Asianet Suvarna News

Upcoming 7 Seater Hybrid Cars: ಭಾರತದ ರಸ್ತೆಗಿಳಿಯಲಿವೆ ಈ ಹೊಸ 7 ಸೀಟರ್ ಹೈಬ್ರಿಡ್ ಕಾರುಗಳು!

Naveen Kodase — Thu, 22 Oct 2026 22:05:04 +0530

ರೆನಾಲ್ಟ್, ಕಿಯಾ ಮತ್ತು ಹ್ಯುಂಡೈ ಕಂಪನಿಗಳು ಶೀಘ್ರದಲ್ಲೇ ತಮ್ಮ ಹೊಸ 7 ಸೀಟರ್ ಹೈಬ್ರಿಡ್ ಕಾರುಗಳನ್ನು ಭಾರತದ ಮಾರುಕಟ್ಟೆಗೆ ತರುತ್ತಿವೆ. ದೊಡ್ಡ ಫ್ಯಾಮಿಲಿಗಳಿಗೆ ಆರಾಮದಾಯಕ ಪ್ರಯಾಣದ ಜೊತೆಗೆ, ಭರ್ಜರಿ ಮೈಲೇಜ್ ಕೊಡುವ ಈ ಕಾರುಗಳು ಎಸ್‌ಯುವಿ ಮಾರುಕಟ್ಟೆಯಲ್ಲಿ ದೊಡ್ಡ ಪೈಪೋಟಿ ನೀಡಲಿವೆ. ಸದ್ಯಕ್ಕೆ ಗ್ರಾಹಕರು ಟೊಯೋಟಾ ಇನ್ನೋವಾ ಹೈಕ್ರಾಸ್‌ನಂತಹ ಕೆಲವೇ 7 ಸೀಟರ್ ಹೈಬ್ರಿಡ್ ಕಾರುಗಳನ್ನು ಮಾತ್ರ ನೋಡುತ್ತಿದ್ದಾರೆ. ಆದರೆ ಈ ಹೊಸ ಮಾಡೆಲ್‌ಗಳು ಬಂದರೆ ಗ್ರಾಹಕರಿಗೆ ಸಾಕಷ್ಟು ಆಯ್ಕೆಗಳು ಸಿಗಲಿವೆ.

ಕಿಯಾ ಕಾರ್ನಿವಲ್ ಹೈಬ್ರಿಡ್

ಕಿಯಾ ಕಂಪನಿಯು ಭಾರತದಲ್ಲಿ ಕಾರ್ನಿವಲ್ ಹೈಬ್ರಿಡ್ ಕಾರನ್ನು ಬಿಡುಗಡೆ ಮಾಡುವುದಾಗಿ ಖಚಿತಪಡಿಸಿದೆ. ಕಂಪನಿಯು ಬಿಡುಗಡೆಯ ನಿಖರ ದಿನಾಂಕವನ್ನು ಇನ್ನೂ ಹೇಳಿಲ್ಲ, ಆದರೆ ಮುಂದಿನ ವರ್ಷದ ಆರಂಭದಲ್ಲಿ ಈ ಕಾರು ಮಾರುಕಟ್ಟೆಗೆ ಬರುವ ನಿರೀಕ್ಷೆಯಿದೆ. ಇದರಲ್ಲಿ 1.6 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಜೊತೆಗೆ ಎಲೆಕ್ಟ್ರಿಕ್ ಮೋಟಾರ್ ಇರಲಿದೆ. ಪೆಟ್ರೋಲ್ ಎಂಜಿನ್ 180 bhp ಪವರ್ ಮತ್ತು 265 Nm ಟಾರ್ಕ್ ಉತ್ಪಾದಿಸಿದರೆ, ಎಲೆಕ್ಟ್ರಿಕ್ ಮೋಟಾರ್ 73.4 bhp ಪವರ್ ಮತ್ತು 304 Nm ಟಾರ್ಕ್ ನೀಡಲಿದೆ. ಈ ಕಾರಿನಲ್ಲಿ 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಇರಲಿದೆ. ವಿಶಾಲವಾದ ಇಂಟೀರಿಯರ್ ಮತ್ತು ಪ್ರೀಮಿಯಂ ಫೀಚರ್ಸ್ ಹೊಂದಿರುವ ಈ ಕಾರು, ಫ್ಯಾಮಿಲಿ ಟ್ರಿಪ್ ಮತ್ತು ಲಾಂಗ್ ಡ್ರೈವ್‌ಗಳಿಗೆ ಹೇಳಿ ಮಾಡಿಸಿದಂತಿದೆ.

ಹ್ಯುಂಡೈ Ni1i

ಹ್ಯುಂಡೈ ಮೋಟಾರ್ ಇಂಡಿಯಾ ಕೂಡ ಹೊಸ ಪ್ರೀಮಿಯಂ 7 ಸೀಟರ್ ಎಸ್‌ಯುವಿ ತಯಾರಿಯಲ್ಲಿ ಬ್ಯುಸಿಯಾಗಿದೆ. ಅಲ್ಕಾಜರ್ ಮತ್ತು ಟ್ಯೂಸಾನ್ ಕಾರುಗಳ ನಡುವೆ ಈ ಹೊಸ ಮಾಡೆಲ್ ಸ್ಥಾನ ಪಡೆಯಲಿದೆ. ಸದ್ಯಕ್ಕೆ 'Ni1i' ಎಂಬ ಕೋಡ್ ನೇಮ್ ಹೊಂದಿರುವ ಈ ಕಾರು, ಮಹೀಂದ್ರ XUV700 ಮತ್ತು ಟಾಟಾ ಸಫಾರಿಗೆ ನೇರ ಪೈಪೋಟಿ ನೀಡಲಿದೆ. ಚೀನಾದಲ್ಲಿ ಮಾರಾಟವಾಗುತ್ತಿರುವ ಹ್ಯುಂಡೈ ಟ್ಯೂಸಾನ್ LWB ಆಧಾರದ ಮೇಲೆ ಕಂಪನಿಯು ಈ ಕಾರನ್ನು ನಿರ್ಮಿಸುವ ಸಾಧ್ಯತೆಯಿದೆ. ಎಂಜಿನ್ ಬಗ್ಗೆ ಕಂಪನಿ ಇನ್ನೂ ಅಧಿಕೃತ ಮಾಹಿತಿ ಬಿಟ್ಟುಕೊಟ್ಟಿಲ್ಲ. ಆದರೆ ಇದರಲ್ಲಿ 1.6 ಲೀಟರ್ ಪೆಟ್ರೋಲ್ ಹೈಬ್ರಿಡ್ ಸಿಸ್ಟಮ್ ಅಥವಾ 1.5 ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಇರಬಹುದು ಎಂದು ಅಂದಾಜಿಸಲಾಗಿದೆ.

ರೆನಾಲ್ಟ್ ಡಸ್ಟರ್ 7 ಸೀಟರ್

ರೆನಾಲ್ಟ್ ಕಂಪನಿಯು 2027ರಲ್ಲಿ ತನ್ನ ಹೊಸ 7 ಸೀಟರ್ ಎಸ್‌ಯುವಿಯನ್ನು ಮಾರುಕಟ್ಟೆಗೆ ತರುವ ನಿರೀಕ್ಷೆಯಿದೆ. ಕಂಪನಿಯು ಭಾರತದಲ್ಲಿ ಈ ಕಾರಿಗೆ 'ರೆನಾಲ್ಟ್ ಬೋರಿಯಲ್' (Renault Boreal) ಎಂದು ಹೆಸರಿಡುವ ಸಾಧ್ಯತೆಯಿದೆ. ಡೇಸಿಯಾ ಬಿಗ್‌ಸ್ಟರ್ (Dacia Bigster) ಡಿಸೈನ್‌ನಿಂದ ಸ್ಫೂರ್ತಿ ಪಡೆದಿರುವ ಈ ಕಾರು, ಈಗಿರುವ 5 ಸೀಟರ್ ಡಸ್ಟರ್‌ಗಿಂತ ಉದ್ದ ಮತ್ತು ಹೆಚ್ಚು ವಿಶಾಲವಾಗಿರಲಿದೆ. ಆರ್‌ಜಿಎಂಪಿ (RGMP) ಪ್ಲಾಟ್‌ಫಾರ್ಮ್ ಮೇಲೆ ಕಂಪನಿಯು ಈ ಕಾರನ್ನು ನಿರ್ಮಿಸುತ್ತಿದೆ. ಇದರಲ್ಲಿ 1.3 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಮತ್ತು 1.8 ಲೀಟರ್ ಸ್ಟ್ರಾಂಗ್ ಹೈಬ್ರಿಡ್ ಪವರ್‌ಟ್ರೇನ್ ಇರಲಿದೆ. 7 ಸೀಟರ್ ವಿಭಾಗದಲ್ಲಿ ರೆನಾಲ್ಟ್ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲು ಈ ಕಾರು ದೊಡ್ಡ ಮಟ್ಟದಲ್ಲಿ ಸಹಾಯ ಮಾಡಲಿದೆ.

ಹೈಬ್ರಿಡ್ ಕಾರುಗಳಿಗೆ ಹೆಚ್ಚುತ್ತಿರುವ ಡಿಮ್ಯಾಂಡ್

ಪೆಟ್ರೋಲ್ ಬೆಲೆ ಏರಿಕೆ ಮತ್ತು ಮೈಲೇಜ್ ಟೆನ್ಷನ್‌ನಿಂದಾಗಿ ಜನ ಈಗ ಹೈಬ್ರಿಡ್ ಕಾರುಗಳತ್ತ ಮುಖ ಮಾಡುತ್ತಿದ್ದಾರೆ. ಪೆಟ್ರೋಲ್ ಎಂಜಿನ್ ಮತ್ತು ಎಲೆಕ್ಟ್ರಿಕ್ ಮೋಟಾರ್ ಒಟ್ಟಿಗೆ ಕೆಲಸ ಮಾಡುವುದರಿಂದ ಇಂಧನ ಉಳಿತಾಯವಾಗುತ್ತದೆ. ಹೊಸ 7 ಸೀಟರ್ ಮಾಡೆಲ್‌ಗಳು ಮಾರುಕಟ್ಟೆಗೆ ಬಂದರೆ, ದೊಡ್ಡ ಕುಟುಂಬಗಳಿಗೆ ಹೈಬ್ರಿಡ್ ಕಾರುಗಳನ್ನು ಆಯ್ಕೆ ಮಾಡಲು ಹೆಚ್ಚು ಅವಕಾಶಗಳು ಸಿಗಲಿವೆ. ಆದರೆ ಈ ಕಾರುಗಳ ನಿಖರವಾದ ಬೆಲೆ, ವೇರಿಯೆಂಟ್‌ಗಳು ಮತ್ತು ಬಿಡುಗಡೆಯ ದಿನಾಂಕ ತಿಳಿಯಲು ನಾವು ಕಂಪನಿಗಳ ಅಧಿಕೃತ ಪ್ರಕಟಣೆಗಾಗಿ ಕಾಯಲೇಬೇಕು.

ಮಾರುತಿ ಸುಜುಕಿಗೆ,ಟಾಟಾಗೆ ನಡುಕ, ದೀಪಾವಳಿಗೂ ಮೊದಲೇ ಹ್ಯುಂಡೈ ಬೆಯಾನ್ ಕಾರಿಗೆ ಭಾರಿ ಬೇಡಿಕೆ

Chethan Kumar — Thu, 29 Oct 2026 11:33:22 +0530

ನವದೆಹಲಿ (ಅ.29) ಭಾರತದ ಕಾರು ಮಾರುಕಟ್ಟೆಗೆ ಹೊಸ ಕಾರು ಎಂಟ್ರಿಯಾಗಿದೆ. ಹ್ಯುಂಡೈ ಇಂಡಿಯಾ ಇದೀಗ ಬೆಯಾನ್ ಎಸ್‌ಯುವಿ ಕಾರು ಬಿಡುಗಡೆ ಮಾಡಿದೆ. ಅತ್ಯಾಕರ್ಷಕ ವಿನ್ಯಾಸ, ಅತ್ಯಧಿಕ ಸ್ಥಳವಕಾಶ, ಆರಾಮದಾಯಕ ಪ್ರಯಾಣ, ಅತ್ಯುತ್ತಮ ಪರ್ಫಾಮೆನ್ಸ್, ಹೊಸ ತಂತ್ರಜ್ಞಾನ ಸೇರಿದಂತೆ ಹಲವು ವಿಶೇಷತೆಗಳ ಬೆಯಾನ್ ಕಾರು ಬಿಡುಗಡೆಯಾಗಿದೆ. 7 ವೇರಿಯೆಂಟ್‌ಗಳಿಂದ ಕೂಡಿದ ಬೆಯಾನ್ ಭಾರತದಲ್ಲಿ ಬಿಡುಗಡೆಯಾಗಿದ್ದು, ಇದರ ಬೆಲೆ ಪ್ರಮುಖವಾಗಿ ಎಲ್ಲರನ್ನು ಆಕರ್ಷಿಸುತ್ತಿದೆ.

ಹ್ಯುಂಡೈ ಬೆಯಾನ್ ಕಾರಿನ ಬೆಲೆ

ಹ್ಯುಂಡೈ ಬೆಯಾನ್ ದೊಡ್ಡ ಕಾರು. ಹ್ಯುಂಡೈ ಕ್ರೆಟಾ, ಟಾಟಾ ಸಿಯೆರಾ, ಮಾರುತಿ ಸುಜುಕಿ ವಿಕ್ಟೋರಿಸ್, ಗ್ರ್ಯಾಂಡ್ ವಿಟಾರ ಸೇರಿದಂತೆ ಪ್ರಮುಖ ಎಸ್‌ಯುವಿ ಕಾರುಗಳಿಗೆ ಪ್ರತಿಸ್ಪರ್ಧಿಯಾಗಿ ಹ್ಯುಂಡೈ ಬೆಯಾನ್ ಕಾರು ಬಿಡುಗಡೆಯಾಗಿದೆ. ಹೆಚ್ಚಿನ ಸ್ಥಳವಕಾಶ ಈ ಕಾರಿನಲ್ಲಿದೆ. ಇದರ ಬೆಲೆ 9.99 ಲಕ್ಷ ರೂಪಾಯಿಯಿಂದ (ಎಕ್ಸ್ ಶೋ ರೂಂ) ಆರಂಭಗೊಳ್ಳುತ್ತಿದೆ. ಹ್ಯುಂಡೈ ವೆನ್ಯೂ ಹಾಗೂ ಕ್ರೆಟಾ ನಡುವಿನ ಬೆಲೆಯಲ್ಲಿ ಬೆಯಾನ್ ಕಾರು ಬಿಡುಗಡೆಯಾಗಿದೆ. ಟಾಪ್ ಮಾಡೆಲ್ ಬೆಲೆ 17.99 ಲಕ್ಷ ರೂಪಾಯಿ (ಎಕ್ಸ್ ಶೋ ರೂಂ). ರಾಜ್ಯದಿಂದ ರಾಜ್ಯ, ನಗರದಿಂದ ನಗರಕ್ಕೆ ಕಾರಿನ ಬೆಲೆಯಲ್ಲಿ ವ್ಯತ್ಯಾಸವಾಗಲಿದೆ.ಹತ್ತಿರದ ಡೀಲರ್ ಸಂಪರ್ಕಿಸಿ ಬೆಲೆ ಖಚಿತಪಡಿಸಿಕೊಳ್ಳಿ.

ಭಾರಿ ಬೇಡಿಕೆ ಪಡೆದ ಹ್ಯುಂಡೈ ಬೆಯಾನ್

ಹುಂಡೈ ಬೆಯಾನ್ ಕಾರಿಗೆ ಭಾರಿ ಬೇಡಿಕೆ ವ್ಯಕ್ತವಾಗುತ್ತಿದೆ. ಕಾರು ಬಿಡುಗಡೆಯಾಗಿದ್ದು, ಬುಕಿಂಗ್ ಕೂಡ ಭರ್ಜರಿಯಾಗಿದೆ. ಕಾರು ಆಸಕ್ತರು ಬೆಯಾನ್ ಖರೀದಿಗೆ ಮನಸ್ಸು ಮಾಡುತ್ತಿದ್ದಾರೆ. ಹಲವೆಡೆಗಳಿಂದ ಹ್ಯುಂಡೈ ಬೆಯಾನ್ ಕುರಿತು ಕರೆಗಳು ಬರುತ್ತಿದ್ದು, ಬುಕಿಂಗ್ ಸಂಖ್ಯೆಯಲ್ಲೂ ದಾಖಲೆ ನಿರ್ಮಾಣವಾಗುತ್ತಿದೆ. ಬೆಯಾನ್ ಬಿಡುಗಡೆಯಿಂದ ಇದೀಗ ಮಾರುತಿ ಸುಜುಕಿ, ಟಾಟಾ ಮೋಟಾರ್ಸ್, ಟೋಯೋಟಾ ಕಾರುಗಳಿಗೆ ನಡುಕು ಶುರುವಾಗಿದೆ.

ಅಡಾಸ್ ತಂತ್ರಜ್ಞಾನ, ಗರಿಷ್ಠ ಸುರಕ್ಷತೆ

ಲೆವೆಲ್ 2 ಪ್ರೋ ಅಡಾಸ್ ತಂತ್ರಜ್ಞಾನ ಈ ಕಾರಿನಲ್ಲಿ ಬಳಸಲಾಗಿದೆ. ಸರೌಂಡ್ ವೀವ್ಯೂ ಕ್ಯಾಮೆರಾ, ಬ್ಲೈಂಡ್ ಸ್ಪಾಟ್ ವೀವ್ಯೂ ಮಾನಿಟರ್, ರೇರ್ ಡಿಸ್ಕ್ ಬ್ರೇಕ್, ಹೆದ್ದಾರಿ ಡ್ರೈವಿಂಗ್ ಅಸಿಸ್ಟ್, ನ್ಯಾವಿಗೇಶನ್ ಆಧಾರಿತ ಕ್ರೂಸ್ ಕಂಟ್ರೋಲ್ ಹೊಂದಿದೆ. ಇನ್ನು 5 ಸ್ಟಾರ್ ಸುರಕ್ಷತಾ ರೇಟಿಂಗ್ ಹೊಂದಿದೆ ಎಂದು ಹ್ಯುಂಡೈ ಹೇಳಿದೆ.

ಬೆಯಾನ್ ಕಾರಿನ ಎಂಜಿನ್

ಹ್ಯುಂಡೈ ಬೆಯಾನ್ ಕಾರು 1.5 ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿದ್ದು, 115ಪಿಎಸ್ ಪವರ್ ಹಾಗೂ 143.8 ಎನ್ಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. 6 ಸ್ಪೀಡ್ ಮ್ಯಾನ್ಯುಯೆಲ್ ಹಾಗೂ ಐವಿಟಿ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಶನ್ ಹೊಂದಿದೆ. ಇಕೋ, ನಾರ್ಮಲ್, ಸ್ಪೋರ್ಟ್ ಡ್ರೈವಿಂಗ್ ಮೊಡ್ , ಪ್ಯಾಡಲ್ ಶಿಫ್ಟ್ ಹೊಂದಿದೆ.

ಕಾರು ಕಂಪನಿಗಳು ಯಾಕೆ ಸ್ವಂತ ಟೈರ್‌ಗಳನ್ನ ತಯಾರಿಸಲ್ಲ? ಯಾಕೆ ಇತರರ ಟೈರ್‌ಗಳನ್ನ ಪಡೆಯುತ್ತವೆ?

Ganesh Mabla Gowda — Sat, 24 Oct 2026 22:34:16 +0530

ಕೋಟಿ ಕೋಟಿ ಬೆಲೆಯ ಕಾರುಗಳನ್ನ ತಯಾರಿಸುವ ಐಷಾರಾಮಿ ಕಂಪನಿಗಳಿಗೆ ಒಂದು ಸಣ್ಣ ಟೈರ್‌ ಅಭಿವೃದ್ಧಿಪಡಿಸಲು ಆಗೋದಿಲ್ವಾ? ಹೀಗೊಂದು ಪ್ರಶ್ನೆ ಮೂಡೋದು ಸಹಜ. ಮಾರುತಿ, ಹುಂಡೈ, ಟಾಟಾ ಅಥವಾ ಮರ್ಸಿಡಿಸ್‌ ಸೇರಿದಂತೆ ದೈತ್ಯ ಕಂಪನಿಗಳೇ ಇರಬಹುದು. ಕಾರು ತಯಾರಿಸಿದ ಬಳಿಕ ಟೈರ್‌ಗಾಗಿ ಬೇರೆ ಕಂಪನಿಗಳ ಮೊರೆ ಹೋಗುತ್ತವೆ. ಇದರ ಹಿಂದೆ ಬೇರೆಯದ್ದೇ ತಾರ್ಕಿಕತೆ ಇದೆ.

ವಿಶ್ಲೇಷಕರ ಪ್ರಕಾರ.. ಕಾರು ಕಂಪನಿಗಳು ಸ್ವತಃ ಟೈರ್‌ಗಳನ್ನು ತಯಾರಿಸಲು ನಿರಾಕರಿಸುವುದು ಕಡ್ಡಾಯವಲ್ಲ. ಇಲ್ಲಿ ವ್ಯಾಪಾರ ತಂತ್ರ ಅಡಗಿದೆ. ಹೌದು, ಕಾರು ತಯಾರಿಕೆ ಮತ್ತು ಟೈರ್ ತಯಾರಿಕೆ ಎರಡು ವಿಭಿನ್ನ ಕ್ಷೇತ್ರ. ಕಾರು ಕಂಪನಿಗಳು ಹೆಚ್ಚಾಗಿ ಮೆಕ್ಯಾನಿಕಲ್ ಎಂಜಿನಿಯರಿಂಗ್, ವಿನ್ಯಾಸ ಮತ್ತು ಎಲೆಕ್ಟ್ರಾನಿಕ್ ವ್ಯವಸ್ಥೆಗಳ ಮೇಲೆ ಕೇಂದ್ರೀಕರಿಸುತ್ತವೆ. ಆದರೆ ಟೈರ್ ತಯಾರಿಕೆಯು Chemical Engineering ಮತ್ತು ರಬ್ಬರ್ ತಂತ್ರಜ್ಞಾನದ ಆಟವಾಗಿದೆ. ಟೈರ್ ತಯಾರಿಕೆಗೆ ನೈಸರ್ಗಿಕ ರಬ್ಬರ್, ಸಿಂಥೆಟಿಕ್ ರಬ್ಬರ್, ಕಾರ್ಬನ್ ಕಪ್ಪು, ಸಲ್ಫರ್ ಸೇರಿದಂತೆ ವಿವಿಧ ರಾಸಾಯನಿಕಗಳ ಮಿಶ್ರಣವನ್ನು ನಿಖರವಾಗಿ ಅಭಿವೃದ್ಧಿಪಡಿಸುವ ಅಗತ್ಯ ಇದೆ.

ಕಾರು ಕಂಪನಿಗಳ ಪ್ಲಾನ್‌ ಏನು?

ಕಾರು ಕಂಪನಿಗಳ ಪ್ಲಾನ್‌ ಏನು?
ವೆಚ್ಚವನ್ನು ಕಡಿಮೆ ಇಡೋದು ಭಾರೀ ಹೂಡಿಕೆ ತಪ್ಪಿಸುವುದು
ಟೈರ್ ಉತ್ಪಾದನಾ ಕಾರ್ಖಾನೆ ಶುರುಮಾಡಿದ್ರೆ ಬಂಡವಾಳ ಹೂಡಬೇಕು
ರಬ್ಬರ್ ತೋಟಗಳಿಂದ ಹಿಡಿದು ಭಾರೀ ಯಂತ್ರೋಪಕರಣಗಳವರೆಗೆ
ರಾಸಾಯನಿಕ ಪ್ರಯೋಗಾಲಯಗಳನ್ನ ಸಹ ನಡೆಸಬೇಕಾಗುತ್ತದೆ
ಇದು ಕಾರು ತಯಾರಿಕೆಯ ವೆಚ್ಚವನ್ನು ಹೆಚ್ಚಿಸುತ್ತದೆ
ಟೈರ್ ಕಂಪನಿಗಳು ಈಗಾಗಲೇ ದೊಡ್ಡ ಪ್ರಮಾಣದಲ್ಲಿ ಅಭಿವೃದ್ಧಿ ಹೊಂದಿವೆ
ಅದು ಅವರಿಗೆ ಆರ್ಥಿಕತೆಯ ಪ್ರಮಾಣದಲ್ಲಿ ಪ್ರಯೋಜನ ನೀಡುತ್ತದೆ

ಇನ್ನು ಕಾರು ಕಂಪನಿಗಳು ಹೊರಗುತ್ತಿಗೆ ಎಂಬ ತಂತ್ರದಡಿಯಲ್ಲಿ ಕೆಲಸ ಮಾಡುತ್ತವೆ. ಗೇರ್‌ಬಾಕ್ಸ್‌ಗಳು, ದೀಪಗಳು, ಆಸನಗಳು, ಸಂವೇದಕಗಳು ಮತ್ತು ಟೈರ್‌ಗಳಂತಹ ಕಾರಿನ ಸುಮಾರು 60 ರಿಂದ 70 ಪ್ರತಿಶತದಷ್ಟು ಘಟಕಗಳನ್ನ ಆಚೆ ತರಿಸಿಕೊಳ್ಳುತ್ತವೆ. ಅಂದರೆ ಕಾರು ಕಂಪನಿಗಳು ಸ್ವತಃ ಅಸೆಂಬ್ಲರ್‌ಗಳಾಗಿ ಕಾರ್ಯನಿರ್ವಹಿಸುತ್ತವೆ. ಒಂದು ವೇಳೆ ಟೈರ್ ಪೂರೈಕೆಯಲ್ಲಿ ಸಮಸ್ಯೆ ಕಂಡುಬಂದರೆ.. ಕಾರು ಉತ್ಪಾದನೆ ಸ್ಥಗಿತ ಆಗುವುದಿಲ್ಲ. ಕಾರು ಕಂಪನಿಗಳು ಆದಷ್ಟು ಬೇಗ ಬೇರೆ ಕಂಪನಿಗಳ ಜೊತೆ ಮಾತುಕತೆ ನಡೆಸುತ್ತವೆ. ಅವರು ಸ್ವತಃ ಟೈರ್‌ಗಳನ್ನು ತಯಾರಿಸಲು ಪ್ರಾರಂಭಿಸಿದರೆ ಮತ್ತು ರಬ್ಬರ್ ಅಥವಾ ಕಚ್ಚಾ ವಸ್ತುಗಳ ಕೊರತೆಯನ್ನು ಎದುರಿಸಿದರೆ ಕಾರ್ಖನೆಯನ್ನೇ ಮುಚ್ಚುವಂತಹ ಪರಿಸ್ಥಿತಿ ನಿರ್ಮಾಣ ಆಗುತ್ತದೆ,

ಇನ್ನು ಯಾವುದೇ ವಾಹನದ ಅತ್ಯಂತ ನಿರ್ಣಾಯಕ ಸುರಕ್ಷತಾ ಮ್ಯಾಟರ್‌ ಏನಂದರೆ ಟೈರ್‌ಗಳು.. ಅವು ರಸ್ತೆಯೊಂದಿಗೆ ನೇರ ಸಂಪರ್ಕದಲ್ಲಿರುತ್ತವೆ. ಸಣ್ಣ ಟೈರ್ ದೋಷವೂ ಸಹ ದೊಡ್ಡ ಅಪಘಾತಕ್ಕೆ ಕಾರಣವಾಗುವ ಸಾಧ್ಯತೆ ಇರುತ್ತದೆ. ಕಾರು ಕಂಪನಿಗಳು ತಮ್ಮದೇ ಆದ ಟೈರ್‌ಗಳನ್ನು ತಯಾರಿಸಿದ್ರೆ ದೊಡ್ಡ ದೋಷ ಸಂಭವಿಸಿದರೆ.. ಕಂಪನಿಯ ಖ್ಯಾತಿ ಮತ್ತು ಬ್ರಾಂಡ್ ಮೌಲ್ಯ ಕುಸಿಯುವ ಅಪಾಯ ಇರುತ್ತದೆ.

ಮಳೆ ನೀರಿನಲ್ಲಿ ಮುಳುಗಿದ ಕಾರು, ಬೈಕ್ ಸ್ಟಾರ್ಟ್ ಮಾಡ್ತಿದ್ದೀರಾ? ಲಕ್ಷಗಟ್ಟಲೆ ಖರ್ಚಾಗಬಹುದು, ಹುಷಾರ್!

Sathish Kumar KH — Wed, 21 Oct 2026 22:56:38 +0530

ಮಳೆಗಾಲ ಬಂತು ಅಂದ್ರೆ ವಾಹನ ಸವಾರರಿಗೆ ಹೊಸ ಟೆನ್ಷನ್ ಶುರುವಾಗುತ್ತೆ. ಮಳೆ ನೀರಿನಲ್ಲಿ ಸಿಲುಕಿದ ವಾಹನವನ್ನು ಹೊರತೆಗೆಯುವಾಗ ಹಲವರು ಮಾಡುವ ಒಂದು ಸಣ್ಣ ತಪ್ಪು, ಸಾವಿರಾರು ರೂಪಾಯಿ ಖರ್ಚನ್ನು ಲಕ್ಷಕ್ಕೆ ಏರಿಸಬಹುದು!

ಮಳೆಗಾಲ ಶುರುವಾಯ್ತು ಅಂದ್ರೆ ವಾಹನ ಸವಾರರಿಗೆ ಹೊಸ ಟೆನ್ಷನ್ ಶುರುವಾಗುತ್ತೆ. ರಸ್ತೆಯಲ್ಲಿ ನಿಲ್ಲುವ ನೀರು, ದಿಢೀರ್ ಪ್ರವಾಹದಿಂದ ವಾಹನಗಳು ಮುಳುಗುವ ಸಮಸ್ಯೆಗಳು ಎದುರಾಗುತ್ತವೆ. ಆದರೆ, ಮಳೆ ನೀರಿನಲ್ಲಿ ಸಿಲುಕಿದ ವಾಹನವನ್ನು ಹೊರತೆಗೆಯುವಾಗ ಹಲವರು ಮಾಡುವ ಒಂದು ಸಣ್ಣ ತಪ್ಪು, ಸಾವಿರಾರು ರೂಪಾಯಿ ಖರ್ಚನ್ನು ಲಕ್ಷಕ್ಕೆ ಏರಿಸಬಹುದು!

ನೀರು ಇಳಿದ ತಕ್ಷಣ ಗಾಡಿ ಸರಿಯಾಗುತ್ತಾ?

ಖಂಡಿತ ಇಲ್ಲ!

ಕಾರು ಅಥವಾ ಬೈಕ್ ಮಳೆ ನೀರಿನಲ್ಲಿ ಮುಳುಗಿದಾಗ, ಅದರ ಪ್ರಮುಖ ಭಾಗಗಳಿಗೆ ನೀರು ನುಗ್ಗಿರುವ ಸಾಧ್ಯತೆ ಇರುತ್ತದೆ. ವಿಶೇಷವಾಗಿ ಇಂಜಿನ್, ಎಲೆಕ್ಟ್ರಿಕಲ್ ಕನೆಕ್ಷನ್, ಸೆನ್ಸಾರ್ ಮತ್ತು ಕಂಟ್ರೋಲ್ ಮಾಡ್ಯೂಲ್‌ಗಳು ಹಾಳಾಗುವ ಅಪಾಯವಿರುತ್ತದೆ.

ಹೊರಗಡೆಯಿಂದ ನೋಡಲು ವಾಹನ ಸಾಮಾನ್ಯವಾಗಿ ಕಂಡರೂ, ಒಳಗೆ ಆಗಿರುವ ಹಾನಿ ತಕ್ಷಣಕ್ಕೆ ಗೊತ್ತಾಗುವುದಿಲ್ಲ.

ಅದರಲ್ಲೂ, ನೀರು ನುಗ್ಗಿರುವ ಇಂಜಿನ್ ಅನ್ನು ಮತ್ತೆ ಸ್ಟಾರ್ಟ್ ಮಾಡುವುದು ಅತಿ ದೊಡ್ಡ ಅಪಾಯ!

ವಾಹನದ ಇಂಜಿನ್ ಒಳಗೆ ನೀರು ನುಗ್ಗಿದ್ದರೆ, ಅದನ್ನು ಸ್ಟಾರ್ಟ್ ಮಾಡಿದಾಗ ಪಿಸ್ಟನ್ ಸೇರಿದಂತೆ ಇಂಜಿನ್‌ನ ಒಳಭಾಗಗಳು ಸಂಪೂರ್ಣವಾಗಿ ಹಾಳಾಗಬಹುದು. ಇದನ್ನು 'ಹೈಡ್ರೋಲಾಕ್' (Hydrolock) ಅಂತ ಕರೆಯುತ್ತಾರೆ.

ಸಾಮಾನ್ಯವಾಗಿ, ಇಂಜಿನ್ ಒಳಗೆ ಗಾಳಿ ಹೋಗಬೇಕಾದ ಜಾಗಕ್ಕೆ ನೀರು ಹೋದರೆ, ಅದನ್ನು ಕಂಪ್ರೆಸ್ ಮಾಡಲು ಸಾಧ್ಯವಾಗುವುದಿಲ್ಲ. ಇದರಿಂದ ಇಂಜಿನ್ ತಿರುಗುವುದು ನಿಂತು, ಪ್ರಮುಖ ಭಾಗಗಳು ಮುರಿದುಹೋಗಬಹುದು.

ಇದರ ಪರಿಣಾಮವಾಗಿ, ಇಂಜಿನ್ ಬಿಚ್ಚಿ ರಿಪೇರಿ ಮಾಡುವ ಪರಿಸ್ಥಿತಿ ಬರಬಹುದು. ಕೆಲವು ಬಾರಿ ಇಡೀ ಇಂಜಿನ್ ಅನ್ನೇ ಬದಲಾಯಿಸಬೇಕಾಗಬಹುದು.

ಆಧುನಿಕ ಕಾರುಗಳಲ್ಲಿರುವ ಎಲೆಕ್ಟ್ರಾನಿಕ್ ಕಂಟ್ರೋಲ್ ಸಿಸ್ಟಮ್, ವೈರಿಂಗ್, ಸೆನ್ಸಾರ್‌ಗಳಿಗೆ ಹಾನಿಯಾದರೆ ಖರ್ಚು ಇನ್ನೂ ಹೆಚ್ಚಾಗುತ್ತದೆ.

ವಾಹನದ ಮಾಡೆಲ್ ಮತ್ತು ಹಾನಿಯ ಪ್ರಮಾಣವನ್ನು ಆಧರಿಸಿ, ರಿಪೇರಿ ಖರ್ಚು ಸಾವಿರಾರು ರೂಪಾಯಿಗಳಿಂದ ಲಕ್ಷಾಂತರ ರೂಪಾಯಿವರೆಗೂ ಹೋಗಬಹುದು!

ವಾಹನ ತಜ್ಞರು ನೀಡುವ ಪ್ರಮುಖ ಮುನ್ನೆಚ್ಚರಿಕಾ ಕ್ರಮಗಳು ಇಲ್ಲಿವೆ:

1. ತಕ್ಷಣ ಸ್ಟಾರ್ಟ್ ಮಾಡಬೇಡಿ!

ವಾಹನ ನೀರಿನಲ್ಲಿ ಮುಳುಗಿದ್ದರೆ ಅಥವಾ ಇಂಜಿನ್ ಒಳಗೆ ನೀರು ನುಗ್ಗಿರುವ ಅನುಮಾನವಿದ್ದರೆ, ಮತ್ತೆ ಸ್ಟಾರ್ಟ್ ಮಾಡಲು ಪ್ರಯತ್ನಿಸಬೇಡಿ.

2. ಪದೇ ಪದೇ ಸೆಲ್ಫ್ ಹೊಡೆಯಬೇಡಿ!

ವಾಹನವನ್ನು ಸ್ಟಾರ್ಟ್ ಮಾಡಲು ಪದೇ ಪದೇ ಪ್ರಯತ್ನಿಸಿದರೆ, ಆಗಿರುವ ಹಾನಿ ಮತ್ತಷ್ಟು ಹೆಚ್ಚಾಗಬಹುದು.

3. ನೀರು ಇಳಿಯುವವರೆಗೆ ಕಾಯುವುದು ಮಾತ್ರ ಸಾಲದು!

ಹೊರಗಡೆ ನೀರು ಇಳಿದರೂ, ಇಂಜಿನ್ ಮತ್ತು ಎಲೆಕ್ಟ್ರಿಕಲ್ ಸಿಸ್ಟಮ್ ಒಳಗೆ ತೇವಾಂಶ ಅಥವಾ ನೀರು ಹಾಗೇ ಉಳಿದಿರಬಹುದು.

4. ನುರಿತ ಮೆಕ್ಯಾನಿಕ್ ಅಥವಾ ಅಧಿಕೃತ ಸರ್ವೀಸ್ ಸೆಂಟರ್ ಸಂಪರ್ಕಿಸಿ!

ವಾಹನವನ್ನು ಚೆಕ್ ಮಾಡಿದ ಮೇಲೆಯೇ ಸ್ಟಾರ್ಟ್ ಮಾಡಬೇಕಾ ಬೇಡವಾ ಎಂದು ನಿರ್ಧರಿಸಬೇಕು. ಅಗತ್ಯವಿದ್ದರೆ, ರೋಡ್ ಸೈಡ್ ಅಸಿಸ್ಟೆನ್ಸ್ ಅಥವಾ ಟೋಯಿಂಗ್ ವಾಹನ ಬಳಸಿ.

5. ಎಲೆಕ್ಟ್ರಿಕ್ ಕಾರುಗಳ ಬಗ್ಗೆ ಇರಲಿ ಹೆಚ್ಚಿನ ನಿಗಾ!

ಎಲೆಕ್ಟ್ರಿಕ್ ವಾಹನಗಳಲ್ಲಿ ಹೈ-ವೋಲ್ಟೇಜ್ ಬ್ಯಾಟರಿ ಮತ್ತು ಎಲೆಕ್ಟ್ರಿಕಲ್ ಸಿಸ್ಟಮ್ ಇರುವುದರಿಂದ, ಪ್ರವಾಹದ ನೀರಿನಲ್ಲಿ ಸಿಲುಕಿದ ವಾಹನವನ್ನು ನೀವೇ ಚೆಕ್ ಮಾಡಲು ಅಥವಾ ಓಡಿಸಲು ಹೋಗಬೇಡಿ. ತಜ್ಞರ ಸಹಾಯ ಪಡೆಯಿರಿ.

ಇನ್ನೊಂದು ಪ್ರಮುಖ ವಿಚಾರ!

ಮಳೆ ನೀರು ನಿಂತಿರುವ ರಸ್ತೆಯಲ್ಲಿ ವಾಹನ ಓಡಿಸುವಾಗಲೇ ಎಚ್ಚರದಿಂದಿರಿ. ನೀರಿನ ಆಳ ಗೊತ್ತಿಲ್ಲದ ಜಾಗದಲ್ಲಿ ವಾಹನ ಇಳಿಸಬೇಡಿ. ಹರಿಯುವ ಪ್ರವಾಹದ ನೀರಿನಲ್ಲಿ ವಾಹನ ಓಡಿಸಲು ಪ್ರಯತ್ನಿಸುವುದು ಜೀವಕ್ಕೆ ಅಪಾಯ ತರಬಹುದು.

ವಾಹನ ಈಗಾಗಲೇ ನೀರಿನಲ್ಲಿ ಸಿಲುಕಿದ್ದರೆ, ಅದನ್ನು ಸುರಕ್ಷಿತವಾಗಿ ಹೊರತೆಗೆಯುವುದಕ್ಕೆ ಮೊದಲ ಆದ್ಯತೆ ನೀಡಿ.

ವಾಹನ ಮಾಲೀಕರೇ… ಈ ಮಾಹಿತಿಯನ್ನು ಮರೆಯಬೇಡಿ!

ಮಳೆ ನೀರಿನಲ್ಲಿ ನೆಂದ ಎಲ್ಲಾ ವಾಹನಗಳೂ ಹಾಳಾಗುತ್ತವೆ ಎಂದು ಹೇಳಲಾಗುವುದಿಲ್ಲ. ಹಾಗೆಯೇ, ನೀರು ನುಗ್ಗಿದ ಎಲ್ಲಾ ವಾಹನಗಳಿಗೂ ಲಕ್ಷಗಟ್ಟಲೆ ಖರ್ಚಾಗುತ್ತದೆ ಎಂದೂ ಹೇಳಲಾಗುವುದಿಲ್ಲ.

ಆದರೆ, ಇಂಜಿನ್ ಒಳಗೆ ನೀರು ನುಗ್ಗಿರುವ ಸಾಧ್ಯತೆ ಇರುವಾಗ ವಾಹನವನ್ನು ಸ್ಟಾರ್ಟ್ ಮಾಡುವುದು, ಸಣ್ಣ ಸಮಸ್ಯೆಯನ್ನು ದೊಡ್ಡ ಹಾನಿಯಾಗಿ ಬದಲಾಯಿಸಬಹುದು.

ಕೆಲವೇ ನಿಮಿಷಗಳ ಆತುರ, ದೊಡ್ಡ ರಿಪೇರಿ ಖರ್ಚಾಗಿ ಬದಲಾಗದಿರಲಿ!

ಈ ಮಳೆಗಾಲದಲ್ಲಿ ನಿಮ್ಮ ವಾಹನವನ್ನು ಮತ್ತು ನಿಮ್ಮ ಹಣವನ್ನು ಸುರಕ್ಷಿತವಾಗಿರಿಸಿಕೊಳ್ಳಿ. ಈ ಮಾಹಿತಿಯನ್ನು ಕಾರು ಮತ್ತು ಬೈಕ್ ಹೊಂದಿರುವ ನಿಮ್ಮ ಸ್ನೇಹಿತರು, ಸಂಬಂಧಿಕರೊಂದಿಗೆ ಹಂಚಿಕೊಳ್ಳಿ!

ಬಿಡುಗಡೆಗೂ ಮುನ್ನವೇ ಗ್ರಾಹಕರ ಮನ ಸೇರಿದ ಹುಂಡೈ ಬಯಾನ್': ಲೀಕ್ ಆದ ಫೋಟೋಗಳಲ್ಲಿ ಕಣ್ಣುಕುಕ್ಕಿದ SUV ಲುಕ್

Santosh Naik — Tue, 20 Oct 2026 15:55:50 +0530

ಮುಂಬೈ (ಅ.20): ದಕ್ಷಿಣ ಕೊರಿಯಾದ ಪ್ರಸಿದ್ಧ ವಾಹನ ತಯಾರಿಕಾ ಸಂಸ್ಥೆಯಾದ 'ಹುಂಡೈ' (Hyundai) ಭಾರತೀಯ ಮಾರುಕಟ್ಟೆಗೆ ಪರಿಚಯಿಸಲು ಸಜ್ಜಾಗಿರುವ ನೂತನ ಕಾಂಪ್ಯಾಕ್ಟ್ ಎಸ್‌ಯುವಿ 'ಹುಂಡೈ ಬಯಾನ್' (Hyundai Bayon) ಅಧಿಕೃತವಾಗಿ ಬಿಡುಗಡೆಯಾಗುವ ಮುನ್ನವೇ ಅದರ ಎಕ್ಸ್‌ಟೀರಿಯರ್ ಹಾಗೂ ಇಂಟೀರಿಯರ್ ಫೋಟೋಗಳು ಆನ್‌ಲೈನ್‌ನಲ್ಲಿ ಲೀಕ್ ಆಗಿವೆ. ಭಾರತದಲ್ಲಿ ಈ ಎಸ್‌ಯುವಿ ಅಕ್ಟೋಬರ್ 26 ರಂದು ಅಧಿಕೃತವಾಗಿ ಲಾಂಚ್ ಆಗಲಿದ್ದು, ಸಂಸ್ಥೆಯು ಈಗಾಗಲೇ ಬರೋಬ್ಬರಿ ₹11,000 ರೂಪಾಯಿಗಳ ಟೋಕನ್ ಮೊತ್ತಕ್ಕೆ ಇದರ ಬುಕಿಂಗ್ ಪ್ರಕ್ರಿಯೆಯನ್ನು ಪ್ರಾರಂಭಿಸಿದೆ. ಹುಂಡೈ ಲೈನ್‌ಅಪ್‌ನಲ್ಲಿ ಈ ನೂತನ ಎಸ್‌ಯುವಿಯು ಜನಪ್ರಿಯ 'ವೆನ್ಯೂ' (Venue) ಮತ್ತು 'ಕ್ರೇಟಾ' (Creta) ಮಾಡೆಲ್‌ಗಳ ನಡುವೆ ತನ್ನ ಜಾಗವನ್ನು ಕಂಡುಕೊಳ್ಳಲಿದೆ.

ಎಕ್ಸ್‌ಟೀರಿಯರ್ ಹಾಗೂ ಆಕರ್ಷಕ ವಿನ್ಯಾಸ (Exterior Design)

ಲೀಕ್ ಆಗಿರುವ ಫೋಟೋಗಳ ಪ್ರಕಾರ, 'ಹುಂಡೈ ಬಯಾನ್' ಸ್ಪೋರ್ಟಿ ಹಾಗೂ ವಿಶಿಷ್ಟವಾದ ವಿನ್ಯಾಸವನ್ನು ಹೊಂದಿದೆ. ಪ್ರದರ್ಶಿತಗೊಂಡಿರುವ ಕೆಂಪು ಬಣ್ಣ (Red Colour), ಬಾಡಿ ಲೈನ್‌ಗಳ ಮೇಲಿನ ಶಾರ್ಪ್ ಕಟ್‌ಗಳು ಹಾಗೂ ಬ್ಲ್ಯಾಕ್ ಕ್ಲಾಡಿಂಗ್‌ ಕಾರಿಗೆ ಬಲಿಷ್ಠ ಎಸ್‌ಯುವಿ ಲುಕ್ ನೀಡಿದೆ.

ಮುಂಭಾಗದ ಲುಕ್: ತೆಳುವಾದ H-ಎಡ್ಜ್ (H-Edge) ಎಲ್‌ಇಡಿ ಡಿಆರ್‌ಎಲ್‌ಗಳು (DTRLs) ಹಾಗೂ ಅದರ ಕೆಳಗಡೆ ಮುಖ್ಯ ಹೆಡ್‌ಲ್ಯಾಂಪ್‌ಗಳನ್ನು ಜೋಡಿಸಲಾಗಿದೆ. ಅಗಲವಾದ ಗ್ರಿಲ್ ಮತ್ತು ಸಿಲ್ವರ್ ಬಣ್ಣದ ಬಂಪರ್ ಇನ್ಸರ್ಟ್‌ಗಳು ಇದರ ಫ್ರಂಟ್ ಲುಕ್ ಅನ್ನು ಮತ್ತಷ್ಟು ಆಕರ್ಷಕವಾಗಿಸಿವೆ.

ಅಳತೆ (Length): ಈ ಎಸ್‌ಯುವಿಯು ಸುಮಾರು 4.2 ಮೀಟರ್ ಉದ್ದವನ್ನು ಹೊಂದಿದ್ದು, ಗಾತ್ರದಲ್ಲೂ ವೆನ್ಯೂ ಹಾಗೂ ಕ್ರೇಟಾ ನಡುವಿನ ಸ್ಥಾನವನ್ನು ಪಡೆಯಲಿದೆ.

ಪಾರ್ಶ್ವ ಮತ್ತು ಹಿಂಭಾಗ: ಸೈಡ್ ಪ್ಯಾನೆಲ್‌ನಲ್ಲಿ ಡೈನಾಮಿಕ್ ವೀಲ್ ಆರ್ಚ್, ಜ್ಯಾಮಿತೀಯ (Geometric) ವಿನ್ಯಾಸದ ಅಲಾಯ್ ವೀಲ್‌ಗಳು ಹಾಗೂ ರೂಫ್ ರೇಲ್‌ಗಳನ್ನು ನೀಡಲಾಗಿದೆ. ಹಿಂಭಾಗದಲ್ಲೂ ಹಾರಿಜಾಂಟಲ್ ಮತ್ತು ವರ್ಟಿಕಲ್ ಮಾದರಿಯ ಎಲ್‌ಇಡಿ ಲೈಟಿಂಗ್, ರೂಫ್ ಸ್ಪಾಯ್ಲರ್, ರಿಯರ್ ವೈಪರ್, ಶಾರ್ಕ್-ಫಿನ್ ಆಂಟೆನಾ ಹಾಗೂ ಪಾರ್ಕಿಂಗ್ ಸೆನ್ಸಾರ್‌ಗಳಿವೆ.

ಐಷಾರಾಮಿ ಕ್ಯಾಬಿನ್‌ ಹಾಗೂ ಭಾರಿ ಗಾತ್ರದ ಡ್ಯುಯಲ್ ಸ್ಕ್ರೀನ್ (Cabin & Displays)

ಹುಂಡೈ ಬಯಾನ್ ಒಳಗಡೆ ಅತ್ಯಂತ ಐಷಾರಾಮಿ ಡ್ಯುಯಲ್-ಟೋನ್ ಥೀಮ್ ನೀಡಲಾಗಿದೆ. ಡ್ಯಾಶ್‌ಬೋರ್ಡ್ ಮೇಲೆ ವಿಶಾಲವಾದ ಕರ್ವ್ಡ್ ಪ್ಯಾನಲ್ ನೀಡಲಾಗಿದ್ದು, ಇದರಲ್ಲಿ ಎರಡು 12.3-ಇಂಚಿನ ಬೃಹತ್ ಸ್ಕ್ರೀನ್‌ಗಳನ್ನು ನೀಡಲಾಗಿದೆ. ಇದರಲ್ಲಿ ಒಂದು ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಆಗಿ ಹಾಗೂ ಮತ್ತೊಂದು ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಆಗಿ ಕಾರ್ಯನಿರ್ವಹಿಸುತ್ತದೆ.

ಸ್ಕ್ರೀನ್ ಕೆಳಗೆ ಮ್ಯೂಸಿಕ್, ಮ್ಯಾಪ್ ಹಾಗೂ ಹೋಮ್ ಆಯ್ಕೆಗಳಿಗೆ ಫಿಸಿಕಲ್ ಬಟನ್‌ಗಳನ್ನು ನೀಡಲಾಗಿದೆ. ಜೊತೆಗೆ ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್‌ಗೆ ಪ್ರತ್ಯೇಕ ಪ್ಯಾನಲ್, ಎರಡು USB-C ಪೋರ್ಟ್‌ಗಳು ಹಾಗೂ ಯುಟಿಲಿಟಿ ಸ್ಪೇಸ್ ಲಭ್ಯವಿದೆ. ಫೋಟೋಗಳಲ್ಲಿ ಆಟೋಮ್ಯಾಟಿಕ್ ಗೇರ್ ಸೆಲೆಕ್ಟರ್ ಕಂಡುಬಂದಿದ್ದು, ಇದು 'IVT ಆಟೋಮ್ಯಾಟಿಕ್' ಗೇರ್‌ಬಾಕ್ಸ್ ಹೊಂದಿರುವ ವೇರಿಯೆಂಟ್ ಎಂಬುದು ಸ್ಪಷ್ಟವಾಗಿದೆ.

ಜನರೇಟಿವ್ AI ವಾಯ್ಸ್ ಅಸಿಸ್ಟೆಂಟ್ ಮತ್ತು 500+ ಕಮಾಂಡ್‌ಗಳು

ತಂತ್ರಜ್ಞಾನಕ್ಕೆ ಹೆಚ್ಚಿನ ಆದ್ಯತೆ ನೀಡಿರುವ ಹುಂಡೈ, ಈ ಕಾರಿನಲ್ಲಿ Perplexity ಹಾಗೂ SoundHound AI ತಂತ್ರಜ್ಞಾನ ಆಧಾರಿತ 'ಜನರೇಟಿವ್ ಎಐ ವಾಯ್ಸ್ ಅಸಿಸ್ಟೆಂಟ್' (Generative AI Voice Assistant) ನೀಡುತ್ತಿರುವುದಾಗಿ ಖಚಿತಪಡಿಸಿದೆ.

ಆಫ್‌ಲೈನ್ ಕಮಾಂಡ್ಸ್: ಇಂಗ್ಲಿಷ್ ಭಾಷೆಯ ಜೊತೆಗೆ, ಕಾರಿನಲ್ಲಿ 6 ಭಾಷೆಗಳಲ್ಲಿ ಬರೋಬ್ಬರಿ 500 ಕ್ಕೂ ಹೆಚ್ಚು ಆಫ್‌ಲೈನ್ ವಾಯ್ಸ್ ಕಮಾಂಡ್‌ಗಳನ್ನು ಬಳಸಬಹುದು. ಇದರಲ್ಲಿ 'ಹಿಂದಿ' ಹಾಗೂ 'ಹಿಂಗ್ಲಿಷ್' ಭಾಷೆಗಳು ಸೇರಿವೆ. ಅಂದರೆ ಇಂಟರ್ನೆಟ್ ಸಂಪರ್ಕವಿಲ್ಲದೆಯೂ ವಾಯ್ಸ್ ಕಮಾಂಡ್ ನೀಡಿ ಕಾರಿನ ಹಲವು ಫೀಚರ್‌ಗಳನ್ನು ನಿಯಂತ್ರಿಸಬಹುದು.

ಕನೆಕ್ಟೆಡ್ ಫೀಚರ್ಸ್: ಎನ್‌ವಿಡಿಯಾ (NVIDIA) ಆಧರಿತ ccNC ಕನೆಕ್ಟೆಡ್ ಕಾರ್ ಸಿಸ್ಟಮ್ ಹಾಗೂ 70 ಕ್ಕೂ ಹೆಚ್ಚು ಬ್ಲೂಲಿಂಕ್ (Bluelink) ಫೀಚರ್‌ಗಳಿವೆ. ಜೊತೆಗೆ ಕಾರಿನ 19 ವೆಹಿಕಲ್ ಕಂಟ್ರೋಲ್ ಯುನಿಟ್‌ಗಳಿಗೆ ಓವರ್-ದಿ-ಏರ್ (OTA) ಸಾಫ್ಟ್‌ವೇರ್ ಅಪ್‌ಡೇಟ್ ಸೌಲಭ್ಯ ಲಭ್ಯವಿರಲಿದೆ.

ಇಂಜಿನ್ ಸಾಮರ್ಥ್ಯ ಮತ್ತು ಗೇರ್‌ಬಾಕ್ಸ್ (Engine & Transmission)

ಹುಂಡೈ ಬಯಾನ್ ಎಸ್‌ಯುವಿಯಲ್ಲಿ ನಂಬಿಕೆಯ 1.5-ಲೀಟರ್ 4-ಸಿಲಿಂಡರ್ MPi ಪೆಟ್ರೋಲ್ ಇಂಜಿನ್ ನೀಡಲಾಗಿದೆ.

ಪವರ್ ಹಾಗೂ ಟಾರ್ಕ್: ಈ ಇಂಜಿನ್ 115 hp ಗರಿಷ್ಠ ಪವರ್ ಹಾಗೂ 144 Nm ಪೀಕ್ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ.

ಗೇರ್‌ಬಾಕ್ಸ್ ಆಯ್ಕೆಗಳು: ಗ್ರಾಹಕರಿಗೆ 6-ಸ್ಪೀಡ್ ಮ್ಯಾನುಯಲ್ (Manual) ಹಾಗೂ IVT ಆಟೋಮ್ಯಾಟಿಕ್ (Automatic) ಎಂಬ ಎರಡು ಗೇರ್‌ಬಾಕ್ಸ್ ಆಯ್ಕೆಗಳು ಸಿಗಲಿವೆ.

ಅಕ್ಟೋಬರ್ 26 ರಂದು ನಡೆಯಲಿರುವ ಬಿಡುಗಡೆ ಸಮಾರಂಭದಲ್ಲಿ ಕಂಪನಿಯು ಬಯಾನ್ ಎಸ್‌ಯುವಿಯ ವಿವಿಧ ವೇರಿಯೆಂಟ್‌ಗಳ ಅಧಿಕೃತ ಬೆಲೆ ಹಾಗೂ ವೇರಿಯೆಂಟ್‌ವಾರು ಫೀಚರ್‌ಗಳನ್ನು ಪ್ರಕಟಿಸಲಿದೆ. ಬೆಲೆ ಪ್ರಕಟವಾದ ಮೇಲಷ್ಟೇ ವೆನ್ಯೂ ಮತ್ತು ಕ್ರೇಟಾ ಮಾರುಕಟ್ಟೆಯ ನಡುವೆ ಈ ಕಾರು ಹೇಗೆ ಪೈಪೋಟಿ ನೀಡಲಿದೆ ಎಂಬುದು ಸ್ಪಷ್ಟವಾಗಲಿದೆ.

ಟಿಯಾಗೋದಿಂದ ನೆಕ್ಸಾನ್‌ವರೆಗೆ ಟಾಟಾ ಕಾರುಗಳ ಮೇಲೆ ₹3.35 ಲಕ್ಷದವರೆಗೆ ಭರ್ಜರಿ ಡಿಸ್ಕೌಂಟ್; ಯಾವ ಕಾರಿಗೆ ಎಷ್ಟು ಆಫರ್?

Naveen Kodase — Thu, 22 Oct 2026 18:51:29 +0530

ಹಬ್ಬದ ಸೀಸನ್ ಶುರುವಾಗಿದೆ. ಇದೇ ಖುಷಿಯಲ್ಲಿ ಪ್ರಮುಖ ಆಟೋಮೊಬೈಲ್ ಕಂಪನಿ ಟಾಟಾ ಮೋಟಾರ್ಸ್ ತನ್ನ ಕಾರುಗಳ ಮೇಲೆ ಬರೋಬ್ಬರಿ 3.35 ಲಕ್ಷ ರೂ.ವರೆಗೆ ಭರ್ಜರಿ ಡಿಸ್ಕೌಂಟ್ ಘೋಷಿಸಿದೆ. ಯಾವ ಮಾಡೆಲ್ ಕಾರಿಗೆ ಎಷ್ಟು ರಿಯಾಯಿತಿ ಸಿಗುತ್ತಿದೆ ಅನ್ನೋದರ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ.

ಹಬ್ಬದ ಸೀಸನ್‌ನಲ್ಲಿ ಹೊಸ ಕಾರು ಖರೀದಿಸುವ ಪ್ಲಾನ್ ಮಾಡ್ತಿದ್ದೀರಾ? ಹಾಗಿದ್ರೆ ನಿಮಗೊಂದು ಗುಡ್ ನ್ಯೂಸ್. ಟಾಟಾ ಮೋಟಾರ್ಸ್ ತನ್ನ ಕಾರುಗಳ ಮೇಲೆ ಭರ್ಜರಿ ಡಿಸ್ಕೌಂಟ್ ಘೋಷಿಸಿದೆ. ಈ ಆಫರ್ ಬಳಸಿಕೊಂಡು ಗ್ರಾಹಕರು ಸಾವಿರದಿಂದ ಲಕ್ಷಾಂತರ ರೂಪಾಯಿವರೆಗೆ ಹಣ ಉಳಿಸಬಹುದು.

ಪೆಟ್ರೋಲ್, ಡೀಸೆಲ್, ಸಿಎನ್‌ಜಿ ಜೊತೆಗೆ ಎಲೆಕ್ಟ್ರಿಕ್ ಕಾರುಗಳ ಮೇಲೂ ಈ ಡಿಸ್ಕೌಂಟ್ ಲಭ್ಯವಿದೆ. ಟಿಯಾಗೋ, ಟಿಗೋರ್, ಆಲ್ಟ್ರೋಜ್‌ನಿಂದ ಹಿಡಿದು ನೆಕ್ಸಾನ್, ಪಂಚ್ ಇವಿ, ಕರ್ವ್ ಇವಿ, ಹ್ಯಾರಿಯರ್ ಇವಿವರೆಗೆ ಹಲವು ಮಾಡೆಲ್‌ಗಳು ಈ ಲಿಸ್ಟ್‌ನಲ್ಲಿವೆ. ಕಾರಿನ ಮಾಡೆಲ್ ಮತ್ತು ವೇರಿಯೆಂಟ್ ಆಧಾರದ ಮೇಲೆ ಡಿಸ್ಕೌಂಟ್ ಬದಲಾಗುತ್ತದೆ. ಗ್ರಾಹಕರು ಗರಿಷ್ಠ 3.35 ಲಕ್ಷ ರೂ.ವರೆಗೆ ಲಾಭ ಪಡೆಯಬಹುದು.

ಟಾಟಾ ಕಂಪನಿ ತನ್ನ ಎಂಟ್ರಿ ಲೆವೆಲ್ ಕಾರುಗಳ ಮೇಲೂ ಆಫರ್ ನೀಡುತ್ತಿದೆ. ಟಿಯಾಗೋ ಪೆಟ್ರೋಲ್ ಮತ್ತು ಸಿಎನ್‌ಜಿ ಮಾಡೆಲ್‌ಗಳ ಮೇಲೆ 35,000 ರೂ.ವರೆಗೆ ಲಾಭ ಸಿಗುತ್ತಿದೆ. ಇದರಲ್ಲಿ 15,000 ರೂ. ನೇರ ಡಿಸ್ಕೌಂಟ್, 5,000 ರೂ. ಒಇಎಂ ಸಪೋರ್ಟ್, ಜೊತೆಗೆ ಎಕ್ಸ್‌ಚೇಂಜ್ ಅಥವಾ ಸ್ಕ್ರ್ಯಾಪೇಜ್ ಬೆನಿಫಿಟ್ ಸೇರಿದೆ. ಎಕ್ಸ್‌ಚೇಂಜ್ ಬೋನಸ್ ಅಡಿ 10,000 ರೂ., ಸ್ಕ್ರ್ಯಾಪೇಜ್ ಅಡಿ 15,000 ರೂ.ವರೆಗೆ ಲಾಭ ಸಿಗಲಿದೆ. ಟಿಗೋರ್ ಖರೀದಿಸುವವರಿಗೆ ಒಟ್ಟು 30,000 ರೂ.ವರೆಗೆ ರಿಯಾಯಿತಿ ಸಿಗುತ್ತದೆ. ಪ್ರೀಮಿಯಂ ಹ್ಯಾಚ್‌ಬ್ಯಾಕ್ ಆಲ್ಟ್ರೋಜ್ ಸಿಎನ್‌ಜಿ ವೇರಿಯೆಂಟ್ ಮೇಲೆ 55,000 ರೂ. ಹಾಗೂ ಪೆಟ್ರೋಲ್, ಡೀಸೆಲ್ ವೇರಿಯೆಂಟ್‌ಗಳ ಮೇಲೆ 35,000 ರೂ.ವರೆಗೆ ಹಣ ಉಳಿಸಬಹುದು.

ಭಾರೀ ಡಿಮ್ಯಾಂಡ್ ಇರುವ ಟಾಟಾ ನೆಕ್ಸಾನ್ ಎಸ್‌ಯುವಿಯ ವಿವಿಧ ವೇರಿಯೆಂಟ್‌ಗಳ ಮೇಲೆ ದೊಡ್ಡ ಮಟ್ಟದ ಡಿಸ್ಕೌಂಟ್ ಲಭ್ಯವಿದೆ. ಆಯ್ದ ಪೆಟ್ರೋಲ್ ಮ್ಯಾನುವಲ್ ವೇರಿಯೆಂಟ್‌ಗಳ ಮೇಲೆ 75,000 ರೂ.ವರೆಗೆ ಹಣ ಉಳಿಸಬಹುದು. ಸಿಎನ್‌ಜಿ ಮಾಡೆಲ್ ಮೇಲೆ 60,000 ರೂ.ವರೆಗೆ ಲಾಭ ಸಿಗುತ್ತಿದೆ. ನೆಕ್ಸಾನ್‌ನ ಇತರ ಪೆಟ್ರೋಲ್ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ವೇರಿಯೆಂಟ್‌ಗಳ ಮೇಲೆ 55,000 ರೂ.ವರೆಗೆ ರಿಯಾಯಿತಿ ನೀಡಲಾಗುತ್ತಿದೆ. ಡೀಸೆಲ್ ಮಾಡೆಲ್ ಮೇಲೆ 20,000 ರೂ.ವರೆಗೆ ಲಾಭ ಪಡೆಯಬಹುದು. ನೆಕ್ಸಾನ್ ಇವಿ ಖರೀದಿಸುವವರು 45,000 ರೂ.ವರೆಗೆ ಹಣ ಉಳಿಸಬಹುದು. ಇದರಲ್ಲಿ 10,000 ರೂ. ಗ್ರೀನ್ ಬೋನಸ್ ಕೂಡ ಸೇರಿದೆ.

ಟಾಟಾ ಪಂಚ್ ಪೆಟ್ರೋಲ್ ಮತ್ತು ಸಿಎನ್‌ಜಿ ಮಾಡೆಲ್‌ಗಳ ಮೇಲೆ ಸದ್ಯ ಯಾವುದೇ ಡಿಸ್ಕೌಂಟ್ ಇಲ್ಲ. ಆದರೆ ಎಲೆಕ್ಟ್ರಿಕ್ ಮಾಡೆಲ್ ಪಂಚ್ ಇವಿ ವೇರಿಯೆಂಟ್‌ಗಳ ಮೇಲೆ ಒಳ್ಳೆ ಉಳಿತಾಯ ಮಾಡಬಹುದು. ಪಂಚ್ ಇವಿ ಲಾಂಗ್ ರೇಂಜ್ ವೇರಿಯೆಂಟ್ ಮೇಲೆ 1.45 ಲಕ್ಷ ರೂ.ವರೆಗೆ ಡಿಸ್ಕೌಂಟ್ ನೀಡಲಾಗುತ್ತಿದೆ. ಮೀಡಿಯಂ ರೇಂಜ್ ವೇರಿಯೆಂಟ್ ಮೇಲೆ 1.25 ಲಕ್ಷ ರೂ., ಸ್ಮಾರ್ಟ್ ವೇರಿಯೆಂಟ್ ಮೇಲೆ 95,000 ರೂ.ವರೆಗೆ ರಿಯಾಯಿತಿ ಇದೆ. ಎಲ್ಲಕ್ಕಿಂತ ಹೆಚ್ಚಾಗಿ ಕರ್ವ್ ಇವಿಯ ಆಯ್ದ ವೇರಿಯೆಂಟ್‌ಗಳ ಮೇಲೆ ಗರಿಷ್ಠ 3.35 ಲಕ್ಷ ರೂ.ವರೆಗೆ ಹಣ ಉಳಿಸಬಹುದು. ಆದರೆ ಈ ಆಫರ್ ಕೆಲವು ವೇರಿಯೆಂಟ್‌ಗಳಿಗೆ ಮಾತ್ರ ಅನ್ವಯಿಸುತ್ತದೆ (ಎಕ್ಸ್ ಟ್ರಿಮ್‌ಗಳು ಇದರಲ್ಲಿ ಬರುವುದಿಲ್ಲ). ಕರ್ವ್ ಇವಿ ಕ್ರಿಯೇಟಿವ್ ವೇರಿಯೆಂಟ್ ಮೇಲೆ 2.85 ಲಕ್ಷ ರೂ.ವರೆಗೆ ಲಾಭ ಸಿಗಲಿದೆ.

ಟಾಟಾದ ದೊಡ್ಡ ಎಸ್‌ಯುವಿಗಳಾದ ಹ್ಯಾರಿಯರ್ ಮತ್ತು ಸಫಾರಿ ಡೀಸೆಲ್ ಮಾಡೆಲ್‌ಗಳ ಮೇಲೆ 45,000 ರೂ.ವರೆಗೆ ಹಬ್ಬದ ಆಫರ್ ಸಿಗುತ್ತಿದೆ. ಇದರಲ್ಲಿ ಎಕ್ಸ್‌ಚೇಂಜ್ ಮತ್ತು ಸ್ಕ್ರ್ಯಾಪೇಜ್ ಬೋನಸ್‌ಗಳು ಸೇರಿವೆ. ಹ್ಯಾರಿಯರ್ ಇವಿ ಫಿಯರ್‌ಲೆಸ್ ಮತ್ತು ಎಂಪವರ್ಡ್ ವೇರಿಯೆಂಟ್‌ಗಳ ಮೇಲೆ 2.75 ಲಕ್ಷ ರೂ.ವರೆಗೆ ಡಿಸ್ಕೌಂಟ್ ಪಡೆಯಬಹುದು. ಹಾಗೆಯೇ ಟಾಟಾ ಸಿಯೆರಾ ಪೆಟ್ರೋಲ್, ಡೀಸೆಲ್ ಮಾಡೆಲ್‌ಗಳ ಮೇಲೂ 30,000 ರೂ.ವರೆಗೆ ಲಾಭ ನೀಡಲಾಗುತ್ತಿದೆ.

ನೆನಪಿಡಿ: ಈ ಆಫರ್‌ಗಳು ಪ್ರದೇಶದಿಂದ ಪ್ರದೇಶಕ್ಕೆ ಬದಲಾಗುತ್ತವೆ. ಹಾಗಾಗಿ, ಕಾರು ಖರೀದಿಸುವ ಮುನ್ನ ಮಾಡೆಲ್ ಮತ್ತು ವೇರಿಯೆಂಟ್ ಪ್ರಕಾರ ಆಫರ್ ನಿಯಮಗಳನ್ನು ತಿಳಿದುಕೊಳ್ಳುವುದು ಒಳ್ಳೆಯದು.

ಈ ಜರ್ಮನ್‌ ಕಾರುಗಳ ಮೇಲೆ ಭಾರತದಲ್ಲಿ 90 ಸಾವಿರದವರೆಗೆ ಡಿಸ್ಕೌಂಟ್‌, ದೀಪಾವಳಿ ತನಕ ಮಾತ್ರವೇ ಆಫರ್‌

Santosh Naik — Tue, 20 Oct 2026 17:28:40 +0530

ಬೆಂಗಳೂರು (ಅ.20): ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ನೂತನ ಕಾರು ಖರೀದಿಸಲು ಯೋಜನೆ ರೂಪಿಸುತ್ತಿರುವ ಗ್ರಾಹಕರಿಗಾಗಿ ಪ್ರಸಿದ್ಧ ಜರ್ಮನ್ ವಾಹನ ತಯಾರಿಕಾ ಸಂಸ್ಥೆಯಾದ 'ಸ್ಕೋಡಾ ಆಟೋ' (Skoda Auto) ಭಾರಿ ಆಫರ್‌ಗಳನ್ನು ಘೋಷಿಸಿದೆ. ಕಂಪನಿಯು ತನ್ನ ಜನಪ್ರಿಯ ಕಾಂಪ್ಯಾಕ್ಟ್ ಎಸ್‌ಯುವಿ 'ಸ್ಕೋಡಾ ಕೈಲಾಕ್' (Skoda Kylaq) ಮೇಲೆ ₹90,000 ವರೆಗೆ, ಮಿಡ್-ಸೈಜ್ ಎಸ್‌ಯುವಿ 'ಸ್ಕೋಡಾ ಕುಶಾಕ್' (Skoda Kushaq) ಮೇಲೆ ₹80,000 ವರೆಗೆ ಹಾಗೂ 'ಸ್ಲಾವಿಯಾ' (Slavia) ಸೆಡಾನ್ ಕಾರಿನ ಮೇಲೆ ₹30,000 ವರೆಗೆ ರಿಯಾಯಿತಿ ಹಾಗೂ ಸೌಲಭ್ಯಗಳನ್ನು ಪ್ರಕಟಿಸಿದೆ.

ಈ ಹಬ್ಬದ ಆಫರ್‌ಗಳಲ್ಲಿ ಶೋರೂಮ್ ಡೀಲರ್ ರಿಯಾಯಿತಿ (Dealer Discount), ಹಳೆಯ ಕಾರು ನೀಡುವ ಎಕ್ಸ್‌ಚೇಂಜ್ ಬೋನಸ್ (Exchange Bonus) ಹಾಗೂ ಕಾರ್ಪೊರೇಟ್ ಅಥವಾ ಲಾಯಲ್ಟಿ ಆಫರ್‌ಗಳು (Corporate / Loyalty Offers) ಸೇರಿವೆ. ಆದರೆ, ಈ ರಿಯಾಯಿತಿ ಮೊತ್ತವು ಡೀಲರ್‌ಶಿಪ್, ನಗರ, ಕಾರಿನ ವೇರಿಯೆಂಟ್ ಹಾಗೂ ಗ್ರಾಹಕರ ಅರ್ಹತೆಗೆ ಅನುಗುಣವಾಗಿ ಕೊಂಚ ಬದಲಾಗಬಹುದು ಎಂದು ಕಂಪನಿ ಸ್ಪಷ್ಟಪಡಿಸಿದೆ.

ಸ್ಕೋಡಾ ಕೈಲಾಕ್ (Skoda Kylaq) – ₹90,000 ವರೆಗೆ ರಿಯಾಯಿತಿ

ಸ್ಕೋಡಾ ಸಂಸ್ಥೆಯ ಅತಿ ಹೆಚ್ಚು ಮಾರಾಟವಾಗುವ ಜನಪ್ರಿಯ ಕಾರುಗಳಲ್ಲಿ ಒಂದಾದ 'ಕೈಲಾಕ್' ಮೇಲೆ ದೀಪಾವಳಿ ಪ್ರಯುಕ್ತ ಗರಿಷ್ಠ ₹90,000 ವರೆಗೆ ಸೌಲಭ್ಯಗಳನ್ನು ನೀಡಲಾಗುತ್ತಿದೆ.

ಡೀಲರ್ ಡಿಸ್ಕೌಂಟ್: ₹40,000 ವರೆಗೆ
ಎಕ್ಸ್‌ಚೇಂಜ್ ಬೋನಸ್: ₹30,000 ವರೆಗೆ
ಕಾರ್ಪೊರೇಟ್ / ಲಾಯಲ್ಟಿ ಆಫರ್: ₹20,000 ವರೆಗೆ (ಇವೆರಡರಲ್ಲಿ ಯಾವುದಾದರೂ ಒಂದನ್ನು ಆಯ್ಕೆ ಮಾಡಿಕೊಳ್ಳಬಹುದು).

ಬೆಲೆ ಹಾಗೂ ತಾಂತ್ರಿಕ ವಿವರ: ಸ್ಕೋಡಾ ಕೈಲಾಕ್ ಕಾರಿನ ಎಕ್ಸ್-ಶೋರೂಮ್ ಬೆಲೆಯು ₹7.59 ಲಕ್ಷದಿಂದ ಆರಂಭವಾಗಿ ₹13.09 ಲಕ್ಷದವರೆಗೆ ಇದೆ. ಇದರಲ್ಲಿ 1.0-ಲೀಟರ್ ಟರ್ಬೊ ಪೆಟ್ರೋಲ್ ಇಂಜಿನ್ ನೀಡಲಾಗಿದ್ದು, ಇದು 115 bhp ಪವರ್ ಹಾಗೂ 178 Nm ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಇದರೊಂದಿಗೆ 6-ಸ್ಪೀಡ್ ಮ್ಯಾನುಯಲ್ ಹಾಗೂ 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆಗಳಿವೆ. ಈ ಕಾರು ಕೇವಲ 10.5 ಸೆಕೆಂಡುಗಳಲ್ಲಿ 0 ಯಿಂದ 100 ಕಿ.ಮೀ ವೇಗ ಪಡೆದುಕೊಳ್ಳಲಿದೆ.

ಸ್ಕೋಡಾ ಕುಶಾಕ್ (Skoda Kushaq) – ₹80,000 ವರೆಗೆ ಉಳಿತಾಯ

ಸ್ಕೋಡಾ ಕುಶಾಕ್ ಎಸ್‌ಯುವಿ ಖರೀದಿಸುವ ಗ್ರಾಹಕರು ಈ ದೀಪಾವಳಿಗೆ ಬರೋಬ್ಬರಿ ₹80,000 ವರೆಗೆ ಆರ್ಥಿಕ ಉಳಿತಾಯ ಮಾಡಬಹುದಾಗಿದೆ.

ಡೀಲರ್ ಡಿಸ್ಕೌಂಟ್: ₹30,000 ವರೆಗೆ
ಎಕ್ಸ್‌ಚೇಂಜ್ ಬೋನಸ್: ₹30,000 ವರೆಗೆ
ಕಾರ್ಪೊರೇಟ್ / ಲಾಯಲ್ಟಿ ಆಫರ್: ₹20,000 ವರೆಗೆ

ಬೆಲೆ ಹಾಗೂ ತಾಂತ್ರಿಕ ವಿವರ: ಸ್ಕೋಡಾ ಕುಶಾಕ್ ಕಾರಿನ ಎಕ್ಸ್-ಶೋರೂಮ್ ಬೆಲೆ ₹10.69 ಲಕ್ಷದಿಂದ ಆರಂಭಗೊಂಡು ₹19.19 ಲಕ್ಷದವರೆಗೆ ಇದೆ. ಈ ಕಾರಿನಲ್ಲಿ ಎರಡು ಟರ್ಬೊ ಪೆಟ್ರೋಲ್ ಇಂಜಿನ್ ಆಯ್ಕೆಗಳಿವೆ. 1.0-ಲೀಟರ್ ಇಂಜಿನ್ 115 bhp ಪವರ್ ನೀಡಿದರೆ, 1.5-ಲೀಟರ್ ಇಂಜಿನ್ ಬರೋಬ್ಬರಿ 150 bhp ಪವರ್ ಉತ್ಪಾದಿಸುತ್ತದೆ. ಗೇರ್‌ಬಾಕ್ಸ್ ವಿಭಾಗದಲ್ಲಿ 6-ಸ್ಪೀಡ್ ಮ್ಯಾನುಯಲ್, 8-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ ಹಾಗೂ 7-ಸ್ಪೀಡ್ ಡ್ಯುಯಲ್-ಕ್ಲಚ್ (DSG) ಆಟೋಮ್ಯಾಟಿಕ್ ಆಯ್ಕೆಗಳಿವೆ. 8-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ 1.0-ಲೀಟರ್ ಇಂಜಿನ್‌ನೊಂದಿಗೆ ಲಭ್ಯವಿದೆ.

ಸ್ಕೋಡಾ ಸ್ಲಾವಿಯಾ (Skoda Slavia) – ₹30,000 ವರೆಗೆ ಡಿಸ್ಕೌಂಟ್

ಸ್ಕೋಡಾ ಸಂಸ್ಥೆಯ ಪ್ರೀಮಿಯಂ ಸೆಡಾನ್ ಆದ 'ಸ್ಲಾವಿಯಾ ಫೇಸ್‌ಲಿಫ್ಟ್' ಕಾರಿನ ಮೇಲೆಯೂ ಗ್ರಾಹಕರಿಗೆ ₹30,000 ವರೆಗೆ ಪ್ರಯೋಜನ ಸಿಗಲಿದೆ.

ಎಕ್ಸ್‌ಚೇಂಜ್ ಬೋನಸ್: ₹20,000 ವರೆಗೆ
ಕಾರ್ಪೊರೇಟ್ / ಲಾಯಲ್ಟಿ ಆಫರ್: ₹10,000 ವರೆಗೆ

ಬೆಲೆ ಹಾಗೂ ತಾಂತ್ರಿಕ ವಿವರ: ಸ್ಕೋಡಾ ಸ್ಲಾವಿಯಾ ಕಾರಿನ ಎಕ್ಸ್-ಶೋರೂಮ್ ಬೆಲೆಯು ₹10 ಲಕ್ಷದಿಂದ ₹18.84 ಲಕ್ಷದ ವ್ಯಾಪ್ತಿಯಲ್ಲಿದೆ. ಈ ಸೆಡಾನ್‌ನಲ್ಲೂ ಸಹ 115 bhp ಪವರ್ ನೀಡುವ 1.0-ಲೀಟರ್ ಟರ್ಬೊ ಪೆಟ್ರೋಲ್ ಹಾಗೂ 150 bhp ಪವರ್ ನೀಡುವ 1.5-ಲೀಟರ್ ಟರ್ಬೊ ಪೆಟ್ರೋಲ್ ಇಂಜಿನ್ ಆಯ್ಕೆಗಳನ್ನು ನೀಡಲಾಗಿದೆ.

ದೀಪಾವಳಿ ಹಬ್ಬದವರೆಗೆ ಮಾತ್ರ ಈ ವಿಶೇಷ ರಿಯಾಯಿತಿಗಳು ಚಾಲ್ತಿಯಲ್ಲಿರಲಿದ್ದು, ಜರ್ಮನ್ ಇಂಜಿನಿಯರಿಂಗ್ ತಂತ್ರಜ್ಞಾನದ ಸುರಕ್ಷಿತ ಕಾರುಗಳನ್ನು ಸ್ವಂತವಾಗಿಸಿಕೊಳ್ಳಲು ಗ್ರಾಹಕರಿಗೆ ಇದು ಉತ್ತಮ ತಾಣವಾಗಿದೆ.

ಹಬ್ಬದ ಸೀಸನ್‌ನಲ್ಲಿ ಹುಂಡೈ ಕಾರುಗಳ ಮೇಲೆ ಬಂಪರ್ ಡಿಸ್ಕೌಂಟ್‌, ಕ್ರೇಟಾದಿಂದ ಔರಾವರೆಗೆ ಸಾಲು ಸಾಲು ಆಫರ್‌

Santosh Naik — Thu, 22 Oct 2026 20:42:40 +0530

ನವದೆಹಲಿ (ಅ.22): ಹಬ್ಬದ ಋತುವಿನ ಪ್ರಯುಕ್ತ ಪ್ರಸಿದ್ಧ ವಾಹನ ತಯಾರಕ ಸಂಸ್ಥೆ ಹುಂಡೈ (Hyundai), ತನ್ನ ವಿವಿಧ ಜನಪ್ರಿಯ ಕಾರುಗಳ ಮೇಲೆ ಭಾರಿ ರಿಯಾಯಿತಿ ಹಾಗೂ ವಿಶೇಷ ಆಫರ್‌ಗಳನ್ನು ಪ್ರಕಟಿಸಿದೆ. ಕಂಪನಿಯು ಕ್ರೇಟಾ (Creta), ಔರಾ (Aura), ಗ್ರಾಂಡ್ ಐ10 ನಿಯೋಸ್ (Grand i10 Nios), ಐ20 (i20), ಎಕ್ಸ್‌ಟರ್ (Exter), ವೆರ್ನಾ (Verna) ಹಾಗೂ ಅಲ್ಕಜಾರ್ (Alcazar) ಕಾರುಗಳ ಮೇಲೆ ಭಾರಿ ನಗದು ರಿಯಾಯಿತಿ (Cash Discount), ಎಕ್ಸ್‌ಚೇಂಜ್ ಬೋನಸ್ ಹಾಗೂ ಅಪ್‌ಗ್ರೇಡ್ ಪ್ರಯೋಜನಗಳನ್ನು ನೀಡುತ್ತಿದೆ.

ಕಂಪನಿಯ ಅತ್ಯಂತ ಜನಪ್ರಿಯ 'ಹುಂಡೈ ಕ್ರೇಟಾ' ಪೆಟ್ರೋಲ್ ಮಾದರಿಯ ಮೇಲೆ ₹35,000 ವರೆಗೆ ನಗದು ರಿಯಾಯಿತಿ ನೀಡಲಾಗಿದೆ. ಅದೇ ರೀತಿ 'ಕ್ರೇಟಾ ಎನ್ ಲೈನ್' (Creta N Line) ಮಾದರಿಯ ಮೇಲೆ ₹45,000 ನಗದು ರಿಯಾಯಿತಿ, ₹30,000 ಎಕ್ಸ್‌ಚೇಂಜ್ ಬೋನಸ್ ಹಾಗೂ ₹25,000 ಅಪ್‌ಗ್ರೇಡ್ ಬೋನಸ್ ಸೇರಿದೆ. ಈ ಎಲ್ಲಾ ಸೌಲಭ್ಯಗಳನ್ನು ಒಟ್ಟುಗೂಡಿಸಿದರೆ ಅರ್ಹ ಗ್ರಾಹಕರು ಬರೋಬ್ಬರಿ ₹1 ಲಕ್ಷದವರೆಗೆ ಉಳಿತಾಯ ಮಾಡುವ ಸುವರ್ಣಾವಕಾಶ ಲಭ್ಯವಿದೆ.

ಮತ್ತೊಂದೆಡೆ, 'ಕ್ರೇಟಾ ಎಲೆಕ್ಟ್ರಿಕ್' (Creta Electric) ಮಾದರಿಯ ಮೇಲೆಯೂ ₹30,000 ನಗದು ರಿಯಾಯಿತಿ, ₹15,000 ಎಕ್ಸ್‌ಚೇಂಜ್ ಬೋನಸ್ ಮತ್ತು ₹15,000 ಅಪ್‌ಗ್ರೇಡ್ ಪ್ರಯೋಜನಗಳನ್ನು ನೀಡಲಾಗಿದೆ. ಆದರೆ, ಈ ಎಲ್ಲಾ ರಿಯಾಯಿತಿಗಳು ಕಾರಿನ ಆಯಾ ವೇರಿಯೆಂಟ್ ಹಾಗೂ ಕಂಪನಿಯ ನಿಯಮಗಳು ಮತ್ತು ಷರತ್ತುಗಳಿಗೆ ಒಳಪಟ್ಟಿರುತ್ತವೆ.

ಗ್ರಾಂಡ್ ಐ10 ನಿಯೋಸ್ ಮತ್ತು ಔರಾ ಮೇಲಿರುವ ಆಫರ್‌ಗಳು

ಹುಂಡೈ ಸಂಸ್ಥೆಯ 'ಗ್ರಾಂಡ್ ಐ10 ನಿಯೋಸ್' ಪೆಟ್ರೋಲ್ ವೇರಿಯೆಂಟ್ ಮೇಲೆ ₹35,000 ಹಾಗೂ ಸಿಎನ್‌ಜಿ (CNG) ವೇರಿಯೆಂಟ್ ಮೇಲೆ ₹30,000 ನಗದು ರಿಯಾಯಿತಿ ನೀಡಲಾಗುತ್ತಿದೆ. ಇದಲ್ಲದೆ ಅರ್ಹ ಗ್ರಾಹಕರಿಗೆ ₹15,000 ಎಕ್ಸ್‌ಚೇಂಜ್ ಬೋನಸ್ ಮತ್ತು ₹15,000 ಅಪ್‌ಗ್ರೇಡ್ ಬೋನಸ್ ಸಹ ಸಿಗಲಿದೆ.

ಇನ್ನು 'ಹುಂಡೈ ಔರಾ' ಸೆಡಾನ್ ಕಾರಿನ ಪೆಟ್ರೋಲ್ ಆವೃತ್ತಿಗೆ ₹15,000 ಹಾಗೂ ಸಿಎನ್‌ಜಿ ಆವೃತ್ತಿಗೆ ₹30,000 ನಗದು ರಿಯಾಯಿತಿ ನಿಗದಿಪಡಿಸಲಾಗಿದೆ. ಇದರ ಜೊತೆಗೆ ₹5,000 ಸ್ಕ್ರ್ಯಾಪೇಜ್ ಬೋನಸ್ ಹಾಗೂ ಗ್ರಾಮೀಣ ಭಾಗದ ಗ್ರಾಹಕರಿಗೆ ₹5,000 ವಿಶೇಷ ಆಫರ್ ಸಹ ಲಭ್ಯವಿದೆ.

ಐ20 ಮತ್ತು ಎಕ್ಸ್‌ಟರ್ ಕಾರುಗಳ ಮೇಲೆ ಎಷ್ಟು ಉಳಿತಾಯ?

ಪ್ರೀಮಿಯಂ ಹ್ಯಾಚ್‌ಬ್ಯಾಕ್ 'ಹುಂಡೈ ಐ20' ನ ಆಯ್ದ ವೇರಿಯೆಂಟ್‌ಗಳ ಮೇಲೆ ₹25,000 ನಗದು ರಿಯಾಯಿತಿ, ₹15,000 ಎಕ್ಸ್‌ಚೇಂಜ್ ಬೋನಸ್ ಮತ್ತು ₹15,000 ಅಪ್‌ಗ್ರೇಡ್ ಬೋನಸ್ ನೀಡಲಾಗುತ್ತಿದೆ. ಕೆಲವು ನಿರ್ದಿಷ್ಟ ಗ್ರಾಹಕರಿಗೆ ಕಾರ್ಪೊರೇಟ್ ಹಾಗೂ ಗ್ರಾಮೀಣ ರಿಯಾಯಿತಿಯ ಹೆಚ್ಚುವರಿ ಸೌಲಭ್ಯವೂ ಸಿಗಲಿದೆ.

ಮತ್ತೊಂದೆಡೆ, ಮೈಕ್ರೋ ಎಸ್‍ಯುವಿ 'ಹುಂಡೈ ಎಕ್ಸ್‌ಟರ್' ಕಾರಿನ ಮೇಲೆ ₹20,000 ನಗದು ರಿಯಾಯಿತಿ, ₹10,000 ಎಕ್ಸ್‌ಚೇಂಜ್ ಬೋನಸ್ ಹಾಗೂ ₹10,000 ಅಪ್‌ಗ್ರೇಡ್ ಬೋನಸ್ ಲಭ್ಯವಿದ್ದು, ಈ ಆಫರ್‌ಗಳು ಕಾರಿನ ಆಯ್ದ ಆವೃತ್ತಿಗಳಿಗೆ ಮಾತ್ರ ಸೀಮಿತವಾಗಿವೆ.

ವೆರ್ನಾ ಮತ್ತು ಅಲ್ಕಜಾರ್ ಕಾರುಗಳ ಪ್ರಯೋಜನಗಳು

ಹುಂಡೈ 'ವೆರ್ನಾ' ಸೆಡಾನ್ ಕಾರಿನ ಮೇಲೆ ₹40,000 ವರೆಗೆ ನಗದು ರಿಯಾಯಿತಿ ನೀಡಲಾಗುತ್ತಿದೆ. ಇದರ ಜೊತೆಗೆ ಅರ್ಹ ಗ್ರಾಹಕರು ಸ್ಕ್ರ್ಯಾಪೇಜ್ ಅಥವಾ ಎಕ್ಸ್‌ಚೇಂಜ್ ಬೋನಸ್, ಅಪ್‌ಗ್ರೇಡ್ ಬೋನಸ್ ಹಾಗೂ ಕಾರ್ಪೊರೇಟ್ ಆಫರ್‌ಗಳ ಲಾಭವನ್ನು ಪಡೆಯಬಹುದು.

ಇನ್ನು 7-ಸೀಟರ್ ಎಸ್‍ಯುವಿ 'ಹುಂಡೈ ಅಲ್ಕಜಾರ್' ಪೆಟ್ರೋಲ್ ವೇರಿಯೆಂಟ್ ಮೇಲೆ ₹30,000 ನಗದು ರಿಯಾಯಿತಿ ಹಾಗೂ ₹20,000 ಎಕ್ಸ್‌ಚೇಂಜ್ ಬೋನಸ್ ಲಭ್ಯವಿದೆ. ಕಾರಿನ ಕೆಲವು ಆಯ್ದ ವೇರಿಯೆಂಟ್‌ಗಳಿಗೆ ಹೆಚ್ಚುವರಿ ಸ್ಕ್ರ್ಯಾಪೇಜ್ ಬೋನಸ್ ಸಹ ನೀಡಲಾಗುತ್ತಿದೆ.

ಖರೀದಿಗೂ ಮುನ್ನ ಈ ಸಂಗತಿಗಳು ಗಮನದಲ್ಲಿರಲಿ

ಹುಂಡೈ ಪ್ರಕಟಿಸಿರುವ ಈ ಹಬ್ಬದ ಆಫರ್‌ಗಳ ಸಂಪೂರ್ಣ ಲಾಭ ಪಡೆಯುವ ಮುನ್ನ ಗ್ರಾಹಕರು ತಮ್ಮ ಸಮೀಪದ ಹುಂಡೈ ಶೋರೂಂ ಅಥವಾ ಡೀಲರ್‌ಶಿಪ್‌ಗೆ ಭೇಟಿ ನೀಡಿ ನಿಖರ ಬೆಲೆ ಹಾಗೂ ರಿಯಾಯಿತಿ ವಿವರಗಳನ್ನು ಖಚಿತಪಡಿಸಿಕೊಳ್ಳುವುದು ಸೂಕ್ತ. ನಗರ, ವೇರಿಯೆಂಟ್, ಲಭ್ಯವಿರುವ ಸ್ಟಾಕ್ ಹಾಗೂ ಗ್ರಾಹಕರ ಅರ್ಹತೆಗೆ ಅನುಗುಣವಾಗಿ ಆಫರ್‌ಗಳು ಬದಲಾಗಬಹುದು.

ಕಂಪನಿಯು ಈ ಹಿಂದೆ ಘೋಷಿಸಿದ್ದ ನವರಾತ್ರಿ ಸ್ಕೀಮ್‌ನ ಬುಕಿಂಗ್ ಅವಧಿಯು ಅಕ್ಟೋಬರ್ 2 ರಿಂದ ಅಕ್ಟೋಬರ್ 10 ರವರೆಗೆ ಇತ್ತು. ಆದ್ದರಿಂದ ಪ್ರಸ್ತುತ ದಿನಗಳಲ್ಲಿ (ಉದಾಹರಣೆಗೆ ಅಕ್ಟೋಬರ್ 21 ರಿಂದಿತ್ತೀಚೆಗೆ) ಕಾರು ಬುಕ್ ಮಾಡುವ ಗ್ರಾಹಕರು, ಸದರಿ ಆಫರ್‌ಗಳು ಪ್ರಸ್ತುತ ಜಾರಿಯಲ್ಲಿವೆಯೇ ಹಾಗೂ ಡೆಲಿವರಿ ಪಡೆಯಲು ಇರುವ ಶರತ್ತುಗಳೇನು ಎಂಬುದನ್ನು ಡೀಲರ್‌ಗಳಿಂದ ಸ್ಪಷ್ಟವಾಗಿ ಕೇಳಿ ತಿಳಿದುಕೊಳ್ಳುವುದು ಒಳಿತು.

'ನನ್ನ ಬಳಿ ಎಂಜಿನಿಯರಿಂಗ್ ಡಿಗ್ರಿ ಇಲ್ಲ'.. ಆದರೂ ಹಾರುವ ಕಾರು ನಿರ್ಮಿಸಿ ಜಗತ್ತಿನ ಗಮನ ಮೆಕ್ಯಾನಿಕ್ ಮಗ!

Chandrashekar GS — Wed, 21 Oct 2026 16:54:15 +0530

ಎಂಜಿನಿಯರಿಂಗ್ ಪದವಿಯಿಲ್ಲದೆ ಹಾರುವ ವಾಹನ ನಿರ್ಮಿಸಿದ ಯುವಕ; ಇಂಟರ್ನೆಟ್ ಕಲಿಕೆ, ಸ್ವಂತ ಪರಿಶ್ರಮವೇ ಬಂಡವಾಳ!

ಉತ್ತರಾಖಂಡದ ಅಲ್ಮೋರಾ ಜಿಲ್ಲೆಯ ಯುವ ಆವಿಷ್ಕಾರಕ ರವಿ ಟಮ್ಟಾ, ತಮ್ಮ ವಿಭಿನ್ನ ಪ್ರಯತ್ನದಿಂದ ಗಮನ ಸೆಳೆದಿದ್ದಾರೆ. ಮೋಟಾರ್ ಮೆಕ್ಯಾನಿಕ್ ಆಗಿರುವ ತಂದೆಯ ಮಗನಾದ ರವಿ, ಇಂಟರ್ನೆಟ್ ಮೂಲಕ ತಾಂತ್ರಿಕ ವಿಷಯಗಳನ್ನು ಕಲಿತು, ಏಕವ್ಯಕ್ತಿ ಹಾರುವ ವಾಹನದ ಮಾದರಿಯನ್ನು ನಿರ್ಮಿಸಿದ್ದಾರೆ. ಅವರ ಈ ಪ್ರಯತ್ನವು ತಂತ್ರಜ್ಞಾನದ ಬಗ್ಗೆ ಆಸಕ್ತಿ ಹೊಂದಿರುವ ಯುವಜನರಿಗೆ ಸ್ಫೂರ್ತಿಯಾಗುವಂತಿದೆ.

ಹತ್ತು ವರ್ಷಗಳ ಕನಸು ನನಸಾಗಿಸಿದ ರವಿ

‘ಹಪಿಡಾ ಸ್ಕೈನೆಕ್ಸ್’ ಎಂಬ ಹಾರುವ ವಾಹನ

ರವಿ ನಿರ್ಮಿಸಿರುವ ವಾಹನದ ಹೆಸರು Hapida Skynex. ಇದು ಒಬ್ಬ ವ್ಯಕ್ತಿ ಕುಳಿತು ಹಾರಲು ವಿನ್ಯಾಸಗೊಳಿಸಲಾದ ವೈಯಕ್ತಿಕ ಹಾರುವ ವಾಹನದ ಪ್ರಾಯೋಗಿಕ ಮಾದರಿಯಾಗಿದೆ. ಹೆಲಿಕಾಪ್ಟರ್‌ನಂತೆ ಹಲವು ರೋಟರ್‌ಗಳ ಸಹಾಯದಿಂದ ಮೇಲಕ್ಕೆ ಏರುವ ಈ ವಾಹನವನ್ನು ರವಿ ತಮ್ಮ ಮನೆಯ ಕಾರ್ಯಾಗಾರದಲ್ಲಿ ಜೋಡಿಸಿದ್ದಾರೆ.

2015ರಲ್ಲಿ ಹಾರುವ ವಾಹನ ನಿರ್ಮಿಸುವ ಕನಸು ಕಂಡಿದ್ದ ರವಿ, ಹಲವು ವರ್ಷಗಳ ಪ್ರಯತ್ನದ ಬಳಿಕ ಅದರ ಮಾದರಿಯನ್ನು ಸಿದ್ಧಪಡಿಸಿದ್ದಾರೆ. ಪ್ರಾಥಮಿಕ ಪರೀಕ್ಷೆಯಲ್ಲಿ ವಾಹನವು ಸುಮಾರು ಒಂದು ನಿಮಿಷ ಗಾಳಿಯಲ್ಲಿ ತೇಲುವಲ್ಲಿ ಯಶಸ್ವಿಯಾಗಿದೆ. ಇದು ಅವರ ಯೋಜನೆಯಲ್ಲಿನ ಮಹತ್ವದ ಹೆಜ್ಜೆಯಾಗಿದೆ.

ಇಂಟರ್ನೆಟ್‌ನಿಂದ ಕಲಿತು ತಂತ್ರಜ್ಞಾನ ಅಭಿವೃದ್ಧಿ

ರವಿ ತಮ್ಮ ಆರಂಭಿಕ ಶಿಕ್ಷಣವನ್ನು ಸ್ವಗ್ರಾಮದಲ್ಲೇ ಪಡೆದಿದ್ದು, ನೈನಿತಾಲ್‌ನಿಂದ ಕಲಾ ವಿಭಾಗದಲ್ಲಿ ಪದವಿ ಪಡೆದಿದ್ದಾರೆ ಎಂದು ವರದಿಗಳು ತಿಳಿಸಿವೆ. ಔಪಚಾರಿಕ ಎಂಜಿನಿಯರಿಂಗ್ ಶಿಕ್ಷಣಕ್ಕಿಂತ ಸ್ವಂತ ಆಸಕ್ತಿ, ಅಂತರ್ಜಾಲದ ಮಾಹಿತಿ ಮತ್ತು ನಿರಂತರ ಪ್ರಯೋಗಗಳ ಮೂಲಕ ತಾಂತ್ರಿಕ ಜ್ಞಾನ ಬೆಳೆಸಿಕೊಂಡಿದ್ದಾರೆ.

ಅವರ ತಂದೆ ಹರೀಶ್ ರಾಮ್ ಮೋಟಾರ್ ಮೆಕ್ಯಾನಿಕ್ ಆಗಿ ಕೆಲಸ ಮಾಡುತ್ತಾರೆ. ಯಂತ್ರಗಳ ನಡುವೆಯೇ ಬೆಳೆದ ರವಿಗೆ ವಾಹನಗಳ ಬಗ್ಗೆ ಆಸಕ್ತಿ ಮೂಡಿದ್ದು, ಮುಂದೆ ಅದೇ ಆಸಕ್ತಿ ಹೊಸ ಆವಿಷ್ಕಾರಗಳತ್ತ ಕರೆದೊಯ್ದಿದೆ.

ದೇಶ-ವಿದೇಶಗಳಿಂದ ಬಿಡಿಭಾಗಗಳ ಸಂಗ್ರಹ

ಈ ವಾಹನದ ನಿರ್ಮಾಣಕ್ಕಾಗಿ ರವಿ ಚೀನಾದಿಂದ ಕೆಲವು ಬಿಡಿಭಾಗಗಳನ್ನು ತರಿಸಿಕೊಂಡಿದ್ದು, ಚೆನ್ನೈನಿಂದ ಎಂಜಿನ್‌ನ್ನೂ ಪಡೆದಿದ್ದಾರೆ. ಬಳಿಕ ಅವುಗಳನ್ನು ಒಟ್ಟುಗೂಡಿಸಿ ವಾಹನದ ಮಾದರಿಯನ್ನು ಸಿದ್ಧಪಡಿಸಿದ್ದಾರೆ.

ಹಾರುವ ಕಾರಿನ ಕನಸಿನ ಮುಂದಿನ ಹಂತವೇನು?

ರವಿ ಅವರ ಕಂಪನಿಯಾದ Hapida Sky Private Limited, ಈ ಯೋಜನೆಯನ್ನು ಮುಂದುವರಿಸುತ್ತಿದೆ. ವಾಹನಕ್ಕೆ ಪೇಟೆಂಟ್ ಪಡೆಯುವುದು ಹಾಗೂ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯದ (DGCA) ಅಗತ್ಯ ಅನುಮತಿಗಳನ್ನು ಪಡೆಯುವುದು ಮುಂದಿನ ಹಂತಗಳಾಗಿವೆ. ಆದ್ದರಿಂದ ಇದನ್ನು ಈಗಾಗಲೇ ಸಾರ್ವಜನಿಕ ಬಳಕೆಗೆ ಅನುಮೋದನೆ ಪಡೆದ ಹಾರುವ ಕಾರು ಎಂದು ಪರಿಗಣಿಸಲಾಗದು.

ರವಿ ಈ ಹಿಂದೆ ಅರಣ್ಯ ಇಲಾಖೆಗೆ ಅಗ್ನಿಶಾಮಕ ಸಾಧನ, ವಿಶೇಷ ವಾಕಿಂಗ್ ಸ್ಟಿಕ್ ಮತ್ತು ಇತರ ಉಪಯುಕ್ತ ಸಾಧನಗಳನ್ನೂ ಅಭಿವೃದ್ಧಿಪಡಿಸಿದ್ದಾರೆ. ಅವರ ಕಥೆ ಹೇಳುವ ಮುಖ್ಯ ಪಾಠವೆಂದರೆ, ಕಲಿಯುವ ಆಸಕ್ತಿ ಮತ್ತು ಸಮಸ್ಯೆಗಳಿಗೆ ಪರಿಹಾರ ಹುಡುಕುವ ಮನೋಭಾವ ಇದ್ದರೆ ಹೊಸ ಆಲೋಚನೆಗಳಿಗೆ ದಾರಿ ತೆರೆಯಬಹುದು.

View this post on Instagram

A post shared by The Better India (@thebetterindia)

ಒಂದೆರಡಲ್ಲ.. ಭಾರತದಲ್ಲಿ ಡಿಫೆಂಡರ್‌ SUV ಬೆಲೆಯನ್ನು 34 ಲಕ್ಷ ಕಡಿಮೆ ಮಾಡಿದ ಲ್ಯಾಂಡ್‌ ರೋವರ್‌!

Santosh Naik — Tue, 27 Oct 2026 17:19:03 +0530

ಪುಣೆ (ಅ.27): ಜಾಗತಿಕ ಐಷಾರಾಮಿ ವಾಹನ ತಯಾರಿಕಾ ಸಂಸ್ಥೆಯಾದ 'ಜಾಗ್ವಾರ್ ಲ್ಯಾಂಡ್ ರೋವರ್' (JLR) ಇಂಡಿಯಾ, ತನ್ನ ಅತ್ಯಂತ ಜನಪ್ರಿಯ 'ಡಿಫೆಂಡರ್' (Defender) ಐಷಾರಾಮಿ ಎಸ್‌ಯುವಿ ಮಾದರಿಯ ಬೆಲೆಯನ್ನು ಭಾರಿ ಪ್ರಮಾಣದಲ್ಲಿ ಕಡಿತಗೊಳಿಸಿದೆ. ಮಹಾರಾಷ್ಟ್ರದ ಪುಣೆಯಲ್ಲಿರುವ ಪ್ಲಾಂಟ್‌ನಲ್ಲಿಯೇ ಈ ಕಾರುಗಳ ಸ್ಥಳೀಯ ಜೋಡಣೆ (Local Assembly) ಕಾರ್ಯವನ್ನು ಯಶಸ್ವಿಯಾಗಿ ಪ್ರಾರಂಭಿಸಿರುವ ಪರಿಣಾಮವಾಗಿ, ಪ್ರಸ್ತುತ ಡಿಫೆಂಡರ್ ಕಾರಿನ ಬೆಲೆಯಲ್ಲಿ ಬರೋಬ್ಬರಿ ₹34 ಲಕ್ಷದವರೆಗೆ ಇಳಿಕೆಯಾಗಿದೆ.

ಹಿಂದೆ ಸ್ಲೋವಾಕಿಯಾ (Slovakia) ದೇಶದಿಂದ ಸಂಪೂರ್ಣವಾಗಿ ತಯಾರಾದ ಸ್ಥಿತಿಯಲ್ಲಿ (Fully Built Unit) ಭಾರತಕ್ಕೆ ಆಮದು ಮಾಡಿಕೊಳ್ಳಲಾಗುತ್ತಿದ್ದ ಡಿಫೆಂಡರ್ ಕಾರುಗಳು, ಇನ್ಮುಂದೆ ಭಾರತದಲ್ಲೇ ಜೋಡಣೆಯಾಗಲಿದ್ದು, ಇದರ ಆರಂಭಿಕ ಬೆಲೆ ಶೋರೂಂ ದರದಂತೆ ₹99 ಲಕ್ಷಕ್ಕೆ ಲಭ್ಯವಾಗಲಿದೆ.

ಪ್ರಸ್ತುತ ಇರುವ ಜಾಗತಿಕ ಉತ್ಪಾದನಾ ಘಟಕಗಳನ್ನು ಹೊರತುಪಡಿಸಿದರೆ, ಡಿಫೆಂಡರ್ ಕಾರುಗಳ ಸ್ಥಳೀಯ ಜೋಡಣೆ (ಅಸೆಂಬ್ಲಿ) ಭಾಗ್ಯ ಪಡೆದ ಏಕೈಕ ವಿದೇಶಿ ಮಾರುಕಟ್ಟೆ ಭಾರತವಾಗಿದೆ ಎಂದು ಕಂಪನಿ ಹೆಮ್ಮೆಯಿಂದ ತಿಳಿಸಿದೆ. ಕಾರಿನ ವಿವಿಧ ವೆರಿಯೆಂಟ್ (Variant) ಆಧಾರದ ಮೇಲೆ ಈ ಬೆಲೆ ಕಡಿತದ ಸೌಲಭ್ಯ ಸಿಗಲಿದ್ದು, ಎಂಟ್ರಿ-ಲೆವೆಲ್ (ಆರಂಭಿಕ) ಮಾಡೆಲ್‌ನ ಬೆಲೆಯಲ್ಲೇ ₹14.5 ಲಕ್ಷ ಕಡಿಮೆಯಾಗಿದೆ. ಇನ್ನು ಕಾರಿನ ಟಾಪ್‌-ಎಂಡ್ ವೆರಿಯೆಂಟ್‌ಗಳ ಆರಂಭಿಕ ಬೆಲೆ ₹1.18 ಕೋಟಿ ಇರಲಿದೆ.

ಇಂಜಿನ್ ಆಯ್ಕೆಗಳು ಹಾಗೂ ಡೆಲಿವರಿ ವಿವರ

ನೂತನ ಡಿಫೆಂಡರ್ ಕಾರು ಪೆಟ್ರೋಲ್ ಹಾಗೂ ಡೀಸೆಲ್ ಇಂಜಿನ್ ಆಯ್ಕೆಗಳಲ್ಲಿ ದೊರೆಯಲಿದೆ. 2.0-ಲೀಟರ್ ಪೆಟ್ರೋಲ್ ಇಂಜಿನ್‌ನಿಂದ ಹಿಡಿದು ಪ್ರಬಲವಾದ 3.0-ಲೀಟರ್ ಪೆಟ್ರೋಲ್ ಮತ್ತು ಡೀಸೆಲ್ ಇಂಜಿನ್ ವೆರಿಯೆಂಟ್‌ಗಳು ಗ್ರಾಹಕರಿಗೆ ಲಭ್ಯವಾಗಲಿವೆ.

ಭಾರತಾದ್ಯಂತ ಇರುವ ಜೆಎಲ್‌ಆರ್‌ನ ಎಲ್ಲಾ 32 ಅಧಿಕೃತ 'ಡಿಫೆಂಡರ್' ಶೋರೂಂಗಳಲ್ಲಿ ಈಗಾಗಲೇ ಮುಂಗಡ ಬುಕಿಂಗ್ (Bookings Open) ಆರಂಭವಾಗಿದ್ದು, ಕಾಯ್ದಿರಿಸಿದ ಗ್ರಾಹಕರಿಗೆ ನವೆಂಬರ್ 15 ರಿಂದ ಕಾರುಗಳ ವಿತರಣೆ (Deliveries) ಹಂತ ಹಂತವಾಗಿ ಪ್ರಾರಂಭವಾಗಲಿದೆ.

ಟಾಟಾ ಮೋಟಾರ್ಸ್ ಪುಣೆ ಪ್ಲಾಂಟ್‌ನ ಸಾಧನೆ:

ಬ್ರಿಟನ್‌ನ (UK) ಹೊರತಾಗಿ ತನ್ನ ಪ್ರಥಮ ಜಾಗತಿಕ ಉತ್ಪಾದನಾ ಸ್ಥಳವನ್ನು (Production Line) ಸ್ಥಾಪಿಸುವ ಉದ್ದೇಶದಿಂದ ಜಾಗ್ವಾರ್ ಲ್ಯಾಂಡ್ ರೋವರ್ ಸಂಸ್ಥೆಯು 2011 ರಲ್ಲಿ 'ಟಾಟಾ ಮೋಟಾರ್ಸ್' (Tata Motors) ಜೊತೆ ಒಪ್ಪಂದ ಮಾಡಿಕೊಂಡಿತ್ತು.

ಮಹಾರಾಷ್ಟ್ರದ ಚಾಕಣ್‌ನಲ್ಲಿರುವ (Chakan) ಈ ಬೃಹತ್ ಪ್ಲಾಂಟ್ ವಾರ್ಷಿಕ 12,000 ಕಾರುಗಳನ್ನು ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಪ್ರಸ್ತುತ ಈ ಘಟಕವು ಭಾರತೀಯ ಮಾರುಕಟ್ಟೆಗಾಗಿ ರೇಂಜ್ ರೋವರ್ (Range Rover), ರೇಂಜ್ ರೋವರ್ ಸ್ಪೋರ್ಟ್ (Range Rover Sport), ವೇಲಾರ್ (Velar), ಇವೋಕ್ (Evoque), ಡಿಸ್ಕವರಿ ಸ್ಪೋರ್ಟ್, ಜಾಗ್ವಾರ್ ಎಕ್ಸ್‌ಎಫ್ (Jaguar XF) ಹಾಗೂ ಎಫ್-ಪೇಸ್ (F-Pace) ಸೇರಿದಂತೆ ಬರೋಬ್ಬರಿ 10 ಜೆಎಲ್‌ಆರ್ ಮಾದರಿಗಳನ್ನು ಯಶಸ್ವಿಯಾಗಿ ತಯಾರಿಸುತ್ತಿದೆ. (ಪ್ರಸ್ತುತ ಜಾಗ್ವಾರ್ ಬ್ರ್ಯಾಂಡ್‌ ಕಾರುಗಳನ್ನು ಭಾರತದಲ್ಲಿ ಮಾರಾಟ ಮಾಡುತ್ತಿಲ್ಲ).

2026 ರಲ್ಲಿ ಜೆಎಲ್‌ಆರ್‌ನಿಂದ ಎರಡನೇ ಬಾರಿ ದರ ಕಡಿತ

2026 ರ ಪ್ರಸಕ್ತ ವರ್ಷದಲ್ಲಿ ಜೆಎಲ್‌ಆರ್ ಕಂಪನಿಯು ಬೆಲೆ ಪರಿಷ್ಕರಣೆ ಮಾಡುತ್ತಿರುವುದು ಇದು ಎರಡನೇ ಬಾರಿಯಾಗಿದೆ. ಕಳೆದ ಮೇ ತಿಂಗಳಲ್ಲಿ 'ಭಾರತ-ಯುಕೆ ಮುಕ್ತ ವ್ಯಾಪಾರ ಒಪ್ಪಂದ'ದ (India-UK Free Trade Agreement) ಸೌಲಭ್ಯವನ್ನು ಗ್ರಾಹಕರಿಗೆ ವರ್ಗಾಯಿಸಿದ್ದ ಕಂಪನಿಯು, ಪ್ರಮುಖ ಕಾರುಗಳ ಬೆಲೆಯಲ್ಲಿ ಬರೋಬ್ಬರಿ ₹75 ಲಕ್ಷದವರೆಗೆ ಭಾರಿ ದರ ಕಡಿತ ಘೋಷಿಸಿತ್ತು. ಆದರೆ ಆ ಸಮಯದಲ್ಲಿ ಡಿಫೆಂಡರ್ ಕಾರು ಬ್ರಿಟನ್‌ಗಿಂತ ಹೆಚ್ಚಾಗಿ ಯುರೋಪ್ ಖಂಡದ ಸ್ಲೋವಾಕಿಯಾದಲ್ಲಿ ತಯಾರಾಗುತ್ತಿದ್ದರಿಂದ ಈ ದರ ಕಡಿತದ ಲಾಭದಿಂದ ಹೊರಗುಳಿದಿತ್ತು. ಇದೀಗ ಪುಣೆ ಅಸೆಂಬ್ಲಿಯಿಂದಾಗಿ ಈ ಕೊರತೆಯೂ ನೀಗಿದೆ.

ಮುಂಬೈನಲ್ಲಿ ನಡೆದ ವಿಶೇಷ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಜೆಎಲ್‌ಆರ್ ಇಂಡಿಯಾದ ಮ್ಯಾನೇಜಿಂಗ್ ಡೈರೆಕ್ಟರ್ ರಾಜನ್ ಅಂಬಾ ಅವರು, "ಭಾರತದಲ್ಲಿ ಇದುವರೆಗೆ 9,000 ಕ್ಕೂ ಹೆಚ್ಚು ಡಿಫೆಂಡರ್ ಕಾರುಗಳನ್ನು ಮಾರಾಟ ಮಾಡಲಾಗಿದೆ. ಪ್ರಸ್ತುತ ದರ ಕಡಿತದ ಪರಿಣಾಮವಾಗಿ ಈ ಕಾರಿನ ಮಾರಾಟದ ಪ್ರಮಾಣವು ಬರೋಬ್ಬರಿ ಶೇಕಡಾ 20 ರಷ್ಟು ಏರಿಕೆಯಾಗುವ (20% Growth) ಸಂಪೂರ್ಣ ಭರವಸೆಯಿದೆ. ಭಾರತದಲ್ಲಿ ಮಾರಾಟವಾಗುವ ಶೇ. 95 ರಷ್ಟು ಜೆಎಲ್‌ಆರ್ ಕಾರುಗಳು ಸ್ಥಳೀಯವಾಗಿಯೇ ತಯಾರಾಗುತ್ತಿವೆ" ಎಂದು ಹೆಮ್ಮೆಯಿಂದ ಹೇಳಿದ್ದಾರೆ.

ರಾಜನ್ ಅಂಬಾ ಅವರು ನಿರ್ದಿಷ್ಟ ಮಾರಾಟದ ಸಂಖ್ಯೆಯನ್ನು ಬಹಿರಂಗಪಡಿಸದಿದ್ದರೂ, ಏಪ್ರಿಲ್ ಮತ್ತು ಸೆಪ್ಟೆಂಬರ್ ನಡುವೆ ಜೆಎಲ್‌ಆರ್ ಇಂಡಿಯಾದ ಒಟ್ಟಾರೆ ಮಾರಾಟ ಪ್ರಮಾಣವು ವರ್ಷದಿಂದ ವರ್ಷಕ್ಕೆ ಶೇಕಡಾ 10-11 ರಷ್ಟು ವೃದ್ಧಿಯಾಗಿದೆ ಎಂದು ತಿಳಿಸಿದ್ದಾರೆ. 2026ರ ಹಣಕಾಸು ವರ್ಷದಲ್ಲಿ ಜೆಎಲ್‌ಆರ್ ಭಾರತದಲ್ಲಿ ಸುಮಾರು 6,200 ವಾಹನಗಳನ್ನು ಮಾರಾಟ ಮಾಡಿದೆ ಎಂದಿದ್ದಾರೆ.

ನಿಮ್ಮ ಕಾರಿಗೂ ಆಫ್ಟರ್‌ ಮಾರ್ಕೆಟ್ ಸನ್‌ ರೂಫ್ ಹಾಕಿಸುವ ಪ್ಲಾನ್‌ ಇದ್ಯಾ? ಮೊದಲು ವಾರಂಟಿ ಚೆಕ್‌ ಮಾಡಿ

Roopa Hegde — Wed, 28 Oct 2026 18:40:59 +0530

ಕಾರುಗಳನ್ನು ತಮ್ಮ ಇಷ್ಟಕ್ಕೆ ತಕ್ಕಂತೆ ಮಾಡಿಫೈ ಮಾಡಿಸುವ ಟ್ರೆಂಡ್ ಇತ್ತೀಚಿಗೆ ಹೆಚ್ಚಾಗ್ತಿದೆ. ಕೆಲವರು ಹೊಸ ಲೈಟ್ ಹಾಕಿಸ್ತಾರೆ, ಇನ್ನು ಕೆಲವರು ದೊಡ್ಡ ಇನ್ಫೋಟೈನ್ಮೆಂಟ್ ಸಿಸ್ಟಮ್, ಅಲಾಯ್ ವೀಲ್ ಅಥವಾ ಸನ್ರೂಫ್ ಅಳವಡಿಸ್ತಾರೆ. ಕಂಪನಿ ಸನ್ರೂಫ್ ನೀಡಿಲ್ಲ ಅಂದ್ರೆ ಕೆಲ ಮಾಲಿಕರು ಆಫ್ಟರ್ಮಾರ್ಕೆಟ್ ಸನ್ರೂಫ್ ಹಾಕಿಸಿಕೊಳ್ತಾರೆ. ಆದ್ರೆ ಇದ್ರಿಂದ ಕಾರಿನ ಲುಕ್ ಮಾತ್ರವಲ್ಲ, ವಾರಂಟಿ ಮೇಲೂ ಪರಿಣಾಮ ಬೀರುತ್ತೆ ಅನ್ನೋದು ಅನೇಕರಿಗೆ ತಿಳಿದಿಲ್ಲ.

ಆಫ್ಟರ್ಮಾರ್ಕೆಟ್ ಸನ್ರೂಫ್ ಅಳವಡಿಸಲು ಸಾಮಾನ್ಯವಾಗಿ ಕಾರಿನ ಮೇಲ್ಛಾವಣಿಯನ್ನು ಕತ್ತರಿಸಬೇಕಾಗುತ್ತದೆ. ಹೀಗಾಗಿ ಇದು ಸಾಮಾನ್ಯವಾಗಿ ಅಳವಡಿಸಬಹುದಾದ ಪ್ಲಗ್ ಆ್ಯಂಡ್ ಪ್ಲೇ ಆಕ್ಸೆಸರಿಯಂತಲ್ಲ. ಕಾರಿನ ಬಾಡಿಯಲ್ಲಿ ಕಟಿಂಗ್, ಡ್ರಿಲ್ಲಿಂಗ್, ವೆಲ್ಡಿಂಗ್ ಅಥವಾ ಇತರ ರಚನಾತ್ಮಕ ಬದಲಾವಣೆಗಳನ್ನು ಮಾಡುವುದರಿಂದ ವಾರಂಟಿಗೆ ಸಮಸ್ಯೆಯಾಗಬಹುದು.

ವಾರಂಟಿ ರದ್ದಾಗುತ್ತಾ?

ಆಫ್ಟರ್ಮಾರ್ಕೆಟ್ ಸನ್ರೂಫ್ ಅಳವಡಿಸಿದಾಗ, ಆ ಬದಲಾವಣೆಯಿಂದ ಯಾವ ಭಾಗದ ವಾರಂಟಿಗೆ ಸಮಸ್ಯೆಯಾಗಬಹುದು ಎನ್ನುವುದು ಮುಖ್ಯವಾಗುತ್ತದೆ. ಸನ್ರೂಫ್ ಅಳವಡಿಸುವ ಸಂದರ್ಭದಲ್ಲಿ ಕಾರಿನ ಮೇಲ್ಛಾವಣಿಯನ್ನು ಕತ್ತರಿಸಿದರೆ, ನಂತರ ಆ ಜಾಗದಿಂದ ನೀರು ಸೋರಿಕೆಯಾಗಬಹುದು. ಮೇಲ್ಛಾವಣಿಯಲ್ಲಿ ತುಕ್ಕು ಹಿಡಿಯಬಹುದು ಅಥವಾ ಕಾರಿನ ಬಾಡಿಗೆ ಸಂಬಂಧಿಸಿದ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ಇಂತಹ ಸಂದರ್ಭಗಳಲ್ಲಿ ಆ ಹಾನಿಯನ್ನು ವಾರಂಟಿಯಡಿ ಸರಿಪಡಿಸಲು ಕಂಪನಿ ನಿರಾಕರಿಸುವ ಸಾಧ್ಯತೆ ಇದೆ. ಆದರೆ ಇದರಿಂದ ಎಂಜಿನ್ ಅಥವಾ ಈ ಮಾಡಿಫಿಕೇಶನ್ಗೆ ಯಾವುದೇ ಸಂಬಂಧವಿಲ್ಲದ ಇತರ ಭಾಗಗಳ ವಾರಂಟಿಯೂ ಸ್ವಯಂಚಾಲಿತವಾಗಿ ರದ್ದಾಗುತ್ತದೆ ಎಂದರ್ಥವಲ್ಲ.

ರೂಫ್ ಕಟಿಂಗ್ ದೊಡ್ಡ ಸಮಸ್ಯೆಯಾಗಬಹುದು

ಕಾರಿನ ಬಾಡಿ ಮತ್ತು ಮೇಲ್ಛಾವಣಿಯನ್ನು ಕಾರ್ಖಾನೆಯಲ್ಲೇ ನಿರ್ದಿಷ್ಟ ರಚನಾತ್ಮಕ ವಿನ್ಯಾಸಕ್ಕೆ ಅನುಗುಣವಾಗಿ ತಯಾರಿಸಲಾಗುತ್ತದೆ. ಆಫ್ಟರ್ಮಾರ್ಕೆಟ್ ಸನ್ರೂಫ್ ಅಳವಡಿಸಲು ಕಟಿಂಗ್ ಮಾಡಿದಾಗ, ಕಾರಿನ ಮೂಲ ರಚನೆಯಲ್ಲಿ ಬದಲಾವಣೆಯಾಗುತ್ತದೆ. ಇದರ ಜೊತೆಗೆ ಸನ್ರೂಫ್ ಅಳವಡಿಸುವಾಗ ಸೀಲಿಂಗ್ ಮತ್ತು ನೀರು ಹೊರಹೋಗುವ ಡ್ರೈನೇಜ್ ವ್ಯವಸ್ಥೆಯಲ್ಲೂ ಬದಲಾವಣೆ ಮಾಡಬೇಕಾಗುತ್ತದೆ. ಫಿಟ್ಟಿಂಗ್ ಸರಿಯಾಗಿ ನಡೆಯದಿದ್ದರೆ ಮಳೆನೀರು ಕಾರಿನ ಒಳಗೆ ನುಗ್ಗುವ ಅಪಾಯವಿದೆ. ದೀರ್ಘಕಾಲದವರೆಗೆ ತೇವಾಂಶ ಉಳಿದರೆ ಕಾರಿನ ಒಳಭಾಗದಲ್ಲಿರುವ ಎಲೆಕ್ಟ್ರಿಕಲ್ ಕಂಪೋನೆಂಟ್ಗಳಿಗೂ ಹಾನಿಯಾಗಬಹುದು.

ವಾರಂಟಿ ಪಾಲಿಸಿ ಗಮನಿಸಿ

ಪ್ರತಿಯೊಂದು ಕಾರು ತಯಾರಕ ಕಂಪನಿಯ ವಾರಂಟಿ ನಿಯಮಗಳು ವಿಭಿನ್ನವಾಗಿರುತ್ತವೆ. ಕೆಲವು ಕಂಪನಿಗಳು ಕಾರಿನ ಮೂಲ ವಿನ್ಯಾಸ ಅಥವಾ ಸ್ಟ್ಯಾಂಡರ್ಡ್ ಫಿಟ್ಟಿಂಗ್ನಲ್ಲಿ ಬದಲಾವಣೆ ಮಾಡಿದರೆ ವಾರಂಟಿಯಲ್ಲಿ ಬದಲಾವಣೆ ಮಾಡುತ್ತದೆ. ಇನ್ನು ಕೆಲವು ಕಂಪನಿಗಳ ವಾರಂಟಿ ಪಾಲಿಸಿಯಲ್ಲಿ ಮಾಡಿಫಿಕೇಶನ್, ಅನಧಿಕೃತ ಬದಲಾವಣೆಗಳು, ಟ್ಯಾಂಪರಿಂಗ್ ಅಥವಾ ಸರಿಯಾದ ರೀತಿಯಲ್ಲಿ ಮಾಡದ ರಿಪೇರಿಯಿಂದ ಉಂಟಾಗುವ ಹಾನಿಯನ್ನು ವಾರಂಟಿಯ ವ್ಯಾಪ್ತಿಯಲ್ಲಿಡಲಾಗುತ್ತದೆ. ಹೀಗಾಗಿ ಆಫ್ಟರ್ಮಾರ್ಕೆಟ್ ಸನ್ರೂಫ್ ಅಳವಡಿಸಿದ ತಕ್ಷಣ ಇಡೀ ಕಾರಿನ ವಾರಂಟಿ ರದ್ದಾಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಸನ್ರೂಫ್ಗೆ ಸಂಬಂಧಿಸಿದ ಅಥವಾ ಅದರಿಂದ ಉಂಟಾಗುವ ಹಾನಿಗೆ ವಾರಂಟಿ ಕ್ಲೇಮ್ ತಿರಸ್ಕೃತವಾಗುವ ಸಾಧ್ಯತೆ ಇರುತ್ತದೆ.

ಹೊಸ ಕಾರಿನಲ್ಲಿ ಇಂತಹ ಬದಲಾವಣೆ ಮಾಡಿಸಿಕೊಳ್ಳಲು ಯೋಚಿಸುತ್ತಿದ್ದರೆ, ಮೊದಲು ನಿಮ್ಮ ಕಾರಿನ ಅಧಿಕೃತ ಡೀಲರ್ನಿಂದ ಲಿಖಿತ ರೂಪದಲ್ಲಿ ಮಾಹಿತಿ ಪಡೆಯುವುದು ಸುರಕ್ಷಿತ ಕ್ರಮವಾಗಿದೆ. ಆಕ್ಸೆಸರೀಸ್ ಅಂಗಡಿಯವರು ವಾರಂಟಿಗೆ ಯಾವುದೇ ಸಮಸ್ಯೆಯಾಗುವುದಿಲ್ಲ ಎಂದು ಹೇಳಿದ ಮಾತ್ರಕ್ಕೆ ಅದನ್ನು ನಂಬಬೇಡಿ. ಕಂಪನಿಯ ಲಿಖಿತ ಅನುಮತಿ, ಆಕ್ಸೆಸರಿಯ ಅನುಮೋದನೆ ಮತ್ತು ಫಿಟ್ಟಿಂಗ್ಗೆ ಸಂಬಂಧಿಸಿದ ಷರತ್ತುಗಳಿದ್ದರೆ ಅವುಗಳನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳಿ.

ಇನ್ಶೂರೆನ್ಸ್ ಮೇಲೂ ಪರಿಣಾಮ

ಸನ್ರೂಫ್ ಅಳವಡಿಸುವುದರಿಂದ ವಾರಂಟಿ ಮಾತ್ರವಲ್ಲ, ಕಾರಿನ ಇನ್ಶೂರೆನ್ಸ್ ಮೇಲೂ ಪರಿಣಾಮ ಉಂಟಾಗಬಹುದು. ಕಾರಿನಲ್ಲಿ ದೊಡ್ಡ ಪ್ರಮಾಣದ ರಚನಾತ್ಮಕ ಬದಲಾವಣೆಗಳನ್ನು ಮಾಡಿದಾಗ, ಅದರ ಬಗ್ಗೆ ವಿಮಾ ಕಂಪನಿಗೆ ಮಾಹಿತಿ ನೀಡಬೇಕಾಗಬಹುದು.

ಕಾರು ಅಪಘಾತದ ನಂತರ ಇನ್ಮುಂದೆ ಏನೂ ಮುಚ್ಚಿಡಲು ಸಾಧ್ಯವಿಲ್ಲ: ಸತ್ಯ ಬಯಲು ಮಾಡಲಿದೆ ವಾಹನಗಳ ಬ್ಲ್ಯಾಕ್ ಬಾಕ್ಸ್!

Santosh Naik — Fri, 23 Oct 2026 21:32:15 +0530

ನವದೆಹಲಿ (ಅ.23): ವಿಮಾನ ಅಪಘಾತಕ್ಕೀಡಾದಾಗ ದುರಂತದ ನೈಜ ಕಾರಣವನ್ನು ಕಂಡುಕೊಳ್ಳಲು ತನಿಖಾ ಸಂಸ್ಥೆಗಳು ಬ್ಲ್ಯಾಕ್ ಬಾಕ್ಸ್ (Black Box) ಸಹಾಯ ಪಡೆಯುವುದನ್ನು ನಾವು ನೋಡಿದ್ದೇವೆ. ಇದೀಗ ಇದೇ ಮಾದರಿಯ ಅತ್ಯಾಧುನಿಕ ವ್ಯವಸ್ಥೆ ಕಾರುಗಳಲ್ಲೂ ಕಡ್ಡಾಯವಾಗಲಿದೆ. ಭಾರತ ಸರ್ಕಾರವು ವಾಹನಗಳ ಸುರಕ್ಷತಾ ಮಾನದಂಡಗಳಲ್ಲಿ ಮಹತ್ವದ ಬದಲಾವಣೆಗಳನ್ನು ತಂದಿದ್ದು, ಅದರಲ್ಲಿ 'ಇವೆಂಟ್ ಡೇಟಾ ರೆಕಾರ್ಡರ್' (EDR) ಅಥವಾ ಕಾರಿನ 'ಬ್ಲ್ಯಾಕ್ ಬಾಕ್ಸ್' ನಿಯಮಗಳನ್ನು ಸೇರ್ಪಡೆಗೊಳಿಸಲಾಗಿದೆ. ಅಪಘಾತ ತನಿಖೆಗೆ ನೆರವಾಗುವ ಈ ತಂತ್ರಜ್ಞಾನದ ಜೊತೆಗೆ, ಪಾದಚಾರಿಗಳ ಸಂರಕ್ಷಣೆ, ಡಿಕ್ಕಿಯ ಸಂದರ್ಭದಲ್ಲಿ ಪ್ರಯಾಣಿಕರ ಜೀವ ರಕ್ಷಣೆ ಹಾಗೂ ಕಾರುಗಳ ಕಳವು ತಡೆಯುವ ನಿಟ್ಟಿನಲ್ಲಿಯೂ ಹೊಸ ನಿಯಮಗಳನ್ನು ರೂಪಿಸಲಾಗಿದೆ.

ಕಾರಿನ 'ಬ್ಲ್ಯಾಕ್ ಬಾಕ್ಸ್' (EDR) ಹೇಗೆ ಕೆಲಸ ಮಾಡುತ್ತದೆ?

ಇಡಿಆರ್ (EDR) ಎನ್ನುವುದು ಪ್ರತ್ಯೇಕ ಸಾಧನದಂತೆ ಕೇಳಿಸಿದರೂ, ಇದು ಕಾರಿನ ಪ್ರಮುಖ ಕಂಟ್ರೋಲ್ ಸಿಸ್ಟಮ್ ಹಾಗೂ ಏರ್‌ಬ್ಯಾಗ್ ನಿಯಂತ್ರಣ ವ್ಯವಸ್ಥೆಯೊಂದಿಗೆ ನೇರ ಸಂಪರ್ಕ ಹೊಂದಿರುತ್ತದೆ. ಕಾರು ಭೀಕರವಾಗಿ ಅಪಘಾತಕ್ಕೀಡಾದಾಗ ಅಥವಾ ಏರ್‌ಬ್ಯಾಗ್ ತೆರೆದುಕೊಂಡಾಗ, ಇಡಿಆರ್ ಅಪಘಾತ ಸಂಭವಿಸುವ ಕೆಲ ಸೆಕೆಂಡುಗಳ ಮುಂಚಿನ ಪ್ರಮುಖ ಮಾಹಿತಿಯನ್ನು ಸ್ವಯಂಚಾಲಿತವಾಗಿ ಸೇವ್ ಮಾಡಿಕೊಳ್ಳುತ್ತದೆ.

ಇದು ಅಪಘಾತದ ಸಮಯದಲ್ಲಿದ್ದ ಕಾರಿನ ವೇಗ, ಚಾಲಕ ಬ್ರೇಕ್ ಬಳಸಿದ್ದನೇ ಅಥವಾ ಇಲ್ಲವೇ, ಪ್ರಯಾಣಿಕರು ಸೀಟ್ ಬೆಲ್ಟ್ ಧರಿಸಿದ್ದರೇ ಮತ್ತು ಏರ್‌ಬ್ಯಾಗ್ ತೆರೆದುಕೊಂಡ ಕ್ಷಣ ಸೇರಿದಂತೆ ಪ್ರಮುಖ ತಾಂತ್ರಿಕ ವಿವರಗಳನ್ನು ದಾಖಲಿಸುತ್ತದೆ. ಆದರೆ, ಇದು ಪ್ರತಿದಿನದ ಇಡೀ ಡ್ರೈವಿಂಗ್ ಅನ್ನು ರೆಕಾರ್ಡ್ ಮಾಡುವುದಿಲ್ಲ. ಜೊತೆಗೆ ಕಾರಿನೊಳಗಿನ ಪ್ರಯಾಣಿಕರ ಧ್ವನಿ ಅಥವಾ ಮಾತುಕತೆಗಳನ್ನು ಸಹ ಈ ಸಾಧನ ದಾಖಲಿಸಿಕೊಳ್ಳುವುದಿಲ್ಲ.

ಉದಾಹರಣೆಗೆ, ಎರಡು ಕಾರುಗಳು ಡಿಕ್ಕಿಯಾದಾಗ ಅಪಘಾತಕ್ಕೂ ಮುನ್ನ ವಾಹನದ ವೇಗ ಎಷ್ಟಿತ್ತು ಹಾಗೂ ಚಾಲಕ ಬ್ರೇಕ್ ಹಾಕಲು ಯತ್ನಿಸಿದ್ದನೇ ಎನ್ನುವ ಪ್ರಶ್ನೆಗಳಿಗೆ ಇಡಿಆರ್ ನಿಖರ ಉತ್ತರ ನೀಡಲಿದೆ. ಆದರೆ, ರಸ್ತೆಯ ಸ್ಥಿತಿಗತಿ, ಹವಾಮಾನ ಹಾಗೂ ಎದುರಿನ ವಾಹನದ ಪಾತ್ರವನ್ನು ಪ್ರತ್ಯೇಕವಾಗಿ ತನಿಖೆ ಮಾಡಬೇಕಾಗುತ್ತದೆ.

ಪಾದಚಾರಿಗಳ ರಕ್ಷಣೆ ಮತ್ತು ಕಾರು ಕಳವು ತಡೆಗೆ ಹೊಸ ನಿಯಮ

ಬದಲಾದ ಸುರಕ್ಷತಾ ನಿಯಮಗಳು ಕೇವಲ ಅಪಘಾತದ ತನಿಖೆಗೆ ಮಾತ್ರ ಸೀಮಿತವಾಗಿಲ್ಲ. ಕಾರು ಡಿಕ್ಕಿಯಾದ ಸಂದರ್ಭದಲ್ಲಿ ರಸ್ತೆಯಲ್ಲಿ ನಡೆಯುವ ಪಾದಚಾರಿಗಳಿಗೆ ಕನಿಷ್ಠ ಪ್ರಮಾಣದ ಗಾಯಗಳಾಗುವಂತೆ ಕಾರಿನ ಮುಂಭಾಗದ ವಿನ್ಯಾಸವನ್ನು ರೂಪಿಸುವುದು ಕಡ್ಡಾಯವಾಗಿದೆ. ಜೊತೆಗೆ, ಮುಂಭಾಗ ಹಾಗೂ ಸೈಡ್‌ನಿಂದ (Side Collision) ಆಗುವ ಡಿಕ್ಕಿಗಳ ವೇಳೆ ಒಳಗಿರುವ ಪ್ರಯಾಣಿಕರಿಗೆ ಗರಿಷ್ಠ ಭದ್ರತೆ ಸಿಗುವಂತೆ ಮಾಡಲಾಗಿದೆ.

ಕಾರು ಕಳವು ತಡೆಯಲು 'ಅಲಾರಂ' ಹಾಗೂ 'ಇಮೋಬಿಲೈಜರ್' (Immobilizer) ವ್ಯವಸ್ಥೆಯನ್ನು ಕಡ್ಡಾಯಗೊಳಿಸಲಾಗಿದೆ. ಇಮೋಬಿಲೈಜರ್ ತಂತ್ರಜ್ಞಾನವು ಅಧಿಕೃತ ಕೀ ಹೊರತಾಗಿ ಅಕ್ರಮವಾಗಿ ಕಾರಿನ ಎಂಜಿನ್ ಸ್ಟಾರ್ಟ್ ಆಗುವುದನ್ನು ತಡೆಯುತ್ತದೆ. ಇದರಿಂದ ಕಳ್ಳರು ಕಾರನ್ನು ಕದ್ದೊಯ್ಯುವುದು ಅತ್ಯಂತ ಕಷ್ಟಕರವಾಗಲಿದೆ.

ಈ ಹೊಸ ನಿಯಮಗಳು ಯಾವಾಗ ಜಾರಿಗೆ ಬರಲಿವೆ?

ಸರ್ಕಾರ ಪ್ರಕಟಿಸಿರುವ ಈ ಎಲ್ಲಾ ನಿಯಮಗಳು ಒಂದೇ ಬಾರಿಗೆ ಜಾರಿಯಾಗುವುದಿಲ್ಲ. ವಾಹನ ತಯಾರಿಕಾ ಸಂಸ್ಥೆಗಳಿಗೆ ಅಗತ್ಯ ತಾಂತ್ರಿಕ ಬದಲಾವಣೆ ಮಾಡಿಕೊಳ್ಳಲು ಕಾಲಾವಕಾಶ ನೀಡಲಾಗಿದೆ. ಕೆಲವು ನಿಯಮಗಳಿಗೆ ಅಕ್ಟೋಬರ್ 2027 ರ ಗಡುವು ನೀಡಲಾಗಿದ್ದರೆ, ಇನ್ನು ಕೆಲವು ನಿಯಮಗಳು 2028 ಮತ್ತು 2029 ರಿಂದ ಜಾರಿಗೆ ಬರಲಿವೆ. ಉಳಿದ ಕೆಲವು ಸಂಕೀರ್ಣ ನಿಯಮಗಳು 2031 ಮತ್ತು 2032 ರ ವೇಳೆಗೆ ಪೂರ್ಣ ಪ್ರಮಾಣದಲ್ಲಿ ಜಾರಿಯಾಗಲಿವೆ.

ವಿದೇಶಗಳಲ್ಲಿ ಈಗಾಗಲೇ ಈ ವ್ಯವಸ್ಥೆ ಜಾರಿಯಲ್ಲಿದೆ. ಚೀನಾದಲ್ಲಿ 2022 ರ ಜನವರಿ 1 ರಿಂದಲೇ ಪ್ಯಾಸೆಂಜರ್ ಕಾರುಗಳಲ್ಲಿ ಇಡಿಆರ್ ಕಡ್ಡಾಯವಾಗಿದೆ. ಯುರೋಪ್‌ನಲ್ಲೂ 2022 ರಿಂದ ನೂತನ ಕಾರುಗಳಿಗೆ ಇದು ಕಡ್ಡಾಯ. ಅಮೆರಿಕದ NHTSA ಸಂಸ್ಥೆಯ ಪ್ರಕಾರ, 2013 ರ ಮಾಡೆಲ್‌ನ ಶೇ. 96 ರಷ್ಟು ಕಾರುಗಳಲ್ಲೇ ಇಡಿಆರ್ ತಂತ್ರಜ್ಞಾನ ಇತ್ತು.

ಡೇಟಾ ಪ್ರೈವಸಿ ಮತ್ತು ಭಾರತ NCAP ಕಠಿಣ

ಇಡಿಆರ್‌ನಲ್ಲಿ ದಾಖಲಾಗುವ ಡೇಟಾದ ಖಾಸಗಿತನ (Data Privacy) ಸದ್ಯ ಪ್ರಮುಖ ಚರ್ಚೆಯ ವಿಷಯವಾಗಿದೆ. ಅಮೆರಿಕದಲ್ಲಿ ಈ ಡೇಟಾವನ್ನು ಕಾರಿನ ಮಾಲೀಕನ ವೈಯಕ್ತಿಕ ಆಸ್ತಿ ಎಂದು ಪರಿಗಣಿಸಲಾಗುತ್ತದೆ ಮತ್ತು ಅವರ ಅನುಮತಿಯಿಲ್ಲದೆ ನ್ಯಾಯಾಲಯ ಅಥವಾ ಪೊಲೀಸರು ನೋಡುವಂತಿಲ್ಲ. ಭಾರತದಲ್ಲೂ ಈ ಡೇಟಾವನ್ನು ಯಾರು ಮತ್ತು ಯಾವ ಸಂದರ್ಭದಲ್ಲಿ ನೋಡಬಹುದು ಎಂಬ ಸ್ಪಷ್ಟ ಕಾನೂನು ರೂಪಿಸಬೇಕಿದೆ.

ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ಅವರ ಪ್ರಕಾರ, 'ಭಾರತ್ NCAP' ನ 2 ನೇ ಹಂತವು (Phase 2) ಅಕ್ಟೋಬರ್ 2027 ರಿಂದ ಜಾರಿಗೆ ಬರಲಿದೆ. ಇದರಲ್ಲಿ ಒಟ್ಟು 100 ಅಂಕಗಳಲ್ಲಿ 20 ಅಂಕಗಳನ್ನು ಪಾದಚಾರಿಗಳು ಹಾಗೂ ರಸ್ತೆಯಲ್ಲಿ ಚಲಿಸುವ ಬಳಕೆದಾರರ ಸುರಕ್ಷತೆಗಾಗಿ ಮೀಸಲಿಡಲಾಗಿದೆ. 'ಭಾರತ್ NCAP' ಎನ್ನುವುದು ಕಾರುಗಳ ಸುರಕ್ಷತಾ ರೇಟಿಂಗ್ ನೀಡುವ ಪ್ರತ್ಯೇಕ ವ್ಯವಸ್ಥೆಯಾಗಿದ್ದರೆ, ಇಡಿಆರ್ ಕಾರುಗಳಿಗೆ ಅನ್ವಯವಾಗುವ ಕಡ್ಡಾಯ ಸುರಕ್ಷತಾ ನಿಯಮವಾಗಿದೆ. ಒಟ್ಟಾರೆಯಾಗಿ, ವಾಹನ ಸವಾರರು ಹಾಗೂ ಪಾದಚಾರಿಗಳ ಜೀವ ರಕ್ಷಣೆಯ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರದ ಈ ಹೆಜ್ಜೆ ಆಟೋಮೊಬೈಲ್ ಕ್ಷೇತ್ರದಲ್ಲಿ ಭಾರಿ ಬದಲಾವಣೆಗೆ ನಾಂದಿ ಹಾಡಲಿದೆ.

₹8 ಲಕ್ಷದೊಳಗೆ ಬೆಸ್ಟ್ SUV ಕಾರುಗಳು: ಟಾಟಾ ನೆಕ್ಸಾನ್‌ನಿಂದ ಸ್ಕೋಡಾ ಕೈಲಾಕ್‌ವರೆಗೆ! ಬೆಸ್ಟ್ ಮೈಲೇಜ್ ಹಾಗೂ ಸೇಫ್ಟಿ ಎಸ್‌ಯುವಿಗಳಿವು!

Naveen Kodase — Wed, 21 Oct 2026 14:54:08 +0530

ಮಾರುಕಟ್ಟೆಯಲ್ಲಿ ಬಜೆಟ್ ಎಸ್‌ಯುವಿ ಕಾರುಗಳಿಗೆ ಯಾವಾಗಲೂ ಭಾರಿ ಡಿಮ್ಯಾಂಡ್ ಇರುತ್ತದೆ. ಕೇವಲ 8 ಲಕ್ಷ ರೂ. ಬಜೆಟ್‌ನಲ್ಲಿ ಬೆಸ್ಟ್ ಮೈಲೇಜ್ ಹಾಗೂ ಟಾಪ್ ಸೇಫ್ಟಿ ಫೀಚರ್ಸ್ ಇರುವ ಕಾರುಗಳು ಈಗ ಲಭ್ಯವಿವೆ. ಮಾರುತಿ, ಟಾಟಾ, ಸ್ಕೋಡಾ ಮತ್ತು ಹ್ಯುಂಡೈ ಕಂಪನಿಯ ಈ ಕಾರುಗಳ ಬೆಲೆ ಹಾಗೂ ಫೀಚರ್ಸ್ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.

8 ಲಕ್ಷದೊಳಗಿನ ಬೆಸ್ಟ್ ಎಸ್‌ಯುವಿ ಕಾರುಗಳು

ನಿಮ್ಮ ಬಜೆಟ್ 8 ಲಕ್ಷ ರೂ. ಇದೆಯಾ? ಫ್ಯಾಮಿಲಿಗಾಗಿ ಒಂದು ಒಳ್ಳೆ ಎಸ್‌ಯುವಿ ಕಾರು ಖರೀದಿಸುವ ಪ್ಲಾನ್ ಮಾಡ್ತಿದ್ದೀರಾ? ಹಾಗಿದ್ದರೆ ಮಾರುಕಟ್ಟೆಯಲ್ಲಿ ನಿಮಗಾಗಿ ಸೂಪರ್ ಆಪ್ಷನ್‌ಗಳಿವೆ. ಮಾರುತಿ ಸುಜುಕಿ ಬ್ರೆಝಾ, ಟಾಟಾ ನೆಕ್ಸಾನ್, ಸ್ಕೋಡಾ ಕೈಲಾಕ್ ಹಾಗೂ ಹ್ಯುಂಡೈ ವೆನ್ಯೂ ಕಾರುಗಳು ಗ್ರಾಹಕರ ಫಸ್ಟ್ ಚಾಯ್ಸ್ ಆಗಿವೆ. ಆದರೆ ಈ ನಾಲ್ಕು ಕಾರುಗಳಲ್ಲಿ ನಿಮ್ಮ ದುಡ್ಡಿಗೆ ತಕ್ಕ ಬೆಲೆ ಕೊಡುವ ಕಾರು ಯಾವುದು ಅಂತ ಡಿಸೈಡ್ ಮಾಡೋದು ಸ್ವಲ್ಪ ಕಷ್ಟ. ಈ ಜನಪ್ರಿಯ ಎಸ್‌ಯುವಿಗಳ ಬೆಲೆ, ಮೈಲೇಜ್, ಇಂಜಿನ್, ಸೇಫ್ಟಿ ಹಾಗೂ ಫೀಚರ್ಸ್ ಬಗ್ಗೆ ನಾವಿಲ್ಲಿ ಹೇಳ್ತೀವಿ.

ಟಾಟಾ ನೆಕ್ಸಾನ್: 5-ಸ್ಟಾರ್ ಸೇಫ್ಟಿ ಜೊತೆಗೆ ಸೂಪರ್ ಮೈಲೇಜ್

ಟಾಟಾ ನೆಕ್ಸಾನ್ ಕಾರಿನ ಆರಂಭಿಕ ಬೆಲೆ ಕೂಡ 7.39 ಲಕ್ಷ ರೂ. (ಎಕ್ಸ್-ಶೋರೂಂ) ಇದೆ. ಈ ಕಾರು 1.2 ಲೀಟರ್ ಟರ್ಬೊ-ಪೆಟ್ರೋಲ್ ಹಾಗೂ 1.5 ಲೀಟರ್ ಡೀಸೆಲ್ ಇಂಜಿನ್ ಆಪ್ಷನ್‌ಗಳಲ್ಲಿ ಸಿಗುತ್ತದೆ. ನೆಕ್ಸಾನ್ ಕಾರು 5 ಸ್ಟಾರ್ ಸೇಫ್ಟಿ ರೇಟಿಂಗ್ ಪಡೆದಿದೆ. ಅಷ್ಟೇ ಅಲ್ಲ, ಇದರಲ್ಲಿ 6 ಏರ್‌ಬ್ಯಾಗ್‌ಗಳು ಸ್ಟ್ಯಾಂಡರ್ಡ್ ಆಗಿ ಬರುತ್ತವೆ. ಕಾರಿನ ಒಳಗೆ 10.25 ಇಂಚಿನ ಟಚ್‌ಸ್ಕ್ರೀನ್, ಡಿಜಿಟಲ್ ಕ್ಲಸ್ಟರ್, 360 ಡಿಗ್ರಿ ಕ್ಯಾಮೆರಾ ಹಾಗೂ ವೆಂಟಿಲೇಟೆಡ್ ಸೀಟ್‌ಗಳಂತಹ ಮಾಡರ್ನ್ ಫೀಚರ್ಸ್ ಇವೆ. ಇದರ ಪೆಟ್ರೋಲ್ ಮಾಡೆಲ್ 17 ರಿಂದ 17.5 ಕಿ.ಮೀ ಮೈಲೇಜ್ ಕೊಟ್ಟರೆ, ಡೀಸೆಲ್ ಮಾಡೆಲ್ ಬರೋಬ್ಬರಿ 23 ರಿಂದ 24 ಕಿ.ಮೀ ಮೈಲೇಜ್ ಕೊಡುತ್ತದೆ.

ಮಾರುತಿ ಸುಜುಕಿ ಬ್ರೆಝಾ: ಸೂಪರ್ ಲುಕ್, ಬೆಸ್ಟ್ ಪರ್ಫಾರ್ಮೆನ್ಸ್

ಮಾರುತಿ ಸುಜುಕಿ ಬ್ರೆಝಾ ಕಾರಿನ ಆರಂಭಿಕ ಬೆಲೆ 7.39 ಲಕ್ಷ ರೂ. (ಎಕ್ಸ್-ಶೋರೂಂ) ಇದೆ. ಕಂಪನಿಯು ಇದರಲ್ಲಿ 1.5 ಲೀಟರ್ K15C ಪೆಟ್ರೋಲ್ ಇಂಜಿನ್ ನೀಡಿದ್ದು, ಇದು ಸ್ಮೂತ್ ಪರ್ಫಾರ್ಮೆನ್ಸ್ ಕೊಡುತ್ತದೆ. ಈ ಕಾರಿನ ಇಂಟೀರಿಯರ್ ತುಂಬಾ ಕಂಫರ್ಟ್ ಆಗಿದ್ದು, ಕ್ಯಾಬಿನ್‌ನಲ್ಲಿ ಒಳ್ಳೆ ಲೆಗ್‌ರೂಮ್ ಸಿಗುತ್ತದೆ.

ಸೇಫ್ಟಿ ವಿಚಾರಕ್ಕೆ ಬಂದರೆ, ಬ್ರೆಝಾ ಕಾರಿನಲ್ಲಿ 6 ಏರ್‌ಬ್ಯಾಗ್‌ಗಳು, 5-ಸ್ಟಾರ್ ಭಾರತ್ NCAP ರೇಟಿಂಗ್, ESP ಹಾಗೂ ಹಿಲ್ ಹೋಲ್ಡ್ ಅಸಿಸ್ಟ್ ಫೀಚರ್ಸ್ ಇವೆ. ಜೊತೆಗೆ 9/10.1 ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್, ಎಲೆಕ್ಟ್ರಿಕ್ ಸನ್‌ರೂಫ್, 360-ಡಿಗ್ರಿ ಕ್ಯಾಮೆರಾ ಮತ್ತು ವೈರ್‌ಲೆಸ್ ಚಾರ್ಜರ್ ಸೌಲಭ್ಯಗಳಿವೆ.

ಸದ್ಯ ಮಾರುತಿ ಸುಜುಕಿ ಕಂಪನಿಯಲ್ಲಿ ಅತಿ ಹೆಚ್ಚು ಸೇಲ್ ಆಗುತ್ತಿರುವ ಮಾಡೆಲ್ ಎಂದರೆ ಇದೇ ಬ್ರೆಝಾ. ಹಬ್ಬದ ಸೀಸನ್‌ನಲ್ಲಿ ಈ ಕಾರು ಭರ್ಜರಿಯಾಗಿ ಸೇಲ್ ಆಗುತ್ತಿದೆ. ದೇಶಾದ್ಯಂತ ಇದುವರೆಗೆ ಬರೋಬ್ಬರಿ 15 ಲಕ್ಷ ಬ್ರೆಝಾ ಕಾರುಗಳು ಮಾರಾಟವಾಗಿವೆ.

ಹ್ಯುಂಡೈ ವೆನ್ಯೂ: ಅರ್ಬನ್ ಸ್ಟೈಲ್ ಜೊತೆಗೆ ಅಡ್ವಾನ್ಸ್ಡ್ ಟೆಕ್ನಾಲಜಿ

ಹ್ಯುಂಡೈ ವೆನ್ಯೂ ಕಾರಿನ ಆರಂಭಿಕ ಬೆಲೆ 7.99 ಲಕ್ಷ ರೂ. (ಎಕ್ಸ್-ಶೋರೂಂ) ನಿಂದ ಶುರುವಾಗುತ್ತದೆ. ಇದರಲ್ಲಿ 1.2 ಲೀಟರ್ ಪೆಟ್ರೋಲ್, 1.0 ಲೀಟರ್ ಟರ್ಬೊ-ಪೆಟ್ರೋಲ್ ಹಾಗೂ 1.5 ಲೀಟರ್ ಡೀಸೆಲ್ ಇಂಜಿನ್ ಆಪ್ಷನ್‌ಗಳಿವೆ. ವೆನ್ಯೂ ಕ್ಯಾಬಿನ್ ತುಂಬಾ ಪ್ರಾಕ್ಟಿಕಲ್ ಆಗಿದೆ. ಇದರಲ್ಲಿ ರಿಕ್ಲೈನಿಂಗ್ ರಿಯರ್ ಸೀಟ್‌ಗಳು ಹಾಗೂ ಆಂಬಿಯೆಂಟ್ ಲೈಟಿಂಗ್ ನೀಡಿದ್ದಾರೆ. ಜೊತೆಗೆ 8 ಇಂಚಿನ ಟಚ್‌ಸ್ಕ್ರೀನ್, ಬ್ಲೂಲಿಂಕ್ ಕನೆಕ್ಟೆಡ್ ಕಾರ್ ಟೆಕ್, ಲೆವೆಲ್-2 ADAS ನಂತಹ ಸೇಫ್ಟಿ ಫೀಚರ್ಸ್ ಇವೆ. ಎಲ್ಲಾ ವೇರಿಯೆಂಟ್‌ಗಳಲ್ಲೂ 6 ಏರ್‌ಬ್ಯಾಗ್‌ಗಳು ಸ್ಟ್ಯಾಂಡರ್ಡ್ ಆಗಿ ಸಿಗುತ್ತವೆ. ಇಂಜಿನ್ ಆಧಾರದ ಮೇಲೆ ಈ ಕಾರು 17 ರಿಂದ 21 ಕಿ.ಮೀ ವರೆಗೆ ಮೈಲೇಜ್ ಕೊಡುತ್ತದೆ.

ಸ್ಕೋಡಾ ಕೈಲಾಕ್: ಪ್ರೀಮಿಯಂ ಡಿಸೈನ್, ಪವರ್‌ಫುಲ್ ಇಂಜಿನ್

ಸ್ಕೋಡಾ ಕೈಲಾಕ್ ಕಾರಿನ ಆರಂಭಿಕ ಬೆಲೆ 7.59 ಲಕ್ಷ ರೂ. (ಎಕ್ಸ್-ಶೋರೂಂ) ಇದೆ. ಕಂಪನಿಯು ಇದರಲ್ಲಿ 1.0 ಲೀಟರ್ TSI ಟರ್ಬೊ-ಪೆಟ್ರೋಲ್ ಇಂಜಿನ್ ನೀಡಿದೆ. ಇದು 115PS ಪವರ್ ಹಾಗೂ 178Nm ಟಾರ್ಕ್ ಉತ್ಪಾದಿಸುತ್ತದೆ. ಈ ಕಾರಿನಲ್ಲಿ 446 ಲೀಟರ್ ಬೂಟ್ ಸ್ಪೇಸ್ ಇದ್ದು, ಫ್ಯಾಮಿಲಿ ಟ್ರಿಪ್‌ಗಳಿಗೆ ಹೇಳಿಮಾಡಿಸಿದಂತಿದೆ. ಇದರಲ್ಲಿ 10.1 ಇಂಚಿನ ಟಚ್‌ಸ್ಕ್ರೀನ್, ವೆಂಟಿಲೇಟೆಡ್ ಸೀಟ್‌ಗಳು ಹಾಗೂ ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್ ಫೀಚರ್ಸ್ ಇವೆ. ಸೇಫ್ಟಿಗಾಗಿ 6 ಏರ್‌ಬ್ಯಾಗ್‌ಗಳು ಮತ್ತು ರೋಲ್‌ಓವರ್ ಪ್ರೊಟೆಕ್ಷನ್ ನೀಡಿದ್ದಾರೆ. ಈ ಕಾರು ಸುಮಾರು 18 ರಿಂದ 19 ಕಿ.ಮೀ ಮೈಲೇಜ್ ಕೊಡುತ್ತದೆ.

ನಿಮ್ಮ ಫ್ಯಾಮಿಲಿಗೆ ಯಾವ ಎಸ್‌ಯುವಿ ಬೆಸ್ಟ್?

ಯಾವುದೇ ಟೆನ್ಷನ್ ಇಲ್ಲದೆ ಒಳ್ಳೆ ಮೈಲೇಜ್ ಹಾಗೂ ಕಡಿಮೆ ಮೇಂಟೆನೆನ್ಸ್ ಬೇಕು ಎನ್ನುವವರಿಗೆ ಮಾರುತಿ ಬ್ರೆಝಾ ಬೆಸ್ಟ್ ಆಪ್ಷನ್. ಇನ್ನು ಹೆಚ್ಚಿನ ಸೇಫ್ಟಿ ಹಾಗೂ ಡೀಸೆಲ್ ಇಂಜಿನ್ ಇಷ್ಟಪಡುವವರಿಗೆ ಟಾಟಾ ನೆಕ್ಸಾನ್ ಪರ್ಫೆಕ್ಟ್ ಚಾಯ್ಸ್. ಪವರ್‌ಫುಲ್ ಡ್ರೈವಿಂಗ್ ಎಕ್ಸ್‌ಪೀರಿಯೆನ್ಸ್ ಹಾಗೂ ದೊಡ್ಡ ಬೂಟ್ ಸ್ಪೇಸ್ ಬೇಕಿದ್ದರೆ ನೀವು ಸ್ಕೋಡಾ ಕೈಲಾಕ್ ಆಯ್ಕೆ ಮಾಡಬಹುದು. ಮಾಡರ್ನ್ ಡಿಸೈನ್ ಹಾಗೂ ADAS ನಂತಹ ಅಡ್ವಾನ್ಸ್ಡ್ ಫೀಚರ್ಸ್ ಹುಡುಕುತ್ತಿರುವವರಿಗೆ ಹ್ಯುಂಡೈ ವೆನ್ಯೂ ಹೇಳಿಮಾಡಿಸಿದ ಕಾರು.

ಉದ್ಯೋಗಿಗೆ 4 ಕೋಟಿ ರೂ ಲ್ಯಾಂಬೋರ್ಗಿನಿ ಕಾರು ಗಿಫ್ಟ್ ನೀಡಿದ ಕಂಪನಿ, ಇಲ್ಲೆ ಕೆಲಸ ಕೊಡಿ ಎಂದ ನೆಟ್ಟಿಗರು

Chethan Kumar — Thu, 29 Oct 2026 18:42:12 +0530

ದುಬೈ (ಅ.29) ಮೈಕ್ರೋಸಾಫ್ಟ್‌ನಲ್ಲಿ ಸ್ವಯಂ ನಿವೃತ್ತಿಗೆ ಸೂಚನೆ ನೀಡಲಾಗಿದೆ. ಇತ್ತ ಅಮೇಜಾನ್ ಸೇರಿದಂತೆ ಹಲವು ಕಂಪನಿಗಳಲ್ಲಿ ಉದ್ಯೋಗ ಕಡಿತಗಳು ನಡೆಯುತ್ತಿದೆ. ಹಲವು ಕಂಪನಿ ಉದ್ಯೋಗ ಕಡಿತ ಮಾಡಿಲ್ಲ, ಆದರೆ ಸ್ಯಾಲರಿ ಹೆಚ್ಚಳವೂ ಮಾಡದೆ ಸರಿದೂಗಿಸುತ್ತಿದೆ. ಇದರ ನಡುವೆ ಇಲ್ಲೊಂದು ಕಂಪನಿ ತನ್ನ ಉದ್ಯೋಗಿಗಳಿಗೆ ಬರೋಬ್ಬರಿ 4 ಕೋಟಿ ರೂಪಾಯಿ ಮೌಲ್ಯದ ಲ್ಯಾಂಬೋರ್ಗಿನಿ ಉರುಸ್ ಕಾರು ಗಿಫ್ಟ್ ನೀಡಿದೆ. ದುಬೈನ ರಿಯಲ್ ಎಸ್ಟೇಟ್ ಕಂಪನಿಯ ಈ ನಡೆಗೆ ಸ್ಯಾಲರಿ ಎಂಪ್ಲಾಯ್ಸ್ ಕಣ್ಣುಕಣ್ಣು ಮಿಟುಕಿಸಿದ್ದಾರೆ.

ರಿಯಲ್ ಎಸ್ಟೇಟ್ ಕಂಪನಿ ನಡೆಗೆ ಭಾರಿ ಮೆಚ್ಚುಗೆ

ಕಂಪನಿಯ ಟಾಪ್ ಪರ್ಫಾಮರ್‌ಗಳಿಗೆ ಕಂಪನಿ 4 ಕೋಟಿ ರೂಪಾಯಿ ಮೌಲ್ಯದ ಲ್ಯಾಂಬೋರ್ಗಿನಿ ಉರುಸ್ ಕಾರು ಗಿಫ್ಟ್ ನೀಡಿದೆ. ರಿಚ್‌ಕೀ ಪ್ರಾಪರ್ಟೀಸ್ (Richkey Properties) ರಿಯಲ್ ಎಸ್ಟೇಟ್ ಕಂಪನಿ ತನ್ನ ಅತ್ಯುತ್ತಮ ಉದ್ಯೋಗಿಗೆ ಕಣ್ಣು ಕೋರೈಸುವಂತಹ ದುಬಾರಿ ಕೊಡುಗೆ ನೀಡುವ ಮೂಲಕ ಎಲ್ಲರ ಗಮನ ಸೆಳೆದಿದೆ. ಸಂಸ್ಥೆಯ ಮೂರನೇ ವರ್ಷದ ವಾರ್ಷಿಕೋತ್ಸವ ಮತ್ತು ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ, ಕಂಪನಿಯ ಕಂಪನಿಯ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ ಸೇಲ್ಸ್ ವಿಭಾಗದ ನಟಾಲಿಯಾ ಚಾವೇಜ್ (Natalia Chavez) ಅವರಿಗೆ ಹೊಚ್ಚ ಹೊಸ ನೀಲಿ ಬಣ್ಣದ ಲ್ಯಾಂಬೋರ್ಗಿನಿ ಉರಸ್' (Lamborghini Urus) ಸೂಪರ್ ಎಸ್‌ಯುವಿ ಕಾರು ಗಿಫ್ಟ್ ನೀಡಿದೆ.

ಕಳೆದ ಎರಡು ವರ್ಷಗಳಲ್ಲಿ ಸುಮಾರು 500 ಮಿಲಿಯನ್ ಡಾಲರ್ (ಅಂದಾಜು 4,200 ಕೋಟಿ ರೂಪಾಯಿಗೂ ಹೆಚ್ಚು) ಮೌಲ್ಯದ ರಿಯಲ್ ಎಸ್ಟೇಟ್ ವ್ಯವಹಾರ ಹಾಗೂ ಡೀಲ್‌ಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ ಹಿನ್ನೆಲೆಯಲ್ಲಿ ನಟಾಲಿಯಾ ಚಾವೇಜ್ ಕಂಪನಿ ಅದ್ಧೂರಿ ಉಡುಗೊರೆ ನೀಡಿದೆ. ಸೂಪರ್ ಕಾರು ಗಿಫ್ಟ್ ನೀಡುವ ಮೂಲಕ ಎಲ್ಲರ ಹುಬ್ಬೇರಿಸಿದೆ. 2026ರ ಮೊದಲ ಮೂರು ತ್ರೈಮಾಸಿಕಗಳಲ್ಲಿ ಅತ್ಯುತ್ತಮ ಸಾಧನೆ ತೋರಿದ ನಟಾಲಿಯಾ ಈ ವರ್ಷದ ಟಾಪ್ ಪರ್ಫಾರ್ಮರ್' ಪ್ರಶಸ್ತಿಯೊಂದಿಗೆ ನಾಲ್ಕು ಪ್ರಮುಖ ಪ್ರಶಸ್ತಿಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ಭಾವುಕರಾದ ಉದ್ಯೋಗಿ

ಕಂಪನಿಯ ಸಿಇಒ ದಬಾನ್ ಒಥ್ಮಾನ್ ಹಾಗೂ ಸಂಸ್ಥಾಪಕರ ಸಮ್ಮುಖದಲ್ಲಿ ನಡೆದ ಅದ್ಧೂರಿ ಸಮಾರಂಭದಲ್ಲಿ ನಟಾಲಿಯಾಗೆ ಅಚ್ಚರಿ ಗಿಫ್ಟ್ ನೀಡಿ ಗೌರವಿಸಿದ್ದಾರೆ. ಕಾರು ಗಿಫ್ಟ್ ಕುರಿತು ಯಾವುದೇ ಸುಳಿವು ಇರದ ನಟಾಲಿಯಾ, ಲಂಬೋರ್ಗಿನಿ ಕಾರನ್ನು ಕಂಡು ಅಚ್ಚರಿಗೊಂಡಿದ್ದಾರೆ. ಇದೇ ವೇಳೆ ಭಾವುಕರಾದರು. ಈ ಕಾರಿನ ಮೌಲ್ಯ ದುಬೈ ಮಾರುಕಟ್ಟೆಯಲ್ಲಿ ಸುಮಾರು 2.3 ಕೋಟಿಯಿಂದ 4 ಕೋಟಿ ರೂಪಾಯಿ (9 ಲಕ್ಷದಿಂದ 15.5 ಲಕ್ಷ ಎಇಡಿ) ಮೌಲ್ಯವಿದೆ.

ರಿಯಲ್ ಎಸ್ಟೇಟ್ ಕ್ಷೇತ್ರದಲ್ಲಿ ಯಶಸ್ಸು ಗಳಿಸಬೇಕಾದರೆ ನಿರಂತರ ಶ್ರಮ ಮತ್ತು ಶಿಸ್ತು ಅಗತ್ಯ. ಪ್ರತಿದಿನ ದುಬೈನಲ್ಲಿ ಹೂಡಿಕೆ ಮಾಡುವ ಹೂಡಿಕೆದಾರರಿಗೆ ಸರಿಯಾದ ಮಾರ್ಗದರ್ಶನ ನೀಡುವುದೇ ನನ್ನ ಗುರಿಯಾಗಿತ್ತು ಎಂದು ನಟಾಲಿಯಾ ಹೇಳಿದ್ದಾರೆ. ಈ ಕ್ಷೇತ್ರದಲ್ಲಿ ಕೆಲಸಕ್ಕೆ ಕೊನೆಯಿಲ್ಲ, ಕ್ಲೈಂಟ್‌ಗಳಿಗಾಗಿ 24 ಗಂಟೆಯೂ ಸಿದ್ಧರಿರಬೇಕಾಗುತ್ತದೆ ಎಂದು ತಮ್ಮ ಯಶಸ್ಸಿನ ರಹಸ್ಯವನ್ನು ಹಂಚಿಕೊಂಡಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ರಿಚ್‌ಕೀ ಪ್ರಾಪರ್ಟೀಸ್ ಶೇರ್ ಮಾಡಿರುವ ಈ ವಿಡಿಯೋ ಈಗ ವೈರಲ್ ಆಗಿದೆ. "ರಿಚ್‌ಕೀ ಸಂಸ್ಥೆಯಲ್ಲಿ ಕಠಿಣ ಪರಿಶ್ರಮ ವಹಿಸಿದರೆ ಏನೆಲ್ಲ ಸಿಗುತ್ತದೆ ಎಂಬುದಕ್ಕೆ ಇದೇ ಸಾಕ್ಷಿ" ಎಂದು ಕಂಪನಿ ಶೀರ್ಷಿಕೆಯಲ್ಲಿ ಬರೆದುಕೊಂಡಿದ್ದು, ವಿಶ್ವದಾದ್ಯಂತ ಇರುವ ನೆಟ್ಟಿಗರು 'ಇಂತಹ ಕಂಪನಿಯಲ್ಲಿ ಕೆಲಸ ಮಾಡಲು ನಾವೂ ಸಿದ್ಧ' ಎಂದು ಕಮೆಂಟ್ ಮಾಡುತ್ತಿದ್ದಾರೆ.

ಹೊಸ SUV ಲಾಂಚ್‌ ಮಾಡಿದ ಮಹೀಂದ್ರಾ: ರಗಡ್ ಲುಕ್‌ನಲ್ಲಿ ಬಂದ Bolero Bold, ಏನಿದರ ವಿಶೇಷತೆ

Santosh Naik — Wed, 21 Oct 2026 22:10:39 +0530

ನವದೆಹಲಿ (ಅ.21): ದೇಶದ ಪ್ರಮುಖ ವಾಹನ ತಯಾರಕ ಸಂಸ್ಥೆಯಾದ 'ಮಹೀಂದ್ರಾ ಅಂಡ್ ಮಹೀಂದ್ರಾ' ತನ್ನ ಎಂಟ್ರಿ ಲೆವೆಲ್ ಎಸ್‌ಯುವಿ (SUV) ವಿಭಾಗದಲ್ಲಿ ಹೊಸ ಆವೃತ್ತಿ ಪರಿಚಯಿಸಿದೆ. ಗ್ರಾಹಕರ ಅತ್ಯಂತ ನೆಚ್ಚಿನ ವಾಹನವಾದ 'ಮಹೀಂದ್ರಾ ಬೊಲೆರೊ'ದ ಹೊಸ 'ಬೋಲ್ಡ್ ಎಡಿಷನ್' (Bolero Bold Edition) ಅನ್ನು ಕಂಪನಿಯು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಈ ಹೊಸ ಎಡಿಷನ್‌ನಲ್ಲಿ ಸುಧಾರಿತ ಎಕ್ಸ್‌ಟೀರಿಯರ್ (ಹೊರವಿನ್ಯಾಸ) ಹಾಗೂ ಇಂಟೀರಿಯರ್ (ಒಳವಿನ್ಯಾಸ) ಅಪ್‌ಡೇಟ್‌ಗಳನ್ನು ನೀಡಲಾಗಿದ್ದು, ಹಲವು ಹೊಸ ಎಕ್ಸೆಸರೀಸ್ ಸೌಲಭ್ಯಗಳನ್ನು ಅಳವಡಿಸಲಾಗಿದೆ.

ಕಳೆದ ಕೆಲವು ದಿನಗಳಿಂದ ಈ ಹೊಸ ಎಸ್‌ಯುವಿಯ ಟೀಸರ್‌ಗಳನ್ನು ಹಂಚಿಕೊಳ್ಳುವ ಮೂಲಕ ಕುತೂಹಲ ಕೆರಳಿಸಿದ್ದ ಮಹೀಂದ್ರಾ, ಇದೀಗ ಅಧಿಕೃತವಾಗಿ ಕಾರನ್ನು ಲಾಂಚ್ ಮಾಡಿದೆ. ಇದು ಬೊಲೆರೊ ಕಾರಿನ ಪೂರ್ಣ ನವೀಕೃತ ಮಾದರಿಯಲ್ಲ, ಬದಲಾಗಿ ವಿಶೇಷ 'ಎಡಿಷನ್' ಆಗಿದೆ.

ಸೆಪ್ಟೆಂಬರ್‌ನಲ್ಲಿ 9,710 ಯುನಿಟ್‌ಗಳ ಮಾರಾಟ - ಶೇ. 253 ರಷ್ಟು ಭಾರಿ ಏರಿಕೆ

ಮಹೀಂದ್ರಾ ಬೊಲೆರೊ ಕಾರಿಗೆ ದೇಶಾದ್ಯಂತ ಭಾರಿ ಬೇಡಿಕೆಯಿದೆ. ವಿಶೇಷವಾಗಿ ಟೈಯರ್-2 ಹಾಗೂ ಟೈಯರ್-3 ನಗರಗಳಲ್ಲಿ, ಕೇವಲ ಶೋ-ಆಫ್‌ಗಿಂತ ಗಟ್ಟಿಮುಟ್ಟಾದ ಹಾಗೂ ದೃಢಕಾಯದ ಕಾರನ್ನು ಬಯಸುವ ಜನರಿಗೆ ಬೊಲೆರೊ ಮೊದಲ ಆಯ್ಕೆಯಾಗಿದೆ. ಮಾರಾಟದ ಅಂಕಿಅಂಶಗಳನ್ನು ಗಮನಿಸಿದರೆ, ಕಳೆದ ಸೆಪ್ಟೆಂಬರ್ (2026) ತಿಂಗಳಿನಲ್ಲಿ ಬೊಲೆರೊ ಮಾರಾಟವು ವಾರ್ಷಿಕ ಆಧಾರದ ಮೇಲೆ (Year-on-Year) ಬರೋಬ್ಬರಿ ಶೇಕಡಾ 253 ರಷ್ಟು ಏರಿಕೆ ಕಂಡಿದೆ. ಒಂದೇ ತಿಂಗಳಿನಲ್ಲಿ ಒಟ್ಟು 9,710 ಯುನಿಟ್‌ಗಳಷ್ಟು ಬೊಲೆರೊ ಕಾರುಗಳು ಮಾರಾಟವಾಗಿ ದಾಖಲೆ ಬರೆದಿವೆ.

ಹೊಸ ಎಸ್‌ಯುವಿಯ ವಿಶೇ‍ಷತೆಗಳೇನು?

ಬೊಲೆರೊ ಬೋಲ್ಡ್ ಎಡಿಷನ್‌ನ ಮೂಲ ಶೈಲಿ ಹಾಗೂ ವಿನ್ಯಾಸದಲ್ಲಿ ಯಾವುದೇ ದೊಡ್ಡ ಬದಲಾವಣೆಗಳನ್ನು ಮಾಡಲಾಗಿಲ್ಲ. ಎಂದಿನಂತೆ ಗಟ್ಟಿಮುಟ್ಟಾದ ರಗಡ್ ಲುಕ್ ನೀಡುವ ಫ್ರಂಟ್ ಎಂಡ್, ಹ್ಯಾಲೊಜನ್ ಹೆಡ್‌ಲ್ಯಾಂಪ್‌ಗಳು, ಮೆಟಲ್ ಬಂಪರ್ ಗ್ರಿಲ್ ಹಾಗೂ ಇತರ ಸಾಂಪ್ರದಾಯಿಕ ವೈಶಿಷ್ಟ್ಯಗಳು ಮುಂದುವರಿದಿವೆ. ಆದರೆ, 'ಬೋಲ್ಡ್ ಎಡಿಷನ್'ಗೆ ಆಕರ್ಷಕ ನೋಟ ನೀಡಲು 'ಬ್ರಾಂಜ್ ಇನ್ಸ್‌ಪೈರ್ಡ್ ಶೈಲಿ'ಯನ್ನು (Bronze-inspired styling) ನೀಡಲಾಗಿದೆ. ಫ್ರಂಟ್ ಗ್ರಿಲ್‌ನಲ್ಲಿ ಬ್ರಾಂಜ್ ಆಕ್ಸೆಂಟ್ಸ್, ಆಕರ್ಷಕ ಬೋಲ್ಡ್ ಸೈಡ್ ಕ್ಲ್ಯಾಡಿಂಗ್, ಬ್ರಾಂಜ್ ಬಣ್ಣದ ಅಲೋಯ್ ವೀಲ್ಸ್ (Bronze Alloy Wheels), ರೂಫ್ ರೇಲ್ಸ್ (Roof Rails), ಬ್ರಾಂಜ್ ಆಕ್ಸೆಂಟ್ ಒಳಗೊಂಡ ಕಪ್ಪು ಲೆದರೆಟ್ ಸೀಟುಗಳು (Black Leatherette Seats) ಹಾಗೂ ಹಿಂಭಾಗದ ಸುರಕ್ಷತೆಗಾಗಿ 'ರಿವರ್ಸ್ ವ್ಯೂ ಕ್ಯಾಮೆರಾ' (Rear View Camera) ಹೊಂದಿದೆ.

ಕಂಪನಿಯು ಈ ಎಕ್ಸೆಸರೀಸ್ ಪ್ಯಾಕೇಜ್‌ನ ಪ್ರತ್ಯೇಕ ಬೆಲೆಯನ್ನು ಇನ್ನೂ ಅಧಿಕೃತವಾಗಿ ಪ್ರಕಟಿಸಿಲ್ಲ. ಈ ಎಕ್ಸೆಸರೀಸ್ ಪ್ಯಾಕ್ ಅನ್ನು 'ಡೀಲರ್ ಲೆವೆಲ್ ಪ್ಯಾಕ್' ಆಗಿಯೂ ನೀಡುವ ಸಾಧ್ಯತೆಯಿದ್ದು, ಬೊಲೆರೊದ ಬೇಸ್ ವೇರಿಯೆಂಟ್ ಖರೀದಿಸುವ ಗ್ರಾಹಕರಿಗೂ ಇದು ಅನುಕೂಲವಾಗಲಿದೆ. ಪ್ರಸ್ತುತ ಬೊಲೆರೊ ಎಸ್‌ಯುವಿಯ ಆರಂಭಿಕ ಎಕ್ಸ್-ಶೋರೂಂ ಬೆಲೆ ₹8.57 ಲಕ್ಷ ಇದ್ದು, ಟಾಪ್ ವೇರಿಯೆಂಟ್ ಬೆಲೆ ₹9.99 ಲಕ್ಷ ಆಗಿದೆ.

ಎಂಜಿನ್ ಸಾಮರ್ಥ್ಯ ಹಾಗೂ ಮೈಲೇಜ್

ಬೊಲೆರೊ ಬೋಲ್ಡ್ ಎಡಿಷನ್‌ನಲ್ಲಿ ಯಾವುದೇ ಎಂಜಿನ್ ಬದಲಾವಣೆ ಮಾಡಲಾಗಿಲ್ಲ. ಇದರಲ್ಲಿ ಮುಂಚಿನಂತೆಯೇ 1.5 ಲೀಟರ್‌ನ 3-ಸಿಲಿಂಡರ್ ಡೀಸೆಲ್ ಎಂಜಿನ್ ಇರಲಿದೆ. ಈ ಎಂಜಿನ್ 76 HP ಶಕ್ತಿ (Power) ಹಾಗೂ 210 Nm ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ರಿಯರ್-ವೀಲ್ ಡ್ರೈವ್ (RWD) ವ್ಯವಸ್ಥೆ ಹೊಂದಿರುವ ಈ ಎಸ್‌ಯುವಿಯಲ್ಲಿ 5-ಸ್ಪೀಡ್ ಮ್ಯಾನುಯಲ್ ಗೇರ್‌ಬಾಕ್ಸ್ ನೀಡಲಾಗಿದೆ. ಕಂಪನಿಯ ಪ್ರಕಾರ ಈ ಬೊಲೆರೊ ಎಸ್‌ಯುವಿಯು ಪ್ರತಿ ಲೀಟರ್‌ಗೆ 16.5 ಕಿ.ಮೀ ಮೈಲೇಜ್ ನೀಡುತ್ತದೆ.

332 ಕಿ.ಮೀ ಮೈಲೇಜ್, ಬೆಂಗಳೂರಲ್ಲಿ ಹಲವು ಹೊಸತನದ MG ವಿಂಡ್ಸರ್ ಇಂಡಲ್ಜ್ ಇವಿ ಕಾರು ಲಾಂಚ್

Chethan Kumar — Wed, 28 Oct 2026 15:04:44 +0530

ಬೆಂಗಳೂರು (ಅ.28) JSW ಎಂಜಿ ಮೋಟಾರ್ ಇಂಡಿಯಾ ಎಂಜಿ ವಿಂಡ್ಸರ್ ಇಂಡಲ್ಜ್ ಎಡಿಷನ್ ಎಲೆಕ್ಟ್ರಿಕ್ ಕಾರು ಬಿಡುಗಡೆ ಮಾಡಿದೆ. ಇದು ವಿಂಡ್ಸರ್ ಕಾರಿನ ಐಷಾರಾಮಿ ಎಡಿಶನ್ ಕಾರು. ಬಿಸಿನೆಸ್-ಕ್ಲಾಸ್ ಮಾದರಿಯ ಆರಾಮದಾಯಕ ಅನುಭವವನ್ನು ಆಧರಿಸಿರುವ ಈ ಇಂಡಲ್ಜ್ ಎಡಿಷನ್ ಕಾರು 332 ಕಿಲೋಮೀಟರ್ ಮೈಲೇಜ್ ನೀಡಲಿದೆ. ಒಂದು ಬಾರಿ ಚಾರ್ಜ್ ಮಾಡಿದರೆ ದೂರ ಪ್ರಯಾಣ ಅಥವಾ ನಗರದ ಪ್ರತಿ ದಿನ ಓಡಾಟಕ್ಕೂ ಇದು ಸೂಕ್ತವಾಗಿದೆ. ಹೊಸ ಕಾರಿನ ಬೆಲೆ 17,99,800 ರೂಪಾಯಿ (ಎಕ್ಸ್ ಶೋ ರೂಂ).

ಬ್ಯಾಟರಿ ಪ್ಯಾಕ್, ಪರ್ಫಾಮೆನ್ಸ್

38KWH ಬ್ಯಾಟರಿ ಪ್ಯಾಕ್ ಹೊಂದಿರುವ ಈ ಕಾರು 100 KW (136 ಪಿಎಸ್) ಪವರ್ ಮತ್ತು 200 NM ಟಾರ್ಕ್ ಉತ್ಪಾದಿಸುತ್ತದೆ ಸ್ಪೆಷಲ್ ಎಡಿಶನ್ ಕಾರು ವಿಶಿಷ್ಟವಾದ ‘ಡ್ಯುಯಲ್-ಟೋನ್’ (ಎರಡು ಬಣ್ಣಗಳ ಸಂಯೋಜನೆ) ಹೊರಭಾಗವನ್ನು ಹೊಂದಿದ್ದು, ಇದರಲ್ಲಿ ‘ಶ್ಯಾಡೋ ಗೋಲ್ಡ್’ ಬಣ್ಣದ ಬಾಡಿ ಮತ್ತು ಕಪ್ಪು ಬಣ್ಣದ ರೂಫ್ ಆಕರ್ಷಕವಾಗಿ ಕಾಣುತ್ತವೆ. ಕಪ್ಪು ಬಣ್ಣದ ಒಆರ್‌ಪಿಎಂ, R-18 ಗಾತ್ರದ ಕಪ್ಪು ಅಲಾಯ್ ವೀಲ್‍ಗಳು ಮತ್ತು C-ಪಿಲ್ಲರ್ ಮೇಲೆ ಇರುವ ವಿಶೇಷ INDULGE ಬ್ಯಾಡ್ಜಿಂಗ್ ಈ ಕಾರಿನ ಪ್ರೀಮಿಯಂ ಗುಣಮಟ್ಟವನ್ನು ಹೆಚ್ಚಿಸಿದೆ

ಕಾರಿನ ಇಂಟಿರಿಯರ್ ವಿಶೇಷತೆ

ಕ್ಯಾಬಿನ್ ವಿಶೇಷವಾದ ಅರ್ಬನ್ ಟ್ಯಾನ್ ಮತ್ತು ಬ್ಲ್ಯಾಕ್ ಅಪ್‍ಹೋಲ್ಸ್ಟರಿ ಥೀಮ್ ನೀಡಲಾಗಿದೆ. ಬೆಚ್ಚಗಿನ ಮತ್ತು ಹೆಚ್ಚು ಅತ್ಯಾಧುನಿಕ ಪಾತ್ರದೊಂದಿಗೆ ಪ್ರೀಮಿಯಂ ವಾತಾವರಣವನ್ನು ಹೆಚ್ಚಿಸುತ್ತದೆ. ಮುಂಭಾಗದ ಹೆಡ್‍ರೆಸ್ಟ್‍ಗಳು ಬೆಸ್ಪೋಕ್ ‘ಇಂಡಲ್ಜ್’ ಎಂಬ್ರಾಯ್ಡರಿಯನ್ನು ಒಳಗೊಂಡಿದೆ. ಆವೃತ್ತಿಯ ವಿಶಿಷ್ಟ ಗುರುತನ್ನು ಬಲಪಡಿಸುತ್ತದೆ. ಬಿಸಿನೆಸ್-ಕ್ಲಾಸ್ ಅನುಭವವನ್ನು ಮತ್ತಷ್ಟು ಹೆಚ್ಚಿಸಲು, ಎಂಜಿ ವಿಂಡ್ಸರ್ ಇಂಡಲ್ಜ್ ಆವೃತ್ತಿಯು ಎರಡನೇ ಸಾಲಿನ ಪ್ರಯಾಣಿಕರಿಗೆ ‘ಪ್ರೈವ್ ಸ್ಕ್ರೀನ್' ಪ್ರಮಾಣಿತವಾಗಿ ಹೊಂದಿದ್ದು, ಹಿಂಭಾಗದ ಸೀಟಿನ ಪ್ರಯಾಣಿಕರಿಗೆ ಹೆಚ್ಚುವರಿ ಅನುಕೂಲತೆ ಮತ್ತು ಮನರಂಜನೆಯನ್ನು ನೀಡುತ್ತದೆ. ಇಂಡಲ್ಜ್-ಥೀಮ್ ಕುಶನ್‍ಗಳು ಮತ್ತು ಕುತ್ತಿಗೆಯ ದಿಂಬುಗಳು ಮತ್ತಷ್ಟು ಪೂರಕವಾಗಿದ್ದು, ಹೆಚ್ಚುವರಿ ಸೌಕರ್ಯ ಮತ್ತು ಪ್ರತ್ಯೇಕತೆಯ ಪದರವನ್ನು ಸೇರಿಸುತ್ತವೆ.

ಮೊದಲ ಇಂಟಲಿಜೆಂಟ್ ಕಾರು

ಭಾರತದ ಮೊದಲ ಇಂಟೆಲಿಜೆಂಟ್ MG ವಿಂಡ್ಸರ್, ಸೆಡಾನ್‍ನ ವಿಶಾಲತೆ ಮತ್ತು ಸೌಕರ್ಯವನ್ನು SUಗಿ ಯ ಬಹುಮುಖತೆ ಮತ್ತು ಕಮಾಂಡಿಂಗ್ ಉಪಸ್ಥಿತಿಯೊಂದಿಗೆ ಸರಾಗವಾಗಿ ಸಂಯೋಜಿಸುತ್ತದೆ, ನಗರ ಚಲನಶೀಲತೆಯಲ್ಲಿ ಹೊಸ ಮಾನದಂಡವನ್ನು ಸೃಷ್ಟಿಸುತ್ತದೆ. ಎಂಜಿ ವಿಂಡ್ಸರ್ ಸಾಂಪ್ರದಾಯಿಕ ವಾಹನ ವಿಭಾಗಗಳನ್ನು ಮೀರಿದ ಭವಿಷ್ಯದ ಏರೋ ಗ್ಲೈಡ್ ವಿನ್ಯಾಸ ತತ್ವಶಾಸ್ತ್ರವನ್ನು ಸಾಕಾರಗೊಳಿಸುತ್ತದೆ. ಒಳಗೆ, ಇದು 135 ಡಿಗ್ರಿಗಳ ವರೆಗೆ ಒರಗಿಕೊಳ್ಳುವ ಏರೋ ಲೌಂಜ್ ಆಸನಗಳೊಂದಿಗೆ ವ್ಯಾಪಾರ-ವರ್ಗದ ಸೌಕರ್ಯವನ್ನು ನೀಡುತ್ತದೆ, ಇದು ನಿವಾಸಿಗಳಿಗೆ ಅಸಾಧಾರಣ ಸೌಕರ್ಯವನ್ನು ಖಾತ್ರಿಗೊಳಿಸುತ್ತದೆ. ಇನ್-ಕ್ಯಾಬಿನ್ ಅನುಭವವನ್ನು ಹೆಚ್ಚಿಸುವುದು ವಿಸ್ತಾರವಾದ 15.6-ಇಂಚಿನ ಗ್ರಾಂಡ್ ವ್ಯೂ ಟಚ್ ಡಿಸ್‍ಪ್ಲೇ ಆಗಿದೆ, ಇದು ಅರ್ಥಗರ್ಭಿತ ಮತ್ತು ತಲ್ಲೀನಗೊಳಿಸುವ ಚಾಲನಾ ಅನುಭವವನ್ನು ನೀಡಲು ಸೆಂಟರ್ ಕನ್ಸೋಲ್‍ನಲ್ಲಿ ಸರಾಗವಾಗಿ ಸಂಯೋಜಿಸಲ್ಪಟ್ಟಿದೆ.

ಎಂಜಿ ವಿಂಡ್ಸರ್ ಕೇವಲ ನಮಗೆ ಮಾತ್ರವಲ್ಲದೆ, ಇವಿ ವಿಭಾಗಕ್ಕೂ ಒಂದು ಪ್ರಮುಖ ಉತ್ಪನ್ನವಾಗಿದೆ. ಏಕೆಂದರೆ, ಇದು ಎಲೆಕ್ಟ್ರಿಕ್ ವಾಹನಗಳನ್ನು ಅಳವಡಿಸಿಕೊಳ್ಳುವ ಬಗ್ಗೆ ದ್ವಂದ್ವದಲ್ಲಿದ್ದ ಅನೇಕರನ್ನು ಆ ನಿಟ್ಟಿನಲ್ಲಿ ಮುಂದುವರಿಯಲು ಪ್ರೇರೇಪಿಸಿದೆ ಎಂದು JSW ಎಂಜಿ ಮೋಟಾರ್ ಇಂಡಿಯಾ ವಾಣಿಜ್ಯ ಅಧಿಕಾರಿ ವಿನಯ್ ರೈನಾ ಹೇಳಿದ್ದಾರೆ. ಗ್ರಾಹಕರಿಗೆ ಮೌಲ್ಯಯುತವಾದ ಅನುಭವವನ್ನು ನೀಡುವ ಮೂಲಕ, ವಿಂಡ್ಸರ್ ಈಗಾಗಲೇ ಗಮನಾರ್ಹ ಮೈಲಿಗಲ್ಲುಗಳನ್ನು ತಲುಪಿದೆ. ಈ ಯಶಸ್ಸಿನ ಆಧಾರದ ಮೇಲೆ, ‘ಇಂಡಲ್ಜ್ ಎಡಿಷನ್’ ವಿಶೇಷ ವರ್ಧನೆಗಳು ಮತ್ತು ಅತ್ಯುತ್ತಮ ಕ್ಯಾಬಿನ್ ಅನುಭವವನ್ನು ಪರಿಚಯಿಸುತ್ತದೆ ಎಂದಿದ್ದಾರೆ.

ಆಯುಧ ಪೂಜೆಗೆ ದೇವರಂತೆ ಪೂಜಿಸುವ ಕಾರಿನ ಬಾನೆಟ್ ಮೇಲೆ ಪ್ರೇಯಸಿ ಹೆಜ್ಜೆ ಗುರುತು; ನೋಡಿ ಮುಂದೇನಾಯ್ತು..!

Sathish Kumar KH — Mon, 19 Oct 2026 16:30:29 +0530

ಇತ್ತೀಚಿನ ದಿನಗಳಲ್ಲಿ ಇನ್‌ಸ್ಟಾಗ್ರಾಮ್ ರೀಲ್ಸ್ ಮತ್ತು ಸೋಶಿಯಲ್ ಮೀಡಿಯಾದಲ್ಲಿ ವ್ಯೂವ್ಸ್ (Views), ಲೈಕ್ಸ್‌ಗಳಿಗಾಗಿ ಜನರು ಎಂತಹ ವಿಚಿತ್ರ ಕೆಲಸಗಳನ್ನು ಮಾಡಲೂ ಹೇಸುವುದಿಲ್ಲ. ಹುಡುಗಿಯನ್ನು ಇಂಪ್ರೆಸ್ ಮಾಡಲು ಹುಡುಗರು ಮಾಡುವ ಹುಚ್ಚಾಟಗಳಂತೂ ಕೆಲವೊಮ್ಮೆ ಎಲ್ಲೆ ಮೀರಿಬಿಡುತ್ತವೆ. ಇದೀಗ ಅಂತಹದ್ದೇ ಒಂದು ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಕಿಡಿಹೊತ್ತಿಸಿದೆ!

ಆಗಿದ್ದೇನು?

ಹೊಸ ಕಾರೊಂದನ್ನು ಖರೀದಿ ಮಾಡಿದ ವ್ಯಕ್ತಿ ತನ್ನ ಪ್ರೇಯಸಿಯನ್ನು ಎತ್ತಿಕೊಂಡು ಆಕೆಯ ಕಾಲಿಗೆ ಕೆಂಪು ಬಣ್ಣವನ್ನು ಹಚ್ಚಿ ಕಾಲಿನ ಹೆಜ್ಜೆ ಗುರುತನ್ನು ಕಾರು ಇಂಜಿನ್‌ನ ಬಾನೆಟ್ (Engine Hood) ಮೇಲೆ ಇಡಿಸುತ್ತಾನೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ. ಈ ದೃಶ್ಯವನ್ನು ಮಾನವ ಹಕ್ಕುಗಳ ಹೋರಾಟಗಾರ ಸ್ಯಾಮ್ ಸಿಫ್ (Sam Siff) ಎಂಬುವವರು ತಮ್ಮ 'X' (ಟ್ವಿಟರ್) ಖಾತೆಯಲ್ಲಿ ಹಂಚಿಕೊಂಡು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

'ಇದು ಅತ್ಯಂತ ದಯನೀಯ! ಆಕೆಯನ್ನು ಇಂಪ್ರೆಸ್ ಮಾಡಲು ಇಂಜಿನ್ ಬಾನೆಟ್ ಮೇಲೆ ಕಾಲಿಡಿಸುವುದಾ? ನಿಜವಾದ ಯಾವುದೇ ಕಾರ್ ಪ್ರೇಮಿ (Car Lover) ಇಂತಹ ಕೃತ್ಯವನ್ನು ಮೆಚ್ಚುವುದಿಲ್ಲ. ಈ ಡ್ರಾಮಾ ಮಾಡಲು ಆತ ಕಾರಿನ ಬಾಗಿಲು ಬಳಸಬಹುದಿತ್ತು, ಆದರೆ ಇಂಜಿನ್ ಇರುವಂತಹ ಬಾನೆಟ್‌ಗೆ ಅಗೌರವ ತೋರಿದ್ದಾರೆ. ಇದು ಯಾವುದೇ ಸ್ವಾಭಿಮಾನವಿಲ್ಲದ ನಾಚಿಕೆಗೇಡು ಕೃತ್ಯ. ಕಾರಿನ ಬಗ್ಗೆ ಗೌರವವೂ ಇಲ್ಲ, ತನ್ನ ಬಗ್ಗೆ ತನಗೇ ಗೌರವವಿಲ್ಲದ ವರ್ತನೆ' ಎಂದು ಸ್ಯಾಮ್ ಸಿಫ್ ತೀವ್ರವಾಗಿ ಖಂಡಿಸಿದ್ದಾರೆ.

Pathetic. ‍♂️

Putting her foot on the engine hood just to impress her?

No real car lover will ever appreciate this kind of simping.

He could have used the car door for this drama, but no — he had to disrespect the engine hood.

Shameless simp. Zero self-respect, zero respect for the car. https://t.co/IYPGRVFe1s

— The Forgotten ‘Man’ ‍⚖️ (@SamSiff) October 19, 2026

ನೆಟ್ಟಿಗರ ಮಿಶ್ರ ಪ್ರತಿಕ್ರಿಯೆ: ಪರ-ವಿರೋಧದ ದೊಡ್ಡ ಚರ್ಚೆ!

ಈ ಪೋಸ್ಟ್ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಕಮೆಂಟ್ ಬಾಕ್ಸ್‌ನಲ್ಲಿ ಪರ-ವಿರೋಧ ಚರ್ಚೆ ಆರಂಭಿಸಿದ್ದಾರೆ.

ಕಾರು ಪ್ರೇಮಿಗಳ ಆಕ್ರೋಶ: 'ಒಬ್ಬ ಒಳ್ಳೆಯ ಕಾರ್ ಲವರ್ಸ್ ಎಂದಿಗೂ ಕಾರಿನ ಮೇಲೆ ಕಾಲಿಡಲು ಬಿಡುವುದಿಲ್ಲ. ಬರೀ ಇನ್‌ಸ್ಟಾಗ್ರಾಮ್ ವ್ಯೂವ್ಸ್‌ಗಾಗಿ ಇಷ್ಟೊಂದು ಕೀಳು ಮಟ್ಟಕ್ಕೆ ಇಳಿಯಬೇಕಾ? ಇಂದಿನ ಪೀಳಿಗೆಯಲ್ಲಿ ಹುಡುಗಿಯರನ್ನು ಓಲೈಸಲು ಹುಡುಗರು ಇಂತಹ ಕೃತ್ಯಗಳನ್ನು ಎಸಗುತ್ತಾರೆ' ಎಂದು ಹಲವರು ಕಿಡಿಕಾರಿದ್ದಾರೆ.

ವೈಯಕ್ತಿಕ ಸ್ವಾತಂತ್ರ್ಯ: 'ಗಾಡಿ ಅವನದ್ದು, ಹುಡುಗಿ ಅವನವಳು, ಡ್ರಾಮಾ ಅವರದ್ದು... ನಡುವೆ ಇವರಿಗೇಕೆ ಉಸಾಬರಿ? ಆತನ ಕಾರನ್ನು ಆತ ಹೇಗೆ ಬೇಕಾದರೂ ಬಳಸಿಕೊಳ್ಳಲಿ, ಬೇರೆಯವರಿಗೆ ಏನು ನಷ್ಟ?' ಎಂದು ಕೆಲವರು ಯುವಕನ ಪರವಾಗಿ ಬ್ಯಾಟ್ ಬೀಸಿದ್ದಾರೆ.

ಸಂಸ್ಕೃತಿ ನೆನಪಿಸಿದ ಕೆಲವರು: 'ಭಾರತದಲ್ಲಿ ಹೆಣ್ಣುಮಕ್ಕಳನ್ನು ದೇವಿಯಂತೆ ಕಂಡು ಗೌರವಿಸುವ ಸಂಪ್ರದಾಯವಿದೆ. ಇದು ಆಕೆಯ ಮೇಲಿನ ಪ್ರೀತಿ ಇರಬಹುದು' ಎಂದು ಕಾರಿನ ಮೇಲೆ ಕಾಲಿಟ್ಟಿದ್ದನ್ನು ಸಮರ್ಥಿಸಿಕೊಂಡಿದ್ದಾರೆ.

ರೀಲ್ಸ್ ಹುಚ್ಚಿಗೆ ಟಾಂಗ್: 'ಕಾರಿನ ಎಂಜಿನ್ ಎನ್ನುವುದು ದೈವಿಕ ಸ್ವರೂಪ. ಅದನ್ನು ದೇವರ ಮುಂದೆ ಪೂಜಿಸುತ್ತೇವೆ. ಆದರೆ, ಇಲ್ಲಿ ಕೇವಲ ನಾಲ್ಕು ಲೈಕ್‌ಗಳಿಗಾಗಿ ಮನುಷ್ಯರು ಇಷ್ಟೊಂದು ಕೀಳು ಮಟ್ಟಕ್ಕೆ ಇಳಿಯುತ್ತಾರೆ ಅನ್ನೋದಕ್ಕೆ ಈ ರೀಲ್ಸ್ ಸಾಕ್ಷಿ' ಎಂದು ಹಲವರು ವ್ಯಂಗ್ಯವಾಡಿದ್ದಾರೆ.

ಒಟ್ಟಿನಲ್ಲಿ, ಯುವತಿಯೊಬ್ಬಳು ಕಾರಿನ ಬಾನೆಟ್ ಮೇಲೆ ಕಾಲಿಟ್ಟ ಈ ಒಂದು ಘಟನೆ, ಪ್ರೀತಿ ಮತ್ತು ಕಾರ್ ಕ್ರೇಜ್ ನಡುವಿನ ದೊಡ್ಡ ಚರ್ಚೆಗೆ ಕಾರಣವಾಗಿ ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡಿಂಗ್ ಟಾಪಿಕ್ ಆಗಿದೆ.

ಬೈಕ್, ಕಾರು ಬ್ರೇಕ್ ಫೇಲ್ ಆದಾಗ ತಕ್ಷಣ ಏನು ಮಾಡಬೇಕು? ವಾಹನ ನಿಲ್ಲಿಸಲು ಐದು ಹಂತಗಳು

Ganesh Mabla Gowda — Mon, 19 Oct 2026 17:55:57 +0530

ನೀವು ವಾಹನ ಓಡಿಸುತ್ತೀರಿ. ಕೆಲವರು ಗಾಬರಿಗೆ ಒಳಗಾಗಿ ಎಂಜಿನ್ ಆಫ್ ಮಾಡಿಬಿಡುತ್ತಾರೆ. ಇಲ್ಲ, ಹ್ಯಾಂಡ್ ಬ್ರೇಕ್ ಎಳೆದು ಗಾಡಿ ನಿಲ್ಲಿಸುವ ಪ್ರಯತ್ನ ಮಾಡುತ್ತಾರೆ. ಹಾಗಿದ್ದರೆ ನೀವು ಮಾಡಬೇಕಾಗಿರೋದು ಏನು?

ಹೈವೇನಲ್ಲಿ ನೀವು ಸ್ಪೀಡಾಗಿ ವಾಹನ ಓಡಿಸುತ್ತಿದ್ದಾಗ ಬ್ರೇಕ್ ಫೇಲ್ ಆದ್ರೆ ಗಾಬರಿಯಲ್ಲಿ ಡ್ರೈವರ್ ಎರಡು ತಪ್ಪುಗಳನ್ನ ಮಾಡಿಬಿಡುತ್ತಾರೆ. ಅದು ಬೈಕ್ ಆಗಿರಬಹುದು ಅಥವಾ ಕಾರು ಆಗಿರಬಹುದು. ಏಕಾಏಕಿ ಎಂಜಿನ್ ಆಫ್ ಮಾಡಬಾರದು. ಜೊತೆಗೆ ಹ್ಯಾಂಡ್‌ಬ್ರೇಕ್ ಎಳೆದು ನಿಲ್ಲಿಸುವ ಪ್ರಯತ್ನವನ್ನು ಮಾಡಲೇಬಾರದು. ಈ ಎರಡು ತಪ್ಪುಗಳನ್ನು ಮಾಡುವ ಬದಲು ಸುರಕ್ಷಿತವಾಗಿ ಹೇಗೆ ವಾಹನ ನಿಲ್ಲಿಸಬೇಕು ಅನ್ನೋದ್ರ ಕಡೆಗೆ ಗಮನ ಹರಿಸಿ.

ಎಂಜಿನ್ ಆಫ್!

ಬ್ರೇಕ್ ಫೇಲ್ ಆದ ತಕ್ಷಣ ಮಾಡುವ ಮೊದಲ ತಪ್ಪು ಏನೆಂದರೆ.. ಎಂಜಿನ್ ಆಫ್ ಮಾಡೋದು. ಕಾರಿನ ಕೀ ಅನ್ನು ತೆಗೆದು ಬಿಡುತ್ತಾರೆ. ಹಾಗೆ ಮಾಡಿದರೆ.. ಸ್ಟೀರಿಂಗ್ ವೀಲ್ ತಕ್ಷಣವೇ ಲಾಕ್ ಆಗಿಬಿಡುತ್ತದೆ. ಅದರಿಂದ ವಾಹನ ನಿಯಂತ್ರಣವನ್ನು ಕಳೆದುಕೊಳ್ಳುತ್ತದೆ. ಇದರಿಂದ ರಸ್ತೆಯಿಂದ ವಾಹನ ಪಲ್ಟಿಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ.

ಹ್ಯಾಂಡ್‌ಬ್ರೇಕ್ ಹಾಕಿದ್ರೆ ಏನಾಗುತ್ತೆ?

ಕಾರು 60 ಕಿಲೋ ಮೀಟರ್ ವೇಗಗಿಂತ ಹೆಚ್ಚಿನ ವೇಗದಲ್ಲಿ ಕಾರಿನ ಹ್ಯಾಂಡ್ ಬ್ರೇಕ್ ಹಾಕಿದರೆ ಹಿಂದಿನ ಚಕ್ರಗಳು ಲಾಕ್ ಆಗುತ್ತವೆ. ಆಗ ವಾಹನ ನಿಯಂತ್ರಣ ತಪ್ಪುತ್ತದೆ. ಅನಾಹುತಕ್ಕೆ ದಾರಿ ಮಾಡಿಕೊಡುತ್ತದೆ.

ಹಂತ 1:

ಬ್ರೇಕ್ ಪೆಡಲ್ ಅನ್ನು ವೇಗವಾಗಿ ಪಂಪ್ ಮಾಡಿ
ಕೆಲವೊಮ್ಮೆ ಬ್ರೇಕ್‌ಗಳು ಕೆಲಸ ಮಾಡುವುದಿಲ್ಲ
ಬ್ರೇಕ್ ಪೆಡಲ್ ಒಮ್ಮೆ ಒತ್ತಿ ಬಿಡುಗಡೆ ಮಾಡಬಾರದು
ಸತತವಾಗಿ 4 ಅಥವಾ 5 ಬಾರಿ ವೇಗವಾಗಿ ಒತ್ತಿರಿ
ಆಗ ಬ್ರೇಕ್ ಸ್ವಲ್ಪ ಸ್ವಲ್ಪಮಟ್ಟಿಗೆ ಕೆಲಸ ಮಾಡಲು ಸಹಾಯ ಆಗಲಿದೆ

ಹಂತ 2

ಎಂಜಿನ್ ಬ್ರೇಕಿಂಗ್ ಬಳಸಿ
ವಾಹನ ನಿಧಾನಗೊಳಿಸಲು ಇದು ಸುರಕ್ಷಿತ ಮಾರ್ಗ
ನಿಮ್ಮ ಕಾರು 5 ನೇ ಗೇರ್‌ನಲ್ಲಿದ್ದರೆ
ತಕ್ಷಣ 4 ನೇ ಗೇರ್‌ಗೆ ಬದಲಾಯಿಸಿ
ನಂತರ ಕ್ರಮೇಣ 3 ನೇ
2 ನೇ ಮತ್ತು 1 ನೇ ಗೇರ್‌ಗಳಿಗೆ ಬದಲಾಯಿಸಿ
ಗೇರ್ ಕಡಿಮೆಯಾದಂತೆ ವಾಹನದ ವೇಗ ಕಮ್ಮಿ ಆಗುತ್ತದೆ

ಹಂತ 3

ಡೇಂಜರಸ್ ದೀಪ ಆನ್ ಮಾಡಿ
ನಿಮ್ಮ ಹಾರ್ನ್ ಅನ್ನು ಬಾರಿಸಿ
ಮುಂಬರುವ ವಾಹನಗಳಿಗೆ ಎಚ್ಚರಿಕೆ ಮೆಸೇಜ್ ಹೋಗುತ್ತೆ
ತಕ್ಷಣ ನಿಮ್ಮ ಡಬಲ್ ಇಂಡಿಕೇಟರ್‌ಗಳನ್ನು ಆನ್ ಮಾಡಿ
ನಿಮ್ಮ ಹಾರ್ನ್ ಅನ್ನು ನಿರಂತರವಾಗಿ ಬಾರಿಸಿ
ಇತರರು ನಿಮಗೆ ಸರಿಯಾದ ದಾರಿ ನೀಡಲು ಸಹಾಯ ಮಾಡುತ್ತದೆ

ಹಂತ 4

30 ಕಿ.ಮೀ.ಗಿಂತ ಕಡಿಮೆಯಾದಾಗ ಹ್ಯಾಂಡ್‌ಬ್ರೇಕ್ ಬಳಸಿ
ಎಂಜಿನ್ ಬ್ರೇಕಿಂಗ್ ಮೂಲಕ ವಾಹನದ ವೇಗ ಗಂಟೆಗೆ 30 ಕಿ.ಮೀ.
ಎಚ್ಚರಿಕೆಯಿಂದ ಹ್ಯಾಂಡ್‌ಬ್ರೇಕ್ ಮೇಲಕ್ಕೆ ಎಳೆಯಿರಿ
ಆಗ ಕಾರು ನಿಲ್ಲುತ್ತದೆ

ಹಂತ 5

ದೊಡ್ಡ ಕಣಿವೆ ಅಥವಾ ಅಪಾಯಕಾರಿ ಪ್ರದೇಶವಿದ್ದು ವಾಹನವು ನಿಲ್ಲದಿದ್ದರೆ.. ವಾಹನದ ಟೈರ್‌ಗಳನ್ನು ವಿಭಾಜಕದ ಕಡೆಗೆ ಅಥವಾ ರಸ್ತೆಯ ಬದಿಯಲ್ಲಿರುವ ಮಣ್ಣು, ಮರಳು, ಜಲ್ಲಿಕಲ್ಲು ಅಥವಾ ಸಣ್ಣ ಪೊದೆಗಳ ಕಡೆಗೆ ನಿಧಾನವಾಗಿ ತಿರುಗಿಸಿ.. ಘರ್ಷಣೆಯು ತಕ್ಷಣವೇ ವಾಹನದ ವೇಗವನ್ನು ಕಡಿಮೆ ಮಾಡುತ್ತದೆ.

ಆಕ್ಸಿಲರೇಟರ್ ಬಿಟ್ಟುಬಿಡಿ
ಕಾರಿನಂತೆಯೇ ಪ್ರತಿ ಗೇರ್ ಹಂತ ಹಂತವಾಗಿ ಕಡಿಮೆ ಮಾಡಿ
ಗೇರ್ ಬದಲಾಯಿಸುವಾಗ ಮಾತ್ರ ಕ್ಲಚ್ ಬಳಸಬೇಕು
ಗೇರ್ ಬದಲಾಯಿಸಿದ ನಂತರ ಕ್ಲಚ್ ಬಿಟ್ಟುಬಿಡಿ
ಆಗ ಮಾತ್ರ ಬೈಕ್ ನಿಲ್ಲುತ್ತದೆ
ಬೈಕ್ ಅನ್ನು ಸಹ ಹಂತಹಂತವಾಗಿ ನಿಲ್ಲಿಸಬೇಕು

ಪ್ರತಿ ಬಾರಿಯೂ ಪ್ರಯಾಣ ಮಾಡುವಾಗ ಬ್ರೇಕ್ ಆಯಿಲ್ ಬ್ರೇಕ್ ಪ್ಯಾಡ್ ಸವೆತದದ ಬಗ್ಗೆ ಗಮನ ಇರಬೇಕು

ಭಾರತದಲ್ಲಿ ಟೆಸ್ಲಾ ರೋಡ್‌ಸ್ಟರ್ ಹಾರು ಕಾರಿನ ಬುಕಿಂಗ್ ಆರಂಭ, ಡೌನ್‌ಪೇಮೆಂಟ್,ಬೆಲೆ ಎಷ್ಟು?

Chethan Kumar — Wed, 21 Oct 2026 13:36:35 +0530

ನವದೆಹಲಿ (ಅ.21) ವಿಶ್ವದ ನಂಬರ್ 1 ಎಲೆಕ್ಟ್ರಿಕ್ ಕಾರು ಟೆಸ್ಲಾ ಇದೀಗ ವಿಶ್ವದಲ್ಲೇ ಭಾರಿ ಸಂಚಲನ ಸೃಷ್ಟಿಸಿದೆ. ಹಾರುವ ಕಾರು ಬಿಡುಗಡೆ ಮಾಡುವ ಮೂಲಕ ಹೊಸ ಇತಿಹಾಸ ರಚಿಸಿದೆ. ಇದೀಗ ಈ ಕಾರು ಭಾರತದಲ್ಲಿ ಲಭ್ಯವಿದೆ. ಟೆಸ್ಲಾ ಇತ್ತೀಚೆಗೆಷ್ಟೇ ಭಾರತಕ್ಕೆ ಪ್ರವೇಶ ಮಾಡಿದೆ. ವೈ ಮಾಡೆಲ್ ಕಾರಿನ ಮೂಲಕ ಭಾರತಕ್ಕೆ ಎಂಟ್ರಿಕೊಟ್ಟ ಟೆಸ್ಲಾ ಇದೀಗ ನೇರವಾಗಿ ರೋಡ್‌ಸ್ಟರ್ ಫ್ಲೈಯಿಂಗ್ ಕಾರು ನೀಡುತ್ತಿದೆ. 5 ಲಕ್ಷ ರೂಪಾಯಿ ಪಾವತಿ ಮೂಲಕ ಈ ಕಾರು ಬುಕಿಂಗ್ ಮಾಡಿಕೊಳ್ಳಬಹುದು.

ಕಾರಿನ ಬುಂಕಿಂಗ್ ಹೇಗೆ?

ಟೆಸ್ಲಾ ರೋಡ್‌‌ಸ್ಟರ್ ಎಲೆಕ್ಟ್ರಿಕ್ ಕಾರಿನ ಬುಕಿಂಗ್ ಅಧಿಕೃತ ಟೆಸ್ಲಾ ವೆಬ್‌ಸೈಟ್ ಮೂಲಕ ಮಾಡಬಹುದು. ಬುಕಿಂಗ್ ಆರಭಂಭದಲ್ಲಿ 5.01 ಲಕ್ಷ ರೂಪಾಯಿ ಪಾವತಿಸಬೇಕು. ಆದರೆ ಇಲ್ಲಿಗೆ ಬುಕಿಂಗ್ ಪೂರ್ಣಗೊಳ್ಳುವುದಿಲ್ಲ. 5.01 ಲಕ್ಷ ರೂ ಪಾವತಿ ಬಳಿಕ 10 ದಿನಗಳ ಸಮಯವಿದೆ. ಈ ಸಮಯದಲ್ಲಿ ಬುಕಿಂಗ್ ಕ್ಯಾನ್ಸಲ್ ಮಾಡಬಹುದು. ಕ್ಯಾನ್ಸಲ್ ಮಾಡಿದರೆ ಪಾವತಿ ಮಾಡಿದ 5.01 ಲಕ್ಷ ರೂಪಾಯಿ ಸಂಪೂರ್ಣ ಮರುಪಾವತಿಯಾಗಲಿದೆ. 10 ದಿನದ ಒಳಗೆ ಬಾಕಿ ಉಳಿದ ಬುಕಿಂಗ್ ಹಣ ಅಂದರೆ 45.05 ಲಕ್ಷ ರೂಪಾಯಿ ಪಾವತಿಸಬೇಕು. ಹೌದು ಟೆಸ್ಲಾ ರೋಡ್‌ಸ್ಟರ್ ಕಾರಿನ ಬುಕಿಂಗ್ ಬೆಲೆ 50.06 ಲಕ್ಷ ರೂಪಾಯಿ.

ಕಾರಿನ ಬೆಲೆ ಎಷ್ಟು?

ಟೆಸ್ಲಾ ರೋಡ್‌ಸ್ಟರ್ ವಿಶ್ವವನ್ನೇ ಚಕಿತಗೊಳಿಸಿದ ಕಾರು, ಗುರತ್ವಾಕರ್ಷಣ ಬಲಕ್ಕೆ ಸವಾಲೆಸೆದು ಸಾಗಿದ ಕಾರು. ಹಾರುವ ಕಾರನ್ನೇ ಆವಿಷ್ಕಾರ ಮಾಡಿ ಅಷ್ಟೇ ವೇಗದಲ್ಲಿ ಕಾರು ಪ್ರಿಯರ ಬಳಿ ತಲುಪಿಸುತ್ತಿರುವ ಕೀರ್ತಿ ಟೆಸ್ಲಾಗಿದೆ. ಹಲವು ವಿಶೇಷತೆಗಳ ಈ ಕಾರಿನ ಬೆಲೆ 2.5 ಕೋಟಿ ರೂಪಾಯಿ (ಎಕ್ಸ್ ಶೋ ರೂಂ).

ಭಾರತದಲ್ಲಿ ಕಾರು ಬಿಡುಗಡೆ ಯಾವಾಗ?

ಇತ್ತೀಚೆಗೆ ಟೆಸ್ಲಾ ರೋಡ್‌ಸ್ಟರ್ ಕಾರು ಬಿಡುಗಡೆ ಮಾಡಿ ಹಲವು ಘೋಷಣೆ ಮಾಡಿತ್ತು. 2028ರಲ್ಲಿ ಟೆಸ್ಲಾ ರೋಡ್‌ಸ್ಟರ್ ಕಾರು ಉತ್ಪಾದನೆ ಆರಂಭಗೊಳ್ಳಲಿದೆ ಎಂದಿತ್ತು. ಎಡಭಾಗದಲ್ಲಿ ಸ್ಟೀರಿಂಗ್ ವ್ಹೀಲ್ ಇರುವ ಕಾರಿನ ಉತ್ಪಾದನೆ 2028ರಲ್ಲಿ ನಡೆಯಲಿದೆ. ಭಾರತದಲ್ಲಿ ಬಲಭಾಗದಲ್ಲಿ ಡ್ರೈವಿಂಗ್ ವ್ಹೀಲ್ ಇರಲಿದೆ. ಈ ಕಾರಿನ ಉತ್ಪಾದನೆ ಕುರಿತು ಸ್ಪಷ್ಟ ಮಾಹಿತಿ ಹೊರಬಿದ್ದಿಲ್ಲ. ಹೀಗಾಗಿ ಭಾರತದಲ್ಲಿ ಕಾರು ಬಿಡುಗಡೆ ಹಾಗೂ ಡೆಲಿವರಿ ವಿಳಂಬವಾಗಲಿದೆ.

ಭಾರತದಲ್ಲಿ ಮತ್ತೊಂದು ಟೆಸ್ಲಾ

ಸದ್ಯ ಭಾರತದಲ್ಲಿ ಟೆಸ್ಲಾದ ವೈ ಮಾಡೆಲ್ ಕಾರುಗಳು ಮಾತ್ರ ಲಭ್ಯವಿದೆ. ಇದೀಗ ರೋಡ್‌ಸ್ಟರ್ ಆಗಮಿಸುತ್ತಿದೆ. ರೋಡ್‌ಸ್ಟರ್‌ಗೂ ಮೊದಲು ಭಾರತದಲ್ಲಿ ಟೆಸ್ಲಾ ವೈಎಲ್ ಮಾಡೆಲ್ ಕಾರು ಬಿಡುಗಡೆ ಮಾಡುತ್ತಿದೆ. ಇದು 6 ಸೀಟಿನ ಕಾರಾಗಿದೆ. 0-100 ಕಿಲೋಮೀಟರ್ ವೇಗವನ್ನು ಕೇವಲ 4.5 ಸೆಕೆಂಡ್‌ನಲ್ಲಿ ಪಡೆದುಕೊಳ್ಳಲಿದೆ. ಒಂದು ಬಾರಿ ಚಾರ್ಜ್ ಮಾಡಿದರೆ 681 ಕಿಲೋಮೀಟರ್ ಮೈಲೇಜ್ ನೀಡಲಿದೆ.

Tata Car Sales: ನವರಾತ್ರಿ ಸಂದರ್ಭದಲ್ಲಿ ದಾಖಲೆ ಬರೆದ ಕಂಪನಿ: ಒಂದೇ ದಿನ 10 ಸಾವಿರ ಕಾರ್‌ ಮಾರಾಟ

Roopa Hegde — Thu, 22 Oct 2026 12:18:51 +0530

ಹಬ್ಬ ಬರ್ತಿದ್ದಂತೆ ಜನರ ಖರೀದಿ ಹೆಚ್ಚಾಗುತ್ತೆ. ಅದ್ರಲ್ಲೂ ವಿಜಯ ದಶಮಿ ದಿನ ವಾಹನ ಖರೀದಿದಾರರ ಸಂಖ್ಯೆ ಹೆಚ್ಚು. ಈ ಬಾರಿ ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ ಗೆ ಅದ್ಭುತ ರೆಸ್ಪಾನ್ಸ್‌ ಸಿಕ್ಕಿದೆ. ಹಬ್ಬದ ಸಂದರ್ಭದಲ್ಲಿ ಕಂಪನಿಯು 50 ಸಾವಿರಕ್ಕೂ ಹೆಚ್ಚು ಕಾರುಗಳನ್ನು ಗ್ರಾಹಕರಿಗೆ ಡೆಲಿವರಿ ಮಾಡಿದೆ.

ದಶಮಿ ದಿನ 10 ಸಾವಿರ ಕಾರ್ ಡೆಲಿವರಿ

ವಿಶೇಷ ಅಂದ್ರೆ ದಶಮಿಯ ಒಂದೇ ದಿನ ಟಾಟಾ ಮೋಟಾರ್ಸ್‌ ನ 10 ಸಾವಿರ ಕಾರುಗಳು ಮಾರಾಟವಾಗಿವೆ. ಟಾಟಾ ಮೋಟಾರ್ಸ್ನ ಕಾರುಗಳು ಮತ್ತು ಎಸ್ಯುವಿಗಳಿಗೆ ಸದ್ಯ ಭಾರತೀಯ ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆ ಇದೆ. ಕಳೆದ ಹಲವು ತಿಂಗಳ ಮಾರಾಟದ ದಾಖಲೆಗಳನ್ನು ಗಮನಿಸಿದರೆ, ದೇಶದಲ್ಲಿ ಅತಿ ಹೆಚ್ಚು ಕಾರುಗಳನ್ನು ಮಾರಾಟ ಮಾಡುವ ಕಂಪನಿಗಳ ಪೈಕಿ ಟಾಟಾ ಮೋಟಾರ್ಸ್ ಎರಡನೇ ಸ್ಥಾನದಲ್ಲಿದೆ.

ಗ್ರಾಹಕರ ವಿಶ್ವಾಸ ಹೆಚ್ಚಾಗಿರುವುದರಿಂದ ಶೋರೂಮ್ಗಳಿಗೆ ಭೇಟಿ ನೀಡುವವರ ಸಂಖ್ಯೆ ಹೆಚ್ಚಾಗಿದೆ. ಕಾರುಗಳ ಬಗ್ಗೆ ವಿಚಾರಣೆ ನಡೆಸುವುದು, ಬುಕ್ಕಿಂಗ್ ಮಾಡುವುದು ಮತ್ತು ಹೊಸ ವಾಹನಗಳನ್ನು ಡೆಲಿವರಿ ಪಡೆಯುವ ಪ್ರಕ್ರಿಯೆಯೂ ಹೆಚ್ಚಾಗಿದೆ ಎಂದು ಕಂಪನಿ ತಿಳಿಸಿದೆ.

ಕಂಪನಿ ಹೇಳಿದ್ದೇನು?

ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ನ ಮುಖ್ಯ ವಾಣಿಜ್ಯ ಅಧಿಕಾರಿ ಅಮಿತ್ ಕಾಮತ್ ಅವರ ಪ್ರಕಾರ, ಹಬ್ಬದ ಸಮಯದಲ್ಲಿ ಗ್ರಾಹಕರ ಉತ್ಸಾಹ ಹೆಚ್ಚಾಗಿದೆ. ವಿವಿಧ ಪವರ್ಟ್ರೇನ್ ಆಯ್ಕೆಗಳೊಂದಿಗೆ ಲಭ್ಯವಿರುವ ಕಂಪನಿಯ ಕಾರುಗಳು ಮತ್ತು ಎಸ್ಯುವಿಗಳಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ನವರಾತ್ರಿ ಸಂದರ್ಭದಲ್ಲಿ ಗ್ರಾಹಕರಿಂದ ವಿಶೇಷವಾಗಿ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಈ ಹಬ್ಬದ ಅವಧಿಯಲ್ಲಿ 50 ಸಾವಿರಕ್ಕೂ ಹೆಚ್ಚು ವಾಹನಗಳನ್ನು ಡೆಲಿವರಿ ಮಾಡಲಾಗಿದ್ದು, ದಸರಾ ದಿನವೊಂದರಲ್ಲೇ 10 ಸಾವಿರಕ್ಕೂ ಹೆಚ್ಚು ವಾಹನಗಳು ಗ್ರಾಹಕರ ಕೈ ಸೇರಿವೆ ಎಂದು ಅವರು ತಿಳಿಸಿದ್ದಾರೆ.

ನವರಾತ್ರಿ ಕಾರು ಮಾರಾಟದಲ್ಲಿ ಎಷ್ಟು ಬೆಳವಣಿಗೆ?

ಫೆಡರೇಷನ್ ಆಫ್ ಆಟೋಮೊಬೈಲ್ ಡೀಲರ್ಸ್ ಅಸೋಸಿಯೇಷನ್ಸ್ (FADA) ಬಿಡುಗಡೆ ಮಾಡಿರುವ ಮಾಹಿತಿಯ ಪ್ರಕಾರ, ನವರಾತ್ರಿ ಸಂದರ್ಭದಲ್ಲಿ ದೇಶದಲ್ಲಿ ಒಟ್ಟು 1,82,728 ಕಾರುಗಳು ಮಾರಾಟವಾಗಿವೆ.

• 2024ರ ನವರಾತ್ರಿ: 1,65,534 ಕಾರುಗಳ ಮಾರಾಟ.

• 2026ರ ನವರಾತ್ರಿ: 1,82,728 ಕಾರುಗಳ ಮಾರಾಟ.

• ಬೆಳವಣಿಗೆ: ಶೇಕಡಾ 10.39

2024ರ ನವರಾತ್ರಿಗೆ ಹೋಲಿಸಿದರೆ ಈ ಬಾರಿ ಕಾರು ಮಾರಾಟದಲ್ಲಿ ಶೇಕಡಾ 10.39ರಷ್ಟು ಬೆಳವಣಿಗೆಯಾಗಿದೆ. ಆದರೆ, 2025ರ ನವರಾತ್ರಿಗೆ ಹೋಲಿಸಿದರೆ ಮಾರಾಟದಲ್ಲಿ ಶೇಕಡಾ 21.91ರಷ್ಟು ಇಳಿಕೆಯಾಗಿದೆ. ಕಳೆದ ವರ್ಷ ನವರಾತ್ರಿ 11 ದಿನಗಳ ಕಾಲ ನಡೆದಿದ್ದರೆ, ಈ ಬಾರಿ 10 ದಿನಗಳ ಕಾಲ ಮಾತ್ರ ನಡೆದಿರುವುದು ಮಾರಾಟದ ಅಂಕಿಅಂಶಗಳ ಮೇಲೆ ಪರಿಣಾಮ ಬೀರಿದೆ ಎಂದು FADA ತಿಳಿಸಿದೆ. ಒಟ್ಟಿನಲ್ಲಿ, ನವರಾತ್ರಿ ಹಬ್ಬದ ಸಂದರ್ಭದಲ್ಲಿ ಟಾಟಾ ಮೋಟಾರ್ಸ್ನ ಕಾರುಗಳಿಗೆ ಸಿಕ್ಕಿರುವ ಉತ್ತಮ ಪ್ರತಿಕ್ರಿಯೆ ದೀಪಾವಳಿ ಮಾರಾಟದ ಮೇಲೂ ಸಕಾರಾತ್ಮಕ ಪರಿಣಾಮ ಬೀರುವ ನಿರೀಕ್ಷೆಯಿದೆ.