶ್ರದ್ಧಾ-ಭಕ್ತಿಯಿಂದ ಆಚರಿಸಿದ್ದಾರೆ.

ಏನಿದು 'ನೋನಿ' ಹಬ್ಬದ ಸಂಪ್ರದಾಯ?

ದೀಪಾವಳಿಯ ಮುನ್ನ ದಿನಗಳಲ್ಲಿ ಗ್ರಾಮದ ರಕ್ಷಣೆಗಾಗಿ ಊರ ದೇವರುಗಳನ್ನು ತಣಿಸುವುದು ಈ ಹಬ್ಬದ ಮುಖ್ಯ ಉದ್ದೇಶ. ಬರುವೆ ದೊಡ್ಡಿನಕೊಪ್ಪ ಹಾಗೂ ಲಕ್ಕವಳ್ಳಿ ಗ್ರಾಮಗಳಲ್ಲಿ ನೆಲೆಸಿರುವ ಏಳು ಮಕ್ಕಳ ತಾಯಿ ಶೀಲವಂತ ಚೌಡಮ್ಮ, ರಣದೇವರು, ಯಕ್ಷಿದೇವತೆ ಹಾಗೂ ಗಡಿ ಭೂತರಾಯ ದೇವರುಗಳಿಗೆ ವಾರ್ಷಿಕವಾಗಿ ಈ ಪೂಜೆ ಸಲ್ಲಿಸಲಾಗುತ್ತದೆ.

ಭಕ್ತರು ತಮ್ಮ ಇಷ್ಟಾರ್ಥ ಸಿದ್ಧಿಗಾಗಿ ಏಳು ಮಕ್ಕಳ ತಾಯಿ ಶೀಲವಂತ ಚೌಡಮ್ಮನಿಗೆ ಹೂವು, ಹಣ್ಣು, ಕಾಯಿಗಳ ನೈವೇದ್ಯ ಅರ್ಪಿಸಿದರೆ;
ಊರ ಗಡಿ ಕಾಯುವ ಉಗ್ರ ದೇವತೆಗಳಾದ ಕಾಟಿಕಾ ದೇವರು, ರಣದೇವರು ಮತ್ತು ಭೂತರಾಯನಿಗೆ ಸಂಪ್ರದಾಯದಂತೆ ಪ್ರಾಣಿ ಬಲಿ ನೀಡಿ ತಮ್ಮ ಹರಕೆ ತೀರಿಸುವುದು ಇಲ್ಲಿನ ಅನಾದಿ ಕಾಲದ ಪದ್ಧತಿ.

ಜಾತಿ ಭೇದವಿಲ್ಲದ ಸಾಮರಸ್ಯ – ಮನೆಮನೆ ವರಾಡ:

ಈ ಹಬ್ಬದ ಅತ್ಯಂತ ಸುಂದರ ಮುಖವೆಂದರೆ ಗ್ರಾಮಸ್ಥರ ಒಗ್ಗಟ್ಟು. ಯಾವುದೇ ಜಾತಿ-ಮತ ಭೇದವಿಲ್ಲದೆ ಗ್ರಾಮದ ಪ್ರತಿಯೊಂದು ಮನೆಗೂ ತೆರಳಿ 'ವರಾಡ' (ಹಬ್ಬದ ವಂತಿಗೆ ಹಣ) ಸಂಗ್ರಹಿಸಲಾಗುತ್ತದೆ. ಬಳಿಕ ಇಡೀ ಊರಿನ ಹಿರಿಯರು-ಕಿರಿಯರು ಒಂದಾಗಿ ಗ್ರಾಮದೇವತೆಯ 'ಬನ'ವನ್ನು (ಪವಿತ್ರ ವನ) ಸ್ವಚ್ಛಗೊಳಿಸುತ್ತಾರೆ. ಮಾವಿನ ತೋರಣ, ಕಬ್ಬು ಮತ್ತು ಬಾಳೆಯ ದಿಂಡುಗಳಿಂದ ಬನವನ್ನು ಕಣ್ಮನ ಸೆಳೆಯುವಂತೆ ಅಲಂಕರಿಸಿ, ತಳಿರು-ತೋರಣ ಕಟ್ಟಿ ದೇವರಿಗೆ ಶ್ರದ್ಧೆಯಿಂದ ಪೂಜೆ ಸಲ್ಲಿಸಲಾಗುತ್ತದೆ.

ರೋಗರುಜಿನಗಳಿಂದ ಗ್ರಾಮ ರಕ್ಷಣೆಯ ಅಚಲ ನಂಬಿಕೆ:

"ವರ್ಷಕ್ಕೊಮ್ಮೆ ದೀಪಾವಳಿಗೆ ಮುನ್ನ ಗ್ರಾಮ ದೇವತೆಗಳಿಗೆ ಈ ರೀತಿ ಪೂಜೆ ಸಲ್ಲಿಸಿದರೆ, ಊರಿಗೆ ಯಾವುದೇ ಸಾಂಕ್ರಾಮಿಕ ರೋಗರುಜಿನಗಳು, ದುಷ್ಟ ಶಕ್ತಿಗಳ ಬಾಧೆ ತಟ್ಟುವುದಿಲ್ಲ. ಬೆಳೆ-ಬಾಳು ಸಮೃದ್ಧಿಯಾಗಿರುತ್ತದೆ ಮತ್ತು ದೇವತೆಗಳು ಗ್ರಾಮವನ್ನು ಕಣ್ಣಲ್ಲಿ ಕಣ್ಣಿಟ್ಟು ಕಾಯುತ್ತಾರೆ" ಎಂಬುದು ಇಲ್ಲಿನ ಜನರ ಬಲವಾದ ನಂಬಿಕೆ.

ಆಧುನಿಕತೆಯ ಭರಾಟೆಯ ನಡುವೆಯೂ ನಮ್ಮ ಪೂರ್ವಿಕರು ಕಟ್ಟಿಬೆಳೆಸಿದ ಈ ಜನಪದ ನಂಬಿಕೆ ಹಾಗೂ ಸಾಂಸ್ಕೃತಿಕ ಪರಂಪರೆಯನ್ನು ಮುಂದಿನ ಪೀಳಿಗೆಯ ಯುವಜನತೆಗೂ ತಲುಪಿಸುವ ಕೆಲಸವನ್ನು ಗ್ರಾಮದ ಹಿರಿಯರು ಮುಂದುವರಿಸಿಕೊಂಡು ಹೋಗುತ್ತಿರುವುದು ಈ 'ನೋನಿ' ಹಬ್ಬದ ಹೆಗ್ಗಳಿಕೆಯಾಗಿದೆ.

ದೀಪಾವಳಿ ಆರಂಭದಲ್ಲೇ ಬೆಂಗಳೂರಿನಲ್ಲಿ 106% ಏರಿದ ವಾಯು ಮಾಲಿನ್ಯ! ಪಟಾಕಿ ಶಬ್ದಕ್ಕೆ ಸತ್ತು ಬಿದ್ದ ಪಕ್ಷಿಗಳು

Sathish Kumar KH — Mon, 09 Nov 2026 13:52:25 +0530

ಬೆಂಗಳೂರು (ನ.09): ದೇಶದ ರಾಜಧಾನಿ ದೆಹಲಿ ಬೆನ್ನಲ್ಲೇ ಇದೀಗ ಕರ್ನಾಟಕದ ರಾಜಧಾನಿ ನಮ್ಮ ಬೆಂಗಳೂರಿನಲ್ಲೂ ವಾಯು ಮಾಲಿನ್ಯದ ಮಟ್ಟ (Air Pollution Level) ಅಪಾಯಕಾರಿ ರೀತಿಯಲ್ಲಿ ಏರಿಕೆಯಾಗಿದೆ. ದೀಪಾವಳಿ ಹಬ್ಬದ ನಿಮಿತ್ತ ಸಾರ್ವಜನಿಕರು ಭಾರೀ ಪ್ರಮಾಣದಲ್ಲಿ ಪಟಾಕಿ ಸಿಡಿಸುತ್ತಿರುವುದೇ ಈ ಪರಿಸ್ಥಿತಿಗೆ ಕಾರಣ ಎಂದು ಪರಿಸರ ತಜ್ಞ ರವಿನಾರಾಯಣ ಆತಂಕ ವ್ಯಕ್ತಪಡಿಸಿದ್ದಾರೆ.

ಪರಿಸರ ತಜ್ಞ ರವಿನಾರಾಯಣ ಅವರು ನೀಡಿರುವ ಮಾಹಿತಿಯಂತೆ, ದೆಹಲಿಯಲ್ಲಿ ವಾಯು ಮಾಲಿನ್ಯದ ಪ್ರಮಾಣ ಭಾರಿ ಅಂತರದಲ್ಲಿ ಹೆಚ್ಚಿದ್ದು 480% ಕ್ಕೆ ತಲುಪಿದೆ. ಇತ್ತ ಬೆಂಗಳೂರಿನಲ್ಲಿ ಸಾಮಾನ್ಯವಾಗಿ ಕೇವಲ 38-40% ಇದ್ದ ಮಾಲಿನ್ಯದ ಪ್ರಮಾಣ, ದೀಪಾವಳಿ ಪಟಾಕಿಯ ಅಬ್ಬರದಿಂದಾಗಿ ಏಕಾಏಕಿ 106% ಕ್ಕೆ ಏರಿಕೆಯಾಗಿದೆ.

ಅಸ್ತಮಾ ರೋಗಿಗಳು ಹಾಗೂ ಸಾರ್ವಜನಿಕರಿಗೆ ತೀವ್ರ ತೊಂದರೆ

ಸಿಲಿಕಾನ್ ಸಿಟಿಯಲ್ಲಿ ಏಕಾಏಕಿ ಮಾಲಿನ್ಯ ಪ್ರಮಾಣ ಹೆಚ್ಚಾಗಿರುವುದರಿಂದ ಅಸ್ತಮಾ, ಉಸಿರಾಟದ ತೊಂದರೆ ಮತ್ತು ಅಲರ್ಜಿ ಸಮಸ್ಯೆಯಿಂದ ಬಳಲುತ್ತಿರುವ ರೋಗಿಗಳಿಗೆ ಭಾರಿ ತೊಂದರೆಯಾಗುತ್ತಿದೆ. ಪಟಾಕಿಗಳಿಂದ ಹೊರಹೊಮ್ಮುವ ವಿಷಕಾರಿ ಹೊಗೆಯು ಭೂಮಿಯ ವಾತಾವರಣವನ್ನು ಬಿಟ್ಟು ಎಲ್ಲೂ ಹೋಗುವುದಿಲ್ಲ, ಕೊನೆಗೆ ಅದನ್ನು ನಾವೇ ಉಸಿರಾಡಬೇಕಾಗುತ್ತದೆ. ಇದರಿಂದ ದೀರ್ಘಕಾಲದ ತೀವ್ರ ಆರೋಗ್ಯ ಸಮಸ್ಯೆಗಳು (Side Effects) ಎದುರಾಗಲಿವೆ ಎಂದು ತಜ್ಞರು ಎಚ್ಚರಿಸಿದ್ದಾರೆ.

ಮರದ ಮೇಲೆಯೇ ಪ್ರಾಣ ಬಿಡುತ್ತಿರುವ ಪಕ್ಷಿಗಳು!

ಪಟಾಕಿಯ ಶಬ್ದ ಮತ್ತು ಹೊಗೆಯಿಂದ ಕೇವಲ ಮಾನವರಷ್ಟೇ ಅಲ್ಲದೆ ಮೂಕ ಪ್ರಾಣಿ-ಪಕ್ಷಿಗಳೂ ಸಂಕಷ್ಟಕ್ಕೆ ಸಿಲುಕಿವೆ. ರಾತ್ರಿ ವೇಳೆಯಲ್ಲಿ ಎಲ್ಲಿಗೂ ಹಾರಿಕೊಂಡು ಹೋಗಲಾಗದ ಪಕ್ಷಿಗಳು ತಾವು ವಾಸವಾಗಿದ್ದ ಮರದ ಕೊಂಬೆಗಳ ಮೇಲೆಯೇ ಕುಳಿತು, ಪಟಾಕಿಯ ಕಿವಿಮುrowಚುವ ಶಬ್ದಕ್ಕೆ ಎದೆಯೊಡೆದು ಮರದ ಮೇಲಿಂದ ಬಿದ್ದು ಪ್ರಾಣ ಬಿಡುತ್ತಿವೆ.

ಜನರ ಅತಿಯಾದ ಪಟಾಕಿ ಹುಚ್ಚಿನಿಂದಾಗಿ ನಿಸರ್ಗದ ಮೇಲೆ ಭಾರಿ ದುಷ್ಪರಿಣಾಮ ಬೀರುತ್ತಿದ್ದು, ಸಾರ್ವಜನಿಕರು ಪರಿಸರ ಸ್ನೇಹಿ ಹಾಗೂ ಜವಾಬ್ದಾರಿಯುತ ರೀತಿಯಲ್ಲಿ ಹಬ್ಬ ಆಚರಿಸಬೇಕಿದೆ ಎಂದು ರವಿನಾರಾಯಣ ಮನವಿ ಮಾಡಿದ್ದಾರೆ.

ಬೆಂಗಳೂರಿನ ದೀಪಾವಳಿ ಲಂಡನ್ ಡೌನಿಂಗ್ ಸ್ಟ್ರೀಟ್‌ವೆರಗೆ, ಮನದಾಳ ಹಂಚಿದ ಸುಧಾಮೂರ್ತಿ ಪುತ್ರಿ

Chethan Kumar — Tue, 10 Nov 2026 21:01:41 +0530

ಲಂಡನ್ (ನ.10) ದೇಶ ವಿದೇಶಗಳಲ್ಲಿ ದೀಪಾವಳಿ ಹಬ್ಬ ಸಂಭ್ರಮದಿಂದ ಆಚರಿಸಲಾಗುತ್ತಿದೆ. ವಿದೇಶದಲ್ಲಿ ನೆಲೆಸಿರುವ ಭಾರತೀಯರು ದೀಪಾವಳಿ ಹಬ್ಬವನ್ನು ಆಚರಿ ಖುಷಿ ಹಂಚಿಕೊಳ್ಳುತ್ತಿದ್ದಾರೆ. ಬೆಂಗಳೂರಿನಲ್ಲಿ ಕುಟುಂಬದ ಜೊತೆ ದೀಪಾವಳಿ ಆಚರಿಸುತ್ತಿದ್ದ ಇನ್ಫೋಸಿಸ್ ಸಂಸ್ಥಾಪಕ ನಾರಾಯಣ ಮೂರ್ತಿ ಹಾಗೂ ಸುಧಾಮೂರ್ತಿ ಪುತ್ರಿ ಅಕ್ಷತಾ ಮೂರ್ತಿ ಇದೀಗ ಲಂಡನ್‌ನ ದೀಪಾವಳಿ ಸಂಭ್ರಮ ಹಂಚಿಕೊಂಡಿದ್ದಾರೆ. ಬ್ರಿಟನ್ ಮಾಜಿ ಪ್ರಧಾನಿ ಋಷಿ ಸುನಕ್ ಪತ್ನಿ ಅಕ್ಷತಾ ಮೂರ್ತಿ ಕುಟುಂಬದ ಜೊತೆ ಲಂಡನ್‌ನ ದೀಪಾವಳಿಯ ಹಲವ ವಿಶೇಷತೆ, ಬೆಂಗಳೂರಿನ ನೆನಪು ಹಂಚಿಕೊಂಡಿದ್ದಾರೆ.

ಬಾಲ್ಯದ ದಿನಗಳಲ್ಲಿ ಬೆಂಗಳೂರಿನಲ್ಲಿ ಬಳಿಕ ಅಮೆರಿಕದ ಕ್ಯಾಲಿಫೋರ್ನಿಯಾ, ಬ್ರಿಟನ್ ಪ್ರಧಾನಿ ಅಧಿಕೃತ ನಿವಾಸ ಲಂಡನ್‌ನ 10 ಡೌನಿಂಗ್ ಸ್ಟ್ರೀಟ್‌ವರೆಗೆ ದೀಪಾವಳಿ ಹಬ್ಬದ ಆಚರಣೆ ಕುರಿತು ಅಕ್ಷತಾ ಮೂರ್ತಿ ಹೇಳಿಕೊಂಡಿದ್ದಾರೆ. ಬೆಂಗಳೂರಿನಲ್ಲಿ ದೀಪಾವಳಿ ಎಂದರೆ ಮನೆಮಂದಿಯೆಲ್ಲಾ ಸೇರಿ ಸಾಂಪ್ರದಾಯಿಕ ಶೈಲಿಯಲ್ಲಿ ಹಣತೆ ಬೆಳಗಿಸುವುದು, ಮನೆ ಮುಂದೆ ರಂಗೋಲಿ ಬಿಡಿಸುವುದು ಹಾಗೂ ಸಿಹಿತಿಂಡಿಗಳನ್ನು ಪರಸ್ಪರ ಹಂಚಿಕೊಂಡು ಸಂಭ್ರಮಿಸುವುದಾಗಿತ್ತು ಎಂದು ನೆನಪಿಸಿಕೊಂಡಿದ್ದಾರೆ.

ಶಿಕ್ಷಣಕ್ಕಾಗಿ ಅಮೆರಿಕಾದ ಕ್ಯಾಲಿಫೋರ್ನಿಯಾಗೆ ತೆರಳಿದಾಗ ಹಬ್ಬದ ದಿನಗಳಲ್ಲಿ ಮನೆಯಿಂದ ದೂರವಿದ್ದೇವೆ ಎಂದು ಪದೇ ಪದೇ ಕಾಡುತ್ತಿತ್ತು. ವಿದೇಶದಲ್ಲಿರುವ ಭಾರತೀಯ ಸಮುದಾಯದ ಜೊತೆ ಹಬ್ಬ ಆಚರಿಸುತ್ತಿದ್ದೆವು. ಹೀಗಾಗಿ ನಮ್ಮ ಸಾಂಸ್ಕೃತಿ ಬೇರುಗಳು ಗಟ್ಟಿಗೊಂಡಿತ್ತು. ಹಬ್ಬಗಳು ಸಂಬಂಧಗಳನ್ನು ಗಟ್ಟಿಗೊಳಿಸಿತ್ತು.

ಪ್ರಧಾನಿ ನಿವಾಸದಲ್ಲಿ ದೀಪಾವಳಿ

ಋಷಿ ಸುನಕ್ (Rishi Sunak) ಬ್ರಿಟನ್ ಪ್ರಧಾನಿಯಾದ ಬಳಿಕ ಲಂಡನ್‌ನ 10 ಡೌನಿಂಗ್ ಸ್ಟ್ರೀಟ್‌‌ನಲ್ಲಿ ದೀಪಾವಳಿ ಮತ್ತೊಂದು ಹಂತ ತಲುಪಿತ್ತು. ಬ್ರಿಟನ್ ಪ್ರಧಾನಿ ನಿವಾಸದ ಮುಂದೆ ದೀಪಾವಳಿಯ ದೀಪಗಳನ್ನು ಬೆಳಗಲಾಗಿತ್ತು.ಬ್ರಿಟನ್‌ನ ತೀವ್ರ ಚಳಿಯ ನಡುವೆಯೂ ಮೈತುಂಬಾ ದಪ್ಪನೆಯ ಕೋಟ್ ಧರಿಸಿ, ಡೌನಿಂಗ್ ಸ್ಟ್ರೀಟ್ ಬಾಗಿಲಲ್ಲಿ ಹಣತೆ ದೀಪಗಳನ್ನು ಸಾಲಾಗಿ ಜೋಡಿಸಿ ಬೆಳಗುತ್ತಿದ್ದ ಕ್ಷಣಗಳು ಅತೀವ ಹೆಮ್ಮೆ ತಂದಿದ್ದವು" ಎಂದು ಅಕ್ಷತಾ ಮೂರ್ತಿ ಹೇಳಿಕೊಂಡಿದ್ದಾರೆ.

ನಾವು ಪ್ರಪಂಚದ ಯಾವುದೇ ಮೂಲೆಯಲ್ಲಿದ್ದರೂ, ಹವಾಮಾನ ಬದಲಾಗಿದ್ದರೂ, ಆಚರಿಸುವ ಸ್ಥಳಗಳು ಬೇರೆಯಾಗಿದ್ದರೂ ದೀಪಾವಳಿ ನೀಡುವ ಸಂದೇಶ ಮತ್ತು ಅದಕ್ಕೆ ಸಂಬಂಧಿಸಿದ ಕಥೆಗಳು ಎಂದಿಗೂ ಬದಲಾಗುವುದಿಲ್ಲ. ಕತ್ತಲೆಯನ್ನು ಸರಿಸಿ ಬೆಳಕನ್ನು ತರುವ ಹಾಗೂ ಸತ್ಯಕ್ಕೆ ಜಯ ತಂದುಕೊಡುವ ಈ ಹಬ್ಬದ ಆಂತರಿಕ ಚೈತನ್ಯ ಜಾಗತಿಕವಾಗಿ ಒಂದೇ ಆಗಿದೆ" ಎಂದು ಅಕ್ಷತಾ ಮೂರ್ತಿ ತಮ್ಮ ಭಾವುಕ ಸಾಲುಗಳನ್ನು ಕೊನೆಗೊಳಿಸಿದ್ದಾರೆ. ಅವರ ಈ ಸಾಂಸ್ಕೃತಿಕ ಪಯಣದ ಬರವಣಿಗೆ ನೆಟ್ಟಿಗರ ಭಾರಿ ಮೆಚ್ಚುಗೆಗೆ ಪಾತ್ರವಾಗಿದೆ

ಅಯೋಧ್ಯೆಯ ಆಗಸದಲ್ಲಿ ರಾಮಾಯಣ ಚಿತ್ರಣ! 2,100ಕ್ಕೂ ಹೆಚ್ಚು ಡ್ರೋನ್‌ಗಳಿಂದ ಬೆಳಕಿನ ಚಿತ್ತಾರ

Suchethana D — Sat, 07 Nov 2026 20:22:52 +0530

ಅಯೋಧ್ಯಾ (ಉತ್ತರ ಪ್ರದೇಶ): ದೀಪಾವಳಿ ಆರಂಭವಾಗಿದೆ. ಅಯೋಧ್ಯೆಯಲ್ಲಿನ ರಾಮಲಲ್ಲಾ ದೇಗುಲವೂ ಹಬ್ಬಕ್ಕೆ ಸಜ್ಜಾಗಿ ನಿಂತಿದೆ. ಪ್ರತಿ ವರ್ಷದಂತೆ ಈ ವರ್ಷವೂ ಅದ್ಧೂರಿಯಾಗಿ ಬೆಳಕಿನ ಹಬ್ಬವನ್ನು ಆಚರಿಸಲಾಗುತ್ತಿದೆ. ಸರಯೂ ನದಿಯ 56 ಘಾಟ್‌ಗಳಲ್ಲಿ 30 ಲಕ್ಷಕ್ಕೂ ಅಧಿಕ ಮಣ್ಣಿನ ದೀಪಗಳನ್ನು ಬೆಳಗಿಸುವ ಮೂಲಕ 10ನೇ ಆವೃತ್ತಿಯ ದೀಪೋತ್ಸವಕ್ಕೆ ಇದಾಗಲೇ ಚಾಲನೆ ನೀಡಲಾಗಿದೆ. ನಗರದ ಪ್ರಮುಖ ರಸ್ತೆಗಳು, ದೇವಾಲಯಗಳು ಮತ್ತು ಧಾರ್ಮಿಕ ಸ್ಥಳಗಳನ್ನು ವಿದ್ಯುತ್ ದೀಪಗಳು ಹಾಗೂ ಹೂವಿನ ಅಲಂಕಾರಗಳಿಂದ ಸಿಂಗರಿಸಲಾಗಿದೆ. ರಾಮಜನ್ಮಭೂಮಿ ದೇವಸ್ಥಾನವೂ ವಿಶೇಷ ಬೆಳಕಿನ ಅಲಂಕಾರದಿಂದ ಕಂಗೊಳಿಸುತ್ತಿದೆ. ಭವ್ಯ ಸರಯೂ ಮಹಾ ಆರತಿ, 2,100ಕ್ಕೂ ಹೆಚ್ಚು ಡ್ರೋನ್‌ಗಳ ಮೂಲಕ ರಾಮಾಯಣದ ದೃಶ್ಯಾವಳಿ ಹಾಗೂ ಐದು ದೇಶಗಳ ಕಲಾವಿದರ ಸಾಂಸ್ಕೃತಿಕ ಪ್ರದರ್ಶನಗಳು ಈ ಬಾರಿಯ ಉತ್ಸವದ ಪ್ರಮುಖ ಆಕರ್ಷಣೆಗಳಾಗಿವೆ.

ಸೂರ್ಯವಂಶದ ರಾಜ ಭಗವಾನ್ ಶ್ರೀರಾಮನ ನಗರವಾದ ಅಯೋಧ್ಯೆಯಲ್ಲಿ ದೀಪಾವಳಿಗೆ ವಿಶೇಷ ಮಹತ್ವವಿದೆ. ಈ ಪವಿತ್ರ ಸಂದರ್ಭದಲ್ಲಿ, ದೇವತೆಗಳ ಹೆಸರುಗಳು ಮತ್ತು ಸಂಖ್ಯೆಗಳಿಗೆ ಅನುಗುಣವಾಗಿ ದೀಪಗಳನ್ನು ಬೆಳಗಿಸುವ ಸಂಪ್ರದಾಯವು ನಂಬಿಕೆ ಮತ್ತು ಆಧ್ಯಾತ್ಮಿಕ ಪ್ರಜ್ಞೆಯನ್ನು ಪ್ರತಿಬಿಂಬಿಸುತ್ತದೆ. ಅಯೋಧ್ಯೆಯ ಭವ್ಯ ನೋಟವು ಕೇವಲ ಕಣ್ಣುಗಳನ್ನು ಆಕರ್ಷಿಸುವ ದೃಶ್ಯವಲ್ಲ, ಬದಲಾಗಿ ಭಾರತೀಯ ಸಂಸ್ಕೃತಿ ಮತ್ತು ಸನಾತನ ಸಂಪ್ರದಾಯಗಳ ಜೀವಂತ ಅಭಿವ್ಯಕ್ತಿಯಾಗಿದೆ.

ಆಗಸದಲ್ಲಿ ಚಿತ್ತಾರ

ಉಪ ರಾಷ್ಟ್ರಪತಿ ಸಿ.ಪಿ.ರಾಧಾಕೃಷ್ಣ ಅವರ ನೇತೃತ್ವದಲ್ಲಿ, ಸುಮಾರು 2,147 ಮಂದಿ ಜನಪ್ರತಿನಿಧಿಗಳು, ಸ್ಥಳೀಯ ಸದಸ್ಯರು ಹಾಗೂ ಸಾರ್ವಜನಿಕರು ಸಾಮೂಹಿಕ ಮಹಾ ಆರತಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ವೇದಮಂತ್ರಗಳ ಪಠಣದೊಂದಿಗೆ ನಡೆಯುವ ಈ ಧಾರ್ಮಿಕ ಕಾರ್ಯಕ್ರಮ ಸರಯೂ ತೀರಕ್ಕೆ ವಿಶೇಷ ಮೆರುಗು ನೀಡಲಿದೆ. ರಾತ್ರಿ 2,100 ಡ್ರೋನ್‌ಗಳ ಪ್ರದರ್ಶನದಲ್ಲಿ ರಾಮಾಯಣದ ಪ್ರಮುಖ ಪ್ರಸಂಗಗಳನ್ನು ಆಕಾಶದಲ್ಲಿ ಮೂಡಿಸಲಾಗುತ್ತದೆ. ಐದು ದೇಶಗಳ ಕಲಾವಿದರು ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಪ್ರಸ್ತುತಪಡಿಸಲಿದ್ದಾರೆ. ಭಕ್ತರು ಮತ್ತು ಪ್ರವಾಸಿಗರ ಹೆಚ್ಚಿನ ಆಗಮನ ನಿರೀಕ್ಷಿಸಿ ಬಿಗಿ ಪೊಲೀಸ್ ಭದ್ರತೆಯನ್ನೂ ಕೈಗೊಳ್ಳಲಾಗಿದೆ.

ಅಯೋಧ್ಯೆಗೆ ಜಗದ್ಗುರು ಆಗಮನ

ಜಗದ್ಗುರು ಸ್ವಾಮಿ ಸತಿಶಾಚಾರ್ಯ ಜಿ ಮಹಾರಾಜ್ ಅವರು ಆಚರಣೆಗಳನ್ನು ವೀಕ್ಷಿಸಲು ಮತ್ತು ಸಿದ್ಧತೆಗಳನ್ನು ಪರಿಶೀಲಿಸಲು ಅಯೋಧ್ಯೆಗೆ ಆಗಮಿಸಿದ್ದಾರೆ. ಹಬ್ಬದ ಧಾರ್ಮಿಕ, ಆಧ್ಯಾತ್ಮಿಕ ಮತ್ತು ಸಾಂಸ್ಕೃತಿಕ ಮಹತ್ವದ ಬಗ್ಗೆ ಮಾತನಾಡಿದ ಸತಿಶಾಚಾರ್ಯರು, "ತ್ರೇತಾಯುಗದಲ್ಲಿ ಪ್ರಭು ಶ್ರೀರಾಮನ ಆಗಮನದ ಸಮಯದಲ್ಲಿ ಅಯೋಧ್ಯೆಯನ್ನು ದೀಪಗಳಿಂದ ಬೆಳಗಿಸಿದಂತೆಯೇ, ಇಂದು, ಯೋಗಿ ಆದಿತ್ಯನಾಥ್ ಜಿ ಅವರ ಪ್ರಯತ್ನಗಳ ಮೂಲಕ, ಭಗವಾನ್ ರಾಮನ ಅದೇ ನಗರವು ಮತ್ತೊಮ್ಮೆ ಇಡೀ ಜಗತ್ತಿಗೆ ಬೆಳಕಿನ ಸಂದೇಶವನ್ನು ರವಾನಿಸುತ್ತಿದೆ" ಎಂದು ಹೇಳಿದರು.

ಶುಕ್ರನ ಕೃಪೆ: ನವೆಂಬರ್ 22ರವರೆಗೆ ಈ 5 ರಾಶಿಯವರ ಬ್ಯಾಂಕ್ ಬ್ಯಾಲೆನ್ಸ್ ಹೆಚ್ಚಳ ಪಕ್ಕಾ!

Ashwini HR — Thu, 12 Nov 2026 17:58:28 +0530

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ನವಗ್ರಹಗಳಲ್ಲಿ ಶುಕ್ರ ಗ್ರಹಕ್ಕೆ ಅತ್ಯಂತ ಮಹತ್ವದ ಸ್ಥಾನವಿದೆ. ಶುಕ್ರನನ್ನು ಸಿರಿ-ಸಂಪತ್ತು, ಐಷಾರಾಮಿ ಜೀವನ, ದಾಂಪತ್ಯ ಸುಖ, ಸೌಂದರ್ಯ ಹಾಗೂ ಆಕರ್ಷಣೆಯ ಅಧಿಪತಿ ಎಂದು ಕರೆಯಲಾಗುತ್ತದೆ. ಜಾತಕದಲ್ಲಿ ಶುಕ್ರನ ಸ್ಥಾನ ಬಲವಾಗಿದ್ದರೆ ಆ ವ್ಯಕ್ತಿಯ ಜೀವನದಲ್ಲಿ ಹಣಕಾಸಿನ ಕೊರತೆ ಇರುವುದಿಲ್ಲ. ಪ್ರಸ್ತುತ ನವೆಂಬರ್ 6ರಂದು ಕನ್ಯಾ ರಾಶಿಯನ್ನು ಪ್ರವೇಶಿಸಿರುವ ಶುಕ್ರನು, ನವೆಂಬರ್ 22ರ ವರೆಗೂ ಅದೇ ರಾಶಿಯಲ್ಲಿ ಸಂಚರಿಸಲಿದ್ದಾನೆ. ಈ ಗೋಚಾರ ಫಲದಿಂದಾಗಿ ಐದು ರಾಶಿಗಳ ಜನರ ಜೀವನದಲ್ಲಿ ಮಹತ್ತರ ಸಕಾರಾತ್ಮಕ ಬದಲಾವಣೆಗಳು ಕಂಡುಬರಲಿದ್ದು, ಬ್ಯಾಂಕ್ ಬ್ಯಾಲೆನ್ಸ್ ಹೆಚ್ಚಾಗುವ ಯೋಗವಿದೆ. ಆ ಅದೃಷ್ಟದ ರಾಶಿಗಳ ವಿವರ ಇಲ್ಲಿದೆ.

1. ವೃಷಭ ರಾಶಿ (Taurus)

ವೃಷಭ ರಾಶಿಯವರಿಗೆ ಶುಕ್ರನ ಈ ಸಂಚಾರವು ಆರ್ಥಿಕವಾಗಿ ದೊಡ್ಡ ನೆಮ್ಮದಿಯನ್ನು ತರಲಿದೆ. ಬಹಳ ದಿನಗಳಿಂದ ಕಾಡುತ್ತಿದ್ದ ಹಣದ ಮುಗ್ಗಟ್ಟು ನಿವಾರಣೆಯಾಗಲಿದೆ. ಹಿಂದೆ ಯಾರಿಗೋ ಕೊಟ್ಟು ಸಿಲುಕಿಕೊಂಡಿದ್ದ ಹಣ ಅನಿರೀಕ್ಷಿತವಾಗಿ ನಿಮ್ಮ ಕೈಸೇರಲಿದೆ. ಹಳೆಯ ಪರಿಚಯಸ್ಥರ ಸಹಕಾರದಿಂದ ವ್ಯಾಪಾರದಲ್ಲಿ ಲಾಭದ ಪ್ರಮಾಣ ದುಪ್ಪಟ್ಟಾಗಲಿದೆ. ಜೊತೆಗೆ ಕುಟುಂಬದಲ್ಲಿ ಹರ್ಷದ ವಾತಾವರಣವಿದ್ದು, ಜೀವನ ಸಂಗಾತಿಯೊಂದಿಗೆ ಉತ್ತಮ ಸಮಯ ಕಳೆಯುವಿರಿ.

2. ಸಿಂಹ ರಾಶಿ (Leo)

ಸಿಂಹ ರಾಶಿಯವರಿಗೆ ನವೆಂಬರ್ 22ರ ವರೆಗೆ ಆರ್ಥಿಕ ವಿಚಾರಗಳಲ್ಲಿ ಅದೃಷ್ಟ ಕೈಹಿಡಿಯಲಿದೆ. ಬಹಳ ದಿನಗಳಿಂದ ಹೊಸ ಯೋಜನೆ ಅಥವಾ ಷೇರುಗಳಲ್ಲಿ ಹೂಡಿಕೆ ಮಾಡಲು ಬಯಸುತ್ತಿದ್ದವರಿಗೆ ಇದು ಅತ್ಯಂತ ಪ್ರಶಸ್ತ ಸಮಯ. ಆದರೆ, ದೊಡ್ಡ ಮೊತ್ತದ ಹಣ ಹೂಡುವ ಮುನ್ನ ಪರಿಣಿತರ ಸಲಹೆ ಪಡೆಯುವುದು ಉತ್ತಮ. ಕಚೇರಿಯಲ್ಲಿ ಮೇಲಧಿಕಾರಿಗಳ ಸಂಪೂರ್ಣ ಬೆಂಬಲ ಸಿಗಲಿದ್ದು, ನಿಮ್ಮ ಖರ್ಚು ಮತ್ತು ಉಳಿತಾಯದ ನಡುವೆ ಉತ್ತಮ ಸಮತೋಲನ ಸಾಧಿಸುವಿರಿ.

3. ಕನ್ಯಾ ರಾಶಿ (Virgo)

ಶುಕ್ರನು ಕನ್ಯಾ ರಾಶಿಯಲ್ಲೇ ಸಂಚರಿಸುತ್ತಿರುವುದರಿಂದ ಈ ರಾಶಿಯವರಿಗೆ ವಿಶೇಷವಾದ ರಾಜಯೋಗ ಲಭಿಸಲಿದೆ. ನಿಮ್ಮ ಮಾತಿನ ಶೈಲಿ ಮತ್ತು ವ್ಯಕ್ತಿತ್ವದಲ್ಲಿ ಆಕರ್ಷಣೆ ಹೆಚ್ಚಾಗಲಿದ್ದು, ಸಮಾಜದಲ್ಲಿ ನಿಮ್ಮ ಗೌರವ ವೃದ್ಧಿಸಲಿದೆ. ಉದ್ಯಮದಲ್ಲಿ ಹೊಸ ಯೋಜನೆಗಳನ್ನು ಆರಂಭಿಸಲು ಸೂಕ್ತ ಕಾಲ ಇದಾಗಿದೆ. ಈ ಹಿಂದೆ ರೂಪಿಸಿದ ಯೋಜನೆಗಳಿಂದ ಈಗ ನಿರೀಕ್ಷಿತ ಲಾಭ ಬರಲಿದೆ. ಹೊಸ ಉದ್ಯೋಗ ಹುಡುಕುತ್ತಿರುವವರಿಗೆ ಒಳ್ಳೆಯ ಆಫರ್‌ಗಳು ಸಿಗಲಿವೆ.

4. ವೃಶ್ಚಿಕ ರಾಶಿ (Scorpio)

ವೃಶ್ಚಿಕ ರಾಶಿಯವರಿಗೆ ಈ ಅವಧಿಯಲ್ಲಿ ಆರ್ಥಿಕ ಸಂಕಷ್ಟಗಳಿಂದ ಮುಕ್ತಿ ಸಿಗಲಿದೆ. ಹಿಂದೆ ಮಾಡಿದ ಹೂಡಿಕೆಗಳಿಂದ ಅನಿರೀಕ್ಷಿತ ಧನಲಾಭ ಉಂಟಾಗಲಿದೆ. ಹಣದ ಸಮಸ್ಯೆಯಿಂದ ಅರ್ಧಕ್ಕೆ ನಿಂತಿದ್ದ ಕೆಲಸಗಳು ವೇಗವಾಗಿ ಪೂರ್ಣಗೊಳ್ಳಲಿವೆ. ಕೆಲಸದ ಸ್ಥಳದಲ್ಲಿ ಹೊಸ ಜವಾಬ್ದಾರಿಗಳು ಹೆಗಲೇರಲಿದ್ದು, ಕೆಲಸದ ಒತ್ತಡ ಹೆಚ್ಚಾದರೂ ಅದು ಭವಿಷ್ಯದಲ್ಲಿ ಉನ್ನತ ಹುದ್ದೆ ಮತ್ತು ಆರ್ಥಿಕ ಪ್ರಗತಿಗೆ ದಾರಿಯಾಗಲಿದೆ.

5. ಧನು ರಾಶಿ (Sagittarius)

ಧನು ರಾಶಿಯವರಿಗೆ ಈ ಶುಕ್ರ ಸಂಚಾರವು ವೃತ್ತಿಜೀವನದಲ್ಲಿ ಹೊಸ ಆಶಾಕಿರಣವನ್ನು ತರಲಿದೆ. ಪ್ರಭಾವಿ ವ್ಯಕ್ತಿಗಳ ಹೊಸ ಪರಿಚಯವಾಗಲಿದ್ದು, ಅದು ನಿಮ್ಮ ವ್ಯಾಪಾರ ಹಾಗೂ ಕೆಲಸಕ್ಕೆ ಸಹಕಾರಿಯಾಗಲಿದೆ. ಕಚೇರಿಯಲ್ಲಿ ಕೆಲಸದ ಒತ್ತಡ ಕಡಿಮೆಯಾಗಿ, ನಿಮ್ಮ ಪ್ರತಿಭೆಯನ್ನು ಸಾಬೀತುಪಡಿಸಲು ಹೊಸ ಪ್ರಾಜೆಕ್ಟ್‌ಗಳು ಲಭಿಸಲಿವೆ. ಆದಾಯದ ಹೊಸ ಮೂಲಗಳು ತೆರೆದುಕೊಳ್ಳಲಿದ್ದು, ಕುಟುಂಬಸ್ಥರ ಜೊತೆ ನೆಮ್ಮದಿಯ ದಿನಗಳನ್ನು ಕಳೆಯುವಿರಿ.

(ಗಮನಿಸಿ: ಇವು ಜ್ಯೋತಿಷ್ಯದ ಸಾಮಾನ್ಯ ಲೆಕ್ಕಾಚಾರಗಳು. ನಿಮ್ಮ ಜನ್ಮಕುಂಡಲಿಯಲ್ಲಿನ ಗ್ರಹಸ್ಥಿತಿಗಳಿಗೆ ಅನುಗುಣವಾಗಿ ವೈಯಕ್ತಿಕ ಫಲಿತಾಂಶಗಳಲ್ಲಿ ವ್ಯತ್ಯಾಸಗಳಿರಬಹುದು).

ದೀಪಾವಳಿ ವಿಶೇಷ ಸ್ವೀಟ್ಸ್‌ಗೆ ಸಿಹಿ ಮುತ್ತು, ಬೇಕರಿ ಮಾಲಿಕನಿಗೆ ಬರೋಬ್ಬರಿ 2 ಲಕ್ಷ ರೂಪಾಯಿ ನಷ್ಟ

Chethan Kumar — Mon, 09 Nov 2026 20:55:49 +0530

ಹರ್ಯಾಣ (ನ.09) ದೀಪಾವಳಿ ಹಬ್ಬದಲ್ಲಿ ಸಿಹಿ ತಿನಿಸು ಅತೀ ಮುಖ್ಯ. ಹಲವು ಬಗೆಯ ಸ್ವೀಟ್ಸ್ ಇದ್ದೇ ಇರುತ್ತೆ. ಮನೆಯಲ್ಲೇ ಈ ವಿಶೇಷ ಖಾದ್ಯಗಳನ್ನು ತಯಾರಿಸುತ್ತಾರೆ. ಹಲವರಿಗೆ ಮನೆಯಲ್ಲೇ ಸಿಹಿ ತಿನಿಸು ತಯಾರಿಸುವುದು ಕಷ್ಟ. ಹೀಗಾಗಿ ಬಹುತೇಕರು ಬೇಕರಿ ಮೂಲಕ ಸಿಹಿ ತಿನಿಸು ಖರೀದಿಸಿ ತರುತ್ತಾರೆ. ಹೀಗಾಗಿ ಬೇಕರಿಯಲ್ಲಿ ಸ್ವೀಟ್ಸ್ ಹೆಚ್ಚಿನ ಬೇಡಿಕೆ ಪಡೆದುಕೊಳ್ಳುತ್ತದೆ. ದೀಪಾವಳಿಗೆ ಹರ್ಯಾಣದ ಫತೇಬಾದ್ ಥಾಣಾ ರಸ್ತೆಯಲ್ಲಿ ಇರುವ ಅತ್ಯಂತ ಜನಪ್ರಿಯ ಬೇಕರಿಯಲ್ಲಿ ವಿಚಿತ್ರ ಘಟನೆ ನಡೆದಿದೆ. ಅಂಗಡಿ ಮಾಲೀಕ ತಯಾರಿಸಿದ ಹಲವು ವಿಶೇಷ ಸಿಹಿ ತಿಂಡಿಗಳಿಗೆ ಸಿಹಿ ಮುತ್ತಿನ ಸುರಿಮಳೆಯಾಗಿದೆ. ಇದರಿಂದ ಬರೋಬ್ಬರಿ 2 ಲಕ್ಷ ರೂಪಾಯಿ ನಷ್ಟವಾಗಿದೆ.

ಏನಿದು ಸಿಹಿ ಮುತ್ತಿನ ಘಟನೆ

ಹಬ್ಬದ ಕಾರಣ ಅಂಗಡಿ ಮಾಲೀಕ ಹೆಚ್ಚಿನ ಸ್ವೀಟ್ಸ್ ತಯಾರಿಸಿದ್ದರು. ಇದಕ್ಕಾಗಿ ತಾತ್ಕಾಲಿಕ ಮಳಿಗೆ ತೆರೆಯಲಾಗಿತ್ತು. ಗುಲಾಬ್ ಜಾಮೂನ್, ಲಡ್ಡು, ರಸಗುಲ್ಲಾ ಸೇರಿದಂತೆ ಹಲವು ಸ್ವೀಟ್ಸ್ ಗ್ರಾಹಕರ ಆಕರ್ಷಿಸಿತ್ತು. ಈ ಸ್ವೀಟ್ಸ್ ಬೇಕರಿಯ ವಿಶೇಷತೆ ಅಂದರೆ ನೈಸರ್ಗಿಕ ಸಾಮಾಗ್ರಿಗಳ ಬಳಸಿ ಸ್ವೀಟ್ಸ್ ತಯಾರಿಸುತ್ತಾರೆ. ಹೀಗಾಗಿ ಅತೀ ಹೆಚ್ಚಿನ ಗ್ರಾಹಕರು ಇಲ್ಲಿಂದಲೇ ಸಿಹಿ ತಿಂಡಿಗಳನ್ನು ಖರೀದಿಸುತ್ತಾರೆ. ತಾತ್ಕಾಲಿಕ ಮಳಿಗೆಯಲ್ಲಿ ಸ್ವೀಟ್ಸ್ ಪ್ರದರ್ಶನಕ್ಕೆ ಇಟ್ಟ ಕೆಲವೇ ಹೊತ್ತಲ್ಲಿ ಜೇನು ನೊಣಗಳು ಆಕರ್ಷಿತಗೊಂಡಿದೆ. ಒಂದೇ ಸಮನೆ ಜೇನು ನೊಣಗಳು ಬಂದು ಮುತ್ತಿಕೊಂಡಿದೆ.

ಕೆಲವೇ ಹೊತ್ತಲ್ಲಿ ಜೇನು ನೊಣಗಳು ಸಿಹಿ ತಿಂಡಿಗಳನ್ನು ಮುತ್ತಿಕೊಂಡಿದೆ. ಸ್ವೀಟ್ಸ್ ಕಾಣದಂತೆ ಜೇನು ನೊಣಗಳು ಮುತ್ತಿಕೊಂಡಿದೆ. ಹೀಗಾಗಿ ಗ್ರಾಹಕರು ದೂರ ಸರಿದಿದ್ದಾರೆ. ಜೇನು ನೊಣಗಳು ಮುತ್ತಿಕೊಂಡು ಸಿಹಿ ಹೀರಲು ಆರಂಭಿಸಿದೆ. ಓಡಿಸುವ ಪ್ರಯತ್ನಗಳು ಫಲ ನೀಡಲಿಲ್ಲ. ಬೆಂಕಿ, ಹೊಗೆ ಸೇರಿದಂತೆ ಇತರ ಪ್ರಯತ್ನಗಳ ಮೂಲಕ ಜೇನು ನೊಣಗಳನ್ನು ಓಡಿಸಲು ಪ್ರಯತ್ನ ಮಾಡಿದ್ದಾರೆ. ಜೇನು ನೊಣಗಳು ಮತ್ತೆ ಮತ್ತೆ ಸಿಹಿ ತಿಂಡಿಯಲ್ಲಿ ಮುತ್ತಿಕ್ಕಿದೆ. ಎಲ್ಲಾ ಪ್ರಯತ್ನಗಳು ವಿಫಲಗೊಂಡಿತು. ಇತ್ತ ಗ್ರಾಹಕರು ಜೇನು ನೊಣ ಮುತ್ತಿಕ್ಕುತ್ತಿದ್ದಂತೆ ಜಾಗ ಖಾಲಿ ಮಾಡಿದ್ದಾರೆ.

2 ಲಕ್ಷ ರೂಪಾಯಿ ಮೌಲ್ಯದ ಸಿಹಿ ತಿಂಡಿ ನಷ್ಟ

ಜೇನು ನೊಣ ಸಿಹಿತಿಂಡಿ ಮುತ್ತಿಕ್ಕಿದ್ದ ಕಾರಣ ಬೇಕರಿ ಮಾಲಿಕನಿಗೆ ಬರೋಬ್ಬರಿ 2 ಲಕ್ಷ ರೂಪಾಯಿ ನಷ್ಟವಾಗಿದೆ. ಸಿಹಿ ತಿಂಡಿಗಳ ಸಿಹಿಯನ್ನು ಜೇನು ನೊಣಗಳು ಹೀರಿಕೊಂಡಿದೆ. ಅಂಗಡಿ ಮಾಲೀಕ ಇದೀಗ ಕಣ್ಣೀರು ಹಾಕುವ ಪರಿಸ್ಥಿತಿ ಎದುರಾದಿದೆ. ಬರೋಬ್ಬರಿ 2 ಲಕ್ಷ ರೂಪಾಯಿ ಸಿಹಿ ತಿಂಡಿಗಳು ವ್ಯರ್ಥವಾಗಿದೆ. ದೀಪಾವಳಿ ಹಬ್ಬದ ವೇಳೆ ಉತ್ತಮ ವ್ಯಾಪಾರ ನಿರೀಕ್ಷಿಸಿದ್ದ ಮಾಲೀಕ ಇದೀಗ ತಲೆಮೇಲೆ ಕೈಹೊತ್ತುಕೊಳ್ಳುವಂತಾಗಿದೆ.

Asianet Suvarna News

ದೀಪಾವಳಿಗೆ ಪಟಾಕಿ ಸಿಡಿಸುವ ಮುನ್ನ ಈ ಲೇಖನ ಓದಿ! ವೈದ್ಯರು ನೀಡಿದ ಎಚ್ಚರಿಕೆಗಳೇನು?

ಮುಂಜಾಗರೂಕತೆ ಮತ್ತು ಮುನ್ನೆಚ್ಚರಿಕೆ

ಮೊದಲ ದೀಪಾವಳಿ ಆಚರಿಸಿದ ಸಚಿನ್ ಪುತ್ರ, ಸೊಸೆ:

ಕ್ರೀಡಾ ತಾರೆಗಳಿಂದ ದೀಪಾವಳಿ ಶುಭಾಶಯ

ದೀಪಾವಳಿ ಮುಗಿಯುತ್ತಿದ್ದಂತೆಯೇ 'ಇವರನ್ನೆಲ್ಲಾ' ಜೈಲಿಗೆ ಹಾಕಿ ಎಂದ ಉರ್ಫಿ ಜಾವೇದ್‌..!

ಪಟಾಕಿ ಸಿಡಿಸೋರನ್ನ ಜೈಲಿಗೆ ಹಾಕಿ

ದೆಹಲಿಯಲ್ಲಿ 400ರ ಗಡಿ ದಾಟಿದ ಹಲವು ಪ್ರದೇಶಗಳ AQI

ಕೆಲಸದ ವಿಚಾರದಲ್ಲಿ ಉರ್ಫಿ ಬ್ಯುಸಿ

ಶುಕ್ರನ ವಕ್ರ ನಿವೃತ್ತಿ; ಲವ್, ಮ್ಯಾರೇಜ್, ಹಣಕಾಸಿನ ವಿಷಯದಲ್ಲಿ 5 ರಾಶಿಗೆ ಬಂಪರ್ ಲಾಭ!

ಮಂಗಳ ಗ್ರಹದ ವಿಶೇಷ ಗೋಚಾರ ಫಲ: ಬ್ಯಾಂಕ್ ಬ್ಯಾಲೆನ್ಸ್ ಹೆಚ್ಚಿ, ಭಾಗ್ಯ ತೆರೆಯಲಿರುವ ಅದೃಷ್ಟಶಾಲಿ ರಾಶಿಗಳು ಇವೇ!

ಡಿಸೆಂಬರ್ 4ರಿಂದ 13ರವರೆಗೆ ಅದ್ಧೂರಿ ‘ಬೆಂಗಳೂರು ಜಾತ್ರೆ’: ಗ್ರೇಟರ್ ಬೆಂಗಳೂರು ಪ್ರಾಧಿಕಾರದಿಂದ ಭಾರಿ ಸಿದ್ಧತೆ!

1. 10 ದಿನಗಳ ಕಾಲ ಸಂಸ್ಕೃತಿ ಮತ್ತು ಕ್ರೀಡಾ ಹಬ್ಬ:

2. ರಸ್ತೆ ಬದಿಯ 53 ಬಿಡಾಡಿ (ಅನಾಥ) ವಾಹನಗಳ ಸ್ಕ್ರಾಪ್‌ಗೆ ನಿರ್ದೇಶನ

3. ಅನಧಿಕೃತ ಕಟ್ಟಡಗಳು ಹಾಗೂ ಪಿಜಿ (PG) ವಿರುದ್ಧ ಸಮರ

4. ರಸ್ತೆ ಅಭಿವೃದ್ಧಿ ಕಾಮಗಾರಿ ಮತ್ತು 'ಸಹಾಯ ಆಪ್' ದೂರುಗಳ ವಿಲೇವಾರಿ

ಕ್ಯೂಟ್ ಗೆಳತಿ ಜತೆ ದೀಪಾವಳಿ ಶುಭಾಶಯ ಕೋರಿದ ಅರ್ಶದೀಪ್ ಸಿಂಗ್..! ಆದ್ರೆ ಈ ಪೋಸ್ಟ್‌ನಲ್ಲಿ ಪಾಕ್ ಲಿಂಕ್..!

ಪಾಕಿಸ್ತಾನದ 'ಅಲ್ಫಾಜ್' ಹಾಡಿನ ಕ್ರೇಜ್ ಹೇಗಿದೆ?

ಅರ್ಶದೀಪ್ ಸಿಂಗ್ ಸಿಂಗ್ ಮತ್ತು ಸಮ್ರೀನ್ ಕೌರ್ ಪ್ರೇಮಕಥೆ

‘ಹೊಸ ಜಾಬ್ ಆಫರ್, ಬಡ್ತಿ, ಭಾರಿ ಲಾಭ’: ಶುಕ್ರ ಮಾರ್ಗಿಯಿಂದ ನವೆಂಬರ್ 14ರಿಂದ ಈ 4 ರಾಶಿಗಳಿಗೆ ಬಂಪರ್ ಕೊಡುಗೆ

ಇಂದಿನಿಂದ ನಾಲ್ಕು ರಾಶಿಗಳ ಮೇಲೆ ಗುರುವಿನ ಕೃಪೆ; ಏನೆಲ್ಲಾ ಅದೃಷ್ಟ ದೊರೆಯಲಿದೆ ಗೊತ್ತಾ?

ಇತಿಹಾಸ ಸೃಷ್ಟಿಸಿದ ಹಾಸನಾಂಬೆ ದೇವಿ: 28 ಲಕ್ಷ ಭಕ್ತರ ದರ್ಶನ, ಭರ್ಜರಿ ₹26 ಕೋಟಿ ಬೊಕ್ಕಸಕ್ಕೆ ಆದಾಯ!

ಇಂದು ಸಂಜೆ 6 ಗಂಟೆಗೆ ಸಾರ್ವಜನಿಕ ದರ್ಶನ ಮುಕ್ತಾಯ

ಮಳೆಯನ್ನೂ ಲೆಕ್ಕಿಸದೆ ಹರಿದುಬಂದ ಭಕ್ತ ಸಾಗರ!

ಕಳೆದ ವರ್ಷ ಡಿಸಿಎಂ, ಈ ವರ್ಷ ಸಿಎಂ ಆಗಿ ದರ್ಶನ

ಹಾಸನಾಂಬೆ ಭಕ್ತರಿಗೆ ಗುಡ್‌ನ್ಯೂಸ್: ನಾಳೆ ಬೆಳಗಿನ ಜಾವ 4 ಗಂಟೆವರೆಗೂ ದೇವಿ ದರ್ಶನಕ್ಕೆ ಅವಕಾಶ, ಸಚಿವರ ಘೋಷಣೆ!

ನಾಳೆ ಬೆಳಗಿನ ಜಾವ 4 ಗಂಟೆಯವರೆಗೂ ದರ್ಶನಕ್ಕೆ ಅವಕಾಶ

ರಾತ್ರಿ 10ರಿಂದ ಬೆಳಗ್ಗೆ 4ರವರೆಗೆ ನಿರಂತರ ದರ್ಶನ

ಮುಂದಿನ ವರ್ಷ ಮತ್ತೆ ದರ್ಶನಕ್ಕೆ ಕಾಯಬೇಕು!

Astrology: ಪೂರ್ವ ಪುಣ್ಯ ಯೋಗದಿಂದ 4 ರಾಶಿಯ ಜನರು ಭರ್ಜರಿಯಾಗಿ ಆಸ್ತಿ ಮಾಡ್ತಾರೆ!

ರಜನೀ ಸ್ಟೈಲ್​ನಲ್ಲಿ ದೀಪಾವಳಿ ಶುಭಾಶಯ ಕೋರಿದ ಮಲೇಷ್ಯಾ ಪ್ರಧಾನಿ: ವಿಡಿಯೋ ವೈರಲ್​

ಇದೇ ಮೊದಲಲ್ಲ

ವಿವಾದದಲ್ಲಿ ನಟಿ ಕರೀನಾ ಕಪೂರ್​ ದೀಪಾವಳಿ ಪೆಂಡೆಂಟ್​: ಕಾಂಗ್ರೆಸ್​ ವಕ್ತಾರ ಅಬ್ಬಾಸ್​ ಕಾನೂನು ನೋಟಿಸ್​

ಫ್ಯಾಷನ್ ಪರಿಕರವಾಗಿ ಆಯತ್-ಉಲ್-ಕುರ್ಸಿ ಧರಿಸುವುದಕ್ಕೆ ಆಕ್ಷೇಪ

ಸಾರ್ವಜನಿಕ ಕ್ಷಮೆಯಾಚನೆಗೆ ಆಗ್ರಹ

ದೀಪಾವಳಿ ಹಬ್ಬಕ್ಕೂ ಮುನ್ನ ಶಿವಮೊಗ್ಗದ ಗ್ರಾಮಗಳಲ್ಲಿ 'ನೋನಿ' ಸಂಭ್ರಮ: ಈ ಹಬ್ಬದ ವಿಶೇಷನೆ ಏನು ಗೊತ್ತಾ?

ಏನಿದು 'ನೋನಿ' ಹಬ್ಬದ ಸಂಪ್ರದಾಯ?

ಜಾತಿ ಭೇದವಿಲ್ಲದ ಸಾಮರಸ್ಯ – ಮನೆಮನೆ ವರಾಡ:

ರೋಗರುಜಿನಗಳಿಂದ ಗ್ರಾಮ ರಕ್ಷಣೆಯ ಅಚಲ ನಂಬಿಕೆ:

ದೀಪಾವಳಿ ಆರಂಭದಲ್ಲೇ ಬೆಂಗಳೂರಿನಲ್ಲಿ 106% ಏರಿದ ವಾಯು ಮಾಲಿನ್ಯ! ಪಟಾಕಿ ಶಬ್ದಕ್ಕೆ ಸತ್ತು ಬಿದ್ದ ಪಕ್ಷಿಗಳು

ಅಸ್ತಮಾ ರೋಗಿಗಳು ಹಾಗೂ ಸಾರ್ವಜನಿಕರಿಗೆ ತೀವ್ರ ತೊಂದರೆ

ಮರದ ಮೇಲೆಯೇ ಪ್ರಾಣ ಬಿಡುತ್ತಿರುವ ಪಕ್ಷಿಗಳು!

ಬೆಂಗಳೂರಿನ ದೀಪಾವಳಿ ಲಂಡನ್ ಡೌನಿಂಗ್ ಸ್ಟ್ರೀಟ್‌ವೆರಗೆ, ಮನದಾಳ ಹಂಚಿದ ಸುಧಾಮೂರ್ತಿ ಪುತ್ರಿ

ಪ್ರಧಾನಿ ನಿವಾಸದಲ್ಲಿ ದೀಪಾವಳಿ

ಅಯೋಧ್ಯೆಯ ಆಗಸದಲ್ಲಿ ರಾಮಾಯಣ ಚಿತ್ರಣ! 2,100ಕ್ಕೂ ಹೆಚ್ಚು ಡ್ರೋನ್‌ಗಳಿಂದ ಬೆಳಕಿನ ಚಿತ್ತಾರ

ಆಗಸದಲ್ಲಿ ಚಿತ್ತಾರ

ಅಯೋಧ್ಯೆಗೆ ಜಗದ್ಗುರು ಆಗಮನ

ಶುಕ್ರನ ಕೃಪೆ: ನವೆಂಬರ್ 22ರವರೆಗೆ ಈ 5 ರಾಶಿಯವರ ಬ್ಯಾಂಕ್ ಬ್ಯಾಲೆನ್ಸ್ ಹೆಚ್ಚಳ ಪಕ್ಕಾ!

1. ವೃಷಭ ರಾಶಿ (Taurus)

2. ಸಿಂಹ ರಾಶಿ (Leo)

3. ಕನ್ಯಾ ರಾಶಿ (Virgo)

4. ವೃಶ್ಚಿಕ ರಾಶಿ (Scorpio)

5. ಧನು ರಾಶಿ (Sagittarius)

ದೀಪಾವಳಿ ವಿಶೇಷ ಸ್ವೀಟ್ಸ್‌ಗೆ ಸಿಹಿ ಮುತ್ತು, ಬೇಕರಿ ಮಾಲಿಕನಿಗೆ ಬರೋಬ್ಬರಿ 2 ಲಕ್ಷ ರೂಪಾಯಿ ನಷ್ಟ

ಏನಿದು ಸಿಹಿ ಮುತ್ತಿನ ಘಟನೆ

2 ಲಕ್ಷ ರೂಪಾಯಿ ಮೌಲ್ಯದ ಸಿಹಿ ತಿಂಡಿ ನಷ್ಟ

ರಜನೀ ಸ್ಟೈಲ್ನಲ್ಲಿ ದೀಪಾವಳಿ ಶುಭಾಶಯ ಕೋರಿದ ಮಲೇಷ್ಯಾ ಪ್ರಧಾನಿ: ವಿಡಿಯೋ ವೈರಲ್

ವಿವಾದದಲ್ಲಿ ನಟಿ ಕರೀನಾ ಕಪೂರ್ ದೀಪಾವಳಿ ಪೆಂಡೆಂಟ್: ಕಾಂಗ್ರೆಸ್ ವಕ್ತಾರ ಅಬ್ಬಾಸ್ ಕಾನೂನು ನೋಟಿಸ್