Asianet Suvarna News

ಅತ್ಯಾಧುನಿಕ ಡಿಜಿಟಲ್ ಹಾಗೂ ತಾಂತ್ರಿಕ ಸೌಲಭ್ಯವಿರುವ ಹೊಸ ಹ್ಯುಂಡೈ ಬಯಾನ್ SUV ಭಾರತದಲ್ಲಿ ಬಿಡುಗಡೆ

Gowthami K — Mon, 26 Oct 2026 10:53:25 +0530

ಹ್ಯುಂಡೈ ಮೋಟಾರ್ ಇಂಡಿಯಾ ತನ್ನ ಜನಪ್ರಿಯ SUV ಪೋರ್ಟ್‌ಫೋಲಿಯೊವನ್ನು ವಿಸ್ತರಿಸಲು ಭಾರತೀಯ ಮಾರುಕಟ್ಟೆಗೆ ಸಂಪೂರ್ಣವಾಗಿ ಹೊಸ ಹ್ಯುಂಡೈ ಬಯಾನ್ SUV ಯನ್ನು ಬಿಡುಗಡೆ ಮಾಡಿದೆ. ಕಂಪನಿಯ ಶ್ರೇಣಿಯಲ್ಲಿ ಈ ಕಾರು ವೆನ್ಯೂ ಮತ್ತು ಕ್ರೆಟಾ ನಡುವೆ ಸ್ಥಾನ ಪಡೆಯಲಿದೆ. ಮಧ್ಯಮ ಗಾತ್ರದ SUV ವಿಭಾಗದಲ್ಲಿ ಇದು ಪ್ರಮುಖವಾಗಿ ಮಾರುತಿ ಸುಜುಕಿ ವಿಕ್ಟೋರಿಸ್‌ನಂತಹ ಪ್ರಬಲ ಪ್ರತಿಸ್ಪರ್ಧಿಗಳಿಗೆ ನೇರ ಪೈಪೋಟಿ ನೀಡಲಿದೆ. ಗ್ರಾಹಕರು ₹11,000 ಮುಂಗಡ ಹಣ ಪಾವತಿಸಿ ಕಂಪನಿಯ ಅಧಿಕೃತ ವೆಬ್‌ಸೈಟ್ ಅಥವಾ ಸಮೀಪದ ಡೀಲರ್‌ಶಿಪ್‌ಗಳ ಮೂಲಕ ಬುಕಿಂಗ್ ಮಾಡಿಕೊಳ್ಳಬಹುದಾಗಿದ್ದು, ಹಬ್ಬದ ಋತುವಿನಲ್ಲಿ ಕಾರಿನ ವಿತರಣೆಗಳು ಆರಂಭವಾಗಲಿವೆ.

ಆಕರ್ಷಕ ಬಾಹ್ಯ ವಿನ್ಯಾಸ

ಹ್ಯುಂಡೈ ಬಯಾನ್ ಮುಂಭಾಗದಲ್ಲಿ ಅತ್ಯಂತ ಆಧುನಿಕ ಹಾಗೂ ಲೇಯರ್ಡ್ ಫ್ಯಾಸಿಯಾ ವಿನ್ಯಾಸವನ್ನು ಹೊಂದಿದೆ.

ಕಾರಿನ ಮುಂಭಾಗ ಬಾನೆಟ್‌ನ ಮೇಲ್ಭಾಗದಲ್ಲಿ ಹರಿಯುವಂತಹ ತೆಳುವಾದ LED DRL ಗಳು ಹಾಗೂ ಬಂಪರ್‌ನಲ್ಲಿ ಕೆಳಭಾಗಕ್ಕೆ ಜೋಡಿಸಲಾದ ಮುಖ್ಯ ಸ್ಪ್ಲಿಟ್ ಹೆಡ್‌ಲ್ಯಾಂಪ್ ಘಟಕಗಳಿವೆ. ಕಪ್ಪು ಮತ್ತು ಬೆಳ್ಳಿಯ ಬಣ್ಣದ ಕ್ಲಾಡಿಂಗ್ ಕಾರಿಗೆ ಕಾಂಟ್ರಾಸ್ಟ್ ಲುಕ್ ನೀಡುತ್ತದೆ.

ಪಕ್ಕದ ವಿನ್ಯಾಸದಲಲಿ ಪ್ರಮುಖವಾದ ವೀಲ್ ಆರ್ಚುಗಳು, ತೀಕ್ಷ್ಣವಾದ ಕ್ಯಾರ್ಯಾಕ್ಟರ್ ಲೈನ್‌ಗಳು ಮತ್ತು ಸ್ಟೈಲಿಶ್ ದಳ-ಆಕಾರದ ಅಲಾಯ್ ವೀಲ್‌ಗಳು ಕಾರಿಗೆ ಪ್ರೀಮಿಯಂ ಲುಕ್ ತರುತ್ತವೆ. ಕಪ್ಪು ಬಣ್ಣದ ಪಿಲರ್‌ಗಳು ತೇಲುವ ಛಾವಣಿಯ ಅನುಭವ ನೀಡುತ್ತವೆ.

ಹಿಂಭಾಗದಲ್ಲಿ ಬೂಟ್ ಲಿಡ್‌ನಲ್ಲಿ ಪ್ರಮುಖವಾಗಿ ಬಯಾನ್ ಅಕ್ಷರಗಳನ್ನು ಕೆತ್ತಲಾಗಿದ್ದು, ಕಪ್ಪು ಟ್ರಿಮ್ ಲೈನ್‌ನಿಂದ ಸಂಪರ್ಕಗೊಂಡ ಸ್ಲಿಮ್ ಟೈಲ್-ಲ್ಯಾಂಪ್‌ಗಳಿವೆ. ಜೊತೆಗೆ ರೂಫ್ ಸ್ಪಾಯ್ಲರ್ ಮತ್ತು ಡ್ಯುಯಲ್-ಟೋನ್ ಬಂಪರ್ ಕಾರಿನ ಸ್ಪೋರ್ಟಿ ಲುಕ್ ಪೂರ್ಣಗೊಳಿಸುತ್ತವೆ.

ಪ್ರೀಮಿಯಂ ಕ್ಯಾಬಿನ್ ಮತ್ತು ಸುಧಾರಿತ ತಂತ್ರಜ್ಞಾನ

ಬಯಾನ್ ಒಳಾಂಗಣವು ಅತ್ಯಾಧುನಿಕ ಡಿಜಿಟಲ್ ಅನುಭವವನ್ನು ನೀಡುವ ರೀತಿಯಲ್ಲಿ ವಿನ್ಯಾಸಗೊಂಡಿದೆ:

ಪನೋರಮಿಕ್ ಡ್ಯಾಶ್‌ಬೋರ್ಡ್‌ನಲ್ಲಿ ಎರಡು 12.3-ಇಂಚಿನ ಸ್ಕ್ರೀನ್‌ಗಳನ್ನು ನೀಡಲಾಗಿದೆ. ಒಂದು ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಆಗಿ ಮತ್ತು ಇನ್ನೊಂದು ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಆಗಿ ಕಾರ್ಯನಿರ್ವಹಿಸುತ್ತದೆ.

NVIDIA ನಿಂದ ವೇಗವರ್ಧಿತಗೊಂಡ ಹ್ಯುಂಡೈನ 'ಕನೆಕ್ಟೆಡ್ ಕಾರ್ ನ್ಯಾವಿಗೇಷನ್ ಕಾಕ್‌ಪಿಟ್' ಆನ್‌ಲೈನ್ ನ್ಯಾವಿಗೇಷನ್, ಸ್ಪ್ಲಿಟ್-ಸ್ಕ್ರೀನ್ ಮತ್ತು ವೈಯಕ್ತಿಕಗೊಳಿಸಿದ ಮೆನುಗಳನ್ನು ನೀಡುತ್ತದೆ.

ಭಾರತದಲ್ಲಿ ಹ್ಯುಂಡೈನ ಮೊದಲ ಜನರೇಟಿವ್ AI ಧ್ವನಿ ಸಹಾಯಕ ಇದಾಗಿದ್ದು, SoundHound AI ಮತ್ತು Perplexity ತಂತ್ರಜ್ಞಾನದಿಂದ ಚಾಲಿತವಾಗಿದೆ. ಇದು ಪ್ರಯಾಣ, ಹವಾಮಾನ ಮತ್ತು ಹತ್ತಿರದ ಹೋಟೆಲ್/ಆಕರ್ಷಣೆಗಳ ಬಗ್ಗೆ ಸಂವಾದಾತ್ಮಕ ಉತ್ತರಗಳನ್ನು ನೀಡುತ್ತದೆ.

ಸಿಸ್ಟಮ್ 10 ಪ್ರಾದೇಶಿಕ ಮತ್ತು 2 ಅಂತರರಾಷ್ಟ್ರೀಯ ಭಾಷೆಗಳನ್ನು ಬೆಂಬಲಿಸುತ್ತದೆ. ಜೊತೆಗೆ ಆಫ್‌ಲೈನ್‌ನಲ್ಲಿದ್ದಾಗಲೂ ಕೆಲಸ ಮಾಡುವ 500 ಕ್ಕೂ ಹೆಚ್ಚು ಎಂಬೆಡೆಡ್ ವಾಯ್ಸ್ ಕಮಾಂಡ್‌ಗಳು ಇಂಗ್ಲಿಷ್, ಹಿಂದಿ, ತಮಿಳು, ತೆಲುಗು ಮತ್ತು ಬೆಂಗಾಲಿ ಭಾಷೆಗಳಲ್ಲಿ ಲಭ್ಯವಿವೆ. 70 ಕ್ಕೂ ಹೆಚ್ಚು ಕನೆಕ್ಟೆಡ್ ಕಾರ್ ವೈಶಿಷ್ಟ್ಯಗಳು ಹಾಗೂ 19 ವಾಹನ ನಿಯಂತ್ರಕಗಳಿಗೆ Over-the-Air (OTA) ಅಪ್‌ಡೇಟ್‌ಗಳ ಬೆಂಬಲವಿದೆ.

ಎಂಜಿನ್ ಮತ್ತು ಕಾರ್ಯಕ್ಷಮತೆ

ಹ್ಯುಂಡೈ ಬಯಾನ್ ನಂಬಿಗಸ್ಥ ಮತ್ತು ಶಕ್ತಿಶಾಲಿ ಪೆಟ್ರೋಲ್ ಎಂಜಿನ್ ಆಯ್ಕೆಯೊಂದಿಗೆ ಬರುತ್ತದೆ.

ಎಂಜಿನ್: 1.5-ಲೀಟರ್, 4-ಸಿಲಿಂಡರ್ ನೈಸರ್ಗಿಕ MPi ಪೆಟ್ರೋಲ್ ಎಂಜಿನ್.

115 bhp ಪವರ್ ಮತ್ತು 144 Nm ಟಾರ್ಕ್. ಇದು ಹ್ಯುಂಡೈ ಕ್ರೆಟಾದ ಪೆಟ್ರೋಲ್ ಆವೃತ್ತಿಯಷ್ಟೇ ಕಾರ್ಯಕ್ಷಮತೆ ಹೊಂದಿದೆ .

ಗೇರ್‌ಬಾಕ್ಸ್: 6-ಸ್ಪೀಡ್ ಮ್ಯಾನುವಲ್ ಹಾಗೂ ಹ್ಯುಂಡೈನ Intelligent Variable Transmission ಆಯ್ಕೆಗಳಿವೆ.

ಡ್ರೈವ್ ಮೋಡ್‌ಗಳು: ನಿಯಂತ್ರಣಕ್ಕಾಗಿ ಇಕೋ, ನಾರ್ಮಲ್ ಮತ್ತು ಸ್ಪೋರ್ಟ್ ಡ್ರೈವ್ ಮೋಡ್‌ಗಳು ಹಾಗೂ ಪ್ಯಾಡಲ್ ಶಿಫ್ಟರ್‌ಗಳನ್ನು ನೀಡಲಾಗಿದೆ. ಜೊತೆಗೆ ಓವರ್‌ಟೇಕ್ ಮಾಡುವಾಗ ತ್ವರಿತ ಪ್ರತಿಕ್ರಿಯೆಗಾಗಿ iVT ಮಾದರಿಯಲ್ಲಿ 'Dash Boost Mode' ನೀಡಲಾಗಿದೆ. ಗಮನಿಸಿ, ಬಯಾನ್ SUVಯಲ್ಲಿ ಸದ್ಯಕ್ಕೆ CNG ರೂಪಾಂತರವನ್ನು ಘೋಷಿಸಲಾಗಿಲ್ಲ.

ಉನ್ನತ ಮಟ್ಟದ ಸುರಕ್ಷತೆ ಮತ್ತು Level-2 Pro ADAS

ಕಂಪನಿಯ ಪ್ರಕಾರ, ಬಯಾನ್ ಕಾರನ್ನು ಸುಧಾರಿತ 'Global K Enhanced Platform' ಆಧಾರದ ಮೇಲೆ ನಿರ್ಮಿಸಲಾಗಿದ್ದು, 69% ನಷ್ಟು ಉನ್ನತ-ಸಾಮರ್ಥ್ಯದ ಉಕ್ಕು ಬಳಸಲಾಗಿದೆ.

ಪ್ರಮಾಣಿತ ಸುರಕ್ಷತೆ: 80 ಕ್ಕೂ ಹೆಚ್ಚು ಸುರಕ್ಷತಾ ವೈಶಿಷ್ಟ್ಯಗಳ ಪೈಕಿ 35 ಕ್ಕೂ ಹೆಚ್ಚು ಪ್ರಮುಖ ಸುರಕ್ಷತಾ ಅಂಶಗಳು (6 ಏರ್‌ಬ್ಯಾಗ್‌ಗಳು, ESC ಇತ್ಯಾದಿ) ಎಲ್ಲಾ ರೂಪಾಂತರಗಳಲ್ಲೂ ಸ್ಟ್ಯಾಂಡರ್ಡ್ ಆಗಿರುತ್ತವೆ.

Hyundai SmartSense Level 2 Pro ADAS: 3 ರಾಡಾರ್‌ಗಳು ಮತ್ತು 12 ಪಾರ್ಕಿಂಗ್ ಸಂವೇದಕಗಳ ನೆರವಿನಿಂದ ಕೆಲಸ ಮಾಡುವ 23 ADAS ಕಾರ್ಯಗಳು ಈ ಕಾರಿನಲ್ಲಿವೆ.

ಮುಖ್ಯ ADAS ವೈಶಿಷ್ಟ್ಯಗಳು: ಮುಂಭಾಗದ ಡಿಕ್ಕಿ ಎಚ್ಚರಿಕೆ ಮತ್ತು ನಿಯಂತ್ರಣ (Forward Collision Avoidance Assist), ಬ್ಲೈಂಡ್-ಸ್ಪಾಟ್ ಕೊಲಿಷನ್ ಅಸಿಸ್ಟ್, ಲೇನ್ ಕೀಪಿಂಗ್ ಅಸಿಸ್ಟ್, ಡ್ರೈವರ್ ಅಟೆನ್ಶನ್ ವಾರ್ನಿಂಗ್, ಮತ್ತು ಜಂಕ್ಷನ್ ಟರ್ನಿಂಗ್ ಅಸಿಸ್ಟ್.

ಹೆದ್ದಾರಿ ಚಾಲನಾ ನೆರವು: ಸ್ಟಾಪ್ & ಗೋ ಬೆಂಬಲವಿರುವ ಸ್ಮಾರ್ಟ್ ಕ್ರೂಸ್ ಕಂಟ್ರೋಲ್, ಲೇನ್ ಫಾಲೋಯಿಂಗ್ ಅಸಿಸ್ಟ್, ಹೈ ಬೋರ್ಡ್ ಅಸಿಸ್ಟ್, ಸರೌಂಡ್ ವ್ಯೂ ಮಾನಿಟರ್ ಮತ್ತು ಬ್ಲೈಂಡ್-ಸ್ಪಾಟ್ ವ್ಯೂ ಮಾನಿಟರ್‌ಗಳು ಇದರಲ್ಲಿವೆ.

ಬೆಲೆ ಮತ್ತು ಲಭ್ಯತೆ

ಹ್ಯುಂಡೈ ಬಯಾನ್ ತನ್ನ ವಿಭಾಗದಲ್ಲಿ ಸ್ಪರ್ಧಾತ್ಮಕ ಬೆಲೆಯಲ್ಲಿ ಹೊರಬರುವ ನಿರೀಕ್ಷೆಯಿದೆ. ಕಂಪನಿಯು ಬಿಡುಗಡೆಯ ವೇಳೆಯಲ್ಲಿ ಕಾರಿನ ರೂಪಾಂತರವಾರು ಬೆಲೆ ಪಟ್ಟಿಯನ್ನು ಅಧಿಕೃತವಾಗಿ ಪ್ರಕಟಿಸಲಿದೆ. ಆಕರ್ಷಕ ವಿನ್ಯಾಸ ಮತ್ತು ಹೈ-ಟೆಕ್ ವೈಶಿಷ್ಟ್ಯಗಳನ್ನು ಬಯಸುವ ಭಾರತೀಯ ಕಾರು ಪ್ರಿಯರಿಗೆ ಬಯಾನ್ ಅತ್ಯುತ್ತಮ ಆಯ್ಕೆಯಾಗಲಿದೆ.

68 ಕಿಲೋ ಮೀಟರ್‌ ಮೈಲೇಜ್, ಈ ಸ್ಕೂಟರ್‌ನ ಮಾರಾಟವು ಶೇಕಡಾ 90 ರಷ್ಟು ಹೆಚ್ಚಾಗಿದೆ..

Ganesh Mabla Gowda — Wed, 21 Oct 2026 13:47:14 +0530

ಕಳೆದ ಸೆಪ್ಟೆಂಬರ್‌ನಲಿ ಯಮಹ ಕಂಪನಿ ಭರ್ಜರಿ ಲಾಭದಲ್ಲಿ ಇದೆ. ಸ್ಕೂಟರ್‌ಗಳ ಮಾರಾಟದಲ್ಲಿ ಶೇಕಡಾ 90 ರಷ್ಟು ಪ್ರಗತಿ ಸಾಧಿಸಿದ್ದು, ಗ್ರಾಹಕರು ಖರೀದಿಸಲು ಮುಗಿಬಿದ್ದಿದ್ದಾರೆ ಎಂದು ಸಂಸ್ಥೆ ಹೇಳಿಕೊಂಡಿದೆ. ಈ ಕುರಿತ ಒಂದು ರಿಪೋರ್ಟ್‌ ಇಲ್ಲಿದೆ.

ಕಳೆದ ಸೆಪ್ಟೆಂಬರ್‌ಗೆ ಹೋಲಿಸಿದರೆ ಯಮಹ ಮೋಟಾರ್‌ ಇಂಡಿಯಾ ತನ್ನ ಸ್ಕೂಟರ್‌ಗಳ ಮಾರಾಟದಲ್ಲಿ ಶೇಕಡಾ 10 ರಷ್ಟು ಪ್ರಗತಿಯನ್ನ ಈ ಸೆಪ್ಟೆಂಬರ್‌ನಲ್ಲಿ ಕಂಡಿದೆ. ದೇಸಿಯ ಮಾರುಕಟ್ಟೆಯಲ್ಲಿ ಹೆಚ್ಚು ಬೆಳವಣಿಗೆ ಕಂಡಿದೆ. ಯಮಹಾ ರೇಝಡ್‌ ಭಾರತದಲ್ಲಿ ಹೆಚ್ಚು ಮಾರಾಟವಾಗಿದೆ. 2025ರ ಸೆಪ್ಟೆಂಬರ್‌ನಲ್ಲಿ ಯಮಹ ಒಟ್ಟು 73307 ವಾಹನಗಳನ್ನ ಮಾರಾಟ ಮಾಡಿತ್ತು. ಅದೇ ಈ ಬಾರಿ 80782 ವಾಹನಗಳನ್ನ ಮಾರಾಟ ಮಾಡಿದೆ. ಕಳೆದ ಅಗಸ್ಟ್‌ನಲ್ಲಿ 68796 ರಷ್ಟು ಮಾರಾಟ ಮಾಡಿರೋದನ್ನ ಹೋಲಿಸಿದರೆ ಶೇ. 17.42 ರಷ್ಟು ಬೆಳವಣಿಗೆ ನೋಡಬಹುದು.

ವಾಹನಗಳ ಮಾರಾಟದಲ್ಲಿ ಯಮಹಾ ಫ್ಯಾಸಿನೋ ಹೆಚ್ಚು ಮುಂಚೂಣಿಯಲ್ಲಿದೆ. ಈ ಸ್ಕೂಟರ್‌ನ ಮಾರಾಟವು ಶೇಕಡಾ 90.58 ರಷ್ಟು ಹೆಚ್ಚಳವಾಗಿದೆ. ಸೆಪ್ಟೆಂಬರ್‌ನಲ್ಲಿ 11349 ಯುನಿಟ್‌ಗಳು ಮಾರಾಟ ಆಗಿದೆ. 2025ರ ಸೆಪ್ಟೆಂಬರ್‌ನಲ್ಲಿ 5955 ಯುನಿಟ್‌ಗಳು ಮಾತ್ರ ಮಾರಾಟ ಆಗಿದ್ದವು. ಅಂದರೆ ಇದು ವರ್ಷದಿಂದ ವರ್ಷಕ್ಕೆ ಶೇಕಡಾ 90ಕ್ಕಿಂತ ಹೆಚ್ಚಿನ ಸಂಖ್ಯೆಯಲಿ ಮಾರಾಟವನ್ನು ಕಂಡಿದೆ.

ಟರ್ 125 ಸಿಸಿ
ಏರ್-ಕೂಲ್ಡ್
4-ಸ್ಟ್ರೋಕ್ ಎಂಜಿನ್
8.2 ಪಿಎಸ್ ಪವರ್
10.3 ಎನ್ಎಂ ಟಾರ್ಕ್
ಟಿಎಫ್‌ಟಿ ಮೀಟರ್
ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್
ಫೋನ್ ಕರೆ, ಎಸ್‌ಎಂಎಸ್, ಇಮೇಲ್ ಎಚ್ಚರಿಕೆ‌
ವಿವಿಧ ಅಪ್ಲಿಕೇಷನ್‌ ಕನೆಕ್ಷನ್‌
ಪ್ರತಿ ಲೀಟರ್‌ಗೆ 68 ಕಿಲೋಮೀಟರ್ ಮೈಲೇಜ್
ಬೆಲೆ ₹78,980 ರಿಂದ ಪ್ರಾರಂಭ

ಭಾರತದಲ್ಲಿ ಅದರ ಮಾರಾಟದ ಬಗ್ಗೆ ಹೇಳೋದಾದರೆ.. ಕಂಪನಿಯ ರೇಝಡ್‌ಆರ್‌ಗೆ ಬೇಡಿಕೆ ಹೆಚ್ಚಿದೆ. ಸೆಪ್ಟೆಂಬರ್‌ ಸ್ಕೂಟರ್‌ 22088 ಯುನಿಟ್‌ಗಳನ್ನ ಮಾರಾಟ ಮಾಡಿದೆ. ಆರ್‌15 ಮಾರಾಟದಲ್ಲಿ ಎರಡನೇ ಸ್ಥಾನದಲ್ಲಿದೆ.14256 ಯೂನಿಟ್‌ಗಳನ್ನ ಮಾರಾಟ ಮಾಡಿದೆ. ಎಫ್‌ಝೆಡ್‌ ಮೂರನೇ ಸ್ಥಾನದಲ್ಲಿದೆ. ನಾಲ್ಕನೇ ಸ್ಥಾನದಲ್ಲಿ ಫ್ಯಾಸಿನೋ ಇದೆ.

ಹಬ್ಬದ ಸೀಸನ್‌ಗೆ ರಾಯಲ್ ಎಂಟ್ರಿ: 'ಬಿಎಸ್‌ಎ ಗೋಲ್ಡ್ ಸ್ಟಾರ್ 650'ಯ 2 ಹೊಸ ಎಡಿಷನ್‌ಗಳು ಬಿಡುಗಡೆ! ದರ ಎಷ್ಟು?

Gowthami K — Mon, 19 Oct 2026 14:03:57 +0530

ಬೆಂಗಳೂರು: ಹಬ್ಬದ ಸೀಸನ್ ಸಂಭ್ರಮವನ್ನು ಹೆಚ್ಚಿಸಲು ಬಿಎಸ್‌ಎ ಮೋಟಾರ್‌ಸೈಕಲ್ಸ್ ಭಾರತದಲ್ಲಿ ತನ್ನ ಪ್ರಸಿದ್ಧ ಗೋಲ್ಡ್ ಸ್ಟಾರ್ 650 ಬೈಕ್‌ನ ಎರಡು ಹೊಸ ಆವೃತ್ತಿಗಳನ್ನು ಬಿಡುಗಡೆ ಮಾಡಿದೆ. ಎಂಸಿಎನ್‌ನ ಬೆಸ್ಟ್ ರೆಟ್ರೊ ಬೈಕ್ ಪ್ರಶಸ್ತಿ ವಿಜೇತ ಈ ಬೈಕ್ ಇದೀಗ 'ಬ್ರೂಕ್‌ಲ್ಯಾಂಡ್ಸ್ ಬ್ಲ್ಯಾಕ್ ಲೆಗಸಿ ಎಡಿಷನ್' ಮತ್ತು ಬರ್ಮಿಂಗ್ಹ್ಯಾಮ್ ಬ್ಲೂ ಎಡಿಷನ್ ಎಂಬ ಎರಡು ಆಕರ್ಷಕ ಬಣ್ಣಗಳಲ್ಲಿ ಮಾರುಕಟ್ಟೆಗೆ ಲಗ್ಗೆ ಇಟ್ಟಿದೆ.

ಬಿಎಸ್‌ಎ ಬ್ರ್ಯಾಂಡ್‌ನ ಐತಿಹಾಸಿಕ ಮೈಲಿಗಲ್ಲುಗಳನ್ನು ಆಚರಿಸುವ ಉದ್ದೇಶದಿಂದ ಈ ಎರಡು ಹೊಸ ಎಡಿಷನ್‌ಗಳನ್ನು ವಿನ್ಯಾಸಗೊಳಿಸಲಾಗಿದೆ. ಪ್ರೀಮಿಯಂ ಲುಕ್ ಹೊಂದಿರುವ ಈ ಬೈಕ್‌ಗಳು ಬಿಎಸ್‌ಎ ಮರುಹುಟ್ಟಿನ ಪ್ರಮುಖ ಆಕರ್ಷಣೆಯಾಗಿವೆ.

ಇದರಲ್ಲಿ 'ಬ್ರೂಕ್‌ಲ್ಯಾಂಡ್ಸ್ ಬ್ಲ್ಯಾಕ್ ಲೆಗಸಿ ಎಡಿಷನ್' ಬ್ರಿಟನ್‌ನ ಐತಿಹಾಸಿಕ ಬ್ರೂಕ್‌ಲ್ಯಾಂಡ್ಸ್ ರೇಸ್ ಟ್ರ್ಯಾಕ್‌ನಿಂದ ಸ್ಫೂರ್ತಿ ಪಡೆದಿದೆ. 1937ರಲ್ಲಿ ವಾಲ್ ಹ್ಯಾಂಡ್ಲಿ ಎಂಬ ರೇಸರ್ ಇದೇ ಟ್ರ್ಯಾಕ್‌ನಲ್ಲಿ ತೋರಿದ ಅದ್ಭುತ ಸಾಧನೆಗಾಗಿ 'ಗೋಲ್ಡ್ ಸ್ಟಾರ್' ಬ್ಯಾಡ್ಜ್ ಪಡೆದಿದ್ದರು. ಆ ಐತಿಹಾಸಿಕ ಕ್ಷಣದ ನೆನಪಿಗಾಗಿ ಈ ಆವೃತ್ತಿಯನ್ನು ಹೊರತರಲಾಗಿದೆ. ಈ ಬೈಕ್ ಆಕರ್ಷಕವಾದ ಕಪ್ಪು ಬಣ್ಣ, ಕ್ರೋಮ್ ಫಿನಿಶ್ ಹೊಂದಿರುವ ಟ್ಯಾಂಕ್ ಮತ್ತು ಫೆಂಡರ್‌ಗಳ ಮೇಲೆ ಚಿನ್ನದ ಬಣ್ಣದ ಗೆರೆಗಳು ಹಾಗೂ ಪ್ರೀಮಿಯಂ ಕ್ವಿಲ್ಟೆಡ್ ಸೀಟ್ ಅನ್ನು ಹೊಂದಿದ್ದು ಅತ್ಯಂತ ಗಾಂಭೀರ್ಯದಿಂದ ಕೂಡಿದೆ.

ಮತ್ತೊಂದೆಡೆ, 'ಬರ್ಮಿಂಗ್ಹ್ಯಾಮ್ ಬ್ಲೂ' ಆವೃತ್ತಿಯು ಬಿಎಸ್‌ಎ ಬ್ರ್ಯಾಂಡ್ ಹುಟ್ಟಿದ 'ಬರ್ಮಿಂಗ್ಹ್ಯಾಮ್' ನಗರಕ್ಕೆ ಗೌರವ ಸಲ್ಲಿಸುತ್ತದೆ. ಬಿಎಸ್‌ಎ ಹುಟ್ಟಿನಿಂದ ಹಿಡಿದು ಜಗತ್ತಿನಾದ್ಯಂತ ಅದು ಬೆಳೆದ ಪರಿಯ ಹಿಂದೆ ಈ ನಗರದ ಪಾತ್ರ ದೊಡ್ಡದಿದೆ. ಈ ಬೈಕ್ ಗಾಢವಾದ ನೀಲಿ ಬಣ್ಣದ ಪೇಂಟ್, ವಿಶೇಷವಾದ ಬೆಳ್ಳಿಯ ಸೈಡ್-ಪ್ಯಾನಲ್ ಬ್ಯಾಡ್ಜ್ ಹಾಗೂ ವಿಶಿಷ್ಟವಾದ ಎಂಜಿನ್ ಫಿನಿಶ್ ಅನ್ನು ಹೊಂದಿದೆ. ಇದು ಗೋಲ್ಡ್ ಸ್ಟಾರ್‌ನ ಹಳೆಯ ಕ್ಲಾಸಿಕ್ ಡಿಎನ್‌ಎಯನ್ನು ಉಳಿಸಿಕೊಂಡು, ಇಂದಿನ ಯುವಜನತೆಗೆ ಒಪ್ಪುವಂತಹ ಸಮಕಾಲೀನ ಸ್ಪರ್ಶವನ್ನು ನೀಡಿದೆ.

ಈ ಎರಡೂ ಹೊಸ ಬೈಕ್‌ಗಳ ಕಾರ್ಯಕ್ಷಮತೆ ಅತ್ಯುತ್ತಮವಾಗಿದೆ. ಇವುಗಳು ಶಕ್ತಿಶಾಲಿ 652ಸಿಸಿ ಲಿಕ್ವಿಡ್-ಕೂಲ್ಡ್ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿದ್ದು, 45ಎಚ್‌ಪಿ ಪವರ್ ಹಾಗೂ 55ಎನ್‌ಎಂ ಟಾರ್ಕ್ ಉತ್ಪಾದಿಸುತ್ತವೆ.

ದೊಡ್ಡ ಸಿಂಗಲ್ ಸಿಲಿಂಡರ್ ನೀಡುವ ವಿಶಿಷ್ಟ ಅನುಭವವನ್ನು ಗ್ರಾಹಕರು ಇದರಲ್ಲಿ ಪಡೆಯಲಿದ್ದಾರೆ. ಸುರಕ್ಷತೆ ಹಾಗೂ ಅತ್ಯುತ್ತಮ ನಿಯಂತ್ರಣಕ್ಕಾಗಿ ಬ್ರೆಂಬೊ ಬ್ರೇಕ್‌ಗಳು, ಡ್ಯುಯಲ್-ಚಾನೆಲ್ ಎಬಿಎಸ್ ಮತ್ತು ಕ್ಲಾಸಿಕ್ ಲುಕ್ ನೀಡುವ ವೈರ್-ಸ್ಪೋಕ್ ವೀಲ್‌ಗಳನ್ನು ಈ ಬೈಕ್‌ನಲ್ಲಿ ಅಳವಡಿಸಲಾಗಿದೆ.

ಈ ಹೊಸ ಬಿಡುಗಡೆಯ ಬಗ್ಗೆ ಮಾತನಾಡಿದ ಕ್ಲಾಸಿಕ್ ಲೆಜೆಂಡ್ಸ್‌ನ ಸಹ-ಸಂಸ್ಥಾಪಕ ಅನುಪಮ್ ಥರೇಜಾ, "ಒಂದು ಆಧುನಿಕ ರೆಟ್ರೊ-ರೋಡ್‌ಸ್ಟರ್ ಬೈಕ್ ಹೇಗಿರಬೇಕು ಎಂಬುದಕ್ಕೆ ಗೋಲ್ಡ್ ಸ್ಟಾರ್ ಅತ್ಯುತ್ತಮ ಉದಾಹರಣೆ. ಇದರ ಅಪ್ಪಟ ಬ್ರಿಟಿಷ್ ವಿನ್ಯಾಸದಿಂದ ಹಿಡಿದು ಎಂಜಿನ್ ನೀಡುವ ಅನುಭವದವರೆಗೆ ಪ್ರತಿಯೊಂದು ಅಂಶವೂ ಗೋಲ್ಡ್ ಸ್ಟಾರ್‌ನ ಪರಂಪರೆಯನ್ನು ಪ್ರತಿಬಿಂಬಿಸುತ್ತದೆ. ಬ್ರೂಕ್‌ಲ್ಯಾಂಡ್ಸ್ ಬ್ಲ್ಯಾಕ್ ಆವೃತ್ತಿಯು ಗೋಲ್ಡ್ ಸ್ಟಾರ್ ಹೆಸರು ಬಂದ ಐತಿಹಾಸಿಕ ಕ್ಷಣವನ್ನು ಗೌರವಿಸಿದರೆ, ಬರ್ಮಿಂಗ್ಹ್ಯಾಮ್ ಬ್ಲೂ ಆವೃತ್ತಿಯು ಇಂದಿನ ರೈಡರ್‌ಗಳಿಗೆ ತಕ್ಕಂತೆ ಆಧುನಿಕ ರೂಪವನ್ನು ನೀಡುತ್ತಿದೆ. ಇವೆರಡೂ ಸೇರಿ ಬಿಎಸ್‌ಎಯ ವಿಶಿಷ್ಟ ಇತಿಹಾಸವನ್ನು ಸಾರುತ್ತವೆ,” ಎಂದು ತಿಳಿಸಿದರು.

ಬೆಲೆ ಎಷ್ಟು?

ದೇಶಾದ್ಯಂತ ಇರುವ ಬಿಎಸ್‌ಎ ಡೀಲರ್‌ಶಿಪ್‌ಗಳಲ್ಲಿ ಈ ಎರಡು ಬಣ್ಣದ ಬೈಕ್‌ಗಳು ಲಭ್ಯವಿದ್ದು, ಬೆಲೆಗಳ ವಿವರ ಈ ಕೆಳಗಿನಂತಿದೆ:

ಬರ್ಮಿಂಗ್ಹ್ಯಾಮ್ ಬ್ಲೂ: 3,55,950 ರೂ.
ಬ್ರೂಕ್‌ಲ್ಯಾಂಡ್ಸ್ ಬ್ಲ್ಯಾಕ್ ಲೆಗಸಿ ಎಡಿಷನ್: 3,64,950 ರೂ.

ಗ್ರಾಹಕರ ತೃಪ್ತಿ ಹಾಗೂ ಸುಗಮ ನಿರ್ವಹಣೆಗಾಗಿ ಬಿಎಸ್‌ಎ ಮೋಟಾರ್‌ಸೈಕಲ್ಸ್ ಉದ್ಯಮದಲ್ಲೇ ಮೊದಲ ಬಾರಿಗೆ 'ಓನರ್‌ಶಿಪ್ ಅಶ್ಯೂರೆನ್ಸ್ ಪ್ರೋಗ್ರಾಂ' ಅನ್ನು ಪರಿಚಯಿಸಿದೆ. ಇದು ಈ ಕೆಳಗಿನ ಸೌಲಭ್ಯಗಳನ್ನು ಒಳಗೊಂಡಿದೆ:

4 ವರ್ಷ ಅಥವಾ 50,000 ಕಿ.ಮೀ ವರೆಗೆ ಸ್ಟ್ಯಾಂಡರ್ಡ್ ವಾರಂಟಿ.
ವಾರಂಟಿಯನ್ನು 6 ವರ್ಷಗಳವರೆಗೆ ವಿಸ್ತರಿಸುವ ಅವಕಾಶ.
8 ವರ್ಷಗಳವರೆಗೆ ರೋಡ್‌ಸೈಡ್ ಅಸಿಸ್ಟೆನ್ಸ್ ಸೌಲಭ್ಯ.
ದೇಶಾದ್ಯಂತ ಅನ್ವಯವಾಗುವಂತೆ 5 ವರ್ಷಗಳವರೆಗೆ ವಾರ್ಷಿಕ ನಿರ್ವಹಣಾ ಗುತ್ತಿಗೆ ಸೌಲಭ್ಯ.

ದೇಶಾದ್ಯಂತ ಇರುವ 450 ಕ್ಕೂ ಹೆಚ್ಚು ಸೇಲ್ಸ್ ಮತ್ತು ಸರ್ವಿಸ್ ಕೇಂದ್ರಗಳಲ್ಲಿ ಸಮಗ್ರ ಮಾಲೀಕತ್ವದ ಪ್ರಯೋಜನಗಳು ಸಿಗಲಿವೆ.

ದೇಶಾದ್ಯಂತ ಜಾವಾ ಯೆಜ್ಡಿ ಭಾರಿ ಜಾಲ ವಿಸ್ತರಣೆ, 2028 ರ ವೇಳೆಗೆ 700 ಶೋರೂಮ್‌ಗಳ ಬೃಹತ್ ಗುರಿ!

Gowthami K — Thu, 22 Oct 2026 18:19:56 +0530

ಬೆಂಗಳೂರು: ಖ್ಯಾತ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾದ ಜಾವಾ-ಯೆಜ್ಡಿ ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ ನೆಲೆಯನ್ನು ಮತ್ತಷ್ಟು ಬಲಪಡಿಸಲು ಮುಂದಾಗಿದೆ. ದೇಶಾದ್ಯಂತ ಗ್ರಾಹಕರಿಗೆ ತಲುಪುವ ಉದ್ದೇಶದಿಂದ ಬೃಹತ್ ಮಾರಾಟ ಮತ್ತು ಸೇವಾ ಜಾಲ ವಿಸ್ತರಣೆ ಯೋಜನೆಯನ್ನು ಪ್ರಕಟಿಸಿದ್ದು, 2028ರ ಆರ್ಥಿಕ ವರ್ಷದ ವೇಳೆಗೆ 700ಕ್ಕೂ ಹೆಚ್ಚು ಶೋರೂಮ್‌ಗಳನ್ನು ತೆರೆಯುವ ಬೃಹತ್ ಮೈಲಿಗಲ್ಲಿನ ಗುರಿಯನ್ನು ನಿಗದಿಪಡಿಸಿಕೊಂಡಿದೆ. ಪ್ರಸ್ತುತ 2026ನೇ ಸಾಲಿನಲ್ಲಿ ಸಂಸ್ಥೆಯು 500 ಡೀಲರ್‌ಶಿಪ್‌ಗಳ ಮೈಲಿಗಲ್ಲನ್ನು ಸಾಧಿಸುವ ನಿಟ್ಟಿನಲ್ಲಿ ಶರವೇಗದಲ್ಲಿ ಸಾಗುತ್ತಿದೆ.

ಮಾರಾಟದ ನಂತರದ ಸೇವೆ ಮತ್ತು ಬಿಡಿಭಾಗ ಪೂರೈಕೆಗೆ ಹೆಚ್ಚಿನ ಆದ್ಯತೆ

ಕೇವಲ ಹೊಸ ವಾಹನಗಳನ್ನು ಮಾರಾಟ ಮಾಡುವುದಕ್ಕೆ ಮಾತ್ರ ಸೀಮಿತವಾಗದೆ, ವಾಹನ ಖರೀದಿಸಿದ ನಂತರ ಗ್ರಾಹಕರಿಗೆ ನೀಡಲಾಗುವ ಸೇವಾ ಗುಣಮಟ್ಟವನ್ನು ಹೆಚ್ಚಿಸಲು ಕಂಪನಿ ವಿಶೇಷ ಆದ್ಯತೆ ನೀಡಿದೆ. ಗ್ರಾಹಕರಿಗೆ ಅಗತ್ಯವಿರುವ ಅಧಿಕೃತ ಬಿಡಿಭಾಗಗಳು ಯಾವುದೇ ವಿಳಂಬವಿಲ್ಲದೆ ಸುಲಭವಾಗಿ ಸಿಗುವಂತೆ ಪೂರೈಕೆ ಜಾಲವನ್ನು ಬಲಪಡಿಸಲಾಗಿದೆ.

ಅಲ್ಲದೆ, ಶೋರೂಮ್ ಮತ್ತು ಸರ್ವಿಸ್ ಸೆಂಟರ್‌ಗಳನ್ನು ಕೇವಲ ಮಹಾನಗರಗಳಿಗೆ ಸೀಮಿತಗೊಳಿಸದೆ, ದ್ವಿತೀಯ ಮತ್ತು ತೃತೀಯ ಹಂತದ ಸಣ್ಣ ನಗರಗಳಿಗೂ ವಿಸ್ತರಿಸಲಾಗುತ್ತಿದೆ. ಗ್ರಾಹಕರ ವಾಹನಗಳ ನಿಯಮಿತ ನಿರ್ವಹಣೆಗಾಗಿ ದೇಶಾದ್ಯಂತ ಲೆಜೆಂಡ್ಸ್ ಕೇರ್ ಕ್ಯಾಂಪ್ ಎಂಬ ವಿಶೇಷ ಸೇವಾ ಶಿಬಿರಗಳನ್ನು ಆಯೋಜಿಸಲಾಗುತ್ತಿದೆ.

ವಾಹನಗಳ ನಿರ್ಮಾಣ ಗುಣಮಟ್ಟದಲ್ಲಿ ಸುಧಾರಣೆ ಹಾಗೂ ವಾರಂಟಿ ಕೊಡುಗೆ

ಇತ್ತೀಚಿನ ತಲೆಮಾರಿನ ಜಾವಾ ಮತ್ತು ಯೆಜ್ಡಿ ಮೋಟಾರ್‌ಸೈಕಲ್‌ಗಳ ನಿರ್ಮಾಣ ಗುಣಮಟ್ಟ ಪೇಂಟಿಂಗ್ ಹಾಗೂ ಫಿಟ್ಟಿಂಗ್‌ಗಳಲ್ಲಿ ಗಣನೀಯ ಸುಧಾರಣೆ ಕಂಡುಬಂದಿದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ವರದಿ ಮಾಡಿದ್ದಾರೆ.

ಗ್ರಾಹಕರ ವಿಶ್ವಾಸವನ್ನು ಹೆಚ್ಚಿಸುವ ನಿಟ್ಟಿನಲ್ಲಿ, ಕಂಪನಿಯು ತನ್ನ ನೂತನ ಮೋಟಾರ್‌ಸೈಕಲ್‌ಗಳಿಗೆ 4 ವರ್ಷಗಳು ಅಥವಾ 50,000 ಕಿಲೋಮೀಟರ್‌ಗಳ ಉಚಿತ ಸ್ಟ್ಯಾಂಡರ್ಡ್ ವಾರಂಟಿಯನ್ನು ಘೋಷಿಸಿದೆ. ಇದರೊಂದಿಗೆ ಆಸಕ್ತ ಗ್ರಾಹಕರಿಗೆ ವಿಸ್ತೃತ ವಾರಂಟಿ ವಾರ್ಷಿಕ ನಿರ್ವಹಣಾ ಒಪ್ಪಂದ ಹಾಗೂ ತುರ್ತು ರೋಡ್‌ಸೈಡ್ ಸಿಸ್ಟನ್ಸ್ ಸೇವೆಗಳನ್ನೂ ಒದಗಿಸಲಾಗುತ್ತಿದೆ.

ಗ್ರಾಹಕರ ತೃಪ್ತಿಯೇ ನಮ್ಮ ಮುಖ್ಯ ಗುರಿ: ಅನುಪಮ್ ಥರೇಜಾ

ಕಂಪನಿಯ ಈ ಬೃಹತ್ ವಿಸ್ತರಣಾ ಹೆಜ್ಜೆಯ ಕುರಿತು ಮಾತನಾಡಿದ ಕ್ಲಾಸಿಕ್ ಲೆಜೆಂಡ್ಸ್‌ನ ಸಹ-ಸಂಸ್ಥಾಪಕ ಅನುಪಮ್ ಥರೇಜಾ, ಕಳೆದ ಕೆಲವು ವರ್ಷಗಳಿಂದ ಗ್ರಾಹಕರಿಗೆ ಉತ್ತಮ ಸೇವಾ ಅನುಭವ ನೀಡುವುದರ ಮೇಲೆ ನಾವು ತೀವ್ರ ಗಮನ ಹರಿಸಿದ್ದೇವೆ. ನೆಟ್‌ವರ್ಕ್ ವಿಸ್ತರಣೆ, ಸರ್ವಿಸ್ ಲಭ್ಯತೆ ಮತ್ತು ಮೂಲ ಬಿಡಿಭಾಗಗಳನ್ನು ಸುಲಭವಾಗಿ ಒದಗಿಸುವ ಮೂಲಕ ಪ್ರತಿಯೊಬ್ಬ ಗ್ರಾಹಕನಿಗೆ ಸಂಪೂರ್ಣ ವಿಶ್ವಾಸಾರ್ಹ ಸೇವೆ ನೀಡುವುದು ನಮ್ಮ ಆಶಯವಾಗಿದೆ. ಜಾವಾ, ಯೆಜ್ಡಿ ಅಥವಾ ಬಿಎಸ್‌ಎ ಮೋಟಾರ್‌ಸೈಕಲ್ ಖರೀದಿಸುವ ಪ್ರತಿಯೊಬ್ಬ ವಾಹನ ಸವಾರನಿಗೂ ಯಾವುದೇ ಕಿರಿಕಿರಿಯಿಲ್ಲದ ತೊಂದರೆರಹಿತ ಅನುಭವ ಸಿಗುವಂತೆ ಮಾಡುವುದೇ ನಮ್ಮ ಮುಖ್ಯ ಗುರಿ ಎಂದು ಸ್ಪಷ್ಟಪಡಿಸಿದ್ದಾರೆ.

ಒಟ್ಟಾರೆಯಾಗಿ, ಜಾವಾ-ಯೆಜ್ಡಿ ಸಂಸ್ಥೆಯು ಹೊಸ ಮಾಡೆಲ್‌ಗಳನ್ನು ಪರಿಚಯಿಸುವುದರ ಜೊತೆಗೆ, ಬಲವಾದ ಸರ್ವಿಸ್ ಮೂಲಸೌಕರ್ಯವನ್ನು ನಿರ್ಮಿಸುವ ಮೂಲಕ ಭಾರತೀಯ ಆಟೋ ಮೊಬೈಲ್ ಕ್ಷೇತ್ರದಲ್ಲಿ ಹೊಸ ಸಂಚಲನ ಸೃಷ್ಟಿಸಲು ಸಜ್ಜಾಗಿದೆ.

200 ಕಿಮೀ ಮೈಲೇಜ್, ಚಾರ್ಜಿಂಗ್ ಚಿಂತೆಯೇ ಬೇಡ! ಇದು ವಿಶ್ವದ ಮೊದಲ AI ಚಾಲಿತ ಬೈಕ್

Ganesh Mabla Gowda — Mon, 26 Oct 2026 16:06:56 +0530

Chery Automobile Co. Ltd ಚೀನಾದ ಜನಪ್ರಿಯ ಕಂಪನಿ. ಕಾರು ಹಾಗೂ ಎಸ್‌ಯುವಿನಲ್ಲಿ ಸಂಚಲನ ಸೃಷ್ಟಿಸಿರುವ ಚೆರಿ ಈಗ, ದ್ವಿಚಕ್ರ ವಾಹನಗಳ ವಿಚಾರದಲ್ಲಿ ಅದೃಷ್ಟಕ್ಕೆ ಇಳಿದಿದೆ. ಎರಡು ವಿಶೇಷ ಮಾಡೆಲ್‌ಗಳನ್ನ ಬಿಡುಗಡೆ ಮಾಡಿದ್ದು, ಎಲೆಕ್ಟ್ರಿಕ್ ಬೈಕ್‌ಗಳ ಮೂಲಕ ದ್ವಿಚಕ್ರ ಮಾರುಕಟ್ಟೆಗೂ ಎಂಟ್ರಿ ಕೊಟ್ಟಿದೆ ಚೆರಿ.

ಚೆರಿ ಎಲೆಕ್ಟ್ರಿಕ್ ವಾಹನದ ವಿಶೇಷತೆ ಏನು ಅಂದ್ರೆ ಬ್ಯಾಟರಿ ಹಾಗೂ ಪೆಟ್ರೋಲ್ ಎಂಜಿನ್ ಬಳಸಿಕೊಂಡು ವಿದ್ಯುತ್ ಉತ್ಪಾದಿಸುವ ಎಲೆಕ್ಟ್ರಿಕ್ ಕ್ರೂಸರ್ ಆಗಿದೆ. ಪ್ರಸ್ತುತ ಕಂಪನಿಯು ತನ್ನ ಸಾಹಸಿ ಬೈಕ್ ಅನ್ನು ಪ್ರದರ್ಶನ ಮಾಡಿದೆ. ಇದು ಒಮ್ಮೆ ಚಾರ್ಜ್ ಮಾಡಿದ್ರೆ 200 ಕಿಲೋ ಮೀಟರ್ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಕಂಪನಿಯ ಪ್ಲಾನ್ ಕೇವಲ ಸ್ಕೂಟರ್‍‌ ಮಾತ್ರ ಬಿಡುಗಡೆ ಮಾಡೋದಲ್ಲ. ಮುಂದಿನ ದಿನಗಳಲ್ಲಿ ಬೈಕ್‌ಗಳನ್ನೂ ಮಾರುಕಟ್ಟೆಗೆ ಪರಿಚಯಿಸುವ ಗುರಿ ಹೊಂದಿದೆ. ಚೀನಾದ ವುಹುನಲ್ಲಿ ಇತ್ತೀಚೆಗೆ ಕಾರ್ಯಕ್ರಮ ನಡೆದಿತ್ತು. ಈ ವೇಳೆ ಚೆರಿ, ಸಿನ್ನಾಕ್ಸ್ ಬ್ರಾಂಡ್ ಅಡಿಯಲ್ಲಿ ಎರಡು ಹೊಸದಾದ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳನ್ನು ಅನಾವರಣ ಮಾಡಿದೆ. ಅದರಲ್ಲಿ ಗೋ ಸಿ3 ಎಂಬ ಎಲೆಕ್ಟ್ರಿಕ್ ಕ್ರೋಸರ್ ಮತ್ತು ಅಡ್ವೆಂಚರ್ ವಿನ್ಯಾಸ ಹೊಂದಿರುವ ಸ್ಕೂಟರ್ ಕೂಡ ಸೇರಿದೆ.

AI ಚಾಲಿತ ಬೈಕ್

ಇನ್ನೊಂದು ವಿಶೇಷ ಅಂದ್ರೆ ಇದು ಎಐ ಚಾಲಿತ ಬೈಕ್ ಆಗಿದೆ. ಅಂದರೆ ವಿಶ್ವದ ಮೊದಲ ಎಐ ಚಾಲಿತ ರೇಂಜ್-ಎಕ್ಸ್‌ಟೆಂಡೆಡ್ ಇಂಟೆಲಿಜೆಂಟ್ ಕ್ರೂಸರ್ ಎಂದು ಕರೆಯುತ್ತಿದೆ. ಈ ಬಗ್ಗೆ ಸ್ವತಃ ಕಂಪನಿಯೇ ಹೇಳಿಕೆ ನೀಡಿದೆ. EREV ತಂತ್ರಜ್ಞಾನ ಬಳಸಲಾಗಿದೆ. ವಿದ್ಯುತ್ ಮೋಟಾರ್ ಚಕ್ರಗಳಿಗೆ ಶಕ್ತಿಯನ್ನ ನೀಡುತ್ತದೆ. ಇನ್ನು ಪೆಟ್ರೋಲ್ ಎಂಜಿನ್‌ನನ್ನು ವಿದ್ಯುತ್ ಉತ್ಪಾದಿಸಲು ಬಳಸಲಾಗುತ್ತದೆ. ಅಂದರೆ ಈ ಬ್ಯಾಟರಿಯು ಬೈಕ್‌ನಿಂದಲೇ ಉತ್ಪಾದಿಸಲ್ಪಡುವ ವಿದ್ಯುತ್ ಚಾಲಿತವಾಗಿದೆ. ಇದರಿಂದ ದೂರ ಪ್ರಯಾಣಗಳಿಗೆ ಚಾರ್ಜಿಂಗ್ ಸ್ಟೇಷನ್‌ಗಳನ್ನ ಅವಲಂಬಿಸುವ ಅಗತ್ಯ ಇಲ್ಲ ಎಂದು ಕಂಪನಿ ಹೇಳಿದೆ.

ಎಲೆಕ್ಟ್ರಿಕ್ Vs ಪೆಟ್ರೋಲ್ ಸ್ಕೂಟರ್: 1 ವರ್ಷದಲ್ಲಿ ಯಾವುದರಲ್ಲಿ ಉಳಿತಾಯ ಹೆಚ್ಚು? ಇಲ್ಲಿದೆ ಲೆಕ್ಕಾಚಾರ

Sathish Kumar KH — Mon, 26 Oct 2026 23:33:16 +0530

ಎಲೆಕ್ಟ್ರಿಕ್ ಸ್ಕೂಟರ್ (electric scooter) ತಗೋಬೇಕಾ ಅಥವಾ ಪೆಟ್ರೋಲ್ ಸ್ಕೂಟರ್ (petrol scooter) ಬೆಸ್ಟಾ? ದಿನಕ್ಕೆ 30 ಕಿ.ಮೀ ಓಡಿಸಿದರೆ, ಒಂದು ವರ್ಷದಲ್ಲಿ ಪೆಟ್ರೋಲ್, ಚಾರ್ಜಿಂಗ್ ಮತ್ತು ನಿರ್ವಹಣೆಗೆ ಎಷ್ಟು ಖರ್ಚಾಗುತ್ತೆ ಅಂತ ಇಲ್ಲಿ ಲೆಕ್ಕಾಚಾರ ನೋಡಿ.

ಇತ್ತೀಚೆಗೆ ಸ್ಕೂಟರ್ ಖರೀದಿಸುವವರು ಪೆಟ್ರೋಲ್ ಮತ್ತು ಎಲೆಕ್ಟ್ರಿಕ್ ವಾಹನಗಳ ನಡುವೆ ಹೋಲಿಕೆ ಮಾಡುತ್ತಾರೆ. ಪೆಟ್ರೋಲ್ ಬಂಕ್‌ಗಳು ಎಲ್ಲೆಡೆ ಸುಲಭವಾಗಿ ಸಿಗುತ್ತವೆ. ಆದರೆ ಎಲೆಕ್ಟ್ರಿಕ್ ಸ್ಕೂಟರ್‌ಗಳಲ್ಲಿ ಪ್ರಯಾಣದ ಖರ್ಚು ತುಂಬಾ ಕಡಿಮೆ. ಯಾವುದು ಬೆಸ್ಟ್ ಅಂತ ನಿರ್ಧರಿಸಲು ವಾಹನದ ಬೆಲೆ, ದಿನನಿತ್ಯದ ಓಡಾಟ, ನಿರ್ವಹಣೆ, ಚಾರ್ಜಿಂಗ್ ಸೌಲಭ್ಯ ಮತ್ತು ಬ್ಯಾಟರಿ ವಾರಂಟಿ ಲೆಕ್ಕ ಹಾಕಬೇಕು.

ಉದಾಹರಣೆಗೆ, ಒಬ್ಬ ವ್ಯಕ್ತಿ ದಿನಕ್ಕೆ 30 ಕಿ.ಮೀ ಓಡಿಸುತ್ತಾನೆ ಅಂದುಕೊಳ್ಳಿ. 30 ದಿನಗಳಲ್ಲಿ ಆತ 900 ಕಿ.ಮೀ ಪ್ರಯಾಣಿಸುತ್ತಾನೆ. ಒಂದು ವರ್ಷದಲ್ಲಿ ಇದು 10,950 ಕಿ.ಮೀ ಆಗುತ್ತದೆ.

ಇಷ್ಟು ದೂರ ಓಡಿಸುವವರಿಗೆ ಪೆಟ್ರೋಲ್ ಅಥವಾ ಚಾರ್ಜಿಂಗ್ ಖರ್ಚು ಬಹಳ ಮುಖ್ಯವಾಗುತ್ತದೆ. ಆದರೆ, ಕೇವಲ ವೀಕೆಂಡ್‌ನಲ್ಲಿ ಮಾತ್ರ ಗಾಡಿ ತೆಗೆಯುವವರಿಗೆ ಇಷ್ಟೊಂದು ಉಳಿತಾಯ ಆಗುವುದಿಲ್ಲ. ಹಾಗಾಗಿ, ಬರೀ ಜಾಹೀರಾತುಗಳನ್ನು ನಂಬದೆ, ನಿಮ್ಮ ಓಡಾಟಕ್ಕೆ ತಕ್ಕಂತೆ ಖರ್ಚನ್ನು ಲೆಕ್ಕ ಹಾಕುವುದು ಒಳ್ಳೆಯದು.

ಒಂದು ಪೆಟ್ರೋಲ್ ಸ್ಕೂಟರ್ ಲೀಟರ್‌ಗೆ 45 ರಿಂದ 50 ಕಿ.ಮೀ ಮೈಲೇಜ್ ಕೊಡುತ್ತದೆ ಎಂದುಕೊಳ್ಳೋಣ. ಪೆಟ್ರೋಲ್ ಬೆಲೆ ಲೀಟರ್‌ಗೆ 100 ರಿಂದ 125 ರೂ. ಇದ್ದರೆ, ಒಂದು ಕಿ.ಮೀ ಓಡಿಸಲು ಸುಮಾರು 2 ರಿಂದ 2.78 ರೂ. ಖರ್ಚಾಗುತ್ತದೆ. ಈ ಲೆಕ್ಕದ ಪ್ರಕಾರ, ದಿನಕ್ಕೆ 30 ಕಿ.ಮೀ ಓಡಿಸುವವರಿಗೆ ತಿಂಗಳಿಗೆ 1,800 ರಿಂದ 2,500 ರೂ. ಪೆಟ್ರೋಲ್‌ಗೆ ಬೇಕಾಗುತ್ತದೆ. ಒಂದು ವರ್ಷದಲ್ಲಿ ಇದು 21,600 ರಿಂದ 30,400 ರೂ. ವರೆಗೆ ತಲುಪಬಹುದು. ಇದು ಕೇವಲ ಅಂದಾಜು ಲೆಕ್ಕವಷ್ಟೇ.

ನಿಮ್ಮ ಊರಿನ ಪೆಟ್ರೋಲ್ ಬೆಲೆ, ಗಾಡಿಯ ಮೈಲೇಜ್ ಮತ್ತು ಓಡಿಸುವ ಶೈಲಿಯ ಮೇಲೆ ಅಸಲಿ ಖರ್ಚು ನಿಂತಿದೆ. ಇದರ ಜೊತೆಗೆ ಇಂಜಿನ್ ಆಯಿಲ್ ಬದಲಾವಣೆ, ಫಿಲ್ಟರ್ ಕ್ಲೀನಿಂಗ್, ಬ್ರೇಕ್ ರಿಪೇರಿ, ಟೈರ್ ಬದಲಾಯಿಸುವ ಖರ್ಚು ಕೂಡ ಇರುತ್ತದೆ. ವಾಹನದ ವಯಸ್ಸು, ಓಡಿದ ದೂರ ಮತ್ತು ಬಿಡಿಭಾಗಗಳ ಬೆಲೆ ನಿರ್ವಹಣಾ ವೆಚ್ಚವನ್ನು ನಿರ್ಧರಿಸುತ್ತವೆ. ಹಾಗಾಗಿ, ಪೆಟ್ರೋಲ್ ಖರ್ಚಿನ ಜೊತೆಗೆ ಸರ್ವಿಸ್ ಖರ್ಚನ್ನು ಕೂಡ ಲೆಕ್ಕ ಹಾಕುವುದು ಜಾಣತನ.

ಎಲೆಕ್ಟ್ರಿಕ್ ಸ್ಕೂಟರ್‌ನ ಅತಿ ದೊಡ್ಡ ಲಾಭ ಎಂದರೆ, ಒಂದು ಕಿ.ಮೀ ಓಡಿಸುವ ಖರ್ಚು ತುಂಬಾ ಕಡಿಮೆ ಇರುತ್ತದೆ.

ಉದಾಹರಣೆಗೆ, ಮನೆಯಲ್ಲೇ ಸ್ಕೂಟರ್ ಚಾರ್ಜ್ ಮಾಡಿದರೆ ಒಂದು ಕಿ.ಮೀಗೆ 20 ರಿಂದ 30 ಪೈಸೆ ಖರ್ಚಾಗುತ್ತದೆ. ದಿನಕ್ಕೆ 30 ಕಿ.ಮೀ ಓಡಿಸಿದರೆ ತಿಂಗಳಿಗೆ ಕೇವಲ 180 ರಿಂದ 270 ರೂ. ಖರ್ಚಾಗುತ್ತದೆ. ಒಂದು ವರ್ಷದಲ್ಲಿ ಇದು 2,160 ರಿಂದ 3,285 ರೂ. ಆಗುತ್ತದೆ. ಇದೇ ದೂರವನ್ನು ಪೆಟ್ರೋಲ್ ಸ್ಕೂಟರ್‌ಗೆ ಹೋಲಿಸಿದರೆ, ಚಾರ್ಜಿಂಗ್‌ನಿಂದಲೇ ವರ್ಷಕ್ಕೆ ಸಾವಿರಾರು ರೂಪಾಯಿ ಉಳಿಸಬಹುದು. ಆದರೆ, ಈ ಲೆಕ್ಕ ಎಲ್ಲಾ ಎಲೆಕ್ಟ್ರಿಕ್ ಸ್ಕೂಟರ್‌ಗಳಿಗೂ ಅನ್ವಯಿಸುವುದಿಲ್ಲ. ಬ್ಯಾಟರಿ ಸಾಮರ್ಥ್ಯ, ಅಸಲಿ ರೇಂಜ್, ಮನೆಯ ಕರೆಂಟ್ ಬಿಲ್ ಮತ್ತು ಪಬ್ಲಿಕ್ ಚಾರ್ಜಿಂಗ್ ಸ್ಟೇಷನ್ ಬಳಸುತ್ತೀರಾ ಎಂಬುದರ ಮೇಲೆ ಖರ್ಚು ಬದಲಾಗುತ್ತದೆ.

ಕಂಪನಿಗಳು ಹೇಳುವ ರೇಂಜ್‌ಗಿಂತ ರಸ್ತೆಯಲ್ಲಿ ಸಿಗುವ ರೇಂಜ್ ಸ್ವಲ್ಪ ಕಡಿಮೆಯೇ ಇರುತ್ತದೆ. ದಿನನಿತ್ಯ ಹೆಚ್ಚು ಓಡಿಸುವವರಿಗೆ ಮತ್ತು ಮನೆಯಲ್ಲೇ ಚಾರ್ಜಿಂಗ್ ಸೌಲಭ್ಯ ಇರುವವರಿಗೆ ಎಲೆಕ್ಟ್ರಿಕ್ ಸ್ಕೂಟರ್ ಬೆಸ್ಟ್ ಆಯ್ಕೆ. ಆದರೆ, ಗಾಡಿ ಖರೀದಿಸುವ ಮುನ್ನ ಅಸಲಿ ರೇಂಜ್ ಮತ್ತು ಚಾರ್ಜಿಂಗ್ ವ್ಯವಸ್ಥೆಯನ್ನು ಪರಿಶೀಲಿಸುವುದು ಕಡ್ಡಾಯ.

ಎಲೆಕ್ಟ್ರಿಕ್ ಸ್ಕೂಟರ್‌ನಲ್ಲಿ ಪೆಟ್ರೋಲ್ ಇಂಜಿನ್, ಇಂಜಿನ್ ಆಯಿಲ್ ಮತ್ತು ಇತರ ಮೆಕ್ಯಾನಿಕಲ್ ಭಾಗಗಳು ಇರುವುದಿಲ್ಲ. ಹಾಗಾಗಿ ಇದರ ನಿರ್ವಹಣೆ ಸ್ವಲ್ಪ ಸುಲಭ. ಆದರೂ, ಟೈರ್, ಬ್ರೇಕ್, ಎಲೆಕ್ಟ್ರಿಕಲ್ ಸಿಸ್ಟಮ್ ಮತ್ತು ಇತರ ಭಾಗಗಳಿಗೆ ಸರ್ವಿಸ್ ಬೇಕೇ ಬೇಕು. ಬ್ಯಾಟರಿ ಅಥವಾ ಎಲೆಕ್ಟ್ರಾನಿಕ್ ಕಂಟ್ರೋಲ್ ಯೂನಿಟ್ (ECU) ಹಾಳಾದರೆ ರಿಪೇರಿ ಖರ್ಚು ತುಂಬಾ ದುಬಾರಿ ಆಗಬಹುದು. ಹಾಗಾಗಿ, ಎಲೆಕ್ಟ್ರಿಕ್ ವಾಹನದ ನಿರ್ವಹಣಾ ವೆಚ್ಚ ಯಾವಾಗಲೂ ಪೆಟ್ರೋಲ್ ವಾಹನಕ್ಕಿಂತ ಕಡಿಮೆ ಇರುತ್ತದೆ ಎಂದು ಖಚಿತವಾಗಿ ಹೇಳಲಾಗುವುದಿಲ್ಲ.

ಅದೇ ರೀತಿ, ಕೆಲವು ಎಲೆಕ್ಟ್ರಿಕ್ ಸ್ಕೂಟರ್‌ಗಳ ಆರಂಭಿಕ ಬೆಲೆ ಪೆಟ್ರೋಲ್ ಸ್ಕೂಟರ್‌ಗಳಿಗಿಂತ ಹೆಚ್ಚಿರುತ್ತದೆ. ಸಬ್ಸಿಡಿ, ಡಿಸ್ಕೌಂಟ್ ಮತ್ತು ರಾಜ್ಯದ ನಿಯಮಗಳು ಅಂತಿಮ ಬೆಲೆಯನ್ನು ನಿರ್ಧರಿಸುತ್ತವೆ. ಆದ್ದರಿಂದ, ಗಾಡಿಯ ಬೆಲೆ, ಸಾಲದ ಬಡ್ಡಿ, ವಿಮೆ, ಚಾರ್ಜಿಂಗ್ ಅಥವಾ ಪೆಟ್ರೋಲ್ ಖರ್ಚು ಮತ್ತು ಭವಿಷ್ಯದಲ್ಲಿ ಬ್ಯಾಟರಿ ಬದಲಾಯಿಸುವ ವೆಚ್ಚವನ್ನು ಒಟ್ಟಿಗೆ ಲೆಕ್ಕ ಹಾಕಬೇಕು. ಎಲೆಕ್ಟ್ರಿಕ್ ಸ್ಕೂಟರ್ ತಗೊಂಡರೆ 12 ರಿಂದ 18 ತಿಂಗಳೊಳಗೆ ಹಾಕಿದ ದುಡ್ಡು ವಾಪಸ್ ಬರುತ್ತದೆ ಎಂದು ಎಲ್ಲರಿಗೂ ಹೇಳಲು ಸಾಧ್ಯವಿಲ್ಲ. ಇದು ಬೆಲೆಯ ವ್ಯತ್ಯಾಸ ಮತ್ತು ನಿಮ್ಮ ಓಡಾಟವನ್ನು ಅವಲಂಬಿಸಿರುತ್ತದೆ.

ದಿನಕ್ಕೆ 30 ಕಿ.ಮೀ ಓಡಿಸುವವರಿಗೆ, ಮೇಲಿನ ಲೆಕ್ಕದ ಪ್ರಕಾರ ಪೆಟ್ರೋಲ್ ಸ್ಕೂಟರ್‌ಗೆ ವರ್ಷಕ್ಕೆ 21,600 ರಿಂದ 30,400 ರೂ. ಖರ್ಚಾಗಬಹುದು. ಅದೇ ಎಲೆಕ್ಟ್ರಿಕ್ ಸ್ಕೂಟರ್ ಚಾರ್ಜಿಂಗ್‌ಗೆ ಕೇವಲ 2,160 ರಿಂದ 3,285 ರೂ. ಬೇಕಾಗಬಹುದು. ಇದರ ಪ್ರಕಾರ, ಇಂಧನ ಅಥವಾ ಚಾರ್ಜಿಂಗ್‌ನಲ್ಲಿ ಮಾತ್ರ ಸುಮಾರು 18,000 ದಿಂದ 28,000 ರೂ. ವರೆಗೆ ಉಳಿತಾಯ ಆಗುತ್ತದೆ. ಆದರೆ ಇದು ನಿರ್ವಹಣೆ, ಗಾಡಿಯ ಬೆಲೆ, ಸಾಲದ ಬಡ್ಡಿ ಅಥವಾ ಬ್ಯಾಟರಿ ಬದಲಾಯಿಸುವ ಖರ್ಚನ್ನು ಒಳಗೊಂಡಿಲ್ಲ.

ಪ್ರತಿದಿನ ಹೆಚ್ಚು ದೂರ ಓಡಿಸುವವರು, ಮನೆಯಲ್ಲೇ ಚಾರ್ಜಿಂಗ್ ಸೌಲಭ್ಯ ಇರುವವರು ಮತ್ತು ಹಲವು ವರ್ಷಗಳ ಕಾಲ ಗಾಡಿ ಬಳಸುವವರು ಎಲೆಕ್ಟ್ರಿಕ್ ಸ್ಕೂಟರ್ ತೆಗೆದುಕೊಳ್ಳಬಹುದು. ಆದರೆ, ಅಪರೂಪಕ್ಕೆ ಲಾಂಗ್ ಡ್ರೈವ್ ಹೋಗುವವರು, ಚಾರ್ಜಿಂಗ್ ಸೌಲಭ್ಯ ಇಲ್ಲದವರು ಅಥವಾ ತಿಂಗಳಲ್ಲಿ ಕೆಲವು ದಿನ ಮಾತ್ರ ಗಾಡಿ ತೆಗೆಯುವವರು ಪೆಟ್ರೋಲ್ ಸ್ಕೂಟರ್ ಬಗ್ಗೆಯೂ ಯೋಚಿಸಬೇಕು.

ಅಂತಿಮವಾಗಿ, ಯಾವ ಗಾಡಿ ಅಗ್ಗ ಅನ್ನೋದು ಬರೀ ಶೋರೂಮ್ ಬೆಲೆಯ ಮೇಲೆ ನಿಂತಿಲ್ಲ. ನಿಮ್ಮ ದಿನನಿತ್ಯದ ಓಡಾಟ, ಪೆಟ್ರೋಲ್ ಮತ್ತು ಕರೆಂಟ್ ಬಿಲ್, ಸರ್ವಿಸ್ ಸೌಲಭ್ಯ ಇಟ್ಟುಕೊಂಡು 365 ದಿನಗಳ ಖರ್ಚನ್ನು ಲೆಕ್ಕ ಹಾಕಿದರೆ ನಿಮಗೊಂದು ಸ್ಪಷ್ಟ ಚಿತ್ರಣ ಸಿಗುತ್ತದೆ.

TVS iQube ಎಲೆಕ್ಟ್ರಿಕ್‌ ಸ್ಕೂಟರ್‌ ನೀಡ್ತಿದೆ ಭರ್ಜರಿ ಫೀಚರ್, ಆರು ವೇರಿಯಂಟ್ ನಲ್ಲಿ ಯಾವ್ದು ಬೆಸ್ಟ್?

Roopa Hegde — Mon, 26 Oct 2026 12:43:00 +0530

ಪೆಟ್ರೋಲ್ ಬೆಲೆ ಏರಿಕೆಯಿಂದಾಗಿ ಎಲೆಕ್ಟ್ರಿಕ್ ಸ್ಕೂಟರ್ಗಳ ಕಡೆಗೆ ಜನರ ಆಸಕ್ತಿ ಹೆಚ್ಚುತ್ತಿದೆ. ಅದರಲ್ಲೂ ದಿನನಿತ್ಯ ಆಫೀಸ್ಗೆ ಹೋಗುವವರು, ಮಕ್ಕಳನ್ನು ಶಾಲೆಗೆ ಬಿಡುವವರು ಮತ್ತು ಸಿಟಿಯೊಳಗೆ ಓಡಾಡುವವರಿಗೆ ಎಲೆಕ್ಟ್ರಿಕ್ ಸ್ಕೂಟರ್ಗಳು ಅನುಕೂಲಕರ ಆಯ್ಕೆಯಾಗಿವೆ. ಇಂತಹ ಸ್ಕೂಟರ್ಗಳಲ್ಲಿ TVS ಕಂಪನಿಯ iQube ಕೂಡ ಒಂದು. ಈ ಸ್ಕೂಟರ್ ಒಟ್ಟು ಆರು ವೇರಿಯಂಟ್ಗಳಲ್ಲಿ ಲಭ್ಯವಿದೆ.

ಟಿವಿಎಸ್ ಐಕ್ಯೂಬ್ (TVS iQube )2.3 kWh

ಇದು TVS iQube ಸ್ಕೂಟರ್ನ ಆರಂಭಿಕ ವೇರಿಯಂಟ್. ಇದರಲ್ಲಿ 2.3 kWh ಬ್ಯಾಟರಿ ಇದ್ದು, IDC ಪ್ರಕಾರ 114 ಕಿಲೋಮೀಟರ್ ರೇಂಜ್ ನೀಡುತ್ತದೆ. ಇದರ ಗರಿಷ್ಠ ವೇಗ ಗಂಟೆಗೆ 68 ಕಿಲೋಮೀಟರ್. ಈ ವೇರಿಯಂಟ್ನ ಎಕ್ಸ್ ಶೋರೂಮ್ ಬೆಲೆ ಸುಮಾರು 95,124 ರೂಪಾಯಿ. ಕಡಿಮೆ ದೂರದ ದೈನಂದಿನ ಪ್ರಯಾಣಕ್ಕೆ ಎಲೆಕ್ಟ್ರಿಕ್ ಸ್ಕೂಟರ್ ಬೇಕೆನ್ನುವವರು ಈ ಮಾಡೆಲ್ ಖರೀದಿ ಮಾಡ್ಬಹುದು.

ಟಿವಿಎಸ್ ಐಕ್ಯೂಬ್ (TVS iQube ) 3.1 kWh

ಈ ವೇರಿಯಂಟ್ನಲ್ಲಿ 3.1 kWh ಬ್ಯಾಟರಿ ನೀಡಲಾಗಿದೆ. 123 ಕಿಲೋಮೀಟರ್ ರೇಂಜ್ ಹೊಂದಿದ್ದು, ಗರಿಷ್ಠ ವೇಗ ಗಂಟೆಗೆ 82 ಕಿಲೋಮೀಟರ್. ಇದರ ಎಕ್ಸ್ ಶೋರೂಮ್ ಬೆಲೆ ಸುಮಾರು 1,06,462 ರೂಪಾಯಿ. ಬೇಸ್ ವೇರಿಯಂಟ್ಗಿಂತ ಹೆಚ್ಚಿನ ಬ್ಯಾಟರಿ ಸಾಮರ್ಥ್ಯ ಮತ್ತು ವೇಗ ಬೇಕೆನ್ನುವವರಿಗೆ ಇದು ಮತ್ತೊಂದು ಆಯ್ಕೆ.

ಟಿವಿಎಸ್ ಐಕ್ಯೂಬ್ 3.5 kWh

ಈ ಮಾಡೆಲ್ನಲ್ಲಿ 3.5 kWh ಬ್ಯಾಟರಿ ಇದೆ. ಒಂದೇ ಚಾರ್ಜ್ನಲ್ಲಿ 145 ಕಿಲೋಮೀಟರ್ ರೇಂಜ್ ನೀಡುತ್ತದೆ. ಇದರ ಗರಿಷ್ಠ ವೇಗ ಗಂಟೆಗೆ 82 ಕಿಲೋಮೀಟರ್. ಈ ವೇರಿಯಂಟ್ನ ಎಕ್ಸ್ ಶೋರೂಮ್ ಬೆಲೆ ಸುಮಾರು 1,12,200 ರೂಪಾಯಿ. ದಿನನಿತ್ಯದ ಪ್ರಯಾಣಕ್ಕೆ ಹೆಚ್ಚಿನ ರೇಂಜ್ ಬೇಕಿರುವವರು ಈ ಮಾಡೆಲ್ ಅನ್ನು ಪರಿಶೀಲಿಸಬಹುದು.

ಟಿವಿಎಸ್ ಐಕ್ಯೂಬ್ MillionR Edition

ಇದು 3.5 kWh ಬ್ಯಾಟರಿ ಹೊಂದಿರುವ ವಿಶೇಷ ಆವೃತ್ತಿ. ಇದರ ರೇಂಜ್ 145 ಕಿಲೋಮೀಟರ್ ಆಗಿದ್ದು, ಗರಿಷ್ಠ ವೇಗ ಗಂಟೆಗೆ 82 ಕಿಲೋಮೀಟರ್. ಈ ವೇರಿಯಂಟ್ನ ಎಕ್ಸ್ ಶೋರೂಮ್ ಬೆಲೆ ಸುಮಾರು 1,15,751. ಅರೋರಾ ಗ್ರೀನ್ ಬಣ್ಣ ಇದರ ವಿಶೇಷ ಆಕರ್ಷಣೆಯಾಗಿದೆ.

ಟಿವಿಎಸ್ ಐಕ್ಯೂಬ್ S 4.7 kWh

ಈ ವೇರಿಯಂಟ್ನಲ್ಲಿ 4.7 kWh ಬ್ಯಾಟರಿ ನೀಡಲಾಗಿದೆ. IDC ಪ್ರಕಾರ 175 ಕಿಲೋಮೀಟರ್ ರೇಂಜ್ ಹೊಂದಿದ್ದು, ಗರಿಷ್ಠ ವೇಗ ಗಂಟೆಗೆ 82 ಕಿಲೋಮೀಟರ್. ಇದರ ಎಕ್ಸ್ ಶೋರೂಮ್ ಬೆಲೆ ಸುಮಾರು 1,30,340 ರೂಪಾಯಿ. ಹೆಚ್ಚಿನ ದೂರ ಪ್ರಯಾಣಿಸುವವರಿಗೆ ದೊಡ್ಡ ಬ್ಯಾಟರಿ ಸಾಮರ್ಥ್ಯದ ಈ ವೇರಿಯಂಟ್ ಉಪಯುಕ್ತ.

ಟಿವಿಎಸ್ ಐಕ್ಯೂಬ್ ST 5.3 kWh

ಈ ಪಟ್ಟಿಯಲ್ಲಿರುವ ಹೆಚ್ಚಿನ ಬ್ಯಾಟರಿ ಸಾಮರ್ಥ್ಯದ ವೇರಿಯಂಟ್ ಎಂದರೆ iQube ST. ಇದರಲ್ಲಿ 5.3 kWh ಬ್ಯಾಟರಿ ಇದ್ದು, IDC ಪ್ರಕಾರ 212 ಕಿಲೋಮೀಟರ್ ರೇಂಜ್ ನೀಡುತ್ತದೆ. ಇದರ ಗರಿಷ್ಠ ವೇಗ ಗಂಟೆಗೆ 82 ಕಿಲೋಮೀಟರ್. ಈ ವೇರಿಯಂಟ್ನ ಎಕ್ಸ್ ಶೋರೂಮ್ ಬೆಲೆ ಸುಮಾರು 1,48,877 ರೂಪಾಯಿ. ಹೆಚ್ಚಿನ ರೇಂಜ್ ಮತ್ತು ಹೆಚ್ಚುವರಿ ಫೀಚರ್ಗಳನ್ನು ಬಯಸುವವರು ಈ ಮಾಡೆಲ್ ಅನ್ನು ಪರಿಗಣಿಸಬಹುದು.

ಖರೀದಿಸುವ ಮೊದಲು ಏನು ಗಮನಿಸಬೇಕು?

ನಾವಿಲ್ಲ ಎಲ್ಲ ಸ್ಕೂಟರ್‌ ನ ಎಕ್ಸ್ ಶೋರೂಮ್ ಬೆಲೆಗಳ ಮಾಹಿತಿ ನೀಡಿದ್ದೇವೆ. ಖರೀದಿಗೆ ಮುನ್ನ ನೀವು ವಿಮೆ, ನೋಂದಣಿ ಮತ್ತು ಇತರ ಶುಲ್ಕಗಳು ಸೇರಿದಾಗ ಆನ್ರೋಡ್ ಬೆಲೆ ಎಷ್ಟಾಗುತ್ತದೆ ಎಂಬುದನ್ನು ಪರಿಶೀಲಿಸಿ. ನಗರ, ಡೀಲರ್, ಸಬ್ಸಿಡಿ ಮತ್ತು ಲಭ್ಯವಿರುವ ಆಫರ್ಗಳಿಗೆ ಅನುಗುಣವಾಗಿಯೂ ಬೆಲೆ ಬದಲಾಗಬಹುದು. ರೇಂಜ್ ಎಂಬುದು ಪರೀಕ್ಷಾ ಮಾನದಂಡದ ಪ್ರಕಾರ ನೀಡುವ ಅಂದಾಜು. ನೈಜ ರಸ್ತೆಯಲ್ಲಿ ಟ್ರಾಫಿಕ್, ವೇಗ ಮತ್ತು ಬಳಕೆಯನ್ನು ಅವಲಂಬಿಸಿ ರೇಂಜ್ ಕಡಿಮೆಯಾಗಬಹುದು.

ಮೂರು ವರ್ಷಗಳಿಂದ ಕೂಡಿಟ್ಟ ₹10 ನಾಣ್ಯಗಳಿಂದ ₹1.23 ಲಕ್ಷದ ಸ್ಕೂಟರ್ ಖರೀದಿಸಿದ ಭೂಪ! ವಿಡಿಯೋ ವೈರಲ್

Ravi Janekal — Tue, 13 Oct 2026 21:30:54 +0530

ಹೈದರಾಬಾದ್: ಸಾಮಾನ್ಯವಾಗಿ ಇಪ್ಪತ್ತು ಮೂವತ್ತು ರೂಪಾಯಿಯಲ್ಲಿ ಸಿಗುವ ವಸ್ತುಗಳನ್ನು ಐದು ಹತ್ತು ರೂಪಾಯಿ ನಾಣ್ಯಗಳನ್ನೇ ಕೊಟ್ಟು ಖರೀದಿಸಬಹುದು. ಅಬ್ಬಬ್ಬಾ ಅಂದ್ರೆ ನೂರು ರೂಪಾಯಿ ನಾಣ್ಯಗಳನ್ನು ಸಂಗ್ರಹಿಸಬಹುದು. ಅದೇ ಒಂದು ಲಕ್ಷ ರೂಪಾಯಿ ಬೆಲೆ ಬೈಕ್ ಖರೀದಿಸುವಾಗಲೂ ಅಷ್ಟು ನಾಣ್ಯಗಳನ್ನೇ ಕೊಟ್ಟು ಖರೀದಿಸಲು ಹೋದರೆ ಹೇಗಿದ್ದೀತು? ಶೋ ರೂಂನವರು ಅಷ್ಟು ಹಣವನ್ನು ಎಣಿಸಲು ಎಷ್ಟು ಪರಿಪಾಟಲು ಬಿಳಬಹುದು? ಅಂತಹದ್ದೊಂದು ಘಟನೆ ತೆಲಂಗಾಣದಲ್ಲಿ ನಡೆದಿದೆ.

₹10ರ ನಾಣ್ಯಗಳಿಂದಲೇ ₹1.23 ಲಕ್ಷ ಮೌಲ್ಯದ ಸ್ಕೂಟರ್ ಖರೀದಿಸಿದ!

ಹೌದು ತೆಲಂಗಾಣದ ಮಂಚೇರಿಯಲ್ ಜಿಲ್ಲೆಯ ವ್ಯಕ್ತಿಯೊಬ್ಬ ಕಳೆದ ಮೂರು ವರ್ಷಗಳಿಂದ ₹10ರ ನಾಣ್ಯಗಳನ್ನು ಕೂಡಿಟ್ಟು ಬರೋಬ್ಬರಿ ₹1.23 ಲಕ್ಷ ಮೌಲ್ಯದ ಹೋಂಡಾ ಆಕ್ಟಿವಾ ಸ್ಕೂಟರ್ ಖರೀದಿಸಿದ್ದಾರೆ. ಅಷ್ಟು ನಾಣ್ಯಗಳನ್ನು ಚೀಲಗಳಲ್ಲಿ ತುಂಬಿಕೊಂಡು ಶೋ ರೂಮ್‌ನಲ್ಲಿ ನಾಣ್ಯಗಳ ರಾಶಿಯನ್ನ ಹಾಕಿ ಸ್ಕೂಟರ್ ಖರೀದಿಸಿರುವುದು ಇದೀಗ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.

ದಿನನಿತ್ಯ ವಸ್ತಗಳನ್ನ ಖರೀದಿಸುವಾಗ ಉಳಿಯುತ್ತಿದ್ದ ನಾಣ್ಯಗಳಿಂದಲೇ ಸ್ಕೂಟರ್ ಖರೀದಿಸಿದ ವ್ಯಕ್ತಿ!

ಲಕ್ಸೆಟ್ಟಿಪೇಟೆ ನಿವಾಸಿಯಾಗಿರುವ ಬಿ. ರವಿ ಜೋಸೆಫ್ ಎಂಬುವವರು ಈ ರೀತಿ ನಾಣ್ಯಗಳನ್ನು ಸಂಗ್ರಹಿಸಿ ಸ್ಕೂಟರ್ ಖರೀದಿಸಿದ್ದಾರೆ. ದಿನನಿತ್ಯದ ವಸ್ತುಗಳನ್ನು ಖರೀದಿಸುವಾಗ ವಾಪಸ್ ಸಿಗುತ್ತಿದ್ದ ₹10ರ ನಾಣ್ಯಗಳನ್ನು ಅವರು ಪ್ರತ್ಯೇಕವಾಗಿ ತೆಗೆದಿಡುತ್ತಿದ್ದರು. ಕುಟುಂಬಕ್ಕೆ ಉಪಯುಕ್ತವಾದ ಯಾವುದಾದರೂ ವಸ್ತುವನ್ನು ಖರೀದಿಸಬೇಕು ಎಂಬ ಉದ್ದೇಶದಿಂದ ಕಳೆದ ಮೂರು ವರ್ಷಗಳಿಂದ ಹೀಗೆ ಹಣ ಉಳಿಸುತ್ತಿದ್ದರು. ಆರಂಭದಲ್ಲಿ ರವಿ ಜೋಸೆಫ್ ಅವರ ಕುಟುಂಬಸ್ಥರು ಇಂತಹ ಆಲೋಚನೆಯ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದರು. ಆದರೆ ಬಳಿಕ ಅವರ ಉಳಿತಾಯ ಪಯತ್ನ ಬೆಂಬಲಿಸಿದರು ಎಂದು ರವಿ ತಿಳಿಸಿದ್ದಾರೆ.

ಉಳಿಕೆಯ ಹಣದಿಂದ ಸ್ಕೂಟರ್ ಖರೀದಿಸುವ ಕನಸು ನನಸು!

ಅವರ ಹಳೆಯ ಸ್ಕೂಟರ್‌ನಲ್ಲಿ ತೊಂದರೆ ಕಾಣಿಸಿಕೊಂಡಿದ್ದರಿಂದ ಹೊಸ ಸ್ಕೂಟರ್ ಖರೀದಿಸಲು ನಿರ್ಧರಿಸಿದ್ದರು. ಅದರಂತೆ ಕಳೆದ ಮೂರು ವರ್ಷಗಳಿಂದ ನಾಣ್ಯಗಳ ರೂಪದಲ್ಲಿ ಸಂಗ್ರಹಿಸಿದ್ದ ಹಣವನ್ನು ಬಳಸಿ ಹೊಸ ವಾಹನ ಖರೀದಿಸಲು ಮುಂದಾದರು.

ಸುಮಾರು 15 ದಿನಗಳ ಹಿಂದೆ ರವಿ ಜೋಸೆಫ್ ಅವರು ಶೋರೂಮ್‌ಗೆ ಭೇಟಿ ನೀಡಿದ್ದರು. ಆಗ ₹10ರ ನಾಣ್ಯಗಳನ್ನು ನೀಡಿ ಸ್ಕೂಟರ್ ಖರೀದಿಸಬಹುದೇ ಎಂದು ವಿಚಾರಿಸಿದ್ದರು. ನಾಣ್ಯಗಳನ್ನು ಸ್ವೀಕರಿಸಲು ಶೋರೂಮ್ ಒಪ್ಪಿಗೆ ನೀಡಿತ್ತು ಎಂದು ಶೋರೂಮ್ ವ್ಯವಸ್ಥಾಪಕರು ತಿಳಿಸಿದ್ದಾರೆ.

Dreams come true with patience❤️

A 51-year-old pastor, B. Ravi Joseph, from Luxettipet, Telangana, bought a Honda Activa worth ₹1.23 lakh using ₹10 coins saved over three years. His inspiring journey proves that every small saving counts!

#Telangana #Inspiration #Savings https://t.co/AQSoZLva13

— Manjul Khattar (@manjul_k1) October 13, 2026

ಹತ್ತು ರೂಪಾಯಿ ನಾಣ್ಯ ಉಳಿಸುವುದರಿಂದ ಏನೆಲ್ಲ ಖರೀಸಲು ಸಾಧ್ಯ ನೋಡಿ!

ಬಳಿಕ ರವಿ ಜೋಸೆಫ್ ಅವರು ₹1.23 ಲಕ್ಷ ಮೌಲ್ಯದ ₹10ರ ನಾಣ್ಯಗಳನ್ನು ಶೋರೂಮ್‌ಗೆ ತಂದು ಹಣ ಪಾವತಿಸಿ, ಹೊಸ ಹೋಂಡಾ ಆಕ್ಟಿವಾ ಸ್ಕೂಟರ್‌ ಅನ್ನು ಮನೆಗೆ ಕೊಂಡೊಯ್ದಿದ್ದಾರೆ. ಮೂರು ವರ್ಷಗಳ ಸತತ ಉಳಿತಾಯದ ಮೂಲಕ ತಮ್ಮ ಆಸೆಯನ್ನು ಈಡೇರಿಸಿಕೊಂಡಿರುವ ಅವರ ಪ್ರಯತ್ನ ಈಗ ಎಲ್ಲರ ಗಮನ ಸೆಳೆದಿದೆ. ದಿನ ಹತ್ತು ರೂಪಾಯಿ ಉಳಿಸುವುದರಿಂದ ಏನು ಖರೀದಿಸೋಕೆ ಸಾಧ್ಯ ಎಂಬ ಅಲಕ್ಷ್ಯ ಮಾಡುವವರಿಗೆ ಈ ಘಟನೆ ಒಂದು ಪಾಠವಾಗಬಹುದು. ಹನಿ ಹನಿ ಕೂಡಿ ಹಳ್ಳ ಎಂಬಂತೆ ಪ್ರತಿದಿನ ಉಳಿಸುವ ಹತ್ತು ರೂಪಾಯಿ ನಾಣ್ಯವೂ ಕೂಡ ಮುಂದೆ ನಿಮ್ಮ ಕನಸಿನ ಏನಾದರೊಂದು ವಸ್ತುವನ್ನ ಖರೀದಿಸಲು ಸಾಧ್ಯವಿದೆ.

ಮಳೆ ನೀರಿನಲ್ಲಿ ಮುಳುಗಿದ ಕಾರು, ಬೈಕ್ ಸ್ಟಾರ್ಟ್ ಮಾಡ್ತಿದ್ದೀರಾ? ಲಕ್ಷಗಟ್ಟಲೆ ಖರ್ಚಾಗಬಹುದು, ಹುಷಾರ್!

Sathish Kumar KH — Wed, 21 Oct 2026 22:56:38 +0530

ಮಳೆಗಾಲ ಬಂತು ಅಂದ್ರೆ ವಾಹನ ಸವಾರರಿಗೆ ಹೊಸ ಟೆನ್ಷನ್ ಶುರುವಾಗುತ್ತೆ. ಮಳೆ ನೀರಿನಲ್ಲಿ ಸಿಲುಕಿದ ವಾಹನವನ್ನು ಹೊರತೆಗೆಯುವಾಗ ಹಲವರು ಮಾಡುವ ಒಂದು ಸಣ್ಣ ತಪ್ಪು, ಸಾವಿರಾರು ರೂಪಾಯಿ ಖರ್ಚನ್ನು ಲಕ್ಷಕ್ಕೆ ಏರಿಸಬಹುದು!

ಮಳೆಗಾಲ ಶುರುವಾಯ್ತು ಅಂದ್ರೆ ವಾಹನ ಸವಾರರಿಗೆ ಹೊಸ ಟೆನ್ಷನ್ ಶುರುವಾಗುತ್ತೆ. ರಸ್ತೆಯಲ್ಲಿ ನಿಲ್ಲುವ ನೀರು, ದಿಢೀರ್ ಪ್ರವಾಹದಿಂದ ವಾಹನಗಳು ಮುಳುಗುವ ಸಮಸ್ಯೆಗಳು ಎದುರಾಗುತ್ತವೆ. ಆದರೆ, ಮಳೆ ನೀರಿನಲ್ಲಿ ಸಿಲುಕಿದ ವಾಹನವನ್ನು ಹೊರತೆಗೆಯುವಾಗ ಹಲವರು ಮಾಡುವ ಒಂದು ಸಣ್ಣ ತಪ್ಪು, ಸಾವಿರಾರು ರೂಪಾಯಿ ಖರ್ಚನ್ನು ಲಕ್ಷಕ್ಕೆ ಏರಿಸಬಹುದು!

ನೀರು ಇಳಿದ ತಕ್ಷಣ ಗಾಡಿ ಸರಿಯಾಗುತ್ತಾ?

ಖಂಡಿತ ಇಲ್ಲ!

ಕಾರು ಅಥವಾ ಬೈಕ್ ಮಳೆ ನೀರಿನಲ್ಲಿ ಮುಳುಗಿದಾಗ, ಅದರ ಪ್ರಮುಖ ಭಾಗಗಳಿಗೆ ನೀರು ನುಗ್ಗಿರುವ ಸಾಧ್ಯತೆ ಇರುತ್ತದೆ. ವಿಶೇಷವಾಗಿ ಇಂಜಿನ್, ಎಲೆಕ್ಟ್ರಿಕಲ್ ಕನೆಕ್ಷನ್, ಸೆನ್ಸಾರ್ ಮತ್ತು ಕಂಟ್ರೋಲ್ ಮಾಡ್ಯೂಲ್‌ಗಳು ಹಾಳಾಗುವ ಅಪಾಯವಿರುತ್ತದೆ.

ಹೊರಗಡೆಯಿಂದ ನೋಡಲು ವಾಹನ ಸಾಮಾನ್ಯವಾಗಿ ಕಂಡರೂ, ಒಳಗೆ ಆಗಿರುವ ಹಾನಿ ತಕ್ಷಣಕ್ಕೆ ಗೊತ್ತಾಗುವುದಿಲ್ಲ.

ಅದರಲ್ಲೂ, ನೀರು ನುಗ್ಗಿರುವ ಇಂಜಿನ್ ಅನ್ನು ಮತ್ತೆ ಸ್ಟಾರ್ಟ್ ಮಾಡುವುದು ಅತಿ ದೊಡ್ಡ ಅಪಾಯ!

ವಾಹನದ ಇಂಜಿನ್ ಒಳಗೆ ನೀರು ನುಗ್ಗಿದ್ದರೆ, ಅದನ್ನು ಸ್ಟಾರ್ಟ್ ಮಾಡಿದಾಗ ಪಿಸ್ಟನ್ ಸೇರಿದಂತೆ ಇಂಜಿನ್‌ನ ಒಳಭಾಗಗಳು ಸಂಪೂರ್ಣವಾಗಿ ಹಾಳಾಗಬಹುದು. ಇದನ್ನು 'ಹೈಡ್ರೋಲಾಕ್' (Hydrolock) ಅಂತ ಕರೆಯುತ್ತಾರೆ.

ಸಾಮಾನ್ಯವಾಗಿ, ಇಂಜಿನ್ ಒಳಗೆ ಗಾಳಿ ಹೋಗಬೇಕಾದ ಜಾಗಕ್ಕೆ ನೀರು ಹೋದರೆ, ಅದನ್ನು ಕಂಪ್ರೆಸ್ ಮಾಡಲು ಸಾಧ್ಯವಾಗುವುದಿಲ್ಲ. ಇದರಿಂದ ಇಂಜಿನ್ ತಿರುಗುವುದು ನಿಂತು, ಪ್ರಮುಖ ಭಾಗಗಳು ಮುರಿದುಹೋಗಬಹುದು.

ಇದರ ಪರಿಣಾಮವಾಗಿ, ಇಂಜಿನ್ ಬಿಚ್ಚಿ ರಿಪೇರಿ ಮಾಡುವ ಪರಿಸ್ಥಿತಿ ಬರಬಹುದು. ಕೆಲವು ಬಾರಿ ಇಡೀ ಇಂಜಿನ್ ಅನ್ನೇ ಬದಲಾಯಿಸಬೇಕಾಗಬಹುದು.

ಆಧುನಿಕ ಕಾರುಗಳಲ್ಲಿರುವ ಎಲೆಕ್ಟ್ರಾನಿಕ್ ಕಂಟ್ರೋಲ್ ಸಿಸ್ಟಮ್, ವೈರಿಂಗ್, ಸೆನ್ಸಾರ್‌ಗಳಿಗೆ ಹಾನಿಯಾದರೆ ಖರ್ಚು ಇನ್ನೂ ಹೆಚ್ಚಾಗುತ್ತದೆ.

ವಾಹನದ ಮಾಡೆಲ್ ಮತ್ತು ಹಾನಿಯ ಪ್ರಮಾಣವನ್ನು ಆಧರಿಸಿ, ರಿಪೇರಿ ಖರ್ಚು ಸಾವಿರಾರು ರೂಪಾಯಿಗಳಿಂದ ಲಕ್ಷಾಂತರ ರೂಪಾಯಿವರೆಗೂ ಹೋಗಬಹುದು!

ವಾಹನ ತಜ್ಞರು ನೀಡುವ ಪ್ರಮುಖ ಮುನ್ನೆಚ್ಚರಿಕಾ ಕ್ರಮಗಳು ಇಲ್ಲಿವೆ:

1. ತಕ್ಷಣ ಸ್ಟಾರ್ಟ್ ಮಾಡಬೇಡಿ!

ವಾಹನ ನೀರಿನಲ್ಲಿ ಮುಳುಗಿದ್ದರೆ ಅಥವಾ ಇಂಜಿನ್ ಒಳಗೆ ನೀರು ನುಗ್ಗಿರುವ ಅನುಮಾನವಿದ್ದರೆ, ಮತ್ತೆ ಸ್ಟಾರ್ಟ್ ಮಾಡಲು ಪ್ರಯತ್ನಿಸಬೇಡಿ.

2. ಪದೇ ಪದೇ ಸೆಲ್ಫ್ ಹೊಡೆಯಬೇಡಿ!

ವಾಹನವನ್ನು ಸ್ಟಾರ್ಟ್ ಮಾಡಲು ಪದೇ ಪದೇ ಪ್ರಯತ್ನಿಸಿದರೆ, ಆಗಿರುವ ಹಾನಿ ಮತ್ತಷ್ಟು ಹೆಚ್ಚಾಗಬಹುದು.

3. ನೀರು ಇಳಿಯುವವರೆಗೆ ಕಾಯುವುದು ಮಾತ್ರ ಸಾಲದು!

ಹೊರಗಡೆ ನೀರು ಇಳಿದರೂ, ಇಂಜಿನ್ ಮತ್ತು ಎಲೆಕ್ಟ್ರಿಕಲ್ ಸಿಸ್ಟಮ್ ಒಳಗೆ ತೇವಾಂಶ ಅಥವಾ ನೀರು ಹಾಗೇ ಉಳಿದಿರಬಹುದು.

4. ನುರಿತ ಮೆಕ್ಯಾನಿಕ್ ಅಥವಾ ಅಧಿಕೃತ ಸರ್ವೀಸ್ ಸೆಂಟರ್ ಸಂಪರ್ಕಿಸಿ!

ವಾಹನವನ್ನು ಚೆಕ್ ಮಾಡಿದ ಮೇಲೆಯೇ ಸ್ಟಾರ್ಟ್ ಮಾಡಬೇಕಾ ಬೇಡವಾ ಎಂದು ನಿರ್ಧರಿಸಬೇಕು. ಅಗತ್ಯವಿದ್ದರೆ, ರೋಡ್ ಸೈಡ್ ಅಸಿಸ್ಟೆನ್ಸ್ ಅಥವಾ ಟೋಯಿಂಗ್ ವಾಹನ ಬಳಸಿ.

5. ಎಲೆಕ್ಟ್ರಿಕ್ ಕಾರುಗಳ ಬಗ್ಗೆ ಇರಲಿ ಹೆಚ್ಚಿನ ನಿಗಾ!

ಎಲೆಕ್ಟ್ರಿಕ್ ವಾಹನಗಳಲ್ಲಿ ಹೈ-ವೋಲ್ಟೇಜ್ ಬ್ಯಾಟರಿ ಮತ್ತು ಎಲೆಕ್ಟ್ರಿಕಲ್ ಸಿಸ್ಟಮ್ ಇರುವುದರಿಂದ, ಪ್ರವಾಹದ ನೀರಿನಲ್ಲಿ ಸಿಲುಕಿದ ವಾಹನವನ್ನು ನೀವೇ ಚೆಕ್ ಮಾಡಲು ಅಥವಾ ಓಡಿಸಲು ಹೋಗಬೇಡಿ. ತಜ್ಞರ ಸಹಾಯ ಪಡೆಯಿರಿ.

ಇನ್ನೊಂದು ಪ್ರಮುಖ ವಿಚಾರ!

ಮಳೆ ನೀರು ನಿಂತಿರುವ ರಸ್ತೆಯಲ್ಲಿ ವಾಹನ ಓಡಿಸುವಾಗಲೇ ಎಚ್ಚರದಿಂದಿರಿ. ನೀರಿನ ಆಳ ಗೊತ್ತಿಲ್ಲದ ಜಾಗದಲ್ಲಿ ವಾಹನ ಇಳಿಸಬೇಡಿ. ಹರಿಯುವ ಪ್ರವಾಹದ ನೀರಿನಲ್ಲಿ ವಾಹನ ಓಡಿಸಲು ಪ್ರಯತ್ನಿಸುವುದು ಜೀವಕ್ಕೆ ಅಪಾಯ ತರಬಹುದು.

ವಾಹನ ಈಗಾಗಲೇ ನೀರಿನಲ್ಲಿ ಸಿಲುಕಿದ್ದರೆ, ಅದನ್ನು ಸುರಕ್ಷಿತವಾಗಿ ಹೊರತೆಗೆಯುವುದಕ್ಕೆ ಮೊದಲ ಆದ್ಯತೆ ನೀಡಿ.

ವಾಹನ ಮಾಲೀಕರೇ… ಈ ಮಾಹಿತಿಯನ್ನು ಮರೆಯಬೇಡಿ!

ಮಳೆ ನೀರಿನಲ್ಲಿ ನೆಂದ ಎಲ್ಲಾ ವಾಹನಗಳೂ ಹಾಳಾಗುತ್ತವೆ ಎಂದು ಹೇಳಲಾಗುವುದಿಲ್ಲ. ಹಾಗೆಯೇ, ನೀರು ನುಗ್ಗಿದ ಎಲ್ಲಾ ವಾಹನಗಳಿಗೂ ಲಕ್ಷಗಟ್ಟಲೆ ಖರ್ಚಾಗುತ್ತದೆ ಎಂದೂ ಹೇಳಲಾಗುವುದಿಲ್ಲ.

ಆದರೆ, ಇಂಜಿನ್ ಒಳಗೆ ನೀರು ನುಗ್ಗಿರುವ ಸಾಧ್ಯತೆ ಇರುವಾಗ ವಾಹನವನ್ನು ಸ್ಟಾರ್ಟ್ ಮಾಡುವುದು, ಸಣ್ಣ ಸಮಸ್ಯೆಯನ್ನು ದೊಡ್ಡ ಹಾನಿಯಾಗಿ ಬದಲಾಯಿಸಬಹುದು.

ಕೆಲವೇ ನಿಮಿಷಗಳ ಆತುರ, ದೊಡ್ಡ ರಿಪೇರಿ ಖರ್ಚಾಗಿ ಬದಲಾಗದಿರಲಿ!

ಈ ಮಳೆಗಾಲದಲ್ಲಿ ನಿಮ್ಮ ವಾಹನವನ್ನು ಮತ್ತು ನಿಮ್ಮ ಹಣವನ್ನು ಸುರಕ್ಷಿತವಾಗಿರಿಸಿಕೊಳ್ಳಿ. ಈ ಮಾಹಿತಿಯನ್ನು ಕಾರು ಮತ್ತು ಬೈಕ್ ಹೊಂದಿರುವ ನಿಮ್ಮ ಸ್ನೇಹಿತರು, ಸಂಬಂಧಿಕರೊಂದಿಗೆ ಹಂಚಿಕೊಳ್ಳಿ!

ಗೋಸುಂಬೆಯಂತೆ ಬಣ್ಣ ಬದಲಾಯಿಸಲಿದೆ ರಾಯಲ್‌ ಎನ್‌ಫೀಲ್ಡ್‌ ಬೈಕ್‌, ಜಸ್ಟ್ 125 ಮಂದಿ ಮಾತ್ರವೇ ಖರೀದಿ ಮಾಡಬಹುದು!

Santosh Naik — Tue, 20 Oct 2026 15:25:39 +0530

ಮುಂಬೈ (ಅ.20): ಪ್ರಸಿದ್ಧ ದ್ವಿಚಕ್ರ ವಾಹನ ತಯಾರಿಕಾ ಸಂಸ್ಥೆಯಾದ 'ರಾಯಲ್ ಎನ್‌ಫೀಲ್ಡ್' (Royal Enfield) ತನ್ನ 125ನೇ ವಾರ್ಷಿಕೋತ್ಸವದ ನೆನಪಿಗಾಗಿ ಅತ್ಯಂತ ಅಪರೂಪದ 'ಕ್ಲಾಸಿಕ್ 650 125ನೇ ಆ್ಯನಿವರ್ಸರಿ ಎಡಿಷನ್ ಹೈಪರ್‌ಶಿಫ್ಟ್' (Classic 650 125th Anniversary Edition Hypershift) ಮೋಟಾರ್ ಸೈಕಲ್ ಅನ್ನು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಭಾರತದಲ್ಲಿ ಈ ಲಿಮಿಟೆಡ್ ಎಡಿಷನ್ ಬೈಕ್‌ನ ಎಕ್ಸ್-ಶೋರೂಮ್ ಬೆಲೆಯನ್ನು ₹4,25,589 ರೂಪಾಯಿಗಳಿಗೆ ನಿಗದಿಪಡಿಸಲಾಗಿದೆ.

ವಿಶೇಷ ಬಣ್ಣ, ವಿಶಿಷ್ಟ ಬ್ಯಾಜಿಂಗ್ ಹಾಗೂ ಪ್ರೀಮಿಯಂ ವಿನ್ಯಾಸದೊಂದಿಗೆ ಅನಾವರಣಗೊಂಡಿರುವ ಈ ಬೈಕ್ ಅನ್ನು ಕಂಪನಿಯು ತಾನು ಮಾರುಕಟ್ಟೆ ಹೊಂದಿರುವ ಪ್ರತಿಯೊಂದು ದೇಶದಲ್ಲೂ ಕೇವಲ 125 ಯುನಿಟ್‌ಗಳನ್ನು (ಬೈಕ್‌ಗಳನ್ನು) ಮಾತ್ರ ಮಾರಾಟ ಮಾಡಲಿದೆ. ಹೀಗಾಗಿ ಬೈಕ್ ಪ್ರಿಯರು ಹಾಗೂ ವಿಂಟೇಜ್/ಅಪರೂಪದ ಮೋಟಾರ್ ಸೈಕಲ್‌ಗಳ ಕಲೆಕ್ಷನ್ ಹೊಂದುವ ಹವ್ಯಾಸ ಉಳ್ಳವರಿಗೆ ಇದು ಅತ್ಯಂತ ವಿಶೇಷವಾದ ಬೈಕ್ ಎನಿಸಿಕೊಳ್ಳಲಿದೆ.

ಈ ಪ್ರೀಮಿಯಂ ಬೈಕ್ ಖರೀದಿಗೆ ನೋಂದಣಿ (Registration) ಪ್ರಕ್ರಿಯೆಯು 2026 ರ ಅಕ್ಟೋಬರ್ 16 ರಂದು ಮಧ್ಯಾಹ್ನ 2 ಗಂಟೆಗೆ ಆರಂಭಗೊಂಡಿದ್ದು, 2026 ರ ಅಕ್ಟೋಬರ್ 28 ರವರೆಗೆ ಲಭ್ಯವಿರಲಿದೆ. ಅಕ್ಟೋಬರ್ 28 ರಿಂದಲೇ ಅಧಿಕೃತ ಮಾರಾಟ ಆರಂಭವಾಗಲಿದ್ದು, 2026 ರ ನವೆಂಬರ್ ತಿಂಗಳಿನಿಂದ ಗ್ರಾಹಕರಿಗೆ ಬೈಕ್ ವಿತರಣೆ (Delivery) ಆರಂಭವಾಗುವ ನಿರೀಕ್ಷೆಯಿದೆ ಎಂದು ಸಂಸ್ಥೆ ತಿಳಿಸಿದೆ.

ಬೆಳಕಿಗೆ ತಕ್ಕಂತೆ ಬಣ್ಣ ಬದಲಾಯಿಸುವ 'ಹೈಪರ್‌ಶಿಫ್ಟ್' ತಂತ್ರಜ್ಞಾನ

ಈ ಕ್ಲಾಸಿಕ್ 650 ಆ್ಯನಿವರ್ಸರಿ ಎಡಿಷನ್‌ನ ಅತ್ಯಂತ ಪ್ರಮುಖ ಆಕರ್ಷಣೆಯೆಂದರೆ ಇದರಲ್ಲಿ ಬಳಸಲಾಗಿರುವ 'ಹೈಪರ್‌ಶಿಫ್ಟ್' (Hypershift) ಪೇಂಟ್. ಈ ಬೈಕ್‌ನ ಮೇಲೆ ಬೀಳುವ ಬೆಳಕು ಹಾಗೂ ಅದನ್ನು ನೋಡುವ ಕೋನಕ್ಕೆ (Angle) ಅನುಗುಣವಾಗಿ ಇದರ ಬಣ್ಣವು ಕೆಂಪು (Red), ಹಸಿರು (Green) ಹಾಗೂ ಚಿನ್ನದ ಶೇಡ್‌ಗಳ ನಡುವೆ ಬದಲಾಗುತ್ತಾ ಕಣ್ಣು ಕುಕ್ಕುತ್ತದೆ. ಈ ಆಧುನಿಕ ಪೇಂಟ್ ತಂತ್ರಜ್ಞಾನದಲ್ಲಿ ರಾಯಲ್ ಎನ್‌ಫೀಲ್ಡ್ ಸಂಸ್ಥೆಯ ಹಳೆಯ ಸಾಂಪ್ರದಾಯಿಕ ಬಣ್ಣಗಳ ಸ್ಪರ್ಶದ ಜೊತೆಗೆ ಮಾಡರ್ನ್ ವಿನ್ಯಾಸದ ಸಮ್ಮಿಲನವನ್ನು ಕಾಣಬಹುದಾಗಿದೆ.

ಬೈಕ್‌ನ ಮೂಲ 'ಕ್ಲಾಸಿಕ್ 650' ರೂಪವನ್ನು ಹಾಗೆಯೇ ಕಾಯ್ದುಕೊಳ್ಳಲಾಗಿದೆ. ಕಣ್ಣೀರಿನ ಹನಿಯಂತಿರುವ (Teardrop) ಫ್ಯುಯೆಲ್ ಟ್ಯಾಂಕ್ ಹಾಗೂ ಹೆಡ್‌ಲ್ಯಾಂಪ್ ಸುತ್ತಲಿನ ನೇಸಲ್ ವಿನ್ಯಾಸವು ಗತಕಾಲದ ನೆನಪುಗಳನ್ನು ಮರುಕಳಿಸುತ್ತದೆ. ಇದರಲ್ಲಿರುವ 'ಬ್ರಾಸ್ ಬೇಸ್ ಫಿನಿಶ್' (Brass base finish) 1901 ರಲ್ಲಿ ಸಂಸ್ಥೆಯು ಪ್ರಥಮ ಬಾರಿಗೆ ಮಾರುಕಟ್ಟೆಗೆ ತಂದಿದ್ದ ಆರಂಭಿಕ ಮೋಟಾರ್ ಸೈಕಲ್‌ಗಳ ಹೆಜ್ಜೆಯನ್ನು ಸ್ಮರಿಸುತ್ತದೆ.

ಇದರ ಜೊತೆಗೆ, ಬೈಕ್‌ನ ಮೇಲೆ 125 ವರ್ಷಗಳ ಸಂಭ್ರಮಾಚರಣೆಯ ವಿಶೇಷ ಲೋಗೋ, ವಿಶಿಷ್ಟ ಸೈಡ್-ಪ್ಯಾನೆಲ್ ಬ್ಯಾಜಿಂಗ್, ಕೈಯಿಂದ ಬಿಡಿಸಲಾದ ಪಿನ್‌ಸ್ಟ್ರೈಪ್‌ಗಳು ಹಾಗೂ ಅತ್ಯಂತ ಪ್ರೀಮಿಯಂ ಕ್ವಿಲ್ಟೆಡ್ ಲೆದರ್ ಸೀಟ್ ನೀಡಲಾಗಿದೆ. ಈ ಪ್ರತಿಯೊಂದು ಸಾಂಪ್ರದಾಯಿಕ ಬದಲಾವಣೆಗಳು ಇದನ್ನು ಸಾಮಾನ್ಯ ಕ್ಲಾಸಿಕ್ 650 ಬೈಕ್‌ನಿಂದ ಪ್ರತ್ಯೇಕವಾಗಿ ಎದ್ದು ಕಾಣುವಂತೆ ಮಾಡುತ್ತವೆ.

ಇಂಜಿನ್ ಹಾಗೂ ಮೆಕ್ಯಾನಿಕಲ್ ಫೀಚರ್‌ಗಳಲ್ಲಿ ಬದಲಾವಣೆಯಿಲ್ಲ

ಬೈಕ್‌ನ ವಿನ್ಯಾಸ ಹಾಗೂ ಬಣ್ಣದಲ್ಲಿ ಭಾರಿ ಬದಲಾವಣೆ ತರಲಾಗಿದೆಯಾದರೂ, ಇಂಜಿನ್ ಹಾಗೂ ತಾಂತ್ರಿಕ ಕಾರ್ಯಕ್ಷಮತೆಯಲ್ಲಿ (Mechanical Parts) ಯಾವುದೇ ಬದಲಾವಣೆ ಮಾಡಲಾಗಿಲ್ಲ.

ಇಂಜಿನ್ ಸಾಮರ್ಥ್ಯ: 648cc ಪ್ಯಾರಲಲ್-ಟ್ವಿನ್ ಇಂಜಿನ್ (Parallel-twin engine)
ಪವರ್ & ಟಾರ್ಕ್: 46.39 bhp ಗರಿಷ್ಠ ಪವರ್ ಹಾಗೂ 52.3 Nm ಪೀಕ್ ಟಾರ್ಕ್ ಉತ್ಪಾದನೆ
ಗೇರ್‌ಬಾಕ್ಸ್: 6-ಸ್ಪೀಡ್ ಮ್ಯಾನುಯಲ್ ಗೇರ್‌ಬಾಕ್ಸ್.

ವೀಲ್ಸ್ & ಸಸ್ಪೆನ್ಷನ್: ಮುಂಭಾಗದಲ್ಲಿ 19-ಇಂಚು ಹಾಗೂ ಹಿಂಭಾಗದಲ್ಲಿ 18-ಇಂಚಿನ ಸ್ಪೋಕ್ ವೀಲ್‌ಗಳು. ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್ ಹಾಗೂ ಹಿಂಭಾಗದಲ್ಲಿ ಟ್ವಿನ್ ಶಾಕ್ ಅಬ್ಸಾರ್ಬರ್‌ಗಳಿವೆ

ಒಟ್ಟಾರೆಯಾಗಿ, ರಾಯಲ್ ಎನ್‌ಫೀಲ್ಡ್ ಸಂಸ್ಥೆಯು ಈ ಸ್ಪೆಷಲ್ ಲಿಮಿಟೆಡ್ ಎಡಿಷನ್ ಬೈಕ್‌ನಲ್ಲಿ ಇಂಜಿನ್ ಸಾಮರ್ಥ್ಯ ಹೆಚ್ಚಿಸುವುದಕ್ಕಿಂತ ಹೆಚ್ಚಾಗಿ, ಗ್ರಾಹಕರಿಗೆ ವಿಶಿಷ್ಟ ಗುರುತು, ಐಷಾರಾಮಿ ಲುಕ್ ಹಾಗೂ ಅಪರೂಪದ ಹೈಪರ್‌ಶಿಫ್ಟ್ ಸೌಂದರ್ಯವನ್ನು ಒದಗಿಸಲು ಹೆಚ್ಚಿನ ಆದ್ಯತೆ ನೀಡಿದೆ.

Rapido Bike Lift: ಬೆಂಗಳೂರಿನಲ್ಲಿ ಬೈಕ್ ಟ್ಯಾಕ್ಸಿ ವಿವಾದದ ನಡುವೆಯೇ ರಾಪಿಡೋ ಹೊಸ ಪ್ಲ್ಯಾನ್, ಏನಿದು ‘ಬೈಕ್ ಲಿಫ್ಟ್’?

Sushma Hegde — Tue, 20 Oct 2026 10:38:30 +0530

ನಗರದಲ್ಲಿ ಕಡಿಮೆ ವೆಚ್ಚದ ಪ್ರಯಾಣ ಜನಪ್ರಿಯವಾಗಿರುವ ಬೈಕ್ ಟ್ಯಾಕ್ಸಿಗಳ ನಡುವೆ ರಾಪಿಡೋ (Rapido) ಹೊಸ ಆಯ್ಕೆಯೊಂದನ್ನು ಪರಿಚಯಿಸಿದೆ. ಬೆಂಗಳೂರಿನಲ್ಲಿ ‘ಬೈಕ್ ಲಿಫ್ಟ್’ (Bike Lift) ಎಂಬ ವೈಶಿಷ್ಟ್ಯವನ್ನು ಪೈಲಟ್ ಆಧಾರದಲ್ಲಿ ಆರಂಭಿಸಿದ್ದು, ತಮ್ಮ ಬೈಕ್‌ನಲ್ಲಿ ಪ್ರಯಾಣಿಸುವವರು ಮಾರ್ಗಮಧ್ಯೆ ಪ್ರಯಾಣಿಕರನ್ನು ಕರೆದೊಯ್ಯುವ ಮೂಲಕ ಇಂಧನ ವೆಚ್ಚವನ್ನು ಕಡಿಮೆ ಮಾಡಿಕೊಳ್ಳಲು ಅವಕಾಶ ಕಲ್ಪಿಸಿದೆ. ಆದರೆ, ಕರ್ನಾಟಕದಲ್ಲಿ ಬೈಕ್ ಟ್ಯಾಕ್ಸಿಗಳ ಕಾನೂನುಬದ್ಧ ಕಾರ್ಯಾಚರಣೆ ಕುರಿತು ವಿವಾದ ಮುಂದುವರಿದಿರುವ ಸಂದರ್ಭದಲ್ಲೇ ಈ ಬೆಳವಣಿಗೆ ನಡೆದಿದೆ.

ಏನಿದು ರಾಪಿಡೋ ‘ಬೈಕ್ ಲಿಫ್ಟ್’?

ರಾಪಿಡೋ ಆ್ಯಪ್‌ನಲ್ಲಿ ‘Own a bike? Save fuel with bike lift’ ಎಂಬ ಸಂದೇಶದ ಮೂಲಕ ಈ ಹೊಸ ಆಯ್ಕೆಯನ್ನು ಪ್ರಚಾರ ಮಾಡಲಾಗುತ್ತಿದೆ. ಅಂದರೆ, ಸ್ವಂತ ಬೈಕ್ ಹೊಂದಿರುವವರು ತಾವು ಹೋಗುವ ಮಾರ್ಗದಲ್ಲೇ ಪ್ರಯಾಣಿಕರನ್ನು ಕರೆದೊಯ್ದು ಇಂಧನ ವೆಚ್ಚವನ್ನು ಸರಿದೂಗಿಸಿಕೊಳ್ಳಬಹುದು. ಆ್ಯಪ್‌ನಲ್ಲಿರುವ ‘Know more’ ಆಯ್ಕೆಯನ್ನು ಒತ್ತಿದರೆ, ಈ ವೈಶಿಷ್ಟ್ಯ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ವಿವರಿಸುವ ಯೂಟ್ಯೂಬ್ ಟ್ಯುಟೋರಿಯಲ್ ಕಾಣಿಸಿಕೊಳ್ಳುತ್ತದೆ. ಮೂಲಗಳ ಪ್ರಕಾರ, ಬೆಂಗಳೂರಿನ ಜೊತೆಗೆ ಇತರ ಕೆಲವು ನಗರಗಳಲ್ಲಿಯೂ ಈ ಸೇವೆಯನ್ನು ಪ್ರಾಯೋಗಿಕವಾಗಿ ಆರಂಭಿಸಲಾಗಿದೆ.

ಬೈಕ್ ಲಿಫ್ಟ್ ಹೇಗೆ ಕೆಲಸ ಮಾಡುತ್ತದೆ?

ರಾಪಿಡೋ ವಿವರಿಸಿರುವ ಪ್ರಕಾರ, ಈ ಆಯ್ಕೆಯನ್ನು ಬಳಸುವುದು ಸರಳವಾಗಿದೆ.

ಪ್ರಾರಂಭದ ಸ್ಥಳ ಮತ್ತು ಗಮ್ಯಸ್ಥಾನ ನಮೂದಿಸಿ: ಬೈಕ್‌ನಲ್ಲಿ ಪ್ರಯಾಣಿಸುವಾಗ ಆ್ಯಪ್‌ನಲ್ಲಿ ನಿಮ್ಮ ಪ್ರಯಾಣದ ಆರಂಭದ ಸ್ಥಳ ಮತ್ತು ತಲುಪಬೇಕಾದ ಸ್ಥಳವನ್ನು ನಮೂದಿಸಬೇಕು.

ಮಾರ್ಗದಲ್ಲಿನ ರೈಡ್‌ಗಳನ್ನು ನೋಡಿ: ನೀವು ಹೋಗುವ ಮಾರ್ಗದಲ್ಲಿರುವ ಪ್ರಯಾಣಿಕರ ಬೇಡಿಕೆಗಳನ್ನು ಆ್ಯಪ್ ತೋರಿಸುತ್ತದೆ.

ಪ್ರಯಾಣಿಕರನ್ನು ಹತ್ತಿಸಿಕೊಳ್ಳಿ: ನಿಮ್ಮ ಮಾರ್ಗಕ್ಕೆ ಹೊಂದಿಕೆಯಾಗುವ ಸ್ಥಳಗಳಲ್ಲಿ ಪ್ರಯಾಣಿಕರನ್ನು ಹತ್ತಿಸಿಕೊಂಡು, ಇಳಿಸಬಹುದು. ಇದರಿಂದ ಅನಗತ್ಯವಾಗಿ ಮಾರ್ಗ ಬದಲಿಸುವ ಅಗತ್ಯ ಕಡಿಮೆಯಾಗುತ್ತದೆ.

ಪ್ರತಿ ಕಿ.ಮೀಗೆ ₹5 ಗಳಿಕೆ: ರಾಪಿಡೋ ಟ್ಯುಟೋರಿಯಲ್ ಪ್ರಕಾರ, ಪ್ರತಿ ಕಿಲೋಮೀಟರ್‌ಗೆ ₹5 ಗಳಿಸಬಹುದು. ಈ ಆಯ್ಕೆಯಲ್ಲಿ ಕಮಿಷನ್ ಇರುವುದಿಲ್ಲ ಎಂದು ಕಂಪನಿ ತಿಳಿಸಿದೆ.

ಈ ಮೂಲಕ ಬೈಕ್ ಸವಾರರು ತಮ್ಮ ದೈನಂದಿನ ಪ್ರಯಾಣದ ವೇಳೆ ಇಂಧನ ವೆಚ್ಚವನ್ನು ಕಡಿಮೆ ಮಾಡಿಕೊಳ್ಳಬಹುದು ಎಂಬುದು ಈ ವೈಶಿಷ್ಟ್ಯದ ಉದ್ದೇಶವಾಗಿದೆ.

ಕರ್ನಾಟಕದಲ್ಲಿ ಬೈಕ್ ಟ್ಯಾಕ್ಸಿಗಳ ಕಾನೂನು ಸ್ಥಿತಿ ಏನು?

ರಾಪಿಡೋ ಹೊಸ ಆಯ್ಕೆಯನ್ನು ಪರಿಚಯಿಸಿರುವುದು ಕರ್ನಾಟಕದಲ್ಲಿ ಬೈಕ್ ಟ್ಯಾಕ್ಸಿಗಳ ಕಾನೂನುಬದ್ಧ ಕಾರ್ಯಾಚರಣೆ ಕುರಿತು ನ್ಯಾಯಾಂಗ ಹೋರಾಟ ನಡೆಯುತ್ತಿರುವ ಸಂದರ್ಭದಲ್ಲೇ ಗಮನ ಸೆಳೆದಿದೆ. 2026ರ ಜನವರಿಯಲ್ಲಿ ಕರ್ನಾಟಕ ಹೈಕೋರ್ಟ್, ಬೈಕ್ ಟ್ಯಾಕ್ಸಿಗಳ ಕಾರ್ಯಾಚರಣೆಗೆ ಪರಿಣಾಮಕಾರಿಯಾಗಿ ತಡೆ ಉಂಟುಮಾಡಿದ್ದ ಹಿಂದಿನ ಆದೇಶವನ್ನು ರದ್ದುಗೊಳಿಸಿತ್ತು. ಇದರಿಂದ ಅಸ್ತಿತ್ವದಲ್ಲಿರುವ ಕಾನೂನು ಚೌಕಟ್ಟಿನ ಅಡಿಯಲ್ಲಿ ಅವುಗಳ ಕಾರ್ಯಾಚರಣೆಗೆ ಅವಕಾಶ ದೊರೆತಿತ್ತು. ಆದರೆ, ರಾಜ್ಯ ಸರ್ಕಾರ ಈ ತೀರ್ಪನ್ನು ಪ್ರಶ್ನಿಸಿ ಸುಪ್ರೀಂ ಕೋರ್ಟ್‌ಗೆ ಅರ್ಜಿ ಸಲ್ಲಿಸಿದೆ.

ಬೈಕ್ ಟ್ಯಾಕ್ಸಿಗಳು ಕಡಿಮೆ ವೆಚ್ಚದ ಪ್ರಯಾಣ ಮತ್ತು ಕೊನೆಯ ಹಂತದ ಸಂಪರ್ಕಕ್ಕೆ ಅನುಕೂಲವಾಗಿರುವುದರಿಂದ ನಗರ ಪ್ರಯಾಣಿಕರಲ್ಲಿ ಜನಪ್ರಿಯವಾಗಿವೆ. ಇದೇ ವೇಳೆ, ಆಟೋ ಮತ್ತು ಕ್ಯಾಬ್ ಚಾಲಕರಿಂದ ದೂರುಗಳು ಹೆಚ್ಚಾದ ಹಿನ್ನೆಲೆಯಲ್ಲಿ ಸಾರಿಗೆ ಇಲಾಖೆ 2026ರ ಆಗಸ್ಟ್‌ನಲ್ಲಿ ಬೈಕ್ ಟ್ಯಾಕ್ಸಿಗಳ ವಿರುದ್ಧ ಮತ್ತೊಂದು ವಿಶೇಷ ಕಾರ್ಯಾಚರಣೆ ನಡೆಸಿತ್ತು. ಬಳಿಕ ಈ ವಿಶೇಷ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಲಾಗಿದೆ.

ಬೈಕ್ ಟ್ಯಾಕ್ಸಿ ಚಾಲಕರ ಸಂಘ ಹೇಳಿದ್ದೇನು?

ನಮ್ಮ ಬೈಕ್ ಟ್ಯಾಕ್ಸಿ ಅಸೋಸಿಯೇಷನ್‌ನ ಅಧ್ಯಕ್ಷ ಮೊಹಮ್ಮದ್ ಸಲೀಂ ಅವರ ಪ್ರಕಾರ, ರಾಪಿಡೋದ ಹೊಸ ಆಯ್ಕೆಯ ಬಗ್ಗೆ ಹೆಚ್ಚಿನ ಮಾಹಿತಿ ಇನ್ನೂ ಲಭ್ಯವಿಲ್ಲ. ಆದರೆ, ಬೈಕ್ ಟ್ಯಾಕ್ಸಿಗಳ ಕುರಿತು ಜನರಲ್ಲಿರುವ ತಪ್ಪು ಕಲ್ಪನೆಗಳನ್ನು ಹೋಗಲಾಡಿಸಲು ಇಂತಹ ಪ್ರಚಾರ ಮುಖ್ಯವಾಗಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. ಬೈಕ್ ಟ್ಯಾಕ್ಸಿಗಳು ಕಾನೂನುಬಾಹಿರ ಎಂಬ ತಪ್ಪು ಕಲ್ಪನೆ ಹಲವರಲ್ಲಿದೆ ಎಂದು ಹೇಳಿದ ಅವರು, ಈ ವಿಚಾರವಾಗಿ ಚರ್ಚಿಸಲು ಸುಮಾರು 200 ಬೈಕ್ ಟ್ಯಾಕ್ಸಿ ಚಾಲಕರು ವಾರದ ಕೊನೆಯಲ್ಲಿ ಸಭೆ ಸೇರಲಿದ್ದಾರೆ ಎಂದಿದ್ದಾರೆ.

ರೆಟ್ರೋ ಲುಕ್‌, ಚಿನ್ನದಂಥ ಹೊಳಪು! ರಾಯಲ್‌ ಎನ್‌ಫಿಲ್ಡ್‌ಗೆ ಟಫ್‌ ಕಾಂಪಿಟೇಟರ್‌ ಈ ಬೈಕ್‌ ಅದ್ಭುತ

Ganesh Mabla Gowda — Fri, 16 Oct 2026 10:20:54 +0530

BSA ತನ್ನ ಗೋಲ್ಡ್‌ ಸ್ಟಾರ್‌ 650 ರ ಎರಡು ಹೊಸ ವಿಶೇಷ ಆವೃತ್ತಿಗಳನ್ನು ಬಿಡುಗಡೆ ಮಾಡಿದೆ. ಬರ್ಮಿಂಗ್ಹ್ಯಾಮ್ ಬ್ಲೂ ಮತ್ತು ಬ್ರೂಕ್‌ಲ್ಯಾಂಡ್ಸ್ ಬ್ಲ್ಯಾಕ್ ಲೆಗಸಿ ಎಂಬ ಈ ಬೈಕ್‌ಗಳು 652cc ಎಂಜಿನ್ ಹೊಂದಿವೆ. ಇವು ರಾಯಲ್ ಎನ್‌ಫೀಲ್ಡ್‌ಗೆ ಪ್ರಬಲ ಪೈಪೋಟಿ ನೀಡಲಿವೆ.

BSA ತನ್ನ ಗೋಲ್ಡ್‌ ಸ್ಟಾರ್‌ 650 ರ ಎರಡು ಹೊಸ ವಿಶೇಷ ಆವೃತ್ತಿಗಳನ್ನು ರಿಲೀಸ್ ಮಾಡಿದೆ.‌ ಈ ಎರಡು ಬೈಕ್‌ಗಳಿಗೆ ಕಂಪನಿ ಬರ್ಮಿಂಗ್ಹ್ಯಾಮ್ ಬ್ಲೂ ಮತ್ತು ಬ್ರೂಕ್‌ಲ್ಯಾಂಡ್ಸ್ ಬ್ಲ್ಯಾಕ್ ಲೆಗಸಿ ಎಂದು ನಾಮಕರ ಮಾಡಿದೆ.

ಖಡಕ್‌ ಲುಕ್‌, ಶಕ್ತಿಶಾಲಿ ಎಂಜಿನ್‌ ಹೊಂದಿರುವ ಬೈಕ್‌ನ ಬೆಲೆ 3.56 ಲಕ್ಷ ರೂಪಾಯಿ. ಎರಡೂ ಬೈಕ್‌ಗಳು ಬೇರೆ ಬೇರೆ ಪ್ರೈಸ್‌ ಹೊಂದಿದೆ. ಬರ್ಮಿಂಗ್ಹ್ಯಾಮ್ ಬ್ಲೂ 3.55 ಲಕ್ಷ ರೂಪಾಯಿ. ಬ್ರೂಕ್‌ಲ್ಯಾಂಡ್ಸ್ ಬ್ಲ್ಯಾಕ್ ಲೆಗಸಿ 3.64 ಲಕ್ಷ ರೂಪಾಯಿ ಎಂದು ಕಂಪನಿ ಹೇಳಿದೆ. ಇದು ರಾಯಲ್‌ ಎನ್‌ಫೀಲ್ಡ್‌ಗೆ ಪ್ರತಿಸ್ಪರ್ಧಿ ಬೈಕ್‌ ಇದಾಗಿದೆ.

ಬರ್ಮಿಂಗ್ಹ್ಯಾಮ್ ಬ್ಲೂ

ನೀಲಿ ಬಣ್ಣ
ಸೈಡ್‌ ಪ್ಯಾನಲ್‌
ಬೆಳ್ಳಿ ಬ್ಯಾಡ್ಜ್‌
ಕ್ಲಾಸಿಕ್‌ ಲುಕ್‌
ವಿಂಟೇಜ್‌ ಬ್ರಿಟಿಷ್‌ ಮೋಟಾರ್‌ ಸೈಕಲ್‌ ಇಷ್ಟಪಡೋರಿಗೆ ಇದು ಬೆಸ್ಟ್‌

ಬ್ರೂಕ್‌ಲ್ಯಾಂಡ್ಸ್ ಬ್ಲ್ಯಾಕ್ ಲೆಗಸಿ

ಹೆಚ್ಚುವರಿ ಪ್ರಿಮಿಯಂ ಲುಕ್‌
ಕ್ರೋಮ್-ಫಿನಿಶ್ಡ್ ಫೆಂಡರ್‌ಗಳು
ಚಿನ್ನದ ಪಿನ್‌ಸ್ಟ್ರಿಪಿಂಗ್‌
ಬ್ಲಾಕ್‌ ಫಿನಿಶ್‌
ಕ್ರೋಮ್-ಫಿನಿಶ್ಡ್ ಇಂಧನ ಟ್ಯಾಂಕ್
ಕ್ವಿಲ್ಟೆಡ್ ಸೀಟ್

ಇನ್ನೂ ಎರಡೂ ಬೈಕ್‌ಗಳು ಇತಿಹಾಸದೊಂದಿಗೆ ಕನೆಕ್ಟ್‌ ಮಾಡಲು BSA ಪ್ರಯತ್ನಿಸಿದೆ. ಬರ್ಮಿಂಗ್ಹ್ಯಾಮ್ ಬ್ಲೂ ಹೆಸರು ಬ್ರಿಟಿಷ್ ಮೋಟಾರ್‌ಸೈಕಲ್ ಬ್ರ್ಯಾಂಡ್ ಹುಟ್ಟಿಕೊಂಡ ಬರ್ಮಿಂಗ್ಹ್ಯಾಮ್ ನಗರದಿಂದ ಪ್ರೇರಿತವಾಗಿದೆ.

ಬ್ರೂಕ್‌ಲ್ಯಾಂಡ್ಸ್ ಇಂಗ್ಲೆಂಡ್‌ನ ಪ್ರಸಿದ್ಧ ಬ್ರೂಕ್‌ಲ್ಯಾಂಡ್ಸ್ ರೇಸಿಂಗ್ ಸರ್ಕ್ಯೂಟ್‌ನಿಂದ ಪ್ರೇರಿತವಾಗಿದೆ. ಕಂಪನಿಯು ಈ ಬೈಕ್‌ಗಳ ಮೂಲಕ ತನ್ನ ಪರಂಪರೆ ಮತ್ತು ಕ್ಲಾಸಿಕ್ ಗುರುತನ್ನು ಪ್ರದರ್ಶಿಸಿದೆ. 652cc, ಲಿಕ್ವಿಡ್-ಕೂಲ್ಡ್, ಸಿಂಗಲ್-ಸಿಲಿಂಡರ್ ಎಂಜಿನ್ ಹಂಚಿಕೊಳ್ಳುತ್ತದೆ, 45bhp ಮತ್ತು 55Nm ಟಾರ್ಕ್ ಉತ್ಪಾದಿಸುತ್ತದೆ. ಹೊಸ ಆವೃತ್ತಿಯಲ್ಲಿನ ದೊಡ್ಡ ಬದಲಾವಣೆ ಏನೆಂದರೆ ಅದರ ಲುಕ್‌, ಸ್ಟೈಲ್‌, ಡಿಸೈನ್‌. ಬ್ರೆಂಬೊ ಬ್ರೇಕ್‌ಗಳು, ಡ್ಯುಯಲ್-ಚಾನೆಲ್ ABS ಮತ್ತುವೈರ್-ಸ್ಪೋಕ್ ಚಕ್ರಗಳನ್ನು ಹೊಂದಿವೆ.

ಸ್ಪೋರ್ಟಿ ಲುಕ್‌ನಲ್ಲಿ ಅಬ್ಬರಿಸಲು ಬಂದ ಹೊಸ ಪಲ್ಸರ್ N250SS: 6-ಸ್ಪೀಡ್ ಗೇರ್‌ಬಾಕ್ಸ್, ಕ್ವಿಕ್‌ಶಿಫ್ಟರ್, TFT ಡಿಸ್‌ಪ್ಲೇ ಮ್ಯಾಜಿಕ್!

Santosh Naik — Wed, 21 Oct 2026 21:40:26 +0530

ನವದೆಹಲಿ (ಅ.21): ಪ್ರಸಿದ್ಧ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾದ 'ಬಜಾಜ್ ಆಟೋ' ತನ್ನ ಅತ್ಯಂತ ಜನಪ್ರಿಯ 'ಪಲ್ಸರ್ N250' ಬೈಕ್‌ನ ಮತ್ತಷ್ಟು ನವೀಕೃತ ಹಾಗೂ ಹೆವಿ ಫೀಚರ್‌ಗಳನ್ನು ಹೊಂದಿರುವ ಹೊಸ 'ಪಲ್ಸರ್ N250SS' (Pulsar N250SS) ಆವೃತ್ತಿಯನ್ನು ಭಾರತೀಯ ಮಾರುಕಟ್ಟೆಗೆ ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಕಂಪನಿಯು ಈ ನೂತನ ಬೈಕ್‌ನ ದೆಹಲಿ ಎಕ್ಸ್-ಶೋರೂಂ ಬೆಲೆಯನ್ನು ₹1,59,406 ಎಂದು ನಿಗದಿಪಡಿಸಿದೆ. ಹಳೆಯ ಮಾದರಿಗೆ ಹೋಲಿಸಿದರೆ, ಹೊಸ N250SS ಆವೃತ್ತಿಯಲ್ಲಿ ಎಂಜಿನ್, ಗೇರ್‌ಬಾಕ್ಸ್ ಹಾಗೂ ತಂತ್ರಜ್ಞಾನಕ್ಕೆ ಸಂಬಂಧಿಸಿದಂತೆ ಹಲವು ದೊಡ್ಡ ಮಟ್ಟದ ಅಪ್‌ಡೇಟ್‌ಗಳನ್ನು ನೀಡಲಾಗಿದೆ.

4V ಎಂಜಿನ್ ಜೊತೆಗೆ 6-ಸ್ಪೀಡ್ ಗೇರ್‌ಬಾಕ್ಸ್

ಹೊಸ ಪಲ್ಸರ್ N250SS ಬೈಕ್‌ನಲ್ಲಿ ನವೀಕರಿಸಿದ 249cc ನ '4-ವಾಲ್ವ್' (4V) ಎಂಜಿನ್ ಅನ್ನು ಅಳವಡಿಸಲಾಗಿದೆ. ಇದರ ಜೊತೆಗೆ ಎಲೆಕ್ಟ್ರಾನಿಕ್ ಥ್ರೊಟಲ್ ಬಾಡಿ ಹಾಗೂ ಹೊಸ '6-ಸ್ಪೀಡ್' ಗೇರ್‌ಬಾಕ್ಸ್ ಅನ್ನು ಜೋಡಿಸಲಾಗಿದೆ. ಈ 6-ಸ್ಪೀಡ್ ಗೇರ್‌ಬಾಕ್ಸ್‌ನಿಂದಾಗಿ ಹೈವೇಗಳಲ್ಲಿ (ಹೆದ್ದಾರಿಗಳಲ್ಲಿ) ವೇಗವಾಗಿ ಬೈಕ್ ಚಲಾಯಿಸುವಾಗ ಅತ್ಯುತ್ತಮ ಕ್ರೂಸಿಂಗ್ ಹಾಗೂ ಉತ್ತಮ ಗೇರ್ ಕಂಟ್ರೋಲ್ ಸಿಗಲಿದೆ.

ಇದರೊಂದಿಗೆ ಬೈಕ್‌ನಲ್ಲಿ 'ಬೈ-ಡೈರೆಕ್ಷನಲ್ ಕ್ವಿಕ್‌ಶಿಫ್ಟರ್' (Bi-directional quickshifter) ಅಳವಡಿಸಲಾಗಿದೆ. ಇದರಿಂದಾಗಿ ಚಾಲಕನು ಕ್ಲಚ್ ಬಳಸುವ ಅಗತ್ಯವಿಲ್ಲದೆ ತಕ್ಷಣವೇ ಗೇರ್‌ಗಳನ್ನು ಮೇಲಕ್ಕೆ ಅಥವಾ ಕೆಳಕ್ಕೆ (Up/Down) ಸುಲಭವಾಗಿ ಶಿಫ್ಟ್ ಮಾಡಬಹುದಾಗಿದೆ.

5-ಇಂಚಿನ TFT ಡಿಸ್‌ಪ್ಲೇಯಲ್ಲಿ ಗೂಗಲ್ ಮ್ಯಾಪ್ಸ್ ಮಿನ್ನರಿಂಗ್!

ಪಲ್ಸರ್ N250SS ನ ಅತ್ಯಂತ ಪ್ರಮುಖ ಹಾಗೂ ದೊಡ್ಡ ಅಪ್‌ಡೇಟ್ ಎಂದರೆ ಇದರ ಹೊಸ 5-ಇಂಚಿನ ಕಲರ್ 'TFT ಇನ್ಸ್ಟ್ರುಮೆಂಟ್ ಕನ್ಸೋಲ್'. ಇದರಲ್ಲಿ 'ಗೂಗಲ್ ಮ್ಯಾಪ್ಸ್ ಮಿನ್ನರಿಂಗ್' (Google Maps Mirroring) ಸೌಲಭ್ಯವನ್ನು ನೀಡಲಾಗಿದ್ದು, ಚಾಲಕರು ಬೈಕ್‌ನ ಸ್ಕ್ರೀನ್‌ನಲ್ಲೇ ನೇರವಾಗಿ ನ್ಯಾವಿಗೇಷನ್ (ಮಾರ್ಗಸೂಚಿ) ಮಾಹಿತಿಯನ್ನು ವೀಕ್ಷಿಸಬಹುದಾಗಿದೆ. ಇಷ್ಟೇ ಅಲ್ಲದೆ, ದಿನನಿತ್ಯದ ಸವಾರಿಗೆ ಹಾಗೂ ಸುದೀರ್ಘ ಪ್ರಯಾಣಕ್ಕೆ ಅನುಕೂಲವಾಗುವಂತೆ ಯುಎಸ್‌ಬಿ ಟೈಪ್-ಸಿ (USB Type-C) ಚಾರ್ಜಿಂಗ್ ಪೋರ್ಟ್ ಮತ್ತು ನವೀಕೃತ ಸ್ವಿಚ್‌ಗೇರ್ ಸೌಲಭ್ಯಗಳನ್ನು ಒದಗಿಸಲಾಗಿದೆ.

ಐದು ರೈಡಿಂಗ್ ಮೋಡ್‌ಗಳು ಹಾಗೂ ಟ್ರ್ಯಾಕ್ಷನ್ ಕಂಟ್ರೋಲ್

ಸವಾರರ ಸುರಕ್ಷತೆ ಮತ್ತು ಚಾಲನಾ ಅನುಭವವನ್ನು ಉತ್ತಮಗೊಳಿಸಲು ಹೊಸ ಪಲ್ಸರ್ N250SS ನಲ್ಲಿ ವಿವಿಧ ರಸ್ತೆ ಪರಿಸ್ಥಿತಿಗಳಿಗೆ ಅನುಗುಣವಾಗಿ 5 ವಿಭಿನ್ನ ರೈಡಿಂಗ್ ಮೋಡ್‌ಗಳನ್ನು ನೀಡಲಾಗಿದೆ. ಅವುಗಳೆಂದರೆ ಸ್ಪೋರ್ಟ್ (Sport), ರೋಡ್ (Road), ರೈನ್ (Rain), ಆಫ್-ರೋಡ್ (Off-road) ಹಾಗೂ ಟೂರ್ (Tour). ಜೊತೆಗೆ, ಜಾರುವ ರಸ್ತೆಗಳಲ್ಲಿ ಬೈಕ್ ನಿಯಂತ್ರಣ ತಪ್ಪದಂತೆ ತಡೆಯಲು 'ಟ್ರ್ಯಾಕ್ಷನ್ ಕಂಟ್ರೋಲ್' (Traction Control) ವ್ಯವಸ್ಥೆಯನ್ನು ಸಹ ಒದಗಿಸಲಾಗಿದೆ.

ಇದಲ್ಲದೆ, ಅಡ್ಜಸ್ಟಬಲ್ ಕ್ಲಚ್ ಮತ್ತು ಬ್ರೇಕ್ ಲಿವರ್‌ಗಳು, ರೇಡಿಯಲ್ ರಿಯರ್ ಟೈರ್ ಹಾಗೂ ಗೋಲ್ಡ್ ಫಿನಿಶ್ ಹೊಂದಿರುವ USD ಫ್ರಂಟ್ ಫೋರ್ಕ್ ಸಸ್ಪೆನ್ಷನ್ ಬೈಕ್‌ನ ಮೆರುಗನ್ನು ಹೆಚ್ಚಿಸಿವೆ. ಹೊಸ ಗ್ರಾಫಿಕ್ಸ್ ಮತ್ತು ರೆಡ್ ಅಲಾಯ್ ವೀಲ್ಸ್ ಬೈಕ್‌ಗೆ ಸ್ಪೋರ್ಟಿ ಲುಕ್ ನೀಡಿವೆ.

ಪ್ರಸ್ತುತ ಮಾಡೆಲ್‌ಗಿಂತ ಎಷ್ಟು ದುಬಾರಿ?

ದೆಹಲಿ ಎಕ್ಸ್-ಶೋರೂಂ ದರದಂತೆ ಪಲ್ಸರ್ N250SS ಬೆಲೆ ₹1,59,406 ಆಗಿದೆ. ಇದು ಸ್ಟ್ಯಾಂಡರ್ಡ್ 'ಪಲ್ಸರ್ N250' ಮಾದರಿಗಿಂತ ಸುಮಾರು ₹14,000 ಗಳಷ್ಟು ದುಬಾರಿಯಾಗಿದೆ. ಆದರೆ, ಹೆಚ್ಚುವರಿ ಬೆಲೆಗೆ ತಕ್ಕಂತೆ ಬೈಕ್‌ನಲ್ಲಿ 4V ಎಂಜಿನ್, 6-ಸ್ಪೀಡ್ ಗೇರ್‌ಬಾಕ್ಸ್, TFT ಡಿಸ್‌ಪ್ಲೇ, ಕ್ವಿಕ್‌ಶಿಫ್ಟರ್ ಮತ್ತು ಹಲವು ಅತ್ಯಾಧುನಿಕ ಎಲೆಕ್ಟ್ರಾನಿಕ್ ಫೀಚರ್‌ಗಳು ದೊರೆಯುತ್ತಿರುವುದು ಬೈಕ್ ಪ್ರಿಯರಿಗೆ ಉತ್ತಮ ಆಯ್ಕೆಯಾಗಿದೆ.

125ನೇ ಸಂಭ್ರಮದಲ್ಲಿ ರಾಯಲ್ ಎನ್‌ಫೀಲ್ಡ್ ಭರ್ಜರಿ ಕೊಡುಗೆ, ಹೈಪರ್‌ಶಿಫ್ಟ್ ಬೈಕ್ ಬುಕಿಂಗ್ ಆರಂಭ

Chethan Kumar — Sun, 18 Oct 2026 12:02:40 +0530

ಚೆನ್ನೈ (ಅ.18) ರಾಯಲ್ ಎನ್‌ಫೀಲ್ಡ್ ಭಾರತದ ಅತ್ಯುತ್ತಮ ಬೈಕ್‌ಗಳಲ್ಲಿ ಒಂದು. ಅತೀ ಹೆಚ್ಚಿನ ಮಂದಿ ಎನ್‌ಫೀಲ್ಡ್ ಬೈಕ್ ಇಷ್ಟಪಡುತ್ತಾರೆ. ಹಲವು ಪ್ರತಿಸ್ಪರ್ಧಿಗಳಿದ್ದರೂ ಈಗಲೂ ರಾಯಲ್ ಎನ್ಫೀಲ್ಡ್ ಟಾಪ್ ಬೈಕ್ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ. ಇದೀಗ ರಾಯಲ್ ಎನ್‌ಫೀಲ್ಡ್ 125ನೇ ವರ್ಷಾಚರಣೆ ಸಂಭ್ರಮದಲ್ಲಿದೆ. ಈ ವಿಶೇಷ ಸಂಭ್ರಮದಲ್ಲಿ ಸ್ಪೆಷಲ್ ಬೈಕ್ ಬಿಡುಗಡೆ ಮಾಡುತ್ತಿದೆ. ರಾಯಲ್ ಎನ್ಫೀಲ್ಡ್ 650 ಹೈಪರ್‌ಶಿಪ್ಟ್ ಬೈಕ್ ಬುಕಿಂಗ್ ಆರಂಭಗೊಂಡಿದೆ. ಇದು ಲಿಮಿಟೆಡ್ ಎಡಿಶನ್ ಬೈಕ್. 125ನೇ ವರ್ಷಾಚರಣೆ ಪ್ರಯುಕ್ತ ಈ ಬೈಕ್ ಕೇವಲ 125 ಮಂದಿಗೆ ಮಾತ್ರ ಖರೀದಿಸಲು ಸಾಧ್ಯ. ಈ ಲಿಮಿಟೆಡ್ ಎಡಿಶನ್ ಬೈಕ್ ಬೈಕ್ 125 ಯುನಿಟ್ ಮಾತ್ರ ಉತ್ಪಾದನೆ ಮಾಡಲಾಗುತ್ತದೆ.

ಅಕ್ಟೋಬರ್ 28ರ ವರೆಗೆ ಬುಕಿಂಗ್ ಅವಕಾಶ

ರಾಯಲ್ ಎನ್‌ಫೀಲ್ಡ್ ಹೈಪರ್‌ಶಿಫ್ಟ್ ಬೈಕ್ ಬುಕಿಂಗ್ ಆರಂಭಗೊಂಡಿದೆ. ಕೇವಲ 125 ಬೈಕ್ ಮಾತ್ರ ಉತ್ಪಾದನೆ ಮಾಡಲಾಗುತ್ತದೆ. ಹೀಗಾಗಿ ಮೊದಲು ಬುಕ್ ಮಾಡುವ 125 ಮಂದಿಗೆ ಈ ಬೈಕ್ ಖರೀದಿಗೆ ಲಭ್ಯವಾಗಲಿದೆ. ಅಕ್ಟೋಬರ್ 28ರ ವರೆಗೆ ಬುಕಿಂಗ್ ಲಭ್ಯವಿದೆ. ಬಳಿಕ ಸೇಲ್ಸ್ ಆರಂಭಗೊಳ್ಳಲಿದೆ. ಈ ಬೈಕ್ ಹಲವು ವಿಶೇಷತೆಗಳನ್ನು ಹೊಂದಿದ.

ರಾಯಲ್ ಎನ್‌ಫೀಲ್ಡ್ ಹೈಪರ್‌ಶಿಫ್ಟ್ ಬೈಕ್ ಬೆಲೆ ಎಷ್ಟು?

ಹೊಚ್ಚ ಹೊಸ ರಾಯಲ್ ಎನ್‌ಫೀಲ್ಡ್ ಹೈಪರ್‌ಶಿಪ್ ಬೈಕ್ ಬೆಲೆ 4.25 ಲಕ್ಷ ರೂಪಾಯಿ (ಎಕ್ಸ್ ಶೋ ರೂಂ). ನವೆಂಬರ್ ತಿಂಗಳಿನಿಂದ ಡೆಲಿವರಿ ಆರಂಭಗೊಳ್ಳಲಿದೆ. ಇದು ಸ್ಪೆಷಲ್ ಹಾಗೂ ಲಿಮಿಟೆಡ್ ಎಡಿಶನ್ ಬೈಕ್. ಹಲವು ವಿಶೇಷತೆಗಳಿಂದ ಕೂಡಿದ ಕಾರಣ ಈ ಬೈಕ್ ದುಬಾರಿಯಾಗಿದೆ.

1901ರಲ್ಲಿ ರಾಯಲ್ ಎನ್‌ಫೀಲ್ಡ್ ಬೈಕ್ ಭಾರತದಲ್ಲಿ ಉತ್ಪಾದನೆ ಆರಂಭಿಸಿತ್ತು. ಇದೀಗ 125ನೇ ವರ್ಷದ ಸಂಭ್ರಮ. ಹೀಗಾಗಿ ಸ್ಪೆಷಲ್ ಎಡಿಶನ್ ಬೈಕ್ ಲಾಂಚ್ ಮಾಡಲಾಗುತ್ತಿದೆ. ಈ ಬೈಕ್‌ನಲ್ಲಿ 125 ವರ್ಷಾಚರಣೆ ವಿಶೇಷ ಬ್ಯಾಡ್ಜ್ ಇರಲಿದೆ. 650 ಟ್ವಿನ್ ಪ್ಲಾಟ್‌ಫಾರ್ಮ್ ಎಂಜಿನ್ ಸೇರಿದಂತೆ ಹಲವು ವಿಶೇಷತೆಗಳನ್ನು ಹೊಂದಿದೆ. ಹೊಸ ಬಣ್ಣದಲ್ಲಿ ಈ ಬೈಕ್ ಲಭ್ಯವಿದೆ. ರಾಯಲ್ ಎನ್ಫೀಲ್ಡ್ ಕಳೆದ 125 ವರ್ಷಗಳ ಲೆಗೆಸಿಯನ್ನು ಬಿಂಬಿಸುವ ರೀತಿಯಲ್ಲಿ ಈ ಬೈಕ್ ರಸ್ತೆಗಿಳಿಯಲಿದೆ.

125ನೇ ವರ್ಷಕ್ಕೆ 125 ಬೈಕ್ ಲಿಮಿಟೆಡ್ ಎಡಿಶನ್ ಮೂಲಕ ವಿಶೇಷವಾಗಿ ನೀಡಲಾಗುತ್ತಿದೆ. ಕೇವಲ 125 ಮಂದಿಯಲ್ಲಿ ಮಾತ್ರ ಈ ಬೈಕ್ ಇರಲಿದೆ. ಇದು ಮಾಲೀಕರ ಪ್ರತಿಷ್ಠೆ ಹೆಚ್ಚಿಸಲಿದೆ. ಜೊತೆಗೆ ಅತ್ಯಂತ ಆಕರ್ಷಕ ವಿನ್ಯಾಸ, ಅತ್ಯಾಧುನಿಕ ಟೆಕ್ ಈ ಬೈಕ್‌ನಲ್ಲಿದೆ.

ಹಬ್ಬಕ್ಕೆ ಜಾವಾ ಯೆಜ್ಡಿ ಬಂಪರ್ ಆಫರ್: ಶೂನ್ಯ ಡೌನ್‌ಪೇಮೆಂಟ್, 5.99% ಬಡ್ಡಿ ದರದಲ್ಲಿ ನಿಮ್ಮದಾಗಿಸಿಕೊಳ್ಳಿ ಹೊಸ ಬೈಕ್!

Gowthami K — Thu, 15 Oct 2026 18:36:05 +0530

ದೀಪಾವಳಿ ಹಾಗೂ ಹಬ್ಬದ ಸೀಸನ್ ಶುರುವಾಗುತ್ತಲೇ ಬೈಕ್ ಪ್ರಿಯರಿಗೆ 'ಜಾವಾ ಯೆಜ್ಡಿ ಮೋಟಾರ್‌ಸೈಕಲ್ಸ್' ಭರ್ಜರಿ ಸಿಹಿಸುದ್ದಿ ನೀಡಿದೆ. ಗ್ರಾಹಕರು ತಮ್ಮ ನೆಚ್ಚಿನ ಬೈಕ್ ಅನ್ನು ಸುಲಭವಾಗಿ ಖರೀದಿಸಲು ನೆರವಾಗುವಂತೆ ಅತ್ಯಾಕರ್ಷಕ ಸಾಲದ ಯೋಜನೆಗಳನ್ನು ಕಂಪನಿ ಪ್ರಕಟಿಸಿದೆ.

ಹೊಸ ಬೈಕ್ ಖರೀದಿಸುವ ಕನಸು ಕಂಡಿದ್ದರೂ, ಹಣಕಾಸಿನ ತೊಂದರೆಯಿಂದ ಹಿಂದೇಟು ಹಾಕುವ ಯುವಕರಿಗೆ ಈ ಆಫರ್‌ಗಳು ಬಹುದೊಡ್ಡ ರಿಲೀಫ್ ನೀಡಿವೆ.

ಹಬ್ಬದ ಆಫರ್‌

ಮುಂಗಡವಾಗಿ ಯಾವುದೇ ಹಣ ಕಟ್ಟುವ ಅಗತ್ಯವಿಲ್ಲದೆ ಬೈಕ್ ಖರೀದಿಸಬಹುದು. ಇದು ಈ ಆಫರ್‌ನ ಅತ್ಯಂತ ಆಕರ್ಷಕ ಅಂಶವಾಗಿದ್ದು, ಆಯ್ದ ಮಾಡೆಲ್‌ಗಳ ಮೇಲೆ ವಾಹನದ ಸಂಪೂರ್ಣ ಮೊತ್ತಕ್ಕೆ ಸಾಲ ಸೌಲಭ್ಯ ಸಿಗಲಿದೆ.

ಕೇವಲ ಶೇ. 5.99ರಿಂದ ಆರಂಭವಾಗುವ ಆಕರ್ಷಕ ಬಡ್ಡಿ ದರದಲ್ಲಿ ಸಾಲ ಸಿಗಲಿದ್ದು, ಸಾಲ ಮರುಪಾವತಿಗೆ ಬರೋಬ್ಬರಿ 72 ತಿಂಗಳವರೆಗೆ (6 ವರ್ಷ) ದೀರ್ಘಾವಧಿಯ ಅವಕಾಶವಿದೆ. ಇದರಿಂದ ಮಾಸಿಕ ಕಂತು (ಇಎಂಐ) ಹೊರೆ ಕಡಿಮೆಯಾಗಲಿದೆ.

ಇದಲ್ಲದೆ, ಹಬ್ಬದ ಖರ್ಚಿನ ನಡುವೆ 'ಈಗ ಖರೀದಿಸಿ, ಆಮೇಲೆ ಕಂತು ಪಾವತಿಸಿ' ಎಂಬ ವಿಶೇಷ ಸೌಲಭ್ಯವನ್ನೂ ಅರ್ಹ ಗ್ರಾಹಕರಿಗೆ ನೀಡಲಾಗುತ್ತಿದೆ.

ತ್ವರಿತ ಪ್ರಕ್ರಿಯೆ

ಈ ಫೈನಾನ್ಸ್ ಯೋಜನೆಯಡಿ ಸಾಲಕ್ಕೆ 'ತ್ವರಿತ ಅನುಮೋದನೆ' ಸಿಗಲಿದ್ದು, ಕಾಗದಪತ್ರಗಳ ಪ್ರಕ್ರಿಯೆ ಸುಗಮವಾಗಿರಲಿದೆ. ಜೊತೆಗೆ ಆಯ್ದ ಸ್ಕೀಮ್‌ಗಳ ಅಡಿಯಲ್ಲಿ ಅರ್ಹ ಗ್ರಾಹಕರಿಗೆ 'ಹೈಪೋಥೆಕೇಶನ್ ಇಲ್ಲದ' ಸೌಲಭ್ಯವೂ ಸಿಗಲಿದೆ. ಇದರ ಜೊತೆಗೆ, 'ಮಹೀಂದ್ರ ಗ್ರೂಪ್' ಉದ್ಯೋಗಿಗಳಿಗೆ ಬೈಕ್ ಖರೀದಿಯ ಮೇಲೆ ಎಕ್ಸ್‌ಕ್ಲೂಸಿವ್ ಆಫರ್‌ಗಳನ್ನು ಸಹ ನೀಡಲಾಗುತ್ತಿದೆ.

ಈ ವಿಶೇಷ ಆಫರ್‌ಗಳ ಬಗ್ಗೆ ಮತ್ತಷ್ಟು ವಿವರಗಳನ್ನು ಹಂಚಿಕೊಂಡಿರುವ ಕ್ಲಾಸಿಕ್ ಲೆಜೆಂಡ್ಸ್‌ನ ಸಹ-ಸಂಸ್ಥಾಪಕ ಅನುಪಮ್ ಥರೇಜಾ, "ಗ್ರಾಹಕರಿಗೆ ಜಾವಾ, ಯೆಜ್ಡಿ ಅಥವಾ ಬಿಎಸ್‌ಎ ಬೈಕ್ ಹೊಂದುವುದು ಕೇವಲ ವಾಹನ ಖರೀದಿಯಲ್ಲ; ಬದಲಾಗಿ ಅದೊಂದು ವಿಶಿಷ್ಟ ಬೈಕಿಂಗ್ ಸಂಸ್ಕೃತಿಯ ಭಾಗವಾಗುವುದಾಗಿದೆ. ಈ ಹಬ್ಬದ ಋತುವಿನಲ್ಲಿ ಗ್ರಾಹಕರ ಆ ಕನಸನ್ನು ಸುಲಭವಾಗಿ ನನಸು ಮಾಡಲು ನಾವು ಈ ಆಕರ್ಷಕ ಫೈನಾನ್ಸ್ ಯೋಜನೆಗಳನ್ನು ತಂದಿದ್ದೇವೆ. ಇದು ಬೈಕ್ ಪ್ರಿಯರಿಗೆ ಹಣಕಾಸಿನ ಹೊರೆ ಇಳಿಸಿ, ಬೈಕಿಂಗ್ ಖುಷಿಯನ್ನು ಹೆಚ್ಚಿಸಲಿದೆ,” ಎಂದು ವಿವರಿಸಿದ್ದಾರೆ.

ಐಕಾನಿಕ್ ಬ್ರ್ಯಾಂಡ್‌ಗಳಾದ ಜಾವಾ, ಯೆಜ್ಡಿ ಮತ್ತು ಬಿಎಸ್‌ಎ ಬೈಕ್‌ಗಳ ಮೇಲೆ ಕಣ್ಣಿಟ್ಟಿರುವ ಯುವಕರಿಗೆ ಈ ಹಬ್ಬದ ಋತುವಿನಲ್ಲಿ ಸುಲಭ ಕಂತುಗಳಲ್ಲಿ ಬೈಕ್ ಖರೀದಿಸಲು ಇದೊಂದು ಸುವರ್ಣಾವಕಾಶವಾಗಿದೆ.

ಬೈಕ್‌ನ ಹಿಂದಿನ ಟೈರ್‌ಗೇ ಪದೇಪದೇ ಪಂಕ್ಚರ್ ಆಗೋದ್ಯಾಕೆ? ಇದರ ಹಿಂದಿದೆ ಅಚ್ಚರಿಯ ವಿಜ್ಞಾನ!

Chandrashekar GS — Tue, 20 Oct 2026 19:38:03 +0530

ಬೈಕ್‌ನ ಹಿಂದಿನ ಟೈರ್‌ ಪದೇಪದೇ ಪಂಕ್ಚರ್ ಏಕೆ? ಇದರ ಹಿಂದಿದೆ ವಿಜ್ಞಾನ!

ಬೈಕ್ ಸವಾರರು ಎದುರಿಸುವ ಸಾಮಾನ್ಯ ಸಮಸ್ಯೆಗಳಲ್ಲಿ ಟೈರ್ ಪಂಕ್ಚರ್ ಕೂಡ ಒಂದು. ಆದರೆ ಗಮನಿಸಿದ್ದೀರಾ? ಕೆಲವೊಮ್ಮೆ ಮುಂಭಾಗದ ಟೈರ್‌ಗಿಂತ ಹಿಂದಿನ ಟೈರ್‌ಗೆ ಹೆಚ್ಚು ಬಾರಿ ಪಂಕ್ಚರ್ ಆಗುತ್ತದೆ. ಇದಕ್ಕೆ ರಸ್ತೆಯಲ್ಲಿರುವ ಮೊಳೆ ಅಥವಾ ಗಾಜಿನ ಚೂರುಗಳಷ್ಟೇ ಕಾರಣವಲ್ಲ. ಬೈಕ್‌ನ ತೂಕದ ಹಂಚಿಕೆ, ರಸ್ತೆಯಲ್ಲಿನ ಅಡೆತಡೆಗಳು ಮತ್ತು ಟೈರ್‌ನ ಗಾಳಿಯ ಒತ್ತಡವೂ ಇದಕ್ಕೆ ಕಾರಣವಾಗಬಹುದು.

1. ಹಿಂದಿನ ಚಕ್ರದ ಮೇಲೆ ಹೆಚ್ಚು ತೂಕ

ಸಾಮಾನ್ಯವಾಗಿ ಸವಾರನ ದೇಹದ ಹೆಚ್ಚಿನ ತೂಕ ಹಿಂದಿನ ಚಕ್ರದ ಮೇಲೆ ಬೀಳುತ್ತದೆ. ಹೀಗಾಗಿ ಹಿಂದಿನ ಟೈರ್ ರಸ್ತೆ ಮೇಲೆ ಹೆಚ್ಚಿನ ಒತ್ತಡವನ್ನು ಅನುಭವಿಸುತ್ತದೆ. ರಸ್ತೆಯಲ್ಲಿರುವ ಮೊಳೆ, ಚೂಪಾದ ಕಲ್ಲು ಅಥವಾ ಲೋಹದ ತುಂಡಿನ ಮೇಲೆ ಚಕ್ರ ಹಾದುಹೋದಾಗ ಟೈರ್‌ಗೆ ಹಾನಿಯಾಗುವ ಸಾಧ್ಯತೆ ಹೆಚ್ಚಬಹುದು.

ಸವಾರನ ತೂಕದ ಜೊತೆಗೆ ಹಿಂಬದಿ ಕುಳಿತಿರುವ ವ್ಯಕ್ತಿ ಅಥವಾ ಸಾಗಿಸುವ ಸಾಮಾನುಗಳೂ ಹಿಂದಿನ ಚಕ್ರದ ಮೇಲಿನ ಭಾರವನ್ನು ಹೆಚ್ಚಿಸಬಹುದು.

2. ಮುಂಭಾಗದ ಟೈರ್ ಎತ್ತಿದ ವಸ್ತುವಿಗೆ ಹಿಂದಿನ ಟೈರ್ ಬಲಿ!

ರಸ್ತೆಯಲ್ಲಿ ಬಿದ್ದಿರುವ ಮೊಳೆ, ಗಾಜಿನ ಚೂರು ಅಥವಾ ಸಣ್ಣ ಲೋಹದ ತುಂಡಿನ ಮೇಲೆ ಮೊದಲು ಮುಂಭಾಗದ ಟೈರ್ ಹಾದುಹೋಗುತ್ತದೆ. ಕೆಲವೊಮ್ಮೆ ಅದು ಆ ವಸ್ತುವನ್ನು ಚಲಿಸುವಂತೆ ಮಾಡಿ, ಹಿಂದಿನ ಟೈರ್‌ನ ಹಾದಿಗೆ ತಳ್ಳಬಹುದು ಅಥವಾ ನಿಲ್ಲಿಸಬಹುದು. ನಂತರ ಅದೇ ವಸ್ತುವಿನ ಮೇಲೆ ಹಿಂದಿನ ಟೈರ್ ಹಾದುಹೋಗುವುದರಿಂದ ಪಂಕ್ಚರ್ ಆಗಬಹುದು.

ಆದರೆ ಇದು ಪ್ರತಿಬಾರಿಯೂ ಸಂಭವಿಸುವುದಿಲ್ಲ. ರಸ್ತೆಯಲ್ಲಿರುವ ವಸ್ತುವಿನ ಆಕಾರ ಮತ್ತು ಅದು ಹೇಗೆ ಬಿದ್ದಿದೆ ಎಂಬುದರ ಮೇಲೂ ಅಪಾಯ ಅವಲಂಬಿತವಾಗಿರುತ್ತದೆ.

3. ಗುಂಡಿ ಮತ್ತು ಹೊಂಡಗಳಿಂದ ಟೈರ್‌ಗೆ ಹಾನಿ

ರಸ್ತೆಯಲ್ಲಿರುವ ಗುಂಡಿ ಅಥವಾ ತಗ್ಗಿನ ಮೇಲೆ ವೇಗವಾಗಿ ಹಾದುಹೋದಾಗ ಚಕ್ರಕ್ಕೆ ಬಲವಾದ ಹೊಡೆತ ಬೀಳುತ್ತದೆ. ಹಿಂದಿನ ಚಕ್ರದ ಮೇಲೆ ಹೆಚ್ಚು ತೂಕವಿರುವುದರಿಂದ ಕೆಲ ಸಂದರ್ಭಗಳಲ್ಲಿ ಅದು ಹೆಚ್ಚಿನ ಹೊಡೆತವನ್ನು ಅನುಭವಿಸಬಹುದು.

ಟೈರ್‌ನಲ್ಲಿ ಗಾಳಿ ಕಡಿಮೆಯಿದ್ದರೆ, ಒಳಗಿನ ಟ್ಯೂಬ್ ರಿಮ್ ಮತ್ತು ರಸ್ತೆಯ ನಡುವೆ ಸಿಲುಕಿ ಎರಡು ಸಣ್ಣ ಕತ್ತರಿದ ಗುರುತುಗಳೊಂದಿಗೆ ಪಂಕ್ಚರ್ ಆಗಬಹುದು. ಇದನ್ನು ‘ಪಿಂಚ್ ಫ್ಲಾಟ್’ ಅಥವಾ ‘ಸ್ನೇಕ್‌ಬೈಟ್ ಪಂಕ್ಚರ್’ ಎಂದು ಕರೆಯಲಾಗುತ್ತದೆ.

4. ಟೈರ್‌ನ ಸವೆತ ಮತ್ತು ಗಾಳಿಯ ಒತ್ತಡ

ನಿರಂತರ ಬಳಕೆ, ರಸ್ತೆಯ ಸ್ಥಿತಿ, ಬ್ರೇಕಿಂಗ್ ಮತ್ತು ವಾಹನದ ಚಾಲನಾ ವಿಧಾನಗಳಿಂದ ಟೈರ್‌ನ ಮೇಲ್ಮೈ ಸವೆಯಬಹುದು. ಸವೆದ ಟೈರ್‌ನಲ್ಲಿ ರಬ್ಬರ್ ಪದರ ತೆಳುವಾಗುವುದರಿಂದ ಚೂಪಾದ ವಸ್ತುಗಳಿಂದ ಹಾನಿಯಾಗುವ ಸಾಧ್ಯತೆ ಹೆಚ್ಚಬಹುದು.

ಆದರೆ ಹಿಂದಿನ ಟೈರ್ ಮಾತ್ರವೇ ಎಲ್ಲ ಸಂದರ್ಭಗಳಲ್ಲೂ ಹೆಚ್ಚು ಸವೆಯುತ್ತದೆ ಅಥವಾ ಪಂಕ್ಚರ್ ಆಗುತ್ತದೆ ಎನ್ನಲು ಸಾಧ್ಯವಿಲ್ಲ. ಬೈಕ್‌ನ ಮಾದರಿ, ಟೈರ್‌ನ ಗುಣಮಟ್ಟ ಮತ್ತು ಬಳಕೆಯ ವಿಧಾನವೂ ಮುಖ್ಯ.

ಪಂಕ್ಚರ್ ತಪ್ಪಿಸಲು ಏನು ಮಾಡಬೇಕು?

ಬೈಕ್ ತಯಾರಕರು ಸೂಚಿಸಿರುವ ಮಟ್ಟದಲ್ಲಿ ಟೈರ್ ಗಾಳಿಯ ಒತ್ತಡವನ್ನು ಕಾಪಾಡಿಕೊಳ್ಳಿ.
ಟೈರ್‌ನ ಮೇಲ್ಮೈಯಲ್ಲಿ ಮೊಳೆ, ಬಿರುಕು ಅಥವಾ ಅಸಹಜ ಸವೆತವಿದೆಯೇ ಎಂದು ನಿಯಮಿತವಾಗಿ ಪರಿಶೀಲಿಸಿ.
ಗುಂಡಿ, ಚೂಪಾದ ಕಲ್ಲುಗಳು ಮತ್ತು ರಸ್ತೆಯಲ್ಲಿರುವ ಕಸವನ್ನು ಸಾಧ್ಯವಾದಷ್ಟು ತಪ್ಪಿಸಿ.
ಪದೇಪದೇ ಗಾಳಿ ಕಡಿಮೆಯಾಗುತ್ತಿದ್ದರೆ ಟೈರ್ ಮಾತ್ರವಲ್ಲದೆ ವಾಲ್ವ್, ಟ್ಯೂಬ್ ಮತ್ತು ರಿಮ್‌ನಲ್ಲಿನ ಸೋರಿಕೆಯನ್ನೂ ಪರಿಶೀಲಿಸಿ.

ಒಟ್ಟಿನಲ್ಲಿ, ಹಿಂದಿನ ಟೈರ್‌ಗೆ ಹೆಚ್ಚು ಪಂಕ್ಚರ್ ಆಗುವುದಕ್ಕೆ ತೂಕದ ಹಂಚಿಕೆ ಮತ್ತು ರಸ್ತೆಯಲ್ಲಿನ ವಸ್ತುಗಳ ಪ್ರಭಾವ ಪ್ರಮುಖ ಕಾರಣಗಳಾಗಿರಬಹುದು. ಸರಿಯಾದ ಗಾಳಿಯ ಒತ್ತಡ, ನಿಯಮಿತ ಪರಿಶೀಲನೆ ಮತ್ತು ಎಚ್ಚರಿಕೆಯ ಚಾಲನೆಯಿಂದ ಪಂಕ್ಚರ್ ಅಪಾಯವನ್ನು ಕಡಿಮೆ ಮಾಡಬಹುದು.

ದುಬಾರಿ ಬೆಲೆ ಬೈಕ್‌ಗಳಿಗೆ ಟಕ್ಕರ್ ಕೊಡೋಕೆ ಅಖಾಡಕ್ಕೆ ಬಂತು ನ್ಯೂ ಟೂ ವ್ಹೀಲರ್; ಹೈ ಫೀಚರ್ಸ್

Mahmad Rafik — Sun, 18 Oct 2026 13:20:28 +0530

ಭಾರತದ ಮಾರುಕಟ್ಟೆಗೆ Hero MotoCorp ತನ್ನ ಹೊಸ ಅಪ್‌ಡೇಟೆಡ್ 2026 Xtreme 160R 4V ಲಾಂಚ್ ಮಾಡಿದೆ. Hero MotoCorp ಕಂಪನಿಯು ಬೈಕ್‌ನ ನ್ಯೂ ಲುಕ್ ಮತ್ತು ಕೆಲವು ವಿಶೇಷ ಫೀಚರ್ಸ್‌ ಜೊತೆಯಲ್ಲಿ ಮಾರುಕಟ್ಟೆಯನ್ನು ಪ್ರವೇಶಿಸಿದೆ. ಈ ಬೈಕ್‌ನ ಟಾಪ್ ವೇರಿಯಂಟ್‌ನಲ್ಲಿ ಕ್ರೂಜ್ ಕಂಟ್ರೋಲ್ ಮಾದರಿಯ ವೈಶಿಷ್ಟ್ಯತೆಯೊಂದಿಗೆ ಸಿಗಲಿದೆ. ಈ ಒಂದು ವಿಶೇಷ ಫೀಚರ್ ಸಾಮಾನ್ಯವಾಗಿ ದುಬಾರಿ ಬೈಕ್‌ಗಳಲ್ಲಿ ಮಾತ್ರ ಕಾಣಸಿಗುತ್ತದೆ. ಹಾಗಾಗಿ ಇಂತಹ ನ್ಯೂ ಫೀಚರ್ ಹೊಂದಿರುವ ಬೈಕ್ ನಿಮಗೆ ಕಡಿಮೆ ಬೆಲೆಯಲ್ಲಿ ಸಿಗಲಿದೆ.

ಮೂರು ವೇರಿಯಂಟ್‌ಗಳಲ್ಲಿ ಲಭ್ಯ, ಬುಕಿಂಗ್

Xtreme 160R 4V ಬೈಕ್ ನಿಮಗೆ Standard, Pro ಮತ್ತು Carbon ಎಂಬ ಮೂರು ವೇರಿಯಂಟ್‌ಗಳಲ್ಲಿ ಸಿಗಲಿದೆ. ಇದರಲ್ಲಿ Carbon ವೇರಿಯಂಟ್ ಅತ್ಯಧಿಕ ಬೆಲೆಯನ್ನು ಹೊಂದಿದೆ. Carbon ವೇರಿಯಂಟ್ ಎಕ್ಸ್ ಶೋರೂಮ್ ಬೆಲೆ 1.41 ಲಕ್ಷ ರೂಪಾಯಿ ಆಗಿದೆ. ಕಂಪನಿ ಅಥವಾ ಶೋರೂಮ್ ಮುಖಾಂತರ ಈ ಬೈಕ್‌ನ್ನು ಬುಕ್ ಮಾಡಬಹುದಾಗಿದೆ. Pro ಮತ್ತು Carbon ವೇರಿಯಂಟ್‌ಗಳ ಬುಕಿಂಗ್ ಇದೇ ನವೆಂಬರ್‌ನಿಂದ ಆರಂಭವಾದ್ರೆ, Standard ಬುಕ್ಕಿಂಗ್ ಮಾಡಲು ಗ್ರಾಹಕರು 2027-ಜನವರಿವರೆಗೆ ಕಾಯಬೇಕಾಗುತ್ತದೆ. ಇನ್ನುಳಿದ ವೇರಿಯಂಟ್ ಎಕ್ಸ್ ಶೋರೂಂ ಬೆಲೆ 1.27 ಲಕ್ಷ ರೂ. ಆಗಿದೆ.

ನ್ಯೂ ಲುಕ್, ಕಲರ್‌ನಲ್ಲಿ Hero Xtreme 160R 4V

2026ನ ಬೈಕ್‌ನ ಡಿಸೈನ್‌ನ್ನು ಮೊದಲಿಗಿಂತ ಹೆಚ್ಚು ಸ್ಪೋರ್ಟಿ ಮಾಡಲು ಪ್ರಯತ್ನಿಸಲಾಗಿದೆ. ಫ್ಯೂಲ್ ಟ್ಯಾಂಕ್, ಬ್ಯಾಕ್ ಸೀಟ್‌ನಲ್ಲಿ ಕೆಲವೊಂದು ಬದಲಾವಣೆಗಳನ್ನು ಮಾಡಲಾಗಿದೆ. ಇನ್ನು ಗ್ರಾಹಕರಿಗೆ ಕಂಪನಿ ಬಣ್ಣಗಳ ಆಯ್ಕೆಯನ್ನು ನೀಡಲಾಗಿದೆ. ಮತ್ತೊಂದು ವಿಶೇಷ ಅಂದ್ರೆ ಕಂಪನಿಯು ಗ್ರಾಹಕರು ತಮ್ಮ ಆದ್ಯತೆಗಳಿಗೆ ಅನುಗುಣವಾಗಿ ರೂಪಾಂತರವನ್ನು ಆಯ್ಕೆ ಮಾಡಿಕೊಳ್ಳಲು ಅವಕಾಶ ನೀಡಿದೆ.

ಮೂರು ವೇರಿಯಂಟ್‌ಗಳ ಬಣ್ಣ

Standard ಬೈಕ್ Firestorm Red ಮತ್ತು Pearl Black colorನಲ್ಲಿ ಲಭ್ಯವಿದೆ.
Pro ವೇರಿಯಂಟ್ ಬೈಕ್ Pro Red and Pro Black ಕಲರ್ಸ್‌ನಲ್ಲಿ ನೀಡಲಾಗಿದೆ
Carbon ವೇರಿಯಂಟ್ ಬೈಕ್ Carbon Red, Carbon Black, Carbon Gray ಮತ್ತು Abrax Orange

ಈ ಬಾರಿ ಕಂಪನಿಯೂ ವೇರಿಯಂಟ್‌ಗಳ ಹೆಸರನ್ನು ಸಹ ಬದಲಿಸಿದೆ. ಈ ಹಿಂದಿನ ಬೇಸ್ ಮಾಡೆಲ್‌ ನ್ನು Standard ಎಂದು ಕರೆಯಲಾಗುತ್ತಿದೆ. Combat Edition ಬದಲಾಗಿ Pro ಎಂದು ಹೆಸರಿಡಲಾಗಿದೆ. ಈ ಎರಡರ ಜೊತೆಯಲ್ಲಿ Carbon ವೇರಿಯಂಟ್ ಸೇರ್ಪಡೆ ಮಾಡಲಾಗಿದೆ.

ಇಂಜಿನ್‌ನಲ್ಲಿ ಏನೆಲ್ಲಾ ಬದಲಾವಣೆ ಆಗಿದೆ?

Xtreme 160R 4Vನ ಮೂರು ವೇರಿಯಂಟ್‌ನಲ್ಲಿ 164.32cc ಆಯಿಲ್ ಕ್ಲೂಡ್, 7-ವಾಲ್ವ್ ಇಂಜಿನ್ ನೀಡಲಾಗಿದೆ. ಇದರ ಮ್ಯಾಕ್ಸಿಮಮ್ ಪವರ್ ಈಗ 17.1 hp ಆಗಿದ್ದು, 8,750 rpm ನಲ್ಲಿ ಗರಿಷ್ಠ ಮಟ್ಟವನ್ನು ತಲುಪಿದೆ. ಇದರ ಹಿಂದಿನ ಮಾಡೆಲ್‌ಗೆ ಹೋಲಿಸಿದರೆ ಸ್ವಲ್ಪ ಏರಿಕೆಯಾಗಿದೆ. ಟಾರ್ಕ್ 14.6 Nm ನಲ್ಲಿ ಬದಲಾಗದೆ ಉಳಿದಿದೆ, 6,500 rpm ನಲ್ಲಿ ಗರಿಷ್ಠ ಮಟ್ಟವನ್ನು ತಲುಪುತ್ತದೆ.

Pro ವೇರಿಯಂಟ್‌ನಲ್ಲಿ ಸಿಗಲಿದೆ ಕ್ರೂಜ್ ಕಂಟ್ರೋಲ್

ಕಂಪನಿಯು ತನ್ನ ಮೂರು ವೇರಿಯಂಟ್‌ಗಳಲ್ಲಿ ಅಂತರವನ್ನಿಟ್ಟಿದೆ. Standardನಲ್ಲಿ ಟೆಲಿಸ್ಕೋಪಿಕ್ ಫ್ರಂಟ್ ಫೋರ್ಕ್, ಮೆಕ್ಯಾನಿಕಲ್ ಥ್ರೊಟಲ್, ಸಿಂಗಲ್-ಚಾನೆಲ್ ABS ಜೊತೆ ಎರಡು ಚಕ್ರಕ್ಕೆ ಡಿಸ್ಕ್ ಬ್ರೆಕ್ ಮತ್ತು LCD Instrument Console ನೀಡಲಾಗಿದೆ.

ಇನ್ನು Pro ವೇರಿಯಂಟ್‌ನಲ್ಲಿ 37mm KYB USD ಫ್ರಂಟ್ ಫೋರ್ಕ್ ಮತ್ತು ಅಡ್ಜಸ್ಟೇಬಲ್ ಪ್ರಿಲೋಡ್‌ ರಿಯರ್ ಮೊನೊಶಾಕ್ ನೀಡಲಾಗಿದೆ. ಇದರಲ್ಲಿ Dual-channel ABS, ರೈಡ್-ಬೈ-ವಯರ್ ಸಿಸ್ಟಮ್, ರೇನ್, ರೋಡ್ ಮತ್ತು ಸ್ಪೋರ್ಟ್ಸ್ ಎಂಬ ಮೂರು ರೈಡಿಂಗ್ ಮೋಡ್ ನೀಡಲಾಗಿದೆ. ಇದರ ಕ್ರೂಜ್ ಕಂಟ್ರೋಲ್‌ನ್ನು ಸಹ ವಿನ್ಯಾಸಗೊಳಿಸಲಾಗಿದೆ. ಬೈಕ್‌ನ ಸೀಟ್ ಎತ್ತರ ಈಗ 805mm ಆಗಿದ್ದು, ಹಿಂದಿನದಕ್ಕಿಂತ 2mm ಹೆಚ್ಚಾಗಿದೆ. ತೂಕ 1.5kg ರಷ್ಟು ಹೆಚ್ಚಾಗಿ 149kg ಕ್ಕೆ ತಲುಪಿದೆ.

Carbon ವೇರಿಯಂಟ್‌ನಲ್ಲಿ TFT ಸ್ಕ್ರೀನ್

Carbon ವೇರಿಯಂಟ್‌ನಲ್ಲಿ Proನಲ್ಲಿರುವ ಎಲ್ಲಾ ಪ್ರಮುಖ ಫೀಚರ್ಸ್‌ ನೀಡಲಾಗಿದೆ. ಇದರಲ್ಲಿ LCD ಬದಲಾಗಿ 4.2 ಇಂಚಿನ TFT ಸ್ಕ್ರೀನ್ ನೀಡಲಾಗಿದೆ. ಈ ಸ್ಕ್ರೀನ್ Xpulse 210ನಲ್ಲಿಯೂ ಸಿಗಲಿದೆ.ಆದ್ರೆ Xtreme 160R 4V ವಿನ್ಯಾಸ ಸ್ಪೋರ್ಟಿ ಶೈಲಿಗೆ ಸರಿಹೊಂದುವಂತೆ ವಿಭಿನ್ನವಾಗಿದೆ. ಭಾರತದ ಮಾರುಕಟ್ಟೆಯಲ್ಲಿ Bajaj Pulsar NS160 ಮತ್ತು TVS Apache RTR 160 ಬೈಕ್‌ಗಳಿಗೆ Xtreme 160R 4V ಸ್ಪರ್ಧೆ ನೀಡಲಿದೆ.

ಇದನ್ನೂ ಓದಿ: 125ನೇ ಸಂಭ್ರಮದಲ್ಲಿ ರಾಯಲ್ ಎನ್‌ಫೀಲ್ಡ್ ಭರ್ಜರಿ ಕೊಡುಗೆ, ಹೈಪರ್‌ಶಿಫ್ಟ್ ಬೈಕ್ ಬುಕಿಂಗ್ ಆರಂಭ

ಬೈಕ್, ಕಾರು ಬ್ರೇಕ್ ಫೇಲ್ ಆದಾಗ ತಕ್ಷಣ ಏನು ಮಾಡಬೇಕು? ವಾಹನ ನಿಲ್ಲಿಸಲು ಐದು ಹಂತಗಳು

Ganesh Mabla Gowda — Mon, 19 Oct 2026 17:55:57 +0530

ನೀವು ವಾಹನ ಓಡಿಸುತ್ತೀರಿ. ಕೆಲವರು ಗಾಬರಿಗೆ ಒಳಗಾಗಿ ಎಂಜಿನ್ ಆಫ್ ಮಾಡಿಬಿಡುತ್ತಾರೆ. ಇಲ್ಲ, ಹ್ಯಾಂಡ್ ಬ್ರೇಕ್ ಎಳೆದು ಗಾಡಿ ನಿಲ್ಲಿಸುವ ಪ್ರಯತ್ನ ಮಾಡುತ್ತಾರೆ. ಹಾಗಿದ್ದರೆ ನೀವು ಮಾಡಬೇಕಾಗಿರೋದು ಏನು?

ಹೈವೇನಲ್ಲಿ ನೀವು ಸ್ಪೀಡಾಗಿ ವಾಹನ ಓಡಿಸುತ್ತಿದ್ದಾಗ ಬ್ರೇಕ್ ಫೇಲ್ ಆದ್ರೆ ಗಾಬರಿಯಲ್ಲಿ ಡ್ರೈವರ್ ಎರಡು ತಪ್ಪುಗಳನ್ನ ಮಾಡಿಬಿಡುತ್ತಾರೆ. ಅದು ಬೈಕ್ ಆಗಿರಬಹುದು ಅಥವಾ ಕಾರು ಆಗಿರಬಹುದು. ಏಕಾಏಕಿ ಎಂಜಿನ್ ಆಫ್ ಮಾಡಬಾರದು. ಜೊತೆಗೆ ಹ್ಯಾಂಡ್‌ಬ್ರೇಕ್ ಎಳೆದು ನಿಲ್ಲಿಸುವ ಪ್ರಯತ್ನವನ್ನು ಮಾಡಲೇಬಾರದು. ಈ ಎರಡು ತಪ್ಪುಗಳನ್ನು ಮಾಡುವ ಬದಲು ಸುರಕ್ಷಿತವಾಗಿ ಹೇಗೆ ವಾಹನ ನಿಲ್ಲಿಸಬೇಕು ಅನ್ನೋದ್ರ ಕಡೆಗೆ ಗಮನ ಹರಿಸಿ.

ಎಂಜಿನ್ ಆಫ್!

ಬ್ರೇಕ್ ಫೇಲ್ ಆದ ತಕ್ಷಣ ಮಾಡುವ ಮೊದಲ ತಪ್ಪು ಏನೆಂದರೆ.. ಎಂಜಿನ್ ಆಫ್ ಮಾಡೋದು. ಕಾರಿನ ಕೀ ಅನ್ನು ತೆಗೆದು ಬಿಡುತ್ತಾರೆ. ಹಾಗೆ ಮಾಡಿದರೆ.. ಸ್ಟೀರಿಂಗ್ ವೀಲ್ ತಕ್ಷಣವೇ ಲಾಕ್ ಆಗಿಬಿಡುತ್ತದೆ. ಅದರಿಂದ ವಾಹನ ನಿಯಂತ್ರಣವನ್ನು ಕಳೆದುಕೊಳ್ಳುತ್ತದೆ. ಇದರಿಂದ ರಸ್ತೆಯಿಂದ ವಾಹನ ಪಲ್ಟಿಯಾಗುವ ಸಾಧ್ಯತೆ ಹೆಚ್ಚಿರುತ್ತದೆ.

ಹ್ಯಾಂಡ್‌ಬ್ರೇಕ್ ಹಾಕಿದ್ರೆ ಏನಾಗುತ್ತೆ?

ಕಾರು 60 ಕಿಲೋ ಮೀಟರ್ ವೇಗಗಿಂತ ಹೆಚ್ಚಿನ ವೇಗದಲ್ಲಿ ಕಾರಿನ ಹ್ಯಾಂಡ್ ಬ್ರೇಕ್ ಹಾಕಿದರೆ ಹಿಂದಿನ ಚಕ್ರಗಳು ಲಾಕ್ ಆಗುತ್ತವೆ. ಆಗ ವಾಹನ ನಿಯಂತ್ರಣ ತಪ್ಪುತ್ತದೆ. ಅನಾಹುತಕ್ಕೆ ದಾರಿ ಮಾಡಿಕೊಡುತ್ತದೆ.

ಹಂತ 1:

ಬ್ರೇಕ್ ಪೆಡಲ್ ಅನ್ನು ವೇಗವಾಗಿ ಪಂಪ್ ಮಾಡಿ
ಕೆಲವೊಮ್ಮೆ ಬ್ರೇಕ್‌ಗಳು ಕೆಲಸ ಮಾಡುವುದಿಲ್ಲ
ಬ್ರೇಕ್ ಪೆಡಲ್ ಒಮ್ಮೆ ಒತ್ತಿ ಬಿಡುಗಡೆ ಮಾಡಬಾರದು
ಸತತವಾಗಿ 4 ಅಥವಾ 5 ಬಾರಿ ವೇಗವಾಗಿ ಒತ್ತಿರಿ
ಆಗ ಬ್ರೇಕ್ ಸ್ವಲ್ಪ ಸ್ವಲ್ಪಮಟ್ಟಿಗೆ ಕೆಲಸ ಮಾಡಲು ಸಹಾಯ ಆಗಲಿದೆ

ಹಂತ 2

ಎಂಜಿನ್ ಬ್ರೇಕಿಂಗ್ ಬಳಸಿ
ವಾಹನ ನಿಧಾನಗೊಳಿಸಲು ಇದು ಸುರಕ್ಷಿತ ಮಾರ್ಗ
ನಿಮ್ಮ ಕಾರು 5 ನೇ ಗೇರ್‌ನಲ್ಲಿದ್ದರೆ
ತಕ್ಷಣ 4 ನೇ ಗೇರ್‌ಗೆ ಬದಲಾಯಿಸಿ
ನಂತರ ಕ್ರಮೇಣ 3 ನೇ
2 ನೇ ಮತ್ತು 1 ನೇ ಗೇರ್‌ಗಳಿಗೆ ಬದಲಾಯಿಸಿ
ಗೇರ್ ಕಡಿಮೆಯಾದಂತೆ ವಾಹನದ ವೇಗ ಕಮ್ಮಿ ಆಗುತ್ತದೆ

ಹಂತ 3

ಡೇಂಜರಸ್ ದೀಪ ಆನ್ ಮಾಡಿ
ನಿಮ್ಮ ಹಾರ್ನ್ ಅನ್ನು ಬಾರಿಸಿ
ಮುಂಬರುವ ವಾಹನಗಳಿಗೆ ಎಚ್ಚರಿಕೆ ಮೆಸೇಜ್ ಹೋಗುತ್ತೆ
ತಕ್ಷಣ ನಿಮ್ಮ ಡಬಲ್ ಇಂಡಿಕೇಟರ್‌ಗಳನ್ನು ಆನ್ ಮಾಡಿ
ನಿಮ್ಮ ಹಾರ್ನ್ ಅನ್ನು ನಿರಂತರವಾಗಿ ಬಾರಿಸಿ
ಇತರರು ನಿಮಗೆ ಸರಿಯಾದ ದಾರಿ ನೀಡಲು ಸಹಾಯ ಮಾಡುತ್ತದೆ

ಹಂತ 4

30 ಕಿ.ಮೀ.ಗಿಂತ ಕಡಿಮೆಯಾದಾಗ ಹ್ಯಾಂಡ್‌ಬ್ರೇಕ್ ಬಳಸಿ
ಎಂಜಿನ್ ಬ್ರೇಕಿಂಗ್ ಮೂಲಕ ವಾಹನದ ವೇಗ ಗಂಟೆಗೆ 30 ಕಿ.ಮೀ.
ಎಚ್ಚರಿಕೆಯಿಂದ ಹ್ಯಾಂಡ್‌ಬ್ರೇಕ್ ಮೇಲಕ್ಕೆ ಎಳೆಯಿರಿ
ಆಗ ಕಾರು ನಿಲ್ಲುತ್ತದೆ

ಹಂತ 5

ದೊಡ್ಡ ಕಣಿವೆ ಅಥವಾ ಅಪಾಯಕಾರಿ ಪ್ರದೇಶವಿದ್ದು ವಾಹನವು ನಿಲ್ಲದಿದ್ದರೆ.. ವಾಹನದ ಟೈರ್‌ಗಳನ್ನು ವಿಭಾಜಕದ ಕಡೆಗೆ ಅಥವಾ ರಸ್ತೆಯ ಬದಿಯಲ್ಲಿರುವ ಮಣ್ಣು, ಮರಳು, ಜಲ್ಲಿಕಲ್ಲು ಅಥವಾ ಸಣ್ಣ ಪೊದೆಗಳ ಕಡೆಗೆ ನಿಧಾನವಾಗಿ ತಿರುಗಿಸಿ.. ಘರ್ಷಣೆಯು ತಕ್ಷಣವೇ ವಾಹನದ ವೇಗವನ್ನು ಕಡಿಮೆ ಮಾಡುತ್ತದೆ.

ಆಕ್ಸಿಲರೇಟರ್ ಬಿಟ್ಟುಬಿಡಿ
ಕಾರಿನಂತೆಯೇ ಪ್ರತಿ ಗೇರ್ ಹಂತ ಹಂತವಾಗಿ ಕಡಿಮೆ ಮಾಡಿ
ಗೇರ್ ಬದಲಾಯಿಸುವಾಗ ಮಾತ್ರ ಕ್ಲಚ್ ಬಳಸಬೇಕು
ಗೇರ್ ಬದಲಾಯಿಸಿದ ನಂತರ ಕ್ಲಚ್ ಬಿಟ್ಟುಬಿಡಿ
ಆಗ ಮಾತ್ರ ಬೈಕ್ ನಿಲ್ಲುತ್ತದೆ
ಬೈಕ್ ಅನ್ನು ಸಹ ಹಂತಹಂತವಾಗಿ ನಿಲ್ಲಿಸಬೇಕು

ಪ್ರತಿ ಬಾರಿಯೂ ಪ್ರಯಾಣ ಮಾಡುವಾಗ ಬ್ರೇಕ್ ಆಯಿಲ್ ಬ್ರೇಕ್ ಪ್ಯಾಡ್ ಸವೆತದದ ಬಗ್ಗೆ ಗಮನ ಇರಬೇಕು

TVS, Bajaj, Ola! ಎಲೆಕ್ಟ್ರಿಕ್ ಸ್ಕೂಟರ್ ಮಾರಾಟದಲ್ಲಿ ಯಾವ ಕಂಪನಿ ಮೊದಲ ಸ್ಥಾನದಲ್ಲಿದೆ?

Ganesh Mabla Gowda — Thu, 15 Oct 2026 17:03:06 +0530

ಎಲೆಕ್ಟ್ರಿಕ್ ವಾಹನಗಳಿಗೆ (EV: Electric Vehicle) ಬೇಡಿಕೆ ಹೆಚ್ಚುತ್ತಿದೆ. ಹಳ್ಳಿಯಿಂದ ದಿಲ್ಲಿಯವರೆಗೂ ಎಲೆಕ್ಟ್ರಿಕ್ ವಾಹನಗಳನ್ನ ಇಷ್ಟಪಡೋರ ಸಂಖ್ಯೆ ಹೆಚ್ಚಾಗಿದೆ. ಅಂತೆಯೇ ಕಳೆದ ಸೆಪ್ಟೆಂಬರ್‍‌ನಲ್ಲಿ ಎಲೆಕ್ಟ್ರಿಕ್ ಸ್ಕೋಟರ್‍‌ಗಳು ಮಾರಾಟವು ಏರಿಕೆ ಆಗಿದೆ. ಹೆಚ್ಚು ಮರಾಟವಾದ ಸ್ಕೂಟರ್ ಯಾವುದು?

ಎಲೆಕ್ಟ್ರಿಕ್ ಸ್ಕೂಟರ್‍‌ಗಳ ಮಾರಾಟದಲ್ಲಿ ಟಿವಿಎಸ್ (TVS), ಬಜಾಜ್ (Bajaj), ವಿಡಾ (Vida) ಮತ್ತು ಓಲಾ (Ola) ಮಾರಾಟದಲ್ಲಿ ಪ್ರಭಾವ ಬೀರಿವೆ. ಕಳೆದ ಸೆಪ್ಟೆಂಬರ್‍‌ನಲ್ಲಿ ಮಾರಾಟವಾದ ಅಂಕಿ-ಅಂಶಗಳ್ನು ನಾವು ನೋಡೋದಾದ್ರೆ.. ಸೆಪ್ಟೆಂಬರ್‍‌ನಲ್ಲಿ ನಿರೀಕ್ಷೆಗೂ ಮೀರಿ ಸ್ಕೂಟರ್‍‌ಗಳು ಮಾರಾಟ ಆಗಿವೆ.. ಅದರಲ್ಲಿ ಟಿವಿಎಸ್ ಮೊದಲ ಸ್ಥಾನದಲ್ಲಿದೆ.

ಮೊದಲ ಸ್ಥಾನದಲ್ಲಿರುವ ಟಿವಿಎಸ್ ಕಳೆದ ಸೆಪ್ಟೆಂಬರ್‍‌ನಲ್ಲಿ ದೇಶದಾದ್ಯಂತ ಒಟ್ಟು 54,037 ಯುನಿಟ್‌ಗಳನ್ನು ಮಾರಾಟ ಮಾಡಿದೆ. ಇದನ್ನು ಕಳೆದ ವರ್ಷಕ್ಕೆ ಹೋಲಿಸಿದರೆ.. ಶೇಕಡಾ 125.87 ರಷ್ಟು ಹೆಚ್ಚಳವಾದಂತೆ ಆಗಿದೆ. ಟಿವಿಎಸ್‌ನ ಐಕ್ಯೂಬ್, ಸ್ಪೋರ್ಟಿ ಜನರನ್ನು ಹೆಚ್ಚು ಆಕರ್ಷಿಸುತ್ತಿವೆ ಅನ್ನೋದು ಈ ಅಂಕಿ-ಅಂಶಗಳಿಂದ ತಿಳಿಯುತ್ತದೆ.

ಸೆಪ್ಟೆಂಬರ್ 2026ರಲ್ಲಿ 48,429 ಯೂನಿಟ್‌ಗಳನ್ನ ಮಾರಾಟ ಮಾಡುವ ಮೂಲಕ ಬಜಾಜ್ ಎರಡನೇ ಸ್ಥಾನದಲ್ಲಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ 138.87% ರಷ್ಟಯ ಹೆಚ್ಚಳವಾಗಿದೆ. ಬಜಾಜ್‌ನ ಚೇತಕ್ ಎಲೆಕ್ಟ್ರಿಕ್ ಸ್ಕೂಟರ್‍‌ ಅನ್ನು ನರು ಹೆಚ್ಚಾಗಿ ಇಷ್ಟಪಟ್ಟಿದ್ದಾರೆ. ಚೇತಕ್ ಪ್ರೀಮಿಯಂ, ಚೇತಕ್ ಅರ್ಬೇ ಜನರ ಪ್ರೀತಿಗಾ ಪಾತ್ರವಾಗಿದೆ. ಬಜೆಟ್ ಸ್ನೇಹಿ, ವಿಶ್ವಾಸರ್ಹ ಗುಣಮಟ್ಟದಿಂದ ಗ್ರಾಹಕರನ್ನು ಆಕರ್ಷಿಸುತ್ತಿದೆ.

ಇನ್ನು ಮೂರನೇ ಸ್ಥಾನದಲ್ಲಿ ಎಥರ್ ಇದೆ. ಕಳೆದ ಸೆಪ್ಟೆಂಬರ್‍‌ನಲ್ಲಿ ಇದು 30533 ಯುನಿಟ್‌ಗಳನ್ನ ಮಾರಾಟ ಮಾಡಿದೆ. ಕಂಪನಿಯು ವರ್ಷದಿಂದ ವರ್ಷಕ್ಕೆ 55.62ರಷ್ಟು ಸ್ಥಿರ ಬೆಳವಣಿಗೆ ಕಾಣ್ತಿದೆ.

ಹೀರೋ ಮೋಟೋಕಾರ್ಪ್‌ನ ಎಲೆಕ್ಟ್ರಿಕ್ ಬ್ರ್ಯಾಂಡ್ ವಿಡಾ ಸೆಪ್ಟೆಂಬರ್ 2026 ರಲ್ಲಿ 24,321 ಯುನಿಟ್‌ಗಳನ್ನ ಮಾರಾಟ ಮಾಡಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ.. ಶೇಕಡಾ 83.24 ಬೆಳವಣಿಗೆ ಸಾಧಿಸಿದೆ. ವಿಡಾ ವಿ1 ಪ್ಲಸ್ ಮತ್ತು ವಿಡಾ ವಿ1 ಪ್ರೊ ಮಾದರಿ ಜನರಿಗೆ ಇಷ್ಟವಾಗಿದೆ.

ಬೇರೆ ಎಲ್ಲಾ ಕಂಪನಿಗಳಿಗೆ ಹೋಲಿಸಿದರೆ ಓಲಾ ಮಾರಾಟ ವಿಚಾರದಲ್ಲಿ ಸ್ವಲ್ಪ ಹಿಂದೆ ಬಿದ್ದಿದೆ. ಕಳೆದ ಸೆಪ್ಟೆಂಬರ್‍‌ನಲ್ಲಿ ಒಟ್ಟು 13451 ಎಲೆಕ್ಟ್ರಿಕ್ ಸ್ಕೂಟರ್‍ಗಳನ್ನ ಮಾರಾಟ ಮಾಡಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇಕಡಾ 2.96 ರಷ್ಟು ಮಾತ್ರ ಪ್ರಗತಿ ಸಾಧಿಸಿದೆ. ಓಲಾ ಎಸ್ 1 ಎಕ್ಸ್ ಸರಣಿ, ಓಲಾ ಎಸ್ 1 ಏರ್ ಮತ್ತು ಪ್ರೀಮಿಯಂ ಫ್ಲ್ಯಾಗ್‌ಶಿಪ್ ಓಲಾ ಎಸ್ 1 ಪ್ರೊ (ಜನರಲ್ 2) ಸೇರಿವೆ ಜನರನ್ನ ಆಕರ್ಷಿಸಿವೆ.

ಬರೋಬ್ಬರಿ 20 ಲಕ್ಷ ರೂ ಡುಕಾಟಿ F73 ಬೈಕ್ ಭಾರತಕ್ಕೆ ಬರುತ್ತಿದ್ದಂತೆ ಕೆಲ ಗಂಟೆಗಳಲ್ಲೇ ಸೋಲ್ಡ್ ಔಟ್

Chethan Kumar — Fri, 23 Oct 2026 16:43:30 +0530

ನವದೆಹಲಿ (ಅ.23) ಡುಕಾಟಿ ಫಾರ್ಮುಲಾ 73 ಲಿಮಿಟೆಡ್ ಎಡಿಶನ್ ಬೈಕ್ ಈ ವರ್ಷದ ಆರಂಭದಲ್ಲಿ ಜಾಗತಿಕ ಮಟ್ಟದಲ್ಲಿ ಅನಾವರಣಗೊಂಡಿತ್ತು. ಇದೀಗ ಭಾರತಕ್ಕೆ ಈ ಬೈಕ್ ಲ್ಯಾಂಡ್ ಆಗಿದೆ. ಬುಕಿಂಗ್‌ಗೆ ತಯಾರಿ ಮಾಡಿಕೊಳ್ಳುತ್ತಿದ್ದರೆ, ಚರ್ಚಿಸಿ ನಿರ್ಧಾರ ತೆಗೆದುಕೊಳ್ಳುವುದಿದ್ದರೆ ಲೇಟ್ ಆಯಿತು. ಕಾರಣ ಈ ಲಿಮಿಟೆಡ್ ಎಡಿಶನ್ ಬೈಕ್ ಭಾರತದಲ್ಲಿ ಸೋಲ್ಡ್ ಆಗಿದೆ. ಭಾರತದ ಎಲ್ಲಾ ಬೈಕ್‌ಗಳು ಈಗಾಗಲೇ ಬುಕಿಂಗ್ ಆಗಿದೆ.ಸದ್ಯ ಬುಕಿಂಗ್ ಕೂಡ ನಿಲ್ಲಿಸಲಾಗಿದೆ. ಈ ಬೈಕ್ ಬೆಲೆ ಬರೋಬ್ಬರಿ 20 ಲಕ್ಷ ರೂಪಾಯಿ.

ಕೇವಲ 873 ಬೈಕ್ ಉತ್ಪಾದನೆ

ಡುಕಾಟಿ ಫಾರ್ಮುಲಾ 73 ಬೈಕ್ ರೆಟ್ರೋ ಲುಕ್ ಹೊಂದಿರುವ ಬೈಕ್. ಅತ್ಯಾಧುನಿಕ ತಂತ್ರಜ್ಞಾನದ ಈ ಬೈಕಿ ಲಿಮಿಟೆಡ್ ಎಡಿಶನ್ ಬೈಕ್. ಹೀಗಾಗಿ ಜಾಗತಿಕ ಮಟ್ಟದಲ್ಲಿ ಕೇವಲ 873 ಬೈಕ್ ಮಾತ್ರ ಉತ್ಪಾದನೆ ಮಾಡಲಾಗಿದೆ. ಹೀಗಾಗಿ ವಿಶ್ವಾದ್ಯಂತ ಇರುವ 873 ಬೈಕ್ ಪ್ರಿಯರಿಗೆ ಮಾತ್ರ ಈ ಬೈಕ್ ಖರೀದಿಸಲು ಸಾಧ್ಯ. ಇದರಲ್ಲಿ ಭಾರತಕ್ಕೆ ಅಲೋಟ್ ಮಾಡಿದ ಎಲ್ಲಾ ಬೈಕ್ ಬುಕಿಂಗ್ ಆಗಿ ಹೊಸ ದಾಖಲೆ ಬರೆದಿದೆ.

ಡುಕಾಟಿ 750 ಸೂಪರ್ ಸ್ಪೋರ್ಟ್ ಡೆಸ್ಮೋದಿಂದ ಪ್ರೇರಿತವಾಗಿರುವ ಡುಕಾಟಿ ಫಾರ್ಮುಲಾ 73 ಬೈಕ್ ಸಿಲ್ವರ್ ಹಾಗೂ ಅಕ್ವಾ ಗ್ರೀನ್ ಬಣ್ಣದಲ್ಲಿ ಮಾತ್ರ ಲಭ್ಯವಿದೆ. ಅಲ್ಯುಮಿನಿಯಂ ಕಾಂಪೋನೆಂಟ್ಸ್, ಸ್ಟೀಲ್ ಟ್ರೆಲ್ಲಿಸ್ ಫ್ರೇಮ್, ರಿಝೋಮಾ ಫ್ಯುಯೆಲ್ ಕ್ಯಾಪ್ , 17 ಇಂಚಿನ್ ವ್ಹೀಲ್ ಹೊಂದಿದೆ. ಪ್ರತಿ ಬೈಕ್ ಸೀರಿಯಲ್ ನಂಬರ್ ಹಾಗೂ ಸ್ಟೀರಿಂಗ್ ಪ್ಲೇಟ್ ಹೊಂದಿದೆ. ಹೀಗಾಗಿ ಈ ಬೈಕ್ ಖರೀದಿಸಿದ ಮಾಲೀಕನಿಗೆ 873 ಬೈಕ್ ಪೈಕ್ ತನ್ನ ಬೈಕ್ ಎಷ್ಟನೇಯದು ಅನ್ನೋ ಸ್ಪಷ್ಟ ಚಿತ್ರಣ ಸಿಗಲಿದೆ.ಈ ಬೈಕ್ ಜೊತೆ ಅಧಿಕೃತ ಸರ್ಟಿಫಿಕೇಟ್, ಕೆಲ ಫೋಟೋಗಳು, ಡಿಸೈನ್ ಸ್ಕೆಚ್ ಸೇರಿದಂತೆ ಕಿಟ್ ಸಿಗಲಿದೆ.

ಸ್ಪೆಷಲ್ ಹಾಗೂ ಲಿಮಿಟೆಡ್ ಎಡಿಶನ್ ಬೈಕ್ 803 ಸಿಸಿ, ಎರ್ ಕೂಲ್ಡ್, ಎಲ್ ಟ್ವಿನ್ ಎಂಜಿನ್ ಹೊಂದಿದೆ. 73hp ಪವರ್ ಹಾಗೂ 65.2Nm ಟಾರ್ಕ್ ಸಾಮರ್ಥ್ಯ ಹೊಂದಿದೆ. ಮಾರುತಿ 800 ಸೇರಿದಂತೆ ಸಣ್ಣ ಕಾರುಗಳಿಂತ ಹೆಚ್ಚಿನ ಪವರ್‌ಫುಲ್ ಎಂಜಿನ್ ಹಾಗೂ ಪವರ್ ಹೊಂದಿದೆ.

ಡುಕಾಟಿ ಟ್ರಾಕ್ಷನ್ ಕಂಟ್ರೋಲ್, ಕಾರ್ನರಿಂಗ್ ಎಬಿಎಸ್, ಕ್ವಿಕ್ ಶಿಫ್ಟ್, ಪವರ್ ಮೊಡ್ ಸೇರಿದಂತೆ ಹಲವು ಸುರಕ್ಷಾತ ಫೀಚರ್ಸ್ ಈ ಬೈಕ್‌ನಲ್ಲಿದೆ. 4.3 ಫುಲ್ ಟಿಎಫ್‌ಟಿ ಇನ್ಸ್‌ಸ್ಟ್ರುಮೆಂಟ್ ಕ್ಲಸ್ಟರ್, ಡುಕಾಟಿ ಮಲ್ಟಿಮೀಡಿಯಾ ಸಿಸ್ಟಮ್, ಹೀಟೆಡ್ ಗ್ರಿಪ್ಸ್, ಟರ್ನ್ ಬೈ ಟರ್ನ್ ನ್ಯಾವಿಗೇಶನ್, ಆ್ಯಂಟಿ ಥೆಫ್ಟ್ ಸಿಸ್ಟಮ್ ಸೇರಿದಂತೆ ಹಲವು ವಿಶೇಷತೆಗಳು ಈ ಬೈಕ್‌ನಲ್ಲಿದೆ.

ಈ ಬೈಕ್ ಎಕ್ಸ್ ಶೋ ರೂಂ ಬೆಲೆ 20 ಲಕ್ಷ ರೂಪಾಯಿ. ಬೈಕ್‌ನ ವಿಮೆ, ಆರ್‌ಟಿ ಚಾರ್ಜಸ್ ಸೇರಿದಾಗ ಬೈಕ್ ಮತ್ತಷ್ಟು ದುಬಾರಿಯಾಗಲಿದೆ. ಐಷಾರಾಮಿ ಹಾಗೂ ದುಬಾರಿ ಬೈಕ್ ಆಗಿರುವ ಕಾರಣ ವಿಮೆ ಹಾಗೂ ರೋಡ್ ಟ್ಯಾಕ್ಸ್ ಸೇರಿದಂತೆ ಇತರ ತೆರಿಗೆ ದುಬಾರಿಯಾಗುತ್ತದೆ.