Asianet Suvarna News

ಭಾರತದ ಸಾರ್ವಕಾಲಿಕ ಶ್ರೇಷ್ಠ ಟೆಸ್ಟ್ ತಂಡ ಆಯ್ಕೆ ಮಾಡಿದ ಅಜಿಂಕ್ಯ ರಹಾನೆ..! ಕೊಹ್ಲಿ ಸೇರಿ ಈ ಮೂರು ಸ್ಟಾರ್ ಆಟಗಾರರಿಗಿಲ್ಲ ಸ್ಥಾನ

Naveen Kodase — Sun, 25 Oct 2026 13:50:12 +0530

Rahane's All-Time India Test XI: Full Team List: ವಿರಾಟ್ ಕೊಹ್ಲಿ ಹಾಗೂ ರೋಹಿತ್ ಶರ್ಮಾ ಭಾರತದ ದಿಗ್ಗಜ ಬ್ಯಾಟರ್‌ಗಳಾಗಿ ಬೆಳೆದು ನಿಂತಿದ್ದಾರೆ. ಇನ್ನು ಜಸ್ಪ್ರೀತ್ ಬುಮ್ರಾ ಮೂರು ಮಾದರಿಯ ಕ್ರಿಕೆಟ್‌ನಲ್ಲೂ ಭಾರತದ ನಂ.1 ವೇಗದ ಬೌಲರ್ ಎನಿಸಿಕೊಂಡಿದ್ದಾರೆ. ಆದರೆ ಇದೀಗ ಟೀಂ ಇಂಡಿಯಾ ಮಾಜಿ ಕ್ರಿಕೆಟಿಗ ಅಜಿಂಕ್ಯ ರಹಾನೆ, ಭಾರತದ ಸಾರ್ವಕಾಲಿಕ ಶ್ರೇಷ್ಠ ಟೆಸ್ಟ್ ತಂಡವನ್ನು ಆಯ್ಕೆ ಮಾಡಿದ್ದು, ಕೊಹ್ಲಿ, ರೋಹಿತ್ ಹಾಗೂ ಬುಮ್ರಾ ಅವರಿಗೆ ಸ್ಥಾನ ನೀಡದೇ ಇರುವುದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ.

38 ವರ್ಷದ ರಹಾನೆ, ಭಾರತದ ಸಾರ್ವಕಾಲಿಕ ಶ್ರೇಷ್ಠ ಟೆಸ್ಟ್ ತಂಡದ ನಾಯಕತ್ವವನ್ನು ವಿಕೆಟ್ ಕೀಪರ್ ಬ್ಯಾಟರ್ ಎಂ ಎಸ್ ಧೋನಿ ಅವರಿಗೆ ನೀಡಿದ್ದಾರೆ. ಅಜಿಂಕ್ಯ ರಹಾನೆ ಧೋನನಿ ನಾಯಕತ್ವದಲ್ಲಿಯೇ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದ್ದರು. ಇನ್ನು ಅಚ್ಚರಿಯ ಸಂಗತಿಯೆಂದರೇ ಮುರುಳಿ ವಿಜಯ್ ಹಾಗೂ ಶಿಖರ್ ಧವನ್ ಅವರನ್ನು ಸಾರ್ವಕಾಲಿಕ ಶ್ರೇಷ್ಠ ಟೆಸ್ಟ್ ತಂಡದ ಆರಂಭಿಕರನ್ನಾಗಿ ಆಯ್ಕೆ ಮಾಡಿದ್ದಾರೆ. ಸ್ಪೋಟಕ ಬ್ಯಾಟರ್ ವಿರೇಂದ್ರ ಸೆಹ್ವಾಗ್ ಅವರಿಗೆ ಆರಂಭಿರನ್ನಾಗಿ ಸ್ಥಾನ ನೀಡದೇ ಇರುವುದು ಅಚ್ಚರಿಗೆ ಕಾರಣವಾಗಿದೆ.

ಬಲಿಷ್ಠವಾಗಿದೆ ಮಧ್ಯಮ ಕ್ರಮಾಂಕ

ಇನ್ನು ಮಧ್ಯಮ ಕ್ರಮಾಂಕದಲ್ಲಿ ಮೂರನೇ ಕ್ರಮಾಂಕದಲ್ಲಿ ದಿ ವಾಲ್ ಖ್ಯಾತಿಯ ರಾಹುಲ್ ದ್ರಾವಿಡ್, ಕ್ರಿಕೆಟ್ ದಂತಕಥೆ ಸಚಿನ್ ತೆಂಡೂಲ್ಕರ್ ನಾಲ್ಕನೇ ಕ್ರಮಾಂಕದಲ್ಲಿ ಐದನೇ ಕ್ರಮಾಂಕದಲ್ಲಿ ತಮ್ಮನ್ನು ತಾವೇ ರಹಾನೆ ಆಯ್ಕೆ ಮಾಡಿಕೊಂಡಿದ್ದಾರೆ. ಆರನೇ ಕ್ರಮಾಂಕದಲ್ಲಿ ವಿಕೆಟ್ ಕೀಪರ್ ಬ್ಯಾಟರ್ ಎಂ ಎಸ್ ಧೋನಿ, ಸ್ಪಿನ್‌ ಆಲ್ರೌಂಡರ್‌ಗಳಾದ ರವೀಂದ್ರ ಜಡೇಜಾ ಹಾಗೂ ರವಿಚಂದ್ರನ್ ಅಶ್ವಿನ್‌ಗೆ ಏಳು ಹಾಗೂ ಎಂಟನೇ ಕ್ರಮಾಂಕದಲ್ಲಿ ಸ್ಥಾನ ನೀಡಿದ್ದಾರೆ. ಇನ್ನು ವೇಗದ ಬೌಲರ್‌ಗಳಾಗಿ ಭುವನೇಶ್ವರ್ ಕುಮಾರ್, ಮೊಹಮ್ಮದ್ ಶಮಿ ಹಾಗೂ ಇಶಾಂತ್ ಶರ್ಮಾಗೆ ಸ್ಥಾನ ನೀಡಿದ್ದಾರೆ.

ಬುಮ್ರಾ, ಕೊಹ್ಲಿ, ರೋಹಿತ್‌ಗಿಲ್ಲ ಸ್ಥಾನ:

ಇನ್ನು ಇಂಟ್ರೆಸ್ಟಿಂಗ್ ಸಂಗತಿಯೆಂದರೇ ವಿರಾಟ್ ಕೊಹ್ಲಿ ಬ್ಯಾಟರ್ ಆಗಿ ಹಾಗೂ ನಾಯಕನಾಗಿ ಹೆಚ್ಚು ಯಶಸ್ಸು ಗಳಿಸಿದ್ದಾರೆ. ಅವರ ನಾಯಕತ್ವದಲ್ಲಿ ಭಾರತ ತಂಡವು ಮೊದಲ ಸಲ ಆಸೀಸ್ ನೆಲದಲ್ಲಿ ಟೆಸ್ಟ್ ಸರಣಿ ಜಯಿಸುವಲ್ಲಿ ಯಶಸ್ವಿಯಾಗಿತ್ತು. ಇನ್ನು ಹಿಟ್‌ಮ್ಯಾನ್ ಖ್ಯಾತಿಯ ರೋಹಿತ್ ಶರ್ಮಾ ಕೂಡಾ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ತನ್ನದೇ ಆದ ಛಾಪು ಮೂಡಿಸಿದ್ದಾರೆ. ಇನ್ನು ಮಾರಕ ವೇಗಿ ಜಸ್ಪ್ರೀತ್ ಬುಮ್ರಾ ಎಷ್ಟು ಅಪಾಯಕಾರಿ ವೇಗದ ಬೌಲರ್ ಎನ್ನುವುದನ್ನು ಪ್ರತ್ಯೇಕವಾಗಿ ಹೇಳಬೇಕಿಲ್ಲ. ಹೀಗಿದ್ದೂ, ಈ ಮೂವರಿಗೆ ಅಜಿಂಕ್ಯ ರಹಾನೆ ಟೆಸ್ಟ್ ತಂಡದಲ್ಲಿ ಮಣೆಹಾಕದೇ ಇರುವುದು ಕ್ರಿಕೆಟ್ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

ಭಾರತ ಪರ 85 ಟೆಸ್ಟ್ ಪಂದ್ಯಗಳನ್ನಾಡಿ 38.46ರ ಬ್ಯಾಟಿಂಗ್ ಸರಾಸರಿಯಲ್ಲಿ ರಹಾನೆ 5,077 ರನ್ ಬಾರಿಸಿದ್ದಾರೆ. ಇನ್ನು ಟೀಂ ಇಂಡಿಯಾ ಪರ 90 ಏಕದಿನ ಹಾಗೂ 20 ಟಿ20 ಪಂದ್ಯಗಳನ್ನಾಡಿ ಕ್ರಮವಾಗಿ 2962 ಹಾಗೂ 375 ರನ್ ಬಾರಿಸಿದ್ದರು. ರಹಾನೆ ಇದೇ ಜುಲೈನಲ್ಲಿ ಎಲ್ಲಾ ಮಾದರಿಯ ಕ್ರಿಕೆಟ್‌ಗೆ ವಿದಾಯ ಘೋಷಿಸಿದ್ದರು.

ಅಜಿಂಕ್ಯ ರಹಾನೆ ಆಯ್ಕೆ ಮಾಡಿದ ಸಾರ್ವಕಾಲಿಕ ಶ್ರೇಷ್ಠ ಭಾರತ ಟೆಸ್ಟ್ ತಂಡ ಹೀಗಿದೆ:

ಮುರುಳಿ ವಿಜಯ್, ಶಿಖರ್ ಧವನ್, ರಾಹುಲ್ ದ್ರಾವಿಡ್, ಸಚಿನ್ ತೆಂಡೂಲ್ಕರ್, ಅಜಿಂಕ್ಯ ರಹಾನೆ, ಎಂ ಎಸ್ ಧೋನಿ(ನಾಯಕ, ವಿಕೆಟ್ ಕೀಪರ್), ರವೀಂದ್ರ ಜಡೇಜಾ, ರವಿಚಂದ್ರನ್ ಅಶ್ವಿನ್, ಭುವನೇಶ್ವರ್ ಕುಮಾರ್, ಮೊಹಮ್ಮದ್ ಶಮಿ, ಇಶಾಂತ್ ಶರ್ಮಾ.

INDvs NZ ಮೊದಲ ಇನಿಂಗ್ಸ್‌ನಲ್ಲಿ 0, ಎರಡನೇ ಇನ್ನಿಂಗ್ಸ್‌ನಲ್ಲಿ ರಾಹುಲ್ ವಿಚಿತ್ರವಾಗಿ 'ಔಟ್', ಜೈಸ್ವಾಲ್ ಫೇಲ್!

Bhimasi M Koleppanavar — Sun, 25 Oct 2026 13:13:45 +0530

ಭಾರತ 'ಎ' ಮತ್ತು ನ್ಯೂಜಿಲೆಂಡ್ 'ಎ' ತಂಡಗಳ ನಡುವೆ ನಡೆಯುತ್ತಿರುವ ಮೊದಲ ಅನಧಿಕೃತ ಟೆಸ್ಟ್ ಪಂದ್ಯದಲ್ಲಿ ಅನುಭವಿ ಬ್ಯಾಟ್ಸ್‌ಮನ್ ಕೆ.ಎಲ್. ರಾಹುಲ್ ಅವರ ವೈಫಲ್ಯ ಮುಂದುವರಿದಿದ್ದು, ಟೀಮ್ ಇಂಡಿಯಾದ ಚಿಂತೆಯನ್ನು ಹೆಚ್ಚಿಸಿದೆ. ವಿಶ್ವ ಟೆಸ್ಟ್ ಚಾಂಪಿಯನ್‌ಷಿಪ್‌ನ (WTC) ಪ್ರಮುಖ ಪಂದ್ಯಗಳ ದೃಷ್ಟಿಯಿಂದ ಅತ್ಯಂತ ಮುಖ್ಯವೆನಿಸಿರುವ ಈ ಪಂದ್ಯದ ಎರಡೂ ಇನ್ನಿಂಗ್ಸ್‌ಗಳಲ್ಲಿ ರಾಹುಲ್ ಕೇವಲ 4 ರನ್ ಗಳಿಸಲಷ್ಟೇ ಶಕ್ತರಾಗಿದ್ದು, ದ್ವಿತೀಯ ಇನ್ನಿಂಗ್ಸ್‌ನಲ್ಲಿ ವಿಚಿತ್ರ ರೀತಿಯಲ್ಲಿ **'ಹಿಟ್ ವಿಕೆಟ್'** ಆಗಿ ಪೆವಿಲಿಯನ್‌ಗೆ ಮರಳಿದ್ದಾರೆ.

ವಿಚಿತ್ರ ರೀತಿಯಲ್ಲಿ ಹಿಟ್ ವಿಕೆಟ್ ಆದ ರಾಹುಲ್!

ಎರಡನೇ ಇನ್ನಿಂಗ್ಸ್‌ನಲ್ಲಿ ಕೆ.ಎಲ್. ರಾಹುಲ್ 15 ಎಸೆತಗಳಲ್ಲಿ ಕೇವಲ 4 ರನ್ ಗಳಿಸಿ ಔಟಾದರು. ಫ್ರೇಸರ್ ಶೀಟ್ ಬೌಲಿಂಗ್‌ನಲ್ಲಿ ಆಫ್ ಸ್ಟಂಪ್‌ನ ಹೊರಗಿನ ಚೆಂಡನ್ನು ಆಡಲು ಯತ್ನಿಸಿದಾಗ, ಚೆಂಡು ಬ್ಯಾಟ್‌ಗೆ ಸವರಿ ನಿಧಾನವಾಗಿ ಸ್ಟಂಪ್ಸ್ ಕಡೆಗೆ ಚಲಿಸತೊಡಗಿತು. ಚೆಂಡು ಸ್ಟಂಪ್‌ಗೆ ಬಡಿಯುವುದನ್ನು ತಡೆಯುವ ಭರದಲ್ಲಿ ರಾಹುಲ್ ತಮ್ಮ ಬ್ಯಾಟ್‌ನಿಂದ ಚೆಂಡನ್ನು ತಡೆಯಲು ಯತ್ನಿಸಿದರು. ಆದರೆ, ಚೆಂಡನ್ನು ರಕ್ಷಿಸುವ ಈ ಪ್ರಯತ್ನದಲ್ಲಿ ಅವರ ಸ್ವಂತ ಬ್ಯಾಟ್ ಆಫ್ ಸ್ಟಂಪ್‌ಗೆ ಬಡಿದಿದ್ದರಿಂದ ಅವರು 'ಹಿಟ್ ವಿಕೆಟ್' ಆದರು. ಆರಂಭದಲ್ಲಿ ರಾಹುಲ್ ಬೌಲ್ಡ್ ಆಗಿದ್ದಾರೆ ಎಂದು ಭಾವಿಸಲಾಗಿತ್ತಾದರೂ, ಮರುಪ್ರಸಾರದಲ್ಲಿ (Replay) ಚೆಂಡು ನೇರವಾಗಿ ಸ್ಟಂಪ್‌ಗೆ ಬಡಿಯುತ್ತಿರಲಿಲ್ಲ ಎಂಬುದು ಹಾಗೂ ರಾಹುಲ್ ಅವರ ಸ್ವಂತ ಪ್ರಯತ್ನದಿಂದ ಬ್ಯಾಟ್ ತಗುಲಿ ಸ್ಟಂಪ್ ಮೇಲಿನ ಗಂಟೆಗಳು ಬಿದ್ದಿವೆ ಎಂಬ ಸಂಗತಿ ಬಹಿರಂಗವಾಯಿತು. ಈ ವಿಚಿತ್ರ ರೀತಿಯ ಔಟ್‌ನಿಂದ ರಾಹುಲ್ ತೀವ್ರ ನಿರಾಶೆಗೊಂಡರು.

ಮೊದಲ ಇನ್ನಿಂಗ್ಸ್‌ನಲ್ಲಿ 113 ರನ್‌ಗೆ ಭಾರತ ಶರಣು!

ಪಂದ್ಯದ ಮೊದಲ ಇನ್ನಿಂಗ್ಸ್‌ನಲ್ಲಿ ಕೆ.ಎಲ್. ರಾಹುಲ್ ಖಾತೆ ತೆರೆಯಲೂ ಸಾಧ್ಯವಾಗದೆ ಶೂನ್ಯಕ್ಕೆ ನಿರ್ಗಮಿಸಿದ್ದರು. ಭಾರತ 'ಎ' ತಂಡದ ಮೊದಲ ಇನ್ನಿಂಗ್ಸ್ ಕೇವಲ 113 ರನ್‌ಗಳಿಗೆ ಸೀಮಿತವಾಗಿತ್ತು. ಸ್ಕೋರ್‌ಬೋರ್ಡ್ 0,0,0,0,0 ಎಂದು ತೋರಿಸುವ ಮಟ್ಟಿಗೆ ಬ್ಯಾಟಿಂಗ್ ಕುಸಿತ ಕಂಡಿತ್ತು. ತದನಂತರ ಪ್ರತ್ಯುತ್ತರ ನೀಡಿದ ನ್ಯೂಜಿಲೆಂಡ್ 'ಎ' ತಂಡವು ತನ್ನ ಮೊದಲ ಇನ್ನಿಂಗ್ಸ್‌ನಲ್ಲಿ 317 ರನ್ ಗಳಿಸಿ ಬರೋಬ್ಬರಿ 204 ರನ್‌ಗಳ ಬಲವಾದ ಮುನ್ನಡೆ ಸಾಧಿಸಿತು.

ಆರಂಭಿಕರ ವೈಫಲ್ಯ, ಭಾರತಕ್ಕೆ ಹೆಗಲೇರಿದ ಒತ್ತಡ!

ದೊಡ್ಡ ಹಿನ್ನಡೆಯ ನಂತರ ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಭಾರತ 'ಎ' ತಂಡವು ಅನುಭವಿ ರಾಹುಲ್ ಅವರಿಂದ ಭಾರಿ ಇನ್ನಿಂಗ್ಸ್ ನಿರೀಕ್ಷಿಸಿತ್ತು. ಆದರೆ ರಾಹುಲ್ (4) ವಿಚಿತ್ರವಾಗಿ ವಿಕೆಟ್ ಒಪ್ಪಿಸಿದರೆ, ಮತ್ತೊಬ್ಬ ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ ಕೂಡ ಕೇವಲ 5 ರನ್‌ಗಳಿಗೆ ಔಟಾದರು. ಇಬ್ಬರೂ ಪ್ರಮುಖ ಆರಂಭಿಕರು ಬೇಗನೇ ಪೆವಿಲಿಯನ್ ಸೇರಿರುವುದರಿಂದ ಪಂದ್ಯದಲ್ಲಿ ಭಾರತ 'ಎ' ತಂಡ ತೀವ್ರ ಸಂಕಷ್ಟಕ್ಕೆ ಸಿಲುಕಿದೆ.

ಐಪಿಎಲ್ 2027 ಮೊದಲೇ ಧೋನಿ ನಿವೃತ್ತಿ? ಡಿಸೆಂಬರ್ ಡೆಡ್‌ಲೈನ್ ಬಹಿರಂಗಪಡಿಸಿದ ಕೂಲ್ ಕ್ಯಾಪ್ಟನ್

Chethan Kumar — Sun, 25 Oct 2026 12:39:11 +0530

ಬೆಂಗಳೂರು (ಅ.25) ಐಪಿಎಲ್ ಟೂರ್ನಿಗೆ ತಯಾರಿ ನಡೆಸುತ್ತಿರುವ ಚೆನ್ನೈ ಸೂಪರ್ ಕಿಂಗ್ಸ್‌ಗೆ ತಲೆನೋವು ಹೆಚ್ಚಾಗಿದೆ. ನವೆಂಬರ್ 15ರೊಳಗೆ ತಂಡದ ರಿಟೇನ್ ಹಾಗೂ ರಿಲೀಸ್ ಆಟಗಾರರ ಪಟ್ಟಿ ಘೋಷಣೆ ಮಾಡಬೇಕಿದೆ. ಎಂಎಸ್ ಧೋನಿಯನ್ನು ರಿಟೇನ್ ಮಾಡಿಕೊಳ್ಳಬೇಕಾ, ರಿಲೀಸ್ ಮಾಡಬೇಕಾ ಅನ್ನೋ ಗೊಂದಲ ತೀವ್ರಗೊಳ್ಳುತ್ತಿದೆ. ಇದರ ನಡುವೆ ಎಂಎಸ್ ಧೋನಿ ಮಹತ್ವದ ಹೇಳಿಕೆ ನೀಡಿದ್ದಾರೆ. ಐಪಿಎಲ್ ಟೂರ್ನಿಯಿಂದ ನಿವೃತ್ತಿ ಕುರಿತು ಎಂಎಸ್ ಧೋನಿ ಮೌನ ಮುರಿದಿದ್ದಾರೆ.ಡಿಸೆಂಬರ್‌ನಲ್ಲಿ ಧೋನಿ ನಿರ್ಧಾರ ಘೋಷಿಸಲಿದ್ದಾರೆ.

ಡಿಸೆಂಬರ್‌ನಲ್ಲಿ ಧೋನಿ ನಿರ್ಧಾರ ಘೋಷಣೆ

ಡಿಸೆಂಬರ್ ತಿಂಗಳಲ್ಲಿ ಎಂಎಸ್ ಧೋನಿ ಐಪಿಎಲ್ ಟೂರ್ನಿಯಿಂದ ನಿವೃತ್ತಿ ಅಥವಾ ಮುಂದುವರಿಕೆ ನಿರ್ಧಾರ ಘೋಷಿಸಲಿದ್ದಾರೆ. ಇತ್ತೀಚೆಗೆ ಬೆಂಗಳೂರಿಗೆ ಆಗಮಿಸಿದ್ದ ಧೋನಿ, ಹೆಲ್ತ್ ಕೇರ್ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಈ ವೇಳೆ ಮಾತನಾಡಿದ ಧೋನಿ, ಐಪಿಎಲ್ 2027ರ ಟೂರ್ನಿಯಲ್ಲಿ ಪಾಲ್ಗೊಳ್ಳುವ ಕುರಿತು ಈಗಲೇ ನಿರ್ಧಾರ ತೆಗೆದುಕೊಂಡಿಲ್ಲ. ಕೆಲ ಚೆಕ್ಅಪ್ ಮಾಡಬೇಕಿದೆ. ವೈದ್ಯರ ಪರೀಕ್ಷೆ, ಚೆಕ್ಅಪ್ ವರದಿ ಬಂದ ಬಳಿಕ ನಿರ್ಧಾರ ಘೋಷಿಸುತ್ತೇನೆ. ಡಿಸೆಂಬರ್‌ನಲ್ಲಿ ಫಿಟ್ನೆಸ್ ಚೆಕ್ಅಪ್ ಆಧರಿಸಿ ಮುಂದಿನ ನಿರ್ಧಾರ ತೆಗೆದುಕೊಳ್ಳುವುದಾಗಿ ಹೇಳಿದ್ದಾರೆ. ಡಿಸೆಂಬರ್ ತಿಂಗಳಲ್ಲಿ ಸ್ಪಷ್ಟ ನಿರ್ಧಾರ ತೆಗೆದುಕೊಳ್ಳುವುದಾಗಿ ಹೇಳಿದ್ದಾರೆ.

ವೈದ್ಯರ ಮೇಲೆ ಒತ್ತಡ ಎಂದ ಧೋನಿ

ವೈದ್ಯರ ಮೇಲೆ ಹೆಚ್ಚಿನ ಒತ್ತಡವಿದೆ. ಹಳೇ ವಾಹನ ರಸ್ತೆಯಲ್ಲಿ ಚಲಿಸುತ್ತದೋ ಇಲ್ಲವೋ ಅನ್ನೋದು ವೈದ್ಯರು ಹೇಳಬೇಕು. ಚಲಿಸುತ್ತದೆ ಎಂದು ಸುಮ್ಮನೆ ಹೇಳಲು ಸಾಧ್ಯವಿಲ್ಲ.ಹೀಗಾಗಿ ಎಲ್ಲಾ ಒತ್ತಡ ವೈದ್ಯರ ಮೇಲಿದೆ. ಐಪಿಎಲ್ ಟೂರ್ನಿಗೆ ನನ್ನ ದೇಹ ಸಜ್ಜಾಗಿದೆಯಾ, ಮತ್ತೊಂದು ಐಪಿಎಲ್ ಆಡುವಷ್ಟು ಫಿಟ್ ಆಗಿದ್ದೇನಾ ಅನ್ನೋದು ವೈದ್ಯರ ಪರೀಕ್ಷೆಯಲ್ಲಿ ಗೊತ್ತಾಗಲಿದೆ ಎಂದು ಧೋನಿ ಹೇಳಿದ್ದಾರೆ. ಈ ಮೂಲಕ ತಾವು ಮಾನಸಿಕವಾಗಿ ಫಿಟ್ ಆಗಿರುವ ಸೂಚನೆಯನ್ನು ನೀಡಿದ್ದಾರೆ.

ಸಂಕಷ್ಟದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್

ಎಂಎಸ್ ಧೋನಿ ಡಿಸೆಂಬರ್‌ನಲ್ಲಿ ನಿರ್ಧಾರ ತಿಳಿಸುವುದಾಗಿ ಹೇಳಿದ್ದಾರೆ. ಕಳೆದ ಕೆಲ ದಿನಗಳಿಂದ ಧೋನಿ ಹಾಗೂ ಚೆನ್ನೈ ಫ್ರಾಂಚೈಸಿ ನಡುವಿನ ಸಂಬಂಧ ಹಳಸಿದೆ ಅನ್ನೋ ಮಾತುಗಳು ಕೇಳಿಬಂದಿದೆ. ಇದೀಗ ಧೋನಿ ನಿರ್ಧಾರ ಈ ಮಾತಿಗೆ ಪುಷ್ಟಿ ನೀಡಿದೆ. ನವೆಂಬರ್ 15ರೊಳಗೆ ತಂಡದ ಲಿಸ್ಟ್ ಪ್ರಕಟ ಮಾಡಬೇಕಿದೆ. ಧೋನಿ ರಿಟೇನ್ ಮಾಡಬೇಕಾ, ಅಥವಾ ಉಳಿಸಿಕೊಳ್ಳಬೇಕಾ ಅನ್ನೋ ಗೊಂದಲ ಹೆಚ್ಚಾಗಿದೆ. ಇತ್ತ ಧೋನಿ ಡಿಸೆಂಬರ್‌ನಲ್ಲಿ ಅನೌನ್ಸ್ ಮಾಡುವುದಾಗಿ ಹೇಳಿರುವುದು ಸಿಎಸ್‌ಕೆ ಫ್ರಾಂಚೈಸಿಯನ್ನು ಸಂಕಷ್ಟಕ್ಕೆ ಸಿಲುಕಿಸಿದೆ.

ಜಹೀರ್ ಖಾನ್ ಕೋಚ್, ಹಲವು ಬದಲಾವಣೆ

ಚೆನ್ನೈ ಸೂಪರ್ ಕಿಂಗ್ಸ್ ಕಳೆದ ಕೆಲ ಸೀಸನ್ ತೀವ್ರ ನಿರಾಸೆ ಅನುಭವಿಸಿದೆ. ಹೀಗಾಗಿ ಹಲವು ಬದಲಾವಣೆ ಮಾಡಲಾಗಿದೆ. ಮಾಜಿ ವೇಗಿ ಜಹೀರ್ ಖಾನ್ ಇದೀಗ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಮುಖ್ಯ ಕೋಚ್ ಆಗಿದ್ದಾರೆ. ಜಹೀರ್ ನೇಮಕ ಹಿಂದೆ ಎಂಎಸ್ ಧೋನಿ ಸಲಹೆ ಪ್ರಮುಖವಾಗಿ ಕಾರ್ಯನಿರ್ವಹಿಸಿದೆ ಎಂದು ಹೇಳಲಾಗುತ್ತಿದೆ.ಇದೀಗ ಜಹೀರ್ ಖಾನ್ ಮಾರ್ಗದರ್ಶನದಲ್ಲಿ ಸಿಎಸ್‌ಕೆ ಹಲವು ಮಹತ್ತರ ಬದಲಾವಣೆ ಮಾಡಲು ಮುಂದಾಗಿದೆ. ಹೀಗಾಗಿ ರಿಟೇನ್ ಆಟಗಾರರ ಲಿಸ್ಟ್ ಇದೀಗ ತೀವ್ರ ತಲೆನೋವಿನಿಂದ ಕೂಡಿದೆ.

'Boys Becomming Men' ಕೂತುಹಲ ಸೃಷ್ಟಿಸಿದ ಗಂಭೀರ ಪೋಸ್ಟ್‌; ಏನಿದರ ಒಳಗುಟ್ಟು?

Bhimasi M Koleppanavar — Sun, 25 Oct 2026 10:17:02 +0530

Gautam Gambhir Post: 'Boys Becoming Men' ಗಂಭೀರ ಪೋಸ್ಟ್‌ನ ಒಳಗುಟ್ಟೇನು? ನ್ಯೂಜಿಲೆಂಡ್ ವಿರುದ್ಧದ ರೋಮಾಂಚಕ T20I ಗೆಲುವಿನ ನಂತರ ಟೀಮ್ ಇಂಡಿಯಾ ಹೆಡ್ ಕೋಚ್ ಗೌತಮ್ ಗಂಭೀರ್ 'Boys Becoming Men' ಎಂದು ಪೋಸ್ಟ್ ಮಾಡಿದ್ದು ಏಕೆ? ಗಂಭೀರ್ ಪೋಸ್ಟ್‌ನ ಸಂಪೂರ್ಣ ಮಾಹಿತಿ ಇಲ್ಲಿದೆ.

ನ್ಯೂಜಿಲೆಂಡ್‌ನ ಕ್ರೈಸ್ಟ್‌ಚರ್ಚ್‌ನಲ್ಲಿ ನಡೆದ ಎರಡನೇ ಟಿ20 ಪಂದ್ಯದಲ್ಲಿ ಟೀಮ್ ಇಂಡಿಯಾ ನ್ಯೂಜಿಲೆಂಡ್ ವಿರುದ್ಧ 4 ವಿಕೆಟ್‌ಗಳ ಅಂತರದಿಂದ ಜಯ ಸಾಧಿಸಿತು. ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ 180 ರನ್ ಗಳಿಸಿತು. ಈ ಗುರಿ ಬೆನ್ನಟ್ಟಿದ ಟೀಮ್ ಇಂಡಿಯಾ ಮ್ಯಾಚ್‌ನ್ನು 4 ವಿಕೆಟ್‌ಗಳಿಂದ ವಿಜಯ ಸಾಧಿಸಿದೆ.

ನ್ಯೂಜಿಲೆಂಡ್ ನೀಡಿದ್ದ 181 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ಟೀಮ್ ಇಂಡಿಯಾ ಪ್ರಾರಂಭದಲ್ಲಿ ಕಳಪೆ ಆರಂಭವನ್ನೇ ಪಡೆಯಿತು. ಸಂಜು ಸ್ಯಾಮ್ಸನ್ 14 ರನ್‌ಗಳಿಗೆ ಮತ್ತು ಅಭಿಷೇಕ್ ಶರ್ಮಾ 27 ರನ್‌ಗಳಿಗೆ ಔಟಾದರು. ನಂತರ ವೈಭವ್ ಸೂರ್ಯವಂಶಿ ಮೈದಾನಕ್ಕೆ ಬಂದರು, ಆದರೆ ಅವರು ಕೇವಲ 4 ರನ್‌ಗಳಿಗೆ ಔಟಾದರು.

ನಂತರ, ನಾಯಕ ಶ್ರೇಯಸ್ ಅಯ್ಯರ್ ಕೂಡ 7 ರನ್ ಗಳಿಸಿ ಔಟಾದರು. ಅದಾದ ನಂತರ, ಬಂದ ಅಕ್ಷರ್ ಪಟೇಲ್ ಕೂಡ 11 ರನ್ ಗಳಿಸಿ ಪೆವಿಲಿಯನ್‌ ಸೇರಿದರು. ಇದರಿಂದಾಗಿ, ಟೀಮ್ ಇಂಡಿಯಾ 70 ರನ್ ಗಳಿಗೆ 5 ವಿಕೆಟ್ ಕಳೆದುಕೊಂಡಿತು. ಇದರಿಂದಾಗಿ, ಟೀಮ್ ಇಂಡಿಯಾದ ಇನ್ನಿಂಗ್ಸ್ ಸಂಪೂರ್ಣವಾಗಿ ತೆಲೆಕೆಳಗಾಗುವಂತೆ ನಿರ್ಮಾಣವಾಯಿತು.

ಆ ಸಮಯದಲ್ಲಿ, ತಿಲಕ್ ವರ್ಮಾ ನಮನ್ ಧೀರ್ ಜೊತೆಗೆ ಮೈದಾನಕ್ಕೆ ಬಂದರು. ಸಂಪೂರ್ಣ ಜವಾಬ್ದಾರಿ ಈ ಇಬ್ಬರು ಆಟಗಾರರ ಮೇಲಿತ್ತು. ಆದರೆ ನಂತರ ನಮನ್ ಧೀರ್ 17 ಎಸೆತಗಳಲ್ಲಿ 31 ರನ್‌ಗೆ ಔಟಾದರು. ಅವರ ನಂತರ, ನಿತೀಶ್ ರೆಡ್ಡಿ ಮೈದಾನಕ್ಕೆ ಬಂದರು. ರೆಡ್ಡಿ ಮೈದಾನಕ್ಕೆ ಬಂದಾಗ, ಭಾರತ 15 ಓವರ್‌ಗಳಲ್ಲಿ 6 ವಿಕೆಟ್‌ ನಷ್ಟಕ್ಕೆ 112 ರನ್ ಗಳಿಸಿತ್ತು. ಆದ್ದರಿಂದ, ಇಲ್ಲಿಂದ ಪಂದ್ಯ ಗೆಲ್ಲುವುದು ಅಸಾಧ್ಯವಾಗಿತ್ತು. ಏಕೆಂದರೆ ಮುಂದಿನ 5 ಓವರ್‌ಗಳಲ್ಲಿ ಭಾರತಕ್ಕೆ 78 ರನ್‌ ಬೇಕಾದ ಕಾರಣ ಇದು ದಡ ಸೇರದ ದೋಣಿಯಂತಾಗಿದ್ದಂತು ನಿಜ.

ಆ ಸಮಯದಲ್ಲಿ, ತೆಲುಗು ಬಾಯ್ಸ್ ಜೋಡಿ ತಿಲಕ್ ಮತ್ತು ನಿತೀಶ್ ಮೊದಲ ಎರಡು ಓವರ್‌ಗಳಲ್ಲಿ 22 ರನ್ ಗಳಿಸಿದರು. ಆ ನಂತರ, ಕೊನೆಯ ಮೂರು ಓವರ್‌ಗಳಲ್ಲಿ 46 ರನ್‌ಗಳು ಬೇಕಾಗಿದ್ದವು, ಆ ಸಮಯದಲ್ಲಿ ತಿಲಕ್ ವರ್ಮಾ ಆಕ್ರಮಣಕಾರಿಯಾಗಿ ಬ್ಯಾಟಿಂಗ್ ಮಾಡಿ 18 ನೇ ಓವರ್‌ನಲ್ಲಿ 17 ರನ್‌ಗಳನ್ನು ಮತ್ತು ನಂತರ 19 ನೇ ಓವರ್‌ನಲ್ಲಿ 18 ರನ್‌ಗಳನ್ನು ಗಳಿಸಿದರು. ಈಗ, ಕೊನೆಯ ಓವರ್‌ನಲ್ಲಿ ಟೀಮ್ ಇಂಡಿಯಾಗೆ 11 ರನ್‌ಗಳ ಅಗತ್ಯವಿತ್ತು. ಕೊನೆಯ ಓವರ್‍‌ನಲ್ಲಿ ಒಂದು ಎಸೆತ ಬಾಕಿ ಉಳಿಸಿ 4 ವಿಕೆಟ್‌ಗಳಿಂದ ಪಂದ್ಯ ಗೆದ್ದಿತು.

ಈ ಗೆಲುವಿನ ನಂತರ, ಗೌತಮ್ ಗಂಭೀರ್ ಅವರು X ನಲ್ಲಿ ಒಂದು ಪೋಸ್ಟ್ ಮಾಡಿದ್ದಾರೆ. ಈ ಪೋಸ್ಟ್‌ನಲ್ಲಿ ಅವರು 'ಹುಡುಗರು ಪುರುಷರಾಗುತ್ತಿದ್ದಾರೆ 'Boys Becomming Men' ಎಂದು ಹೇಳುತ್ತಾರೆ, ಅಂದರೆ ಹುಡುಗರು ಈಗ ಬೆಳೆದಿದ್ದಾರೆ ಎಂದರ್ಥ. ಗಂಭೀರ್ ಅವರ ಈ ಪೋಸ್ಟ್ ಎಲ್ಲಾ ಭಾರತೀಯರ ಹೃದಯಗಳನ್ನು ಗೆದ್ದಿದೆ. ಅಲ್ಲದೇ ಐದು ಪಂದ್ಯಗಳ ಟಿ20 ಸರಣಿಯಲ್ಲಿ ಟೀಮ್ ಇಂಡಿಯಾ 2-0 ಮುನ್ನಡೆ ಸಾಧಿಸಿದೆ.

RCB ಯಶಸ್ಸನ್ನು ಹೊಗಳಿದ ಎಂಎಸ್ ಧೋನಿ! CSK ಹಿನ್ನಡೆ ಬಗ್ಗೆಯೂ ಮನಬಿಚ್ಚಿ ಮಾತನಾಡಿದ ಕ್ಯಾಪ್ಟನ್ ಕೂಲ್

Chandrashekar GS — Sun, 25 Oct 2026 08:01:02 +0530

RCB ಯಶಸ್ಸನ್ನು ಒಪ್ಪಿಕೊಂಡ ಎಂ.ಎಸ್. ಧೋನಿ: CSK ವೈಫಲ್ಯದ ಬಗ್ಗೆಯೂ ಮನಬಿಚ್ಚಿ ಮಾತನಾಡಿದ ಕ್ಯಾಪ್ಟನ್ ಕೂಲ್

ಸತತ ಎರಡು ಐಪಿಎಲ್ ಟ್ರೋಫಿ ಗೆದ್ದ RCBಗೆ ಧೋನಿ ಮೆಚ್ಚುಗೆ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡದ ಯಶಸ್ಸು ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ (CSK) ತಂಡದ ಇತ್ತೀಚಿನ ಹಿನ್ನಡೆಯ ಬಗ್ಗೆ ಕ್ರಿಕೆಟ್ ದಿಗ್ಗಜ ಎಂ.ಎಸ್. ಧೋನಿ ಮುಕ್ತವಾಗಿ ಮಾತನಾಡಿದ್ದಾರೆ. ಬೆಂಗಳೂರಿನಲ್ಲಿ ನಡೆದ ಆರೋಗ್ಯ ಸಂಬಂಧಿತ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಅವರು, ಕಳೆದ ಎರಡು ವರ್ಷಗಳಲ್ಲಿ RCB ಉತ್ತಮ ಪ್ರದರ್ಶನ ನೀಡಿರುವುದನ್ನು ಒಪ್ಪಿಕೊಂಡಿದ್ದಾರೆ. ಎದುರಾಳಿ ತಂಡದ ಸಾಧನೆಯನ್ನು ಒಪ್ಪಿಕೊಳ್ಳಲು ಹಿಂಜರಿಯುವ ಅಗತ್ಯವಿಲ್ಲ ಎಂಬುದು ಅವರ ಮಾತಿನ ಸಾರ.

CSKಗೆ ಕಷ್ಟದ ಸಮಯ, RCBಗೆ ಯಶಸ್ಸಿನ ಓಟ

ಐಪಿಎಲ್ ಇತಿಹಾಸದಲ್ಲಿ ಐದು ಬಾರಿ ಚಾಂಪಿಯನ್ ಆಗಿರುವ ಚೆನ್ನೈ ಸೂಪರ್ ಕಿಂಗ್ಸ್ ಇತ್ತೀಚಿನ ವರ್ಷಗಳಲ್ಲಿ ನಿರೀಕ್ಷಿತ ಮಟ್ಟದ ಪ್ರದರ್ಶನ ನೀಡಲು ಪರದಾಡುತ್ತಿದೆ. 2025ರ ಆವೃತ್ತಿಯಲ್ಲಿ ಅಂಕಪಟ್ಟಿಯ ಕೊನೆಯ ಸ್ಥಾನಕ್ಕೆ ಕುಸಿದಿದ್ದ CSK, 2026ರಲ್ಲಿ ಎಂಟನೇ ಸ್ಥಾನ ಗಳಿಸಿತು.

ಇದಕ್ಕೆ ವಿರುದ್ಧವಾಗಿ, ರಜತ್ ಪಾಟಿದಾರ್ ನಾಯಕತ್ವದ RCB 2025 ಮತ್ತು 2026ರಲ್ಲಿ ಸತತವಾಗಿ ಐಪಿಎಲ್ ಪ್ರಶಸ್ತಿ ಗೆದ್ದು ಗಮನ ಸೆಳೆದಿದೆ. ಕಳೆದ ಕೆಲವು ಋತುಗಳಲ್ಲಿ ಉಭಯ ತಂಡಗಳ ಮುಖಾಮುಖಿಯಲ್ಲಿಯೂ RCB ಮೇಲುಗೈ ಸಾಧಿಸಿದೆ. ಕಳೆದ ಐದು ಪಂದ್ಯಗಳಲ್ಲಿ ನಾಲ್ಕರಲ್ಲಿ ಬೆಂಗಳೂರು ತಂಡ ಗೆದ್ದಿದೆ ಎಂದು ವರದಿ ತಿಳಿಸಿದೆ.

“ಕಾಗದದ ಮೇಲಿನ ಬಲಕ್ಕಿಂತ ಮೈದಾನದ ಪ್ರದರ್ಶನ ಮುಖ್ಯ”

ತಂಡದಲ್ಲಿ ಯಾರೆಲ್ಲ ಆಟಗಾರರಿದ್ದಾರೆ ಎಂಬುದಕ್ಕಿಂತ, ನಿರ್ದಿಷ್ಟ ದಿನದಂದು ಅವರು ಹೇಗೆ ಆಡುತ್ತಾರೆ ಎಂಬುದೇ ಮುಖ್ಯ ಎಂದು ಧೋನಿ ಅಭಿಪ್ರಾಯಪಟ್ಟಿದ್ದಾರೆ. ವಿಶೇಷವಾಗಿ ಟಿ20ಯಂತಹ ಕಡಿಮೆ ಅವಧಿಯ ಕ್ರಿಕೆಟ್‌ನಲ್ಲಿ ಉತ್ತಮ ತಂಡಗಳ ನಡುವಿನ ಅಂತರ ಬಹಳ ಕಡಿಮೆ ಇರುತ್ತದೆ ಎಂದಿದ್ದಾರೆ.

ಗೆಲುವಿನ ದಿನಗಳು ಇರುವಂತೆ ಸೋಲಿನ ದಿನಗಳೂ ಇರುತ್ತವೆ. ಆದರೆ ತಂಡ ಕಷ್ಟದ ಸಮಯವನ್ನು ಹೇಗೆ ಎದುರಿಸುತ್ತದೆ ಮತ್ತು ತನ್ನ ತಪ್ಪುಗಳಿಂದ ಏನು ಕಲಿಯುತ್ತದೆ ಎಂಬುದೇ ಅದರ ನಿಜವಾದ ಸಾಮರ್ಥ್ಯವನ್ನು ತೋರಿಸುತ್ತದೆ ಎಂದು ಧೋನಿ ಹೇಳಿದ್ದಾರೆ.

2027ರ ಐಪಿಎಲ್‌ಗೆ CSK ಸಿದ್ಧತೆ ಹೇಗಿರಲಿದೆ?

ಮುಂದಿನ ಋತುವಿನಲ್ಲಿ ಆಟಗಾರರ ಗಾಯದ ಸಮಸ್ಯೆಗಳನ್ನು ಕಡಿಮೆ ಮಾಡುವುದು ಮತ್ತು ಪ್ರಮುಖ ಆಟಗಾರರು ಲಭ್ಯವಿರುವಂತೆ ನೋಡಿಕೊಳ್ಳುವುದು ಮುಖ್ಯ ಎಂದು ಧೋನಿ ಹೇಳಿದ್ದಾರೆ. ಆಟಗಾರರಿಗೆ ತಮ್ಮ ಜವಾಬ್ದಾರಿ ಮತ್ತು ಪಾತ್ರ ಸ್ಪಷ್ಟವಾಗಿದ್ದರೆ ತಂಡದ ನಿರ್ವಹಣೆ ಸುಲಭವಾಗುತ್ತದೆ ಎಂಬುದು ಅವರ ಅಭಿಪ್ರಾಯ.

ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದ ಬಗ್ಗೆಯೂ ಮಾತನಾಡಿದ ಧೋನಿ, ಇದು ಬ್ಯಾಟರ್‌ಗಳಿಗೆ ಇಷ್ಟವಾಗುವ, ಹೆಚ್ಚು ರನ್‌ಗಳು ದಾಖಲಾಗುವ ಮೈದಾನ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಬೌಲರ್‌ಗಳಿಗೆ ಇಲ್ಲಿ ಒತ್ತಡ ಹೆಚ್ಚಿದ್ದರೂ, ಉತ್ತಮ ಪ್ರದರ್ಶನ ನೀಡಲು ಇದು ಸವಾಲಿನ ವೇದಿಕೆಯಾಗಿದೆ ಎಂದಿದ್ದಾರೆ.

ಒಟ್ಟಿನಲ್ಲಿ, ಧೋನಿ ಅವರ ಮಾತುಗಳಲ್ಲಿ ಎದುರಾಳಿಯ ಯಶಸ್ಸಿಗೆ ಮೆಚ್ಚುಗೆ, ತಮ್ಮ ತಂಡದ ಹಿನ್ನಡೆಯ ವಾಸ್ತವಿಕ ಒಪ್ಪಿಗೆ ಮತ್ತು ಮುಂದಿನ ಋತುವಿನಲ್ಲಿ ಸುಧಾರಿಸುವ ನಿರೀಕ್ಷೆ ವ್ಯಕ್ತವಾಗಿದೆ.

ನಮನ್‌ ಧೀರ್‌ ಎಂಟ್ರಿ, ಈ 4 ಬಿಗ್‌ ಸ್ಟಾರ್‌ಗಳಿಗೆ ಟೀಂ ಇಂಡಿಯಾದ ಬಾಗಿಲು ಮುಚ್ಚಿದೆ..

Ganesh Mabla Gowda — Sat, 24 Oct 2026 23:50:57 +0530

ಟೀಂ ಇಂಡಿಯಾಗೆ ನಮನ್‌ ಧೀರ್‌ ಎಂಟ್ರಿ ಹಲವು ಪ್ರಶ್ನೆಗಳನ್ನ ಹುಟ್ಟುಹಾಕಿದೆ. ಕೊನೆಯ ಓವರ್‌ನಲ್ಲೂ ಕೂಡ ಏಕಾಂಗಿಯಾಗಿ ಪಂದ್ಯವನ್ನು ಗೆಲ್ಲಿಸಿಕೊಡಬಲ್ಲ ಸೂಪರ್‌ ಆಲ್‌ರೌಂಡರ್.‌ ವೆಸ್ಟ್‌ ವಿಂಡೀಸ್‌ ಹಾಗೂ ನ್ಯೂಜಿಲೆಂಡ್‌ ಸಿರೀಸ್‌ನಲ್ಲಿ ಅವರ ಆರ್ಭಟವು ಟೀಂ ಇಂಡಿಯಾದ ಹಲವು ಸ್ಟಾರ್‌ ಆಟಗಾರರಿಗೆ ಗೇಟ್‌ಪಾಸ್‌ ನೀಡಲಿದೆ ಎಂಬ ಚರ್ಚೆ ಶುರುವಾಗಿದೆ.

ಐದು ಬಿಗ್‌ ಸ್ಟಾರ್‌ಗಳಿಗೆ ನಡುಕ

ನಮನ್‌ ಧೀರ್‌ ಆಟವು ಟೀಂ ಇಂಡಿಯಾದ ಐದು ಬಿಗ್‌ ಸ್ಟಾರ್‌ಗಳ ಸ್ಥಾನವು ಅಲುಗಾಡುವಂತೆ ಮಾಡಿದೆ. ಪ್ರಸ್ತುತ ಅವರ ಪ್ರದರ್ಶನದ ಬಗ್ಗೆ ಮಾತನ್ನಾಡೋದಾದರೆ.. ಅಕ್ಟೋಬರ್ 22 ರಂದು ಕ್ರೈಸ್ಟ್‌ಚರ್ಚ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಮೊದಲ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಗೆಲುವಿಗೆ 226 ರನ್ ಬೇಕಾಗಿತ್ತು. ಒಂದು ಹಂತದಲ್ಲಿ ತಂಡ ಸಂಕಷ್ಟದಲ್ಲಿ ಸಿಲುಕಿತ್ತು. ಆದರೆ ನಮನ್ ಧೀರ್ 15 ಎಸೆತಗಳಲ್ಲಿ ಅಜೇಯ 42 ರನ್ ಗಳಿಸುವ ಮೂಲಕ ಗೇಮ್‌ ಚೇಂಜರ್‌ ಆದರು. ಅವರ ಇನ್ನಿಂಗ್ಸ್‌ನಲ್ಲಿ 5 ಬೌಂಡರಿ ಮತ್ತು 2 ಸಿಕ್ಸರ್‌ಗಳು ಸೇರಿದ್ದವು. ಪರಿಣಾಮ ಟೀಂ ಇಂಡಿಯಾ 19.4 ಓವರ್‌ಗಳಲ್ಲಿ 6 ವಿಕೆಟ್‌ಗಳಿಗೆ 230 ರನ್ ಗಳಿಸಿ 4 ವಿಕೆಟ್‌ಗಳಿಂದ ಗೆದ್ದುಕೊಂಡಿತು. ಇನ್ನು ಇವತ್ತು ನಡೆದ ಎರಡನೇ ಟಿ20 ಪಂದ್ಯದಲ್ಲೂ ನಮನ್ ಧೀರ್ ಅದ್ಭುತ ಬ್ಯಾಟಿಂಗ್ ಮಾಡಿದರು. 17 ಎಸೆತಗಳಲ್ಲಿ 31 ರನ್ ಗಳಿಸಿದರು. ಆ ಮೂಲಕ ತಂಡದಲ್ಲಿ ನಮನ್‌ ಧೀರ್‌ ಫಿನಿಶರ್‌ ಆಗಿ ಗುರುತಿಸಿಕೊಳ್ಳುತ್ತಿದ್ದಾರೆ.

ಏನು ಹೇಳ್ತಿದೆ ನಮನ್‌ ಧೀರ್‌ ಅಂಕಿ-ಅಂಶ?

ಇಲ್ಲಿಯವರೆಗೆ ಆರು ಟಿ20 ಅಂತರರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ. ಐದು ಇನ್ನಿಂಗ್ಸ್‌ಗಳಲ್ಲಿ 80 ರನ್ ಗಳಿಸಿದ್ದಾರೆ. ಗರಿಷ್ಠ ಸ್ಕೋರ್ 42. ಅವರು ಒಟ್ಟು 28 ಎಸೆತಗಳನ್ನು ಎದುರಿಸಿದ್ದಾರೆ. ಏಳು ಬೌಂಡರಿಗಳು ಮತ್ತು ಆರು ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ. ಸ್ಟ್ರೈಕ್ ರೇಟ್ 285.71. ವೆಸ್ಟ್ ಇಂಡೀಸ್ ವಿರುದ್ಧ 3 ವಿಕೆಟ್‌ ಕಿತ್ತಿದ್ದಾರೆ..

ಯಾರಿಗೆಲ್ಲ ಭಯ ಶುರುವಾಗಿದೆ?

ನಮನ್‌ ಧೀರ್‌ ಪ್ರಸ್ತುತ ಫಿನಿಶರ್‌ ಆಗಿ ಕಾಣಿಸಿ ಕೊಳ್ತಿದ್ದಾರೆ. ಹೀಗಾಗಿ ಮೊದಲ ಸಾಲಿನಲ್ಲಿ ರಿಂಕು ಸಿಂಗ್‌ ಬರುತ್ತಾರೆ. ರಿಂಕು ಸಿಂಗ್‌ ಟೀಂ ಇಂಡಿಯಾದ ಗ್ರೇಟ್‌ ಫಿನಿಶರ್.‌ ಒತ್ತಡದಲ್ಲಿ ವೇಗವಾಗಿ ರನ್ ಗಳಿಸುವ ಸಾಮರ್ಥ್ಯ ಅವರಲ್ಲಿದೆ. ನಮನ್ ಧೀರ್ ರಿಂಕು ಸಿಂಗ್‌ಗೆ ಪ್ರಬಲ ಪೈಪೋಟಿ ನೀಡುವ ಆಟಗಾರ.

ಸುಂದರ್ ಮತ್ತು ದುಬೆ

ವಾಷಿಂಗ್ಟನ್ ಸುಂದರ್ ಬ್ಯಾಟ್ ಮತ್ತು ಬಾಲ್ ಎರಡರಲ್ಲೂ ಕೊಡುಗೆ ನೀಡುತ್ತಾರೆ. ಶಿವಂ ದುಬೆ ದೀರ್ಘ ಸಿಕ್ಸರ್‌ಗಳನ್ನು ಹೊಡೆಯುವುದಕ್ಕೆ ಹೆಸರುವಾಸಿ. ನಮನ್ ಬ್ಯಾಟಿಂಗ್ ತಂಡಕ್ಕೆ ಹೆಚ್ಚುವರಿ ಆಯ್ಕೆ ನೀಡುತ್ತದೆ. ಮೂವರೂ ಆಟಗಾರರು ವಿಭಿನ್ನ ಪಾತ್ರಗಳನ್ನು ಹೊಂದಿದ್ದಾರೆ. ಜೊತೆಗೆ ಹಾರ್ದಿಕ್‌ ಪಾಂಡ್ಯ ಅವರ ಬುಡಕ್ಕೆ ಬೆಂಕಿ ಬಿದ್ದಿದೆ ಎಂದೇ ಹೇಳಬಹುದು. ಯಾಕೆಂದರೆ ಸಂಕಷ್ಟದ ಸಂದರ್ಭದಲ್ಲಿ ನಮನ್‌ ಧೀರ್‌ ಬೌಲಿಂಗ್‌ ಕೂಡ ಮಾಡಬಲ್ಲರು. ವಿಕೆಟ್‌ ಕೀಳುವ ತಾಖತ್ತು ಕೂಡ ನಮನ್‌ ಧೀರ್‌ಗೆ ಇದೆ.

36 ವರ್ಷಗಳ ಹಿಂದೆ ಸಚಿನ್‌, ಇಂದು ಸೂರ್ಯವಂಶಿ: ಕಿವೀಸ್‌ ನೆಲದಲ್ಲಿ ಚೊಚ್ಚಲ ಪಂದ್ಯ, ಯಾರು ಅತ್ಯುತ್ತಮ ಬ್ಯಾಟರ್?

Ganesh Mabla Gowda — Sat, 24 Oct 2026 21:25:22 +0530

ಇವತ್ತು ಭಾರತ ಮತ್ತು ನ್ಯೂಜಿಲೆಂಡ್‌ ತಂಡಗಳು ಎರಡನೇ ಟಿ-20ಯಲ್ಲಿ ಮುಖಾಮುಖಿ ಆಗಿದ್ದವು. ಪಂದ್ಯ ಶುರುವಾಗುತ್ತಿದ್ದಂತೆಯೇ ಮಾಸ್ಟರ್‌ ಬ್ಲಾಸ್ಟರ್‌ ಸಚಿನ್‌ ತೆಂಡುಲ್ಕರ್‌ ಹಾಗೂ ವೈಭವ್‌ ಸೂರ್ಯವಂಶಿ ನಡುವೆ ಹೋಲಿಕೆ ಶುರುವಾಗಿತ್ತು. ಅದು ಯಾವ ವಿಚಾರಕ್ಕೆ ಗೊತ್ತಾ?

ಹೌದು, ಇವತ್ತಿನ ಪಂದ್ಯದಲ್ಲಿ ವೈಭವ್‌ ಸೂರ್ಯವಂಶಿಗೆ ಆಡುವ ಅವಕಾಶ ಸಿಕ್ಕಿತ್ತು. 15 ವರ್ಷ ಮತ್ತು 211 ದಿನಗಳ ಸೂರ್ಯವಂಶಿ ಮೊದಲ ಬಾರಿಗೆ ನ್ಯೂಜಿಲೆಂಡ್‌ ನೆಲದಲ್ಲಿ ಆಡಿ ಗಮನ ಸೆಳೆದರು. ಆ ಮೂಲಕ ನ್ಯೂಜಿಲೆಂಡ್‌ ನೆಲದಲ್ಲಿ ಅಂತಾರಾಷ್ಟ್ರೀಯ ಪಂದ್ಯವನ್ನ ಆಡಿದ ಅತ್ಯಂತ ಕಿರಿಯ ವಯಸ್ಸಿನ ವಿದೇಶಿಗ ಎಂಬ ಹೆಗ್ಗಳಿಕೆಗೆ ಸೂರ್ಯವಂಶಿ ಪಾತ್ರರಾದರು.

ಏನಿದು ಹೋಲಿಕೆ?

ವೈಭವ್‌ ಅವರ ನ್ಯೂಜಿಲೆಂಡ್‌ ನೆಲದ ಚೊಚ್ಚಲ ಪಂದ್ಯಕ್ಕೂ ಸಚಿನ್‌ ತೆಂಡುಲ್ಕರ್‌ ನಡುವೆ ಹೋಲಿಕೆ ನಡೆಯಿತು. 36 ವರ್ಷಗಳ ಹಿಂದೆ ಸಚಿನ್‌ ತೆಂಡುಲ್ಕರ್‌ ಅವರು ನ್ಯೂಜಿಲೆಂಡ್‌ ನೆಲದಲ್ಲಿ ಮೊದಲ ಬಾರಿಗೆ ಪಂದ್ಯವನ್ನ ಆಡಿದ್ದರು. ಫೆಬ್ರವರಿ 1990ರಲ್ಲಿ ಲ್ಯಾಂಕಾಸ್ಟರ್ ಪಾರ್ಕ್‌ನಲ್ಲಿ ನಡೆದ ಟೆಸ್ಟ್ ಪಂದ್ಯದ ಮೂಲಕ ಸಚಿನ್ ಮೊದಲ ಬಾರಿಗೆ ನ್ಯೂಜಿಲೆಂಡ್ ನೆಲದಲ್ಲಿ ಆಡಿದ್ದರು.

ಅಂದು ಸಚಿನ್‌ ತೆಂಡುಲ್ಕರ್‌ಗೆ 16 ವರ್ಷ 284 ದಿನಗಳಾಗಿತ್ತು. ಈಗ 15 ವರ್ಷ 211 ದಿನಗಳು ತುಂಬಿದ್ದ ವೈಭವ್ ನ್ಯೂಜಿಲೆಂಡ್‌ ನೆಲದಲ್ಲಿ ಟಿ20 ಮ್ಯಾಚ್‌ ಆಡಿದರು. ಅವತ್ತಿನ ಪಂದ್ಯದಲ್ಲಿ ಸಚಿನ್‌ ತೆಂಡುಲ್ಕರ್‌ ಮೊದಲ ಇನ್ನಿಂಗ್ಸ್‌ನಲ್ಲಿ ಶೂನ್ಯಕ್ಕೆ ಔಟ್‌ ಆಗಿದ್ದರು. ಎರಡನೇ ಇನ್ನಿಂಗ್ಸ್‌ನಲ್ಲಿ 44 ಎಸೆತಗಳಲ್ಲಿ 24 ರನ್‌ಗಳಿಸಿದರು. ಸೂರ್ಯವಂಶಿ ಅವರು ಇವತ್ತಿನ ಪಂದ್ಯದಲ್ಲಿ 8 ಬಾಲ್‌ ಎದುರಿಸಿ ಕೇವಲ 4 ರನ್‌ ಬಾರಿಸಿದರು. ಆ ಮೂಲಕ ಇಬ್ಬರಿಗೂ ನ್ಯೂಜಿಲೆಂಡ್‌ ನೆಲದ ತಮ್ಮ ಚೊಚ್ಚಲ ಪಂದ್ಯದಲ್ಲಿ ಬಿಗ್‌ ಸ್ಕೋರ್‌ ಗಳಿಸುವಲ್ಲಿ ಸಾಧ್ಯವಾಗಲಿಲ್ಲ.

ಆಟಗಾರ	ವೇದಿಕೆ	ವಯಸ್ಸು	ಮೊದಲ ಪ್ರದರ್ಶನ
ಸಚಿನ್ ತೆಂಡೂಲ್ಕರ್	ಕ್ರೈಸ್ಟ್‌ಚರ್ಚ್, 1990	16 ವರ್ಷ 284 ದಿನಗಳು	0 & 24
ವೈಭವ್ ಸೂರ್ಯವಂಶಿ	ಕ್ರೈಸ್ಟ್‌ಚರ್ಚ್, 2026	15 ವರ್ಷ 211 ದಿನಗಳು	4 ರನ್‌ಗಳು

ಮುಂದಿನ ದಿನಗಳಲ್ಲಿ ಸಚಿನ್‌ ತೆಂಡುಲ್ಕರ್‌ ವಿಶ್ವದ ಶ್ರೇಷ್ಠ ಬ್ಯಾಟರ್‌ ಆಗಿ ಹೊರಹೊಮ್ಮಿದರು. ವೈಭವ್‌ ಅವರ ವೃತ್ತಿ ಜೀವನ ಈಗಷ್ಟೇ ಶುರುವಾಗಿದೆ. ವೈಭವ್‌ ಸೂರ್ಯವಂಶಿ ಯಾವ ರೀತಿ ತಮ್ಮ ವೃತ್ತಿಜೀವನವನ್ನು ಕೊಂಡೊಯ್ಯಲಿದ್ದಾರೆ ಎಂಬ ಕುತೂಹಲ ಹೆಚ್ಚಾಗಿದೆ. ಕ್ರೈಸ್ಟ್‌ಚರ್ಚ್‌ನಲ್ಲಿ ನಡೆದ ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ 4 ವಿಕೆಟ್‌ಗಳ ರೋಚಕ ಜಯ ಸಾಧಿಸಿದೆ. 181 ರನ್‌ಗಳ ಗುರಿ ಬೆನ್ನತ್ತಿದ ಭಾರತ 70 ರನ್‌ಗಳಿಗೆ 5 ವಿಕೆಟ್ ಕಳೆದುಕೊಂಡಿದ್ದರೂ, ತಿಲಕ್ ವರ್ಮಾ ಅವರ ಅಜೇಯ ಅರ್ಧಶತಕದ ನೆರವಿನಿಂದ ಗೆಲುವು ಒಲಿಸಿಕೊಂಡಿತು. ಈ ಮೂಲಕ 5 ಪಂದ್ಯಗಳ ಸರಣಿಯಲ್ಲಿ ಭಾರತ 2-0 ಮುನ್ನಡೆ ಸಾಧಿಸಿದೆ.

'ಇಡೀ ದೇಶ ನಿಮ್ಮನ್ನು ನಂಬುತ್ತದೆʼ ಕೋಚ್ ಗಂಭೀರ್‌ ಆಟ ಬದಲಿಸಿದ ರಹಸ್ಯ ಬಿಚ್ಚಿಟ್ಟು ಭಾವುಕರಾದ ತಿಲಕ್‌ ವರ್ಮಾ

Ganesh Mabla Gowda — Sat, 24 Oct 2026 19:14:42 +0530

ನ್ಯೂಜಿಲೆಂಡ್‌ ವಿರುದ್ಧದ ಎರಡನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ 4 ವಿಕೆಟ್‌ಗಳ ರೋಚಕ ಗೆಲುವು ಸಾಧಿಸಿದೆ. ಕ್ರೈಸ್ಟ್‌ ಚರ್ಜ್‌ನ ಹ್ಯಾಗ್ಲಿ ಓವಲ್‌ನಲ್ಲಿ ಪಂದ್ಯ ನಡೆದಿತ್ತು. 181 ರನ್‌ಗಳ ಗುರಿ ಬೆನ್ನು ಹತ್ತಿದ್ದ ಟೀಂ ಇಂಡಿಯಾಗೆ ಉಪನಾಯಕ ತಿಲಕ್‌ ವರ್ಮಾ ಗೆಲುವಿನ ಗುರಿ ಮುಟ್ಟಿಸುವಲ್ಲಿ ಯಶಸ್ವಿಯಾದರು.

ನಾಲ್ಕು ವಿಕೆಟ್‌ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದ್ದ ಸಂದರ್ಭದಲ್ಲಿ ಕ್ರೀಸ್‌ಗೆ ಬಂದ ತಿಲಕ್‌ ವರ್ಮಾ ಸ್ಫೋಟಕ ಇನ್ನಿಂಗ್ಸ್‌ ಕಟ್ಟಿದರು. 196.15ರ ಸ್ಟ್ರೈಕ್‌ ರೇಟ್‌ನಲ್ಲಿ ಬ್ಯಾಟ್‌ ಬೀಸಿದ ತಿಲಕ್‌ ವರ್ಮಾ, 26 ಬಾಲ್‌ನಲ್ಲಿ 51 ರನ್‌ಗಳಿಸಿದರು. ಈ ವೇಳೆ ಅವರು ಒಂದು ಸಿಕ್ಸರ್‌, ಆರು ಬೌಂಡರಿ ಬಾರಿಸಿದರು. ಆ ಮೂಲಕ ತಿಲಕ್‌ ವರ್ಮಾ ಕೊನೆಯವರೆಗೂ ಔಟ್‌ ಆಗದೇ ಪಂದ್ಯವನ್ನು ಗೆಲ್ಲಿಸಿಕೊಂಡು ಬಂದರು. ಟೀಂ ಇಂಡಿಯಾ ಗೆಲುವಿನೊಂದಿಗೆ ಪಂದ್ಯ ಪರುಷೋತ್ತಮ ಪ್ರಶಸ್ತಿಗೂ ಪಾತ್ರರಾದರು.

ಮ್ಯಾನ್‌ ಆಫ್‌ ದಿ ಮ್ಯಾಚ್‌ ಅವರ್ಡ್‌ ಸ್ವೀಕರಿಸಿ ಮಾತನಾಡಿದ ತಿಲಕ್‌ ವರ್ಮಾ.. ತಮ್ಮ ಆಟದ ಶೈಲಿಯಲ್ಲಿ ಬದಲಾದ ಕ್ಷಣವನ್ನು ವಿವರಿಸಿದರು. ತಮ್ಮ ಶಕ್ತಿಶಾಲಿ ಇನ್ನಿಂಗ್ಸ್‌ ಹಾಗೂ ಮೈದಾನದಲ್ಲಿ ಪ್ರೋತ್ಸಾಹಿಸಿದ ಡ್ರೆಸ್ಸಿಂಗ್‌ ಕೋಣೆಯೊಳಗೆ ನಡೆದ ಸಂಭಾಷಣೆಯನ್ನು ಬಹಿರಂಗಪಡಿಸಿದರು. ಈ ವೇಳೆ ತಿಲಕ್‌ ವರ್ಮಾ ಕೋಚ್‌ ಗೌತಮ್‌ ಗಂಭೀರ್‌ ಅವರ ಬೆಂಬಲ ನೆನಪಿಸಿಕೊಂಡು ಭಾವುಕರಾದರು.

ಏನಂದ್ರು ತಿಲಕ್‌ ವರ್ಮಾ?

ಇನ್ನಿಂಗ್ಸ್‌ಗಾಗಿ ಕ್ರೀಸ್‌ಗೆ ಬರುವುದಕ್ಕೂ ಮೊದಲು ನಾನು ಕೋಚ್‌ ಗಂಭೀರ್‌ ಸರ್‌ ಹಾಗೂ ಸಿತಾಂಶು ಕೋಟಕ್‌ ಸರ್‌ ಜೊತೆ ಮಾತನಾಡಿದೆ. ಅವರು ನನಗೆ ಒಂದೇ ವಿಚಾರವನ್ನು ಹೇಳಿದರು. ನಾವೆಲ್ಲರೂ ನಿನ್ನನ್ನು ನಂಬುತ್ತೇವೆ. ಇಡೀ ದೇಶವು ನಿನ್ನನ್ನು ನಂಬುತ್ತದೆ. ನೀನು ಕೊನೆಯವರೆಗೂ ಕ್ರೀಸ್‌ನಲ್ಲಿ ಇದ್ದರೆ, ನೀನು ಪಂದ್ಯವನ್ನು ಗೆಲ್ಲುತ್ತಿಯಾ ಎಂದಿದ್ದರು. ಬಳಿಕ ನನಗೆ ಅದೊಂದೇ ಯೋಚನೆ ನನ್ನ ತಲೆಯಲ್ಲಿ ಬಂದು ಕೂತಿತ್ತು. ಅದೇ ಕಾರಣಕ್ಕೆ ನಾನು ಆಟವನ್ನು ಸಾಕಷ್ಟು ದೂರ ಕೊಂಡೊಯ್ಯಲು ನಿರ್ಧರಿಸಿದೆ ಎಂದು ಇನ್ನಿಂಗ್ಸ್‌ ಬದಲಾದ ಸಿಕ್ರೇಟ್‌ ಅನ್ನು ಬಹಿರಂಗಪಡಿಸಿದರು.

ಹಾಗೆಯೇ ಇನ್ನಿಂಗ್ಸ್‌ ಬಗ್ಗೆ ಮಾತು ಮುಂದುವರಿಸಿ.. ಪಿಚ್‌ ಸ್ವಲ್ಪ ನಿಧಾನವಾಗಿತ್ತು. ನಮನ್‌ ಸ್ಪಿನ್ನರ್‌ಗಳ ವಿರುದ್ಧ ಬೌಂಡರಿಗಳನ್ನ ಹೊಡೆಯುವ ಮತ್ತು ರನ್‌ ಕದಿಯಲು ತಂತ್ರ ರೂಪಿಸಿದರು. ನಮನ್‌ ನಾಲೈದು ಬಾರಿ ಎರಡು ರನ್‌ಗಳನ್ನ ತೆಗೆದುಕೊಂಡರು. ಈ ರನ್‌ಗಳು ತಂಡದ ಗೆಲುವಿಗೆ ತುಂಬಾನೇ ನಿರ್ಣಾಯಕವಾಯಿತು. ನಂತರ ನಿತೀಶ್‌ ರೆಡ್ಡಿ ಜೊತೆಗೆ ಆಟ ಮುಗಿಸಲಾಯಿತು. ನಮ್ಮ ಹುಡುಗರು ಮೈದಾನದಲ್ಲಿ ಪೂರ್ಣ ಪ್ರದರ್ಶನ ನೀಡಿದ್ದಾರೆ ಎಂದು ಮುಗುಳುನಕ್ಕರು.

ಇನ್ನು ಟೀಂ ಇಂಡಿಯಾ ಪರ ನಮನ್‌ ಧೀರ್‌ 17 ಬಾಲ್‌ನಲ್ಲಿ 31 ರನ್‌ಗಳಿಸಿದ್ರೆ, ನಿತೀಶ್‌ ರೆಡ್ಡಿ 13 ಬಾಲ್‌ನಲ್ಲಿ 26 ರನ್‌ಗಳಿಸಿದರು. ಅಭಿಷೇಕ್‌ ಶರ್ಮಾ 21 ಬಾಲ್‌ನಲ್ಲಿ 27 ರನ್‌ಗಳನ್ನ ಬಾರಿಸಿದರು. ವೈಭವ್‌ ಸೂರ್ಯವಂಶಿ ನಾಲ್ಕು ರನ್‌ಗಳಿಸಿ ನಿರಾಸೆ ಮೂಡಿಸಿದರು. ಅರ್ಷದೀಪ್‌ ಸಿಂಗ್‌ ಎರಡು ಹಾಗೂ ಭುವಿ ಮತ್ತು ರೆಡ್ಡಿ ತಲಾ ಒಂದು ವಿಕೆಟ್‌ ಪಡೆದರು. ಇತ್ತು ಭುವನೇಶ್ವರ್‌ ಕುಮಾರ್‌ 50 ರನ್‌ಗಳನ್ನ ನೀಡಿ ದುಬಾರಿ ಬೌಲರ್‌ ಎನಿಸಿಕೊಂಡರು.

Ind vs NZ T20I: ಕಿವೀಸ್ ಎದುರಿನ ಎರಡನೇ ಟಿ20ಯಲ್ಲಿ ಅಪರೂಪದ ವಿಶ್ವದಾಖಲೆ ಬರೆದ ತಿಲಕ್ ವರ್ಮಾ..!

Naveen Kodase — Sat, 24 Oct 2026 18:14:44 +0530

ಕ್ರೈಸ್ಟ್‌ಚರ್ಚ್: ಇಂದು ನಡೆದ ನ್ಯೂಜಿಲೆಂಡ್ ಎದುರಿನ ಎರಡನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಉಪನಾಯಕ ತಿಲಕ್ ವರ್ಮಾ ಅಪರೂಪದ ವಿಶ್ವದಾಖಲೆ ತಮ್ಮ ಹೆಸರಿಗೆ ಬರೆಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಆದರೆ ಅದು ಬ್ಯಾಟಿಂಗ್‌ನಲ್ಲಿ ಅಲ್ಲ, ಬದಲಾಗಿ ಫೀಲ್ಡಿಂಗ್‌ನಲ್ಲಿ. ತಿಲಕ್ ವರ್ಮಾ ಇದೀಗ ಕ್ಯಾಲೆಂಡರ್‌ ವರ್ಷವೊಂದರಲ್ಲಿ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಕ್ಯಾಚ್ ಹಿಡಿದ ಫೀಲ್ಡರ್ ಎನ್ನುವ ವಿಶ್ವದಾಖಲೆಗೆ ಪಾತ್ರರಾಗಿದ್ದಾರೆ.

ವಿಶ್ವದಾಖಲೆ ಬರೆದ ತಿಲಕ್ ವರ್ಮಾ

ಹೌದು, ಟೀಂ ಇಂಡಿಯಾ ಟಿ20 ತಂಡದ ಉಪನಾಯಕ ತಿಲಕ್ ವರ್ಮಾ, ಇದೀಗ ನ್ಯೂಜಿಲೆಂಡ್ ಎದುರಿನ ಎರಡನೇ ಟಿ20 ಪಂದ್ಯದಲ್ಲಿ ಮೊದಲ ಮೂರು ಓವರ್‌ನಲ್ಲೇ ಎರಡು ವಿಕೆಟ್ ಕಬಳಿಸುವ ಮೂಲಕ ಐತಿಹಾಸಿಕ ಮೈಲಿಗಲ್ಲು ನೆಟ್ಟರು. ಮೊದಲಿಗೆ ಟಿಮ್ ಸೀಫರ್ಟ್ ಆ ಬಳಿಕ ಡೇರಲ್ ಮಿಚೆಲ್ ಅವರ ಕ್ಯಾಚ್ ಹಿಡಿಯುವ ಮೂಲಕ ಇಂಡೋನೇಷ್ಯಾದ ಡ್ಯಾನಿಲ್ಸನ್ ಹೌವೇ ಅವರನ್ನು ಹಿಂದಿಕ್ಕಿ ಈ ವಿಶ್ವದಾಖಲೆ ನಿರ್ಮಿಸಿದರು. ಇಂಡೋನೇಷ್ಯಾದ ಡ್ಯಾನಿಲ್ಸನ್ ಹೌವೇ 2025ರ ಕ್ಯಾಲೆಂಡರ್ ವರ್ಷದಲ್ಲಿ ಒಟ್ಟು 25 ಕ್ಯಾಚ್‌ಗಳನ್ನು ಹಿಡಿದಿದ್ದರು. ಇದೀಗ ತಿಲಕ್ ವರ್ಮಾ 2026ರ ಕ್ಯಾಲೆಂಡರ್ ವರ್ಷದಲ್ಲಿ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ 26 ಕ್ಯಾಚ್ ಹಿಡಿಯುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದ್ದಾರೆ. ತಿಲಕ್ ವರ್ಮಾ ಹೊರತುಪಡಿಸಿದರೇ, ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಕ್ಯಾಲೆಂಡರ್ ವರ್ಷವೊಂದರಲ್ಲಿ ಯಾವೊಬ್ಬ ಫೀಲ್ಡರ್ ಕೂಡಾ 25ಕ್ಕೂ ಹೆಚ್ಚು ಕ್ಯಾಚ್ ಹಿಡಿದಿಲ್ಲ.

ಭಾರತಕ್ಕೆ ಗೆಲುವು ತಂದುಕೊಟ್ಟ ತಿಲಕ್ ವರ್ಮಾ:

ಇನ್ನು ಎರಡನೇ ಟಿ20 ಪಂದ್ಯದಲ್ಲಿ ಗೆಲ್ಲಲು 181 ರನ್‌ಗಳ ಕಠಿಣ ಗುರಿ ಬೆನ್ನತ್ತಿದ ಟೀಂ ಇಂಡಿಯಾ ಆರಂಭದಲ್ಲೇ ಪ್ರಮುಖ ವಿಕೆಟ್ ಕಳೆದುಕೊಳ್ಳುವ ಮೂಲಕ ಸೋಲಿನತ್ತ ಮುಖ ಮಾಡಿತ್ತು. ಒಂದು ಹಂತದಲ್ಲಿ ಭಾರತ ತಂಡವು 7- ರನ್ ಗಳಿಸುವಷ್ಟರಲ್ಲಿ ಅಗ್ರಕ್ರಮಾಂಕದ ಐವರು ಬ್ಯಾಟರ್‌ಗಳು ಪೆವಿಲಿಯನ್ ಸೇರಿದ್ದರು. ಈ ವೇಳೆ ನಮನ್ ಧೀರ್ ಹಾಗೂ ನಿತೀಶ್ ಕುಮಾರ್ ರೆಡ್ಡಿ ಜತೆ ಉಪಯುಕ್ತ ಜತೆಯಾಟವಾಡಿದ ತಿಲಕ್ ವರ್ಮಾ ಭಾರತಕ್ಕೆ ಅವಿಸ್ಮರಣೀಯ ಗೆಲುವು ತಂದುಕೊಟ್ಟರು. ಕಿವೀಸ್ ಬೌಲರ್‌ಗಳನ್ನು ಮನಬಂದಂತೆ ದಂಡಿಸಿದ ತಿಲಕ್ ವರ್ಮಾ ಕೇವಲ 26 ಎಸೆತಗಳಲ್ಲಿ 6 ಬೌಂಡರಿ ಹಾಗೂ ಒಂದು ಸಿಕ್ಸರ್ ಸಹಿತ ಅಜೇಯ 51 ರನ್ ಸಿಡಿಸುವ ಮೂಲಕ ತಂಡವನ್ನು ಗೆಲುವಿನ ದಡ ಸೇರಿಸಿದರು. ಫೀಲ್ಡಿಂಗ್ ಹಾಗೂ ಬ್ಯಾಟಿಂಗ್‌ನಲ್ಲಿ ಮಿಂಚಿ ಟೀಂ ಇಂಡಿಯಾ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ ತಿಲಕ್ ವರ್ಮಾ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಪಾತ್ರರಾದರು.

ಇದು ಟೀಂ ಇಂಡಿಯಾ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ದಾಖಲಿಸಿದ ಇನ್ನೂರನೇ ಗೆಲುವು ಎನಿಸಿಕೊಂಡಿತು. ಈ ಗೆಲುವಿನೊಂದಿಗೆ ಶ್ರೇಯಸ್ ಅಯ್ಯರ್ ನೇತೃತ್ವದ ಭಾರತ ತಂಡವು ಐದು ಪಂದ್ಯಗಳ ಟಿ20 ಸರಣಿಯಲ್ಲಿ 2-0 ಮುನ್ನಡೆ ಸಾಧಿಸಿದೆ. ಇನ್ನುಳಿದ ಮೂರು ಪಂದ್ಯಗಳ ಪೈಕಿ ಇನ್ನೊಂದು ಪಂದ್ಯ ಗೆದ್ದರೂ ಸರಣಿ ಟೀಂ ಇಂಡಿಯಾ ಪಾಲಾಗಲಿದೆ.

ಸಚಿನ್ ತೆಂಡೂಲ್ಕರ್ ಫಿಟ್ನೆಸ್ ಮಂತ್ರವೇನು? ಸಕ್ಕರೆ ತ್ಯಜಿಸಿದ ಮಾಸ್ಟರ್ ಬ್ಲಾಸ್ಟರ್ ಪಾಲಿಸುವ ಸರಳ ನಿಯಮಗಳಿವು!

Chandrashekar GS — Sat, 24 Oct 2026 17:50:18 +0530

ಸಕ್ಕರೆಗೆ ಗುಡ್‌ಬೈ ಹೇಳಿದ ಸಚಿನ್ ತೆಂಡೂಲ್ಕರ್: ಫಿಟ್‌ನೆಸ್‌ಗಾಗಿ ಅನುಸರಿಸುವ ಸರಳ ಸೂತ್ರಗಳೇನು?

ಕ್ರಿಕೆಟ್ ಮೈದಾನದಲ್ಲಿ ತಮ್ಮ ಬ್ಯಾಟಿಂಗ್ ಮೂಲಕ ಕೋಟ್ಯಂತರ ಅಭಿಮಾನಿಗಳನ್ನು ರಂಜಿಸಿದ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್, ನಿವೃತ್ತಿಯ ನಂತರವೂ ತಮ್ಮ ಫಿಟ್‌ನೆಸ್‌ಗೆ ಹೆಚ್ಚಿನ ಆದ್ಯತೆ ನೀಡುತ್ತಿದ್ದಾರೆ. 53ನೇ ವಯಸ್ಸಿನಲ್ಲಿಯೂ ಸಕ್ರಿಯ ಜೀವನಶೈಲಿಯನ್ನು ಕಾಪಾಡಿಕೊಳ್ಳಲು ಆಹಾರ ಪದ್ಧತಿ, ವ್ಯಾಯಾಮ ಮತ್ತು ಶಿಸ್ತಿಗೆ ಮಹತ್ವ ನೀಡುತ್ತಿದ್ದಾರೆ. ವಿಶೇಷವಾಗಿ ಸಕ್ಕರೆ ಮತ್ತು ಜಂಕ್ ಫುಡ್‌ನಿಂದ ದೂರವಿರುವುದು ಅವರ ಆರೋಗ್ಯದ ಕುರಿತ ಚರ್ಚೆಯಲ್ಲಿ ಗಮನ ಸೆಳೆದಿದೆ.

ಸಕ್ಕರೆಯಿಂದ ದೂರವಿರಲು ಸಚಿನ್ ನಿರ್ಧಾರ

ಇತ್ತೀಚಿನ ವರದಿಗಳ ಪ್ರಕಾರ, ಸಚಿನ್ ತಮ್ಮ ಆಹಾರ ಪದ್ಧತಿಯಲ್ಲಿ ಬದಲಾವಣೆ ಮಾಡಿಕೊಂಡಿದ್ದು, ಸಕ್ಕರೆಯನ್ನು ತ್ಯಜಿಸಿದ್ದಾರೆ. ಇಂದಿನ ದಿನಗಳಲ್ಲಿ ಮಧುಮೇಹದ ಅಪಾಯ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಆಹಾರ ಮತ್ತು ದೈಹಿಕ ಚಟುವಟಿಕೆಗಳ ಬಗ್ಗೆ ಎಚ್ಚರಿಕೆ ವಹಿಸುವುದು ಮುಖ್ಯ ಎಂಬ ಸಂದೇಶವೂ ಅವರ ಫಿಟ್‌ನೆಸ್ ಅಭ್ಯಾಸಗಳಲ್ಲಿ ಕಾಣಿಸುತ್ತದೆ.

ಸಕ್ಕರೆ ಹೆಚ್ಚಿರುವ ಆಹಾರ ಮತ್ತು ಜಂಕ್ ಫುಡ್ ಸೇವನೆಯನ್ನು ಕಡಿಮೆ ಮಾಡುವುದು ಆರೋಗ್ಯಕರ ಜೀವನಶೈಲಿಯ ಭಾಗವಾಗಬಹುದು. ಆದರೆ ಪ್ರತಿಯೊಬ್ಬರ ದೇಹದ ಅಗತ್ಯಗಳು ವಿಭಿನ್ನವಾಗಿರುವುದರಿಂದ, ಆಹಾರದಲ್ಲಿ ದೊಡ್ಡ ಬದಲಾವಣೆ ಮಾಡುವ ಮೊದಲು ತಜ್ಞರ ಸಲಹೆ ಪಡೆಯುವುದು ಸೂಕ್ತ.

ಪ್ರತಿದಿನ ವ್ಯಾಯಾಮಕ್ಕೆ ಅರ್ಧ ಗಂಟೆ ಮೀಸಲಿಡಿ

ಸಚಿನ್ ಅವರ ಫಿಟ್‌ನೆಸ್ ದಿನಚರಿಯಲ್ಲಿ ವ್ಯಾಯಾಮಕ್ಕೆ ವಿಶೇಷ ಸ್ಥಾನವಿದೆ. ಸ್ಟ್ರೆಚಿಂಗ್, ತೂಕ ಎತ್ತುವ ವ್ಯಾಯಾಮ ಮತ್ತು ದೇಹದ ಬಲವನ್ನು ಹೆಚ್ಚಿಸುವ ಚಟುವಟಿಕೆಗಳನ್ನು ಅವರು ಅಭ್ಯಾಸ ಮಾಡುತ್ತಾರೆ. ಡಂಬೆಲ್ ಸ್ಕ್ವಾಟ್ಸ್, ಲೆಗ್ ಪ್ರೆಸ್ ಮತ್ತು ಇತರ ಶಕ್ತಿ ವರ್ಧಕ ವ್ಯಾಯಾಮಗಳು ಅವರ ತರಬೇತಿಯ ಭಾಗವಾಗಿವೆ ಎಂದು ವರದಿಗಳು ತಿಳಿಸಿವೆ.

ಜಿಮ್‌ಗೆ ಹೋಗಲು ಸಾಧ್ಯವಾಗದವರು ಪ್ರತಿದಿನ ವಾಕಿಂಗ್ ಅಥವಾ ಓಟದಂತಹ ಸರಳ ಚಟುವಟಿಕೆಗಳಿಂದಲೂ ಆರಂಭಿಸಬಹುದು. ಮುಖ್ಯವಾಗಿ, ಒಂದೇ ದಿನ ಹೆಚ್ಚು ವ್ಯಾಯಾಮ ಮಾಡುವುದಕ್ಕಿಂತ ನಿಯಮಿತವಾಗಿ ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವುದು ಉತ್ತಮ.

ಸಚಿನ್ ಅವರ ಆಹಾರ ಪದ್ಧತಿಯ ವಿಶೇಷತೆ

ಸಮತೋಲಿತ ಆಹಾರವೂ ಅವರ ಫಿಟ್‌ನೆಸ್ ಅಭ್ಯಾಸದ ಪ್ರಮುಖ ಭಾಗವಾಗಿದೆ. ವರದಿಗಳ ಪ್ರಕಾರ, ಅವರ ಆಹಾರದಲ್ಲಿ ಕಾರ್ಬೋಹೈಡ್ರೇಟ್‌ಗಳು, ಪ್ರೋಟೀನ್ ಮತ್ತು ಆರೋಗ್ಯಕರ ಕೊಬ್ಬುಗಳಿಗೆ ಸ್ಥಾನವಿದೆ. ಹಣ್ಣುಗಳು, ತರಕಾರಿಗಳು, ಸಲಾಡ್ ಮತ್ತು ಪ್ರೋಟೀನ್‌ಯುಕ್ತ ಆಹಾರಗಳು ಪೌಷ್ಟಿಕಾಂಶ ಒದಗಿಸಲು ಸಹಾಯ ಮಾಡುತ್ತವೆ.

ಊಟಕ್ಕಿಂತ ಆರೋಗ್ಯಕ್ಕೆ ಹೆಚ್ಚು ಆದ್ಯತೆ ನೀಡಿ!

ಸಚಿನ್ ಅವರ ಜೀವನಶೈಲಿಯಿಂದ ಕಲಿಯಬಹುದಾದ ಮುಖ್ಯ ಪಾಠವೆಂದರೆ ಫಿಟ್‌ನೆಸ್‌ಗೆ ದುಬಾರಿ ವ್ಯವಸ್ಥೆಗಳೇ ಬೇಕಿಲ್ಲ. ಆಹಾರದಲ್ಲಿ ಸಮತೋಲನ, ನಿಯಮಿತ ವ್ಯಾಯಾಮ ಮತ್ತು ಶಿಸ್ತಿನ ಅಭ್ಯಾಸಗಳು ದೀರ್ಘಕಾಲದ ಆರೋಗ್ಯಕ್ಕೆ ನೆರವಾಗಬಹುದು. ಸಣ್ಣ ಬದಲಾವಣೆಗಳಿಂದ ಆರಂಭಿಸಿ ಅವುಗಳನ್ನು ನಿರಂತರವಾಗಿ ಪಾಲಿಸುವುದೇ ಆರೋಗ್ಯಕರ ಜೀವನದ ಉತ್ತಮ ಹೆಜ್ಜೆ.

IND vs NZ ಗೆದ್ದರೂ ಮುಚ್ಚಿಹೋಗಲ್ಲ ಟೀಮ್ ಇಂಡಿಯಾದ 5 ಬ್ಲಂಡರ್ಸ್; ಶ್ರೇಯಸ್ ಕೈಚೆಲ್ಲಿದ ಮ್ಯಾಚ್ ಉಡಾಯಿಸಿದ ತಿಲಕ್!

Bhimasi M Koleppanavar — Sat, 24 Oct 2026 17:44:01 +0530

ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಟಿ20 ಪಂದ್ಯದಲ್ಲಿ ತಿಲಕ್ ವರ್ಮಾ ಅವರ ಜವಾಬ್ದಾರಿಯುತ ಹಾಗೂ ಅಜೇಯ ಅರ್ಧಶತಕದ ನೆರವಿನಿಂದ ಭಾರತ ತಂಡ ರೋಚಕ ಗೆಲುವು ಸಾಧಿಸಿದೆ. ಒಂದು ಹಂತದಲ್ಲಿ 70 ರನ್‌ಗಳಿಗೆ 5 ವಿಕೆಟ್ ಕಳೆದುಕೊಂಡು ತೀವ್ರ ಸಂಕಷ್ಟದಲ್ಲಿದ್ದ ಭಾರತಕ್ಕೆ, ತಿಲಕ್ ವರ್ಮಾ (26 ಎಸೆತಗಳಲ್ಲಿ ಅಜೇಯ 51) ಆಸರೆಯಾದರು. ಇವರಿಗೆ ನಮನ್ ಧೀರ್ (17 ಎಸೆತಗಳಲ್ಲಿ 31) ಹಾಗೂ ನಿತೀಶ್ ಕುಮಾರ್ ರೆಡ್ಡಿ (13 ಎಸೆತಗಳಲ್ಲಿ ಅಜೇಯ 26) ಉತ್ತಮ ಸಾಥ್ ನೀಡಿದರು.

ಸವಾಲಿನ ಮೊತ್ತ ಕಟ್ಟಿಹಾಕಿದ ನ್ಯೂಜಿಲೆಂಡ್!

ಪಂದ್ಯದಲ್ಲಿ ಟಾಸ್ ಗೆದ್ದ ಭಾರತ ತಂಡದ ನಾಯಕ ಶ್ರೇಯಸ್ ಅಯ್ಯರ್ ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡರು. ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ ನಿಗದಿತ 20 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 180 ರನ್ ಗಳಿಸಿತು. ಗ್ಲೆನ್ ಫಿಲಿಪ್ಸ್ (43 ಎಸೆತಗಳಲ್ಲಿ 70) ಹಾಗೂ ಬೆವೊನ್ ಜಾಕೋಬ್ಸ್ (46 ಎಸೆತಗಳಲ್ಲಿ 58) ಜೋಡಿ 116 ರನ್‌ಗಳ ಬೃಹತ್ ಪಾಲುದಾರಿಕೆ ನಡೆಸಿ ತಂಡಕ್ಕೆ ಆಸರೆಯಾಯಿತು.

ಆರಂಭಿಕ ಹಿನ್ನಡೆ ಅನುಭವಿಸಿದ ಭಾರತ!

181 ರನ್‌ಗಳ ಗುರಿ ಬೆನ್ನಟ್ಟಿದ ಭಾರತಕ್ಕೆ ಆರಂಭ ಉತ್ತಮವಾಗಿರಲಿಲ್ಲ. ಸಂಜು ಸ್ಯಾಮ್ಸನ್ 14 ರನ್‌ಗಳಿಗೆ ಹಾಗೂ ಅಭಿಷೇಕ್ ಶರ್ಮಾ 27 ರನ್‌ಗಳಿಗೆ ಔಟಾದರು. ನ್ಯೂಜಿಲೆಂಡ್ ನೆಲದಲ್ಲಿ ಮೊದಲ ಪಂದ್ಯವನ್ನಾಡಿದ ವೈಭವ್ ಸೂರ್ಯವಂಶಿ 8 ಎಸೆತಗಳಲ್ಲಿ ಕೇವಲ 4 ರನ್ ಗಳಿಸಿ ನಿರಾಸೆ ಮೂಡಿಸಿದರು.

ಗೆಲುವಿನ ನಡುವೆಯೂ ಕಣ್ಣಿಗೆ ಬಿದ್ದ 5 ಪ್ರಮುಖ ತಪ್ಪುಗಳು!

ಭಾರತ ಪಂದ್ಯವನ್ನು ಗೆದ್ದರೂ, ಈ ಪಂದ್ಯದಲ್ಲಿ ತಂಡ ಹಾಗೂ ನಾಯಕ ಶ್ರೇಯಸ್ ಅಯ್ಯರ್ ಮಾಡಿದ 5 ತಪ್ಪುಗಳು ಎದ್ದು ಕಂಡವು. ಮೊದಲ ತಪ್ಪು ಬೆವೊನ್ ಜಾಕೋಬ್ಸ್ 20 ರನ್ ಗಳಿಸಿ ಆಡುತ್ತಿದ್ದಾಗ ನಾಯಕ ಶ್ರೇಯಸ್ ಅಯ್ಯರ್ ಸುಲಭ ಕ್ಯಾಚ್ ಬಿಟ್ಟರು. ಈ ಲೈಫ್‌ಲೈನ್ ಬಳಸಿಕೊಂಡ ಜಾಕೋಬ್ಸ್ 58 ರನ್ ಸಿಡಿಸಿದರು. ಇದು ಮೊದಲ ತಪ್ಪು. ಇನ್ನು ವೃತ್ತಿಜೀವನದುದ್ದಕ್ಕೂ ಆರಂಭಿಕರಾಗಿ ಆಡಿದ್ದ ವೈಭವ್ ಸೂರ್ಯವಂಶಿ ಅವರನ್ನು 3ನೇ ಕ್ರಮಾಂಕಕ್ಕೆ ಕಳುಹಿಸಲಾಯಿತು. ಈ ಪ್ರಯೋಗ ವಿಫಲವಾಯಿತು. ಇದನ್ನು ಮಾಜಿ ಆಟಗಾರ ಹಾಗೂ ವೀಕ್ಷಕ ವಿವರಣೆಗಾರ ಮುರಳಿ ಕಾರ್ತಿಕ್ ಕೂಡ ಕಟುವಾಗಿ ಟೀಕಿಸಿದರು. ಇದು ಎರಡನೇ ತಪ್ಪು. ತಂಡ 56/3 ಸ್ಕೋರ್ ಗಳಿಸಿ ಕಷ್ಟದಲ್ಲಿದ್ದಾಗ ಜವಾಬ್ದಾರಿಯಿಂದ ಆಡಬೇಕಿದ್ದ ಶ್ರೇಯಸ್ ಅಯ್ಯರ್ (7 ರನ್) ಮಿಚೆಲ್ ಸ್ಯಾಂಟ್ನರ್‌ಗೆ ಬೌಲ್ಡ್ ಆದರು. (ಸ್ಯಾಂಟ್ನರ್ 4 ಓವರ್‌ಗಳಲ್ಲಿ 21 ರನ್ ನೀಡಿ 4 ವಿಕೆಟ್ ಪಡೆದರು). ಇಲ್ಲಿ ಅಯ್ಯರ್ ಜವಾಬ್ದಾರಿಯುತ ಆಟ ಕಾಣಿಸಲಿಲ್ಲ. ಇದು 3ನೇ ತಪ್ಪು. ಪಿಚ್ ಸ್ಪಿನ್ನರ್‌ಗಳಿಗೆ ಬೆಂಬಲ ನೀಡುತ್ತಿದ್ದರೂ ಭಾರತ ತಜ್ಞ ಸ್ಪಿನ್ನರ್‌ಗಳನ್ನು ಆಡಿಸಲಿಲ್ಲ. ಬದಲಿಗೆ ಅಕ್ಷರ್ ಪಟೇಲ್ ಮತ್ತು ನಮನ್ ಧೀರ್ ಅವರನ್ನಷ್ಟೇ ಆಲ್ರೌಂಡರ್‌ಗಳಾಗಿ ಬಳಸಿಕೊಂಡಿತು.

ಕೊನೆಯ ತಪ್ಪು ಯಾವುದು?

ಕಳೆದ ಪಂದ್ಯದಲ್ಲಿ 3ನೇ ಕ್ರಮಾಂಕದಲ್ಲಿ ಆಡಿದ್ದ ತಿಲಕ್ ಅವರನ್ನು ಈ ಪಂದ್ಯದಲ್ಲಿ 6ನೇ ಕ್ರಮಾಂಕಕ್ಕೆ ಕಳುಹಿಸಲಾಯಿತು. ಇದರಿಂದಾಗಿ ಪಿಚ್‌ನಲ್ಲಿ ಸೆಟ್ ಆಗಲು ಅವರಿಗೆ 17ನೇ ಓವರ್‌ವರೆಗೂ ಸಮಯ ಬೇಕಾಯಿತು. ಅಲ್ಲದೇ 18ನೇ ಓವರ್‌ನಲ್ಲಿ 17 ರನ್ ಹಾಗೂ 19ನೇ ಓವರ್‌ನಲ್ಲಿ 18 ರನ್ ಬಾರಿಸಿ ತಿಲಕ್ ಭಾರತಕ್ಕೆ ವಿಜಯ ತಂದುಕೊಟ್ಟರು.

ಮಂಗಳವಾರ ಅಂತಿಮ ಪಂದ್ಯ!

ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಮೂರನೇ ಹಾಗೂ ಅಂತಿಮ ಟಿ20 ಪಂದ್ಯ ಮಂಗಳವಾರ (ಅಕ್ಟೋಬರ್ 27) ನಡೆಯಲಿದೆ. ಎರಡನೇ ಪಂದ್ಯದಲ್ಲಿ ತಿಲಕ್ ವರ್ಮಾ ಅವರ ಇನ್ನಿಂಗ್ಸ್ ಭಾರತವನ್ನು ಗೆಲ್ಲಿಸಿದೆಯಾದರೂ, ಸರಣಿ ವಶಪಡಿಸಿಕೊಳ್ಳಲು ಟೀಮ್ ಇಂಡಿಯಾ ಈ ತಪ್ಪುಗಳನ್ನು ತಿದ್ದುಕೊಳ್ಳಬೇಕಿದೆ.

15ರಿಂದ 87ಕ್ಕೆ ಬದಲಾದ ಭುವನೇಶ್ವರ್ ಕುಮಾರ್ ಜೆರ್ಸಿ ನಂಬರ್; ಇದರ ಹಿಂದಿದೆ ಇಂಟರೆಸ್ಟಿಂಗ್ ಲೆಕ್ಕಾಚಾರ!

Chandrashekar GS — Sat, 24 Oct 2026 15:32:52 +0530

15ರಿಂದ 87ಕ್ಕೆ ಬದಲಾದ ಭುವನೇಶ್ವರ್ ಕುಮಾರ್ ಜರ್ಸಿ ನಂಬರ್! ಇದರ ಹಿಂದಿನ ಕಾರಣವೇನು?

ಭಾರತ ತಂಡಕ್ಕೆ ಮರಳಿದ ಅನುಭವಿ ವೇಗಿ

ಭಾರತ ಕ್ರಿಕೆಟ್ ತಂಡದ ಅನುಭವಿ ವೇಗದ ಬೌಲರ್ ಭುವನೇಶ್ವರ್ ಕುಮಾರ್ ಮತ್ತೆ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಮರಳಿದ್ದು, ಅವರ ಹೊಸ ಜರ್ಸಿ ನಂಬರ್ ಕ್ರಿಕೆಟ್ ಅಭಿಮಾನಿಗಳ ಗಮನ ಸೆಳೆದಿದೆ. ಹಲವು ವರ್ಷಗಳಿಂದ 15ನೇ ಸಂಖ್ಯೆಯ ಜರ್ಸಿಯಲ್ಲಿ ಕಾಣಿಸಿಕೊಳ್ಳುತ್ತಿದ್ದ ಭುವನೇಶ್ವರ್, ಇದೀಗ 87ನೇ ಸಂಖ್ಯೆಯ ಜರ್ಸಿ ಧರಿಸುತ್ತಿದ್ದಾರೆ. ಈ ಬದಲಾವಣೆಯ ಹಿಂದಿನ ಕಾರಣವನ್ನು ಅವರೇ ಬಹಿರಂಗಪಡಿಸಿದ್ದಾರೆ.

ಜರ್ಸಿ ನಂಬರ್ ಬದಲಾವಣೆಗೆ ವಿಶೇಷ ಲೆಕ್ಕಾಚಾರ!

ಭುವನೇಶ್ವರ್ ಕುಮಾರ್ ತಮ್ಮ ಜರ್ಸಿ ಸಂಖ್ಯೆಯನ್ನು ಆಯ್ಕೆ ಮಾಡುವಾಗ ಅಂಕಿಗಳ ಮೊತ್ತಕ್ಕೆ ಮಹತ್ವ ನೀಡುತ್ತಾರೆ. ಈ ಹಿಂದೆ ಅವರು ಧರಿಸುತ್ತಿದ್ದ 15ನೇ ಸಂಖ್ಯೆಯ ಜರ್ಸಿಯ ಅಂಕಿಗಳನ್ನು ಕೂಡಿಸಿದರೆ 1+5=6 ಆಗುತ್ತದೆ. ಹೊಸ ಜರ್ಸಿ ಸಂಖ್ಯೆಯ ಆಯ್ಕೆಯಲ್ಲಿಯೂ ಇದೇ ಲೆಕ್ಕಾಚಾರವನ್ನು ಮುಂದುವರಿಸಲು ಅವರು ಬಯಸಿದ್ದರು.

ಈ ಕುರಿತು ಮಾತನಾಡಿದ ಭುವನೇಶ್ವರ್, ತಾವು ಮೊದಲು 15 ಸೇರಿದಂತೆ ಹಲವು ಸಂಖ್ಯೆಗಳನ್ನು ಪರಿಗಣಿಸಿದ್ದಾಗಿ ಹೇಳಿದ್ದಾರೆ. ಆದರೆ ಕೆಲವು ಸಂಖ್ಯೆಗಳು ತಂಡದ ಇತರ ಆಟಗಾರರಿಗೆ ಈಗಾಗಲೇ ಹಂಚಿಕೆಯಾಗಿದ್ದವು. ಕೊನೆಗೆ 87ನೇ ಸಂಖ್ಯೆಯನ್ನು ಆಯ್ಕೆ ಮಾಡಿಕೊಂಡರು. 8 ಮತ್ತು 7ರ ಮೊತ್ತ 15; ಮತ್ತೆ 1 ಮತ್ತು 5ನ್ನು ಕೂಡಿಸಿದರೆ 6 ಬರುತ್ತದೆ. ಹೀಗಾಗಿ ತಮ್ಮ ಹಳೆಯ ಜರ್ಸಿ ಸಂಖ್ಯೆಯೊಂದಿಗಿನ ಈ ಅಂಕಿ ಸಂಬಂಧವನ್ನು ಹೊಸ ಸಂಖ್ಯೆಯಲ್ಲಿಯೂ ಉಳಿಸಿಕೊಂಡಿದ್ದಾರೆ.

ಜರ್ಸಿಯಲ್ಲಿ ತಮ್ಮ ಹೆಸರನ್ನು ನೋಡುವುದೂ ಹೊಸ ಅನುಭವ!

ಭುವನೇಶ್ವರ್‌ಗೆ ಜರ್ಸಿ ಸಂಖ್ಯೆಯ ಬದಲಾವಣೆ ಮಾತ್ರವಲ್ಲ, ಜರ್ಸಿಯ ಹಿಂಭಾಗದಲ್ಲಿ ತಮ್ಮ ಉಪನಾಮವಾದ ‘ಕುಮಾರ್’ ಎಂದು ಮುದ್ರಿಸಿರುವುದಕ್ಕೂ ಒಗ್ಗಿಕೊಳ್ಳಲು ಸ್ವಲ್ಪ ಸಮಯ ಬೇಕಾಯಿತು. ಹಿಂದಿನ ದಿನಗಳಲ್ಲಿ ತಮ್ಮನ್ನು ‘ಬಿ. ಕುಮಾರ್’ ಎಂದು ಗುರುತಿಸಿಕೊಳ್ಳುತ್ತಿದ್ದ ಅವರು, ಹೊಸ ಜರ್ಸಿಯನ್ನು ಧರಿಸುವ ಅನುಭವ ವಿಭಿನ್ನವಾಗಿತ್ತು ಎಂದು ಹೇಳಿದ್ದಾರೆ.

ಟಿ20 ಕ್ರಿಕೆಟ್ ಬದಲಾಗಿದೆ, ಬೌಲರ್‌ಗಳೂ ಬದಲಾಗಬೇಕು!

ಟಿ20 ಕ್ರಿಕೆಟ್‌ನಲ್ಲಿ ಬ್ಯಾಟರ್‌ಗಳು ಮೊದಲ ಎಸೆತದಿಂದಲೇ ಆಕ್ರಮಣಕಾರಿ ಆಟಕ್ಕೆ ಮುಂದಾಗುತ್ತಿದ್ದಾರೆ. ಐಪಿಎಲ್‌ನಲ್ಲಿನ ಇಂಪ್ಯಾಕ್ಟ್ ಪ್ಲೇಯರ್ ನಿಯಮವೂ ಬ್ಯಾಟರ್‌ಗಳ ಮನೋಭಾವದ ಮೇಲೆ ಪ್ರಭಾವ ಬೀರಿದೆ ಎಂದು ಭುವನೇಶ್ವರ್ ಅಭಿಪ್ರಾಯಪಟ್ಟಿದ್ದಾರೆ.

ಆದರೆ ಬೌಲರ್‌ಗಳು ಬ್ಯಾಟರ್‌ಗಳ ಆಕ್ರಮಣಕ್ಕೆ ಬಲಿಯಾಗುವವರಲ್ಲ ಎಂಬುದು ಅವರ ನಿಲುವು. ಸರಿಯಾದ ಯೋಜನೆ, ಎಸೆತಗಳ ಮೇಲಿನ ನಿಯಂತ್ರಣ ಮತ್ತು ಬ್ಯಾಟರ್‌ಗಳನ್ನು ತಮ್ಮ ಇಷ್ಟದ ದಿಕ್ಕಿನಲ್ಲಿ ಹೊಡೆಯುವಂತೆ ಮಾಡುವ ತಂತ್ರಗಳ ಮೂಲಕ ಬೌಲರ್‌ಗಳೂ ಪಂದ್ಯವನ್ನು ನಿಯಂತ್ರಿಸಬಹುದು ಎಂದು ಅವರು ಹೇಳಿದ್ದಾರೆ.

ಇಂದಿನ ಟಿ20 ಕ್ರಿಕೆಟ್‌ನಲ್ಲಿ 200 ರನ್‌ಗಳ ಮೊತ್ತವೂ ಕೆಲವೊಮ್ಮೆ ಸಾಕಾಗುವುದಿಲ್ಲ. ಆಟದ ಸ್ವರೂಪ ವೇಗವಾಗಿ ಬದಲಾಗುತ್ತಿರುವುದರಿಂದ ಬೌಲರ್‌ಗಳು ನಿರಂತರವಾಗಿ ಹೊಸ ತಂತ್ರಗಳನ್ನು ಕಲಿಯಬೇಕಿದೆ ಎಂಬುದು ಅವರ ಅಭಿಪ್ರಾಯ.

IND vs NZ 2nd T20I: ಮತ್ತೆ ಕಿವೀಸ್ ಕಿವಿಹಿಂಡಿದ ಟೀಂ ಇಂಡಿಯಾ..! ಗೆಲುವಿನ ತಿಲಕವಿಟ್ಟ ತಿಲಕ್ ವರ್ಮಾ

Naveen Kodase — Sat, 24 Oct 2026 16:35:23 +0530

ಕ್ರೈಸ್ಟ್‌ಚರ್ಚ್: ತಿಲಕ್ ವರ್ಮಾ ಸ್ಪೋಟಕ ಅರ್ಧಶತಕ, ನಮನ್ ಧೀರ್ ಹಾಗೂ ನಿತೀಶ್ ಕುಮಾರ್ ರೆಡ್ಡಿ ಮಿಂಚಿನ ಬ್ಯಾಟಿಂಗ್ ನೆರವಿನಿಂದ ನ್ಯೂಜಿಲೆಂಡ್ ಎದುರಿನ ಎರಡನೇ ಟಿ20 ಪಂದ್ಯದಲ್ಲೂ ಟೀಂ ಇಂಡಿಯಾ 4 ವಿಕೆಟ್‌ಗಳ ರೋಚಕ ಜಯ ಸಾಧಿಸಿದೆ. ಗೆಲ್ಲಲು 181 ರನ್‌ಗಳ ಸವಾಲಿನ ಗುರಿ ಬೆನ್ನತ್ತಿದ ಟೀಂ ಇಂಡಿಯಾ 6 ವಿಕೆಟ್ ಕಳೆದುಕೊಂಡು ಇನ್ನೂ ಒಂದು ಎಸೆತ ಬಾಕಿ ಇರುವಂತೆಯೇ ಗೆಲುವಿನ ನಗೆ ಬೀರಿತು. ಇದರೊಂದಿಗೆ 5 ಪಂದ್ಯಗಳ ಟಿ20 ಸರಣಿಯಲ್ಲಿ ಭಾರತ 2-0 ಮುನ್ನಡೆ ಕಾಯ್ದುಕೊಂಡಿದೆ. ಇದರೊಂದಿಗೆ ಭಾರತ ತಂಡವು ಟಿ20 ಕ್ರಿಕೆಟ್‌ನಲ್ಲಿ 200ನೇ ಗೆಲುವು ದಾಖಲಿಸಿದ ಸಾಧನೆ ಮಾಡಿತು.

ಇಲ್ಲಿನ ಹೇಗ್ಲೆ ಓವಲ್ ಮೈದಾನದಲ್ಲಿ ಸವಾಲಿನ ಗುರಿ ಬೆನ್ನತ್ತಿದ ಭಾರತ ತಂಡವು ಉತ್ತಮ ಆರಂಭ ಪಡೆಯಲು ವಿಫಲವಾಯಿತು. ಕಳೆದ ಪಂದ್ಯದ ಹೀರೋ ಸಂಜು ಸ್ಯಾಮ್ಸನ್ 14 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರೆ, ಮತ್ತೋರ್ವ ಆರಂಭಿಕ ಬ್ಯಾಟರ್ ಅಭಿಷೇಕ್ ಶರ್ಮಾ ಬ್ಯಾಟಿಂಗ್ 27 ರನ್‌ಗಳಿಗೆ ಸೀಮಿತವಾಯಿತು. ಇನ್ನು ಸಾಕಷ್ಟು ನಿರೀಕ್ಷೆ ಮೂಡಿಸಿದ್ದ ವೈಭವ್ ಸೂರ್ಯವಂಶಿ ಕೇವಲ 4 ರನ್ ಗಳಿಸಿ ವಿಕೆಟ್ ಒಪ್ಪಿಸುವ ಮೂಲಕ ನಿರಾಸೆ ಮೂಡಿಸಿದರು. ಇನ್ನು ನಾಯಕ ಶ್ರೇಯಸ್ ಅಯ್ಯರ್ ಕೂಡಾ 7 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು. ಇದರ ಬೆನ್ನಲ್ಲೇ ಅಕ್ಷರ್ ಪಟೇಲ್ ಕೂಡಾ 11 ರನ್ ಗಳಿಸಿ ಮಿಚೆಲ್ ಸ್ಯಾಂಟ್ನರ್‌ಗೆ ವಿಕೆಟ್ ಒಪ್ಪಿಸಿದರು.

ಗೆಲುವಿನ ದಡ ಸೇರಿಸಿದ ತಿಲಕ್ ವರ್ಮಾ!

ಒಂದು ಹಂತದಲ್ಲಿ ಕೇವಲ 70 ರನ್‌ಗಳಿಗೆ 5 ವಿಕೆಟ್ ಕಳೆದುಕೊಂಡು ಕಂಗಾಲಾಗಿದ್ದ ಭಾರತ ತಂಡಕ್ಕೆ ತಿಲಕ್ ವರ್ಮಾ ಹಾಗೂ ನಮನ್ ಧೀರ್ 42 ರನ್‌ಗಳ ಜತೆಯಾಟವಾಡುವ ಮೂಲಕ ತಂಡಕ್ಕೆ ಆಸರೆಯಾದರು. ನಮನ್ ಧೀರ್ 17 ಎಸೆತಗಳಲ್ಲಿ 31 ರನ್ ಸಿಡಿಸಿ ವಿಕೆಟ್ ಒಪ್ಪಿಸಿದರು. ಇದಾದ ಬಳಿಕ ಏಳನೇ ವಿಕೆಟ್‌ಗೆ ತಿಲಕ್ ವರ್ಮಾ ಹಾಗೂ ನಿತೀಶ್ ಕುಮಾರ್ ರೆಡ್ಡಿ ಕೇವಲ 30 ಎಸೆತಗಳಲ್ಲಿ ಮುರಿಯದ 69 ರನ್ ಸಿಡಿಸಿ ತಂಡಕ್ಕೆ ರೋಚಕ ಗೆಲುವು ತಂದುಕೊಟ್ಟರು. ತಿಲಕ್ ವರ್ಮಾ 26 ಎಸೆತಗಳನ್ನು ಎದುರಿಸಿ ಅಜೇಯ 51 ರನ್ ಬಾರಿಸಿದರೆ, ನಿತೀಶ್ ಕುಮಾರ್ ರೆಡ್ಡಿ 13 ಎಸೆತಗಳಲ್ಲಿ 26 ರನ್ ಬಾರಿಸಿದರು.

ಮತ್ತೆ ಮಿಂಚಿದ ಗ್ಲೆನ್ ಫಿಲಿಫ್ಸ್‌

ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟ್ ಮಾಡಲಿಳಿದ ಕಿವೀಸ್ ತಂಡ ಕೂಡಾ ಉತ್ತಮ ಆರಂಭ ಪಡೆಯಲು ವಿಫಲವಾಯಿತು. 41 ರನ್‌ಗಳಿಗೆ 3 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತು. ಆದರೆ ನಾಲ್ಕನೇ ವಿಕೆಟ್‌ಗೆ ಗ್ಲೆನ್ ಫಿಲಿಫ್ಸ್ ಹಾಗೂ ಬೆವೊನ್ ಜೇಕೊಬ್ಸ್‌ 116 ರನ್‌ಗಳ ಜತೆಯಾಟವಾಡುವ ಮೂಲಕ ತಂಡಕ್ಕೆ ಆಸರೆಯಾದರು. ಭಾರತೀಯ ಬೌಲರ್‌ಗಳನ್ನು ಮತ್ತೊಮ್ಮೆ ದಂಡಿಸಿದ ಗ್ಲೆನ್ ಫಿಲಿಫ್ಸ್‌ 43 ಎಸೆತಗಳಲ್ಲಿ 70 ರನ್ ಬಾರಿಸಿದರೆ, ಜೇಕೊಬ್ಸ್ 46 ಎಸೆತಗಳನ್ನು ಎದುರಿಸಿ 58 ರನ್ ಗಳಿಸಿ ನಿತೀಶ್ ಕುಮಾರ್ ರೆಡ್ಡಿಗೆ ವಿಕೆಟ್ ಒಪ್ಪಿಸಿದರು.

ಮತ್ತೆ ಟೀಂ ಇಂಡಿಯಾವನ್ನು ಕಾಡಿದ ಕಿವೀಸ್ ಬ್ಯಾಟರ್...! ಮಿನಿ ಹರಾಜಿಗೂ ಮೊದಲೇ ಗೊಂದಲಕ್ಕೆ ಬಿದ್ದ ಗುಜರಾತ್ ಟೈಟಾನ್ಸ್

Naveen Kodase — Sat, 24 Oct 2026 15:22:46 +0530

ಬೆಂಗಳೂರು: ಬಹುನಿರೀಕ್ಷಿತ 2027ನೇ ಸಾಲಿನ ಇಂಡಿಯನ್ ಪ್ರೀಮಿಯರ್ ಲೀಗ್ ಆಟಗಾರರ ಹರಾಜಿಗೆ ಎಲ್ಲಾ ಫ್ರಾಂಚೈಸಿಗಳು ಸಿದ್ದತೆ ಮಾಡಿಕೊಳ್ಳುತ್ತಿವೆ. ಡಿಸೆಂಬರ್ ಮಧ್ಯ ಭಾಗದಲ್ಲಿ 20ನೇ ಸೀಸನ್‌ ಐಪಿಎಲ್ ಮಿನಿ ಹರಾಜು ನಡೆಯಲಿದೆ. ಇದಕ್ಕೂ ಒಂದು ತಿಂಗಳು ಮುಂಚಿತವಾಗಿ ಎಲ್ಲಾ ಫ್ರಾಂಚೈಸಿಗಳು ನವೆಂಬರ್ ಮಧ್ಯಭಾಗದ ಒಳಗಾಗಿ ತಮ್ಮ ರೀಟೈನ್ ಹಾಗೂ ರಿಲೀಸ್ ಮಾಡಲಿರುವ ಆಟಗಾರರ ಹೆಸರನ್ನು ಅಂತಿಮಗೊಳಿಸಬೇಕಿದೆ. ಹೀಗಿರುವಾಗಲೇ ಕಳೆದ ಸೀಸನ್ ರನ್ನರ್ ಅಪ್ ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿಯು ಇದೀಗ ದೊಡ್ಡ ಗೊಂದಲಕ್ಕೆ ಸಿಲುಕಿದೆ. ಇದಕ್ಕೆ ಕಾರಣವಾಗಿದ್ದು ನ್ಯೂಜಿಲೆಂಡ್‌ನ ಸ್ಪೋಟಕ ಬ್ಯಾಟರ್‌ನ ಮಿಂಚಿನ ಆಟ.

ಹೌದು, ಕೆಲದಿನಗಳ ಹಿಂದಷ್ಟೇ ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿಯು ಕೇವಲ ಇಬ್ಬರು ಆಟಗಾರರನ್ನು ಮಿನಿ ಹರಾಜಿಗೂ ಮುನ್ನ ರಿಲೀಸ್ ಮಾಡಲು ತೀರ್ಮಾನ ಮಾಡಿದೆ ಎಂದು ವರದಿಯಾಗಿತ್ತು. ಈ ಪೈಕಿ ಒಬ್ಬರು ಭಾರತದ ಯುವ ಪ್ರತಿಭಾನ್ವಿತ ಬ್ಯಾಟರ್ ಶಾರುಕ್ ಖಾನ್, ಇನ್ನೊಬ್ಬರು ನ್ಯೂಜಿಲೆಂಡ್‌ನ ಬಿಗ್ ಹಿಟ್ಟರ್ ಗ್ಲೆನ್ ಫಿಲಿಫ್ಸ್‌. ಯಾಕೆಂದರೆ ಈ ಇಬ್ಬರು ಕಳೆದೆರಡು ಸೀಸನ್‌ ಐಪಿಎಲ್ ಟೂರ್ನಿಯಲ್ಲಿ ನಿರೀಕ್ಷಿತ ಪ್ರದರ್ಶನ ನೀಡಿರಲಿಲ್ಲ. ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿಯು 2025ರ ಐಪಿಎಲ್ ಮೆಗಾ ಹರಾಜಿನಲ್ಲಿ 2 ಕೋಟಿ ರುಪಾಯಿ ನೀಡಿ ಗ್ಲೆನ್ ಫಿಲಿಫ್ಸ್ ಅವರನ್ನು ಖರೀದಿಸಿತ್ತು. ಆದರೆ 2025ರಲ್ಲಿ ಸಂಪೂರ್ಣ ಬೆಂಚ್ ಕಾಯಿಸಿದ್ದ ಫಿಲಿಫ್ಸ್‌ಗೆ 2026ರ ಐಪಿಎಲ್‌ನಲ್ಲಿ ಆಡುವ ಹನ್ನೊಂದರ ಬಳಗದಲ್ಲಿ ಅವಕಾಶ ಸಿಕ್ಕಿತ್ತು. ಆದರೆ ಕಳೆದ ಸೀಸನ್‌ನಲ್ಲಿ ಫಿಲಿಫ್ಸ್ 6 ಪಂದ್ಯಗಳನ್ನಾಡಿ ಕೇವಲ 67 ರನ್ ಗಳಿಸಿದ್ದರು. ಹೀಗಾಗಿ ಮುಂಬರುವ ಮಿನಿ ಹರಾಜಿಗೂ ಮುನ್ನ ಫಿಲಿಫ್ಸ್‌ಗೆ ಗೇಟ್‌ಪಾಸ್ ನೀಡುವ ಆಲೋಚನೆಯಲ್ಲಿತ್ತು ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿ.

ಭಾರತೀಯ ಬೌಲರ್‌ಗಳನ್ನು ಚೆಂಡಾಡಿದ ಫಿಲಿಫ್ಸ್:

ಹೀಗಿರುವಾಗಲೇ ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಮೊದಲೆರಡು ಟಿ20 ಪಂದ್ಯಗಳಲ್ಲೂ ಗ್ಲೆನ್ ಫಿಲಿಫ್ಸ್ ಸ್ಪೋಟಕ ಅರ್ಧಶತಕ ಸಿಡಿಸುವ ಮೂಲಕ ಭಾರತೀಯ ಬೌಲರ್‌ಗಳನ್ನು ಕೊಂಡಾಡಿದ್ದಾರೆ. ಮೊದಲ ಟಿ20 ಪಂದ್ಯದಲ್ಲಿ ಫಿಲಿಫ್ಸ್‌ ಕೇವಲ 40 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 3 ಸಿಕ್ಸರ್ ಸಹಿತ ಅಜೇಯ 82 ರನ್ ಸಿಡಿಸಿದ್ದರು. ಇದೀಗ ಎರಡನೇ ಟಿ20 ಪಂದ್ಯದಲ್ಲೂ ಗ್ಲೆನ್ ಫಿಲಿಫ್ಸ್ ಆರ್ಭಟ ಮುಂದುವರೆದಿದೆ. ಭಾರತ ಎದುರಿನ ಎರಡನೇ ಟಿ20 ಪಂದ್ಯದಲ್ಲಿ ಫಿಲಿಫ್ಸ್‌ ಕೇವಲ 43 ಎಸೆತಗಳಲ್ಲಿ ತಲಾ 4 ಬೌಂಡರಿ ಹಾಗೂ ಸಿಕ್ಸರ್ ಸಹಿತ ಚುರುಕಿನ 70 ರನ್ ಬಾರಿಸಿ ತಂಡ ಸವಾಲಿನ ಮೊತ್ತ ಕಲೆಹಾಕಲು ನೆರವಾಗಿದ್ದಾರೆ. ಈ ಮೂಲಕ ತಾವಿನ್ನೂ ಭರ್ಜರಿ ಲಯದಲ್ಲಿಯೇ ಇದ್ದೇನೆ ಎನ್ನುವ ಸ್ಪಷ್ಟ ಸಂದೇಶವನ್ನು ಫಿಲಿಫ್ಸ್ ರವಾನಿಸಿದ್ದಾರೆ.

ಗೊಂದಲಕ್ಕೆ ಬಿದ್ದ ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿ:

ಇದೀಗ ಬಹುತೇಕ ಗ್ಲೆನ್ ಫಿಲಿಫ್ಸ್ ಅವರನ್ನು ರಿಲೀಸ್‌ ಮಾಡಬೇಕು ಎನ್ನುವ ಚಿಂತನೆಯಲ್ಲಿದ್ದ ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿಯು ಇದೀಗ ಮಿನಿ ಹರಾಜಿಗೂ ಮುನ್ನ ಕಿವೀಸ್ ಆಟಗಾರರನ್ನು ರಿಲೀಸ್ ಮಾಡಬೇಕೇ ಅಥವಾ ರೀಟೈನ್ ಮಾಡಬೇಕೇ ಎನ್ನುವ ಗೊಂದಲಕ್ಕೆ ಸಿಲುಕಿದೆ. ಅಂದಹಾಗೆ ಫಿಲಿಫ್ಸ್‌ ಕೇವಲ ಬ್ಯಾಟರ್ ಮಾತ್ರವಲ್ಲದೇ ಪಾರ್ಟ್‌ ಟೈಮ್ ಬೌಲರ್ ಹಾಗೂ ಗನ್ ಫೀಲ್ಡರ್ ಆಗಿ ತಂಡಕ್ಕೆ ಆಸರೆಯಾಗಬಲ್ಲ ಆಟಗಾರರಾಗಿದ್ದಾರೆ.

S Meghana Retirement: 30ನೇ ವಯಸ್ಸಿನಲ್ಲಿಯೇ ದಿಢೀರ್ ನಿವೃತ್ತಿ ಘೋಷಿಸಿದ ಆರ್ಸಿಬಿ ಆಟಗಾರ್ತಿ!

Sumanth SN — Sat, 24 Oct 2026 14:53:34 +0530

ಟೀಂ ಇಂಡಿಯಾ ಆಟಗಾರ್ತಿ ಎಸ್ ಮೇಘನಾ ತಮ್ಮ 30ನೇ ವಯಸ್ಸಿನಲ್ಲಿಯೇ ಎಲ್ಲಾ ಮಾದರಿಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಣೆ ಮಾಡಿದ್ದಾರೆ. ಟೀಂ ಇಂಡಿಯಾ ಪರ ಮೂರು ಏಕದಿನ ಪಂದ್ಯ ಹಾಗೂ 17 ಟಿ20 ಪಂದ್ಯಗಳನ್ನು ಆಡಿರುವ ಮೇಘನಾ, ತಮ್ಮ ಕೊನೆಯ ಅಂತರಾಷ್ಟ್ರೀಯ ಪಂದ್ಯವನ್ನು 2022ರಲ್ಲಿ ಆಡಿದ್ದರು. ಮಹಿಳಾ ಐಪಿಎಲ್‌ನಲ್ಲಿ ಮೂರು ಆವೃತ್ತಿಗಳಲ್ಲಿ ಆಡಿದ್ದ ಮೇಘಾನಾ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಗುಜರಾತ್ ತಂಡಗಳನ್ನು ಪ್ರತಿನಿಧಿಸಿದ್ದರು.

ಕ್ರೀಡಾಂಗಣ ನನಗೆ ಎರಡನೇ ಮನೆ!

ಇನ್‌ಸ್ಟಾದಲ್ಲಿ ಈ ಕುರಿತಂತೆ ಮಾಹಿತಿ ಹಂಚಿಕೊಂಡಿರುವ ಮೇಘನಾ, ಎಲ್ಲಾ ಮಾದರಿಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಣೆ ಮಾಡುತ್ತಿರುವ ಈ ಸಂದರ್ಭದಲ್ಲಿ ನನ್ನ ಹೃದಯ ಕೃತಜ್ಞತೆಯಿಂದ ತುಂಬಿದೆ ಎಂದು ಬರೆದುಕೊಂಡಿದ್ದಾರೆ. ಅಲ್ಲದೇ ಕ್ರೀಡಾಂಗಣ ನನಗೆ ಎರಡನೇ ಮನೆ ಇದ್ದಂತೆ, ಹಲವು ನೆನಪುಗಳು ಹಾಗೂ ಸ್ನೇಹಿತರನ್ನು ನೀಡಿದೆ. ಜೀವನವನ್ನು ಎದುರಿಸಲು ಹಾಗು ವಿನಯದಿಂದ ನಡೆದುಕೊಳ್ಳುವ ಪಾಠಗಳನ್ನು ಕಲಿಸಿದೆ ಎಂದು ಹೇಳಿದ್ದಾರೆ.

2016ರಲ್ಲಿ ಟೀಂ ಇಂಡಿಯಾಗೆ ಪಾದಾರ್ಪಣೆ ಮಾಡಿದ್ದ ಮೇಘನಾ, ವಿಜಯವಾಡದಲ್ಲಿ ನಡೆದ ವೆಸ್ಟ್ ಇಂಡೀಸ್ ವಿರುದ್ಧ ಟಿ20 ಪಂದ್ಯ ಮೂಲಕ ತಮ್ಮ ವೃತ್ತಿ ಜೀವನವನ್ನು ಆರಂಭಿಸಿದ್ದರು. ಏಕದಿನ ಕ್ರಿಕೆಟ್ ಮಾದರಿಯಲ್ಲಿ 114 ರನ್ ಗಳಿಸಿದೆ, 17 ಟಿ20 ಪಂದ್ಯಗಳಿಂದ 258 ರನ್ ಕಲೆಹಾಕಿದ್ದಾರೆ. ಟಿ20 ಮತ್ತು ಏಕದಿನ ಮಾದರಿಯಲ್ಲಿ ಅರ್ಧಶತಕವನ್ನು ಸಿಡಿಸಿದ್ದಾರೆ.

View this post on Instagram

A post shared by Meghana Sabbineni (@meghanasabbineni22)

ನಿವೃತ್ತಿ ಹೇಳಿದ್ರು ಕ್ರಿಕೆಟ್ ಜೊತೆಗಿನ ಬಾಂಧವ್ಯ ಮುಂದುವರಿಯಲಿದೆ

ಇನ್ನು, ದೇಶೀಯ ಕ್ರಿಕೆಟ್ ಟೂರ್ನಿ ಐಪಿಎಲ್‌ನಲ್ಲಿ ಮೂರು ಆವೃತ್ತಿಗಳಲ್ಲಿ ಆಡಿರುವ ಮೇಘನಾ, 2023ರಲ್ಲಿ ಗುಜರಾತ್ ಜೈಂಟ್ಸ್ ಪರ ತಮ್ಮ ಡಬ್ಲೂಪಿಎಲ್ ವೃತ್ತಿ ಜೀವನ ಆರಂಭಿಸಿದ್ದರು. ಆ ಬಳಿಕ 2024 ಮತ್ತು 2025ರ ಆವೃತ್ತಿಗಳಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪರ ಆಡಿದ್ದರು. ಒಟ್ಟು 15 ಐಪಿಎಲ್ ಪಂದ್ಯಗಳನ್ನು ಆಡಿರುವ ಮೇಘನಾ, ಒಂದು ಅರ್ಧ ಶತಕ ಸೇರಿದಂತೆ 302 ರನ್ ಗಳಿಸಿದ್ದಾರೆ. 2025ನೇ ಆವೃತ್ತಿಯಲ್ಲಿ ಆರ್ಸಿಬಿ ಪರ ಕೊನೆಯ ಐಪಿಎಲ್ ಪಂದ್ಯವನ್ನು ಆಡಿದ್ದರು.

ನಾನು ಆಟಗಾರ್ತಿಯಾಗಿ ನಿವೃತ್ತಿಯಾಗುತ್ತಿದ್ದೇನೆ, ಆದರೆ ಕ್ರಿಕೆಟ್ ಜೊತೆಗಿನ ನನ್ನ ಬಾಂಧವ್ಯ ಮುಂದುವರಿಯಲಿದೆ ಎಂದು ಇದೇ ಸಂದರ್ಭದಲ್ಲಿ ಮೇಘನಾ ಹೇಳಿದ್ದಾರೆ. ಆಟಗಾರ್ತಿಯಾಗಿ ನನ್ನ ಕ್ರಿಕೆಟ್ ದಿನಗಳು ಕೊನೆಗೊಳ್ಳುತ್ತಿದೆ, ಆದರೆ ಕ್ರಿಕೆಟ್ ಜೊತೆಗಿನ ಪ್ರಯಾಣ ಎಂದಿಗೂ ಕೊನೆಗೊಳ್ಳುವುದಿಲ್ಲ ಎಂದು ಮೇಘನಾ ಬರೆದುಕೊಂಡಿದ್ದಾರೆ. ಅಲ್ಲದೇ ಕ್ರಿಕೆಟ್‌ನಲ್ಲಿ ತಮಗೆ ಬೆಂಬಲಿಸಿ, ಪ್ರೋತ್ಸಾಹ ನೀಡಿದ ಎಲ್ಲರಿಗೂ ಧನ್ಯವಾದ ತಿಳಿಸಿದ್ದಾರೆ.

View this post on Instagram

A post shared by Meghana Sabbineni (@meghanasabbineni22)

WPL 2027: ಈ ಆಟಗಾರ್ತಿಯನ್ನು ಕೈಬಿಟ್ಟು ತಪ್ಪು ಮಾಡಿತಾ ಆರ್‌ಸಿಬಿ..? ಈಕೆ ಅತಿಹೆಚ್ಚು ಮೊತ್ತಕ್ಕೆ ಬಿಡ್‌ ಆಗಬಹುದು ಎಂದ ಆಕಾಶ್ ಚೋಪ್ರಾ

Naveen Kodase — Sat, 24 Oct 2026 13:40:51 +0530

ಬೆಂಗಳೂರು: ಐದನೇ ಸೀಸನ್‌ ವುಮೆನ್ಸ್ ಪ್ರೀಮಿಯರ್ ಲೀಗ್ ಆಟಗಾರ್ತಿಯರ ಹರಾಜಿಗೆ ದಿನಗಣನೆ ಶುರವಾಗಿದೆ. ಹೀಗಿರುವಾಗಲೇ ಎಲ್ಲಾ ಫ್ರಾಂಚೈಸಿಗಳು ತಮಗೆ ಬೇಕಾದ ಆಟಗಾರ್ತಿಯರನ್ನು ರೀಟೈನ್ ಮಾಡಿಕೊಂಡು, ಕೆಲವು ಆಟಗಾರ್ತಿಯರನ್ನು ರಿಲೀಸ್ ಮಾಡಿದೆ. ಹೀಗಿರುವಾಗಲೇ ಟೀಂ ಇಂಡಿಯಾ ಮಾಜಿ ಕ್ರಿಕೆಟಿಗ ಹಾಗೂ ಕ್ರಿಕೆಟ್ ವಿಶ್ಲೇಷಕ ಆಕಾಶ್ ಚೋಪ್ರಾ, ಆರ್‌ಸಿಬಿ ಫ್ರಾಂಚೈಸಿಯ ಒಂದು ನಿರ್ಧಾರದ ಬಗ್ಗೆ ಅಚ್ಚರಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಆರ್‌ಸಿಬಿ ತಂಡದಿಂದ ಹೊರಬಿದ್ದಿರುವ ಆಸ್ಟ್ರೇಲಿಯಾ ಮೂಲದ ಆಲ್ರೌಂಡರ್ ಗ್ರೇಸ್ ಹ್ಯಾರಿಸ್, ಮುಂಬರುವ ವುಮೆನ್ಸ್ ಪ್ರೀಮಿಯರ್ ಲೀಗ್ ಹರಾಜಿನಲ್ಲಿ ಅತಿಹೆಚ್ಚು ಮೊತ್ತಕ್ಕೆ ಬಿಡ್ ಆಗಬಹುದು ಎಂದು ಆಕಾಶ್ ಚೋಪ್ರಾ ಭವಿಷ್ಯ ನುಡಿದಿದ್ದಾರೆ.

30 ಲಕ್ಷ ರುಪಾಯಿಗೆ ಹರಾಜಿಗೆ ಹೆಸರು ನೋಂದಾಯಿಸಿರುವ ಗ್ರೇಸ್ ಹ್ಯಾರಿಸ್

2027ರ ವುಮೆನ್ಸ್ ಪ್ರೀಮಿಯರ್ ಲೀಗ್ ಹರಾಜಿನಲ್ಲಿ ಗ್ರೇಸ್ ಹ್ಯಾರಿಸ್ 30 ಲಕ್ಷ ರುಪಾಯಿ ಮೂಲ ಬೆಲೆಗೆ ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದಾರೆ. 33 ವರ್ಷದ ಗ್ರೇಸ್ ಹ್ಯಾರಿಸ್‌ 31 ವುಮೆನ್ಸ್ ಪ್ರೀಮಿಯರ್ ಲೀಗ್ ಪಂದ್ಯಗಳನ್ನಾಡಿದ್ದು, 149.54ರ ಸ್ಟ್ರೈಕ್‌ರೇಟ್‌ನಲ್ಲಿ ರನ್ ಗಳಿಸಿದ್ದಾರೆ. ಇದೀಗ ಮುಂಬರುವ ಮಿನಿ ಹರಾಜಿನಲ್ಲಿ ಎಲ್ಲಾ ಫ್ರಾಂಚೈಸಿಗಳು ಗ್ರೇಸ್ ಹ್ಯಾರಿಸ್ ಖರೀದಿಸಲು ಪೈಪೋಟಿ ನಡೆಸಲಿವೆ ಎಂದು ಆಕಾಶ್ ಚೋಪ್ರಾ ಹೇಳಿದ್ದಾರೆ.

'ಈ ಬಾರಿಯ ಮಹಿಳಾ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ನನ್ನ ಪ್ರಕಾರ ಗ್ರೇಸ್ ಹ್ಯಾರಿಸ್ ಅತ್ಯಂತ ದುಬಾರಿ ಆಟಗಾರ್ತಿಯಾಗಿ ಹೊರಹೊಮ್ಮಲಿದ್ದಾರೆ. ಇದು ಮಿನಿ ಹರಾಜಾಗಿರಬಹುದು. ಆದರೆ ಈ ಮಿನಿ ಹರಾಜಿನಲ್ಲಿ ಆಟಗಾರ್ತಿಯರ ಲಭ್ಯತೆಯೂ ಕಡಿಮೆಯಿದೆ. ಅದೇ ರೀತಿ ಡಿಮ್ಯಾಂಡ್ ಕೂಡಾ ಹೆಚ್ಚಿರುವುದಿಲ್ಲ. ಯಾಕೆಂದರೆ ಎಲ್ಲಾ ತಂಡಗಳು ಬಹುತೇಕ ತಮ್ಮ ಕೋರ್ ಆಟಗಾರ್ತಿಯರನ್ನು ಉಳಿಸಿಕೊಂಡಿವೆ. ಆದರೆ ಗ್ರೇಸ್ ಹ್ಯಾರಿಸ್ ಅವರಂತಹ ಆಟಗಾರ್ತಿ ಬ್ಯಾಟಿಂಗ್ ಮಾತ್ರವಲ್ಲದೇ ಬೌಲಿಂಗ್‌ನಲ್ಲೂ ತಂಡಕ್ಕೆ ಆಸರೆಯಾಗಬಲ್ಲರು. ಹೀಗಾಗಿ ಆಕೆ ದೊಡ್ಡ ಮೊತ್ತಕ್ಕೆ ಬಿಡ್ ಆಗಬಹುದು ಎಂದು ಆಕಾಶ್ ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ. ಒಟ್ಟಿನಲ್ಲಿ ಆರ್‌ಸಿಬಿ ಫ್ರಾಂಚೈಸಿ, ಗ್ರೇಸ್ ಹ್ಯಾರಿಸ್ ಅವರನ್ನು ತಂಡದಿಂದ ರಿಲೀಸ್ ಮಾಡಿ ತಪ್ಪು ಮಾಡಿತಾ ಎನ್ನುವ ಪ್ರಶ್ನೆ ಕಾಡಲಾರಂಭಿಸಿದೆ.

ಯುಪಿ ವಾರಿಯರ್ಸ್ ಟಾರ್ಗೆಟ್ ಮಾಡಬಹುದು:

ಇನ್ನು ಮುಂಬರುವ WPL ಮಿನಿ ಹರಾಜಿನಲ್ಲಿ ಯುಪಿ ವಾರಿಯರ್ಸ್ ತಂಡವು ಈ ಆಸೀಸ್ ಆಲ್ರೌಂಡರ್ ಗ್ರೇಸ್ ಹ್ಯಾರಿಸ್ ಖರೀದಿಸಲು ಪೈಪೋಟಿ ನಡೆಸಬಹುದು ಎಂದು ಹೇಳಿದ್ದಾರೆ. ಸದ್ಯ ಈ ಬಾರಿಯ ಮಿನಿ ಹರಾಜಿಗೆ ಅತಿಹೆಚ್ಚು ಪರ್ಸ್ ಹೊಂದಿರುವ ತಂಡವೆಂದರೆ ಅದು ಯುಪಿ ವಾರಿಯರ್ಸ್. ಈ ತಂಡದ ಬಳಿ ಅತಿಹೆಚ್ಚು ಅಂದರೆ 3.75 ಕೋಟಿ ರುಪಾಯಿ ಹಣವಿದೆ. ಹೀಗಾಗಿ ಹ್ಯಾರಿಸ್‌ಗೆ ಯುಪಿ ತಂಡ ಬಿಡ್ ಮಾಡುವ ಸಾಧ್ಯತೆಯಿದೆ. ಇನ್ನು ಆರ್‌ಸಿಬಿ ತಂಡವು ಮತ್ತೆ ಗ್ರೇಸ್ ಹ್ಯಾರಿಸ್‌ಗೆ ಬಿಡ್‌ ಮಾಡಿ ತನ್ನ ತೆಕ್ಕೆಗೆ ತೆಗೆದುಕೊಳ್ಳುತ್ತಾ ಕಾದು ನೋಡಬೇಕಿದೆ ಎಂದು ಆಕಾಶ್ ಚೋಪ್ರಾ ಹೇಳಿದ್ದಾರೆ.

ಸದ್ಯ ಮುಂಬರುವ ವುಮೆನ್ಸ್ ಪ್ರೀಮಿಯರ್ ಲೀಗ್ ಆಟಗಾರ್ತಿಯರ ಹರಾಜಿಗೆ ಡೆಲ್ಲಿ ಕ್ಯಾಪಿಟಲ್ಸ್ ಬಳಿಕ 1.1 ಕೋಟಿ ರುಪಾಯಿ, ಗುಜರಾತ್ ಟೈಟಾನ್ಸ್ ಬಳಿ 1.25 ಕೋಟಿ, ಮುಂಬೈ ಇಂಡಿಯನ್ಸ್ ಬಳಿ 90 ಲಕ್ಷ ಹಾಗೂ 1.15 ಕೋಟಿ ರುಪಾಯಿ ಇದೆ. 2027ರ ವುಮೆನ್ಸ್ ಪ್ರೀಮಿಯರ್ ಲೀಗ್ ಆಟಗಾರ್ತಿಯರ ಹರಾಜು ಇದೇ ಅಕ್ಟೋಬರ್ 28ರಂದು ಕೇರಳದ ಕೊಚ್ಚಿಯಲ್ಲಿ ನಡೆಯಲಿದೆ.

ಕಿವೀಸ್ ಎದುರು ಟಾಸ್ ಗೆದ್ದ ಭಾರತ ಬೌಲಿಂಗ್ ಆಯ್ಕೆ; 2 ಮೇಜರ್ ಚೇಂಜ್..! ವೈಭವ್ ಬಗ್ಗೆ ಮಹತ್ವದ ಅಪ್‌ಡೇಟ್ ಕೊಟ್ಟ ಶ್ರೇಯಸ್ ಅಯ್ಯರ್

Naveen Kodase — Sat, 24 Oct 2026 12:37:48 +0530

ಕ್ರೈಸ್ಟ್‌ಚರ್ಚ್: ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಎರಡನೇ ಟಿ20 ಪಂದ್ಯದಲ್ಲಿ ಟಾಸ್ ಗೆದ್ದ ಟೀಂ ಇಂಡಿಯಾ ನಾಯಕ ಶ್ರೇಯಸ್ ಅಯ್ಯರ್ ಮೊದಲು ಬೌಲಿಂಗ್ ಮಾಡುವ ತೀರ್ಮಾನ ತೆಗೆದುಕೊಂಡಿದ್ದಾರೆ. ಐದು ಪಂದ್ಯಗಳ ಟಿ20 ಸರಣಿಯಲ್ಲಿ ಈಗಾಗಲೇ ಮೊದಲ ಪಂದ್ಯ ಗೆದ್ದು ಶುಭಾರಂಭ ಮಾಡಿರುವ ಭಾರತ, ಇದೀಗ ಮತ್ತೊಂದು ಗೆಲುವಿನ ನಿರೀಕ್ಷೆಯಲ್ಲಿದ್ದಾರೆ. ಇನ್ನು ಎರಡನೇ ಟಿ20 ಪಂದ್ಯದಲ್ಲಿ ಭಾರತ ತಂಡವು ಎರಡು ಬದಲಾವಣೆಗಳೊಂದಿಗೆ ಕಣಕ್ಕಿಳಿದಿದೆ.

ಇಲ್ಲಿನ ಹೇಗ್ಲೆ ಓವಲ್ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ನಿರೀಕ್ಷೆಯಂತೆಯೇ ಇಶಾನ್ ಕಿಶನ್ ಗಾಯದ ಸಮಸ್ಯೆಯಿಂದ ಎರಡನೇ ಪಂದ್ಯಕ್ಕೆ ಅಲಭ್ಯರಾಗಿರುವುದರಿಂದ ಅವರ ಬದಲಿಗೆ 15 ವರ್ಷದ ವೈಭವ್ ಸೂರ್ಯವಂಶಿ ತಂಡ ಕೂಡಿಕೊಂಡಿದ್ದಾರೆ. ಇನ್ನು ವೇಗಿ ಮಯಾಂಕ್ ಯಾದವ್ ಬದಲಿಗೆ ಪ್ರಿನ್ಸ್ ಯಾದವ್‌ಗೆ ಆಡುವ ಹನ್ನೊಂದರ ಬಳಗದಲ್ಲಿ ಮಣೆ ಹಾಕಲಾಗಿದೆ. ಮಯಾಂಕ್ ಬದಲಿಗೆ ಪ್ರಿನ್ಸ್‌ಗೆ ಮಣೆಹಾಕಿದ್ದು ತಾಂತ್ರಿಕ ಕಾರಣದಿಂದ ಎಂದು ಸ್ಪಷ್ಟಪಡಿಸಿದ್ದಾರೆ. ಇನ್ನು ಕಿವೀಸ್ ತಂಡದಲ್ಲಿ ಒಂದು ಬದಲಾವಣೆ ಮಾಡಲಾಗಿದ್ದು, ಆಡಂ ಮಿಲ್ನೆ ಬದಲಿಗೆ ಜೇಕಬ್ ಡಫಿ ತಂಡ ಕೂಡಿಕೊಂಡಿದ್ದಾರೆ.

ವೈಭವ್ ಸೂರ್ಯವಂಶಿ ಬಗ್ಗೆ ಮಹತ್ವದ ಅಪ್‌ಡೇಟ್:

15 ವರ್ಷದ ಯುವ ಆಟಗಾರ ವೈಭವ್ ಸೂರ್ಯವಂಶಿ ಆರಂಭಿಕನಾಗಿ ಹೆಚ್ಚು ಯಶಸ್ಸು ಗಳಿಸಿದ್ದಾರೆ. ಆದರೆ ಇದೀಗ ಇಶಾನ್ ಕಿಶನ್ ಬದಲಿಗೆ ತಂಡ ಕೂಡಿಕೊಂಡಿರುವ ವೈಭವ್ ಯಾವ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಲಿದ್ದಾರೆ ಎನ್ನುವ ಕುತೂಹಲ ಜೋರಾಗಿತ್ತು. ಯಾಕೆಂದರೆ ಏಷ್ಯನ್ ಗೇಮ್ಸ್‌ನಲ್ಲೂ ಅಭಿಷೇಕ್ ಶರ್ಮಾ ಹಾಗೂ ವೈಭವ್ ಸೂರ್ಯವಂಶಿ ಇನ್ನಿಂಗ್ಸ್ ಆರಂಭಿಸಿದ್ದರು. ಸಂಜು ಸ್ಯಾಮ್ಸನ್ ಮೂರನೇ ಕ್ರಮಾಂಕದಲ್ಲಿ ಆಡಿದ್ದರು. ಆದರೆ ಇದೀಗ ಟಾಸ್ ವೇಳೆ ಈ ಕುರಿತಂತೆ ಶ್ರೇಯಸ್ ಅಯ್ಯರ್ ಸ್ಪಷ್ಟನೆ ನೀಡಿದ್ದು, ವೈಭವ್ ಸೂರ್ಯವಂಶಿ ಮೂರನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಲಿಳಿಯಲಿದ್ದಾರೆ ಎಂದು ಹೇಳಿದ್ದಾರೆ. ಹೀಗಾಗಿ ಎರಡನೇ ಟಿ20 ಪಂದ್ಯದಲ್ಲಿ ಅಭಿಷೇಕ್ ಶರ್ಮಾ ಹಾಗೂ ಸಂಜು ಸ್ಯಾಮ್ಸನ್ ಭಾರತ ಪರ ಇನ್ನಿಂಗ್ಸ್ ಆರಂಭಿಸಲಿದ್ದಾರೆ.

ಎರಡನೇ ಟಿ20 ಪಂದ್ಯಕ್ಕೆ ಉಭಯ ತಂಡಗಳ ಆಟಗಾರರ ಪಟ್ಟಿ:

ಭಾರತ: ಸಂಜು ಸ್ಯಾಮ್ಸನ್(ವಿಕೆಟ್ ಕೀಪರ್), ಅಭಿಷೇಕ್ ಶರ್ಮಾ, ವೈಭವ್ ಸೂರ್ಯವಂಶಿ, ಶ್ರೇಯಸ್ ಅಯ್ಯರ್(ನಾಯಕ), ತಿಲಕ್ ವರ್ಮಾ, ನಿತೀಶ್ ಕುಮಾರ್ ರೆಡ್ಡಿ, ನಮನ್ ಧೀರ್, ಅಕ್ಷರ್ ಪಟೇಲ್, ಭುವನೇಶ್ವರ್ ಕುಮಾರ್, ಅರ್ಶದೀಪ್ ಸಿಂಗ್, ಪ್ರಿನ್ಸ್ ಯಾದವ್.

ನ್ಯೂಜಿಲೆಂಡ್: ಫಿನ್ ಅಲೆನ್, ಟಿಮ್ ಸೈಫರ್ಟ್(ವಿಕೆಟ್ ಕೀಪರ್), ಡೇರಲ್ ಮಿಚೆಲ್, ಗ್ಲೆನ್ ಫಿಲಿಫ್ಸ್, ಬೆವೊನ್ ಜೇಕೊಬ್ಸ್, ಮಿಚೆಲ್ ಬ್ರೇಸ್‌ವೆಲ್, ಮಿಚೆಲ್ ಬ್ರೇಸ್‌ವೆಲ್, ಮಿಚೆಲ್ ಸ್ಯಾಂಟ್ನರ್(ನಾಯಕ), ನೇಥನ್ ಸ್ಮಿತ್, ಮ್ಯಾಟ್ ಹೆನ್ರಿ, ಜೇಕೊಬ್ ಡಫಿ, ಲಾಕಿ ಫರ್ಗ್ಯೂಸನ್.

IND vs NZ: ಎರಡನೇ ಟಿ20 ಪಂದ್ಯಕ್ಕೆ ಇಶಾನ್ ಕಿಶನ್‌ಗೆ ಬದಲಿ ಆಟಗಾರನ ಘೋಷಿಸಿದ ಬಿಸಿಸಿಐ..!

Naveen Kodase — Sat, 24 Oct 2026 12:11:36 +0530

ಕ್ರೈಸ್ಟ್‌ಚರ್ಚ್‌: ವಿಕೆಟ್ ಕೀಪರ್ ಬ್ಯಾಟರ್ ಇಶಾನ್ ಕಿಶನ್, ನ್ಯೂಜಿಲೆಂಡ್ ಎದುರಿನ ಎರಡನೇ ಟಿ20 ಪಂದ್ಯದಿಂದ ಅಧಿಕೃತವಾಗಿ ಹೊರಬಿದ್ದಿದ್ದಾರೆ. ಮೊದಲ ಟಿ20 ಪಂದ್ಯದಲ್ಲಿ ಕ್ಷೇತ್ರರಕ್ಷಣೆ ಮಾಡುವ ಸಂದರ್ಭದಲ್ಲಿ ಇಶಾನ್ ಕಿಶನ್ ತೊಡೆ ಸಂದು ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದರು. ಇದೀಗ ಎರಡನೇ ಪಂದ್ಯದ ಮಟ್ಟಿಗೆ ಬಿಸಿಸಿಐ ಬದಲಿ ಆಟಗಾರನನ್ನು ಘೋಷಿಸಿದ್ದು, ಇಶಾನ್ ಕಿಶನ್ ಸ್ಥಾನಕ್ಕೆ ಮತ್ತೋರ್ವ ವಿಕೆಟ್ ಕೀಪರ್ ಬ್ಯಾಟರ್ ಕುಮಾರ್ ಕುಶಾಗ್ರ ಅವರನ್ನು ಬ್ಯಾಕ್‌ಅಪ್ ಆಟಗಾರನಾಗಿ ತಂಡಕ್ಕೆ ಸೇರಿಸಿಕೊಂಡಿದೆ.

ಬಿಸಿಸಿಐ ಈ ವಿಚಾರವನ್ನು ಶುಕ್ರವಾರ ಸಂಜೆ ಅಧಿಕೃತವಾಗಿ ಖಚಿತಪಡಿಸಿದೆ. ಕುಮಾರ್ ಕುಶಾಗ್ರ ಸದ್ಯ ಭಾರತ 'ಎ' ತಂಡದ ಜತೆ ಕ್ರೈಸ್ಟ್‌ಚರ್ಚ್‌ನಲ್ಲಿದ್ದರು. ಇದೀಗ ಎರಡನೇ ಟಿ20 ಪಂದ್ಯಕ್ಕೂ ಮುನ್ನ ಶುಕ್ರವಾರ ಕುಶಾಗ್ರ ಭಾರತ ಸೀನಿಯರ್ಸ್ ತಂಡವನ್ನು ಕೂಡಿಕೊಂಡಿದ್ದಾರೆ. ಇನ್ನು ಬಿಸಿಸಿಐ ವೈದ್ಯಕೀಯ ಸಿಬ್ಬಂದಿಗಳು ಇಶಾನ್ ಕಿಶನ್ ಅವರ ಆರೋಗ್ಯದ ಮೇಲೆ ನಿಗಾ ಇಟ್ಟಿದ್ದಾರೆ ಎಂದು ಸ್ಪಷ್ಟಪಡಿಸಿದೆ.

ಇಶಾನ್ ಕಿಶನ್ ಔಟ್, ಕುಶಾಗ್ರ ಇನ್

ಈ ಕುರಿತಂತೆ ತನ್ನ ಎಕ್ಸ್ ಖಾತೆಯಲ್ಲಿ ಬರೆದುಕೊಂಡಿರುವ ಬಿಸಿಸಿಐ, 'ವಿಕೆಟ್ ಕೀಪರ್ ಬ್ಯಾಟರ್ ಇಶಾನ್ ಕಿಶನ್, ನ್ಯೂಜಿಲೆಂಡ್ ಎದುರಿನ ಮೊದಲ ಟಿ20 ಪಂದ್ಯದ ವೇಳೆಯಲ್ಲಿ ತೊಡೆಸಂದು ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದು, ಶನಿವಾರ ನಡೆಯಲಿರುವ ಎರಡನೇ ಟಿ20 ಪಂದ್ಯದಿಂದ ಹೊರಬಿದ್ದಿದ್ದಾರೆ' ಎಂದು ಬಿಸಿಸಿಐ ತಿಳಿಸಿದೆ.

ಮುಂದುವರೆದು, ಬಿಸಿಸಿಐ ಹಿರಿಯರ ಆಯ್ಕೆ ಸಮಿತಿಯು ಇದೀಗ ಕುಮಾರ್ ಕುಶಾಗ್ರ ಅವರನ್ನು ಬ್ಯಾಕ್‌ಅಪ್ ಆಟಗಾರನಾಗಿ ಎರಡನೇ ಟಿ20 ಪಂದ್ಯಕ್ಕೆ ಭಾರತ ತಂಡ ಕೂಡಿಕೊಂಡಿದ್ದಾರೆ. ಕುಶಾಗ್ರ ಸದ್ಯ ಕ್ರೈಸ್ಟ್‌ಚರ್ಚ್‌ನಲ್ಲಿ ಭಾರತ 'ಎ' ತಂಡದ ಜತೆಗಿದ್ದು, ಎರಡನೇ ಟಿ20 ಪಂದ್ಯಕ್ಕೆ ಭಾರತ ತಂಡ ಕೂಡಿಕೊಳ್ಳಲಿದ್ದಾರೆ. ಬಿಸಿಸಿಐ ವೈದ್ಯಕೀಯ ಸಿಬ್ಬಂದಿ ಕಿಶನ್ ಅವರ ಆರೋಗ್ಯದ ಮೇಲೆ ನಿಗಾಯಿಟ್ಟಿದೆ' ಎಂದು ಎಕ್ಸ್ ಖಾತೆಯಲ್ಲಿ ಬರೆದುಕೊಂಡಿದೆ.

ವೈಭವ್ ಸೂರ್ಯವಂಶಿಗೆ ಚಾನ್ಸ್:

ಇದೀಗ ಇಶಾನ್ ಕಿಶನ್ ಎರಡನೇ ಟಿ20 ಪಂದ್ಯಕ್ಕೆ ಅಲಭ್ಯರಾದ ಹಿನ್ನೆಲೆಯಲ್ಲಿ ಇದೀಗ 15 ವರ್ಷದ ವೈಭವ್ ಸೂರ್ಯವಂಶಿ ಇದೀಗ ಭಾರತ ಆಡುವ ಹನ್ನೊಂದರ ಬಳಗದಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಏಷ್ಯನ್‌ ಗೇಮ್ಸ್ ಬಳಿಕ ವೆಸ್ಟ್ ಇಂಡೀಸ್ ಎದುರಿನ ಟಿ20 ಸರಣಿಯಲ್ಲಿ ಬೆಂಚ್ ಕಾಯಿಸಿದ್ದ ವೈಭವ್ ಸೂರ್ಯವಂಶಿ, ಇದೀಗ ಕಿವೀಸ್ ಎದುರಿನ ಎರಡನೇ ಟಿ20 ಪಂದ್ಯದಲ್ಲಿ ಸಿಕ್ಕ ಅವಕಾಶವನ್ನು ಹೇಗೆ ಬಳಸಿಕೊಳ್ಳುತ್ತಾರೆ ಎನ್ನುವುದನ್ನು ಕಾದು ನೋಡಬೇಕಿದೆ. ಇನ್ನು ಟಾಸ್ ವೇಳೆ ಟೀಂ ಇಂಡಿಯಾ ನಾಯಕ ಶ್ರೇಯಸ್ ಅಯ್ಯರ್, ವೈಭವ್ ಸೂರ್ಯವಂಶಿ ಮೂರನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಲಿಳಿಯಲಿದ್ದಾರೆ ಎಂದು ಖಚಿತಪಡಿಸಿದ್ದಾರೆ. ಟಾಸ್ ಗೆದ್ದ ಟೀಂ ಇಂಡಿಯಾ ಮೊದಲು ಬೌಲಿಂಗ್ ಮಾಡುವ ತೀರ್ಮಾನ ತೆಗೆದುಕೊಂಡಿದೆ.

'ವಿರಾಟ್ ಕೊಹ್ಲಿ, ಅನಿಲ್ ಕುಂಬ್ಳೆ ಕೊಟ್ಟ ಮಾತು ಉಳಿಸಿಕೊಳ್ಳಲಿಲ್ಲ': ಟೀಂ ಇಂಡಿಯಾ ಮಾಜಿ ಸ್ಪಿನ್ನರ್ ಅಚ್ಚರಿ ಹೇಳಿಕೆ

Naveen Kodase — Sat, 24 Oct 2026 11:36:08 +0530

ಬೆಂಗಳೂರು: ಭಾರತದ ಲೆಗ್ ಸ್ಪಿನ್ನರ್ ಅಮಿತ್ ಮಿಶ್ರಾ ಅವರ ಅಂತಾರಾಷ್ಟ್ರೀಯ ಕ್ರಿಕೆಟ್ ಬದುಕು ಕಹಿ ಅನುಭವದೊಂದಿಗೆ ಅಂತ್ಯವಾಯಿತು. 2017ರಲ್ಲಿ ಇಂಗ್ಲೆಂಡ್ ವಿರುದ್ಧದ ಟಿ20 ಪಂದ್ಯವೇ ಅವರ ಕೊನೆಯ ಅಂತಾರಾಷ್ಟ್ರೀಯ ಪಂದ್ಯ. ಆ ಪಂದ್ಯದಲ್ಲಿ ಗಾಯಗೊಳ್ಳದೇ ಇದ್ದಿದ್ದರೆ, ತಾವು ಇನ್ನೂ ಹೆಚ್ಚು ಕಾಲ ಭಾರತ ತಂಡದಲ್ಲಿ ಆಡಬಹುದಿತ್ತು ಎಂದು ಮಿಶ್ರಾ ಅಭಿಪ್ರಾಯಪಟ್ಟಿದ್ದಾರೆ.

ಗಾಯದಿಂದ ಚೇತರಿಸಿಕೊಂಡ ಬಳಿಕ ಮತ್ತೆ ತಂಡಕ್ಕೆ ಸೇರಿಸಿಕೊಳ್ಳುವುದಾಗಿ ಅಂದಿನ ಕೋಚ್ ಅನಿಲ್ ಕುಂಬ್ಳೆ ಮತ್ತು ನಾಯಕ ವಿರಾಟ್ ಕೊಹ್ಲಿ ಭರವಸೆ ನೀಡಿದ್ದರು. ಆದರೆ, ಫಿಟ್ನೆಸ್ ಸಾಧಿಸಿದ ಬಳಿಕ ಕೊಹ್ಲಿಗೆ ಕರೆ ಮಾಡಿದರೆ ಅವರು ಯಾವುದೇ ಪ್ರತಿಕ್ರಿಯೆ ನೀಡಲಿಲ್ಲ ಎಂದು ಮಿಶ್ರಾ ಅಸಮಾಧಾನ ಹೊರಹಾಕಿದ್ದಾರೆ.

ಮಾಜಿ ಕ್ರಿಕೆಟಿಗ ಹಾಗೂ ವೀಕ್ಷಕ ವಿವರಣೆಗಾರ ಆಕಾಶ್ ಚೋಪ್ರಾ ಅವರ ಪಾಡ್‌ಕಾಸ್ಟ್‌ನಲ್ಲಿ ಮಿಶ್ರಾ ಈ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಬೆಂಗಳೂರಿನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ತಮ್ಮ ಕಾಲಿಗೆ ಗಾಯವಾಗಿದ್ದನ್ನು ಅವರು ನೆನಪಿಸಿಕೊಂಡರು. "ನಾನು ಗಾಯಗೊಂಡು ಹೊರಬರುವಾಗ ಅನಿಲ್ ಕುಂಬ್ಳೆ ಕೋಚ್ ಆಗಿದ್ದರು. ನಾನು ಅವರ ಬಳಿ ಮಾತನಾಡಿದ್ದೆ. 'ನೀನು ಚಿಂತಿಸಬೇಡ, ಸಂಪೂರ್ಣ ಫಿಟ್ ಆಗಿ ಮರಳಿದಾಗ ಸಹಜವಾಗಿಯೇ ತಂಡದಲ್ಲಿ ಇರುತ್ತೀಯಾ' ಎಂದು ಅವರು ನನಗೆ ಹೇಳಿದ್ದರು" ಎಂದು ಮಿಶ್ರಾ ವಿವರಿಸಿದ್ದಾರೆ.

ಮಾತು ಕೊಟ್ಟು ಮೋಸ ಮಾಡಿದ್ರಾ ಕೊಹ್ಲಿ?

"ಆ ಬಳಿಕ ವಿರಾಟ್ ಕೊಹ್ಲಿ ನಾಯಕರಾದರು. ನಾನು ಅವರ ಬಳಿಯೂ ಈ ಬಗ್ಗೆ ಕೇಳಿದ್ದೆ. 'ನೀನು ತಲೆಕೆಡಿಸಿಕೊಳ್ಳಬೇಡ, ಸಂಪೂರ್ಣ ಫಿಟ್ನೆಸ್ ಸಾಧಿಸು, ತಂಡದಲ್ಲಿ ಇರುತ್ತೀಯ' ಎಂದು ಕೊಹ್ಲಿ ಕೂಡ ಭರವಸೆ ನೀಡಿದ್ದರು" ಎಂದು ಮಿಶ್ರಾ ಹೇಳಿದ್ದಾರೆ. ಆದರೆ, ಗಾಯದಿಂದ ಗುಣಮುಖರಾದ ಬಳಿಕ ಕೊಹ್ಲಿಯನ್ನು ಸಂಪರ್ಕಿಸಲು ಪ್ರಯತ್ನಿಸಿದರೂ ಅವರು ಕೊಟ್ಟ ಮಾತು ಉಳಿಸಿಕೊಳ್ಳಲಿಲ್ಲ ಎಂದು ಮಿಶ್ರಾ ಆರೋಪಿಸಿದ್ದಾರೆ.

"ನಾನು ಅವರನ್ನು ಸಂಪರ್ಕಿಸಿ ಈಗಿನ ಪರಿಸ್ಥಿತಿ ಏನು ಎಂದು ಕೇಳಿದ್ದೆ. ಒಂದು ವಾರ ಅಥವಾ ಹತ್ತು ದಿನಗಳಲ್ಲಿ ತಿಳಿಸುವುದಾಗಿ ಅವರು ಹೇಳಿದ್ದರು. ಆದರೆ ವಾರಗಳು ಕಳೆದರೂ ಅವರಿಂದ ಯಾವುದೇ ಉತ್ತರ ಬರಲಿಲ್ಲ. ನಾನು ಕರೆ ಮಾಡಿದರೂ ಅವರು ಫೋನ್ ಎತ್ತಲಿಲ್ಲ. ಮೆಸೇಜ್ ಮಾಡಿದರೂ ರಿಪ್ಲೈ ಮಾಡಲಿಲ್ಲ" ಎಂದು ಮಿಶ್ರಾ ಬೇಸರ ವ್ಯಕ್ತಪಡಿಸಿದ್ದಾರೆ.

ಅಮಿತ್ ಮಿಶ್ರಾ ಟ್ರ್ಯಾಕ್ ರೆಕಾರ್ಡ್

ಅಮಿತ್ ಮಿಶ್ರಾ ಭಾರತ ಪರ 22 ಟೆಸ್ಟ್, 36 ಏಕದಿನ ಹಾಗೂ 10 ಟಿ20 ಪಂದ್ಯಗಳನ್ನಾಡಿದ್ದು, ಕ್ರಮವಾಗಿ 76, 64 ಹಾಗೂ 16 ವಿಕೆಟ್ ಕಬಳಿಸಿದ್ದರು. ಅಮಿತ್ ಮಿಶ್ರಾ 2016ರಲ್ಲಿ ನ್ಯೂಜಿಲೆಂಡ್ ಎದುರಿನ ಏಕದಿನ ಸರಣಿಯಲ್ಲಿ 15 ವಿಕೆಟ್ ಕಬಳಿಸುವ ಮೂಲಕ ಸರಣಿಶ್ರೇಷ್ಠ ಪ್ರಶಸ್ತಿ ಜಯಿಸಿದ್ದರು. ಅದರಲ್ಲೂ ವಿಶಾಖಪಟ್ಟಣಂನಲ್ಲಿ ನಡೆದ ಐದನೇ ಹಾಗೂ ನಿರ್ಣಾಯಕ ಪಂದ್ಯದಲ್ಲಿ ಅಮಿತ್ ಮಿಶ್ರಾ ಕೇವಲ 18 ರನ್ ನೀಡಿ 5 ವಿಕೆಟ್ ಕಬಳಿಸುವ ಮೂಲಕ ಭಾರತ 190 ರನ್ ಅಂತರದ ಜಯ ಸಾಧಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಇದರ ಜತೆಗೆ ಭಾರತ 3-2 ಅಂತರದಲ್ಲಿ ಏಕದಿನ ಸರಣಿ ಜಯಿಸುವಲ್ಲೂ ಅಮಿತ್ ಮಿಶ್ರಾ ಕಾರಣರಾಗಿದ್ದರು.

ಡೆಲ್ಲಿಗೆ ಅಮಿತ್‌ ಮಿಶ್ರಾ ಸ್ಪಿನ್‌ ಬೌಲಿಂಗ್‌ ಕೋಚ್‌

ಟೀಂ ಇಂಡಿಯಾದ ಮಾಜಿ ಸ್ಪಿನ್ನರ್ ಅಮಿತ್‌ ಮಿಶ್ರಾ 20ನೇ ಆವೃತ್ತಿಯ ಐಪಿಎಲ್‌ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡದ ಸ್ಪಿನ್ನರ್‌ ಬೌಲಿಂಗ್‌ ಕೋಚ್‌ ಆಗಿ ನೇಮಕಗೊಂಡಿದ್ದಾರೆ. ಮಿಶ್ರಾ 10 ಸೀಸನ್‌ಗಳಲ್ಲಿ ಡೆಲ್ಲಿ ಪರ ಆಡಿದ್ದರು. ಜತೆಗೆ ಲಖನೌ ಸೂಪರ್‌ ಜೈಂಟ್ಸ್‌, ಡೆಕ್ಕನ್‌ ಜಾರ್ಜರ್ಸ್‌, ಸನ್‌ ರೈಸರ್ಸ್‌ ಹೈದರಾಬಾದ್‌ ತಂಡಗಳನ್ನು ಪ್ರತಿನಿಧಿಸಿದ್ದಾರೆ. ಭಾರತದ ಪರ ಅವರು 22 ಟೆಸ್ಟ್‌, 36 ಏಕದಿನ ಹಾಗೂ 10 ಟಿ20 ಪಂದ್ಯಗಳನ್ನಾಡಿದ್ದಾರೆ. ಡೆಲ್ಲಿ ತಂಡಕ್ಕೆ ಸೌರವ್‌ ಗಂಗೂಲಿ ಮುಖ್ಯ ಕೋಚ್‌ ಆಗಿದ್ದು, ಯುವರಾಜ್‌ ಸಿಂಗ್‌ ಸಹ ಕೋಚ್‌ ಹಾಗೂ ಬ್ಯಾಟಿಂಗ್‌ ಕೋಚ್‌, ಚಾಮಿಂಡಾ ವಾಸ್‌ ವೇಗದ ಬೌಲಿಂಗ್‌ ಆಗಿ ನೇಮಕಗೊಂಡಿದ್ದರು.

KL ರಾಹುಲ್‌, ಮನೀಶ್‌, ನಾಯರ್, ಟ್ಯಾಲೆಂಟ್ ಮೂವರಲ್ಲೂ ಇತ್ತು; ಇಬ್ಬರ ಕೆರಿಯರ್ ಮುಗಿಸಿ, ಒಬ್ಬರನ್ನು ಬಾನೆತ್ತರಕ್ಕೆ ಏರಿಸಿದ್ದು ಯಾರು?

Bhimasi M Koleppanavar — Sat, 24 Oct 2026 10:40:18 +0530

ದೇಶೀಯ ಕ್ರಿಕೆಟ್‌ನಲ್ಲಿ ಕರ್ನಾಟಕ ತಂಡವನ್ನು ಅಧಿಪತಿಯನ್ನಾಗಿ ಮಾಡಿದ್ದ ಮೂವರು ಸೂಪರ್ ಸ್ಟಾರ್ ಆಟಗಾರರ ಪರಿಚಯ ನೋಡೋಣ. ಮನೀಶ್, ಕರುಣ್ ಮತ್ತು ರಾಹುಲ್ ಮೂವರ ಬ್ಯಾಟಿಂಗ್ ಕ್ಲಾಸ್ ಮತ್ತು ಟ್ಯಾಲೆಂಟ್‌ನಲ್ಲಿ ಯಾವುದೇ ತಾರತಮ್ಯ ಇರಲಿಲ್ಲ. ಕ್ರಿಕೆಟ್‌ನಲ್ಲಿ ಕೇವಲ ಪ್ರತಿಭೆ ಇದ್ದರೆ ಸಾಲದು, ಮ್ಯಾನೇಜ್‌ಮೆಂಟ್‌ನ ಬೆಂಬಲ ಮತ್ತು ಅದೃಷ್ಟ ಹೇಗೆ ಒಬ್ಬರ ವೃತ್ತಿಜೀವನವನ್ನು ಆಕಾಶಕ್ಕೆ ಕೊಂಡೊಯ್ಯುತ್ತದೆ ಮತ್ತು ಉಳಿದಿಬ್ಬರನ್ನು ನೆರಳಿನಲ್ಲಿಡುತ್ತದೆ ಎಂಬ ಸತ್ಯದ ವಿಶ್ಲೇಷಣೆ ಇಲ್ಲಿದೆ.

ಕೆಎಲ್ ರಾಹುಲ್; ಗಾಡ್‌ಫಾದರ್ ಸಪೋರ್ಟ್ ಮತ್ತು ಲಕ್‌ನ ಸಾಮ್ರಾಜ್ಯ!

ಸತತ ಫಾರ್ಮ್ ವೈಫಲ್ಯ, ರನ್ ಬರ ಎದುರಾಗಿದ್ದಾಗಲೂ ತಂಡದ ನಾಯಕರು ಮತ್ತು ಕೋಚ್‌ಗಳು ರಾಹುಲ್ ಕೈ ಬಿಡಲಿಲ್ಲ. ಆರಂಭಿಕ ಆಟಗಾರ, ಮಧ್ಯಮ ಕ್ರಮಾಂಕದ ಬ್ಯಾಟರ್, ವಿಕೆಟ್ ಕೀಪರ್, ಮತ್ತು ನಾಯಕತ್ವ, ಹೀಗೆ ಪ್ರತಿ ಬಾರಿ ತಂಡದಲ್ಲಿ ಜಾಗ ಉಳಿಸಿಕೊಳ್ಳಲು ಹೊಸ ಹೊಸ ಅವಕಾಶಗಳ ಬಾಗಿಲು ತೆರೆಯಿತು. ಮ್ಯಾನೇಜ್‌ಮೆಂಟ್ ತೋರಿದ ಅತಿಯಾದ ನಂಬಿಕೆಯಿಂದಾಗಿ ಅವರು ಮೂರೂ ಮಾದರಿಯಲ್ಲಿ 200ಕ್ಕೂ ಹೆಚ್ಚು ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿ ದೊಡ್ಡ ಆಟಗಾರನಾಗಿ ಬೆಳೆದರು.

ಕರುಣ್ ನಾಯರ್; ಹಿಸ್ಟರಿ ಕ್ರಿಯೇಟ್ ಮಾಡಿದ್ರೂ ಸಿಗದ 'ಅದೃಷ್ಟದ ಹಸ್ತ'!

ಇಂಗ್ಲೆಂಡ್ ವಿರುದ್ಧ ಟೆಸ್ಟ್ ಕ್ರಿಕೆಟ್‌ನಲ್ಲಿ ತ್ರಿಶತಕ (303) ಬಾರಿಸಿ ವೀರೇಂದ್ರ ಸೆಹ್ವಾಗ್ ನಂತರ ಈ ಸಾಧನೆ ಮಾಡಿದ ಎರಡನೇ ಭಾರತೀಯ ಎನಿಸಿಕೊಂಡರು. ತ್ರಿಶತಕ ಬಾರಿಸಿದ ಮುಂದಿನ ಸರಣಿಯಲ್ಲೇ (ಅಜಿಂಕ್ಯ ರಹಾನೆ ತಂಡಕ್ಕೆ ಮರಳಿದ ತಕ್ಷಣ) ಇವರನ್ನು ಪ್ಲೇಯಿಂಗ್ ಇಲೆವೆನ್‌ನಿಂದ ಕೈಬಿಡಲಾಯಿತು. ಕೇವಲ ಕೆಲವೇ ಪಂದ್ಯಗಳ ವೈಫಲ್ಯಕ್ಕೆ ಇಡೀ ಅಂತಾರಾಷ್ಟ್ರೀಯ ಕೆರಿಯರ್ ಮುಕ್ತಾಯವಾಯಿತು. ರಾಹುಲ್‌ಗೆ ಸಿಕ್ಕ ಸಪೋರ್ಟ್‌ನಲ್ಲಿ 10% ಭಾಗವೂ ಕರುಣ್‌ಗೆ ಸಿಗಲಿಲ್ಲ ಎನ್ನುವುದು ವಿಷಾದ.

ಮನೀಶ್ ಪಾಂಡೆ; ಸ್ಥಿರತೆ ಇಲ್ಲದ ಅವಕಾಶಗಳು!

ಐಪಿಎಲ್‌ನಲ್ಲಿ ಶತಕ ಬಾರಿಸಿದ ಮೊದಲ ಭಾರತೀಯ ಎಂಬ ಹೆಗ್ಗಳಿಕೆ. ಸಿಡ್ನಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಪಂದ್ಯ ಗೆಲ್ಲಿಸಿದ ಶತಕದ ಬ್ಯಾಟಿಂಗ್ ಪ್ರತಿಭೆ. ತಂಡದಲ್ಲಿದ್ದರೂ ಸತತವಾಗಿ ಪಂದ್ಯಗಳನ್ನು ಆಡಲು ಸಿಗಲಿಲ್ಲ. ಒಂದು ಪಂದ್ಯದಲ್ಲಿ ಫೇಲ್ ಆದರೆ ಮುಂದಿನ 5 ಪಂದ್ಯ ಬೆಂಚ್ ಕಾಯಬೇಕಾದ ಪರಿಸ್ಥಿತಿ. ರಾಹುಲ್‌ಗೆ ಸಿಕ್ಕಂತೆ ನೀನು ಫೇಲ್ ಆದ್ರೂ ಪರವಾಗಿಲ್ಲ ಆಡು ಎಂಬ ಭರವಸೆ ಮ್ಯಾನೇಜ್‌ಮೆಂಟ್‌ನಿಂದ ಮನೀಶ್‌ಗೆ ಸಿಗಲೇ ಇಲ್ಲ.

ಅವಕಾಶಗಳ ತಾರತಮ್ಯ!

ಟ್ಯಾಲೆಂಟ್ ಮೂವರಲ್ಲೂ ಸಮನಾಗಿತ್ತು, ಆದರೆ, ಸಿಕ್ಕ ಅವಕಾಶಗಳು ಮತ್ತು ಬೆಂಬಲ ಅಸಮಾನವಾಗಿತ್ತು. ಕ್ರೀಡಾ ಜಗತ್ತಿನಲ್ಲಿ ಬಲಿಷ್ಠ ಮ್ಯಾನೇಜ್‌ಮೆಂಟ್ ಸಪೋರ್ಟ್ ಮತ್ತು ಅದೃಷ್ಟದ ದಾಳ ಸರಿಯಾಗಿ ಉರುಳಿದರೆ ಮಾತ್ರ ಒಬ್ಬ ಆಟಗಾರ ಲೆಜೆಂಡ್ ಆಗಲು ಸಾಧ್ಯ, ಇಲ್ಲದಿದ್ದರೆ ಪ್ರತಿಭೆಯಿದ್ದೂ ಇತಿಹಾಸದ ಪುಟಗಳಲ್ಲಿ ಕಾಣೆಯಾಗಬೇಕಾಗುತ್ತದೆ ಎಂಬುದಕ್ಕೆ ಈ ಮೂವರ ಕತೆಯೇ ಸಾಕ್ಷಿ.

BCCI ಒಟ್ಟು ಸಂಪತ್ತಿನ ಮುಂದೆ ಮಂಡಿಯೂರಿದ ಇಂಗ್ಲೆಂಡ್, ಆಸೀಸ್, ಪಾಕ್ ಕ್ರಿಕೆಟ್ ಮಂಡಳಿಗಳು..! ಟಾಪ್ 10 ಪಟ್ಟಿಯಲ್ಲಿ ಕಿವೀಸ್‌ಗೆ ಕೊನೆ ಸ್ಥಾನ

Naveen Kodase — Sat, 24 Oct 2026 10:25:34 +0530

ಬೆಂಗಳೂರು: ಜಗತ್ತಿನ ಅತ್ಯಂತ ಶ್ರೀಮಂತ ಕ್ರಿಕೆಟ್ ಮಂಡಳಿಯೆಂದರೇ ಅದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ ಎನ್ನುವ ವಿಚಾರ ಸದ್ಯ ಗುಟ್ಟಾಗಿಯೇನೂ ಉಳಿದಿಲ್ಲ. ಬಿಸಿಸಿಐನ ಒಟ್ಟು ಸಂಪತ್ತು ಸುಮಾರು 2.2 ಬಿಲಿಯನ್ ಡಾಲರ್. ಅಂದರೆ ಭಾರತೀಯ ರುಪಾಯಿ ಲೆಕ್ಕಾಚಾರದಲ್ಲಿ 20,840 ಕೋಟಿ ರುಪಾಯಿಗಳು. ಬಿಸಿಸಿಐ ಎಷ್ಟು ಶ್ರೀಮಂತ ಕ್ರಿಕೆಟ್ ಮಂಡಳಿಯೆಂದರೇ, ಬಿಸಿಸಿಐ ನಂತರ ಇರುವ ಮೂರು ಕ್ರಿಕೆಟ್ ಮಂಡಳಿಗಳ ಒಟ್ಟು ಸಂಪತ್ತಿನ 11 ಪಟ್ಟು ಹೆಚ್ಚಿಗೆ ಸಂಪತ್ತು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯ ಬಳಿಯಿದೆ. ಇದೇ ಕಾರಣಕ್ಕೆ ಬಿಸಿಸಿಯ ಮಾತಿಗೆ ಐಸಿಸಿ ಕೂಡಾ ಕೆಲವೊಮ್ಮೆ ಸಮ್ಮತಿ ಸೂಚಿಸುತ್ತಾ ಇರುತ್ತದೆ.

ಬಿಸಿಸಿಐ ಮುಂದೆ ಆಸೀಸ್, ಪಾಕ್, ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿ ಡಮ್ಮಿ

ಬಿಸಿನೆಸ್ ಸ್ಟ್ಯಾಂಡರ್ಡ್‌ ವರದಿಯ ಪ್ರಕಾರ, ಕ್ರಿಕೆಟ್ ಆಸ್ಟ್ರೇಲಿಯಾ 79 ಯುಎಸ್‌ ಮಿಲಿಯನ್ ಡಾಲರ್ ಸಂಪತ್ತನ್ನು ಹೊಂದಿದೆ. ಈ ಮೂಲಕ ಆಸ್ಟ್ರೇಲಿಯಾ ಕ್ರಿಕೆಟ್ ಮಂಡಳಿಯು ಎರಡನೇ ಸ್ಥಾನದಲ್ಲಿದೆ. ಇನ್ನು ಕ್ರಿಕೆಟ್ ಜಗತ್ತಿಗೆ ಪರಿಚಯಿಸಿದ ಇಂಗ್ಲೆಂಡ್ ಮತ್ತು ವೇಲ್ಸ್‌ ಕ್ರಿಕೆಟ್ ಬೋರ್ಡ್ ಬಳಿ 59 ಮಿಲಿಯನ್ ಡಾಲರ್ ಸಂಪತ್ತು ಇದೆ. ನೆರೆಯ ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಬಳಿ ಕೇವಲ 55 ಮಿಲಿಯನ್ ಡಾಲರ್ ಇದೆ. ಈ ಮೂರೂ ಕ್ರಿಕೆಟ್ ಮಂಡಳಿಯ ಒಟ್ಟು ಸಂಪತ್ತು ಲೆಕ್ಕಾಹಾಕಿದರೆ 193 ಮಿಲಿಯನ್ ಡಾಲರ್ ಆಗಲಿದೆ. ಈ ಮೂರು ಕ್ರಿಕೆಟ್ ಮಂಡಳಿಗಳ ಒಟ್ಟು ಸಂಪತ್ತಿಗಿಂತ 3 ಬಿಲಿಯನ್ ಡಾಲರ್ ಹೆಚ್ಚಿಗೆ ಸಂಪತ್ತು ಬಿಸಿಸಿಐ ಬಳಿಯಿದೆ.

ಇದು ಬಿಸಿಸಿಐ ಎಷ್ಟೊಂದು ಶ್ರೀಮಂತ ಕ್ರಿಕೆಟ್ ಮಂಡಳಿ ಎನ್ನುವುದನ್ನು ತೋರಿಸುತ್ತದೆ. ಇತರ ಕ್ರಿಕೆಟ್ ಮಂಡಳಿಗಳು ಅಂತರರಾಷ್ಟ್ರೀಯ ಪಂದ್ಯಗಳು, ಪ್ರಸಾರ ಒಪ್ಪಂದಗಳು, ಪ್ರಾಯೋಜಕತ್ವದ ಒಪ್ಪಂದಗಳು ಮತ್ತು ದೇಶೀಯ ಸ್ಪರ್ಧೆಗಳ ಸಂಯೋಜನೆಯನ್ನು ಅವಲಂಬಿಸಿವೆ; ಆದರೆ ಬಿಸಿಸಿಐ (BCCI) ಕಾರ್ಯನಿರ್ವಹಿಸುವ ಮಾರುಕಟ್ಟೆಯಲ್ಲಿ, ಅಲ್ಲಿನ ವೀಕ್ಷಕರ ಬೃಹತ್ ಸಂಖ್ಯೆಯು ಅದರ ವಾಣಿಜ್ಯ ಆಸ್ತಿಗಳಿಗೆ ಗಮನಾರ್ಹ ಅನುಕೂಲವನ್ನು ಒದಗಿಸುತ್ತದೆ.

ಜಗತ್ತಿನ ಟಾಪ್ 10 ಶ್ರೀಮಂತ ಕ್ರಿಕೆಟ್ ಮಂಡಳಿಗಳು ಹಾಗೂ ಮತ್ತರ ನಿವ್ವಳ ಸಂಪತ್ತು ಎಷ್ಟು?

ಬಿಸಿನೆಸ್ ಸ್ಟ್ಯಾಂಡರ್ಡ್‌ ವರದಿಯ ಪ್ರಕಾರ, ಸೆಪ್ಟೆಂಬರ್ 05, 2026ರ ವೇಳೆಗೆ ಜಗತ್ತಿನ ಟಾಪ್ 10 ಶ್ರೀಮಂತ ಕ್ರಿಕೆಟ್ ಮಂಡಳಿಗಳು ಯಾವುವು ಎನ್ನುವುದನ್ನು ನೋಡೋಣ ಬನ್ನಿ.

1. ಬಿಸಿಸಿಐ(ಭಾರತ): ಜಗತ್ತಿನ ಶ್ರೀಮಂತ ಕ್ರಿಕೆಟ್ ಮಂಡಳಿ ಎಂದು ಕರೆಸಿಕೊಳ್ಳುವ ಬಿಸಿಸಿಐ ಒಟ್ಟಾರೆ 2.2 ಬಿಲಿಯನ್ ಡಾಲರ್ ಸಂಪತ್ತು ಹೊಂದಿದೆ. ಭಾರತೀಯ ರುಪಾಯಿ ಲೆಕ್ಕಾಚಾರದಲ್ಲಿ 20,840 ಕೋಟಿ ರುಪಾಯಿ. ಐಪಿಎಲ್ ಹಾಗೂ ಕಮರ್ಷಿಯಲ್ ಪೋರ್ಟ್‌ಪೋಲಿಯೋಗಳಿಂದ ಬಿಸಿಸಿಐ ಹೆಚ್ಚಿನ ಆದಾಯ ಸಂಪಾದಿಸುತ್ತಿದೆ.

2. ಕ್ರಿಕೆಟ್ ಆಸ್ಟ್ರೇಲಿಯಾ(ಆಸ್ಟ್ರೇಲಿಯಾ) ಸುಮಾರು 79 ಯುಎಸ್ ಮಿಲಿಯನ್ ಡಾಲರ್(₹674 ಕೋಟಿ) ಹೊಂದಿರುವ ಇದು, ಅಂತಾರಾಷ್ಟ್ರೀಯ ಕ್ರಿಕೆಟ್, ಬ್ರಾಡ್‌ಕಾಸ್ಟ್ ಪಾರ್ಟ್ನರ್‌ಶಿಪ್ ಹಾಗೂ ಬಿಗ್‌ ಬ್ಯಾಷ್ ಲೀಗ್ ಮೂಲಕ ಆದಾಯ ಗಳಿಸುತ್ತಿದೆ.

3. ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಬೋರ್ಡ್(ಇಸಿಬಿ): ಸುಮಾರು 59 ಮಿಲಿಯನ್ ಡಾಲರ್(₹503 ಕೋಟಿ) ಸಂಪತ್ತು ಹೊಂದಿರುವ ಇದು, ಮುಖ್ಯವಾಗಿ ಅಂತಾರಾಷ್ಟ್ರೀಯ ಕ್ರಿಕೆಟ್, ದಿ ಹಂಡ್ರೆಡ್, ದೇಶಿ ಕ್ರಿಕೆಟ್ ಟೂರ್ನಿಗಳಿಂದ ಆದಾಯ ಗಳಿಸುತ್ತಿದೆ.

4. ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್(ಪಾಕಿಸ್ತಾನ): ಸುಮಾರು 55 ಮಿಲಿಯನ್ ಡಾಲರ್(₹469 ಕೋಟಿ), ಸಂಪತ್ತು ಹೊಂದಿದ್ದು, ಪಾಕಿಸ್ತಾನ್ ಸೂಪರ್ ಲೀಗ್‌ನಿಂದ ಹೆಚ್ಚಿನ ಆದಾಯ ಗಳಿಸುತ್ತಿದೆ.

5. ಬಾಂಗ್ಲಾದೇಶ ಕ್ರಿಕೆಟ್ ಬೋರ್ಡ್(ಬಾಂಗ್ಲಾದೇಶ): ಸುಮಾರು 51 ಮಿಲಿಯನ್ ಡಾಲರ್(₹469 ಕೋಟಿ) ಸಂಪತ್ತು ಹೊಂದಿದ್ದು, ಬಾಂಗ್ಲಾದೇಶ ಪ್ರೀಮಿಯರ್ ಲೀಗ್‌ನಿಂದ ಹೆಚ್ಚಿನ ಆದಾಯ ಗಳಿಸುತ್ತಿದೆ.

6. ಕ್ರಿಕೆಟ್ ಸೌಥ್ ಆಫ್ರಿಕಾ(ದಕ್ಷಿಣ ಆಫ್ರಿಕಾ): ಸುಮಾರು 47 ಮಿಲಿಯನ್ ಡಾಲರ್(₹401 ಕೋಟಿ) ಸಂಪತ್ತು ಹೊಂದಿದೆ.

7. ಜಿಂಬಾಬ್ವೆ ಕ್ರಿಕೆಟ್(ಜಿಂಬಾಬ್ವೆ): ಸುಮಾರು 38 ಮಿಲಿಯನ್ ಡಾಲರ್(₹324 ಕೋಟಿ) ಸಂಪತ್ತು ಹೊಂದಿದ್ದು, ಶ್ರೀಲಂಕಾ, ವೆಸ್ಟ್ ಇಂಡೀಸ್ ಹಾಗೂ ನ್ಯೂಜಿಲೆಂಡ್‌ಗಿಂದ ಹೆಚ್ಚಿಗೆ ಸಂಪತ್ತು ಹೊಂದಿದೆ.

8. ಶ್ರೀಲಂಕಾ ಕ್ರಿಕೆಟ್(ಶ್ರೀಲಂಕಾ): ಸುಮಾರು 20 ಮಿಲಿಯನ್ ಡಾಲರ್(₹171 ಕೋಟಿ) ಹೊಂದಿದ್ದು, ಲಂಕಾ ಪ್ರೀಮಿಯರ್ ಲೀಗ್, ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ಹೆಚ್ಚಿನ ಆದಾಯ ಗಳಿಸುತ್ತಿದೆ.

9. ವೆಸ್ಟ್ ಇಂಡೀಸ್ ಕ್ರಿಕೆಟ್ ಬೋರ್ಡ್(ವೆಸ್ಟ್ ಇಂಡೀಸ್): ಸುಮಾರು 15 ಮಿಲಿಯನ್ ಡಾಲರ್(₹128 ಕೋಟಿ) ಸಂಪತ್ತು ಹೊಂದಿದ್ದು, ಕೆರಿಬಿಯನ್ ಪ್ರೀಮಿಯರ್ ಲೀಗ್‌ನಿಂದ ಹೆಚ್ಚಿನ ಸಂಪತ್ತು ಗಳಿಸುತ್ತಿದೆ.

10. ನ್ಯೂಜಿಲೆಂಡ್ ಕ್ರಿಕೆಟ್(ನ್ಯೂಜಿಲೆಂಡ್): ಈ ಲಿಸ್ಟ್‌ನಲ್ಲಿ 10ನೇ ಸ್ಥಾನ ಪಡೆದುಕೊಂಡ ಕ್ರಿಕೆಟ್ ಮಂಡಳಿಯೆಂದರೇ ನ್ಯೂಜಿಲೆಂಡ್ ಕ್ರಿಕೆಟ್ ಬೋರ್ಡ್. ಇದು ಕೇವಲ 9 ಮಿಲಿಯನ್ ಡಾಲರ್(₹77 ಕೋಟಿ) ಸಂಪತ್ತು ಹೊಂದಿದೆ.

KL ರಾಹುಲ್ 0, ಸುದರ್ಶನ್0, ವಾಷಿಂಗ್ಟನ್ 0; ಕಿವೀಸ್ ಮಾರಕ ದಾಳಿಗೆ ಭಾರತ 113 ಕ್ಕೆ ಆಲ್ಔಟ್! ಆಸರೆಯಾದ ಕನ್ನಡಿಗ!

Bhimasi M Koleppanavar — Sat, 24 Oct 2026 10:09:34 +0530

ನ್ಯೂಜಿಲೆಂಡ್‌ನ ಬರ್ಟ್ ಸಟ್ಕ್ಲಿಫ್ ಓವಲ್ ಮೈದಾನದಲ್ಲಿ ಆರಂಭವಾಗಿರುವ ನ್ಯೂಜಿಲೆಂಡ್ 'ಎ' ವಿರುದ್ಧದ ಮೊದಲ ಅನಧಿಕೃತ ಟೆಸ್ಟ್ ಪಂದ್ಯದಲ್ಲಿ ಭಾರತ 'ಎ' ತಂಡ ತೀವ್ರ ಬ್ಯಾಟಿಂಗ್ ಕುಸಿತ ಅನುಭವಿಸಿದೆ. ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡ ನ್ಯೂಜಿಲೆಂಡ್ 'ಎ' ತಂಡದ ಮಾರಕ ಬೌಲಿಂಗ್ ದಾಳಿಗೆ ತತ್ತರಿಸಿದ ಭಾರತ 'ಎ', ತನ್ನ ಪ್ರಥಮ ಇನ್ನಿಂಗ್ಸ್‌ನಲ್ಲಿ ಕೇವಲ 113 ರನ್‌ಗಳಿಗೆ ಆಲೌಟ್ ಆಗಿದೆ.

ಪ್ರಮುಖ ಆಟಗಾರರ ಕಳಪೆ ಪ್ರದರ್ಶನ; ಐವರು ಶೂನ್ಯಕ್ಕೆ ಔಟ್!

ಭಾರತ 'ಎ' ತಂಡದ ಆರಂಭಿಕ ಬ್ಯಾಟಿಂಗ್ ಸಂಪೂರ್ಣವಾಗಿ ನೆಲಕಚ್ಚಿತು. ಆರಂಭಿಕ ಆಟಗಾರ ಅನುಭವಿ ಕೆ.ಎಲ್. ರಾಹುಲ್ 8 ಎಸೆತ ಎದುರಿಸಿ ಶೂನ್ಯಕ್ಕೆ ಔಟ್‌ ಆದರು. ಇವರ ಬೆನ್ನಲ್ಲೇ ಭರವಸೆಯ ಆಟಗಾರ ಸಾಯಿ ಸುದರ್ಶನ್ ಹಾಗೂ ಆಲ್‌ರೌಂಡರ್ ವಾಷಿಂಗ್ಟನ್ ಸುಂದರ್ ಕೂಡ ಖಾತೆ ತೆರೆಯದೆ ವಿಕೆಟ್ ಒಪ್ಪಿಸಿದರು. ನಾಯಕ ಹಾಗೂ ವಿಕೆಟ್ ಕೀಪರ್ ಧ್ರುವ್ ಜುರೆಲ್ ಕೇವಲ 1 ರನ್ ಗಳಿಸಿ ಔಟಾದರೆ, ಇಡೀ ಇನ್ನಿಂಗ್ಸ್‌ನಲ್ಲಿ ತಂಡದ ಐದು ಆಟಗಾರರು ಶೂನ್ಯಕ್ಕೆ ವಿಕೆಟ್ ಚೆಲ್ಲಿದ್ದು ತೀವ್ರ ಹಿನ್ನಡೆಗೆ ಕಾರಣವಾಯಿತು.

ಯಶ್ ಠಾಕೂರ್ - ದೇವದತ್ ಪಡಿಕ್ಕಲ್ ಸಾಹಸ!

ತಂಡ ತೀವ್ರ ಸಂಕಷ್ಟದಲ್ಲಿದ್ದಾಗ ನಾಗ್ಪುರದ ಬೌಲಿಂಗ್ ಆಲ್‌ರೌಂಡರ್ ಯಶ್ ಠಾಕೂರ್ ಚೇತರಿಕೆಯ ಆಟ ಪ್ರದರ್ಶಿಸಿದರು. ಅವರು 49 ಎಸೆತಗಳಲ್ಲಿ 3 ಸಿಕ್ಸರ್ ಹಾಗೂ 3 ಬೌಂಡರಿಗಳ ನೆರವಿನಿಂದ 44 ರನ್ ಗಳಿಸಿ ತಂಡದ ಪರ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು.

ಇವರಿಗೆ ಉತ್ತಮ ಬೆಂಬಲ ನೀಡಿದ ಕನ್ನಡಿಗ ದೇವದತ್ ಪಡಿಕ್ಕಲ್ 77 ಎಸೆತಗಳಲ್ಲಿ 5 ಬೌಂಡರಿಗಳೊಂದಿಗೆ ತಾಳ್ಮೆಯ 32 ರನ್ ಬಾರಿಸಿದರು. ಆರಂಭಿಕ ಆಟಗಾರ ಯಶಸ್ವಿ ಜೈಸ್ವಾಲ್ 45 ಎಸೆತಗಳಲ್ಲಿ 17 ರನ್ ಗಳಿಸಿ ಔಟಾದರು. ಇವರನ್ನು ಹೊರತುಪಡಿಸಿ ಬೇರಾವ ಆಟಗಾರನೂ ಎರಡಂಕಿಯ ಮೊತ್ತ ತಲುಪಲು ಸಾಧ್ಯವಾಗಲಿಲ್ಲ.

ನೇರ ಪ್ರಸಾರದ ವಿವರ!

ಭಾರತ 'ಎ' ಮತ್ತು ನ್ಯೂಜಿಲೆಂಡ್ 'ಎ' ನಡುವಿನ ಈ ಅನಧಿಕೃತ ಟೆಸ್ಟ್ ಪಂದ್ಯವನ್ನು ಸೋನಿ ಸ್ಪೋರ್ಟ್ಸ್ ನೆಟ್‌ವರ್ಕ್ ಚಾನೆಲ್‌ಗಳಲ್ಲಿ ನೇರ ಪ್ರಸಾರ ಮಾಡಲಾಗುತ್ತಿದೆ.

ಭಾರತ 'ಎ' ತಂಡ:!

ಧ್ರುವ್ ಜುರೆಲ್ (ನಾಯಕ/ವಿಕೆಟ್ ಕೀಪರ್), ಯಶಸ್ವಿ ಜೈಸ್ವಾಲ್, ಕೆ.ಎಲ್. ರಾಹುಲ್, ದೇವದತ್ ಪಡಿಕ್ಕಲ್, ಸಾಯಿ ಸುದರ್ಶನ್, ಸ್ಮರಣ್ ರವಿಚಂದ್ರನ್, ವಾಷಿಂಗ್ಟನ್ ಸುಂದರ್, ಅನ್ಶುಲ್ ಕಾಂಬೋಜ್, ಆಕಾಶ್ ದೀಪ್, ಮುಖೇಶ್ ಕುಮಾರ್, ಮಾನವ್ ಸುತಾರ್, ಕುಮಾರ್ ಕುಶಾಗ್ರಾ.

KL ರಾಹುಲ್ ಬದಲಿಗೆ ರಣಜಿಯಲ್ಲಿ 613 ರನ್ ಚಚ್ಚಿದ 21ರ ಯುವಕನಿಗೆ ಭಾರತ ತಂಡದಲ್ಲಿ ಚಾನ್ಸ್!

Bhimasi M Koleppanavar — Fri, 23 Oct 2026 17:16:24 +0530

ಟೀಮ್ ಇಂಡಿಯಾದ ನ್ಯೂಜಿಲೆಂಡ್ ಪ್ರವಾಸ ಭರ್ಜರಿಯಾಗಿ ಆರಂಭಗೊಂಡಿದ್ದು, ಮೊದಲ ಟಿ20 ಪಂದ್ಯದಲ್ಲಿ ಭಾರತ ಗೆಲುವಿನ ಶುಭಾರಂಭ ಮಾಡಿದೆ. 5 ಪಂದ್ಯಗಳ ಟಿ20 ಸರಣಿಯ ಬಳಿಕ 5 ಏಕದಿನ (ODI) ಹಾಗೂ 2 ಪಂದ್ಯಗಳ ಅತ್ಯಂತ ನಿರ್ಣಾಯಕ ಟೆಸ್ಟ್ ಸರಣಿ ನಡೆಯಲಿದೆ. ಇಲ್ಲಿ ಕನ್ನಡಿಗ ರಾಹುಲ್‌ ಸ್ಥಾನಕ್ಕೆ 21ರ ಯುವ ದೈತ್ಯನ ಆಗಮನವಾಗಲಿದೆ.

ನಿರ್ಣಾಯಕ ಡಬ್ಲ್ಯೂಟಿಸಿ!

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ ರೇಸ್ ದೃಷ್ಟಿಯಿಂದ ಈ ಟೆಸ್ಟ್ ಸರಣಿ ಭಾರತಕ್ಕೆ ಅತ್ಯಂತ ಪ್ರಮುಖವಾಗಿದೆ. ಕೀವಿಸ್‌ನ ಕಠಿಣ ಪಿಚ್ ಹಾಗೂ ಸಿನಾರಿಯೋಗಳಿಗೆ ಹೊಂದಿಕೊಳ್ಳಲು, ಭಾರತೀಯ ಆಟಗಾರರು ನ್ಯೂಜಿಲೆಂಡ್ 'ಎ' ವಿರುದ್ಧ 3 ಪಂದ್ಯಗಳ ಅನ್‌ಆಫೀಶಿಯಲ್ ಟೆಸ್ಟ್ ಸರಣಿ ಆಡಲಿದ್ದಾರೆ.

ಸರಣಿ ವೇಳಾಪಟ್ಟಿ ಹಾಗೂ ಕೆ.ಎಲ್. ರಾಹುಲ್ ಲಭ್ಯತೆ!

ಭಾರತ 'ಎ' ಮತ್ತು ನ್ಯೂಜಿಲೆಂಡ್ 'ಎ' ನಡುವಿನ ಚೊಚ್ಚಲ 4-ದಿನಗಳ ಟೆಸ್ಟ್ ಪಂದ್ಯ ಅಕ್ಟೋಬರ್ 24 ರಿಂದ ಆರಂಭವಾಗಲಿದ್ದು, ಎರಡನೇ ಪಂದ್ಯ ಅಕ್ಟೋಬರ್ 31 ಹಾಗೂ ಮೂರನೇ ಪಂದ್ಯ ನವೆಂಬರ್ 7 ರಂದು ನಡೆಯಲಿದೆ. ತಂಡದ ಹಿರಿಯ ಆಟಗಾರ ಕೆ.ಎಲ್. ರಾಹುಲ್ ಮೊದಲ ಪಂದ್ಯದಲ್ಲಿ ಮಾತ್ರ ಕಣಕ್ಕಿಳಿಯಲಿದ್ದಾರೆ. ಭಾರತ-ನ್ಯೂಜಿಲೆಂಡ್ ನಡುವಿನ ಮುಖ್ಯ ಏಕದಿನ ಸರಣಿ ಆರಂಭವಾಗಲಿರುವ ಕಾರಣ, ರಾಹುಲ್ ಉಳಿದ ಎರಡು ಅನ್‌ಆಫೀಶಿಯಲ್ ಟೆಸ್ಟ್ ಪಂದ್ಯಗಳಿಂದ ಹೊರಗುಳಿಯಲಿದ್ದಾರೆ. ಅವರ ಬದಲಿಗೆ ಜಾರ್ಖಂಡ್‌ನ 21 ವರ್ಷದ ಉದಯೋನ್ಮುಖ ಎಡಗೈ ಬ್ಯಾಟರ್ ಶಿಖರ್ ಮೋಹನ್ ಭಾರತ 'ಎ' ತಂಡಕ್ಕೆ ಆಯ್ಕೆಯಾಗಿದ್ದಾರೆ.

ದೇಶೀಯ ಕ್ರಿಕೆಟ್‌ನಲ್ಲಿ ಶಿಖರ್ ಮೋಹನ್ ಬ್ಯಾಟಿಂಗ್ ಬಿರುಗಾಳಿ!

ಕಳೆದ ಕೆಲವು ಸಮಯದಿಂದ ಡೊಮೆಸ್ಟಿಕ್ ಕ್ರಿಕೆಟ್‌ನಲ್ಲಿ ಸತತ ರನ್ ಕಲೆಹಾಕುತ್ತಿರುವ ಶಿಖರ್ ಮೋಹನ್, ಅತ್ಯುತ್ತಮ ಫಾರ್ಮ್‌ನಲ್ಲಿದ್ದಾರೆ. ರಣಜಿ ಟ್ರೋಫಿ 2025-26 ಸಾಲಿನ 12 ಇನ್ನಿಂಗ್ಸ್‌ಗಳಲ್ಲಿ ಬರೋಬ್ಬರಿ 613 ರನ್ ಗಳಿಸಿದ್ದು, ಇದರಲ್ಲಿ ಒಂದು ಅದ್ಭುತ ದ್ವಿಶತಕವೂ ಸೇರಿದೆ. ಅಲ್ಲದೇ ಪ್ರಸ್ತುತ ರಣಜಿ ಋತುವಿನಲ್ಲಿ ಆಡಿದ 2 ಪಂದ್ಯಗಳಲ್ಲಿ 99 ರ ಭರ್ಜರಿ ಸರಾಸರಿಯಲ್ಲಿ 297 ರನ್ ಬಾರಿಸಿದ್ದಾರೆ. ಇದರಲ್ಲಿ ಕೇರಳ ವಿರುದ್ಧ 143 ರನ್ ಹಾಗೂ ಮಹಾರಾಷ್ಟ್ರ ವಿರುದ್ಧ 127 ರನ್‌ಗಳ ಪ್ರಮುಖ ಶತಕಗಳು ಸೇರಿವೆ. ಇನ್ನು ದುಲೀಪ್ ಟ್ರೋಫಿಯಲ್ಲಿ ಅವರ ಆಟವನ್ನು ನೋಡುವುದಾದರೆ, ಪೂರ್ವ ವಲಯದ ಪರ ದಕ್ಷಿಣ ವಲಯದ ವಿರುದ್ಧ ಎರಡೂ ಇನ್ನಿಂಗ್ಸ್‌ಗಳಲ್ಲಿ ಅರ್ಧಶತಕ ಸಿಡಿಸಿದ್ದರು. ಸೆಪ್ಟೆಂಬರ್-ಅಕ್ಟೋಬರ್‌ನಲ್ಲಿ ನಡೆದ ಇರಾನಿ ಟ್ರೋಫಿಯಲ್ಲಿ 'ರೆಸ್ಟ್ ಆಫ್ ಇಂಡಿಯಾ' ಪರ ಆಡಿ ಜಮ್ಮು ಮತ್ತು ಕಾಶ್ಮೀರ ವಿರುದ್ಧ 60 ರನ್‌ಗಳ ಬಿರುಸಿನ ಇನ್ನಿಂಗ್ಸ್ ಆಡಿದ್ದಾರೆ.

ಧ್ರುವ್ ಜುರೆಲ್ ನಾಯಕತ್ವದ ಭಾರತ 'ಎ' ತಂಡ!

ಯುವ ವಿಕೆಟ್ ಕೀಪರ್-ಬ್ಯಾಟರ್ ಧ್ರುವ್ ಜುರೆಲ್ ನಾಯಕತ್ವದಲ್ಲಿ ಭಾರತ 'ಎ' ತಂಡ ಸರಣಿಗೆ ಸಜ್ಜಾಗಿದೆ. ಭಾರತ 'ಎ' ತಂಡದ ಸ್ಕ್ವಾಡ್; ಧ್ರುವ್ ಜುರೆಲ್ (ನಾಯಕ), ಯಶಸ್ವಿ ಜೈಸ್ವಾಲ್, ಕೆ.ಎಲ್. ರಾಹುಲ್ (ಮೊದಲ ಪಂದ್ಯಕ್ಕೆ ಮಾತ್ರ), ದೇವದತ್ ಪಡಿಕ್ಕಲ್, ಆರ್. ಸ್ಮರಣ್, ಕುಮಾರ್ ಕುಶಾಗ್ರಾ, ವಾಷಿಂಗ್ಟನ್ ಸುಂದರ್, ಆಕಿಬ್ ನಬಿ, ಆಕಾಶ್ ದೀಪ್, ಅನ್ಶುಲ್ ಕಾಂಬೋಜ್, ಮಾನವ್ ಸುತಾರ್, ಮುಖೇಶ್ ಚೌಧರಿ, ಸಾಯಿ ಸುದರ್ಶನ್, ಯಶ್ ರಾಥೋಡ್ ಹಾಗೂ ಶಿಖರ್ ಮೋಹನ್. ಇದು ಭಾರತ ತಂಡ.

IND vs NZ: 2ನೇ ಟಿ20 ಪಂದ್ಯ ಯಾವಾಗ, ಎಷ್ಟು ಗಂಟೆಗೆ? ನೇರ ಪ್ರಸಾರ ಎಲ್ಲಿ? ಭಾರತ ಬರೆಯಲಿದೆಯೇ ಹೊಸ ಇತಿಹಾಸ?

Kannadaprabha News — Sat, 24 Oct 2026 08:26:13 +0530

ಕ್ರೈಸ್ಟ್‌ಚರ್ಚ್‌: ನ್ಯೂಜಿಲೆಂಡ್‌ ವಿರುದ್ಧ ಮೊದಲ ಟಿ20ಪಂದ್ಯದಲ್ಲಿ ದಾಖಲೆ ಜಯ ಸಾಧಿಸಿ 5 ಪಂದ್ಯಗಳ ಸರಣಿಯಲ್ಲಿ ಶುಭಾರಂಭ ಮಾಡಿದ್ದ ಭಾರತ, ಶನಿವಾರ 2ನೇ ಪಂದ್ಯದಲ್ಲೂ ಆತಿಥೇಯ ತಂಡದ ಸವಾಲು ಎದುರಿಸಲು ಸಜ್ಜಾಗಿದೆ.

ಶನಿವಾರ 300 ಅಂ.ರಾ. ಟಿ20 ಪಂದ್ಯವನ್ನಾಡಲಿರುವ ಭಾರತ, 200ನೇ ಗೆಲುವಿನ ಮೇಲೆ ಕಣ್ಣಿಟ್ಟಿದೆ. ಸದ್ಯ 299 ಪಂದ್ಯಗಳಲ್ಲಿ 199 ಗೆಲುವು ಸಾಧಿಸಿದೆ. 300ನೇ ಪಂದ್ಯವಾಡಲಿರುವ 2ನೇ ತಂಡ ಎನಿಸಲಿರುವ ಭಾರತ, ಈ ಪಂದ್ಯ ಗೆದ್ದರೆ 200 ಗೆಲುವುಗಳ ಮೈಲುಗಲ್ಲು ತಲುಪಲಿರುವ ಮೊದಲ ತಂಡ ಎನ್ನುವ ದಾಖಲೆ ಬರೆಯಲಿದೆ.

ಕಿಶನ್‌ಗೆ ಗಾಯ, ವೈಭವ್ ಸೂರ್ಯವಂಶಿಗೆ ಚಾನ್ಸ್?

ಇಶಾನ್‌ ಕಿಶನ್ ಗಾಯಗೊಂಡಿದ್ದು, 2ನೇ ಪಂದ್ಯದಿಂದ ಹೊರಬಿದ್ದಿದ್ದಾರೆ. ಹೀಗಾಗಿ, ಬೆಂಚ್‌ ಕಾಯುತ್ತಿರುವ ವೈಭವ್‌ ಸೂರ್ಯವಂಶಿಗೆ ಅವಕಾಶ ಸಿಗುವ ನಿರೀಕ್ಷೆ ಇದೆ. ವೈಭವ್ ಕಣಕ್ಕಿಳಿದರೆ, ಆಗ ಸಂಜು ಸ್ಯಾಮ್ಸನ್‌ 3ನೇ ಕ್ರಮಾಂಕದಲ್ಲಿ ಆಡಬೇಕಾಗಬಹುದು. ಉಳಿದಂತೆ ತಂಡದಲ್ಲಿ ಬದಲಾವಣೆ ಆಗುವ ಸಾಧ್ಯತೆ ಕಡಿಮೆ.

ಇನ್ನು, ನ್ಯೂಜಿಲೆಂಡ್‌ ಮೊದಲ ಪಂದ್ಯದಲ್ಲಿ ಬ್ಯಾಟಿಂಗ್‌ನಲ್ಲಿ ಉತ್ತಮ ಪ್ರದರ್ಶನ ತೋರಿದರೂ, ಬೌಲಿಂಗ್‌ ಹಾಗೂ ಫೀಲ್ಡಿಂಗ್‌ನಲ್ಲಿ ಎಡವಿತ್ತು. ಈ ಪಂದ್ಯದಲ್ಲಿ ಸುಧಾರಿತ ಪ್ರದರ್ಶನ ತೋರಲು ಎದುರು ನೋಡುತ್ತಿದೆ.

ಪಂದ್ಯ ಆರಂಭ: ಮಧ್ಯಾಹ್ನ 12.30ಕ್ಕೆ

ನೇರ ಪ್ರಸಾರ: ಸೋನಿ ಸ್ಪೋರ್ಟ್ಸ್‌/ಸೋನಿ ಲಿವ್‌

ಇಂದಿನಿಂದ ಭಾರತ ‘ಎ’, ನ್ಯೂಜಿಲೆಂಡ್‌ ‘ಎ’ ಟೆಸ್ಟ್‌

ಲಿಂಕನ್‌: ಕೆ.ಎಲ್‌.ರಾಹುಲ್‌, ಯಶಸ್ವಿ ಜೈಸ್ವಾಲ್‌, ಧೃವ್‌ ಜುರೆಲ್‌ ಸೇರಿ ಹಲವು ತಾರಾ ಆಟಗಾರರನ್ನು ಒಳಗೊಂಡ ಭಾರತ ‘ಎ’ ತಂಡ, ಶನಿವಾರದಿಂದ ನ್ಯೂಜಿಲೆಂಡ್‌ ‘ಎ’ ವಿರುದ್ಧ 4 ದಿನಗಳ ಅನಧಿಕೃತ ಟೆಸ್ಟ್‌ ಪಂದ್ಯವನ್ನಾಡಲಿದೆ. ಮುಂದಿನ ತಿಂಗಳು ನ್ಯೂಜಿಲೆಂಡ್‌ ವಿರುದ್ಧ ವಿಶ್ವ ಟೆಸ್ಟ್‌ ಚಾಂಪಿಯನ್‌ಶಿಪ್‌ ವ್ಯಾಪ್ತಿಗೆ ಸೇರುವ 2 ಪಂದ್ಯಗಳ ಸರಣಿಗೂ ಮುನ್ನ, ‘ಎ’ ತಂಡದೊಂದಿಗೆ ಅಭ್ಯಾಸ ನಡೆಸಲು ಹಲವು ಆಟಗಾರರಿಗೆ ಅವಕಾಶ ಸಿಗಲಿದೆ. ಟೆಸ್ಟ್‌ ತಂಡದಲ್ಲಿರುವ ದೇವದತ್‌ ಪಡಿಕ್ಕಲ್‌, ಸಾಯಿ ಸುದರ್ಶನ್‌, ವಾಷಿಂಗ್ಟನ್‌ ಸುಂದರ್‌, ಆಕಾಶ್‌ ದೀಪ್‌, ಅನ್ಶುಲ್‌ ಕಾಂಬೋಜ್‌, ಮುಕೇಶ್‌ ಕುಮಾರ್‌ ಕೂಡ ಈ ಪಂದ್ಯದಲ್ಲಿ ಆಡಲಿದ್ದಾರೆ. ಭಾರತ ‘ಎ’ ಹಾಗೂ ನ್ಯೂಜಿಲೆಂಡ್ ‘ಎ’ ಒಟ್ಟು 3 ಅನಧಿಕೃತ ಟೆಸ್ಟ್‌ಗಳನ್ನು ಆಡಲಿವೆ.

ಬಿಸಿಸಿಐ ಕಿರಿಯರ ಆಯ್ಕೆ ಸಮಿತಿಗೆ ಅವಾನಾ ಮುಖ್ಯಸ್ಥ

ನವದೆಹಲಿ: ಭಾರತ ಕಿರಿಯರ ತಂಡಗಳ ಆಯ್ಕೆ ಸಮಿತಿ ಮುಖ್ಯಸ್ಥರಾಗಿ ಮಾಜಿ ಕ್ರಿಕೆಟಿಗ ಪರ್ವಿಂದರ್‌ ಅವಾನಾರನ್ನು ಬಿಸಿಸಿಐ ಆಯ್ಕೆ ಮಾಡಿದೆ. ದೆಹಲಿಯ ಅವಾನಾ ಭಾರತ ಪರ 2 ಟಿ20 ಪಂದ್ಯಗಳನ್ನಾಡಿದ್ದರು. ಜೊತೆಗೆ 62 ಪ್ರ.ದರ್ಜೆ ಪಂದ್ಯಗಳನ್ನಾಡಿದ ಅನುಭವ ಹೊಂದಿದ್ದಾರೆ. ಆಯ್ಕೆ ಸಮಿತಿ ಮುಖ್ಯಸ್ಥ ಹುದ್ದೆಗೆ ಕರ್ನಾಟಕದ ದೊಡ್ಡ ಗಣೇಶ್‌ ಹೆಸರು ಕೇಳಿಬಂದಿತ್ತು. ಆದರೆ ಅವರನ್ನು ಬಿಸಿಸಿಐ ಆಯ್ಕೆ ಮಾಡಿಲ್ಲ. ಅವಾನಾ ಜೊತೆ ಆಯ್ಕೆ ಸಮಿತಿಯಲ್ಲಿ ಕೃಷ್ಣ ದಾಸ್‌, ರಾಕೇಶ್‌ ಪಟೇಲ್‌ ಹಾಗೂ ಅರ್ಜುನ್‌ ಯಾದವ್‌ ಇರಲಿದ್ದಾರೆ.

ದಿಲ್ ದಿಲ್ ಪಾಕಿಸ್ತಾನ್ ಬದಲಿಗೆ ಚಕ್ ದೇ ಇಂಡಿಯಾ; ಕೊಹ್ಲಿ ಬಾರಿಸಿದ ಸಿಕ್ಸರ್ ಪಾಕ್ ಅಭಿಮಾನಿಗಳನ್ನು ಸೈಲೆಂಟ್ ಮಾಡಿದ್ದು ಹೇಗೆ ನೋಡಿ..

Ganesh Mabla Gowda — Fri, 23 Oct 2026 22:31:58 +0530

ಭಾರತ ಮತ್ತು ಪಾಕಿಸ್ತಾನದ ನಡುವಿನ ಹೈವೋಲ್ಟೇಜ್ ಪಂದ್ಯ ಒಂದರ ಹಳೆಯ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಮತ್ತೆ ವೈರಲ್ ಆಗ್ತಿದೆ. ಇದು ಭಾರತೀಯ ಕ್ರಿಕೆಟ್ ಅಭಿಮಾನಿಗಳಿಗೆ ಮತ್ತೆ ಮತ್ತೆ ಖುಷಿ ನೀಡುವಂತಹ ವಿಡಿಯೋ ಅದಾಗಿದೆ.

ಯಾವುದು ಆ ವಿಡಿಯೋ..

ನಿಮಗೆ 2022ರ ಟಿ20 ವಿಶ್ವಕಪ್‌ನಲ್ಲಿ ಪಾಕಿಸ್ತಾನದ ವಿರುದ್ಧ ಟೀಂ ಇಂಡಿಯಾ ರೋಚಕ ಗೆಲುವು ಸಾಧಿಸಿತು. ಇಂಡಿಯಾ ಅಭಿಮಾನಿಗಳಲ್ಲಿ ಸದಾ ಕಾಲ ನೆನಪಲ್ಲಿ ಉಳಿಯುವ ಪಂದ್ಯವಾಗಿತ್ತು. ಈ ಐತಿಹಾಸಿಕ ಪಂದ್ಯದ ಹಳೆಯ ವಿಡಿಯೋ ಮತ್ತೆ ವೈರಲ್ ಆಗಿದೆ. ಇನ್ನು ವಿಡಿಯೋದಲ್ಲಿ ಏನಿದೆ ಎಂದು ನೋಡೋದಾದರೆ.. ಒಂದು ಸಾರ್ವಜನಿಕ ಸ್ಥಳ. ಬಿಗ್ ಸ್ಕ್ರೀನ್ ಹಾಕಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯವನ್ನು ವೀಕ್ಷಣೆ ಮಾಡಲಾಗುತ್ತಿದೆ. ಪಂದ್ಯವು ರೋಚಕಘಟ್ಟ ತಲುಪಿರುತ್ತದೆ. ಪಾಕಿಸ್ತಾನ ಗೆಲ್ಲುವ ಹಂತದಲ್ಲಿದ್ದಾಗ.. ಅವರ ಅಭಿಮಾನಿಗಳು ಜೋರಾಗಿ ‘ದಿಲ್ ದಿಲ್ ಪಾಕಿಸ್ತಾನ್’ ಎಂದು ಹಾಡುತ್ತ ಜೋರಾಗಿ ಸಂಭ್ರಮಿಸಿದ್ದಾರೆ.

ಆದರೆ ಕ್ರೀಸ್‌ನಲ್ಲಿದ್ದ ವಿರಾಟ್ ಕೊಹ್ಲಿ.. ಪಾಕಿಸ್ತಾನದ ವೇಗದ ಬೌಲರ್ ಹಾರಿಸ್ ರೌಫ್ ಎಸೆತಕ್ಕೆ ಸಿಕ್ಸರ್ ಬಾರಿಸುತ್ತಾರೆ. ಕೊಹ್ಲಿ ಬಾರಿಸಿದ ಆ ಸಿಕ್ಸರ್, ಇಡೀ ಕ್ರೀಡಾಂಗಣ ಹಾಗೂ ವೀಕ್ಷಕರ ವಾತಾವರಣವನ್ನೇ ಬದಲಾಯಿಸಿಬಿಡುತ್ತದೆ.. ಇತ್ತ ಸಿಕ್ಸರ್ ಸಿಡಿಯುತ್ತಿದ್ದಂತೆ ಪಾಕಿಸ್ತಾನಿ ಅಭಿಮಾನಿಗಳು ಬಾಲಮುಚ್ಚಿಕೊಂಡರು. ಟೀಂ ಇಂಡಿಯಾ ಅಭಿಮಾನಿಗಳು ಸಂಭ್ರಮದಿಂದ ಎದ್ದುನಿಂತು ಚಕ್ ದೇ ಇಂಡಿಯಾ ಎಂದು ಕೂಗುತ್ತ ಕುಪ್ಪಳಿಸಿದರು. ಇನ್ನು ವೈರಲ್ ಆಗ್ತಿರುವ ವಿಡಿಯೋದಲ್ಲಿ ಪಾಕಿಸ್ತಾನ ಅಭಿಮಾನಿಗಳು ‘ದಿಲ್ ದಿಲ್ ಪಾಕಿಸ್ತಾನ್’ ಎಂದು ಹಾಡುತ್ತಿರುವಾಗ ಕೊಹ್ಲಿ ಸಿಕ್ಸರ್ ಬಾರಿಸುತ್ತಾರೆ.. ಆಗ ಪಾಕ್ ಅಭಿಮಾನಿಗಳು ಸುಮ್ಮನಾಗುತ್ತಾರೆ. ಆದರೆ ಇತ್ತ ಚಕ್ ದೇ ಇಂಡಿಯಾ ಎಂದು ಭಾರತದ ಅಭಿಮಾನಿಗಳು ಕೂಗಿದ್ದಾರೆ.. ಆಗ ಚಕ್‌ ದೇ ಇಂಡಿಯಾ ಹಾಡು ಪ್ಲೇ ಮಾಡಲಾಗುತ್ತದೆ..

ಆ ಪಂದ್ಯ ಹೇಗಿತ್ತು

ಇನ್ನು ಪಂದ್ಯ ನಡೆದಿದ್ದು 2022, ಅಕ್ಟೋಬರ್ 23. ಅಂದರೆ ಇದೇ ದಿನ. ಆಸ್ಟ್ರೇಲಿಯಾದ ಮೆಲ್ಬೋರ್ನ್‌ನಲ್ಲಿ ಪಂದ್ಯ ಆಯೋಜನೆಗೊಂಡಿತ್ತು. ಸೋಲಿನ ಸುಳಿಯಲ್ಲಿದ್ದ ಟೀಂ ಇಂಡಿಯಾವನ್ನು ವಿರಾಟ್ ಕೊಹ್ಲಿ ಗೆಲುವಿನ ದಡ ಮುಟ್ಟಿಸಿದ್ದರು. ಪಾಕಿಸ್ತಾನ 20 ಓವರ್‍‌ನಲ್ಲಿ 159/8 ಗಳಿಸಿತ್ತು. ಶಾನ್ ಮಸೂದ್ 42 ಎಸೆತಗಳಲ್ಲಿ ಅಜೇಯ 52 ರನ್ ಗಳಿಸಿದರೆ, ಇಫ್ತಿಕರ್ ಅಹ್ಮದ್ 34 ಎಸೆತಗಳಲ್ಲಿ 51 ರನ್ ಗಳಿಸಿದ್ದರು. ಭಾರತದ ಪರ ಅರ್ಶ್ದೀಪ್ ಸಿಂಗ್ ಮತ್ತು ಹಾರ್ದಿಕ್ ಪಾಂಡ್ಯ ತಲಾ ಮೂರು ವಿಕೆಟ್ ಪಡೆದು ಮಿಂಚಿದ್ದರು.

160 ರನ್‌ಗಳ ಗುರಿ ಬೆನ್ನು ಹತ್ತಿದ್ದ ಭಾರತಕ್ಕೆ ಆರಂಭದಲ್ಲೇ ಆಘಾತ ಎದುರಾಗಿತ್ತು. ಕೇವಲ 31 ರನ್‌ಗಳಿಗೆ 4 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಆಗ ಕೊಹ್ಲಿ ಮತ್ತು ಹಾರ್ದಿಕ್ ಪಾಂಡ್ಯ ಕಲ್ಲುಬಂಡೆಯಂತೆ ನಿಂತು 113 ರನ್‌ಗಳ ಪಾಲುದಾರಿಕೆ ನೀಡಿದರು. ಹಾರ್ದಿಕ್ ಪಾಂಡ್ಯ 37 ಬಾಲ್‌ನಲ್ಲಿ 40 ರನ್‌ಗಳಿಸಿ ಕೊನೆಯ ಓವರ್‍‌ನಲ್ಲಿ ಔಟ್ ಆದರು.

ಟೀಂ ಇಂಡಿಯಾ ಅಕ್ಷರಶಃ ಒತ್ತಡದಲ್ಲಿತ್ತು. 19 ನೇ ಓವರ್‌ನಲ್ಲಿ ರೌಫ್ ಬೌಲಿಂಗ್‌ನಲ್ಲಿ ಕೊಹ್ಲಿ ಎರಡು ನಿರ್ಣಾಯಕ ಸಿಕ್ಸರ್‌ಗಳನ್ನು ಬಾರಿಸಿದರು. ಅದು ಟೀಂ ಇಂಡಿಯಾ ಗೆಲುವಿಗೆ ಬುನಾದಿ ಹಾಕಿತು. ಕೊನೆಯ ಓವರ್‍‌ನಲ್ಲಿ ಟೀಂ ಇಂಡಿಯಾಗೆ ಗೆಲ್ಲಲು 16 ರನ್‌ಗಳ ಅಗತ್ಯ ಇತ್ತು. ಪಾಕಿಸ್ತಾನದ ಮೊಹಮ್ಮದ್ ನವಾಜ್ ಬೌಲಿಂಗ್‌ಗೆ ಬಂದಿದ್ದರು. ಆ ಓವರ್‌ನಲ್ಲಿ ನೋ-ಬಾಲ್, ಒಂದು ಸಿಕ್ಸ್, ಒಂದು ವೈಡ್ ಮತ್ತು ಫ್ರೀ ಹಿಟ್ ಸಿಕ್ಕಿತು. ಕೊನೆಯ ಎಸೆತದಲ್ಲಿ ರವಿಚಂದ್ರನ್ ಅಶ್ವಿನ್ ಗೆಲುವಿನ ರನ್ ಗಳಿಸಿದರು. ಈ ಪಂದ್ಯದಲ್ಲಿ ಕೊಹ್ಲಿ 53 ಎಸೆತಗಳಲ್ಲಿ ಆರು ಬೌಂಡರಿ ಮತ್ತು ನಾಲ್ಕು ಸಿಕ್ಸರ್‌ಗಳೊಂದಿಗೆ 82 ರನ್ ಗಳಿಸಿ ಅಜೇಯರಾಗುಳಿದರು. ಭಾರತವು 160 ರನ್‌ಗಳ ಗುರಿಯನ್ನು ನಾಲ್ಕು ವಿಕೆಟ್‌ಗಳಿಂದ ಗೆದ್ದುಕೊಂಡಿತು. ಇವತ್ತು ಅಕ್ಟೋಬರ್ 23. ಹೀಗಾಗಿ ಅಂದಿನ ವಿಡಿಯೋ ಮತ್ತೆ ಸೋಶಿಯಲ್ ಮೀಡಿಯಾದಲ್ಲಿ ಟ್ರೆಂಡಿಂಗ್ ಸೃಷ್ಟಿಸಿದೆ.

#OnThisDay 4 years ago...

From "Dil Dil Pakistan to "Chak De India"

@imVkohli #INDvPAK #ViratKohli #ViratKohli #CricketTwitter https://t.co/OQI7tCGuky

— Faiz Fazel (@theFaizFazel) October 23, 2026

Ind Vs NZ: ಟೀಮ್ ಇಂಡಿಯಾದಲ್ಲಿ ಬಿಗ್ ಟ್ವಿಸ್ಟ್! ಇಶಾನ್ ಔಟ್, ವೈಭವ್ ಕಥೆ ಏನು? ಆಯ್ತು ಹೊಸ ಪ್ಲೇಯರ್‍ ಎಂಟ್ರಿ‌!

Bhimasi M Koleppanavar — Fri, 23 Oct 2026 22:15:12 +0530

ಬೆಂಗಳೂರು: ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಎರಡನೇ T20ಐ ಪಂದ್ಯ ನಾಳೆ ಕ್ರೈಸ್ಟ್‌ಚರ್ಚ್ ಮೈದಾನದಲ್ಲಿ ಮಧ್ಯಾಹ್ನ 12:30ಕ್ಕೆ ನಡೆಯಲಿದೆ. ಮೊದಲ ಪಂದ್ಯ ಗೆದ್ದು ಸರಣಿಯಲ್ಲಿ ಶುಭಾರಂಭ ಮಾಡಿರುವ ಟೀಮ್ ಇಂಡಿಯಾಗೆ ಈ ಪಂದ್ಯಕ್ಕೂ ಮುನ್ನ ಭಾರಿ ಆಘಾತ ಎದುರಾಗಿದೆ. ಸ್ಟಾರ್ ಆಟಗಾರ ಇಶಾನ್ ಕಿಶನ್ ಗಾಯದ ಸಮಸ್ಯೆಯಿಂದಾಗಿ 2ನೇ T20ಐನಿಂದ ಹೊರಬಿದ್ದಿದ್ದಾರೆ. ಅದರೊಂದಿಗೆ ಹೊಸ ಪ್ಲೇಯರ್ ರಿಪ್ಲೆಸ್ಮೆಂಟ್‌ ಅನಿವಾರ್ಯ. ಈ ನಿಟ್ಟಿನಲ್ಲಿ ವೈಭವ ಕಥೆ ಏನು? ಬರುತ್ತಿರುವ ಕಿಲಾಡಿ ಪ್ಲೇಯರ್ ಯಾರು? ಇಲ್ಲಿದೆ ಸಂಪೂರ್ಣ ವಿವರ.

ತೊಡೆಯ ಸ್ನಾಯುವಿನ ಗಾಯದ ಸಮಸ್ಯೆ!

ಬಲ ತೊಡೆಯ ಸ್ನಾಯುವಿನ ಗಾಯಕ್ಕೆ ಒಳಗಾಗಿರುವ ಇಶಾನ್ ಕಿಶನ್ ಈ ಪಂದ್ಯಕ್ಕೆ ಲಭ್ಯವಿರುವುದಿಲ್ಲ. ಇಶಾನ್ ಅವರ ಗಾಯದಿಂದಾಗಿ ಆಡುವ ಹನ್ನೊಂದರ ಬಳಗದಲ್ಲಿ ಯುವ ಆಟಗಾರ ವೈಭವ್ ಸೂರ್ಯವಂಶಿ ಅವರಿಗೆ ಅವಕಾಶ ಸಿಗುವ ಸಾಧ್ಯತೆ ದಟ್ಟವಾಗಿದೆ. ಶಿವಂ ದುಬೆ ಆಲ್‌ರೌಂಡರ್ ಆಗಿದ್ದರೂ, ಇಶಾನ್ ಸ್ಥಾನವನ್ನು ಭರ್ತಿ ಮಾಡಲು ವೈಭವ್ ಸೂಕ್ತ ಆಯ್ಕೆಯಾಗಿದ್ದಾರೆ.

ಇಶಾನ್ ಬದಲಿಗೆ ಕುಮಾರ್ ಕುಶಾಗ್ರ ತಂಡಕ್ಕೆ ಎಂಟ್ರಿ!

ಇಶಾನ್ ಕಿಶನ್ ಅಲಭ್ಯತೆಯ ಹಿನ್ನೆಲೆಯಲ್ಲಿ ಬಿಸಿಸಿಐ ಜಾರ್ಖಂಡ್‌ನ 21 ವರ್ಷದ ವಿಕೆಟ್ ಕೀಪರ್-ಬ್ಯಾಟರ್ ಕುಮಾರ್ ಕುಶಾಗ್ರ ಅವರನ್ನು ತಂಡಕ್ಕೆ ಸೇರ್ಪಡೆಗೊಳಿಸಿದೆ. ಪ್ರಸ್ತುತ ಸಂಜು ಸ್ಯಾಮ್ಸನ್ ಪ್ರಮುಖ ವಿಕೆಟ್ ಕೀಪರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದು, ತುರ್ತು ಸಂದರ್ಭದಲ್ಲಿ ವಿಕೆಟ್ ಕೀಪಿಂಗ್ ಆಯ್ಕೆ ಕಾಯ್ದುಕೊಳ್ಳಲು ಕುಶಾಗ್ರ ಅವರನ್ನು ಮೀಸಲು ವಿಕೆಟ್ ಕೀಪರ್ ಆಗಿ ತರಲಾಗಿದೆ. ಕುಶಾಗ್ರ ಪರ್ಯಾಯ ಕೀಪರ್ ಆಗಿರುವುದರಿಂದ, ಪಂದ್ಯದಲ್ಲಿ ವೈಭವ್ ಸೂರ್ಯವಂಶಿ ಆಡುವ ಬಳಗದಲ್ಲಿ ಕಣಕ್ಕಿಳಿಯುವುದಕ್ಕೆ ಯಾವುದೇ ತೊಂದರೆಯಿಲ್ಲ.

ದೇಶೀಯ ಕ್ರಿಕೆಟ್‌ನಲ್ಲಿ ಕುಮಾರ್ ಕುಶಾಗ್ರ ಸಾಹಸ!

ಅಗ್ರ ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸುವ ಕುಶಾಗ್ರ, ಇತ್ತೀಚೆಗೆ ನಡೆದ ದುಲೀಪ್ ಟ್ರೋಫಿ ಫೈನಲ್‌ನಲ್ಲಿ 101 ರನ್‌ಗಳ ಭರ್ಜರಿ ಶತಕ ಗಳಿಸಿದ್ದರು. ಆ ಬಳಿಕ ಆಸ್ಟ್ರೇಲಿಯಾ 'ಎ' ವಿರುದ್ಧ ಭಾರತ 'ಎ' ಪರ ಆಡಿ ಮೊದಲ ಇನ್ನಿಂಗ್ಸ್‌ನಲ್ಲಿ 113 ರನ್ ಹಾಗೂ ಎರಡನೇ ಇನ್ನಿಂಗ್ಸ್‌ನಲ್ಲಿ ಔಟಾಗದೆ 46 ರನ್ ಕಲೆಹಾಕಿದ್ದರು. 38 ಪ್ರಥಮ ದರ್ಜೆ ಪಂದ್ಯಗಳಲ್ಲಿ 2,507ಕ್ಕೂ ಹೆಚ್ಚು ರನ್ ಗಳಿಸಿರುವ ಕುಶಾಗ್ರ, 2022ರ ರಣಜಿ ಟ್ರೋಫಿಯಲ್ಲಿ ನಾಗಾಲ್ಯಾಂಡ್ ವಿರುದ್ಧ ಕೇವಲ 17 ವರ್ಷ 144 ದಿನಗಳ ವಯಸ್ಸಿನಲ್ಲಿ 266 ರನ್ ಸಿಡಿಸಿದ್ದರು. ಆ ಮೂಲಕ ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ 250+ ರನ್ ಗಳಿಸಿದ ವಿಶ್ವದ ಅತ್ಯಂತ ಕಿರಿಯ ಆಟಗಾರ ಎಂಬ ಐತಿಹಾಸಿಕ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು.

ನಯಾಪೈಸೆ ಕಿಮ್ಮತ್ತಿಲ್ಲದೆ ಐಪಿಎಲ್‌ನಿಂದ ರಿಜೆಕ್ಟ್‌ ಆದ ಪ್ಲೇಯರ್‌ ಈಗ ಪಾಕಿಸ್ತಾನ ಸೂಪರ್‌ ಲೀಗ್‌ನ ಅತ್ಯಂತ ದುಬಾರಿ ಆಟಗಾರ!

Naveen Kodase — Fri, 23 Oct 2026 19:20:15 +0530

ಇಸ್ಲಾಮಾಬಾದ್: ಒಂದು ಕಡೆ 20ನೇ ಸೀಸನ್‌ ಐಪಿಎಲ್ ಮಿನಿ ಹರಾಜಿಗೆ ದಿನಗಣನೆ ಶುರುವಾಗಿರುವ ಬೆನ್ನಲ್ಲೇ ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯು ಇದೀಗ ಪಾಕಿಸ್ತಾನ ಸೂಪರ್ ಲೀಗ್ ಆಯೋಜಿಸಲು ರೆಡಿಯಾಗಿದೆ. ವಿಪರ್ಯಾಸವೆಂದರೆ ಐಪಿಎಲ್‌ನಲ್ಲಿ ನಯಾಪೈಸೆ ಕಿಮ್ಮತ್ತಿಲ್ಲದೇ ಅನ್‌ಸೋಲ್ಡ ಆದ ಆಟಗಾರ ಇದೀಗ ಮುಂಬರುವ ಪಾಕಿಸ್ತಾನ ಸೂಪರ್ ಲೀಗ್‌ನ ಅತ್ಯಂತ ದುಬಾರಿ ಆಟಗಾರರಾಗಿ ಹೊರಹೊಮ್ಮಿದ್ದಾರೆ.

ಸ್ಟೀವ್ ಸ್ಮಿತ್‌ ಪಿಎಸ್‌ಎಲ್‌ನ ದುಬಾರಿ ಆಟಗಾರ!

ಹೌದು, ಆಸ್ಟ್ರೇಲಿಯಾದ ಬ್ಯಾಟಿಂಗ್ ದಿಗ್ಗಜ ಸ್ಟೀವ್ ಸ್ಮಿತ್, ಇದೀಗ ಪಾಕಿಸ್ತಾನ ಸೂಪರ್ ಲೀಗ್‌ನ ಅತ್ಯಂತ ದುಬಾರಿ ಆಟಗಾರನಾಗಿ ಹೊರಹೊಮ್ಮಿದ್ದಾರೆ. 36 ವರ್ಷದ ಸ್ಟೀವ್ ಸ್ಮಿತ್ ಅವರನ್ನು ಪಿಎಸ್‌ಎಲ್‌ಗೆ ಹೊಸದಾಗಿ ಸೇರ್ಪಡೆಯಾಗಿರುವ ಸಿಯಾಲ್ಕೋಟ್ ಸ್ಟಾಲಿಯನ್ಸ್ ಫ್ರಾಂಚೈಸಿಯು $5,00,000 ಡಾಲರ್‌ಗೆ ಖರೀದಿಸಿದೆ. ಅಂದರೆ ಭಾರತೀಯ ರುಪಾಯಿ ಲೆಕ್ಕಾಚಾರದಲ್ಲಿ ಕೇವಲ 4.53 ಕೋಟಿ ರುಪಾಯಿಗಳಾಗಿದೆ. ಈ ಒಪ್ಪಂದಕ್ಕೆ ಸಹಿ ಹಾಕಿರುವುದು ಪಾಕಿಸ್ತಾನ ಮೂಲದ ಟಿ20 ಲೀಗ್‌ಗೆ ಒಂದು ಪ್ರಮುಖ ಆರ್ಥಿಕ ಮೈಲಿಗಲ್ಲಾಗಿದೆ. ಈ ಲೀಗ್ ಮೊದಲ ಬಾರಿಗೆ ಆಟಗಾರರ ಹರಾಜು ವ್ಯವಸ್ಥೆಯನ್ನು ಪರಿಚಯಿಸಿದೆ.

'ದಿ ಎಕ್ಸ್‌ಪ್ರೆಸ್ ಟ್ರಿಬ್ಯೂನ್' ಮತ್ತು 'ಇಂಡಿಯಾ ಟುಡೇ' ವರದಿಗಳ ಪ್ರಕಾರ, ಈ ಒಪ್ಪಂದದೊಂದಿಗೆ ಸ್ಮಿತ್ ಪಿಎಸ್‌ಎಲ್ (PSL) ಇತಿಹಾಸದಲ್ಲೇ ಅತಿ ಹೆಚ್ಚು ಸಂಭಾವನೆ ಪಡೆಯುವ ಆಟಗಾರರಾಗಿದ್ದಾರೆ. ಈ ಮೂಲಕ ಅವರು ಹಲವು ಪ್ರಮುಖ ಅಂತರರಾಷ್ಟ್ರೀಯ ಹಾಗೂ ಪಾಕಿಸ್ತಾನಿ ಕ್ರಿಕೆಟಿಗರನ್ನು ಹಿಂದಿಕ್ಕಿದ್ದಾರೆ. ಸ್ಮಿತ್ ಅವರ ಸೇರ್ಪಡೆಯು ಪಿಎಸ್‌ಎಲ್ (PSL) ಪಾಲಿಗೆ ಒಂದು ಮಹತ್ವದ ಘಟ್ಟದಲ್ಲಿ ನಡೆದಿದೆ. ಏಕೆಂದರೆ, ತನ್ನ 11ನೇ ಆವೃತ್ತಿಗಾಗಿ ಪಿಎಸ್‌ಎಲ್ ತನ್ನ ಸಾಂಪ್ರದಾಯಿಕ 'ಪ್ಲೇಯರ್ ಡ್ರಾಫ್ಟ್' (ಆಟಗಾರರ ಆಯ್ಕೆ) ವ್ಯವಸ್ಥೆಯನ್ನು ಕೈಬಿಟ್ಟು, ಹರಾಜು ಪದ್ಧತಿಯನ್ನು ಅಳವಡಿಸಿಕೊಂಡಿದೆ. ಈ ಬದಲಾವಣೆಯು ಫ್ರಾಂಚೈಸಿಗಳಿಗೆ ಆಟಗಾರರನ್ನು ಪಡೆಯಲು ಹಾಗೂ ತಮ್ಮ ತಂಡಗಳನ್ನು ರೂಪಿಸಿಕೊಳ್ಳಲು ಒಂದು ಹೊಸ ವ್ಯವಸ್ಥೆಯನ್ನು ಒದಗಿಸಿಕೊಟ್ಟಿದೆ.

'ದಿ ಎಕ್ಸ್‌ಪ್ರೆಸ್ ಟ್ರಿಬ್ಯೂನ್' ವರದಿಯ ಪ್ರಕಾರ, ಸಿಯಾಲ್ಕೋಟ್ ಸ್ಟಾಲಿಯನ್ಸ್ ತಂಡವು ಸ್ಮಿತ್ ಅವರೊಂದಿಗೆ 5,00,000 ಡಾಲರ್‌ಗಿಂತಲೂ ಹೆಚ್ಚಿನ ಮೊತ್ತಕ್ಕೆ ಒಪ್ಪಂದವನ್ನು ಅಂತಿಮಗೊಳಿಸಿದೆ. ಈ ಆಸ್ಟ್ರೇಲಿಯನ್ ಬ್ಯಾಟರ್‌ರನ್ನು ತಮ್ಮ ತಂಡಕ್ಕೆ ಸೇರಿಸಿಕೊಳ್ಳಲು ಇನ್ನೊಂದು ತಂಡವೂ ಆಸಕ್ತಿ ತೋರಿದ್ದರಿಂದ, ಸಿಯಾಲ್ಕೋಟ್ ಸ್ಟಾಲಿಯನ್ಸ್ ಅವರಿಗೆ ಪೈಪೋಟಿಯನ್ನು ಎದುರಿಸಬೇಕಾಯಿತು ಎಂದು ವರದಿಯಾಗಿದೆ. ಪಾಕಿಸ್ತಾನ ಕ್ರಿಕೆಟ್ ಮಂಡಳಿಯು ಅಧಿಕೃತವಾಗಿ ಪ್ರಕಟಿಸಿದ ಪಿಎಸ್‌ಎಲ್ (PSL) ತಂಡದ ಪಟ್ಟಿಯಲ್ಲಿ, ಸ್ಮಿತ್ ಅವರನ್ನು 14 ಕೋಟಿ ಪಾಕಿಸ್ತಾನಿ ರೂಪಾಯಿಗಳಿಗೆ (PKR) 'ಸಿಯಾಲ್ಕೋಟ್ ಸ್ಟಾಲಿಯನ್ಸ್' ತಂಡವು ನೇರವಾಗಿ ಆಯ್ಕೆ ಮಾಡಿಕೊಂಡಿದೆ ಎಂದು ನಮೂದಿಸಿದೆ.

'ಬಿಸಿನೆಸ್ ರೆಕಾರ್ಡರ್' ವರದಿಯ ಪ್ರಕಾರ, ಈ ಒಪ್ಪಂದದೊಂದಿಗೆ ಸ್ಮಿತ್ ಅವರು 'ಹೈದರಾಬಾದ್ ಹೂಸ್ಟನ್ ಕಿಂಗ್ಸ್‌ಮೆನ್' ತಂಡದಲ್ಲಿ 12.6 ಕೋಟಿ ಪಾಕಿಸ್ತಾನಿ ರೂಪಾಯಿಗಳಿಗೆ (PKR) ಉಳಿಸಿಕೊಳ್ಳಲ್ಪಟ್ಟ ಸೈಮ್ ಅಯೂಬ್ ಅವರಿಗಿಂತ ಮುಂದಿದ್ದಾರೆ. ಇದೇ ವೇಳೆ, ಹರಾಜಿನಲ್ಲಿ ವೇಗದ ಬೌಲರ್ ನಸೀಮ್ ಶಾ 8.65 ಕೋಟಿ ಪಾಕಿಸ್ತಾನಿ ರೂಪಾಯಿಗಳನ್ನು (PKR) ಪಡೆದಿದ್ದು, ಹರಾಜು ಪ್ರಕ್ರಿಯೆಯ ಮೂಲಕ ಆಯ್ಕೆಯಾದ ಅತ್ಯಂತ ದುಬಾರಿ ಆಟಗಾರರಲ್ಲಿ ಒಬ್ಬರಾಗಿದ್ದಾರೆ.

ಐಪಿಎಲ್‌ ಹಾಗೂ ಪಿಎಸ್‌ಎಲ್ ಹೋಲಿಕೆ

ಪಾಕಿಸ್ತಾನ ಸೂಪರ್ ಲೀಗ್ ಹರಾಜು ಮುಕ್ತಾಯವಾದ ಬೆನ್ನಲ್ಲೇ ಪಿಎಸ್‌ಎಲ್ ಹಾಗೂ ಐಪಿಎಲ್ ನಡುವಿನ ಹೋಲಿಕೆ ಮಾಡಿ ನೆಟ್ಟಿಗರು ಟ್ರೋಲ್ ಮಾಡಲಾರಂಭಿಸಿದ್ದಾರೆ. ಪಿಎಸ್‌ಎಲ್ ಇತಿಹಾಸದ ಅತ್ಯಂತ ದುಬಾರಿ ಆಟಗಾರನಿಗೆ ಸಿಕ್ಕಿದ್ದು ಕೇವಲ 4.53 ಕೋಟಿ ರುಪಾಯಿಗಳು ಮಾತ್ರ. ಆದರೆ 2025ರ ಐಪಿಎಲ್ ಮೆಗಾ ಹರಾಜಿನಲ್ಲಿ ಲಖನೌ ಸೂಪರ್ ಜೈಂಟ್ಸ್ ಫ್ರಾಂಚೈಸಿಯು ಬರೋಬ್ಬರಿ 27 ಕೋಟಿ ರುಪಾಯಿ ನೀಡಿ ರಿಷಭ್ ಪಂತ್ ಅವರನ್ನು ಖರೀದಿಸಿತ್ತು. ಅಲ್ಲಿಗೆ ಸ್ಮಿತ್‌ಗಿಂತ ಆರು ಪಟ್ಟು ಹೆಚ್ಚು ಮೊತ್ತವನ್ನು ಪಂತ್ ಐಪಿಎಲ್‌ ಹರಾಜಿನಲ್ಲಿ ಪಡೆದುಕೊಂಡಿದ್ದರು. ಇನ್ನು ಕಳೆದ ಸೀಸನ್ ಐಪಿಎಲ್ ಮಿನಿ ಹರಾಜಿನಲ್ಲಿ ಆಸ್ಟ್ರೇಲಿಯಾದ ಸ್ಟಾರ್ ಆಟಗಾರ ಕ್ಯಾಮರೋನ್ ಗ್ರೀನ್ ಅವರನ್ನು ಕೆಕೆಆರ್ ಫ್ರಾಂಚೈಸಿಯು 25.20 ಕೋಟಿ ರುಪಾಯಿ ನೀಡಿ ಖರೀದಿಸಿತ್ತು.

IPL 2027 ಮಿನಿ ಹರಾಜಿಗೂ ಮುನ್ನ ಈ 3 ಆಟಗಾರರಿಗೆ ಆರ್‌ಸಿಬಿ ಗೇಟ್‌ಪಾಸ್..? ಈ ಮ್ಯಾಚ್‌ ವಿನ್ನರ್‌ನ ಕೈಬಿಡುತ್ತಾ ಬೆಂಗಳೂರು ಫ್ರಾಂಚೈಸಿ?

Naveen Kodase — Fri, 23 Oct 2026 18:48:54 +0530

ಬೆಂಗಳೂರು: ರಜತ್ ಪಾಟೀದಾರ್ ನೇತೃತ್ವದ ಹಾಲಿ ಚಾಂಪಿಯನ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು 2027ರ ಐಪಿಎಲ್ ಮಿನಿ ಹರಾಜಿಗೂ ಮುನ್ನ ಕೆಲವೊಂದು ಕಠಿಣ ತೀರ್ಮಾನ ತೆಗೆದುಕೊಳ್ಳುವ ಸಾಧ್ಯತೆ ದಟ್ಟವಾಗಿದೆ. ಆರ್‌ಸಿಬಿ ತಂಡವು ಇದೀಗ ಕಪ್ ಗೆಲ್ಲಿಸಿಕೊಟ್ಟ ಬಹುತೇಕ ಆಟಗಾರರನ್ನು ಉಳಿಸಿಕೊಂಡು, ಈ ಮೂವರು ಆಟಗಾರರನ್ನು ಮಿನಿ ಹರಾಜಿಗೂ ಮುನ್ನ ರಿಲೀಸ್ ಮಾಡಲು ಮುಂದಾಗಿದೆ ಎಂದು ವರದಿಯಾಗಿದೆ.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು ಮೇಲ್ನೋಟಕ್ಕೆ ಸಾಕಷ್ಟು ಸೆಟಲ್ ಆಗಿರುವ ತಂಡದಂತೆ ಭಾಸವಾಗುತ್ತಿದ್ದು, ತಂಡದಲ್ಲಿ ಮೇಜರ್ ಬದಲಾವಣೆಯಾಗುವ ಸಾಧ್ಯತೆಯಿಲ್ಲ. ಆರ್‌ಸಿಬಿ ತಂಡವು ಸತತ ಎರಡು ಬಾರಿ ಐಪಿಎಲ್ ಟ್ರೋಫಿ ಗೆದ್ದು ಬೀಗಿದ್ದು, ಇದೀಗ ಹ್ಯಾಟ್ರಿಕ್ ಟ್ರೋಫಿ ಮೇಲೆ ಕಣ್ಣಿಟ್ಟಿದೆ. ಯಾವ ತಂಡವು ಇದುವರೆಗೂ ಐಪಿಎಲ್‌ನಲ್ಲಿ ಹ್ಯಾಟ್ರಿಕ್ ಟ್ರೋಫಿ ಗೆದ್ದಿಲ್ಲ. ಹೀಗಾಗಿ ಅಂತಹದ್ದೊಂದು ಅಪರೂಪದ ದಾಖಲೆ ಮೇಲೆ ಕಣ್ಣಿಟ್ಟಿದೆ. ಇದೇ ಕಾರಣಕ್ಕೆ ಆರ್‌ಸಿಬಿ ತಂಡವು ತನ್ನ ಕೋರ್ ಆಟಗಾರರನ್ನು ಉಳಿಸಿಕೊಂಡು, ಮಿನಿ ಹರಾನಿನಲ್ಲಿ ಪಾಲ್ಗೊಳ್ಳಲು ರೆಡಿಯಾಗಿದೆ. ಆರ್‌ಸಿಬಿ ತಂಡದಿಂದ ರಿಲೀಸ್ ಮಾಡಲು ಹೊರಟಿರುವ ಸಂಭಾವ್ಯ ಆಟಗಾರರು ಯಾರು ಎನ್ನುವುದನ್ನು ನೋಡೋಣ ಬನ್ನಿ.

1. ಮಂಗೇಶ್ ಯಾದವ್:(₹5.20 ಕೋಟಿ)

ಭಾರತದ ಯುವ ವೇಗದ ಬೌಲರ್ ಮಂಗೇಶ್ ಯಾದವ್ ಅವರನ್ನು ಆರ್‌ಸಿಬಿ ಫ್ರಾಂಚೈಸಿಯು ಕಳೆದ ಐಪಿಎಲ್ ಮಿನಿ ಹರಾಜಿನಲ್ಲಿ ಬರೋಬ್ಬರಿ 5.20 ಕೋಟಿ ರುಪಾಯಿ ನೀಡಿ ಖರೀದಿಸಿತ್ತು. ಯಶ್ ದಯಾಳ್‌ಗೆ ಪರ್ಯಾಯ ಬೌಲರ್ ಆಗಿ ಮಂಗೇಶ್ ಯಾದವ್ ಅವರನ್ನು ಆರ್‌ಸಿಬಿ ತನ್ನ ತೆಕ್ಕೆಗೆ ಸೆಳೆದುಕೊಂಡಿತ್ತು. ಆದರೆ ಮಂಗೇಶ್ ಯಾದವ್ ಆರ್‌ಸಿಬಿ ಬಹುತೇಕ ಪಂದ್ಯಗಳಲ್ಲಿ ಬೆಂಚ್ ಕಾಯಿಸಿದ್ದರು. ಹೀಗಾಗಿ ಮಿನಿ ಹರಾಜಿಗೂ ಮುನ್ನ ಮಂಗೇಶ್ ಯಾದವ್ ಅವರನ್ನು ತಂಡದಿಂದ ರಿಲೀಸ್ ಮಾಡಿ ತಂಡಕ್ಕೆ ಸೆಟ್ ಆಗುವಂತಹ ಬೌಲರ್‌ ಮೇಲೆ ಬೆಂಗಳೂರು ಫ್ರಾಂಚೈಸಿ ಬಂಡವಾಳ ಹಾಕುವ ಸಾಧ್ಯತೆಯಿದೆ. ಮಂಗೇಶ್ ಯಾದವ್ ಅವರನ್ನು ರಿಲೀಸ್ ಮಾಡಿದರೆ ಆರ್‌ಸಿಬಿ ಪರ್ಸ್‌ಗೆ 5.20 ಕೋಟಿ ರುಪಾಯಿ ಸೇರ್ಪಡೆಯಾಗಲಿದೆ.

2. ನುವಾನ್ ತುಷಾರ(₹1.60 ಕೋಟಿ)

ಇನ್ನು ಶ್ರೀಲಂಕಾ ಮೂಲದ ಮಾರಕ ವೇಗಿ ನುವಾನ್ ತುಷಾರ ಅವರನ್ನು ಆರ್‌ಸಿಬಿ ಫ್ರಾಂಚೈಸಿಯು 1.60 ಕೋಟಿ ರುಪಾಯಿ ನೀಡಿ ಖರೀದಿಸಿತ್ತು. ಆದರೆ ವಿದೇಶಿ ಆಟಗಾರರ ಸ್ಲಾಟ್‌ ಅನ್ನು ಎಚ್ಚರಿಕೆಯಿಂದ ನಿರ್ವಹಿಸಬೇಕಾದ ಜವಾಬ್ದಾರಿ ಆರ್‌ಸಿಬಿ ಮುಂದಿದೆ. ಈಗಾಗಲೇ ವಿದೇಶಿ ಆಟಗಾರರಾಗಿ ಫಿಲ್ ಸಾಲ್ಟ್, ಜೇಕಬ್ ಡಫಿ, ಜೋಶ್ ಹೇಜಲ್‌ವುಡ್, ಟಿಮ್ ಡೇವಿಡ್, ಜೇಕಬ್ ಬೆಥೆಲ್ ಅವರಂತಹ ಆಟಗಾರರಿರುವುದರಿಂದ ತುಷಾರ ಅವರನ್ನು ತಂಡದಿಂದ ರಿಲೀಸ್ ಮಾಡಿ ಮತ್ತಷ್ಟು ಕ್ವಾಲಿಟಿ ಆಟಗಾರರನ್ನು ಆರ್‌ಸಿಬಿ ಖರೀದಿಸುವ ಸಾಧ್ಯತೆಯಿದೆ.

3. ಯಶ್ ದಯಾಳ್:(₹5 ಕೋಟಿ)

ಈ ಲಿಸ್ಟ್‌ನಲ್ಲಿರುವ ಮೂರನೇ ಹಾಗೂ ಅಚ್ಚರಿಯ ಹೆಸರೆಂದರೇ ಅದು ಎಡಗೈ ವೇಗಿ ಯಶ್ ದಯಾಳ್ ಅವರದ್ದು. ಯಶ್ ದಯಾಳ್ ವೈಯುಕ್ತಿಕ ಕಾರಣದಿಂದ ಕಳೆದ ಸೀಸನ್ ಐಪಿಎಲ್ ಆಡಿರಲಿಲ್ಲ. ಆದರೆ ಆರ್‌ಸಿಬಿ ತಂಡವು 2025ರ ಐಪಿಎಲ್ ಟೂರ್ನಿಯಲ್ಲಿ ಚಾಂಪಿಯನ್ ಆಗುವಲ್ಲಿ ಯಶ್ ದಯಾಳ್ ಪ್ರಮುಖ ಪಾತ್ರ ವಹಿಸಿದ್ದರು. ಆ ಸೀಸನ್‌ನಲ್ಲಿ ಯಶ್ ದಯಾಳ್ 15 ಪಂದ್ಯಗಳನ್ನಾಡಿ 13 ವಿಕೆಟ್ ಕಬಳಿಸಿದ್ದರು. ಕಳೆದೊಂದು ವರ್ಷದಿಂದ ಸ್ಪರ್ಧಾತ್ಮಕ ಕ್ರಿಕೆಟ್‌ನಿಂದ ದೂರವೇ ಉಳಿದಿರುವ ಯಶ್ ದಯಾಳ್ ಅವರನ್ನು ಆರ್‌ಸಿಬಿ ಫ್ರಾಂಚೈಸಿ ರಿಲೀಸ್ ಮಾಡುವ ಕಠಿಣ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆಯಿದೆ. ಯಾಕೆಂದರೆ ಕಳೆದ ಸೀಸನ್‌ನಲ್ಲಿ ಆರ್‌ಸಿಬಿಗೆ ಯಶ್ ದಯಾಳ್ ಅನುಪಸ್ಥಿತಿ ಕಾಡಿರಲಿಲ್ಲ. ರಸಿಕ್ ಧಾರ್, ದಯಾಳ್ ಕೊರತೆ ಕಾಡದಂತೆ ನೋಡಿಕೊಂಡಿದ್ದರು.

ಹಾರ್ದಿಕ್ ಪಾಂಡ್ಯ ಸ್ಥಾನ ಕಿತ್ಕೊಂಡ ಯುವ ಆಲ್‌ರೌಂಡರ್, ಈ ಆಟಗಾರನಿಂದಾಗಿ ಶಾಶ್ವತವಾಗಿ ಟೀಂ ಇಂಡಿಯಾ ಡೋರ್ ಕ್ಲೋಸ್?

Ganesh Mabla Gowda — Fri, 23 Oct 2026 16:37:47 +0530

ಟೀಂ ಇಂಡಿಯಾ ಸ್ಟಾರ್ ಆಲ್‌ರೌಂಡರ್ ಹಾರ್ದಿಕ್ ಪಾಂಡ್ಯ, ಪ್ರತಿಭಾವಂತ ಕ್ರಿಕೆಟಿಗ. ಮನಸ್ಸು ಮಾಡಿದ್ರೆ ಎದುರಾಳಿ ತಂಡವನ್ನು ತಮ್ಮ ಸ್ಟ್ರಾಟರ್ಜಿ ಹಾಗೂ ಗೇಮ್‌ಪ್ಲಾನ್‌ ಮೂಲಕ ಆಟದ ದಿಕ್ಕನ್ನೇ ಬದಲಿಸುವ ಚತುರ. ಆದರೆ ಅವರು ಆಟಕ್ಕಿಂತ ವಿವಾದ, ವಿವಾದಕ್ಕಿಂತ ಗಾಯದಿಂದಲೇ ಮೈದಾನದಿಂದ ದೂರ ಉಳಿದಿದ್ದೇ ಹೆಚ್ಚು. ಇದೇ ಕಾರಣಕ್ಕೆ ಇನ್ಮುಂದೆ ಅವರು ತಂಡದಲ್ಲಿ ಶಾಶ್ವತವಾಗಿ ಸ್ಥಾನ ಕಳೆದುಕೊಂಡರೂ ಅಚ್ಚರಿ ಇಲ್ಲ ಎಂಬ ಮಾತುಗಳು ಕೇಳಿ ಬಂದಿವೆ. ಜೊತೆಗೆ ಪಾಂಡ್ಯ ಬದಲಿಗೆ ಬಿಸಿಸಿಐ ಮತ್ತೊಬ್ಬ ಆಲ್‌ರೌಂಡರ್‍‌ನನ್ನು ಹುಡುಕಿಕೊಂಡಿದೆ.

ಅದಕ್ಕೆ ಅವರ ಫ್ಯಾನ್ಸ್ ನಮ್ಮ ಪಾಂಡ್ಯ ಅಮವಾಸ್ಯೆಗೊಮ್ಮೆ, ಹುಣ್ಣಿಮೆಗೊಮ್ಮೆ ಮೈದಾನಕ್ಕೆ ಬರುತ್ತಾರೆ.. ಫೀಲ್ಡಿಂಗ್ ಇರಬಹುದು, ಬ್ಯಾಟಿಂಗ್ ಇರಬಹುದು ಅಥವಾ ಬೌಲಿಂಗ್ ಇರಬಹುದು.. ಬಂದ ಹೊತ್ತಲ್ಲೇ ಬಿಗ್ ಇಂಪ್ಯಾಕ್ಟ್ ಮಾಡಿ ಹೋಗಿ ಬಿಡ್ತಾರೆ. ಅದೇ ನಮ್ಮ ಪಾಂಡ್ಯಗೆ ಇರುವ ತಾಖತ್ತು, ಗತ್ತು ಅನ್ನೋದು ಅಭಿಮಾನಿಗಳ ವಾದ.

ಬಿಸಿಸಿಐ ಹಾಗೂ ಆಯ್ಕೆ ಸಮಿತಿಯು ಹಾರ್ದಿಕ್ ಪಾಂಡ್ಯ ಅವರನ್ನು ಆಡಿಸುವ ಉತ್ಸುಕದಲ್ಲಿದ್ದರೂ, ಪಾಂಡ್ಯ ಆಗಾಗ ಅಲಭ್ಯರಾಗುತ್ತಾರೆ. ಗಾಯದ ಸಮಸ್ಯೆ, ಫಿಟ್ನೆಸ್‌ನಿಂದ ತಂಡಕ್ಕೆ ಕೈಕೊಡುತ್ತಾರೆ..ಸದ್ಯ ಪಾಂಡ್ಯ ಅವರು ಸ್ಪೈನ್ ಇಂಜುರಿಯಿಂದ ಬಳಲುತ್ತಿದ್ದು, ಬೆಂಗಳೂರಿನ ಬಿಸಿಸಿಐ ಸೆಂಟರ್ ಆಫ್ ಎಕ್ಸ್‌ಲೆನ್ಸ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದರಿಂದ ಅವರು ನ್ಯೂಜಿಲೆಂಡ್ ವಿರುದ್ಧದ ಟಿ20 ಸರಣಿ, ಶ್ರೀಲಂಕಾ ಹಾಗೂ ಜಿಂಬಾಬ್ವೆ ವಿರುದ್ಧದ ವೈಟ್‌ಬಾಲ್ ಸರಣಿ ಹಾಗೂ ದೇಸಿಯ ಸೈಯದ್ ಮುಷ್ತಾಕ್ ಟೂರ್ನಿಯಿಂದ ಹೊರಬಿದ್ದಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ಆದರೆ ಐಪಿಎಲ್‌ನಲ್ಲಿ ಪಾಂಡ್ಯ ಕಾಣಿಸಿಕೊಳ್ಳಬಹುದು ಎಂದು ಹೇಳಲಾಗುತ್ತಿದೆ.. ಐಪಿಎಲ್‌ನಲ್ಲಿ ಮಾತ್ರ ಪೂರ್ಣಪ್ರಮಾಣದವರೆಗೆ ಕಾಣಿಸಿಕೊಳ್ಳುವ ಪಾಂಡ್ಯ, ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಯಾಕೆ ಕೈಕೊಡುತ್ತಿದ್ದಾರೆ ಎಂದು ಬೇಸರವೂ ಅಭಿಮಾನಿಗಳಲ್ಲಿದೆ.

ಅದಕ್ಕೆ ಕೆಲವು ಕ್ರಿಕೆಟ್ ಪ್ರಿಯರು.. ಪಾಂಡ್ಯ ಬದಲಿಗೆ ಟೀಂ ಇಂಡಿಯಾ ಮತ್ತೊಬ್ಬ ಆಲ್‌ರೌಂಡರ್‍‌ನನ್ನು ಹುಡುಕಿಕೊಳ್ಳಬೇಕು ಎಂಬ ಒತ್ತಾಯ ಇತ್ತು. ಬಿಸಿಸಿಐ ಕೂಡ ಪಾಂಡ್ಯ ಬದಲಿಗೆ ಮತ್ತೊಬ್ಬ ಯುವ ಆಲ್‌ರೌಂಡರ್‍‌ನ ಹುಡುಕಾಟದಲ್ಲಿತ್ತು. ನ್ಯೂಜಿಲೆಂಡ್ ಸರಣಿಯಲ್ಲಿ ಅದಕ್ಕೆ ಉತ್ತರ ಸಿಕ್ಕಿದೆ ಎಂಬ ಮಾತುಗಳು ಕೇಳಿಬಂದಿವೆ. ನ್ಯೂಜಿಲೆಂಡ್‌ ಸರಣಿಯಲ್ಲಿ ಮಿಂಚುತ್ತಿರುವ ಯುವ ಪ್ರತಿಭೆ ನಮನ್ ಧೀರ್‍‌ ಪಾಂಡ್ಯ ಬದಲಿಗೆ ಸರಿಯಾದ ಪ್ಲೇಯರ್ ಎನ್ನಲಾಗುತ್ತಿದೆ.

ಯಾರು ನಮನ್ ಧೀರ್?

ನಮನ್ ಧೀರ್ ಭಾರತೀಯ ಕ್ರಿಕೆಟ್‌ನ ಉದಯೋನ್ಮುಕ ಆಲ್‌ರೌಂಡರ್. ಐಪಿಎಲ್‌ನಲ್ಲಿ ಮುಂಬೈ ತಂಡವನ್ನು ಪ್ರತಿನಿಧಿಸುತ್ತಿದ್ದರೆ.. ದೇಸಿಯ ಟೂರ್ನಿಯಲ್ಲಿ ಪಂಜಾಬ್ ಪರ ಆಟವಾಡುತ್ತಿದ್ದಾರೆ. ಕಳೆದ ಸೆಪ್ಟೆಂಬರ್‍‌ನಲ್ಲಿ ವೆಸ್ಟ್‌ ವಿಂಡೀಸ್ ವಿರುದ್ಧ ಆಡುವ ಮೂಲಕ ಅಂತಾರಾಷ್ಟ್ರೀಯ ಟಿ-20 ಹಾಗೂ ಏಕದಿನ ಪಂದ್ಯಗಳಿಗೆ ಪದಾರ್ಪಣೆ ಮಾಡಿದ್ದಾರೆ. ಆರಂಭ ದಿನಗಳಲ್ಲಿ ತಮ್ಮ ಆಟದ ಮೂಲಕ ಗಮನ ಸೆಳೆದಿರುವ ನಮನ್ ಧೀರ್.. ಪಾಂಡ್ಯ ಬದಲಿಗೆ ಇವರೇ ಸೂಕ್ತ ಆಟಗಾರ ಎನ್ನಲಾಗುತ್ತಿದೆ..

ಸದ್ಯ ಟೀಂ ಇಂಡಿಯಾ ನ್ಯೂಜಿಲೆಂಡ್ ಪ್ರವಾಸದಲ್ಲಿದೆ. ನಿನ್ನೆ ಮೊದಲ ಟಿ-20 ಪಂದ್ಯ ನಡೆಯಿತು. ಈ ವೇಳೆ ನಮನ್ ಧೀರ್.. ಕೇವಲ 15 ಬಾಲ್‌ನಲ್ಲಿ 42 ರನ್‌ ಚಚ್ಚಿ ಬೆರಗುಗೊಳಿಸಿದ್ದಾರೆ. 280ರ ಸ್ಟ್ರೈಕ್‌ರೇಟ್‌ನಲ್ಲಿ ಬ್ಯಾಟ್ ಬೀಸಿದ ನಮನ್ ಧೀರ್.. ಎರಡು ಸಿಕ್ಸರ್, ಐದು ಬೌಂಡರಿ ಬಾರಿಸಿದರು. ಇನ್ನು ವೆಸ್ಟ್‌ ವಿಂಡೀಸ್ ವಿರುದ್ಧದ ಟಿ-20 ಪಂದ್ಯ ಒಂದರಲ್ಲಿ 6 ಬಾಲ್‌ಗೆ 24 ರನ್ ಚಚ್ಚಿದ್ದರು. ಇಲ್ಲಿಯವರೆಗೆ ಮೂರು ಏಕದಿನ ಪಂದ್ಯಗಳನ್ನ ಆಡಿ 30 ರನ್‌ಗಳಿಸಿದ್ದಾರೆ. ಹಾಗೆಯೇ 6 ಟಿ20 ಪಂದ್ಯಗಳನ್ನ ಆಡಿ 80 ರನ್ ಬಾರಿಸಿದ್ದಾರೆ. ಇನ್ನು ಏಕದಿನ ಪಂದ್ಯಗಳಲ್ಲಿ ಒಂದು ವಿಕೆಟ್, ಟಿ-20ಯಲ್ಲಿ ಐದು ವಿಕೆಟ್ ಕಬಳಿಸಿ ಟೀಂ ಇಂಡಿಯಾಗೆ ಹೊಸ ಭರವಸೆ ಮೂಡಿಸಿದ್ದಾರೆ. ಇದೇ ಕಾರಣಕ್ಕೆ ನಮನ್ ಧೀರ್.. ಮುಂದೊಂದು ದಿನಗಳಲ್ಲಿ ಹಾರ್ದಿಕ್ ಪಾಂಡ್ಯಗೆ ಬದಲಿ ಆಲ್‌ರೌಂಡರ್ ಆಗೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ ಎಂಬ ಮಾತುಗಳು ಕೇಳಿಬಂದಿವೆ.

ನ್ಯೂಜಿಲೆಂಡ್ ಎದುರಿನ ಎರಡನೇ ಟಿ20 ಪಂದ್ಯಕ್ಕೆ ಭಾರತ ಸಂಭಾವ್ಯ ತಂಡ ಪ್ರಕಟ; ಎರಡು ಮಹತ್ವದ ಬದಲಾವಣೆ ಫಿಕ್ಸ್!

Naveen Kodase — Fri, 23 Oct 2026 16:03:46 +0530

ಕ್ರೈಸ್ಟ್‌ಚರ್ಚ್: ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಎರಡನೇ ಟಿ20 ಪಂದ್ಯವು ಇದೇ ಅಕ್ಟೋಬರ್ 24ರಂದು ಆರಂಭವಾಗಲಿದೆ ಈ ಪಂದ್ಯದಲ್ಲಿ ಟೀಂ ಇಂಡಿಯಾ ಎರಡು ಮಹತ್ವದ ಬದಲಾವಣೆಗಳೊಂದಿಗೆ ಕಣಕ್ಕಿಳಿಯುವುದು ಖಚಿತವಾಗಿದೆ. ಎರಡನೇ ಟಿ20 ಪಂದ್ಯಕ್ಕೆ ಭಾರತ ಸಂಭಾವ್ಯ ತಂಡ ಇಲ್ಲಿದೆ.

ನ್ಯೂಜಿಲೆಂಡ್ ಎದುರಿನ ಮೊದಲ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ 4 ವಿಕೆಟ್‌ಗಳ ರೋಚಕ ಜಯ ಸಾಧಿಸುವ ಮೂಲಕ ಸರಣಿಯಲ್ಲಿ ಶುಭಾರಂಭ ಮಾಡಿದೆ. ಇದರ ಹೊರತಾಗಿಯೂ ಟೀಂ ಇಂಡಿಯಾ ಎರಡನೇ ಟಿ20 ಪಂದ್ಯದಲ್ಲಿ ಎರಡು ಪ್ರಮುಖ ಬದಲಾವಣೆಗಳೊಂದಿಗೆ ಕಣಕ್ಕಿಳಿಯುವುದು ಬಹುತೇಕ ಖಚಿತ ಎನ್ನಲಾಗಿದೆ.

ಹೌದು, ತೊಡೆಸಂದಿನ ಸ್ನಾಯು ಸೆಳೆತಕ್ಕೆ ಒಳಗಾಗಿರುವ ಎಡಗೈ ಸ್ಪೋಟಕ ಬ್ಯಾಟರ್ ಇಶಾನ್ ಕಿಶನ್ ಇದೀಗ, ಎರಡನೇ ಟಿ20 ಪಂದ್ಯದಿಂದ ಹೊರಬಿದ್ದಿದ್ದಾರೆ. ಹೀಗಾಗಿ ಇಶಾನ್ ಕಿಶನ್ ಬದಲಿಗೆ 15 ವರ್ಷದ ಯುವ ಬ್ಯಾಟರ್ ವೈಭವ್ ಸೂರ್ಯವಂಶಿ ಇದೀಗ ಭಾರತ ಆಡುವ ಹನ್ನೊಂದರ ಬಳಗದಲ್ಲಿ ಸ್ಥಾನ ಪಡೆಯಲಿದ್ದಾರೆ. ಈ ಕುರಿತಂತೆ ಟೀಂ ಇಂಡಿಯಾ ಬ್ಯಾಟಿಂಗ್ ಕೋಚ್ ಸೀತಾಂಶು ಕೋಟಕ್ ಕೂಡಾ ಸುಳಿವು ಬಿಟ್ಟುಕೊಟ್ಟಿದ್ದಾರೆ.

ಹೀಗಾದಲ್ಲಿ ಸಂಜು ಸ್ಯಾಮ್ಸನ್ ಹಾಗೂ ಅಭಿಷೇಕ್ ಶರ್ಮಾ ಇನ್ನಿಂಗ್ಸ್ ಆರಂಭಿಸಲಿದ್ದು, ಮೂರನೇ ಕ್ರಮಾಂಕದಲ್ಲಿ ವೈಭವ್ ಸೂರ್ಯವಂಶಿ ಮೈದಾನಕ್ಕಿಳಿಯಲಿದ್ದಾರೆ. ಇನ್ನು ನಾಲ್ಕನೇ ಕ್ರಮಾಂಕದಲ್ಲಿ ನಾಯಕ ಶ್ರೇಯಸ್ ಅಯ್ಯರ್, ಐದನೇ ಕ್ರಮಾಂಕದಲ್ಲಿ ತಿಲಕ್ ವರ್ಮಾ ಹಾಗೂ ಆರನೇ ಕ್ರಮಾಂಕದಲ್ಲಿ ನಮನ್ ಧೀರ್ ಹಾಗೂ ಏಳನೇ ಕ್ರಮಾಂಕದಲ್ಲಿ ಅಕ್ಷರ್ ಪಟೇಲ್ ಸ್ಥಾನ ಪಡೆಯುವುದು ಬಹುತೇಕ ಕನ್ಫರ್ಮ್ ಆಗಿದೆ.

ಇನ್ನು ಆಲ್ರೌಂಡರ್ ವಿಭಾಗದಲ್ಲೂ ಒಂದು ಬದಲಾವಣೆಗಳಾಗುವ ಸಾಧ್ಯತೆಯಿದೆ. ಕಳೆದ ಪಂದ್ಯದಲ್ಲಿ ನಿತೀಶ್ ಕುಮಾರ್ ರೆಡ್ಡಿ 4 ಓವರ್ ಬೌಲಿಂಗ್ ಮಾಡಿ 10ರ ಎಕನಮಿಯಲ್ಲಿ 40 ರನ್ ಚಚ್ಚಿಸಿಕೊಂಡಿದ್ದರು. ಇದರ ಜತೆಗೆ ಯಾವುದೇ ವಿಕೆಟ್ ಕಬಳಿಸಲು ಯಶಸ್ವಿಯಾಗಿರಲಿಲ್ಲ. ಹೀಗಾಗಿ ಎರಡನೇ ಪಂದ್ಯದಲ್ಲಿ ನಿತೀಶ್ ಕುಮಾರ್ ರೆಡ್ಡಿಗೆ ವಿಶ್ರಾಂತಿ ನೀಡಿ ಮತ್ತೋರ್ವ ಸ್ಟಾರ್ ಆಲ್ರೌಂಡರ್ ಶಿವಂ ದುಬೆಗೆ ಟೀಮ್‌ ಮ್ಯಾನೇಜ್‌ಮೆಂಟ್ ಆಡುವ ಹನ್ನೊಂದರ ಬಳಗದಲ್ಲಿ ಸ್ಥಾನ ನೀಡುವ ಸಾಧ್ಯತೆಯಿದೆ.

ಇನ್ನುಳಿದಂತೆ ಬೌಲಿಂಗ್‌ ವಿಭಾಗದಲ್ಲಿ ಹೆಚ್ಚಿನ ಬದಲಾವಣೆಗಳಾಗುವ ಸಾಧ್ಯತೆಯಿದ್ದು, ಭುವನೇಶ್ವರ್ ಕುಮಾರ್, ಅರ್ಶದೀಪ್ ಸಿಂಗ್‌ ಜತೆಗೆ ಮಯಾಂಕ್ ಯಾದವ್ ಮತ್ತೊಮ್ಮೆ ವೇಗದ ಬೌಲರ್‌ಗಳಾಗಿ ತಂಡದಲ್ಲಿ ಸ್ಥಾನ ಉಳಿಸಿಕೊಳ್ಳುವ ನಿರೀಕ್ಷೆಯಿದೆ.

ಸಂಜು ಸ್ಯಾಮ್ಸನ್(ವಿಕೆಟ್ ಕೀಪರ್), ಅಭಿಷೇಕ್ ಶರ್ಮಾ, ವೈಭವ್ ಸೂರ್ಯವಂಶಿ, ಶ್ರೇಯಸ್ ಅಯ್ಯರ್(ನಾಯಕ), ತಿಲಕ್ ವರ್ಮಾ, ನಮನ್ ಧೀರ್, ಶಿವಂ ದುಬೆ, ಅಕ್ಷರ್ ಪಟೇಲ್, ಭುವನೇಶ್ವರ್ ಕುಮಾರ್, ಅರ್ಶದೀಪ್ ಸಿಂಗ್, ಮಯಾಂಕ್ ಯಾದವ್.

ಭಾರತದ ಪರ ಆಡಿದ್ದು ಕೇವಲ 2 ಟಿ20 ಪಂದ್ಯ, ಈಗ ಜ್ಯೂನಿಯರ್ ತಂಡದ ಚೀಫ್ ಸೆಲೆಕ್ಟರ್! ಕನ್ನಡಿಗನಿಗೆ ಸಿಗಲಿಲ್ಲ ಚಾನ್ಸ್

Ganesh Mabla Gowda — Fri, 23 Oct 2026 18:37:52 +0530

ಟೀಂ ಇಂಡಿಯಾ ಆಯ್ಕೆ ಸಮಿತಿಗೆ ಪ್ರಗ್ಯಾನ್ ಓಜಾ ಅವರು ಮುಖ್ಯಸ್ಥರನ್ನಾಗಿ ಆಯ್ಕೆ ಮಾಡಿದ ಬೆನ್ನಲ್ಲೇ.. ಬಿಸಿಸಿಐ ಮತ್ತೊಂದು ಮಹತ್ವದ ಹೆಜ್ಜೆಯನ್ನಿಟ್ಟಿದೆ. ಹಿರಿಯ ತಂಡದ ಆಯ್ಕೆಗಾರನ ನೇಮಕ ಬೆನ್ನಲ್ಲೇ ಕಿರಿಯರ ಆಯ್ಕೆ ಸಮಿತಿಗೆ ಮುಖ್ಯಸ್ಥರನ್ನ ನೇಮಕ ಮಾಡಿದೆ. ಟೀಂ ಇಂಡಿಯಾದ ಮಾಜಿ ವೇಗಿಗೆ ಬಿಸಿಸಿಐ ಮಣೆ ಹಾಕಿದೆ. ಈ ರೇಸ್‌ನಲ್ಲಿ ಕನ್ನಡಗಿ ದೊಡ್ಡ ಗಣೇಶ್ ಹೆಸರು ಕೇಳಿಬಂದಿರುವ ಬಗ್ಗೆ ವರದಿಯಾಗಿತ್ತು.

ಮಾಜಿ ವೇಗದ ಬೌಲರ್ ಪರ್ವಿಂದರ್ ಅವಾನ್ ಅವರನ್ನು ಕಿರಿಯ ತಂಡದ ಮುಖ್ಯ ಆಯ್ಕೆಗಾರರನ್ನಾಗಿ ಬಿಸಿಸಿಐ ನೇಮಕ ಮಾಡಿದೆ. ಇವತ್ತು ಮಧ್ಯಾಹ್ನ ಬಿಸಿಸಿಐ ಈ ಮಹತ್ವದ ಘೋಷಣೆಯನ್ನ ಮಾಡಿದೆ. ಬಿಸಿಸಿಐನ ಹೊಸ ಆಯ್ಕೆ ಸಮಿತಿಯಲ್ಲಿ ಕೃಷ್ಣ ದಾಸ್, ರಾಕೇಶ್ ಪಟೇಲ್ ಮತ್ತು ಎನ್. ಅರ್ಜುನ್ ಯಾದವ್ ಕೂಡ ಇದ್ದಾರೆ. ಅವರನ್ನು ವಿವಿಧ ವಲಯಗಳಿಗೆ ಆಯ್ಕೆದಾರರಾಗಿ ಬಿಸಿಸಿಐ ನೇಮಕ ಮಾಡಿದೆ.

ಹಾಗಿದ್ದರೆ.. ಪರ್ವಿಂದರ್ ಅವಾನ್ ಯಾರು ಅನ್ನೋ ವಿವರ ಹೀಗಿದೆ.. ನೋಯ್ಡಾದ ಹರೋಲಾ ಗ್ರಾಮದಿಂದ ಐಪಿಎಲ್ ಮೂಲಕ ಪರಿಚತರಾದರು. ನಂತರ ಟೀಂ ಇಂಡಿಯಾದಲ್ಲಿ ಸ್ಥಾನಪಡೆದು, ಅಷ್ಟೇ ವೇಗದಲ್ಲಿ ಮರೆಯಾದರು. ಇವರನ್ನು ಹರೋಲಾ ಎಕ್ಸ್‌ಪ್ರೆಸ್ ಎಂದು ಕರೆಯಲಾಗುತ್ತದೆ. ಪರ್ವಿಂದರ್ ಅವಾನ ಭಾರತಕ್ಕಾಗಿ ಎರಡು ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಆದರೆ ಅವರಿಗೆ ಹೆಚ್ಚಿನ ಅವಕಾಶಗಳು ಸಿಗಲಿಲ್ಲ. ಹೀಗಾಗಿ 2018 ರಲ್ಲಿ ಅಂದರೆ ತಮ್ಮ 31ನೇ ವಯಸ್ಸಿನಲ್ಲಿ ಮಾದರಿಯ ಕ್ರಿಕೆಟ್‌ಗೆ ಗುಡ್‌ಬೈ ಹೇಳಿದರು.

ಪರ್ವಿಂದರ್ ಅವಾನ್ 2004ರಲ್ಲಿ ಪರ್ವಿಂದರ್ ಅವಾನ್ ಇಎಸ್‌ಪಿಎನ್ ಮಹೀಂದ್ರಾ ಸ್ಕಾಪಿಯೋ ಸ್ಪೀಡ್‌ಸ್ಟರ್ ಟ್ಯಾಲೆಂಟ್ ಹಂಟ್ ಗೆದ್ದು ಬೀಗಿದರು. ಅಲ್ಲಿ ಅವರನ್ನು ವೇಗದ ಬೌಲರ್ ಎಂದು ಹೆಸರಿಸಲಾಯಿತು. ನಂತರ ಆಸ್ಟ್ರೇಲಿಯಾ ವೇಗಿ ಡೇಮಿಯನ್ ಫ್ಲೆಮಿಂಗ್ ಜೊತೆ ತರಬೇತಿ ಪಡೆಯುವ ಅವಕಾಶ ನೀಡಲಾಯಿತು. 20, 2012ರಂದು ಪುಣೆಯಲ್ಲಿ ಇಂಗ್ಲೆಂಡ್ ವಿರುದ್ಧ ಕಣಕ್ಕೆ ಇಳಿಯುವ ಮೂಲಕ ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳಿಗೆ ಎಂಟ್ರಿಕೊಟ್ಟರು. ಅದೇ ಸರಣಿಯಲ್ಲಿ ಇಂಗ್ಲೆಂಡ್ ವಿರುದ್ಧ ಎರಡು ಪಂದ್ಯಗಳನ್ನ ಆಡಿದರು. ಅದೇ ಅವರ ಕೊನೆಯ ಪಂದ್ಯವಾಗಿ ಪರಿಣಮಿಸಿತು.

ದೇಸಿಯ ಕ್ರಿಕೆಟ್‌ನಲ್ಲಿ ಪರ್ವಿಂದರ್ ಸಾಧನೆ!

ಡಿಸೆಂಬರ್ 1, 2007 ರಂದು ಮೊದಲ ಪ್ರಥಮ ದರ್ಜೆ ಪಂದ್ಯ
2007 ರಿಂದ 2016 ರವರೆಗೆ ದೆಹಲಿಯನ್ನು ಪ್ರತಿನಿಧಿಸಿದರು
29.23 ರ ಸರಾಸರಿಯಲ್ಲಿ 191 ಪ್ರಥಮ ದರ್ಜೆ ವಿಕೆಟ್‌ ಪಡೆದರು
ಐಪಿಎಲ್‌ನಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ಆಡಿದ್ದರು
2014ರ ಐಪಿಎಲ್ ಸೀಸನ್ ಕೊನೆಯ ಪಂದ್ಯವಾಗಿತ್ತು

ಕ್ರಿಕೆಟ್‌ನಿಂದ ನಿವೃತ್ತಿ ಪಡೆದ ನಂತರ ಅವರು ಕೋಚಿಂಗ್‌ಗೆ ಮೇಲೆ ಗಮನ ಹರಿಸಿದರು. ದೆಹಲಿಯ U16, U19 ಮತ್ತು U23 ತಂಡಗಳೊಂದಿಗೆ ಕೆಲಸ ಮಾಡಿದರು. ಹಾಗೆಯೇ ಭಾರತ U19 ಮತ್ತು BCCI/ಸೆಂಟರ್ ಆಫ್ ಎಕ್ಸಲೆನ್ಸ್‌ನ ಹಲವಾರು ಉನ್ನತ-ಕಾರ್ಯಕ್ಷಮತೆಯ ಕಾರ್ಯಕ್ರಮಗಳೊಂದಿಗೆ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. ಇನ್ನು ಟೀಂ ಇಂಡಿಯಾ ಜ್ಯೂನಿಯರ್ ಆಯ್ಕೆ ಸಮಿತಿಗೆ ಕನ್ನಡಿಗ ದೊಡ್ಡ ಗಣೇಶ್ ಆಯ್ಕೆ ಆಗುತ್ತಾರೆ ಎನ್ನಲಾಗಿತ್ತು. ಇದೀಗ ದೊಡ್ಡ ಗಣೇಶ್ ಬದಲಿಗೆ ಪರ್ವಿಂದರ್ ಅವಾನ್‌ಗೆ ಮಣೆ ಹಾಕಿದೆ.

ಇಶಾನ್ ಕಿಶನ್ ಔಟ್, ಎರಡನೇ ಟಿ20 ಪಂದ್ಯಕ್ಕೆ ಟೀಂ ಇಂಡಿಯಾ ಓಪನ್ನರ್ಸ್ ಯಾರು? ಬದಲಾಗುತ್ತಾ ಬ್ಯಾಟಿಂಗ್ ಕಾಂಬಿನೇಷನ್? ಇಲ್ಲಿದೆ ಡೀಟೈಲ್ಸ್

Naveen Kodase — Fri, 23 Oct 2026 18:03:30 +0530

ಕ್ರೈಸ್ಟ್‌ಚರ್ಚ್‌: ಭಾರತ-ನ್ಯೂಜಿಲೆಂಡ್ ನಡುವಿನ ಎರಡನೇ ಟಿ20 ಪಂದ್ಯವು ಅಕ್ಟೋಬರ್ 24ರಂದು ಆರಂಭವಾಗಲಿದೆ. ಎರಡನೇ ಟಿ20 ಪಂದ್ಯಕ್ಕೂ ಮುನ್ನ ಗಾಯದ ಸಮಸ್ಯೆಯಿಂದ ಇಶಾನ್ ಕಿಶನ್ ತಂಡದಿಂದ ಹೊರಬಿದ್ದಿದ್ದಾರೆ. ಕಿವೀಸ್ ಎದುರಿನ ಮೊದಲ ಟಿ20 ಪಂದ್ಯವನ್ನು ಆಡುವ ಸಂದರ್ಭದಲ್ಲಿಯೇ ಇಶಾನ್ ಕಿಶನ್, ತೊಡೆಸಂದಿನ ಸ್ನಾಯ ಸೆಳೆತಕ್ಕೆ ಒಳಗಾಗಿದ್ದರು. ಇದೇ ಕಾರಣಕ್ಕೆ ಬ್ಯಾಟಿಂಗ್‌ ಮಾಡುವ ವೇಳೆ ಇಶಾನ್ ಕಿಶನ್ ಮೂರನೇ ಕ್ರಮಾಂಕದ ಬದಲು ಐದನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಲಿಳಿದಿದ್ದರು. ಇದೀಗ ಇಶಾನ್ ಕಿಶನ್ ಎರಡನೇ ಪಂದ್ಯದಿಂದ ಹೊರಬಿದ್ದಿರುವ ಬೆನ್ನಲ್ಲೇ ಅವರ ಸ್ಥಾನಕ್ಕೆ ವೈಭವ್ ಸೂರ್ಯವಂಶಿ ಆಡುವ ಹನ್ನೊಂದರ ಬಳಗ ಕೂಡಿಕೊಳ್ಳುವುದು ಬಹುತೇಕ ಖಚಿತವಾಗಿದೆ. ಇದರ ಬೆನ್ನಲ್ಲೇ ಎರಡನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಆರಂಭಿಕರು ಯಾರು ಎನ್ನುವ ಚರ್ಚೆ ಜೋರಾಗಿದೆ.

ಸದ್ಯ ಭಾರತ ಟಿ20 ತಂಡದಲ್ಲಿ ಸಂಜು ಸ್ಯಾಮ್ಸನ್ ಹಾಗೂ ಅಭಿಷೇಕ್ ಶರ್ಮಾ ಯಶಸ್ವಿ ಆರಂಭಿಕರಾಗಿ ಗುರುತಿಸಿಕೊಂಡಿದ್ದಾರೆ. 2026ರ ಟಿ20 ವಿಶ್ವಕಪ್ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ಈ ಓಪನ್ನರ್ಸ್, ಇದೀಗ ಕಿವೀಸ್ ಎದುರಿನ ಮೊದಲ ಏಕದಿನ ಪಂದ್ಯದಲ್ಲೂ ಭಾರತಕ್ಕೆ ಉತ್ತಮ ಆರಂಭ ಒದಗಿಸಿಕೊಟ್ಟಿದ್ದರು. 226 ರನ್‌ಗಳ ಕಠಿಣ ಗುರಿ ಬೆನ್ನತ್ತಿದ ಭಾರತಕ್ಕೆ ಅಭಿಷೇಕ್ ಶರ್ಮಾ ಹಾಗೂ ಸಂಜು ಸ್ಯಾಮ್ಸನ್ ಮೊದಲ ವಿಕೆಟ್‌ಗೆ ಕೇವಲ 5.5 ಓವರ್‌ಗಳಲ್ಲಿ 93 ರನ್ ಸಿಡಿಸಿ ಗೆಲುವಿನ ಹಾದಿಯನ್ನು ಸುಲಭ ಮಾಡಿಕೊಟ್ಟಿದ್ದರು. ಅಭಿಷೇಕ್ ಶರ್ಮಾ ಕೇವಲ 12 ಎಸೆತಗಳಲ್ಲಿ 29 ರನ್ ಸಿಡಿಸಿದರೆ, ವಿಕೆಟ್ ಕೀಪರ್ ಬ್ಯಾಟರ್ ಸಂಜು ಸ್ಯಾಮ್ಸನ್ 33 ಎಸೆತಗಳಲ್ಲಿ 67 ರನ್ ಸಿಡಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಜತೆಗೆ ಪಂದ್ಯಶ್ರೇಷ್ಠ ಪ್ರಶಸ್ತಿಗೂ ಪಾತ್ರರಾಗಿದ್ದರು.

ವೈಭವ್ ಸೂರ್ಯವಂಶಿ ಎಂಟ್ರಿಯಿಂದ ಕಾಂಬಿನೇಷನ್ ಬದಲಾಗುತ್ತಾ?

ಅಂದಹಾಗೆ ವೈಭವ್ ಸೂರ್ಯವಂಶಿ, ಇತ್ತೀಚೆಗಷ್ಟೇ ಮುಕ್ತಾಯವಾದ ಏಷ್ಯನ್ ಗೇಮ್ಸ್‌ನಲ್ಲಿ ಕೊನೆಯ ಬಾರಿಗೆ ಭಾರತ ತಂಡವನ್ನು ಪ್ರತಿನಿಧಿಸಿದ್ದರು. ಇದಾದ ಬಳಿಕ ತವರಿನಲ್ಲಿ ನಡೆದ ವೆಸ್ಟ್ ಇಂಡೀಸ್ ಎದುರಿನ ಟಿ20 ಸರಣಿಯ ಐದು ಪಂದ್ಯದಲ್ಲೂ 15 ವರ್ಷದ ಈ ಯುವ ಆಟಗಾರ ಬೆಂಚ್ ಕಾಯಿಸಿದ್ದರು. ಇದೀಗ ವೈಭವ್ ಸೂರ್ಯವಂಶಿ ಆಡುವ ಹನ್ನೊಂದರ ಬಳಗ ಕೂಡಿಕೊಂಡರೇ ಓಪನ್ನರ್ಸ್ ಯಾರು ಎನ್ನುವ ಚರ್ಚೆ ಜೋರಾಗಿದೆ.

ಏಷ್ಯನ್ ಗೇಮ್ಸ್‌ನಲ್ಲಿ ಅಭಿಷೇಕ್ ಶರ್ಮಾ ಹಾಗೂ ವೈಭವ್ ಸೂರ್ಯವಂಶಿ, ಆರಂಭಿಕರಾಗಿ ಕಣಕ್ಕಿಳಿದಿದ್ದರು. ಸಂಜು ಸ್ಯಾಮ್ಸನ್ ಮೂರನೇ ಕ್ರಮಾಂಕದಲ್ಲಿ ಮೈದಾನಕ್ಕಿಳಿದು ಬ್ಯಾಟ್ ಬೀಸಿದ್ದರು. ವೈಭವ್ ಸೂರ್ಯವಂಶಿ ಆರಂಭಿಕನಾಗಿಯೇ ಯಶಸ್ಸು ಗಳಿಸಿರುವುದರಿಂದ ಒಂದು ವೇಳೆ ನಾಳಿನ ಪಂದ್ಯಕ್ಕೆ ಆಡುವ ಹನ್ನೊಂದರ ಬಳಗದಲ್ಲಿ ಸ್ಥಾನ ಪಡೆದರೆ, ಅಭಿಷೇಕ್ ಶರ್ಮಾ ಹಾಗೂ ವೈಭವ್ ಸೂರ್ಯವಂಶಿ ಆರಂಭಿಕರಾಗಬಹುದು.

ಎರಡನೇ ಟಿ20 ಪಂದ್ಯಕ್ಕೆ ಸಂಭಾವ್ಯ ಬಲಿಷ್ಠ ಭಾರತ ತಂಡ ಹೀಗಿದೆ:

ಅಭಿಷೇಕ್ ಶರ್ಮಾ, ವೈಭವ್ ಸೂರ್ಯವಂಶಿ, ಸಂಜು ಸ್ಯಾಮ್ಸನ್(ವಿಕೆಟ್ ಕೀಪರ್), ಶ್ರೇಯಸ್ ಅಯ್ಯರ್(ನಾಯಕ), ತಿಲಕ್ ವರ್ಮಾ, ನಮನ್ ಧೀರ್, ಶಿವಂ ದುಬೆ, ಅಕ್ಷರ್ ಪಟೇಲ್, ಭುವನೇಶ್ವರ್ ಕುಮಾರ್, ಅರ್ಶದೀಪ್ ಸಿಂಗ್, ಮಯಾಂಕ್ ಯಾದವ್.