Asianet Suvarna News

ನಟಿ ಕಯಾದು ಬಳಸಿದ ವಾಟರ್ ಬಾಟಲ್‌ಗೆ 3 ಲಕ್ಷ ರೂ: ‘ಇದೇನಿದು ಹುಚ್ಚು?’ ಎಂದ ನೆಟ್ಟಿಗರು

Govindaraj S — Wed, 21 Oct 2026 16:23:05 +0530

ಸೌತ್ ಸಿನಿರಂಗದಲ್ಲಿ ಸದ್ಯ ಸಖತ್ ಸದ್ದು ಮಾಡುತ್ತಿರುವ ನಟಿಯರಲ್ಲಿ ಕಯಾದು ಲೋಹರ್ ಕೂಡ ಒಬ್ಬರು. ‘ಡ್ರ್ಯಾಗನ್’ ಚಿತ್ರದ ಬಳಿಕ ನಟಿಯ ಬೇಡಿಕೆ ಮತ್ತಷ್ಟು ಹೆಚ್ಚಾಗಿದ್ದು, ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಇತ್ತೀಚೆಗೆ ‘ದಿ ಪ್ಯಾರಡೈಸ್’ ಮೂಲಕ ಪ್ರೇಕ್ಷಕರ ಮುಂದೆ ಬಂದಿರುವ ಈ ಬೆಡಗಿಯ ಕುರಿತಾದ ವಿಚಿತ್ರ ಸುದ್ದಿಯೊಂದು ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅಷ್ಟಕ್ಕೂ ಆ ಸುದ್ದಿ ಏನು ಅಂತೀರಾ? ಕಯಾದು ಲೋಹರ್ ಬಳಸಿದ್ದ ವಾಟರ್ ಬಾಟಲ್‌ಗೆ ಬರೋಬ್ಬರಿ 3 ಲಕ್ಷ ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆಯಂತೆ! ಈ ವಿಚಾರವೇ ಇದೀಗ ನೆಟ್ಟಿಗರ ಹುಬ್ಬೇರಿಸುವಂತೆ ಮಾಡಿದೆ.

ಕಯಾದು ಬಳಸಿದ ಬಾಟಲ್‌ಗೆ 3 ಲಕ್ಷ ರೂ. ಬೆಲೆ!

ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಬಳಸಿದ ವಸ್ತುಗಳಿಗೆ ಅಭಿಮಾನಿಗಳು ವಿಶೇಷ ಮಹತ್ವ ನೀಡುವುದು ಹೊಸದೇನಲ್ಲ. ಸ್ಟಾರ್‌ಗಳು ಬಳಸಿದ ಬಟ್ಟೆ, ಶೂ, ಆ್ಯಕ್ಸೆಸರೀಸ್ ಸೇರಿದಂತೆ ಹಲವು ವಸ್ತುಗಳನ್ನು ಸಂಗ್ರಹಿಸಿಕೊಳ್ಳುವ ಅಭಿಮಾನಿಗಳೂ ಇದ್ದಾರೆ. ಆದರೆ ಇದೀಗ ವೈರಲ್ ಆಗಿರುವ ವಿಚಾರ ಮಾತ್ರ ಕೊಂಚ ವಿಚಿತ್ರವಾಗಿದೆ. ಶೂಟಿಂಗ್ ವೇಳೆ ಕಯಾದು ಲೋಹರ್ ಬಳಸಿದ್ದರೆನ್ನಲಾದ ವಾಟರ್ ಬಾಟಲ್‌ವೊಂದನ್ನು ಯಾರೋ ವ್ಯಕ್ತಿ ಆನ್‌ಲೈನ್ ಮಾರ್ಕೆಟ್‌ಪ್ಲೇಸ್ OLXನಲ್ಲಿ ಮಾರಾಟಕ್ಕೆ ಇಟ್ಟಿದ್ದಾರೆ ಎನ್ನಲಾಗಿದೆ. ಅಷ್ಟೇ ಅಲ್ಲ, ಆ ಬಾಟಲ್‌ಗೆ ನಿಗದಿಪಡಿಸಿರುವ ಬೆಲೆ ಕೇಳಿದರೆ ಮತ್ತಷ್ಟು ಅಚ್ಚರಿ!

ಬರೋಬ್ಬರಿ 3 ಲಕ್ಷ ರೂಪಾಯಿ!

ಹೌದು, ಕಯಾದು ಬಳಸಿದ್ದಾಳೆ ಎಂಬ ಕಾರಣಕ್ಕೆ ಆ ಸಾಮಾನ್ಯ ವಾಟರ್ ಬಾಟಲ್‌ಗೆ ಇಷ್ಟೊಂದು ಬೆಲೆ ನಿಗದಿಪಡಿಸಿರುವ ಸುದ್ದಿ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಚರ್ಚೆಯಾಗುತ್ತಿದೆ.

‘ಬಾಟಲ್‌ಗೂ ಸೆಲೆಬ್ರಿಟಿ ರೇಟ್‌ನಾ?’ ಎಂದ ನೆಟ್ಟಿಗರು!

ಈ ಪೋಸ್ಟ್ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರಿಂದ ತರಹೇವಾರಿ ಪ್ರತಿಕ್ರಿಯೆಗಳು ಬರುತ್ತಿವೆ. ‘ಸೆಲೆಬ್ರಿಟಿ ಕ್ರೇಜ್ ಅಂದ್ರೆ ಇಷ್ಟೊಂದುನಾ?’, ‘ಬಳಸಿದ ವಾಟರ್ ಬಾಟಲ್‌ಗೆ 3 ಲಕ್ಷ ರೂಪಾಯಿನಾ?’ ಎಂದು ಹಲವರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಇನ್ನು ಕೆಲವರು ಇದನ್ನು ನೋಡಿ ತಮಾಷೆಯ ಕಾಮೆಂಟ್‌ಗಳನ್ನು ಮಾಡುತ್ತಿದ್ದರೆ, ಮತ್ತೊಂದಷ್ಟು ಮಂದಿ ಅಭಿಮಾನಕ್ಕೂ ಒಂದು ಮಿತಿಯಿರಬೇಕು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಸೆಲೆಬ್ರಿಟಿಗಳ ಜನಪ್ರಿಯತೆಯನ್ನು ಬಳಸಿಕೊಂಡು ಕೆಲವರು ವಿಚಿತ್ರ ರೀತಿಯಲ್ಲಿ ಹಣ ಸಂಪಾದಿಸಲು ಪ್ರಯತ್ನಿಸುತ್ತಾರೆ ಎಂಬ ಚರ್ಚೆಯೂ ಇದೀಗ ಶುರುವಾಗಿದೆ.

ಅಭಿಮಾನವೇ? ಇಲ್ಲ ಕ್ರೇಜ್‌ನ ಮತ್ತೊಂದು ಲೆವೆಲ್ಲಾ?

ಸ್ಟಾರ್‌ಗಳ ಮೇಲಿನ ಅಭಿಮಾನ ಕೆಲವೊಮ್ಮೆ ಯಾವ ಹಂತಕ್ಕೆ ತಲುಪುತ್ತದೆ ಎನ್ನುವುದಕ್ಕೆ ಈ ಘಟನೆ ಮತ್ತೊಂದು ಉದಾಹರಣೆಯಂತೆ ಕಾಣುತ್ತಿದೆ. ಸಾಮಾನ್ಯವಾಗಿ ಸೆಲೆಬ್ರಿಟಿಗಳ ಬಳಸಿದ ವಸ್ತುಗಳನ್ನು ನೆನಪಿಗಾಗಿ ಇಟ್ಟುಕೊಳ್ಳುವುದನ್ನು ನಾವು ನೋಡಿದ್ದೇವೆ. ಆದರೆ ಅದೇ ವಸ್ತುವನ್ನು ಲಕ್ಷಾಂತರ ರೂಪಾಯಿಗೆ ಮಾರಾಟ ಮಾಡಲು ಮುಂದಾಗಿರುವುದು ಮಾತ್ರ ನೆಟ್ಟಿಗರಿಗೆ ಅಚ್ಚರಿ ಮೂಡಿಸಿದೆ. ಇದರಲ್ಲಿ ನಿಜವಾಗಿಯೂ ಕಯಾದು ಲೋಹರ್ ಬಳಸಿದ ಅದೇ ಬಾಟಲ್ ಇದೆಯೇ? ಅಥವಾ ಸೆಲೆಬ್ರಿಟಿ ಹೆಸರನ್ನು ಬಳಸಿಕೊಂಡು ಮಾಡಿರುವ ಪ್ರಚಾರವೇ? ಎಂಬುದಕ್ಕೆ ಸದ್ಯ ಸ್ಪಷ್ಟತೆ ಇಲ್ಲ.

ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಕಯಾದು ಲೋಹರ್

ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ‘ಡ್ರ್ಯಾಗನ್’ ಚಿತ್ರದ ಬಳಿಕ ಕಯಾದು ಲೋಹರ್ ಅವರ ಸಿನಿಮಾ ಜರ್ನಿ ಮತ್ತಷ್ಟು ವೇಗ ಪಡೆದುಕೊಂಡಿದೆ. ಇತ್ತೀಚೆಗೆ ‘ದಿ ಪ್ಯಾರಡೈಸ್’ ಚಿತ್ರದ ಮೂಲಕವೂ ಪ್ರೇಕ್ಷಕರ ಗಮನ ಸೆಳೆದಿರುವ ಅವರು ಸದ್ಯ ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಒಂದೆಡೆ ಸಿನಿಮಾಗಳ ಮೂಲಕ ಸುದ್ದಿಯಾಗುತ್ತಿರುವ ಕಯಾದು, ಮತ್ತೊಂದೆಡೆ ಅವರ ಹೆಸರಿನಲ್ಲಿ ವೈರಲ್ ಆಗುತ್ತಿರುವ ಈ ವಿಚಿತ್ರ ವಾಟರ್ ಬಾಟಲ್ ವಿಚಾರವೂ ನೆಟ್ಟಿಗರ ಗಮನ ಸೆಳೆಯುತ್ತಿದೆ. ಕಯಾದು ಲೋಹರ್ ಬಳಸಿದ ವಾಟರ್ ಬಾಟಲ್‌ಗೆ 3 ಲಕ್ಷ ರೂಪಾಯಿ ಬೆಲೆ ಎಂಬ ಸುದ್ದಿ ನಿಜವೇ? ಅಥವಾ ಸೋಶಿಯಲ್ ಮೀಡಿಯಾದ ಮತ್ತೊಂದು ವಿಚಿತ್ರ ವೈರಲ್ ಪೋಸ್ಟ್‌ ಮಾತ್ರವೇ? ಎಂಬ ಕುತೂಹಲ ಸದ್ಯ ಎಲ್ಲರಲ್ಲೂ ಮೂಡಿದೆ.

ರಜನಿಕಾಂತ್ ಆನ್‌ಸ್ಕ್ರೀನ್ ಮೊಮ್ಮಗನ ಹಿನ್ನೆಲೆ ಗೊತ್ತಾದ್ರೆ ಶಾಕ್ ಆಗ್ತೀರಾ! ರಿತ್ವಿಕ್ ಜ್ಯೋತಿ ಏನೆಲ್ಲಾ ಮಾಡ್ಕೊಂಡಿದಾರೆ?

Shriram Bhat — Wed, 21 Oct 2026 16:00:55 +0530

ತಮಿಳುನಾಡಿನ ಕೊಯಮತ್ತೂರಿನವರಾದ ರಿತ್ವಿಕ್ ಜ್ಯೋತಿ ರಾಜ್, ‘ರಿತು ರಾಕ್ಸ್ ರಿತ್ವಿಕ್’ ಎಂದೂ ಪರಿಚಿತರಾಗಿದ್ದಾರೆ. ಬಾಲನಟನಾಗಿರುವ ಅವರು ಕಂಟೆಂಟ್ ಕ್ರಿಯೇಟರ್ ಆಗಿಯೂ ಕೆಲಸ ಮಾಡುತ್ತಿದ್ದಾರೆ. ಜೊತೆಗೆ, ಇನ್ನೂ ಏನೇನು ಮಾಡುತ್ತಿದ್ದಾರೆ ನೋಡಿ..

Jailer 2: ರಜನಿಕಾಂತ್ ಮೊಮ್ಮಗನ ಪಾತ್ರದಲ್ಲಿ ಮಿಂಚಿದ ರಿತ್ವಿಕ್ ಜ್ಯೋತಿ ರಾಜ್ ಹಿನ್ನೆಲೆ ಏನು?

ಸೂಪರ್‌ಸ್ಟಾರ್ ರಜನಿಕಾಂತ್ (Rajinikanth) ಅಭಿನಯದ ‘ಜೈಲರ್’ ಮತ್ತು ಅದರ ಮುಂದುವರಿದ ಭಾಗ ‘ಜೈಲರ್ 2’ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿರುವ ಬಾಲನಟ ರಿತ್ವಿಕ್ ಜ್ಯೋತಿ ರಾಜ್ (Rithvik Jothi Raj) ಇದೀಗ ಸುದ್ದಿಯಲ್ಲಿದ್ದಾರೆ. ಸಿನಿಮಾದಲ್ಲಿ ರಜನಿಕಾಂತ್ ಅವರ ಮೊಮ್ಮಗನ ಪಾತ್ರದಲ್ಲಿ ನಟಿಸಿ ಗಮನ ಸೆಳೆದಿರುವ ಈ ಬಾಲಕನಿಗೆ ನಟನೆಯ ಜೊತೆಗೆ ಕೋಡಿಂಗ್, ರೊಬೊಟಿಕ್ಸ್ ಮತ್ತು ಉದ್ಯಮದಲ್ಲೂ ಆಸಕ್ತಿ ಇದೆ. ಸ್ನೇಹಿತರ ಜೊತೆ ಸೇರಿ ಸ್ವಂತ ಕಂಪನಿಯನ್ನೂ ಆರಂಭಿಸಿರುವುದಾಗಿ ಅವರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ಯಾರು ಈ ರಿತ್ವಿಕ್ ಜ್ಯೋತಿ ರಾಜ್?

ತಮಿಳುನಾಡಿನ ಕೊಯಮತ್ತೂರಿನವರಾದ ರಿತ್ವಿಕ್ ಜ್ಯೋತಿ ರಾಜ್, ‘ರಿತು ರಾಕ್ಸ್ ರಿತ್ವಿಕ್’ ಎಂದೂ ಪರಿಚಿತರಾಗಿದ್ದಾರೆ. ಬಾಲನಟನಾಗಿರುವ ಅವರು ಕಂಟೆಂಟ್ ಕ್ರಿಯೇಟರ್ ಆಗಿಯೂ ಗುರುತಿಸಿಕೊಂಡಿದ್ದಾರೆ. ಆರಂಭದಲ್ಲಿ ವಿವಿಧ ವಿಡಿಯೋಗಳ ಮೂಲಕ ಪ್ರೇಕ್ಷಕರ ಗಮನ ಸೆಳೆದ ಅವರು, ವಿಭಿನ್ನ ಪಾತ್ರಗಳಿಗೆ ತಕ್ಷಣವೇ ಬದಲಾಗುವ ತಮ್ಮ ಪ್ರತಿಭೆಯಿಂದ ಮೆಚ್ಚುಗೆ ಗಳಿಸಿದರು.

ನಂತರ ಸಿನಿಮಾಗಳಲ್ಲಿಯೂ ಅವಕಾಶ ಪಡೆದ ರಿತ್ವಿಕ್, ‘O2’, ‘ಸರ್ಡಾರ್’ ಮತ್ತು ‘ಲಕ್ಕಿ ಭಾಸ್ಕರ್’ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ. 2023ರಲ್ಲಿ ಬಿಡುಗಡೆಯಾದ ತಮಿಳಿನ ‘ಜೈಲರ್’ ಚಿತ್ರದಲ್ಲಿ ರಜನಿಕಾಂತ್ ಅವರ ಮೊಮ್ಮಗನ ಪಾತ್ರ ನಿರ್ವಹಿಸಿದ್ದು, ಅವರಿಗೆ ಹೆಚ್ಚಿನ ಜನಪ್ರಿಯತೆ ತಂದುಕೊಟ್ಟಿತು. ಇದೀಗ ‘ಜೈಲರ್ 2’ನಲ್ಲೂ ಕಾಣಿಸಿಕೊಂಡಿರುವುದರಿಂದ ಅವರ ಬಗ್ಗೆ ಅಭಿಮಾನಿಗಳ ಕುತೂಹಲ ಹೆಚ್ಚಾಗಿದೆ.

ಬೋರ್ ಆಗಬಾರದೆಂದು ಸ್ನೇಹಿತರ ಜೊತೆ ಕಂಪನಿ ಆರಂಭ!

ವಿಡಿಯೋ ಕಾಲ್‌ಗಳಲ್ಲಿ ಸಮಯ ಕಳೆಯುವಾಗ ಬೇಸರವಾಗುತ್ತಿದ್ದ ಕಾರಣ ಸ್ನೇಹಿತರ ಜೊತೆ ಸೇರಿ ಹೊಸದನ್ನು ಮಾಡಬೇಕೆಂದು ಯೋಚಿಸಿದ್ದಾಗಿ ರಿತ್ವಿಕ್ ಹೇಳಿದ್ದಾರೆ. ಆರಂಭದಲ್ಲಿ ವೆಬ್‌ಸೈಟ್ ನಿರ್ಮಿಸುವ ಆಲೋಚನೆ ಮೂಡಿತು. ತಮ್ಮ ಸ್ನೇಹಿತರ ಗುಂಪಿಗೆ ಕೋಡಿಂಗ್ ಬಗ್ಗೆ ಸ್ವಲ್ಪ ತಿಳಿದಿದ್ದರಿಂದ ವೆಬ್‌ಸೈಟ್ ರಚಿಸಲು ಪ್ರಯತ್ನಿಸಿದರು. ಹೀಗೆ ಶುರುವಾದ ಯೋಜನೆ ಕ್ರಮೇಣ ಸಣ್ಣ ಉದ್ಯಮದ ರೂಪ ಪಡೆದುಕೊಂಡಿತು.

ಅವರ ಹೇಳಿಕೆಯ ಪ್ರಕಾರ, ಈ ವೆಬ್‌ಸೈಟ್ ಮೂಲಕ ಉತ್ಪನ್ನಗಳನ್ನು ಮಾರಾಟ ಮಾಡುವುದರ ಜೊತೆಗೆ ಕೋರ್ಸ್‌ಗಳನ್ನೂ ನೀಡಲಾಗುತ್ತದೆ. ಆದರೆ, ಸದ್ಯಕ್ಕೆ ವೆಬ್‌ಸೈಟ್‌ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಸಂದರ್ಶಕರು ಬರುತ್ತಿಲ್ಲ ಎಂಬುದನ್ನೂ ಅವರು ಒಪ್ಪಿಕೊಂಡಿದ್ದಾರೆ.

ಕೋಡಿಂಗ್, ಪೈಥಾನ್ ಮತ್ತು ರೊಬೊಟಿಕ್ಸ್‌ನಲ್ಲೂ ಆಸಕ್ತಿ!

ಸಂದರ್ಶನದಲ್ಲಿ ರಿತ್ವಿಕ್ ತಮ್ಮ ತಾಂತ್ರಿಕ ಆಸಕ್ತಿಯ ಬಗ್ಗೆಯೂ ಮಾತನಾಡಿದ್ದಾರೆ. ತಮಗೆ ಪೈಥಾನ್ ಪ್ರೋಗ್ರಾಮಿಂಗ್ ಭಾಷೆ ತಿಳಿದಿದೆ ಎಂದು ಹೇಳಿರುವ ಅವರು, ರೊಬೊಟಿಕ್ಸ್‌ನಲ್ಲೂ ಆಸಕ್ತಿ ಹೊಂದಿದ್ದು, ರೋಬೋಟ್‌ಗಳನ್ನು ತಯಾರಿಸುವ ಬಗ್ಗೆ ತಿಳಿದಿರುವುದಾಗಿ ವಿವರಿಸಿದ್ದಾರೆ.

ರಿತ್ವಿಕ್ ಅವರ ಕಂಪನಿಯಲ್ಲಿ ಒಟ್ಟು ಐವರು ಸದಸ್ಯರಿದ್ದು, ಎಲ್ಲರೂ ಒಟ್ಟಾಗಿ ಕೆಲಸ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಆದರೆ ಕಂಪನಿಯ ನೋಂದಣಿ, ಆದಾಯ ಅಥವಾ ಮೌಲ್ಯಮಾಪನದ ಬಗ್ಗೆ ಅಧಿಕೃತ ಮಾಹಿತಿ ಲಭ್ಯವಿಲ್ಲ. ಹೀಗಾಗಿ ಇದನ್ನು ಸ್ನೇಹಿತರೊಂದಿಗೆ ಆರಂಭಿಸಿರುವ ಸಣ್ಣ ಉದ್ಯಮ ಪ್ರಯತ್ನವೆಂದು ಪರಿಗಣಿಸುವುದು ಸೂಕ್ತ.

ಬಾಲನಟನಾಗಿ ಗುರುತಿಸಿಕೊಂಡಿರುವ ರಿತ್ವಿಕ್, ಚಿಕ್ಕ ವಯಸ್ಸಿನಲ್ಲೇ ಸಿನಿಮಾ ಮತ್ತು ತಂತ್ರಜ್ಞಾನ ಎರಡರಲ್ಲೂ ಆಸಕ್ತಿ ತೋರಿಸುತ್ತಿರುವುದು ಇದೀಗ ಗಮನ ಸೆಳೆಯುತ್ತಿದೆ.

‘ಶಕುನಿ’ ಅಂತವರು ಯಾರು? ಧನ್ವೀರ್ ಗೌಡ ಪೋಸ್ಟ್ ಹಿಂದೆ ಯಾರಿದ್ದಾರೆ ಎಂಬುದೇ ಈಗ ಚರ್ಚೆ!

Govindaraj S — Wed, 21 Oct 2026 15:59:24 +0530

ದಸರಾ ಹಬ್ಬದ ಸಂಭ್ರಮದ ನಡುವೆ ನಟ ಧನ್ವೀರ್ ಗೌಡ ಹಂಚಿಕೊಂಡಿರುವ ಒಂದೇ ಒಂದು ಇನ್‌ಸ್ಟಾಗ್ರಾಮ್ ಸ್ಟೋರಿ ಇದೀಗ ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದೆ. ಯಾವುದೇ ಹೆಸರು ಪ್ರಸ್ತಾಪಿಸದೆ, ‘ಶಕುನಿ’ ಹಾಗೂ ‘ಸಂತ್ರಸ್ತ’ ಎಂಬ ಪದಗಳನ್ನು ಬಳಸಿರುವ ಧನ್ವೀರ್ ಅವರ ಪೋಸ್ಟ್‌ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಹಾಗಾದರೆ ಈ ಮಾತಿನ ಹಿಂದಿರುವ ವ್ಯಕ್ತಿ ಯಾರು? ಧನ್ವೀರ್ ಯಾರಿಗೆ ಟಾಂಗ್ ಕೊಟ್ಟಿದ್ದಾರೆ ಎಂಬ ಪ್ರಶ್ನೆ ಇದೀಗ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.

ದಸರಾ ಹಬ್ಬದಂದು ಧನ್ವೀರ್ ಹಾಕಿದ ಪೋಸ್ಟ್ ವೈರಲ್

ಹಬ್ಬದ ಶುಭ ಸಂದರ್ಭದಲ್ಲಿ ಧನ್ವೀರ್ ಗೌಡ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಮಾಸ್ ಲುಕ್‌ನ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ. ಆದರೆ ಫೋಟೋಗಿಂತಲೂ ಅದರೊಂದಿಗೆ ಬರೆದಿರುವ ಸಾಲುಗಳು ನೆಟ್ಟಿಗರ ಗಮನ ಸೆಳೆದಿವೆ. 'ಕೆಲವರಿರುತ್ತಾರೆ ಶಕುನಿ ಅಂತವರು ಕೊನೆವರೆಗೂ ಆಟವಾಡಿ ಕೊನೆಗೆ ತಾವೇ ಸಂತ್ರಸ್ತರಂತೆ ನಟಿಸುತ್ತಾರೆ. ಸತ್ಯಕ್ಕೆ ಯಾವತ್ತೂ ಸಾಕ್ಷಿ ಬೇಕಾಗಿಲ್ಲ, ಕಾಲವೇ ಉತ್ತರ ಕೊಡುತ್ತೆ' ಎಂಬರ್ಥದ ಸಂದೇಶವನ್ನು ಅವರು ಹಂಚಿಕೊಂಡಿದ್ದಾರೆ. ಇದರ ಜೊತೆಗೆ ನಾಡಿನ ಜನತೆಗೆ ದಸರಾ ಹಾಗೂ ವಿಜಯದಶಮಿ ಹಬ್ಬದ ಶುಭಾಶಯವನ್ನೂ ತಿಳಿಸಿದ್ದಾರೆ.

ಧನ್ವೀರ್ ಮಾತಿನ ಹಿಂದಿರುವವರು ಯಾರು?

ಧನ್ವೀರ್ ಅವರ ಈ ಪೋಸ್ಟ್‌ನಲ್ಲಿ ಯಾರ ಹೆಸರನ್ನೂ ನೇರವಾಗಿ ಉಲ್ಲೇಖಿಸಲಾಗಿಲ್ಲ. ಹೀಗಾಗಿ, 'ಈ ಮಾತು ಯಾರಿಗಾಗಿ?', 'ಧನ್ವೀರ್ ಯಾರಿಗೆ ಟಾಂಗ್ ಕೊಟ್ಟಿದ್ದಾರೆ?' ಎಂಬ ಚರ್ಚೆ ಸಾಮಾಜಿಕ ಜಾಲತಾಣಗಳಲ್ಲಿ ಶುರುವಾಗಿದೆ. ಈಗಾಗಲೇ ಧನ್ವೀರ್ ಇಂತಹ ಅರ್ಥಗರ್ಭಿತ ಹಾಗೂ ನೇರವಾಗಿ ಹೆಸರು ಹೇಳದ ಪೋಸ್ಟ್‌ಗಳ ಮೂಲಕ ಗಮನ ಸೆಳೆದಿರುವುದರಿಂದ, ಈ ಬಾರಿಯೂ ಅವರ ಸ್ಟೋರಿಯ ಹಿಂದೆ ಯಾವುದಾದರೂ ನಿರ್ದಿಷ್ಟ ಘಟನೆ ಇದೆಯೇ ಎಂಬ ಕುತೂಹಲ ಹೆಚ್ಚಾಗಿದೆ. ಆದರೆ ಧನ್ವೀರ್ ಗೌಡ ಸ್ವತಃ ಈ ಪೋಸ್ಟ್ ಯಾರನ್ನು ಉದ್ದೇಶಿಸಿ ಹಾಕಲಾಗಿದೆ ಎಂಬುದನ್ನು ಸ್ಪಷ್ಟಪಡಿಸಿಲ್ಲ. ಹೀಗಾಗಿ ಸದ್ಯಕ್ಕೆ ಹರಿದಾಡುತ್ತಿರುವುದು ಅಭಿಮಾನಿಗಳು ಮತ್ತು ನೆಟ್ಟಿಗರ ಊಹಾಪೋಹಗಳಷ್ಟೇ.

ದರ್ಶನ್ ಅಭಿಮಾನಿಗಳಲ್ಲೂ ಕುತೂಹಲ

ಧನ್ವೀರ್ ಗೌಡ ಅವರು ನಟ ದರ್ಶನ್ ತೂಗುದೀಪ ಅವರ ಆಪ್ತ ವಲಯದಲ್ಲಿ ಗುರುತಿಸಿಕೊಂಡಿರುವುದಲ್ಲದೆ, ದರ್ಶನ್ ಅವರ ಕಟ್ಟಾ ಅಭಿಮಾನಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಹೀಗಾಗಿ ಧನ್ವೀರ್ ಅವರ ಯಾವುದೇ ಹೇಳಿಕೆ ಅಥವಾ ಸಾಮಾಜಿಕ ಜಾಲತಾಣದ ಪೋಸ್ಟ್‌ಗಳು ದರ್ಶನ್ ಅಭಿಮಾನಿಗಳ ಗಮನ ಸೆಳೆಯುವುದು ಸಹಜ. ಈ ಹಿನ್ನೆಲೆಯಲ್ಲೇ ಇದೀಗ ವೈರಲ್ ಆಗಿರುವ ಧನ್ವೀರ್ ಅವರ ಪೋಸ್ಟ್ ಕೂಡ ದರ್ಶನ್ ಅಭಿಮಾನಿಗಳ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ. ಆದರೆ ಈ ಪೋಸ್ಟ್‌ಗೂ ದರ್ಶನ್ ಅವರ ವಿಚಾರಕ್ಕೂ ನೇರ ಸಂಬಂಧವಿದೆ ಎಂದು ಧನ್ವೀರ್ ಎಲ್ಲಿಯೂ ಹೇಳಿಲ್ಲ. ಹೀಗಾಗಿ ಈ ಬಗ್ಗೆ ಯಾವುದೇ ನಿರ್ದಿಷ್ಟ ತೀರ್ಮಾನಕ್ಕೆ ಬರುವಂತಿಲ್ಲ.

‘ಬಜಾರ್’ ಮೂಲಕ ಎಂಟ್ರಿ ಕೊಟ್ಟ ಧನ್ವೀರ್

ಧನ್ವೀರ್ ಗೌಡ ಅವರು ‘ಬಜಾರ್’ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ನಾಯಕನಾಗಿ ಪರಿಚಿತರಾದವರು. ಮೊದಲ ಸಿನಿಮಾದಲ್ಲೇ ಮಾಸ್ ಹೀರೋ ಇಮೇಜ್ ಪಡೆದುಕೊಂಡ ಅವರು ಬಳಿಕ ‘ಬೈ ಟು ಲವ್’ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ನಟನೆ ಮಾತ್ರವಲ್ಲದೆ, ತಮ್ಮ ವಿಭಿನ್ನ ಸ್ಟೈಲ್ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿನ ಸಕ್ರಿಯತೆಯಿಂದಲೂ ಧನ್ವೀರ್ ಆಗಾಗ ಸುದ್ದಿಯಾಗುತ್ತಾರೆ.

ಒಂದು ಸ್ಟೋರಿ.. ಹಲವು ಪ್ರಶ್ನೆಗಳು!

ಇನ್ನು ದಸರಾ ಹಬ್ಬದ ದಿನ ಧನ್ವೀರ್ ಗೌಡ ಹಂಚಿಕೊಂಡಿರುವ ಈ ಒಂದೇ ಒಂದು ಇನ್‌ಸ್ಟಾಗ್ರಾಮ್ ಸ್ಟೋರಿ ಇದೀಗ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ‘ಶಕುನಿ’ ಯಾರು? ‘ಸಂತ್ರಸ್ತ’ರಂತೆ ನಟಿಸುತ್ತಿರುವವರು ಯಾರು? ಧನ್ವೀರ್ ಅವರ ಈ ಪೋಸ್ಟ್ ನಿಜಕ್ಕೂ ಯಾರಿಗೆ ಟಾಂಗ್? ಈ ಪ್ರಶ್ನೆಗಳಿಗೆ ಧನ್ವೀರ್ ಅವರೇ ಮುಂದಿನ ದಿನಗಳಲ್ಲಿ ಉತ್ತರ ನೀಡುತ್ತಾರಾ ಎಂಬುದನ್ನು ಕಾದು ನೋಡಬೇಕಿದೆ. ಸದ್ಯಕ್ಕಂತೂ ಅವರ ಪೋಸ್ಟ್ ಮಾತ್ರ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡುತ್ತಿದೆ.

ವಿಜಯ್‌ ಬಳಿಕ ಮತ್ತೊಬ್ಬ ಸ್ಟಾರ್ ನಟ ರಾಜಕಾರಣಕ್ಕೆ ಎಂಟ್ರಿ?‌ ಬೆಚ್ಚಿಬಿದ್ದ TVK , ಕುತೂಹಲ ಮೂಡಿಸಿದ ನಡೆ

Ganesh Mabla Gowda — Wed, 21 Oct 2026 15:51:13 +0530

ಚೆನ್ನೈ: ದಳಪತಿ ವಿಜಯ್‌ ಬಳಿಕ ತಮಿಳುನಾಡು ರಾಜಕಾರಣಕ್ಕೆ ಮತ್ತೊಬ್ಬ ಸೂಪರ್‌ ಸ್ಟಾರ್‌ ಎಂಟ್ರಿ ಆಗುವ ಬಗ್ಗೆ ಮಾತುಕತೆಗಳು ಜೋರಾಗಿವೆ. ವಿಜಯ್‌ ರಾಜಕೀಯಕ್ಕೆ ಎಂಟ್ರಿ ನೀಡಿ, ರಾಜ್ಯದ ಸಿಎಂ ಆಗಿ ರಾಜ್ಯಭಾರ ನಡೆಸ್ತಿದ್ದಾರೆ. ಲೇಟೆಸ್ಟ್‌ ವಿಷಯ ಏನೆಂದರೆ.. ಚಿತ್ರರಂಗದ ಮತ್ತೊಬ್ಬ ಸ್ಟಾರ್ ನಟ ವಿಜಯ್‌ ಅವರ ಹಾದಿಯನ್ನೇ ತುಳಿಯಲಿದ್ದಾರೆ ಎಂದ ಚರ್ಚೆಗಳು ಜೋರಾಗಿವೆ. ಅವರು ಬೇರೆ ಯಾರೂ ಅಲ್ಲ. ʼಕೊಲವೆರಿ ಡಿʼ ಸ್ಟಾರ್‌, ರಾಷ್ಟ್ರಪತಿ ಪ್ರಶಸ್ತಿ ವಿಜೇತ ಧನುಷ್!

ರಾಜಕಾರಣಕ್ಕೆ ಧನುಷ್‌ ಎಂಟ್ರಿ?

ಧನುಷ್‌ ಅವರು ರಾಜಕಾರಣಕ್ಕೆ ಬರಲಿದ್ದಾರೆ ಎಂಬ ಊಹಾಪೋಹಗಳು ಕಳೆದ ಒಂದೂವರೆ ತಿಂಗಳಿನಿಂದ ಚಿಕ್ಕದಾಗಿ ಹರಿದಾಡುತ್ತಿದ್ದವು. ಇದೀಗ ಅದು ದೊಡ್ಡಮೊಟ್ಟದಲ್ಲಿ ಶುರುವಾಗಿದೆ. ಅದಕ್ಕೆ ಕಾರಣ ಧನುಷ್‌ ಅವರು ಇತ್ತೀಚೆಗೆ ಪರೋಕ್ಷವಾಗಿ ನೀಡುತ್ತಿರುವ ಸುಳಿವುಗಳು. ಇತ್ತೀಚೆಗೆ ಕೊಯಮತ್ತೂರಿನಲ್ಲಿ ಸಭೆ ಒಂದು ನಡೆದಿದೆ. ಈ ವೇಳೆ ತಮ್ಮ ಅಭಿಮಾನಿಗಳ ಸಂಘವನ್ನು ʼಧನುಷ್‌ ನರಪಾನಿ ಇಯಕ್ಕಂ (ಧನುಷ್‌ ಕಲ್ಯಾಣ ಚಳವಳಿ) ಎಂದು ಮರು ನಾಮಕರಣ ಮಾಡಲಾಗಿದೆ. ಸಭೆಯಲ್ಲಿ 3000 ಸಾವಿರ ಪದಾಧಿಕಾರಿಗಳು ಭಾಗವಹಿಸಿದ್ದರು. ಈ ವೇಳೆ ಶಿಸ್ತು, ಜನರ ಕಲ್ಯಾಣ ಕಾರ್ಯಕ್ರಮ ಮತ್ತು ಸಾಮಾಜಿಕ ಜವಾಬ್ದಾರಿಯ ಬಗ್ಗೆ ಒತ್ತು ನೀಡಲಾಗಿದೆ ಎಂದು ಹೇಳಲಾಗಿದೆ.

ಕೆಲವು ವರದಿಗಳ ಪ್ರಕಾರ ಈ ಸಭೆಯಲ್ಲಿ ಧನುಷ್‌ ಇರಲಿಲ್ಲ. ಇನ್ನು ರಾಜಕೀಯ ಎಂಟ್ರಿ ವದಂತಿ ಬಗ್ಗೆ ನಟನಿಂದ ಯಾವುದೇ ಹೇಳಿಕೆ ಬಂದಿಲ್ಲ. ಜೊತೆಗೆ ರಾಜಕೀಯ ಚಟುವಟಿಕೆಯ ಬಗ್ಗೆಯೂ ಯಾವುದೇ ಅಧಿಕೃತ ಹೇಳಿಕೆಗಳು ಇಲ್ಲ. ಆದರೆ.. ತಮಿಳುನಾಡು ರಾಜಕಾರಣದಲ್ಲಿ ಧನುಷ್‌ ಹೆಸರು ಮುನ್ನೆಲೆ ಬಂದಿರೋದು ಸತ್ಯ. ಈ ಹಿಂದಿನ ಸ್ಥಳೀಯ ವರದಿಗಳ ಪ್ರಕಾರ... ಧನುಷ್ ಚುನಾವಣಾ ಆಯೋಗದಲ್ಲಿ 'ತಮಿಳಗ ಎಲುಚಿ ಕಲಗಂ' ಎಂಬ ಹೆಸರಿನಲ್ಲಿ ಹೊಸ ರಾಜಕೀಯ ಪಕ್ಷ ನೋಂದಾಯಿಸಿದ್ದಾರೆ ಎಂದಿದ್ದವು. ಕೊನೆಗೆ ಅದು ಆಧಾರರಹಿತ ಸುದ್ದಿಗಳು ಹೇಳಲಾಗಿತ್ತು. ಧನುಷ್‌ ಚುನಾವಣಾ ಆಯೋಗವನ್ನು ಸಂಪರ್ಕ ಮಾಡಿಲ್ಲ. ಇದು ಇಂಟರ್‌ನೆಟ್‌ನಲ್ಲಿ ಹರಿದಾಡುತ್ತಿರುವ ಕಟ್ಟುಕತೆ ಎನ್ನಲಾಗಿತ್ತು.

ಧನುಷ್‌ ಸುದ್ದಿ ಮೂಲಗಳು ಏನು ಹೇಳ್ತಿವೆ?

ವೆಲ್ಫೇರ್ ಕ್ಲಬ್ ಚಟುವಟಿಕೆಗಳನ್ನು ರಾಜಕೀಯ ಉದ್ದೇಶಗಳಿಗೆ ಬಳಸಿಕೊಳ್ಳಬಾರದು. ಧನುಷ್ ರಾಜಕೀಯದಿಂದ ದೂರ ಇದ್ದಾರೆ. ಅವರು ತಮ್ಮ ಸಿನಿಮಾ ಪ್ಲಾನ್‌ಗಳು ಹಾಗೂ ಸಮಾಜ ಕಲ್ಯಾಣ ಕಾರ್ಯಗಳ ಮೇಲೆ ಗಮನ ಹರಿಸಿದ್ದಾರೆ ಎಂದು ಮೂಲಗಳು ಹೇಳಿವೆ.

ಧನುಷ್‌ ರಾಜಕಾರಣದ ಬಗ್ಗೆ ಟಿವಿಕೆ ಪ್ರತಿಕ್ರಿಯೆ

ಧನುಷರ್‌ ರಾಜಕಾರಣ ಬಗ್ಗೆ ಪ್ರತಿಕ್ರಿಯಿಸಿರುವ ಟಿವಿಕೆ ಪಕ್ಷ.. ರಾಜಕೀಯ ನವೋದ್ಯಮಗಳಿಗೆ ಟಿವಿಕೆ ಸ್ಫೂರ್ತಿಯಾಗಿದೆ. ಇದು ತುಂಬಾ ಖುಷಿಯ ವಿಚಾರ. ವಿಜಯ್ ಇದಕ್ಕಾಗಿ 30 ವರ್ಷಗಳ ಕಾಲ ಕೆಲಸ ಮಾಡಿದರು. ಇದು ಸುಲಭವಲ್ಲ. ಪರ್ಯಾಯ ರಾಜಕೀಯ ಶಕ್ತಿಗಳು ಹೊರಹೊಮ್ಮಬಹುದಾದರೂ, ಅವುಗಳ ಶಕ್ತಿ ಮತ್ತು ತಮ್ಮನ್ನು ತಾವು ಉಳಿಸಿಕೊಳ್ಳುವ ಸಾಮರ್ಥ್ಯವು ಮುಖ್ಯ. ವಿಜಯ್ ಅವರ ವಿಧಾನವು ಭವಿಷ್ಯದಲ್ಲಿ ಅಭ್ಯರ್ಥಿಗಳಿಗೆ ಒಂದು ಮಾದರಿಯಾಗಬಹುದು. ರಾಜಕೀಯ ಪಕ್ಷವನ್ನು ನಡೆಸುವುದು, ಚುನಾವಣೆಗಳನ್ನು ಗೆಲ್ಲುವುದು ಅಷ್ಟು ಸುಲಭ ಇಲ್ಲ. ಅದಕ್ಕೆ ಬದ್ಧತೆ ಬೇಕು ಎಂದಿದೆ.

ಧನುಷ್ ಅವರ ಮೂಲ ಹೆಸರು ವೆಂಕಟೇಶ್ ಪ್ರಭು. ಧನುಷ್‌ ಅನ್ನೋದು ಅವರ ರಂಗನಾಮ. ನಟ, ನಿರ್ಮಾಪಕ, ಗೀತರಚನೆಕಾರ ಮತ್ತು ಹಿನ್ನೆಲೆ ಗಾಯಕ. 2011ರಲ್ಲಿ ತಮಿಳು ಚಿತ್ರ ಆಡುಕಲಂ ಗಾಗಿ ಅತ್ಯುತ್ತಮ ನಟನಿಗಾಗಿರುವ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಗೆದ್ದರು. ಅದೇ ವರ್ಷ ತಮ್ಮ ವೈ ದಿಸ್ ಕೊಲವೆರಿ ಡಿ ಹಾಡಿನ ಮೂಲಕ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಸುದ್ದಿಯಾದರು. ಧನುಷ್‌ಗೆ ಆರು ರಾಷ್ಟ್ರೀಯ ಪ್ರಶಸ್ತಿಗಳು ಒಲಿದಿವೆ. 2026 ರಲ್ಲಿ ಧನುಷ್ ಅವರ ನಿವ್ವಳ ಮೌಲ್ಯ ಸುಮಾರು ₹230 ಕೋಟಿ ಅಥವಾ ಸರಿಸುಮಾರು $27-28 ಮಿಲಿಯನ್ ಆಗಿದೆ ಎಂದು ಟೈಮ್ಸ್‌ ಆಫ್‌ ಇಂಡಿಯಾ ವರದಿ ಮಾಡಿದೆ.

ಗಾನಕೋಗಿಲೆ ಪಾತ್ರಕ್ಕೆ ಈ ಕನ್ನಡ ನಟಿಗೆ ಬಿಗ್ ಆಫರ್? ಪಿ. ಸುಶೀಲಾ ಬಯೋಪಿಕ್‌ನಲ್ಲಿ ಬಿಗ್ ಸರ್ಪ್ರೈಸ್!

Govindaraj S — Wed, 21 Oct 2026 15:33:12 +0530

ಭಾರತೀಯ ಸಂಗೀತ ಲೋಕದ ದಂತಕಥೆ, ಗಾನಕೋಗಿಲೆ ಎಂದೇ ಖ್ಯಾತರಾದ ಹಿರಿಯ ಗಾಯಕಿ ಪಿ. ಸುಶೀಲಾ ಅವರ ಜೀವನಕಥೆ ಇದೀಗ ಬೆಳ್ಳಿತೆರೆಗೆ ಬರುವ ಸಿದ್ಧತೆಯಲ್ಲಿದೆ ಎನ್ನಲಾಗಿದೆ. ಈ ಬಹುನಿರೀಕ್ಷಿತ ಬಯೋಪಿಕ್‌ನಲ್ಲಿ ಕನ್ನಡದ ಜನಪ್ರಿಯ ನಟಿ ರುಕ್ಮಿಣಿ ವಸಂತ್ ಅವರು ಪಿ. ಸುಶೀಲಾ ಅವರ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ ಎಂಬ ಸುದ್ದಿ ಸದ್ಯ ಸಿನಿರಂಗದಲ್ಲಿ ಸದ್ದು ಮಾಡುತ್ತಿದೆ.

ಭಾರತೀಯ ಚಿತ್ರರಂಗದಲ್ಲಿ ಬಯೋಪಿಕ್‌ಗಳ ಟ್ರೆಂಡ್ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ರಾಜಕೀಯ ನಾಯಕರು, ಕ್ರೀಡಾಪಟುಗಳ ಜೀವನಗಾಥೆಗಳನ್ನು ತೆರೆಮೇಲೆ ಕಂಡಿದ್ದ ಪ್ರೇಕ್ಷಕರು ಇದೀಗ ಸಂಗೀತ ಕ್ಷೇತ್ರದ ದಿಗ್ಗಜರ ಬದುಕು, ಹೋರಾಟ ಮತ್ತು ಸಾಧನೆಯ ಕಥೆಗಳನ್ನು ಕಣ್ತುಂಬಿಕೊಳ್ಳುವ ಅವಕಾಶ ಪಡೆಯುತ್ತಿದ್ದಾರೆ. ಈ ಸಾಲಿಗೆ ಇದೀಗ ಮತ್ತೊಂದು ಮಹತ್ವದ ಹೆಸರು ಸೇರ್ಪಡೆಯಾಗುವ ಸಾಧ್ಯತೆ ಇದೆ. ಸಾವಿರಾರು ಸುಮಧುರ ಗೀತೆಗಳಿಗೆ ಧ್ವನಿಯಾಗಿರುವ ಪಿ. ಸುಶೀಲಾ ಅವರ ಅಪರೂಪದ ಸಂಗೀತ ಪಯಣವನ್ನು ಸಿನಿಮಾ ರೂಪದಲ್ಲಿ ಕಟ್ಟಿಕೊಡುವ ಪ್ರಯತ್ನ ನಡೆಯುತ್ತಿದೆ ಎನ್ನಲಾಗಿದೆ.

ಸುಶೀಲಮ್ಮನ ಜೀವನಕ್ಕೆ ಸಿನಿಮಾ ರೂಪ?

ದಕ್ಷಿಣ ಭಾರತದ ಸಿನಿರಂಗದಲ್ಲಿ ದಶಕಗಳ ಕಾಲ ತಮ್ಮ ಮಧುರ ಕಂಠದಿಂದ ಪ್ರೇಕ್ಷಕರ ಮನಗೆದ್ದಿರುವ ಪಿ. ಸುಶೀಲಾ ಅವರು ಭಾರತೀಯ ಚಿತ್ರರಂಗದ ಅತ್ಯಂತ ಗೌರವಾನ್ವಿತ ಹಿನ್ನೆಲೆ ಗಾಯಕರಲ್ಲಿ ಒಬ್ಬರು. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಸೇರಿದಂತೆ ಹಲವು ಭಾಷೆಗಳಲ್ಲಿ ಅವರು ಹಾಡಿರುವ ಗೀತೆಗಳು ಇಂದಿಗೂ ಸಂಗೀತಪ್ರಿಯರ ನೆಚ್ಚಿನ ಹಾಡುಗಳಾಗಿವೆ. ಅವರ ವೃತ್ತಿಜೀವನದ ಏಳುಬೀಳು, ಸಂಗೀತ ಕ್ಷೇತ್ರದಲ್ಲಿ ಕಂಡ ಯಶಸ್ಸು, ವೈಯಕ್ತಿಕ ಬದುಕಿನ ಪ್ರಮುಖ ಘಟ್ಟಗಳು ಹಾಗೂ ಸಿನಿರಂಗದೊಂದಿಗಿನ ಅವರ ಸುದೀರ್ಘ ನಂಟು. ಇವೆಲ್ಲವೂ ಬಯೋಪಿಕ್‌ನ ಕಥಾಹಂದರವಾಗುವ ನಿರೀಕ್ಷೆಯಿದೆ.

ನಿರ್ಮಾಣದ ಹೊಣೆ ರೆಹಮಾನ್ ಹೆಗಲಿಗೆ?

ಈ ಪ್ರಾಜೆಕ್ಟ್‌ಗೆ ಸಂಬಂಧಿಸಿದಂತೆ ಮತ್ತೊಂದು ಕುತೂಹಲಕಾರಿ ಸುದ್ದಿ ಹರಿದಾಡುತ್ತಿದೆ. ಆಸ್ಕರ್ ಪುರಸ್ಕೃತ ಸಂಗೀತ ನಿರ್ದೇಶಕ ಎ.ಆರ್. ರೆಹಮಾನ್ ಅವರು ಪಿ. ಸುಶೀಲಾ ಅವರ ಬಯೋಪಿಕ್ ನಿರ್ಮಾಣಕ್ಕೆ ಆಸಕ್ತಿ ತೋರಿದ್ದಾರೆ ಎನ್ನಲಾಗಿದೆ. ಸುಶೀಲಾ ಅವರ ಸಂಗೀತ ಸಾಧನೆಯನ್ನು ದೊಡ್ಡ ಮಟ್ಟದಲ್ಲಿ ಪ್ರೇಕ್ಷಕರಿಗೆ ಪರಿಚಯಿಸುವ ಉದ್ದೇಶದಿಂದ ರೆಹಮಾನ್ ಈ ಯೋಜನೆಯೊಂದಿಗೆ ಕೈಜೋಡಿಸಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಆದರೆ ಈ ಬಗ್ಗೆ ಚಿತ್ರತಂಡದಿಂದ ಇನ್ನೂ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.

‘ಸುಶೀಲಮ್ಮ’ನ ಪಾತ್ರಕ್ಕೆ ರುಕ್ಮಿಣಿ ವಸಂತ್?

ಬಯೋಪಿಕ್‌ಗೆ ಸಂಬಂಧಿಸಿದಂತೆ ಸದ್ಯ ಹೆಚ್ಚು ಚರ್ಚೆಯಾಗುತ್ತಿರುವ ವಿಚಾರವೆಂದರೆ ಪಿ. ಸುಶೀಲಾ ಅವರ ಪಾತ್ರವನ್ನು ಯಾರು ನಿರ್ವಹಿಸಲಿದ್ದಾರೆ? ಎಂಬುದು. ಈ ಪಾತ್ರಕ್ಕಾಗಿ ಕನ್ನಡದ ನಟಿ ರುಕ್ಮಿಣಿ ವಸಂತ್ ಅವರನ್ನು ಸಂಪರ್ಕಿಸಲಾಗಿದೆ ಎನ್ನಲಾಗುತ್ತಿದೆ. ‘ಸಪ್ತ ಸಾಗರದಾಚೆ ಎಲ್ಲೋ’ ಚಿತ್ರದ ಮೂಲಕ ಪ್ರೇಕ್ಷಕರ ಗಮನ ಸೆಳೆದಿರುವ ರುಕ್ಮಿಣಿ, ತಮ್ಮ ಸಹಜ ಅಭಿನಯ ಮತ್ತು ಸರಳ ಸೌಂದರ್ಯದಿಂದಲೇ ವಿಶೇಷ ಅಭಿಮಾನಿ ಬಳಗ ಹೊಂದಿದ್ದಾರೆ.

ಪಿ. ಸುಶೀಲಾ ಅವರ ಯೌವನದ ದಿನಗಳ ಪಾತ್ರದಿಂದ ಹಿಡಿದು, ಅವರ ಜೀವನದ ವಿವಿಧ ಹಂತಗಳನ್ನು ರುಕ್ಮಿಣಿ ಹೇಗೆ ಕಟ್ಟಿಕೊಡಲಿದ್ದಾರೆ ಎಂಬ ಕುತೂಹಲ ಈಗಾಗಲೇ ಸಿನಿಪ್ರಿಯರಲ್ಲಿ ಮೂಡಿದೆ. ವಿಶೇಷವಾಗಿ ಸುಶೀಲಮ್ಮ ಅವರ ಮುಖಚಹರೆ, ಗಾಂಭೀರ್ಯ ಮತ್ತು ಸರಳ ವ್ಯಕ್ತಿತ್ವಕ್ಕೆ ರುಕ್ಮಿಣಿ ಸೂಕ್ತ ಆಯ್ಕೆಯಾಗಬಹುದು ಎಂಬ ಅಭಿಪ್ರಾಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ಕೇಳಿಬರುತ್ತಿವೆ.

ಅಧಿಕೃತ ಘೋಷಣೆ ಯಾವಾಗ?

ಸದ್ಯಕ್ಕೆ ಪಿ. ಸುಶೀಲಾ ಬಯೋಪಿಕ್ ಕುರಿತಂತೆ ಹಲವು ಸುದ್ದಿಗಳು ಹರಿದಾಡುತ್ತಿದ್ದರೂ, ಚಿತ್ರದ ನಿರ್ಮಾಣ, ನಿರ್ದೇಶಕರು, ತಾರಾಗಣ ಅಥವಾ ರುಕ್ಮಿಣಿ ವಸಂತ್ ಅವರ ಪಾತ್ರದ ಬಗ್ಗೆ ಅಧಿಕೃತ ಘೋಷಣೆ ಹೊರಬಿದ್ದಿಲ್ಲ. ಒಂದು ವೇಳೆ ಈ ಪ್ರಾಜೆಕ್ಟ್ ಅಧಿಕೃತವಾಗಿ ಘೋಷಣೆಯಾದರೆ, ಭಾರತೀಯ ಸಂಗೀತ ಲೋಕದ ಮತ್ತೊಂದು ಅಪರೂಪದ ಕಥೆ ಬೆಳ್ಳಿತೆರೆಗೆ ಬಂದಂತಾಗಲಿದೆ.

ಅದರಲ್ಲೂ ಎ.ಆರ್. ರೆಹಮಾನ್ ಅವರಂತಹ ಸಂಗೀತ ದಿಗ್ಗಜರ ಹೆಸರು ಕೇಳಿಬರುತ್ತಿರುವುದು ಈ ಸಿನಿಮಾದ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ಇದೀಗ ಎಲ್ಲರ ಕಣ್ಣು ಪಿ. ಸುಶೀಲಾ ಅವರ ಬಯೋಪಿಕ್‌ನ ಅಧಿಕೃತ ಘೋಷಣೆ ಹಾಗೂ ‘ಸುಶೀಲಮ್ಮ’ನ ಪಾತ್ರಕ್ಕೆ ರುಕ್ಮಿಣಿ ವಸಂತ್ ಅವರ ಆಯ್ಕೆ ನಿಜವೇ? ಎಂಬುದರ ಮೇಲೆ ನೆಟ್ಟಿದೆ.

'ದುನಿಯಾ'ಗೆ ಸಿಗಲಿಲ್ಲ ನಯಾಪೈಸೆ ಸಂಭಾವನೆ.. ಸಿನಿಮಾ ಹಿಟ್ ಆದ್ಮೇಲೆ ಮಾಡಿದ ಆ ಒಂದು ತಪ್ಪಿನ ಬಗ್ಗೆ ನಟಿ ರಶ್ಮಿ ಓಪನ್ ಟಾಕ್!

Ashwini HR — Wed, 21 Oct 2026 14:16:45 +0530

ಕನ್ನಡ ಚಿತ್ರರಂಗದ ಇತಿಹಾಸದಲ್ಲೇ ಹೊಸ ಮೈಲಿಗಲ್ಲು ಸೃಷ್ಟಿಸಿದ ಸೂರಿ ನಿರ್ದೇಶನದ 'ದುನಿಯಾ' ಸಿನಿಮಾ ಯಾರಿಗೆ ತಾನೇ ನೆನಪಿಲ್ಲ ಹೇಳಿ? ದುನಿಯಾ ವಿಜಯ್ ಜೊತೆಗೆ 'ಪೂರ್ಣಿಮಾ' ಪಾತ್ರದಲ್ಲಿ ನಟಿಸಿ ಕನ್ನಡಿಗರ ಹೃದಯ ಗೆದ್ದಿದ್ದ ನಟಿ ರಶ್ಮಿ, ಆ ಚಿತ್ರದ ಮೂಲಕ ರಾತ್ರೋರಾತ್ರಿ ಸ್ಟಾರ್ ನಟಿಯಾಗಿ ಹೊರಹೊಮ್ಮಿದ್ದರು. ಆದರೆ ತೆರೆಯ ಮೇಲೆ ಅಷ್ಟೊಂದು ಯಶಸ್ಸು ಕಂಡ ಆ ಸಿನಿಮಾದಿಂದ ನಟಿ ರಶ್ಮಿ ಅವರಿಗೆ ಸಿಕ್ಕ ಸಂಭಾವನೆ ಮಾತ್ರ ಶೂನ್ಯ! ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, ತಮ್ಮ ಸಿನಿ ಪಯಣದ ಕಹಿ ಅನುಭವಗಳು, ಸಂಭಾವನೆಯ ಸವಾಲುಗಳು ಹಾಗೂ ಕೆರಿಯರ್‌ನ ಅತಿ ದೊಡ್ಡ ತಪ್ಪು ನಿರ್ಧಾರದ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ.

'ಅವರಿಗೆ ದುರಹಂಕಾರವಿದೆ, ಜೋರ್ ಮಾಡುತ್ತಿದ್ದಾರೆ'

ಸಿನಿಮಾರಂಗದಲ್ಲಿ ಸಂಭಾವನೆಯ ವಿಚಾರವಾಗಿ ನಟಿಯರು ಎದುರಿಸುವ ಸಂಕಷ್ಟಗಳ ಬಗ್ಗೆ ಮಾತನಾಡಿದ ರಶ್ಮಿ, "ದುನಿಯಾ ಚಿತ್ರಕ್ಕಾಗಿ ನಾನು ಯಾವುದೇ ಸಂಭಾವನೆಯನ್ನು (Payment) ಪಡೆದಿರಲಿಲ್ಲ. ಚಿತ್ರರಂಗದಲ್ಲಿ ನಮ್ಮ ಹಕ್ಕಿನ ಸಂಭಾವನೆಯ ಬಗ್ಗೆ ಮಾತನಾಡಿದರೆ ಅಥವಾ ಕೇಳಿದರೆ, 'ಅವರಿಗೆ ದುರಹಂಕಾರವಿದೆ, ಜೋರ್ ಮಾಡುತ್ತಿದ್ದಾರೆ' ಎಂದು ತಪ್ಪು ತಿಳಿಯಲಾಗುತ್ತದೆ. ನಮ್ಮ ಬಗ್ಗೆ ಕೆಟ್ಟದಾಗಿ ಮಾತನಾಡಲು ಶುರು ಮಾಡುತ್ತಾರೆ" ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. ಕಷ್ಟಪಟ್ಟು ಬೆವರು ಸುರಿಸಿ ದುಡಿದ ನಟ-ನಟಿಯರು ಸಂಭಾವನೆ ಕೇಳುವುದೇ ಒಂದು ದೊಡ್ಡ ಅಪರಾಧ ಎನ್ನುವಂತೆ ಇಂಡಸ್ಟ್ರಿಯಲ್ಲಿ ನೋಡಲಾಗುತ್ತದೆ ಎಂಬ ಕಟು ವಾಸ್ತವವನ್ನು ಅವರು ಯಾವುದೇ ಮುಲಾಜಿಲ್ಲದೆ ಬಿಚ್ಚಿಟ್ಟಿದ್ದಾರೆ.

'ಬೇರೆ ಸಿನಿಮಾಗಳನ್ನು ಒಪ್ಪಿಕೊಂಡು ನಟಿಸಬೇಕಿತ್ತು'

ಇನ್ನು ತಮ್ಮ ವೃತ್ತಿಜೀವನದ ಅತಿ ದೊಡ್ಡ ಸೋಲು ಅಥವಾ ತಪ್ಪು ನಿರ್ಧಾರದ ಬಗ್ಗೆ ನೆನಪಿಸಿಕೊಂಡ ರಶ್ಮಿ, "ದುನಿಯಾ ಸಿನಿಮಾ ಬ್ಲಾಕ್‌ಬಸ್ಟರ್ ಹಿಟ್ ಆದ ನಂತರ ತಕ್ಷಣವೇ ಬೇರೆ ಸಿನಿಮಾಗಳನ್ನು ಒಪ್ಪಿಕೊಂಡು ನಟಿಸಬೇಕಿತ್ತು. ಆದರೆ ಮುಂದಿನ ಅದ್ಭುತ ಅವಕಾಶಗಳಿಗಾಗಿ ಕಾಯುತ್ತಾ (Wait ಮಾಡಿ) ಬರೋಬ್ಬರಿ 2 ವರ್ಷಗಳ ಅಮೂಲ್ಯ ಸಮಯವನ್ನು ಹಾಳು ಮಾಡಿಕೊಂಡೆ. ಆ 2 ವರ್ಷಗಳಲ್ಲಿ ಯಾವುದೇ ಚಿತ್ರಗಳನ್ನು ಮಾಡದೆ ಸುಮ್ಮನೆ ಕುಳಿತಿದ್ದು ನನ್ನ ಜೀವನದ ಅತಿ ದೊಡ್ಡ ಹಿನ್ನಡೆ. ಅಂದು ಕಾಯದೆ ಬಂದಂತಹ ಅವಕಾಶಗಳನ್ನು ಬಳಸಿಕೊಂಡು ಸತತವಾಗಿ ಸಿನಿಮಾಗಳನ್ನು ಮಾಡಿದ್ದರೆ, ನಾನು ಇನ್ನೂ ಹೆಚ್ಚಿನ ಉತ್ತಮ ಚಿತ್ರಗಳಲ್ಲಿ ಅಭಿನಯಿಸಬಹುದಿತ್ತು ಮತ್ತು ನನ್ನ ಸಿನಿ ಕೆರಿಯರ್ ಮತ್ತೊಂದು ಹಂತದಲ್ಲಿರುತ್ತಿತ್ತು" ಎಂದು ಪಶ್ಚಾತ್ತಾಪ ಹಂಚಿಕೊಂಡಿದ್ದಾರೆ.

ರಶ್ಮಿ ಕಹಿ ಅನುಭವಗಳು

ಚಿತ್ರರಂಗವು ಹೊರಗಿನಿಂದ ನೋಡುವವರಿಗೆ ಅತ್ಯಂತ ಆಕರ್ಷಕವಾಗಿ, ಐಷಾರಾಮಿಯಾಗಿ ಕಾಣಿಸುತ್ತದೆ. ಆದರೆ ತೆರೆಯ ಹಿಂದಿನ ನೋವು, ಸಂಭಾವನೆಯ ವಂಚನೆ ಮತ್ತು ಸರಿಯಾದ ಮಾರ್ಗದರ್ಶನದ ಕೊರತೆಯಿಂದ ಎಷ್ಟೋ ಪ್ರತಿಭಾವಂತ ಕಲಾವಿದರು ನಷ್ಟ ಅನುಭವಿಸುತ್ತಾರೆ ಎಂಬುದಕ್ಕೆ ನಟಿ ರಶ್ಮಿ ಅವರ ಈ ಮಾತುಗಳೇ ಸಾಕ್ಷಿ. ಸಿನಿಮಾ ರಂಗಕ್ಕೆ ಹೊಸದಾಗಿ ಹೆಜ್ಜೆ ಇಡುವ ಯುವ ಕಲಾವಿದರಿಗೆ ರಶ್ಮಿ ಅವರ ಈ ಕಹಿ ಅನುಭವಗಳು ಒಂದು ದೊಡ್ಡ ಎಚ್ಚರಿಕೆಯ ಪಾಠವಾಗಿದೆ.

ನಯಾಪೈಸೆ ಹಣವೂ ಸಿಗಲಿಲ್ಲ

2007ರಲ್ಲಿ ಬಿಡುಗಡೆಯಾದ 'ದುನಿಯಾ' ಚಿತ್ರ ಇಡೀ ಗಾಂಧಿನಗರದ ಚಿತ್ರಣವನ್ನೇ ಬದಲಿಸಿತು. ಆ ಚಿತ್ರದ ಮೂಲಕ ನಾಯಕ 'ದುನಿಯಾ ವಿಜಯ್' ಸ್ಟಾರ್ ನಟರಾದರು, ನಿರ್ದೇಶಕ 'ಸೂರಿ' ಸ್ಯಾಂಡಲ್‌ವುಡ್‌ನ ಬೇಡಿಕೆಯ ನಿರ್ದೇಶಕರಾದರು. ಆದರೆ, ಅದೇ ಸಿನಿಮಾದ ನಾಯಕಿಯಾಗಿ ನಟಿಸಿದ್ದ ರಶ್ಮಿಗೆ ಮಾತ್ರ ಆ ಚಿತ್ರದಿಂದ ನಯಾಪೈಸೆ ಹಣವೂ ಸಿಗಲಿಲ್ಲ, ಅವರ ಕೆರಿಯರ್‌ಗೂ ಭದ್ರ ಬುನಾದಿ ಸಿಗಲಿಲ್ಲ ಎಂಬುದು ಚಿತ್ರರಂಗದ ವಿಪರ್ಯಾಸ.

ಹಿರಿತೆರೆಯಿಂದ ದೂರವಾದ ನಂತರ, ನಟಿ ರಶ್ಮಿ ಕಲರ್ಸ್ ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ ಬಾಸ್ ಕನ್ನಡ ಸೀಸನ್ 7'ರಲ್ಲಿ ಸ್ಪರ್ಧಿಯಾಗಿ ಎಂಟ್ರಿ ಕೊಟ್ಟಿದ್ದರು. ಆ ಮೂಲಕ ಮತ್ತೆ ಕನ್ನಡಿಗರ ಮನೆ-ಮನಗಳಿಗೆ ಹತ್ತಿರವಾಗುವ ಪ್ರಯತ್ನ ಮಾಡಿದ್ದರು.

Smriti Irani: ‘ಈ ನೆನಪುಗಳು ಸದಾ ನನ್ನೊಂದಿಗಿರುತ್ತವೆ…’ ಧಾರಾವಾಹಿ ಮುಕ್ತಾಯಕ್ಕೆ ಸ್ಮೃತಿ ಇರಾನಿ ಭಾವುಕ ಪೋಸ್ಟ್

Sushma Hegde — Wed, 21 Oct 2026 14:05:42 +0530

ಟಿವಿ ಪ್ರೇಕ್ಷಕರ ಮನಗೆದ್ದ ಜನಪ್ರಿಯ ಧಾರಾವಾಹಿ ‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ 2’ (Kyunki Saas Bhi Kabhi Bahu Thi 2) ಇದೀಗ ತನ್ನ ಪ್ರಸಾರವನ್ನು ಮುಕ್ತಾಯಗೊಳಿಸಿದೆ. ಈ ಧಾರಾವಾಹಿಯ ಅಂತ್ಯಕ್ಕೆ ನಟಿ ಹಾಗೂ ರಾಜಕಾರಣಿ ಸ್ಮೃತಿ ಇರಾನಿ ಭಾವುಕ ಸಂದೇಶದ ಮೂಲಕ ವಿದಾಯ ಹೇಳಿದ್ದಾರೆ. ಧಾರಾವಾಹಿಯ ಸೆಟ್‌ನಲ್ಲಿ ಕಳೆದ ಕ್ಷಣಗಳು, ನೆನಪುಗಳು ಮತ್ತು ಇಡೀ ತಂಡದೊಂದಿಗೆ ಬೆಸೆದುಕೊಂಡ ಭಾವನಾತ್ಮಕ ಸಂಬಂಧವನ್ನು ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

‘ಮತ್ತೆ ನಮ್ಮ ಕಥೆಗಳು ಒಂದಾಗುವವರೆಗೆ…’ ಎಂದ ಸ್ಮೃತಿ ಇರಾನಿ

ಧಾರಾವಾಹಿ ಮುಕ್ತಾಯವಾಗುತ್ತಿರುವ ಹಿನ್ನೆಲೆಯಲ್ಲಿ ಸ್ಮೃತಿ ಇರಾನಿ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಕೆಲವು ವಿಶೇಷ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಇಡೀ ಪ್ರಯಾಣ ಭಾವನೆಗಳ ರೋಲರ್ ಕೋಸ್ಟರ್‌ನಂತಿತ್ತು ಎಂದು ಅವರು ವರ್ಣಿಸಿದ್ದಾರೆ. ಹಳೆಯ ಕಥೆಗಳನ್ನು ಮತ್ತೊಮ್ಮೆ ನೆನಪಿಸಿಕೊಳ್ಳುವುದು, ಹೊಸ ಅನುಭವಗಳನ್ನು ಪಡೆಯುವುದು ಮತ್ತು ಪ್ರತಿಯೊಂದು ತಿರುವಿನಲ್ಲೂ ವಿಭಿನ್ನ ಭಾವನೆಗಳನ್ನು ಅನುಭವಿಸಿದ್ದು ಈ ಪಯಣದ ವಿಶೇಷವಾಗಿತ್ತು ಎಂಬ ಅರ್ಥದಲ್ಲಿ ಅವರು ಬರೆದುಕೊಂಡಿದ್ದಾರೆ.

ಪರದೆ ಇಳಿದ ಬಳಿಕವೂ ಈ ಧಾರಾವಾಹಿಯಲ್ಲಿ ಸೃಷ್ಟಿಯಾದ ನೆನಪುಗಳು ಮತ್ತು ಅನುಭವಗಳು ತಮ್ಮೊಂದಿಗೆ ಸದಾ ಉಳಿಯಲಿವೆ ಎಂದು ಸ್ಮೃತಿ ಇರಾನಿ ಭಾವುಕವಾಗಿ ತಿಳಿಸಿದ್ದಾರೆ. “Until our stories find each other again…” ಎಂಬ ಅವರ ಮಾತು ಅಭಿಮಾನಿಗಳ ಗಮನ ಸೆಳೆದಿದೆ. ಅಂದರೆ, ನಮ್ಮ ಕಥೆಗಳು ಮತ್ತೆ ಒಂದಾಗುವವರೆಗೆ ಎಂಬ ಭಾವನಾತ್ಮಕ ಸಂದೇಶದೊಂದಿಗೆ ಅವರು ವಿದಾಯ ಹೇಳಿದ್ದಾರೆ.

167 ಎಪಿಸೋಡ್‌ಗಳಿಗೆ ಪ್ಲಾನ್, ಆದರೆ ಪ್ರಸಾರವಾಗಿದ್ದು 450 ಎಪಿಸೋಡ್‌ಗಳು!

ಈ ಧಾರಾವಾಹಿಯ ಮುಕ್ತಾಯದ ಬಗ್ಗೆ ನಿರ್ಮಾಪಕಿ ಏಕ್ತಾ ಕಪೂರ್ ಕೂಡ ಭಾವುಕ ಸಂದೇಶ ಹಂಚಿಕೊಂಡಿದ್ದಾರೆ. ಆರಂಭದಲ್ಲಿ ಕೇವಲ 167 ಎಪಿಸೋಡ್‌ಗಳನ್ನು ಪ್ರಸಾರ ಮಾಡುವ ಯೋಜನೆ ಇತ್ತು. ಆದರೆ ಪ್ರೇಕ್ಷಕರ ಪ್ರೀತಿ ಮತ್ತು ಧಾರಾವಾಹಿಯ ಜನಪ್ರಿಯತೆಯಿಂದಾಗಿ ಒಟ್ಟು 450 ಎಪಿಸೋಡ್‌ಗಳವರೆಗೆ ಪ್ರಸಾರವಾಯಿತು ಎಂದು ಅವರು ತಿಳಿಸಿದ್ದಾರೆ.

‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ’ ತಮ್ಮನ್ನು ರೂಪಿಸುವಲ್ಲಿ ಮಹತ್ವದ ಪಾತ್ರ ವಹಿಸಿದೆ ಎಂದು ಏಕ್ತಾ ಕಪೂರ್ ನೆನಪಿಸಿಕೊಂಡಿದ್ದಾರೆ. ಧಾರಾವಾಹಿಗೆ ವಿದಾಯ ಹೇಳುವುದು ಕಷ್ಟವಾದರೂ, ಅದರ ಮೇಲಿನ ಪ್ರೀತಿ ಎಂದಿಗೂ ಕಡಿಮೆಯಾಗುವುದಿಲ್ಲ ಎಂಬ ಭಾವನೆಯನ್ನು ಅವರು ವ್ಯಕ್ತಪಡಿಸಿದ್ದಾರೆ.

ಮತ್ತೆ ತುಳಸಿ ಮತ್ತು ಮಿಹಿರ್ ಆಗಿ ಬಂದಿದ್ದ ಸ್ಮೃತಿ ಇರಾನಿ, ಅಮರ್ ಉಪಾಧ್ಯಾಯ್

2000ರಲ್ಲಿ ಆರಂಭವಾದ ‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ’ ಭಾರತೀಯ ಕಿರುತೆರೆಯ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದಾಗಿತ್ತು. ಈ ಧಾರಾವಾಹಿಯಲ್ಲಿ ತುಳಸಿ ವಿರಾನಿ ಪಾತ್ರದ ಮೂಲಕ ಸ್ಮೃತಿ ಇರಾನಿ ಅಪಾರ ಜನಪ್ರಿಯತೆ ಗಳಿಸಿದ್ದರು. ಮಿಹಿರ್ ವಿರಾನಿ ಪಾತ್ರದಲ್ಲಿ ಅಮರ್ ಉಪಾಧ್ಯಾಯ್ ಕೂಡ ಪ್ರೇಕ್ಷಕರ ಮನಗೆದ್ದಿದ್ದರು.

2025ರ ಜುಲೈ 29ರಂದು ‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ 2’ ಸ್ಟಾರ್ ಪ್ಲಸ್‌ನಲ್ಲಿ ಆರಂಭವಾಗಿತ್ತು. ಹಳೆಯ ಧಾರಾವಾಹಿಯ ಮುಂದುವರಿದ ಭಾಗವಾಗಿ ಬಂದ ಈ ಹೊಸ ಆವೃತ್ತಿಯಲ್ಲಿ ಸ್ಮೃತಿ ಇರಾನಿ ಮತ್ತು ಅಮರ್ ಉಪಾಧ್ಯಾಯ್ ಮತ್ತೆ ತುಳಸಿ ಹಾಗೂ ಮಿಹಿರ್ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಹಳೆಯ ಧಾರಾವಾಹಿಯ ನೆನಪುಗಳನ್ನು ಮರುಕಳಿಸಿದ ಈ ಹೊಸ ಆವೃತ್ತಿ ಇದೀಗ 450 ಎಪಿಸೋಡ್‌ಗಳ ಬಳಿಕ ಅಂತ್ಯಗೊಂಡಿದೆ.

ಅಭಿಮಾನಿಗಳ ಮನದಲ್ಲಿ ಉಳಿಯಲಿವೆ ಆ ನೆನಪುಗಳು

ಒಂದು ಧಾರಾವಾಹಿ ಮುಕ್ತಾಯವಾದರೂ ಅದರ ಪಾತ್ರಗಳು ಮತ್ತು ಕಥೆಗಳು ಪ್ರೇಕ್ಷಕರ ನೆನಪಿನಲ್ಲಿ ಉಳಿಯುತ್ತವೆ. ಅದರಲ್ಲೂ ವರ್ಷಗಳ ಕಾಲ ಜನರೊಂದಿಗೆ ಭಾವನಾತ್ಮಕ ಸಂಬಂಧ ಬೆಳೆಸಿಕೊಂಡ ಧಾರಾವಾಹಿಗಳಿಗೆ ವಿದಾಯ ಹೇಳುವುದು ಅಭಿಮಾನಿಗಳಿಗೂ ಸುಲಭವಲ್ಲ.

ಸ್ಮೃತಿ ಇರಾನಿ ಮತ್ತು ಏಕ್ತಾ ಕಪೂರ್ ಅವರ ಭಾವುಕ ಸಂದೇಶಗಳು ಈ ಧಾರಾವಾಹಿಯೊಂದಿಗೆ ಬೆಸೆದುಕೊಂಡಿದ್ದ ನೆನಪುಗಳನ್ನು ಮತ್ತೊಮ್ಮೆ ಮುನ್ನೆಲೆಗೆ ತಂದಿವೆ. ತುಳಸಿ ಮತ್ತು ಮಿಹಿರ್ ಜೋಡಿಯನ್ನು ಮತ್ತೆ ಕಿರುತೆರೆಯಲ್ಲಿ ನೋಡಿದ್ದ ಅಭಿಮಾನಿಗಳಿಗೆ ಈ ಮುಕ್ತಾಯ ಭಾವುಕ ಕ್ಷಣವಾಗಿದೆ.

ಎರಡೇ ದಿನಕ್ಕೆ ಎದೆ ಮೇಲಿನ ಗುಂಡಿನ ಗಾಯವೂ ಮಾಯ? ಬ್ಯಾಂಡೇಜ್ ರಹಿತ ನಟ ಟೈಗರ್ ಶ್ರಾಫ್ ಫೋಟೋಸ್ ವೈರಲ್

Suchethana D — Wed, 21 Oct 2026 13:19:05 +0530

ಮುಂಬೈ: ಟೈಗರ್ ಶ್ರಾಫ್ ಮೇಲೆ ಮೊನ್ನೆ ಅರ್ಥಾತ್ 18ರ ರಾತ್ರಿ ನಡೆದ ಗುಂಡಿನ ದಾಳಿ ಇಡೀ ಸಿನಿಮಾ ಇಂಡಸ್ಟ್ರಿ ಮಾತ್ರವಲ್ಲದೇ ದೇಶವನ್ನೇ ಬೆಚ್ಚಿಬೀಳಿಸಿದೆ. ಟೈಗರ್ ಶ್ರಾಫ್ ಅವರ ಎದೆ ಸೇರಿ ಹಲವು ಕಡೆಗಳಲ್ಲಿ ಗುಂಡು ಬಿದ್ದಿರುವುದಾಗಿ ವರದಿಯಾಗಿತ್ತು. ಈ ಸಂಬಂಧ ಬ್ಯಾಂಡೇಜ್ ಕೂಡ ಹಾಕಲಾಗಿತ್ತು. ಎದೆಯ ಭಾಗ, ಕೈಗೆ ಸೇರಿದಂತೆ ದೇಹದ ಕೆಲವು ಕಡೆಗಳಲ್ಲಿ ಬ್ಯಾಂಡೇಜ್ ಹಾಕಲಾಗಿತ್ತು. ಘಟನೆ ನಡೆದ ದಿನ ಮಹಾರಾಷ್ಟ್ರದ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್, ಉಪ ಮುಖ್ಯಮಂತ್ರಿ ಏಕನಾಥ ಶಿಂಧೆ ಸೇರಿದಂತೆ ಕೆಲವು ಗಣ್ಯರು ನಟನ ಮನೆಗೆ ಭೇಟಿ ಕೊಟ್ಟಾಗ ಆ ಚಿತ್ರಗಳಲ್ಲಿ ಎದೆ ಮೇಲೆ ಸೇರಿದಂತೆ ಕೆಲವು ಕಡೆಗಳಲ್ಲಿ ಗುಂಡು ಬಿದ್ದ ಜಾಗ ಎನ್ನಲಾದ ಕಡೆಗಳಲ್ಲಿ ಬ್ಯಾಂಡೇಜ್ ಹಾಕಿದ್ದನ್ನು ನೋಡಬಹುದಾಗಿತ್ತು.

ಆದರೆ, ಎರಡೇ ಎರಡು ದಿನಗಳಲ್ಲಿ ಎದೆ ಮೇಲೆ ಗುಂಡು ಬಿದ್ದ ಜಾಗದ ಬ್ಯಾಂಡೇಜ್ ಮಾಯವಾಗಿರುವ ಫೋಟೋಗಳು ವೈರಲ್ ಆಗುತ್ತಿದ್ದು, ಇದು ಸಿಕ್ಕಾಪಟ್ಟೆ ಟ್ರೋಲ್ ಆಗುತ್ತಿದೆ. ಹಾಗಿದ್ರೆ ಟೈಗರ್ ಶ್ರಾಫ್ ಎದೆ ಮೇಲೆ ಗುಂಡು ಬಿದ್ದಿದೆ ಎಂದು ಸುಳ್ಳು ಹೇಳಿದ್ರಾ ಎಂದು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ. ಸಿನಿಮಾದಲ್ಲಿ ಆ್ಯಕ್ಟ್ ಮಾಡಿದಂತೆ ನಿಜ ಜೀವನದಲ್ಲಿಯೂ ಚೆನ್ನಾಗಿ ಆ್ಯಕ್ಟ್ಮಾಡಿದ್ರು ಎಂದೆಲ್ಲಾ ಹೇಳಲಾಗುತ್ತಿದೆ. ಅಸಲಿಗೆ ಏನಾಗಿದೆ ಎನ್ನುವುದು ತಿಳಿದಿಲ್ಲ. ಆದರೆ ವೈರಲ್ ಆಗ್ತಿರೋ ಫೋಟೋ ನೋಡಿ ಮಾತ್ರ ಎರಡೇ ದಿನಗಳಲ್ಲಿ ಇದು ಹೇಗೆ ಸಾಧ್ಯ ಎಂದು ಪ್ರಶ್ನಿಸುತ್ತಿದ್ದಾರೆ. ಕೈಮೇಲಿನ ಬ್ಯಾಂಡೇಜ್ ಕೂಡ ಕಾಣಿಸುತ್ತಿಲ್ಲ. ಆದ್ದರಿಂದ ಇದು ಹೇಗೆ ಸಾಧ್ಯ ಎನ್ನುವುದು ಪ್ರಶ್ನೆ.

ವಕೀಲರಿಂದ ಫೋಟೋ ಶೇರ್

ಅಷ್ಟಕ್ಕೂ, ವಕೀಲ ಆಶಿಶ್ ಶೆಲಾರ್ ಅವರು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ನಟನ ಮನೆಗೆ ಭೇಟಿ ಕೊಟ್ಟ ಫೋಟೋಸ್ಶೇರ್ ಮಾಡಿಕೊಂಡಿದ್ದಾರೆ. ಜುಹುವಿನಲ್ಲಿ ನಡೆದ ದುರದೃಷ್ಟಕರ ಗುಂಡಿನ ಘಟನೆಯ ನಂತರ ಟೈಗರ್ ಶ್ರಾಫ್ ಅವರನ್ನು ಭೇಟಿ ಮಾಡಿ ಅವರ ಯೋಗಕ್ಷೇಮ ವಿಚಾರಿಸಿದೆ. ಇಂತಹ ಹಿಂಸಾಚಾರಗಳಿಗೆ ನಮ್ಮ ಸಮಾಜದಲ್ಲಿ ಸ್ಥಾನವಿಲ್ಲ. ಅವರಿಗೆ ಶಕ್ತಿ ತುಂಬಿ ಶೀಘ್ರವಾಗಿ ಚೇತರಿಸಿಕೊಳ್ಳಲಿ ಎಂದು ಹಾರೈಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ. ಅವರು ತಮ್ಮ ಭೇಟಿಯ ಕೆಲವೊಂದು ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದು, ಅದರಲ್ಲಿ ಟೈಗರ್ ಶ್ರಾಫ್ ಎದೆ ಮೇಲಿನ ಬ್ಯಾಂಡೇಜೇ ಮಾಯವಾಗಿದ್ದು, ಇದು ಹಲವಾರು ಅನುಮಾನಗಳಿಗೆ ಎಡೆ ಮಾಡಿಕೊಡುತ್ತಿದೆ ಎನ್ನುತ್ತಿದ್ದಾರೆ ನೆಟ್ಟಿಗರು!

ಆರೋಪಿಗಳು ಹೇಳಿದ್ದೇನು?

ಅಸಲಿಗೆ ಶೂಟರ್‌ಗಳು ಮುಂಬೈಗೆ ಬಂದಿದ್ದು ಟೈಗರ್ ಶ್ರಾಫ್‌ಗಾಗಿ ಅಲ್ಲವೇ ಅಲ್ಲ. ಪೊಲೀಸರ ವಿಚಾರಣೆ ವೇಳೆ ಈ ಅಚ್ಚರಿಯ ಸತ್ಯವನ್ನು ಆರೋಪಿಗಳು ಬಾಯ್ಬಿಟ್ಟಿರುವುದಾಗಿಯೂ ವರದಿಯಾಗಿದೆ. ಬಂಧಿತರನ್ನು ಪೊಲೀಸರು ತೀವ್ರ ವಿಚಾರಣೆಗೆ ಒಳಪಡಿಸಿದಾಗ ಅಸಲಿ ಕಥೆ ಹೊರಬಿದ್ದಿದೆ. ಮೂವರು ಆರೋಪಿಗಳು ಮುಂಬೈಗೆ ಬಂದಿದ್ದು ಬೇರೊಬ್ಬ ವಿಐಪಿಯನ್ನು ಮುಗಿಸಲು. ಆ ವಿಐಪಿ ಓಡಾಡುವ ಜಾಗಗಳಲ್ಲೆಲ್ಲಾ ಆರೋಪಿಗಳು ಹೊಂಚು ಹಾಕಿ ಕುಳಿತಿದ್ದರು. ಆದರೆ, ಆತನ ಮೇಲೆ ಅಟ್ಯಾಕ್ ಮಾಡುವುದು ಅಷ್ಟು ಸುಲಭವಲ್ಲ ಎಂಬುದು ಇವರಿಗೆ ಅರ್ಥವಾಗಿತ್ತು. ಇದೇ ಗ್ಯಾಪ್‌ನಲ್ಲಿ ಟೈಗರ್ ಶ್ರಾಫ್ ಫ್ಯಾನ್ಸ್ ಇನ್‌ಸ್ಟಾಗ್ರಾಮ್‌ನಲ್ಲಿ ಹಾಕಿದ್ದ ರೀಲ್ಸ್ ಇವರ ಕಣ್ಣಿಗೆ ಬಿದ್ದಿದೆ. ನಟನಿಗೆ ಯಾವುದೇ ಪೊಲೀಸ್ ಭದ್ರತೆ ಇಲ್ಲ ಎಂಬುದು ರೀಲ್ಸ್ ಮೂಲಕ ಗೊತ್ತಾದ ತಕ್ಷಣ, ತಮ್ಮ ಟಾರ್ಗೆಟ್ ಅನ್ನು ಟೈಗರ್ ಶ್ರಾಫ್ ಕಡೆಗೆ ಶಿಫ್ಟ್ ಮಾಡಿದ್ದಾರೆ ಎಂದು ಪೊಲೀಸ್ ಮೂಲಗಳನ್ನು ಉಲ್ಲೇಖಿಸಿ ಎನ್‌ಡಿಟಿವಿ ವರದಿ ಮಾಡಿದೆ. ಅದರ ಬಗ್ಗೆ ತನಿಖೆ ನಡೆಯಬೇಕಿದೆ ಅಷ್ಟೇ. ಆದರೆ ಈಗ ಬ್ಯಾಂಡೇಜ್ ಮಾತ್ರ ಪ್ರಶ್ನೆಯಾಗಿಯೇ ಉಳಿದಿದೆ. ಟೈಗರ್ ಶ್ರಾಫ್ ಗುಟ್ಕಾ ಜಾಹೀರಾತಿಗೆ ಬರುವ ಕಾರಣದಿಂದ ಅದನ್ನು ತಿಂದರೆ ಬೇಗ ಗಾಯ ವಾಸಿಯಾಗ್ತದೆ ಎಂದು ಹಲವರು ನಟನ ಕಾಲೆಳೆಯುತ್ತಿದ್ದಾರೆ. the_quad_news ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಇದನ್ನು ಶೇರ್ ಮಾಡಲಾಗಿದೆ.

Anupama Parameswaran: 'ನಮ್ಮಿಬ್ಬರ ವಯಸ್ಸಿನ ಅಂತರ ಸಾಕಷ್ಟಿದೆ'.. ಆದ್ರೂ ಮೋಹನ್‌ಲಾಲ್ ಮೇಲೆ ನಂಗೆ ಕ್ರಶ್!

Shriram Bhat — Wed, 21 Oct 2026 13:29:58 +0530

ಮೋಹನ್‌ಲಾಲ್ ನನ್ನ ಕ್ರಶ್!

ದಕ್ಷಿಣ ಭಾರತದ ಖ್ಯಾತ ನಟಿ ಅನುಪಮಾ ಪರಮೇಶ್ವರನ್ (Anupama Parameswaran) ತಮ್ಮ ನೆಚ್ಚಿನ ನಟನ ಬಗ್ಗೆ ಆಸಕ್ತಿದಾಯಕ ವಿಚಾರವೊಂದನ್ನು ಹಂಚಿಕೊಂಡಿದ್ದಾರೆ. ಮಲಯಾಳಂ ಸೂಪರ್‌ಸ್ಟಾರ್ ಮೋಹನ್‌ಲಾಲ್ ಅವರೇ ತಮ್ಮ ಜೀವನದ ಏಕೈಕ ಸೆಲೆಬ್ರಿಟಿ ಕ್ರಶ್ ಎಂದು ನಟಿ ಬಹಿರಂಗಪಡಿಸಿದ್ದಾರೆ. ಇಬ್ಬರ ನಡುವೆ ಸಾಕಷ್ಟು ವಯಸ್ಸಿನ ಅಂತರವಿದೆ ಎಂಬುದು ತಿಳಿದಿದ್ದರೂ, ಅವರ ಮೇಲಿನ ಅಭಿಮಾನ ಕಡಿಮೆಯಾಗಿಲ್ಲ ಎಂದು ಅನುಪಮಾ ಹೇಳಿದ್ದಾರೆ. ಯೂಟ್ಯೂಬ್ ಚಾನೆಲ್ 'Honest Townhall' ಜೊತೆಗಿನ ಸಂವಾದದಲ್ಲಿ ಅವರು ಈ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

ಮೋಹನ್‌ಲಾಲ್ ಅವರೇ ಅನುಪಮಾ ಅವರ ಸೆಲೆಬ್ರಿಟಿ ಕ್ರಶ್!

ಬಾಲ್ಯದಿಂದಲೂ ಮೋಹನ್‌ಲಾಲ್ ಅವರ ಸಿನಿಮಾಗಳನ್ನು ನೋಡುತ್ತಾ ಬೆಳೆದಿರುವ ಅನುಪಮಾ, ಅವರ ನಟನೆಯ ಬಗ್ಗೆ ಅಪಾರ ಮೆಚ್ಚುಗೆ ಹೊಂದಿದ್ದಾರೆ. ತಮ್ಮ ಸೆಲೆಬ್ರಿಟಿ ಕ್ರಶ್ ಕುರಿತು ಮಾತನಾಡಿದ ಅವರು, “ನಾನು ಚಿಕ್ಕವಳಿದ್ದಾಗಿನಿಂದಲೂ ಮೋಹನ್‌ಲಾಲ್ ಸರ್ ಅವರ ಸಾಕಷ್ಟು ಸಿನಿಮಾಗಳನ್ನು ನೋಡುತ್ತಾ ಬೆಳೆದಿದ್ದೇನೆ. ನಮ್ಮಿಬ್ಬರ ನಡುವೆ ಸಾಕಷ್ಟು ವಯಸ್ಸಿನ ಅಂತರವಿದೆ ಎಂಬುದು ನನಗೆ ಗೊತ್ತು. ಆದರೆ ಕ್ರಶ್ ಅಂದರೆ ಕ್ರಶ್ ಅಲ್ವಾ?” ಎಂದು ನಗುತ್ತಲೇ ಹೇಳಿದ್ದಾರೆ.

ಅನುಪಮಾ ಅವರ ಈ ಮಾತುಗಳು ಅಭಿಮಾನಿಗಳ ಗಮನ ಸೆಳೆಯುತ್ತಿವೆ. ಹಿರಿಯ ನಟನ ಮೇಲಿನ ತಮ್ಮ ಅಭಿಮಾನವನ್ನು ಅವರು ಯಾವುದೇ ಮುಚ್ಚುಮರೆಯಿಲ್ಲದೆ ವ್ಯಕ್ತಪಡಿಸಿದ್ದಾರೆ.

ಮೋಹನ್‌ಲಾಲ್ ಅಭಿಮಾನಿ ಕುಟುಂಬವೇ ಇದೆ!

ಅನುಪಮಾ ಅವರಿಗೆ ಮಾತ್ರವಲ್ಲ, ಅವರ ತಾಯಿ ಮತ್ತು ಕಿರಿಯ ಸಹೋದರನಿಗೂ ಮೋಹನ್‌ಲಾಲ್ ಎಂದರೆ ತುಂಬಾ ಇಷ್ಟವಂತೆ. ತಮ್ಮ ಕುಟುಂಬದಲ್ಲಿರುವ ಮೋಹನ್‌ಲಾಲ್ ಅಭಿಮಾನಿಗಳ ಬಗ್ಗೆ ಮಾತನಾಡಿದ ನಟಿ, ತಮ್ಮ ಸಹೋದರನಿಗೆ ಮೋಹನ್‌ಲಾಲ್ ಮೇಲೆ ತನಗಿಂತಲೂ ಹೆಚ್ಚು ಕ್ರಶ್ ಇರಬಹುದು ಎಂದು ಹೇಳಿದ್ದಾರೆ.

“ನನ್ನ ತಾಯಿ ಮೋಹನ್‌ಲಾಲ್ ಅವರ ದೊಡ್ಡ ಅಭಿಮಾನಿ. ನನ್ನ ಕಿರಿಯ ಸಹೋದರನೂ ಅವರ ಅಭಿಮಾನಿ. ಈಗಲೂ ನಾನು ಇನ್‌ಸ್ಟಾಗ್ರಾಂ ತೆರೆದು ನೋಡಿದರೆ, ನನ್ನ ಸಹೋದರ ನನ್ನ ಯೋಗಕ್ಷೇಮದ ಬಗ್ಗೆ ಕೇಳುವುದಕ್ಕಿಂತ ಮೋಹನ್‌ಲಾಲ್ ಅವರ ರೀಲ್ಸ್ ಮತ್ತು ಅವರ ಕುರಿತ ವಿಚಾರಗಳನ್ನೇ ಹೆಚ್ಚು ಕಳುಹಿಸುತ್ತಾನೆ” ಎಂದು ಅನುಪಮಾ ತಮಾಷೆಯಾಗಿ ವಿವರಿಸಿದ್ದಾರೆ.

'ಕ್ರೇಜಿ ಕಲ್ಯಾಣಂ' ಬಳಿಕ ಅನುಪಮಾ ಬ್ಯುಸಿ

ಅನುಪಮಾ ಪರಮೇಶ್ವರನ್ ಕೊನೆಯದಾಗಿ ತೆಲುಗಿನ ಕಾಮಿಡಿ ಮನರಂಜನಾ ಸಿನಿಮಾ 'ಕ್ರೇಜಿ ಕಲ್ಯಾಣಂ'ನಲ್ಲಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ಅಕ್ಟೋಬರ್ 16ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ.

ಇನ್ನೊಂದೆಡೆ, ಮೋಹನ್‌ಲಾಲ್ ತಮ್ಮ ಮುಂಬರುವ ಮಲಯಾಳಂ ಸಿನಿಮಾ 'ಆಪರೇಷನ್ ಗಂಗಾ'ದಲ್ಲಿ ಉಗಾಂಡಾದ ಪ್ರಸಿದ್ಧ ನೃತ್ಯ ತಂಡ 'ಟ್ರಿಪ್ಲೆಟ್ಸ್ ಘೆಟ್ಟೋ ಕಿಡ್ಸ್' ಕಾಣಿಸಿಕೊಳ್ಳಲಿದೆ ಎಂದು ಘೋಷಿಸಿದ್ದಾರೆ. ತಮ್ಮ 1997ರ 'ವರ್ಣಪ್ಪಕಿಟ್ಟು' ಚಿತ್ರದ 'ಒಕ್ಕೆಲ ಒಕ್ಕೆಲ' ಹಾಡಿಗೆ ತಂಡ ನೃತ್ಯ ಮಾಡಿರುವ ವಿಡಿಯೋವನ್ನೂ ಹಂಚಿಕೊಂಡಿದ್ದಾರೆ.

ವಿಷ್ಣು ಮೋಹನ್ ನಿರ್ದೇಶನದ 'ಆಪರೇಷನ್ ಗಂಗಾ' 2022ರಲ್ಲಿ ಉಕ್ರೇನ್‌ನಿಂದ ಭಾರತೀಯರನ್ನು ಸ್ಥಳಾಂತರಿಸಿದ ಕಾರ್ಯಾಚರಣೆಯಿಂದ ಪ್ರೇರಣೆ ಪಡೆದ ಆಕ್ಷನ್ ಡ್ರಾಮಾ ಚಿತ್ರವಾಗಿದೆ. ಇತ್ತೀಚೆಗೆ ಮೋಹನ್‌ಲಾಲ್, ರಜನಿಕಾಂತ್ ಅಭಿನಯದ 'ಜೈಲರ್ 2' ಚಿತ್ರದಲ್ಲೂ ಕಾಣಿಸಿಕೊಂಡಿದ್ದರು.

ಫೇಮ್‌, ದುಡ್ಡು ಸಿಕ್ಕಮೇಲಷ್ಟೇ ಗೌರವ ಕೊಡ್ತಾರಾ? ಸ್ಯಾಂಡಲ್‌ವುಡ್‌ನ ಕಹಿ ಸತ್ಯ ಬಿಚ್ಚಿಟ್ಟ ನಟಿ ತಪಸ್ವಿನಿ ಪೂಣಚ್ಚ

Sushma Hegde — Wed, 21 Oct 2026 13:00:12 +0530

ಚಿತ್ರರಂಗ ಎಂದರೆ ಬಣ್ಣದ ಜಗತ್ತು, ಖ್ಯಾತಿ, ಹಣ ಮತ್ತು ಅಭಿಮಾನಿಗಳ ಪ್ರೀತಿ ಎಂದು ಹಲವರು ಭಾವಿಸುತ್ತಾರೆ. ಆದರೆ ಸಿನಿಮಾ ಕ್ಷೇತ್ರದಲ್ಲಿ ಗುರುತಿಸಿಕೊಳ್ಳುವ ಹಾದಿ ಅಷ್ಟು ಸುಲಭವಲ್ಲ. ಹೊಸ ಅವಕಾಶಗಳನ್ನು ಹುಡುಕುವುದು, ತಮ್ಮ ಪ್ರತಿಭೆಯನ್ನು ಸಾಬೀತುಪಡಿಸುವುದು ಮತ್ತು ತಮ್ಮದೇ ಆದ ನಿರ್ಧಾರಗಳಿಗೆ ಬದ್ಧರಾಗಿರುವುದು ಕಲಾವಿದರ ಪಾಲಿಗೆ ದೊಡ್ಡ ಸವಾಲು. ಇದೀಗ ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಆದ ಆಯ್ಕೆಗಳ ಮೂಲಕ ಗುರುತಿಸಿಕೊಳ್ಳುತ್ತಿರುವ ನಟಿ ತಪಸ್ವಿನಿ ಪೂಣಚ್ಚ ಅವರ ಸಿನಿಪಯಣ ಗಮನ ಸೆಳೆಯುತ್ತಿದೆ.

ಕೊಡಗಿನ ಮಣ್ಣಿನಿಂದ ಕನ್ನಡ ಚಿತ್ರರಂಗಕ್ಕೆ ಬಂದಿರುವ ತಪಸ್ವಿನಿ, ರಿಷಬ್ ಶೆಟ್ಟಿ ನಿರ್ದೇಶನದ ‘ಹರಿಕಥೆ ಅಲ್ಲ ಗಿರಿಕಥೆ’ ಚಿತ್ರದ ಮೂಲಕ 2022ರಲ್ಲಿ ಸ್ಯಾಂಡಲ್‌ವುಡ್‌ಗೆ ಪರಿಚಯವಾದರು. ಇದೀಗ ‘ಪ್ರೇಮದ ಊರಲಿ’ ಚಿತ್ರದ ಮೂಲಕ ಪ್ರೇಕ್ಷಕರ ಪ್ರೀತಿಗೆ ಪಾತ್ರರಾಗಿದ್ದಾರೆ. ಅವರ ಸಿನಿಪಯಣದ ಕುರಿತು ‘HARI Kathe’ ಪಾಡ್‌ಕಾಸ್ಟ್‌ನಲ್ಲಿ ಹಲವು ಆಸಕ್ತಿದಾಯಕ ವಿಚಾರಗಳು ಹಂಚಿಕೊಂಡಿದ್ದಾರೆ.

ಫೇಮ್‌, ಹಣವೇ ಎಲ್ಲವೂ ಅಲ್ಲ!

ಪಾಡ್‌ಕಾಸ್ಟ್‌ನಲ್ಲಿ ಅವರು ಸಹಿ ಹಾಕುವ ಮೊದಲು, "ನೀವು ನಿಮ್ಮ ಅಸಿಸ್ಟೆಂಟ್, ಪೋಷಕರನ್ನು ಕರೆದುಕೊಂಡು ಬರಬಹುದು, ಯೋಜನೆ ನಿಮ್ಮದೇ" ಎಂದೆಲ್ಲಾ ಸಿಹಿ ಮಾತುಗಳನ್ನು ಆಡುವವರು, ಒಮ್ಮೆ ಅಗ್ರಿಮೆಂಟ್ ಪೇಪರ್ ಮೇಲೆ ಸಹಿ ಬೀಳುತ್ತಿದ್ದಂತೆ ಸಂಪೂರ್ಣ ಬದಲಾಗುತ್ತಾರೆ. "ಒಮ್ಮೆ ನೀವು ಸಹಿ ಹಾಕಿದರೆ, ಅವರ ಎಲ್ಲಾ ಷರತ್ತುಗಳಿಗೂ ಒಪ್ಪಿಕೊಂಡಂತೆಯೇ. ಆ ನಂತರ ನಿಮ್ಮ ಕೈಯಲ್ಲಿ ಏನೂ ಇರುವುದಿಲ್ಲ," ಎಂದು ಚಿತ್ರರಂಗದಲ್ಲಿ ಹೊಸಬರು ಹೇಗೆ ಒಪ್ಪಂದಗಳ ಬಲೆಯಲ್ಲಿ ಸಿಲುಕಿಕೊಳ್ಳುತ್ತಾರೆ ಎಂಬುದನ್ನು ಎಳೆಎಳೆಯಾಗಿ ಹೇಳಿದ್ದಾರೆ.

ಸಿನಿಮಾ ಕ್ಷೇತ್ರದಲ್ಲಿ ಯಶಸ್ಸು ಗಳಿಸಿದ ಬಳಿಕ ಕಲಾವಿದರಿಗೆ ಹೆಚ್ಚಿನ ಮನ್ನಣೆ ಸಿಗುತ್ತದೆ ಎಂಬ ಅಭಿಪ್ರಾಯ ಹಲವರಲ್ಲಿದೆ. ಆದರೆ ಖ್ಯಾತಿ ಮತ್ತು ಹಣಕ್ಕಿಂತಲೂ ವ್ಯಕ್ತಿತ್ವ, ಸ್ವಾಭಿಮಾನ ಹಾಗೂ ಪರಸ್ಪರ ಗೌರವ ಮುಖ್ಯ ಎಂಬ ವಿಚಾರವೂ ಚಿತ್ರರಂಗದ ಚರ್ಚೆಗಳಲ್ಲಿ ಮಹತ್ವ ಪಡೆಯುತ್ತದೆ. ಹೊಸ ಕಲಾವಿದರು ಚಿತ್ರರಂಗದಲ್ಲಿ ತಮ್ಮದೇ ಆದ ಸ್ಥಾನ ಕಂಡುಕೊಳ್ಳುವಾಗ ಅನೇಕ ಸವಾಲುಗಳನ್ನು ಎದುರಿಸಬೇಕಾಗುತ್ತದೆ. ಇಂತಹ ಸಂದರ್ಭದಲ್ಲಿ ತಮ್ಮ ಆಯ್ಕೆಗಳಿಗೆ ಬೆಲೆ ಕೊಡುವುದು ಮತ್ತು ಸ್ವಂತ ವ್ಯಕ್ತಿತ್ವವನ್ನು ಉಳಿಸಿಕೊಳ್ಳುವುದು ಮುಖ್ಯವಾಗುತ್ತದೆ ಎಂದು ತಪಸ್ವಿನಿ ಪೂಣಚ್ಚ ಹೇಳಿದ್ದಾರೆ.

ಹಾಗೇ ಇಂಡಸ್ಟ್ರಿಯ ಹಿರಿಯರು ಅಥವಾ ನಿರ್ಮಾಪಕರು ಮಾಡುವ ಮ್ಯಾನಿಪುಲೇಷನ್ ಬಗ್ಗೆ ಮಾತನಾಡಿದ ಅವರು, "ಅವರು ನಮ್ಮ ಮನಸ್ಸನ್ನು ಬದಲಾಯಿಸಲು ಯತ್ನಿಸುತ್ತಾರೆ. 'ಮೊದಲು ನಕ್ಷತ್ರದಂತೆ ಮೆರೆಯಿರಿ, 35 ಅಥವಾ 40 ವರ್ಷದ ನಂತರ ಸೆಟಲ್ ಆಗಿ, ಅಲ್ಲಿಯವರೆಗೂ ಹಣ ಮಾಡಿ, ಪ್ರಸಿದ್ಧಿ ಪಡೆಯಿರಿ. ಯಾಕಂದ್ರೆ ನಿಮ್ಮ ಬಳಿ ದುಡ್ಡು, ಫೇಮ್ ಇದ್ದರೆ ಮಾತ್ರ ಈ ಜಗತ್ತು ಗೌರವ ಕೊಡುತ್ತೆ' ಎಂದು ನಂಬಿಸಲು ನೋಡುತ್ತಾರೆ, ಆಗ ಅವರು ಸಾರ್... ನಿಮ್ಮ ಫೇಮ್, ನಿಮ್ಮ ಸ್ಟಾರ್ ಸ್ಟೇಟಸ್ ನಿಮಗೇ ಇರಲಿ. ನನಗೆ ಅದು ಯಾವುದೂ ಬೇಡ, ಆ ತರದ ಗೌರವವೂ ನನಗೆ ಸಿಗಬೇಕಿಲ್ಲ" ಎಂದು ನೇರವಾಗಿಯೇ ಹಿರಿಯರಿಗೆ ತಿರುಗೇಟು ನೀಡಿದ್ದಾಗಿ ಹೇಳಿಕೊಂಡಿದ್ದಾರೆ ಈ ಪಾಡ್‌ಕಾಸ್ಟ್‌ನಲ್ಲಿ.

ತಮ್ಮದೇ ಆಯ್ಕೆಗಳ ಮೂಲಕ ಗುರುತಿಸಿಕೊಳ್ಳುತ್ತಿರುವ ತಪಸ್ವಿನಿ

ತಪಸ್ವಿನಿ ಪೂಣಚ್ಚ ಅವರು ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ಬಳಿಕ ತಮ್ಮ ಸಿನಿಪಯಣವನ್ನು ಮುಂದುವರಿಸುತ್ತಿದ್ದಾರೆ. ‘ಹರಿಕಥೆ ಅಲ್ಲ ಗಿರಿಕಥೆ’ ಚಿತ್ರದ ಮೂಲಕ ಆರಂಭವಾದ ಅವರ ಪಯಣಕ್ಕೆ ‘ಪ್ರೇಮದ ಊರಲಿ’ ಮತ್ತೊಂದು ಗುರುತಾಗಿದೆ. ಚಿತ್ರರಂಗದಲ್ಲಿ ಹೆಸರು ಮಾಡಬೇಕೆಂಬ ಆಸೆಯ ಜೊತೆಗೆ, ತಮ್ಮ ಪ್ರತಿಭೆಗೆ ತಕ್ಕ ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುವುದು ಕೂಡ ಕಲಾವಿದರ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ತಪಸ್ವಿನಿ ಅವರ ಸಿನಿಪಯಣವೂ ಈ ಕಾರಣದಿಂದ ಸಿನಿಪ್ರಿಯರ ಗಮನ ಸೆಳೆಯುತ್ತಿದೆ.

'ಪ್ರೇಮದ ಊರಲಿ' ಮೂಲಕ ಪ್ರೇಕ್ಷಕರ ಪ್ರೀತಿ

ತಪಸ್ವಿನಿ ಪೂಣಚ್ಚ ಅವರ ಸಿನಿಪಯಣದಲ್ಲಿ 'ಪ್ರೇಮದ ಊರಲಿ' ಚಿತ್ರವೂ ಗಮನ ಸೆಳೆಯುವ ಹೆಸರಾಗಿದೆ. ಈ ಚಿತ್ರದ ಮೂಲಕ ಅವರು ಪ್ರೇಕ್ಷಕರ ಪ್ರೀತಿಗೆ ಪಾತ್ರರಾಗಿದ್ದಾರೆ. ತಮ್ಮ ಅಭಿನಯದ ಮೂಲಕ ಪ್ರೇಕ್ಷಕರನ್ನು ತಲುಪುತ್ತಿರುವ ನಟಿ, ಕನ್ನಡ ಚಿತ್ರರಂಗದಲ್ಲಿ ಇನ್ನಷ್ಟು ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವ ನಿರೀಕ್ಷೆ ಮೂಡಿಸಿದ್ದಾರೆ. ಚಿತ್ರರಂಗದಲ್ಲಿ ಹೊಸಬರಿಗೆ ತಮ್ಮ ಪ್ರತಿಭೆಯನ್ನು ಸಾಬೀತುಪಡಿಸುವುದು ಸುಲಭವಲ್ಲ. ಅಂತಹ ಸಂದರ್ಭದಲ್ಲಿ ಪ್ರೇಕ್ಷಕರ ಗಮನ ಸೆಳೆಯುವ ಪಾತ್ರಗಳು ನಟ-ನಟಿಯರ ಮುಂದಿನ ಪಯಣಕ್ಕೆ ಹೊಸ ಅವಕಾಶಗಳನ್ನು ತೆರೆದಿಡಬಹುದು.

Ramayana: ಬಾಕ್ಸ್ ಆಫೀಸ್ ಧೂಳೀಪಟ ಮಾಡಿದ 'ರಾಮಾಯಣ'; ರಿಲೀಸ್ ಮುನ್ನವೇ ಕಲೆಕ್ಷನ್‌ನಲ್ಲಿ ಇತಿಹಾಸ ಸೃಷ್ಟಿಸಿದ ಸಿನೆಮಾ!

Bhimasi M Koleppanavar — Wed, 21 Oct 2026 12:52:50 +0530

ಖ್ಯಾತ ನಿರ್ದೇಶಕ ನಿತೇಶ್ ತಿವಾರಿ ಹಾಗೂ ನಿರ್ಮಾಪಕ ನಮಿತ್ ಮಲ್ಹೋತ್ರಾ ಅವರ ಕನಸಿನ ಸಂಯೋಜನೆಯಲ್ಲಿ ಮೂಡಿಬರುತ್ತಿರುವ ಬಹುನಿರೀಕ್ಷಿತ 'ರಾಮಾಯಣ' ಚಿತ್ರವು ಕಳೆದ ಹಲವು ದಿನಗಳಿಂದ ಭಾರತೀಯ ಚಿತ್ರರಂಗದಲ್ಲಿ ಭಾರಿ ಸುದ್ದಿಯಲ್ಲಿದೆ. ಅತ್ಯಂತ ಬೃಹತ್ ಪ್ರಮಾಣದ ಅಂದರೆ ₹4,000 ಕೋಟಿ ವೆಚ್ಚದ ಬಜೆಟ್‌ನಲ್ಲಿ ನಿರ್ಮಾಣವಾಗುತ್ತಿರುವ ಈ ಮಹಾಕಾವ್ಯ ಆಧಾರಿತ ಚಲನಚಿತ್ರವು ಒಟ್ಟು ಎರಡು ಭಾಗಗಳಲ್ಲಿ ಬಿಡುಗಡೆಯಾಗಲಿದೆ. ಚಿತ್ರದ ಮೊದಲ ಭಾಗವು ಈ ಬಾರಿಯ ದೀಪಾವಳಿ ಹಬ್ಬಕ್ಕೆ ಅಂದರೆ ನವೆಂಬರ್ 5 ರಂದು ಜಾಗತಿಕವಾಗಿ ಪ್ರೇಕ್ಷಕರ ಮುಂದೆ ಬರಲಿದ್ದು, ಎರಡನೇ ಭಾಗವು ಮುಂದಿನ ವರ್ಷದ ದೀಪಾವಳಿ ಹಬ್ಬಕ್ಕೆ ತೆರೆಕಾಣಲಿದೆ. ಆದರೆ, ಸಿನಿಮಾ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವುದಕ್ಕೂ ಮುಂಚೆಯೇ ಅಡ್ವಾನ್ಸ್ ಬುಕಿಂಗ್‌ನಲ್ಲಿ ದಾಖಲೆ ಮಟ್ಟದ ಗಳಿಕೆ ಮಾಡುವ ಮೂಲಕ ಭಾರಿ ಇತಿಹಾಸ ಸೃಷ್ಟಿಸಿದೆ.

ವಿದೇಶಿ ಬಾಕ್ಸ್ ಆಫೀಸ್‌ನಲ್ಲಿ ಅಡ್ವಾನ್ಸ್ ಬುಕಿಂಗ್ ಹವಾ!

ದಸರಾ ಹಬ್ಬದ ಶುಭ ಸಂದರ್ಭದಲ್ಲಿ ಭಾರತಕ್ಕಿಂತ ಮೊದಲೇ ಜಾಗತಿಕ ಮಟ್ಟದಲ್ಲಿ 'ರಾಮಾಯಣ' ಚಿತ್ರದ ಮುಂಗಡ ಬುಕಿಂಗ್ ಪ್ರಕ್ರಿಯೆ ಭರದಿಂದ ಆರಂಭವಾಗಿತ್ತು. ಟಿಕೆಟ್ ಬುಕಿಂಗ್ ಶುರುವಾದ ತಕ್ಷಣವೇ ವಿದೇಶಗಳಲ್ಲಿ ಸಿನಿಪ್ರಿಯರಿಂದ ಅಪಾರ ಉತ್ಸಾಹ ಹಾಗೂ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕೆನಡಾ, ಅಮೆರಿಕ, ಯುಕೆ ಮತ್ತು ಆಸ್ಟ್ರೇಲಿಯಾಗಳಂತಹ ಪ್ರಮುಖ ದೇಶಗಳಲ್ಲಿ ಮುಂಗಡ ಬುಕಿಂಗ್‌ಗೆ ಅಭೂತಪೂರ್ವ ಚಾಲನೆ ಸಿಕ್ಕಿದೆ. ಫಿಲ್ಮ್ಸ್ ಡಿಸ್ಕೋರ್ಸ್‌ನ ಅಂಕಿ-ಅಂಶಗಳನ್ನು ಉಲ್ಲೇಖಿಸಿದ್ದು, ಸಿನಿಮಾ ಬಿಡುಗಡೆಗೆ ಇನ್ನು 15 ದಿನಗಳು ಬಾಕಿ ಇರುವಂತೆಯೇ ಅಮೆರಿಕ, ಯುಕೆ, ಕೆನಡಾ ಮತ್ತು ಆಸ್ಟ್ರೇಲಿಯಾ ಸೇರಿದಂತೆ ಈ ನಾಲ್ಕು ದೇಶಗಳ ಸಂಯೋಜಿತ ಗಳಿಕೆಯಲ್ಲಿ 1.12 ಮಿಲಿಯನ್ ಯುಎಸ್ ಡಾಲರ್ ಸಂಗ್ರಹವಾಗಿದೆ. ಇದು ಚಿತ್ರದ ಲಭ್ಯವಿರುವ ಪ್ರತಿಯೊಂದು ಪ್ರದರ್ಶನದಿಂದ ಬಂದ ಒಟ್ಟು ಗಳಿಕೆಯಾಗಿದೆ.

ಭಾರತದಲ್ಲಿ ಮೊದಲ ದಿನದ ಮುಂಗಡ ಬುಕಿಂಗ್ ಕಲೆಕ್ಷನ್!

ಇನ್ನೊಂದೆಡೆ, ದಸರಾ ಹಬ್ಬದ ಸಂದರ್ಭದಲ್ಲಿ ಭಾರತದಲ್ಲೂ 'ರಾಮಾಯಣ' ಸಿನಿಮಾದ ಅಡ್ವಾನ್ಸ್ ಬುಕಿಂಗ್ ಆರಂಭವಾಗಿದೆ. ಆದರೆ ಪ್ರಸ್ತುತ ದೇಶದಲ್ಲಿ ಕೆಲವೇ ಕೆಲವು ಪ್ರದರ್ಶನಗಳಿಗೆ ಮಾತ್ರ ಮುಂಗಡ ಬುಕಿಂಗ್‌ಗೆ ಅವಕಾಶ ನೀಡಲಾಗಿದೆ. ಭಾರತದ ಚಿತ್ರಮಂದಿರಗಳಲ್ಲಿ ಸಿನಿಮಾ ಟಿಕೆಟ್ ಬೆಲೆಯು ₹400 ರಿಂದ ₹500 ಗಳ ನಡುವೆ ನಿಗದಿಯಾಗಿದೆ. ಸಾಕ್ನಿಲ್ಕ್ವ ರದಿಯ ಪ್ರಕಾರ, ಚಿತ್ರವು ಪ್ರಸ್ತುತ ಒಂದು ಪ್ರದರ್ಶನದ ದಿನಾಂಕದ ಮುಂಗಡ ಟಿಕೆಟ್‌ಗಳ ಮಾರಾಟದಿಂದಲೇ ಒಟ್ಟು ₹4.78 ಕೋಟಿ ಗ್ರೋಸ್ ಕಲೆಕ್ಷನ್ ಮಾಡಿದೆ. ಬ್ಲಾಕ್ ಮಾಡಿದ ಸೀಟುಗಳನ್ನು ಹೊರತುಪಡಿಸಿ, ಕೇವಲ ಮುಂಗಡ ಬುಕಿಂಗ್‌ನಿಂದ ಚಿತ್ರದ ನಿವ್ವಳ ಗಳಿಕೆ ₹2.96 ಕೋಟಿ ತಲುಪಿದೆ. ಪ್ರಮುಖ ನಗರಗಳ ಪೈಕಿ ರಾಷ್ಟ್ರೀಯ ರಾಜಧಾನಿ ಪ್ರದೇಶ ಮುಂಚೂಣಿಯಲ್ಲಿದ್ದು, ಇಲ್ಲಿಯವರೆಗೆ ಅಡ್ವಾನ್ಸ್ ಬುಕಿಂಗ್ ಒಂದರಲ್ಲೇ ₹1.39 ಕೋಟಿ ಗಳಿಸಿದೆ.

ದಿಗ್ಗಜ ತಾರಾಗಣ ಹಾಗೂ ದೃಶ್ಯ ವೈಭವ!

ನಿತೇಶ್ ತಿವಾರಿ ನಿರ್ದೇಶನದ ಈ ಬಿಗ್ ಬಜೆಟ್ ಸಿನಿಮಾದಲ್ಲಿ ಬಾಲಿವುಡ್ ಹಾಗೂ ದಕ್ಷಿಣ ಭಾರತದ ಪ್ರಮುಖ ಅನುಭವಿ ಕಲಾವಿದರು ಸಾಥ್ ನೀಡಿದ್ದಾರೆ. ಚಿತ್ರದಲ್ಲಿ ರಣಬೀರ್ ಕಪೂರ್, ಸಾಯಿ ಪಲ್ಲವಿ, ರಾಕಿಂಗ್ ಸ್ಟಾರ್ ಯಶ್, ರವಿ ದುಬೆ, ರಾಕುಲ್ ಪ್ರೀತ್ ಸಿಂಗ್, ಲಾರಾ ದತ್ತ ಹಾಗೂ ಅರುಣ್ ಗೋವಿಲ್ ಅವರಂತಹ ಶ್ರೇಷ್ಠ ನಟರು ಬಣ್ಣ ಹಚ್ಚಿದ್ದಾರೆ. ಅಲ್ಲದೆ, ಚಿತ್ರದಲ್ಲಿ ವಿಶೇಷ ಆಕರ್ಷಣೆಯಾಗಿ 'ಜಟಾಯು' ಪಾತ್ರಕ್ಕೆ ಹಿರಿಯ ನಟ ಅನುಪಮ್ ಖೇರ್ ಧ್ವನಿ ನೀಡಿದ್ದಾರೆ.

YASH: ರಾಮಾಯಣದಲ್ಲಿ ಯಶ್ 'ರಾವಣ'ನ ತಾಂಡವ ನೃತ್ಯ; ಮೈ ಜುಂ ಎನ್ನಿಸುವ ವಿಡಿಯೋ ವೈರಲ್!

Shriram Bhat — Wed, 21 Oct 2026 12:45:14 +0530

ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್ ಯಶ್ ರಾವಣನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಈ ಚಿತ್ರದ ರಾವಣನ ತಾಂಡವ ನೃತ್ಯದ ವಿಡಿಯೋ ಬಿಡುಗಡೆಯಾಗಿದ್ದು, ಅಭಿಮಾನಿಗಳು ಏನಂತಿದಾರೆ?

Ramayana Movie: ರಾವಣನ ತಾಂಡವಕ್ಕೆ ರಾಕಿಂಗ್ ಸ್ಟಾರ್ ಯಶ್ ಅಬ್ಬರ, ಮೈ ಜುಮ್ಮೆನಿಸುವ ವಿಡಿಯೋ ವೈರಲ್!

ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್ ಯಶ್ ರಾವಣನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಈ ಚಿತ್ರದ ರಾವಣನ ತಾಂಡವ ನೃತ್ಯದ ವಿಡಿಯೋ ಬಿಡುಗಡೆಯಾಗಿದ್ದು, ಅಭಿಮಾನಿಗಳಲ್ಲಿ ಭಾರೀ ಕುತೂಹಲ ಮೂಡಿಸಿದೆ. ಶಿವನ ಪರಮಭಕ್ತ ರಾವಣನ ಪಾತ್ರದಲ್ಲಿ ಯಶ್ ಅವರ ಆವೇಶಭರಿತ ನೃತ್ಯ ಗಮನ ಸೆಳೆಯುತ್ತಿದ್ದು, ಅವರ ಹೊಸ ಲುಕ್ ಮತ್ತು ಶಕ್ತಿಯುತ ಅಭಿನಯದ ಬಗ್ಗೆ ಚರ್ಚೆಗಳು ಶುರುವಾಗಿವೆ.

ರಾವಣನಾಗಿ ಯಶ್ ಪರಕಾಯ ಪ್ರವೇಶ!

ಮಹಾದೇವನ ಆರಾಧಕನಾದ ರಾವಣನ ತಾಂಡವ ನೃತ್ಯಕ್ಕೆ ವಿಶೇಷ ಮಹತ್ವವಿದೆ. ‘ರಾಮಾಯಣ’ ಚಿತ್ರದಲ್ಲಿ ಯಶ್ ಇದೇ ದೃಶ್ಯಕ್ಕೆ ಜೀವ ತುಂಬಿದ್ದಾರೆ. ಜಟಾಧಾರಿ ರಾವಣನ ರೂಪದಲ್ಲಿ ಶಿವನ ಮುಂದೆ ಅವರು ಪ್ರದರ್ಶಿಸಿರುವ ತಾಂಡವ ನೃತ್ಯದಲ್ಲಿ ಆಕ್ರೋಶ, ಭಕ್ತಿ, ಆವೇಶ ಮತ್ತು ಅಪಾರ ಶಕ್ತಿ ಎದ್ದು ಕಾಣುತ್ತವೆ. ಪ್ರತಿ ಚಲನೆಯಲ್ಲೂ ಶಕ್ತಿಯನ್ನು ಪ್ರದರ್ಶಿಸಿರುವ ಯಶ್, ಪಾತ್ರಕ್ಕೆ ಸಂಪೂರ್ಣವಾಗಿ ಹೊಂದಿಕೊಂಡಂತೆ ಕಾಣಿಸುತ್ತಿದ್ದಾರೆ.

ಈಗ ಬಿಡುಗಡೆಯಾಗಿರುವ ವಿಡಿಯೋ ಚಿಕ್ಕದಾಗಿದ್ದರೂ, ಅದರಲ್ಲಿರುವ ಅದ್ಧೂರಿ ದೃಶ್ಯಗಳು ಮತ್ತು ಯಶ್ ಅವರ ನೃತ್ಯದ ಶೈಲಿ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ. ರಾವಣನ ಪಾತ್ರದಲ್ಲಿ ಯಶ್ ಹೇಗೆ ಕಾಣಿಸಿಕೊಳ್ಳಬಹುದು ಎಂಬ ಅಭಿಮಾನಿಗಳ ಕುತೂಹಲಕ್ಕೆ ಈ ವಿಡಿಯೋ ಮತ್ತಷ್ಟು ಇಂಬು ನೀಡಿದೆ.

ರಾಕಿ ಭಾಯ್‌ನ ಡ್ಯಾನ್ಸ್‌ಗೆ ಹೊಸ ವೇದಿಕೆ!

ಯಶ್ ಉತ್ತಮ ನೃತ್ಯಪಟು ಎಂಬುದು ಅಭಿಮಾನಿಗಳಿಗೆ ಗೊತ್ತಿರುವ ವಿಚಾರ. ಆದರೆ ‘ಕೆಜಿಎಫ್’ ಸರಣಿಯಲ್ಲಿ ಅವರ ನೃತ್ಯಪ್ರತಿಭೆಯನ್ನು ಪ್ರದರ್ಶಿಸಲು ಹೆಚ್ಚು ಅವಕಾಶ ಇರಲಿಲ್ಲ. ‘ಟಾಕ್ಸಿಕ್’ ಚಿತ್ರದಲ್ಲೂ ಇದೇ ರೀತಿಯ ನೃತ್ಯಕ್ಕೆ ಎಷ್ಟು ಅವಕಾಶ ಸಿಗಲಿದೆ ಎಂಬುದು ಕುತೂಹಲದ ಸಂಗತಿ. ಆದರೆ ‘ರಾಮಾಯಣ’ದಲ್ಲಿ ರಾವಣನ ತಾಂಡವದ ಮೂಲಕ ಯಶ್ ತಮ್ಮ ವಿಭಿನ್ನ ಪ್ರತಿಭೆಯನ್ನು ಅನಾವರಣಗೊಳಿಸಿದ್ದಾರೆ.

ಜಟಾಧಾರಿ ರಾವಣನ ಹೊಸ ರೂಪವೂ ವಿಶೇಷ ಗಮನ ಸೆಳೆಯುತ್ತಿದೆ. ಆಕ್ಷನ್ ಹೀರೋನಂತೆ ಕಾಣಿಸುವ ಈ ಲುಕ್‌ನಲ್ಲಿ ಯಶ್ ಅವರನ್ನು ನೋಡಲು ಅಭಿಮಾನಿಗಳು ಉತ್ಸುಕರಾಗಿದ್ದಾರೆ.

ನವೆಂಬರ್ 5ರಂದು ‘ರಾಮಾಯಣ’ ಬಿಡುಗಡೆ

ನಿತೇಶ್ ತಿವಾರಿ ನಿರ್ದೇಶನದ ‘ರಾಮಾಯಣ’ ಸಿನಿಮಾ ನವೆಂಬರ್ 5ರಂದು ತೆರೆಗೆ ಬರಲು ಸಿದ್ಧವಾಗಿದೆ. ನಮಿತ್ ಮಲ್ಹೋತ್ರಾ ಮತ್ತು ಯಶ್ ಈ ಮಹತ್ವಾಕಾಂಕ್ಷಿ ಯೋಜನೆಯಲ್ಲಿ ಹೂಡಿಕೆ ಮಾಡಿದ್ದಾರೆ. ಭಾರತೀಯ ಮಹಾಕಾವ್ಯವನ್ನು ಹೊಸ ದೃಷ್ಟಿಕೋನದಲ್ಲಿ ಪ್ರೇಕ್ಷಕರಿಗೆ ಪರಿಚಯಿಸುವುದು ಚಿತ್ರತಂಡದ ಉದ್ದೇಶವಾಗಿದೆ.

ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ಚಿತ್ರದ ಪ್ರೀ-ರಿಲೀಸ್ ಕಾರ್ಯಕ್ರಮದಲ್ಲಿ ಯಶ್, ಇಡೀ ಕುಟುಂಬ ಒಟ್ಟಿಗೆ ಕುಳಿತು ವೀಕ್ಷಿಸಬಹುದಾದ ಸಿನಿಮಾವನ್ನು ರೂಪಿಸಿರುವುದಾಗಿ ಹೇಳಿಕೊಂಡಿದ್ದರು. ಎರಡು ಭಾಗಗಳಲ್ಲಿ ಮೂಡಿಬರುತ್ತಿರುವ ಈ ಚಿತ್ರದ ಮೊದಲ ಭಾಗ ನವೆಂಬರ್ 5ರಂದು ಬಿಡುಗಡೆಯಾಗಲಿದ್ದು, ಎರಡನೇ ಭಾಗ 2027ರ ದೀಪಾವಳಿ ಸಂದರ್ಭದಲ್ಲಿ ತೆರೆಗೆ ಬರಲಿದೆ ಎಂದು ಚಿತ್ರತಂಡ ತಿಳಿಸಿದೆ.

ರಾವಣನ ತಾಂಡವದ ಈ ಕಿರು ವಿಡಿಯೋ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದ್ದು, ಯಶ್ ಅವರ ವಿಭಿನ್ನ ಅವತಾರವನ್ನು ದೊಡ್ಡ ಪರದೆಯಲ್ಲಿ ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ಇಮ್ರಾನ್ ಹಶ್ಮಿಗಿಂತ ಆ ಹಾವು ಚೆನ್ನಾಗಿತ್ತು: ಸಂಚಲನ ಸೃಷ್ಟಿಸಿದ ಮಲ್ಲಿಕಾ ಶೆರಾವತ್

Mahmad Rafik — Wed, 21 Oct 2026 10:58:58 +0530

ಕಾಫಿ ವಿಥ್ ಕರಣ್ ಶೋನಲ್ಲಿ ಇಮ್ರಾನ್ ಹಶ್ಮಿ ಅವರು ಮಲ್ಲಿಕಾ ಶೆರಾವತ್ ಅವರನ್ನು ಬ್ಯಾಡ್ ಕಿಸ್ಸರ್ ಎಂದು ಜರಿದಿದ್ದರು. ಇದಕ್ಕೆ ತಿರುಗೇಟು ನೀಡಿದ ಮಲ್ಲಿಕಾ, ಇಮ್ರಾನ್‌ಗಿಂತ ಹಾವು ಉತ್ತಮ ಕಿಸ್ಸರ್ ಎಂದು ವ್ಯಂಗ್ಯವಾಡಿದ್ದಾರೆ.

ಬಾಲಿವುಡ್ ನಟಿ ಮಲ್ಲಿಕಾ ಶೆರಾವತ್ ಹೇಳಿಕೆಯೊಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಬಾಲಿವುಡ್ ನಟ ಇಮ್ರಾನ್ ಹಶ್ಮಿ ಹೇಳಿಕೆಗೆ ಮಲ್ಲಿಕಾ ಶೆರಾವತ್ ತಿರುಗೇಟು ನೀಡಿದ್ದರು. ಕಾಫಿ ವಿಥ್ ಕರಣ್ ಜೋಹರ್ ಶೋನಲ್ಲಿ ಇಮ್ರಾನ್ ಹಶ್ಮಿ ಮತ್ತು ಮಹೇಶ್ ಭಟ್ ಜೊತೆಯಾಗಿ ಭಾಗಿಯಾಗಿದ್ದರು. ಈ ವೇಳೆ ಮಲ್ಲಿಕಾ ಶೆರಾವತ್ ಬಗ್ಗೆ ಇಮ್ರಾನ್ ಹಶ್ಮಿ ಮಾತನಾಡಿದ್ದರು.

ಈ ಶೋನಲ್ಲಿ ಇಮ್ರಾನ್ ಹಶ್ಮಿ ಅವರಿಗೆ ಆನ್‌ಸ್ಕ್ರೀನ್ ಕಿಸ್ ಬಗ್ಗೆ ಪ್ರಶ್ನೆ ಕೇಳಲಾಗಿತ್ತು. ಈ ಪ್ರಶ್ನೆಗೆ ಉತ್ತರಿಸಿದ ಇಮ್ರಾನ್, ಮರ್ಡರ್ ಸಿನಿಮಾದಲ್ಲಿ ಮಲ್ಲಿಕಾ ಶೆರಾವತ್ ಜೊತೆಗಿನ ದೃಶ್ಯಗಳು ಕೆಟ್ಟ ಅನುಭವವನ್ನು ನೀಡಿದೆ. ನನ್ನ ಪ್ರಕಾರ, ಮಲ್ಲಿಕಾ ಬ್ಯಾಡ್ ಕ್ಯಾನ್ಸರ್ ಎಂದು ಹೇಳಿದ್ದ

ಮುಂದುವರಿದು ಮಾತನಾಡಿದ ಇಮ್ರಾನ್, ಮರ್ಡರ್-2 ಸಿನಿಮಾದಲ್ಲಿ ನಟಿ ಜಾಕ್ವೆಲಿನ್ ಫರ್ನಾಂಡಿಸ್ ಜೊತೆಗೆ ಒಳ್ಳೆಯ ಚುಂಬನಗಳು ಸಿಕ್ಕಿವೆ ಎಂದರು. ಇದೇ ವೇಳೆ ಮಲ್ಲಿಕಾ ಶೆರಾವತ್ ಬೆಡ್‌ರೂಮ್‌ನಲ್ಲಿ ಏನು ಸಿಗಬಹುದು ಎಂದು ಕೇಳಿದರು. ಇದಕ್ಕೆ " An Idiots Guide To succeed In Hollywood" ಎಂಬ ಪುಸ್ತಕ ಸಿಗಬಹುದು ಎಂದು ವ್ಯಂಗ್ಯ ಮಾಡಿದ್ದರು. ಈ ಸಮಯದಲ್ಲಿ ಮಲ್ಲಿಕಾ ಶೆರಾವತ್, ಹಾಲಿವುಡ್‌ನಲ್ಲಿ ಅವಕಾಶಗಳಿಗಾಗಿ ಪ್ರಯತ್ನಿಸುತ್ತಿದ್ದರು.

ಇಮ್ರಾನ್ ಹಶ್ಮಿ ಅವರ ಹೇಳಿಕೆಗಳಿಗೆ ಮಲ್ಲಿಕಾ ಶೆರಾವತ್ ಖಾರವಾಗಿ ಪ್ರತಿಕ್ರಿಯಿಸಿದ್ದರು. ಕಿಸ್ ಕೊಡೋದರಲ್ಲಿ ಇಮ್ರಾನ್‌ ಹಶ್ಮಿಗಿಂತ ಹಾವು ಚೆನ್ನಾಗಿತ್ತು ಎಂದಿದ್ದರು. ಮಲ್ಲಿಕಾ ಶೆರಾವತ್, ಹಿಸ್ ಸಿನಿಮಾದಲ್ಲಿ ಹಾವಿನೊಂದಿಗೆ ರೊಮ್ಯಾನ್ಸ್ ಮಾಡುತ್ತಾರೆ. ಹಾವು ಒಳ್ಳೆಯ ಕಿಸ್ಸರ್ ಎಂದು ಇಮ್ರಾನ್‌ಗೆ ಟಾಂಗ್ ನೀಡಿದ್ದರು.

2004ರಲ್ಲಿ ಬಿಡುಗಡೆಗೊಂಡ ಮರ್ಡರ್ ಸಿನಿಮಾ ಭಾರತೀಯ ಸಿನಿ ಅಂಗಳದಲ್ಲಿ ಸಂಚಲನವನ್ನೇ ಸೃಷ್ಟಿಸಿತ್ತು. ಚಿತ್ರದಲ್ಲಿನ ಇಮ್ರಾನ್ ಮತ್ತು ಮಲ್ಲಿಕಾ ಶೆರಾವತ್ ಕೆಮಿಸ್ಟ್ರಿ ನಿರ್ಮಾಪಕರ ಜೇಬು ತುಂಬಿಸಿತ್ತು. ಕೇವಲ 5 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣವಾಗಿದ್ದ ಈ ಸಿನಿಮಾ 25 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿತ್ತು.

TIGER: ಒಂದು ವಾರದ ಮೊದಲೇ ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿಗೆ ಪ್ಲಾನ್ ಆಗಿತ್ತಾ? ಆದ್ರೆ ಆ ಮುಹೂರ್ತ ತಪ್ಪಿದ್ದು ಹೇಗೆ?

Shriram Bhat — Wed, 21 Oct 2026 10:56:54 +0530

ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿ: ಅಂದು ಫುಟ್‌ಬಾಲ್ ಆಡಲು ಬಂದಿರಲಿಲ್ಲ ನಟ; ಒಂದು ವಾರದ ಬಳಿಕ ಮತ್ತೆ ಬಂದ ಶೂಟರ್‌ಗಳು!

ಬಾಲಿವುಡ್ ನಟ ಟೈಗರ್ ಶ್ರಾಫ್ ಅವರ ಮೇಲೆ ಗುಂಡಿನ ದಾಳಿ (Tiger Shroff shooting attack) ನಡೆಸಲು ಆರೋಪಿಗಳು ಮೊದಲೇ ಸಂಚು ರೂಪಿಸಿದ್ದರೇ ಎಂಬ ಅನುಮಾನ ಇದೀಗ ಬಲವಾಗಿದೆ. ಅಕ್ಟೋಬರ್ 11ರಂದು ನಟ ತಮ್ಮ ಎಂದಿನ ಭಾನುವಾರದ ಫುಟ್‌ಬಾಲ್ ಆಟಕ್ಕೆ ಹಾಜರಾಗದ ಕಾರಣ, ಅವರಿಗಾಗಿ ಕಾಯುತ್ತಿದ್ದ ಮೂವರು ಆರೋಪಿಗಳು ದಾಳಿಯ ಪ್ರಯತ್ನವನ್ನು ಕೈಬಿಟ್ಟಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ. ಒಂದು ವಾರದ ಬಳಿಕ, ಅಕ್ಟೋಬರ್ 18ರಂದು ಅದೇ ಸ್ಥಳಕ್ಕೆ ಮರಳಿದ ಆರೋಪಿಗಳು, ಟೈಗರ್ ತಮ್ಮ ಬಿಎಂಡಬ್ಲ್ಯು ಕಾರಿನಲ್ಲಿ ಹೊರಡುತ್ತಿದ್ದಾಗ ಗುಂಡಿನ ದಾಳಿ ನಡೆಸಿದ್ದಾರೆ ಎನ್ನಲಾಗಿದೆ.

ಮುಂಬೈನ ಜುಹು ಪ್ರದೇಶದಲ್ಲಿರುವ ಪುಷ್ಪ ನರ್ಸೀ ಪಾರ್ಕ್‌

ಪೊಲೀಸರ ತನಿಖೆಯ ಪ್ರಕಾರ, ರೆಹಾನ್, ಫೂಲ್ ಸಿಂಗ್ ಮತ್ತು ಹೃತಿಕ್ ಕುಮಾರ್ ಎಂಬ ಮೂವರು ಆರೋಪಿಗಳು ಅಕ್ಟೋಬರ್ 11ರಂದು ಮುಂಬೈನ ಜುಹು ಪ್ರದೇಶದಲ್ಲಿರುವ ಪುಷ್ಪ ನರ್ಸೀ ಪಾರ್ಕ್‌ಗೆ ಭೇಟಿ ನೀಡಿದ್ದರು. ಅಂದು ಟೈಗರ್ ಶ್ರಾಫ್ ಎಂದಿನಂತೆ ಫುಟ್‌ಬಾಲ್ ಆಡಲು ಬರದ ಕಾರಣ, ಅವರ ಯೋಜನೆ ವಿಫಲವಾಗಿರಬಹುದು ಎಂದು ಪೊಲೀಸರು ಅಂದಾಜಿಸಿದ್ದಾರೆ.

ಅಕ್ಟೋಬರ್ 18ರಂದು ಸಂಜೆ ಸುಮಾರು 4.30ರಿಂದ ಆರೋಪಿಗಳು ಫುಟ್‌ಬಾಲ್ ಮೈದಾನದ ಪ್ರವೇಶದ್ವಾರದ ಸುತ್ತ ಪದೇಪದೇ ಸುತ್ತಾಡುತ್ತಿರುವುದು ಹಾಗೂ ಒಳಗೆ ಇಣುಕಿ ನೋಡುತ್ತಿರುವುದು ಸಿಸಿಟಿವಿ ದೃಶ್ಯಗಳಲ್ಲಿ ದಾಖಲಾಗಿದೆ ಎನ್ನಲಾಗಿದೆ. ಟೈಗರ್ ಸಾಮಾನ್ಯವಾಗಿ ಭಾನುವಾರ ಸಂಜೆ 5ರಿಂದ 7 ಗಂಟೆಯವರೆಗೆ ಅಲ್ಲಿ ಫುಟ್‌ಬಾಲ್ ಆಡುತ್ತಾರೆ. ರಾತ್ರಿ ಸುಮಾರು 7 ಗಂಟೆಗೆ ಅವರು ಬಿಎಂಡಬ್ಲ್ಯು ಕಾರಿನಲ್ಲಿ ಹೊರಡುತ್ತಿದ್ದಾಗ, ಇಬ್ಬರು ಆರೋಪಿಗಳು ಕಾರಿನ ಮುಂಭಾಗ ಮತ್ತು ಎಡಭಾಗದಿಂದ ಗುಂಡು ಹಾರಿಸಿದ್ದಾರೆ ಎಂದು ತನಿಖೆಯಲ್ಲಿ ತಿಳಿದುಬಂದಿದೆ. ಮೂರನೇ ಆರೋಪಿ ಮೋಟಾರ್‌ಸೈಕಲ್‌ನಲ್ಲಿ ಕಾಯುತ್ತಿದ್ದು, ದಾಳಿಯ ಬಳಿಕ ಉಳಿದಿಬ್ಬರು ಪರಾರಿಯಾಗಲು ನೆರವಾಗಿದ್ದಾನೆ ಎನ್ನಲಾಗಿದೆ.

ಎಫ್‌ಐಆರ್ ಪ್ರಕಾರ, ನಟನ ಕುಟುಂಬದೊಂದಿಗೆ ಕಳೆದ 28 ವರ್ಷಗಳಿಂದ ಕೆಲಸ ಮಾಡುತ್ತಿರುವ 48 ವರ್ಷದ ಚಾಲಕ ಫಿರ್ದೌಸ್ ಇಬ್ರಾಹಿಂ ಬಲೋಚ್ ಕಾರು ಚಲಾಯಿಸುತ್ತಿದ್ದರು. ಗುಂಡು ತಗುಲಿ ಅವರ ಎಡಗೈ ಮಣಿಕಟ್ಟಿಗೆ ಗಾಯವಾಗಿದ್ದು, ಗುಂಡು ಮುಂದೋಳಿನಲ್ಲಿ ಸಿಲುಕಿಕೊಂಡಿತ್ತು. ಬಲಗೈ ಉಂಗುರದ ಬೆರಳಿಗೂ ಮುರಿತ ಉಂಟಾಗಿದೆ ಎಂದು ದೂರಿನಲ್ಲಿ ಉಲ್ಲೇಖಿಸಲಾಗಿದೆ. ಟೈಗರ್ ಅವರ ಎದೆ ಮತ್ತು ಬಲಗೈಗೆ ಗಾಯಗಳಾಗಿರುವ ಬಗ್ಗೆಯೂ ದೂರು ದಾಖಲಾಗಿದೆ.

ಗಾಯಗೊಂಡ ಚಾಲಕ ಕಾರಿನಿಂದ ಇಳಿದ ಬಳಿಕ ಟೈಗರ್ ಸ್ವತಃ ಸ್ಟೀರಿಂಗ್ ಹಿಡಿದು ಅದೇ ಕಾರಿನಲ್ಲಿ ಸಾಂತಾಕ್ರೂಜ್ ಪೊಲೀಸ್ ಠಾಣೆಗೆ ತೆರಳಿದ್ದಾರೆ. ಬಳಿಕ ಪೊಲೀಸರು ಇಬ್ಬರನ್ನೂ ಚಿಕಿತ್ಸೆಗಾಗಿ ಸಾಂತಾಕ್ರೂಜ್ ಪಶ್ಚಿಮದಲ್ಲಿರುವ ನಾನಾವತಿ ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ.

ಸಂಚಿನ ಹಿಂದೆ ಬೇರೆಯವರ ಕೈವಾಡವಿದೆಯೇ?

ಅಕ್ಟೋಬರ್ 11ರ ಭೇಟಿ ಕೂಡ ನಟನ ಮೇಲೆ ದಾಳಿ ನಡೆಸುವ ಹಿಂದಿನ ಪ್ರಯತ್ನದ ಭಾಗವಾಗಿತ್ತೇ ಎಂಬುದನ್ನು ಪೊಲೀಸರು ಪರಿಶೀಲಿಸುತ್ತಿದ್ದಾರೆ. ಟೈಗರ್ ಮೈದಾನಕ್ಕೆ ಬಂದಿರುವ ಮಾಹಿತಿಯನ್ನು ಬೇರೆ ಯಾರಾದರೂ ಆರೋಪಿಗಳಿಗೆ ನೀಡಿದ್ದಾರೆಯೇ ಎಂಬ ಅನುಮಾನವೂ ವ್ಯಕ್ತವಾಗಿದೆ. ಸಿಸಿಟಿವಿ ದೃಶ್ಯಗಳು ಮತ್ತು ಕರೆಗಳ ವಿವರಗಳನ್ನು ವಿಶ್ಲೇಷಿಸುತ್ತಿರುವ ಪೊಲೀಸರು, ಈ ಪ್ರಕರಣದಲ್ಲಿ ಇತರರ ಪಾತ್ರವಿದೆಯೇ ಎಂಬುದನ್ನು ಪತ್ತೆಹಚ್ಚಲು ಮುಂದಾಗಿದ್ದಾರೆ.

ಗುಂಡಿನ ಟಾರ್ಗೆಟ್ ಟೈಗರ್ ಶ್ರಾಫ್ ಆಗಿರಲಿಲ್ಲ; ಬಂಧಿತರಿಂದ ಸ್ಪೋಟಕ ಸತ್ಯ ಬಯಲು, ಬಿಗ್ ಟ್ವಿಸ್ಟ್

Mahmad Rafik — Wed, 21 Oct 2026 08:42:42 +0530

ಮುಂಬೈ: ಬಾಲಿವುಡ್ ನಟ ಟೈಗರ್ ಶ್ರಾಫ್ ಮೇಲಿನ ಫೈರಿಂಗ್ ಕೇಸ್‌ನಲ್ಲಿ ಹೊಸ ರಿಪೋರ್ಟ್ ಹೊರಬಿದ್ದಿದೆ. ಅಸಲಿಗೆ ಶೂಟರ್‌ಗಳು ಮುಂಬೈಗೆ ಬಂದಿದ್ದು ಟೈಗರ್ ಶ್ರಾಫ್‌ಗಾಗಿ ಅಲ್ಲವೇ ಅಲ್ಲ. ಪೊಲೀಸರ ವಿಚಾರಣೆ ವೇಳೆ ಈ ಅಚ್ಚರಿಯ ಸತ್ಯವನ್ನು ಆರೋಪಿಗಳು ಬಾಯ್ಬಿಟ್ಟಿದ್ದಾರೆ ಎಂದು ಎನ್‌ಡಿಟಿವಿ ವರದಿ ಮಾಡಿದೆ.

ಭಾನುವಾರ ಸಂಜೆ ಮುಂಬೈನ ಜುಹುವಿನಲ್ಲಿ ಫುಟ್ಬಾಲ್ ಆಡಿ ಕಾರಿನಲ್ಲಿ ಮನೆಗೆ ಮರಳುತ್ತಿದ್ದಾಗ ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿ ನಡೆದಿತ್ತು. ಇದೀಗ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಹರಿಯಾಣದ ಫೂಲ್ ಸಿಂಗ್ (18), ರಹಾನ್ (18) ಮತ್ತು ಬಿಹಾರದ ಹೃತಿಕ್ ಅಲಿಯಾಸ್ ರೋಷನ್ (22) ಎಂಬ ಮೂವರನ್ನು ರಾಜಸ್ಥಾನದಲ್ಲಿ ಬಂಧಿಸಲಾಗಿದೆ.

ಬಂಧಿತರು ಬಿಚ್ಚಿಟ್ಟ ಸ್ಪೋಟಕ ರಹಸ್ಯ

ಬಂಧಿತರನ್ನು ಪೊಲೀಸರು ತೀವ್ರ ವಿಚಾರಣೆಗೆ ಒಳಪಡಿಸಿದಾಗ ಅಸಲಿ ಕಥೆ ಹೊರಬಿದ್ದಿದೆ. ಮೂವರು ಆರೋಪಿಗಳು ಮುಂಬೈಗೆ ಬಂದಿದ್ದು ಬೇರೊಬ್ಬ ವಿಐಪಿಯನ್ನು ಮುಗಿಸಲು. ಆ ವಿಐಪಿ ಓಡಾಡುವ ಜಾಗಗಳಲ್ಲೆಲ್ಲಾ ಆರೋಪಿಗಳು ಹೊಂಚು ಹಾಕಿ ಕುಳಿತಿದ್ದರು. ಆದರೆ, ಆತನ ಮೇಲೆ ಅಟ್ಯಾಕ್ ಮಾಡುವುದು ಅಷ್ಟು ಸುಲಭವಲ್ಲ ಎಂಬುದು ಇವರಿಗೆ ಅರ್ಥವಾಗಿತ್ತು. ಇದೇ ಗ್ಯಾಪ್‌ನಲ್ಲಿ ಟೈಗರ್ ಶ್ರಾಫ್ ಫ್ಯಾನ್ಸ್ ಇನ್‌ಸ್ಟಾಗ್ರಾಮ್‌ನಲ್ಲಿ ಹಾಕಿದ್ದ ರೀಲ್ಸ್ ಇವರ ಕಣ್ಣಿಗೆ ಬಿದ್ದಿದೆ. ನಟನಿಗೆ ಯಾವುದೇ ಪೊಲೀಸ್ ಭದ್ರತೆ ಇಲ್ಲ ಎಂಬುದು ರೀಲ್ಸ್ ಮೂಲಕ ಗೊತ್ತಾದ ತಕ್ಷಣ, ತಮ್ಮ ಟಾರ್ಗೆಟ್ ಅನ್ನು ಟೈಗರ್ ಶ್ರಾಫ್ ಕಡೆಗೆ ಶಿಫ್ಟ್ ಮಾಡಿದ್ದಾರೆ ಎಂದು ಪೊಲೀಸ್ ಮೂಲಗಳನ್ನು ಉಲ್ಲೇಖಿಸಿ ಎನ್‌ಡಿಟಿವಿ ವರದಿ ಮಾಡಿದೆ.

ಬಾಲಿವುಡ್‌ನಲ್ಲಿ ಭಯ ಹುಟ್ಟಿಸುವ ಉದ್ದೇಶ

ಟೈಗರ್ ಶ್ರಾಫ್‌ನನ್ನು ಮುಗಿಸಿ ಇಡೀ ಬಾಲಿವುಡ್‌ನಲ್ಲಿ ನಡುಕ ಹುಟ್ಟಿಸುವುದು ಮೂವರ ಪ್ಲಾನ್ ಆಗಿತ್ತು. ನಟ ಕಾರಿನಲ್ಲಿ ಹೋಗುತ್ತಿದ್ದಾಗ ಬರೋಬ್ಬರಿ 7 ಬಾರಿ ಗುಂಡು ಹಾರಿಸಿದ್ದಾರೆ. ಇನ್ನೂ ಹೆಚ್ಚು ಫೈರಿಂಗ್ ಮಾಡಲು ಮುಂದಾಗಿದ್ದರಾದರೂ, ಬಂದೂಕು ಜಾಮ್ ಆಗಿದೆ. ಈ ದಾಳಿಯಲ್ಲಿ ನಟ ಹಾಗೂ ಡ್ರೈವರ್‌ಗೆ ಗಾಯಗಳಾಗಿವೆ. ಇಬ್ಬರೂ ಬಹಳ ಸಾಹಸಪಟ್ಟು ಶೂಟರ್‌ಗಳಿಂದ ತಪ್ಪಿಸಿಕೊಂಡು ಕಾರಿನಲ್ಲಿ ಎಸ್ಕೇಪ್ ಆಗಿದ್ದಾರೆ.

ಈ ಫೈರಿಂಗ್ ಕೇಸ್‌ಗೆ ಸಂಬಂಧಿಸಿದಂತೆ ಇಬ್ಬರು ಮಹಿಳೆಯರು ಸೇರಿ ಒಟ್ಟು ನಾಲ್ವರನ್ನು ಪೊಲೀಸರು ಹೊಸದಾಗಿ ಬಂಧಿಸಿದ್ದಾರೆ. ಕುನಾಲ್, ಸುಮತಿ, ರಾಧಾ ಮತ್ತು ಬಬಿತಾ ಎಂಬುವವರನ್ನು ದೆಹಲಿ ಪೊಲೀಸರ ಸ್ಪೆಷಲ್ ಸೆಲ್ ಮಂಗಳವಾರ ಅರೆಸ್ಟ್ ಮಾಡಿದೆ. ಬಳಿಕ ಇವರನ್ನು ಮುಂಬೈ ಪೊಲೀಸರಿಗೆ ಒಪ್ಪಿಸಲಾಗಿದೆ. ಶೂಟರ್‌ಗಳಿಗೆ ಕುನಾಲ್ ಮತ್ತು ಸುಮಿತ್ ಬಂದೂಕುಗಳನ್ನು ಅರೇಂಜ್ ಮಾಡಿಕೊಟ್ಟಿದ್ದರು. ಬಂಧಿತ ಮಹಿಳೆಯರು ಈ ಬಂದೂಕುಗಳನ್ನು ಮುಂಬೈನ ದಾದರ್‌ಗೆ ತಂದು ಶೂಟರ್‌ಗಳ ಕೈಗೆ ಕೊಟ್ಟಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್

ಟೈಗರ್ ಶ್ರಾಫ್ ಮೇಲಿನ ಈ ಅಟ್ಯಾಕ್ ಹೊಣೆಯನ್ನು ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್ ಹೊತ್ತುಕೊಂಡಿದೆ. ಅನಿಲ್ ಪಂಡಿತ್ ಎಂದು ಪರಿಚಯಿಸಿಕೊಂಡ ವ್ಯಕ್ತಿಯೊಬ್ಬ, ತಾನು ಬಿಷ್ಣೋಯ್ ಗ್ಯಾಂಗ್ ಸದಸ್ಯನಾಗಿದ್ದು, ನಾವೇ ಈ ಅಟ್ಯಾಕ್ ಮಾಡಿದ್ದು ಎಂದು ಹೇಳಿಕೊಂಡಿದ್ದಾನೆ. ನಟ ಸಲ್ಮಾನ್ ಖಾನ್ ಜೊತೆ ಕೆಲಸ ಮಾಡಿದ್ದಕ್ಕಾಗಿಯೇ ಟೈಗರ್ ಶ್ರಾಫ್ ಮೇಲೆ ದಾಳಿ ಮಾಡಿದ್ದೇವೆ. ಸಲ್ಮಾನ್ ಖಾನ್ ಜೊತೆ ಗುರುತಿಸಿಕೊಳ್ಳುವ ಚಿತ್ರರಂಗದ ಪ್ರತಿಯೊಬ್ಬರನ್ನೂ ಮುಗಿಸುತ್ತೇವೆ ಎಂದು ಆತ ಬೆದರಿಕೆ ಹಾಕಿದ್ದಾನೆ.

ಕೇವಲ 50,000 ರೂಪಾಯಿ ಹಾಗೂ ವಿದೇಶದಲ್ಲಿ ಕೆಲಸ ಕೊಡುವ ಆಫರ್ ನೀಡಿ ಬಿಷ್ಣೋಯ್ ಗ್ಯಾಂಗ್ ಈ ಮೂವರು ಯುವಕರನ್ನು ಕೃತ್ಯಕ್ಕೆ ಬಳಸಿಕೊಂಡಿದೆ ಎಂದು ವರದಿಗಳು ಹೇಳುತ್ತಿವೆ. ಬಿಷ್ಣೋಯ್ ಗ್ಯಾಂಗ್‌ನಿಂದ ಇವರಿಗೆ ಪಕ್ಕಾ ಪ್ಲಾನ್ ಸಿಕ್ಕಿತ್ತು. ಫೈರಿಂಗ್ ಮಾಡಿದ ತಕ್ಷಣ ಶೂಟರ್‌ಗಳು ಗ್ಯಾಂಗ್‌ಗೆ ಮಾಹಿತಿ ನೀಡಿದ್ದರು. ಆ ಬಳಿಕವೇ ಇವರು ಮುಂಬೈನಿಂದ ಎಸ್ಕೇಪ್ ಆಗಿದ್ದರು ಎಂದು ಪೊಲೀಸರು ವಿವರಿಸಿದ್ದಾರೆ.

ಬಿಗ್‌ಬಾಸ್ ಮನೆಯಲ್ಲಿ ಜಗದೀಶ್ ಹೇಳಿದ್ದು ಸುಳ್ಳಾ ? ಅಣ್ಣ ರಾಜು ಬಿಚ್ಚಿಟ್ಟ ರಹಸ್ಯ!

Mahmad Rafik — Wed, 21 Oct 2026 08:25:46 +0530

ಬೆಂಗಳೂರು: ಬಿಗ್‌ಬಾಸ್ ಮನೆಯಲ್ಲಿರುವ ಜಗ್ಗ ಮಮ್ಮಿ ಉರ್ಫ್ ಜಗದೀಶ್ ಅವರು ತಮ್ಮ ಆಟದ ಮೂಲಕ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಸೋನಿಕಾ ಮುಂದೆ ನನಗೆ ಹೆಂಡ್ತಿ ಇಲ್ಲ, ಮಗಳಿಗೆ ತಾಯಿ ಇಲ್ಲ ಎಂದು ಹೇಳಿಕೊಂಡಿದ್ದರು. ಇದೀಗ ಜಗದೀಶ್ ಅವರ ಅಣ್ಣ ರಾಜು, ಯುಟ್ಯೂಬ್ ವಾಹಿನಿ ಜೊತೆ ಮಾತನಾಡಿದ್ದಾರೆ. ಈ ಸಂದರ್ಶನದಲ್ಲಿ ಹಲವು ವಿಷಯಗಳನ್ನು ರಾಜು ಹಂಚಿಕೊಂಡಿದ್ದಾರೆ. ಕೆಲಸಕ್ಕೆ ಹೋಗುತ್ತಿದ್ದೀನಿ, ಬರೋದು ಲೇಟ್ ಆಗುತ್ತೆ ಎಂದು ಹೇಳಿ ಹೋಗಿದ್ದರು. ಎರಡು ದಿನ ಮುಂಚೆಯಷ್ಟೇ ನಮಗೆ ಜಗದೀಶ್ ಬಿಗ್‌ಬಾಸ್‌ಗೆ ಹೋಗುತ್ತಿರುವ ವಿಷಯ ಹೇಳಿದನು ಎಂದು ಹೇಳಿದರು.

ಅಕ್ಕನ ಮಗಳು ಸಂಜನಾಳನ್ನೇ ಜಗದೀಶ್ ಮದುವೆಯಾಗಿದ್ದಾರೆ. ನನಗೆ ತಂಗಿ ಮಗಳು. ಸದ್ಯ ಅಜ್ಜಿ ಮನೆಯಲ್ಲಿದ್ದು, ಬಿಗ್‌ಬಾಸ್ ನೋಡುತ್ತಾರೆ. ಮನೆ ಅಂದ್ಮೇಲೆ ಸಣ್ಣಪುಟ್ಟ ಗಲಾಟೆ ಇದ್ದೇ ಇರುತ್ತೆ ಅಲ್ಲವಾ? ಹಾಗೆ ಇಲ್ಲಿಯೋ ಅದೇ ಇರೋದು. ಹೆಂಡ್ತಿ, ಮಗಳು ತನ್ವಿ ಎಲ್ಲರೂ ಜಗದೀಶ್‌ಗೆ ಇದ್ದಾರೆ ಎಂದು ಸೋದರ ರಾಜು ಹೇಳುತ್ತಾರೆ.

ಹಣ ಕೊಟ್ಟು ವೋಟ್ ಮಾಡುವಂತೆ ಹೇಳಲ್ಲ!

ಕಾರ್ಯಕ್ರಮ ಆರಂಭಕ್ಕೂ ಮುನ್ನ ಅಂದ್ರೆ ಎರಡು ದಿನ ಮುಂದೆ ಬರಬೇಕೆಂದು ಕಾಲ್ ಮಾಡಿದ್ದರು. ನಾವು ಸಹ ಹೋಗಿದ್ದೀವಿ. ಮತ್ತೆ ಕಾಲ್ ಬಂದಿಲ್ಲ. ಸೋದರ ಜಗದೀಶ್ ಬಿಗ್‌ಬಾಸ್ ಮನೆಯಲ್ಲಿರೋದು ನೋಡಿದ್ರೆ ಖುಷಿಯಾಗುತ್ತೆ. ಕೊನೆಯವರೆಗೂ ಬಿಗ್‌ಬಾಸ್ ಮನೆಯಲ್ಲಿರಲಿ ಎಂಬುದಷ್ಟೇ ನಮ್ಮಾಸೆ. ಸಿಕ್ಕವರಿಗೆ ವೋಟ್ ಮಾಡಿ ಅಂತ ಹೇಳ್ತೀವಿ. ವೋಟ್ ಮಾಡೋದಕ್ಕೆ ಹಣ ಕೊಡೋದೆಲ್ಲಾ ನಮಗೆ ಗೊತ್ತಿಲ್ಲ ಎಂದರು.

ಜಗದೀಶ್ ತಾಯಿ ಆರೋಗ್ಯ ಹೇಗಿದೆ?

ಕೆಲ ದಿನಗಳ ಹಿಂದೆ ಅಮ್ಮನ ಆರೋಗ್ಯದಲ್ಲಿ ಕೊಂಚ ವ್ಯತ್ಯಾಸ ಆಗಿತ್ತು. BPಯಲ್ಲಿ ಏರುಪೇರು ಆಗಿ ಸ್ಟ್ರೋಕ್ ರೀತಿಯಾಗಿತ್ತು. ಚಿಕಿತ್ಸೆ ಬಳಿಕ ಚೇತರಿಸಿಕೊಂಡಿದ್ದಾರೆ ಎಂದು ರಾಜು ಮಾಹಿತಿ ನೀಡಿದರು.

ಇಲ್ಲಿಂದ ಹೋಗುವಾಗಲೇ ತನಗೆ ಬೇಕಾದ ಬಟ್ಟೆಯನ್ನು ತೆಗೆದುಕೊಂಡು ಹೋಗಿದ್ದಾನೆ. ಅತನ ಸ್ನೇಹಿತರೇ ಬಟ್ಟೆ ಕೊಡುವ ಕೆಲಸ ಮಾಡ್ತಾರೆ. ಸ್ನೇಹಿತರ ಬಳಿಯಲ್ಲಿಯೇ ಮೊಬೈಲ್ ಕೊಟ್ಟು ಹೋಗಿದ್ದಾನೆ. ಇಲ್ಲಿಂದ ನಾವು ಯಾವುದೇ ಬಟ್ಟೆ ಕಳುಹಿಸಲ್ಲ. ಬಹುಶಃ ಮೊದಲ ವಾರ ಎಲ್ಲರಿಗೂ ಬಟ್ಟೆ ಬಂದಿರೋದನ್ನು ನೋಡಿ ನನಗೆ ಡ್ರೆಸ್ ಬಂದಿಲ್ಲ ಅಂತ ಹೇಳಿರಬೇಕು ಎಂದರು.

ವಿನ್ ಆಗ್ತಾನೆ!

ಬಿಗ್‌ಬಾಸ್ ರಿಯಾಲಿಟಿ ಶೋಗೆ ಇದೇ ಮೊದಲ ಬಾರಿಗೆ ಹೋಗಿದ್ದಾನೆ. ಅವನೇ ಬಿಗ್‌ಬಾಸ್ ಟ್ರೋಫಿ ತೆಗೆದುಕೊಂಡು ಬರಲಿ. ಮೊದಲ ದಿನವೇ ಸುದೀಪ್ ಅವರೇ ನಾನೇ ವಿನ್ನರ್ ಅಂತ ಹೇಳಬೇಕು ಅಂದ್ರು. ಅವರಿಂದಲೇ ಆ ಮಾತು ಬಂದಿರೋದರಿಂದ ಗೆಲ್ಲುತ್ತಾನೆ ಎಂದು ರಾಜು ವಿಶ್ವಾಸ ವ್ಯಕ್ತಪಡಿಸಿದರು.

9 ವರ್ಷಗಳ ಬಳಿಕ ಶಿಲ್ಪಾ ಅಯ್ಯರ್ ಕನಸು ಈಡೇರಿದ್ದೇಗೆ? ನಂದಗೋಕುಲಕ್ಕೆ ಬರ್ತಿದ್ದಂತೆ ನನಸು!

Mahmad Rafik — Wed, 21 Oct 2026 07:42:17 +0530

ಕಿರುತೆರೆ ನಟಿ ಶಿಲ್ಪಾ ಅಯ್ಯರ್ ಅವರು 'ನಂದಗೋಕುಲ' ಧಾರಾವಾಹಿ ಮೂಲಕ ಕಂಬ್ಯಾಕ್ ಮಾಡಿದ್ದು, 9 ವರ್ಷಗಳ ಬಳಿಕ ಅವರ ಕನಸು ನನಸಾಗಿದೆ. ನವರಾತ್ರಿ ಸಮಯದಲ್ಲಿ ರಾಯರ ಆಶೀರ್ವಾದದಿಂದ ಈ ಅವಕಾಶ ಸಿಕ್ಕಿದೆ ಎಂದು ಅವರು ಹರ್ಷ ವ್ಯಕ್ತಪಡಿಸಿದ್ದಾರೆ.

ಕಿರುತೆರೆ ನಟಿ ಶಿಲ್ಪಾ ಅಯ್ಯರ್ ಅವರ ಇನ್‌ಸ್ಟಾಗ್ರಾಂ ಪೋಸ್ಟ್‌ಗಳು ಸೋಶಿಯಲ್ ಮೀಡಿಯಾದಲ್ಲಿ ಗಮನ ಸೆಳೆಯುತ್ತಿರುತ್ತವೆ. ಒಂದು ಸಣ್ಣ ಬ್ರೇಕ್‌ ಬಳಿಕ ನಂದಗೋಕುಲ ಸೀರಿಯಲ್‌ ಮೂಲಕ ಕಿರುತೆರೆಗೆ ಕಂಬ್ಯಾಕ್ ಮಾಡಿದ್ದಾರೆ. ಇದೀಗ 9 ವರ್ಷಗಳ ಬಳಿಕ ನಂದಗೋಕುಲ ಸೀರಿಯಲ್‌ನಿಂದ ತಮ್ಮ ಆಸೆಯೊಂದು ನೆರವೇರಿದೆ ಎಂಬ ವಿಷಯವನ್ನು ಶಿಲ್ಪಾ ಅಯ್ಯರ್ ಶೇರ್ ಮಾಡಿಕೊಂಡಿದ್ದಾರೆ.

ಒಂಬತ್ತು ವರ್ಷಗಳ ನನ್ನ ಪಯಣದಲ್ಲಿ, ಎಷ್ಟೋ ಪಾತ್ರಗಳನ್ನು ಮಾಡಿದ್ದರೂ ನನ್ನ ಹೆಸರು ಟೈಟಲ್ ಕಾರ್ಡ್‌ನಲ್ಲಿ ನೋಡುವ ಕನಸು ಮಾತ್ರ ನನಸಾಗಿರಲಿಲ್ಲ. ಎಲ್ಲವೂ ಮುಗಿಯಿತು ಅಂದುಕೊಂಡ ಕ್ಷಣದಲ್ಲಿ, ಮತ್ತೆ ಒಂದು ಪುಟ್ಟ ಭರವಸೆ ಮೂಡಿತು ಅದರ ಜೊತೆಗೆ ನಾನು ಕನಸು ಕಂಡಿದ್ದ ಟೈಟಲ್ ಕಾರ್ಡ್ ಕೂಡ ಸಿಕ್ಕಿತು ಎಂದು ಹೇಳಿದ್ದಾರೆ.

ಈ ನವರಾತ್ರಿಯಲ್ಲಿ ನನ್ನ ರಾಯರು ಇಂಥದ್ದೊಂದು ಉಡುಗೊರೆ ಕೊಡುತ್ತಾರೆ ಎಂದು ಕನಸಿನಲ್ಲೂ ಊಹಿಸಿರಲಿಲ್ಲ. ಇದು ಹಲವರಿಗೆ ಸಣ್ಣ ಗೆಲುವಾಗಿರಬಹುದು. ಆದರೆ ನನಗೆ ಇದು ವರ್ಷಗಳ ಕಾಯುವಿಕೆಗೆ ಸಿಕ್ಕ ಪ್ರತಿಫಲ, ನನ್ನ ನಂಬಿಕೆಗೆ ಸಿಕ್ಕ ಆಶೀರ್ವಾದ. ಈ ಕ್ಷಣವನ್ನು ನನ್ನ ರಾಯರ ಪಾದಗಳಿಗೆ ಅರ್ಪಿಸುತ್ತೇನೆ ಎಂದು ಇನ್‌ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.

ಸಾಮಾನ್ಯವಾಗಿ ಧಾರಾವಾಹಿಯ ಟೈಟಲ್‌ ಕಾರ್ಡ್‌ಗಳಲ್ಲಿ ನಾಯಕ ಮತ್ತು ನಾಯಕಿಯ ಚಿತ್ರವನ್ನು ತೋರಿಸಲಾಗುತ್ತದೆ. ಇತ್ತೀಚಿಗೆ ಟೈಟಲ್ ಕಾರ್ಡ್‌ಗಾಗಿ ವಿವಿಧ ಕಲ್ಪನೆಗಳಲ್ಲಿ ಶೂಟಿಂಗ್ ನಡೆಯುತ್ತದೆ. ಆದ್ರೆ ನಂದಗೋಕುಲ ಸೀರಿಯಲ್‌ಗೆ ಎಂಟ್ರಿ ಕೊಟ್ಟ ಹೊಸ ಪಾತ್ರಕ್ಕಾಗಿ ಟೈಟಲ್ ಕಾರ್ಡ್ ಪದೇ ಪದೇ ಚೇಂಜ್ ಆಗುತ್ತಿರುತ್ತವೆ.

ಈ ಹಿಂದೆ ಸೀರಿಯಲ್‌ನಲ್ಲಿ ಅಮೂಲ್ಯಾ ಮತ್ತು ಪ್ರಿಯಾ ನಂದಗೋಕುಲಕ್ಕೆ ಸೊಸೆಯಾಗಿ ಬಂದ ಸಂದರ್ಭದಲ್ಲಿ ಟೈಟಲ್ ಕಾರ್ಡ್‌ನಲ್ಲಿ ಇಬ್ಬರು ಕಲಾವಿದರನ್ನು ಸೇರಿಸಿಕೊಳ್ಳಲಾಗಿತ್ತು. ಇದೀಗ ಸುಂದರನ ಮಡದಿಯಾಗಿ ರಜನಿ ಆಗಮಿಸಿದ್ದು, ಟೈಟಲ್ ಕಾರ್ಡ್ ಬದಲಾಗಿದೆ. ಇತ್ತೀಚೆಗಷ್ಟೇ ಕೇಶವ ಪಾತ್ರದ ಕಲಾವಿದ ಬದಲಾಗಿದ್ದ ಸಂದರ್ಭದಲ್ಲಿ ಟೈಟಲ್ ಕಾರ್ಡ್ ಬದಲಿಸಲಾಗಿತ್ತು.

ರಜನಿಕಾಂತ್ ಜೊತೆ ‘Jailer 2’ನಲ್ಲಿ ಅಬ್ಬರಿಸಿದ ಸುಂದರಿ ಯಾರು! ಹೃತಿಕ್ ಜೊತೆಗಿನ ಆ್ಯಕ್ಷನ್ ನೋಡಿ ವೀಕ್ಷಕರು ಫಿದಾ

Pavna Das — Tue, 20 Oct 2026 22:39:57 +0530

Apeksha Porwal: ‘ಜೈಲರ್ 2’ ಕ್ಲೈಮ್ಯಾಕ್ಸ್‌ನಲ್ಲಿ ರಜನಿಕಾಂತ್‌ಗೆ ನೆರವಾಗಿ, ಹೃತಿಕ್ ರೋಷನ್ ಜೊತೆಗಿನ ಆ್ಯಕ್ಷನ್ ದೃಶ್ಯಗಳಿಂದ ಗಮನ ಸೆಳೆದ ನಟಿ ಅಪೇಕ್ಷಾ ಪೊರ್ವಾಲ್ ಯಾರು? ಅವರ ಸಿನಿಮಾ ಪಯಣ, ವೆಬ್ ಸೀರೀಸ್ ಮತ್ತು ಸೌಂದರ್ಯ ಸ್ಪರ್ಧೆಗಳ ಸಾಧನೆಗಳ ಬಗ್ಗೆ ತಿಳಿಯಿರಿ.

ವ್ಲಾಗಿಂಗ್‌ನಿಂದಲೇ ಕೋಟ್ಯಧಿಪತಿ! ₹5 ಕೋಟಿ ಕಾರು ಕಲೆಕ್ಷನ್, ತಿಂಗಳಿಗೆ ₹3 ಕೋಟಿ ಆದಾಯ? ಯಾರು ಈ Gen-Z ಯೂಟ್ಯೂಬರ್?

Pavna Das — Tue, 20 Oct 2026 21:28:38 +0530

ಸಾಮಾನ್ಯ ಮಧ್ಯಮ ವರ್ಗದ ಕುಟುಂಬದಲ್ಲಿ ಬೆಳೆದ ಸೌರವ್ ಜೋಶಿ ಇಂದು ಭಾರತದ ಜನಪ್ರಿಯ ವ್ಲಾಗರ್‌ಗಳಲ್ಲಿ ಒಬ್ಬರು. 365 ದಿನಗಳ ವ್ಲಾಗಿಂಗ್ ಚಾಲೆಂಜ್ ಅವರ ಜೀವನಕ್ಕೆ ದೊಡ್ಡ ತಿರುವು ನೀಡಿತು. ಈಗ ತಿಂಗಳಿಗೆ ₹2–3 ಕೋಟಿ ಗಳಿಸುತ್ತಿರುವ ಆ ಜನಪ್ರಿಯ ವ್ಲಾಗರ್ ಯಾರು?

ಇಂದಿನ Gen Z ಯುವಕರು ಕಾರ್ಪೊರೇಟ್ ಉದ್ಯೋಗ, ವೈದ್ಯಕೀಯ, ಎಂಜಿನಿಯರಿಂಗ್ ಅಥವಾ ಅಂಗಡಿಯಲ್ಲಿ ಕುಳಿತು ಕೆಲಸ ಮಾಡುವ ಮೂಲಕ ಮಾತ್ರ ಹಣ ಗಳಿಸಲು ಬಯಸುವುದಿಲ್ಲ. ಒಂದಕ್ಕಿಂತ ಹೆಚ್ಚು ಆದಾಯದ ಮೂಲಗಳನ್ನು ಹೊಂದಲು ಬಯಸುವ ಯುವಕರು ತಮಗೆ ಇಷ್ಟವಾದ ವಿವಿಧ ಕ್ಷೇತ್ರಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ರೀಲ್ಸ್ ಮಾಡುವುದರಿಂದ ಹಿಡಿದು ಯೂಟ್ಯೂಬ್‌ನಲ್ಲಿ ವ್ಲಾಗಿಂಗ್ ಮಾಡುವವರೆಗೆ ಹಣ ಗಳಿಸಲು ಹಲವು ಮಾರ್ಗಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಇಂತಹ ವ್ಲಾಗರ್‌ಗಳಲ್ಲಿ ಒಬ್ಬರು ಸೌರವ್ ಜೋಶಿ. ಅವರು ಭಾರತದ ನಂಬರ್ 1 ವ್ಲಾಗರ್‌ಗಳಲ್ಲಿ ಒಬ್ಬರಾಗಿದ್ದಾರೆ.

ಸೌರವ್ ಜೋಶಿ ಭಾರತದ ಪ್ರಸಿದ್ಧ ಕೋಟ್ಯಧಿಪತಿ ಯೂಟ್ಯೂಬರ್‌ಗಳಲ್ಲಿ ಒಬ್ಬರು. ಅವರು ಉತ್ತರಾಖಂಡದ ಬಾಗೇಶ್ವರದವರು. ಮಧ್ಯಮ ವರ್ಗದ ಕುಟುಂಬದಲ್ಲಿ ಬೆಳೆದ ಸೌರವ್ ಅವರ ಬಾಲ್ಯ ಕಷ್ಟವಾಗಿತ್ತು. ಕುಟುಂಬವನ್ನು ನಿರ್ವಹಿಸಲು ಅವರ ತಂದೆ ಹರೀಂದರ್ ಜೋಶಿ ದೆಹಲಿಯಲ್ಲಿ ಕಾರ್ಪೆಂಟರ್ ಆಗಿ ಕೆಲಸ ಮಾಡುತ್ತಿದ್ದರು. ಇದರಿಂದ ಕುಟುಂಬ ಆರ್ಥಿಕ ಸಂಕಷ್ಟವನ್ನು ಎದುರಿಸಬೇಕಾಗಿತ್ತು. ಚಿಕ್ಕ ವಯಸ್ಸಿನಿಂದಲೇ ಸೌರವ್ ತಮ್ಮ ತಂದೆಯ ಕೆಲಸದಲ್ಲಿ ಸಹಾಯ ಮಾಡುತ್ತಿದ್ದರು. ಬಳಿಕ ಸೌರವ್ ಮತ್ತು ಕುಟುಂಬ ಹರಿಯಾಣದ ಹಿಸಾರ್‌ಗೆ ಶಿಫ್ಟ್ ಆಗಿದ್ದರು. ಅಲ್ಲಿಯೇ ಅವರ ಬಾಲ್ಯ ಕಳೆಯಿತು.

ಸೌರವ್ ಜೋಶಿ 12ನೇ ತರಗತಿಯಲ್ಲಿ ಓದುತ್ತಿದ್ದಾಗಲೇ ‘ಸೌರವ್ ಜೋಶಿ ಆರ್ಟ್ಸ್’ ಎಂಬ ಹೆಸರಿನಲ್ಲಿ ಯೂಟ್ಯೂಬ್ ಚಾನೆಲ್ ಆರಂಭಿಸಿದರು. ಅದರಲ್ಲಿ ಕೋಚಿಂಗ್ ವಿಡಿಯೋಗಳನ್ನು ಅಪ್‌ಲೋಡ್ ಮಾಡುತ್ತಿದ್ದರು. ಲಾಕ್‌ಡೌನ್ ಸಮಯದಲ್ಲಿ ಅವರ ವೃತ್ತಿಜೀವನಕ್ಕೆ ದೊಡ್ಡ ತಿರುವು ಸಿಕ್ಕಿತು. ಸತತ 365 ದಿನಗಳ ಕಾಲ ಪ್ರತಿದಿನ ವ್ಲಾಗ್ ಮಾಡುವ ಚಾಲೆಂಜ್ ಅವರು ಸ್ವೀಕರಿಸಿದರು. ಈ ಒಂದು ನಿರ್ಧಾರ ಅವರ ಜೀವನವನ್ನಷ್ಟೇ ಅಲ್ಲದೆ, ಅವರ ಕುಟುಂಬದ ಜೀವನವನ್ನೂ ಬದಲಿಸಿತು. ಸೌರವ್ ಜನಪ್ರಿಯ ಸ್ಟಾರ್ ಆಗಿ ಹೊರಹೊಮ್ಮಿದರು. ಅವರ ವ್ಲಾಗ್‌ಗಳಿಗೆ ಪ್ರೇಕ್ಷಕರಿಂದ ಅಪಾರ ಪ್ರೀತಿ ಸಿಕ್ಕಿತು. ಅವರ ಚಿಕ್ಕಪ್ಪನ ಮಗ ಕುನಾಲಿ ಅವರ ಮುಗ್ಧತೆ ಮತ್ತು ತಾಯಿಯ ಮುದ್ದಾದ ಗದರಿಕೆಗಳು ವ್ಲಾಗ್‌ಗಳ ಪ್ರಮುಖ ಆಕರ್ಷಣೆಯಾದವು.

ಸೌರವ್ ಜೋಶಿ ಅವರಿಗೆ ಆಫ್-ರೋಡಿಂಗ್ ಮತ್ತು ಅಡ್ವೆಂಚರಸ್ ಚಟುವಟಿಕೆಗಳೆಂದರೆ ಬಹಳ ಇಷ್ಟ. ಕಾಡಿನಲ್ಲಿ ಟೆಂಟ್ ಹಾಕಿಕೊಂಡು ವಾಸಿಸುವುದು, ನದಿಯಲ್ಲಿ ರಾಫ್ಟಿಂಗ್ ಮಾಡುವುದು, ಮೊದಲಾದ ಸಾಹಸಗಳನ್ನು ಅವರು ತಮ್ಮ ವ್ಲಾಗ್‌ಗಳಲ್ಲಿ ತೋರಿಸಿದ್ದಾರೆ. ಇದರ ಜೊತೆಗೆ, 2021ರಲ್ಲಿ ಬಿಡುಗಡೆಯಾದ ‘ಭಾಯ್ ಮೇರೆ ಭಾಯ್’ ಮತ್ತು ‘ಮೌಜಾ’ ಮ್ಯೂಸಿಕ್ ವಿಡಿಯೋಗಳಲ್ಲಿಯೂ ಕಾಣಿಸಿಕೊಂಡು ತಮ್ಮ ಅದೃಷ್ಟ ಪರೀಕ್ಷಿಸಿದ್ದಾರೆ.

ಸೌರವ್ ಜೋಶಿ ಅವರಿಗೆ ಐಷಾರಾಮಿ ಕಾರುಗಳೆಂದರೆ ವಿಶೇಷ ಆಸಕ್ತಿ. ಮಾಧ್ಯಮ ವರದಿಗಳ ಪ್ರಕಾರ, ಅವರ ಕಾರು ಸಂಗ್ರಹದ ಒಟ್ಟು ಮೌಲ್ಯ ಸುಮಾರು ₹5 ಕೋಟಿ. ಅವರ ಕಾರು ಸಂಗ್ರಹದಲ್ಲಿ ಲ್ಯಾಂಡ್ ರೋವರ್ ಡಿಫೆಂಡರ್, ಮರ್ಸಿಡಿಸ್-ಬೆನ್ಜ್ ಜಿ-ವ್ಯಾಗನ್, ಮರ್ಸಿಡಿಸ್-ಬೆನ್ಜ್ GLC 300, ಟೊಯೋಟಾ ಫಾರ್ಚ್ಯೂನರ್ ಲೆಜೆಂಡರ್ ಮತ್ತು ಮಹೀಂದ್ರಾ ಥಾರ್‌ನಂತಹ ಕಾರುಗಳು ಸೇರಿವೆ. ಅವರ ಬಳಿ ಇರುವ ಅತ್ಯಂತ ದುಬಾರಿ ಕಾರು ಎಲೆಕ್ಟ್ರಿಕ್ ಮರ್ಸಿಡಿಸ್-ಬೆನ್ಜ್ ಜಿ-ವ್ಯಾಗನ್ ಆಗಿದ್ದು, ಇದರ ಬೆಲೆ ಸುಮಾರು ₹3.2 ಕೋಟಿ ಎಂದು ಹೇಳಲಾಗಿದೆ.

ಸೌರವ್ ಅವರ ಯೂಟ್ಯೂಬ್ ಚಾನೆಲ್‌ಗೆ 4 ಕೋಟಿ 22 ಲಕ್ಷಕ್ಕೂ ಹೆಚ್ಚು ಸಬ್‌ಸ್ಕ್ರೈಬರ್‌ಗಳಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಅವರಿಗೆ 1 ಕೋಟಿ 12 ಲಕ್ಷಕ್ಕೂ ಹೆಚ್ಚು ಫಾಲೋವರ್‌ಗಳಿದ್ದಾರೆ. ಅವರ ಮಾಸಿಕ ಆದಾಯ ಕೋಟ್ಯಂತರ ರೂಪಾಯಿಗಳಷ್ಟಿರಬಹುದು ಎಂದು ಅಂದಾಜಿಸಲಾಗಿದೆ. ತಜ್ಞರ ಪ್ರಕಾರ, ಸೌರವ್ ಅವರ ವಿಡಿಯೋಗಳಿಗೆ ಸುಮಾರು 400 ಮಿಲಿಯನ್ ವ್ಯೂವ್ಸ್ ಬರುತ್ತವೆ. ಶಾರ್ಟ್ ಫಾರ್ಮ್ ವಿಡಿಯೋಗಳಿಗೆ 51 ಮಿಲಿಯನ್‌ಗಿಂತಲೂ ಹೆಚ್ಚು ವ್ಯೂವ್ಸ್ ಇದೆ. ಈ ಲೆಕ್ಕಾಚಾರದ ಆಧಾರದ ಮೇಲೆ ಅವರ ಮಾಸಿಕ ಆದಾಯ ₹2 ಕೋಟಿಯಿಂದ ₹3 ಕೋಟಿ ಇರಬಹುದು ಎಂದು ಅಂದಾಜಿಸಲಾಗಿದೆ.

ದಸರಾ ದಿನವೇ ಮಗಳ ಹೆಸರು ಪ್ರಕಟಿಸಿದ ದೀಪಿಕಾ-ರಣ್‌ವೀರ್: ಎರಡನೇ ಮಗಳಿಗೆ ಸ್ಟಾರ್‌ ಜೋಡಿ ಇಟ್ಟ ಹೆಸರೇನು ಗೊತ್ತಾ?

Santosh Naik — Tue, 20 Oct 2026 21:10:27 +0530

ಮುಂಬೈ (ಅ.20): ಬಾಲಿವುಡ್‌ನ ಜನಪ್ರಿಯ ಹಾಗೂ ತಾರಾ ಜೋಡಿ ದೀಪಿಕಾ ಪಡುಕೋಣೆ ಮತ್ತು ರಣ್‌ವೀರ್ ಸಿಂಗ್ ದಂಪತಿ ವಿಜಯದಶಮಿ ಹಬ್ಬದ ಶುಭ ದಿನದಂದು ಸಿಹಿ ಸುದ್ದಿ ನೀಡಿದ್ದಾರೆ. ಇತ್ತೀಚೆಗಷ್ಟೇ ಜನಿಸಿದ್ದ ತಮ್ಮ ಎರಡನೇ ಹೆಣ್ಣು ಮಗುವಿಗೆ 'ದೇವಿ' (Devi) ಎಂದು ನಾಮಕರಣ ಮಾಡಿರುವುದಾಗಿ ಈ ದಂಪತಿ ಸೋಶಿಯಲ್‌ ಮೀಡಿಯಾದಲ್ಲಿ ಅಧಿಕೃತವಾಗಿ ಪ್ರಕಟಿಸಿದ್ದಾರೆ. ಈಗಾಗಲೇ 'ದುವಾ' (Dua) ಎಂಬ ಹಿರಿಯ ಹೆಣ್ಣು ಮಗಳ ಪೋಷಕರಾಗಿರುವ ದೀಪಿಕಾ ಮತ್ತು ರಣ್‌ವೀರ್, ದಸರಾ ಹಬ್ಬದ ನೆಪದಲ್ಲಿ ತಮ್ಮ ನಾಲ್ಕೂ ಮಂದಿಯ ಸುಂದರ ಕುಟುಂಬದ ಭಾವಚಿತ್ರವನ್ನು ಹಂಚಿಕೊಳ್ಳುವ ಮೂಲಕ ಎರಡನೇ ಮಗಳ ಹೆಸರನ್ನು ಜಗತ್ತಿಗೆ ಪರಿಚಯಿಸಿದ್ದಾರೆ.

ಸೋಶಿಯಲ್‌ ಮೀಡಿಯಾದಲ್ಲಿ 'ದೇವಿ ಪಡುಕೋಣೆ ಸಿಂಗ್' ಹೆಸರು ಪ್ರಕಟ

ದಸರಾ ಪವಿತ್ರ ದಿನದಂದು ಹಂಚಿಕೊಳ್ಳಲಾದ ಈ ಕುಟುಂಬದ ಸುಂದರ ಫೋಟೋದಲ್ಲಿ, ರಣ್‌ವೀರ್ ಸಿಂಗ್ ತಮ್ಮ ಹಿರಿಯ ಮಗಳು 'ದುವಾ'ಳನ್ನು ಎತ್ತಿಕೊಂಡಿದ್ದು, ಆ ಪುಟ್ಟ ಕಂದಮ್ಮ ತನ್ನ ನವಜಾತ ತಂಗಿ 'ದೇವಿ'ಯ ಕೆನ್ನೆಗೆ ಮುತ್ತಿಡುತ್ತಿರುವ ದೃಶ್ಯವಿದೆ. ಇನ್ನೊಂದೆಡೆ ದೀಪಿಕಾ ಪಡುಕೋಣೆ ತಮ್ಮ ಕಿರಿಯ ಮಗಳು ದೇವಿಯನ್ನು ಪ್ರೀತಿಯಿಂದ ಮಡಿಲಲ್ಲಿ ಹಿಡಿದುಕೊಂಡು ಮಂದಹಾಸ ಬೀರುತ್ತಿದ್ದಾರೆ.

ಈ ಫೋಟೋವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ದೀಪಿಕಾ ಪಡುಕೋಣೆ, "ಪ್ರೀತಿ ಮತ್ತು ಸಮೃದ್ಧಿಯ ಸಂಕೇತ - ದೇವಿ ಪಡುಕೋಣೆ ಸಿಂಗ್" (Of Love & Abundance Devi Padukone Singh) ಎಂದು ಅತ್ಯಂತ ಭಾವನಾತ್ಮಕವಾಗಿ ಶೀರ್ಷಿಕೆ (Caption) ನೀಡಿದ್ದಾರೆ.

ಸೆಪ್ಟೆಂಬರ್ 19 ರಂದು ದೇವಿಯ ಆಗಮನ

ದೀಪಿಕಾ ಮತ್ತು ರಣ್‌ವೀರ್ ದಂಪತಿ 2026 ರ ಸೆಪ್ಟೆಂಬರ್ 19 ರಂದು ತಮ್ಮ ಎರಡನೇ ಹೆಣ್ಣು ಮಗುವನ್ನು ಜಗತ್ತಿಗೆ ಬರಮಾಡಿಕೊಂಡಿದ್ದರು. ಈ ವರ್ಷದ ಏಪ್ರಿಲ್ ತಿಂಗಳಲ್ಲಿ ತಾವು ಎರಡನೇ ಬಾರಿಗೆ ತಾಯಿಯಾಗುತ್ತಿರುವ ಸಂತಸದ ಸುದ್ದಿಯನ್ನು ದೀಪಿಕಾ ಬಹಿರಂಗಪಡಿಸಿದ್ದರು. ಮಗು ಜನಿಸಿದಾಗ, "ಸ್ವಾಗತ ಮುದ್ದು ಮಗಳೇ" (Welcome baby girl) ಎಂದು ಬರೆದು ದೃಷ್ಟಿ ತಾಗದಿರಲಿ ಎಂಬ ಇವಿಲ್ ಐ (Evil eye) ಎಮೋಜಿ ಬಳಸಿ ಅತ್ಯಂತ ಸರಳವಾಗಿ ಇನ್ಸ್ಟಾಗ್ರಾಮ್ ಜಂಟಿ ಪೋಸ್ಟ್ ಮೂಲಕ ಸುದ್ದಿ ಹಂಚಿಕೊಂಡಿದ್ದರು.

ಇದು 2024 ರ ಸೆಪ್ಟೆಂಬರ್ ತಿಂಗಳ ನೆನಪನ್ನು ಮರುಕಳಿಸುವಂತಿತ್ತು. 2024 ರ ಸೆಪ್ಟೆಂಬರ್ 8 ರಂದು ಈ ಜೋಡಿ ತಮ್ಮ ಮೊದಲ ಹೆಣ್ಣು ಮಗಳು 'ದುವಾ'ಳನ್ನು ಜಗತ್ತಿಗೆ ಸ್ವಾಗತಿಸಿತ್ತು. ಇದೀಗ ಸುಮಾರು ಎರಡು ವರ್ಷಗಳ ನಂತರ, ಮತ್ತೊಬ್ಬ ಪುಟ್ಟ ದೇವತೆಯ ಆಗಮನದೊಂದಿಗೆ ತಮ್ಮ ಕುಟುಂಬ ಸಂಪೂರ್ಣಗೊಂಡಿರುವುದನ್ನು ದೀಪ್‌ವೀರ್ ಸಂಭ್ರಮಿಸುತ್ತಿದ್ದಾರೆ.

ರೀಲ್ ಲೈಫ್‌ನಿಂದ ರಿಯಲ್ ಲೈಫ್‌ವರೆಗೆ ದೀಪ್‌ವೀರ್ ಪ್ರೇಮ ಪಯಣ

ದೀಪಿಕಾ ಪಡುಕೋಣೆ ಮತ್ತು ರಣ್‌ವೀರ್ ಸಿಂಗ್ ಅವರ ಪ್ರೇಮ ಕಥೆ ಆರಂಭವಾಗಿದ್ದು 2013 ರಲ್ಲಿ ತೆರೆಕಂಡ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನದ 'ಗೋಲಿಯೋ ಕಿ ರಾಸಲೀಲಾ ರಾಮ್-ಲೀಲಾ' ಸಿನಿಮಾ ಚಿತ್ರೀಕರಣದ ಸೆಟ್‌ನಲ್ಲಿ. ಚಿತ್ರರಂಗದ ಸಹೋದ್ಯೋಗಿಗಳಾಗಿ ಆರಂಭವಾದ ಇವರ ಸಾಮೀಪ್ಯ ಬಳಿಕ ಸುದೀರ್ಘ ವರ್ಷಗಳ ಪ್ರೀತಿಯಾಗಿ ಬದಲಾಗಿತ್ತು. ನಂತರ 2018 ರ ನವೆಂಬರ್ 14 ರಂದು ಇಟಲಿಯ ಲೇಕ್ ಕೊಮೊದಲ್ಲಿ ಅತ್ಯಂತ ವೈಭವೋಪೇತವಾಗಿ ಇವರಿಬ್ಬರೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ದೀಪಿಕಾ ಅವರ ಕೊಂಕಣಿ ಹಾಗೂ ರಣ್‌ವೀರ್ ಅವರ ಸಿಂಧಿ ಸಂಪ್ರದಾಯಗಳೆರಡರ ಪ್ರಕಾರವೂ ವಿವಾಹ ಮಹೋತ್ಸವ ಜರುಗಿತ್ತು.

View this post on Instagram

A post shared by दीपिका पादुकोण (@deepikapadukone)

ಬಾಲಿವುಡ್‌ನಲ್ಲಿ ದೇಶಭಕ್ತಿ, ಭಕ್ತಿಪ್ರಧಾನ ಸಿನಿಮಾದ್ದೇ ಹವಾ; ಅನುರಾಗ್ ಕಶ್ಯಪ್ ಅಸಮಾಧಾನ, ಏನಿದರ ಮರ್ಮ!?

Shriram Bhat — Tue, 20 Oct 2026 20:11:46 +0530

ಬಾಲಿವುಡ್‌ನಲ್ಲಿ ದೇಶಭಕ್ತಿ, ಭಕ್ತಿಪ್ರಧಾನ ಸಿನಿಮಾಗಳದ್ದೇ ಹವಾ! ಚಿತ್ರರಂಗದ ಸ್ಥಿತಿ ಬಗ್ಗೆ ಅನುರಾಗ್ ಕಶ್ಯಪ್ ಅಸಮಾಧಾನ!?

ಬಾಲಿವುಡ್‌ನಲ್ಲಿ 2026ನೇ ವರ್ಷ ದೇಶಭಕ್ತಿ ಮತ್ತು ಭಕ್ತಿಪ್ರಧಾನ ಸಿನಿಮಾಗಳ ಅಬ್ಬರಕ್ಕೆ ಸಾಕ್ಷಿಯಾಗುತ್ತಿದೆ. ‘ಧುರಂಧರ್ 2’, ‘ಹನುಮಾನ್ ಅಂಶ್’ ಹಾಗೂ ‘ಬಾರ್ಡರ್ 2’ ಸಿನಿಮಾಗಳ ಯಶಸ್ಸಿನ ಬೆನ್ನಲ್ಲೇ ಇದೇ ಮಾದರಿಯ ಹಲವು ಚಿತ್ರಗಳ ಘೋಷಣೆಯಾಗುತ್ತಿದೆ. ಈ ಬೆಳವಣಿಗೆಯ ಬಗ್ಗೆ ನಿರ್ದೇಶಕ ಅನುರಾಗ್ ಕಶ್ಯಪ್ ಅಸಮಾಧಾನ ವ್ಯಕ್ತಪಡಿಸಿದ್ದು, ವಿಭಿನ್ನ ಕಥಾಹಂದರದ ಸಿನಿಮಾಗಳಿಗೆ ಅವಕಾಶ ಸಿಗುವುದು ಕಷ್ಟವಾಗುತ್ತಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.

‘ಲಿಟಲ್ ಥಾಮಸ್’ಗೆ ಅನುರಾಗ್ ಕಶ್ಯಪ್ ಬೆಂಬಲ

ಅನುರಾಗ್ ಕಶ್ಯಪ್ ಇದೀಗ ಕೌಶಲ್ ಓಜಾ ನಿರ್ದೇಶನದ ಮಕ್ಕಳ ಸಿನಿಮಾ ‘ಲಿಟಲ್ ಥಾಮಸ್’ಗೆ ಬೆಂಬಲವಾಗಿ ನಿಂತಿದ್ದಾರೆ. ಗುಲ್ಶನ್ ದೇವಯ್ಯ ಮತ್ತು ರಸಿಕಾ ದುಗ್ಗಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರಕ್ಕೆ ಅವರು ಕಾರ್ಯನಿರ್ವಾಹಕ ನಿರ್ಮಾಪಕರಾಗಿ ಕೈಜೋಡಿಸಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಅನುರಾಗ್, ತಾನು ಸಿನಿಮಾವನ್ನು ನಿರ್ಮಿಸುವವರ ಆತ್ಮವಿಶ್ವಾಸ ಹೆಚ್ಚಿಸಿ, ಚಿತ್ರ ಪೂರ್ಣಗೊಳಿಸಿ ಬಿಡುಗಡೆ ಮಾಡಲು ನೆರವಾಗುವ ವ್ಯಕ್ತಿ ಎಂದು ಹೇಳಿದ್ದಾರೆ. ಇಂದು ಸಿನಿಮಾ ಮಾಡುವುದು ಸುಲಭದ ಕೆಲಸವಲ್ಲ. ಮಕ್ಕಳ ಸಿನಿಮಾವಾಗಿರಲಿ ಅಥವಾ ವಯಸ್ಕರಿಗಾಗಿ ರೂಪಿಸುವ ಚಿತ್ರವಾಗಿರಲಿ, ಸ್ವಂತ ಕಥೆಯನ್ನು ತೆರೆಗೆ ತರುವುದು ಸವಾಲಾಗಿದೆ ಎಂಬುದು ಅವರ ಅಭಿಪ್ರಾಯ.

ಇತ್ತೀಚೆಗೆ ನಿರ್ಮಾಪಕರೊಬ್ಬರ ಜೊತೆ ಮಾತನಾಡಿದಾಗ, ದೇಶಭಕ್ತಿ ಅಥವಾ ಭಕ್ತಿಪ್ರಧಾನ ಸಿನಿಮಾ ಮಾಡಿದರೆ ಮಾತ್ರ ಯೋಜನೆಗಳಿಗೆ ಅನುಮೋದನೆ ಸಿಗುತ್ತಿದೆ ಎಂಬ ಮಾತು ಕೇಳಿಬಂದಿತ್ತು ಎಂದು ಅನುರಾಗ್ ತಿಳಿಸಿದ್ದಾರೆ. ಇತರ ರೀತಿಯ ಸಿನಿಮಾಗಳಿಗೆ ಅವಕಾಶ ಸಿಗದಿರುವುದು ವಾಸ್ತವವೂ ಹೌದು, ದುರಂತವೂ ಹೌದು ಎಂದು ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.

ವಿಭಿನ್ನ ಕಥೆಗಳಿಗೂ ಅವಕಾಶ ಸಿಗಲಿ

ದೇಶಭಕ್ತಿ ಮತ್ತು ಭಕ್ತಿಪ್ರಧಾನ ಸಿನಿಮಾಗಳ ಅಬ್ಬರದ ನಡುವೆಯೂ ನೈಜ ಬದುಕಿಗೆ ಹತ್ತಿರವಾದ ಕಥೆಗಳಿರುವ ಚಿತ್ರಗಳಿಗೆ ಅವಕಾಶವಿದೆ ಎಂಬ ಆಶಾವಾದ ಅನುರಾಗ್ ಅವರದ್ದು. ‘ಲಿಟಲ್ ಥಾಮಸ್’ ವಿಭಿನ್ನ ಚಿತ್ರವಾಗಿರುವುದರಿಂದ ಪ್ರೇಕ್ಷಕರನ್ನು ತಲುಪಲಿದೆ ಎಂಬ ನಿರೀಕ್ಷೆ ಅವರಿಗಿದೆ.

ಮಕ್ಕಳು ಪ್ರಮುಖ ಪಾತ್ರದಲ್ಲಿದ್ದಾರೆ ಎಂಬ ಕಾರಣಕ್ಕೆ ಮಾತ್ರ ಸಿನಿಮಾವನ್ನು ಮಕ್ಕಳ ಚಿತ್ರ ಎಂದು ಪರಿಗಣಿಸಬಾರದು ಎಂದೂ ಅವರು ಹೇಳಿದ್ದಾರೆ. ಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಳ್ಳುವ ಹಲವು ಬೆಳವಣಿಗೆಯ ಕಥೆಗಳು ವಯಸ್ಕರಿಗಾಗಿ ರೂಪಿಸಲ್ಪಟ್ಟಿರುತ್ತವೆ ಎಂದು ಉದಾಹರಿಸಿದ್ದಾರೆ.

ಅಕ್ಟೋಬರ್ 23ರಂದು ತೆರೆಗೆ

ಕೌಶಲ್ ಓಜಾ ಬರೆದು ನಿರ್ದೇಶಿಸಿರುವ ‘ಲಿಟಲ್ ಥಾಮಸ್’ ಸಿನಿಮಾದಲ್ಲಿ ಬಾಲನಟ ಹೃದಾಂಶ್ ಪರೇಖ್ ಶೀರ್ಷಿಕೆ ಪಾತ್ರ ನಿರ್ವಹಿಸಿದ್ದಾರೆ. ಅನುರಾಗ್ ಕಶ್ಯಪ್ ಸೇರಿದಂತೆ ಅನೇಕರು ನಿರ್ಮಾಣದಲ್ಲಿ ಕೈಜೋಡಿಸಿದ್ದು, ಚಿತ್ರವು ಅಕ್ಟೋಬರ್ 23ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ. ವಿಭಿನ್ನ ಕಥೆಗಳ ಪರವಾಗಿ ಅನುರಾಗ್ ನೀಡಿರುವ ಬೆಂಬಲ ಇದೀಗ ಚಿತ್ರರಂಗದ ಗಮನ ಸೆಳೆದಿದೆ.

"ಅದೆಲ್ಲ ದುಡ್ಡಲ್ಲ, ಕಣ್ಣು ಮುಚ್ಚೋದ್ರೊಳಗೆ ಮಾಯವಾಗುತ್ತೆ".. ರೈತರಿಗೆ ಕಣ್ಣು ತೆರೆಸುವ ಆರ್ಥಿಕ ಪಾಠ ಹೇಳಿದ ವಿನೋದ್ ರಾಜ್

Ashwini HR — Tue, 20 Oct 2026 19:57:18 +0530

ಚಿತ್ರರಂಗದ ಗ್ಲಾಮರ್‌ನಿಂದ ದೂರವಿದ್ದು, ನೆಲಮಂಗಲದ ತೋಟದಲ್ಲಿ ಅಪ್ಪಟ ರೈತನಾಗಿ ಬದುಕುತ್ತಿರುವ ಹಿರಿಯ ನಟ ವಿನೋದ್ ರಾಜ್, ರೈತರು ಮತ್ತು ಸಾಮಾನ್ಯ ಜನರಿಗೆ ಕಣ್ಣು ತೆರೆಸುವಂತಹ ಆರ್ಥಿಕ ಪಾಠವೊಂದನ್ನು ಹೇಳಿಕೊಟ್ಟಿದ್ದಾರೆ. ಜಮೀನು ಮಾರಾಟವಾದಾಗಲೋ ಅಥವಾ ಬೆಳೆ ಬಂದಾಗಲೋ ಕೈಗೆ ದೊಡ್ಡ ಮೊತ್ತದ ಹಣ ಸೇರಿದಾಗ ಅದನ್ನು ಹೇಗೆ ಕಾಪಾಡಿಕೊಳ್ಳಬೇಕು ಎಂಬುದರ ಬಗ್ಗೆ ಅವರು ನೀಡಿರುವ 'FD ಸ್ಪ್ಲಿಟಿಂಗ್' ಲೆಕ್ಕಾಚಾರ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಮೆಚ್ಚುಗೆಗೆ ಪಾತ್ರವಾಗಿದೆ.

"ದುಡ್ಡು ನಿಮ್ಮನ್ನ ಆಳಬಾರದು, ನೀವೇ ದುಡ್ಡನ್ನ ಆಳಬೇಕು!"

ಏಷ್ಯಾನೆಟ್ ಸುವರ್ಣನ್ಯೂಸ್ ಜೊತೆ ಮಾತು ಆರಂಭಿಸಿದ ವಿನೋದ್ ರಾಜ್, "ದುಡ್ಡು ನಿಮ್ಮನ್ನ ನಿಯಂತ್ರಿಸಬಾರದು, ನೀವೇ ದುಡ್ಡನ್ನ ಗೌರವವಾಗಿಟ್ಟುಕೊಂಡು ನಿಯಂತ್ರಿಸಬೇಕು. ಕೈಗೆ ಹಣ ಬಂದ ತಕ್ಷಣ 'ಅಯ್ಯೋ ಇದೆಲ್ಲ ನಂದೇ ದುಡ್ಡು' ಅಂತ ಮೈಮರೆಯಬೇಡಿ. ಅದೆಲ್ಲ ದುಡ್ಡಲ್ಲ, ಕಣ್ಣು ಮುಚ್ಚಿ ತೆರೆಯುವುದರೊಳಗೆ ಮಾಯವಾಗಿಬಿಡುತ್ತದೆ. ಅದಕ್ಕೆ ಸರಿಯಾದ ಲೆಕ್ಕಾಚಾರ ಬೇಕು" ಎಂದು ಎಚ್ಚರಿಸಿದ್ದಾರೆ.

ವಿನೋದ್ ರಾಜ್ ಬಿಚ್ಚಿಟ್ಟ 40 ಲಕ್ಷದ ಲೆಕ್ಕಾಚಾರ

ಒಂದು ವೇಳೆ ನಿಮ್ಮ ಕೈಗೆ 50 ಲಕ್ಷ ರೂಪಾಯಿ ಹಣ ಬಂದರೆ, ಅದನ್ನು ಬ್ಯಾಂಕ್‌ನಲ್ಲಿ ಹೇಗೆ ಹೂಡಿಕೆ ಮಾಡಬೇಕು ಎಂಬುದನ್ನು ಅವರು ಹಂತ ಹಂತವಾಗಿ ವಿವರಿಸಿದ್ದಾರೆ..

1. ಒಂದು ವರ್ಷದ ಖರ್ಚು ಪ್ರತ್ಯೇಕವಾಗಿರಲಿ

"ನಿಮ್ಮ ಕೈಗೆ 50 ಲಕ್ಷ ಬಂದರೆ, ಅದರಲ್ಲಿ ಮುಂದಿನ 1 ವರ್ಷದ ಕುಟುಂಬದ ಗರಿಷ್ಠ ಖರ್ಚಿಗೆ 10 ಲಕ್ಷ ರೂಪಾಯಿ ಪ್ರತ್ಯೇಕವಾಗಿ ಎತ್ತಿಟ್ಟುಕೊಳ್ಳಿ. ಇನ್ನುಳಿದ 40 ಲಕ್ಷ ರೂಪಾಯಿಯನ್ನು ಸುರಕ್ಷಿತವಾದ ಮತ್ತು ಹೆಚ್ಚು ಬಡ್ಡಿ ನೀಡುವ ಉತ್ತಮ ಕೋ-ಆಪರೇಟಿವ್ (ಸಹಕಾರಿ) ಬ್ಯಾಂಕ್‌ಗಳಲ್ಲಿ ಇಡಿ."

2. ಒಟ್ಟಿಗೆ 40 ಲಕ್ಷ ಒಂದೇ FD ಮಾಡಬೇಡಿ

"ಬ್ಯಾಂಕ್‌ಗೆ ಹಾಕುವಾಗ 40 ಲಕ್ಷವನ್ನು ಒಂದೇ ಠೇವಣಿ ಮಾಡಬೇಡಿ. ಅದನ್ನು ತುಂಡು ತುಂಡಾಗಿ (Split ಮಾಡಿ) ಹಾಕಿ. 5-5 ಲಕ್ಷದಂತೆ 6 FD ಗಳನ್ನು ಮಾಡಿ (ಒಟ್ಟು 30 ಲಕ್ಷ). ಇನ್ನುಳಿದ 10 ಲಕ್ಷವನ್ನು 2-2 ಲಕ್ಷದಂತೆ 5 ಸಣ್ಣ FD ಗಳನ್ನು ಮಾಡಿ. ಹೀಗೆ ಮಾಡಿದಾಗ ಒಟ್ಟು 40 ಲಕ್ಷ ರೂಪಾಯಿ ಡೆಪಾಸಿಟ್ ಆಗುತ್ತದೆ."

3. ಈ ಐಡಿಯಾದಿಂದಾಗುವ ಲಾಭವೇನು?

"ನಾಳೆ ನಿಮಗೆ ಹಠಾತ್ ಆಗಿ ಆಸ್ಪತ್ರೆಗೋ ಅಥವಾ ಮನೆಗೋ ತೀರಾ ತುರ್ತಾಗಿ 2 ಲಕ್ಷ ರೂಪಾಯಿ ಬೇಕಾಯಿತು ಎಂದಿಟ್ಟುಕೊಳ್ಳಿ. ಆಗ ನೀವು ಕೇವಲ ಆ 2 ಲಕ್ಷದ ಒಂದು ಸಣ್ಣ FDಯನ್ನು ಮಾತ್ರ ಮುರಿದುಕೊಳ್ಳಬಹುದು! ಇದರಿಂದ ನಿಮ್ಮ ಉಳಿದ 38 ಲಕ್ಷ ರೂಪಾಯಿ ಅಸಲು ಹಾಗೇ ಇರುತ್ತದೆ, ಅದಕ್ಕೆ ಬರುವ ಬಡ್ಡಿಗೂ ಯಾವುದೇ ಕತ್ತರಿ ಬೀಳುವುದಿಲ್ಲ. ಎಲ್ಲವೂ ಮ್ಯಾನೇಜ್ ಆದಂತಾಗುತ್ತದೆ. ಈ ಆರ್ಥಿಕ ಲೆಕ್ಕಾಚಾರವನ್ನು ಪ್ರತಿಯೊಬ್ಬ ಜನಸಾಮಾನ್ಯರು, ಅದರಲ್ಲೂ ಮುಖ್ಯವಾಗಿ ನಮ್ಮ ರೈತರು ಅರ್ಥ ಮಾಡಿಕೊಳ್ಳಲೇಬೇಕು" ಎಂದು ವಿನೋದ್ ರಾಜ್ ಕಿವಿಮಾತು ಹೇಳಿದ್ದಾರೆ.

ನೆಲದ ನಂಟನ್ನು ಉಳಿಸಿಕೊಂಡು, ಕೃಷಿ ಬದುಕಿನ ವಾಸ್ತವವನ್ನು ಅರಿತಿರುವ ನಟ ವಿನೋದ್ ರಾಜ್ ಅವರ ಈ ಪ್ರಾಕ್ಟಿಕಲ್ ಮಾತುಗಳು, ಕಷ್ಟಪಟ್ಟು ದುಡಿದ ಹಣವನ್ನು ಕಳೆದುಕೊಳ್ಳುವ ಎಷ್ಟೋ ರೈತ ಕುಟುಂಬಗಳಿಗೆ ನಿಜಕ್ಕೂ ದಾರಿದೀಪವಾಗಿದೆ.

ವಿನೋದ್ ರಾಜ್ ಕೇವಲ ಬಾಯುಪಚಾರಕ್ಕೆ ಈ ಆರ್ಥಿಕ ಸಲಹೆಗಳನ್ನು ನೀಡುತ್ತಿಲ್ಲ. ಚಿತ್ರರಂಗದ ಏಳು-ಬೀಳುಗಳನ್ನು, ಕಡುಬಡತನವನ್ನು, ಹಣದ ಮುಖಗಳನ್ನು ಮತ್ತು ರೈತರ ನೈಜ ಕಷ್ಟಗಳನ್ನು ಅತ್ಯಂತ ಹತ್ತಿರದಿಂದ ಕಂಡವರು. ಪ್ರತಿದಿನ ತೋಟದಲ್ಲಿ ಬೆವರು ಸುರಿಸಿ ದುಡಿಯುವ ಇವರಿಗೆ, ದುಡ್ಡಿನ ನಿಜವಾದ ಮೌಲ್ಯ ಮತ್ತು ಕಷ್ಟಪಟ್ಟು ಸಂಪಾದಿಸಿದ ಹಣ ಹೇಗೆ ಮಣ್ಣುಪಾಲಾಗುತ್ತದೆ ಎಂಬ ಕಹಿ ವಾಸ್ತವ ಚೆನ್ನಾಗಿ ಗೊತ್ತು.

ಕಾಂಗ್ರೆಸ್, ಬಿಜೆಪಿಯವ್ರು ಆಫರ್ ಕೊಟ್ರೂ JDSಗೆ ಹೋಗಿದ್ಯಾಕೆ Bigg Boss ಜಾಹ್ನವಿ? ಏನ್ ಹೇಳಿದ್ರು ಕೇಳಿ

Suchethana D — Tue, 20 Oct 2026 19:54:18 +0530

ಮಾಧ್ಯಮ ಕ್ಷೇತ್ರದಲ್ಲಿ ನಿರೂಪಕಿಯಾಗಿ, ರಿಯಾಲಿಟಿ ಶೋ ಹಾಗೂ ಸಿನಿಮಾಗಳ ಮೂಲಕ ಕನ್ನಡಿಗರಿಗೆ ಪರಿಚಿತರಾಗಿದ್ದ ಬಿಗ್‌ಬಾಸ್ ಜಾಹ್ನವಿ (Bigg Boss Jahnavi) ಅವರಿಗೆ ಜಾತ್ಯತೀತ ಜನತಾದಳ (ಜೆಡಿಎಸ್) ಪಕ್ಷದಲ್ಲಿ ಮಹತ್ವದ ಜವಾಬ್ದಾರಿ ಸಿಕ್ಕಿದೆ. ಜಾಹ್ನವಿ ಅವರನ್ನು ಜೆಡಿಎಸ್ ಪಕ್ಷದ 'ರಾಜ್ಯ ಪ್ರಧಾನ ಕಾರ್ಯದರ್ಶಿ'ಯಾಗಿ ನೇಮಕ ಮಾಡಿ, ಪಕ್ಷದ ರಾಜ್ಯಾಧ್ಯಕ್ಷ ಹಾಗೂ ಕೇಂದ್ರ ಸಚಿವ ಎಚ್.ಡಿ. ಕುಮಾರಸ್ವಾಮಿ ಅವರು ಈಚೆಗಷ್ಟೇ ಆದೇಶ ಹೊರಡಿಸಿದ್ದಾರೆ. ತಮಿಳುನಾಡಿನ ಮುಖ್ಯಮಂತ್ರಿಯಾಗಿದ್ದ ಜಯಲಲಿತಾ ಅವರನ್ನೇ ಮಾದರಿಯಾಗಿಟ್ಟುಕೊಂಡು, ಮುಂದೊಂದು ದಿನ ಅವರಂತೆಯೇ ಬೆಳೆಯಬೇಕು ಎಂದು ಕನಸು ಕಂಡಿದ್ದ ಜಾಹ್ನವಿ ಅವರಿಗೆ, ತಾನಾಗಿಯೇ ರಾಜಕೀಯ ಒಲಿದು ಬಂದಿದಂತೆ. ಮ್ಯಾನಿಫೆಸ್ಟೇಷನ್ ಮಾಡಿದ್ದು ನನಸಾಗುವಂತೆ ಒಂದೇ ಸಲಕ್ಕೆ ಕಾಂಗ್ರೆಸ್, ಬಿಜೆಪಿ ಮತ್ತು ಜೆಡಿಎಸ್ ಎಲ್ಲೆಡೆಯಿಂದಲೂ ಆಫರ್ ಬಂದಿರುವುದಾಗಿ ಸಂದರ್ಶನವೊಂದರಲ್ಲಿ ತಿಳಿಸಿದ್ದಾರೆ.

ಹಾಗಿದ್ದರೆ ಜಾಹ್ನವಿ ಬಿಜೆಪಿ, ಕಾಂಗ್ರೆಸ್ ಬಿಟ್ಟು ಜೆಡಿಎಸ್ ಸೇರಿದ್ಯಾಕೆ? ಈ ಪ್ರಶ್ನೆಗೆ ಅವರು ಸಂದರ್ಶನವೊಂದರಲ್ಲಿ ಉತ್ತರಿಸಿದ್ದಾರೆ. sabhewithsaba ಎನ್ನುವ ಚಾನೆಲ್ಗೆ ನೀಡಿರುವ ಸಂದರ್ಶನದಲ್ಲಿ ಜಾಹ್ನವಿ ಇದನ್ನು ರಿವೀಲ್ ಮಾಡಿದ್ದಾರೆ. ಬಿಗ್ಬಾಸ್ನಿಂದ ಬಂದ ಮೇಲೆ ಒಮ್ಮೆ ಕಾರ್ಯಕ್ರಮಕ್ಕೆ ಹೋದಾಗ, ಅಲ್ಲಿ ಬಿಜೆಪಿಯವರೊಬ್ಬರು, ನೀವು ನಮ್ಮ ಪಕ್ಷಕ್ಕೆ ಬನ್ನಿ. ಮೋಹನ್ ಭಾಗವತ್ ಅವರನ್ನು ಭೇಟಿ ಮಾಡಿಸುತ್ತೇನೆ ಎಂದರು. ಆಗ ನನಗೆ ಭಯ ಆಗಿ ಹೋಯ್ತು. ಏಕೆಂದರೆ, ಆ್ಯಂಕರಿಂಗ್ ಮಾಡುವ ಸಮಯದಲ್ಲಿ ನಟನೆಗೆ ಹೋದಾಗ, ಆ್ಯಂಕರಿಂಗ್ ಮಾಡಲ್ವೇನೋ ಎಂದು ನನಗೆ ಆಫರ್ ಬಂದಿರಲಿಲ್ಲ. ಈಗ ಏಕಾಏಕಿ ರಾಜಕೀಯಕ್ಕೆ ಹೋದರೆ ನಟನೆಗೂ ಕರೆಯದಿದ್ದರೆ ಏನು ಮಾಡೋದು, ದುಡ್ಡು ಬೇಕಲ್ವಾ, ಅದಕ್ಕೇ ಬಿಜೆಪಿ ಸೇರೋ ಆಸೆಯಾದ್ರೂ ನೋಡ್ತೇನೆ ನೋಡ್ತೇನೆ ಎಂದು ಕಾಲ ತಳ್ಳಿದೆ ಎಂದು ಜಾಹ್ನವಿ ಹೇಳಿದ್ದಾರೆ.

ಜಾಹ್ನವಿ ಹೇಳಿದ್ದೇನು?

ಕೊನೆಗೆ ಅದೇ ಸ್ವಲ್ಪ ದಿನದ ಬಳಿಕ ಜೆಡಿಎಸ್ ಪಕ್ಷದವರು ಒಬ್ಬರು ಕರೆದರು. ಟಿಕೆಟ್ ಕೊಡಿಸುವುದಾಗಿಯೂ ಹೇಳಿದರು. ನನ್ನ ಸಮಾಜಸೇವೆ ಕಾರ್ಯವನ್ನೆಲ್ಲಾ ನೋಡಿ ಅವರು ಖುಷಿಪಟ್ಟಿದ್ದರು. ಆರಂಭದಲ್ಲಿ ನನಗೆ ಕಸಿವಿಸಿ ಆಯ್ತು. ಎಲೆಕ್ಷನ್ ಎಲ್ಲಾ ಎಂದರೆ ತುಂಬಾ ದುಡ್ಡು ಬೇಕಾಗುತ್ತದೆ. ಅದೆಲ್ಲಾ ನನಗೆ ಕಷ್ಟವಾಗಬಹುದು ಎಂದು ಅದನ್ನೂ ಮುಂದೆ ಹಾಕಲು ನೋಡಿದೆ. ಕೊನೆಗೆ ಅವರು ಪದೇಪದೇ ಕರೆದಾಗ ಒಪ್ಪಿಕೊಳ್ಳುವಂತಾಯಿತು ಎಂದು ಜಾಹ್ನವಿ ರಿವೀಲ್ ಮಾಡಿದ್ದಾರೆ. ದೇವರೇ ಹಾದಿ ಮಾಡಿಕೊಟ್ಟಿದ್ದಾರೆ ಎಂದು ಹೋದೆ. ಸೇರ್ಪಡೆಯಾಗಿಯೇ ಹೋಯ್ತು ಎಂದು ತಿಳಿಸಿದ್ದಾರೆ.

ಎಲ್ಲೆಡೆಯಿಂದ ಕಾಲ್ ಬಂದಿತ್ತು

ನನಗೆ ಇಂಥದ್ದೇ ಪಕ್ಷ ಅಂತೇನೂ ಇರಲಿಲ್ಲ. ರಾಜಕೀಯ ಎಂದರೆ ಅದಲ್ಲಿ ಜಾತಿ ಲೆಕ್ಕಾಚಾರವೂ ನಡೆಯುತ್ತಿದೆ. ನಾನು ವೀರಶೈವ ಲಿಂಗಾಯತ. ಜಾತಿವಾದವನ್ನು ನೋಡುವುದಿದ್ದರೆ ಬಿಜೆಪಿಗೆ ಸೇರುತ್ತಿದ್ದೆ. ಸಡನ್ ಆಗಿ ದುಡ್ಡು ಬೇಕು ಎಂದರೆ ಆಡಳಿತ ಪಕ್ಷ (ಕಾಂಗ್ರೆಸ್) ಸೇರುತ್ತಿದ್ದೆ. ನಾನು ಜರ್ನಲಿಸ್ಟ್ ಆಗಿರುವುದರಿಂದ ಎಲ್ಲಾ ಪರಿಚಯ ಇದೆ. ಕಾಂಗ್ರೆಸ್ನವರೂ ನನ್ನನ್ನು ಕರೆದಿದ್ದರು. ಜಾತಿ, ಅಧಿಕಾರ, ದುಡ್ಡು ಎಲ್ಲಕ್ಕಿಂತಲೂ ಮುಖ್ಯವಾಗಿ ನನ್ನ ಯೋಚನೆ ಬೇರೆಯಾಯ್ತು. 20 ತಿಂಗಳು ಅಧಿಕಾರಾವಧಿಯಲ್ಲಿ ಒಬ್ಬ ನಾಯಕನನ್ನು ನೆನಪಿಸಿಕೊಳ್ತೇವೆ ಎಂದರೆ ಅದು ಕುಮಾರಣ್ಣ. ಯೋಜನೆಯನ್ನು ತಂದಾಗ ಮೊದಲಿಗೆ ನೆನಪಿಸಿಕೊಳ್ಳೋದು ಇವರೇ. ಕುಮಾರಣ್ಣ ಅವರನ್ನೇ ಎಲ್ಲರೂ ನೆನಪಿಸಿಕೊಳ್ತಾರೆ. ರೈತರ ಸಾಲಮನ್ನಾ, ಗ್ರಾಮ ವಾಸ್ತವ್ಯ ಎಲ್ಲವೂ ಈಗಲೂ ನೆನಪಿಸಿಕೊಳ್ತಾರೆ. ಸೋ ನಾನು ಅದನ್ನು ಆಯ್ಕೆ ಮಾಡಿಕೊಂಡೆ ಎಂದಿದ್ದಾರೆ.

Premada Oorali ತಂಡ ಶಿವಣ್ಣನ ಮನೆಯಲ್ಲಿ: ನಟ ಏನಂದ್ರು? ಸುಂದರ ಕ್ಷಣಗಳ ಫೋಟೋಸ್ ಇಲ್ಲಿವೆ

Suchethana D — Tue, 20 Oct 2026 19:11:20 +0530

ಕೇವಲ ಎರಡು ಕೋಟಿ ರೂಪಾಯಿ ಬಜೆಟ್ನಲ್ಲಿ ಮಾಡಿದ್ದ ಪ್ರೇಮದ ಊರಲಿ ತಂಡ, ಕೇವಲ ಜನರ ಬಾಯಿಯಿಂದ ಬಾಯಿ ಪ್ರಚಾರದಿಂದಾಗಿಯೇ 100 ಕೋಟಿ ದಾಟುವತ್ತ ದಾಪುಗಾಲು ಹಾಕಿದೆ. ನಟ ಶಿವರಾಜ್ ಕುಮಾರ್ ಅವರು ಇಡೀ ಚಿತ್ರ ತಂಡವನ್ನು ತಮ್ಮ ಮನೆಗೆ ಕರೆಸಿಕೊಂಡು ಹಾರೈಸಿದ್ದಾರೆ. ನಟ ಹೇಳಿದ್ದೇನು?

ಕೇವಲ ಎರಡು ಕೋಟಿ ರೂಪಾಯಿ ಬಜೆಟ್ನಲ್ಲಿ ಮಾಡಿದ್ದ ಪ್ರೇಮದ ಊರಲಿ ತಂಡ, ಕೇವಲ ಜನರ ಬಾಯಿಯಿಂದ ಬಾಯಿ ಪ್ರಚಾರದಿಂದಾಗಿಯೇ 100 ಕೋಟಿ ದಾಟುವತ್ತ ದಾಪುಗಾಲು ಹಾಕಿದೆ. ಒಂದೊಳ್ಳೆ ಚಿತ್ರ, ಮನೆಮಂದಿಯೆಲ್ಲಾ ಕುಳಿತು ನೋಡುವ ಚಿತ್ರವನ್ನು ಕೊಟ್ಟರೆ, ಜನರು ಅದನ್ನು ಹೇಗೆ ಸ್ವೀಕರಿಸುತ್ತಾರೆ, ಪ್ರಚಾರಕ್ಕೆ ಕೋಟಿ ಕೋಟಿ ಸುರಿಯದಿದ್ದರೂ, ಜನರ ಬಾಯಿಯಿಂದ ಬಾಯಿ ಪ್ರಚಾರದಿಂದಲೇ ಹೇಗೆ ಸಿನಿಮಾ ಒಂದು ಸಕ್ಸಸ್ ಆಗಬಹುದು ಎನ್ನುವುದಕ್ಕೆ ಸಾಕ್ಷಿಯಾಗಿ ನಿಂತಿರೋದು ಪ್ರೇಮದ ಊರಲಿ ಮೂವಿ (Premada Oorali Kannada Movie)

ಪ್ರೇಮದ ಊರಲಿ ಸಕ್ಸಸ್ ಬಗ್ಗೆ ಇದಾಗಲೇ ಕೆಲವು ನಟರು ಶ್ಲಾಘಿಸಿ ಮಾತನಾಡಿದ್ದಾರೆ. ಇದೀಗ ನಟ ಶಿವರಾಜ್ ಕುಮಾರ್ ಅವರು ಇಡೀ ಚಿತ್ರ ತಂಡವನ್ನು ತಮ್ಮ ಮನೆಗೆ ಕರೆಸಿಕೊಂಡಿದ್ದರು. ಚಿತ್ರದ ನಾಯಕಿ ರಮಿಕಾ ಶಿವು, ನಾಯಕ ಶ್ರೀರಾಮ್, ನಿರ್ಮಾಪಕ ದೇವೇಂದ್ರ ನಾಯ್ಡು ಹೀಗೆ ಎಲ್ಲರೂ ಶಿವಣ್ಣನ ಮನೆಗೆ ಹೋಗಿದ್ದಾರೆ.

ಅಪ್ಪಾಜಿ ಕಾಲದಿಂದಲೂ ಕನ್ನಡ ಸಿನಿಮಾಗಳಿಗೆ ಬೆಲೆ ಇದ್ದೇ ಇದೆ. ಪ್ರತಿ 10 ವರ್ಷಕ್ಕೆ ಒಂದು ಈ ರೀತಿಯ ಚಿತ್ರ ಬರುತ್ತದೆ. ಪ್ರೇಮದ ಊರಲಿ ಸಿನಿಮಾ ಆ ರೀತಿಯ ಚಿತ್ರವೇ ಆಗಿದೆ ಎಂದು ಶಿವಣ್ಣ ಹೇಳಿದ್ದಾರೆ.

ನಿಮ್ಮ ಚಿತ್ರದ ಗೆಲುವು ತುಂಬಾನೆ ಖುಷಿ ಕೊಟ್ಟಿದೆ. ಕನ್ನಡ ಸಿನಿಮಾ ಹೋಗ್ತಿರೋದಕ್ಕೆ ತುಂಬಾನೆ ಸಂತೋಷ್ ಇದೆ. ದೊಡ್ಡ ಬಜೆಟ್ ಚಿತ್ರಗಳಷ್ಟೇ ಅಲ್ಲ, ಚಿಕ್ಕ ಬಜೆಟ್‌ನ ಸಿನಿಮಾಗಳು ಬರಬೇಕು ಎಂದು ಇದೇ ವೇಳೆ ಚಿತ್ರತಂಡವನ್ನು ನಟ ಕೊಂಡಾಡಿದ್ದಾರೆ.

10 ದಿನಗಳ ಹಿಂದೆಯೇ ಭೇಟಿಯಾಗಬೇಕಿತ್ತು. ನನಗೆ ಬಹಳ ಖುಷಿಯಾಗುತ್ತಿದೆ. ನಮ್ಮ ಕನ್ನಡ ಸಿನಿಮಾ ಉತ್ತಮ ಪ್ರದರ್ಶನ ನೀಡುತ್ತಿದೆ. ಹೈ ಬಜೆಟ್ ಸಿನಿಮಾಗಳೇ ಓಡೋದು ಅನ್ನೋ ಯುಗದಲ್ಲಿ ಉತ್ತಮ ಸಿನಿಮಾಗಳು ಗೆಲ್ಲುತ್ತಿವೆ. ನಮ್ಮ ಭಾಷೆ, ನಮ್ಮ ಚಿತ್ರಗಳು ಸದಾ ಉನ್ನತ ಮಟ್ಟದಲ್ಲಿರಬೇಕು ಎಂದು ನಟ ಹೇಳಿದ್ದಾರೆ.

ಇಲ್ಲಿಯವರೆಗೆ, ಪ್ರೇಮದ ಊರಲಿ ಚಿತ್ರದ 24 ದಿನಗಳ ಒಟ್ಟು ಕಲೆಕ್ಷನ್ ಹೀಗಿದೆ: ಗ್ಲೋಬಲ್ ಕಲೆಕ್ಷನ್: 93.07 ಕೋಟಿ ರೂಪಾಯಿ; ಭಾರತದ ಗ್ರಾಸ್ ಕಲೆಕ್ಷನ್: 90.57 ಕೋಟಿ ರೂಪಾಯಿ ಹಾಗೂ ಇಂಡಿಯಾ ನೆಟ್ ಕಲೆಕ್ಷನ್: 77.52 ಕೋಟಿ ರೂಪಾಯಿ.

ಯಶಸ್ಸಿನ ಓಟದಲ್ಲಿರುವ ಪ್ರೇಮದ ಊರಲಿ ಸಿನಿಮಾ ನಟಿ ಭಾವುಕ, ಕ್ಷಮಿಸಿ ಎಂದು ಕಣ್ಣೀರಿಟ್ಟ ಇಳಾ ವಿಟ್ಲ

Chethan Kumar — Tue, 20 Oct 2026 18:58:49 +0530

ಬೆಂಗಳೂರು (ಅ.20) ಪ್ರೇಮದ ಊರಲಿ ಸಿನಿಮಾ ಸ್ಯಾಂಡಲ್‌ವುಡ್ ಮಾತ್ರವಲ್ಲ, ಕಡಿಮೆ ಬಜೆಟ್‌ನಲ್ಲಿ ಭರ್ಜರಿ ಗಳಿಕೆ ಕಂಡ ದೇಶದ ಸಿನಿಮಾ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ. ರಾಜ್ಯದೆಲ್ಲೆಡೆ ಉತ್ತಮ ಪ್ರದರ್ಶನ ಕಾಣುತ್ತಿರುವ ಪ್ರೇಮದ ಊರಲಿ ಸಿನಿಮಾಗೆ ಮೆಚ್ಚುಗೆ ಸುರಿಮಳೆ ವ್ಯಕ್ತವಾಗುತ್ತಿದೆ. ಸಿನಿಮಾ ಯಶಸ್ಸಿನ ಹಿಂದೆ ಅವಿರತ ಪ್ರಯತ್ನ, ಪರಿಶ್ರಮ, ಹಲವು ತ್ಯಾಗಗಳಿವೆ. ಪ್ರೇಮದ ಊರಲಿ ಸಿನಿಮಾ ಶೂಟಿಂಗ್, ಹಿಂದಿನ ನೋವಿನ ಘಟನೆಗಳನ್ನು ನೆನೆದು ನಟಿ ಇಳಾ ವಿಟ್ಲಾ ಭಾವುಕರಾಗಿದ್ದಾರೆ. ತಾಳಿ ಅಡವಿಟ್ಟ ಪರಿಸ್ಥಿತಿ ನೆನೆದು ಇಳಾ ವಿಟ್ಟಾ ಕಣ್ಣೀರಿಟ್ಟಿದ್ದಾರೆ.

ತಾಳಿ ಅಡವಿಟ್ಟ ಘಟನೆ ನೆನದು ಭಾವುಕರಾದ ಇಳಾ ವಿಟ್ಲಾ

ಏಷ್ಯಾನೆಟ್ ಸುವರ್ಣನ್ಯೂಸ್‌ಗೆ ನೀಡಿದ ಸಂದರ್ಶನದಲ್ಲಿ ಇಳಾ ವಿಟ್ಲಾ ತೆರೆ ಹಿಂದಿನ ಘಟನೆಗಳನ್ನು ಹಂಚಿಕೊಂಡಿದ್ದಾರೆ. ನಿರ್ದೇಶಕ ಮನೋಜ್ ಪ್ರೇಮದ ಊರಲಿ ಸಿನಿಮಾಗೆ ಕೈಯಲ್ಲಿರುವ ಹಣ, ಸಾಲ ಪಡೆದು, ಕೊನೆಗೆ ತಾಳಿ ಅಡವಿಟ್ಟು ಶೂಟಿಂಗ್ ಮಾಡಬೇಕಾದ ಪರಿಸ್ಥಿತಿ ಎದುರಾಗಿತ್ತು ಅನ್ನೋ ನೋವಿನ ಘಟನೆಯನ್ನು ಸಿನಿಮಾದಲ್ಲಿ ಅಜ್ಜಿ ಪಾತ್ರ ಮಾಡಿದ ಇಳಾ ವಿಟ್ಲಾ ನೆನೆದು ಭಾವುಕರಾಗಿದ್ದಾರೆ. ಶೂಟಿಂಗ್ ವೇಳೆ ಮನೋಜ್ ಅವರ ಆರ್ಥಿಕ ಪರಿಸ್ಥಿತಿ ಕುರಿತು ನನಗೆ ಗೊತ್ತಿರಲಿಲ್ಲ. ಆದರೆ ಸೆಟ್‌ನಲ್ಲಿ ಅವರು ಅತೀವವಾಗಿ ಟೆನ್ಶನ್ ಆಗಿದ್ದರು. ಹಲವು ಬಾರಿ ರೇಗಾಡುತ್ತಿದ್ದರು. ನಿಂತಲ್ಲೇ ನಿಲ್ಲುತ್ತಿರಲಿಲ್ಲ. ಆದರೆ ಇದರ ಹಿಂದೆ ತಾಳಿ ಅಡವಿಟ್ಟ ಘಟನೆ ಇತ್ತು ಅನ್ನೋದು ಅಂದು ಗೊತ್ತಿರಲಿಲ್ಲ ಎಂದು ಇಳಾ ವಿಟ್ಟ ಹೇಳಿದ್ದಾರೆ.

ಈ ಪರಿಸ್ಥಿತಿ ಯಾರಿಗೂ ಬರಬಾರದು

ಪ್ರೇಮದ ಊರಲಿ ಕೊನೆಯ ಸೀನ್ ಶೂಟಿಂಗ್ ಮಾಡಲು ನಿರ್ದೇಶಕ ಮನೋಜ್ ಕುಮಾರ್ ತನ್ನ ತಾಯಿಯ ತಾಳಿಯನ್ನೇ ಅಡವಿಟ್ಟಿದ್ದರು. ಈ ಕುರಿತು ಮನೋಕ್ ಕುಮಾರ್ ಅವರ ಸಂದರ್ಶನದಲ್ಲೇ ನೋಡಿ ತಿಳಿಯಿತು. ವಿಚಾರ ತಿಳಿದ ತೀವ್ರವಾಗಿ ಬೇಸರವಾಯಿತು ಎಂದು ಇಳಾ ವಿಟ್ಲ ಹೇಳಿದ್ದಾರೆ. ಅಂತಹ ತಂದೆ ತಾಯಿ ಸಿಗಲು ಪುಣ್ಯ ಮಾಡಿರಬೇಕು. ಕಾರಣ ದುಡ್ಡು ಖರ್ಚು ಮಾಡುವ ಯಾವುದೇ ವಿಚಾರಕ್ಕೂ ತಂದೆ ತಾಯಿ ಬೇಡ ಎನ್ನುತ್ತಾರೆ. ಅದರಲ್ಲಿ ತನ್ನ ತಾಳಿಯನ್ನೇ ಅಡವಿಟ್ಟು ಮಗನ ಸಿನಿಮಾ ಶೂಟಿಂಗ್‌ಗೆ ದುಡ್ಡು ನೀಡುತ್ತಾರೆ ಎಂದರೆ ಕೇಳಿ ನೋವಾಯಿತು. ಈ ಪರಿಸ್ಥಿತಿ ಯಾರಿಗೂ ಬರಬಾರದು. ತಾಯಿ ಮನಸ್ಸು, ಮಕ್ಕಳು..ಎಂದು ಇಳಾ ವಿಟ್ಲಾ ಭಾವುಕರಾಗಿ ಕಣ್ಣೀರಿಟ್ಟಿದ್ದಾರೆ.

ತಾಯಿಗೆ ತಾಳಿ ಅತ್ಯಂತ ಮುಖ್ಯ. ಮಗ ಮುಂದಿನ ದಿನ ಏನೋ ಆಗುತ್ತಾನೆ, ಬೆಳೆಯುತ್ತಾನೆ ಎಂಬ ಆತ್ಮವಿಶ್ವಾಸದ ಮುಂದೆ ಅವರ ತಾಳಿಯೂ ದೊಡ್ಡ ವಿಚಾರವಾಗಿ ಆಕೆಗೆ ಕಾಣಲಿಲ್ಲ. ಮಗನ ಸಾಧನೆಗೆ ಅಡವಿಡಲು ಕೊಟ್ಟಿದ್ದಾರೆ. ಶೂಟಿಂಗ್ ಸೆಟ್‌ನಲ್ಲಿ ಒದ್ದಾಡುವುದನ್ನು ನಾನು ನೋಡಿದ್ದೇನೆ. ಸಿನಿಮಾ ರಿಲೀಸ್ ದಿನ ನನಗೆ ಬೇರೆ ಶೂಟಿಂಗ್ ಇತ್ತು . ಹಾಗಾಗಿ ಥಿಯೇಟರ್‌ನಲ್ಲಿ ಇರಲು ಸಾಧ್ಯವಾಗಲಿಲ್ಲ. ಮನೋಜ್ ಕುಮಾರ್ ನನಗೆ ಕರೆ ಮಾಡಿ, ನಮ್ಮ ಸಿನಿಮಾ ಮೇಡಂ ಇದು, ನೀವು ಇರಬೇಕಿತ್ತು ಎಂದಿದ್ದರು. ಮನೋಜ್ ಕುಮಾರ್‌ಗೆ ಆರೋಗ್ಯ ಸರಿ ಇಲ್ಲದಿದ್ದರೂ ಅವರು ಖುದ್ದು ತಮ್ಮ ಸಿನಿಮಾ ಯಶ್ಸಸಿಗೆ ಕಾದು ಕುಳಿತಿದ್ದರು ಎಂದು ಇಳಾ ವಿಟ್ಲಾ ಹೇಳಿದ್ದಾರೆ.

ವಿಜಯದಶಮಿ ದಿನ ವಿಜಯಲಕ್ಷ್ಮಿ ಚಮತ್ಕಾರ.. ದರ್ಶನ್ ಹಾಗೂ ಜವಾಬ್ದಾರಿ ಬಗ್ಗೆ ಮಾತು; ಯಾರಿಗೆ ಕೌಂಟರ್ ?

Shriram Bhat — Tue, 20 Oct 2026 18:58:31 +0530

ಧನ್ವೀರ್ ಗೌಡ ಖಡಕ್ ಮಾತು, ಆ ಬೆನ್ನಲ್ಲೇ ವಿಜಯಲಕ್ಷ್ಮಿ ಪೋಸ್ಟ್ ವೈರಲ್! ಏನಿದು ಚಮತ್ಕಾರ!

ನಾಡಿನಾದ್ಯಂತ ಆಯುಧಪೂಜೆ ಮತ್ತು ವಿಜಯದಶಮಿಯ ಸಂಭ್ರಮ ಮನೆಮಾಡಿರುವ ಬೆನ್ನಲ್ಲೇ, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ವಿಚಾರ ಮತ್ತೆ ಚರ್ಚೆಗೆ ಬಂದಿದೆ. ಒಂದೆಡೆ ದರ್ಶನ್ ಪತ್ನಿ ವಿಜಯಲಕ್ಷ್ಮಿ ದರ್ಶನ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಸಂದೇಶ ಗಮನ ಸೆಳೆದಿದ್ದರೆ, ಮತ್ತೊಂದೆಡೆ ಚಾಮರಾಜನಗರದ ದಸರಾ ಕಾರ್ಯಕ್ರಮದಲ್ಲಿ ನಟ ಧನ್ವೀರ್ ಗೌಡ ನೀಡಿದ ಹೇಳಿಕೆ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.

ವಿಜಯದಶಮಿ ಶುಭಾಶಯದೊಂದಿಗೆ ವಿಜಯಲಕ್ಷ್ಮಿ ಸಂದೇಶ

ಪತಿ ದರ್ಶನ್ ಅವರೊಂದಿಗಿನ ಫೋಟೋ ಹಂಚಿಕೊಂಡಿರುವ ವಿಜಯಲಕ್ಷ್ಮಿ, ಅಭಿಮಾನಿಗಳಿಗೆ ವಿಜಯದಶಮಿಯ ಶುಭಾಶಯಗಳನ್ನು ತಿಳಿಸಿದ್ದಾರೆ. ಆದರೆ, ಫೋಟೋ ಜೊತೆಗೆ ಬರೆದಿರುವ ಅವರ ಮಾತುಗಳು ಇದೀಗ ವಿಶೇಷ ಚರ್ಚೆಗೆ ಕಾರಣವಾಗಿವೆ.

“ಬಾಸ್ ಹೆಸರು ಮೆಚ್ಚುಗೆಗಿರಲಿ, ಟೀಕೆಗಿರಲಿ, ಸ್ವಹಿತ ಸಾಧನೆಯ ಸಾಧನವಾಗದಂತೆ ನೋಡಿಕೊಳ್ಳುವುದು ಎಲ್ಲರ ಜವಾಬ್ದಾರಿ. ಅಭಿಪ್ರಾಯದಲ್ಲಿ ಪ್ರಾಮಾಣಿಕತೆ ಇರಲಿ, ಮಾತಿನಲ್ಲಿ ಗೌರವವಿರಲಿ. ಎಲ್ಲರಿಗೂ ವಿಜಯದಶಮಿಯ ಹಾರ್ದಿಕ ಶುಭಾಶಯಗಳು” ಎಂದು ಅವರು ಬರೆದುಕೊಂಡಿದ್ದಾರೆ.

ದರ್ಶನ್ ಪರ ಮತ್ತು ವಿರೋಧದ ಚರ್ಚೆಗಳು ನಡೆಯುತ್ತಿರುವ ಸಂದರ್ಭದಲ್ಲಿ ವಿಜಯಲಕ್ಷ್ಮಿ ಹಂಚಿಕೊಂಡಿರುವ ಈ ಸಂದೇಶದ ಬಗ್ಗೆ ಅಭಿಮಾನಿಗಳು ಗಮನ ಹರಿಸಿದ್ದಾರೆ. ಫೋಟೋದಲ್ಲಿ ವಿಜಯಲಕ್ಷ್ಮಿ ಕೆಂಪು ಬಣ್ಣದ ಸಲ್ವಾರ್ ಧರಿಸಿ ಸರಳವಾಗಿ ಕಾಣಿಸಿಕೊಂಡಿದ್ದಾರೆ. ದರ್ಶನ್ ಬೂದು ಬಣ್ಣದ ಶರ್ಟ್ ಮತ್ತು ಬಿಳಿ ಪ್ಯಾಂಟ್ ಧರಿಸಿದ್ದು, ಪತ್ನಿಯ ಹೆಗಲ ಮೇಲೆ ಕೈ ಹಾಕಿರುವ ಚಿತ್ರವೂ ಗಮನ ಸೆಳೆಯುತ್ತಿದೆ.

ಚಾಮರಾಜನಗರ ದಸರಾದಲ್ಲಿ ಧನ್ವೀರ್ ಗೌಡ ಹೇಳಿದ್ದೇನು?

ಇನ್ನು ಚಾಮರಾಜನಗರದ ದಸರಾ ಸಂಭ್ರಮದಲ್ಲೂ ಡಿ ಬಾಸ್ ಅಭಿಮಾನಿಗಳ ಉತ್ಸಾಹ ಜೋರಾಗಿತ್ತು. ಕಾರ್ಯಕ್ರಮದ ವೇಳೆ ದರ್ಶನ್ ಪರವಾಗಿ ಘೋಷಣೆಗಳನ್ನು ಕೂಗಿದ ಅಭಿಮಾನಿಗಳಿಗೆ ನಟ ಧನ್ವೀರ್ ಗೌಡ ಪ್ರತಿಕ್ರಿಯಿಸಿದ್ದಾರೆ.

“ನಿಮ್ಮ ಪ್ರೀತಿ, ಪ್ರೋತ್ಸಾಹ ನಮ್ಮ ಮೇಲಿರಲಿ. ತಾಯಿ ಚಾಮುಂಡೇಶ್ವರಿ ಆಶೀರ್ವಾದ ಎಲ್ಲರ ಮೇಲಿರಲಿ” ಎಂದು ಅಭಿಮಾನಿಗಳಿಗೆ ಧನ್ಯವಾದ ಹೇಳಿದ್ದಾರೆ. ಇದೇ ವೇಳೆ, “ನಂಗೆ ಮಾದಪ್ಪನ ಬೆಟ್ಟ ಅಂದ್ರೆ ತುಂಬಾ ಇಷ್ಟ” ಎಂದು ಚಾಮರಾಜನಗರದ ಬಗ್ಗೆಯೂ ತಮ್ಮ ಅಭಿಮಾನವನ್ನು ವ್ಯಕ್ತಪಡಿಸಿದ್ದಾರೆ.

ದರ್ಶನ್ ವಿರೋಧಿಗಳಿಗೆ ಧನ್ವೀರ್ ತಿರುಗೇಟು

ದರ್ಶನ್ ಬಗ್ಗೆ ಮಾತನಾಡಿದ ಧನ್ವೀರ್ ಗೌಡ, ಅವರ ವಿರೋಧಿಗಳಿಗೆ ಖಡಕ್ ಸಂದೇಶ ನೀಡಿದ್ದಾರೆ. “ಎಷ್ಟೇ ಕೂಗ್ರಿ, ಏನೇ ಮಾಡ್ರಿ. ಯಾವ ನಾಯಿ ನರಿಗಳು ಏನೇ ಕುತಂತ್ರ ಮಾಡಿದ್ರೂ ಅವರನ್ನು ಏನು ಮಾಡಲಿಕ್ಕೆ ಆಗಲ್ಲ” ಎಂದು ಹೇಳುವ ಮೂಲಕ ತಮ್ಮ ಆಕ್ರೋಶ ಹೊರಹಾಕಿದ್ದಾರೆ.

ಇಷ್ಟೇ ಅಲ್ಲದೆ, “ನಟ ದರ್ಶನ್ ಆದಷ್ಟು ಬೇಗ ಹೊರಗಡೆ ಬಂದೇ ಬರ್ತಾರೆ. ನಿಮ್ಮ ಪ್ರೀತಿ, ಆಶೀರ್ವಾದ, ಬೆಂಬಲ ಅವರ ಮೇಲೆ ಸದಾ ಹೀಗೆ ಇರಲಿ” ಎಂದು ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದಾರೆ. ಈ ಮಾತುಗಳ ಬೆನ್ನಲ್ಲೇ ಅಭಿಮಾನಿಗಳು ‘ಡಿ ಬಾಸ್, ಡಿ ಬಾಸ್’ ಎಂದು ಜೋರಾಗಿ ಘೋಷಣೆ ಕೂಗಿದ್ದಾರೆ.

ಒಟ್ಟಿನಲ್ಲಿ, ವಿಜಯಲಕ್ಷ್ಮಿ ದರ್ಶನ್ ಅವರ ಸಂದೇಶ ಮತ್ತು ಧನ್ವೀರ್ ಗೌಡ ಅವರ ಹೇಳಿಕೆ ಹಬ್ಬದ ಸಂಭ್ರಮದ ನಡುವೆಯೂ ದರ್ಶನ್ ಅಭಿಮಾನಿಗಳ ಗಮನ ಸೆಳೆದಿವೆ. ಈ ಇಬ್ಬರ ಮಾತುಗಳು ಇದೀಗ ಸ್ಯಾಂಡಲ್‌ವುಡ್ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿವೆ.

ದೊಡ್ಡ ಬಜೆಟ್ ಸಿನಿಮಾಗಳಿಗೂ ಸೆಡ್ಡು ಹೊಡೆದ ‘ಹನುಮಾನ್ ಅಂಶ’! 74ನೇ ದಿನವೂ ಕೋಟಿ ಕೋಟಿ ಕಲೆಕ್ಷನ್

Pavna Das — Tue, 20 Oct 2026 18:48:53 +0530

ಬಾಕ್ಸ್ ಆಫೀಸ್’ನಲ್ಲಿ ಮುಂದುವರೆದ ‘ಹನುಮಾನ್ ಅಂಶ’ ಅಬ್ಬರ

ವಿಶಾಲ್ ಚತುರ್ವೇದಿ ನಿರ್ದೇಶನದ ‘ಹನುಮಾನ್ ಅಂಶ’ ಸಿನಿಮಾ ಬಿಡುಗಡೆಯಾಗಿ 74 ದಿನಗಳು ಕಳೆದಿವೆ. ಬಿಡುಗಡೆಯಾದ ಮೊದಲ ದಿನ ಪ್ರೇಕ್ಷಕರ ಕೊರತೆ ಎದುರಿಸಿದ್ದ ಈ ಸಿನಿಮಾ ಎರಡೂವರೆ ತಿಂಗಳ ನಂತರವೂ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣಲಿದೆ ಎಂದು ಯಾರೂ ಊಹಿಸಿರಲಿಲ್ಲ. ಆದರೆ, ಕಡಿಮೆ ಬಜೆಟ್‌ನಲ್ಲಿ ನಿರ್ಮಾಣವಾದ ಈ ಚಿತ್ರ ಯಾವುದೇ ದೊಡ್ಡ ತಾರಾಗಣ ಅಥವಾ ಭಾರೀ ಪ್ರಚಾರವಿಲ್ಲದೆ ಭರ್ಜರಿ ಗಳಿಕೆ ಮಾಡಿದೆ. ‘ಹನುಮಾನ್ ಅಂಶ’ ಸಿನಿಮಾ ಬಿಡುಗಡೆಯಾದಾಗಿನಿಂದ ಬಾಕ್ಸ್ ಆಫೀಸ್‌ನಲ್ಲಿ ಅದ್ಭುತ ಯಶಸ್ಸಿನ ಹಾದಿಯನ್ನು ಸಾಗಿದೆ. ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ 74 ದಿನಗಳು ಕಳೆದಿದ್ದರೂ, ಈ ಚಿತ್ರದ ಮೇಲೆ ನೀಮ್ ಕರೋಲಿ ಬಾಬಾ ಅವರ ಆಶೀರ್ವಾದ ಮುಂದುವರಿದಿದೆ. ‘ದೃಶ್ಯಂ 3’, ‘ಜೈಲರ್ 2’ ನಂತಹ ಸಿನಿಮಾಗಳಿಂದ ಚಿತ್ರಕ್ಕೆ ತೀವ್ರ ಪೈಪೋಟಿ ಎದುರಾದರೂ, ಇದರ ಗಳಿಕೆ ಮಾತ್ರ ನಿಧಾನವಾಗಿ ಮುಂದುವರಿದಿದೆ.

74ನೇ ದಿನ ‘ಹನುಮಾನ್ ಅಂಶ’ ಗಳಿಕೆ ಎಷ್ಟು?

ಸ್ಯಾಕ್ನಿಲ್ಕ್ ಅಂಕಿಅಂಶಗಳ ಪ್ರಕಾರ, ‘ಹನುಮಾನ್ ಅಂಶ’ ಸಿನಿಮಾ ಬಿಡುಗಡೆಯಾದ 74ನೇ ದಿನ ಭಾರತದಲ್ಲಿ 28 ಲಕ್ಷ ರೂಪಾಯಿ ನೆಟ್ ಕಲೆಕ್ಷನ್ ಮಾಡಿದೆ. ದೇಶೀಯ ಬಾಕ್ಸ್ ಆಫೀಸ್ ಮಾತ್ರವಲ್ಲದೆ, ವಿದೇಶಿ ಮಾರುಕಟ್ಟೆಯಲ್ಲೂ ಸಿನಿಮಾ ಉತ್ತಮ ಪ್ರದರ್ಶನ ನೀಡಿದೆ. 74ನೇ ದಿನ ಒಟ್ಟು 454 ಪ್ರದರ್ಶನಗಳ ಮೂಲಕ ಚಿತ್ರವು 28 ಲಕ್ಷ ರೂಪಾಯಿ ನೆಟ್ ಕಲೆಕ್ಷನ್ ಮಾಡಿದೆ. ಇದರಲ್ಲಿ ಹಿಂದಿ ವರ್ಷನ್‌ನ ಕೊಡುಗೆ ಪ್ರಮುಖವಾಗಿದೆ. ಚಿತ್ರದ ಹಿಂದಿ ವರ್ಷನ್ 447 ಪ್ರದರ್ಶನಗಳ ಮೂಲಕ 28 ಲಕ್ಷ ರೂಪಾಯಿ ನೆಟ್ ಕಲೆಕ್ಷನ್ ಮಾಡಿದೆ. ಇನ್ನು ತೆಲುಗು ವರ್ಷನ್‌ನ 11ನೇ ದಿನದ ಗಳಿಕೆಯ ಅಂಕಿಅಂಶಗಳು ಸದ್ಯಕ್ಕೆ ಲಭ್ಯವಿಲ್ಲ. ಚಿತ್ರದ ಭಾರತದ ಒಟ್ಟು ಗ್ರಾಸ್ ಕಲೆಕ್ಷನ್ 401.39 ಕೋಟಿ ರೂಪಾಯಿ ತಲುಪಿದೆ. ಇನ್ನು ನೆಟ್ ಕಲೆಕ್ಷನ್ 340.13 ಕೋಟಿ ರೂಪಾಯಿಯಾಗಿದೆ.

ವಿದೇಶದಲ್ಲೂ ‘ಹನುಮಾನ್ ಅಂಶ’ ಭರ್ಜರಿ ಗಳಿಕೆ

ವಿದೇಶಿ ಬಾಕ್ಸ್ ಆಫೀಸ್‌ನಲ್ಲೂ ‘ಹನುಮಾನ್ ಅಂಶ’ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ವಿದೇಶಗಳಲ್ಲಿಯೂ ಸಿನಿಮಾ ಗಮನಾರ್ಹ ಗಳಿಕೆ ಮಾಡಿದೆ. ಚಿತ್ರದ ವಿದೇಶಿ ವ್ಯವಹಾರದ ಬಗ್ಗೆ ಹೇಳುವುದಾದರೆ, ‘ಹನುಮಾನ್ ಅಂಶ’ ಸಾಗರೋತ್ತರ ಮಾರುಕಟ್ಟೆಯಲ್ಲಿ 48.60 ಕೋಟಿ ರೂಪಾಯಿ ಗಳಿಸಿದೆ. ಇದರೊಂದಿಗೆ ಚಿತ್ರದ ಒಟ್ಟು ವಿಶ್ವಾದ್ಯಂತ ಗಳಿಕೆ 449.99 ಕೋಟಿ ರೂಪಾಯಿ ತಲುಪಿದೆ. ‘ಜೈಲರ್ 2’, ‘ದೃಶ್ಯಂ 3’ ಮತ್ತು ‘ನಯೀ ನವೇಲಿ’ ಸಿನಿಮಾಗಳಿಂದ ಪೈಪೋಟಿ ಎದುರಾದರೂ ‘ಹನುಮಾನ್ ಅಂಶ’ ಗಳಿಕೆ ಮುಂದುವರಿದಿದೆ.

‘ಜೈಲರ್ 2’ ಸಿನಿಮಾ ಕಲೆಕ್ಷನ್

ಇನ್ನು ರಜನಿಕಾಂತ್ ಅಭಿನಯದ ‘ಜೈಲರ್ 2’ ಸಿನಿಮಾ ಕೂಡ ಬಿಡುಗಡೆಯಾದ ದಿನದಿಂದಲೇ ಬಾಕ್ಸ್ ಆಫೀಸ್‌ನಲ್ಲಿ ಸದ್ದು ಮಾಡುತ್ತಿದೆ. ತಲೈವಾ ಅವರ ಈ ಚಿತ್ರ ಮೊದಲ ದಿನದಿಂದಲೇ ಭರ್ಜರಿ ಪ್ರದರ್ಶನ ನೀಡುತ್ತಿದೆ. ಐದನೇ ದಿನದ ಗಳಿಕೆಯೊಂದಿಗೆ ‘ಜೈಲರ್ 2’ ಒಟ್ಟು 477 ಕೋಟಿ ರೂಪಾಯಿ ಗಡಿಯನ್ನು ದಾಟಿದೆ. ಐದನೇ ದಿನ ‘ಜೈಲರ್ 2’ ಎಲ್ಲಾ ಭಾಷೆಗಳಲ್ಲಿ ಒಟ್ಟು 15,215 ಪ್ರದರ್ಶನಗಳ ಮೂಲಕ 42.35 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ವಿದೇಶಿ ಮಾರುಕಟ್ಟೆಯಲ್ಲೂ ಸಿನಿಮಾ ಉತ್ತಮ ಪ್ರದರ್ಶನ ನೀಡುತ್ತಿದೆ. ಇದರೊಂದಿಗೆ ‘ಜೈಲರ್ 2’ ಚಿತ್ರದ ವಿಶ್ವಾದ್ಯಂತ ಒಟ್ಟು ಗಳಿಕೆ 477.75 ಕೋಟಿ ರೂಪಾಯಿ ಆಗಿದೆ.

ಬಹಳ ದಿನಗಳ ಬಳಿಕ ಯೂಟ್ಯೂಬ್‌ಗೆ ನಟಿ ಕೃಷಿ ತಾಪಂಡ ಎಂಟ್ರಿ.. ಇಶಾ ಫೌಂಡೇಶನ್‌ನಿಂದ ಬಂತು 'ಗೆಟ್ ರೆಡಿ ವಿತ್ ಮಿ' Vlog

Ashwini HR — Tue, 20 Oct 2026 18:20:31 +0530

ಕನ್ನಡ ಚಿತ್ರರಂಗದ ಜನಪ್ರಿಯ ನಟಿ ಹಾಗೂ ಬಿಗ್ ಬಾಸ್ ಖ್ಯಾತಿಯ ಕೃಷಿ ತಾಪಂಡ ಬಹಳ ದಿನಗಳ ಗ್ಯಾಪ್ ನಂತರ ಮತ್ತೆ ಯೂಟ್ಯೂಬ್ ಜಗತ್ತಿಗೆ ಮರಳಿದ್ದಾರೆ. ಸದ್ಯ ತಮ್ಮ ಆಪ್ತರಾದ ಅನುಪಮಾ ಗೌಡ, ನೇಹಾ ಗೌಡ ಜೊತೆ ಇಶಾ ಫೌಂಡೇಶನ್‌ಗೆ ತೆರಳಿರುವ ನಟಿ, ಅಲ್ಲಿಂದಲೇ ತಮ್ಮ ಅಭಿಮಾನಿಗಳಿಗಾಗಿ ವಿಶೇಷವಾದ 'ಗೆಟ್ ರೆಡಿ ವಿತ್ ಮಿ' (GRWM) ವ್ಲಾಗ್ ಹಂಚಿಕೊಳ್ಳುವ ಮೂಲಕ ಭರ್ಜರಿ ಕಮ್‌ಬ್ಯಾಕ್ ಮಾಡಿದ್ದಾರೆ.

ಇಶಾ ಫೌಂಡೇಶನ್‌ನಲ್ಲಿ ಗೋಶಾಲೆಗೆ ಭೇಟಿ

ವ್ಲಾಗ್‌ನಲ್ಲಿ ಮಾತನಾಡಿರುವ ಕೃಷಿ ತಾಪಂಡ, ಇದು ಇಶಾ ಫೌಂಡೇಶನ್‌ನಲ್ಲಿ ತಮ್ಮ 2ನೇ ದಿನವಾಗಿದ್ದು, ಬೆಳಗ್ಗಿನಿಂದ ರಿಲ್ಯಾಕ್ಸ್ ಆಗಿ ಸಮಯ ಕಳೆದಿದ್ದೇವೆ ಎಂದು ತಿಳಿಸಿದ್ದಾರೆ. ಮಧ್ಯಾಹ್ನ 1:30 ರ ಸುಮಾರಿಗೆ ಗೋಶಾಲೆಗೆ ತೆರಳಲು ಸಿದ್ಧರಾದ ನಟಿ, ಪ್ರಯಾಣದ ನಡುವೆ ಕೇವಲ 5 ರಿಂದ 10 ನಿಮಿಷಗಳಲ್ಲಿ ಯಾವುದೇ ಆಡಂಬರವಿಲ್ಲದೆ ನ್ಯಾಚುರಲ್ ಆಗಿ ಹೇಗೆ ರೆಡಿಯಾಗಬಹುದು ಎಂಬುದನ್ನು ಅಭಿಮಾನಿಗಳಿಗೆ ತೋರಿಸಿಕೊಟ್ಟಿದ್ದಾರೆ.

ಮೈಸೂರಿನ ಬುಟೀಕ್ ಕುರ್ತಾ & ಫ್ರೆಂಡ್ಸ್ ಜೊತೆ ಒಡನಾಟ

ವ್ಲಾಗ್‌ನಲ್ಲಿ ಕೃಷಿ ಧರಿಸಿದ್ದ ತಿಳಿ ಹಸಿರು ಬಣ್ಣದ ಚಿಕನ್‌ಕರಿ ಕುರ್ತಾ ಸೆಟ್ ನೆಟ್ಟಿಗರ ಗಮನ ಸೆಳೆದಿದೆ. "ಇದನ್ನು ನಾನು ಮೈಸೂರಿನ 'ಕಹಾಳೆ' ಎಂಬ ಲೋಕಲ್ ಬುಟೀಕ್‌ನಲ್ಲಿ ಖರೀದಿಸಿದ್ದೆ. ನನ್ನ ಸೈಜ್ ಸಿಗದ ಕಾರಣ ಲಾರ್ಜ್ ಸೈಜ್ ತೆಗೆದುಕೊಂಡು ಟೈಲರ್ ಬಳಿ ಆಲ್ಟರ್ ಮಾಡಿಸಿಕೊಂಡು ಹಾಕಿಕೊಂಡಿದ್ದೇನೆ" ಎಂದು ತಿಳಿಸಿದ್ದಾರೆ. ತರಾತುರಿಯಲ್ಲಿ ಹೊರಟಿದ್ದರಿಂದ ಒಡವೆ ತರಲು ಮರೆತಿದ್ದ ಕೃಷಿ, ತಮ್ಮ ಜೊತೆಯಲ್ಲಿದ್ದ ಸ್ನೇಹಿತೆ ಅನು ಅವರ ಸಿಲ್ವರ್ ಆಕ್ಸಿಡೈಸ್ಡ್ ಕಿವಿಯೋಲೆಗಳನ್ನು ಧರಿಸಿ 'ಶೇರಿಂಗ್ ಈಸ್ ಕೇರಿಂಗ್' ಎಂದು ತಮಾಷೆ ಮಾಡಿದ್ದಾರೆ.

ಅಭಿಮಾನಿಗಳಿಗೆ ಕೃಷಿ ನೀಡಿದ ಬ್ಯೂಟಿ ಟಿಪ್ಸ್

ಯಾವುದೇ ಹೀಟಿಂಗ್ ಮಷಿನ್ ಬಳಸದೆ ಕೇವಲ ಹೇರ್ ಮೂಸ್ ಮೂಲಕ ಕೂದಲಿಗೆ 'ನ್ಯಾಚುರಲ್ ವೇವಿ ಲುಕ್' ನೀಡಿದ ಕೃಷಿ, ಬಿಸಿಲಿಗೆ ನೈಸರ್ಗಿಕ ಗ್ಲೋ ನೀಡುವ ಸನ್‌ಸ್ಕ್ರೀನ್ ಹಚ್ಚಿಕೊಂಡಿದ್ದಾರೆ. ಕಣ್ಣುಗಳು ದೊಡ್ಡದಾಗಿ ಕಾಣಲು ಮಸ್ಕರಾವನ್ನು ಹೊರಭಾಗದ ರೆಪ್ಪೆಗೂದಲುಗಳಿಗೆ ಹೇಗೆ ಲಿಫ್ಟ್ ಮಾಡಿ ಹಚ್ಚಬೇಕೆಂಬ 'ಪ್ರೋ ಟಿಪ್' ಅನ್ನು ಸಹ ಹಂಚಿಕೊಂಡಿದ್ದಾರೆ.

ಪುಟ್ಟ ಶಾರದಾ ಜೊತೆ ಮುದ್ದಾದ ಕ್ಷಣಗಳು

ವಿಡಿಯೋದಲ್ಲಿ ನೇಹಾ ಗೌಡ ಪುಟ್ಟ ಮಗು ಶಾರದಾ ಜೊತೆಗಿನ ಕೃಷಿ ಅವರ ಮಾತುಕತೆ ನೋಡುಗರ ಮನಗೆದ್ದಿದೆ. ಮಗುವಿನ ಡ್ರೆಸ್ ಬಗ್ಗೆ ಪ್ರಶಂಸಿಸುತ್ತಾ, "ಮಗುವಿಗೆ ಯಾರ ದೃಷ್ಟಿಯೂ ಬೀಳಬಾರದು" ಎಂದು ತಮ್ಮ ಆರ್ಗಾನಿಕ್ ಕಾಡಿಗೆಯಿಂದ ದೃಷ್ಟಿ ಬೊಟ್ಟು ಇಟ್ಟ ಕ್ಷಣ ವ್ಲಾಗ್‌ನ ಹೈಲೈಟ್ ಆಗಿದೆ.

ವ್ಲಾಗ್‌ನ ಕೊನೆಯಲ್ಲಿ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ ನಟಿ, ಇನ್ಮುಂದೆ ಯೂಟ್ಯೂಬ್‌ನಲ್ಲಿ ಆಕ್ಟಿವ್ ಆಗಿದ್ದು, ನಿರಂತರವಾಗಿ ಹೊಸ ಹೊಸ ವಿಡಿಯೋಗಳನ್ನು ಅಪ್‌ಲೋಡ್ ಮಾಡುವುದಾಗಿ ಪ್ರಾಮಿಸ್ ಮಾಡಿದ್ದಾರೆ. ಸದ್ಯ ಈ ಮುದ್ದಾದ ವ್ಲಾಗ್ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

2016ರಲ್ಲಿ ತೆರೆಕಂಡ ಸೂಪರ್ ಹಿಟ್ ಚಿತ್ರ 'ಅಕಿರಾ' (Akira) ಮೂಲಕ ಕನ್ನಡ ಚಿತ್ರರಂಗಕ್ಕೆ ನಾಯಕಿಯಾಗಿ ಭರ್ಜರಿ ಎಂಟ್ರಿ ಕೊಟ್ಟ ಕೃಷಿ ಮೊದಲ ಚಿತ್ರದಲ್ಲೇ ತಮ್ಮ ಮುಗ್ಧ ಹಾಗೂ ಲವಲವಿಕೆಯ ಅಭಿನಯಕ್ಕಾಗಿ 'ಸೈಮಾ' (SIIMA) ಅತ್ಯುತ್ತಮ ನಟಿ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದ್ದರು. ಕಲರ್ಸ್ ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ ಬಾಸ್ ಕನ್ನಡ ಸೀಸನ್ 5'ರಲ್ಲಿ ಸ್ಪರ್ಧಿಯಾಗಿಯೂ' ಭಾಗವಹಿಸಿದ್ದರು.

ಈಗ ಸಿನಿಮಾಗಳ ಜೊತೆಗೆ ತಮ್ಮದೇ ಯೂಟ್ಯೂಬ್ ಚಾನೆಲ್ ನಡೆಸುತ್ತಿರುವ ಕೃಷಿ, ಟ್ರಾವೆಲ್, ಫ್ಯಾಷನ್, ಬ್ಯೂಟಿ ಮತ್ತು ಲೈಫ್‌ಸ್ಟೈಲ್ ವ್ಲಾಗ್‌ಗಳ ಮೂಲಕ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಆಕ್ಟಿವ್ ಆಗಿದ್ದಾರೆ.

ಟೈಗರ್ ಶ್ರಾಫ್‌ನಂತಹ ಮಸ್ಕ್ಯುಲರ್ ಬಾಡಿ ಬೇಕಾ? ಈ ವರ್ಕೌಟ್ ಟಿಪ್ಸ್ ಫಾಲೋ ಮಾಡಿ

Pavna Das — Tue, 20 Oct 2026 18:05:57 +0530

Tiger Shroff Fitness Secret: ಟೈಗರ್ ಶ್ರಾಫ್‌ನಂತೆ ಮಸ್ಕ್ಯುಲರ್ ಬಾಡಿ ಬೆಳೆಸಲು ಬಯಸುತ್ತೀರಾ? ಅವರ ವರ್ಕೌಟ್ ರೊಟೀನ್‌ನಲ್ಲಿ ಕಾರ್ಡಿಯೋ, ಕಿಕ್‌ಬಾಕ್ಸಿಂಗ್ ಮತ್ತು ಸ್ಟ್ರೆಂತ್ ಟ್ರೈನಿಂಗ್‌ನ ಪಾತ್ರವೇನು ಹಾಗೂ ಫಿಟ್ನೆಸ್‌ಗಾಗಿ ಯಾವೆಲ್ಲಾ ವಿಷಯಗಳ ಬಗ್ಗೆ ಗಮನ ಹರಿಸಬೇಕು ಎಂಬುದನ್ನು ತಿಳಿಯಿರಿ.

ಬಾಲಿವುಡ್ ನಟ ಟೈಗರ್ ಶ್ರಾಫ್ ಅವರ ಮೇಲೆ ಕಳೆದ ರಾತ್ರಿ ಮೂವರು ಬೈಕ್ ಸವಾರರು ಗುಂಡು ಹಾರಿಸಲು ಯತ್ನಿಸಿದ್ದು, ಈ ಘಟನೆಯಲ್ಲಿ ಅವರ ಚಾಲಕ ಮತ್ತು ಅಭಿಮಾನಿಗಳು ಗಾಯಗೊಂಡಿದ್ದಾರೆ ಎನ್ನುವ ವಿಷಯ ನಿಮಗೆ ಗೊತ್ತೇ ಇದೆ. ಟೈಗರ್ ಶ್ರಾಫ್ ತಮ್ಮ ಫಿಟ್ನೆಸ್, ಮಸ್ಕ್ಯುಲರ್ ಬಾಡಿ ಮತ್ತು ಅದ್ಭುತ ಆ್ಯಕ್ಷನ್‌ಗಳಿಗೆ ಹೆಸರುವಾಸಿಯಾಗಿದ್ದಾರೆ. ಅವರ ಫಿಟ್ನೆಸ್ ಹಿಂದೆ ನಿಯಮಿತ ವರ್ಕೌಟ್, ಕಾರ್ಡಿಯೋ, ಮಾರ್ಷಲ್ ಆರ್ಟ್ಸ್ ಮತ್ತು ಸ್ಟ್ರೆಂತ್ ಟ್ರೈನಿಂಗ್‌ನಂತಹ ಚಟುವಟಿಕೆಗಳ ಪ್ರಮುಖ ಪಾತ್ರವಿದೆ. ನೀವೂ ಫಿಟ್ ಮತ್ತು ಬಲಿಷ್ಠ ದೇಹವನ್ನು ಬೆಳೆಸಲು ಬಯಸಿದರೆ, ಅವರ ವರ್ಕೌಟ್ ರೊಟೀನ್‌ ಫಾಲೋ ಮಾಡಿ

ಬೆಳಿಗ್ಗೆ ಕಾರ್ಡಿಯೋದಿಂದ ಆರಂಭಿಸಿ

ಕಾರ್ಡಿಯೋ ವ್ಯಾಯಾಮಗಳು ಹೃದಯದ ಆರೋಗ್ಯವನ್ನು ಸುಧಾರಿಸಲು, ಸ್ಟ್ಯಾಮಿನಾ ಹೆಚ್ಚಿಸಲು ಮತ್ತು ಕ್ಯಾಲೊರಿ ಬರ್ನ್ ಮಾಡಲು ಸಹಾಯ ಮಾಡುತ್ತವೆ. ಟೈಗರ್ ಅವರ ದಿನಚರಿಯಲ್ಲಿ ಬೆಳಿಗ್ಗೆ ಟ್ರೆಡ್‌ಮಿಲ್ ಅಥವಾ ಸ್ಟೆಪ್‌ಮಿಲ್‌ನಲ್ಲಿ ಸುಮಾರು 45 ನಿಮಿಷಗಳ ಕಾಲ ಕಾರ್ಡಿಯೋ ಮಾಡುತ್ತಾರೆ. ಆದರೆ, ವ್ಯಾಯಾಮ ಆರಂಭಿಸುವವರು ಇಷ್ಟು ದೀರ್ಘ ಸಮಯ ಕಾರ್ಡಿಯೋ ಮಾಡುವುದು ಕಡ್ಡಾಯವಲ್ಲ. ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ 15–20 ನಿಮಿಷಗಳ ಕಾಲ ವೇಗವಾಗಿ ನಡೆಯುವುದು, ಸೈಕ್ಲಿಂಗ್ ಮಾಡುವುದು ಅಥವಾ ನಿಧಾನವಾಗಿ ಜಾಗಿಂಗ್ ಮಾಡುವುದರಿಂದ ಆರಂಭಿಸಬಹುದು.

ಮಸ್ಕ್ಯುಲರ್ ಬಾಡಿ ಬೆಳೆಸಲು ಕೇವಲ ತೂಕ ಎತ್ತುವುದಷ್ಟೇ ಸಾಕಾಗುವುದಿಲ್ಲ. ದೇಹದ ಚುರುಕುತನ, ಸಮತೋಲನ ಮತ್ತು ಹೊಂದಾಣಿಕೆಯ ಮೇಲೂ ಕೆಲಸ ಮಾಡುವುದು ಅಗತ್ಯ. ಕಿಕ್‌ಬಾಕ್ಸಿಂಗ್ ಮತ್ತು ಡ್ಯಾನ್ಸ್‌ನಂತಹ ಚಟುವಟಿಕೆಗಳು ದೇಹವನ್ನು ಸಕ್ರಿಯವಾಗಿಡಲು ಸಹಾಯ ಮಾಡುತ್ತವೆ. ಟೈಗರ್ ಶ್ರಾಫ್ ಅವರಂತೆ ಆ್ಯಕ್ಷನ್ ಮತ್ತು ಮಾರ್ಷಲ್ ಆರ್ಟ್ಸ್‌ನಲ್ಲಿ ಆಸಕ್ತಿ ಹೊಂದಿದ್ದರೆ, ತರಬೇತಿ ಪಡೆದ ಪರಿಣತರಿಂದ ಅಭ್ಯಾಸ ಮಾಡಬಹುದು.

ಸ್ನಾಯುಗಳನ್ನು ಬಲಪಡಿಸಲು ಮತ್ತು ಅಭಿವೃದ್ಧಿಪಡಿಸಲು ಸ್ಟ್ರೆಂತ್ ಟ್ರೈನಿಂಗ್ ಪ್ರಮುಖ ಪಾತ್ರ ವಹಿಸುತ್ತದೆ. ಇದರಲ್ಲಿ ಪುಷ್-ಅಪ್ಸ್, ಸ್ಕ್ವಾಟ್ಸ್, ಪುಲ್-ಅಪ್ಸ್ ಮತ್ತು ಡಂಬಲ್ ವ್ಯಾಯಾಮಗಳಂತಹ ಅಭ್ಯಾಸಗಳನ್ನು ಸೇರಿಸಬಹುದು. ಆರಂಭದಲ್ಲಿ ಕಡಿಮೆ ತೂಕ ಬಳಸಿ, ಸರಿಯಾದ ತಂತ್ರಕ್ಕೆ ಗಮನ ಕೊಡಿ. ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ನಿಧಾನವಾಗಿ ತೂಕ ಅಥವಾ ಪುನರಾವರ್ತನೆಗಳ ಸಂಖ್ಯೆಯನ್ನು ಹೆಚ್ಚಿಸಿ. ಪ್ರತಿದಿನ ಒಂದೇ ಸ್ನಾಯುಗಳ ಗುಂಪಿಗೆ ತರಬೇತಿ ನೀಡುವ ಬದಲು, ವಿವಿಧ ಸ್ನಾಯುಗಳಿಗೆ ಸಾಕಷ್ಟು ವಿಶ್ರಾಂತಿ ನೀಡುವುದೂ ಮುಖ್ಯ.

ಫುಟ್‌ಬಾಲ್, ಕ್ರಿಕೆಟ್ ಮತ್ತು ಬಾಸ್ಕೆಟ್‌ಬಾಲ್‌ನಂತಹ ಕ್ರೀಡೆಗಳು ದೇಹವನ್ನು ಸಕ್ರಿಯವಾಗಿಡುವುದರ ಜೊತೆಗೆ ದೇಹದ ಹೊಂದಾಣಿಕೆಯನ್ನು ಸುಧಾರಿಸಲು ಸಹಾಯ ಮಾಡುತ್ತವೆ. ಟೈಗರ್ ಅವರ ಫಿಟ್ನೆಸ್ ರುಟೀನ್ ನಲ್ಲಿ ಕ್ರೀಡೆಗಳಿಗೆ ಮಹತ್ವವಿದೆ. ನಿಮ್ಮ ಇಷ್ಟದ ಯಾವುದಾದರೂ ಒಂದು ಕ್ರೀಡೆಯನ್ನು ಆಯ್ಕೆ ಮಾಡಿಕೊಂಡು ವಾರದಲ್ಲಿ ಕೆಲವು ದಿನಗಳ ಕಾಲ ಅದನ್ನು ನಿಮ್ಮ ದಿನಚರಿಯಲ್ಲಿ ಸೇರಿಸಿಕೊಳ್ಳಬಹುದು.

ಮಸ್ಕ್ಯುಲರ್ ಬಾಡಿ ಬೆಳೆಸಲು ವರ್ಕೌಟ್ ಜೊತೆಗೆ ಸರಿಯಾದ ಆಹಾರ ಮತ್ತು ನಿದ್ರೆಯೂ ಅಗತ್ಯ. ನಿಮ್ಮ ಆಹಾರದಲ್ಲಿ ಸಾಕಷ್ಟು ಪ್ರೋಟೀನ್, ಸಂಪೂರ್ಣ ಧಾನ್ಯಗಳು, ಹಣ್ಣುಗಳು, ತರಕಾರಿಗಳು ಮತ್ತು ಹೆಲ್ತಿ ಫ್ಯಾಟ್ ಸೇರಿಸಿ. ಮೊಟ್ಟೆ, ಬೇಳೆ, ಪನೀರ್, ಹಾಲು ಮತ್ತು ಮೊಸರು ಪ್ರೋಟೀನ್‌ನ ಉತ್ತಮ ಆಯ್ಕೆಗಳಾಗಿವೆ. ಇದರ ಜೊತೆಗೆ ಸಾಕಷ್ಟು ನಿದ್ರೆ ಕೂಡ ಅಗತ್ಯ.

ದಸರಾ ಗೊಂಬೆಗಳ ಜೊತೆ ಮುದ್ದು ಗೊಂಬೆಯಾದ ಭವ್ಯಾ ಗೌಡ! ಕೆಂಪು ಸೀರೆಯಲ್ಲಿ ನಟಿಯ ಕ್ಯೂಟ್ ಲುಕ್

Pavna Das — Tue, 20 Oct 2026 17:31:51 +0530

Bhavya Gowda: ಕನ್ನಡ ಕಿರುತೆರೆ ನಟಿ ಭವ್ಯಾ ಗೌಡ, ದಸರಾ ಹಬ್ಬದ ಸಂಭ್ರಮದಲ್ಲಿದ್ದು, ಗೊಂಬೆಗಳ ಜೊತೆ ತಾವು ಮುದ್ದು ಗೊಂಬೆಯಾಗಿ ಕಾಣಿಸಿಕೊಂಡಿದ್ದಾರೆ. ನಟಿಯ ಫೋಟೊಗಳನ್ನು ವೀಕ್ಷಕರು ಮೆಚ್ಚಿಕೊಂಡಿದ್ದಾರೆ.

ಸಲ್ಮಾನ್ ಖಾನ್ ಹಟಕ್ಕೆ ಸಾಲು ಸಾಲು ಕೊಲೆ, ಕೊಲೆ ಯತ್ನ- ನಟನಿಗೆ ಬಿಷ್ಣೋಯಿ ನಾಯಕ ಕೊಟ್ಟ ಸಲಹೆ ಏನು

Suchethana D — Tue, 20 Oct 2026 16:38:51 +0530

ಮುಂಬೈ: ಮೊನ್ನೆ ನಟ ಟೈಗರ್ ಶ್ರಾಫ್ ಮೇಲೆ ನಡೆದ ಕೊಲೆ ಯತ್ನದ ಹಿಂದೆ ಇರುವುದು ಬಿಷ್ಣೋಯಿ ಗ್ಯಾಂಗ್ನ ಸದಸ್ಯರು ಎಂದು ಪ್ರಾಥಮಿಕ ಹಂತದಲ್ಲಿ ತಿಳಿದುಬಂದಿದೆ. ಇದಕ್ಕೆ ಕಾರಣ ನಟ ಸಲ್ಮಾನ್ ಖಾನ್. ಸಲ್ಮಾನ್ ಖಾನ್ ಅವರ ಸಹವರ್ತಿಯಾಗಿರುವವರ ಪೈಕಿ ಇದಾಗಲೇ ನಟನ ಹಟದಿಂದಾಗಿ ಪ್ರಾಣ ಕಳೆದುಕೊಂಡಿದ್ದಾರೆ. ನಟನ ನಿಕಟವರ್ತಿಯಾಗಿರುವ ಕಾರಣಕ್ಕೆ ಟೈಗರ್ ಶ್ರಾಫ್ ಕೂಡ ಸಾವಿನ ಸಮೀಪ ಹೋಗಿ ಬಂದಿದ್ದಾರೆ. ಸಲ್ಮಾನ್ ಖಾನ್ನ ಒಂದೇ ಒಂದು ಕ್ಷಮೆ ಇನ್ನೂ ಟಾರ್ಗೆಟ್ ಲಿಸ್ಟ್ನಲ್ಲಿ ಇರುವವರ ಜೀವ ಕಾಪಾಡಬಹುದಾಗಿದೆ. ಆದರೆ ಖಾನ್ ಸಾಹೇಬ್ರು ಮಾತ್ರ ಕ್ಷಮೆ ಕೋರದೆ ತಮ್ಮ ಹಟದಿಂದ ಇನ್ನೂ ಹಲವರ ಜೀವಕ್ಕೆ ಅಪಾಯ ತಂದೊಡ್ಡುತ್ತಿದ್ದಾರೆ ಎಂದು ಜಾಲತಾಣಗಳಲ್ಲಿ ಭಾರಿ ಆಕ್ರೋಶ ವ್ಯಕ್ತವಾಗುತ್ತಿದೆ.

ಕ್ಷಮೆಗೆ ಆಗ್ರಹ

ಪ್ರಸಿದ್ಧ ಪಂಜಾಬಿ ಗಾಯಕ ಮತ್ತು ರಾಜಕಾರಣಿ ಸಿಧು ಮೂಸೆವಾಲಾ 2022ರಲ್ಲಿ ಕೊಲೆಯಾಗಿದ್ದರೆ, ಇನ್ನೂ ಕೆಲವು ಸಲ್ಮಾನ್ ನಿಕಟವರ್ತಿಗಳು ಬಿಷ್ಣೋಯಿ ಲಿಸ್ಟ್ನಲ್ಲಿ ಇದ್ದಾರೆ. 1998ರಿಂದ ಸಲ್ಮಾನ್ ಖಾನ್ ಮತ್ತು ಬಿಷ್ಣೋಯಿ ಸಮುದಾಯದ ನಡುವೆ ನಡೆಯುತ್ತಿರುವ ಈ ಜಟಾಪಟಿಯಿಂದ ಇದಾಗಲೇ ಹಲವಾರು ಬಾರಿ ಸಲ್ಮಾನ್ ಮೇಲೆ ಖುದ್ದು ದಾಳಿಯಾಗಿದ್ದರೂ ಅವರು ಬಚಾವ್ ಆಗಿದ್ದಾರೆ. ಆದರೆ ಪ್ರತಿಬಾರಿಯೂ ಎಲ್ಲರೂ ಬಚಾವಾಗಬೇಕೆಂದು ಇಲ್ಲ. ಲಾರೆನ್ಸ್ ಬಿಷ್ಣೋಯಿ ಜೈಲಿನಲ್ಲಿ ಇದ್ದರೂ, ಆತನ ಸಹಚರರು ಸಲ್ಮಾನ್ ಮೇಲಿನ ಸಿಟ್ಟನ್ನು ಅವರ ನಿಕಟವರ್ತಿಗಳ ಮೇಲೆ ತೆಗೆದುಕೊಳ್ಳುತ್ತಾ ಸೇಡು ತೀರಿಸಿಕೊಳ್ಳುತ್ತಿದ್ದಾರೆ. ಅವರನ್ನು ತಡೆಯುವವರೇ ಇಲ್ಲವಾಗಿರುವುದು ಒಂದೆಡೆಯಾದರೆ, ಸಲ್ಮಾನ್ ಖಾನ್ನ ಹಟದಿಂದ ಇನ್ನೆಷ್ಟು ಜೀವಗಳು ಬಲಿಯಾಗಬೇಕು ಎಂದು ಚರ್ಚೆಗಳು ನಡೆಯುತ್ತಿರುವ ನಡುವೆಯೇ, ಬಿಷ್ಣೋಯ್ ಸಮಾಜದ ರಾಷ್ಟ್ರೀಯ ಅಧ್ಯಕ್ಷ ದೇವೇಂದ್ರ ಬುಡಿಯಾ ಅವರು ಕ್ಷಮೆ ಕೋರದೇ ಹೋದರೆ ಇನ್ನೂ ಹಲವು ಜೀವಗಳ ಹೋಗುವ ಆತಂಕವನ್ನು ವ್ಯಕ್ತಪಡಿಸಿದ್ದಾರೆ. ಆದ್ದರಿಂದ ಸಲ್ಮಾನ್ ಖಾನ್ ಇದನ್ನು ತಡೆಯಬೇಕು ಎಂದಿರುವ ಅವರು, ಪರೋಕ್ಷವಾಗಿ ಕ್ಷಮೆ ಕೋರುವಂತೆ ಆಗ್ರಹಿಸಿದ್ದಾರೆ. ಆ ವ್ಯಕ್ತಿ ನಮ್ಮ ತತ್ವಗಳಿಗೆ ವಿರುದ್ಧವಾದದ್ದನ್ನು ಮಾಡಿದ್ದಾನೆ. ಇದಕ್ಕೂ ಮುಂಚೆಯೂ ಹಲವಾರು ಜಗಳಗಳು ಮತ್ತು ವಿವಾದಗಳು ನಡೆದಿವೆ. ಇದಕ್ಕೆ ಸಲ್ಮಾನ್ ಖಾನ್ ಏಕೆ ಅಂತ್ಯ ಹಾಡುವುದಿಲ್ಲ ಎಂದು ಅವರು ಪ್ರಶ್ನಿಸಿದ್ದಾರೆ.

ಅಷ್ಟಕ್ಕೂ ಸಲ್ಮಾನ್ ಖಾನ್ ಮೇಲೆ ಏಕಿಷ್ಟು ಕೋಪ?

ಬಿಷ್ಣೋಯಿ ಸಮುದಾಯದವರು ದೇವರು ಎಂದೇ ನಂಬುತ್ತಿರುವ ಕೃಷ್ಣಮೃಗವನ್ನು ಕೊಂದಿರುವ ಆರೋಪ ಸಲ್ಮಾನ್ ಖಾನ್ ಅವರ ಮೇಲೆ ಇದೆ. 1998ರಲ್ಲಿ ಈ ಘಟನೆ ನಡೆದಿದೆ. ಹಲವಾರು ಬಾರಿ ಲಾರೆನ್ಸ್ ಬಿಷ್ಣೋಯಿ ಸಮುದಾಯದವರು ನಟನಿಗೆ ಇಟ್ಟಿದ್ದ ಬೇಡಿಕೆ ಒಂದೇ. ಅದು ಅಂದು ಕೃಷ್ಣಮೃಗ ಕೊಂದ ತಪ್ಪಿಗೆ ಕ್ಷಮೆ ಕೋರಬೇಕು ಎನ್ನುವುದು. ದಶಕ ಕಳೆದರೂ ಇದುವರೆಗೂ ಸಲ್ಮಾನ್ ಖಾನ್ ಕ್ಷಮೆ ಕೋರಲಿಲ್ಲ. ಈ ಕ್ಷಮೆ ಎನ್ನುವ ಮಾತು ಹಂತ ಹಂತವಾಗಿ ಬೆಳೆಯುತ್ತಾ ಇಂದು ಸಲ್ಮಾನ್ ಖಾನ್ ಆಪ್ತರು ಎನಿಸಿಕೊಂಡವರ ಜೀವಕ್ಕೆ ಮುಳ್ಳಾಗುತ್ತಿದೆ. ಇದಾಗಲೇ ಮಹಾರಾಷ್ಟ್ರದ ಮಾಜಿ ಸಚಿವ ಬಾಬಾ ಸಿದ್ದಿಕಿ ಅವರ ಹತ್ಯೆ ಮಾಡಿರುವ ಬಿಷ್ಣೋಯಿ ಗ್ಯಾಂಗ್ನವರು, ಇದಕ್ಕೆ ಕಾರಣ ಕೂಡ ಸಲ್ಮಾನ್ ಖಾನ್ ಎಂದಿದ್ದಾರೆ. ಸಲ್ಮಾನ್ ನಿಕಟವರ್ತಿಗಳಿಗೆ ಇದೇ ಶಿಕ್ಷೆಯಾಗುತ್ತದೆ ಎಂದೂ ಹೇಳಿದ್ದಾರೆ. ಇಷ್ಟು ಆಗುತ್ತಿದ್ದಂತೆಯೇ ಸೋಷಿಯಲ್ ಮೀಡಿಯಾದಲ್ಲಿ ಕ್ಷಮೆ ಕೋರುವಂತೆ ಸಲ್ಮಾನ್ ಖಾನ್ಗೆ ಒತ್ತಡ ಹೆಚ್ಚಾದರೂ ನಟ ತಾನು ತಪ್ಪು ಮಾಡೇ ಇಲ್ಲ ಎನ್ನುತ್ತಿದ್ದಾರೆ.

ಕೃಷ್ಣಮೃಗ ಬೇಟೆ ಪ್ರಕರಣದಲ್ಲಿ ಸಲ್ಮಾನ್ ಖಾನ್ ಅವರ ಭವಿಷ್ಯವನ್ನು ಯಾವುದೇ ನ್ಯಾಯಾಲಯ ನಿರ್ಧರಿಸುವುದಿಲ್ಲ ಎಂದು ಲಾರೆನ್ಸ್ ಬಿಷ್ಣೋಯ್ ಇದಾಗಲೇ ಹೇಳಿದ್ದಾನೆ. ಪೊಲೀಸರ ಮುಂದೆ ನೀಡಿದ ಹೇಳಿಕೆಯಲ್ಲಿ, ಸಲ್ಮಾನ್ ಖಾನ್ ಮತ್ತು ಅವರ ತಂದೆ ಸಲೀಂ ಖಾನ್ ಈ ವಿಷಯದಲ್ಲಿ ಸಾರ್ವಜನಿಕವಾಗಿ ಕ್ಷಮೆಯಾಚಿಸಿದರೆ (Apology) ತಮ್ಮ ಮನಸ್ಸು ಕೂಡ ಬದಲಾಗಬಹುದು ಎಂದು ಲಾರೆನ್ಸ್ ಬಿಷ್ಣೋಯ್ ಈ ಹಿಂದೆ ಹೇಳಿದ್ದ. ಇದರ ಹೊರತಾಗಿಯೂ ಸಲ್ಮಾನ್ ಖಾನ್ ಕ್ಷಮೆ ಕೋರಿಲ್ಲ ಎನ್ನುವುದು ಅವರಿಗೆ ಇರುವ ಆಕ್ರೋಶ. ಕ್ಷಮೆ ಕೋರದೇ ಹೋದರೆ ಪರಿಣಾಮ ಎದುರಿಸಲು ಸಿದ್ಧ ಇರಿ ಎಂದು ಗ್ಯಾಂಗ್ ಎಚ್ಚರಿಕೆ ನೀಡುತ್ತಲೇ ಇದೆ. ಕ್ಷಮೆ ಕೋರದ ಸಲ್ಮಾನ್ ಅವರ ಅಹಂಕಾರವನ್ನು ಮುರಿಯುತ್ತೇವೆ ಎಂದಿದ್ದಾನೆ. ಇದರ ಬೆನ್ನಲ್ಲೇ ಕೊಲೆ ಬೆದರಿಕೆ, ಗುಂಡಿನ ದಾಳಿ ನಡೆಯುತ್ತಿದೆ.

ಸೌತ್ ಸಿನಿಮಾರಂಗಕ್ಕೆ ಕಾಲಿಟ್ಟ ಬಾಲಿವುಡ್ ಸ್ಟಾರ್ ನಟ, ಸ್ಟಾರ್ ನಟಿಯ ಗಂಡ! ಯಾವ ನಿರ್ದೇಶಕರ ಸಿನಿಮಾ ಗೊತ್ತಾ?

Shriram Bhat — Tue, 20 Oct 2026 15:49:31 +0530

ಬಾಲಿವುಡ್‌ನ ಸ್ಟಾರ್ ನಟರು ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಆಮಿರ್ ಖಾನ್, ಸಲ್ಮಾನ್ ಖಾನ್, ಹೃತಿಕ್ ರೋಷನ್, ಅಕ್ಷಯ್ ಕುಮಾರ್ ಮತ್ತು ಸೈಫ್ ಅಲಿ ಖಾನ್ ಸೇರಿದಂತೆ ಹಲವು ಜನಪ್ರಿಯ ನಟರು ದಕ್ಷಿಣದ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇದೀಗ ಈ ಸಾಲಿಗೆ ಮತ್ತೊಬ್ಬ ಬಾಲಿವುಡ್ ನಟ!

ತೆಲುಗು ಚಿತ್ರರಂಗಕ್ಕೆ ಬಾಲಿವುಡ್ ನಟ ರಿತೇಶ್ ದೇಶ್‌ಮುಖ್ ಎಂಟ್ರಿ! ಜೆನಿಲಿಯಾ ಗೆಳೆಯನ ಸಿನಿಮಾದಲ್ಲಿ ನಟನಿಗೆ ಅವಕಾಶ

ಬಾಲಿವುಡ್‌ನ ಸ್ಟಾರ್ ನಟರು ದಕ್ಷಿಣ ಭಾರತದ ಸಿನಿಮಾಗಳತ್ತ ಮುಖ ಮಾಡುತ್ತಿರುವ ಟ್ರೆಂಡ್ ಮುಂದುವರಿದಿದೆ. ಆಮಿರ್ ಖಾನ್, ಸಲ್ಮಾನ್ ಖಾನ್, ಹೃತಿಕ್ ರೋಷನ್, ಅಕ್ಷಯ್ ಕುಮಾರ್ ಮತ್ತು ಸೈಫ್ ಅಲಿ ಖಾನ್ ಸೇರಿದಂತೆ ಹಲವು ಜನಪ್ರಿಯ ನಟರು ದಕ್ಷಿಣದ ಚಿತ್ರಗಳಲ್ಲಿ ನಟಿಸಿದ್ದಾರೆ. ಇದೀಗ ಈ ಸಾಲಿಗೆ ಮತ್ತೊಬ್ಬ ಬಾಲಿವುಡ್ ನಟ ರಿತೇಶ್ ದೇಶ್‌ಮುಖ್ ಸೇರ್ಪಡೆಯಾಗುತ್ತಿದ್ದಾರೆ. ಹಿಂದಿ ಚಿತ್ರರಂಗದಲ್ಲಿ ಹಲವು ವಿಭಿನ್ನ ಪಾತ್ರಗಳ ಮೂಲಕ ಗುರುತಿಸಿಕೊಂಡಿರುವ ರಿತೇಶ್, ಮೊದಲ ಬಾರಿಗೆ ತೆಲುಗು ಚಿತ್ರರಂಗಕ್ಕೆ ಕಾಲಿಡುತ್ತಿದ್ದಾರೆ.

ಜೆನಿಲಿಯಾ ಪತಿಗೆ ತೆಲುಗಿನಲ್ಲಿ ಹೊಸ ಅವಕಾಶ!

ಮಹಾರಾಷ್ಟ್ರದ ಮಾಜಿ ಮುಖ್ಯಮಂತ್ರಿ ವಿಲಾಸ್‌ರಾವ್ ದೇಶ್‌ಮುಖ್ ಅವರ ಪುತ್ರನಾಗಿರುವ ರಿತೇಶ್, ಹಲವು ವರ್ಷಗಳಿಂದ ಬಾಲಿವುಡ್‌ನಲ್ಲಿ ಸಕ್ರಿಯರಾಗಿದ್ದಾರೆ. ಹಾಸ್ಯದಿಂದ ಹಿಡಿದು ಗಂಭೀರ ಪಾತ್ರಗಳವರೆಗೆ ವಿಭಿನ್ನ ಶೈಲಿಯ ಅಭಿನಯದ ಮೂಲಕ ಪ್ರೇಕ್ಷಕರನ್ನು ರಂಜಿಸಿದ್ದಾರೆ. ಇದೀಗ ತೆಲುಗು ಸಿನಿಮಾದಲ್ಲಿ ನಟಿಸುವ ಮೂಲಕ ಹೊಸ ಭಾಷೆಯ ಪ್ರೇಕ್ಷಕರನ್ನು ತಲುಪಲು ಸಜ್ಜಾಗಿದ್ದಾರೆ.

ವಿಶೇಷವೆಂದರೆ, ರಿತೇಶ್ ಅವರ ಪತ್ನಿ ಜೆನಿಲಿಯಾ ಡಿಸೋಜಾ ಈಗಾಗಲೇ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ದೊಡ್ಡ ಹೆಸರು ಮಾಡಿದ್ದಾರೆ. ಅದರಲ್ಲೂ ತೆಲುಗು ಸಿನಿಮಾಗಳಲ್ಲಿ ಹಲವು ಯಶಸ್ವಿ ಚಿತ್ರಗಳ ಮೂಲಕ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಈಗ ಜೆನಿಲಿಯಾ ಅವರ ಪತಿ ತೆಲುಗು ಚಿತ್ರರಂಗಕ್ಕೆ ಪ್ರವೇಶಿಸುತ್ತಿರುವುದು ಸಿನಿಪ್ರಿಯರಲ್ಲಿ ಕುತೂಹಲ ಮೂಡಿಸಿದೆ.

ಜೆನಿಲಿಯಾ ಗೆಳೆಯನ ನಿರ್ದೇಶನದ ಸಿನಿಮಾದಲ್ಲಿ ರಿತೇಶ್!

ತೆಲುಗು ನಟ ರಾಮ್ ಅವರು ಇದೇ ಮೊದಲ ಬಾರಿಗೆ ನಿರ್ದೇಶಕರಾಗಿ ಹೊಸ ಸಿನಿಮಾ ಕೈಗೆತ್ತಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ರಿತೇಶ್ ದೇಶ್‌ಮುಖ್ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ ಎನ್ನಲಾಗಿದೆ. ರಾಮ್ ಮತ್ತು ಜೆನಿಲಿಯಾ ಈ ಹಿಂದೆ ಹಲವು ಸೂಪರ್‌ಹಿಟ್ ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದು, ಇಬ್ಬರ ನಡುವೆ ಆತ್ಮೀಯ ಸ್ನೇಹವಿದೆ. ಇದೀಗ ಅದೇ ಸ್ನೇಹದ ವಲಯದ ಮೂಲಕ ಜೆನಿಲಿಯಾ ಅವರ ಪತಿ ತೆಲುಗು ಚಿತ್ರರಂಗಕ್ಕೆ ಪರಿಚಯವಾಗುತ್ತಿರುವುದು ವಿಶೇಷವಾಗಿದೆ.

‘ರಾಜಾ ಶಿವಾಜಿ’ ಬಳಿಕ ತೆಲುಗಿನಲ್ಲಿ ಅದೃಷ್ಟ ಪರೀಕ್ಷೆ!

ಇತ್ತೀಚೆಗೆ ರಿತೇಶ್ ನಟನೆಯ ‘ರಾಜಾ ಶಿವಾಜಿ’ ಸಿನಿಮಾ ಹಿಂದಿ ಮತ್ತು ಮರಾಠಿ ಭಾಷೆಗಳಲ್ಲಿ ಬಿಡುಗಡೆಯಾಗಿತ್ತು. ಈ ಚಿತ್ರದಲ್ಲಿ ಸಲ್ಮಾನ್ ಖಾನ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ಇದೀಗ ತೆಲುಗು ಚಿತ್ರರಂಗದಲ್ಲಿ ರಿತೇಶ್ ಅವರ ಹೊಸ ಪ್ರಯಾಣ ಆರಂಭವಾಗುತ್ತಿದೆ. ಬಾಲಿವುಡ್‌ನಲ್ಲಿ ಗಳಿಸಿರುವ ಅನುಭವವನ್ನು ತೆಲುಗು ಸಿನಿಮಾಗಳಲ್ಲೂ ಬಳಸಿಕೊಳ್ಳಲು ಅವರಿಗೆ ಅವಕಾಶ ಸಿಕ್ಕಿದೆ. ಈ ಹೊಸ ಪ್ರಯತ್ನದ ಮೂಲಕ ಅವರು ದಕ್ಷಿಣ ಭಾರತದ ಪ್ರೇಕ್ಷಕರ ಮನಗೆಲ್ಲುತ್ತಾರಾ ಎಂಬುದನ್ನು ಕಾದು ನೋಡಬೇಕಿದೆ.

ಮಧು ಗೌಡ, ಸ್ಯಾಮ್ ಸಮೀರ್ ಅಲ್ಲವೇ ಅಲ್ಲ.. ಸಾಲವಿಲ್ಲದೆ ₹2.5 ಕೋಟಿ ಮನೆ ಕಟ್ಟಿದ್ಲಂತೆ ಈ ಯೂಟ್ಯೂಬರ್‌!

Ashwini HR — Tue, 20 Oct 2026 14:48:39 +0530

ಇಂದಿನ ಡಿಜಿಟಲ್ ಯುಗದಲ್ಲಿ ಸೋಶಿಯಲ್ ಮೀಡಿಯಾ ಕೇವಲ ಮನರಂಜನೆಯ ಮಾಧ್ಯಮವಾಗಿ ಉಳಿದಿಲ್ಲ, ಬದಲಿಗೆ ಯುವಜನತೆಯ ಪಾಲಿಗೆ ಭರ್ಜರಿ ಆದಾಯ ತರುವ ಬೃಹತ್ ಉದ್ಯಮವಾಗಿ ಬೆಳೆದುನಿಂತಿದೆ. ನಮ್ಮ ಕನ್ನಡದಲ್ಲೇ ನೋಡುವುದಾದರೆ ಮಧು ಗೌಡ, ಸ್ಯಾಮ್ ಸಮೀರ್, ವರುಣ್ ಮುಂತಾದ ಜನಪ್ರಿಯ ಯೂಟ್ಯೂಬರ್‌ಗಳು ಕಂಟೆಂಟ್ ಕ್ರಿಯೇಷನ್ ಅನ್ನೇ ತಮ್ಮ ಪೂರ್ಣಾವಧಿ ವೃತ್ತಿಯನ್ನಾಗಿಸಿಕೊಂಡು, ಅತ್ಯಂತ ಚಿಕ್ಕ ವಯಸ್ಸಿನಲ್ಲೇ ಐಷಾರಾಮಿ ಕಾರು ಮತ್ತು ಬಂಗಲೆಗಳನ್ನು ಖರೀದಿಸಿ ದೊಡ್ಡ ಮಟ್ಟದ ಯಶಸ್ಸು ಕಂಡಿದ್ದಾರೆ. ಇವರ ಸಾಲಿಗೆ ಈಗ ಒಡಿಶಾ ಮೂಲದ ಇನ್‌ಫ್ಲುಯೆನ್ಸರ್ ಶುಭಶ್ರೀ ಸಾಹೂ ಅವರ ಹೆಸರು ಜೋರಾಗಿ ಕೇಳಿಬರುತ್ತಿದೆ.

ಯಾವುದೇ ಬ್ಯಾಂಕ್ ಸಾಲ ಅಥವಾ ಇಎಂಐ ಇಲ್ಲದೆ ಈಕೆ ಸ್ವಂತ ಗಳಿಕೆಯಲ್ಲೇ ₹2.5 ಕೋಟಿ ಮೌಲ್ಯದ ಭವ್ಯ ಮನೆ ಖರೀದಿಸಿದ್ದಾರೆ ಎಂಬ ಸುದ್ದಿ ಇಂಟರ್ನೆಟ್‌ನಲ್ಲಿ ಭಾರಿ ಸದ್ದು ಮಾಡಿತ್ತು. ಆದರೆ, ಈ ವೈರಲ್ ಸುದ್ದಿಯ ಅಸಲಿ ಸತ್ಯವೇ ಬೇರೆ!

ಯಾರದ್ದು ಆ ಭವ್ಯ ಬಂಗಲೆ?

ಜುಲೈನಲ್ಲಿ ಅಪ್‌ಲೋಡ್ ಮಾಡಲಾದ ಯೂಟ್ಯೂಬ್ ವ್ಲಾಗ್‌ನಲ್ಲಿ ಶುಭಶ್ರೀ ಕಾಫಿ ಕುಡಿಯುತ್ತಾ, "ಇಂದು ನನ್ನ ದೊಡ್ಡಮ್ಮನ ಮನೆಯ ಗೃಹ ಪ್ರತಿಷ್ಠಾಪನೆ ಇದೆ" ಎಂದು ಸ್ಪಷ್ಟಪಡಿಸಿದ್ದಾರೆ. ಅಂದರೆ, ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿರುವ ಆ ಭವ್ಯ ಬಂಗಲೆ ವಾಸ್ತವವಾಗಿ ಅವರದ್ದಲ್ಲ, ಬದಲಿಗೆ ಅವರ ಸಂಬಂಧಿಕರದ್ದಾಗಿದೆ. ಆದಾಗ್ಯೂ ಡ್ಯಾನ್ಸ್, ಮೇಕಪ್ ಮತ್ತು ಲೈಫ್‌ಸ್ಟೈಲ್ ವ್ಲಾಗ್‌ಗಳನ್ನು ಮಾಡುವ ಈಕೆ, ತಮ್ಮ "Subhashree Sahu Vlogs" ಯೂಟ್ಯೂಬ್‌ನಲ್ಲಿ 1.59 ಲಕ್ಷ ಸಬ್‌ಸ್ಕ್ರೈಬರ್ಸ್‌ ಹಾಗೂ ಇನ್‌ಸ್ಟಾಗ್ರಾಮ್‌ನಲ್ಲಿ 1.7 ಮಿಲಿಯನ್‌ಗೂ ಅಧಿಕ ಫಾಲೋವರ್ಸ್ ಹೊಂದಿದ್ದಾರೆ. ಮಿಂಟ್ (Mint) ವರದಿಯ ಪ್ರಕಾರ, ಸುಮಾರು 6,274 ಸಬ್‌ಸ್ಕ್ರೈಬರ್‌ಗಳಿಂದ ತಿಂಗಳಿಗೆ ತಲಾ ₹399 ಶುಲ್ಕ ಪಡೆಯುವ ಈಕೆ, ಜಾಹೀರಾತು ಮತ್ತು ಬ್ರ್ಯಾಂಡ್ ಪ್ರಮೋಷನ್‌ಗಳ ಮೂಲಕ ತಿಂಗಳಿಗೆ ಅಂದಾಜು ₹23 ರಿಂದ ₹24 ಲಕ್ಷ ಗಳಿಸುತ್ತಿದ್ದಾರೆ.

ಖಾಸಗಿ ವಿಡಿಯೋ ಲೀಕ್!

ಹಿಂದೆ ಖಾಸಗಿ ವಿಡಿಯೋ ಲೀಕ್ ವಿವಾದದಲ್ಲಿ ಸಿಲುಕಿ, ಮೆಟಾದಿಂದ 1.3 ಮಿಲಿಯನ್ ಫಾಲೋವರ್ಸ್ ಇದ್ದ ಖಾತೆ ರದ್ದಾದರೂ ಧೃತಿಗೆಡದ ಶುಭಶ್ರೀ, ಛಲದಿಂದ ಮತ್ತೆ ಕಮ್‌ಬ್ಯಾಕ್ ಮಾಡಿದ್ದಾರೆ. ಕೇವಲ ಗ್ಲಾಮರ್‌ಗಷ್ಟೇ ಸೀಮಿತವಾಗದೆ, ರಾಷ್ಟ್ರೀಯ ಮಾನವ ಹಕ್ಕುಗಳ ಆಯೋಗ ಮತ್ತು ಕೇಂದ್ರ ಸಾಮಾಜಿಕ ನ್ಯಾಯ ಸಚಿವಾಲಯದ 'SMILE' ಯೋಜನೆಗೆ ಪೂರಕವಾಗಿರುವ 'ಭಿಕ್ಷಾಟನೆ ಮುಕ್ತ ಭಾರತ' ಅಭಿಯಾನದ ಯೂತ್ ಅಂಬಾಸಿಡರ್ ಆಗಿಯೂ ಆಯ್ಕೆಯಾಗಿದ್ದಾರೆ. "ಒಡಿಶಾದಲ್ಲಿ ಬೆಳೆದ ನನಗೆ ಬಡತನ ಹತ್ತಿರದಿಂದ ಗೊತ್ತು. ಮಕ್ಕಳು ಸಿಗ್ನಲ್‌ಗಳಲ್ಲಿ ಭಿಕ್ಷೆ ಬೇಡುವುದನ್ನು ಮತ್ತು ವೃದ್ಧರು ಊಟಕ್ಕಾಗಿ ಕೈಚಾಚುವುದನ್ನು ಕಂಡಿದ್ದೇನೆ" ಎಂದು ಹೇಳಿರುವ ಈಕೆ, ಈ ಅಭಿಯಾನಕ್ಕಾಗಿ ವಿಶೇಷ ಹೆಲ್ಪ್‌ಲೈನ್ ಇಮೇಲ್ ಸಹ ಆರಂಭಿಸಿ ಸಾಮಾಜಿಕ ಕಾಳಜಿ ಮೆರೆದಿದ್ದಾರೆ.

ಇಂದಿನ ದಿನಗಳಲ್ಲಿ ಕೇವಲ ಸಾಮಾನ್ಯ ಡಿಗ್ರಿ ಮುಗಿಸಿ 9-to-5 ಕೆಲಸಕ್ಕೆ ಸೇರಿದರೆ, ತಿಂಗಳ ಕೊನೆಯಲ್ಲಿ ಇಎಂಐ ಮತ್ತು ದಿನನಿತ್ಯದ ಖರ್ಚುಗಳನ್ನು ನಿಭಾಯಿಸುವುದೇ ಸವಾಲಾಗುತ್ತದೆ. ಒಂದು ಸಾಮಾನ್ಯ ಬೈಕ್ ಕೊಳ್ಳುವುದಕ್ಕೂ ನೂರು ಬಾರಿ ಯೋಚಿಸಬೇಕಾದ ಆರ್ಥಿಕ ಬಿಕ್ಕಟ್ಟು ಇಂದಿನ ಯುವಜನರದ್ದಾಗಿದೆ. ಇಂತಹ ಸಮಯದಲ್ಲಿ ಕೇವಲ ಪುಸ್ತಕದ ಓದಿನ ಜೊತೆಗೆ, ಯೂಟ್ಯೂಬ್ ಮತ್ತು ಇನ್‌ಸ್ಟಾಗ್ರಾಮ್‌ನಂತಹ ವೇದಿಕೆಗಳಲ್ಲಿ ಹೊಸ ಡಿಜಿಟಲ್ ಕೌಶಲಗಳನ್ನು (Skills) ಬೆಳೆಸಿಕೊಳ್ಳುವುದು ಎಷ್ಟು ಅನಿವಾರ್ಯ ಎಂಬುದನ್ನು ಶುಭಶ್ರೀ ಸಾಧನೆ ತೋರಿಸುತ್ತದೆ.

ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡಿದ ಮನೆಯ ಸುದ್ದಿ ಕೇವಲ ವದಂತಿಯಾಗಿದ್ದರೂ, ಇವರ ಡಿಜಿಟಲ್ ಗಳಿಕೆ ಮತ್ತು ಸಮಾಜಮುಖಿ ನಿಲುವು ಮಾತ್ರ ಯುವ ಪೀಳಿಗೆಗೆ ನಿಜಕ್ಕೂ ಹೊಸ ಪ್ರೇರಣೆಯಾಗಿದೆ.

View this post on Instagram

A post shared by EPIC MEDIA (@_epic69)

SAI PALLAVI-YASH: ಯಶ್ ವ್ಯಕ್ತಿತ್ವ & ರಾಮಾಯಣ ಸೆಟ್‌ನಲ್ಲಿ ಯಶ್ ಜೊತೆಗಿನ ಮಾತುಕತೆ ಬಗ್ಗೆ ಸಾಯಿ ಪಲ್ಲವಿ ಹೇಳಿದ್ದೇನು?

Shriram Bhat — Tue, 20 Oct 2026 14:40:49 +0530

ಅಕ್ಟೋಬರ್ 19ರಂದು ಹೈದರಾಬಾದ್‌ನಲ್ಲಿ ನಡೆದ ಅದ್ಧೂರಿ ಪ್ರೀ-ರಿಲೀಸ್ ಕಾರ್ಯಕ್ರಮದಲ್ಲಿ ಚಿತ್ರದ ಪ್ರಮುಖ ತಾರೆಯರು ಭಾಗವಹಿಸಿದ್ದರು. ಈ ವೇಳೆ ನಟಿ ಸಾಯಿ ಪಲ್ಲವಿ ಅವರು ರಾಕಿಂಗ್ ಸ್ಟಾರ್ ಯಶ್ ಬಗ್ಗೆ ಆಡಿದ ಮಾತುಗಳೇನು? ಇಲ್ಲಿದೆ ನೋಡಿ..

ಯಶ್ ದೂರದೃಷ್ಟಿಗೆ ಸಾಯಿ ಪಲ್ಲವಿ ಫಿದಾ! ರಾವಣನ ಪಾತ್ರದಲ್ಲಿ ರಾಕಿಂಗ್ ಸ್ಟಾರ್ ಹೇಗೆ ಬದಲಾಗುತ್ತಿದ್ದರು ಗೊತ್ತಾ?

ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾದ ಬಿಡುಗಡೆಗೆ ದಿನಗಣನೆ ಆರಂಭವಾಗಿದ್ದು, ಚಿತ್ರತಂಡ ಭರ್ಜರಿ ಪ್ರಚಾರದಲ್ಲಿ ತೊಡಗಿಸಿಕೊಂಡಿದೆ. ಅಕ್ಟೋಬರ್ 19ರಂದು ಹೈದರಾಬಾದ್‌ನಲ್ಲಿ ನಡೆದ ಅದ್ಧೂರಿ ಪ್ರೀ-ರಿಲೀಸ್ ಕಾರ್ಯಕ್ರಮದಲ್ಲಿ ಚಿತ್ರದ ಪ್ರಮುಖ ತಾರೆಯರು ಭಾಗವಹಿಸಿದ್ದರು. ಈ ವೇಳೆ ನಟಿ ಸಾಯಿ ಪಲ್ಲವಿ ಅವರು ರಾಕಿಂಗ್ ಸ್ಟಾರ್ ಯಶ್ ಬಗ್ಗೆ ಆಡಿದ ಮಾತುಗಳು ಅಭಿಮಾನಿಗಳ ಗಮನ ಸೆಳೆದಿವೆ.

ಯಶ್ ಹೆಸರು ಪ್ರಸ್ತಾಪಿಸುತ್ತಿದ್ದಂತೆ ಸಭಾಂಗಣದಲ್ಲಿ ಚಪ್ಪಾಳೆ, ಶಿಳ್ಳೆಗಳ ಸದ್ದು ಮೊಳಗಿತು. ಬಳಿಕ ಮಾತನಾಡಿದ ಸಾಯಿ ಪಲ್ಲವಿ, ಯಶ್ ಅವರ ದೂರದೃಷ್ಟಿ ಮತ್ತು ಸಿನಿಮಾ ಕ್ಷೇತ್ರದ ಬಗ್ಗೆ ಅವರಿಗಿರುವ ವಿಶಾಲ ದೃಷ್ಟಿಕೋನವನ್ನು ಮುಕ್ತಕಂಠದಿಂದ ಹೊಗಳಿದರು.

ಕನ್ನಡ ಚಿತ್ರರಂಗವನ್ನು ಜಾಗತಿಕ ಮಟ್ಟಕ್ಕೆ ಕೊಂಡೊಯ್ಯುವ ಕನಸು!

ಯಶ್ ಮತ್ತು ನಿರ್ಮಾಪಕ ನಮಿತ್ ಮಲ್ಹೋತ್ರಾ ಅವರ ಆಲೋಚನೆಗಳು ಒಂದೇ ರೀತಿಯಲ್ಲಿವೆ ಎಂದು ಸಾಯಿ ಪಲ್ಲವಿ ಹೇಳಿದರು. ಸೆಟ್‌ನಲ್ಲಿ ಯಶ್ ಅವರೊಂದಿಗೆ ಮಾತನಾಡುವಾಗ, ಅವರು ದೊಡ್ಡ ಸಿನಿಮಾಗಳನ್ನೇ ಆಯ್ಕೆ ಮಾಡುತ್ತಾರೆಯೇ ಎಂದು ಕೇಳಿದ್ದರಂತೆ. ಅದಕ್ಕೆ ಯಶ್, ತಮ್ಮ ಮುಂದೆ ದೊಡ್ಡ ಅವಕಾಶವಿದ್ದು, ಅದನ್ನು ಬಳಸಿಕೊಂಡು ಕನ್ನಡ, ದಕ್ಷಿಣ ಭಾರತೀಯ ಮತ್ತು ಭಾರತೀಯ ಚಿತ್ರರಂಗವನ್ನು ಜಾಗತಿಕ ಮಟ್ಟಕ್ಕೆ ಕೊಂಡೊಯ್ಯುವ ಗುರಿ ಹೊಂದಿರುವುದಾಗಿ ತಿಳಿಸಿದ್ದರು ಎಂದು ಸಾಯಿ ಪಲ್ಲವಿ ಹಂಚಿಕೊಂಡರು.

ತಾವು ಬೆಳೆದ ಸ್ಥಳಕ್ಕೆ ಮರಳಿ ಕೊಡುಗೆ ನೀಡಬೇಕು ಮತ್ತು ಆ ಪ್ರದೇಶಕ್ಕೆ ಹೆಸರು ತರಬೇಕು ಎಂಬ ಯಶ್ ಅವರ ಆಲೋಚನೆ ತನಗೆ ಬಹಳ ಇಷ್ಟವಾಯಿತು ಎಂದು ಅವರು ಮೆಚ್ಚುಗೆ ವ್ಯಕ್ತಪಡಿಸಿದರು.

ರಾವಣನಾಗಿ ಯಶ್ ಮಾಡಿದ ಬದಲಾವಣೆ ಕಂಡು ಅಚ್ಚರಿಗೊಂಡ ಸಾಯಿ ಪಲ್ಲವಿ!

‘ರಾಮಾಯಣ’ದಲ್ಲಿ ಯಶ್ ರಾವಣನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸಾಮಾನ್ಯವಾಗಿ ನಕಾರಾತ್ಮಕ ಪಾತ್ರಗಳನ್ನು ಪ್ರೇಕ್ಷಕರು ಇಷ್ಟಪಡುವುದು ಅಪರೂಪ. ಆದರೆ ಯಶ್ ತಮ್ಮ ಅಭಿನಯದ ಮೂಲಕ ರಾವಣನ ಪಾತ್ರವನ್ನೇ ಆಕರ್ಷಕವಾಗಿಸಿದ್ದಾರೆ ಎಂದು ಸಾಯಿ ಪಲ್ಲವಿ ಅಭಿಪ್ರಾಯಪಟ್ಟರು.

ಚಿತ್ರೀಕರಣದ ಸಮಯದಲ್ಲಿ ಯಶ್ ತಮ್ಮ ಪಾತ್ರಕ್ಕಾಗಿ ಮಾಡಿಕೊಳ್ಳುತ್ತಿದ್ದ ಸಿದ್ಧತೆಗಳನ್ನು ಕಂಡು ಅಚ್ಚರಿಗೊಂಡಿದ್ದಾಗಿಯೂ ಅವರು ಹೇಳಿದರು. ರಾವಣನಾಗಿ ನಟಿಸುವಾಗ ಯಶ್ ತಮ್ಮ ನಿಜವಾದ ವ್ಯಕ್ತಿತ್ವವನ್ನೇ ಮರೆತು ಸಂಪೂರ್ಣವಾಗಿ ಪಾತ್ರದಲ್ಲಿ ಲೀನವಾಗುತ್ತಿದ್ದರು ಎಂದು ಸಾಯಿ ಪಲ್ಲವಿ ವಿವರಿಸಿದರು.

ಇಂತಹ ಅದ್ಭುತ ನಟರೊಂದಿಗೆ ಕೆಲಸ ಮಾಡುವ ಅವಕಾಶ ಸಿಕ್ಕಿರುವುದು ತಮ್ಮ ಅದೃಷ್ಟ ಎಂದು ಹೇಳಿದ ಅವರು, ಯಶ್ ಅವರ ಕಲೆಯ ಬದ್ಧತೆ ಮತ್ತು ಸಿನಿಮಾ ಕ್ಷೇತ್ರದ ಕುರಿತ ದೃಷ್ಟಿಕೋನವನ್ನು ಮತ್ತೊಮ್ಮೆ ಶ್ಲಾಘಿಸಿದರು.

ನಿತೇಶ್ ತಿವಾರಿ ನಿರ್ದೇಶನದ ‘ರಾಮಾಯಣ’ ನವೆಂಬರ್ 5, 2026ರಂದು ಬಿಡುಗಡೆಯಾಗಲು ಸಿದ್ಧವಾಗಿದ್ದು, ರಣಬೀರ್ ಕಪೂರ್ ರಾಮನಾಗಿ, ಸಾಯಿ ಪಲ್ಲವಿ ಸೀತೆಯಾಗಿ ಮತ್ತು ಯಶ್ ರಾವಣನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ತಾರಾಗಣದ ಅಭಿನಯವನ್ನು ದೊಡ್ಡ ಪರದೆಯಲ್ಲಿ ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

Bigg Boss ಕಾವ್ಯಾ ಗೌಡ ಮತ್ತೆ ಎಂಟ್ರಿ ಕೊಡ್ತಾರಾ? ನಟಿ ಪ್ರಕಾರ ಈ ಬಾರಿ ವಿನ್ನರ್ ಯಾರಾಗಬೇಕು

Suchethana D — Tue, 20 Oct 2026 12:30:08 +0530

‘ಬಿಗ್‌ ಬಾಸ್ ಕನ್ನಡ ಸೀಸನ್‌-13’ರ ಶೋನ 6ನೇ ವಾರದ ಎಲಿಮಿನೇಷನ್‌ನಲ್ಲಿ ಹಲವರ ಮೆಚ್ಚಿನ ಸ್ಪರ್ಧಿಯಾಗಿದ್ದ ಕಾವ್ಯಾ ಗೌಡ ಹೊರಕ್ಕೆ ಬಂದಿದ್ದಾರೆ. ಅವರು ಮತ್ತೊಮ್ಮೆ ಎಂಟ್ರಿ ಕೊಡ್ತಾರಾ? ಅವರ ಪ್ರಕಾರ ವಿನ್ನರ್ ಯಾರಾಗಬೇಕು? ಇವೆಲ್ಲವುಗಳ ಕುರಿತು ನಟಿ ಹೇಳಿದ್ದೇನು?

‘ಬಿಗ್‌ ಬಾಸ್ ಕನ್ನಡ ಸೀಸನ್‌-13’ರ ಶೋನ 6ನೇ ವಾರದ ಎಲಿಮಿನೇಷನ್‌ನಲ್ಲಿ ಹಲವರ ಮೆಚ್ಚಿನ ಸ್ಪರ್ಧಿಯಾಗಿದ್ದ ಕಾವ್ಯಾ ಗೌಡ ಹೊರಕ್ಕೆ ಬಂದಿದ್ದಾರೆ. ಭಾಗ್ಯಲಕ್ಷ್ಮಿ ಸೀರಿಯಲ್ನ ಶ್ರೇಷ್ಠ ಕ್ಯಾರೆಕ್ಟರ್ ಮೂಲಕ ಎಲ್ಲರ ಮನ ಗೆದ್ದಿದ್ದ ನಟಿ ಹೊರಕ್ಕೆ ಬಂದದ್ದು ಹಲವರಿಗೆ ತುಂಬಾ ನೋವಾಗಿದೆ.

ಇದೀಗ ಕಾವ್ಯಾ ಗೌಡ ಅವರು, ವಿವಿಧ ಮಾಧ್ಯಮಗಳ ಜೊತೆ ತಮ್ಮ ಅನಿಸಿಕೆಯನ್ನು ಹಂಚಿಕೊಳ್ಳುತ್ತಿದ್ದಾರೆ. ಕಾವ್ಯಾ ಗೌಡ ಇಷ್ಟು ಬೇಗ ಹೊರಕ್ಕೆ ಬರುತ್ತಾರೆ ಎಂದು ಅವರ ಅಭಿಮಾನಿಗಳು ಎಣಿಸಿರಲಿಲ್ಲ. ಆದ್ದರಿಂದ ಅವರು ಮತ್ತೊಮ್ಮೆ ಬಿಗ್ಬಾಸ್ ಮನೆಯೊಳಕ್ಕೆ ಹೋಗಬೇಕು ಎನ್ನುವುದು ಅವರ ಫ್ಯಾನ್ಸ್ ಆಸೆ.

ಮತ್ತೊಮ್ಮೆ ಹೋಗುವ ಅವಕಾಶ ಸಿಕ್ಕರೆ, ಏನು ಮಾಡುತ್ತೀರಿ ಎನ್ನುವ ಪ್ರಶ್ನೆಗೆ ನಟಿ ಕಾವ್ಯಾ ಗೌಡ (Kavya Gowda), ಹಾಗೊಮ್ಮೆ ಅವಕಾಶ ಸಿಕ್ಕರೆ, ನಾನು ಹಿಂದೆ ಮಾಡಿರುವ ತಪ್ಪುಗಳನ್ನೆಲ್ಲಾ ಮತ್ತೆ ಮಾಡದಂತೆ ನೋಡಿಕೊಳ್ಳುವುದಾಗಿ ಹೇಳಿದ್ದಾರೆ. ಈ ಮೂಲಕ ಮತ್ತೊಮ್ಮೆ ಮನೆಗೆ ಎಂಟ್ರಿ ಕೊಡುವ ಆಸೆಯನ್ನೂ ವ್ಯಕ್ತಪಡಿಸಿದ್ದಾರೆ.

ಇದೇ ವೇಳೆ ಅವರಿಗೆ ಈಗ ವಿನ್ನರ್ ಯಾರಾಗಬೇಕು ಎನ್ನುವ ಪ್ರಶ್ನೆಗೆ ಉತ್ತರಿಸಿದ ನಟಿ, ನಾನು ಇದ್ದುದು ಕೇವಲ ಆರು ವಾರವಷ್ಟೇ. ಈಗಷ್ಟೇ ಹೊರಕ್ಕೆ ಬಂದಿರುವ ಹಿನ್ನೆಲೆಯಲ್ಲಿ, ಯಾರು ಹೇಗೆ ಆಡಿದ್ದಾರೆ ಎಂದು ತಿಳಿದಿಲ್ಲ. ಆದ್ದರಿಂದ ಯಾರು ಗೆಲ್ಲಬೇಕು ಎಂದು ಈಗಲೇ ಹೇಳುವುದು ಕಷ್ಟ ಎಂದಿದ್ದಾರೆ.

ಯಾರು ಡಿಸರ್ವ್ ಇದ್ದಾರೋ, ಯಾರು ಚೆನ್ನಾಗಿ ಆಡುತ್ತಿದ್ದಾರೆಯೋ ಅವರು ಗೆಲ್ಲಲಿ ಎಂದು ಹಾರೈಸುತ್ತೇನೆ. ಸದ್ಯ ಯಾರು ಹೇಗೆ ಆಡುತ್ತಿದ್ದಾರೆ ಎನ್ನೋದು ನನಗೆ ಗೊತ್ತಿಲ್ಲ ಎಂದಿದ್ದಾರೆ.

ಅಷ್ಟಕ್ಕೂ ಅದು ವೀಕ್ಷಕರು ನೀಡುವ ವೋಟ್ ಮೇಲೆ ಹೋಗುತ್ತದೆ. ಯಾರನ್ನು ಇಲ್ಲಿಯವರೆಗೆ ವೀಕ್ಷಕರು ಇಷ್ಟಪಟ್ಟಿದ್ದಾರೆ ಎನ್ನುವುದು ನನಗೆ ತಿಳಿದಿಲ್ಲ. ಅರ್ಹರು ಬಿಗ್ಬಾಸ್ 13 ಗೆಲ್ಲಲಿ ಎನ್ನುವುದು ನನ್ನ ಆಶಯವಷ್ಟೇ ಎಂದಿದ್ದಾರೆ.

Bigg Boss 13ನಿಂದ ಎಲಿಮಿನೇಟ್ ಆದ ನಟಿ ಕಾವ್ಯಾ ಗೌಡಗೆ ಸಿಕ್ಕ ಸಂಭಾವನೆ ಎಷ್ಟು

Suchethana D — Tue, 20 Oct 2026 12:46:54 +0530

ಭಾಗ್ಯಲಕ್ಷ್ಮಿ ಸೀರಿಯಲ್ ಶ್ರೇಷ್ಠಾ ಮೂಲಕ, ಎಲ್ಲರ ಮನಸ್ಸಿನಲ್ಲಿ ಅಚ್ಚಳಿಯದೇ ಇದ್ದವರು ನಟಿ ಕಾವ್ಯಾ ಗೌಡ (Bigg Boss 13 Kavya Gowda). ಬಿಗ್ಬಾಸ್ನಲ್ಲಿ ಅವರು ಫೈನಲಿಸ್ಟ್ ಆಗುತ್ತಾರೆ ಎಂದುಕೊಂಡವರೇ ಹೆಚ್ಚು. ಆದರೆ ಅವರು ಹೊರಕ್ಕೆ ಬಂದಿರುವುದು ಹಲವರಿಗೆ ತುಂಬಾ ನೋವಾಗಿದೆ. ಸಹಜವಾಗಿ ಬಿಗ್ಬಾಸ್ನಿಂದ ಹೊರಕ್ಕೆ ಬಂದ ಮೇಲೆ ಒಂದಷ್ಟು ದಿನ ಅವರ ಕ್ರೇಜ್ ಎಲ್ಲೆಡೆ ಇರುತ್ತದೆ. ಅವರಿಗೆ ಸಿಕ್ಕಾಪಟ್ಟೆ ಡಿಮಾಂಡ್ ಕೂಡ ಇರುತ್ತದೆ. ಅವರ ಸಂದರ್ಶನ ಪಡೆಯಲು ಹಾಗೂ ಅವರ ಬಿಗ್ಬಾಸ್ ಪಯಣದ ಕುರಿತು ತಿಳಿದುಕೊಳ್ಳಲು ಹಲವರು ಕಾತರದಿಂದ ಕಾಯುತ್ತಿರುತ್ತಾರೆ. ಅದೇ ರೀತಿ ಸದ್ಯ ಕಾವ್ಯಾ ಗೌಡ ಅವರು ಕೂಡ ಸಂದರ್ಶನ ನೀಡುವಲ್ಲಿ ಬಿಜಿಯಾಗಿದ್ದಾರೆ.

ಸಾಮಾನ್ಯವಾಗಿ ಬಿಗ್ಬಾಸ್ ಮನೆಯಿಂದ ಬಂದ ತಕ್ಷಣ ಕೇಳಿಬರುವ ಪ್ರಶ್ನೆ ಎಷ್ಟು ಸಂಭಾವನೆ ಸಿಕ್ಕಿದೆ ಎನ್ನುವುದು. ಆದರೆ ಬಿಗ್ಬಾಸ್ ಮನೆಗೆ ಸೆಲೆಕ್ಟ್ ಆದ ತಕ್ಷಣವೇ ಸ್ಪರ್ಧಿಗಳಿಗೆ ಕೆಲವೊಂದು ಕಂಡೀಷನ್ ಹಾಕಿರಲಾಗುತ್ತದೆ. ಅವರು ಸೆಲೆಕ್ಟ್ ಆಗಿರುವ ವಿಷ್ಯ ಮೊದಲೇ ರಿವೀಲ್ ಮಾಡಬಾರದು ಎನ್ನುವುದರಿಂದ ಹಿಡಿದು ಹೊರಕ್ಕೆ ಬಂದ ಮೇಲೆ ಅವರಿಗೆ ಸಿಕ್ಕಿರುವ ಸಂಭಾವನೆ ಎಷ್ಟು ಎನ್ನುವ ಗುಟ್ಟು ಎಲ್ಲಿಯೂ ಬಾಯಿ ಬಿಡಬಾರದು ಎನ್ನುವವರಿಗೆ ಷರತ್ತುಗಳು ಇರುತ್ತವೆ. ಅದೇ ರೀತಿ ಕಾವ್ಯಾ ಗೌಡ ಕೂಡ ಅವರ ಸಂಭಾವನೆಯ ಗುಟ್ಟು ರಿವೀಲ್ ಮಾಡಲು ಸಾಧ್ಯವಿಲ್ಲ. ಹಾಗೆಂದು ಬಿಗ್ಬಾಸ್ ಪ್ರೇಮಿಗಳು ಸುಮ್ಮನೇ ಕುಳಿತುಕೊಳ್ಳುವುದಿಲ್ಲವಲ್ಲ. ಒಂದಿಷ್ಟು ಲೆಕ್ಕಾಚಾರವಂತೂ ಹಾಕಿಯೇ ಹಾಕುತ್ತಾರೆ.

ಸಂಭಾವನೆಯ ಲೆಕ್ಕಾಚಾರ ಹೀಗಿದೆ

ಅಷ್ಟಕ್ಕೂ ಬಿಗ್ಬಾಸ್ನ ಎಲ್ಲಾ ಸ್ಪರ್ಧಿಗಳಿಗೂ ಒಂದೇ ರೀತಿಯ ಸಂಭಾವನೆ ಇರುವುದಿಲ್ಲ. ಅವರ ಕೀರ್ತಿ, ಅವರ ದುಡಿಮೆ, ಬಿಗ್ಬಾಸ್ಗೆ ಬರದೇ ಹೋಗಿದ್ದರೆ, ಅವರು ಹೊರಗಡೆ ಎಷ್ಟು ಹಣ ಸಂಪಾದಿಸುತ್ತಿದ್ದರು, ಅವರಿಗೆ ಇರುವ ಇನ್ಕಮ್... ಇತ್ಯಾದಿ ಇತ್ಯಾದಿಗಳ ಮೇಲೆ ಒಬ್ಬೊಬ್ಬರಿಗೆ ಒಂದೊಂದು ರೀತಿಯ ಸಂಭಾವನೆ ಫಿಕ್ಸ್ಮಾಡಲಾಗುತ್ತದೆ. ಕೆಲವರಿಗೆ ಅತ್ಯಂತ ಕಡಿಮೆ ಸಂಭಾವನೆ ಇದ್ದರೆ, ಮತ್ತೆ ಕೆಲವರಿಗೆ ಅತ್ಯಧಿಕ ಇರಬಹುದು. ಅಂದಾಜಿನ ಪ್ರಕಾರ, ಕಾವ್ಯಾ ಗೌಡ ವಾರಕ್ಕೆ ₹1 ಲಕ್ಷದವರೆಗೆ ಸಂಭಾವನೆ ಪಡೆದಿರಬಹುದಾಗಿದೆ. ಈ ಲೆಕ್ಕಾಚಾರದಂತೆ ಆರು ವಾರಗಳ ಕಾಲ ಮನೆಯಲ್ಲಿ ಉಳಿದರೆ ₹6 ಲಕ್ಷದವರೆಗೆ ಗಳಿಸುವ ಸಾಧ್ಯತೆಯಿದೆ. ಇದರ ಜೊತೆಗೆ ಪ್ರಾಯೋಜಕರಿಂದ ದೊರೆಯುವ 3 ಲಕ್ಷ ರೂಪಾಯಿ ನಗದು ಬಹುಮಾನವನ್ನು ಸೇರಿಸಿದರೆ, ಕಾವ್ಯಾ ಗೌಡ ಅವರಿಗೆ ಬಿಗ್‌ಬಾಸ್ ಮನೆಯಿಂದ ಒಟ್ಟು 9 ಲಕ್ಷ ರೂಪಾಯಿ ಹಣ ಸಿಗಬಹುದು ಎಂದು ಅಂದಾಜಿಸಲಾಗಿದೆ. ಆದರೆ ಇವೆಲ್ಲವೂ ಅಂದಾಜು ಮಾತ್ರವೇ ವಿನಾ, ಅಸಲಿ ಸಂಭಾವನೆ ರಿವೀಲ್ ಆಗುವುದಿಲ್ಲ.

ನಟಿಯ ಕುರಿತು

ಇನ್ನು ನಟಿ ಕಾವ್ಯಾ ಗೌಡ ಕುರಿತು ಹೇಳುವುದಾದರೆ, ಬೆಂಗಳೂರಿನವರೇ ಆದ ಕಾವ್ಯಾ, ಭಾಗ್ಯಲಕ್ಷ್ಮಿ ಸೀರಿಯಲ್ ನಲ್ಲಿ ಇರುವಂತೆ ನಿಜ ಜೀವನದಲ್ಲೂ ಸಖತ್ ಸ್ಟೈಲಿಶ್ ಆಗಿದ್ದಾರೆ. ಅದನ್ನು ಅವರ ಸೋಷಿಯಲ್ ಮೀಡಿಯಾ ನೋಡಿದ್ರೇನೆ ತಿಳಿಯುತ್ತೆ. ಆದರೆ ಶ್ರೇಷ್ಠಾ ಅಂತ ವ್ಯಕ್ತಿತ್ವ ಮಾತ್ರ ನನ್ನದಲ್ಲ, ನಾನು ತುಂಬಾನೆ ಸಾಫ್ಟ್ ಹುಡುಗಿ ಎನ್ನುತ್ತಾರೆ ನಟಿ. ಕಾವ್ಯಾ ಗೌಡಾಗೆ ಇದು ಮೊದಲ ಸೀರಿಯಲ್ ಅಲ್ಲ, ಹಲವು ವರ್ಷಗಳ ಹಿಂದೆ ಮಿಸ್ಟರ್ ಆಂಡ್ ಮಿಸಸ್ ರಂಗೇಗೌಡ ಸೀರಿಯಲ್ ನಲ್ಲಿ ನಾಯಕಿ ಪಾತ್ರಕ್ಕೆ ಬಣ್ಣ ಹಚ್ಚಿದ್ದರು. ಆದರೆ ಕೆಲವೇ ದಿನಗಳಲ್ಲಿ ಸೀರಿಯಲ್ ಬಿಡಬೇಕಾಗಿ ಬಂತು. ಬಳಿಕ ಐದು ವರ್ಷಗಳ ಕಾಲ ತೆಲುಗು ಕಿರುತೆರೆಯಲ್ಲಿ ಮಿಂಚಿದ ನಟಿ ಇವರು. ಇನ್ನು ಕಾವ್ಯಾ ಗೌಡ ಸಿನಿಮಾದಲ್ಲೂ ನಟಿಸಿದ್ದಾರೆ. ವಿಜಯ್ ರಾಘವೇಂದ್ರ ಜೊತೆ ರಿಂಗ ರಿಂಗ ರೋಸಸ್ ಸಿನಿಮಾದಲ್ಲಿ ನಟಿಸಿದ್ದಾರೆ. ಅಷ್ಟೇ ಅಲ್ಲ ಶೋಧ ಎನ್ನುವ ಚಿತ್ರದಲ್ಲೂ ನಟಿಸಿದ್ದಾರೆ. ಇದಾದ ಬಳಿಕ ಭಾಗ್ಯಲಕ್ಷ್ಮಿ ಸೀರಿಯಲ್ ನಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ.

ಭಾಗ್ಯಲಕ್ಷ್ಮಿ ಸೀರಿಯಲ್‌ನಲ್ಲಿ ಮೊದಲು ಗೌತಮಿ ಗೌಡ ಶ್ರೇಷ್ಠಾ ಪಾತ್ರ ನಿರ್ವಹಿಸುತ್ತಿದ್ದರು. ಆ ಪಾತ್ರಕ್ಕೆ ಕಾವ್ಯಾ ಬಂದಾಗ, ಮೊದಲಿಗೆ ಈ ಪಾತ್ರ ಮಾಡಲು ಸಾಧ್ಯವೇ ಎನ್ನುವ ಭಯ ಇತ್ತಂತೆ ಇವರಿಗೆ. ಅಳುಮುಂಜಿ ಪಾತ್ರಗಳನ್ನೆ ಮಾಡುತ್ತಾ ಬಂದಿದ್ದ ಕಾವ್ಯಾಗೆ ಈ ಪಾತ್ರ ಚಾಲೆಂಜಿಗ್ ಆಗಿತ್ತಂತೆ. ಸದ್ಯಕ್ಕಂತೂ ಶ್ರೇಷ್ಠಾ ಪಾತ್ರಕ್ಕೆ ಜೀವ ತುಂಬಿರೋ ನಟಿಯನ್ನು ಜನರು ಗುರುತು ಹಿಡಿಯುತ್ತಿರುವುದು ಸಂತೋಷ ತಂದಿದೆ ಅಂತೆ. ತುಂಬಾ ಜನ ಬೈದಿದ್ದು ಇದೆಯಂತೆ. ಒಬ್ಬರು ಬಂದು, ಬಿಟ್ಟು ಬಿಡಿ ತಾಂಡವನ್ನು ನಿಮಗೆ ಬೇರೊಬ್ಬ ಹುಡುಗ ಸಿಗ್ತಾನೆ ಅಂತಾನೂ ಹೇಳಿದ್ರಂತೆ.

"ತೋಳ ಬಂತು! ತೋಳ ಬಂತು!" ಗಾನವಿ ಮೋಸದ ಆಟಕ್ಕೆ ಸಿಲುಕಿ ಮನೆಮಂದಿ ಮುಂದೆ ಬಕ್ರಾ ಆದ ಆಸಿಯಾ!

Ashwini HR — Tue, 20 Oct 2026 13:29:34 +0530

Bigg Boss Kannada: ಒಂದ್ಸಲ ಮೋಸ ಹೋದ್ರೆ ತಪ್ಪು ಎದುರಿಗಿದ್ದವರದ್ದು, ಅದೇ ಪದೇ ಪದೇ ಮೋಸ ಹೋದ್ರೆ ತಪ್ಪು ನಮ್ಮದೇ! ಬಿಗ್‌ಬಾಸ್ ಮನೆಯಲ್ಲಿ ಆಸಿಯಾ ಸ್ಥಿತಿ ಈಗ ಹೀಗೇ ಆಗಿದೆ. ಗಾನವಿ ಈಗ ಎಷ್ಟೇ ಕಣ್ಣೀರು ಹಾಕಿದರೂ, ಅವರ ಬಣ್ಣ ಬಯಲಾಗಿದ್ದು, ಆಸಿಯಾ ಮಾತ್ರ ಮುಖಭಂಗ ಅನುಭವಿಸುವಂತಾಗಿದೆ.

ಮತ್ತೆ ಅದೇ ತಪ್ಪು ಮಾಡಿದ ಗಾನವಿಬಿಗ್ ಬಾಸ್ ಮನೆಯಲ್ಲಿ ಸ್ಪರ್ಧಿಗಳ ನಡುವಿನ ಪೈಪೋಟಿ ದಿನದಿಂದ ದಿನಕ್ಕೆ ರಂಗೇರುತ್ತಿದ್ದು, ಟಾಸ್ಕ್‌ಗಳ ವೇಳೆ ನಂಬಿಕೆ ದ್ರೋಹ, ಕಳ್ಳಾಟಗಳು ಮುಂದುವರಿದಿವೆ. ಕಳೆದ ಬಾರಿಯಷ್ಟೇ ಟಾಸ್ಕ್‌ನಲ್ಲಿ ಮೋಸ ಮಾಡಿ ಪವರ್ ಕಾಯಿನ್ ಗಿಟ್ಟಿಸಿಕೊಂಡಿದ್ದ ಗಾನವಿ, ಈ ಬಾರಿಯೂ ಅದೇ ತಪ್ಪನ್ನು ಪುನರಾವರ್ತಿಸಿ ಸಿಕ್ಕಿಬಿದ್ದಿದ್ದಾರೆ.

ಮೋಸದ ಆಟಕ್ಕೆ ಬಲಿಯಾಗಿರುವುದು ಸ್ಪರ್ಧಿ ಆಸಿಯಾಸದ್ಯ ಬಿಡುಗಡೆಯಾಗಿರುವ ಬಿಗ್ ಬಾಸ್‌ನ ಹೊಸ ಪ್ರೊಮೊದಲ್ಲಿ ಈ ವಿಚಾರ ರಿವೀಲ್ ಆಗಿದೆ. ವಿಶೇಷವೆಂದರೆ, ಈ ಬಾರಿ ಗಾನವಿ ಅವರ ಈ ಮೋಸದ ಆಟಕ್ಕೆ ಬಲಿಯಾಗಿರುವುದು ಸ್ಪರ್ಧಿ ಆಸಿಯಾ.

ಆಸಿಯಾಗೆ ಕುಹಕವಾಡಿದ ಮನೆಮಂದಿಗಾನವಿಯನ್ನು ಕಣ್ಣುಮುಚ್ಚಿ ನಂಬಿ ಮೋಸಹೋದ ಆಸಿಯಾ ಅವರ ಸ್ಥಿತಿ ನೋಡಿ ಮನೆಯ ಇತರ ಸ್ಪರ್ಧಿಗಳು ಆಡಿಕೊಳ್ಳುತ್ತಿದ್ದಾರೆ. "ಹೋಗಿ ಹೋಗಿ ಮತ್ತೆ ಆ ಗಾನವಿಯನ್ನೇ ನಂಬಿದೆಯಲ್ಲಾ... ನಿನಗೆ ಮೊದಲೇ ಗೊತ್ತಾಗಬೇಕಿತ್ತು" ಎಂದು ಮನೆಮಂದಿಯೆಲ್ಲಾ ಆಸಿಯಾಗೆ ಛೇಡಿಸುತ್ತಿದ್ದಾರೆ.

ಕಣ್ಣೀರಿಟ್ಟರೂ ಕರಗದ ಬಿಗ್ ಬಾಸ್ ಸ್ಪರ್ಧಿಗಳುತನ್ನ ಮೇಲಿನ ಆರೋಪಗಳಿಂದ ಪಾರಾಗಲು ಗಾನವಿ ಎಂದಿನಂತೆ ಕಣ್ಣೀರಿನ ಮೊರೆ ಹೋಗಿದ್ದಾರೆ. "ನಾನು ಬೇಕು ಅಂತ ಹೀಗೆ ಮಾಡಿದ್ದಲ್ಲ" ಎಂದು ಗಾನವಿ ಕಣ್ಣೀರಿಡುತ್ತಾ ಸಮರ್ಥಿಸಿಕೊಳ್ಳಲು ಪ್ರಯತ್ನ ಪಟ್ಟಿದ್ದಾರಾದರೂ, ಅವರ ಆಟವನ್ನು ಮೊದಲೇ ಬಲ್ಲ ಮನೆಯಲ್ಲಿ ಯಾರೊಬ್ಬರೂ ಅವರ ಮಾತನ್ನು ನಂಬುವ ಸ್ಥಿತಿಯಲ್ಲಿಲ್ಲ.

'ತೋಳ ಬಂತು ತೋಳ' ಕಥೆಯಂತಾದ ಗಾನವಿ ಸ್ಥಿತಿಹಿಂದೊಮ್ಮೆ ಕಳ್ಳಾಟವಾಡಿ ಸಿಕ್ಕಿಬಿದ್ದಿದ್ದ ಗಾನವಿ, ಈಗ ಮತ್ತೆ ಮೋಸ ಮಾಡಿರುವುದು ಅವರ ಮೇಲಿನ ವಿಶ್ವಾಸಾರ್ಹತೆಯನ್ನು ಸಂಪೂರ್ಣವಾಗಿ ಕುಗ್ಗಿಸಿದೆ. ಅವರ ಇಂದಿನ ನಡೆ ಬಾಲ್ಯದ 'ತೋಳ ಬಂತು ತೋಳ' ಕಥೆಯಂತಾಗಿದೆ. ನಿಜವಾಗಿಯೇ ಅವರು ಅಚಾತುರ್ಯದಿಂದ ಮಾಡಿದ್ದರೂ ಸಹ, ಗಾನವಿ ಮತ್ತೆ ಕಣ್ಣೀರು ಹಾಕುತ್ತಿರುವುದು ಮನೆಯವರ ದೃಷ್ಟಿಯಲ್ಲಿ ಮತ್ತೊಂದು 'ನಾಟಕ'ದಂತೆ ಕಾಣಿಸುತ್ತಿದೆ.

ಮುಂದಿನ ದಿನಗಳಲ್ಲಿ ಗಾನವಿ ತಮ್ಮ ಮೇಲಿನ ಈ ಅಪವಾದದಿಂದ ಹೇಗೆ ಹೊರಬರುತ್ತಾರೆ? ಆಸಿಯಾ ಮತ್ತು ಗಾನವಿ ನಡುವಿನ ಸಂಬಂಧ ಯಾವ ಹಂತ ತಲುಪಲಿದೆ ಎಂಬುದನ್ನು ಕಾದುನೋಡಬೇಕಿದೆ.

ಸೀರಿಯಲ್ಗಳಲ್ಲಿ ಮನರಂಜನೆಯ ಅಂಬಾರಿ: ನಟಿ ಸುಧಾರಾಣಿ ಎಂಟ್ರಿ- ಧಾರಾವಾಹಿಗಳ ಟ್ವಿಸ್ಟ್ ರಿವೀಲ್

Suchethana D — Tue, 20 Oct 2026 13:18:05 +0530

ದಸರಾ ಹಬ್ಬದ ಹಿನ್ನೆಲೆಯಲ್ಲಿ, ಮೈಸೂರಿನಲ್ಲಿ ಅಂಬಾರಿ ಕಳೆಗಟ್ಟಿದಂತೆ ಜೀ ಕನ್ನಡದ ಮೂರು ಸೀರಿಯಲ್ಗಳಲ್ಲಿಯೂ ಮನರಂಜನೆಯ ಅಂಬಾರಿ ಕಳೆಗಟ್ಟಿದೆ ಎಂದು ತಿಳಿಸಿದ್ದಾರೆ ನಟಿ ಸುಧಾರಾಣಿ. ಮೂರು ಸೀರಿಯಲ್ಗಳ ಕಥೆಗಳನ್ನು ಹೇಳಿರುವ ನಟಿ, ಭರಪೂರ ಮನರಂಜನೆ ಇರುವುದಾಗಿ ತಿಳಿಸಿದ್ದಾರೆ. ಅಮೃತಧಾರೆ, ಅಣ್ಣಯ್ಯ ಸೀರಿಯಲ್ ಮತ್ತು ನಾ ನಿನ್ನ ಬಿಡಲಾರೆ ಸೀರಿಯಲ್ಗಳಲ್ಲಿನ ರೋಚಕ ಟ್ವಿಸ್ಟ್ ಕುರಿತು ನಟಿ ರಿವೀಲ್ ಮಾಡಿದ್ದು, ಅದನ್ನು ಜೀ ವಾಹಿನಿ ಪ್ರೊಮೋದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ಅಮೃತಧಾರೆ ಸೀರಿಯಲ್ ಕುರಿತು...

ಈಗ ಒಂದೊಂದೇ ಸೀರಿಯಲ್ ವಿಷಯಕ್ಕೆ ಬರುವುದಾರೆ, ಅಮೃತಧಾರೆ ಸೀರಿಯಲ್ (Amruthadhaare Serial)ನಲ್ಲಿ ಗೌತಮ್ ವಾಪಸ್ ಬಂದಾಗಿದೆ. ದೀಪಿಕಾಗೂ ಎಲ್ಲರ ಕುತಂತ್ರ ಅರಿವಾಗಿದೆ. ಭೂಮಿಕಾ- ದೀಪಿಕಾ ಒಂದಾಗಿದ್ದಾರೆ. ಇನ್ನು ಗೌತಮ್ಗೆ ಜೈದೇವನ ಬಗ್ಗೆ ಇದಾಗಲೇ ತಿಳಿದಿದ್ದು, ತಾಯಿ ಶಕುಂತಲಾ ಬದಲಾಗಿದ್ದಾಳೆ ಎಂದುಕೊಂಡಿದ್ದ. ಆದರೆ, ಭೂಮಿಕಾಳನ್ನು ಸಾಯಿಸಲು ಸ್ಕೆಚ್ ಹಾಕಿದ್ದು, ಅವಳ ಜಾಗದಲ್ಲಿ ನಕಲಿ ಭೂಮಿಕಾ ತಂದಿರುವುದು ತಿಳಿದರೆ, ಅಲ್ಲಿಗೆ ಶಕುಂತಲಾ ಮತ್ತು ಜೈದೇವ್ ಕಥೆ ಮುಗಿದಂತೆ. ಇನ್ನಾವ ಕಾರಣಕ್ಕೂ ಆತ ಅವರನ್ನು ಕ್ಷಮಿಸುವುದಿಲ್ಲ. ಅದರ ಕಥೆಯನ್ನು ಹೇಳಿರೋ ಸುಧಾರಾಣಿ, ದೀಪಿಕಾ ಗುಟ್ಟು ಬದಲಾಗುವ ಟೈಮ್ಬಂದಾಯ್ತು. ದೀಪಿಕಾ-ಭೂಮಿಕಾ ಅಸಲಿ ಮುಖಕ್ಕೆ ಖುದ್ದು ಗೌತಮ್ ಸಾಕ್ಷಿಯಾಗ್ತಾನೆ ಎಂದಿದ್ದಾರೆ.

ಅಣ್ಣಯ್ಯ ಸೀರಿಯಲ್ (Annaya Serial) ಏನಾಗಲಿದೆ?

ಇನ್ನೊಂದು ಸೀರಿಯಲ್ ಅಣ್ಣಯ್ಯ. ಇದರಲ್ಲಿ ಶಿವು ತನ್ನ ತಾಯಿಯ ಮೇಲೆ ಕೋಪ ಮಾಡಿಕೊಂಡಿದ್ದಾರೆ.ಮಾವನ ಮಾತನ್ನು ನಂಬಿ ಹೆತ್ತಮ್ಮನನ್ನು ಮನೆಯಿಂದ ಹೊರಕ್ಕೆ ಹಾಕಿದ್ದಾನೆ. ಈಗ ಆತನ ತಾಯಿ ಅಮಾಯಕಿ ಎನ್ನುವ ಮಹತ್ತರ ಸಾಕ್ಷಿಯೊಂದು ಪಾರು ಕೈ ಸೇರಿದೆ. ಅಮ್ಮ- ಮಗನನ್ನು ಒಂದು ಮಾಡಲು ಹರಸಾಹಸ ಪಡುತ್ತಿರುವ ಪಾರುವಿಗೆ ಈ ಸಾಕ್ಷಿ ಸಿಕ್ಕಿದ್ದರಿಂದ ವಿಲನ್ಗಳ ಮುಖವಾಡ ಬಯಲಾಗಲಿದೆ. ಅಮ್ಮ-ಮಗ ಒಂದಾಗಲಿದ್ದಾರೆ. ಈ ಕುರಿತು ಮಾಹಿತಿ ನೀಡಿರುವ ನಟಿ ಸುಧಾರಾಣಿ (Sudharani) ಅಮ್ಮ ಮತ್ತು ಮಗನ ಒಂದುಗೂಡಿಸಲು ಇದ್ದ ಒಂದೇ ಸಾಕ್ಷಿ ಪಾರು ಕೈಸೇರಾಯ್ತು ಎನ್ನುವ ಮೂಲಕ ಈ ಸೀರಿಯಲ್ ಬಗ್ಗೆ ರಿವೀಲ್ ಮಾಡಿದ್ದಾರೆ.

ನಾ ನಿನ್ನ ಬಿಡಲಾರೆ (Naa Ninna Bidalaare Serial) ಟ್ವಿಸ್ಟ್

ಅದೇ ರೀತಿ ನಾನಿನ್ನ ಬಿಡಲಾರೆ. ಈ ಸೀರಿಯಲ್ ಈಗ ಪಾರ್ಟ್-2 ರೀತಿಯಲ್ಲಿ ನಡೆಯುತ್ತಿದೆ. ಪತಿಯ ರಕ್ಷಣೆಗಾಗಿ, ಆತನಿಂದ ದೂರವಾಗಿದ್ದಾಳೆ ದುರ್ಗಾ. ಆ ಸಮಯದಲ್ಲಿ ಆಕೆ ಗರ್ಭಿಣಿಯಾಗಿದ್ದಳು. ಆದರೆ ಇದು ಶರತ್ಗೆ ತಿಳಿದಿಲ್ಲ. ಮಗಳೀಗ ದೊಡ್ಡವಳಾಗಿದ್ದಾಳೆ. ಅದೇ ಇನ್ನೊಂದೆಡೆ ಪುಟಾಣಿ ಹಿತಾ ಕೂಡ ದೊಡ್ಡವಳಾಗಿದ್ದು, ದೈವಾಂಶ ಸಂಭೂತೆಯಾಗಿದ್ದಾರೆ. ಹಿತಾ ಪುಟ್ಟಿಯಿಂದಲೇ ಅಪ್ಪ-ಅಮ್ಮ ಒಂದಾಗ್ತಾರೆ ಎನ್ನುವ ಸ್ಟೋರಿ ರಿವೀಲ್ ಮಾಡಿದ್ದಾರೆ ನಟಿ ಸುಧಾರಾಣಿ. ಶರತ್ನಿಂದ ದೂರವಾಗಿರುವ ದುರ್ಗಾಳ ಹೊಸ ಬದುಕು ಶುರುವಾಗಿದೆ. ದೈವಾಂಶ ಸಂಭೂತೆಯಾಗಿರುವ ಕಂದಮ್ಮ ಒಡೆದ ಗೂಡನ್ನು ಮತ್ತೆ ಒಂದಾಗಿಸುತ್ತಾಳೆ ಎನ್ನುವ ಮೂಲಕ ಸೀರಿಯಲ್ ಟ್ವಿಸ್ಟ್ ಹೇಳಿದ್ದಾರೆ.

Box Office: 2 ಹೀರೋ, 5 ಹೀರೋಯಿನ್, ಎದೆಬಡಿತ ಹೆಚ್ಚಿಸೋ ಸ್ಟೋರಿ; ಬಜೆಟ್ 40 ಕೋಟಿ, ಆದ್ರೆ ಗಳಿಸಿದ್ದು 290 ಕೋಟಿ!

Bhimasi M Koleppanavar — Tue, 20 Oct 2026 13:04:32 +0530

ಬಾಲಿವುಡ್ ಚಿತ್ರಗಳಲ್ಲಿ ನಾಯಕರಿರುತ್ತಾರೆ ಎಂದು ಹೇಳಲಾಗುತ್ತದೆ. ಆದರೆ 40 ಕೋಟಿ ಬಜೆಟ್‌ನಲ್ಲಿ 290 ಕೋಟಿ ಗಳಿಸಿದ ಈ ಚಿತ್ರದಲ್ಲಿ 5 ನಾಯಕಿಯರು ನಟಿಸಿದ್ದಾರೆ. 7 ವರ್ಷಗಳ ಹಿಂದೆ ತೆರೆಕಂಡ ಈ ಚಿತ್ರ ಎಲ್ಲರ ಗಮನ ಸೆಳೆದಿತ್ತು. ಈ ಚಿತ್ರ ಭಾರತದಲ್ಲಿಯೇ 200 ಕೋಟಿ ಗಳಿಕೆ ಮಾಡಿತ್ತು. ಅಕ್ಷಯ್ ಕುಮಾರ್ ಜತೆಗೆ, ಚಿತ್ರದಲ್ಲಿ ಇತರ ಇಬ್ಬರು ನಟರು ಪಾತ್ರವಹಿಸಿದ್ದರು. ಹಾಗಾದರೆ, ಆ ಚಿತ್ರ ಯಾವುದು? ಬೆಂಗಳೂರಿನಲ್ಲಿ ನಡೆದಿದೆ. ಈ ಕುರಿತು ಕಂಪ್ಲೀಟ್‌ ಸ್ಟೋರಿ ಇಲ್ಲಿದೆ.

ಹಾಗಾದರೆ ಆ ಚಿತ್ರ ಯಾವುದು?

ನಾವು ಮಾತನಾಡುತ್ತಿರುವ ಚಿತ್ರ ಮಿಷನ್ ಮಂಗಲ್. ಈ ಚಿತ್ರವು ಆಗಸ್ಟ್ 15, 2019 ರಂದು ಬಿಡುಗಡೆಯಾಯಿತು. 'ಮಿಷನ್ ಮಂಗಲ್' ಚಿತ್ರದ ದೊಡ್ಡ ವೈಶಿಷ್ಟ್ಯವೆಂದರೆ ಅದರ ವಿಶಿಷ್ಟ ತಾರಾಬಳಗ. ಈ ಚಿತ್ರದಲ್ಲಿ ಅಕ್ಷಯ್ ಕುಮಾರ್, ಶರ್ಮಾನ್ ಜೋಶಿ ಇಬ್ಬರು ಪ್ರಮುಖ ನಟರಾಗಿ ನಟಿಸಿದ್ದಾರೆ. ಆದರೆ ವಿದ್ಯಾ ಬಾಲನ್, ತಾಪ್ಸಿ ಪನ್ನು, ಸೋನಾಕ್ಷಿ ಸಿನ್ಹಾ, ಕೀರ್ತಿ ಕುಲ್ಹಾರಿ ಮತ್ತು ನಿತ್ಯಾ ಮೆನನ್ ನಾಯಕಿ ನಟಿಯರಾಗಿ ನಟಿಸಿದ್ದಾರೆ.

ಪ್ರತಿ ಪಾತ್ರಕ್ಕೂ ಸಮಾನ ಪ್ರಾತಿನಿಧ್ಯ!

ಬಹುತಾರಾಗಣದ ಚಿತ್ರಗಳು ಸಾಮಾನ್ಯವಾಗಿ ಪರದೆಯ ಸಮಯಕ್ಕಾಗಿ ಪೈಪೋಟಿ ಹೊಂದಿರುವುದು ಸಾಮಾನ್ಯ. ಆದರೆ ಈ ಚಿತ್ರದಲ್ಲಿ ಪ್ರತಿಯೊಂದು ಪಾತ್ರಕ್ಕೂ ಸಮಾನ ಪ್ರಾಮುಖ್ಯತೆ, ಗೌರವ ನೀಡಲಾಗಿದೆ. ಮಹಿಳಾ ವಿಜ್ಞಾನಿಗಳ ದೃಢಸಂಕಲ್ಪ ಮತ್ತು ಅವರ ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ನಡುವಿನ ಸಮತೋಲನ ಸುಂದರವಾಗಿ ಚಿತ್ರಿಸಲಾಗಿದೆ, ಇದು ಪ್ರೇಕ್ಷಕರ ಹೃದಯ ಗೆದ್ದಿದೆ.

ಇಸ್ರೋ ಕಥೆ ಹೇಳುವ ಚಿತ್ರ!

ಈ ಚಿತ್ರದ ಕಥೆಯು ಇಸ್ರೋದ ಮಾರ್ಸ್ ಆರ್ಬಿಟರ್ ಮಿಷನ್ ಅನ್ನು ಆಧರಿಸಿದೆ, ಇದನ್ನು ಭಾರತವು ಅತ್ಯಂತ ಕಡಿಮೆ ವೆಚ್ಚದಲ್ಲಿ ಮತ್ತು ಕನಿಷ್ಠ ಸಂಪನ್ಮೂಲಗಳೊಂದಿಗೆ ಪೂರ್ಣಗೊಳಿಸಿತು. ನಿರ್ದೇಶಕ ಜಗನ್ ಶಕ್ತಿ ಈ ಕಷ್ಟಕರ ವೈಜ್ಞಾನಿಕ ಪ್ರಕ್ರಿಯೆಯನ್ನು ಸಾಮಾನ್ಯ ಜನರಿಗೆ ಸುಲಭವಾಗಿ ಅರ್ಥವಾಗುವ ಸರಳ ಮತ್ತು ಮನರಂಜನೆ ಭಾಷೆಯಲ್ಲಿ ಪ್ರಸ್ತುತಪಡಿಸಿದ್ದಾರೆ.

ಬೆರಗುಗೊಳಿಸುವ ಕಥೆ!

ಚಿತ್ರದಲ್ಲಿನ ದೃಶ್ಯವು ಇನ್ನೂ ಪ್ರೇಕ್ಷಕರನ್ನು ಬೆರಗುಗೊಳಿಸುತ್ತದೆ, ವಿದ್ಯಾ ಬಾಲನ್ ಪಾತ್ರಧಾರಿ (ತಾರಾ ಶಿಂಧೆ) ಮನೆಯಲ್ಲಿಯೇ ಪೂರಿ ಹುರಿಯುವ ತಂತ್ರ ಬಳಸಿಕೊಂಡು ಉಪಗ್ರಹದ ಎಂಜಿನ್‌ಗೆ ಶಕ್ತಿ ತುಂಬುವ ಕಲ್ಪನೆ ನೀಡುತ್ತಾರೆ, ಇದರಿಂದ ಅದು ಕಡಿಮೆ ಇಂಧನದಿಂದ ಮಂಗಳ ಗ್ರಹ ತಲುಪಬಹುದು. ವಿಜ್ಞಾನ ಮತ್ತು ಭಾವನೆಗಳ ಈ ವಿಶಿಷ್ಟ ಸಂಗಮವು ಚಿತ್ರದ ದೊಡ್ಡ ಪ್ಲಸ್‌ ಪಾಯಿಂಟ್‌ ಆಗಿದೆ.

ಪ್ರೇಕ್ಷಕರ ನಿರೀಕ್ಷೆ ಹೆಚ್ಚಿಸಿದ ಚಿತ್ರ!

ಭಾರತದ ಮಾರ್ಸ್ ಆರ್ಬಿಟರ್ ಮಿಷನ್ ಯಶಸ್ವಿಯಾಗಿದೆ ಎಂದು ಪ್ರೇಕ್ಷಕರಿಗೆ ಈಗಾಗಲೇ ತಿಳಿದಿದ್ದರೂ, ಚಿತ್ರದ ಚಿತ್ರಕಥೆ ಮತ್ತು ಕ್ಲೈಮ್ಯಾಕ್ಸ್ ಪ್ರೇಕ್ಷಕರನ್ನು ಹಿಡಿದಿಟ್ಟುಕೊಳ್ಳುವಂತೆ ವಿನ್ಯಾಸಗೊಳಿಸಲಾಗಿದೆ. ರಾಕೆಟ್ ಉಡಾವಣೆ ಸಮಯದಲ್ಲಿ ತಾಂತ್ರಿಕ ದೋಷಗಳು, ಕೆಟ್ಟ ಹವಾಮಾನದ ಬೆದರಿಕೆ ಮತ್ತು ಕಡಿಮೆ ಸಮಯದ ಚೌಕಟ್ಟು ಅನುಭವವನ್ನು ಹೆಚ್ಚು ರೋಮಾಂಚನಗೊಳಿಸಿತು. ಇದಲ್ಲದೇ ಪ್ರೇಕ್ಷಕರ ನಿರೀಕ್ಷೆ ಹೆಚ್ಚಿಸಿದೆ.

ಆಗಸ್ಟ್ 15 ರಂದು ಬಿಡುಗಡೆ!

ಆಗಸ್ಟ್ 15 ರಂದು ಬಿಡುಗಡೆಯಾದ ಈ ಚಿತ್ರದ ದೇಶಭಕ್ತಿಯ ಮನೋಭಾವವು ಎಲ್ಲ ವಯಸ್ಸಿನ ಪ್ರೇಕ್ಷಕರನ್ನು ಚಿತ್ರಮಂದಿರಗಳತ್ತ ಸೆಳೆದಿತ್ತು. ಮಿಷನ್ ಮಂಗಲ್ ಕೇವಲ ವಾಣಿಜ್ಯ ಚಿತ್ರವಾಗಿರಲಿಲ್ಲ, ಬದಲಾಗಿ ಬಾಹ್ಯಾಕಾಶ ವಿಜ್ಞಾನ ಕ್ಷೇತ್ರದಲ್ಲಿ ಭಾರತವನ್ನು ಜಾಗತಿಕ ಮುಂಚೂಣಿಗೆ ಕೊಂಡೊಯ್ಯಲು ಹಗಲಿರುಳು ಶ್ರಮಿಸಿದ ಆ ಅಪರಿಚಿತ ಮಹಿಳಾ ವಿಜ್ಞಾನಿಗಳಿಗೆ ಗೌರವ ಸಲ್ಲಿಸಲಾಯಿತು. ಅಡುಗೆ ಮನೆಯಿಂದ ಹಿಡಿದು ಬಾಹ್ಯಾಕಾಶದವರೆಗೆ ಭಾರತೀಯ ಮಹಿಳೆಯರು ಪ್ರತಿಯೊಂದು ಕ್ಷೇತ್ರದಲ್ಲೂ ಶ್ರೇಷ್ಠತೆ ಸಾಧಿಸಬಹುದು ಎಂಬುದನ್ನು ಈ ಚಿತ್ರ ಸಾಬೀತುಪಡಿಸಿತು.

ಕಳೆದ ತಿಂಗಳು ತೆರೆಗೆ ಬಂದ ಈ ಬ್ಲಾಕ್‌ಬಸ್ಟರ್ ಸಿನಿಮಾ ನಟಿ ಸುಧಾರಾಣಿಗೂ ಇಷ್ಟವಾಯ್ತು.. ಯಾವ್ದು ಗೆಸ್ ಮಾಡಿ?

Ashwini HR — Tue, 20 Oct 2026 12:24:36 +0530

ಸಿನಿಮಾರಂಗದಲ್ಲಿ ದಿನಕ್ಕೊಂದು ಹೊಸ ಸಿನಿಮಾ ತೆರೆಕಂಡರೂ, ಪ್ರೇಕ್ಷಕರ ಮನಸ್ಸಿನಲ್ಲಿ ದೀರ್ಘಕಾಲ ನೆನಪುಳಿಯುವುದು ಭಾವನಾತ್ಮಕ ಕಥಾಹಂದರವಿರುವ ಚಿತ್ರಗಳು ಮಾತ್ರ. ಇಂದಿನ ಕಮರ್ಷಿಯಲ್ ಯುಗದಲ್ಲಿ ಕೇವಲ ಅಬ್ಬರದ ಆಕ್ಷನ್ ಮತ್ತು ಕೃತಕ ಬಿಲ್ಡಪ್‌ಗಳಿಗೇ ಹೆಚ್ಚು ಒತ್ತು ನೀಡಲಾಗುತ್ತಿದೆ ಎಂಬ ಮಾತಿದೆ. ಇಂತಹ ಸಂದರ್ಭದಲ್ಲಿ, ಇತ್ತೀಚೆಗೆ ನಡೆದ ಸಂದರ್ಶನವೊಂದರಲ್ಲಿ ಸುಧಾರಾಣಿ ತಮಗೆ ಇಷ್ಟವಾದ ಇತ್ತೀಚಿನ ಸಿನಿಮಾಗಳ ಬಗ್ಗೆ ಮುಕ್ತವಾಗಿ ಮಾತನಾಡಿ, ಚಿತ್ರಮಂದಿರ ಹಾಗೂ ಒಟಿಟಿಯಲ್ಲಿ (OTT) ತಮ್ಮ ಮನಗೆದ್ದ ಅತ್ಯುತ್ತಮ ಚಿತ್ರಗಳನ್ನು ಪರಿಚಯಿಸಿದ್ದಾರೆ.

ಪ್ರಶಂಸೆ ವ್ಯಕ್ತಪಡಿಸಿದ ಸುಧಾರಾಣಿ

ಚಿತ್ರಮಂದಿರಗಳಲ್ಲಿ ಪ್ರಸ್ತುತ ಪ್ರದರ್ಶನ ಕಾಣುತ್ತಿರುವ 'ಪ್ರೇಮದ ಊರಲಿ' ಚಿತ್ರದ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ ಅವರು, ಚಿತ್ರರಂಗದಲ್ಲಿ ಒಂದು ಹೊಸ ಬಗೆಯ ಬದಲಾವಣೆ ತರಲು ಇದೊಂದು ಅತ್ಯುತ್ತಮ ಮತ್ತು ಪ್ರಾಮಾಣಿಕ ಪ್ರಯತ್ನವಾಗಿದೆ. ಇಂದಿನ ಟ್ರೆಂಡ್‌ಗೆ ತಕ್ಕಂತೆ ಹೊಸತನದ ಕಥೆಯನ್ನು ಪ್ರೇಕ್ಷಕರ ಮುಂದೆ ಇಟ್ಟಿರುವ ಚಿತ್ರತಂಡದ ಶ್ರಮ ಮೆಚ್ಚುವಂತದ್ದು. ಹೊಸ ಆಲೋಚನೆಗಳೊಂದಿಗೆ ಸಿನಿಮಾ ತುಂಬಾ ಅಚ್ಚುಕಟ್ಟಾಗಿ ಮೂಡಿಬಂದಿದ್ದು, ಪ್ರೇಕ್ಷಕರನ್ನು ಆಕರ್ಷಿಸುತ್ತಿದೆ ಎಂದು ಚಿತ್ರದ ಹೊಸತನವನ್ನು ಮುಕ್ತಕಂಠದಿಂದ ಶ್ಲಾಘಿಸಿದರು.

'ವಿಶ್ವನಾಥ್ ಅಂಡ್ ಸನ್ಸ್'

ಇನ್ನು ಒಟಿಟಿ (OTT) ಪ್ಲಾಟ್‌ಫಾರ್ಮ್‌ನಲ್ಲಿ ಇತ್ತೀಚೆಗೆ ನೋಡಿ ತಮ್ಮ ಕಣ್ಣಂಚಲಿ ನೀರು ತರಿಸಿದ ಚಿತ್ರ 'ವಿಶ್ವನಾಥ್ ಅಂಡ್ ಸನ್ಸ್' ಎಂದು ಅವರು ತಿಳಿಸಿದರು. ಈ ಚಿತ್ರ ತಮಗೆ ಅಷ್ಟೊಂದು ಇಷ್ಟವಾಗಲು ಪ್ರಮುಖ ಕಾರಣ ಅದರಲ್ಲಿರುವ ಕುಟುಂಬದ ಬಾಂಧವ್ಯ. ಚಿತ್ರದಲ್ಲಿ ತಾಯಿ ಮತ್ತು ಮಗನ ನಡುವಿನ ಎಮೋಷನಲ್ ಬಾಂಡಿಂಗ್ ಅತ್ಯಂತ ನೈಜವಾಗಿ ಮೂಡಿಬಂದಿದೆ. ಎಲ್ಲಕ್ಕಿಂತ ಮುಖ್ಯವಾಗಿ, ಕಮರ್ಷಿಯಲ್ ಸಿನಿಮಾಗಳಲ್ಲಿ ಹೀರೋಯಿಸಂ ಅನ್ನು ಮಿತಿಮೀರಿ (Overboard) ತೋರಿಸುವುದು ಸಾಮಾನ್ಯ. ಆದರೆ ಈ ಚಿತ್ರದಲ್ಲಿ ನಾಯಕನ ಹೀರೋಯಿಸಂ ಅನ್ನು ಸುಂದರ ಭಾವನೆಗಳೊಂದಿಗೆ ಬೆರೆಸಿ ಅತ್ಯಂತ ತೂಕವಾಗಿ ತೋರಿಸಲಾಗಿದೆ. ಚಿತ್ರದಲ್ಲಿ ಬರುವ ಒಂದು ಟಿವಿ ಇಂಟರ್ವ್ಯೂ ದೃಶ್ಯ ಹಾಗೂ ಅಪ್ಪ-ಮಗನ ನಡುವಿನ ಗೌರವಯುತ ಸಂಬಂಧ ಪ್ರತಿಯೊಬ್ಬರ ಮನಸ್ಸನ್ನು ತಟ್ಟುತ್ತದೆ ಎಂದರು.

ನಟಿಯ ಸಿನಿಮಾ ವಿಶ್ಲೇಷಣೆ

ಯಾವುದೇ ಒಂದು ಸಂಬಂಧದಲ್ಲಾದರೂ ಪರಸ್ಪರ ಮೂಲಭೂತ ಗೌರವವನ್ನು ಕಾಪಾಡಿಕೊಳ್ಳುವುದು ಎಷ್ಟು ಮುಖ್ಯ ಎಂಬುದನ್ನು ಈ ಸಿನಿಮಾ ಸರಳವಾಗಿ ಹೇಳಿಕೊಟ್ಟಿದೆ. ಕೇವಲ ಮನರಂಜನೆಯಷ್ಟೇ ಅಲ್ಲದೆ, ಪ್ರತಿಯೊಬ್ಬರ ಕುಟುಂಬಕ್ಕೂ ಕನೆಕ್ಟ್ ಆಗುವ ಭಾವನೆಗಳಿಗೆ ಇಲ್ಲಿ ನ್ಯಾಯ ಒದಗಿಸಲಾಗಿದೆ ಎಂದು ಅವರು ಮೆಚ್ಚುಗೆ ವ್ಯಕ್ತಪಡಿಸಿದರು. ನಟಿಯ ಈ ಸಿನಿಮಾ ವಿಶ್ಲೇಷಣೆ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಸಿನಿಪ್ರಿಯರ ಗಮನ ಸೆಳೆದಿದೆ.

ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಕಮಾಯಿ ಮಾಡುತ್ತಿರುವ 'ಪ್ರೇಮದ ಊರಲಿ'

ಶ್ರೀ ರಾಮ್ ಮತ್ತು ರಂಗಾಯಣ ರಘು ಮುಖ್ಯಭೂಮಿಕೆಯಲ್ಲಿ ನಟಿಸಿರುವ, ಮನೋಜ್ ಕುಮಾರ್ ನಿರ್ದೇಶನದ ಕನ್ನಡ ಕೌಟುಂಬಿಕ ಚಿತ್ರ 'ಪ್ರೇಮದ ಊರಲಿ' ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಕಮಾಯಿ ಮಾಡುತ್ತಿದೆ. ಗ್ರಾಮೀಣ ಸೊಗಡಿನ ತಂದೆ-ಮಗನ ಬಾಂಧವ್ಯದ ಈ ಚಿತ್ರವು ನಾಲ್ಕನೇ ವಾರಕ್ಕೆ ಕಾಲಿಟ್ಟಿದ್ದು, 22 ದಿನಗಳಲ್ಲಿ ಕರ್ನಾಟಕದಲ್ಲಿ ಬರೋಬ್ಬರಿ ₹90.40 ಕೋಟಿ ಒಟ್ಟು ಕಲೆಕ್ಷನ್ ದಾಖಲಿಸಿದೆ. 22ನೇ ದಿನ ₹4.31 ಕೋಟಿ ಗಳಿಸಿರುವ ಈ ಸಿನಿಮಾ, ₹100 ಕೋಟಿ ಮೈಲಿಗಲ್ಲು ತಲುಪಲು ಇನ್ನು ಕೇವಲ ₹9.60 ಕೋಟಿ ಬಾಕಿಯಿದೆ. ತಪಸ್ವಿನಿ ಪೂಣಚ್ಚ, ರಮಿಕಾ ಶಿವು ನಾಯಕಿಯಾಗಿರುವ ಈ ಚಿತ್ರವನ್ನು ವನಿಲಾ ಎಂಟರ್ಟೈನ್ಮೆಂಟ್ಸ್ ಬ್ಯಾನರ್ ಅಡಿಯಲ್ಲಿ ಮಮತಾ ದೇವೇಂದ್ರ ನಿರ್ಮಿಸಿದ್ದು, ಸುನಾದ್ ಗೌತಮ್ ಸಂಗೀತ ನೀಡಿದ್ದಾರೆ. ಪ್ರೇಕ್ಷಕರ ಪ್ರೀತಿಯೊಂದಿಗೆ 23ನೇ ದಿನಕ್ಕೆ ಕಾಲಿಟ್ಟಿರುವ ಈ ಚಿತ್ರವು ಶತಕೋಟಿ ಕ್ಲಬ್ ಕಡೆಗೆ ದಾಪುಗಾಲು ಹಾಕುತ್ತಿದೆ.

ಶಾರುಖ್ ಖಾನ್ ಜೊತೆ ತೆರೆ ಹಂಚಿಕೊಂಡಿದ್ದ ನಟಿಗೆ ಇದೆಂಥಾ ಸ್ಥಿತಿ! ಯಾರು ಈ ನಟಿ? ಅಷ್ಟಕ್ಕೂ ಆಗಿದ್ದಾದ್ರೂ ಏನು?

Ravi Janekal — Tue, 20 Oct 2026 12:26:37 +0530

ಚಿತ್ರರಂಗವೇ ಹಾಗೆ ಇಲ್ಲಿ ಬಿಕಾರಿಯಾಗಿದ್ದವರು ಸ್ಟಾರ್‌ಗಳಾಗಿ ಮೆರೆಯುತ್ತಾರೆ, ಒಂದು ಕಾಲದಲ್ಲಿ ಸ್ಟಾರ್‌ಗಳಾಗಿ ಮೆರೆದಿದ್ದವರು ಒಂದೊತ್ತಿನ ಊಟಕ್ಕೂ ಪರದಾಡುವ ಸ್ಥಿತಿಗೆ ತಲುಪುತ್ತಾರೆ. ಸ್ಯಾಂಡಲ್‌ವುಡ್ ನಿಂದ ಹಿಡಿದು ಬಾಲಿವುಡ್‌ನವರೆಗೂ ಸಾಕಷ್ಟು ನಿದರ್ಶನಗಳು ಸಿಗುತ್ತವೆ. ಈಗಿನ ತಾಜಾ ಉದಾಹರಣೆ ಎಂದರೆ ಬಾಲಿವುಡ್‌ನ ಈ ಹಿರಿಯ ನಟಿ. ಒಂದು ಕಾಲದಲ್ಲಿ ಸ್ಟಾರ್‌ ನಟನ ಜೊತೆಗೆ ತೆರೆಹಂಚಿಕೊಂಡಿದ್ದ ನಟಿ ಇಂದು ಎಂಥ ಸ್ಥಿತಿಗೆ ತಲುಪಿದ್ದಾರೆಂದರೆ ಉಳಿತಾಯದ ಹಣ ಇನ್ನೊಂದು ವರ್ಷದವರೆಗೆ ಆಗಬಹುದು, ಮುಂದೇನು ಎಂಬ ಚಿಂತೆ ಎದುರಾಗಿದೆ. ಕೆಲಸಕ್ಕಾಗಿ ಅಲೆದಾರು ಯಾರೂ ಕೆಲಸ ಕೊಡುತ್ತಿಲ್ಲ. ಯಾರು ಈ ನಟಿ?

'ಬನೇಗಿ ಅಪ್ನಿ ಬಾತ್', 'ಶಾಂತಿ' ಮತ್ತು 'ಸಸುರಾಲ್ ಗೆಂಡಾ ಫೂಲ್'ನಂತಹ ಧಾರಾವಾಹಿಗಳಲ್ಲಿನ ಪಾತ್ರಗಳಿಗೆ ಹೆಸರುವಾಸಿಯಾದ ಹಿರಿಯ ನಟಿ ಅನಿತಾ ಕನ್ವಾಲ್ ಇತ್ತೀಚಿನ ಸಂದರ್ಶನವೊಂದರಲ್ಲಿಅವರು ತಮ್ಮ ಜೀವನ ಯಾವ ಹಂತಕ್ಕೆ ತಲುಪಿದೆ ಎಂಬುದನ್ನ ತಿಳಿಸಿದ್ದಾರೆ. ಅವರ ಬಳಿ ಇದ್ದ ಹಣವೆಲ್ಲ ಖರ್ಚಾಗಿ ಹೋಗಿದೆ. ಈ ಉಳಿದಿರುವ ಹಣವೂ ಮುಂದಿನ ಒಂದು ವರ್ಷದೊಳಗೆ ಖಾಲಿಯಾಗಬಹುದು. ಆದರೆ ಯಾವುದೇ ಕೆಲಸ ಇಲ್ಲದಿರುವುದು ಮುಂದೇನು ಎಂಬ ಚಿಂತೆ ಎದುರಾಗಿದೆ ಎಂದು ತಿಳಿಸಿದ್ದಾರೆ. ಮಾನಸಿಕ ನೆಮ್ಮದಿಗಾಗಿ ಏನಾದರೂ ಕೆಲಸ ಮಾಡಬೇಕೆಂದರೂ, ಚಿತ್ರರಂಗದ ಅನೇಕರನ್ನು ಕೆಲಸ ಕೇಳಿ ಸಂಪರ್ಕಿಸಿದ್ದರೂ ಯಾರೂ ಕೆಲಸ ಕೊಡುತ್ತಿಲ್ಲ ಎಂದು ಅಳಲು ತೋಡಿಕೊಂಡಿದ್ದಾರೆ.

ಇಲ್ಲಿವರೆಗೆ ನಾನು ಚಿತ್ರರಂಗದಲ್ಲಿ ಎಷ್ಟೊಂದು ಕೆಲಸ ಮಾಡಿದ್ದೇನೆ. ಆದರೆ ಅನೇಕರು ನನ್ನನ್ನು ಮರೆತೇ ಬಿಟ್ಟಿದ್ದಾರೆ ಎಂದು ನಿರಾಶೆ ವ್ಯಕ್ತಪಡಿಸಿರುವ ಹಿರಿಯ ನಟಿ ಅನಿತಾ, ವಿವಿಧ ಸಿನಿಮಾ, ಕಿರುತೆರೆಯಲ್ಲಿನ ತಮ್ಮ ಹಿಂದಿನ ನಟನೆ, ಶಾರೂಖ್ ಖಾನ್ ಜೊತೆಗೆ ತೆರೆ ಹಂಚಿಕೊಂಡಿದ್ದು, ನಿರ್ಮಾಪಕ ಪ್ರಕಾಶ್ ಝಾ ಅವರೊಂದಿಗೆ ಕೆಲಸ ಮಾಡಿದ್ದ ಬಗ್ಗೆ ಮೆಲುಕು ಹಾಕಿದ್ದಾರೆ.

ಒಂದೇ ವರ್ಷದಲ್ಲಿ ನನ್ನ ಸೇವಿಂಗ್ ಮುಗಿದು ಹೋಗುತ್ತೆ!

'ಬನೇಗಿ ಅಪ್ನಿ ಬಾತ್', 'ಶಾಂತಿ' ಮತ್ತು 'ಸಸುರಾಲ್ ಗೆಂಡಾ ಫೂಲ್'ನಂತಹ ಧಾರಾವಾಹಿಗಳಲ್ಲಿನ ತಮ್ಮ ಪಾತ್ರಗಳಿಗೆ ಹೆಸರುವಾಸಿಯಾದ ಅನಿತಾ, ಪ್ರಸ್ತುತ ಎದುರಿಸುತ್ತಿರುವ ಸವಾಲುಗಳು, ಕಠಿಣ ಪರಿಸ್ಥಿತಿಗಳ ಬಗ್ಗೆ ಮಾತನಾಡಿದ್ದಾರೆ. ಅವರು, 'ನಾನು ದುಡಿಯಲೇಬೇಕು. ನನ್ನ ಉಳಿತಾಯ ಹಣ ಅಬ್ಬಾಬ್ಬ ಎಂದರೆ ಇನ್ನು ಒಂದು ವರ್ಷಕ್ಕೆ ಆಗುತ್ತದೆ. ಅಷ್ಟರಲ್ಲಿ ಹಣ ಖಾಲಿಯಾಗಬಹುದು. ಹೀಗಿರುವಾಗ ನಾನು ಇನ್ನೂ 10-12 ವರ್ಷ ಬದುಕಿದರೆ? ಆಗ ಬದುಕಲು ಏನು ಮಾಡಬೇಕು? ಈಗ ನನ್ನ ಮನೆಯೊಂದೇ ನನ್ನ ಬಳಿ ಇರುವ ಆಸ್ತಿ. ಉಳಿತಾಯ ಹಣ ಒಂದೇ ವರ್ಷದಲ್ಲಿ ಖಾಲಿಯಾಗುತ್ತದೆ. ಹಾಗಾಗಿ ನನಗೆ ಕೆಲಸ ಬೇಕು ಎಂದಿದ್ದಾರೆ.

ನನಗೆ ಮಕ್ಕಳಿದ್ದಾರೆ. ಮಕ್ಕಳು ಮಕ್ಕಳೇ. ಅವರು ನನಗೆ ಸಹಾಯ ಮಾಡಲು ಬಯಸಿದ್ರೂ ನಾನು ಅವರಿಂದ ಹಣವನ್ನು ತೆಗೆದುಕೊಳ್ಳುವುದಿಲ್ಲ. ನನ್ನ ಜೀವನ ನನ್ನ ದುಡಿಮೆಯ ಹಣದಿಂದ ಮುಂದುವರಿಯಬೇಕು. ಹೀಗಾಗಿ ನಾನು ಇತರರಿಗೆ ಹಿಂತಿರುಗಿಸುವ ಸ್ಥಿತಿಯಲ್ಲಿ ಬದುಕಲು ಬಯಸುತ್ತೇನೆ. ನನ್ನ ಬದುಕು ನಡೆಸಲು ನಾನೇ ದುಡಿಯಬೇಕು. ಅದಕ್ಕಾಗಿ ನನಗೆ ಕೆಲಸ ಬೇಕು ಎಂದಿದ್ದಾರೆ.

ಇಂದಿನ ಹೊಸ ಕಲಾವಿದರಿಗೆ ನನ್ನ ಹಿಂದಿನ ಕೆಲಸದ ಬಗ್ಗೆ ತಿಳಿದಿಲ್ಲ. ಹೆಚ್ಚಾಗಿ ನನ್ನ ಗುರುತೇ ಇಲ್ಲ. ನಾನು ಕೆಲಸ ಕೇಳಿದಾಗ ಚಿಕ್ಕ ಪಾತ್ರ ಕೊಡಲಾಗುತ್ತದೆ. ಅನಿತಾ ಕನ್ವಾಲ್ ಯಾರು ಅಥವಾ ಅವರು ಎಂತಹ ಕೆಲಸಗಳನ್ನು ಮಾಡಿದ್ದಾರೆ ಎಂಬುದು ಇಂದಿನ ಯುವ ಕಲಾವಿದರಿಗೆ ಯಾರಿಗೂ ತಿಳಿದಿಲ್ಲವೆಂದರೆ ನಾನೇನು ಮಾಡಲು ಸಾಧ್ಯ? ನಾನು ಆಡಿಷನ್‌ಗಳಿಗೆ ಹೋಗುತ್ತೇನೆ, ಕಾಸ್ಟಿಂಗ್ ನಿರ್ದೇಶಕರನ್ನು ಭೇಟಿಯಾಗುತ್ತೇನೆ, ಆದರೆ ನನಗೆ ಯಾವುದೇ ಕೆಲಸ ಸಿಗುತ್ತಿಲ್ಲ ಎಂದು ಅಳಲು ತೋಡಿಕೊಂಡಿದ್ದಾರೆ.

ಶಾರುಖ್ ಖಾನ್ ಜೊತೆಗೆ ತೆರೆಹಂಚಿಕೊಂಡ ಬಗ್ಗೆ ಹೇಳಿದ್ದೇನು?

ಶಾರುಖ್ ಖಾನ್ ಅವರೊಂದಿಗೆ ಕೆಲಸ ಮಾಡಿದ ಅನುಭವದ ಕುರಿತು ಅನಿತಾ ಕನ್ವಾಲ್ ಮಾತನಾಡಿದ್ದಾರೆ.'ಕಭಿ ಹಾನ್ ಕಭಿ ನಾ' (Kabhi Haan Kabhi Naa) ಚಿತ್ರದಲ್ಲಿ ಶಾರುಖ್ ಖಾನ್ ಅವರೊಂದಿಗೆ ಕೆಲಸ ಮಾಡಿದ್ದೆ. ಈ ಚಿತ್ರದಲ್ಲಿ ದೀಪಕ್ ತಿಜೋರಿ ಅವರ ತಾಯಿಯ ಪಾತ್ರವನ್ನು ನಿರ್ವಹಿಸಿದ್ದೆ. ಆದರೆ ನನ್ನ ಶಾರುಖ್ ಜೊತೆಗಿನ ಮುಖ್ಯ ದೃಶ್ಯಗಳನ್ನೇ ಕತ್ತರಿಸಿ ಹಾಕಿದ್ದರು. ಆ ಚಿತ್ರಕ್ಕಾಗಿ ಯಾವುದೇ ಆಡಿಷನ್‌ ನೀಡಿರಲಿಲ್ಲ. ಆ ಕಾಲಕ್ಕೆ ನಾನು ಚಿತ್ರರಂಗಕ್ಕೆ ಸಂಪೂರ್ಣ ಹೊಸಬಳಾಗಿದ್ದೆ. ಸಹಜವಾಗಿಯೇ ದೆಹಲಿಯಲ್ಲಿದ್ದ ದಿನಗಳಿಂದಲೇ ಶಾರುಖ್ ಖಾನ್‌ಗೆ ನನ್ನ ಪರಿಚಯವಿತ್ತು. ಇದೊಂದು ಅತ್ಯುತ್ತಮ ಅನುಭವ. ಆಗ ದೀಪಕ್ ತಿಜೋರಿ ಅವರ ತಾಯಿಯ ಪಾತ್ರವನ್ನು ಮಾಡಲು ನಾನು ತುಂಬಾ ಚಿಕ್ಕವಳಾಗಿದ್ದೆನೆ ಎಂದು ಎಲ್ಲರೂ ಅಂದುಕೊಂಡಿದ್ದರು. ಆದರೆ ನನಗಾಗಲೇ ವಯಸ್ಸು ಆಗ ಕೇವಲ 35 ಅಥವಾ 36 ವರ್ಷವಾಗಿತ್ತು. ಆದರೆ ಅದು ಅದ್ಭುತವಾದ ಪಾತ್ರವಾಗಿತ್ತು. ಮೂಲತಃ ಈ ಪಾತ್ರದಲ್ಲಿ ಹೆಚ್ಚಿನ ವಿಷಗಳಿದ್ದವು. ಆದರೆ ಎಡಿಟಿಂಗ್ ಮಾಡುವಾಗ ಕೆಲವು ಭಾಗಗಳನ್ನು ತೆಗೆದುಹಾಕಲಾಯಿತು. 'ದೀವಾನಾ' ಚಿತ್ರವು ದೊಡ್ಡ ಹಿಟ್ ಆಯಿತು; ಇದೇ ಕಾರಣಕ್ಕಾಗಿ ಶಾರುಖ್ ಅವರ ಮೋಟಾರ್‌ಸೈಕಲ್ ದೃಶ್ಯವನ್ನು ಹೆಚ್ಚು ಸೇರ್ಪಡೆಗೊಳಿಸಲಾಯ್ತು. ನಮ್ಮ ದೃಶ್ಯಗಳನ್ನು ಕತ್ತರಿಸಲಾಯ್ತು. ಇಷ್ಟಾದರೂ ಜನರು ನನ್ನನ್ನು, ನನ್ನ ನಟನೆಯನ್ನು ಗಮನಿಸಿದರು. ಆ ನಂತರ ನಾನು ಟಿವಿಯಲ್ಲಿ ಸಾಕಷ್ಟು ಕೆಲಸ ಮಾಡಿದೆ. ಶಾರುಖ್ ಖಾನ್ ಜೊತೆಗಿನ ನನ್ನ ಮುಖ್ಯ ದೃಶ್ಯವೇ ಕತ್ತರಿಸಿದ್ದು ತುಂಬಾ ಬೇಸರ ತರಿಸಿತ್ತು ಎಂದು ಹೇಳಿಕೊಂಡಿದ್ದಾರೆ.

ಆ ಚಿತ್ರಕ್ಕಾಗಿ ಒಂದೇ ಬಾರಿ ಪೂರ್ಣ ಸಂಭಾವನೆ ಕೊಟ್ಟಿದ್ದ ಪ್ರಕಾಶ್ ಝಾ

2003ರ 'ಗಂಗಾಜಲ್' ಚಿತ್ರದಲ್ಲಿ ಪ್ರಕಾಶ್ ಝಾ ಅವರೊಂದಿಗೆ ಕೆಲಸ ಮಾಡಿದ ಅನುಭವವನ್ನು ನೆನಪಿಸಿಕೊಂಡ ಅನಿತಾ ಕನ್ವಾಲ್ ಅವರು, ಚಿತ್ರದ ಯಶಸ್ಸಿನ ನಂತರ ನನ್ನ ಸಂಭಾವನೆಯನ್ನು ದುಪ್ಪಟ್ಟು ಮಾಡಲಾಗಿತ್ತು. ಪ್ರಕಾಶ್ ಝಾ ಅವರೊಂದಿಗೆ ಕೆಲಸ ಮಾಡಿದ್ದು ಒಂದು ಅದ್ಭುತ ಅನುಭವ. ಪ್ರಕಾಶ್ ಝಾ ಅವರ ಬಗ್ಗೆ ಒಂದು ವಿಷಯವಿದೆ. ಅದನ್ನು ನಾನು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ನಾನು 'ಗಂಗಾಜಲ್' ಚಿತ್ರದಲ್ಲಿ ಕೆಲಸ ಮಾಡಿದಾಗ, ನನಗೆ ಸಿಗಬೇಕಾದ ಪೂರ್ಣ ಸಂಭಾವನೆಯು ಸಮಯಕ್ಕೆ ಸರಿಯಾಗಿ ತಲುಪಿತ್ತು ಎಂದರು.

ಅವತ್ತೊಂದು ದಿನ ಅವರ ಕಚೇರಿಯಿಂದ ನನಗೆ ಫೋನ್ ಕರೆ ಬಂತು; ನನಗಾಗಿ ಒಂದು ಚೆಕ್ ಸಿದ್ಧವಾಗಿದೆ ಎಂದು ಅವರು ತಿಳಿಸಿದರು. ಅದಕ್ಕೆ ನಾನು ನನಗೆ ಈಗಾಗಲೇ ನನ್ನ ಸಂಭಾವನೆ ಸಿಕ್ಕಿದೆ ಎಂದಿದ್ದೆ. ಆಗ ಅವರು, *ಗಂಗಾಜಲ್* (Gangaajal) ಚಿತ್ರವು ಅತ್ಯುತ್ತಮ ಪ್ರದರ್ಶನ ನೀಡಿದ ಕಾರಣ ಪ್ರಕಾಶ್‌ಜೀ ಅವರು ಎಲ್ಲರಿಗೂ ಹೆಚ್ಚುವರಿಯಾಗಿ ಮತ್ತೊಂದು ಚೆಕ್ ನೀಡಲು ನಿರ್ಧರಿಸಿದ್ದಾರೆ ಎಂದು ಹೇಳಿದರು. ಇದನ್ನು ನಾನು ಎಂದಿಗೂ ಮರೆಯಲು ಸಾಧ್ಯವಿಲ್ಲ. ಒಂದು ಸಿನಿಮಾ ಹಿಟ್ ಆದಾಗ ಕಲಾವಿದರಿಗೆ ಹೀಗೆ ಯಾರು ತಾನೇ ಹೆಚ್ಚುವರಿ ಸಂಭಾವನೆ ಕೊಡಲು ಮುಂದೆ ಬರುತ್ತಾರೆ? ಆದರೆ ಪ್ರಕಾಶ್ ಝಾ ಅವರು ಚಿತ್ರದಲ್ಲಿ ಒಪ್ಪಿಕೊಂಡ ಸಂಭಾವನೆ ಹೊರತಾಗಿಯೂ ಚಿತ್ರ ಯಶಸ್ಸು ಕಂಡಾಗ ಹೆಚ್ಚುವರಿಯಾಗಿ ಚೆಕ್ ನೀಡಿದ್ದರು ಎಂದು ಹಿರಿಯ ನಟಿ ಮೆಲುಕು ಹಾಕಿದ್ದಾರೆ.

ಜೈಲರ್ 2 ಸಿನ್ಮಾಗಾಗಿ ಸಂಜು ಸ್ಯಾಮ್ಸನ್ ಸಂಪೂರ್ಣ ಎರಡು ಥಿಯೇಟರ್ ಬುಕ್ಕಿಂಗ್..! ಮೂವಿ ನೋಡಲು ಟೀಂ ಇಂಡಿಯಾದ ಈ ಆಟಗಾರರಿಗೂ ಆಹ್ವಾನ

Naveen Kodase — Tue, 20 Oct 2026 12:05:27 +0530

ಬೆಂಗಳೂರು: ಟೀಂ ಇಂಡಿಯಾ ಕ್ರಿಕೆಟಿಗ, ವಿಕೆಟ್ ಕೀಪರ್ ಬ್ಯಾಟರ್ ಸಂಜು ಸ್ಯಾಮ್ಸನ್ ಮೈದಾನದಲ್ಲಿದ್ದಾಗ ಹಾಗೂ ಮೈದಾನದಾಚೆಗೆ ಸದಾ ಒಂದಿಲ್ಲೊಂದು ವಿಚಾರಕ್ಕೆ ಸುದ್ದಿಯಲ್ಲಿರುತ್ತಾರೆ. ಇನ್ನು ಕೇರಳ ಮೂಲದ ಕ್ರಿಕೆಟಿಗನಿಗೆ ದೇಶಾದ್ಯಂತ ಅಪ್ಪಟ ಅಭಿಮಾನಿಗಳ ದಂಡೇ ಇದೆ. ಇನ್ನು ಸಂಜು ಸ್ಯಾಮ್ಸನ್, ದಕ್ಷಿಣ ಭಾರತದ ಸಿನಿಮಾ ದಂತಕಥೆ ರಜಿನಿಕಾಂತ್ ಅವರ ಅಪ್ಪಟ ಅಭಿಮಾನಿ ಎನ್ನುವುದು ಸದ್ಯ ಗುಟ್ಟಾಗಿಯೇನೂ ಉಳಿದಿಲ್ಲ. ಇದೀಗ ಸಂಜು, ಇತ್ತೀಚೆಗಷ್ಟೇ ತೆರೆ ಕಂಡಿರುವ ರಜಿನಿಕಾಂತ್ ಅವರ ನಟನೆಯ ಜೈಲರ್ 2 ಸಿನಿಮಾಗಾಗಿ ಸಂಪೂರ್ಣ ಎರಡು ಥಿಯೇಟರ್ ಬುಕ್ ಮಾಡುವ ಮೂಲಕ ತಲೈವಾ ಮೇಲಿನ ತಮ್ಮ ಅಭಿಮಾನವನ್ನು ಮೆರೆದಿದ್ದಾರೆ.

ಸಂಪೂರ್ಣ ಎರಡು ಥಿಯೇಟರ್ ಬುಕ್

ವೆಸ್ಟ್ ಇಂಡೀಸ್ ಎದುರಿನ ಟಿ20 ಸರಣಿ ಮುಕ್ತಾಯವಾದ ಬೆನ್ನಲ್ಲೇ ಸಂಜು ಸ್ಯಾಮ್ಸನ್, ತಮ್ಮ ಕುಟುಂಬ, ಸ್ನೇಹಿತರು ಹಾಗೂ ಟೀಮ್‌ಮೇಟ್ಸ್‌ಗಳ ಜತೆ ಜೈಲರ್ 2 ಸಿನಿಮಾ ವೀಕ್ಷಿಸಲು ಇಡೀ ಥಿಯೇಟರ್ ಅನ್ನೇ ಸಂಪೂರ್ಣವಾಗಿ ಬುಕ್ ಮಾಡಿ ಗಮನ ಸೆಳೆದಿದ್ದಾರೆ. ಈ ಕುರಿತಂತೆ ಮಾತನಾಡಿರುವ ಸಂಜು, 'ನನಗೆ ರಜಿನಿಕಾಂತ್ ಸಿನಿಮಾ ನೋಡುವುದೆಂದರೇ ತುಂಬಾನೆ ಇಷ್ಟ. ನಾನು ಪ್ರತಿಸಲವೂ ಮತ್ತೆ ರಜಿನಿಕಾಂತ್ ಸಿನಿಮಾ ಯಾವಾಗ ತೆರೆಗೆ ಬರುತ್ತೆ ಎನ್ನುವುದನ್ನು ತುದಿಗಾಲಿನಲ್ಲಿ ನಿಂತು ಕಾಯುತ್ತಿರುತ್ತೇನೆ. ಈ ಸಲ ಒಂದು ದಿನ ತಡವಾಯಿತು. ನಿನ್ನೆ ಡೆಲ್ಲಿಯಲ್ಲಿ ಒಂದು ಕಾರ್ಯಕ್ರಮವಿದ್ದಿದ್ದರಿಂದ ಸಿನಿಮಾ ನೋಡಲು ಸಾಧ್ಯವಾಗಲಿಲ್ಲ' ಎಂದು ಟೀಂ ಇಂಡಿಯಾ ವಿಕೆಟ್ ಕೀಪರ್ ಬ್ಯಾಟರ್ ಹೇಳಿದ್ದಾರೆ.

'ಇಂದು ನನ್ನ ಅದೃಷ್ಟಕ್ಕೆ ಇಡೀ ಥಿಯೇಟರ್ ಬುಕ್ ಮಾಡಲು ಸಾಧ್ಯವಾಯಿತು. ನಾನಿಂದು ನನ್ನ ಸ್ನೇಹಿತರನ್ನು ಸಿನಿಮಾ ನೋಡಲು ಆಹ್ವಾನಿಸಿದ್ದೇನೆ. ನನ್ನ ಪತ್ನಿ ಕೂಡಾ ಸಿನಿಮಾ ನೋಡಲು ನನ್ನ ಜತೆಯಾಗಲಿದ್ದಾರೆ. ದೊಡ್ಡ ಸ್ಕ್ರೀನ್‌ನಲ್ಲಿ ರಜಿನಿಕಾಂತ್ ಸಿನಿಮಾವನ್ನು ಕಣ್ತುಂಬಿಕೊಳ್ಳಲು ನಾನು ತುದಿಗಾಲಿನಲ್ಲಿ ನಿಂತಿದ್ದೇನೆ' ಎಂದು ಸಂಜು ಸ್ಯಾಮ್ಸನ್ ಹೇಳಿದ್ದಾರೆ.

ಇನ್ನು ಇದೇ ವಳೆ ಸಂಜು ಸ್ಯಾಮ್ಸನ್, ಟೀಂ ಇಂಡಿಯಾದ ಹಲವು ಆಟಗಾರರಿಗೆ ತಮಿಳು ಅರ್ಥವಾಗುತ್ತದೆ. ಹೀಗಾಗಿ ತಂಡದಲ್ಲಿರುವ ಆಟಗಾರರಿಗೆ ಹಾಗೂ ಸಹಾಯಕ ಸಿಬ್ಬಂದಿಗಳಿಗೆ ತಾವು ಈ ಜೈಲರ್ ಸಿನಿಮಾ ನೋಡಲು ಆಗಮಿಸುವಂತೆ ಆಹ್ವಾನಿಸಿದ್ದಾಗಿಯೂ ತಿಳಿಸಿದ್ದಾರೆ.

View this post on Instagram

A post shared by vishnudigitalmedia (@vishnudigitalmedia)

ಜೈಲರ್ 2 ಸಿನಿಮಾ ಹೈಪ್

ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ ಜೈಲರ್ 2 ಸಿನಿಮಾವು, 2023ರಲ್ಲಿ ತೆರೆ ಕಂಡ ಜೈಲರ್ ಸಿನಿಮಾದ ಸೀಕ್ವೆಲ್ ಆಗಿದೆ. ಈ ಚಿತ್ರದಲ್ಲಿ ರಜನಿಕಾಂತ್ ಅವರು 'ಟೈಗರ್ ಮುತ್ತುವೇಲ್ ಪಾಂಡಿಯನ್' ಎಂಬ ತಮ್ಮ ಐಕಾನಿಕ್ ಪಾತ್ರದಲ್ಲಿ ಮತ್ತೆ ಕಾಣಿಸಿಕೊಂಡಿದ್ದಾರೆ. ನಿವೃತ್ತ ಕಾನೂನು ಜಾರಿ ಅಧಿಕಾರಿಯಾಗಿರುವ ಅವರು, ಅನಿವಾರ್ಯವಾಗಿ ಮತ್ತೆ ಕಣಕ್ಕಿಳಿಯಬೇಕಾಗುತ್ತದೆ. ಈ ಚಿತ್ರವು ಭರ್ಜರಿ ಆಕ್ಷನ್ ದೃಶ್ಯಗಳು, ರಜನಿಕಾಂತ್‌ಗೇ ವಿಶಿಷ್ಟವಾದ ಶೈಲಿ ಮತ್ತು ದೇಶಾದ್ಯಂತ ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸುವ ಅದ್ಭುತ ಸಂಗೀತವನ್ನು ಒಳಗೊಂಡಿದೆ. ಸಿನಿಮಾ ತೆರೆಕಂಡ ಆರಂಭಿಕ ಐದು ದಿನಗಳಲ್ಲೇ ಜೈಲರ್ 2 ಸಿನಿಮಾವೂ ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸಿದೆ.

Rajinikanth Property Will: ರಜನಿಕಾಂತ್ ಆಸ್ತಿ ಯಾರಿಗೆ ಸೇರಲಿದೆ? ₹430 ಕೋಟಿ ವಿಲ್, ರಾಘವೇಂದ್ರ ಕಲ್ಯಾಣ ಮಂಟಪ ಈಗೇಕೆ ಸುದ್ದಿಯಲ್ಲಿದೆ?

Shriram Bhat — Tue, 20 Oct 2026 12:30:59 +0530

ರಜನಿಕಾಂತ್ ಆಸ್ತಿ ಯಾರಿಗೆ ಸೇರಲಿದೆ? ₹430 ಕೋಟಿ ಸಂಪತ್ತಿನ ನಡುವೆ ರಾಘವೇಂದ್ರ ಕಲ್ಯಾಣ ಮಂಟಪದ ಬಗ್ಗೆ ಚರ್ಚೆ!

ಸೂಪರ್‌ಸ್ಟಾರ್ ರಜನಿಕಾಂತ್ (Rajinikanth) ಎಂದರೆ ನೆನಪಿಗೆ ಬರುವುದು ಅವರ ವಿಭಿನ್ನ ಸ್ಟೈಲ್, ಖಡಕ್ ಡೈಲಾಗ್‌ಗಳು ಮತ್ತು ವಿಶಿಷ್ಟ ನಟನೆ. ಐದು ದಶಕಗಳಿಗೂ ಹೆಚ್ಚು ಕಾಲ ಚಿತ್ರರಂಗದಲ್ಲಿ ಮಿಂಚುತ್ತಿರುವ ತಲೈವಾ, ಅಪಾರ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಇದೀಗ ಅವರ ಆಸ್ತಿ ಮತ್ತು ರಾಘವೇಂದ್ರ ಕಲ್ಯಾಣ ಮಂಟಪದ ಭವಿಷ್ಯದ ಕುರಿತು ಚರ್ಚೆ ಮತ್ತೆ ಮುನ್ನೆಲೆಗೆ ಬಂದಿದೆ. ತಮ್ಮ ಆಸ್ತಿಯಿಂದ ಬರುವ ಆದಾಯವನ್ನು ಸಮಾಜದ ಒಳಿತಿಗಾಗಿ ಬಳಸಬೇಕೆಂಬ ಅವರ ಹಿಂದಿನ ಹೇಳಿಕೆ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.

ರಜನಿಕಾಂತ್ ಅವರ ಆಸ್ತಿ ಮೌಲ್ಯ ಎಷ್ಟು?

ಮಾಧ್ಯಮ ವರದಿಗಳ ಪ್ರಕಾರ, ರಜನಿಕಾಂತ್ ಅವರ ಒಟ್ಟು ಆಸ್ತಿ ಮೌಲ್ಯ ಸುಮಾರು ₹430 ಕೋಟಿ ಎಂದು ಅಂದಾಜಿಸಲಾಗಿದೆ. ಆದರೆ, ಈ ಮೊತ್ತಕ್ಕೆ ಅಧಿಕೃತ ದೃಢೀಕರಣವಿಲ್ಲ. ದಶಕಗಳ ಸಿನಿಮಾ ವೃತ್ತಿಜೀವನ, ಸಂಭಾವನೆ, ಹೂಡಿಕೆಗಳು ಮತ್ತು ರಿಯಲ್ ಎಸ್ಟೇಟ್ ಮೂಲಕ ಅವರು ಸಂಪತ್ತು ಗಳಿಸಿದ್ದಾರೆ ಎನ್ನಲಾಗಿದೆ. ಚೆನ್ನೈನ ಪ್ರತಿಷ್ಠಿತ ಪೋಯಸ್ ಗಾರ್ಡನ್ ಪ್ರದೇಶದಲ್ಲಿರುವ ಅವರ ಮನೆಯ ಮೌಲ್ಯ ಸುಮಾರು ₹35 ಕೋಟಿ ಎಂದು ಕೆಲವು ವರದಿಗಳು ಅಂದಾಜಿಸಿವೆ.

ಕುಟುಂಬಕ್ಕಲ್ಲ, ಜನರಿಗಾಗಿ ಆಸ್ತಿ ಆದಾಯ!

ರಜನಿಕಾಂತ್ ಅವರ ಆಸ್ತಿಗಳಲ್ಲಿ ರಾಘವೇಂದ್ರ ಕಲ್ಯಾಣ ಮಂಟಪವೂ ಪ್ರಮುಖವಾಗಿದೆ. ವರದಿಗಳ ಪ್ರಕಾರ, ತಮ್ಮ ಜೀವಿತಾವಧಿಯ ನಂತರ ಈ ಕಲ್ಯಾಣ ಮಂಟಪವನ್ನು ರಾಘವೇಂದ್ರ ಪಬ್ಲಿಕ್ ಚಾರಿಟಬಲ್ ಟ್ರಸ್ಟ್‌ಗೆ ಸೇರಿಸುವ ಉದ್ದೇಶವನ್ನು ಅವರು ಈ ಹಿಂದೆ ವ್ಯಕ್ತಪಡಿಸಿದ್ದರು. ಈ ನಿರ್ಧಾರವನ್ನು ತಮ್ಮ ವಿಲ್‌ನಲ್ಲಿಯೂ ಉಲ್ಲೇಖಿಸಿರುವುದಾಗಿ ವರದಿಗಳು ತಿಳಿಸಿವೆ.

ತಮ್ಮನ್ನು ಬೆಳೆಸಿದ ತಮಿಳುನಾಡಿನ ಜನರಿಗೆ ಆಸ್ತಿಯಿಂದ ಬರುವ ಆದಾಯ ತಲುಪಬೇಕು ಎಂಬುದು ಅವರ ಆಶಯವೆಂದು ಹೇಳಲಾಗಿದೆ. ಅಭಿಮಾನಿಗಳು ತಮ್ಮ ಮೇಲೆ ತೋರಿದ ಪ್ರೀತಿಗೆ ಸಮಾಜಮುಖಿ ಕಾರ್ಯಗಳ ಮೂಲಕ ಪ್ರತಿಯಾಗಿ ಕೊಡುಗೆ ನೀಡಬೇಕು ಎಂಬ ಸಂದೇಶವೂ ಈ ಹೇಳಿಕೆಯಲ್ಲಿ ಅಡಕವಾಗಿದೆ.

ಅಭಿಮಾನಿಗಳು ತಮ್ಮ ಸಿನಿಮಾಗಳನ್ನು ನೋಡಲು ಕಷ್ಟಪಟ್ಟು ದುಡಿದ ಹಣವನ್ನು ಖರ್ಚು ಮಾಡುತ್ತಿದ್ದುದನ್ನು ರಜನಿಕಾಂತ್ ಹಲವು ಸಂದರ್ಭಗಳಲ್ಲಿ ಸ್ಮರಿಸಿದ್ದಾರೆ ಎನ್ನಲಾಗಿದೆ. ಒಳ್ಳೆಯ ಕೆಲಸ ಮಾಡಲು ಅವಕಾಶ ಸಿಕ್ಕಾಗ ಅದನ್ನು ಮುಂದೂಡದೆ ಕಾರ್ಯರೂಪಕ್ಕೆ ತರಬೇಕು ಎಂಬ ನಿಲುವನ್ನೂ ಅವರು ವ್ಯಕ್ತಪಡಿಸಿದ್ದರು. ಈ ವಿಚಾರವಾಗಿ ಪತ್ನಿ ಲತಾ ಮತ್ತು ಕುಟುಂಬದವರೊಂದಿಗೆ ಚರ್ಚಿಸಿದ್ದರೆಂದು ವರದಿಯಾಗಿದೆ.

ರಾಘವೇಂದ್ರ ಕಲ್ಯಾಣ ಮಂಟಪದಲ್ಲಿ ಹೋಟೆಲ್ ನಿರ್ಮಾಣವಾಗುತ್ತಾ?

ಚೆನ್ನೈನಲ್ಲಿರುವ ರಾಘವೇಂದ್ರ ಕಲ್ಯಾಣ ಮಂಟಪದ ಭವಿಷ್ಯದ ಕುರಿತು ಈಗ ಮತ್ತೊಂದು ಚರ್ಚೆ ನಡೆಯುತ್ತಿದೆ. ಈ ಆಸ್ತಿಯಲ್ಲಿ ಹೋಟೆಲ್ ಅಭಿವೃದ್ಧಿಪಡಿಸುವ ಸಾಧ್ಯತೆಯ ಬಗ್ಗೆ ಕೆಲವು ವರದಿಗಳು ಪ್ರಕಟವಾಗಿವೆ. ಆದರೆ, ಈ ಯೋಜನೆಗೆ ಸಂಬಂಧಿಸಿದಂತೆ ಅಧಿಕೃತ ದೃಢೀಕರಣ ಲಭ್ಯವಿಲ್ಲ. ಸಂಪೂರ್ಣ ಆಸ್ತಿಯನ್ನೇ ಹೋಟೆಲ್ ಆಗಿ ಪರಿವರ್ತಿಸಲಾಗುತ್ತದೆಯೇ ಅಥವಾ ಒಂದು ಭಾಗದಲ್ಲಿ ಮಾತ್ರ ಅಭಿವೃದ್ಧಿ ಕಾರ್ಯ ನಡೆಯಲಿದೆಯೇ ಎಂಬುದೂ ಸ್ಪಷ್ಟವಾಗಿಲ್ಲ.

ಒಟ್ಟಿನಲ್ಲಿ, ರಜನಿಕಾಂತ್ ಅವರ ಆಸ್ತಿ ಮೌಲ್ಯಕ್ಕಿಂತಲೂ ತಮ್ಮನ್ನು ಬೆಳೆಸಿದ ಜನರಿಗೆ ಏನಾದರೂ ಮರಳಿ ನೀಡಬೇಕೆಂಬ ಅವರ ಹಿಂದಿನ ಆಶಯವೇ ಇದೀಗ ಹೆಚ್ಚು ಚರ್ಚೆಯಾಗುತ್ತಿದೆ. ರಾಘವೇಂದ್ರ ಕಲ್ಯಾಣ ಮಂಟಪದ ಭವಿಷ್ಯದ ಬಗ್ಗೆ ಸ್ಪಷ್ಟತೆ ಸಿಗಬೇಕಿದ್ದು, ಈ ಆಸ್ತಿಯ ಆದಾಯವನ್ನು ಸಮಾಜದ ಒಳಿತಿಗಾಗಿ ಬಳಸುವ ಉದ್ದೇಶದ ಕುರಿತು ಅಭಿಮಾನಿಗಳಲ್ಲಿ ಕುತೂಹಲ ಮುಂದುವರಿದಿದೆ.

ಹೊಸ ಟ್ರಾವಲ್ ಪಾರ್ಟ್ನರ್ ಕರೆತಂದ ಸನ್ನಿ ಲಿಯೋನ್, ಈತನೇ ನನ್ನ ಬೀಸ್ಟ್ ಎಂದ ಬಾಲಿವುಡ್ ನಟಿ

Chethan Kumar — Tue, 20 Oct 2026 11:55:53 +0530

ಟೆಕ್ಸಾಸ್ (ಅ.20) ಬಾಲಿವುಡ್ ನಟಿ ಸನ್ನಿ ಲಿಯೋನ್ ನಟನೆ , ಸಿನಿಮಾ ಜೊತೆ ತಮ್ಮ ಲೈಫ್‌ಸ್ಟೈಲ್ ಮೂಲಕವೂ ಗಮನಸೆಳೆದಿದ್ದಾರೆ. ಇದೀಗ ಸನ್ನಿ ಲಿಯೋನ್ ಹೊಸ ಟ್ರಾವಲೆ ಪಾರ್ಟ್ನರ್ ಆಯ್ಕೆ ಮಾಡಿದ್ದಾರೆ. ಹೌದು, ಸನ್ನಿ ಲಿಯೋನ್ ಹೊಚ್ಚ ಹೊಸ ಜೀಪ್ ರಾಂಗ್ಲರ್ ರುಬಿಕಾನ್ ಕಾರು ಖರೀದಿಸಿದ್ದಾರೆ. ಈ ಕಾರಿನ ಭಾರತದ ಆರಂಭಿಕ ಬೆಲೆ 72.30 ಲಕ್ಷ ರೂಪಾಯಿ (ಎಕ್ಸ್ ಶೋ ರೂಂ). ಇನ್ನು ಟಾಪ್ ಮಾಡೆಲ್ ಹಾಗೂ ಕಸ್ಟಮೈಸೇಶನ್ ಸರಿಸುಮಾರು 1 ಕೋಟಿ ರೂಪಾಯಿ. ಈ ದುಬಾರಿ ಕಾರನ್ನು ಸನ್ನಿ ಲಿಯೋನ್ ಖರೀದಿಸಿದ್ದಾರೆ. ಈ ಖರೀದಿಯಲ್ಲಿ ಕೆಲ ವಿಶೇಷತೆಗಳಿವೆ. ಕಾರಣ ಸನ್ನಿ ಲಿಯೋನ್ ಈ ಕಾರು ಖರೀದಿಸಿದ್ದು ಭಾರತದಲ್ಲಿ ಅಲ್ಲ.

ಸನ್ನಿ ಲಿಯೋನ್ ರುಬಿಕಾನ್ ಕಾರು ಖರೀದಿಸಿದ್ದು ಎಲ್ಲಿ?

ಸನ್ನಿ ಲಿಯೋನ್ ಹೊಚ್ಚ ಹೊಸ ರುಬಿಕಾನ್ ಕಾರು ಖರೀದಿಸಿದ್ದು ಅಮೆರಿಕದ ಟೆಕ್ಸಾಸ್‌ನಲ್ಲಿ. ಕಾರು ಖರೀದಿಸಿ ಸಂತಸ ಹಂಚಿಕೊಂಡಿರುವ ಸನ್ನಿ ಲಿಯೋನ್ ಮೈ ಬೀಸ್ಟ್ ಎಂದು ಕರೆದಿದ್ದಾರೆ. ವಿಶೇಷ ಅಂದರೆ ಸನ್ನಿ ಲಿಯೋನ್ ವೈಟ್ ಜೀಪ್ ರಾಂಗ್ಲರ್ ರುಬಿಕಾನ್ ಕಾರು ಖರೀದಿಸಿದ್ದಾರೆ.

ರುಬಿಕಾನ್ ಕಾರು ಆಫ್ ರೋಡ್ ಸಾಮರ್ಥ್ಯದ ಕಾರು. ಪ್ರಮುಖವಾಗಿ ಟೆಕ್ಸಾಸ್‌ನಲ್ಲಿ ಈ ಕಾರು ಹೆಚ್ಚು ಸೂಕ್ತವಾಗಿದೆ. ಟೆಕ್ಸಾಸ್‌ನಲ್ಲಿ ಅತೀ ಹೆಚ್ಚಿನ ಆಫ್ ರೋಡ್ ಸ್ಥಗಳಿವೆ. ಹೀಗಾಗಿ ಬಹುತೇಕರು ಆಫ್ ರೋಡ್ ಕಾರುಗಳನ್ನೇ ಖರೀದಿಸುತ್ತಾರೆ. ಇದೀಗ ಸನ್ನಿ ಲಿಯೋನ್ ಕೂಡ ಆಫ್ ರೋಡಿಂಗ್‌ನಲ್ಲಿ ಕಿಂಗ್ ಏನಿಸಿಕೊಂಡಿರುವ ಜೀಪ್ ರಾಂಗ್ಲರ್ ರುಬಿಕಾನ್ ಕಾರು ಖರೀದಿಸಿದ್ದಾರೆ. ಬಳಿಕ ವಿಡಿಯೋ ಮೂಲಕ ಸಂತಸ ಹಂಚಿಕೊಂಡಿದ್ದಾರೆ. ಇದೇ ವೇಳೆ ಸ್ವತಃ ಸನ್ನಿ ಲಿಯೋನ್ ರುಬಿಕಾನ್ ಕಾರು ಖರೀದಿ ಯಾಕೆ ಎಂದು ವಿವರಣೆ ನೀಡಿದ್ದಾರೆ.

ಜೀಪ್ ರಾಂಗ್ಲರ್ ಕಾರು ಆಫ್ ರೋಡ್ ಡ್ರೈವ್‌ಗೆ ಉತ್ತಮವಾಗಿದೆ. ಟೆಕ್ಸಾಸ್ ಪ್ರದೇಶಕ್ಕೆ ಹೇಳಿ ಮಾಡಿಸಿದ ಎಸ್‌ಯುವಿ ಕಾರಾಗಿದೆ. ವಿಶೇಷವಾಗಿ ಆಫ್ ರೋಡಿಂಗ್ ಬಿಲ್ಟ್ ಕಾರು ಸ್ಪೋರ್ಟೀವ್ ಲುಕ್ ಹೊಂದಿದೆ. 2.0 ಲೀಟರ್ , ಫೋರ್ ಸಿಲಿಂಡರ್ ಎಂಜಿನ್ ಹೊಂದಿದೆ. 270 ಹೆಚ್‌ಪಿ ಪವರ್ಲ ಹಾಗೂ 400 ಎನ್ಎಂ ಟಾರ್ಕ್ ಸಾಮರ್ಥ್ಯ ಹೊಂದಿದೆ. 8 ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಹೊಂದಿದೆ. ಫೋರ್ ವ್ಹೀಲ್ ಡ್ರೈವ್ ಹೊಂದಿದೆ.

ಬಾಲಿವುಡ್ ಸೆಲೆಬ್ರೆಟಿಗಳಲ್ಲಿ ರುಬಿಕಾನ್ ಜನಪ್ರಿಯ

ಬಾಲಿವುಡ್‌ನ ಹಲವು ಸೆಲೆಬ್ರೆಟಿಗಳು ಜೀಪ್ ರಾಂಗ್ಲರ್ ರುಬಿಕಾನ್ ಕಾರು ಮಾಲೀಕರಾಗಿದ್ದಾರೆ. ಹೃತಿಕ್ ರೋಶನ್, ಸೈಫ್ ಆಲಿ ಖಾನ್, ಕರನ್ ಕುಂದರ್, ಸಂಜಯ್ ಮಿಶ್ರಾ ಸೇರಿದಂತೆ ಹಲವು ಸೆಲೆಬ್ರಿಟಿಗಳು ಜೀಪ್ ರಾಂಗ್ಲರ್ ರುಬಿಕಾನ್ ಕಾರು ಹೊಂದಿದ್ದಾರೆ. ಇದೀಗ ಈ ಸಾಲಿಗೆ ಸನ್ನಿ ಲಿಯೋನ್ ಕೂಡ ಸೇರಿಕೊಂಡಿದ್ದಾರೆ. ಆದರೆ ಸನ್ನಿ ಲಿಯೋನ್ ಅಮೆರಿಕದಲ್ಲಿ ರುಬಿಕಾನ್ ಕಾರು ಖರೀದಿಸಿದ್ದಾರೆ.

ಸನ್ನಿ ಲಿಯೋನ್ ಕಾರು ಕಲೆಕ್ಷನ್

ಸನ್ನಿ ಲಿಯೋನ್ ಬಳಿ ಹಲವು ಐಷಾರಾಮಿ ಕಾರುಗಳಿವೆ. ಅತ್ಯಂತ ದುಬಾರಿ ಮೆಸರಾತಿ ಕ್ವಾರ್ಟ್ರೋಪ್ರೋರ್ಟ್, BMW 7 ಸಿರೀಸ್, ಔಡಿ 5, ಎಂಜಿ ಗೋಸ್ಟರ್ ಸೇರಿದಂತೆ ಕೆಲ ದುಬಾರಿ ಕಾರುಗಳಿವೆ. ಇದೀಗ ಸನ್ನಿ ಲಿಯೋನ್ ಕಾರು ಕಲೆಕ್ಷನ್‌ಗೆ ವೈಟ್ ಜೀಪ್ ರಾಂಗ್ಲರ್ ರುಬಿಕಾನ್ ಕಾರು ಸೇರಿಕೊಂಡಿದೆ.

RAMAYANA: ಬಿಗ್ ಬಜೆಟ್‌ 'ರಾಮಾಯಣ' ಸಿನಿಮಾದ ಅಡ್ವಾನ್ಸ್ ಬುಕಿಂಗ್ ಶುರು, ಜಗತ್ತಿನಾದ್ಯಂತ ಹೇಗಿದೆ ರೆಸ್ಪಾನ್ಸ್?

Shriram Bhat — Tue, 20 Oct 2026 11:31:14 +0530

ನಿತೇಶ್ ತಿವಾರಿ ನಿರ್ದೇಶನ, ರಣಬೀರ್ ಕಪೂರ್, ಯಶ್ ಹಾಗೂ ಸಾಯಿ ಪಲ್ಲವಿ ನಟನೆಯ 'ರಾಮಾಯಣ' ಚಿತ್ರವು 05 ನವೆಂಬರ್ 2026ರಂದು ವಿಶ್ವಾದ್ಯಂತ ಬಿಡುಗಡೆಯಾಗಲಿದೆ. ಚಿತ್ರದ ಮುಂಗಡ ಬುಕಿಂಗ್ ಇಂದಿನಿಂದ ಶುರುವಾಗಿದ್ದು, ಜಗತ್ತಿನಾದ್ಯಂತ ರೆಸ್ಪಾನ್ಸ್ ಹೇಗಿದೆ ನೋಡಿ..!

₹4000 ಕೋಟಿ ‘ರಾಮಾಯಣ’ ಸಿನಿಮಾದ ಅಡ್ವಾನ್ಸ್ ಬುಕಿಂಗ್ ಶುರು!

ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾದ ‘ರಾಮಾಯಣ’ ಬಿಡುಗಡೆಯ ದಿನ ಹತ್ತಿರವಾಗುತ್ತಿದ್ದಂತೆ ಅಭಿಮಾನಿಗಳ ಕುತೂಹಲವೂ ಹೆಚ್ಚುತ್ತಿದೆ. ನಿತೇಶ್ ತಿವಾರಿ ನಿರ್ದೇಶನದ ಈ ಭವ್ಯ ಚಿತ್ರದಲ್ಲಿ ರಣಬೀರ್ ಕಪೂರ್, ರಾಕಿಂಗ್ ಸ್ಟಾರ್ ಯಶ್ ಮತ್ತು ಸಾಯಿ ಪಲ್ಲವಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಚಿತ್ರದ ಮುಂಗಡ ಟಿಕೆಟ್ ಬುಕಿಂಗ್ ಆರಂಭವಾಗಿರುವುದು ಸಿನಿಪ್ರಿಯರ ಗಮನ ಸೆಳೆದಿದೆ.

ನವೆಂಬರ್ 5, 2026ರಂದು ವಿಶ್ವಾದ್ಯಂತ ತೆರೆಕಾಣಲಿರುವ ‘ರಾಮಾಯಣ’ ಸಿನಿಮಾವನ್ನು ದೊಡ್ಡ ಪರದೆಯಲ್ಲಿ ಕಣ್ತುಂಬಿಕೊಳ್ಳಲು ಅಭಿಮಾನಿಗಳು ಕಾತುರರಾಗಿದ್ದಾರೆ. ಐಮ್ಯಾಕ್ಸ್ ಸೇರಿದಂತೆ ವಿವಿಧ ಪ್ರೀಮಿಯಂ ಸ್ವರೂಪಗಳಲ್ಲಿ ಚಿತ್ರ ಬಿಡುಗಡೆಯಾಗಲಿದ್ದು, ಭಾರತೀಯ ಮಹಾಕಾವ್ಯದ ಕಥೆಯನ್ನು ಜಾಗತಿಕ ಪ್ರೇಕ್ಷಕರಿಗೆ ಅದ್ಧೂರಿಯಾಗಿ ಪರಿಚಯಿಸಲು ಚಿತ್ರತಂಡ ಸಿದ್ಧವಾಗಿದೆ.

ಎ.ಆರ್. ರೆಹಮಾನ್ ಜೊತೆ ಹ್ಯಾನ್ಸ್ ಜಿಮ್ಮರ್ ಸಂಗೀತದ ಮೋಡಿ!

ಈ ಸಿನಿಮಾದ ಮತ್ತೊಂದು ಪ್ರಮುಖ ಆಕರ್ಷಣೆ ಎಂದರೆ ಸಂಗೀತ. ಆಸ್ಕರ್ ಪ್ರಶಸ್ತಿ ವಿಜೇತ ಭಾರತೀಯ ಸಂಗೀತ ನಿರ್ದೇಶಕ ಎ.ಆರ್. ರೆಹಮಾನ್ ಮತ್ತು ಹಾಲಿವುಡ್‌ನ ಖ್ಯಾತ ಸಂಗೀತ ಸಂಯೋಜಕ ಹ್ಯಾನ್ಸ್ ಜಿಮ್ಮರ್ ಒಟ್ಟಾಗಿ ‘ರಾಮಾಯಣ’ಕ್ಕೆ ಸಂಗೀತ ನೀಡುತ್ತಿದ್ದಾರೆ. ಈ ಇಬ್ಬರು ದಿಗ್ಗಜರ ಸಂಗಮ ಚಿತ್ರಕ್ಕೆ ಮತ್ತಷ್ಟು ನಿರೀಕ್ಷೆ ಮೂಡಿಸಿದೆ.

ಪ್ರೈಮ್ ಫೋಕಸ್ ಸ್ಟುಡಿಯೋಸ್‌ನ ನಮಿತ್ ಮಲ್ಹೋತ್ರಾ ಮತ್ತು ಯಶ್ ಅವರ ಮಾನ್ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಸಹಯೋಗದಲ್ಲಿ ನಿರ್ಮಾಣವಾಗುತ್ತಿರುವ ಈ ಚಿತ್ರ ಎರಡು ಭಾಗಗಳಲ್ಲಿ ಬಿಡುಗಡೆಯಾಗಲಿದೆ. ಮೊದಲ ಭಾಗ ನವೆಂಬರ್ 5ರಂದು ತೆರೆಕಂಡರೆ, ಎರಡನೇ ಭಾಗವು 2027ರ ದೀಪಾವಳಿಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಹಿಂದಿ, ಕನ್ನಡ, ತಮಿಳು, ತೆಲುಗು ಮತ್ತು ಮಲಯಾಳಂ ಭಾಷೆಗಳಲ್ಲಿ ಚಿತ್ರ ಪ್ರೇಕ್ಷಕರ ಮುಂದೆ ಬರಲಿದೆ.

ಎ.ಆರ್. ರೆಹಮಾನ್ ಹಾಡುಗಳಿಗೆ ಹೆಜ್ಜೆ ಹಾಕಿದ್ದ ಯಶ್!

‘ರಾಮಾಯಣ’ದ ಸಂಗೀತದ ಕುರಿತು ಮಾತನಾಡಿದ ಯಶ್, ಎ.ಆರ್. ರೆಹಮಾನ್ ಅವರ ಹಾಡುಗಳೊಂದಿಗಿನ ತಮ್ಮ ಬಾಲ್ಯದ ನೆನಪುಗಳನ್ನು ಹಂಚಿಕೊಂಡಿದ್ದಾರೆ. ಶಾಲೆ ಮತ್ತು ಕಾಲೇಜು ದಿನಗಳಲ್ಲಿ ರೆಹಮಾನ್ ಅವರ ಅನೇಕ ಹಾಡುಗಳಿಗೆ ತಾವು ನೃತ್ಯ ಮಾಡುತ್ತಿದ್ದುದನ್ನು ಸ್ಮರಿಸಿದ್ದಾರೆ.

ವಿಶೇಷವಾಗಿ ‘ಚಿಕ್ಕುಬುಕ್ಕು ಚಿಕ್ಕುಬುಕ್ಕು ರೈಲು’ ಹಾಡು ತಮ್ಮ ನೆನಪಿನಲ್ಲಿ ಉಳಿದಿದೆ ಎಂದು ಹೇಳಿದ್ದಾರೆ. ಕನ್ನಡ ಚಿತ್ರರಂಗಕ್ಕೂ ರೆಹಮಾನ್ ಅವರ ಕೊಡುಗೆ ಅಪಾರವಾಗಿದ್ದು, ಅವರೊಂದಿಗೆ ಕೆಲಸ ಮಾಡುತ್ತಿರುವುದು ಸಂತೋಷದ ಸಂಗತಿ ಎಂದು ಯಶ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಅಂದಹಾಗೆ, ಭರ್ಜರಿ ತಾರಾಗಣ, ಅಂತರರಾಷ್ಟ್ರೀಯ ಮಟ್ಟದ ತಾಂತ್ರಿಕ ತಂಡ ಮತ್ತು ದಿಗ್ಗಜರ ಸಂಗೀತದೊಂದಿಗೆ ಮೂಡಿಬರುತ್ತಿರುವ ‘ರಾಮಾಯಣ’ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಯಾವ ರೀತಿಯ ದಾಖಲೆ ಬರೆಯಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

TIGER: ಟೈಗರ್ ಶ್ರಾಫ್ ಶೂಟರ್‌ಗಳನ್ನು ಹಿಡಿದ ಐಪಿಎಸ್ ತೇಜಸ್ವಿನಿ ಗೌತಮ್ ಯಾರು? ಬರೀ ಅಧಿಕಾರಿ ಅಲ್ಲ, ರೋಚಕ ಕಥೆ ಇದೆ!

Shriram Bhat — Tue, 20 Oct 2026 10:53:38 +0530

ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿ: ಕೇವಲ 15 ನಿಮಿಷಗಳಲ್ಲಿ ಆರೋಪಿಗಳ ಬಂಧನ! ಮಹಿಳಾ IPS ಅಧಿಕಾರಿ ತೇಜಸ್ವಿನಿ ಗೌತಮ್‌ಗೆ ಸಿಎಂ ಮೆಚ್ಚುಗೆ

ಬಾಲಿವುಡ್ ನಟ ಟೈಗರ್ ಶ್ರಾಫ್ (Tiger Shroff) ಮೇಲೆ ನಡೆದ ಗುಂಡಿನ ದಾಳಿ ಪ್ರಕರಣದಲ್ಲಿ ರಾಜಸ್ಥಾನದ ಕೋಟಾ ಪೊಲೀಸರು ಮಿಂಚಿನ ಕಾರ್ಯಾಚರಣೆ ನಡೆಸಿ ಮೂವರು ಶಂಕಿತರನ್ನು ಬಂಧಿಸಿದ್ದಾರೆ. ಮುಂಬೈ ಪೊಲೀಸರಿಂದ ಮಾಹಿತಿ ಬಂದ ಕೇವಲ 15 ನಿಮಿಷಗಳಲ್ಲಿ ಆರೋಪಿಗಳನ್ನು ವಶಕ್ಕೆ ಪಡೆದಿರುವುದು ಈಗ ಭಾರಿ ಚರ್ಚೆಗೆ ಕಾರಣವಾಗಿದೆ. ಈ ಕಾರ್ಯಾಚರಣೆಯ ನೇತೃತ್ವ ವಹಿಸಿದ್ದ ಕೋಟಾ ನಗರ ಪೊಲೀಸ್ ವರಿಷ್ಠಾಧಿಕಾರಿ (SP) ತೇಜಸ್ವಿನಿ ಗೌತಮ್ ಅವರ ಸಮಯಪ್ರಜ್ಞೆ ಮತ್ತು ಧೈರ್ಯಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ. ರಾಜಸ್ಥಾನದ ಮುಖ್ಯಮಂತ್ರಿ ಭಜನ್‌ಲಾಲ್ ಶರ್ಮಾ ಕೂಡ ಕರೆ ಮಾಡಿ ಪೊಲೀಸ್ ತಂಡವನ್ನು ಅಭಿನಂದಿಸಿದ್ದಾರೆ.

ಸಿನಿಮೀಯ ಶೈಲಿಯಲ್ಲಿ ನಡೆದ ಕಾರ್ಯಾಚರಣೆ!

ವರದಿಗಳ ಪ್ರಕಾರ, ಬೆಳಿಗ್ಗೆ ಸುಮಾರು 9:45ಕ್ಕೆ ಮುಂಬೈ ಕ್ರೈಂ ಬ್ರಾಂಚ್‌ನಿಂದ ತೇಜಸ್ವಿನಿ ಗೌತಮ್ ಅವರಿಗೆ ತುರ್ತು ಮಾಹಿತಿ ಬಂದಿತ್ತು. ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿ ನಡೆಸಿದ ಆರೋಪಿಗಳು ರೈಲಿನಲ್ಲಿ ಕೋಟಾ ಕಡೆಗೆ ಪ್ರಯಾಣಿಸುತ್ತಿದ್ದಾರೆ ಎಂಬ ಸುಳಿವು ಸಿಕ್ಕಿತ್ತು. ತಕ್ಷಣವೇ ಕಾರ್ಯಪ್ರವೃತ್ತರಾದ ಎಸ್‌ಪಿ, ತಮ್ಮ ತಂಡವನ್ನು ಅಲರ್ಟ್ ಮಾಡಿ ರೈಲಿನಲ್ಲಿ ಶೋಧ ಕಾರ್ಯಾಚರಣೆ ಆರಂಭಿಸಿದರು. ಕೊನೆಗೆ ಕೇವಲ 15 ನಿಮಿಷಗಳಲ್ಲಿ ಶಂಕಿತರನ್ನು ಬಂಧಿಸುವಲ್ಲಿ ಯಶಸ್ವಿಯಾದರು.

ಬಂಧಿತರನ್ನು ಹರಿಯಾಣದ ಸೋನಿಪತ್‌ನ ರೇಹನ್ ಅಲಿಯಾಸ್ ಸುಕ್ಕಾ, ಬಿಹಾರ ಮೂಲದ ಹೃತಿಕ್ ಕುರ್ಮಿ ಅಲಿಯಾಸ್ ರೋಷನ್ ಮತ್ತು ಒಬ್ಬ ಅಪ್ರಾಪ್ತ ಎಂದು ಗುರುತಿಸಲಾಗಿದೆ.

ಸಿಸಿಟಿವಿ ದೃಶ್ಯಗಳಿಂದ ಸಿಕ್ಕ ಸುಳಿವು!

ಜುಹು ಪ್ರದೇಶದಲ್ಲಿ ದಾಳಿ ನಡೆಸಿದ ಬಳಿಕ ಆರೋಪಿಗಳು ಮೋಟಾರ್‌ಸೈಕಲ್‌ನಲ್ಲಿ ಪರಾರಿಯಾಗಿದ್ದರು. ನಂತರ ಅಂಧೇರಿ ರೈಲು ನಿಲ್ದಾಣ ತಲುಪಿ, ಲೋಕಲ್ ರೈಲಿನಲ್ಲಿ ಬೊರಿವಿಲಿಗೆ ತೆರಳಿದ್ದರು. ಅಲ್ಲಿಂದ ಕ್ಯಾಬ್ ಮೂಲಕ ಸೂರತ್‌ಗೆ ಪ್ರಯಾಣಿಸಿ, ಬಳಿಕ ಕೋಟಾ ಕಡೆಗೆ ತೆರಳುತ್ತಿದ್ದ ರೈಲನ್ನು ಹತ್ತಿದ್ದರು.

ಸಿಸಿಟಿವಿ ದೃಶ್ಯಗಳು ಮತ್ತು ಆರೋಪಿಗಳ ಪ್ರಯಾಣದ ಹಾದಿಯನ್ನು ಆಧರಿಸಿ ಮುಂಬೈ ಪೊಲೀಸರು ನಿರಂತರವಾಗಿ ಅವರ ಚಲನವಲನಗಳನ್ನು ಪತ್ತೆಹಚ್ಚಿದ್ದರು. ಮಾಹಿತಿ ರಾಜಸ್ಥಾನ ಪೊಲೀಸರಿಗೆ ತಲುಪಿದ ತಕ್ಷಣ ಕೋಟಾ ಪೊಲೀಸರು ಮತ್ತು ಆಂಟಿ-ಗ್ಯಾಂಗ್‌ಸ್ಟರ್ ಟಾಸ್ಕ್ ಫೋರ್ಸ್ ಜಂಟಿಯಾಗಿ ಕಾರ್ಯಾಚರಣೆ ನಡೆಸಿದವು. ಪುಣೆ-ಜೈಪುರ ಎಕ್ಸ್‌ಪ್ರೆಸ್ ರೈಲಿನ ಜನರಲ್ ಬೋಗಿಯಿಂದ ಶಂಕಿತರನ್ನು ವಶಕ್ಕೆ ಪಡೆಯಲಾಯಿತು.

ಯಾರು ಈ IPS ತೇಜಸ್ವಿನಿ ಗೌತಮ್?

2013ರ ಬ್ಯಾಚ್‌ನ ರಾಜಸ್ಥಾನ ಕೇಡರ್ ಐಪಿಎಸ್ ಅಧಿಕಾರಿಯಾಗಿರುವ ತೇಜಸ್ವಿನಿ ಗೌತಮ್ ಮೂಲತಃ ದೆಹಲಿಯವರು. ಲೇಡಿ ಶ್ರೀರಾಮ್ ಕಾಲೇಜಿನಲ್ಲಿ ರಾಜಕೀಯ ವಿಜ್ಞಾನದಲ್ಲಿ ಪದವಿ ಪಡೆದಿರುವ ಅವರು, ಎಲ್‌ಎಲ್‌ಬಿ ಹಾಗೂ ಸಾರ್ವಜನಿಕ ಆಡಳಿತದಲ್ಲಿ ಸ್ನಾತಕೋತ್ತರ ಪದವಿಯನ್ನೂ ಪೂರ್ಣಗೊಳಿಸಿದ್ದಾರೆ. ದೆಹಲಿ ವಿಶ್ವವಿದ್ಯಾಲಯದಲ್ಲಿ ಚಿನ್ನದ ಪದಕ ಪಡೆದ ಹೆಗ್ಗಳಿಕೆ ಅವರದು.

ಚುರು, ಅಜ್ಮೀರ್ ಮತ್ತು ಬಿಕಾನೇರ್ ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಸೇವೆ ಸಲ್ಲಿಸಿರುವ ಅವರು, ಪೊಲೀಸ್ ಕಾರ್ಯಾಚರಣೆಗಳ ಜೊತೆಗೆ ಸಮಾಜಮುಖಿ ಕಾರ್ಯಕ್ರಮಗಳಲ್ಲೂ ಗುರುತಿಸಿಕೊಂಡಿದ್ದಾರೆ. ಚುರು ಜಿಲ್ಲೆಯಲ್ಲಿ ಬೀದಿ ನಾಟಕಗಳ ಮೂಲಕ ಜನಜಾಗೃತಿ ಮೂಡಿಸಿದ್ದ ಅವರು, ಅಜ್ಮೀರ್‌ನಲ್ಲಿ ಮಾದಕ ವ್ಯಸನಕ್ಕೆ ಒಳಗಾದ ಮಕ್ಕಳ ಪುನರ್ವಸತಿಗಾಗಿ 'ಪ್ರೇರಣಾ' ಯೋಜನೆಯನ್ನು ಜಾರಿಗೆ ತಂದಿದ್ದರು.

ತ್ವರಿತ ನಿರ್ಧಾರ, ದಕ್ಷ ಆಡಳಿತ ಮತ್ತು ಸಾಮಾಜಿಕ ಕಳಕಳಿಯಿಂದ ಗಮನ ಸೆಳೆಯುತ್ತಿರುವ ತೇಜಸ್ವಿನಿ ಗೌತಮ್ ಅವರ ಈ ಕಾರ್ಯಾಚರಣೆ ಮತ್ತೊಮ್ಮೆ ಅವರ ನಾಯಕತ್ವದ ಸಾಮರ್ಥ್ಯವನ್ನು ಮುನ್ನೆಲೆಗೆ ತಂದಿದೆ.

'ವಿಎಫ್‌ಎಕ್ಸ್‌ನಲ್ಲಿ ಸಣ್ಣ ಸಣ್ಣ ತಪ್ಪು ಹುಡುಕುವುದನ್ನು ನಿಲ್ಲಿಸಿ..' ಯಶ್ ಗುಡುಗು

Ganesh Mabla Gowda — Tue, 20 Oct 2026 09:49:24 +0530

ನಿತೇಶ್ ತಿವಾರಿ ನಿರ್ದೇಶನದ 'ರಾಮಾಯಣ: ಭಾಗ 1' ಸಿನಿಮಾ ನವೆಂಬರ್ 5 ರಂದು ರಿಲೀಸ್ ಆಗ್ತಿದೆ. ಈ ಹಿನ್ನೆಲೆಯಲ್ಲಿ ಚಿತ್ರದ ಪ್ರಮೋಷನ್ ಭರ್ಜರಿಯಾಗಿ ನಡೆಯುತ್ತಿದೆ. ನಿನ್ನೆ ಹೈದರಾಬಾದ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ನಟ ಯಶ್ ಮಾತನ್ನಾಡಿದರು.

ಏನಂದ್ರು ಯಶ್?

ನಮಿತ್ ಮಲ್ಹೋತ್ರ ಭಾರತದಲ್ಲಿ ರಾಮಾಯಣದ ಚಿತ್ರೀಕರಣವನ್ನು ಘೋಷಿಸಿದಾಗ ನಿರೀಕ್ಷೆಗಳು ಸಹಜವಾಗಿಯೇ ಹೆಚ್ಚಾದವು. VFX ಅತ್ಯಂತ ಸವಾಲಿನ ಕೆಲಸ. ದಯವಿಟ್ಟು VFX ಅಥವಾ ಇನ್ನಾವುದರಲ್ಲೂ ಸಣ್ಣಪುಟ್ಟ ದೋಷಗಳನ್ನ ಹುಡುಕಲು ಪ್ರಯತ್ನಿಸಬೇಡಿ. ಈ ಅವಕಾಶಗಳು ಹೆಚ್ಚಾಗಿ ಸಿಗುವುದಿಲ್ಲ. ಒಮ್ಮೆ ಕಳೆದುಕೊಂಡರೆ ಮತ್ತೆಂದು ಸಿಗುವುದಿಲ್ಲ. ನಮಿತ್ ಮಲ್ಹೋತ್ರಾ ಅವರಂಥ ವ್ಯಕ್ತಿಗಳನ್ನ ಕಳೆದುಕೊಂಡರೆ.. ನಾವು ವರ್ಷಗಳಷ್ಟು ಹಿಂದೆ ಸರಿಯುತ್ತೇವೆ. ಮತ್ತೆ ನಾವು ಮೊದಲಿನಿಂದಲೂ ಶುರು ಮಾಡಬೇಕಾಗುತ್ತದೆ. ನಿಮಿತ್ ಈ ಚಿತ್ರವನ್ನು ಒಳ್ಳೆಯ ಉದ್ದೇಶದಿಂದ ಅದನ್ನು ಪ್ರಯತ್ನಿಸಿದ್ದಾರೆ. ಅವರು ಯಾವಾಗಲೂ ಜನರ ಟೀಕೆ ಮತ್ತು ಸಲಹೆಗಳನ್ನು ಸ್ವೀಕರಿಸುತ್ತಾರೆ.

ಪ್ರೇಕ್ಷಕರು ಪರ್ವಾಗ್ರಹ ಪೀಡಿತ ಕಲ್ಪನೆಗಳ ಆಧಾರದ ಮೇಲೆ ಚಿತ್ರವನ್ನು ನೋಡಬಾರದು. ಸಿನಿಮಾವನ್ನು ಮಕ್ತ ಮನಸ್ಸಿನಿಂದ ನೋಡಬೇಕು. ವಿವಿಧ ಭಾಷೆಗಳ ಚಿತ್ರೋದ್ಯಮಿಗಳು ಒಟ್ಟಾಗಿ ಬರಬೇಕು. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಅಥವಾ ಹಿಂದಿ ಚಲನಚಿತ್ರೋದ್ಯಮದ ಅಭಿಮಾನಿಗಳಿಗೆ ಮನವಿ ಮಾಡುತ್ತೇನೆ. ನೀವು ಚಿತ್ರವನ್ನು ಇಷ್ಟಪಟ್ಟರೆ ನಾವೆಲ್ಲರೂ ಒಟ್ಟಾಗಿ ಜಗತ್ತಿಗೆ ಭಾರತೀಯ ಸಿನಿಮಾವನ್ನು ಕೊಂಡೊಯ್ಯೋಣ ಎಂದು ಮನವಿ ಮಾಡಿದ್ದಾರೆ.

ನಮಿತ್ ಮಲ್ಹೋತ್ರಾ ಜೊತೆ ಶಯ್ ಕೂಡ ರಾಮಾಯಣ ಚಿತ್ರವನ್ನು ನಿರ್ಮಿಸುತ್ತಿದ್ದಾರೆ. ಅಲ್ಲದೇ ರಾವಣನ ಪಾತ್ರದಲ್ಲೂ ಯಶ್ ನಟಿಸಿದ್ದಾರೆ. ನಿತೇಶ್ ತಿವಾರಿ ನಿರ್ದೇಶನದ ಈ ಚಿತ್ರದಲ್ಲಿ ರಣಬೀರ್ ಕಪೂರ್ ಭಗವಾನ್ ರಾಮನಾಗಿ ಹಾಗೂ ಸಾಯಿ ಪಲ್ಲವಿ ಸೀತೆಯಾಗಿ ಅಭಿನಯಿಸಿದ್ದಾರೆ. ಸಿನಿಮಾ ಭಾರೀ ನಿರೀಕ್ಷೆಗಳನ್ನ ಹುಟ್ಟುಹಾಕಿದೆ.ಈಗಾಗಲೇ ಮುಂಗಡ ಬುಕಿಂಗ್ ಆರಂಭವಾಗಿದೆ. ಪ್ಯಾನ್ ಇಂಡಿಯಾ ಚಿತ್ರ ಇದಾಗಿದ್ದು, ವಿಶ್ವದಾದ್ಯಂತ ಭಾರೀ ದೊಡ್ಡಮೊಟ್ಟದಲ್ಲಿ ರಿಲೀಸ್ ಆಗಲಿದೆ.

RAMAYANA WILL NOT HAPPEN AGAIN

"Please don't try to find small faults; VFX, this-that. This chance won't come again. For years. If we lose people like him now, we'll go back.

So let's see with an open mind. He has had the right intentions, all criticism, correction, he has always taken and tried to do the best.

I request all the fans. Telugu industry, Kannada industry, Malayalam industry, Tamil industry, and Hindi industry:

For once, if you like the film, LET'S COME TOGETHER AND SHOW THE WORLD"

— KBP Reviews (@KshitizCritic) October 19, 2026

ಮಂಗಳೂರಿಂದ ಮುಂಬೈಗೆ ಬಂದ ಶಾರುಕ್ ಖಾನ್‌ ಮಾಡಿದ ಎರಡು ಶಪಥ ಕೇಳಿ ತಬ್ಬಿಬ್ಬಾದ ಗಂಗೂಲಿ..! ದಾದಾ ಹೇಳಿದ ಸತ್ಯ

Naveen Kodase — Tue, 20 Oct 2026 09:31:03 +0530

ಬೆಂಗಳೂರು: ಬಾಲಿವುಡ್ ನಟ ಶಾರುಕ್ ಖಾನ್ ಇಂದು ಕೇವಲ ನಟನಲ್ಲ. ಜಗತ್ತಿನಾದ್ಯಂತ ಕೋಟ್ಯಾಂತರ ಅಭಿಮಾನಿಗಳನ್ನು ಹೊಂದಿರುವ ಜಾಗತಿಕ ಐಕಾನ್. ದೆಹಲಿಯ ಸಾಮಾನ್ಯ ಕುಟುಂಬದಲ್ಲಿ ಬೆಳೆದು, ಮಂಗಳೂರಿನಲ್ಲಿ ಬಾಲ್ಯದ ದಿನಗಳನ್ನು ಕಳೆದ ಶಾರುಕ್ ಖಾನ್, ಕಿರುತೆರೆಯಲ್ಲಿ ವೃತ್ತಿಜೀವನ ಆರಂಭಿಸಿ, ಆ ಬಳಿಕ ಬಾಲಿವುಡ್‌ನ ಬಹುಬೇಡಿಕೆಯ ನಟನಾಗಿ ಬೆಳೆದು ನಿಂತ ಅವರ ಪಯಣ ಅಷ್ಟೇನು ಸುಲಭವಾಗಿರಲಿಲ್ಲ. ಇನ್ನು ಶಾರುಕ್ ಖಾನ್, ಐಪಿಎಲ್‌ನಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ತಂಡದ ಮಾಲೀಕ ಕೂಡಾ ಹೌದು. ಇನ್ನು ಐಪಿಎಲ್‌ನ ಮೊದಲ ಮೂರು ಸೀಸನ್‌ಗಳಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ತಂಡದ ಭಾಗವಾಗಿದ್ದ ದಿಗ್ಗಜ ಕ್ರಿಕೆಟಿಗ ಸೌರವ್ ಗಂಗೂಲಿ, ಡ್ರೆಸ್ಸಿಂಗ್ ರೂಮ್‌ನಲ್ಲಿ ಶಾರುಕ್ ಹೇಳಿದ ಮಾತು ಕೇಳಿ ತಬ್ಬಿಬ್ಬಾಗಿದ್ದರಂತೆ.

ಸೌರವ್ ಗಂಗೂಲಿ 2008ರಲ್ಲಿ ಕೆಕೆಆರ್ ತಂಡದ ನಾಯಕರಾಗಿದ್ದರು. ಚೊಚ್ಚಲ ಸೀಸನ್‌ನಲ್ಲಿ ಪಾಕಿಸ್ತಾನ ಕ್ರಿಕೆಟಿಗರೂ ಐಪಿಎಲ್‌ನಲ್ಲಿ ಪಾಲ್ಗೊಂಡಿದ್ದರು. ಇನ್ನು ಶಾರುಕ್ ಕುರಿತಂತೆ ಸೌರವ್ ಗಂಗೂಲಿ, ಖಾಸಗಿ ಕಾರ್ಯಕ್ರಮವೊಂದರಲ್ಲಿ ಮನಬಿಚ್ಚಿ ಮಾತನಾಡಿದ್ದಾರೆ. 'ನನ್ನ ಅತ್ಯಂತ ಆತ್ಮೀಯ ಸ್ನೇಹಿತ, ಭಾರತದ ಪ್ರಖ್ಯಾತ ನಟ ಶಾರುಕ್ ಖಾನ್, ಕೋಲ್ಕತಾ ನೈಟ್ ರೈಡರ್ಸ್ ತಂಡದ ಮಾಲೀಕರಾಗಿದ್ದರು. ನನಗಿನ್ನೂ ನೆನಪಿದೆ, ಚೊಚ್ಚಲ ಸೀಸನ್‌ನಲ್ಲಿ ನಾವು ಈಡನ್‌ ಗಾರ್ಡನ್ಸ್‌ನಲ್ಲಿ ಆರ್‌ಸಿಬಿ ಎದುರು ಪಂದ್ಯವನ್ನಾಡುತ್ತಿದ್ದೆವು. ಆ ಪಂದ್ಯಕ್ಕೆ ಮಳೆ ಅಡ್ಡಿ ಪಡಿಸಿತು. ಹೀಗಾಗಿ ನಾವೆಲ್ಲಾ ಡ್ರೆಸ್ಸಿಂಗ್ ರೂಮ್‌ನಲ್ಲಿದ್ದೆವು. ನಮ್ಮ ಕೆಕೆಆರ್ ತಂಡದಲ್ಲಿ ಹಲವು ಮಹಾನ್ ಆಟಗಾರರಿದ್ದರು. ತಂಡದಲ್ಲಿದ್ದ ಪಾಕಿಸ್ತಾನದ ಶೋಯೆಬ್ ಅಖ್ತರ್, ಡ್ರೆಸ್ಸಿಂಗ್ ರೂಮ್‌ನಲ್ಲಿ ಹಾಸ್ಯ ಚಟಾಕಿ ಸಿಡಿಸುವ ಮೂಲಕ ಎಲ್ಲರನ್ನು ರಂಜಿಸುತ್ತಿದ್ದರು. ಶಾರುಕ್ ಖಾನ್ ಕೂಡಾ ಡ್ರೆಸ್ಸಿಂಗ್ ರೂಮ್‌ನಲ್ಲಿರುತ್ತಿದ್ದರು. ಹೀಗಾಗಿ ಎಲ್ಲರೂ ಎಂಜಾಯ್ ಮಾಡುತ್ತಿದ್ದೆವು.

ಶಾರುಕ್ ಖಾನ್ ಸಕ್ಸಸ್ ಸೀಕ್ರೆಟ್

ಇನ್ನು ಆ ಪಂದ್ಯದ ದಿನದಂದು ಮಳೆಯ ಬ್ರೇಕ್‌ನಿಂದಾಗಿ ಈಡನ್ ಗಾರ್ಡನ್ಸ್‌ನ ಡ್ರೆಸ್ಸಿಂಗ್‌ ರೂಮ್‌ನ ಸೋಫಾ ಮೇಲೆ ನಾವೆಲ್ಲಾ ಕುಳಿತಿದ್ದೆವು. ಶೋಯೆಬ್ ಅಖ್ತರ್ ಬಿಟ್ಟ ಕಣ್ಣು ಮುಚ್ಚದೇ ಶಾರುಕ್ ಖಾನ್ ಅವರನ್ನೇ ನೋಡುತ್ತಿದ್ದರು. ಯಾಕೆಂದರೆ ಪಾಕಿಸ್ತಾನದಲ್ಲೂ ಅಖ್ತರ್, ಶಾರುಕ್ ಖಾನ್ ಹಾಡು ಸಿನಿಮಾ ನೋಡಿ ಬೆಳೆದಿದ್ದರು. ಒಬ್ಬೊಬ್ಬರು ಶಾರುಕ್ ಬಳಿ ಏನೇನೋ ಪ್ರಶ್ನೆಗಳನ್ನು ಕೇಳುತ್ತಿದ್ದರು. ಅದಕ್ಕೆ ಶಾರುಕ್ ಉತ್ತರಿಸುತ್ತಿದ್ದರು. ಹೀಗಿರುವಾಗ ನಾನು ಶಾರುಕ್ ಬಳಿ ಒಂದು ಪ್ರಶ್ನೆಯನ್ನು ಕೇಳಿದೆ. ಅದಕ್ಕೆ ಅವರು ಕೊಟ್ಟ ಉತ್ತರ ಇಂದಿಗೂ ನನ್ನ ಕಿವಿಯಲ್ಲಿ ಗುನುಗುತ್ತಿದೆ ಎಂದು ದಾದಾ ಆ ಕ್ಷಣವನ್ನು ಮೆಲುಕು ಹಾಕಿದ್ದಾರೆ.

ನೀವು ಫಿಲ್ಮ್ ಇಂಡಸ್ಟ್ರಿಗೆ ಒಬ್ಬಂಟಿಗರಾಗಿ ಬಂದಿರಿ. ನೀವೇನೂ ಕಪೂರ್ ಕುಟುಂಬದ ಹಿನ್ನೆಲೆಯವರಾಗಿರಲಿಲ್ಲ, ದೊಡ್ಡ ಪ್ರೊಡ್ಯೂಸರ್‌ಗಳಾಗಿದ್ದ ಖಾನ್ ಕುಟುಂಬದ ಹಿನ್ನೆಲೆಯಿಂದಲೂ ಬಂದವರಲ್ಲ ಅಥವಾ ಅಮಿತಾಬ್ ಬಚ್ಚನ್ ಅವರ ಕುಟುಂಬಸ್ಥರೂ ಅಲ್ಲ. ಅದಕ್ಕಿಂತ ಹೆಚ್ಚಾಗಿ ನೀವು ಹೃತ್ತಿಕ್ ರೋಷನ್ ಅವರಷ್ಟು ಚೆನ್ನಾಗಿ ಡ್ಯಾನ್ಸ್ ಕೂಡಾ ಮಾಡುವುದಿಲ್ಲ. ಹೃತ್ತಿಕ್ ಅವರ ಅರ್ಧದಷ್ಟು ಸುಂದರವಾಗಿ ಇಲ್ಲ. ಹೀಗಿದ್ದೂ ನೀವು ಯಶಸ್ಸು ಗಳಿಸಿದ್ದು ಹೇಗೆ ಎಂದು ದಾದಾ ಅವರನ್ನು ಪ್ರಶ್ನಿಸುತ್ತಾರೆ. ಅದಕ್ಕೆ ಅವರು ಕೊಟ್ಟ ಉತ್ತರ ಮರೆಯಲೂ ಸಾಧ್ಯವಿಲ್ಲ ಎಂದು ಸೌರವ್ ಹೇಳಿದ್ದಾರೆ.

ದಾದಾ ಪ್ರಶ್ನೆಗೆ ಕಿಂಗ್ ಖಾನ್ ಉತ್ತರ

ಇದಕ್ಕೆ ಉತ್ತರಿಸಿದ ಕಿಂಗ್ ಖಾನ್, 'ಸೌರವ್, ನಾನು ಮೊದಲ ಸಲ ಬಾಂಬೆಗೆ ಬಂದಾಗ, ಭಾಂದ್ರಾದ ಮರೀನ್ ಡ್ರೈವ್‌ನಲ್ಲಿ ಹಾಕಿದ ಬೆಂಚ್ ಮೇಲೆ ಕುಳಿತು ಸಂಜೆಯವರೆಗೂ ಸಾಕಷ್ಟು ಸಮಯ ಕಳೆದೆ. ಆ ಸಮಯದಲ್ಲಿ ನಾನು ಎರಡು ಶಪಥ ಮಾಡಿದೆ. ಒಂದು ನಾನು ಇದೇ ಜಾಗದಲ್ಲಿ ಒಂದು ಮನೆಯನ್ನು ಕೊಂಡುಕೊಳ್ಳುತ್ತೇನೆ. ಎರಡನೆಯದ್ದು, ಪ್ರತಿದಿನ ನಾನು ಬೆಳಗ್ಗೆ ಎದ್ದು ಕನ್ನಡಿ ನೋಡುವಾಗ, ನಾನು ಹೃತ್ತಿಕ್ ರೋಷನ್ ಅವರಷ್ಟು ಸುಂದರವಾಗಿಲ್ಲ. ನಾನು ಆಮೀರ್ ಖಾನ್ ಅವರಷ್ಟು ಚೆನ್ನಾಗಿ ನಟನೆ ಮಾಡುವುದಿಲ್ಲ. ನಾನು ಸಲ್ಮಾನ್ ಖಾನ್ ಅವರಂತೆ ವಿವಾದಗಳ ಮೂಲಕವೂ ಸುದ್ದಿಯಾದವನಲ್ಲ. ಆದರೆ ನನಗೇನೂ ಸಾಮರ್ಥ್ಯವಿದೆಯೋ ಅದರ ಬಗ್ಗೆ ನನಗೆ ಹೆಮ್ಮೆಯಿದೆ. ನನ್ನ ಸಾಮರ್ಥ್ಯವನ್ನು ನಾನು ಸಂಪೂರ್ಣವಾಗಿ ಬಳಸಿಕೊಂಡು ಎದ್ದು ನಿಲ್ಲುತ್ತೇನೆ. ಹಾಗೆಯೇ ಕನ್ನಡಿ ಮುಂದೆ ನಾನೇ ಬೆಸ್ಟ್ ಎಂದು ಪದೇ ಪದೇ ಹೇಳಿಕೊಳ್ಳುತ್ತೇನೆ ಎಂದು ಶಾರುಕ್ ಹೇಳಿದರು ಎಂದು ದಾದಾ ಹೇಳಿದ್ದಾರೆ.

ಅಂದಹಾಗೆ ಶಾರುಕ್ ಖಾನ್ 2001ರಲ್ಲಿ ಬಾಂಧ್ರಾದಲ್ಲಿ ತಾವು ಮಾಡಿದ ಶಪಥದಂತೆ 27,000 ಚದರಡಿಯ ವಿಲ್ಲಾ ವಿಯೆನ್ನಾ ಹೆಸರಿನ ಐಷಾರಾಮಿ ಬಂಗಲೆಯನ್ನು ಖರೀದಿಸಿದರು. ಇದಾದ ಬಳಿಕ ಆ ಬಂಗಲೆಗೆ 'ಮನ್ನತ್' ಎಂದು ಮರುನಾಮಕರಣ ಮಾಡಿದರು. ಶಾರುಕ್ ಖಾನ್‌ಗೆ 60 ವರ್ಷ ವಯಸ್ಸಾಗಿದ್ದರೂ ಇಂದಿಗೂ ಬಾಲಿವುಡ್‌ನ ಬಹುಬೇಡಿಕೆಯ ನಟರಾಗಿ ಗುರುತಿಸಿಕೊಂಡಿದ್ದಾರೆ.

ಪ್ರೇಮದ ಊರಲಿ ಸಿನಿಮಾ ಭರ್ಜರಿ ಸಕ್ಸಸ್ ಬೆನ್ನಲ್ಲೇ ಲಕ್ಕಿ ಚಾನ್ಸ್ ಗಿಟ್ಟಿಸಿಕೊಂಡ ತಪಸ್ವಿನಿ ಪೂಣಚ್ಚ!

Sathish Kumar KH — Mon, 19 Oct 2026 22:19:42 +0530

'ಪ್ರೇಮದ ಊರಲಿ' ಚಿತ್ರದ ನಟಿ ತಪಸ್ವಿನಿ ಪೂಣಚ್ಚ ಅವರಿಗೆ ಮತ್ತೊಂದು ಸಿನಿಮಾದಲ್ಲಿ ನಾಯಕಿಯಾಗಿ ಅವಕಾಶ ಒಲಿದುಬಂದಿದೆ. ಹೌದು, ‘ಪ್ರೇಮದ ಊರಲಿ’ ಭರ್ಜರಿ ಸಕ್ಸಸ್ ಬೆನ್ನಲ್ಲೇ ಲಕ್ಕಿ ಚಾನ್ಸ್: ‘ಫಸ್ಟ್ ರ‍್ಯಾಂಕ್ ರಾಜು’ ಗುರುನಂದನ್‌ಗೆ ನಾಯಕಿಯಾದ ತಪಸ್ವಿನಿ! ‘ಮಿ.ಜಾಕ್’ ರಿಲೀಸ್ ಯಾವಾಗ? ವಿವರ ಇಲ್ಲಿದೆ.

ಕನ್ನಡ ಚಿತ್ರರಂಗದಲ್ಲಿ ಇತ್ತೀಚೆಗೆ ಸದ್ದು ಮಾಡುತ್ತಿರುವ ಬಹುನಿರೀಕ್ಷಿತ ಹಾಗೂ ಯಶಸ್ವಿ ಚಿತ್ರಗಳಲ್ಲಿ ‘ಪ್ರೇಮದ ಊರಲಿ’ ಕೂಡ ಒಂದು. ಈ ಚಿತ್ರದ ಮೂಲಕ ಪ್ರೇಕ್ಷಕರ ಮನಗೆದ್ದಿರುವ ಪ್ರತಿಭಾವಂತ ನಟಿ ತಪಸ್ವಿನಿ ಪೂಣಚ್ಚ (Tapaswini Poonacha) ಅವರಿಗೆ ಸ್ಯಾಂಡಲ್‌ವುಡ್‌ನಲ್ಲಿ ಮತ್ತೊಂದು ಭರ್ಜರಿ ಅವಕಾಶ ಹುಡುಕಿಕೊಂಡು ಬಂದಿದೆ. ತಮ್ಮ ಸಹಜ ಅಭಿನಯ ಹಾಗೂ ಮುಗ್ಧ ಸೌಂದರ್ಯದಿಂದ ಸಿನಿಪ್ರಿಯರ ಗಮನ ಸೆಳೆದಿರುವ ತಪಸ್ವಿನಿ, ಇದೀಗ ‘ಫಸ್ಟ್ ರ‍್ಯಾಂಕ್ ರಾಜು’ ಖ್ಯಾತಿಯ ಗುರುನಂದನ್ ಜೊತೆ ನಾಯಕಿಯಾಗಿ ತೆರೆ ಹಂಚಿಕೊಳ್ಳಲು ಸಜ್ಜಾಗಿದ್ದಾರೆ.

ಗುರುನಂದನ್ ನಾಯಕರಾಗಿ ನಟಿಸಿರುವ ಬಹುನಿರೀಕ್ಷಿತ ಕಾಮಿಡಿ-ಡ್ರಾಮಾ ಚಿತ್ರ ‘ಮಿ.ಜಾಕ್’ (Mr. Jack) ನಲ್ಲಿ ತಪಸ್ವಿನಿ ಪೂಣಚ್ಚ ನಾಯಕಿಯಾಗಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಚಿತ್ರವು ಇದೇ ಡಿಸೆಂಬರ್ 4 ರಂದು ರಾಜ್ಯಾದ್ಯಂತ ಅದ್ಧೂರಿಯಾಗಿ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಮಾಹಿತಿ ಹಂಚಿಕೊಂಡಿದೆ. ‘ಪ್ರೇಮದ ಊರಲಿ’ ಸಿನಿಮಾದ ಸಕ್ಸಸ್ ಬೆನ್ನಲ್ಲೇ ಈ ಹೊಸ ಸುದ್ದಿ ಹೊರಬಿದ್ದಿದ್ದು, ನಟಿಯ ಅಭಿಮಾನಿಗಳಲ್ಲಿ ಕುತೂಹಲ ದುಪ್ಪಟ್ಟಾಗಿದೆ.

‘ಫಸ್ಟ್ ರ‍್ಯಾಂಕ್ ರಾಜು’, ‘ರಾಜು ಕನ್ನಡ ಮೀಡಿಯಂ’ ಚಿತ್ರಗಳ ಮೂಲಕ ಕನ್ನಡಿಗರನ್ನು ನಗೆಗಡಲಿನಲ್ಲಿ ತೇಲಿಸಿದ್ದ ಗುರುನಂದನ್, ಈ ಚಿತ್ರದಲ್ಲಿ ಜಾನಕಿರಾಮ ಅಲಿಯಾಸ್ 'ಮಿಸ್ಟರ್ ಜಾಕ್' ಎಂಬ ವಿಶಿಷ್ಟ ಸ್ಟ್ಯಾಂಡ್-ಅಪ್ ಕಾಮಿಡಿಯನ್ (Stand-up Comedian) ಪಾತ್ರದಲ್ಲಿ ಪ್ರೇಕ್ಷಕರ ಮುಂದೆ ಬರಲಿದ್ದಾರೆ. ಚಿತ್ರವು ಪಕ್ಕಾ ಮನರಂಜನೆಯಿಂದ ಕೂಡಿದ್ದು, ತಪಸ್ವಿನಿ ಮತ್ತು ಗುರುನಂದನ್ ಕಾಂಬಿನೇಷನ್ ಬೆಳ್ಳಿತೆರೆಯ ಮೇಲೆ ಹೊಸ ಮೋಡಿ ಮಾಡುವ ನಿರೀಕ್ಷೆಯಿದೆ.

ನಿರ್ದೇಶನ: ಯುವ ಪ್ರತಿಭೆ ಸುಮಂತ್ ಗೌಡ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದಾರೆ.

ನಿರ್ಮಾಣ: ‘ಮಂಡಿಮನೆ ಟಾಕೀಸ್’ ಬ್ಯಾನರ್ ಅಡಿಯಲ್ಲಿ ನಟ ಗುರುನಂದನ್ ಹಾಗೂ ಅವರ ಆತ್ಮೀಯ ಸ್ನೇಹಿತರು ಅತ್ಯಂತ ಅದ್ದೂರಿಯಾಗಿ ನಿರ್ಮಿಸಿದ್ದಾರೆ.

ಸಂಗೀತ: ಕಿರಣ್ ರವೀಂದ್ರನಾಥ್ ಅವರ ಸುಮಧುರ ಸಂಗೀತ ಸಂಯೋಜನೆ ಚಿತ್ರಕ್ಕಿದೆ.

ಛಾಯಾಗ್ರಹಣ: ಶಿವಸೇನ ಅವರ ಕ್ಯಾಮೆರಾ ಕೈಚಳಕವಿದೆ.

ಬಲಿಷ್ಠ ತಾರಾಗಣ: ಚಿತ್ರದಲ್ಲಿ ಖ್ಯಾತ ನಟರಾದ ಗೋಪಾಲಕೃಷ್ಣ ದೇಶಪಾಂಡೆ, ಗಿರಿ, ಧರ್ಮಣ್ಣ ಕಡೂರು, ಮಿತ್ರ, ಸುಶ್ಮಿತಾ ಮುಂತಾದ ಪ್ರತಿಭಾವಂತ ಕಲಾವಿದರ ದಂಡೇ ಇದೆ.

ತಮ್ಮ ಮೊದಲ ಯಶಸ್ಸಿನ ಖುಷಿಯಲ್ಲಿರುವ ಕೊಡಗಿನ ಬೆಡಗಿ ತಪಸ್ವಿನಿ ಪೂಣಚ್ಚ, 'ಮಿ.ಜಾಕ್' ಸಿನಿಮಾದ ಮೂಲಕ ಗಲ್ಲಾಪೆಟ್ಟಿಗೆಯಲ್ಲಿ ಮತ್ತೊಂದು ಹಿಟ್ ದಾಖಲಿಸುತ್ತಾರಾ ಎಂಬುದನ್ನು ಕಾದು ನೋಡಬೇಕಿದೆ.

‘ಲೈವ್ ಹಾಡಲು ಸಾಧ್ಯವಿಲ್ಲವೇ?’: ಗಾಯಕ ದಲೇರ್ ಮೆಹಂದಿ ಕಾರ್ಯಕ್ರಮಕ್ಕೆ ಸಚಿವರಿಂದ ತಡೆ!

Govindaraj S — Mon, 19 Oct 2026 22:17:50 +0530

ಉತ್ತರಾಖಂಡದಲ್ಲಿ ಖ್ಯಾತ ಬಾಲಿವುಡ್ ಗಾಯಕ ದಲೇರ್ ಮೆಹಂದಿ ಅವರ ಸಂಗೀತ ಕಾರ್ಯಕ್ರಮ ಇದೀಗ ವಿವಾದಕ್ಕೆ ಕಾರಣವಾಗಿದೆ. ನರೇಂದ್ರನಗರದಲ್ಲಿ ನಡೆದ ಸಿದ್ಧಪೀಠ್ ಮಾ ಕುಂಜಾಪುರಿ ಪ್ರವಾಸೋದ್ಯಮ ಹಾಗೂ ಅಭಿವೃದ್ಧಿ ಮೇಳದ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ದಲೇರ್ ಮೆಹಂದಿ ಹಾಡುತ್ತಿದ್ದ ವೇಳೆ, ಬ್ಯಾಕ್‌ಗ್ರೌಂಡ್‌ನಲ್ಲಿ ಮತ್ತೊಂದು ಧ್ವನಿ ಕೇಳಿಬಂದಿದೆ ಎನ್ನಲಾಗಿದ್ದು, ಇದಕ್ಕೆ ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿದ್ದ ಕ್ಯಾಬಿನೆಟ್ ಸಚಿವ ಸುಬೋಧ್ ಉನಿಯಾಲ್ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಅಷ್ಟೇ ಅಲ್ಲದೆ, ಸಚಿವರು ವೇದಿಕೆಗೇ ತೆರಳಿ ಕಾರ್ಯಕ್ರಮವನ್ನು ಕೆಲಕಾಲ ಸ್ಥಗಿತಗೊಳಿಸಿದ್ದಾರೆ.

ದಲೇರ್ ಮೆಹಂದಿ ಕಾರ್ಯಕ್ರಮದಲ್ಲಿ ಏನಾಯ್ತು?

ಭಾನುವಾರ ನಡೆದ ಮೇಳದ ಪ್ರಮುಖ ಸಾಂಸ್ಕೃತಿಕ ಸಂಜೆ ಕಾರ್ಯಕ್ರಮಕ್ಕೆ ಸಾವಿರಾರು ಮಂದಿ ಆಗಮಿಸಿದ್ದರು. ದಲೇರ್ ಮೆಹಂದಿ ಅವರು ಎರಡು ಹಾಡುಗಳನ್ನು ಹಾಡಿದ ಬಳಿಕ, ಅವರ ಧ್ವನಿಯೊಂದಿಗೆ ಮತ್ತೊಂದು ಧ್ವನಿ ಬ್ಯಾಕ್‌ಗ್ರೌಂಡ್‌ನಲ್ಲಿ ಕೇಳಿಬಂದಿದೆ ಎನ್ನಲಾಗಿದೆ. ಇದನ್ನು ಗಮನಿಸಿದ ಕೆಲ ಪ್ರೇಕ್ಷಕರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಕಾರ್ಯಕ್ರಮದಲ್ಲಿ ದಲೇರ್ ಮೆಹಂದಿ ಅವರಿಂದ ಲೈವ್ ಪ್ರದರ್ಶನ ನಿರೀಕ್ಷಿಸಿದ್ದ ಪ್ರೇಕ್ಷಕರ ನಡುವೆ ಈ ವಿಚಾರ ಚರ್ಚೆಗೆ ಕಾರಣವಾಗುತ್ತಿದ್ದಂತೆ, ಸಚಿವ ಸುಬೋಧ್ ಉನಿಯಾಲ್ ವೇದಿಕೆಗೆ ತೆರಳಿ ತಮ್ಮ ಅಸಮಾಧಾನವನ್ನು ವ್ಯಕ್ತಪಡಿಸಿದ್ದಾರೆ.

‘ಲೈವ್ ಕೇಳಲು ಬಂದಿದ್ದೇವೆ, ರೆಕಾರ್ಡೆಡ್ ವಾಯ್ಸ್ ಕೇಳಲು ಅಲ್ಲ!’

ಲೇಖಿತ ವರದಿಗಳ ಪ್ರಕಾರ, ಸಚಿವರು ದಲೇರ್ ಮೆಹಂದಿ ಅವರನ್ನು ಪ್ರಶ್ನಿಸಿದ್ದು, ಪ್ರೇಕ್ಷಕರು ಅವರಿಂದ ಲೈವ್ ಗಾಯನ ಕೇಳಲು ಬಂದಿದ್ದಾರೆ. ರೆಕಾರ್ಡ್ ಮಾಡಿರುವ ಅಥವಾ ಡಬ್ ಮಾಡಿರುವ ಧ್ವನಿಯೊಂದಿಗೆ ಕಾರ್ಯಕ್ರಮ ನೀಡುವುದನ್ನು ಒಪ್ಪಲು ಸಾಧ್ಯವಿಲ್ಲ ಎಂದು ಆಕ್ಷೇಪಿಸಿದ್ದಾರೆ. ‘ನಿಮಗಾಗಿ ನಾವು ಇಷ್ಟೊಂದು ಹಣ ಪಾವತಿಸಿದ್ದೇವೆ. ನೀವು ಲೈವ್ ಆಗಿ ಹಾಡಲು ಸಾಧ್ಯವಿಲ್ಲವೇ?’ ಎಂಬ ರೀತಿಯಲ್ಲಿ ಸಚಿವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ ಎಂದು ವರದಿಯಾಗಿದೆ. ಐತಿಹಾಸಿಕ ಮೇಳಕ್ಕೆ ಹಾಗೂ ಅಲ್ಲಿಗೆ ಆಗಮಿಸಿದ್ದ ಪ್ರೇಕ್ಷಕರ ಭಾವನೆಗಳಿಗೆ ಗೌರವ ನೀಡಬೇಕು ಎಂಬುದನ್ನೂ ಸಚಿವರು ಹೇಳಿದ್ದಾರೆ ಎನ್ನಲಾಗಿದೆ.

ವೇದಿಕೆಯಲ್ಲಿ ಕೆಲಕಾಲ ಗೊಂದಲ

ಸಚಿವರು ವೇದಿಕೆಯಲ್ಲಿ ಆಕ್ಷೇಪ ವ್ಯಕ್ತಪಡಿಸಿದ ಹಿನ್ನೆಲೆಯಲ್ಲಿ ಕಾರ್ಯಕ್ರಮದಲ್ಲಿ ಕೆಲಕಾಲ ಗೊಂದಲದ ವಾತಾವರಣ ನಿರ್ಮಾಣವಾಯಿತು. ಸಾವಿರಾರು ಪ್ರೇಕ್ಷಕರು ಸೇರಿದ್ದರಿಂದ ಪರಿಸ್ಥಿತಿ ಮತ್ತಷ್ಟು ಉದ್ವಿಗ್ನವಾಗದಂತೆ ಪೊಲೀಸರು ಮಧ್ಯಪ್ರವೇಶಿಸಿದರು. ನಂತರ ಕಾರ್ಯಕ್ರಮದ ಆಯೋಜಕರು ಹಾಗೂ ತಾಂತ್ರಿಕ ತಂಡವು ಧ್ವನಿ ವ್ಯವಸ್ಥೆಯಲ್ಲಿ ಅಗತ್ಯ ಬದಲಾವಣೆಗಳನ್ನು ಮಾಡಿದೆ ಎಂದು ಸ್ಥಳೀಯ ಮಾಧ್ಯಮ ವರದಿಗಳು ತಿಳಿಸಿವೆ. ತಾಂತ್ರಿಕ ಸಮಸ್ಯೆ ನಿಖರವಾಗಿ ಏನಾಗಿತ್ತು ಹಾಗೂ ಆಯೋಜಕರಿಂದ ಯಾವ ರೀತಿಯ ಕ್ರಮ ಕೈಗೊಳ್ಳಲಾಯಿತು ಎಂಬುದರ ಕುರಿತು ಹೆಚ್ಚಿನ ವಿವರಗಳು ಲಭ್ಯವಾಗಿಲ್ಲ.

ದಲೇರ್ ಮೆಹಂದಿ ಕಾರ್ಯಕ್ರಮಕ್ಕೆ ಅಡ್ಡಿಯಾದ ವಿವಾದ

ಅದ್ಧೂರಿಯಾಗಿ ನಡೆಯುತ್ತಿದ್ದ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಬ್ಯಾಕ್‌ಗ್ರೌಂಡ್ ವಾಯ್ಸ್ ಕೇಳಿಬಂದಿದೆ ಎನ್ನಲಾದ ವಿಚಾರವೇ ವಿವಾದಕ್ಕೆ ಕಾರಣವಾಗಿದೆ. ಪ್ರೇಕ್ಷಕರು ಲೈವ್ ಪ್ರದರ್ಶನ ನಿರೀಕ್ಷಿಸಿದ್ದ ಸಂದರ್ಭದಲ್ಲಿ ಸಚಿವರೇ ವೇದಿಕೆಗೆ ತೆರಳಿ ಅಸಮಾಧಾನ ವ್ಯಕ್ತಪಡಿಸಿರುವುದು ಇದೀಗ ಭಾರೀ ಚರ್ಚೆಗೆ ಗ್ರಾಸವಾಗಿದೆ.

ಲೈವ್ನಲ್ಲಿ ಬಂದು ಫ್ಯಾನ್ಸ್ಗೆ ಗುಡ್ನ್ಯೂಸ್ ಕೊಟ್ಟ ನಟಿ ರಾಧಾ ಭಗವತಿ: ಫ್ಯಾನ್ಸ್ ಆಸೆ ಈಡೇರಿತು

Suchethana D — Mon, 19 Oct 2026 21:15:34 +0530

ನಟಿ ರಾಧಾ ಭಗವತಿ ಎಂದರೆ ಕೆಲವರಿಗೆ ತಿಳಿಯಲ್ಲಿಕ್ಕಿಲ್ಲ. ಅದೇ ಜೀ ಕನ್ನಡದಲ್ಲಿ ಹಳೆಯ ಮಲ್ಲಿಯಾಗಿ ಮಿಂಚಿದ್ದ, ಕೊನೆಗೆ ಕಲರ್ಸ್ ಕನ್ನಡ ಸೀರಿಯಲ್ನಲ್ಲಿ ಭಾರ್ಗವಿ ಎಲ್ಎಲ್ಬಿಯಲ್ಲಿ ಭಾರ್ಗವಿಯಾಗಿ ಲಾಯರ್ ಪಾತ್ರ ಮಾಡುವ ಮೂಲಕ ಮಿಂಚಿದ್ದ ನಟಿ ಭಾರ್ಗವಿ ಅವರು ಸೀರಿಯಲ್ನಿಂದ ದೂರ ಆಗಿ ಎರಡು ತಿಂಗಳಾಗಿದೆ. ಈ ಸೀರಿಯಲ್ ಮುಗಿದ ಬಳಿಕ ಅವರು ಮತ್ತೆ ಕಾಣಿಸಿಕೊಂಡಿರಲಿಲ್ಲ. ಅಷ್ಟಕ್ಕೂ ಅವರ ಮದುವೆ ಶೀಘ್ರದಲ್ಲಿ ಅಮೃತಧಾರೆ ಜೈದೇವ್ ಅರ್ಥಾತ್ ರಾಣವ್ ಗೌಡ ಅವರ ಜೊತೆ ನಡೆಯಲಿದೆ. ಡೇಟ್ ಇನ್ನೂ ಅವರು ಅನೌನ್ಸ್ ಮಾಡಲಿಲ್ಲ. ಅಮೃತಧಾರೆ ಇನ್ನೇನು ಮುಗಿಯುವಂತೆ ಕಾಣುತ್ತಿದ್ದು ಸೀರಿಯಲ್ ಮುಗಿದ ಮೇಲೆ ಮದುವೆಯಾಗುತ್ತಾರೆ ಎನ್ನಲಾಗಿದೆ.

ಇದರ ನಡುವೆಯೇ, ಇದೀಗ ನಟಿ ರಾಧಾ ಭಗವತಿ ಅವರು ಲೈವ್ಗೆ ಬಂದು ಅಭಿಮಾನಿಗಳಿಗೆ ಗುಡ್ನ್ಯೂಸ್ ಕೊಟ್ಟಿದ್ದಾರೆ. ಅದೇನೆಂದರೆ, ನಿಮ್ಮನ್ನು ಮತ್ತೆ ಸೀರಿಯಲ್ನಲ್ಲಿ ನೋಡಬೇಕು ಎಂದು ಒಂದೇ ಸಮನೆ ಗೋಗರೆಯುತ್ತಿದ್ದ ವೀಕ್ಷಕರಿಗೆ ಗುಡ್ನ್ಯೂಸ್ ಕೊಟ್ಟಿರುವ ರಾಧಾ ಅವರು, ಕಲರ್ಸ್ ಕನ್ನಡದ ಮುದ್ದುಸೊಸೆ (Muddu Sose) ಸೀರಿಯಲ್ನಲ್ಲಿ ಗೆಸ್ಟ್ ಅಪಿಯರೆನ್ಸ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಇದರ ಬಗ್ಗೆ ಹೇಳಲು ಅವರು ಲೈವ್ನಲ್ಲಿ ಬಂದಿದ್ದಾರೆ. ಭಾರ್ಗವಿ ಎಲ್ಎಲ್ಬಿ ಮುಗಿದ ಮೇಲೆ ತುಂಬಾ ಬೇಜಾರು ಆಗಿತ್ತು. ಎರಡು ತಿಂಗಳಿನಿಂದ ಸೀರಿಯಲ್ ಇರದೇ ಬೇಜಾರು ಆಯ್ತು. ಆದರೆ ಕಲರ್ಸ್ ಕನ್ನಡ ಇನ್ನೊಂದು ಅವಕಾಶ ಕೊಡತ್ತೆ ಅಂತ ಅಂದುಕೊಂಡಿರಲಿಲ್ಲ. ಮುದ್ದು ಸೊಸೆ ಸೀರಿಯಲ್ನಲ್ಲಿ ಈಗ ಅವಕಾಶ ಸಿಕ್ಕಿರುವುದು ತುಂಬಾ ಖುಷಿ ಕೊಟ್ಟಿದೆ ಎಂದಿದ್ದಾರೆ ನಟಿ.

ಲಾಯರ್ ಆಗಿ ಎಂಟ್ರಿ

ಮುದ್ದು ಸೊಸೆಯಲ್ಲಿ ಗೆಸ್ಟ್ ಅಪೀರಿಯೆನ್ಸ್ ಮಾಡುತ್ತಿದ್ದೇನೆ. ಅದರಲ್ಲಿಯೂ ಲಾಯರ್ ಆಗಿ ಮಿಂಚುತ್ತಿದ್ದೇನೆ. ಈ ಸೀರಿಯಲ್ನನಲ್ಲಿ ಶಿವರಾಮೇಗೌಡರ ವಿರುದ್ಧ ಕೇಸ್ ನಡೆಯುತ್ತಿದೆ. ಮುದ್ದುಸೊಸೆ ಮತ್ತು ಗೌಡ್ರು ದೂರ ಆಗಿದ್ದಾರೆ. ಈ ಕೇಸ್ ಸಾಲ್ವ್ ಮಾಡಲು ನಾನು ಬರ್ತಾ ಇದ್ದೇನೆ. ವೀಕ್ಷಕರು ಭಾರ್ಗವಿ ಭಾರ್ಗವಿ ಎಂದು ಹೇಳುತ್ತಿರುವುದನ್ನು ಕೇಳಿ ಖುಷಿ ಆಗ್ತಿದೆ. ಆದ್ದರಿಂದ ನನ್ನ ಪಾತ್ರವನ್ನು ನೋಡುವಂತೆ ನಟಿ ಕೇಳಿಕೊಂಡಿದ್ದಾರೆ. ಇದೇ ವೇಳೆ, ಸರ್ಪ್ರೈಸ್ ಕೂಡ ಇದೆ. ಆದರೆ ಅದನ್ನು ಹೇಳುವುದಿಲ್ಲ. ನೀವೆಲ್ಲಾ ಸೀರಿಯಲ್ ನೋಡಬೇಕು ಎಂದು ಅದನ್ನು ಹೇಳ್ತಾ ಇಲ್ಲ ಎಂದು ಕೂಡ ರಾಧಾ ಹೇಳಿದ್ದಾರೆ.

ನೀವೆಲ್ಲಾ ಮಿಸ್ ಮಾಡಿಕೊಂಡಿದ್ದೀರಿ

ನೀವೆಲ್ಲಾ ಇಷ್ಟು ದಿನ ತುಂಬಾ ಮಿಸ್ ಮಾಡಿಕೊಂಡಿದ್ದೀರಿ ಎಂದು ರಿ ಎಂದು ಭಾವಿಸಿದ್ದೇನೆ. ಮುದ್ದುಸೊಸೆ ಎಂಟ್ರಿ ಕೊಟ್ಟಿದ್ದಕ್ಕೆ ಖುಷಿಯಾಗಿದೆ ಅಂದುಕೊಂಡಿದ್ದೇನೆ. ಮತ್ತೆ ನನ್ನ ಲಾಯರ್ ಆಗಿ ನೋಡುವ ಸನ್ನಿವೇಶ ಬಂದಿದೆ. ತುಂಬಾ ಖುಷಿಯಾಗ್ತಿದೆ. ಆ ಸೀನ್ ಶೂಟ್ ಮಾಡುವಾಗ ಭಾರ್ಗವಿ ಕೋರ್ಟ್ ಸೀನ್ ನೆನಪಾಯ್ತು. ಗೆಸ್ಟ್ ಆಗಿ ಬರ್ತಾ ಇದ್ದೇನೆ. ಇಷ್ಟಪಟ್ಟು ಒಪ್ಪಿಕೊಂಡಿದ್ದೇನೆ. ನೀವೂ ಹಾರೈಸಿ ಎಂದು ನಟಿ ಹೇಳಿದ್ದಾರೆ.

ಕ್ಯಾನ್ಸರ್‌ಗೂ ಹೆದರಲಿಲ್ಲ ಈ 10 ಸೆಲೆಬ್ರಿಟಿಗಳು: ಹೋರಾಡಿ ಗೆದ್ದ ಕಥೆ ಕೇಳಿದ್ರೆ ಶಾಕ್ ಆಗ್ತೀರಿ!

Govindaraj S — Mon, 19 Oct 2026 21:09:56 +0530

ಮನೀಶಾ ಕೊಯಿರಾಲಾ, ಸೋನಾಲಿ ಬೇಂದ್ರೆ ಮತ್ತು ಯುವರಾಜ್ ಸಿಂಗ್ ಸೇರಿದಂತೆ ಕ್ಯಾನ್ಸರ್ ವಿರುದ್ಧ ಹೋರಾಡಿ ಗೆದ್ದ 10 ಭಾರತೀಯ ಸೆಲೆಬ್ರಿಟಿಗಳ ಬಗ್ಗೆ ಇಲ್ಲಿದೆ ಮಾಹಿತಿ. ಇವರ ಚಿಕಿತ್ಸೆ, ಗುಣಮುಖರಾದ ಹಾದಿ ಹಾಗೂ ಕ್ಯಾನ್ಸರ್ ಜಾಗೃತಿಗೆ ಇವರ ಕೊಡುಗೆಯನ್ನು ತಿಳಿಯಿರಿ.

ಕ್ಯಾನ್ಸರ್ ಯಾರ ಜೀವನವನ್ನು ಬೇಕಾದರೂ ಅನಿರೀಕ್ಷಿತವಾಗಿ ಬದಲಾಯಿಸಬಹುದು. ಆದರೆ ನಮ್ಮ ದೇಶದ ಕೆಲವು ಸೆಲೆಬ್ರಿಟಿಗಳು ಸೂಕ್ತ ಚಿಕಿತ್ಸೆ ಪಡೆದು ಈ ಮಹಾಮಾರಿಯನ್ನು ಸೋಲಿಸಿದ್ದಾರೆ. ಬಾಲಿವುಡ್ ನಟ-ನಟಿಯರಿಂದ ಹಿಡಿದು ಕ್ರಿಕೆಟಿಗರವರೆಗೆ, ಇವರ ಕಥೆಗಳು ಜನರಿಗೆ ಸ್ಫೂರ್ತಿ ನೀಡುವುದಲ್ಲದೆ ಕ್ಯಾನ್ಸರ್ ಚಿಕಿತ್ಸೆಯ ಬಗ್ಗೆ ಜಾಗೃತಿ ಮೂಡಿಸುತ್ತವೆ.

ಮನೀಶಾ ಕೊಯಿರಾಲಾ 2012ರಲ್ಲಿ ಕ್ಯಾನ್ಸರ್‌ಗೆ ತುತ್ತಾದರು. ಅಮೆರಿಕಕ್ಕೆ ತೆರಳಿ ಸೂಕ್ತ ಚಿಕಿತ್ಸೆ ಪಡೆದ ಅವರು, 2015ರಲ್ಲಿ ಸಂಪೂರ್ಣವಾಗಿ ಕ್ಯಾನ್ಸರ್‌ನಿಂದ ಗುಣಮುಖರಾದರು.

ಸೋನಾಲಿ ಬೇಂದ್ರೆ 2018ರಲ್ಲಿ ತಮಗೆ ಕ್ಯಾನ್ಸರ್ ಇರುವ ವಿಚಾರವನ್ನು ಬಹಿರಂಗಪಡಿಸಿದರು. ಅಮೆರಿಕದಲ್ಲಿ ಚಿಕಿತ್ಸೆ ಪಡೆದ ಅವರು, ಗುಣಮುಖರಾಗಿ ಮತ್ತೆ ತಮ್ಮ ವೃತ್ತಿಜೀವನಕ್ಕೆ ಮರಳಿದ್ದಾರೆ.

ಭಾರತದ ಮಾಜಿ ಕ್ರಿಕೆಟಿಗ ಯುವರಾಜ್ ಸಿಂಗ್ 2011ರಲ್ಲಿ ಕ್ಯಾನ್ಸರ್‌ಗೆ ತುತ್ತಾದರು. ಕೀಮೋಥೆರಪಿ ಚಿಕಿತ್ಸೆ ಪಡೆದ ಅವರು, 2012ರಲ್ಲಿ ಗುಣಮುಖರಾಗಿ ಮತ್ತೆ ಮೈದಾನಕ್ಕೆ ಇಳಿದರು.

ನಟಿ ಲಿಸಾ ರೇ 2009ರಲ್ಲಿ ತಮಗೆ ಕ್ಯಾನ್ಸರ್ ಇರುವುದನ್ನು ಘೋಷಿಸಿದರು. ಸ್ಟೆಮ್ ಸೆಲ್ ಕಸಿ ಚಿಕಿತ್ಸೆ ಪಡೆದ ಅವರು, 2010ರಲ್ಲಿ ಗುಣಮುಖರಾಗಿ ಸಹಜ ಜೀವನಕ್ಕೆ ಮರಳಿದರು.

ಖ್ಯಾತ ನಿರ್ದೇಶಕ ಅನುರಾಗ್ ಬಸು 2004ರಲ್ಲಿ ಅಕ್ಯೂಟ್ ಪ್ರೊಮೈಲೋಸೈಟಿಕ್ ಲ್ಯುಕೇಮಿಯಾ ಎಂಬ ರಕ್ತದ ಕ್ಯಾನ್ಸರ್‌ಗೆ ತುತ್ತಾದರು. ಸರಿಯಾದ ಚಿಕಿತ್ಸೆ ಪಡೆದು ಅವರು ಈ ಕಾಯಿಲೆಯನ್ನು ಗೆದ್ದರು.

ತಾಹಿರಾ ಕಶ್ಯಪ್ 2018ರಲ್ಲಿ ತಮಗೆ ಸ್ತನ ಕ್ಯಾನ್ಸರ್ ಇರುವ ಬಗ್ಗೆ ಮುಕ್ತವಾಗಿ ಮಾತನಾಡಿದರು. ಕ್ಯಾನ್ಸರ್ ಬಗ್ಗೆ ಸಮಾಜದಲ್ಲಿರುವ ತಪ್ಪು ಕಲ್ಪನೆಗಳನ್ನು ಹೋಗಲಾಡಿಸಲು ಅವರು ಶ್ರಮಿಸುತ್ತಿದ್ದಾರೆ.

ಹಿರಿಯ ನಿರ್ದೇಶಕ ರಾಕೇಶ್ ರೋಷನ್ 2018-19ರ ಸುಮಾರಿಗೆ ಗಂಟಲು ಕ್ಯಾನ್ಸರ್‌ಗೆ ತುತ್ತಾದರು. ಆರಂಭಿಕ ಹಂತದ ಸ್ಕ್ವಾಮಸ್ ಸೆಲ್ ಕಾರ್ಸಿನೋಮಾದಿಂದ ಬಳಲಿದ್ದ ಅವರು ಸೂಕ್ತ ಚಿಕಿತ್ಸೆ ಪಡೆದು ಚೇತರಿಸಿಕೊಂಡರು.

ನಟ ಸಂಜಯ್ ದತ್ 2020ರಲ್ಲಿ ತಮಗೆ ಶ್ವಾಸಕೋಶದ ಕ್ಯಾನ್ಸರ್ ಇರುವ ವಿಚಾರವನ್ನು ತಿಳಿಸಿದರು. ಚಿಕಿತ್ಸೆ ಪಡೆದು ಗುಣಮುಖರಾದ ಅವರು, ಮತ್ತೆ ಸಿನಿಮಾಗಳಲ್ಲಿ ಸಕ್ರಿಯರಾಗಿದ್ದಾರೆ.

ನಟಿ ಮಹಿಮಾ ಚೌಧರಿ 2022ರಲ್ಲಿ ಸ್ತನ ಕ್ಯಾನ್ಸರ್ ವಿರುದ್ಧ ಹೋರಾಡಿದ ವಿಚಾರವನ್ನು ಇತ್ತೀಚೆಗೆ ಬಹಿರಂಗಪಡಿಸಿದರು. ಸೂಕ್ತ ಚಿಕಿತ್ಸೆ ಪಡೆದ ಅವರು ಈಗ ಸಂಪೂರ್ಣವಾಗಿ ಗುಣಮುಖರಾಗಿದ್ದಾರೆ.

ಹಿರಿಯ ನಟಿ ಮುಮ್ತಾಜ್ 2002ರಲ್ಲಿ ಸ್ತನ ಕ್ಯಾನ್ಸರ್‌ಗೆ ತುತ್ತಾಗಿದ್ದರು. ಚಿಕಿತ್ಸೆ ಪಡೆದು ಕ್ಯಾನ್ಸರ್ ಗೆದ್ದ ಕಥೆಯನ್ನು ಅವರು ಇತ್ತೀಚೆಗೆ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ.

ಬಾಲಿವುಡ್ ಸ್ಟಾರ್‌ಗಳನ್ನೇ ಬೆಚ್ಚಿಬೀಳಿಸಿದ ಗುಂಡಿನ ದಾಳಿಗಳು! ಯಾರ್ಯಾರ ಮೇಲೆ ನಡೆದಿತ್ತು ಅಟ್ಯಾಕ್?

Pavna Das — Mon, 19 Oct 2026 20:51:09 +0530

ಬಾಲಿವುಡನ್ನೇ ಬೆಚ್ಚಿ ಬೀಳಿಸಿದ ಗುಂಡಿನ ದಾಳಿ

ಬಾಲಿವುಡ್ ನಟ ಟೈಗರ್ ಶ್ರಾಫ್ ಅವರ ಕಾರಿನ ಮೇಲೆ ತಡರಾತ್ರಿ ಸರಣಿ ಗುಂಡಿನ ದಾಳಿ ನಡೆದಿದೆ. ಈ ಘಟನೆಯಲ್ಲಿ ನಟ ಕೂದಲೆಳೆಯ ಅಂತರದಲ್ಲಿ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಗುಂಡಿನ ದಾಳಿಯಲ್ಲಿ ಅವರ ಕಾರಿನ ಚಾಲಕ ಗಾಯಗೊಂಡಿದ್ದು, ಟೈಗರ್ ಶ್ರಾಫ್ ಅವರೇ ಕಾರು ಚಲಾಯಿಸಿಕೊಂಡು ಚಾಲಕನನ್ನು ಆಸ್ಪತ್ರೆಗೆ ಕರೆದೊಯ್ದಿದ್ದಾರೆ. ಈ ಘಟನೆಯಲ್ಲಿ ಟೈಗರ್ ಶ್ರಾಫ್ ಅವರ ಕೈಗೂ ಗನ್‌ಪೌಡರ್‌ನಿಂದ ಸುಟ್ಟ ಗಾಯವಾಗಿದೆ ಎನ್ನಲಾಗಿದೆ. ಆಸ್ಪತ್ರೆಯಿಂದ ನಟ ಪೊಲೀಸರೊಂದಿಗೆ ತಮ್ಮ ಮನೆಗೆ ಮರಳಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಕೆಲವು ಫೋಟೋಗಳು ವೈರಲ್ ಆಗಿದ್ದು, ಅವುಗಳಲ್ಲಿ ಟೈಗರ್ ಶ್ರಾಫ್ ಅವರ ಕೈ ಮತ್ತು ಎದೆಗೆ ಬ್ಯಾಂಡೇಜ್ ಹಾಕಿರುವುದು ಕಂಡುಬಂದಿದೆ.

ಸಲ್ಮಾನ್ ಖಾನ್, ರೋಹಿತ್ ಶೆಟ್ಟಿ ಮನೆಗಳ ಮುಂದೆಯೂ ಗುಂಡಿನ ದಾಳಿ

ಬಾಲಿವುಡ್‌ನಲ್ಲಿ ಈ ಹಿಂದೆಯೂ ಹಲವು ಸೆಲೆಬ್ರಿಟಿಗಳು ಅಂಡರ್‌ವರ್ಲ್ಡ್‌ನ ಗುರಿಯಾಗಿದ್ದರು. ಅವರಲ್ಲಿ ಕೆಲವರು ಪ್ರಾಣವನ್ನೇ ಕಳೆದುಕೊಂಡಿದ್ದಾರೆ. ಹಲವರು ಸಣ್ಣಪುಟ್ಟ ಗಾಯಗಳಿಂದ ಪಾರಾಗಿದ್ದಾರೆ. 2025ರ ಆರಂಭದಲ್ಲಿ ಸಲ್ಮಾನ್ ಖಾನ್ ಅವರ ಮನೆಯ ಹೊರಭಾಗದಲ್ಲಿಯೂ ಸರಣಿ ಗುಂಡಿನ ದಾಳಿ ನಡೆದಿತ್ತು. ಈ ಘಟನೆಯ ಬಳಿಕ ಅವರ ಮನೆಯ ಸುತ್ತಮುತ್ತ ಭಾರಿ ಪೊಲೀಸ್ ಭದ್ರತೆ ನಿಯೋಜಿಸಲಾಗಿತ್ತು. ಅದೃಷ್ಟವಶಾತ್, ಈ ದಾಳಿಯಲ್ಲಿ ಸಲ್ಮಾನ್ ಖಾನ್ ಅವರಿಗೆ ಯಾವುದೇ ಹಾನಿಯಾಗಿರಲಿಲ್ಲ. ಇದೇ ರೀತಿ, 2025ರ ಆರಂಭದಲ್ಲಿ ಚಿತ್ರನಿರ್ದೇಶಕ ರೋಹಿತ್ ಶೆಟ್ಟಿ ಅವರ ಮನೆಯ ಹೊರಭಾಗದಲ್ಲಿಯೂ ಗುಂಡಿನ ದಾಳಿ ನಡೆದಿತ್ತು.

ಗುಂಡಿನ ದಾಳಿಯಿಂದ ಕೂದಲೆಳೆಯ ಅಂತರದಲ್ಲಿ ಪಾರಾಗಿದ್ದ ಸೆಲೆಬ್ರಿಟಿಗಳು

ಸಲ್ಮಾನ್ ಖಾನ್ ಮತ್ತು ರೋಹಿತ್ ಶೆಟ್ಟಿ ಮಾತ್ರವಲ್ಲದೆ, ಈ ಹಿಂದೆ ಬಾಲಿವುಡ್‌ನ ಹಲವು ಪ್ರಮುಖ ಸೆಲೆಬ್ರಿಟಿಗಳು ಅಂಡರ್‌ವರ್ಲ್ಡ್‌ನ ಗುರಿಯಾಗಿದ್ದರು. ಅವರ ಮೇಲೂ ಗುಂಡಿನ ದಾಳಿಗಳು ನಡೆದಿದ್ದವು. 1997ರಲ್ಲಿ ಚಿತ್ರನಿರ್ದೇಶಕ ರಾಜೀವ್ ರೈ ಅವರ ಮೇಲೆ ಅಂಡರ್‌ವರ್ಲ್ಡ್‌ನ ದುಷ್ಕರ್ಮಿಗಳು ಮಾರಣಾಂತಿಕ ದಾಳಿ ನಡೆಸಿದ್ದರು. ಅವರ ‘ಗುಪ್ತ್’ ಸಿನಿಮಾ ಬಿಡುಗಡೆಯಾದ ಬಳಿಕ ಈ ಘಟನೆ ನಡೆದಿತ್ತು. ಚಿತ್ರನಿರ್ದೇಶಕ ಲಾರೆನ್ಸ್ ಡಿಸೋಜಾ ಅವರ ಮೇಲೆಯೂ ಸುಲಿಗೆ ಹಣಕ್ಕೆ ಬೇಡಿಕೆಯಿಟ್ಟಿದ್ದ ದುಷ್ಕರ್ಮಿಗಳು ದಾಳಿ ನಡೆಸಿದ್ದರು. 1999ರಲ್ಲಿ ಮನಮೋಹನ್ ಶೆಟ್ಟಿ ಅವರ ಮೇಲೆಯೂ ಮಾರಣಾಂತಿಕ ಹಲ್ಲೆ ನಡೆದಿತ್ತು. ಈ ಪ್ರಕರಣವೂ ಸುಲಿಗೆ ಹಣದ ಬೇಡಿಕೆಗೆ ಸಂಬಂಧಿಸಿತ್ತು. 2025ರಲ್ಲಿ ನಟಿ ದಿಶಾ ಪಟಾನಿ ಅವರ ಬರೆಲಿಯಲ್ಲಿರುವ ಮನೆಯ ಹೊರಭಾಗದಲ್ಲಿಯೂ ಗುಂಡಿನ ದಾಳಿ ನಡೆದಿತ್ತು. ಅಪರಿಚಿತ ದುಷ್ಕರ್ಮಿಗಳು ಅವರ ಮನೆಯ ಹೊರಗೆ ಸರಣಿ ಗುಂಡು ಹಾರಿಸಿದ್ದರು.

ಗಾಯಗೊಂಡಿದ್ದ ರಾಕೇಶ್ ರೋಷನ್

ಚಿತ್ರನಿರ್ದೇಶಕ ರಾಕೇಶ್ ರೋಷನ್ ಅವರೂ ಗುಂಡಿನ ದಾಳಿಗೆ ತುತ್ತಾಗಿದ್ದರು. 2000ನೇ ಇಸವಿಯ ಆರಂಭದಲ್ಲಿ ಅವರ ಕಚೇರಿಯ ಹೊರಗೆ ಸರಣಿ ಗುಂಡಿನ ದಾಳಿ ನಡೆದಿತ್ತು. ಈ ಘಟನೆಯಲ್ಲಿ ರಾಕೇಶ್ ರೋಷನ್ ಗಾಯಗೊಂಡಿದ್ದರು. ಗುಂಡು ಅವರ ಎಡಗೈ ಮತ್ತು ಎದೆಯನ್ನು ಸವರಿಕೊಂಡು ಹೋಗಿದ್ದರಿಂದ ಗಾಯಗಳಾಗಿದ್ದವು. ಬಳಿಕ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

ಈ 4 ತಾರೆಯರು ಗುಂಡಿನ ದಾಳಿಗೆ ಪ್ರಾಣ ಕಳೆದುಕೊಂಡಿದ್ದರು.

ಗುಂಡಿನ ದಾಳಿಗೆ ಸಂಬಂಧಿಸಿದ ಘಟನೆಗಳಲ್ಲಿ ಹಲವು ತಾರೆಯರು ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ. ಇವರಲ್ಲಿ ಚಲನಚಿತ್ರ ನಿರ್ಮಾಪಕರಾದ ಜಾವೇದ್ ರಿಯಾಜ್ ಸಿದ್ದಿಕಿ ಮತ್ತು ಮುಕೇಶ್ ದುಗ್ಗಲ್, ಸಂಗೀತ ನಿರ್ಮಾಪಕ ಗುಲ್ಶನ್ ಕುಮಾರ್, ಹಾಗೂ ನಟ-ನಿರ್ಮಾಪಕ ದಿನೇಶ್ ಆನಂದ್ ಸೇರಿದ್ದಾರೆ. 1994ರಲ್ಲಿ, ಜಾವೇದ್ ಸಿದ್ದಿಕಿ ಅವರ ಮೇಲೆ ಹಗಲಲ್ಲೇ ದಾಳಿ ನಡೆಸಿ ಹತ್ಯೆ ಮಾಡಲಾಯಿತು. ಪಾಕಿಸ್ತಾನಿ ನಟಿಯೊಬ್ಬರನ್ನು ತಮ್ಮ ಚಿತ್ರದಿಂದ ಕೈಬಿಟ್ಟು, ಅವರಿಗೆ ನೀಡಿದ್ದ ಮುಂಗಡ ಹಣವನ್ನು ಹಿಂತಿರುಗಿಸಲು ನಿರ್ಧರಿಸಿದ್ದೇ ಈ ದಾಳಿಗೆ ಕಾರಣವಾಗಿತ್ತು; ಇದರ ಪರಿಣಾಮವಾಗಿ ಗ್ಯಾಂಗ್‌ಸ್ಟರ್‌ಗಳು ಅವರ ಮೇಲೆ ದಾಳಿ ನಡೆಸಿದರು.

Bigg Bossಗೆ ಹೋಗ್ತೇನೆಂದು ಸಿನಿಮಾ ಆಫರ್‌ ಕೊಟ್ಟೋರೆಲ್ಲಾ ಕೈಬಿಟ್ರು: ಸುಧಾರಾಣಿ ನೋವಿನ ಮಾತು

Suchethana D — Mon, 19 Oct 2026 20:18:27 +0530

ಬಿಗ್‌ಬಾಸ್‌ ಇನ್ನೇನು ಶುರುವಾಗತ್ತೆ ಎಂದು ಸುದ್ದಿಯಾಗುತ್ತಲೇ, ಪ್ರತಿ ಸೀಸನ್‌ನಲ್ಲಿಯೂ ಇವರು ಹೋಗ್ತಾರೆ, ಅವರು ಹೋಗ್ತಾರೆ ಎನ್ನುವ ಸುದ್ದಿ ಸದ್ದು ಮಾಡುತ್ತದೆ. ಅದರಲ್ಲಿಯೂ ಹಲವು ಯುಟ್ಯೂಬ್‌ ಚಾನೆಲ್‌ನವರು ಖ್ಯಾತ ಸೆಲೆಬ್ರಿಟಿಗಳ ಹೆಸರು ಹಾಕಿ, ಅವರು ಹೋಗುತ್ತಿದ್ದಾರೆ ಎನ್ನುವ ರೀತಿಯಲ್ಲಿ ಹೇಳಿಕೆ ಕೊಟ್ಟು, ಲೈಕ್ಸ್‌, ಶೇರ್‌ಗಳನ್ನು ಹೆಚ್ಚಿಸಿಕೊಳ್ಳುತ್ತಾರೆ. ಇದು ಹಲವು ಸೆಲೆಬ್ರಿಟಿಗಳಿಗೆ ಪದೇ ಪದೇ ಕಿರಿಕಿರಿ ಉಂಟು ಮಾಡುವ ವಿಷಯವಾಗುತ್ತದೆ. ಅಷ್ಟಕ್ಕೂ ದೊಡ್ಡ ಮಟ್ಟದಲ್ಲಿ ಹೆಸರು ಮಾಡಿರುವ ಸೆಲೆಬ್ರಿಟಿಗಳ ಪೈಕಿ ಹಲವರು ಬಿಗ್‌ಬಾಸ್ ಆಫರ್‌ ಬಂದರೂ ಅದನ್ನು ಎಕ್ಸೆಪ್ಟ್‌ ಮಾಡುವುದಿಲ್ಲ. ಬಿಗ್‌ಬಾಸ್‌ಗೆ ಹೋಗಿ ತಮ್ಮ ಮರ್ಯಾದೆ ತೆಗೆದುಕೊಳ್ಳಲು ತಮಗೆ ಇಷ್ಟವಿಲ್ಲ ಎಂದು ಕೆಲವರು ಹೇಳಿದ್ರೆ, ತಮಗೆ ಡೇಟ್ಸ್‌ ಇಲ್ಲ, ಇಂಟರೆಸ್ಟ್‌ ಇಲ್ಲ ಇತ್ಯಾದಿ ಹೇಳಿಕೆ ಕೊಟ್ಟು ರಿಜೆಕ್ಟ್‌ ಮಾಡುವುದು ಇದ್ದೇ ಇದೆ.

ಬಿಗ್‌ಬಾಸ್‌ ಬಂದಾಗೆಲ್ಲಾ ಸುಧಾರಾಣಿ ಹೆಸರು

ಪ್ರತಿಬಾರಿಯೂ ಕೆಲವು ನಟ-ನಟಿಯರು ಹೆಸರು ಮುನ್ನೆಲೆಗೆ ಬರುವುದು ಇದೆ. ಅಂಥವರಲ್ಲಿ ಒಬ್ಬರು ನಟಿ ಸುಧಾರಾಣಿ. ಶ್ರೀಮಸ್ತು ಶುಭಮಸ್ತು ಸೀರಿಯಲ್‌ ಮುಗಿದ ಬಳಿಕ ಬಿಗ್‌ಬಾಸ್‌ 13 ಹವಾ ಜೋರಾದ ಕಾರಣದಿಂದ ನಟಿ ಬಿಗ್‌ಬಾಸ್‌ಗೆ ಹೋಗ್ತಾರೆ ಎನ್ನುವ ಸುದ್ದಿ ಸದ್ದು ಮಾಡಿತ್ತು. ಅದಕ್ಕೆ ಸಿಕ್ಕಾಪಟ್ಟೆ ಗರಂ ಆಗಿದ್ದ ನಟಿ, ಹೀಗೆ ಸುಳ್ಳು ಸುದ್ದಿ ಹರಿಬಿಟ್ಟವರು ಮುಟ್ಟಿಕೊಳ್ಳುವ ಉತ್ತರ ನೀಡಿದ್ದರು. ಯಾರ್ ಹೇಳಿದ್ದು ಎನ್ನುವ ಕ್ಯಾಪ್ಶನ್ ಕೊಟ್ಟಿ‌ದ್ದ ನಟಿ, ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ಪೋಸ್ಟ್ ಗಳ ಜೊತೆಗೆ ವಾಸ್ತು ಪ್ರಕಾರ ಸಿನಿಮಾದ ಒಂದೆರಡು ಸೀನ್ ಗಳನ್ನು ಕೂಡ ಸೇರಿಸಿ, ಫನ್ನಿಯಾಗಿ ವಿಡಿಯೋ ಎಡಿಟ್ ಮಾಡಿ ಹಂಚಿಕೊಂಡಿದ್ದರು. . ವಿಡೀಯೋದ ಆರಂಭದಲ್ಲಿ ಸುಧಾರಾಣಿ ಬಿಗ್ ಬಾಸ್ ಕನ್ಫರ್ಮ್ ಎನ್ನುವ ಪೋಸ್ಟ್ ಇದ್ದು, ಬಳಿಕ ನಟಿ ಯಾರ್ ಹೇಳಿದ್ದು ಎನ್ನುವ ಅವರದ್ದೇ ಡೈಲಾಗ್ ವಿಡೀಯೋ ಹಾಕಿದ್ದಾರೆ, ನಂತರ ಮತ್ತೊಂದು ವೈರಲ್ ಪೋಸ್ಟ್ ಹಾಕಿ, ಯಾವ… ಬೋ… ಎನ್ನುವ ಅರ್ಧ ಡೈಲಾಗ್ ಹಾಕಿ, ಟ್ರೋಲ್ ಪೇಜ್ ಗಳೇ ಬೆಜ್ಜಿ ಬೀಳುವಂತೆ ಟ್ರೋಲ್ ಮಾಡಿ, ಅಭಿಮಾನಿಗಳು ನಕ್ಕು ನಗುವಂತೆ ಮಾಡಿದ್ದರು.

ಸಿನಿಮಾ ಆಫರ್‌ ತಪ್ಪಿ ಹೋಗಿತ್ತು

ಇದರ ಬಗ್ಗೆ ಇದೀಗ ಮಾಧ್ಯಮವೊಂದಕ್ಕೆ ಮಾತನಾಡಿರುವ ನಟಿ, ನನಗೆ ಪ್ರತಿಸಲ ಬಿಗ್‌ಬಾಸ್‌ನಲ್ಲಿಯೂ ಇದೇ ಸಮಸ್ಯೆ ಉಂಟಾಗುತ್ತದೆ ಎನ್ನುವ ಮೂಲಕ ಈ ಫೇಕ್‌ ನ್ಯೂಸ್‌ನಿಂದ ಈ ಹಿಂದೆ ಕೆಲವು ಸಿನಿಮಾಗಳು ತಮ್ಮ ಕೈಬಿಟ್ಟ ಬಗ್ಗೆ ವಿವರಿಸಿದ್ದಾರೆ. ಮೂರ್ನಾಲ್ಕು ವರ್ಷಗಳ ಹಿಂದೆ ಇದೇ ರೀತಿ ಸುದ್ದಿಯಾಗಿತ್ತು. ಆಗ ನನಗೆ 3-4 ಒಳ್ಳೊಳ್ಳೆ ಸಿನಿಮಾ ಆಫರ್ಸ್ ಬಂದಿದ್ವು. ಕೆಲವೊಂದಕ್ಕೆ ಅಡ್ವಾನ್ಸ್‌ ಕೂಡ ಕೊಟ್ಟಿದ್ದರು.

ಆದರೆ ಅದೇ ವೇಳೆ ಬಿಗ್‌ಬಾಸ್‌ಗೆ ಹೋಗುತ್ತಿದ್ದೇನೆ ಎನ್ನುವ ಸುದ್ದಿಯನ್ನೇ ನಂಬಿದ ನಿರ್ಮಾಪಕ, ನಿರ್ದೇಶಕರು, ಪ್ರಾಜೆಕ್ಟ್‌ನಿಂದ ನನ್ನನ್ನು ಕೈಬಿಟ್ಟರು. ಒಬ್ಬರು ತಾವು ಸಿನಿಮಾ ಮಾಡ್ತಿಲ್ಲ ಎಂದು ಹೇಳಿ ಅಡ್ವಾನ್ಸ್‌ ಕೂಡ ವಾಪಸ್‌ ತೆಗೆದುಕೊಂಡರು. ಆಮೇಲೆ ಬೇರೆಯವರು ನಟಿಸಿದ್ದರು. ಇದ್ಯಾಕೆ ಆಯಿತು ಎಂದು ನನಗೆ ಶಾಕ್‌ ಆಗಿ ಆಮೇಲೆ ವಿಚಾರ ಮಾಡಿದಾಗ, ಬಿಗ್‌ಬಾಸ್‌ ಸುದ್ದಿಯನ್ನು ಅವರು ನಂಬಿದ್ದೇ ಇದಕ್ಕೆ ಕಾರಣವಾಗಿತ್ತು. ಆದ್ದರಿಂದ ನನಗೆ ಒಳ್ಳೊಳ್ಳೆ ಪ್ರಾಜೆಕ್ಟ್‌ಗಳು ಈ ಫೇಕ್‌ನ್ಯೂಸ್‌ನಿಂದ ಕೈತಪ್ಪಿದ್ದರಿಂದ ಈ ಸಲ ಹಾಗೆ ಸ್ಪಷ್ಟಪಡಿಸಿದ್ದೆ ಎಂದಿದ್ದಾರೆ.

ಕಿಚ್ಚ ಸುದೀಪ್-ಪ್ರೇಮ್ ಹೊಸ ಚಿತ್ರದ ಟೈಟಲ್ ಟೀಸರ್ ಮುಂದೂಡಿಕೆ: ಬರ್ತ್‌ಡೇ ಆಚರಣೆಗೂ 'ಪ್ರೇಮ್' ಬ್ರೇಕ್; ಕಾರಣವೇನು?

Sathish Kumar KH — Mon, 19 Oct 2026 20:05:53 +0530

ಸ್ಯಾಂಡಲ್‌ವುಡ್‌ನ ‘ಶೋಮ್ಯಾನ್’ ಎಂದೇ ಖ್ಯಾತರಾಗಿರುವ ನಿರ್ದೇಶಕ ಪ್ರೇಮ್ (Director Prem) ಹಾಗೂ ‘ಅಭಿನಯ ಚಕ್ರವರ್ತಿ’ ಕಿಚ್ಚ ಸುದೀಪ್ (Kichcha Sudeep) ಕಾಂಬಿನೇಷನ್‌ನಲ್ಲಿ ಹೊಸ ಸಿನಿಮಾವೊಂದು ಸೆಟ್ಟೇರುತ್ತಿರುವುದು ಎಲ್ಲರಿಗೂ ತಿಳಿದಿರುವ ವಿಚಾರ. ‘ದಿ ವಿಲನ್’ ಚಿತ್ರದ ಬಳಿಕ ಈ ಜೋಡಿ ಮತ್ತೊಮ್ಮೆ ಕೈಜೋಡಿಸುತ್ತಿರುವುದು ಅಭಿಮಾನಿಗಳಲ್ಲಿ ಭಾರೀ ಕುತೂಹಲ ಮೂಡಿಸಿದೆ. ಆದರೆ, ಈ ಬಹುನಿರೀಕ್ಷಿತ ಸಿನಿಮಾದ ಅಪ್‌ಡೇಟ್‌ಗಾಗಿ ಕಾಯುತ್ತಿದ್ದ ಫ್ಯಾನ್ಸ್‌ಗೆ ಚಿತ್ರತಂಡ ಸಣ್ಣ ನಿರಾಸೆ ಮೂಡಿಸಿದೆ.

ದಸರಾ ಹಬ್ಬದ ನಂತರವೇ ಕಿಚ್ಚ-ಪ್ರೇಮ್ ಧಮಾಕಾ!

ಅಕ್ಟೋಬರ್ 20 ರಂದು (ನಾಳೆ) ರಿಲೀಸ್ ಆಗಬೇಕಿದ್ದ ಸುದೀಪ್ ಮತ್ತು ಪ್ರೇಮ್ ಕಾಂಬಿನೇಷನ್‌ನ ಹೊಸ ಸಿನಿಮಾದ ಫಸ್ಟ್ ಲುಕ್ ಹಾಗೂ ಟೈಟಲ್ ಟೀಸರ್ ಅನೌನ್ಸ್‌ಮೆಂಟ್ ಕಾರಣಾಂತರಗಳಿಂದ ಮುಂದೂಡಲ್ಪಟ್ಟಿದೆ. ಈ ಕುರಿತು ನಿರ್ದೇಶಕ ಪ್ರೇಮ್ ತಮ್ಮ ಅಧಿಕೃತ ಸೋಶಿಯಲ್ ಮೀಡಿಯಾ ಖಾತೆಯಲ್ಲಿ ಸುದೀಪ್ ಅವರೊಂದಿಗಿನ ಫೋಟೋ ಹಂಚಿಕೊಂಡು ಅಧಿಕೃತ ಪ್ರಕಟಣೆ ಹೊರಡಿಸಿದ್ದಾರೆ.

'ಎಲ್ಲರಿಗೂ ನಮಸ್ಕಾರ, ಅಕ್ಟೋಬರ್ 20 ರಂದು ನಡೆಯಬೇಕಿದ್ದ PREM'S & KICHCHA SUDEEP ಫಸ್ಟ್ ಲುಕ್ ಮತ್ತು ಟೈಟಲ್ ಟೀಸರ್ ಅನೌನ್ಸ್‌ಮೆಂಟ್ ಅನ್ನು ಕಾರಣಾಂತರಗಳಿಂದ ದಸರಾ ಹಬ್ಬದ ನಂತರ ನಿಮ್ಮೆಲ್ಲರ ಮುಂದೆ ತರುತ್ತೇವೆ' ಎಂದು ಪೋಸ್ಟರ್ ಮೂಲಕ ತಿಳಿಸಿದ್ದಾರೆ. ಪೋಸ್ಟರ್‌ನಲ್ಲಿ 'A NEW WORLD, A NEW CHAPTER, A NEW BEGINNING' (ಹೊಸ ಪ್ರಪಂಚ, ಹೊಸ ಅಧ್ಯಾಯ, ಹೊಸ ಆರಂಭ) ಎಂಬ ಅಡಿಬರಹ ನೀಡಲಾಗಿದ್ದು, ಇದು ಸುದೀಪ್ ಅಭಿಮಾನಿಗಳಲ್ಲಿ ಚಿತ್ರದ ಕಥಾವಸ್ತುವಿನ ಬಗ್ಗೆ ಬೆಟ್ಟದಷ್ಟು ನಿರೀಕ್ಷೆ ಹುಟ್ಟುಹಾಕಿದೆ.

ಹುಟ್ಟುಹಬ್ಬದ ಆಚರಣೆಗೂ ಪ್ರೇಮ್ ಬ್ರೇಕ್: ಮನೆಯಲ್ಲಿ ಸಿಗಲ್ಲ 'ಜೋಗಿ'!

ಇದೇ ವೇಳೆ ಅಕ್ಟೋಬರ್ 22 ರಂದು ನಿರ್ದೇಶಕ ಪ್ರೇಮ್ ಅವರ ಜನ್ಮದಿನವಿದ್ದು, ಈ ಬಾರಿ ಬರ್ತ್‌ಡೇ ಆಚರಣೆಯಿಂದ ದೂರ ಉಳಿಯುವುದಾಗಿ ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದಾರೆ. 'ಅಲ್ಲದೆ, ನನ್ನ ಹುಟ್ಟುಹಬ್ಬದ ದಿನವಾದ ಅಕ್ಟೋಬರ್ 22 ರಂದು ನಾನು ಮನೆ ಮತ್ತು ಆಫೀಸ್‌ನಲ್ಲಿ ನಿಮ್ಮನ್ನು ಭೇಟಿಯಾಗಲು ಸಾಧ್ಯವಾಗುವುದಿಲ್ಲ. ನೀವಿದ್ದಲ್ಲೇ ನನಗೆ ಹಾಗೂ ನಮ್ಮ ಮುಂದಿನ ಚಿತ್ರಕ್ಕೆ ಆಶೀರ್ವದಿಸಿ. ನಿಮ್ಮೆಲ್ಲರ ಪ್ರೀತಿ, ವಿಶ್ವಾಸ ಮತ್ತು ಬೆಂಬಲಕ್ಕೆ ಹೃದಯಪೂರ್ವಕ ಧನ್ಯವಾದಗಳು' ಎಂದು ತಿಳಿಸಿದ್ದಾರೆ.

ಸದ್ಯ ಕಿಚ್ಚ ಸುದೀಪ್ ಅವರು 'ಬಿಲ್ಲಾ ರಂಗ ಬಾಶಾ (ಬಿಆರ್‌ಬಿ) ಹಾಗೂ ಕೃಷ್ಣದೇವರಾಯ' ಸಿನಿಮಾದಲ್ಲಿ ಬ್ಯೂಸಿಯಾಗಿದ್ದು, ಈ ಸಿನಿಮಾಗಳ ಬಿಡುಗಡೆಗೆಗೆ ಅಭಿಮಾನಿಗಳು ಎದುರು ನೋಡುತ್ತಿದ್ದಾರೆ. ಇದರ ಬೆನ್ನಲ್ಲೇ ಪ್ರೇಮ್ ನಿರ್ದೇಶನದ ಸಿನಿಮಾದ ಶೂಟಿಂಗ್ ಆರಂಭವಾಗುವ ಸಾಧ್ಯತೆಯಿದೆ. ದಸರಾ ಹಬ್ಬ ಮುಗಿದ ಕೂಡಲೇ ಈ ಚಿತ್ರದ ಟೈಟಲ್ ಹಾಗೂ ಫಸ್ಟ್ ಲುಕ್ ಅದ್ದೂರಿಯಾಗಿ ಅನಾವರಣಗೊಳ್ಳಲಿದೆ.

EX LOVER: ಗುಂಡಿನ ದಾಳಿ ಬೆನ್ನಲ್ಲೇ ಟೈಗರ್ ಶ್ರಾಫ್ ಮನೆಗೆ ಓಡೋಡಿ ಬಂದ ಮಾಜಿ ಲವರ್ ದಿಶಾ ಪಟಾನಿ ಮಾಡಿದ್ದೇನು?

Shriram Bhat — Mon, 19 Oct 2026 18:55:34 +0530

ಗುಂಡಿನ ದಾಳಿಯ ಬಳಿಕ ಮಾಜಿ ಪ್ರಿಯಕರ ಟೈಗರ್ ಶ್ರಾಫ್ ಮನೆಗೆ ದೌಡಾಯಿಸಿದ ದಿಶಾ ಪಟಾಣಿ!

ಬಾಲಿವುಡ್ ನಟ ಟೈಗರ್ ಶ್ರಾಫ್ (Tiger Shroff) ಅವರ ಮುಂಬೈನ ಜುಹು ನಿವಾಸದ ಸಮೀಪ ನಡೆದ ಗುಂಡಿನ ದಾಳಿ ಚಿತ್ರರಂಗದಲ್ಲಿ ಆತಂಕ ಮೂಡಿಸಿದೆ. ಈ ಘಟನೆ ತಿಳಿಯುತ್ತಿದ್ದಂತೆ ನಟಿ ದಿಶಾ (Disha Patani) ಪಟಾಣಿ ತಕ್ಷಣವೇ ಟೈಗರ್ ಅವರ ಮನೆಗೆ ಭೇಟಿ ನೀಡಿ ಸಾಂತ್ವನ ಹೇಳಿದ್ದಾರೆ ಎನ್ನಲಾಗಿದೆ. ಪಾಪರಾಜಿಗಳ ಕ್ಯಾಮೆರಾಗಳತ್ತ ಗಮನ ಹರಿಸದೆ, ಗಂಭೀರ ಮುಖಭಾವದೊಂದಿಗೆ ಮನೆಯೊಳಗೆ ತೆರಳುತ್ತಿರುವ ದಿಶಾ ಅವರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಟೈಗರ್ ಕಾರಿನ ಮೇಲೆ ಗುಂಡಿನ ದಾಳಿ

ಭಾನುವಾರ ಸಂಜೆ ಜುಹುವಿನ ಪುಷ್ಪಾ ಪಾರ್ಕ್ ಸಮೀಪದ ಫುಟ್‌ಬಾಲ್ ಕ್ಲಬ್‌ನಿಂದ ಹಿಂದಿರುಗುತ್ತಿದ್ದ ವೇಳೆ ಟೈಗರ್ ಶ್ರಾಫ್ ಅವರ ಕಾರಿನ ಮೇಲೆ ಬೈಕ್‌ನಲ್ಲಿ ಬಂದ ಮೂವರು ದುಷ್ಕರ್ಮಿಗಳು ಗುಂಡು ಹಾರಿಸಿದ್ದಾರೆ ಎಂದು ವರದಿಯಾಗಿದೆ. ಈ ಘಟನೆಯಲ್ಲಿ ಟೈಗರ್ ಯಾವುದೇ ಗುಂಡೇಟಿನ ಗಾಯಗಳಿಲ್ಲದೆ ಪಾರಾಗಿದ್ದಾರೆ. ಆದರೆ, ಅವರ ಚಾಲಕ ಗಾಯಗೊಂಡಿದ್ದು, ಮತ್ತೊಬ್ಬ ಆಟೋರಿಕ್ಷಾ ಚಾಲಕನಿಗೂ ಗಾಯಗಳಾಗಿವೆ ಎನ್ನಲಾಗಿದೆ.

ಚಾಲಕನಿಗೆ ಗಾಯವಾದ ತಕ್ಷಣ ಟೈಗರ್ ಸ್ವತಃ ಕಾರಿನ ಸ್ಟೀರಿಂಗ್ ಹಿಡಿದು ನಾನಾವತಿ ಆಸ್ಪತ್ರೆಗೆ ಕರೆದೊಯ್ದರು ಎಂಬ ವರದಿಗಳು ಈ ಹಿಂದೆ ಗಮನ ಸೆಳೆದಿದ್ದವು. ಗಾಯಾಳುಗಳಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಮಾಜಿ ಪ್ರಿಯಕರನಿಗಾಗಿ ಬಂದ ದಿಶಾ ಪಟಾಣಿ!

ಟೈಗರ್ ಶ್ರಾಫ್ ಮತ್ತು ದಿಶಾ ಪಟಾಣಿ ಹಲವು ವರ್ಷಗಳ ಕಾಲ ಪ್ರೀತಿಯಲ್ಲಿದ್ದರು ಎಂಬುದು ಬಾಲಿವುಡ್‌ನಲ್ಲಿ ಬಹುಚರ್ಚಿತ ವಿಚಾರ. ಆದರೆ, 2022ರಲ್ಲಿ ಈ ಜೋಡಿ ಬೇರ್ಪಟ್ಟಿರುವುದಾಗಿ ವರದಿಗಳು ಪ್ರಕಟವಾಗಿದ್ದವು. ಇದೀಗ ಟೈಗರ್ ಅವರ ಮೇಲೆ ದಾಳಿ ನಡೆದ ಸುದ್ದಿ ತಿಳಿದ ಬಳಿಕ ದಿಶಾ ಅವರ ನಿವಾಸಕ್ಕೆ ಭೇಟಿ ನೀಡಿದ್ದಾರೆ ಎನ್ನಲಾದ ಬೆಳವಣಿಗೆ ಅಭಿಮಾನಿಗಳ ಗಮನ ಸೆಳೆದಿದೆ.

ದಿಶಾ ಕಾರಿನಿಂದ ಇಳಿದ ಬಳಿಕ ಪಾಪರಾಜಿಗಳ ಪ್ರಶ್ನೆಗಳಿಗೆ ಪ್ರತಿಕ್ರಿಯಿಸದೆ ನೇರವಾಗಿ ಮನೆಯೊಳಗೆ ತೆರಳಿರುವ ದೃಶ್ಯ ಚರ್ಚೆಗೆ ಕಾರಣವಾಗಿದೆ. ಮಾಜಿ ಪ್ರಿಯಕರನ ಕಷ್ಟದ ಸಮಯದಲ್ಲಿ ದಿಶಾ ಭೇಟಿ ನೀಡಿರುವುದು ಅವರ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.

ತನಿಖೆ ಚುರುಕುಗೊಳಿಸಿದ ಮುಂಬೈ ಪೊಲೀಸರು

ಘಟನೆಯ ಬಳಿಕ ಮಹಾರಾಷ್ಟ್ರ ಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್ ಮತ್ತು ಉಪಮುಖ್ಯಮಂತ್ರಿ ಏಕನಾಥ್ ಶಿಂಧೆ ಅವರು ಟೈಗರ್ ಅವರ ಯೋಗಕ್ಷೇಮ ವಿಚಾರಿಸಿದ್ದಾರೆ ಎನ್ನಲಾಗಿದೆ. ಆರೋಪಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.

ಇದೇ ವೇಳೆ, ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್‌ಗೆ ಸಂಬಂಧ ಹೊಂದಿರುವುದಾಗಿ ಹೇಳಿಕೊಳ್ಳುವ ಕೆಲವರು ಸಾಮಾಜಿಕ ಜಾಲತಾಣಗಳಲ್ಲಿ ದಾಳಿಯ ಹೊಣೆ ಹೊತ್ತಿದ್ದಾರೆ ಎನ್ನಲಾಗಿದೆ. ಅನಿಲ್ ಪಂಡಿತ್ ಮತ್ತು ಹರ್ಮನ್ ಸಂಧು ಅವರ ಹೆಸರുകളും ವರದಿಗಳಲ್ಲಿ ಪ್ರಸ್ತಾಪವಾಗಿವೆ. ಆದರೆ, ದಾಳಿಯ ಹಿಂದಿನ ನಿಖರ ಕಾರಣ ಹಾಗೂ ಆರೋಪಿಗಳ ಪಾತ್ರವನ್ನು ಪೊಲೀಸರು ತನಿಖೆಯ ಮೂಲಕ ದೃಢಪಡಿಸಬೇಕಿದೆ.

ಗುಂಡಿನ ದಾಳಿಯ ಬಳಿಕ ಟೈಗರ್ ಅವರ ಸುರಕ್ಷತೆ ಬಗ್ಗೆ ಅಭಿಮಾನಿಗಳು ಆತಂಕ ವ್ಯಕ್ತಪಡಿಸುತ್ತಿರುವ ನಡುವೆ, ದಿಶಾ ಪಟಾಣಿ ಅವರ ಭೇಟಿ ಈಗ ಬಾಲಿವುಡ್‌ನ ಪ್ರಮುಖ ಚರ್ಚೆಯ ವಿಷಯವಾಗಿದೆ.

Tiger Shroff: 250 ಕೋಟಿ ಒಡೆಯ ಟೈಗರ್ ಮುಗಿಸಲು ಕೊಟ್ಟ ಸುಪಾರಿ ಎಷ್ಟು? ಶ್ರಾಫ್‌ ಬೆಲೆ ಇಷ್ಟೇನಾ?

Bhimasi M Koleppanavar — Mon, 19 Oct 2026 18:42:19 +0530

ಮುಂಬೈನಲ್ಲಿ ಹಿಂದಿ ಚಲನಚಿತ್ರ ನಟ ಟೈಗರ್ ಶ್ರಾಫ್ ಅವರ ಮೇಲೆ ಸುಮಾರು 7 ಸುತ್ತಿನ ಗುಂಡಿನ ದಾಳಿಯನ್ನು ನಿನ್ನೆ ನಡೆಸಲಾಗಿತ್ತು. ಈ ಪ್ರಕರಣದಲ್ಲಿ ಪೊಲೀಸರು ಪ್ರಗತಿ ಸಾಧಿಸಿದ್ದಾರೆ. ಸೋಮವಾರ ರಾಜಸ್ಥಾನದ ಕೋಟಾದಲ್ಲಿ ರೈಲಿನಲ್ಲಿ ಶೋಧ ನಡೆಸುತ್ತಿದ್ದಾಗ ಮೂವರು ಶಂಕಿತರನ್ನು ಬಂಧಿಸಲಾಗಿದೆ. ಇದೀಗ ಮೂವರೂ ಟೈಗರ್ ಶ್ರಾಫ್ ಮೇಲಿನ ದಾಳಿಯಲ್ಲಿ ಭಾಗಿಯಾಗಿದ್ದರು. ಈಗ ಟೈಗರ್‍‌ ಮೇಲೆ ದಾಳಿ ಮಾಡಲು ಆರೋಪಿಗಳು ಪಡೆದ ಸುಪಾರಿ ಎಷ್ಟು ಎನ್ನುವುದು ಇದೀಗ ಬಹಿರಂಗಗೊಂಡಿದೆ. ಈ ಕುರಿತು ಕಂಪ್ಲೀಟ್‌ ಸ್ಟೋರಿ ಇಲ್ಲಿದೆ.

ಪೊಲೀಸರು ಹೇಳಿದ್ದೇನು?

ಪ್ರಾಥಮಿಕ ಮಾಹಿತಿಯ ಪ್ರಕಾರ, ಅಪರಾಧಕ್ಕಾಗಿ ಈ ಮೂವರಿಗೆ ಒಟ್ಟು 50,000 ರೂಪಾಯಿಗಳನ್ನು ಮುಂಗಡವಾಗಿ ನೀಡಲಾಗಿದೆ. ಗಣನೀಯ ಮೊತ್ತದ ಹಣ ಮತ್ತು ವಿದೇಶಿ ವಸಾಹತು ಭರವಸೆಯೊಂದಿಗೆ ಅವರಿಗೆ ದಾಳಿ ಮಾಡುವಂತೆ ಸೂಚನೆ ನೀಡಲಾಗಿದೆ. ದಾಳಿಯನ್ನು ಯಾರು ಆಯೋಜಿಸಿದರು, ಪ್ರತಿಯೊಬ್ಬ ಆರೋಪಿಯ ಪಾತ್ರ ಮತ್ತು ಗುಂಡಿನ ದಾಳಿಯಲ್ಲಿ ಬಳಸಲಾದ ಆಯುಧಗಳ ಎಲ್ಲಿದೆ ಎಂಬುದರ ಕುರಿತು ಇದೀಗ ಪೊಲೀಸರು ಈಗ ತನಿಖೆ ಮೂಲಕ ಪತ್ತೆ ಹಚ್ಚಲು ಮುಂದಾಗಿದ್ದಾರೆ.

15 ನಿಮಿಷದಲ್ಲಿ ಇಡೀ ರೈಲಿನ ಶೋಧ!

15 ನಿಮಿಷಗಳಲ್ಲಿ ಇಡೀ ರೈಲನ್ನು ಶೋಧಿಸಲಾಗಿದೆ, ಕೋಟಾದಲ್ಲಿ ಮೂವರು ಶಂಕಿತರು ಸೆರೆಹಿಡಿಯಲ್ಪಟ್ಟಿದ್ದಾರೆ. ಕೋಟಾ ಪೊಲೀಸ್ ವರಿಷ್ಠಾಧಿಕಾರಿ ತೇಜಸ್ವಿನಿ ಗೌತಮ್ ಪ್ರಕಾರ, ಸೋಮವಾರ ಬೆಳಗ್ಗೆ ಮುಂಬೈ ಪೊಲೀಸರ ಡಿಸಿಪಿ ಕ್ರೈಮ್ ನಿಂದ ಟೈಗರ್ ಶ್ರಾಫ್ ಅವರ ಕಾರಿನ ಮೇಲೆ ನಡೆದ ಗುಂಡಿನ ದಾಳಿಯ ನಡೆಸಿದ್ದಾರೆ ಎನ್ನಲಾದ ಮೂವರು ಪ್ರಮುಖ ಶಂಕಿತರು ಪುಣೆ-ಜೈಪುರ ಎಕ್ಸ್‌ಪ್ರೆಸ್‌ನಲ್ಲಿ ಪ್ರಯಾಣಿಸುತ್ತಿದ್ದರು, ಅಲ್ಲದೇ ಕೋಟಾಕ್ಕೆ ಆಗಮಿಸಲಿದ್ದಾರೆ ಎಂಬ ಮಾಹಿತಿ ಬಂದಿತು. ಮಾಹಿತಿ ಪಡೆದ ನಂತರ, ಕೋಟಾ ನಗರ ಪೊಲೀಸ್ ತಂಡವು ಕಾರ್ಯಪ್ರವೃತ್ತವಾಗಿ, ಕೇವಲ 15 ನಿಮಿಷಗಳಲ್ಲಿ ರೈಲನ್ನು ಶೋಧಿಸಿ ಮೂವರನ್ನು ಬಂಧಿಸಲಾಯಿತು.

ಪೊಲೀಸರು ಹೇಳುವುದೇನು?

ಪೊಲೀಸರ ಪ್ರಕಾರ, ರೈಲು ಬೆಳಿಗ್ಗೆ 10:30 ರ ಸುಮಾರಿಗೆ ಕೋಟಾ ಜಂಕ್ಷನ್‌ಗೆ ಬಂದಿತು. ಮೂವರು ಸಾಮಾನ್ಯ ಕೋಚ್‌ನಲ್ಲಿ ಪ್ರಯಾಣಿಸುತ್ತಿದ್ದರು. ತನಿಖಾ ಸಂಸ್ಥೆಗಳು ಅವರು ಮೊದಲು ಜೈಪುರ ತಲುಪಿ ನಂತರ ಬಸ್‌ನಲ್ಲಿ ದೆಹಲಿಗೆ ಪ್ರಯಾಣಿಸಲು ಯೋಜಿಸುತ್ತಿದ್ದರು ಎಂದು ಶಂಕಿಸಿದ್ದಾರೆ. ನಂತರ ಅವರು ನೇಪಾಳಕ್ಕೆ ಪಲಾಯನ ಮಾಡುವ ಉದ್ದೇಶ ಹೊಂದಿದ್ದರು ಎಂದು ತಿಳಿದುಬಂದಿದೆ. ಗುಂಡಿನ ದಾಳಿ ಪ್ರಕರಣದ ಮುಖ್ಯ ತನಿಖೆಯನ್ನು ಮುಂಬೈ ಪೊಲೀಸರು ನಡೆಸುತ್ತಿರುವುದರಿಂದ, ಹೆಚ್ಚಿನ ತನಿಖೆಗಾಗಿ ಮೂವರನ್ನೂ ಮುಂಬೈ ಪೊಲೀಸರಿಗೆ ಹಸ್ತಾಂತರಿಸಲಾಗುವುದು ಎಂದು ತೇಜಸ್ವಿನಿ ಗೌತಮ್ ಹೇಳಿದ್ದಾರೆ.

ಸಿಕ್ಕಿಬಿದ್ದ ಮೂವರು ಶಂಕಿತರು ಯಾರು?

ಪೊಲೀಸರ ಪ್ರಕಾರ, ಬಂಧಿತ ಶಂಕಿತರನ್ನು ಹರಿಯಾಣದ ಸೋನಿಪತ್ ನಿವಾಸಿ ರೆಹಾನ್ ಅಲಿಯಾಸ್ ಸುಕ್ಕಾ, ಬಿಹಾರದ ಬೇಗುಸರಾಯ್ ಮೂಲದ ಮತ್ತು ಮುಂಬೈ ಮೂಲದ ಹೃತಿಕ್ ಕುರ್ಮಿ ಅಲಿಯಾಸ್ ರೋಷನ್ ಎಂದು ಗುರುತಿಸಲಾಗಿದೆ. ಅದರಲ್ಲಿ ಒಬ್ಬ ಅಪ್ರಾಪ್ತ ವಯಸ್ಕನ ಗುರುತನ್ನು ಬಿಡುಗಡೆ ಮಾಡಲಾಗಿಲ್ಲ. ಪೊಲೀಸ್ ವರಿಷ್ಠಾಧಿಕಾರಿಯ ಪ್ರಕಾರ, ಹೃತಿಕ್ ರಾಪಿಡೋ ಚಾಲಕನಾಗಿದ್ದರೆ, ಉಳಿದ ಇಬ್ಬರು ಕಾರ್ಮಿಕರು. ಮೂವರು ಆರೋಪಿಗಳಲ್ಲಿ ಇಬ್ಬರ ವಿರುದ್ಧ ಶಸ್ತ್ರಾಸ್ತ್ರ ಕಾಯ್ದೆ ಮತ್ತು ಬೈಕ್ ಕಳ್ಳತನದ ಅಡಿಯಲ್ಲಿ ಪ್ರಕರಣಗಳು ದಾಖಲಾಗಿವೆ ಎಂದು ಪ್ರಾಥಮಿಕ ಮಾಹಿತಿಯಿಂದ ತಿಳಿದುಬಂದಿದೆ. ಅಲ್ಲದೇ ಅವರ ಕ್ರಿಮಿನಲ್ ದಾಖಲೆ ಮತ್ತು ಗುಂಡಿನ ದಾಳಿಯಲ್ಲಿ ಅವರ ಪಾತ್ರಗಳ ಬಗ್ಗೆ ಸಂಪೂರ್ಣ ವಿವರಗಳನ್ನು ವಿಚಾರಣೆಯ ನಂತರ ಬಹಿರಂಗಪಡಿಸಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ.

ಸುಪಾರಿ ಎಷ್ಟು ನೀಡಿದ್ದರು?

ಈ ಪ್ರಕರಣದಲ್ಲಿ ಗ್ಯಾಂಗ್‌ಸ್ಟರ್ ಅನಿಲ್ ಪಂಡಿತ್ ಹೆಸರು ಕೂಡ ಬೆಳಕಿಗೆ ಬಂದಿದೆ. ಕೋಟಾ ಪೊಲೀಸರ ಪ್ರಕಾರ, ಆರಂಭಿಕ ತನಿಖೆಯಲ್ಲಿ ಅನಿಲ್ ಪಂಡಿತ್ ರೆಹಾನ್ ಜೊತೆ ಸಂಪರ್ಕದಲ್ಲಿದ್ದರು ಎಂದು ತಿಳಿದುಬಂದಿದೆ. ಟೈಗರ್ ಶ್ರಾಫ್ ಮೇಲೆ ದಾಳಿ ಮಾಡಲು ರೆಹಾನ್‌ಗೆ ಸೂಚನೆ ನೀಡಲಾಗಿತ್ತು ಎಂದು ಪೊಲೀಸರು ಹೇಳಿಕೊಂಡಿದ್ದಾರೆ. ತೇಜಸ್ವಿನಿ ಗೌತಮ್ ಅವರ ಪ್ರಕಾರ, ಆರೋಪಿಗಳಿಗೆ ಗಣನೀಯ ಮೊತ್ತದ ಹಣ ಮತ್ತು ವಿದೇಶದಲ್ಲಿ ನೆಲೆಸುವ ಭರವಸೆ ನೀಡಿ ಆಮಿಷ ಒಡ್ಡಲಾಗಿತ್ತು. ಮೂವರು ಸೇರಿ ಒಟ್ಟು 50,000 ರೂಪಾಯಿಗಳನ್ನು ಪಡೆದಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಹಣವನ್ನು ಯಾರು ಒದಗಿಸಿದರು, ದಾಳಿಯನ್ನು ಯಾರು ನಿರ್ದೇಶಿಸಿದರು ಮತ್ತು ಇತರರು ಪಿತೂರಿಯಲ್ಲಿ ಭಾಗಿಯಾಗಿದ್ದಾರೆಯೇ ಎಂದು ಕಂಡುಹಿಡಿಯಲು ಪೊಲೀಸರು ಈಗ ಪ್ರಯತ್ನಿಸುತ್ತಿದ್ದಾರೆ.

ಪತಿ ವಿಜಯ್ ಬಾಲ್ಯದ ನೆನಪುಗಳ ಜಗತ್ತಿಗೆ ಕಾಲಿಟ್ಟ ರಶ್ಮಿಕಾ: ಪುಟ್ಟಪರ್ತಿಯಲ್ಲಿ ಏನಾಯ್ತು?

Govindaraj S — Mon, 19 Oct 2026 18:40:02 +0530

ಟಾಲಿವುಡ್‌ನ ಮುದ್ದಾದ ಜೋಡಿ ವಿಜಯ್ ದೇವರಕೊಂಡ ಹಾಗೂ ರಶ್ಮಿಕಾ ಮಂದಣ್ಣ ಇದೀಗ ತಮ್ಮ ವೈಯಕ್ತಿಕ ಕ್ಷಣಗಳಿಂದ ಸುದ್ದಿಯಲ್ಲಿದ್ದಾರೆ. ಮದುವೆಯ ಬಳಿಕ ಮೊದಲ ಬಾರಿಗೆ ಜೊತೆಯಾಗಿ ನಟಿಸಿರುವ ‘ರಣಬಾಲಿ’ ಸಿನಿಮಾ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿರುವ ಬೆನ್ನಲ್ಲೇ, ಈ ಜೋಡಿ ಆಧ್ಯಾತ್ಮಿಕ ಕ್ಷೇತ್ರವಾದ ಪುಟ್ಟಪರ್ತಿಗೆ ಭೇಟಿ ನೀಡಿದೆ. ವಿಶೇಷವೆಂದರೆ, ವಿಜಯ್ ದೇವರಕೊಂಡ ಓದಿದ ಶಾಲೆ, ತರಗತಿ ಕೊಠಡಿಗಳು ಹಾಗೂ ಹಾಸ್ಟೆಲ್‌ಗಳನ್ನು ಕಣ್ಣಾರೆ ಕಂಡ ರಶ್ಮಿಕಾ ಭಾವುಕರಾಗಿದ್ದಾರೆ. ಅಲ್ಲಿನ ವಾತಾವರಣ ತಮ್ಮ ಮನಸ್ಸಿಗೆ ಅಪಾರ ನೆಮ್ಮದಿ ನೀಡಿದೆ ಎಂದು ಹೇಳಿಕೊಂಡಿದ್ದಾರೆ. ಇದೀಗ ರಶ್ಮಿಕಾ ಹಂಚಿಕೊಂಡಿರುವ ಈ ಭಾವನಾತ್ಮಕ ಪೋಸ್ಟ್ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.

ವಿಜಯ್ ಬಾಲ್ಯದ ದಿನಗಳನ್ನು ಕಣ್ಣಾರೆ ಕಂಡ ರಶ್ಮಿಕಾ!

ವಿಜಯ್ ದೇವರಕೊಂಡ ಹಾಗೂ ರಶ್ಮಿಕಾ ಮಂದಣ್ಣ ಅಭಿನಯದ ‘ರಣಬಾಲಿ’ ಸಿನಿಮಾ ಬಿಡುಗಡೆಯಾದ ಬಳಿಕ ಈ ಜೋಡಿಯ ಬಗ್ಗೆ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಾಗಿದೆ. ಸಿನಿಮಾಗೆ ಸಿಗುತ್ತಿರುವ ಪ್ರತಿಕ್ರಿಯೆಯ ನಡುವೆಯೇ, ವಿಜಯ್ ಜೀವನದ ಪ್ರಮುಖ ಭಾಗವಾಗಿರುವ ಪುಟ್ಟಪರ್ತಿಗೆ ರಶ್ಮಿಕಾ ಭೇಟಿ ನೀಡಿರುವುದು ವಿಶೇಷವಾಗಿದೆ.

ವಿಜಯ್ ಬಾಲ್ಯದಲ್ಲಿ ಹೇಗೆ ಬೆಳೆದರು? ಅವರ ಶಾಲಾ ದಿನಗಳು ಹೇಗಿದ್ದವು? ಸ್ನೇಹಿತರೊಂದಿಗೆ ಕಳೆದ ಸಮಯ ಹೇಗಿತ್ತು? ಎಂಬ ವಿಚಾರಗಳನ್ನು ರಶ್ಮಿಕಾ ಈ ಹಿಂದೆ ಹಲವು ಬಾರಿ ಕಥೆಗಳ ಮೂಲಕ ಕೇಳಿದ್ದರಂತೆ. ವಿಜಯ್ ಸ್ನೇಹಿತರೆಲ್ಲರೂ ಪುಟ್ಟಪರ್ತಿಯಲ್ಲಿ ಓದಿದವರಾಗಿದ್ದು, ಅವರ ಮೂಲಕ ಆ ಸ್ಥಳದ ಬಗ್ಗೆ ಸಾಕಷ್ಟು ವಿಚಾರಗಳನ್ನು ತಿಳಿದುಕೊಂಡಿದ್ದರು. ವಿಜಯ್ ಸ್ನೇಹಿತರನ್ನು ತಾನು ಪ್ರೀತಿಯಿಂದ ‘ಪರ್ತಿ ಬಾಯ್ಸ್’ ಮತ್ತು ‘ಪರ್ತಿ ಗರ್ಲ್ಸ್’ ಎಂದು ಕರೆಯುವುದಾಗಿಯೂ ರಶ್ಮಿಕಾ ತಮ್ಮ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ. ಇಷ್ಟು ವರ್ಷಗಳಿಂದ ಕೇಳುತ್ತಿದ್ದ ಆ ಸ್ಥಳವನ್ನು ಕೊನೆಗೂ ಸ್ವತಃ ನೋಡಲು ಅವಕಾಶ ಸಿಕ್ಕಿದ್ದಕ್ಕೆ ರಶ್ಮಿಕಾ ಸಂತಸ ವ್ಯಕ್ತಪಡಿಸಿದ್ದಾರೆ.

ಶಾಲೆ, ತರಗತಿ ಕೊಠಡಿ, ಹಾಸ್ಟೆಲ್‌ಗಳಿಗೆ ಭೇಟಿ!

ವಿಜಯ್ ದೇವರಕೊಂಡ ಜೊತೆ ಪುಟ್ಟಪರ್ತಿಗೆ ತೆರಳಿದ ರಶ್ಮಿಕಾ, ಅವರು ಓದಿದ ಶಾಲೆ, ತರಗತಿ ಕೊಠಡಿಗಳು ಹಾಗೂ ಹಾಸ್ಟೆಲ್‌ಗಳನ್ನು ವೀಕ್ಷಿಸಿದ್ದಾರೆ. ಅಲ್ಲಿನ ವಾತಾವರಣ ಮತ್ತು ಅಲ್ಲಿನ ಜನರನ್ನು ಭೇಟಿಯಾದ ಅನುಭವ ತಮ್ಮ ಮನಸ್ಸಿನಲ್ಲಿ ವಿಶೇಷ ಭಾವನೆ ಮೂಡಿಸಿದೆ ಎಂದು ಅವರು ಹೇಳಿಕೊಂಡಿದ್ದಾರೆ. ಅಲ್ಲದೆ, ಅಲ್ಲಿನ ಹಲವಾರು ಅದ್ಭುತ ವ್ಯಕ್ತಿಗಳನ್ನು ಭೇಟಿಯಾಗುವ ಅವಕಾಶ ಸಿಕ್ಕಿದ್ದು, ವಿಶೇಷವಾಗಿ ‘ಹೆಡ್‌ಮಾಸ್ಟರ್ ಆಂಟಿ’ ಅವರನ್ನು ಭೇಟಿಯಾಗಿದ್ದು ಸಂತಸ ತಂದಿದೆ ಎಂದು ರಶ್ಮಿಕಾ ಹಂಚಿಕೊಂಡಿದ್ದಾರೆ.

ಆ ಸ್ಥಳದಲ್ಲಿ ಇದ್ದಾಗ ತಮ್ಮ ಮನಸ್ಸಿಗೆ ಸಿಕ್ಕ ನೆಮ್ಮದಿಯನ್ನು ಪದಗಳಲ್ಲಿ ವಿವರಿಸಲು ಸಾಧ್ಯವಿಲ್ಲ ಎಂಬುದು ಅವರ ಮಾತು. ಪುಟ್ಟ ಮಕ್ಕಳು ಭಕ್ತಿಭಾವದಿಂದ ವೇದಗಳನ್ನು ಪಠಿಸುತ್ತಾ, ಭಜನೆಗಳನ್ನು ಹಾಡುತ್ತಿದ್ದ ದೃಶ್ಯ ತಮ್ಮ ಮನಸ್ಸನ್ನು ಆಳವಾಗಿ ಸ್ಪರ್ಶಿಸಿತು ಎಂದು ನಟಿ ಭಾವುಕರಾಗಿದ್ದಾರೆ.

ವಿಜಯ್, ಆನಂದ್ ಅವರಲ್ಲಿರುವ ಒಳ್ಳೆಯ ಗುಣಗಳ ಹಿಂದಿನ ರಹಸ್ಯ ಇದೇನಾ?

ವಿಜಯ್ ದೇವರಕೊಂಡ ಹಾಗೂ ಅವರ ಸಹೋದರ ಆನಂದ್ ದೇವರಕೊಂಡ ಅವರಲ್ಲಿ ಕಾಣಿಸುವ ಪ್ರೀತಿ, ದಯೆ ಮತ್ತು ಮಾನವೀಯ ಗುಣಗಳನ್ನು ಕಂಡು ತಾನು ಯಾವಾಗಲೂ ಅಚ್ಚರಿಪಡುತ್ತಿದ್ದೆ ಎಂದು ರಶ್ಮಿಕಾ ಹೇಳಿದ್ದಾರೆ. ಆದರೆ, ಪುಟ್ಟಪರ್ತಿಗೆ ಭೇಟಿ ನೀಡಿದ ಬಳಿಕ ಈ ಗುಣಗಳು ಅವರಲ್ಲಿ ಹೇಗೆ ಬೆಳೆದವು ಎಂಬುದರ ಬಗ್ಗೆ ತನಗೆ ಇನ್ನಷ್ಟು ಸ್ಪಷ್ಟತೆ ಸಿಕ್ಕಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಮಕ್ಕಳು ಬೆಳೆಯುವ ಪರಿಸರ, ಪೋಷಕರು ನೀಡುವ ಸಂಸ್ಕಾರ ಮತ್ತು ಶಿಕ್ಷಕರು ಕಲಿಸುವ ಮೌಲ್ಯಗಳು ಅವರ ವ್ಯಕ್ತಿತ್ವ ರೂಪಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ ಎಂಬುದನ್ನು ರಶ್ಮಿಕಾ ತಮ್ಮ ಪೋಸ್ಟ್‌ನಲ್ಲಿ ಉಲ್ಲೇಖಿಸಿದ್ದಾರೆ. ವಿಜಯ್ ಅವರ ಬಾಲ್ಯದ ನೆನಪುಗಳಿಗೆ ಸಂಬಂಧಿಸಿದ ಸ್ಥಳವನ್ನು ಕಣ್ಣಾರೆ ಕಂಡ ಬಳಿಕ, ಅವರ ವ್ಯಕ್ತಿತ್ವವನ್ನು ಇನ್ನಷ್ಟು ಆಳವಾಗಿ ಅರ್ಥಮಾಡಿಕೊಳ್ಳಲು ಸಾಧ್ಯವಾಯಿತು ಎಂಬ ಭಾವನೆ ರಶ್ಮಿಕಾ ಮಾತುಗಳಲ್ಲಿ ವ್ಯಕ್ತವಾಗಿದೆ.

‘ಇದೇ ಸರಿಯಾದ ಸಮಯವೆಂದು ಸ್ವಾಮಿಯೇ ನಿರ್ಧರಿಸಿರಬಹುದು!’

ತಮ್ಮ ಪುಟ್ಟಪರ್ತಿ ಭೇಟಿಯ ಅನುಭವವನ್ನು ಹಂಚಿಕೊಳ್ಳುವಾಗ ರಶ್ಮಿಕಾ ಆಧ್ಯಾತ್ಮಿಕ ಭಾವನೆಯನ್ನೂ ವ್ಯಕ್ತಪಡಿಸಿದ್ದಾರೆ. ಜೀವನದ ಈ ಹಂತದಲ್ಲಿಯೇ ಪುಟ್ಟಪರ್ತಿಗೆ ಭೇಟಿ ನೀಡಬೇಕೆಂದು ಸ್ವಾಮಿಯೇ ಬಯಸಿದ್ದಿರಬಹುದು; ಅದಕ್ಕಾಗಿಯೇ ಈ ಪ್ರಯಾಣಕ್ಕೆ ಈಗ ಸರಿಯಾದ ಸಮಯ ಒದಗಿಬಂದಿರಬಹುದು ಎಂದು ಅವರು ಬರೆದುಕೊಂಡಿದ್ದಾರೆ. ನಮಗೆ ಪ್ರಿಯವಾದ ವ್ಯಕ್ತಿಗಳು ಎಲ್ಲಿಂದ ಬಂದಿದ್ದಾರೆ, ಯಾವ ವಾತಾವರಣದಲ್ಲಿ ಬೆಳೆದಿದ್ದಾರೆ ಎಂಬುದನ್ನು ತಿಳಿದುಕೊಂಡಾಗ ಅವರನ್ನು ಇನ್ನಷ್ಟು ಆಳವಾಗಿ ಅರ್ಥಮಾಡಿಕೊಳ್ಳಲು ಸಾಧ್ಯವಾಗುತ್ತದೆ ಎಂಬುದು ರಶ್ಮಿಕಾ ಅಭಿಪ್ರಾಯ.

ಇನ್ನು ವಿಜಯ್ ದೇವರಕೊಂಡ ಅವರ ಬಾಲ್ಯದ ನೆನಪುಗಳೊಂದಿಗೆ ಬೆಸೆದುಕೊಂಡಿರುವ ಪುಟ್ಟಪರ್ತಿ ಭೇಟಿಯು ರಶ್ಮಿಕಾಗೆ ಕೇವಲ ಪ್ರವಾಸವಾಗಿರಲಿಲ್ಲ. ಅದು ಭಾವನಾತ್ಮಕ ಹಾಗೂ ಆಧ್ಯಾತ್ಮಿಕ ಅನುಭವವೂ ಆಗಿತ್ತು. ನಟಿ ಹಂಚಿಕೊಂಡಿರುವ ಈ ಪೋಸ್ಟ್ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದ್ದು, ಅಭಿಮಾನಿಗಳು ಈ ಜೋಡಿಯ ಮೇಲೆ ಪ್ರೀತಿ ವ್ಯಕ್ತಪಡಿಸುತ್ತಿದ್ದಾರೆ.

ಪತಿ ನಿಧನದ ಎರಡು ತಿಂಗಳ ಬಳಿಕ ಶೂಟಿಂಗ್‌ಗೆ ಮರಳಿದ ಹಿರಿಯ ನಟಿ ಭಾವುಕ, ಸೆಟ್‌ನಲ್ಲೇ ಕಣ್ಣೀರು

Chethan Kumar — Mon, 19 Oct 2026 18:24:49 +0530

ಮುಂಬೈ (ಅ.19) ಪತಿ ನಿಧನದಿಂದ ತೀವ್ರ ನೋವಿನಲ್ಲಿದ್ದ ಹಿರಿಯ ನಟಿ ಅರುಣಾ ಇರಾನಿ ಎರಡು ತಿಂಗಳ ಬಳಿಕ ಶೂಟಿಂಗ್‌ಗ ಮರಳಿದ್ದಾರೆ. ಬಾಲಿವುಡ್ ನಿರ್ದೇಶಕ ಹಾಗೂ ಬರಹಗಾರ ಕುಕು ಕೊಹ್ಲಿ ಇತ್ತೀಚೆಗೆ ಹೃದಯಾಘಾತದಿಂದ ನಿಧನರಾಗಿದ್ದರು. ಪತಿ ನಿಧನದಿಂದ ತೀವ್ರ ಆಘಾತಕ್ಕೊಳಗಾಗಿದ್ದ ಪತ್ನಿ ಹಾಗೂ ನಟಿ ಅರುಣಾ ಇರಾನಿ ಇದೀಗ ಎರಡು ತಿಂಗಳ ಬಳಿಕ ಶೂಟಿಂಗ್‌ಗೆ ಮರಳಿದ್ದಾರೆ. ಶೂಟಿಂಗ್ ಸೆಟ್‌ನಲ್ಲಿ ಅರುಣಾ ಇರಾನಿ ಭಾವುಕರಾಗಿದ್ದಾರೆ. ಪತಿಯನ್ನು ನೆನೆದು ಹಾಗೂ ಸಂಕಷ್ಟದ ಸಂದರ್ಭದಲ್ಲಿ ಬೆಂಬಲಕ್ಕೆ ನಿಂತ ಅಭಿಮಾನಗಳ ನಡೆಗೆ ಅರುಣಾ ಇರಾನಿ ಭಾವುಕರಾಗಿದ್ದಾರೆ.

ಆಗಸ್ಟ್ 25ರಂದು ಕುಕು ಕೊಹ್ಲಿ ಹೃದಯಾಘಾತದಿಂದ ನಿಧನರಾಗಿದ್ದರು. 77ರ ಹರೆಯದ ಕುಕು ಕೊಹ್ಲಿ ನಿಧನಕ್ಕೆ ಬಾಲಿವುಡ್ ದಿಗ್ಗಜರು, ಸೆಲೆಬ್ರೆಟಿಗಳು ಸೇರಿದಂತೆ ಅಪಾರ ಅಭಿಮಾನಿಗಳು ಸಂತಾಪ ಸೂಚಿಸಿದ್ದರು. ಕಳೆದೆರಡು ತಿಂಗಳಿನಿಂದ ಶೂಟಿಂಗ್‌ಗಳಿಂದ ದೂರ ಉಳಿದಿದ್ದ ಕುಕು ಕೊಹ್ಲಿ ಪತ್ನಿ ಅರುಣಾ ಇರಾನಿ ಇದೀಗ ನಿಧಾನವಾಗಿ ಚೇತರಿಸಿಕೊಂಡಿದ್ದಾರೆ. 2 ತಿಂಗಳ ಬಳಿಕ ಶೂಟಿಂಗ್ ಸೆಟ್‌ಗೆ ಮರಳಿದ್ದಾರೆ. ಶೂಟಿಂಗ್ ಸೆಟ್‌ನಲ್ಲಿ ವಿಡಿಯೋ ಮೂಲಕ ಮಾತನಾಡಿದ್ದಾರೆ. ಈ ವೇಳೆ ಭಾವುಕರಾಗಿದ್ದಾರೆ.

ಅರುಣಾ ಇರಾನಿ ಭಾವುಕ ಮಾತು

ಕುಕು ನಿಧನರಾದಾಗ ನೀವು ತೋರಿದ ಪ್ರೀತಿ, ನೆರವು, ಧೈರ್ಯಕ್ಕೆ ನಾನು ಆಭಾರಿಯಾಗಿದ್ದೇನೆ. ಜೀವನ ಪಯಣ ಆರಂಭಿಸಿ ಜೊತೆಯಾಗಿದ್ದ ಪತಿ ನಿಧನ ನನ್ನನ್ನು ತೀವ್ರ ಆಘಾತಕ್ಕೆ ತಳ್ಳಿತ್ತು. ನೋವಿನಿಂದ ನರಳಿದ್ದೆ. ಸಂಕಷ್ಟದ ಸಮಯದಲ್ಲಿ ನೀವೆಲ್ಲರು ನನ್ನ ಜೊತೆ ನಿಂತು ಧೈರ್ಯ ಹೇಳಿದ್ದೀರಿ.ನನ್ನ ಬೆಂಬಲಕ್ಕೆ ನಿಂತಿದ್ದೀರಿ. ಕಳೆದೆರಡು ತಿಂಗಳಲ್ಲಿ ಅತೀವ ಕಷ್ಟದ ದಿನಗಳನ್ನು ಎದುರಿಸಿದ್ದೇನೆ. ಇದೀಗ ನಿಮ್ಮ ಮುಂದೆ ಬಂದು ನಿಲ್ಲಲು ನೀವು ನೀಡಿದ ಧೈರ್ಯ, ಪ್ರೀತಿ, ಕಾಳಜಿ ಪ್ರಮುಖ ಕಾರಣ. ನಿಮ್ಮಿಂದ ನಾನು ಮತ್ತೆ ಕೆಲಸ ಮುಂದುವರಿಸಲು ಸಾಧ್ಯವಾಗಿದೆ. ಮುಂದಿನ ದಿನಗಳಲ್ಲೂ ನನಗೆ ಪ್ರೀತಿ, ಸಹಕಾರ, ಬೆಂಬಲ ನೀಡುತ್ತೀರಿ ಎಂಬ ವಿಶ್ವಾಸವಿದೆ ಎಂದು ಅರುಣಾ ಇರಾನಿ ಹೇಳಿದ್ದಾರೆ. ಈ ವೇಳೆ ಅರುಣಾ ಇರಾನಿ ಭಾವುಕರಾಗಿದ್ದಾರೆ.

ಬಾಲ ನಟಿಯಾಗಿ ಬಣ್ಣದ ಲೋಕಕ್ಕೆ ಎಂಟ್ರಿಕೊಟ್ಟ ಅರುಣಾ ಇರಾನಿ ಬಳಿಕ ಬಾಲಿವುಡ್‌ನ ಕ್ಯಾರವಾನ್, ಬಾಬಿ, ಬೇಟಾ , ದಿಲ್ ತೋ ಪಾಗಲ್ ಹೇ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇತ್ತೀಚಿನ ವರ್ಷಗಳಲ್ಲಿ ಹಲವು ಧಾರವಾಹಿಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಮೂಲಕ ಅಪಾರ ಅಭಿಮಾನಿ ಬಳಗ ಸೃಷ್ಟಿಸಿದ್ದಾರೆ.

ಗುಂಡಿನ ದಾಳಿ ಬಳಿಕ ಡ್ರೈವಿಂಗ್ ಮಾಡಿ ಚಾಲಕನನ್ನು ಆಸ್ಪತ್ರೆಗೆ ಕರೆದೊಯ್ದ ಟೈಗರ್ ಶ್ರಾಫ್; ನೆಟ್ಟಿಗರು ಹೇಳಿದ್ದೇನು ಗೊತ್ತಾ?

Shriram Bhat — Mon, 19 Oct 2026 18:10:59 +0530

ಗುಂಡಿನ ದಾಳಿ ಬಳಿಕ ಡ್ರೈವಿಂಗ್ ಮಾಡಿ ಚಾಲಕನನ್ನು ಆಸ್ಪತ್ರೆಗೆ ಕರೆದೊಯ್ದ ಟೈಗರ್ ಶ್ರಾಫ್. Tiger Shroff for moving to driver seat and taking him to Nanavati hospital after gun fire incident.

ಗುಂಡಿನ ದಾಳಿ ಬಳಿಕ ಚಾಲಕನ ಜೀವ ಉಳಿಸಲು ಮುಂದಾದ ಟೈಗರ್ ಶ್ರಾಫ್; ‘ನಿಜವಾದ ಧೈರ್ಯ ಅಂದ್ರೆ ಇದೇ’ ಎಂದ ನೆಟ್ಟಿಗರು!

ಬಾಲಿವುಡ್ ನಟ ಟೈಗರ್ ಶ್ರಾಫ್ ಅವರ ಕಾರಿನ ಮೇಲೆ ಮುಂಬೈನಲ್ಲಿ ನಡೆದ ಗುಂಡಿನ ದಾಳಿ ಅಭಿಮಾನಿಗಳಲ್ಲಿ ಆತಂಕ ಮೂಡಿಸಿತ್ತು. ಆದರೆ, ಈ ಘಟನೆಯ ಬಳಿಕ ನಟ ತೋರಿದ ಸಮಯಪ್ರಜ್ಞೆ ಮತ್ತು ಮಾನವೀಯ ನಡೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಗುಂಡಿನ ದಾಳಿಯಲ್ಲಿ ಗಾಯಗೊಂಡ ತಮ್ಮ ಚಾಲಕನನ್ನು ಆಸ್ಪತ್ರೆಗೆ ಕರೆದೊಯ್ಯಲು ಟೈಗರ್ ಸ್ವತಃ ಡ್ರೈವರ್ ಸೀಟ್‌ಗೆ ತೆರಳಿ ಕಾರು ಚಲಾಯಿಸಿದ್ದಾರೆ ಎನ್ನಲಾದ ವಿಡಿಯೋ ಇದೀಗ ಗಮನ ಸೆಳೆಯುತ್ತಿದೆ.

ಭಾನುವಾರ ಸಂಜೆ ಜುಹೂ ಪ್ರದೇಶದ ಫುಟ್‌ಬಾಲ್ ಕ್ಲಬ್‌ನಿಂದ ಮನೆಗೆ ಮರಳುತ್ತಿದ್ದ ವೇಳೆ ಟೈಗರ್ ಶ್ರಾಫ್ ಅವರ ಕಾರಿನ ಮೇಲೆ ಅಪರಿಚಿತ ದುಷ್ಕರ್ಮಿಗಳು ಗುಂಡು ಹಾರಿಸಿದ್ದಾರೆ ಎಂದು ವರದಿಯಾಗಿದೆ. ಮೋಟಾರ್‌ಸೈಕಲ್‌ನಲ್ಲಿ ಬಂದ ಮೂವರು ಕಾರನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಿದ್ದಾರೆ ಎನ್ನಲಾಗಿದೆ. ಈ ವೇಳೆ ಕಾರಿನಲ್ಲಿದ್ದ ಚಾಲಕ ಫಿರ್ದೌಸ್ ಗಾಯಗೊಂಡಿದ್ದು, ಟೈಗರ್ ಶ್ರಾಫ್ ಯಾವುದೇ ಗುಂಡೇಟಿನ ಗಾಯಗಳಿಲ್ಲದೆ ಪಾರಾಗಿದ್ದಾರೆ. ಗನ್‌ಪೌಡರ್ ಮತ್ತು ಒಡೆದ ಗಾಜಿನ ಚೂರುಗಳಿಂದ ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ವರದಿಗಳು ತಿಳಿಸಿವೆ.

ಚಾಲಕನಿಗಾಗಿ ತಾವೇ ಕಾರು ಚಲಾಯಿಸಿದ ನಟ!

ಆನ್‌ಲೈನ್‌ನಲ್ಲಿ ಹರಿದಾಡುತ್ತಿರುವ ವಿಡಿಯೋದಲ್ಲಿ, ಚಾಲಕ ಗಾಯಗೊಂಡ ಬಳಿಕ ಟೈಗರ್ ಶ್ರಾಫ್ ಡ್ರೈವರ್ ಸೀಟ್‌ಗೆ ಬಂದು ಕಾರನ್ನು ಮುಂಬೈನ ನಾನಾವತಿ ಆಸ್ಪತ್ರೆಗೆ ಕರೆದೊಯ್ಯುತ್ತಿರುವ ದೃಶ್ಯವಿದೆ ಎನ್ನಲಾಗಿದೆ. ತುರ್ತು ಪರಿಸ್ಥಿತಿಯಲ್ಲಿ ನೆರವಿಗಾಗಿ ಕಾಯದೆ ಗಾಯಾಳು ಚಾಲಕನಿಗೆ ತಕ್ಷಣ ವೈದ್ಯಕೀಯ ಚಿಕಿತ್ಸೆ ದೊರೆಯುವಂತೆ ಮಾಡಿದ ಅವರ ನಡೆಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ವರದಿಯೊಂದರ ಪ್ರಕಾರ, ಚಾಲಕ ಫಿರ್ದೌಸ್ ಅವರ ಎಡಗೈನಲ್ಲಿ ಗುಂಡಿನ ಗಾಯದಿಂದಾಗಿ ವಿದೇಶಿ ವಸ್ತುವೊಂದು ಸಿಲುಕಿರುವುದು ಪ್ರಾಥಮಿಕ ಸ್ಕ್ಯಾನ್‌ನಲ್ಲಿ ಕಂಡುಬಂದಿದೆ. ಘಟನೆಯ ಕುರಿತು ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.

‘ನಿಜವಾದ ಹೀರೋ ಅಂದ್ರೆ ಇವರೇ!’

ವಿಡಿಯೋ ನೋಡಿದ ನೆಟ್ಟಿಗರು ಟೈಗರ್ ಅವರ ಸಮಯಪ್ರಜ್ಞೆಯನ್ನು ಕೊಂಡಾಡುತ್ತಿದ್ದಾರೆ. “ನಿಜವಾದ ಧೈರ್ಯ ಮತ್ತು ಸಾಹಸ ಎಂದರೆ ಇದೇ” ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, “ಗುಂಡಿನ ದಾಳಿಯ ಬಳಿಕವೂ ಗಾಬರಿಯಾಗದೆ ಚಾಲಕನ ಸೀಟ್‌ಗೆ ಬಂದು ಕಾರು ಚಲಾಯಿಸಿದ ಟೈಗರ್ ಶ್ರಾಫ್ ಅವರ ಸಮಯಪ್ರಜ್ಞೆ ಅದ್ಭುತ” ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಈ ಗುಂಡಿನ ದಾಳಿಯ ಹಿಂದಿನ ಕಾರಣವೇನು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ. ಮುಂಬೈ ಪೊಲೀಸರು ಪ್ರಕರಣದ ತನಿಖೆ ನಡೆಸುತ್ತಿದ್ದು, ಚಾಲಕನ ಹೇಳಿಕೆಯನ್ನೂ ದಾಖಲಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಸದ್ಯ ಟೈಗರ್ ಶ್ರಾಫ್ ಅವರ ಸಾಹಸದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯ ವಿಷಯವಾಗಿದ್ದು, ಅಭಿಮಾನಿಗಳು ಅವರನ್ನು ನಿಜ ಜೀವನದ ಹೀರೋ ಎಂದು ಬಣ್ಣಿಸುತ್ತಿದ್ದಾರೆ.

Tiger: ಸ್ಪರ್ಧಿಗಳಲ್ಲ, ಈ ಬಾರಿ ನಿರೂಪಕರೇ ಔಟ್? ಟೈಗರ್ ಮೇಲಿನ ದಾಳಿ ಬೆನ್ನಲ್ಲೇ ಬಿಗ್ ಬಾಸ್ ಬಗ್ಗೆ ಖಾನ್ ಶಾಕಿಂಗ್ ನಿರ್ಧಾರ

Bhimasi M Koleppanavar — Mon, 19 Oct 2026 18:09:40 +0530

ಅಕ್ಟೋಬರ್ 18ರ ಭಾನುವಾರದಂದು, ಬಾಲಿವುಡ್ ನಟ ಟೈಗರ್ ಶ್ರಾಫ್ ಅವರ ಕಾರಿನ ಮೇಲೆ ಮೂವರು ಅಪರಿಚಿತ ಬೈಕ್ ಸವಾರರು ಸಂಜೆ 7:15 ರ ಸುಮಾರಿಗೆ ಗುಂಡು ಹಾರಿಸಿದ್ದು, ಆ ಪ್ರದೇಶದಲ್ಲಿ ಕೋಲಾಹಲ ಸೃಷ್ಟಿಯಾಯಿತು. ದಾಳಿಯಲ್ಲಿ ನಟ ಯಾವುದೇ ಗಾಯಗಳಿಲ್ಲದೆ ಪಾರಾದರೂ, ಅವರ ಚಾಲಕ ಮತ್ತು ಕಾರಿನ ಬಳಿ ಇದ್ದ ಅಭಿಮಾನಿಯೊಬ್ಬರು ಗಾಯಗೊಂಡಿದ್ದು, ಅವರನ್ನು ಹತ್ತಿರದ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕುಖ್ಯಾತ ದರೋಡೆಕೋರರೊಂದಿಗೆ ಸಂಬಂಧ ಹೊಂದಿರುವ ಅನಿಲ್ ಪಂಡಿತ್ ಮತ್ತು ಹರ್ಮನ್ ಸಂಧು ಎಂಬ ವ್ಯಕ್ತಿಗಳು ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳು ಮತ್ತು ಧ್ವನಿ ಟಿಪ್ಪಣಿಗಳ ಮೂಲಕ ದಾಳಿಯ ಹೊಣೆಯನ್ನು ಹೊತ್ತುಕೊಂಡಿದ್ದಾರೆ ಎಂದು ತಿಳಿದುಬಂದಿದೆ. ಸಲ್ಮಾನ್ ಖಾನ್ ಜೊತೆ ಕೆಲಸ ಮಾಡುವವರಿಗೆ ಪಾಠ ಕಲಿಸಲು ಈ ದಾಳಿ ನಡೆಸಲಾಗಿದೆ ಎಂದು ಹೇಳಲಾಗುತ್ತಿದ್ದು, ಮುಂಬೈ ಪೊಲೀಸರು ಆಡಿಯೋ ಮತ್ತು ಪೋಸ್ಟ್ ಅನ್ನು ಸೂಕ್ಷ್ಮವಾಗಿ ಪರಿಶೀಲಿಸುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಸಲ್ಮಾನ್‌ ಈಗ ಅತಿದೊಡ್ಡ ತಿರ್ಮಾನ ತೆಗೆದುಕೊಂಡಿದ್ದಾರೆ ಎನ್ನಲಾಗಿದೆ.

ಬಿಗ್‌ಬಾಸ್‌ ಅಪ್ಡೇಟ್!

ದೂರದರ್ಶನದ ಅತ್ಯಂತ ವಿವಾದಾತ್ಮಕ ಜನಪ್ರಿಯ ಕಾರ್ಯಕ್ರಮ ಬಿಗ್ ಬಾಸ್ 20 ರಿಂದ ಒಂದು ಪ್ರಮುಖ ಸುದ್ದಿ ಹೊರಬಿದ್ದಿದೆ. ಪ್ರತಿ ವಾರ ಮನೆಯವರನ್ನು ಶಾಲೆಗೆ ಕರೆದೊಯ್ಯುವ ಭಾಯಿಜಾನ್ ಸಲ್ಮಾನ್ ಖಾನ್, ಮುಂಬರುವ 'ವೀಕೆಂಡ್ ಕಾ ವಾರ್' ಸಂಚಿಕೆಯಲ್ಲಿ ಕಾಣಿಸಿಕೊಳ್ಳುವುದಿಲ್ಲ. ಭಾನುವಾರದ ಸಂಚಿಕೆಯಲ್ಲಿ ಅವರೇ ಈ ಬಗ್ಗೆ ಮಾಹಿತಿ ನೀಡಿದ್ದು, ಅವರ ಸ್ಥಾನದಲ್ಲಿ ಖತ್ರೋನ್ ಕೆ ಖಿಲಾಡಿ ಕಾರ್ಯಕ್ರಮದ ನಿರೂಪಕ, ಪ್ರಸಿದ್ಧ ನಿರ್ದೇಶಕ ರೋಹಿತ್ ಶೆಟ್ಟಿ ಮುಂದಿನ ವಾರ ಕಾರ್ಯಕ್ರಮ ಆಯೋಜಿಸಲಿದ್ದಾರೆ.

ಕಾವೇರಿದ ವಾತಾವರಣ!

ಈ ನಿರೂಪಣಾ ಬದಲಾವಣೆ ಬೆಳಕಿಗೆ ಬರುತ್ತಿರುವಾಗಲೇ, ಮುಂಬೈನ ಜುಹು ಪ್ರದೇಶದಲ್ಲಿ ನಡೆದ ಗುಂಡಿನ ದಾಳಿ ಘಟನೆ ಮತ್ತು ಕುಖ್ಯಾತ ಗ್ಯಾಂಗ್‌ನಿಂದ ಬೆದರಿಕೆಗಳು ಬಾಲಿವುಡ್‌ನ ವಾತಾವರಣವನ್ನು ಬಿಸಿಯಾಗಿಸಿವೆ. ಆದರೆ, ಪೂರ್ವ ಯೋಜಿತ ವಿಷಯಗಳಿಂದಾಗಿ ಸಲ್ಮಾನ್ ಮುಂದಿನ ವಾರ ಗೈರುಹಾಜರಾಗುತ್ತಾರೆ ಎಂದು ಹೇಳಲಾಗಿದ್ದರೂ, ಸೋಶಿಯಲ್‌ ಮೀಡಿಯಾದಲ್ಲಿ ಇದರ ಹಿಂದೆ ಅಟ್ಯಾಕ್‌ನ ಸಂಬಂಧವಿದೆ ಎಂದು ಅಭಿಮಾನಿಗಳು ಹೇಳಲು ಆರಂಭಿಸಿದ್ದಾರೆ.

ಬಿಗ್‌ ಬಾಸ್‌ನಲ್ಲಿ ಹಲವು ಬೆಳವಣಿಗೆ!

ಅ.17 ಮತ್ತು 18ರ ಇತ್ತೀಚಿನ ಸಂಚಿಕೆಗಳಲ್ಲಿ, ಸಲ್ಮಾನ್ ಮನೆಯಲ್ಲಿನ ಹಲವು ಬೆಳವಣಿಗೆಗಳ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ. ಖಾಜಿ ತೌಕೀರ್ ಅವರ ನಡವಳಿಕೆ ಬಗ್ಗೆ ಪ್ರಶ್ನೆ ಎತ್ತುವುದರಿಂದ ಹಿಡಿದು ನಕುಲ್ ದುಲ್ ನಿರ್ಗಮನದ ನಂತರ ಮನೆಯಲ್ಲಿ ಭುಗಿಲೆದ್ದ ವಿವಾದದವರೆಗೆ, ಅವರು ಮನೆಯ ಸದಸ್ಯರನ್ನು ಕೆರಳಿಸಿದ್ದಾರೆ. ಈ ಸಂಚಿಕೆಯಲ್ಲಿ, ಬಿಗ್ ಬಾಸ್ ಮನೆಯಲ್ಲಿ ಅಮನ್ ಗಾಂಧಿ ಅವರ ಪ್ರಯಾಣವೂ ಕೊನೆಗೊಂಡಿತು. ಅಲ್ಲದೇ ಈ ಸಂಚಿಕೆ ಮುಕ್ತಾಯಗೊಳಿಸುವಾಗ, ಪೂರ್ವ ನಿಗದಿತ ವ್ಯವಹಾರ ಬದ್ಧತೆಗಳಿಂದಾಗಿ ಮುಂಬರುವ ವಾರಾಂತ್ಯದಲ್ಲಿ ಹಾಜರಾಗಲು ಸಾಧ್ಯವಾಗುವುದಿಲ್ಲ ಎಂದು ಸಲ್ಮಾನ್ ಸ್ವತಃ ಸ್ಪಷ್ಟಪಡಿಸಿದ್ದಾರೆ. ಕಳೆದ ಹಲವಾರು ವರ್ಷಗಳಿಂದ ಸಲ್ಮಾನ್ ಖಾನ್ ಅವರ ಸಮೀಕರಣವಾಗಿದ್ದರೂ, ಅವರ ತಾತ್ಕಾಲಿಕ ನಿರ್ಗಮನವು ಚರ್ಚೆಯನ್ನು ಹುಟ್ಟು ಹಾಕಿದೆ.

ರೋಹಿತ್‌ ಶೆಟ್ಟಿಯಿಂದ ಬಿಗ್‌ಬಾಸ್‌ ನಿರೂಪಣೆ!

ಸಲ್ಮಾನ್ ಅನುಪಸ್ಥಿತಿಯಲ್ಲಿ 'ಖತ್ರೋನ್ ಕೆ ಖಿಲಾಡಿ'ಯಲ್ಲಿ ಸ್ಪರ್ಧಿಗಳ ಬೆವರಿಳಿಸಿದ್ದ ನಿರ್ದೇಶಕ ರೋಹಿತ್ ಶೆಟ್ಟಿ, ಈಗ 'ಬಿಗ್ ಬಾಸ್ 20' ಮನೆಯಲ್ಲಿ ಸ್ಪರ್ಧಿಗಳಿಗೆ ತರಬೇತಿ ನೀಡಲಿದ್ದಾರೆ. ಅವರ ಶೈಲಿ, ಕಠಿಣತೆ ಮತ್ತು ಶಿಸ್ತನ್ನು ಗಮನಿಸಿದರೆ, ಪ್ರೇಕ್ಷಕರು ಸ್ಪರ್ಧಿಗಳನ್ನು ಹೇಗೆ ನಿಭಾಯಿಸುತ್ತಾರೆ ಎಂಬ ಕುತೂಹಲ ಹೊಂದಿದ್ದಾರೆ.

4410 ವಜ್ರಗಳು, 1000 ಗಂಟೆಗಳ ಶ್ರಮ: ಬರೋಬ್ಬರಿ ₹474 ಕೋಟಿಯ ಆ ಉಡುಪಿನೊಂದಿಗೆ ಕೈಲಿ ಜೆನ್ನರ್ ಎಂಟ್ರಿ!

Govindaraj S — Mon, 19 Oct 2026 17:58:37 +0530

ಜಾಗತಿಕ ಫ್ಯಾಷನ್ ಲೋಕದಲ್ಲಿ ಇದೀಗ ಕೈಲಿ ಜೆನ್ನರ್ ಅವರದ್ದೇ ಚರ್ಚೆ! ವಿಕ್ಟೋರಿಯಾಸ್ ಸೀಕ್ರೆಟ್ ಫ್ಯಾಷನ್ ಶೋನಲ್ಲಿ ಮೊದಲ ಬಾರಿಗೆ ರ‍್ಯಾಂಪ್ ವಾಕ್ ಮಾಡಿದ ಖ್ಯಾತ ರಿಯಾಲಿಟಿ ಸ್ಟಾರ್ ಹಾಗೂ ಉದ್ಯಮಿ ಕೈಲಿ ಜೆನ್ನರ್, ಬರೋಬ್ಬರಿ 50 ಮಿಲಿಯನ್ ಡಾಲರ್‌ ಮೌಲ್ಯದ ಫ್ಯಾಂಟಸಿ ಬ್ರಾ ಧರಿಸಿ ಎಲ್ಲರ ಗಮನ ಸೆಳೆದಿದ್ದಾರೆ. ಭಾರತೀಯ ರೂಪಾಯಿ ಲೆಕ್ಕದಲ್ಲಿ ಇದರ ಬೆಲೆ ಸುಮಾರು ₹474 ಕೋಟಿ! ಸಾವಿರಾರು ವಜ್ರಗಳಿಂದ ಕಂಗೊಳಿಸುವ ಈ ಐಷಾರಾಮಿ ಆಭರಣದಂತಹ ಉಡುಪು ಫ್ಯಾಷನ್ ಲೋಕದಲ್ಲಿ ಸಂಚಲನ ಸೃಷ್ಟಿಸಿದೆ. ಆದರೆ, ಈ ದುಬಾರಿ ಫ್ಯಾಂಟಸಿ ಬ್ರಾ ಧರಿಸಲು ಕೈಲಿ ಜೆನ್ನರ್ ಅವರನ್ನು ಆಯ್ಕೆ ಮಾಡಿರುವ ವಿಚಾರ ಇದೀಗ ಪರ-ವಿರೋಧದ ಚರ್ಚೆಗೂ ಕಾರಣವಾಗಿದೆ.

4,410 ವಜ್ರಗಳ ವೈಭವ; 1,000 ಗಂಟೆಗಳ ಪರಿಶ್ರಮ!

ಕೈಲಿ ಜೆನ್ನರ್ ಧರಿಸಿದ ಈ ವಿಶೇಷ ಫ್ಯಾಂಟಸಿ ಬ್ರಾ ಸಾಮಾನ್ಯ ಉಡುಪಲ್ಲ. ಖ್ಯಾತ ಆಭರಣ ವಿನ್ಯಾಸಕ ಜಾಕಬ್ ಅರಬೊ ಅವರ ವಿನ್ಯಾಸದಲ್ಲಿ ರೂಪುಗೊಂಡಿರುವ ಈ ಆಕರ್ಷಕ ಸೃಷ್ಟಿಯಲ್ಲಿ ಬರೋಬ್ಬರಿ 4,410 ನೈಸರ್ಗಿಕ ವಜ್ರಗಳನ್ನು ಅಳವಡಿಸಲಾಗಿದೆ. ಇದರ ಮಧ್ಯಭಾಗದಲ್ಲಿ 75.54 ಕ್ಯಾರಟ್ ತೂಕದ ಅಪರೂಪದ ಹಳದಿ ವಜ್ರವನ್ನು ಜೋಡಿಸಿರುವುದು ಮತ್ತೊಂದು ವಿಶೇಷ. ಈ ಅಮೂಲ್ಯ ವಿನ್ಯಾಸವನ್ನು ಪೂರ್ಣಗೊಳಿಸಲು ಸುಮಾರು 15 ನುರಿತ ಕಲಾವಿದರು ಬರೋಬ್ಬರಿ 1,000 ಗಂಟೆಗಳಿಗೂ ಹೆಚ್ಚು ಕಾಲ ಶ್ರಮಿಸಿದ್ದಾರೆ ಎನ್ನಲಾಗಿದೆ.

ಸುಮಾರು ನಾಲ್ಕು ಪೌಂಡ್‌ಗಳಷ್ಟು, ಅಂದರೆ 1.8 ಕೆಜಿ ತೂಕ ಹೊಂದಿರುವ ಈ ಫ್ಯಾಂಟಸಿ ಬ್ರಾ ತನ್ನ ವಿನ್ಯಾಸ, ವಜ್ರಗಳ ಹೊಳಪು ಮತ್ತು ಅಗಾಧ ಬೆಲೆಯಿಂದಲೇ ಗಮನ ಸೆಳೆಯುತ್ತಿದೆ. ಬಿಳಿ ಬಣ್ಣದ ಫೆದರ್ ವಿಂಗ್ಸ್, ಮಿನಿ ಸ್ಕರ್ಟ್ ಹಾಗೂ ಹೈ ಹೀಲ್ಸ್ ಧರಿಸಿ ರ‍್ಯಾಂಪ್ ಮೇಲೆ ಹೆಜ್ಜೆ ಹಾಕಿದ ಕೈಲಿ ಜೆನ್ನರ್, ತಮ್ಮ ವಿಭಿನ್ನ ಲುಕ್‌ನಿಂದ ಫ್ಯಾಷನ್ ಪ್ರಿಯರ ಗಮನ ಸೆಳೆದಿದ್ದಾರೆ. ಅವರ ಈ ವಿಶೇಷ ಕ್ಷಣಕ್ಕೆ ಗೆಳೆಯ ಹಾಗೂ ಹಾಲಿವುಡ್ ನಟ ತಿಮೋತಿ ಶಾಲಮೆ ಮತ್ತು ತಾಯಿ ಕ್ರಿಸ್ ಜೆನ್ನರ್ ಕೂಡ ಸಾಕ್ಷಿಯಾಗಿದ್ದರು.

ಎಂಟು ವರ್ಷಗಳ ಬಳಿಕ ಮರಳಿದ ಐಕಾನಿಕ್ ಫ್ಯಾಂಟಸಿ ಬ್ರಾ!

ವಿಕ್ಟೋರಿಯಾಸ್ ಸೀಕ್ರೆಟ್‌ನ ಫ್ಯಾಂಟಸಿ ಬ್ರಾ ಎಂದರೆ ಫ್ಯಾಷನ್ ಜಗತ್ತಿನಲ್ಲಿ ವಿಶೇಷ ಸ್ಥಾನವಿದೆ. ಅಮೂಲ್ಯ ರತ್ನಗಳು, ವಿಶಿಷ್ಟ ವಿನ್ಯಾಸ ಹಾಗೂ ಕೋಟ್ಯಂತರ ರೂಪಾಯಿ ಮೌಲ್ಯದಿಂದ ಈ ಆಭರಣದಂತಹ ಉಡುಪು ಪ್ರತಿಬಾರಿಯೂ ಸುದ್ದಿಯಾಗುತ್ತದೆ. ದೀರ್ಘ ವಿರಾಮದ ಬಳಿಕ ಈ ಐಕಾನಿಕ್ ಫ್ಯಾಂಟಸಿ ಬ್ರಾ ಮತ್ತೆ ಫ್ಯಾಷನ್ ಶೋನಲ್ಲಿ ಕಾಣಿಸಿಕೊಂಡಿರುವುದು ವಿಶೇಷ ಗಮನ ಸೆಳೆದಿದೆ. ಅದರಲ್ಲೂ ಕೈಲಿ ಜೆನ್ನರ್ ಮೊದಲ ಬಾರಿಗೆ ಈ ವೇದಿಕೆಯಲ್ಲಿ ರ‍್ಯಾಂಪ್ ವಾಕ್ ಮಾಡಿದ್ದು, ಅವರ ಲುಕ್‌ಗೆ ಮತ್ತಷ್ಟು ಪ್ರಚಾರ ಸಿಗುವಂತೆ ಮಾಡಿದೆ.

ಕೈಲಿ ಜೆನ್ನರ್ ಆಯ್ಕೆಗೆ ಮೆಚ್ಚುಗೆಯೂ ಇದೆ, ಟೀಕೆಯೂ ಇದೆ!

₹474 ಕೋಟಿ ಮೌಲ್ಯದ ಫ್ಯಾಂಟಸಿ ಬ್ರಾ ಧರಿಸಿ ಕೈಲಿ ಜೆನ್ನರ್ ರ‍್ಯಾಂಪ್ ಮೇಲೆ ಕಾಣಿಸಿಕೊಂಡಿರುವುದು ಒಂದೆಡೆಯಾದರೆ, ಅವರನ್ನು ಈ ವಿಶೇಷ ಪ್ರದರ್ಶನಕ್ಕೆ ಆಯ್ಕೆ ಮಾಡಿರುವ ವಿಚಾರ ಮತ್ತೊಂದೆಡೆ ಚರ್ಚೆಗೆ ಗ್ರಾಸವಾಗಿದೆ. ಕೈಲಿ ಅಭಿಮಾನಿಗಳು ಅವರ ಲುಕ್‌ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಅವರ ಗ್ಲಾಮರ್ ಮತ್ತು ಜನಪ್ರಿಯತೆ ಫ್ಯಾಷನ್ ಶೋಗೆ ಹೊಸ ಆಕರ್ಷಣೆ ತಂದಿದೆ ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ. ಸೂಪರ್‌ಮಾಡೆಲ್ ಕೆಂಡಲ್ ಜೆನ್ನರ್ ಅವರ ಸಹೋದರಿಯಾಗಿರುವ ಕೈಲಿ, ತಮ್ಮದೇ ಆದ ರೀತಿಯಲ್ಲಿ ಫ್ಯಾಷನ್ ಲೋಕದಲ್ಲಿ ಗಮನ ಸೆಳೆದಿದ್ದಾರೆ ಎಂದು ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ.

ಆದರೆ, ಇನ್ನೊಂದೆಡೆ ಕೆಲವು ಫ್ಯಾಷನ್ ಪ್ರಿಯರು ಹಾಗೂ ವಿಮರ್ಶಕರು ಈ ಆಯ್ಕೆಯ ಬಗ್ಗೆ ಪ್ರಶ್ನೆ ಎತ್ತಿದ್ದಾರೆ. ವರ್ಷಗಳ ಕಾಲ ರ‍್ಯಾಂಪ್‌ನಲ್ಲಿ ಅನುಭವ ಗಳಿಸಿ ಗುರುತಿಸಿಕೊಂಡಿರುವ ವೃತ್ತಿಪರ ಮಾಡೆಲ್‌ಗಳನ್ನು ಬಿಟ್ಟು, ರಿಯಾಲಿಟಿ ಶೋ ಮತ್ತು ಸಾಮಾಜಿಕ ಮಾಧ್ಯಮಗಳ ಮೂಲಕ ಜನಪ್ರಿಯತೆ ಗಳಿಸಿರುವ ಕೈಲಿ ಅವರನ್ನು ಆಯ್ಕೆ ಮಾಡಿರುವುದು ಸರಿಯೇ ಎಂಬ ಚರ್ಚೆ ಶುರುವಾಗಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಕೆಲವರು ಈ ಆಯ್ಕೆಯನ್ನು ಸಮರ್ಥಿಸಿಕೊಂಡರೆ, ಮತ್ತಷ್ಟು ಮಂದಿ ಜನಪ್ರಿಯತೆ ಮತ್ತು ವೃತ್ತಿಪರ ಅನುಭವದ ನಡುವಿನ ವ್ಯತ್ಯಾಸವನ್ನು ಮುಂದಿಟ್ಟುಕೊಂಡು ಟೀಕಿಸುತ್ತಿದ್ದಾರೆ. ಹೀಗಾಗಿ, ಈ ಫ್ಯಾಂಟಸಿ ಬ್ರಾ ಕೇವಲ ತನ್ನ ಬೆಲೆ ಮತ್ತು ವಜ್ರಗಳ ಕಾರಣಕ್ಕೆ ಮಾತ್ರವಲ್ಲದೆ, ಅದನ್ನು ಧರಿಸಿದ ವ್ಯಕ್ತಿಯ ಆಯ್ಕೆಯ ವಿಚಾರದಲ್ಲಿಯೂ ಸುದ್ದಿಯಲ್ಲಿದೆ.

₹474 ಕೋಟಿ ಮೌಲ್ಯದ ಉಡುಪು; ಫ್ಯಾಷನ್ ಲೋಕದಲ್ಲಿ ಹೊಸ ಚರ್ಚೆ!

ಇನ್ನು ಸಾವಿರಾರು ವಜ್ರಗಳು, ನೂರಾರು ಗಂಟೆಗಳ ಪರಿಶ್ರಮ ಮತ್ತು ಕೋಟ್ಯಂತರ ರೂಪಾಯಿ ಮೌಲ್ಯದ ಫ್ಯಾಂಟಸಿ ಬ್ರಾ ಕೈಲಿ ಜೆನ್ನರ್ ಅವರ ರ‍್ಯಾಂಪ್ ವಾಕ್‌ಗೆ ವಿಶೇಷ ಮೆರುಗು ನೀಡಿದೆ. ಐಷಾರಾಮಿ ಫ್ಯಾಷನ್‌ನ ವೈಭವವನ್ನು ಪ್ರದರ್ಶಿಸಿದ ಈ ಲುಕ್‌ಗೆ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದರೂ, ವಿಕ್ಟೋರಿಯಾಸ್ ಸೀಕ್ರೆಟ್‌ನ ಆಯ್ಕೆಯ ಮಾನದಂಡಗಳ ಬಗ್ಗೆ ಚರ್ಚೆಯೂ ಮುಂದುವರಿದಿದೆ. ವಜ್ರಗಳ ಹೊಳಪಿನ ನಡುವೆ ಕೈಲಿ ಜೆನ್ನರ್ ಅವರ ರ‍್ಯಾಂಪ್ ವಾಕ್ ಈಗ ಫ್ಯಾಷನ್ ಲೋಕದಲ್ಲಿ ಹೊಸ ಚರ್ಚೆಗೆ ನಾಂದಿ ಹಾಡಿದೆ.

ಸಸ್ಯಾಹಾರಿಯಾಗಿದ್ದು 'ರಾಮಾಯಣ'ಕ್ಕಾಗಿಯಲ್ಲ: ಜಪಾನ್ ದಿನಗಳನ್ನು ನೆನಪಿಸಿಕೊಂಡ ಸಾಯಿ ಪಲ್ಲವಿ

Govindaraj S — Mon, 19 Oct 2026 17:26:04 +0530

ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾದಲ್ಲಿ ಸೀತೆಯಾಗಿ ಕಾಣಿಸಿಕೊಳ್ಳಲು ಸಜ್ಜಾಗಿರುವ ನಟಿ ಸಾಯಿ ಪಲ್ಲವಿ ಇದೀಗ ತಮ್ಮ ಆಹಾರ ಪದ್ಧತಿಯ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ರಾಮಾಯಣ ಚಿತ್ರಕ್ಕಾಗಿ ಅವರು ಸಸ್ಯಾಹಾರಿಯಾಗಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದ್ದ ಬೆನ್ನಲ್ಲೇ, ತಾವು ಮೊದಲಿನಿಂದಲೂ ಸಸ್ಯಾಹಾರಿಯೇ ಎಂದು ನಟಿ ಹೇಳಿದ್ದಾರೆ. ಅಷ್ಟೇ ಅಲ್ಲ, ಎಂತಹ ಪರಿಸ್ಥಿತಿ ಎದುರಾದರೂ ತಮ್ಮ ಆಹಾರ ಪದ್ಧತಿಯನ್ನು ಬದಲಿಸುವುದಿಲ್ಲ ಎಂಬ ತಮ್ಮ ನಿಲುವನ್ನೂ ಹಂಚಿಕೊಂಡಿದ್ದಾರೆ.

‘ರಾಮಾಯಣ’ ಚಿತ್ರಕ್ಕಾಗಿ ಸಸ್ಯಾಹಾರಿಯಾದ್ರಾ ಸಾಯಿ ಪಲ್ಲವಿ?

ನಟ ರಣಬೀರ್ ಕಪೂರ್ ರಾಮನ ಪಾತ್ರದಲ್ಲಿ ಹಾಗೂ ಯಶ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಬಹುನಿರೀಕ್ಷಿತ ‘ರಾಮಾಯಣ’ ಚಿತ್ರದ ಬಗ್ಗೆ ಈಗಾಗಲೇ ಸಾಕಷ್ಟು ಕುತೂಹಲವಿದೆ. ಈ ಸಿನಿಮಾದಲ್ಲಿ ಸೀತೆಯ ಪಾತ್ರ ನಿರ್ವಹಿಸುತ್ತಿರುವ ಸಾಯಿ ಪಲ್ಲವಿ, ಪಾತ್ರಕ್ಕೆ ತಕ್ಕಂತೆ ಸಸ್ಯಾಹಾರವನ್ನು ಅಳವಡಿಸಿಕೊಂಡಿದ್ದಾರೆ ಎಂಬ ಮಾತುಗಳು ಕೇಳಿಬಂದಿದ್ದವು.

ಆದರೆ, ಈ ವಿಚಾರಕ್ಕೆ ಸಂಬಂಧಿಸಿದಂತೆ ಸಾಯಿ ಪಲ್ಲವಿ ಅವರ ಹಿಂದಿನ ಹೇಳಿಕೆ ಗಮನ ಸೆಳೆಯುತ್ತಿದೆ. ತಾವು ‘ರಾಮಾಯಣ’ ಚಿತ್ರಕ್ಕೆ ಸಹಿ ಹಾಕುವ ಮೊದಲೇ ಸಸ್ಯಾಹಾರಿಯಾಗಿದ್ದೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ಹೀಗಾಗಿ, ಇದು ಸಿನಿಮಾದ ಪಾತ್ರಕ್ಕಾಗಿ ಮಾಡಿಕೊಂಡ ಹೊಸ ನಿರ್ಧಾರವಲ್ಲ; ಬಹಳ ಹಿಂದಿನಿಂದಲೂ ಅನುಸರಿಸುತ್ತಿರುವ ಜೀವನಶೈಲಿ ಎಂಬುದು ಅವರ ಮಾತಿನ ಸಾರ.

ಜಪಾನ್‌ನಲ್ಲಿ ಊಟ ಸಿಗದಿದ್ದರೂ ನಿಯಮ ಬಿಡಲಿಲ್ಲ!

ಸಾಯಿ ಪಲ್ಲವಿ ತಮ್ಮ ಸಸ್ಯಾಹಾರದ ನಿಯಮದ ಬಗ್ಗೆ ಮಾತನಾಡುವಾಗ ಜಪಾನ್‌ನಲ್ಲಿ ಚಿತ್ರೀಕರಣ ನಡೆಸಿದ ದಿನಗಳನ್ನು ನೆನಪಿಸಿಕೊಂಡಿದ್ದರು. ‘ಅಮರನ್’ ಚಿತ್ರದ ಪ್ರಚಾರದ ಸಂದರ್ಭದಲ್ಲಿ ನಡೆದ ಟಾಕ್ ಶೋವೊಂದರಲ್ಲಿ ಅವರು ಈ ಅನುಭವವನ್ನು ಹಂಚಿಕೊಂಡಿದ್ದರು. ಜಪಾನ್‌ನಲ್ಲಿ ಸುಮಾರು ಒಂದು ತಿಂಗಳ ಕಾಲ ಚಿತ್ರೀಕರಣದಲ್ಲಿದ್ದಾಗ ಸೂಕ್ತವಾದ ಸಸ್ಯಾಹಾರಿ ಆಹಾರ ಸಿಗುವುದು ಕಷ್ಟವಾಗಿತ್ತು ಎಂದು ನಟಿ ವಿವರಿಸಿದ್ದರು.

ಸಸ್ಯಾಹಾರಿ ತಿನಿಸುಗಳೆಂದು ನೀಡಲಾಗುತ್ತಿದ್ದ ಕೆಲವು ಆಹಾರಗಳಲ್ಲಿಯೂ ಚಿಕನ್ ಸೂಪ್ ಬೆರೆಸಲಾಗುತ್ತಿತ್ತು ಎಂಬುದು ಅವರಿಗೆ ಎದುರಾದ ಸಮಸ್ಯೆಯಾಗಿತ್ತು. ಆಹಾರ ಸಿಗದ ಪರಿಸ್ಥಿತಿ ಎದುರಾದರೂ ತಮ್ಮ ನಿಯಮವನ್ನು ಬದಲಿಸಲು ಅವರು ಸಿದ್ಧರಿರಲಿಲ್ಲ. ಪ್ರಾಣಿಯನ್ನು ಕೊಂದು ತಿನ್ನುವುದಕ್ಕಿಂತ ಊಟವನ್ನೇ ತ್ಯಜಿಸುವುದು ಉತ್ತಮ ಎಂಬ ತಮ್ಮ ನಿಲುವನ್ನು ಸಾಯಿ ಪಲ್ಲವಿ ಆ ಸಂದರ್ಭದಲ್ಲಿ ವ್ಯಕ್ತಪಡಿಸಿದ್ದರು.

‘ಎಲ್ಲೇ ಹೋದರೂ ಸಸ್ಯಾಹಾರಿಯೇ!’

ತಮ್ಮ ಆಹಾರ ಪದ್ಧತಿಯ ಬಗ್ಗೆ ಸಾಯಿ ಪಲ್ಲವಿ ಹೊಂದಿರುವ ಬದ್ಧತೆ ಇದೀಗ ಮತ್ತೆ ಚರ್ಚೆಗೆ ಬಂದಿದೆ. ವಿದೇಶಕ್ಕೆ ಹೋದಾಗಲೂ ಸೂಕ್ತವಾದ ಸಸ್ಯಾಹಾರಿ ಆಹಾರ ಸಿಗದಿದ್ದರೆ ತಮ್ಮ ಆಯ್ಕೆಯೊಂದಿಗೆ ರಾಜಿ ಮಾಡಿಕೊಳ್ಳಲು ಇಷ್ಟಪಡುವುದಿಲ್ಲ ಎಂಬುದನ್ನು ಅವರ ಅನುಭವ ತಿಳಿಸುತ್ತದೆ. ‘ರಾಮಾಯಣ’ ಚಿತ್ರದಲ್ಲಿ ಸೀತೆಯ ಪಾತ್ರ ನಿರ್ವಹಿಸುತ್ತಿರುವ ಕಾರಣಕ್ಕೆ ಸಾಯಿ ಪಲ್ಲವಿ ಸಸ್ಯಾಹಾರಿಯಾಗಿದ್ದಾರೆ ಎಂಬ ವದಂತಿಗಳ ನಡುವೆ, ಅವರ ಹಿಂದಿನ ಹೇಳಿಕೆ ಈ ವಿಚಾರಕ್ಕೆ ಸ್ಪಷ್ಟನೆ ನೀಡುತ್ತದೆ.

ಇನ್ನು ಸಸ್ಯಾಹಾರ ಎನ್ನುವುದು ಚಿತ್ರಕ್ಕಾಗಿ ಮಾಡಿಕೊಂಡ ತಾತ್ಕಾಲಿಕ ಬದಲಾವಣೆಯಲ್ಲ. ಅದು ತಮ್ಮ ವೈಯಕ್ತಿಕ ನಂಬಿಕೆ ಮತ್ತು ಜೀವನಶೈಲಿಯ ಭಾಗ ಎಂಬುದನ್ನು ನಟಿ ಸ್ಪಷ್ಟಪಡಿಸಿದ್ದಾರೆ. ತೆರೆಯ ಮೇಲೆ ಸೀತೆಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿರುವ ಸಾಯಿ ಪಲ್ಲವಿ, ತಮ್ಮ ನೈಜ ಜೀವನದಲ್ಲಿಯೂ ಆಹಾರ ಪದ್ಧತಿಯ ವಿಚಾರದಲ್ಲಿ ದೃಢ ನಿಲುವು ಹೊಂದಿದ್ದಾರೆ ಎಂಬುದು ಅವರ ಮಾತುಗಳಿಂದ ತಿಳಿದುಬರುತ್ತದೆ.

ಗುರುವಾಯೂರಪ್ಪನ ಸನ್ನಿಧಿಯಲ್ಲಿ ‘ಅಮೃತಧಾರೆ’ ಶಕುಂತಲಾ: ಜೊತೆಗಿದ್ದವರು ಯಾರು ಗೊತ್ತಾ?

Govindaraj S — Mon, 19 Oct 2026 16:59:46 +0530

ಕಿರುತೆರೆಯಲ್ಲಿ ಶಕುಂತಲಾ ಆಗಿ ವೀಕ್ಷಕರ ಗಮನ ಸೆಳೆಯುತ್ತಿರುವ ನಟಿ ವನಿತಾ ವಾಸು ಇದೀಗ ಭಕ್ತಿಯ ಹಾದಿಯಲ್ಲಿ ಸಾಗಿದ್ದಾರೆ. ಬಿಡುವಿಲ್ಲದ ಶೂಟಿಂಗ್ ನಡುವೆಯೇ ಕೊಂಚ ವಿರಾಮ ಪಡೆದುಕೊಂಡಿರುವ ಅವರು, ತಮ್ಮ ಶಾಲಾ ದಿನಗಳ ಗೆಳತಿಯರೊಂದಿಗೆ ಕೇರಳದ ಪ್ರಸಿದ್ಧ ಗುರುವಾಯೂರು ದೇವಸ್ಥಾನಕ್ಕೆ ಭೇಟಿ ನೀಡಿದ್ದಾರೆ. ಗುರುವಾಯೂರಪ್ಪನ ದರ್ಶನ ಪಡೆದು ಸಂತಸಗೊಂಡಿರುವ ನಟಿಯ ಧಾರ್ಮಿಕ ಪ್ರವಾಸದ ವಿಚಾರ ಇದೀಗ ಗಮನ ಸೆಳೆಯುತ್ತಿದೆ.

ಸ್ಕೂಲ್ ಫ್ರೆಂಡ್ಸ್ ಜೊತೆ ಗುರುವಾಯೂರಿಗೆ ಪಯಣ!

ಸ್ಯಾಂಡಲ್‌ವುಡ್‌ನಲ್ಲಿ ಹಲವು ಸಿನಿಮಾಗಳ ಮೂಲಕ ಗುರುತಿಸಿಕೊಂಡಿರುವ ವನಿತಾ ವಾಸು, ಸದ್ಯ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಧಾರಾವಾಹಿ ‘ಅಮೃತಧಾರೆ’ಯಲ್ಲಿ ಶಕುಂತಲಾ ಪಾತ್ರದ ಮೂಲಕ ಕಿರುತೆರೆ ಪ್ರೇಕ್ಷಕರನ್ನು ರಂಜಿಸುತ್ತಿದ್ದಾರೆ. ಧಾರಾವಾಹಿಯ ಚಿತ್ರೀಕರಣ ಸೇರಿದಂತೆ ವೃತ್ತಿಜೀವನದ ಕೆಲಸಗಳ ನಡುವೆಯೂ ಸಮಯ ಮಾಡಿಕೊಂಡು ಅವರು ಸ್ನೇಹಿತರೊಂದಿಗೆ ಧಾರ್ಮಿಕ ಪ್ರವಾಸ ಕೈಗೊಂಡಿದ್ದಾರೆ. ಈ ಬಾರಿ ವನಿತಾ ವಾಸು ಅವರ ಪ್ರವಾಸಕ್ಕೆ ಜೊತೆಯಾಗಿದ್ದು, ಅವರ ಶಾಲಾ ದಿನಗಳ ಸ್ನೇಹಿತೆಯರು. ಎಲ್ಲರೂ ಒಟ್ಟಾಗಿ ಕೇರಳದ ತ್ರಿಶೂರ್ ಜಿಲ್ಲೆಯಲ್ಲಿರುವ ಪ್ರಸಿದ್ಧ ಗುರುವಾಯೂರು ಶ್ರೀಕೃಷ್ಣ ದೇವಸ್ಥಾನಕ್ಕೆ ಭೇಟಿ ನೀಡಿದ್ದಾರೆ.

ಬೆಳಗ್ಗೆ, ಸಂಜೆ ಗುರುವಾಯೂರಪ್ಪನ ದರ್ಶನ!

‘ಭೂಲೋಕದ ವೈಕುಂಠ’ ಎಂದೇ ಪ್ರಸಿದ್ಧವಾಗಿರುವ ಗುರುವಾಯೂರು ದೇವಸ್ಥಾನದಲ್ಲಿ ಬಾಲಕೃಷ್ಣನ ರೂಪದಲ್ಲಿರುವ ಗುರುವಾಯೂರಪ್ಪನ ದರ್ಶನ ಪಡೆದು ವನಿತಾ ವಾಸು ಭಕ್ತಿಭಾವದಲ್ಲಿ ಮಿಂದೆದ್ದಿದ್ದಾರೆ. ಬೆಳಗ್ಗೆ ಹಾಗೂ ಸಂಜೆ ದೇವರ ದರ್ಶನ ಪಡೆದು ಕೃತಾರ್ಥರಾಗಿದ್ದಾರೆ. ಸ್ನೇಹಿತರೊಂದಿಗೆ ಧಾರ್ಮಿಕ ಕ್ಷೇತ್ರಗಳಿಗೆ ಭೇಟಿ ನೀಡುವುದು ವನಿತಾ ವಾಸು ಅವರಿಗೆ ಹೊಸದೇನಲ್ಲ. ಆಗಾಗ ತಮ್ಮ ಶಾಲಾ ಸ್ನೇಹಿತರೊಂದಿಗೆ ಪ್ರವಾಸ ಕೈಗೊಳ್ಳುವ ಅವರು, ಈ ಬಾರಿಯೂ ಗೆಳತಿಯರ ಜೊತೆಗೂಡಿ ದೇವರ ಸನ್ನಿಧಿಯಲ್ಲಿ ಸಮಯ ಕಳೆದಿದ್ದಾರೆ.

ಶಕುಂತಲಾ ಪಾತ್ರದ ನಡುವೆ ಆಧ್ಯಾತ್ಮಿಕ ವಿರಾಮ!

‘ಅಮೃತಧಾರೆ’ ಧಾರಾವಾಹಿಯಲ್ಲಿ ತಮ್ಮ ವಿಭಿನ್ನ ಅಭಿನಯದ ಮೂಲಕ ಗಮನ ಸೆಳೆಯುತ್ತಿರುವ ವನಿತಾ ವಾಸು, ಕೆಲಸದ ಒತ್ತಡದ ನಡುವೆಯೂ ವೈಯಕ್ತಿಕ ಜೀವನಕ್ಕೆ ಸಮಯ ಮೀಸಲಿಡುತ್ತಿದ್ದಾರೆ. ಅದರಲ್ಲೂ ಶಾಲಾ ದಿನಗಳ ಸ್ನೇಹಿತರೊಂದಿಗೆ ಪ್ರವಾಸ ಕೈಗೊಳ್ಳುವುದು ಹಳೆಯ ನೆನಪುಗಳನ್ನು ಮೆಲುಕು ಹಾಕುವ ಜೊತೆಗೆ ಮನಸ್ಸಿಗೆ ನೆಮ್ಮದಿ ನೀಡುವ ಕ್ಷಣವಾಗಿದೆ. ಇನ್ನು ಕಿರುತೆರೆಯಲ್ಲಿ ತಮ್ಮ ಅಭಿನಯದ ಮೂಲಕ ಗುರುತಿಸಿಕೊಂಡಿರುವ ವನಿತಾ ವಾಸು, ಇದೀಗ ಗೆಳತಿಯರೊಂದಿಗೆ ಗುರುವಾಯೂರಪ್ಪನ ದರ್ಶನ ಪಡೆದು ಧಾರ್ಮಿಕ ಪ್ರವಾಸದ ಸವಿಯನ್ನು ಸವಿದಿದ್ದಾರೆ.

View this post on Instagram

A post shared by Vanitha Vasu (@vanithavasuofficial)

ಪತಿ ಶರತ್ ಬಗ್ಗೆ ಮನದಾಳದ ಮಾತು ಬಿಚ್ಚಿಟ್ಟ 'ಕಾಮಿಡಿ ಕಿಲಾಡಿಗಳು' ನಯನಾ: ಆ ಮಾತಿನ ಹಿಂದಿದೆ ಈ ಕಥೆ

Govindaraj S — Mon, 19 Oct 2026 16:31:29 +0530

ಕನ್ನಡ ಕಿರುತೆರೆಯ ಕಾಮಿಡಿ ಶೋಗಳ ಮೂಲಕ ಪ್ರೇಕ್ಷಕರ ಮನ ಗೆದ್ದಿರುವ ಕಾಮಿಡಿ ಕಿಲಾಡಿಗಳು ಖ್ಯಾತಿಯ ನಟಿ ನಯನಾ ಇದೀಗ ತಮ್ಮ ವೈಯಕ್ತಿಕ ಜೀವನದ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ. ಸದಾ ನಗಿಸುತ್ತಾ, ಪ್ರೇಕ್ಷಕರನ್ನು ರಂಜಿಸುವ ನಯನಾ, ತಮ್ಮ ದಾಂಪತ್ಯ ಜೀವನದ ಬಗ್ಗೆ ಮಾತನಾಡುತ್ತಾ ಮನದಾಳದ ನೋವನ್ನು ಹಂಚಿಕೊಂಡಿದ್ದಾರೆ. ಪತಿ ಶರತ್ ಅವರೊಂದಿಗಿನ ಸಂಬಂಧ, ವೃತ್ತಿಜೀವನದ ಒತ್ತಡ ಹಾಗೂ ಅವರಿಗೆ ಸಾಕಷ್ಟು ಸಮಯ ನೀಡಲು ಸಾಧ್ಯವಾಗದಿರುವ ಬಗ್ಗೆ ಅವರು ಹೇಳಿಕೊಂಡಿರುವ ಮಾತುಗಳು ಗಮನ ಸೆಳೆಯುತ್ತಿವೆ.

ಪತಿಗೆ ಸಮಯ ಕೊಡಲಾಗಲಿಲ್ಲ; ನಯನಾ ಮನದಾಳದ ಮಾತು

‘ಕಾಫಿ ವಿತ್ ಮೋನಿಕಾ’ ಸಂದರ್ಶನದಲ್ಲಿ ಮಾತನಾಡಿರುವ ನಯನಾ, ತಮ್ಮ ದಾಂಪತ್ಯ ಜೀವನದ ಹಲವು ವಿಚಾರಗಳನ್ನು ಮುಕ್ತವಾಗಿ ಹಂಚಿಕೊಂಡಿದ್ದಾರೆ. ಜೀವನ ಸಂಗಾತಿಯಾಗಿ ಶರತ್ ಅವರನ್ನು ಆಯ್ಕೆ ಮಾಡಿಕೊಂಡ ವಿಚಾರದ ಬಗ್ಗೆ ಮಾತನಾಡುತ್ತಾ, ತಮ್ಮಿಂದಾಗಿ ಅವರು ಸಾಕಷ್ಟು ನೋವು ಮತ್ತು ಕಷ್ಟಗಳನ್ನು ಅನುಭವಿಸಿದ್ದಾರೆ ಎಂಬ ಬೇಸರವನ್ನು ವ್ಯಕ್ತಪಡಿಸಿದ್ದಾರೆ.

ನಯನಾ ಜನಪ್ರಿಯ ನಟಿಯಾಗಿರುವುದರಿಂದ ಎಲ್ಲಿಗೆ ಹೋದರೂ ಜನರು ಗುರುತಿಸುತ್ತಾರೆ. ಹೀಗಾಗಿ ಪತಿ ಶರತ್ ಅವರೊಂದಿಗೆ ಎಲ್ಲೆಂದರಲ್ಲಿ ಮುಕ್ತವಾಗಿ ಓಡಾಡಲು, ಸಾಮಾನ್ಯ ದಂಪತಿಗಳಂತೆ ನೆಮ್ಮದಿಯಿಂದ ಸಮಯ ಕಳೆಯಲು ಸಾಧ್ಯವಾಗುತ್ತಿರಲಿಲ್ಲವಂತೆ. ಈ ಸಂಗತಿಯೇ ತಮ್ಮ ವೈಯಕ್ತಿಕ ಜೀವನದ ಮೇಲೆ ಪರಿಣಾಮ ಬೀರಿದೆ ಎಂಬ ನೋವನ್ನು ಅವರು ಹಂಚಿಕೊಂಡಿದ್ದಾರೆ.

ವೃತ್ತಿಜೀವನದ ನಡುವೆ ದಾಂಪತ್ಯಕ್ಕೆ ಸಮಯದ ಕೊರತೆ!

ನಟನೆಯ ಕೆಲಸ, ನಿರಂತರ ಶೂಟಿಂಗ್ ಹಾಗೂ ಬಿಡುವಿಲ್ಲದ ವೇಳಾಪಟ್ಟಿಯ ನಡುವೆ ಪತಿಗೆ ಬೇಕಾದಷ್ಟು ಸಮಯ ನೀಡಲು ಸಾಧ್ಯವಾಗಲಿಲ್ಲ ಎಂಬುದು ನಯನಾ ಅವರ ಪ್ರಮುಖ ಬೇಸರ. ಹೆಂಡತಿಯಾಗಿ ಪತಿಯನ್ನು ನೋಡಿಕೊಳ್ಳಬೇಕಾದ ರೀತಿಯಲ್ಲಿ ತಾವು ನಡೆದುಕೊಳ್ಳಲು ಸಾಧ್ಯವಾಗಲಿಲ್ಲ ಎಂಬ ಅಪರಾಧ ಪ್ರಜ್ಞೆ ತಮ್ಮನ್ನು ಕಾಡುತ್ತದೆ ಎಂದು ಅವರು ಹೇಳಿದ್ದಾರೆ.

ಶರತ್ ಒಳ್ಳೆಯ ವ್ಯಕ್ತಿಯಾಗಿದ್ದು, ಅವರಿಗೆ ತಮ್ಮನ್ನು ಮೀರಿದ ಕಾಳಜಿ ವಹಿಸುವ ಸಂಗಾತಿ ಸಿಗಬೇಕಿತ್ತು ಎಂಬ ಅಭಿಪ್ರಾಯವನ್ನೂ ನಯನಾ ವ್ಯಕ್ತಪಡಿಸಿದ್ದಾರೆ. ಅವರ ಈ ಮಾತುಗಳು ತಮ್ಮ ಪತಿಯ ಬಗ್ಗೆ ಅವರಿಗಿರುವ ಗೌರವ ಹಾಗೂ ತಾವು ಮಾಡಲಾಗದ ಕೆಲವು ಸಂಗತಿಗಳ ಕುರಿತಾದ ಪಶ್ಚಾತ್ತಾಪವನ್ನು ಪ್ರತಿಬಿಂಬಿಸುತ್ತವೆ.

ಆರ್ಥಿಕ ಬೆಂಬಲ ನೀಡಿದೆ, ಆದರೆ ಮಾನಸಿಕ ನೆಮ್ಮದಿ ಕೊಡಲಾಗಲಿಲ್ಲ!

ತಮ್ಮ ದಾಂಪತ್ಯ ಜೀವನದ ಬಗ್ಗೆ ಮಾತನಾಡುವಾಗ ನಯನಾ ಹಂಚಿಕೊಂಡ ಮತ್ತೊಂದು ವಿಚಾರ ಭಾವುಕವಾಗಿದೆ. ಪತಿಗೆ ಆರ್ಥಿಕವಾಗಿ ಬೆಂಬಲ ನೀಡಲು ಸಾಧ್ಯವಾಯಿತಾದರೂ, ಅವರಿಗೆ ಅಗತ್ಯವಿದ್ದ ಮಾನಸಿಕ ನೆಮ್ಮದಿ ಮತ್ತು ಸಮಯವನ್ನು ನೀಡಲು ಸಾಧ್ಯವಾಗಲಿಲ್ಲ ಎಂಬ ಬೇಸರವನ್ನು ಅವರು ವ್ಯಕ್ತಪಡಿಸಿದ್ದಾರೆ.

ದಂಪತಿಗಳ ಜೀವನದಲ್ಲಿ ಪ್ರೀತಿ ಮಾತ್ರವಲ್ಲದೆ, ಪರಸ್ಪರ ಸಮಯ ನೀಡುವುದು, ಒಬ್ಬರನ್ನೊಬ್ಬರು ಅರ್ಥಮಾಡಿಕೊಳ್ಳುವುದು ಹಾಗೂ ಜೊತೆಯಾಗಿ ಕ್ಷಣಗಳನ್ನು ಕಳೆಯುವುದೂ ಅಷ್ಟೇ ಮುಖ್ಯ. ಆದರೆ ವೃತ್ತಿಜೀವನದ ಒತ್ತಡದ ನಡುವೆ ಈ ಸಮತೋಲನವನ್ನು ಕಾಯ್ದುಕೊಳ್ಳಲು ಸಾಧ್ಯವಾಗಲಿಲ್ಲ ಎಂಬ ಭಾವನೆ ನಯನಾ ಅವರ ಮಾತುಗಳಲ್ಲಿ ವ್ಯಕ್ತವಾಗಿದೆ.

ಶರತ್ ಜೊತೆಗಿನ ದಾಂಪತ್ಯ ಜೀವನದ ಬಗ್ಗೆ ಚರ್ಚೆ

ನಯನಾ ಅವರು 2018ರ ಏಪ್ರಿಲ್ 19ರಂದು ಬೆಂಗಳೂರಿನ ಉದ್ಯಮಿ ಶರತ್ ಅವರೊಂದಿಗೆ ಧರ್ಮಸ್ಥಳದಲ್ಲಿ ವಿವಾಹವಾಗಿದ್ದರು. ಈ ದಂಪತಿಗೆ ಹೆಣ್ಣು ಮಗುವಿದ್ದು, ಮಗುವಿಗೆ ಅವಿನ್ಯಾ ಶ್ರೇಯಾ ಶೆಟ್ಟಿ ಎಂದು ಹೆಸರಿಡಲಾಗಿದೆ. ಕಿರುತೆರೆಯಲ್ಲಿ ತಮ್ಮ ಹಾಸ್ಯದಿಂದ ಜನರನ್ನು ನಗಿಸುವ ನಯನಾ, ವೈಯಕ್ತಿಕ ಜೀವನದ ಬಗ್ಗೆ ಇಷ್ಟು ಮುಕ್ತವಾಗಿ ಮಾತನಾಡಿರುವುದು ಇದೀಗ ಗಮನ ಸೆಳೆಯುತ್ತಿದೆ. ಅವರ ಹೇಳಿಕೆಗಳು ದಾಂಪತ್ಯದಲ್ಲಿ ಸಮಯ ಮತ್ತು ಪರಸ್ಪರ ಕಾಳಜಿಯ ಮಹತ್ವದ ಬಗ್ಗೆಯೂ ಚರ್ಚೆಗೆ ಕಾರಣವಾಗಿವೆ.

ಇನ್ನು ಪರದೆಯ ಮೇಲೆ ನಗುವಿನ ಅಲೆ ಎಬ್ಬಿಸುವ ನಟಿ ನಯನಾ ಅವರ ಮನದಾಳದ ಮಾತುಗಳು ಅವರ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿವೆ. ತಮ್ಮ ದಾಂಪತ್ಯದ ಏಳುಬೀಳುಗಳ ಬಗ್ಗೆ ಅವರು ಹಂಚಿಕೊಂಡಿರುವ ಅನುಭವಗಳು ಈಗ ಸಾಮಾಜಿಕ ಜಾಲತಾಣಗಳಲ್ಲಿಯೂ ಚರ್ಚೆಯಾಗುತ್ತಿವೆ.

Asianet Suvarna News

ನಟಿ ಕಯಾದು ಬಳಸಿದ ವಾಟರ್ ಬಾಟಲ್‌ಗೆ 3 ಲಕ್ಷ ರೂ: ‘ಇದೇನಿದು ಹುಚ್ಚು?’ ಎಂದ ನೆಟ್ಟಿಗರು

ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಕಯಾದು ಲೋಹರ್

ರಜನಿಕಾಂತ್ ಆನ್‌ಸ್ಕ್ರೀನ್ ಮೊಮ್ಮಗನ ಹಿನ್ನೆಲೆ ಗೊತ್ತಾದ್ರೆ ಶಾಕ್ ಆಗ್ತೀರಾ! ರಿತ್ವಿಕ್ ಜ್ಯೋತಿ ಏನೆಲ್ಲಾ ಮಾಡ್ಕೊಂಡಿದಾರೆ?

‘ಶಕುನಿ’ ಅಂತವರು ಯಾರು? ಧನ್ವೀರ್ ಗೌಡ ಪೋಸ್ಟ್ ಹಿಂದೆ ಯಾರಿದ್ದಾರೆ ಎಂಬುದೇ ಈಗ ಚರ್ಚೆ!

ಒಂದು ಸ್ಟೋರಿ.. ಹಲವು ಪ್ರಶ್ನೆಗಳು!

ವಿಜಯ್‌ ಬಳಿಕ ಮತ್ತೊಬ್ಬ ಸ್ಟಾರ್ ನಟ ರಾಜಕಾರಣಕ್ಕೆ ಎಂಟ್ರಿ?‌ ಬೆಚ್ಚಿಬಿದ್ದ TVK , ಕುತೂಹಲ ಮೂಡಿಸಿದ ನಡೆ

ರಾಜಕಾರಣಕ್ಕೆ ಧನುಷ್‌ ಎಂಟ್ರಿ?

ಧನುಷ್‌ ಸುದ್ದಿ ಮೂಲಗಳು ಏನು ಹೇಳ್ತಿವೆ?

ಧನುಷ್‌ ರಾಜಕಾರಣದ ಬಗ್ಗೆ ಟಿವಿಕೆ ಪ್ರತಿಕ್ರಿಯೆ

ಗಾನಕೋಗಿಲೆ ಪಾತ್ರಕ್ಕೆ ಈ ಕನ್ನಡ ನಟಿಗೆ ಬಿಗ್ ಆಫರ್? ಪಿ. ಸುಶೀಲಾ ಬಯೋಪಿಕ್‌ನಲ್ಲಿ ಬಿಗ್ ಸರ್ಪ್ರೈಸ್!

ಅಧಿಕೃತ ಘೋಷಣೆ ಯಾವಾಗ?

'ದುನಿಯಾ'ಗೆ ಸಿಗಲಿಲ್ಲ ನಯಾಪೈಸೆ ಸಂಭಾವನೆ.. ಸಿನಿಮಾ ಹಿಟ್ ಆದ್ಮೇಲೆ ಮಾಡಿದ ಆ ಒಂದು ತಪ್ಪಿನ ಬಗ್ಗೆ ನಟಿ ರಶ್ಮಿ ಓಪನ್ ಟಾಕ್!

'ಅವರಿಗೆ ದುರಹಂಕಾರವಿದೆ, ಜೋರ್ ಮಾಡುತ್ತಿದ್ದಾರೆ'

'ಬೇರೆ ಸಿನಿಮಾಗಳನ್ನು ಒಪ್ಪಿಕೊಂಡು ನಟಿಸಬೇಕಿತ್ತು'

ರಶ್ಮಿ ಕಹಿ ಅನುಭವಗಳು

ನಯಾಪೈಸೆ ಹಣವೂ ಸಿಗಲಿಲ್ಲ

Smriti Irani: ‘ಈ ನೆನಪುಗಳು ಸದಾ ನನ್ನೊಂದಿಗಿರುತ್ತವೆ…’ ಧಾರಾವಾಹಿ ಮುಕ್ತಾಯಕ್ಕೆ ಸ್ಮೃತಿ ಇರಾನಿ ಭಾವುಕ ಪೋಸ್ಟ್

ಎರಡೇ ದಿನಕ್ಕೆ ಎದೆ ಮೇಲಿನ ಗುಂಡಿನ ಗಾಯವೂ ಮಾಯ? ಬ್ಯಾಂಡೇಜ್​ ರಹಿತ ನಟ ಟೈಗರ್​ ಶ್ರಾಫ್​ ಫೋಟೋಸ್​ ವೈರಲ್​

ವಕೀಲರಿಂದ ಫೋಟೋ ಶೇರ್​

ಆರೋಪಿಗಳು ಹೇಳಿದ್ದೇನು?

Anupama Parameswaran: 'ನಮ್ಮಿಬ್ಬರ ವಯಸ್ಸಿನ ಅಂತರ ಸಾಕಷ್ಟಿದೆ'.. ಆದ್ರೂ ಮೋಹನ್‌ಲಾಲ್ ಮೇಲೆ ನಂಗೆ ಕ್ರಶ್!

ಮೋಹನ್‌ಲಾಲ್ ಅವರೇ ಅನುಪಮಾ ಅವರ ಸೆಲೆಬ್ರಿಟಿ ಕ್ರಶ್!

'ಕ್ರೇಜಿ ಕಲ್ಯಾಣಂ' ಬಳಿಕ ಅನುಪಮಾ ಬ್ಯುಸಿ

ಫೇಮ್‌, ದುಡ್ಡು ಸಿಕ್ಕಮೇಲಷ್ಟೇ ಗೌರವ ಕೊಡ್ತಾರಾ? ಸ್ಯಾಂಡಲ್‌ವುಡ್‌ನ ಕಹಿ ಸತ್ಯ ಬಿಚ್ಚಿಟ್ಟ ನಟಿ ತಪಸ್ವಿನಿ ಪೂಣಚ್ಚ

Ramayana: ಬಾಕ್ಸ್ ಆಫೀಸ್ ಧೂಳೀಪಟ ಮಾಡಿದ 'ರಾಮಾಯಣ'; ರಿಲೀಸ್ ಮುನ್ನವೇ ಕಲೆಕ್ಷನ್‌ನಲ್ಲಿ ಇತಿಹಾಸ ಸೃಷ್ಟಿಸಿದ ಸಿನೆಮಾ!

ವಿದೇಶಿ ಬಾಕ್ಸ್ ಆಫೀಸ್‌ನಲ್ಲಿ ಅಡ್ವಾನ್ಸ್ ಬುಕಿಂಗ್ ಹವಾ!

ಭಾರತದಲ್ಲಿ ಮೊದಲ ದಿನದ ಮುಂಗಡ ಬುಕಿಂಗ್ ಕಲೆಕ್ಷನ್!

ದಿಗ್ಗಜ ತಾರಾಗಣ ಹಾಗೂ ದೃಶ್ಯ ವೈಭವ!

YASH: ರಾಮಾಯಣದಲ್ಲಿ ಯಶ್ 'ರಾವಣ'ನ ತಾಂಡವ ನೃತ್ಯ; ಮೈ ಜುಂ ಎನ್ನಿಸುವ ವಿಡಿಯೋ ವೈರಲ್!

ಇಮ್ರಾನ್ ಹಶ್ಮಿಗಿಂತ ಆ ಹಾವು ಚೆನ್ನಾಗಿತ್ತು: ಸಂಚಲನ ಸೃಷ್ಟಿಸಿದ ಮಲ್ಲಿಕಾ ಶೆರಾವತ್

TIGER: ಒಂದು ವಾರದ ಮೊದಲೇ ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿಗೆ ಪ್ಲಾನ್ ಆಗಿತ್ತಾ? ಆದ್ರೆ ಆ ಮುಹೂರ್ತ ತಪ್ಪಿದ್ದು ಹೇಗೆ?

ಮುಂಬೈನ ಜುಹು ಪ್ರದೇಶದಲ್ಲಿರುವ ಪುಷ್ಪ ನರ್ಸೀ ಪಾರ್ಕ್‌

ಸಂಚಿನ ಹಿಂದೆ ಬೇರೆಯವರ ಕೈವಾಡವಿದೆಯೇ?

ಗುಂಡಿನ ಟಾರ್ಗೆಟ್ ಟೈಗರ್ ಶ್ರಾಫ್ ಆಗಿರಲಿಲ್ಲ; ಬಂಧಿತರಿಂದ ಸ್ಪೋಟಕ ಸತ್ಯ ಬಯಲು, ಬಿಗ್ ಟ್ವಿಸ್ಟ್

ಬಂಧಿತರು ಬಿಚ್ಚಿಟ್ಟ ಸ್ಪೋಟಕ ರಹಸ್ಯ

ಬಾಲಿವುಡ್‌ನಲ್ಲಿ ಭಯ ಹುಟ್ಟಿಸುವ ಉದ್ದೇಶ

ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್

ಬಿಗ್‌ಬಾಸ್ ಮನೆಯಲ್ಲಿ ಜಗದೀಶ್ ಹೇಳಿದ್ದು ಸುಳ್ಳಾ ? ಅಣ್ಣ ರಾಜು ಬಿಚ್ಚಿಟ್ಟ ರಹಸ್ಯ!

ಹಣ ಕೊಟ್ಟು ವೋಟ್ ಮಾಡುವಂತೆ ಹೇಳಲ್ಲ!

ಜಗದೀಶ್ ತಾಯಿ ಆರೋಗ್ಯ ಹೇಗಿದೆ?

ವಿನ್ ಆಗ್ತಾನೆ!

9 ವರ್ಷಗಳ ಬಳಿಕ ಶಿಲ್ಪಾ ಅಯ್ಯರ್ ಕನಸು ಈಡೇರಿದ್ದೇಗೆ? ನಂದಗೋಕುಲಕ್ಕೆ ಬರ್ತಿದ್ದಂತೆ ನನಸು!

ರಜನಿಕಾಂತ್ ಜೊತೆ ‘Jailer 2’ನಲ್ಲಿ ಅಬ್ಬರಿಸಿದ ಸುಂದರಿ ಯಾರು! ಹೃತಿಕ್ ಜೊತೆಗಿನ ಆ್ಯಕ್ಷನ್ ನೋಡಿ ವೀಕ್ಷಕರು ಫಿದಾ

ವ್ಲಾಗಿಂಗ್‌ನಿಂದಲೇ ಕೋಟ್ಯಧಿಪತಿ! ₹5 ಕೋಟಿ ಕಾರು ಕಲೆಕ್ಷನ್, ತಿಂಗಳಿಗೆ ₹3 ಕೋಟಿ ಆದಾಯ? ಯಾರು ಈ Gen-Z ಯೂಟ್ಯೂಬರ್?

ದಸರಾ ದಿನವೇ ಮಗಳ ಹೆಸರು ಪ್ರಕಟಿಸಿದ ದೀಪಿಕಾ-ರಣ್‌ವೀರ್: ಎರಡನೇ ಮಗಳಿಗೆ ಸ್ಟಾರ್‌ ಜೋಡಿ ಇಟ್ಟ ಹೆಸರೇನು ಗೊತ್ತಾ?

ಸೋಶಿಯಲ್‌ ಮೀಡಿಯಾದಲ್ಲಿ 'ದೇವಿ ಪಡುಕೋಣೆ ಸಿಂಗ್' ಹೆಸರು ಪ್ರಕಟ

ಸೆಪ್ಟೆಂಬರ್ 19 ರಂದು ದೇವಿಯ ಆಗಮನ

ರೀಲ್ ಲೈಫ್‌ನಿಂದ ರಿಯಲ್ ಲೈಫ್‌ವರೆಗೆ ದೀಪ್‌ವೀರ್ ಪ್ರೇಮ ಪಯಣ

ಬಾಲಿವುಡ್‌ನಲ್ಲಿ ದೇಶಭಕ್ತಿ, ಭಕ್ತಿಪ್ರಧಾನ ಸಿನಿಮಾದ್ದೇ ಹವಾ; ಅನುರಾಗ್ ಕಶ್ಯಪ್ ಅಸಮಾಧಾನ, ಏನಿದರ ಮರ್ಮ!?

‘ಲಿಟಲ್ ಥಾಮಸ್’ಗೆ ಅನುರಾಗ್ ಕಶ್ಯಪ್ ಬೆಂಬಲ

ವಿಭಿನ್ನ ಕಥೆಗಳಿಗೂ ಅವಕಾಶ ಸಿಗಲಿ

"ಅದೆಲ್ಲ ದುಡ್ಡಲ್ಲ, ಕಣ್ಣು ಮುಚ್ಚೋದ್ರೊಳಗೆ ಮಾಯವಾಗುತ್ತೆ".. ರೈತರಿಗೆ ಕಣ್ಣು ತೆರೆಸುವ ಆರ್ಥಿಕ ಪಾಠ ಹೇಳಿದ ವಿನೋದ್ ರಾಜ್

"ದುಡ್ಡು ನಿಮ್ಮನ್ನ ಆಳಬಾರದು, ನೀವೇ ದುಡ್ಡನ್ನ ಆಳಬೇಕು!"

ವಿನೋದ್ ರಾಜ್ ಬಿಚ್ಚಿಟ್ಟ 40 ಲಕ್ಷದ ಲೆಕ್ಕಾಚಾರ

1. ಒಂದು ವರ್ಷದ ಖರ್ಚು ಪ್ರತ್ಯೇಕವಾಗಿರಲಿ

2. ಒಟ್ಟಿಗೆ 40 ಲಕ್ಷ ಒಂದೇ FD ಮಾಡಬೇಡಿ

3. ಈ ಐಡಿಯಾದಿಂದಾಗುವ ಲಾಭವೇನು?

ಕಾಂಗ್ರೆಸ್​, ಬಿಜೆಪಿಯವ್ರು ಆಫರ್​ ಕೊಟ್ರೂ JDSಗೆ ಹೋಗಿದ್ಯಾಕೆ Bigg Boss ಜಾಹ್ನವಿ? ಏನ್​ ಹೇಳಿದ್ರು ಕೇಳಿ

ಜಾಹ್ನವಿ ಹೇಳಿದ್ದೇನು?

ಎಲ್ಲೆಡೆಯಿಂದ ಕಾಲ್​ ಬಂದಿತ್ತು

Premada Oorali ತಂಡ ಶಿವಣ್ಣನ ಮನೆಯಲ್ಲಿ: ನಟ ಏನಂದ್ರು? ಸುಂದರ ಕ್ಷಣಗಳ ಫೋಟೋಸ್​ ಇಲ್ಲಿವೆ

ಯಶಸ್ಸಿನ ಓಟದಲ್ಲಿರುವ ಪ್ರೇಮದ ಊರಲಿ ಸಿನಿಮಾ ನಟಿ ಭಾವುಕ, ಕ್ಷಮಿಸಿ ಎಂದು ಕಣ್ಣೀರಿಟ್ಟ ಇಳಾ ವಿಟ್ಲ

ತಾಳಿ ಅಡವಿಟ್ಟ ಘಟನೆ ನೆನದು ಭಾವುಕರಾದ ಇಳಾ ವಿಟ್ಲಾ

ಈ ಪರಿಸ್ಥಿತಿ ಯಾರಿಗೂ ಬರಬಾರದು

ವಿಜಯದಶಮಿ ದಿನ ವಿಜಯಲಕ್ಷ್ಮಿ ಚಮತ್ಕಾರ.. ದರ್ಶನ್ ಹಾಗೂ ಜವಾಬ್ದಾರಿ ಬಗ್ಗೆ ಮಾತು; ಯಾರಿಗೆ ಕೌಂಟರ್ ?

ವಿಜಯದಶಮಿ ಶುಭಾಶಯದೊಂದಿಗೆ ವಿಜಯಲಕ್ಷ್ಮಿ ಸಂದೇಶ

ಚಾಮರಾಜನಗರ ದಸರಾದಲ್ಲಿ ಧನ್ವೀರ್ ಗೌಡ ಹೇಳಿದ್ದೇನು?

ದೊಡ್ಡ ಬಜೆಟ್ ಸಿನಿಮಾಗಳಿಗೂ ಸೆಡ್ಡು ಹೊಡೆದ ‘ಹನುಮಾನ್ ಅಂಶ’! 74ನೇ ದಿನವೂ ಕೋಟಿ ಕೋಟಿ ಕಲೆಕ್ಷನ್

ಬಾಕ್ಸ್ ಆಫೀಸ್’ನಲ್ಲಿ ಮುಂದುವರೆದ ‘ಹನುಮಾನ್ ಅಂಶ’ ಅಬ್ಬರ

74ನೇ ದಿನ ‘ಹನುಮಾನ್ ಅಂಶ’ ಗಳಿಕೆ ಎಷ್ಟು?

ಬಹಳ ದಿನಗಳ ಬಳಿಕ ಯೂಟ್ಯೂಬ್‌ಗೆ ನಟಿ ಕೃಷಿ ತಾಪಂಡ ಎಂಟ್ರಿ.. ಇಶಾ ಫೌಂಡೇಶನ್‌ನಿಂದ ಬಂತು 'ಗೆಟ್ ರೆಡಿ ವಿತ್ ಮಿ' Vlog

ಇಶಾ ಫೌಂಡೇಶನ್‌ನಲ್ಲಿ ಗೋಶಾಲೆಗೆ ಭೇಟಿ

ಮೈಸೂರಿನ ಬುಟೀಕ್ ಕುರ್ತಾ & ಫ್ರೆಂಡ್ಸ್ ಜೊತೆ ಒಡನಾಟ

ಅಭಿಮಾನಿಗಳಿಗೆ ಕೃಷಿ ನೀಡಿದ ಬ್ಯೂಟಿ ಟಿಪ್ಸ್

ಪುಟ್ಟ ಶಾರದಾ ಜೊತೆ ಮುದ್ದಾದ ಕ್ಷಣಗಳು

ಟೈಗರ್ ಶ್ರಾಫ್‌ನಂತಹ ಮಸ್ಕ್ಯುಲರ್ ಬಾಡಿ ಬೇಕಾ? ಈ ವರ್ಕೌಟ್ ಟಿಪ್ಸ್ ಫಾಲೋ ಮಾಡಿ

ದಸರಾ ಗೊಂಬೆಗಳ ಜೊತೆ ಮುದ್ದು ಗೊಂಬೆಯಾದ ಭವ್ಯಾ ಗೌಡ! ಕೆಂಪು ಸೀರೆಯಲ್ಲಿ ನಟಿಯ ಕ್ಯೂಟ್ ಲುಕ್

ಸಲ್ಮಾನ್ ಖಾನ್​​ ಹಟಕ್ಕೆ ಸಾಲು ಸಾಲು ಕೊಲೆ, ಕೊಲೆ ಯತ್ನ- ನಟನಿಗೆ ಬಿಷ್ಣೋಯಿ ನಾಯಕ ಕೊಟ್ಟ ಸಲಹೆ ಏನು

ಕ್ಷಮೆಗೆ ಆಗ್ರಹ

ಎರಡೇ ದಿನಕ್ಕೆ ಎದೆ ಮೇಲಿನ ಗುಂಡಿನ ಗಾಯವೂ ಮಾಯ? ಬ್ಯಾಂಡೇಜ್ ರಹಿತ ನಟ ಟೈಗರ್ ಶ್ರಾಫ್ ಫೋಟೋಸ್ ವೈರಲ್

ವಕೀಲರಿಂದ ಫೋಟೋ ಶೇರ್

ಕಾಂಗ್ರೆಸ್, ಬಿಜೆಪಿಯವ್ರು ಆಫರ್ ಕೊಟ್ರೂ JDSಗೆ ಹೋಗಿದ್ಯಾಕೆ Bigg Boss ಜಾಹ್ನವಿ? ಏನ್ ಹೇಳಿದ್ರು ಕೇಳಿ

ಎಲ್ಲೆಡೆಯಿಂದ ಕಾಲ್ ಬಂದಿತ್ತು

Premada Oorali ತಂಡ ಶಿವಣ್ಣನ ಮನೆಯಲ್ಲಿ: ನಟ ಏನಂದ್ರು? ಸುಂದರ ಕ್ಷಣಗಳ ಫೋಟೋಸ್ ಇಲ್ಲಿವೆ

ಸಲ್ಮಾನ್ ಖಾನ್ ಹಟಕ್ಕೆ ಸಾಲು ಸಾಲು ಕೊಲೆ, ಕೊಲೆ ಯತ್ನ- ನಟನಿಗೆ ಬಿಷ್ಣೋಯಿ ನಾಯಕ ಕೊಟ್ಟ ಸಲಹೆ ಏನು

ಅಷ್ಟಕ್ಕೂ ಸಲ್ಮಾನ್ ಖಾನ್ ಮೇಲೆ ಏಕಿಷ್ಟು ಕೋಪ?

Bigg Boss ಕಾವ್ಯಾ ಗೌಡ ಮತ್ತೆ ಎಂಟ್ರಿ ಕೊಡ್ತಾರಾ? ನಟಿ ಪ್ರಕಾರ ಈ ಬಾರಿ ವಿನ್ನರ್ ಯಾರಾಗಬೇಕು

Bigg Boss 13ನಿಂದ ಎಲಿಮಿನೇಟ್ ಆದ ನಟಿ ಕಾವ್ಯಾ ಗೌಡಗೆ ಸಿಕ್ಕ ಸಂಭಾವನೆ ಎಷ್ಟು

ಸೀರಿಯಲ್ಗಳಲ್ಲಿ ಮನರಂಜನೆಯ ಅಂಬಾರಿ: ನಟಿ ಸುಧಾರಾಣಿ ಎಂಟ್ರಿ- ಧಾರಾವಾಹಿಗಳ ಟ್ವಿಸ್ಟ್ ರಿವೀಲ್

ಅಮೃತಧಾರೆ ಸೀರಿಯಲ್ ಕುರಿತು...

ಅಣ್ಣಯ್ಯ ಸೀರಿಯಲ್ (Annaya Serial) ಏನಾಗಲಿದೆ?

ನಾ ನಿನ್ನ ಬಿಡಲಾರೆ (Naa Ninna Bidalaare Serial) ಟ್ವಿಸ್ಟ್

ಲೈವ್ನಲ್ಲಿ ಬಂದು ಫ್ಯಾನ್ಸ್ಗೆ ಗುಡ್ನ್ಯೂಸ್ ಕೊಟ್ಟ ನಟಿ ರಾಧಾ ಭಗವತಿ: ಫ್ಯಾನ್ಸ್ ಆಸೆ ಈಡೇರಿತು

ಲಾಯರ್ ಆಗಿ ಎಂಟ್ರಿ

ನೀವೆಲ್ಲಾ ಮಿಸ್ ಮಾಡಿಕೊಂಡಿದ್ದೀರಿ