Asianet Suvarna News

Gold Necklace: 10 ಗ್ರಾಂ ಚಿನ್ನದಲ್ಲಿ ಸಿಗುವ ಟ್ರೆಂಡಿ ನೆಕ್ಲೇಸ್ ಡಿಸೈನ್ ನೋಡಿ

Naveen Kodase — Sat, 08 Aug 2026 16:59:29 +0530

ಕಡಿಮೆ ತೂಕದ ನೆಕ್ಲೇಸ್‌ ಬೇಕಾ? ಹಾಗಿದ್ರೆ ಚಿನ್ನ ಕಡಿಮೆ ಇದ್ದು, ಕಲ್ಲುಗಳೇ ಹೆಚ್ಚಾಗಿರುವ ನೆಕ್ಲೇಸ್‌ಗಳನ್ನು ಆರಿಸಿಕೊಳ್ಳಬೇಕು. ಇವುಗಳು ಸುಮಾರು 10 ಗ್ರಾಂ ಒಳಗೆ ಲಭ್ಯವಿರುತ್ತವೆ. ಆ ಡಿಸೈನ್‌ಗಳು ಯಾವುವು ಅಂತಾ ನೋಡೋಣ ಬನ್ನಿ...

ರಾತ್ರಿ ಮಲಗುವ ಮುನ್ನ ಮುಖಕ್ಕೆ ಈ ಎಣ್ಣೆ ಹಚ್ಚಿ.. ಬೆಳಗ್ಗೆದ್ದು ಮ್ಯಾಜಿಕ್ ನೋಡಿ

Ashwini HR — Thu, 06 Aug 2026 15:07:09 +0530

Jojoba oil for face: ರಾತ್ರಿ ತ್ವಚೆಗೆ ಸರಿಯಾದ ಪೋಷಣೆ ನೀಡಿದರೆ, ಬೆಳಗ್ಗೆ ಎದ್ದಾಗ ಮುಖದಲ್ಲಿ ಮ್ಯಾಜಿಕ್‌ನಂತಹ ಬದಲಾವಣೆ ಕಾಣಬಹುದು! ಈ ಆಯಿಲ್ ಚರ್ಮದ ತೇವಾಂಶ ಕಾಪಾಡುವುದಲ್ಲದೆ ವಯಸ್ಸಾದ ಲಕ್ಷಣಗಳನ್ನು ತಡೆಯುತ್ತದೆ. ಈ ಅದ್ಭುತ ಎಣ್ಣೆಯನ್ನು ಬಳಸುವ ಸರಿಯಾದ ಕ್ರಮ ಇಲ್ಲಿದೆ.

ರಾತ್ರಿ ಮಲಗುವ ಮುನ್ನ ಹಚ್ಚಿನೀವು ಬೆಳಗ್ಗೆ ಎದ್ದಾಗ ನಿಮ್ಮ ಮುಖ ಕಾಂತಿಯುತವಾಗಿ ಕಾಣಬೇಕೇ? ಹಾಗಾದ್ರೆ ರಾತ್ರಿ ಮಲಗುವ ಮುನ್ನ ಜೋಜೋಬಾ ಆಯಿಲ್ ಬಳಸುವುದನ್ನು ಮರೆಯಬೇಡಿ. ಇದರ ಅದ್ಭುತ ಪ್ರಯೋಜನಗಳು ಇಲ್ಲಿವೆ ನೋಡಿ.

ತೇವಾಂಶವನ್ನು ಕಾಪಾಡುತ್ತೆ (Locks Moisture)ಜೋಜೋಬಾ ಆಯಿಲ್ ಚರ್ಮದ ನೈಸರ್ಗಿಕ ತೇವಾಂಶವನ್ನು ಇಡೀ ರಾತ್ರಿ ಹಿಡಿದಿಟ್ಟುಕೊಳ್ಳುತ್ತದೆ. ಇದರಿಂದ ಬೆಳಗ್ಗೆ ಎದ್ದಾಗ ನಿಮ್ಮ ತ್ವಚೆಯು ಮೃದುವಾಗಿ ಮತ್ತು ಗ್ಲೋಯಿಂಗ್ ಆಗಿ ಕಾಣಿಸುತ್ತದೆ.

ಮೊಡವೆಗಳಿಂದ ಮುಕ್ತಿ (Acne Relief)ಇದರಲ್ಲಿರುವ ಆಂಟಿ-ಬ್ಯಾಕ್ಟೀರಿಯಲ್ ಮತ್ತು ಆಂಟಿ-ಇನ್ಫ್ಲಮೇಟರಿ ಗುಣಗಳು ಮೊಡವೆಗಳನ್ನು ಉಂಟುಮಾಡುವ ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡುತ್ತವೆ ಮತ್ತು ಮುಖದ ಮೇಲಿನ ಊತವನ್ನು ಕಡಿಮೆ ಮಾಡುತ್ತವೆ.

ಹಾನಿಗೊಳಗಾದ ತ್ವಚೆ ಸರಿಯಾಗುತ್ತೆ (Skin Repair)ಸಾಮಾನ್ಯವಾಗಿ ರಾತ್ರಿಯ ಸಮಯದಲ್ಲಿ ನಮ್ಮ ಚರ್ಮವು ತನ್ನನ್ನು ತಾನು ಸರಿಪಡಿಸಿಕೊಳ್ಳುವ (Repair) ಕೆಲಸ ಮಾಡುತ್ತದೆ. ಜೋಜೋಬಾ ಆಯಿಲ್ ಈ ಪ್ರಕ್ರಿಯೆಗೆ ಸಹಾಯ ಮಾಡಿ ತ್ವಚೆಯನ್ನು ಆರೋಗ್ಯವಾಗಿಸುತ್ತದೆ.

ವಯಸ್ಸಾದ ಲಕ್ಷಣಗಳಿಗೆ ಬ್ರೇಕ್ (Anti-Aging)ವಿಟಮಿನ್ ಇ ಮತ್ತು ಆಂಟಿಆಕ್ಸಿಡೆಂಟ್‌ಗಳಿಂದ ಸಮೃದ್ಧವಾಗಿರುವ ಈ ಎಣ್ಣೆಯು ಮುಖದ ಮೇಲಿನ ಸುಕ್ಕುಗಳು (Wrinkles) ಮತ್ತು ಗೆರೆಗಳನ್ನು ಕಡಿಮೆ ಮಾಡಿ, ಚರ್ಮದ ಯೌವನವನ್ನು ಕಾಪಾಡುತ್ತದೆ.

ಬಳಸುವ ಸರಿಯಾದ ಕ್ರಮ

*ಮುಖವನ್ನು ಚೆನ್ನಾಗಿ ತೊಳೆದು ಒಣಗಿಸಿ.

*ಕೇವಲ 2-3 ಹನಿ ಎಣ್ಣೆಯನ್ನು ಹಸ್ತದ ನಡುವೆ ಉಜ್ಜಿ ಸ್ವಲ್ಪ ಬಿಸಿ ಮಾಡಿ.

*ನಂತರ ಮುಖಕ್ಕೆ ಮೃದುವಾಗಿ ಮಸಾಜ್ ಮಾಡಿ ರಾತ್ರಿಯಿಡೀ ಬಿಡಿ. ಬೆಳಗ್ಗೆ ಉಗುರುಬೆಚ್ಚಗಿನ ನೀರಿನಲ್ಲಿ ತೊಳೆಯಿರಿ.

ಜೋಜೋಬಾ ಆಯಿಲ್ ಅನ್ನು 'ಕ್ಯಾರಿಯರ್ ಆಯಿಲ್' ಎಂದು ಕರೆಯಲಾಗುತ್ತದೆ, ಇದು ಎಲ್ಲಾ ರೀತಿಯ ಚರ್ಮದವರಿಗೂ (Skin types) ಸಾಮಾನ್ಯವಾಗಿ ಒಪ್ಪುತ್ತದೆ. ಆದರೂ ಮೊದಲ ಬಾರಿ ಬಳಸುವಾಗ 'ಪ್ಯಾಚ್ ಟೆಸ್ಟ್' ಮಾಡುವುದು ಉತ್ತಮ.

ಟ್ರಡಿಷನಲ್ ಲುಕ್‌ನಲ್ಲಿ ಮಿಂಚಲು 6 ಚಿನ್ನದ ಮಿನಿ ಜುಮುಕಿ ಕಲೆಕ್ಷನ್

Ashwini HR — Thu, 06 Aug 2026 13:31:38 +0530

Gold mini jhumka designs: ದಕ್ಷಿಣ ಭಾರತದ ಹೆಣ್ಣುಮಕ್ಕಳಿಗೆ ಜುಮುಕಿ ಕಿವಿಯೋಲೆ ಅಂದ್ರೆ ಪಂಚಪ್ರಾಣ. ಈಗ ನಮ್ಮ ಸಂಪ್ರದಾಯವನ್ನ ಬಿಡದೆ, ಆಫೀಸ್-ಕಾಲೇಜಿಗೂ ಹಾಕಿಕೊಳ್ಳುವಂತಹ ಹಗುರವಾದ, ಸುಂದರವಾದ ಮಿನಿ ಜುಮ್ಕಿಗಳು ಟ್ರೆಂಡ್ ಆಗುತ್ತಿವೆ. ಇಲ್ಲಿವೆ ನೋಡಿ 6 ಸೂಪರ್ ಡಿಸೈನ್ಸ್.

ಚಿನ್ನದ ಸರಕ್ಕೆ ಸಖತ್‌ ಲುಕ್‌ ಕೊಡುತ್ತೆ ಈ ಲಕ್ಷ್ಮಿ ಪೆಂಡೆಂಟ್‌ ಡಿಸೈನ್‌ಗಳು!

Naveen Kodase — Tue, 04 Aug 2026 13:34:26 +0530

ಚಿನ್ನದ ಸರದ ಜೊತೆ ಒಂದು ಪೆಂಡೆಂಟ್ ಇದ್ದರೆ ನೋಡಲು ತುಂಬಾ ಚೆನ್ನಾಗಿ ಕಾಣುತ್ತೆ. ಅದರಲ್ಲೂ ಲಕ್ಷ್ಮಿ ರೂಪವಿರುವ ಪೆಂಡೆಂಟ್ ಹಾಕಿಕೊಂಡರೆ ಮುಖಕ್ಕೆ ಒಂದು ವಿಶೇಷ ಕಳೆ ಬರುತ್ತೆ. ಇಲ್ಲಿ ನಾವು ನಿಮಗಾಗಿ ಕೆಲವು ಸುಂದರ ಡಿಸೈನ್‌ಗಳನ್ನು ನೀಡಿದ್ದೇವೆ.

ಹಬ್ಬದ ಫ್ಯಾಷನ್‌ಗೆ ಟಾಕ್ಸಿಕ್ ಬ್ಯೂಟಿ ಕಿಯಾರಾ ದೇಸಿ ಲುಕ್ಸ್: ನೀವು ಕೂಡ ಟ್ರೈ ಮಾಡಿ

Govindaraj S — Mon, 03 Aug 2026 18:30:30 +0530

ಟಾಕ್ಸಿಕ್ ಬ್ಯೂಟಿ ಕಿಯಾರಾ ಅಡ್ವಾಣಿ ಅವರ ಫ್ಯಾಷನ್ ಸೆನ್ಸ್ ಸಖತ್ ಆಗಿದೆ ಅನ್ನೋದ್ರಲ್ಲಿ ಎರಡು ಮಾತಿಲ್ಲ. ಮುಂಬರುವ ಹಬ್ಬದ ಸೀಸನ್‌ಗೆ ಪರ್ಫೆಕ್ಟ್ ಆಗಿರುವ ಅವರ ಕೆಲವು ಅದ್ಭುತ ಮತ್ತು ಹೊಳೆಯುವ ಡ್ರೆಸ್‌ಗಳ ಮೇಲೆ ಇಲ್ಲಿದೆ ಒಂದು ನೋಟ. ಇನ್ನಷ್ಟು ತಿಳಿಯಲು ಮುಂದೆ ಓದಿ.

ಕಿಯಾರಾ ಅಡ್ವಾಣಿ ತಮ್ಮ ಅದ್ಭುತ ಫ್ಯಾಷನ್ ಸೆನ್ಸ್ ಮತ್ತು ಸೌಂದರ್ಯದಿಂದ ಲಕ್ಷಾಂತರ ಹೃದಯಗಳನ್ನು ಗೆದ್ದಿರುವ ನಟಿ. ಹಬ್ಬದ ಸೀಸನ್ ಹತ್ತಿರವಾಗುತ್ತಿದ್ದಂತೆ, ನಿಮ್ಮ ಫ್ಯಾಷನ್‌ಗೆ ಸ್ಫೂರ್ತಿ ನೀಡುವ ಅವರ 'ದೇಸಿ' ವಾರ್ಡ್‌ರೋಬ್ ಕಲೆಕ್ಷನ್ ಇಲ್ಲಿದೆ.

ಪೇಸ್ಟಲ್ ಶೇಡ್‌ನಲ್ಲಿರುವ ಕ್ಲಾಸಿಕ್ ಸೀಕ್ವಿನ್ ಸೀರೆ ನಿಮ್ಮ ವಾರ್ಡ್‌ರೋಬ್‌ನಲ್ಲಿ ಇರಲೇಬೇಕು. ಲೋ-ನೆಕ್ ಬ್ಲೌಸ್ ಮತ್ತು ಲೋ-ವೇಸ್ಟ್ ಸೀರೆ ಧರಿಸಿ, ಇನ್‌ಸ್ಟಾಗ್ರಾಂಗೆ ಗ್ಲಾಮರಸ್ ಫೋಟೋ ಕ್ಲಿಕ್ಕಿಸಲು ರೆಡಿಯಾಗಿ.

ಕಾಂಟ್ರಾಸ್ಟ್ ಬಣ್ಣದ ಎಂಬೆಲಿಶ್ಡ್ ಲೆಹೆಂಗಾಕ್ಕೆ ಯಾವುದೂ ಸಾಟಿಯಿಲ್ಲ. ಹಳದಿ ಮತ್ತು ಐವರಿ ಬಣ್ಣಗಳು ಅದ್ಭುತ ಕಾಂಬಿನೇಷನ್. ಇದರ ಜೊತೆ ಹೆವಿ ನೆಕ್‌ಪೀಸ್ ಮತ್ತು ಮಿನಿಮಲ್ ಮೇಕಪ್ ಇದ್ದರೆ, ಆಹಾ!

ವೆಸ್ಟರ್ನ್ ಡಿಸೈನ್ ಮತ್ತು ಪ್ಯಾಟರ್ನ್‌ಗಳಿರುವ ಈ ಸುಂದರವಾದ ಸ್ಟ್ರ್ಯಾಪಿ ಲೆಹೆಂಗಾ, ನಿಮ್ಮ ವಾರ್ಡ್‌ರೋಬ್‌ಗೆ ದೇಸಿ ಮತ್ತು ಮಾಡರ್ನ್ ಎರಡೂ ಲುಕ್ ನೀಡಲು ಪರ್ಫೆಕ್ಟ್ ಆಗಿದೆ.

ಕಲರ್ ಗ್ರೇಡಿಯಂಟ್ ಸೀರೆ ಮತ್ತು ಎಂಬೆಲಿಶ್ಡ್ ಬ್ರಾಲೆಟ್-ಸ್ಟೈಲ್ ಬ್ಲೌಸ್ ಮುಂಬರುವ ಹಬ್ಬದ ಸೀಸನ್‌ಗೆ ಮತ್ತೊಂದು ಉತ್ತಮ ಆಯ್ಕೆ. ಇದು ನಿಮಗೆ ರಾಯಲ್ ಲುಕ್ ನೀಡುತ್ತದೆ.

ರೇಷ್ಮೆ ಸೀರೆಗೆ ಸಖತ್‌ ಲುಕ್‌ ಕೊಡುವ ಟ್ರೆಂಡಿ ಜುಮ್ಕಿ ಡಿಸೈನ್‌ಗಳಿವು! ಟ್ರೈ ಮಾಡಿ

Naveen Kodase — Fri, 07 Aug 2026 14:11:01 +0530

ಸೀರೆಗೆ ಜುಮ್ಕಿ ಕೊಡುವಷ್ಟು ಅಂದವನ್ನು ಬೇರೆ ಯಾವ ಆಭರಣವೂ ಕೊಡಲಾರದು. ಅದರಲ್ಲೂ ರೇಷ್ಮೆ ಸೀರೆಗೆ ಟ್ರೆಂಡಿ ಜುಮ್ಕಿ ಹಾಕಿದ್ರೆ ನಿಮ್ಮ ಲುಕ್ ಅದ್ಭುತವಾಗಿ ಕಾಣುತ್ತೆ. ಕುತ್ತಿಗೆಗೆ ಏನೂ ಹಾಕದಿದ್ದರೂ ಸಖತ್‌ ಆಗಿ ಕಾಣಬಹುದು. ಅಂತಹ ಕೆಲವು ಇಯರಿಂಗ್ಸ್ ಡಿಸೈನ್‌ಗಳು ಇಲ್ಲಿವೆ ನೋಡಿ.

World Record Alert: ಬರೋಬ್ಬರಿ 8 ಅಡಿ 10 ಇಂಚು ಉದ್ದದ ಕೂದಲು ಬೆಳೆಸಿ ವಿಶ್ವದಾಖಲೆ; ಉಕ್ರೇನ್ ಮಹಿಳೆಯ ದಾಖಲೆ ಮುರಿದ 'ಭಾರತ ನಾರಿ'

Sumanth SN — Sat, 08 Aug 2026 15:00:52 +0530

ಬಹುತೇಕ ಮಹಿಳೆಯರು ಉದ್ದ ಜಡೆ ಬೆಳೆಸಬೇಕು ಅಂತ ಆಸೆಪಡುತ್ತಾರೆ. ತಮ್ಮ ತಲೆ ಕೂದಲು ಸೊಂಟಕ್ಕಿಂತ ಕೆಳಗೆ ಇರ್ಬೇಕು ಅಂತ ವಿವಿಧ ರೀತಿಯ ಶಾಂಪು, ಎಣ್ಣೆ, ಸಿರಮ್‌ಗಳನ್ನು ಬಳಕೆ ಮಾಡುತ್ತಾರೆ. ಎಷ್ಟೇ ಮಾಡಿದರೂ ಕೆಲವರಿಗೆ ಉದ್ದ ಕೂದಲು ಬೆಳೆಸಲು ಆಗೋದಿಲ್ಲ. ಆದರೆ ಕೆಲವರಿಗೆ ನೈಸರ್ಗಿಕವಾಗಿ ಕೂದಲು ಉದ್ದವಾಗಿ ಬೆಳೆಯುತ್ತದೆ. ಇಂತಹವರು ಸ್ನಾನ ಮಾಡಿದ ತಲೆ ಬೇಗ ಒಣಗುತ್ತಿಲ್ಲ, ಪ್ರತಿದನ ತಲೆಬಾಚುವುದು ಸವಾಲಿನ ಕೆಲಸ ಆಗುತ್ತಿದೆ ಅಂತ ಸಮಸ್ಯೆಗಳ ಪಟ್ಟಿ ಮಾಡುತ್ತಾರೆ. ಕೆಲವರು ತಮ್ಮ ಕೂದಲಿಗೆ ಕತ್ತರಿ ಪ್ರಯೋಗ ಕೂಡ ಮಾಡುತ್ತಾರೆ. ಆದರೆ ಇಲ್ಲಿ ಮಹಿಳೆಯೊಬ್ಬರು, ತಮ್ಮ ಉದ್ದದ ತಲೆ ಕೂದಲಿನ ಕಾರಣದಿಂದಲೇ 'ಗಿನ್ನಿಸ್ ವರ್ಲ್ಡ್ ರೆಕಾರ್ಡ್' ಮಾಡಿದ್ದಾರೆ. ಇವರ ಜಡೆಯ ಉದ್ದ ಬರೋಬ್ಬರಿ 271.5 ಸೆಂಟಿ ಮೀಟರ್ ಅಂದರೆ 8 ಅಡಿ 10 ಇಂಚು ಇರೋದು ವಿಶೇಷ ಸಂಗತಿಯಾಗಿದೆ.

ಉಕ್ರೇನ್ ಮಹಿಳೆಯ ಈ ಹಿಂದಿನ ದಾಖಲೆ ಬ್ರೇಕ್!

ಈ ವರ್ಷದ ಆರಂಭದಲ್ಲಿ ಉತ್ತರಾಖಂಡದ ಹಲ್ದ್ವಾನಿ ನಿವಾಸಿಯಾಗಿರುವ ರೇಣು ಧರಿಯಾಲ್ ಅವರ ಕೂಲಿನ ಉದ್ದವನ್ನು ಗಿನ್ನಿಸ್ ಸಂಸ್ಥೆಯ ಪ್ರತಿನಿಧಿಗಳು, ಅಧಿಕೃತವಾಗಿ ದಾಖಲು ಮಾಡಿದ್ದಾರೆ. ಈ ಹಿಂದೆ ಉಕ್ರೇನ್ ದೇಶದ ಮಹಿಳೆಯ ಹೆಸರಿನಲ್ಲಿದ್ದ 8 ಅಡಿ 5 ಇಂಚಿನ ದಾಖಲೆಯನ್ನು ರೇಣು ಬ್ರೇಕ್ ಮಾಡಿದ್ದಾರೆ.

2015ರಲ್ಲಿ ಕೂದಲು ಕಟ್ ಮಾಡೋದನ್ನು ನಿಲ್ಲಿಸಿದೆ. ಕಳೆದ 10 ವರ್ಷಗಳಿಂದ ನಾನು ಕೂದಲು ಕಟ್ ಮಾಡಿಲ್ಲ. ಈಗ ಅದು ವಿಶ್ವದಾಖಲೆಯಾಗಿದೆ. ಭಾರತ ದೇಶದಲ್ಲಿ ಉದ್ದ ಕೂದಲು ಕೇಲ ಸೌಂದರ್ಯ ಮಾತ್ರವಲ್ಲದೆ ಸಂಸ್ಕೃತಿ, ಗುರುತಿಗೆ ಪ್ರತೀಕವಾಗಿ ನೋಡುತ್ತಾರೆ. ಇದೇ ನನಗೆ ಸ್ಫೂರ್ತಿ ನೀಡಿತ್ತು. ದಿನನಿತ್ಯದ ಕೆಲಸ ಮಾಡುವ ಸಂದರ್ಭದಲ್ಲಿ ಸ್ವಲ್ಪ ಸಮಸ್ಯೆ ಆದರೂ, ಕೂದಲು ಹೆಣೆದುಕೊಂಡು ಇರುವುದರಿಂದ ಹೆಚ್ಚು ಸಮಸ್ಯೆ ಆಗದಂತೆ ನೋಡಿಕೊಳ್ಳುತ್ತೀನಿ ಎಂದು ರೇಣು ಹೇಳಿದ್ದಾರೆ. ಗಿನ್ನಿಸ್ ಸಂಸ್ಥೆಯೂ ಪೋಸ್ಟ್ ಮಾಡಿರುವ ಫೋಟೋದಲ್ಲಿ ಆಕೆಯ ತಲೆ ಕೂದಲು ನೆಲಕ್ಕೆ ಮುಟ್ಟಿರೋದನ್ನು ಕಾಣಹುದು.

ಉದ್ದ ಕೂದಲಿನ ಸೀಕ್ರೆಟ್ ಏನು?

ಇಷ್ಟು ಉದ್ದನೆಯ ಕೂದಲು ಬೆಳೆಯುವ ಹಿಂದಿನ ಸೀಕ್ರೆಟ್ ತಿಳಿಸಿರುವ ರೇಣು, ಕೂದಲಿನ ಸಂರಕ್ಷಣೆಗೆ ನಾನು ಯಾವುದೇ ದುಬಾರಿ ವಸ್ತುಗಳನ್ನು ಬಳಕೆ ಮಾಡೋದಿಲ್ಲ. ಯಾವುದೇ ಚಿಕಿತ್ಸೆಯನ್ನು ತೆಗೆದುಕೊಂಡಿಲ್ಲ. ರಾಸಾಯನಿಕ ಪದಾರ್ಥಗಳು ಇರುವ ವಸ್ತುಗಳನ್ನು ದೂರ ಇಟ್ಟು, ಮನೆಯಲ್ಲಿ ತಯಾರಿಸಿದ ಎಣ್ಣೆ ಮತ್ತು ಶಾಂಪು ಬಳಕೆ ಮಾಡ್ತೇನೆ ಎಂದು ತಿಳಿಸಿದ್ದಾರೆ.

ಇನ್ನು, ರೇಣು ಅವರು ಸ್ವತಃ ಒಂದು ಯೂಟ್ಯೂಬ್ ಚಾನೆಲ್ ಕೂಡ ಹೊಂದಿದ್ದು, ಅದರಲ್ಲಿ ತಮ್ಮ ಉದ್ದ ಕೂದಲಿನ ರಕ್ಷಣೆಗೆ ಏನೆಲ್ಲಾ ಮಾಡ್ತಾರೆ ಅನ್ನೋದನ್ನು ವಿವರಿಸಿದ್ದಾರೆ. ತಲೆಕೂದಲು ಕ್ಲೀನ್ ಮಾಡಿಕೊಳ್ಳುವುದು, ಬಾಚಿಕೊಳ್ಳುವುದಕ್ಕೆ ಹೆಚ್ಚು ಸಮಯ ಬೇಕು. ಇದಕ್ಕೆ ನಮಗೆ ಸಂಯಮ ಬಹಳ ಮುಖ್ಯವಾಗುತ್ತದೆ ಎಂದಿದ್ದಾರೆ.

ಗಿನ್ನಿಸ್ ಸಂಸ್ಥೆಯೂ ದಾಖಲೆಯ ಬಗ್ಗೆ ಪೋಸ್ಟ್ ಮಾಡುತ್ತಿದ್ದರಂತೆ, ನೆಟ್ಟಿಗರು ರೇಣು ಅವರಿಗೆ ಶುಭಾಶಯ ತಿಳಿಸಿ ಬೆಂಬಲ ಸೂಚಿಸಿದ್ದಾರೆ. ಅಲ್ಲದೇ ನೆಟ್ಟಿಗರು ತಮ್ಮದೇ ಅಭಿಪ್ರಾಯ ವ್ಯಕ್ತಪಡಿಸಿ ಕಾಮೆಂಟ್ ಮಾಡುತ್ತಿದ್ದು, 'ನನಗೆ ತಲೆ ಕೂದಲು ಉದುರುವ ಸಮಸ್ಯೆ ಹೆಚ್ಚಾಗಿದೆ. ಆದರೆ ಇವರು ತಲೆಯ ಮೇಲೆ ತಲೆಕೂದಲಿನ ಸ್ಟೋರ್ ಆರಂಭಿಸಿದ್ದಾರೆ' ಪ್ರತಿಕ್ರಿಯೆ ನೀಡಿದ್ದಾರೆ. ಮತ್ತೋರ್ವ ನೆಟ್ಟಿಗ, 'ಭಾರತ ಗ್ರಾಮಗಳಲ್ಲಿ ಇಂತಹ ಅದೆಷ್ಟೋ ಬೆಳಕಿಗೆ ಬಾರದ ದಾಖಲೆ ಇರುತ್ತದೆ' ಎಂದು ಹೇಳಿದ್ದಾರೆ. ಹಲವರು ಕೂದಲಿನ ಸಂರಕ್ಷಣೆಗೆ ಪ್ರತಿದಿನ ಎಷ್ಟು ಸಮಯ ಮೀಸಲಿಡುತ್ತಾರೆ ಅಂತ ಪ್ರಶ್ನಿಸಿದ್ದಾರೆ. ನಮ್ಮ ಉದ್ದೇಶ ಸರಿಯಾಗಿದ್ದರೆ ಸಣ್ಣ ಸಣ್ಣ ಪ್ರಯತ್ನಗಳು ದೊಡ್ಡ ಫಲಿತಾಂಶಗಳನ್ನು ನೀಡುತ್ತವೆ ಎಂಬುವುದಕ್ಕೆ ಗಿನ್ನಿಸ್ ದಾಖಲೆ ನಿರ್ಮಿಸಿರುವ ರೇಣು ಧರಿಯಾಲ್ ಸಾಕ್ಷಿಯಾಗಿದ್ದಾರೆ.

ಲೈಟ್‌ವೇಟ್ ಚೈನ್‌ಗೆ ಗ್ರ್ಯಾಂಡ್ ಪೆಂಡೆಂಟ್! ಟ್ರೆಂಡಿ ಡಿಸೈನ್‌ಗಳ ಮೇಲೆ ಕಣ್ಣಾಡಿಸಿ

Naveen Kodase — Tue, 04 Aug 2026 12:33:52 +0530

ಒಂದು ಕಾಲದಲ್ಲಿ ದಪ್ಪ ಚೈನ್‌ಗಳಿಗೆ ಚಿಕ್ಕ ಪೆಂಡೆಂಟ್‌ಗಳನ್ನು ಹಾಕಿಕೊಳ್ಳುತ್ತಿದ್ದರು. ಆದರೆ ಈಗ ಟ್ರೆಂಡ್ ಬದಲಾಗಿದೆ. ತೆಳುವಾದ ಚೈನ್‌ಗಳಿಗೆ ದೊಡ್ಡ, ಗ್ರಾಂಡ್ ಪೆಂಡೆಂಟ್‌ಗಳನ್ನು ಧರಿಸಲು ಇಷ್ಟಪಡುತ್ತಾರೆ. ಅಂತಹ ಕೆಲವು ಡಿಸೈನ್‌ಗಳು ಇಲ್ಲಿವೆ ನೋಡಿ...

ಸೀರೆಗಳಿಗೆ ಪರ್ಫೆಕ್ಟ್ ಆಗಿ ಮ್ಯಾಚ್ ಆಗುವ ಟ್ರೆಂಡಿ ಇಯರಿಂಗ್ಸ್ ಇಲ್ಲಿದೆ ನೋಡಿ!

Naveen Kodase — Wed, 05 Aug 2026 17:25:52 +0530

ಸೀರೆ ಉಟ್ಟಾಗ ಹೆವಿ ಇಯರಿಂಗ್ಸ್ ಹಾಕೊಂಡ್ರೆ ಲುಕ್ ಅದ್ಭುತವಾಗಿ ಕಾಣುತ್ತೆ. ಸೀರೆಗಳಿಗೆ ಚೆನ್ನಾಗಿ ಹೊಂದಿಕೊಳ್ಳುವ ಕೆಲವು ಇಯರಿಂಗ್ ಡಿಸೈನ್‌ಗಳು ಇಲ್ಲಿವೆ. ನೀವೂ ಒಮ್ಮೆ ನೋಡಿ.

Layered Chains: ಗ್ರಾಂಡ್ ಲುಕ್ ಕೊಡುವ ಬಜೆಟ್‌ ಫ್ರೆಂಡ್ಲಿ ಟೂ ಲೇಯರ್ ನೆಕ್ಲೇಸ್

Naveen Kodase — Thu, 06 Aug 2026 14:53:58 +0530

ಕಡಿಮೆ ಬಜೆಟ್‌ನಲ್ಲಿ ಗ್ರಾಂಡ್ ಆಗಿ ಕಾಣಬೇಕಾ? ಹಾಗಿದ್ರೆ ಡಬಲ್ ಲೇಯರ್ ನೆಕ್ಲೇಸ್ ಡಿಸೈನ್‌ಗಳನ್ನು ನೀವು ಟ್ರೈ ಮಾಡ್ಲೇಬೇಕು. ಇವು ಬರೀ ಚಿನ್ನದಲ್ಲಿ ಮಾತ್ರವಲ್ಲ, ಗೋಲ್ಡ್ ಪ್ಲೇಟೆಡ್ ಆಭರಣಗಳಲ್ಲೂ ಸುಲಭವಾಗಿ ಸಿಗುತ್ತವೆ.

ಕಡಿಮೆ ತೂಕದಲ್ಲಿ ಗ್ರ್ಯಾಂಡ್ ಲುಕ್ ಕೊಡುವ ಟ್ರೆಂಡಿ ಕರಿಮಣಿ ಡಿಸೈನ್ಸ್ ಇಲ್ಲಿವೆ

Naveen Kodase — Mon, 03 Aug 2026 13:34:03 +0530

ಮದುವೆಯಾದ ಹೆಣ್ಣುಮಕ್ಕಳಿಗೆ ಕರಿಮಣಿ ಸರ ವಿಶೇಷ ಅಂದ ನೀಡುತ್ತೆ ಅನ್ನೋದನ್ನ ಪ್ರತ್ಯೇಕವಾಗಿ ಹೇಳಬೇಕಿಲ್ಲ. ಅದರಲ್ಲೂ ಪ್ರತಿದಿನ ಧರಿಸಲು ಭಾರವಾದ ಮಾಂಗಲ್ಯ ಸರ ಯಾರಿಗೂ ಇಷ್ಟವಾಗಲ್ಲ. ಕಡಿಮೆ ತೂಕದಲ್ಲಿ ಗ್ರೇಸ್‌ಫುಲ್ ಲುಕ್ ನೀಡುವ ಕೆಲವು ಡಿಸೈನ್‌ಗಳು ಇಲ್ಲಿವೆ.

Bangle Designs: ಸೀರೆಗೆ ಅದ್ಭುತವಾಗಿ ಕಾಣುವ ಮಿಕ್ಸ್ ಬ್ಯಾಂಗಲ್ ಸೆಟ್ಸ್ ಇಲ್ಲಿವೆ

Naveen Kodase — Wed, 05 Aug 2026 15:50:35 +0530

ಹೆಣ್ಣುಮಕ್ಕಳ ಕೈಗಳಿಗೆ ಬಳೆಗಳು ನೀಡುವಷ್ಟು ಸೌಂದರ್ಯವನ್ನು ಬೇరేನೂ ನೀಡುವುದಿಲ್ಲ. ಅದರಲ್ಲೂ ಸೀರೆ ಉಟ್ಟಾಗ ಕೈಯಲ್ಲಿ ಬಳೆಗಳಿಲ್ಲದಿದ್ದರೆ ಸಪ್ಪೆ ಎನಿಸುತ್ತದೆ. ಪ್ರತಿ ಬಾರಿಯೂ ಚಿನ್ನದ ಬಳೆಗಳನ್ನೇ ಧರಿಸಬೇಕೆಂದೇನೂ ಇಲ್ಲ. ಈ ರೀತಿಯ ಗಾಜಿನ ಬಳೆಗಳನ್ನು ಸಹ ಟ್ರೈ ಮಾಡಬಹುದು.

ಕಪ್ಪಾದ ಕುತ್ತಿಗೆ ಬಗ್ಗೆ ಚಿಂತೆ ಬಿಡಿ… 5 ನಿಮಿಷ ಈ ಪೇಸ್ಟ್ ಹಚ್ಚಿ ಜಾದೂ ನೋಡಿ

Pavna Das — Tue, 04 Aug 2026 16:56:14 +0530

ನಿಮ್ಮ ಕುತ್ತಿಗೆ, ಬೆನ್ನು ಕಪ್ಪಾಗಿದ್ಯಾ?

ಬಹುತೇಕ ಎಲ್ಲರೂ ಕೆಲವು ಸಮಸ್ಯೆಗಳನ್ನು ಎದುರಿಸುತ್ತಾರೆ, ಅವುಗಳಲ್ಲಿ ಒಂದು ಕುತ್ತಿಗೆ ಮತ್ತು ಬೆನ್ನು ಕಪ್ಪಾಗುವುದು. ಹೆಚ್ಚಿನ ಜನರಿಗೆ ಕುತ್ತಿಗೆ ಕಪ್ಪಾಗುವ ಸಮಸ್ಯೆ ಇರುವುದನ್ನು ನೀವು ಗಮನಿಸಿರಬಹುದು, ಇದು ಕೆಲವೊಮ್ಮೆ ಮುಜುಗರವನ್ನುಂಟು ಮಾಡುತ್ತದೆ. ಕಪ್ಪಾದ ಕುತ್ತಿಗೆ ಮತ್ತು ಬೆನ್ನು ಹಲವರಿಗೆ ಸಾಮಾನ್ಯ ಸಮಸ್ಯೆಯಾಗಿದ್ದರೂ, ಅವು ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುವುದು, ಬೆವರು, ಧೂಳು ಮತ್ತು ಸರಿಯಾಗಿ ಚರ್ಮದ ಆರೈಕೆ ಮಾಡದೇ ಇರುವುದರಿಂದ ಕೂಡ ಉಂಟಾಗಬಹುದು.

ಮನೆಮದ್ದು ಸಹಾಯ ಮಾಡುತ್ತದೆ:

ಇದನ್ನು ತಡೆಗಟ್ಟಲು ನಾವು ಹಲವು ವಸ್ತುಗಳನ್ನು ಬಳಸುತ್ತೇವೆ, ಆದರೆ ಅವು ಹೆಚ್ಚಿನ ವ್ಯತ್ಯಾಸವನ್ನುಂಟು ಮಾಡುವುದಿಲ್ಲ. ಕೆಲವರು ದುಬಾರಿ ಬ್ಲೀಚ್ ಸಹ ಬಳಸುತ್ತಾರೆ, ಆದರೆ ಈಗ ನಿಮಗೆ ಅದರ ಅಗತ್ಯವಿಲ್ಲ. ನೀವು ಕೆಲವು ಸರಳವಾದ ಮನೆಯಲ್ಲಿಯೇ ಸಿಗುವ ಪದಾರ್ಥಗಳಿಂದ ಪೇಸ್ಟ್ ತಯಾರಿಸಬಹುದು, ಅದು ಕುತ್ತಿಗೆ ಮತ್ತು ಬೆನ್ನಿನ ಕಪ್ಪು ಬಣ್ಣವನ್ನು ತೊಡೆದುಹಾಕಲು ನಿಮಗೆ ಸಹಾಯ ಮಾಡುತ್ತದೆ. ಕಾಫಿ ಮತ್ತು ಅರಿಶಿನವನ್ನು ಬಳಸುವ ವಿಧಾನ ನೀವು ತಿಳಿಯಿರಿ.

ನಿಮಗೆ ಈ ಕೆಳಗಿನ ಪದಾರ್ಥಗಳು ಬೇಕಾಗುತ್ತವೆ:

ಇದನ್ನು ತಯಾರಿಸಲು, ನಿಮಗೆ 4 ಟೀ ಚಮಚ ಕಸ್ತೂರಿ ಅರಿಶಿನ, 1-2 ಟೀ ಚಮಚ ಕಾಫಿ ಪುಡಿ, ಮೊಸರು, ಸ್ವಲ್ಪ ಸಕ್ಕರೆ, ರೋಸ್ ವಾಟರ್, ಟೊಮೆಟೊ ರಸ ಮತ್ತು ನಿಂಬೆಹಣ್ಣು ಬೇಕಾಗುತ್ತದೆ.
ಈಗ 4 ಟೀ ಚಮಚ ಅರಿಶಿನವನ್ನು ಕಬ್ಬಿಣದ ಪ್ಯಾನ್‌ನಲ್ಲಿ ಕಡಿಮೆ ಉರಿಯಲ್ಲಿ ಹುರಿಯಿರಿ. ಅದು ಗಾಢ ಕಂದು ಬಣ್ಣಕ್ಕೆ ತಿರುಗುವವರೆಗೆ ಹುರಿಯುವುದನ್ನು ಮುಂದುವರಿಸಿ. ಹುರಿದ ಅರಿಶಿನವನ್ನು ತಣ್ಣಗಾಗಲು ಬಿಡಿ, ನಂತರ ಕಾಫಿ ಪುಡಿ, ಮೊಸರು, ಸ್ವಲ್ಪ ಸಕ್ಕರೆ, ರೋಸ್ ವಾಟರ್ ಮತ್ತು ಟೊಮೆಟೊ ರಸದೊಂದಿಗೆ ಬೆರೆಸಿ ನಯವಾದ ಪೇಸ್ಟ್ ತಯಾರಿಸಿ.
ಈಗ ನಿಮ್ಮ ಕುತ್ತಿಗೆ ಮತ್ತು ಬೆನ್ನನ್ನು ಚೆನ್ನಾಗಿ ಸ್ವಚ್ಛಗೊಳಿಸಿ ಮತ್ತು ಈ ಪೇಸ್ಟ್ ಅನ್ನು ಕಪ್ಪು ಇರುವಲ್ಲೆಲ್ಲಾ ಹಚ್ಚಿ. ಮುಖ ಮತ್ತು ಮೊಣಕಾಲುಗಳ ಮೇಲೂ ಹಚ್ಚಬಹುದು. ಈ ಪೇಸ್ಟ್ ಅನ್ನು ಕೇವಲ 5 ನಿಮಿಷಗಳ ಕಾಲ ಬಿಡಿ, ನಂತರ ಅದನ್ನು ನಿಂಬೆಹಣ್ಣಿನಿಂದ ನಿಧಾನವಾಗಿ ಮಸಾಜ್ ಮಾಡಿ ಮತ್ತು ಸಾಮಾನ್ಯ ನೀರಿನಿಂದ ತೊಳೆಯಿರಿ. ನೀವು ವ್ಯತ್ಯಾಸವನ್ನು ಸ್ಪಷ್ಟವಾಗಿ ನೋಡುತ್ತೀರಿ.

ಎಷ್ಟು ಬಾರಿ ಇದನ್ನು ಹಚ್ಚಬೇಕು?

ವಾರಕ್ಕೆ ಎರಡು ಬಾರಿ ಇದನ್ನು ಬಳಸಿ. ನಿಯಮಿತ ಬಳಕೆಯಿಂದ ನಿಮ್ಮ ಚರ್ಮ ಮೃದುವಾಗುತ್ತದೆ, ಹೊಳೆಯುತ್ತದೆ ಮತ್ತು ಸ್ಪಷ್ಟವಾಗುತ್ತದೆ. ಡಾರ್ಕ್ ನೆಸ್ ಕ್ರಮೇಣ ಮಾಯವಾಗುತ್ತದೆ. ಹುರಿದ ಅರಿಶಿನವು ಚರ್ಮವನ್ನು ಶುದ್ಧೀಕರಿಸಲು ಮತ್ತು ಹೊಳಪು ನೀಡಲು ಸಹಾಯ ಮಾಡುತ್ತದೆ. ಕಾಫಿ ಸತ್ತ ಚರ್ಮವನ್ನು ಹೊರಹಾಕುತ್ತದೆ ಮತ್ತು ತೆಗೆದುಹಾಕುತ್ತದೆ. ಮೊಸರು ಮತ್ತು ಟೊಮೆಟೊ ರಸವು ಚರ್ಮವನ್ನು ಮೃದುಗೊಳಿಸುತ್ತದೆ. ನಿಂಬೆ ಸೌಮ್ಯವಾದ ಬ್ಲೀಚಿಂಗ್ ಏಜೆಂಟ್ ಆಗಿ ಕಾರ್ಯನಿರ್ವಹಿಸುತ್ತದೆ.

ಆದರೆ ಇದನ್ನು ಹಚ್ಚುವಾಗ ಒಂದು ಮಾತು ನೆನಪಿರಲಿ. ಇದನ್ನು ನಿಮ್ಮ ಮುಖಕ್ಕೆ ನೇರವಾಗಿ ಹಚ್ಚಬೇಡಿ. ಹಚ್ಚುವ ಮೊದಲು ಯಾವಾಗಲೂ ಅದನ್ನು ಪರೀಕ್ಷಿಸಿ. ಪ್ಯಾಚ್ ಟೆಸ್ಟ್ ಮಾಡಿ. ಸೂಕ್ಷ್ಮ ಚರ್ಮ ಹೊಂದಿರುವವರು ಇದನ್ನು ಎಚ್ಚರಿಕೆಯಿಂದ ಬಳಸಬೇಕು. ಇದನ್ನು ಹಚ್ಚಿದ ನಂತರ ನಿಮಗೆ ಕಿರಿಕಿರಿ ಉಂಟಾದರೆ, ಅದನ್ನು ಸಂಪೂರ್ಣವಾಗಿ ಅವಾಯ್ಡ್ ಮಾಡಿ. ಇದು ಕೆಲಸ ಮಾಡುವ ಮನೆಮದ್ದಾಗಿದೆ.

Necklace: 10 ಗ್ರಾಂ ಚಿನ್ನದಲ್ಲಿ ಸಿಗುವ ಬೆಸ್ಟ್ ನೆಕ್ಲೇಸ್ ಡಿಸೈನ್ಸ್ ಇಲ್ಲಿವೆ

Naveen Kodase — Mon, 03 Aug 2026 14:36:38 +0530

ಕೇವಲ 10 ಗ್ರಾಂ ಚಿನ್ನದಲ್ಲಿ ಸುಂದರವಾದ ನೆಕ್ಲೇಸ್ ಖರೀದಿಸುವ ಯೋಚನೆಯಲ್ಲಿದ್ದೀರಾ? ಹಾಗಿದ್ರೆ ಇಲ್ಲಿದೆ ನೋಡಿ ಕೆಲವು ಸಿಂಪಲ್ ಹಾಗೂ ಎಲಿಗಂಟ್ ಡಿಸೈನ್‌ಗಳು. ಒಮ್ಮೆ ನೋಡಿದ್ರೆ ಮತ್ತೆ ಮತ್ತೆ ನೋಡಬೇಕೆನಿಸುವಷ್ಟು ಆಕರ್ಷಕವಾಗಿವೆ ಈ ವಿನ್ಯಾಸಗಳು.

ಬೆರಳಿನ ಸೌಂದರ್ಯ ಹೆಚ್ಚಿಸುವ ಮುತ್ತಿನ ಉಂಗುರಗಳು; ಲೇಟೆಸ್ಟ್ ಡಿಸೈನ್ಸ್ ಇಲ್ಲಿವೆ

Naveen Kodase — Thu, 06 Aug 2026 16:43:30 +0530

ಮುತ್ತಿನ ಉಂಗುರಗಳು ನೋಡಲು ತುಂಬಾ ಸುಂದರವಾಗಿರುತ್ತವೆ. ಬೆರಳಿಗೆ ಧರಿಸಿದಾಗ ತುಂಬಾನೇ ಆಕರ್ಷಕವಾಗಿ ಕಾಣಿಸುತ್ತೆ. ಇಲ್ಲಿ ನೀಡಿರುವ ಕೆಲವು ಡಿಸೈನ್‌ಗಳು ಖಂಡಿತಾ ಎಲ್ಲರಿಗೂ ಇಷ್ಟವಾಗುತ್ತವೆ.

ಕೈ-ಕಾಲಿಗೆ ಹಚ್ಚುವ ಮೆಹಂದಿ ಗಾಢ ಬಣ್ಣ ಬರಬೇಕಾ? ಸುಲಭದ ಟಿಪ್ಸ್ ಫಾಲೋ ಮಾಡಿ ಅಂದ ನೋಡಿ

Suchethana D — Thu, 06 Aug 2026 19:48:06 +0530

ಹಬ್ಬಗಳ ಸಮಯದಲ್ಲಿ ಕೈಗಳಿಗೆ ಮೆಹಂದಿ ಹಚ್ಚುವುದು ಸಾಮಾನ್ಯ. ಗಾಢವಾದ ಮೆಹಂದಿ ಬಣ್ಣವನ್ನು ಪಡೆಯಲು, ಗೋರಂಟಿ ಪೇಸ್ಟ್ ತಯಾರಿಸುವ ವಿಧಾನ ಮತ್ತು ಅದನ್ನು ಹಚ್ಚಿದ ನಂತರ ಅನುಸರಿಸಬೇಕಾದ ನಿಂಬೆ-ಸಕ್ಕರೆ ದ್ರಾವಣ, ಲವಂಗದ ಹೊಗೆಯಂತಹ ಕೆಲವು ಸುಲಭ ಸಲಹೆಗಳನ್ನು ಈ ಲೇಖನದಲ್ಲಿ ವಿವರಿಸಲಾಗಿದೆ.

ಇನ್ನೇನು ಶ್ರಾವಣ ಮಾಸ ಆರಂಭಕ್ಕೆ ಕೆಲವೇ ದಿನಗಳು ಬಾಕಿ ಇವೆ. ಶ್ರಾವಣ ಎಂದರೆ ಹಬ್ಬಗಳ ಸಾಲು ಸಾಲು. ಈ ಸಂದರ್ಭದಲ್ಲಿ ವಿಶೇಷವಾಗಿ ಕೈ-ಕಾಲುಗಳಿಗೆ ರಂಗುರಂಗಿನ ಮೆಹಂದಿ ಹಚ್ಚುವುದು ಮಾಮೂಲು. ಇದನ್ನು ಮದರಂಗಿ, ಗೋರಂಟಿ ಎನ್ನುವುದೂ ಉಂಟು. ಅಷ್ಟಕ್ಕೂ ಮೆಹಂದಿ ಎನ್ನುವುದು ಹಬ್ಬಗಳಿಗೆ ಮಾತ್ರ ಸೀಮಿತವಾಗಿಲ್ಲ. ಜಾತಿ-ಧರ್ಮ ಮೀರಿ ಮೆಹಂದಿ ಮದುವೆಯ ಸಂದರ್ಭಗಳಲ್ಲಿ, ವಿವಿಧ ಕಾರ್ಯಕ್ರಮಗಳಲ್ಲಿ ವಿಶೇಷ ಸ್ಥಾನ ಪಡೆಯುತ್ತದೆ. ಗಿಡದ ಎಲೆಗಳನ್ನು ತಂದು ಅರೆದು ನೈಸರ್ಗಿಕವಾಗಿರುವ ಮೆಹಂದಿ ಹಚ್ಚುವುದರಿಂದ ಆರೋಗ್ಯಕ್ಕೂ ಸಿಕ್ಕಾಪಟ್ಟೆ ಲಾಭ ಉಂಟು. ಇದೇ ಕಾರಣಕ್ಕೆ ಹಬ್ಬ ಹರಿದಿನ, ಮದುವೆ ಇತ್ಯಾದಿಗಳಲ್ಲಿ ಹಿರಿಯರು ಇದನ್ನು ಅನುಸರಿಸಿಕೊಂಡು ಬಂದಿದ್ದಾರೆ. ಆದರೆ ಈಗೀಗ ಇಲ್ಲಿಯೂ ಕೆಮಿಕಲ್ ಹಾವಳಿ ಹೆಚ್ಚಾಗಿದೆ ಅನ್ನಿ!

ಅದೇನೇ ಇದ್ದರೂ, ಮೆಹಂದಿಯನ್ನು ಹಚ್ಚುವಾಗ, ಕೆಲವೊಂದು ಟಿಪ್ಸ್ ಗೊತ್ತಿದ್ದರೆ ಸಕತ್ ರಂಗು ಬರುತ್ತದೆ. ಮೆಹಂದಿಯ ರಂಗು ಹೆಚ್ಚಿದಷ್ಟೂ ಗಂಡ ಅಷ್ಟೇ ಪ್ರೀತಿ ಮಾಡುತ್ತಾನೆ ಎನ್ನುವ ಮಾತು ಕೂಡ ಜನಜನಿತವಾಗಿದೆ. ಹಾಗಿದ್ದರೆ, ಈ ಟಿಪ್ಸ್ ಫಾಲೋ ಮಾಡಿದ್ರೆ ನಿಮ್ಮ ಮೆಹಂದಿಗೆ ಸಿಕ್ಕಾಪಟ್ಟೆ ರಂಗು ಬರಲಿದೆ. ಅದೇನೆಂದು ಇಲ್ಲಿ ತಿಳಿಸಲಾಗಿದೆ.

ಪದಾರ್ಥಗಳು: 1/4 ಕಪ್ ಗೋರಂಟಿ ಪುಡಿ, 2 ಟೀ ಚಮಚ ಸಕ್ಕರೆ, ಮತ್ತು ಪೇಸ್ಟ್ ದಪ್ಪವಾಗಲು ಅಗತ್ಯವಿರುವಷ್ಟು ನೀರು ಅಥವಾ ಚಹಾ ಎಲೆಗಳು. ಅಲ್ಲದೆ, 1 ಟೀಚಮಚ ನಿಂಬೆ ರಸ ಅಥವಾ ಸಾರಭೂತ ತೈಲವನ್ನು ಸೇರಿಸಿ.

ಉತ್ತಮ ಮೆಹಂದಿ ಪೇಸ್ಟ್ ಮಾತ್ರ ನಿಮ್ಮ ಕೈಗಳಲ್ಲಿ ಗಾಢವಾದ ಮೆಹಂದಿಯನ್ನು ಸೃಷ್ಟಿಸುತ್ತದೆ. ಪೇಸ್ಟ್ ಮಾಡಲು, ಕ್ಲೀನ್ ಬಟ್ಟಲಿನಲ್ಲಿ ಗೋರಂಟಿ ಪುಡಿ (ಮೆಹಂದಿ) ಮತ್ತು ಸಕ್ಕರೆಯನ್ನು ಸೇರಿಸಿ. ನೀರು ಅಥವಾ ಚಹಾ ಎಲೆಗಳ ನೀರನ್ನು ಸ್ವಲ್ಪ ಸ್ವಲ್ಪವಾಗಿ ಸೇರಿಸಿ. ಉಂಡೆಗಳನ್ನು ತಪ್ಪಿಸಲು ಚಮಚದೊಂದಿಗೆ ಚೆನ್ನಾಗಿ ಮಿಶ್ರಣ ಮಾಡಿ. ಪೇಸ್ಟ್ ಟೂತ್‌ಪೇಸ್ಟ್‌ನಷ್ಟು ದಪ್ಪವಾಗಿರಬೇಕು. ಇದು ಉತ್ತಮ ಗೋರಂಟಿ ವಿನ್ಯಾಸವನ್ನು ಸೃಷ್ಟಿಸುತ್ತದೆ ಮತ್ತು ಉತ್ತಮ ಬಣ್ಣವನ್ನು ಬಿಡುತ್ತದೆ. ನಂತರ, ಗೋರಂಟಿ ತನ್ನ ಬಣ್ಣವನ್ನು ಬಿಡುಗಡೆ ಮಾಡಲು ಪೇಸ್ಟ್ ಅನ್ನು ಆರರಿಂದ 24 ಗಂಟೆಗಳ ಕಾಲ ಹಾಗೆಯೇ ಬಿಡಿ. ಈಗ, ಗೋರಂಟಿ ಪೇಸ್ಟ್ ಅನ್ನು ಕೋನ್‌ಗೆ ಸುರಿಯಿರಿ.

ನಿಮ್ಮ ಕೈಗಳಿಗೆ ಗಾಢವಾದ ಬಣ್ಣವನ್ನು ಬಯಸಿದರೆ, ಈ ಮೂರು ಪದಾರ್ಥಗಳನ್ನು (ದಾಸವಾಳದ ಹೂವಿನ ಜೆಲ್, ಬೀಟ್‌ರೂಟ್ ರಸ ಮತ್ತು ಚಹಾ ಎಲೆಗಳ ನೀರು) ಗೋರಂಟಿ ಪುಡಿಯೊಂದಿಗೆ ಬೆರೆಸಿ ಪೇಸ್ಟ್ ತಯಾರಿಸಿ. ಸರಳ ನೀರನ್ನು ಬಳಸುವುದನ್ನು ತಪ್ಪಿಸಿ.

ಗೋರಂಟಿ ಬಣ್ಣವನ್ನು ಕಪ್ಪಾಗಿಸಲು, ನಿಂಬೆ-ಸಕ್ಕರೆ ದ್ರಾವಣವನ್ನು ಹಚ್ಚಿ. ಲವಂಗದ ಹೊಗೆಯಿಂದ ನಿಮ್ಮ ಕೈಗಳನ್ನು ಬೆಚ್ಚಗಾಗಿಸಿ ಮತ್ತು ಗೋರಂಟಿಯನ್ನು ನೀರಿನಿಂದ ತೊಳೆಯುವ ಬದಲು ಅದನ್ನು ಉಜ್ಜಿಕೊಳ್ಳಿ ಇದರಿಂದ ಅದು ಸಾಧ್ಯವಾದಷ್ಟು ಬಣ್ಣವನ್ನು ಉಳಿಸಿಕೊಳ್ಳುತ್ತದೆ.

ಗೋರಂಟಿಯನ್ನು ಕೈಗಳಿಗೆ ಹಚ್ಚಿದ ನಂತರ, ಅದರ ಮೇಲೆ ಸಕ್ಕರೆ ಪೇಸ್ಟ್ ಅನ್ನು ಹಚ್ಚಲಾಗುತ್ತದೆ. ಇದು ಹೆಚ್ಚು ಸಮಯದವರೆಗೆ ಕೈಗಳ ಮೇಲೆ ಉಳಿಯಲು ಸಹಾಯ ಮಾಡುತ್ತದೆ ಮತ್ತು ಬಣ್ಣವನ್ನು ಗಾಢವಾಗಿಸುತ್ತದೆ. ಅದಕ್ಕಾಗಿಯೇ ಜನರು ತಮ್ಮ ಕೈಗಳಿಗೆ ಸಕ್ಕರೆ ನೀರನ್ನು ಹಚ್ಚುತ್ತಾರೆ.

Gold Tops: ಈ ಕಿವಿಯೋಲೆಗಳ ಡಿಸೈನ್ ತುಂಬಾ ಸ್ಪೆಷಲ್: ನೋಡಿದ್ರೆ ಮನಸೋಲ್ತೀರಾ!

Govindaraj S — Fri, 07 Aug 2026 00:29:39 +0530

ಈ ಲೇಖನದಲ್ಲಿ ಚಿನ್ನದ ಟಾಪ್ಸ್‌ನ ಹಲವು ಆಕರ್ಷಕ ಡಿಸೈನ್‌ಗಳ ಬಗ್ಗೆ ಮಾಹಿತಿ ನೀಡಲಾಗಿದೆ. ಇದರಲ್ಲಿ ಟ್ರಯಾಂಗಲ್ ಶೇಪ್, ಪಾನ್ ಶೇಪ್, ಸ್ಟಡ್ ಲಟ್ಕನ್, ಬ್ರಜ್‌ಬಾಲಾ ಮತ್ತು ಫ್ಲೋರಲ್ ಲಟ್ಕನ್‌ನಂತಹ ವಿಶಿಷ್ಟ ವಿನ್ಯಾಸಗಳಿವೆ. ಇವು ಹಬ್ಬಗಳಿಂದ ಹಿಡಿದು ದೈನಂದಿನ ಬಳಕೆಗೆ ಸೂಕ್ತವಾಗಿವೆ.

ನೋಡಿದ್ರೆ ಫಿದಾ ಆಗ್ತೀರಾ, ಅದ್ಭುತ ವಿನ್ಯಾಸದ ಪಟಿಯಾಲಾ ಸೂಟ್ಸ್‌ ಇಲ್ಲಿವೆ!

Naveen Kodase — Sat, 08 Aug 2026 17:45:21 +0530

ಸೌಂದರ್ಯ, ಆರಾಮ ಹಾಗೂ ಟ್ರೆಂಡಿ ಲುಕ್ ಬಯಸೋರಿಗೆ ಪಟಿಯಾಲಾ ಸೂಟ್ಸ್ ಬೆಸ್ಟ್ ಆಯ್ಕೆ. ಇಲ್ಲಿ ಲೇಟೆಸ್ಟ್ ಡಿಸೈನ್‌ನ ಪಟಿಯಾಲಾ ಸೂಟ್‌ಗಳಿವೆ. ಇವು ಪ್ರತಿಯೊಂದು ಸಂದರ್ಭಕ್ಕೂ ಸೂಕ್ತವಾಗಿವೆ.

ರಶ್ಮಿಕಾ ಮಂದಣ್ಣರಂತೆ ಗ್ಲಾಮರಸ್ ಆಗಿ ಕಾಣಬೇಕಾ? ಹಬ್ಬಕ್ಕೆ ಈ ದೇಸಿ ಔಟ್‌ಫಿಟ್‌ಗಳನ್ನು ಟ್ರೈ ಮಾಡಿ

Govindaraj S — Tue, 04 Aug 2026 21:50:14 +0530

ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅವರ ಸ್ಟೈಲ್ ಇಷ್ಟಾನಾ? ಹಾಗಿದ್ರೆ, ಹಬ್ಬದ ಸೀಸನ್‌ಗೆ ಅವರ ಬೆಸ್ಟ್ ದೇಸಿ ಉಡುಪುಗಳ ಕಲೆಕ್ಷನ್ ಇಲ್ಲಿದೆ ನೋಡಿ. ಇನ್ನಷ್ಟು ತಿಳಿಯಲು ಮುಂದೆ ಓದಿ.

ರಶ್ಮಿಕಾ ಮಂದಣ್ಣ, ಅಭಿಮಾನಿಗಳಿಂದ 'ನ್ಯಾಷನಲ್ ಕ್ರಶ್' ಅಂತಾನೇ ಕರೆಸಿಕೊಳ್ಳುವ ಜನಪ್ರಿಯ ನಟಿ. ಹಬ್ಬದ ಸೀಸನ್ ಹತ್ತಿರ ಬರುತ್ತಿದ್ದಂತೆ, ನಿಮ್ಮನ್ನು ಗ್ಲಾಮರಸ್ ಆಗಿ ಕಾಣುವಂತೆ ಮಾಡುವ ಅವರ ಅದ್ಭುತ ದೇಸಿ ಉಡುಪುಗಳ ಕಲೆಕ್ಷನ್ ಇಲ್ಲಿದೆ.

ಗ್ಲಾಮ್ ಆದ ಬಿಳಿ-ಐವರಿ ಸೀರೆಯ ಸೌಂದರ್ಯವನ್ನು ಯಾವುದೂ ಮೀರಿಸಲು ಸಾಧ್ಯವಿಲ್ಲ. ನೀವು ಇದನ್ನು ಎಂಬೆಲಿಶ್ಡ್ ಬ್ಲೌಸ್ ಮತ್ತು ಮಿನಿಮಲ್ ಮೇಕಪ್ ಜೊತೆ ಧರಿಸಿದರೆ, ಲುಕ್ ಅದ್ಭುತವಾಗಿರುತ್ತದೆ.

ನಿಮ್ಮ ವಾರ್ಡ್‌ರೋಬ್‌ನಲ್ಲಿ ಒಂದು ಸುಂದರವಾದ ಚಿಕಂಕರಿ ಸೂಟ್ ಖಂಡಿತ ಇರಲೇಬೇಕು. ಇದರ ಜೊತೆ ನೀವು ಸಣ್ಣ ಆಭರಣಗಳನ್ನು ಧರಿಸಿದರೆ, ಪರ್ಫೆಕ್ಟ್ ಆಗಿ ರೆಡಿಯಾಗುತ್ತೀರಿ.

ಎಷ್ಟು ಸುಂದರ ಅಲ್ವಾ! ಒಂದು ಸುಂದರವಾದ ಶಿಫಾನ್ ಸೀರೆ ಹಬ್ಬದ ಸೀಸನ್‌ಗೆ ವಿಶೇಷ ಕಳೆ ನೀಡುತ್ತದೆ. ರಶ್ಮಿಕಾರಂತೆ ನೀವು ಕೂಡ ಹೆವಿ ಜ್ಯುವೆಲರಿ ಜೊತೆ ಇದನ್ನು ಧರಿಸಬಹುದು.

ರಶ್ಮಿಕಾ ಮಂದಣ್ಣ ಈ ಸುಂದರವಾದ ಸೀರೆ ಲೆಹೆಂಗಾದಲ್ಲಿ ದೇವತೆಯಂತೆ ಕಾಣುತ್ತಿದ್ದಾರೆ. ರಾಖಿ ಹಬ್ಬದ ಆಚರಣೆಗೆ ನೀವು ಇದನ್ನು ಆರಿಸಿಕೊಂಡರೆ, ಇದು ಒಂದು ಸೊಗಸಾದ ಆಯ್ಕೆಯಾಗುತ್ತದೆ.

ಕಣ್ಣಿಗೆ ಅಂದ ಕೊಡುವ ಕಾಜಲ್ ದೃಷ್ಟಿಯನ್ನೇ ಕಳೆಯಬಹುದು: ಖ್ಯಾತ ವೈದ್ಯೆ ನೀಡಿರೋ ಈ ಟಿಪ್ಸ್ ಫಾಲೋ ಮಾಡಿ

Suchethana D — Tue, 04 Aug 2026 19:37:29 +0530

ಕಾಜಲ್ ಅನ್ನು ಮೇಕಪ್‌ನ ಅತ್ಯಗತ್ಯ ಭಾಗವೆಂದು ಪರಿಗಣಿಸಲಾಗುತ್ತದೆ ಮತ್ತು ಮಾರುಕಟ್ಟೆಯಲ್ಲಿ ಹಲವು ವಿಧಗಳು ಲಭ್ಯವಿದೆ. ಅನೇಕ ಮಹಿಳೆಯರು ಪ್ರತಿದಿನ ತಮ್ಮ ಕಣ್ಣಿನ ಒಳ ಮೂಲೆಯಲ್ಲಿ (ನೀರಿನ ರೇಖೆ) ಡಾರ್ಕ್ ಕಾಜಲ್ ಅನ್ನು ಹಚ್ಚಿಕೊಳ್ಳುತ್ತಾರೆ. ಮಲಗುವ ಮುನ್ನ ಅದನ್ನು ಅಳಿಸದೇ ನಿದ್ದೆ ಮಾಡುತ್ತಾರೆ. ಆದರೆ ಇದು ಕಣ್ಣಿನ ಸಮಸ್ಯೆಗಳ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಡಾ. ಆಂಚಲ್ ತಮ್ಮ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಈ ವಿಷಯವನ್ನು ಚರ್ಚಿಸಿದ್ದಾರೆ. ಅವರು ಹುಡುಗಿಯ ಕಣ್ಣಿನ ಸಮಸ್ಯೆಯನ್ನು ವಿವರಿಸಿದ್ದು, ಕಣ್ಣಿನ ಆರೈಕೆ ಸಲಹೆಗಳನ್ನು ನೀಡಿದ್ದಾರೆ. ಕಾಜಲ್ ಅನ್ನು ಹೇಗೆ ಹಚ್ಚಬೇಕು ಮತ್ತು ಅಜಾಗರೂಕತೆಯಿಂದ ಉಂಟಾಗಬಹುದಾದ ಸಂಭಾವ್ಯ ತೊಡಕುಗಳನ್ನು ಹೇಗೆ ತೆಗೆಯಬೇಕು ಎನ್ನುವ ಬಗ್ಗೆ ಅವರು ಮಾಹಿತಿ ಕೊಡುತ್ತಾರೆ.

ಕಣ್ಣುಗಳಲ್ಲಿ ಕಾಜಲ್

ಮೀಬೊಮಿಯನ್ ಗ್ರಂಥಿಗಳು ಕಣ್ಣುರೆಪ್ಪೆಯ ಅಂಚುಗಳಲ್ಲಿವೆ. ಈ ಗ್ರಂಥಿಗಳು ನೈಸರ್ಗಿಕ ಎಣ್ಣೆಗಳನ್ನು ಉತ್ಪಾದಿಸುತ್ತವೆ, ಕಣ್ಣಿನ ತೇವಾಂಶವನ್ನು ಕಾಪಾಡಿಕೊಳ್ಳುತ್ತವೆ ಮತ್ತು ಕಣ್ಣೀರು ಬೇಗನೆ ಒಣಗುವುದನ್ನು ತಡೆಯುತ್ತವೆ. ಕಾಜಲ್ ಅನ್ನು ನೀರಿನ ರೇಖೆಗೆ ಹಚ್ಚಿದಾಗ, ಕಣಗಳು, ಮೇಣ ಮತ್ತು ಎಣ್ಣೆ ಈ ಗ್ರಂಥಿಗಳ ರಂಧ್ರಗಳ ಸುತ್ತಲೂ ಸಂಗ್ರಹವಾಗುತ್ತವೆ. ಇದು ಎಣ್ಣೆಯ ಹರಿವನ್ನು ತಡೆಯಬಹುದು ಎಂದು ಡಾ. ಆಂಚಲ್ ವಿವರಿಸುತ್ತಾರೆ. ಇದು ಕಣ್ಣುರೆಪ್ಪೆಗಳ ಮೇಲೆ ನೋವಿನ ಕೆಂಪು ಗಡ್ಡೆಗಳು ಅಥವಾ ಸ್ಟೈಗಳಿಗೆ ಕಾರಣವಾಗಬಹುದು. ಇದು ನಂತರ ಸೋಂಕು ಇಲ್ಲದೆಯೂ ಸಹ ಚಾಲಾಜಿಯನ್ ಎಂದು ಕರೆಯಲ್ಪಡುವ ಊದಿಕೊಂಡ ಗಡ್ಡೆಗೆ ಕಾರಣವಾಗಬಹುದು. ಇದಕ್ಕೆ ಶಸ್ತ್ರಚಿಕಿತ್ಸೆ ಅಗತ್ಯವಾಗಬಹುದು.

ಕಾಜಲ್ ಬಗ್ಗೆ ವೈದ್ಯರ ಸಲಹೆ

ಕಾಜಲ್ ಅನ್ನು ನೀರಿನ ರೇಖೆಗೆ ಹಚ್ಚುವುದನ್ನು ತಪ್ಪಿಸಿ ಮತ್ತು ರಾತ್ರಿಯಿಡೀ ಅದನ್ನು ಎಂದಿಗೂ ಮಲಗಿಸಬೇಡಿ.

ಕಾಜಲ್ ಅಥವಾ ಇತರ ಕಣ್ಣಿನ ಮೇಕಪ್ ಅನ್ನು ಇತರರೊಂದಿಗೆ ಹಂಚಿಕೊಳ್ಳುವ ತಪ್ಪನ್ನು ಮಾಡಬೇಡಿ.

ಸುಂದರವಾದ ನೋಟವನ್ನು ರಚಿಸಲು ಮತ್ತು ಯಾವುದೇ ಹಾನಿಯನ್ನು ತಡೆಗಟ್ಟಲು ನೀರಿನ ರೇಖೆಯ ಹೊರಗೆ ಸ್ವಲ್ಪ ಕಪ್ಪು ಪದರದಲ್ಲಿ ಕಾಜಲ್ ಅನ್ನು ಹಚ್ಚಿ.

ನಿಮ್ಮ ಕಣ್ಣಿನಲ್ಲಿ ಗಡ್ಡೆ ಕಂಡುಬಂದರೆ, ಮನೆಮದ್ದುಗಳನ್ನು ಆಶ್ರಯಿಸುವ ಬದಲು ನೀವು ವೈದ್ಯರನ್ನು ಸಂಪರ್ಕಿಸಬಹುದು.

ಗಮನಿಸಿ: ಈ ಲೇಖನವು ಸಾಮಾನ್ಯ ಮಾಹಿತಿಗಾಗಿ. ನೀವು ನಿರಂತರ ಕಣ್ಣಿನ ನೋವು, ಊತ, ಆಗಾಗ್ಗೆ ಸ್ಟೈಸ್ ಅಥವಾ ಹ್ಯಾಲಾಜಿಯನ್ಸ್ ಅನ್ನು ಅನುಭವಿಸಿದರೆ, ಕಣ್ಣಿನ ತಜ್ಞರನ್ನು ಸಂಪರ್ಕಿಸಬೇಕು ಎಂದು ವೈದ್ಯರು ಹೇಳುತ್ತಾರೆ.