Asianet Suvarna News

ಅತಿಥ್ಯದಲ್ಲಿ ಪ್ರಭಾಸ್ ಅಕ್ಷಯ ಪಾತ್ರೆ, ಒಂದು ದಿನದ ಊಟಕ್ಕೆ ಎಷ್ಟು ಖರ್ಚು ಮಾಡ್ತಾರೆ? ಫೇವರಿಟ್ ತಿಂಡಿ ರಿವೀಲ್

Ganesh Mabla Gowda — Wed, 11 Nov 2026 08:45:23 +0530

'ಬಾಹುಬಲಿ' ಖ್ಯಾತಿಯ ಡಾರ್ಲಿಂಗ್ ಪ್ರಭಾಸ್ ಪ್ಯಾನ್ ಇಂಡಿಯಾ ಸ್ಟಾರ್! ಅವರಿಗೆ ಅಪಾರ ಅಭಿಮಾನಿಗಳಿದ್ದಾರೆ. ಇದೀಗ ಅವರ ಅಭಿಮಾನಿಗಳಿಗೆ ನಟನ ಕುರಿತ ಸಿಕ್ರೇಟ್ ಒಂದು ರಿವೀಲ್ ಆಗಿದೆ. ನಿಮಗೆ ಗೊತ್ತಾ? ಪ್ರಭಾಸ್ ಶೂಟಿಂಗ್ ಸೆಟ್‌ನಲ್ಲಿದ್ದಾಗ ಒಂದು ದಿನದ ಊಟಕ್ಕೆ ಎಷ್ಟು ಲಕ್ಷ ರೂಪಾಯಿ ಖರ್ಚು ಮಾಡುತ್ತಾರೆ ಎಂದು?

ಪ್ರಭಾಸ್ ಸಿಕ್ರೇಟ್

ಈ ಬಗ್ಗೆ ರೆಬಲ್ ಸ್ಟಾರ್ ಕೃಷ್ಣಂ ರಾಜು ಪತ್ನಿ ಶ್ಯಾಮಲಾ ದೇವಿ ಮಾತನ್ನಾಡಿದ್ದಾರೆ. ಕೃಷ್ಣಂ ರಾಜು, ಪ್ರಭಾಸ್ ಅವರ ದೊಡ್ಡಪ್ಪ ಆಗಿದ್ದರು. ಶ್ಯಾಮಲಾ ದೇವಿ ಅವರು ತಮ್ಮ ಕುಟುಂಬದ ಆಹಾರ ಪದ್ಧತಿ, ಆಹಾರದ ರಹಸ್ಯಗಳ ಬಗ್ಗೆ ಸಂದರ್ಶನ ಒಂದರಲ್ಲಿ ಹಂಚಿಕೊಂಡಿದ್ದಾರೆ. ಕೃಷ್ಣಂ ರಾಜು ಮತ್ತು ಪ್ರಭಾಸ್ ಇಬ್ಬರೂ ಹೆಚ್ಚು ಕಡಿಮೆ ಒಂದೇ ರೀತಿಯ ಆಹಾರ ಇಷ್ಟಪಡುತ್ತಾರೆ. ಸಾಂಪ್ರದಾಯಿಕ ಮನೆಯಲ್ಲಿ ಮಾಡಿದ ಭಕ್ಷ್ಯಗಳು ಅಂದ್ರೆ ಇಷ್ಟ. ನಮ್ಮ ಪ್ರಬಾಸ್ ವಿಶೇಷವಾಗಿ ಮೀನು ಸೂಪ್ ಇಷ್ಟಪಡುತ್ತಾರೆ.

ಹಿಂದೆ ನಮ್ಮ ಪತಿ ಕೃಷ್ಣಂ ರಾಜು ಶೂಟಿಂಗ್ ಸೆಟ್‌ಗಳಿಗೆ ಊಟಕ್ಕಾಗಿಯೇ ದೊಡ್ಡ ಗಾಡಿಗಳನ್ನು ಕಳುಹಿಸುತ್ತಿದ್ದರು. ಅದರಲ್ಲಿರುವ ಭಕ್ಷ್ಯಗಳಿಗಾಗಿ ಅವರ ಜೊತೆ ಕೆಲಸ ಮಾಡೋರು ಕಾತುರದಿಂದ ಕಾಯುತ್ತಿದ್ದರು. ಇನ್ನು, ಪ್ರಭಾಸ್ ಚೀಟ್ ಡೇಯಲ್ಲಿದ್ದಾಗ ಮೀನು ಸೂಪ್ ತಯಾರಿಸಿಕೊಳ್ಳುತ್ತಿದ್ದರು. ಕೃಷ್ಣಂ ರಾಜು ಆಹರಾ ತಯಾರಿಸುವ ಸಂದರ್ಭದಲ್ಲಿ ಉಪ್ಪು ಮತ್ತು ಮಸಾಲೆಗಳು ಸರಿಯಾಗಿವೆಯೋ ಇಲ್ಲವೋ ಅನ್ನೋದನ್ನ ನಿಖರವಾಗಿ ಹೇಳುತ್ತಿದ್ದರು. ಅವರು ಕೇವಲ ಒಬ್ಬರಿಗಾಗಿ ಮಾತ್ರ ಅಡುಗೆ ಮಾಡಿಕೊಳ್ಳುತ್ತಿರಲಿಲ್ಲ. ನಾಲ್ಕು ಜನರಿಗೆ ಊಟ ಹಾಕೋದ್ರಲ್ಲಿ ತುಂಬಾ ಇಷ್ಟಪಡುತ್ತಿದ್ದರು ಎಂಬ ವಿಚಾರವನ್ನ ತಿಳಿಸಿದ್ದಾರೆ.

ಇನ್ನು ಕೃಷ್ಣಂ ರಾಜು ಕುಟುಂಬ ರಾಜಮನೆತನದ ಆತಿಥ್ಯ ಪದ್ಧತಿ ಅಳವಡಿಸಿಕೊಂಡಿದೆ. ವಿಶೇಷವಾಗಿ ಮೀನು ಸೂಪ್, ಬಿರಿಯಾನಿ ಮತ್ತು ಮಾಂಸಾಹಾರಿ ಭಕ್ಷ್ಯಗಳು ಅಂದರೆ ತುಂಬಾ ಇಷ್ಟ. ಕೃಷ್ಣಂ ರಾಜು ಸ್ವತಃ ಭಕ್ಷ್ಯಗಳನ್ನು ಪರಿಶೀಲಿಸಿ ಅತಿಥಿಗಳು ಇಷ್ಟಪಡುವುದನ್ನೇ ಮಾಡಿ ಬಡಿಸುತ್ತಿದ್ದರು ಎಂಬ ವಿಚಾರವನ್ನು ಹೇಳಿ ಭಾವುಕರಾಗಿದ್ದಾರೆ.

ಈಗ ಪ್ರಭಾಸ್ ಕೂಡ ಅದೇ ಸಂಪ್ರದಾಯ ಮುಂದುವರಿಸಿದ್ದಾರೆ. ಅವರು ಎಲ್ಲಿಗೆ ಹೋದರೂ, ಯಾವುದೇ ಶೂಟಿಂಗ್ ಸ್ಥಳದಲ್ಲಿ ತಮ್ಮ ಮನೆಯಲ್ಲಿ ಬೇಯಿಸಿದ ರುಚಿಕರ ಊಟವನ್ನು ತಮ್ಮ ಸುತ್ತಲಿನ ಹತ್ತು ಅಥವಾ ಇಪ್ಪತ್ತು ಜನರಿಗೆ ಕಳುಹಿಸುತ್ತಾರೆ. ಇವತ್ತು ಪ್ರಭಾಸ್ ಕೂಡ ತಾವು ಒಬ್ಬರೆ ಊಟ ಮಾಡೋದಿಲ್ಲ. ತಮ್ಮ ಸಿಬ್ಬಂದಿ ಮತ್ತು ಸಹ ನಟರಿಗೂ ಊಟ ತಯಾರಿಸುತ್ತಾರೆ. ಪ್ರತಿದಿನ ಮಟನ್, ಕೋಳಿ, ಸೀಗಡಿ, ಏಡಿ, ವಿವಿಧ ರೀತಿಯ ಮೀನು ಕರಿ, ಬಿರಿಯಾನಿ ಸೇರಿದಂತೆ ಬಗೆಬಗೆಯ ಖಾದ್ಯಗಳನ್ನು ತಯಾರಿಸಲಾಗುತ್ತದೆ ಎಂದಿದ್ದಾರೆ.

ಇದಕ್ಕಾಗಿಯೇ ನಮ್ಮ ಮನೆಯಲ್ಲಿ ಅಡುಗೆಯವರ ವಿಶೇಷ ತಂಡ ಕೆಲಸ ಮಾಡುತ್ತಿರುತ್ತದೆ. ಪ್ರಭಾಸ್ ಅವರ ಶೂಟಿಂಗ್ ಸೆಟ್‌ಗಳಲ್ಲಿ ಒಂದು ದಿನದ ಊಟದ ವೆಚ್ಚ ಸುಮಾರು 2 ಲಕ್ಷ ರೂ. ಎಂದು ಅಂದಾಜಿಸಲಾಗಿದೆ. ಬೇರೆಯವರಿಗೆ ಊಟ ಮಾಡಿ ಬಡಿಸೋದನ್ನು ಪ್ರಭಾಸ್ ತುಂಬಾ ಇಷ್ಟಪಡುತ್ತಾರೆ ಎಂದು ಶ್ಯಾಮಲಾ ತಿಳಿಸಿದ್ದಾರೆ.

ಸಂಗೀತ ಪ್ರೇಮಿಗಳಿಗೆ ಆಘಾತ, ಸರಿಗಮಪ ಶೋ ಖ್ಯಾತಿಯ ಗಿಟಾರ್ ಮಾಂತ್ರಿಕ ಶ್ರೀನಿವಾಸ್ ನಿಧನ

Chethan Kumar — Tue, 10 Nov 2026 23:22:30 +0530

ಬೆಂಗಳೂರು (ನ.10) ಗಿಟಾರ್ ನಾದ ಮೂಲಕ ಕೋಟಿ ಕೋಟಿ ಮನಸ್ಸು ಗೆದ್ದಿದ್ದ ಗಿಟಾರ್ ಶ್ರನಿವಾಸ್ ನಿಧನರಾಗಿದ್ದಾರೆ. ಸರಿಗಮಪ ರಿಯಾಲಿಟಿ ಶೋನಲ್ಲಿ ಬೆರಳ ತುದಿಗಳಲ್ಲಿ ಗಿಟಾರ್ ನಾದ ಮೂಲಕ ಕೇಳುಗರಿಗೆ ಇಂಪು ನೀಡುತ್ತಿದ್ದ ಗಿಟಾರ್ ಶ್ರಿನಿವಾಸ್ ನಿಧನಕ್ಕೆ ಕನ್ನಡಿಗರು ಕಂಬನಿ ಮಿಡಿದಿದ್ದಾರೆ. ಕನ್ನಡ ಕಿರುತೆರೆಯ ಅತ್ಯಂತ ಜನಪ್ರಿಯ ಸಂಗೀತ ರಿಯಾಲಿಟಿ ಶೋ ಸರಿಗಮಪ ಕಾರ್ಯಕ್ರಮದ ಹಿನ್ನೆಲೆ ಸಂಗೀತಕ್ಕೆ ತಮ್ಮ ಅದ್ಭುತ ಗಿಟಾರ್ ವಾದನದ ಮೂಲಕ ಜೀವ ತುಂಬುತ್ತಿದ್ದ ಖ್ಯಾತ ಸಂಗೀತ ಕಲಾವಿದ ಡಿ ಶ್ರೀನಿವಾಸ್ ಆಚಾರ್ ಅಗಲಿಗೆ ಸಹಕಲಾವಿದರಿಗೆ ಆಘಾತ ನೀಡಿದೆ.

ಕಳೆದ ಹಲವು ವರ್ಷಗಳಿಂದ 'ಸರಿಗಮಪ' ಸೇರಿದಂತೆ ದಕ್ಷಿಣ ಭಾರತದ ಹಲವಾರು ಪ್ರಮುಖ ಸಂಗೀತ ಕಾರ್ಯಕ್ರಮಗಳು, ಚಲನಚಿತ್ರಗಳು ಹಾಗೂ ಸುಗಮ ಸಂಗೀತ ಕಚೇರಿಗಳಲ್ಲಿ ಗಿಟಾರ್ ವಾದಕರಾಗಿ ಶ್ರೀನಿವಾಸ್ ಆಚಾರ್ ಕಾರ್ಯನಿರ್ವಹಿಸುತ್ತಿದ್ದರು. ವೇದಿಕೆಯ ಮೇಲೆ ಗಾಯಕರು ಹಾಡಲು ಶುರು ಮಾಡಿದಾಗ, ತಮ್ಮ ಗಿಟಾರ್‌ನ ನಾದದಿಂದಲೇ ಗಾಯನಕ್ಕೆ ಅಪಾರ ಮೆರುಗು ನೀಡುತ್ತಿದ್ದರು. ಅವರ ಬೆರಳ ತುದಿಯ ಮಾಂತ್ರಿಕತೆ ಅಪಾರ ಸಂಖ್ಯೆಯ ಸಂಗೀತ ಪ್ರೇಮಿಗಳ ಮನ ಗೆದ್ದಿತ್ತು. ಝೀ ವಾಹನಿ ಶ್ರದ್ಧಾಂಜಲಿ ಸಲ್ಲಿಸಿದೆ.

ಅಮೃತ ಖಂಜೀರಾ ಹಾಗೂ ಸಂಗೀತ ಲೋಕದ ಶೋಕ

ಶ್ರೀನಿವಾಸ್ ಆಚಾರ್ ಅವರ ಅಗಲಿಕೆಯ ಸುದ್ದಿ ತಿಳಿಯುತ್ತಿದ್ದಂತೆ ಸಂಗೀತ ಕ್ಷೆತ್ರದ ದಿಗ್ಗಜರು ಹಾಗೂ ಸಹಕಲಾವಿದರು ತೀವ್ರ ಕಂಬನಿ ಮಿಡಿದಿದ್ದಾರೆ. ಖ್ಯಾತ ಕಂಜೀರಾ ವಾದಕ ಅಮೃತ್ ಸೇರಿದಂತೆ ಹಿರಿಯ ನುರಿತ ವಾದ್ಯಕಲಾವಿದರು ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ಶೋಕ ಸಂದೇಶವನ್ನು ಹಂಚಿಕೊಂಡಿದ್ದಾರೆ. "ನಮ್ಮ ಪ್ರೀತಿಯ ಮತ್ತು ಕನ್ನಡಿಗರ ನೆಚ್ಚಿನ ಗಿಟಾರ್ ಮಾಂತ್ರಿಕ ಶ್ರೀನಿವಾಸ್ ಆಚಾರ್ ಅವರ ಹಠಾತ್ ಅಗಲಿಕೆಯ ಸುದ್ದಿ ಕೇಳಿ ತೀವ್ರ ಆಘಾತವಾಗಿದೆ. ಅವರ ಆತ್ಮಕ್ಕೆ ಶಾಂತಿ ಸಿಗಲಿ, ಅವರ ಕುಟುಂಬಕ್ಕೆ ಈ ನೋವನ್ನು ತಡೆಯುವ ಶಕ್ತಿಯನ್ನು ಭಗವಂತ ನೀಡಲಿ" ಎಂದು ಸಂಗೀತ ಸಹೋದ್ಯೋಗಿಗಳು ಭಾವಪೂರ್ಣ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.

'ಸರಿಗಮಪ' ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ ನೂರಾರು ಬಾಲ ಗಾಯಕರು ಹಾಗೂ ಯುವ ಸ್ಪರ್ಧಿಗಳ ಹಾಡಿಗೆ ಹಿನ್ನೆಲೆ ಧ್ವನಿಯಾಗಿ, ಅವರಿಗೆ ಮಾರ್ಗದರ್ಶನ ನೀಡುತ್ತಾ ಪ್ರೋತ್ಸಾಹಿಸುತ್ತಿದ್ದ ಶ್ರೀನಿವಾಸ್ ಆಚಾರ್ ಅವರ ನಗುವಿನ ಮುಖ ಮತ್ತು ಲಯಬದ್ಧ ಗಿಟಾರ್ ನಾದ ಇನ್ನು ನೆನಪು ಮಾತ್ರ. ಕನ್ನಡ ಸುಗಮ ಸಂಗೀತ ಹಾಗೂ ಸಾಂಸ್ಕೃತಿಕ ಕಚೇರಿಗಳ ರಂಗದಲ್ಲಿ ಶ್ರೀನಿವಾಸ್ ಅವರ ಕೊಡುಗೆ ಅಪಾರವಾಗಿದೆ.

View this post on Instagram

A post shared by Zee Kannada (@zeekannada)

ಶೂರ್ಪನಖಿಯ ಮೂಗು ಕತ್ತರಿಸಿದ ಜಾಗ ಯಾವುದು ಗೊತ್ತಾ? ರಾಮಾಯಣದ ಈ ರಹಸ್ಯ ಸ್ಥಳ ಇರುವುದು ಮಹಾರಾಷ್ಟ್ರದಲ್ಲಿ!

Bhimasi M Koleppanavar — Tue, 10 Nov 2026 22:49:25 +0530

ಭಾರತದಲ್ಲಿ ರಾಮಾಯಣಕ್ಕೆ ಸಂಬಂಧಿಸಿದ ಅನೇಕ ಪೌರಾಣಿಕ ಹಾಗೂ ಧಾರ್ಮಿಕ ಸ್ಥಳಗಳಿವೆ. ಇಂದಿಗೂ ಈ ಸ್ಥಳಗಳು ಭಕ್ತರು, ಪ್ರವಾಸಿಗರು ಮತ್ತು ಇತಿಹಾಸಾಸಕ್ತರನ್ನು ಆಕರ್ಷಿಸುತ್ತಿವೆ. ಭಗವಾನ್ ಶ್ರೀರಾಮ, ಸೀತಾಮಾತೆ ಹಾಗೂ ಲಕ್ಷ್ಮಣರು 14 ವರ್ಷಗಳ ವನವಾಸದ ಸಂದರ್ಭದಲ್ಲಿ ಸಂಚರಿಸಿದರೆಂದು ನಂಬಲಾದ ಹಲವು ಪ್ರದೇಶಗಳು ದೇಶದ ವಿವಿಧ ಭಾಗಗಳಲ್ಲಿವೆ. ಅಂತಹ ಪ್ರಮುಖ ಸ್ಥಳಗಳಲ್ಲಿ ಮಹಾರಾಷ್ಟ್ರದ ನಾಸಿಕ್ ಕೂಡ ಒಂದು. ಇಲ್ಲಿನ ಪಂಚವಟಿ ಮತ್ತು ತಪೋವನ ಪ್ರದೇಶಗಳು ರಾಮಾಯಣದ ಮಹತ್ವದ ಪ್ರಸಂಗಗಳೊಂದಿಗೆ ನಂಟು ಹೊಂದಿವೆ. ಅದರಲ್ಲೂ ರಾವಣನ ಸಹೋದರಿ ಶೂರ್ಪನಖಿಯ ಮೂಗನ್ನು ಲಕ್ಷ್ಮಣ ಕತ್ತರಿಸಿದ ಸ್ಥಳವೆಂದು ನಂಬಲಾಗಿರುವ ತಪೋವನ ಪ್ರವಾಸಿಗರಲ್ಲಿ ವಿಶೇಷ ಕುತೂಹಲ ಮೂಡಿಸಿದೆ.

ಶೂರ್ಪನಖಿಗೆ ಸಂಬಂಧಿಸಿದ ದೇವಾಲಯ ಎಲ್ಲಿದೆ?

ಮಹಾರಾಷ್ಟ್ರದ ನಾಸಿಕ್ ನಗರದ ಪಂಚವಟಿ ಸಮೀಪದಲ್ಲಿರುವ ತಪೋವನ ಪ್ರದೇಶದಲ್ಲಿ ಶೂರ್ಪನಖಿಯ ಪ್ರಸಂಗಕ್ಕೆ ಸಂಬಂಧಿಸಿದ ಧಾರ್ಮಿಕ ತಾಣವಿದೆ. ಇಲ್ಲಿ ಲಕ್ಷ್ಮಣನಿಗೆ ಅರ್ಪಿತವಾದ ದೇವಾಲಯವೂ ಇದೆ. ಇದನ್ನು ತಪೋವನದ ಲಕ್ಷ್ಮಣ ದೇವಾಲಯ ಎಂದು ಕರೆಯಲಾಗುತ್ತದೆ. ಗೋದಾವರಿ ಮತ್ತು ಕಪಿಲಾ ನದಿಗಳ ಸಂಗಮದ ಸಮೀಪದಲ್ಲಿರುವ ಈ ಪ್ರದೇಶಕ್ಕೆ ರಾಮಾಯಣದ ಹಿನ್ನೆಲೆಯಿಂದ ವಿಶೇಷ ಧಾರ್ಮಿಕ ಮಹತ್ವವಿದೆ. ನಾಸಿಕ್ ಜಿಲ್ಲಾಡಳಿತದ ಪ್ರವಾಸೋದ್ಯಮ ಮಾಹಿತಿಯಲ್ಲಿಯೂ ತಪೋವನವನ್ನು ರಾಮಾಯಣದೊಂದಿಗೆ ಸಂಬಂಧ ಹೊಂದಿರುವ ಪ್ರಮುಖ ಸ್ಥಳವೆಂದು ಉಲ್ಲೇಖಿಸಲಾಗಿದೆ. ಇದೇ ಪ್ರದೇಶದಲ್ಲಿ ಲಕ್ಷ್ಮಣನು ಶೂರ್ಪನಖಿಯ ಮೂಗನ್ನು ಕತ್ತರಿಸಿದನೆಂಬ ಪೌರಾಣಿಕ ನಂಬಿಕೆ ಇಂದಿಗೂ ಜನಪ್ರಿಯವಾಗಿದೆ. ರಾಮ ಪರ್ಣಕುಟಿ ಮತ್ತು ಲಕ್ಷ್ಮಣ ದೇವಾಲಯ ಸೇರಿದಂತೆ ಹಲವು ಧಾರ್ಮಿಕ ತಾಣಗಳು ಇಲ್ಲಿವೆ.

ಶೂರ್ಪನಖಿಯ ಮೂಗು ಕತ್ತರಿಸಿದ ಸಂಪೂರ್ಣ ಕಥೆಯೇನು?

ರಾಮಾಯಣದ ಅರಣ್ಯಕಾಂಡದಲ್ಲಿ ಶೂರ್ಪನಖಿಯ ಪ್ರಸಂಗವನ್ನು ವಿವರಿಸಲಾಗಿದೆ. ಕಥೆಯ ಪ್ರಕಾರ, ಭಗವಾನ್ ಶ್ರೀರಾಮನು ಸೀತಾಮಾತೆ ಮತ್ತು ತಮ್ಮ ಕಿರಿಯ ಸಹೋದರ ಲಕ್ಷ್ಮಣನೊಂದಿಗೆ ವನವಾಸದ ಸಂದರ್ಭದಲ್ಲಿ ಪಂಚವಟಿಯಲ್ಲಿ ನೆಲೆಸಿದ್ದನು. ಈ ವೇಳೆ ರಾವಣನ ಸಹೋದರಿ ಶೂರ್ಪನಖಿ ಅಲ್ಲಿಗೆ ಬರುತ್ತಾಳೆ. ಶ್ರೀರಾಮನ ಸೌಂದರ್ಯಕ್ಕೆ ಆಕರ್ಷಿತಳಾದ ಶೂರ್ಪನಖಿ ಆತನನ್ನು ಮದುವೆಯಾಗುವ ಆಸೆಯನ್ನು ವ್ಯಕ್ತಪಡಿಸುತ್ತಾಳೆ. ಆದರೆ ಶ್ರೀರಾಮನು ತಾನು ಸೀತೆಯನ್ನು ವಿವಾಹವಾಗಿರುವುದಾಗಿ ತಿಳಿಸಿ, ಲಕ್ಷ್ಮಣನ ಬಳಿಗೆ ಹೋಗುವಂತೆ ಸೂಚಿಸುತ್ತಾನೆ. ನಂತರ ಶೂರ್ಪನಖಿ ಲಕ್ಷ್ಮಣನ ಬಳಿಯೂ ತೆರಳಿ ವಿವಾಹದ ಪ್ರಸ್ತಾಪ ಮಾಡುತ್ತಾಳೆ. ಲಕ್ಷ್ಮಣನು ಕೂಡ ಆಕೆಯ ಪ್ರಸ್ತಾಪವನ್ನು ನಿರಾಕರಿಸುತ್ತಾನೆ. ಇದರಿಂದ ಕೋಪಗೊಂಡ ಶೂರ್ಪನಖಿ ಸೀತಾಮಾತೆಯ ಮೇಲೆ ದಾಳಿ ಮಾಡಲು ಮುಂದಾಗುತ್ತಾಳೆ. ಆಗ ಸೀತೆಯನ್ನು ರಕ್ಷಿಸುವ ಉದ್ದೇಶದಿಂದ ಲಕ್ಷ್ಮಣನು ತನ್ನ ಆಯುಧದಿಂದ ಶೂರ್ಪನಖಿಯ ಮೂಗನ್ನು ಕತ್ತರಿಸುತ್ತಾನೆ ಎಂದು ರಾಮಾಯಣದಲ್ಲಿ ಹೇಳಲಾಗಿದೆ.

ರಾವಣನಿಗೆ ಹೇಳಿದ್ದ ಶೂರ್ಪನಕಿ!

ಅವಮಾನಿತಳಾದ ಶೂರ್ಪನಖಿ ರಕ್ತಸಿಕ್ತ ಸ್ಥಿತಿಯಲ್ಲಿ ತನ್ನ ಸಹೋದರ ರಾವಣನ ಬಳಿಗೆ ತೆರಳಿ ನಡೆದ ಘಟನೆಯನ್ನು ವಿವರಿಸುತ್ತಾಳೆ. ಜೊತೆಗೆ ಸೀತೆಯ ಸೌಂದರ್ಯದ ಬಗ್ಗೆಯೂ ಹೇಳುತ್ತಾಳೆ. ಇದರಿಂದ ಪ್ರಚೋದಿತನಾದ ರಾವಣ ಸೀತೆಯನ್ನು ಅಪಹರಿಸುವ ಸಂಚು ರೂಪಿಸುತ್ತಾನೆ. ಮುಂದೆ ಇದೇ ಘಟನೆ ಸೀತಾಪಹರಣಕ್ಕೆ ಕಾರಣವಾಗುವ ಪ್ರಮುಖ ಪ್ರಸಂಗಗಳಲ್ಲಿ ಒಂದಾಗುತ್ತದೆ.

ನಾಸಿಕ್ ಎಂಬ ಹೆಸರು ಬಂದಿದ್ದೇಗೆ?

ನಾಸಿಕ್ ಎಂಬ ಹೆಸರಿಗೂ ಈ ಘಟನೆಯಿಗೂ ಸಂಬಂಧವಿದೆ ಎಂಬ ಜನಪ್ರಿಯ ಪೌರಾಣಿಕ ನಂಬಿಕೆಯಿದೆ. ಸಂಸ್ಕೃತದಲ್ಲಿ 'ನಾಸಿಕ' ಎಂದರೆ ಮೂಗು ಎಂದರ್ಥ. ಶೂರ್ಪನಖಿಯ ಮೂಗನ್ನು ಕತ್ತರಿಸಿದ ಘಟನೆ ನಡೆದ ಸ್ಥಳ ಎಂಬ ಕಾರಣದಿಂದ ಈ ಪ್ರದೇಶಕ್ಕೆ ನಾಸಿಕ್ ಎಂಬ ಹೆಸರು ಬಂದಿದೆ ಎಂದು ಹೇಳಲಾಗುತ್ತದೆ. ಆದರೆ ಹೆಸರಿನ ಮೂಲದ ಕುರಿತು ಬೇರೆ ವಿವರಣೆಗಳೂ ಇರುವುದರಿಂದ ಇದನ್ನು ಐತಿಹಾಸಿಕವಾಗಿ ನಿರ್ವಿವಾದವಾದ ಸತ್ಯವೆಂದು ಪರಿಗಣಿಸಲಾಗುವುದಿಲ್ಲ.

ತಪೋವನದಲ್ಲಿ ಏನೆಲ್ಲ ನೋಡಬಹುದು?

ಇಲ್ಲಿನ ಲಕ್ಷ್ಮಣ ದೇವಾಲಯದ ಜೊತೆಗೆ ಸರ್ವಧರ್ಮ ದೇವಾಲಯವೂ ಪ್ರವಾಸಿಗರ ಗಮನ ಸೆಳೆಯುತ್ತದೆ. ರಾಮಾಯಣದ ಪ್ರಮುಖ ಪ್ರಸಂಗಗಳನ್ನು ಶಿಲ್ಪಗಳು ಮತ್ತು ದೃಶ್ಯಗಳ ಮೂಲಕ ಇಲ್ಲಿ ಪ್ರದರ್ಶಿಸಲಾಗಿದೆ. ಶೂರ್ಪನಖಿಯ ಮೂಗು ಕತ್ತರಿಸುವುದು, ಸೀತಾಪಹರಣ, ಶಬರಿಯು ಶ್ರೀರಾಮನಿಗೆ ಹಣ್ಣುಗಳನ್ನು ನೀಡುವುದು ಹಾಗೂ ಭರತನು ರಾಮನ ಪಾದುಕೆಗಳನ್ನು ತೆಗೆದುಕೊಂಡು ಅಯೋಧ್ಯೆಗೆ ಹಿಂದಿರುಗುವಂತಹ ಪ್ರಸಂಗಗಳನ್ನು ನೋಡಬಹುದು. ವಿವಿಧ ದೇವಾನುದೇವತೆಗಳ ಮೂರ್ತಿಗಳೂ ಇಲ್ಲಿವೆ.

ನಾಸಿಕ್‌ಗೆ ಹೋದರೆ ಈ ಸ್ಥಳಗಳನ್ನೂ ನೋಡಿ!

ಪಂಚವಟಿ, ಕಾಲಾರಾಮ ದೇವಾಲಯ, ಸೀತಾ ಗುಹೆ ಮತ್ತು ರಾಮಕುಂಡ ನಾಸಿಕ್‌ನ ಪ್ರಮುಖ ಧಾರ್ಮಿಕ ಪ್ರವಾಸಿ ತಾಣಗಳಾಗಿವೆ. ರಾಮಾಯಣದೊಂದಿಗೆ ಸಂಬಂಧ ಹೊಂದಿರುವ ಈ ಸ್ಥಳಗಳಿಗೆ ಪ್ರತಿವರ್ಷ ಅಪಾರ ಸಂಖ್ಯೆಯಲ್ಲಿ ಭಕ್ತರು ಭೇಟಿ ನೀಡುತ್ತಾರೆ. ವಿಶೇಷವಾಗಿ ಗೋದಾವರಿ ನದಿ ತೀರದಲ್ಲಿರುವ ರಾಮಕುಂಡ ಧಾರ್ಮಿಕ ವಿಧಿವಿಧಾನಗಳಿಗೆ ಪ್ರಸಿದ್ಧವಾಗಿದೆ.

ನಾಸಿಕ್ ತಲುಪುವುದು ಹೇಗೆ?

ರೈಲು, ಬಸ್ ಮತ್ತು ವಿಮಾನದ ಮೂಲಕ ನಾಸಿಕ್ ತಲುಪಬಹುದು. ನಾಸಿಕ್ ರಸ್ತೆ ರೈಲು ನಿಲ್ದಾಣದಿಂದ ಟ್ಯಾಕ್ಸಿ ಅಥವಾ ಸ್ಥಳೀಯ ಸಾರಿಗೆ ಮೂಲಕ ಪಂಚವಟಿ ಹಾಗೂ ತಪೋವನಕ್ಕೆ ತೆರಳಬಹುದು. ವಿಮಾನದಲ್ಲಿ ಬರುವವರು ನಾಸಿಕ್‌ನ ಓಜಾರ್ ವಿಮಾನ ನಿಲ್ದಾಣವನ್ನು ಬಳಸಬಹುದು. ಮುಂಬೈನಿಂದಲೂ ರಸ್ತೆ ಮಾರ್ಗವಾಗಿ ನಾಸಿಕ್ ತಲುಪಲು ಅವಕಾಶವಿದೆ. ಒಟ್ಟಿನಲ್ಲಿ, ರಾಮಾಯಣದ ಪ್ರಸಂಗಗಳನ್ನು ನೆನಪಿಸುವ ತಪೋವನವು ಧಾರ್ಮಿಕ ನಂಬಿಕೆ, ಪೌರಾಣಿಕ ಕಥನ ಮತ್ತು ಪ್ರವಾಸೋದ್ಯಮದ ದೃಷ್ಟಿಯಿಂದ ವಿಶೇಷ ಸ್ಥಾನ ಪಡೆದಿದೆ. ರಾಮಾಯಣದ ಹೆಜ್ಜೆಗುರುತುಗಳನ್ನು ಅರಿಯಲು ಬಯಸುವವರು ನಾಸಿಕ್ ಪ್ರವಾಸದಲ್ಲಿ ಈ ಸ್ಥಳವನ್ನು ತಮ್ಮ ಪಟ್ಟಿಗೆ ಸೇರಿಸಿಕೊಳ್ಳಬಹುದು.

ವಿವಾದಕ್ಕೆ ಸಿಲುಕಿದ 'ಪ್ರೇಮದ ಊರಲಿ' ನಟ ಶ್ರೀರಾಮ್; 'ಆಡಿರೋ ಮಾತಿಗೆ ತಪ್ಪು ಅರ್ಥ ಕಲ್ಪಿಸಬೇಡಿ' ಎಂದ 'ಸಂತು'

Shriram Bhat — Tue, 10 Nov 2026 20:51:49 +0530

Premada Oorali actor Shreeraam clarification about his Statament: ‘ಪ್ರೇಮದ ಊರಲಿ’ ಗೆಲುವಿನ ಬೆನ್ನಲ್ಲೇ ವಿವಾದದಲ್ಲಿ ಸಿಲುಕಿದ ನಟ ಶ್ರೀರಾಮ್! ಹೇಳಿಕೆಗೆ ತಪ್ಪು ಅರ್ಥ ಕಲ್ಪಿಸಿದವರಿಗೆ ಖಡಕ್ ಉತ್ತರ

ಸ್ಯಾಂಡಲ್‌ವುಡ್‌ನಲ್ಲಿ ಸದ್ಯ ‘ಪ್ರೇಮದ ಊರಲಿ’ ಸಿನಿಮಾದ ಯಶಸ್ಸಿನ ಸಂಭ್ರಮ ಮನೆಮಾಡಿದೆ. ಈ ಚಿತ್ರದ ಮೂಲಕ ನಾಯಕ ನಟ ಶ್ರೀರಾಮ್ ಅವರಿಗೆ ದೊಡ್ಡ ಮಟ್ಟದ ಗೆಲುವು ಸಿಕ್ಕಿದೆ. ಪ್ರೇಕ್ಷಕರ ಮೆಚ್ಚುಗೆ ಹಾಗೂ ಉತ್ತಮ ಪ್ರತಿಕ್ರಿಯೆಯಿಂದ ಖುಷಿಯಾಗಿರುವ ಚಿತ್ರತಂಡಕ್ಕೆ ಇದೀಗ ಅನಿರೀಕ್ಷಿತ ವಿವಾದವೊಂದು ಎದುರಾಗಿದೆ. ಕಾರ್ಯಕ್ರಮವೊಂದರಲ್ಲಿ ಶ್ರೀರಾಮ್ ಆಡಿದ ಮಾತುಗಳೇ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಕಾರಣವಾಗಿವೆ. ಆದರೆ, ತಮ್ಮ ಹೇಳಿಕೆಯನ್ನು ತಪ್ಪಾಗಿ ಅರ್ಥೈಸಲಾಗುತ್ತಿದೆ ಎಂದು ನಟ ಇದೀಗ ಸ್ಪಷ್ಟನೆ ನೀಡಿದ್ದಾರೆ.

ಇತ್ತೀಚೆಗೆ ನಡೆದ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ್ದ ಶ್ರೀರಾಮ್, ‘ಪ್ರೇಮದ ಊರಲಿ’ ಸಿನಿಮಾದ ಯಶಸ್ಸಿನ ಸಂಪೂರ್ಣ ಕ್ರೆಡಿಟ್ ಪ್ರೇಕ್ಷಕರಿಗೆ ಸಲ್ಲಬೇಕು ಎಂದು ಹೇಳಿದ್ದರು. ಅಷ್ಟೇ ಅಲ್ಲದೆ, ಒಂದು ಸಿನಿಮಾ ಗೆದ್ದ ಮಾತ್ರಕ್ಕೆ ಚಿತ್ರರಂಗವನ್ನು ಉದ್ಧಾರ ಮಾಡಿದ್ದೇವೆ ಎಂದು ಭಾವಿಸುವುದು ಸರಿಯಲ್ಲ ಎಂಬರ್ಥದಲ್ಲಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದರು.

ಅಣ್ಣಾವ್ರ ಕೊಡುಗೆಯನ್ನು ಸ್ಮರಿಸಿದ ಶ್ರೀರಾಮ್!

"ಒಂದು ಸಿನಿಮಾ ಗೆದ್ದರೆ ಸಾಲದು, ಹಲವು ಸಿನಿಮಾಗಳು ಗೆಲ್ಲಬೇಕು. ನಾವು ಬಂದು ಚಿತ್ರರಂಗವನ್ನು ಎತ್ತಿ ನಿಲ್ಲಿಸಿದ್ದೇವೆ ಎನ್ನುವುದು ತಪ್ಪು. ಅಣ್ಣಾವ್ರ ಕಾಲದಿಂದಲೇ ಕನ್ನಡ ಚಿತ್ರರಂಗ ದೊಡ್ಡ ಹೆಸರು ಮಾಡಿದೆ. ನಾವು ಈಗ ನಮ್ಮ ಕೈಲಾದ ಚಿಕ್ಕ ಅಳಿಲು ಸೇವೆಯನ್ನು ಮಾಡುತ್ತಿದ್ದೇವೆ" ಎಂದು ಶ್ರೀರಾಮ್ ಹೇಳಿದ್ದರು.

ತಮ್ಮ ಸಿನಿಮಾದ ಯಶಸ್ಸಿನ ನಡುವೆಯೂ ಯಾವುದೇ ಅಹಂ ತೋರದೆ, ಕನ್ನಡ ಚಿತ್ರರಂಗಕ್ಕೆ ಡಾ. ರಾಜ್‌ಕುಮಾರ್ ಅವರಂತಹ ದಿಗ್ಗಜರು ನೀಡಿದ ಕೊಡುಗೆಯನ್ನು ನೆನಪಿಸಿಕೊಂಡಿದ್ದರು. ಆದರೆ, ಅವರ ಈ ಮಾತುಗಳಿಗೆ ಕೆಲವರು ಬೇರೆಯದೇ ಅರ್ಥ ಕಲ್ಪಿಸಿದ್ದಾರೆ. ಶ್ರೀರಾಮ್ ಯಾರಿಗೋ ಪರೋಕ್ಷವಾಗಿ ಟಾಂಗ್ ನೀಡಿದ್ದಾರೆ ಎಂಬ ರೀತಿಯಲ್ಲಿ ವಿಡಿಯೋ ತುಣುಕನ್ನು ಹಂಚಿಕೊಂಡು ಚರ್ಚೆ ಹುಟ್ಟುಹಾಕಿದ್ದಾರೆ.

ವಿಡಿಯೋ ಹಂಚಿಕೊಂಡು ಸ್ಪಷ್ಟನೆ ನೀಡಿದ ನಟ

ತಮ್ಮ ಹೇಳಿಕೆಯನ್ನು ತಪ್ಪಾಗಿ ಬಿಂಬಿಸಲಾಗುತ್ತಿರುವುದನ್ನು ಗಮನಿಸಿದ ಶ್ರೀರಾಮ್, ಇನ್‌ಸ್ಟಾಗ್ರಾಮ್‌ನಲ್ಲಿ ಸಂಪೂರ್ಣ ಕಾರ್ಯಕ್ರಮದ ವಿಡಿಯೋ ಹಂಚಿಕೊಂಡಿದ್ದಾರೆ. ಅಲ್ಲದೆ, ಯಾವುದೇ ತೀರ್ಮಾನಕ್ಕೆ ಬರುವ ಮೊದಲು ಪೂರ್ತಿ ವಿಡಿಯೋ ನೋಡುವಂತೆ ಅಭಿಮಾನಿಗಳು ಹಾಗೂ ನೆಟ್ಟಿಗರಲ್ಲಿ ಮನವಿ ಮಾಡಿದ್ದಾರೆ.

ತಪ್ಪು ಹೆಡ್‌ಲೈನ್‌ನೊಂದಿಗೆ ಹರಿದಾಡುತ್ತಿದ್ದ ವಿಡಿಯೋಗೆ ಪ್ರತಿಕ್ರಿಯಿಸಿರುವ ಅವರು, "ನಾನು ಯಾರಿಗೂ ಟಾಂಗ್ ಕೊಟ್ಟಿಲ್ಲ, ಕೊಡಲೂಬಾರದು. ಅದು ಕೇವಲ ನನ್ನ ಬಗ್ಗೆ ಮತ್ತು ನನ್ನ ಸಿನಿಮಾದ ಬಗ್ಗೆ ಮಾತನಾಡಿದ ವಿಚಾರ ಅಷ್ಟೇ. ಇದು ಸಂಪೂರ್ಣ ವಿಡಿಯೋ ಅಲ್ಲ. ಅಣ್ಣಾವ್ರ ಬಗ್ಗೆ ನನಗಿರುವ ಪುಟ್ಟ ಅಭಿಮಾನದ ಮಾತು ಬಿಟ್ಟರೆ ಅದರಲ್ಲಿ ಬೇರೆ ಯಾವುದೇ ಅರ್ಥ ಇಲ್ಲ. ಆದರೂ ಈ ವಿಡಿಯೋ ತುಣುಕು ತಪ್ಪಾಗಿ ಕಂಡಿದ್ದರೆ ಕ್ಷಮೆ ಇರಲಿ" ಎಂದು ಸ್ಪಷ್ಟಪಡಿಸಿದ್ದಾರೆ.

ಒಟ್ಟಿನಲ್ಲಿ, ‘ಪ್ರೇಮದ ಊರಲಿ’ ಚಿತ್ರದ ಯಶಸ್ಸಿನ ಖುಷಿಯಲ್ಲಿದ್ದ ಶ್ರೀರಾಮ್ ಇದೀಗ ತಮ್ಮ ಹೇಳಿಕೆಯಿಂದ ಸೃಷ್ಟಿಯಾದ ಗೊಂದಲಕ್ಕೆ ತೆರೆ ಎಳೆಯುವ ಪ್ರಯತ್ನ ಮಾಡಿದ್ದಾರೆ. ಯಾರನ್ನೂ ಗುರಿಯಾಗಿಸಿಕೊಂಡು ಮಾತನಾಡಿಲ್ಲ, ಕನ್ನಡ ಚಿತ್ರರಂಗದ ಹಿರಿಯರ ಮೇಲಿನ ಗೌರವದಿಂದ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದೇನೆ ಎನ್ನುವುದು ಅವರ ಸ್ಪಷ್ಟನೆಯ ಸಾರವಾಗಿದೆ.

ಕ್ರಿಕೆಟಿಗ ಪೃಥ್ವಿ ಶಾ ಲವ್ಸ್ಟೋರಿಯಲ್ಲಿ ಮತ್ತೆ ಟ್ವಿಸ್ಟ್: ಒಂದಾದ ದಂಪತಿ- ಹುಚ್ಚು ಹಿಡೀತಿದೆ ಅಂತಿರೋ ಫ್ಯಾನ್ಸ್

Suchethana D — Tue, 10 Nov 2026 19:59:31 +0530

ದೆಹಲಿ: ಭಾರತದ ಯುವ ಬ್ಯಾಟ್ಸ್‌ಮನ್ ಪೃಥ್ವಿ ಶಾ ಮತ್ತು ಸಾಮಾಜಿಕ ಮಾಧ್ಯಮ ಪ್ರಭಾವಿ ಆಕೃತಿ ಅಗರ್ವಾಲ್ ನಡುವಿನ ಸಂಬಂಧ ಮತ್ತೊಮ್ಮೆ ಸುದ್ದಿಯಾಗಿದೆ. ಇತ್ತೀಚೆಗೆ, ಪೃಥ್ವಿ ಶಾ ಅವರ ಹುಟ್ಟುಹಬ್ಬ ಮತ್ತು ದೀಪಾವಳಿಯ ವಿಶೇಷ ಸಂದರ್ಭದಲ್ಲಿ, ಆಕೃತಿ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ತುಂಬಾ ಭಾವನಾತ್ಮಕ ಮತ್ತು ಪ್ರೀತಿಯ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ. ದೀರ್ಘಾವಧಿಯ ಬ್ರೇಕ್‌ಅಪ್ ಮತ್ತು ಪ್ಯಾಚ್-ಅಪ್ ನಾಟಕದ ನಂತರ, ಈ ಪೋಸ್ಟ್ ಸಾಮಾಜಿಕ ಮಾಧ್ಯಮದಲ್ಲಿ ಸಂಚಲನವನ್ನು ಸೃಷ್ಟಿಸಿದೆ, ಅಭಿಮಾನಿಗಳಲ್ಲಿ ಅವರ ನಿಕಟ ಸಂಬಂಧದ ಬಗ್ಗೆ ಊಹಾಪೋಹಗಳನ್ನು ಮತ್ತೆ ಹುಟ್ಟುಹಾಕಿದೆ. ಪದೇ ಪದೇ ಈ ರೀತಿಯ ನಾಟಕೀಯ ಎನ್ನಿಸುವಂತೆ ಬೇರೆ ಬೇರೆಯಾಗುವುದು, ಕೊನೆಗೆ ಒಂದಾದಂತೆ ಪೋಸ್ಟ್ ಹಾಕುವುದು ಪ್ರಚಾರದ ಹುಚ್ಚಿಗೆ ಎನ್ನುತ್ತಿರುವ ನೆಟ್ಟಿಗರು, ಇವರು ಅಭಿಮಾನಿಗಳನ್ನು ಹುಚ್ಚರನ್ನಾಗಿಸುತ್ತಿದ್ದಾರೆ ಎಂದು ಅಸಮಾಧಾನ ಹೊರಹಾಕುತ್ತಿದ್ದಾರೆ.

ಆಕೃತಿಯಿಂದ ಹುಟ್ಟುಹಬ್ಬದ ಶುಭಾಶಯ

ಪೃಥ್ವಿ ಶಾ ಮತ್ತು ಆಕೃತಿ ಅಗರ್ವಾಲ್ ಮಾರ್ಚ್ 8, 2026 ರಂದು ನಿಶ್ಚಿತಾರ್ಥ ಮಾಡಿಕೊಂಡರು. ಅದಾದ, ನಾಲ್ಕು ತಿಂಗಳೊಳಗೆ, ಅವರು ಪರಸ್ಪರ ಬೇರ್ಪಡಲು ನಿರ್ಧರಿಸಿದರು. ಬಳಿಕ ಒಂದಾದಂತೆ ಪೋಸ್ಟ್ ಹಾಕಿ ಮತ್ತೆ ದೂರವಾಗಿರುವುದಾಗಿ ಹೇಳಿದ್ದರು. ಇದೀಗ ಪೃಥ್ವಿ ಶಾ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳನ್ನು ಕೋರುತ್ತಾ, ಆಕೃತಿ ಅವರಿಗೆ ಉಜ್ವಲ ಭವಿಷ್ಯ, ಉತ್ತಮ ಆರೋಗ್ಯ ಮತ್ತು ಜೀವನದಲ್ಲಿ ಅಪಾರ ಸಂತೋಷವನ್ನು ಹಾರೈಸಿದರು. ಪೃಥ್ವಿ ಅವರ ಕ್ರಿಕೆಟ್ ಪ್ರತಿಭೆ ಮತ್ತು ಕಠಿಣ ಪರಿಶ್ರಮವನ್ನು ಶ್ಲಾಘಿಸುತ್ತಾ, ಅವರ ಸಾಮರ್ಥ್ಯಗಳಲ್ಲಿ ವಿಶ್ವಾಸವನ್ನು ಕಾಪಾಡಿಕೊಳ್ಳಲು ಸಲಹೆ ನೀಡಿದರು. ಪೃಥ್ವಿ ಇನ್ನೂ ಮೈದಾನದಲ್ಲಿ ಬಹಳ ದೂರ ಸಾಗಬೇಕಾಗಿದೆ, ಅನೇಕ ಹೊಸ ದಾಖಲೆಗಳನ್ನು ಸ್ಥಾಪಿಸಬೇಕಾಗಿದೆ ಮತ್ತು ದೇಶಕ್ಕಾಗಿ ಅನೇಕ ಪಂದ್ಯಗಳನ್ನು ಗೆಲ್ಲಬೇಕಾಗಿದೆ ಎಂದು ಆಕೃತಿ ಬರೆದಿದ್ದಾರೆ. ಪೃಥ್ವಿ ಅವರು ಸಾಧಿಸುವ ಪ್ರತಿಯೊಂದು ಯಶಸ್ಸಿಗೆ ನಾನು ಯಾವಾಗಲೂ ಶ್ಲಾಘಿಸುತ್ತೇನೆ ಎಂದು ಅವರು ಭರವಸೆ ನೀಡಿದರು.

ಈ ವಿಶೇಷ ಪೋಸ್ಟ್‌ನ ಕೊನೆಯಲ್ಲಿ, ಆಕೃತಿ ಅಗರ್ವಾಲ್ ತಮ್ಮ ಹೃದಯಪೂರ್ವಕ ಭಾವನೆಗಳನ್ನು ವ್ಯಕ್ತಪಡಿಸುತ್ತಾ, "ನನ್ನ ನೆಚ್ಚಿನ ವ್ಯಕ್ತಿಗೆ ಹುಟ್ಟುಹಬ್ಬ ಮತ್ತು ದೀಪಾವಳಿಯ ಶುಭಾಶಯಗಳು, ನಾನು ನಿನ್ನನ್ನು ಪ್ರೀತಿಸುತ್ತೇನೆ" ಎಂದು ಬರೆದಿದ್ದಾರೆ. ಹುಟ್ಟುಹಬ್ಬದ ಶುಭಾಶಯಗಳ ಜೊತೆಗೆ ಪ್ರೀತಿಯ ಈ ಮುಕ್ತ ಅಭಿವ್ಯಕ್ತಿ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ. ಕಷ್ಟದ ಸಮಯದ ನಂತರ ಪರಸ್ಪರ ಬೆಂಬಲಿಸುವ ಈ ಸನ್ನೆಯು ಆನ್‌ಲೈನ್‌ನಲ್ಲಿ ವ್ಯಾಪಕವಾಗಿ ಮೆಚ್ಚುಗೆ ಪಡೆಯುತ್ತಿದೆ.

ಸಂಬಂಧದಲ್ಲಿ ಏರಿಳಿತ

ಪೃಥ್ವಿ ಶಾ ಮತ್ತು ಆಕೃತಿ ಅಗರ್ವಾಲ್ ಅವರ ಸಂಬಂಧವು ಕಳೆದ ಕೆಲವು ತಿಂಗಳುಗಳಲ್ಲಿ ಅನೇಕ ಏರಿಳಿತಗಳನ್ನು ಕಂಡಿದೆ. ಅವರು ಮಾರ್ಚ್ 8, 2026 ರಂದು ನಿಶ್ಚಿತಾರ್ಥ ಮಾಡಿಕೊಂಡರು, ಆದರೆ ನಿಶ್ಚಿತಾರ್ಥದ ಕೆಲವೇ ತಿಂಗಳುಗಳ ನಂತರ, ಸೆಪ್ಟೆಂಬರ್ 17, 2026 ರಂದು, ಆಕೃತಿ ತಮ್ಮ ನಿಶ್ಚಿತಾರ್ಥದ ಅಂತ್ಯವನ್ನು ಘೋಷಿಸುವ ಮೂಲಕ ಎಲ್ಲರನ್ನು ಅಚ್ಚರಿಗೊಳಿಸಿದರು. ಆ ಸಮಯದಲ್ಲಿ, ವಿಘಟನೆಯ ಸುದ್ದಿ ಅವರಿಬ್ಬರ ಅಭಿಮಾನಿಗಳನ್ನು ತೀವ್ರ ನಿರಾಶೆಗೊಳಿಸಿತು ಮತ್ತು ವಿವಿಧ ಊಹಾಪೋಹಗಳಿಗೆ ಕಾರಣವಾಯಿತು.

ಆದಾಗ್ಯೂ, ಈ ಬೇರ್ಪಡುವಿಕೆ ಹೆಚ್ಚು ಕಾಲ ಉಳಿಯಲಿಲ್ಲ, ಮತ್ತು ಅಕ್ಟೋಬರ್ 2026 ರಲ್ಲಿ, ಆಕೃತಿ ಮತ್ತೊಂದು ಪೋಸ್ಟ್‌ನಲ್ಲಿ ಪರಿಸ್ಥಿತಿಯನ್ನು ಸ್ಪಷ್ಟಪಡಿಸಿದರು. ಹೊರಗಿನ ಪ್ರಭಾವ ಮತ್ತು ಕೆಲವು ತಪ್ಪುಗ್ರಹಿಕೆಗಳಿಂದಾಗಿ ಅವರು ತಮ್ಮ ನಿಶ್ಚಿತಾರ್ಥವನ್ನು ಮುರಿಯಲು ಆತುರದಿಂದ ನಿರ್ಧರಿಸಿದ್ದಾರೆ ಎಂದು ಅವರು ಒಪ್ಪಿಕೊಂಡರು. ತಮ್ಮ ತಪ್ಪನ್ನು ಅರಿತುಕೊಂಡ ನಂತರ, ಅವರು ತಮ್ಮ ಭಿನ್ನಾಭಿಪ್ರಾಯಗಳನ್ನು ಪರಿಹರಿಸಿಕೊಂಡು ಮತ್ತೆ ಒಂದಾದರು. ಈಗ, ಆಕೃತಿಯ ವಿಶೇಷ ಹುಟ್ಟುಹಬ್ಬದ ಸಂದೇಶವು ಅವರು ಹಿಂದಿನದನ್ನು ತಮ್ಮ ಹಿಂದೆ ಇರಿಸಿ ಬಲವಾದ ಸಂಬಂಧದೊಂದಿಗೆ ಮುಂದುವರಿಯುತ್ತಿದ್ದಾರೆ ಎಂದು ಸಾಬೀತುಪಡಿಸುತ್ತದೆ.

ಭಾರತದಲ್ಲಿ ಎಲ್ಲೇ ಹುಡುಕಿದರೂ ಸಾಯಿ ಪಲ್ಲವಿಯಂಥ ಸೀತೆ ಸಿಗಲ್ಲ: ನಟ ಧನುಷ್ ಮೆಚ್ಚುಗೆಯ ಮಾತು

Suchethana D — Tue, 10 Nov 2026 19:29:49 +0530

ಮುಂಬೈ: ನಿತೇಶ್ ತಿವಾರಿ ಅವರ ರಾಮಾಯಣ ಚಿತ್ರ (Ramaya Movie-Part-1)ನಲ್ಲಿ ಸೀತಾ ಪಾತ್ರದಲ್ಲಿ ನಟಿಸಿರುವ ಸಾಯಿ ಪಲ್ಲವಿಯ ಬಗ್ಗೆ ಮೊದಲಿನಿಂದಲೂ ಸಾಕಷ್ಟು ಟೀಕೆಗಳು ಕೇಳಿಬರುತ್ತಲೇ ಇವೆ. ಸಹಜ ಸುಂದರಿಯಾಗಿರುವ ಸಾಯಿ ಪಲ್ಲವಿ, ಸೀತಾ ಪಾತ್ರಕ್ಕೆ ನ್ಯಾಯ ಒದಗಿಸಿರುವ ಬಗ್ಗೆ ಮೊದಲು ಟ್ರೋಲ್ ಮಾಡಿದವರ ಪೈಕಿ ಹಲವರು ಶಹಬ್ಬಾಸ್ಗಿರಿ ನೀಡುತ್ತಿದ್ದರೆ, ಇನ್ನು ಕೆಲವರು ಅವರು ಮಾಡಬೇಕಿತ್ತು, ಇವರು ಮಾಡಬೇಕಿತ್ತು ಎನ್ನುತ್ತಿದ್ದಾರೆ. ಅದೇ ಇನ್ನೊಂದೆಡೆ, ಹಲವು ಸೆಲೆಬ್ರಿಟಿಗಳು ಕೂಡ ಸಾಯಿ ಪಲ್ಲವಿ ಪರವಾಗಿ ನಿಂತಿದ್ದಾರೆ. ತಮ್ಮ ಮುಂಬರುವ 'ಓಂ' ಚಿತ್ರದ ಪೂರ್ವಬಿಡುಗಡೆ ಕಾರ್ಯಕ್ರಮದಲ್ಲಿ ಸಾಯಿ ಪಲ್ಲವಿ ಅವರನ್ನು ನಟ ಧನುಷ್ ಅವರು ಹಾಡಿ ಹೊಗಳಿದ್ದಾರೆ.. ಇದರ ವಿಡಿಯೋ ವೈರಲ್ ಆಗುತ್ತಿದೆ.

ಇಡೀ ಭಾರತದಲ್ಲಿ ಹುಡುಕಿದರೂ...

"ಸೀತಾ ಪಾತ್ರದ ಸುತ್ತಲೂ ತುಂಬಾ ಗದ್ದಲ ಮತ್ತು ಗಲಾಟೆ ಇದೆ. ನನಗೆ ಅದು ನಿಜವಾಗಿಯೂ ಅರ್ಥವಾಗುತ್ತಿಲ್ಲ. ಚಿತ್ರೀಕರಣದ ನಡುವಿನ ವಿರಾಮದ ಸಮಯದಲ್ಲಿಯೂ ಸಹ ಇಂಥ ಗಲಾಟೆ ಕೇಳಿದ್ದೇನೆ. ಆದರೆ ಒಂದು ಮಾತನ್ನಂತೂ ಹೇಳಬಲ್ಲೆ. ನೀವು ಭಾರತದಾದ್ಯಂತ ಹುಡುಕಿದರೂ, ಸಾಯಿ ಪಲ್ಲವಿ ಅವರಂಥ ಇನ್ನೊಬ್ಬ ಸೀತೆ ಸಿಗುವುದಿಲ್ಲ. ಅವರು ದೇವರ ಬಗ್ಗೆ ಅಂತಹ ಆಳವಾದ ಭಕ್ತಿ ಮತ್ತು ಶುದ್ಧ ಹೃದಯ ಹೊಂದಿರುವ ವ್ಯಕ್ತಿ. ಅವರು ತುಂಬಾ ಸುಂದರವಾಗಿ ಕಾಣುತ್ತಾರೆ ಮತ್ತು ಅವರು ಉತ್ತಮ ಕಲಾವಿದೆ" ಎಂದು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.

"ನಾನು ಮಾರಿ 2 ರ ಸಮಯದಲ್ಲಿ ಸಾಯಿ ಪಲ್ಲವಿಯನ್ನು ಮೊದಲು ಭೇಟಿಯಾದಾಗ, ಅವರು ತುಂಬಾ ಮುಗ್ಧರಾಗಿದ್ದರು ಮತ್ತು ತುಂಬಾ ಕಡಿಮೆ ಮಾತನಾಡಿದರು. ಅವರು ಏನನ್ನೂ ಹೇಳುವ ಮೊದಲು ಎಚ್ಚರಿಕೆಯಿಂದ ಯೋಚಿಸುತ್ತಿದ್ದರು ಮತ್ತು ಮಾತನಾಡಲು ಹಿಂಜರಿಯುತ್ತಿದ್ದರು. ಅವರು ಅಂತಹ ವ್ಯಕ್ತಿಯಾಗಿದ್ದರು. ಒಂಬತ್ತು ವರ್ಷಗಳ ನಂತರ ಈ ಚಿತ್ರದ ಸೆಟ್‌ಗಳಲ್ಲಿ ಅವರನ್ನು ನೋಡಿದಾಗ, ಅವರು ಸಂಪೂರ್ಣವಾಗಿ ರೂಪಾಂತರಗೊಂಡಿರುವುದನ್ನು ನಾನು ಕಂಡುಕೊಂಡೆ. ಅವರು ಸಂಪೂರ್ಣವಾಗಿ ವಿಭಿನ್ನ ವ್ಯಕ್ತಿಯಾಗಿದ್ದರು. ಅವರು ಸಿನಿಮಾವನ್ನು ಸಂಪೂರ್ಣವಾಗಿ ಕರಗತ ಮಾಡಿಕೊಂಡವರಾಗಿ ನಿಂತರು. ಅವರ ಭಾಷಣ, ಅವರ ನಡಿಗೆ ಮತ್ತು ಅವರ ಅಭಿವ್ಯಕ್ತಿಗಳಲ್ಲಿ ಎಲ್ಲವೂ ಅಪಾರ ಆತ್ಮವಿಶ್ವಾಸ ಮತ್ತು ಸಮತೋಲನವನ್ನು ಪ್ರತಿಬಿಂಬಿಸುತ್ತದೆ. ಇದು ಆಶ್ಚರ್ಯಕರವಾಗಿತ್ತು," ಎಂದು ಅವರು ಹೇಳಿದರು.

ಓಂ ಚಿತ್ರದಲ್ಲಿ ಸವಾಲಿನ ಪಾತ್ರವನ್ನು ಸಾಯಿ ಪಲ್ಲವಿ ವಹಿಸಿಕೊಂಡಿದ್ದರು. ಇದಕ್ಕೆ ನೆನಪಿಸಿಕೊಂಡ ನಟ ಧನುಷ್, "ಈ ಪಾತ್ರವನ್ನು ನಿರ್ವಹಿಸುವುದು ಸುಲಭವಲ್ಲ. ಸಾಯಿ ಪಲ್ಲವಿ ಅದನ್ನು ಧೈರ್ಯದಿಂದ ಮತ್ತು ಧೈರ್ಯದಿಂದ ಕೈಗೆತ್ತಿಕೊಂಡರು ಮತ್ತು ಅದ್ಭುತ ಅಭಿನಯವನ್ನು ನೀಡಿದರು ಎಂದಿದ್ದಾರೆ. 'ಮಾರಿ 2' ಚಿತ್ರದಲ್ಲಿ ಮೊದಲ ಬಾರಿಗೆ ಒಟ್ಟಿಗೆ ಕೆಲಸ ಮಾಡಿದ್ದನ್ನು ನೆನಪಿಸಿಕೊಂಡ ಧನುಷ್, ಇತ್ತೀಚಿನ ವರ್ಷಗಳಲ್ಲಿ ಸಾಯಿ ಪಲ್ಲವಿ ಒಬ್ಬ ನಟಿಯಾಗಿ ಹೇಗೆ ವಿಕಸನಗೊಂಡಿದ್ದಾರೆ ಎಂಬುದರ ಕುರಿತೂ ಮಾತನಾಡಿದ್ದಾರೆ. 'ಓಎಂ' ಚಿತ್ರದ ಸೆಟ್‌ನಲ್ಲಿ ಅವರು ಪ್ರದರ್ಶಿಸಿದ ಆತ್ಮವಿಶ್ವಾಸ ಮತ್ತು ಪಾತ್ರದ ಮೇಲಿನ ಹಿಡಿತವನ್ನು ಕಂಡು ತಮಗೆ ಆಶ್ಚರ್ಯವಾಯಿತು ಎಂದು ಅವರು ತಿಳಿಸಿದರು.

ತುಂಬಾ ಮುಗ್ಧ ನಟಿ

"ನಾನು ಮೊದಲ ಬಾರಿಗೆ 'ಮಾರಿ 2' ಚಿತ್ರದ ಸಮಯದಲ್ಲಿ ಸಾಯಿ ಪಲ್ಲವಿ ಅವರನ್ನು ಭೇಟಿಯಾದಾಗ, ಅವರು ತುಂಬಾ ಮುಗ್ಧರಾಗಿದ್ದರು ಮತ್ತು ಬಹಳ ಕಡಿಮೆ ಮಾತನಾಡುತ್ತಿದ್ದರು. ಏನನ್ನಾದರೂ ಹೇಳುವ ಮೊದಲು ಚೆನ್ನಾಗಿ ಯೋಚಿಸುತ್ತಿದ್ದರು, ಮಾತನಾಡಲು ಹಿಂಜರಿಯುತ್ತಿದ್ದರು. ಅಂತಹ ವ್ಯಕ್ತಿತ್ವ ಅವರದ್ದಾಗಿತ್ತು. ಒಂಬತ್ತು ವರ್ಷಗಳ ನಂತರ ಈ ಚಿತ್ರದ ಸೆಟ್‌ನಲ್ಲಿ ಅವರನ್ನು ನೋಡಿದಾಗ, ಅವರು ಸಂಪೂರ್ಣ ಬದಲಾಗಿದ್ದರು. ಅವರು ಒಬ್ಬ ಭಿನ್ನ ವ್ಯಕ್ತಿಯಾಗಿ ರೂಪುಗೊಂಡಿದ್ದರು. ಸಿನಿಮಾ ಕಲೆಯ ಮೇಲೆ ಸಂಪೂರ್ಣ ಹಿಡಿತ ಸಾಧಿಸಿದವರಂತೆ ಅವರು ಅಲ್ಲಿ ನಿಂತಿದ್ದರು. ಅವರ ಮಾತು, ನಡಿಗೆ ಮತ್ತು ಹಾವಭಾವಗಳಲ್ಲಿ ಅಪಾರ ಆತ್ಮವಿಶ್ವಾಸ ಹಾಗೂ ಘನತೆ ಎದ್ದು ಕಾಣುತ್ತಿತ್ತು. ಇದು ನಿಜಕ್ಕೂ ಅಚ್ಚರಿಯ ವಿಷಯವಾಗಿತ್ತು" ಎಂದು ಧನುಷ್ ಹೇಳಿದ್ದಾರೆ.

ಮಾರಿ-2 ಚಿತ್ರದ ಬಳಿಕ ನಟ ಧನುಷ್ಯ ಜೊತೆ ಎರಡನೇ ಬಾರಿ ಸಾಯಿ ಪಲ್ಲವಿ ಓಂ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಇದರಲ್ಲಿ ಅವರು, ಶ್ರೀಗಂಧದ ಮರದ ಅಕ್ರಮ ವ್ಯಾಪಾರದ ತನಿಖೆಯನ್ನು ಕೈಗೆತ್ತಿಕೊಳ್ಳುವ ಸಿಬಿಐ ಅಧಿಕಾರಿ ನಿತ್ಯಾ ರೆಡ್ಡಿ ಪಾತ್ರವನ್ನು ನಿರ್ವಹಿಸಿದ್ದಾರೆ ಎನ್ನಲಾಗಿದೆ.

ರಾಘವೇಂದ್ರ ಪಾತ್ರಧಾರಿ ಪರೀಕ್ಷಿತ್ ಅಭಿನಯಕ್ಕೆ ಜಗ್ಗೇಶ್ ಫಿದಾ! ನವರಸನಾಯಕನ ಭೇಟಿಗೆ ಧಾರಾವಾಹಿ ನಟ ಹೇಳಿದ್ದೇನು?

Sathish Kumar KH — Tue, 10 Nov 2026 18:46:38 +0530

ಕನ್ನಡ ಚಿತ್ರರಂಗದ ನವರಸನಾಯಕ, ಹಿರಿಯ ನಟ ಹಾಗೂ ರಾಜ್ಯಸಭಾ ಸದಸ್ಯ ಜಗ್ಗೇಶ್ ಅವರು ಮಂತ್ರಾಲಯದ ಶ್ರೀ ಗುರು ರಾಘವೇಂದ್ರ ಸ್ವಾಮಿಗಳ ಪರಮ ಭಕ್ತರು. ರಾಯರ ಮೇಲಿನ ಅಪಾರ ಭಕ್ತಿ ಮತ್ತು ನಂಬಿಕೆಯನ್ನು ಹಲವು ಸಂದರ್ಭಗಳಲ್ಲಿ ವ್ಯಕ್ತಪಡಿಸುತ್ತಲೇ ಬಂದಿದ್ದಾರೆ. ತಮ್ಮ ಪ್ರತಿಯೊಂದು ಕಾರ್ಯದಲ್ಲಿಯೂ ರಾಯರನ್ನು ಸ್ಮರಿಸುವ ಜಗ್ಗೇಶ್, ಆಗಾಗ ಮಂತ್ರಾಲಯಕ್ಕೆ ಭೇಟಿ ನೀಡಿ ವಿಶೇಷ ಪೂಜೆಗಳನ್ನು ಸಲ್ಲಿಸುತ್ತಾರೆ. ಇದೀಗ ರಾಯರ ಭಕ್ತಿಯ ಜೊತೆಗೆ ಅವರ ಜೀವನ ಚರಿತ್ರೆಯನ್ನು ಕಿರುತೆರೆಯಲ್ಲಿ ಕಟ್ಟಿಕೊಡುತ್ತಿರುವ ಕಲಾವಿದನ ಅಭಿನಯಕ್ಕೂ ಜಗ್ಗೇಶ್ ಮನಸೋತಿದ್ದಾರೆ. ಅಷ್ಟಕ್ಕೂ ಜಗ್ಗೇಶ್ ಮೆಚ್ಚುಗೆಗೆ ಪಾತ್ರರಾದ ಆ ನಟ ಯಾರು ಗೊತ್ತಾ?

ಶ್ರೀ ರಾಘವೇಂದ್ರ ಮಹಾತ್ಮೆ ಧಾರಾವಾಹಿಗೆ ಜಗ್ಗೇಶ್ ಮೆಚ್ಚುಗೆ

ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ಶ್ರೀ ರಾಘವೇಂದ್ರ ಮಹಾತ್ಮೆ' ಧಾರಾವಾಹಿ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ. ನಟ ಹಾಗೂ ನಿರ್ದೇಶಕ ನವೀನ್ ಕೃಷ್ಣ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಈ ಧಾರಾವಾಹಿಯಲ್ಲಿ ಶ್ರೀ ಗುರು ರಾಘವೇಂದ್ರ ಸ್ವಾಮಿಗಳ ಜೀವನ, ಭಕ್ತಿ, ಪವಾಡಗಳು ಹಾಗೂ ಮಹಿಮೆಗಳನ್ನು ಕಿರುತೆರೆಯಲ್ಲಿ ಕಟ್ಟಿಕೊಡಲಾಗುತ್ತಿದೆ. ಧಾರಾವಾಹಿಯಲ್ಲಿ ಶ್ರೀ ರಾಘವೇಂದ್ರ ಸ್ವಾಮಿಗಳ ಪಾತ್ರವನ್ನು ನಟ ಪರೀಕ್ಷಿತ್ ಅಭಿನಯಿಸುತ್ತಿದ್ದಾರೆ. ರಾಯರ ಜೀವನದ ಒಂದೊಂದು ಮಹತ್ವದ ಘಟನೆ ಹಾಗೂ ಪವಾಡಗಳನ್ನು ತೆರೆಯ ಮೇಲೆ ಜೀವಂತವಾಗಿ ಕಟ್ಟಿಕೊಡುತ್ತಿರುವ ಪರೀಕ್ಷಿತ್ ಅವರ ಅಭಿನಯಕ್ಕೆ ವೀಕ್ಷಕರಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅವರ ಪಾತ್ರದ ನಿರ್ವಹಣೆ ಎಷ್ಟು ಸಹಜವಾಗಿದೆ ಎಂದರೆ, ರಾಯರೇ ಮತ್ತೊಮ್ಮೆ ಭೂಮಿಗೆ ಅವತರಿಸಿದಂತೆ ಭಾಸವಾಗುತ್ತದೆ ಎಂಬ ಅಭಿಪ್ರಾಯವೂ ಅಭಿಮಾನಿಗಳಿಂದ ವ್ಯಕ್ತವಾಗುತ್ತಿದೆ.

ರಾಘವೇಂದ್ರ ಸ್ವಾಮಿಗಳ ಪಾತ್ರಧಾರಿ ಪರೀಕ್ಷಿತ್ ಭೇಟಿಯಾದ ಜಗ್ಗೇಶ್

ಶ್ರೀ ರಾಘವೇಂದ್ರ ಸ್ವಾಮಿಗಳ ಪರಮ ಭಕ್ತರಾಗಿರುವ ಜಗ್ಗೇಶ್ ಅವರು ಈ ಧಾರಾವಾಹಿಯ ಸಂಚಿಕೆಗಳನ್ನು ತಪ್ಪದೆ ವೀಕ್ಷಿಸುತ್ತಿದ್ದಾರೆ. ರಾಯರ ಪಾತ್ರದಲ್ಲಿ ಪರೀಕ್ಷಿತ್ ಅವರ ಅಭಿನಯವನ್ನು ಗಮನಿಸಿರುವ ಅವರು, ಇದೀಗ ಸ್ವತಃ ನಟನನ್ನು ಭೇಟಿಯಾಗಿ ತಮ್ಮ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದಾರೆ. ಈ ಸಂದರ್ಭದಲ್ಲಿ ಧಾರಾವಾಹಿಯ ಕಲಾವಿದರೊಂದಿಗೆ ಕೆಲಕಾಲ ಕಳೆದ ಜಗ್ಗೇಶ್, ಪರೀಕ್ಷಿತ್ ಅವರ ಪಾತ್ರ ನಿರ್ವಹಣೆ ಹಾಗೂ ರಾಯರ ಪವಾಡಗಳ ದೃಶ್ಯಗಳಿಗೆ ಜೀವ ತುಂಬುತ್ತಿರುವ ರೀತಿಯನ್ನು ಶ್ಲಾಘಿಸಿದ್ದಾರೆ. ಹಿರಿಯ ನಟನ ಈ ಭೇಟಿ ಧಾರಾವಾಹಿ ತಂಡಕ್ಕೆ ಮತ್ತಷ್ಟು ಪ್ರೋತ್ಸಾಹ ನೀಡಿದಂತಾಗಿದೆ.

45 ವರ್ಷಗಳ ಕಲಾಸೇವೆಯ ಹಿರಿಯ ನಟನ ಸರಳತೆಗೆ ಪರೀಕ್ಷಿತ್ ಫಿದಾ!

ಜಗ್ಗೇಶ್ ಅವರನ್ನು ಭೇಟಿಯಾದ ಸಂತಸವನ್ನು ರಾಘವೇಂದ್ರ ಸ್ವಾಮಿಗಳ ಪಾತ್ರಧಾರಿ ಪರೀಕ್ಷಿತ್ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. "45 ವರ್ಷಗಳ ಕಲಾಸೇವೆಯ ನಡುವೆಯೂ ಕಿಂಚಿತ್ತೂ ಹಮ್ಮು-ಬಿಮ್ಮು ಇಲ್ಲದೆ ಸರಳತೆ ಮತ್ತು ಸೌಜನ್ಯದಿಂದ ಎಲ್ಲರ ಮನಸ್ಸು ಗೆದ್ದಿರುವ ಮೇರು ವ್ಯಕ್ತಿತ್ವ ಜಗ್ಗೇಶ್ ಅವರದ್ದು ಎಂದು ಬಣ್ಣಿಸಿದ್ದಾರೆ. ಅಲ್ಲದೆ, ಪ್ರತಿಯೊಬ್ಬ ಕಲಾವಿದರ ಮೇಲೂ ಜಗ್ಗೇಶ್ ತೋರುವ ಪ್ರೀತಿ, ಕಾಳಜಿ ಮತ್ತು ಗೌರವಕ್ಕೆ ಧನ್ಯವಾದಗಳನ್ನು ಅರ್ಪಿಸಿದ್ದಾರೆ. ನಿಮ್ಮಂತಹ ಹಿರಿಯರ ಪ್ರೀತಿ ಮತ್ತು ಪ್ರೋತ್ಸಾಹ ನನಗೆ ದೊಡ್ಡ ಶಕ್ತಿ" ಎಂದು ಪರೀಕ್ಷಿತ್ ತಮ್ಮ ಪೋಸ್ಟ್‌ನಲ್ಲಿ ಭಾವುಕರಾಗಿ ಬರೆದುಕೊಂಡಿದ್ದಾರೆ.

View this post on Instagram

A post shared by Parikshith Sarpashayana (@parikshithms)

ಕಿರುತೆರೆಯ ಕಲಾವಿದರಿಗೆ ಹಿರಿಯ ನಟನ ಪ್ರೋತ್ಸಾಹ

ಸಾಮಾನ್ಯವಾಗಿ ಹೊಸ ಕಲಾವಿದರಿಗೆ ಹಿರಿಯ ನಟರಿಂದ ಸಿಗುವ ಮೆಚ್ಚುಗೆ ಮತ್ತು ಪ್ರೋತ್ಸಾಹ ದೊಡ್ಡ ಪ್ರೇರಣೆಯಾಗುತ್ತದೆ. ಅದರಲ್ಲೂ ಜಗ್ಗೇಶ್ ಅವರಂತಹ ಅನುಭವಿ ಕಲಾವಿದರು ಸ್ವತಃ ಬಂದು ಅಭಿನಯವನ್ನು ಮೆಚ್ಚಿಕೊಂಡಿರುವುದು ಪರೀಕ್ಷಿತ್ ಅವರಿಗೆ ವಿಶೇಷ ಕ್ಷಣವಾಗಿದೆ. ಒಂದೆಡೆ ರಾಯರ ಪರಮ ಭಕ್ತ ಜಗ್ಗೇಶ್, ಮತ್ತೊಂದೆಡೆ ರಾಯರ ಪಾತ್ರಕ್ಕೆ ಜೀವ ತುಂಬುತ್ತಿರುವ ಪರೀಕ್ಷಿತ್. ಇವರಿಬ್ಬರ ಈ ಭೇಟಿಯ ಫೋಟೋಗಳು ಹಾಗೂ ಪರೀಕ್ಷಿತ್ ಅವರ ಭಾವುಕ ಮಾತುಗಳು ಇದೀಗ ಕಿರುತೆರೆ ಪ್ರೇಕ್ಷಕರು ಮತ್ತು ರಾಯರ ಭಕ್ತರ ಗಮನ ಸೆಳೆಯುತ್ತಿವೆ.

Salman Khan ಫ್ಯಾನ್ಸ್‌ಗೆ ಡಬಲ್ ಸರ್ಪ್ರೈಸ್; 'ಮಾತೃಭೂಮಿ' ರಿಲೀಸ್ ಡೇಟ್ ಫೈನಲ್, ಟ್ರೈಲರ್ ಇಂದೇ ರಿಲೀಸ್!

Bhimasi M Koleppanavar — Tue, 10 Nov 2026 18:40:29 +0530

ಬಾಲಿವುಡ್ ಸ್ಟಾರ್ ಸಲ್ಮಾನ್ ಮುಂಬರುವ ಚಿತ್ರ ಮಾತೃಭೂಮಿ; ಮೇ ವಾರ್ ರೆಸ್ಟ್ ಇನ್ ಪೀಸ್ ಚಿತ್ರದ ಬಿಡುಗಡೆಗಾಗಿ ಪ್ರೇಕ್ಷಕ ವಲಯ ಕಾದು ಕುಳಿತಿದೆ. ಈಗ, ನಟ ಅಂತಿಮವಾಗಿ ಚಿತ್ರದ ಬಿಡುಗಡೆ ದಿನಾಂಕ ಅಧಿಕೃತವಾಗಿ ಹಂಚಿಕೊಡಿದ್ದಾರೆ. ಅಭಿಮಾನಿಗಳಿಗೆ ಮತ್ತೊಂದು ಗುಡ್‌ ನ್ಯೂಸ್‌ ಸಹ ಹಂಚಿಕೊಂಡಿದ್ದಾರೆ. ಚಿತ್ರದ ಟ್ರೇಲರ್ ಇಂದು ನ.10ರಂದು ಸಂಜೆ ಬಿಡುಗಡೆಯಾಗಲಿದೆ ಎಂದು ಸಲ್ಮಾನ್ ಖಾನ್ ಘೋಷಿಸಿದ್ದಾರೆ. ಈ ಸುದ್ದಿ ಅಭಿಮಾನಿಗಳಲ್ಲಿ ಉತ್ಸಾಹವನ್ನು ಹುಟ್ಟುಹಾಕಿದೆ. ಖಾನ್ ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಚಿತ್ರದ ಹೊಸ ಮೋಷನ್ ಪೋಸ್ಟರ್ ಅನ್ನು ಹಂಚಿಕೊಂಡಿದ್ದು, ಅದರ ಬಿಡುಗಡೆ ದಿನಾಂಕವನ್ನು ತಿಳಿಸಿದ್ದಾರೆ. ಪೋಸ್ಟರ್‌ನಲ್ಲಿ ಸಲ್ಮಾನ್ ಖಾನ್ ಖಾಕಿ ಸಮವಸ್ತ್ರ ಧರಿಸಿರುವುದನ್ನು ತೋರಿಸಲಾಗಿದೆ. ಚಿತ್ರದ ಬಿಡುಗಡೆ ದಿನಾಂಕವನ್ನೂ ಹಂಚಿಕೊಂಡಿದ್ದಾರೆ. ನಟ ಪೋಸ್ಟ್‌ಗೆ ಟ್ರೇಲರ್ ಇಂದು ಸಂಜೆ ಬಿಡುಗಡೆಯಾಗಲಿದೆ. ಕಾಯುತ್ತಿರುವುದಕ್ಕೆ ಎಲ್ಲರಿಗೂ ಧನ್ಯವಾದಗಳು ಎಂದು ಶೀರ್ಷಿಕೆ ನೀಡಿದ್ದಾರೆ. ಚಿತ್ರವು ಡಿಸೆಂಬರ್ 4, 2026 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.

ಹಲವು ಕಾರಣಗಳಿಂದ ಬಿಡುಗಡೆ ವಿಳಂಬ!

ಮಾತೃಭೂಮಿ ಚಿತ್ರವನ್ನು ಮೂಲತಃ ಈ ವರ್ಷ ಬಿಡುಗಡೆ ಮಾಡಲು ನಿರ್ಧರಿಸಲಾಗಿತ್ತು, ಆದರೆ ವಿವಿಧ ಕಾರಣಗಳಿಂದ ಅದನ್ನು ಮುಂದೂಡಲಾಯಿತು. ಚಿತ್ರದ ದೃಶ್ಯ ಪರಿಣಾಮ ಸುಧಾರಿಸಲು ನಿರ್ಮಾಪಕರಿಗೆ ಹೆಚ್ಚಿನ ಸಮಯ ಬೇಕಾಗುತ್ತದೆ ಎಂದು ಸಲ್ಮಾನ್ ಖಾನ್ ಈ ಹಿಂದೆ ಹೇಳಿದ್ದರು. ಇದಲ್ಲದೆ, ನಟಿ ಚಿತ್ರಾಂಗದಾ ಸಿಂಗ್ ಅವರ ಗಾಯವು ಶೂಟಿಂಗ್ ವೇಳಾಪಟ್ಟಿಯ ಮೇಲೂ ಪರಿಣಾಮ ಬೀರಿತು. ಹಾಗಾಗಿ ಸ್ವಲ್ಪ ವಿಳಂಬವಾಗಿದ್ದು ಕಂಡುಬಂದಿತು.

'ಗಾಲ್ವಾನ್ ಕದನ' ಶೀರ್ಷಿಕೆ ಬಗ್ಗೆಯೂ ಸ್ಪಷ್ಟೀಕರಣ!

ಕಳೆದ ಕೆಲವು ದಿನಗಳಿಂದ ಚಿತ್ರದ ಸುತ್ತ ಮತ್ತೊಂದು ವಿವಾದ ಹರಡುತ್ತಿದೆ. ವರದಿಗಳ ಪ್ರಕಾರ ಚಿತ್ರಕ್ಕೆ ಮೂಲತಃ "ಬ್ಯಾಟಲ್ ಆಫ್ ಗಾಲ್ವಾನ್" ಎಂದು ಹೆಸರಿಡಲಾಗಿತ್ತು, ಆದರೆ ಚೀನಾ ಮತ್ತು ಸರ್ಕಾರದ ಒತ್ತಡವನ್ನು ಒಳಗೊಂಡ ಕೆಲವು ದೃಶ್ಯಗಳಿಂದಾಗಿ ಶೀರ್ಷಿಕೆ ಬದಲಾಯಿಸಲಾಗಿದೆ. ಅಲ್ಲದೇ, ಸಲ್ಮಾನ್ ಖಾನ್ ಈ ವರದಿಗಳನ್ನು ನಿರಾಕರಿಸಿದ್ದಾರೆ. ಬ್ಯಾಟಲ್ ಆಫ್ ಗಾಲ್ವಾನ್ ಎಂದಿಗೂ ಚಿತ್ರದ ಅಧಿಕೃತ ಶೀರ್ಷಿಕೆಯಾಗಿರಲಿಲ್ಲ, ಆದರೆ ಅದು ಚಿತ್ರೀಕರಣದ ಸಮಯದಲ್ಲಿ ಬಳಸಿದ ಚಪ್ಪಾಳೆ ಮಾತ್ರ ಎಂದು ನಟ ಸ್ಪಷ್ಟಪಡಿಸಿದರು.

ಮಾತೃಭೂಮಿ ಹೆಸರಲ್ಲಿ ತೆರೆ ಕಾಣಲಿರುವ ಚಿತ್ರ!

ಚಿತ್ರದ ಪ್ರಸ್ತುತ ಶೀರ್ಷಿಕೆ ಮಾತೃಭೂಮಿ ಹಾಡಿನಿಂದ ಬಂದಿದೆ ಎಂದು ಅವರು ವಿವರಿಸಿದ್ದಾರೆ. ಚಿತ್ರವು ಜೀವನಚರಿತ್ರೆ ಮತ್ತು ಅದು ಚೀನಾ ವಿರೋಧಿ ಎಂಬ ಹೇಳಿಕೆಗಳನ್ನು ಸಲ್ಮಾನ್ ತಳ್ಳಿಹಾಕಿದ್ದಾರೆ. ಈ ಚಿತ್ರವು ಗಾಲ್ವಾನ್ ಕಣಿವೆಯ ಘಟನೆಯಿಂದ ಪ್ರೇರಿತವಾಗಿದೆ. ಅಪೂರ್ವ ಲಖಿಯಾ ನಿರ್ದೇಶನದ ಈ ಚಿತ್ರದಲ್ಲಿ ಸಲ್ಮಾನ್ ಖಾನ್ ಜೊತೆಗೆ ಚಿತ್ರಾಂಗದ ಸಿಂಗ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಚಿತ್ರದ ಕಥೆಯು 2020 ರಲ್ಲಿ ಗಾಲ್ವಾನ್ ಕಣಿವೆಯಲ್ಲಿ ಭಾರತೀಯ ಮತ್ತು ಚೀನಾದ ಸೈನಿಕರ ನಡುವಿನ ಘರ್ಷಣೆಯಿಂದ ಪ್ರೇರಿತವಾಗಿದೆ. ಈ ಚಿತ್ರವನ್ನು ಸಲ್ಮಾನ್ ಖಾನ್ ಫಿಲ್ಮ್ಸ್ ಮತ್ತು ಸಲ್ಮಾ ಖಾನ್ ನಿರ್ಮಿಸಿದ್ದಾರೆ. ಪ್ರೇಕ್ಷಕರು ಈಗ ಟ್ರೇಲರ್‌ಗಾಗಿ ಕಾಯುತ್ತಿದ್ದಾರೆ, ಇದು ಚಿತ್ರದ ಕಥೆಯನ್ನು ಬಹಿರಂಗಪಡಿಸುತ್ತದೆ ಮತ್ತು ಸಲ್ಮಾನ್ ಪಾತ್ರದ ಬಗ್ಗೆ ಒಂದು ನೋಟವನ್ನು ನೀಡುತ್ತದೆ.

Bigg Boss ಕುಮಾರಿಯನ್ನು ಸೀತೆಗೆ ಹೋಲಿಸಿ ಸುದೀಪ್ ಉದಾಹರಣೆ! ನೆಟ್ಟಿಗರಿಂದ ಸಿಕ್ಕಾಪಟ್ಟೆ ರಿಯಾಕ್ಷನ್ಸ್

Suchethana D — Tue, 10 Nov 2026 18:31:35 +0530

ಬೆಂಗಳೂರು: ಬಿಗ್ಬಾಸ್ 13 (Bigg Boss)ನೇ ಸೀಸನ್ನಲ್ಲಿ ಅಗ್ನಿ ಪರೀಕ್ಷೆಯ ಮೂಲಕ ಎಲ್ಲರ ಮನಸ್ಸನ್ನು ಗೆದ್ದವರು ಕುಮಾರಿ ಎಂದೇ ಫೇಮಸ್ ಆಗಿದ್ದ ಲಾವಣ್ಯ ಕುಮಾರಿ. ಇವರ ಮಾತನ್ನು ಕೇಳಿ ಬಿಗ್ಬಾಸ್ ವಿನ್ನರ್ ಎಂದೇ ಅಂದುಕೊಂಡವರೇ ಹಲವರು. ಆದರೆ ಅನಾರೋಗ್ಯದ ನಿಮಿತ್ತ ಅವರನ್ನು ಬಿಗ್ಬಾಸ್ ಮನೆಯೊಳಕ್ಕೆ ಕಳುಹಿಸಲು ಆಗಿರಲಿಲ್ಲ. ಇದಕ್ಕಾಗಿ ಅವರಿಗೆ ಐದು ಲಕ್ಷ ರೂಪಾಯಿ ಪ್ರೋತ್ಸಾಹ ಧನ, ಜಾಬ್ ಆಫರ್ ಎಲ್ಲವನ್ನೂ ಕೊಡಲಾಗಿತ್ತು. ಆದರೆ ಕೊನೆಗೆ ದಿಢೀರ್ ಎಂದು ಕುಮಾರಿ ಎಂಟ್ರಿ ಕೊಟ್ಟರು. ಅಷ್ಟಕ್ಕೂ ಈ ಬಾರಿಯ ಬಿಗ್ಬಾಸ್ನ ಸೀಸನ್ ವೀಕ್ಷಕರನ್ನು ಸೆರೆ ಹಿಡಿಯುವಲ್ಲಿ ವಿಫಲವಾಗಿದೆ, ಅದರಲ್ಲಿಯೂ 12ನೇ ಸೀಸನ್ಗೆ ಹೋಲಿಸಿದರೆ ತೀರಾ ಸಪ್ಪಗಿದೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಮಾತು ಕೇಳಿಬರುತ್ತಿದ್ದ ಹಿನ್ನೆಲೆಯಲ್ಲಿ ಕುಮಾರಿ ಏನಾದರೂ ಮ್ಯಾಜಿಕ್ಮಾಡಬಹುದು ಎಂದು ಅವರನ್ನು ಕಳುಹಿಸಲಾಗಿತ್ತು ಎಂದೇ ಹೇಳಲಾಗುತ್ತಿದೆ.

ಆದರೆ ಹೊರಗಡೆ ಪಟಪಟಾ ಎಂದು ಮಾತನಾಡುವುದು ಬೇರೆ. ಸ್ಪರ್ಧಿಯಾಗಿ ಬೇರೆಯವರಿಗೆ ಕಂಪೀಟ್ ಮಾಡುವುದು ಬೇರೆ ಎನ್ನುವಂತೆ ಕುಮಾರಿ ನಿರೀಕ್ಷೆಯಂತೆ ಜನರ ವಿಶ್ವಾಸ ಗಳಿಸುವಲ್ಲಿ ವಿಫಲವಾದರು. ಕೊನೆಗೆ ಎಲಿಮಿನೇಟ್ ಆಗಿ ಹೊರಕ್ಕೆ ಬಂದರು. ಆದರೆ, ಒಮ್ಮೆ ಸ್ವಲ್ಪ ಫೇಮಸ್ ಆದರು ಎಂದಾಕ್ಷಣ ವೀಕ್ಷಕರ ಅದರಲ್ಲಿಯೂ ಟ್ರೋಲಿಗರ ಕಣ್ಣು ಅವರ ಮೇಲೆ ಇರುತ್ತದೆ. ಅದೇ ರೀತಿ ಕುಮಾರಿ ಅವರನ್ನು ಬಿಗ್ಬಾಸ್ ಮನೆಯೊಳಕ್ಕೆ ಕಳುಹಿಸಿದಾಗ ಅವರ ಬಟ್ಟೆ ನೋಡಿ ಟ್ರೋಲ್ ಮಾಡಿದವರೇ ಹೆಚ್ಚು. ಇದಕ್ಕೆ ಕಾರಣ, ಬಿಗ್ಬಾಸ್ ಕಡೆಯಿಂದ ಐದು ಲಕ್ಷ ರೂ. ದುಬೈನಲ್ಲಿ ಜಾಬ್ ಆಫರ್ ಎಲ್ಲಾ ಕೊಟ್ಟರೂ, ಕುಮಾರಿ ಅವರು ಅದೇ ಹಳೆಯ ಕಪ್ಪು ಬಟ್ಟೆಯನ್ನೇ ಧರಿಸಿ ಕುಮಾರಿ ಎಂಟ್ರಿಕೊಟ್ಟಿದ್ದು. ಇದು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್ ಆಗಿತ್ತು. ಜನರ ಅನುಕಂಪ ಗಳಿಸುವುದಕ್ಕಾಗಿ ಈ ಹಿಂದೆ ಬನಿಯನ್ ಮೇಲೆ ಇದ್ದರು, ಈಗ ಹಳೆಯಬಟ್ಟೆ ಮೇಲೆ ಇದ್ದಾಳೆ ಕುಮಾರಿ ಎಂದು ನೆಟ್ಟಿಗರು ಟ್ರೋಲ್ ಮಾಡಿದರು.

ಸೀತೆಯನ್ನೇ ಬಿಟ್ಟಿಲ್ಲ ಎಂದ ಸುದೀಪ್

ಇದರಿಂದ ಈಗ ಹೊರಕ್ಕೆ ಬಂದ ಮೇಲೆ ಕುಮಾರಿ ನೋವು ತೋಡಿಕೊಂಡಿದ್ದಾರೆ. ಈ ರೀತಿ ಟ್ರೋಲ್ ಮಾಡುತ್ತಿರುವವರ ಬಗ್ಗೆ ಸುದೀಪ್ ಎದುರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಆ ಸಮಯದಲ್ಲಿ ಅವರನ್ನು ಸಮಾಧಾನ ಪಡಿಸುವುದಕ್ಕಾಗಿ ಸುದೀಪ್ ಅವರು ರಾಮಾಯಣದ ಸೀತೆಯ ಉದಾಹರಣೆ ಕೊಟ್ಟರು. ಕುಮಾರಿ ಅವರ ಮಾತುಗಳನ್ನು ಆಲಿಸಿದ ನಿರೂಪಕ ಸುದೀಪ್, ‘ಜನರು ಏನೇನೋ ಮಾತನಾಡುತ್ತಾರೆ. ಇವರು ಸಾಕ್ಷಾತ್ ಸೀತೆಯನ್ನೇ ಬಿಟ್ಟವರಲ್ಲ. ಮಾತನಾಡುವವರು ಮಾತನಾಡುತ್ತಲೇ ಇರುತ್ತಾರೆ. ಅಂತಹ ಮಾತುಗಳಿಗೆಲ್ಲ ನೀವು ಯೋಚಿಸಬಾರದು ಹಾಗೂ ತಲೆಕೆಡಿಸಿಕೊಳ್ಳಬಾರದು. ನೀವ್ಯಾರೋ, ನಾವ್ಯಾರೋ, ಅದಕ್ಕೆಲ್ಲಾ ತಲೆ ಕೆಡಿಸಿಕೊಳ್ಳದೇ ಹೋಗ್ತಾ ಇರಬೇಕು’ ಎಂದು ಸೂಕ್ತ ಕಿವಿಮಾತು ಹೇಳಿ ಕುಮಾರಿಗೆ ಆತ್ಮವಿಶ್ವಾಸ ತುಂಬಿದರು.

ನೆಟ್ಟಿಗರಿಂದ ಸಿಕ್ಕಾಪಟ್ಟೆ ರಿಯಾಕ್ಷನ್ಸ್

ಅಷ್ಟಕ್ಕೂ ಸುದೀಪ್ ಅವರೇನೂ ಕುಮಾರಿಯನ್ನು ಸೀತಾಮಾತೆಗೆ ಹೋಲಿಸಲಿಲ್ಲ. ಅವರನ್ನೂ ಬಿಟ್ಟಿಲ್ಲ ಎಂದು ಹೇಳಿದ್ದಾರಷ್ಟೇ. ಆದರೆ ಇದು ಹಲವು ನೆಟ್ಟಿಗರ ಕೋಪಕ್ಕೆ ಗುರಿಯಾಗಿದೆ. ಇದು ಕೂಡ ಟ್ರೋಲ್ ಆಗುತ್ತಿದೆ. ಕುಮಾರಿಯನ್ನು ಸೀತಾಮಾತೆಗೆ ಹೋಲಿಸೋದು ಸರಿನಾ ಎಂದು ಹಲವರು ಪ್ರಶ್ನಿಸುತ್ತಿದ್ದಾರೆ. ಬೇರೆ ಉದಾಹರಣೆ ಕೊಡಬಹುದಿತ್ತು. ಆದರೆ ಸಮಾಧಾನ ಪಡಿಸುವ ಹೆಸರಿನಲ್ಲಿ ಸೀತೆಯ ಹೆಸರು ಹೇಳಿದ್ದು ಏಕೆ ಎಂದು ಪ್ರಶ್ನಿಸುತ್ತಿದ್ದಾರೆ. ಮತ್ತೆ ಕೆಲವರು, ಸುದೀಪ್ ಅವರ ಮಾತೆಂದರೆ ಮಾತು, ಯಾರನ್ನೂ ನೋಯಿಸುವುದಿಲ್ಲ. ಎಲ್ಲರನ್ನೂ ಹೇಗೆ ಸಮಾಧಾನ ಮಾಡಬೇಕು ಎನ್ನೋದು ಅವರಿಗೆ ಗೊತ್ತಿದೆ ಎನ್ನುತ್ತಿದ್ದಾರೆ.

Alimony: ಡಿವೋರ್ಸ್ ಬಳಿಕ ಪವನ್ ಕಲ್ಯಾಣ್ ಮೊದಲ 2 ಪತ್ನಿಯರಿಗೆ ಕೊಟ್ಟ ಜೀವನಾಂಶ ಎಷ್ಟು ಕೋಟಿ? ಈಗ ಸ್ಟೋರಿ ಏನು?

Shriram Bhat — Tue, 10 Nov 2026 18:08:28 +0530

ವಿಶೇಷ ಸ್ಪಷ್ಟನೆ: ಪವನ್ ಕಲ್ಯಾಣ್ ಅವರ ಪತ್ನಿಯ ಮೂಲ ಹೆಸರು ಅನ್ನಾ ಲೆಜ್ನೆವಾ (Anna Lezhneva). ಆದರೆ ಅವರು 2013ರಲ್ಲಿ ಪವನ್ ಕಲ್ಯಾಣ್ ಅವರನ್ನು ವಿವಾಹವಾದ ನಂತರ ತಮ್ಮ ಉಪನಾಮವನ್ನು ಬದಲಾಯಿಸಿಕೊಂಡು ಅನ್ನಾ ಕೊನಿಡೇಲಾ (Anna Konidala) ಎಂದು ಕರೆಯಲ್ಪಡುತ್ತಿದ್ದಾರೆ.

ಟಾಲಿವುಡ್‌ನ ಪವರ್ ಸ್ಟಾರ್ ಹಾಗೂ ಆಂಧ್ರಪ್ರದೇಶದ ಉಪಮುಖ್ಯಮಂತ್ರಿ ಪವನ್ ಕಲ್ಯಾಣ್ ಅವರ ವೈಯಕ್ತಿಕ ಜೀವನ ಇದೀಗ ಮತ್ತೆ ಸುದ್ದಿಯಲ್ಲಿದೆ. ಮೂರನೇ ಪತ್ನಿ ಅನ್ನಾ ಕೊನಿಡೇಲಾ ಅವರಿಂದ ಬೇರೆಯಾಗುವ ನಿರ್ಧಾರ ಪ್ರಕಟಿಸಿದ ಬೆನ್ನಲ್ಲೇ, ಈ ಹಿಂದೆ ಮೊದಲ ಇಬ್ಬರು ಪತ್ನಿಯರಿಗೆ ವಿಚ್ಛೇದನದ ಸಂದರ್ಭದಲ್ಲಿ ಎಷ್ಟು ಹಣ ನೀಡಿದ್ದಾರೆ ಎಂಬ ಚರ್ಚೆ ಶುರುವಾಗಿದೆ. ಮೊದಲ ಪತ್ನಿ ನಂದಿನಿಗೆ 5 ಕೋಟಿ ರೂಪಾಯಿ ನೀಡಿದ್ದರಾ? ಎರಡನೇ ಪತ್ನಿ ರೇಣು ದೇಸಾಯಿ ಅವರಿಗೆ ಬರೋಬ್ಬರಿ 40 ಕೋಟಿ ರೂಪಾಯಿ ಜೀವನಾಂಶ ಕೊಟ್ಟಿದ್ದಾರಾ? ಈ ಕುರಿತ ಆಸಕ್ತಿದಾಯಕ ವಿವರ ಇಲ್ಲಿದೆ.

ಮೊದಲ ಪತ್ನಿ ನಂದಿನಿಗೆ 5 ಕೋಟಿ ರೂ. ಜೀವನಾಂಶ?

ಪವನ್ ಕಲ್ಯಾಣ್ ಅವರು 1997ರಲ್ಲಿ ನಂದಿನಿ ಅವರನ್ನು ವಿವಾಹವಾಗಿದ್ದರು. ಆದರೆ, ಇವರ ದಾಂಪತ್ಯ ಜೀವನದಲ್ಲಿ ಹೆಚ್ಚು ಕಾಲ ಸುಖವಾಗಿರಲಿಲ್ಲ. ಹಲವು ವರ್ಷಗಳ ನಂತರ ಇಬ್ಬರೂ ಬೇರೆಯಾಗಲು ನಿರ್ಧರಿಸಿದ್ದು, 2008ರಲ್ಲಿ ಅಧಿಕೃತವಾಗಿ ವಿಚ್ಛೇದನ ಪಡೆದಿದ್ದರು.

ಈ ಸಂದರ್ಭದಲ್ಲಿ ನಂದಿನಿ ಅವರಿಗೆ ಪವನ್ ಕಲ್ಯಾಣ್ ಬರೋಬ್ಬರಿ 5 ಕೋಟಿ ರೂಪಾಯಿ ಜೀವನಾಂಶ ನೀಡಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಒನ್‌ಟೈಮ್ ಸೆಟಲ್‌ಮೆಂಟ್ ರೂಪದಲ್ಲಿ ಚೆಕ್ ಮೂಲಕ ಈ ಹಣವನ್ನು ನೀಡಿದ್ದರು ಎನ್ನಲಾಗಿದೆ. ಈ ವಿಚಾರವನ್ನು ಪವನ್ ಕಲ್ಯಾಣ್ ಅವರೇ ರಾಜಕೀಯ ಸಭೆಯೊಂದರಲ್ಲಿ ಪ್ರಸ್ತಾಪಿಸಿದ್ದರು ಎಂಬ ವರದಿಗಳೂ ಪ್ರಕಟವಾಗಿದ್ದವು. ಹೀಗಾಗಿ ಅವರ ಮೊದಲ ವಿಚ್ಛೇದನದ ವೇಳೆ ನೀಡಿದ ಹಣದ ಬಗ್ಗೆ ಸಾಕಷ್ಟು ಚರ್ಚೆಯಾಗಿತ್ತು.

ರೇಣು ದೇಸಾಯಿಗೆ 40 ಕೋಟಿ ರೂ. ಕೊಟ್ಟಿದ್ದಾರಾ?

ಮೊದಲ ಪತ್ನಿಯಿಂದ ವಿಚ್ಛೇದನ ಪಡೆದ ಬಳಿಕ ಪವನ್ ಕಲ್ಯಾಣ್ ನಟಿ ರೇಣು ದೇಸಾಯಿ ಅವರೊಂದಿಗೆ ಪ್ರೀತಿಯಲ್ಲಿ ಬಿದ್ದರು. ಇಬ್ಬರೂ 2009ರಲ್ಲಿ ವಿವಾಹವಾಗಿದ್ದರು. ಈ ಜೋಡಿಗೆ ಅಕಿರಾ ನಂದನ್ ಹಾಗೂ ಆದ್ಯಾ ಎಂಬ ಇಬ್ಬರು ಮಕ್ಕಳಿದ್ದಾರೆ. ಆದರೆ, ಈ ದಾಂಪತ್ಯವೂ ಹೆಚ್ಚು ಕಾಲ ಮುಂದುವರಿಯಲಿಲ್ಲ. 2012ರಲ್ಲಿ ಇಬ್ಬರೂ ಬೇರೆಯಾಗಿದ್ದರು.

ಇವರ ವಿಚ್ಛೇದನದ ಬಳಿಕ ರೇಣು ದೇಸಾಯಿ ಅವರಿಗೆ ಪವನ್ ಕಲ್ಯಾಣ್ 40 ಕೋಟಿ ರೂಪಾಯಿ ಜೀವನಾಂಶ ನೀಡಿದ್ದಾರೆ ಎಂಬ ಸುದ್ದಿ ವ್ಯಾಪಕವಾಗಿ ಹರಡಿತ್ತು. ಆದರೆ, ಈ ಸುದ್ದಿಗೆ ಸ್ವತಃ ರೇಣು ದೇಸಾಯಿ ಅವರೇ ಸ್ಪಷ್ಟನೆ ನೀಡಿದ್ದರು.

40 ಕೋಟಿ ರೂಪಾಯಿ ಪಡೆದಿದ್ದೇನೆ ಎಂಬುದು ಸುಳ್ಳು ಎಂದು ಹೇಳಿದ್ದ ಅವರು, ಪವನ್ ಕಲ್ಯಾಣ್ ಅವರಿಂದ ಯಾವುದೇ ಮಾಸಿಕ ಜೀವನಾಂಶ ಅಥವಾ ಪ್ರತ್ಯೇಕ ಹಣವನ್ನು ಪಡೆದಿಲ್ಲ ಎಂದು ಸಂದರ್ಶನವೊಂದರಲ್ಲಿ ತಿಳಿಸಿದ್ದರು. ಮಕ್ಕಳ ಭವಿಷ್ಯವನ್ನು ಗಮನದಲ್ಲಿಟ್ಟುಕೊಂಡು ಪವನ್ ಕಲ್ಯಾಣ್ ಒಂದು ಫ್ಲಾಟ್ ಅಥವಾ ಆಸ್ತಿಯನ್ನು ನೀಡಿದ್ದರು. ಅದನ್ನು ನಂತರ ಮಾರಾಟ ಮಾಡಿ ಬೇರೆಡೆ ಹೂಡಿಕೆ ಮಾಡಿರುವುದಾಗಿ ವಿವರಿಸಿದ್ದರು. ಹೀಗಾಗಿ 40 ಕೋಟಿ ರೂಪಾಯಿ ಜೀವನಾಂಶ ಪಡೆದಿದ್ದಾರೆ ಎಂಬ ಸುದ್ದಿ ನಿಜವಲ್ಲ ಎಂದು ಸ್ಪಷ್ಟಪಡಿಸಿದ್ದರು.

ಮೂರನೇ ಪತ್ನಿ ಅನ್ನಾ ಕೊನಿಡೇಲಾ ಜೊತೆಗೂ ಬಿರುಕು & ವಿಚ್ಛೇದನ?

ಎರಡನೇ ಮದುವೆಯ ಬಳಿಕ ಪವನ್ ಕಲ್ಯಾಣ್ ಅವರ ಜೀವನಕ್ಕೆ ಬಂದವರು ರಷ್ಯಾ ಮೂಲದ ಮಾಜಿ ಮಾಡೆಲ್ ಹಾಗೂ ನಟಿ ಅನ್ನಾ ಲೆಜ್ನೆವಾ. 2011ರಲ್ಲಿ ಬಿಡುಗಡೆಯಾದ 'ತೀನ್ ಮಾರ್' ಸಿನಿಮಾದ ಚಿತ್ರೀಕರಣದ ವೇಳೆ ಇಬ್ಬರ ಪರಿಚಯವಾಗಿತ್ತು ಎನ್ನಲಾಗಿದೆ. ನಂತರ ಸ್ನೇಹ ಪ್ರೀತಿಯಾಗಿ ಬದಲಾಗಿದ್ದು, 2013ರ ಸೆಪ್ಟೆಂಬರ್‌ನಲ್ಲಿ ಇಬ್ಬರೂ ವಿವಾಹವಾಗಿದ್ದರು.

ಮದುವೆಯ ಬಳಿಕ ಅನ್ನಾ ಲೆಜ್ನೆವಾ ಅವರು ಅನ್ನಾ ಕೊನಿಡೇಲಾ ಎಂದೂ ಗುರುತಿಸಿಕೊಂಡಿದ್ದರು. ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಸುಮಾರು 13 ವರ್ಷಗಳ ಕಾಲ ಒಟ್ಟಿಗೆ ಜೀವನ ನಡೆಸಿದ್ದ ಈ ಜೋಡಿ ಇದೀಗ ಬೇರೆಯಾಗುವ ನಿರ್ಧಾರ ಪ್ರಕಟಿಸಿದೆ.

ನವೆಂಬರ್ 9, 2026ರಂದು ಪವನ್ ಕಲ್ಯಾಣ್ ಮತ್ತು ಅನ್ನಾ ಕೊನಿಡೇಲಾ ಅವರ ವಿಚ್ಛೇದನದ ಕುರಿತ ಜಂಟಿ ಹೇಳಿಕೆ ಹೊರಬಿದ್ದಿದೆ. ಪರಸ್ಪರ ಒಪ್ಪಿಗೆ ಮತ್ತು ಗೌರವದೊಂದಿಗೆ ಬೇರೆಯಾಗಲು ನಿರ್ಧರಿಸಿರುವುದಾಗಿ ತಿಳಿಸಿರುವ ದಂಪತಿ, ತಮ್ಮ ಖಾಸಗಿತನವನ್ನು ಗೌರವಿಸುವಂತೆ ಅಭಿಮಾನಿಗಳು ಹಾಗೂ ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ. ಆದರೆ, ಈ ನಿರ್ಧಾರದ ಹಿಂದಿನ ನಿಖರ ಕಾರಣವನ್ನು ಬಹಿರಂಗಪಡಿಸಿಲ್ಲ.

ಒಟ್ಟಿನಲ್ಲಿ, ಪವನ್ ಕಲ್ಯಾಣ್ ಅವರ ಮೂರು ವಿವಾಹಗಳು ಮತ್ತು ವೈಯಕ್ತಿಕ ಜೀವನದ ಬೆಳವಣಿಗೆಗಳು ಇದೀಗ ಮತ್ತೆ ಚರ್ಚೆಗೆ ಬಂದಿವೆ. ಮೊದಲ ವಿಚ್ಛೇದನದ ವೇಳೆ 5 ಕೋಟಿ ರೂಪಾಯಿ ನೀಡಿದ್ದರು ಎನ್ನುವ ವರದಿ, ಎರಡನೇ ಪತ್ನಿ ರೇಣು ದೇಸಾಯಿ 40 ಕೋಟಿ ರೂಪಾಯಿ ಜೀವನಾಂಶದ ಸುದ್ದಿಯನ್ನು ತಳ್ಳಿಹಾಕಿರುವುದು ಹಾಗೂ ಮೂರನೇ ದಾಂಪತ್ಯದ ಅಂತ್ಯದ ಸುದ್ದಿ ಅಭಿಮಾನಿಗಳಲ್ಲಿ ಸಾಕಷ್ಟು ಕುತೂಹಲ ಮೂಡಿಸಿವೆ.

ಹುಟ್ಟೂರಿನಲ್ಲಿಯೇ 'ಚಂದ್ರಹಾಸ'ನ ಸಂಭ್ರಮ ನುಂಗಿ ಹಾಕಿದ 'ಪ್ರೇಮದ ಊರಲಿ'; ನಟ ಹರೀಶ್ ಕಣ್ಣೀರು!

Sathish Kumar KH — Tue, 10 Nov 2026 17:22:40 +0530

ಸ್ಯಾಂಡಲ್‌ವುಡ್‌ನಲ್ಲಿ ಒಂದು ಸಿನಿಮಾ 50 ದಿನಗಳ ಯಶಸ್ವಿ ಪ್ರದರ್ಶನದ ಸಂಭ್ರಮ ಆಚರಿಸುತ್ತಿದ್ದರೆ, ಮತ್ತೊಂದು ಸಿನಿಮಾ ಚಿತ್ರಮಂದಿರಗಳೇ ಸಿಗದೆ ಸಂಕಷ್ಟ ಎದುರಿಸುತ್ತಿದೆ. ಅದರಲ್ಲೂ ಉತ್ತರ ಕರ್ನಾಟಕದ ಗ್ರಾಮೀಣ ಸೊಗಡಿನ ಕಥಾಹಂದರ ಹೊಂದಿರುವ 'ಚಂದ್ರಹಾಸ' ಸಿನಿಮಾದ ನಾಯಕ ನಟ ತಮ್ಮ ಊರಿನಲ್ಲಿಯೇ ಸಿನಿಮಾ ಪ್ರದರ್ಶಿಸಲು ಸಾಧ್ಯವಾಗದ ನೋವಿನಲ್ಲಿ ಕಣ್ಣೀರು ಹಾಕಿದ್ದಾರೆ. 'ಕಾಮಿಡಿ ಕಿಲಾಡಿಗಳು' ಕಾರ್ಯಕ್ರಮದ ವಿಜೇತ, ನಟ ಹರೀಶ್ ಅವರ ಈ ಅಳಲು ಇದೀಗ ಕನ್ನಡ ಚಿತ್ರರಂಗದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಪ್ರೇಮದ ಊರಲಿಗೆ 50 ದಿನದ ಸಂಭ್ರಮ, ಚಂದ್ರಹಾಸನಿಗೆ ಚಿತ್ರಮಂದಿರಗಳ ಕೊರತೆ!

ಕನ್ನಡ ಚಿತ್ರರಂಗದಲ್ಲಿ 'ಪ್ರೇಮದ ಊರಲಿ' ಸಿನಿಮಾ 50 ದಿನಗಳ ಪ್ರದರ್ಶನದ ಸಂಭ್ರಮದಲ್ಲಿದೆ. ಗದಗ ನಗರದ ಎರಡು ಚಿತ್ರಮಂದಿರಗಳಲ್ಲಿಯೂ ಈ ಸಿನಿಮಾ ಪ್ರದರ್ಶನ ಕಾಣುತ್ತಿದೆ. ಆದರೆ, ಇದೇ ಸಂದರ್ಭದಲ್ಲಿ ಚಿತ್ರಮಂದಿರಗಳ ಕೊರತೆಯಿಂದ 'ಚಂದ್ರಹಾಸ' ಸಿನಿಮಾ ತಂಡ ಪರದಾಡುವಂತಾಗಿದೆ. ಉತ್ತರ ಕರ್ನಾಟಕದ ಗ್ರಾಮೀಣ ಬದುಕು ಮತ್ತು ಅಲ್ಲಿನ ಸೊಗಡನ್ನು ಆಧರಿಸಿದ ಕಥಾಹಂದರ ಹೊಂದಿರುವ 'ಚಂದ್ರಹಾಸ' ಸಿನಿಮಾ ಬಿಡುಗಡೆಯಾಗಿ ಎರಡು ವಾರ ಕಳೆದರೂ ನಿರೀಕ್ಷಿತ ಮಟ್ಟದಲ್ಲಿ ಚಿತ್ರಮಂದಿರಗಳು ಸಿಕ್ಕಿಲ್ಲ ಎನ್ನಲಾಗಿದೆ. ರಾಜ್ಯದ ಕೆಲವೇ ಕೆಲವು ಚಿತ್ರಮಂದಿರಗಳಲ್ಲಿ ಬೆಳಗಿನ ಪ್ರದರ್ಶನಕ್ಕೆ ಮಾತ್ರ ಅವಕಾಶ ಸಿಕ್ಕಿದ್ದು, ಹೊಸ ನಾಯಕನ ಸಿನಿಮಾವನ್ನು ಪ್ರೇಕ್ಷಕರು ವೀಕ್ಷಿಸಲು ಇದು ಅಡ್ಡಿಯಾಗುತ್ತಿದೆ ಎಂಬುದು ಚಿತ್ರತಂಡದ ಅಳಲು.

ಸ್ವಂತ ಊರಿನಲ್ಲೇ ಸಿನಿಮಾ ನೋಡಲು ಸಾಧ್ಯವಾಗದ ನಟ ಹರೀಶ್!

ಈ ಸಿನಿಮಾದ ನಾಯಕ ನಟ ಹರೀಶ್ ಹಿರಿಯೂರು ಮೂಲತಃ ಗದಗ ಜಿಲ್ಲೆಯಲ್ಲಿ ನೆಲೆಗೊಂಡವರು. ಅಲ್ಲಿಯೇ ಹುಟ್ಟಿ ಬೆಳೆದು, ರಂಗಭೂಮಿಯಲ್ಲಿ ಕಲಾವಿದರಾಗಿ ಗುರುತಿಸಿಕೊಂಡವರು. 'ಕಾಮಿಡಿ ಕಿಲಾಡಿಗಳು' ರಿಯಾಲಿಟಿ ಶೋ ಎರಡು ಬಾರಿ ವಿಜೇತರಾದ ಬಳಿಕ ಇದೀಗ ಮೊದಲ ಬಾರಿಗೆ ನಾಯಕನಾಗಿ ಬೆಳ್ಳಿತೆರೆಗೆ ಪದಾರ್ಪಣೆ ಮಾಡಿದ್ದಾರೆ. ಆದರೆ, ತಮ್ಮದೇ ಊರಿನಲ್ಲಿ ತಾವು ನಾಯಕನಾಗಿ ನಟಿಸಿರುವ ಸಿನಿಮಾವನ್ನು ಪ್ರದರ್ಶಿಸಲು ಒಂದು ಚಿತ್ರಮಂದಿರವೂ ಸಿಗದಿರುವುದು ಹರೀಶ್ ಅವರನ್ನು ತೀವ್ರವಾಗಿ ನೋಯಿಸಿದೆ. ಈ ಬಗ್ಗೆ ಮಾತನಾಡಿರುವ ಅವರು, ಗದಗದಲ್ಲಿ ತಮ್ಮ ಸಿನಿಮಾ ವೀಕ್ಷಿಸಲು ಅವಕಾಶ ಸಿಗದ ಕಾರಣ ಬೆಂಗಳೂರಿಗೆ ಬಂದು ಸಿನಿಮಾ ನೋಡಬೇಕಾದ ಪರಿಸ್ಥಿತಿ ಎದುರಾಗಿದೆ ಎಂದು ಭಾವುಕರಾಗಿದ್ದಾರೆ.

ಗದಗ ನಗರದ ಚಿತ್ರಮಂದಿರಗಳಲ್ಲಿ 'ಪ್ರೇಮದ ಊರಲಿ' ಪ್ರದರ್ಶನಗೊಳ್ಳುತ್ತಿದ್ದರೂ, 'ಚಂದ್ರಹಾಸ' ಚಿತ್ರಕ್ಕೆ ಒಂದು ಚಿತ್ರಮಂದಿರವನ್ನಾದರೂ ನೀಡುವಂತೆ ಕೇಳಿಕೊಂಡಿದ್ದರಂತೆ. ಕನಿಷ್ಠ ಎರಡು ಶೋಗಳನ್ನಾದರೂ ನೀಡುವಂತೆ ಮನವಿ ಮಾಡಿದರೂ ಒಪ್ಪಿಗೆ ಸಿಗಲಿಲ್ಲ ಎಂದು ಹರೀಶ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ನಿರ್ಮಾಪಕರ ಪಾಡೇನು ಎಂದು ಕಣ್ಣೀರಿಟ್ಟ ನಾಯಕ!

ಹೊಸ ನಾಯಕನ ಸಿನಿಮಾವನ್ನು ಪ್ರೇಕ್ಷಕರು ಬೆಳಗಿನ ಶೋಗೆ ಬಂದು ವೀಕ್ಷಿಸುವುದು ಕಷ್ಟ. ನಾಯಕ ನಟನಾಗಿ ತಾನು ಮತ್ತೊಂದು ಅವಕಾಶಕ್ಕಾಗಿ ಕಾಯಬಹುದು. ಆದರೆ, ತಮ್ಮ ಮೇಲೆ ನಂಬಿಕೆ ಇಟ್ಟು ಹಣ ಹೂಡಿಕೆ ಮಾಡಿರುವ ನಿರ್ಮಾಪಕರ ಗತಿಯೇನು ಎಂದು ಹರೀಶ್ ನೋವು ತೋಡಿಕೊಂಡಿದ್ದಾರೆ. ರಾಜ್ಯಾದ್ಯಂತ ಸಿನಿಮಾ ಬಿಡುಗಡೆ ಮಾಡಲು ವಿತರಕರಿಂದ ಸೂಕ್ತ ಬೆಂಬಲ ಸಿಗುತ್ತಿಲ್ಲ. ಸಿನಿಮಾ ವಿತರಣೆ ಮಾಡಲು ಸಾಧ್ಯವಿಲ್ಲ ಎಂದ ಮೇಲೆ ಮುಂದಿನ ದಿನಗಳಲ್ಲಿ ನಿರ್ಮಾಪಕರು ಹೇಗೆ ಹೊಸಬರ ಸಿನಿಮಾಗಳ ಮೇಲೆ ಹಣ ಹೂಡಿಕೆ ಮಾಡುತ್ತಾರೆ? ಎಂದು ಅವರು ಪ್ರಶ್ನಿಸಿದ್ದಾರೆ.

View this post on Instagram

A post shared by Reality_Loka (@reality.loka)

ಉತ್ತರ ಕರ್ನಾಟಕದ ಸಿನಿಮಾಗಳಿಗೆ ಅನ್ಯಾಯವಾಗುತ್ತಿದೆಯೇ?

ಹರೀಶ್ ಅವರ ಅಳಲು ಸಾಮಾಜಿಕ ಜಾಲತಾಣಗಳಲ್ಲಿಯೂ ಚರ್ಚೆಗೆ ಕಾರಣವಾಗಿದೆ. ಉತ್ತರ ಕರ್ನಾಟಕದ ಸಿನಿಮಾಗಳು ಮತ್ತು ಪ್ರತಿಭೆಗಳಿಗೆ ನಿರಂತರವಾಗಿ ಅನ್ಯಾಯವಾಗುತ್ತಿದೆ ಎಂದು ಹಲವು ನೆಟ್ಟಿಗರು ಅಭಿಪ್ರಾಯಪಟ್ಟಿದ್ದಾರೆ. ಈ ಹಿಂದೆ 'ಹುಲಿಬೀರ' ಸಿನಿಮಾಗೂ ಇದೇ ರೀತಿಯ ಸಮಸ್ಯೆ ಎದುರಾಗಿತ್ತು. ಇದೀಗ 'ಚಂದ್ರಹಾಸ' ಸಿನಿಮಾಗೂ ಚಿತ್ರಮಂದಿರಗಳ ಕೊರತೆ ಎದುರಾಗಿದೆ ಎಂದು ಕೆಲವರು ಬೇಸರ ವ್ಯಕ್ತಪಡಿಸಿದ್ದಾರೆ.

ಒಂದೆಡೆ 'ಪ್ರೇಮದ ಊರಲಿ' 50 ದಿನಗಳ ಸಂಭ್ರಮ ಆಚರಿಸುತ್ತಿದ್ದರೆ, ಮತ್ತೊಂದೆಡೆ ತಮ್ಮ ಮೊದಲ ಸಿನಿಮಾವನ್ನು ಪ್ರೇಕ್ಷಕರಿಗೆ ತಲುಪಿಸಲು ಹರೀಶ್ ಮತ್ತು 'ಚಂದ್ರಹಾಸ' ಚಿತ್ರತಂಡ ಹೋರಾಡುತ್ತಿದೆ. ಪ್ರತಿಭೆ, ಕಥೆ ಮತ್ತು ಪರಿಶ್ರಮವಿದ್ದರೂ ಚಿತ್ರಮಂದಿರಗಳ ಲಭ್ಯತೆ ಇಲ್ಲದಿದ್ದರೆ ಹೊಸಬರ ಸಿನಿಮಾಗಳ ಭವಿಷ್ಯವೇನು ಎಂಬ ಪ್ರಶ್ನೆಯನ್ನು ಈ ಘಟನೆ ಮತ್ತೊಮ್ಮೆ ಮುನ್ನೆಲೆಗೆ ತಂದಿದೆ.

ಮಗು ಹೆತ್ತು Karna Serialನಿಂದ ನಟಿ ನಮ್ರತಾ ಗೌಡ ದೂರ? ನಿತ್ಯಾ ಆಗ್ತಿರೋ ಹೊಸ ನಟಿ ಯಾರು

Suchethana D — Tue, 10 Nov 2026 16:53:30 +0530

ಕರ್ಣ ಸೀರಿಯಲ್‌ನಲ್ಲಿ ಮಗುವಿಗೆ ಜನ್ಮ ನೀಡಿದ ನಿತ್ಯಾ ಬದುಕಿದ್ದಾಳೆ ಎಂದು ಹೊಸ ಪ್ರೊಮೋದಲ್ಲಿ ತೋರಿಸಲಾಗಿದೆ. ಆದರೆ, ನಟಿ ನಮ್ರತಾ ಗೌಡ ಈ ಧಾರಾವಾಹಿಯಿಂದ ಹೊರಬರುತ್ತಿದ್ದಾರಾ ಎಂಬ ಕುತೂಹಲ ವೀಕ್ಷಕರಲ್ಲಿ ಮೂಡಿದೆ.

ಕರ್ಣ ಸೀರಿಯಲ್ (Karna Serial)ನಲ್ಲಿ ನಿತ್ಯಾಗೆ ಮಗುವಾಗಿದೆ. ಆದರೆ ಮಗು ಹೆತ್ತು ನಿತ್ಯಾ ಸಾಯುತ್ತಾಳೆ ಎಂಬ ರೀತಿಯಲ್ಲಿ ಈ ಹಿಂದೆ ವಾಹಿನಿ ಪ್ರೊಮೋ ಬಿಡುಗಡೆ ಮಾಡಿತ್ತು. ಭುವನೇಶ್ವರಿಯೇ ನಿನ್ನ ಅಮ್ಮ ಎಂದು ಕರ್ಣನಿಗೆ ಹೇಳುವ ಸಲುವಾಗಿ ಅಲ್ಲಿರುವ ಭುವನೇಶ್ವರಿ ದೇವಿಯ ಫೋಟೋ ತೋರಿಸಿ, ನಿತ್ಯಾ ಕೊನೆಯುಸಿರು ಎಳೆಯುವಂತೆ ತೋರಿಸಲಾಗಿತ್ತು.

ಆದರೆ, ಇಂದು ಬಿಡುಗಡೆಯಾಗಿರುವ ಪ್ರೊಮೋದಲ್ಲಿ ನಿತ್ಯಾ ಸತ್ತಿಲ್ಲ ಎಂದು ತೋರಿಸಲಾಗಿದೆ. ನಿತ್ಯಾ ಮತ್ತು ಮಗು ಎರಡನ್ನೂ ಕರ್ಣ ಕಾಪಾಡಿದ್ದಾನೆ ಎಂದು ಹೇಳಲಾಗಿದೆ. ಆದರೆ ಈಗಿರುವ ಕುತೂಹಲ ಎಂದರೆ, ನಿತ್ಯಾ ಪಾತ್ರ ಮಾಡ್ತಿರೋ ನಟಿ ನಮ್ರತಾ ಗೌಡ ಸೀರಿಯಲ್ ಬಿಟ್ಟು ಹೋಗ್ತಾರಾ ಎನ್ನುವುದು.

ಏಕೆಂದರೆ, ಕೆಲ ದಿನಗಳ ಹಿಂದೆ ಚಾನೆಲ್ ಒಂದಕ್ಕೆ ನೀಡಿರುವ ಸಂದರ್ಶನದಲ್ಲಿ ನಮ್ರತಾ ಗೌಡ ಅವರು, ಪ್ರಾಜೆಕ್ಟ್ ಒಂದರಿಂದ ನಾನು ಒಳ್ಳೆಯ ರೀತಿಯಲ್ಲಿ ಹೊರಕ್ಕೆ ಹೋಗುತ್ತಿದ್ದೇನೆ ಎಂದಿದ್ದರು. ಅಲ್ಲಿ ಅವರು ಯಾವುದೇ ಸೀರಿಯಲ್ ಹೆಸರು ಹೇಳಿರಲಿಲ್ಲ. ಆದರೆ ಸದ್ಯ ಅವರು ಮಾಡ್ತಿರೋ ಸೀರಿಯಲ್ ಕರ್ಣ ಆಗಿರುವ ಕಾರಣ, ನಟಿ ಈ ಸೀರಿಯಲ್ ಬಿಟ್ಟು ಹೋಗ್ತಾರಾ ಎನ್ನುವ ಪ್ರಶ್ನೆ ಇದೆ.

ಇದೇ ಸಂದರ್ಶನದಲ್ಲಿ ನಟಿ ನಮ್ರತಾ ಗೌಡ, ನಿತ್ಯಾ ಪಾತ್ರದ ಬಗ್ಗೆಯೂ ಅಸಮಾಧಾನ ವ್ಯಕ್ತಪಡಿಸಿದ್ದರು. ತಾವು ಅಂದುಕೊಂಡಿದ್ದೇ ಒಂದು, ಆದರೆ ಈ ಪಾತ್ರ ಬೇರೆಯದ್ದೇ ರೀತಿಯಲ್ಲಿ ತೋರಿಸಲಾಗಿದೆ. ಅಷ್ಟಕ್ಕೂ ವೀಕ್ಷಕರು ಇಷ್ಟಪಡುವ ರೀತಿಯಲ್ಲಿ ಕಥೆಯನ್ನು ಬದಲಾಯಿಸುವುದು ಸಹಜ. ಆದರೆ ಹೀಗೆ ಎಂದುಕೊಂಡಿದ್ದರೆ ನಾನು ಈ ಪಾತ್ರ ಒಪ್ಪಿಕೊಳ್ತಿದ್ನೋ ಇಲ್ಲವೋ ಎಂದಿದ್ದರು.

ಇವೆಲ್ಲವನ್ನೂ ನೋಡಿದರೆ ನಟಿ ನಮ್ರತಾ ಗೌಡ (Namratha Gowda) ಸೀರಿಯಲ್ ಬಿಟ್ಟು ಹೋಗುವುದು ಬಹುತೇಕ ಖಚಿತವಾಗಿದೆ. ಒಳ್ಳೆಯ ರೀತಿಯಲ್ಲಿ, ನಿರ್ದೇಶಕ ಜೊತೆ ಮಾತನಾಡಿ, ಯಾರಿಗೂ ಸಮಸ್ಯೆ ಆಗದ ರೀತಿಯಲ್ಲಿ ಪ್ರಾಜೆಕ್ಟ್ ಬಿಡುತ್ತಿದ್ದೇನೆ ಎಂದಿದ್ದರು ನಟಿ.

ಆದ್ದರಿಂದ ಈಗ ಮಗುವಾಗುವ ಒಂದು ಹಂತ ತಲುಪಿದೆ. ಇನ್ನು ಆಸ್ಪತ್ರೆಯಿಂದ ಹೊರಬರುವ ನಿತ್ಯಾ ಬೇರೆಯವರು ಆಗ್ತಾರಾ, ಒಂದು ವೇಳೆ ಹಾಗಾದರೆ ನಿತ್ಯಾ ಪಾತ್ರಕ್ಕೆ ಯಾವ ನಟಿ ಬರಲಿದ್ದಾರೆ ಎನ್ನುವ ಕುತೂಹಲ ಇದೆ. ಅಷ್ಟಕ್ಕೂ ನಮ್ರತಾ ಗೌಡ ಅವರ ಜಾಗದಲ್ಲಿ ಬೇರೆ ಯಾರನ್ನೂ ಕಲ್ಪಿಸಿಕೊಳ್ಳಲು ಅವರ ಅಭಿಮಾನಿಗಳು ಇಷ್ಟಪಡಲ್ಲ ಎನ್ನುವುದೂ ಸತ್ಯವೇ. ಆದರೂ ಸತ್ಯ ಏನು ಎನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ.

Divorce: 1800 ಕೋಟಿ ಆಸ್ತಿಯ ಒಡತಿ ಅನ್ನಾ ಲೆಜ್ನೆವಾ ಯಾರು? ಪವನ್ ಕಲ್ಯಾಣ್ ಜೊತೆ ಲವ್ ಆಗಿದ್ದು ಹೇಗೆ?

Shriram Bhat — Tue, 10 Nov 2026 16:20:25 +0530

ಟಾಲಿವುಡ್‌ನ ಪವರ್ ಸ್ಟಾರ್ ಹಾಗೂ ಆಂಧ್ರಪ್ರದೇಶದ ಉಪಮುಖ್ಯಮಂತ್ರಿ ಪವನ್ ಕಲ್ಯಾಣ್ ಅವರ ವೈಯಕ್ತಿಕ ಜೀವನ ಇದೀಗ ಮತ್ತೊಮ್ಮೆ ಸುದ್ದಿಯ ಕೇಂದ್ರವಾಗಿದೆ. ಬರೋಬ್ಬರಿ 13 ವರ್ಷಗಳ ದಾಂಪತ್ಯ ಜೀವನದ ಬಳಿಕ ಪತ್ನಿ ಅನ್ನಾ ಲೆಜಿನೋವಾ ಅವರಿಂದ ಬೇರೆಯಾಗುವ ನಿರ್ಧಾರ ಕೈಗೊಂಡಿದ್ದಾರೆ ಎಂಬ ಸುದ್ದಿ ಅಭಿಮಾನಿಗಳಲ್ಲಿ ಸಂಚಲನ ಮೂಡಿಸಿದೆ. ಈ ಬೆಳವಣಿಗೆಯ ಬೆನ್ನಲ್ಲೇ ಪವನ್ ಕಲ್ಯಾಣ್ ಅವರ ಮೂರನೇ ಪತ್ನಿ ಅನ್ನಾ ಲೆಜಿನೋವಾ ಯಾರು? ಅವರ ಹಿನ್ನೆಲೆ ಏನು? ಇಬ್ಬರ ನಡುವೆ ಪ್ರೀತಿ ಚಿಗುರಿದ್ದು ಹೇಗೆ? ಅನ್ನಾ ಅವರ ಆಸ್ತಿ ಮೌಲ್ಯ ಎಷ್ಟು? ಎಂಬ ಕುತೂಹಲಕಾರಿ ಪ್ರಶ್ನೆಗಳು ಮುನ್ನೆಲೆಗೆ ಬಂದಿವೆ.

ಪವನ್ ಕಲ್ಯಾಣ್ ಮತ್ತು ಅನ್ನಾ ಲೆಜಿನೋವಾ ಒಂದು ಕಾಲದಲ್ಲಿ ಟಾಲಿವುಡ್‌ನ ಗಮನ ಸೆಳೆದ ಜೋಡಿಗಳಲ್ಲಿ ಒಂದಾಗಿದ್ದರು. ಆದರೆ ಇದೀಗ ಇಬ್ಬರೂ ಪರಸ್ಪರ ಒಪ್ಪಿಗೆಯಿಂದ ವಿಚ್ಛೇದನ ಪಡೆಯಲು ನಿರ್ಧರಿಸಿದ್ದಾರೆ ಎನ್ನಲಾದ ಸುದ್ದಿ ಹರಿದಾಡುತ್ತಿದೆ. ನವೆಂಬರ್ 9ರ ರಾತ್ರಿ 11 ಗಂಟೆಯ ನಂತರ ಈ ಬೆಳವಣಿಗೆ ಕುರಿತ ಮಾಹಿತಿ ಹೊರಬಿದ್ದಿದ್ದು, ಅಭಿಮಾನಿಗಳು ಅಚ್ಚರಿಗೊಳಗಾಗಿದ್ದಾರೆ. ಆದರೆ ಇವರಿಬ್ಬರು ಬೇರೆಯಾಗಲು ನಿರ್ಧರಿಸಿರುವುದಕ್ಕೆ ನಿಖರವಾದ ಕಾರಣವೇನು ಎಂಬುದು ಇನ್ನೂ ಬಹಿರಂಗವಾಗಿಲ್ಲ.

ಯಾರು ಈ ಅನ್ನಾ ಲೆಜಿನೋವಾ?

ಅನ್ನಾ ಲೆಜಿನೋವಾ ರಷ್ಯಾದ ಮಾಜಿ ಮಾಡೆಲ್. ಪವನ್ ಕಲ್ಯಾಣ್ ಅವರಿಗಿಂತ ಸುಮಾರು ಒಂಬತ್ತು ವರ್ಷ ಹಿರಿಯರು ಎನ್ನಲಾಗಿದೆ. 2011ರಲ್ಲಿ ಬಿಡುಗಡೆಯಾದ 'ತೀನ್ಮಾರ್' ಸಿನಿಮಾದ ಚಿತ್ರೀಕರಣದ ಸಂದರ್ಭದಲ್ಲಿ ಇವರಿಬ್ಬರ ಮೊದಲ ಭೇಟಿ ನಡೆದಿತ್ತು. ಪರಿಚಯ ಸ್ನೇಹವಾಗಿ ಬೆಳೆದು, ನಂತರ ಪ್ರೀತಿಗೆ ತಿರುಗಿತ್ತು. ಕೊನೆಗೆ 2013ರ ಸೆಪ್ಟೆಂಬರ್ 30ರಂದು ಇಬ್ಬರೂ ವಿವಾಹ ಬಂಧನಕ್ಕೆ ಒಳಗಾಗಿದ್ದರು.

ಪವನ್ ಕಲ್ಯಾಣ್ ಅವರನ್ನು ಮದುವೆಯಾಗುವುದಕ್ಕೂ ಮುನ್ನ ಅನ್ನಾ ಅವರಿಗೆ ಮತ್ತೊಂದು ಮದುವೆಯಾಗಿತ್ತು ಎನ್ನಲಾಗಿದೆ. ಮೊದಲ ಮದುವೆಯಿಂದ ಪೋಲೆನಾ ಅಂಜನಾ ಪವನೋವಾ ಎಂಬ ಮಗಳಿದ್ದಾರೆ. ಪವನ್ ಕಲ್ಯಾಣ್ ಆಕೆಯನ್ನು ದತ್ತು ಪಡೆದಿದ್ದರು. ಬಳಿಕ 2017ರಲ್ಲಿ ಈ ದಂಪತಿಗೆ ಮಾರ್ಕ್ ಶಂಕರ್ ಪವನೋವಿಚ್ ಎಂಬ ಗಂಡು ಮಗು ಜನಿಸಿತ್ತು. ಹೀಗೆ ಇಬ್ಬರು ಮಕ್ಕಳೊಂದಿಗೆ ಕುಟುಂಬ ಜೀವನ ನಡೆಸುತ್ತಿದ್ದ ಈ ಜೋಡಿ ಈಗ ಬೇರೆಯಾಗುತ್ತಿದೆ ಎಂಬ ಸುದ್ದಿ ಅಭಿಮಾನಿಗಳಿಗೆ ಬೇಸರ ತಂದಿದೆ.

ಅನ್ನಾ ಆಸ್ತಿ ಮೌಲ್ಯ ಬರೋಬ್ಬರಿ 1800 ಕೋಟಿ ರೂ.?

ಅನ್ನಾ ಲೆಜಿನೋವಾ ಅವರ ಬಗ್ಗೆ ಮತ್ತೊಂದು ಕುತೂಹಲಕಾರಿ ವಿಚಾರವೆಂದರೆ ಅವರ ಆರ್ಥಿಕ ಹಿನ್ನೆಲೆ. ಅವರು ಕೇವಲ ಮಾಜಿ ಮಾಡೆಲ್ ಮಾತ್ರವಲ್ಲದೆ, ಉದ್ಯಮ ಹಿನ್ನೆಲೆಯ ಕುಟುಂಬಕ್ಕೆ ಸೇರಿದವರು ಎನ್ನಲಾಗಿದೆ. ಸಿಂಗಾಪುರದಲ್ಲಿ ಹೋಟೆಲ್ ಉದ್ಯಮ ಸೇರಿದಂತೆ ಹಲವು ವ್ಯವಹಾರಗಳಲ್ಲಿ ಅವರಿಗೆ ಪಾಲಿದೆ ಎಂಬ ವರದಿಗಳಿವೆ. ರಷ್ಯಾ ಮತ್ತು ಸಿಂಗಾಪುರದಲ್ಲಿಯೂ ಆಸ್ತಿಗಳನ್ನು ಹೊಂದಿದ್ದಾರೆ ಎನ್ನಲಾಗುತ್ತಿದೆ.

ಕೆಲವು ಮಾಧ್ಯಮ ವರದಿಗಳ ಪ್ರಕಾರ, ಅನ್ನಾ ಲೆಜಿನೋವಾ ಅವರ ಒಟ್ಟು ಆಸ್ತಿ ಮೌಲ್ಯ ಸುಮಾರು 1,800 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಮತ್ತೊಂದೆಡೆ ಪವನ್ ಕಲ್ಯಾಣ್ ಅವರ ಆಸ್ತಿ ಮೌಲ್ಯ ಸುಮಾರು 164 ಕೋಟಿ ರೂಪಾಯಿ ಎಂದು ವರದಿಯಾಗಿದೆ. ಆದರೆ ಈ ಅಂಕಿಅಂಶಗಳಿಗೆ ಅಧಿಕೃತ ದೃಢೀಕರಣವಿಲ್ಲ ಎಂಬುದನ್ನು ಗಮನಿಸಬೇಕು.

ಪವನ್ ಕಲ್ಯಾಣ್‌ಗಾಗಿ ಬದಲಾಯಿಸಿಕೊಂಡಿದ್ದರಾ ಜೀವನಶೈಲಿ?

ಪವನ್ ಕಲ್ಯಾಣ್ ಅವರ ಸಿನಿಮಾ ಹಾಗೂ ರಾಜಕೀಯ ಜೀವನದ ಏಳುಬೀಳುಗಳಲ್ಲಿ ಅನ್ನಾ ಬೆಂಬಲವಾಗಿ ನಿಂತಿದ್ದರು ಎನ್ನಲಾಗಿದೆ. ಭಾರತೀಯ ಸಂಪ್ರದಾಯಗಳ ಬಗ್ಗೆ ಆಸಕ್ತಿ ಬೆಳೆಸಿಕೊಂಡಿದ್ದ ಅವರು ಹಿಂದೂ ಧಾರ್ಮಿಕ ಆಚರಣೆಗಳಲ್ಲಿಯೂ ಭಾಗವಹಿಸುತ್ತಿದ್ದರು. ತಿರುಮಲ ತಿರುಪತಿ ದೇವಸ್ಥಾನಕ್ಕೆ ಭೇಟಿ ನೀಡಿ ಹರಕೆ ಸಲ್ಲಿಸಿದ್ದ ವಿಚಾರವೂ ಈ ಹಿಂದೆ ಸುದ್ದಿಯಾಗಿತ್ತು.

ಇನ್ನು ಜುಲೈ 2024ರಲ್ಲಿ ಸಿಂಗಾಪುರದ ನ್ಯಾಷನಲ್ ಯೂನಿವರ್ಸಿಟಿಯಿಂದ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ ಎಂಬ ಮಾಹಿತಿಯೂ ವರದಿಗಳಲ್ಲಿ ಪ್ರಕಟವಾಗಿತ್ತು. ಮಕ್ಕಳ ಶಿಕ್ಷಣ ಮತ್ತು ಕುಟುಂಬದ ಜವಾಬ್ದಾರಿಗಳಿಗೆ ಹೆಚ್ಚಿನ ಆದ್ಯತೆ ನೀಡುತ್ತಿದ್ದರು ಎನ್ನಲಾಗಿದೆ.

ಪವನ್ ಕಲ್ಯಾಣ್‌ಗೆ ಇದು ಮೂರನೇ ವಿಚ್ಛೇದನವೇ?

ಪವನ್ ಕಲ್ಯಾಣ್ ಅವರ ವೈವಾಹಿಕ ಜೀವನದಲ್ಲಿ ಈ ಹಿಂದೆಯೂ ಹಲವು ಏಳುಬೀಳುಗಳು ಎದುರಾಗಿವೆ. 1997ರಲ್ಲಿ ನಂದಿನಿ ಅವರನ್ನು ಮೊದಲ ಬಾರಿಗೆ ವಿವಾಹವಾಗಿದ್ದರು. ಸುಮಾರು 11 ವರ್ಷಗಳ ದಾಂಪತ್ಯದ ಬಳಿಕ 2008ರಲ್ಲಿ ಇಬ್ಬರೂ ವಿಚ್ಛೇದನ ಪಡೆದಿದ್ದರು.

ನಂತರ 2009ರಲ್ಲಿ ನಟಿ ರೇಣು ದೇಸಾಯಿ ಅವರನ್ನು ಮದುವೆಯಾಗಿದ್ದರು. ಈ ದಂಪತಿಗೆ ಅಕಿರಾ ನಂದನ್ ಮತ್ತು ಆದ್ಯ ಎಂಬ ಇಬ್ಬರು ಮಕ್ಕಳಿದ್ದಾರೆ. ಆದರೆ 2012ರಲ್ಲಿ ಇಬ್ಬರೂ ಬೇರೆಯಾಗಿದ್ದರು. ಇದೀಗ ಅನ್ನಾ ಲೆಜಿನೋವಾ ಜೊತೆಗಿನ ದಾಂಪತ್ಯಕ್ಕೂ ಅಂತ್ಯ ಹಾಡುವ ನಿರ್ಧಾರಕ್ಕೆ ಬಂದಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.

ಒಂದು ಕಡೆ ಸಿನಿಮಾ, ಮತ್ತೊಂದು ಕಡೆ ರಾಜಕೀಯ ಜವಾಬ್ದಾರಿಗಳ ನಡುವೆ ಸದಾ ಸುದ್ದಿಯಲ್ಲಿರುವ ಪವನ್ ಕಲ್ಯಾಣ್ ಅವರ ವೈಯಕ್ತಿಕ ಬದುಕು ಈಗ ಮತ್ತೆ ಚರ್ಚೆಗೆ ಬಂದಿದೆ. ಅನ್ನಾ ಲೆಜಿನೋವಾ ಅವರ ಹಿನ್ನೆಲೆ, ಆಸ್ತಿ ಹಾಗೂ ಪವನ್ ಜೊತೆಗಿನ ಪ್ರೇಮಕಥೆ ಬಗ್ಗೆ ಅಭಿಮಾನಿಗಳು ಕುತೂಹಲ ವ್ಯಕ್ತಪಡಿಸುತ್ತಿದ್ದಾರೆ. ಆದರೆ ವಿಚ್ಛೇದನದ ಹಿಂದಿನ ನಿಜವಾದ ಕಾರಣವೇನು ಎಂಬುದರ ಬಗ್ಗೆ ಸದ್ಯಕ್ಕೆ ಅಧಿಕೃತ ಸ್ಪಷ್ಟನೆ ಇಲ್ಲ. ಹೀಗಾಗಿ ಊಹಾಪೋಹಗಳಿಗೆ ಕಿವಿಗೊಡುವ ಬದಲು, ಸಂಬಂಧಪಟ್ಟವರ ಅಧಿಕೃತ ಹೇಳಿಕೆಗಾಗಿ ಕಾಯುವುದು ಸೂಕ್ತ.

ರಾಮಾಯಣದ 'ಸೀತೆ' ಪಾತ್ರದ ಕುರಿತು ಹೊಸ ವಿವಾದ; ಯಾಮಿ ಗೌತಮ್ ವಿರುದ್ಧ ಸಾಯಿ ಪಲ್ಲವಿ ಫ್ಯಾನ್ಸ್ ಭಾರೀ ಆಕ್ರೋಶ

Ganesh Mabla Gowda — Tue, 10 Nov 2026 16:02:59 +0530

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್, ಸಾಯಿ ಪಲ್ಲವಿ ಹಾಗೂ ರಣಬಿರ್ ಕಪೂರ್ ಅಭಿನಯದ ರಾಮಾಯಣ ಸಿನಿಮಾ ಭರ್ಜರಿ ಪ್ರದರ್ಶನ ನೀಡುತ್ತಿದೆ. ಇದರ ಮಧ್ಯೆ ಬಾಲಿವುಡ್‌ನ ಪ್ರತಿಭಾನ್ವಿತ ನಟಿ ಯಾಮಿ ಗೌತಮ್ ವಿವಾದ ಮೈಮೇಲೆ ಎಳೆದುಕೊಂಡಿದ್ದಾಳೆ.

ಹೌದು, ಇನ್‌ಸ್ಟಾಗ್ರಾಂನಲ್ಲಿ ನಡೆದಿದೆ ಎನ್ನಲಾದ ಒಂದು ಸಣ್ಣ ಲೈಕ್ ಬಾಲಿವುಡ್ ಅಂಗಳದಲ್ಲಿ ಪರ-ವಿರೋಧ ಚರ್ಚೆಯನ್ನು ಹುಟ್ಟುಹಾಕಿದೆ. ಬಹುನಿರೀಕ್ಷಿತ 'ರಾಮಾಯಣ' ಚಿತ್ರದಲ್ಲಿ ಮಾತೆ ಸೀತೆಯ ಪಾತ್ರಕ್ಕೆ ಸೌತ್ ಬೆಡಗಿ ಸಾಯಿ ಪಲ್ಲವಿಗಿಂತ ಯಾಮಿ ಗೌತಮ್ ಅವರೇ ಹೆಚ್ಚು ಸೂಕ್ತ ಎಂಬರ್ಥದ ಪೋಸ್ಟ್‌ ಒಂದನ್ನು ನಟಿ ಲೈಕ್ ಮಾಡಿದ್ದಾರೆ ಎನ್ನಲಾಗುತ್ತಿದೆ. ಆ ಲೈಕ್ ಮಾಡಿದ್ದಾರೆ ಎನ್ನಲಾಗಿರುವ ಸ್ಕ್ರೀನ್‌ಶಾಟ್ ಭಾರೀ ವೈರಲ್ ಆಗ್ತಿದೆ.

ಏನಿದು ವಿವಾದ?

The Ultimate Trolls ಎಂಬ ಇನ್‌ಸ್ಟಾಗ್ರಾಂ ಪೇಜ್ ಇತ್ತೀಚೆಗೆ ಪೋಸ್ಟ್ ಹಂಚಿಕೊಂಡಿತ್ತು. ಅದರಲ್ಲಿ ರಾಮಾಯಣ ಸಿನಿಮಾದಲ್ಲಿ ಮಾತೆ ಸೀತೆಯ ಪಾತ್ರವನ್ನು ಯಾಮಿ ಗೌತಮ್‌ಗಿಂತ ಯಾರೂ ಉತ್ತಮವಾಗಿ ನಿರ್ವಹಿಸಲು ಸಾಧ್ಯವೇ ಇಲ್ಲ ಎಂದು ಬರೆಯಲಾಗಿತ್ತು. ಈ ಪೋಸ್ಟ್‌ಗೆ ಯಾಮಿ ಗೌತಮ್ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯಿಂದ ಲೈಕ್ ಬಿದ್ದಿದೆ ಎನ್ನಲಾದ ಸ್ಕ್ರೀನ್‌ಶಾಟ್ ವೈರಲ್ ಆಗಿದೆ. ಬೆನ್ನಲ್ಲೇ ನೆಟ್ಟಿಗರು ನಟಿಯ ವಿರುದ್ಧ ತಿರುಗಿಬಿದ್ದಿದ್ದಾರೆ. ಈ ಸ್ಕ್ರೀನ್‌ಶಾಟ್ ಅಸಲಿಯೇ ಅಥವಾ ಎಡಿಟ್ ಮಾಡಲಾಗಿದೆಯೇ ಎಂಬುದು ಇನ್ನೂ ದೃಢಪಟ್ಟಿಲ್ಲ.

ಸಾಯಿ ಪಲ್ಲವಿ ಅಭಿಮಾನಿಗಳ ಆಕ್ರೋಶ

ನಿತೇಶ್ ತಿವಾರಿ ನಿರ್ದೇಶನದ ಬಹುಕೋಟಿ ವೆಚ್ಚದ 'ರಾಮಾಯಣ' ಸಿನಿಮಾದಲ್ಲಿ ಸಾಯಿ ಪಲ್ಲವಿ ಸೀತೆಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅವರ ಲುಕ್ ಬಗ್ಗೆ ಈಗಾಗಲೇ ಸೋಷಿಯಲ್ ಮೀಡಿಯಾದಲ್ಲಿ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಈ ಸೂಕ್ಷ್ಮ ಸಮಯದಲ್ಲಿ ಯಾಮಿ ಗೌತಮ್ ಇಂತಹ ಪೋಸ್ಟ್‌ಗೆ ಲೈಕ್ ಮಾಡಿರುವುದು ಸಾಯಿ ಪಲ್ಲವಿ ಅಭಿಮಾನಿಗಳ ಕೆರಳಿಸಿದೆ. ರೆಡ್ಡಿಟ್‌ನಲ್ಲಿ ಈ ವಿಚಾರ ಚರ್ಚೆಗೆ ಬರುತ್ತಿದ್ದಂತೆ, ಹಲವರು ಇದನ್ನು ಗಮನ ಸೆಳೆಯಲು ಮಾಡುತ್ತಿರುವ ಕೀಳುಮಟ್ಟದ ಪಿಆರ್ (PR) ಗಿಮಿಕ್ ಎಂದು ಕಿಡಿಕಾರಿದ್ದಾರೆ.

ಯಾಮಿ ಗೌತಮ್ ಇಂತಹ 'ಲೈಕ್' ವಿವಾದಕ್ಕೆ ಸಿಲುಕುತ್ತಿರುವುದು ಇದೇ ಮೊದಲೇನಲ್ಲ. ಹಿಂದೆ ನಟಿ ಕೃತಿ ಸನೋನ್ ಅತ್ಯುತ್ತಮ ನಟಿ ಪ್ರಶಸ್ತಿ ಗೆದ್ದ ಸಂದರ್ಭದಲ್ಲೂ ಕೃತಿಯನ್ನು ಟ್ರೋಲ್ ಮಾಡುವ ವಿಡಿಯೋಗೆ ಲೈಕ್ ಒತ್ತಿದ್ದರು. ಆ ಸಮಯದಲ್ಲಿ ನೆಟ್ಟಿಗರ ಆಕ್ರೋಶಕ್ಕೆ ಗುರಿಯಾಗಿದ್ದರು. ನಂತರ ಎಕ್ಸ್‌ನಲ್ಲಿ ಸ್ಪಷ್ಟನೆ ಕೂಡ ನೀಡಿದ್ದರು.

ಸೆಲೆಬ್ರಿಟಿಗಳನ್ನು ಪ್ರತಿದಿನ ನೂರಾರು ಪೋಸ್ಟ್‌ಗಳಲ್ಲಿ ಟ್ಯಾಗ್ ಮಾಡಲಾಗುತ್ತದೆ. ನಾನು ಉದ್ದೇಶಪೂರ್ವಕವಾಗಿ ಯಾರನ್ನೂ ಟ್ರೋಲ್ ಮಾಡಲು ಲೈಕ್ ಮಾಡಿಲ್ಲ, ಅದು ಆಕಸ್ಮಿಕವಾಗಿ ಸ್ಕ್ರಾಲ್ ಮಾಡುವಾಗ ಆಗಿರಬಹುದು. ಪ್ರಚಾರಕ್ಕಾಗಿ ನಾನೆಂದಿಗೂ ಇಂತಹ ಕೀಳು ತಂತ್ರ ಮಾಡಲ್ಲ ಎಂದು ಯಾಮಿ ಸ್ಪಷ್ಟಪಡಿಸಿದ್ದರು. ಇದೀಗ ಮತ್ತೆ ಸಾಯಿ ಪಲ್ಲವಿ ಮತ್ತು ರಾಮಾಯಣ ವಿಚಾರದಲ್ಲೂ ಅಂತಹದ್ದೇ ಆರೋಪ ಕೇಳಿಬಂದಿದೆ.

'ಆಯುಷ್' ವಿವಾದ: ನಿರ್ದೇಶಕರ ವಿರುದ್ಧ ಫಿಲಂ ಚೇಂಬರ್‌ಗೆ ಪತ್ರ ಬರೆದ ಪ್ರಿಯಾಂಕಾ ಉಪೇಂದ್ರ!

Shriram Bhat — Tue, 10 Nov 2026 14:59:15 +0530

‘ಆಯುಷ್’ ಸಿನಿಮಾ ನಿರ್ದೇಶಕರ ವಿರುದ್ಧ ‘ಫಿಲಂ ಚೇಂಬರ್’ಗೆ ಪತ್ರ ಬರೆದ ಪ್ರಿಯಾಂಕಾ ಉಪೇಂದ್ರ

ಕನ್ನಡದ ರಿಯಲ್ ಸ್ಟಾರ್ ಉಪೇಂದ್ರ ಪತ್ನಿ ಪ್ರಿಯಾಂಕಾ ಅವರು ತಮ್ಮ ಮಗ ಆಯುಷ್ ನಟನೆಯ ಮೊಟ್ಟಮೊದಲ ಸಿನಿಮಾದ ನಿರ್ದೇಶಕ ಪುರುಷೋತ್ತಮ್ ವಿರುದ್ಧ ಫಿಲಂ ಚೇಂಬರ್‌ಗೆ ಪತ್ರ ಬರೆದಿದ್ದಾರೆ. ಈ ಪತ್ರದಲ್ಲಿ ಅವರು ನಿರ್ದೇಶಕರು, ಅವರ ಕೆಲಸ ಹಾಗೂ ವಿವಾದದ ಬಗ್ಗೆ ಅದೇನು ಬರೆದಿದ್ದಾರೆ ನೋಡಿ...

ಅಧ್ಯಕ್ಷರು / ಕಾರ್ಯದರ್ಶಿಗಳು,

ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ,

ಬೆಂಗಳೂರು, ಕರ್ನಾಟಕ.

ವಿಷಯ: ನಿರ್ದೇಶಕರ ವೃತ್ತಿಪರ ಬದ್ಧತೆಯ ಕೊರತೆ, ಚಿತ್ರೀಕರಣ ವಿಳಂಬ, ಆರ್ಥಿಕ ನಷ್ಟ ಹಾಗೂ ಮಾಧ್ಯಮಗಳಲ್ಲಿ ತಪ್ಪು ಮಾಹಿತಿಯುಳ್ಳ ಹೇಳಿಕೆಗಳನ್ನು ನೀಡಿರುವ ಕುರಿತು ಅಧಿಕೃತ ದೂರು.

ಮಾನ್ಯರೇ,

ನಾವು ಶ್ರೀ ಕಲ್ಪವೃಕ್ಷ ಮೂವಿ ಮೇಕರ್ಸ್ (Sri Kalpharuksha Movie Makers) ಸಂಸ್ಥೆಯ ನಿರ್ಮಾಪಕರಾಗಿದ್ದು, ನಮ್ಮ ಚಿತ್ರದ ನಿರ್ದೇಶಕರಾದ ಪುರುಷೋತ್ತಮ ಸಿ. (Purushotham Suri) ಅವರ ವೃತ್ತಿಪರ ನಡವಳಿಕೆ, ಜವಾಬ್ದಾರಿಗಳು ಹಾಗೂ ಚಿತ್ರದ ನಿರ್ವಹಣೆ ಮತ್ತು ಕಾರ್ಯಗತಗೊಳಿಸುವಿಕೆಗೆ ಸಂಬಂಧಿಸಿದಂತೆ ಉಂಟಾಗಿರುವ ಕೆಲವು ಗಂಭೀರ ಸಮಸ್ಯೆಗಳನ್ನು ತಮ್ಮ ಗಮನಕ್ಕೆ ಅಧಿಕೃತವಾಗಿ ತರಲು ಈ ದೂರನ್ನು ಸಲ್ಲಿಸುತ್ತಿದ್ದೇವೆ.

ಚಿತ್ರದ ಆರಂಭದಿಂದಲೂ ನಿರ್ದೇಶಕರ ಮೇಲೆ ಪರಸ್ಪರ ನಂಬಿಕೆ ಮತ್ತು ವಿಶ್ವಾಸವನ್ನಿಟ್ಟು, ಅವರಿಗೆ ಅಗತ್ಯವಿರುವ ಸಂಪೂರ್ಣ ಸಹಕಾರ, ಬೆಂಬಲ ಹಾಗೂ ಆರ್ಥಿಕ ಸಂಪನ್ಮೂಲಗಳನ್ನು ಒದಗಿಸಿದ್ದೇವೆ. ಆದಾಗ್ಯೂ, ಚಿತ್ರದ ನಿರ್ಮಾಣದ ಸಂದರ್ಭದಲ್ಲಿ ಹಲವು ಸಮಸ್ಯೆಗಳು ಎದುರಾಗಿದ್ದು, ಇದರಿಂದ ನಿರ್ಮಾಣ ಕಾರ್ಯದಲ್ಲಿ ವಿಳಂಬ, ಆರ್ಥಿಕ ನಷ್ಟ, ಅನಗತ್ಯ ತೊಂದರೆಗಳು ಹಾಗೂ ನಿರ್ದೇಶಕರ ವೃತ್ತಿಪರ ಬದ್ಧತೆಯ ಬಗ್ಗೆ ಗಂಭೀರ ಅನುಮಾನಗಳು ಉಂಟಾಗಿವೆ.

ಈ ಹಿನ್ನೆಲೆಯಲ್ಲಿ, ಕೆಳಕಂಡ ವಿಷಯಗಳನ್ನು ತಮ್ಮ ಗಮನಕ್ಕೆ ತರಲು ಬಯಸುತ್ತೇವೆ.

1. ಕಥೆಯ ಅಭಿವೃದ್ಧಿ ಮತ್ತು ಸೃಜನಾತ್ಮಕ ಕೊಡುಗೆ

ನಿರ್ದೇಶಕರು ಆರಂಭದಲ್ಲಿ ಕೇವಲ ಒಂದು ಸಾಲಿನ ಕಥೆಯ ಕಲ್ಪನೆಯೊಂದಿಗೆ ನಮ್ಮನ್ನು ಸಂಪರ್ಕಿಸಿದ್ದರು. ನಂತರ ನಿರ್ಮಾಪಕರ ತಂಡವು ಸಾಕಷ್ಟು ಸಮಯ, ಶ್ರಮ. ಸೃಜನಾತ್ಮಕ ಚಿಂತನೆ ಹಾಗೂ ಸಂಪನ್ಮೂಲಗಳನ್ನು ವಿನಿಯೋಗಿಸಿ, ಆ ಪ್ರಾಥಮಿಕ ಕಥೆಯ ಕಲ್ಪನೆಯನ್ನು ಪೂರ್ಣ ಕಥೆಯಾಗಿ ಅಭಿವೃದ್ಧಿಪಡಿಸುವಲ್ಲಿ ಮಹತ್ವದ ಪಾತ್ರ ವಹಿಸಿದೆ. ಆದ್ದರಿಂದ ಚಿತ್ರದ ಕಥೆಯ ಅಭಿವೃದ್ಧಿಯಲ್ಲಿ ನಿರ್ಮಾಪಕರ ತಂಡದ ಕೊಡುಗೆಯನ್ನು ಸೂಕ್ತವಾಗಿ ಪರಿಗಣಿಸಬೇಕೆಂದು ವಿನಂತಿಸುತ್ತೇವೆ.

ಸಿನಿಮಾರಂಗದಲ್ಲಿ ಸಂಚಲನ

ಹೀಗೆಂದು ನಟಿ ಹಾಗೂ ರಿಯಲ್ ಸ್ಟಾರ್ ಉಪೇಂದ್ರ ಪತ್ನಿ ಪ್ರಿಯಾಂಕಾ ತಮ್ಮ ಪತ್ರದಲ್ಲಿ ಬರೆದಿದ್ದಾರೆ, ಸದ್ಯ ಈ ವಿವಾದ ಮಾಧ್ಯಮಗಳು ಹಾಗೂ ಸಿನಿಮಾರಂಗದಲ್ಲಿ ಸಂಚಲನ ಉಂಟುಮಾಡುತ್ತಿದ್ದು, ಈಗ ಇದು 'ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿ'ಯ ಮೆಟ್ಟಿಲೇರಿದೆ. ಮುಂದಿನ ಬೆಳವಣಿಗೆ ಏನಿರಬಹುದು ಎಂಬ ಕುತೂಹಕ್ಕೆ ಕಾರಣವಾಗಿದೆ.

Amruthadhaare: ಕೊನೆಯ ಬಾರಿಗೆ 'ಮಲ್ಲಿ'ಯಾಗಿ ಕಾಣಿಸಿಕೊಂಡ ನಟಿ ಅನ್ವಿತಾ!

Mahmad Rafik — Tue, 10 Nov 2026 14:49:20 +0530

ಅಮೃತಧಾರೆಯಲ್ಲಿ ಮಲ್ಲಿ ಪಾತ್ರ ತುಂಬಾನೇ ಪ್ರಮುಖವಾಗಿತ್ತು. ವಾರಗಿತ್ತಿಯರು ಅಂದ್ರೆ ಹೀಗಿಬೇಕು ಅಂತ ತೋರಿಸಿದ ಪಾತ್ರಗಳು ಮಲ್ಲಿ ಮತ್ತು ಭೂಮಿಕಾ. ಈಗಾಗಲೇ ಒಬ್ರು ನಿರ್ವಹಿಸಿರೋ ಪಾತ್ರ ಮಾಡೋದು ಕಲಾವಿದರಿಗೆ ದೊಡ್ಡ ಸವಾಲು ಆಗಿರುತ್ತೆ. ಆದ್ರೆ ಅನ್ವಿತಾ ಚಾಲೆಂಜ್ ಗೆದ್ದು ಸೈ ಅನ್ನಿಸಿಕೊಂಡಿದ್ರು

ಮೂರು ವರ್ಷಗಳ ಬಳಿಕ ಸಾರ್ಥಕವಾಯ್ತು 'ಲಕ್ಷ್ಮೀ ನಿವಾಸ' ಟೈಟಲ್! ಕೊನೆಗೂ ಕನಸಿನ ಮನೆಗೆ ಭೂಮಿಪೂಜೆ!

Pavna Das — Tue, 10 Nov 2026 14:38:24 +0530

Lakshmi Nivasa: ಲಕ್ಷ್ಮೀ ನಿವಾಸ ಧಾರಾವಾಹಿಯಲ್ಲಿ ಬಹು ದೊಡ್ಡ ಶುಭ ಸುದ್ದಿ ಕೊನೆಗೂ ಸಿಕ್ಕಿದೆ.ಇಲ್ಲಿವರೆಗೂ ಲಕ್ಷ್ಮೀ ನಿವಾಸ ಎಂಬ ಹೆಸರಿಟ್ಟಿದ್ದರೂ ಮನೆಯನ್ನೇ ಕಟ್ಟಿರಲಿಲ್ಲ, ಆದರೆ ಇದೀಗ ಕೊನೆಗೂ ಲಕ್ಷ್ಮೀ ಮತ್ತು ಶ್ರೀನಿವಾಸರ ಆ ಕನಸು ನನಸಾಗುವ ಸಮಯ ಬಂದೇ ಬಿಟ್ಟಿದೆ.

ಜೀ ಕನ್ನಡದ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದು ಲಕ್ಷ್ಮೀ ನಿವಾಸ. ಈ ಧಾರಾವಾಹಿ ಆರಂಭವಾಗಿ ಮೂರು ವರ್ಷವಾಗುತ್ತಾ ಬಂದಿದೆ, ಆದರೆ ಧಾರಾವಾಹಿಯ ಹೆಸರಿಗೆ ಒಂದು ಅರ್ಥವೇ ಸಿಕ್ಕಿರಲಿಲ್ಲ, ಯಾಕೆಂದರೆ, ಶ್ರೀನಿವಾಸರ ಕನಸಾಗಿದ್ದ ಲಕ್ಷ್ಮೀ ನಿವಾಸದ ನಿರ್ಮಾಣವೇ ಆಗಿರಲಿಲ್ಲ. ಇದೀಗ ಆ ಕನಸು ನನಸಾಗುವ ಸಮಯ ಬಂದಿದೆ.

ಲಕ್ಷ್ಮೀ- ಶ್ರೀನಿವಾಸರ ಕನಸಿನ ಮನೆಯಾದ "ಲಕ್ಷ್ಮೀ ನಿವಾಸ"ಕ್ಕೆ ಭೂಮಿ ಪೂಜೆಯ ಮೂಲಕ ಶುಭಾರಂಭ ಮಾಡಲಾಗಿದೆ. ಆ ಮೂಲಕ ಬಹು ವರ್ಷಗಳ ಲಕ್ಷ್ಮೀ ಶ್ರೀನಿವಾಸರ ಕನಸು ನನಸಾಗುವ ಕಾಲ ಬಂದಿದೆ.

ಲಕ್ಷ್ಮೀ ನಿವಾಸ ಧಾರಾವಾಹಿ ಶುರುವಾಗಿದ್ದೇ ಲಕ್ಷ್ಮೀ ಮತ್ತು ಶ್ರೀನಿವಾಸರ ಕನಸಿನ ಮೂಲಕ. ಲಕ್ಷ್ಮೀಗೆ ತನ್ನ ಹೆಣ್ಣು ಮಕ್ಕಳ ಮದುವೆ ಮಾಡುವ ಚಿಂತೆಯಾಗಿದ್ದರೆ, ಶ್ರೀನಿವಾಸ್ ಗೆ ಲಕ್ಷ್ಮೀ ನಿವಾಸವನ್ನು ಕಟ್ಟುವ ಕನಸು. ತಾವು ಅಂದುಕೊಂಡ ಹಾಗೆ ಅಲ್ಲದಿದ್ದರೂ ಲಕ್ಷ್ಮೀ ಕನಸು ನೆರವೇರಿದೆ. ಆದರೆ ಇದೀಗ ಶ್ರೀನಿವಾಸ್ ಕನಸು ನನಸು ಮಾಡುವ ಸಮಯ.

ಹಲವು ವರ್ಷಗಳಿಂದ ಹಿರಿಯ ಜೋಡಿ ಕಂಡಿದ್ದ ಕನಸನ್ನು ಇದೀಗ ಮನೆ ಮಂದಿ ಎಲ್ಲಾ ಸೇರಿ ನನಸು ಮಾಡುತ್ತಿದ್ದಾರೆ. ಹಾಗಾಗಿ ಸೀರಿಯಲ್ ಶೀಘ್ರದಲ್ಲೇ ಮುಕ್ತಾಯವಾಗುತ್ತಾ ಎನ್ನುವ ಕುತೂಹಲ ಕೂಡ ಮೂಡಿದೆ. ಈ ಬಗ್ಗೆ ಯಾವುದೇ ರೀತಿಯ ಮಾಹಿತಿ ಲಭ್ಯವಾಗಿಲ್ಲ.

ಹಲವು ವರ್ಷಗಳಿಂದ ಕನಸು ಕಂಡರೂ ಅದು ನನಸಾಗದೇ ಇರುವುದರಿಂದ, ಕಾದು ಕಾದು ವೀಕ್ಷಕರಿಗೂ ಸಾಕಾಗಿದೆ. ಹಾಗಾಗಿ ಕೊನೆಗೂ ಲಕ್ಷ್ಮೀ ನಿವಾಸ ಹೆಸರು ಇಟ್ಟಿದ್ದಕ್ಕೂ ಸಾರ್ಥಕ ಆಯ್ತು ಎಂದಿದ್ದಾರೆ,. ಜೊತೆಗೆ, ಆದಷ್ಟು ಬೇಗ ಮನೆ ಕಟ್ಟಿ ಧಾರಾವಾಹಿಯನ್ನೂ ಮುಕ್ತಾಯ ಮಾಡಿ ಎಂದು ಕೇಳಿಕೊಂಡಿದ್ದಾರೆ.

YASH: ಮಡದಿ-ಮಕ್ಕಳ ಜೊತೆ 'ರಾವಣನ ಲುಕ್‌' ಕೊಟ್ಟು ಫ್ಯಾನ್ಸ್‌ಗೆ ದೀಪಾವಳಿ ವಿಶ್ ಮಾಡಿದ ಯಶ್!

Shriram Bhat — Tue, 10 Nov 2026 14:10:28 +0530

ನಟ ಯಶ್ ನಟನೆ ಹಾಗೂ ನಿರ್ಮಾಣದ ರಾಮಾಯಣ ಸಿನಿಮಾ ಇಡೀ ಜಗತ್ತಿನಾದ್ಯಂತ ಹೌಸ್‌ಫುಲ್ ಪ್ರದರ್ಶನ ಕಾಣುತ್ತಿದ್ದು, ಸದ್ಯಕ್ಕೆ ಸಿನಿಮಾ ಹಳೆಯ ಎಲ್ಲಾ ದಾಖಲೆಗಳನ್ನೂ ಪುಡಿಪುಡಿ ಮಾಡುತ್ತಿದೆ. ಅಷ್ಟೇ ಅಲ್ಲ, ಕೇವಲ 5 ದಿನಕ್ಕೆ ಜಾಗತಿಕ ಮಟ್ಟದಲ್ಲಿ 633 ಕೋಟಿ ಕಲೆಕ್ಷನ್ ಕಲೆಹಾಕಿದ್ದು ಹೊಸ ದಾಖಲೆ ಬರೆದಿದೆ.

ಕನ್ನಡದ ನಟ, ರಾಕಿಂಗ್ ಸ್ಟಾರ್ ಯಶ್ ಸದ್ಯ ರಾಮಾಯಣ ಸಿನಿಮಾದ ಮೂಲಕ ಇಡೀ ಜಗತ್ತಿನಲ್ಲೇ ಟ್ರೆಂಡಿಂಗ್‌ನಲ್ಲಿ ಇರೋದು ಗೊತ್ತೇ ಇದೆ. ರಾಮಾಯಣ ಸಿನಿಮಾದ ಯಶ್ ರಾವಣ ಪಾತ್ರ ಪ್ರಪಂಚದಾದ್ಯಂತ ಪ್ರಶಂಸೆ ಗಳಿಸುತ್ತಿದೆ. ಈ ಸಿನಿಮಾದ ಮೂಲಕ ಕನ್ನಡದ ಪ್ಯಾನ್ ಇಂಡಿಯಾ ಸ್ಟಾರ್ ಯಶ್ ಅವರು ಇನ್ನೂ ಒಂದು ಹೆಜ್ಜೆ ಮೇಲೆ ಹೋಗಿ ಪ್ಯಾನ್ ವರ್ಲ್ಡ್ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ.

ಸದ್ಯ ಯಶ್ ಅವರು ರಾಮಾಯಣ ಸಿನಿಮಾದ ಸೀಕ್ವೆಲ್ ಅಂದರೆ, 'ರಾಮಾಯಣ: ಭಾಗ 2' ಸಿನಿಮಾದ ಸಿದ್ಧತೆಯಲ್ಲಿದ್ದಾರೆ. ಆದರೆ, ಈಗ ದೀಪಾವಳಿ ಪ್ರಯುಕ್ತ ಯಶ್ ಅವರು ತಮ್ಮ ಕುಟುಂಬದ ಜೊತೆಗೆ ಕಾಲ ಕಳೆಯುತ್ತಿದ್ದಾರೆ. ಸದ್ಯ ದೀಪಾವಳಿಗೆ ರಾಕಿಂಗ್ ಸ್ಟಾರ್ ಯಶ್ ಅವರು ತಮ್ಮ ಮಕ್ಕಳ ಜೊತೆ ರಾವಣನ ಲುಕ್ ಹಾಗೂ ನಾರ್ಮಲ್ ಅಪ್ಪನ ಲುಕ್‌ನಲ್ಲಿರುವ ಎರಡು ಫೋಟೋಗಳನ್ನು ಶೇರ್ ಮಾಡಿ,ತಮ್ಮ ಅಭಿಮಾನಿಗಳಿಗೆ ದೀಪಾವಳಿ ಶುಭಾಶಯ ತಿಳಿಸಿದ್ದಾರೆ.

ಹಾಗಿದ್ದರೆ ರಾಮಾಯಣದ ರಾವಣ ಯಶ್ ಅವರು ತಮ್ಮ ಫ್ಯಾನ್ಸ್‌ಗಳಿಗೆ ಏನಂತ ವಿಶ್ ಮಾಡಿದ್ದಾರೆ? 'ನಿಮ್ಮೆಲ್ಲರಿಗೂ ದೀಪಾವಳಿಯ ಹಾರ್ದಿಕ ಶುಭಾಶಯಗಳು. ನೀವು ತೋರುತ್ತಿರುವ ಪ್ರೀತಿಗೆ ಧನ್ಯವಾದಗಳು (Wishing you all a very Happy Deepavali. Thank you for the love. )..' ಎಂದು ನಟ ಯಶ್ ಅವರು ತಮ್ಮ ಸೋಷಿಯಲ್ ಮೀಡಿಯಾ ಪೇಜ್‌ನಲ್ಲಿ ಬರೆದುಕೊಂಡಿದ್ದಾರೆ. ಯಶ್ ಅವರ ಈ ಪೋಸ್ಟ್‌ಗಳು ಬಹಳಷ್ಟು ಮೆಚ್ಚುಗೆಯ ಕಾಮೆಂಟ್‌ಗಳು ಹರಿದುಬಂದಿದ್ದು ಅವರ ಅಧಿಕೃತ ಸೋಷಿಯಲ್ ಮೀಡಿಯಾ ಪೇಜ್ ತುಂಬಿಹೋಗುತ್ತಿದೆ.

ಅಂದಹಾಗೆ, ನಟ ಯಶ್ ನಟನೆ ಹಾಗೂ ನಿರ್ಮಾಣದ ರಾಮಾಯಣ ಸಿನಿಮಾ ಇಡೀ ಜಗತ್ತಿನಾದ್ಯಂತ ಹೌಸ್‌ಫುಲ್ ಪ್ರದರ್ಶನ ಕಾಣುತ್ತಿದ್ದು, ಸದ್ಯಕ್ಕೆ ಸಿನಿಮಾ ಹಳೆಯ ಎಲ್ಲಾ ದಾಖಲೆಗಳನ್ನೂ ಪುಡಿಪುಡಿ ಮಾಡುತ್ತಿದೆ. ಅಷ್ಟೇ ಅಲ್ಲ, ಕೇವಲ 5 ದಿನಕ್ಕೆ ಜಾಗತಿಕ ಮಟ್ಟದಲ್ಲಿ 633 ಕೋಟಿ ಕಲೆಕ್ಷನ್ ಕಲೆಹಾಕಿದ್ದು ಹೊಸ ದಾಖಲೆ ಬರೆದಿದೆ. ಜೊತೆಗೆ, ಭಾರತದಲ್ಲಿ ಕೂಡ 'ಧುರಂಧರ್ 2' ಸಿನಿಮಾದ ದಾಖಲೆ ಮುರಿದು ಮುನ್ನುಗ್ಗುತ್ತಿದ್ದು, ಭಾರತೀಯ ಸಿನಿಮಾರಂಗದಲ್ಲಿ ಹೊಸ ದಾಖಲೆ ಬರೆಯುತ್ತಿದೆ.

ರಾಮಾಯಣ ಸಿನಿಮಾ ಬಿಡುಗಡೆಯಾದ 25 ದಿನಗಳೊಳಗೆ ಹಳೆಯ ಎಲ್ಲಾ ದಾಖಲೆಗಳನ್ನೂ ಮುರಿದು ಭಾರತೀಯ ಚಿತ್ರರಂಗ್ ಬಾಕ್ಸ್‌ಆಫೀಸ್‌ನಲ್ಲಿ ಹೊಸ ದಾಖಲೆ ಬರೆಯವುದು ಖಚಿತ ಎಂದು ಸಿನಿಮಾ ಗಳಿಕೆ ತಜ್ಞರು ಅಭಿಪ್ರಾಯ ಹೊರಹಾಕಿದ್ದಾರೆ. ಜೊತೆಗೆ, ಭಾರತೀಯ ಸಿನಿಮಾಗಳ ವಿದೇಶಿ ಗಳಿಕೆಯಲ್ಲೂ ರಾಮಾಯಣ ಹೊಸ ದಾಖಲೆ ಬರೆಯುವುದು ನಿಶ್ಚಿತ ಎನ್ನಲಾಗುತ್ತಿದೆ. ರಾಮಾಯಣ ಯಾವೆಲ್ಲಾ ದಾಖಲೆಗಳನ್ನು ಅಳಿಸಿಹಾಕಿ ಹೊಸ ರೆಕಾರ್ಡ್ ಮಾಡಬಹುದು ಎಂಬುದನ್ನು ಕುತೂಹಲದ ಕಣ್ಣಿಂದ ಕಾಯಲಾಗುತ್ತಿದೆ.

ದೀಪಾವಳಿ ಹಬ್ಬದಲ್ಲಿ ಮಾಂಸಾಹಾರ ಸೇವನೆ: ಇಂಟರ್‌ನೆಟ್‌ನಲ್ಲಿ ಪ್ರಿಯಾಂಕಾ ಚೋಪ್ರಾ ಟ್ರೆಂಡಿಂಗ್ ಟ್ರೋಲ್!

Shriram Bhat — Tue, 10 Nov 2026 13:05:59 +0530

ದೀಪಾವಳಿ ದಿನ ಮಾಂಸಾಹಾರ ತಿಂದ್ಬಿಟ್ರಾ ಪ್ರಿಯಾಂಕಾ ಚೋಪ್ರಾ? ಹಬ್ಬದ ಫೋಟೋ ಹಂಚಿಕೊಂಡ ನಟಿಗೆ ನೆಟ್ಟಿಗರಿಂದ ಕ್ಲಾಸ್!

ಬಾಲಿವುಡ್‌ನಿಂದ ಹಾಲಿವುಡ್‌ವರೆಗೆ ತಮ್ಮದೇ ಆದ ಛಾಪು ಮೂಡಿಸಿರುವ ನಟಿ ಪ್ರಿಯಾಂಕಾ ಚೋಪ್ರಾ (Priyanka Chopra) ವಿದೇಶದಲ್ಲಿದ್ದರೂ ಭಾರತೀಯ ಸಂಪ್ರದಾಯ ಮತ್ತು ಹಬ್ಬಗಳನ್ನು ಮರೆಯುವುದಿಲ್ಲ. ಪ್ರತಿ ವರ್ಷವೂ ಕುಟುಂಬದೊಂದಿಗೆ ಭಾರತೀಯ ಹಬ್ಬಗಳನ್ನು ಅದ್ಧೂರಿಯಾಗಿ ಆಚರಿಸುವ ಅವರು, ಈ ಬಾರಿಯೂ ಲಾಸ್ ಏಂಜಲೀಸ್‌ನ ತಮ್ಮ ಮನೆಯಲ್ಲಿ ಪತಿ ನಿಕ್ ಜೋನಸ್ ಹಾಗೂ ಮಗಳು ಮಾಲ್ತಿ ಮೇರಿ ಜೊತೆ ದೀಪಾವಳಿ ಸಂಭ್ರಮಿಸಿದ್ದಾರೆ. ಈ ವಿಶೇಷ ಕ್ಷಣಗಳ ಫೋಟೋಗಳನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿದ್ದಾರೆ. ಆದರೆ, ಅವರ ಖುಷಿಯ ಕ್ಷಣಗಳ ಫೋಟೋಗಳೇ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವಿವಾದಕ್ಕೆ ಕಾರಣವಾಗಿವೆ.

ದೀಪಾವಳಿಯಂತಹ ಪವಿತ್ರ ಹಬ್ಬದ ದಿನ ಮಾಂಸಾಹಾರ ಸೇವನೆ?

ಪ್ರಿಯಾಂಕಾ ಹಂಚಿಕೊಂಡಿರುವ ಫೋಟೋಗಳಲ್ಲಿ ಮನೆಯ ಸುಂದರ ಅಲಂಕಾರ, ದೀಪಾವಳಿ ಪೂಜೆ, ವಿವಿಧ ಖಾದ್ಯಗಳು ಹಾಗೂ ಕುಟುಂಬದ ಸಂಭ್ರಮದ ಕ್ಷಣಗಳು ಗಮನ ಸೆಳೆದಿವೆ. ಆದರೆ, ಒಂದು ಫೋಟೋದಲ್ಲಿ ಅವರು ಸೀಗಡಿ ತಿನ್ನುತ್ತಿರುವಂತೆ ಕಾಣಿಸಿಕೊಂಡಿರುವುದು ಕೆಲವರ ಅಸಮಾಧಾನಕ್ಕೆ ಕಾರಣವಾಗಿದೆ. ದೀಪಾವಳಿಯಂತಹ ಪವಿತ್ರ ಹಬ್ಬದ ದಿನ ಮಾಂಸಾಹಾರ ಸೇವನೆ ಮಾಡಿರುವುದೇಕೆ ಎಂದು ಪ್ರಶ್ನಿಸಿರುವ ಕೆಲವು ನೆಟ್ಟಿಗರು ನಟಿಯನ್ನು ಟ್ರೋಲ್ ಮಾಡಲು ಆರಂಭಿಸಿದ್ದಾರೆ.

ಪ್ರಿಯಾಂಕಾ ಪೋಸ್ಟ್‌ಗೆ ಕಮೆಂಟ್ ಮಾಡಿರುವ ಕೆಲವರು, 'ದೀಪಾವಳಿ ಹಬ್ಬದ ದಿನವೇ ಮಾಂಸಾಹಾರ ಸೇವಿಸುತ್ತೀರಾ? ಇದನ್ನು ನಿರೀಕ್ಷಿಸಿರಲಿಲ್ಲ', 'ಪವಿತ್ರ ಹಬ್ಬದ ದಿನ ಇಂತಹ ಆಹಾರ ಸೇವಿಸುವುದು ಸರಿಯೇ?' ಎಂದು ಪ್ರಶ್ನಿಸಿದ್ದಾರೆ. ಅಷ್ಟೇ ಅಲ್ಲ, ಮನೆಯ ಅಲಂಕಾರದಲ್ಲೂ ಕೆಲವರು ತಪ್ಪು ಹುಡುಕಿದ್ದಾರೆ. ಹಣತೆಗಳನ್ನು ಬೆಳಗಿಸುವ ಬದಲು ಮೇಣದಬತ್ತಿಗಳನ್ನು ಬಳಸಿರುವುದೇಕೆ ಎಂದು ಪ್ರಶ್ನಿಸಿದ್ದಾರೆ. ಮತ್ತೊಂದೆಡೆ, ಈ ಬಾರಿ ಪ್ರಿಯಾಂಕಾ ಅವರ ಉಡುಪು ಮತ್ತು ಆಭರಣಗಳ ಆಯ್ಕೆಯೂ ಕೆಲವರಿಗೆ ಇಷ್ಟವಾಗಿಲ್ಲ. ಹೀಗೆ ನಟಿಯ ದೀಪಾವಳಿ ಸಂಭ್ರಮದ ಪೋಸ್ಟ್‌ಗೆ ಪರ-ವಿರೋಧದ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ.

ವಿದೇಶದಲ್ಲಿ ವಾಸವಾಗಿದ್ದರೂ ಭಾರತೀಯ ಸಂಸ್ಕೃತಿ ಮತ್ತು ಆಚರಣೆಗಳಿಗೆ ಪ್ರಿಯಾಂಕಾ ವಿಶೇಷ ಮಹತ್ವ; ನೆಟ್ಟಿಗರ ಮೆಚ್ಚುಗೆ

ವಿದೇಶದಲ್ಲಿ ವಾಸವಾಗಿದ್ದರೂ ಭಾರತೀಯ ಸಂಸ್ಕೃತಿ ಮತ್ತು ಆಚರಣೆಗಳಿಗೆ ಪ್ರಿಯಾಂಕಾ ವಿಶೇಷ ಮಹತ್ವ ನೀಡುತ್ತಾರೆ. ಇದಕ್ಕೆ ಇತ್ತೀಚಿನ ದಸರಾ ಆಚರಣೆಯೇ ಸಾಕ್ಷಿ. ತಮ್ಮ ಮನೆಯಲ್ಲಿ ಹೋಮ-ಹವನ ಹಾಗೂ ಕನ್ಯಾ ಪೂಜೆ ನೆರವೇರಿಸಿದ್ದ ಅವರು, ಪತಿ ನಿಕ್ ಜೋನಸ್ ಮಗಳು ಮಾಲ್ತಿ ಮೇರಿಯ ಕಾಲು ತೊಳೆಯುತ್ತಿರುವ ಮುದ್ದಾದ ಫೋಟೋಗಳನ್ನು ಹಂಚಿಕೊಂಡಿದ್ದರು. ಆ ಚಿತ್ರಗಳು ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಗಮನ ಸೆಳೆದಿದ್ದವು.

ಇನ್ನು ಪ್ರಿಯಾಂಕಾ ಚೋಪ್ರಾ ಅವರ ಸಿನಿಮಾ ವಿಚಾರಕ್ಕೆ ಬಂದರೆ, ಅವರು ಶೀಘ್ರದಲ್ಲೇ ಭಾರತೀಯ ಚಿತ್ರರಂಗದಲ್ಲಿ ಮತ್ತೊಮ್ಮೆ ಮಿಂಚಲು ಸಜ್ಜಾಗಿದ್ದಾರೆ. ಖ್ಯಾತ ನಿರ್ದೇಶಕ ಎಸ್‌ಎಸ್ ರಾಜಮೌಳಿ ನಿರ್ದೇಶನದ ಬಹುನಿರೀಕ್ಷಿತ 'ವಾರಾಣಸಿ' ಚಿತ್ರದಲ್ಲಿ ಅವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಮಹೇಶ್ ಬಾಬು ನಾಯಕನಾಗಿ ನಟಿಸುತ್ತಿರುವ ಈ ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾ ಟೈಮ್ ಟ್ರಾವೆಲ್ ಕಥಾಹಂದರ ಹೊಂದಿದೆ. 2027ರ ಏಪ್ರಿಲ್ 7ರಂದು ಚಿತ್ರ ತೆರೆಗೆ ಬರಲು ಸಿದ್ಧವಾಗುತ್ತಿದೆ.

ಒಟ್ಟಿನಲ್ಲಿ, ಕುಟುಂಬದೊಂದಿಗೆ ಸಂತೋಷದಿಂದ ದೀಪಾವಳಿ ಆಚರಿಸಿ ಫೋಟೋ ಹಂಚಿಕೊಂಡ ಪ್ರಿಯಾಂಕಾ ಚೋಪ್ರಾ ಇದೀಗ ತಮ್ಮ ಆಹಾರ ಪದ್ಧತಿ ಮತ್ತು ಹಬ್ಬದ ಆಚರಣೆಯ ಕಾರಣಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಯ ಕೇಂದ್ರವಾಗಿದ್ದಾರೆ. ನಟಿಯ ಸಂಭ್ರಮವನ್ನು ಮೆಚ್ಚುವವರ ಜೊತೆಗೆ ಟೀಕಿಸುವವರೂ ಇದ್ದಾರೆ. ಹೀಗಾಗಿ ಅವರ ದೀಪಾವಳಿ ಫೋಟೋಗಳು ಸದ್ಯ ಇಂಟರ್‌ನೆಟ್‌ನಲ್ಲಿ ಸಖತ್ ಸದ್ದು ಮಾಡುತ್ತಿವೆ.

'ಅಂದು ರಾತ್ರಿ ನಾನು ಸೈಲೆಂಟ್ ಇದ್ದೆ..' ಪವನ್ ಕಲ್ಯಾಣ್ ಡೈವೋರ್ಸ್ ಘೋಷಣೆ ಬೆನ್ನಲ್ಲೇ ಮಾಜಿ ಪತ್ನಿ ರೇಣು ದೇಸಾಯಿ ರಿಯಾಕ್ಷನ್ ವೈರಲ್!

Ravi Janekal — Tue, 10 Nov 2026 12:56:16 +0530

Pawan Kalyan ಪವನ್ ಕಲ್ಯಾಣ್(Pawan Kalyan) ಮತ್ತು ಅನ್ನಾ ಲೆಜ್ನೆವಾ ಅವರ 13 ವರ್ಷಗಳ ದಾಂಪತ್ಯ ಮುರಿದಬಿದ್ದಿದೆ. ನಿನ್ನೆ ಅಂದರೆ ನವೆಂಬರ್ 9, ಸೋಮವಾರ ರಾತ್ರಿ ದಿಢೀರನೇ ಪವನ್ ಕಲ್ಯಾಣ್ ಮತ್ತು ಅನ್ನಾ ಜಂಟಿಯಾಗಿ ಡೈವೋರ್ಸ್ ಘೋಷಣೆ ಮಾಡಿದ್ದಾರೆ. ಹದಿಮೂರು ವರ್ಷಗಳಿಂದ ದಾಂಪತ್ಯದಿಂದ ಹಿಡಿದು, ಇತ್ತೀಚಿನ ಚುನಾವಣೆ ಸಮಯದವರೆಗೂ ಅನ್ಯೋನ್ಯವಾಗಿ ದಂಪತಿ ಇದೀಗ ಏಕಾಏಕಿ ಡೈವೋರ್ಸ್ ಘೋಷಣೆ ಮಾಡಿರುವುದು ಅಭಿಮಾನಿಗಳಿಗೆ ಶಾಕ್ ಆಗಿದೆ.

ಈ ನಡುವೆ ನಿನ್ನೆ ಪವನ್ ಡೈವೋರ್ಸ್ ಘೋಷಣೆ ಮಾಡಿದ ಬೆನ್ನಲ್ಲೇ ಪವನ್ ಕಲ್ಯಾಣ್ ಅವರ ಮಾಜಿ ಪತ್ನಿ ನಿರ್ದೇಶಕಿ ರೇಣು ದೇಸಾಯಿ ಪ್ರತಿಕ್ರಿಯಿಸಿದ್ದು, 'ಗಂಡಸರು ಮೂರು ನಾಲ್ಕು ಮದುವೆಯಾಗಬಹುದು. ಆದರೆ ಹೆಣ್ಣುಮಕ್ಕಳು ಆಗುವಂತಿಲ್ಲ...' ಎಂದು ಪವನ್ ಕಲ್ಯಾಣ್ ಉದ್ದೇಶಿಸಿಯೇ ಮಾರ್ಮಿಕವಾಗಿ ಪ್ರತಿಕ್ರಿಯಿಸಿದ್ದಾರೆ. ಏಕೆಂದರೆ ಪವನ್ ಕಲ್ಯಾಣ್‌ಗೆ ಇದು ಮೂರನೇ ಡೈವೋರ್ಸ್ ಆಗಿದೆ. ರೇಣು ದೇಸಾಯಿ ಸೇರಿ ಇಬ್ಬರ ಪತ್ನಿಯ ಜೊತೆಗೂ ಪವನ್ ಕಲ್ಯಾಣ್ ಸಂಬಂಧ ಮುರಿದುಬಿದ್ದಿತ್ತು.

ಇದನ್ನೂ ಓದಿ: ಪವನ್ ಕಲ್ಯಾಣ್ ಅನ್ನ ಕೊನಿಡೇಲಾ 13 ವರ್ಷಗಳ ದಾಂಪತ್ಯ ಅಂತ್ಯ, ಡಿವೋರ್ಸ್‌ಗೆ ನಿಜವಾದ ಕಾರಣಗಳೇನು?

ರೇಣು ದೇಸಾಯಿಗೆ ಡೈವೋರ್ಸ್ ಕೊಟ್ಟ ಒಂದೇ ವರ್ಷದಲ್ಲಿ ಅನ್ನಾಳ ಜೊತೆ ಪವನ್ ಮದುವೆ!

ಪವನ್ ಕಲ್ಯಾಣ್ ಅನ್ನಾ ಲೆಜ್ನೆವಾ ಅವರನ್ನ ಮದುವೆಯಾಗುವ ಮೊದಲು ನಟಿ-ನಿರ್ದೇಶಕಿ ರೇಣು ದೇಸಾಯಿ ಅವರೊಂದಿಗೆ ಮದುವೆಯಾಗಿದ್ದರು. ಆದರೆ 2009ರಲ್ಲಿ ಮದುವೆಯಾಗಿದ್ದ ಪವನ್ ಕಲ್ಯಾಣ್ ಅನಂತರ ಇಬ್ಬರ ನಡುವೆ ದಾಂಪತ್ಯದಲ್ಲಿ ಬಿರುಕು ಮೂಡಿ 2012ರಲ್ಲಿ ವಿಚ್ಛೇದನ ನೀಡಿದ್ದರು. ಅಷ್ಟೇ ಅಲ್ಲದೆ ರೇಣು ದೇಸಾಯಿಗೆ ವಿಚ್ಛೇದನ ನೀಡಿದ ಒಂದೇ ವರ್ಷದೊಳಗೆ ಅಂದರೆ 2013 ರಲ್ಲಿ ರಷ್ಯಾ ಪ್ರಜೆಯಾದ ಅನ್ನಾ ಅವರನ್ನು ಮದುವೆಯಾಗಿದ್ದರು. ರೇಣು ದೇಸಾಯಿಗೆ ಅವರಿಗೆ ಒಬ್ಬ ಮಗ, ಮಗಳು ಇದ್ದಾರೆ. ಪವನ್ ಕಲ್ಯಾಣ್ ಜೊತೆಗಿನ ಸಂಬಂಧ ಮುರಿದುಬಿದ್ದ ನಂತರ ಅವರು ಇಂದಿನವರೆಗೆ ಸೌಹಾರ್ದಯುತ ಸಂಬಂಧ ಹಾಗೆಯೇ ಉಳಿಸಿಕೊಂಡಿದ್ದರೂ ರೇಣು ದೇಸಾಯಿ ತನ್ನ ಹಿಂದಿನ ಮದುವೆಯಿಂದಾಗಿ ಪವನ್ ಫ್ಯಾನ್ಸ್, ನೆಟಿಜನ್ ನಿಂದ ಅನವಶ್ಯವಾಗಿ ಟ್ರೋಲ್‌ಗೆ ಒಳಗಾಗಿದ್ದರು. ಇಂದಿಗೂ ಅವರನ್ನು ಮಾಜಿ ಪತ್ನಿ ಎಂದು ಗುರುತಿಸಿಕೊಳ್ಳದಂತೆ ಪ್ರಯತ್ನ ಪಡುತ್ತಲೇ ಇದ್ದಾರೆ. ಇದರ ಬೆನ್ನಲ್ಲೇ ಇದೀಗ ಅನ್ನಾಳ ಜೊತೆಗೂ ದಾಂಪತ್ಯ ಮುರಿದುಬಿದ್ದಿದೆ.

ಡೈವೋರ್ಸ್ ಕೊಟ್ಟರು ಪವನ್ ಬಗ್ಗೆ ಕೆಟ್ಟವರೇನಲ್ಲ ಎಂದಿದ್ದ ರೇಣು ದೇಸಾಯಿ

ಪವನ್ ಡೈವೋರ್ಸ್ ಕೊಟ್ಟ ನಂತರ ಮಾಜಿ ಪತಿಯೊಂದಿಗೆ ರೇಣು ದೇಸಾಯಿ ದ್ವೇಷ ಬೆಳೆಸಿಕೊಳ್ಳದೆ, ಟೀಕಿಸದೆ ಅದಕ್ಕೆ ಪ್ರತಿಯಾಗಿ ಅಭಿಮಾನಿಗಳಿಂದ ಟ್ರೋಲ್ ಟೀಕೆಗೆ ಒಳಗಾಗಿ ಪವನ್ ಜೊತೆಗಿನ ಸೌಹಾರ್ದಯುತ ಸಂಬಂಧ ಹಾಗೆ ಉಳಿಸಿಕೊಂಡು ಬಂದಿದ್ದಾರೆ. ಅಲ್ಲದೆ ಆಗಾಗ ಎಲ್ಲೇ ಭೇಟಿಯಾದರೂ ಪ್ರೀತಿಯಿಂದ ಮಾತನಾಡುತ್ತಾರೆ. 2017ರಲ್ಲಿ ABN ತೆಲುಗು ಜೊತೆಗಿನ ಸಂದರ್ಶನದಲ್ಲಿ ರೇಣು ದೇಸಾಯಿ ಮಾತನಾಡುತ್ತಾ, 'ಅವರು ಕೆಟ್ಟವರಲ್ಲ, ನನ್ನ ಅರ್ಥ ಮಾಡಿಕೊಳ್ಳಲು ಪ್ರಯತ್ನಿಸಿದರು ಎಂದು ನನಗನಿಸುತ್ತಿದೆ. ನಾನು ಕೂಡ ಅವರನ್ನು ಅರ್ಥ ಮಾಡಿಕೊಳ್ಳಲು ಮುಂದೆ ಅವರ ಹತ್ತಿರ ಬಂದೆ. ಪವನ್ ಬಗ್ಗೆ ತುಂಬಾ ಜನ ತಪ್ಪಾಗಿ ಭಾವಿಸಿದ್ದಾರೆ. ಅವರನ್ನು ಅರ್ಥ ಮಾಡಿಕೊಳ್ಳುವುದೇ ಕಷ್ಟ ಎಂದು ಹೇಳುತ್ತಾರೆ. ಆದರೆ ಅವರು ಕೆಟ್ಟ ವ್ಯಕ್ತಿಯೇನು ಅಲ್ಲ ಎಂದು ಎಂದು ಪವನ್‌ ಬಗ್ಗೆ ಒಳ್ಳೆಯ ಮಾತನಾಡಿದ್ದರು. ಅದು ಡೈವೋರ್ಸ್ ನಂತರವೂ ಪತಿಯನ್ನು ಸಮರ್ಥಿಸಿಕೊಂಡಿದ್ದರು.

ನಾನು ಪವನ್ ಪತ್ನಿ ಅಷ್ಟೇ ಅಲ್ಲ ಅವರ ಸಹೋದ್ಯೋಗಿಯೂ ಆಗಿದ್ದೆ.

ರೇಣು ದೇಸಾಯಿ ತಮ್ಮ ಹಿಂದಿನ ಪರಿಚಯದ ದಿನಗಳ ಬಗ್ಗೆ ಮಾತನಾಡಿದ್ದಾರೆ. ನಾನು ಪತ್ನಿಯಾಗುವ ಮುಂಚೆಯೂ ಅವರೊಂದಿಗೆ ಕೆಲಸ ಮಾಡಿದ್ದೇನೆ. ಅವರ ಸಹೋದ್ಯೋಗಿಯಾಗಿದ್ದೇನೆ. ನಾವಿಬ್ಬರು ಸಾಮಾನ್ಯ ಗಂಡ-ಹೆಂಡತಿಯಂತೆ ಯಾವತ್ತೂ ಇರಲಿಲ್ಲ. ಸ್ನೇಹಿತರಂತೆ ಇದ್ದೆವು. ಹಾಗಾಗಿ ನನ್ನೊಂದಿಗೆ ಹೆಚ್ಚು ಸಮಯ ಕಳೆಯುತ್ತಿದ್ದರು. ಅನಂತರ ಪ್ರೀತಿಯಿಂದ ಒಪ್ಪಿ ಮದುವೆಯಾದೆವು ರೇಣು ಹೇಳಿದ್ದಾರೆ.

ಪವನ್ ಡೈವೋರ್ಸ್ ನೀಡಿದಾಗ ಇನ್ನೊಂದು ಮದುವೆಯಾಗಬೇಕು ಅನಿಸಿತ್ತು

ರೇಣು ದೇಸಾಯಿ ಮತ್ತೊಂದು ಸಂದರ್ಶನದಲ್ಲಿ ಮಾತನಾಡುತ್ತಾ, ಅಂದು ಪವನ್ ನನಗೆ ವಿಚ್ಛೇದನ ನೀಡಿದಾಗ ಆಘಾತಕ್ಕೊಳಗಾಗಿದ್ದಾಗಿದ್ದೆ. ಆ ಸಮಯದಲ್ಲಿ ನನ್ನ ಆರೋಗ್ಯ ಹದಗೆಟ್ಟಿತ್ತು. ಅದಾಗಿ ಐದು ವರ್ಷಗಳ ನಂತರ ನಾನೂ ಯಾಕೆ ಮತ್ತೊಂದು ಮದುವೆಯಾಗಬಾರದು. ನನಗೂ ಸಂಗಾತಿ ಬೇಕು ಅನಿಸಿತ್ತು ಎಂದು ಅವರು ಹೇಳಿದ್ದಾರೆ. ಆದರೆ ನಾನು ಹಾಗೆ ಮತ್ತೊಂದು ಮದುವೆಯಾಗದೆ ಒಂಟಿಯಾಗಿಯೇ ಜೀವನ ಸಾಗಿಸಿದೆ ಎಂದು ರೇಣು ದೇಸಾಯಿ ಹಿಂದಿನ ಘಟನೆಗಳ ಬಗ್ಗೆ ಬಹಿರಂಗಪಡಿಸಿದ್ದಾರೆ.

ಗಂಡಸರು ಮೂರುನಾಲ್ಕು ಮದುವೆಯಾಗಬಹುದು. ಆದ್ರೆ ಮಹಿಳೆಯರು ಆಗುವಂತಿಲ್ಲ..!

ಅಂದು ಪವನ್ ಕಲ್ಯಾಣ್‌ರಿಂದ ವಿಚ್ಛೇದನ ಪಡೆದ ರೇಣು ದೇಸಾಯಿ ಒಂದು ಕಡೆ ಆಘಾತ, ಇನ್ನೊಂದು ಕಡೆ ಪವನ್ ಫ್ಯಾನ್ಸ್ ಗಳಿಂದ ಟೀಕೆ, ಟ್ರೋಲ್‌ಗಳಿಂದ ಜರ್ಜರಿತರಾಗಿದ್ದರು. ರೇಣು ದೇಸಾಯಿಗೆ ಡೈವೋರ್ಸ್ ಕೊಟ್ಟ ಒಂದೇ ವರ್ಷದೊಳಗೆ ಪವನ್ ಅನ್ನಾ ವಿವಾಹವಾದರೂ, ಪವನ್ ಕಲ್ಯಾಣ್ ಅಭಿಮಾನಿಗಳು ರೇಣು ದೇಸಾಯಿ ಅವರನ್ನೇ ಟೀಕಿಸಿದರು,ಟ್ರೋಲ್ ಮಾಡಿದರು. ಒಂದು ವೇಳೆ ರೇಣು ಮತ್ತೆ ಮದುವೆಯಾದರೆ ಇರೋ ಗೌರವವನ್ನು ಕಳೆದುಕೊಳ್ಳುತ್ತಾರೆ ಎಂದು ಹೇಳಿದರು. ಆದರೂ ರೇಣು ದೇಸಾಯಿ ತನ್ನ ನಿರ್ಧಾರದಿಂದ ಹಿಂದೆ ಸರಿಯಲಿಲ್ಲ. ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಹಂಚಿಕೊಂಡಿದ್ದ ರೇಣು ದೇಸಾಯಿ, ಜನರ ದ್ವಂದ್ವ ನೀತಿ ನೇರವಾಗಿ ಖಂಡಿಸಿದ್ದರು.

ಪುರುಷ ಪ್ರಧಾನ ಸಾಮಾಜಿಕ ವ್ಯವಸ್ಥೆ ಬಗ್ಗೆ ಟೀಕಿಸಿದ್ದ ರೇಣು ದೇಸಾಗಿ, ನಮ್ಮ ಸಮಾಜದಲ್ಲಿ ಪುರುಷರು ಏನು ಬೇಕಾದರೂ ಮಾಡಬಹುದು, ಎಷ್ಟು ಸಲ ಬೇಕಾದರೂ ಮದುವೆಯಾಗಬಹುದು. ಆದರೆ ಮಹಿಳೆ ಇನ್ನೊಂದು ಸಂಬಂಧದ ಬಗ್ಗೆ ಯೋಚಿಸುವುದು ಕೂಡ ಪಾಪ. ಒಬ್ಬ ಮಹಿಳೆ ಜೀವನ ಪರ್ಯಂತ ಪತಿಯಿಂದ ದೂರವಾಗಿ ಒಂಟಿಯಾಗಿಯೇ ಬದುಕಬೇಕೇ? ಎಂದು ಪ್ರಶ್ನಿಸಿದ್ದರು. ಆದರೂ ರೇಣು ದೇಸಾಯಿ ಮರುಮದುವೆಯಾಗಲಿಲ್ಲ, ಪವನ್ ಮೂರನೇ ಮದುವೆಗೆ ವಿಚ್ಛೇದನ ಕೊಟ್ಟಿದ್ದರೂ ರೇಣು ದೇಸಾಯಿ ಈಗಲೂ ಒಂಟಿಯಾಗಿಯೇ ಜೀವನ ಮಾಡುತ್ತಿದ್ದಾರೆ.

ಪವನ್ ಕಲ್ಯಾಣ್ ಮೂರು ಮದುವೆಗಳು

ಪವನ್ ಕಲ್ಯಾಣ್ ತಮ್ಮ ಮುರಿದುಬಿದ್ದ ಸಂಬಂಧಗಳ ಬಗ್ಗೆ 2023 ರಲ್ಲಿ ನಂದಮೂರಿ ಬಾಲಕೃಷ್ಣ ಅವರ ಅನ್‌ಸ್ಟಾಪಬಲ್ ವಿತ್ ಎನ್‌ಬಿಕೆ ಕಾರ್ಯಕ್ರಮದಲ್ಲಿ ಮಾತನಾಡಿದ್ದರು. ಪವನ್ ಕಲ್ಯಾಣ್ ಅವರು, 'ನನ್ನ ಮೊದಲ ಮದುವೆ (ನಂದಿನಿ ಜೊತೆ) ತುಂಬಾ ಸಾಂಪ್ರದಾಯಿಕವಾಗಿತ್ತು. ಅದನ್ನು ಹಿರಿಯರು ಏರ್ಪಡಿಸಿದ್ದರು. ಆದರೆ ಸಂಬಂಧದಲ್ಲಿ ಎಲ್ಲವೂ ಸರಿಯಿರಲಿಲ್ಲ. ಹೀಗಾಗಿ ಮೊದಲ ವಿವಾಹ ವಿಚ್ಛೇದನದಲ್ಲಿ ಕೊನೆಯಾಯ್ಯು, ಇನ್ನು ಎರಡನೇ ಬಾರಿ (ರೇಣು ದೇಸಾಯಿ ಜೊತೆ), ಅಭಿಪ್ರಾಯ ಭೇದವಿತ್ತು. ಅದು ಯಾವುದೇ ವಿಷವಿದ್ದರೂ ಭಿನ್ನಾಭಿಪ್ರಾಯ ಉಂಟಾಗುತ್ತಿತ್ತು ಅದು ಕೂಡ ವಿಚ್ಛೇದನದೊಂದಿಗೆ ಕೊನೆಯಾಯ್ತು. ನಾನು ಮೂರನೇ ಮದುವೆ ಅನ್ನಾಳ ಜೊತೆ ಆದೆ ಎಂದಿದ್ದರು.

ನಾನು ಮೂವರನ್ನೂ ಒಂದೇ ಸಮಯದಲ್ಲಿ ಮದುವೆಯಾಗಲಿಲ್ಲ. ಮೊದಲಿಬ್ಬರು ಜೊತೆಗೆ ಒಟ್ಟಿಗೆ ದಾಂಪತ್ಯ ನಡೆಸಿಲ್ಲ. ನನ್ನೊಂದಿಗೆ ಇರಲು ಇಷ್ಟವಿಲ್ಲದಿದ್ದರಿಂದ ನಾನು ಇನ್ನೊಬ್ಬರನ್ನು ಮದುವೆಯಾಗಬೇಕಾಯಿತು. ಆದರೆ ಇದು ಆಸೆ ಅಥವಾ ವ್ಯಾಮೋಹದಿಂದ ಮದುವೆ ಆಗಿದ್ದಲ್ಲ ಅವು ತಾನಾಗೇ ನಡೆದುಹೋದವು. ಇಂದು ಮೂರನೇ ಮದುವೆಯೂ ವಿಚ್ಛೇದನಗೊಂಡು ನೋವು ಮಾತ್ರ ಉಳಿದುಕೊಂಡಿದೆ ಎಂದಿದ್ದಾರೆ.

ರೇಣು ದೇಸಾಯಿ ಯಾರು?

ಪವನ್ ಮಾಜಿ ಪತ್ನಿ ರೇಣು ದೇಸಾಯಿ, ಟಾಲಿವುಡ್ ಪ್ರವೇಶಿಸುವ ಮುನ್ನವೇ ಮುಂಬೈನಲ್ಲಿ ಮಾಡೆಲ್ ಆಗಿದ್ದವರು. ಫೆಮಿನಾ ಮಿಸ್ ಇಂಡಿಯಾದಲ್ಲಿ ಸ್ಪರ್ಧಿಸಿದ್ದರು. 30 ಕ್ಕೂ ಹೆಚ್ಚು ಜಾಹೀರಾತುಗಳಲ್ಲಿ ಕಾಣಿಸಿಕೊಂಡರು ಅಷ್ಟೇ ಅಲ್ಲ, 'ಬ್ರೀತ್‌ಲೆಸ್' ಎಂಬ ಮ್ಯೂಸಿಕ್ ವೀಡಿಯೊದಲ್ಲಿ ಕಾಣಿಸಿಕೊಂಡರು. ಅವರು ನಿರ್ದೇಶಕ ಪುರಿ ಜಗನ್ನಾಥ್ ಅವರ ಬದ್ರಿ (2000) ಚಿತ್ರದಲ್ಲಿ ಪವನ್ ಜೊತೆಗೂ ನಟಿಸುವ ಮೂಲಕ ತಮ್ಮ ಮೊದಲ ಚಿತ್ರದಲ್ಲಿ ಅಭಿನಯಿಸಿದ್ದರು. ಮುಂದೆ ಪವನ್ ಕಲ್ಯಾಣ್ ಅವರೇ ನಿರ್ದೇಶಿಸಿದ್ದ ಜಾನಿ(2003) ಚಿತ್ರದಲ್ಲೂ ಮತ್ತೆ ನಾಯಕಿಯಾಗಿ ನಟಿಸಿದ್ದರು. ಆದರೆ ಅವರ ನಟನಾ ವೃತ್ತಿ ಚಿತ್ರರಂಗದಲ್ಲಿ ಮೇಲೇರಲಿಲ್ಲ. ಆದ್ರೂ ಪವನ್ ಕೈಬಿಡಲಿಲ್ಲ. ಬಳಿಕ ಕೆಲವು ಚಿತ್ರಗಳಿಗೆ ರೇಣು ಅವರನ್ನ ವಸ್ತ್ರ ವಿನ್ಯಾಸಕಿಯಾಗಿ ಕೆಲಸ ಮಾಡಿದರು.

ಮದನ್, ಜೈದೇವ್ ಬಳಿಕ ಜೀ ಕನ್ನಡದಲ್ಲಿ ಮತ್ತೋರ್ವ ರಗಡ್ ಹ್ಯಾಂಡ್‌ಸಮ್ ವಿಲನ್; ಕಿರುತೆರೆಯ ಹೊಸ ಕ್ರಶ್

Mahmad Rafik — Tue, 10 Nov 2026 12:38:19 +0530

ಒಂದು ಧಾರಾವಾಹಿ ಯಶಸ್ವಿಯಾಗಲು ನಾಯಕನಷ್ಟೇ ಖಳನಾಯಕನ ಪಾತ್ರವೂ ಮುಖ್ಯ. ಜೀ ಕನ್ನಡದ ಸೀರಿಯಲ್‌ನಲ್ಲಿ ಯುವರಾಜ್ ಅರಸ್ ಪಾತ್ರದ ಮೂಲಕ ವಚನ್ ಹೊಸ್ಮಠ್ ಕಿರುತೆರೆಯ ಹೊಸ ಸ್ಟೈಲಿಶ್ ವಿಲನ್ ಆಗಿ ಭರವಸೆ ಮೂಡಿಸಿದ್ದಾರೆ.

ಒಂದು ಸೀರಿಯಲ್ ಅಥವಾ ಸಿನಿಮಾ ಹಿಟ್ ಆಗ್ಬೇಕಾದ್ರೆ ಹೀರೋ ಎಷ್ಟು ಮುಖ್ಯವೋ? ವಿಲನ್ ಸಹ ಅಷ್ಟೇ ಮುಖ್ಯ. ಈ ಎರಡು ಪಾತ್ರಗಳಲ್ಲಿ ಗಟ್ಟಿತನವಿದ್ರೆ ಮಾತ್ರ ಒಂದು ಕಥೆ ಜನಪ್ರಿಯತೆಯನ್ನು ಪಡೆದುಕೊಳ್ಳುತ್ತದೆ. ಶ್ರಾವಣಿ ಸುಬ್ರಮಣ್ಯದ ಮ್ಯಾಡಿ, ಅಮೃತಧಾರೆಯ ಜೈದೇವ್, ಅಣ್ಣಯ್ಯನ ಪರಶು ಸಾಲಿಗೆ ಮತ್ತೋರ್ವ ಯಂಗ್ ಆಂಡ್ ಎನರ್ಜೆಟಿಕ್ ವಿಲನ್ ಬಂದಿದ್ದಾರೆ. ದಾವಣಗೆರೆ ಪ್ರತಿಭೆ, ಮಾಡೆಲ್, ನಟ ವಚನ್ ಹೊಸ್ಮಠ ಕಿರುತೆರೆಯಲ್ಲಿ ಸದ್ದು ಮಾಡುತ್ತಿದ್ದಾರೆ.

ಜೀ ಕನ್ನಡದ ಜಗದ್ಧಾತ್ರಿ ಸೀರಿಯಲ್ ಬಹುತಾರಾಗಣವನ್ನು ಹೊಂದಿರುವ ಧಾರಾವಾಹಿ ಆಗಿದೆ. ಮೋಕ್ಷಿತಾ ಪೈ, ವಿಜಯ್ ಸೂರ್ಯ ಈ ಸೀರಿಯಲ್‌ನಲ್ಲಿ ಜೋಡಿಯಾಗಿದ್ದು, ಇವರಿಬ್ಬರಿಗೆ ಟಕ್ಕರ್ ಕೊಡ್ತಿರೋದು ನಟ ಯುವರಾಜ್ ಅರಸ್. ಈ ಮೂವರು ಸೀರಿಯಲ್‌ನ ಜೀವಾಳ ಆಗಿದ್ದಾರೆ. ಯುವರಾಜ್ ಅರಸ್ ಪಾತ್ರದ ಮೂಲಕ ವಚನ್ ಹೊಸ್ಮಠ ಕಿರುತೆರೆ ಲೋಕದಲ್ಲಿ ಹೊಸ ಭರವಸೆಯನ್ನು ಮೂಡಿಸಿದ್ದಾರೆ.

ಮಿಸ್ಟರ್ ದಾವಣಗೆರೆಯಾಗಿರುವ ವಚನ್, ಈ ಮೊದಲು ಲಕ್ಷ್ಮೀ ಟಿಫನ್ ರೂಮ್‌ ಧಾರಾವಾಹಿಯ ಭಾಗವಾಗಿದ್ದರು. ರಂಗಭೂಮಿಯಿಂದ ಬಂದಿರುವ ವಚನ್, ಮಾಯಾಜಾಲ, ರನ್ ಅಂಜಲಿ ರನ್ ಎಂಬ ಶಾರ್ಟ್ ಮೂವಿಗಳಲ್ಲಿಯೂ ನಟಿಸಿದ್ದಾರೆ. ಆದ್ರೆ ಜಗದ್ಧಾತ್ರಿಯ ಯುವರಾಜ್ ಅರಸ್ ಪಾತ್ರ ವಚನ್ ಹೊಸ್ಮಠ ಅವರ ಜನಪ್ರಿಯತೆಯನ್ನು ಮತ್ತಷ್ಟು ಹೆಚ್ಚಿಸಿದೆ.

ಈ ಹಿಂದೆ ವಿಲನ್ ಅಂದ್ರೆ ದೈತ್ಯ ದೇಹ, ಉದ್ದಕೂದಲು, ವಿಚಿತ್ರ ಬಟ್ಟೆ ಎಂಬ ಕಲ್ಪನೆಯಿತ್ತು. ಈ ಕಲ್ಪನೆಯನ್ನು ಹಿಂದಿ ಸೀರಿಯಲ್‌ಗಳು ದೂರ ಮಾಡಿವೆ. ಅದೇ ರೀತಿ ಜೀ ಕನ್ನಡದ ಶ್ರಾವಣಿ ಸುಬ್ರಮಣ್ಯ, ಅಮೃತಧಾರೆ, ಅಣ್ಣಯ್ಯ ಸೀರಿಯಲ್‌ಗಳು ವಿಲನ್ ಪಾತ್ರವನ್ನು ಹ್ಯಾಂಡ್‌ಸಮ್ ಸೂಪರ್ ಮಾಡೆಲ್ ಗಳು ನಟಿಸಬಹುದು ಎಂಬುದನ್ನು ನಿಜ ಮಾಡಿವೆ.

ಈ ಮೇಲಿನ ಮೂರು ಸೀರಿಯಲ್‌ಗಳಲ್ಲಿ ಹೀರೋಗಳಿಗಿಂತ ವಿಲನ್‌ಗಳೇ ಸಖತ್ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದರು. ಮ್ಯಾಡಿ ಪಾತ್ರದಲ್ಲಿ ಅಥರ್ವ ನಟಿಸಿದ್ದರು. ಅಮೃತಧಾರೆಯ ಜೈದೇವ್‌ ಆಗಿ ರಾಣವ್ ಗೌಡ ನಟಿಸುತ್ತಿದ್ದಾರೆ. ಅಣ್ಣಯ್ಯ ಸೀರಿಯಲ್‌ನಲ್ಲಿ ಪರಶು ಆಗಿ ನಟ ಚಿರಂಜೀವಿ ಗಮನ ಸೆಳೆಯುತ್ತಿದ್ದಾರೆ. ಈ ರಗಡ್ ಆಂಡ್ ಸ್ಮಾರ್ಟ್ ವಿಲನ್‌ಗಳ ಸಾಲಿಗೆ ವಚನ್ ಹೊಸ್ಮಠ್ ಸೇರ್ಪಡೆಯಾಗಿದ್ದಾರೆ.

ಹೇಗಿದ್ದ ಶಕುಂತಲಾ ಹೇಗಾದ್ಲು? ಅಂತ್ಯಕ್ಕೂ ಮುನ್ನ ಪ್ರಶ್ನೆಯೊಂದಕ್ಕೆ ಸಿಕ್ತು ಉತ್ತರ

Mahmad Rafik — Tue, 10 Nov 2026 12:09:22 +0530

ಗೌತಮ್ ಮತ್ತು ಭೂಮಿಕಾ ಹೆಣೆದ ಬಲೆಯಲ್ಲಿ ಶಕುಂತಲಾ ಹಾಗೂ ಜೈದೇವ್ ಸಿಲುಕಿದ್ದಾರೆ. ವೈರಲ್ ವಿಡಿಯೋದಲ್ಲಿ ಶಕುಂತಲಾ ಜೈಲು ಸೇರುವುದು ಖಚಿತವಾಗಿದ್ದು, ಜೈದೇವ್ ಅಂತ್ಯದ ಬಗ್ಗೆ ತೀವ್ರ ಕುತೂಹಲ ಮೂಡಿದೆ.

ಅಮೃತಧಾರೆ ಸೀರಿಯಲ್ ಹೇಗೆ ಮುಕ್ತಾಯ ಆಗಲಿದೆ ಎಂಬ ಎರಡು ಪ್ರಶ್ನೆಗಳ ಪೈಕಿ ಒಂದಕ್ಕೆ ಉತ್ತರ ಸಿಕ್ಕಿದೆ. ಗೌತಮ್ ಮತ್ತು ಭೂಮಿಕಾ ಹೆಣೆದ ಬಲೆಯಲ್ಲಿ ಶಕುಂತಲಾ ಮತ್ತು ಜೈದೇವ್ ಸಿಲುಕಿದ್ದು, ಕಥೆ ರೋಚಕಘಟ್ಟಕ್ಕೆ ಬಂದು ನಿಂತಿದೆ.

ಭೂಮಿಕಾ ಕಾಣೆಯಾಗಿದ್ದಾಳೆ ಎಂದು ಗೌತಮ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿ, ಜೈದೇವ್ ಮೇಲೆ ಅನುಮಾನ ವ್ಯಕ್ತಪಡಿಸಿದ್ದಾನೆ. ದೂರು ದಾಖಲಿಸಿಕೊಂಡ ಪೊಲೀಸರು, ಶಕುಂತಲಾಳನ್ನು ತೀವ್ರ ವಿಚಾರಣೆಗೊಳಪಡಿಸಿದ್ದಾರೆ. ಅಷ್ಟು ಮಾತ್ರವಲ್ಲ ಪದೇ ಪದೇ ಜೈದೇವ್‌ಗೆ ಕಾಲ್ ಮಾಡಿದ್ದೇಕೆ ಎಂದು ಪ್ರಶ್ನೆ ಮಾಡಿದ್ದಾರೆ.

ಪೊಲೀಸ್ ವಿಚಾರಣೆ ಬಳಿಕ ಮಗನ ಬಳಿ ಹೋಗುತ್ತಿದ್ದ ಶಕುಂತಲಾಳನ್ನು ಪೊಲೀಸರು ಹಿಂಬಾಲಿಸುತ್ತಿರೋದನ್ನು ಇಂದಿನ ಪ್ರೋಮೋದಲ್ಲಿ ತೋರಿಸಲಾಗಿದೆ. ಮತ್ತೊಂದೆಡೆ ಶೂಟಿಂಗ್ ಕೊನೆಯ ದಿನದ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ವೀಕ್ಷಕರ ಪ್ರಶ್ನೆಯೊಂದಕ್ಕೆ ಉತ್ತರ ಸಿಕ್ಕಿದೆ.

ಅಮೃತಧಾರೆಯ ವಿಲನ್‌ಗಳಾದ ಶಕುಂತಲಾ ಮತ್ತು ಜೈದೇವ್‌ ಅಂತ್ಯ ಹೇಗೆ ಎಂಬುದಕ್ಕೆ ಅಧಿಕೃತ ಉತ್ತರ ಸಿಕ್ಕಿಲ್ಲ. ವೈರಲ್ ವಿಡಿಯೋದಲ್ಲಿ ಶಕುಂತಲಾ ಜೈಲಿನ ಕೈದಿಯ ಡ್ರೆಸ್‌ನಲ್ಲಿ ಕಾಣಿಸಿಕೊಂಡಿದ್ದು, ಅಂತಿಮವಾಗಿ ಕತ್ತಲೆಕೋಣೆ ಸೇರೋದು ಸದ್ಯಕ್ಕೆ ಕನ್ಫರ್ಮ್‌ ಆಗಿದೆ. ಐಷಾರಾಮಿ ಜೀವನ ನಡೆಸುತ್ತಿದ್ದ ಶಕುಂತಲಾ ಮುಂದಿನ ಜೀವನ ಜೈಲಿನಲ್ಲಿಯೇ ಮುಗಿಯಲಿದೆ.

ಮಲ್ಲಿ ತನ್ನ ವಿರುದ್ಧ ಸಾಕ್ಷಿ ಸಂಗ್ರಹ ಮಾಡಿರೋದು ಮತ್ತು ಭೂಮಿಕಾ-ದೀಪಿಕಾ ಒಂದಾಗಿರೋ ವಿಷಯ ತಿಳಿದು ಜೈದೇವ್ ಪತರುಗುಟ್ಟಿದ್ದಾನೆ. ಪೊಲೀಸರಿಂದ ತಪ್ಪಿಸಿಕೊಂಡು ಭೂಗತವಾಗ್ತಾನಾ? ಜೈದೇವ್ ಸಾಯ್ತಾನಾ? ತಾಯಯೊಂದಿಗೆ ಜೈಲು ಸೇರುತ್ತಾನಾ ಅನ್ನೋದು ಈ ವಾರದ ಅಂತ್ಯದಲ್ಲಿ ತಿಳಿಯಲಿದೆ.

50 ಸಾವಿರ ರೂ. ಸಾಲ ತೀರಿಸಲಾಗದ ಜನರು ಡಿವೋರ್ಸ್ ಬಗ್ಗೆ ಮಾತಾಡ್ತಾರೆ! ಕಣ್ಣೀರಿಟ್ಟ ಫ್ಯಾನ್ ಇನ್ನೂ ಏನಂದ್ರು?

Shriram Bhat — Tue, 10 Nov 2026 11:54:40 +0530

ಪವನ್ ಕಲ್ಯಾಣ್ ವಿಚ್ಛೇದನ ಸುದ್ದಿ ಕೇಳಿ ಕಣ್ಣೀರಿಟ್ಟ ಅಭಿಮಾನಿಗಳು; ಟ್ರೋಲ್ ಮಾಡಬೇಡಿ ಎಂದು ಮನವಿ!

ಟಾಲಿವುಡ್‌ನ ಖ್ಯಾತ ನಟ ಹಾಗೂ ಆಂಧ್ರಪ್ರದೇಶದ ರಾಜಕಾರಣಿ ಪವನ್ ಕಲ್ಯಾಣ್ (Pawan Kalyan) ಅವರ ವೈಯಕ್ತಿಕ ಜೀವನದ ಬೆಳವಣಿಗೆಯೊಂದು ಅಭಿಮಾನಿಗಳಿಗೆ ದೊಡ್ಡ ಆಘಾತ ನೀಡಿದೆ. ಬರೋಬ್ಬರಿ 13 ವರ್ಷಗಳ ದಾಂಪತ್ಯ ಜೀವನದ ಬಳಿಕ ಪವನ್ ಕಲ್ಯಾಣ್ ಮತ್ತು ಅವರ ಪತ್ನಿ ಅನ್ನಾ ಕೊನಿಡೆಲಾ ಬೇರೆಯಾಗುವ ನಿರ್ಧಾರ ಕೈಗೊಂಡಿದ್ದಾರೆ ಎನ್ನಲಾದ ಸುದ್ದಿ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಈ ಸುದ್ದಿ ಹೊರಬರುತ್ತಿದ್ದಂತೆ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನಿಗೆ ಬೆಂಬಲ ಸೂಚಿಸುವುದರ ಜೊತೆಗೆ ಭಾವನಾತ್ಮಕ ಸಂದೇಶಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.

ದೀಪಾವಳಿ ಹಬ್ಬದ ಮರುದಿನವೇ ದಂಪತಿಯ ವಿಚ್ಛೇದನ

ದೀಪಾವಳಿ ಹಬ್ಬದ ಮರುದಿನವೇ ದಂಪತಿಯ ವಿಚ್ಛೇದನದ ಕುರಿತಾದ ಜಂಟಿ ಹೇಳಿಕೆ ಹೊರಬಂದಿದೆ ಎನ್ನಲಾಗಿದ್ದು, ಇದು ಅಭಿಮಾನಿಗಳಲ್ಲಿ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಎಕ್ಸ್‌ (ಹಿಂದಿನ ಟ್ವಿಟರ್) ಸೇರಿದಂತೆ ವಿವಿಧ ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಚಾರದ ಬಗ್ಗೆ ಚರ್ಚೆ ಜೋರಾಗಿದೆ. ಕೆಲವರು ಪವನ್ ಕಲ್ಯಾಣ್ ಅವರ ವೈಯಕ್ತಿಕ ನಿರ್ಧಾರಕ್ಕೆ ಬೆಂಬಲ ಸೂಚಿಸಿದರೆ, ಇನ್ನೂ ಕೆಲವರು ಅವರ ಜೀವನದ ಕಷ್ಟದ ಸಮಯದಲ್ಲಿ ಟ್ರೋಲ್ ಮಾಡುವುದು ಸರಿಯಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಒಬ್ಬ ಅಭಿಮಾನಿ ತಮ್ಮ ನೆಚ್ಚಿನ ನಟನಿಗೆ ಭಾವನಾತ್ಮಕ ಸಂದೇಶ ಬರೆದಿದ್ದಾರೆ. "ಈ ಸುದ್ದಿ ನಿಜಕ್ಕೂ ಹೃದಯವಿದ್ರಾವಕವಾಗಿದೆ. ನಿಮ್ಮ ವೈಯಕ್ತಿಕ ಜೀವನದಲ್ಲಿ ಏನೇ ನಡೆದರೂ, ಜೀವನಪೂರ್ತಿ ನಿಮ್ಮ ಅಭಿಮಾನಿಯಾಗಿಯೇ ಇರುತ್ತೇನೆ. ಯಾವುದೇ ಪರಿಸ್ಥಿತಿ ಬಂದರೂ ನಿಮ್ಮ ಜೊತೆ ನಿಲ್ಲುತ್ತೇನೆ" ಎಂದು ಬರೆದುಕೊಂಡಿದ್ದಾರೆ.

ಮತ್ತೊಬ್ಬ ಅಭಿಮಾನಿ, "ಈ ಸುದ್ದಿ ಕೇಳಿ ತುಂಬಾ ಬೇಸರವಾಯಿತು. ವೈಯಕ್ತಿಕ ಜೀವನದಲ್ಲಿ ಎದುರಾಗುವ ಸವಾಲುಗಳನ್ನು ಧೈರ್ಯದಿಂದ ಎದುರಿಸಿ, ಮತ್ತಷ್ಟು ಆತ್ಮವಿಶ್ವಾಸದಿಂದ ಮುಂದೆ ಸಾಗಲಿ ಎಂದು ಹಾರೈಸುತ್ತೇನೆ" ಎಂದು ತಮ್ಮ ಕಳವಳ ವ್ಯಕ್ತಪಡಿಸಿದ್ದಾರೆ.

ಮೂರನೇ ವಿವಾಹ ವಿಚ್ಛೇದನದ ವಿಚಾರ ಮುಂದಿಟ್ಟುಕೊಂಡು ಟೀಕೆ

ಇನ್ನು ಪವನ್ ಕಲ್ಯಾಣ್ ಅವರ ಮೂರನೇ ವಿವಾಹ ವಿಚ್ಛೇದನದ ವಿಚಾರ ಮುಂದಿಟ್ಟುಕೊಂಡು ಟೀಕೆ ಮಾಡುತ್ತಿರುವವರ ವಿರುದ್ಧವೂ ಅಭಿಮಾನಿಗಳು ಆಕ್ರೋಶ ಹೊರಹಾಕಿದ್ದಾರೆ. "ಯಾರೊಬ್ಬರ ವೈಯಕ್ತಿಕ ಜೀವನದಲ್ಲಿ ವಿಚ್ಛೇದನದಂತಹ ಘಟನೆ ನಡೆದಾಗ ಅದನ್ನು ಸಂಭ್ರಮಿಸುವುದು ಅಥವಾ ಮೀಮ್ಸ್ ಮಾಡಿ ಅಪಹಾಸ್ಯ ಮಾಡುವುದು ಸರಿಯಲ್ಲ. ಅವರ ಸಿನಿಮಾ ಮತ್ತು ರಾಜಕೀಯದ ಬಗ್ಗೆ ಬೇಕಾದಷ್ಟು ಚರ್ಚೆ ನಡೆಯಲಿ. ಆದರೆ ವೈಯಕ್ತಿಕ ಬದುಕಿನ ನೋವನ್ನು ಮನರಂಜನೆಯ ವಿಷಯವನ್ನಾಗಿ ಮಾಡಬೇಡಿ. ಪ್ರತಿಯೊಬ್ಬರಿಗೂ ನೆಮ್ಮದಿಯಿಂದ ಬದುಕುವ ಹಕ್ಕಿದೆ" ಎಂದು ಅಭಿಮಾನಿಯೊಬ್ಬರು ಮನವಿ ಮಾಡಿದ್ದಾರೆ.

ಪವನ್ ಕಲ್ಯಾಣ್ ಎದುರಿಸುತ್ತಿರುವ ಮಾನಸಿಕ ಹಾಗೂ ದೈಹಿಕ ಒತ್ತಡಗಳ ಬಗ್ಗೆಯೂ ಕೆಲವರು ಕಳವಳ ವ್ಯಕ್ತಪಡಿಸಿದ್ದಾರೆ. ಸಿನಿಮಾ, ರಾಜಕೀಯ ಮತ್ತು ವೈಯಕ್ತಿಕ ಜೀವನ ಹೀಗೆ ಹಲವು ಜವಾಬ್ದಾರಿಗಳನ್ನು ಒಟ್ಟಿಗೆ ನಿಭಾಯಿಸುವುದು ಸುಲಭದ ಮಾತಲ್ಲ. ಇಷ್ಟೆಲ್ಲ ಸವಾಲುಗಳ ನಡುವೆಯೂ ಅವರು ಮುನ್ನಡೆಯುತ್ತಿರುವುದನ್ನು ಅಭಿಮಾನಿಯೊಬ್ಬರು ಉಲ್ಲೇಖಿಸಿದ್ದಾರೆ.

ಇನ್ನೊಬ್ಬ ಅಭಿಮಾನಿ ಟ್ರೋಲಿಗರಿಗೆ ನೇರವಾಗಿಯೇ ತಿರುಗೇಟು ನೀಡಿದ್ದಾರೆ. "ಪವನ್ ಕಲ್ಯಾಣ್ ಅವರನ್ನು ಟೀಕಿಸುವ ಮೊದಲು ಅವರ ಪರಿಸ್ಥಿತಿಯನ್ನೂ ಅರ್ಥಮಾಡಿಕೊಳ್ಳಿ. ಸಾಮಾನ್ಯ ಜನರೇ ತಮ್ಮ ಜೀವನದಲ್ಲಿ ಹಲವು ಸಮಸ್ಯೆಗಳನ್ನು ಎದುರಿಸುತ್ತಿರುವಾಗ, ಆರೋಗ್ಯದ ಸಮಸ್ಯೆಗಳು, ವೈಯಕ್ತಿಕ ಬದುಕಿನ ಸವಾಲುಗಳು, ರಾಜಕೀಯ ಮತ್ತು ಸಿನಿಮಾ ಕ್ಷೇತ್ರದ ಒತ್ತಡಗಳನ್ನು ನಿಭಾಯಿಸುವುದು ಎಷ್ಟು ಕಷ್ಟವಿರಬಹುದು ಎಂದು ಯೋಚಿಸಿ. ಅವರ ಅಭಿಮಾನಿಯಾಗಿರುವ ನನಗೇ ಈ ಸುದ್ದಿ ನೋವು ತಂದಿದೆ. ಇಷ್ಟೆಲ್ಲ ಟೀಕೆಗಳ ನಡುವೆ ಅವರ ಮನಸ್ಥಿತಿ ಹೇಗಿರಬಹುದು?" ಎಂದು ಪ್ರಶ್ನಿಸಿದ್ದಾರೆ.

ಪವನ್ ಕಲ್ಯಾಣ್ ಮತ್ತು ಅನ್ನಾ ಕೊನಿಡೆಲಾ ಪರಿಚಯವಾಗಿದ್ದು ಹೇಗೆ?

ಪವನ್ ಕಲ್ಯಾಣ್ ಅವರ ಮೂರನೇ ಪತ್ನಿಯಾಗಿರುವ ಅನ್ನಾ ಕೊನಿಡೆಲಾ ಅವರ ಪರಿಚಯ 2011ರಲ್ಲಿ ಬಿಡುಗಡೆಯಾದ 'ತೀನ್ ಮಾರ್' ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಆಗಿತ್ತು. ಮೊದಲ ಭೇಟಿಯ ನಂತರ ಇಬ್ಬರ ನಡುವೆ ಸ್ನೇಹ ಬೆಳೆದಿದ್ದು, ಅದು ಪ್ರೀತಿಗೆ ತಿರುಗಿತ್ತು. ಬಳಿಕ 2013ರಲ್ಲಿ ಇಬ್ಬರೂ ವಿವಾಹವಾಗಿದ್ದರು. ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ.

ಇದೀಗ 13 ವರ್ಷಗಳ ದಾಂಪತ್ಯದ ಬಳಿಕ ಬೇರೆಯಾಗುವ ನಿರ್ಧಾರದ ಸುದ್ದಿ ಅಭಿಮಾನಿಗಳಲ್ಲಿ ಬೇಸರ ಮೂಡಿಸಿದೆ. ಒಟ್ಟಿನಲ್ಲಿ, ಪವನ್ ಕಲ್ಯಾಣ್ ಅವರ ವೈಯಕ್ತಿಕ ಜೀವನದ ಈ ಬೆಳವಣಿಗೆ ಟಾಲಿವುಡ್‌ನಲ್ಲಿ ಮಾತ್ರವಲ್ಲದೆ ಸಾಮಾಜಿಕ ಜಾಲತಾಣಗಳಲ್ಲೂ ದೊಡ್ಡ ಚರ್ಚೆಗೆ ಕಾರಣವಾಗಿದೆ. ಈ ನಡುವೆ ಅಭಿಮಾನಿಗಳ ಬಹುತೇಕ ಮನವಿಯೊಂದೇ ಆಗಿದೆ. ನೆಚ್ಚಿನ ನಟನ ವೈಯಕ್ತಿಕ ಬದುಕಿನ ನೋವನ್ನು ಟ್ರೋಲ್ ಮಾಡುವ ಬದಲು, ಅವರ ಖಾಸಗಿತನವನ್ನು ಗೌರವಿಸಿ ಎಂಬುದಾಗಿದೆ.

ಪವನ್ ಕಲ್ಯಾಣ್ 4ನೇ ಮದುವೆ ಮಾಡಿಕೊಳ್ತಾರಾ? 2 ವರ್ಷದ ಹಿಂದೆಯೇ ಭವಿಷ್ಯ ಹೇಳಿದ್ದ ಜ್ಯೋತಿಷಿ ವೇಣುಸ್ವಾಮಿ!

Sathish Kumar KH — Tue, 10 Nov 2026 11:50:47 +0530

ಆಂಧ್ರಪ್ರದೇಶದ ಉಪಮುಖ್ಯಮಂತ್ರಿ ಹಾಗೂ ಜನಸೇನಾ ಮುಖ್ಯಸ್ಥ ಪವನ್ ಕಲ್ಯಾಣ್ ಮತ್ತು ಅವರ ಪತ್ನಿ ಅನ್ನಾ ಲೆಝ್ನೆವಾ ತಮ್ಮ 13 ವರ್ಷಗಳ ದಾಂಪತ್ಯ ಜೀವನಕ್ಕೆ ಮುಕ್ತಾಯ ಹಾಡಲು ಜಂಟಿಯಾಗಿ ನಿರ್ಧರಿಸಿದ್ದಾರೆ. ಪರಸ್ಪರ ಗೌರವ ಹಾಗೂ ತಿಳುವಳಿಕೆಯಿಂದ ಈ ನಿರ್ಧಾರ ಕೈಗೊಂಡಿರುವುದಾಗಿ ಅಧಿಕೃತ ಪ್ರಕಟಣೆ ಮೂಲಕ ಸ್ಪಷ್ಟಪಡಿಸಿದ್ದಾರೆ. ಈ ಆಘಾತಕಾರಿ ಸುದ್ದಿಯ ಬೆನ್ನಲ್ಲೇ, ಪ್ರಸಿದ್ಧ ಸೆಲೆಬ್ರಿಟಿ ಜ್ಯೋತಿಷಿ ವೇಣು ಸ್ವಾಮಿ ಹಿಂದೆ ನುಡಿದಿದ್ದ ಜಾತಕ ಭವಿಷ್ಯದ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸಕತ್ ವೈರಲ್ ಆಗುತ್ತಿವೆ.

ಜಂಟಿ ಪ್ರಕಟಣೆ ಮತ್ತು ಮಕ್ಕಳ ಜವಾಬ್ದಾರಿ

ತಮ್ಮ ಹಿತೈಷಿಗಳಿಗೆ ಬಿಡುಗಡೆ ಮಾಡಿರುವ ಜಂಟಿ ಪ್ರಕಟಣೆಯಲ್ಲಿ, "ದಾಂಪತ್ಯ ಕೊನೆಗೊಂಡಿದ್ದರೂ, ನಾವಿಬ್ಬರೂ ಕೊನೆಯವರೆಗೂ ಉತ್ತಮ ಸ್ನೇಹಿತರಾಗಿ ಮತ್ತು ನಮ್ಮ ಮಕ್ಕಳ ಜವಾಬ್ದಾರಿಯುತ ಪೋಷಕರಾಗಿ ಮುಂದುವರಿಯುತ್ತೇವೆ" ಎಂದು ಪವನ್ ಕಲ್ಯಾಣ್ ಹಾಗೂ ಅನ್ನಾ ತಿಳಿಸಿದ್ದಾರೆ. ಮಕ್ಕಳ ಮಾನಸಿಕ ನೆಮ್ಮದಿ ಮತ್ತು ಭವಿಷ್ಯಕ್ಕೆ ತಾವು ಮೊದಲ ಆದ್ಯತೆ ನೀಡುವುದಾಗಿ ಭರವಸೆ ನೀಡಿದ್ದಾರೆ.

2011ರಲ್ಲಿ ಬಿಡುಗಡೆಯಾದ 'ತೀನ್ ಮಾರ್' ಚಿತ್ರೀಕರಣದ ಸಮಯದಲ್ಲಿ ಪರಿಚಯಗೊಂಡ ಈ ಜೋಡಿ, 2013ರ ಡಿಸೆಂಬರ್‌ನಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿತ್ತು. ಪವನ್ ಅವರ ರಾಜಕೀಯ ಹಾಗೂ ಸಿನಿ ಪಯಣದಲ್ಲಿ ಅನ್ನಾ ಕೊಣಿದೇಲ ಸಾಥ್ ನೀಡಿದ್ದರು.

ವೈರಲ್ ಆಯ್ತು ವೇಣು ಸ್ವಾಮಿ ಹಳೆಯ ವಿಡಿಯೋ

ಈ ವಿಚ್ಛೇದನ ಸುದ್ದಿಯ ನಡುವೆಯೇ ಜ್ಯೋತಿಷಿ ವೇಣು ಸ್ವಾಮಿ ಅವರ ಹಳೆಯ ವೀಡಿಯೋಗಳು ಒಮ್ಮಿಂದೊಮ್ಮೆಲೆ ಮುನ್ನೆಲೆಗೆ ಬಂದಿವೆ. ಪವನ್ ಕಲ್ಯಾಣ್ ಜಾತಕದ ಬಗ್ಗೆ ಮಾತನಾಡಿದ್ದ ಅವರು, ಸಾರ್ವಜನಿಕ ಮತ್ತು ರಾಜಕೀಯ ಜೀವನದಲ್ಲಿ ದೊಡ್ಡ ಯಶಸ್ಸು ಕಂಡರೂ, ವೈಯಕ್ತಿಕ ಜೀವನದಲ್ಲಿ ಕೆಲವು ಪ್ರತಿಕೂಲ ಘಟನೆಗಳು ಹಾಗೂ ಮನಸ್ತಾಪಗಳು ಎದುರಾಗಲಿವೆ ಎಂದು ಅಂದಾಜಿಸಿದ್ದರು.

ಹಿಂದೆ ನಟ ನಾಗಚೈತನ್ಯ ಹಾಗೂ ಸಮಂತಾ ವಿಚ್ಛೇದನದ ಬಗ್ಗೆ ವೇಣು ಸ್ವಾಮಿ ನುಡಿದಿದ್ದ ಭವಿಷ್ಯ ನಿಜವಾಗಿದ್ದರಿಂದ, ಈಗ ಪವನ್ ಕಲ್ಯಾಣ್ ವಿಷಯದಲ್ಲೂ ಅವರ ಹಳೆಯ ಮಾತುಗಳು ನೆಟ್ಟಿಗರ ಗಮನ ಸೆಳೆದಿವೆ.

4ನೇ ಮದುವೆ ಬಗ್ಗೆ ಚರ್ಚೆ!

ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ವೇಣು ಸ್ವಾಮಿ, "ಪವನ್ ಕಲ್ಯಾಣ್ ಜಾತಕದಲ್ಲಿ ಗುರು ಗ್ರಹ ನೀಚ ಸ್ಥಾನದಲ್ಲಿದ್ದಾನೆ. ಇದರಿಂದ ವೈಯಕ್ತಿಕ ಜೀವನದಲ್ಲಿ ಏಳುಬೀಳುಗಳು ಉಂಟಾಗುತ್ತವೆ. ಅವರು ನಾಲ್ಕನೇ ಮದುವೆ ಆಗುವ ಸಾಧ್ಯತೆಗಳೂ ಇವೆ" ಎಂದು ಹೇಳಿಕೆ ನೀಡಿದ್ದರು.

ಈಗ ವಿಚ್ಛೇದನ ಪ್ರಕಟಣೆ ಹೊರಬಿದ್ದ ತಕ್ಷಣವೇ ವೇಣು ಸ್ವಾಮಿ ಆ ಹಳೆಯ ವೀಡಿಯೋವನ್ನು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹಂಚಿಕೊಂಡಿದ್ದಾರೆ. ಆದರೆ ಟ್ರೋಲ್ ಹಾಗೂ ಟೀಕೆಗಳಿಂದ ತಪ್ಪಿಸಿಕೊಳ್ಳಲು ಕಾಮೆಂಟ್ ಸೆಕ್ಷನ್ ಅನ್ನು ಡಿಸೇಬಲ್ ಮಾಡಿರುವುದು ನೆಟ್ಟಿಗರ ಚರ್ಚೆಗೆ ಗ್ರಾಸವಾಗಿದೆ.

ನಟ, ಡಿಸಿಎಂ ಪವನ್ ಕಲ್ಯಾಣ್‌ಗೆ 4ನೇ ಮದುವೆ ರಹಸ್ಯ, ಖ್ಯಾತಿ ಜ್ಯೋತಿಷಿ ಭವಿಷ್ಯ; ಹುಡುಗಿ ಯಾರು ಗೊತ್ತಾ?

Sumanth SN — Tue, 10 Nov 2026 11:50:34 +0530

ಟಾಲಿವುಡ್ ಪವರ್ ಸ್ಟಾರ್ ಪವನ್ ಕಲ್ಯಾಣ್, ಪತ್ನಿ ಅನ್ನಾ ಕೊನಿಡೇಲ ಪರಸ್ಪರ ಒಪ್ಪಿಗೆ ಮೇರೆಗೆ ವಿಚ್ಛೇದನ ಪಡೆದುಕೊಂಡಿದ್ದಾರೆ. ಇಬ್ಬರ ನಿರ್ಧಾರ ವೈಯುಕ್ತಿಕವಾಗಿದಗದರೂ, ಕಳೆದ 13 ವರ್ಷಗಳ ಕಾಲ ದಾಂಪತ್ಯ ಜೀವನ ನಡೆಸಿದ್ದ ದಂಪತಿಯ ಬೇರೆ ಆಗಿರುವುದು ಅಭಿಮಾನಿಗಳಿಗೆ ಬಿಗ್ ಶಾಕ್ ನೀಡಿದೆ. ಇಂತಹ ಕಠಿಣ ನಿರ್ಧಾರ ತೆಗೆದುಕೊಳ್ಳಲು ಕಾರಣವೇನು ಎಂದು ಅಭಿಮಾನಿಗಳು ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. ಇದರ ನಡುವೆಯೇ ಪ್ರಮುಖ ಜ್ಯೋತಿಷಿ ವೇಣು ಸ್ವಾಮಿ ಈ ಹಿಂದೆ ನಟ ಪವನ್ ಕಲ್ಯಾಣ್ ಅವರ ಮದುವೆ ಬಗ್ಗೆ ನುಡಿದ ಭವಿಷ್ಯದ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.

ನಟ ಪವನ್ ಕಲ್ಯಾಣ್ ಅವರು ರಾಜಕೀಯಕ್ಕೆ ಎಂಟ್ರಿಯಾಗಿ ಜನಸೇನಾ ಪಕ್ಷ ಸ್ಥಾಪಿಸಿದ್ದರು. ಈ ಸಂದರ್ಭದಲ್ಲಿ ಅವರ ವೈಯುಕ್ತಿಕ ಜೀವನದ ಬಗ್ಗೆ ಭಾರೀ ಟೀಕೆಗಳು ಎದುರಾಗಿತ್ತು. ಅದರಲ್ಲೂ ಪವನ್ ಕಲ್ಯಾಣ್ ಮೂರನೇ ಮದುವೆಯಾದ ಸಂದರ್ಭದಲ್ಲಿ ಭಾರೀ ಟೀಕೆಗಳು, ಆರೋಪಗಳು, ಟ್ರೋಲ್‌ಗಳು ಬಂದಿತ್ತು. ಈ ಸಂದರ್ಭದಲ್ಲಿ ಸೆಲೆಬ್ರೆಟಿ ಜ್ಯೋತಿಷಿ ವೇಣು ಸ್ವಾಮಿ ಮಹತ್ವದ ಭವಿಷ್ಯ ನುಡಿದ್ದರು. ಜನಸೇನಾ ಪಕ್ಷದ ನಾಯಕ ಪವನ್ ಜಾತಕದ ಪ್ರಕಾರ ನಾಲ್ಕನೇ ಮದುವೆಯ ಅವಕಾಶವಿದೆ ಎಂದು ಶಾಕಿಂಗ್ ಭವಿಷ್ಯ ನುಡಿದ್ದರು.

ವಿಡಿಯೋದಲ್ಲಿ ಏನಿದೆ?

ಪವನ್ ಕಲ್ಯಾಣ್ ಜಾತಕದಲ್ಲಿ ನಾಲ್ಕನೇ ಮದುವೆಯ ಯೋಗವಿದೆ. ಅವರ ಜಾತಕದಲ್ಲಿ ಗುರು ಉನ್ನತ ಸ್ಥಾನದಲ್ಲಿದ್ದಾರೆ. ಇದರ ಆಧಾರದ ಮೇಲೆ ಓರ್ವ ವ್ಯಕ್ತಿಗೆ ಎಷ್ಟು ಮದುವೆಯಾಗುತ್ತದೆ ಎಂದು ಅಂದಾಜು ಮಾಡಬಹುದು. ಆದರೆ ಎಲ್ಲರೂ ನನ್ನನ್ನು ಬೈಯುತ್ತಾರೆ. ಆದರೆ ಇದನ್ನು ಯಾರು ಬೇಕು ಅಂತ ಮಾಡೋದಿಲ್ಲ. ಪವನ್ ಕಲ್ಯಾಣ್ ಅವರಿಗೆ ಈಗಾಗಲೇ ಮೂರು ಮದುವೆಯಾಗಿದೆ. ಆದರೆ ಅವರಿಗೆ ಇನ್ನೊಂದು ಮದುವೆಯಾಗುವ ಅವಕಾಶವಿದೆ. ಆದರೆ ಅದು ಯಾವಾಗ ಆಗುತ್ತೆ ಅನ್ನೋದು ಕಾದುನೋಡಬೇಕು. ಇದು ಒಂದು ತಿಂಗಳಿಗೋ, ವರ್ಷದೊಳಗೋ ಆಗುತ್ತೆ ನೋಡೋಣಾ ಎಂದು ವೇಣುಸ್ವಾಮಿ ಭವಿಷ್ಯ ನುಡಿದಿದ್ದರು.

'2024 ಜೂನ್‌ ವರೆಗೂ ಪವನ್ ಕಲ್ಯಾಣ್ ಅವರಿಗೆ ಮತ್ತೊಂದು ಮದುವೆಯಾಗುವ ಅವಕಾಶವಿಲ್ಲ. ಚುನಾವಣೆ ಮುಗಿಯುವ ವರೆಗೂ ಆಗೋದಿಲ್ಲ. ಇದು ಅವರ ವೈಯುಕ್ತಿಕ ವಿಚಾರ, ಇದರಲ್ಲಿ ನಾನು ರಾಜಕೀಯ ಮಾಡುತ್ತಿಲ್ಲ. ಏಕೆಂದರೆ ಅದು ಅವರ ನಿರ್ಧಾರ. ಆದರೆ ಅವರ ಜೀವನದಲ್ಲಿ ಇನ್ನಷ್ಟು ವಿವಾದಗಳು ಇದೆ ಅನ್ನೋದು ಮಾತ್ರ ಹೇಳುತ್ತಿದ್ದೇನೆ. ಆದರೆ 2024 ಜೂನ್ ವರೆಗೂ ಅವರಿಗೆ ಇದರ ಅವಕಾಶವಿಲ್ಲ, ಆ ಬಳಿಕ ಕುಡಿಬರಬಹುದು' ಎಂದು 2023ರಲ್ಲಿ ನೀಡಿದ್ದ ಸಂದರ್ಶನವೊಂದರಲ್ಲಿ ವೇಣುಸ್ವಾಮಿ ಶಾಕಿಂಗ್ ಭವಿಷ್ಯ ನುಡಿದ್ದರು.

2024ರಲ್ಲಿ ನೀಡಿದ್ದ ಮತ್ತೊಂದು ಸಂದರ್ಶನದಲ್ಲಿಯೂ ಈ ಬಗ್ಗೆ ಮಾತನಾಡಿ, 'ಪವನ್ ಕಲ್ಯಾಣ್ ಮೂರು ಮದುವೆಯಾಗಿದ್ದಾರೆ ಎಂದು ಹೇಳಿದ್ದಕ್ಕೆ ಅವರು ಏನು ಫೀಲಾದ್ರಾ? ನೀವು ಕೂಡ ಮಾಡಿಕೊಳ್ಳಿ ಎಂದಷ್ಟೇ ಹೇಳಿದ್ದರು. ನಾನು ಅವರ ಜಾತಕ ನೋಡಿ ನಾಲ್ಕನೇ ಮದುವೆಯ ಯೋಗವಿದೆ ಎಂದು ಹೇಳುತ್ತಿದ್ದೇನೆ, ಇದು ನನ್ನ ಅಭಿಪ್ರಾಯ. ಅವರಿಗೆ ಇಲ್ಲ ಕಷ್ಟ ನಿಮಗೆ ಯಾಕೆ?' ಎಂದು ವೇಣುಸ್ವಾಮಿ ಹೇಳಿದ್ದರು.

ಸದ್ಯ ಪವನ್ ಕಲ್ಯಾಣ್ ಮತ್ತು ಅನ್ನಾ ದಂಪತಿ ವಿಚ್ಛೇದನ ಅಧಿಕೃತವಾಗುತ್ತಿದ್ದಂತೆ ವೇಣುಸ್ವಾಮಿ ತಮ್ಮ ಸಂದರ್ಶನದ ವಿಡಿಯೋವನ್ನು ಮತ್ತೆ ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ. ನಾನು ಈ ಹಿಂದೆ ಈ ಬಗ್ಗೆ ಮಾತನಾಡಿದ್ದೆ ಎಂದು ವರ್ಷವನ್ನು ನಮೂಸಿದಿದ್ದಾರೆ. ಆದರೆ ಪವನ್ ಕಲ್ಯಾಣ್ ಅಭಿಮಾನಿಗಳು, ಜನಸೇನಾ ಪಕ್ಷದ ಕಾರ್ಯಕರ್ತರು ಯಾವ ರೀತಿ ರಿಯಾಕ್ಟ್ ಮಾಡ್ತಾರೆ ಅನ್ನೋ ಭಯದಿಂದ ತಮ್ಮ ಸಾಮಾಜಿಕ ಜಾಲತಾಣದ ಪೋಸ್ಟ್ಗೆ ಕಾಮೆಂಟ್ ಗಳನ್ನು ಆಫ್ ಮಾಡಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.

Astrologer Venu Swamy had predicted this a long time ago.

#PawanKalyan https://t.co/bTdmE32cQy

— Filmyscoops (@Filmyscoopss) November 10, 2026

Visionary Venu Swamy https://t.co/vKmb6HooDy

— _ (@2029YSJ) November 10, 2026

ಪವನ್ ಕಲ್ಯಾಣ್ ಅನ್ನ ಕೊನಿಡೇಲಾ 13 ವರ್ಷಗಳ ದಾಂಪತ್ಯ ಅಂತ್ಯ, ಡಿವೋರ್ಸ್‌ಗೆ ನಿಜವಾದ ಕಾರಣಗಳೇನು?

Ravi Janekal — Tue, 10 Nov 2026 11:30:50 +0530

ಪವನ್ ಕಲ್ಯಾಣ್(Pawan Kalyan) ಅನ್ನ ಕೊನಿಡೇಲಾ(Anna Konidela) ಅವರ ವಿಚ್ಛೇದನ ನಿರ್ಧಾರ ಹೊರಬಿಳುತ್ತಿದ್ದಂತೆ ಟಾಲಿವುಡ್‌ನಲ್ಲಿ ಬಿರುಗಾಳಿ ಎಬ್ಬಿಸಿದೆ. ಪವನ್ ಕಲ್ಯಾಣ್ ಅವರ ಈ ನಿರ್ಧಾರಿಂದಾಗಿ ಅವರ ಅಭಿಮಾನಿಗಳು, ನೆಟಿಜನ್ ಗಳು ಭಾವುಕರಾಗಿದ್ದಾರೆ.

ಹೌದು ಪ್ರಸ್ತುತ ಆಂಧ್ರಪ್ರದೇಶ ಉಪಮುಖ್ಯಮಂತ್ರಿ ಆಗಿರುವ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅವರ ಪತ್ನಿ ಅನ್ನಾ ಲೆಜಿನೋವಾ ಕೊನಿಡೇಲಾ ಅವರೊಂದಿಗಿನ ದಾಂಪತ್ಯ ಕೊನೆಗೊಳಿಸುವುದಾಗಿ ಘೋಷಣೆ ಮಾಡಿದ್ದಾರೆ. ಈ ಬೆಳವಣಿಗೆ ಅಭಿಮಾನಿಗಳಿಗೆ ಶಾಕ್ ಮೂಡಿಸಿದೆ. ಈ ಬಗ್ಗೆ ನಿನ್ನೆ(ನವೆಂಬರ್ 9,ಸೋಮವಾರ) ದೀಪಾವಳಿಯ ಸಂಭ್ರಮದ ನಡುವೆಯೇ ಪವನ್ ಮತ್ತು ಪತ್ನಿ ಇಬ್ಬರೂ ಜಂಟಿಯಾಗಿ ಘೋಷಿಸಿರುವುದು ನೆಟಿಜನ್, ಫ್ಯಾನ್ಸ್ ಬೆಚ್ಚಿಬಿದ್ದಿದ್ದಾರೆ. ಏಕಿಂತ ನಿರ್ಧಾರ? ಎಲ್ಲವೂ ಚೆನ್ನಾಗಿತ್ತಲ್ಲ? ಎಂದು ಪ್ರಶ್ನಿಸಿದ್ದಾರೆ. ನಿನ್ನೆ ರಾತ್ರಿಯಿಂದ ಅಭಿಮಾನಿಗಳು ನೆಟಿಜನ್‌ಗಳು ಪವನ್ ಕಲ್ಯಾಣ್ ಅನ್ನ ಕೊನಿಡೆಲಾ ದಾಂಪತ್ಯ ಮುರಿದುಬಿಳಲು ನಿಜವಾದ ಕಾರಣಗಳೇನು ಎಂದು ಹುಡುಕಲಾರಂಭಿಸಿದ್ದಾರೆ. #Pawankalyan ಮತ್ತು #Divorce ಎಂಬ ಟ್ಯಾಗ್‌ಗಳು 'X' ನಲ್ಲಿ ಟ್ರೆಂಡಿಂಗ್ ಆಗಿವೆ.

ಹಾಗಾದರೆ ಪವನ್ ಕಲ್ಯಾಣ್ ಡೈವೋರ್ಸ್ ನಿರ್ಧಾರಕ್ಕೆ ನಿಜವಾದ ಕಾರಣಗಳೇನು?

ಪವನ್ ಮತ್ತು ಅನಾ ಕೊನಿಡೇಲಾ ತುಂಬಾ ಆತ್ಮೀಯರಾಗಿದ್ದರು. ಇತ್ತೀಚೆಗೆ ಚುನಾವಣೆಯಲ್ಲಿ ಪವನ್ ಕಲ್ಯಾಣ ಗೆದ್ದಾಗಲು, ಚುನಾವಣೆ ಸಂದರ್ಭದಲ್ಲೂ ಪತಿಯ ಜೊತೆಗೆ ಖುಷಿಯಿಂದ ಹೆಜ್ಜೆ ಹಾಕಿದ್ದವರು. ಆದರೆ ಇದಕ್ಕಿದ್ದಂತೆ ಏಕಾಏಕಿ ಡೈವೋರ್ಸ್ ನಿರ್ಧಾರ ಏಕೆ ಘೋಷಣೆ ಮಾಡಿದರು ಅನ್ನೋದೀಗ ಅಭಿಮಾನಿಗಳಿಗೆ ಶಾಕ್ ಆಗಿದೆ.

ಪವನ್ ಕಲ್ಯಾಣ್ ರಾಜಕೀಯ, ಹೋರಾಟ, ಪ್ರತಿಭಟನೆಗಳೆಂದು ಬ್ಯುಸಿಯಾಗಿದ್ದಾಗಲೂ ಪತ್ನಿ ಅವರನ್ನು ಸಂಪೂರ್ಣವಾಗಿ ಬೆಂಬಲಿಸಿದ್ದರು. ಮೈತ್ರಿ ಗೆದ್ದು ಪವನ್ ಕಲ್ಯಾಣ್ ಉಪಮುಖ್ಯಮಂತ್ರಿಯಾದಾಗ ಹೆಚ್ಚು ಸಂತೋಷ ಪಟ್ಟವರು ಅನ್ನಾ ಕೊನಿಡೇಲಾ ಅವರೇ. ಅಂದು ಗೆದ್ದ ಖುಷಿಯಲ್ಲಿ ಇಬ್ಬರೂ ಮೆಗಾಸ್ಟಾರ್ ಚಿರಂಜೀವಿ ಅವರ ಬಳಿಗೆ ಹೋಗಿ ಆಶೀರ್ವಾದ ಪಡೆದಿದ್ದರು. ಆಗಿನ ಆ ಸುಂದರ ಕ್ಷಣಗಳನ್ನು ಅಭಿಮಾನಿಗಳು ಇಂದು ಮತ್ತೆ ಹಂಚಿಕೊಳ್ಳುತ್ತಿದ್ದಾರೆ.

ಇನ್ನೊಂದು ವಿಷಯ ಹೇಳಬೇಕು. ಅದೇನೆಂದರೆ ಪವನ್ ಕಲ್ಯಾಣ್ ಅವರ ಮಗ ಮಾರ್ಕ್ ಶಂಕರ್ ಬೆಂಕಿ ಅವಘಡದಿಂದ ಬದುಕುಳಿದಿದ್ದು ಪವಾಡ. ಆ ಘಟನೆಯಿಂದ ಚೇತರಿಸಿಕೊಂಡ ನಂತರ ಪವನ್-ಅನ್ನಾ ಇಬ್ಬರೂ ತಿರುಮಲಕ್ಕೆ ಹೋಗಿ ಪೂಜೆ ಸಲ್ಲಿಸಿದರು. ಹಿಂದೂ ಸಂಪ್ರದಾಯ ಮತ್ತು ಸಂಸ್ಕೃತಿಯನ್ನು ಅನುಸರಿಸಿ ಅಂದು ತಿರುಪತಿಯಲ್ಲಿ ಕೂದಲು ಮುಡಿ ಕೊಟ್ಟು ತಲೆ ಬೋಳಿಸಿಕೊಂಡು ಭಗವಂತನನ್ನ ಬೇಡಿದ್ದರು, ಭಕ್ತರಿಗೆ ಅನ್ನದಾನ ಮಾಡಿದ್ದರು. ಅಷ್ಟೊಂದು ಅನೋನ್ಯವಾಗಿದ್ದ ದಂಪತಿಗಳು ಇದೀಗ ಏಕಾಏಕಿ ಡೈವೋರ್ಸ್ ನಿರ್ಧಾರಕ್ಕೆ ಬಂದಿದ್ದೇಕೆ? ಬರಲು ಹೇಗೆ ಸಾಧ್ಯ? ದಾಂಪತ್ಯದಲ್ಲಿ ಅಂತಹದ್ದೇನಾಯ್ತು ಎಂಬ ಅಚ್ಚರಿ ಪ್ರಶ್ನೆಗಳು ಎದ್ದಿವೆ. ಹಳೆಯ ವಿಡಿಯೋಗಳು ವೈರಲ್ ಆಗುತ್ತಿವೆ.

ಅನಾ ಲೆಜಿನೋವಾ ಹೆಸರು ಬದಲಾವಣೆ

ಇತ್ತೀಚೆಗೆ ಇನ್‌ಸ್ಟಾಗ್ರಾಮ್ ಖಾತೆ ತೆರೆದಿರುವ ಅನಾ ಲೆಜಿನೋವಾ... ತಮ್ಮ ಹೆಸರನ್ನು ಅನಾ ಕೊನಿಡೇಲಾ ಎಂದು ಬದಲಾಯಿಸಿಕೊಂಡಿದ್ದಾರೆ. ಮೆಗಾಸ್ಟಾರ್ ಚಿರು ತಮ್ಮ ಹುಟ್ಟುಹಬ್ಬದಂದು ಸ್ಪೆಷಲ್ ವಿಶ್ ಸಂದೇಶ ಕಳಿಸಿದ್ದರು. ಪತ್ನಿಗೆ ಕುಟುಂಬದ ಬಗ್ಗೆಯೂ ಅಪಾರ ಗೌರವವಿತ್ತು. ಇದಕ್ಕೆ ಸಾಕ್ಷಿ ಎಂಬಂತೆ ಅವರ ಹಿಂದಿನಿಂದಲೂ ಪವನ್ ಜೊತೆಗಿನ ವಿಡಿಯೋಗಳನ್ನು ಶೇರ್ ಮಾಡಿಕೊಳ್ಳುತ್ತಿದ್ದರು. ಆದರೆ ಡೈವೋರ್ಸ್ ಘೋಷಣೆ ಮಾಡುವ ಸಮಯದಲ್ಲಿ ಅನಾ ಕೊನಿಡೇಲಾ ಅವರ ಇನ್‌ಸ್ಟಾಗ್ರಾಮ್ ಅಕೌಂಟ್ ಕಾಣಿಸಲೇ ಇಲ್ಲ! ಡೈವೋರ್ಸ್ ಖಚಿತವಾಗುತ್ತಿದ್ದಂತೆ ಖಾತೆ ನಿಷ್ಕ್ರಿಯಗೊಳಿಸಿದರೇ ಎಂದು ನೆಟಿಜನ್ ಅವರ ಇನ್‌ಸ್ಟಾ ಅಕೌಂಟ್ ಹುಡುಕಲಾರಂಭಿಸಿದ್ದಾರೆ.

ಪವನ್-ಅನ್ನಾ ಡೈವೋರ್ಸ್ ಅಭಿಮಾನಿಗಳಿಗೆ ಶಾಕ್

ಪವನ್ ಕಲ್ಯಾಣ್ ರಾಜಕೀಯದಲ್ಲಿ ಬ್ಯುಸಿಯಾಗಿದ್ದರು ಯಾವಾಗಲೂ ಪತ್ನಿಯೊಂದಿಗೆ ಪ್ರೀತಿಯಿಂದಲೇ ಇರುತ್ತಿದ್ದರು. ಎಷ್ಟೇ ಬ್ಯುಸಿ ಶೆಡ್ಯುಲ್ ಇದ್ದಾಗಲೂ ಪತ್ನಿ, ಮಕ್ಕಳಿಗಾಗಿ ಸಮಯ ಕೊಡುತ್ತಿದ್ದರು. ಚುನಾವಣೆಯಲ್ಲಿ ಗೆದ್ದು ಉಪಮುಖ್ಯಮಂತ್ರಿ ಹುದ್ದೆಗೇರಿದ ಮೇಲೂ ಕುಟುಂಬವನ್ನು ನಿರ್ಲಕ್ಷಿಸಲಿಲ್ಲ. ಪತ್ನಿ ಅನ್ನಾ ಕೂಡ ಪತಿ ಪವನ್ ಕಲ್ಯಾಣ್ ಅವರನ್ನ ಎಲ್ಲ ರೀತಿಯಲ್ಲೂ ಬೆನ್ನಿಗೆ ನಿಂತು ಬೆಂಬಲಿಸಿದರು. ಪವನ್ ಕಲ್ಯಾಣ್ ಮೇಲೆ ತುಂಬಾ ಪ್ರೀತಿ, ಗೌರವ ತೋರಿಸಿದ್ದ ಅನ್ನಾ.. ಇಂಥ ವಿಶಿಷ್ಠ ಗುಣದಿಂದಲೇ ಅವರು ಪವನ್ ಅಭಿಮಾನಿಗಳು ಅರಾಧಿಸುತ್ತಿದ್ದರು.

ಪವನ್ ಕಲ್ಯಾಣ್ ಅನ್ನಾ ಡೈವೋರ್ಸ್ ತಡೆಯಲು ನಾವು ಯಾರು?

ಆದರೆ ಇದೀಗ ಏಕಾಏಕಿ ಸೋಮವಾರ ರಾತ್ರಿ ಜಂಟಿಯಾಗಿ ಡೈವೋರ್ಸ್ ಘೋಷಿಸಿದಾಗ ಅಭಿಮಾನಿಗಳಿಗೆ ಅದನ್ನು ಅರಗಿಸಿಕೊಳ್ಳಲು ಆಗುತ್ತಿಲ್ಲ. 'ದೇವರೇ, ಈ ಡೈವೋರ್ಸ್ ವಿಚಾರ ಸುಳ್ಳಾಗಲಿ..' ಎಂದು ಬೇಡುತ್ತಿದ್ದಾರೆ. ಆದರೆ ಇನ್ನು ಕೆಲವರು 'ಇದು ಅವರ ವೈಯಕ್ತಿಕ ವಿಷಯ. ದಾಂಪತ್ಯದಲ್ಲಿ ಏನು ವಿರಸ ಮೂಡಿದೆಯೋ ಅವರಿಗೆ ಗೊತ್ತು. ಹೀಗಾಗಿ ಒಪ್ಪಿಗೆ ಮೂಲಕ ಡೈವೋರ್ಸ್ ಆಗುತ್ತಿದ್ದರೆ ಆಗಲಿ ಬಿಡಿ, ಅದನ್ನು ನಿರ್ಣಯಿಸಲು ನಾವ್ಯಾರು?' ಎಂದು ಕಾಮೆಂಟ್ ಮಾಡುತ್ತಿದ್ದಾರೆ

2028ರಲ್ಲಿ ಮತ್ತೆರಡು ಐಪಿಎಲ್ ತಂಡಗಳು ಸೇರ್ಪಡೆ? ಮುಂಚೂಣಿ ರೇಸ್‌ನಲ್ಲಿವೆ ಕರ್ನಾಟಕದ ಪಕ್ಕದ ನಗರ ಸೇರಿ ಈ 2 ಸಿಟಿಗಳು..!

Naveen Kodase — Tue, 10 Nov 2026 11:09:02 +0530

ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್‌ (ಐಪಿಎಲ್‌) ವ್ಯಾಪ್ತಿಯನ್ನು ಮತ್ತಷ್ಟು ವಿಸ್ತರಿಸಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಚಿಂತನೆ ನಡೆಸುತ್ತಿದೆ. 2028ರ ಆವೃತ್ತಿಯಿಂದ ಕನಿಷ್ಠ ಎರಡು ಹೊಸ ಫ್ರಾಂಚೈಸಿಗಳನ್ನು ಸೇರ್ಪಡೆಗೊಳಿಸುವ ಸಾಧ್ಯತೆಗಳ ಬಗ್ಗೆ ಮಂಡಳಿ ಪರಿಶೀಲಿಸುತ್ತಿದೆ ಎಂದು ವರದಿಯಾಗಿದೆ.

ಕರ್ನಾಟಕದ ನೆರೆಯ ನಗರವಾದ ಪುಣೆ ಮತ್ತು ವಡೋದರಾ ನಗರಗಳು ಹೊಸ ತಂಡಗಳ ಸಂಭಾವ್ಯ ತಾಣಗಳಾಗಿ ಮುನ್ನೆಲೆಗೆ ಬಂದಿವೆ. ಆದರೆ, ಈ ಕುರಿತು ಚರ್ಚೆಗಳು ಆರಂಭಿಕ ಹಂತದಲ್ಲಿದ್ದು, ಅಂತಿಮವಾಗಿ ಆಯ್ಕೆಯಾಗುವ ನಗರಗಳು ಬದಲಾಗುವ ಸಾಧ್ಯತೆಯೂ ಇದೆ ಎಂದು ಬೆಳವಣಿಗೆಗಳ ಬಗ್ಗೆ ಮಾಹಿತಿ ಹೊಂದಿರುವ ವ್ಯಕ್ತಿಗಳನ್ನು ಉಲ್ಲೇಖಿಸಿ 'ಮಿಂಟ್‌' ವರದಿ ಮಾಡಿದೆ.

2028ರಿಂದ 2032ರವರೆಗಿನ ಮುಂದಿನ ಐಪಿಎಲ್ ಮಾಧ್ಯಮ ಹಕ್ಕುಗಳ ಸೈಕಲ್‌ನೊಂದಿಗೆ ಹೊಸ ತಂಡಗಳ ಸೇರ್ಪಡೆ ಪ್ರಕ್ರಿಯೆ ಹೊಂದಾಣಿಕೆಯಾಗುವ ನಿರೀಕ್ಷೆಯಿದೆ. ಹೆಚ್ಚುತ್ತಿರುವ ಹೂಡಿಕೆ ಆಸಕ್ತಿಯ ಹಿನ್ನೆಲೆಯಲ್ಲಿ ಪ್ರತಿ ಹೊಸ ಫ್ರಾಂಚೈಸಿಯ ಮೌಲ್ಯ 1 ಬಿಲಿಯನ್ ಡಾಲರ್‌ಗಿಂತ (ಸುಮಾರು 8,000 ಕೋಟಿ ರೂ.ಗೂ ಅಧಿಕ) ಹೆಚ್ಚಾಗಬಹುದು ಎಂದು ವರದಿ ತಿಳಿಸಿದೆ.

ಹೊಸ ತಂಡಗಳ ಖರೀದಿಗೆ ಜಾಗತಿಕ ಹೂಡಿಕೆದಾರರ ಆಸಕ್ತಿ

ಹೊಸ ಐಪಿಎಲ್ ತಂಡಗಳ ಖರೀದಿಗೆ ದೇಶೀಯ ಉದ್ಯಮ ಸಮೂಹಗಳ ಜತೆಗೆ ಅಂತಾರಾಷ್ಟ್ರೀಯ ಹೂಡಿಕೆ ಸಂಸ್ಥೆಗಳೂ ಆಸಕ್ತಿ ತೋರಿಸುತ್ತಿವೆ ಎನ್ನಲಾಗಿದೆ. ಖಾಸಗಿ ಇಕ್ವಿಟಿ ಸಂಸ್ಥೆ ಪರ್ಮಿರಾ (Permira), ಪಶ್ಚಿಮ ಏಷ್ಯಾದ ಸಾರ್ವಭೌಮ ಸಂಪತ್ತು ನಿಧಿಗಳು, ಏಷ್ಯಾದ ಸರ್ಕಾರಿ ಬೆಂಬಲಿತ ಹೂಡಿಕೆ ಸಂಸ್ಥೆಗಳು, ಅಮೆರಿಕ ಮೂಲದ ಫ್ಯಾಮಿಲಿ ಆಫೀಸ್‌ಗಳು ಹಾಗೂ ಭಾರತದ ಪ್ರಮುಖ ಉದ್ಯಮ ಸಮೂಹಗಳು ಸಂಭಾವ್ಯ ಹೂಡಿಕೆದಾರರ ಪಟ್ಟಿಯಲ್ಲಿವೆ ಎಂದು 'ಮಿಂಟ್‌' ವರದಿ ಹೇಳಿದೆ. ಅತಿ ಹೆಚ್ಚಿನ ಸಂಪತ್ತು ಹೊಂದಿರುವ ವ್ಯಕ್ತಿಗಳೂ ಹೊಸ ತಂಡಗಳಲ್ಲಿ ಹೂಡಿಕೆ ಮಾಡಲು ಆಸಕ್ತಿ ತೋರಿಸುತ್ತಿದ್ದಾರೆ. ಕೆಲವರು ಅಲ್ಪ ಪ್ರಮಾಣದ ಷೇರು ಪಾಲನ್ನು ಖರೀದಿಸುವ ಸಾಧ್ಯತೆಗಳನ್ನೂ ಪರಿಶೀಲಿಸುತ್ತಿದ್ದಾರೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ವಡೋದರಾ ಆಯ್ಕೆಗೆ ಗುಜರಾತ್‌ನ ಕ್ರೀಡಾ ಮಹತ್ವಾಕಾಂಕ್ಷೆ ಕಾರಣ?

ಐಪಿಎಲ್‌ನ ಸಂಭಾವ್ಯ ತಾಣವಾಗಿ ವಡೋದರಾ ಹೆಸರು ಕೇಳಿಬರುತ್ತಿರುವುದು ಗುಜರಾತ್‌ ರಾಜ್ಯವು ಕ್ರೀಡಾ ಕೇಂದ್ರವಾಗಿ ತನ್ನ ಸ್ಥಾನವನ್ನು ಬಲಪಡಿಸಲು ನಡೆಸುತ್ತಿರುವ ಪ್ರಯತ್ನಗಳ ನಡುವೆಯೇ ಮಹತ್ವ ಪಡೆದಿದೆ. ವಡೋದರಾ ನಗರವು ಅಹಮದಾಬಾದ್‌ನಿಂದ ಸುಮಾರು 110 ಕಿ.ಮೀ. ದೂರದಲ್ಲಿದೆ. ಗುಜರಾತ್ ಟೈಟಾನ್ಸ್ ತಂಡ ತನ್ನ ತವರಿನ ಪಂದ್ಯಗಳನ್ನು ಅಹಮದಾಬಾದ್‌ನಲ್ಲಿ ಆಡುತ್ತದೆ.

ಇದಲ್ಲದೆ, 2036ರ ಒಲಿಂಪಿಕ್ಸ್‌ ಆತಿಥ್ಯ ವಹಿಸುವ ಭಾರತದ ಮಹತ್ವಾಕಾಂಕ್ಷೆಯ ಹಿನ್ನೆಲೆಯಲ್ಲಿ ಅಹಮದಾಬಾದ್‌ನಲ್ಲಿ ಅಂತಾರಾಷ್ಟ್ರೀಯ ಮಟ್ಟದ ಕ್ರೀಡಾ ಮೂಲಸೌಕರ್ಯ ಅಭಿವೃದ್ಧಿಪಡಿಸುವ ಗುರಿಯನ್ನೂ ಕೇಂದ್ರ ಸರ್ಕಾರ ಪ್ರಸ್ತಾಪಿಸಿದೆ. ಸೆಪ್ಟೆಂಬರ್ 4ರಂದು ಬಿಡುಗಡೆಯಾದ ಸರ್ಕಾರಿ ಪ್ರಕಟಣೆಯಲ್ಲಿ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ನಗರದ ಕ್ರೀಡಾ ಮೂಲಸೌಕರ್ಯ ಅಭಿವೃದ್ಧಿಯ ಮಹತ್ವಾಕಾಂಕ್ಷೆಗಳ ಬಗ್ಗೆ ವಿವರಿಸಿದ್ದರು.

ಈ ಹಿಂದೆಯೂ ಐಪಿಎಲ್ ತಂಡಗಳಿಗೆ ತವರಾಗಿದ್ದ ಪುಣೆ

ಪುಣೆ ನಗರವು ವೃತ್ತಿಪರ ಕ್ರಿಕೆಟ್‌ನೊಂದಿಗೆ ದೀರ್ಘಕಾಲದ ನಂಟು ಹೊಂದಿದೆ. ಈ ಹಿಂದೆ ಎರಡು ಐಪಿಎಲ್ ಫ್ರಾಂಚೈಸಿಗಳಿಗೆ ಆತಿಥ್ಯ ವಹಿಸಿದ ಅನುಭವವೂ ಅದಕ್ಕಿದೆ. ಸಹಾರಾ ಗ್ರೂಪ್ ಮಾಲೀಕತ್ವದ ಪುಣೆ ವಾರಿಯರ್ಸ್ ಇಂಡಿಯಾ ತಂಡ 2011ರಿಂದ 2013ರವರೆಗೆ ಐಪಿಎಲ್‌ನಲ್ಲಿ ಆಡಿತ್ತು. ಆದರೆ, ಫ್ರಾಂಚೈಸಿ ಶುಲ್ಕ ಪಾವತಿಗೆ ಸಂಬಂಧಿಸಿದಂತೆ ಬಿಸಿಸಿಐ ಜತೆ ಆರ್ಥಿಕ ಭಿನ್ನಾಭಿಪ್ರಾಯ ಉಂಟಾದ ಹಿನ್ನೆಲೆಯಲ್ಲಿ ತಂಡ ಟೂರ್ನಿಯಿಂದ ಹಿಂದೆ ಸರಿದಿತ್ತು. ನಂತರ 2016 ಮತ್ತು 2017ರಲ್ಲಿ ರೈಸಿಂಗ್ ಪುಣೆ ಸೂಪರ್‌ಜೈಂಟ್ ತಂಡಕ್ಕೆ ಪುಣೆ ತವರಾಗಿತ್ತು. ಆ ಸಂದರ್ಭದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ ತಂಡಗಳು ಅಮಾನತುಗೊಂಡಿದ್ದವು. 2017ರಲ್ಲಿ ಫೈನಲ್ ತಲುಪಿದ್ದ ರೈಸಿಂಗ್ ಪುಣೆ ಸೂಪರ್‌ಜೈಂಟ್, ಮುಂಬೈ ಇಂಡಿಯನ್ಸ್ ವಿರುದ್ಧ ಕೇವಲ ಒಂದು ರನ್‌ನಿಂದ ಸೋಲು ಕಂಡಿತ್ತು.

ಆರ್‌ಸಿಬಿ, ರಾಜಸ್ಥಾನ್ ರಾಯಲ್ಸ್ ಮಾರಾಟದಿಂದ ಹೆಚ್ಚಿದ ಫ್ರಾಂಚೈಸಿಗಳ ಮೌಲ್ಯ

ಐಪಿಎಲ್ ವಿಸ್ತರಣೆಯ ಚರ್ಚೆ ನಡೆಯುತ್ತಿರುವ ಬೆನ್ನಲ್ಲೇ ಎರಡು ಪ್ರಮುಖ ಫ್ರಾಂಚೈಸಿಗಳ ಮಾಲೀಕತ್ವ ಬದಲಾವಣೆಯ ಒಪ್ಪಂದಗಳು ತಂಡಗಳ ಮೌಲ್ಯವನ್ನು ಮತ್ತಷ್ಟು ಹೆಚ್ಚಿಸಿವೆ. ಡಯಾಜಿಯೊ ಸಂಸ್ಥೆಯ ಭಾರತೀಯ ಅಂಗಸಂಸ್ಥೆಯಾದ ಯುನೈಟೆಡ್ ಸ್ಪಿರಿಟ್ಸ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡವನ್ನು ಆದಿತ್ಯ ಬಿರ್ಲಾ ಗ್ರೂಪ್, ಬೆನೆಟ್ ಕೋಲ್ಮನ್ ಆ್ಯಂಡ್ ಕಂಪನಿ, ಬ್ಲ್ಯಾಕ್‌ಸ್ಟೋನ್ ಹಾಗೂ ಬೋಲ್ಟ್ ವೆಂಚರ್ಸ್‌ ಒಳಗೊಂಡ ಒಕ್ಕೂಟಕ್ಕೆ ಮಾರಾಟ ಮಾಡಲು ಒಪ್ಪಂದ ಮಾಡಿಕೊಂಡಿದೆ. ಈ ವಹಿವಾಟಿನಲ್ಲಿ ಆರ್‌ಸಿಬಿ ತಂಡದ ಮೌಲ್ಯ 1.78 ಬಿಲಿಯನ್ ಡಾಲರ್ ಎಂದು ಅಂದಾಜಿಸಲಾಗಿದೆ.

ಇನ್ನೊಂದೆಡೆ, ಲಕ್ಷ್ಮಿ ಮಿತ್ತಲ್ ಕುಟುಂಬ ಮತ್ತು ಆದಾರ್ ಪೂನಾವಾಲಾ ನೇತೃತ್ವದ ಒಕ್ಕೂಟವು ರಾಜಸ್ಥಾನ್ ರಾಯಲ್ಸ್ ತಂಡವನ್ನು ಖರೀದಿಸಿದೆ. ಈ ಒಪ್ಪಂದದಲ್ಲಿ ತಂಡದ ಮೌಲ್ಯ 1.65 ಬಿಲಿಯನ್ ಡಾಲರ್ ಎಂದು ನಿಗದಿಯಾಗಿದೆ. ಎರಡು ವಹಿವಾಟುಗಳು ಐಪಿಎಲ್‌ಗೆ ಸೇರ್ಪಡೆಯಾಗಲಿರುವ ಹೊಸ ತಂಡಗಳ ಮೌಲ್ಯವೂ ಅತ್ಯಧಿಕ ಮಟ್ಟದಲ್ಲಿರಲಿದೆ ಎಂಬ ನಿರೀಕ್ಷೆಯನ್ನು ಹೆಚ್ಚಿಸಿವೆ.

2022ರಲ್ಲಿ ಕೊನೆಯ ಬಾರಿಗೆ ವಿಸ್ತರಣೆ ಕಂಡಿದ್ದ ಐಪಿಎಲ್ 2022ರ ಆವೃತ್ತಿಗೂ ಮುನ್ನ ಐಪಿಎಲ್‌ನಲ್ಲಿ ಕೊನೆಯ ಬಾರಿಗೆ ತಂಡಗಳ ಸಂಖ್ಯೆ ಹೆಚ್ಚಿಸಲಾಗಿತ್ತು. ಆಗ ಬಿಸಿಸಿಐ ಎರಡು ಹೊಸ ಫ್ರಾಂಚೈಸಿಗಳಿಗೆ ಹಕ್ಕು ನೀಡಿತ್ತು. ಲಖನೌ ಸೂಪರ್ ಜೈಂಟ್ಸ್ ತಂಡವನ್ನು ಆರ್‌ಪಿಎಸ್‌ಜಿ ಗ್ರೂಪ್ 940 ಮಿಲಿಯನ್ ಡಾಲರ್‌ಗೆ ಖರೀದಿಸಿತ್ತು. ಸಿವಿಸಿ ಕ್ಯಾಪಿಟಲ್ ಪಾರ್ಟ್‌ನರ್ಸ್‌ 750 ಮಿಲಿಯನ್ ಡಾಲರ್‌ಗೆ ಗುಜರಾತ್ ಟೈಟಾನ್ಸ್ ತಂಡದ ಮಾಲೀಕತ್ವ ಪಡೆದುಕೊಂಡಿತ್ತು.

ಆಟಗಾರರ ಲಭ್ಯತೆ, ಪ್ರಸಾರಕರ ಆಸಕ್ತಿಯೂ ನಿರ್ಣಾಯಕ

ಐಪಿಎಲ್ ವಿಸ್ತರಣೆಯ ಕುರಿತು ಬಿಸಿಸಿಐ ಅಂತಿಮ ನಿರ್ಧಾರ ಕೈಗೊಳ್ಳಲು ಹಲವು ವಾಣಿಜ್ಯ ಅಂಶಗಳನ್ನು ಪರಿಗಣಿಸಬೇಕಿದೆ. ಪ್ರಮುಖ ಭಾರತೀಯ ಆಟಗಾರರ ಲಭ್ಯತೆಯೂ ಇದರಲ್ಲಿ ನಿರ್ಣಾಯಕವಾಗಲಿದೆ. ಹೊಸ ತಂಡಗಳ ಸೇರ್ಪಡೆಯಿಂದ ಪಂದ್ಯಗಳ ಸಂಖ್ಯೆ ಹೆಚ್ಚಾಗಲಿದೆ. ಹೀಗಾಗಿ ಹೆಚ್ಚುವರಿ ಪಂದ್ಯಗಳ ಪ್ರಸಾರ ಹಕ್ಕುಗಳನ್ನು ಖರೀದಿಸಲು ಪ್ರಸಾರಕರು ಎಷ್ಟು ಆಸಕ್ತಿ ತೋರಿಸುತ್ತಾರೆ ಎಂಬುದೂ ಮುಖ್ಯವಾಗಲಿದೆ. ಪಂದ್ಯಗಳ ಸಂಖ್ಯೆ ಹೆಚ್ಚಾದಂತೆ ಮಾಧ್ಯಮ ಹಕ್ಕುಗಳನ್ನು ಪಡೆಯುವ ವೆಚ್ಚವೂ ಏರಿಕೆಯಾಗುವ ಸಾಧ್ಯತೆಯಿದೆ.

ಪ್ರಸ್ತುತ 2023ರಿಂದ 2027ರವರೆಗಿನ ಐಪಿಎಲ್ ಮಾಧ್ಯಮ ಹಕ್ಕುಗಳನ್ನು 6.2 ಬಿಲಿಯನ್ ಡಾಲರ್‌ಗೆ ಮಾರಾಟ ಮಾಡಲಾಗಿದೆ. ಪ್ರತಿ ಪಂದ್ಯಕ್ಕೆ ದೊರೆಯುವ ಆದಾಯದ ಲೆಕ್ಕದಲ್ಲಿ ಐಪಿಎಲ್ ವಿಶ್ವದ ಅತ್ಯಂತ ಮೌಲ್ಯಯುತ ಕ್ರೀಡಾ ಟೂರ್ನಿಗಳಲ್ಲಿ ಒಂದಾಗಿದೆ.

ಪೋಷಕರೇ, ಮಕ್ಕಳಿಗೆ ರಾಮಯಾಣ ತೋರಿಸಿ, ಮನೆಯಲ್ಲಿ ಈ ಪಾಠಗಳನ್ನು ಹೇಳಿಕೊಡಿ

Mahmad Rafik — Tue, 10 Nov 2026 11:00:46 +0530

ರಾಮಾಯಣವು ಪೋಷಕರ ಗೌರವ, ಸೋದರತ್ವ, ಮಹಿಳೆಯರಿಗೆ ಗೌರವ ಮತ್ತು ಸಂಬಂಧಗಳ ಮೌಲ್ಯವನ್ನು ಕಲಿಸುತ್ತದೆ. ಜೊತೆಗೆ ಸಾಧನೆಯ ಮಹತ್ವ ಮತ್ತು ಅವಸರದ ಅಪಾಯದಂತಹ ಪ್ರಮುಖ ನೀತಿಪಾಠಗಳನ್ನು ಮಕ್ಕಳಿಗೆ ತಿಳಿಸಿಕೊಡುವುದು ಅಗತ್ಯವಾಗಿದೆ.

"ಅಪ್ಪಾಜಿಯ ಆ ಮುಗ್ಧ ಮಗುವಿನಂತ ಮನಸ್ಸು..." ಡಾ.ರಾಜ್ ದೀಪಾವಳಿ ಕ್ಷಣ ನೆನೆದು ಭಾವುಕರಾದ ಶಿವಣ್ಣ!

Chandrashekar GS — Tue, 10 Nov 2026 10:26:21 +0530

ಪಟಾಕಿ ನೋಡುತ್ತಾ ಮಗುವಿನಂತೆ ಸಂಭ್ರಮಿಸುತ್ತಿದ್ದ ಅಪ್ಪಾಜಿ: ಶಿವಣ್ಣ ಹಂಚಿಕೊಂಡ ಅಪರೂಪದ ದೀಪಾವಳಿ ನೆನಪು!

ಕನ್ನಡ ಚಿತ್ರರಂಗದ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅವರಿಗೆ ದೀಪಾವಳಿ ಎಂದರೆ ಕೇವಲ ಬೆಳಕಿನ ಹಬ್ಬವಲ್ಲ. ಅದು ತಂದೆ ಡಾ. ರಾಜ್‌ಕುಮಾರ್ ಅವರೊಂದಿಗಿನ ಸುಂದರ ನೆನಪುಗಳು, ಕುಟುಂಬದ ಸಂಭ್ರಮ ಮತ್ತು ಬಾಲ್ಯದ ಸಿಹಿ ಕ್ಷಣಗಳ ಸಮ್ಮಿಲನ. ಈ ಬಾರಿಯ ದೀಪಾವಳಿ ಸಂದರ್ಭದಲ್ಲಿ ಶಿವಣ್ಣ ತಮ್ಮ ನೆಚ್ಚಿನ ಹಬ್ಬದ ನೆನಪುಗಳನ್ನು ಹಂಚಿಕೊಂಡಿದ್ದು, ಅಪ್ಪಾಜಿ ಪಟಾಕಿ ನೋಡುತ್ತಾ ಮಗುವಿನಂತೆ ಖುಷಿಪಡುತ್ತಿದ್ದ ದೃಶ್ಯವೇ ತಮ್ಮ ಅತ್ಯಂತ ಪ್ರೀತಿಯ ನೆನಪು ಎಂದು ಹೇಳಿದ್ದಾರೆ.

ಚೆನ್ನೈನಲ್ಲಿ ಅದ್ಧೂರಿಯಾಗಿ ನಡೆಯುತ್ತಿದ್ದ ದೀಪಾವಳಿ ಆಚರಣೆ

1970ರ ದಶಕದ ಆರಂಭದಲ್ಲಿ ರಾಜ್‌ಕುಮಾರ್ ಕುಟುಂಬ ಚೆನ್ನೈನಲ್ಲಿ ವಾಸವಾಗಿತ್ತು. ತಂದೆ-ತಾಯಿ, ಸಹೋದರರು ಮತ್ತು ಸುಮಾರು 22 ಜನ ಸೋದರ ಸಂಬಂಧಿಗಳಿಂದ ತುಂಬಿದ್ದ ಅವರ ಮನೆಯಲ್ಲಿ ಸದಾ ಸಂಭ್ರಮ ಮನೆಮಾಡಿರುತ್ತಿತ್ತು.

ದೀಪಾವಳಿ ಬಂದರೆ ಮನೆಯಷ್ಟೇ ಅಲ್ಲ, ಇಡೀ ಬೀದಿಯ ವಾತಾವರಣವೇ ಬದಲಾಗುತ್ತಿತ್ತು. ಚಿತ್ರರಂಗದ ಹಲವು ನಿರ್ಮಾಪಕರು ಕಾರುಗಳಲ್ಲಿ ಬಂದು ಡಾ. ರಾಜ್‌ಕುಮಾರ್ ಅವರಿಗೆ ಸಿಹಿತಿಂಡಿಗಳನ್ನು ನೀಡುತ್ತಿದ್ದರು. ಇದಕ್ಕೆ ಪ್ರತಿಯಾಗಿ ಅಪ್ಪಾಜಿ ಸಿಹಿತಿಂಡಿಗಳ ಜೊತೆಗೆ 20 ರೂಪಾಯಿ ನೋಟನ್ನು ನೀಡುತ್ತಿದ್ದರಂತೆ. ಅದನ್ನು ನಿರ್ಮಾಪಕರು ಅದೃಷ್ಟದ ಸಂಕೇತವೆಂದು ಭಾವಿಸುತ್ತಿದ್ದರು.

ಎಲ್ಲ ಮಕ್ಕಳಿಗೂ ಒಂದೇ ರೀತಿಯ ಹೊಸ ಬಟ್ಟೆ!

ಬೆಂಗಳೂರಿಗೆ ಸ್ಥಳಾಂತರಗೊಂಡ ನಂತರವೂ ಕುಟುಂಬದ ದೀಪಾವಳಿ ಸಂಭ್ರಮ ಮುಂದುವರಿಯಿತು. ಹಬ್ಬದ ಹಿಂದಿನ ದಿನವೇ ತಾಯಿ ಪಾರ್ವತಮ್ಮ ಅವರು ಕುಟುಂಬದ ಎಲ್ಲ ಮಕ್ಕಳಿಗೂ ಒಂದೇ ರೀತಿಯ ಬಟ್ಟೆಗಳನ್ನು ಖರೀದಿಸುತ್ತಿದ್ದರಂತೆ. ಪುಟ್ಟ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರೂ ಒಂದೇ ಬಗೆಯ ಉಡುಪು ಧರಿಸುತ್ತಿದ್ದರು. ಇದರಿಂದ ಕುಟುಂಬದಲ್ಲಿ ಯಾರಿಗೂ ಭೇದಭಾವವಿಲ್ಲ ಎಂಬ ಭಾವನೆ ಮೂಡುತ್ತಿತ್ತು ಎಂದು ಶಿವಣ್ಣ ನೆನಪಿಸಿಕೊಂಡಿದ್ದಾರೆ.

ಪಟಾಕಿ ನೋಡಿ ಮಗುವಿನಂತೆ ಖುಷಿಪಡುತ್ತಿದ್ದ ಅಪ್ಪಾಜಿ!

ಶಿವಣ್ಣ ಅವರ ಮನಸ್ಸಿನಲ್ಲಿ ಅಚ್ಚಳಿಯದೆ ಉಳಿದಿರುವುದು ಅಪ್ಪಾಜಿಯ ಪಟಾಕಿ ಸಂಭ್ರಮ. ರಾತ್ರಿ ಪಟಾಕಿ ಹೊಡೆಯುವ ಸಮಯದಲ್ಲಿ ಡಾ. ರಾಜ್‌ಕುಮಾರ್ ಮನೆಯ ಗೇಟ್ ಬಳಿ ಕುರ್ಚಿ ಹಾಕಿಕೊಂಡು ಕುಳಿತುಕೊಳ್ಳುತ್ತಿದ್ದರಂತೆ. ಆಕಾಶದಲ್ಲಿ ರಾಕೆಟ್ ಸಿಡಿಯುವುದನ್ನು ನೋಡುತ್ತಾ ಮಗುವಿನಂತೆ ಆಶ್ಚರ್ಯ ಮತ್ತು ಸಂತೋಷ ವ್ಯಕ್ತಪಡಿಸುತ್ತಿದ್ದರು.

ಅವರ ಆ ಮುಗ್ಧ ನಗು ಮತ್ತು ಅಚ್ಚರಿಯ ನೋಟವನ್ನು ನೆನಪಿಸಿಕೊಂಡರೆ ಇಂದಿಗೂ ರೋಮಾಂಚನವಾಗುತ್ತದೆ ಎಂದು ಶಿವಣ್ಣ ಹೇಳಿದ್ದಾರೆ. ಇಂದಿಗೂ ದೀಪಾವಳಿ ಬಂದಾಗ ಮನೆಯ ಗೇಟ್ ಬಳಿ ಕುರ್ಚಿ ಹಾಕಿಕೊಂಡು ಪಟಾಕಿ ನೋಡುವ ಮೂಲಕ ಅಪ್ಪಾಜಿಯ ನೆನಪನ್ನು ಜೀವಂತವಾಗಿಟ್ಟುಕೊಂಡಿದ್ದಾರೆ.

ಇಂದಿನ ದೀಪಾವಳಿ ಆಚರಣೆ ಹೇಗಿದೆ?

ಈಗ ಕುಟುಂಬದ ಯುವಜನರು ತಮ್ಮದೇ ಕುಟುಂಬ ಮತ್ತು ಸಂಪ್ರದಾಯಗಳಲ್ಲಿ ತೊಡಗಿರುವುದರಿಂದ ಹಬ್ಬದ ಆಚರಣೆ ಸ್ವಲ್ಪ ಸರಳವಾಗಿದೆ. ಪತ್ನಿ ಗೀತಾ ಮಾಡುವ ಅಡುಗೆ ಸವಿಯುತ್ತಾ, ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಸಮಯ ಕಳೆಯುವುದೇ ಈಗಿನ ಸಂಭ್ರಮ.

ಈ ದೀಪಾವಳಿಗೆ ತಮ್ಮ ಕುಟುಂಬದ ಎಲ್ಲರಿಗೂ ಉತ್ತಮ ಆರೋಗ್ಯ ಸಿಗಲಿ, ಸಮಾಜದ ಕಲ್ಯಾಣವಾಗಲಿ ಮತ್ತು ಮಹಿಳೆಯರಿಗೆ ಸುರಕ್ಷತೆ ದೊರೆಯಲಿ ಎಂಬುದೇ ತಮ್ಮ ಪ್ರಾರ್ಥನೆ ಎಂದು ಶಿವಣ್ಣ ತಿಳಿಸಿದ್ದಾರೆ.

ಸಂಪ್ರದಾಯ ಮರೆಯದ ವಿಜಯಲಕ್ಷ್ಮಿ; 'ದೀಪದ ಬೆಳಕು ಕುಟುಂಬದ ಕಷ್ಟ ದೂರ ಮಾಡಲಿ' ಎಂದ ದರ್ಶನ್ ಪತ್ನಿ!

Shriram Bhat — Tue, 10 Nov 2026 10:17:25 +0530

ಪತಿ ಜೊತೆಯಲ್ಲಿಲ್ಲದ ನೋವಿದ್ದರೂ ಹಬ್ಬದ ಸಂಪ್ರದಾಯವನ್ನು ಮರೆಯದೇ ದೀಪಾವಳಿ ಹಬ್ಬದ ಪ್ರಯುಕ್ತ ವಿಜಯಲಕ್ಷ್ಮಿ ಸಾಂಪ್ರದಾಯಿಕ ಪೂಜೆ ನೆರವೇರಿಸಿರುವ ವಿಜಯಲಕ್ಷ್ಮೀ ದರ್ಶನ್ ನಡೆಗೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಫೋಟೋ ನೋಡಿ..

ದೀಪಾವಳಿ ಹಬ್ಬದ ಪ್ರಯುಕ್ತ ವಿಜಯಲಕ್ಷ್ಮಿ ಸಾಂಪ್ರದಾಯಿಕ ಸೀರೆಯಲ್ಲಿ ಮಿಂಚಿದ್ದಾರೆ. ತಲೆಯಲ್ಲಿ ಮಲ್ಲಿಗೆ ಹೂ ಮುಡಿದು, ಸುಂದರವಾಗಿ ಸಿದ್ಧಗೊಂಡಿರುವ ಅವರ ಫೋಟೋಗಳು ಅಭಿಮಾನಿಗಳ ಮನಗೆದ್ದಿವೆ. ಪತಿ ಜೊತೆಯಲ್ಲಿಲ್ಲರದ ನೋವಿದ್ದರೂ ಹಬ್ಬದ ಸಂಪ್ರದಾಯವನ್ನು ಮುಂದುವರಿಸಿರುವ ಅವರ ನಡೆಗೆ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ವಿಜಯಲಕ್ಷ್ಮಿ ಅವರ ಮುಖದಲ್ಲಿ ಮಂದಹಾಸ ಕಾಣಿಸುತ್ತಿದ್ದರೂ, ಮನಸ್ಸಿನಲ್ಲಿ ಪತಿಯ ಕುರಿತಾದ ಚಿಂತೆ ಮತ್ತು ನೋವು ಇದ್ದೇ ಇದೆ. ಇಂತಹ ಕಠಿಣ ಪರಿಸ್ಥಿತಿಯಲ್ಲೂ ತಮ್ಮ ದುಃಖವನ್ನು ಬದಿಗಿಟ್ಟು ಕುಟುಂಬಕ್ಕಾಗಿ ಧೈರ್ಯದಿಂದ ಮುನ್ನಡೆಯುತ್ತಿರುವುದನ್ನು ಕಂಡು ಅಭಿಮಾನಿಗಳು ಭಾವುಕರಾಗಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಅವರ ಫೋಟೋಗಳನ್ನು ಹಂಚಿಕೊಳ್ಳುತ್ತಿರುವ ಅಭಿಮಾನಿಗಳು ಸಾಂತ್ವನದ ಮಾತುಗಳನ್ನಾಡುತ್ತಿದ್ದಾರೆ.

ಇನ್ನು ದೀಪಾವಳಿಯ ಅಂಗವಾಗಿ ಮನೆಯ ದೇವರ ಕೋಣೆಯಲ್ಲಿ ಹಣತೆಗಳನ್ನು ಬೆಳಗಿಸಿ ಗಣೇಶ ಹಾಗೂ ಲಕ್ಷ್ಮಿ ದೇವಿಗೆ ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ಕುಟುಂಬದ ಸಂಕಷ್ಟಗಳು ದೂರವಾಗಿ ಮನೆಯಲ್ಲಿ ಮತ್ತೆ ಸಂತೋಷ ನೆಲೆಸಲಿ ಎಂದು ಪ್ರಾರ್ಥಿಸಿದ್ದಾರೆ. ದೀಪಾವಳಿಯ ಬೆಳಕು ದರ್ಶನ್ ಅವರ ಜೀವನದಲ್ಲೂ ಹೊಸ ಭರವಸೆಯನ್ನು ತರಲಿ ಎಂಬ ಆಶಯ ಅಭಿಮಾನಿಗಳಲ್ಲಿದೆ.

ಇತ್ತ ರೇಣುಕಾಸ್ವಾಮಿ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ದರ್ಶನ್ ನ್ಯಾಯಾಂಗ ಬಂಧನದಲ್ಲಿದ್ದು, ಜೈಲಿನಲ್ಲೇ ದಿನ ಕಳೆಯುತ್ತಿದ್ದಾರೆ. ಪತಿಯ ಅನುಪಸ್ಥಿತಿಯಲ್ಲಿ ಹಬ್ಬ ಆಚರಿಸುವುದು ವಿಜಯಲಕ್ಷ್ಮಿ ಅವರಿಗೆ ಸುಲಭದ ಸಂಗತಿಯಲ್ಲ. ಆದರೂ ಕುಟುಂಬದವರೊಂದಿಗೆ ಹಬ್ಬದ ಸಂಪ್ರದಾಯಗಳನ್ನು ಪಾಲಿಸುವ ಮೂಲಕ ತಮ್ಮ ಸ್ಥೈರ್ಯವನ್ನು ತೋರಿಸಿದ್ದಾರೆ.

ಒಟ್ಟಿನಲ್ಲಿ ದರ್ಶನ್ ಅವರ ಅನುಪಸ್ಥಿತಿಯ ನೋವಿನ ನಡುವೆಯೂ ವಿಜಯಲಕ್ಷ್ಮಿ ಆಚರಿಸಿರುವ ದೀಪಾವಳಿ ಅಭಿಮಾನಿಗಳಲ್ಲಿ ಭಾವನಾತ್ಮಕ ಪ್ರತಿಕ್ರಿಯೆ ಮೂಡಿಸಿದೆ. ನೆಚ್ಚಿನ ನಟ ಆದಷ್ಟು ಬೇಗ ಸಂಕಷ್ಟದಿಂದ ಹೊರಬರಲಿ, ಅವರ ಕುಟುಂಬದಲ್ಲಿ ಮತ್ತೆ ನೆಮ್ಮದಿ ಮತ್ತು ಸಂತೋಷದ ಬೆಳಕು ಮೂಡಲಿ ಎಂದು ಅಭಿಮಾನಿಗಳು ಹಾರೈಸುತ್ತಿದ್ದಾರೆ.

ಪವನ್ ಕಲ್ಯಾಣ್ ಆಸ್ತಿ-ಪಾಸ್ತಿ: 2026ರಲ್ಲಿ ಎಷ್ಟು ಕೋಟಿ ರೂ. ಒಡೆಯ? ತೆಲುಗು ಸೂಪರ್‌ಸ್ಟಾರ್ ಬಳಿ ಇರುವ ಐಷಾರಾಮಿ ಕಾರುಗಳು ಯಾವುವು?

Naveen Kodase — Tue, 10 Nov 2026 10:08:03 +0530

ಹೈದರಾಬಾದ್: ತೆಲುಗು ಚಿತ್ರರಂಗದ ಸೂಪರ್‌ಸ್ಟಾರ್ ಹಾಗೂ ಆಂಧ್ರಪ್ರದೇಶದ ಉಪಮುಖ್ಯಮಂತ್ರಿ ಪವನ್ ಕಲ್ಯಾಣ್ ಮತ್ತು ಅನ್ನಾ ಕೊನಿಡೇಲಾ ದಾಂಪತ್ಯ ಜೀವನಕ್ಕೆ ತೆರೆ ಎಳೆಯುವ ನಿರ್ಧಾರ ಪ್ರಕಟಿಸಿರುವುದು ಅವರ ವೈಯಕ್ತಿಕ ಜೀವನದ ಬಗ್ಗೆ ಮತ್ತೆ ಚರ್ಚೆ ಹುಟ್ಟುಹಾಕಿದೆ. 13 ವರ್ಷಗಳ ದಾಂಪತ್ಯದ ಬಳಿಕ ಇಬ್ಬರೂ ಬೇರೆಯಾಗುತ್ತಿರುವುದಾಗಿ ಜಂಟಿ ಹೇಳಿಕೆ ನೀಡಿದ್ದು, ಪ್ರತ್ಯೇಕತೆಗೆ ಕಾರಣವೇನು ಎಂಬುದನ್ನು ಬಹಿರಂಗಪಡಿಸಿಲ್ಲ.

ಈ ಬೆಳವಣಿಗೆಯ ನಡುವೆಯೇ ಪವನ್ ಕಲ್ಯಾಣ್ ಅವರ ಆಸ್ತಿ-ಪಾಸ್ತಿ, ಆದಾಯ, ಐಷಾರಾಮಿ ಕಾರುಗಳ ಸಂಗ್ರಹ ಹಾಗೂ ದುಬಾರಿ ವಸ್ತುಗಳ ಬಗ್ಗೆ ಕುತೂಹಲ ಹೆಚ್ಚಾಗಿದೆ. ಚಿತ್ರರಂಗದಲ್ಲಿ ಯಶಸ್ಸು ಗಳಿಸಿರುವುದರ ಜತೆಗೆ ರಾಜಕೀಯದಲ್ಲಿಯೂ ಸಕ್ರಿಯರಾಗಿರುವ ಪವನ್ ಕಲ್ಯಾಣ್, ಕೋಟ್ಯಂತರ ರೂಪಾಯಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ.

ಪವನ್ ಕಲ್ಯಾಣ್ ಒಟ್ಟು ಆಸ್ತಿ ಮೌಲ್ಯ ಎಷ್ಟು?

ಪವನ್ ಕಲ್ಯಾಣ್ ಅವರ ಒಟ್ಟು ಆಸ್ತಿ ಮೌಲ್ಯ 120 ಕೋಟಿ ರೂ.ನಿಂದ 150 ಕೋಟಿ ರೂ.ವರೆಗೆ ಇರಬಹುದು ಎಂದು ಹಲವು ವರದಿಗಳು ಅಂದಾಜಿಸಿವೆ. ಅವರ ಆಸ್ತಿ ಬಗ್ಗೆ ತಿಳಿದುಕೊಳ್ಳಲು ಹೆಚ್ಚು ವಿಶ್ವಾಸಾರ್ಹ ಆಧಾರವೆಂದರೆ 2024ರ ವಿಧಾನಸಭಾ ಚುನಾವಣೆಯ ಸಂದರ್ಭದಲ್ಲಿ ಪಿಠಾಪುರಂ ಕ್ಷೇತ್ರದಿಂದ ಸ್ಪರ್ಧಿಸುವಾಗ ಸಲ್ಲಿಸಿದ್ದ ಚುನಾವಣಾ ಅಫಿಡವಿಟ್‌. ಈ ಅಫಿಡವಿಟ್‌ ಪ್ರಕಾರ, ಪವನ್ ಕಲ್ಯಾಣ್ ಅವರು ಒಟ್ಟು 164.53 ಕೋಟಿ ರೂ. ಮೌಲ್ಯದ ಕುಟುಂಬದ ಆಸ್ತಿ ಘೋಷಿಸಿದ್ದರು. ಇದೇ ವೇಳೆ ಸುಮಾರು 65.77 ಕೋಟಿ ರೂ. ಸಾಲ ಮತ್ತು ಇತರ ಬಾಧ್ಯತೆಗಳಿರುವುದಾಗಿಯೂ ತಿಳಿಸಿದ್ದರು.

ಚರಾಸ್ತಿ ಮತ್ತು ಸ್ಥಿರಾಸ್ತಿ ಎರಡನ್ನೂ ಈ ಘೋಷಣೆಯಲ್ಲಿ ಸೇರಿಸಲಾಗಿತ್ತು. 2018-19ರಿಂದ 2022-23ರವರೆಗಿನ ಐದು ಹಣಕಾಸು ವರ್ಷಗಳಲ್ಲಿ ಸುಮಾರು 60.77 ಕೋಟಿ ರೂ. ಆದಾಯ ಗಳಿಸಿರುವುದಾಗಿ ಅವರು ಅಫಿಡವಿಟ್‌ನಲ್ಲಿ ಉಲ್ಲೇಖಿಸಿದ್ದರು. ಅಫಿಡವಿಟ್‌ನಲ್ಲಿ ಘೋಷಿಸಿದ ಕುಟುಂಬದ ಒಟ್ಟು ಆಸ್ತಿಯಿಂದ ಸಾಲ ಮತ್ತು ಬಾಧ್ಯತೆಗಳನ್ನು ಕಳೆದರೆ ಸುಮಾರು 98.77 ಕೋಟಿ ರೂ. ಮೌಲ್ಯದ ನಿವ್ವಳ ಆಸ್ತಿ ಉಳಿಯುತ್ತದೆ. ಆದರೆ, ಇದನ್ನು ಪವನ್ ಕಲ್ಯಾಣ್ ಅವರ ಪ್ರಸ್ತುತ ವೈಯಕ್ತಿಕ ನಿವ್ವಳ ಆಸ್ತಿ ಎಂದು ಪರಿಗಣಿಸಬಾರದು. ಏಕೆಂದರೆ ಈ ಘೋಷಣೆಯಲ್ಲಿ ಕುಟುಂಬದ ಸದಸ್ಯರ ಆಸ್ತಿಗಳೂ ಸೇರಿವೆ.

ಸಿನಿಮಾ, ಹೂಡಿಕೆ ಸೇರಿದಂತೆ ಹಲವು ಮೂಲಗಳಿಂದ ಆದಾಯ

ಪವನ್ ಕಲ್ಯಾಣ್ ಅವರ ಆದಾಯಕ್ಕೆ ತೆಲುಗು ಸಿನಿಮಾಗಳು ಪ್ರಮುಖ ಮೂಲವಾಗಿವೆ. ಇದರ ಜತೆಗೆ ಸಿನಿಮಾ ನಿರ್ಮಾಣಕ್ಕೆ ಸಂಬಂಧಿಸಿದ ಚಟುವಟಿಕೆಗಳು, ಹೂಡಿಕೆಗಳು ಹಾಗೂ ಇತರ ವೃತ್ತಿಪರ ಚಟುವಟಿಕೆಗಳಿಂದಲೂ ಅವರು ಆದಾಯ ಗಳಿಸುತ್ತಾರೆ. ದಶಕಗಳ ಕಾಲ ತೆಲುಗು ಚಿತ್ರರಂಗದಲ್ಲಿ ತಮ್ಮದೇ ಆದ ಅಭಿಮಾನಿ ಬಳಗವನ್ನು ಹೊಂದಿರುವ ಪವನ್ ಕಲ್ಯಾಣ್, ದಕ್ಷಿಣ ಭಾರತದ ಚಿತ್ರರಂಗದ ಜನಪ್ರಿಯ ನಟರಲ್ಲಿ ಒಬ್ಬರಾಗಿದ್ದಾರೆ. ಅವರ ರಾಜಕೀಯ ಪ್ರವೇಶ ಮತ್ತು ಸಾರ್ವಜನಿಕ ಜೀವನವೂ ಅವರ ವ್ಯಕ್ತಿತ್ವಕ್ಕೆ ಮತ್ತೊಂದು ಆಯಾಮ ನೀಡಿದೆ.

ಪವನ್ ಕಲ್ಯಾಣ್ ಬಳಿ ಇರುವ ಐಷಾರಾಮಿ ಕಾರುಗಳೆಷ್ಟು?

ಪವನ್ ಕಲ್ಯಾಣ್ ಅವರ ಕಾರುಗಳ ಸಂಗ್ರಹವೂ ಸಾಕಷ್ಟು ಆಕರ್ಷಕವಾಗಿದೆ. 2024ರ ಚುನಾವಣಾ ಅಫಿಡವಿಟ್‌ನಲ್ಲಿ ಅವರು ಒಟ್ಟು 11 ವಾಹನಗಳನ್ನು ಘೋಷಿಸಿದ್ದರು. ಇವುಗಳಲ್ಲಿ 9 ಕಾರುಗಳು, ಒಂದು ಪಿಕಪ್ ಟ್ರಕ್‌ ಹಾಗೂ ಒಂದು ಹಾರ್ಲೆ ಡೇವಿಡ್‌ಸನ್ ಬೈಕ್ ಸೇರಿವೆ.

ಅವರ ಅಫಿಡವಿಟ್‌ನಲ್ಲಿ ಉಲ್ಲೇಖವಾಗಿರುವ ಪ್ರಮುಖ ವಾಹನಗಳ ವಿವರ ಇಲ್ಲಿದೆ.

- ರೇಂಜ್ ರೋವರ್ ಸ್ಪೋರ್ಟ್: ಪವನ್ ಕಲ್ಯಾಣ್ ಅವರ ಕಾರುಗಳ ಸಂಗ್ರಹದಲ್ಲಿರುವ ದುಬಾರಿ ಎಸ್‌ಯುವಿಗಳಲ್ಲಿ ಒಂದು. ಅಫಿಡವಿಟ್‌ನಲ್ಲಿ ಇದರ ಮೌಲ್ಯ ಸುಮಾರು 2.42 ಕೋಟಿ ರೂ. ಎಂದು ನಮೂದಿಸಲಾಗಿದೆ.

- ಟೊಯೊಟಾ ಲ್ಯಾಂಡ್ ಕ್ರೂಸರ್: ಐಷಾರಾಮಿ ಎಸ್‌ಯುವಿಯಾಗಿರುವ ಇದರ ಮೌಲ್ಯವನ್ನು ಸುಮಾರು 5.47 ಕೋಟಿ ರೂ. ಎಂದು ಘೋಷಿಸಲಾಗಿದೆ.

- ಟೊಯೊಟಾ ವೆಲ್ಫೈರ್: ಐಷಾರಾಮಿ ಎಂಪಿವಿ ವಿಭಾಗದ ಈ ವಾಹನದ ಮೌಲ್ಯ ಸುಮಾರು 2.53 ಕೋಟಿ ರೂ.

- ಮರ್ಸಿಡಿಸ್ ಬೆಂಜ್ ಮೇಬ್ಯಾಕ್ ಎಸ್-ಕ್ಲಾಸ್ 560: ದುಬಾರಿ ಹಾಗೂ ಐಷಾರಾಮಿ ಸೆಡಾನ್ ಕಾರು.

- ಜೀಪ್ ರಾಂಗ್ಲರ್: ಆಫ್‌ರೋಡ್ ಚಾಲನೆಗೆ ಹೆಸರುವಾಸಿಯಾದ ಪ್ರೀಮಿಯಂ ಎಸ್‌ಯುವಿ.

- ಮಹೀಂದ್ರಾ ಸ್ಕಾರ್ಪಿಯೊ ಎಸ್11: ಅವರ ಕಾರುಗಳ ಸಂಗ್ರಹದಲ್ಲಿ ಎರಡು ಸ್ಕಾರ್ಪಿಯೊ ಎಸ್‌ಯುವಿಗಳೂ ಇವೆ.

- ಮರ್ಸಿಡಿಸ್ ಬೆಂಜ್ ಆರ್-ಕ್ಲಾಸ್ 350: ಅಫಿಡವಿಟ್‌ನಲ್ಲಿ ಉಲ್ಲೇಖಿಸಿರುವ ಮತ್ತೊಂದು ಐಷಾರಾಮಿ ವಾಹನ.

- ಆಡಿ ಕ್ಯೂ7: ಅವರ ತಾಯಿ ಉಡುಗೊರೆಯಾಗಿ ನೀಡಿದ್ದ ಹಳೆಯ ಕಾರು ಎಂದು ವರದಿಯಾಗಿದೆ.

- ಟಾಟಾ ಯೋಧಾ: ಅವರ ವಾಹನಗಳ ಪಟ್ಟಿಯಲ್ಲಿ ಈ ಪಿಕಪ್ ಟ್ರಕ್ ಕೂಡ ಸ್ಥಾನ ಪಡೆದಿದೆ.

ಇವುಗಳ ಜತೆಗೆ ಹಾರ್ಲೆ ಡೇವಿಡ್‌ಸನ್ ಬೈಕ್ ಕೂಡ ಪವನ್ ಕಲ್ಯಾಣ್ ಅವರ ವಾಹನ ಸಂಗ್ರಹದಲ್ಲಿದೆ.

ಜಮೀನು, ಚಿನ್ನಾಭರಣದಲ್ಲೂ ಕೋಟ್ಯಂತರ ಹೂಡಿಕೆ

ಸಿನಿಮಾ ಆದಾಯ ಮತ್ತು ಐಷಾರಾಮಿ ಕಾರುಗಳ ಜತೆಗೆ ಪವನ್ ಕಲ್ಯಾಣ್ ಅವರು ರಿಯಲ್ ಎಸ್ಟೇಟ್ ಹಾಗೂ ಇತರ ಆಸ್ತಿಗಳಲ್ಲಿಯೂ ಗಮನಾರ್ಹ ಹೂಡಿಕೆ ಹೊಂದಿದ್ದಾರೆ.

2024ರ ಚುನಾವಣಾ ಅಫಿಡವಿಟ್ ಪ್ರಕಾರ, ಕುಟುಂಬದ ಆಸ್ತಿಗಳೂ ಸೇರಿದಂತೆ ಅವರ ಚರಾಸ್ತಿ ಮತ್ತು ಸ್ಥಿರಾಸ್ತಿಗಳ ಒಟ್ಟು ಮೌಲ್ಯ ಸುಮಾರು 164.53 ಕೋಟಿ ರೂ. ಆಗಿತ್ತು. ಇದರಲ್ಲಿ ಸ್ಥಿರಾಸ್ತಿಗಳು ಪ್ರಮುಖ ಪಾಲು ಹೊಂದಿವೆ.

ಅವರು ಸುಮಾರು 18.02 ಎಕರೆ ಜಮೀನು ಹೊಂದಿರುವುದಾಗಿ ಘೋಷಿಸಿದ್ದರು. ಈ ಜಮೀನಿನ ಅಂದಾಜು ಮೌಲ್ಯ 10.42 ಕೋಟಿ ರೂ. ಆಗಿದ್ದು, ತೆಲಂಗಾಣದ ಜನ್ವಾಡ ಗ್ರಾಮದಲ್ಲಿರುವ ಆಸ್ತಿಯೂ ಇದರಲ್ಲಿ ಸೇರಿದೆ. ಇದರ ಜತೆಗೆ ಬ್ಯಾಂಕ್ ಠೇವಣಿಗಳು, ಚಿನ್ನಾಭರಣ, ವಜ್ರದ ಆಭರಣಗಳು ಹಾಗೂ ಇತರ ಬೆಲೆಬಾಳುವ ವಸ್ತುಗಳ ವಿವರಗಳನ್ನೂ ಅಫಿಡವಿಟ್‌ನಲ್ಲಿ ನಮೂದಿಸಲಾಗಿದೆ. ಸುಮಾರು 1,680 ಗ್ರಾಂ ಚಿನ್ನ ಹಾಗೂ 114 ಕ್ಯಾರೆಟ್ ವಜ್ರದ ಆಭರಣಗಳನ್ನು ಹೊಂದಿರುವುದಾಗಿ ಅವರು ಘೋಷಿಸಿದ್ದರು.

ದಶಕಗಳ ಸಿನಿಮಾ ವೃತ್ತಿಜೀವನದ ಮೂಲಕ ಪವನ್ ಕಲ್ಯಾಣ್ ದೊಡ್ಡ ಮಟ್ಟದ ಆರ್ಥಿಕ ಸಂಪತ್ತನ್ನು ಗಳಿಸಿದ್ದಾರೆ. ಇದೀಗ ರಾಜಕೀಯದಲ್ಲಿಯೂ ಪ್ರಮುಖ ಜವಾಬ್ದಾರಿ ಹೊಂದಿರುವುದರಿಂದ ಅವರ ವೃತ್ತಿ ಮತ್ತು ವೈಯಕ್ತಿಕ ಜೀವನದ ಬಗ್ಗೆ ಸಾರ್ವಜನಿಕ ವಲಯದಲ್ಲಿ ಹೆಚ್ಚಿನ ಆಸಕ್ತಿ ವ್ಯಕ್ತವಾಗುತ್ತಿದೆ.

ಮುರಿದುಹೋಯ್ತು 'ಧುರಂಧರ್ 2' ದಾಖಲೆ; ರಣಬೀರ್-ಯಶ್ 'ರಾಮಾಯಣ' ಅಬ್ಬರಕ್ಕೆ ಹಳೆಯ ದಾಖಲೆ ಪುಡಿಪುಡಿ!

Shriram Bhat — Tue, 10 Nov 2026 09:36:29 +0530

ಬಾಕ್ಸ್ ಆಫೀಸ್‌ನಲ್ಲಿ ರಾಮಾಯಣದ ಅಬ್ಬರ; ಮೊದಲ ಸೋಮವಾರವೇ 107 ಕೋಟಿ ರೂ. ಗಳಿಕೆ, ಮುರಿದುಹೋಯ್ತು ಧುರಂಧರ್ 2 ದಾಖಲೆ!

ಬಾಲಿವುಡ್ ನಟ ರಣಬೀರ್ ಕಪೂರ್ ಮತ್ತು ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಬಹುನಿರೀಕ್ಷಿತ ‘ರಾಮಾಯಣ: ಪಾರ್ಟ್ 1’ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ದಿನದಿಂದ ದಿನಕ್ಕೆ ಹೊಸ ದಾಖಲೆಗಳನ್ನು ನಿರ್ಮಿಸುತ್ತಿದೆ. ನಿತೇಶ್ ತಿವಾರಿ ನಿರ್ದೇಶನದ ಈ ಬಿಗ್ ಬಜೆಟ್ ಚಿತ್ರಕ್ಕೆ ಪ್ರೇಕ್ಷಕರಿಂದ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು, ಬಿಡುಗಡೆಯಾದ ಕೇವಲ ಐದು ದಿನಗಳಲ್ಲೇ ಭಾರತೀಯ ಚಿತ್ರರಂಗದ ಹಲವು ದಾಖಲೆಗಳನ್ನು ಅಳಿಸಿಹಾಕಿದೆ. ಅದರಲ್ಲೂ ಮೊದಲ ಸೋಮವಾರದ ಗಳಿಕೆ ಈಗ ಸಿನಿರಂಗದಲ್ಲಿ ದೊಡ್ಡ ಮಟ್ಟದ ಚರ್ಚೆಗೆ ಕಾರಣವಾಗಿದೆ.

ನವೆಂಬರ್ 9ರ ಸೋಮವಾರದಂದು ‘ರಾಮಾಯಣ’ ಸಿನಿಮಾ ಭಾರತದಲ್ಲಿ ಬರೋಬ್ಬರಿ 107.50 ಕೋಟಿ ರೂಪಾಯಿ ನೆಟ್ ಕಲೆಕ್ಷನ್ ಮಾಡಿದೆ. ಒಂದೇ ದಿನ ದೇಶಾದ್ಯಂತ 23,911 ಪ್ರದರ್ಶನಗಳನ್ನು ಕಂಡಿರುವ ಚಿತ್ರ, ರಣವೀರ್ ಸಿಂಗ್ ಅಭಿನಯದ ‘ಧುರಂಧರ್ 2’ ಹೆಸರಿನಲ್ಲಿದ್ದ ಮೊದಲ ಸೋಮವಾರದ ಗರಿಷ್ಠ ಗಳಿಕೆಯ ದಾಖಲೆಯನ್ನು ಹಿಂದಿಕ್ಕಿದೆ. ಈ ಹಿಂದೆ ‘ಧುರಂಧರ್ 2’ ಮೊದಲ ಸೋಮವಾರ 60 ಕೋಟಿ ರೂಪಾಯಿ ಗಳಿಸಿತ್ತು. ಆದರೆ ‘ರಾಮಾಯಣ’ ಅದಕ್ಕಿಂತಲೂ ಭಾರೀ ಮೊತ್ತವನ್ನು ಗಳಿಸುವ ಮೂಲಕ ಹೊಸ ದಾಖಲೆ ಬರೆದಿದೆ.

ಐದು ದಿನಗಳ ಬಾಕ್ಸ್ ಆಫೀಸ್ ಲೆಕ್ಕಾಚಾರ

ಐದು ದಿನಗಳ ಬಾಕ್ಸ್ ಆಫೀಸ್ ಲೆಕ್ಕಾಚಾರವೂ ಅಚ್ಚರಿ ಮೂಡಿಸುವಂತಿದೆ. ಭಾರತದಲ್ಲಿ ಚಿತ್ರದ ಒಟ್ಟು ನೆಟ್ ಕಲೆಕ್ಷನ್ 346.35 ಕೋಟಿ ರೂಪಾಯಿಗೆ ತಲುಪಿದ್ದರೆ, ಗ್ರಾಸ್ ಕಲೆಕ್ಷನ್ 413.90 ಕೋಟಿ ರೂಪಾಯಿಯಾಗಿದೆ. ಇನ್ನು ವಿದೇಶಿ ಮಾರುಕಟ್ಟೆಯಲ್ಲೂ ಚಿತ್ರದ ಅಬ್ಬರ ಮುಂದುವರಿದಿದೆ. ಸೋಮವಾರವೊಂದರಲ್ಲೇ ವಿದೇಶಗಳಿಂದ 25 ಕೋಟಿ ರೂಪಾಯಿ ಗಳಿಸಿರುವ ಸಿನಿಮಾ, ಒಟ್ಟು ವಿದೇಶಿ ಗಳಿಕೆಯನ್ನು 250 ಕೋಟಿ ರೂಪಾಯಿಗೆ ಏರಿಸಿಕೊಂಡಿದೆ. ಈ ಮೂಲಕ ಐದು ದಿನಗಳ ಅಂತ್ಯಕ್ಕೆ ವಿಶ್ವಾದ್ಯಂತ ಚಿತ್ರದ ಒಟ್ಟು ಗ್ರಾಸ್ ಕಲೆಕ್ಷನ್ ಬರೋಬ್ಬರಿ 663.90 ಕೋಟಿ ರೂಪಾಯಿ ತಲುಪಿದೆ.

ಚಿತ್ರದ ಹಿಂದಿ ಆವೃತ್ತಿಗೆ ಪ್ರೇಕ್ಷಕರ ಬೆಂಬಲ ಎಷ್ಟಿದೆ ಎನ್ನುವುದಕ್ಕೆ ಥಿಯೇಟರ್ ಆಕ್ಯುಪೆನ್ಸಿ ಅಂಕಿಅಂಶಗಳೇ ಸಾಕ್ಷಿ. ಸೋಮವಾರ ಹಿಂದಿ ಆವೃತ್ತಿಯ ಒಟ್ಟಾರೆ ಆಕ್ಯುಪೆನ್ಸಿ ಶೇಕಡಾ 73.6ರಷ್ಟಿತ್ತು. ಚೆನ್ನೈನಲ್ಲಿ 83 ಪ್ರದರ್ಶನಗಳ ಪೈಕಿ ಶೇಕಡಾ 94ರಷ್ಟು ಆಸನಗಳು ಭರ್ತಿಯಾಗಿದ್ದರೆ, ಬೆಂಗಳೂರಿನಲ್ಲಿ 262 ಪ್ರದರ್ಶನಗಳಿಗೆ ಶೇಕಡಾ 90.8ರಷ್ಟು ಆಕ್ಯುಪೆನ್ಸಿ ದಾಖಲಾಗಿದೆ. ದೆಹಲಿ-ಎನ್‌ಸಿಆರ್‌ನಲ್ಲಿ ಶೇಕಡಾ 72.5, ಹೈದರಾಬಾದ್‌ನಲ್ಲಿ ಶೇಕಡಾ 77.5 ಹಾಗೂ ಮುಂಬೈನಲ್ಲಿ ಶೇಕಡಾ 69.3ರಷ್ಟು ಪ್ರೇಕ್ಷಕರ ಹಾಜರಾತಿ ಕಂಡುಬಂದಿದೆ.

4,000 ಕೋಟಿ ರೂಪಾಯಿ ನಿರ್ಮಾಣ ವೆಚ್ಚದಲ್ಲಿ ಸಿದ್ಧವಾಗಿರುವ ಈ ಮಹತ್ವಾಕಾಂಕ್ಷೆಯ ಸಿನಿಮಾ

ಸುಮಾರು 4,000 ಕೋಟಿ ರೂಪಾಯಿ ನಿರ್ಮಾಣ ವೆಚ್ಚದಲ್ಲಿ ಸಿದ್ಧವಾಗಿರುವ ಈ ಮಹತ್ವಾಕಾಂಕ್ಷೆಯ ಸಿನಿಮಾ ಈಗಾಗಲೇ 2026ರಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಭಾರತೀಯ ಚಿತ್ರಗಳ ಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದುಕೊಂಡಿದೆ. 1,852 ಕೋಟಿ ರೂಪಾಯಿ ಗಳಿಸಿರುವ ‘ಧುರಂಧರ್: ದಿ ರಿವೇಂಜ್’ ಮತ್ತು 821 ಕೋಟಿ ರೂಪಾಯಿ ಗಳಿಸಿರುವ ‘ಜೈಲರ್ 2’ ನಂತರ ‘ರಾಮಾಯಣ’ ಸ್ಥಾನ ಪಡೆದಿದೆ.

ಅಂದಹಾಗೆ, ರಾವಣನ ಪಾತ್ರದಲ್ಲಿ ಯಶ್ ಹಾಗೂ ರಾಮನ ಪಾತ್ರದಲ್ಲಿ ರಣಬೀರ್ ಕಪೂರ್ ಕಾಣಿಸಿಕೊಂಡಿರುವ ‘ರಾಮಾಯಣ’ ಬಾಕ್ಸ್ ಆಫೀಸ್‌ನಲ್ಲಿ ತನ್ನ ಪ್ರಭಾವವನ್ನು ಮತ್ತಷ್ಟು ಹೆಚ್ಚಿಸಿಕೊಳ್ಳುತ್ತಿದೆ. ಆರಂಭದ ಐದು ದಿನಗಳಲ್ಲೇ 663 ಕೋಟಿ ರೂಪಾಯಿಗೂ ಅಧಿಕ ಗಳಿಸಿರುವ ಚಿತ್ರ, ಮುಂದಿನ ದಿನಗಳಲ್ಲಿ ಯಾವ ಹೊಸ ದಾಖಲೆಗಳನ್ನು ಬರೆಯಲಿದೆ ಎಂಬ ಕುತೂಹಲ ಸಿನಿಪ್ರಿಯರಲ್ಲಿ ಹೆಚ್ಚಾಗಿದೆ.

ನಟ ಪವನ್ ಕಲ್ಯಾಣ್ ವೈವಾಹಿಕ ಜೀವನದಲ್ಲಿ ಬಿರುಗಾಳಿ: ಮೂರನೇ ಮದುವೆಯೂ ಅಂತ್ಯವಾಯ್ತು!

Mahmad Rafik — Tue, 10 Nov 2026 07:39:58 +0530

ಟಾಲಿವುಡ್ ನಟ ಹಾಗೂ ಆಂಧ್ರ ಡಿಸಿಎಂ ಪವನ್ ಕಲ್ಯಾಣ್ ತಮ್ಮ ಮೂರನೇ ಪತ್ನಿ ಅನ್ನಾ ಕೊನಿಡಾಲ ಅವರಿಂದ ದೂರವಾಗುತ್ತಿದ್ದಾರೆ. 13 ವರ್ಷಗಳ ದಾಂಪತ್ಯ ಅಂತ್ಯಗೊಂಡಿದ್ದು, ಪರಸ್ಪರ ಗೌರವದಿಂದ ಸ್ನೇಹಿತರಾಗಿ ಉಳಿಯುವುದಾಗಿ ಇಬ್ಬರೂ ಘೋಷಿಸಿದ್ದಾರೆ.

ಟಾಲಿವುಡ್ ಪವರ್ ಸ್ಟಾರ್, ಆಂಧ್ರಪ್ರದೇಶದ ಡಿಸಿಎಂ ಪವನ್ ಕಲ್ಯಾಣ್ ಸಂಸಾರದಲ್ಲಿ ಬಿರುಕು ಮೂಡಿದೆ. ಮೂರನೇ ಪತ್ನಿ ಅನ್ನಾ ಕೊನಿಡಾಲ (Anna Konidela / Anna Lezhneva) ಅವರಿಂದ ದೂರವಾಗುತ್ತಿರುವ ಬಗ್ಗೆ ಅಧಿಕೃತವಾಗಿ ಪವನ್ ಕಲ್ಯಾಣ್ ಘೋಷಿಸಿಕೊಂಡಿದ್ದಾರೆ. ಅನ್ನಾ ಕೊನಿಡಾಲ ಮತ್ತು ಪವನ್ ಕಲ್ಯಾಣ್ ಅವರ 13 ವರ್ಷದ ದಾಂಪತ್ಯ ಜೀವನ ಅಂತ್ಯವಾಗಿದೆ.

ಸೋಮವಾರ ತಡರಾತ್ರಿ ಪವನ್‌ ಕಲ್ಯಾಣ್ ಮತ್ತು ಅನ್ನಾ ಕೊನಿಡಾಲ ಜೊತೆಯಾಗಿ ಈ ಬಗ್ಗೆ ಪೋಸ್ಟ್ ಮಾಡಿಕೊಂಡಿದ್ದು, ಪರಸ್ಪರ ತಿಳುವಳಿಕೆ ಮತ್ತು ಗೌರವದಿಂದ ಈ ನಿರ್ಧಾರ ತೆಗೆದುಕೊಂಡಿದ್ದೇವೆ ಎಂದು ತಿಳಿಸಿದ್ದಾರೆ. ಮುಂದೆ ಇಬ್ಬರು ಉತ್ತಮ ಸ್ನೇಹಿತರಾಗಿ ಮುಂದುವರಿಯುತ್ತೇವೆ ಎಂಬ ವಿಷಯವನ್ನು ಸಹ ಹಂಚಿಕೊಂಡಿದ್ದಾರೆ.

ಇಬ್ಬರ ನಡುವಿನ ವೈವಾಹಿಕ ಸಂಬಂಧ ಕೊನೆಗೊಂಡಿದ್ದರೂ, ಮಕ್ಕಳಿಗಾಗಿ ಪೋಷಕರಾಗಿ ಮುಂದುವರಿಯುತ್ತವೆ. ಸಂತೋಷ ಮತ್ತು ಯೋಗಕ್ಷೇಮ ನಮ್ಮ ಮೊದಲ ಆದ್ಯತೆಯಾಗಿದ್ದು, ಉತ್ತಮ ಸ್ನೇಹಿತರಾಗಿ ಮುಂದಿನ ಜೀವನ ನಡೆಸಲಿದ್ದೇವೆ ಎಂದು ಅನ್ನಾ ಮತ್ತು ಪವನ್ ಹೇಳಿಕೊಂಡಿದ್ದಾರೆ. ಹಾಗೆಯೇ ನಮ್ಮ ವೈಯಕ್ತಿಕ ಜೀವನದ ಮಹತ್ವದ ನಿರ್ಧಾರವನ್ನು ಗೌರವಿಸುವಂತೆ ಮನವಿ ಮಾಡಿಕೊಂಡಿದ್ದಾರೆ.

1997ರಲ್ಲಿ ನಂದಿನಿ ಎಂಬವರ ಜೊತೆ ಪವನ್ ಕಲ್ಯಾಣ್ ಮದುವೆಯಾಗಿದ್ದರು. ಆದ್ರೆ ಮದುವೆಯಾದ ಎರಡು ವರ್ಷದಲ್ಲಿ ನಂದಿನಿ ಮತ್ತು ಪವನ್ ಕಲ್ಯಾಣ್ ಬೇರೆಯಾಗಿದ್ದರು. 2008ರಲ್ಲಿ ಅಧಿಕೃತವಾಗಿ ಡಿವೋರ್ಸ್ ಪಡೆದಿದ್ದರು. 2009ರಲ್ಲಿ ರೇಣು ದೇಸಾಯಿ ಜೊತೆ ಪವನ್ ಕಲ್ಯಾಣ್ ವೈವಾಹಿಕ ಜೀವನಕ್ಕೆ ಕಾಲಿಟಿದ್ದರು. 2012ರಲ್ಲಿ ರೇಣು ದೇಸಾಯಿ ಜೊತೆ ಡಿವೋರ್ಸ್ ಪಡೆದಿದ್ದರು. ಈ ದಂಪತಿಗೆ ಅಖಿರಾ ನಂದನ್ ಮತ್ತು ಆದ್ಯಾ ಎಂಬ ಇಬ್ಬರು ಮಕ್ಕಳಿದ್ದಾರೆ.

ರೇಣು ದೇಸಾಯಿ ದೂರವಾಗುತ್ತಿದ್ದಂತೆ ಪವನ್ ಕಲ್ಯಾಣ್ ಜೀವನಕ್ಕೆ ಬಂದವರು ರಷ್ಯಾ ಮೂಲದ ಅನ್ನಾ ಕೊನಿಡಾಲ. 2013ರಲ್ಲಿ ಮದುವೆಯಾದ ಈ ಜೋಡಿ 2026ರಲ್ಲಿ ಬೇರೆಯಾಗುತ್ತಿರುವ ಬಗ್ಗೆ ಹೇಳಿಕೊಂಡಿದ್ದಾರೆ. ಪವನ್ ಮತ್ತು ಅನ್ಯಾ ದಂಪತಿಗೆ ಪೊಲೆನ್ ಅಂಜನಾ ಮತ್ತು ಮಾರ್ಕ್ ಶಂಕರ್ ಎಂಬ ಇಬ್ಬರು ಮಕ್ಕಳಿದ್ದಾರೆ.

ಯಶ್ 'ರಾಮಾಯಣ'ದ ಕವಚಗಳ ಹಿಂದೆ ಯಾರಿದ್ದಾರೆ? ಮೂರೂವರೆ ವರ್ಷಗಳ ಪರಿಶ್ರಮದ ರೋಚಕ ಕಥೆ ಇಲ್ಲಿದೆ!

Govindaraj S — Mon, 09 Nov 2026 23:03:48 +0530

ಯಶ್ ನಟನೆಯ ನಿತೇಶ್ ತಿವಾರಿ ನಿರ್ದೇಶನದ 'ರಾಮಾಯಣ' ಚಿತ್ರಕ್ಕಾಗಿ ಅಸ್ಸಾಂನ ಬಾರ್ಪೇಟಾ ಜಿಲ್ಲೆಯ ಕುಶಲಕರ್ಮಿಗಳು ವಿಶೇಷವಾದ ಕವಚಗಳನ್ನು ತಯಾರಿಸಿದ್ದಾರೆ. ಬಿದಿರು ಮತ್ತು ರಬ್ಬರ್ ಬಳಸಿ ಮಾಡಲಾದ ಈ ಕವಚಗಳು ಮೂರೂವರೆ ವರ್ಷಗಳ ಪರಿಶ್ರಮದ ಫಲವಾಗಿದ್ದು, ಈಗ ಅವರಿಗೆ ರಾಷ್ಟ್ರೀಯ ಮನ್ನಣೆ ತಂದುಕೊಟ್ಟಿದೆ.

ಅಸ್ಸಾಂ ಕುಶಲಕರ್ಮಿಗಳಿಂದ ರಾಮಾಯಣ ಕವಚಗಳ ತಯಾರಿಕೆ

ನಿತೇಶ್ ತಿವಾರಿ ಅವರ ಬಹುನಿರೀಕ್ಷಿತ 'ರಾಮಾಯಣ' ಚಿತ್ರದಲ್ಲಿ ರಣಬೀರ್ ಕಪೂರ್ ಶ್ರೀರಾಮನಾಗಿ ಮತ್ತು ರವಿ ದುಬೆ ಲಕ್ಷ್ಮಣನಾಗಿ ನಟಿಸುತ್ತಿದ್ದಾರೆ. ಈ ಚಿತ್ರದಲ್ಲಿ ಬಳಸಲಾದ ವಿಶೇಷ ಕವಚಗಳನ್ನು ಅಸ್ಸಾಂನ ಬಾರ್ಪೇಟಾ ಜಿಲ್ಲೆಯ ಜಾನಿಯಾ ಬಂಗ್ಲಿಪಾರಾ ಗ್ರಾಮದ ಕುಶಲಕರ್ಮಿಗಳು ತಯಾರಿಸಿದ್ದಾರೆ. ಈ ತಂಡದ ನೇತೃತ್ವ ವಹಿಸಿದ್ದವರು ಜೈನಾಲ್ ಅಬ್ದಿನ್. ಅವರ 15 ಜನರ ತಂಡ ಮೂರೂವರೆ ವರ್ಷಗಳ ಕಾಲ ಶ್ರಮಿಸಿ, 30 ರಿಂದ 35 ಬಿದಿರು ಮತ್ತು ರಬ್ಬರ್ ಮಿಶ್ರಿತ ಕವಚಗಳನ್ನು ತಯಾರಿಸಿದೆ.

ಯೋಜನೆಯ ಹಿನ್ನೆಲೆ

ಈ ಕುರಿತು ಎಎನ್‌ಐ ಜೊತೆ ಮಾತನಾಡಿದ ಅಬ್ದಿನ್, ಚಿತ್ರತಂಡ ನೇರವಾಗಿ ಅವರನ್ನು ಸಂಪರ್ಕಿಸಲಿಲ್ಲ ಎಂದು ತಿಳಿಸಿದರು. ಸುಮಾರು ಮೂರೂವರೆ ವರ್ಷಗಳ ಹಿಂದೆ, ಜಾನಿಯಾ ಗ್ರಾಮದ ಗ್ರಾಮ ಉನ್ನಯನ್ ಸಂಸ್ಥೆಯ ಅಬ್ದುಲ್ ಮಲೆಕ್ ಮೂಲಕ ಈ ಯೋಜನೆ ನನಗೆ ಸಿಕ್ಕಿತು. ಅವರು ನನ್ನನ್ನು ಕರೆದು, ಕವಚಗಳ ರೇಖಾಚಿತ್ರ ಮತ್ತು ವಿನ್ಯಾಸಗಳನ್ನು ತೋರಿಸಿದರು. ಇದನ್ನು ಮಾಡಬಹುದು ಎಂದು ನಾನು ನನ್ನ ತಂಡದೊಂದಿಗೆ ಚರ್ಚಿಸಿದ ನಂತರ ಒಪ್ಪಿಕೊಂಡೆ. ಕೆಲವೇ ದಿನಗಳಲ್ಲಿ ಅವರ ತಂಡದ ಐದಾರು ಮಂದಿ ಇಲ್ಲಿಗೆ ಬಂದರು. ಸಾಗರ್ ಎಂಬುವವರು ನಮ್ಮ ಜೊತೆಯೇ ಇದ್ದು ಅಳತೆ ಮತ್ತು ಬದಲಾವಣೆಗಳನ್ನು ನೋಡಿಕೊಂಡರು ಎಂದು ಅವರು ಹೇಳಿದರು.

ತಾಂತ್ರಿಕ ಸವಾಲುಗಳು ಮತ್ತು ಹೊಸ ಪ್ರಯೋಗ

ಗಟ್ಟಿಯಾದ ಬಿದಿರಿನಿಂದ ಕವಚ ಮಾಡುವುದು ಸುಲಭದ ಕೆಲಸವಾಗಿರಲಿಲ್ಲ. ಮೊದಲನೇ ಬಾರಿ ಮಾಡಿದಾಗ ಕುತ್ತಿಗೆ ಮತ್ತು ಭುಜದ ಬಳಿ ಅಳತೆ ಸರಿಯಾಗಿರಲಿಲ್ಲ. ಅದನ್ನು ಸರಿಪಡಿಸಿದ ನಂತರ ಮುಖ್ಯ ನಟ ಧರಿಸಿದಾಗ, ಅದು ತುಂಬಾ ಬಿಗಿಯಾಗಿತ್ತು ಮತ್ತು ಗಟ್ಟಿಯಾಗಿತ್ತು. ಬಿದಿರು ಸಹಜವಾಗಿಯೇ ಗಟ್ಟಿಯಾಗಿರುತ್ತದೆ. ಬೇರೆ ಯಾವ ವಸ್ತು ಬಳಸಬಹುದು ಎಂದು ಅವರು ಕೇಳಿದರು. ಅವರು ಕಪ್ಪು ಮತ್ತು ಹಸಿರು ರಬ್ಬರ್ ಕಳುಹಿಸಿದರು. ಆದರೆ ಬರೀ ರಬ್ಬರ್‌ನಲ್ಲಿ ಕವಚ ಮಾಡುವುದು ಕಷ್ಟವಾಯಿತು.

ಆಗ ನಾನು ವಸ್ತ್ರ ವಿನ್ಯಾಸಕ ಅಜಯ್ ಅವರಿಗೆ, ಅರ್ಧ ಬಿದಿರು ಮತ್ತು ಅರ್ಧ ರಬ್ಬರ್ ಬಳಸೋಣ ಎಂದು ಸಲಹೆ ನೀಡಿದೆ. ಅವರು ಒಪ್ಪಿ ಒಂದು ಸ್ಯಾಂಪಲ್ ಮಾಡಲು ಹೇಳಿದರು ಎಂದು ಅಬ್ದಿನ್ ವಿವರಿಸಿದರು. ಈ ಹೊಸ ವಿನ್ಯಾಸಕ್ಕೆ ಒಪ್ಪಿಗೆ ಸಿಕ್ಕ ನಂತರ, ಚಿತ್ರೀಕರಣದ ಅವಶ್ಯಕತೆಗೆ ತಕ್ಕಂತೆ ಕುಶಲಕರ್ಮಿಗಳು ಕವಚಗಳನ್ನು ತಯಾರಿಸಿದರು. ಮುಂಬೈನಲ್ಲಿ ನಡೆಯುತ್ತಿದ್ದ ಚಿತ್ರೀಕರಣಕ್ಕಾಗಿ, ಬಾರ್ಪೇಟಾದಿಂದ ಗುವಾಹಟಿ ವಿಮಾನ ನಿಲ್ದಾಣದ ಮೂಲಕ ಕವಚಗಳನ್ನು ಕಳುಹಿಸಲಾಗುತ್ತಿತ್ತು.

ಗುವಾಹಟಿ ವಿಮಾನ ನಿಲ್ದಾಣದಲ್ಲಿ ಒಬ್ಬರನ್ನು ಸಂಪರ್ಕಿಸಲು ಅವರು ಹೇಳಿದ್ದರು. ನಾನು ಹೋಗಿ ಅವರಿಗೆ ಕವಚಗಳನ್ನು ಕೊಡುತ್ತಿದ್ದೆ. ಎರಡು-ಮೂರು ಗಂಟೆಗಳಲ್ಲಿ ಅವರಿಗೆ ಅದು ತಲುಪುತ್ತಿತ್ತು. ಮೂರರಿಂದ ಆರು ತಿಂಗಳವರೆಗೆ ಕೆಲವೊಮ್ಮೆ ಯಾವುದೇ ಕೆಲಸ ಇರುತ್ತಿರಲಿಲ್ಲ. ಆದರೆ ದಿಢೀರನೆ ಕರೆ ಮಾಡಿ ಎಂಟು-ಹತ್ತು ಕವಚಗಳು ಬೇಕು ಎಂದು ಹೇಳುತ್ತಿದ್ದರು. ಒಟ್ಟಾರೆಯಾಗಿ ಮೂರೂವರೆ ವರ್ಷಗಳಲ್ಲಿ ನಾವು ಸುಮಾರು 30 ರಿಂದ 35 ಕವಚಗಳನ್ನು ಕಳುಹಿಸಿದ್ದೇವೆ ಎಂದು ಅವರು ಮಾಹಿತಿ ನೀಡಿದರು.

ಗೌಪ್ಯತೆ ಮತ್ತು ಹೆಮ್ಮೆ

ಈ ಕವಚಗಳನ್ನು ಯಾವ ಚಿತ್ರಕ್ಕಾಗಿ ಮಾಡಲಾಗುತ್ತಿದೆ ಎಂಬುದನ್ನು ಗೌಪ್ಯವಾಗಿಡಲಾಗಿತ್ತು. ಆಗ ನಮಗೆ ಇದು ರಾಮಾಯಣ ಚಿತ್ರಕ್ಕಾಗಿ ಎಂದು ಹೇಳಿರಲಿಲ್ಲ. ಸಿನಿಮಾ ಶೂಟಿಂಗ್‌ಗೆ ಎಂದು ಮಾತ್ರ ಹೇಳಿದ್ದರು. ನಮ್ಮ ಕೆಲಸಕ್ಕೆ ಮುಂದೆ ಮನ್ನಣೆ ಸಿಗುತ್ತದೆ ಎಂದಷ್ಟೇ ಹೇಳಿದ್ದರು. ಈಗ ಸಿನಿಮಾ ಬಿಡುಗಡೆಯಾದ ಮೇಲೆ ನಮಗೆ ಗೊತ್ತಾಯಿತು. ನಾನು ಇನ್ನೂ ಸಿನಿಮಾ ನೋಡಿಲ್ಲ, ಆದರೆ ಖಂಡಿತ ನೋಡುತ್ತೇನೆ. ಏಕೆಂದರೆ ಅದರಲ್ಲಿ ನನ್ನ ಕೈಚಳಕವೂ ಇದೆ ಎಂದು ಅಬ್ದಿನ್ ಸಂತಸ ವ್ಯಕ್ತಪಡಿಸಿದರು.

ಇನ್ನು ನವೆಂಬರ್ 5 ರಂದು ಚಿತ್ರ ಬಿಡುಗಡೆಯಾದ ನಂತರ ತಮ್ಮ ಗ್ರಾಮಕ್ಕೆ ಸಿಕ್ಕಿರುವ ರಾಷ್ಟ್ರೀಯ ಮನ್ನಣೆಯ ಬಗ್ಗೆ ಅವರಿಗೆ ತುಂಬಾ ಹೆಮ್ಮೆ ಇದೆ. ನನ್ನ ತಂಡ, ನಾನು, ನನ್ನ ಗ್ರಾಮ ಜಾನಿಯಾ ಬಂಗ್ಲಿಪಾರಾ ಮತ್ತು ಇಡೀ ಬಾರ್ಪೇಟಾ ಜಿಲ್ಲೆಗೆ ಇದು ಹೆಮ್ಮೆಯ ವಿಷಯ ಎಂದು ಅವರು ಹೇಳಿದರು.

ಕಾವ್ಯ ಮಾರನ್ ಮದುವೆಗೆ ಹೊರಟ ರಜಿನಿಕಾಂತ್, ಶುಭ ಸಂದರ್ಭದಲ್ಲಿ IPL ಟ್ರೋಲ್‌ಗಳಿಗೆ SRH ಒಡತಿ ಸ್ಪಷ್ಟನೆ

Ganesh Mabla Gowda — Mon, 09 Nov 2026 22:21:49 +0530

ಚೆನ್ನೈ: ಐಪಿಎಲ್ ಫ್ರಾಂಚೈಸಿ ಸನ್ ರೈಸರ್ಸ್ ಹೈದರಾಬಾದ್ ತಂಡದ ಒಡತಿ ಕಾವ್ಯ ಮಾರನ್ ಅವರು ಮದುವೆ ಸಂಭ್ರಮದಲ್ಲಿದ್ದಾರೆ. ಸಂಗೀತಗಾರ ಅನಿರುದ್ಧ್ ರವಿಚಂದರ್ ಜೊತೆ ಸಪ್ತಪದಿ ತುಳಿಯಲಿದ್ದಾರೆ.

ನಾಳೆಯಿಂದಲೇ ಮದುವೆ ಕಾರ್ಯಕ್ರಮಗಳು ನಡೆಯಲಿದೆ. ನವೆಂಬರ್ 10 ಮತ್ತು 11 ರಂದು ಗ್ರೀಸ್‌ನಲ್ಲಿ ಆಚರಣೆಗಳು ನಡೆಯಲಿವೆ. ಸೂಪರ್‌ಸ್ಟಾರ್ ರಜನಿಕಾಂತ್ ಮತ್ತು ತಮಿಳುನಾಡು ರಾಜಕೀಯ ನಾಯಕರು ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಮದುವೆಯಲ್ಲಿ ಭಾಗವಹಿಸಲು ಚೆನ್ನೈನಿಂದ ತೆರಳಿದ್ದಾರೆ. ನವೆಂಬರ್ 21 ರಂದು ಚೆನ್ನೈನಲ್ಲಿ ಅದ್ಧೂರಿ ಆರತಕ್ಷತೆ ನಡೆಯಲಿದೆ.

ಕಾವ್ಯ ಮಾರನ್ ಮತ್ತು ಅನಿರುದ್ಧ್ ವಿವಾಹಕ್ಕೆ ಸೆಲೆಬ್ರಿಟಿಗಳ ದಂಡೇ ಹೋಗ್ತಿದೆ. ರಜನಿಕಾಂತ್ ತಮ್ಮ ಪುತ್ರಿ ಐಶ್ವರ್ಯಾ ಜೊತೆ ಗ್ರೀಸ್‌ಗೆ ತೆರಳಿದ್ದಾರೆ. ಮಾಜಿ ಮುಖ್ಯಮಂತ್ರಿಗಳಾದ ಎಂ.ಕೆ.ಸ್ಟಾಲಿನ್ ಮತ್ತು ಉದಯನಿಧಿ ಸ್ಟಾಲಿನ್ ಕೂಡ ಗ್ರೀಸ್‌ಗೆ ಪ್ರಯಾಣ ಬೆಳೆಸಿದ್ದಾರೆ. ಅವರು ದುಬೈ ಮೂಲಕ ಗ್ರೀಸ್ ತಲುಪಲಿದ್ದಾರೆ ಎಂದು ವರದಿಯಾಗಿದೆ. ನವೆಂಬರ್ 10 ಮತ್ತು 11 ರಂದು ನಡೆಯಲಿರುವ ಆಚರಣೆಗಳ ನಂತರ, ನವೆಂಬರ್ 13 ರಂದು ಚೆನ್ನೈಗೆ ಹಿಂತಿರುಗಲಿದ್ದಾರೆ.

ಗ್ರೀಸ್‌ನಲ್ಲಿ ವಿವಾಹವು ಆಪ್ತ ಸ್ನೇಹಿತರು ಮತ್ತು ಕುಟುಂಬದವರ ಸಮ್ಮುಖದಲ್ಲಿ ನಡೆಯಲಿದೆ. ಮಾರನ್ ಕುಟುಂಬವು ಅತಿಥಿಗಳ ವಿಮಾನಗಳು, ವಸತಿ ಮತ್ತು ಇತರ ವ್ಯವಸ್ಥೆಗಳನ್ನು ನೋಡಿಕೊಳ್ತಿದೆ. ಇನ್ನು, ಐಪಿಎಲ್ ಪಂದ್ಯಗಳಲ್ಲಿ ಕಾವ್ಯ ಮಾರನ್ ಪ್ರತಿಕ್ರಿಯೆಗಳು ಸನ್‌ರೈಸರ್ಸ್ ಹೈದರಾಬಾದ್ ಅಭಿಮಾನಿಗಳಿಗೆ ಚೆನ್ನಾಗಿ ಗೊತ್ತು. ತಂಡ ಗೆದ್ದರೆ ಸಂತೋಷ, ಸೋತರೆ ನಿರಾಶೆ.. ಅವರ ಮುಖದಲ್ಲಿ ಕಾಣುವ ಭಾವನೆಗಳು ಮೀಮ್ಸ್ ಆಗುತ್ತವೆ. ಕಾವ್ಯಾ ತಮ್ಮ ಹಿಂದಿನ ಸಂದರ್ಶನದಲ್ಲಿ ನನ್ನನ್ನ ಟ್ರೋಲ್ ಮಾಡೋದು ಸಹಜ. ನನ್ನ ಪ್ರತಿಕ್ರಿಯೆಗಳು ಕೂಡ ಸಹಜವಾಗಿರುತ್ತವೆ. ಕಚೇರಿಗಳಲ್ಲಿ ಷೇರು ಬೆಲೆಗಳ ಏರಿಕೆ ಅಥವಾ ಕುಸಿತಕ್ಕೆ ಉದ್ಯೋಗಿಗಳು ಪ್ರತಿಕ್ರಿಯಿಸುತ್ತಾರೆ. ಅಭಿಮಾನಿಗಳು ಕ್ರೀಡಾಂಗಣದಲ್ಲಿಯೂ ಸಹ ಭಾವನಾತ್ಮಕರಾಗುತ್ತಾರೆ ಎಂದರು. ಸನ್‌ರೈಸರ್ಸ್ ತಂಡದ ವಿಷಯಕ್ಕೆ ಬಂದಾಗ ನನ್ನ ಇಡೀ ಮನಸ್ಸು ಅಲ್ಲೇ ಇರುತ್ತದೆ. ಗೆಲುವು ಮತ್ತು ಸೋಲುಗಳು ಪರಿಣಾಮ ಬೀರುತ್ತವೆ ಎಂದರು.

ನವೆಂಬರ್ 21 ರಂದು ಆರತಕ್ಷತೆ

ಗ್ರೀಸ್‌ನಲ್ಲಿ ವಿವಾಹ ಮಹೋತ್ಸವದ ನಂತರ.. ನವೆಂಬರ್ 21 ರಂದು ಚೆನ್ನೈನಲ್ಲಿ ಅದ್ಧೂರಿ ಆರತಕ್ಷತೆ ನಡೆಯಲಿದೆ. ಕಾವ್ಯಾ ಅವರ ಪೋಷಕರಾದ ಸನ್ ಗ್ರೂಪ್ ಅಧ್ಯಕ್ಷೆ ಕಲಾನಿಧಿ ಮಾರನ್ ಮತ್ತು ಕಾವೇರಿ ಮಾರನ್ ತೆಲಂಗಾಣ ಸಿಎಂ ರೇವಂತ್ ರೆಡ್ಡಿಯನ್ನ ಸಮಾರಂಭಕ್ಕೆ ವೈಯಕ್ತಿಕವಾಗಿ ಆಹ್ವಾನಿಸಿದ್ದಾರೆ. ಅಕ್ಟೋಬರ್‌ನಲ್ಲಿ ತೆಲಂಗಾಣ ಮುಖ್ಯಮಂತ್ರಿ ಕಚೇರಿ ಅಧಿಕೃತವಾಗಿ ಘೋಷಿಸಿತ್ತು. ಪ್ರಧಾನಿ ಮೋದಿ, ಕಾಂಗ್ರೆಸ್ ನಾಯಕರಾದ ಸೋನಿಯಾ ಗಾಂಧಿ, ರಾಹುಲ್ ಗಾಂಧಿ, ತಮಿಳುನಾಡು ಸಿಎಂ ಸಿ. ಜೋಸೆಫ್ ವಿಜಯ್ ಮತ್ತು ಇತರ ಅನೇಕ ಗಣ್ಯರು ಆರತಕ್ಷತೆಯಲ್ಲಿ ಭಾಗವಹಿಸಲಿದ್ದಾರೆ. ಅತಿಥಿಗಳ ಸಂಪೂರ್ಣ ಪಟ್ಟಿಯ ಬಗ್ಗೆ ಅಧಿಕೃತ ಘೋಷಣೆ ಇಲ್ಲ. ಅನಿರುದ್ಧ್ ತಂದೆ ರವಿ ರಾಘವೇಂದ್ರ ಅವರು ರಜನಿಕಾಂತ್ ಕುಟುಂಬಕ್ಕೆ ಸಂಬಂಧಿಸಿರುವುದರಿಂದ ಈ ಸಮಾರಂಭವು ಚಲನಚಿತ್ರೋದ್ಯಮದಲ್ಲಿ ಮಹತ್ವ ಪಡೆದುಕೊಂಡಿದೆ.

ಒಟಿಟಿಗೆ ಬರ್ತಿದೆ ರಶ್ಮಿಕಾ-ವಿಜಯ್ ಜೋಡಿಯ 'ರಣಬಾಲಿ': ಕನ್ನಡದಲ್ಲೂ ಸಿನಿಮಾ ವೀಕ್ಷಿಸಬಹುದು!

Govindaraj S — Mon, 09 Nov 2026 22:13:37 +0530

Ranabaali OTT Release: ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಅಭಿನಯದ ರಾಹುಲ್ ಸಂಕೃತ್ಯನ್ ನಿರ್ದೇಶನದ 'ರಣಬಾಲಿ' ಸಿನಿಮಾ ಅಕ್ಟೋಬರ್ 16 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿತ್ತು. ಈ ಚಿತ್ರದ ಒಟಿಟಿ ರಿಲೀಸ್ ಬಗ್ಗೆ ಇಲ್ಲಿದೆ ಮಾಹಿತಿ.

ಭಾರತದ ಇತಿಹಾಸ ಮತ್ತು ಸಂಸ್ಕೃತಿಯ ಮೇಲೆ ಪ್ರಭಾವ ಬೀರಿದ ನಮ್ಮ ಪೂರ್ವಜರ ವೀರಗಾಥೆಗಳ ಆಧಾರದ ಮೇಲೆ 'ರಣಬಾಲಿ' ಸಿನಿಮಾ ನಿರ್ಮಾಣವಾಗಿದೆ. ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಇದರಲ್ಲಿ ಜೋಡಿಯಾಗಿ ನಟಿಸಿದ್ದಾರೆ. ಅಕ್ಟೋಬರ್ 16 ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಈ ಚಿತ್ರವು ಉತ್ತಮ ಕಲೆಕ್ಷನ್ ಮಾಡಿದೆ. ಇದೀಗ ಈ ಚಿತ್ರದ ಒಟಿಟಿ ರಿಲೀಸ್ ವಿವರಗಳು ಹೊರಬಿದ್ದಿವೆ. ಪ್ರಮುಖ ಒಟಿಟಿ ಪ್ಲಾಟ್‌ಫಾರ್ಮ್ ನೆಟ್‌ಫ್ಲಿಕ್ಸ್ ಇದರ ಡಿಜಿಟಲ್ ಸ್ಟ್ರೀಮಿಂಗ್ ಹಕ್ಕುಗಳನ್ನು ಪಡೆದುಕೊಂಡಿದೆ. ನವೆಂಬರ್ 13 ರಿಂದ ಈ ಸಿನಿಮಾ ನೆಟ್‌ಫ್ಲಿಕ್ಸ್‌ನಲ್ಲಿ ಲಭ್ಯವಾಗಲಿದೆ.

ರಾಹುಲ್ ಸಂಕೃತ್ಯನ್ ಈ 'ರಣಬಾಲಿ' ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಮೈತ್ರಿ ಮೂವೀ ಮೇಕರ್ಸ್ ಬ್ಯಾನರ್ ಅಡಿಯಲ್ಲಿ ನವೀನ್ ಯೆರ್ನೇನಿ ಮತ್ತು ವೈ. ರವಿಶಂಕರ್ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಇದರಲ್ಲಿ ವಿಜಯ್ ದೇವರಕೊಂಡ ರಣಬಾಲಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ, ರಶ್ಮಿಕಾ ಮಂದಣ್ಣ ಜಯಮ್ಮ ಪಾತ್ರವನ್ನು ನಿರ್ವಹಿಸಿದ್ದಾರೆ. ಇಬ್ಬರ ನಡುವಿನ ಗಾಢವಾದ ಪ್ರೀತಿಯನ್ನು ತೋರಿಸುವ 'ಎಂದಯ್ಯ ಸಾಮಿ' ಹಾಡು ಎಲ್ಲರ ಗಮನ ಸೆಳೆದಿದೆ. ಟ್ರೇಲರ್‌ನಲ್ಲಿ ಹಿಂದೆಂದೂ ಕಾಣದ ಅತ್ಯಂತ ಪವರ್‌ಫುಲ್ ಮತ್ತು ಇಂಟೆನ್ಸ್ ಲುಕ್‌ನಲ್ಲಿ ವಿಜಯ್ ದೇವರಕೊಂಡ ಕಾಣಿಸಿಕೊಂಡು ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದ್ದಾರೆ.

1876-1878 ರ ಬ್ರಿಟಿಷ್ ಆಳ್ವಿಕೆಯಲ್ಲಿ ಪ್ರಾಣ ಕಳೆದುಕೊಂಡ ಸುಮಾರು 80 ಲಕ್ಷ ಭಾರತೀಯರ ಸ್ಮರಣಾರ್ಥ ಈ ಸಿನಿಮಾವನ್ನು ನಿರ್ಮಿಸಲಾಗಿದೆ. ಆ ಕಾಲದಲ್ಲಿ ಭಾರತದಲ್ಲಿ ನಡೆದ ಕೆಲವು ನೈಜ ಐತಿಹಾಸಿಕ ಘಟನೆಗಳ ಆಧಾರದ ಮೇಲೆ ಇದನ್ನು ಚಿತ್ರೀಕರಿಸಲಾಗಿದೆ. "ಸಿಂಗನಮಲ ಬೊಬ್ಬಿಲಿ ರಣಬಾಲಿ" ಎಂಬ ವೀರನ ಪಾತ್ರದಲ್ಲಿ ವಿಜಯ್ ದೇವರಕೊಂಡ ಅತ್ಯದ್ಭುತವಾಗಿ ನಟಿಸಿದ್ದಾರೆ.

ಇನ್ನು ಪ್ಯಾನ್-ಇಂಡಿಯಾ ಮಟ್ಟದಲ್ಲಿ ನಿರ್ಮಾಣವಾಗಿರುವ ಈ ಚಿತ್ರವನ್ನು ಟಿ-ಸೀರೀಸ್ ಪ್ರೇಕ್ಷಕರ ಮುಂದಿಟ್ಟಿದೆ. ಈ ಬಿಗ್ ಬಜೆಟ್ ಚಿತ್ರದಲ್ಲಿ 'ದಿ ಮಮ್ಮಿ', 'ದಿ ಮಮ್ಮಿ ರಿಟರ್ನ್ಸ್', 'ಬ್ಲಡ್ ಡೈಮಂಡ್' ನಂತಹ ಸಿನಿಮಾಗಳಿಂದ ಫೇಮಸ್ ಆಗಿರುವ ಹಾಲಿವುಡ್ ನಟ ಆರ್ನಾಲ್ಡ್ ವೋಸ್ಲೂ ಪವರ್‌ಫುಲ್ ವಿಲನ್ ಆಗಿ ನಟಿಸಿದ್ದಾರೆ. ಸರ್ ಥಿಯೋಡರ್ ಹೆಕ್ಟರ್ ಎಂಬ ಬ್ರಿಟಿಷ್ ಅಧಿಕಾರಿಯ ಪಾತ್ರದಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ.

Army Vs ಸಿವಿಲಿಯನ್ಸ್; ಸ್ನೇಹ, ಪ್ರೀತಿ ನಡುವೆ ಮುಗಿದು ಹೋಗುವ ಬದುಕಲ್ಲಿ ಜೀವಿಸಿದ ಧಾರಾವಾಹಿ!

Bhimasi M Koleppanavar — Mon, 09 Nov 2026 21:59:55 +0530

ದಿನವೂ ತಂದೆಯ ಹತ್ತಿರ ಬೈಸಿಕೊಳ್ಳುವ ಆ ಕರಾರುವಾಕ್ ತುಂಟ ಹುಡುಗ, ಬೈಕ್ ರೈಡಿಂಗ್, ವಿಡಿಯೋ ಗೇಮ್ಸ್ ಗೀಳು, ದಿನಾಲೂ ಕ್ಲಾಸ್ ಬಂಕ್ ಮಾಡುವುದು.. ಹೀಗೆ ಬರೀ ತರ್ಲೆ ಮಾಡುತ್ತಲೇ ತಿರುಗುತ್ತಿರುತ್ತಾನೆ. ಆದರೆ, ಕಾಲಚಕ್ರ ಉರುಳಿದಂತೆ ವಿಧಿ ಆತನನ್ನು ತಂದು ನಿಲ್ಲಿಸುವುದೇ ಒಂದು ಕಟ್ಟುನಿಟ್ಟಿನ ಆರ್ಮಿ ಸ್ಕೂಲ್‌ನಲ್ಲಿ! ತೀರ ಸಾಮಾನ್ಯ ನಾಗರಿಕ ಹಿನ್ನೆಲೆಯಿಂದ (Civilian) ಬಂದ ಆ ತುಂಟನಿಗೆ ಆರಂಭದಲ್ಲಿ ಸೇನಾ ಶಿಸ್ತಿನ ಆ ವಾತಾವರಣ ನರಕದಂತೆ ಭಾಸವಾಗುತ್ತದೆ. ಜೊತೆಗೆ ಸೈನಿಕರ ಮಕ್ಕಳಿಂದ ರ‍್ಯಾಗಿಂಗ್ ಮಾದರಿಯ ಕಿರುಕುಳವೂ ಎದುರಾಗುತ್ತದೆ. ಆದರೆ ಧೃತಿಗೆಡದ ಆತ, ಎಲ್ಲವನ್ನೂ ಮೆಟ್ಟಿ ನಿಂತು ಅದೇ ಆರ್ಮಿ ಹುಡುಗರಿಗೆ ಸವಾಲಾಗಿ ಬೆಳೆಯುತ್ತಾನೆ. ಈ ಕುರಿತು ಕಂಪ್ಲೀಟ್ ಸ್ಟೋರಿ ಇಲ್ಲಿದೆ.

'ಏಕ್ ದೂಜೆ ಕೆ ವಾಸ್ತೆ ಸೀಸನ್ 2'!

ಕ್ಯಾಂಪಸ್ ದಿನಗಳು ಕಳೆದಂತೆ ಶತ್ರುಗಳಾಗಿದ್ದವರೇ ಆಪ್ತ ಸ್ನೇಹಿತರಾಗುತ್ತಾರೆ. ಸ್ನೇಹದ ಆ ಸುಂದರ ಪಯಣದಲ್ಲಿ ಕಾಲದ ಅರಿವಿಲ್ಲದೇ ನಿಷ್ಕಲ್ಮಷ ಪ್ರೀತಿಯೊಂದು ಚಿಗುರೊಡೆಯುತ್ತದೆ. ಸ್ನೇಹ, ಪ್ರೀತಿ ಮತ್ತು ಸಿದ್ಧಾಂತಗಳ ನಡುವೆ ಸಾಗುವ ಈ ಕಥೆಯ ಭಾವನಾತ್ಮಕ ಜರ್ನಿ ಎಂತವರನ್ನೂ ಮಂತ್ರಮುಗ್ಧರನ್ನಾಗಿಸುತ್ತದೆ. ಪ್ರತಿಯೊಂದು ಎಪಿಸೋಡ್ ಮುಗಿದದ್ದೇ ತಿಳಿಯದಂತೆ ವೀಕ್ಷಕರನ್ನು ತನ್ನ ಲೋಕಕ್ಕೆ সেಳೆದುಕೊಂಡು ಸಾಗುವ ಈ ಅಪರೂಪದ ಧಾರಾವಾಹಿಯೇ 'ಏಕ್ ದೂಜೆ ಕೆ ವಾಸ್ತೆ ಸೀಸನ್ 2' ಆಗಿದೆ.

ಪಾತ್ರಗಳ ಜೀವಂತಿಕೆ ಮತ್ತು ಹಣೆಬರಹ ಬದಲಿಸಿದ ಆ ಒಂದು ಸಾವು!

ಈ ತುಂಟ ಹುಡುಗ 'ಶ್ರವಣ್' ಪಾತ್ರದಲ್ಲಿ ಮೋಹಿತ್ ಕುಮಾರ್ ಮತ್ತು ಆರ್ಮಿ ಶಿಸ್ತಿನ ಹುಡುಗಿ 'ಸುಮನ್' ಪಾತ್ರದಲ್ಲಿ ಕನ್ನಿಕಾ ಕಪೂರ್ ತಮ್ಮ ಅದ್ಭುತ ನಟನೆಯಿಂದ ಪಾತ್ರಗಳಿಗೆ ಜೀವ ತುಂಬಿದ್ದಾರೆ. ದಿನ ಕಳೆದಂತೆ ಇಬ್ಬರ ನಡುವೆ ಗಾಢವಾದ ಪ್ರೀತಿ ಅರಳುತ್ತದೆ. ಇತ್ತ ಶ್ರವಣ್ ತಂದೆ ದೇವ್‌ರಾಜ್ ಮಲ್ಹೋತ್ರಾ ಮತ್ತು ಸುಮನ್ ತಂದೆ ವಿಜಯ್ ತಿವಾರಿ ಆತ್ಮೀಯ ಸ್ನೇಹಿತರಾಗಿರುತ್ತಾರೆ. ಆದರೆ, ವಿಧಿಯ ಆಟವೇ ಬೇರೆಯಾಗಿತ್ತು. ಬ್ಯುಸಿನೆಸ್ ಮ್ಯಾನ್ ಆಗಿದ್ದ ಮಲ್ಹೋತ್ರಾ ಆರ್ಮಿ ಕ್ಯಾಂಟ್‌ಗೆ ಬುಲೆಟ್ ಪ್ರೂಫ್ ಜಾಕೆಟ್ ಸಪ್ಲೈ ಮಾಡುವ ಆರ್ಡರ್ ಪಡೆಯುತ್ತಾರೆ. ಇದೇ ನಡುವೆ ಮಿಷನ್ ಒಂದರಲ್ಲಿ ಸುಮನ್ ತಂದೆ ವಿಜಯ್ ತಿವಾರಿ ಪ್ರಾಣತ್ಯಾಗ. ಆದರೆ ಇಲ್ಲಿಗೆ ಕಥೆಗೆ ದೊಡ್ಡ ಆಘಾತ ಎದುರಾಗುತ್ತದೆ. ವಿಜಯ್ ತಿವಾರಿ ಅವರ ಸಾವು ಮಲ್ಹೋತ್ರಾ ನೀಡಿದ ಕಳಪೆ ಗುಣಮಟ್ಟದ ಜಾಕೆಟ್‌ಗಳಿಂದಲೇ ಆಯಿತು ಎಂಬ ಆರೋಪ ಕೇಳಿಬರುತ್ತದೆ. ಇಬ್ಬರು ಆಪ್ತ ಸ್ನೇಹಿತರ ಮನೆಗಳು ಒಂದೇ ರಾತ್ರಿಯಲ್ಲಿ ಇಬ್ಬಾಗವಾಗುತ್ತವೆ. ದೇವ್‌ರಾಜ್ ಮಲ್ಹೋತ್ರಾ ಮೇಲೆ ದೇಶದ್ರೋಹದ ಕೇಸ್ ಹಾಕಿ ಜೈಲಿಗೆ ಕಳುಹಿಸಲಾಗುತ್ತದೆ. ಪ್ರಾಣಕ್ಕಿಂತ ಹೆಚ್ಚಾಗಿ ಪ್ರೀತಿಸುತ್ತಿದ್ದ ಶ್ರವಣ್ ಮತ್ತು ಸುಮನ್ ನಡುವೆ ದ್ವೇಷದ ಗೋಡೆ ನಿರ್ಮಾಣವಾಗುತ್ತದೆ. ಇಲ್ಲೇ ಕಥೆಗೆ ಒಂದು ಬಿಗ್ ಟ್ವಿಸ್ಟ್ ಸಿಗುತ್ತದೆ.

ಯುಎಸ್ ಆಸೆ ಮರೆತು ಆರ್ಮಿ ಸೇರಿದ ಹುಡುಗ!

ಇದೆಲ್ಲಾ ಆದ ನಂತರ ಕಥೆ 7 ವರ್ಷಗಳ ಸುದೀರ್ಘ ಜಿಗಿತವನ್ನು (Leap) ಕಾಣುತ್ತದೆ. ಮೊದಲಿಗೆ ಉನ್ನತ ವಿದ್ಯಾಭ್ಯಾಸಕ್ಕಾಗಿ ಯುಎಸ್ (US) ಹೋಗಲು ಸಿದ್ಧನಾಗಿದ್ದ ಅದೇ ತರ್ಲೆ ಹುಡುಗ ಶ್ರವಣ್, ಇಂದು ದೇಶ ಕಾಯುವ ಗಂಭೀರ ಆರ್ಮಿ ಆಫೀಸರ್ ಆಗಿ ಪ್ರತ್ಯಕ್ಷನಾಗುತ್ತಾನೆ! ಇತ್ತ ಸುಮನ್ ಸಹ ತನ್ನ ತಂದೆಯ ಹಾದಿಯಲ್ಲೇ ನಡೆದು ಆರ್ಮಿ ಕ್ಯಾಪ್ಟನ್ ಡಾ. ಸುಮನ್ ಆಗಿ ದೇಶದ ಸೇವೆಗೆ ನಿಲ್ಲುತ್ತಾಳೆ. ಹಳೆಯ ಪ್ರೇಮಿಗಳು ಮತ್ತೆ ಮುಖಾಮುಖಿಯಾದಾಗ ಕಥೆ ಮತ್ತೊಂದು ರೋಮಾಂಚನಕಾರಿ ಹಂತದತ್ತ ಸಾಗುತ್ತದೆ. ಕೇವಲ ಮುಖ್ಯ ಪಾತ್ರಗಳಷ್ಟೇ ಅಲ್ಲದೆ, ಶ್ರವಣ್ ಸ್ನೇಹಿತ ಬಂಟಿ, ಸುಮನ್ ಸಹೋದರಿ ಕಂಚನ್, ವಿಕ್ರಮ್, ಬ್ರಿಗೇಡಿಯರ್ ಬುಡ್ಡಾ ಎಲ್ಲರೂ ತಮ್ಮ ಪಾತ್ರಗಳಿಗೆ ಎಲ್ಲಿಲ್ಲದ ಜೀವ ತುಂಬಿದ್ದಾರೆ. ಆದ್ದರಿಂದಲೇ ಈ ಕಥೆ ಮುಗಿದು ಹೋಗುವ ಬದುಕಲ್ಲಿ ಶಾಶ್ವತವಾಗಿ ಜೀವಿಸುವಂಥದ್ದಾಗಿದೆ.

ಒಟಿಟಿಯಲ್ಲಿ ಇಂದಿಗೂ ಇದೆ ಕ್ರೇಜ್!

ಸೋನಿ ಲಿವ್ ಒಟಿಟಿಯಲ್ಲಿ ಇಂದಿಗೂ ಯುವ ಪೀಳಿಗೆ ಈ ಸುಂದರ ದೇಶಪ್ರೇಮ ಮತ್ತು ಪ್ರೇಮಕಾವ್ಯದ ಕಥೆಯನ್ನು ಮುಗಿಬಿದ್ದು ನೋಡುತ್ತಿರುವುದೇ ಇದರ ಅದ್ಭುತ ಯಶಸ್ಸಿಗೆ ಸಾಕ್ಷಿಯಾಗಿದೆ.

ಜಿಮ್‌ನಲ್ಲಿ ಸುರ್ ಸುರ್ ಬತ್ತಿ ಹಿಡಿದ ನಟ ದುನಿಯಾ ವಿಜಯ್: ವೈರಲ್ ಪೋಸ್ಟ್‌ನಲ್ಲಿ ಏನಿದೆ?

Govindaraj S — Mon, 09 Nov 2026 20:53:05 +0530

ಕನ್ನಡ ನಟ ದುನಿಯಾ ವಿಜಯ್ ಅವರು ದೀಪಾವಳಿ ಹಬ್ಬದ ಪ್ರಯುಕ್ತ ಅಭಿಮಾನಿಗಳು ಹಾಗೂ ಎಲ್ಲರಿಗೂ ಹೃತ್ಪೂರ್ವಕ ಶುಭಾಶಯಗಳನ್ನು ತಿಳಿಸಿದ್ದಾರೆ. ಜಿಮ್‌ನಲ್ಲಿ ಕೈಯಲ್ಲಿ ಸುರ್ ಸುರ್ ಬತ್ತಿ ಹಿಡಿದಿರುವ ಫೋಟೋ ಹಂಚಿಕೊಂಡಿದ್ದಾರೆ.

ಕನ್ನಡ ಚಿತ್ರರಂಗದ ಖ್ಯಾತ ನಟ ದುನಿಯಾ ವಿಜಯ್ ಅವರು ದೀಪಾವಳಿ ಹಬ್ಬದ ಪ್ರಯುಕ್ತ ಅಭಿಮಾನಿಗಳು ಸೇರಿದಂತೆ ಎಲ್ಲರಿಗೂ ಹೃತ್ಪೂರ್ವಕ ಶುಭಾಶಯಗಳನ್ನು ತಿಳಿಸಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಫೋಟೋವೊಂದನ್ನು ಹಂಚಿಕೊಂಡು ಹಬ್ಬದ ಶುಭಾಶಯ ಕೋರಿರುವ ಅವರ ಸರಳ ಸಂದೇಶ ಅಭಿಮಾನಿಗಳ ಗಮನ ಸೆಳೆದಿದೆ.

ಜಿಮ್‌ನಲ್ಲಿ ಕೈಯಲ್ಲಿ ಸುರ್ ಸುರ್ ಬತ್ತಿ ಹಿಡಿದುಕೊಂಡಿರುವ ಫೋಟೋವನ್ನು ಹಂಚಿಕೊಂಡ ವಿಜಯ್, ಕನ್ನಡದಲ್ಲೇ ಹಬ್ಬದ ಶುಭಾಶಯಗಳನ್ನು ತಿಳಿಸಿದ್ದಾರೆ. ಬೆಳಕಿನ ಹಬ್ಬ ದೀಪಾವಳಿ ಎಲ್ಲರ ಬದುಕಿನಲ್ಲೂ ಸಂತೋಷ ಮತ್ತು ಬೆಳಕನ್ನು ತರಲಿ, ಪ್ರತಿಯೊಬ್ಬರಿಗೂ ಹಾಗೂ ಅವರ ಕುಟುಂಬದವರಿಗೂ ಸುಖ-ಸಮೃದ್ಧಿ ದೊರೆಯಲಿ ಎಂದು ಹಾರೈಸಿದ್ದಾರೆ.

ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ವಿಜಯ್ ಅವರ ತಮಿಳು ಚಿತ್ರರಂಗದ ಚೊಚ್ಚಲ ಸಿನಿಮಾ 'ಮೂಕುತಿ ಅಮ್ಮನ್ 2' ಸದ್ಯ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣುತ್ತಿದೆ. ಈ ಮೂಲಕ ಕನ್ನಡದಾಚೆಗೂ ತಮ್ಮ ನಟನೆಯ ಮೂಲಕ ಗಮನ ಸೆಳೆಯುತ್ತಿದ್ದಾರೆ.

ಇನ್ನು ಹಬ್ಬದ ಸಂದರ್ಭದಲ್ಲಿ ಅಭಿಮಾನಿಗಳೊಂದಿಗೆ ಖುಷಿಯನ್ನು ಹಂಚಿಕೊಂಡಿದ್ದಾರೆ. ದೀಪಾವಳಿ ಹಬ್ಬದ ಸಂಭ್ರಮಕ್ಕೆ ದುನಿಯಾ ವಿಜಯ್ ಅವರ ಸರಳವಾದರೂ ಆತ್ಮೀಯವಾದ ಶುಭಾಶಯದ ಸಂದೇಶ ಮತ್ತಷ್ಟು ಮೆರುಗು ನೀಡಿದೆ.

ಕೇವಲ ನಟನಲ್ಲ, ದೂರದೃಷ್ಟಿಯ ಕನಸುಗಾರ: ಕರಾಟೆ ಕಿಂಗ್ ಶಂಕರ್ ನಾಗ್ ಅವರ ಮರೆಯಲಾಗದ ಸಾಧನೆಗಳಿವು!

Govindaraj S — Mon, 09 Nov 2026 20:32:34 +0530

ಕೆಲವರು ತಾವು ನಟಿಸಿದ ಸಿನಿಮಾಗಳ ಮೂಲಕ ನೆನಪಿನಲ್ಲಿ ಉಳಿಯುತ್ತಾರೆ. ಇನ್ನು ಕೆಲವರು ತಮ್ಮ ಕನಸು, ಸಾಧನೆ ಮತ್ತು ದೂರದೃಷ್ಟಿಯ ಮೂಲಕ ತಲೆಮಾರುಗಳ ಮನಸ್ಸಿನಲ್ಲಿ ಶಾಶ್ವತ ಸ್ಥಾನ ಪಡೆಯುತ್ತಾರೆ. ಕನ್ನಡ ಚಿತ್ರರಂಗದ ಪಾಲಿಗೆ ಶಂಕರ್ ನಾಗ್ ಅಂತಹ ಅಪರೂಪದ ವ್ಯಕ್ತಿತ್ವ. ನಟ, ನಿರ್ದೇಶಕ, ರಂಗಕರ್ಮಿ, ಕಿರುತೆರೆಯ ಸೃಜನಶೀಲ ಪ್ರತಿಭೆ ಹಾಗೂ ಭವಿಷ್ಯದ ಬಗ್ಗೆ ಸ್ಪಷ್ಟ ಕಲ್ಪನೆ ಹೊಂದಿದ್ದ ಕನಸುಗಾರನಾಗಿ ಅವರು ಕನ್ನಡಿಗರ ಮನದಲ್ಲಿ ಇಂದಿಗೂ ಜೀವಂತವಾಗಿದ್ದಾರೆ.

1954ರ ನವೆಂಬರ್ 9ರಂದು ಕರ್ನಾಟಕದಲ್ಲಿ ಶಂಕರ್ ನಾಗರಕಟ್ಟೆ ಎಂಬ ಹೆಸರಿನಲ್ಲಿ ಜನಿಸಿದ ಶಂಕರ್ ನಾಗ್ ಅವರಿಗೆ ಬಾಲ್ಯದಿಂದಲೇ ರಂಗಭೂಮಿಯ ಬಗ್ಗೆ ವಿಶೇಷ ಆಸಕ್ತಿ ಇತ್ತು. ಮುಂಬೈನಲ್ಲಿ ಮರಾಠಿ ರಂಗಭೂಮಿಯೊಂದಿಗಿನ ಒಡನಾಟ ಅವರ ಕಲಾತ್ಮಕ ವ್ಯಕ್ತಿತ್ವವನ್ನು ರೂಪಿಸುವಲ್ಲಿ ಮಹತ್ವದ ಪಾತ್ರ ವಹಿಸಿತು.

ಬಳಿಕ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ಅವರು, ಗಿರೀಶ್ ಕಾರ್ನಾಡ್ ನಿರ್ದೇಶನದ 'ಒಂದಾನೊಂದು ಕಾಲದಲ್ಲಿ' (1978) ಚಿತ್ರದ ಮೂಲಕ ಗಮನ ಸೆಳೆದರು. ಈ ಸಿನಿಮಾದಲ್ಲಿನ ಅಭಿನಯಕ್ಕಾಗಿ ಅವರಿಗೆ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಅತ್ಯುತ್ತಮ ನಟ ವಿಭಾಗದ ಸಿಲ್ವರ್ ಪೀಕಾಕ್ ಪ್ರಶಸ್ತಿ ಲಭಿಸಿತು. ಇದು ಅವರ ಸಿನಿಪಯಣಕ್ಕೆ ಅದ್ಭುತ ಆರಂಭ ನೀಡಿತು.

ಅಭಿಮಾನಿಗಳ ಪಾಲಿನ ಕರಾಟೆ ಕಿಂಗ್!

ಕನ್ನಡ ಚಿತ್ರರಂಗದಲ್ಲಿ ಶಂಕರ್ ನಾಗ್ ಹೆಸರು ಜನಪ್ರಿಯವಾಗಲು ಹೆಚ್ಚು ಸಮಯ ಬೇಕಾಗಲಿಲ್ಲ. 'ಆಟೋ ರಾಜ', 'ಗೀತಾ', 'ಮಿಂಚಿನ ಓಟ', 'ನೋಡಿ ಸ್ವಾಮಿ ನಾವಿರೋದು ಹೀಗೆ', 'ಸಾಂಗ್ಲಿಯಾನ' ಸೇರಿದಂತೆ ಹಲವು ಸಿನಿಮಾಗಳಲ್ಲಿ ತಮ್ಮ ವಿಭಿನ್ನ ಅಭಿನಯದ ಮೂಲಕ ಪ್ರೇಕ್ಷಕರ ಮನಗೆದ್ದರು.

ವಿಶೇಷವಾಗಿ ಸಾಹಸಮಯ ಪಾತ್ರಗಳು ಹಾಗೂ ಆಕ್ಷನ್ ದೃಶ್ಯಗಳಲ್ಲಿನ ಅವರ ಚುರುಕುತನ ಅಭಿಮಾನಿಗಳಲ್ಲಿ ಅಪಾರ ಕ್ರೇಜ್ ಸೃಷ್ಟಿಸಿತ್ತು. ಇದೇ ಕಾರಣಕ್ಕೆ ಅವರು 'ಕರಾಟೆ ಕಿಂಗ್' ಎಂಬ ಜನಪ್ರಿಯ ಬಿರುದನ್ನೂ ಪಡೆದುಕೊಂಡರು. ಕಮರ್ಷಿಯಲ್ ಸಿನಿಮಾಗಳಲ್ಲಿ ಮಿಂಚುವುದರ ಜೊತೆಗೆ ವಿಭಿನ್ನ ಕಥಾಹಂದರದ ಚಿತ್ರಗಳಲ್ಲೂ ತಮ್ಮ ಪ್ರತಿಭೆ ತೋರಿದ ಶಂಕರ್ ನಾಗ್, ಬಹುಮುಖ ನಟನಾಗಿ ಗುರುತಿಸಿಕೊಂಡರು.

ನಟನೆಯಷ್ಟೇ ಅಲ್ಲ, ನಿರ್ದೇಶನದಲ್ಲೂ ಸೃಷ್ಟಿಸಿದರು ಹೊಸ ಮೈಲಿಗಲ್ಲು!

ಶಂಕರ್ ನಾಗ್ ಅವರಿಗೆ ನಟನೆಯೇ ಅಂತಿಮ ಗುರಿಯಾಗಿರಲಿಲ್ಲ. ಸಿನಿಮಾದಲ್ಲಿ ಹೊಸ ಪ್ರಯೋಗ ಮಾಡಬೇಕು, ವಿಭಿನ್ನ ಕಥೆಗಳನ್ನು ಹೇಳಬೇಕು ಎಂಬ ತುಡಿತ ಅವರಲ್ಲಿತ್ತು. ನಿರ್ದೇಶಕರಾಗಿಯೂ ತಮ್ಮದೇ ಆದ ಛಾಪು ಮೂಡಿಸಿದ ಅವರು 'ಮಿಂಚಿನ ಓಟ', 'ಆಕ್ಸಿಡೆಂಟ್' ಸೇರಿದಂತೆ ಗಮನಾರ್ಹ ಸಿನಿಮಾಗಳನ್ನು ನೀಡಿದರು.

1985ರಲ್ಲಿ ಬಿಡುಗಡೆಯಾದ 'ಆಕ್ಸಿಡೆಂಟ್' ಸಿನಿಮಾ ಸಾಮಾಜಿಕ ಸಮಸ್ಯೆಗಳನ್ನು ಪರಿಣಾಮಕಾರಿಯಾಗಿ ತೆರೆಮೇಲೆ ಕಟ್ಟಿಕೊಟ್ಟಿತ್ತು. ಈ ಚಿತ್ರಕ್ಕೆ ಸಾಮಾಜಿಕ ಸಮಸ್ಯೆಗಳ ಕುರಿತ ಅತ್ಯುತ್ತಮ ಸಿನಿಮಾ ವಿಭಾಗದಲ್ಲಿ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಲಭಿಸಿತು. ಮನರಂಜನೆಯ ಜೊತೆಗೆ ಸಮಾಜದ ವಿಚಾರಗಳನ್ನೂ ಸಿನಿಮಾದ ಮೂಲಕ ಚರ್ಚಿಸಬಹುದು ಎಂಬುದನ್ನು ಶಂಕರ್ ನಾಗ್ ತಮ್ಮ ನಿರ್ದೇಶನದ ಮೂಲಕ ತೋರಿಸಿಕೊಟ್ಟರು.

'ಮಾಲ್ಗುಡಿ ಡೇಸ್' ಮೂಲಕ ಇಂದಿಗೂ ಮನಸ್ಸಿನಲ್ಲಿ ಉಳಿದಿರುವ ಮಾಂತ್ರಿಕ!

ಕಿರುತೆರೆಗೆ ಶಂಕರ್ ನಾಗ್ ನೀಡಿದ ಕೊಡುಗೆ ಕನ್ನಡಿಗರ ಪಾಲಿಗೆ ಮಾತ್ರವಲ್ಲ, ಭಾರತೀಯ ದೂರದರ್ಶನದ ಇತಿಹಾಸದಲ್ಲೂ ವಿಶೇಷ ಸ್ಥಾನ ಪಡೆದಿದೆ. ಖ್ಯಾತ ಸಾಹಿತಿ ಆರ್.ಕೆ. ನಾರಾಯಣ್ ಅವರ ಕಥೆಗಳನ್ನು ಆಧರಿಸಿ ಅವರು ನಿರ್ದೇಶಿಸಿದ 'ಮಾಲ್ಗುಡಿ ಡೇಸ್' ಇಂದಿಗೂ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದಾಗಿದೆ.

ಮಾಲ್ಗುಡಿ ಎಂಬ ಕಾಲ್ಪನಿಕ ಊರಿನ ಸರಳ ಬದುಕು, ಅಲ್ಲಿನ ಪಾತ್ರಗಳು, ಸುಂದರ ನಿರೂಪಣೆ ಹಾಗೂ ಮನಮುಟ್ಟುವ ಕಥೆಗಳು ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸಿದ್ದವು. ಸಾಹಿತ್ಯದ ಪುಟಗಳಲ್ಲಿದ್ದ ಮಾಲ್ಗುಡಿ ಜಗತ್ತನ್ನು ದೃಶ್ಯರೂಪದಲ್ಲಿ ಮನೆಮನೆಗೂ ತಲುಪಿಸಿದ ಕೀರ್ತಿ ಶಂಕರ್ ನಾಗ್ ಅವರಿಗೆ ಸಲ್ಲುತ್ತದೆ. ಇಂದಿಗೂ ಈ ಧಾರಾವಾಹಿಯನ್ನು ನೆನಪಿಸಿಕೊಳ್ಳುವವರು ಹಲವರಿದ್ದಾರೆ.

ಬೆಂಗಳೂರಿಗೆ ಮೆಟ್ರೋ ಕನಸು ಕಂಡಿದ್ದ ದೂರದೃಷ್ಟಿಯ ವ್ಯಕ್ತಿ!

ಶಂಕರ್ ನಾಗ್ ಅವರ ವ್ಯಕ್ತಿತ್ವ ಸಿನಿಮಾರಂಗಕ್ಕೆ ಮಾತ್ರ ಸೀಮಿತವಾಗಿರಲಿಲ್ಲ. ನಗರಾಭಿವೃದ್ಧಿ ಹಾಗೂ ಆಧುನಿಕ ಸಾರಿಗೆ ವ್ಯವಸ್ಥೆಯ ಬಗ್ಗೆಯೂ ಅವರಿಗೆ ವಿಶೇಷ ಆಸಕ್ತಿ ಇತ್ತು. ಬೆಂಗಳೂರು ನಗರದಲ್ಲಿ ಮೆಟ್ರೋ ರೈಲು ವ್ಯವಸ್ಥೆ ರೂಪಿಸುವ ಕನಸನ್ನು ಅವರು ಬಹಳ ಹಿಂದೆಯೇ ಕಂಡಿದ್ದರು ಎನ್ನಲಾಗುತ್ತದೆ. ಆ ಕಾಲದಲ್ಲೇ ನಗರದ ಭವಿಷ್ಯದ ಸಂಚಾರ ವ್ಯವಸ್ಥೆಯ ಬಗ್ಗೆ ಯೋಚಿಸಿದ್ದ ಅವರ ದೂರದೃಷ್ಟಿ ಇಂದಿಗೂ ಅಚ್ಚರಿ ಮೂಡಿಸುತ್ತದೆ.

ಅವರ ಸಹೋದರ ಅನಂತ್ ನಾಗ್ ಅವರೊಂದಿಗಿನ ಕಲಾತ್ಮಕ ಒಡನಾಟ ಹಾಗೂ 'ಸಂಕೇತ್' ರಂಗತಂಡದ ಮೂಲಕ ರಂಗಭೂಮಿಗೆ ನೀಡಿದ ಕೊಡುಗೆಗಳು ಕೂಡ ಅವರ ಸೃಜನಶೀಲ ಆಸಕ್ತಿಗೆ ಸಾಕ್ಷಿಯಾಗಿವೆ. ನಟನೆ, ನಿರ್ದೇಶನ, ರಂಗಭೂಮಿ, ಕಿರುತೆರೆ ಹೀಗೆ ಹಲವು ಕ್ಷೇತ್ರಗಳಲ್ಲಿ ತಮ್ಮದೇ ಆದ ಗುರುತು ಮೂಡಿಸಿದ್ದರು.

35ನೇ ವಯಸ್ಸಿನಲ್ಲೇ ಅಂತ್ಯಗೊಂಡ ಅದ್ಭುತ ಪಯಣ!

ಕನ್ನಡ ಚಿತ್ರರಂಗಕ್ಕೆ ಇನ್ನೂ ಸಾಕಷ್ಟು ಕೊಡುಗೆ ನೀಡಬೇಕಿದ್ದ ಶಂಕರ್ ನಾಗ್ ಅವರ ಬದುಕು ದುರಂತ ಅಂತ್ಯ ಕಂಡಿದ್ದು ಮಾತ್ರ ಇಂದಿಗೂ ಮರೆಯಲಾಗದ ನೋವು. 1990ರ ಸೆಪ್ಟೆಂಬರ್ 30ರಂದು ಸಂಭವಿಸಿದ ರಸ್ತೆ ಅಪಘಾತದಲ್ಲಿ ಅವರು ನಿಧನರಾದರು. ಆಗ ಅವರಿಗೆ ಕೇವಲ 35 ವರ್ಷ ವಯಸ್ಸಾಗಿತ್ತು. ಅವರ ಅಕಾಲಿಕ ನಿಧನ ಕನ್ನಡ ಚಿತ್ರರಂಗಕ್ಕೆ ತುಂಬಲಾರದ ನಷ್ಟವಾಗಿತ್ತು.

72ನೇ ಜನ್ಮದಿನದ ನೆನಪಿನಲ್ಲಿ; ಮರೆಯಾಗದ ಶಂಕರ್ ನಾಗ್!

ಇಂದು ಶಂಕರ್ ನಾಗ್ ಅವರ 72ನೇ ಜನ್ಮದಿನ. ಅವರು ನಮ್ಮೊಂದಿಗಿಲ್ಲದಿದ್ದರೂ ಅವರ ಸಿನಿಮಾಗಳು, ನಿರ್ದೇಶನದ ಪ್ರಯೋಗಗಳು, 'ಮಾಲ್ಗುಡಿ ಡೇಸ್'ನಂತಹ ಅದ್ಭುತ ಕೃತಿಗಳು ಹಾಗೂ ದೂರದೃಷ್ಟಿಯ ಆಲೋಚನೆಗಳು ಇಂದಿಗೂ ಅವರನ್ನು ಜೀವಂತವಾಗಿರಿಸಿವೆ.

ಇನ್ನು ಶಂಕರ್ ನಾಗ್ ಎಂದರೆ ಕೇವಲ ಒಬ್ಬ ನಟ ಅಥವಾ ನಿರ್ದೇಶಕನ ಹೆಸರಲ್ಲ. ಹೊಸತನಕ್ಕೆ ಹೆದರದ ಸೃಜನಶೀಲ ಮನಸ್ಸು, ಕನಸು ಕಾಣುವ ಧೈರ್ಯ ಮತ್ತು ಆ ಕನಸುಗಳನ್ನು ಸಾಕಾರಗೊಳಿಸುವ ತುಡಿತದ ಸಂಕೇತ. ಕೆಲವರು ತಮ್ಮ ಸಿನಿಮಾಗಳನ್ನು ಬಿಟ್ಟು ಹೋಗುತ್ತಾರೆ; ಆದರೆ ಶಂಕರ್ ನಾಗ್ ಕನ್ನಡಿಗರ ಮನದಲ್ಲಿ ಎಂದಿಗೂ ಅಳಿಸಲಾಗದ ಪರಂಪರೆಯನ್ನೇ ಬಿಟ್ಟು ಹೋಗಿದ್ದಾರೆ.

ವಿಭಿನ್ನ ರೀತಿಯ ಮಟರ್ನಿಟಿ ಫೋಟೋಶೂಟ್ನಲ್ಲಿ ಎಲ್ಲರ ಗಮನ ಸೆಳೆದ ನಟಿ ಸಮಂತಾ: ಫ್ಯಾನ್ಸ್ ಶ್ಲಾಘನೆ

Suchethana D — Mon, 09 Nov 2026 19:18:53 +0530

ಮುಂಬೈ: ಬಹುಭಾಷಾ ನಟಿ ಸಮಂತಾ ರುತ್ ಪ್ರಭು ಇದೀಗ ತಾಯ್ತನದ ಸಂಭ್ರಮವನ್ನು ಅನುಭವಿಸುತ್ತಿದ್ದಾರೆ. ಅವರೀಗ ತುಂಬು ಗರ್ಭಿಣಿ. ಪ್ರೆಗ್ನೆನ್ಸಿಯ ಒಂಬತ್ತನೇ ತಿಂಗಳಿಗೆ ಕಾಲಿಟ್ಟಿರುವ ನಟಿ, ಸೋಷಿಯಲ್ ಮೀಡಿಯಾದಲ್ಲಿ ಆ್ಯಕ್ಟೀವ್ ಆಗಿದ್ದಾರೆ. ಈ ವಿಡಿಯೋದಲ್ಲಿ ಪ್ರೆಗ್ನೆನ್ಸಿಯ ಆರಂಭದ ದಿನಗಳಿಂದ ಹಿಡಿದು ಕೊನೆಯ ತಿಂಗಳವರೆಗಿನ ತಮ್ಮ ಫಿಟ್‌ನೆಸ್ ಜರ್ನಿಯ ಝಲಕ್ ತೋರಿಸುತ್ತಲೇ ಇದ್ದಾರೆ. ಈ ಕ್ಷಣದವರೆಗೂ ಅವರ ವರ್ಕೌಟ್ ರುಟೀನ್ ಕಂಡು ಅಭಿಮಾನಿಗಳೂ ಶಾಕ್ ಆಗಿದ್ದಾರೆ.

ಸಭ್ಯತೆಯ ಎಲ್ಲೆ ಮೀರದ ಫೋಟೋಶೂಟ್

ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಅಂದರೆ, ಈಗ ಸೆಲೆಬ್ರಿಟಿಗಳು ಬಿಡಿ ಅವರನ್ನು ಅನುಸರಿಸಿ ಸಾಮಾನ್ಯ ಮಹಿಳೆಯರು ಕೂಡ ಹೊಟ್ಟೆ ಬಿಟ್ಟುಕೊಂಡು ಪ್ರೆಗ್ನೆನ್ಸಿ ಫೋಟೋಶೂಟ್ ಮಾಡಿಸಿಕೊಳ್ಳುವುದು ಇದೆ. ಹೊಟ್ಟೆ ಮೇಲೆ ಡಿಸೈನ್ ಹಾಕಿಸಿಕೊಳ್ಳುವುದು, ಪ್ರೆಗ್ನೆನ್ಸಿ ಫೋಟೋಶೂಟ್ ಹೆಸರಿನಲ್ಲಿ ಎಲ್ಲಾ ಅಂಗಾಂಗಗಳನ್ನು ತೋರಿಸುವುದು, ತಾಯ್ತನದ ಸಂಭ್ರಮವನ್ನು ಈ ರೀತಿ ಅಸಹ್ಯವಾಗಿ ತೋರಿಸುತ್ತಾರಾ ಎಂದು ನೆಟ್ಟಿಗರು ಗರಂ ಆಗುವಷ್ಟರ ಮಟ್ಟಿಗೆ ದೇಹ ಪ್ರದರ್ಶನ ಮಾಡಿ ಫೋಟೋಶೂಟ್ ಮಾಡಿಸಿಕೊಳ್ಳುವುದು, ಅದನ್ನು ಶೇರ್ ಮಾಡುವುದು ನಡೆದೇ ಇದೆ.

ಆದರೆ ಇದೀಗ ಸಮಂತಾ ಅವರು, ಇಂಥ ಫೋಟೋಶೂಟ್ ವಿಷ್ಯಕ್ಕೆ ಹೋಗಿಲ್ಲ. ತಾಯ್ತನವನ್ನು ಹೇಗೆ ಅನುಭವಿಸಬೇಕು, ತಾಯ್ತನದ ಖುಷಿಯನ್ನು ಯಾವ ರೀತಿಯಲ್ಲಿ ಬೇರೆಯವರ ಜೊತೆ ಹಂಚಿಕೊಳ್ಳಬೇಕು ಎನ್ನುವುದಕ್ಕೆ ಸಮಂತಾ ಮಾದರಿಯಾಗಿದ್ದಾರೆ. ಸೋಫಾದ ಮೇಲೆ ತುಂಬು ಗರ್ಭಿಣಿಯಾಗಿರುವ ಹೊಟ್ಟೆಯನ್ನು ತೋರಿಸಿದರೂ ಎಲ್ಲಿಯೂ ಅಶ್ಲೀಲತೆ ಎನ್ನದೇ ಫೋಟೋ ಕ್ಲಿಕ್ಕಿಸಿಕೊಂಡು, ಇದನ್ನೇ ನನ್ನ ಪ್ರೆಗ್ನೆನ್ಸಿ ಫೋಟೋಶೂಟ್ ಎಂದುಕೊಳ್ಳಿ ಎಂದು ಕ್ಯಾಪ್ಷನ್ ಕೊಟ್ಟಿದ್ದಾರೆ. ಇದಕ್ಕೆ ಅಭಿನಂದನೆಗಳ ಮಹಾಪೂರವೇ ಹರಿದುಬಂದಿದೆ. ಅದಕ್ಕೆ ಕಾರಣ, ನಟಿ ಪ್ರೆಗ್ನೆಂಟ್ ಆಗಿರುವುದಕ್ಕಿಂತ ಹೆಚ್ಚಾಗಿ, ಫೋಟೋಶೂಟ್ ಅನ್ನು ಡೀಸೆಂಟ್ ಆಗಿ ಮಾಡಿಸಿಕೊಂಡಿರುವುದಕ್ಕೆ ಶ್ಲಾಘನೆ ವ್ಯಕ್ತಪಡಿಸುತ್ತಿದ್ದಾರೆ.

ದಿಢೀರ್ ಮದುವೆ

ಸಮಂತಾ ಮತ್ತು ಚಿತ್ರ ನಿರ್ದೇಶಕ ರಾಜ್ ನಿಡಿಮೋರು ದಿಢೀರ್ ಆಗಿ ಮದುವೆಯಾಗುವ ಮೂಲಕ ಸುದ್ದಿಯಲ್ಲಿದ್ದರು. ಇಬ್ಬರೂ ಡಿಸೆಂಬರ್ 2025ರಲ್ಲಿ ಕೊಯಮತ್ತೂರಿನ ಈಶಾ ಯೋಗ ಕೇಂದ್ರದಲ್ಲಿರುವ ಲಿಂಗ ಭೈರವಿ ದೇವಸ್ಥಾನದಲ್ಲಿ ಖಾಸಗಿ ಸಮಾರಂಭದಲ್ಲಿ ವಿವಾಹವಾಗಿದ್ದರು. ಇತ್ತೀಚೆಗೆ ಈಶಾ ಫೌಂಡೇಶನ್‌ನಲ್ಲಿ ಸಾಂಪ್ರದಾಯಿಕ ಸೀಮಂತಂ ಕಾರ್ಯಕ್ರಮವನ್ನೂ ಆಚರಿಸಿಕೊಂಡಿದ್ದಾರೆ. ಸಮಂತಾ ಈ ಹಿಂದೆಯೂ ತಮ್ಮ ಪ್ರೀನೇಟಲ್ ಫಿಟ್‌ನೆಸ್ ಮತ್ತು ಸ್ಟ್ರೆಂಥ್ ಟ್ರೈನಿಂಗ್‌ಗೆ ಸಂಬಂಧಿಸಿದ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಪ್ರೆಗ್ನೆನ್ಸಿ ಸಮಯದಲ್ಲಿ ತಮ್ಮ ವ್ಯಾಯಾಮದ ವಿಧಾನ ಮೊದಲಿನಂತಿಲ್ಲ ಎಂದು ಅವರು ಹಿಂದಿನ ಪೋಸ್ಟ್‌ನಲ್ಲಿ ತಿಳಿಸಿದ್ದರು. ಈಗ ತಮ್ಮ ದೇಹದ ಅಗತ್ಯತೆಗಳು ಮತ್ತು ಸಾಮರ್ಥ್ಯವನ್ನು ಅರ್ಥಮಾಡಿಕೊಳ್ಳುವುದಕ್ಕೆ ಹೆಚ್ಚಿನ ಆದ್ಯತೆ ನೀಡುತ್ತಿದ್ದಾರೆ. 'ಈ ದಿನಗಳಲ್ಲಿ ನನ್ನ ಟ್ರೈನಿಂಗ್ ವಿಧಾನ ಸ್ವಲ್ಪ ವಿಭಿನ್ನವಾಗಿದೆ. ಈಗ ಹೆಚ್ಚು ಕಷ್ಟಪಡುವುದಕ್ಕಿಂತ ದೇಹದ ಮಾತನ್ನು ಆಲಿಸುವುದು ಮುಖ್ಯವಾಗಿದೆ' ಎಂದು ನಟಿ ಬರೆದುಕೊಂಡಿದ್ದರು.

ರಾಜಮೌಳಿ ಸಿನಿಮಾ 'ರಾಮಾಯಣ' ಜೊತೆ ಲಿಂಕ್? ಮಹೇಶ್ ಬಾಬು ಚಿತ್ರಕ್ಕೆ ಬಿಗ್ ಟ್ವಿಸ್ಟ್ ಕೊಟ್ಟ 'ವೈರಲ್ ಥಿಯರಿ'

Ganesh Mabla Gowda — Mon, 09 Nov 2026 19:09:07 +0530

ಭಾರತೀಯ ಚಿತ್ರರಂಗದಲ್ಲಿ ಪ್ರಸ್ತುತ ರಾಮಾಯಣ ಬಗ್ಗೆ ಮಸ್ತ್ ಚರ್ಚೆ ಆಗ್ತಿದೆ. ಯಶ್, ರಣಬಿರ್ ಕಪೂರ್ ಹಾಗೂ ಸಾಯಿ ಪಲ್ಲವಿ ನಟನೆಯ ಸಿನಿಮಾ ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಸಿನಿಮಾ ಬಿಗ್ ಹಿಟ್ ಕಾಣ್ತಿದೆ. ಇದರ ನಡುವೆ ಗ್ರೇಟ್ ಡೈರೆಕ್ಟರ್ ರಾಜಮೌಳಿ ಅವರ ಬಹುನಿರೀಕ್ಷಿತ 'ವಾರಣಾಸಿ' ಸಿನಿಮಾ ರಾಮಾಯಣ ಕಥೆ ಆಧಾರದ ಮೇಲೆಯೇ ತೆಗೆಯಲಾಗಿದೆ ಎಂಬ ಸುದ್ದಿ ವೈರಲ್ ಆಗ್ತಿದೆ. ಬೆನ್ನಲ್ಲೇ, ರಾಜಮೌಳಿ ಸಿನಿಮಾ ಬಗ್ಗೆ ಎಕ್ಸೈಟ್‌ಮೆಂಟ್ ಹೆಚ್ಚಾಗಿದೆ. ಇದರ ಜೊತೆಗೆ ಚಿತ್ರತಂಡ ಸಣ್ಣ ತಪ್ಪಿನಿಂದಾಗಿ ಇಡೀ ಸಿನಿಮಾದ ಗುಟ್ಟನ್ನೇ ಬಿಟ್ಟುಕೊಟ್ಟು ಬಿಟ್ರಾ ಎಂಬ ಚರ್ಚೆಯೂ ಜೋರಾಗಿದೆ.

ಏನಿದು ವಾರಣಾಸಿ ಪುರಾಣ?

RRR ಸಿನಿಮಾ ಬಳಿಕ ರಾಜಮೌಳಿ ತೆಲುಗು ಸೂಪರ್‌ಸ್ಟಾರ್ ಮಹೇಶ್ ಬಾಬು ಜೊತೆ ಹೊಸ ಚಿತ್ರ ಮಾಡ್ತಿದ್ದಾರೆ. ಆ ಸಿನಿಮಾಗೆ Varanasi ಎಂದು ಹೆಸರಿಡಲಾಗಿದೆ ಎನ್ನಲಾಗ್ತಿದೆ. ಈ ಮೆಗಾ ಪ್ರಾಜೆಕ್ಟ್‌ನಲ್ಲಿ ಮಹೇಶ್ ಬಾಬು ಜೊತೆಗೆ ಪ್ರಿಯಾಂಕಾ ಚೋಪ್ರಾ, ಮಲಯಾಳಂನ ಜನಪ್ರಿಯ ನಟ ಪೃಥ್ವಿರಾಜ್ ಸುಕುಮಾರನ್ ಬಣ್ಣ ಹಚ್ಚಲಿದ್ದಾರೆ. ಇದೇ ಚಿತ್ರದ ಕಥೆ ಲೀಕ್ ಆಗಿದೆ ಎನ್ನಲಾಗುತ್ತಿದೆ.

ವೈರಲ್ ಆಗುತ್ತಿರುವ ವದಂತಿಗಳ ಪ್ರಕಾರ.. ನಟ ಪೃಥ್ವಿರಾಜ್ ಸುಕುಮಾರನ್ ಅವರು ಚಿತ್ರದಲ್ಲಿ 'ಕುಂಭ' ಎಂಬ ಪವರ್‌ಫುಲ್ ಪಾತ್ರ ನಿರ್ವಹಿಸ್ತಿದ್ದಾರೆ. ಈ ಕುಂಭ, ರಾಮಾಯಣದ ರಾವಣನ ಶಕ್ತಿಶಾಲಿ ಸಹೋದರ ಕುಂಭಕರ್ಣನ ಪುನರ್ಜನ್ಮ ಅವತಾರ. ರಾಮ ಮತ್ತು ರಾವಣರ ಅಂತಿಮ ಯುದ್ಧದ ಸಮಯದಲ್ಲಿ ಕಳೆದುಹೋಗಿ ಜಗತ್ತಿನ ಬೇರೆ ಬೇರೆ ಖಂಡಗಳಲ್ಲಿ ಹರಡಿಹೋದ ‘ನವರತ್ನ ನಾಲ’ ಎಂಬ ಒಂಬತ್ತು ಮಾಂತ್ರಿಕ ರತ್ನಗಳನ್ನು ಹುಡುಕುವುದು ಈತನ ಮುಖ್ಯ ಉದ್ದೇಶ ಆಗಿರುತ್ತದೆ.

ಈ ಕುಂಭನ ಸೂಚನೆಯ ಮೇರೆಗೆ ನಾಯಕ ಮಹೇಶ್ ಬಾಬು ಜಗತ್ತಿನಾದ್ಯಂತ ಒಂಬತ್ತು ನಿಗೂಢ ರತ್ನಗಳನ್ನು ಹುಡುಕುವ ಹೊರಡುತ್ತಾರೆ. ಆರಂಭದಲ್ಲಿ ಇದರ ಹಿಂದಿನ ಅಸಲಿ ರಹಸ್ಯ ನಾಯಕನಿಗೆ ತಿಳಿಯೋದಿಲ್ಲ. ಒಂಬತ್ತೂ ರತ್ನಗಳು ಒಂದಾದರೆ ಕುಂಭನಿಗೆ ಯಾರೂ ಎದುರಿಸಲಾಗದ ಅಜೇಯ ಶಕ್ತಿ ಸಿಗುತ್ತದೆ. ಇದರಿಂದ ಜಗತ್ತು ಅಪಾಯಕ್ಕೆ ಸಿಲುಕುತ್ತದೆ ಎಂಬ ಸುದ್ದಿ ನಿಧಾನವಾಗಿ ಅರಿವಾಗುತ್ತದೆ.

ಈ ಚಿತ್ರ ಕೇವಲ ಪೌರಾಣಿಕ ಕಥೆಯಷ್ಟೇ ಅಲ್ಲ. ರೋಮಾಂಚಕ ಸೈನ್ಸ್ ಫಿಕ್ಷನ್ ಇರಲಿದೆ. ಸಿನಿಮಾ ಕಥೆ ಪ್ರಕಾರ.. ರತ್ನಗಳನ್ನು ಹುಡುಕುವ ಹಾದಿಯಲ್ಲಿ ಮಹೇಶ್ ಬಾಬು ಬಾಹ್ಯಾಕಾಶದ Cosmic Wormhole ಪತ್ತೆಹಚ್ಚುತ್ತಾರೆ. ಅದರ ಮೂಲಕ ಅವರು ಸಮಯದ ಹಿಂದೆ ಪ್ರಯಾಣಿಸಿ, ರಾಮ-ರಾವಣರ ಮಹಾಯುದ್ಧ ನಡೆಯುತ್ತಿದ್ದ ರಾಮಾಯಣದ ಯುಗಕ್ಕೆ ತಲುಪುತ್ತಾರೆ. ಭವಿಷ್ಯದಲ್ಲಿ ಈ ಶಕ್ತಿಶಾಲಿ ರತ್ನಗಳು ದುರುಪಯೋಗವಾಗುವುದನ್ನು ಮತ್ತು ಆಯುಧಗಳಾಗಿ ಬಳಕೆಯಾಗುವುದನ್ನು ತಡೆಯಲು ನಾಯಕ ಇತಿಹಾಸವನ್ನೇ ಬದಲಾಯಿಸಲು ಹೊರಡುತ್ತಾನೆ ಎನ್ನಲಾಗಿದೆ.

ಸಿನಿಮಾ ರಿಲೀಸ್ ಯಾವಾಗ?

ರಾಜಮೌಳಿ ನಿರ್ದೇಶನದಲ್ಲಿ ಈ ಸಿನಿಮಾಗೆ 1200 ಕೋಟಿಯಿಂದ 1400 ಕೋಟಿ ರೂಪಾಯಿವರೆಗೆ ಹಣ ಮೀಸಲಿಡಲಾಗಿದೆ. ಮೂಲ ತೆಲುಗಿನ ಜೊತೆಗೆ ಹಿಂದಿ ಸೇರಿದಂತೆ ಜಾಗತಿಕ ಮಟ್ಟದಲ್ಲಿ ಹಲವು ಅಂತಾರಾಷ್ಟ್ರೀಯ ಭಾಷೆಗಳಲ್ಲೂ ಸಿನಿಮಾ ಮೂಡಿ ಬರಲಿದೆ. ಆರಂಭದಲ್ಲಿ ಏಪ್ರಿಲ್ 7, 2026ಕ್ಕೆ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿತ್ತಾದರೂ, VFX ಕೆಲಸಗಳು ಅಪಾರ ಪ್ರಮಾಣದಲ್ಲಿ ಇರೋದ್ರಿಂದ ಸಿನಿಮಾ ವಿಳಂಬ ಆಗುವ ಸಾಧ್ಯತೆ ಇದೆ. ಇದೀಗ ವೈರಲ್ ಆಗಿರೋ ಸ್ಟೋರಿ ಬೆನ್ನಲ್ಲೇ ರಾಜಮೌಳಿ ಸಿನಿಮಾವು ರಾಮಾಯಣ ಕತೆಯ ಜೊತೆಗೆ ಲಿಂಕ್ ಇದೆಯೇ ಎಂಬ ಕುತೂಹಲ ಸಿನಿಪ್ರಿಯರಲ್ಲಿ ಹೆಚ್ಚಾಗಿದೆ.

Premada Oorali ನಟಿ ರಮಿಕಾಗೆ ಗಂಡ ರೈತ ಆದ್ರೆ ಓಕೆನಾ? ಆ್ಯಂಕರ್ ಅನುಶ್ರೀ ಪ್ರಶ್ನೆಗೆ 'ವಸಂತಾ' ಏನಂದ್ರು ಕೇಳಿ

Suchethana D — Mon, 09 Nov 2026 18:59:32 +0530

ಬೆಂಗಳೂರು: ಪ್ರೇಮದ ಊರಲಿ (Premada Oorali Movie) ಹವಾ ಸೃಷ್ಟಿಸುತ್ತಿರುವುದು ಗೊತ್ತೇ ಇದೆ. ಅತ್ಯಂತ ಕಡಿಮೆ ಬಜೆಟ್ನ ಚಿತ್ರವೊಂದು ಯಾವುದೇ ಅಬ್ಬರದ ಪ್ರಚಾರವಿಲ್ಲದೇ ಹೇಗೆ ಜನರ ಮನಸ್ಸನ್ನು ಕದಿಯಬಹುದು, ಹೇಗೆ ನವೀರಾದ ಕಥೆಯೊಂದು, ರಕ್ತಪಾತ, ಲಾಂಗು, ಮಚ್ಚು ಇಲ್ಲದೇ ಥಿಯೇಟರ್ನಲ್ಲಿ ಅಬ್ಬರಿಸಬಹುದು ಎನ್ನುವುದಕ್ಕೆ ಸಾಕ್ಷಿಯಾಗಿ ನಿಂತಿದೆ ಪ್ರೇಮದ ಊರಲಿ. ಈಗಿನ ಯುವ ಪೀಳಿಗೆ ಬಯಸೋದು ಅಶ್ಲೀಲತೆ, ಲಾಂಗು, ಮಚ್ಚು, ಹೀರೋ ಕೈಯಲ್ಲಿ ರಕ್ತಪಾತ, ನಿಮಿಷಕ್ಕೊಂದು ಕೊಲೆ... ಎನ್ನುತ್ತಲೇ ಅದೇ ರೀತಿ ನಾಯಕನ ಕೈಯಲ್ಲಿ ಕೊಲೆ ಮಾಡಿಸುವುದು ಕೆಲ ವರ್ಷಗಳ ಟ್ರೆಂಡ್ ಆಗಿದೆ. ಆದರೆ, ಅಂಥ ಕೆಲವು ಸಿನಿಮಾಗಳು ತೋಪೆದ್ದು ಹೋಗಿದ್ದು, ಯಾವ ರೀತಿಯ ಸಿನಿಮಾಗಳನ್ನು ಜನರು ಇಷ್ಟಪಡುತ್ತಾರೆ ಎನ್ನುವುದನ್ನು ತೋರಿಸಿಕೊಟ್ಟಿದೆ ಪ್ರೇಮದ ಊರಲಿನಂಥ ಕಡಿಮೆ ಬಜೆಟ್ ಚಿತ್ರಗಳು.

ಇದೀಗ ಈ ಸಿನಿಮಾ 50 ದಿನಗಳನ್ನು ಪೂರೈಸಿದೆ. ಆದರೂ ಜನರು ಸಿನಿಮಾ ನೋಡಲು ಲಗ್ಗೆ ಇಡುತ್ತಿದ್ದಾರೆ. ಆ ಪರಿಯಲ್ಲಿ ಈ ಸಿನಿಮಾ ಮನಸ್ಸು ಗೆದ್ದಿದೆ. ಈ ಸಿನಿಮಾ ಗೆಲುವಿಗೆ ಹಲವು ಕಾರಣ ಇರಬಹುದು. ಆದರೆ ಅದರಲ್ಲಿ ಒಂದು ರೈತರಿಗೆ ಯಾರೂ ಹೆಣ್ಣು ಕೊಡುವುದಿಲ್ಲ ಎಂದು ದೊಡ್ಡ ನೋವು ರೈತ ಕುಟುಂಬಕ್ಕಿದೆ. ಅದ್ಯಾವ ಪರಿಯಲ್ಲಿ ಎಂದರೆ, ಕೃಷಿಕರು ಅದೆಷ್ಟೇ ದೊಡ್ಡ ಶ್ರೀಮಂತರಾಗಿದ್ದರೂ, ಎಷ್ಟೇ ಎಕರೆ ಜಮೀನು ಇದ್ದರೂ ಹಲವು ಹೆಣ್ಣುಮಕ್ಕಳು ಒಲ್ಲೆ ಎನ್ನುವುದು ಇದೆ. ಇದೇ ಕಾರಣಕ್ಕೆ ಇಲ್ಲಿ ತೋರಿಸಿರುವ ರೈತನಮದುವೆ, ಫಾರಿನ್ ಹುಡುಗಿ ಕಾನ್ಸೆಪ್ಟ್ ಕೂಡ ಬಹುತೇಕರಿಗೆ ಇಷ್ಟವಾಗಿದೆ.

ಹುಡುಗ ರೈತ ಆದ್ರೆ ಓಕೆನಾ?

ಹೀಗಿರುವಾಗ ಆ್ಯಂಕರ್ ಅನುಶ್ರೀ ಅವರು 50 ದಿನಗಳ ಸಂಭ್ರಮವನ್ನು ಆಚರಿಸಿದ್ದಾರೆ. ಅದರಲ್ಲಿ ಜನರು ಪ್ರೇಮದ ಊರಲಿ ನಟ-ನಟಿಯರಿಗೆ ಒಂದಿಷ್ಟು ಪ್ರಶ್ನೆಗಳನ್ನು ಕೇಳಿದ್ದಾರೆ. ಆ್ಯಂಕರ್ ಅನುಶ್ರೀ ಎಂದ ಮೇಲೆ ಅಲ್ಲಿ ಹಾಸ್ಯದ ಹೊನಲು ಇದ್ದೇ ಇರುತ್ತದೆ. ಈ ಕಾರ್ಯಕ್ರಮದಲ್ಲಿಯೂ ನಕ್ಕು ನಗಿಸುವ ಹಲವು ಪ್ರಶ್ನೆಗಳನ್ನು ಕೇಳಲಾಗಿದೆ. ಓರ್ವ ಯುವತಿ, ನಟ ಶ್ರೀರಾಮ್ ಅವರಿಗೆ ಪ್ರೇಮದ ಊರಲಿಯನ್ನು ಮೂರೇ ಶಬ್ದಗಳಲ್ಲಿ ಹೇಳಿ ಎಂದಾಗ, ಅವರು I Love You ಎಂದರು. ಇದನ್ನು ಕೇಳಿ ಯುವತಿ ನಾಚಿ ನೀರಾಗಿ ಹೋದರು. ಕೊನೆಗೆ ವಸಂತಾ ಪಾತ್ರಧಾರಿ ನಟಿ ರಮಿಕಾ ಶಿವು ಅವರನ್ನು ಉದ್ದೇಶಿಸಿ ಅನುಶ್ರೀ ಅವರು, ನಿಮ್ಮ ಹುಡುಗ ರೈತ ಆಗಿದ್ರೆ ಓಕೆನಾ ಎಂದು ಕೇಳಿದಾಗ ನಟಿ ಕೂಡಲೇ ಓಕೆ ಎಂದರು. ಮಾತಂದ್ರೆ ಇದಪ್ಪಾ ಎಂದರು ಆ್ಯಂಕರ್ ಅನುಶ್ರೀ.

ನಟಿ ಕುರಿತು

ಇನ್ನು ನಟಿ ರಮಿಕಾ ಶಿವು ಅವರಿಗೆ ಇದು ಮೊದಲ ಸಿನಿಮಾ. ಕನ್ನಡ ಕಿರುತೆರೆಯ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟ ನಟಿ ರಮಿಕಾ ಶಿವು, ಇದೀಗ ಹಿರಿತೆರೆಯಲ್ಲಿ ತಮ್ಮದೇ ಆದ ಛಾಪು ಮೂಡಿಸುವತ್ತ ಹೆಜ್ಜೆ ಇಡುತ್ತಿದ್ದಾರೆ. ಕಿರುತೆರೆಯ ಜನಪ್ರಿಯ ಧಾರಾವಾಹಿಗಳಾದ ‘ಪಾರು’ ಹಾಗೂ ‘ನೀನಾದೆ ನಾ’ ಮೂಲಕ ಪ್ರೇಕ್ಷಕರಿಗೆ ಪರಿಚಿತರಾದ ರಮಿಕಾ, ಇದೀಗ ಸಿನಿಮಾಗಳಲ್ಲೂ ತಮ್ಮ ಅಭಿನಯದ ಮೂಲಕ ಗಮನ ಸೆಳೆಯುತ್ತಿದ್ದಾರೆ. ಸಿನಿಮಾಗೆ ಸಿಕ್ಕ ಪ್ರತಿಕ್ರಿಯೆಯ ಜೊತೆಗೆ ರಮಿಕಾ ಶಿವು ಅವರ ಅಭಿನಯಕ್ಕೂ ಮೆಚ್ಚುಗೆ ವ್ಯಕ್ತವಾಗುತ್ತಿರುವುದು ಅವರ ಮುಂದಿನ ಸಿನಿ ಪಯಣದ ಮೇಲಿನ ನಿರೀಕ್ಷೆಯನ್ನು ಹೆಚ್ಚಿಸಿದೆ. ಈಗಾಗಲೇ ಕಿರುತೆರೆಯಲ್ಲಿ ತಮ್ಮದೇ ಆದ ಗುರುತನ್ನು ಮೂಡಿಸಿಕೊಂಡಿದ್ದ ನಟಿ, ಹಿರಿತೆರೆಯಲ್ಲೂ ಭದ್ರವಾಗಿ ನೆಲೆಯೂರುವ ಸೂಚನೆ ನೀಡಿದ್ದಾರೆ. ಮೊದಲ ಸಿನಿಮಾದಲ್ಲೇ ಸಿಕ್ಕ ಯಶಸ್ಸು ಮತ್ತು ಪ್ರೇಕ್ಷಕರ ಪ್ರೀತಿಯಿಂದ ರಮಿಕಾ ಶಿವು ಅವರ ಜವಾಬ್ದಾರಿ ಮತ್ತಷ್ಟು ಹೆಚ್ಚಾಗಿದೆ. ಮುಂದಿನ ದಿನಗಳಲ್ಲಿ ಕೇವಲ ಸಿನಿಮಾಗಳ ಸಂಖ್ಯೆಯತ್ತ ಗಮನ ಹರಿಸುವ ಬದಲು, ಕಥೆ ಮತ್ತು ಪಾತ್ರಕ್ಕೆ ಹೆಚ್ಚಿನ ಪ್ರಾಮುಖ್ಯತೆ ನೀಡುವ ನಿರ್ಧಾರದಲ್ಲಿದ್ದಾರೆ.

ಯಶ್ 'ರಾಮಾಯಣ 2'ಗೆ ಕಾಡುತ್ತಿದೆಯಾ ಸೀಕ್ವೆಲ್ ಸವಾಲು? 'ಬಾಹುಬಲಿ 2' ಮ್ಯಾಜಿಕ್ ಇಲ್ಲಿ ವರ್ಕೌಟ್ ಆಗುತ್ತಾ?

Govindaraj S — Mon, 09 Nov 2026 18:41:18 +0530

ಬಹುನಿರೀಕ್ಷಿತ ದೃಶ್ಯ ವೈಭವದ ಸಿನಿಮಾ 'ರಾಮಾಯಣ' ಪ್ರೇಕ್ಷಕರ ಮುಂದೆ ಬಂದಿದೆ. ಚಿತ್ರದ ಅದ್ಧೂರಿ ದೃಶ್ಯಗಳು, ಅದ್ಭುತ ಕಲಾವಿದರ ಅಭಿನಯಕ್ಕೆ ಪ್ರೇಕ್ಷಕರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಮೊದಲ ಭಾಗಕ್ಕೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿರುವ ಬೆನ್ನಲ್ಲೇ ಇದೀಗ ಎಲ್ಲರ ಗಮನ ಎರಡನೇ ಭಾಗದತ್ತ ನೆಟ್ಟಿದೆ. ಆದರೆ ಸೀಕ್ವೆಲ್ ಸಿನಿಮಾ ಮಾಡುವಾಗ ಸಾಮಾನ್ಯವಾಗಿ ಅನುಸರಿಸುವ ಯಶಸ್ಸಿನ ಸೂತ್ರಗಳು 'ರಾಮಾಯಣ 2'ಗೆ ಅಷ್ಟಾಗಿ ನೆರವಾಗುವ ಸಾಧ್ಯತೆ ಕಾಣಿಸುತ್ತಿಲ್ಲ. ಹೀಗಾಗಿ ಮೊದಲ ಭಾಗದ ಕ್ರೇಜ್ ಅನ್ನು ಎರಡನೇ ಭಾಗದಲ್ಲೂ ಉಳಿಸಿಕೊಳ್ಳುವುದು ಚಿತ್ರತಂಡಕ್ಕೆ ದೊಡ್ಡ ಸವಾಲಾಗಬಹುದು.

'ಬಾಹುಬಲಿ 2' ರೀತಿ ಒಂದೇ ಒಂದು ಸಸ್ಪೆನ್ಸ್ ಇಲ್ಲ!

ಸೀಕ್ವೆಲ್ ಸಿನಿಮಾಗಳು ಯಶಸ್ವಿಯಾಗಲು ಮೊದಲ ಭಾಗದ ಕೊನೆಯಲ್ಲಿ ಪ್ರೇಕ್ಷಕರ ಮನಸ್ಸಿನಲ್ಲಿ ಉಳಿಯುವ ಕುತೂಹಲದ ಪ್ರಶ್ನೆ ಬಹಳ ಮುಖ್ಯ. ಇದಕ್ಕೆ ಅತ್ಯುತ್ತಮ ಉದಾಹರಣೆ 'ಬಾಹುಬಲಿ 2'. 'ಕಟ್ಟಪ್ಪ ಬಾಹುಬಲಿಯನ್ನು ಏಕೆ ಕೊಂದ?' ಎಂಬ ಒಂದೇ ಒಂದು ಪ್ರಶ್ನೆ ಇಡೀ ದೇಶದ ಪ್ರೇಕ್ಷಕರನ್ನು ವರ್ಷಗಟ್ಟಲೆ ಕಾಯುವಂತೆ ಮಾಡಿತ್ತು. ಆ ಸಸ್ಪೆನ್ಸ್ ಎರಡನೇ ಭಾಗದ ಮೇಲಿನ ನಿರೀಕ್ಷೆ ಮತ್ತು ಕುತೂಹಲವನ್ನು ಉತ್ತುಂಗಕ್ಕೇರಿಸಿತ್ತು.

ಆದರೆ 'ರಾಮಾಯಣ 2' ವಿಚಾರದಲ್ಲಿ ಇಂತಹ ಕುತೂಹಲದ ಅಂಶವನ್ನು ಸೃಷ್ಟಿಸುವುದು ಸುಲಭವಲ್ಲ. ಏಕೆಂದರೆ ರಾಮಾಯಣದ ಕಥೆ ಬಹುತೇಕ ಭಾರತೀಯರಿಗೆ ಪರಿಚಿತವಾಗಿದೆ. ಮುಂದಿನ ಭಾಗದಲ್ಲಿ ಏನಾಗಲಿದೆ ಎಂಬುದು ಬಹುತೇಕರಿಗೆ ಮೊದಲೇ ತಿಳಿದಿರುವುದರಿಂದ, ಕಥೆಯ ಮುಂದಿನ ತಿರುವುಗಳ ಬಗ್ಗೆ ದೊಡ್ಡ ಮಟ್ಟದ ಸಸ್ಪೆನ್ಸ್ ಸೃಷ್ಟಿಸುವ ಅವಕಾಶ ಕಡಿಮೆ.

'ಧುರಂಧರ್' ಮಾದರಿಯ ಶಾರ್ಟ್ ಗ್ಯಾಪ್ ಕೂಡ ಇಲ್ಲ!

ಸೀಕ್ವೆಲ್ ಸಿನಿಮಾಗಳಿಗೆ ಮತ್ತೊಂದು ಪ್ಲಸ್ ಪಾಯಿಂಟ್ ಎಂದರೆ ಎರಡು ಭಾಗಗಳ ಬಿಡುಗಡೆಯ ನಡುವಿನ ಅಂತರ. ಮೊದಲ ಭಾಗದ ಯಶಸ್ಸಿನ ಬಿಸಿ ಇರುವಾಗಲೇ ಎರಡನೇ ಭಾಗ ಬಿಡುಗಡೆಯಾದರೆ ಪ್ರೇಕ್ಷಕರ ಆಸಕ್ತಿ ಮತ್ತು ಚಿತ್ರದ ಮೇಲಿನ ಕ್ರೇಜ್ ಮುಂದುವರಿಯಲು ಸಹಾಯವಾಗುತ್ತದೆ. 'ಧುರಂಧರ್' ರೀತಿಯ ಸಿನಿಮಾಗಳಲ್ಲಿ ಭಾಗಗಳ ನಡುವಿನ ಕಡಿಮೆ ಅಂತರವು ಈ ವಿಚಾರದಲ್ಲಿ ಪ್ಲಸ್ ಆಗಬಹುದು.

ಆದರೆ 'ರಾಮಾಯಣ 2' ಬಿಡುಗಡೆಯ ವಿಚಾರದಲ್ಲಿ ಚಿತ್ರತಂಡ ಹೆಚ್ಚು ಸಮಯ ತೆಗೆದುಕೊಳ್ಳುತ್ತಿರುವುದು ಮತ್ತೊಂದು ಸವಾಲಾಗಿ ಪರಿಣಮಿಸಬಹುದು. ಮೊದಲ ಭಾಗದ ಯಶಸ್ಸಿನಿಂದ ಸೃಷ್ಟಿಯಾಗಿರುವ ನಿರೀಕ್ಷೆಯನ್ನು ದೀರ್ಘಕಾಲದವರೆಗೆ ಹಾಗೆಯೇ ಉಳಿಸಿಕೊಳ್ಳುವುದು ಸುಲಭದ ಮಾತಲ್ಲ.

ದೃಶ್ಯ ವೈಭವ, ಭಾವನಾತ್ಮಕ ಕನೆಕ್ಟಿವಿಟಿಯೇ ಚಿತ್ರದ ಬಲ?

ಹಾಗಾದರೆ 'ರಾಮಾಯಣ 2' ಪ್ರೇಕ್ಷಕರನ್ನು ಹೇಗೆ ಸೆಳೆಯಲಿದೆ ಎಂಬ ಪ್ರಶ್ನೆ ಈಗ ಎದುರಾಗಿದೆ. ಕಥೆ ಮೊದಲೇ ಪರಿಚಿತವಾಗಿರುವುದರಿಂದ ಕೇವಲ ಕುತೂಹಲದ ಮೇಲೆ ಸಿನಿಮಾ ನಿಲ್ಲಲು ಸಾಧ್ಯವಿಲ್ಲ. ಅದ್ಧೂರಿ ದೃಶ್ಯ ವೈಭವ, ಪಾತ್ರಗಳ ಆಳವಾದ ನಿರೂಪಣೆ, ಭಾವನಾತ್ಮಕ ಸನ್ನಿವೇಶಗಳು ಹಾಗೂ ಕಲಾವಿದರ ಅಭಿನಯದ ಮೂಲಕವೇ ಪ್ರೇಕ್ಷಕರನ್ನು ಮತ್ತೆ ಚಿತ್ರಮಂದಿರಗಳಿಗೆ ಕರೆತರುವ ಸವಾಲು ಚಿತ್ರತಂಡದ ಮುಂದಿದೆ.

ಇನ್ನು ಮೊದಲ ಭಾಗದ ಯಶಸ್ಸನ್ನು ಎರಡನೇ ಭಾಗದಲ್ಲೂ ಮುಂದುವರಿಸಲು ನಿರ್ಮಾಪಕರು ಮತ್ತು ನಿರ್ದೇಶಕರು ಯಾವ ರೀತಿಯ ಯೋಜನೆ ರೂಪಿಸಿದ್ದಾರೆ ಎಂಬುದು ಕುತೂಹಲ ಮೂಡಿಸಿದೆ. 'ಬಾಹುಬಲಿ 2' ರೀತಿಯ ಸಸ್ಪೆನ್ಸ್ ಇಲ್ಲ, 'ಧುರಂಧರ್' ರೀತಿಯ ಕಡಿಮೆ ಅಂತರವೂ ಇಲ್ಲ. ಇಂತಹ ಪರಿಸ್ಥಿತಿಯಲ್ಲಿ 'ರಾಮಾಯಣ 2' ಪ್ರೇಕ್ಷಕರನ್ನು ಹೇಗೆ ಹಿಡಿದಿಟ್ಟುಕೊಳ್ಳಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ಮುಖ್ಯ ಪಾತ್ರಧಾರಿಗಳೇ ಇಲ್ಲದೆ Amruthadhaare Serial ಮುಗಿಸಿಬಿಟ್ರಾ? ಎಲ್ಲಿ ಹೋದ್ರು ಅಪ್ಪ-ಮಗ? ಫ್ಯಾನ್ಸ್ ಬೇಸರ

Suchethana D — Mon, 09 Nov 2026 18:27:57 +0530

ಅಮೃತಧಾರೆ ಸೀರಿಯಲ್ (Amruthadhaare Serial) ಇನ್ನೇನು ಮುಗಿಯುವ ಹಂತದಲ್ಲಿದೆ. ಇನ್ನು ಕೆಲವೇ ಕೆಲವು ಎಪಿಸೋಡ್ಗಳು ಇವೆಯಷ್ಟೇ. ಇದಾಗಲೇ ಶೂಟಿಂಗ್ ಕೂಡ ಮುಗಿದಿದ್ದು, ಸೀರಿಯಲ್ ಕೂಡ ಫೈನಲ್ ಹಂತ ತಲುಪಿದೆ. ಜೈದೇವನ ಎಲ್ಲಾ ಕ್ರಿಮಿನಲ್ಸ್ಗೆ ಮಲ್ಲಿಗೆ ಸಾಕ್ಷ್ಯಾಧಾರ ಸಿಕ್ಕಾಗಿದೆ. ಶಕುಂತಲಾಳ ಅಸಲಿ ಬಣ್ಣ ಕೂಡ ಗೌತಮ್ಗೆ ಗೊತ್ತಾಗಿದ್ದು, ಅಮ್ಮ-ಮಗನಿಗೆ ಜೈಲೂಟ ಫಿಕ್ಸ್ ಆಗಿದೆ. ಅಂತಿಮ ಸಂಚಿಕೆಗಳು ಎಂದು ಇದಾಗಲೇ ಜೀ ವಾಹಿನಿ ಪ್ರೊಮೋ ಕೂಡ ಹಂಚಿಕೊಂಡಿದೆ. ಆದರೆ ಇದರಲ್ಲಿ ಇಬ್ಬರು ಲೀಡ್ ರೋಲ್ಗಳು ಅರ್ಥಾತ್ ಮುಖ್ಯ ಪಾತ್ರಧಾರಿಗಳೇ ಮಾಯವಾಗಿದ್ದಾರೆ!

ಜಿಗರಿ ದೋಸ್ತ್ ನಾಪತ್ತೆ

ಹೌದು. ಕಳೆದ ಕೆಲವು ಎಪಿಸೋಡ್ಗಳಿಂದ ಗೌತಮ್ನ ಜಿಗರಿ ದೋಸ್ತ್, ಇದ್ದರೆ ಇರಬೇಕು ಇಂಥ ಗೆಳೆಯ ಎಂದುಕೊಂಡ ಆನಂದ್ (ಅವರ ಅಸಲಿ ಹೆಸರೂ ಆನಂದ್) ನಾಪತ್ತೆಯಾಗಿದ್ದು, ಗೌತಮ್ ಮಗ ಆಕಾಶ್ ಪಾತ್ರದಲ್ಲಿ ರೋಲ್ ಮಾಡ್ತಿದ್ದ ಆನಂದ್ ಅವರ ಅಸಲಿ ಮಗ ದುಷ್ಯಂತ್ ಚಕ್ರವರ್ತಿ ಮಾಯವಾಗಿದ್ದಾರೆ. ಮಗಳು ಮಿಂಚು ಮಾತ್ರ ಆಗೀಗ ಕಾಣಿಸಿಕೊಳ್ಳುತ್ತಿದ್ದಾಳೆ. ಅಂತಿಮ ಸಂಚಿಕೆಯಲ್ಲಿಯೂ ಇವರಿಬ್ಬರೂ ಕಾಣಿಸುತ್ತಿಲ್ಲ. ಅಂತಿಮ ಅಧ್ಯಾಯ ಎಂದು ವಾಹಿನಿ ಶೇರ್ ಮಾಡಿಕೊಂಡಿರುವ ಪ್ರೊಮೋದಲ್ಲಿಯೂ ಇವರಿಬ್ಬರೂ ಇಲ್ಲ. ಹಾಗಿದ್ದರೆ ನಿಜಕ್ಕೂ ಏನಾಯ್ತು, ಈ ಲೀಡ್ ರೋಲ್ ಇಲ್ಲದೇ ಸೀರಿಯಲ್ಮುಗಿಸಿದ್ದು ಏಕೆ ಎನ್ನುವ ಪ್ರಶ್ನೆ ನೆಟ್ಟಿಗರನ್ನು ಕಾಡುತ್ತಿದೆ.

ಅಷ್ಟಕ್ಕೂ ಗೌತಮ್ ಮತ್ತು ಆನಂದ್ ಗೆಳೆತನ ಸೀರಿಯಲ್ನಲ್ಲಿ ಮೊದಲಿನಿಂದಲೂ ಹೈಲೈಟ್ ಆಗಿತ್ತು. ಇವರಿಬ್ಬರ ಸ್ನೇಹದಂತೆ ಎಲ್ಲರ ಸ್ನೇಹ ಇರಲಿ, ಇಂಥ ಸ್ನೇಹಿತರು ಸಿಕ್ಕರೆ ಬದುಕೇ ಬಂಗಾರ ಎಂದೇ ಎಲ್ಲರೂ ಹೇಳುತ್ತಿದ್ದರು. ಆದರೆ ಕಳೆದ ಹಲವು ಎಪಿಸೋಡ್ಗಳಲ್ಲಿ ಆನಂದ್ ಪತ್ನಿಯ ಕ್ಯಾರೆಕ್ಟರ್ ಕಾಣಿಸುತ್ತಿದೆಯೇ ವಿನಾ ಆನಂದ್ ನಾಪತ್ತೆಯಾಗಿದ್ದು, ಇತ್ತ ಆಕಾಶ್ ಕೂಡ ಕಾಣಿಸುತ್ತಿಲ್ಲ.

ಸಮಸ್ಯೆ ಏನಾಗಿದೆ?

ಇವರಿಬ್ಬರಿಗೆ ಏನು ಸಮಸ್ಯೆ ಆಗಿದೆ,, ಸೀರಿಯಲ್ ಬಿಟ್ಟದ್ದು ಏಕೆ? ವಾಹಿನಿ ಜೊತೆ ಸಮಸ್ಯೆ ಆಗಿದ್ಯಾ, ಸೀರಿಯಲ್ ಜೊತೆ ಸಮಸ್ಯೆ ಆಗಿದ್ಯಾ ಅಥವಾ ಇಬ್ಬರೂ ಲಾಂಗ್ ಟೂರ್ ಹೋಗಿದ್ದಾರಾ ಎಂಬಿತ್ಯಾದಿಯಾಗಿ ಕಮೆಂಟ್ಸ್ ಸುರಿಮಳೆಯಾಗುತ್ತಿದೆ. ಅಷ್ಟಕ್ಕೂ ಈ ಸೀರಿಯಲ್ನಲ್ಲಿ ಕೆಲವೇ ಕೆಲವು ಪಾತ್ರಗಳು ಚೇಂಜ್ ಆಗಿದ್ದು ಬಿಟ್ಟರೆ, ಸಾಮಾನ್ಯವಾಗಿ ಇತರ ಸೀರಿಯಲ್ಗಳಲ್ಲಿ ಆಗುವಂತೆ ಮುಖ್ಯ ರೋಲ್ಗಳನ್ನು ಚೇಂಜ್ ಮಾಡಿಲ್ಲ. ಇದು ಎಲ್ಲರಿಗೂ ಇಷ್ಟವಾಗಿದೆ. ಆದರೆ ಗೌತಮ್ ಮತ್ತು ಭೂಮಿಕಾ ಬದುಕಲ್ಲಿ ಬಹುದೊಡ್ಡ ಪಾತ್ರವಹಿಸಿದ್ದ ಆನಂದ್ ರೋಲ್ ಕೊನೆಯಲ್ಲಿ ಕಾಣಿಸದೇ ಇರುವುದು ವೀಕ್ಷಕರಿಗೆ ನಿರಾಸೆ ಮೂಡಿಸುತ್ತಿದೆ.

ಅರೆರೆ.. ಬ್ಲಾಕ್‌ಬಸ್ಟರ್ ಸಿನಿಮಾಗಳಲ್ಲಿ ಮಿಂಚಿದ್ದ ನಟ ಈಗ ಆಟೋ ಚಾಲಕ: ಈ ಕಲಾವಿದ ಯಾರು?

Govindaraj S — Mon, 09 Nov 2026 18:23:04 +0530

ಸಿನಿಮಾ ರಂಗದಲ್ಲಿ ಯಶಸ್ಸು ಸಿಕ್ಕರೆ ಜೀವನವೇ ಬದಲಾಗುತ್ತದೆ ಎಂಬ ಮಾತಿದೆ. ಆದರೆ ತೆರೆಮೇಲೆ ಮಿಂಚಿದ ಪ್ರತಿಯೊಬ್ಬ ಕಲಾವಿದನ ಬದುಕು ಸದಾ ಸುಗಮವಾಗಿರುವುದಿಲ್ಲ. ಕೆಲವರು ಅವಕಾಶಗಳ ಕೊರತೆಯಿಂದ ಸಂಕಷ್ಟ ಎದುರಿಸಿದರೆ, ಇನ್ನು ಕೆಲವರು ಕುಟುಂಬದ ಜವಾಬ್ದಾರಿಗಾಗಿ ಬೇರೆ ಕೆಲಸಗಳತ್ತ ಮುಖ ಮಾಡುತ್ತಾರೆ.

ಇದೀಗ ತಮಿಳು ಚಿತ್ರರಂಗದ ಇಂತಹದ್ದೇ ಒಬ್ಬ ನಟನ ಬದುಕಿನ ಕಥೆ ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಯಾಗುತ್ತಿದೆ. ಒಂದು ಕಾಲದಲ್ಲಿ ಸೂಪರ್ ಹಿಟ್ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಈ ನಟ, ಈಗ ಆಟೋ ಚಾಲನೆ ಮಾಡುತ್ತಿರುವ ದೃಶ್ಯಗಳು ವೈರಲ್ ಆಗಿವೆ.

'ಸುಬ್ರಮಣ್ಯಪುರಂ' ಸಿನಿಮಾದಲ್ಲಿ ಗಮನ ಸೆಳೆದಿದ್ದ ನಟ!

ಈ ಫೋಟೋ ಹಾಗೂ ವಿಡಿಯೋಗಳಲ್ಲಿ ಕಾಣಿಸಿಕೊಳ್ಳುತ್ತಿರುವ ನಟ ತಮಿಳು ಕಲಾವಿದ ಮರಿಮುತ್ತು. 2008ರಲ್ಲಿ ಎಂ. ಶಶಿಕುಮಾರ್ ನಿರ್ದೇಶನದಲ್ಲಿ ತೆರೆಕಂಡು ಭಾರೀ ಯಶಸ್ಸು ಗಳಿಸಿದ್ದ 'ಸುಬ್ರಮಣ್ಯಪುರಂ' ಸಿನಿಮಾದಲ್ಲಿ ಅವರು ಪ್ರಮುಖ ಪಾತ್ರವೊಂದರಲ್ಲಿ ನಟಿಸಿದ್ದರು. ಈ ಚಿತ್ರ ತೆಲುಗಿನಲ್ಲಿ 'ಅನಂತಪುರಂ' ಹೆಸರಿನಲ್ಲಿಯೂ ಬಿಡುಗಡೆಯಾಗಿತ್ತು.

ಜೈ, ಶಶಿಕುಮಾರ್, ಸಮುದ್ರಕನಿ, ಸ್ವಾತಿ ಹಾಗೂ ಗಂಜಾ ಕರುಪ್ಪು ಸೇರಿದಂತೆ ಹಲವು ಕಲಾವಿದರು ನಟಿಸಿದ್ದ ಈ ಚಿತ್ರದಲ್ಲಿ ಮರಿಮುತ್ತು ತಮ್ಮ ಸಹಜ ಅಭಿನಯದ ಮೂಲಕ ಪ್ರೇಕ್ಷಕರ ಗಮನ ಸೆಳೆದಿದ್ದರು. ಸಿನಿಮಾ ದೊಡ್ಡ ಮಟ್ಟದಲ್ಲಿ ಯಶಸ್ಸು ಕಂಡಿದ್ದರೂ, ನಂತರ ಅವರಿಗೆ ನಿರೀಕ್ಷಿಸಿದಷ್ಟು ಅವಕಾಶಗಳು ಸಿಗಲಿಲ್ಲ ಎನ್ನಲಾಗಿದೆ.

ಅವಕಾಶಗಳಿಗಾಗಿ ಕಾಯದೆ ಬೇರೆ ಕೆಲಸಗಳತ್ತ ಮುಖ!

ಸಿನಿಮಾಗಳಲ್ಲಿ ಉತ್ತಮ ಪಾತ್ರಗಳು ಹಾಗೂ ಹಾಸ್ಯಪಾತ್ರಗಳು ಸಿಗಬಹುದು ಎಂಬ ನಿರೀಕ್ಷೆಯಲ್ಲಿದ್ದ ಮರಿಮುತ್ತು ಅವರಿಗೆ ಕಾಲಕ್ರಮೇಣ ಅವಕಾಶಗಳು ಕಡಿಮೆಯಾದವು. ಆದರೆ ಕೆಲಸಕ್ಕಾಗಿ ಕಾಯುತ್ತಾ ಕೂರುವ ಬದಲು, ಕುಟುಂಬದ ನಿರ್ವಹಣೆಗಾಗಿ ತಮ್ಮ ಜೀವನೋಪಾಯದ ದಾರಿಯನ್ನು ತಾವೇ ಕಂಡುಕೊಂಡರು.

ಮೊದಲು ರೇಡಿಯೋ ರಿಪೇರಿ ಹಾಗೂ ಎಲೆಕ್ಟ್ರಿಕಲ್ ಕೆಲಸಗಳನ್ನು ಮಾಡುತ್ತಿದ್ದ ಅವರು, ಬಳಿಕ ಆಟೋ ಚಾಲನೆ ಕಲಿತು ಆಟೋ ಓಡಿಸುವ ಕೆಲಸವನ್ನೂ ಆರಂಭಿಸಿದರು. ಜೀವನದಲ್ಲಿ ಎದುರಾದ ಸವಾಲುಗಳ ನಡುವೆಯೂ ಕೆಲಸ ಮಾಡಲು ಹಿಂಜರಿಯದೆ ಮುನ್ನಡೆಯುತ್ತಿದ್ದಾರೆ.

ಆಟೋ ಓಡಿಸುತ್ತಿರುವ ನಟನ ವಿಡಿಯೋ ವೈರಲ್!

ಇತ್ತೀಚೆಗೆ ಮರಿಮುತ್ತು ಆಟೋ ಓಡಿಸುತ್ತಿರುವ ಹಾಗೂ ಆಟೋಗಳನ್ನು ರಿಪೇರಿ ಮಾಡುತ್ತಿರುವ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ. ಒಂದು ಕಾಲದಲ್ಲಿ ಬೆಳ್ಳಿತೆರೆಯಲ್ಲಿ ನಟಿಸಿ ಪ್ರೇಕ್ಷಕರ ಮೆಚ್ಚುಗೆ ಗಳಿಸಿದ್ದ ಕಲಾವಿದ ಈಗ ಜೀವನೋಪಾಯಕ್ಕಾಗಿ ಆಟೋ ಓಡಿಸುತ್ತಿರುವುದನ್ನು ಕಂಡು ಹಲವರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ಕಷ್ಟದ ಸಂದರ್ಭದಲ್ಲೂ ಸ್ವಾಭಿಮಾನದಿಂದ ದುಡಿದು ಬದುಕು ಸಾಗಿಸುತ್ತಿರುವ ಅವರ ಮನೋಸ್ಥೈರ್ಯಕ್ಕೆ ನೆಟ್ಟಿಗರು ಮೆಚ್ಚುಗೆ ಸೂಚಿಸುತ್ತಿದ್ದಾರೆ. ನಟನಾಗಿದ್ದರೂ ಯಾವುದೇ ಕೆಲಸವನ್ನು ಕೀಳಾಗಿ ಕಾಣದೆ, ಪರಿಶ್ರಮದಿಂದ ಜೀವನ ನಡೆಸುತ್ತಿರುವ ಮರಿಮುತ್ತು ಅವರ ಕಥೆ ಹಲವರ ಮನಮುಟ್ಟಿದೆ.

ಇನ್ನು ಸಿನಿಮಾ ಜಗತ್ತಿನ ಬೆಳಕು-ಬೆಳಗಿನಲ್ಲಿ ಕಾಣಿಸದ ಕಲಾವಿದರ ಬದುಕಿನ ಮತ್ತೊಂದು ಮುಖವನ್ನು ಈ ಘಟನೆ ನೆನಪಿಸಿದೆ. ಅವಕಾಶಗಳು ಕಡಿಮೆಯಾದರೂ ಬದುಕಿನ ಹೋರಾಟವನ್ನು ನಿಲ್ಲಿಸದ ಮರಿಮುತ್ತು ಅವರ ಜೀವನ ಈಗ ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಯ ವಿಷಯವಾಗಿದೆ.

ಬಿಗ್‌ಬಾಸ್‌ ಮನೆಗೆ ಮಂಜ ಮರುಪ್ರವೇಶ! ಆದರೆ ಕಪ್ ಗೆಲ್ಲೋಕಿಲ್ಲ ಅವಕಾಶ; ಕಿಚ್ಚ ಹೇಳಿದ್ದಕ್ಕಿಂತ ದೊಡ್ಡದಿದೆ ಟ್ವಿಸ್ಟ್!

Sathish Kumar KH — Mon, 09 Nov 2026 18:03:16 +0530

ಕನ್ನಡ ಕಿರುತೆರೆಯ ಅತ್ಯಂತ ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ ಬಾಸ್' ಇತಿಹಾಸದಲ್ಲೇ ಹಿಂದೆಂದೂ ಕಾಣದ ಅಚ್ಚರಿಯ ತಿರುವೊಂದು ಸಿಕ್ಕಿದೆ! ನಿಯಮ ಉಲ್ಲಂಘಿಸಿ ಮನೆಯಿಂದ ಅರ್ಧಕ್ಕೇ ಹೊರಬಿದ್ದಿದ್ದ ಕಾಮನ್ ಮ್ಯಾನ್ ಸ್ಪರ್ಧಿ 'ಮಾಡ್ರನ್ ಮಹಾಕವಿ ಮಂಜ' ಮತ್ತೆ ದೊಡ್ಮನೆ ಪ್ರವೇಶಿಸಿದ್ದಾರೆ. ಆದರೆ, ಇಲ್ಲೊಂದು ಬಿಗ್ ಟ್ವಿಸ್ಟ್ ಇದೆ—ಮಂಜ ಮನೆಗೆ ಹೋದರೂ ಅವರಿಗೆ ಬಿಗ್ ಬಾಸ್ ಕಪ್ ಗೆಲ್ಲುವ ಅರ್ಹತೆ ಇರುವುದಿಲ್ಲ!

ಹೌದು, Bigg Boss Kannada Modern Mahakavi Manju Re-Entry. ಕೇವಲ ಆಟವಾಡಲು ಮಾತ್ರ ಮಂಜಗೆ ಅವಕಾಶ ಕಲ್ಪಿಸಲಾಗಿದ್ದು, ಈ ಕುರಿತು ಬಿಗ್ ಬಾಸ್ ಹಾಗೂ ಮಂಜ ನಡುವೆ ವಿಶೇಷ ಒಪ್ಪಂದ ನಡೆದಿದೆ. ವಾರಾಂತ್ಯದ 'ಕಿಚ್ಚನ ಪಂಚಾಯಿತಿ'ಯಲ್ಲಿ ಸುದೀಪ್ ಈ ಅಚ್ಚರಿಯ ನಿರ್ಧಾರವನ್ನು ಪ್ರಕಟಿಸಿದ್ದಾರೆ.

ಮನೆಯಿಂದ ಹೊರಬಿದ್ದಿದ್ದ ಮಂಜಗೆ ಸಿಕ್ತು 2ನೇ ಚಾನ್ಸ್: ಕಾರಣವೇನು?

ಈ ಹಿಂದೆ ಮನೆಯ ಸದಸ್ಯರ ಮೇಲೆ ಕೆಟ್ಟ ಪದಬಳಕೆ ಮಾಡಿ, ನಿಯಮ ಮೀರಿ ಮಂಜ ಮನೆಯಿಂದ ಹೊರನಡೆದಿದ್ದರು. ಆದರೆ, ಬಿಗ್ ಬಾಸ್ ನಿಯಮಾವಳಿ ಪ್ರಕಾರ ಅವರು 'ರೆಡ್ ಕಾರ್ಡ್' ಪಡೆಯುವಂತಹ ಅಕ್ಷಮ್ಯ ಅಪರಾಧವನ್ನೇನೂ ಮಾಡಿರಲಿಲ್ಲ. ಸಾಮಾನ್ಯ ವ್ಯಕ್ತಿಯಾಗಿ ಬಿಗ್ ಬಾಸ್ ಪ್ರವೇಶಿಸಿದ್ದ ಮಂಜ ಹೊರಬಂದ ಮೇಲೆ ಜನರ ದೂಷಣೆಗೆ ಒಳಗಾಗಿದ್ದರು. 'ಒಬ್ಬ ವ್ಯಕ್ತಿಗೆ ಈ ವೇದಿಕೆಯಿಂದ ಒಳ್ಳೆಯದಾಗಬೇಕೇ ಹೊರತು ಕೆಟ್ಟದ್ದಾಗಬಾರದು' ಎಂಬ ಮಾನವೀಯ ಕಳಕಳಿಯಿಂದ ಬಿಗ್ ಬಾಸ್ ಮಂಜಗೆ ತಿದ್ದಿಕೊಳ್ಳಲು ಈ ಸುವರ್ಣಾವಕಾಶ ನೀಡಿದೆ.

'ರೋಡಲ್ಲಿ ಅಜ್ಜಿ ಬಂದು ಹೊಡೆದ್ರು!'

ಸುದೀಪ್ ಅವರ ಮುಂದೆ ಮಾತನಾಡಿದ ಮಂಜ ತಮ್ಮ ನೋವನ್ನು ಹಂಚಿಕೊಂಡರು. 'ಅಣ್ಣ, ನಾನು ಬಿಗ್ ಬಾಸ್ ಮನೆಯಲ್ಲಿ ಕೆಟ್ಟದಾಗಿ ವರ್ತಿಸಿ, ಬೇಗನೇ ಮನೆಯಿಂದ ಹೊರಬಂದಿದ್ದಕ್ಕೆ ರಸ್ತೆಯಲ್ಲಿ ಹೋಗುವಾಗ ಒಬ್ಬ ಅಜ್ಜಿ ನನಗೆ ಬಂದು ಹೊಡೆದರು. ಅಷ್ಟೊಂದು ಜನರು ನನ್ನ ಮೇಲೆ ಪ್ರೀತಿ ತೋರಿಸಿದ್ದಾರೆ. ಜನ ತಮ್ಮ ದುಡ್ಡು ಖರ್ಚು ಮಾಡಿ, ಮೊಬೈಲ್ ರೀಚಾರ್ಜ್ ಮಾಡಿಕೊಂಡು ಶೋ ನೋಡುತ್ತಾರೆ. ಅವರಿಗೆ ನಾವೊಂದು ನ್ಯಾಯ ಒದಗಿಸಬೇಕು' ಎಂದು ಪಶ್ಚಾತ್ತಾಪ ವ್ಯಕ್ತಪಡಿಸಿದರು.

'ನಿಮಗೆ ಕಪ್ ಇಲ್ಲ, ಆಟ ಮಾತ್ರ'

ಸುದೀಪ್ ಅವರು ಮಂಜಗೆ ಬುದ್ಧಿಮಾತು ಹೇಳುತ್ತಾ, 'ನೀವು ಅಷ್ಟೊಂದು ಕೆಟ್ಟವರಲ್ಲ, ಕೆಟ್ಟವರಾಗಲು ಹೋಗಬೇಡಿ. ಇದು ನಿಮ್ಮನ್ನು ನೀವು ತಿದ್ದಿಕೊಳ್ಳಲು ಸಿಕ್ಕಿರುವ ಅವಕಾಶ. ಮನೆಯಿಂದ ಹೊರಬರುವಾಗ ನಿಮ್ಮ ಬಗ್ಗೆ ಒಳ್ಳೆಯ ಟ್ರೇಲರ್ ಬರಬೇಕು ಎಂದರು. ಇದಕ್ಕೆ ಮಂಜ ಅವರು ಉತ್ತರಿಸುತ್ತಾ, 'ಅಣ್ಣ, ನಾನು ಮಾಡಿದ ತಪ್ಪಿಗೆ ಇದೆ ಒಪ್ಪಿಗೆ, ಇನ್ಮೇಲೆ ನನ್ನ ಗುರಿ ಏನಿದ್ದರೂ ಕಪ್‌ಗೆ' ಎಂದು ಡೈಲಾಗ್ ಹೊಡೆದರು. ಇದಕ್ಕೆ ಪ್ರತಿಕ್ರಿಯೆ ನೀಡಿದ ಸುದೀಪ್ ಅವರು, 'ನೀವು ಮಾಡಿದ ತಪ್ಪಿಗೆ ಕಪ್ ಗೆಲ್ಲುವ ಅವಕಾಶ ಕಳೆದುಕೊಂಡಿದ್ದೀರಿ. ಕೇವಲ ಆಟವಾಡಲು ಮಾತ್ರ ನಿಮಗೆ ಅನುಮತಿ' ಎಂದು ಸ್ಪಷ್ಟಪಡಿಸಿದರು.

ನಾನು ಹೊರಹೋಗಿದ್ದಕ್ಕೆ ಪಾಯಸ ತಿಂದವರಿಗೆ ಇನ್ಮೇಲೆ ನಡುಕ!

ಮತ್ತೆ ಮನೆ ಪ್ರವೇಶಿಸುವ ಬಗ್ಗೆ ಉತ್ಸಾಹ ವ್ಯಕ್ತಪಡಿಸಿದ ಮಂಜ, ತಮ್ಮದೇ ಶೈಲಿಯಲ್ಲಿ ಪಂಚ್ ಕೊಟ್ಟರು: 'ನಾನು ಮತ್ತೆ ಮನೆಯೊಳಗೆ ಹೋದರೆ ಉಳಿದ ಸ್ಪರ್ಧಿಗಳು ಶಾಕ್ ಆಗ್ತಾರೆ! ನಾನು ಹೊರಗೆ ಹೋದಾಗ ಪಾಯಸ, ಸ್ವೀಟ್, ಪುಳಿಯೋಗರೆ ತಿಂದು ಸಂಭ್ರಮಿಸಿದವರಿಗೆ ಈಗ ನಡುಕ ಶುರುವಾಗುತ್ತೆ ಎಂದು ಹೇಳಿದರು.

ಒಟ್ಟಿನಲ್ಲಿ, ಮಾತಿನ ಮೇಲೆ ಹಿಡಿತ ಕಳೆದುಕೊಂಡು ಹೊರಬಿದ್ದಿದ್ದ ಮಿಡಲ್ ಕ್ಲಾಸ್ ಮಂಜ ಇದೀಗ ಮತ್ತೊಮ್ಮೆ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ. ಕಪ್ ಗೆಲ್ಲುವ ಹಕ್ಕಿಲ್ಲದಿದ್ದರೂ, ಮಂಜ ಅವರ ಈ ಸೆಕೆಂಡ್ ಇನ್ನಿಂಗ್ಸ್ ಮನೆಯೊಳಗಿನ ಸಮೀಕರಣಗಳನ್ನು ಹೇಗೆ ಬದಲಿಸಲಿದೆ ಎಂಬುದನ್ನು ಕಾದುನೋಡಬೇಕಿದೆ.

ರಜನೀ ಸ್ಟೈಲ್ನಲ್ಲಿ ದೀಪಾವಳಿ ಶುಭಾಶಯ ಕೋರಿದ ಮಲೇಷ್ಯಾ ಪ್ರಧಾನಿ: ವಿಡಿಯೋ ವೈರಲ್

Suchethana D — Mon, 09 Nov 2026 18:01:43 +0530

ದೆಹಲಿ: ಸೂಪರ್ಸ್ಟಾರ್ ರಜನಿಕಾಂತ್ ಅವರನ್ನು ಅನುಸರಿಸುವವರು ತುಂಬಾ ಅಭಿಮಾನಿಗಳು ಇದ್ದಾರೆ. ಏಕೆಂದರೆ, ಅವರ ಕೆಲವೊಂದು ಸ್ಟೈಲ್ಗಳಿಗೆ ಅವರೇ ಸಾಟಿ ಎನ್ನುವಂತಿದೆ. ಪ್ರತಿಯೊಂದು ಸಿನಿಮಾದಲ್ಲಿಯೂ ಅವರ ವಿಭಿನ್ನ ಸ್ಟೈಲ್ಗಳು ಜನಪ್ರಿಯವಾಗಿದ್ದು, ಕೆಲವೊಂದನ್ನು ಯಾರೇ ಮಾಡಿದರೂ ಅದು ರಜನೀಕಾಂತ್ ಅವರ ಸ್ಟೈಲೇ ಎನ್ನುವಷ್ಟರ ಮಟ್ಟಿಗೆ ಫೇಮಸ್ ಆಗಿದೆ. ಅಷ್ಟಕ್ಕೂ ರಜನೀಕಾಂತ್ ಅವರಿಗೆ ಭಾರತ ಮಾತ್ರವಲ್ಲದೇ ವಿದೇಶದಲ್ಲಿಯೂ ಸಿಕ್ಕಾಪಟ್ಟೆ ಫ್ಯಾನ್ಸ್ ಇದ್ದಾರೆ. ಅವರಲ್ಲಿ ಒಬ್ಬರು ಮಲೇಷ್ಯಾದ ಪ್ರಧಾನಿ ಅನ್ವರ್ ಇಬ್ರಾಹಿಂ. ಇದಾಗಲೇ ಹೊಸ ವರ್ಷ ಸೇರಿದಂತೆ ಕೆಲವು ಸಂದರ್ಭದಲ್ಲಿ ಪ್ರಧಾನಿ ಅನ್ವರ್ ಇಬ್ರಾಹಿಂ ಅವರು, ರಜನೀಕಾಂತ್ ಅವರ ಸ್ಟೈಲ್ನಲ್ಲಿಯೇ ವಿಷ್ ಮಾಡಿರುವುದು ಇದೆ.

ಇದೀಗ ಅವರು ಇನ್ನೊಂದು ಹೆಜ್ಜೆ ಮುಂದಕ್ಕೆ ಹೋಗಿದ್ದಾರೆ. ರಜನೀಕಾಂತ್ ಅವರ ಐಕಾನಿಕ್ ಸ್ಟೈಲ್ನಲ್ಲಿ ಒಂದಾಗಿರುವುದು ಸನ್ ಗ್ಲಾಸ್‌ಗಳನ್ನು ತಿರುಗಿಸುತ್ತಾ ಕಣ್ಣಿಗೆ ಧರಿಸುವುದು. ಅದೇ ಸ್ಟೈಲ್ನಲ್ಲಿ ಈಗ ಪ್ರಧಾನಿ ಅನ್ವರ್ ಇಬ್ರಾಹಿಂ ಭಾರತದ ಜನರು ಹಾಗೂ ವಿದೇಶಗಳಲ್ಲಿ ವಾಸಿಸುವ ಹಿಂದೂಗಳಿಗೆ ದೀಪಾವಳಿ ಶುಭಾಶಯಗಳನ್ನು ತಿಳಿಸಿದ್ದಾರೆ. ಇದರ ವಿಡಿಯೋ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಇಬ್ರಾಹಿಂ ಅವರು ಕಂಟೆಂಟ್ ಕ್ರಿಯೇಟರ್ ದೇವರಾಜ್ ಡೇವಿಡ್ ಅವರೊಂದಿಗೆ ಕಾಣಿಸಿಕೊಂಡಿದ್ದು, ರಜನಿಕಾಂತ್ ಅವರ ಸಿನಿಮಾದ ಸಂಭಾಷಣೆ ಸಹ ಕೇಳಿಸುತ್ತದೆ. ಹಿಂದಿ ಚಲನಚಿತ್ರಗಳು ಮತ್ತು ಸಂಗೀತದ ದೊಡ್ಡ ಅಭಿಮಾನಿಯಾಗಿರುವ ಇಬ್ರಾಹಿಂ, ನಾಗರಿಕರು ದೀಪಾವಳಿಯನ್ನು ತಮ್ಮ ಕುಟುಂಬದೊಂದಿಗೆ ಆಚರಿಸುವಂತೆ ಕರೆ ನೀಡಿದ್ದಾರೆ.

'ಸಂಸ್ಕೃತಿಗಳು ಮತ್ತು ಸಂಪ್ರದಾಯಗಳ ವೈವಿಧ್ಯತೆಯನ್ನು ಶಾಶ್ವತಗೊಳಿಸುವ ಬಹುತ್ವ ಸಮಾಜದಲ್ಲಿ, ಪರಸ್ಪರ ಗೌರವ, ತಿಳಿವಳಿಕೆ ಮತ್ತು ವ್ಯತ್ಯಾಸಗಳನ್ನು ಸ್ವೀಕರಿಸುವ ಮೌಲ್ಯವನ್ನು ನಿರಂತರವಾಗಿ ಬಲಪಡಿಸಬೇಕು. ಈ ಆಚರಣೆಯು ಏಕತೆಯನ್ನು ಬಲಪಡಿಸಲು, ಜನಾಂಗಗಳ ನಡುವಿನ ಅಂತರವನ್ನು ಕಡಿಮೆ ಮಾಡಲು ಮತ್ತು ಅಗತ್ಯವಿರುವವರಿಗೆ ದಾನ ಮತ್ತು ಕಾಳಜಿಯ ಮೌಲ್ಯಗಳನ್ನು ತುಂಬಲು ಒಂದು ಮಾಧ್ಯಮವಾಗಲಿ' ಎಂದು ಪ್ರಧಾನಿ ಇಬ್ರಾಹಿಂ ಫೇಸ್‌ಬುಕ್ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

ಇದೇ ಮೊದಲಲ್ಲ

ಇಬ್ರಾಹಿಂ 2023 ರಲ್ಲಿ ರಜನೀಕಾಂತ್ ಅವರನ್ನು ಭೇಟಿಯಾಗಿದ್ದರು. ಕೆಲ ತಿಂಗಳ ಹಿಂದೆ ದೆಹಲಿಯಲ್ಲಿ ನಡೆದ ಬ್ರಿಕ್ಸ್‌ ಶೃಂಗಸಭೆಯಲ್ಲಿ ಭಾಗವಹಿಸಲು ಭಾರತಕ್ಕೆ ಬಂದಿದ್ದ ಮಲೇಷ್ಯಾ ಪ್ರಧಾನಿ ಅನ್ವರ್‌ ಇಬ್ರಾಹಿಂ ಅವರು, ಹಿಂದಿ ಚಿತ್ರರಂಗದ ದಿಗ್ಗದ ಗಾಯಕರಾದ ಮುಕೇಶ್‌ ಮತ್ತು ಕಿಶೋರ್‌ ಕುಮಾರ್‌ ಅವರ ಹಾಡುಗಳನ್ನು ಹಾಡಿ ಗಮನ ಸೆಳೆದಿದ್ದರು. ಬ್ರಿಕ್ಸ್‌ ಗಾಲೆ ಡಿನ್ನರ್‌ ಪಾರ್ಟಿಯಲ್ಲಿ, ಮಲೇಷ್ಯಾ ಪ್ರಧಾನಿ ಅನ್ವರ್‌ ಇಬ್ರಾಹಿಂ ಅವರು ಮುಕೇಶ್‌ ಅವರ "ದೋಸ್ತ್‌ ದೋಸ್ತ್‌ ನಾ ರಹಾ.." ಮತ್ತು ಕಿಶೋರ್‌ ಕುಮಾರ್‌ ಅವರ "ಖ್ವಾಬ್‌ ಹೋ ತುಮ್‌ ಯಾ ಕೋಯಿ ಹಕೀಕತ್.."‌ ಹಾಡುಗಳನ್ನು ಹಾಡಿದರು. ಅನ್ವರ್‌ ಇಬ್ರಾಹಿಂ ಅವರು ಹಿಂದಿ ಚಿತ್ರ ಗೀತೆಗಳನ್ನು ಹಾಡಿದ್ದರು.

ಮಲೇಷ್ಯಾ ಪ್ರಧಾನಿ ಅನ್ವರ್‌ ಇಬ್ರಾಹಿಂ ಅವರು ಭಾರತೀಯ ಹಾಡುಗಳ ಮೇಲಿನ ತಮ್ಮ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದು ಇದೇ ಮೊದಲ ಬಾರಿಯಲ್ಲ. ಭಾರತೀಯ ಚಲನಚಿತ್ರ ಮತ್ತು ಸಂಗೀತದ ಬಗ್ಗೆ ತಮಗಿರುವ ಅಚಲ ಪ್ರೀತಿಯ ಬಗ್ಗೆ, ಅನ್ವರ್‌ ಇಬ್ರಾಹಿಂ ದೀರ್ಘಕಾಲದಿಂದಲೂ ಮಾತನಾಡುತ್ತಾ ಬಂದಿದ್ದಾರೆ. ಅವರು ಈ ಹಿಂದೆ ಭಾರತಕ್ಕೆ ಭೇಟಿ ನೀಡಿದ್ದಾಗ ಮಾಧ್ಯಮಗಳೊಂದಿಗಿನ ಸಂವಾದವೊಂದರಲ್ಲಿ, ಕಿಶೋರ್ ಕುಮಾರ್ ಅವರ ಹಾಡನ್ನು ಹಾಡಿದ್ದರು ಮತ್ತು 2024ರಲ್ಲಿ ದೆಹಲಿಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮುಕೇಶ್ ಅವರ ಜನಪ್ರಿಯ ಗೀತೆಯನ್ನು ಪ್ರಸ್ತುತಪಡಿಸಿದ್ದರು.

Deepavali Nalvaalthukkal!

#MalaysiaMADANI

#YakinMADANI https://t.co/PDxKmIesAA

— Anwar Ibrahim (@anwaribrahim) November 6, 2026

ನಿರ್ದೇಶಕನಾಗುವ ಮುನ್ನ ನಟನಾಗಿದ್ದರಾ ರಾಜಮೌಳಿ? ನಿರೂಪಕಿ ಜೊತೆಗಿನ ಹಳೆಯ ವಿಡಿಯೋ ವೈರಲ್

Govindaraj S — Mon, 09 Nov 2026 17:28:22 +0530

ಟಾಲಿವುಡ್‌ನ ಖ್ಯಾತ ನಿರ್ದೇಶಕ ಎಸ್.ಎಸ್. ರಾಜಮೌಳಿ ಎಂದರೆ ನೆನಪಾಗುವುದು 'ಬಾಹುಬಲಿ', 'ಆರ್‌ಆರ್‌ಆರ್' ಅಂತಹ ಬೃಹತ್ ಸಿನಿಮಾಗಳು. ತಮ್ಮ ಅದ್ಭುತ ನಿರ್ದೇಶನದ ಮೂಲಕ ವಿಶ್ವದ ಗಮನ ಸೆಳೆದಿರುವ ರಾಜಮೌಳಿ, ಒಂದು ಕಾಲದಲ್ಲಿ ನಟನಾಗಿಯೂ ಬಣ್ಣ ಹಚ್ಚಿದ್ದರು ಎಂಬ ವಿಚಾರ ನಿಮಗೆ ಗೊತ್ತಾ? ಅದರಲ್ಲೂ ಜನಪ್ರಿಯ ಟಿವಿ ನಿರೂಪಕಿ ರಶ್ಮಿ ಗೌತಮ್ ಜೊತೆಗಿನ ಅವರ ಹಳೆಯ ವಿಡಿಯೋವೊಂದು ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈ ವಿಡಿಯೋ ನೋಡಿದ ನೆಟ್ಟಿಗರು ಅಚ್ಚರಿಯ ಜೊತೆಗೆ ಹಳೆಯ ದಿನಗಳನ್ನು ನೆನಪಿಸಿಕೊಳ್ಳುತ್ತಿದ್ದಾರೆ.

17 ವರ್ಷಗಳ ಹಿಂದಿನ ವಿಡಿಯೋದಲ್ಲಿ ರಾಜಮೌಳಿ, ರಶ್ಮಿ ಲವ್ ಟ್ರ್ಯಾಕ್!

ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಈ ವಿಡಿಯೋ ಸುಮಾರು 17 ವರ್ಷಗಳ ಹಿಂದೆ ಪ್ರಸಾರವಾಗಿದ್ದ 'ಯುವ' ಸೀರಿಯಲ್‌ನ ದೃಶ್ಯ ಎನ್ನಲಾಗಿದೆ. ವಿಶೇಷವೆಂದರೆ, ಈ ದೃಶ್ಯದಲ್ಲಿ ರಾಜಮೌಳಿ ಹಾಗೂ ರಶ್ಮಿ ಗೌತಮ್ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಇವರಿಬ್ಬರ ನಡುವೆ ನಡೆಯುವ ಪ್ರೇಮದ ಸನ್ನಿವೇಶವೇ ಈಗ ಎಲ್ಲರ ಗಮನ ಸೆಳೆಯುತ್ತಿದೆ.

ವಿಡಿಯೋದಲ್ಲಿ ರೇಡಿಯೋ ಮೂಲಕ ಇಬ್ಬರ ನಡುವೆ ಪ್ರೀತಿ ಆರಂಭವಾಗುತ್ತದೆ. ಬಳಿಕ ಆ ಪರಿಚಯ ಮತ್ತಷ್ಟು ಮುಂದುವರಿದು ಇಬ್ಬರೂ ಕೆಫೆಯಲ್ಲಿ ಭೇಟಿಯಾಗುವ ಸನ್ನಿವೇಶ ಬರುತ್ತದೆ. ಈ ಲವ್ ಟ್ರ್ಯಾಕ್ ಅನ್ನು ಹಾಸ್ಯಮಯವಾಗಿ ಚಿತ್ರಿಸಲಾಗಿದ್ದು, ರಾಜಮೌಳಿಯ ಈ ವಿಭಿನ್ನ ಅವತಾರ ಪ್ರೇಕ್ಷಕರಿಗೆ ಅಚ್ಚರಿ ಮೂಡಿಸಿದೆ.

ನಿರ್ದೇಶನದ ಜೊತೆಗೆ ನಟನೆಯಲ್ಲೂ ಮಿಂಚಿದ್ದ ರಾಜಮೌಳಿ!

ರಾಜಮೌಳಿ ತಮ್ಮ ಸಿನಿಮಾಗಳಲ್ಲಿ ಆಗೊಮ್ಮೆ ಈಗೊಮ್ಮೆ ಸಣ್ಣ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವುದು ಗೊತ್ತಿರುವ ವಿಚಾರ. ಆದರೆ, ಅವರು ಹಿಂದೆ ಕಿರುತೆರೆಯಲ್ಲೂ ನಟಿಸಿದ್ದರು ಎಂಬುದು ಹಲವರಿಗೆ ಹೊಸ ಸಂಗತಿ. ಇದೀಗ ಹಳೆಯ ಸೀರಿಯಲ್‌ನ ಈ ದೃಶ್ಯ ಮತ್ತೆ ಮುನ್ನೆಲೆಗೆ ಬಂದಿರುವುದರಿಂದ ಅವರ ಅಭಿಮಾನಿಗಳು ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. ಒಂದು ಕಡೆ 'ಬಾಹುಬಲಿ', 'ಆರ್‌ಆರ್‌ಆರ್' ಅಂತಹ ಸಿನಿಮಾಗಳ ಮೂಲಕ ಭಾರತೀಯ ಚಿತ್ರರಂಗದ ಹೆಮ್ಮೆಯ ನಿರ್ದೇಶಕರಾಗಿ ಗುರುತಿಸಿಕೊಂಡಿರುವ ರಾಜಮೌಳಿ, ಮತ್ತೊಂದು ಕಡೆ ಈ ಹಳೆಯ ವಿಡಿಯೋದಲ್ಲಿ ಸಂಪೂರ್ಣ ವಿಭಿನ್ನವಾಗಿ ಕಾಣಿಸಿಕೊಂಡಿದ್ದಾರೆ.

ರಶ್ಮಿ ಗೌತಮ್ ಜೊತೆಗಿನ ಅಪರೂಪದ ಕೆಮಿಸ್ಟ್ರಿ; ನೆಟ್ಟಿಗರು ಫಿದಾ!

ಇನ್ನು ರಶ್ಮಿ ಗೌತಮ್ ವಿಚಾರಕ್ಕೆ ಬಂದರೆ, 'ಜಬರ್ದಸ್ತ್' ಕಾರ್ಯಕ್ರಮದ ಮೂಲಕ ಅಪಾರ ಜನಪ್ರಿಯತೆ ಗಳಿಸಿರುವ ಅವರು, ನಿರೂಪಕಿಯಾಗಿ ಮಾತ್ರವಲ್ಲದೆ ನಟಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಕಿರುತೆರೆ ಹಾಗೂ ಸಿನಿಮಾಗಳಲ್ಲಿ ಕೆಲಸ ಮಾಡಿರುವ ರಶ್ಮಿ, ಇದೀಗ ರಾಜಮೌಳಿ ಜೊತೆಗಿನ ಹಳೆಯ ದೃಶ್ಯದ ಮೂಲಕ ಮತ್ತೆ ಸುದ್ದಿಯಾಗಿದ್ದಾರೆ. ಈ ವಿಡಿಯೋ ನೋಡಿದ ನೆಟ್ಟಿಗರು, 'ರಾಜಮೌಳಿ ಅವರೂ ಹಿಂದೆ ನಟಿಸುತ್ತಿದ್ದರಾ?', 'ರಶ್ಮಿ ಅವರ ಹಳೆಯ ಲುಕ್ ಎಷ್ಟು ವಿಭಿನ್ನವಾಗಿದೆ!' ಎಂದು ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. ಹಳೆಯ ದಿನಗಳ ಈ ಅಪರೂಪದ ದೃಶ್ಯವನ್ನು ಹಲವರು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

ಮಹೇಶ್ ಬಾಬು ಜೊತೆ ಸಿನಿಮಾ ಮಾಡುತ್ತಿರುವ ರಾಜಮೌಳಿ!

ಸದ್ಯ ರಾಜಮೌಳಿ ತಮ್ಮ ಮುಂದಿನ ಮಹತ್ವಾಕಾಂಕ್ಷೆಯ ಸಿನಿಮಾದ ಕೆಲಸಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಮಹೇಶ್ ಬಾಬು ನಾಯಕನಾಗಿರುವ ಈ ಚಿತ್ರ ಅಂತಾರಾಷ್ಟ್ರೀಯ ಮಟ್ಟದ ಸಾಹಸಮಯ ಕಥಾಹಂದರ ಹೊಂದಿದೆ ಎಂಬ ನಿರೀಕ್ಷೆಯಿದೆ. ಈಗಾಗಲೇ 'ಬಾಹುಬಲಿ' ಮತ್ತು 'ಆರ್‌ಆರ್‌ಆರ್' ಮೂಲಕ ಜಾಗತಿಕ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ನಿರ್ದೇಶಕರ ಮುಂದಿನ ಸಿನಿಮಾ ಮೇಲೂ ಭಾರೀ ನಿರೀಕ್ಷೆಯಿದೆ.

ಇನ್ನು ವರ್ಷಗಳ ಹಿಂದೆ ಕಿರುತೆರೆಯಲ್ಲಿ ರಾಜಮೌಳಿ ಹಾಗೂ ರಶ್ಮಿ ಗೌತಮ್ ಒಟ್ಟಿಗೆ ಕಾಣಿಸಿಕೊಂಡಿದ್ದ ಈ ಅಪರೂಪದ ದೃಶ್ಯ ಈಗ ಮತ್ತೆ ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ನಿರ್ದೇಶಕನಾಗಿ ಜಾಗತಿಕ ಖ್ಯಾತಿ ಗಳಿಸಿರುವ ರಾಜಮೌಳಿಯ ಹಳೆಯ ನಟನೆಯ ಅವತಾರವನ್ನು ಕಂಡು ಅಭಿಮಾನಿಗಳು ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ.

Karna Serial ನಿತ್ಯಾ ಸಾವಿಗೆ ನಟಿ ನಮ್ರತಾ ಗೌಡ ಕಾರಣನಾ? ಹೇಳಿದ್ದೇ ಒಂದು, ಮಾಡಿದ್ದೇ ಇನ್ನೊಂದು- ಏನಿದು

Suchethana D — Mon, 09 Nov 2026 17:12:17 +0530

ಕರ್ಣ ಸೀರಿಯಲ್ (Karna Serial)ನಲ್ಲಿ ಇದೀಗ ಯಾರೂ ಊಹಿಸದ ಹಾಗೂ ಯಾರಿಗೂ ಬೇಡವಾಗಿರುವ ಟ್ವಿಸ್ಟ್ ಸಿಕ್ಕಿದೆ.ಅದು ನಿತ್ಯಾ ಸಾಯುವಂತೆ ತೋರಿಸಲಾಗಿದೆ. ಕರ್ಣನ ಅಮ್ಮನ ರಹಸ್ಯ ಹಾಗೂ ತನ್ನ ತಂದೆ-ತಾಯಿಯನ್ನು ಕೊಂದವರ ರಹಸ್ಯ ಆಕೆಗೆ ತಿಳಿದಿತ್ತು. ಆದರೆ ಇದಕ್ಕೆಲ್ಲಾ ಕಾರಣ ಆಗಿರೋ ನಯನತಾರಾಗೆ ಆಕೆ ಕಾಲ್ ಮಾಡಿ, ವಿಷಯ ತಿಳಿಸಿ ಬಿಟ್ಟಿದ್ದಳು.ಅಲ್ಲಿಗೆ ನಿತ್ಯಾ ತನ್ನ ಸಾವನ್ನು ತಾನೇ ತಂದುಕೊಂಡಿದ್ದಳು. ಈ ವಿಷ್ಯ ಕರ್ಣ, ನಿಧಿ ಸೇರಿ ಉಳಿದವರಿಗೆ ತಿಳಿಯುವಮೊದಲೇ ರೌಡಿಗಳನ್ನು ಬಿಟ್ಟು ನಯನತಾರಾ ಎಲ್ಲರನ್ನೂ ಮುಗಿಸಲು ಹೊಂಚು ಹಾಕಿದಳು.

ಅದೃಷ್ಟಕ್ಕೆ ಎಲ್ಲರೂ ಪ್ರಾಣಾಪಾಯದಿಂದ ಪಾರಾದರು. ತುಂಬು ಗರ್ಭಿಣಿಯಾಗಿರುವ ನಿತ್ಯಾ, ಮಗುವನ್ನು ಕರ್ಣನ ಕೈಗೆ ಇತ್ತು ಸಾಯುವ ದೃಶ್ಯದಂತೆ ತೋರಿಸಲಾಗಿದೆ. ಅಷ್ಟಕ್ಕೂ ಇದಕ್ಕೂ ಮೊದಲೇ ನಿತ್ಯಾ, ತನಗೇನಾದರೂ ಆದರೆ ನನ್ನ ಕಂದನ ಸಂಪೂರ್ಣ ಜವಾಬ್ದಾರಿ ನಿಮ್ಮದೇ ಎಂದು ಕರ್ಣನಿಂದ ಭಾಷೆಯನ್ನೂ ತೆಗೆದುಕೊಂಡಿದ್ದಳು. ಆದರೆ, ಆಕೆ ಸಾಯುವುದಿಲ್ಲ ಎಂದೇ ಹೇಳಲಾಗಿತ್ತು. ಆದರೆ ಸದ್ಯ ಬಿಡುಗಡೆಯಾಗಿರುವ ಪ್ರೊಮೋದ ಪ್ರಕಾರ, ನಿತ್ಯಾ ಸಾಯುವ ಹಾದಿಯಲ್ಲಿ ಇದ್ದಾಳೆ. ಆಸ್ಪತ್ರೆಯಲ್ಲಿ ಹಾಕಿರುವ ಭುವನೇಶ್ವರಿಯ ಫೋಟೋ ತೋರಿಸಿ, ಅವಳೇ ನಿನ್ನ ಅಮ್ಮ ಅರ್ಥಾತ್ ಭುವನೇಶ್ವರಿಯೇ ನಿನ್ನ ಅಮ್ಮ ಎಂದು ಹೇಳಲು ಟ್ರೈ ಮಾಡಿದ್ದಾಳೆ ನಿತ್ಯಾ. ಆದರೆ ಅಲ್ಲಿಗೆ ಆಕೆ ಕೊನೆಯುಸಿರು ಎಳೆದಂತೆ ತೋರಿಸಲಾಗಿದೆ.

ನಟಿ ನಮ್ರತಾ ಗೌಡ ಅಸಮಾಧಾನ

ಅಸಲಿಗೆ ನಿತ್ಯಾ ಪಾತ್ರಧಾರಿಯಾಗಿರುವ ನಮ್ರತಾ ಗೌಡ (Namratha Gowda) ಈಚೆಗೆ ಸಂದರ್ಶನವೊಂದರಲ್ಲಿ ತಮ್ಮ ಪಾತ್ರದ ಬಗ್ಗೆ ಅಸಮಾಧಾನ ಹೇಳಿಕೊಂಡಿದ್ದರು. ಕರ್ಣ ಸೀರಿಯಲ್ ಹೆಸರನ್ನು ನೇರವಾಗಿ ಎಲ್ಲಿಯೂ ನಮ್ರತಾ ಗೌಡ ಅವರು ತೆಗೆದುಕೊಂಡಿರಲಿಲ್ಲ. ಆದರೆ ನಿತ್ಯಾ ಪಾತ್ರ ಈ ರೀತಿ ಇರುತ್ತದೆ ಎಂದು ಅಂದುಕೊಂಡಿರಲಿಲ್ಲ. ನನಗೆ ಕಥೆ ಹೇಳಿದಾಗ ಅದು ಬೇರೆಯ ರೀತಿ ಇತ್ತು. ಅದು ಸ್ಟ್ರಾಂಗ್ ಪಾರ್ಟ್ ಆಗಿತ್ತು. ಅದಕ್ಕೇ ನಾನು ಒಪ್ಪಿಕೊಂಡಿದ್ದೆ. ಆದರೆ ಜನರಿಗೆ ಬೇಕಾದ ರೀತಿಯಲ್ಲಿ ಕಥೆ ಬದಲಾಗುತ್ತಾ ಹೋಗುತ್ತದೆ. ನನಗೆ ಹೇಳಿದ್ದೇ ಒಂದು, ಆ ಬಳಿಕ ಆಗಿದ್ದೇ ಇನ್ನೊಂದು ರೀತಿ ಪಾತ್ರವಾಗಿತ್ತು ಎಂದು ಅಸಮಾಧಾನ ಹೊರಹಾಕಿದ್ದರು.

ಬೇರೆ ನಟಿ ಬರ್ತಾರಾ?

ಇದೇ ವಿಡಿಯೋದಲ್ಲಿ ನಟಿ, ಕರ್ಣ ಸೀರಿಯಲ್ ಹೆಸರು ಹೇಳದೇ, ನಾನು ಆ ಪ್ರಾಜೆಕ್ಟ್ನಿಂದ ಹೊರಕ್ಕೆ ಬರುತ್ತಿದ್ದೇನೆ. ಸೀರಿಯಲ್ ತಂಡಕ್ಕೆ ತೊಂದರೆ ಆಗದ ರೀತಿಯಲ್ಲಿ, ಎಲ್ಲ ರೀತಿಯಲ್ಲಿ ಸರಿಯಾಗಿ ತಿಳಿಸಿಯೇ ಹೊರಕ್ಕೆ ಬರುತ್ತಿದ್ದೇನೆ ಎಂದಿದ್ದರು. ಅಲ್ಲಿಗೆ ನಿತ್ಯಾ ಪಾತ್ರಕ್ಕೆ ಬೇರೆ ನಟಿ ಎಂಟ್ರಿ ಆಗುವುದು ಖಚಿತ ಎಂದೇ ಎಂದುಕೊಳ್ಳಲಾಗಿತ್ತು. ಆದರೆ, ಇದೀಗ ನಿತ್ಯಾ ಸತ್ತಂತೆ ತೋರಿಸಲಾಗಿದೆ. ಈಗ ಆಕೆಯ ಜಾಗಕ್ಕೆ ಬೇರೆ ನಟಿ ಎಂಟ್ರಿ ಆಗುತ್ತಾರೋ ಅಥವಾ ನಮ್ರತಾ ಗೌಡ ಸೀರಿಯಲ್ ಬಿಟ್ಟು ಹೋಗುತ್ತಿರುವ ಕಾರಣ, ಆ ಪಾತ್ರವನ್ನೇ ಮುಗಿಸುತ್ತಿದ್ದಾರಾ ಎನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ.

ಲತಾ ಮಂಗೇಶ್ಕರ್ ಸೀರೆ ಮೇಲೆ ಟೀ ಚೆಲ್ಲಿದ್ದ ಎಸ್‌ಪಿಬಿಗೆ ಕಾದಿತ್ತು ಸರ್ಪ್ರೈಸ್: ಇದು ಒಳ್ಳೆಯ ಶಕುನನಾ?

Govindaraj S — Mon, 09 Nov 2026 17:01:33 +0530

ಲತಾ ಮಂಗೇಶ್ಕರ್ ಸೀರೆ ಮೇಲೆ ಬಿಸಿ ಟೀ ಚೆಲ್ಲಿದ ಮರೆಯಲಾಗದ ಘಟನೆಯನ್ನು ಸಂಗೀತ ದಂತಕಥೆ ದಿವಂಗತ ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಹಳೆಯ ಸಂದರ್ಶನವೊಂದರಲ್ಲಿ ಹಂಚಿಕೊಂಡಿದ್ದರು. ಆ ನೆನಪುಗಳನ್ನು ಈಗ ನೋಡೋಣ.

ಸಂಗೀತ ದಂತಕಥೆ ದಿವಂಗತ ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಅವರ ಧ್ವನಿ ಮತ್ತು ಸರಳತೆ ಇಂದಿಗೂ ಕೋಟ್ಯಂತರ ಅಭಿಮಾನಿಗಳ ಮನಸ್ಸಿನಲ್ಲಿ ಜೀವಂತವಾಗಿದೆ. ಭಾಷೆಯ ಗಡಿ ದಾಟಿ ಸಾವಿರಾರು ಹಾಡುಗಳನ್ನು ಎಸ್‌ಪಿಬಿ ಹಾಡಿದ್ದಾರೆ. ಅವರು ಆರಂಭದಲ್ಲಿ ಕನ್ನಡ ಮತ್ತು ತಮಿಳು ಕಲಿತ ಸ್ವಾರಸ್ಯಕರ ಕಥೆ ಹಾಗೂ ಲತಾ ಮಂಗೇಶ್ಕರ್ ಸೀರೆ ಮೇಲೆ ಬಿಸಿ ಟೀ ಚೆಲ್ಲಿದ ಮರೆಯಲಾಗದ ಘಟನೆಯನ್ನು ಹಳೆಯ ಸಂದರ್ಶನವೊಂದರಲ್ಲಿ ಹಂಚಿಕೊಂಡಿದ್ದರು. ಆ ನೆನಪುಗಳನ್ನು ಈಗ ನೋಡೋಣ. ಯಾವುದೇ ಭಾಷೆಯಲ್ಲಿ ಹಾಡಿದರೂ ಆ ಭಾಷೆಯ ಉಚ್ಚಾರಣೆ ತುಂಬಾ ಮುಖ್ಯ ಎಂದು ಎಸ್‌ಪಿಬಿ ನಂಬಿದ್ದರು. ಅವರ ಮಾತೃಭಾಷೆ ತೆಲುಗು. ಆದರೆ, ಅವರು ಕನ್ನಡದಲ್ಲಿ ಮಾತನಾಡುವಾಗ ಉಚ್ಚಾರಣೆ ಅಷ್ಟೇ ಸ್ಪಷ್ಟವಾಗಿರುತ್ತಿತ್ತು. ಆದರೆ, ಆರಂಭದಲ್ಲಿ ಕನ್ನಡ ಎಂಬ ಭಾಷೆ ಇರುವುದೇ ಅವರಿಗೆ ಗೊತ್ತಿರಲಿಲ್ಲವಂತೆ.

ತಮ್ಮ ಭಾಷೆ ಕಲಿತ ದಿನಗಳ ಬಗ್ಗೆ ಎಸ್‌ಪಿಬಿ ಹೀಗೆ ಹೇಳಿದ್ದರು: "ನಾನು ಹಾಡಿದ ಎರಡನೇ ಹಾಡು ಕನ್ನಡ. ಮೊದಲ ಹಾಡು ರೆಕಾರ್ಡಿಂಗ್ ವೇಳೆ, ಸಂಗೀತ ನಿರ್ದೇಶಕ ರಂಗರಾವ್ ಅದನ್ನು ಕೇಳಿ 'ನಿನ್ನ ಕೈಯಲ್ಲಿ ನಾನು ಕನ್ನಡದಲ್ಲಿ ಹಾಡಿಸುತ್ತೇನೆ' ಎಂದರು. ನಿಜ ಹೇಳಬೇಕೆಂದರೆ, ಕನ್ನಡ ಎಂಬ ಭಾಷೆ ಇರುವುದೇ ನನಗೆ ಆಗ ಗೊತ್ತಾಗಿದ್ದು! ಅದು ಹೇಗಿರುತ್ತದೆ ಎಂದು ಕೂಡ ಗೊತ್ತಿರಲಿಲ್ಲ. ಆಗ ಒಬ್ಬ ಕವಿ ಬಂದು, 'ಏನೂ ತೊಂದರೆ ಇಲ್ಲ, ಇದು ತೆಲುಗು ತರಾನೇ ಇರುತ್ತೆ' ಎಂದು ಹೇಳಿ, ತೆಲುಗಿನಲ್ಲೇ ಸಾಲುಗಳನ್ನು ಬರೆದುಕೊಟ್ಟು ಹಾಡಿಸಿದರು. ಆದರೆ, ಹೋಗ್ತಾ ಹೋಗ್ತಾ ಜನ 'ಕನ್ನಡ ಅಂದ್ರೆ ಅದು ಬಾಲು ಅವರ ಧ್ವನಿನೇ' ಎನ್ನುವಷ್ಟರ ಮಟ್ಟಿಗೆ ಪ್ರೀತಿ ಕೊಟ್ಟರು."

ತಮಿಳು ಚಿತ್ರರಂಗಕ್ಕೆ ಬಂದಾಗ, ಖ್ಯಾತ ಸಂಗೀತ ನಿರ್ದೇಶಕ ಎಂ.ಎಸ್. ವಿಶ್ವನಾಥನ್ ಎಸ್‌ಪಿಬಿಗೆ ಒಂದು ಸವಾಲು ಹಾಕಿದರಂತೆ. "ನಿನ್ನ ಹಾಡು ಚೆನ್ನಾಗಿದೆ, ಆದರೆ ತಮಿಳು ಉಚ್ಚಾರಣೆ ಸರಿಯಿಲ್ಲ. ಓದಲು ಬರದಿದ್ದರೂ ಪರವಾಗಿಲ್ಲ, ಮೊದಲು ತಮಿಳು ಚೆನ್ನಾಗಿ ಮಾತನಾಡಲು ಕಲಿತು ಬಾ, ಆಮೇಲೆ ಅವಕಾಶ ಕೊಡುತ್ತೇನೆ" ಎಂದು ಹೇಳಿದ್ದರು. ದೊಡ್ಡ ಸಂಗೀತ ನಿರ್ದೇಶಕ ಹೇಳಿದ್ದನ್ನು ಸೀರಿಯಸ್ ಆಗಿ ತೆಗೆದುಕೊಂಡ ಬಾಲು, ಬೀದಿಯಲ್ಲಿ ಅಂಟಿಸಿದ್ದ ಸಿನಿಮಾ ಪೋಸ್ಟರ್‌ಗಳನ್ನು ಓದಿಯೇ ತಮಿಳು ಕಲಿತರಂತೆ!

ಹಿಂದಿ ಸಿನಿಮಾದ ಮುಡಿಸೂಡದ ರಾಣಿ ಲತಾ ಮಂಗೇಶ್ಕರ್ ಅವರನ್ನು ಮೊದಲ ಬಾರಿ ಭೇಟಿಯಾದಾಗ ನಡೆದ ಸ್ವಾರಸ್ಯಕರ ಘಟನೆಯನ್ನೂ ಎಸ್‌ಪಿಬಿ ಹೇಳಿದ್ದಾರೆ. "ಅದು 'ಏಕ್ ದುಜೇ ಕೇ ಲಿಯೇ' ಸಿನಿಮಾದ 'ತೇರೆ ಮೇರೆ ಬೀಚ್ ಮೇ' ಹಾಡು ರೆಕಾರ್ಡಿಂಗ್ ಸಮಯ. ಲಕ್ಷ್ಮೀಕಾಂತ್-ಪ್ಯಾರೇಲಾಲ್ ಸಂಗೀತ ನಿರ್ದೇಶಕರು. ಲತಾಜಿ ಹಾಡುತ್ತಿರುವಾಗ ಮಧ್ಯದಲ್ಲಿ ನಾನು 'ನೀ ರೊಂಬ ನಲ್ಲಾ ಪಾಡ್ರೆ' ಎಂದು ಒಂದು ತಮಿಳು ಡೈಲಾಗ್ ಹೇಳಬೇಕಿತ್ತು. ಸಾಕ್ಷಾತ್ ಲತಾ ಮಂಗೇಶ್ಕರ್ ಹಾಡಿಗೆ ನಾನು ಒಂದು ಸರ್ಟಿಫಿಕೇಟ್ ಕೊಡಬೇಕಲ್ಲ ಎಂಬ ಭಯ ನನ್ನಲ್ಲಿತ್ತು.

ಅವರು ಸ್ಟುಡಿಯೋಗೆ ಬಂದಾಗ, ನೂರಕ್ಕೂ ಹೆಚ್ಚು ಸಂಗೀತಗಾರರು ಮತ್ತು ಸಂಗೀತ ನಿರ್ದೇಶಕರು ಮರ್ಯಾದೆಯಿಂದ ಎದ್ದು ನಿಂತರು. ನಾನು ಅವರ ಕಾಲಿಗೆ ಬಿದ್ದು ಆಶೀರ್ವಾದ ಪಡೆದೆ. ಆಮೇಲೆ ವಾಯ್ಸ್ ಬೂತ್‌ನಲ್ಲಿ ಕುಳಿತು ಅವರು ಹಾಡು ಕಲಿಯುತ್ತಿದ್ದರು, ನಾನು ಡೈಲಾಗ್ ಹೇಳಲು ರೆಡಿಯಾಗುತ್ತಿದ್ದೆ. ಆಗ ನಮಗೆ ಟೀ ತಂದುಕೊಟ್ಟರು. ನನಗೆ ತುಂಬಾ ನರ್ವಸ್ ಆಗಿತ್ತು, ಭಯದಲ್ಲಿ ಕೈ ನಡುಗುತ್ತಿತ್ತು. ಲತಾಜಿ ಯಾವಾಗಲೂ ಶುದ್ಧ ಬಿಳಿ ಸೀರೆಯೇ ಉಡುತ್ತಾರೆ ಎಂದು ಎಲ್ಲರಿಗೂ ಗೊತ್ತು. ನನ್ನ ಕೈ ನಡುಗಿ ಆ ಬಿಸಿ ಟೀಯನ್ನು ಅವರ ಸೀರೆ ಮೇಲೆಯೇ ಚೆಲ್ಲಿಬಿಟ್ಟೆ!

ಆ ನಿಮಿಷ ನನ್ನ ಎದೆಯೇ ನಿಂತುಹೋಯ್ತು. ಬಾಲು ಸುಬ್ರಹ್ಮಣ್ಯಂ, ಹಿಂದಿ ಸಿನಿಮಾದಲ್ಲಿ ನಿನಗೆ ಇದೇ ಮೊದಲ ದಿನ ಮತ್ತು ಕೊನೆಯ ದಿನ. ರೆಕಾರ್ಡಿಂಗ್ ಕ್ಯಾನ್ಸಲ್ ಆಗಿ ನಿನ್ನನ್ನು ಹೊರಗೆ ಅಟ್ಟುತ್ತಾರೆ ಎಂದುಕೊಂಡೆ. ಆದರೆ ಲತಾಜಿ ಸ್ವಲ್ಪವೂ ಕೋಪಗೊಳ್ಳದೆ, ನಗುತ್ತಲೇ 'ಬಹುತ್ ಅಚ್ಚಾ ಶಗುನ್ ಹೈ ಬಾಲುಜಿ' (ಇದು ತುಂಬಾ ಒಳ್ಳೆಯ ಶಕುನ ಬಾಲುಜಿ) ಅಂತ ಹೇಳಿದರು! ಬಿಳಿ ಬಟ್ಟೆ ಮೇಲೆ ಕಾಫಿ ಅಥವಾ ಟೀ ಚೆಲ್ಲಿದರೆ ಅದು ಒಳ್ಳೆಯ ಶಕುನವಂತೆ! ಅವರ ಆ ದೊಡ್ಡ ಮನಸ್ಸನ್ನು ನೋಡಿ ನನಗೆ ನೆಮ್ಮದಿಯಾಯಿತು. ಆಮೇಲೆ ಬಂದ ದಿನಗಳಲ್ಲಿ, 'ಹೀಗೆ ಒಳ್ಳೆಯ ಶಕುನ ಆಗುತ್ತೆ ಅಂದ್ರೆ ನಾನು ಪ್ರತಿ ರೆಕಾರ್ಡಿಂಗ್‌ನಲ್ಲೂ ನಿಮ್ಮ ಸೀರೆ ಮೇಲೆ ಕಾಫಿ ಚೆಲ್ಲುತ್ತೇನೆ' ಎಂದು ಲತಾಜಿ ಬಳಿ ತಮಾಷೆ ಮಾಡುತ್ತಿದ್ದೆ" ಎಂದು ಎಸ್‌ಪಿಬಿ ಆ ದಿನಗಳನ್ನು ನೆನಪಿಸಿಕೊಂಡರು.

ಇನ್ನು ಭಾಷೆ ಮೇಲಿದ್ದ ಒಲವು ಮತ್ತು ಹಿರಿಯ ಕಲಾವಿದರ ಮೇಲಿದ್ದ ಗೌರವವೇ ಎಸ್‌ಪಿಬಿಯನ್ನು ಭಾರತೀಯ ಸಂಗೀತ ಜಗತ್ತಿನಲ್ಲಿ ಒಬ್ಬ ಅಳಿಯದ ಗಾಯಕನನ್ನಾಗಿ ಮಾಡಿತು ಎನ್ನುವುದಕ್ಕೆ ಈ ಘಟನೆಗಳೇ ಸಾಕ್ಷಿ.

Amurthadhaare ಅಂತಿಮ ಅಧ್ಯಾಯ ಪ್ರೊಮೋ ರಿಲೀಸ್: ಇದು ತುಂಬಾ ಅನ್ಯಾಯ- ಸೀರಿಯಲ್ ಫ್ಯಾನ್ಸ್ ಕಣ್ಣೀರು

Suchethana D — Mon, 09 Nov 2026 16:56:20 +0530

ಮೂರೂವರೆ ವರ್ಷಗಳವರೆಗೆ ಜನರನ್ನು ರಂಜಿಸಿದ್ದ, ಟ್ವಿಸ್ಟ್ ಮೇಲೆ ಟ್ವಿಸ್ಟ್ ಕೊಡುತ್ತಾ ಸಾಗಿದರೂ, ಇನ್ನೇನು ಮುಗಿಯತ್ತೆ ಎನ್ನುವಾಗಲೇ ಮತ್ತೊಂದಿಷ್ಟು ಕಥೆಯನ್ನು ಸೇರಿಸಿ ಸೀರಿಯಲ್ ಎಳೆದರೂ, ಕೊನೆಯವರೆಗೂ ಅದೇ ಖುಷಿ, ಅದೇ ಪ್ರೀತಿಯನ್ನು ಉಳಿಸಿಕೊಂಡಿರುವ ಕೆಲವೇ ಕೆಲವು ಸೀರಿಯಲ್ಗಳ ಪೈಕಿ ಅಮೃತಧಾರೆ ಸೀರಿಯಲ್ (Amruthadhaare Serial). ಸಾಮಾನ್ಯವಾಗಿ ಸೀರಿಯಲ್ ಆರಂಭದಲ್ಲಿ ಚೆನ್ನಾಗಿರುವ ಕಥೆಯ ಜೊತೆ ಶುರುವಾದರೂ, ಬರುಬರುತ್ತಾ ಅದನ್ನು ಎಳೆಯುವುದು ಹೆಚ್ಚಾದಂತೆ, ಅದು ತನ್ನ ಸೌಂದರ್ಯವನ್ನೇ ಕಳೆದುಕೊಂಡು ಬಿಡುತ್ತದೆ. ವೀಕ್ಷಕರಿಗೂ ಅದನ್ನು ನೋಡಲು ಬೋರ್ ಎನ್ನಿಸುವುದು ಇದೆ. ಆದರೆ ಅಮೃತಧಾರೆ ಮಟ್ಟಿಗೆ ಹೇಳುವುದಾದರೆ, ಹಾಗಾಗಲೇ ಇಲ್ಲ. ಅದರಲ್ಲಿಯೂ ಪೈಪೋಟಿಗೆ ಬಿದ್ದವರಂತೆ ಕಣ್ಣಿನಲ್ಲಿಯೇ ನಟಿಸುವ ನಾಯಕ ರಾಜೇಶ್ ನಟರಂಗ ಮತ್ತು ನಾಯಕಿ ಛಾಯಾ ಸಿಂಗ್ ಅವರ ಅಭಿನಯಕ್ಕೆ ಮಾರು ಹೋಗದವರೇ ಇಲ್ಲ. ಇವರಿಬ್ಬರ ಜೋಡಿಯನ್ನು ಹಾಡಿ ಕೊಂಡಾಡಿದವರು ಅದೆಷ್ಟೋ ಮಂದಿ.

ಇದೀಗ ಎಲ್ಲದಕ್ಕೂ ಒಂದು ಅಂತ್ಯ ಎನ್ನುವಂತೆ ಕೊನೆಗೂ ಸೀರಿಯಲ್ ನಿಜಕ್ಕೂ ಮುಗಿಯುತ್ತಿದೆ. ಇದಾಗಲೇ ಸ್ಟೋರಿ ಏನಾಗಬಹುದು ಎನ್ನುವುದು ಎಲ್ಲರಿಗೂ ತಿಳಿದದ್ದೇ. ಆದರೂ ಕೊನೆಯ ಕ್ಷಣದವರೆಗೂ ಸೀರಿಯಲ್ ರೋಚಕತೆ ಉಳಿಸಿಕೊಳ್ಳುತ್ತಿದೆ. ಇದರ ಶೂಟಿಂಗ್ ಮೊನ್ನೆ ಮುಗಿದಿದ್ದು, ಸೀರಿಯಲ್ಮುಗಿಯತ್ತೆ ಎಂದು ಖುದ್ದು ಗೌತಮ್ ಪಾತ್ರಧಾರಿ ರಾಜೇಶ್ ನಟರಂಗ (Rajesh Nataranga) ಅವರು ಬಂದು ಹೇಳಿದ್ದರು. ಇದೀಗ ಸೀರಿಯಲ್ನ ಅಂತಿಮ ಅಧ್ಯಾಯ ಎಂದು ಪ್ರಮೋ ರಿಲೀಸ್ ಮಾಡಲಾಗಿದೆ.

ಅಂತಿಮ ಅಧ್ಯಾಯದ ಪ್ರೊಮೋ

ಸೋಷಿಯಲ್ ಮೀಡಿಯಾದಲ್ಲಿ ವಾಹಿನಿ ಹಂಚಿಕೊಂಡಿರುವ ಪ್ರೊಮೋದಲ್ಲಿ, ಅಂತಿಮ ಅಧ್ಯಾಯ ಎಂದು ಹೇಳಲಾಗಿದೆ. ಇದರಲ್ಲಿ ಇಡೀ ಮೂರೂವರೆ ವರ್ಷದ ಕಥೆಯನ್ನು ನಾಲ್ಕೈದು ಸೆಕೆಂಡ್ಗಳಲ್ಲಿ ತೋರಿಸಲಾಗಿದೆ. ಆರಂಭದಿಂದ ಈಗ ಈ ಸೀರಿಯಲ್ ಹೇಗೆ ಬಂದಿದೆ ಎನ್ನುವುದನ್ನು ಇದರಲ್ಲಿ ನೋಡಬಹುದಾಗಿದೆ. ಇದೀಗ ಕ್ಲೈಮ್ಯಾಕ್ಸ್ ಹಂತಕ್ಕೆ ನಿಂತಿದೆ.

ಹೀಗಾಗಬಾರದಿತ್ತು, ಸೀರಿಯಲ್ ಪ್ರೇಮಿಗಳ ಕಣ್ಣೀರು

ಈ ಸೀರಿಯಲ್ ಮುಗಿಯುತ್ತದೆ ಎಂದು ವೀಕ್ಷಕರಿಗೆ ತಿಳಿದಿದ್ದರೂ, ಈ ಮೊದಲು ಅನೇಕ ಬಾರಿ ಅಂದುಕೊಂಡಂತೆಮತ್ತಷ್ಟು ಟ್ವಿಸ್ಟ್ ಸೇರಿಸುವ ಆಸೆ ಹಲವರಿಗೆ ಇತ್ತು. ಏಕೆಂದರೆ ಈ ಸೀರಿಯಲ್ ಅನ್ನು ಅಷ್ಟು ಪ್ರೀತಿಯಿಂದ ನೋಡುತ್ತಿದ್ದರು ವೀಕ್ಷಕರು. ಆದರೆ ಇದೀಗ ಖುದ್ದು ವಾಹಿನಿಯೇ ಅಂತಿಮ ಅಧ್ಯಾಯ ಎಂದು ತೋರಿಸಿ ಸೀರಿಯಲ್ ಪ್ರೊಮೋ ಬಿಡುಗಡೆ ಮಾಡಿದ್ದರಿಂದ ಈಗ ಸೀರಿಯಲ್ಮುಗಿಯುವುದು ಖಚಿತವಾಗಿ, ಹೀಗಾಗಬಾರದಿತ್ತು ಎಂದು ಅಭಿಮಾನಿಗಳು ನೋವು ತೋಡಿಕೊಳ್ಳುತ್ತಿದ್ದಾರೆ. ನಿಮ್ಮನ್ನು ತುಂಬಾಮಿಸ್ ಮಾಡಿಕೊಳ್ಳುತ್ತಿದ್ದೇವೆ, ಸೀರಿಯಲ್ಮುಗಿಯಬಾರದಿತ್ತು, ನೀವು ಸದಾ ನಮ್ಮ ಮನದಲ್ಲಿ ಇರುತ್ತೀರಿ, ಸೀರಿಯಲ್ ಅನ್ನು ಮತ್ತಷ್ಟು ತಿಂಗಳು ಮುಂದುವರೆಸಬಹುದಿತ್ತು, ಸೀರಿಯಲ್ಮುಗಿಯುತ್ತೆ ಎಂದರೆ ನಂಬಲು ಆಗುತ್ತಿಲ್ಲ, ಮಿಸ್ ಯು, ಮಿಸ್ ಯು ಎಂದೆಲ್ಲಾ ಕಮೆಂಟ್ಸ್ ಸುರಿಮಳೆಯಾಗುತ್ತಿದೆ. ಒಂದು ಸೀರಿಯಲ್ ಅನ್ನು ಪ್ರೇಕ್ಷಕರು ಹೇಗೆ ಒಪ್ಪಿಕೊಳ್ಳುತ್ತಾರೆ, ಹೇಗೆ ಅದಕ್ಕೆ ಆಪ್ತರಾಗಿಬಿಡುತ್ತಾರೆ ಎನ್ನುವುದಕ್ಕೆ ಉದಾಹರಣೆಯಾಗಿ ಅಮೃತಧಾರೆ ಸೀರಿಯಲ್ ತನ್ನ ಅಧ್ಯಾಯ ಮುಗಿಸುತ್ತಿದೆ.

ರಾಮಾಯಣ vs ಧುರಂಧರ್: ರಣವೀರ್ ಸಿನಿಮಾ ದಾಖಲೆ ಮೂಲೆಗುಂಪು ಮಾಡ್ತಾರಾ ರಣಬೀರ್ & ಯಶ್?

Shriram Bhat — Mon, 09 Nov 2026 16:54:34 +0530

ಬಾಕ್ಸ್ ಆಫೀಸ್‌ನಲ್ಲಿ ‘ರಾಮಾಯಣ’ ಅಬ್ಬರ; ಧುರಂಧರ್ ದಾಖಲೆಗಳ ಮುಂದೆ ರಣಬೀರ್-ಯಶ್ ಸಿನಿಮಾ ಆಟವೇನು?

ಬಾಲಿವುಡ್ ನಟ ರಣಬೀರ್ ಕಪೂರ್ (Ranbir Kapoor) ಮತ್ತು ರಾಕಿಂಗ್ ಸ್ಟಾರ್ ಯಶ್ (Rocking Star Yash) ಅಭಿನಯದ ಬಹುನಿರೀಕ್ಷಿತ ‘ರಾಮಾಯಣ: ಭಾಗ 1’ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಪ್ರದರ್ಶನ ಮುಂದುವರಿಸಿದೆ. ಬಿಡುಗಡೆಯಾದ ಕೇವಲ ನಾಲ್ಕು ದಿನಗಳಲ್ಲೇ ವಿಶ್ವಾದ್ಯಂತ 500 ಕೋಟಿ ರೂಪಾಯಿ ಗಳಿಕೆಯ ಸನಿಹ ತಲುಪಿರುವ ಈ ಚಿತ್ರ, ಭಾರತೀಯ ಚಿತ್ರರಂಗದ ಬಾಕ್ಸ್ ಆಫೀಸ್ ಲೆಕ್ಕಾಚಾರವನ್ನೇ ಬದಲಿಸುವ ಸೂಚನೆ ನೀಡಿದೆ. ಆದರೆ, ಇತ್ತೀಚಿನ ವರ್ಷಗಳಲ್ಲಿ ಭರ್ಜರಿ ಕಲೆಕ್ಷನ್ ಮೂಲಕ ಸಂಚಲನ ಸೃಷ್ಟಿಸಿದ್ದ ರಣವೀರ್ ಸಿಂಗ್ (Ranveer Singh) ನಟನೆಯ ‘ಧುರಂಧರ್’ ಮತ್ತು ‘ಧುರಂಧರ್ 2: ದಿ ರಿವೇಂಜ್’ ಚಿತ್ರಗಳ ದಾಖಲೆಗಳೊಂದಿಗೆ ಹೋಲಿಕೆ ಮಾಡಿದಾಗ ‘ರಾಮಾಯಣ’ ಗಳಿಕೆಯ ವೇಗದ ಬಗ್ಗೆ ಹೊಸ ಚರ್ಚೆ ಶುರುವಾಗಿದೆ.

ಮೊದಲ ‘ಧುರಂಧರ್’ ಚಿತ್ರವನ್ನು ಹಿಂದಿಕ್ಕಿದ ರಾಮಾಯಣ

ಆದಿತ್ಯ ಧರ್ ನಿರ್ದೇಶನದ ‘ಧುರಂಧರ್’ ಸಿನಿಮಾ 2025ರ ಡಿಸೆಂಬರ್ 5ರಂದು ತೆರೆಕಂಡಿತ್ತು. ಆರಂಭದಲ್ಲಿ ಸಾಧಾರಣ ಓಪನಿಂಗ್ ಪಡೆದಿದ್ದ ಈ ಚಿತ್ರ ಮೊದಲ ದಿನ ಭಾರತದಲ್ಲಿ 28 ಕೋಟಿ ರೂಪಾಯಿ ಗಳಿಸಿತ್ತು. ಬಳಿಕ ಎರಡನೇ ದಿನ 32 ಕೋಟಿ ಹಾಗೂ ಮೂರನೇ ದಿನ 43 ಕೋಟಿ ರೂಪಾಯಿ ಸಂಗ್ರಹಿಸಿತ್ತು. ಮೊದಲ ವಾರಾಂತ್ಯಕ್ಕೆ 103 ಕೋಟಿ ರೂಪಾಯಿ ಗಳಿಸಿದ್ದ ಸಿನಿಮಾ, ಮೊದಲ ವಾರದ ಅಂತ್ಯಕ್ಕೆ 207.25 ಕೋಟಿ ರೂಪಾಯಿ ತಲುಪಿತ್ತು. ಅಂತಿಮವಾಗಿ ವಿಶ್ವಾದ್ಯಂತ 1,307 ಕೋಟಿ ರೂಪಾಯಿ ಗಳಿಸಿ ಬ್ಲಾಕ್‌ಬಸ್ಟರ್ ಎನಿಸಿಕೊಂಡಿತ್ತು. ಇದರಲ್ಲಿ ಭಾರತದ ಗಳಿಕೆ 840.20 ಕೋಟಿ ರೂಪಾಯಿಯಾಗಿತ್ತು.

ಇದಕ್ಕೆ ಹೋಲಿಸಿದರೆ ‘ರಾಮಾಯಣ’ ಆರಂಭದಲ್ಲೇ ದೊಡ್ಡ ಮುನ್ನಡೆ ಸಾಧಿಸಿದೆ. ನವೆಂಬರ್ 5ರಂದು ಬಿಡುಗಡೆಯಾದ ಸಿನಿಮಾ ಮೊದಲ ದಿನವೇ ಭಾರತದಲ್ಲಿ 64.85 ಕೋಟಿ ರೂಪಾಯಿ ಗಳಿಸಿತ್ತು. ಎರಡನೇ ದಿನ 48.05 ಕೋಟಿ, ಮೂರನೇ ದಿನ 69.80 ಕೋಟಿ ಹಾಗೂ ನಾಲ್ಕನೇ ದಿನ 56.15 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಈ ಮೂಲಕ ನಾಲ್ಕು ದಿನಗಳಲ್ಲಿ ಭಾರತದ ನೆಟ್ ಕಲೆಕ್ಷನ್ 238.85 ಕೋಟಿ ರೂಪಾಯಿ ತಲುಪಿದ್ದು, ಗ್ರಾಸ್ ಗಳಿಕೆ 285.20 ಕೋಟಿ ರೂಪಾಯಿಯಾಗಿದೆ. ಹೀಗಾಗಿ ಮೊದಲ ‘ಧುರಂಧರ್’ ಚಿತ್ರದ ಆರಂಭಿಕ ಗಳಿಕೆಯನ್ನು ‘ರಾಮಾಯಣ’ ಹಿಂದಿಕ್ಕಿದೆ.

‘ಧುರಂಧರ್ 2’ ದಾಖಲೆ ಮಾತ್ರ ಇನ್ನೂ ದೂರ!

ಆದರೆ, ರಣವೀರ್ ಸಿಂಗ್ ಅಭಿನಯದ ‘ಧುರಂಧರ್ 2: ದಿ ರಿವೇಂಜ್’ ಚಿತ್ರದ ದಾಖಲೆಗಳ ಮುಂದೆ ‘ರಾಮಾಯಣ’ ಇನ್ನೂ ದೊಡ್ಡ ಸವಾಲು ಎದುರಿಸಬೇಕಿದೆ. 2026ರ ಮಾರ್ಚ್ 19ರಂದು ಬಿಡುಗಡೆಯಾಗಿದ್ದ ಈ ಸಿನಿಮಾ, ಹಿಂದಿನ ದಿನ ನಡೆದ ಪೇಯ್ಡ್ ಪ್ರೀಮಿಯರ್‌ಗಳಿಂದಲೇ 43 ಕೋಟಿ ರೂಪಾಯಿ ಗಳಿಸಿತ್ತು. ಬಿಡುಗಡೆಯ ಮೊದಲ ದಿನ 102.55 ಕೋಟಿ, ಎರಡನೇ ದಿನ 80.72 ಕೋಟಿ, ಮೂರನೇ ದಿನ 113 ಕೋಟಿ ಹಾಗೂ ನಾಲ್ಕನೇ ದಿನ 114.85 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು.

ಪೇಯ್ಡ್ ಪ್ರೀಮಿಯರ್ ಗಳಿಕೆಯನ್ನು ಹೊರತುಪಡಿಸಿದರೂ ಮೊದಲ ನಾಲ್ಕು ದಿನಗಳಲ್ಲಿ ಭಾರತದಲ್ಲಿ 411.12 ಕೋಟಿ ರೂಪಾಯಿ ಸಂಗ್ರಹಿಸಿತ್ತು. ಪ್ರೀಮಿಯರ್ ಗಳಿಕೆಯನ್ನೂ ಸೇರಿಸಿದರೆ ಮೊತ್ತ 454.12 ಕೋಟಿ ರೂಪಾಯಿಯಾಗಿತ್ತು. ಅಂತಿಮವಾಗಿ ಭಾರತದಲ್ಲಿ 1,150 ಕೋಟಿ ರೂಪಾಯಿ ನೆಟ್ ಕಲೆಕ್ಷನ್ ಹಾಗೂ ವಿಶ್ವಾದ್ಯಂತ 1,813 ಕೋಟಿ ರೂಪಾಯಿ ಗಳಿಸಿ ದಾಖಲೆ ನಿರ್ಮಿಸಿತ್ತು.

ಮುಂದಿನ ದಿನಗಳಲ್ಲಿ ಯಾವ ದಾಖಲೆ ಮುರಿಯಲಿದೆ?

ಸದ್ಯದ ಲೆಕ್ಕಾಚಾರದ ಪ್ರಕಾರ ‘ರಾಮಾಯಣ: ಭಾಗ 1’ ಮೊದಲ ‘ಧುರಂಧರ್’ ಸಿನಿಮಾದ ಆರಂಭಿಕ ಗಳಿಕೆಯನ್ನು ಮೀರಿಸಿದೆ. ಆದರೆ, ‘ಧುರಂಧರ್ 2’ ಚಿತ್ರದ ವೇಗ ಮತ್ತು ದಾಖಲೆಗಳನ್ನು ತಲುಪಲು ಇನ್ನೂ ಸಾಕಷ್ಟು ದೂರ ಸಾಗಬೇಕಿದೆ. ಮುಂದಿನ ದಿನಗಳಲ್ಲಿ ಚಿತ್ರದ ಕಲೆಕ್ಷನ್ ಯಾವ ಮಟ್ಟಕ್ಕೆ ಏರಲಿದೆ ಎಂಬ ಕುತೂಹಲ ಸಿನಿಪ್ರಿಯರಲ್ಲಿ ಹೆಚ್ಚಾಗಿದೆ.

ನಿತೇಶ್ ತಿವಾರಿ ನಿರ್ದೇಶನದ ಈ ಬೃಹತ್ ಸಿನಿಮಾದಲ್ಲಿ ರಣಬೀರ್ ಕಪೂರ್ ಶ್ರೀರಾಮನಾಗಿ, ಸಾಯಿ ಪಲ್ಲವಿ ಸೀತೆಯಾಗಿ ಹಾಗೂ ಯಶ್ ರಾವಣನಾಗಿ ಕಾಣಿಸಿಕೊಂಡಿದ್ದಾರೆ. ಅದರಲ್ಲೂ ಯಶ್ ಅವರ ರಾವಣನ ಪಾತ್ರಕ್ಕೆ ಪ್ರೇಕ್ಷಕರಿಂದ ದೊರೆಯುತ್ತಿರುವ ಪ್ರತಿಕ್ರಿಯೆ ಚಿತ್ರದ ಕ್ರೇಜ್ ಹೆಚ್ಚಿಸಿದೆ. ಇದೀಗ ಬಾಕ್ಸ್ ಆಫೀಸ್‌ನಲ್ಲಿ ‘ರಾಮಾಯಣ’ ಯಾವ ಹೊಸ ಮೈಲಿಗಲ್ಲು ತಲುಪಲಿದೆ ಎಂಬುದೇ ಅಭಿಮಾನಿಗಳ ಮುಂದಿರುವ ದೊಡ್ಡ ಪ್ರಶ್ನೆ.

2017ರ ಬಳಿಕ ನಾಪತ್ತೆಯಾಗಿದ್ದ 'ಪರಮಾತ್ಮ' ಸುಂದರಿ ಈಗ ದಿಢೀರ್ ಪ್ರತ್ಯಕ್ಷ: ಅಭಿಮಾನಿಗಳಿಗೆ ಏನ್ ಹೇಳಿದ್ರು?

Govindaraj S — Mon, 09 Nov 2026 16:41:24 +0530

ಒಂದು ಕಾಲದಲ್ಲಿ ಕನ್ನಡ ಚಿತ್ರರಂಗದ ಸ್ಟಾರ್ ನಟರ ಜೊತೆ ತೆರೆ ಹಂಚಿಕೊಂಡು, ಸಾಲು ಸಾಲು ಹಿಟ್ ಸಿನಿಮಾಗಳ ಮೂಲಕ ಸಿನಿಪ್ರಿಯರ ಮನಗೆದ್ದಿದ್ದ ನಟಿ. ಆದರೆ, ಯಶಸ್ಸಿನ ಉತ್ತುಂಗದಲ್ಲಿದ್ದಾಗಲೇ ಚಿತ್ರರಂಗದಿಂದ ದೂರವಾದರು. ಅಂದಿನಿಂದ ಇಂದಿನವರೆಗೂ ಅವರ ಸಿನಿಮಾ ಎಂಟ್ರಿಗಾಗಿ ಅಭಿಮಾನಿಗಳು ಕಾಯುತ್ತಲೇ ಇದ್ದಾರೆ. ಇದೀಗ ಬಹಳ ಸಮಯದ ಬಳಿಕ ಸೋಷಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಂಡಿರುವ 'ಸಾರಥಿ' ಸುಂದರಿ ದೀಪಾ ಸನ್ನಿಧಿ, ತಮ್ಮ ಅಭಿಮಾನಿಗಳಿಗೆ ವಿಶೇಷ ಸಂದೇಶವೊಂದನ್ನು ನೀಡಿದ್ದಾರೆ.

ಸ್ಟಾರ್ ನಟರ ಜೊತೆ ಹಿಟ್ ಸಿನಿಮಾಗಳಲ್ಲಿ ಮಿಂಚಿದ್ದ ಬೆಡಗಿ!

ದೀಪಾ ಸನ್ನಿಧಿ ಎಂದಾಕ್ಷಣ ಕನ್ನಡ ಸಿನಿಪ್ರೇಮಿಗಳಿಗೆ ನೆನಪಾಗುವುದು 'ಸಾರಥಿ', 'ಪರಮಾತ್ಮ', 'ಜಾನು', 'ಸಕ್ಕರೆ' ಸಿನಿಮಾಗಳು. 2011ರಲ್ಲಿ ದರ್ಶನ್ ಅಭಿನಯದ 'ಸಾರಥಿ' ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಟ್ಟ ಈ ನಟಿ, ಮೊದಲ ಸಿನಿಮಾದಲ್ಲೇ ಪ್ರೇಕ್ಷಕರ ಗಮನ ಸೆಳೆದಿದ್ದರು. ಕಾಲೇಜು ದಿನಗಳಲ್ಲಿಯೇ ಸಿನಿಮಾ ಅವಕಾಶ ಗಿಟ್ಟಿಸಿಕೊಂಡಿದ್ದ ದೀಪಾ, ಆಡಿಷನ್ ಮೂಲಕ ನಾಯಕಿಯಾಗಿ ಆಯ್ಕೆಯಾಗಿದ್ದರು.

ಮೊದಲ ಸಿನಿಮಾದ ಯಶಸ್ಸಿನ ಬೆನ್ನಲ್ಲೇ ಪುನೀತ್ ರಾಜ್‌ಕುಮಾರ್ ಅಭಿನಯದ 'ಪರಮಾತ್ಮ' ಚಿತ್ರದಲ್ಲಿ ನಟಿಸುವ ಅವಕಾಶವೂ ಒಲಿದುಬಂತು. ವಿಶೇಷವೆಂದರೆ, 'ಸಾರಥಿ' ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ 'ಪರಮಾತ್ಮ' ಕೂಡ ತೆರೆಗೆ ಬಂದಿತ್ತು. ಎರಡೂ ಸಿನಿಮಾಗಳಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ದೀಪಾ ಸನ್ನಿಧಿ ಕನ್ನಡ ಚಿತ್ರರಂಗದ ಭರವಸೆಯ ನಾಯಕಿಯಾಗಿ ಗುರುತಿಸಿಕೊಳ್ಳಲು ನೆರವಾಯಿತು.

ಯಶ್, ಗಣೇಶ್ ಜೊತೆಗೂ ನಾಯಕಿಯಾಗಿ ಮಿಂಚು!

ಆರಂಭದಲ್ಲೇ ಸ್ಟಾರ್ ನಟರ ಜೊತೆ ನಟಿಸುವ ಅವಕಾಶ ಪಡೆದ ದೀಪಾ ಸನ್ನಿಧಿ, ಬಳಿಕ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ 'ಜಾನು' ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡರು. ಈ ಸಿನಿಮಾ ಕೂಡ ಅವರ ಜನಪ್ರಿಯತೆಯನ್ನು ಹೆಚ್ಚಿಸಿತು. ನಂತರ ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆ 'ಸಕ್ಕರೆ' ಚಿತ್ರದಲ್ಲಿ ನಟಿಸಿ ಅಭಿಮಾನಿಗಳ ಮೆಚ್ಚುಗೆ ಗಳಿಸಿದರು.

ಇಷ್ಟೇ ಅಲ್ಲದೆ 'ಎಂದೆಂದು ನಿನ್ನಗಾಗಿ', 'ಚೌಕ' ಸೇರಿದಂತೆ ಹಲವು ಸಿನಿಮಾಗಳಲ್ಲಿ ತಮ್ಮ ಅಭಿನಯದ ಮೂಲಕ ಗಮನ ಸೆಳೆದರು. ಕಡಿಮೆ ಅವಧಿಯಲ್ಲಿಯೇ ಕನ್ನಡದ ಪ್ರಮುಖ ನಟರ ಜೊತೆ ತೆರೆ ಹಂಚಿಕೊಂಡಿದ್ದ ದೀಪಾ, ಸ್ಯಾಂಡಲ್‌ವುಡ್‌ನಲ್ಲಿ ತಮ್ಮದೇ ಆದ ಅಭಿಮಾನಿ ಬಳಗವನ್ನು ಸಂಪಾದಿಸಿಕೊಂಡಿದ್ದರು.

2017ರ ಬಳಿಕ ಚಿತ್ರರಂಗದಿಂದ ದೂರವಾದ ನಟಿ!

ವೃತ್ತಿಜೀವನ ಉತ್ತಮವಾಗಿ ಸಾಗುತ್ತಿದ್ದ ಸಮಯದಲ್ಲೇ ದೀಪಾ ಸನ್ನಿಧಿ ಸಿನಿಮಾಗಳಿಂದ ದೂರ ಉಳಿದರು. ದರ್ಶನ್ ಅಭಿನಯದ 'ಚಕ್ರವರ್ತಿ' ಚಿತ್ರದಲ್ಲಿ ಕೊನೆಯದಾಗಿ ಕಾಣಿಸಿಕೊಂಡ ಅವರು, 2017ರ ಬಳಿಕ ಯಾವುದೇ ಹೊಸ ಸಿನಿಮಾಗಳಲ್ಲಿ ನಟಿಸಿಲ್ಲ. ಅಂದಿನಿಂದ ಅವರ ಮುಂದಿನ ಸಿನಿಮಾ ಯಾವಾಗ ಎಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಹಾಗೆಯೇ ಉಳಿದಿದೆ.

ಚಿತ್ರರಂಗದಿಂದ ದೂರವಾದ ಬಳಿಕ ಸೋಷಿಯಲ್ ಮೀಡಿಯಾದಲ್ಲೂ ಹೆಚ್ಚು ಸಕ್ರಿಯರಾಗಿರದ ದೀಪಾ, ಆಗೊಮ್ಮೆ ಈಗೊಮ್ಮೆ ಕೆಲವು ಬರಹಗಳು ಹಾಗೂ ಫೋಟೋಗಳನ್ನು ಹಂಚಿಕೊಳ್ಳುತ್ತಿದ್ದರು. ಹೀಗಾಗಿ ಅವರ ಹೊಸ ಫೋಟೋ ಅಥವಾ ಪೋಸ್ಟ್ ಕಂಡಾಗಲೆಲ್ಲ ಅಭಿಮಾನಿಗಳಲ್ಲಿ ಸಹಜವಾಗಿಯೇ ಕುತೂಹಲ ಮೂಡುತ್ತದೆ.

ಅಭಿಮಾನಿಗಳ ಪ್ರೀತಿಗೆ ಮನಸೋತ ದೀಪಾ; ಸೆಲ್ಫಿ ಹಂಚಿಕೊಂಡು ಹೇಳಿದ್ದೇನು?

ಇದೀಗ ದೀಪಾವಳಿ ಹಬ್ಬದ ಸಂಭ್ರಮದಲ್ಲಿ ದೀಪಾ ಸನ್ನಿಧಿ ಅಭಿಮಾನಿಗಳಿಗೆ ಸಿಹಿ ಅಚ್ಚರಿ ನೀಡಿದ್ದಾರೆ. ಅಭಿಮಾನಿಗಳ ಮನವಿಗೆ ಸ್ಪಂದಿಸಿರುವ ನಟಿ, ತಮ್ಮ ಇತ್ತೀಚಿನ ಕೆಲವು ಸುಂದರ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಅದರಲ್ಲೂ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಹಂಚಿಕೊಂಡಿರುವ ಸೆಲ್ಫಿ ಫೋಟೋ ವಿಶೇಷ ಗಮನ ಸೆಳೆದಿದೆ.

ಫೋಟೋ ಜೊತೆಗೆ ತಮ್ಮ ಅಭಿಮಾನಿಗಳ ಪ್ರೀತಿಯ ಬಗ್ಗೆ ಮನದಾಳದ ಮಾತುಗಳನ್ನು ಬರೆದುಕೊಂಡಿರುವ ಅವರು, "ಈಗಲೂ ನನಗೆ ಸೆಲ್ಫಿ ಕ್ಲಿಕ್ಕಿಸಲು ಮುಜುಗರವಾಗುತ್ತೆ. ಆದರೂ ನಿಮ್ಮ ಪ್ರೀತಿಗೆ ಮನಸೋತು ಈ ಫೋಟೋ ಹಂಚಿಕೊಳ್ಳುತ್ತಿದ್ದೇನೆ. ಇಷ್ಟು ವರ್ಷಗಳಿಂದ ನನಗೆ ಪ್ರೀತಿಯ ಸುರಿಮಳೆ ಸುರಿಸುತ್ತಿರುವ ನಿಮ್ಮ ಪ್ರೀತಿಗೆ ನಾನು ಆಭಾರಿ" ಎಂದು ತಿಳಿಸಿದ್ದಾರೆ.

ಅಭಿಮಾನಿಗಳ ಪ್ರಶ್ನೆ ಒಂದೇ: ಮತ್ತೆ ಸಿನಿಮಾಗೆ ಬರ್ತಾರಾ ದೀಪಾ?

ಇನ್ನು ಒಂದು ಕಾಲದಲ್ಲಿ ಸ್ಟಾರ್ ನಟರ ಜೊತೆ ತೆರೆಮೇಲೆ ಮಿಂಚಿದ್ದ ದೀಪಾ ಸನ್ನಿಧಿ ಈಗ ಚಿತ್ರರಂಗದಿಂದ ದೂರವಿದ್ದರೂ ಅಭಿಮಾನಿಗಳ ಮನಸ್ಸಿನಲ್ಲಿ ಅವರ ಜನಪ್ರಿಯತೆ ಮಾತ್ರ ಕಡಿಮೆಯಾಗಿಲ್ಲ ಎಂಬುದಕ್ಕೆ ಈ ಪೋಸ್ಟ್ ಸಾಕ್ಷಿಯಾಗಿದೆ. ವರ್ಷಗಳ ಬಳಿಕ ನಟಿ ಹಂಚಿಕೊಂಡಿರುವ ಫೋಟೋಗಳು ಅಭಿಮಾನಿಗಳಲ್ಲಿ ಸಂತಸ ಮೂಡಿಸಿವೆ.

ದೀಪಾ ಸನ್ನಿಧಿ ಮತ್ತೆ ಕನ್ನಡ ಸಿನಿಮಾಗಳಲ್ಲಿ ನಟಿಸಲಿದ್ದಾರಾ? ಅಭಿಮಾನಿಗಳ ಬಹುದಿನಗಳ ಕಾಯುವಿಕೆಗೆ ತೆರೆ ಎಳೆಯಲಿದ್ದಾರಾ? ಸದ್ಯಕ್ಕೆ ಈ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಇಲ್ಲ. ಆದರೆ, ಅವರ ಈ ಪುಟ್ಟ ಸಂದೇಶ ಮತ್ತು ಹೊಸ ಫೋಟೋಗಳು ಅಭಿಮಾನಿಗಳಿಗೆ ದೀಪಾವಳಿಯ ವಿಶೇಷ ಉಡುಗೊರೆಯಾಗಿರುವುದಂತೂ ನಿಜ.

ನಟಿ ಸೌಂದರ್ಯ ನಿರ್ದೇಶಕರಿಗೆ ಕರೆ ಮಾಡಿ ಕ್ಷಮೆ ಕೇಳಿದ್ದೇಕೆ? 22 ವರ್ಷಗಳ ಬಳಿಕ ತಪ್ಪಿನ ರಹಸ್ಯ ರಿವೀಲ್!

Sathish Kumar KH — Mon, 09 Nov 2026 16:32:10 +0530

ದಕ್ಷಿಣ ಭಾರತ ಚಿತ್ರರಂಗದಲ್ಲಿ ತಮ್ಮ ಅದ್ಭುತ ನಟನೆ, ನೈಸರ್ಗಿಕ ಸೌಂದರ್ಯ ಹಾಗೂ ಉನ್ನತ ಮಾನವೀಯ ಮೌಲ್ಯಗಳ ಮೂಲಕ ಅಪಾರ ಅಭಿಮಾನಿ ಬಳಗವನ್ನು ಗಳಿಸಿದ್ದ ಸೌಂದರ್ಯ (Soundarya) ಅವರ ನೆನಪುಗಳು ಇಂದಿಗೂ ಸ್ಯಾಂಡಲ್‌ವುಡ್ ಹಾಗೂ ಟಾಲಿವುಡ್‌ನಲ್ಲಿ ಅಜರಾಮರ. ಕನ್ನಡದ ಹೆಮ್ಮೆಯ ನಟಿಯಾಗಿದ್ದ ಸೌಂದರ್ಯ ತೆಲುಗು ಚಿತ್ರರಂಗದಲ್ಲೂ 'ಮಹಾನಟಿ'ಯಾಗಿ ಸೌಂಡ್ ಮಾಡಿದ್ದರು.

ಆದರೆ, ತಮ್ಮ ವೃತ್ತಿಜೀವನದ ಉನ್ನತ ಹಂತದಲ್ಲಿದ್ದಾಗ ಕನ್ನಡತಿ ಸೌಂದರ್ಯ ಅವರು ಖ್ಯಾತ ತೆಲುಗು ನಿರ್ದೇಶಕ ಎಸ್.ವಿ. ಕೃಷ್ಣಾ ರೆಡ್ಡಿ (S.V. Krishna Reddy) ಅವರಿಗೆ ಕರೆ ಮಾಡಿ ಪಶ್ಚಾತ್ತಾಪ ಪಟ್ಟು ಕ್ಷಮೆಯಾಚಿಸಿದ್ದ ಘಟನೆಯೊಂದನ್ನು ಸ್ವತಃ ನಿರ್ದೇಶಕರೇ ಸಂದರ್ಶನವೊಂದರಲ್ಲಿ ಸ್ಮರಿಸಿಕೊಂಡಿದ್ದಾರೆ.

'ಯಮಲೀಲ' ಸಿನಿಮಾ ಟೈಮ್‌ನಲ್ಲಿ ಏನಾಯ್ತು?

ಟಾಲಿವುಡ್‌ನಲ್ಲಿ 'ಯಮಲೀಲ' (Yamaleela) ಸಿನಿಮಾ ನಿರ್ದೇಶನ ಮಾಡುವ ಸಂದರ್ಭದಲ್ಲಿ, ನಾಯಕನಾಗಿ ಹಾಸ್ಯ ನಟ ಅಲಿ (Ali) ಅವರನ್ನು ಆಯ್ಕೆ ಮಾಡಲಾಗಿತ್ತು. ಈ ಚಿತ್ರದ ನಾಯಕಿ ಪಾತ್ರಕ್ಕಾಗಿ ನಿರ್ದೇಶಕ ಎಸ್.ವಿ. ಕೃಷ್ಣಾ ರೆಡ್ಡಿ ಮೊದಲು ಕನ್ನಡತಿ ಸೌಂದರ್ಯ ಅವರನ್ನು ಸಂಪರ್ಕಿಸಿದ್ದರು. ಆದರೆ ಆ ಸಮಯದಲ್ಲಿ ನಾಯಕಿಯಾಗಿ ಬೆಳೆಯುತ್ತಿದ್ದ ಸೌಂದರ್ಯ, ಕಾಮಿಡಿಯನ್ ಪಕ್ಕ ನಟಿಸಲು ಸ್ವಲ್ಪ ಹಿಂಜರಿದು ಆ ಅವಕಾಶವನ್ನು ನಯವಾಗಿ ನಿರಾಕರಿಸಿದ್ದರು. ನಂತರ ಆ ಪಾತ್ರದಲ್ಲಿ ಇಂದ್ರಜಾ ನಟಿಸಿ, ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಬ್ಲಾಕ್ ಬಸ್ಟರ್ ಹಿಟ್ ಆಯಿತು.

ತಪ್ಪು ಒಪ್ಪಿಕೊಂಡು ಕ್ಷಮೆ ಕೇಳಿದ್ದ ಕನ್ನಡಿಗರ ನೆಚ್ಚಿನ ನಟಿ!

ಸಿನಿಮಾ ಬಿಡುಗಡೆಯಾಗಿ ಭಾರಿ ಯಶಸ್ಸು ಕಾಣುತ್ತಿದ್ದಂತೆ, ಕನ್ನಡತಿ ಸೌಂದರ್ಯ ತಾನು ತಪ್ಪು ನಿರ್ಧಾರ ತೆಗೆದುಕೊಂಡೆ ಎಂದು ಹೇಳಿಕೊಂಡರು. ತಕ್ಷಣವೇ ಯಾವುದೇ ಅಹಂಕಾರವಿಲ್ಲದೆ ನಿರ್ದೇಶಕ ಎಸ್.ವಿ. ಕೃಷ್ಣಾ ರೆಡ್ಡಿ ಅವರಿಗೆ ಸ್ವತಃ ಕರೆ ಮಾಡಿ, "ಸರ್, ನಾನು ತುಂಬಾ ದೊಡ್ಡ ತಪ್ಪು ಮಾಡಿದೆ. ನಿಮ್ಮ ದೃಷ್ಟಿಕೋನವನ್ನು ಅರ್ಥ ಮಾಡಿಕೊಳ್ಳಲು ನನ್ನಿಂದ ಸಾಧ್ಯವಾಗಲಿಲ್ಲ, ನನ್ನನ್ನು ಕ್ಷಮಿಸಿ" ಎಂದು ನಿಷ್ಕಪಟವಾಗಿ ಒಪ್ಪಿಕೊಂಡರು. ಸ್ಟಾರ್ ನಾಯಕಿಯಾಗಿ ಮೆರೆಯುತ್ತಿದ್ದ ಸಂದರ್ಭದಲ್ಲಿಯೂ ಸ್ವತಃ ಕರೆ ಮಾಡಿ ಕ್ಷಮೆ ಕೇಳಿದ ಆಕೆಯ ವಿನಯ ಹಾಗೂ ದೊಡ್ಡ ಗುಣವನ್ನು ನಿರ್ದೇಶಕರು ಇಂದಿಗೂ ಕೊಂಡಾಡುತ್ತಾರೆ.

ಮಾನವೀಯ ಮೌಲ್ಯಗಳ ಮೂರ್ತಿ 'ಸೌಂದರ್ಯ'

ಅಷ್ಟಕ್ಕೇ ನಿಲ್ಲದ ಸೌಂದರ್ಯ, 'ನಿಮ್ಮ ಸಿನಿಮಾದಲ್ಲಿ ಸಣ್ಣ ಪಾತ್ರ ಸಿಕ್ಕರೂ ನಟಿಸುತ್ತೇನೆ' ಎಂದು ಕೋರಿದ್ದರು. ನಂತರ ಎಸ್.ವಿ. ಕೃಷ್ಣಾ ರೆಡ್ಡಿ ಅವರ 'ಮಾಯಾಲೋಡು' ಸಿನಿಮಾದಲ್ಲಿ ಹಾಸ್ಯನಟ ಬಾಬು ಮೋಹನ್ ಅವರ ಜೊತೆಗಿನ ವಿಶೇಷ ಹಾಡಿನಲ್ಲಿ ಅಭಿನಯಿಸಿ ತಮ್ಮ ಮಾತನ್ನು ಉಳಿಸಿಕೊಂಡರು. 2004 ರಲ್ಲಿ ಸಂಭವಿಸಿದ ಹೆಲಿಕಾಪ್ಟರ್ ಅಪಘಾತದಲ್ಲಿ ಕನ್ನಡತಿ ಸೌಂದರ್ಯ ಅಕಾಲಿಕ ಮರಣ ಹೊಂದಿದ್ದು ಇಡೀ ಭಾರತೀಯ ಚಿತ್ರರಂಗಕ್ಕೆ ತುಂಬಲಾರದ ನಷ್ಟ. ಭೌತಿಕವಾಗಿ ನಮ್ಮೊಂದಿಗಿಲ್ಲದಿದ್ದರೂ, ಕನ್ನಡದ ಈ ಶ್ರೇಷ್ಠ ನಟಿಯ ನಟನೆ ಮತ್ತು ಸಂಸ್ಕಾರ ಸದಾ ಸಾಗರದಾಚೆಯೂ ಪ್ರೇಕ್ಷಕರ ಮನಸ್ಸಿನಲ್ಲಿ ಗೌರವವನ್ನು ಕಾಯ್ದುಕೊಂಡಿದೆ.

ತಮಿಳು ನಟ ಸೂರ್ಯ ರಾಜಕೀಯಕ್ಕೆ ಬರೋದು ಗ್ಯಾರಂಟಿನಾ? ಕೊನೆಗೂ ಸ್ಪಷ್ಟನೆ ಕೊಟ್ಟ 'ಸೀನ್' ನಟ!

Shriram Bhat — Mon, 09 Nov 2026 16:18:21 +0530

ನಟ ಸೂರ್ಯ ರಾಜಕೀಯಕ್ಕೆ ಎಂಟ್ರಿ ಕೊಡ್ತಾರಾ? ವದಂತಿಗಳಿಗೆ ಖಡಕ್ ಉತ್ತರ ನೀಡಿದ ತಮಿಳು ಸ್ಟಾರ್!

ತಮಿಳು ಚಿತ್ರರಂಗದಲ್ಲಿ ಸದ್ಯ ರಾಜಕೀಯ ಪ್ರವೇಶದ ಚರ್ಚೆ ಜೋರಾಗಿದೆ. ಅದರಲ್ಲೂ ದಳಪತಿ ವಿಜಯ್ ರಾಜಕೀಯ ಅಖಾಡಕ್ಕೆ ಇಳಿದ ಬಳಿಕ ಚಿತ್ರರಂಗದ ಇನ್ನಷ್ಟು ಸ್ಟಾರ್ ನಟರು ರಾಜಕೀಯಕ್ಕೆ ಬರಲಿದ್ದಾರೆಯೇ ಎಂಬ ಕುತೂಹಲ ಹೆಚ್ಚಾಗಿದೆ. ಈ ನಡುವೆ ನಟ ಸೂರ್ಯ (Tamil Actor Suriya) ಅವರ ರಾಜಕೀಯ ಪ್ರವೇಶದ ಬಗ್ಗೆಯೂ ಹಲವು ದಿನಗಳಿಂದ ಊಹಾಪೋಹಗಳು ಹರಿದಾಡುತ್ತಿದ್ದವು. ಇದೀಗ ಸ್ವತಃ ಸೂರ್ಯ ಅವರೇ ಈ ವಿಚಾರಕ್ಕೆ ಸ್ಪಷ್ಟನೆ ನೀಡಿದ್ದು, ತಮ್ಮ ನಿರ್ಧಾರವನ್ನು ಖಡಕ್ ಆಗಿ ಪ್ರಕಟಿಸಿದ್ದಾರೆ.

ರಾಜಕೀಯಕ್ಕೆ ಬರುವ ಆಲೋಚನೆಯೇ ಇದೆಯಾ ಇಲ್ವಾ?

ಸಿನಿಮಾ ಪ್ರಚಾರದ ವೇಳೆ ರಾಜಕೀಯ ಪ್ರವೇಶದ ಕುರಿತು ಕೇಳಲಾದ ಪ್ರಶ್ನೆಗೆ ಉತ್ತರಿಸಿರುವ ಸೂರ್ಯ, ತಮಗೆ ಸದ್ಯ ರಾಜಕೀಯಕ್ಕೆ ಬರುವ ಯಾವುದೇ ಉದ್ದೇಶವಿಲ್ಲ ಎಂದು ಹೇಳಿದ್ದಾರೆ. ರಾಜಕೀಯದ ಬಗ್ಗೆ ಆಸಕ್ತಿ ಇಲ್ಲ ಎಂದಲ್ಲ, ಆದರೆ ನೇರವಾಗಿ ರಾಜಕೀಯ ಕ್ಷೇತ್ರಕ್ಕೆ ಇಳಿಯುವ ನಿರ್ಧಾರ ಮಾಡಿಲ್ಲ ಎಂಬುದನ್ನು ಸ್ಪಷ್ಟಪಡಿಸಿದ್ದಾರೆ.

ರಾಜ್ಯ ಮತ್ತು ದೇಶದಲ್ಲಿ ನಡೆಯುತ್ತಿರುವ ರಾಜಕೀಯ ಬೆಳವಣಿಗೆಗಳನ್ನು ತಾವು ಬಹಳ ಸೂಕ್ಷ್ಮವಾಗಿ ಗಮನಿಸುತ್ತಿರುವುದಾಗಿ ಅವರು ತಿಳಿಸಿದ್ದಾರೆ. ಆದರೆ, ಗಮನಿಸುವುದು ಬೇರೆ, ರಾಜಕೀಯ ಪ್ರವೇಶಿಸುವುದು ಬೇರೆ ಎಂಬ ನಿಲುವನ್ನು ಸೂರ್ಯ ವ್ಯಕ್ತಪಡಿಸಿದ್ದಾರೆ. ಸರಿಯಾದ ದಾರಿ ಅಥವಾ ಸ್ಪಷ್ಟತೆ ಇಲ್ಲದೆ ರಾಜಕೀಯಕ್ಕೆ ಕಾಲಿಡುವ ಪ್ರಶ್ನೆಯೇ ಇಲ್ಲ ಎಂದು ಅವರು ಖಡಕ್ ಆಗಿ ಹೇಳಿದ್ದಾರೆ.

ಯುವಜನರಿಗೆ ಸೂರ್ಯ ಕೊಟ್ಟ ಸಲಹೆ ಏನು?

ರಾಜಕೀಯದ ಬಗ್ಗೆ ಮಾತನಾಡಿದ ಸೂರ್ಯ, ಯುವಜನರು ಈ ಕ್ಷೇತ್ರಕ್ಕೆ ಬರುವ ಮುನ್ನ ಸಂಪೂರ್ಣ ಅರಿವು ಮತ್ತು ಸ್ಪಷ್ಟತೆ ಹೊಂದಿರಬೇಕು ಎಂದು ಸಲಹೆ ನೀಡಿದ್ದಾರೆ. ದೇಶದ ಶಿಕ್ಷಣ ವ್ಯವಸ್ಥೆಗೆ ರಾಜಕಾರಣಿಗಳು ಹೆಚ್ಚಿನ ಆದ್ಯತೆ ನೀಡಬೇಕು ಎಂಬುದು ಅವರ ಅಭಿಪ್ರಾಯ.

ಇನ್ನು ಭ್ರಷ್ಟಾಚಾರವನ್ನು ಯಾರೋ ಒಬ್ಬರು ಬಂದು ಸಂಪೂರ್ಣವಾಗಿ ನಿರ್ಮೂಲನೆ ಮಾಡುತ್ತಾರೆ ಎಂದು ನಿರೀಕ್ಷಿಸುವುದು ಸರಿಯಲ್ಲ. ರಾಜಕೀಯ ಕ್ಷೇತ್ರಕ್ಕೆ ಬರುವ ಪ್ರತಿಯೊಬ್ಬರೂ ಪ್ರಾಮಾಣಿಕತೆ ಮತ್ತು ಸಂಪೂರ್ಣ ಸಮರ್ಪಣಾ ಮನೋಭಾವದಿಂದ ಕೆಲಸ ಮಾಡಬೇಕು ಎಂದು ಸೂರ್ಯ ಹೇಳಿದ್ದಾರೆ.

ವಿಜಯ್ ರಾಜಕೀಯ ಹಾದಿಯಲ್ಲಿ, ಸೂರ್ಯ ಮಾತ್ರ ದೂರ!

ತಮಿಳುನಾಡಿನಲ್ಲಿ ಸಿನಿಮಾ ಮತ್ತು ರಾಜಕೀಯದ ನಡುವಿನ ನಂಟು ಹಲವು ದಶಕಗಳಿಂದಲೂ ಇದೆ. ಎಂಜಿಆರ್ ಸೇರಿದಂತೆ ಅನೇಕ ನಟರು ರಾಜಕೀಯದಲ್ಲಿ ಯಶಸ್ಸು ಕಂಡಿದ್ದಾರೆ. ಇತ್ತೀಚೆಗೆ ದಳಪತಿ ವಿಜಯ್ ಕೂಡ ರಾಜಕೀಯ ಪ್ರವೇಶಿಸುವ ಮೂಲಕ ಭಾರೀ ಸಂಚಲನ ಸೃಷ್ಟಿಸಿದ್ದಾರೆ.

ಇಂತಹ ಸಂದರ್ಭದಲ್ಲಿ ಸೂರ್ಯ ಕೂಡ ರಾಜಕೀಯಕ್ಕೆ ಬರಬಹುದು ಎಂಬ ನಿರೀಕ್ಷೆ ಅಭಿಮಾನಿಗಳಲ್ಲಿತ್ತು. ಆದರೆ, ಇದೀಗ ಅವರ ಹೇಳಿಕೆ ಆ ಎಲ್ಲಾ ಚರ್ಚೆಗಳಿಗೆ ತೆರೆ ಎಳೆದಿದೆ. ಸದ್ಯಕ್ಕೆ ಸಿನಿಮಾಗಳಿಗೆ ಆದ್ಯತೆ ನೀಡಲಿರುವ ಸೂರ್ಯ, ರಾಜಕೀಯವನ್ನು ಹೊರಗಿನಿಂದಲೇ ಗಮನಿಸುವ ನಿರ್ಧಾರದಲ್ಲಿದ್ದಾರೆ. ಹೀಗಾಗಿ ಸೂರ್ಯ ಅವರ ರಾಜಕೀಯ ಎಂಟ್ರಿ ಕುರಿತ ವದಂತಿಗಳಿಗೆ ಸದ್ಯಕ್ಕೆ ಪೂರ್ಣವಿರಾಮ ಬಿದ್ದಿದೆ.

ಈ ದಿನದಂದು ಓರಾಯನ್ ಮಾಲ್‌ಗೆ ಬರ್ತಿದಾರೆ 'ಪ್ರೇಮದ ಊರಲಿ' ಸುಂದರಿ: ಬಿಗ್ ಈವೆಂಟ್‌ಗೆ ತಪಸ್ವಿನಿ ರೆಡಿ!

Govindaraj S — Mon, 09 Nov 2026 16:05:32 +0530

ಸ್ಯಾಂಡಲ್‌ವುಡ್‌ನಲ್ಲಿ ಮತ್ತೊಂದು ಮನರಂಜನೆಯ ಹಬ್ಬಕ್ಕೆ ವೇದಿಕೆ ಸಿದ್ಧವಾಗುತ್ತಿದೆ. 'ಫಸ್ಟ್ ರ‍್ಯಾಂಕ್ ರಾಜು' ಮೂಲಕ ಪ್ರೇಕ್ಷಕರ ಮನಗೆದ್ದಿದ್ದ ನಟ ಗುರುನಂದನ್ ಈ ಬಾರಿ 'ಮಿಸ್ಟರ್ ಜಾಕ್' ಆಗಿ ನಗಿಸಲು ಬರುತ್ತಿದ್ದಾರೆ. ಅವರಿಗೆ 'ಪ್ರೇಮದ ಊರಲಿ' ಖ್ಯಾತಿಯ ತಪಸ್ವಿನಿ ಪೂಣಚ್ಚ ಸಾಥ್ ನೀಡಿದ್ದಾರೆ. ಈಗಾಗಲೇ ಹಾಡು ಮತ್ತು ಟೀಸರ್ ಮೂಲಕ ಸದ್ದು ಮಾಡಿರುವ ಈ ಸಿನಿಮಾದ ಅದ್ಧೂರಿ ಪ್ರೀ-ರಿಲೀಸ್ ಸಂಭ್ರಮಕ್ಕೆ ದಿನಾಂಕವೂ ನಿಗದಿಯಾಗಿದೆ.

ನವೆಂಬರ್ 15ಕ್ಕೆ ಟ್ರೇಲರ್ ಅನಾವರಣ, ಅದ್ಧೂರಿ ಸಂಭ್ರಮ!

'ಮಿಸ್ಟರ್ ಜಾಕ್' ಚಿತ್ರದ ಬಿಡುಗಡೆಗೂ ಮುನ್ನ ಪ್ರೇಕ್ಷಕರಲ್ಲಿ ಮತ್ತಷ್ಟು ಕುತೂಹಲ ಮೂಡಿಸಲು ಚಿತ್ರತಂಡ ಸಜ್ಜಾಗಿದೆ. ಇದೇ ನವೆಂಬರ್ 15ರಂದು ಬೆಂಗಳೂರಿನ ಓರಾಯನ್ ಮಾಲ್‌ನಲ್ಲಿ ಅದ್ಧೂರಿ ಟ್ರೇಲರ್ ಬಿಡುಗಡೆ ಹಾಗೂ ಪ್ರೀ-ರಿಲೀಸ್ ಕಾರ್ಯಕ್ರಮ ಆಯೋಜಿಸಲಾಗಿದೆ. ಕನ್ನಡ ಚಿತ್ರರಂಗದ ಹಲವು ಗಣ್ಯರು, ನಟ-ನಟಿಯರು, ನಿರ್ದೇಶಕರು, ನಿರ್ಮಾಪಕರು ಹಾಗೂ ತಂತ್ರಜ್ಞರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ. ಹೀಗಾಗಿ ಸಿನಿಮಾ ಬಿಡುಗಡೆಯ ಮುನ್ನವೇ ಸ್ಯಾಂಡಲ್‌ವುಡ್‌ನಲ್ಲಿ 'ಮಿಸ್ಟರ್ ಜಾಕ್' ಸದ್ದು ಜೋರಾಗಿದೆ.

ಹಾಸ್ಯ, ಪ್ರೀತಿ ಮತ್ತು ಮನರಂಜನೆಯ ಪ್ಯಾಕೇಜ್!

ಗುರುನಂದನ್ ಎಂದಾಕ್ಷಣ ಬಹುತೇಕರಿಗೆ ನೆನಪಾಗುವುದು 'ಫಸ್ಟ್ ರ‍್ಯಾಂಕ್ ರಾಜು'. ತಮ್ಮ ವಿಭಿನ್ನ ಹಾಸ್ಯಪ್ರಜ್ಞೆ ಹಾಗೂ ಸಹಜ ಅಭಿನಯದಿಂದ ಪ್ರೇಕ್ಷಕರನ್ನು ರಂಜಿಸಿರುವ ಅವರು, ಇದೀಗ ಮತ್ತೊಂದು ವಿಭಿನ್ನ ಮನರಂಜನಾತ್ಮಕ ಕಥೆಯೊಂದಿಗೆ ತೆರೆಮೇಲೆ ಬರಲು ಸಿದ್ಧರಾಗಿದ್ದಾರೆ. ಮತ್ತೊಂದೆಡೆ 'ಪ್ರೇಮದ ಊರಲಿ' ಚಿತ್ರದ ಮೂಲಕ ಗಮನ ಸೆಳೆದಿರುವ ತಪಸ್ವಿನಿ ಪೂಣಚ್ಚ ಈ ಸಿನಿಮಾದ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಈ ಹೊಸ ಜೋಡಿಯ ಕೆಮಿಸ್ಟ್ರಿ ಹೇಗಿರಲಿದೆ ಎಂಬ ಕುತೂಹಲವೂ ಸಿನಿಪ್ರಿಯರಲ್ಲಿದೆ.

ಹಾಡು, ಟೀಸರ್‌ಗೆ ಸಿಕ್ಕಿದೆ ಉತ್ತಮ ಪ್ರತಿಕ್ರಿಯೆ

ಚಿತ್ರದ ಪ್ರಚಾರ ಕಾರ್ಯ ಆರಂಭದಿಂದಲೇ ವಿಭಿನ್ನವಾಗಿ ಸಾಗುತ್ತಿದೆ. ಗಣಪತಿ ಹಬ್ಬದ ಸಂದರ್ಭದಲ್ಲಿ ಬಿಡುಗಡೆಯಾದ ಮೊದಲ ಹಾಡು ಪ್ರೇಕ್ಷಕರ ಗಮನ ಸೆಳೆದಿತ್ತು. ಬಳಿಕ ದಸರಾ ಹಬ್ಬದ ಪ್ರಯುಕ್ತ ಮತ್ತೊಂದು ಹಾಡನ್ನು ಆನಂದ್ ಆಡಿಯೋ ಯೂಟ್ಯೂಬ್ ಚಾನೆಲ್‌ನಲ್ಲಿ ಬಿಡುಗಡೆ ಮಾಡಲಾಗಿತ್ತು. ಹೆಸರಾಂತ ಗೀತರಚನೆಕಾರರ ಸಾಹಿತ್ಯ ಹಾಗೂ ಪ್ರತಿಭಾವಂತ ಗಾಯಕರ ಗಾಯನದಲ್ಲಿ ಮೂಡಿಬಂದಿರುವ ಹಾಡುಗಳಿಗೆ ಸಂಗೀತ ನಿರ್ದೇಶಕ ಕಿರಣ್ ರವೀಂದ್ರನಾಥ್ ಸಂಗೀತ ಸಂಯೋಜಿಸಿದ್ದಾರೆ. ಚಿತ್ರದ ಟೀಸರ್ ಕೂಡ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದ್ದು, ಇದೀಗ ಟ್ರೇಲರ್ ಮೇಲಿನ ನಿರೀಕ್ಷೆ ಹೆಚ್ಚಾಗಿದೆ.

ವಿಚ್ಛೇದನದ ಸುತ್ತ ಹೆಣೆಯಲಾದ ಕಥೆ

'ಮಿಸ್ಟರ್ ಜಾಕ್' ಕೇವಲ ನಗಿಸುವ ಸಿನಿಮಾವಷ್ಟೇ ಅಲ್ಲ, ಸಂಬಂಧಗಳ ನಡುವಿನ ಭಾವನಾತ್ಮಕ ತಿರುವುಗಳನ್ನೂ ಒಳಗೊಂಡಿದೆ. ವಿವಾಹದ ನಂತರ ಕೆಲವರ ಬದುಕು ಸುಖಮಯವಾಗಿದ್ದರೆ, ಇನ್ನು ಕೆಲವರ ಜೀವನ ವಿಚ್ಛೇದನದ ಹಂತಕ್ಕೆ ತಲುಪುತ್ತದೆ. ಇಂತಹ ವಿಭಿನ್ನ ಜೀವನದ ಸನ್ನಿವೇಶಗಳೇ ಚಿತ್ರದ ಪ್ರಮುಖ ಕಥಾವಸ್ತು.

ಈ ಹಿಂದೆ ಚಿತ್ರದ ಕುರಿತು ಮಾತನಾಡಿದ್ದ ಗುರುನಂದನ್, ನಿರ್ದೇಶಕ ಸುಮಂತ್ ಹೇಳಿದ ಕಥೆ ತಮಗೆ ಬಹಳ ಇಷ್ಟವಾಗಿತ್ತು ಎಂದು ತಿಳಿಸಿದ್ದರು. ಕಥೆಯನ್ನು ಕೆಲ ನಿರ್ಮಾಪಕರಿಗೆ ಹೇಳಿದ್ದರೂ ಸಿನಿಮಾ ಆರಂಭವಾಗಲು ವಿಳಂಬವಾಗಬಹುದು ಎಂಬ ಕಾರಣಕ್ಕೆ ತಾವೇ ನಿರ್ಮಾಣದ ಜವಾಬ್ದಾರಿ ವಹಿಸಿಕೊಂಡಿದ್ದಾಗಿ ಹೇಳಿದ್ದರು. ಮಂಡಿಮನೆ ಟಾಕೀಸ್ ಬ್ಯಾನರ್ ಅಡಿಯಲ್ಲಿ ತಮ್ಮ ಸ್ನೇಹಿತರ ಸಹಕಾರದೊಂದಿಗೆ ಚಿತ್ರ ನಿರ್ಮಿಸಿದ್ದಾರೆ.

ದೊಡ್ಡ ತಾರಾಬಳಗ, ಅನುಭವಿ ತಂತ್ರಜ್ಞರ ಸಾಥ್

'ಮಿಸ್ಟರ್ ಜಾಕ್' ಚಿತ್ರದಲ್ಲಿ ಗುರುನಂದನ್ ಹಾಗೂ ತಪಸ್ವಿನಿ ಪೂಣಚ್ಚ ಜೊತೆಗೆ ಮಿತ್ರ, ಗೋಪಾಲಕೃಷ್ಣ ದೇಶಪಾಂಡೆ, ಅರವಿಂದ್, ಧರ್ಮಣ್ಣ, ಸುಶ್ಮಿತಾ ಜಗ್ಗಪ್ಪ ಸೇರಿದಂತೆ ಹಲವು ಪ್ರತಿಭಾವಂತ ಕಲಾವಿದರು ನಟಿಸಿದ್ದಾರೆ. ಶಿವಸೇನ ಛಾಯಾಗ್ರಹಣ, ಅಭಿಷೇಕ್ ಮಠದ್ ನೃತ್ಯ ನಿರ್ದೇಶನ ಹಾಗೂ ವಿಜಯ್ ರಾಜ್ ಸಂಕಲನದ ಜವಾಬ್ದಾರಿ ಹೊತ್ತಿದ್ದಾರೆ. ಸುಮಂತ್ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದಾರೆ.

ಇನ್ನು ಹೊಸ ಜೋಡಿ, ವಿಭಿನ್ನ ಕಥೆ, ಹಾಸ್ಯದ ಸನ್ನಿವೇಶಗಳು ಹಾಗೂ ಮನರಂಜನೆಯ ಭರವಸೆಯೊಂದಿಗೆ 'ಮಿಸ್ಟರ್ ಜಾಕ್' ತೆರೆಗೆ ಬರಲು ಸಜ್ಜಾಗಿದೆ. ನವೆಂಬರ್ 15ರ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮದ ಬಳಿಕ ಚಿತ್ರದ ಬಗ್ಗೆ ಇನ್ನಷ್ಟು ಕುತೂಹಲ ಮೂಡುವ ನಿರೀಕ್ಷೆಯಿದೆ. ಡಿಸೆಂಬರ್ 4ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿರುವ ಈ ಸಿನಿಮಾ ಪ್ರೇಕ್ಷಕರನ್ನು ಎಷ್ಟರಮಟ್ಟಿಗೆ ನಗಿಸಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ನಟ ದರ್ಶನ್ 50ನೇ ಹುಟ್ಟುಹಬ್ಬಕ್ಕೆ 100 ದಿನ ಬಾಕಿ; ಈಗಲೇ 'ಹೀಗೆ ಬರೆದು' ಪೋಸ್ಟರ್‌ ಹಾಕಿದ ಫ್ಯಾನ್ಸ್‌!

Shriram Bhat — Mon, 09 Nov 2026 14:57:53 +0530

ನಟ ದರ್ಶನ್ ಹುಟ್ಟುಹಬ್ಬಕ್ಕೆ 100 ದಿನ ಬಾಕಿ; ಈಗಿನಿಂದಲೇ ಅಭಿಮಾನಿಗಳ ಸಂಭ್ರಮ ಶುರು!

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ ಹುಟ್ಟುಹಬ್ಬಕ್ಕೆ (Darshan Thoogudeepa Birthday) ಇನ್ನೂ ಸಾಕಷ್ಟು ಸಮಯವಿದೆ. ಆದರೆ, ಅವರ ಅಭಿಮಾನಿಗಳಲ್ಲಿ ಮಾತ್ರ ಈಗಿನಿಂದಲೇ ಹಬ್ಬದ ವಾತಾವರಣ ಶುರುವಾಗಿದೆ. ದರ್ಶನ್ ಅವರ 50ನೇ ವರ್ಷದ ಜನ್ಮದಿನವನ್ನು ವಿಶೇಷವಾಗಿ ಆಚರಿಸಲು ಫ್ಯಾನ್ಸ್ ಸಜ್ಜಾಗುತ್ತಿರುವ ಸೂಚನೆ ಸಿಕ್ಕಿದೆ. ಹುಟ್ಟುಹಬ್ಬಕ್ಕೆ 100 ದಿನ ಬಾಕಿ ಇರುವುದನ್ನು ಸಾರುವ ಪೋಸ್ಟರ್ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ.

100 ದಿನಗಳ ಕೌಂಟ್‌ಡೌನ್ ಆರಂಭ!

ದರ್ಶನ್ ಅವರ ಜನ್ಮದಿನ ಫೆಬ್ರವರಿ 16. ಮುಂದಿನ ವರ್ಷ ಅವರು 50ನೇ ವರ್ಷದ ಜನ್ಮದಿನವನ್ನು ಆಚರಿಸಿಕೊಳ್ಳಲಿದ್ದಾರೆ. ಈ ವಿಶೇಷ ದಿನಕ್ಕಾಗಿ ಅಭಿಮಾನಿಗಳು ಈಗಲೇ ಸಿದ್ಧತೆ ಆರಂಭಿಸಿರುವಂತೆ ಕಾಣುತ್ತಿದೆ. ದರ್ಶನ್ ಅಭಿಮಾನಿಗಳ ‘ಡಿ ಕಂಪನಿ’ ತಂಡದ ಅಧಿಕೃತ ಫ್ಯಾನ್ ಪೇಜ್ ‘D Company (R) Official’ನಲ್ಲಿ 100 ದಿನಗಳ ಕೌಂಟ್‌ಡೌನ್ ಪೋಸ್ಟರ್ ಹಂಚಿಕೊಳ್ಳಲಾಗಿದೆ.

ಪೋಸ್ಟರ್‌ನಲ್ಲಿ ದರ್ಶನ್ ಅವರ ನಾಲ್ಕು ಫೋಟೋಗಳನ್ನು ಕೊಲಾಜ್ ಮಾಡಲಾಗಿದ್ದು, ಅದರಲ್ಲಿ ಅವರ ಬಾಲ್ಯದ ಚಿತ್ರವೂ ಸ್ಥಾನ ಪಡೆದಿದೆ. “ನಮ್ಮ ಪ್ರೀತಿಯ ಬಾಕ್ಸ್ ಆಫೀಸ್ ಸುಲ್ತಾನ್, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ‘ಡಿ’ಬಾಸ್ ಅವರ ಹುಟ್ಟುಹಬ್ಬಕ್ಕೆ ಕೇವಲ 100 ದಿನಗಳು ಬಾಕಿ” ಎಂಬ ಸಂದೇಶದೊಂದಿಗೆ ಅಭಿಮಾನಿಗಳ ಪ್ರೀತಿ ವ್ಯಕ್ತವಾಗಿದೆ.

ಕಳೆದ ವರ್ಷವೂ ಇದೇ ರೀತಿ ಸಂಭ್ರಮ

ದರ್ಶನ್ ಅವರ ಹುಟ್ಟುಹಬ್ಬದ ಸಂದರ್ಭದಲ್ಲಿ ಅಭಿಮಾನಿಗಳು ಕೌಂಟ್‌ಡೌನ್ ನಡೆಸುವುದು ಹೊಸದೇನಲ್ಲ. ಕಳೆದ ವರ್ಷವೂ ಇದೇ ರೀತಿಯ ಯೋಜನೆ ರೂಪಿಸಿದ್ದರು. ದರ್ಶನ್ ಅವರ ಸಿನಿ ಪಯಣವನ್ನು ನೆನಪಿಸುವಂತೆ, ಅವರು ನಟಿಸಿದ ಸಿನಿಮಾಗಳ ಪೋಸ್ಟರ್‌ಗಳು ಮತ್ತು ಫೋಟೋಗಳನ್ನು ದಿನಕ್ಕೊಂದರಂತೆ ಹಂಚಿಕೊಳ್ಳಲಾಗಿತ್ತು. ಹುಟ್ಟುಹಬ್ಬದ ದಿನದವರೆಗೂ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳ ಸಂಭ್ರಮ ಮುಂದುವರಿದಿತ್ತು.

ಈ ಬಾರಿ ದರ್ಶನ್ ಅವರ 50ನೇ ವರ್ಷದ ಜನ್ಮದಿನವಾಗಿರುವುದರಿಂದ ಆಚರಣೆಯ ನಿರೀಕ್ಷೆ ಇನ್ನಷ್ಟು ಹೆಚ್ಚಾಗಿದೆ. ‘ಡಿ ಕಂಪನಿ’ ಅಭಿಮಾನಿಗಳು ಯಾವ ರೀತಿಯ ವಿಶೇಷ ಕಾರ್ಯಕ್ರಮಗಳನ್ನು ರೂಪಿಸಲಿದ್ದಾರೆ ಎಂಬ ಕುತೂಹಲವೂ ಮೂಡಿದೆ.

ಸದ್ಯಕ್ಕೆ 100 ದಿನಗಳ ಪೋಸ್ಟರ್ ಮೂಲಕವೇ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನ ಹುಟ್ಟುಹಬ್ಬದ ಸಂಭ್ರಮಕ್ಕೆ ಮುನ್ನುಡಿ ಬರೆದಿದ್ದಾರೆ. ಮುಂದಿನ ದಿನಗಳಲ್ಲಿ ಈ ಕೌಂಟ್‌ಡೌನ್ ಯಾವ ರೂಪ ಪಡೆಯಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ಮತ್ತೆ ಅದೇ ಜೋಶ್, ಹಳೆಯ ಸ್ಟೆಪ್ಸ್: ರಾಶಿ ವೇದಿಕೆಯಲ್ಲಿ ಡ್ಯಾನ್ಸ್ ಮಾಡಿದ ತಾರಾ, ಶಶಿಕುಮಾರ್

Govindaraj S — Mon, 09 Nov 2026 15:41:46 +0530

ತುಂಬಾ ದಿನಗಳ ನಂತರ ಹಿರಿಯ ನಟ ಶಶಿಕುಮಾರ್‌, ನಟಿ ತಾರಾ ಅವರು ಹಾಡೊಂದಕ್ಕೆ ವೇದಿಕೆ ಮೇಲೆ ಹೆಜ್ಜೆ ಹಾಕಿ ಎಲ್ಲರ ಅಚ್ಚರಿಗೆ ಕಾರಣರಾದರು. ಇಬ್ಬರು ತಮ್ಮ ಹಳೆಯ ಸಿಗ್ನೇಚರ್‌ ಸ್ಟೆಪ್ಸ್‌ ಮೂಲಕ ಹೀಗೆ ಗಮನ ಸೆಳೆದಿದ್ದು ‘ರಾಶಿ’ ಚಿತ್ರದ ಟ್ರೇಲರ್‌ ಬಿಡುಗಡೆ ಸಮಾರಂಭದಲ್ಲಿ.

ಇದು ಶಶಿಕುಮಾರ್‌ ಪುತ್ರ ಆದಿತ್ಯ ಶಶಿಕುಮಾರ್‌ ನಾಯಕನಾಗಿ ನಟಿಸಿರುವ ಚಿತ್ರ. ಸಮೀಕ್ಷಾ ನಾಯಕಿ. ನಟಿ ತಾರಾ, ನಿರ್ಮಾಪಕಿ ಶೈಲಜಾ ನಾಗ್‌ ಹಾಗೂ ಶಶಿಕುಮಾರ್‌ ಅವರು ಟ್ರೇಲರ್‌ ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದರು. ಅಖಿಲೇಶ್‌ ನಿರ್ಮಾಣ, ವಿಜಯ್‌ ಪಾಳೇಗಾರ್‌ ನಿರ್ದೇಶನದ ಜೊತೆಗೆ ಸಂಗೀತ ನೀಡಿದ್ದಾರೆ. ಇದೇ ನವೆಂಬರ್‌ 13ಕ್ಕೆ ಚಿತ್ರ ತೆರೆಗೆ ಬರುತ್ತಿದೆ.

ಕನಸು ಕಂಡಿದ್ದೆ

ವಿಜಯ್‌ ಪಾಳೇಗಾರ್‌, ‘ಕಾಲೇಜು ದಿನಗಳಿಂದಲೂ ನಿರ್ದೇಶಕನಾಗಬೇಕೆಂಬ ಕನಸು ಕಂಡಿದ್ದೆ. ತಾಯಿ ಮತ್ತು ಮಗನ ನಡುವಿನ ಭಾವನಾತ್ಮಕ ಸಂಬಂಧವನ್ನು ಆಧರಿಸಿ ಈ ಚಿತ್ರದ ಕತೆಯನ್ನು ರೂಪಿಸಿದ್ದೇನೆ. ಟ್ರೇಲರ್‌ನಲ್ಲಿ ಕತೆಯ ಕೆಲವು ಅಂಶಗಳನ್ನು ಮಾತ್ರ ತೋರಿಸಲಾಗಿದೆ. ಚಿತ್ರದಲ್ಲಿ ಇನ್ನೂ ಹಲವು ವಿಶೇಷತೆಗಳಿದ್ದು, ಪ್ರೇಕ್ಷಕರಿಗೆ ಖಂಡಿತ ಈ ಚಿತ್ರ ಇಷ್ಟವಾಗಲಿದೆ’ ಎಂದರು.

ನನ್ನದು ಹಳ್ಳಿ ಹುಡುಗನ ಪಾತ್ರ

ಆದಿತ್ಯ ಶಶಿಕುಮಾರ್‌, ‘ನನ್ನ ಅಪ್ಪ ಶಶಿಕುಮಾರ್‌ ಅವರ ಸಾಧನೆಗಳು ನನಗೆ ಯಾವಾಗಲೂ ಪ್ರೇರಣೆ. ಚಿತ್ರರಂಗದಲ್ಲಿ ಅವರದ್ದೇ ಆದ ಹೆಜ್ಜೆ ಗುರುತುಗಳಿವೆ. ಅದೇ ರೀತಿ ನಾನು ಕೂಡ ಹೆಸರು ಮಾಡುವಾಸೆ. ಈ ಚಿತ್ರದಲ್ಲಿ ನನ್ನದು ಹಳ್ಳಿ ಹುಡುಗ ಶಿವು ಹೆಸರಿನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ತಾಯಿ ಹಾಗೂ ನಾಯಕಿಯ ಮೇಲಿನ ಪ್ರೀತಿಯ ಮಧ್ಯೆ ನಡೆಯುವ ಭಾವನಾತ್ಮಕ ಸಂಘರ್ಷವೇ ಚಿತ್ರದ ಪ್ರಮುಖ ಅಂಶ’ ಎಂದರು.

ಯಾವ ರೀತಿಯ ಪರಿಣಾಮ ಬೀರುತ್ತವೆ?

ಸಮೀಕ್ಷಾ, ‘ಹದಿಹರೆಯದ ವಯಸ್ಸಿನಲ್ಲಿ ತೆಗೆದುಕೊಳ್ಳುವ ನಿರ್ಧಾರಗಳು ಜೀವನದ ಮೇಲೆ ಯಾವ ರೀತಿಯ ಪರಿಣಾಮ ಬೀರುತ್ತವೆ ಎಂಬುದನ್ನು ಚಿತ್ರದಲ್ಲಿ ತೋರಿಸಲಾಗಿದೆ’ ಎಂದರು. ನಟಿ ವೀಣಾ ಸುಂದರ್‌, ತಬಲಾ ನಾಣಿ, ಮಂಜು ಪಾವಗಡ, ಹುಲಿ ಕಾರ್ತಿಕ್‌, ವಿನೋದ್‌ ಗೊಬ್ಬರಗಾಲ, ಉಗ್ರಂ ರವಿ, ಭಜರಂಗಿ ಪ್ರಸನ್ನ ಚಿತ್ರದಲ್ಲಿ ನಟಿಸಿರುವ ಹಲವರು ಹಾಜರಿದ್ದು ಚಿತ್ರದ ಕುರಿತು ಮಾತನಾಡಿದರು.

ಈ ವಾರ ಒಟಿಟಿಯಲ್ಲಿ ರಿಲೀಸ್ ಆಗ್ತಿದೆ 5 ಸೂಪರ್ ಹಿಟ್ ಮೂವಿ, ಮಿಸ್ ಮಾಡಬೇಡಿ ಥ್ರಿಲ್ಲರ್ ಕತೆ

Chethan Kumar — Mon, 09 Nov 2026 15:31:42 +0530

ಬೆಂಗಳೂರು (ನ.09) ದೇಶಾದ್ಯಂದ ರಾಮಾಯಣ ಪ್ರದರ್ಶನಗೊಳ್ಳುತ್ತಿದೆ. ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಇದರ ನಡುವೆ ಒಟಿಟಿಯಲ್ಲಿ ಈ ವಾರ ಹಬ್ಬ. ಸೂಪರ್ ಹಿಟ್ ಸಿನಿಮಾ, ಜನಪ್ರಿಯ ವೆಬ್‌ಸಿರೀರಿಸ್ ಸೇರಿದಂತೆ ಹಲವು ಮನರಂಜನೆಗಳು ಈ ವಾರ ಸಿಗಲಿದೆ. ನವೆಂಬರ್ 9 ರಿಂದ ನವೆಂಬರ್ 15ರ ವರಗೆ ಒಟಿಟಿ ಪ್ರಿಯರಿಗೆ ಅದ್ಧೂರಿ ಮನರಂಜನೆ ಸಿಗಲಿದೆ. ನವೆಂಬರ್ 2ನೇ ವಾರದಲ್ಲಿ ಒಟಿಟಿಗೆ ಲಗ್ಗೆ ಇಡುತ್ತಿರುವ ಟಾಪ್ ಮೂವಿ ಹಾಗೂ ಸಿರೀಸ್ ಪಟ್ಟಿ ಇಲ್ಲಿದೆ.

1. ಬ್ಲೈಂಡ್ ಗೇಮ್ (Blind Game), ZEE5 (ನವೆಂಬರ್ 11):

ಅರ್ಜುನ್ ರಾಂಪಾಲ್ (Arjun Rampal) ಅಮಾನತುಗೊಂಡ ಪೊಲೀಸ್ ಅಧಿಕಾರಿ ಸಿಕಂದರ್ ಸಿಂಗ್ ಪಾತ್ರದಲ್ಲಿ ನಟಿಸಿರುವ ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರ. ಮನಾಲಿ ಹಿನ್ನೆಲೆಯಲ್ಲಿ ನಡೆಯುವ ಕಳ್ಳತನ ಹಾಗೂ ಅನುಮಾನಾಸ್ಪದ ಆತ್ಮಹತ್ಯೆ ತನಿಖೆಯ ಸುತ್ತ ಈ ಕಥೆ ಸಾಗುತ್ತದೆ.

2. ದಿ ರಿಂಗ್ಸ್ ಆಫ್ ಪವರ್ – ಸೀಸನ್ 3, Amazon Prime (ನವೆಂಬರ್ 11):

ಫ್ಯಾಂಟಸಿ ಪ್ರಿಯರು ಕಾತರದಿಂದ ಕಾಯುತ್ತಿದ್ದ ಹಿಟ್ ಸರಣಿಯ 3ನೇ ಭಾಗ. ಸೌರಾನ್ ತನ್ನ ಶಕ್ತಿಯನ್ನು ಹೆಚ್ಚಿಸಿಕೊಳ್ಳುವ ಹಾಗೂ ಮಿಡಲ್ ಅರ್ಥ್ ಸಾಮ್ರಾಜ್ಯ ಎದುರಿಸುವ ಹೊಸ ಭೀಕರ ಸಮರದ ದೃಶ್ಯಗಳನ್ನು ಇದರಲ್ಲಿ ಪ್ರಸಾರ ಮಾಡಲಾಗುತ್ತದೆ.

3. ದಾಯರಾ (Daayra), Netflix (ನವೆಂಬರ್ 13):

ಕ್ರೈಂ ಮತ್ತು ನ್ಯಾಯಾಂಗ ವ್ಯವಸ್ಥೆಯ ಸುತ್ತ ಹೆಣೆದಿರುವ ಭಾರಿ ಕುತೂಹಲಕಾರಿ ಭಾರತೀಯ ಸಸ್ಪೆನ್ಸ್ ಕ್ರೈಂ ಡ್ರಾಮಾ. ಅಪರಾಧ ತನಿಖೆಯ ವೇಳೆ ಬಯಲಾಗುವ ಕರಾಳ ರಹಸ್ಯಗಳು ಈ ಚಿತ್ರದ ಪ್ರಮುಖ ಆಕರ್ಷಣೆ.

4. ಸ್ಟೂಡೆಂಟ್ ಆಫ್ ದಿ ಇಯರ್:ಆಫ್ಟರ್ ಡಾರ್ಕ್ (Student of the Year: After Dark), JioHotstar (ನವೆಂಬರ್ 13):

ಪ್ರಸಿದ್ಧ ಸೆಂಟ್ ತೆರೆಸಾ ಸಂಸ್ಥೆಯಲ್ಲಿ ನಡೆಯುವ ವಿದ್ಯಾರ್ಥಿನಿಯ ನಿಗೂಢ ಕೊಲೆಯ ತನಿಖೆಯನ್ನು ಆಧರಿಸಿದ 6 ಸಂಚಿಕೆಗಳ ಶೋಕಿಂಗ್ ಥ್ರಿಲ್ಲರ್ ಸರಣಿ. ರೀಮಾ ಮಾಯಾ ನಿರ್ದೇಶನದ ಈ ಸರಣಿಯಲ್ಲಿ ಶನಾಯಾ ಕಪೂರ್ ಮತ್ತು ದಿವಿಕ್ ಶರ್ಮಾ ಮುಖ್ಯ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

5. ಪಾರಿವಾರಿಕ ಮನುರಂಜನ್ (Parivarik ManuRanjan) - SonyLIV (ನವೆಂಬರ್ 13):

ಅಭಿನಯ ರಾಕ್ಷಸ ಪಂಕಜ್ ತ್ರಿಪಾಠಿ (Pankaj Tripathi) ಮತ್ತು ಅದಿತಿ ರಾವ್ ಹೈದರಿ (Aditi Rao Hydari) ನಟನೆಯ ಸುಂದರ ಫ್ಯಾಮಿಲಿ ಡ್ರಾಮಾ ಕಾಮಿಡಿ ಚಿತ್ರ. ವರುಣ್ ವಿ ಶರ್ಮಾ ನಿರ್ದೇಶನದ ಈ ಸಿನಿಮಾ ಇಡೀ ಕುಟುಂಬ ಕುಳಿತು ನೋಡುವಂತಿದೆ.

6. ಹಾರ್ಟ್ ಆಫ್ ದಿ ಬೀಸ್ಟ್ (Heart of the Beast) - BookMyShow Stream/Apple TV (ನವೆಂಬರ್ 10):

ಬ್ರ್ಯಾಡ್ ಪಿಟ್ (Brad Pitt) ನಟನೆಯ ಆಕ್ಷನ್ ಅಡ್ವೆಂಚರ್ ಸಿನಿಮಾ. ವಿಮಾನ ಅಪಘಾತದ ನಂತರ ಅಲಾಸ್ಕಾದ ದಟ್ಟ ಕಾಡಿನಲ್ಲಿ ನಾಯಿ ಜೊತೆ ಬದುಕಲು ನಡೆಸುವ ಹೋರಾಟದ ಕಥಾಹಂದರ ಇಲ್ಲಿದೆ.
ಬಿಹೈಂಡ್ ಹಿಮಾನ್, ಹಾರ್ಟ್‌ಲ್ಯಾಂಡ್ & ಕಂಕ್ ಆನ್ ಸಿನಿಮಾ (ನೆಟ್‌ಫ್ಲಿಕ್ಸ್/ಆಪಲ್ ಟಿವಿ):
ಅಲಿಸಿಯಾಸ್ ಲಾ (Netflix - ನವೆಂಬರ್ 11): ಮೆಕ್ಸಿಕನ್ ಲೀಗಲ್ ಡ್ರಾಮಾ ಸರಣಿ.
ಆಲ್ಫ್ರೆಡ್/ಆಲೆನ್ (Netflix - ನವೆಂಬರ್ 12): ಯುವಕ ಮತ್ತು ಏಲಿಯನ್ ನಡುವಿನ ಸ್ನೇಹದ ಸೈನ್ಸ್ ಫಿಕ್ಷನ್ ಕಾಮಿಡಿ.
ದಿ ಎಂಪ್ರೆಸ್ – ಸೀಸನ್ 3 (Netflix - ನವೆಂಬರ್ 12): ರಾಯಲ್ ಕೋರ್ಟ್ ರಾಜಕೀಯ ಸರಣಿ.
ಮರ್ಡರ್ ಇನ್ ಗಲಿಷಿಯಾ (Netflix - ನವೆಂಬರ್ 13): ಸ್ಪ್ಯಾನಿಷ್ ಮರ್ಡರ್ ಮಿಸ್ಟ್ರಿ.
ಕಂಕ್ ಆನ್ ಸಿನಿಮಾ (Netflix - ನವೆಂಬರ್ 15): ಸಿನಿಮಾ ಇತಿಹಾಸದ ಕಾಮಿಡಿ ಸರಣಿ.

Ramayana Movie: ನಾಯಕಿ ಸೀತೆ, ವಿಲನ್ ಕೈಕೇಯಿಗೆ ಕನ್ನಡದಲ್ಲಿ ದನಿ ಕೊಟ್ಟ ಮಹಾನಟಿಯರು ಇವರೇ ನೋಡಿ

Suchethana D — Mon, 09 Nov 2026 12:56:26 +0530

ಬೆಂಗಳೂರು: ಯಶ್ ರಾವಣನಾಗಿ ಅಬ್ಬರಿಸಿರುವ ರಾಮಾಯಣ ರಾಮಾಯಣ: ಭಾಗ 1 (Ramayana: Part 1) ಈಗ ಸಕತ್ ಸದ್ದು ಮಾಡುತ್ತಿದೆ. ಮೂಲತಃ ಹಿಂದಿ ಭಾಷೆಯ ಭವ್ಯ ಪೌರಾಣಿಕ ಮಹಾಕಾವ್ಯ ಚಿತ್ರವಾಗಿರುವ ರಾಮಾಯಣ, ಭಾರತದಾದ್ಯಂತ ಮತ್ತು ಜಾಗತಿಕವಾಗಿ ಕನ್ನಡ, ತೆಲುಗು, ತಮಿಳು, ಮಲಯಾಳಂ ಮತ್ತು ಇಂಗ್ಲಿಷ್ ಸೇರಿದಂತೆ ಹಲವು ಪ್ರಮುಖ ಭಾಷೆಗಳಿಗೆ ಡಬ್ ಮಾಡಿ ಏಕಕಾಲದಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಹಿನ್ನೆಲೆಯಲ್ಲಿ ಎಲ್ಲಾ ರಾಜ್ಯಗಳಲ್ಲಿಯೂ ಮಾತ್ರವಲ್ಲದೇ ವಿದೇಶದಲ್ಲಿಯೂ ರಾಮಾಯಣ ಮಿಂಚುತ್ತಿದ್ದು, ಕೆಲವು ದಾಖಲೆಗಳತ್ತ ದಾಪುಗಾಲು ಹಾಕುತ್ತಿದೆ.

ಇದರ ನಡುವೆಯೇ, ಇದೀಗ ಕುತೂಹಲದ ವಿಷಯವೊಂದು ರಿವೀಲ್ ಆಗಿದೆ. ಅದೇನೆಂದರೆ, ಸೀತೆಯಾಗಿ ನಟಿಸಿರುವ ನಟಿ ಸಾಯಿ ಪಲ್ಲವಿ ಅವರಿಗೆ ಕನ್ನಡದಲ್ಲಿ ದನಿ ನೀಡಿರುವವರು ಯಾರು ಎನ್ನುವ ಗುಟ್ಟು ರಟ್ಟಾಗಿದೆ. ಇವರೇ ಮಹಾನಟಿ ರಿಯಾಲಿಟಿ ಷೋ ಖ್ಯಾತಿಯ ಆಶಿಕಾ ಶರ್ಮಾ (Ashika Sharma). ಈ ಕುರಿತು ಅವರು ತಮ್ಮ ಸೋಷಿಯಲ್ ಮೀಡಿಯಾ ಖಾತೆಯಲ್ಲಿ ಖುದ್ದು ವಿಷಯವನ್ನು ತಿಳಿಸಿದ್ದಾರೆ. ರಾಧಾಕೃಷ್ಣದಲ್ಲಿ ರಾಧೆಯಾಗಿ, ಸೀತೇ ರಾಮದಲ್ಲಿ ಸೀತೆಯಾಗಿ, ಇಂದು ಮತ್ತೊಮ್ಮೆ ಮಹಾಕಾವ್ಯ ರಾಮಾಯಣದಲ್ಲಿ ಸೀತೆಗೆ ಧ್ವನಿಯಾಗಿರುವುದು ನಿಜಕ್ಕೂ ನನ್ನ ಕಲಾ ಪಯಣದ ಸುಂದರ ಪೂರ್ಣವೃತ್ತದ ಕ್ಷಣ. ಸಾಯಿ ಪಲ್ಲವಿ ಅವರ ಮುಗ್ಧತೆ, ಸಹಜತೆ ಮತ್ತು ಅದ್ಭುತ ಅಭಿನಯ ಈ ಅನುಭವವನ್ನು ಇನ್ನಷ್ಟು ವಿಶೇಷವಾಗಿಸಿದೆ. ಈ ಆಶೀರ್ವಾದಕ್ಕಾಗಿ ವಿಶ್ವಕ್ಕೂ, ಯಶ್ ಸರ್, ನಮಿತ್ ಮಲ್ಹೋತ್ರ ಸರ್ ಹಾಗೂ ಇಡೀ ರಾಮಾಯಣ ತಂಡಕ್ಕೂ ಹೃದಯಪೂರ್ವಕ ಧನ್ಯವಾದಗಳು ಎಂದು ಆಶಿಕಾ ಅವರು ಬರೆದುಕೊಂಡಿದ್ದಾರೆ.

ಇವರು ಇದಾಗಲೇ ಹಲವು ನಟಿಯರಿಗೆ ದನಿ ನೀಡಿದ್ದಾರೆ. ವಿಕ್ರಾಂತ್ ರೋಣದ ನಾಯಕಿ ಜಾಕ್ವೆಲಿನ್ ಫರ್ನಾಂಡೀಸ್ ಅವರಿಗೆ ದನಿ ನೀಡಿದಾಗ ಸಕತ್ ಫೇಮಸ್ ಆಗಿದ್ದರು. ಮದವೇರಿಸೋ ಮದನಾರಿಯ ನೋಡಿ ಮಿಡಿದವರೆಷ್ಟು, ಮಡಿದವರೆಷ್ಟು... ಡೈಲಾಗ್ ಅಂತೂ ಸಕತ್ ಫೇಮಸ್ ಆಗಿದ್ದು, ಅದು ಇವರ ದನಿಯಲ್ಲಿಯೇ ಬಂದಿರುವುದು ವಿಶೇಷ. ಇದೀಗ ಸೀತೆಗೆ ದನಿಯಾಗಿದ್ದಾರೆ.

ಕೈಕೇಯಿಗೆ ದನಿ ನೀಡಿದ ವೀಣಾ ಸುಂದರ್

ಇನ್ನು ರಾಮಾಯಣ ಮೂವಿಯಲ್ಲಿ ಕೈಕೇಯಿ ಆಗಿ ನಟಿ ಲಾರಾ ದತ್ತಾ (Lara Dutta) ನಟಿಸಿದ್ದಾರೆ. ಇವರಿಗೆ ದನಿ ನೀಡಿದವರು ಖ್ಯಾತ ಹಿರಿಯ ನಟಿ ವೀಣಾ ಸುಂದರ್ ಅವರು. ದಶಕಗಳಿಂದ ರಂಗಭೂಮಿ,ಕಿರುತೆರೆ ಮತ್ತು ಹಿರಿತೆರೆಯಲ್ಲಿ ಇವರು ಅಭಿನಯಿಸುತ್ತಿದ್ದು, ಕಿರುತೆರೆ ವೀಕ್ಷಕರಿಗೆ ಇವರ ಮುಖ ಚಿರಪರಿಚಿತ. ಪತಿ ಸುಂದರ್ ವೀಣಾ ಜೊತೆ ಸೇರಿ ಹಲವು ಸಿನಿಮಾ, ಸೀರಿಯಲ್ಗಳಲ್ಲಿಯೂ ನಟಿಸಿರುವ ಖ್ಯಾತಿ ಇವರದ್ದು. ಸದ್ಯ ಇವರು ನಾ ನಿನ್ನ ಬಿಡಲಾರೆ ಸೀರಿಯಲ್ನಲ್ಲಿ ವಿಲನ್ ಮಾಳವಿಕಾ ಆಗಿ ಅಭಿನಯಿಸುತ್ತಿದ್ದಾರೆ. ಇದಾಗಲೇ ಇವರು ದಿಬ್ಬಣ, ಮಹಾದೇವಿ, ಮರ್ಯಾದೆ ರಾಮಣ್ಣ, ಸರಳ ಸುಬ್ಬರಾವ್, ಬಿಸಿಲು ಚುಕ್ಕಿ... ಸೇರಿದಂತೆ ಹಲವು ಸೀರಿಯಲ್, ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಈಗ ಕೈಕೇಯಿಗೆ ದನಿ ಕೊಟ್ಟಿದ್ದಾರೆ.

ಈ ಕುರಿತು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಬರೆದುಕೊಂಡಿರುವ ನಟಿ, ಜನಮೆಚ್ಚುಗೆ ಪಡೆಯುತ್ತಿರುವ "ರಾಮಾಯಣ " ದ ಕನ್ನಡ ಅವೃತ್ತಿಯಲ್ಲಿನ ಕೈಕೇಯಿ ಪಾತ್ರಕ್ಕೆ ನಾನು ದನಿಯಾಗಿರುವುದು ನನಗೆ ಖುಷಿ ಕೊಟ್ಟ ಸಂಗತಿ. ಲಾರದತ್ತ ಅವರ ಅದ್ಭುತ ಭಾವ ನನ್ನ ಮಾತುಗಳ ತೂಕ ಹೆಚ್ಚಿಸಿತು. ಇದಕ್ಕಾಗಿ ನಟರಾಜ ಹಾಗು ಸೂರಿ ಸರ್ ಅವರಿಗೆ ನನ್ನ ವಂದನೆಗಳು ಎಂದಿದ್ದಾರೆ.

ಮಾಡರ್ನ್ ಮಹಾಕವಿಗೆ ಸೌಂದರ್ಯಾ ಶೆಟ್ಟಿ ನೇರಾನೇರ ಕೌಂಟರ್; ನಾನು ಕೆಟ್ಟವನಾ ಎಂದ ಮಂಜ?

Mahmad Rafik — Mon, 09 Nov 2026 14:05:21 +0530

ಬಿಗ್‌ಬಾಸ್ ಕನ್ನಡ ಸೀಸನ್ 13ರ ಮನೆಗೆ ಮಂಜುನಾಥ್ ವೈಲ್ಡ್‌ಕಾರ್ಡ್ ಮೂಲಕ ರಹಸ್ಯವಾಗಿ ಎಂಟ್ರಿ ಕೊಟ್ಟಿದ್ದಾರೆ. ಆಕ್ಟಿವಿಟಿ ರೂಮ್‌ನಲ್ಲಿ ಸೌಂದರ್ಯಾ ಶೆಟ್ಟಿ ಜೊತೆಗಿನ ಮಾತುಕತೆ ವೇಳೆ ಇಬ್ಬರ ನಡುವೆ ನೇರಾನೇರ ಕೌಂಟರ್ ಗಳು ನಡೆದಿವೆ.

ಬಿಗ್‌ಬಾಸ್ ಕನ್ನಡ ಸೀಸನ್ 13ರ ಮನೆಗೆ ಸ್ವಯಂಘೋಷಿತ ಮಾಡರ್ನ್ ಮಹಾಕವಿಯ ಎಂಟ್ರಿಯಾಗಿದೆ. ಮಂಜುನಾಥ್ ಮುಂದೆ ಕುಳಿತ ಸೌಂದರ್ಯಾ ಶೆಟ್ಟಿ ಫಿಲ್ಟರ್ ಇಲ್ಲದೇ ಮಾತನಾಡಿದ್ದಾನೆ. ಆದ್ರೆ ಮನೆಯೊಳಗಿರೋ ಸ್ಪರ್ಧಿಗಳಿಗೆ ಮಂಜುನಾತ್ ವೈಲ್ಡ್‌ಕಾರ್ಡ್ ಎಂಟ್ರಿ ಎಂಬ ವಿಷಯವನ್ನು ಬಿಗ್‌ಬಾಸ್ ರಿವೀಲ್ ಮಾಡಿಲ್ಲ.

ಮನೆ ಹೊರಗಡೆ ಆಗುತ್ತಿರುವ ವಿಷಯ ತಿಳಿದುಕೊಳ್ಳಲು ಸ್ಪರ್ಧಿಗಳನ್ನು ಒಬ್ಬೊಬ್ಬರಾಗಿ ಆಕ್ಟಿವಿಟಿ ರೂಮ್‌ಗೆ ಕಳುಹಿಸಲಾಗಿದೆ. ಇಲ್ಲಿ ಮಂಜುನಾಥ್ ಅವರಿಗೆ ದೊಡ್ಡ ಸೆಟಪ್ ಮಾಡಿಕೊಡಲಾಗಿದೆ. ಸ್ಪರ್ಧಿಗಳು ಮಂಜುನಾಥ್ ಅವರನ್ನು ನೋಡುತ್ತಿದ್ದಂತೆ ಶಾಕ್ ಆಗಿದ್ದಾರೆ.

ಆಕ್ಟಿವಿಟಿ ರೂಮ್‌ಗೆ ಸೌಂದರ್ಯಾ ಶೆಟ್ಟಿ ಬರುತ್ತಿದ್ದಂತೆ, ಸೀರೆಯಲ್ಲಿ ತುಂಬಾ ಚೆಂದ ಕಾಣಿಸುತ್ತಿದ್ದೀರಿ ಎಂದು ಮಂಜು ಹೊಗಳಿದ್ದಾನೆ. ಚೆನ್ನಾಗಿ ಆಟವಾಡುತ್ತಿದ್ದು, ಮೂಲೆ ಮೂಲೆಗಳಲ್ಲಿಯೂ ನಿಮ್ಮದೇ ಹವಾ ಎಂದು ಮಂಜು ಹೇಳಿದ್ರೆ, ಇದಕ್ಕೆ ಪ್ರತಿಯಾಗಿ ಮೂಲೆಗಳಲ್ಲಿಯೇ ವಿಷಯ ಇರೋದು ಎಂದು ನಗಮೊಗದಿಂದಲೇ ಟಾಂಗ್ ನೀಡಿದ್ದಾರೆ.

ಮುಂದುವರಿದು ಮಾತನಾಡಿದ ಸೌಂದರ್ಯಾ ಶೆಟ್ಟಿ, ನೀನು ಹೋದ್ಮೇಲೆ ಮನೆಯಲ್ಲಿ ನನಗೆ ಶತ್ರುವೇ ಇಲ್ಲದಂತಾಗಿದೆ ಎಂದು ಮುಖ ಹೊಡೆದಂತೆ ಹೇಳಿದ್ದಾರೆ. ಈ ಮಾತು ಕೇಳುತ್ತಿದ್ದಂತೆ, ಹಾಗಾದ್ರೆ ನಾನು ಕೆಟ್ಟವನಾದ್ರೆ, ನೀವು ಏನು ಎಂದು ಮಂಜು ಪ್ರಶ್ನೆ ಮಾಡಿದ್ದಾರೆ. ಇದಕ್ಕೆ ಶೆಟ್ಟಿ ಡಾನ್, ಸ್ವಲ್ಪ ಹಾಗೆಯೇ ಅಂದ್ಕೊಳ್ಳಿ ಎಂದು ಉತ್ತರಿಸಿದ್ದಾರೆ.

ಇದನ್ನೂ ಓದಿ: BBK 13: ಹೊಲಸು ಮಾತುಗಳಿಂದ ಹೋಗಿದ್ದ ಮಂಜ, ಮನೆಯೊಳಗೆ ಬರ್ತಿದ್ದಂತೆ ಗಲೀಜು ಮಾಡಿದ!

ಸ್ಪರ್ಧಿಗಳು ನಿದ್ದೆಯಿಂದ ಎಚ್ಚರಗೊಳ್ಳುವ ಮುಂಚೆಯೇ ಬಂದಿದ್ದ ಮಂಜು, ಬಿಗ್‌ಬಾಸ್ ಮನೆ ಮತ್ತು ಗಾರ್ಡನ್ ಏರಿಯಾದ ತುಂಬೆಲ್ಲಾ ಕಸ ಹರಡಿ ಹೋಗಿದ್ದರು. ಇಷ್ಟಕ್ಕೆ ಸುಮ್ಮನಾಗದ ಮಂಜುನಾಥ್, ಸ್ಪರ್ಧಿಗಳ ಬಟ್ಟೆಗಳೆಲ್ಲವನ್ನೂ ಕೆಳಗೆ ಬೀಳಿಸಿದ್ದರು. ಆದ್ರೆ ಈ ಯಾವ ವಿಷಯವೂ ಸ್ಪರ್ಧಿಗಳಿಗೆ ತಿಳಿದಿಲ್ಲ.

ಇದನ್ನೂ ಓದಿ: ಮಗುಗೆ ಜನ್ಮ ನೀಡಿ ಪ್ರಾಣ ಬಿಟ್ಟ ನಿತ್ಯಾ? ಒಡಲಾಳದಲ್ಲಿರೋ ಎರಡು ಕಠೋರ ಸತ್ಯ ಹೊರ ಬಂತಾ?

ಮಗುಗೆ ಜನ್ಮ ನೀಡಿ ಪ್ರಾಣ ಬಿಟ್ಟ ನಿತ್ಯಾ? ಒಡಲಾಳದಲ್ಲಿರೋ ಎರಡು ಕಠೋರ ಸತ್ಯ ಹೊರ ಬಂತಾ?

Mahmad Rafik — Mon, 09 Nov 2026 13:26:34 +0530

ಕರ್ಣ ಧಾರಾವಾಹಿಯಲ್ಲಿ ನಿತ್ಯಾ ಮುದ್ದಾದ ಮಗುವಿಗೆ ಜನ್ಮ ನೀಡಿದ್ದಾಳೆ. ತಾರಾಳ ಸಂಚಿನಿಂದ ಪಾರಾಗಿರುವ ಅವಳು ಕರ್ಣನಿಗೆ ಜನ್ಮರಹಸ್ಯ ಹೇಳುವ ಪ್ರಯತ್ನದಲ್ಲಿದ್ದಾಳೆ. ಅವಳ ಆರೋಗ್ಯ ಗಂಭೀರವಾಗಿದ್ದು, ಮುಂದೇನಾಗಲಿದೆ ಎಂಬ ಕುತೂಹಲ ಮೂಡಿದೆ.

ಕರ್ಣ ಸೀರಿಯಲ್‌ನಲ್ಲಿ ನಿತ್ಯಾ ಮಗುವಿಗೆ ಜನ್ಮ ನೀಡಿದ್ದಾಳೆ. ತನ್ನ ತಂದೆ-ತಾಯಿಗೆ ತಾರಾ ಕಾರಣ ಮತ್ತು ಭುವನೇಶ್ವರಿಯೇ ಕರ್ಣನ ತಾಯಿ ಎಂಬ ಸತ್ಯ ನಿತ್ಯಾಳ ಒಡಲಿನಲ್ಲಿತ್ತು. ಮಗುವಿಗೆ ಜನ್ಮ ನೀಡಿದ ಬಳಿಕ ನಿತ್ಯಾಳ ಆರೋಗ್ಯದಲ್ಲಿ ಏರುಪೇರು ಆಗಿದೆ.

ಅಪಾಯದಲ್ಲಿದ್ದ ನಿತ್ಯಾಳನ್ನು ರಕ್ಷಿಸಿದ್ದ ಕರ್ಣ, ಆಕೆಯನ್ನು ಆಸ್ಪತ್ರೆಗೆ ಕರೆದುಕೊಂಡು ಬಂದಿದ್ದನು. ಲೇಬರ್‌ ಪೇನ್‌ನಿಂದ ಬಳಲುತ್ತಿದ್ದ ನಿತ್ಯಾಳ ಹೆರಿಗೆಯನ್ನು ಡಾಕ್ಟರ್ ಕರ್ಣನೇ ಮಾಡಿಸಿಕೊಂಡಿದ್ದಾನೆ. ಆದ್ರೆ ಮಗುವಿಗೆ ಜನಿಸಿದ ಬಳಿಕ ನಿತ್ಯಾಳ ಪಾತ್ರ ಕೊನೆಯಾಗೋ ಸುಳಿವನ್ನು ಇಂದಿನ ಪ್ರೋಮೋದಲ್ಲಿ ತೋರಿಸಲಾಗಿದೆ.

ಮಾರಿಗುಡಿಯಿಂದ ಬಂದ ಮಾದೇವ, ನಿತ್ಯಾಳಿಗೆ ತಾರಾಳ ನೀಚತನ ಹೇಳಿದ್ದನು. ಈ ವಿಷಯ ತಿಳಿದ ತಾರಾ ರೌಡಿಗಳನ್ನು ಕಳುಹಿಸಿ ಮಾದೇವ ಮತ್ತು ನಿತ್ಯಾಳ ಪ್ರಾಣ ತೆಗೆಯಲು ಮುಂದಾಗಿದ್ದಳು. ರೌಡಿಗಳಿಂದ ನಿತ್ಯಾಳನ್ನು ಕರ್ಣ ರಕ್ಷಿಸಿದ್ದನು.

ಈ ಪ್ರೋಮೋಗೆ ಕಮೆಂಟ್ ಮಾಡಿರುವ ಸೀರಿಯಲ್ ವೀಕ್ಷಕರು, ಕೊನೆಗೂ ಪುಟ್ಟದೇವರ ಆಗಮನ ಆಗಿದೆ. ಎಲ್ಲರಿಗೂ ಒಳ್ಳೆಯದು ಆಗಲಿ. ಕರ್ಣ ನಿತ್ಯಾಳನ್ನು ತಕ್ಷಣಕ್ಕೆ ಕಾಪಾಡಿದ್ದಾನೆ, ಹಾಗೆ ನಿತ್ಯಳಿಂದ ಕರ್ಣನಿಗೆ ತನ್ನ ನಿಜವಾದ ತಾಯಿಯ ಪರಿಚಯವಾಗಲಿ. ನಿತ್ಯಾಗಿಂತ ಕಷ್ಟ ನಮಗೇ ಆಗುತ್ತಿದೆ. ನಿತ್ಯ ಮಗು ಇಬ್ಬರೂ ಚೆನ್ನಾಗಿರಲಿ ಅವಳೇ ಕರ್ಣನಿಗೆ ಎಲ್ಲ ಸತ್ಯ ಹೇಳಲಿ ಎಂದು ಬರೆದುಕೊಂಡಿದ್ದಾರೆ.

1.ತನ್ನ ತಂದೆ ಮತ್ತು ತಾಯಿ ಸಹಜ ಸಾವು ಅಲ್ಲ. ತಾರಾ ಪ್ಲಾನ್ ಮಾಡಿ ತಂದೆ-ತಾಯಿಯನ್ನು ತಾರಾ ಎಂಬ ಸತ್ಯ

2.ಸೀರಿಯಲ್ ಬುಡವಾಗಿರೋ ಕರ್ಣನ ತಾಯಿ ಯಾರು ಎಂಬ ಸತ್ಯ ನಿತ್ಯಾಗೆ ಗೊತ್ತಾಗಿದೆ. ತನ್ನ ಕೊನೆಕ್ಷಣದಲ್ಲಿ ಕರ್ಣನಿಗೆ ಗೋಡೆ ಮೇಲಿರುವ ಭುವನೇಶ್ವರಿ ದೇವಿ ಫೋಟೋ ತೋರಿಸುವ ಮೂಲಕ ಸತ್ಯ ಹೇಳಲು ನಿತ್ಯಾ ಪ್ರಯತ್ನಿಸಿದ್ದಾಳೆ.

ಆಟಕ್ಕುಂಟು ಲೆಕ್ಕಕ್ಕಿಲ್ಲ.. ಇದು ಈ ಸ್ಟಾರ್ ನಟಿ ಪ್ರತಿಭೆಗೆ ಮಾಡಿದ ಭಾರೀ ಮೋಸ ಎಂಬ ಆಕ್ರೋಶ!

Shriram Bhat — Mon, 09 Nov 2026 13:15:11 +0530

'ರಾಮಾಯಣ'ದಲ್ಲಿ ಕಾಜಲ್ ಅಗರ್ವಾಲ್‌ಗೆ ಆಟಕ್ಕುಂಟು ಲೆಕ್ಕಕ್ಕಿಲ್ಲದ ಪಾತ್ರವೇ? ಪ್ರತಿಭಾವಂತ ನಟಿಗೆ ಅನ್ಯಾಯ ಎಂದ ಅಭಿಮಾನಿಗಳು!

ಸಾವಿರಾರು ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣವಾಗುತ್ತಿರುವ ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾ ಒಂದೆಡೆ ಬಾಕ್ಸ್ ಆಫೀಸ್‌ನಲ್ಲಿ ಸದ್ದು ಮಾಡುತ್ತಿದ್ದರೆ, ಮತ್ತೊಂದೆಡೆ ಚಿತ್ರದ ಪಾತ್ರಗಳ ಆಯ್ಕೆ ಕುರಿತು ಚರ್ಚೆ ಶುರುವಾಗಿದೆ. ಅದರಲ್ಲೂ ದಕ್ಷಿಣ ಭಾರತದ ಜನಪ್ರಿಯ ನಟಿ ಕಾಜಲ್ ಅಗರ್ವಾಲ್ ಅವರಿಗೆ ನೀಡಿರುವ ಮಂಡೋದರಿ ಪಾತ್ರ ಈಗ ಅಭಿಮಾನಿಗಳ ಅಸಮಾಧಾನಕ್ಕೆ ಕಾರಣವಾಗಿದೆ. ಇಷ್ಟು ದೊಡ್ಡ ಸಿನಿಮಾದಲ್ಲಿ ಸ್ಟಾರ್ ನಟಿಯನ್ನು ಆಯ್ಕೆ ಮಾಡಿಕೊಂಡು, ತೆರೆಮೇಲೆ ಅಷ್ಟೊಂದು ಅವಕಾಶ ನೀಡದಿರುವುದು ಸರಿಯೇ ಎಂಬ ಪ್ರಶ್ನೆ ಎದ್ದಿದೆ.

ಕೇವಲ ಹಾಡುಗಳಿಗೆ ಅಥವಾ ಒಂದೆರಡು ದೃಶ್ಯಗಳಿಗೆ ಸೀಮಿತಗೊಳಿಸುವ ಪ್ರವೃತ್ತಿ ಬದಲಾಗಬೇಕು

ಸಿನಿಮಾಗಳಲ್ಲಿ ನಾಯಕಿಯರನ್ನು ಕೇವಲ ಹಾಡುಗಳಿಗೆ ಅಥವಾ ಒಂದೆರಡು ದೃಶ್ಯಗಳಿಗೆ ಸೀಮಿತಗೊಳಿಸುವ ಪ್ರವೃತ್ತಿ ಬದಲಾಗಬೇಕು ಎಂಬುದು ಪ್ರೇಕ್ಷಕರ ಅಭಿಪ್ರಾಯ. ಇಂದಿನ ನಟಿಯರಿಗೂ ದೊಡ್ಡ ಅಭಿಮಾನಿ ಬಳಗವಿದೆ. ಅವರ ಅಭಿನಯವನ್ನು ನೋಡಲು ಚಿತ್ರಮಂದಿರಕ್ಕೆ ಬರುವವರೂ ಸಾಕಷ್ಟಿದ್ದಾರೆ. ಹೀಗಿರುವಾಗ ನಟಿಯರ ಜನಪ್ರಿಯತೆ ಮತ್ತು ಪ್ರತಿಭೆಗೆ ತಕ್ಕಂತೆ ಪಾತ್ರಗಳನ್ನು ರೂಪಿಸುವುದು ನಿರ್ದೇಶಕರ ಜವಾಬ್ದಾರಿ ಎನ್ನಲಾಗುತ್ತಿದೆ.

ಕಾಜಲ್ ಅಗರ್ವಾಲ್ ಅವರ ಸಿನಿ ಪಯಣ ಗಮನಿಸಿದರೆ, ತೆಲುಗು ಚಿತ್ರರಂಗದಲ್ಲಿ ಒಂದು ಕಾಲದಲ್ಲಿ ಅವರು ಪ್ರಮುಖ ನಾಯಕಿಯಾಗಿ ಗುರುತಿಸಿಕೊಂಡಿದ್ದರು. ಮದುವೆ ಮತ್ತು ತಾಯ್ತನದ ನಂತರ ಸ್ವಲ್ಪ ವಿರಾಮ ಪಡೆದು ಮತ್ತೆ ಚಿತ್ರರಂಗಕ್ಕೆ ಮರಳಿದ್ದಾರೆ. ಆದರೆ ಎರಡನೇ ಇನ್ನಿಂಗ್ಸ್‌ನಲ್ಲಿ ನಿರೀಕ್ಷಿತ ಮಟ್ಟದ ಪಾತ್ರಗಳು ಅವರಿಗೆ ಸಿಗುತ್ತಿಲ್ಲ ಎಂಬ ಚರ್ಚೆಯಿದೆ. 'ಸತ್ಯಭಾಮಾ' ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಂಡರೂ ಸಿನಿಮಾ ಯಶಸ್ಸು ಕಾಣಲಿಲ್ಲ. ಬಾಲಕೃಷ್ಣ ಅಭಿನಯದ 'ಭಗವಂತ್ ಕೇಸರಿ'ಯಲ್ಲಿ ಸೀಮಿತ ಪಾತ್ರ ಸಿಕ್ಕರೆ, 'ಇಂಡಿಯನ್ 2' ಚಿತ್ರದಲ್ಲೂ ಅವರ ಉಪಸ್ಥಿತಿ ಕೆಲವೇ ದೃಶ್ಯಗಳಿಗೆ ಸೀಮಿತವಾಗಿತ್ತು.

ಕಾಜಲ್ ವೃತ್ತಿಜೀವನಕ್ಕೆ ಹೊಸ ತಿರುವು ನೀಡಬಹುದು ಎಂಬ ನಿರೀಕ್ಷೆ ಅಭಿಮಾನಿಗಳಲ್ಲಿತ್ತು

ಇಂತಹ ಸಂದರ್ಭದಲ್ಲಿ ‘ರಾಮಾಯಣ’ ಸಿನಿಮಾ ಕಾಜಲ್ ವೃತ್ತಿಜೀವನಕ್ಕೆ ಹೊಸ ತಿರುವು ನೀಡಬಹುದು ಎಂಬ ನಿರೀಕ್ಷೆ ಅಭಿಮಾನಿಗಳಲ್ಲಿತ್ತು. ರಣಬೀರ್ ಕಪೂರ್ ರಾಮನಾಗಿ, ಯಶ್ ರಾವಣನಾಗಿ ಹಾಗೂ ಸಾಯಿ ಪಲ್ಲವಿ ಸೀತೆಯಾಗಿ ನಟಿಸುತ್ತಿರುವ ಈ ಚಿತ್ರದಲ್ಲಿ ಕಾಜಲ್ ಮಂಡೋದರಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಸುದ್ದಿ ಹೊರಬಿದ್ದಾಗ ಸಾಕಷ್ಟು ಕುತೂಹಲ ಮೂಡಿತ್ತು. ಆದರೆ ಮೊದಲ ಭಾಗದಲ್ಲಿ ಅವರ ಪಾತ್ರಕ್ಕೆ ಸಿಕ್ಕಿರುವ ಅವಕಾಶ ನಿರಾಸೆ ಮೂಡಿಸಿದೆ ಎನ್ನಲಾಗುತ್ತಿದೆ.

ವರದಿಗಳ ಪ್ರಕಾರ, 'ರಾಮಾಯಣ ಭಾಗ 1'ರಲ್ಲಿ ಕಾಜಲ್ ಅವರ ಸ್ಕ್ರೀನ್ ಟೈಮ್ 10 ನಿಮಿಷಕ್ಕಿಂತಲೂ ಕಡಿಮೆ. ಹೀಗಾಗಿ ಇಷ್ಟು ದೊಡ್ಡ ಪ್ರಾಜೆಕ್ಟ್‌ನಲ್ಲಿ ಮಂಡೋದರಿ ಪಾತ್ರಕ್ಕೆ ಹೆಚ್ಚಿನ ಮಹತ್ವ ನೀಡದಿರುವುದೇಕೆ ಎಂಬ ಪ್ರಶ್ನೆ ಅಭಿಮಾನಿಗಳಿಂದ ಕೇಳಿಬರುತ್ತಿದೆ.

ಈಗ ಎಲ್ಲರ ಗಮನ ‘ರಾಮಾಯಣ ಭಾಗ 2’ರ ಮೇಲಿದೆ. ಮುಂದಿನ ಭಾಗದಲ್ಲಾದರೂ ಮಂಡೋದರಿ ಪಾತ್ರಕ್ಕೆ ಹೆಚ್ಚಿನ ಅವಕಾಶ ಸಿಗುತ್ತದೆಯೇ ಎಂಬ ಕುತೂಹಲವಿದೆ. ಕಾಜಲ್ ಅವರಂತಹ ಅನುಭವಿ ನಟಿಯ ಪ್ರತಿಭೆಗೆ ತಕ್ಕ ಅವಕಾಶ ನೀಡಬೇಕು ಎಂಬುದು ಅಭಿಮಾನಿಗಳ ಒತ್ತಾಯ. ದೊಡ್ಡ ಸಿನಿಮಾಗಳಲ್ಲಿ ಸ್ಟಾರ್ ನಟಿಯರ ಹೆಸರು ಬಳಸುವುದಷ್ಟೇ ಅಲ್ಲ, ಅವರ ಅಭಿನಯಕ್ಕೂ ಸೂಕ್ತ ಮನ್ನಣೆ ಸಿಗಬೇಕು ಎಂಬ ಚರ್ಚೆ ಇದೀಗ ಜೋರಾಗಿದೆ.

ಬಿಗ್‌ಬಾಸ್ ಖ್ಯಾತಿಯ ಮಲಯಾಳಿ ಕುಟ್ಟಿ ಫಾತಿಮಾ ಹೇಳಿದ JUJUBE BUM BUM ರೆಸಿಪಿ ವೈರಲ್

Mahmad Rafik — Mon, 09 Nov 2026 12:49:08 +0530

ಮಲಯಾಳಂ ಬಿಗ್‌ಬಾಸ್ ಸ್ಪರ್ಧಿ ಫಾತಿಮಾ ನೇಹಾ ಹೇಳಿದ ಜೀರೋ ಆಯಿಲ್ 'JUJUBE BUM BUM' ಮೊಟ್ಟೆ ರೆಸಿಪಿ ಈಗ ವೈರಲ್ ಆಗಿದೆ. ಕೇವಲ ಒಂದು ನಿಮಿಷದಲ್ಲಿ ಮೈಕ್ರೋ ಓವನ್ ಬಳಸಿ ಈ ರುಚಿಕರವಾದ ಫ್ಲಫಿ ರೆಸಿಪಿಯನ್ನು ಸುಲಭವಾಗಿ ತಯಾರಿಸಬಹುದು.

ಕೆಲವೊಮ್ಮೆ ಸೋಶಿಯಲ್ ಮೀಡಿಯಾದಲ್ಲಿ ಒಂದಿಷ್ಟು ರೆಸಿಪಿಗಳು ವೈರಲ್ ಆಗುತ್ತಿವೆ. ಇತ್ತೀಚೆಗಷ್ಟೇ ಬಿಗ್‌ಬಾಸ್ ಮಲಯಾಳಂನ ಸ್ಪರ್ಧಿ ಫಾತಿಮಾ ನೇಹಾ ಹೇಳಿದ ಮೊಟ್ಟೆಯ JUJUBE BUM BUM ರೆಸಿಪಿ ಹೆಚ್ಚು ವೈರಲ್ ಆಗುತ್ತಿದೆ. ಮಲಯಾಳಂ ಭಾಷೆಯ ಬಿಗ್‌ಬಾಸ್ ನಿರೂಪಕ, ನಟ ಮೋಹನ್‌ಲಾಲ್ (Mohanlal) ಸಹ ಈ ರೆಸಿಪಿ ಬಗ್ಗೆ ಮಾತನಾಡಿದ್ದಾರೆ.

ಮೊಟ್ಟೆ: ಎರಡು
ಈರುಳ್ಳಿ: ಒಂದು (ಮಧ್ಯಮ ಗಾತ್ರದ್ದು)
ಪೆಪ್ಪರ್ ಪೌಡರ್: 1/4 ಟೀ ಸ್ಪೂನ್
ರುಚಿಗೆ ತಕ್ಕಷ್ಟು ಉಪ್ಪು
ಅಡುಗೆ ಎಣ್ಣೆ: 1 ಟೀ ಸ್ಪೂನ್ (ಬೇಕಾಗಿದ್ರೆ ಮಾತ್ರ)

ಮೊದಲಿಗೆ ಒಂದು ಬೌಲ್‌ಗೆ ಎರಡು ಮೊಟ್ಟೆಗಳನ್ನು ಒಡೆದು ಹಾಕಿಕೊಳ್ಳಿ. ನಂತರ ಇದಕ್ಕೆ ಕತ್ತರಿಸಿಕೊಂಡಿರುವ ಈರುಳ್ಳಿ, ಉಪ್ಪು, ಪೆಪ್ಪರ್ ಪೌಡರ್ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಬೇಕು. ನಂತರ ಮೊಟ್ಟೆ ಮಿಶ್ರಣದ ಬೌಲ್‌ನ್ನು ಮೈಕ್ರೋ ಓವನ್‌ನಲ್ಲಿಟ್ಟು 1 ನಿಮಿಷ ಹೀಟ್ ಮಾಡಿಕೊಂಡ್ರೆ ರುಚಿಯಾದ ಜೀರೋ ಆಯಿಲ್. ಫ್ಲಫಿಯಾದ JUJUBE BUM BUM ಸವಿಯಲು ಸಿದ್ಧವಾಗುತ್ತದೆ.

ಫಾತಿಮಾ ಹೇಳಿದ ಪ್ರಕಾರ, JUJUBE BUM BUM ರೆಸಿಪಿ ಇದು ಜೀರೋ ಆಯಿಲ್ ಫುಡ್ ಆಗಿದೆ. ಈ ರೆಸಿಪಿಯ ರುಚಿಯನ್ನು ಹೆಚ್ಚಿಸಿಕೊಳ್ಳಲು ನೀವು ಬೇಕಿದ್ದಲ್ಲಿ ಚಿಟಿಕೆಯಷ್ಟು ಅರಿಶಿನಪುಡಿ, ಸಣ್ಣದಾಗಿ ಕತ್ತರಿಸಿಕೊಂಡಿರುವ ಟೊಮೆಟೋ, ಕೋತಂಬರಿ ಸೊಪ್ಪನ್ನು ಸಹ ಸೇರಿಸಿಕೊಂಡು ರುಚಿಯನ್ನು ಹೆಚ್ಚಿಸಿಕೊಳ್ಳಬಹುದು.

ಮಗ 'ಆಯುಷ್‌' ಸಿನಿಮಾದಿಂದ ನಿರ್ದೇಶಕ ಪುರುಷೋತ್ತಮ್‌ ಬದಲಾವಣೆಗೆ ಪ್ರಿಯಾಂಕಾ ಉಪೇಂದ್ರ ಹೇಳಿದ್ದೇನು?

Shriram Bhat — Mon, 09 Nov 2026 12:21:52 +0530

ಮಗ ಆಯುಷ್ ಸಿನಿಮಾ ವಿವಾದಕ್ಕೆ ಪ್ರಿಯಾಂಕಾ ಉಪೇಂದ್ರ ಪೋಸ್ಟ್ ಮೂಲಕ ಉತ್ತರ; ನಿರ್ದೇಶಕ ಪುರುಷೋತ್ತಮ್ ಬದಲಾವಣೆಗೆ ಕೊಟ್ಟ ಕಾರಣವೇನು?

ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಪ್ರಿಯಾಂಕಾ ಉಪೇಂದ್ರ (Priyanaka Upendra) ದಂಪತಿಯ ಪುತ್ರ ಆಯುಷ್ ಚಿತ್ರರಂಗಕ್ಕೆ ಪದಾರ್ಪಣೆ ಮಾಡುತ್ತಿರುವ ಸಿನಿಮಾ ಈಗ ವಿವಾದದ ಕೇಂದ್ರಬಿಂದುವಾಗಿದೆ. ‘ಆಯುಷ್’ ಹೆಸರಿನ ಈ ಚಿತ್ರದ ನಿರ್ದೇಶಕ 'ಮೊದಲಾ ಸಲ' ಸಿನಿಮಾ ಖ್ಯಾತಿಯ ನಿರ್ದೇಶಕ ಪುರುಷೋತ್ತಮ್ (Purushotham C. Somanathapura) ಅವರನ್ನು ದಿಢೀರ್ ಬದಲಾಯಿಸಿರುವುದು ಕನ್ನಡ ಚಿತ್ರರಂಗದಲ್ಲಿ ಚರ್ಚೆಗೆ ಕಾರಣವಾಗಿದೆ. ನಿರ್ದೇಶಕ ಪುರುಷೋತ್ತಮ್ ಅವರು ಹಲವು ದಿನಗಳಿಂದ ಮಾಧ್ಯಮಗಳ ಮುಂದೆ ತಮ್ಮ ಅಸಮಾಧಾನ ಹೊರಹಾಕುತ್ತಿದ್ದು, ಇದೀಗ ನಟಿ ಪ್ರಿಯಾಂಕಾ ಉಪೇಂದ್ರ ಕೂಡ ಸೋಷಿಯಲ್ ಮೀಡಿಯಾ ಮೂಲಕ ಮೌನ ಮುರಿದಿದ್ದಾರೆ.

ನಿರ್ದೇಶಕ ಮೊದಲ ಸಲ ಪುರುಷೋತ್ತಮ್ ಅವರ ಪ್ರಕಾರ, ಸುಮಾರು 12 ವರ್ಷಗಳ ಹಿಂದೆ ಸಿದ್ಧಪಡಿಸಿದ್ದ ಕಥೆಯೇ ‘ಆಯುಷ್’ ಸಿನಿಮಾದ ಮೂಲ. ಈ ಕಥೆಯನ್ನು ನಿರ್ಮಾಪಕ ಅಭಿಷೇಕ್ ಎನ್. ಸಿರಿವಂತ್ ಅವರಿಗೆ ತಲುಪಿಸುವಲ್ಲಿ ಖ್ಯಾತ ಛಾಯಾಗ್ರಾಹಕ ವೇಣು ಪ್ರಮುಖ ಪಾತ್ರ ವಹಿಸಿದ್ದರು. ನಟಿ ತಾರಾ ಅವರ ಪತಿಯಾಗಿರುವ ವೇಣು ಅವರೇ ಚಿತ್ರಕ್ಕೆ ಸಿನಿಮಾಟೋಗ್ರಾಫರ್ ಆಗಿಯೂ ಕೆಲಸ ಮಾಡುತ್ತಿದ್ದರು.

ಹದಿಹರೆಯದ ಯುವಕರ ಕಥೆ

ಹದಿಹರೆಯದ ಯುವಕರ ಕಥೆಯಾಗಿದ್ದರಿಂದ ಹೊಸ ಮುಖದ ನಟನ ಹುಡುಕಾಟ ನಡೆದಿತ್ತು. ಆಗ ಉಪೇಂದ್ರ ಪುತ್ರ ಆಯುಷ್ ಸೂಕ್ತ ಆಯ್ಕೆ ಎನಿಸಿದ್ದರು. ಆರಂಭದಲ್ಲಿ ಮಗನ ವಿದ್ಯಾಭ್ಯಾಸದ ಕಾರಣಕ್ಕೆ ಉಪೇಂದ್ರ ಒಪ್ಪಿರಲಿಲ್ಲವಂತೆ. ಆದರೆ ಕಥೆ ಕೇಳಿದ ಬಳಿಕ ಉಪೇಂದ್ರ ಮತ್ತು ಪ್ರಿಯಾಂಕಾ ಇಬ್ಬರಿಗೂ ಇಷ್ಟವಾಗಿತ್ತು. ಹೀಗಾಗಿ ಚಿತ್ರದ ಶೀರ್ಷಿಕೆಗೆ ಆಯುಷ್ ಹೆಸರನ್ನೇ ಇಡಲು ನಿರ್ಧರಿಸಲಾಗಿತ್ತು ಎಂದು ಪುರುಷೋತ್ತಮ್ ಹೇಳಿದ್ದಾರೆ.

2025ರಲ್ಲಿ ಆರಂಭವಾದ ಚಿತ್ರದ ಚಿತ್ರೀಕರಣ ಈಗಾಗಲೇ ಶೇ.50ರಷ್ಟು ಪೂರ್ಣಗೊಂಡಿತ್ತು. ಸುಮಾರು ಒಂದೂವರೆ ವರ್ಷ ಕೆಲಸ ಮಾಡಿದ ಬಳಿಕ ನಿರ್ಮಾಪಕರು ತಮ್ಮನ್ನು ಭೇಟಿಯಾಗಿ, ಮುಂದಿನ ವೇಳಾಪಟ್ಟಿಯನ್ನು ಪ್ರಿಯಾಂಕಾ ಅವರೇ ನಿರ್ದೇಶಿಸಲಿದ್ದಾರೆ ಮತ್ತು ಕಥೆಯಲ್ಲೂ ಬದಲಾವಣೆ ಮಾಡಲಾಗಿದೆ ಎಂದು ತಿಳಿಸಿದ್ದಾಗಿ ಪುರುಷೋತ್ತಮ್ ಆರೋಪಿಸಿದ್ದಾರೆ. ತಮ್ಮ ಕಥೆ ಹಾಗೂ ಚಿತ್ರೀಕರಿಸಿದ ದೃಶ್ಯಗಳನ್ನು ಬಳಸಬಾರದು, ಮಾಡಿದ ಕೆಲಸಕ್ಕೆ ಸಂಭಾವನೆ ನೀಡಬೇಕು ಎಂದು ಅವರು ಒತ್ತಾಯಿಸಿದ್ದಾರಂತೆ. ಆದರೆ ಇದಕ್ಕೆ ಸೂಕ್ತ ಪ್ರತಿಕ್ರಿಯೆ ಸಿಗಲಿಲ್ಲ ಎಂಬುದು ಅವರ ಅಳಲು. ಛಾಯಾಗ್ರಾಹಕ ವೇಣು ಅವರನ್ನೂ ಚಿತ್ರದಿಂದ ಕೈಬಿಡಲಾಗಿದೆ ಎಂದು ಅವರು ಹೇಳಿದ್ದಾರೆ.

ಚಿತ್ರದ ಅಂತಿಮ ಗುಣಮಟ್ಟವನ್ನು ರಕ್ಷಿಸುವ ಉದ್ದೇಶ

ಇದೀಗ ಪ್ರಿಯಾಂಕಾ ಉಪೇಂದ್ರ ಹಂಚಿಕೊಂಡಿರುವ ನಿರ್ಮಾಪಕ ಸಂಸ್ಥೆ ಶ್ರೀ ಕಲ್ಪವೃಕ್ಷ ಮೂವಿ ಮೇಕರ್ಸ್‌ನ ಅಧಿಕೃತ ಹೇಳಿಕೆ ವಿವಾದಕ್ಕೆ ಹೊಸ ತಿರುವು ನೀಡಿದೆ. ನಾಯಕನ ಚೊಚ್ಚಲ ಸಿನಿಮಾ, ನಿರ್ಮಾಪಕರ ಹೂಡಿಕೆ ಮತ್ತು ಚಿತ್ರದ ಅಂತಿಮ ಗುಣಮಟ್ಟವನ್ನು ರಕ್ಷಿಸುವ ಉದ್ದೇಶದಿಂದ ನಿರ್ದೇಶಕರ ಬದಲಾವಣೆ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ.

ಕಾಶ್ಮೀರ ಚಿತ್ರೀಕರಣದ ವೇಳಾಪಟ್ಟಿ, ಎರಡನೇ ಹಂತದ ಎಡಿಟಿಂಗ್ ಕುರಿತ ಆತಂಕಗಳು, ಛಾಯಾಗ್ರಾಹಕರ ಬದಲಾವಣೆ ಹಾಗೂ ಹೆಚ್ಚುವರಿ ಚಿತ್ರೀಕರಣದ ದಿನಗಳ ಬೇಡಿಕೆ ಸೇರಿದಂತೆ ಹಲವು ಸಮಸ್ಯೆಗಳಿದ್ದವು ಎಂದು ನಿರ್ಮಾಪಕರು ತಿಳಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ನ್ಯಾಯಯುತ ಪರಿಹಾರಕ್ಕಾಗಿ ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯ ಮಧ್ಯಸ್ಥಿಕೆಯನ್ನೂ ಕೋರಿದ್ದಾರೆ.

ಒಟ್ಟಿನಲ್ಲಿ, ‘ಆಯುಷ್’ ಚಿತ್ರದ ನಿರ್ದೇಶಕರ ಬದಲಾವಣೆ ವಿಚಾರ ಈಗ ಚಿತ್ರರಂಗದಲ್ಲಿ ದೊಡ್ಡ ಚರ್ಚೆಯಾಗಿದ್ದು, ನಿರ್ದೇಶಕರ ಆರೋಪಗಳಿಗೆ ನಿರ್ಮಾಪಕರ ಸ್ಪಷ್ಟೀಕರಣವೂ ಹೊರಬಿದ್ದಿದೆ. ಈ ವಿವಾದಕ್ಕೆ ಮುಂದಿನ ದಿನಗಳಲ್ಲಿ ಯಾವ ತಿರುವು ಸಿಗಲಿದೆ ಎಂಬ ಕುತೂಹಲ ಮೂಡಿದೆ.

ಯಶ್ ಬಗ್ಗೆ ಅಪ್ಪು ನುಡಿದಿದ್ದ ಆ ಭವಿಷ್ಯ ನಿಜವಾಯ್ತು! ಪುನೀತ್ ಸುವರ್ಣ ನ್ಯೂಸ್ ಸಂದರ್ಶನ ವೈರಲ್!

Sathish Kumar KH — Mon, 09 Nov 2026 12:20:42 +0530

ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ‘ರಾಮಾಯಣ’ (Ramayana Movie) ಸಿನಿಮಾದಲ್ಲಿ ಲಂಕಾಧಿಪತಿ ‘ರಾವಣ’ನಾಗಿ ರಾಕಿಂಗ್ ಸ್ಟಾರ್ ಯಶ್ (Yash) ಅಭಿನಯಿಸಿ ಜಗತ್ತಿನಾದ್ಯಂತ ಹೊಸ ಸಂಚಲನ ಸೃಷ್ಟಿಸಿದ್ದಾರೆ. ರಾವಣನ ಪಾತ್ರಕ್ಕೆ ಯಶ್ ನೀಡಿದ ಗಾಂಭೀರ್ಯ, ರೌದ್ರಾವತಾರದ ಆರ್ಭಟ ಮತ್ತು ಅಭಿನಯವನ್ನು ಕಂಡು ಇಡೀ ದೇಶದ ಚಿತ್ರಪ್ರೇಮಿಗಳು ಕೊಂಡಾಡುತ್ತಿದ್ದಾರೆ.

ಈ ಮಹಾನ್ ಯಶಸ್ಸಿನ ನಡುವೆ, ಕರ್ನಾಟಕ ರತ್ನ ದಿವಂಗತ ಪುನೀತ್ ರಾಜ್‌ಕುಮಾರ್ (Puneeth Rajkumar) ಅವರು ಹಿಂದೆ ಹೇಳಿದ್ದ ಮಾತುಗಳನ್ನೊಳಗೊಂಡ ವಿಡಿಯೋವೊಂದು ಫೇಸ್‌ಬುಕ್ ಸೇರಿದಂತೆ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ಸುವರ್ಣ ನ್ಯೂಸ್ ಸಂದರ್ಶನದಲ್ಲಿ ಅಪ್ಪು ಹೇಳಿದ್ದೇನು?

ಖಾಸಗಿ ಸುದ್ದಿ ವಾಹಿನಿ ಏಷ್ಯಾನೆಟ್ ಸುವರ್ಣ ನ್ಯೂಸ್‌ಗೆ ನೀಡಿದ್ದ ಸಂದರ್ಶನವೊಂದರಲ್ಲಿ ಅಪ್ಪು ಅವರಲ್ಲಿ "ಯಶ್ ಅವರಿಗೆ ಯಾವ ರೀತಿಯ ಪಾತ್ರ ಸೂಕ್ತ?" ಎಂದು ಕೇಳಲಾಗಿತ್ತು. ಅದಕ್ಕೆ ಉತ್ತರಿಸಿದ್ದ ಪುನೀತ್, "ಯಶ್ ಅವರ ಗಡ್ಡ, ಕೂದಲಿನ ಉದ್ದ ಹಾಗೂ ಅವರ ಮುಖದ ಶೈಲಿಯನ್ನು ನೋಡಿದರೆ, ಅವರು ಯಾವುದಾದರೂ ಮೈಥಾಲಾಜಿಕಲ್ (ಪೌರಾಣಿಕ) ಅಥವಾ ಐತಿಹಾಸಿಕ ಸಿನಿಮಾದಲ್ಲಿ ಮುಖ್ಯ ಪಾತ್ರ ಮಾಡಿದರೆ ಅತ್ಯದ್ಭುತವಾಗಿ ಒಪ್ಪುತ್ತಾರೆ" ಎಂದು ಹೇಳಿದ್ದರು.

ಅಂದು ಅಪ್ಪು ಊಹಿಸಿದ್ದಂತೆಯೇ, ಇಂದು ಯಶ್ ರಾಮಾಯಣ ಸಿನಿಮಾದಲ್ಲಿ ರಾವಣನ ಪಾತ್ರದಲ್ಲಿ ಅಭಿನಯಿಸಿ ಜಾಗತಿಕ ಮಟ್ಟದಲ್ಲಿ ಸ್ಯಾಂಡಲ್‌ವುಡ್ ಹಾಗೂ ಭಾರತೀಯ ಚಿತ್ರರಂಗದ ಕೀರ್ತಿಪತಾಕೆಯನ್ನು ಹಾರಿಸಿದ್ದಾರೆ.

ಅಪ್ಪು ಹೇಳಿದ 2 ಮಾತುಗಳು ನಿಜವಾಯ್ತು ಎಂದ ಅಭಿಮಾನಿಗಳು!

ಫೇಸ್‌ಬುಕ್‌ನಲ್ಲಿ ಪುನೀತ್ ರಾಜ್‌ಕುಮಾರ್ ಫ್ಯಾನ್ ಪೇಜ್ ಹಂಚಿಕೊಂಡಿರುವ ಈ ಹಳೆಯ ಸಂದರ್ಶನದ ವಿಡಿಯೋ ತುಣುಕು ಹಾಗೂ ‘ರಾಮಾಯಣ’ ಸಿನಿಮಾದ ಯಶ್ ಅವರ ರಾವಣನ ಅವತಾರದ ವಿಡಿಯೋ ಮಿಕ್ಸ್ ಮಾಡಿದ ಪೋಸ್ಟ್‌ಗೆ ಸಾವಿರಾರು ಲೈಕ್ಸ್ ಹಾಗೂ ಕಾಮೆಂಟ್‌ಗಳು ಹರಿದುಬರುತ್ತಿವೆ.

ಇದಕ್ಕೆ ಅಭಿಮಾನಿಯೊಬ್ಬರು ಭಾವುಕರಾಗಿ ಕಾಮೆಂಟ್ ಮಾಡಿದ್ದು:

"ಅಪ್ಪು ಸರ್ ಹೇಳಿದ 2 ಮಾತುಗಳು ಅಕ್ಷರಶಃ ನಿಜವಾಗಿವೆ. ಮೊದಲನೆಯದ್ದು, 'ದೊಡ್ಮನೆ ಹುಡುಗ' ಸಿನಿಮಾದಲ್ಲಿ 'ನೀನ್ ಡಾಕ್ಟರ್ ಹಾ..?' ಅಂದಾಗ 'ಮುಂದೆ ಕರೀಬೋದು' ಎಂದಿದ್ದರು, ಅದು ಅವರಿಗೆ ಗೌರವ ಡಾಕ್ಟರೇಟ್ ಸಿಗುವ ಮೂಲಕ ನಿಜವಾಯಿತು. ಎರಡನೆಯದ್ದು, ಯಶ್ ಪೌರಾಣಿಕ ಪಾತ್ರ ಮಾಡಿದರೆ ಚೆನ್ನಾಗಿರುತ್ತೆ ಎಂದಿದ್ದರು, ಅದು ಇಂದು ರಾವಣನ ಪಾತ್ರದ ಮೂಲಕ ಸತ್ಯವಾಗಿದೆ. ಅದಕ್ಕೇ ಅವರನ್ನ ದೇವರು ಅನ್ನೋದು" ಎಂದು ಕಣ್ಣೀರಿಟ್ಟಿದ್ದಾರೆ.

ಹಲವು ಭಾಷೆಗಳಲ್ಲಿ ರಾಮಾಯಣ ಆಧಾರಿತ ಚಿತ್ರಗಳು ಬಂದಿದ್ದರೂ, ಯಶ್ ಅವರಿಗಿಂತ ಉತ್ತಮವಾಗಿ ರಾವಣನ ಪಾತ್ರಕ್ಕೆ ಬೇರಾರೂ ಜೀವ ತುಂಬಲು ಸಾಧ್ಯವಿಲ್ಲ ಎಂದು ನೆಟ್ಟಿಗರು ಶ್ಲಾಘಿಸುತ್ತಿದ್ದಾರೆ.

ಹಾಂಗ್‌ಕಾಂಗ್‌ನತ್ತ ಮುಖ ಮಾಡಿದ ರಾಮಾಯಣ! ₹500 ಕೋಟಿ ಗಳಿಕೆಯತ್ತ ಯಶ್‌ ಸಿನಿಮಾ ದಾಪುಗಾಲು, ಮುಂಗಡ ಬುಕ್ಕಿಂಗ್‌ ಆರಂಭ!

Naveen Kodase — Mon, 09 Nov 2026 11:50:21 +0530

ಮುಂಬೈ(ನ.09): ನಿತೇಶ್‌ ತಿವಾರಿ ನಿರ್ದೇಶನದ ಬಹುನಿರೀಕ್ಷಿತ ‘ರಾಮಾಯಣ: ರೈಸ್‌ ಆಫ್‌ ಎ ಲೆಜೆಂಡ್‌’ ಸಿನಿಮಾ ಬಾಕ್ಸ್‌ ಆಫೀಸ್‌ನಲ್ಲಿ ಯಶಸ್ಸಿನ ಓಟ ಮುಂದುವರಿಸಿದ್ದು, ಇದೀಗ ತನ್ನ ಅಂತರರಾಷ್ಟ್ರೀಯ ಮಾರುಕಟ್ಟೆಯನ್ನು ಮತ್ತಷ್ಟು ವಿಸ್ತರಿಸಲು ಸಜ್ಜಾಗಿದೆ. ರಣಬೀರ್‌ ಕಪೂರ್‌, ಸಾಯಿ ಪಲ್ಲವಿ ಹಾಗೂ ಯಶ್‌ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಈ ಸಿನಿಮಾ ನವೆಂಬರ್‌ 12ರಂದು ಹಾಂಗ್‌ಕಾಂಗ್‌ನಲ್ಲಿ ಬಿಡುಗಡೆಯಾಗಲಿದೆ.

ಭಾರತದಲ್ಲಿ ಉತ್ತಮ ಆರಂಭಿಕ ವಾರಾಂತ್ಯದ ಗಳಿಕೆ ದಾಖಲಿಸಿರುವ ಚಿತ್ರ, ವಿಶ್ವಾದ್ಯಂತ ₹400 ಕೋಟಿ ಗಳಿಕೆಯ ಗಡಿಯತ್ತ ಸಾಗುತ್ತಿದೆ. ಬಿಡುಗಡೆಯಾದ ಮೊದಲ ಮೂರು ದಿನಗಳಲ್ಲಿ ಸಿನಿಮಾ ಅಂದಾಜು ₹375.50 ಕೋಟಿ ಗಳಿಕೆ ಮಾಡಿದೆ ಎಂದು ವರದಿಯಾಗಿದೆ. ಇದೀಗ ಹಾಂಗ್‌ಕಾಂಗ್‌ ಮಾರುಕಟ್ಟೆಯ ಪ್ರವೇಶದೊಂದಿಗೆ ಚಿತ್ರದ ವಿದೇಶಿ ಗಳಿಕೆ ಮತ್ತಷ್ಟು ಹೆಚ್ಚುವ ನಿರೀಕ್ಷೆಯಿದೆ.

ಹಾಂಗ್‌ಕಾಂಗ್‌ನಲ್ಲಿ ಮುಂಗಡ ಟಿಕೆಟ್‌ ಬುಕ್ಕಿಂಗ್‌ ಆರಂಭ

ಹಾಂಗ್‌ಕಾಂಗ್‌ನ ಬ್ರಾಡ್‌ವೇ ಸಿನಿಮಾ ನೆಟ್‌ವರ್ಕ್‌ನ ಚಿತ್ರಮಂದಿರಗಳಲ್ಲಿ ‘ರಾಮಾಯಣ’ ಚಿತ್ರದ ಮುಂಗಡ ಟಿಕೆಟ್‌ ಬುಕ್ಕಿಂಗ್‌ ಆರಂಭವಾಗಿದೆ. ‘ಸ್ಯಾಕ್ನಿಲ್ಕ್‌’ ವರದಿಯ ಪ್ರಕಾರ, ಪ್ರೀಮಿಯರ್‌ ಎಲಿಮೆಂಟ್ಸ್‌ ಸೇರಿದಂತೆ ಹಲವು ಚಿತ್ರಮಂದಿರಗಳಲ್ಲಿ ಪ್ರದರ್ಶನಗಳ ವೇಳಾಪಟ್ಟಿ ಪ್ರಕಟಿಸಲಾಗಿದೆ. ಹಾಂಗ್‌ಕಾಂಗ್‌ನಲ್ಲಿ ಸಿನಿಮಾ ಹಿಂದಿ ಭಾಷೆಯಲ್ಲಿ ಬಿಡುಗಡೆಯಾಗಲಿದ್ದು, ಮ್ಯಾಂಡರಿನ್‌ ಹಾಗೂ ಇಂಗ್ಲಿಷ್‌ ಉಪಶೀರ್ಷಿಕೆಗಳಿರಲಿವೆ. ಆದರೆ, ಹಾಂಗ್‌ಕಾಂಗ್‌ ಬಿಡುಗಡೆಯನ್ನು ಚೀನಾದ ಮುಖ್ಯ ಭೂಭಾಗದ ಬಿಡುಗಡೆಯೊಂದಿಗೆ ಗೊಂದಲ ಮಾಡಿಕೊಳ್ಳಬಾರದು. ಚೀನಾದ ಮುಖ್ಯ ಭೂಭಾಗದಲ್ಲಿ ಸಿನಿಮಾ ಬಿಡುಗಡೆಯಾಗುವ ಕುರಿತು ಈವರೆಗೆ ಯಾವುದೇ ಅಧಿಕೃತ ದಿನಾಂಕ ಪ್ರಕಟವಾಗಿಲ್ಲ.

‘ದಂಗಲ್‌’ ದಾಖಲೆ ನೆನಪಿಸಿದ ನಿತೇಶ್‌ ತಿವಾರಿ

ಹಾಂಗ್‌ಕಾಂಗ್‌ನಲ್ಲಿ ‘ರಾಮಾಯಣ’ ಬಿಡುಗಡೆಯಾಗುತ್ತಿರುವುದು ನಿರ್ದೇಶಕ ನಿತೇಶ್‌ ತಿವಾರಿ ಅವರ ಹಿಂದಿನ ಅಂತರರಾಷ್ಟ್ರೀಯ ಯಶಸ್ಸಿನ ಹಿನ್ನೆಲೆಯಲ್ಲಿ ವಿಶೇಷ ಗಮನ ಸೆಳೆದಿದೆ. 2016ರಲ್ಲಿ ಅಮೀರ್‌ ಖಾನ್‌ ನಟನೆಯ ‘ದಂಗಲ್‌’ ಚಿತ್ರವನ್ನು ನಿರ್ದೇಶಿಸಿದ್ದ ತಿವಾರಿ, ಆ ಸಿನಿಮಾದ ಮೂಲಕ ಚೀನಾದಲ್ಲಿ ಅಭೂತಪೂರ್ವ ಯಶಸ್ಸು ಕಂಡಿದ್ದರು. ಚೀನಾದಲ್ಲಿ ಭರ್ಜರಿ ಪ್ರದರ್ಶನ ಕಂಡಿದ್ದ ‘ದಂಗಲ್‌’ ವಿಶ್ವಾದ್ಯಂತ ಸುಮಾರು ₹2,070 ಕೋಟಿ ಗಳಿಕೆ ಮಾಡಿತ್ತು. ಚೀನಾದ ಮುಖ್ಯ ಭೂಭಾಗದಲ್ಲಿ ಭಾರತೀಯ ಸಿನಿಮಾವೊಂದು ಸಾಧಿಸಿದ ಈ ದಾಖಲೆ ಇಂದಿಗೂ ಭಾರತೀಯ ಚಿತ್ರರಂಗಕ್ಕೆ ಪ್ರಮುಖ ಮೈಲಿಗಲ್ಲಾಗಿದೆ. ಒಂದು ವೇಳೆ ‘ರಾಮಾಯಣ’ ಚಿತ್ರಕ್ಕೂ ಚೀನಾದ ಮಾರುಕಟ್ಟೆಯಲ್ಲಿ ಬಿಡುಗಡೆಯ ಅವಕಾಶ ಸಿಕ್ಕರೆ, ಚಿತ್ರದ ಜಾಗತಿಕ ಗಳಿಕೆಯ ಸಾಧ್ಯತೆಗಳು ಮತ್ತಷ್ಟು ವಿಸ್ತರಿಸಬಹುದು ಎಂಬ ನಿರೀಕ್ಷೆಯಿದೆ.

ವಿದೇಶಿ ಮಾರುಕಟ್ಟೆಯಲ್ಲಿ ₹157.25 ಕೋಟಿ ಗಳಿಕೆ

‘ರಾಮಾಯಣ’ ಈಗಾಗಲೇ ಹಲವು ವಿದೇಶಿ ಮಾರುಕಟ್ಟೆಗಳಲ್ಲಿ ಉತ್ತಮ ಪ್ರದರ್ಶನ ನೀಡಿದೆ. ಬಿಡುಗಡೆಯಾದ ಮೊದಲ ಮೂರು ದಿನಗಳಲ್ಲಿ ಚಿತ್ರದ ವಿದೇಶಿ ಗಳಿಕೆ ಅಂದಾಜು ₹157.25 ಕೋಟಿ ತಲುಪಿದೆ ಎಂದು ವರದಿಯಾಗಿದೆ. ಉತ್ತರ ಅಮೆರಿಕ ಚಿತ್ರದ ವಿದೇಶಿ ಗಳಿಕೆಗೆ ಪ್ರಮುಖ ಕೊಡುಗೆ ನೀಡಿದೆ. ಇದರ ಜತೆಗೆ ಬ್ರಿಟನ್‌, ಆಸ್ಟ್ರೇಲಿಯಾ ಹಾಗೂ ಯುರೋಪ್‌ನಲ್ಲೂ ಸಿನಿಮಾ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಮೊದಲ ಮೂರು ದಿನಗಳ ಅಂತ್ಯಕ್ಕೆ ಚಿತ್ರದ ವಿಶ್ವಾದ್ಯಂತ ಒಟ್ಟು ಗಳಿಕೆ ₹375.50 ಕೋಟಿ ಎಂದು ಅಂದಾಜಿಸಲಾಗಿದೆ.

ದೀಪಾವಳಿಗೂ ಮುನ್ನದ ಬಾಕ್ಸ್‌ ಆಫೀಸ್‌ ಸವಾಲು ಮೆಟ್ಟಿನಿಂತ ‘ರಾಮಾಯಣ’

ದೀಪಾವಳಿಗೂ ಮುನ್ನದ ಅವಧಿಯಲ್ಲಿ ಚಿತ್ರಮಂದಿರಗಳಿಗೆ ಪ್ರೇಕ್ಷಕರನ್ನು ಸೆಳೆಯುವುದು ಸಾಮಾನ್ಯವಾಗಿ ಸವಾಲಿನ ಕೆಲಸ. ಈ ಅವಧಿಯಲ್ಲಿ ಬಿಡುಗಡೆಯಾಗುವ ಸಿನಿಮಾಗಳಿಗೆ ನಿರೀಕ್ಷಿತ ಆರಂಭ ಸಿಗುವುದು ಕಷ್ಟ ಎಂಬ ಅಭಿಪ್ರಾಯವಿದೆ. ಆದರೆ, ‘ರಾಮಾಯಣ’ ಈ ಸವಾಲನ್ನು ಮೆಟ್ಟಿನಿಂತಿದೆ. ಶುಕ್ರವಾರ ಚಿತ್ರದ ಗಳಿಕೆಯಲ್ಲಿ ಇಳಿಕೆ ಕಂಡುಬಂದಿದ್ದರೂ, ಶನಿವಾರ ಭರ್ಜರಿ ಚೇತರಿಕೆ ಕಂಡಿತ್ತು. ಆ ದಿನ ಭಾರತದಲ್ಲಿ ₹69.80 ಕೋಟಿ ನಿವ್ವಳ (ನೆಟ್‌) ಗಳಿಕೆ ದಾಖಲಿಸಿತ್ತು. ಇದು ಹಿಂದಿನ ದಿನದ ಗಳಿಕೆಗೆ ಹೋಲಿಸಿದರೆ ಶೇ.45.3ರಷ್ಟು ಹೆಚ್ಚಳವಾಗಿದೆ.

ಮೊದಲ ಮೂರು ದಿನಗಳ ಅಂತ್ಯಕ್ಕೆ ಭಾರತದಲ್ಲಿ ಚಿತ್ರದ ನಿವ್ವಳ ಗಳಿಕೆ ₹182.70 ಕೋಟಿ ಆಗಿದ್ದರೆ, ದೇಶೀಯ ಒಟ್ಟು (ಗ್ರಾಸ್‌) ಗಳಿಕೆ ₹218.25 ಕೋಟಿ ತಲುಪಿದೆ. ವಿದೇಶಿ ಮಾರುಕಟ್ಟೆಯ ₹157.25 ಕೋಟಿ ಗಳಿಕೆಯನ್ನೂ ಸೇರಿಸಿದರೆ, ವಿಶ್ವಾದ್ಯಂತ ಚಿತ್ರದ ಒಟ್ಟು ಗಳಿಕೆ ₹375.50 ಕೋಟಿ ಆಗಿದೆ. ಹಬ್ಬದ ಸಂಭ್ರಮದ ಅವಧಿಯಲ್ಲಿ ಸಿನಿಮಾ ಮತ್ತಷ್ಟು ಪ್ರೇಕ್ಷಕರನ್ನು ಸೆಳೆಯುವ ನಿರೀಕ್ಷೆಯಿದ್ದು, ವಿಶ್ವಾದ್ಯಂತ ₹500 ಕೋಟಿ ಗಳಿಕೆಯ ಗಡಿ ದಾಟಬಹುದು ಎಂದು ಅಂದಾಜಿಸಲಾಗಿದೆ.

ಜಾಗತಿಕ ಮಾರುಕಟ್ಟೆಯಲ್ಲಿ ಮತ್ತಷ್ಟು ವಿಸ್ತರಣೆಯತ್ತ ಚಿತ್ರತಂಡ

ಭಾರತದ ಜತೆಗೆ ಹಲವು ವಿದೇಶಿ ಮಾರುಕಟ್ಟೆಗಳಲ್ಲಿ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿರುವ ‘ರಾಮಾಯಣ’, ಇದೀಗ ಹಾಂಗ್‌ಕಾಂಗ್‌ನಲ್ಲೂ ಬಿಡುಗಡೆಯಾಗುತ್ತಿದೆ. ಮುಂದಿನ ದಿನಗಳಲ್ಲಿ ಇತರ ವಿದೇಶಿ ಮಾರುಕಟ್ಟೆಗಳಲ್ಲೂ ತನ್ನ ಪ್ರದರ್ಶನವನ್ನು ವಿಸ್ತರಿಸುವ ಮೂಲಕ ಗಳಿಕೆಯನ್ನು ಹೆಚ್ಚಿಸಿಕೊಳ್ಳುವ ಗುರಿಯನ್ನು ಚಿತ್ರ ಹೊಂದಿದೆ.

ರಣಬೀರ್‌ ಕಪೂರ್‌ ಶ್ರೀರಾಮನಾಗಿ, ಸಾಯಿ ಪಲ್ಲವಿ ಸೀತೆಯಾಗಿ ಹಾಗೂ ಯಶ್‌ ರಾವಣನಾಗಿ ಕಾಣಿಸಿಕೊಂಡಿರುವ ಈ ಚಿತ್ರಕ್ಕೆ ಜಾಗತಿಕ ಮಟ್ಟದಲ್ಲಿ ಸಿಗುತ್ತಿರುವ ಪ್ರತಿಕ್ರಿಯೆ, ₹500 ಕೋಟಿ ಗಳಿಕೆಯ ನಿರೀಕ್ಷೆಯನ್ನು ಹೆಚ್ಚಿಸಿದೆ.

ಮನುಷ್ಯರ ಬದುಕಿನಲ್ಲಿ ರೋಬೋಟ್ ಜಿಯಾ: ನವೆಂಬರ್ 13ಕ್ಕೆ ಲಂಬೋದರ 2.0 ಸಿನಿಮಾ ಬಿಡುಗಡೆ

Kannadaprabha News — Mon, 09 Nov 2026 11:44:18 +0530

ಬೆಂಗಳೂರು: ಇದೇ ನವೆಂಬರ್‌ 13ಕ್ಕೆ ಸಿಂಪಲ್‌ ಸುನಿ ನಿರ್ದೇಶನದ ‘ಲಂಬೋದರ 2.0’ ಚಿತ್ರವು ಅದ್ದೂರಿಯಾಗಿ ತೆರೆಗೆ ಬರುತ್ತಿದ್ದು, ಐದು ಮೊದಲೇ ಚಿತ್ರಕ್ಕೆ ಅಡ್ವಾನ್ಸ್‌ ಬುಕ್ಕಿಂಗ್‌ ಶುರುವಾಗಿದೆ. ಇದು ಬಹುನಿರೀಕ್ಷಿತ ಸೋಶಿಯಲ್‌ ಥ್ರಿಲ್ಲರ್‌ ಚಿತ್ರವಾಗಿದ್ದು, ಕೃತಕ ಬುದ್ಧಿಮತ್ತೆ, ಅಲ್ಗಾರಿದಮ್‌ಗಳು ಹಾಗೂ ಡಿಜಿಟಲ್ ತಂತ್ರಜ್ಞಾನವು ಮನುಷ್ಯರ ದೈನಂದಿನ ಬದುಕಿನ ಮೇಲೆ ಗಾಢ ಪ್ರಭಾವ ಬೀರುತ್ತಿರುವ ಇಂದಿನ ಕಾಲಘಟ್ಟದಲ್ಲಿ, ಅದೇ ರೀತಿಯ ಕತೆಯನ್ನು ಈ ಹೊತ್ತು ಬಂದಿದೆ. ಹೀಗಾಗಿ ಇದು ಪ್ರಸ್ತುತ ಜನರೇಷನ್‌ ಸಿನಿಮಾ. ಅನಿಲ್ ಶೆಟ್ಟಿ ಚಿತ್ರದ ನಾಯಕ. ಉಳಿದಂತೆ ಬಾಲಿವುಡ್‌ನ ಖ್ಯಾತ ನಟ ಕುನಾಲ್‌ ಕಪೂರ್‌ ಹಾಗೂ ಸಾಚಿ ಬಿಂದ್ರಾ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ನೈಜ ಹ್ಯೂಮನಾಯ್ಡ್ ಜಿಯಾ ಹೆಸರಿನ ರೋಬೋಟ್‌ ಪ್ರಮುಖ ಪಾತ್ರದಲ್ಲಿ ನಟಿಸಿರುವುದು ಚಿತ್ರದ ಮತ್ತೊಂದು ಹೈಲೈಟ್‌. ವೈಜ್ಞಾನಿಕ ಕಲ್ಪನೆಯ ಜತೆಗೆ ಹಾಸ್ಯ, ಪ್ರೇಮ, ಸಸ್ಪೆನ್ಸ್, ಕೌಟುಂಬಿಕ ಭಾವನೆಗಳು ಹಾಗೂ ಪ್ರೇಕ್ಷಕರನ್ನು ಚಿಂತನೆಗೆ ಹಚ್ಚುವ ಸಾಮಾಜಿಕ ಸಂದೇಶವನ್ನು ಈ ಚಿತ್ರವು ಒಳಗೊಂಡಿದೆ. ಇನ್ನೂ ಈ ಚಿತ್ರವನ್ನು ಪಿವಿಆರ್ ಐನಾಕ್ಸ್ ಪಿಕ್ಚರ್ಸ್ ವಿತರಣೆ ಮಾಡುತ್ತಿದ್ದು, ಏಕಕಾಲಕ್ಕೆ ಕನ್ನಡ ಹಾಗೂ ಹಿಂದಿ ಭಾಷೆಗಳಲ್ಲಿ ತೆರೆಕಾಣಲಿದೆ.

ಹಿಂದಿಯಲ್ಲೂ ಬರಲಿದೆ ಅನಿಲ್ ಶೆಟ್ಟಿ ಲಂಬೋದರ 2.0

ಕೇವಲ ಕನ್ನಡ ಸಿನಿಮಾ ಆಗಿ ಶುರುವಾಗಿ ಈಗ ಬಾಲಿವುಡ್‌ಗೂ ಕಾಲಿಡುತ್ತಿದೆ ಸಿಂಪಲ್‌ ಸುನಿ ನಿರ್ದೇಶನದ ‘ಲಂಬೋದರ 2.0’ ಸಿನಿಮಾ. ಕನ್ನಡದ ಈ ಸೈಂಟಿಫಿಕ್‌ ಥ್ರಿಲ್ಲರ್‌ ಚಿತ್ರವನ್ನು ಹಿಂದಿಯಲ್ಲಿ ಬಿಡುಗಡೆ ಮಾಡುವುದಕ್ಕೆ ಮುಂದೆ ಬಂದಿರುವುದು ನಿರ್ಮಾಪಕ ಮಹಾವೀರ್‌ ಜೈನ್‌.

ಯಾರ ಬದುಕು ದಿವಾಳಿಯಾಗದೆ

ಕತ್ತಲ ತೊಲಗಿಸೋ ಬೆಳಕಿನ ಹಬ್ಬದ ದೀಪಾವಳಿಯಾಗಲಿ

ಎಲ್ಲರಿಗೂ ದೀಪಾವಳಿ ಹಬ್ಬದ ಶುಭಾಶಯಗಳು

#LAMBODHARA2.0

#bookingsopennow

@iamanilshetty

LAMBODHARA 2.0 – ADVANCE BOOKINGS NOW OPEN AT PVRINOX

Advance bookings are now open at select multiplexes across Bengaluru for the Kannada version!

Grab your tickets now on BookMyShow (BMS) or District!

See you in cinemas on November 13!

Happiness Loading…

— ಸುನಿ /SUNI (@SimpleSuni) November 8, 2026

ಪುಷ್ಪಕ ವಿಮಾನದ ಕಾರಣಕ್ಕೆ 'ಜಟಾಯು-ರಾವಣ ಫೈಟ್' ದೃಶ್ಯ ಮಾಡಲು ಆರೂವರೆ ವರ್ಷ ಬೇಕಾಯ್ತು!

Shriram Bhat — Mon, 09 Nov 2026 10:38:09 +0530

ರಾವಣ-ಜಟಾಯು ಕಾಳಗಕ್ಕೆ ಆರು ವರ್ಷಗಳ ಪರಿಶ್ರಮ! ಪುಷ್ಪಕ ವಿಮಾನದ ವಿನ್ಯಾಸದಲ್ಲೂ ಭಾರೀ ಬದಲಾವಣೆ!

ನಿತೇಶ್ ತಿವಾರಿ ನಿರ್ದೇಶನದ ಬಹುನಿರೀಕ್ಷಿತ ‘ರಾಮಾಯಣ’ (Ramayana) ಸಿನಿಮಾ ಒಂದಲ್ಲ ಒಂದು ವಿಶೇಷ ಕಾರಣಕ್ಕೆ ಸುದ್ದಿಯಾಗುತ್ತಿದೆ. ಅದ್ಧೂರಿ ಮೇಕಿಂಗ್, ಅದ್ಭುತ ದೃಶ್ಯ ವೈಭವ ಹಾಗೂ ತಂತ್ರಜ್ಞಾನದ ಬಳಕೆಯಿಂದ ಗಮನ ಸೆಳೆಯುತ್ತಿರುವ ಈ ಚಿತ್ರದ ಬಗ್ಗೆ ಇದೀಗ ಮತ್ತೊಂದು ಕುತೂಹಲಕಾರಿ ವಿಚಾರ ಬಹಿರಂಗವಾಗಿದೆ. ಸಿನಿಮಾದಲ್ಲಿ ರಾವಣ ಮತ್ತು ಜಟಾಯು ನಡುವೆ ನಡೆಯುವ ರೋಚಕ ಯುದ್ಧದ ದೃಶ್ಯವನ್ನು ಸಿದ್ಧಪಡಿಸಲು ಚಿತ್ರತಂಡ ಬರೋಬ್ಬರಿ ಆರು ವರ್ಷಗಳ ಕಾಲ ಶ್ರಮಿಸಿದೆಯಂತೆ!

ಸ್ವತಃ ನಿರ್ದೇಶಕ ನಿತೇಶ್ ತಿವಾರಿ ಸಂದರ್ಶನವೊಂದರಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ

ಈ ಕುರಿತು ಸ್ವತಃ ನಿರ್ದೇಶಕ ನಿತೇಶ್ ತಿವಾರಿ ಸಂದರ್ಶನವೊಂದರಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಒಂದು ಆಕ್ಷನ್ ದೃಶ್ಯವನ್ನು ಕಲ್ಪನೆಯ ಹಂತದಿಂದ ತೆರೆಮೇಲೆ ನೋಡುವ ಹಂತದವರೆಗೆ ತಲುಪಿಸಲು ಆರು ವರ್ಷಗಳು ಬೇಕಾಗಿವೆ ಎಂದು ಅವರು ತಿಳಿಸಿದ್ದಾರೆ. ಈ ದೃಶ್ಯದ ಹಿಂದೆ ನೂರಾರು ಕಲಾವಿದರು ಮಾತ್ರವಲ್ಲದೆ, ಸಾವಿರಾರು ತಂತ್ರಜ್ಞರ ಪರಿಶ್ರಮವೂ ಅಡಗಿದೆ. ಇಂತಹ ಸನ್ನಿವೇಶವನ್ನು ರೂಪಿಸಲು ತಂಡ ಪಟ್ಟಿರುವ ಶ್ರಮದ ಬಗ್ಗೆ ಗಂಟೆಗಟ್ಟಲೆ ವಿವರಿಸಬಹುದು ಎಂದು ನಿರ್ದೇಶಕರು ಹೇಳಿದ್ದಾರೆ.

ಇನ್ನು ರಾವಣನ ಪುಷ್ಪಕ ವಿಮಾನದ ವಿನ್ಯಾಸವೂ ಅಷ್ಟೇ ವಿಶೇಷವಾಗಿದೆ. ಈ ವಿಮಾನಕ್ಕೆ ಅಂತಿಮ ರೂಪ ನೀಡಲು ಚಿತ್ರತಂಡ ಸುಮಾರು ಎರಡು ವರ್ಷಗಳ ಕಾಲ ಕೆಲಸ ಮಾಡಿದೆ. ವಿನ್ಯಾಸ ಕಲಾವಿದರು ಬರೋಬ್ಬರಿ 40ರಿಂದ 50 ವಿಭಿನ್ನ ಮಾದರಿಗಳನ್ನು ಸಿದ್ಧಪಡಿಸಿದ್ದರು. ಅವುಗಳನ್ನು ಪರಿಶೀಲಿಸಿದ ಬಳಿಕ ಅಂತಿಮವಾಗಿ ಸೂಕ್ತ ವಿನ್ಯಾಸವನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ.

ಆದರೆ, ಪುಷ್ಪಕ ವಿಮಾನದ ವಿನ್ಯಾಸ ಬದಲಾದಾಗ ಅದರ ಪರಿಣಾಮ ರಾವಣ ಮತ್ತು ಜಟಾಯು ನಡುವಿನ ಯುದ್ಧದ ದೃಶ್ಯದ ಮೇಲೂ ಬೀರಿದೆ. ವಿಮಾನದ ಹೊಸ ವಿನ್ಯಾಸಕ್ಕೆ ಹೊಂದಿಕೆಯಾಗುವಂತೆ ಇಡೀ ಸಾಹಸ ಸನ್ನಿವೇಶವನ್ನು ಮರುರೂಪಿಸಬೇಕಾಯಿತು ಎಂದು ನಿತೇಶ್ ತಿಳಿಸಿದ್ದಾರೆ. ವಿಮಾನ ಕೇವಲ ಆಕಾಶದಲ್ಲಿ ಹಾರುವ ವಸ್ತುವಾಗಿ ಕಾಣಬಾರದು. ಅದರ ವಿನ್ಯಾಸದ ಹಿಂದೆ ವೈಜ್ಞಾನಿಕ ಹಾಗೂ ತಾರ್ಕಿಕ ಆಧಾರವೂ ಇರಬೇಕು ಎಂಬುದು ತಂಡದ ಉದ್ದೇಶವಾಗಿತ್ತು.

ಹೀಗಾಗಿ ‘ರಾಮಾಯಣ’ ಚಿತ್ರದ ಪ್ರತಿಯೊಂದು ಪ್ರಮುಖ ದೃಶ್ಯದ ಹಿಂದೆಯೂ ವರ್ಷಗಳ ಪರಿಶ್ರಮ ಅಡಗಿದೆ. ಪೌರಾಣಿಕ ಕಥೆಯನ್ನು ಆಧುನಿಕ ತಂತ್ರಜ್ಞಾನದ ಮೂಲಕ ಹೊಸ ಅನುಭವವಾಗಿ ಕಟ್ಟಿಕೊಡಲು ಚಿತ್ರತಂಡ ನಡೆಸಿರುವ ಪ್ರಯತ್ನ ಇದೀಗ ಸಿನಿಪ್ರಿಯರಲ್ಲಿ ಮತ್ತಷ್ಟು ಕುತೂಹಲ ಮೂಡಿಸಿದೆ.

ಜಗತ್ತಿನಾದ್ಯಂತ ಹೌಸ್‌ಫುಲ್ ಪ್ರದರ್ಶನ

ಅಂದಹಾಗೆ, ರಾಮಾಯಣ ಸಿನಿಮಾ ಜಗತ್ತಿನಾದ್ಯಂತ ಹೌಸ್‌ಫುಲ್ ಪ್ರದರ್ಶನ ಕಾಣುತ್ತಿದೆ. ಚಿತ್ರದ ಮೊದಲ ನಾಲ್ಕು ದಿನಗಳ ಗಳಿಕೆಯೂ ಗಮನ ಸೆಳೆಯುತ್ತಿದೆ. ಗುರುವಾರ ಮೊದಲ ದಿನ ₹64.85 ಕೋಟಿ ನೆಟ್, ಶುಕ್ರವಾರ ₹48.05 ಕೋಟಿ ಹಾಗೂ ಶನಿವಾರ ₹69.80 ಕೋಟಿ ಗಳಿಸಿತ್ತು. ಭಾನುವಾರ ₹56.15 ಕೋಟಿ ನೆಟ್ ಕಲೆಕ್ಷನ್ ಮಾಡುವ ಮೂಲಕ ನಾಲ್ಕು ದಿನಗಳ ಭಾರತದಲ್ಲಿನ ಒಟ್ಟು ನೆಟ್ ಗಳಿಕೆಯನ್ನು ₹238.85 ಕೋಟಿಗೆ ತಲುಪಿಸಿದೆ. ದೇಶೀಯ ಗ್ರೋಸ್ ಕಲೆಕ್ಷನ್ ₹285.20 ಕೋಟಿ ಆಗಿದೆ.

ವಿದೇಶಿ ಮಾರುಕಟ್ಟೆಯಲ್ಲೂ ‘ರಾಮಾಯಣ’ದ ನಾಗಾಲೋಟ ಮುಂದುವರಿದಿದೆ. ನಾಲ್ಕನೇ ದಿನ ಓವರ್‌ಸೀಸ್‌ನಲ್ಲಿ ₹45 ಕೋಟಿ ಗಳಿಸಿರುವ ಚಿತ್ರ, ಒಟ್ಟು ವಿದೇಶಿ ಗ್ರೋಸ್ ಕಲೆಕ್ಷನ್ ಅನ್ನು ₹214 ಕೋಟಿಗೆ ಹೆಚ್ಚಿಸಿಕೊಂಡಿದೆ. ಭಾರತ ಮತ್ತು ವಿದೇಶಗಳ ಗಳಿಕೆ ಸೇರಿ ವಿಶ್ವಾದ್ಯಂತ ಚಿತ್ರದ ಒಟ್ಟು ಗ್ರೋಸ್ ಸಂಗ್ರಹ ₹499.20 ಕೋಟಿ ತಲುಪಿದೆ.

ಹೀಗೆ ಕೇವಲ ನಾಲ್ಕು ದಿನಗಳಲ್ಲಿ ₹500 ಕೋಟಿ ಗಡಿಯ ಸಮೀಪ ಬಂದಿರುವ ‘ರಾಮಾಯಣ’, ಮುಂದಿನ ದಿನಗಳಲ್ಲಿ ಮತ್ತಷ್ಟು ದಾಖಲೆಗಳನ್ನು ಬರೆಯುವ ನಿರೀಕ್ಷೆ ಮೂಡಿಸಿದೆ. ಪ್ರೇಕ್ಷಕರ ಭರ್ಜರಿ ಬೆಂಬಲದೊಂದಿಗೆ ಚಿತ್ರದ ಬಾಕ್ಸ್ ಆಫೀಸ್ ಓಟ ಮುಂದುವರಿದಿದ್ದು, ಈಗ ಎಲ್ಲರ ಕಣ್ಣು ₹500 ಕೋಟಿ ಕ್ಲಬ್ ಪ್ರವೇಶದ ಮೇಲೆ ನೆಟ್ಟಿದೆ.

ಜಪಾನ್‌ನಲ್ಲಿ ರಶ್ಮಿಕಾ ಮಂದಣ್ಣ, ವಿಜಯ್ ದೇವರಕೊಂಡ ಹೋಮ-ಹವನ; ಕುತೂಹಲ ಮೂಡಿಸಿದ ದೀಪಾವಳಿ ಸ್ಪೆಷಲ್ ವಿಡಿಯೋ

Ganesh Mabla Gowda — Mon, 09 Nov 2026 11:00:18 +0530

ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡಗೆ ಈ ಬಾರಿಯ ದೀಪಾವಳಿ ಹೊಸ ಹಬ್ಬ. ಈ ಹಿನ್ನೆಲೆಯಲ್ಲಿ ತುಂಬಾ ಸ್ಪೆಷಲ್ಲಾಗಿ ದೀಪಾವಳಿ ಹಬ್ಬವನ್ನು ಆಚರಿಸುತ್ತಿದ್ದಾರೆ. ಬಿಡುವೇ ಇಲ್ಲದ ಸಿನಿಮಾ ಕೆಲಸಗಳ ನಡುವೆ ಹಬ್ಬಕ್ಕೆ ಕೊಂಚ ಬ್ರೇಕ್ ತೆಗೆದುಕೊಂಡಿರುವ ಈ ಜೋಡಿ, ಕುಟುಂಬ ಸಮೇತ ಜಪಾನ್‌ಗೆ ಹಾರಿದೆ.

ಜಪಾನ್‌ನಲ್ಲಿ ದೀಪಾವಳಿ ಆಚರಿಸಲು ಕುಟುಂಬ ಸಮೇತ ಹೋಗಿದೆ. ಈ ಬಗ್ಗೆ ಖುದ್ದು ರಶ್ಮಿಕಾ ಮಂದಣ್ಣ ಅವರೇ ಸೋಶಿಯಲ್ ಮೀಡಿಯಾದಲ್ಲಿ ಮಾಹಿತಿಯನ್ನು ಹಂಚಿಕೊಂಡಿದ್ದು, ಅವರ ಅಭಿಮಾನಿಗಳಿಗೆ ದೀಪಾವಳಿ ಹಬ್ಬದ ಶುಭಾಶಯವನ್ನು ತಿಳಿಸಿದ್ದಾರೆ. ಎಲ್ಲರಿಗೂ ದೀಪಾವಳಿ ಹಬ್ಬದ ಶುಭಾಶಯಗಳು. ನಿಮ್ಮೆಲ್ಲರ ಬಾಳಿನಲ್ಲಿ ಸದಾ ಸುಖ, ಉತ್ತಮ ಆರೋಗ್ಯ ಮತ್ತು ನೆಮ್ಮದಿ ಇರಲಿ. ನಿಮ್ಮ ಕನಸುಗಳೆಲ್ಲ ನನಸಾಗಲಿ ಎಂದು ರಶ್ಮಿಕಾ ಹಾರೈಸಿದ್ದಾರೆ.

ಇದೇ ಸಂದರ್ಭದಲ್ಲಿ ಪತಿ ವಿಜಯ್ ದೇವರಕೊಂಡ ಜೊತೆಗೆ ಕ್ಲಿಕ್ಕಿಸಿಕೊಂಡ ಮುದ್ದಾದ ರೊಮ್ಯಾಂಟಿಕ್ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಸಾಮಾನ್ಯವಾಗಿ ಹೊಸ ಜೋಡಿಗಳು ವಿಕೇಷನ್‌ಗೆ ಹೋಗುವಾಗ ಇಬ್ಬರೇ ಹೋಗುತ್ತಾರೆ. ಆದರೆ ವಿಶೇಷ ಅಂದ್ರೆ ರಶ್ಮಿಕಾ ಮಂದಣ್ಣ ಮತ್ತು ದೇವರಕೊಂಡ ತಮ್ಮ ಕುಟುಂಬವನ್ನೂ ಕರೆದಕೊಂಡು ಹೋಗಿದೆ.

View this post on Instagram

A post shared by Rashmika Mandanna (@rashmika_mandanna)

ಜಪಾನ್‌ನಲ್ಲಿ ಹೋಮ, ಹವನ

ಇನ್ನೊಂದೆಡೆ ನಟ ವಿಜಯ್ ದೇವರಕೊಂಡ ಅವರು ಜಪಾನ್‌ನಲ್ಲಿ ಸಾಂಪ್ರದಾಯಿಕ ಹೋಮ (ಹವನ) ನೆರವೇರಿಸಿದ ವಿಶೇಷ ಫೋಟೋಗಳನ್ನು ಪೋಸ್ಟ್ ಮಾಡಿದ್ದಾರೆ. ಜಪಾನ್‌ನಲ್ಲೂ ದೀಪಾವಳಿ ದಿನ ಹೋಮ ಮಾಡಲು ದಾರಿ ಸಿಕ್ಕಿತು. ದೇವರಕೊಂಡ ಕುಟುಂಬದ ಕಡೆಯಿಂದ ನಿಮ್ಮೆಲ್ಲರಿಗೂ ಹಬ್ಬದ ಪ್ರೀತಿಯ ಶುಭಾಶಯಗಳು ಎಂದು ಅವರು ಬರೆದುಕೊಂಡಿದ್ದಾರೆ.

ಇತ್ತೀಚೆಗಷ್ಟೇ ಈ ಜೋಡಿ 'ಕಾಫಿ ವಿತ್ ಕರಣ್' ಶೋನಲ್ಲಿ ಒಟ್ಟಿಗೆ ಭಾಗವಹಿಸಿತ್ತು. ಆ ಕಾರ್ಯಕ್ರಮದಲ್ಲಿ ರಶ್ಮಿಕಾ ಮದುವೆ ಪ್ರಪೋಸ್ ಮಾಡಿದ ಬಗ್ಗೆ ವಿಜಯ್ ಆಡಿದ ಕೆಲವು ಮಾತುಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಗ್ರಾಸವಾಗಿದ್ದವು. ಈ ಎಲ್ಲಾ ಚರ್ಚೆಗಳ ಬೆನ್ನಲ್ಲೇ, ದಂಪತಿ ಒಟ್ಟಾಗಿ ದೀಪಾವಳಿ ಆಚರಿಸಿದ ಸುಂದರ ಕ್ಷಣಗಳನ್ನು ಹಂಚಿಕೊಂಡಿದೆ. ಈ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ.

ರಶ್ಮಿಕಾ-ದೇವರಕೊಂಡಗೆ ಸ್ಪೆಷಲ್

ಈ ಬಾರಿಯ ದೀಪಾವಳಿಯು ನವ ಜೋಡಿಗಳಾದ ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡಗೆ ತುಂಬಾ ವಿಶೇಷವಾಗಿದೆ. ಮದುವೆ ನಂತರ ಇದೇ ಮೊದಲ ಬಾರಿಗೆ ದೀಪಾವಳಿ ಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಫೆಬ್ರವರಿ 26, 2026 ರಂದು ಈ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದೆ. ರಾಜಸ್ಥಾನದ ಉದಯಪುರ ಜಿಲ್ಲೆಯಲ್ಲಿ ತೆಲುಗು ಸಂಪ್ರದಾಯ ಹಾಗೂ ಕೊಡವ ಸಂಪ್ರದಾಯದಂತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದೆ. ಜಪಾನ್‌ನಲ್ಲಿ ದೀಪಾವಳಿ ಹಬ್ಬವನ್ನು ಆಚರಿಸಿಕೊಳ್ಳುತ್ತಿರುವ ಫೋಟೋ ವಿಡಿಯೋಗಳನ್ನ ನೋಡಿದ ಅವರ ಅಭಿಮಾನಿಗಳು ಫುಲ್ ಖುಷಿಯಾಗಿದ್ದಾರೆ. ಶುಭ ಹಾರೈಸುತ್ತಿದ್ದಾರೆ.

ಪತಿ ದರ್ಶನ್ ಬಿಡುಗಡೆ ಹಾಗೂ ಆರೋಗ್ಯಕ್ಕಾಗಿ ವಿಶೇಷ ಶಕ್ತಿಪೀಠದ ಮೊರೆಹೋದ ವಿಜಯಲಕ್ಷ್ಮಿ!

Sathish Kumar KH — Mon, 09 Nov 2026 10:50:46 +0530

ಬೆಂಗಳೂರು/ಆನೇಕಲ್ (ನ.09): ನಟ ದರ್ಶನ್ ಅವರು ರೇಣುಕಾಸ್ವಾಮಿಕೊಲೆ ಪ್ರಕರಣದಲ್ಲಿ ಜೈಲು ಸೇರಿ ಹಲವು ವರ್ಷಗಳಾದರೂ ಜಾಮೀನು ಸಿಗದೇ, ಬೆನ್ನು ನೋವಿಗೆ ಸರಿಯಾದ ಚಿಕಿತ್ಸೆಯೂ ಸಿಗದೇ ಪರದಾಡುತ್ತಿರುವ ಹಿನ್ನೆಲೆಯಲ್ಲಿ ಅವರ ಹೆಂಡತಿ ವಿಜಯಲಕ್ಷ್ಮಿ ದರ್ಶನ್ ಅವರು ಗಂಡನ ಒಳಿತಿಗಾಗಿ ಆನೇಕಲ್ ಪಟ್ಟಣದ ಶಕ್ತಿದೇವತೆ ಚೌಡೇಶ್ವರಿ ದೇವಿಗೆ ವಿಶೇಷ ಪೂಜೆ ನೆರವೇರಿಸಿದ್ದಾರೆ.

ವಿಜಯಲಕ್ಷ್ಮಿ ದರ್ಶನ್ ಅವರು ಈಗಾಗಲೇ ನಮ್ಮ ರಾಜ್ಯದ ಹಾಗೂ ದೇಶದಲ್ಲಿರುವ ಹಲವು ಶಕ್ತಿಪೀಠಗಳಿಗೆ ದರ್ಶನ ನೀಡಿ ಗಂಡನ ಒಳಿತಿಗಾಗಿ ಹಾಗೂ ಆರೋಪ ಮುಕ್ತರಾಗಿಜೈಲಿನಿಂದ ಹೊರಗೆ ಬರುವಂತೆ ಬೇಡಿಕೊಳ್ಳುತ್ತಿದ್ದಾರೆ. ಹಲವು ದೇವರಲ್ಲಿ ಹರಕೆ ಕಟ್ಟಿಕೊಂಡು ಅಮವಾಸ್ಯೆ, ಹುಣ್ಣಿಮೆ ತಪ್ಪದೇ ಅಲ್ಲಿಗೆ ಹೋಗಿ ಪೂಜೆ ಮಾಡಿಸುತ್ತಿದ್ದಾರೆ. ಇದರ ನಡುವೆಯೇ ಇದೀಗ ಆನೇಕಲ್‌ನ ಶಕ್ತಿಪೀಠವಾಗಿರುವ ಶ್ರೀ ಚೌಡೇಶ್ವರಿ ದೇವಿ ದರ್ಶನ ಪಡೆದು ವಿಶೇಷ ಪೂಜೆಯನ್ನು ಸಲ್ಲಿಸಿದ್ದಾರೆ.ಈ ಮೂಲಕ ಗಂಡನ ಬಿಡುಗಡೆ ಹಾಗೂ ಆರೋಗ್ಯಕ್ಕಾಗಿ ದೇವಿಯ ಮೊರೆ ಹೋಗಿದ್ದಾರೆ.

ದರ್ಶನ್ ಹೆಸರಲ್ಲಿ ಅರ್ಚನೆ ಮತ್ತು ವಿಶೇಷ ಪೂಜೆ

ದರ್ಶನ್ ರೇಣುಕಾಸ್ವಾಮಿ ಕೊಲೆ ಕೇಸಿನಲ್ಲಿ ಜಾಮೀನಿನ ಮೇಲೆ ಬಿಡುಗಡೆಯಾಗಿ ಮತ್ತೆ ಜೈಲು ಸೇರಿದ ನಂತರ ವಿಜಯಲಕ್ಷ್ಮಿ ಟೆಂಪಲ್ ರನ್ ನಿಲ್ಲದೇ ಮುಂದುವರೆದಿದೆ. ಇಂದು ಶಕ್ತಿ ದೇವತೆ ಚೌಡೇಶ್ವರಿ ದೇವಿ ಮೊರೆ ಹೋಗಿದ್ದಾರೆ. ಆನೇಕಲ್ ಪಟ್ಟಣದ ತಿಲಕ್ ವೃತ್ತದಲ್ಲಿರುವ ಚೌಡೇಶ್ವರಿ ದೇವಿ ದರ್ಶನ ಪಡೆದ ವಿಜಯಲಕ್ಷ್ಮಿ ಪತಿ ದರ್ಶನ್ ಸಂಕಷ್ಟದಿಂದ ಪಾರಾಗಲಿ ಸಂಕಲ್ಪ ಮಾಡಿಸಿದ್ದಾರೆ. ಚೌಡೇಶ್ವರಿ ದೇವಿ ದರ್ಶನದ ಜೊತೆ ಗೋ ಮಾತೆಗೆ ಪೂಜೆ ಸಲ್ಲಿಸಿದ್ದಾರೆ. ಪತಿ ದರ್ಶನ್ ಹೆಸರಲ್ಲಿ ಅರ್ಚನೆ ಮತ್ತು ವಿಶೇಷ ಪೂಜೆ ನೆರವೇರಿಸಿದ್ದಾರೆ.

ಭಾನುವಾರ ಬಾಕ್ಸ್‌ಆಫೀಸ್ ಕೊಳ್ಳೆ ಹೊಡೆದ ಯಶ್ 'ರಾಮಾಯಣ'; ದೀಪಾವಳಿ ದಿನ ಅತಿಹೆಚ್ಚು ಗಳಿಕೆ ಮಾಡಿದ ಸಿನಿಮಾ! ಟೈಗರ್‌ 3 ದಾಖಲೆ ಉಡೀಸ್!

Naveen Kodase — Mon, 09 Nov 2026 09:54:20 +0530

ಮುಂಬೈ(ನ.09) Ramayana Box Office Collection Day 4: ರಣಬೀರ್‌ ಕಪೂರ್‌, ಯಶ್‌ ಮತ್ತು ಸಾಯಿ ಪಲ್ಲವಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾ ದೇಶೀಯ ಬಾಕ್ಸ್‌ ಆಫೀಸ್‌ನಲ್ಲಿ ಭರ್ಜರಿ ಪ್ರದರ್ಶನ ಮುಂದುವರಿಸಿದೆ. ಬಿಡುಗಡೆಯಾದ ನಾಲ್ಕೇ ದಿನಗಳಲ್ಲಿ ಚಿತ್ರದ ಭಾರತದ ಗಳಿಕೆ ₹200 ಕೋಟಿ ಗಡಿ ದಾಟಿದೆ. ವಿಶೇಷವಾಗಿ ದೀಪಾವಳಿ ಹಬ್ಬದ ರಜೆ ಚಿತ್ರದ ಗಳಿಕೆಗೆ ದೊಡ್ಡ ಬಲ ನೀಡಿದ್ದು, ಈ ದಿನ ಸಿನಿಮಾ ತನ್ನ ವೃತ್ತಿಜೀವನದ ಗರಿಷ್ಠ ಏಕದಿನ ಗಳಿಕೆಯನ್ನು ದಾಖಲಿಸಿದೆ.

ಅಷ್ಟೇ ಅಲ್ಲ, ದೀಪಾವಳಿಯಂದು ಭಾರತದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾ ಎಂಬ ದಾಖಲೆಯನ್ನೂ ‘ರಾಮಾಯಣ’ ತನ್ನದಾಗಿಸಿಕೊಂಡಿದೆ. ಈ ಮೂಲಕ ಸಲ್ಮಾನ್‌ ಖಾನ್‌ ಅಭಿನಯದ ‘ಟೈಗರ್‌ 3’ ಚಿತ್ರದ ದಾಖಲೆಯನ್ನು ಹಿಂದಿಕ್ಕಿದೆ. ನಾಲ್ಕು ದಿನಗಳ ಗಳಿಕೆಯೊಂದಿಗೆ ಪ್ರಭಾಸ್‌ ಅಭಿನಯದ ‘ಆದಿಪುರುಷ್‌’ ಸಿನಿಮಾದ ಮೊದಲ ನಾಲ್ಕು ದಿನಗಳ ಗಳಿಕೆಯನ್ನೂ ಮೀರಿಸಿದೆ.

ನಾಲ್ಕು ದಿನಗಳಲ್ಲಿ ₹238.85 ಕೋಟಿ ಗಳಿಕೆ

‘ರಾಮಾಯಣ’ ಸಿನಿಮಾ ಮೊದಲ ದಿನವೇ ಚಿತ್ರಮಂದಿರಗಳಲ್ಲಿ ಹೌಸ್‌ಫುಲ್‌ ಪ್ರದರ್ಶನ ಕಂಡಿತ್ತು. ಬಿಡುಗಡೆಯ ದಿನವಾದ ಗುರುವಾರ ಭಾರತದಲ್ಲಿ ₹64.85 ಕೋಟಿ ನಿವ್ವಳ (ನೆಟ್‌) ಗಳಿಕೆ ದಾಖಲಿಸಿತ್ತು. ಚಿತ್ರದ ಬೃಹತ್‌ ತಯಾರಿಕೆ ಮತ್ತು ನಿರೀಕ್ಷೆಗೆ ಹೋಲಿಸಿದರೆ ಈ ಆರಂಭ ಸ್ವಲ್ಪ ಕಡಿಮೆ ಎನಿಸಿದ್ದರೂ, ಬಾಲಿವುಡ್‌ ಇತಿಹಾಸದಲ್ಲಿ ನಾಲ್ಕನೇ ಅತಿ ದೊಡ್ಡ ಓಪನಿಂಗ್‌ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು. ಶುಕ್ರವಾರ ಚಿತ್ರದ ಗಳಿಕೆ ಕೊಂಚ ಇಳಿಕೆಯಾಗಿದ್ದು, ₹48 ಕೋಟಿ ನಿವ್ವಳ ಆದಾಯ ಗಳಿಸಿತ್ತು. ಆದರೆ ಶನಿವಾರ ಮತ್ತೆ ಚೇತರಿಸಿಕೊಂಡ ಸಿನಿಮಾ, ಒಂದೇ ದಿನದಲ್ಲಿ ಸುಮಾರು ₹70 ಕೋಟಿ ನಿವ್ವಳ ಗಳಿಕೆ ದಾಖಲಿಸಿತು. ಇದರಿಂದ ಮೊದಲ ಮೂರು ದಿನಗಳ ಭಾರತದ ಒಟ್ಟು ನಿವ್ವಳ ಗಳಿಕೆ ₹183 ಕೋಟಿ ತಲುಪಿತ್ತು.

ಭಾನುವಾರ ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ದೇಶದ ಕೆಲವು ಭಾಗಗಳಲ್ಲಿ ಚಿತ್ರಮಂದಿರಗಳಿಗೆ ಪ್ರೇಕ್ಷಕರ ಆಗಮನ ಕಡಿಮೆಯಾಗಿದ್ದರೂ, ‘ರಾಮಾಯಣ’ ಉತ್ತಮ ಗಳಿಕೆ ಮಾಡಿತು. ಭಾನುವಾರ ಭಾರತದಲ್ಲಿ ₹56.15 ಕೋಟಿ ನಿವ್ವಳ ಆದಾಯ ಗಳಿಸಿದ ಚಿತ್ರ, ಕೇವಲ ನಾಲ್ಕು ದಿನಗಳಲ್ಲಿ ₹200 ಕೋಟಿ ಗಡಿ ದಾಟಿತು. ಈ ಮೂಲಕ ಚಿತ್ರದ ನಾಲ್ಕು ದಿನಗಳ ಒಟ್ಟು ದೇಶೀಯ ನಿವ್ವಳ ಗಳಿಕೆ ₹238.85 ಕೋಟಿಗೆ ತಲುಪಿದೆ. ಆದರೆ, ಚಿತ್ರದ ಗಳಿಕೆಯಲ್ಲಿ ಹಿಂದಿ ಅವತರಣಿಕೆಯ ಕೊಡುಗೆ ದೊಡ್ಡದಾಗಿದೆ ಎಂಬುದು ಗಮನಾರ್ಹ. ರಾವಣನ ಪಾತ್ರದಲ್ಲಿ ಯಶ್‌ ನಟಿಸಿದ್ದರೂ, ಕನ್ನಡ ಅವತರಣಿಕೆ ಮಾತ್ರ ನಿರೀಕ್ಷಿತ ವೇಗ ಪಡೆದುಕೊಂಡಿಲ್ಲ. ಮೊದಲ ದಿನವೇ ಕೇವಲ ₹7.50 ಕೋಟಿ ಗಳಿಸಿದ್ದ ಕನ್ನಡ ಆವೃತ್ತಿ, ನಂತರದ ದಿನಗಳಲ್ಲೂ ಹೆಚ್ಚಿನ ಚೇತರಿಕೆ ಕಂಡಿಲ್ಲ. ಇನ್ನುಳಿದ ಭಾಷೆಗಳ ಪೈಕಿ ತೆಲುಗು ಆವೃತ್ತಿ ಉತ್ತಮ ಪ್ರದರ್ಶನ ನೀಡಿದ್ದರೆ, ಮಲಯಾಳಂ ಮತ್ತು ತಮಿಳು ಆವೃತ್ತಿಗಳ ಗಳಿಕೆ ತುಲನಾತ್ಮಕವಾಗಿ ಕಡಿಮೆಯಾಗಿದೆ.

ದೀಪಾವಳಿಯಂದು ‘ಟೈಗರ್‌ 3’ ದಾಖಲೆಯನ್ನು ಮುರಿದ ‘ರಾಮಾಯಣ’

ದೀಪಾವಳಿ ವಾರಾಂತ್ಯದಲ್ಲಿ ಹಲವು ದೊಡ್ಡ ಸಿನಿಮಾಗಳು ಬಿಡುಗಡೆಯಾಗಿದ್ದರೂ, ಹಬ್ಬದ ದಿನವೇ ಚಿತ್ರಮಂದಿರಗಳಿಗೆ ಬರುವ ಸಿನಿಮಾಗಳ ಸಂಖ್ಯೆ ಕಡಿಮೆ. ಹಬ್ಬದ ನಂತರದ ದಿನಗಳಲ್ಲಿ ಹೆಚ್ಚಿನ ಪ್ರೇಕ್ಷಕರನ್ನು ಸೆಳೆಯುವ ಉದ್ದೇಶದಿಂದ ಬಹುತೇಕ ಚಿತ್ರತಂಡಗಳು ದೀಪಾವಳಿಗೆ ಮುನ್ನ ಅಥವಾ ನಂತರ ಸಿನಿಮಾ ಬಿಡುಗಡೆ ಮಾಡಲು ಆದ್ಯತೆ ನೀಡುತ್ತವೆ.

ಆದರೆ, ‘ರಾಮಾಯಣ’ ನವೆಂಬರ್‌ 5ರಂದು, ದೀಪಾವಳಿಗೆ ಮೂರು ದಿನ ಮುನ್ನ ಬಿಡುಗಡೆಯಾಗಿತ್ತು. ಹೀಗಾಗಿ ಚಿತ್ರದ ಮೊದಲ ಭಾನುವಾರವೇ ದೀಪಾವಳಿ ಹಬ್ಬದ ದಿನವಾಗಿತ್ತು. ಈ ಅವಕಾಶವನ್ನು ಸಮರ್ಥವಾಗಿ ಬಳಸಿಕೊಂಡ ಸಿನಿಮಾ, ಭಾನುವಾರ ರಾತ್ರಿ 9 ಗಂಟೆಯ ವೇಳೆಗೆ ದೀಪಾವಳಿಯಂದು ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರದ ದಾಖಲೆಯನ್ನು ತನ್ನದಾಗಿಸಿಕೊಂಡಿತು. 2023ರ ದೀಪಾವಳಿ ದಿನದಂದು ಬಿಡುಗಡೆಯಾಗಿದ್ದ ಸಲ್ಮಾನ್‌ ಖಾನ್‌ ಅಭಿನಯದ ‘ಟೈಗರ್‌ 3’ ಭಾರತದಲ್ಲಿ ₹44.50 ಕೋಟಿ ನಿವ್ವಳ ಗಳಿಕೆ ದಾಖಲಿಸಿತ್ತು. ಇದೀಗ ‘ರಾಮಾಯಣ’ ಈ ದಾಖಲೆಯನ್ನು ಹಿಂದಿಕ್ಕಿ ಹೊಸ ಇತಿಹಾಸ ನಿರ್ಮಿಸಿದೆ.

‘ಆದಿಪುರುಷ್‌’ ಚಿತ್ರದ ಮೊದಲ 4 ದಿನಗಳ ಗಳಿಕೆಯನ್ನೂ ಮೀರಿಸಿದ ರಾಮಾಯಣ

ಬಿಡುಗಡೆಯ ಮೊದಲ ದಿನವೇ ‘ರಾಮಾಯಣ’ ಬಾಲಿವುಡ್‌ನ ಹಲವು ಬ್ಲಾಕ್‌ಬಸ್ಟರ್‌ ಸಿನಿಮಾಗಳ ಆರಂಭಿಕ ಗಳಿಕೆಯನ್ನು ಹಿಂದಿಕ್ಕಿತ್ತು. ‘ಪಠಾಣ್‌’ (₹57 ಕೋಟಿ), ‘ಅನಿಮಲ್‌’ (₹63 ಕೋಟಿ) ಮತ್ತು ‘ದೃಶ್ಯಂ 2’ (₹62 ಕೋಟಿ) ಚಿತ್ರಗಳ ಮೊದಲ ದಿನದ ಗಳಿಕೆಯನ್ನು ಮೀರಿಸಿತ್ತು. ಆದರೆ, ರಾಮಾಯಣ ಮಹಾಕಾವ್ಯ ಆಧರಿಸಿ ಈ ಹಿಂದೆ ತೆರೆಕಂಡಿದ್ದ ಪ್ರಭಾಸ್‌ ಅಭಿನಯದ ‘ಆದಿಪುರುಷ್‌’ ಚಿತ್ರದ ದಾಖಲೆಯನ್ನು ಮಾತ್ರ ಆರಂಭದಲ್ಲಿ ಮುರಿಯಲು ಸಾಧ್ಯವಾಗಿರಲಿಲ್ಲ. ‘ಆದಿಪುರುಷ್‌’ ಮೊದಲ ದಿನವೇ ₹86.75 ಕೋಟಿ ಗಳಿಸಿತ್ತು.

ಎರಡನೇ ಮತ್ತು ಮೂರನೇ ದಿನವೂ ‘ರಾಮಾಯಣ’ ಈ ದಾಖಲೆಯನ್ನು ಹಿಂದಿಕ್ಕಲು ಸಾಧ್ಯವಾಗಿರಲಿಲ್ಲ. ಆದರೆ, ದೀಪಾವಳಿ ರಜೆ ಸೇರಿದಂತೆ ಸಿಕ್ಕ ವಿಸ್ತೃತ ವಾರಾಂತ್ಯದ ಲಾಭ ಪಡೆದುಕೊಂಡ ಸಿನಿಮಾ, ನಾಲ್ಕನೇ ದಿನದ ಅಂತ್ಯಕ್ಕೆ ‘ಆದಿಪುರುಷ್‌’ ಚಿತ್ರದ ಮೊದಲ ನಾಲ್ಕು ದಿನಗಳ ಗಳಿಕೆಯನ್ನು ಮೀರಿಸಿದೆ. ‘ಆದಿಪುರುಷ್‌’ ಭಾರತದಲ್ಲಿ ಮೊದಲ ನಾಲ್ಕು ದಿನಗಳಲ್ಲಿ ₹237 ಕೋಟಿ ನಿವ್ವಳ ಗಳಿಕೆ ಮಾಡಿತ್ತು. ಭಾನುವಾರದ ಗಳಿಕೆಯೊಂದಿಗೆ ‘ರಾಮಾಯಣ’ ಈ ಮೊತ್ತವನ್ನು ದಾಟಿದೆ.

ಎರಡು ಭಾಗಗಳಲ್ಲಿ ತೆರೆಕಾಣಲಿದೆ ‘ರಾಮಾಯಣ’

ನಮಿತ್‌ ಮಲ್ಹೋತ್ರಾ ಅವರ ಪ್ರೈಮ್‌ ಫೋಕಸ್‌ ಸ್ಟುಡಿಯೋಸ್‌, ಡಿಎನ್‌ಇಜಿ (DNEG) ಮತ್ತು ಯಶ್‌ ಅವರ ಮಾನ್‌ಸ್ಟರ್‌ ಮೈಂಡ್‌ ಕ್ರಿಯೇಷನ್ಸ್‌ ಸಹಯೋಗದಲ್ಲಿ ‘ರಾಮಾಯಣ’ ಸಿನಿಮಾ ನಿರ್ಮಾಣವಾಗುತ್ತಿದೆ. ಎರಡು ಭಾಗಗಳಲ್ಲಿ ಈ ಚಿತ್ರವನ್ನು ಬಿಡುಗಡೆ ಮಾಡಲು ಯೋಜಿಸಲಾಗಿದೆ. ಚಿತ್ರದಲ್ಲಿ ರಣಬೀರ್‌ ಕಪೂರ್‌ ಶ್ರೀರಾಮನ ಪಾತ್ರದಲ್ಲಿ, ಸಾಯಿ ಪಲ್ಲವಿ ಸೀತೆಯಾಗಿ, ಯಶ್‌ ರಾವಣನಾಗಿ ಹಾಗೂ ರವಿ ದುಬೆ ಲಕ್ಷ್ಮಣನ ಪಾತ್ರದಲ್ಲಿ ನಟಿಸಿದ್ದಾರೆ. ಚಿತ್ರದ ಮೊದಲ ಭಾಗವು 2026ರ ನವೆಂಬರ್‌ 5ರಂದು ವಿಶ್ವದಾದ್ಯಂತ ಬಿಡುಗಡೆಯಾಗಿದೆ. ಎರಡನೇ ಭಾಗವನ್ನು 2028ರ ದೀಪಾವಳಿ ಸಂದರ್ಭದಲ್ಲಿ ತೆರೆಗೆ ತರಲು ಚಿತ್ರತಂಡ ಪ್ಲಾನ್ ಮಾಡಿಕೊಂಡಿದೆ.

RAMAYANA: ವಿಶ್ವದಲ್ಲಿ 4 ದಿನದಲ್ಲೇ ಇಷ್ಟೊಂದು ಗಳಿಸಿ ಕಮಾಲ್ ಮಾಡಿದ್ದು ಹೇಗೆ ರಾಮಾಯಣ?

Shriram Bhat — Mon, 09 Nov 2026 09:35:41 +0530

ಜಗತ್ತಿನಾದ್ಯಂತ ಭರ್ಜರಿ ಗಳಿಕೆ ಮಾಡುತ್ತಿರುವ 'ರಾಮಾಯಣ'-500 ಕೋಟಿ ಕ್ಲಬ್‌ನ ಹೊಸ್ತಿಲಲ್ಲಿ ‘ರಾಮಾಯಣ’; ಭಾನುವಾರ ಒಂದೇ ದಿನ ಗಳಿಸಿದ್ದೆಷ್ಟು ಕೋಟಿ?

ಬಾಕ್ಸ್ ಆಫೀಸ್‌ನಲ್ಲಿ ‘ರಾಮಾಯಣ’ ಚಿತ್ರದ (Ramayana) ಅಬ್ಬರಕ್ಕೆ ಬ್ರೇಕ್ ಹಾಕುವವರೇ ಇಲ್ಲದಂತಾಗಿದೆ. ನಿತೇಶ್ ತಿವಾರಿ ನಿರ್ದೇಶನದಲ್ಲಿ ರಣಬೀರ್ ಕಪೂರ್, ಸಾಯಿ ಪಲ್ಲವಿ ಹಾಗೂ ಯಶ್ ಅಭಿನಯಿಸಿರುವ ಈ ಮಹಾಕಾವ್ಯ ಸಿನಿಮಾ ಬಿಡುಗಡೆಯಾದ ನಾಲ್ಕೇ ದಿನಗಳಲ್ಲಿ ಜಾಗತಿಕ ಮಟ್ಟದಲ್ಲಿ ಭರ್ಜರಿ ಗಳಿಕೆ ಮಾಡಿದೆ. ಭಾನುವಾರದ ರಜಾದಿನದಂದು ಪ್ರೇಕ್ಷಕರು ಚಿತ್ರಮಂದಿರಗಳಿಗೆ ಮುಗಿಬಿದ್ದಿದ್ದು, ಸಿನಿಮಾ ಈಗ ₹500 ಕೋಟಿ ಕ್ಲಬ್‌ಗೆ ಸೇರುವ ಸನಿಹದಲ್ಲಿದೆ.

ಹಿಂದಿ ಆವೃತ್ತಿ ಅತಿ ಹೆಚ್ಚು ಗಳಿಕೆ

ನವೆಂಬರ್ 8ರ ಭಾನುವಾರ ‘ರಾಮಾಯಣ’ ಭಾರತದಲ್ಲಿ ಒಟ್ಟು 21,770 ಪ್ರದರ್ಶನಗಳ ಮೂಲಕ ₹56.15 ಕೋಟಿ ನೆಟ್ ಕಲೆಕ್ಷನ್ ಮಾಡಿದೆ. ಈ ಪೈಕಿ ಹಿಂದಿ ಆವೃತ್ತಿ ಅತಿ ಹೆಚ್ಚು ಗಳಿಕೆ ಕಂಡಿದ್ದು, 17,755 ಪ್ರದರ್ಶನಗಳಿಂದ ₹36.75 ಕೋಟಿ ಬಾಚಿಕೊಂಡಿದೆ. ಕನ್ನಡದಲ್ಲಿ 910 ಪ್ರದರ್ಶನಗಳ ಮೂಲಕ ₹7.25 ಕೋಟಿ, ತೆಲುಗಿನಲ್ಲಿ 1,621 ಪ್ರದರ್ಶನಗಳಿಂದ ₹6.25 ಕೋಟಿ, ತಮಿಳಿನಲ್ಲಿ 756 ಪ್ರದರ್ಶನಗಳಿಂದ ₹3.15 ಕೋಟಿ ಹಾಗೂ ಮಲಯಾಳಂನಲ್ಲಿ 728 ಪ್ರದರ್ಶನಗಳಿಂದ ₹2.75 ಕೋಟಿ ನೆಟ್ ಗಳಿಕೆ ದಾಖಲಾಗಿದೆ. ಭಾನುವಾರದ ಒಟ್ಟಾರೆ ಆಕ್ಯುಪೆನ್ಸಿ ಶೇ.38ರಷ್ಟಿತ್ತು.

ಚಿತ್ರದ ಮೊದಲ ನಾಲ್ಕು ದಿನಗಳ ಗಳಿಕೆಯೂ ಗಮನ ಸೆಳೆಯುತ್ತಿದೆ. ಗುರುವಾರ ಮೊದಲ ದಿನ ₹64.85 ಕೋಟಿ ನೆಟ್, ಶುಕ್ರವಾರ ₹48.05 ಕೋಟಿ ಹಾಗೂ ಶನಿವಾರ ₹69.80 ಕೋಟಿ ಗಳಿಸಿತ್ತು. ಭಾನುವಾರ ₹56.15 ಕೋಟಿ ನೆಟ್ ಕಲೆಕ್ಷನ್ ಮಾಡುವ ಮೂಲಕ ನಾಲ್ಕು ದಿನಗಳ ಭಾರತದಲ್ಲಿನ ಒಟ್ಟು ನೆಟ್ ಗಳಿಕೆಯನ್ನು ₹238.85 ಕೋಟಿಗೆ ತಲುಪಿಸಿದೆ. ದೇಶೀಯ ಗ್ರೋಸ್ ಕಲೆಕ್ಷನ್ ₹285.20 ಕೋಟಿ ಆಗಿದೆ.

Asianet Suvarna News

ಅತಿಥ್ಯದಲ್ಲಿ ಪ್ರಭಾಸ್ ಅಕ್ಷಯ ಪಾತ್ರೆ, ಒಂದು ದಿನದ ಊಟಕ್ಕೆ ಎಷ್ಟು ಖರ್ಚು ಮಾಡ್ತಾರೆ? ಫೇವರಿಟ್ ತಿಂಡಿ ರಿವೀಲ್

ಪ್ರಭಾಸ್ ಸಿಕ್ರೇಟ್

ಸಂಗೀತ ಪ್ರೇಮಿಗಳಿಗೆ ಆಘಾತ, ಸರಿಗಮಪ ಶೋ ಖ್ಯಾತಿಯ ಗಿಟಾರ್ ಮಾಂತ್ರಿಕ ಶ್ರೀನಿವಾಸ್ ನಿಧನ

ಅಮೃತ ಖಂಜೀರಾ ಹಾಗೂ ಸಂಗೀತ ಲೋಕದ ಶೋಕ

ಶೂರ್ಪನಖಿಯ ಮೂಗು ಕತ್ತರಿಸಿದ ಜಾಗ ಯಾವುದು ಗೊತ್ತಾ? ರಾಮಾಯಣದ ಈ ರಹಸ್ಯ ಸ್ಥಳ ಇರುವುದು ಮಹಾರಾಷ್ಟ್ರದಲ್ಲಿ!

ಶೂರ್ಪನಖಿಗೆ ಸಂಬಂಧಿಸಿದ ದೇವಾಲಯ ಎಲ್ಲಿದೆ?

ಶೂರ್ಪನಖಿಯ ಮೂಗು ಕತ್ತರಿಸಿದ ಸಂಪೂರ್ಣ ಕಥೆಯೇನು?

ರಾವಣನಿಗೆ ಹೇಳಿದ್ದ ಶೂರ್ಪನಕಿ!

ನಾಸಿಕ್ ಎಂಬ ಹೆಸರು ಬಂದಿದ್ದೇಗೆ?

ತಪೋವನದಲ್ಲಿ ಏನೆಲ್ಲ ನೋಡಬಹುದು?

ನಾಸಿಕ್‌ಗೆ ಹೋದರೆ ಈ ಸ್ಥಳಗಳನ್ನೂ ನೋಡಿ!

ವಿವಾದಕ್ಕೆ ಸಿಲುಕಿದ 'ಪ್ರೇಮದ ಊರಲಿ' ನಟ ಶ್ರೀರಾಮ್; 'ಆಡಿರೋ ಮಾತಿಗೆ ತಪ್ಪು ಅರ್ಥ ಕಲ್ಪಿಸಬೇಡಿ' ಎಂದ 'ಸಂತು'

ಅಣ್ಣಾವ್ರ ಕೊಡುಗೆಯನ್ನು ಸ್ಮರಿಸಿದ ಶ್ರೀರಾಮ್!

ವಿಡಿಯೋ ಹಂಚಿಕೊಂಡು ಸ್ಪಷ್ಟನೆ ನೀಡಿದ ನಟ

ಕ್ರಿಕೆಟಿಗ ಪೃಥ್ವಿ ಶಾ ಲವ್​ಸ್ಟೋರಿಯಲ್ಲಿ ಮತ್ತೆ ಟ್ವಿಸ್ಟ್​: ಒಂದಾದ ದಂಪತಿ- ಹುಚ್ಚು ಹಿಡೀತಿದೆ ಅಂತಿರೋ ಫ್ಯಾನ್ಸ್​​

ಆಕೃತಿಯಿಂದ ಹುಟ್ಟುಹಬ್ಬದ ಶುಭಾಶಯ

ಸಂಬಂಧದಲ್ಲಿ ಏರಿಳಿತ

ಭಾರತದಲ್ಲಿ ಎಲ್ಲೇ ಹುಡುಕಿದರೂ ಸಾಯಿ ಪಲ್ಲವಿಯಂಥ ಸೀತೆ ಸಿಗಲ್ಲ: ನಟ ಧನುಷ್​ ಮೆಚ್ಚುಗೆಯ ಮಾತು

ಇಡೀ ಭಾರತದಲ್ಲಿ ಹುಡುಕಿದರೂ...

ತುಂಬಾ ಮುಗ್ಧ ನಟಿ

ರಾಘವೇಂದ್ರ ಪಾತ್ರಧಾರಿ ಪರೀಕ್ಷಿತ್ ಅಭಿನಯಕ್ಕೆ ಜಗ್ಗೇಶ್ ಫಿದಾ! ನವರಸನಾಯಕನ ಭೇಟಿಗೆ ಧಾರಾವಾಹಿ ನಟ ಹೇಳಿದ್ದೇನು?

ಶ್ರೀ ರಾಘವೇಂದ್ರ ಮಹಾತ್ಮೆ ಧಾರಾವಾಹಿಗೆ ಜಗ್ಗೇಶ್ ಮೆಚ್ಚುಗೆ

ರಾಘವೇಂದ್ರ ಸ್ವಾಮಿಗಳ ಪಾತ್ರಧಾರಿ ಪರೀಕ್ಷಿತ್ ಭೇಟಿಯಾದ ಜಗ್ಗೇಶ್

45 ವರ್ಷಗಳ ಕಲಾಸೇವೆಯ ಹಿರಿಯ ನಟನ ಸರಳತೆಗೆ ಪರೀಕ್ಷಿತ್ ಫಿದಾ!

ಕಿರುತೆರೆಯ ಕಲಾವಿದರಿಗೆ ಹಿರಿಯ ನಟನ ಪ್ರೋತ್ಸಾಹ

Salman Khan ಫ್ಯಾನ್ಸ್‌ಗೆ ಡಬಲ್ ಸರ್ಪ್ರೈಸ್; 'ಮಾತೃಭೂಮಿ' ರಿಲೀಸ್ ಡೇಟ್ ಫೈನಲ್, ಟ್ರೈಲರ್ ಇಂದೇ ರಿಲೀಸ್!

ಹಲವು ಕಾರಣಗಳಿಂದ ಬಿಡುಗಡೆ ವಿಳಂಬ!

'ಗಾಲ್ವಾನ್ ಕದನ' ಶೀರ್ಷಿಕೆ ಬಗ್ಗೆಯೂ ಸ್ಪಷ್ಟೀಕರಣ!

ಮಾತೃಭೂಮಿ ಹೆಸರಲ್ಲಿ ತೆರೆ ಕಾಣಲಿರುವ ಚಿತ್ರ!

Bigg Boss ಕುಮಾರಿಯನ್ನು ಸೀತೆಗೆ ಹೋಲಿಸಿ ಸುದೀಪ್ ಉದಾಹರಣೆ!​ ನೆಟ್ಟಿಗರಿಂದ ಸಿಕ್ಕಾಪಟ್ಟೆ ರಿಯಾಕ್ಷನ್ಸ್​

ಸೀತೆಯನ್ನೇ ಬಿಟ್ಟಿಲ್ಲ ಎಂದ ಸುದೀಪ್​

ನೆಟ್ಟಿಗರಿಂದ ಸಿಕ್ಕಾಪಟ್ಟೆ ರಿಯಾಕ್ಷನ್ಸ್​

Alimony: ಡಿವೋರ್ಸ್ ಬಳಿಕ ಪವನ್ ಕಲ್ಯಾಣ್ ಮೊದಲ 2 ಪತ್ನಿಯರಿಗೆ ಕೊಟ್ಟ ಜೀವನಾಂಶ ಎಷ್ಟು ಕೋಟಿ? ಈಗ ಸ್ಟೋರಿ ಏನು?

ಮೊದಲ ಪತ್ನಿ ನಂದಿನಿಗೆ 5 ಕೋಟಿ ರೂ. ಜೀವನಾಂಶ?

ರೇಣು ದೇಸಾಯಿಗೆ 40 ಕೋಟಿ ರೂ. ಕೊಟ್ಟಿದ್ದಾರಾ?

ಹುಟ್ಟೂರಿನಲ್ಲಿಯೇ 'ಚಂದ್ರಹಾಸ'ನ ಸಂಭ್ರಮ ನುಂಗಿ ಹಾಕಿದ 'ಪ್ರೇಮದ ಊರಲಿ'; ನಟ ಹರೀಶ್ ಕಣ್ಣೀರು!

ಪ್ರೇಮದ ಊರಲಿಗೆ 50 ದಿನದ ಸಂಭ್ರಮ, ಚಂದ್ರಹಾಸನಿಗೆ ಚಿತ್ರಮಂದಿರಗಳ ಕೊರತೆ!

ಸ್ವಂತ ಊರಿನಲ್ಲೇ ಸಿನಿಮಾ ನೋಡಲು ಸಾಧ್ಯವಾಗದ ನಟ ಹರೀಶ್!

ನಿರ್ಮಾಪಕರ ಪಾಡೇನು ಎಂದು ಕಣ್ಣೀರಿಟ್ಟ ನಾಯಕ!

ಉತ್ತರ ಕರ್ನಾಟಕದ ಸಿನಿಮಾಗಳಿಗೆ ಅನ್ಯಾಯವಾಗುತ್ತಿದೆಯೇ?

ಮಗು ಹೆತ್ತು Karna Serialನಿಂದ ನಟಿ ನಮ್ರತಾ ಗೌಡ ದೂರ? ನಿತ್ಯಾ ಆಗ್ತಿರೋ ಹೊಸ ನಟಿ ಯಾರು

Divorce: 1800 ಕೋಟಿ ಆಸ್ತಿಯ ಒಡತಿ ಅನ್ನಾ ಲೆಜ್ನೆವಾ ಯಾರು? ಪವನ್ ಕಲ್ಯಾಣ್ ಜೊತೆ ಲವ್ ಆಗಿದ್ದು ಹೇಗೆ?

ಯಾರು ಈ ಅನ್ನಾ ಲೆಜಿನೋವಾ?

ಅನ್ನಾ ಆಸ್ತಿ ಮೌಲ್ಯ ಬರೋಬ್ಬರಿ 1800 ಕೋಟಿ ರೂ.?

ರಾಮಾಯಣದ 'ಸೀತೆ' ಪಾತ್ರದ ಕುರಿತು ಹೊಸ ವಿವಾದ; ಯಾಮಿ ಗೌತಮ್ ವಿರುದ್ಧ ಸಾಯಿ ಪಲ್ಲವಿ ಫ್ಯಾನ್ಸ್ ಭಾರೀ ಆಕ್ರೋಶ

ಏನಿದು ವಿವಾದ?

ಸಾಯಿ ಪಲ್ಲವಿ ಅಭಿಮಾನಿಗಳ ಆಕ್ರೋಶ

'ಆಯುಷ್' ವಿವಾದ: ನಿರ್ದೇಶಕರ ವಿರುದ್ಧ ಫಿಲಂ ಚೇಂಬರ್‌ಗೆ ಪತ್ರ ಬರೆದ ಪ್ರಿಯಾಂಕಾ ಉಪೇಂದ್ರ!

ಈ ಹಿನ್ನೆಲೆಯಲ್ಲಿ, ಕೆಳಕಂಡ ವಿಷಯಗಳನ್ನು ತಮ್ಮ ಗಮನಕ್ಕೆ ತರಲು ಬಯಸುತ್ತೇವೆ.

ಸಿನಿಮಾರಂಗದಲ್ಲಿ ಸಂಚಲನ

Amruthadhaare: ಕೊನೆಯ ಬಾರಿಗೆ 'ಮಲ್ಲಿ'ಯಾಗಿ ಕಾಣಿಸಿಕೊಂಡ ನಟಿ ಅನ್ವಿತಾ!

ಮೂರು ವರ್ಷಗಳ ಬಳಿಕ ಸಾರ್ಥಕವಾಯ್ತು 'ಲಕ್ಷ್ಮೀ ನಿವಾಸ' ಟೈಟಲ್! ಕೊನೆಗೂ ಕನಸಿನ ಮನೆಗೆ ಭೂಮಿಪೂಜೆ!

YASH: ಮಡದಿ-ಮಕ್ಕಳ ಜೊತೆ 'ರಾವಣನ ಲುಕ್‌' ಕೊಟ್ಟು ಫ್ಯಾನ್ಸ್‌ಗೆ ದೀಪಾವಳಿ ವಿಶ್ ಮಾಡಿದ ಯಶ್!

ದೀಪಾವಳಿ ಹಬ್ಬದಲ್ಲಿ ಮಾಂಸಾಹಾರ ಸೇವನೆ: ಇಂಟರ್‌ನೆಟ್‌ನಲ್ಲಿ ಪ್ರಿಯಾಂಕಾ ಚೋಪ್ರಾ ಟ್ರೆಂಡಿಂಗ್ ಟ್ರೋಲ್!

ದೀಪಾವಳಿಯಂತಹ ಪವಿತ್ರ ಹಬ್ಬದ ದಿನ ಮಾಂಸಾಹಾರ ಸೇವನೆ?

ವಿದೇಶದಲ್ಲಿ ವಾಸವಾಗಿದ್ದರೂ ಭಾರತೀಯ ಸಂಸ್ಕೃತಿ ಮತ್ತು ಆಚರಣೆಗಳಿಗೆ ಪ್ರಿಯಾಂಕಾ ವಿಶೇಷ ಮಹತ್ವ; ನೆಟ್ಟಿಗರ ಮೆಚ್ಚುಗೆ

'ಅಂದು ರಾತ್ರಿ ನಾನು ಸೈಲೆಂಟ್ ಇದ್ದೆ..' ಪವನ್ ಕಲ್ಯಾಣ್ ಡೈವೋರ್ಸ್ ಘೋಷಣೆ ಬೆನ್ನಲ್ಲೇ ಮಾಜಿ ಪತ್ನಿ ರೇಣು ದೇಸಾಯಿ ರಿಯಾಕ್ಷನ್ ವೈರಲ್!

ರೇಣು ದೇಸಾಯಿಗೆ ಡೈವೋರ್ಸ್ ಕೊಟ್ಟ ಒಂದೇ ವರ್ಷದಲ್ಲಿ ಅನ್ನಾಳ ಜೊತೆ ಪವನ್ ಮದುವೆ!

ಡೈವೋರ್ಸ್ ಕೊಟ್ಟರು ಪವನ್ ಬಗ್ಗೆ ಕೆಟ್ಟವರೇನಲ್ಲ ಎಂದಿದ್ದ ರೇಣು ದೇಸಾಯಿ

ನಾನು ಪವನ್ ಪತ್ನಿ ಅಷ್ಟೇ ಅಲ್ಲ ಅವರ ಸಹೋದ್ಯೋಗಿಯೂ ಆಗಿದ್ದೆ.

ಪವನ್ ಡೈವೋರ್ಸ್ ನೀಡಿದಾಗ ಇನ್ನೊಂದು ಮದುವೆಯಾಗಬೇಕು ಅನಿಸಿತ್ತು

ಗಂಡಸರು ಮೂರುನಾಲ್ಕು ಮದುವೆಯಾಗಬಹುದು. ಆದ್ರೆ ಮಹಿಳೆಯರು ಆಗುವಂತಿಲ್ಲ..!

ಪವನ್ ಕಲ್ಯಾಣ್ ಮೂರು ಮದುವೆಗಳು

ರೇಣು ದೇಸಾಯಿ ಯಾರು?

ಮದನ್, ಜೈದೇವ್ ಬಳಿಕ ಜೀ ಕನ್ನಡದಲ್ಲಿ ಮತ್ತೋರ್ವ ರಗಡ್ ಹ್ಯಾಂಡ್‌ಸಮ್ ವಿಲನ್; ಕಿರುತೆರೆಯ ಹೊಸ ಕ್ರಶ್

ಹೇಗಿದ್ದ ಶಕುಂತಲಾ ಹೇಗಾದ್ಲು? ಅಂತ್ಯಕ್ಕೂ ಮುನ್ನ ಪ್ರಶ್ನೆಯೊಂದಕ್ಕೆ ಸಿಕ್ತು ಉತ್ತರ

50 ಸಾವಿರ ರೂ. ಸಾಲ ತೀರಿಸಲಾಗದ ಜನರು ಡಿವೋರ್ಸ್ ಬಗ್ಗೆ ಮಾತಾಡ್ತಾರೆ! ಕಣ್ಣೀರಿಟ್ಟ ಫ್ಯಾನ್ ಇನ್ನೂ ಏನಂದ್ರು?

ದೀಪಾವಳಿ ಹಬ್ಬದ ಮರುದಿನವೇ ದಂಪತಿಯ ವಿಚ್ಛೇದನ

ಮೂರನೇ ವಿವಾಹ ವಿಚ್ಛೇದನದ ವಿಚಾರ ಮುಂದಿಟ್ಟುಕೊಂಡು ಟೀಕೆ

ಪವನ್ ಕಲ್ಯಾಣ್ 4ನೇ ಮದುವೆ ಮಾಡಿಕೊಳ್ತಾರಾ? 2 ವರ್ಷದ ಹಿಂದೆಯೇ ಭವಿಷ್ಯ ಹೇಳಿದ್ದ ಜ್ಯೋತಿಷಿ ವೇಣುಸ್ವಾಮಿ!

ಜಂಟಿ ಪ್ರಕಟಣೆ ಮತ್ತು ಮಕ್ಕಳ ಜವಾಬ್ದಾರಿ

ವೈರಲ್ ಆಯ್ತು ವೇಣು ಸ್ವಾಮಿ ಹಳೆಯ ವಿಡಿಯೋ

4ನೇ ಮದುವೆ ಬಗ್ಗೆ ಚರ್ಚೆ!

ನಟ, ಡಿಸಿಎಂ ಪವನ್ ಕಲ್ಯಾಣ್‌ಗೆ 4ನೇ ಮದುವೆ ರಹಸ್ಯ, ಖ್ಯಾತಿ ಜ್ಯೋತಿಷಿ ಭವಿಷ್ಯ; ಹುಡುಗಿ ಯಾರು ಗೊತ್ತಾ?

ವಿಡಿಯೋದಲ್ಲಿ ಏನಿದೆ?

ಪವನ್ ಕಲ್ಯಾಣ್ ಅನ್ನ ಕೊನಿಡೇಲಾ 13 ವರ್ಷಗಳ ದಾಂಪತ್ಯ ಅಂತ್ಯ, ಡಿವೋರ್ಸ್‌ಗೆ ನಿಜವಾದ ಕಾರಣಗಳೇನು?

ಹಾಗಾದರೆ ಪವನ್ ಕಲ್ಯಾಣ್ ಡೈವೋರ್ಸ್ ನಿರ್ಧಾರಕ್ಕೆ ನಿಜವಾದ ಕಾರಣಗಳೇನು?

ಅನಾ ಲೆಜಿನೋವಾ ಹೆಸರು ಬದಲಾವಣೆ

ಪವನ್-ಅನ್ನಾ ಡೈವೋರ್ಸ್ ಅಭಿಮಾನಿಗಳಿಗೆ ಶಾಕ್

ಕ್ರಿಕೆಟಿಗ ಪೃಥ್ವಿ ಶಾ ಲವ್ಸ್ಟೋರಿಯಲ್ಲಿ ಮತ್ತೆ ಟ್ವಿಸ್ಟ್: ಒಂದಾದ ದಂಪತಿ- ಹುಚ್ಚು ಹಿಡೀತಿದೆ ಅಂತಿರೋ ಫ್ಯಾನ್ಸ್

ಭಾರತದಲ್ಲಿ ಎಲ್ಲೇ ಹುಡುಕಿದರೂ ಸಾಯಿ ಪಲ್ಲವಿಯಂಥ ಸೀತೆ ಸಿಗಲ್ಲ: ನಟ ಧನುಷ್ ಮೆಚ್ಚುಗೆಯ ಮಾತು

Bigg Boss ಕುಮಾರಿಯನ್ನು ಸೀತೆಗೆ ಹೋಲಿಸಿ ಸುದೀಪ್ ಉದಾಹರಣೆ! ನೆಟ್ಟಿಗರಿಂದ ಸಿಕ್ಕಾಪಟ್ಟೆ ರಿಯಾಕ್ಷನ್ಸ್

ಸೀತೆಯನ್ನೇ ಬಿಟ್ಟಿಲ್ಲ ಎಂದ ಸುದೀಪ್

ನೆಟ್ಟಿಗರಿಂದ ಸಿಕ್ಕಾಪಟ್ಟೆ ರಿಯಾಕ್ಷನ್ಸ್

ವಿಭಿನ್ನ ರೀತಿಯ ಮಟರ್ನಿಟಿ ಫೋಟೋಶೂಟ್ನಲ್ಲಿ ಎಲ್ಲರ ಗಮನ ಸೆಳೆದ ನಟಿ ಸಮಂತಾ: ಫ್ಯಾನ್ಸ್ ಶ್ಲಾಘನೆ

ಸಭ್ಯತೆಯ ಎಲ್ಲೆ ಮೀರದ ಫೋಟೋಶೂಟ್

ದಿಢೀರ್ ಮದುವೆ

Premada Oorali ನಟಿ ರಮಿಕಾಗೆ ಗಂಡ ರೈತ ಆದ್ರೆ ಓಕೆನಾ? ಆ್ಯಂಕರ್ ಅನುಶ್ರೀ ಪ್ರಶ್ನೆಗೆ 'ವಸಂತಾ' ಏನಂದ್ರು ಕೇಳಿ

ಮುಖ್ಯ ಪಾತ್ರಧಾರಿಗಳೇ ಇಲ್ಲದೆ Amruthadhaare Serial ಮುಗಿಸಿಬಿಟ್ರಾ? ಎಲ್ಲಿ ಹೋದ್ರು ಅಪ್ಪ-ಮಗ? ಫ್ಯಾನ್ಸ್ ಬೇಸರ

ಜಿಗರಿ ದೋಸ್ತ್ ನಾಪತ್ತೆ

ರಜನೀ ಸ್ಟೈಲ್ನಲ್ಲಿ ದೀಪಾವಳಿ ಶುಭಾಶಯ ಕೋರಿದ ಮಲೇಷ್ಯಾ ಪ್ರಧಾನಿ: ವಿಡಿಯೋ ವೈರಲ್

Amurthadhaare ಅಂತಿಮ ಅಧ್ಯಾಯ ಪ್ರೊಮೋ ರಿಲೀಸ್: ಇದು ತುಂಬಾ ಅನ್ಯಾಯ- ಸೀರಿಯಲ್ ಫ್ಯಾನ್ಸ್ ಕಣ್ಣೀರು

ಹೀಗಾಗಬಾರದಿತ್ತು, ಸೀರಿಯಲ್ ಪ್ರೇಮಿಗಳ ಕಣ್ಣೀರು