Asianet Suvarna News

14 ಕೋಟಿ ಜನ ಅನರ್ಹವಾದ್ರೆ 2024ರ ಚುನಾವಣೆ ನ್ಯಾಯವೇ?: ಚುನಾವಣಾ ಆಯೋಗ, ಬಿಜೆಪಿ ವಿರುದ್ಧ ರಾಹುಲ್ ಹೊಸ ಬಾಂಬ್!

Kannadaprabha News — Sun, 15 Nov 2026 05:29:25 +0530

ತೆಲಂಗಾಣ (ನ.15): ಬಿಜೆಪಿ(BJP) ಮತ್ತು ಚುನಾವಣಾ ಆಯೋಗದ(ECI) ವಿರುದ್ಧ ತಮ್ಮ ವಾಗ್ದಾಳಿ ತೀವ್ರಗೊಳಿಸಿರುವ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ(Congress Leader Rahul Gandhi), ‘ದೇಶದಲ್ಲಿ ಇದೀಗ ಪ್ರಜಾಪ್ರಭುತ್ವವೇ ಇಲ್ಲ, 2014ರಲ್ಲೇ ಭಾರತದಲ್ಲಿ ಪ್ರಜಾಪ್ರಭುತ್ವ ನಾಶವಾಗಿದೆ. ಮತಪಟ್ಟಿ ಪರಿಷ್ಕರಣೆ ಬಳಿಕ 14 ಕೋಟಿ ಮತಗಳು ಅನರ್ಹವಾದರೆ 2024ರ ಚುನಾವಣೆ ಹೇಗೆ ನ್ಯಾಯಯುತವಾಗಿರುತ್ತದೆ?’ ಎಂದು ಪ್ರಶ್ನಿಸಿದ್ದಾರೆ.

14 ಕೋಟಿ ಮತಗಳು ಅನರ್ಹವಾದರೆ 2024ರ ಚುನಾವಣೆ ಹೇಗೆ ನ್ಯಾಯಯುತವಾಗಿರುತ್ತದೆ?

ಇಲ್ಲಿ ಪಕ್ಷದ ವತಿಯಿಂದ ಆಯೋಜಿಸಿದ್ದ ‘ಭಾರತ್‌ ಸಮ್ಮಿಟ್‌’ನಲ್ಲಿ ಮಾತನಾಡಿದ ರಾಹುಲ್‌, ‘2024ರಲ್ಲಿ ಮತ ಚಲಾಯಿಸಿದ 14 ಕೋಟಿ ಮತದಾರರನ್ನು ಚುನಾವಣಾ ಆಯೋಗ ಕೆಲ ತಿಂಗಳ ಹಿಂದೆ ಅಸ್ತಿತ್ವದಲ್ಲಿರದವರು ಮತ್ತು ಮತದಾರದಲ್ಲದವರು ಎಂದು ಘೋಷಿಸಿತ್ತು. ಮತ ಚಲಾಯಿಸಿದವರ ಪೈಕಿ ಶೇ.13 ಮತದಾರರು ಅಕ್ರಮ ಮತದಾರರು ಎಂದು ಘೋಷಿಸಿದ್ದಾರೆ. ಹೀಗಿದ್ದಾಗ ಚುನಾವಣೆ ಹೇಗೆ ಕಾನೂನುಬದ್ಧವಾಗಿರುತ್ತದೆ?’ ಎಂದಿದ್ದಾರೆ.

ಭಾರತವು ಪ್ರಜಾಪ್ರಭುತ್ವವಾಗಿ ಉಳಿಯುವುದು ನಮಗೆ ಮುಖ್ಯ

ಇದೇ ವೇಳೆ ಅವರು, ‘ಭಾರತವು ಪ್ರಜಾಪ್ರಭುತ್ವವಾಗಿ ಉಳಿಯುವುದು ನಮಗೆ ಮುಖ್ಯ. ಆದರೆ ಬಿಜೆಪಿ ಆಡಳಿತದಲ್ಲಿ ಭಾರತವು ವಾಸ್ತವವಾಗಿ ಪ್ರಜಾಪ್ರಭುತ್ವವಾಗಿ ಉಳಿದಿಲ್ಲ’ ಎಂದರು, ಜೊತೆಗೆ ಮುಂದಿನ ಚುನಾವಣೆಯಲ್ಲಿ ನಾವು ಮೋದಿಯನ್ನು ಅಧಿಕಾರದಿಂದ ಕೆಳಗಿಳಿಸಲಿದ್ದೇವೆ. ಈ ವಿಷಯ ಇದೀಗ ಪ್ರಧಾನಿ ಮೋದಿ ಮತ್ತು ಗೃಹ ಸಚಿವ ಅಮಿತ್‌ ಶಾಗೂ ಅರ್ಥವಾಗಿದೆ. ಹೀಗಾಗಿಯೇ ಅವರ ಮುಖದಲ್ಲಿ ಭೀತಿ ಕಾಣಿಸುತ್ತಿದೆ’ ಎಂದು ಹೇಳಿದರು.

ಇದೇ ಸಂದರ್ಭದಲ್ಲಿ ಗಿಗ್‌ ಕಾರ್ಮಿಕರ ಕಲ್ಯಾಣದ ಕುರಿತಾಗಿ ಮಾತನಾಡಿದ ಅವರು, ‘ಕಾಂಗ್ರೆಸ್ ಗಿಗ್ ಕಾರ್ಮಿಕರೊಂದಿಗೆ ಸದಾ ನಿಲ್ಲುತ್ತದೆ. ಅವರನ್ನು ಪ್ರಗತಿಗೆ ಪಾಲುದಾರರೆಂದು ಪರಿಗಣಿಸಲಾಗುತ್ತದೆ’ ಎಂದು ಹೇಳಿದರು.

Bangle Designs: ರೇಷ್ಮೆ ಸೀರೆಗೆ ಈ ಬಳೆಗಳು ಸೂಪರ್ ಮ್ಯಾಚ್; ಹಬ್ಬ, ಮದುವೆಗೆ ಟ್ರೆಂಡಿ ಡಿಸೈನ್‌ಗಳಿವು!

Govindaraj S — Sat, 14 Nov 2026 23:11:07 +0530

ಹಬ್ಬಗಳು ಮತ್ತು ಮದುವೆಗಳ ಸಮಯದಲ್ಲಿ ಟ್ರೆಡಿಷನಲ್ ಲುಕ್ ಬೇಕೆಂದರೆ... ಮಹಿಳೆಯರ ಕೈಗಳಿಗೆ ಬಳೆಗಳು ಇರಲೇಬೇಕು. ಅಂತಹ ಕೆಲವು ಸುಂದರವಾದ ಬಳೆಗಳ ಕಲೆಕ್ಷನ್ ಇಲ್ಲಿದೆ.

RCB ಮಾಜಿ ಸ್ಟಾರ್‍‌ಗೆ ಸರಿಯಾದ ನೆಲೆಯೇ ಸಿಕ್ಕಿಲ್ಲ, ಈಗ SRH ತಂಡದಿಂದ ಗುಜರಾತ್‌ಗೆ ₹4 ಕೋಟಿಗೆ ಮಾರಾಟ

Ganesh Mabla Gowda — Sat, 14 Nov 2026 23:10:48 +0530

ಮುಂಬೈ: ಮುಂದಿನ ತಿಂಗಳು ಇಂಡಿಯನ್ ಪ್ರೀಮಿಯರ್ ಲೀಗ್ 2027ರ ಹರಾಜು ನಡೆಯಲಿದೆ. ಅದಕ್ಕೂ ಮುಂಚಿತವಾಗಿ ನವೆಂಬರ್ 17 ರೊಳಗೆ ಎಲ್ಲಾ ಫ್ರಾಂಚೈಸಿಗಳು ತಾವು ಉಳಿಸಿಕೊಳ್ಳಲಿರುವ ಆಟಗಾರರ ಪಟ್ಟಿಯನ್ನ ಸಲ್ಲಿಸಬೇಕು. ಈ ಹಿನ್ನೆಲೆಯಲ್ಲಿ ಫ್ರಾಂಚೈಸಿಗಳು ಕೆಲವು ಆಟಗಾರರನ್ನು ವಿನಿಮಯ ಮಾಡಿಕೊಳ್ಳುತ್ತಿವೆ. ಹರ್ಷಲ್ ಪಟೇಲ್ ಮತ್ತೆ ತಂಡವನ್ನು ಬದಲಾಯಿಸೋದು ಗ್ಯಾರಂಟಿ ಎನ್ನಲಾಗುತ್ತಿದೆ. ಕ್ರಿಕ್‌ಇನ್ಫೋ ಪ್ರಕಾರ.. SRH ಫ್ರಾಂಚೈಸಿಯು ಗುಜರಾತ್ ಟೈಟನ್ಸ್‌ಗೆ ಪರ್ಪಲ್ ಪಟೇಲ್ ಖ್ಯಾತಿಯ ಹರ್ಷಲ್ ಪಟೇಲ್‌ರನ್ನು ಕಳುಹಿಸಿಕೊಡಲಿದೆ.

ಸನ್‌ರೈಸರ್ಸ್ ಹೈದರಾಬಾದ್ ಸಂಪೂರ್ಣ ನಗದು ಒಪ್ಪಂದಕ್ಕೆ ಒಪ್ಪಿಕೊಂಡಿದೆ. ಗುಜರಾತ್ ಟೈಟಾನ್ಸ್ ತಂಡವು ಹರ್ಷಲ್ ಪಟೇಲ್ ಅವರನ್ನು ₹4 ಕೋಟಿಗೆ ತಮ್ಮ ತಂಡಕ್ಕೆ ಸೇರಿಸಿಕೊಳ್ಳಲಿದೆ. ಐಪಿಎಲ್ 2025ರ ಮೆಗಾ ಹರಾಜಿನಲ್ಲಿ ಎಸ್‌ಆರ್‌ಎಚ್ ಅವರನ್ನು ₹8 ಕೋಟಿಗೆ ಖರೀದಿಸಿತ್ತು. ಇದರರ್ಥ ಅವರ ಐಪಿಎಲ್ ಬೆಲೆ ಈಗ ಅರ್ಧಕ್ಕೆ ಇಳಿಯಲಿದೆ.

ಹರ್ಷಲ್ ಪಟೇಲ್ 2012ರಲ್ಲಿ ಐಪಿಎಲ್‌ಗೆ ಪದಾರ್ಪಣೆ ಮಾಡಿದರು. ಇಲ್ಲಿಯವರೆಗೆ ಅವರು ನಾಲ್ಕು ತಂಡಗಳಿಗೆ ಆಡಿದ್ದಾರೆ. ಈ ಒಪ್ಪಂದ ಅಂತಿಮವಾದರೆ.. ಗುಜರಾತ್ ಟೈಟಾನ್ಸ್ ಅವರಿಗೆ ಐದನೇ ತಂಡ ಆಗಲಿದೆ. ಈ ಹಿಂದೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ), ದೆಹಲಿ ಕ್ಯಾಪಿಟಲ್ಸ್ (ಡಿಸಿ), ಪಂಜಾಬ್ ಕಿಂಗ್ಸ್ (ಪಿಬಿಕೆಎಸ್) ಮತ್ತು ಸನ್‌ರೈಸರ್ಸ್ ಹೈದರಾಬಾದ್ (ಎಸ್‌ಆರ್‌ಹೆಚ್) ಪರ ಆಡಿದ್ದಾರೆ.

ಹರ್ಷಲ್ ಪಟೇಲ್ ಐಪಿಎಲ್‌ನಲ್ಲಿ ಎರಡು ಬಾರಿ ಪರ್ಪಲ್ ಕ್ಯಾಪ್ ಪ್ರಶಸ್ತಿ ಗೆದ್ದಿದ್ದಾರೆ. ಅವರು 2021ರಲ್ಲಿ ತಮ್ಮ ಮೊದಲ ಪರ್ಪಲ್ ಕ್ಯಾಪ್ ಗೆದ್ದರು. ಆರ್‌ಸಿಬಿ ಪರ ಆಡುವಾಗ 32 ವಿಕೆಟ್‌ಗಳನ್ನು ಕಬಳಿಸಿದ್ದರು. 2024ರಲ್ಲಿ ಪಂಜಾಬ್ ಕಿಂಗ್ಸ್‌ನೊಂದಿಗೆ ಇದ್ದಾಗ ಅವರು ಎರಡನೇ ಬಾರಿಗೆ ಪ್ರಶಸ್ತಿ ಗೆದ್ದರು. ಆ ಆವೃತ್ತಿಯಲ್ಲಿ ಅವರು 24 ವಿಕೆಟ್‌ ಕಬಳಿಸಿದ್ದರು.

ಹೇಗಿದೆ ಹರ್ಷಲ್ ಪಟೇಲ್ ಪ್ರದರ್ಶನ?

ಐಪಿಎಲ್‌ನಲ್ಲಿ ಹರ್ಷಲ್ ಪಟೇಲ್ ಉತ್ತಮ ಅನುಭವ ಹೊಂದಿದ್ದಾರೆ. ಒಟ್ಟು 124 ಮ್ಯಾಚ್‌ಗಳನ್ನ ಆಡಿ, 151 ವಿಕೆಟ್ ಪಡೆದುಕೊಂಡಿದ್ದಾರೆ. ಒಮ್ಮೆ 27 ರನ್‌ ನೀಡಿ ಐದು ವಿಕೆಟ್ ಪಡೆದುಕೊಂಡಿರೋದು ಅವರ ಅತ್ಯುತ್ತಮ ಸ್ಪೆಲ್ ಆಗಿದೆ. ಇನ್ನು ಬೌಲಿಂಗ್ ಎಕನಾಮಿ 8.92 ಇದೆ. ಇನ್ನು 280 ರನ್‌ಗಳನ್ನ ಬಾರಿಸಿದ್ದಾರೆ. 2011 ರಲ್ಲಿ ಮುಂಬೈ ಇಂಡಿಯನ್ಸ್‌ನಲ್ಲಿ ಇದ್ದರು. 2012 ರಿಂದ 17ವರೆಗೆ ಆರ್‍‌ಸಿಬಿ ಮತ್ತು 2021 ರಿಂದ 2023 ವರೆಗೆ ಮತ್ತೆ ಆರ್‌‌ಸಿಬಿ ಸೇರಿಕೊಂಡಿದ್ದರು. 2018 ಮತ್ತು 2020 ರಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್, 2024ರಲ್ಲಿ ಪಂಜಾಬ್ ಕಿಂಗ್ಸ್ ಹಾಗೂ 2025 ರಿಂದ ಹೈದರಾಬಾದ್ ತಂಡದ ಪರ ಆಡುತ್ತಿದ್ದರು. ಒಟ್ಟಾರೆ, ಆರ್‍‌ಸಿಬಿಯ ಮಾಜಿ ಸ್ಟಾರ್‍‌ಗೆ ಸರಿಯಾದ ನೆಲೆ ಇನ್ನೂ ಸಿಕ್ಕಿಲ್ಲ. ಗುಜರಾತ್ ಟೈಟನ್ಸ್ ತಂಡದಲ್ಲಿ ಭರ್ಜರಿ ಪ್ರದರ್ಶ ನೀಡಿ ಮತ್ತೆ ಅವರು ಖ್ಯಾತಿ ಗಳಿಸಲಿ ಎಂದು ಫ್ಯಾನ್ಸ್ ಹಾರೈಸುತ್ತಿದ್ದಾರೆ.

ಮಾರುಕಟ್ಟೆಯಲ್ಲಿ ಮತ್ತೆ ಸಾಮ್ರಾಜ್ಯ ಸ್ಥಾಪಿಸಲು ಬರುತ್ತಿದೆ ಹೊಸ ತಲೆಮಾರಿನ ಹ್ಯುಂಡೈ ಕ್ರೆಟಾ: ಟೆಸ್ಟಿಂಗ್ ವೇಳೆ ಬಯಲಾಯ್ತು ಭರ್ಜರಿ ಫೀಚರ್ಸ್

Santosh Naik — Sat, 14 Nov 2026 23:00:23 +0530

ಮುಂಬೈ (ನ.14): ಭಾರತೀಯ ಮಾರುಕಟ್ಟೆಯಲ್ಲಿ 'ಹ್ಯುಂಡೈ ಬಯಾನ್' (Hyundai Bayon) ಪರಿಚಯಿಸಿದ ಬೆನ್ನಲ್ಲೇ, ದಕ್ಷಿಣ ಕೊರಿಯಾದ ವಾಹನ ತಯಾರಕ ದಿಗ್ಗಜ ಹ್ಯುಂಡೈ ತನ್ನ ಅತ್ಯಂತ ಜನಪ್ರಿಯ ಎಸ್‌ಯುವಿ 'ಕ್ರೆಟಾ'ವನ್ನು (Hyundai Creta) ಸಂಪೂರ್ಣ ಹೊಸ ಹಾಗೂ ಆಕರ್ಷಕ ಅವತಾರದಲ್ಲಿ ಮಾರುಕಟ್ಟೆಗೆ ತರಲು ಸಿದ್ಧತೆ ನಡೆಸಿದೆ. ಇತ್ತೀಚೆಗಷ್ಟೇ ಹೊಸ ತಲೆಮಾರಿನ ಕ್ರೆಟಾ ರಸ್ತೆಗಳಲ್ಲಿ ಟೆಸ್ಟಿಂಗ್‌ ನಡೆಸುತ್ತಿರುವುದು ಕಂಡುಬಂದಿದ್ದು, ಹಿಂದಿಗಿಂತಲೂ ದೊಡ್ಡದಾಗಿ ಹಾಗೂ ಬಲಿಷ್ಠವಾಗಿ ಗೋಚರಿಸುತ್ತಿದೆ. ಟೆಸ್ಟಿಂಗ್‌ ವೇಳೆ ಕಾರನ್ನು ಸಂಪೂರ್ಣವಾಗಿ ಕವರ್‌ನಿಂದ ಮುಚ್ಚಲಾಗಿದ್ದರೂ, ಇದರ ಒಳಾಂಗಣ (Interior), ಆರಾಮದಾಯಕ ಸೌಲಭ್ಯಗಳು ಮತ್ತು ಅತ್ಯಾಧುನಿಕ ವೈಶಿಷ್ಟ್ಯಗಳ ಕುರಿತು ಹಲವು ಕುತೂಹಲಕಾರಿ ಮಾಹಿತಿಗಳು ಹೊರಬಿದ್ದಿವೆ.

ಹೊಸ ಕ್ಯಾಬಿನ್ ಮತ್ತು ಆಕರ್ಷಕ ಡ್ಯಾಶ್‌ಬೋರ್ಡ್ ವಿನ್ಯಾಸ

ಮಾಧ್ಯಮ ವರದಿಗಳ ಪ್ರಕಾರ, ನೂತನ ಕ್ರೆಟಾದ ಒಳಾಂಗಣವನ್ನು ಸಂಪೂರ್ಣವಾಗಿ ಬದಲಾಯಿಸಲಾಗಿದೆ. ಕಾರಿನಲ್ಲಿ ಹೊಸ ವಿನ್ಯಾಸದ ಸ್ಟೀರಿಂಗ್ ವೀಲ್, ದೊಡ್ಡದಾದ 'ಪ್ಲೆಯೋಸ್' (Pleos) ಇನ್ಫೋಟೈನ್‌ಮೆಂಟ್ ಸ್ಕ್ರೀನ್ ಹಾಗೂ ನಯವಾದ (Sleek) ಡ್ರೈವರ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ನೀಡಲಾಗಿದೆ. ಕ್ಯಾಬಿನ್ ಒಳಗೆ ತಿಳಿ ಬಣ್ಣಗಳಾದ ಆಫ್-ವೈಟ್ ಮತ್ತು ಗ್ರೇ (Off-white & Grey) ಥೀಮ್ ಬಳಸಲಾಗಿದ್ದು, ಇದು ಸೀಟುಗಳು, ಬಾಗಿಲುಗಳು ಮತ್ತು ಸೆಂಟರ್ ಕನ್ಸೋಲ್‌ಗೆ ಐಷಾರಾಮಿ ಲುಕ್ ನೀಡಿದೆ. ಪ್ರಯಾಣವನ್ನು ಮತ್ತಷ್ಟು ಆರಾಮದಾಯಕವಾಗಿಸಲು ಸೆಂಟರ್ ಕನ್ಸೋಲ್‌ನಲ್ಲಿ ಕಪ್-ಹೋಲ್ಡರ್‌ಗಳೊಂದಿಗೆ ಆರ್ಮ್‌ರೆಸ್ಟ್ ಸಹ ನೀಡಲಾಗಿದೆ.

ಇನ್ನು ಕ್ರೆಟಾದಲ್ಲೂ ಸಿಗಲಿದೆ 'ಎಲೆಕ್ಟ್ರಿಕ್ ಬಾಸ್ ಮೋಡ್'!

ಹೊಸ ಕ್ರೆಟಾದ ಅತ್ಯಂತ ದೊಡ್ಡ ವಿಶೇಷತೆ ಎಂದರೆ ಅದರ ಸೀಟುಗಳ ವಿನ್ಯಾಸ. ಈ ಬಾರಿ ಮುಂಭಾಗದ ಎರಡೂ ಸೀಟುಗಳು ಎಲೆಕ್ಟ್ರಿಕಲಿ ಅಡ್ಜಸ್ಟಬಲ್ (Electrically adjustable) ಆಗಿರಲಿವೆ. ವಿಶೇಷವೆಂದರೆ, ಸಹ-ಪ್ರಯಾಣಿಕರ ಸೀಟನ್ನು ಹಿಂಬದಿಯಿಂದಲೇ ನಿಯಂತ್ರಿಸುವ 'ಎಲೆಕ್ಟ್ರಿಕ್ ಬಾಸ್ ಮೋಡ್' (Electric Boss Mode) ಇದರಲ್ಲಿ ಸಿಗುವ ನಿರೀಕ್ಷೆಯಿದೆ. ಸಾಮಾನ್ಯವಾಗಿ ಇಂತಹ ಫೀಚರ್ ದೊಡ್ಡ ಐಷಾರಾಮಿ ಕಾರುಗಳು ಅಥವಾ ಹ್ಯುಂಡೈ ಅಲ್ಕಾಜರ್‌ನಂತಹ ಎಸ್‌ಯುವಿಗಳಲ್ಲಿ ಮಾತ್ರ ಕಂಡುಬರುತ್ತದೆ. ಇದಲ್ಲದೆ, ಹಿಂಬದಿ ಪ್ರಯಾಣಿಕರಿಗಾಗಿ ರಿಯರ್ ಎಸಿ ವೆಂಟ್‌ಗಳು, ಕಪ್-ಹೋಲ್ಡರ್ ಹೊಂದಿರುವ ಆರ್ಮ್‌ರೆಸ್ಟ್ ಮತ್ತು ವೈರ್‌ಲೆಸ್ ಫೋನ್ ಚಾರ್ಜರ್ ಸೌಲಭ್ಯಗಳು ಇರಲಿವೆ.

ಗ್ಲೋಬಲ್ K3 ಪ್ಲಾಟ್‌ಫಾರ್ಮ್ ಮತ್ತು ಲೆವೆಲ್-2 ADAS ಸುರಕ್ಷತೆ

ಈ ನೂತನ ಎಸ್‌ಯುವಿಯನ್ನು ಗ್ಲೋಬಲ್ K3 ಪ್ಲಾಟ್‌ಫಾರ್ಮ್ (Global K3 Platform) ಮೇಲೆ ನಿರ್ಮಿಸಲಾಗುತ್ತಿದೆ. ಸುರಕ್ಷತೆ ಮತ್ತು ಸೌಕರ್ಯಗಳ ಪಟ್ಟಿ ಹೀಗಿದೆ. ಮುಂಭಾಗ ಮತ್ತು ಹಿಂಭಾಗ ಎರಡೂ ಕಡೆ ವೆಂಟಿಲೇಟೆಡ್ ಸೀಟುಗಳು (Ventilated seats), ಕಾರಿನ ಸುತ್ತಲೂ ಎಲ್‌ಇಡಿ (LED) ಲೈಟ್‌ಗಳು ಮತ್ತು ದೊಡ್ಡದಾದ ಸ್ಟೈಲಿಶ್ ಅಲಾಯ್ ವೀಲ್‌ಗಳು, 360-ಡಿಗ್ರಿ ಕ್ಯಾಮೆರಾ ಹಾಗೂ ಚಾಲನೆಯನ್ನು ಅತ್ಯಂತ ಸುರಕ್ಷಿತಗೊಳಿಸುವ ಲೆವೆಲ್-2 ADAS (Advanced Driver Assistance System) ತಂತ್ರಜ್ಞಾನ., ಬ್ಲೈಂಡ್‌ಸ್ಪಾಟ್ ಅಲರ್ಟ್, ವಿಶಾಲವಾದ ಬೂಟ್ ಸ್ಪೇಸ್ ಮತ್ತು ಒರಗಿಸಬಹುದಾದ (Reclining) ಸೀಟುಗಳು ಪ್ರಯಾಣದ ಮಜಾವನ್ನು ದುಪ್ಪಟ್ಟುಗೊಳಿಸಲಿವೆ.

ಹೊಸ ಹೈಬ್ರಿಡ್ ಎಂಜಿನ್ ಸೇರ್ಪಡೆ – 2027ರಲ್ಲಿ ಬಿಡುಗಡೆ

ಎಂಜಿನ್ ಸಾಮರ್ಥ್ಯದ ವಿಷಯಕ್ಕೆ ಬಂದರೆ, ಪ್ರಸ್ತುತ ಚಾಲ್ತಿಯಲ್ಲಿರುವ ಜನಪ್ರಿಯ 1.5-ಲೀಟರ್ ಪೆಟ್ರೋಲ್, ಟರ್ಬೋ-ಪೆಟ್ರೋಲ್ ಮತ್ತು ಡೀಸೆಲ್ ಎಂಜಿನ್ ಆಯ್ಕೆಗಳು ಮುಂದುವರಿಯುವ ಸಾಧ್ಯತೆಯಿದೆ. ಇವುಗಳ ಜೊತೆಗೆ, ಗ್ರಾಹಕರಿಗೆ ಉತ್ತಮ ಮೈಲೇಜ್ ನೀಡುವ ಉದ್ದೇಶದಿಂದ ಹ್ಯುಂಡೈ ಇದರಲ್ಲಿ ಹೊಸ ಹೈಬ್ರಿಡ್ ಎಂಜಿನ್ (Hybrid Engine) ಆಯ್ಕೆಯನ್ನೂ ಸೇರಿಸಬಹುದು ಎನ್ನಲಾಗಿದೆ. ಗೇರ್‌ಬಾಕ್ಸ್‌ಗಾಗಿ ಮ್ಯಾನುವಲ್, iVT ಮತ್ತು 7-ಸ್ಪೀಡ್ DCT ಆಯ್ಕೆಗಳು ಲಭ್ಯವಿರಲಿವೆ. ಬಹುನಿರೀಕ್ಷಿತ ಈ ನೂತನ ಹ್ಯುಂಡೈ ಕ್ರೆಟಾ 2027ರಲ್ಲಿ ಭಾರತೀಯ ಮಾರುಕಟ್ಟೆಗೆ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

'ಮರೆತುಬಿಟ್ಟೆ ಅನ್ಸುತ್ತೆ ಸರ್' ರೋಹಿತ್ ಶರ್ಮಾನ ಕಾಪಿ ಮಾಡಿದ ವೈಭವ್ ಸೂರ್ಯವಂಶಿ

Ganesh Mabla Gowda — Sat, 14 Nov 2026 22:39:56 +0530

ವೈಭವ್ ಸೂರ್ಯವಂಶಿ ಸ್ಫೋಟಕ ಬ್ಯಾಟಿಂಗ್‌ನಿಂದಷ್ಟೇ ಅಲ್ಲ. ತಮ್ಮ ಮುದ್ದಾದ ಹಾಗೂ ತಮಾಷೆಯ ನಡೆಯಿಂದಲೂ ಕ್ರಿಕೆಟ್ ಅಭಿಮಾನಿಗಳ ಮನ ಗೆದ್ದಿದ್ದಾರೆ. ಇವತ್ತು ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ (SMAT 2026) ಪಂದ್ಯದ ಟಾಸ್ ವೇಳೆ, ಎಲ್ಲರನ್ನೂ ನಗಿಸಿದರು. ನಗುವುದರ ಜೊತೆಗೆ ಹಿಟ್‌ ಮ್ಯಾನ್ ರೋಹಿತ್ ಶರ್ಮಾ ನೆನಪಿಗೆ ಬಂದಿದ್ದಾರೆ.

ಆಗಿದ್ದೇನು?

ಇಂದೋರ್‌ನ ಹೋಳ್ಕರ್ ಕ್ರೀಡಾಂಗಣದಲ್ಲಿ ಶನಿವಾರ ಬಿಹಾರ ಮತ್ತು ಸೌರಾಷ್ಟ್ರ ತಂಡಗಳ ನಡುವೆ ಪಂದ್ಯ ನಡೆಯಿತು. ಕೇವಲ 15 ವರ್ಷ 232 ದಿನಗಳ ವಯಸ್ಸಿನ ಸೂರ್ಯವಂಶಿ ಪಂದ್ಯದಲ್ಲಿ ಬಿಹಾರ ತಂಡದ ನಾಯಕನಾಗಿ ಕಣಕ್ಕಿಳಿದು, ಪುರುಷರ ಟಿ20 ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ಕಿರಿಯ ನಾಯಕ ಎಂಬ ವಿಶ್ವದಾಖಲೆ ನಿರ್ಮಿಸಿದರು.

ಪಂದ್ಯಕ್ಕೂ ಮುನ್ನ ಟಾಸ್ ಗೆದ್ದ ಸೂರ್ಯವಂಶಿ ಮೊದಲು ಬ್ಯಾಟಿಂಗ್ ಮಾಡುವ ನಿರ್ಧಾರ ಪ್ರಕಟಿಸಿದರು. ತಮ್ಮ ತವರು ರಾಜ್ಯದ ತಂಡವನ್ನು ಮುನ್ನಡೆಸುತ್ತಿರುವ ಸಂತಸ ವ್ಯಕ್ತಪಡಿಸಿದರು. ಟಾಸ್ ನಿರೂಪಕರು ತಂಡದ ಪ್ಲೇಯಿಂಗ್-11 ಮತ್ತು ಕಾಂಬಿನೇಷನ್ ಹೇಗಿದೆ? ಎಂದು ಪ್ರಶ್ನಿಸಿದಾಗ ಸೂರ್ಯವಂಶಿ ತಬ್ಬಿಬ್ಬಾದರು.

ಮುಖದಲ್ಲಿ ಮುದ್ದಾದ ನಗು ಚೆಲ್ಲಿ.. ಸರ್, ನಾನು ಮರೆತುಬಿಟ್ಟಿದ್ದೇನೆ ಅನ್ಸುತ್ತೆ ಎಂದು ಉತ್ತರಿಸಿದ್ದಾರೆ. ಇದನ್ನು ಕೇಳಿ ನಿರೂಪಕರೂ ನಕ್ಕು, ಪರವಾಗಿಲ್ಲ ಬಿಡಿ, ನಾವೇ ನೋಡಿಕೊಳ್ಳುತ್ತೇವೆ ಎಂದರು. ಅದಕ್ಕೆ ವೈಭವ್ ಪ್ಲೀಸ್ ಸರ್ ಎಂದು ನಗುತ್ತಾ ಪ್ರತಿಕ್ರಿಯಿಸಿದರು.

ಇಲ್ಲಿ ರೋಹಿತ್ ಯಾಕೆ ಬಂದರು?

ಟೀಂ ಇಂಡಿಯಾ ಮಾಜಿ ನಾಯಕ ರೋಹಿತ್ ಶರ್ಮಾ ಕೂಡ ತಮ್ಮ ಮರೆಗುಳಿತನಕ್ಕೆ ತುಂಬಾ ಫೇಮಸ್! ಈ ಹಿಂದೆ ಟಾಸ್ ಗೆದ್ದು ಬ್ಯಾಟಿಂಗ್ ಮಾಡಬೇಕೋ ಅಥವಾ ಬೌಲಿಂಗ್ ಮಾಡಬೇಕೋ ಎಂಬುದನ್ನೇ ರೋಹಿತ್ ಶರ್ಮಾ ಮೈದಾನದಲ್ಲಿ ಮರೆತುಬಿಟ್ಟಿದ್ದ ಅನೇಕ ತಮಾಷೆಯ ಪ್ರಸಂಗಗಳು ನಡೆದಿವೆ. ಕೇವಲ 15 ವರ್ಷದ ಸೂರ್ಯವಂಶಿ ಕೂಡ ಟಾಸ್ ವೇಳೆ ಪ್ಲೇಯಿಂಗ್-11 ಮರೆತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ. ಇದನ್ನು ನೋಡಿದ ಕ್ರಿಕೆಟ್ ಅಭಿಮಾನಿಗಳು ಸೂರ್ಯವಂಶಿಯನ್ನು ರೋಹಿತ್ ಶರ್ಮಾಗೆ ಹೋಲಿಕೆ ಮಾಡಿ ತಮಾಷೆ ಮಾಡುತ್ತಿದ್ದಾರೆ.

ಪಂದ್ಯ ಏನಾಯ್ತು?

ನಾಯಕತ್ವದ ಚೊಚ್ಚಲ ಪಂದ್ಯದಲ್ಲಿ ಸೂರ್ಯವಂಶಿ ಆರ್ಭಟಿಸಲು ಸಾಧ್ಯವಾಗಲಿಲ್ಲ. 12 ಎಸೆತಗಳಲ್ಲಿ 18 ರನ್ ಗಳಿಸಿ ಚೇತನ್ ಸಕಾರಿಯಾ ಬೌಲಿಂಗ್‌ನಲ್ಲಿ ಔಟಾದರು. ಮೊದಲು ಬ್ಯಾಟ್ ಮಾಡಿದ ಬಿಹಾರ 20 ಓವರ್‌ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 137 ರನ್ ಗಳಿಸಿತು. ಈ ಗುರಿಯನ್ನು ಬೆನ್ನಟ್ಟಿದ ಸೌರಾಷ್ಟ್ರ 16.3 ಓವರ್‌ಗಳಲ್ಲಿ 5 ವಿಕೆಟ್‌ಗಳ ಸುಲಭ ಜಯ ಸಾಧಿಸಿತು. ಪಂದ್ಯ ಸೋತರೂ ವೈಭವ್ ಅವರ ವಿಶ್ವದಾಖಲೆ ಮತ್ತು ಟಾಸ್ ವೇಳೆಯ ‘ರೋಹಿತ್ ಶರ್ಮಾ’ ಸ್ಟೈಲ್ ನಗು ಕ್ರಿಕೆಟ್ ಲೋಕದಲ್ಲಿ ಸಖತ್ ಸದ್ದು ಮಾಡುತ್ತಿದೆ.

View this post on Instagram

A post shared by Star Sports India (@starsportsindia)

ಜೆನ್ಸನ್ ಹುವಾಂಗ್ ಅನೈತಿಕ ಸಂಬಂಧದ ಸುಂಟರಗಾಳಿಗೆ ಸಿಲುಕಿದ Nvidia, ಐದೇ ದಿನದಲ್ಲಿ 54 ಲಕ್ಷ ಕೋಟಿ ನಷ್ಟ

Santosh Naik — Sat, 14 Nov 2026 22:30:16 +0530

ನವದೆಹಲಿ (ನ.14):ಜಾಗತಿಕ ಕೃತಕ ಬುದ್ಧಿಮತ್ತೆ (AI) ಚಿಪ್ ತಯಾರಿಕಾ ದಿಗ್ಗಜ 'ಎನ್‌ವಿಡಿಯಾ' (Nvidia) ಕಂಪನಿಯ ಸಹ-ಸಂಸ್ಥಾಪಕ ಹಾಗೂ ಸಿಇಒ ಆಗಿದ್ದ ಬಿಲಿಯನೇರ್ ಜೆನ್ಸನ್ ಹುವಾಂಗ್ (Jensen Huang) ಅವರ ವಿವಾಹೇತರ ಸಂಬಂಧಗಳ ಹಗರಣ ಕಂಪನಿಗೆ ಭಾರಿ ಆಘಾತ ನೀಡಿದೆ. ಈ ಹಗರಣ ಬಹಿರಂಗವಾದ ಬೆನ್ನಲ್ಲೇ ಎನ್‌ವಿಡಿಯಾ ಷೇರುಗಳು ತೀವ್ರ ಕುಸಿತ ಕಂಡಿದ್ದು, ಕಳೆದ ಕೇವಲ 5 ದಿನಗಳಲ್ಲಿ ಕಂಪನಿಯ ಮಾರುಕಟ್ಟೆ ಮೌಲ್ಯದಿಂದ ಬರೋಬ್ಬರಿ $570 ಬಿಲಿಯನ್ (ಅಂದಾಜು ₹54,00,000 ಕೋಟಿ) ಸಂಪತ್ತು ಕರಗಿಹೋಗಿದೆ.

ಬ್ಲೂಮ್‌ಬರ್ಗ್ (Bloomberg) ವರದಿಯ ಪ್ರಕಾರ, ಹುವಾಂಗ್ ಅವರ ವಿವಾಹೇತರ ಸಂಬಂಧಗಳ ಸುದ್ದಿ ಸಾರ್ವಜನಿಕವಾಗಿ ಬಹಿರಂಗವಾದ ನಂತರ ಎನ್‌ವಿಡಿಯಾ ಷೇರುಗಳು ಶೇ. 13 ರಷ್ಟು ಕುಸಿದಿದ್ದು, ಕಳೆದ 18 ತಿಂಗಳಲ್ಲೇ ಅತ್ಯಂತ ಕೆಟ್ಟ ವಾರವನ್ನು ದಾಖಲಿಸಿದೆ. ಇದರೊಂದಿಗೆ ಎನ್‌ವಿಡಿಯಾ ಷೇರುಗಳು ಸತತ ಆರನೇ ವಾರವೂ ನಷ್ಟ ಅನುಭವಿಸಿದಂತಾಗಿದ್ದು, 2012ರ ನಂತರದ ಸುದೀರ್ಘ ಕುಸಿತ ಇದಾಗಿದೆ.

S&P 500 ಸೂಚ್ಯಂಕದ 96% ಕಂಪನಿಗಳ ಮೌಲ್ಯಕ್ಕಿಂತ ದೊಡ್ಡ ನಷ್ಟ!

ಶುಕ್ರವಾರದ ವಹಿವಾಟಿನಲ್ಲಿ ಎನ್‌ವಿಡಿಯಾ ಷೇರು ಶೇ. 2 ರಷ್ಟು ಕುಸಿದು $162.85 ಕ್ಕೆ ದಿನದ ವಹಿವಾಟು ಮುಗಿಸಿದೆ. ಕಳೆದ ಐದು ವಹಿವಾಟು ದಿನಗಳಲ್ಲಿ ಒಟ್ಟು ಶೇ. 13 ರಷ್ಟು ಕುಸಿತ ಕಂಡಿದ್ದು, 2025ರ ಏಪ್ರಿಲ್‌ನಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಜಾಗತಿಕ ಮಾರುಕಟ್ಟೆಯನ್ನು ತಲ್ಲಣಗೊಳಿಸುವ ಸುಂಕಗಳನ್ನು (Tariffs) ಘೋಷಿಸಿದ ನಂತರದ ಅತ್ಯಂತ ಭೀಕರ ವಾರದ ಕುಸಿತ ಇದಾಗಿದೆ. ಈ ವಾರದ ಕುಸಿತದಲ್ಲಿ ಎನ್‌ವಿಡಿಯಾ ಕಳೆದುಕೊಂಡ $570 ಬಿಲಿಯನ್ ಮೌಲ್ಯವು, ಅಮೆರಿಕದ ಪ್ರತಿಷ್ಠಿತ S&P 500 ಸೂಚ್ಯಂಕದಲ್ಲಿರುವ ಶೇ. 96 ರಷ್ಟು ಕಂಪನಿಗಳ ಒಟ್ಟು ಮಾರುಕಟ್ಟೆ ಮೌಲ್ಯಕ್ಕಿಂತಲೂ ಹೆಚ್ಚಾಗಿದೆ.

ಚೀನಾದ ಶಂಕಿತ ಗೂಢಚಾರಿಣಿಯೊಂದಿಗೆ ಸಂಬಂಧ – ಸಿಇಒ ಹುದ್ದೆಯಿಂದ ಹುವಾಂಗ್ ವಜಾ

ಅಕ್ಟೋಬರ್ ಆರಂಭದಲ್ಲಿ ಸಾರ್ವಕಾಲಿಕ ಗರಿಷ್ಠ ಮಟ್ಟ ತಲುಪಿದ್ದ ವಿಶ್ವದ ಅತ್ಯಂತ ಮೌಲ್ಯಯುತ ಚಿಪ್ ತಯಾರಿಕಾ ಕಂಪನಿಯ ಷೇರುಗಳು, ಕೃತಕ ಬುದ್ಧಿಮತ್ತೆ (AI) ಮೇಲಿನ ವೆಚ್ಚದ ಸುಸ್ಥಿರತೆ ಮತ್ತು ಡೇಟಾ ಸೆಂಟರ್‌ಗಳ ತ್ವರಿತ ವಿಸ್ತರಣೆಯನ್ನು ವಿರೋಧಿಸುವ ನಾಯಕರು ಅಮೆರಿಕದ ಮಧ್ಯಂತರ ಚುನಾವಣೆಯಲ್ಲಿ ಗೆದ್ದ ನಂತರ ಒತ್ತಡಕ್ಕೆ ಸಿಲುಕಿದ್ದವು.

ಇದರ ಬೆನ್ನಲ್ಲೇ, ಚೀನಾದ ಶಂಕಿತ ಗೂಢಚಾರಿಣಿಯೊಂದಿಗೆ (Alleged Chinese spy) ತಮಗೆ ಸಂಬಂಧವಿತ್ತು ಎಂಬುದನ್ನು ಹುವಾಂಗ್ ಒಪ್ಪಿಕೊಂಡಿದ್ದು, ಜೊತೆಗೆ ಕಂಪನಿಯ ಉದ್ಯೋಗಿಯೊಬ್ಬರೊಂದಿಗೂ ಮತ್ತೊಂದು ವಿವಾಹೇತರ ಸಂಬಂಧ ಹೊಂದಿದ್ದರು ಎಂಬ ವರದಿಗಳು ಷೇರು ಮಾರಾಟದ ಒತ್ತಡವನ್ನು ತೀವ್ರಗೊಳಿಸಿವೆ. ಈ ಹಗರಣಗಳ ಹಿನ್ನೆಲೆಯಲ್ಲಿ ಎನ್‌ವಿಡಿಯಾ ಆಡಳಿತ ಮಂಡಳಿಯು ಜೆನ್ಸನ್ ಹುವಾಂಗ್ ಅವರನ್ನು ಸಿಇಒ ಹುದ್ದೆಯಿಂದ ವಜಾಗೊಳಿಸಿದ್ದು, ಕಂಪನಿಯ ಮುಖ್ಯ ಹಣಕಾಸು ಅಧಿಕಾರಿ (CFO) ಕೊಲೆಟ್ ಕ್ರೆಸ್ (Colette Kress) ಅವರನ್ನು ಮಧ್ಯಂತರ ಸಿಇಒ ಆಗಿ ನೇಮಕ ಮಾಡಿದೆ.

ಹಗರಣದ ಹಿನ್ನೆಲೆಯಲ್ಲಿ ವಾಲ್ ಸ್ಟ್ರೀಟ್ ವಿಶ್ಲೇಷಕರು 'ಕಾದು ನೋಡುವ' ತಂತ್ರಕ್ಕೆ ಮೊರೆ ಹೋಗಿದ್ದಾರೆ. ಬ್ಲೂಮ್‌ಬರ್ಗ್ ಡೇಟಾ ಪ್ರಕಾರ, ಈ ತಿಂಗಳು ಕನಿಷ್ಠ 13 ವಿಶ್ಲೇಷಕರು ಎನ್‌ವಿಡಿಯಾ ಷೇರುಗಳ ರೇಟಿಂಗ್ ಕಡಿತಗೊಳಿಸಿದ್ದು (Downgrade), ಇದರಲ್ಲಿ ಬಹುಪಾಲು ಈ ವಾರವೇ ನಡೆದಿವೆ. ಕಂಪನಿಯು ಈಗ 2023ರ ನಂತರದ ಅತಿ ಹೆಚ್ಚು ಅಂದರೆ 15 'ಹೋಲ್ಡ್' (Hold) ರೇಟಿಂಗ್‌ಗಳನ್ನು ಹೊಂದಿದೆ. ಆದರೆ, 66 ವಿಶ್ಲೇಷಕರು ಇನ್ನೂ ಷೇರು ಖರೀದಿಸಲು (Buy) ಶಿಫಾರಸು ಮಾಡಿದ್ದು, ಕೇವಲ ಒಬ್ಬರು ಮಾತ್ರ ಮಾರಾಟ ಮಾಡಲು (Sell) ಸಲಹೆ ನೀಡಿದ್ದಾರೆ.

"ಹುವಾಂಗ್ ನಿರ್ಗಮನವು ಎನ್‌ವಿಡಿಯಾದ ಕಾರ್ಯಸಂಸ್ಕೃತಿಗೆ ಧಕ್ಕೆ ತರಬಹುದು ಮತ್ತು ಕಂಪನಿಯ ಅತ್ಯಾಧುನಿಕ ಚಿಪ್‌ಗಳು ಚೀನಾದ ಕೈಸೇರಿದರೆ ಕಂಪನಿಯ ಭವಿಷ್ಯದ ಕಾರ್ಯಕ್ಷಮತೆಗೆ ಪೆಟ್ಟು ಬೀಳಲಿದೆ" ಎಂದು ವಿಲಿಯಂ ಸ್ಟೈನ್ ನೇತೃತ್ವದ ಟ್ರೂಯಿಸ್ಟ್ (Truist) ವಿಶ್ಲೇಷಕರು ಅಭಿಪ್ರಾಯಪಟ್ಟು, ರೇಟಿಂಗ್ ಅನ್ನು 'ಬೈ'ನಿಂದ 'ಹೋಲ್ಡ್'ಗೆ ಇಳಿಸಿದ್ದಾರೆ.

ಅಮೆರಿಕ ಕಾಂಗ್ರೆಸ್ ಮುಂದೆ ಸಾಕ್ಷ್ಯ ಹೇಳಲಿರುವ ಹುವಾಂಗ್ – ನ. 17ಕ್ಕೆ ತ್ರೈಮಾಸಿಕ ಫಲಿತಾಂಶ

ಹಗರಣದ ಕುರಿತು ಇನ್ನಷ್ಟು ವಿವರಗಳು ಹೊರಬರುತ್ತಿರುವುದರಿಂದ ಎನ್‌ವಿಡಿಯಾ ಷೇರುಗಳ ಮೇಲೆ ಒತ್ತಡ ಮುಂದುವರಿಯುವ ಸಾಧ್ಯತೆಯಿದೆ. ಪ್ರಮುಖ ಹೌಸ್ ರಿಪಬ್ಲಿಕನ್ ನಾಯಕರೊಬ್ಬರ ಪ್ರಕಾರ, ಜೆನ್ಸನ್ ಹುವಾಂಗ್ ಅವರು ಈ ತಿಂಗಳ ಅಂತ್ಯದಲ್ಲಿ ಬರುವ ಥ್ಯಾಂಕ್ಸ್‌ಗಿವಿಂಗ್ (Thanksgiving) ರಜೆಗೂ ಮುನ್ನ ಅಮೆರಿಕ ಕಾಂಗ್ರೆಸ್ ಮುಂದೆ ಪ್ರಮಾಣವಚನದಡಿ (Under oath) ಸಾಕ್ಷ್ಯ ಹೇಳಲು ಒಪ್ಪಿಕೊಂಡಿದ್ದಾರೆ.

ಇತ್ತ, ಜನವರಿಯಲ್ಲಿ ಡೆಮೋಕ್ರಾಟ್‌ಗಳು ಬಹುಮತ ಪಡೆದಾಗ ಸೆನೆಟ್ ಬ್ಯಾಂಕಿಂಗ್ ಸಮಿತಿಯ ನೇತೃತ್ವ ವಹಿಸಲಿರುವ ಸೆನೆಟರ್ ಎಲಿಜಬೆತ್ ವಾರೆನ್, ಎನ್‌ವಿಡಿಯಾ ಮತ್ತು ಶ್ವೇತಭವನದ ನಡುವಿನ ವ್ಯವಹಾರಗಳನ್ನು ಟೀಕಿಸಿದ್ದು, ವಾಣಿಜ್ಯ ಕಾರ್ಯದರ್ಶಿ ಹೊವಾರ್ಡ್ ಲುಟ್ನಿಕ್ ಅವರ ಪಾತ್ರದ ಬಗ್ಗೆಯೂ ಪರಿಶೀಲನೆ ನಡೆಸುವಂತೆ ಒತ್ತಾಯಿಸಿದ್ದಾರೆ. "ನಮ್ಮ ಅತ್ಯಾಧುನಿಕ ತಂತ್ರಜ್ಞಾನವು ಚೀನಾದ ಮಿಲಿಟರಿಗೆ ಬಲ ತುಂಬದಂತೆ ತಡೆಯಲು ರಫ್ತು ನಿಯಂತ್ರಣದ ಲೋಪದೋಷಗಳನ್ನು ಏಕೆ ಮುಚ್ಚಿಲ್ಲ ಎಂಬುದನ್ನು ಅಧಿಕಾರಿಗಳು ವಿವರಿಸಬೇಕು" ಎಂದು ವಾರೆನ್ ಆಗ್ರಹಿಸಿದ್ದಾರೆ. ಇದೇ ವೇಳೆ, ಎನ್‌ವಿಡಿಯಾ ನವೆಂಬರ್ 17 ರಂದು ಮಂಗಳವಾರ ತನ್ನ ತ್ರೈಮಾಸಿಕ ಗಳಿಕೆಯ ವರದಿಯನ್ನು ಪ್ರಕಟಿಸಲಿದೆ.

ತಾಯಿಯಾಗುವ ಸಂಭ್ರಮದಲ್ಲಿರುವ ‘ಸಂಘರ್ಷ’ ನಟಿ ತೇಜಸ್ವಿನಿ ಆಚಾರ್ ಅದ್ದೂರಿ ಸೀಮಂತ

Pavna Das — Sat, 14 Nov 2026 22:17:11 +0530

ತಾಯಿಯಾಗುವ ಸಂಭ್ರಮದಲ್ಲಿ ನಟಿ ತೇಜಸ್ವಿನಿ ಆಚಾರ್

ಕನ್ನಡ ಕಿರುತೆರೆಯಲ್ಲಿ ಹಲವಾರು ವರ್ಷಗಳಿಂದ ಸಕ್ರಿಯವಾಗಿರುವ ಹಾಗೂ ಇದೇ ವರ್ಷದ ಆರಂಭದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದ ನಟಿ ತೇಜಸ್ವಿನಿ ಆಚಾರ್ ಇದೀಗ ಚೊಚ್ಚಲ ತಾಯಿಯಾಗುವ ಸಂಭ್ರಮದಲ್ಲಿದ್ದಾರೆ. ಇದೀಗ ನಟಿಗೆ ಏಳು ತಿಂಗಳು ತುಂಬಿದ್ದು, ಈ ಹಿನ್ನೆಲೆಯಲ್ಲಿ ನಟಿಗೆ ಅದ್ದೂರಿ ಸೀಮಂತ ಕಾರ್ಯಕ್ರಮ ನಡೆದಿದ್ದು, ಫೋಟೊಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ಏಳನೇ ತಿಂಗಳಲ್ಲಿ ಸೀಮಂತ

ಕೆಲವು ತಿಂಗಳ ಹಿಂದೆ ನಟಿ ತಾವು ಗರ್ಭಿಣಿ ಎನ್ನುವುದಾಗಿ ಸೋಶಿಯಲ್ ಮೀಡಿಯಾದಲ್ಲಿ ತಿಳಿಸಿದ್ದರು. ಇದೀಗ ಏಳನೇ ತಿಂಗಳು ನಡೆಯುತ್ತಿದ್ದು, ಈ ಹಿನ್ನೆಲೆಯಲ್ಲಿ ಸಂಭ್ರಮದಿಂದ ಸೀಮಂತ ಸಮಾರಂಭ ನಡೆದಿದೆ. ತೇಜಸ್ವಿನಿ ಹಸಿರು ಮತ್ತು ಪಿಂಕ್ ಬಣ್ಣದ ಸೀರೆಯಲ್ಲಿ ಮಿಂಚಿದರೆ, ವಿರಾಟ್ ಆಫ್ ವೈಟ್ ಕುರ್ತಾ ಪೈಜಾಮ ಧರಿಸಿ ಮಿಂಚುತ್ತಿದ್ದಾರೆ. ಅಭಿಮಾನಿಗಳು ನಟಿಗೆ ತಾಯ್ತನದ ಶುಭ ಕೋರಿದ್ದು, ಆರೋಗ್ಯಯುತ ಮಗು ಜನಿಸಲಿ ಎಂದು ಹಾರೈಸಿದ್ದಾರೆ.

ತೇಜಸ್ವಿನಿ ಆಚಾರ್ ನಟಿಸಿದ ಧಾರಾವಾಹಿಗಳು

ಮೂಲತಃ ಮೈಸೂರಿನವರಾದ ನಟಿ ತೇಜಸ್ವಿನಿ ಆಚಾರ್‌ ಕನ್ನಡ ಮಾತ್ರವಲ್ಲದೇ, ತೆಲುಗು, ತಮಿಳು ಭಾಷೆಗಳ ಧಾರಾವಾಹಿಗಳಲ್ಲೂ ಸಹ ನಟಿಸಿ ಜನಪ್ರಿಯತೆ ಪಡೆದಿದ್ದಾರೆ. ಕನ್ನಡದಲ್ಲಿ ‘ಸಂಘರ್ಷ’, ‘ರಾಧಿಕಾ’ ‘ಮಹಾನದಿ’ ಸೇರಿದಂತೆ ಹಲವು ಧಾರಾವಾಹಿಗಳಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದಾರೆ. ಇನ್ನು ಹಲವಾರು ಧಾರಾವಾಹಿಗಳಲ್ಲಿ ಗುರುತಿಸಿಕೊಂಡಿರುವ ನಟ ವಿರಾಟ್ ವತ್ಸಲ್ ಜೊತೆ ತೇಜಸ್ವಿನಿ ಸಪ್ತಪದಿ ತುಳಿದಿದ್ದಾರೆ. ಇವರ ವಿವಾಹವು ಇದೇ ವರ್ಷ ಫೆಬ್ರವರಿಯಲ್ಲಿ ನಡೆದಿತ್ತು.

ಸ್ಟಾರ್ ಸುವರ್ಣ ವಾಹಿನಿಯ ‘ಸಂಘರ್ಷ’ ಧಾರಾವಾಹಿಯಲ್ಲಿ ತೇಜಸ್ವಿನಿ ಆಚಾರ್ ಮತ್ತು ವಿರಾಟ್‌ ವತ್ಸಲ್ ಜೊತೆಯಾಗಿ ನಟಿಸಿದ್ದರು. ಈ ಸೀರಿಯಲ್ ಶೂಟ್ ಸಮಯದಲ್ಲಿ ಇಬ್ಬರ ನಡುವೆ ಸ್ನೇಹ ಬೆಳೆದು, ನಂತರ ಇಬ್ಬರು ಪ್ರೀತಿಯಲ್ಲಿ ಬಿದ್ದರು. ಇದೀಗ ಮನೆಯವರ ಒಪ್ಪಿಗೆ ಪಡೆದು ಈ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಡಲು ತಯಾರಿ ನಡೆಸಿದ್ದಾರೆ. ಈ ಜೋಡಿ ಕಳೆದ ಫೆಬ್ರವರಿ 6 ರಂದು ವಿವಾಹವಾಗಿದ್ದರು. ಫೆಬ್ರವರಿ 8 ರಂದು ಆರತಕ್ಷತೆ ಕಾರ್ಯಕ್ರಮ ಕೂಡ ಅದ್ದೂರಿಯಾಗಿ ನಡೆದಿತ್ತು.

View this post on Instagram

A post shared by Tejaswini H C (@tejaswini_achar_official)

ಯಶ್ ನಟನೆಗೆ ಮನಸೋತ ಮಹೇಶ್ ಬಾಬು ಪುತ್ರ: ರಾಮಾಯಣಕ್ಕೆ ಕೊಟ್ಟ ರೇಟಿಂಗ್ ಬಗ್ಗೆ ಚರ್ಚೆ!

Govindaraj S — Sat, 14 Nov 2026 22:15:57 +0530

ಸೂಪರ್‌ಸ್ಟಾರ್ ಮಹೇಶ್ ಬಾಬು ಅವರ ಪುತ್ರ ಗೌತಮ್ ಘಟ್ಟಮನೇನಿ ಸದ್ಯ ಸಿನಿಮಾಗಳಲ್ಲಿ ನಟಿಸುವುದಕ್ಕೂ ಮೊದಲೇ ಸುದ್ದಿಯಲ್ಲಿದ್ದಾರೆ. ಇತ್ತೀಚೆಗೆ ತಮ್ಮದೇ ಸ್ಟೈಲ್‌ನಲ್ಲಿ ಸಿನಿಮಾಗಳಿಗೆ ರೇಟಿಂಗ್ ನೀಡುತ್ತಾ, ವಿಮರ್ಶೆಗಳನ್ನು ಹಂಚಿಕೊಳ್ಳುತ್ತಿರುವ ಗೌತಮ್ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡುತ್ತಿದ್ದಾರೆ. ಅದರಲ್ಲೂ ನ್ಯಾಚುರಲ್ ಸ್ಟಾರ್ ನಾನಿ ಅಭಿನಯದ ‘ದಿ ಪ್ಯಾರಡೈಸ್’ ಚಿತ್ರಕ್ಕೆ ಶಾಕಿಂಗ್ ರೇಟಿಂಗ್ ನೀಡಿ ಗಮನ ಸೆಳೆದಿದ್ದ ಅವರು, ಇದೀಗ ಬಹುನಿರೀಕ್ಷಿತ ‘ರಾಮಾಯಣ’ ಚಿತ್ರದ ಬಗ್ಗೆಯೂ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಇಲ್ಲಿಯವರೆಗೆ ಹಲವು ಸಿನಿಮಾಗಳಿಗೆ ಕಡಿಮೆ ರೇಟಿಂಗ್ ನೀಡಿದ್ದ ಗೌತಮ್, ‘ರಾಮಾಯಣ’ ಚಿತ್ರಕ್ಕೆ ಮಾತ್ರ ಬರೋಬ್ಬರಿ 4.5 ರೇಟಿಂಗ್ ನೀಡಿದ್ದಾರೆ. ಅಷ್ಟೇ ಅಲ್ಲ, ಸಿನಿಮಾ ನೋಡಿದ ಬಳಿಕ ತಾನು ಸಂಪೂರ್ಣವಾಗಿ ಬೆರಗಾಗಿರುವುದಾಗಿ ಹೇಳಿ ಚಿತ್ರತಂಡವನ್ನು ಮುಕ್ತಕಂಠದಿಂದ ಹೊಗಳಿದ್ದಾರೆ. ಗೌತಮ್ ಅವರ ಈ ವಿಮರ್ಶೆ ಇದೀಗ ಸಿನಿಮಾ ಪ್ರೇಮಿಗಳ ಗಮನ ಸೆಳೆಯುತ್ತಿದೆ.

‘ರಾಮಾಯಣ’ ಸಿನಿಮಾ ವೀಕ್ಷಿಸಿದ ಬಳಿಕ ತಮ್ಮ ಮನಸ್ಸು ಸಂಪೂರ್ಣವಾಗಿ ಕರಗಿಹೋಗಿದೆ. ಚಿತ್ರವನ್ನು ನೋಡಿದ ನಂತರ ಏನು ಹೇಳಬೇಕು ಎಂಬುದೇ ತಿಳಿಯುತ್ತಿಲ್ಲ ಎಂದು ಗೌತಮ್ ತಮ್ಮ ಪೋಸ್ಟ್‌ನಲ್ಲಿ ಬರೆದುಕೊಂಡಿದ್ದಾರೆ. ಸಿನಿಮಾದ ಸಿಜಿಐ, ಕಥೆ, ನಿರ್ದೇಶನ ಹಾಗೂ ಕಲಾವಿದರ ಅಭಿನಯ ಎಲ್ಲವೂ ಅದ್ಭುತವಾಗಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಯಶ್ ನಟನೆಗೆ ಫಿದಾ ಆದ ಮಹೇಶ್ ಬಾಬು ಪುತ್ರ!

ಇನ್ನು ‘ರಾಮಾಯಣ’ ಚಿತ್ರದಲ್ಲಿ ರಾಮನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಬಾಲಿವುಡ್ ನಟ ರಣಬೀರ್ ಕಪೂರ್ ಅವರ ಅಭಿನಯವನ್ನೂ ಗೌತಮ್ ಪ್ರಶಂಸಿಸಿದ್ದಾರೆ. ಆದರೆ, ರಾವಣನ ಪಾತ್ರದಲ್ಲಿ ನಟಿಸಿರುವ ಕನ್ನಡದ ರಾಕಿಂಗ್ ಸ್ಟಾರ್ ಯಶ್ ಅವರ ಅಭಿನಯ ಅವರಿಗೆ ಇನ್ನಷ್ಟು ಇಷ್ಟವಾಗಿದೆಯಂತೆ. ಯಶ್ ಅವರ ನಟನೆ ಅಸಾಧಾರಣ ಹಾಗೂ ಅದ್ಭುತವಾಗಿದೆ ಎಂದು ವಿಶೇಷವಾಗಿ ಮೆಚ್ಚುಗೆ ಸೂಚಿಸಿದ್ದಾರೆ.

ಪ್ರತಿಯೊಬ್ಬರೂ ತಪ್ಪದೇ ನೋಡಬೇಕಾದ ಸಿನಿಮಾ ಇದಾಗಿದೆ. ಭಾರತೀಯ ಚಿತ್ರರಂಗದ ಸಾಮರ್ಥ್ಯ ಏನೆಂಬುದನ್ನು ಜಗತ್ತಿಗೆ ತೋರಿಸುವ ನಿಜವಾದ ಸಾಕ್ಷಿ ‘ರಾಮಾಯಣ’ ಎಂದು ಗೌತಮ್ ತಮ್ಮ ವಿಮರ್ಶೆಯಲ್ಲಿ ಬರೆದುಕೊಂಡಿದ್ದಾರೆ. ವಿಶೇಷವಾಗಿ ಯಶ್ ಅವರ ಅಭಿನಯವನ್ನು ಮುಕ್ತಕಂಠದಿಂದ ಹೊಗಳಿರುವುದು ಅಭಿಮಾನಿಗಳ ಗಮನ ಸೆಳೆಯುತ್ತಿದೆ.

ಸದ್ಯ ಸಾಮಾನ್ಯವಾಗಿ ಸಿನಿಮಾಗಳಿಗೆ ಕಡಿಮೆ ರೇಟಿಂಗ್ ನೀಡುತ್ತಾ ಸುದ್ದಿಯಾಗುತ್ತಿದ್ದ ಮಹೇಶ್ ಬಾಬು ಪುತ್ರ ಗೌತಮ್, ‘ರಾಮಾಯಣ’ ಚಿತ್ರಕ್ಕೆ 4.5 ರೇಟಿಂಗ್ ನೀಡಿರುವುದು ಕುತೂಹಲ ಮೂಡಿಸಿದೆ. ಅದರಲ್ಲೂ ಯಶ್ ಅವರ ನಟನೆಗೆ ಮನಸೋತಿರುವ ಅವರ ವಿಮರ್ಶೆ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಗ್ರಾಸವಾಗಿದೆ.

3000 ವರ್ಷಗಳ ಹಿಂದೆ ಹೊಲದಲ್ಲಿ ಹೂತಿಟ್ಟಿದ್ದ ನಿಧಿ ಪತ್ತೆ, ಸಿಕ್ಕ ಮೂರು ಕೈಬಳೆಗಳು ಸಾಮಾನ್ಯದಲ್ಲ

Ganesh Mabla Gowda — Sat, 14 Nov 2026 22:07:44 +0530

ಇಂಗ್ಲೆಂಡ್: ಬ್ರಿಟನ್‌ನ ಮಾಲ್ಮೆಸ್‌ಬರಿ ಪಟ್ಟಣದ ಬಳಿ ವ್ಯಕ್ತಿಯೊಬ್ಬರು ಲೋಹದ ಶೋಧಕದೊಂದಿಗೆ ನಿಧಿ ಹುಡುಕುತ್ತಿದ್ದರು. ಈ ವೇಳೆ ಅವರಿಗೆ ಬಿಗ್‌ ಸರ್ಪ್ರೈಸ್ ಕಾದಿತ್ತು. ಉತ್ಖನ ಮಾಡುತ್ತಿದ್ದಾಗ ಸುಮಾರು 3 ಸಾವಿರ ವರ್ಷಗಳಷ್ಟು ಹಳೆಯದಾದ ಮೂರು ಚಿನ್ನದ ಬೆಳೆಗಳು ಪತ್ತೆ ಆಗಿದ್ದವು. ಇದೀಗ ಅವುಗಳನ್ನ ಹತ್ತಿರದಿಂದ ನೋಡುವ ಭಾಗ್ಯ ಅಲ್ಲಿನ ಜನರಿಗೆ ಸಿಗುತ್ತಿದೆ.

ಇವುಗಳನ್ನು ಮೊದಲ ಬಾರಿಗೆ ಸಾರ್ವಜನಿಕ ವೀಕ್ಷಣೆಗೆ ಇಡಲಾಗುತ್ತದೆ. ಈ ಬಳೆಗಳು Bronze Age ಕೊನೆಯ ಹಂತದ್ದಾಗಿವೆ. ವಾಣಿಜ್ಯ ಲೋಹ ಪತ್ತೆ ರ್ಯಾಲಿಯ ಸಮಯದಲ್ಲಿ ಅವು ನೆಲದಡಿಯಲ್ಲಿ ಪತ್ತೆಯಾಗಿದ್ದವು. ಈಗ ಮಾಲ್ಮೆಸ್‌ಬರಿಯಲ್ಲಿರುವ ಅಥೆಲ್ಸ್ತಾನ್ ವಸ್ತುಸಂಗ್ರಹಾಲಯವು ತನ್ನ ಸುಪರ್ದಿಗೆ ತೆಗೆದುಕೊಡಿದೆ. ಈ ಹಿನ್ನೆಲೆಯಲ್ಲಿ ಮುಂದಿನ ಫೆಬ್ರವರಿವರೆಗೆ ಈ ಬಳೆಗಳನ್ನ ನೋಡಲು ಸಾಧ್ಯವಾಗುತ್ತದೆ ಎಂದು ವರದಿಯಾಗಿದೆ.

ಹೇಗೆ ಪತ್ತೆ ಆದವು?

ಈ ಮೂರು ಬಳೆಗಳು ಇಂಗ್ಲೆಂಡ್‌ನ ವಿಲ್ಟ್‌ಶೈರ್‌ನಲ್ಲಿರುವ ಮಾಲ್ಮೆಸ್‌ಬರಿ ಬಳಿಯ ಹುಲ್ಲುಗಾವಲಿನಲ್ಲಿ ಪತ್ತೆ ಆಗಿವೆ. ಆ ದಿನ ಹಲವರು ಶೋಧಕಗಳೊಂದಿಗೆ ಹಳೆಯ ಲೋಹದ ವಸ್ತುಗಳಿಗಾಗಿ ಹೊಲದಲ್ಲಿ ಹುಡುಕುತ್ತಿದ್ದರು. ಒಬ್ಬ ಪತ್ತೇದಾರಿ ತನ್ನ ಯಂತ್ರದಿಂದ ನಿರಂತರ ಶಬ್ದವನ್ನು ಕೇಳಲು ಪ್ರಾರಂಭಿಸಿದ. ನಂತರ ಅಗೆದಾಗ ಮೂರು ಚಿನ್ನದ ಬಳೆಗಳು ಸುಮಾರು 18 ಇಂಚುಗಳಷ್ಟು (45 ಸೆಂಟಿಮೀಟರ್‌ಗಳು) ಆಳದಲ್ಲಿ ಒಟ್ಟಿಗೆ ಬಿದ್ದಿರೋದು ಪತ್ತೆ ಆಗಿದೆ. ಎರಡು ಬಳೆಗಳಿಗೆ ಹಾನಿ ಆಗಿತ್ತು. ಮೂರನೆಯ ಬಳೆ ತುಂಬಾ ಚೆನ್ನಾಗಿಯೇ ಇದೆ. ಇವು ಸಿಕ್ಕ ಬೆನ್ನಲ್ಲೇ, ಆ ಜಾಗದಲ್ಲಿ ಮತ್ತಷ್ಟು ನಿಧಿಗಾಗಿ ಶೋಧ ನಡೆಸಲಾಗಿದೆ. ಆದರೆ ಯಾವುದೇ ವಸ್ತುಗಳು ಸಿಕ್ಕಿಲ್ಲ.

ವಸ್ತುಸಂಗ್ರಹಾಲಯದ ಪ್ರಕಾರ.. ಈ ಬಳೆಗಳನ್ನು ಸುತ್ತಿಗೆಯಿಂದ ಮಾಡಿದ ಚಿನ್ನದ ಹಾಳೆಗಳಿಂದ ತಯಾರಿಸಲಾಗಿದೆ. ಅವುಗಳ ವಿನ್ಯಾಸ ನೋಡಿದರೆ ಕೈಯ ವಿವಿಧ ಭಾಗಗಳಲ್ಲಿ ಧರಿಸುವಂತೆ ಇದೆ. ಇನ್ನು ಎರಡು ಬಳೆಗಳನ್ನು ಮಡಚಿ ಚಪ್ಪಟೆಯಾಗಿಡಲು ಕಾರಣ ಸ್ಪಷ್ಟವಾಗಿಲ್ಲ. ಇನ್ನೊಂದು ಸಾಧ್ಯತೆ ಇದ್ದರೂ ಇರಬಹುದು. ಅವುಗಳನ್ನ ಧಾರ್ಮಿಕ ಆಚರಣೆಗೆ ಬಳಿಸಿಕೊಂಡಿರೋದ್ರಿಂದ ಎರಡು ಬಳೆಗಳು ಚಪ್ಪಟೆ ಆಗಿದ್ದಬರಬಹುದು ಎಂದು ಹೇಳಲಾಗುತ್ತಿದೆ. ಆದರೆ ಯಾವುದೇ ದೃಢೀಕರಣ ಇದಕ್ಕೆ ಇಲ್ಲ.

ಬಿಬಿಸಿ ಪ್ರಕಾರ.. ವಸ್ತು ಸಂಗ್ರಹಾಲಯದ ಟ್ರಸ್ಟಿ ಮತ್ತು ಸ್ಥಳೀಯ ಇತಿಹಾಸಕಾರ ಟೋನಿ ಮೆಕ್‌ಅಲೇವಿ, ಈ ಬಳೆಗಳು ನೋಡಲು ಸುಂದರವಾಗಿವೆ. ಸುಮಾರು 3,000 ವರ್ಷಗಳ ಹಿಂದೆ ಮಾಲ್ಮೆಸ್‌ಬರಿ ಮತ್ತು ಸುತ್ತಮುತ್ತ ವಾಸಿಸುತ್ತಿದ್ದ ಜನರ ಜೀವನದ ಬಗ್ಗೆ ಮಾಹಿತಿ ನೀಡುವಂತೆ ಕಾಣ್ತಿವೆ ಎಂದಿದ್ದಾರೆ.

ಇದರ ಆವಿಷ್ಕಾರವು 1150 ರಿಂದ 800 BC ವರೆಗಿನ ಪಟ್ಟಣದ ಇತಿಹಾಸವನ್ನು ವ್ಯಾಪಿಸಿದೆ. ವಸ್ತುಸಂಗ್ರಹಾಲಯದ ಟ್ರಸ್ಟಿ ಮಾರಿಯಾ ಮಾರ್ಷ್ ಈ ಆವಿಷ್ಕಾರದ ಬಗ್ಗೆ ಸಂತೋಷ ವ್ಯಕ್ತಪಡಿಸಿದ್ದಾರೆ. ಬಳೆಗಳನ್ನು ತಯಾರಿಸಿದ ಕುಶಲಕರ್ಮಿಯನ್ನೂ ಅವರು ಹೊಗಳಿದ್ದಾರೆ. ಅವುಗಳ ಸೌಂದರ್ಯವು ಚಿನ್ನದ ತೇಜಸ್ಸನ್ನೂ ಮೀರಿದೆ ಎಂದು ವಿವರಿಸಿದ್ದಾರೆ.

ಕ್ರಿಕೆಟರ್ ದೀಪಕ್ ಚಾಹರ್ ಮನೆಯಲ್ಲಿ ಶೀಘ್ರದಲ್ಲೇ ಮದುವೆ ಸಂಭ್ರಮ? ಸಹೋದರಿ ಮಾಲ್ತಿ ಜನ್ಮದಿನದಂದೇ ಸಿಕ್ತು ಸೂಚನೆ

Santosh Naik — Sat, 14 Nov 2026 22:00:41 +0530

ಟೀಮ್ ಇಂಡಿಯಾದ ಸ್ಟಾರ್ ವೇಗದ ಬೌಲರ್ ದೀಪಕ್ ಚಾಹರ್ (Deepak Chahar) ಮನೆಯಲ್ಲಿ ಶೀಘ್ರದಲ್ಲೇ ಮದುವೆ ಸಂಭ್ರಮ ಮನೆಮಾಡಲಿದೆಯೇ? ಹೀಗೊಂದು ಕುತೂಹಲ ಇದೀಗ ಅಭಿಮಾನಿಗಳಲ್ಲಿ ಮೂಡಿದೆ. ನಟಿ ಹಾಗೂ ದೀಪಕ್ ಚಾಹರ್ ಅವರ ಸಹೋದರಿ ಮಾಲ್ತಿ ಚಾಹರ್ (Malti Chahar) ಇಂದು ತಮ್ಮ 36ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದು, ವಿಶೇಷ ದಿನದಂದು ದೀಪಕ್ ಹಂಚಿಕೊಂಡಿರುವ ಪೋಸ್ಟ್‌ ಸೋಶೀಯಲ್‌ ಮೀಡಿಯಾದಲ್ಲಿ ಭಾರಿ ವೈರಲ್ ಆಗುತ್ತಿದೆ.

ಸಹೋದರಿ ಮಾಲ್ತಿ ಅವರ ಜನ್ಮದಿನವನ್ನು ಸ್ಮರಣೀಯವಾಗಿಸಲು ದೀಪಕ್ ಚಾಹರ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ತಮಾಷೆಯ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಮಾಲ್ತಿ ಯಾರೊಂದಿಗೋ ಫೋನ್‌ನಲ್ಲಿ ಮಾತನಾಡುತ್ತಿರುವಾಗ, ದೀಪಕ್ ಹಿಂದಿನಿಂದ ಬಂದು ಅವರನ್ನು ಬೆಚ್ಚಿಬೀಳಿಸುತ್ತಾರೆ. ತಕ್ಷಣವೇ ಮಾಲ್ತಿ ಜೋರಾಗಿ ಕಿರುಚಿ, ಬಳಿಕ ನಗಲು ಆರಂಭಿಸುತ್ತಾರೆ.

ವಿಡಿಯೋದಲ್ಲಿ ಅಣ್ಣ-ತಂಗಿಯ ನಡುವಿನ ಸುಂದರ ಬಾಂಧವ್ಯ ಮತ್ತು ಮಸ್ತಿ ಎದ್ದು ಕಾಣುತ್ತಿದ್ದು, ಅಭಿಮಾನಿಗಳ ಮನಗೆದ್ದಿದೆ. ಆದರೆ, ಈ ವಿಡಿಯೋಗಿಂತಲೂ ಹೆಚ್ಚಾಗಿ ದೀಪಕ್ ಚಾಹರ್ ಬರೆದಿರುವ ಕ್ಯಾಪ್ಶನ್ (Caption) ಎಲ್ಲರ ಗಮನ ಸೆಳೆಯುತ್ತಿದೆ. ಅದರಲ್ಲಿ ಅವರು ಸಹೋದರಿಗೆ ವರನನ್ನು ಹುಡುಕುವ ಬಗ್ಗೆ ಸುಳಿವು ನೀಡಿದ್ದಾರೆ. 'ಹ್ಯಾಪಿ ಬರ್ತ್‌ಡೇ ಸಿಸ್ಟರ್ ಮಾಲ್ತಿ ಚಾಹರ್... ದೇವರು ಈ ವರ್ಷ ನಿನಗೊಬ್ಬ ಒಳ್ಳೆಯ ಪತಿಯನ್ನು ಕರುಣಿಸಲಿ' ಎಂದು ದೀಪಕ್ ಚಾಹರ್ ಬರೆದುಕೊಂಡಿದ್ದಾರೆ.

ಈ ಪೋಸ್ಟ್ ನೋಡಿದ ಅಭಿಮಾನಿಗಳು ಮಾಲ್ತಿ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರುತ್ತಿದ್ದು, ಇವರಿಬ್ಬರನ್ನು 'ಬೆಸ್ಟ್ ಬ್ರದರ್-ಸಿಸ್ಟರ್' ಎಂದು ಕೊಂಡಾಡಿದ್ದಾರೆ. ಜೊತೆಗೆ, "ಮಾಲ್ತಿ ನಿಜವಾಗಿಯೂ ಈ ವರ್ಷ ಮದುವೆಯಾಗುತ್ತಿದ್ದಾರೆಯೇ?" ಎಂದು ಅಭಿಮಾನಿಗಳು ಕಾಮೆಂಟ್‌ಗಳ ಮೂಲಕ ಪ್ರಶ್ನಿಸುತ್ತಿದ್ದಾರೆ.

ಗ್ಲಾಮರಸ್ ಅವತಾರದಲ್ಲಿ ಮಿಂಚಿದ ಮಾಲ್ತಿ ಚಾಹರ್

ಇತ್ತ ಮಾಲ್ತಿ ಚಾಹರ್ ಸಹ ತಮ್ಮ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ಹಲವಾರು ಗ್ಲಾಮರಸ್ ಫೋಟೋಗಳನ್ನು ಹಂಚಿಕೊಳ್ಳುವ ಮೂಲಕ ತಮಗೆ ತಾವೇ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ. ಅತ್ಯಂತ ಸ್ಟೈಲಿಶ್ ಮತ್ತು ಸಿಜ್ಲಿಂಗ್ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ ಮಾಲ್ತಿ ಅವರ ಕಿಲ್ಲರ್ ಅಂದಕ್ಕೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಮಾಲ್ತಿ ಚಾಹರ್ ಕೇವಲ ಕ್ರಿಕೆಟಿಗನ ಸಹೋದರಿ ಮಾತ್ರವಲ್ಲದೆ, ಸ್ವಂತ ಪ್ರತಿಭೆಯಿಂದ ಗುರುತಿಸಿಕೊಂಡಿದ್ದಾರೆ. ಮಾಲ್ತಿ ಅವರು ಒಬ್ಬ ಪ್ರತಿಭಾವಂತ ನಟಿಯಾಗಿರುವುದರ ಜೊತೆಗೆ ನಿರ್ದೇಶಕಿಯೂ (Director) ಹೌದು. ಅವರು ಪ್ರತಿಷ್ಠಿತ 'ಮಿಸ್ ಇಂಡಿಯಾ' ಸೌಂದರ್ಯ ಸ್ಪರ್ಧೆಯಲ್ಲೂ ಭಾಗವಹಿಸಿದ್ದರು. ಅಲ್ಲದೆ, ಬಾಲಿವುಡ್ ನಟ ಸಲ್ಮಾನ್ ಖಾನ್ ನಿರೂಪಣೆಯ ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ ಬಾಸ್' (Bigg Boss) ನಲ್ಲೂ ಕಾಣಿಸಿಕೊಂಡಿದ್ದು, ಅವರ ಬಿಗ್ ಬಾಸ್ ಪಯಣ ಸಾಕಷ್ಟು ಸುದ್ದಿಯಾಗಿತ್ತು.

ಇದು ಅದಲ್ಲ.. ಧನುಷ್ 'ಓಂ' ಬಗ್ಗೆ ಎದ್ದಿದೆ ವಿವಾದ: ಶಿವಣ್ಣನ ಆ ಚಿತ್ರದ ಕಥೆಯನ್ನೇ ಬಳಸಿದ್ದಾರಾ?

Govindaraj S — Sat, 14 Nov 2026 21:47:19 +0530

OM Movie Story: ತಮಿಳು ಸ್ಟಾರ್ ಧನುಷ್ ಮತ್ತು ಮಮ್ಮುಟ್ಟಿ ಒಟ್ಟಿಗೆ ನಟಿಸಿರುವ 'ಓಂ' ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದೆ. ಅದರ ಕಥೆ ಬಹುತೇಕ ಗೊತ್ತಾಗಿದೆ. ಆ ಬಗ್ಗೆ ಈ ವರದಿಯಲ್ಲಿ ನೋಡೋಣ.

ಧನುಷ್ ಮತ್ತು ಮಮ್ಮುಟ್ಟಿ ಒಟ್ಟಿಗೆ ನಟಿಸಿರುವ 'ಓಂ' ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದೆ. ಚಿತ್ರದ ಪ್ರಮುಖ ಪಾತ್ರಗಳು ಇರುವ ಈ ಟ್ರೇಲರ್, ಸಿನಿಮಾ ಪಕ್ಕಾ ಎಂಟರ್‌ಟೇನರ್ ಆಗಿರುತ್ತದೆ ಎಂದು ಭರವಸೆ ನೀಡುತ್ತದೆ. ಕಾಡಿನ ಹಿನ್ನೆಲೆಯಲ್ಲಿ ಅಧಿಕಾರ, ಸಂಘರ್ಷ, ಅಪರಾಧ, ಸೇಡು ಇವುಗಳನ್ನೊಳಗೊಂಡ ತೀವ್ರವಾದ ಆಕ್ಷನ್ ಡ್ರಾಮಾ ಇದಾಗಿರಲಿದೆ ಎಂದು ಟ್ರೇಲರ್ ತೋರಿಸುತ್ತದೆ. ರಾಜ್‌ಕುಮಾರ್ ಪೆರಿಯಸ್ವಾಮಿ ನಿರ್ದೇಶನದ ಈ ಚಿತ್ರ ನವೆಂಬರ್ 20ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.

ಧನುಷ್ ಓಂ ಚಿತ್ರದಲ್ಲಿ ತಮ್ಮ ಕೆರಿಯರ್‌ನ ಅತ್ಯುತ್ತಮ ನಟನೆಯನ್ನು ತೋರಿದ್ದಾರೆ. ಮಮ್ಮುಟ್ಟಿ ಬರ್ಮಾ ಕಾರ್ತಿಕೇಯನ್ ಎಂಬ ಅಂಡರ್‌ವರ್ಲ್ಡ್ ಡಾನ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸಾಯಿ ಪಲ್ಲವಿ ಪಾತ್ರ ಓಂ ಚಿತ್ರದ ಮತ್ತೊಂದು ಪ್ರಮುಖ ಅಂಶ. ಸಾಯಿ ಪಲ್ಲವಿ ಸಿಬಿಐ ಅಧಿಕಾರಿ ನಿತ್ಯಾ ರೆಡ್ಡಿಯಾಗಿ ನಟಿಸಿದ್ದಾರೆ. ಸಾಯಿ ಪಲ್ಲವಿ ಅಲ್ಲದೆ, ಶ್ರೀಲೀಲಾ ಕೂಡ ಚಿತ್ರದಲ್ಲಿ ಇನ್ನೊಬ್ಬ ನಾಯಕಿಯಾಗಿ ನಟಿಸಿದ್ದಾರೆ. ಶ್ರೀಲೀಲಾ ರೋಜಾ ಎಂಬ ಪಾತ್ರದಲ್ಲಿ ನಟಿಸಿದ್ದಾರೆ. ಓಂ ಚಿತ್ರದ ಟ್ರೇಲರ್‌ನಲ್ಲೇ ಅದರ ಕಥೆಯನ್ನೂ ಹೇಳಿದ್ದಾರೆ.

ಅದರಂತೆ, ವಿಶೇಷ ಪಡೆಯಲ್ಲಿ ಕೆಲಸ ಮಾಡುವ ಧನುಷ್, ಐಪಿಎಸ್ ಅಧಿಕಾರಿ ಸಾಯಿ ಪಲ್ಲವಿ ಆದೇಶದ ಮೇರೆಗೆ ರಕ್ತಚಂದನ ಕಳ್ಳಸಾಗಾಣಿಕೆ ಗ್ಯಾಂಗ್‌ನೊಳಗೆ ಗೂಢಚಾರನಾಗಿ ನುಗ್ಗುತ್ತಾರೆ. ರಕ್ತಚಂದನ ಕಳ್ಳಸಾಗಾಣಿಕೆ ಮುಖ್ಯಸ್ಥ ಮಮ್ಮುಟ್ಟಿ ಗ್ಯಾಂಗ್‌ನಲ್ಲಿ ರಹಸ್ಯವಾಗಿ ಕೆಲಸ ಮಾಡುತ್ತಾ, ಅವರ ಚಟುವಟಿಕೆಗಳ ಬಗ್ಗೆ ಮಾಹಿತಿ ಸಂಗ್ರಹಿಸಿ ಪೊಲೀಸರಿಗೆ ಕಳುಹಿಸುತ್ತಾರೆ. ಆದರೆ, ಪೊಲೀಸರ ಅಧಿಕಾರ ದುರ್ಬಳಕೆ ಮತ್ತು ಕ್ರೂರ ಕೃತ್ಯಗಳನ್ನು ಕಣ್ಣಾರೆ ಕಾಣುವ ಧನುಷ್, ಒಂದು ಹಂತದಲ್ಲಿ ಪೊಲೀಸ್ ಕಡೆಯವರ ವಿರುದ್ಧವೇ ತಿರುಗಿಬೀಳುತ್ತಾರೆ. ಬಳಿಕ ಮಮ್ಮುಟ್ಟಿ ಗ್ಯಾಂಗ್ ಜೊತೆ ಕೈಜೋಡಿಸುವ ಧನುಷ್, ಅನಿರೀಕ್ಷಿತ ತಿರುವು ನೀಡುತ್ತಾರೆ. ಆಮೇಲೆ ಏನಾಯ್ತು ಎಂಬುದೇ ಈ ಚಿತ್ರದ ಕಥಾಸಾರಾಂಶ.

ಈ ಕಥೆ ಕೇಳಿದ್ರೆ ಎಲ್ಲೋ ನೋಡಿದ ಕಥೆ ಥರಾನೇ ಇದೆಯಲ್ಲಾ ಅಂತ ಅನ್ನಿಸಬಹುದು. ಸಿಂಬು ನಟನೆಯ 'ಪತ್ತು ತಲ' ಚಿತ್ರದ ಕಥೆಯೂ ಬಹುತೇಕ ಇದೇ. ಅದು ಮಫ್ತಿ ಎಂಬ ಕನ್ನಡ ಚಿತ್ರದ ರಿಮೇಕ್. ಶಿವರಾಜ್‌ಕುಮಾರ್ ನಟನೆಯ ಮಫ್ತಿ ಚಿತ್ರದ ಕಥೆ ಹಾಗೂ ಓಂ ಚಿತ್ರದ ಕಥೆ ಬಹುತೇಕ ಒಂದೇ ರೀತಿ ಇದೆ ಎಂದು ನೆಟ್ಟಿಗರು ಹೋಲಿಕೆ ಮಾಡುತ್ತಿದ್ದಾರೆ. ಇನ್ನು ಕೆಲವರು ಇದು ಪುಷ್ಪ ಶೈಲಿಯಲ್ಲಿದೆ ಎಂದೂ ಹೇಳುತ್ತಿದ್ದಾರೆ. ಸಿನಿಮಾ ರಿಲೀಸ್ ಆದ್ಮೇಲೆನೇ ಅವೆರಡೂ ಒಂದೇ ಕಥೆನಾ ಅಥವಾ ಬೇರೆ ಬೇರೆ ಸ್ಟೋರೀನಾ ಅನ್ನೋದು ಗೊತ್ತಾಗೋದು.

ಧನುಷ್, ಮಮ್ಮುಟ್ಟಿ, ಸಾಯಿ ಪಲ್ಲವಿ, ಶ್ರೀಲೀಲಾ ಜೊತೆಗೆ ನಾಸಿರುದ್ದೀನ್ ಷಾ, ಇಂದ್ರನ್ಸ್ ಕೂಡ ಚಿತ್ರದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಮಲಯಾಳಂ, ತಮಿಳು ಸಿನಿಮಾ ಪ್ರೇಕ್ಷಕರಿಗೆ ಒಟ್ಟಿಗೆ ಆಸಕ್ತಿ ಮೂಡಿಸುವಂತಹ ತಾರಾಗಣ ಈ ಚಿತ್ರದಲ್ಲಿದೆ. 'ಅಮರನ್' ಎಂಬ ಹಿಟ್ ಚಿತ್ರದ ಮೂಲಕ ಗಮನ ಸೆಳೆದ ರಾಜ್‌ಕುಮಾರ್ ಪೆರಿಯಸ್ವಾಮಿ ಈ ಚಿತ್ರವನ್ನು ಬರೆದು ನಿರ್ದೇಶಿಸಿದ್ದಾರೆ. ಸಾಯಿ ಅಭಿಯಂಕರ್ ಸಂಗೀತ ಮತ್ತು ಹಿನ್ನೆಲೆ ಸಂಗೀತ ಒದಗಿಸುತ್ತಿದ್ದಾರೆ. ಎಳಿಲ್ ಅರಸು ಛಾಯಾಗ್ರಹಣ ಮಾಡುತ್ತಿದ್ದಾರೆ. ಆರ್. ಕಲೈವಣನ್ ಸಂಕಲನ ಮಾಡುತ್ತಿದ್ದಾರೆ. ಯಾನಿಕ್ ಬೆನ್, ಕೆಚಾ ಕಂಬಕ್ಡಿ ಆಕ್ಷನ್ ದೃಶ್ಯಗಳಿಗೆ ನೃತ್ಯ ಸಂಯೋಜಿಸಿದ್ದಾರೆ.

ಮಧುರೈ ಜ್ಯುವೆಲ್ಲರಿ ದರೋಡೆ ಕೇಸ್‌ಗೆ ರೋಚಕ ತಿರುವು: 5 ಕೆಜಿ ಚಿನ್ನದೊಂದಿಗೆ ಸಿಕ್ಕಿಬಿದ್ದ ಖ್ಯಾತ ಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸರ್ ಮೀನಾಕ್ಷಿ

Santosh Naik — Sat, 14 Nov 2026 21:30:38 +0530

ಚೆನ್ನೈ (ನ.14): ತಮಿಳುನಾಡಿನ ಮಧುರೈನಲ್ಲಿ ಭಾರಿ ಸಂಚಲನ ಮೂಡಿಸಿದ್ದ ಬೃಹತ್ ಜ್ಯುವೆಲ್ಲರಿ ದರೋಡೆ ಪ್ರಕರಣಕ್ಕೆ ರೋಚಕ ತಿರುವು ಸಿಕ್ಕಿದ್ದು, ಪ್ರಮುಖ ಸೋಶಿಯಲ್ ಮೀಡಿಯಾ ಇನ್‌ಫ್ಲುಯೆನ್ಸರ್ (Social Media Influencer) ಒಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ. ಪ್ರಕರಣದ ಪ್ರಮುಖ ಆರೋಪಿ ನಿಶಾಂತ್‌ನ ಗೆಳತಿ ಮೀನಾಕ್ಷಿ ಹಾಗೂ ನಿಶಾಂತ್‌ನ ತಂದೆ ಸುರೇಶ್ ಅವರನ್ನು ಮಧುರೈ ನಗರ ಪೊಲೀಸರು ಸೆರೆಹಿಡಿದಿದ್ದು, ಬಂಧಿತರಿಂದ ಸುಮಾರು 5 ಕೆಜಿ ಚಿನ್ನಾಭರಣಗಳನ್ನು ವಶಪಡಿಸಿಕೊಂಡಿದ್ದಾರೆ.

ಸೋಶಿಯಲ್‌ ಮೀಡಿಯಾದಲ್ಲಿ ಸದಾ ಸಕ್ರಿಯರಾಗಿ, ಭಾರಿ ಜನಪ್ರಿಯತೆ ಹೊಂದಿದ್ದ ಮೀನಾಕ್ಷಿ ಅವರ ಬಂಧನ ಸದ್ಯ ಇಡೀ ತಮಿಳುನಾಡಿನಲ್ಲಿ ದೊಡ್ಡ ಮಟ್ಟದ ಚರ್ಚೆಗೆ ಗ್ರಾಸವಾಗಿದೆ. ಕದ್ದ ಚಿನ್ನಾಭರಣಗಳನ್ನು ಬಚ್ಚಿಡಲು ಸಹಾಯ ಮಾಡಿದ ಹಾಗೂ ದರೋಡೆ ವಿಷಯವನ್ನು ಮರೆಮಾಚಿದ ಆರೋಪದ ಮೇಲೆ ಮೀನಾಕ್ಷಿ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.

ಸಿಸಿಟಿವಿ ದೃಶ್ಯ ಮತ್ತು ಪ್ರತ್ಯಕ್ಷದರ್ಶಿಯ ಸಾಕ್ಷ್ಯದಿಂದ ಬಯಲಾದ ಕಳ್ಳಾಟ

ಕಳ್ಳತನ ನಡೆದ ಸ್ಥಳದಲ್ಲಿ ಕಳ್ಳನು ಸಂಚರಿಸಿದ್ದ ಸ್ಕೂಟರ್‌ನ ಸಿಸಿಟಿವಿ ದೃಶ್ಯಾವಳಿಗಳು ತನಿಖೆಯಲ್ಲಿ ನಿರ್ಣಾಯಕವಾದವು. ಇದನ್ನು ಆಧರಿಸಿ ತನಿಖೆ ನಡೆಸಿದ ಪೊಲೀಸರು ಸ್ಥಳೀಯ ನಿವಾಸಿ, 20 ವರ್ಷದ ಯುವಕ ನಿಶಾಂತ್ ಬಗ್ಗೆ ಮಾಹಿತಿ ಕಲೆಹಾಕಿದರು. ನಿನ್ನೆ ರಾತ್ರಿ ಪೊಲೀಸರು ನಿಶಾಂತ್ ಮನೆಯ ಮೇಲೆ ದಾಳಿ ನಡೆಸಿದರಾದರೂ ಯಾವುದೇ ಸುಳಿವು ಸಿಕ್ಕಿರಲಿಲ್ಲ. ಆದರೆ, "ನಿಶಾಂತ್ ಮತ್ತು ಆತನ ತಂದೆ ಸೇರಿ ಮಾಸ್ಕ್‌ ಹಾಗೂ Gloves ಸುಡುತ್ತಿದ್ದುದನ್ನು ತಾನು ನೋಡಿದ್ದೇನೆ ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ನೀಡಿದ ಹೇಳಿಕೆ ಇಡೀ ಪ್ರಕರಣಕ್ಕೆ ತಿರುವು ನೀಡಿತು.

ಪೊಲೀಸರು ತೋರಿಸಿದ ನಿಶಾಂತ್ ಫೋಟೋವನ್ನು ಆ ವ್ಯಕ್ತಿ ಗುರುತಿಸಿದ ತಕ್ಷಣ, ನಿಶಾಂತ್ ತಂದೆ ಸುರೇಶ್ ಅವರನ್ನು ವಶಕ್ಕೆ ಪಡೆಯಲಾಯಿತು. ಬಳಿಕ ತನಿಖೆಯನ್ನು ನಿಶಾಂತ್ ಗೆಳತಿ ಮೀನಾಕ್ಷಿಯತ್ತ ತಿರುಗಿಸಿದ ಪೊಲೀಸರು, ಇಬ್ಬರ ನಡುವಿನ ಸೋಶಿಯಲ್ ಮೀಡಿಯಾ ಚಾಟ್‌ಗಳು ಹಾಗೂ ಫೋನ್ ಕರೆಗಳ ವಿವರಗಳನ್ನು ಸಂಗ್ರಹಿಸಿದಾಗ ಕಳ್ಳತನದಲ್ಲಿ ಮೀನಾಕ್ಷಿಯ ಪಾತ್ರವಿರುವುದು ದೃಢಪಟ್ಟಿತು. ಸಂಜೆಯ ವೇಳೆಗೆ ಇಬ್ಬರ ಬಂಧನವನ್ನು ದಾಖಲಿಸಲಾಯಿತು. ನಿಶಾಂತ್ ಮತ್ತು ಆತನ ತಂದೆ ಸುರೇಶ್ ಸೇರಿ ಈ ಕಳ್ಳತನ ಎಸಗಿದ್ದಾರೆ ಎಂದು ತಿಳಿದುಬಂದಿದೆ.

ಲಿಫ್ಟ್ ಶಾಫ್ಟ್ ಮೂಲಕ ಒಳನುಗ್ಗಿ 11 ಕೆಜಿ ಚಿನ್ನ, 1 ಕೆಜಿ ವಜ್ರ ದೋಚಿದ್ದರು!

ಕಳೆದ ಬುಧವಾರ ರಾತ್ರಿ ಮಧುರೈ ಬೈಪಾಸ್ ರಸ್ತೆಯಲ್ಲಿ ನೂತನವಾಗಿ ಆರಂಭವಾಗಿದ್ದ ಜ್ಯುವೆಲ್ಲರಿ ಶೋರೂಮ್‌ನಲ್ಲಿ ಈ ಭಾರಿ ಕಳ್ಳತನ ನಡೆದಿತ್ತು. ನಿರ್ಮಾಣ ಹಂತದಲ್ಲಿದ್ದ ಕಟ್ಟಡದ ಲಿಫ್ಟ್ ಶಾಫ್ಟ್ (Lift Shaft) ಮೂಲಕ ಶೋರೂಮ್ ಒಳಗೆ ಪ್ರವೇಶಿಸಿದ್ದ ಕಳ್ಳನು, ಬರೋಬ್ಬರಿ 11 ಕಿಲೋಗ್ರಾಂಗಳಿಗೂ ಅಧಿಕ ಚಿನ್ನ ಮತ್ತು ಸುಮಾರು 1 ಕಿಲೋಗ್ರಾಂ ವಜ್ರದ ಆಭರಣಗಳನ್ನು ದೋಚಿ ಪರಾರಿಯಾಗಿದ್ದ. ಶೋರೂಮ್‌ನ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದಾಗ ಕಳ್ಳತನದ ಈ ವಿಶಿಷ್ಟ ರೀತಿ ಬೆಳಕಿಗೆ ಬಂದಿತ್ತು.

ಚೆನ್ನೈಗೆ ಪರಾರಿಯಾಗಿರುವ ಯೂಟ್ಯೂಬರ್ ನಿಶಾಂತ್‌ಗಾಗಿ ತೀವ್ರ ಶೋಧ

ಪ್ರಕರಣದ ಪ್ರಮುಖ ಆರೋಪಿಯಾಗಿರುವ ಯೂಟ್ಯೂಬರ್ ನಿಶಾಂತ್ ಸದ್ಯ ತಲೆಮರೆಸಿಕೊಂಡಿದ್ದಾನೆ. ಕಳ್ಳತನದ ಬಳಿಕ ಆತ ಚೆನ್ನೈಗೆ ಪರಾರಿಯಾಗಿರುವ ಬಗ್ಗೆ ಪೊಲೀಸರಿಗೆ ಮಾಹಿತಿ ಲಭ್ಯವಾಗಿದೆ. ಬಂಧಿತರಿಂದ ಈಗಾಗಲೇ 5 ಕೆಜಿ ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದ್ದು, ಉಳಿದ ಚಿನ್ನ ಮತ್ತು ವಜ್ರದ ಆಭರಣಗಳನ್ನು ವಶಪಡಿಸಿಕೊಳ್ಳಲು ಹಾಗೂ ಪರಾರಿಯಾಗಿರುವ ನಿಶಾಂತ್‌ನನ್ನು ಸೆರೆಹಿಡಿಯಲು ವಿಶೇಷ ತನಿಖಾ ತಂಡಗಳು ತೀವ್ರ ಶೋಧ ಕಾರ್ಯಾಚರಣೆ ನಡೆಸುತ್ತಿವೆ.

ಆಸೆ ಧಾರಾವಾಹಿಯಿಂದ ಸೂರ್ಯ ಔಟ್? ನಿನಾದ್ ಹರಿತ್ಸಾ ದಿಢೀರ್ ಬ್ರೇಕ್ ಹಿಂದಿನ ಅಸಲಿ ಕಾರಣವೇನು?

Pavna Das — Sat, 14 Nov 2026 21:29:50 +0530

Ninad Haritsa: ಸ್ಟಾರ್ ಸುವರ್ಣದಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಧಾರಾವಾಹಿ ‘ಆಸೆ’. ಈ ಧಾರಾವಾಹಿಯಲ್ಲಿ ನಾಯಕ ಸೂರ್ಯ ಪಾತ್ರದಿಂದ ನಿನಾದ್ ಹರಿತ್ಸಾ ಬ್ರೇಕ್ ತೆಗೆದುಕೊಂಡಿದ್ದಾರೆ. ಈ ಬಗ್ಗೆ ನಟ ಕೊನೆಗೂ ಮೌನ ಮುರಿದಿದ್ದಾರೆ.

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುವ ಜನಪ್ರಿಯ ಧಾರಾವಾಹಿ ‘ಆಸೆ’. ಈ ಧಾರಾವಾಹಿಯಲ್ಲಿ ಮೀನಾ ಹಾಗೂ ಸೂರ್ಯ ಜೋಡಿಯನ್ನು ಇಷ್ಟಪಡದೇ ಇರುವ ಜನರೇ ಇಲ್ಲ. ತಮ್ಮ ನೈಜ್ಯ ಅಭಿನಯದ ಮೂಲಕವೇ ಸೂರ್ಯ ಎಲ್ಲಾ ಇಮೋಶನ್ ಗಳನ್ನು ತೆರೆ ಮೇಲೆ ತೋರಿಸುವ ಮೂಲಕ ಜನಪ್ರಿಯತೆ ಪಡೆದಿದ್ದಾರೆ.

ಸೂರ್ಯ ಪಾತ್ರದಲ್ಲಿ ನಟ ನಿನಾದ್ ಹರಿತ್ಸಾ ನಟಿಸುತ್ತಿದ್ದರು. ಈಗಾಗಲೇ ಆಸೆ ಧಾರಾವಾಹಿ 1000 ಕ್ಕೂ ಅಧಿಕ ಸಂಚಿಕೆಗಳನ್ನು ಮುಗಿಸಿದ್ದು, ಇಲ್ಲಿವರೆಗೆ ನಿನಾದ್ ಸೂರ್ಯ ಪಾತ್ರದ ಮೂಲಕ, ಮಿಡಲ್ ಕ್ಲಾಸ್ ಜನರ ಮನ ಗೆದ್ದಿದ್ದರು.

ಇದೀಗ ನಿನಾದ್ ಅವರು ಸೂರ್ಯ ಪಾತ್ರದಿಂದ ಬ್ರೇಕ್ ತೆಗೆದುಕೊಂಡಿದ್ದಾರೆ. ಧಾರಾವಾಹಿಯಲ್ಲಿ ಸೂರ್ಯ ಪಾತ್ರವೇ ಕಾಣಿಸುತ್ತಿಲ್ಲ. ಅವರು ದುಬೈಗೆ ಕೆಲಸಕ್ಕಾಗಿ ಹೋಗಿರುವಂತೆ ತೋರಿಸಲಾಗಿದೆ. ಹಾಗಾಗಿ ಅವರು ಧಾರಾವಾಹಿಯಿಂದ ಹೊರ ಬಂದಿದ್ದಾರೆಯೇ ಎನ್ನುವ ಸಂಶಯ ಮೂಡಿದೆ.

ಧಾರಾವಾಹಿಯಿಂದ ನಿನಾದ್ ಹೊರ ಬಂದಿರುವ ಕುರಿತು ಅವರು ಮಾಹಿತಿ ನೀಡಿರುವುದಾಗಿ ತಿಳಿದು ಬಂದಿದ್ದು, ಧಾರಾವಾಹಿಯಿಂದ ಅವರು ಸಂಪೂರ್ಣವಾಗಿ ಹೊರ ಬಂದಿಲ್ಲ. ಬದಲಾಗಿ, ಸೂರ್ಯ ಪಾತ್ರದಿಂದ ನಿನಾದ್ ಶಾರ್ಟ್ ಅಂದರೆ ತಾತ್ಕಾಲಿಕ ಬ್ರೇಕ್ ತೆಗೆದುಕೊಂಡಿದ್ದಾರೆ.

ಯಾವುದೋ ಪ್ರಮುಖ ಕಾರಣಕ್ಕಾಗಿ ನಿನಾದ್ ಧಾರಾವಾಹಿಯಿಂದ ಬ್ರೇಕ್ ತೆಗೆದುಕೊಂಡಿದ್ದಾರೆ. ಆದರೆ ಕಾರಣ ಏನು ಎಂಬುದನ್ನು ತಿಳಿಸಿಲ್ಲ. ಬದಲಾಗಿ ಆ ಬಗ್ಗೆ ಸಮಯ ಬಂದಾಗ ರಿವೀಲ್ ಮಾಡುತ್ತೇನೆ ಎಂದಿದ್ದಾರೆ ನಿನಾದ್. ಆದರೆ ಸದ್ಯಕ್ಕಂತೂ ಜನ ಸೂರ್ಯ ಪಾತ್ರವನ್ನು ಮಿಸ್ ಮಾಡುತ್ತಿದ್ದಾರೆ.

ಶೀಘ್ರದಲ್ಲೇ ಆಸೆ ಧಾರಾವಾಹಿಗೆ ನಿನಾದ್ ಕಂ ಬ್ಯಾಕ್ ಮಾಡುತ್ತಿರುವುದಾಗಿ ಸಹ ಹೇಳಿದ್ದಾರೆ. ಆದರೆ ಯಾವಾಗ ಮತ್ತೆ ಸೂರ್ಯನನ್ನು ನೋಡಬಹುದು ಎನ್ನುವ ಬಗ್ಗೆ ಮಾಹಿತಿ ಇಲ್ಲ. ಸದ್ಯಕ್ಕಂತೂ ಆಸೆ ಧಾರಾವಾಹಿಯಲ್ಲಿ ಮೀನಾ ಮುಂದೆ ನಿಂತು ಮನೆಯ ಸಮಸ್ಯೆಗಳನ್ನು ದೂರ ಮಾಡುತ್ತಿದ್ದಾಳೆ. ಸೂರ್ಯ ಮತ್ತೆ ಬಂದರೆ ಕಥೆಗೆ ಮತ್ತಷ್ಟು ಟ್ವಿಸ್ಟ್ ಸಿಗಲಿದೆ.

ಸಾವಿನ ಅಂಚಿನಿಂದ ಮರಳಿ ಖಾಕಿ ತೊಟ್ಟ ಗಟ್ಟಿಗಿತ್ತಿಯ ರೋಚಕ ಕಥೆ!

Ganesh Mabla Gowda — Sat, 14 Nov 2026 21:01:09 +0530

ಕೇರಳ ( ನವೆಂಬ್ 14 ) : ಬದುಕಿನ ಕನಸುಗಳಿಗೆ ಕಡಿವಾಣ ಹಾಕಿತ್ತು ಮದುವೆ. ಆದರೂ ಛಲ ಬಿಡದ ಕೇರಳದ ಗಟ್ಟಿಗಿತ್ತಿಯೊಬ್ಬರು ಇವತ್ತು ಲಕ್ಷಾಂತರ ಹೆಣ್ಮಕ್ಕಳಿಗೆ ಸ್ಫೂರ್ತಿಯ ಚಿಲುಮೆ ಆಗಿ ನಿಂತಿದ್ದಾರೆ.

ಹೌದು, ಬದುಕಿನಲ್ಲಿ ಕಷ್ಟಗಳು ಎಷ್ಟೇ ದೊಡ್ಡದಿದ್ದರೂ.. ಅವುಗಳನ್ನು ಎದುರಿಸಿ ನಿಲ್ಲುವ ಛಲ ಒಂದಿದ್ದರೆ ಜೀವನವನ್ನು ಹೇಗೆ ಬದಲಾಯಿಸಿಕೊಳ್ಳಬಹುದು ಎಂಬುದಕ್ಕೆ ಕೇರಳದ ಕೋಝಿಕ್ಕೋಡ್ ಮೂಲದ ನೌಜಿಶಾ ಜೀವನವೇ ದೊಡ್ಡ ಸಾಕ್ಷಿ. ಒಂದು ಕಾಲದಲ್ಲಿ ಪ್ರತಿದಿನ ಪತಿಯಿಂದ ದೈಹಿಕ ಹಲ್ಲೆ ಮತ್ತು ಅವಮಾನ ಸಹಿಸಿಕೊಂಡು ಮಾನಸಿಕವಾಗಿ ಕುಗ್ಗಿಹೋಗಿದ್ದ ಅವರು.. ಇಂದು 32ನೇ ವಯಸ್ಸಿನಲ್ಲಿ ಖಾಕಿ ತೊಟ್ಟು ಪೊಲೀಸ್ ಅಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ..

ಕನಸುಗಳಿಗೆ ಕೊಳ್ಳಿ ಇಟ್ಟ ಪತಿ

ಹೆಸರು ನೌಜಿಶಾ. ಅವರು ಕಂಪ್ಯೂಟರ್ ಅಪ್ಲಿಕೇಶನ್ಸ್ ನಲ್ಲಿ ಸ್ನಾತಕೋತ್ತರ ಪದವಿ ಪಡೆದರು. ಮದುವೆಗೂ ಮುನ್ನ ಅತಿಥಿ ಉಪನ್ಯಾಸಕಿಯಾಗಿ ಕೆಲಸ ಮಾಡುತ್ತಿದ್ದರು. 2013ರಲ್ಲಿ ವಿವಾಹ ನಡೆಯಿತು. ಮದುವೆಯ ನಂತರವೂ ಕೆಲಸ ಮುಂದುವರಿಸುವ ಆಸೆ ಅವರಿಗಿತ್ತು. ಮದುವೆಗೂ ಮುನ್ನ ಒಪ್ಪಿಕೊಂಡಿದ್ದ ಪತಿ, ವಿವಾಹದ ಬಳಿಕ ಮನೆಯಲ್ಲೇ ಇರುವಂತೆ ತಾಕೀತು ಮಾಡಿದ. ಪತಿಯ ಮಾತಿಗೆ ಬೆಲೆ ಕೊಟ್ಟು ನೌಜಿಶಾ ಕೆಲಸ ಬಿಟ್ಟು ಮನೆಯಲ್ಲೇ ಉಳಿದರು.

ದಿನ ಕಳೆದಂತೆ ಆ ಮದುವೆ ಅವರಿಗೆ ಸಂಕೋಲೆಯಂತೆ ಭಾಸವಾಗತೊಡಗಿತು. ಪತಿ ಸಣ್ಣಪುಟ್ಟ ವಿಷಯಕ್ಕೂ ಹಲ್ಲೆ ನಡೆಸಿ, ಮಾನಸಿಕವಾಗಿ ಹಿಂಸಿಸಲು ಆರಂಭಿಸಿದ. ತವರು ಮನೆಯವರು ನೌಜಿಶಾ ಬೆನ್ನಿಗೆ ನಿಂತು ಮನೆಗೆ ವಾಪಸ್ ಬರುವಂತೆ ಹೇಳಿದರೂ, ‘ಸಮಾಜ ಏನೆಂದುಕೊಳ್ಳುತ್ತದೋ’ ಎಂಬ ಭಯದಿಂದ ಅವರು ಪತಿಯ ಮನೆಯಲ್ಲೇ ನೋವುಗಳನ್ನ ನುಂಗಿಕೊಂಡು ಇದ್ದರು.

ಮೂರು ವರ್ಷಗಳ ನಿರಂತರ ಕಿರುಕುಳದಿಂದ ನೌಜಿಶಾ ಸಂಪೂರ್ಣವಾಗಿ ಕುಗ್ಗಿಹೋಗಿದ್ದರು. ಒಂದು ಹಂತದಲ್ಲಿ ಬದುಕೇ ಸಾಕು ಎನಿಸಿ, ಮನೆಯ ಮುಂದಿದ್ದ ಬಾವಿಗೆ ಹಾರಿಲು ನಿರ್ಧರಿಸಿದ್ದರು. ಬಾವಿಯ ಅಂಚಿಗೆ ತಲುಪಿದಾಗ ಅವರ ಹೆಜ್ಜೆಗಳು ನಿಂತವು. ಸಾವಿನ ಬದಲು, ಈ ಕಷ್ಟದ ಪರಿಸ್ಥಿತಿಯ ವಿರುದ್ಧ ಹೋರಾಡಿ ಗೆಲ್ಲಬೇಕು ಎಂಬ ದೃಢ ನಿರ್ಧಾರ ತೆಗೆದುಕೊಂಡರು.

2016ರಲ್ಲಿ ತಮ್ಮ ಒಂದು ವರ್ಷದ ಪುಟ್ಟ ಮಗನನ್ನು ಕರೆದುಕೊಂಡು ಪತಿಯ ಮನೆ ತೊರೆದರು. ಈ ಕಠಿಣ ನಿರ್ಧಾರಕ್ಕೆ ಅವರ ತಂದೆ-ತಾಯಿ ಸಂಪೂರ್ಣ ಬೆಂಬಲ ನೀಡಿದರು. ಪತಿಗೆ ವಿಚ್ಛೇದನ ನೀಡಿದ ಬಳಿಕ ನೌಜಿಶಾ ತಮ್ಮ ಬದುಕನ್ನು ಹೊಸದಾಗಿ ಕಟ್ಟಿಕೊಳ್ಳಲು ಶುರು ಮಾಡಿದರು. ಮಗನ ಜವಾಬ್ದಾರಿಯ ಜೊತೆಗೆ ಮತ್ತೆ ಉಪನ್ಯಾಸಕಿ ವೃತ್ತಿ ಆರಂಭಿಸಿದರು. ಅದರ ನಡುವೆಯೇ ಸರ್ಕಾರಿ ಉದ್ಯೋಗಕ್ಕಾಗಿ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೂ ಹಗಲಿರುಳು ತಯಾರಿ ನಡೆಸಿದರು.

ಅವರ ಕಠಿಣ ಪರಿಶ್ರಮ ಮತ್ತು ಛಲಕ್ಕೆ ತಕ್ಕ ಫಲ ಸಿಕ್ಕಿತು. ಕೇರಳ ಪೊಲೀಸ್ ವಿಶೇಷ ನೇಮಕಾತಿ ಪರೀಕ್ಷೆಯಲ್ಲಿ ಉತ್ತೀರ್ಣರಾಗಿ ಸಿವಿಲ್ ಪೊಲೀಸ್ ಪಡೆಗೆ ಆಯ್ಕೆಯಾದರು. ಇಂದು ಕೇರಳದಲ್ಲಿ ಪೊಲೀಸ್ ಅಧಿಕಾರಿಯಾಗಿ ಜನರನ್ನು ರಕ್ಷಿಸುವ ಜವಾಬ್ದಾರಿ ಹೊತ್ತಿದ್ದಾರೆ.

ಎಂದಿಗೂ ಅಹಂಕಾರಕ್ಕೆ ಜಾಗ ನೀಡುವುದಿಲ್ಲ: ಅಹಂ ಬಗ್ಗೆ ನಟಿ ಶ್ರೀಲೀಲಾ ಕೊಟ್ರು ಸ್ಪಷ್ಟನೆ!

Govindaraj S — Sat, 14 Nov 2026 20:52:34 +0530

ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಸದ್ಯ ಬಹುಬೇಡಿಕೆಯ ನಟಿಯರಲ್ಲಿ ಒಬ್ಬರಾಗಿರುವ ಶ್ರೀಲೀಲಾ, ತಮ್ಮ ವೃತ್ತಿಜೀವನದ ಜೊತೆಗೆ ವೈಯಕ್ತಿಕ ವಿಚಾರಗಳಿಂದಲೂ ಆಗಾಗ ಸುದ್ದಿಯಾಗುತ್ತಿದ್ದಾರೆ. ತೆಲುಗು ಚಿತ್ರರಂಗದ ಮೂಲಕ ಗುರುತಿಸಿಕೊಂಡಿರುವ ಅವರು, ಇದೀಗ ತಮಿಳು ಚಿತ್ರರಂಗದಲ್ಲೂ ತಮ್ಮ ಛಾಪು ಮೂಡಿಸುತ್ತಿದ್ದಾರೆ. ಹೀಗೆ ಬೇರೆ ಬೇರೆ ಭಾಷೆಗಳ ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ನಟಿಯ ಬಗ್ಗೆ ಚಿತ್ರರಂಗದಲ್ಲಿ ಅವರ ವರ್ತನೆ ಹಾಗೂ ಇತರರೊಂದಿಗಿನ ಒಡನಾಟದ ಕುರಿತು ಹಲವು ಚರ್ಚೆಗಳು ನಡೆಯುತ್ತಿವೆ. ಇದೀಗ ಈ ಎಲ್ಲ ಊಹಾಪೋಹಗಳಿಗೆ ಶ್ರೀಲೀಲಾ ಸ್ಪಷ್ಟನೆ ನೀಡಿದ್ದಾರೆ.

ಚಿತ್ರರಂಗದಲ್ಲಿ ಇತರರೊಂದಿಗೆ ನಡೆದುಕೊಳ್ಳುವ ರೀತಿ ಹಾಗೂ ತಮ್ಮಲ್ಲಿ ಅಹಂ ಇದೆಯೇ ಎಂಬ ಪ್ರಶ್ನೆಗಳಿಗೆ ಉತ್ತರಿಸಿರುವ ಶ್ರೀಲೀಲಾ, ತಾವು ಯಾರನ್ನೂ ಅಹಂನ ದೃಷ್ಟಿಯಿಂದ ನೋಡುವುದಿಲ್ಲ ಎಂದು ಹೇಳಿದ್ದಾರೆ. ವೃತ್ತಿಪರ ಸಂಬಂಧಗಳಲ್ಲಿ ಎಂದಿಗೂ ಅಹಂಕಾರಕ್ಕೆ ಜಾಗ ನೀಡುವುದಿಲ್ಲ ಎಂಬುದನ್ನು ತಮ್ಮ ಮಾತುಗಳ ಮೂಲಕ ಸ್ಪಷ್ಟಪಡಿಸಿದ್ದಾರೆ.

ಅಹಂ ಇಟ್ಟುಕೊಂಡು ನಡೆದುಕೊಳ್ಳುವುದಿಲ್ಲ

ತಮ್ಮನ್ನು ಇತರರಿಗಿಂತ ಮೇಲಿನವರು ಎಂದು ಭಾವಿಸುವ ಮನೋಭಾವ ತಮಗಿಲ್ಲ ಎಂಬುದನ್ನು ನಟಿ ಪರೋಕ್ಷವಾಗಿ ತಿಳಿಸಿದ್ದಾರೆ. ಚಿತ್ರರಂಗದ ಸಹ ಕಲಾವಿದರು, ತಂತ್ರಜ್ಞರು ಸೇರಿದಂತೆ ಯಾರೊಂದಿಗಿನ ಒಡನಾಟದಲ್ಲೂ ಅಹಂ ಇಟ್ಟು ಕೊಂಡು ನಡೆದುಕೊಳ್ಳುವುದಿಲ್ಲ ಎಂಬುದು ಅವರ ಮಾತಿನ ಸಾರ.

ಇತ್ತೀಚಿನ ದಿನಗಳಲ್ಲಿ ಶ್ರೀಲೀಲಾ ತೆಲುಗು ಚಿತ್ರರಂಗದ ಗಡಿಯನ್ನು ದಾಟಿ ದಕ್ಷಿಣ ಭಾರತದ ಇತರ ಭಾಷೆಗಳಲ್ಲೂ ತಮ್ಮ ವೃತ್ತಿಜೀವನವನ್ನು ವಿಸ್ತರಿಸಿಕೊಳ್ಳುತ್ತಿದ್ದಾರೆ. ವಿವಿಧ ಭಾಷೆಗಳ ಪ್ರೇಕ್ಷಕರಿಂದ ಸಿಗುತ್ತಿರುವ ಪ್ರೀತಿ ಹಾಗೂ ಪ್ರೋತ್ಸಾಹಕ್ಕೆ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಅವರ ಜನಪ್ರಿಯತೆ ಹೆಚ್ಚಾಗುತ್ತಿದ್ದಂತೆ ವೈಯಕ್ತಿಕ ಅಭಿಪ್ರಾಯಗಳು, ಹೇಳಿಕೆಗಳು ಹಾಗೂ ವೃತ್ತಿಪರ ನಿರ್ಧಾರಗಳ ಬಗ್ಗೆಯೂ ಅಭಿಮಾನಿಗಳ ಗಮನ ಹೆಚ್ಚಾಗಿದೆ.

ಯಾರೊಂದಿಗೂ ಅಹಂ ಇಲ್ಲ

ಹೀಗಾಗಿ, ತಮ್ಮ ವ್ಯಕ್ತಿತ್ವ ಮತ್ತು ವರ್ತನೆಯ ಕುರಿತು ಕೇಳಿಬರುತ್ತಿರುವ ಮಾತುಗಳಿಗೆ ಶ್ರೀಲೀಲಾ ನೀಡಿರುವ ಈ ಉತ್ತರ ಇದೀಗ ಗಮನ ಸೆಳೆಯುತ್ತಿದೆ. ಚಿತ್ರರಂಗದಲ್ಲಿ ಯಾರೊಂದಿಗೂ ಅಹಂ ಇಟ್ಟುಕೊಂಡು ನಡೆದುಕೊಳ್ಳುವುದಿಲ್ಲ ಎಂಬುದನ್ನು ಅವರು ಸ್ಪಷ್ಟಪಡಿಸಿದ್ದಾರೆ.

ಇನ್ನು ದಕ್ಷಿಣ ಭಾರತದ ಹಲವು ಚಿತ್ರರಂಗಗಳಲ್ಲಿ ತಮ್ಮ ವೃತ್ತಿಜೀವನವನ್ನು ವಿಸ್ತರಿಸಿಕೊಳ್ಳುತ್ತಿರುವ ಶ್ರೀಲೀಲಾ, ಯುವ ನಟಿಯರ ಪೈಕಿ ಹೆಚ್ಚು ಗಮನ ಸೆಳೆಯುತ್ತಿರುವ ಕಲಾವಿದೆಯಾಗಿದ್ದಾರೆ. ಒಂದೆಡೆ ಸಿನಿಮಾಗಳ ಮೂಲಕ ಪ್ರೇಕ್ಷಕರ ಮನಗೆಲ್ಲುತ್ತಿರುವ ಅವರು, ಮತ್ತೊಂದೆಡೆ ತಮ್ಮ ಹೇಳಿಕೆಗಳ ಮೂಲಕವೂ ಸುದ್ದಿಯಲ್ಲಿದ್ದಾರೆ.

ನಮ್ಮ ಮೆಟ್ರೋ Yellow Line ಪ್ರಯಾಣಿಕರಿಗೆ ಗುಡ್‌ನ್ಯೂಸ್: ನ.16ರಿಂದ ಹೆಚ್ಚುವರಿ ರೈಲು ಸೇರ್ಪಡೆ, ಇನ್ನು ಪ್ರತಿ 5.5 ನಿಮಿಷಕ್ಕೊಮ್ಮೆ ರೈಲು

Santosh Naik — Sat, 14 Nov 2026 20:41:04 +0530

ಬೆಂಗಳೂರು (ನ.14): ರಾಜಧಾನಿ ಬೆಂಗಳೂರಿನ 'ನಮ್ಮ ಮೆಟ್ರೋ' ಹಳದಿ ಮಾರ್ಗದಲ್ಲಿ (Yellow Line) ನಿತ್ಯ ಸಂಚರಿಸುವ ಲಕ್ಷಾಂತರ ಪ್ರಯಾಣಿಕರಿಗೆ ಬೆಂಗಳೂರು ಮೆಟ್ರೋ ರೈಲು ನಿಗಮ ನಿಯಮಿತ (BMRCL) ಸಿಹಿ ಸುದ್ದಿ ನೀಡಿದೆ: ನವೆಂಬರ್ 16, 2026ರ ಸೋಮವಾರದಿಂದ ಹಳದಿ ಮಾರ್ಗದಲ್ಲಿ ಪ್ರಯಾಣಿಕರ ಸೇವೆಗೆ ಮತ್ತೊಂದು ಹೆಚ್ಚುವರಿ ರೈಲನ್ನು ಸೇರ್ಪಡೆಗೊಳಿಸಲಾಗುತ್ತಿದೆ.

ನವೆಂಬರ್ 14ರಂದು ಬಿಎಂಆರ್‌ಸಿಎಲ್ ಮುಖ್ಯ ಸಾರ್ವಜನಿಕ ಸಂಪರ್ಕಾಧಿಕಾರಿಗಳು ಬಿಡುಗಡೆ ಮಾಡಿರುವ ಅಧಿಕೃತ ಮಾಧ್ಯಮ ಪ್ರಕಟಣೆಯ ಪ್ರಕಾರ, ಈ ಹೆಚ್ಚುವರಿ ರೈಲಿನ ಸೇರ್ಪಡೆಯೊಂದಿಗೆ ಹಳದಿ ಮಾರ್ಗದಲ್ಲಿ ಪ್ರತಿದಿನ ಸಂಚರಿಸುವ ಒಟ್ಟು ರೈಲುಗಳ ಸಂಖ್ಯೆ 13ಕ್ಕೆ ಏರಿಕೆಯಾಗಲಿದೆ. ರೈಲುಗಳ ಸಂಚಾರದ ಆವರ್ತನವನ್ನು (Frequency) ಹೆಚ್ಚಿಸುವ ಮೂಲಕ ನಿಲ್ದಾಣಗಳಲ್ಲಿ ಪ್ರಯಾಣಿಕರು ಕಾಯುವ ಸಮಯವನ್ನು ಕಡಿಮೆ ಮಾಡುವುದು ನಿಗಮದ ಮುಖ್ಯ ಉದ್ದೇಶವಾಗಿದೆ.

ಪರಿಷ್ಕೃತ ರೈಲು ಸಂಚಾರದ ಆವರ್ತನ ಹೇಗಿರಲಿದೆ?

ನವೆಂಬರ್ 16ರಿಂದ ಹಳದಿ ಮಾರ್ಗದಲ್ಲಿ ರೈಲುಗಳ ಸಂಚಾರದ ಸಮಯವನ್ನು ಈ ಕೆಳಗಿನಂತೆ ಪರಿಷ್ಕರಿಸಲಾಗಿದೆ. ಸೋಮವಾರದಿಂದ ಶುಕ್ರವಾರದವರೆಗೆ ದಟ್ಟಣೆಯ ಅವಧಿಯಲ್ಲಿ ಪ್ರಸ್ತುತ ಇರುವ 6 ನಿಮಿಷಗಳ ಅಂತರದ ಬದಲಾಗಿ, ಇನ್ನು ಮುಂದೆ ಪ್ರತಿ 5.5 ನಿಮಿಷಗಳಿಗೊಮ್ಮೆ ರೈಲುಗಳು ಸಂಚರಿಸಲಿವೆ. ದಟ್ಟಣೆ ಇಲ್ಲದ ಅವಧಿಯಲ್ಲಿ (Non-Peak Hours) ಪ್ರತಿ 10 ನಿಮಿಷಗಳಿಗೊಮ್ಮೆ ರೈಲುಗಳ ಸೇವೆ ಲಭ್ಯವಿರಲಿದೆ. ಶನಿವಾರ ಮತ್ತು ಭಾನುವಾರ ಅಂದರೆ ವಾರಾಂತ್ಯದಲ್ಲಿ ಪ್ರತಿ 10 ನಿಮಿಷಗಳಿಗೊಮ್ಮೆ ರೈಲುಗಳು ಸಂಚರಿಸಲಿವೆ.

ಮೊದಲ ಮತ್ತು ಕೊನೆಯ ರೈಲಿನ ಸಮಯದಲ್ಲಿ ಬದಲಾವಣೆ ಇಲ್ಲ

ವಾರದ ಯಾವುದೇ ದಿನಗಳಲ್ಲಿ ಹಳದಿ ಮಾರ್ಗದ ಕೊನೆಯ ನಿಲ್ದಾಣಗಳಾದ ಆರ್.ವಿ. ರಸ್ತೆ (RV Road) ಮತ್ತು ಬೊಮ್ಮಸಂದ್ರ (Bommasandra) ಮೆಟ್ರೋ ನಿಲ್ದಾಣಗಳಿಂದ ಹೊರಡುವ ಮೊದಲ ಮತ್ತು ಕೊನೆಯ ರೈಲುಗಳ ಸಮಯದಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ ಎಂದು ಬಿಎಂಆರ್‌ಸಿಎಲ್ ಸ್ಪಷ್ಟಪಡಿಸಿದೆ. ಪ್ರಯಾಣಿಕರು ಈ ಪರಿಷ್ಕೃತ ರೈಲು ಸಂಚಾರದ ಆವರ್ತನವನ್ನು ಗಮನದಲ್ಲಿಟ್ಟುಕೊಂಡು, ಸುಧಾರಿತ ಮೆಟ್ರೋ ಸೇವೆಗಳ ಸದುಪಯೋಗ ಪಡೆದುಕೊಳ್ಳುವಂತೆ ನಿಗಮವು ಮನವಿ ಮಾಡಿದೆ.

ನನ್ನ ಬಳಿ ಯಾರೂ ಫ್ಲರ್ಟ್ ಮಾಡಲ್ಲ, ಪ್ರಪೋಸ್ ಮಾಡಲ್ಲ: ನಟಿ ಶ್ರುತಿ ಹಾಸನ್ ಅಂದ್ರೆ ಭಯನಾ?

Govindaraj S — Sat, 14 Nov 2026 20:31:14 +0530

ನಟಿ ಹಾಗೂ ಗಾಯಕಿ ಶ್ರುತಿ ಹಾಸನ್ ತಮ್ಮ ವೈಯಕ್ತಿಕ ಜೀವನ, ಪ್ರೀತಿ ಮತ್ತು ಮದುವೆಯ ವಿಚಾರವಾಗಿ ಮುಕ್ತವಾಗಿ ಮಾತನಾಡಿದ್ದಾರೆ. ಇತ್ತೀಚೆಗೆ ಎಸ್‌ಎಸ್ ಮ್ಯೂಸಿಕ್‌ಗೆ ನೀಡಿದ ಸಂದರ್ಶನದಲ್ಲಿ ಮದುವೆ ಕುರಿತ ಪ್ರಶ್ನೆಗಳಿಗೆ ಉತ್ತರಿಸಿರುವ ಅವರು, ಜೀವನದಲ್ಲಿ ಮದುವೆ ಎಂಬುದಕ್ಕೆ ಯಾವುದೇ ಗಡುವು ಅಥವಾ ನಿಗದಿತ ಸಮಯವನ್ನು ಇಟ್ಟುಕೊಂಡಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಅಷ್ಟೇ ಅಲ್ಲ, ಪ್ರೀತಿ ಮತ್ತು ಸಂಬಂಧಗಳ ಬಗ್ಗೆ ತಮ್ಮದೇ ಆದ ವಿಭಿನ್ನ ಅಭಿಪ್ರಾಯಗಳನ್ನು ಹಂಚಿಕೊಂಡಿದ್ದಾರೆ.

ಮದುವೆ ಬಗ್ಗೆ ಮಾತನಾಡಿರುವ ಶ್ರುತಿ ಹಾಸನ್, ತನಗೆ ಕುಟುಂಬದ ಪರಿಕಲ್ಪನೆ ಇಷ್ಟ ಎಂದು ಹೇಳಿದ್ದಾರೆ. ಮುಂದೊಂದು ದಿನ ತಾಯಿಯಾಗುವ ಆಸೆಯೂ ಇದೆ ಎಂದು ಒಪ್ಪಿಕೊಂಡಿದ್ದಾರೆ. ಆದರೆ, ಒಬ್ಬರ ಮೇಲಿನ ಪ್ರೀತಿ ಹಾಗೂ ಬದ್ಧತೆಯನ್ನು ಸಾಬೀತುಪಡಿಸಲು ಮದುವೆಯ ಪ್ರಮಾಣಪತ್ರವೇ ಬೇಕೆಂದಿಲ್ಲ ಎಂಬುದು ಅವರ ಅಭಿಪ್ರಾಯ. ನಿಜವಾದ ಸಂಬಂಧ ಎಂದರೆ ಪ್ರತಿದಿನವೂ ಸಂಗಾತಿಯನ್ನು ಪ್ರೀತಿಯಿಂದ ಆಯ್ಕೆ ಮಾಡಿಕೊಳ್ಳುವುದು ಮತ್ತು ಆ ಸಂಬಂಧವನ್ನು ಮನಃಪೂರ್ವಕವಾಗಿ ಮುಂದುವರಿಸುವುದು ಎಂದು ಹೇಳಿದ್ದಾರೆ.

ಇನ್ನು ಮದುವೆ ವಿಚಾರದಲ್ಲಿ ತಮ್ಮ ತಂದೆ-ತಾಯಿ ಎಂದಿಗೂ ಒತ್ತಡ ಹೇರಿಲ್ಲ ಎಂಬುದನ್ನೂ ಶ್ರುತಿ ಬಹಿರಂಗಪಡಿಸಿದ್ದಾರೆ. ತಾವು ಸಂತೋಷವಾಗಿರಬೇಕು ಎಂಬುದಷ್ಟೇ ಅವರ ಪೋಷಕರ ಬಯಕೆ. ಹೀಗಾಗಿ, ಮದುವೆಯಾಗಲೇಬೇಕು ಎಂಬ ಯಾವುದೇ ಒತ್ತಡವಿಲ್ಲದೆ ತಮ್ಮ ಜೀವನದ ನಿರ್ಧಾರಗಳನ್ನು ತಾವೇ ತೆಗೆದುಕೊಳ್ಳುತ್ತಿರುವುದಾಗಿ ತಿಳಿಸಿದ್ದಾರೆ.

ನನ್ನ ಬಳಿ ಯಾರೂ ಫ್ಲರ್ಟ್ ಮಾಡಲ್ಲ!

ಸಂದರ್ಶನದಲ್ಲಿ ತಮ್ಮ ಡೇಟಿಂಗ್ ಅನುಭವಗಳ ಬಗ್ಗೆಯೂ ಶ್ರುತಿ ಹಾಸನ್ ತಮಾಷೆಯಾಗಿ ಮಾತನಾಡಿದ್ದಾರೆ. ಅಚ್ಚರಿಯ ಸಂಗತಿಯೆಂದರೆ, ತಮ್ಮ ಬಳಿ ಯಾರೂ ಬಂದು ಮಾತನಾಡುವುದಿಲ್ಲ, ಫ್ಲರ್ಟ್ ಮಾಡುವುದಿಲ್ಲ ಅಥವಾ ಪ್ರಪೋಸ್ ಕೂಡ ಮಾಡುವುದಿಲ್ಲ ಎಂದು ನಗುತ್ತಲೇ ಹೇಳಿದ್ದಾರೆ. ಬಹುಶಃ ಜನರಿಗೆ ತಾವು ಸ್ವಲ್ಪ ಭಯ ಹುಟ್ಟಿಸುವ ವ್ಯಕ್ತಿಯಂತೆ ಕಾಣಿಸಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಆದರೆ, ತಮ್ಮ ಒಳಗಿನ ವ್ಯಕ್ತಿತ್ವ ಹಾಗಿಲ್ಲ. ತಾವು ಒಳಗಿನಿಂದ ತುಂಬಾ ‘ಹಲೋ ಕಿಟ್ಟಿ’ ಮತ್ತು ‘ಕುರೋಮಿ’ ಸ್ವಭಾವದವರು ಎಂದು ತಮಾಷೆಯಾಗಿ ವಿವರಿಸಿದ್ದಾರೆ.

ಪ್ರೀತಿ ಎಂದರೆ ಸದಾ ಜೊತೆಯಲ್ಲಿರುವುದಲ್ಲ!

ಪ್ರೀತಿ ಮತ್ತು ರೊಮ್ಯಾನ್ಸ್ ಬಗ್ಗೆ ತಮ್ಮದೇ ಆದ ನಿಲುವು ಹೊಂದಿರುವ ಶ್ರುತಿ, ಪ್ರೀತಿ ಎಂದರೆ ಸಾಂಪ್ರದಾಯಿಕವಾಗಿ ಡಿನ್ನರ್ ಡೇಟ್‌ಗೆ ಹೋಗುವುದು ಅಥವಾ ಪ್ರತಿಕ್ಷಣವೂ ಒಟ್ಟಿಗೆ ಕಳೆಯುವುದು ಮಾತ್ರವಲ್ಲ ಎಂದಿದ್ದಾರೆ. ಸಂಬಂಧದಲ್ಲಿ ಒಬ್ಬರಿಗೊಬ್ಬರು ವೈಯಕ್ತಿಕ ಸ್ವಾತಂತ್ರ್ಯ ಮತ್ತು ಸ್ಪೇಸ್ ನೀಡುವುದು ಕೂಡ ಅಷ್ಟೇ ಮುಖ್ಯ ಎಂದು ಹೇಳಿದ್ದಾರೆ. ತಮ್ಮದೇ ಆದ ವ್ಯಕ್ತಿತ್ವವನ್ನು ಉಳಿಸಿಕೊಂಡು, ಪರಸ್ಪರ ಸ್ವಾತಂತ್ರ್ಯಕ್ಕೆ ಗೌರವ ನೀಡುತ್ತಾ ಬದುಕಬೇಕು. ಆ ಸ್ವಾತಂತ್ರ್ಯದ ನಡುವೆಯೂ ಮತ್ತೆ ಮತ್ತೆ ಒಬ್ಬರ ಬಳಿಗೆ ಮತ್ತೊಬ್ಬರು ಸಹಜವಾಗಿ ಮರಳುವಂತಿರಬೇಕು. ಅಂತಹ ಸಂಬಂಧವೇ ಅರ್ಥಪೂರ್ಣವಾದದ್ದು ಎಂಬುದು ಶ್ರುತಿ ಅಭಿಪ್ರಾಯ.

ಮಾಜಿ ಪ್ರೇಮಿಯ ಜೊತೆ ಈಗಲೂ ಉತ್ತಮ ಸಂಬಂಧ!

ಇನ್ನು ತಮ್ಮ ಇತ್ತೀಚಿನ ಮಾಜಿ ಸಂಗಾತಿಯೊಂದಿಗಿನ ಸಂಬಂಧದ ಬಗ್ಗೆಯೂ ನಟಿ ಮುಕ್ತವಾಗಿ ಮಾತನಾಡಿದ್ದಾರೆ. ಆತ ಒಳ್ಳೆಯ ವ್ಯಕ್ತಿ ಹಾಗೂ ಪ್ರತಿಭಾವಂತ ಕಲಾವಿದ ಎಂದು ಮೆಚ್ಚುಗೆ ವ್ಯಕ್ತಪಡಿಸಿರುವ ಶ್ರುತಿ, ಇಬ್ಬರೂ ಈಗಲೂ ಪರಸ್ಪರ ಗೌರವದಿಂದ ನಡೆದುಕೊಳ್ಳುತ್ತಿರುವುದಾಗಿ ಹೇಳಿದ್ದಾರೆ. ಆದರೆ, ಬ್ರೇಕಪ್ ಆದ ಬಳಿಕ ಮಾಜಿ ಪ್ರೇಮಿಗಳು ಮತ್ತೆ ಬೆಸ್ಟ್ ಫ್ರೆಂಡ್ಸ್ ಆಗಿರಲು ಸಾಧ್ಯವಿಲ್ಲ ಎಂಬುದು ತಮ್ಮ ನಂಬಿಕೆ ಎಂದು ತಿಳಿಸಿದ್ದಾರೆ. ಸಂಬಂಧ ಮುಗಿದ ಬಳಿಕವೂ ಆರೋಗ್ಯಕರ ಅಂತರ ಮತ್ತು ಮಿತಿಗಳನ್ನು ಕಾಪಾಡಿಕೊಳ್ಳುವುದು ಮುಖ್ಯ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಸಮಾಜದ ದೊಡ್ಡ ಸಮಸ್ಯೆಯೇ ನಿರ್ಲಕ್ಷ್ಯ!

ಪ್ರೀತಿ, ಮದುವೆ ವಿಚಾರಗಳ ಜೊತೆಗೆ ಸಮಾಜದ ಬಗ್ಗೆಯೂ ಶ್ರುತಿ ಹಾಸನ್ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಇಂದಿನ ಸಮಾಜದಲ್ಲಿ ಎಲ್ಲರೂ ತೋರಿಸುತ್ತಿರುವ ಸಾಮೂಹಿಕ ನಿರ್ಲಕ್ಷ್ಯವೇ ದೊಡ್ಡ ಸಮಸ್ಯೆ ಎಂದು ಹೇಳಿದ್ದಾರೆ. ಜಗತ್ತಿನಲ್ಲಿ ನಡೆಯುವ ದುರಂತಗಳು, ಜನರ ನೋವು ಮತ್ತು ಸಂಕಷ್ಟಗಳನ್ನು ಕಂಡರೂ ಅವುಗಳ ಬಗ್ಗೆ ಕಾಳಜಿ ತೋರಿಸದೆ ಸುಮ್ಮನೆ ಸಾಮಾಜಿಕ ಜಾಲತಾಣಗಳಲ್ಲಿ ಸ್ಕ್ರಾಲ್ ಮಾಡಿಕೊಂಡು ಹೋಗುವ ಮನೋಭಾವವನ್ನು ಟೀಕಿಸಿದ್ದಾರೆ.

ಇನ್ನು ಮಾನವೀಯ ಸಂಕಷ್ಟಗಳನ್ನು ಮತ್ತೊಂದು ಸಾಮಾನ್ಯ ಸುದ್ದಿಯಂತೆ ಪರಿಗಣಿಸಿ ಮರೆತುಬಿಡುವುದು ಸರಿಯಲ್ಲ ಎಂಬ ಸಂದೇಶ ನೀಡಿದ್ದಾರೆ. ಮದುವೆ, ಪ್ರೀತಿ, ವೈಯಕ್ತಿಕ ಸ್ವಾತಂತ್ರ್ಯ ಹಾಗೂ ಜೀವನದ ಆಯ್ಕೆಗಳ ಬಗ್ಗೆ ಶ್ರುತಿ ಹಾಸನ್ ತಮ್ಮದೇ ಆದ ಸ್ವತಂತ್ರ ನಿಲುವನ್ನು ಮತ್ತೊಮ್ಮೆ ಸ್ಪಷ್ಟಪಡಿಸಿದ್ದಾರೆ. ಸಮಾಜದ ಸಾಂಪ್ರದಾಯಿಕ ನಿರೀಕ್ಷೆಗಳಿಗೆ ಬದ್ಧರಾಗದೆ, ತಮಗೆ ಇಷ್ಟವಾದ ರೀತಿಯಲ್ಲಿ ಬದುಕುವುದು ಮುಖ್ಯ ಎಂಬ ಅವರ ಮಾತುಗಳು ಇದೀಗ ಗಮನ ಸೆಳೆಯುತ್ತಿವೆ.

ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಮೊಸರು ತಿಂದರೆ ಏನಾಗುತ್ತೆ? ಯಾರು ತಿನ್ನಬಾರದು? ಇಲ್ಲಿದೆ ನೋಡಿ ಎಲ್ಲಾ ಮಾಹಿತಿ

Shriram Bhat — Sat, 14 Nov 2026 20:09:47 +0530

ಸಾಮಾನ್ಯವಾಗಿ ಮೊಸರನ್ನು ಬೇಸಿಗೆಯಲ್ಲಿ ಹೆಚ್ಚು ಸೇವಿಸುವ ಅಭ್ಯಾಸವಿದೆ. ಆದರೆ ಚಳಿಗಾಲದಲ್ಲೂ ಮೊಸರನ್ನು ಆಹಾರದಲ್ಲಿ ಸೇರಿಸಿಕೊಳ್ಳಬಹುದೇ? ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಮೊಸರು ತಿನ್ನುವುದರಿಂದ ಯಾವೆಲ್ಲ ಪ್ರಯೋಜನಗಳಿವೆ ಎಂಬುದನ್ನು ತಿಳಿದುಕೊಳ್ಳೋಣ. ಯಾರಿಗೆ ಬೇಡCurd Benefits

ಚಳಿಗಾಲದಲ್ಲಿ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಮೊಸರು ತಿನ್ನುವ ಅಭ್ಯಾಸವಿದೆಯೇ? ಜೀರ್ಣಕ್ರಿಯೆಯಿಂದ ರೋಗನಿರೋಧಕ ಶಕ್ತಿವರೆಗೆ ಹಲವು ಪ್ರಯೋಜನಗಳು!

ಆರೋಗ್ಯಕರ ಜೀವನಶೈಲಿ ಪಾಲಿಸಬೇಕೆಂದರೆ ಬೆಳಗಿನ ಆಹಾರ ಪದ್ಧತಿಯ ಕಡೆಗೆ ವಿಶೇಷ ಗಮನ ನೀಡಬೇಕು. ಅದರಲ್ಲೂ ಬೆಳಗ್ಗೆ ಎದ್ದ ತಕ್ಷಣ ಖಾಲಿ ಹೊಟ್ಟೆಯಲ್ಲಿ ಏನು ಸೇವಿಸುತ್ತೇವೆ ಎಂಬುದು ದಿನವಿಡೀ ದೇಹದ ಚಟುವಟಿಕೆಗಳ ಮೇಲೆ ಪರಿಣಾಮ ಬೀರಬಹುದು. ಸಾಮಾನ್ಯವಾಗಿ ಮೊಸರನ್ನು ಬೇಸಿಗೆಯಲ್ಲಿ ಹೆಚ್ಚು ಸೇವಿಸುವ ಅಭ್ಯಾಸವಿದೆ. ಆದರೆ ಚಳಿಗಾಲದಲ್ಲೂ ಮೊಸರನ್ನು ಆಹಾರದಲ್ಲಿ ಸೇರಿಸಿಕೊಳ್ಳಬಹುದೇ? ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಮೊಸರು ತಿನ್ನುವುದರಿಂದ ಯಾವೆಲ್ಲ ಪ್ರಯೋಜನಗಳಿವೆ ಎಂಬುದನ್ನು ತಿಳಿದುಕೊಳ್ಳೋಣ.

ಮೊಸರು ಕೇವಲ ರುಚಿಕರ ಆಹಾರವಲ್ಲ, ಪೋಷಕಾಂಶಗಳ ಉತ್ತಮ ಮೂಲವೂ ಹೌದು. ಇದರಲ್ಲಿ ಪ್ರೋಟೀನ್, ಕ್ಯಾಲ್ಸಿಯಂ, ವಿಟಮಿನ್ ಬಿ12, ವಿಟಮಿನ್ ಬಿ2 ಹಾಗೂ ಪೊಟ್ಯಾಸಿಯಂ ಇರುತ್ತವೆ. ಜೊತೆಗೆ ಕರುಳಿನ ಆರೋಗ್ಯಕ್ಕೆ ನೆರವಾಗುವ ಪ್ರೋಬಯಾಟಿಕ್‌ಗಳೂ ದೊರೆಯುತ್ತವೆ.

1. ಜೀರ್ಣಕ್ರಿಯೆ ಸುಧಾರಿಸಲು ನೆರವು

ಮೊಸರಿನಲ್ಲಿರುವ ಉತ್ತಮ ಬ್ಯಾಕ್ಟೀರಿಯಾಗಳು ಕರುಳಿನ ಆರೋಗ್ಯ ಕಾಪಾಡಲು ಸಹಾಯ ಮಾಡುತ್ತವೆ. ನಿಯಮಿತವಾಗಿ ಮಿತ ಪ್ರಮಾಣದಲ್ಲಿ ಮೊಸರು ಸೇವಿಸುವುದರಿಂದ ಜೀರ್ಣಕ್ರಿಯೆಗೆ ಬೆಂಬಲ ದೊರೆಯಬಹುದು. ಅಜೀರ್ಣದ ಸಮಸ್ಯೆ ಎದುರಿಸುವವರಿಗೂ ಇದು ಆಹಾರದ ಉತ್ತಮ ಆಯ್ಕೆಯಾಗಬಹುದು.

2. ದೇಹಕ್ಕೆ ಅಗತ್ಯ ಪೋಷಕಾಂಶಗಳ ಪೂರೈಕೆ

ಮೊಸರಿನಲ್ಲಿರುವ ಕ್ಯಾಲ್ಸಿಯಂ ಮೂಳೆ ಮತ್ತು ಹಲ್ಲುಗಳ ಆರೋಗ್ಯಕ್ಕೆ ಮುಖ್ಯವಾಗಿದೆ. ಪ್ರೋಟೀನ್ ಸ್ನಾಯುಗಳ ನಿರ್ವಹಣೆಗೆ ಸಹಕಾರಿಯಾಗಿದೆ. ಅಲ್ಲದೆ ವಿಟಮಿನ್ ಬಿ12 ಸೇರಿದಂತೆ ಹಲವು ಪೋಷಕಾಂಶಗಳು ದೇಹದ ಸಾಮಾನ್ಯ ಕಾರ್ಯಚಟುವಟಿಕೆಗಳಿಗೆ ನೆರವಾಗುತ್ತವೆ.

3. ರೋಗನಿರೋಧಕ ಶಕ್ತಿಗೆ ಬೆಂಬಲ

ಕರುಳಿನ ಆರೋಗ್ಯಕ್ಕೂ ರೋಗನಿರೋಧಕ ವ್ಯವಸ್ಥೆಗೂ ನಿಕಟ ಸಂಬಂಧವಿದೆ. ಮೊಸರಿನಲ್ಲಿರುವ ಪ್ರೋಬಯಾಟಿಕ್‌ಗಳು ಕರುಳಿನಲ್ಲಿನ ಉತ್ತಮ ಬ್ಯಾಕ್ಟೀರಿಯಾಗಳ ಸಮತೋಲನ ಕಾಪಾಡಲು ನೆರವಾಗುತ್ತವೆ.

4. ಚರ್ಮದ ಆರೋಗ್ಯಕ್ಕೂ ಸಹಕಾರಿ

ಸಮತೋಲಿತ ಆಹಾರ ಸೇವನೆ ಚರ್ಮದ ಆರೋಗ್ಯಕ್ಕೂ ಮುಖ್ಯ. ಮೊಸರಿನಲ್ಲಿರುವ ಪೋಷಕಾಂಶಗಳು ಒಟ್ಟಾರೆ ಆರೋಗ್ಯಕ್ಕೆ ನೆರವಾಗುತ್ತವೆ. ಹಣ್ಣುಗಳೊಂದಿಗೆ ಮೊಸರು ಸೇವಿಸಿದರೆ ನಾರಿನಾಂಶವೂ ದೊರೆಯುತ್ತದೆ.

5. ಬೆಳಗಿನ ಉಪಾಹಾರಕ್ಕೆ ಉತ್ತಮ ಆಯ್ಕೆ

ಮೊಸರಿನೊಂದಿಗೆ ಬಾಳೆಹಣ್ಣು, ಸೇಬು ಅಥವಾ ಇತರ ತಾಜಾ ಹಣ್ಣುಗಳನ್ನು ಸೇರಿಸಿ ಸೇವಿಸಬಹುದು. ಇದರಿಂದ ಪೌಷ್ಟಿಕ ಉಪಾಹಾರ ಸಿದ್ಧವಾಗುತ್ತದೆ.

ಮೊಸರು ಸೇವಿಸುವಾಗ ಇರಲಿ ಎಚ್ಚರಿಕೆ

ತಾಜಾ ಮೊಸರನ್ನೇ ಸೇವಿಸಿ. ಹೆಚ್ಚು ಸಕ್ಕರೆ ಬೆರೆಸುವುದನ್ನು ತಪ್ಪಿಸಿ. ಲ್ಯಾಕ್ಟೋಸ್ ಅಸಹಿಷ್ಣುತೆ ಇರುವವರು ಹಾಗೂ ಮೊಸರು ತಿಂದಾಗ ಅಸ್ವಸ್ಥತೆ ಅನುಭವಿಸುವವರು ಎಚ್ಚರಿಕೆ ವಹಿಸಬೇಕು. ಖಾಲಿ ಹೊಟ್ಟೆಯಲ್ಲಿ ಮೊಸರು ಸೇವಿಸುವುದರಿಂದ ಎಲ್ಲರಿಗೂ ಒಂದೇ ರೀತಿಯ ಪ್ರಯೋಜನ ಸಿಗುವುದಿಲ್ಲ. ನಿಮ್ಮ ದೇಹಕ್ಕೆ ಹೊಂದುವಂತೆ ಮಿತವಾಗಿ ಆಹಾರದಲ್ಲಿ ಸೇರಿಸಿಕೊಳ್ಳುವುದು ಉತ್ತಮ.

ಪಾಕಿಸ್ತಾನ ಬೌಲರ್‍‌ಗಳಿಗೆ ಅಟ್ಟಾಡಿಸಿ ಹೊಡೆದ ಸೆಹ್ವಾಗ್ ಪುತ್ರ, ಫೈನಲ್ ಮ್ಯಾಚ್‌ನಲ್ಲಿ ಆರ್ಯವೀರ್ ಗಳಿಸಿದ ಸ್ಕೋರ್ ಎಷ್ಟು?

Ganesh Mabla Gowda — Sat, 14 Nov 2026 20:06:27 +0530

U19 ಏಷ್ಯಾ ಕಪ್ ಫೈನಲ್‌ನಲ್ಲಿ ಇವತ್ತು ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮುಖಾಮುಖಿ ಆಗಿದ್ದವು. ಬದ್ಧವೈರಿ ಪಾಕ್ ವಿರುದ್ಧ ಭಾರತ ತಂಡವು ಒಂದು ವಿಕೆಟ್‌ಗಳ ರೋಚಕ ಗೆಲುವು ಸಾಧಿಸಿತು. ಈ ಗೆಲುವಿನ ಹಿಂದೆ ಟೀಂ ಇಡಿಯಾದ ಮಾಜಿ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್ ಪುತ್ರ ಆರ್ಯವೀರ್ ಪಾತ್ರ ಕೂಡ ಮುಖ್ಯವಾಗಿದೆ.

ಫೈನಲ್ ಪಂದ್ಯದಲ್ಲೂ ಆರ್ಯವೀರ್ ತಮ್ಮ ಸ್ಫೋಟಕ ಇನ್ನಿಂಗ್ಸ್ ಮುಂದುವರಿಸಿದರು. ಮೊದಲು ಬ್ಯಾಟ್ ಮಾಡಿದ್ದ ಪಾಕಿಸ್ತಾನ ತಂಡವು 50 ಓವರ್‍‌ನಲ್ಲಿ 9 ವಿಕೆಟ್ ಕಳೆದುಕೊಂಡು 337 ರನ್‌ಗಳಿಸಿತ್ತು. 338 ರನ್‌ಗಳ ಬೃಹತ್ ಟಾರ್ಗೆಟ್ ಮುಂದಿಟ್ಟುಕೊಂಡು ಬ್ಯಾಟಿಂಗ್‌ಗೆ ಬಂದ ಆರ್ಯವೀರ್ ಸೆಹ್ವಾಗ್ ಮತ್ತು ನಾಯಕ ಲಕ್ಷ್ಯ ರಾಯ್‌ಚಂದಾನಿ ಮೊದಲ ವಿಕೆಟ್‌ಗೆ 95 ರನ್‌ಗಳನ್ನು ಸೇರಿಸಿದರು. ಭಾರತ 338 ರನ್‌ಗಳನ್ನು ಬೆನ್ನಟ್ಟುತ್ತಿದ್ದಾಗ ಇದು ಉತ್ತಮ ಆರಂಭವಾಗಿತ್ತು.

ಆರ್ಯವೀರ್ ಸೆಹ್ವಾಗ್ 61 ಎಸೆತಗಳಲ್ಲಿ 9 ಬೌಂಡರಿಗಳ ಸಹಾಯದಿಂದ 58 ರನ್ ಗಳಿಸಿದರು. ಕೊನೆಗೆ ನಿಕಾಬ್ ಶಫೀಕ್‌ಗೆ ವಿಕೆಟ್ ಒಪ್ಪಿಸಿ ಕ್ರೀಸ್‌ನಿಂದ ಹೊರ ನಡೆದರು. ಆರ್ಯವೀರ್ 2026 ಅಂಡರ್-19 ಏಷ್ಯಾ ಕಪ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ. ಐದು ಇನ್ನಿಂಗ್ಸ್‌ಗಳಲ್ಲಿ ಅವರು ಕೇವಲ ಒಂದು ಬಾರಿ ಮಾತ್ರ 50 ರನ್‌ಗಳಿಗಿಂತ ಕಡಿಮೆ ಮೊತ್ತಕ್ಕೆ ಔಟಾದರು. ನೇಪಾಳ ವಿರುದ್ಧದ ಮೊದಲ ಪಂದ್ಯದಲ್ಲಿ ಅವರು ಅಜೇಯ 70 ರನ್ ಗಳಿಸಿದರು. ಪಾಕಿಸ್ತಾನ ವಿರುದ್ಧದ ಗುಂಪು ಹಂತದಲ್ಲಿ 22 ರನ್‌ಗಳಿಗೆ ಔಟ್ ಆಗಿದ್ದರು. ಯುಎಇ ವಿರುದ್ಧ ಅದ್ಭುತ 160 ರನ್ ಗಳಿಸಿದ ನಂತರ.. ಆರ್ಯವೀರ್ ಸೆಮಿಫೈನಲ್‌ನಲ್ಲಿ ಅಫ್ಘಾನಿಸ್ತಾನ ವಿರುದ್ಧ 51 ರನ್ ಗಳಿಸಿದರು. ಅವರು ಐದು ಇನ್ನಿಂಗ್ಸ್‌ಗಳಲ್ಲಿ ಒಟ್ಟು 361 ರನ್ ಗಳಿಸಿ ಚಾಂಪಿಯನ್ ಆಗಿದ್ದಾರೆ. 361 ರನ್‌ಗಳೊಂದಿಗೆ ಆರ್ಯವೀರ್ ಸೆಹ್ವಾಗ್ ಅವರು ಮ್ಯಾನ್ ಆಫ್‌ ದಿ ಸಿರೀಸ್ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಡಿದ್ದಾರೆ.

ಹೇಗಿತ್ತು ಮ್ಯಾಚ್?

ಕೊನೆಯ ಎಸೆತದಲ್ಲಿ ಗೆಲುವಿನ ಬೌಂಡರಿ ಬಾರಿಸುವ ಮೂಲಕ ಮೋಹಿತ್ ಉಲವಾ ಗೆಲುವಿನ ಹೀರೋ ಆದರು. ಮೋಹಿತ್ ಅಜೇಯ 49 ರನ್ ಗಳಿಸಿದರು. 338 ರನ್‌ಗಳ ಗುರಿ ಬೆನ್ನಟ್ಟಿದ ಭಾರತವು ಉತ್ತಮ ಆರಂಭ ಪಡೆಯಿತು. ಮಧ್ಯಮ ಕ್ರಮಾಂಕವು ಕುಸಿದ ಹಿನ್ನೆಲೆಯಲ್ಲಿ ಟೀಂ ಇಂಡಿಯಾ ಸೋಲಿನ ಸುಳಿಗೆ ಸಿಲುಕಿತು.

ಭಾರತ ತಂಡವು 252 ರನ್‌ಗಳಿಗೆ 8 ವಿಕೆಟ್ ಕಳೆದುಕೊಂಡಿತ್ತು. ಆಗ ಗೆಲ್ಲಲು ಒಟ್ಟು 86 ರನ್‌ಗಳ ಅಗತ್ಯ ಇತ್ತು. ಆದರೆ ಕೈಯಲ್ಲಿ ಕೇವಲ ಎರಡು ವಿಕೆಟ್‌ಗಳು ಮಾತ್ರ ಇದ್ದವು. ಮೈನಲ್ ಚೌಹಾಣ್ ಮತ್ತು ಮೋಹಿತ್ ಉಲ್ವಾ ಒಂಬತ್ತನೇ ವಿಕೆಟ್‌ಗೆ 57 ರನ್‌ಗಳ ಪಾಲುದಾರಿಕೆ ನೀಡಿದರು. ಇದು ಪಂದ್ಯಕ್ಕೆ ರೋಚಕ ತಿರುವು ನೀಡಿತು. ಕೊನೆಯಲ್ಲಿ ಇವರ ಪಾರ್ಟ್ನರ‍‌ಶಿಪ್‌ಗೆ ಪಾಕ್ ಬ್ರೇಕ್ ಹಾಕಿತ್ತು. ಮತ್ತೆ ಪಂದ್ಯವು ರೋಚಕ ತಿರುವು ಪಡೆದುಕೊಂಡಿತು. ಕೇವಲ ಒಂದು ವಿಕೆಟ್‌ನಲ್ಲಿ ಭಾರತಕ್ಕೆ 29 ರನ್‌ಗಳ ಅಗತ್ಯ ಇತ್ತು. ಆದರೆ ಮೋಹಿತ್ ಉಲ್ವಾ ಮ್ಯಾಚ್ ಕೈಚೆಲ್ಲಲಿಲ್ಲ.

ಭಾರತಕ್ಕೆ ಗೆಲ್ಲಲು 12 ಎಸೆತಗಳಲ್ಲಿ 25 ರನ್‌ಗಳು ಬೇಕಾಗಿದ್ದವು. ಕೇವಲ 1 ವಿಕೆಟ್ ಮಾತ್ರ ಉಳಿದಿತ್ತು. ಆದ್ದರಿಂದ ಟೀಮ್ ಇಂಡಿಯಾದ ಮೇಲೆ ಒತ್ತಡ ಹೆಚ್ಚಿತ್ತು. 49ನೇ ಓವರ್‌ನಲ್ಲಿ ಮೋಹಿತ್ ಉಲ್ವಾ 2 ಬೌಂಡರಿ ಮತ್ತು 1 ಸಿಕ್ಸರ್ ಬಾರಿಸಿದರು. ಈ ಓವರ್‌ನಲ್ಲಿ ಒಟ್ಟು 17 ರನ್ ಗಳಿಸಿದರು. ಈಗ 6 ಎಸೆತಗಳಲ್ಲಿ 8 ರನ್‌ಗಳು ಬೇಕಾಗಿದ್ದವು. ಪಾಕಿಸ್ತಾನ ಪರ ಅಹ್ಮದ್ ಹುಸೇನ್ ಕೊನೆಯ ಓವರ್ ಎಸೆದರು. ಮೊದಲ ಎಸೆತ ಡಾಟ್ ಆಯಿತು. ಎರಡನೇ ಎಸೆತ ವೈಡ್ ಬಾಲ್. ಮುಂದಿನ 4 ಎಸೆತಗಳಲ್ಲಿ 4 ಸಿಂಗಲ್ಸ್ ಬಂದವು. ಕೊನೆಯ ಎಸೆತದಲ್ಲಿ ಮೂರು ರನ್‌ಗಳು ಬೇಕಾಗದ್ದವು. ಡ್ರಾಗೆ 2 ರನ್ ಬೇಕಾಗಿತ್ತು. ಮೋಹಿತ್ ಬೌಂಡರಿ ಬಾರಿಸಿ ಚಾಂಪಿಯನ್ ಪಟ್ಟಕ್ಕೆ ಕೊಂಡೊಯ್ದರು.

Take a bow, Mohit Ulva!

The celebrations begin after a victory for the ages

Scorecard ▶️ https://t.co/srKsrr1jna

#MensU19AsiaCup https://t.co/jjCB1u8pKQ

— BCCI (@BCCI) November 14, 2026

ಬೆಳಗ್ಗೆ ಅಲ್ಲ.. ರಾತ್ರಿ ಮೆಂತ್ಯ ನೀರು ಕುಡಿದರೆ ದೇಹದಲ್ಲಿ ಏನಾಗುತ್ತೆ? ಹಲವರಿಗೆ ಗೊತ್ತಿಲ್ಲದ ವಿಚಾರವಿದು!

Govindaraj S — Sat, 14 Nov 2026 20:00:17 +0530

Fenugreek Water: ಸಾಮಾನ್ಯವಾಗಿ ಹೆಚ್ಚಿನವರು ಮುಂಜಾನೆ ಖಾಲಿ ಹೊಟ್ಟೆಯಲ್ಲಿ ಮೆಂತ್ಯ ನೀರನ್ನು ಕುಡಿಯುತ್ತಾರೆ. ಆದರೆ ರಾತ್ರಿ ಮಲಗುವ ಮುನ್ನ ಮೆಂತ್ಯ ನೀರನ್ನು ಕುಡಿದರೆ ಏನಾಗುತ್ತೆ? ಏನೆಲ್ಲಾ ಪರಿಣಾಮಗಳಾಗುತ್ತವೆ ಎಂಬುದನ್ನು ಇಲ್ಲಿ ತಿಳಿಯೋಣ.

ತೋಟದಲ್ಲಿ, ಪಾಟ್‌ನಲ್ಲಿ ಕಳೆ ಜಾಸ್ತಿ ಆಗಿದ್ಯಾ? ಕೀಳೋಕೆ ಟೈಮ್ ಇಲ್ವಾ? ಇಲ್ಲಿದೆ ರಟ್ಟಿನ ಬಾಕ್ಸ್ ಟ್ರಿಕ್

Ashwini HR — Sat, 14 Nov 2026 19:58:14 +0530

ತೋಟದಲ್ಲಿ ಹೂವು-ಗಿಡಗಳನ್ನು ಮುದ್ದಾಗಿ ಬೆಳೆಸುವುದು ಎಷ್ಟು ಖುಷಿ ಕೊಡುತ್ತದೋ, ಅವುಗಳ ನಡುವೆ ತಾನಾಗಿಯೇ ಹುಟ್ಟಿಕೊಳ್ಳುವ ಕಳೆಗಳನ್ನು (Weeds) ಕಿತ್ತುಹಾಕುವುದು ಅಷ್ಟೇ ಕಿರಿಕಿರಿ ಉಂಟುಮಾಡುತ್ತದೆ. ಆದರೆ, ಮಾರುಕಟ್ಟೆಯ ದುಬಾರಿ ಹಾಗೂ ವಿಷಕಾರಿ ಕಳೆನಾಶಕಗಳ ಮೊರೆಹೋಗದೆ, ಅತ್ಯಂತ ಕಡಿಮೆ ಖರ್ಚಿನಲ್ಲಿ ಕಳೆಗಳನ್ನು ಬುಡಸಮೇತ ನಿಯಂತ್ರಿಸಲು ಸಾಧ್ಯವಿದೆ.

ಕಳೆಗಳನ್ನು ಸುಲಭವಾಗಿ ತೆಗೆದುಹಾಕಲು ಮತ್ತು ಅವು ಮತ್ತೆ ಬಾರದಂತೆ ತಡೆಯಲು ತೋಟಗಾರಿಕಾ ತಜ್ಞರು ಶಿಫಾರಸು ಮಾಡಿದ ಅತ್ಯುತ್ತಮ ಮನೆಮದ್ದುಗಳು ಹಾಗೂ ನೈಸರ್ಗಿಕ ಉಪಾಯಗಳು ಇಲ್ಲಿವೆ..

ಕಳೆ ಕೀಳುವಾಗ ಈ ಜಾಣ್ಮೆ ಇರಲಿ!

ಕೈಯಿಂದ ಕಳೆ ಕೀಳುವುದು ಎಲ್ಲರಿಗೂ ತಿಳಿದಿರುವ ಸುಲಭ ವಿಧಾನ. ಆದರೆ ಅದಕ್ಕೂ ಒಂದು ಕ್ರಮವಿದೆ..

ಹೂವು ಬಿಟ್ಟಿರುವ ಕಳೆಗಳಿಗೆ ಮೊದಲ ಆದ್ಯತೆ: ತೋಟದಲ್ಲಿ ಹಲವು ಬಗೆಯ ಕಳೆಗಳಿದ್ದರೆ, ಮೊದಲು ಹೂವು ಬಿಟ್ಟಿರುವ ಗಿಡಗಳನ್ನು ಕಿತ್ತುಹಾಕಿ. ಇದರಿಂದ ಅವುಗಳಲ್ಲಿ ಬೀಜ ಉತ್ಪತ್ತಿಯಾಗಿ ಇಡೀ ತೋಟಕ್ಕೆ ಹರಡುವುದು ತಪ್ಪುತ್ತದೆ.

ಬೇರು ಸಮೇತ ಅಗೆದು ತೆಗೆಯಿರಿ: ಆಳವಾದ ತಾಯಿಬೇರುಗಳನ್ನು ಹೊಂದಿರುವ ಗಿಡಗಳನ್ನು ಮೇಲ್ಮೈಯಲ್ಲಷ್ಟೇ ಕತ್ತರಿಸಿದರೆ ಪ್ರಯೋಜನವಿಲ್ಲ. ಬೇರು ಸಮೇತ ಅಗೆದು ತೆಗೆಯದಿದ್ದರೆ ಅವು ಮರುದಿನವೇ ಮತ್ತೆ ಚಿಗುರುತ್ತವೆ.

ಅಡುಗೆಮನೆಯ ಮದ್ದುಅಂಗಳದ ಇಂಟರ್‌ಲಾಕ್ ಸಂದಿಗಳಲ್ಲಿ ಅಥವಾ ಹಠಮಾರಿ ಕಳೆಗಳಿರುವ ಜಾಗದಲ್ಲಿ ಈ ವಿಧಾನ ರಾಮಬಾಣ..

ಕುದಿಯುವ ನೀರು: ಕಳೆಗಳ ಮೇಲೆ ಕುದಿಯುವ ನೀರನ್ನು ನೇರವಾಗಿ ಸುರಿದರೆ ಅವುಗಳ ಜೀವಕೋಶಗಳು ಒಡೆದು ಗಿಡ ತಕ್ಷಣ ಬಾಡಿಹೋಗುತ್ತದೆ.

ವಿನೆಗರ್ ಮತ್ತು ಉಪ್ಪಿನ ಸ್ಪ್ರೇ: ವಿನೆಗರ್‌ಗೆ ಸ್ವಲ್ಪ ಉಪ್ಪನ್ನು ಬೆರೆಸಿ ಎಲೆಗಳ ಮೇಲೆ ಸಿಂಪಡಿಸಿದರೆ, ಎಲೆಗಳು ಸುಟ್ಟು ಒಣಗುತ್ತವೆ.

ತಜ್ಞರ ಟಿಪ್: ಇದು ಗಿಡದ ಆಳದ ಬೇರುಗಳನ್ನು ತಕ್ಷಣ ಕೊಲ್ಲದಿದ್ದರೂ, ಪದೇಪದೇ ಎಲೆಗಳನ್ನು ಒಣಗಿಸುವುದರಿಂದ ಗಿಡಕ್ಕೆ ದ್ಯುತಿಸಂಶ್ಲೇಷಣೆ (ಆಹಾರ ತಯಾರಿಕೆ) ಸಾಧ್ಯವಾಗದೆ ಬೇರುಗಳು ತಾನಾಗಿಯೇ ನಶಿಸಿಹೋಗುತ್ತವೆ.

ಕಳೆಯನ್ನೇ ಮಣ್ಣಿನ ಗೊಬ್ಬರವಾಗಿಸಿ

ಕಳೆಗಳನ್ನು ಕೇವಲ ಕಸವೆಂದು ಎಸೆಯುವ ಬದಲು, ಅವುಗಳಿಂದಲೇ ಮಣ್ಣಿನ ಫಲವತ್ತತೆ ಹೆಚ್ಚಿಸಿಕೊಳ್ಳಬಹುದು..

ಕಳೆಗಳು ಬೀಜ ಕಟ್ಟುವ ಮುನ್ನವೇ ಅವುಗಳನ್ನು ಬುಡಕ್ಕೆ ಕತ್ತರಿಸಿ, ಅದೇ ಎಲೆಗಳನ್ನು ಗಿಡಗಳ ಸುತ್ತ ಮಣ್ಣಿನ ಮೇಲೆ ಹಸಿರು ಹೊದಿಕೆಯಂತೆ (Green Mulch) ಹರಡಿ.

ಇದರ ಮೇಲೆ ಸ್ವಲ್ಪ ಸಾವಯವ ಗೊಬ್ಬರ ಮತ್ತು ಇದ್ದಿಲಿನ ಪುಡಿಯನ್ನು (Biochar) ಉದುರಿಸಿದರೆ, ಮಣ್ಣಿನಲ್ಲಿ ತೇವಾಂಶ ಉಳಿಯುತ್ತದೆ ಮತ್ತು ಮಣ್ಣು ಫಲವತ್ತಾಗುತ್ತದೆ.

ಬೀಜವಿಲ್ಲದ ಸಾಮಾನ್ಯ ಕಳೆಗಳನ್ನು ನೇರವಾಗಿ ಕಾಂಪೋಸ್ಟ್ ಗುಂಡಿಗೂ ಹಾಕಿ ಕಳಿಯಲು ಬಿಡಬಹುದು.

ಕಳೆಗಳು ಮತ್ತೆ ತಲೆಯೆತ್ತದಂತೆ ಮಾಡುವ ‘ತಡೆಗೋಡೆ’ ಉಪಾಯಗಳು

ರಟ್ಟಿನ ಪೆಟ್ಟಿಗೆಗಳ ಮ್ಯಾಜಿಕ್ (Cardboard Mulching)ಅಂಗಡಿಗಳಿಂದ ಸಿಗುವ ಹಳೆಯ ರಟ್ಟಿನ ಬಾಕ್ಸ್‌ಗಳನ್ನು ಬಿಡಿಸಿ, ಕಳೆ ಬೆಳೆಯುವ ಜಾಗ ಅಥವಾ ಕಾಲುದಾರಿಗಳ ಮೇಲೆ ದಪ್ಪವಾಗಿ ಹಾಸಿ. ಅದರ ಮೇಲೆ 3-4 ಇಂಚು ಮರದ ಹೊಟ್ಟು, ಎಲೆ-ಕಸ ಅಥವಾ ತೊಗಟೆಯ ಪುಡಿಯನ್ನು ಹರಡಿ. ಇದು ಸೂರ್ಯನ ಬೆಳಕನ್ನು ಸಂಪೂರ್ಣವಾಗಿ ತಡೆದು, ಕಳೆಗಳು ಉಸಿರುಗಟ್ಟಿ ಸಾಯುವಂತೆ ಮಾಡುತ್ತದೆ.

ಖಾಲಿ ನೆಲ ಬಿಡಬೇಡಿ, ಜೀವಂತ ಹೊದಿಕೆ ಬೆಳೆಸಿ"ತೋಟದಲ್ಲಿ ಖಾಲಿ ಜಾಗ ಬಿಟ್ಟರೆ ಕಳೆ ಬೆಳೆಯುತ್ತದೆ. ಅದೇ ಜಾಗದಲ್ಲಿ ಉಪಯುಕ್ತ ಗಿಡ ನೆಟ್ಟರೆ ಕಳೆ ನಿಯಂತ್ರಣವಾಗುತ್ತದೆ" ಎನ್ನುತ್ತಾರೆ ತಜ್ಞರು. ನೆಲದಲ್ಲೇ ಹರಡಿಕೊಂಡು ಬೆಳೆಯುವ ಮಾರ್ಜೋರಮ್, ಥೈಮ್ (Thyme), ನಸ್ಟರ್ಟಿಯಮ್ ಅಥವಾ ಪುದೀನಾ-ಪಾಲಕ್‌ನಂತಹ ಗಿಡಮೂಲಿಕೆಗಳನ್ನು ಬೆಳೆಸಿದರೆ ಕಳೆಗಳಿಗೆ ಜಾಗವೇ ಇರುವುದಿಲ್ಲ.

ಅಲಂಕಾರಿಕ ಗಿಡಗಳ ಆಯ್ಕೆಯಲ್ಲಿ ಎಚ್ಚರಕೆಲವೊಮ್ಮೆ ನಾವು ತರುವ ಸುಂದರ ಗಿಡಗಳೇ ತೋಟದಲ್ಲಿ ನಿಯಂತ್ರಿಸಲಾಗದ ಕಳೆಗಳಾಗಿ ಬದಲಾಗುತ್ತವೆ (ಉದಾ: ಮಾರ್ನಿಂಗ್ ಗ್ಲೋರಿ). ಆದ್ದರಿಂದ ನಿಮ್ಮ ಪರಿಸರಕ್ಕೆ ಹೊಂದಿಕೊಳ್ಳುವ ಮತ್ತು ಅತಿಯಾಗಿ ಆಕ್ರಮಣಕಾರಿಯಲ್ಲದ ಗಿಡಗಳನ್ನಷ್ಟೇ ಆಯ್ಕೆ ಮಾಡಿ ಬೆಳೆಸಿ.

ಕೊನೆಯದಾಗಿ..ವಿಷಕಾರಿ ರಾಸಾಯನಿಕಗಳನ್ನು ಬಳಸುವ ಬದಲು, ಕಳೆ ಬೆಳೆಯುವ ಮುನ್ನವೇ ರಟ್ಟಿನ ಹೊದಿಕೆ ಹಾಕುವುದು, ಬಿಸಿನೀರು-ವಿನೆಗರ್ ಸಿಂಪಡಿಸುವುದು ಮತ್ತು ಖಾಲಿ ಜಾಗದಲ್ಲಿ ಉಪಯುಕ್ತ ಹಸಿರು ಬೆಳೆಸುವುದರಿಂದ ನಿಮ್ಮ ತೋಟ ಸದಾ ಕಳೆಮುಕ್ತವೂ, ಆರೋಗ್ಯಕರವೂ ಆಗಿರುತ್ತದೆ!

ಅ19 ಫೈನಲ್ ಗೆಲುವಿನ ಸಂಭ್ರಮದಲ್ಲಿ ಪಾಕ್ ಜೊತೆ ಕಿರಿಕ್, ನಿಭಾಯಿಸಿದ ಭಾರತದ ಸ್ಟಾಫ್ ನಡೆಗೆ ಮೆಚ್ಚುಗೆ

Chethan Kumar — Sat, 14 Nov 2026 19:44:00 +0530

ಓಮನ್ (ನ.14) ಭಾರತ ಹಾಗೂ ಪಾಕಿಸ್ತಾನ ನಡುವಿನ ಯಾವುದೇ ಪಂದ್ಯವಾಗಿರಲಿ, ಸ್ಲೆಡ್ಜಿಂಗ್, ಕಿರಿಕ್ ಇದ್ದೇ ಇರುತ್ತೆ. ಎರಡೂ ತಂಡಕ್ಕೂ ಗೆಲ್ಲಲೇಬೇಕು. ಇದಕ್ಕಿಂತ ಹೆಚ್ಚಾಗಿ ಅಭಿಮಾನಿಗಳಿಗೆ ಇದು ಪ್ರತಿಷ್ಠೆಯ ಪಂದ್ಯ. ಹೀಗಾಗಿ ಕಿತ್ತಾಟಗಳು ಸಾಮಾನ್ಯ. ಇದು ಅಂಡರ್ 19 ಏಷ್ಯಾಕಪ್ ಟೂರ್ನಿಯಲ್ಲಿ ಇತ್ತು. ಫೈನಲ್ ಪಂದ್ಯದಲ್ಲಿ ಭಾರತ ವಿಕೆಟ್ ಕಳೆದುಕೊಳ್ಳುತ್ತಿದ್ದಂತೆ ಪಾಕಿಸ್ತಾನ ಕ್ರಿಕೆಟಿಗರ ಮಾತುಗಳು ಭಾರತದ ಯುವ ಪಡೆಯನ್ನು ಕೆರಳಿಸಿತ್ತು. ಆದರೆ ತಾಳ್ಮೆ ಕಳೆದುಕೊಳ್ಳದ ಭಾರತ ಕೊನೆಯ ಎಸೆತದಲ್ಲಿ ಗೆಲುವು ಸಾಧಿಸಿ ಟ್ರೋಫಿ ಗೆಲ್ಲುತ್ತಿದ್ದಂತೆ ತಿರುಗೇಟು ನೀಡಿತು. ಸಂಭ್ರಮಾಚರಣೆ ನಡುವೆ ಪಾಕಿಸ್ತಾನ ಕ್ರಿಕೆಟಿಗರ ಅವರದ್ದೇ ಭಾಷೆಯಲ್ಲಿ, ಅವರದ್ದೇ ಶೈಲಿಯಲ್ಲಿ ತಿರುಗೇಟು ಕೊಟ್ಟಿತು. ಆದರೆ ಪರಿಸ್ಥಿತಿ ಕೈಮೀರುವ ಮೊದಲೇ ಭಾರತದ ತಂಡದ ಸ್ಟಾಫ್ ಧಾವಿಸಿ ಪರಿಸ್ಥಿತಿ ನಿಭಾಯಿಸಿದ್ದಾರೆ.

ಏನಿದು ಕಿರಿಕ್?

ಅಂಡರ್ 19 ಏಷ್ಯಾಕಪ್ ಫೈನಲ್ ಪಂದ್ಯದಲ್ಲಿ 338 ರನ್ ಟಾರ್ಗೆಟ್ ಪಡೆದ ಭಾರತ ಹೋರಾಟ ನೀಡಿತ್ತು. ಆದರೆ 9 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಮೋಹಿತ್ ಉಲ್ವಾ ನೀಡಿದ ಹೋರಾಟದಿಂದ ಕೊನೆಯ ಎಸೆತದಲ್ಲಿ ಭಾರತ 1ವಿಕೆಟ್ ರೋಚಕ ಗೆಲುವು ಕಂಡಿತ್ತು. ಗೆಲುವಿನ ಬೆನ್ನಲ್ಲೇ ಡಗೌಟ್‌ನಲ್ಲಿದ್ದ ಟೀಂ ಇಂಡಿಯಾ ಕ್ರಿಕೆಟಿಗರು, ಸ್ಟಾಫ್ ಮೈದಾನಕ್ಕೆ ತೆರಳಿ ಸಂಭ್ರಮಾಚರಿಸಿತು. ಈ ವೇಳೆ ಫೀಲ್ಡಿಂಗ್‌ನಲ್ಲಿದ್ದ ಪಾಕಿಸ್ತಾನ ಕ್ರಿಕೆಟಿಗರಿಗೆ ತಿರುಗೇಟು ಕೊಟ್ಟಿತು. ಮೈದಾನದಿಂದ ಹೊರನಡೆಯುವಂತೆ ಭಾರತದ ಯುವ ಕ್ರಿಕೆಟಿಗರು ಸನ್ನೆ ಮಾಡಿದ್ದರು.

ಪಾಕಿಸ್ತಾನ ಕ್ರಿಕೆಟಿಗರು ಸೋತ ಬಳಿಕವೂ ಸ್ಲೆಡ್ಜಿಂಗ್ ಮಾಡಿದ್ದರು. ಇದು ಟೀಂ ಇಂಡಿಯಾ ಯುವ ಪಡೆಯನ್ನು ಮತ್ತಷ್ಟು ಕೆರಳಿಸಿತ್ತು. ಮಾತಿನ ಚಕಮಕಿ, ಹದ್ದು ಮೀರಿದ ವರ್ತನೆ ಶುರುವಾಗುತ್ತಿದ್ದಂತೆ ಟೀಂ ಇಂಡಿಯಾ ಸಪೋರ್ಟ್ ಸ್ಟಾಫ್ ಮಧ್ಯಪ್ರವೇಶಿಸಿದ್ದಾರೆ. ತಕ್ಷಣವೇ ಭಾರತೀಯ ಕ್ರಿಕೆಟಿಗರ ನಿಯಂತ್ರಿಸಿದ್ದಾರೆ. ಗೆಲುವಿನ ಸಂಭ್ರಮದಲ್ಲಿ ಹದ್ದು ಮೀರಿದ ವರ್ತನೆಗೆ ಕಡಿವಾಣ ಹಾಕಿದ್ದಾರೆ.

ಅಸಲು ಬಡ್ಡಿ ಸಮೇತೆ ತಿರುಗಿಸಿ ನೀಡಿದ ಭಾರತ

37ನೇ ಓವರ್‌ನಲ್ಲಿ ಅನ್ವಯ್ ದ್ರಾವಿಡ್ ರನೌಟ್‌ಗೆ ಬಲಿಯಾಗುತ್ತಿದ್ದಂತೆ ಅಂಡರ್ 19 ಏಷ್ಯಾಕಪ್ ಫೈನಲ್ ಪಂದ್ಯದಲ್ಲಿ ಭಾರತ ಸಂಪೂರ್ಣವಾಗಿ ಹಿನ್ನಡೆ ಅನುಭವಿಸಿತ್ತು. ಇಷ್ಟೇ ಅಲ್ಲ ಪಾಕಿಸ್ತಾನ ಪಂದ್ಯದ ಮೇಲೆ ಸಂಪೂರ್ಣ ಹಿಡಿತ ಸಾಧಿಸಿತ್ತು. ಬ-ಹತ್ ಮೊತ್ತದ ಕಾರಣ ಭಾರತ ಮತ್ತೆ ಕಮ್‌ಬ್ಯಾಕ್ ಮಾಡಲು ಬ್ಯಾಟರ್ ಇರಲಿಲ್ಲ. ಪಾಕಿಸ್ತಾನ ಇದೇ ಆತ್ಮವಿಶ್ವಾಸದಲ್ಲಿತ್ತು. ಆದರೆ ಭಾರತದ ಯುವ ಪಡೆ ಆತ್ಮವಿಶ್ವಾಸ ಕಳೆದುಕೊಂಡಿರಲಿಲ್ಲ. ಇದರ ನಡುವೆ ಪಾಕಿಸ್ತಾನ ಬೌಲರ್‌ಗಳು, ಫೀಲ್ಡರ್ಸ್ ಸ್ಲೆಡ್ಜಿಂಗ್ ಮಾಡಿದ್ದರು. ಈ ವೇಳೆ ಭಾರತದ ಬ್ಯಾಟರ್ ತಿರುಗೇಟು ನೀಡಲು ಹೋಗಿರಲಿಲ್ಲ. ಇಷ್ಟೇ ಅಲ್ಲ ಗೆಲುವಿನ ಕಡೆ ಫೋಕಸ್ ಮಾಡಿದ್ದರು. ಗೆದ್ದ ಬಳಿಕ ಅಸಲು ಬಡ್ಡಿ ಸಮೇತ ಸೇರಿಸಿ ನೀಡಿದ್ದಾರೆ. ಅದೃಷ್ಟವಶಾತ್ ಸಪೋರ್ಟ್ ಸ್ಟಾಫ್ ಮಧ್ಯಪ್ರವೇಶಿಸಿ ಪರಿಸ್ಥಿತಿ ತಿಳಿಗೊಳಿಸಿತು.

What a match India vs Pak U19 Asia cup final. India beat pak and won Asia cup https://t.co/vLE6DhUd3v

— Alok Tikhe (@met2alok) November 14, 2026

OTTಗೆ ಎಂಟ್ರಿ ಕೊಟ್ಟ ‘ಜೈಲರ್ 2’: ಆದರೂ ರಜನಿಕಾಂತ್ ಅಭಿಮಾನಿಗಳಿಗೆ ನಿರಾಸೆ! ಕಾರಣವೇನು?

Govindaraj S — Sat, 14 Nov 2026 19:43:12 +0530

ಕಾಲಿವುಡ್ ಸೂಪರ್‌ಸ್ಟಾರ್ ರಜನಿಕಾಂತ್ ಮತ್ತು ನಿರ್ದೇಶಕ ನೆಲ್ಸನ್ ದಿಲೀಪ್‌ಕುಮಾರ್ ಕಾಂಬಿನೇಷನ್‌ನಲ್ಲಿ ಮೂಡಿಬಂದಿರುವ ಬಹುನಿರೀಕ್ಷಿತ ಸಿನಿಮಾ ‘ಜೈಲರ್ 2’ ಇದೀಗ ಒಟಿಟಿಗೆ ಎಂಟ್ರಿ ಕೊಟ್ಟಿದೆ. ಈ ಹಿಂದೆ ಬಿಡುಗಡೆಯಾಗಿದ್ದ ‘ಜೈಲರ್’ ಚಿತ್ರದ ಮುಂದುವರಿದ ಭಾಗವಾಗಿರುವ ಈ ಸಿನಿಮಾ, ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಯಶಸ್ಸು ಕಂಡಿತ್ತು. ದಸರಾ ಹಬ್ಬದ ಸಂಭ್ರಮದ ನಡುವೆ ಅಕ್ಟೋಬರ್ 15ರಂದು ತೆರೆಕಂಡಿದ್ದ ‘ಜೈಲರ್ 2’, ನಿರೀಕ್ಷೆಗೂ ಮೀರಿದ ಕಲೆಕ್ಷನ್ ಮಾಡುವ ಮೂಲಕ ಹಲವು ದಾಖಲೆಗಳನ್ನು ಪುಡಿಗಟ್ಟಿತ್ತು.

ರಜನಿಕಾಂತ್ ಅವರ ವೃತ್ತಿಜೀವನದಲ್ಲಷ್ಟೇ ಅಲ್ಲದೆ, ಕಾಲಿವುಡ್ ಚಿತ್ರರಂಗದ ಇತಿಹಾಸದಲ್ಲೇ ಅತಿ ಹೆಚ್ಚು ಗಳಿಕೆ ಮಾಡಿದ ಸಿನಿಮಾಗಳ ಸಾಲಿನಲ್ಲಿ ‘ಜೈಲರ್ 2’ ಹೊಸ ದಾಖಲೆ ಬರೆದಿದೆ ಎನ್ನಲಾಗಿದೆ. ಟ್ರೇಡ್ ವಲಯದ ಅಂದಾಜಿನ ಪ್ರಕಾರ, ಈ ಸಿನಿಮಾ ಈಗಾಗಲೇ ಸುಮಾರು 830 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡಿದೆ. ರಜನಿಕಾಂತ್ ಅವರ ಸ್ಟೈಲ್, ಸ್ವಾಗ್, ಮೈನವಿರೇಳಿಸುವ ಆಕ್ಷನ್ ದೃಶ್ಯಗಳು, ನೆಲ್ಸನ್ ಅವರ ನಿರ್ದೇಶನ ಹಾಗೂ ಎಲ್ಲಕ್ಕಿಂತ ಮುಖ್ಯವಾಗಿ ಅನಿರುದ್ಧ್ ಅವರ ಭರ್ಜರಿ ಹಿನ್ನೆಲೆ ಸಂಗೀತ ಚಿತ್ರಕ್ಕೆ ದೊಡ್ಡ ಮಟ್ಟದ ಯಶಸ್ಸು ತಂದುಕೊಟ್ಟಿವೆ.

ಒಟಿಟಿಯಲ್ಲೂ ಬಿಡುಗಡೆ

ವಿಶೇಷವೆಂದರೆ, ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿ ಹಲವು ವಾರಗಳು ಕಳೆದರೂ ತಮಿಳುನಾಡಿನ ಕೆಲವು ಕಡೆಗಳಲ್ಲಿ ‘ಜೈಲರ್ 2’ ಪ್ರದರ್ಶನ ಮುಂದುವರಿದಿದೆ. ನವೆಂಬರ್ 11ರಂದು ಕೂಡ ಬುಕ್‌ಮೈಶೋ ಮೂಲಕ ಈ ಸಿನಿಮಾಗೆ 7 ಸಾವಿರಕ್ಕೂ ಅಧಿಕ ಟಿಕೆಟ್‌ಗಳು ಬುಕ್ ಆಗಿರುವುದು ಚಿತ್ರದ ಕ್ರೇಜ್ ಎಷ್ಟಿದೆ ಎಂಬುದಕ್ಕೆ ಸಾಕ್ಷಿ. ಹೀಗಿರುವಾಗಲೇ ಇದೀಗ ಸಿನಿಮಾ ಒಟಿಟಿಯಲ್ಲೂ ಬಿಡುಗಡೆಯಾಗಿದೆ.

ಹೌದು, ‘ಜೈಲರ್ 2’ ಚಿತ್ರದ ಡಿಜಿಟಲ್ ಸ್ಟ್ರೀಮಿಂಗ್ ಹಕ್ಕುಗಳನ್ನು ಖ್ಯಾತ ಒಟಿಟಿ ಸಂಸ್ಥೆ ಅಮೆಜಾನ್ ಪ್ರೈಮ್ ವಿಡಿಯೋ ಪಡೆದುಕೊಂಡಿದೆ. ನವೆಂಬರ್ 12ರಿಂದಲೇ ಸಿನಿಮಾ ಸ್ಟ್ರೀಮಿಂಗ್‌ಗೆ ಬರಲಿದೆ ಎಂದು ಚಿತ್ರತಂಡ ಈ ಹಿಂದೆಯೇ ಅಧಿಕೃತವಾಗಿ ಘೋಷಿಸಿತ್ತು. ಅದರಂತೆ ಗುರುವಾರ ಮಧ್ಯರಾತ್ರಿಯಿಂದಲೇ ಚಿತ್ರ ಒಟಿಟಿಯಲ್ಲಿ ವೀಕ್ಷಣೆಗೆ ಲಭ್ಯವಾಗಿದೆ. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಸೇರಿದಂತೆ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಐದು ಭಾಷೆಗಳಲ್ಲಿ ಸಿನಿಮಾ ಸ್ಟ್ರೀಮಿಂಗ್ ಆಗುತ್ತಿದೆ.

ಅಭಿಮಾನಿಗಳಿಗೆ ನಿರಾಸೆ

ಆದರೆ, ‘ಜೈಲರ್ 2’ ಒಟಿಟಿಗೆ ಬಂದಿರುವ ಖುಷಿಯ ನಡುವೆಯೇ ರಜನಿಕಾಂತ್ ಅಭಿಮಾನಿಗಳಿಗೆ ನಿರಾಸೆಯೂ ಎದುರಾಗಿದೆ. ಅದಕ್ಕೆ ಕಾರಣ ಸಿನಿಮಾದ ಒಟಿಟಿ ವರ್ಷನ್ ಬಗ್ಗೆ ಅಭಿಮಾನಿಗಳಲ್ಲಿದ್ದ ದೊಡ್ಡ ನಿರೀಕ್ಷೆ. ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ವರ್ಷನ್‌ಗಿಂತ ಒಟಿಟಿಯಲ್ಲಿ ಅನ್‌ಕಟ್ ವರ್ಷನ್ ಬಿಡುಗಡೆ ಮಾಡಲಾಗುತ್ತದೆ ಎಂಬ ಸುದ್ದಿ ಈ ಹಿಂದೆ ಭಾರೀ ಚರ್ಚೆಯಾಗಿತ್ತು. ಅದರಲ್ಲೂ ಥಿಯೇಟರ್ ವರ್ಷನ್‌ನಲ್ಲಿ ಇರದ ಸುಮಾರು 30 ನಿಮಿಷಗಳ ಹೆಚ್ಚುವರಿ ದೃಶ್ಯಗಳನ್ನು ಸೇರಿಸಿ ಒಟಿಟಿಯಲ್ಲಿ ಪ್ರಸಾರ ಮಾಡಲಾಗುತ್ತದೆ ಎಂಬ ಮಾತು ಕೇಳಿಬಂದಿತ್ತು.

ಹೀಗಾಗಿ, ಚಿತ್ರವನ್ನು ಮತ್ತೊಮ್ಮೆ ಹೊಸ ದೃಶ್ಯಗಳೊಂದಿಗೆ ನೋಡುವ ಉತ್ಸಾಹದಲ್ಲಿ ಅಭಿಮಾನಿಗಳಿದ್ದರು. ಆದರೆ, ಕೊನೆಗೆ ಒಟಿಟಿಗೆ ಬಂದಿರುವುದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಅದೇ ವರ್ಷನ್! ಯಾವುದೇ ಹೆಚ್ಚುವರಿ ದೃಶ್ಯಗಳಿಲ್ಲದೆ ಥಿಯೇಟರ್ ವರ್ಷನ್‌ನನ್ನೇ ಸ್ಟ್ರೀಮಿಂಗ್ ಮಾಡಲಾಗುತ್ತಿದೆ. ಇದರಿಂದ ನಿರೀಕ್ಷೆ ಇಟ್ಟುಕೊಂಡಿದ್ದ ಕೆಲವು ರಜನಿಕಾಂತ್ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ.

ಹೊಸ ಚರ್ಚೆ

ಇನ್ನು ಸಾಮಾಜಿಕ ಜಾಲತಾಣಗಳಲ್ಲಿ ತಮ್ಮ ನಿರಾಸೆಯನ್ನು ಹಂಚಿಕೊಳ್ಳುತ್ತಿದ್ದು, ಹೆಚ್ಚುವರಿ ದೃಶ್ಯಗಳ ನಿರೀಕ್ಷೆ ಹುಸಿಯಾಯಿತು ಎಂದು ಪೋಸ್ಟ್‌ಗಳನ್ನು ಮಾಡುತ್ತಿದ್ದಾರೆ. ಬಾಕ್ಸ್ ಆಫೀಸ್‌ನಲ್ಲಿ ದಾಖಲೆ ಬರೆದ ‘ಜೈಲರ್ 2’ ಈಗ ಒಟಿಟಿಯಲ್ಲೂ ಲಭ್ಯವಾಗಿದ್ದರೂ, ಅಭಿಮಾನಿಗಳು ಕಾಯುತ್ತಿದ್ದ ಆ 30 ನಿಮಿಷಗಳ ಹೆಚ್ಚುವರಿ ದೃಶ್ಯಗಳು ಮಾತ್ರ ಸದ್ಯಕ್ಕೆ ಸಿಕ್ಕಿಲ್ಲ ಎಂಬುದೇ ಈ ಚಿತ್ರದ ಸುತ್ತಲಿನ ಹೊಸ ಚರ್ಚೆಯಾಗಿದೆ.

ಮದುವೆಯಾದ ನಾಲ್ಕೇ ತಿಂಗಳಲ್ಲಿ ಅಭಿಮಾನಿಗಳಿಗೆ ಗುಡ್‌ನ್ಯೂಸ್‌ ನೀಡಿದ ನಟಿ ಶರ್ಮಿಳಾ ಮಾಂಡ್ರೆ!

Santosh Naik — Sat, 14 Nov 2026 19:41:24 +0530

ಬೆಂಗಳೂರು (ನ.14): ಸ್ಯಾಂಡಲ್‌ವುಡ್‌ನ ಖ್ಯಾತ ನಟಿ ಹಾಗೂ ನಿರ್ಮಾಪಕಿ ಶರ್ಮಿಳಾ ಮಾಂಡ್ರೆ (Sharmiela Mandre) ಮತ್ತು ತಮಿಳು ಚಿತ್ರ ನಿರ್ಮಾಪಕ ಸುಧನ್ ಸುಂದರಂ (Sudhan Sundaram) ದಂಪತಿ ತಮ್ಮ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ. ವಿವಾಹವಾದ ಕೇವಲ ನಾಲ್ಕು ತಿಂಗಳಲ್ಲೇ ಈ ತಾರಾ ಜೋಡಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದು, ತಾವು ತಾಯಿಯಾಗುತ್ತಿರುವ ವಿಚಾರವನ್ನು ನಟಿ ಅಧಿಕೃತವಾಗಿ ಹಂಚಿಕೊಂಡಿದ್ದಾರೆ.

ಶರ್ಮಿಳಾ ಮಾಂಡ್ರೆ ಅವರು ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಅತ್ಯಂತ ಮುದ್ದಾದ ಫೋಟೋವೊಂದನ್ನು ಪೋಸ್ಟ್ ಮಾಡುವ ಮೂಲಕ ಈ ಶುಭ ಸುದ್ದಿಯನ್ನು ಜಗತ್ತಿಗೆ ತಿಳಿಸಿದ್ದಾರೆ. ಈ ಫೋಟೋದಲ್ಲಿ ಶರ್ಮಿಳಾ ಮತ್ತು ಪತಿ ಸುಧನ್ ಸುಂದರಂ ಪರಸ್ಪರ ಕೈಹಿಡಿದುಕೊಂಡಿದ್ದು, ತಮ್ಮ ಬೆರಳುಗಳಲ್ಲಿ ಪುಟ್ಟ ಮಗುವಿನ ಬಿಳಿ ಬಣ್ಣದ ಬೂಟುಗಳನ್ನು (Knitted Baby Booties) ಹಿಡಿದಿರುವುದು ಕಂಡುಬಂದಿದೆ.

ಈ ಸುಂದರ ಚಿತ್ರಕ್ಕೆ ನಟಿ "Little steps ahead" (ಮುಂದೆ ಪುಟ್ಟ ಹೆಜ್ಜೆಗಳು) ಎಂದು ಶೀರ್ಷಿಕೆ ನೀಡಿದ್ದು, ತಮ್ಮ ಜೀವನದ ಹೊಸ ಅಧ್ಯಾಯವನ್ನು ಸ್ವಾಗತಿಸುವ ಸಂಭ್ರಮವನ್ನು ವ್ಯಕ್ತಪಡಿಸಿದ್ದಾರೆ. ಈ ಪೋಸ್ಟ್ ಹಂಚಿಕೊಂಡ ಕೆಲವೇ ಕ್ಷಣಗಳಲ್ಲಿ ಸಿನಿಮಾ ರಂಗದ ಗಣ್ಯರು ಹಾಗೂ ಅಭಿಮಾನಿಗಳಿಂದ ದಂಪತಿಗೆ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ.

ಜೈಪುರದ ಅರಮನೆಯಲ್ಲಿ ನಡೆದಿದ್ದ ಅದ್ದೂರಿ ವಿವಾಹ

ಶರ್ಮಿಳಾ ಮಾಂಡ್ರೆ ಮತ್ತು ತಮಿಳು ಚಿತ್ರ ನಿರ್ಮಾಪಕ ಸುಧನ್ ಸುಂದರಂ ಅವರು 2026ರ ಜುಲೈ 12 ರಂದು ರಾಜಸ್ಥಾನದ ಜೈಪುರದಲ್ಲಿರುವ ಐತಿಹಾಸಿಕ ಸಮೋದ್ ಅರಮನೆ (Samode Palace) ಮತ್ತು ಸಮೋದ್ ಬಾಗ್‌ನಲ್ಲಿ ಆಪ್ತರ ಸಮ್ಮುಖದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.ಮದುವೆಗೂ ಮುನ್ನ 2026ರ ಜೂನ್ 25 ರಂದು ಬೆಂಗಳೂರಿನಲ್ಲಿ ನಡೆದ ಖಾಸಗಿ ಸಮಾರಂಭದಲ್ಲಿ ಈ ಜೋಡಿ ಅಧಿಕೃತವಾಗಿ ನಿಶ್ಚಿತಾರ್ಥ ಮಾಡಿಕೊಂಡಿತ್ತು.

ದಕ್ಷಿಣ ಭಾರತದ ಸಂಪ್ರದಾಯ ಮತ್ತು ರಾಜಸ್ಥಾನಿ ಪರಂಪರೆಯ ಸುಂದರ ಸಮ್ಮಿಲನದಂತೆ ಈ ವಿವಾಹ ಮಹೋತ್ಸವ ಜರುಗಿತ್ತು. ವಿಶೇಷವಾಗಿ ಮೈಸೂರು ಅರಮನೆಯಿಂದ ಪ್ರೇರಿತವಾದ ಅಲಂಕಾರ, ಸಾಂಪ್ರದಾಯಿಕ ದೀಪಗಳು ಮತ್ತು ಚಿನ್ನದ ಕಂಬಗಳು ಮದುವೆ ಮಂಟಪಕ್ಕೆ ರಾಜಕಳೆ ನೀಡಿದ್ದವು. ಕುಟುಂಬಸ್ಥರು, ಆಪ್ತ ಸ್ನೇಹಿತರು ಸೇರಿದಂತೆ ದಕ್ಷಿಣ ಭಾರತದ ಖ್ಯಾತ ಸಿನಿಮಾ ತಾರೆಯರಾದ ನಟಿ ರಮ್ಯಾ ಹಾಗೂ ಧನ್ಯಾ ರಾಮ್‌ಕುಮಾರ್ ಸೇರಿದಂತೆ ಹಲವು ಗಣ್ಯರು ಈ ವಿವಾಹಕ್ಕೆ ಸಾಕ್ಷಿಯಾಗಿದ್ದರು. ಇದೀಗ ವಿವಾಹವಾದ ನಾಲ್ಕೇ ತಿಂಗಳಲ್ಲಿ ಮನೆಗೆ ಹೊಸ ಅತಿಥಿಯ ಆಗಮನವಾಗುತ್ತಿರುವ ಸುದ್ದಿ ಮಾಂಡ್ರೆ ಹಾಗೂ ಸುಂದರಂ ಕುಟುಂಬದಲ್ಲಿ ಸಂಭ್ರಮವನ್ನು ಇಮ್ಮಡಿಗೊಳಿಸಿದೆ.

View this post on Instagram

A post shared by SHARMIELA MANDRE (@sharmielamandre)

ಹಿರಿಯ ನಟ ಗಿರಿಬಾಬು ಇನ್ನಿಲ್ಲ; ಚಿತ್ರರಂಗಕ್ಕೆ ಕೊಟ್ಟ ಕೊಡುಗೆ ಅಷ್ಟಿಷ್ಟಲ್ಲ, 600ಕ್ಕೂ ಅಧಿಕ ಸಿನಿಮಾಗಳ ಸರದಾರ!

Shriram Bhat — Sat, 14 Nov 2026 19:32:25 +0530

ಹಿರಿಯ ನಟ ಗಿರಿಬಾಬು ನಿಧನ; ಕಂಬನಿ ಮಿಡಿದ ಸಿನಿರಂಗ

ತೆಲುಗು ಚಿತ್ರರಂಗದ ಹಿರಿಯ ನಟ, ನಿರ್ದೇಶಕ ಹಾಗೂ ನಿರ್ಮಾಪಕ ಗಿರಿಬಾಬು (ಯೆರ್ರಾ ಶೇಷಗಿರಿ ರಾವ್) ಅವರು ಶನಿವಾರ (ನವೆಂಬರ್ 14) ಹೈದರಾಬಾದ್‌ನ ಕೊಂಡಾಪುರದಲ್ಲಿರುವ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಗ ನಿಧನರಾಗಿದ್ದಾರೆ. ಅವರಿಗೆ 80 ವರ್ಷ ವಯಸ್ಸಾಗಿತ್ತು. ವಯೋಸಹಜ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿದ್ದ ಗಿರಿಬಾಬು (Giribabu) ಅವರು ಕೆಲಕಾಲದಿಂದ ಚಿಕಿತ್ಸೆ ಪಡೆಯುತ್ತಿದ್ದರು ಎಂದು ವರದಿಗಳು ತಿಳಿಸಿವೆ. ಅವರ ನಿಧನದ ಸುದ್ದಿ ತೆಲುಗು ಚಿತ್ರರಂಗದಲ್ಲಿ ಶೋಕದ ವಾತಾವರಣ ಮೂಡಿಸಿದೆ.

1946ರ ಜೂನ್ 8ರಂದು ಆಂಧ್ರಪ್ರದೇಶದ ಪ್ರಕಾಶಂ ಜಿಲ್ಲೆಯ ರಾವಿನೂತಲ ಗ್ರಾಮದಲ್ಲಿ ಜನಿಸಿದ ಗಿರಿಬಾಬು ಅವರಿಗೆ ಬಾಲ್ಯದಿಂದಲೇ ನಟನೆ ಮತ್ತು ರಂಗಭೂಮಿಯ ಬಗ್ಗೆ ಆಸಕ್ತಿ ಇತ್ತು. ಹಲವು ಪ್ರಯತ್ನಗಳ ಬಳಿಕ 1973ರಲ್ಲಿ ಬಿಡುಗಡೆಯಾದ ‘ಜಗಮೇ ಮಾಯ’ ಚಿತ್ರದ ಮೂಲಕ ಚಿತ್ರರಂಗ ಪ್ರವೇಶಿಸಿದರು. ಆರಂಭದಲ್ಲಿ ನಾಯಕನ ಪಾತ್ರಗಳಲ್ಲಿ ಕಾಣಿಸಿಕೊಂಡ ಅವರು, ನಂತರ ಖಳನಾಯಕನಾಗಿ ಗುರುತಿಸಿಕೊಂಡರು. ತಮ್ಮ ವಿಶಿಷ್ಟ ಧ್ವನಿ, ಸಂಭಾಷಣೆ ಹೇಳುವ ಶೈಲಿ ಮತ್ತು ಸಹಜ ಅಭಿನಯದಿಂದ ತೆಲುಗು ಪ್ರೇಕ್ಷಕರ ಮನಗೆದ್ದರು.

ನಾಯಕನಿಂದ ಖಳನಾಯಕನವರೆಗೂ ವೈವಿಧ್ಯಮಯ ಪಾತ್ರಗಳ

ನಾಯಕನಿಂದ ಖಳನಾಯಕನವರೆಗೆ… ಪಾತ್ರಗಳ ವೈವಿಧ್ಯ : ಐದು ದಶಕಗಳಿಗೂ ಹೆಚ್ಚು ಕಾಲದ ವೃತ್ತಿಜೀವನದಲ್ಲಿ ಗಿರಿಬಾಬು 600ಕ್ಕೂ ಅಧಿಕ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ ಎಂದು ಹಲವು ವರದಿಗಳು ಉಲ್ಲೇಖಿಸಿವೆ. ಎನ್.ಟಿ. ರಾಮರಾವ್, ಅಕ್ಕಿನೇನಿ ನಾಗೇಶ್ವರ ರಾವ್, ಕೃಷ್ಣ, ಚಿರಂಜೀವಿ, ಮೋಹನ್ ಬಾಬು ಮತ್ತು ನಾಗಾರ್ಜುನ ಸೇರಿದಂತೆ ಹಲವು ತಲೆಮಾರುಗಳ ಪ್ರಮುಖ ನಟರೊಂದಿಗೆ ಅವರು ತೆರೆ ಹಂಚಿಕೊಂಡಿದ್ದರು.

‘ಕುರುಕ್ಷೇತ್ರಂ’, ‘ಕರುಣಾಮಯಡುʼ, ‘ಪಸಿವಾಡಿ ಪ್ರಾಣಂ’, ‘ಹಲೋ ಬ್ರದರ್’, ‘ನಿನ್ನೇ ಪೆಲ್ಲದಾಟ’, ‘ಗಮ್ಯಂ’, ‘ಗೀತ ಗೋವಿಂದಂ’ ಸೇರಿದಂತೆ ಹಲವು ಚಿತ್ರಗಳಲ್ಲಿನ ಅವರ ಪಾತ್ರಗಳು ಗಮನ ಸೆಳೆದಿದ್ದವು. ಖಳನಾಯಕನ ಪಾತ್ರಗಳ ಜೊತೆಗೆ ಹಾಸ್ಯ, ಪೋಷಕ ಮತ್ತು ಗೌರವಯುತ ಹಿರಿಯ ಪಾತ್ರಗಳಲ್ಲಿಯೂ ತಮ್ಮದೇ ಛಾಪು ಮೂಡಿಸಿದ್ದರು.

ನಿರ್ದೇಶಕ ಮತ್ತು ನಿರ್ಮಾಪಕರಾಗಿಯೂ ಸಾಧನೆ

ನಟನೆಗೆ ಮಾತ್ರ ಸೀಮಿತವಾಗದೆ ಗಿರಿಬಾಬು ನಿರ್ದೇಶನ ಮತ್ತು ನಿರ್ಮಾಣ ಕ್ಷೇತ್ರದಲ್ಲಿಯೂ ತೊಡಗಿಸಿಕೊಂಡಿದ್ದರು. ‘ಜಯಭೇರಿ ಆರ್ಟ್ ಪಿಕ್ಚರ್ಸ್’ ಮೂಲಕ ಹಲವು ಚಿತ್ರಗಳನ್ನು ನಿರ್ಮಿಸಿದ್ದರು. ‘ಸಿಂಹ ಗರ್ಜನ’, ‘ಮೆರುಪು ದಾಡಿ’ ಮತ್ತು ‘ಇಂದ್ರಜಿತ್’ ಅವರ ನಿರ್ಮಾಣ ಕಾರ್ಯಗಳೊಂದಿಗೆ ಗುರುತಿಸಿಕೊಂಡ ಚಿತ್ರಗಳು. ‘ರಣರಂಗಂ’, ‘ಇಂದ್ರಜಿತ್’ ಹಾಗೂ ‘ನೀ ಸುಖಮೇ ನೀ ಕೊರಕುಂಟಾ’ ಅವರ ನಿರ್ದೇಶನದ ಚಿತ್ರಗಳಾಗಿವೆ.

2023ರಲ್ಲಿ ಬಿಡುಗಡೆಯಾದ ‘ಅನ್ನಿ ಮಂಚಿ ಸಕುನಮೂಲೆ’ ಚಿತ್ರದಲ್ಲಿ ನ್ಯಾಯಾಧೀಶರ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಲಭ್ಯವಿರುವ ಚಿತ್ರಪಟ್ಟಿಗಳ ಪ್ರಕಾರ ಇದೇ ಅವರ ಕೊನೆಯ ತೆರೆಕಾಣಿಕೆ.

ನಟ ಪುತ್ರರಿಗೆ ಕಲೆಯ ಪರಂಪರೆ : ಗಿರಿಬಾಬು ಅವರ ಹಿರಿಯ ಪುತ್ರ ರಘು ಬಾಬು ತೆಲುಗು ಚಿತ್ರರಂಗದ ಜನಪ್ರಿಯ ಹಾಸ್ಯ ಮತ್ತು ಪೋಷಕ ನಟರಾಗಿದ್ದಾರೆ. ಮತ್ತೊಬ್ಬ ಪುತ್ರ ಬೋಸ್ ಬಾಬು ಕೂಡ ಚಿತ್ರರಂಗದಲ್ಲಿ ಅಭಿನಯಿಸಿದ್ದಾರೆ. ಪತ್ನಿ ಶ್ರೀದೇವಿ ಅವರು 2016ರಲ್ಲಿ ನಿಧನರಾಗಿದ್ದರು. ಗಿರಿಬಾಬು ಅವರ ಅಗಲಿಕೆಯಿಂದ ತೆಲುಗು ಚಿತ್ರರಂಗವು ಅನುಭವಸಂಪನ್ನ ಕಲಾವಿದರೊಬ್ಬರನ್ನು ಕಳೆದುಕೊಂಡಿದೆ.

ನಾಯಕ, ಖಳನಾಯಕ, ಹಾಸ್ಯನಟ, ಪೋಷಕ ನಟ, ನಿರ್ದೇಶಕ ಹಾಗೂ ನಿರ್ಮಾಪಕ ಹೀಗೆ ಹಲವು ಜವಾಬ್ದಾರಿಗಳನ್ನು ಸಮರ್ಥವಾಗಿ ನಿರ್ವಹಿಸಿದ್ದ ಗಿರಿಬಾಬು ಅವರ ಕಲಾಸೇವೆ ಮತ್ತು ವಿಶಿಷ್ಟ ಅಭಿನಯ ಶೈಲಿ ಚಿತ್ರಪ್ರೇಮಿಗಳ ನೆನಪಿನಲ್ಲಿ ಉಳಿಯಲಿದೆ.

ತಮಿಳುನಾಡಿನಲ್ಲೂ ರಾಮಾಯಣ ಹವಾ; ಸೂರ್ಯ 'ಸೀನ್' ಮೇಲೆ ಸವಾರಿ, ಕಾಲಿವುಡ್‌ನಲ್ಲಿ ಭಾರೀ ಕಾಂಚಾಣ!

9/11ರ ಉಗ್ರ ದಾಳಿ ಬಳಿಕ ಅಮೆರಿಕ ಮತ್ತೊಮ್ಮೆ ಅಲ್ಲೋಲ-ಕಲ್ಲೋಲ: ಎಲ್ಲಾ ವಿಮಾನ ಸ್ಥಗಿತ- ವಿಶ್ವಾದ್ಯಂತ ಪರದಾಟ

Suchethana D — Sat, 14 Nov 2026 19:25:23 +0530

ನ್ಯೂಯಾರ್ಕ್: ಇಂದು ತಾಂತ್ರಿಕ ದೋಷದಿಂದಾಗಿ ಅಮೆರಿಕದ 11 ಸಾವಿರಕ್ಕೂ ಅಧಿಕ ವಿಮಾನಗಳು ಏಕಾಏಕಿ ಸ್ಥಗಿತಗೊಂಡು ಬೇರೆ ಬೇರೆ ದೇಶಗಳಿಗೆ ಹೋಗುವ ಜನರ ಸ್ಥಿತಿ ಅಲ್ಲೋಲ ಕಲ್ಲೋಲವಾಗಿರುವ ಘಟನೆ ನಡೆದಿದೆ. ಅಮೆರಿಕದಲ್ಲಿ ಹೀಗೆ ದೇಶಾದ್ಯಂತ ವಿಮಾನಗಳ ನಿರ್ಗಮನವನ್ನು ತಡೆಹಿಡಿದಿರುವುದು 25 ವರ್ಷಗಳ ಬಳಿಕ ಇದೇ ಮೊದಲಾಗಿದೆ. ಇದಕ್ಕೂ ಮೊದಲು ಅಮೆರಿಕದಲ್ಲಿ ಅತ್ಯಂತ ಭಯಾನಕತೆ ಸೃಷ್ಟಿಸಿದ್ದ ನವೆಂಬರ್ 11ರ ಅಂದರೆ ನ್ಯೂಯಾರ್ಕ್‌ನ ಅವಳಿ ಕಟ್ಟಡದ ಮೇಲೆ ನಡೆದ 9/11 ಉಗ್ರ ದಾಳಿಯ ಸಮಯದಲ್ಲಿ ಮಾತ್ರ ಹೀಗೆ ದೇಶಾದ್ಯಂತ ವಿಮಾನಗಳ ಹಾರಾಟಕ್ಕೆ ನಿರ್ಬಂಧ ವಿಧಿಸಲಾಗಿತ್ತು. ಸದ್ಯ ಇದೀಗ ಬಂದಿರುವ ಆದೇಶದಿಂದ ಹಲವರಲ್ಲಿ ಉಗ್ರದಾಳಿಯ ಕರಾಳ ನೆನಪು ಮತ್ತೆ ಮೆಲುಕುಹಾಕುವಂತೆ ಮಾಡಿದೆ. ಜೊತೆಗೆ ಇದು ಸೈಬರ್‌ ಆಟ್ಯಾಕ್‌ ಆಗಿರಬಹುದಾ ಎಂಬ ಅನುಮಾನಕ್ಕೆ ಕಾರಣವಾಗಿದೆ.

ನ್ಯೂಯಾರ್ಕ್, ಶಿಕಾಗೋ, ಲಾಸ್ ಏಂಜಲೀಸ್‌, ಅಟ್ಲಾಂಟಾದಂತಹ ಪ್ರಮುಖ ಏರ್‌ಪೋರ್ಟ್‌ಗಳಲ್ಲಿ ತಕ್ಷಣಕ್ಕೆ ಜಾರಿಗೆ ಬಂದಿದ್ದು,ಇದರಿಂದ ಸಾವಿರಾರು ಪ್ರಯಾಣಿಕರು ಟರ್ಮಿನಲ್ ಲಾಂಜ್‌ಗಳು ಸೇರಿದಂತೆ ವಿಮಾನ ನಿಲ್ದಾಣದ ಟಾರ್ಮ್ಯಾಕ್‌ಗಳಲ್ಲೇ ಕಾಯುವ ಪರಿಸ್ಥಿತಿ ಎದುರಾಗಿದ್ದು, ಹಲವು ಗಂಟೆಗಳ ಬಳಿಕ ಪ್ರಯಾಣಕ್ಕೆ ಅನುವು ಮಾಡಿಕೊಡಲಾಗಿದೆ. ಇದರಿಂದ ಅಂದಾಜು 15 ಲಕ್ಷ ಪ್ರಯಾಣಿಕರು ತೊಂದರೆಗೊಳಗಾಗಿದ್ದಾರೆ ಎಂದು ವಿಮಾನಯಾನ ಡಾಟಾ ಸಂಸ್ಥೆ Cirium ತಿಳಿಸಿದೆ. ಈ ಘಟನೆಯು ಅಮೆರಿಕದ ವಿಮಾನಯಾನ ಮೂಲಸೌಕರ್ಯ ವ್ಯವಸ್ಥೆಯ ಸುರಕ್ಷತೆ ಮತ್ತು ವಿಶ್ವಾಸಾರ್ಹತೆಯ ಬಗ್ಗೆಯೂ ಆತಂಕ ಮೂಡಿಸಿದೆ. ಆರಂಭದಲ್ಲಿ ವಿಮಾನ ಸಂಚಾರವನ್ನು ಸಹಜ ಸ್ಥಿತಿಗೆ ತರಲು ಎಷ್ಟು ಸಮಯ ಬೇಕಾಗಬಹುದು ಎಂಬುದರ ಕುರಿತು ಅಧಿಕಾರಿಗಳಿಂದ ಸ್ಪಷ್ಟ ಮಾಹಿತಿ ಲಭ್ಯವಾಗಿರಲಿಲ್ಲ ಎಂದು ಹೇಳಲಾಗಿದೆ.

ಸೈಬರ್ ದಾಳಿಯ ಸಾಧ್ಯತೆಯನ್ನು ತಳ್ಳಿಹಾಕಿದ ಅಮೆರಿಕದ ಹೋಮ್‌ಲ್ಯಾಂಡ್ ಸೆಕ್ಯುರಿಟಿ ಮುಖ್ಯಸ್ಥ ಮಾರ್ಕ್‌ವೇನ್ ಮುಲ್ಲಿನ್, ಅಧಿಕಾರಿಗಳು ಘಟನೆಯ ಬಗ್ಗೆ ಇನ್ನೂ ತನಿಖೆ ನಡೆಸುತ್ತಿದ್ದಾರೆ ಎಂದು ಮಾಧ್ಯಮಗಳಿಗೆ ತಿಳಿಸಿದರು. "ಇದು ನಮ್ಮ ವಿರುದ್ಧದ ದುಷ್ಕೃತ್ಯದ ದಾಳಿ ಎಂಬುದಕ್ಕೆ ಇದುವರೆಗೆ ಯಾವುದೇ ಸೂಚನೆಯಿಲ್ಲ. ಇದು ಕೇವಲ ದೂರಸಂಪರ್ಕ ಕಡಿತವಾಗಿದೆ" ಎಂದು ಮುಲ್ಲಿನ್ ಹೇಳಿದರು.

ತಾಂತ್ರಿಕ ದೋಷ ಕಾರಣ

ಅಮೆರಿಕದ ಎಲ್ಲಾ ಏರ್ ರೂಟ್ ಟ್ರಾಫಿಕ್ ಕಂಟ್ರೋಲ್ ಸೆಂಟರ್‌ಗಳ (ARTCC) ಸಂವಹನ ವ್ಯವಸ್ಥೆಯಲ್ಲಿ ಏಕಾಏಕಿ ತಾಂತ್ರಿಕ ದೋಷ ಕಾಣಿಸಿಕೊಂಡಿತು. ಈ ಹಿನ್ನೆಲೆ FAA ವಿಮಾನಗಳ ನಿರ್ಗಮನವನ್ನ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸುವ ನಿರ್ಧಾರ ಕೈಗೊಂಡಿತ್ತು. ನೆಟ್‌ವರ್ಕ್ ರೌಟರ್‌ಗಳಿಗೆ ಸಂಬಂಧಿಸಿದ ಸಮಸ್ಯೆಯಿಂದ ಈ ವ್ಯತ್ಯಯ ಉಂಟಾಗಿದ್ದು, ಅದು ಹಂತ ಹಂತವಾಗಿ ದೇಶದಾದ್ಯಂತದ ವಾಯು ಸಂಚಾರ ನಿಯಂತ್ರಣ ವ್ಯವಸ್ಥೆಗೆ ಹರಡಿದೆ ಎಂದು ವಿಮಾನಯಾನ ಸಂಸ್ಥೆಯ ಮೂಲಗಳು ತಿಳಿಸಿವೆ. ವಾಯು ಸಂಚಾರ ಸುರಕ್ಷತೆಯ ಮೇಲೆ ಪರಿಣಾಮ ಬೀರುವ ಅಸಾಧಾರಣ ಸಂದರ್ಭಗಳು ಎದುರಾಗಿರುವ ಹಿನ್ನಲೆಯಲ್ಲಿ ಸುರಕ್ಷಿತ ದೃಷ್ಟಿಯಿಂದ ಅಮೆರಿಕಾದಾದ್ಯಂತ ವಿಮಾನಗಳ ನಿರ್ಗಮನವನ್ನು ಸ್ಥಗಿತಗೊಳಿಸಲಾಗುತ್ತಿದೆ ಎಂದು FAA ಆದೇಶಿಸಿತು. ಇದು ಇಡೀ ಅಮೆರಿಕನ್‌ ಏವಿಯೇಶನ್‌ ವ್ಯವಸ್ಥೆಯನ್ನೇ ಅಸ್ತವ್ಯಸ್ತ ಮಾಡಿದ್ದು, ವಿಮಾನ ಹಾರಾಟಕ್ಕಾಗಿ ಏರ್‌ಪೋರ್ಟ್‌ಗಳಿಗೆ ಬಂದಿದ್ದ ಸಾವಿರಾರು ಪ್ರಯಾಣಿಕರು ವಿಮಾನಗಳ ರದ್ದಾಗಿರುವ ಸುದ್ದಿ ಕೇಳಿ ಆಘಾತಕ್ಕೊಳಗಾದರು.

ಕೊನೆ ವಿಕೆಟ್, ಕೊನೆ ಓವರ್, ಕೊನೆ ಎಸೆತ, ಪಾಕ್ ವಿರುದ್ಧ ಭಾರತಕ್ಕೆ ಗೆಲುವು ಕೊಟ್ಟ ಮೋಹಿತ್ ಉಲ್ವಾ ಯಾರು

Chethan Kumar — Sat, 14 Nov 2026 19:09:35 +0530

ಓಮನ್ (ನ.14) ಅಂಡರ್ 19 ಏಷ್ಯಾಕಪ್ ಫೈನಲ್ ಪಂದ್ಯದಲ್ಲಿ ಪಾಕಿಸ್ತಾನ 338 ರನ್ ಟಾರ್ಗೆಟ್ ನೀಡಿತ್ತು. ಭಾರತ ದಿಟ್ಟ ಹೋರಾಟ ನೀಡಿತ್ತು. ಆದರೆ ವಿಕೆಟ್ ಕಳೆದುಕೊಳ್ಳುತ್ತಾ ಬಂದಿತ್ತು. ಭಾರತದ ಗೆಲುವಿಗೆ ಅಂತಿಮ 16 ಎಸೆತದಲ್ಲಿ 29 ರನ್ ಬೇಕಿತ್ತು. ಆದರೆ ವಿಕೆಟ್ 9 ಉರುಳಿ ಬಿದ್ದಿತ್ತು. ಮೋಹಿತ್ ಉಲ್ವಾ ಕ್ರೀಸ್‌ನಲ್ಲಿದ್ದರೆ, ಕೊನೆಯ ವಿಕೆಟ್ ಚಿಗುರುಪಾಟಿ ವೆಂಕಟ್. ಹೆಚ್ಚು ಕಡಿಮೆ 3 ಓವರ್. ಆದರೆ ವಿಕೆಟ್ ಇಲ್ಲ, ಒಂದು ಸಣ್ಣ ತಪ್ಪು ದುಬಾರಿಯಾಗಲಿದೆ. ಹೀಗಾಗಿ ಎಚ್ಚರಿಕೆ ಬೇಕು, ಜೊತೆಗೆ ರನ್ ಕೂಡ ಬರಬೇಕು. ಹೋರಾಟ ಅಂತಿಮ ಓವರ್‌ಗೆ ತಲುಪಿತ್ತು. ಅಂತಿಮ ಓವರ್‌ನ ಆರಂಭಿಕ ಎಸೆತಗಳಲ್ಲಿ ಒಂದೊಂದೆ ರನ್. ಎದೆಬಡಿತ ಮತ್ತಷ್ಟು ಹೆಚ್ಚಾಯಿತು. ಆದರೆ ಮೋಹಿತ್ ಉಲ್ವಾ ಕೊನೆಯ ಎಸೆತದಲ್ಲಿ ಬೌಂಡರಿ ಸಿಡಿಸಿ ಭಾರತಕ್ಕೆ 1 ವಿಕೆಟ್ ರೋಚಕ ಗೆಲುವು ನೀಡಿದರು. ಬದ್ಧವೈರಿ ಪಾಕಿಸ್ತಾನ ಮಣಿಸಿದ ಭಾರತ ಟ್ರೋಫಿ ಗೆದ್ದು ಸಂಭ್ರಮಿಸಿತು.

ಮೋಹಿತ್ ಹೋರಾಟ, ವೆಂಕಟ್ ಸಾಥ್

ಅಂತಿ 12 ಎಸೆತದಲ್ಲಿ 15 ರನ್ ಅವಶ್ಯಕತೆ ಇತ್ತು. 9 ವಿಕೆಟ್ ಕಳೆದುಕೊಂಡು ಆತಂಕದಲ್ಲಿತ್ತು. 49ನೇ ಓವರ್‌ನಲ್ಲಿ ಮೊಹಿತ್ ಉಲ್ವಾ ಭಾರತೀಯ ಅಭಿಮಾನಿಗಳಿಗೆ ಸಮಾಧಾನ ನೀಡಿದರು. ಕಾರಣ ಮೊದಲ ಎಸೆತದ ಬೌಂಡರಿ, 2ನೇ ಎಸೆತ ಸಿಕ್ಸರ್ ಸಿಡಿಸಿದರು. ಇತ್ತ ಚಿಗುರುಪಾಟಿ ವೆಂಕಟ ಬೌಂಡರಿ ಸಿಡಿಸಿದರು. ಹೀಗಾಗಿ ಕೊನೆಯ ಓವರ್‌ನ 6 ಎಸೆತದಲ್ಲಿ ಭಾರತಕ್ಕೆ 8 ರನ್ ಅವಶ್ಯಕತೆ ಇತ್ತು. ಪಂದ್ಯ ಮತ್ತಷ್ಟು ರೋಚಕಗೊಂಡಿತು. ಗೆಲುವು ಯಾರಿಗೆ ಅನ್ನೋ ಕುತೂಹಲ ಹೆಚ್ಚಾಯಿತು. ಆದರೆ ಕೊನೆಯ ಓವರ್‌ನಲ್ಲಿ ಮೊದಲ ಎಸೆತ ಡಾಟ್ ಬಾಲ್. ಬೌಂಡರಿ ಅಥವಾ ಸಿಕ್ಸರ್ ಅನಿವಾರ್ಯವಾಗಿತ್ತು. ಒಂದು ವೈಡ್ ಸಿಕ್ಕರೂ ಆತಂಕ ದೂರವಾಗಲಿಲ್ಲ. ಕಾರಣ ಇನ್ನುಳಿದ 4 ಎಸೆತಗಳು ಒಂದೊಂದೇ ರನ್. ಹೀಗಾಗಿ ಕೊನೆಯ ಎಸೆತದಲ್ಲಿ ಬೌಂಡರಿ ಬೇಕೆ ಬೇಕು. ಮೋಹಿತ್ ಉಲ್ವಾ ಫ್ಲಾಟರ್ ಎಸೆತವನ್ನು ವೈಡ್ ಲಾಂಗ್ ಆಫ್ ಬೌಂಡರಿ ಕಡೆಗೆ ಬಲವಾಗಿ ಬೀಸಿದ್ದಾರೆ. ಒಂದು ಬೌನ್ಸ್‌ನಲ್ಲಿ ಬಾಲ್ ಬೌಂಡರಿ ಗೆರೆ ದಾಟಿತ್ತು. ಭಾರತ 1 ವಿಕೆಟ್ ರೋಚಕ ಗೆಲುವು ಕಂಡಿತ್ತು. ಲೀಗ್ ಹಂತದ ಸೋಲಿಗೆ ಸೇಡು ತೀರಿಸಿದ್ದು ಮಾತ್ರವಲ್ಲ, ಟ್ರೋಫಿ ಗೆದ್ದು ಸಂಭ್ರಮಿಸಿತ್ತು.

ಯಾರು ಈ ಮೋಹಿತ್ ಉಲ್ವಾ

26 ಎಸೆತದಲ್ಲಿ ಅಜೇಯ 49 ರನ್ ಸಿಡಿಸಿ ಭಾರತಕ್ಕೆ ಗೆಲುವು ನೀಡಿದ ಮೋಹಿತ್ ಉಲ್ವಾ ವಯಸ್ಸು ಕೇವಲ 18. ಗುಜರಾತ್‌ನ ಸುರೇಂದ್ರನಗರದ ಪ್ರತಿಭೆ. ಮೋಹಿತ್ ಮಹೇಶ್‌ಬಾಯಿ ಉಲ್ವಾ ಆಲ್‌ರೌಂಡರ್. ಮೋಹಿತ್ ಉಲ್ವಾಗೆ ತರಬೇತಿ ನೀಡಿ ಪರಿಪಕ್ವ ಮಾಡಿದ್ದು ರವೀಂದ್ರ ಜಡೇಜಾ ಬಾಲ್ಯದ ಕೋಚ್ ಮಹೇಂದ್ರ ಸಿನ್ಹ ಚೌವ್ಹಾಣ್. ಅಂಡರ್ 19 ತಂಡದ ಪ್ರಮುಖ ಬೌಲರ್ ಕೂಡ ಹೌದು. ಮೋಹಿತ್ ಉಲ್ವಾ ಕ್ರಿಸ್‌ಗೆ ಬಂದಿದ್ದು 9ನೇ ವಿಕೆಟ್‌ನಲ್ಲಿ. ಕೊನೆಯದಾಗಿ ಬ್ಯಾಟಿಂಗ್ ಬಂದು ಭಾರತಕ್ಕೆ ರೋಚಕ ಗೆಲುವು ನೀಡಿದ್ದಾರೆ. ಇತ್ತ ಬೌಲಿಂಗ್‌ನಲ್ಲಿ 8 ಓವರ್ ಮಾಡಿದ್ದರು. ಆದರೆ ವಿಕೆಟ್ ಕಬಳಿಸುವಲ್ಲಿ ಯಶಸ್ವಿಯಾಗಲಿಲ್ಲ.

ಮೋಹಿತ್ ಉಲ್ವಾ ಮೇಲೆ ಐಪಿಎಲ್ ಫ್ರಾಂಚೈಸಿಗಳು ಕಣ್ಣಿಟ್ಟಿದೆ. ಅಂಡರ್ 19 ಟೂರ್ನಿಯಲ್ಲಿ ತೋರಿದ ಪ್ರದರ್ಶನ, ಜವಾಬ್ದಾರಿ, ಒತ್ತಡದಲ್ಲಿ ಬ್ಯಾಟಿಂಗ್ ಎಲ್ಲವೂ ಐಪಿಎಲ್ ಟೂರ್ನಿಗೆ ಹೇಳಿ ಮಾಡಿಸಿದ ಪ್ರತಿಭೆ. ಹೀಗಾಗಿ ಮೋಹಿತ್ ಉಲ್ವಾ ಶೀಘ್ರದಲ್ಲೇ ಐಪಿಎಲ್ ಟೂರ್ನಿಯಲ್ಲಿ ಮಿಂಚಲಿದ್ದಾರೆ.

'ಯಾವನೋ ಏಜೆಂಟ್ ಅಂತೆ, ಖಾರದಪುಡಿ ರೆಡಿ ಇದೆ' ಇನ್‌ಸ್ಟಾಗ್ರಾಮ್‌ನಲ್ಲಿ ರೊಚ್ಚಿಗೆದ್ದ ಜಾಹ್ನವಿ

Ganesh Mabla Gowda — Sat, 14 Nov 2026 19:04:12 +0530

ಬೆಂಗಳೂರು: ಜೆಡಿಎಸ್ ಪ್ರಧಾನ ಕಾರ್ಯದರ್ಶಿ, ಜನಪ್ರಿಯ ನಿರೂಪಕಿ ಜಾಹ್ನವಿ ಅವರು ಸೋಶಿಯಲ್ ಮೀಡಿಯಾದಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಒಂದನ್ನು ಮಾಡಿ ಬೆಂಗಳೂರು ಸಿಟಿ ಪೊಲೀಸರಿಗೆ ಟ್ಯಾಗ್ ಮಾಡಿ, ಕ್ರಮ ತೆಗೆದುಕೊಳ್ಳುವಂತೆ ಆಗ್ರಹಿಸಿದ್ದಾರೆ.

ಜಹ್ನವಿ ಪೋಸ್ಟ್‌ನಲ್ಲಿ ಏನಿದೆ?

ಜಾಹ್ನವಿ ಅವರು ತಮ್ಮ ಪೋಸ್ಟ್‌ನಲ್ಲಿ ವ್ಯಕ್ತಿಯೊಬ್ಬ ತಮ್ಮೊಂದಿಗೆ ಚಾಟ್ ಮಾಡಲು ಪ್ರಯತ್ನಿಸಿದ್ದಾನೆ ಎನ್ನಲಾಗುತ್ತಿರುವ ಸ್ಕ್ರಿನ್ ಶಾಟ್ ಶೇರ್ ಮಾಡಿದ್ದಾರೆ. ಅದನ್ನು ಶೇರ್ ಮಾಡಿರುವ ಅವರು.. ಇವನು ಯಾವನೋ agent ಅಂತೆ! ಯಾವ ಪಕ್ಷದ agent ಎಂದು ಸ್ವಲ್ಪ ಪತ್ತೆ ಹಚ್ಚಿ ಎಂದು ಬೆಂಗಳೂರು ಸಿಟಿ ಪೊಲೀಸರಿಗೆ ಟ್ಯಾಗ್ ಮಾಡಿದ್ದಾರೆ. ಮುಂದುವರಿದು ಹಿಂಬಾಗಿಲಿನಿಂದ ಬಂದು ಮಾಡೋರನ್ನು ಹೇಡಿಗಳು ಎಂದು ಕರೆಯುತ್ತಾರೆ. complaint ಕೊಟ್ಟಿದ್ದೇನೆ. ಖಾರದಪುಡಿ ರೆಡಿ ಇದೆ ಎಂದು ಬರೆದುಕೊಡಿದ್ದಾರೆ. ಬೆನ್ನಲ್ಲೇ ಜಾಹ್ನವಿ ಅವರು ಯಾಕೆ ಹೀಗೆ ಆಕ್ರೋಶ ಭರಿತವಾಗಿ ಪೋಸ್ಟ್ ಮಾಡಿದ್ದಾರೆ ಎಂಬ ಚರ್ಚೆಗಳು ಶುರುವಾಗಿವೆ.

ಸ್ಕ್ರೀನ್ ಶಾಟ್‌ನಲ್ಲಿ ಏನಿದೆ?

ಅವರು ಶೇರ್ ಮಾಡಿರುವ ಸ್ಕ್ರೀನ್‌ ಶಾಟ್ ವಾಟ್ಸ್‌ಆಪ್ ಮೂಲಕ ಮಾತನ್ನಾಡಲು ಯತ್ನಿಸಿರುವ ಚಾಟಿಂಗ್ ಇದ್ದಂತೆ ಕಾಣ್ತಿದೆ. ಆರೋಪಿತ ವ್ಯಕ್ತಿಯ ನಂಬರ್ ಕೆಳಗೆ 'ಕಿಂಗ್ ಆಫ್ ಶೆಟ್ಟಿ' ಎಂಬ ಹೆಸರಿದೆ. ಹಾಯ್ ಎಂದು ಮೆಸೇಜ್ ಮಾಡಿದ್ದಾನೆ. ನಂತರ ಜಾಹ್ನವಿ ಮೇಡಂ ಆರಾಮಾ? ಎಂದು ಪ್ರಶ್ನೆ ಮಾಡಿದ್ದಾನೆ. ಅದಕ್ಕೆ ಜಾಹ್ನವಿ ಅವರು ನೀವು ಯಾರೆಂದು ಕೇಳಿದ್ದಾರೆ. ಅದಕ್ಕೆ ಆತ ಮೇಡಂ ನಾನು ರಕ್ಷಿತ್ ಕಿಂಗ್ 567 ಅಲ್ಲಿ.. ಎಂದು ಚಾಟಿಂಗ್ ಕಂಟಿನ್ಯೂ ಆಗಿದೆ.. ಪೂರ್ತಿ ವಿವರ ಲಭ್ಯ ಇಲ್ಲ.

ಇನ್ನು ಬೆಂಗಳೂರು ಪೊಲೀಸರಿಗೆ ದೂರು ನೀಡಿದ್ದೇನೆ ಎಂದು ಜಾಹ್ನವಿ ಅವರು ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ. ದೂರು ದಾಖಲಿಸಿಕೊಂಡಿರುವ ಪೊಲೀಸರು ಆರೋಪಿ ಮೇಲೆ ಕ್ರಮ ತೆಗೆದುಕೊಂಡರಾ? ಆ ರೀತಿ ಮೆಸೇಜ್ ಮಾಡಿದ್ದರು ಯಾರು? ಆತ ಯಾಕೆ ಹಾಗೆ ಮಾಡಿದ್ದಾನೆ? ಅನ್ನೋದ್ರ ಬಗ್ಗೆ ಸದ್ಯಕ್ಕೆ ಯಾವುದೇ ಮಾಹಿತಿ ಇಲ್ಲ. ಬೆಂಗಳೂರು ಪೊಲೀಸರ ಕ್ರಮದ ಬಗ್ಗೆ ಮಾಹಿತಿ ಬರಬೇಕಿದೆ.

View this post on Instagram

A post shared by Jhanvi R (@thenameis_jhanvi)

ಜೆಡಿಎಸ್‌ನಲ್ಲಿ ಮಹತ್ವದ ಜವಾಬ್ದಾರಿ

ಸುದ್ದಿ ನಿರೂಪಣೆ, ರಿಯಾಲಿಟಿ ಶೋ, ಬಿಗ್‌ ಬಾಸ್ ಹಾಗೂ ಸಿನಿಮಾಗಳ ಮೂಲಕ ತಮ್ಮದೇ ಚಾಪು ಮೂಡಿಸಿದ್ದ ಜಾಹ್ನವಿ ಅವರು ರಾಜಕೀಯ ಇನ್ನಿಂಗ್ಸ್ ಆರಂಭೀಸಿದ್ದಾರೆ. ಜೆಡಿಎಸ್‌ ಪಕ್ಷದ ಮೂಲಕ ರಾಜಕೀಯ ಹೆಜ್ಜೆ ಆರಂಭಿಸಿರುವ ಜಾಹ್ನವಿಗೆ, ಪ್ರಧಾನ ಕಾರ್ಯದರ್ಶಿ ಹುದ್ದೆಯನ್ನ ನೀಡಲಾಗಿದೆ. ಜೆಡಿಎಸ್ ಮಹಿಳಾ ಘಟಕವನ್ನು ಮತ್ತಷ್ಟು ಬಲಪಡಿಸಲು ಹೆಚ್‌ಡಿ ಕುಮಾರಸ್ವಾಮಿ ಪ್ಲಾನ್ ಮಾಡಿಕೊಂಡಿದ್ದಾರೆ. ಇದರ ಹಿನ್ನಲೆಯಲ್ಲಿ ಪ್ರಮುಖ ಮಹಿಳೆಯರನ್ನು ಪಕ್ಷಕ್ಕೆ ಸೇರಿಸಿಕೊಳ್ಳಲು ಪ್ಲಾನ್ ರೂಪಿಸಿದೆ.

'ನಾನು ಸತ್ತರೆ ನೋಡಲು ಬರುತ್ತೀಯಾ?" ಆ ಪ್ರಶ್ನೆ ಕೇಳಿದ್ದ ನಟಿ ಸಿಲ್ಕ್ ಸ್ಮಿತಾ ಅಂತ್ಯಕ್ರಿಯೆಗೆ ಹೋಗಿದ್ರಾ ಈ ಸ್ಟಾರ್?

Shriram Bhat — Sat, 14 Nov 2026 18:55:02 +0530

ಸಾಯುವ ಮೊದಲು ತನ್ನ ಕೊನೆಯ ಸಿನಿಮಾ ಚಿತ್ರೀಕರಣದ ವೇಳೆ ನಟಿ ಸಿಲ್ಕ್ ಸ್ಮಿತಾ ಆ ಸ್ಟಾರ್‌ ನಟನಿಗೆ ಅದೇನು ಹೇಳಿದ್ರು?

Silk Smitha Painful Story: ಒಂದು ಕಾಲದಲ್ಲಿ ದಕ್ಷಿಣ ಭಾರತದ ಚಿತ್ರರಂಗವನ್ನೇ ತನ್ನ ಗ್ಲಾಮರ್ ಹಾಗೂ ನೃತ್ಯದ ಮೂಲಕ ಆಳಿದ ನಟಿ ಸಿಲ್ಕ್ ಸ್ಮಿತಾ. ಸ್ಟಾರ್ ನಟಿಯರಿಗಿಂತಲೂ ಹೆಚ್ಚಿನ ಕ್ರೇಜ್ ಹೊಂದಿದ್ದ ಈ ಸುಂದರಿಗೆ ಅಪಾರ ಅಭಿಮಾನಿಗಳಿದ್ದರು. ಆಕೆಯ ಹೆಸರೇ ಸಿನಿಮಾಗಳಿಗೆ ದೊಡ್ಡ ಆಕರ್ಷಣೆಯಾಗಿತ್ತು. ಸಿಲ್ಕ್ ಸ್ಮಿತಾ (Silk Smitha) ಬಳಿಕ ಚಿತ್ರರಂಗಕ್ಕೆ ಸಾಕಷ್ಟು ಡ್ಯಾನ್ಸರ್‌ಗಳು, ಗ್ಲಾಮರ್ ನಟಿಯರು ಬಂದರೂ ಯಾರಿಗೂ ಆಕೆಯ ವರ್ಚಸ್ಸು ಮತ್ತು ಜನಪ್ರಿಯತೆಯನ್ನು ಮುಟ್ಟಲು ಸಾಧ್ಯವಾಗಲಿಲ್ಲ. ಆದರೆ, ಇಷ್ಟೊಂದು ಜನಪ್ರಿಯತೆ ಹೊಂದಿದ್ದ ನಟಿಯ ಅಂತ್ಯಕ್ರಿಯೆಗೆ ಚಿತ್ರರಂಗದಿಂದ ಬಂದಿದ್ದು ಮಾತ್ರ ಒಬ್ಬರೇ ಒಬ್ಬರು ಎಂದರೆ ಅಚ್ಚರಿಯಾಗಬಹುದು!

ದಿವಂಗತ ನಟಿ ಸಿಲ್ಕ್ ಸ್ಮಿತಾ ಅವರ ಜೀವನ ಮತ್ತು ನಿಗೂಢ ಸಾವಿನ ಹಿಂದೆ ಹಲವು ಘಟನೆಗಳು ಅಡಗಿವೆ. ಇದೀಗ ಹಿರಿಯ ಪತ್ರಕರ್ತ ತೋಟ ಭಾವನಾರಾಯಣ ಅವರು ಸಿಲ್ಕ್ ಸ್ಮಿತಾ ಅವರ ಕೊನೆಯ ದಿನಗಳ ಬಗ್ಗೆ ಹಾಗೂ ಆಕೆ ಮೃತಪಟ್ಟ ದಿನ ನಡೆದ ಘಟನೆಗಳ ಕುರಿತು ಹಲವು ಕುತೂಹಲಕಾರಿ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಆಕೆ ಬರೆದಿದ್ದ ಕೊನೆಯ ಪತ್ರದಲ್ಲಿನ ಅಂಶಗಳ ಬಗ್ಗೆಯೂ ಮಾತನಾಡಿದ್ದಾರೆ.

ಸಿಲ್ಕ್ ಸ್ಮಿತಾ ಅಂತ್ಯಕ್ರಿಯೆಗೆ ಬಂದಿದ್ದು ನಟ ಅರ್ಜುನ್ ಸರ್ಜಾ ಮಾತ್ರ!

'ಜನಪ್ರಿಯತೆ, ಅಭಿಮಾನಿಗಳು ಮತ್ತು ಚಿತ್ರರಂಗದಲ್ಲಿ ದೊಡ್ಡ ಹೆಸರಿದ್ದರೂ ಸಿಲ್ಕ್ ಸ್ಮಿತಾ ಮೃತಪಟ್ಟಾಗ ಅವರ ಅಂತ್ಯಕ್ರಿಯೆಗೆ ಚಿತ್ರರಂಗದ ಗಣ್ಯರು ಯಾರೂ ಬಂದಿರಲಿಲ್ಲವಂತೆ. ವಿಶೇಷವಾಗಿ ತಮಿಳು ಚಿತ್ರರಂಗದಿಂದ ಒಬ್ಬರೂ ಹಾಜರಾಗಿರಲಿಲ್ಲ' ಎಂದು ಹಿರಿಯ ಪತ್ರಕರ್ತರಾದ ತೋಟ ಭಾವನಾರಾಯಣ ಬೇಸರ ವ್ಯಕ್ತಪಡಿಸಿದ್ದಾರೆ. ಆದರೆ, ನಟ ಆಕ್ಷನ್ ಕಿಂಗ್ ಅರ್ಜುನ್ ಮಾತ್ರ ಸಿಲ್ಕ್ ಸ್ಮಿತಾ ಅವರ ಅಂತ್ಯಕ್ರಿಯೆಗೆ ಬಂದಿದ್ದರಂತೆ. ಇದನ್ನು ಕಂಡು ಆಶ್ಚರ್ಯಗೊಂಡ ಭಾವನಾರಾಯಣ, ಅರ್ಜುನ್ ಅವರನ್ನೇ ಈ ಬಗ್ಗೆ ಪ್ರಶ್ನಿಸಿದ್ದರು.

ಅದಕ್ಕೆ ಅರ್ಜುನ್ ನೀಡಿದ ಉತ್ತರ ನಿಜಕ್ಕೂ ಮನಕಲಕುವಂತಿತ್ತಂತೆ. ಸಿಲ್ಕ್ ಸ್ಮಿತಾ ಅವರ ಕೊನೆಯ ಸಿನಿಮಾದ ಚಿತ್ರೀಕರಣದ ವೇಳೆ ಆಕೆ, "ನಾನು ಸತ್ತರೆ ನನ್ನನ್ನು ನೋಡಲು ಬರುತ್ತೀಯಾ?" ಎಂದು ಅರ್ಜುನ್ ಅವರನ್ನು ಕೇಳಿದ್ದರಂತೆ. ಆಗ ಅವರು ಅದನ್ನು ತಮಾಷೆಯ ಮಾತೆಂದುಕೊಂಡು ನಿರ್ಲಕ್ಷಿಸಿದ್ದರಂತೆ. ಆದರೆ, ನಿಜವಾಗಿಯೂ ಸಿಲ್ಕ್ ಸ್ಮಿತಾ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂಬ ಸುದ್ದಿ ತಿಳಿದಾಗ ತಡೆಯಲಾಗಲಿಲ್ಲ. ಆಕೆಗೆ ಕೊಟ್ಟ ಮಾತಿನಂತೆ ಅಂತ್ಯಕ್ರಿಯೆಗೆ ಬಂದೆ ಎಂದು ಹೇಳುತ್ತಾ ಅರ್ಜುನ್ ಕಣ್ಣೀರಿಟ್ಟಿದ್ದರಂತೆ. ಈ ಘಟನೆಯನ್ನು ಭಾವನಾರಾಯಣ ಭಾವುಕರಾಗಿ ಸ್ಮರಿಸಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ಕೆಲವರು ಸಿಲ್ಕ್ ಸ್ಮಿತಾ ಅವರಿಗೆ ತಾವು ಧೈರ್ಯ ಹೇಳಿದ್ದೆವು, ಸಾವಿನ ಹಿಂದಿನ ರಾತ್ರಿ ಆಕೆ ತಮಗೇ ಕರೆ ಮಾಡಿದ್ದರು ಎಂದು ಹೇಳಿಕೊಳ್ಳುತ್ತಿರುವುದು ಅಚ್ಚರಿ ಮೂಡಿಸುತ್ತದೆ. ಆದರೆ, ತಾವು ಖುದ್ದಾಗಿ ಕಂಡಿದ್ದ ಪ್ರಕಾರ ಅಂತ್ಯಕ್ರಿಯೆಗೆ ಬಂದಿದ್ದು ಅರ್ಜುನ್ ಮಾತ್ರ ಎಂದು ಭಾವನಾರಾಯಣ ಸ್ಪಷ್ಟಪಡಿಸಿದ್ದಾರೆ.

ಕೊನೆಯ ಪತ್ರದಲ್ಲಿ ಯಾರ ಹೆಸರನ್ನು ಪದೇ ಪದೆ ಉಲ್ಲೇಖಿಸಿದ್ದರು ಸಿಲ್ಕ್ ಸ್ಮಿತಾ?

ಸಿಲ್ಕ್ ಸ್ಮಿತಾ ಬರೆದಿದ್ದ ಕೊನೆಯ ಪತ್ರದಲ್ಲಿನ ಕೆಲವು ವಿಚಾರಗಳನ್ನೂ ಭಾವನಾರಾಯಣ ಬಹಿರಂಗಪಡಿಸಿದ್ದಾರೆ. ಆ ಪತ್ರದಲ್ಲಿ ಆಕೆ ಜೀವನದಲ್ಲಿ ಒಂದು ರೀತಿಯ ಶೂನ್ಯತೆಯನ್ನು ಅನುಭವಿಸುತ್ತಿದ್ದ ಬಗ್ಗೆ ಬರೆದಿದ್ದರಂತೆ. ಆ ಒಂಟಿತನ ಮತ್ತು ಮಾನಸಿಕ ನೋವನ್ನು ಸಹಿಸಲಾಗದೆ ಈ ನಿರ್ಧಾರಕ್ಕೆ ಬಂದಿರಬಹುದು ಎಂಬ ಅರ್ಥದ ವಿಚಾರಗಳು ಪತ್ರದಲ್ಲಿದ್ದವು ಎಂದು ಅವರು ತಿಳಿಸಿದ್ದಾರೆ.

ಹೀಗೆ, ಒಂದು ಕಾಲದಲ್ಲಿ ಇಡೀ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ದೊಡ್ಡ ಮಟ್ಟದ ಅಭಿಮಾನಿ ಬಳಗ ಹೊಂದಿದ್ದ ಸಿಲ್ಕ್ ಸ್ಮಿತಾ ಅವರ ಬದುಕಿನ ಕೊನೆಯ ದಿನಗಳ ಕುರಿತು ಹಿರಿಯ ಪತ್ರಕರ್ತ ತೋಟ ಭಾವನಾರಾಯಣ ಹಂಚಿಕೊಂಡಿರುವ ಈ ವಿಚಾರಗಳು ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿವೆ.

'ಟಾಕ್ಸಿಕ್' ಚಿತ್ರದಿಂದ ಲಾಭವೇ ಆಗಿದೆ, ನಷ್ಟ ಅಲ್ಲ.. ಪೇಯ್ಡ್ ಪ್ರಮೋಷನ್ ಗುಟ್ಟು ಬಿಟ್ಟುಕೊಡದ ದಿಲ್ ರಾಜು!

ಪಾಕ್ ಸೊಕ್ಕು ಮುರಿದ ಮೋಹಿತ್ ಉಲ್ವಾ: ಲಾಸ್ಟ್‌ ಬಾಲ್‌ ಥ್ರಿಲ್ಲರ್‌ನಲ್ಲಿ ಏಷ್ಯಾ ಕಪ್ ಮುಡಿಗೇರಿಸಿಕೊಂಡ ಟೀಮ್‌ ಇಂಡಿಯಾ ಅಂಡರ್‌ 19

Santosh Naik — Sat, 14 Nov 2026 18:52:17 +0530

ಅಲ್‌ ಅಮೇರತ್‌, ಓಮಾನ್‌ (ನ.14): ಕ್ರಿಕೆಟ್ ಜಗತ್ತಿನ ಅತ್ಯಂತ ರೋಚಕ ಹಣಾಹಣಿಗಳಲ್ಲಿ ಒಂದಾದ ಅಂಡರ್-19 ಏಷ್ಯಾ ಕಪ್ 2026ರ ಫೈನಲ್ ಪಂದ್ಯದಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನವನ್ನು 1 ವಿಕೆಟ್‌ನಿಂದ ಮಣಿಸಿದ ಭಾರತ ಕಿರಿಯರ ತಂಡ ಐತಿಹಾಸಿಕ ಚಾಂಪಿಯನ್ ಪಟ್ಟ ಅಲಂಕರಿಸಿದೆ. ಪಾಕಿಸ್ತಾನ ನೀಡಿದ್ದ 338 ರನ್‌ಗಳ ಬೃಹತ್ ಗುರಿ ಬೆನ್ನತ್ತಿದ ಭಾರತಕ್ಕೆ ಕೊನೆಯ ಎಸೆತದಲ್ಲಿ ಗೆಲ್ಲಲು 3 ರನ್‌ಗಳ ಅಗತ್ಯವಿದ್ದಾಗ, ಡೀಪ್ ಎಕ್ಸ್‌ಟ್ರಾ ಕವರ್ ಮೂಲಕ ಭರ್ಜರಿ ಬೌಂಡರಿ ಬಾರಿಸಿದ ಮೋಹಿತ್ ಉಲ್ವಾ (Mohit Ulva) ಇಡೀ ದೇಶವೇ ಸಂಭ್ರಮಿಸುವಂತೆ ಮಾಡಿದರು.

309 ರನ್‌ಗಳಿಗೆ 9 ವಿಕೆಟ್ ಕಳೆದುಕೊಂಡು ಸೋಲಿನ ಅಂಚಿಗೆ ತಲುಪಿದ್ದ ಭಾರತವನ್ನು, ಕೊನೆಯ ವಿಕೆಟ್‌ಗೆ ಮುರಿಯದ 30 ರನ್‌ಗಳ (16 ಎಸೆತ) ಜೊತೆಯಾಟವಾಡಿದ ಮೋಹಿತ್ ಉಲ್ವಾ (ಅಜೇಯ 49) ಮತ್ತು ಚಿಗುರುಪಾಟಿ ವೆಂಕಟ (ಅಜೇಯ 11) ಗೆಲುವಿನ ದಡ ಸೇರಿಸಿದರು. ಭಾರತ 50 ಓವರ್‌ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 339 ರನ್ ಗಳಿಸಿ ರೋಚಕ ವಿಜಯ ಸಾಧಿಸಿತು.

ಉಸ್ಮಾನ್ ಖಾನ್ ಶತಕ, ಪಾಕ್ 337 ರನ್‌ಗಳ ಬೃಹತ್ ಮೊತ್ತ

ಅಲ್ ಅಮೇರತ್ ಕ್ರಿಕೆಟ್ ಮೈದಾನದಲ್ಲಿ ಶನಿವಾರ ನಡೆದ ಫೈನಲ್‌ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಪಾಕಿಸ್ತಾನ ತಂಡಕ್ಕೆ ಆರಂಭಿಕ ಆಟಗಾರ ಉಸ್ಮಾನ್ ಖಾನ್ ಭರ್ಜರಿ ಶತಕದ ಆಸರೆಯಾದರು. 111 ಎಸೆತಗಳಲ್ಲಿ 11 ಬೌಂಡರಿ, 3 ಸಿಕ್ಸರ್‌ಗಳೊಂದಿಗೆ 107 ರನ್ ಸಿಡಿಸಿದರು. ಇವರಿಗೆ ಸಾಥ್ ನೀಡಿದ ಅಬ್ದುಲ್ ಖಾದಿರ್ ಕೇವಲ 54 ಎಸೆತಗಳಲ್ಲಿ 8 ಸಿಕ್ಸರ್ ಹಾಗೂ 3 ಬೌಂಡರಿ ಸಹಿತ 80 ರನ್ ಚಚ್ಚಿದರೆ, ನಾಯಕ ಫರ್ಹಾನ್ ಯೂಸುಫ್ 63 ರನ್ (60 ಎಸೆತ) ಗಳಿಸಿದರು.

ಅಂತಿಮವಾಗಿ ಪಾಕಿಸ್ತಾನ ನಿಗದಿತ 50 ಓವರ್‌ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 337 ರನ್ ಕಲೆಹಾಕಿತು. ಭಾರತದ ಪರ ಬೌಲಿಂಗ್‌ನಲ್ಲಿ ಮಿಂಚಿದ ಕವ್ಯ ಪಟೇಲ್ 4 ವಿಕೆಟ್ ಹಾಗೂ ಚಿಗುರುಪಾಟಿ ವೆಂಕಟ 3 ವಿಕೆಟ್ ಪಡೆದು ಪಾಕ್ ರನ್ ವೇಗಕ್ಕೆ ಕಡಿವಾಣ ಹಾಕಿದರು.

ನಾಯಕ ಲಕ್ಷ್ಯ, ಆರ್ಯವೀರ್, ಮನಲ್ ದಿಟ್ಟ ಹೋರಾಟ

338 ರನ್‌ಗಳ ಕಠಿಣ ಗುರಿ ಬೆನ್ನತ್ತಿದ ಭಾರತಕ್ಕೆ ನಾಯಕ ಲಕ್ಷ್ಯ ರಾಜೇಶ್ ರಾಯಚಂದಾನಿ (80 ರನ್, 101 ಎಸೆತ) ಮತ್ತು ಆರ್ಯವೀರ್ ಸೆಹ್ವಾಗ್ (58 ರನ್, 61 ಎಸೆತ) ಉತ್ತಮ ಆರಂಭ ಒದಗಿಸಿದರು. ಬಳಿಕ ವಿ.ಕೆ. ವಿನೀತ್ (24), ಅರ್ಜುನ್ ರಾಜ್‌ಪುತ್ (16) ಹಾಗೂ ವಿಕೆಟ್ ಕೀಪರ್ ಅನ್ವಯ್ ದ್ರಾವಿಡ್ (19) ಉಪಯುಕ್ತ ಕಾಣಿಕೆ ನೀಡಿದರು.

ಮಧ್ಯಮ ಕ್ರಮಾಂಕದಲ್ಲಿ ಬಿರುಸಿನ ಬ್ಯಾಟಿಂಗ್ ನಡೆಸಿದ ಮನಲ್ ಚೌಹಾಣ್ ಕೇವಲ 32 ಎಸೆತಗಳಲ್ಲಿ 3 ಬೌಂಡರಿ, 3 ಸಿಕ್ಸರ್ ಸಹಿತ 47 ರನ್ ಸಿಡಿಸಿ ಗೆಲುವಿನ ಆಸೆ ಜೀವಂತವಿರಿಸಿದರು. ಆದರೆ 47.2ನೇ ಓವರ್‌ನಲ್ಲಿ ಮನಲ್ ಚೌಹಾಣ್ ಔಟಾದಾಗ ಭಾರತ 309/9 ರನ್ ಗಳಿಸಿ ಸಂಕಷ್ಟಕ್ಕೆ ಸಿಲುಕಿತ್ತು.

ಕೊನೆಯ ಓವರ್‌ನ ಎದೆಬಡಿತ ಹೆಚ್ಚಿಸಿದ ಮ್ಯಾಚ್‌

ಕೊನೆಯ 6 ಎಸೆತಗಳಲ್ಲಿ ಭಾರತಕ್ಕೆ ಗೆಲ್ಲಲು 8 ರನ್ ಬೇಕಿತ್ತು, ಪಾಕಿಸ್ತಾನಕ್ಕೆ ಗೆಲ್ಲಲು ಬೇಕಿದ್ದದ್ದು ಕೇವಲ 1 ವಿಕೆಟ್. ಪಾಕ್ ಲೆಗ್ ಸ್ಪಿನ್ನರ್ ಅಹ್ಮದ್ ಹುಸೇನ್ 50ನೇ ಓವರ್ ಎಸೆಯಲು ಬಂದರು. ಮೋಹಿತ್ ಉಲ್ವಾ ಮೊದಲ ಎಸೆತದಲ್ಲಿ ದೊಡ್ಡ ಹೊಡೆತಕ್ಕೆ ಕೈಹಾಕಿ ಚೆಂಡನ್ನು ಮಿಸ್ ಮಾಡಿಕೊಂಡರು. ವಿಕೆಟ್ ಕೀಪರ್ ಸ್ಟಂಪಿಂಗ್‌ಗೆ ಮನವಿ ಮಾಡಿದರಾದರೂ, ಉಲ್ವಾ ಸಮಯಪ್ರಜ್ಞೆಯಿಂದ ಕ್ರೀಸ್‌ನೊಳಗೆ ಕಾಲಿಟ್ಟು ಪಾರಾದರು. 2ನೇ ಎಸೆತದಲ್ಲಿ ಉಲ್ವಾ ಮುಂದೆ ಬರುವುದನ್ನು ಗಮನಿಸಿದ ಬೌಲರ್ ಆಫ್-ಸ್ಟಂಪ್ ಹೊರಗೆ ವೈಡ್ ಎಸೆದರು. ಭಾರತಕ್ಕೆ 1 ಬೋನಸ್ ರನ್ ಸಿಕ್ಕಿತು. ಮತ್ತೊಮ್ಮೆ 2ನೇ ಎಸೆತದಲ್ಲಿ ಪಾಯಿಂಟ್ ದಿಕ್ಕಿಗೆ ಚೆಂಡನ್ನು ತಳ್ಳಿದ ಉಲ್ವಾ 1 ರನ್ ಗಳಿಸಿದರು. 3ನೇ ಎಸೆತದಲ್ಲಿ ಚಿಗುರುಪಾಟಿ ವೆಂಕಟ ಬ್ಯಾಟ್‌ನ ಒಳಅಂಚಿಗೆ ತಗುಲಿ ಪ್ಯಾಡ್‌ಗೆ ಬಡಿದ ಚೆಂಡಿನಿಂದ 1 ರನ್ ಕದಿಯುವಲ್ಲಿ ಯಶಸ್ವಿಯಾದರು. ಈ ಹಂತದಲ್ಲಿ ಭಾರತದ ಗೆಲುವಿಗೆ 3 ಎಸೆತಗಳಲ್ಲಿ 5 ರನ್‌ ಬೇಕಿತ್ತು.

4ನೇ ಕ್ರೀಸ್‌ನಿಂದ ಮುಂದೆ ಬಂದು ಲಾಂಗ್-ಆಫ್ ಕಡೆಗೆ ಬಾರಿಸಿದ ಮೋಹಿತ್ ಉಲ್ವಾ 1 ರನ್ ಗಳಿಸಿದರು. 5ನೇ ಎಸೆತದಲ್ಲಿ ಲಾಂಗ್-ಆನ್ ಕಡೆಗೆ ಚೆಂಡನ್ನು ಅಟ್ಟಿದ ಚಿಗುರುಪಾಟಿ ವೆಂಕಟ 1 ರನ್ ಪೂರೈಸಿ ಸ್ಟ್ರೈಕ್ ಅನ್ನು ಉಲ್ವಾಗೆ ನೀಡಿದರು. ಕೊನೆಯ 1 ಎಸೆತದಲ್ಲಿ ಗೆಲುವಿಗೆ 3 ರನ್ ಬೇಕಿತ್ತು. ಒತ್ತಡವನ್ನು ಮೆಟ್ಟಿನಿಂತ ಮೋಹಿತ್ ಉಲ್ವಾ ಚೆಂಡನ್ನು ಡೀಪ್ ಎಕ್ಸ್‌ಟ್ರಾ ಕವರ್ ಬೌಂಡರಿ ಗೆರೆ ದಾಟಿಸುತ್ತಿದ್ದಂತೆಯೇ ಭಾರತೀಯ ಪಾಳಯದಲ್ಲಿ ಸಂಭ್ರಮ ಮುಗಿಲು ಮುಟ್ಟಿತು.

ಅದ್ಯಾಕೆ ಕೆಲವರಿಗೆ ಮಾತ್ರ ಚಳಿಗಾಲದಲ್ಲಿ ತುಸು ಹೆಚ್ಚೇ ಚಳಿಯಾಗುತ್ತೆ?

Pavna Das — Sat, 14 Nov 2026 18:48:13 +0530

Health Tips: ಹಾರ್ವರ್ಡ್ ಹೆಲ್ತ್ ಪಬ್ಲಿಷಿಂಗ್‌ನಲ್ಲಿ ಪ್ರಕಟವಾದ ವರದಿಯಲ್ಲಿ, ಕೆಲವರು ಸದಾ ಚಳಿ ಅನುಭವಿಸಲು ಇರುವ ಕಾರಣಗಳ ಬಗ್ಗೆ ವಿವರಿಸಿದ್ದಾರೆ. ನಿಮಗೂ ಇತರರಿಗಿಂತ ಹೆಚ್ಚು ಚಳಿಯಾಗುತ್ತಿದ್ದರೆ, ಅದಕ್ಕೆ ಏನೆಲ್ಲ ಕಾರಣಗಳಿರಬಹುದು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಚಳಿಗಾಲ ಬಂದಾಗ ಚಳಿ ಅನುಭವಿಸುವುದು ಸಹಜ. ಆದರೆ, ಚಳಿಗಾಲ ಆರಂಭವಾಗುವ ಮೊದಲೇ ಕೆಲವರಿಗೆ ಚಳಿಯಾಗಲು ಶುರುವಾಗುತ್ತದೆ. ಇನ್ನು ಕೆಲವರಿಗೆ ಸಾಮಾನ್ಯ ದಿನಗಳಲ್ಲಿಯೂ ಅತಿಯಾಗಿ ಚಳಿಯಾಗುತ್ತದೆ. ಇಂತಹವರ ಚಳಿಗಾಲದ ಬಟ್ಟೆಗಳು ಎಲ್ಲರಿಗಿಂತ ಮೊದಲೇ ಹೊರಬರುತ್ತವೆ ಮತ್ತು ಎಲ್ಲರಿಗಿಂತ ಕೊನೆಯದಾಗಿ ಮತ್ತೆ ಬಟ್ಟೆಪೆಟ್ಟಿಗೆ ಸೇರುತ್ತವೆ. ಆದರೆ, ಹೀಗೆ ಕೆಲವರಿಗೆ ಇತರರಿಗಿಂತ ಹೆಚ್ಚು ಚಳಿಯಾಗುವುದೇಕೆ? ಚಳಿಯನ್ನು ಸಹಿಸಿಕೊಳ್ಳುವ ಸಾಮರ್ಥ್ಯ ಅವರಲ್ಲಿ ಕಡಿಮೆ ಇರುವುದಕ್ಕೆ ಕಾರಣವೇನು ಎಂದು ಎಂದಾದರೂ ಯೋಚಿಸಿದ್ದೀರಾ? ಇದಕ್ಕೆ ಹಾರ್ವರ್ಡ್ ಹೆಲ್ತ್ ಪಬ್ಲಿಷಿಂಗ್‌ನಲ್ಲಿ ಪ್ರಕಟವಾದ ವರದಿಯಲ್ಲಿ ಉತ್ತರ ನೀಡಿದೆ. ಅದು ಏನು ಹೇಳಿದೆ ನೋಡಿ.

ದೇಹದಲ್ಲಿರುವ ಕೊಬ್ಬು ಮತ್ತು ಸ್ನಾಯುಗಳ ಪ್ರಮಾಣವು ದೇಹಕ್ಕೆ ಬೆಚ್ಚನೆಯ ಅನುಭವ ನೀಡುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಸ್ನಾಯುಗಳು ಶಾಖವನ್ನು ಉತ್ಪಾದಿಸಿದರೆ, ಕೊಬ್ಬು ದೇಹದ ಉಷ್ಣತೆಯನ್ನು ಕಾಪಾಡುವ ಇನ್ಸುಲೇಷನ್‌ನಂತೆ ಕಾರ್ಯನಿರ್ವಹಿಸುತ್ತದೆ. ನೀವು ಇತ್ತೀಚೆಗೆ ಇದ್ದಕ್ಕಿದ್ದಂತೆ ಹೆಚ್ಚು ತೂಕ ಕಳೆದುಕೊಂಡಿದ್ದರೆ ಅಥವಾ ಮೊದಲಿನಿಂದಲೂ ತುಂಬಾ ತೆಳ್ಳಗಿದ್ದರೆ, ಇದೇ ಕಾರಣದಿಂದ ನಿಮಗೆ ಇತರರಿಗಿಂತ ಹೆಚ್ಚು ಚಳಿಯಾಗಬಹುದು. ದೇಹವು ಚಳಿಗೆ ಹೆಚ್ಚು ಸೂಕ್ಷ್ಮವಾಗಿರಬಹುದು.

ಅನೇಕ ಜನರು ಊಟವನ್ನು ಬಿಟ್ಟುಬಿಟ್ಟಾಗ ಅಥವಾ ಕಡಿಮೆ ಕ್ಯಾಲೊರಿಗಳನ್ನು ಸೇವಿಸಿದಾಗ ಹೆಚ್ಚು ಚಳಿಯನ್ನು ಅನುಭವಿಸುತ್ತಾರೆ. ಹೀಗಾದಾಗ ದೇಹವು ತನ್ನ ಶಕ್ತಿಯನ್ನು ಉಳಿಸಿಕೊಳ್ಳಲು ಪ್ರಯತ್ನಿಸುತ್ತದೆ. ಇದರಿಂದ ದೇಹದಲ್ಲಿ ಶಾಖ ಉತ್ಪತ್ತಿಯಾಗುವ ಪ್ರಮಾಣ ಕಡಿಮೆಯಾಗುತ್ತದೆ. ಪರಿಣಾಮವಾಗಿ ಹೆಚ್ಚು ಚಳಿಯಾಗಲು ಪ್ರಾರಂಭವಾಗುತ್ತದೆ.

ಥೈರಾಯ್ಡ್ ಗ್ರಂಥಿಯ ಕಾರ್ಯಕ್ಷಮತೆ ಕಡಿಮೆಯಾಗುವುದನ್ನು ಹೈಪೋಥೈರಾಯ್ಡಿಸಮ್ (Hypothyroidism) ಎಂದು ಕರೆಯಲಾಗುತ್ತದೆ. ಈ ಸಮಸ್ಯೆಯ ಸಾಮಾನ್ಯ ಲಕ್ಷಣಗಳಲ್ಲಿ ಅತಿಯಾಗಿ ಚಳಿ ಅನುಭವಿಸುವುದೂ ಒಂದು. ಈ ಸಮಸ್ಯೆಯನ್ನು ಖಚಿತಪಡಿಸಿಕೊಳ್ಳಲು ರಕ್ತ ಪರೀಕ್ಷೆ ಮಾಡಿಸಬಹುದು.

ದೇಹದಲ್ಲಿ ಕೆಂಪು ರಕ್ತ ಕಣಗಳ ಸಂಖ್ಯೆ ಕಡಿಮೆಯಾದರೆ ವ್ಯಕ್ತಿಯು ರಕ್ತಹೀನತೆ ಅಥವಾ ಅನೀಮಿಯಾ (Anemia) ಸಮಸ್ಯೆಗೆ ಒಳಗಾಗಬಹುದು. ಅನೀಮಿಯಾ ಇರುವವರಿಗೆ ಚಳಿಯಾಗಬಹುದು. ಆದರೆ, ಈ ಸಮಸ್ಯೆ ಇದ್ದರೆ ಪ್ರತಿಯೊಬ್ಬರಿಗೂ ಸಾಮಾನ್ಯಕ್ಕಿಂತ ಹೆಚ್ಚು ಚಳಿಯಾಗಲೇಬೇಕು ಎಂದೇನಿಲ್ಲ. ಪರೀಕ್ಷೆ ಮಾಡಿಕೊಳ್ಳೋದು ಮುಖ್ಯ.

ಅತಿಯಾಗಿ ಚಳಿ ಅನುಭವಿಸಲು ರೇನಾಡ್ಸ್ ಫಿನಾಮಿನನ್ (Raynaud's Phenomenon) ಕೂಡ ಒಂದು ಕಾರಣವಾಗಿರಬಹುದು ಎಂದು ತಜ್ಞರು ವಿವರಿಸುತ್ತಾರೆ. ಸಾಮಾನ್ಯವಾಗಿ ವಾತಾವರಣದ ಉಷ್ಣತೆ ಕಡಿಮೆಯಾದಾಗ, ದೇಹವು ಚರ್ಮದ ಭಾಗಗಳಿಗೆ ರಕ್ತದ ಹರಿವನ್ನು ಕಡಿಮೆ ಮಾಡುತ್ತದೆ. ಇದರಿಂದ ಆಂತರಿಕ ಅಂಗಗಳು ಬೆಚ್ಚಗಿರಲು ಸಹಾಯವಾಗುತ್ತದೆ. ಆದರೆ, ರೇನಾಡ್ಸ್ ಫಿನಾಮಿನನ್ ಸಮಸ್ಯೆ ಇರುವವರಲ್ಲಿ ಈ ಸಹಜ ಪ್ರತಿಕ್ರಿಯೆ ಅತಿಯಾಗಿ ಕಂಡುಬರುತ್ತದೆ. ಸಣ್ಣ ರಕ್ತನಾಳಗಳು ಸಂಕುಚಿತಗೊಳ್ಳುತ್ತವೆ. ಇದರಿಂದ ಚರ್ಮದ ಭಾಗಗಳಿಗೆ ರಕ್ತದ ಹರಿವು ಹಠಾತ್ತನೆ ಕಡಿಮೆಯಾಗುತ್ತದೆ. ಈ ಸಮಸ್ಯೆ ಹೆಚ್ಚಾಗಿ ಕೈ ಮತ್ತು ಕಾಲುಗಳ ಬೆರಳುಗಳಲ್ಲಿ ಕಂಡುಬರುತ್ತದೆ. ಇಂತಹ ಸಮಸ್ಯೆ ಇರುವವರು ತಾಪಮಾನ ಸ್ವಲ್ಪ ಕಡಿಮೆಯಾದರೂ ತೀವ್ರವಾದ ಚಳಿಯನ್ನು ಅನುಭವಿಸುತ್ತಾರೆ.

ನಿಮಗೆ ಅಸಹಜ ರೀತಿಯಲ್ಲಿ ಹೆಚ್ಚು ಚಳಿಯಾಗುತ್ತಿದ್ದರೆ ಮತ್ತು ಇದರಿಂದ ಆರಾಮವಾಗಿ ಇರಲು ಸಾಧ್ಯವಾಗದಿದ್ದರೆ ವೈದ್ಯರ ಸಲಹೆ ಪಡೆಯಬಹುದು. ವೈದ್ಯರು ಅಗತ್ಯ ತಪಾಸಣೆ ನಡೆಸಿ ಸಮಸ್ಯೆಗೆ ನಿಖರವಾದ ಕಾರಣವನ್ನು ಪತ್ತೆಹಚ್ಚಬಹುದು. ಇದಲ್ಲದೇ ಚಳಿ ಹೆಚ್ಚಾಗುತ್ತಿದ್ದರೆ, ಲೇಯರ್ ಡ್ರೆಸ್ ಮಾಡಿ. ಅಲ್ಲದೇ ಸಮಯಕ್ಕೆ ಸರಿಯಾಗಿ ಆಹಾರ ಸೇವಿಸಿ. ಊಟವನ್ನು ಸ್ಕಿಪ್ ಮಾಡುವ ಅಭ್ಯಾಸ ಬಿಡಿ. ಇದಲ್ಲದೇ ವ್ಯಾಯಾಮ ಮಾಡುವುದರಿಂದ ದೇಹದಲ್ಲಿ ಉಷ್ಣತೆ ಹೆಚ್ಚಾಗುತ್ತದೆ. ಪ್ರತಿದಿನ ವಾಕಿಂಗ್, ಸ್ಟ್ರೆಚಿಂಗ್ ಅಥವಾ ರಕ್ತ ಪರಿಚಲನೆ ಹೆಚ್ಚಿಸುವ ಇತರ ವ್ಯಾಯಾಮಗಳನ್ನು ಮಾಡಬಹುದು.

Trendy Blouse Designs: ಸೀರೆ ಸುಂದರವಾಗಿ ಕಾಣಬೇಕೆಂದರೆ ಬ್ಲೌಸ್ ಹೀಗಿರಲಿ; ಈ ಡಿಸೈನ್‌ಗಳು ಸಖತ್ ಟ್ರೆಂಡಿಂಗ್!

Govindaraj S — Sat, 14 Nov 2026 18:41:24 +0530

ಸೀರೆಯುಟ್ಟು ಸುಂದರವಾಗಿ ಕಾಣಬೇಕಾದರೆ... ಅದಕ್ಕೆ ಪರ್ಫೆಕ್ಟ್ ಆಗಿ ಮ್ಯಾಚ್ ಆಗುವ ಬ್ಲೌಸ್ ಆಯ್ಕೆ ಮಾಡಿಕೊಳ್ಳಬೇಕು. ಹಳೆಯ ಮಾಡೆಲ್ ಡಿಸೈನ್ ಮಾತ್ರವಲ್ಲ.. ಈಗಿನ ಟ್ರೆಂಡಿ ಯುವತಿಯರು ಇಷ್ಟಪಡುವ ಕೆಲವು ಹೊಸ ಬ್ಲೌಸ್ ಡಿಸೈನ್‌ಗಳನ್ನು ಒಮ್ಮೆ ನೋಡೋಣ...

ಪಾಕಿಸ್ತಾನದಲ್ಲೂ Ramayana Movie ಹವಾ: ಬ್ಯಾನರ್ ಹಿಡಿದು ಪ್ರತಿಭಟನೆ- ಸಿನಿಮಾ ಬಿಡುಗಡೆಗೆ ಆಗ್ರಹ

Suchethana D — Sat, 14 Nov 2026 18:38:33 +0530

ರಾಮಾಯಣ ಮೂವಿ (Ramayana Movie) ಹವಾ ಸೃಷ್ಟಿಸುತ್ತಿದೆ. ಇದಾಗಲೇ ಈ ಸಿನಿಮಾ 1 ಸಾವಿರ ಕೋಟಿ ರೂಪಾಯಿ ಮೀರಿ ಗಳಿಕೆ ಮಾಡಿದೆ. ಕನ್ನಡ ಮಾತ್ರವಲ್ಲದೇ ವಿವಿಧ ಭಾಷೆಗಳಲ್ಲಿ, ವಿವಿಧ ದೇಶಗಳಲ್ಲಿಯೂ ಇದು ಬಿಡುಗಡೆಯಾಗಿದೆ. ಆದರೆ ಇದುವರೆಗೆ ಇದನ್ನು ಪಾಕಿಸ್ತಾನದಲ್ಲಿ ಬಿಡುಗಡೆ ಮಾಡಲಿಲ್ಲ. ಆದರೆ ಇದೀಗ ಅಲ್ಲಿಯ ಭಾರತೀಯರು ರಾಮಾಯಣ ಮೂವಿಯನ್ನು ಪಾಕಿಸ್ತಾನದಲ್ಲಿಯೂ ಬಿಡುಗಡೆ ಮಾಡುವಂತೆ ಬೀದಿಗೆ ಬಂದು ಪ್ರತಿಭಟನೆ ಮಾಡುತ್ತಿದ್ದಾರೆ. ಪಾಕಿಸ್ತಾನದ ಕರಾಚಿಯಲ್ಲಿರುವ ಹಿಂದೂ ಸಮುದಾಯದ ಸದಸ್ಯರು ಸಿನಿಮಾ ಬಿಡುಗಡೆಗೆ ಕೋರಿ ಪೋಸ್ಟರ್ ಹಿಡಿದು ಪ್ರತಿಭಟಿಸುತ್ತಿರುವ ಫೋಟೋಗಳು ವೈರಲ್ ಆಗುತ್ತಿವೆ.

ಜನರು ಚಿತ್ರದ ಪೋಸ್ಟರ್‌ಗಳನ್ನು ಹಿಡಿದುಕೊಂಡು, ಡ್ರಮ್‌ಗಳನ್ನು ಬಾರಿಸುತ್ತಾ, ಭಕ್ತಿಗೀತೆಗಳನ್ನು ಹಾಡುತ್ತಾ ಮತ್ತು "ಜೈ ಶ್ರೀ ರಾಮ್" ಎಂದು ಜಪಿಸುತ್ತಾ ಚಿತ್ರದ ಯಶಸ್ಸಿಗೆ ತಮ್ಮ ಆಶಯವನ್ನು ವ್ಯಕ್ತಪಡಿಸುತ್ತಿದ್ದಾರೆ. ರೆಡ್ಡಿಟ್‌ನಲ್ಲಿ ಹಂಚಿಕೊಳ್ಳಲಾದ ವೀಡಿಯೊಗಳು, ಪುರುಷರು ಮತ್ತು ಮಹಿಳೆಯರು ರಾಮಾಯಣದ ಪೋಸ್ಟರ್‌ಗಳೊಂದಿಗೆ ಬೀದಿಗಳಲ್ಲಿ ಒಟ್ಟುಗೂಡುತ್ತಿರುವುದನ್ನು ತೋರಿಸುತ್ತವೆ. ಕೆಲವು ಭಾಗವಹಿಸುವವರು ಐತಿಹಾಸಿಕ ದೇವಾಲಯಕ್ಕೆ ಭೇಟಿ ನೀಡಿ ಅಲ್ಲಿ ಚಿತ್ರದ ಪೋಸ್ಟರ್ ಅನ್ನು ಪ್ರದರ್ಶಿಸುತ್ತಿದ್ದಾರೆ. ಈ ಆಚರಣೆಗಳು ವೀಡಿಯೊಗಳಲ್ಲಿ ಕಾಣಿಸಿಕೊಂಡಿರುವ ಹಿಂದೂ ಸಮುದಾಯದ ಸದಸ್ಯರಲ್ಲಿ ರಾಮಾಯಣದ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಮಹತ್ವವನ್ನು ಪ್ರತಿಬಿಂಬಿಸುತ್ತವೆ. ಸಿನಿಮಾದ ಚಿತ್ರದ ಪೋಸ್ಟರ್‌ಗಳನ್ನು ಹಿಡಿದುಕೊಂಡು ಜನರು ಕರಾಚಿಯಾದ್ಯಂತ ನಡೆದುಕೊಂಡು ಹೋಗುವುದನ್ನು ಕಾಣಬಹುದು. ಮೆರವಣಿಗೆಯನ್ನು ಡ್ರಮ್‌ಗಳು ಮತ್ತು ಸಿಂಬಲ್‌ಗಳನ್ನು ಹೊಂದಿರುವ ಜನರು ಅನುಸರಿಸುವುದನ್ನು ನೋಡಬಹುದು. '

ಪಾಕಿಸ್ತಾನದಲ್ಲಿ ಪ್ರತಿಭಟನೆ

'ಭಗವಂತ ರಾಮ ನನ್ನ ಸ್ಥಳಕ್ಕೆ ಬಂದಿದ್ದಾನೆ' ಎಂದು ಹೇಳುವ ಭಜನೆ ಹಾಡುವ ಕೆಲವು ಮಹಿಳೆಯರಿದ್ದಾರೆ. ಈ ಆಚರಣೆಯು ಚಿತ್ರದ ಬಿಡುಗಡೆಯಿಂದ ಸೃಷ್ಟಿಯಾದ ಪ್ರಚಾರ ಮತ್ತು ರಾಮನ ಮೇಲಿನ ಭಕ್ತಿಯ ಮಿಶ್ರಣವಾಗಿದೆ ಎಂದು ತೋರುತ್ತದೆ. ಆಚರಣೆಯಲ್ಲಿರುವ ಒಬ್ಬ ಮಹಿಳೆ, ನಟ ರಣಬೀರ್ ಕಪೂರ್ ಅವರನ್ನು ತುಂಬಾ ಪ್ರೀತಿಸುತ್ತೇನೆ ಮತ್ತು ಅವರಿಗೆ ರಾಮನ ಆಶೀರ್ವಾದ ಯಾವಾಗಲೂ ಇರಲಿ ಎಂದು ಹೇಳುತ್ತಾರೆ.

ಚಿತ್ರವು ಸೂಪರ್ ಹಿಟ್ ಆಗಬೇಕೆಂದು ಅವರು ಬಯಸುತ್ತಾರೆ. ಪಾಕಿಸ್ತಾನದಿಂದ ಬಂದಿರುವ ಚಿತ್ರದ ಪಾತ್ರವರ್ಗಕ್ಕೆ ಮತ್ತೊಬ್ಬ ವ್ಯಕ್ತಿ ಶುಭ ಹಾರೈಸಿದರು. ಜನರು ಹೊರಗೆ ಹೋಗಿ ದೇವಸ್ಥಾನಕ್ಕೆ ಭೇಟಿ ನೀಡುವಾಗ ಚಿತ್ರದ ಪೋಸ್ಟರ್‌ಗಳನ್ನು ಹಿಡಿದಿರುವುದನ್ನು ಕಾಣಬಹುದು. ಪಾಕಿಸ್ತಾನದ ಹಿಂದೂ ಸಮುದಾಯದಲ್ಲಿ ಭಾರತೀಯ ಚಲನಚಿತ್ರವೊಂದಕ್ಕೆ ಸೃಷ್ಟಿಯಾದ ಪ್ರಚಾರದಿಂದಾಗಿ ಈ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಜನಪ್ರಿಯವಾಗಿದೆ. ಕರಾಚಿಯ ಐತಿಹಾಸಿಕ ದೇವಾಲಯದಲ್ಲಿ ರಾಮಾಯಣ ಪೋಸ್ಟರ್ ಅನ್ನು ಪ್ರದರ್ಶಿಸಲಾಗಿದೆ. ವೀಡಿಯೊಗಳಲ್ಲಿ ತೋರಿಸಿರುವ ಆಚರಣೆಗಳಲ್ಲಿ ಕರಾಚಿಯಲ್ಲಿರುವ ಐತಿಹಾಸಿಕ ದೇವಾಲಯಕ್ಕೆ ಭೇಟಿ ನೀಡುವುದು ಸಹ ಸೇರಿದೆ, ಅಲ್ಲಿ ಭಾಗವಹಿಸುವವರು ಚಿತ್ರದ ಪೋಸ್ಟರ್ ಅನ್ನು ಪ್ರದರ್ಶಿಸುವುದನ್ನು ನೋಡಬಹುದು.

ವಿವಾದ ಸೃಷ್ಟಿಸಿದ ಅಲ್ಪಸಂಖ್ಯಾತರ ಸೇನಾ ತರಬೇತಿಗೆ ರಾಜ್ಯ ಸರ್ಕಾರದ ಟೆಂಡರ್ ಆಹ್ವಾನ, VHP ಗರಂ

Chethan Kumar — Sat, 14 Nov 2026 18:25:16 +0530

ಬೆಂಗಳೂರು (ನ.14) ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿರುವ, ಸಲ್ಲಿಸಿದ ಯೋಧರು ದೇಶದ ಯೋಧರು. ಇಲ್ಲಿ ಧರ್ಮ, ಜಾತಿಗಳಿಗೆ ಪ್ರಾಶಸ್ತ್ಯವಿಲ್ಲ. ಸೇನೆಯ ಪ್ರತಿಯೊಬ್ಬರು ಧರ್ಮದ ಆಧಾರದಲ್ಲಿ ಗುರುತಿಸಲ್ಪಡುವುದಿಲ್ಲ ಬದಲಾಗಿ ಭಾರತೀಯ ಯೋಧ ಎಂದೇ ಗುರುತಿಸಿಕೊಳ್ಳುತ್ತಾನೆ. ಇದೀಗ ರಾಜ್ಯ ಸರ್ಕಾರದ ಅಲ್ಪಸಂಖ್ಯಾತ ನಿರ್ದೇಶನಾಲಯ ಹೊರಡಿಸಿದ ಟೆಂಡರ್, ವಿಶ್ವ ಹಿಂದೂ ಪರಿಷತ್ ಸೇರಿದಂತೆ ಹಿಂದೂ ಸಂಘಟನೆಗಳ ಆಕೋಶಕ್ಕೆ ಗುರಿಯಾಗಿದೆ. ಅಲ್ಪಸಂಖ್ಯಾತರಿಗೆ 60 ದಿನದ ಸೇನಾ ತರಬೇತಿ ನೀಡುವ ಯೋಜನೆಗೆ ಟೆಂಡರ್ ಆಹ್ವಾನಿಸಲಾಗಿದೆ. ಈ ಯೋಜನೆಗೆ ಭಾರಿ ವಿರೋಧ ವ್ಯಕ್ತವಾಗಿದೆ. ಇದರ ಉದ್ದೇಶ ಸ್ಪಷ್ಟಪಡಿಸಿ ಎಂದು ವಿಶ್ವ ಹಿಂದೂ ಪರಿಷತ್ ಆಗ್ರಹಿಸಿದೆ.

ಹಿಂದೂ ಸೇರಿ ಇತರ ಸಮುದಾಯದ ವಿದ್ಯಾರ್ಥಿಗಳಿಗೆ ಯಾಕಿಲ್ಲ

2026-27ನೇ ಸಾಲಿನಲ್ಲಿ ತರಬೇತಿ ಕಾರ್ಯಕ್ರಮ ಆಯೋಜಿಸಲು ಅಲ್ಪಸಂಖ್ಯಾತರ ನಿರ್ದೇಶನಾಲಯದಿಂದ ಟೆಂಡರ್ ಆಹ್ವಾನಿಸಿದೆ. ಅಲ್ಪಸಂಖ್ಯಾತರಿಗೆ 60 ದಿನಗಳ ಸೇನಾ ತರಬೇತಿ ನೀಡುವ ಯೋಜನೆ ಇದಾಗಿದೆ. ಸೇನಾ ತರಬೇತಿಯಂಥ ರಾಷ್ಟ್ರೀಯ ಮಹತ್ವದ ಕಾರ್ಯಕ್ರಮಕ್ಕೆ ಧರ್ಮದ ಆಧಾರದ ಮೇಲೆ ಅರ್ಹತೆ ನಿಗದಿ ಮಾಡಿರುವುದಕ್ಕೆ ವಿಶ್ವ ಹಿಂದೂ ಪರಿಷತ್ ಆಕ್ಷೇಪ ವ್ಯಕ್ತಪಡಿಸಿದೆ. ಕೇವಲ ಅಲ್ಪಸಂಖ್ಯಾತ ವಿದ್ಯಾರ್ಥಿಗಳಿಗೆ ಮಾತ್ರ ಈ ಅವಕಾಶ ಯಾಕೆ, ಹಿಂದೂ ಸೇರಿದಂತೆ ಇತರ ಸಮುದಾಯಗಳ ವಿದ್ಯಾರ್ಥಿಗಳಿಗೆ ಯಾಕೆ ಅವಕಾಶ ನೀಡಿಲ್ಲ ಎಂದು ವಿಶ್ವ ಹಿಂದೂ ಪರಿಷತ್ ಪ್ರಶ್ನಿಸಿದೆ. ಧರ್ಮದ ಆಧಾರದ ಮೇಲೆ ಸೇನಾ ತರಬೇತಿಯನ್ನು ವಿಹೆಚ್‌ಪಿ ವಿರೋಧಿಸಿದೆ.

ಅರ್ಹತಾ ಮಾನದಂಡಗಳ ಬಗ್ಗೆ ಪ್ರಶ್ನೆ

60 ದಿನಗಳ ತರಬೇತಿಯ ಉದ್ದೇಶವೇನು ಎಂಬ ಬಗ್ಗೆ ಸ್ಪಷ್ಟತೆ ಇಲ್ಲ. ತರಬೇತಿಯ ಪಠ್ಯಕ್ರಮ, ಫಲಾನುಭವಿಗಳ ಸಂಖ್ಯೆ, ಆಯ್ಕೆ ಪ್ರಕ್ರಿಯೆ ಮತ್ತು ಒಟ್ಟು ವೆಚ್ಚದ ವಿವರ ಪ್ರಕಟವಾಗಿಲ್ಲ ಎಂಬ ಗಂಭೀರ ಪ್ರಶ್ನೆಗಳನ್ನು ವಿಶ್ವ ಹಿಂದೂ ಪರಿಷತ್ ಕೇಳಿದೆ. ಸಾರ್ವಜನಿಕ ತೆರಿಗೆ ಹಣದಲ್ಲಿ ನಡೆಯುವ ಯೋಜನೆಯ ಅರ್ಹತಾ ಮಾನದಂಡಗಳ ಬಗ್ಗೆ ಪ್ರಶ್ನೆ ಮಾಡಿದೆ. ಆರ್ಥಿಕವಾಗಿ ಹಿಂದುಳಿದ ವಿದ್ಯಾರ್ಥಿಗಳಿಗೆ ಧರ್ಮದ ಬೇಧವಿಲ್ಲದೆ ಅವಕಾಶ ನೀಡಲು ವಿಶ್ವ ಹಿಂದೂ ಪರಿಷತ್ ಒತ್ತಾಯಿಸಿದೆ.

ದೇಶಸೆವೆ ತರಬೇತಿ ಅರ್ಹರಿಗೆ ಸಿಗಲಿ

ರಾಷ್ಟ್ರೀಯ ಏಕತೆ, ಶಿಸ್ತು ಮತ್ತು ದೇಶಸೇವೆಯ ತರಬೇತಿ ಎಲ್ಲ ಅರ್ಹ ವಿದ್ಯಾರ್ಥಿಗಳಿಗೂ ಸಿಗಬೇಕೆಂಬ ಆಗ್ರಹವನ್ನು ವಿಶ್ವಹಿಂದೂ ಪರಿಷತ್ ಮುಂದಿಟ್ಟಿದೆ. ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ನೇತೃತ್ವದ ಸರ್ಕಾರ ಯೋಜನೆಯ ಉದ್ದೇಶ ಮತ್ತು ಅರ್ಹತಾ ಮಾನದಂಡಗಳನ್ನು ಸ್ಪಷ್ಟಪಡಿಸಬೇಕೆಂಬ ಒತ್ತಾಯಿಸಿದೆ. ಅಲ್ಪಸಂಖ್ಯಾತರಿಗೆ ಮಾತ್ರ ಸೇನಾ ತರಬೇತಿ ನೀಡುವ ನಿರ್ಧಾರದ ಬಗ್ಗೆ ಸರ್ಕಾರದ ಸ್ಪಷ್ಟನೆಗೆ ಆಗ್ರಹಿಸಿದೆ.

Saree Designs: ನಿಮ್ಮ ಅಂದವನ್ನು ಇಮ್ಮಡಿಗೊಳಿಸುವ ಸೀರೆಗಳಿವು.. ಟ್ರೈ ಮಾಡದಿದ್ದರೆ ಹೇಗೆ?

Govindaraj S — Sat, 14 Nov 2026 18:24:49 +0530

Saree Designs: ಸೀರೆಯುಟ್ಟಾಗ ನಿಮ್ಮ ಅಂದ ಇನ್ನಷ್ಟು ಹೆಚ್ಚಬೇಕೇ? ಹಾಗಾದರೆ ಈ ಬ್ಯೂಟಿಫುಲ್ ಸೀರೆ ಡಿಸೈನ್‌ಗಳು ನಿಮಗಾಗಿಯೇ ಇವೆ. ತಡವೇಕೆ ಒಮ್ಮೆ ನೋಡಿಬಿಡಿ. ಇವು ನಿಮಗೆ ಖಂಡಿತಾ ಇಷ್ಟವಾಗುತ್ತವೆ!

ಜಾಗತಿಕ ವೇದಿಕೆಯಲ್ಲಿ ಜಾವಾ ಯೆಜ್ಡಿ ಮಿಂಚು: ಎರಡು ಹೊಸ 350 ಸಿಸಿ ಬೈಕ್‌ಗಳ ಅನಾವರಣ, ಮಾರಾಟದಲ್ಲೂ ಭರ್ಜರಿ ಏರಿಕೆ!

Gowthami K — Sat, 14 Nov 2026 18:23:12 +0530

ಬೆಂಗಳೂರು: ಭಾರತದ ಪ್ರತಿಷ್ಠಿತ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾದ ‘ಜಾವಾ ಯೆಜ್ಡಿ ಮತ್ತು ಬಿಎಸ್‌ಎ ಮೋಟಾರ್‌ಸೈಕಲ್ಸ್’ (ಕ್ಲಾಸಿಕ್ ಲೆಜೆಂಡ್ಸ್) ಅಂತಾರಾಷ್ಟ್ರೀಯ ಮಟ್ಟದ ಇಐಸಿಎಂಎ (EICMA) ಮೇಳದಲ್ಲಿ ಸತತ ಮೂರನೇ ಬಾರಿಗೆ ಪಾಲ್ಗೊಂಡು ಜಾಗತಿಕ ಆಟೋಮೊಬೈಲ್ ಕ್ಷೇತ್ರದ ಗಮನ ಸೆಳೆದಿದೆ. ಈ ಪ್ರತಿಷ್ಠಿತ ಮೇಳದಲ್ಲಿ ಸಂಸ್ಥೆಯು ತನ್ನ ಬಿಎಸ್‌ಎ ಬ್ರ್ಯಾಂಡ್‌ನಡಿ ‘ಬಾಂಟಮ್ ಬಾಬ್ಬರ್‌ 350’ ಮತ್ತು ‘ಬಾಂಟಮ್ ಸ್ಕ್ರ್ಯಾಂಬ್ಲರ್ 350’ ಎಂಬ ಎರಡು ಹೊಚ್ಚಹೊಸ ಮೋಟಾರ್‌ಸೈಕಲ್‌ಗಳನ್ನು ಮೊದಲ ಬಾರಿಗೆ ಜಗತ್ತಿಗೆ ಪರಿಚಯಿಸಿದೆ.

ಹೊಸ ಬೈಕ್‌ಗಳ ಅನಾವರಣದ ಜೊತೆಗೆ, ಉತ್ಪಾದನೆಗೆ ಸಿದ್ಧವಾಗಿರುವ ‘ಥಂಡರ್‌ಬೋಲ್ಟ್ 350’ ಅಡ್ವೆಂಚರ್ ಬೈಕ್ ಹಾಗೂ ಸ್ಕ್ರ್ಯಾಂಬ್ಲರ್ 650, ಗೋಲ್ಡ್ ಸ್ಟಾರ್ 650 ಮತ್ತು ಬಾಂಟಮ್ 350 (1948ರ ಮಾದರಿಯ ಪ್ರೇರಣೆಯ ಮಿಸ್ಟ್ ಗ್ರೀನ್ ಬಣ್ಣ ಸೇರಿದಂತೆ) ಮಾದರಿಗಳನ್ನು ಆಕರ್ಷಕ ಹೊಸ ಬಣ್ಣಗಳ ವಿನ್ಯಾಸದಲ್ಲಿ ಸಂಸ್ಥೆಯು ಪ್ರದರ್ಶಿಸಿದೆ.

ಹೊಸ ಬಾಬ್ಬರ್ ಮತ್ತು ಸ್ಕ್ರ್ಯಾಂಬ್ಲರ್ 350 ಬೈಕ್‌ಗಳ ವಿಶೇಷತೆಗಳೇನು?

ಜಾಗತಿಕ ಮಾರುಕಟ್ಟೆಗಾಗಿ ಅನಾವರಣಗೊಂಡಿರುವ ಈ ಎರಡೂ ಹೊಸ ಬೈಕ್‌ಗಳಲ್ಲಿ ಸಂಪೂರ್ಣವಾಗಿ ಭಾರತದಲ್ಲೇ ಅಭಿವೃದ್ಧಿಪಡಿಸಲಾದ 334 ಸಿಸಿ ಲಿಕ್ವಿಡ್-ಕೂಲ್ಡ್ ಡಿಒಎಚ್‌ಸಿ (DOHC) ಎಂಜಿನ್ ಅಳವಡಿಸಲಾಗಿದೆ. ಸವಾರರ ಸುರಕ್ಷತೆಗಾಗಿ ಡ್ಯುಯಲ್-ಚಾನೆಲ್ ಎಬಿಎಸ್ (ABS) ತಂತ್ರಜ್ಞಾನವನ್ನು ನೀಡಲಾಗಿದೆ.

ವಿನ್ಯಾಸದ ವಿಚಾರಕ್ಕೆ ಬಂದರೆ, ‘ಬಾಬ್ಬರ್‌ 350’ ಕ್ಲಾಸಿಕ್ ಸಿಂಗಲ್-ಸೀಟ್ ಶೈಲಿಯನ್ನು ಹೊಂದಿದೆ. ಇದರ ಉನ್ನತ ಆವೃತ್ತಿಯಾದ ‘ಬಾಬ್ಬರ್ 350 ಎಸ್‌ಪಿ’ (SP) ಬೈಕ್‌ನಲ್ಲಿ ಗೋಲ್ಡ್-ಫಿನಿಶ್ಡ್ ಯುಎಸ್‌ಡಿ (USD) ಫ್ರಂಟ್ ಫೋರ್ಕ್ಸ್ ಮತ್ತು ಆಧುನಿಕ ಫುಲ್-ಕಲರ್ ಟಿಎಫ್‌ಟಿ (TFT) ಡಿಸ್‌ಪ್ಲೇ ನೀಡಲಾಗಿದೆ. ಇನ್ನೊಂದೆಡೆ, 1966ರ ಐತಿಹಾಸಿಕ ಬಿಎಸ್‌ಎ ಬುಷ್‌ಮ್ಯಾನ್ ಮಾದರಿಯಿಂದ ಪ್ರೇರಿತವಾಗಿರುವ ‘ಸ್ಕ್ರ್ಯಾಂಬ್ಲರ್ 350’, ಸ್ಪೋಕ್ ವೀಲ್ ಮತ್ತು ಸೆಮಿ-ನಾಬಿ ಟೈರ್‌ಗಳನ್ನು ಒಳಗೊಂಡಿದ್ದು, ನಗರದ ರಸ್ತೆಗಳ ಜೊತೆಗೆ ಸಾಹಸಮಯ ಆಫ್-ರೋಡ್ ಪ್ರಯಾಣಕ್ಕೂ ಅತ್ಯಂತ ಸೂಕ್ತವಾಗಿದೆ.

ಮಾರುಕಟ್ಟೆಗೆ ಲಗ್ಗೆ ಇಡಲು ಸಜ್ಜಾದ ‘ಥಂಡರ್‌ಬೋಲ್ಟ್ 350’

ಕಳೆದ ವರ್ಷದ ಮೇಳದಲ್ಲಿ ಪರಿಚಯಿಸಲಾಗಿದ್ದ ಬಿಎಸ್‌ಎ ಸಂಸ್ಥೆಯ ಮೊದಲ ಅಡ್ವೆಂಚರ್ ಬೈಕ್ ‘ಥಂಡರ್‌ಬೋಲ್ಟ್ 350’ ಈಗ ಗ್ರಾಹಕರ ಕೈಸೇರಲು ಸಂಪೂರ್ಣ ಸಿದ್ಧವಾಗಿದೆ. ಇಂದಿನ ಸವಾರರ ನಿರೀಕ್ಷೆಗೆ ತಕ್ಕಂತೆ ಇದರಲ್ಲಿ ಟ್ರ್ಯಾಕ್ಷನ್ ಕಂಟ್ರೋಲ್, 3 ವಿಧದ ಎಬಿಎಸ್ ಮೋಡ್‌ಗಳು, ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್, ಬ್ಲೂಟೂತ್ ಕನೆಕ್ಟಿವಿಟಿ ಹಾಗೂ ಯುಎಸ್‌ಬಿ ಚಾರ್ಜಿಂಗ್‌ನಂತಹ ಅತ್ಯಾಧುನಿಕ ವೈಶಿಷ್ಟ್ಯಗಳನ್ನು ನೀಡಲಾಗಿದೆ. ಇನ್ನು ದೇಶೀಯ ಮಾರುಕಟ್ಟೆಯಲ್ಲಿ ಯೆಜ್ಡಿ ಬೈಕ್‌ಗಳು ಸ್ಥಳೀಯವಾಗಿ ನಿರ್ಮಿತವಾದ ಆಲ್ಫಾ 2 ಮತ್ತು ಕಟಾರ್ ಎಂಜಿನ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಸದ್ದು ಮಾಡುತ್ತಿದ್ದರೆ, ಜಾವಾ ‘ಆಲ್ ಸ್ಟಾರ್ಸ್’ ಶ್ರೇಣಿಯು ಯುವ ಪೀಳಿಗೆಯ ನೆಚ್ಚಿನ ಆಯ್ಕೆಯಾಗಿ ಮುಂದುವರಿದಿದೆ.

ತವರು ನೆಲ ಯುಕೆಯಲ್ಲಿ ‘ಮೇಡ್ ಇನ್ ಇಂಡಿಯಾ’ ಬಿಎಸ್‌ಎ ಹವಾ

1861ರಲ್ಲಿ ಬ್ರಿಟನ್‌ನ ಬರ್ಮಿಂಗ್‌ಹ್ಯಾಮ್‌ನಲ್ಲಿ ಜನ್ಮತಾಳಿದ ಐತಿಹಾಸಿಕ ಬಿಎಸ್‌ಎ ಬ್ರ್ಯಾಂಡ್, ಇಂದು ಭಾರತದಲ್ಲಿ ತಯಾರಾಗುವ ಬೈಕ್‌ಗಳ ಮೂಲಕವೇ ತನ್ನ ತವರು ನೆಲವಾದ ಯುಕೆ (UK) ಮಾರುಕಟ್ಟೆಯಲ್ಲಿ ಹೊಸ ಇತಿಹಾಸ ಸೃಷ್ಟಿಸುತ್ತಿದೆ. 2025ರಲ್ಲಿ ಬಿಡುಗಡೆಯಾದ ಭಾರತ ನಿರ್ಮಿತ ‘ಬಿಎಸ್‌ಎ ಬಾಂಟಮ್ 350’, ಯುಕೆಯ ಮಾಸಿಕ ಮಾಡರ್ನ್-ಕ್ಲಾಸಿಕ್ ಬೈಕ್ ಮಾರಾಟದ ಪಟ್ಟಿಯಲ್ಲಿ ಸತತವಾಗಿ ಅಗ್ರಸ್ಥಾನ ಕಾಯ್ದುಕೊಂಡಿದೆ.

ಈ ಜಾಗತಿಕ ಯಶಸ್ಸಿನ ಕುರಿತು ಹರ್ಷ ವ್ಯಕ್ತಪಡಿಸಿರುವ ಕ್ಲಾಸಿಕ್ ಲೆಜೆಂಡ್ಸ್ ಸಹ-ಸಂಸ್ಥಾಪಕ ಅನುಪಮ್ ಥರೇಜಾ, "ನಾವು ಭಾರತದಿಂದ ಜಾಗತಿಕ ಮಟ್ಟದ ಮೋಟಾರ್‌ಸೈಕಲ್ ಕಂಪನಿಯನ್ನು ಕಟ್ಟಿ ಬೆಳೆಸುತ್ತಿದ್ದೇವೆ. ಅಭಿವೃದ್ಧಿ ಹೊಂದಿದ ದೇಶಗಳಲ್ಲಿ ಕೇವಲ ದೊಡ್ಡ ಎಂಜಿನ್ ಸಾಮರ್ಥ್ಯದ ಬೈಕ್‌ಗಳಿಗೆ ಮಾತ್ರ ಬೇಡಿಕೆ ಇರುತ್ತದೆ ಎಂಬ ಹಳೆಯ ನಂಬಿಕೆಯನ್ನು ಬಾಂಟಮ್ 350 ಸುಳ್ಳಾಗಿಸಿದೆ. ಇದೀಗ ಬಾಬ್ಬರ್ ಮತ್ತು ಸ್ಕ್ರ್ಯಾಂಬ್ಲರ್ ಮಾದರಿಗಳ ಮೂಲಕ ಬಿಎಸ್‌ಎ ಕುಟುಂಬವನ್ನು ಮತ್ತಷ್ಟು ವಿಸ್ತರಿಸುತ್ತಿದ್ದೇವೆ" ಎಂದು ತಿಳಿಸಿದ್ದಾರೆ.

ಮಾರಾಟದಲ್ಲಿ ಶೇ. 40ರಷ್ಟು ವೃದ್ಧಿ; 700 ಕೇಂದ್ರಗಳತ್ತ ಗುರಿ

ವ್ಯಾಪಾರ ವಹಿವಾಟಿನಲ್ಲೂ ಸಂಸ್ಥೆ ಗಮನಾರ್ಹ ಪ್ರಗತಿ ಸಾಧಿಸಿದೆ. 2025ನೇ ಆರ್ಥಿಕ ವರ್ಷದಲ್ಲಿ ಭಾರತದಲ್ಲಿ 32,482 ಬೈಕ್‌ಗಳನ್ನು ಮಾರಾಟ ಮಾಡಿದ್ದ ಕಂಪನಿಯು, 2026ನೇ ಆರ್ಥಿಕ ವರ್ಷದಲ್ಲಿ 45,409 ಬೈಕ್‌ಗಳನ್ನು ಮಾರಾಟ ಮಾಡುವ ಮೂಲಕ ದೇಶೀಯ ಮಾರುಕಟ್ಟೆಯಲ್ಲಿ ಶೇ. 40ರಷ್ಟು ಬೆಳವಣಿಗೆ ದಾಖಲಿಸಿದೆ. ರಫ್ತು ವಹಿವಾಟನ್ನೂ ಒಳಗೊಂಡಂತೆ ಸಂಸ್ಥೆಯ ಒಟ್ಟಾರೆ ವ್ಯವಹಾರದಲ್ಲಿ ಶೇ. 55ರಷ್ಟು ಭರ್ಜರಿ ಏರಿಕೆಯಾಗಿದೆ.

ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು 2026ರ ಅಂತ್ಯದ ವೇಳೆಗೆ ತನ್ನ ವಾರ್ಷಿಕ ಉತ್ಪಾದನಾ ಸಾಮರ್ಥ್ಯವನ್ನು 1.20 ಲಕ್ಷದಿಂದ 2 ಲಕ್ಷಕ್ಕೂ ಅಧಿಕ ಬೈಕ್‌ಗಳಿಗೆ ಹೆಚ್ಚಿಸಲು ಕಂಪನಿ ಸಿದ್ಧತೆ ನಡೆಸಿದೆ. ಜೊತೆಗೆ ಸಿಕೆಡಿ (CKD) ಘಟಕಗಳ ಮೂಲಕ ವಿದೇಶಿ ಮಾರುಕಟ್ಟೆಗಳಿಗೂ ವಿಸ್ತರಿಸಲು ಯೋಜನೆ ರೂಪಿಸಿದ್ದು, ದೇಶದಲ್ಲಿ ಸದ್ಯ ಇರುವ 450ಕ್ಕೂ ಹೆಚ್ಚು ಮಾರಾಟ ಮತ್ತು ಸೇವಾ ಕೇಂದ್ರಗಳನ್ನು 2028ನೇ ಆರ್ಥಿಕ ವರ್ಷದ ವೇಳೆಗೆ ದ್ವಿತೀಯ ಹಾಗೂ ತೃತೀಯ ದರ್ಜೆ ನಗರಗಳು ಸೇರಿದಂತೆ 700ಕ್ಕೂ ಅಧಿಕ ಕೇಂದ್ರಗಳಿಗೆ ಹೆಚ್ಚಿಸುವ ಗುರಿ ಹೊಂದಿದೆ.

ಗ್ರಾಹಕ ಸ್ನೇಹಿ ಸೇವೆ ಮತ್ತು ‘ಓನರ್‌ಶಿಪ್ ಅಶ್ಯೂರೆನ್ಸ್’

ಗ್ರಾಹಕರ ಸೇವಾ ಅನುಭವವನ್ನು ಮತ್ತಷ್ಟು ಸರಳಗೊಳಿಸಲು 2026ರ ಹಬ್ಬದ ಸೀಸನ್‌ನಲ್ಲಿ ಸಂಸ್ಥೆಯು ಹಲವು ಮಹತ್ವದ ಕ್ರಮಗಳನ್ನು ಜಾರಿಗೆ ತಂದಿದೆ. ಕೇವಲ ಅಧಿಕೃತ ಡೀಲರ್‌ಶಿಪ್‌ಗಳಿಗೆ ಸೀಮಿತವಾಗದೆ, ಅಧಿಕೃತ ವಿತರಕರ ಜಾಲದ ಮೂಲಕ ಅಸಲಿ ಬಿಡಿಭಾಗಗಳು ಸ್ಥಳೀಯ ಮೆಕ್ಯಾನಿಕ್ ವರ್ಕ್‌ಶಾಪ್‌ಗಳು ಮತ್ತು ಗ್ರಾಹಕರಿಗೆ ಸುಲಭವಾಗಿ ಲಭ್ಯವಾಗುವಂತೆ ವ್ಯವಸ್ಥೆ ಮಾಡಲಾಗಿದೆ.

ಇದರೊಂದಿಗೆ ‘ಓನರ್‌ಶಿಪ್ ಅಶ್ಯೂರೆನ್ಸ್’ ಕಾರ್ಯಕ್ರಮದಡಿ 4 ವರ್ಷ ಅಥವಾ 50,000 ಕಿ.ಮೀ. ಸ್ಟ್ಯಾಂಡರ್ಡ್ ವಾರಂಟಿ (ಇದನ್ನು 6 ವರ್ಷ ಅಥವಾ 74,000 ಕಿ.ಮೀ.ವರೆಗೆ ವಿಸ್ತರಿಸುವ ಅವಕಾಶವಿದೆ), 8 ವರ್ಷಗಳವರೆಗೆ ರೋಡ್‌ಸೈಡ್ ಅಸಿಸ್ಟೆನ್ಸ್ (RSA), 5 ವರ್ಷಗಳ ನಿರ್ವಹಣಾ ಪ್ಯಾಕೇಜ್ ಹಾಗೂ ಆಕರ್ಷಕ ಹಣಕಾಸು ಸೌಲಭ್ಯಗಳನ್ನು ಒದಗಿಸುವ ಮೂಲಕ ಬೈಕ್ ಸವಾರರ ವಿಶ್ವಾಸವನ್ನು ಮತ್ತಷ್ಟು ಗಟ್ಟಿಗೊಳಿಸಿದೆ.

ಅರ್ಧ ಚೆನ್ನೈ ಖರೀದಿಸುವಷ್ಟು ಸಂಪಾದಿಸಿದ್ದ ಕನ್ನಡದ ಹಿರಿಯ ನಟಿಗೆ ಆಸರೆಯಾಗಿದ್ದು ಚಿಲ್ಲರೆ ಹಣ: ಆಗಿದ್ದೇನು?

Govindaraj S — Sat, 14 Nov 2026 18:15:58 +0530

ಚಿತ್ರರಂಗದಲ್ಲಿ ದಶಕಗಳ ಕಾಲ ಸಕ್ರಿಯವಾಗಿದ್ದು, ಸಾವಿರಕ್ಕೂ ಅಧಿಕ ಸಿನಿಮಾಗಳಲ್ಲಿ ವಿಭಿನ್ನ ಪಾತ್ರಗಳ ಮೂಲಕ ಪ್ರೇಕ್ಷಕರ ಮನಗೆದ್ದಿರುವ ಹಿರಿಯ ನಟಿ ಡಬ್ಬಿಂಗ್ ಜಾನಕಿ. ನಾಯಕಿಯಾಗಿ ವೃತ್ತಿಜೀವನ ಆರಂಭಿಸಿ, ಬಳಿಕ ಪೋಷಕ ನಟಿಯಾಗಿ ಹಾಗೂ ಕಿರುತೆರೆಯಲ್ಲೂ ತಮ್ಮದೇ ಆದ ಛಾಪು ಮೂಡಿಸಿರುವ ಅವರು, ಇದೀಗ ತಮ್ಮ ಹಳೆಯ ದಿನಗಳ ಕಷ್ಟ-ಸುಖಗಳನ್ನು ಹಂಚಿಕೊಂಡಿದ್ದಾರೆ.

ಇತ್ತೀಚೆಗೆ ನೀಡಿದ ಸಂದರ್ಶನವೊಂದರಲ್ಲಿ ತಮ್ಮ ಸಿನಿ ಪಯಣ, ಎದುರಿಸಿದ ಆರ್ಥಿಕ ಸಂಕಷ್ಟಗಳು ಮತ್ತು ಅಂದಿನ ಜೀವನಶೈಲಿಯ ಬಗ್ಗೆ ಮಾತನಾಡಿದ್ದಾರೆ. ಅದರಲ್ಲೂ ತಾವು ಸಂಪಾದಿಸಿದ ಹಣವನ್ನು ಸರಿಯಾಗಿ ಹೂಡಿಕೆ ಮಾಡಿದ್ದರೆ ಅರ್ಧ ಚೆನ್ನೈ ನಗರವನ್ನೇ ಖರೀದಿಸಬಹುದಿತ್ತು ಎಂಬ ಅವರ ಮಾತು ಈಗ ಕುತೂಹಲ ಮೂಡಿಸಿದೆ.

ಅರ್ಧ ಚೆನ್ನೈ ಖರೀದಿಸುವಷ್ಟು ಹಣ ಸಂಪಾದಿಸಿದ್ದೆ!

ಸಿನಿಮಾಗಳಲ್ಲಿ ನಿರಂತರವಾಗಿ ಕೆಲಸ ಮಾಡುತ್ತಿದ್ದ ಕಾಲದಲ್ಲಿ ತಾವು ಸಾಕಷ್ಟು ಹಣ ಸಂಪಾದಿಸಿದ್ದಾಗಿ ಡಬ್ಬಿಂಗ್ ಜಾನಕಿ ಹೇಳಿದ್ದಾರೆ. ಆದರೆ, ಆಗ ರಿಯಲ್ ಎಸ್ಟೇಟ್‌ನಲ್ಲಿ ಹೂಡಿಕೆ ಮಾಡಬೇಕು ಎಂಬ ಯೋಚನೆಯೇ ಬರಲಿಲ್ಲವಂತೆ. ಆ ಸಮಯದಲ್ಲಿ ಜಮೀನು ಖರೀದಿಸುವ ಬಗ್ಗೆ ಅರಿವು ಅಥವಾ ಆಸಕ್ತಿ ಇರಲಿಲ್ಲ. ಒಂದು ವೇಳೆ ಅಂದು ಆಸ್ತಿ ಖರೀದಿಯಲ್ಲಿ ಹಣ ತೊಡಗಿಸಿದ್ದರೆ, ಇಂದು ಅರ್ಧ ಚೆನ್ನೈ ನಗರವನ್ನೇ ಖರೀದಿಸುವಷ್ಟು ಆಸ್ತಿ ಹೊಂದಿರುತ್ತಿದ್ದೆ ಎಂದು ತಮ್ಮ ಹಳೆಯ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ.

ಅಷ್ಟೇ ಅಲ್ಲ, ಅಂದಿನ ದಿನಗಳಲ್ಲಿ ಅಗತ್ಯ ವಸ್ತುಗಳ ಬೆಲೆ ಎಷ್ಟಿತ್ತು ಎಂಬುದನ್ನೂ ಅವರು ವಿವರಿಸಿದ್ದಾರೆ. ಈಗಿನ ಬೆಲೆಗಳಿಗೆ ಹೋಲಿಸಿದರೆ ಆಗಿನ ದಿನಗಳಲ್ಲಿ ಮಾಂಸ ಸೇರಿದಂತೆ ದಿನಬಳಕೆಯ ವಸ್ತುಗಳು ಅತ್ಯಂತ ಅಗ್ಗವಾಗಿದ್ದವು. ಒಂದು ಕೆ.ಜಿ. ಮಾಂಸ ಕೇವಲ ಎರಡು ರೂಪಾಯಿಗೆ ಸಿಗುತ್ತಿತ್ತು ಎಂದು ಹೇಳಿರುವುದು ಅಂದಿನ ಕಾಲದ ಬೆಲೆಗಳನ್ನು ನೆನಪಿಸುವಂತಿದೆ.

ಮಗ ಹುಟ್ಟಿದಾಗ ಎದುರಾಗಿತ್ತು ಊಹಿಸಲಾಗದ ಆರ್ಥಿಕ ಸಂಕಷ್ಟ!

ಇಂದು ಸಾವಿರಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಹೆಗ್ಗಳಿಕೆ ಹೊಂದಿರುವ ಡಬ್ಬಿಂಗ್ ಜಾನಕಿ, ತಮ್ಮ ಜೀವನದಲ್ಲಿ ಕಷ್ಟದ ದಿನಗಳನ್ನೂ ಎದುರಿಸಿದ್ದಾರೆ. ಅದರಲ್ಲೂ ಮೊದಲ ಮಗ ಹುಟ್ಟಿದ ನಂತರ ಕೆಲಸಕ್ಕೆ ಹೋಗಲು ಸಾಧ್ಯವಾಗದೆ ಮನೆಯಲ್ಲೇ ಉಳಿಯಬೇಕಾದ ಪರಿಸ್ಥಿತಿ ಎದುರಾಗಿತ್ತು. ಆಗ ಕೈಯಲ್ಲಿ ಹಣವಿಲ್ಲದೆ, ಕುಟುಂಬವನ್ನು ನಿರ್ವಹಿಸುವುದೇ ದೊಡ್ಡ ಸವಾಲಾಗಿತ್ತು ಎಂದು ಅವರು ನೆನಪಿಸಿಕೊಂಡಿದ್ದಾರೆ.

ಆ ಸಮಯದಲ್ಲಿ ತಮ್ಮ ಕುಟುಂಬಕ್ಕೆ ನೆರವಾಗಿದ್ದು ಪತಿ ಸ್ನೇಹಿತ ಜೋಸೆಫ್. ಲಲಿತಾ ಶಿವಜ್ಯೋತಿ ಕಂಪನಿಯಲ್ಲಿ ಕಾರು ಚಾಲಕರಾಗಿ ಕೆಲಸ ಮಾಡುತ್ತಿದ್ದ ಅವರು, ಪ್ರತಿದಿನ ಸಿಗುತ್ತಿದ್ದ ಭತ್ಯೆಯಲ್ಲೇ ಒಂದು ಭಾಗವನ್ನು ಈ ಕುಟುಂಬಕ್ಕೆ ನೀಡುತ್ತಿದ್ದರಂತೆ. ಆಗ ಚಾಲಕರಿಗೆ ದಿನಕ್ಕೆ ಒಂದೂವರೆ ಅಥವಾ ಎರಡು ರೂಪಾಯಿ ಮಾತ್ರ ಭತ್ಯೆ ಸಿಗುತ್ತಿತ್ತು. ಅದರಲ್ಲಿ ಅರ್ಧ ರೂಪಾಯಿಯನ್ನು ತಮ್ಮ ಖರ್ಚಿಗೆ ಇಟ್ಟುಕೊಂಡು, ಉಳಿದ ಹಣವನ್ನು ಜಾನಕಿ ಕುಟುಂಬಕ್ಕೆ ನೀಡುತ್ತಿದ್ದರಂತೆ.

ಜೋಸೆಫ್ ನೀಡುತ್ತಿದ್ದ ಚಿಲ್ಲರೆ ಹಣವೇ ಕುಟುಂಬಕ್ಕೆ ಆಸರೆ!

ಜೋಸೆಫ್ ನೀಡುತ್ತಿದ್ದ ಆ ಪುಟ್ಟ ಮೊತ್ತವೇ ಆ ದಿನಗಳಲ್ಲಿ ಅವರ ಕುಟುಂಬಕ್ಕೆ ದೊಡ್ಡ ಆಸರೆಯಾಗಿತ್ತು. ಆ ಹಣವನ್ನು ತೆಗೆದುಕೊಂಡು ಪತಿ ಅಕ್ಕಿ, ಬೇಳೆ, ಉಪ್ಪು ಸೇರಿದಂತೆ ಅಗತ್ಯ ದಿನಸಿ ಸಾಮಗ್ರಿಗಳನ್ನು ಖರೀದಿಸುತ್ತಿದ್ದರು. ಕೆಲವೊಮ್ಮೆ ಅದೇ ಹಣದಲ್ಲಿ ಕಾಲು ಕೆ.ಜಿ. ಮಾಂಸ ಅಥವಾ ಕೈಮಾ ತಂದು ಅಡುಗೆ ಮಾಡಿ ಊಟ ಮಾಡುತ್ತಿದ್ದ ದಿನಗಳೂ ಇದ್ದವು ಎಂದು ಜಾನಕಿ ಭಾವುಕರಾಗಿ ವಿವರಿಸಿದ್ದಾರೆ. ತಮ್ಮ ಕುಟುಂಬದ ಸಂಕಷ್ಟವನ್ನು ಕಂಡು ಜೋಸೆಫ್ ಕೂಡ ತುಂಬಾ ನೊಂದುಕೊಳ್ಳುತ್ತಿದ್ದರು. ಕಷ್ಟದ ಸಮಯದಲ್ಲಿ ಅವರು ಮಾಡಿದ ಆ ಸಣ್ಣ ಸಹಾಯವನ್ನು ಇಂದಿಗೂ ಕೃತಜ್ಞತೆಯಿಂದ ನೆನಪಿಸಿಕೊಳ್ಳುತ್ತೇನೆ ಎಂದು ಜಾನಕಿ ಹೇಳಿದ್ದಾರೆ.

ನಾವು ಪಟ್ಟ ಕಷ್ಟವನ್ನು ಯಾರೂ ಅನುಭವಿಸಿರಲಿಕ್ಕಿಲ್ಲ!

ಸಿನಿಮಾ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದರೂ ಜೀವನ ಯಾವಾಗಲೂ ಸುಲಭವಾಗಿರಲಿಲ್ಲ ಎಂಬುದು ಜಾನಕಿ ಮಾತುಗಳಲ್ಲಿ ವ್ಯಕ್ತವಾಗಿದೆ. ದೊಡ್ಡ ಮಗ ಹುಟ್ಟಿದ ಸಮಯದಲ್ಲಿ ಸಿನಿಮಾಗಳ ಅವಕಾಶಗಳು ಕಡಿಮೆಯಾಗಿದ್ದರಿಂದ ಆರ್ಥಿಕ ಸಂಕಷ್ಟ ಎದುರಿಸಬೇಕಾಯಿತು. ನಂತರವೂ ಸಮಸ್ಯೆಗಳು ಸಂಪೂರ್ಣವಾಗಿ ದೂರವಾಗಲಿಲ್ಲ. 'ನಾವು ಪಟ್ಟ ಕಷ್ಟವನ್ನು ಯಾರೂ ಪಟ್ಟಿರಲಿಕ್ಕಿಲ್ಲ' ಎಂಬ ಮಾತಿನ ಮೂಲಕ ಆ ದಿನಗಳ ನೋವನ್ನು ಅವರು ನೆನಪಿಸಿಕೊಂಡಿದ್ದಾರೆ.

ಯಾರ ಮುಂದೆಯೂ ಕೈಚಾಚಬಾರದು, ಸ್ವಂತ ಕಾಲಿನ ಮೇಲೆ ನಿಂತು ಬದುಕಬೇಕು ಎಂಬ ಮನೋಭಾವ ತಮ್ಮಲ್ಲಿತ್ತು ಎಂದು ಅವರು ಹೇಳಿದ್ದಾರೆ. ಆರ್ಥಿಕ ಸಂಕಷ್ಟದ ಜೊತೆಗೆ ಅಂದಿನ ಪ್ರಯಾಣದ ಕಷ್ಟಗಳನ್ನೂ ನೆನಪಿಸಿಕೊಂಡಿದ್ದಾರೆ. ಎವಿಎಂ ಸ್ಟುಡಿಯೋ, ಅಮಿಂಜಿಕರೈ ಸೇರಿದಂತೆ ದೂರದ ಪ್ರದೇಶಗಳಿಗೆ ತೆರಳಲು ಎದುರಾಗುತ್ತಿದ್ದ ತೊಂದರೆಗಳ ಬಗ್ಗೆಯೂ ಮಾತನಾಡಿದ್ದಾರೆ.

ಇನ್ನು ಇಂದು ಸಾವಿರಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿ ಅಪಾರ ಜನಪ್ರಿಯತೆ ಗಳಿಸಿರುವ ಡಬ್ಬಿಂಗ್ ಜಾನಕಿ ಅವರ ಬದುಕಿನ ಹಿಂದೆ ಎಷ್ಟೊಂದು ಹೋರಾಟದ ದಿನಗಳಿದ್ದವು ಎಂಬುದು ಅವರ ಮಾತುಗಳಿಂದ ತಿಳಿದುಬರುತ್ತದೆ. ಒಂದು ಕಾಲದಲ್ಲಿ ಅರ್ಧ ಚೆನ್ನೈ ಖರೀದಿಸುವಷ್ಟು ಸಂಪಾದನೆ ಮಾಡಿದ್ದರೂ, ಮತ್ತೊಂದು ಹಂತದಲ್ಲಿ ದಿನಸಿ ಖರೀದಿಸಲು ಸ್ನೇಹಿತ ನೀಡುತ್ತಿದ್ದ ಚಿಲ್ಲರೆ ಹಣವನ್ನೇ ಅವಲಂಬಿಸಬೇಕಾದ ಪರಿಸ್ಥಿತಿ ಎದುರಾಗಿತ್ತು. ಅವರ ಈ ಜೀವನಾನುಭವಗಳು ಇದೀಗ ಸಿನಿಪ್ರಿಯರ ಗಮನ ಸೆಳೆಯುತ್ತಿವೆ.

ಒಂದು ಫೋಟೋ, ಸಾವಿರ ಮೆಸೇಜ್; ಮೋದಿ-ಡಿಕೆಶಿ ನಗುವಿನ ಹಿಂದಿದೆ ದೊಡ್ಡ ಪಾಠ

Ganesh Mabla Gowda — Sat, 14 Nov 2026 18:15:20 +0530

ಬೆಂಗಳೂರು: ರಾಜಕೀಯದಲ್ಲಿ ಚುನಾವಣೆ, ವಾದ-ಪ್ರತಿವಾದ-ವಿವಾದ ಮತ್ತು ರಾಜಕೀಯ ಭಿನ್ನಾಭಿಪ್ರಾಯಗಳು ತೀರಾ ಸಹಜ. ಆದರೆ ವಿರೋಧ ಎನ್ನುವುದು ಕೇವಲ ಸಿದ್ಧಾಂತ ಮತ್ತು ಭಾಷಣದ ವೇದಿಕೆಗೆ ಮಾತ್ರ ಸೀಮಿತವಾಗಿರಬೇಕು. ಅದನ್ನು ಹೊರತುಪಡಿಸಿ ವೈಯಕ್ತಿಕ ದ್ವೇಷವಾಗಿ ಬದಲಾಗಬಾರದು! ನಿನ್ನೆ ಬೆಂಗಳೂರಿನಲ್ಲಿ ಪ್ರಧಾನಿ ಮೋದಿ ಹಾಗೂ ಸಿಎಂ ಡಿಕೆ ಶಿವಕುಮಾರ್ ನಡುವೆ ನಡೆದ ಹೃದಯಸ್ಪರ್ಷಿ ದೃಶ್ಯಗಳನ್ನ ನೋಡಿ ಅವರ ಕಾರ್ಯಕರ್ತರು ಹಾಗೂ ಬೆಂಬಲಿಗರು ಕಲಿಯಬೇಕಾಗಿರೋದು ತುಂಬಾ ಇದೆ.

ಪ್ರಧಾನಿ ಮೋದಿ ನಿನ್ನೆ ಬೆಂಗಳೂರು ಹಾಗೂ ಮೈಸೂರಿಗೆ ಭೇಟಿ ನೀಡಿದ್ದರು. ನಮ್ಮ ಮೆಟ್ರೋದ ಬಹುನಿರೀಕ್ಷಿತ ಪಿಂಕ್ ಲೈನ್ (ಕಾಳೇನ ಅಗ್ರಹಾರದಿಂದ ತಾವರೆಕೆರೆ, ಎಸ್.ಜಿ. ಪಾಳ್ಯ ಮಾರ್ಗ) ಸೇರಿದಂತೆ ಹಲವು ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಿದರು. ಮೋದಿ ಅವರ ಕರ್ನಾಟಕ ಪ್ರವಾಸದಲ್ಲಿ ರಾಜ್ಯದ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಹಾಗೂ ಬೆಂಗಳೂರು ಅಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ಸಾಥ್ ನೀಡಿದ್ದರು.

ಗಮನ ಸೆಳೆದ ನಗು

ರಾಷ್ಟ್ರ ಮತ್ತು ರಾಜ್ಯ ರಾಜಕಾರಣದಲ್ಲಿ ಬಿಜೆಪಿ ಹಾಗೂ ಕಾಂಗ್ರೆಸ್ ಎದುರಾಳಿ ಪಕ್ಷಗಳು. ನಿನ್ನೆಯ ಕಾರ್ಯಕ್ರಮದಲ್ಲಿ ಮೋದಿ, ಡಿ.ಕೆ. ಶಿವಕುಮಾರ್ ಮತ್ತು ಕೃಷ್ಣ ಬೈರೇಗೌಡರ ನಡುವೆ ಕಂಡುಬಂದ ಆತ್ಮೀಯತೆ ಎಲ್ಲರ ಗಮನ ಸೆಳೆಯಿತು. ಮೆಟ್ರೋ ಉದ್ಘಾಟನೆಯ ವೇಳೆ ಸ್ವಲ್ಪ ದೂರದಲ್ಲಿ ನಿಂತಿದ್ದ ಡಿ.ಕೆ.ಶಿವಕುಮಾರ್ ಅವರ ಕೈ ಹಿಡಿದು ಮೋದಿ ತಮ್ಮ ಪಕ್ಕಕ್ಕೆ ಕರೆದುಕೊಂಡು ಜೊತೆಯಾಗಿ ಹಸಿರು ನಿಶಾನೆ ತೋರಿಸಿ ರೈಲಿಗೆ ಚಾಲನೆ ನೀಡಿದರು.

ನಂತರ ತಾವರೆಕೆರೆಯಿಂದ ಐಐಎಂ ಬೆಂಗಳೂರು ನಿಲ್ದಾಣದವರೆಗೆ ಮೆಟ್ರೋದಲ್ಲಿ ಪ್ರಯಾಣಿಸುವಾಗಲೂ ಉಭಯ ನಾಯಕರು ಆತ್ಮೀಯವಾಗಿ ಕಾಣಿಸಿಕೊಂಡರು. ತಾವಿದ್ದ ಅಮೂಲ್ಯ ಸಮಯದಲ್ಲಿ ಮನಸಾರೆ ನಗುತ್ತಾ ಸಮಯ ಕಳೆದರು. ವೇದಿಕೆಯ ಮೇಲೆ ಡಿ.ಕೆ. ಶಿವಕುಮಾರ್ ರಾಜ್ಯದ ಮೆಟ್ರೋ ಅನುದಾನದ ಹಂಚಿಕೆ ಕುರಿತು ತಮ್ಮ ಸರ್ಕಾರದ ನಿಲುವನ್ನು ಸ್ಪಷ್ಟವಾಗಿ ಮಂಡಿಸಿದರೂ ವೈಯಕ್ತಿಕವಾಗಿ ನಾಯಕರ ನಡುವೆ ಯಾವುದೇ ಕಹಿ ಅಥವಾ ದ್ವೇಷ ಕಂಡುಬರಲಿಲ್ಲ.

ಬೆಂಬಲಿಗರು ಕಲಿಯಬೇಕಾಗಿದ್ದು ಏನು?

ಈ ದೃಶ್ಯಗಳನ್ನು ನೋಡಿದಾಗ ಸಾಮಾನ್ಯ ಜನರಿಗೆ ಮತ್ತು ರಾಜಕೀಯ ಕಾರ್ಯಕರ್ತರಿಗೆ ಒಂದು ಮುಖ್ಯವಾದ ವಿಚಾರ ಅರ್ಥವಾಗಬೇಕು. ಗಣ್ಯ ನಾಯಕರೆನಿಸಿಕೊಂಡವರು ಸಾರ್ವಜನಿಕವಾಗಿ ಪರಸ್ಪರ ಎಷ್ಟೇ ಟೀಕೆ-ಟಿಪ್ಪಣಿಗಳನ್ನು ಮಾಡಿಕೊಂಡರೂ, ಎದುರು ಬದುರಾದಾಗ ಎಲ್ಲವನ್ನೂ ಬದಿಗಿಟ್ಟು ನಗುತ್ತಾ ಕೈಕುಲುಕುತ್ತಾರೆ. ಅವರು ಯಾವತ್ತೂ ವೈಯಕ್ತಿಕ ದ್ವೇಷವನ್ನು ಸಾಧಿಸುವುದಿಲ್ಲ.

ಆದರೆ.. ತಳಮಟ್ಟದಲ್ಲಿ ಪರಿಸ್ಥಿತಿ ಹೇಗಿದೆ? ‘ನಮ್ಮ ನಾಯಕ, ನಮ್ಮ ಪಕ್ಷ’ ಎಂದು ಹೇಳಿಕೊಂಡು ಸಾಮಾನ್ಯ ಕಾರ್ಯಕರ್ತರು ಮತ್ತು ಅಭಿಮಾನಿಗಳು ಬೀದಿಗೆ ಇಳಿದು ಹೋರಾಟ ಮಾಡುತ್ತಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಪರಸ್ಪರ ಅಸಭ್ಯವಾಗಿ ನಿಂದಿಸಿಕೊಳ್ಳುತ್ತಾರೆ. ಬೀದಿಗಳಲ್ಲಿ ಗಲಾಟೆ ಮಾಡಿಕೊಂಡು ಹೊಡೆದಾಡುತ್ತಾರೆ. ಕೆಲವೊಮ್ಮೆ ಈ ರಾಜಕೀಯ ದ್ವೇಷ ವಿಕೋಪಕ್ಕೆ ತಿರುಗಿ ಪೊಲೀಸ್ ಕೇಸುಗಳು ದಾಖಲಾಗುತ್ತವೆ. ಪರಿಸ್ಥಿತಿ ಮಿತಿ ಮೀರಿ ಹೋದಾಗ ಜೀವಗಳೇ ಹೋದ ಉದಾಹರಣೆಗಳೂ ಇವೆ.

ಗಣ್ಯ ನಾಯಕರು ರಾಜಕೀಯವನ್ನು ತಮ್ಮ ವೃತ್ತಿ ಮತ್ತು ಸಿದ್ಧಾಂತಕ್ಕೆ ಸೀಮಿತವಾಗಿಟ್ಟುಕೊಂಡು, ವೈಯಕ್ತಿಕವಾಗಿ ತುಂಬಾ ಚೆನ್ನಾಗಿರುತ್ತಾರೆ. ಆದರೆ.. ಅವರನ್ನು ಕುರುಡಾಗಿ ಹಿಂಬಾಲಿಸುವ ಕೆಲವು ಕಾರ್ಯಕರ್ತರು ಮಾತ್ರ ತಮ್ಮ ನೆಮ್ಮದಿ, ಸಂಬಂಧ ಮತ್ತು ಭವಿಷ್ಯವನ್ನು ಹಾಳು ಮಾಡಿಕೊಳ್ಳುತ್ತಾರೆ. ರಾಜಕೀಯ ಸಿದ್ಧಾಂತಗಳ ನಡುವೆಯೂ ವೈಯಕ್ತಿಕ ಸೌಹಾರ್ದತೆಯನ್ನು ಕಾಪಾಡಿಕೊಳ್ಳುವುದು ಹೇಗೆ ಎಂಬುದನ್ನು ತಮ್ಮ ನಾಯಕರಿಂದಲೇ ಅವರ ಅಭಿಮಾನಿಗಳು ಕಲಿಯಬೇಕಾದದ್ದು ತುಂಬಾನೇ ಇದೆ. ರಾಜಕೀಯದಲ್ಲಿ ಅಭಿಮಾನ ಮತ್ತು ಬೆಂಬಲ ಇರಲಿ. ಆದರೆ ಅದು ದ್ವೇಷ ಅಥವಾ ಹಿಂಸೆಗೆ ದಾರಿಯಾಗದಿರಲಿ ಎಂಬುದೇ ಮೋದಿ ಮತ್ತು ಡಿಕೆಶಿ ನಡುವಿನ ನಗು ಸಂದೇಶ ನೀಡ್ತಿದೆ.

View this post on Instagram

A post shared by ನವೀನ್ ದೊಡ್ಮನೆ ಹುಡುಗ  (@naveen_kannadiga_)

ಹೊಸ ಬೈಕ್‌ ಖರೀದಿ ಮಾಡೋ ಪ್ಲ್ಯಾನ್‌ ಇದ್ರೆ ಸ್ವಲ್ಪ ನಿಲ್ಲಿ, ರಸ್ತೆಯಲ್ಲಿ ಟೆಸ್ಟಿಂಗ್‌ ಮಾಡುವ ಸಮಯದಲ್ಲಿ ಕಾಣಿಸಿದ ಸೂಪರ್‌ ಎಲೆಕ್ಟ್ರಿಕ್‌ ಬೈಕ್‌

Santosh Naik — Sat, 14 Nov 2026 18:12:57 +0530

ಬೆಂಗಳೂರು (ನ.14): ನೀವು ಹೊಸ ಮೋಟಾರ್‌ಸೈಕಲ್ ಖರೀದಿಸಲು ಯೋಜಿಸುತ್ತಿದ್ದರೆ ಸ್ವಲ್ಪ ಕಾಯುವುದು ಉತ್ತಮ. ದೇಶದ ಅತಿದೊಡ್ಡ ದ್ವಿಚಕ್ರ ವಾಹನ ತಯಾರಕ ಕಂಪನಿ ಹೀರೋ ಮೋಟೋಕಾರ್ಪ್ (Hero MotoCorp) ತನ್ನ ಎಲೆಕ್ಟ್ರಿಕ್ ಬ್ರ್ಯಾಂಡ್ 'ವಿಡಾ' (Vida) ಅಡಿಯಲ್ಲಿ ತರುತ್ತಿರುವ ಮೊದಲ ಎಲೆಕ್ಟ್ರಿಕ್ ಬೈಕ್ 'UBX 06' ಅನ್ನು ಭಾರತೀಯ ರಸ್ತೆಗಳಲ್ಲಿ ಪರೀಕ್ಷಾರ್ಥ ಸಂಚಾರಕ್ಕೆ (Testing) ಇಳಿಸಿದೆ!

ಇತ್ತೀಚೆಗಷ್ಟೇ ನಡೆದ EICMA 2026 ಅಂತಾರಾಷ್ಟ್ರೀಯ ಆಟೋ ಶೋನಲ್ಲಿ ಹೀರೋ ಮೋಟೋಕಾರ್ಪ್ ತನ್ನ ಈ ನೂತನ ಎಲೆಕ್ಟ್ರಿಕ್ ಬೈಕ್‌ನ ಮೊದಲ ನೋಟವನ್ನು ಪ್ರದರ್ಶಿಸಿತ್ತು. ಅದಾದ ಕೆಲವೇ ದಿನಗಳಲ್ಲಿ ಈ ಬೈಕ್ ಭಾರತದ ರಸ್ತೆಗಳಲ್ಲಿ ಟೆಸ್ಟಿಂಗ್ ನಡೆಸುತ್ತಿರುವುದು ಕಂಡುಬಂದಿದೆ. ಇದುವರೆಗೆ ಕೇವಲ ಎಲೆಕ್ಟ್ರಿಕ್ ಸ್ಕೂಟರ್‌ಗಳನ್ನು ಮಾರಾಟ ಮಾಡುತ್ತಿದ್ದ 'ವಿಡಾ' ಬ್ರ್ಯಾಂಡ್, ಈ UBX 06 ಮಾದರಿಯೊಂದಿಗೆ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ವಿಭಾಗಕ್ಕೂ ಅಧಿಕೃತವಾಗಿ ಕಾಲಿಡುತ್ತಿದೆ.

ಸೂಪರ್‌ಮೋಟೋ ವಿನ್ಯಾಸ ಮತ್ತು ಆಕರ್ಷಕ ಲುಕ್

ರಸ್ತೆಯಲ್ಲಿ ಪರೀಕ್ಷಾರ್ಥ ಸಂಚಾರ ನಡೆಸುತ್ತಿದ್ದ ಬೈಕ್ ಸಂಪೂರ್ಣವಾಗಿ ಕವರ್‌ನಿಂದ (Camouflage) ಮುಚ್ಚಲ್ಪಟ್ಟಿತ್ತು. ಆದರೆ, ಇದರ ಆಕಾರ ಮತ್ತು ಗಾತ್ರವು EICMA ಶೋನಲ್ಲಿ ಪ್ರದರ್ಶಿಸಲಾದ ಮಾದರಿಯಂತೆಯೇ ಇದೆ. ಇದರ ವಿನ್ಯಾಸವು 'ಸೂಪರ್‌ಮೋಟೋ' (Supermoto) ಬೈಕ್‌ಗಳಿಂದ ಪ್ರೇರಿತವಾಗಿದ್ದು, ಸವಾರರು ನೇರವಾಗಿ ಕುಳಿತು ಆರಾಮದಾಯಕವಾಗಿ ಬೈಕ್ ಚಲಾಯಿಸಲು ಅನುಕೂಲವಾಗಿದೆ. ಬೈಕ್‌ನ ಮುಂಭಾಗ ಸ್ವಲ್ಪ ಎತ್ತರವಾಗಿದ್ದು, ಹಿಂಭಾಗವನ್ನು ಅತ್ಯಂತ ಕಾಂಪ್ಯಾಕ್ಟ್ ಆಗಿ ವಿನ್ಯಾಸಗೊಳಿಸಲಾಗಿದೆ.

ಆಟೋ ಶೋನಲ್ಲಿ ತೋರಿಸಲಾದ ಮಾದರಿಯಲ್ಲಿ ಮುಂಭಾಗದ ವಿಶೇಷ ಫ್ರೇಮ್‌ನೊಳಗೆ ಎಲ್‌ಇಡಿ ಪ್ರೊಜೆಕ್ಟರ್ ಹೆಡ್‌ಲೈಟ್ (LED Projector Headlight) ಮತ್ತು ಡಿಆರ್‌ಎಲ್ (DRL) ನೀಡಲಾಗಿತ್ತು. ಆದರೆ ಟೆಸ್ಟಿಂಗ್ ಮಾದರಿಯಲ್ಲಿ ಹ್ಯಾಂಡಲ್‌ಗೆ ಅಳವಡಿಸುವ ನಕಲ್ ಗಾರ್ಡ್‌ಗಳು (Knuckle guards) ಕಂಡುಬಂದಿಲ್ಲ.

ಕ್ರೂಸ್ ಕಂಟ್ರೋಲ್, ಟಿಎಫ್‌ಟಿ ಸ್ಕ್ರೀನ್ ಹಾಗೂ ಅತ್ಯಾಧುನಿಕ ಹಾರ್ಡ್‌ವೇರ್

ವೈಶಿಷ್ಟ್ಯಗಳ ವಿಚಾರದಲ್ಲೂ ಹೀರೋ ಯಾವುದೇ ರಾಜಿ ಮಾಡಿಕೊಂಡಿಲ್ಲ. ಬೈಕ್‌ನಲ್ಲಿ ದೊಡ್ಡದಾದ ಡಿಜಿಟಲ್ ಟಿಎಫ್‌ಟಿ (TFT) ಸ್ಕ್ರೀನ್ ನೀಡಲಾಗಿದ್ದು, ಇದನ್ನು ನಿಯಂತ್ರಿಸಲು ಎಡಭಾಗದ ಹ್ಯಾಂಡಲ್‌ನಲ್ಲಿ ಕಂಟ್ರೋಲ್ ಬಟನ್‌ಗಳನ್ನು ಅಳವಡಿಸಲಾಗಿದೆ. ವಿಶೇಷವೆಂದರೆ, ದೂರದ ಪ್ರಯಾಣವನ್ನು ಸುಲಭಗೊಳಿಸಲು ಇದರಲ್ಲಿ 'ಕ್ರೂಸ್ ಕಂಟ್ರೋಲ್' (Cruise Control) ನಂತಹ ಪ್ರೀಮಿಯಂ ಫೀಚರ್ ಸಹ ಕಂಡುಬಂದಿದೆ.

ಉತ್ತಮ ಬ್ರೇಕಿಂಗ್ ಮತ್ತು ಸುರಕ್ಷತೆಗಾಗಿ ಎರಡೂ ಚಕ್ರಗಳಲ್ಲಿ ಡಿಸ್ಕ್ ಬ್ರೇಕ್ ಮತ್ತು ಸಿಂಗಲ್-ಚಾನೆಲ್ ಎಬಿಎಸ್ (Single-channel ABS) ಸಿಗುವ ನಿರೀಕ್ಷೆಯಿದೆ. ಹದಗೆಟ್ಟ ರಸ್ತೆಗಳಲ್ಲಿ ಆಘಾತ ತಡೆಯಲು ಮುಂಭಾಗದಲ್ಲಿ ಅಪ್‌ಸೈಡ್-ಡೌನ್ (USD) ಫೋರ್ಕ್‌ಗಳು ಮತ್ತು ಹಿಂಭಾಗದಲ್ಲಿ ಮೊನೊಶಾಕ್ ಸಸ್ಪೆನ್ಷನ್ ನೀಡಲಾಗಿದೆ.

ಬ್ಯಾಟರಿ, ಮಿಡ್-ಡ್ರೈವ್ ಮೋಟಾರ್ ಮತ್ತು ಪರ್ಫಾರ್ಮೆನ್ಸ್

ಕಂಪನಿಯು ಇದರ ಬ್ಯಾಟರಿ ಸಾಮರ್ಥ್ಯ ಮತ್ತು ಮೈಲೇಜ್ (Range) ಕುರಿತು ಅಧಿಕೃತ ಮಾಹಿತಿಯನ್ನು ಇನ್ನೂ ಬಹಿರಂಗಪಡಿಸಿಲ್ಲ. ಆದರೆ, EICMA ಶೋನಲ್ಲಿ ಕಂಡುಬಂದ ಮಾದರಿಯ ಪ್ರಕಾರ, ಇದರಲ್ಲಿ ದೊಡ್ಡದಾದ ಫಿಕ್ಸ್‌ಡ್ ಬ್ಯಾಟರಿ (Fixed battery) ಹಾಗೂ ಬೈಕ್‌ನ ಮಧ್ಯಭಾಗದಲ್ಲಿ ಅಳವಡಿಸಲಾದ 'ಮಿಡ್-ಡ್ರೈವ್ ಮೋಟಾರ್' (Mid-drive motor) ಇರಲಿದೆ. ಈ ಮೋಟಾರ್ ಚೈನ್ ಡ್ರೈವ್ ಮೂಲಕ ಹಿಂಬದಿಯ ಚಕ್ರಕ್ಕೆ ಶಕ್ತಿಯನ್ನು ರವಾನಿಸುತ್ತದೆ. ಸಾಮಾನ್ಯ ಎಲೆಕ್ಟ್ರಿಕ್ ಸ್ಕೂಟರ್‌ಗಳಲ್ಲಿ ಚಕ್ರದ ಒಳಗೆ (Hub) ಮೋಟಾರ್ ಇರುತ್ತದೆ; ಆದರೆ ಬೈಕ್‌ನ ಮಧ್ಯಭಾಗದಲ್ಲಿ ಮೋಟಾರ್ ಇರುವುದರಿಂದ ತೂಕದ ಸಮತೋಲನ (Balance) ಅತ್ಯುತ್ತಮವಾಗಿರುತ್ತದೆ.

ಭಾರತದಲ್ಲಿ ಬಿಡುಗಡೆ ಯಾವಾಗ?

ಪ್ರಸ್ತುತ 'ವಿಡಾ' ಬ್ರ್ಯಾಂಡ್ ಅಡಿಯಲ್ಲಿ ಕೇವಲ ಎಲೆಕ್ಟ್ರಿಕ್ ಸ್ಕೂಟರ್‌ಗಳು ಮಾತ್ರ ಮಾರಾಟವಾಗುತ್ತಿರುವುದರಿಂದ, UBX 06 ಹೀರೋ ಕಂಪನಿಯ ಪಾಲಿಗೆ ಅತ್ಯಂತ ಮಹತ್ವದ ಹೆಜ್ಜೆಯಾಗಲಿದೆ. ಹೀರೋ ಮೋಟೋಕಾರ್ಪ್ ಈ ಮೊದಲ ಎಲೆಕ್ಟ್ರಿಕ್ ಮೋಟಾರ್‌ಸೈಕಲ್ ಅನ್ನು 2027ರ ಮಧ್ಯಭಾಗದ ವೇಳೆಗೆ ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ.

ಯಶ್ ಮುಂದಿನ ಚಿತ್ರ ಆದಿತ್ಯ ಧರ್ ಜೊತೆಗೆ, ರಣವೀರ್ ರೋಲ್ ಬಗ್ಗೆ ಕುತೂಹಲ, ಇದು ಚಂದ್ರಗುಪ್ತ ಮೌರ್ಯನ ಸಾಮ್ರಾಜ್ಯದ ಕಥೆ!

Gowthami K — Sat, 14 Nov 2026 18:11:37 +0530

'ಧುರಂಧರ್' ಚಿತ್ರ 1300 ಕೋಟಿ ಬಾಚಿಕೊಂಡು ಇತಿಹಾಸ ನಿರ್ಮಿಸಿದ ಬಳಿಕ ನಿರ್ದೇಶಕ ಆದಿತ್ಯ ಧರ್ ಮತ್ತೊಂದು ಬೃಹತ್ ಸಿನಿಮಾ ಯೋಜನೆಯತ್ತ ಗಮನ ಹರಿಸಿದ್ದಾರೆ ಎಂಬ ಸುದ್ದಿ ಬಾಲಿವುಡ್ ಮಾತ್ರವಲ್ಲ ಇಡೀ ಭಾರತೀಯ ಚಿತ್ರರಂಗದಲ್ಲಿ ಚರ್ಚೆ ಹುಟ್ಟುಹಾಕಿದೆ. ಈ ಬಾರಿ ಅವರು ಭಾರತದ ಇತಿಹಾಸದ ಮಹತ್ವದ ಅಧ್ಯಾಯವೊಂದನ್ನು ತೆರೆಮೇಲೆ ಕಟ್ಟಿಕೊಡುವ ಸಿದ್ಧತೆಯಲ್ಲಿದ್ದಾರೆ ಎನ್ನಲಾಗುತ್ತಿದೆ. ಮೌರ್ಯ ಸಾಮ್ರಾಜ್ಯದ ಸ್ಥಾಪಕ ಚಂದ್ರಗುಪ್ತ ಮೌರ್ಯನ ಜೀವನ ಮತ್ತು ಸಾಮ್ರಾಜ್ಯ ವಿಸ್ತರಣೆಯ ಇತಿಹಾಸವನ್ನು ಸಿನೆಮಾ ಮೂಲಕ ಕಟ್ಟಿ ಕೊಡಲಿದ್ದಾರೆ ಎಂದು ಬಿಟೌನ್ ಅಂಗಳದಲ್ಲಿ ಗುಲ್ಲೆದ್ದಿದೆ.

ಇದಕ್ಕೂ ಹೆಚ್ಚು ವಿಶೇಷ ಎಂದರೆ ಈ ಮಹತ್ವಾಕಾಂಕ್ಷೆಯ ಸಿನಿಮಾದಲ್ಲಿ ಬಾಲಿವುಡ್ ನಟ ರಣವೀರ್ ಸಿಂಗ್ ಹಾಗೂ ಕನ್ನಡದ ರಾಕಿಂಗ್ ಸ್ಟಾರ್ ಯಶ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಸುದ್ದಿ ಹರಿದಾಡುತ್ತಿದೆ. ಇಬ್ಬರು ಜನಪ್ರಿಯ ನಟರನ್ನು ಈ ಸಿನೆಮಾದಲ್ಲಿ ಹಾಕಿಕೊಂಡು ಯಾವ ಪಾತ್ರಗಳನ್ನು ಇವರಿಬ್ಬರಿಗೆ ನೀಡಬಹುದು ಎಂಬುದೇ ಅಭಿಮಾನಿಗಳಲ್ಲಿ ಹುಟ್ಟುಹಾಕಿರುವ ಕುತೂಹಲ. ಆದರೆ, ಈ ಬಗ್ಗೆ ಚಿತ್ರತಂಡದಿಂದ ಆಗಲಿ ನಿರ್ದೇಶಕನಿಂದಾಗಲಿ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.

ಆದಿತ್ಯ ಧರ್ ನಿರ್ದೇಶನದ 'ಧುರಂಧರ್' ಸಿನಿಮಾ ಭರ್ಜರಿ ಯಶಸ್ಸು ಕಂಡ ಬಳಿಕ ಅವರ ಮುಂದಿನ ಚಿತ್ರ ಯಾವುದು ಎಂಬ ಪ್ರಶ್ನೆ ಸಿನಿಪ್ರಿಯರಲ್ಲಿ ಕುತೂಹಲ ಮೂಡಿಸಿತ್ತು. ಈಗ ಅವರು ಭಾರತದ ಇತಿಹಾಸವನ್ನು ತೆರೆದಿಡಲು ಅಖಂಡ ಭಾರತದ ನಾಲ್ಕು ದಿಕ್ಕುಗಳನ್ನು ಆಳಿದ ಮೌರ್ಯ ಸಾಮ್ರಾಜ್ಯದ ಕಿಂಗ್ ಚಂದ್ರಗುಪ್ತ ಮತ್ತು ಆತನ ಗುರು ಚಾಣಕ್ಯ(ಕೌಟಿಲ್ಯ)ನ ಬಗ್ಗೆ ಸಿನೆಮಾ ಮಾಡುತ್ತಿದ್ದಾರೆ. ಭಾರತದ ಪ್ರಾಚೀನ ಇತಿಹಾಸದಲ್ಲಿ ಮಹತ್ವದ ಸ್ಥಾನ ಪಡೆದಿರುವ ಚಂದ್ರಗುಪ್ತ ಮೌರ್ಯನ ಬದುಕನ್ನು ಆಧುನಿಕ ಸಿನಿಮಾ ತಂತ್ರಜ್ಞಾನ ಮತ್ತು ಅದ್ದೂರಿ ದೃಶ್ಯಗಳ ಮೂಲಕ ಪ್ರೇಕ್ಷಕರ ಮುಂದೆ ತರುವ ಉದ್ದೇಶ ನಿರ್ದೇಶಕರಿಗಿದೆ ಎಂಬುದು ಬಲವಾಗಿ ಎದ್ದಿರುವ ಊಹಾಪೋಹ.

ಚಂದ್ರಗುಪ್ತ ಮೌರ್ಯನ ಪಾತ್ರದಲ್ಲಿ ಯಾರು ನಟಿಸಲಿದ್ದಾರೆ?

ಸದ್ಯ ‘ಟಾಕ್ಸಿಕ್’ ಮತ್ತು ‘ರಾಮಾಯಣ’ದಂತಹ ಪ್ಯಾನ್-ಇಂಡಿಯಾ ಸಿನಿಮಾಗಳಲ್ಲಿ ನಟಿಸಿರುವ ರಾಕಿಂಗ್ ಸ್ಟಾರ್ ಯಶ್ ಅವರನ್ನು, ಅಖಂಡ ಭಾರತದ ಸ್ಥಾಪಕ ‘ಚಂದ್ರಗುಪ್ತ ಮೌರ್ಯ’ನ ಪಾತ್ರಕ್ಕಾಗಿ ಸಂಪರ್ಕಿಸಲಾಗಿದೆ ಎಂದು ಊಹಾಪೋಹ ಬಲವಾಗಿದೆ. ಮತ್ತೊಂದೆಡೆ, ‘ಧುರಂಧರ್’ ಚಿತ್ರದ ಮೂಲಕ ಆದಿತ್ಯ ಧರ್ ಜೊತೆ ಭರ್ಜರಿ ಯಶಸ್ಸು ಕಂಡಿರುವ ಬಾಲಿವುಡ್ ನಟ ರಣವೀರ್ ಸಿಂಗ್ ಕೂಡ ಈ ಬೃಹತ್ ಯೋಜನೆಯಲ್ಲಿ ಪ್ರಮುಖ ಪಾತ್ರ ನಿರ್ವಹಿಸುವ ಮುಂಚೂಣಿಯಲ್ಲಿದ್ದಾರೆ ಎನ್ನಲಾಗಿದೆ. ನಟ ರಣವೀರ್ ಸಿಂಗ್ ಗೆ ಚಂದ್ರಗುಪ್ತ ಮೌರ್ಯನ ಗುರು ಚಾಣಕ್ಯನ ಪಾತ್ರವನ್ನು ನೀಡಬಹುದು ಎಂದು ಹೇಳಲಾಗುತ್ತಿದೆ. ಇನ್ನೊಂದು ವರದಿ ಪ್ರಕಾರ ಚಿತ್ರದ ಪ್ರಮುಖ ಪಾತ್ರವಾದ ಚಾಣಕ್ಯನ ಪಾತ್ರಕ್ಕೆ ಕಾಲಿವುಡ್‌ನ ಖ್ಯಾತ ನಟ ವಿಜಯ್ ಸೇತುಪತಿ ಅವರ ಹೆಸರು ಕೇಳಿಬರುತ್ತಿದ್ದು, ಬಾಲಿವುಡ್ ನಟ ಅಕ್ಷಯ್ ಖನ್ನಾ ಕೂಡ ಈ ತಂಡವನ್ನು ಸೇರಿಕೊಳ್ಳುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ. ನಿರ್ದೇಶಕ ಆದಿತ್ಯ ಧರ್ 2027ರ ಮಾರ್ಚ್ ತಿಂಗಳಿನಲ್ಲಿ ಈ ಚಿತ್ರದ ಮುಹೂರ್ತ ನಡೆಸಲು ಸಿದ್ದತೆ ಮಾಡಿದ್ದಾರೆ ಎನ್ನಲಾಗುತ್ತಿದೆ.

ಮೌರ್ಯ ಸಾಮ್ರಾಜ್ಯದ ವೈಭವ ಮತ್ತು ಇತಿಹಾಸವನ್ನು ತೆರೆಯ ಮೇಲೆ ತರುವ ಈ ಬೃಹತ್ ಆಕ್ಷನ್ ಡ್ರಾಮಾವನ್ನು ಸದ್ಯ ‘ಚಂದ್ರಗುಪ್ತ ಮೌರ್ಯ’ ಅಥವಾ ‘ಆರ್ಯವರ್ತ’ ಎಂಬ ತಾತ್ಕಾಲಿಕ ಶೀರ್ಷಿಕೆಗಳ ಅಡಿಯಲ್ಲಿ ಚರ್ಚಿಸಲಾಗುತ್ತಿದೆಯಂತೆ. ಒಂದು ವೇಳೆ ಈ ಜೋಡಿ ಒಂದಾದರೆ, ‘ಕೆಜಿಎಫ್’ ಚಿತ್ರದ ‘ರಾಕಿ’ ಮತ್ತು ‘ಪದ್ಮಾವತ್’ ಚಿತ್ರದ ‘ಖಿಲ್ಜಿ’ಯ ಅಮೋಘ ಎನರ್ಜಿಯನ್ನು ಒಂದೇ ಸಿನಿಮಾದಲ್ಲಿ ನೋಡುವ ಸುವರ್ಣಾವಕಾಶ ಅಭಿಮಾನಿಗಳಿಗೆ ಸಿಗಲಿದೆ. ಈ ಕಲ್ಪನೆಯೇ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ದೊಡ್ಡ ಮಟ್ಟದ ಸಂಚಲನ ಸೃಷ್ಟಿಸಿದೆ. ಅಧಿಕೃತ ಮಾಹಿತಿ ಹೊರಬೀಳುವವರೆಗೂ ಕಾಯಬೇಕಿದ್ದರೂ, ಯಶ್ ಮತ್ತು ರಣವೀರ್ ಸಿಂಗ್ ಒಟ್ಟಿಗೆ ನಟಿಸುವ ಸಾಧ್ಯತೆಯೇ ಸಿನಿಪ್ರಿಯರಲ್ಲಿ ಬೆಟ್ಟದಷ್ಟು ನಿರೀಕ್ಷೆ ಹುಟ್ಟುಹಾಕಿದೆ.

ಯಾರು ಈ ಚಂದ್ರಗುಪ್ತ?

ಮೌರ್ಯ ಸಾಮ್ರಾಜ್ಯದ ಸ್ಥಾಪಕ ಚಂದ್ರಗುಪ್ತ ಹುಟ್ಟಿದ್ದು ಕ್ರಿ.ಪೂ. 340 ರಲ್ಲಿ. ಆಳಿದ್ದು ಕ್ರಿಸ್ತಪೂರ್ವ 320-298 ರ ಅವಧಿಯಲ್ಲಿ. ಮೂಲತ ರಾಜ ಪರಂಪರೆಯಿಂದ ಆಳಿದ ದೊರೆಯಲ್ಲ. ಪೂರ್ವ ಭಾರತದ ಮಗಧದ ನಂದ ವಂಶಕ್ಕೆ ಸೇರಿದ ಒಬ್ಬ ರಾಜನಿಗೆ ಮುರಾ ಎಂಬ ದಾಸಿಯಲ್ಲಿ ಹುಟ್ಟಿದ ಕಾನೂನುಬಾಹಿರ ಮಗು ಎಂದು ಇತಿಹಾಸಲ್ಲಿ ಉಲ್ಲೇಖವಿದೆ. ಚಂದ್ರಗುಪ್ತನ ಜೀವನದ ಇತಿಹಾಸದಲ್ಲಿ ಪ್ರಮುಖ ಪಾತ್ರವಿರುವುದು ಅವನ ಗುರು ಚಾಣಕ್ಯನಿಗೆ. ತಕ್ಷಶಿಲೆ ವಿಶ್ವವಿದ್ಯಾಲಯದಲ್ಲಿ ಗುರುವಾಗಿದ್ದ ಕೌಟಿಲ್ಯ ಇರದಿದ್ದರೆ ಆತ ಸಾಮ್ರಾಜ್ಯ ಆಳುತ್ತಿರಲಿಲ್ಲ. ಆತನ ರಾಜಕೀಯ ಮತ್ತು ಯುದ್ಧದ ಗುರು, ಪ್ರಧಾನ ಮಂತ್ರಿ ಮತ್ತು ಮುಖ್ಯ ಸಲಹೆಗಾರ ಚಾಣಕ್ಯ. ಚಾಣಕ್ಯನನ್ನು ಕೌಟಿಲ್ಯ ಮತ್ತು ವಿಷ್ಣುಗುಪ್ತ ಎಂಬ ಹೆಸರುಗಳಿಂದಲೂ ಕರೆಯಲಾಗುತ್ತದೆ. ನಂದ ವಂಶದ ದೊರೆ ಧನನಂದನನ್ನು ಸೋಲಿಸಿ ಮೌರ್ಯ ಸಾಮ್ರಾಜ್ಯವನ್ನು ಕಟ್ಟಲು ಚಾಣಕ್ಯನು ಚಂದ್ರಗುಪ್ತನಿಗೆ ಮಾರ್ಗದರ್ಶನ ಮತ್ತು ತಂತ್ರಗಾರಿಕೆಯನ್ನು ನೀಡಿದನು.

ಚಂದ್ರಗುಪ್ತನು ತನ್ನ ಜೀವನದ ಕೊನೆಯ ಕಾಲಗಟ್ಟದಲ್ಲಿ ಸಿಂಹಾಸನವನ್ನು ತ್ಯಜಿಸಿ ಜೈನಧರ್ಮಕ್ಕೆ ಸೇರಿ ಸಂನ್ಯಾಸಿಯಾಗಿ ಕರ್ನಾಟಕದಲ್ಲಿರುವ ಶ್ರವಣಬೆಳಗೊಳದಲ್ಲಿ ತನ್ನ ಕೊನೆಯ ದಿನಗಳನ್ನು ಕಳೆದನು ಎಂದು ನಂಬಲಾಗಿದೆ. ತನ್ನ ಜೀವನದ ಕೊನೆಯ ದಿನಗಳಲ್ಲಿ ಜೈನ ಧರ್ಮವನ್ನು ಸ್ವೀಕರಿಸಿದಾಗ ಅವರ ಧಾರ್ಮಿಕ ಗುರು ಆಚಾರ್ಯ ಭದ್ರಬಾಹು.

ನಾನು ಹೆಣ್ಣು ಅಲ್ಲ, ಎಲ್ಲರೂ ತಪ್ಪು ತಿಳಿದಿದ್ದಾರೆ: ತಮ್ಮ ಲಿಂಗತ್ವದ ಸ್ಪಷ್ಟನೆ ಕೊಟ್ಟ ಜಿರಳೆ ನೇಹಾ ಬೋರಾ

Suchethana D — Sat, 14 Nov 2026 17:57:53 +0530

ದೆಹಲಿ: ಕೇಂದ್ರ ಸರ್ಕಾರದ ವಿರುದ್ಧದ ಜಿರಳೆಗಳ ಪ್ರತಿಭಟನೆಯ ಸಮಯದಲ್ಲಿ ಕಳೆದ ಕೆಲವು ತಿಂಗಳುಗಳಿಂದ ಭಾರಿ ಸದ್ದು ಮಾಡುತ್ತಿರುವವರ ಪೈಕಿ ಅಖಿಲ ಭಾರತ ವಿದ್ಯಾರ್ಥಿ ಸಂಘದ (All India Students' Association) ಅಧ್ಯಕ್ಷೆ ನೇಹಾ ಬೋರಾ ಕೂಡ ಒಬ್ಬರು. ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ರಾಜೀನಾಮೆಗೆ ಒತ್ತಾಯಿಸಿ ಬೀದಿಗಿಳಿದ ಅವರು ರಾಜಧಾನಿ ದೆಹಲಿಯ ಹೃದಯಭಾಗದಲ್ಲಿ ಬಿರುಗಾಳಿ ಎಬ್ಬಿಸಿವರ ಪೈಕಿ ಇಬ್ಬರು. ಇದಕ್ಕೂ ಮುನ್ನ ನೀಟ್ ಪೇಪರ್ ಲೀಕ್ ಪ್ರಕರಣದಲ್ಲಿ ಕೇಂದ್ರ ಶಿಕ್ಷಣ ಸಚಿವರು ರಾಜೀನಾಮೆ ನೀಡಬೇಕು ಎಂಬ ಪ್ರತಿಭಟನೆ ನಡೆದ ಸಂದರ್ಭದಲ್ಲಿ ನೇಹಾ ಬೋರಾ ಉಪವಾಸ ಪ್ರತಿಭಟನೆಯಲ್ಲಿ ಭಾಗಿಯಾಗಿ ಎಲ್ಲರ ಗಮನಸೆಳೆದಿದ್ದರು. ಕೆಲ ದಿನಗಳ ಹಿಂದೆ ತಮಗೆ ಬಾಂಗ್ಲಾದೇಶ ಸ್ಫೂರ್ತಿ ಎನ್ನುವ ಮೂಲಕ ಕಿಡಿ ಹೊತ್ತಿಸಿದ್ದರು. ಇದಾದ ಬಳಿಕ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರಿಗೆ ಬಹಳ ಹತ್ತಿರವಾದರು. ಒಂದು ಹಂತದಲ್ಲಿ ನಿನ್ನೆ ಮೊನ್ನೆ ಬಂದ ನೇಹಾ ಅವರಿಗೆ ರಾಹುಲ್ ಗಾಂಧಿಯವರು ಪ್ರಾಧಾನ್ಯ ನೀಡುತ್ತಿರುವುದು ಕಾಂಗ್ರೆಸ್ ಪಕ್ಷದ ಹಳೆಯ ಕಾರ್ಯಕರ್ತರ ನಡುವೆ ಆಕ್ರೋಶಕ್ಕೂ ಕಾರಣವಾಗಿ, ಇದನ್ನು ಬಹಿರಂಗವಾಗಿಯೇ ಹೇಳಿಕೊಂಡಿದ್ದರು.

ಆದರೆ, ಇವೆಲ್ಲವುಗಳ ನಡುವೆಯೇ, ಇದೀಗ ಕುತೂಹಲ ಎನ್ನುವ ವಿಷಯವೊಂದು ಖುದ್ದು ನೇಹಾ ಬೋರಾ (Neha Bora) ಅವರೇ ರಿವೀಲ್ ಮಾಡಿದ್ದಾರೆ. ತಮ್ಮ ಲಿಂಗ ಗುರುತಿನ ಬಗ್ಗೆ ಅವರು ಜನರಿಗೆ ಸ್ಪಷ್ಟನೆ ನೀಡಿದ್ದಾರೆ. ಪೀಕ್ ಟಿವಿಗೆ ನೀಡಿದ ಸಂದರ್ಶನದಲ್ಲಿ ನೇಹಾ ಅವರು, ತಮ್ಮನ್ನು ತಾವು ಮಹಿಳೆ ಎಂದು ಪರಿಗಣಿಸುವುದಿಲ್ಲ ಎಂದು ಹೇಳಿದ್ದಾರೆ. ಜನರು ತಮ್ಮನ್ನು 'ನಾನ್-ಬೈನರಿ' (Non Binary) ವರ್ಗದಲ್ಲಿ ಪರಿಗಣಿಸುತ್ತಾರೆ. ನಾನ್-ಬೈನರಿ ಎಂಬುದು ಸಾಂಪ್ರದಾಯಿಕ ಪುರುಷ-ಮತ್ತು-ಮಹಿಳೆಯ ಲಿಂಗಕ್ಕೆ ಹೊಂದಿಕೆಯಾಗದ ಗುರುತಾಗಿದೆ. ಇದೇ ನನ್ನ ಗುರುತು. ಆದರೆ, ಅನೇಕ ಜನರು ನನ್ನನ್ನು ವಿದ್ಯಾರ್ಥಿ ನಾಯಕಿ, ಅಧ್ಯಕ್ಷೆ, ‘ಅವಳು’ She, Her ಎಂದೆಲ್ಲಾ ಕರೆಯುತ್ತಾರೆ. ಅವರದ್ದೇನೂ ತಪ್ಪಿಲ್ಲ. ಅವರಿಗೆ ನನ್ನ ಲಿಂಗ ಗುರುತಿನ ಬಗ್ಗೆ ತಿಳಿದಿಲ್ಲದ ಕಾರಣ ಅವರನ್ನು ಹಾಗೆ ಸಂಬೋಧಿಸುತ್ತಾರೆ ಎಂದು ರಿವೀಲ್ ಮಾಡಿದ್ದಾರೆ.

ನಾನು “ಅವಳಲ್ಲ”

ಜನರು ಏನೇ ಕರೆದರೂ ತಮ್ಮನ್ನು ಮಹಿಳೆಯರ ವರ್ಗದಲ್ಲಿ ಸೇರಿಸಿಕೊಳ್ಳುವುದಿಲ್ಲ ಎಂದಿದ್ದಾರೆ ನೇಹಾ. ಇಂಗ್ಲಿಷ್‌ನಲ್ಲಿ ನನ್ನ ಹೆಸರು ಬರೆಯುವಾಗಲೆಲ್ಲಾ She, Her ಎಂದೆಲ್ಲಾ ಹೇಳುತ್ತಾರೆ. ಆದರೆ ನಾನು ನಾನ್ ಬೈನರಿ ಎಂದಿದ್ದಾರೆ. ನೇಹಾ ಅವರನ್ನು ವಿದ್ಯಾರ್ಥಿ ನಾಯಕಿ ಅಥವಾ ಅಧ್ಯಕ್ಷೆ ಎಂದು ಕರೆದಾಗ ಅದು ಅವರ ಮನಸ್ಸಿನ ಮೇಲೆ ಯಾವ ಪರಿಣಾಮ ಬೀರುತ್ತದೆ ಎಂದು ಪ್ರಶ್ನೆ ಕೇಳಲಾಯಿತು. ಇದಕ್ಕೆ ಪ್ರತಿಕ್ರಿಯೆಯಾಗಿ, ನೇಹಾ ಹೇಳಿದರು, "ಇದು ನಡೆಯುತ್ತಲೇ ಇದೆ. ನಾನು ಅದನ್ನು ಒಪ್ಪಿಕೊಂಡಿದ್ದೇನೆ. ಕೆಲವೊಮ್ಮೆ ನಾನು ಈ ಬಗ್ಗೆ ಹೇಳಿದಾಗ, ಹಾಗೆ ಕರೆದವರು ತಪ್ಪನ್ನು ಸರಿಪಡಿಸಿಕೊಳ್ಳುತ್ತಾರೆ. ಆದರೆ, ಮಹಿಳೆ ಅಥವಾ ಪುರುಷ ಅಲ್ಲದ ಜನರ ಜೀವನದಲ್ಲಿ ಸರ್ವನಾಮಗಳ ಪ್ರಾಮುಖ್ಯತೆಯನ್ನು ಜನರು ಅರ್ಥಮಾಡಿಕೊಳ್ಳಲು ಸಮಯ ತೆಗೆದುಕೊಳ್ಳುತ್ತದೆ ಎಂದಿದ್ದಾರೆ.

ನಾನು ಎಲ್ಲಿಯೇ ಸಂದರ್ಶನ ಕೊಟ್ಟರೂ ಈ ಬಗ್ಗೆ ಸ್ಪಷ್ಟವಾಗಿ ಹೇಳುತ್ತೇನೆ. ಆದ್ದರಿಂದ ವರದಿಯಲ್ಲಿ ಮಹಿಳೆ ಎಂದು ಬರೆಯುವ ಬದಲು, ಅವರು ಎಂದು ಬರೆಯುವಂತೆ ಹೇಳುತ್ತೇನೆ ಎಂದಿರುವ ನೇಹಾ, ಭಾರತದಂತಹ ದೇಶಗಳಲ್ಲಿ ಲಿಂಗ ಗುರುತಿನ ಬಗ್ಗೆ ಅರಿವಿನ ಕೊರತೆಯಿದೆ. ವಿಶ್ವದ ಅಭಿವೃದ್ಧಿ ಹೊಂದಿದ ದೇಶಗಳ ಮಟ್ಟವನ್ನು ತಲುಪಲು ಸಮಯ ತೆಗೆದುಕೊಳ್ಳುತ್ತದೆ ಎಂಬುದು ಸ್ಪಷ್ಟವಾಗಿದೆ ಎಂದಿದ್ದಾರೆ.

ಡಿಜೆ ಸದ್ದಿಗೆ 20 ದಿನದ ಹಸುಗೂಸು ಸಾವು! ಎಷ್ಟು ಡೆಸಿಬಲ್ ಶಬ್ದ ಮನುಷ್ಯರಿಗೆ ಅಪಾಯಕಾರಿ ಗೊತ್ತಾ?

Pavna Das — Sat, 14 Nov 2026 17:53:16 +0530

ಡಿಜೆ ಸದ್ದಿಗೆ 20 ದಿನದ ಹಸುಗೂಸು ಸಾವು

ಉತ್ತರ ಪ್ರದೇಶದ ಬಲಿಯಾದಲ್ಲಿ ಡಿಜೆ ಸದ್ದಿನ ನಡುವೆ 20 ದಿನದ ಹಸುಗೂಸು ಮೃತಪಟ್ಟಿರುವ ಘಟನೆ ಬೆಳಕಿಗೆ ಬಂದಿದೆ. ಮನಿಯರ್ ಪೊಲೀಸ್ ಠಾಣಾ ವ್ಯಾಪ್ತಿಯ ಮುಡಿಯಾರಿ ಗ್ರಾಮದಲ್ಲಿ ಲಕ್ಷ್ಮಿ ವಿಗ್ರಹ ವಿಸರ್ಜನೆಯ ಸಂದರ್ಭದಲ್ಲಿ ಅತಿಯಾದ ಶಬ್ದದಲ್ಲಿ ಡಿಜೆ ಹಾಕಲಾಗಿತ್ತು. ಮಗುವಿನ ತಾಯಿ ರೀಮಾ ದೇವಿ ಅವರ ಕುಟುಂಬಸ್ಥರು ಮಾಡಿರುವ ಆರೋಪದ ಪ್ರಕಾರ, ಜೋರಾದ ಶಬ್ದ ಮತ್ತು ಕಂಪನದಿಂದ ಮಗುವಿನ ಆರೋಗ್ಯ ಹದಗೆಟ್ಟು ಮೃತಪಟ್ಟಿದೆ. ಘಟನೆ ಬಳಿಕ ಪೊಲೀಸರು ಡಿಜೆ ಸಿಸ್ಟಮ್ ಅನ್ನು ವಶಕ್ಕೆ ಪಡೆದುಕೊಂಡಿದ್ದು, ಅದರ ಆಪರೇಟರ್‌ನನ್ನು ವಶಕ್ಕೆ ಪಡೆದಿದ್ದಾರೆ. ಆದರೆ ಮಗುವಿನ ಸಾವಿಗೆ ನಿಖರವಾದ ಕಾರಣವೇನು ಎಂಬುದು ಮರಣೋತ್ತರ ಪರೀಕ್ಷೆಯ ವರದಿ ಬಂದ ನಂತರವಷ್ಟೇ ಸ್ಪಷ್ಟವಾಗಲಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಈ ಘಟನೆಯು ಮತ್ತೊಮ್ಮೆ ಅತಿಯಾದ ಶಬ್ದ ಮತ್ತು ಅದರಿಂದ ಉಂಟಾಗುವ ಆರೋಗ್ಯ ಸಮಸ್ಯೆಗಳ ಬಗ್ಗೆ ಚರ್ಚೆ ಹುಟ್ಟುಹಾಕಿದೆ. ಮದುವೆ, ಧಾರ್ಮಿಕ ಮೆರವಣಿಗೆ ಹಾಗೂ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಡಿಜೆಗಳನ್ನು ಅತ್ಯಂತ ಜೋರಾಗಿ ಹಾಕಲಾಗುತ್ತದೆ. ಇದರಿಂದ ಸುತ್ತಮುತ್ತಲಿನ ಜನರಿಗೆ ಸಾಮಾನ್ಯವಾಗಿ ಮಾತನಾಡುವುದಕ್ಕೂ ತೊಂದರೆಯಾಗುತ್ತದೆ. ಆದರೆ ಎಷ್ಟು ಪ್ರಮಾಣದ ಶಬ್ದ ಸಾಮಾನ್ಯ? ಯಾವ ಮಟ್ಟವನ್ನು ಮೀರಿದಾಗ ಅದು ಆರೋಗ್ಯಕ್ಕೆ ಅಪಾಯಕಾರಿಯಾಗುತ್ತದೆ ಎಂಬುದು ನಿಮಗೆ ಗೊತ್ತೇ?

ಎಷ್ಟು ಡೆಸಿಬಲ್ ಶಬ್ದವನ್ನು ಸಾಮಾನ್ಯ ಎಂದು ಪರಿಗಣಿಸಲಾಗುತ್ತದೆ?

ಶಬ್ದದ ತೀವ್ರತೆಯನ್ನು ಅಳೆಯಲು ಡೆಸಿಬಲ್ (dB) ಎಂಬ ಮಾನದಂಡವನ್ನು ಬಳಸಲಾಗುತ್ತದೆ. ವಿಶ್ವ ಆರೋಗ್ಯ ಸಂಸ್ಥೆಯ (WHO) ಪ್ರಕಾರ, ನಿಧಾನವಾಗಿ ಪಿಸುಗುಟ್ಟುವ ಶಬ್ದದ ಪ್ರಮಾಣ ಸುಮಾರು 30 ಡೆಸಿಬಲ್ ಆಗಿದ್ದರೆ, ಸಾಮಾನ್ಯ ಮಾತುಕತೆಯ ಶಬ್ದ ಸುಮಾರು 60 ಡೆಸಿಬಲ್ ಇರುತ್ತದೆ. ಸುಮಾರು 80 ಡೆಸಿಬಲ್ ಶಬ್ದ ಕೇಳಲು ಸಾಕಷ್ಟು ಜೋರಾಗಿ ಅನಿಸಬಹುದು. ಅದೇ 90ರಿಂದ 100 ಡೆಸಿಬಲ್ ಶಬ್ದದ ನಡುವೆ ದೀರ್ಘಕಾಲ ಇರುವುದರಿಂದ ಶ್ರವಣ ಸಾಮರ್ಥ್ಯಕ್ಕೆ ಹಾನಿಯಾಗುವ ಅಪಾಯ ಹೆಚ್ಚಾಗುತ್ತದೆ. ಶಬ್ದದ ತೀವ್ರತೆ ಹೆಚ್ಚಾದಷ್ಟೂ ಮತ್ತು ಅದಕ್ಕೆ ಒಡ್ಡಿಕೊಳ್ಳುವ ಅವಧಿ ಹೆಚ್ಚಾದಷ್ಟೂ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುವ ಸಾಧ್ಯತೆ ಹೆಚ್ಚಾಗುತ್ತದೆ.

85 ಡೆಸಿಬಲ್ ದಾಟಿದರೆ ಹೆಚ್ಚಾಗುತ್ತದೆ ಅಪಾಯ

ಅಮೆರಿಕದ ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್ ಆ್ಯಂಡ್ ಪ್ರಿವೆನ್ಷನ್ (CDC) ಸಂಸ್ಥೆಯ ಅಡಿಯಲ್ಲಿ ಕಾರ್ಯನಿರ್ವಹಿಸುವ NIOSH ಪ್ರಕಾರ, ಕೆಲಸದ ಸ್ಥಳದಲ್ಲಿ 85 ಡೆಸಿಬಲ್ ಶಬ್ದಕ್ಕೆ ಸತತ 8 ಗಂಟೆಗಳ ಕಾಲ ಒಡ್ಡಿಕೊಳ್ಳುವುದು ಶ್ರವಣ ಸಾಮರ್ಥ್ಯಕ್ಕೆ ಅಪಾಯಕಾರಿಯಾಗಬಹುದು.

ನವಜಾತ ಶಿಶುಗಳು ಮತ್ತು ಚಿಕ್ಕ ಮಕ್ಕಳ ಮೇಲೆ ಏನೆಲ್ಲ ಪರಿಣಾಮ ಬೀರುತ್ತದೆ?

ನವಜಾತ ಶಿಶುಗಳನ್ನು ಅತಿಯಾದ ಶಬ್ದ ಮತ್ತು ನಿರಂತರ ಗದ್ದಲದಿಂದ ದೂರವಿಡುವುದು ಬಹಳ ಮುಖ್ಯ. ಅಮೆರಿಕನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ (AAP) ಪ್ರಕಾರ, ಜೋರಾದ ಶಬ್ದವು ಮಕ್ಕಳ ಶ್ರವಣ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರಬಹುದು. ಇದರಿಂದ ನಿದ್ರೆಗೆ ತೊಂದರೆಯಾಗುವುದು, ಒತ್ತಡ ಹೆಚ್ಚಾಗುವುದು ಹಾಗೂ ದೇಹದ ಸಾಮಾನ್ಯ ಪ್ರತಿಕ್ರಿಯೆಗಳಲ್ಲಿ ಬದಲಾವಣೆ ಉಂಟಾಗಬಹುದು.

ಅತಿಯಾದ ಶಬ್ದದಿಂದ ಕಿವಿಗೆ ಮಾತ್ರವಲ್ಲ, ದೇಹಕ್ಕೂ ಹಾನಿ!

ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ, ದೀರ್ಘಕಾಲ ಧ್ವನಿ ಮಾಲಿನ್ಯಕ್ಕೆ ಒಡ್ಡಿಕೊಳ್ಳುವುದರಿಂದ ಶ್ರವಣ ಸಾಮರ್ಥ್ಯಕ್ಕೆ ಹಾನಿಯಾಗಬಹುದು. ಇದರ ಜೊತೆಗೆ ಹಲವು ಆರೋಗ್ಯ ಸಮಸ್ಯೆಗಳ ಅಪಾಯವೂ ಹೆಚ್ಚಾಗಬಹುದು.

ನಿದ್ರೆಗೆ ತೊಂದರೆಯಾಗಬಹುದು.
ಮಾನಸಿಕ ಒತ್ತಡ ಹೆಚ್ಚಾಗಬಹುದು.
ಕಿರಿಕಿರಿ ಮತ್ತು ಅಸಹನೆ ಉಂಟಾಗಬಹುದು.
ಅಧಿಕ ರಕ್ತದೊತ್ತಡದ ಅಪಾಯ ಹೆಚ್ಚಾಗಬಹುದು.
ಶ್ರವಣ ಸಾಮರ್ಥ್ಯ ಕುಂಠಿತವಾಗಬಹುದು.

ಅವರಿಲ್ಲದಿದ್ದರೆ ಈ ಮಟ್ಟಕ್ಕೆ ಬರುತ್ತಿರಲಿಲ್ಲ, ಅವರೇ ನನ್ನ ಲಕ್ಕಿ ಚಾರ್ಮ್: 'ಸೀತಾ ರಾಮಂ' ನಟಿ ಹೇಳಿದ್ದು ಯಾರ ಬಗ್ಗೆ?

Govindaraj S — Sat, 14 Nov 2026 17:49:14 +0530

ಬಾಲಿವುಡ್‌ನಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ನಟಿ ಮೃಣಾಲ್ ಠಾಕೂರ್, ತೆಲುಗು ಪ್ರೇಕ್ಷಕರಿಗೂ ಚಿರಪರಿಚಿತ. ದುಲ್ಕರ್ ಸಲ್ಮಾನ್ ಜೊತೆಗಿನ ‘ಸೀತಾ ರಾಮಂ’ ಚಿತ್ರದ ಮೂಲಕ ತೆಲುಗು ಚಿತ್ರರಂಗಕ್ಕೆ ಕಾಲಿಟ್ಟ ಅವರು, ಮೊದಲ ಸಿನಿಮಾದಲ್ಲೇ ಪ್ರೇಕ್ಷಕರ ಮನಗೆದ್ದಿದ್ದರು. ಬಳಿಕ ತೆಲುಗು ಹಾಗೂ ಹಿಂದಿ ಸಿನಿಮಾಗಳಲ್ಲಿ ನಟಿಸುತ್ತಾ ತಮ್ಮದೇ ಅಭಿಮಾನಿ ಬಳಗವನ್ನು ಸಂಪಾದಿಸಿಕೊಂಡಿದ್ದಾರೆ. ಇದೀಗ ಮೃಣಾಲ್ ಠಾಕೂರ್ ಮಾಡಿರುವ ಒಂದು ಹೇಳಿಕೆ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಚರ್ಚೆಯಾಗುತ್ತಿದೆ. ಅಷ್ಟಕ್ಕೂ ಆಕೆ ಹೊಗಳಿಕೆಯ ಮಾತುಗಳನ್ನಾಡಿದ್ದು ಬಾಲಿವುಡ್ ಸ್ಟಾರ್ ನಟ ರಣವೀರ್ ಸಿಂಗ್ ಬಗ್ಗೆ!

ನನ್ನ ಯಶಸ್ಸಿನ ಹಿಂದೆ ರಣ್‌ವೀರ್ ಸಿಂಗ್ ಪಾತ್ರವಿದೆ!

ಇತ್ತೀಚೆಗೆ ಪಾಡ್‌ಕಾಸ್ಟ್ ಒಂದರಲ್ಲಿ ಭಾಗವಹಿಸಿದ್ದ ಮೃಣಾಲ್ ಠಾಕೂರ್, ತಮ್ಮ ವೃತ್ತಿಜೀವನದ ಆರಂಭದ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ. ಈ ವೇಳೆ ರಣ್‌ವೀರ್ ಸಿಂಗ್ ಅವರನ್ನು ತಮ್ಮ ಪಾಲಿನ ‘ಲಕ್ಕಿ ಚಾರ್ಮ್’ ಎಂದು ಬಣ್ಣಿಸಿರುವ ಅವರು, ಇಂದು ತಾವು ನಟಿಯಾಗಿ ಈ ಮಟ್ಟಕ್ಕೆ ಬೆಳೆಯಲು ಅವರೂ ಒಂದು ರೀತಿಯಲ್ಲಿ ಕಾರಣ ಎಂದು ಹೇಳಿದ್ದಾರೆ.

ಕೆಲವು ವರ್ಷಗಳ ಹಿಂದೆ ರಣವೀರ್ ಸಿಂಗ್ ಜೊತೆಗೂಡಿ ಕೂದಲಿನ ಆರೈಕೆ ಬ್ರ್ಯಾಂಡ್‌ವೊಂದರ ಜಾಹೀರಾತಿನಲ್ಲಿ ನಟಿಸಿದ್ದನ್ನು ಮೃಣಾಲ್ ನೆನಪಿಸಿಕೊಂಡಿದ್ದಾರೆ. ಆ ಜಾಹೀರಾತಿನ ಮೂಲಕವೇ ತಮಗೆ ಉತ್ತಮ ಗುರುತಿಸುವಿಕೆ ಸಿಕ್ಕಿತು. ಬಳಿಕ ಸಿನಿಮಾ ನಿರ್ಮಾಪಕರ ಗಮನ ಸೆಳೆಯಲು ಸಾಧ್ಯವಾಯಿತು. ಅಲ್ಲಿಂದ ಸಿನಿಮಾ ಅವಕಾಶಗಳೂ ಹುಡುಕಿಕೊಂಡು ಬಂದವು ಎಂದು ತಮ್ಮ ಆರಂಭದ ದಿನಗಳ ಅನುಭವವನ್ನು ಹಂಚಿಕೊಂಡಿದ್ದಾರೆ.

ರಣ್‌ವೀರ್ ವ್ಯಕ್ತಿತ್ವಕ್ಕೆ ಮೃಣಾಲ್ ಫಿದಾ!

ಕೇವಲ ತಮ್ಮ ವೃತ್ತಿಜೀವನಕ್ಕೆ ನೆರವಾದ ಕಾರಣಕ್ಕಷ್ಟೇ ಅಲ್ಲ, ರಣ್‌ವೀರ್ ಸಿಂಗ್ ಅವರ ವ್ಯಕ್ತಿತ್ವವನ್ನೂ ಮೃಣಾಲ್ ಮನಸಾರೆ ಹೊಗಳಿದ್ದಾರೆ. ಅವರು ಸದಾ ಸಕಾರಾತ್ಮಕ ಮನೋಭಾವ ಹೊಂದಿರುವ ವ್ಯಕ್ತಿ. ತಮ್ಮ ಕೆಲಸದ ಬಗ್ಗೆ ಅಪಾರವಾದ ಬದ್ಧತೆ ಮತ್ತು ಶ್ರದ್ಧೆ ಹೊಂದಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇಂದು ರಣವೀರ್ ಸಿಂಗ್ ಒಬ್ಬ ಯಶಸ್ವಿ ನಟನಾಗಿ ಗುರುತಿಸಿಕೊಂಡಿರುವುದರ ಹಿಂದೆ ಅವರ ಕಠಿಣ ಪರಿಶ್ರಮ, ನಿರಂತರ ಪ್ರಯತ್ನ ಮತ್ತು ಬದ್ಧತೆ ಇದೆ ಎಂದು ಮೃಣಾಲ್ ಅಭಿಪ್ರಾಯಪಟ್ಟಿದ್ದಾರೆ.

‘ಧುರಂಧರ್ 2’ನಲ್ಲಿ ರಣ್‌ವೀರ್ ಕಾಣಿಸಲಿಲ್ಲ, ಹಮ್ಜಾ ಮಾತ್ರ ಕಾಣಿಸಿದ!

ಇನ್ನು ರಣವೀರ್ ಸಿಂಗ್ ಅಭಿನಯದ ‘ಧುರಂಧರ್ 2’ ಚಿತ್ರದ ಬಗ್ಗೆಯೂ ಮೃಣಾಲ್ ವಿಶೇಷವಾಗಿ ಮಾತನಾಡಿದ್ದಾರೆ. ಚಿತ್ರವನ್ನು ವೀಕ್ಷಿಸುವಾಗ ತಮಗೆ ರಣವೀರ್ ಸಿಂಗ್ ಕಾಣಿಸಲಿಲ್ಲ; ಬದಲಿಗೆ ಹಮ್ಜಾ ಎಂಬ ಪಾತ್ರವಷ್ಟೇ ಕಾಣಿಸಿತು ಎಂದು ಹೇಳಿದ್ದಾರೆ. ಅಷ್ಟರಮಟ್ಟಿಗೆ ರಣ್‌ವೀರ್ ಆ ಪಾತ್ರದಲ್ಲಿ ಸಂಪೂರ್ಣವಾಗಿ ತಲ್ಲೀನರಾಗಿದ್ದರು. ಒಬ್ಬ ಸ್ಟಾರ್ ನಟನಾಗಿ ಕಾಣಿಸಿಕೊಳ್ಳುವುದಕ್ಕಿಂತಲೂ ಪಾತ್ರಕ್ಕೆ ಸಂಪೂರ್ಣ ನ್ಯಾಯ ಒದಗಿಸುವ ಮೂಲಕ ತಮ್ಮ ಅದ್ಭುತ ನಟನಾ ಸಾಮರ್ಥ್ಯವನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ.

ಮೃಣಾಲ್ ಹೇಳಿಕೆ ಈಗ ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆ!

ಇನ್ನು ತಮ್ಮ ವೃತ್ತಿಜೀವನದ ಆರಂಭದ ದಿನಗಳಲ್ಲಿ ರಣವೀರ್ ಸಿಂಗ್ ಜೊತೆಗಿನ ಜಾಹೀರಾತು ಹೇಗೆ ಗುರುತಿಸುವಿಕೆ ತಂದುಕೊಟ್ಟಿತು ಎಂಬುದನ್ನು ಮೃಣಾಲ್ ಮುಕ್ತವಾಗಿ ಹಂಚಿಕೊಂಡಿದ್ದಾರೆ. ಅಂದು ಸಿಕ್ಕ ಅವಕಾಶವನ್ನು ಇಂದಿಗೂ ಕೃತಜ್ಞತೆಯಿಂದ ನೆನಪಿಸಿಕೊಳ್ಳುವ ಅವರು, ರಣ್‌ವೀರ್ ಅವರನ್ನು ತಮ್ಮ ಲಕ್ಕಿ ಚಾರ್ಮ್ ಎಂದು ಕರೆದಿರುವುದು ಅಭಿಮಾನಿಗಳ ಗಮನ ಸೆಳೆದಿದೆ. ಸದ್ಯ ಮೃಣಾಲ್ ಅವರ ಈ ಮಾತುಗಳು ಚಿತ್ರರಂಗದ ಅಭಿಮಾನಿಗಳ ನಡುವೆ ಕುತೂಹಲ ಮೂಡಿಸಿವೆ.

ಒಂದು ಸಿನಿಮಾ, ಒಂದು ಪ್ರೀತಿ, ಒಂದು ಸುಂದರ ಬದುಕು: ರಣವೀರ್-ದೀಪಿಕಾ ಕಥೆಯ 5 ಮೈಲಿಗಲ್ಲುಗಳೇನು?

Govindaraj S — Sat, 14 Nov 2026 17:28:49 +0530

ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಅವರ ವಿವಾಹವಾಗಿ 8 ವರ್ಷಗಳಾಗಿದ್ದು, 'ರಾಮ್-ಲೀಲಾ' ಚಿತ್ರಕ್ಕೆ 13 ವರ್ಷ ತುಂಬಿದೆ. ಅವರ ಮೊದಲ ಆನ್‌-ಸ್ಕ್ರೀನ್ ರೊಮ್ಯಾನ್ಸ್‌ನಿಂದ ಪೋಷಕತ್ವದವರೆಗಿನ ಪ್ರೇಮಕಥೆಯ 5 ವಿಶೇಷ ಮೈಲಿಗಲ್ಲುಗಳನ್ನು ಇಲ್ಲಿ ನೋಡೋಣ.

ಹದಿಮೂರು ವರ್ಷಗಳ ಹಿಂದೆ ಸಂಜಯ್ ಲೀಲಾ ಬನ್ಸಾಲಿ ಅವರ 'ಗೋಲಿಯೋನ್ ಕೀ ರಾಸ್‌ಲೀಲಾ ರಾಮ್-ಲೀಲಾ' ಚಿತ್ರದಲ್ಲಿ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಅವರನ್ನು ರಾಮ್ ಮತ್ತು ಲೀಲಾ ಆಗಿ ತೆರೆಯ ಮೇಲೆ ಒಟ್ಟಿಗೆ ತಂದಿತು. ಅವರ ಅದ್ಭುತ ಕೆಮಿಸ್ಟ್ರಿ ಲಕ್ಷಾಂತರ ಹೃದಯಗಳನ್ನು ಗೆದ್ದಿತು. ಆದರೆ ರೀಲ್ ಲೈಫ್ ರೊಮ್ಯಾನ್ಸ್ ಅಂತಿಮವಾಗಿ ಬಾಲಿವುಡ್‌ನ ಅತ್ಯಂತ ಆರಾಧಿಸುವ ರಿಯಲ್ ಲೈಫ್ ಲವ್ ಸ್ಟೋರಿಗಳಲ್ಲಿ ಒಂದಾಗಿ ಅರಳುತ್ತದೆ ಎಂದು ಯಾರಿಗೂ ತಿಳಿದಿರಲಿಲ್ಲ. ದಂಪತಿ ತಮ್ಮ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಳ್ಳುತ್ತಿರುವಾಗ, ರಾಮ್-ಲೀಲಾ ಚಿತ್ರದ 13 ವರ್ಷಗಳ ಜೊತೆಯಾಗಿ, ಅವರ ಪ್ರಯಾಣವನ್ನು ನಿಜವಾಗಿಯೂ ವಿಶೇಷವಾಗಿಸುವ ಐದು ಮೈಲಿಗಲ್ಲುಗಳು ಇಲ್ಲಿವೆ.

ಸಂಜಯ್ ಲೀಲಾ ಬನ್ಸಾಲಿ ಅವರ 'ಗೋಲಿಯೋನ್ ಕೀ ರಾಸ್‌ಲೀಲಾ ರಾಮ್-ಲೀಲಾ' ಚಿತ್ರದಲ್ಲಿ ತೆರೆಯ ಮೇಲಿನ ಜೋಡಿಯಾಗಿ ಪ್ರಾರಂಭವಾದದ್ದು ಅಂತಿಮವಾಗಿ ಸುಂದರವಾದ ನೈಜ ಜೀವನದ ಪ್ರೇಮಕಥೆಯಾಗಿ ಬದಲಾಯಿತು. ರಾಮ್ ಮತ್ತು ಲೀಲಾ ಆಗಿ ರಣವೀರ್ ಮತ್ತು ದೀಪಿಕಾ ಅವರ ರೋಮಾಂಚನಕಾರಿ ಕೆಮಿಸ್ಟ್ರಿ ಚಿತ್ರದ ದೊಡ್ಡ ಮುಖ್ಯಾಂಶಗಳಲ್ಲಿ ಒಂದಾಯಿತು. ಈ ಚಿತ್ರವು ಪ್ರೇಕ್ಷಕರಿಗೆ ಮರೆಯಲಾಗದ ಆನ್-ಸ್ಕ್ರೀನ್ ಜೋಡಿಯನ್ನು ನೀಡುವುದರ ಜೊತೆಗೆ, ಕಾಲದ ಪರೀಕ್ಷೆಯನ್ನು ಎದುರಿಸುವ ಪ್ರೇಮಕಥೆಯ ಆರಂಭವನ್ನೂ ನೀಡಿತು.

ವರ್ಷಗಳು ಕಳೆದಂತೆ, ರಣವೀರ್ ಮತ್ತು ದೀಪಿಕಾ ಉದ್ಯಮದಲ್ಲಿ ಅತ್ಯಂತ ಆರಾಧಿಸುವ ಸೆಲೆಬ್ರಿಟಿ ಜೋಡಿಗಳಲ್ಲಿ ಒಬ್ಬರಾಗಿ ಬೆಳೆದಿದ್ದಾರೆ. ಸಾರ್ವಜನಿಕವಾಗಿ ಒಟ್ಟಿಗೆ ಕಾಣಿಸಿಕೊಳ್ಳುವುದಾಗಲಿ, ಪರಸ್ಪರರ ವೃತ್ತಿಪರ ಸಾಧನೆಗಳನ್ನು ಆಚರಿಸುವುದಾಗಲಿ, ಇಬ್ಬರೂ ಯಾವಾಗಲೂ ಪ್ರೀತಿ, ಗೌರವ ಮತ್ತು ಸಹವಾಸದ ಪ್ರಾಮುಖ್ಯತೆಯನ್ನು ತೋರಿಸಿದ್ದಾರೆ. ಒಬ್ಬರಿಗೊಬ್ಬರು ಬೆಂಬಲವಾಗಿ ನಿಲ್ಲುತ್ತಾ ಒಟ್ಟಿಗೆ ಬೆಳೆಯುವ ಸುಂದರ ಉದಾಹರಣೆಯಾಗಿ ಅವರ ಪಯಣವಿದೆ.

ಅವರ ಪ್ರಯಾಣದ ಅತ್ಯಂತ ವಿಶೇಷ ಅಧ್ಯಾಯಗಳಲ್ಲಿ ಪೋಷಕತ್ವವೂ ಒಂದು. ಇಂದು, ರಣವೀರ್ ಮತ್ತು ದೀಪಿಕಾ ತಮ್ಮ ಇಬ್ಬರು ಹೆಣ್ಣುಮಕ್ಕಳೊಂದಿಗೆ ನಾಲ್ವರ ಕುಟುಂಬವಾಗಿ ಜೀವನವನ್ನು ಆನಂದಿಸುತ್ತಿದ್ದಾರೆ. ಸಿನಿಮಾದ ಅತ್ಯಂತ ಪ್ರೀತಿಯ ಆನ್-ಸ್ಕ್ರೀನ್ ಜೋಡಿಗಳಲ್ಲಿ ಒಬ್ಬರಾಗಿ ಸುಂದರವಾದ ಕುಟುಂಬವನ್ನು ಒಟ್ಟಿಗೆ ನಿರ್ಮಿಸುವವರೆಗೆ, ಇಬ್ಬರೂ ತಮ್ಮ ಜೀವನದ ಹೃದಯಸ್ಪರ್ಶಿ ಹೊಸ ಹಂತವನ್ನು ಪ್ರವೇಶಿಸಿದ್ದಾರೆ.

ಅವರ ವೈಯಕ್ತಿಕ ಜೀವನವು ಅಭಿವೃದ್ಧಿ ಹೊಂದುತ್ತಿರುವಾಗ, ರಣವೀರ್ ಮತ್ತು ದೀಪಿಕಾ ವೃತ್ತಿಪರ ರಂಗದಲ್ಲಿ ಪ್ರಾಬಲ್ಯ ಮುಂದುವರೆಸಿದ್ದಾರೆ. ರಣವೀರ್ ಇತ್ತೀಚೆಗೆ 'ಧುರಂಧರ್' ಫ್ರಾಂಚೈಸಿಯೊಂದಿಗೆ ದೊಡ್ಡ ಸಿನಿಮೀಯ ಯಶಸ್ಸನ್ನು ಸಾಧಿಸಿದ್ದಾರೆ ಮತ್ತು 'ಪ್ರಳಯ್' ಸೇರಿದಂತೆ ರೋಮಾಂಚಕಾರಿ ಯೋಜನೆಗಳನ್ನು ಹೊಂದಿದ್ದಾರೆ. ದೀಪಿಕಾ ಏತನ್ಮಧ್ಯೆ, 'ಕಿಂಗ್' ಮತ್ತು 'ರಾಕಾ' ನಂತಹ ಬಹು ನಿರೀಕ್ಷಿತ ಚಿತ್ರಗಳನ್ನು ಹೊಂದಿದ್ದಾರೆ. ಅವರ ಬೆಳೆಯುತ್ತಿರುವ ಕುಟುಂಬ ಮತ್ತು ವೈಯಕ್ತಿಕ ಬದ್ಧತೆಗಳ ಹೊರತಾಗಿಯೂ, ಇಬ್ಬರೂ ಮಿತಿಗಳನ್ನು ಮೀರುತ್ತಲೇ ಇದ್ದಾರೆ ಮತ್ತು ಭಾರತೀಯ ಚಿತ್ರರಂಗದ ಅತಿದೊಡ್ಡ ತಾರೆಗಳಲ್ಲಿ ಉಳಿದಿದ್ದಾರೆ.

ರಾಮ್-ಲೀಲಾದ 13 ವರ್ಷಗಳ ಮೈಲಿಗಲ್ಲು ರಣವೀರ್ ಮತ್ತು ದೀಪಿಕಾ ಅವರ ವಿವಾಹ ವಾರ್ಷಿಕೋತ್ಸವದೊಂದಿಗೆ ಕಾಕತಾಳೀಯವಾಗಿರುವುದು ನಿಜವಾಗಿಯೂ ವಿಶೇಷವಾಗಿದೆ. ಅವರನ್ನು ಒಟ್ಟಿಗೆ ತಂದ ಚಿತ್ರವು ಅವರ ಪ್ರಯಾಣದ ಸ್ಮರಣೀಯ ಭಾಗವಾಗಿ ಉಳಿದಿದೆ, ಆದರೆ ಅವರ ನೈಜ ಜೀವನದ ಸಂಬಂಧವು ಇನ್ನಷ್ಟು ಸುಂದರವಾದದ್ದಾಗಿ ಬೆಳೆದಿದೆ. ರಾಮ್ ಮತ್ತು ಲೀಲಾರಾಗಿ ಪರದೆಯನ್ನು ಬೆಂಕಿಯಿಡುವುದರಿಂದ ಹಿಡಿದು ಒಗ್ಗಟ್ಟಿನ ವರ್ಷಗಳನ್ನು ಆಚರಿಸುವುದು ಮತ್ತು ಕುಟುಂಬವನ್ನು ಬೆಳೆಸುವವರೆಗೆ, ದಂಪತಿಗಳು ನಿಜವಾಗಿಯೂ ಪೂರ್ಣ ವೃತ್ತಕ್ಕೆ ಬಂದಿದ್ದಾರೆ. ಅವರ ವಾರ್ಷಿಕೋತ್ಸವವು ಅವರ ಮದುವೆಯ ಆಚರಣೆ ಮಾತ್ರವಲ್ಲದೆ ಇದೆಲ್ಲವನ್ನೂ ಪ್ರಾರಂಭಿಸಿದ ಚಿತ್ರಕ್ಕೆ ಗೌರವವೂ ಆಗಿದೆ.

ದರ್ಶನ್-ಪವಿತ್ರಾ ಗೌಡ ಕೋರ್ಟ್ನಲ್ಲಿ ಮಾಡಿಕೊಂಡ ಎಡವಟ್ಟಿನ ಬೆನ್ನಲ್ಲೇ ವಿಜಯಲಕ್ಷ್ಮಿ ಕುತೂಹಲದ ಪೋಸ್ಟ್

Suchethana D — Sat, 14 Nov 2026 17:23:48 +0530

ಬೆಂಗಳೂರು: ರೇಣುಕಾಸ್ವಾಮಿ ಕೊ*ಲೆ ಪ್ರಕರಣದಲ್ಲಿ ಜೈಲು ಪಾಲಾಗಿರುವ ನಟ ದರ್ಶನ್ ಮತ್ತು ನಟಿ ಪವಿತ್ರಾ ಗೌಡ ನಡುವಿನ ರಹಸ್ಯ ಸಂಭಾಷಣೆಯೊಂದು ಕೋರ್ಟ್ ವಿಡಿಯೋ ಕಾನ್ಫರೆನ್ಸ್ (Video Conference) ವೇಳೆ ಬಹಿರಂಗವಾಗಿ ತಲ್ಲಣ ಉಂಟಾಗಿರುವುದು ಗೊತ್ತೇ ಇದೆ. ವಿಚಾರಣೆಯ ಸಂದರ್ಭದಲ್ಲಿ ನಡುವೆ ಸಂಪರ್ಕ ಕಡಿತಗೊಂಡಿದೆ ಎಂದು ಭಾವಿಸಿ ಇಬ್ಬರೂ ಪರಸ್ಪರ ಮಾತನಾಡಿಕೊಂಡಿದ್ದು, ಆ ಮಾತುಗಳು ಎಲ್ಲರಿಗೂ ಕೇಳಿಸಿವೆ. ಈ ವೇಳೆ 'ಇನ್ನು ಕೇವಲ 4 ರಿಂದ 5 ತಿಂಗಳು ಸಹಿಸಿಕೊ, ಹೈಕೋರ್ಟ್‌ನಲ್ಲಿ ಜಡ್ಜ್ ಬದಲಾಗುತ್ತಾರೆ' ಎಂದು ದರ್ಶನ್ ಹೇಳಿದ್ದು, ಇದೀಗ ಸಿಕ್ಕಾಪಟ್ಟೆ ಚರ್ಚೆಗೂ ಗ್ರಾಸವಾಗಿದೆ. ವಿಜಯಲಕ್ಷ್ಮಿ ಬರ್ತ್ಡೇ ಸಂದರ್ಭದಲ್ಲಿ ಈ ರೀತಿ ನಡೆದಿದ್ದು ಇನ್ನೂ ಶಾಕಿಂಗ್ ಆಗಿತ್ತು.ಈ ಎಲ್ಲ ಬೆಳವಣಿಗೆ ಮಧ್ಯೆ ವಿಜಯಲಕ್ಷ್ಮಿ ಯಾವಾಗ ಪ್ರತಿಕ್ರಿಯಿಸ್ತಾರೆ ಎಂದು ಎಲ್ಲರೂ ಕಾಯುತ್ತಿದ್ದರು.

ಇದೀಗ ಅವರು ತಮ್ಮ ಜಾಲತಾಣದಲ್ಲಿ ಪೋಸ್ಟ್ ಒಂದನ್ನು ಶೇರ್ ಮಾಡಿಕೊಂಡಿದ್ದು, ಇದು ಪರೋಕ್ಷವಾಗಿ ಇದೇ ಘಟನೆಗೆ ಸಂಬಂಧಿಸಿದ್ದು ಎನ್ನಲಾಗಿದೆ. ಅಷ್ಟಕ್ಕೂ ಇದರಲ್ಲಿ ವಿಜಯಲಕ್ಷ್ಮಿ (Vijayalakshmi Darshan) ಹೇಳಿರುವುದು ಏನೆಂದರೆ, 'ನಿಮಗೆ ದ್ರೋಹ ಬಗೆಯುವುದು ನಿಮ್ಮ ಶತ್ರುಗಳಲ್ಲ, ಬದಲಾಗಿ ನಿಮ್ಮ ಜೊತೆಯಲ್ಲಿ ಒಂದೇ ತಟ್ಟೆಯಲ್ಲಿ ಉಂಡವರು' ಎಂದಿದ್ದಾರೆ. ವಿಬೋಧ್ & ವಿನೀಶ್ ದರ್ಶನ್ ಎನ್ನುವ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಮಾಡಿದ ವಿಡಿಯೋವನ್ನು ವಿಜಯಲಕ್ಷ್ಮಿ ಅವರು ತಮ್ಮ ಇನ್ಸ್ಟಾಗ್ರಾಂ ಸ್ಟೋರೀಸ್‌ನಲ್ಲಿ ಹಂಚಿಕೊಂಡಿದ್ದಾರೆ.

ಅಂದು ಆಗಿದ್ದೇನು?

ಪ್ರಕರಣದ ವಿಚಾರಣೆಗಾಗಿ ಜೈಲಿನಿಂದ ವಿಡಿಯೋ ಕಾನ್ಫರೆನ್ಸ್ ಮೂಲಕ ಹಾಜರಾಗಿದ್ದ ಸಂದರ್ಭದಲ್ಲಿ ತಾಂತ್ರಿಕ ಕಾರಣದಿಂದ ಸಂಪರ್ಕ ಕಟ್ ಆಗಿತ್ತು. ಈ ವೇಳೆ ಹಾಲ್‌ನಲ್ಲಿದ್ದ ಉಳಿದ ಆರೋಪಿಗಳು ಹೊರಗೆ ಹೋಗಿದ್ದರು. ವಿಡಿಯೋ ಕಾನ್ಫರೆನ್ಸ್ ಕಟ್ ಆಗಿದೆ ಎಂದು ಭಾವಿಸಿದ ದರ್ಶನ್ ಮತ್ತು ಪವಿತ್ರಾ ಗೌಡ ಪರಸ್ಪರ ಯೋಗಕ್ಷೇಮ ವಿಚಾರಿಸಿಕೊಂಡಿದ್ದಾರೆ. ಆದರೆ, ಆಡಿಯೋ ಸಂಪರ್ಕ ಕಡಿತಗೊಳ್ಳದ ಕಾರಣ ಅವರ ಸಂಪೂರ್ಣ ಸಂಭಾಷಣೆ ದಾಖಲಾಗಿದೆ. ಆಗ ಇಬ್ಬರೂ ಪರಸ್ಪರ ಮಾತನಾಡಿಕೊಂಡಿದ್ದಾರೆ. ಊಟ ಆಯ್ತಾ...? ಹೇಗಿದೆ ಬೆನ್ನು ನೋವು...? ಫಿಸಿಯೋಥೆರಪಿ ಆಯ್ತಾ...? ಎಷ್ಟು ದಿನ ಮಾಡಿಸಬೇಕು ಎಂದೆಲ್ಲಾ ಪವಿತ್ರಾ ಕೇಳಿದಾಗ, ದರ್ಶನ್ ಅವರು ಇದಕ್ಕೆಲ್ಲಾ ಉತ್ತರ ಕೊಟ್ಟಿದ್ದಾರೆ.

ಇಬ್ಬರೂ ಹೀಗೆ ಜೈಲಿನ ಕಷ್ಟ ಮತ್ತು ಜಾಮೀನಿನ ನಿರೀಕ್ಷೆಯ ಬಗ್ಗೆ ಮಾತನಾಡಿಕೊಳ್ಳುತ್ತಿದ್ದಾಗ, ತಕ್ಷಣವೇ ವಿಡಿಯೋ ಕಾನ್ಫರೆನ್ಸ್ ಮರುಸಂಪರ್ಕಗೊಂಡಿದೆ. ವಿಡಿಯೋ ಆನ್ ಆಗುತ್ತಿದ್ದಂತೆ ಎಚ್ಚೆತ್ತುಕೊಂಡ ದರ್ಶನ್ ಮತ್ತು ಪವಿತ್ರಾ ಗೌಡ ತಕ್ಷಣವೇ ಮೌನಕ್ಕೆ ಶರಣಾದರು. ಸದ್ಯ ದರ್ಶನ್ ಅವರು ನೀಡಿರುವ ಈ '4-5 ತಿಂಗಳ' ಸುಳಿವು ಜಾಮೀನು ಪ್ರಕ್ರಿಯೆಯ ಕುರಿತೇ ಎಂಬ ಚರ್ಚೆ ಸಾರ್ವಜನಿಕ ವಲಯದಲ್ಲಿ ಜೋರಾಗಿದೆ.

ದೊಡ್ಡವರನ್ನೂ ಮೀರಿಸಿದ ಪುಟಾಣಿಗಳ ಕ್ರೇಜ್! ‘ಬಾನಲಿ ಜಾರಿದ’ ಹಾಡಿಗೆ ಮಕ್ಕಳ ಕ್ಯೂಟ್ ರೀಲ್ಸ್ ವೈರಲ್

Ganesh Mabla Gowda — Sat, 14 Nov 2026 17:18:42 +0530

'ಪ್ರೇಮದ ಊರಲಿ' ಜನರ ಮನಸ್ಸು ಗೆದ್ದಾಗಿದೆ. ಸೆಪ್ಟೆಂಬರ್ 25 ರಂದು ಕೆಲವೇ ಕೆಲವು ಥಿಯೇಟರ್‍‌ಗಳಲ್ಲಿ ತೆರೆ ಕಂಡು ನಂತರ ಇಡೀ ರಾಜ್ಯಾದ್ಯಂತ ಆವರಿಸಿಕೊಂಡಿತ್ತು. ಈಗಲೂ ಕೂಡ ಇತ್ತೀಚೆಗಿನ ದಿನಗಳಲ್ಲಿ ಒಂದೊಳ್ಳೆ ಸಿನಿಮಾ ಯಾವುದು ಎಂದು ಕೇಳಿದಾಗ ಥಟ್ ಅಂತಾ ಹೇಳೋದೇ ಇದೇ 'ಪ್ರೇಮದ ಊರಲಿ' ಚಿತ್ರ.

ಸಿನಿಮಾ ಹಿಟ್ ಆಯ್ತು, ಸಿನಿಮಾದ ಸಾಂಗ್ ಕೂಡ ಹಿಟ್‌ ಆಯ್ತು. ಅಷ್ಟೇ ಅಲ್ಲ ನಿರೀಕ್ಷೆ ಮಾಡಿದ್ದಕ್ಕಿಂತ ಹೆಚ್ಚಿನ ಹಣವನ್ನೂ ಗಳಿಸಿ ಆಗಿದ್ದಾಗಿದೆ. ಜೊತೆಗೆ ಇಡೀ ಚಿತ್ರತಂಕ್ಕೆ ದೊಡ್ಡ ದೊಡ್ಡ ಗಣ್ಯರಿಂದ ಪ್ರಶಂಸೆಯ ಸುರಿಮಳೆ ಜೊತೆಗೆ ನೇಮು, ಫೇಮು ಎಲ್ಲವನ್ನೂ ತಂದುಕೊಟ್ಟಿದೆ. ಅಷ್ಟಕ್ಕೆ ಚಿತ್ರತಂಡದ ಗೆಲುವು ನಿಂತಿಲ್ಲ.

ನೀವು ಏನಾದರೂ ಇನ್‌ಸ್ಟಾಗ್ರಾಮ್ ಬಳಕೆ ಮಾಡೋರಾಗಿದ್ದರೆ ಗೊತ್ತಿರುತ್ತೆ. ರೀಲ್ಸ್ ಸ್ಕ್ರಾಲ್ ಮಾಡಿದ್ರೆ ಸಾಕು.. ಅದೇ ಪ್ರೇಮದ ಊರಲಿ ಸಿನಿಮಾದ ಸಾಂಗ್‌ಗೆ ಸಂಬಂಧಿಸಿದ ರೀಲ್ಸ್‌ಗಳ ಗೊಂಚಲುಗಳೇ ಸಿಗುತ್ತವೆ. ಅದರಲ್ಲೂ 'ಬಾನಲಿ ಜಾರಿದ' ಹಾಡಂತೂ ಸಿಕ್ಕಾಪಟ್ಟೆ ಟ್ರೆಂಡ್ ಆಗ್ತಿದೆ. ರೀಲ್ಸ್ ಪ್ರಿಯರಿಗೆ ಈ ಹಾಡು ದೊಡ್ಡ ಕಂಟೆಂಟ್ ನೀಡಿದ್ದು, ಬಗೆಬಗೆಯಾಗಿ ರೀಲ್ಸ್‌ ಮಾಡಿ ಮಿಲಿಯನ್‌ ಗಟ್ಟಲೆ ಜನ ವ್ಯೂವ್ಸ್‌ ಪಡೆದುಕೊಂಡು ಖುಷಿ ಪಡುತ್ತಿದ್ದಾರೆ.

ಮಕ್ಕಳ ದಿನಾಚರಣೆ

ಇವತ್ತು ನವೆಂಬರ್ 14. ಮಕ್ಕಳ ದಿನಾಚರಣೆ ನಡೆಯುತ್ತಿದೆ. ವಿಶೇಷವಾಗಿ ಪುಟ್ಟ ಪುಟ್ಟ ಮಕ್ಕಳೇ ಈ ಹಾಡಿಗೆ ರೀಲ್ಸ್ ಮಾಡಿರುವ ವಿಡಿಯೋಗಳು ಇವತ್ತು ಅಬ್ಬರಿಸುತ್ತಿವೆ. ಒಂದೊಂದು ವಿಡಿಯೋಗಳು ಮಿಲಿಯನ್ಸ್ ವ್ಯೂವ್ಸ್ ಜೊತೆಗೆ ಲೈಕ್ ಹಾಕು ಕಾಮೆಂಟ್‌ಗಳನ್ನು ಪಡೆಯುತ್ತಿವೆ. ರೀಲ್ಸ್‌ಗೆ ಸಂಬಂಧಿಸಿದ ಕೆಲವು ಲಿಂಕ್‌ಗಳನ್ನ ಲಗತ್ತಿಸಲಾಗಿದ್ದು, ನೀವು ವೀಕ್ಷಿಸಬಹುದಾಗಿದೆ.

View this post on Instagram

A post shared by Priya v (@nishupriya321)

View this post on Instagram

A post shared by Achchari Rudresh (@achchari_rudresh)

ಇನ್ನು, ಬಾನಲಿ ಜಾರಿದ ಹಾಡಿಗೆ ಅಭಿಜಿತ್ ತೀರ್ಥಹಳ್ಳಿ ಸಾಹಿತ್ಯ ಬರೆದಿದ್ದಾರೆ. ಸುನಂದ ಗೌತಮ್ ಅವರು ಸಂಗೀತ ನಿರ್ದೇಶನ ಈ ಹಾಡಿಗೆ ನಿನಾದ ನಾಯಕ್, ರಜತ್ ಹೆಗಡೆ ಧ್ವನಿಯಾಗಿದ್ದಾರೆ. ಮನೋಜ್ ಕುಮಾರ್ ನಿರ್ದೇಶನದ ಈ ಚಿತ್ರದಲ್ಲಿ ಶ್ರೀ ರಾಮ್, ತಪಸ್ವಿನಿ ಪೂಣಚ್ಚ, ರಂಗಾಯಣ ರಘು ಸೇರಿ ಹಲವರು ನಟಿಸಿದ್ದಾರೆ. ಇದು ಅಪ್ಪ-ಮಗನ ಹಾಗೂ ರೈತರ ಮಕ್ಕಳ ಕಥೆಯಾಗಿದ್ದು, ಮನಸ್ಸಿಗೆ ಹತ್ತಿರವಾಗುವ ಪಾತ್ರಗಳು ಮತ್ತು ಸುಮಧುರ ಸಂಗೀತವನ್ನು ಹೊಂದಿದೆ.

ಸಿನಿಮಾವು 50 ದಿನಗಳನ್ನ ಯಶಸ್ವಿಯಾಗಿ ಪೂರ್ಣಗೊಳಿಸಿದೆ. ಇದೇ ಖುಷಿಯಲ್ಲಿ ಸಿನಿಮಾ ತಂಡ ಸಂಭ್ರಮಿಸಿದೆ. ಇನ್ನು ವಿಶೇಷ ವಿಡಿಯೋ ಮೂಲಕ ನಾಯಕಿ ತಪಸ್ವಿನಿ ಪೂಣಚ್ಚ ಅವರು ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡಿದ್ದಾರೆ. 50 ದಿನ ಪೂರೈಸಿರೋದನ್ನು ನೋಡಿ ನನಗೆ ತುಂಬಾನೇ ಖುಷಿ ಆಗುತ್ತಿದೆ. ನಮ್ಮ ಸಿನಿಮಾ ಥಿಯೇಟರ್‌ನಲ್ಲಿ ಇನ್ನೂ ಓಡುತ್ತಿದೆ. ಮೂವಿ ರಿಲೀಸ್ ಆದ್ಮೇಲೆ ಒಂದು ದಿನ ಮನೆಯಲ್ಲಿ ಇರೋಕೆ ಟೈಮ್ ಸಿಗುತ್ತಿಲ್ಲ. ಅಷ್ಟು ನಮಗೆ ಪ್ರೀತಿ ತೋರಿಸುತ್ತಿದ್ದೀರಿ. ಎಲ್ಲರೂ ಕೇಳ್ತಾಯಿದ್ರು ಸಕ್ಸಸ್‌ ಯಾವ ತರ ಸೆಲೆಬ್ರೇಟ್ ಮಾಡ್ತಾಯಿದ್ದೀರ ಎಂದು. ಜನರ ಜೊತೆಗೆ ಬೆರೆತಾಗ ಆ ಕೂಗು ನಮ್ಮ ಯಶಸ್ಸಿನ ಆಚರಣೆ. ಈ ಸಿನಿಮಾಗೆ ಹೆಣ್ಣುಮಕ್ಕಳು ಶಕ್ತಿ ಅಂತ ಹೇಳಬಹುದು, ನಮ್ಮ ನಿರ್ಮಾಪಕಿ, ರುಕ್ಮಿಣಿ, ವಸಂತ ಹಾಗೂ ಸಂತು ಪಾತ್ರಧಾರಿ ಶ್ರೀರಾಮ್‌ ಅವರ ಪತ್ನಿ ಕಾಲ್ಗುಣ ಎಂದು ತಪಸ್ವಿನಿ ಪೂಣಚ್ಚ ಹೇಳಿದ್ದಾರೆ.

ಮಸ್ಸೂರಿ ತರಬೇತಿ ಕೇಂದ್ರದಲ್ಲಿ ಚಿಗುರಿದ ಪ್ರೇಮಕ್ಕೆ ಈಗ ಮದುವೆಯ ಸಂಭ್ರಮ: ಐಎಎಸ್‌ ಅಧಿಕಾರಿ ಕೈಹಿಡಿಯಲಿರುವ ಐಪಿಎಸ್‌ ಆಫೀಸರ್‌

Santosh Naik — Sat, 14 Nov 2026 17:16:02 +0530

ನವದೆಹಲಿ (ನ.15): ಸೋಶಿಯಲ್‌ ಮೀಡಿಯಾದಲ್ಲಿ ಸದ್ಯ ಯುವ ಐಎಎಸ್ ಮತ್ತು ಐಪಿಎಸ್ ಜೋಡಿಯೊಂದರ ವಿವಾಹ ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಹರಿಯಾಣ ಕೇಡರ್‌ನ ಐಎಎಸ್ ಅಧಿಕಾರಿ ವಿವೇಕ್ ಆರ್ಯ (IAS Vivek Arya) ಮತ್ತು ಉತ್ತರ ಪ್ರದೇಶ ಮೂಲದ ಐಪಿಎಸ್ ಅಧಿಕಾರಿ ಅದಿತಿ ಸಿಂಗ್ (IPS Aditi Singh) ಪರಸ್ಪರ ಪ್ರೀತಿಸಿ, ಇದೀಗ ನವೆಂಬರ್ 15 ರಂದು ಭಾನುವಾರ ಹರಿಯಾಣದ ಪಂಚಕುಲದಲ್ಲಿ (Panchkula) ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜಾಗಿದ್ದಾರೆ.

ಪ್ರಸ್ತುತ ವಿವೇಕ್ ಆರ್ಯ ಅವರು ಹೆಚ್ಚುವರಿ ಜಿಲ್ಲಾಧಿಕಾರಿಯಾಗಿ (Additional Deputy Commissioner / ಹೆಚ್ಚುವರಿ ಪೊಲೀಸ್ ಉಪ ಆಯುಕ್ತ) ಹಾಗೂ ಅದಿತಿ ಸಿಂಗ್ ಅವರು ಪೊಲೀಸ್ ಉಪ ವರಿಷ್ಠಾಧಿಕಾರಿಯಾಗಿ (DCP) ಕಾರ್ಯನಿರ್ವಹಿಸುತ್ತಿದ್ದಾರೆ. ವಿಶೇಷವೆಂದರೆ, ವಿವಾಹದ ಹಿನ್ನೆಲೆಯಲ್ಲಿ ಇಬ್ಬರಿಗೂ ಒಂದೇ ಕೇಡರ್ (ಹರಿಯಾಣ) ಲಭ್ಯವಾಗಿದೆ. ಇಬ್ಬರು ದಕ್ಷ ಅಧಿಕಾರಿಗಳು ಹೇಗೆ ಪ್ರೀತಿಯಲ್ಲಿ ಬಿದ್ದರು ಮತ್ತು ಮದುವೆಯ ನಿರ್ಧಾರದವರೆಗೆ ಹೇಗೆ ಸಾಗಿಬಂದರು ಎಂಬ ಕಥೆ ಇಲ್ಲಿದೆ.

ಸರ್ಕಾರಿ ಶಾಲೆಯಿಂದ ಯುಪಿಎಸ್‌ಸಿ ಅಧಿಕಾರಿಯವರೆಗೆ ವಿವೇಕ್ ಆರ್ಯ ಪಯಣ

ವಿವೇಕ್ ಆರ್ಯ ಅವರು ಐಎಎಸ್ ಅಧಿಕಾರಿಯಾದ ಹಾದಿ ಅಷ್ಟು ಸುಲಭವಾಗಿರಲಿಲ್ಲ. ಆರಂಭದಲ್ಲಿ ಸರ್ಕಾರಿ ಶಾಲೆಯಲ್ಲಿ ವ್ಯಾಸಂಗ ಮಾಡಿದ ಅವರು, ಬಳಿಕ 12ನೇ ತರಗತಿಯವರೆಗೆ ಕುಂಜ್‌ಪುರದ ಸೈನಿಕ ಶಾಲೆಯಲ್ಲಿ (Sainik School, Kunjpura) ಶಿಕ್ಷಣ ಪಡೆದರು. ಚಂಡೀಗಢದಲ್ಲಿ ಉನ್ನತ ವ್ಯಾಸಂಗ ಪೂರೈಸಿದ ವಿವೇಕ್, ಯುಪಿಎಸ್‌ಸಿ (UPSC) ನಾಗರಿಕ ಸೇವಾ ಪರೀಕ್ಷೆಯಲ್ಲಿ 131ನೇ ರ‍್ಯಾಂಕ್ ಗಳಿಸುವ ಮೂಲಕ ಐಎಎಸ್ ಅಧಿಕಾರಿಯಾಗಿ ಆಯ್ಕೆಯಾದರು.

ಮಸ್ಸೂರಿಯಲ್ಲಿ ಮೊದಲ ಭೇಟಿ, ಅಲ್ಲೇ ಚಿಗುರಿದ ಪ್ರೇಮ!

ವಿವೇಕ್ ಮತ್ತು ಅದಿತಿ ಅವರ ಮೊದಲ ಭೇಟಿ ನಡೆದಿದ್ದು ಉತ್ತರಾಖಂಡದ ಮಸ್ಸೂರಿಯಲ್ಲಿರುವ ಪ್ರತಿಷ್ಠಿತ ಲಾಲ್ ಬಹದ್ದೂರ್ ಶಾಸ್ತ್ರಿ ರಾಷ್ಟ್ರೀಯ ಆಡಳಿತ ಅಕಾಡೆಮಿಯಲ್ಲಿ (LBSNAA). ತರಬೇತಿ ಪಡೆಯುತ್ತಿದ್ದ ಸಂದರ್ಭದಲ್ಲಿ ಇಬ್ಬರ ನಡುವೆ ಉತ್ತಮ ಸ್ನೇಹ ಬೆಳೆಯಿತು. ಆ ಸ್ನೇಹ ಕ್ರಮೇಣ ಗಾಢ ಪ್ರೀತಿಗೆ ತಿರುಗಿತು.

ಮೊದಲು ಎಸ್‌ಡಿಎಂ, ನಂತರ ಐಪಿಎಸ್ ಆಯ್ಕೆ ಮಾಡಿಕೊಂಡ ಅದಿತಿ ಸಿಂಗ್

ಅದಿತಿ ಸಿಂಗ್ ಅವರು ಮೂಲತಃ ಉತ್ತರ ಪ್ರದೇಶದ ಮೀರತ್‌ನವರು. 2020ರ ಯುಪಿಎಸ್‌ಸಿ ಪರೀಕ್ಷೆಯಲ್ಲಿ 54ನೇ ರ‍್ಯಾಂಕ್ ಪಡೆದಿದ್ದ ಅವರು, ಆರಂಭದಲ್ಲಿ ಎಸ್‌ಡಿಎಂ (SDM) ಆಗಿ ನೇಮಕಗೊಂಡಿದ್ದರು. ಆದರೆ ನಂತರ ಭಾರತೀಯ ಪೊಲೀಸ್ ಸೇವೆಗೆ (IPS) ಸೇರುವ ಮಹತ್ವದ ನಿರ್ಧಾರ ಕೈಗೊಂಡರು. ಅವರಿಗೆ ಆರಂಭದಲ್ಲಿ ಹಿಮಾಚಲ ಪ್ರದೇಶ ಕೇಡರ್ ಹಂಚಿಕೆಯಾಗಿತ್ತು. ಆದರೆ, ವಿವೇಕ್ ಆರ್ಯ ಅವರೊಂದಿಗೆ ವಿವಾಹವಾಗುವ ನಿರ್ಧಾರ ತೆಗೆದುಕೊಂಡ ಬಳಿಕ, ನಿಯಮಾವಳಿಗಳ ಪ್ರಕಾರ ಅವರಿಗೆ ಹರಿಯಾಣ ಕೇಡರ್ ನೀಡಲಾಗಿದೆ.

ಭದ್ರಾದಲ್ಲಿ ಅದ್ದೂರಿ ಆರತಕ್ಷತೆ – ನಾಳೆ ಶುಭ ವಿವಾಹ

ಪ್ರಸ್ತುತ ಇಬ್ಬರೂ ಪಂಚಕುಲದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದು, ನಾಳೆ (ನವೆಂಬರ್ 15) ಸಪ್ತಪದಿ ತುಳಿಯಲಿದ್ದಾರೆ. ಇದಕ್ಕೂ ಮುನ್ನ ನಿನ್ನೆ ಸಂಜೆ ಭದ್ರಾದಲ್ಲಿ (Bhadra) ಭವ್ಯ ಆರತಕ್ಷತೆ ಸಮಾರಂಭ (Reception) ಆಯೋಜಿಸಲಾಗಿತ್ತು. ಈ ಕಾರ್ಯಕ್ರಮದಲ್ಲಿ ಹಲವಾರು ರಾಜಕೀಯ ನಾಯಕರು, ಹಿರಿಯ ಐಪಿಎಸ್ ಅಧಿಕಾರಿಗಳು ಹಾಗೂ ಎಚ್‌ಸಿಎಸ್ (HCS) ಅಧಿಕಾರಿಗಳು ಪಾಲ್ಗೊಂಡು ನವಜೋಡಿಗೆ ಶುಭ ಹಾರೈಸಿದ್ದಾರೆ. ನಾಳೆ ಪಂಚಕುಲದಲ್ಲಿ ನಡೆಯಲಿರುವ ಈ ವಿವಾಹಕ್ಕೆ ಯಾವೆಲ್ಲಾ ಗಣ್ಯರು ಆಗಮಿಸಲಿದ್ದಾರೆ ಎಂಬ ಕುತೂಹಲ ಸದ್ಯ ಎಲ್ಲೆಡೆ ಮನೆಮಾಡಿದೆ.

ಮಂಗಳೂರು ಸೆಂಟ್ರಲ್ ನಿಲ್ದಾಣ ಅಭಿವೃದ್ಧಿಗೆ 94 ಕೋಟಿ ರೂ. ಮಂಜೂರು: ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಘೋಷಣೆ

Gowthami K — Sat, 14 Nov 2026 17:11:13 +0530

ಮಂಗಳೂರು: ಮಂಗಳೂರು ಸೆಂಟ್ರಲ್ ರೈಲು ನಿಲ್ದಾಣದ ಅಭಿವೃದ್ಧಿಗಾಗಿ 94 ಕೋಟಿ ರು. ಅನುದಾನ ಮಂಜೂರು ಮಾಡಲಾಗಿದೆ. ಅಮೃತ ಭಾರತ್ ನಿಲ್ದಾಣ ಯೋಜನೆಯಡಿ ಮಂಗಳೂರು ಸೆಂಟ್ರಲ್ ಮತ್ತು ಮಂಗಳೂರು ಜಂಕ್ಷನ್ ರೈಲು ನಿಲ್ದಾಣಗಳನ್ನು ಅಭಿವೃದ್ಧಿಪಡಿಸಲಾಗುವುದು ಎಂದು ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ತಿಳಿಸಿದರು.

ಮಂಗಳೂರು-ಬೆಂಗಳೂರು ವಂದೇ ಭಾರತ್‌ ಎಕ್ಸ್‌ಪ್ರೆಸ್‌ ರೈಲಿಗೆ ಇಲ್ಲಿನ ಜಂಕ್ಷನ್‌ ರೈಲು ನಿಲ್ದಾಣದಲ್ಲಿ ಶುಕ್ರವಾರ ಚಾಲನೆ ನೀಡಿ ಅವರು ಮಾತನಾಡಿದರು.

ಮಂಗಳೂರು-ಬೆಂಗಳೂರು ರೈಲು ಮಾರ್ಗ ಕಾಮಗಾರಿ ಅನುಷ್ಠಾನದ ವೇಳೆ ಹಲವು ಸವಾಲುಗಳು ಎದುರಾದರೂ ಎಲ್ಲ ಅಡೆತಡೆಗಳನ್ನು ನಿವಾರಿಸಿ ವಿದ್ಯುದೀಕೃತ ರೈಲು ಸಂಚಾರ ಆರಂಭಿಸಿರುವುದು ಸಂತಸದ ವಿಚಾರ. ಈ ಯೋಜನೆ ಸಾಕಾರಗೊಳಿಸಲು ಶ್ರಮಿಸಿದ ರೈಲ್ವೆ ಅಧಿಕಾರಿಗಳನ್ನು ಅಭಿನಂದಿಸುವುದಾಗಿ ಅವರು ಹೇಳಿದರು.

ಮಂಗಳೂರು ರೈಲ್ವೆ ಪ್ರದೇಶ ನೈಋತ್ಯ ರೈಲ್ವೆ ವಲಯದ ವ್ಯಾಪ್ತಿಗೆ ಸೇರ್ಪಡೆಯಾಗುವಲ್ಲಿ ನಿರಂತರ ಪ್ರಯತ್ನ ನಡೆಸಿದ ರೈಲ್ವೆ ಅಧಿಕಾರಿ ರಾಜೇಶ್ ಚಂದ್ರ ಅವರ ಕಾರ್ಯವನ್ನು ಶ್ಲಾಘಿಸಿದರು.

ರೈಲ್ವೆ ಮೂಲಸೌಕರ್ಯ ಅಭಿವೃದ್ಧಿಗೆ ಸಂಬಂಧಿಸಿದಂತೆ ಬಾಕಿ ಇರುವ ರೈಲ್ವೆ ಮೇಲ್ಸೇತುವೆ, ಕೆಳಸೇತುವೆ ನಿರ್ಮಾಣ ಹಾಗೂ ಲೆವೆಲ್ ಕ್ರಾಸಿಂಗ್ ಸಮಸ್ಯೆಗಳಿಗೆ ಮುಂದಿನ ದಿನಗಳಲ್ಲಿ ಪರಿಹಾರ ಕಲ್ಪಿಸಲಾಗುವುದು ಎಂದು ಅವರು ಭರವಸೆ ನೀಡಿದರು.

ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಅವರ ಜನಪರ ಕಾಳಜಿ ಮತ್ತು ರೈಲ್ವೆ ಅಭಿವೃದ್ಧಿಗಾಗಿ ನಡೆಸುತ್ತಿರುವ ನಿರಂತರ ಪ್ರಯತ್ನಗಳನ್ನು ಸಚಿವರು ಪ್ರಶಂಸಿಸಿದರು.

ಕರಾವಳಿಯ ರೈಲ್ವೆ ಅಭಿವೃದ್ಧಿಗೆ ಜಂಟಿ ಪ್ರಯತ್ನ:

ದಕ್ಷಿಣ ಕನ್ನಡ ಸಂಸದ ಕ್ಯಾ.ಬ್ರಿಜೇಶ್‌ ಚೌಟ ಮಾತನಾಡಿ, ಸಾಧ್ಯತೆಗಳ ಆಗರವಾಗಿರುವ ಕರಾವಳಿ ಪ್ರದೇಶದಲ್ಲಿ ರೈಲ್ವೆ ಮೂಲಸೌಕರ್ಯ ಅಭಿವೃದ್ಧಿಗೆ ಆದ್ಯತೆ ನೀಡಲಾಗುವುದು. ಇದಕ್ಕಾಗಿ ಮೂವರು ಸಂಸದರು ಒಗ್ಗಟ್ಟಿನಿಂದ ಕಾರ್ಯನಿರ್ವಹಿಸಲಿದ್ದಾರೆ ಎಂದರು. ನ.13 ಕರಾವಳಿ ಕರ್ನಾಟಕಕ್ಕೆ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ದೀಪಾವಳಿ ಉಡುಗೊರೆಯ ದಿನವಾಗಿದೆ ಎಂದರು.

ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಮೂರನೇ ಅವಧಿಗೆ ಅಧಿಕಾರ ವಹಿಸಿಕೊಂಡ ಬಳಿಕ ಮಂಗಳೂರು ರೈಲ್ವೆ ಪ್ರದೇಶವನ್ನು ಮೈಸೂರು ವಿಭಾಗಕ್ಕೆ ಸೇರ್ಪಡೆಗೊಳಿಸುವಲ್ಲಿ ಕೇಂದ್ರ ಸಚಿವ ಅಶ್ವಿನಿ ವೈಷ್ಣವ್ ಮಹತ್ವದ ಪಾತ್ರ ವಹಿಸಿದ್ದಾರೆ ಎಂದು ತಿಳಿಸಿದರು.

ರೈಲ್ವೆ ಕ್ರಾಂತಿಗೆ ಹೊಸ ವೇಗ:

ಉಡುಪಿ ಚಿಕ್ಕಮಗಳೂರು ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಮಾತನಾಡಿ, ದೇಶದಲ್ಲಿ ಪ್ರತಿದಿನ ಮೂರು ಕೋಟಿ ಜನರು ರೈಲಿನಲ್ಲಿ ಪ್ರಯಾಣಿಸುತ್ತಿದ್ದು, ವಂದೇ ಭಾರತ್‌ನಂತಹ ಆಧುನಿಕ ರೈಲುಗಳ ಪರಿಚಯದಿಂದ ಭಾರತೀಯ ರೈಲ್ವೆಯಲ್ಲಿ ಹೊಸ ಕ್ರಾಂತಿಯೇ ನಡೆಯುತ್ತಿದೆ ಎಂದು ಹೇಳಿದರು.

ಬೆಂಗಳೂರು, ಗೋವಾ ಹಾಗೂ ಮುಂಬೈಯನ್ನು ವೇಗವಾಗಿ ತಲುಪಬೇಕು ಎಂಬ ಕರಾವಳಿ ಭಾಗದ ಜನರ ದಶಕಗಳ ಕನಸು ನನಸಾಗುವ ನಿಟ್ಟಿನಲ್ಲಿ ಮಹತ್ವದ ಯೋಜನೆಗಳು ಕಾರ್ಯಗತಗೊಳ್ಳುತ್ತಿವೆ ಎಂದರು.

ಮಂಗಳೂರು ಜಂಕ್ಷನ್ ರೈಲು ನಿಲ್ದಾಣದ ಅಭಿವೃದ್ಧಿಗೆ ನೂರಕ್ಕೂ ಅಧಿಕ ಕೋಟಿ ರೂ. ಅನುದಾನ ನೀಡಲಾಗಿದ್ದು, ಪ್ಲಾಟ್‌ಫಾರ್ಮ್‌ಗಳ ವಿಸ್ತರಣೆ ಸೇರಿದಂತೆ ಹಲವು ಕಾಮಗಾರಿಗಳಿಗೆ ಚಾಲನೆ ದೊರೆಯುತ್ತಿದೆ ಎಂದರು. ಶಾಸಕರಾದ ಡಾ.ಭರತ್‌ ಶೆಟ್ಟಿ, ರಾಜೇಶ್‌ ನಾಯ್ಕ್‌, ಭಾಗೀರಥಿ ಮುರುಳ್ಯ, ಕಿಶೋರ್ ಕುಮಾರ್‌, ಜಿಲ್ಲಾಧಿಕಾರಿ ದರ್ಶನ್‌ ಮತ್ತಿತರರಿದ್ದರು.----

ಶಾಸಕ ಕಾಮತ್‌ ಮನವಿಗೆ ತ್ವರಿತ ಸ್ಪಂದನೆ!

ಮಂಗಳಾದೇವಿ ದೇವಸ್ಥಾನಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಪಾಂಡೇಶ್ವರ ರೈಲ್ವೆ ಕ್ರಾಸಿಂಗ್ ಸಮಸ್ಯೆಯನ್ನೂ ಕೇಂದ್ರ ಸಚಿವರ ಗಮನಕ್ಕೆ ತರಲಾಗಿತ್ತು. ಈ ಕಾಮಗಾರಿಗೆ ಸಂಬಂಧಿಸಿ ಶೀಘ್ರವೇ ದೆಹಲಿಯಿಂದ ವಿಶೇಷ ತಂಡ ಕಳುಹಿಸುವ ಭರವಸೆಯನ್ನು ರೈಲ್ವೆ ಸಚಿವರು ನೀಡಿದರು. ಜನರ ಬೇಡಿಕೆಗಳಿಗೆ ತಕ್ಷಣ ಸ್ಪಂದಿಸುವ ಹೃದಯವಂತಿಕೆ ಸಚಿವ ಅಶ್ವಿನಿ ವೈಷ್ಣವ್ ಅವರಲ್ಲಿದೆ ಎಂದು ಮಂಗಳೂರು ದಕ್ಷಿಣ ಶಾಸಕ ವೇದವ್ಯಾಸ್‌ ಕಾಮತ್‌ ಹೇಳುತ್ತಿದ್ದಂತೆ ವೇದವ್ಯಾಸ್‌ ಕಾಮತ್‌ರ ಭಾಷಣದ ಮಧ್ಯೆ ವೇದಿಕೆಯಲ್ಲೇ ಶಾಸಕರ ಹೆಸರನ್ನು ಪ್ರಸ್ತಾಪಿಸಿದ ಸಚಿವ ಅಶ್ವಿನಿ ವೈಷ್ಣವ್‌, ಖಂಡಿತವಾಗಿಯೂ ಇದನ್ನು ಕಾರ್ಯಗತಗೊಳಿಸುತ್ತೇನೆ ಎಂದಿದ್ದು ಗಮನ ಸೆಳೆಯಿತು. ನರೇಂದ್ರ ಮೋದಿ ಪ್ರಧಾನಿಯಾದ ಬಳಿಕ ರೈಲ್ವೆ ಕ್ಷೇತ್ರದಲ್ಲಿ ಜನರ ನಿರೀಕ್ಷೆ ಮತ್ತು ವಿಶ್ವಾಸ ಹೆಚ್ಚಾಗಿದೆ ಎಂದು ವೇದವ್ಯಾಸ್‌ ಕಾಮತ್‌ ಹೇಳಿದರು.

ಪಾಂಡೇಶ್ವರ ರೈಲ್ವೆ ಗೇಟ್ ಬಳಿ ಓವರ್ ಬ್ರಿಡ್ಜ್ ನಿರ್ಮಿಸುವ ಅನಿವಾರ್ಯತೆ ಕುರಿತಂತೆ ಜಿಲ್ಲಾಧಿಕಾರಿ ಕಚೇರಿಯಲ್ಲಿನಡೆದ ಸಭೆಯಲ್ಲೂ ಶಾಸಕ ವೇದವ್ಯಾಸ್‌ ಕಾಮತ್‌ ಸಚಿವರಿಗೆ ಮನವಿ ಸಲ್ಲಿಸಿದ್ದರು.

ಮೂರು ಯೋಜನೆಗಳ ಲೋಕಾರ್ಪಣೆ

ಈ ಸಮಾರಂಭದಲ್ಲಿ ಸುಬ್ರಹ್ಮಣ್ಯ-ಸಕಲೇಶಪುರ ರೈಲು ಮಾರ್ಗದ ವಿದ್ಯುದೀಕರಣ, ಸುಬ್ರಹ್ಮಣ್ಯ ರೋಡ್ ಅಮೃತ್ ಭಾರತ್ ನಿಲ್ದಾಣದ ಲೋಕಾರ್ಪಣೆ ಹಾಗೂ ಮಂಗಳೂರು-ಬೆಂಗಳೂರು ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿಗೆ ಚಾಲನೆ ನೀಡಲಾಯಿತು.

ಇದು ಜೀವನದ ಮರೆಯಲಾಗದ ಕ್ಷಣ.. ಶಿವಣ್ಣ ಜೊತೆ ಡ್ಯಾನ್ಸ್ ಮಾಡಿದ ನೆನಪಿರಲಿ ಪ್ರೇಮ್ ಪುತ್ರಿ!

Govindaraj S — Sat, 14 Nov 2026 17:07:09 +0530

ಸ್ಯಾಂಡಲ್‌ವುಡ್‌ನಲ್ಲಿ ಈಗ ಶಿವಣ್ಣ ಅಭಿಮಾನಿಗಳಿಗೆ ಸಖತ್ ಖುಷಿ ಕೊಡುವ ಸುದ್ದಿಯೊಂದು ಹೊರಬಿದ್ದಿದೆ. ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಬರೋಬ್ಬರಿ 17 ವರ್ಷಗಳ ಬಳಿಕ ಮತ್ತೆ ಬಳೆಗಾರನ ಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಹೊಸಬರ ಚಿತ್ರದ ಹಾಡಿನಲ್ಲಿ ನಟ ನೆನಪಿರಲಿ ಪ್ರೇಮ್ ಪುತ್ರಿ ಅಮೃತಾ ಪ್ರೇಮ್ ಅವರೊಂದಿಗೆ ಹೆಜ್ಜೆ ಹಾಕುವ ಮೂಲಕ ಗಮನ ಸೆಳೆದಿದ್ದಾರೆ. ಅಂದಹಾಗೆ, ಈ ವಿಶೇಷ ಸನ್ನಿವೇಶಕ್ಕೆ ಸಾಕ್ಷಿಯಾಗಿರುವುದು ಧೀರೆನ್ ರಾಜ್‌ಕುಮಾರ್ ಹಾಗೂ ಅಮೃತಾ ಪ್ರೇಮ್ ನಟನೆಯ ‘ಪಬ್ಬಾರ್’ ಸಿನಿಮಾ!

ಹೌದು, ಗೀತಾ ಪಿಕ್ಚರ್ಸ್ ನಿರ್ಮಾಣದ ‘ಪಬ್ಬಾರ್’ ಚಿತ್ರದ ಲಾಲಿ ಹಾಡು ಬಿಡುಗಡೆಯಾಗಿದೆ. ಸರಿಗಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಬಿಡುಗಡೆಯಾಗಿರುವ ಈ ಹಾಡಿನಲ್ಲಿ ಶಿವಣ್ಣ ಅವರ ವಿಶೇಷ ಪಾತ್ರ ಅಭಿಮಾನಿಗಳ ಗಮನ ಸೆಳೆದಿದೆ. 2009ರಲ್ಲಿ ಬಿಡುಗಡೆಯಾಗಿದ್ದ ‘ಭಾಗ್ಯದ ಬಳೆಗಾರ’ ಸಿನಿಮಾದಲ್ಲಿ ಬಳೆಗಾರನಾಗಿ ಮೋಡಿ ಮಾಡಿದ್ದ ಶಿವಣ್ಣ, ಇದೀಗ ಸುಮಾರು 17 ವರ್ಷಗಳ ನಂತರ ಮತ್ತೊಮ್ಮೆ ಅದೇ ಗೆಟಪ್‌ನಲ್ಲಿ ಕಾಣಿಸಿಕೊಂಡಿರುವುದು ವಿಶೇಷ.

ಬಳೆಗಾರನಾಗಿ ಬಂದ ಶಿವಣ್ಣನ ಕಂಡು ಫ್ಯಾನ್ಸ್ ಫಿದಾ!

‘ಭಾಗ್ಯದ ಬಳೆಗಾರ’ ಸಿನಿಮಾದಲ್ಲಿ ಬಳೆಗಾರನ ಪಾತ್ರದ ಮೂಲಕ ಪ್ರೇಕ್ಷಕರ ಮನಸ್ಸು ಗೆದ್ದಿದ್ದ ಶಿವಣ್ಣ, ‘ಪಬ್ಬಾರ್’ ಚಿತ್ರದ ಲಾಲಿ ಹಾಡಿನಲ್ಲೂ ಬಳೆಗಾರನಾಗಿ ಕಾಣಿಸಿಕೊಂಡಿದ್ದಾರೆ. ಹಾಡಿನಲ್ಲಿ ನಟಿ ಅಮೃತಾ ಪ್ರೇಮ್ ಅವರೊಂದಿಗೆ ತೆರೆ ಹಂಚಿಕೊಂಡು ಹೆಜ್ಜೆ ಹಾಕಿದ್ದಾರೆ. ಈ ವಿಶೇಷ ಕಾಂಬಿನೇಷನ್ ಈಗ ಅಭಿಮಾನಿಗಳ ಗಮನ ಸೆಳೆಯುತ್ತಿದೆ. ವಿಶೇಷವಾಗಿ, ರಾಜ್‌ಕುಮಾರ್ ಕುಟುಂಬದ ಕುಡಿ ಧೀರೆನ್ ರಾಜ್‌ಕುಮಾರ್ ನಾಯಕನಾಗಿರುವ ಸಿನಿಮಾದಲ್ಲಿ ಶಿವಣ್ಣ ಕಾಣಿಸಿಕೊಂಡಿರುವುದು ಅಭಿಮಾನಿಗಳಿಗೆ ಮತ್ತಷ್ಟು ಖುಷಿ ನೀಡಿದೆ.

ಶಿವಣ್ಣ ಜೊತೆ ಡ್ಯಾನ್ಸ್ ಮಾಡಿದ್ದು ನನ್ನ ಜೀವನದ ಮರೆಯಲಾಗದ ಕ್ಷಣ

ಇನ್ನು ಶಿವರಾಜ್‌ಕುಮಾರ್ ಅವರೊಂದಿಗೆ ತೆರೆ ಹಂಚಿಕೊಂಡು ನೃತ್ಯ ಮಾಡಿದ ಖುಷಿಯನ್ನು ನಟಿ ಅಮೃತಾ ಪ್ರೇಮ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಭಾವುಕ ಪೋಸ್ಟ್ ಬರೆದುಕೊಂಡಿರುವ ಅವರು, ಈ ಅನುಭವವನ್ನು ಜೀವನಪರ್ಯಂತ ಮರೆಯಲು ಸಾಧ್ಯವಿಲ್ಲ ಎಂದಿದ್ದಾರೆ.

'ಇದು ನನ್ನ ಜೀವಮಾನದ ಅತ್ಯಂತ ಸ್ಮರಣೀಯ ಕ್ಷಣ. ಪದಗಳಲ್ಲಿ ಎಂದಿಗೂ ವರ್ಣಿಸಲು ಸಾಧ್ಯವಾಗದ ಅನುಭವವಿದು. ಕೆಲವು ಕ್ಷಣಗಳನ್ನು ಕೇವಲ ಅನುಭವಿಸಲು, ಸಂಭ್ರಮಿಸಲು ಮತ್ತು ಶಾಶ್ವತವಾಗಿ ನೆನಪಿನಲ್ಲಿಟ್ಟುಕೊಳ್ಳಲು ಮಾತ್ರ ಸಾಧ್ಯ' ಎಂದು ಅಮೃತಾ ಬರೆದುಕೊಂಡಿದ್ದಾರೆ.

ಅಷ್ಟೇ ಅಲ್ಲ, ಶಿವಣ್ಣ ಅವರ ಸರಳತೆ ಮತ್ತು ಉತ್ಸಾಹವನ್ನು ಮನಸಾರೆ ಹೊಗಳಿದ್ದಾರೆ. 'ಶಿವರಾಜ್‌ಕುಮಾರ್ ಸರ್, ನಿಮ್ಮ ಉತ್ಸಾಹ ಮತ್ತು ಸರಳ ಗುಣಕ್ಕೆ ನಿಜಕ್ಕೂ ಸಾಟಿಯೇ ಇಲ್ಲ. ನಿಮ್ಮೊಂದಿಗೆ ತೆರೆ ಹಂಚಿಕೊಳ್ಳುವುದು ಹಾಗೂ ಹೆಜ್ಜೆ ಹಾಕುವುದು ನನಗೆ ಸಿಕ್ಕ ಅತ್ಯಂತ ದೊಡ್ಡ ಗೌರವ. ಇದು ಜೀವನಪರ್ಯಂತ ನೆನಪಿನಲ್ಲಿ ಉಳಿಯುವ ಸುಂದರ ಕ್ಷಣ' ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ.

ನಿರ್ದೇಶಕ ಸೇರಿದಂತೆ ಇಡೀ ತಂಡಕ್ಕೆ ಅಮೃತಾ ಧನ್ಯವಾದ!

ಈ ವಿಶೇಷ ಅವಕಾಶವನ್ನು ಕಲ್ಪಿಸಿಕೊಟ್ಟ ಚಿತ್ರತಂಡಕ್ಕೂ ಅಮೃತಾ ಪ್ರೇಮ್ ಕೃತಜ್ಞತೆ ಸಲ್ಲಿಸಿದ್ದಾರೆ. ನಿರ್ದೇಶಕ ಸಂದೀಪ್ ಸುಂಕದ್, ನೃತ್ಯ ಸಂಯೋಜಕ ರುದ್ರ ಮಾಸ್ಟರ್ ಹಾಗೂ ಇಡೀ ತಂಡಕ್ಕೆ ಹೃದಯಪೂರ್ವಕ ಧನ್ಯವಾದ ತಿಳಿಸಿದ್ದಾರೆ. ಈ ಅನುಭವಕ್ಕಾಗಿ ತಾನು ಸದಾ ಚಿರಋಣಿಯಾಗಿರುವುದಾಗಿ ಹೇಳಿದ್ದಾರೆ.

‘ಪಬ್ಬಾರ್’ ಚಿತ್ರದ ವಿಶೇಷತೆಗಳೇನು?

ಇನ್ನು ಗೀತಾ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ‘ಪಬ್ಬಾರ್’ ಸಿನಿಮಾ ನಿರ್ಮಾಣವಾಗುತ್ತಿದೆ. ಪೂರ್ಣಿಮಾ ರಾಜ್‌ಕುಮಾರ್ ಅವರ ಪುತ್ರ ಧೀರೆನ್ ಆರ್. ರಾಜ್‌ಕುಮಾರ್ ಹಾಗೂ ನಟ ನೆನಪಿರಲಿ ಪ್ರೇಮ್ ಅವರ ಪುತ್ರಿ ಅಮೃತಾ ಪ್ರೇಮ್ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಸಂದೀಪ್ ಸುಂಕದ್ ನಿರ್ದೇಶನದ ಈ ಚಿತ್ರಕ್ಕೆ ಮಯೂರ್ ಅಂಬೆಕಲ್ಲು ಸಂಗೀತ ಸಂಯೋಜನೆ ಮಾಡಿದ್ದಾರೆ. 17 ವರ್ಷಗಳ ಬಳಿಕ ಮತ್ತೆ ಬಳೆಗಾರನ ಗೆಟಪ್‌ನಲ್ಲಿ ಕಾಣಿಸಿಕೊಂಡಿರುವ ಶಿವಣ್ಣ ಹಾಗೂ ಅವರೊಂದಿಗೆ ಹೆಜ್ಜೆ ಹಾಕಿದ ಅಮೃತಾ ಪ್ರೇಮ್ ಅವರ ಸಂಭ್ರಮ ಸದ್ಯ ‘ಪಬ್ಬಾರ್’ ಚಿತ್ರದ ಲಾಲಿ ಹಾಡಿಗೆ ವಿಶೇಷ ಮೆರುಗು ನೀಡಿದೆ.

ಮಕ್ಕಳ ದಿನಾಚರಣೆಗೆ ಹೂವಿನ ಬಾಣದಂತೆ ಹೊಸ ವರ್ಶನ್ ಹಾಡು, ಕೋರಸ್ ಲೈನ್‌ನಲ್ಲಿದೆ ಪಂಚ್

Chethan Kumar — Sat, 14 Nov 2026 17:04:00 +0530

ಅರ್ಜುನ್ ಜನ್ಯ ಸಂಗೀತ ನಿರ್ದೇಶನ ಹಾಗೂ ಶ್ರೇಯಾ ಘೋಷಾಲ್ ಮಧುರ ಧ್ವನಿಯಲ್ಲಿ ಮೂಡಿ ಬಂದ ಹೂವಿನ ಬಾಣದಂತೆ, ಯಾರಿಗೂ ಕಾಣದಂತೆ ಒರಿಜಿನಲ್ ಹಾಡಿಗಿಂತ ವೈರಲ್ ಹುಡುಗಿ ಹಾಡಿದ ಹಾಡೇ ಎಲ್ಲರ ತಲೆಯಲ್ಲಿದೆ. ಮೈಸೂರಿನ ಕಾಲೇಜು ಹುಡುಗಿ ನಿತ್ಯಶ್ರಿ ತಮ್ಮದೇ ರಾಗದಲ್ಲಿ ಹಾಡು ಭಾರಿ ಸಂಚಲನ ಸೃಷ್ಟಿಸಿತ್ತು. ಇದೀಗ ಮಕ್ಕಳ ದಿನಾಚರಣೆಗೆ ಮಕ್ಕಳು ಹಾಡಿದ ಹೂವಿನ ಬಾಣದಂತೆ ಹಾಡು ಹಳೇ ಎಲ್ಲಾ ದಾಖಲೆ ಮೀರಿಸಿದೆ. ಬಾಲಕಿಯೊಬ್ಬಳು ಹೂವಿನ ಬಾಣದಂತೆ ಹಾಡನ್ನು ತನ್ನ ಶೈಲಿಯಲ್ಲಿ ಹಾಡಿದ್ದಾಳೆ. ಜೊತೆಗೆ ಹಾಡಿಗೆ ತನ್ನದೇ ರೀತಿಯಲ್ಲಿ ಹೆಜ್ಜೆ ಹಾಕಿದ್ದಾಳೆ. ಆದರೆ ಈ ವೈರಲ್ ಹಾಡಿನ ಪಂಚ್ ಇರೋದು ಕೊನೆಯ ಸಾಲಿನಲ್ಲಿ.

ಮಕ್ಕಳ ಮುಗ್ದ ಹಾಡು, ಕೊನೆಯ ಆ್ಯಕ್ಷನ್

ಶಾಲಾ ಮಕ್ಕಳು ಒಟ್ಟಾಗಿ ಈ ಹಾಡು ಹಾಡಿದ್ದಾರೆ. ವಿಶೇಷ ಅಂದರೆ ಕಾಲೇಜು ಲೆವೆಲ್‌ನಲ್ಲಿ ಪೋಸ್ ನೀಡಿದ್ದಾರೆ. ಶಾಲಾ ಬಾಲಕಿಯರ ನಡುವೆ ನಿಂತ ವಿದ್ಯಾರ್ಥಿನಿ ಹೂವಿನ ಬಾಣದಂತೆ ಹಾಡು ಹಾಡಿದ್ದಾಳೆ. ಸುತ್ತಲೂ ಇರುವ ಇತರ ಬಾಲಕಿಯರು ಸಾಥ್ ನೀಡಿದ್ದಾರೆ. ಬಾಲಕಿಯ ಮುಗ್ದತೆ, ಖುಷಿ ಈ ವಿಡಿಯೋದಲ್ಲಿ ಸ್ಪಷ್ಟವಾಗಿ ಕಾಣುತ್ತದೆ. ವಿಶೇಷ ಅಂದರೆ ಹಾಡನ್ನು ಆತ್ಮವಿಶ್ವಾಸದಿಂದ ಹಾಡಿದ್ದಾಳೆ.

ಕೋರಸ್‌ನಲ್ಲಿ ಪಂಚಿಂಗ್ ಕೊಟ್ಟ ಬಾಲಕಿ

ಹೂವಿನ ಬಾಣದಂತೆ, ಯಾರಿಗೂ ಕಾಣದಂತೆ, ಹಾಡಿನ ಸಾಲಿನಲ್ಲಿ ಮೂಡುವ ಪ್ರಾಣದಂತೆ ಚೇತನವಾದೆ ನೀನು ಸಾಲುಗಳನ್ನು ಅದ್ಭುತವಾಗಿ ಹಾಡಲಾಗಿದೆ. ಬಳಿಕ ಬರುವ ಕೋರಸ್‌ಗೆ ಇತರ ಬಾಲಕಿಯರು ಧನಿಗೂಡಿಸಿದ್ದಾರೆ. ಇಡೀ ಹಾಡಿನಲ್ಲಿ ಪಂಚಿಂಗ್ ಲೈನ್ ಇದೇ. ಕೋರಸ್ ವೇಳೆ ನಿಮ್ಮ ಮುಖದಲ್ಲಿ ನಗು ಬರುವುದು ಖಚಿತ.

ಮೈಸೂರಿನ ಕಾಲೇಜು ವಿದ್ಯಾರ್ಥಿನಿ ನಿತ್ಯಶ್ರಿ ತನ್ನದೇ ರಾಗದಲ್ಲಿ ಹಾಡಿದ್ದಳು. ಮೂಲ ಹಾಡಿನ ರಾಗವನ್ನು ಬದಲಾಯಿಸಿದ್ದಳು. ಕೆಟ್ಟದಾಗಿ ಹಾಡಿದರೂ ಆತ್ಮವಿಶ್ವಾಸದಿಂದ ಹಾಡಿದ್ದಳು. ಹೀಗಾಗಿ ಈ ಹಾಡು ರಾತ್ರೋರಾತ್ರಿ ವೈರಲ್ ಆಗಿತ್ತು. ಸ್ವತಃ ಅರ್ಜುನ್ ಜನ್ಯ ಕೂಡ ಪ್ರತಿಕ್ರಿಯಿಸಿದ್ದರು. ಆದರೆ ಈಗ ಬಾಲಕಿ ಉತ್ತಮವಾಗಿ ಹಾಡಿದ್ದಾಳೆ. ಮೊದಲ ಚರಣದ ಅಂತ್ಯದಲ್ಲಿ ಬರುವ ಕೋರಸ್‌ನಲ್ಲಿ ಪಂಚಿಂಗ್ ನೀಡಿ ಎಲ್ಲರನ್ನು ನಗಿಸಿದ್ದಾಳೆ.

ಬಾಲಕಿ ಹಾಡಿಗೆ ಭಾರಿ ಮೆಚ್ಚುಗೆ

ಇದೀಗ ಮತ್ತೆ ಹೂವಿನ ಬಾಣದಂತೆ ಹಾಡು ವೈರಲ್ ಆಗಿದೆ. ಬಾಲಕಿಯ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಇದು ಮಕ್ಕಳ ದಿನಾಚರಣೆ ಸ್ಪೆಷಲ್ ಎಂದು ಹಲವರು ಕಮೆಂಟ್ಸ್ ಮಾಡಿದ್ದಾರೆ. ನಿತ್ಯಶ್ರಿ ಹಾಡಿಗೆ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿತ್ತು. ಇದರಲ್ಲಿ ಬಹುತೇಕರು ಕೆಟ್ಟದಾಗಿ ಹಾಡಿ ವೈರಲ್ ಮಾಡಲಾಗಿದೆ ಅನ್ನೋ ಆರೋಪಗಳು ಕೇಳಿಬಂದಿತ್ತು. ಆದರೆ ಈ ಮಗುವಿನ ಹಾಡಿಗೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ. ಎಲ್ಲರೂ ಬಾಲಕಿಯ ಪ್ರತಿಭೆ, ಹಾಡು, ಆ್ಯಕ್ಷನ್ ಸೇರಿದಂತೆ ಕೋರಸ್‌ಗೂ ಮೆಚ್ಚುಗೆ ಸೂಚಿಸಿದ್ದಾರೆ. ಇದು ಎಲ್ಲಾ ವೈರಲ್ ದಾಖಲೆ ಪುಡಿ ಮಾಡಲಿದೆ ಎಂದು ಭವಿಷ್ಯ ನುಡಿದಿದ್ದಾರೆ.

2009ರಲ್ಲಿ ಬಿಡುಗಡೆಯಾದ ಬಿರುಗಾಳಿ ಸಿನಿಮಾದ ಹಾಡು ಇದು. 2009ರಲ್ಲೂ ಈ ಹಾಡು ಸಿನಿಮಾ ಪ್ರೇಕ್ಷಕರ ಮನಗೆದ್ದಿತ್ತು. ಆದರೆ 2025-26ರಲ್ಲಿ ಈ ಹಾಡು ನಿತ್ಯಶ್ರಿ ಕಾರಣದಿಂದ ಮತ್ತೆ ಮುನ್ನಲೆಗೆ ಬಂದಿತ್ತು. ಇದೀಗ ಮತ್ತೆ ಬಾಲಕಿಯ ಹಾಡಿನಿಂದ ವೈರಲ್ ಆಗುತ್ತಿದೆ. ಜಯಂತ್ ಕಾಯ್ಕಿಣಿ ಸಾಹಿತ್ಯ ನೀಡಿರುವ ಈ ಹಾಡು ಬಾಲಕಿ ಮೂಲಕ ಇದೀಗ ಮತ್ತೊಮ್ಮೆ ಸೋಶಿಯಲ್ ಮೀಡಿಯಾದಲ್ಲಿ ಸಂಚಲನ ಸೃಷ್ಟಿಸಿದೆ.

View this post on Instagram

A post shared by Basu Goudra (@basu_goudra)

Food: ಹುಣಸೆಹಣ್ಣು ತಿಂದರೆ ಎಷ್ಟೆಲ್ಲಾ ಆರೋಗ್ಯ ಪ್ರಯೋಜನಗಳಿವೆ? ಹಣ್ಣು, ಎಲೆ, ಬೀಜಗಳಿಂದಲೂ ಅದ್ಭುತ ಉಪಯೋಗ

Bhimasi M Koleppanavar — Sat, 14 Nov 2026 16:58:47 +0530

ಹುಣಸೆಹಣ್ಣು ಎನ್ನುವುದು ಹಲವರಿಗೆ ಬಾಲ್ಯದ ನೆನಪು. ಗ್ರಾಮೀಣ ಪ್ರದೇಶಗಳಲ್ಲಿ, ಹುಣಸೆಹಣ್ಣು ತಿನ್ನಲು ಇಷ್ಟಪಡುವ ಅನೇಕ ಜನರಿದ್ದಾರೆ. ಹುಣಸೆಹಣ್ಣು ಮಾತ್ರವಲ್ಲದೆ ಅದರ ಎಲೆಗಳು ಕೂಡ ಹುಳಿ ಮತ್ತು ಸಿಹಿಯ ಸಂಯೋಜನೆಯಾದ ವಿಶಿಷ್ಟ ರುಚಿ ನೀಡುತ್ತದೆ. ಅದಲ್ಲದೇ ಹುಣಸೆಹಣ್ಣು ಕೇವಲ ರುಚಿಗೆ ಸೀಮಿತವಾಗಿಲ್ಲ. ಆಯುರ್ವೇದ ಸಂಪ್ರದಾಯದಲ್ಲಿಯೂ ಇದು ವಿಶೇಷ ಸ್ಥಾನ ಹೊಂದಿದೆ. ಹುಣಸೆಹಣ್ಣು, ಎಲೆ ಮತ್ತು ಬೀಜಗಳನ್ನು ಅನೇಕ ಸಾಂಪ್ರದಾಯಿಕ ಭಕ್ಷ್ಯಗಳಲ್ಲಿ ಮತ್ತು ಇತರ ಉದ್ದೇಶಗಳಿಗಾಗಿ ಬಳಸಲಾಗುತ್ತದೆ.

ಹುಣಸೆಹಣ್ಣು ಜೀರ್ಣಕ್ರಿಯೆಗೆ ಒಳ್ಳೆಯದೇ?

ಆಯುರ್ವೇದ ಕುಟುಂಬ ವೈದ್ಯ ಬಲಭದ್ರ ಮೆಹ್ತಾ ಅವರ ಪ್ರಕಾರ, ಹುಣಸೆ ಮರವು ಬಹುಮುಖ್ಯ ಸಸ್ಯ. ಹುಣಸೆ ಹಣ್ಣು ಹಸಿಯಾಗಿದ್ದಾಗ, ಅದು ಹೆಚ್ಚು ಹುಳಿ ಮತ್ತು ಸಿಹಿ-ಹುಳಿ ರುಚಿ ಹೊಂದಿರುತ್ತದೆ. ಅದು ಸಂಪೂರ್ಣವಾಗಿ ಹಣ್ಣಾದ ನಂತರ, ಅದರ ರುಚಿ ಸ್ವಲ್ಪ ಸಿಹಿಯಾಗಿರುತ್ತದೆ. ಹಿಂದೆ, ಶಾಲಾ ಮಕ್ಕಳು ಬೆಲ್ಲದೊಂದಿಗೆ ಬೆರೆಸಿದ ಹುಣಸೆಹಣ್ಣು ತಿನ್ನುತ್ತಿದ್ದರು. ಹೀಗಾಗಿ, ಹುಣಸೆಹಣ್ಣು ಜನರ ಆಹಾರ ಸಂಸ್ಕೃತಿ ಭಾಗವಾಯಿತು.

ಏನು ಹೇಳುತ್ತದೆ ಆಯುರ್ವೇದ ಸಂಪ್ರದಾಯ?

ಆಯುರ್ವೇದ ಸಂಪ್ರದಾಯದ ಪ್ರಕಾರ, ಹುಣಸೆಹಣ್ಣನ್ನು ಜೀರ್ಣಕ್ರಿಯೆಗೆ ಸಹಾಯಕವಾಗಿ ಬಳಸಲಾಗುತ್ತದೆ. ಇದರಲ್ಲಿ ವಿಟಮಿನ್ ಸಿ ಸೇರಿ ಅನೇಕ ಪೋಷಕಾಂಶಗಳಿವೆ. ಸೂಕ್ತ ಪ್ರಮಾಣದಲ್ಲಿ ಸೇವಿಸಿದರೆ ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ ಎಂದು ಹೇಳಲಾಗುತ್ತದೆ. ಗ್ರಾಮೀಣ ಪ್ರದೇಶಗಳಲ್ಲಿ, ಹುಣಸೆ ಎಲೆಗಳು ಮತ್ತು ಹಣ್ಣುಗಳನ್ನು ವಿವಿಧ ಭಕ್ಷ್ಯಗಳ ತಯಾರಿಕೆಯಲ್ಲಿಯೂ ಬಳಸಲಾಗುತ್ತದೆ.

ಹುಣಸೆಹಣ್ಣು ಮಹಿಳೆಯರ ಆರೋಗ್ಯಕ್ಕೆ ಒಳ್ಳೆಯದೇ?

ಡಾ.ಬಲಭದ್ರ ಮೆಹ್ತಾ ಅವರ ಪ್ರಕಾರ, ಮಹಿಳೆಯರಿಗೆ ಸಂಬಂಧಿಸಿದ ಕೆಲವು ಆರೋಗ್ಯ ಸಮಸ್ಯೆಗಳ ಚಿಕಿತ್ಸೆಯಲ್ಲಿ ಆಯುರ್ವೇದ ಸಂಪ್ರದಾಯದಲ್ಲಿ ಹುಣಸೆಹಣ್ಣನ್ನು ಉಲ್ಲೇಖಿಸಲಾಗಿದೆ. ಇದನ್ನು ಸಾಂಪ್ರದಾಯಿಕ ಔಷಧದಲ್ಲಿ ವಿಶೇಷವಾಗಿ ಮುಟ್ಟಿನಂತಹ ಸಮಸ್ಯೆಗಳಿಗೆ ಬಳಸಲಾಗುತ್ತದೆ ಎಂದು ಹೇಳಲಾಗುತ್ತದೆ. ಆದಾಗ್ಯೂ, ರಕ್ತಹೀನತೆ, ಕಬ್ಬಿಣದ ಕೊರತೆ, ಫೋಲಿಕ್ ಆಮ್ಲದ ಕೊರತೆ ಅಥವಾ ಇತರ ಗಂಭೀರ ಮುಟ್ಟಿನ ಸಮಸ್ಯೆಗಳನ್ನು ಹುಣಸೆಹಣ್ಣು ತಿನ್ನುವುದರಿಂದ ಮಾತ್ರ ಗುಣಪಡಿಸಲಾಗುವುದಿಲ್ಲ. ಅಂತಹ ಸಮಸ್ಯೆಗಳು ಇದ್ದರೆ, ವೈದ್ಯಕೀಯ ಪರೀಕ್ಷೆಗಳನ್ನು ಮಾಡಿಸಿ ತಜ್ಞರ ಸಲಹೆ ಪಡೆಯಬೇಕು.

ಹುಣಸೆ ಬೀಜದ ಕಥೆ ಏನು?

ಹುಣಸೆಹಣ್ಣಿನೊಳಗಿನ ಬೀಜ ಸಾಮಾನ್ಯವಾಗಿ ಹುಣಸೆ ಬೀಜ ಎಂದು ಕರೆಯಲಾಗುತ್ತದೆ. ಆಯುರ್ವೇದ ಸಂಪ್ರದಾಯದಲ್ಲಿ ಅವುಗಳಿಗೆ ಹೆಚ್ಚಿನ ಮೌಲ್ಯವಿದೆ. ಅವು ಕ್ಯಾಲ್ಸಿಯಂ ಮತ್ತು ಇತರ ಪೋಷಕಾಂಶ ಹೊಂದಿರುತ್ತವೆ. ಸರಿಯಾದ ಶುದ್ಧೀಕರಣ ಮತ್ತು ಸಂಸ್ಕರಣೆ ನಂತರ, ಅವುಗಳ ಕೆಲವು ಆಹಾರ ಪದಾರ್ಥಗಳಲ್ಲಿ ಮತ್ತು ಸಾಂಪ್ರದಾಯಿಕ ಉದ್ದೇಶಗಳಿಗಾಗಿ ಬಳಸಲಾಗುತ್ತದೆ.

ಹುಣಸೆಹಣ್ಣು ತಿನ್ನುವಾಗ ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕೆಗಳು!

ಪ್ರತಿಯೊಬ್ಬರ ದೇಹದ ಪ್ರಕಾರ ಮತ್ತು ಆರೋಗ್ಯ ಸ್ಥಿತಿ ವಿಭಿನ್ನ. ಆಯುರ್ವೇದದ ಪ್ರಕಾರ, ವಾತ ದೋಷ, ಕೀಲು ನೋವು ಅಥವಾ ಸಂಧಿವಾತ ಇರುವವರು ಹೆಚ್ಚು ಹುಣಸೆಹಣ್ಣು ಸೇವಿಸುವ ಮೊದಲು ತಜ್ಞರ ಸಲಹೆ ಪಡೆಯಬೇಕು. ರಾತ್ರಿಯ ಬದಲು ಹಗಲಿನಲ್ಲಿ ಇದನ್ನು ಸೇವಿಸುವುದು ಉತ್ತಮ ಎಂಬ ಸಾಂಪ್ರದಾಯಿಕ ಸಲಹೆ ಇದೆ. ಅಲ್ಲದೇ ಸೇವಿಸುವ ಹುಣಸೆಹಣ್ಣಿನ ಪ್ರಮಾಣವು ವ್ಯಕ್ತಿಯ ಆರೋಗ್ಯ ಸ್ಥಿತಿ ಅವಲಂಬಿಸಿರುತ್ತದೆ. ಯಾವುದೇ ಆರೋಗ್ಯ ಸಮಸ್ಯೆಗೆ ಹುಣಸೆಹಣ್ಣನ್ನು ಔಷಧಿ ಎಂದು ಪರಿಗಣಿಸಬಾರದು ಮತ್ತು ವೈದ್ಯಕೀಯ ಚಿಕಿತ್ಸೆಗೆ ಬದಲಿಯಾಗಿ ಬಳಸಬಾರದು.

ಗೂಗಲ್ ಸ್ಮಾರ್ಟ್ ಗ್ಲಾಸ್‌ಗೆ ಬಂತು Hey Gemini ಫೀಚರ್: ಮಾತನಾಡಿದ ತಕ್ಷಣ ಆ್ಯಕ್ಟಿವೇಟ್ ಆಗಲಿದೆ AI ಅಸಿಸ್ಟೆಂಟ್, ಬೆಲೆ ಎಷ್ಟು?

Santosh Naik — Sat, 14 Nov 2026 16:56:11 +0530

ಬೆಂಗಳೂರು (ನ.14): ಇಂದಿನ ದಿನಗಳಲ್ಲಿ ಕೃತಕ ಬುದ್ಧಿಮತ್ತೆ (AI) ಬಳಕೆಯು ಕೇವಲ ಸ್ಮಾರ್ಟ್‌ಫೋನ್‌ಗಳಿಗೆ ಮಾತ್ರ ಸೀಮಿತವಾಗಿ ಉಳಿದಿಲ್ಲ. ದೈನಂದಿನ ಜೀವನದ ಕೆಲಸಗಳನ್ನು ಮತ್ತಷ್ಟು ಸುಲಭಗೊಳಿಸುವಂತಹ ಸ್ಮಾರ್ಟ್ ಗ್ಯಾಜೆಟ್‌ಗಳ ಅಭಿವೃದ್ಧಿಯಲ್ಲಿ ಟೆಕ್ ದಿಗ್ಗಜರು ನಿರತರಾಗಿದ್ದಾರೆ. ಇದೇ ಹಾದಿಯಲ್ಲಿ ಮತ್ತೊಂದು ದಿಟ್ಟ ಹೆಜ್ಜೆಯಿಟ್ಟಿರುವ ಗೂಗಲ್ (Google), ತನ್ನ ನೂತನ Android XR ಸ್ಮಾರ್ಟ್ ಗ್ಲಾಸ್‌ಗಳಲ್ಲಿ (Smart Glasses) 'Gemini Live' ಸೇವೆಯನ್ನು ಸಕ್ರಿಯಗೊಳಿಸಲು 'Hey Gemini' ವಾಯ್ಸ್ ಕಮಾಂಡ್ ವೈಶಿಷ್ಟ್ಯವನ್ನು ಬಿಡುಗಡೆ ಮಾಡಿದೆ.

ಈ ಹೊಸ ಸೌಲಭ್ಯದಿಂದಾಗಿ, AI ಅಸಿಸ್ಟೆಂಟ್ ಜೊತೆ ಮಾತನಾಡಲು ಪದೇ ಪದೇ ಜೇಬಿನಿಂದ ಫೋನ್ ಹೊರತೆಗೆಯುವ ಅಥವಾ ಯಾವುದೇ ಬಟನ್ ಒತ್ತುವ ಅಗತ್ಯವಿರುವುದಿಲ್ಲ. ಯೂಸರ್‌ಗಳು ಕನ್ನಡಕ ಧರಿಸಿ ಕೇವಲ "Hey Gemini" ಎಂದು ಹೇಳಿದರೆ ಸಾಕು, ತಕ್ಷಣವೇ AI ಅಸಿಸ್ಟೆಂಟ್ ಸಕ್ರಿಯಗೊಂಡು ನಿಮ್ಮ ಪ್ರಶ್ನೆಗಳಿಗೆ ಉತ್ತರಿಸಲು ಸಿದ್ಧವಾಗುತ್ತದೆ.

9 to 5 Google ವರದಿಯ ಪ್ರಕಾರ, ಗೂಗಲ್ ಮತ್ತು ಸ್ಯಾಮ್‌ಸಂಗ್ (Samsung) ಜಂಟಿಯಾಗಿ ಅಭಿವೃದ್ಧಿಪಡಿಸಿರುವ ನೂತನ 'ಇಂಟೆಲಿಜೆಂಟ್ ಐವೇರ್' (Intelligent Eyewear) ಸಾಧನಗಳಲ್ಲಿ ಈ ವೈಶಿಷ್ಟ್ಯವನ್ನು ಅಳವಡಿಸಲಾಗಿದೆ. ದಿನನಿತ್ಯ ದೀರ್ಘಕಾಲದವರೆಗೆ ಧರಿಸಿದರೂ ಯಾವುದೇ ಕಿರಿಕಿರಿಯಾಗದಂತೆ ಇವುಗಳನ್ನು ವಿನ್ಯಾಸಗೊಳಿಸಲಾಗಿದ್ದು, ಇದಕ್ಕಾಗಿ ಎರಡೂ ಕಂಪನಿಗಳು ಖ್ಯಾತ ಐವೇರ್ ಬ್ರ್ಯಾಂಡ್‌ಗಳಾದ ವಾರ್ಬಿ ಪಾರ್ಕರ್ (Warby Parker) ಮತ್ತು ಜೆಂಟಲ್ ಮಾನ್‌ಸ್ಟರ್ (Gentle Monster) ಜೊತೆ ಪಾಲುದಾರಿಕೆ ಮಾಡಿಕೊಂಡಿವೆ.

ಆಂಡ್ರಾಯ್ಡ್ ಫೋನ್‌ಗಳಲ್ಲಿ ಇನ್ನೂ 'Hey Google' ಕಮಾಂಡ್ ಅನಿವಾರ್ಯ

ಇಲ್ಲಿ ಗಮನಿಸಬೇಕಾದ ಪ್ರಮುಖ ಅಂಶವೆಂದರೆ, ಗೂಗಲ್ ತನ್ನ ಸ್ಮಾರ್ಟ್ ಗ್ಲಾಸ್‌ಗಳಿಗೆ ಮಾತ್ರ 'Hey Gemini' ಕಮಾಂಡ್ ನೀಡಿದೆ. ಆದರೆ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳಲ್ಲಿ Gemini Live ಮತ್ತು Google Search ಸಕ್ರಿಯಗೊಳಿಸಲು ಈಗಲೂ ದಶಕದಿಂದ ಬಳಕೆಯಲ್ಲಿರುವ "Hey Google" ಎಂದೇ ಹೇಳಬೇಕಾಗುತ್ತದೆ.

ಪ್ರತ್ಯೇಕ ಕಮಾಂಡ್ ನೀಡಲು ಕಾರಣವೇನು? ಸ್ಮಾರ್ಟ್‌ಫೋನ್‌ಗಳಲ್ಲಿ ಜನರು ಸಾಮಾನ್ಯವಾಗಿ ಮಾಹಿತಿ ಹುಡುಕಲು (Voice Search) ಧ್ವನಿ ಆದೇಶ ಬಳಸುತ್ತಾರೆ. ಆದರೆ ಸ್ಮಾರ್ಟ್ ಗ್ಲಾಸ್ ಬಳಕೆ ಸಂಪೂರ್ಣ ಭಿನ್ನವಾಗಿದೆ. ಕನ್ನಡಕ ಧರಿಸಿದ ಬಳಕೆದಾರರು ತಮ್ಮ ಕಣ್ಣಮುಂದೆ ಕಾಣುವ ಸ್ಥಳ ಅಥವಾ ವಸ್ತುಗಳನ್ನು ನೋಡುತ್ತಲೇ ಅವುಗಳ ಬಗ್ಗೆ ಪ್ರಶ್ನೆ ಕೇಳಿ ತಕ್ಷಣದ ಮಾಹಿತಿ ಪಡೆಯಬಹುದು. ಹೀಗಾಗಿ ನೇರವಾಗಿ Gemini ಅನ್ನು ಧ್ವನಿಯ ಮೂಲಕ ಕರೆಯುವುದು ಸುಲಭವಾಗಲಿದೆ. ಇತ್ತ ಸ್ಯಾಮ್‌ಸಂಗ್ ಸಹ ತನ್ನ ಸ್ಮಾರ್ಟ್‌ಫೋನ್ ಮತ್ತು ಸ್ಮಾರ್ಟ್ ಗ್ಲಾಸ್‌ಗಳಲ್ಲಿ ಬಿಸ್ಕ್‌ಬಿ (Bixby) ಸಕ್ರಿಯಗೊಳಿಸಲು "Hi Bixby" ಎಂಬ ಪ್ರತ್ಯೇಕ ವ್ಯವಸ್ಥೆ ಕಲ್ಪಿಸಿದೆ.

ಬೆಲೆ ಎಷ್ಟು? ಮಾರಾಟ ಯಾವಾಗ ಆರಂಭ?

ಗೂಗಲ್ ಮತ್ತು ಸ್ಯಾಮ್‌ಸಂಗ್ ಸಹಯೋಗದ ಈ ಸ್ಮಾರ್ಟ್ ಗ್ಲಾಸ್‌ಗಳ ಬೆಲೆಯೂ ಬಹಿರಂಗವಾಗಿದೆ.

ವಾರ್ಬಿ ಪಾರ್ಕರ್ (Warby Parker) ಶ್ರೇಣಿ: ಆರಂಭಿಕ ಬೆಲೆ 395 ಡಾಲರ್ (ಭಾರತೀಯ ಕರೆನ್ಸಿಯಲ್ಲಿ ಅಂದಾಜು ₹37,000).

ಜೆಂಟಲ್ ಮಾನ್‌ಸ್ಟರ್ (Gentle Monster) ಶ್ರೇಣಿ: ಆರಂಭಿಕ ಬೆಲೆ 499 ಡಾಲರ್ (ಅಂದಾಜು ₹42,000).

ಪ್ರಸ್ತುತ ಅಮೆರಿಕದಲ್ಲಿ (US) ಮಾತ್ರ ಇವುಗಳ ಪ್ರೀ-ಆರ್ಡರ್ ಬುಕಿಂಗ್ ನಡೆಯುತ್ತಿದ್ದು, ಡಿಸೆಂಬರ್ 10 ರಿಂದ ಅಧಿಕೃತ ಮಾರಾಟ ಆರಂಭವಾಗಲಿದೆ.

12MP ಕ್ಯಾಮೆರಾದಿಂದ 64GB ಸ್ಟೋರೇಜ್‌ವರೆಗೆ ಏನೆಲ್ಲಾ ಫೀಚರ್ಸ್ ಇವೆ?

ತಂತ್ರಜ್ಞಾನದ ದೃಷ್ಟಿಯಿಂದ ಈ ಸ್ಮಾರ್ಟ್ ಕನ್ನಡಕಗಳು ಅತ್ಯಂತ ಶಕ್ತಿಶಾಲಿಯಾಗಿವೆ. ಇದರಲ್ಲಿ ಕ್ವಾಲ್ಕಾಮ್ Snapdragon AR1 Gen 1 ಚಿಪ್‌ಸೆಟ್ ಅಳವಡಿಸಲಾಗಿದ್ದು, 2GB RAM ಮತ್ತು 64GB ಆಂತರಿಕ ಸ್ಟೋರೇಜ್ ನೀಡಲಾಗಿದೆ. ಫೋಟೋ ಮತ್ತು ವಿಡಿಯೋ ರೆಕಾರ್ಡಿಂಗ್‌ಗಾಗಿ ಒಂದು ಬದಿಯಲ್ಲಿ 12 ಮೆಗಾಪಿಕ್ಸೆಲ್ HDR ಕ್ಯಾಮೆರಾ ನೀಡಲಾಗಿದೆ. ಜೊತೆಗೆ ಎರಡು ಓಪನ್ ಸ್ಪೀಕರ್‌ಗಳು (Open speakers) ಮತ್ತು ನಾಲ್ಕು ಮೈಕ್ರೋಫೋನ್‌ಗಳಿವೆ. ಅಂದರೆ ಒಂದೇ ಕನ್ನಡಕದಲ್ಲಿ ಕ್ಯಾಮೆರಾ, ಆಡಿಯೋ ಮತ್ತು AI ಅಸಿಸ್ಟೆಂಟ್ ಮೂರೂ ಸೌಲಭ್ಯಗಳು ಲಭ್ಯವಿವೆ. Wi-Fi 6E ಮತ್ತು Bluetooth 5.4 ಬೆಂಬಲವಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್ ಗ್ಲಾಸ್‌ಗಳು ಯಾವಾಗ ಬಿಡುಗಡೆಯಾಗಲಿವೆ ಎಂಬ ಬಗ್ಗೆ ಕಂಪನಿಗಳು ಇನ್ನೂ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ.

ಸೋನಿಯಾ ಗಾಂಧಿ ಜೀವನ ಚರಿತ್ರೆ ಈಗ ಟಾಲಿವುಡ್ ಸಿನಿಮಾ? ಹಣ ನೀಡಲು ಮನವಿ- ನಾಯಕ, ನಾಯಕಿ ಯಾರು

Suchethana D — Sat, 14 Nov 2026 16:53:30 +0530

ದೆಹಲಿ: ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಅವರ ಜೀವನ ಮತ್ತು ರಾಜಕೀಯ ಪ್ರಯಾಣವನ್ನು ಅವರ ಆತ್ಮಚರಿತ್ರೆ 'ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್' ಆಧರಿತ ತೆಲುಗು ಚಲನಚಿತ್ರವಾಗಿ ದೊಡ್ಡ ಪರದೆಗೆ ಅಳವಡಿಸಿಕೊಳ್ಳಲು ಸಿದ್ಧತೆ ನಡೆದಿದೆ. ತೆಲಂಗಾಣ ಪ್ರದೇಶ ಕಾಂಗ್ರೆಸ್ ಸಮಿತಿಯ ಕಾರ್ಯಾಧ್ಯಕ್ಷೆ ಜಗ್ಗಾ ರೆಡ್ಡಿ, ಸಂಗರೆಡ್ಡಿಯಲ್ಲಿ ನಡೆದ ಕಾಂಗ್ರೆಸ್ ಕಾರ್ಯಕರ್ತರ ಸಭೆಯಲ್ಲಿ ಈ ಯೋಜನೆಯನ್ನು ಘೋಷಿಸಿರುವುದಾಗಿ ANI ವರದಿ ಮಾಡಿದೆ. ಅವರು ಪಕ್ಷದ ಕಾರ್ಯಕರ್ತರಿಂದ ಆರ್ಥಿಕ ನೆರವು ಕೋರಿದ್ದಾರೆ. ನಿರ್ಮಾಣ ಕಾರ್ಯವನ್ನು ಪ್ರಾರಂಭಿಸಲು ಸಮಿತಿಯನ್ನು ಕೇಳಿಕೊಂಡಿದ್ದಾರೆ ಮತ್ತು ಚಿತ್ರವು ಏನೆಲ್ಲವನ್ನೂ ಒಳಗೊಂಡಿರುತ್ತದೆ ಎಂದು ಸೋನಿಯಾ ಗಾಂಧಿಯವರ ವೈಯಕ್ತಿಕ ಮತ್ತು ರಾಜಕೀಯ ಜೀವನದ ಹಂತಗಳನ್ನು ವಿವರಿಸಿದ್ದಾರೆ.

ಜಗ್ಗಾ ರೆಡ್ಡಿ ಸಂಗರೆಡ್ಡಿ ಕ್ಷೇತ್ರದ ಕಾಂಗ್ರೆಸ್ ನಾಯಕರು ಮತ್ತು ಕಾರ್ಯಕರ್ತರಿಗೆ ಚಿತ್ರದ ನಿರ್ಮಾಣಕ್ಕೆ ಕೊಡುಗೆ ನೀಡುವಂತೆ ಮನವಿ ಮಾಡಿದರು. ಕ್ಷೇತ್ರದ ಕಾಂಗ್ರೆಸ್ ಸಂಚಾಲಕಿ ಜೂಲಕಾಂತಿ ಆಂಜನೇಯುಲು ಈ ಯೋಜನೆಗೆ 2 ಕೋಟಿ ರೂ.ಗಳನ್ನು ನೀಡುವುದಾಗಿ ಭರವಸೆ ನೀಡಿದರು. ಆರಂಭಿಕ ನಿರ್ಮಾಣ ಕಾರ್ಯವನ್ನು ಮೇಲ್ವಿಚಾರಣೆ ಮಾಡಲು ರೆಡ್ಡಿ 50 ಸದಸ್ಯರ ಸಮಿತಿಯನ್ನು ರಚಿಸುವ ಪ್ರಸ್ತಾಪವನ್ನು ಮುಂದಿಟ್ಟರು. ಗಾಂಧಿ ಭವನದ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಹರಿಪ್ರಸಾದ್ ಸಮಿತಿಯ ಚಟುವಟಿಕೆಗಳನ್ನು ಮೇಲ್ವಿಚಾರಣೆ ಮಾಡುತ್ತಾರೆ.

ಬಜೆಟ್ ಮೀಸಲಿಗೆ ಮನವಿ

ಪಕ್ಷದ ಕಾರ್ಯಕರ್ತರು ತಮ್ಮ ಸಂಪನ್ಮೂಲಗಳನ್ನು ಒಟ್ಟುಗೂಡಿಸಲು ಮತ್ತು ಸೂಕ್ತವಾದ ಬಜೆಟ್ ಅನ್ನು ಪಡೆದುಕೊಳ್ಳಲು ಒತ್ತಾಯಿಸುತ್ತಾ, ರೆಡ್ಡಿ ಅವರು, : “ನೀವು ಚುನಾವಣೆಗಳಿಗೆ ಖರ್ಚು ಮಾಡುತ್ತೀರಿ ಅಲ್ಲವೇ, ಇದನ್ನು ಇದೇ ರೀತಿಯ ವೆಚ್ಚವೆಂದು ಇದನ್ನೂ ಪರಿಗಣಿಸಿ. ಬಜೆಟ್ ಅನ್ನು ಸಜ್ಜುಗೊಳಿಸಿ ಉತ್ತಮ ನಿರ್ದೇಶಕರನ್ನು ಆಯ್ಕೆ ಮಾಡೋಣ” ಎಂದಿದ್ದಾರೆ. ಅಗತ್ಯ ಸಿದ್ಧತೆಗಳು ಪೂರ್ಣಗೊಂಡ ನಂತರ ಚಿತ್ರೀಕರಣವನ್ನು ಔಪಚಾರಿಕವಾಗಿ ಪ್ರಾರಂಭಿಸಲು ಮುಖ್ಯಮಂತ್ರಿ ರೇವಂತ್ ರೆಡ್ಡಿ ಮತ್ತು ಟಿಪಿಸಿಸಿ ಅಧ್ಯಕ್ಷ ಮಹೇಶ್ ಕುಮಾರ್ ಗೌಡ್ ಅವರನ್ನು ಆಹ್ವಾನಿಸಲಾಗುವುದು ಎಂದು ಅವರು ಹೇಳಿದರು.

ಸೋನಿಯಾ ಗಾಂಧಿ ಅವರ ಆತ್ಮಚರಿತ್ರೆಯ ಪ್ರತಿಗಳನ್ನು ಸಹ ಆದೇಶಿಸಿ ಕಾಂಗ್ರೆಸ್ ಕಾರ್ಯಕರ್ತರಲ್ಲಿ ವಿತರಿಸಲಾಗುವುದು. ಇದು ಅವರ ವೈಯಕ್ತಿಕ ಅನುಭವಗಳು ಮತ್ತು ರಾಜಕೀಯ ಪ್ರಯಾಣವನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ ಎಂದು ರೆಡ್ಡಿ ಹೇಳಿದರು. ಈ ಪ್ರಸ್ತಾವಿತ ಚಿತ್ರವು ಸೋನಿಯಾ ಗಾಂಧಿಯವರ ಜೀವನದ ವಿವಿಧ ಹಂತಗಳನ್ನು ಅನ್ವೇಷಿಸುತ್ತದೆ ಎಂದು ರೆಡ್ಡಿ ಹೇಳಿದರು, ಗಾಂಧಿ ಕುಟುಂಬದೊಂದಿಗಿನ ಅವರ ಸಂಬಂಧದಿಂದ ಹಿಡಿದು ಭಾರತದಲ್ಲಿ ಪ್ರಮುಖ ರಾಜಕೀಯ ನಾಯಕಿಯಾಗಿ ಹೊರಹೊಮ್ಮುವವರೆಗೆ ಸಿನಿಮಾ ಒಳಗೊಳ್ಳಲಿದೆ ಎಂದಿದ್ದಾರೆ.

ಇಂದಿರಾ ಗಾಂಧಿಯವರ ಸೊಸೆ, ರಾಜೀವ್ ಗಾಂಧಿಯವರ ಪತ್ನಿ ಮತ್ತು ರಾಹುಲ್ ಗಾಂಧಿ ಮತ್ತು ಪ್ರಿಯಾಂಕಾ ಗಾಂಧಿಯವರ ತಾಯಿಯಾಗಿ ಅವರ ಜೀವನವನ್ನು ಚಿತ್ರಿಸುವ ನಿರೀಕ್ಷೆಯಿದೆ. ಇಂದಿರಾ ಗಾಂಧಿ ಮತ್ತು ರಾಜೀವ್ ಗಾಂಧಿಯವರ ಹತ್ಯೆಗಳ ನಂತರದ ಕಷ್ಟಕರ ವರ್ಷಗಳು, ನಂತರ ಸೋನಿಯಾ ಗಾಂಧಿ ಎದುರಿಸಿದ ಸವಾಲುಗಳು ಮತ್ತು ಅವರು ತಮ್ಮ ಮಕ್ಕಳನ್ನು ತಮ್ಮ ರಾಜಕೀಯ ಜವಾಬ್ದಾರಿಗಳನ್ನು ನಿರ್ವಹಿಸುವಾಗ ಹೇಗೆ ಬೆಳೆಸಿದರು ಎಂಬುದನ್ನು ಸಹ ಈ ಚಿತ್ರವು ಒಳಗೊಳ್ಳುತ್ತದೆ ಎಂದು ವರದಿಯಾಗಿದೆ. ಹಾಗಿದ್ದರೆ ಸೋನಿಯಾ ಗಾಂಧಿ ಹಾಗೂ ರಾಜೀವ್ ಗಾಂಧಿಯಾಗಿ ಯಾವ ನಟ-ನಟಿ ಆಯ್ಕೆ ಮಾಡಬೇಕು ಎನ್ನುವ ಬಗ್ಗೆ ದೊಡ್ಡ ಮಟ್ಟದಲ್ಲಿ ಚರ್ಚೆ ನಡೆಯುತ್ತಿದೆ.

ನವ ಮಂಗಳೂರು ಬಂದರು ₹9.48 ಕೋಟಿಗಳ 2 ಯೋಜನೆಗಳಿಗೆ ಚಾಲನೆ, ನೂತನ ಸರಕು ಸಂಗ್ರಹಣಾ ಶೆಡ್, ಪ್ರವಾಸಿಗರಿಗೆ ಅತ್ಯಾಧುನಿಕ ಕ್ರೂಸ್ ಲೌಂಜ್

Gowthami K — Sat, 14 Nov 2026 16:53:27 +0530

ಮಂಗಳೂರು: ನವ ಮಂಗಳೂರು ಬಂದರು ಪ್ರಾಧಿಕಾರದಲ್ಲಿ (ಎನ್‌ಎಂಪಿಎ) ಸರಕು ನಿರ್ವಹಣಾ ಮೂಲಸೌಕರ್ಯ ಬಲವರ್ಧನೆ ಹಾಗೂ ಕ್ರೂಸ್ ಪ್ರಯಾಣಿಕರಿಗೆ ಆಧುನಿಕ ಸೌಲಭ್ಯ ಕಲ್ಪಿಸುವ ಉದ್ದೇಶದಿಂದ ಒಟ್ಟು ₹ 9.48 ಕೋಟಿ ವೆಚ್ಚದ ಎರಡು ಪ್ರಮುಖ ಯೋಜನೆಗಳನ್ನು ಶುಕ್ರವಾರ ಉದ್ಘಾಟಿಸಲಾಯಿತು.

ನವ ಮಂಗಳೂರು ಬಂದರು ಪ್ರಾಧಿಕಾರ ಹಾಗೂ ದೀನದಯಾಳ್ ಬಂದರು ಪ್ರಾಧಿಕಾರದ ಅಧ್ಯಕ್ಷ ಸುಶೀಲ್ ಕುಮಾರ್ ಸಿಂಗ್ ಅವರು ನೂತನ ಸರಕು ಸಂಗ್ರಹಣಾ ಶೆಡ್ ಮತ್ತು ನವೀಕರಿಸಿದ ಅಂತಾರಾಷ್ಟ್ರೀಯ ಕ್ರೂಸ್ ಲೌಂಜ್‌ಗೆ ಚಾಲನೆ ನೀಡಿದರು.

ಬಂದರಿನ ವಾರ್ಫ್ ಪ್ರದೇಶದ ಒಳಭಾಗದಲ್ಲಿ ₹ 8.65 ಕೋಟಿ ವೆಚ್ಚದಲ್ಲಿ ನೂತನ ಮುಚ್ಚಿದ ಸರಕು ಸಂಗ್ರಹಣಾ ಶೆಡ್ ನಿರ್ಮಿಸಲಾಗಿದೆ. 120 ಮೀಟರ್ ಉದ್ದ ಹಾಗೂ 40 ಮೀಟರ್ ಅಗಲ ಹೊಂದಿದೆ. ರಸಗೊಬ್ಬರ, ಸಕ್ಕರೆ, ಮೆಕ್ಕೆಜೋಳ, ಆಹಾರ ಧಾನ್ಯಗಳು ಹಾಗೂ ಪಶು ಆಹಾರ ಸೇರಿದಂತೆ ಆಮದು-ರಫ್ತು ಸರಕುಗಳನ್ನು ಸಂಗ್ರಹಿಸಲು ಇಲ್ಲಿ ಹೆಚ್ಚುವರಿ ಸ್ಥಳಾವಕಾಶ ಕಲ್ಪಿಸಲಾಗಿದೆ.

ಸರಕುಗಳಿಗೆ ಮಳೆ ಸೇರಿದಂತೆ ಹವಾಮಾನ ವೈಪರೀತ್ಯಗಳಿಂದ ರಕ್ಷಣೆ ಒದಗಿಸುವುದರ ಜತೆಗೆ ಸಂಗ್ರಹಣೆ ಮತ್ತು ನಿರ್ವಹಣಾ ದಕ್ಷತೆ ಹೆಚ್ಚಿಸಲು ಈ ಸೌಲಭ್ಯ ಸಹಕಾರಿಯಾಗಲಿದೆ. ಹೆಚ್ಚುತ್ತಿರುವ ವ್ಯಾಪಾರ ಬೇಡಿಕೆಯನ್ನು ಪೂರೈಸುವುದರೊಂದಿಗೆ ಬಂದರಿನಲ್ಲಿ ಹೊಸ ಸರಕುಗಳ ನಿರ್ವಹಣೆಗೂ ಇದು ಅವಕಾಶ ಕಲ್ಪಿಸಲಿದೆ.

ಇದೇ ವೇಳೆ ₹ 83.26 ಲಕ್ಷ ವೆಚ್ಚದಲ್ಲಿ ನವೀಕರಿಸಲಾದ ಎನ್‌ಎಂಪಿಎ ಅಂತಾರಾಷ್ಟ್ರೀಯ ಕ್ರೂಸ್ ಲೌಂಜ್ ಕೂಡ ಉದ್ಘಾಟಿಸಲಾಯಿತು. ಸುಮಾರು 18 ವರ್ಷಗಳ ಹಿಂದೆ ನಿರ್ಮಿಸಲಾಗಿದ್ದ ಲೌಂಜ್‌ನ್ನು ಅಂತಾರಾಷ್ಟ್ರೀಯ ಕ್ರೂಸ್ ಪ್ರಯಾಣಿಕರು ಹಾಗೂ ವಿದೇಶಿ ಪ್ರವಾಸಿಗರಿಗೆ ಆಧುನಿಕ ಮತ್ತು ಆರಾಮದಾಯಕ ವಾತಾವರಣ ಕಲ್ಪಿಸುವ ಉದ್ದೇಶದಿಂದ ಸಮಗ್ರವಾಗಿ ನವೀಕರಿಸಲಾಗಿದೆ.

2,582 ಚದರ ಮೀಟರ್ ವಿಸ್ತೀರ್ಣದ ಪ್ರದೇಶದಲ್ಲಿ ನವೀಕರಣ ಕಾಮಗಾರಿ ಕೈಗೊಳ್ಳಲಾಗಿದ್ದು, ಹೆಚ್ಚುವರಿಯಾಗಿ 432 ಚದರ ಮೀಟರ್ ವಿಸ್ತರಣೆ ಮಾಡಲಾಗಿದೆ. ಹೊಸ ವಿಟ್ರಿಫೈಡ್ ಟೈಲ್ಸ್ ನೆಲಹಾಸು, ಅಲ್ಯೂಮಿನಿಯಂ ಕಾಂಪೋಸಿಟ್ ಪ್ಯಾನೆಲ್ ಹೊದಿಕೆ ಹಾಗೂ ಫಾಲ್ಸ್ ಸೀಲಿಂಗ್ ಅಳವಡಿಸಲಾಗಿದೆ.

ಈ ಎರಡೂ ಯೋಜನೆಗಳು ಬಂದರಿನ ಸರಕು ನಿರ್ವಹಣಾ ಸಾಮರ್ಥ್ಯ ಹೆಚ್ಚಿಸುವುದು, ಆಮದು-ರಫ್ತು ವ್ಯಾಪಾರಕ್ಕೆ ಉತ್ತೇಜನ ನೀಡುವುದು ಹಾಗೂ ಕ್ರೂಸ್ ಪ್ರವಾಸೋದ್ಯಮಕ್ಕೆ ಪೂರಕ ಸೌಲಭ್ಯ ಕಲ್ಪಿಸುವ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆಯಾಗಿವೆ.

ರೈಲ್ವೆ ಸಂಪರ್ಕ ಬಲವರ್ಧನೆ ಪ್ರಸ್ತಾಪ

ಉದ್ಘಾಟನೆಗೆ ಮುನ್ನ ಸುಶೀಲ್ ಕುಮಾರ್ ಸಿಂಗ್ ಅವರು ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅಧ್ಯಕ್ಷತೆಯಲ್ಲಿ ನಡೆದ ರೈಲ್ವೆ ಸಂಪರ್ಕ ವ್ಯವಸ್ಥೆಯ ಪರಿಶೀಲನಾ ಸಭೆಯಲ್ಲಿ ಭಾಗವಹಿಸಿದರು.

ಮಂಗಳೂರು-ಬೆಂಗಳೂರು ರೈಲು ಮಾರ್ಗದ ದ್ವಿಪಥೀಕರಣ ಸೇರಿದಂತೆ ಮಂಗಳೂರು ಪ್ರದೇಶದ ರೈಲ್ವೆ ಸಂಪರ್ಕ ವ್ಯವಸ್ಥೆಯನ್ನು ಬಲಪಡಿಸುವ ಅಗತ್ಯವನ್ನು ಅವರು ಒತ್ತಿಹೇಳಿದರು. ಒಳನಾಡು ಪ್ರದೇಶಗಳಿಗೆ ರೈಲ್ವೆ ಸಂಪರ್ಕವನ್ನು ವಿಸ್ತರಿಸುವುದರಿಂದ ಬಂದರಿನ ಸರಕು ಸಾಗಣೆ ಸುಗಮಗೊಳ್ಳುವುದರ ಜತೆಗೆ ಪ್ರಾದೇಶಿಕ ಸಾರಿಗೆ ಮತ್ತು ಸರಕು ಸಾಗಣೆ ಜಾಲ ಮತ್ತಷ್ಟು ಬಲಗೊಳ್ಳಲಿದೆ ಎಂದು ತಿಳಿಸಿದರು.

----------------

'ಕಲಾವಿದರು ಮನೆ ಕೆಲಸ ಮಾಡಬಾರದು': ಅಣ್ಣಾವ್ರ ಸಿನಿಮಾ ನೋಡಿ ಊರನ್ನೇ ಬಿಟ್ಟಿದ್ಯಾಕೆ ವೈಜನಾಥ್ ಬಿರಾದಾರ್

Govindaraj S — Sat, 14 Nov 2026 16:42:13 +0530

ಸಿನಿಮಾ ಎಂಬ ಬಣ್ಣದ ಲೋಕದಲ್ಲಿ ಮಿಂಚಬೇಕು, ದೊಡ್ಡ ನಟನಾಗಬೇಕು ಎಂಬ ಕನಸು ಅದೆಷ್ಟೋ ಜನರಲ್ಲಿರುತ್ತದೆ. ಆದರೆ ಆ ಕನಸನ್ನು ನನಸು ಮಾಡಿಕೊಳ್ಳಲು ಊರು ಬಿಟ್ಟು, ಕೈಯಲ್ಲಿ ಯಾವುದೇ ಅವಕಾಶವಿಲ್ಲದೆ ಬೆಂಗಳೂರಿಗೆ ಬಂದವರ ಕಥೆಗಳು ಮಾತ್ರ ರೋಚಕ. ಅಂತಹವರ ಸಾಲಿನಲ್ಲಿ ಕನ್ನಡದ ಪ್ರತಿಭಾವಂತ ಪೋಷಕ ನಟ ವೈಜನಾಥ್ ಬಿರಾದಾರ್ ಕೂಡ ಒಬ್ಬರು. ಅವರ ಪಾಲಿಗೆ ಚಿತ್ರರಂಗದ ಬಾಗಿಲು ತೆರೆಯಲು ಪ್ರೇರಣೆಯಾಗಿದ್ದು ಬೇರಾರೂ ಅಲ್ಲ, ಕನ್ನಡಿಗರ ಆರಾಧ್ಯದೈವ ಡಾ. ರಾಜ್‌ಕುಮಾರ್!

ಹೌದು, ಇಂದು ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಆದ ಗುರುತನ್ನು ಮೂಡಿಸಿರುವ ವೈಜನಾಥ್ ಬಿರಾದಾರ್ ಅವರ ಸಿನಿಪಯಣದ ಹಿಂದೆ ಅಣ್ಣಾವ್ರ ಮೇಲಿನ ಅಭಿಮಾನ ಮತ್ತು ಒಂದು ಸಿನಿಮಾ ಹುಟ್ಟಿಸಿದ ಕನಸಿನ ಕಥೆಯಿದೆ. 'ಬಂಗಾರದ ಮನುಷ್ಯ' ಸಿನಿಮಾ ನೋಡಿದ ಬಳಿಕ ಊರು ಬಿಡುವ ನಿರ್ಧಾರ ಮಾಡಿದ್ದ ಅವರು, ನೇರವಾಗಿ ಮದ್ರಾಸ್‌ಗೆ ತೆರಳಿ ಡಾ. ರಾಜ್‌ಕುಮಾರ್ ಅವರನ್ನು ಭೇಟಿಯಾಗಿದ್ದರಂತೆ. ಈ ಸ್ವಾರಸ್ಯಕರ ಸಂಗತಿಯನ್ನು ಸ್ವತಃ ಬಿರಾದಾರ್ ಅವರೇ ಈ ಹಿಂದಿನ ಸಂದರ್ಶನವೊಂದರಲ್ಲಿ ಹಂಚಿಕೊಂಡಿದ್ದರು.

ಅಣ್ಣಾವ್ರ ಸಿನಿಮಾ ನೋಡಿ ಶುರುವಾಗಿತ್ತು ಕನಸಿನ ಪಯಣ!

ನಟನೆಯ ಬಗ್ಗೆ ಆಸಕ್ತಿ ಬೆಳೆಸಿಕೊಂಡಿದ್ದ ವೈಜನಾಥ್ ಬಿರಾದಾರ್ ಅವರಿಗೆ ಡಾ. ರಾಜ್‌ಕುಮಾರ್ ಅವರೇ ದೊಡ್ಡ ಸ್ಫೂರ್ತಿಯಾಗಿದ್ದರು. ಅಣ್ಣಾವ್ರ ಸಿನಿಮಾಗಳನ್ನು ನೋಡುತ್ತಾ, ಅವರ ಬಗ್ಗೆ ಪತ್ರಿಕೆಗಳಲ್ಲಿ ಪ್ರಕಟವಾಗುತ್ತಿದ್ದ ಲೇಖನಗಳನ್ನು ಓದುತ್ತಾ ತಾವೂ ಕಲಾವಿದರಾಗಬೇಕೆಂಬ ಹಂಬಲ ಬೆಳೆಸಿಕೊಂಡಿದ್ದರು. ಈ ಬಗ್ಗೆ ಮಾತನಾಡಿರುವ ಅವರು, "ನಾನು ರಂಗಭೂಮಿ ಮತ್ತು ಸಿನಿಮಾರಂಗಕ್ಕೆ ಬರಲು ಡಾ. ರಾಜ್‌ಕುಮಾರ್ ಅವರೇ ಕಾರಣ. 'ಬಂಗಾರದ ಮನುಷ್ಯ' ಸಿನಿಮಾ ನೋಡಿ ಊರು ಬಿಟ್ಟು ಬಂದೆ. ಅವರ ಬಗ್ಗೆ 'ಕಥಾನಾಯಕನ ಕಥೆ' ಎಂಬ ಅಂಕಣ ಪತ್ರಿಕೆಗಳಲ್ಲಿ ಬರುತ್ತಿತ್ತು. ಅದನ್ನೆಲ್ಲ ಓದಿ ರಂಗಭೂಮಿಗೆ ಸೇರಿಕೊಂಡೆ" ಎಂದು ತಮ್ಮ ಆರಂಭದ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ.

ಅಣ್ಣಾವ್ರ ಮನೆಗೆ ಕೆಲಸಕ್ಕೆ ಸೇರಲು ಹೋಗಿದ್ದರಂತೆ ಬಿರಾದಾರ್!

ಕಲಾವಿದನಾಗಬೇಕೆಂಬ ಆಸೆಯಿಂದ ಮದ್ರಾಸ್‌ಗೆ ತೆರಳಿದ್ದ ವೈಜನಾಥ್ ಬಿರಾದಾರ್, ಅಲ್ಲಿ ಡಾ. ರಾಜ್‌ಕುಮಾರ್ ಅವರನ್ನು ಭೇಟಿಯಾಗುವ ಅವಕಾಶ ಪಡೆದುಕೊಂಡಿದ್ದರು. ಆಗ ಅಣ್ಣಾವ್ರು 'ತಾಯಿಗೆ ತಕ್ಕ ಮಗ' ಸಿನಿಮಾದಲ್ಲಿ ನಟಿಸುತ್ತಿದ್ದರಂತೆ. ತಾವು ಕರ್ನಾಟಕದಿಂದ ಬಂದಿರುವುದಾಗಿ ಪರಿಚಯಿಸಿಕೊಂಡ ಬಿರಾದಾರ್ ಅವರನ್ನು ಕಂಡು ರಾಜ್‌ಕುಮಾರ್ ಅವರು, 'ಏನ್ ಮಾಡ್ತೀರಿ ತಾವು?' ಎಂದು ವಿಚಾರಿಸಿದ್ದರಂತೆ. ಆಗ ಕೆಲಸ ಕೇಳಿದ ಬಿರಾದಾರ್, 'ಅಣ್ಣ, ನಿಮ್ಮ ಮನೆಯಲ್ಲಿ ಏನಾದರೂ ಕೆಲಸ ಮಾಡಿಕೊಂಡು ಇರುತ್ತೇನೆ' ಎಂದು ಹೇಳಿದ್ದರಂತೆ. ಅದಕ್ಕೆ ಅಣ್ಣಾವ್ರು ಕೇಳಿದ ಪ್ರಶ್ನೆ ಮಾತ್ರ ಅವರಿಗೆ ಇಂದಿಗೂ ನೆನಪಿದೆ. 'ನಿಮಗೆ ಕಾರು ಓಡಿಸಲು ಬರುತ್ತಾ?' ಎಂದು ರಾಜ್‌ಕುಮಾರ್ ಪ್ರಶ್ನಿಸಿದ್ದರಂತೆ. ಆದರೆ, ಬಿರಾದಾರ್ ತಾವು ರಂಗಭೂಮಿ ಕಲಾವಿದ ಎಂಬುದನ್ನು ತಿಳಿಸಿದಾಗ ಅಣ್ಣಾವ್ರ ಪ್ರತಿಕ್ರಿಯೆ ಬೇರೆಯೇ ಆಗಿತ್ತು.

'ಕಲಾವಿದರು ಪಾತ್ರ ಮಾಡಬೇಕು, ಮನೆ ಕೆಲಸವಲ್ಲ' ಎಂದಿದ್ದ ಅಣ್ಣಾವ್ರು!

ತಾವು ರಂಗಭೂಮಿಯಲ್ಲಿ ಅಭಿನಯಿಸುತ್ತಿರುವುದಾಗಿ ಬಿರಾದಾರ್ ಹೇಳಿದಾಗ, ಡಾ. ರಾಜ್‌ಕುಮಾರ್ ಅವರು ನೀಡಿದ ಸಲಹೆ ಅವರ ಜೀವನದ ಮರೆಯಲಾಗದ ಕ್ಷಣಗಳಲ್ಲಿ ಒಂದಾಯಿತು. 'ಕಲಾವಿದರು ಪಾತ್ರಗಳನ್ನು ಮಾಡಬೇಕು, ಮನೆಯಲ್ಲಿ ಕೆಲಸ ಮಾಡಬಾರದು' ಎಂದು ಅಣ್ಣಾವ್ರು ಹೇಳಿದ್ದರಂತೆ. ಅಷ್ಟೇ ಅಲ್ಲದೆ, ಅವಕಾಶ ಕೊಡಿಸುವಂತೆ ಕೇಳಿಕೊಂಡಾಗ ಕಂಠೀರವ ಸ್ಟುಡಿಯೋಗೆ ಬರುವಂತೆ ಸೂಚಿಸಿದ್ದರು. ಆದರೆ, ನಂತರದ ದಿನಗಳಲ್ಲಿ ಅಲ್ಲಿ ಅಣ್ಣಾವ್ರನ್ನು ಭೇಟಿಯಾಗಲು ಸಾಧ್ಯವಾಗಲಿಲ್ಲ. ಹೀಗೆ ಅಂದು ಅವಕಾಶ ಸಿಗದೇ ಹೋದರೂ, ಅಣ್ಣಾವ್ರು ಹೇಳಿದ ಆ ಮಾತುಗಳು ಬಿರಾದಾರ್ ಅವರ ಮನಸ್ಸಿನಲ್ಲಿ ಉಳಿದುಕೊಂಡಿದ್ದವು.

ಕೊನೆಗೂ ಅಣ್ಣಾವ್ರ ಜೊತೆ ನಟಿಸುವ ಅವಕಾಶ!

ಕಾಲಚಕ್ರ ಉರುಳಿತು. ಅಂದು ಅವಕಾಶ ಕೇಳಿಕೊಂಡು ಅಣ್ಣಾವ್ರ ಮುಂದೆ ನಿಂತಿದ್ದ ವೈಜನಾಥ್ ಬಿರಾದಾರ್ ಅವರಿಗೆ, ಕೊನೆಗೂ ಅವರೊಂದಿಗೇ ತೆರೆ ಹಂಚಿಕೊಳ್ಳುವ ಅದೃಷ್ಟ ಒಲಿಯಿತು. ಡಾ. ರಾಜ್‌ಕುಮಾರ್ ಅಭಿನಯದ 'ಭಾಗ್ಯದ ಲಕ್ಷ್ಮೀ ಬಾರಮ್ಮ' ಸಿನಿಮಾದಲ್ಲಿ ನಟಿಸುವ ಅವಕಾಶ ಅವರಿಗೆ ಸಿಕ್ಕಿತು. ಅಲ್ಲಿಂದ ಅವರ ಸಿನಿಪಯಣಕ್ಕೆ ಮತ್ತಷ್ಟು ವೇಗ ಸಿಕ್ಕಿತು. ಶಿವರಾಜ್‌ಕುಮಾರ್ ಅವರೊಂದಿಗೆ ಸುಮಾರು 8ರಿಂದ 10 ಸಿನಿಮಾಗಳಲ್ಲಿ, ರಾಘವೇಂದ್ರ ರಾಜ್‌ಕುಮಾರ್ ಅವರೊಂದಿಗೆ 'ಸ್ವಸ್ತಿಕ್' ಚಿತ್ರದಲ್ಲಿ ಅಭಿನಯಿಸಿದರು. ಪುನೀತ್ ರಾಜ್‌ಕುಮಾರ್ ಅವರೊಂದಿಗೂ 3ರಿಂದ 4 ಸಿನಿಮಾಗಳಲ್ಲಿ ನಟಿಸಿದರು.

ಅಲ್ಲದೇ ಅಣ್ಣಾವ್ರ ಮೊಮ್ಮಗ ಯುವ ನಟನೆಯ 'ಎಕ್ಕ' ಸಿನಿಮಾದಲ್ಲಿಯೂ ಅಭಿನಯಿಸಿದ್ದಾರೆ. ಈ ಚಿತ್ರದ ಸಕ್ಸಸ್ ಮೀಟ್‌ನಲ್ಲಿ ತಮ್ಮ ಸಿನಿಪಯಣದ ಹಳೆಯ ನೆನಪುಗಳನ್ನು ಮೆಲುಕು ಹಾಕಿದ ಬಿರಾದಾರ್, ರಾಜ್‌ಕುಮಾರ್ ಕುಟುಂಬದ ಮೂರು ತಲೆಮಾರಿನ ನಟರ ಜೊತೆ ಅಭಿನಯಿಸುವ ಅವಕಾಶ ಸಿಕ್ಕಿರುವುದಕ್ಕೆ ಸಂತಸವನ್ನು ವ್ಯಕ್ತಪಡಿಸಿದ್ದಾರೆ.

ಇನ್ನು ಒಂದು ಕಾಲದಲ್ಲಿ ಅಣ್ಣಾವ್ರ ಸಿನಿಮಾದಿಂದ ಪ್ರೇರಣೆ ಪಡೆದು ಊರು ಬಿಟ್ಟಿದ್ದ ಕಲಾವಿದ, ಇಂದು ಅದೇ ಕುಟುಂಬದ ಮೂರು ತಲೆಮಾರಿನ ನಟರ ಜೊತೆ ತೆರೆ ಹಂಚಿಕೊಂಡಿದ್ದಾರೆ. ಬಿರಾದಾರ್ ಅವರ ಪಾಲಿಗೆ ಇದಕ್ಕಿಂತ ದೊಡ್ಡ ಸಂತೋಷ ಮತ್ತೊಂದಿರಲಿಕ್ಕಿಲ್ಲ. ಅವರ ಈ ಸಿನಿಪಯಣದ ಕಥೆ ಕನಸು ಕಾಣುವವರಿಗೆ ಮಾತ್ರವಲ್ಲ, ಆ ಕನಸಿನ ಬೆನ್ನತ್ತಿ ಹೊರಡುವ ಧೈರ್ಯ ಮಾಡುವವರಿಗೂ ಸ್ಫೂರ್ತಿಯಾಗುವಂಥದ್ದು!

ಡಬಲ್ ಮೀನಿಂಗ್ ಎಂದವರ ಎದುರೇ 37 ವಾರ ಓಡಿ, 3 ರಾಜ್ಯ ಪ್ರಶಸ್ತಿ ಬಾಚಿ, ಬೇರೆ ಭಾಷೆಗಳಿಗೂ ರಿಮೇಕ್ ಆದ ಕಾಶಿನಾಥ್ ಸಿನಿಮಾ

Ashwini HR — Sat, 14 Nov 2026 16:39:50 +0530

ಬಾಂಬೆಯಲ್ಲಿ ಹಿಂದಿ ಚಿತ್ರ ಮಾಡಿ ಬರೋಬ್ಬರಿ ₹15 ಲಕ್ಷ ಕಳೆದುಕೊಂಡು, ಮೂರು ವರ್ಷ ಕೆಲಸವಿಲ್ಲದೆ ಕಂಗಾಲಾಗಿದ್ದಾಗ ನಿರ್ದೇಶಕ ಕಾಶಿನಾಥ್ ಕೈಗೆತ್ತಿಕೊಂಡ ಕ್ರಾಂತಿಕಾರಿ ಸಾಹಸವೇ ‘ಅನುಭವ’ (1984). ಸಮಾಜದಲ್ಲಿ ಯಾರೂ ಬಹಿರಂಗವಾಗಿ ಮಾತನಾಡಲು ಧೈರ್ಯಮಾಡದ ಮುಜುಗರದ ವಿಷಯವನ್ನು ಹಾಸ್ಯದ ಲೇಪನದಲ್ಲಿ ತೆರೆಮೇಲೆ ತಂದು ಕನ್ನಡ ಚಿತ್ರರಂಗದಲ್ಲಿ ಹೊಸ ಇತಿಹಾಸ ಬರೆದ ಚಿತ್ರವಿದು.

ದೂರದ ಸಂಬಂಧಿಕರ ಮನೆಯಲ್ಲಿ ನಡೆದ ನೈಜ ಘಟನೆ

ಈ ಚಿತ್ರಕ್ಕೆ ಪ್ರೇರಣೆಯಾಗಿದ್ದು ಅವರ ದೂರದ ಸಂಬಂಧಿಕರ ಮನೆಯಲ್ಲಿ ನಡೆದ ಒಂದು ನೈಜ ಘಟನೆ. ಮದುವೆಯ ಮೊದಲ ರಾತ್ರಿ ಏನೂ ಅರಿಯದ ಹಳ್ಳಿ ಹುಡುಗಿ ಭಯದಿಂದ ಕಿರುಚಿಕೊಂಡು ಕೋಣೆಯಿಂದ ಹೊರಗೆ ಓಡಿಬಂದಿದ್ದಳು. ಇದರಿಂದ ರೊಚ್ಚಿಗೆದ್ದ ವರ "ಮದುವೆಯೇ ಕ್ಯಾನ್ಸಲ್" ಎಂದು ಹಠ ಹಿಡಿದಿದ್ದ. ಈ ಸನ್ನಿವೇಶವನ್ನು ಕಾಶಿನಾಥ್ ಅವರ ತಾಯಿ ವಿವರಿಸಿದಾಗ, "ಅತಿಯಾದ ಕಾತರದ ಯುವಕ ಮತ್ತು ಲೈಂ*ಗಿಕತೆಯ ಅರಿವೇ ಇಲ್ಲದ ಮುಗ್ಧ ಹುಡುಗಿ ಒಂದಾದಾಗ ಸೃಷ್ಟಿಯಾಗುವ ಕ್ಲೇಶವನ್ನು ಜನರಿಗೆ ಯಾಕೆ ಮುಟ್ಟಿಸಬಾರದು?" ಎಂಬ ಸ್ಪಾರ್ಕ್ ಅವರಲ್ಲಿ ಹೊಳೆಯಿತು. ಯೌವನದಲ್ಲಿ ಯುವಕರು ನಿರೋ*ಧ್ ಅಥವಾ ಲೈಂ*ಗಿಕತೆಯ ಪುಸ್ತಕಗಳನ್ನು ಖರೀದಿಸಲು ಪಡುತ್ತಿದ್ದ ತಿಣುಕಾಟವನ್ನು ಅತ್ಯಂತ ನೈಜವಾಗಿ ಕಥೆಯಲ್ಲಿ ಹೆಣೆದರು.

ಚಿತ್ರದ ಕಥೆ ಸಿದ್ಧವಾದಾಗ "ಹೀರೋ ಯಾರು?" ಎಂದು ವಿತರಕರು ಕೇಳಿದ್ದರು. "ನಾನೇ ಹೀರೋ" ಎಂದಾಗ ಹಲವರು ನಕ್ಕಿದ್ದರು. ಆದರೆ ಈ ಕಥೆಗೆ ಸ್ಟಾರ್ ನಟನಿಗಿಂತ ಪಕ್ಕದ ಮನೆಯ ಸಾಮಾನ್ಯ ಯುವಕನ ಮುಖವೇ ಬೇಕಾಗಿದ್ದರಿಂದ ತಾವೇ ನಟಿಸಲು ನಿರ್ಧರಿಸಿದರು. ಇತ್ತ ತಮ್ಮ ಮನೆಯೆದುರು ಚಡ್ಡಿ ಎಳೆದುಕೊಂಡು ಗಂಡುಬೀರಿಯಂತೆ ಓಡಾಡುತ್ತಿದ್ದ ಕೆಲಸದ ಹುಡುಗಿಯನ್ನು ನೋಡಿ ಪ್ರೇರಿತರಾಗಿ, ನಟಿ ಅಭಿನಯ ಅವರನ್ನು ಕರೆತಂದು ಆ ಪಾತ್ರಕ್ಕೆ ಪಳಗಿಸಿದರು.

ಸ್ಯಾಂಡಲ್‌ವುಡ್‌ನ ಸಾರ್ವಕಾಲಿಕ ಟ್ರೆಂಡ್‌ಸೆಟ್ಟರ್

"ನಾನು ಯಾವುದೇ ಡಬಲ್ ಮೀನಿಂಗ್ ಸಿನಿಮಾ ಮಾಡಲಿಲ್ಲ. ಸಮಾಜ ಮುಚ್ಚಿಟ್ಟುಕೊಂಡಿದ್ದ ಗುಪ್ತ ವಿಷಯಗಳಿಗೆ ಕನ್ನಡಿ ಹಿಡಿದೆ ಅಷ್ಟೇ. ಥಿಯೇಟರ್‌ನಲ್ಲಿ ಜನ ಸಿನಿಮಾ ನೋಡುತ್ತಿರಲಿಲ್ಲ, ತಮ್ಮನ್ನೇ ತಾವು ನೋಡಿಕೊಳ್ಳುತ್ತಿದ್ದರು," ಅಂದಿದ್ದರು ಕಾಶಿನಾಥ್. ಸಿನಿಮಾದಲ್ಲಿ ವಯಸ್ಸಾದ ವ್ಯಕ್ತಿ ನಿರೋ*ಧ್ ಕೇಳುವ ದೃಶ್ಯವನ್ನು ನೋಡಿ ಸೆನ್ಸಾರ್ ಅಧಿಕಾರಿಯೊಬ್ಬರು ಸಿಟ್ಟಿಗೆದ್ದು ತೊಂದರೆ ಕೊಟ್ಟಿದ್ದರಂತೆ. ಆದರೂ ಎಲ್ಲಾ ಅಡೆತಡೆಗಳನ್ನು ಮೆಟ್ಟಿನಿಂತ ‘ಅನುಭವ’, ಬೆಂಗಳೂರಿನ ಕೈಲಾಶ್ ಚಿತ್ರಮಂದಿರದಲ್ಲೇ ಬರೋಬ್ಬರಿ 37 ವಾರಗಳ ಕಾಲ ಪ್ರದರ್ಶನ ಕಂಡು, ಮೂರು ರಾಜ್ಯ ಪ್ರಶಸ್ತಿಗಳೊಂದಿಗೆ ಸ್ಯಾಂಡಲ್‌ವುಡ್‌ನ ಸಾರ್ವಕಾಲಿಕ ಟ್ರೆಂಡ್‌ಸೆಟ್ಟರ್ ಆಯಿತು.

ಮಗಳಿಗೆ ಹೀರೋಯಿನ್ ಚಾನ್ಸ್ ಸಿಕ್ಕಿದ್ದಕ್ಕೆ ಮಂಜುನಾಥನಿಗೆ ಹರಕೆ!

ಇತ್ತ ಸಿನಿಮಾರಂಗಕ್ಕೆ ಬಂದಾಗ ಅಭಿನಯ ಅವರಿಗೆ ನಟನೆಯ ಗಂಧ-ಗಾಳಿಯೂ ಗೊತ್ತಿರಲಿಲ್ಲ. ಅತ್ಯಂತ ಮುಗ್ಧ ಹುಡುಗಿಯಾಗಿದ್ದ ಆಕೆಯನ್ನು ಕಾಶಿನಾಥ್ ಆಡಿಷನ್ ಮಾಡಿ ಹೀರೋಯಿನ್ ಪಾತ್ರಕ್ಕೆ ಆಯ್ಕೆ ಮಾಡಿದ್ದರು. ಅಷ್ಟು ದೊಡ್ಡ ನಿರ್ದೇಶಕರು ತಮ್ಮ ಮಗಳಿಗೆ ನಾಯಕಿಯ ಅವಕಾಶ ಕೊಟ್ಟಿದ್ದನ್ನು ಕಂಡು ಅಭಿನಯ ಅವರ ತಾಯಿಗೆ ನಂಬಲು ಸಾಧ್ಯವಾಗಲಿಲ್ಲವಂತೆ! "ಅಯ್ಯೋ, ನನ್ನ ಮಗಳಿಗೆ ಕಾಶಿನಾಥ್ ಹೀರೋಯಿನ್ ಚಾನ್ಸ್ ಕೊಟ್ಟುಬಿಟ್ಟಿದ್ದಾರಲ್ಲ, ಸಿನಿಮಾ ಹೇಗಾಗುತ್ತೋ ಏನೋ.. ತಾಯಿ-ಮಗಳ ಮರ್ಯಾದೆ ಉಳಿಸಪ್ಪ" ಎಂದು ಧರ್ಮಸ್ಥಳದ ಮಂಜುನಾಥ ಸ್ವಾಮಿಗೆ ಹರಕೆ ಹೊತ್ತಿದ್ದರಂತೆ!

ಹಿಂದಿ, ತೆಲುಗಿನಲ್ಲೂ ಕಾಶಿನಾಥ್ ಕಮಾಲ್

‘ಅನುಭವ’ ಚಿತ್ರದ ಯಶಸ್ಸು ಕೇವಲ ಕರ್ನಾಟಕಕ್ಕೆ ಮಾತ್ರ ಸೀಮಿತವಾಗಲಿಲ್ಲ. ಇಡೀ ದೇಶಾದ್ಯಂತ ಈ ಕಥೆಗೆ ಭಾರೀ ಬೇಡಿಕೆ ಸೃಷ್ಟಿಯಾಯಿತು. ಹಿಂದಿಯಲ್ಲಿ ಖ್ಯಾತ ನಟ ಶೇಖರ್ ಸುಮನ್ ಹಾಗೂ ಪದ್ಮಿನಿ ಕೊಲ್ಹಾಪುರೆ ಅವರನ್ನು ಹಾಕಿ ‘ಅನುಭವ್’ ಹೆಸರಿನಲ್ಲಿ ಸ್ವತಃ ಕಾಶಿನಾಥ್ ಅವರೇ ನಿರ್ದೇಶಿಸಿ ಅಲ್ಲಿಯೂ ಸೈ ಎನಿಸಿಕೊಂಡರು. ತೆಲುಗಿನಲ್ಲೂ ‘ಆದ್ಯತ ಅನುಭವಂ’ ಎಂಬ ಹೆಸರಿನಲ್ಲಿ ಕಾಶಿನಾಥ್ ಸಾರಥ್ಯದಲ್ಲೇ ಚಿತ್ರ ರೀಮೇಕ್ ಆಗಿ ಶತದಿನೋತ್ಸವ ಆಚರಿಸಿತು. ಒಬ್ಬ ಹೊಸಬ ಹುಡುಗಿಯನ್ನು ಕರೆತಂದು, ನಟನೆಯ ಪಾಠ ಹೇಳಿಕೊಟ್ಟು, ರಾಜ್ಯ ಪ್ರಶಸ್ತಿ ಬರುವಂತೆ ರೂಪಿಸಿದ ಕಾಶಿನಾಥ್ ಅವರ ತಾಳ್ಮೆ ಮತ್ತು ಪ್ರತಿಭೆ ಇಂದಿಗೂ ಸ್ಯಾಂಡಲ್‌ವುಡ್‌ನಲ್ಲಿ ಅಚ್ಚಳಿಯದೆ ಉಳಿದಿದೆ.

113 ವರ್ಷಗಳ ಬಾಲಿವುಡ್ ಇತಿಹಾಸದಲ್ಲೇ ಹೊಸ ದಾಖಲೆ! ಸೌತ್ ಬಾಕ್ಸ್ ಆಫೀಸ್‌ನಲ್ಲಿ ರಾಮಾಯಣ ಅಬ್ಬರ!

Pavna Das — Sat, 14 Nov 2026 16:37:16 +0530

ರಾಮಾಯಣ ಬಾಕ್ಸ್ ಆಫೀಸ್ ಕಲೆಕ್ಷನ್

ರಾಮಾಯಣ ಬಾಕ್ಸ್ ಆಫೀಸ್‌ನಲ್ಲಿ ಯಾವ ರೀತಿಯ ಹೊಸ ದಾಖಲೆ ಬರೆಯಲಿದೆ ಎಂಬ ಕುತೂಹಲ ಹಲವರಲ್ಲಿತ್ತು. ರಾಮನ ಪಾತ್ರದಲ್ಲಿ ರಣಬೀರ್ ಕಪೂರ್ ಹಾಗೂ ಸೀತೆಯ ಪಾತ್ರದಲ್ಲಿ ಸಾಯಿ ಪಲ್ಲವಿ (Sai Pallavi) ಆಯ್ಕೆಯಾಗಿದ್ದಕ್ಕೆ ಸಾಕಷ್ಟು ಟ್ರೋಲ್‌ಗಳು ಕೂಡ ಎದುರಾಗಿದ್ದವು. ಆದರೆ, ನವೆಂಬರ್ 5ರಂದು ದೀಪಾವಳಿ ವಾರದಲ್ಲಿ ನಿತೇಶ್ ತಿವಾರಿ ನಿರ್ದೇಶನದ ರಾಮಾಯಣ (Ramayana) ಸಿನಿಮಾ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಬಳಿಕ ಹಿಂದಿ ಚಿತ್ರರಂಗದಲ್ಲಿ ಹೊಸ ಇತಿಹಾಸವನ್ನೇ ಸೃಷ್ಟಿಸಿದೆ. ವಿಶ್ವಾದ್ಯಂತ ಸತತ ಒಂದು ವಾರದವರೆಗೆ ಪ್ರತಿದಿನ 100 ಕೋಟಿ ರೂಪಾಯಿಗೂ ಹೆಚ್ಚು ಗಳಿಕೆ ಮಾಡಿದ ಮೊದಲ ಬಾಲಿವುಡ್ ಸಿನಿಮಾ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಇದೀಗ ರಣಬೀರ್ ಕಪೂರ್ ಅಭಿನಯದ ರಾಮಾಯಣ ಕಳೆದ 113 ವರ್ಷಗಳಲ್ಲಿ ಯಾವುದೇ ಸಿನಿಮಾ ಮಾಡದ ಮತ್ತೊಂದು ಐತಿಹಾಸಿಕ ಸಾಧನೆಯನ್ನು ಮಾಡಿದೆ.

ಸೌತ್ ಬಾಕ್ಸ್ ಆಫೀಸ್‌ನಲ್ಲಿ ಹೊಸ ಇತಿಹಾಸ ಬರೆದ ರಾಮಾಯಣ

ವರದಿಗಳ ಪ್ರಕಾರ, ರಣಬೀರ್ ಕಪೂರ್ ಮತ್ತು ಯಶ್ ನಟನೆಯ ರಾಮಾಯಣ ಸಿನಿಮಾ ಬಿಡುಗಡೆಯಾದ ಕೇವಲ 9 ದಿನಗಳಲ್ಲಿ ದಕ್ಷಿಣ ಭಾರತದ ನಾಲ್ಕು ಡಬ್ಬಿಂಗ್ ಭಾಷೆಗಳಾದ ತಮಿಳು, ತೆಲುಗು, ಕನ್ನಡ ಮತ್ತು ಮಲಯಾಳಂನಲ್ಲಿ ಒಟ್ಟು 139.2 ಕೋಟಿ ರೂಪಾಯಿ ನೆಟ್ ಕಲೆಕ್ಷನ್ ಮಾಡಿದೆ. ನಾಲ್ಕೂ ದಕ್ಷಿಣ ಭಾರತೀಯ ಭಾಷೆಗಳನ್ನು ಒಟ್ಟುಗೂಡಿಸಿ 100 ಕೋಟಿ ರೂಪಾಯಿಗೂ ಅಧಿಕ ಗಳಿಕೆ ಮಾಡಿದ ಮೊದಲ ಹಿಂದಿ ಸಿನಿಮಾ ಎಂಬ ದಾಖಲೆಯನ್ನು ರಾಮಾಯಣ ತನ್ನದಾಗಿಸಿಕೊಂಡಿದೆ. ಇದಕ್ಕೂ ಮೊದಲು ಈ ದಾಖಲೆ ಧುರಂಧರ್ 2 ಸಿನಿಮಾದ ಹೆಸರಿನಲ್ಲಿತ್ತು. ಆ ಸಿನಿಮಾ ದಕ್ಷಿಣ ಭಾರತದ ನಾಲ್ಕೂ ಭಾಷೆಗಳನ್ನು ಸೇರಿಸಿ ತನ್ನ ಒಟ್ಟು ಪ್ರದರ್ಶನ ಅವಧಿಯಲ್ಲಿ 68 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು.

ದಕ್ಷಿಣ ಭಾರತದ ಯಾವ ಭಾಷೆಯಲ್ಲಿ ರಾಮಾಯಣ ಎಷ್ಟು ಕಲೆಕ್ಷನ್ ಮಾಡಿದೆ?

ರಾಮಾಯಣ ಸಿನಿಮಾದ ಪ್ರತ್ಯೇಕ ಭಾಷೆಗಳ ಗಳಿಕೆಯನ್ನು ಗಮನಿಸಿದರೆ, ಕನ್ನಡ ಡಬ್ಬಿಂಗ್ ಆವೃತ್ತಿಯೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿದೆ. ಕನ್ನಡದಲ್ಲಿ ಸಿನಿಮಾ ಬರೋಬ್ಬರಿ 51.95 ಕೋಟಿ ರೂಪಾಯಿ ಗಳಿಸಿದೆ. ಇನ್ನು ತೆಲುಗು ಭಾಷೆಯಲ್ಲಿ 40.65 ಕೋಟಿ ರೂಪಾಯಿ, ತಮಿಳಿನಲ್ಲಿ 24.90 ಕೋಟಿ ರೂಪಾಯಿ ಹಾಗೂ ಮಲಯಾಳಂನಲ್ಲಿ 21.70 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಬಿಡುಗಡೆಯಾದ ಕೇವಲ 9 ದಿನಗಳಲ್ಲಿ ಈ ಸಾಧನೆ ಮಾಡಿರುವುದು ವಿಶೇಷ. ಈ ಮೂಲಕ ದಕ್ಷಿಣ ಭಾರತದ ಬಾಕ್ಸ್ ಆಫೀಸ್‌ನಲ್ಲಿ ರಾಮಾಯಣ ಹೊಸ ದಾಖಲೆ ನಿರ್ಮಿಸಿದೆ.

ಯಶ್‌ಗೆ ಕನ್ನಡದಲ್ಲಿ ಇರುವ ದೊಡ್ಡ ಅಭಿಮಾನಿ ಬಳಗವೇ ಚಿತ್ರದ ಯಶಸ್ಸಿಗೆ ಕಾರಣ

ರಣಬೀರ್ ಕಪೂರ್ ಮತ್ತು ಯಶ್ ನಟನೆಯ ಈ ರಾಮಾಯಣ ಸಿನಿಮಾದಲ್ಲಿ ಕನ್ನಡದ ರಾಕಿಂಗ್ ಸ್ಟಾರ್ ಯಶ್ ಕೇವಲ ನಟನೆಯಷ್ಟೇ ಮಾಡಿಲ್ಲ. ದಕ್ಷಿಣ ಭಾರತದ ಮಾರುಕಟ್ಟೆಯಲ್ಲಿ ಚಿತ್ರದ ನಿರ್ಮಾಣದ ಜವಾಬ್ದಾರಿಯಲ್ಲೂ ಅವರು ಪ್ರಮುಖ ಪಾತ್ರ ವಹಿಸಿದ್ದಾರೆ. ಕನ್ನಡ ಚಿತ್ರರಂಗದಲ್ಲಿ ಯಶ್ ಅವರಿಗೆ ದೊಡ್ಡ ಅಭಿಮಾನಿ ಬಳಗವಿದೆ. ಹೀಗಾಗಿ ಕನ್ನಡದಲ್ಲಿ ಸಿನಿಮಾ ಗಳಿಸಿರುವ ಭರ್ಜರಿ ಕಲೆಕ್ಷನ್ ಕೂಡ ವಿಶೇಷ ಗಮನ ಸೆಳೆದಿದೆ.

ವಿಶ್ವಾದ್ಯಂತ ರಾಮಾಯಣ ಗಳಿಸಿದ ಹಣವೆಷ್ಟು?

ವರದಿಗಳ ಪ್ರಕಾರ, ಬಿಡುಗಡೆಯಾದ ಕೇವಲ 9 ದಿನಗಳಲ್ಲಿ ವಿಶ್ವಾದ್ಯಂತ 1100 ಕೋಟಿ ರೂಪಾಯಿಗೂ ಅಧಿಕ ಗಳಿಕೆ ಮಾಡುವ ಮೂಲಕ ಅತಿ ವೇಗವಾಗಿ ಈ ಮೈಲಿಗಲ್ಲು ತಲುಪಿದ ಹಿಂದಿ ಸಿನಿಮಾವಾಗಿದೆ. ಇನ್ನು ಭಾರತದ ದೇಶೀಯ ಬಾಕ್ಸ್ ಆಫೀಸ್‌ನಲ್ಲಿ ಚಿತ್ರದ ನೆಟ್ ಕಲೆಕ್ಷನ್ 612.45 ಕೋಟಿ ರೂಪಾಯಿಗೆ ತಲುಪಿದೆ .

U19 ಏಷ್ಯಾಕಪ್‌ ಫೈನಲ್‌: ಪಾಕಿಸ್ತಾನದ ವಿರುದ್ಧ ಗಾಯದ ನಡುವೆಯೂ ಅಬ್ಬರಿಸಿದ ಆರ್ಯವೀರ್‌ ಸೆಹ್ವಾಗ್‌

Santosh Naik — Sat, 14 Nov 2026 16:32:58 +0530

ಅಲ್‌ ಅಮೇರತ್‌, ಓಮಾನ್‌ (ನ.14): ಅಂಡರ್-19 ಏಷ್ಯಾ ಕಪ್ 2026ರ (ACC Men's U19 Asia Cup 2026) ರೋಚಕ ಫೈನಲ್ ಪಂದ್ಯದಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ನೀಡಿರುವ 338 ರನ್‌ಗಳ ಬೃಹತ್ ಗುರಿ ಬೆನ್ನತ್ತಿರುವ ಭಾರತ ತಂಡಕ್ಕೆ ಯುವ ಆರಂಭಿಕ ಆಟಗಾರ ಆರ್ಯವೀರ್ ಸೆಹ್ವಾಗ್ (Aaryavir Sehwag) ಆಕರ್ಷಕ ಅರ್ಧಶತಕದ ಮೂಲಕ ಭದ್ರ ಬುನಾದಿ ಹಾಕಿಕೊಟ್ಟಿದ್ದಾರೆ: ಬ್ಯಾಟಿಂಗ್ ಮಾಡುವ ವೇಳೆ ಮೊಣಕೈಗೆ ಬಲವಾದ ಪೆಟ್ಟು ಬಿದ್ದರೂ ನೋವನ್ನು ಲೆಕ್ಕಿಸದೆ 58 ರನ್ ಸಿಡಿಸಿ ವಿಕೆಟ್ ಒಪ್ಪಿಸಿರುವ ಆರ್ಯವೀರ್ ನಿರ್ಗಮನದ ಬಳಿಕ, ಇದೀಗ ಏರುತ್ತಿರುವ ರನ್‌ರೇಟ್ ಒತ್ತಡ ನಿಭಾಯಿಸುವ ಸವಾಲು ಭಾರತದ ಮೇಲಿದೆ.

ಅಲ್ ಅಮೇರತ್ ಕ್ರಿಕೆಟ್ ಮೈದಾನದಲ್ಲಿ (Ministry Turf 2) ನಡೆಯುತ್ತಿರುವ ಪ್ರಶಸ್ತಿ ಸುತ್ತಿನ ಕಾದಾಟದಲ್ಲಿ, ಪಾಕಿಸ್ತಾನದ ಬೃಹತ್ ಮೊತ್ತಕ್ಕೆ ಉತ್ತರವಾಗಿ ಇನ್ನಿಂಗ್ಸ್ ಆರಂಭಿಸಿದ ನಾಯಕ ಲಕ್ಷ್ಯ ರಾಯಚಂದಾನಿ (Lakshya Raichandani) ಮತ್ತು ಆರ್ಯವೀರ್ ಸೆಹ್ವಾಗ್ ಎಚ್ಚರಿಕೆಯ ಆರಂಭ ಪಡೆದರು. ಪಿಚ್‌ನಲ್ಲಿ ಚೆಂಡು ಅಸಮಾನವಾಗಿ ಪುಟಿಯುತ್ತಿದ್ದ (Uneven bounce) ಕಾರಣ ಅನಗತ್ಯ ರಿಸ್ಕ್ ತೆಗೆದುಕೊಳ್ಳದೆ, ಕೆಟ್ಟ ಎಸೆತಗಳನ್ನು ಮಾತ್ರ ದಂಡಿಸುತ್ತಾ 3 ಓವರ್‌ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 15 ರನ್ ಗಳಿಸಿ ತಂಡಕ್ಕೆ ಸ್ಥಿರತೆ ನೀಡಿದ್ದರು.

ಮೊಣಕೈಗೆ ಪೆಟ್ಟು, ನೋವಿನಲ್ಲೇ ಅಬ್ಬರಿಸಿದ ‘ಬೇಬಿ ಸೆಹ್ವಾಗ್’

ಇನ್ನಿಂಗ್ಸ್‌ನ 5ನೇ ಓವರ್‌ನಲ್ಲಿ ಪಾಕ್ ವೇಗಿ ಅಲಿ ರಜಾ (Ali Raza) ಎಸೆದ ಅನಿರೀಕ್ಷಿತ ಬೌನ್ಸರ್ ಆರ್ಯವೀರ್ ಸೆಹ್ವಾಗ್ ಅವರ ಮೊಣಕೈಗೆ (Forearm/Elbow) ಬಲವಾಗಿ ಅಪ್ಪಳಿಸಿತು. ತೀವ್ರ ನೋವಿನಿಂದ ಒದ್ದಾಡಿದ ಆರ್ಯವೀರ್, 338 ರನ್‌ಗಳ ಬೃಹತ್ ಚೇಸಿಂಗ್‌ನಲ್ಲಿ ಭಾರತಕ್ಕೆ ಆತಂಕ ಮೂಡಿಸಿದ್ದರು. ನೋವಿಗೆ ಜಗ್ಗದ ಆರ್ಯವೀರ್ ತಂದೆ ವೀರೇಂದ್ರ ಸೆಹ್ವಾಗ್ ಅವರಂತೆಯೇ ಅದ್ಭುತ ಎದೆಗಾರಿಕೆ ತೋರಿದರು. ಕ್ರೀಡಾಂಗಣದಲ್ಲಿ ನೆರೆದಿದ್ದ ಪ್ರೇಕ್ಷಕರು "ಸೆಹ್ವಾಗ್! ಸೆಹ್ವಾಗ್!" ಎಂದು ಕೂಗುತ್ತಾ ಹುರಿದುಂಬಿಸಿದಂತೆ, ಆರ್ಯವೀರ್ ಆಕರ್ಷಕ ಹೊಡೆತಗಳ ಮೂಲಕ ಪಾಕ್ ಬೌಲರ್‌ಗಳಿಗೆ ತಿರುಗೇಟು ನೀಡಿದರು. 8 ಓವರ್‌ಗಳ ಅಂತ್ಯಕ್ಕೆ ಭಾರತ 41 ಹಾಗೂ 10 ಓವರ್‌ಗಳ ಪವರ್‌ಪ್ಲೇ ಮುಕ್ತಾಯಕ್ಕೆ 54 ರನ್ ಗಳಿಸಿ ಸುಸ್ಥಿತಿಯಲ್ಲಿತ್ತು.

51 ಎಸೆತಗಳಲ್ಲಿ ಹೋರಾಟದ ಅರ್ಧಶತಕ

ಪಾಕಿಸ್ತಾನದ ಬಿಗುವಿನ ಕ್ಷೇತ್ರರಕ್ಷಣೆಯ ನಡುವೆಯೂ ವಿಕೆಟ್ ಬೀಳದಂತೆ ಎಚ್ಚರಿಕೆ ವಹಿಸಿದ ಆರಂಭಿಕ ಜೋಡಿ 12 ಓವರ್‌ಗಳಲ್ಲಿ 61 ರನ್ ಕಲೆಹಾಕಿತು. ಬಳಿಕ ರಿಜ್ವಾನುಲ್ಲಾ (Rizwanullah) ಬೌಲಿಂಗ್‌ನಲ್ಲಿ ಸತತ ಆಕರ್ಷಕ ಬೌಂಡರಿಗಳನ್ನು ಬಾರಿಸಿದ ಆರ್ಯವೀರ್ ಸೆಹ್ವಾಗ್, ಕೇವಲ 51 ಎಸೆತಗಳಲ್ಲಿ ತಮ್ಮ ಅರ್ಧಶತಕ ಪೂರೈಸಿದರು. ಇದು ಪ್ರಸಕ್ತ ಟೂರ್ನಿಯಲ್ಲಿ ಅವರ 4ನೇ 50ಕ್ಕೂ ಅಧಿಕ ರನ್‌ಗಳ ಇನ್ನಿಂಗ್ಸ್ ಆಗಿದ್ದು, 15 ಓವರ್‌ಗಳ ಅಂತ್ಯಕ್ಕೆ ಭಾರತ ವಿಕೆಟ್ ನಷ್ಟವಿಲ್ಲದೆ 80 ರನ್ ಗಳಿಸಿತ್ತು.

ಭರ್ಜರಿ ಆಟವಾಡುತ್ತಿದ್ದ ಆರ್ಯವೀರ್ ಔಟ್ - ಭಾರತಕ್ಕೆ ಆಘಾತ

17 ಓವರ್‌ಗಳ ವೇಳೆಗೆ ಭಾರತ 90 ರನ್ ಗಳಿಸಿದ್ದರೂ, ಅಗತ್ಯ ರನ್‌ರೇಟ್ (Asking run rate) 7.50 ದಾಟುತ್ತಿತ್ತು. ರನ್ ವೇಗ ಹೆಚ್ಚಿಸುವ ಅನಿವಾರ್ಯತೆಗೆ ಸಿಲುಕಿದ ಆರ್ಯವೀರ್, ಸ್ಪಿನ್ನರ್ ನಿಕಾಬ್ ಶಫೀಕ್ (Niqab Shafiq) ಎಸೆತವನ್ನು ಸಿಕ್ಸರ್‌ಗಟ್ಟಲು ಮುಂದಾದರು. ಆದರೆ ಚೆಂಡು ಸರಿಯಾಗಿ ಬ್ಯಾಟ್‌ಗೆ ಸಿಗದೆ ಲಾಂಗ್-ಆಫ್‌ನಲ್ಲಿದ್ದ ಉಸ್ಮಾನ್ ಖಾನ್ ಕೈಸೇರಿತು. 61 ಎಸೆತಗಳಲ್ಲಿ 58 ರನ್ ಗಳಿಸಿ ಅಪಾಯಕಾರಿಯಾಗುತ್ತಿದ್ದ ಆರ್ಯವೀರ್ ವಿಕೆಟ್ ಪಡೆಯುವ ಮೂಲಕ ಪಾಕಿಸ್ತಾನ ನಿಟ್ಟುಸಿರು ಬಿಟ್ಟಿತು.

20 ಓವರ್‌ಗಳಲ್ಲಿ ಒಂದೇ ಒಂದು ಸಿಕ್ಸರ್ ಇಲ್ಲ – ಭಾರತದ ತಂತ್ರಗಾರಿಕೆ ಬಗ್ಗೆ ಪ್ರಶ್ನೆ

ಆರ್ಯವೀರ್ ನಿರ್ಗಮನದ ಬಳಿಕ 25 ಓವರ್‌ಗಳ ಅಂತ್ಯಕ್ಕೆ ಭಾರತ 1 ವಿಕೆಟ್ ನಷ್ಟಕ್ಕೆ 139 ರನ್ ಗಳಿಸಿದೆ. ಕ್ರೀಸ್‌ನಲ್ಲಿ ನಾಯಕ ಲಕ್ಷ್ಯ ರಾಯಚಂದಾನಿ (55)* ಹಾಗೂ ವಿ.ಕೆ. ವಿನೀತ್ (20)* ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಆದರೆ, 338 ರನ್‌ಗಳ ಬೃಹತ್ ಗುರಿ ಬೆನ್ನತ್ತುವಾಗ ಭಾರತದ ಬ್ಯಾಟಿಂಗ್ ಶೈಲಿ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಇನ್ನಿಂಗ್ಸ್‌ನ ಮೊದಲ 20 ಓವರ್‌ಗಳಲ್ಲಿ ಭಾರತದ ಬ್ಯಾಟರ್‌ಗಳಿಂದ ಒಂದೇ ಒಂದು ಸಿಕ್ಸರ್ ಸಿಡಿದಿಲ್ಲ. ನಾಯಕ ಲಕ್ಷ್ಯ ರಾಯಚಂದಾನಿ ಆರಂಭದಲ್ಲಿ 75 ಎಸೆತಗಳನ್ನು ಎದುರಿಸಿ ಕೇವಲ 3 ಬೌಂಡರಿಗಳೊಂದಿಗೆ 55 ರನ್ ಗಳಿಸಿದ್ದು ತಂಡದ ರನ್ ವೇಗಕ್ಕೆ ಹಿನ್ನಡೆಯಾಯಿತು. ವಿಕೆಟ್‌ಗಳು ಕೈಯಲ್ಲಿದ್ದರೂ ಆಕ್ರಮಣಕಾರಿ ಆಟದ (Intent) ಕೊರತೆ ಎದ್ದು ಕಾಣುತ್ತಿದ್ದು, ಪಂದ್ಯ ಗೆಲ್ಲಲು ಇನ್ನುಳಿದ ಬ್ಯಾಟರ್‌ಗಳು ವೇಗವಾಗಿ ರನ್ ಗಳಿಸಿ ಪಾಕ್ ಬೌಲರ್‌ಗಳ ಮೇಲೆ ಸವಾರಿ ಮಾಡಲೇಬೇಕಾದ ಒತ್ತಡಕ್ಕೆ ಸಿಲುಕಿದ್ದಾರೆ.

'ನಾನು ಯಾವತ್ತೂ ರೈತ ಆದವನಲ್ಲ, ರೈತರ ಕೆಲಸ ಮಾಡಿದವನಲ್ಲ; ವಿಡಿಯೋ ಹಂಚಿಕೊಂಡು ಶ್ರೀರಾಮ್ ಹೇಳಿದ್ದೇನು?

Shriram Bhat — Sat, 14 Nov 2026 16:30:02 +0530

'ಪ್ರೇಮದ ಊರಲಿ' ಸಿನಿಮಾ ಯಶಸ್ವಿಯಾಗಿ 50 ದಿನಗಳನ್ನು ಪೂರೈಸಿದೆ. 'ಈಗಿನ ಕಾಲದಲ್ಲಿ ಕನ್ನಡ ಚಿತ್ರಗಳಿಗೆ ಯಾರು ನೋಡುತ್ತಾರೆ, ಕನ್ನಡ ಸಿನಿಮಾರಂಗಕ್ಕೆ ಉಳಿಗಾಲವಿಲ್ಲ' ಎಂಬಂತಹ ಮಾತುಗಳ ನಡುವೆ ಈ ಸಿನಿಮಾ ನಿರೀಕ್ಷೆಗೂ ಮೀರಿದ ಸಾಧನೆ ಮಾಡಿದೆ. ಈ ಸಿನಿಮಾದ ಅಸಲಿ ಶಕ್ತಿ ಏನು? ನೋಡಿ..

ಈ ವರ್ಷದಲ್ಲಿ (2026) ಸ್ಯಾಂಡಲ್‌ವುಡ್ ಬ್ಲಾಕ್‌ ಬಾಸ್ಟರ್‌ ಸಿನಿಮಾ ‘ಪ್ರೇಮದ ಊರಲಿ’. ಕೇವಲ 60 ಶೋಗಳ ಮೂಲಕ ತನ್ನ ಜರ್ನಿ ಆರಂಭಿಸಿತ್ತು. ಆದರೆ, ಕಾಲ ಕಳೆದಂತೆ ಕನ್ನಡ ಸಿನಿಪ್ರೇಕ್ಷಕರು ಸಿನಿಮಾವನ್ನು ಮೆಚ್ಚಿ ಹಾರೈಸಿದ ಪರಿಣಾಮ ಕನ್ನಡ ಚಿತ್ರರಂಗಕ್ಕೆ ಹೊಸ ಆಶಾಕಿರಣವಾಗಿ ಬದಲಾಯ್ತು. ಶುರುವಿನಲ್ಲಿ ಇದ್ದ ಕಡಿಮೆ ಶೋ ಹಾಗೂ ಚಿತ್ರಮಂದಿರಗಳ ಸಂಖ್ಯೆ ಕೊನೆಗೆ 100 ಚಿತ್ರಮಂದಿರಗಳನ್ನು ಆವರಿಸಿಕೊಂಡು, 50 ದಿನಗಳನ್ನು ಯಶಸ್ವಿಯಾಗಿ ಪೂರೈಸಿದ ಇನ್ನೂ ಪ್ರದರ್ಶನ ಕಾಣುತ್ತಿರುವ ಹೆಮ್ಮಯ ಸಿನಿಮಾ ಅಗಿ ನಿಂತಿದೆ. ತಮ್ಮ ತಂಡದ ಈ 'ಸಿನಿಮಾ ಜರ್ನಿ' ಕುರಿತು ಸಂತು ಪಾತ್ರಧಾರಿ ಶ್ರೀರಾಮ್‌ ತಮ್ಮ ಅಧಿಕೃತ ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋ ಮೂಲಕ ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ್ದಾರೆ.

ಶ್ರೀರಾಮ್‌ ಹೇಳಿರುವುದೇನು?

ನಮ್ಮ 'ಪ್ರೇಮದ ಊರಲಿ' ಸಿನಿಮಾ 50 ದಿನಗಳನ್ನು ಪೂರೈಸಿದೆ. ಈ ಸಂಭ್ರಮವನ್ನು ಹೇಗೆ ಆಚರಿಸಿಕೊಳ್ಳಬೇಕು ಎಂದು ಗೊತ್ತಾಗಲಿಲ್ಲ. ಇದೀಗ ವಿಡಿಯೋ ಮೂಲಕ ಪ್ರತಿಯೊಬ್ಬರಿಗೂ ತಲುಪಿಸುವ ಪ್ರಯತ್ನ ಮಾಡುತ್ತಿದ್ದೇನೆ. ಮೊದಲ ದಿನದಿಂದಲೂ 50 ದಿನಗಳವರೆಗೆ ಸಿನಿಮಾವನ್ನು ನೋಡಿ, ಇಷ್ಟಪಟ್ಟು, ಪ್ರೀತಿಸಿ, ಹಾರೈಸಿ ಆಶೀರ್ವದಿಸಿದ ಎಲ್ಲ ಸಿನಿಪ್ರೇಕ್ಷಕರಿಗೂ ಹಾಗೂ ತಂತ್ರಜ್ಞರಿಗೂ ವಿಶೇಷ ಕೃತಜ್ಞತೆಗಳು'

'ನಾನು ಯಾವತ್ತೂ ರೈತ ಆದವನಲ್ಲ, ರೈತರ ಕೆಲಸ ಮಾಡಿದವನಲ್ಲ. ಆದರೆ, ಈ ಸಿನಿಮಾ ಮೂಲಕ ಮಣ್ಣನ್ನು ಸ್ಪರ್ಶ ಮಾಡಿದ್ದು ಯಾವತ್ತಿಗೂ ಮರೆಯುವುದಕ್ಕೆ ಸಾಧ್ಯವಿಲ್ಲ. ನಿರ್ದೇಶಕರು, ನಿರ್ಮಾಪಕರು, ಸಿನಿಮಾ ಎಡಿಟರ್ಸ್‌, ಕ್ಯಾಮರಾಮನ್ ರಾಜಕಾಂತ್ ಹಾಗೂ ಚಿತ್ರದ ಇತರ ಎಲ್ಲ ತಂತ್ರಜ್ಞರ ಪರಿಶ್ರಮ ಮತ್ತು ಅವರ ಬದ್ಧತೆಯನ್ನು ನೆನಪಿಸಿಕೊಳ್ಳಬೇಕು. ಅವರೆಲ್ಲರ ಕೊಡುಗೆ, ಪರಿಶ್ರಮದಿಂದ ಈ ಸಿನಿಮಾ ಜನರಿಗೆ ಇಷ್ಟವಾಗುವಂತೆ ಮೂಡಿಬಂದಿದೆ.

ಆಸ್ಕರ್ ಅಂಗಳಕ್ಕೆ ಕಾಲಿಟ್ಟ 'ರಾಮಾಯಣ: ಭಾಗ 1'- ಯಶ್ ಸಿನಿಮಾಗೆ 99ನೇ ಅಕಾಡೆಮಿ ಪ್ರಶಸ್ತಿ ಮೇಲೆ ಕಣ್ಣು!

ರಮಿಕಾ ಶಿವು ಅವರಿಗೆ ಇದು ಮೊದಲ ಸಿನಿಮಾ. ತುಂಬಾ ಚೆನ್ನಾಗಿ ನಟನೆ ಮಾಡಿದ್ದಾರೆ. ಇನ್ನು ತಪಸ್ವಿನಿ ಅವರದು ಕಿರುಚಾಡುವ ಪಾತ್ರ, ಹಾಗೂ ಹಲವು ಕಡೆ ಡೈಲಾಗ್ ಇಲ್ಲದೇ ಕಣ್ಣಲ್ಲಿಯೇ ಅಭಿನಯಿಸಿರುವ ಪಾತ್ರ. ಅದನ್ನು ಅವರು ಚೆನ್ನಾಗಿ ಮಾಡಿದ್ದಾರೆ. ನಿರ್ದೇಶಕರು ನನ್ನಿಂದ, ಅವರೆಲ್ಲರಿಂದ ಅಭಿನಯವನ್ನು ಚೆನ್ನಾಗಿ ಹೊರತೆಗೆಸಿದ್ದಾರೆ. ಇನ್ನು ನನ್ನ ಅಪನ್ನ ನಾಗಣ್ಣನ ಪಾತ್ರದಲ್ಲಿ ರಂಗಾಯಣ ರಘು ಸರ್‌ ಅವರೊಂದಿಗೆ ಕೆಲಸ ಮಾಡಿದ್ದು ನನ್ನ ಕೆರಿಯರ್‌ನಲ್ಲಿ ಇಲ್ಲಿಯವರೆಗಿನ ಅದ್ಭುತ ಅನುಭವ.

YASH Record: 'ಟಾಕ್ಸಿಕ್' ಲೈಫ್‌ಟೈಮ್ ದಾಖಲೆಯನ್ನು 6 ದಿನದಲ್ಲಿ ಉಡೀಸ್ ಮಾಡಿದ ಯಶ್ 'ರಾಮಾಯಣ'

ಈ ಸಿನಿಮಾವನ್ನು ನೋಡಿ, ಪದೇ ಪದೇ ವೀಕ್ಷಿಸಿ ಪ್ರೋತ್ಸಾಹಿಸಿದ ಎಲ್ಲಾ ಜನತೆಗೆ ಕೋಟಿ ಕೋಟಿ ನಮನ. ನಿಮ್ಮನ್ನೆಲ್ಲಾ ಭೇಟಿ ಮಾಡುವ ಆಸೆಯಿದೆ, ಆದರೆ ಆಗುತ್ತಿಲ್ಲ. ವಿಶೇಷವಾಗಿ ಉತ್ತರ ಕರ್ನಾಟಕದ ಜನತೆಗೆ ದಯವಿಟ್ಟು ಕ್ಷಮೆ ಇರಲಿ ಎಂದುಕೇಳಿಕೊಳ್ಳುತ್ತೇನೆ. ನಿಮ್ಮ ಕಡೆ ಬರುವ ಪ್ಲ್ಯಾನ್‌ ಮಾಡುತ್ತಿದ್ದೇವೆ. ಆದರೆ, ಆಗುತ್ತಿಲ್ಲ. ಖಂಡಿತ ಆದಷ್ಟು ಬೇಗ ಬಂದೇ ಬರುತ್ತೀವಿ. ಎಲ್ಲಾ ಕನ್ನಡಿಗರಿಗೆ, ಸಿನಿಪ್ರೇಕ್ಷಕರಿಗೆ ನನ್ನ ಹೃದಯಪೂರ್ವಕ ಕೃತಜ್ಞತೆಗಳನ್ನು ಅರ್ಪಿಸುತ್ತಿದ್ದೇನೆ' ಎಂದು 'ಪ್ರೇಮದ ಊರಲಿ' ಸಿನಿಮಾದ 'ಸಂತು' ಪಾತ್ರಧಾರಿ ಶ್ರೀರಾಮ್‌ ಹೇಳಿದ್ದಾರೆ.

ಯೋಗದ ಮಾರ್ಗದಲ್ಲಿ ಸಾಗಬೇಕು, ಆಧ್ಯಾತ್ಮಿಕ ಜೀವನ ನಡೆಸಬೇಕು; ಪವನ್ ಕಲ್ಯಾಣ್ ಮಾತು ವೈರಲ್!

ಅಂದಹಾಗೆ, 'ಪ್ರೇಮದ ಊರಲಿ' ಸಿನಿಮಾ ಯಶಸ್ವಿಯಾಗಿ 50 ದಿನಗಳನ್ನು ಪೂರೈಸಿದೆ. 'ಈಗಿನ ಕಾಲದಲ್ಲಿ ಕನ್ನಡ ಚಿತ್ರಗಳಿಗೆ ಯಾರು ನೋಡುತ್ತಾರೆ, ಕನ್ನಡ ಸಿನಿಮಾರಂಗಕ್ಕೆ ಉಳಿಗಾಲವಿಲ್ಲ' ಎಂಬಂತಹ ಮಾತುಗಳ ನಡುವೆ ಈ ಸಿನಿಮಾ ನಿರೀಕ್ಷೆಗೂ ಮೀರಿದ ಸಾಧನೆ ಮಾಡಿದೆ. ಈ ಸಿನಿಮಾದ ಅಸಲಿ ಶಕ್ತಿ ಕಥೆ ಹಾಗು ಚಿತ್ರಕಥೆ ಜೊತೆಗೆ ಸಂಭಾಷಣೆ, ಜೊತೆಗೆ ಎಲ್ಲಾ ಕಲಾವಿದರ ಅಮೋಘ ಅಭಿನಯ. ಯಾವುದೇ ಅಬ್ಬರದ ಪ್ರಚಾರವಿಲ್ಲ, ಪ್ಯಾನ್‌ ಇಂಡಿಯಾ ಕಾನ್ಸೆಪ್ಟ್‌ ಇಲ್ಲದೇ ₹100 ಕೋಟಿ ಕ್ಲಬ್‌ ಸೇರಿದ ಬ್ಲಾಕ್‌ಬಸ್ಟರ್‌ ಸಿನಿಮಾ ಈಗ ಅರ್ಧಶತಕ ಪೂರೈಸಿ ಮುಂದುವರೆದಿದೆ. ಈ ಕುರಿತು 'ಸಂತು' ಪಾತ್ರಧಾರಿ ನಟ ಶ್ರೀರಾಮ್ ತಮ್ಮ ಸೋಷಿಯಲ್ ಮೀಡಿಯಾ ಮೂಲಕ ಸಿನಿಪ್ರೇಕ್ಷಕರಿಗೆ ಧನ್ಯವಾದ ಸಲ್ಲಿಸಿ ಭಾವುಕ ಮಾತುಗಗಳ ವಿಡಿಯೋ ಹಂಚಿಕೊಂಡು ಮೆಚ್ಚುಗೆ ಗಳಿಸಿದ್ದಾರೆ.

Bigg Boss ಮನೆಯೊಳಗೇ ಸೌಂದರ್ಯ ಶೆಟ್ಟಿಗೆ ಕಚ್ಚಿದ ಹಾವು? ಹಲ್ಲಿನ ಗುರುತು ನೋಡಿ ಡಾಕ್ಟರ್ ಶಾಕ್

Suchethana D — Sat, 14 Nov 2026 16:29:04 +0530

ಈ ಬಾರಿಯ ಬಿಗ್ಬಾಸ್ ಹೇಳಿಕೊಳ್ಳುವಷ್ಟು ಸದ್ದೇನೂ ಮಾಡುತ್ತಿಲ್ಲ. 12ನೇ ಸೀಸನ್ ಇಷ್ಟೊತ್ತಿಗಾಗಲೇ ಹಂಗಾಮಾ ಸೃಷ್ಟಿಸಿತ್ತು. ಆದರೆ ಏನೇ ಸರ್ಕಸ್ ಮಾಡಿದರೂ ಬಿಗ್ಬಾಸ್ 13ರ ಬಗ್ಗೆ ವೀಕ್ಷಕರು ನಿರಾಸಕ್ತರಾಗಿದ್ದಾರೆ ಎಂದೇ ಅಂದುಕೊಳ್ಳಲಾಗುತ್ತಿದೆ. ಅದೇನೇ ಇದ್ದರೂ, ಸೌಂದರ್ಯ ಶೆಟ್ಟಿ (Bigg Boss Soundarya Shetty) ಮಾತ್ರ ಬಿಗ್ಬಾಸ್ ಮನೆಯನ್ನು ಸದಾ ಖುಷಿಯಾಗಿ ಲವಲವಿಕೆಯಿಂದ ಇಡುವಲ್ಲಿ ಸಕ್ಸಸ್ ಆಗಿದ್ದಾರೆ. ಇಂತಿಪ್ಪ ಸೌಂದರ್ಯ ಶೆಟ್ಟಿ ಅವರಿಗೆ ಬಿಗ್ಬಾಸ್ ಮನೆಯೊಳಗೇ ಈಗ ಹಾವು ಕಚ್ಚಿ ಸಕತ್ ಸದ್ದು ಮಾಡುತ್ತಿದ್ದಾರೆ. ಬಿಗ್ಬಾಸ್ ಮನೆಯೊಳಕ್ಕೆ ಡಾಕ್ಟರ್ ಕೂಡ ಎಂಟ್ರಿ ಕೊಟ್ಟಿದ್ದು, ಸೌಂದರ್ಯ ಶೆಟ್ಟಿ ಅವರಿಗೆ ಟ್ರೀಟ್ಮೆಂಟ್ ಕೊಡುತ್ತಿದ್ದಾರೆ.

ಹಾಗಂತ ಸೌಂದರ್ಯ ಶೆಟ್ಟಿ ಅಭಿಮಾನಿಗಳೇನೂ ಶಾಕ್ ಆಗಬೇಕಾಗಿಲ್ಲ. ಅಷ್ಟಕ್ಕೂ ಸೌಂದರ್ಯ ಅವರಿಗೆ ಕಚ್ಚಿದ್ದು ರಿಯಲ್ ಹಾವಲ್ಲ, ಬದಲಿಗೆ, ಟಾಸ್ಕ್ ಒಂದರ ವೇಳೆ ಗಾನವಿ ಅವರು ಅಕಸ್ಮಾತ್ ಮಾಡಿದ್ದ ಚಿಕ್ಕ ಗಾಯದಿಂದ, ತಮಗೆ ಹಾವು ಕಚ್ಚಿರುವುದಾಗಿ ಸೌಂದರ್ಯ ಹೇಳಿಕೊಂಡಿದ್ದಾರೆ. ಗಾನವಿ ಅವರು ಕೂಡ ಈ ಟಾಸ್ಕ್ ಅನ್ನು ಎಂಜಾಯ್ ಮಾಡಿದ್ದಾರೆ. ಅಷ್ಟಕ್ಕೂ ಸೌಂದರ್ಯ ಶೆಟ್ಟಿ ಅವರ ಪಂಚಿಂಗ್‌ ಡೈಲಾಗ್‌ಗಳು, ತಮಾಷೆಯ ವಿಷಯಗಳನ್ನೇ ಸೀರಿಯಸ್‌ ಆಗಿ ಹೇಳಿ ನಿಜವಿರುವಂತೆ ನಂಬಿಸಿ ಎಲ್ಲರನ್ನೂ ನಕ್ಕು ನಗಿಸುವಲ್ಲಿ ನಿಸ್ಸೀಮರು. ಅದೇ ರೀತಿಯ ಒಂದು ಘಟನೆಯಲ್ಲಿ ತಮಗೆ ಹಾವು ಕಚ್ಚಿರುವುದಾಗಿ ಅಲ್ಲಿಗೆ ಬಂದ ಲೇಡಿ ಡಾಕ್ಟರ್ ಬಳಿ ಅವರು ಹೇಳಿದ್ದಾರೆ. ತಮಗೆ ಹಲ್ಲಿನ ಗುರುತು ಕೂಡ ಆಗಿದ್ದು, ಇದು ಹಾವಿನದ್ದು ಎಂದು ಹೇಳಿ ತಮಾಷೆ ಮಾಡಿದ್ದಾರೆ.

ಅಷ್ಟಕ್ಕೂ ಆಗಿದ್ದೇನು?

ಬಣ್ಣ ಹಚ್ಚು ಟಾಸ್ಕ್‌ನಲ್ಲಿ ಸೌಂದರ್ಯ ಶೆಟ್ಟಿ ಅವರಿಗೆ ಗಾನವಿ ಗೌಡ ಅವರ ಹಲ್ಲು ಮೂಡುತ್ತೆ, ಇದರಿಂದ ಸಣ್ಣ ಗಾಯವಾಗುತ್ತೆ. ಇತ್ತ ಗಾನವಿ ಗೌಡ ಅವರು ಕೂಡ ಸುಮಾರು 20 ನಿಮಿಷಗಳವರೆಗೂ ಟಾಸ್ಕ್‌ ಆಡಲಿಲ್ಲ. ತಲೆ ಸುತ್ತಿ ಬಿದ್ದರು. ಮೊದಲು ಡಾಕ್ಟರ್‌ ಬಳಿ ಹೋಗುವ ಗಾನವಿ ಗೌಡ ಅವರು, ನನಗೆ ಏನೂ ನೆನಪಿಲ್ಲ, ನಾನು ಏಕೆ ಡಾಕ್ಟರ್‌ ಬಳಿ ಹೋಗಿದ್ದೆ? ಎಂದು ಡ್ರಾಮಾ ಮಾಡಿದರು. ಈ ಡ್ರಾಮಾವನ್ನು ಪ್ರಶಾಂತ್‌, ಕಿರಣ್‌ ಶಾಸ್ತ್ರಿ ನಂಬಿದರು ಕೂಡ.

ಇತ್ತ ಸೌಂದರ್ಯ ಶೆಟ್ಟಿ ಅವರು ಗಾನವಿ ಅವರನ್ನು ಅಣುಕಿಸುವ ರೀತಿಯಲ್ಲಿ "ನನಗೆ ಹಾವು ಕಚ್ಚಿದೆ ಡಾಕ್ಟರ್. ಬೇಗ ಚಿಕಿತ್ಸೆ ಕೊಡಿ, ಬಿಗ್‌ ಬಾಸ್‌ ಮನೆಯ ಹಾವು ಇದು. ನನ್ನನ್ನು ನಾನು ಬಚಾವ್‌ ಮಾಡಿಕೊಂಡು ಆಟ ಆಡುತ್ತಿದ್ದೆ, ಆದರೆ, ಆ ಹಾವು ಕಚ್ಚಿದೆ, ನನಗೆ ಫುಲ್‌ ತಲೆ ನೋವು ಆಗುತ್ತಿದೆ. ಗಾಯ ಚಿಕ್ಕದಾದರೂ ಬ್ಯಾಂಡೇಜ್‌ ದೊಡ್ಡದಾಗಿ ಹಾಕಿ, ಆ ಹಾವಿಗೆ ನಾನು ತೋರಿಸಬೇಕು. ಏಕೆಂದರೆ, ಕಚ್ಚಿದ್ದು ನನಗೆ,ಆದರೆ ಮತಿಭ್ರಮಣೆ ಆಗಿರುವುದು ಆ ಹಾವಿಗೆ" ಎಂದು ಸೌಂದರ್ಯ ಶೆಟ್ಟಿ ಅವರು ಗಾನವಿ ಗೌಡ ವರ್ತನೆಯನ್ನು ಸಖತ್‌ ಲೇವಡಿ ಮಾಡಿದ್ದಾರೆ, ಡಾಕ್ಟರ್‌ ಬಳಿ ನಡೆದ ಈ ಮಾತುಕತೆ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗಿದೆ.

ಬೆಂಚ್‌ನಲ್ಲಿ ಕೂರಿಸಿದ್ರು, ತಂಡದಿಂದ ಹೊರಹಾಕಿದ್ರು; 6,6,6,4,6,4 ಬಿಸಿಸಿಐಗೆ ಬ್ಯಾಟ್‌ ಮೂಲಕವೇ ಉತ್ತರ ನೀಡಿದ ಸೂರ್ಯಕುಮಾರ್!

Bhimasi M Koleppanavar — Sat, 14 Nov 2026 16:24:08 +0530

ಟಿ20 ವಿಶ್ವಕಪ್ ಗೆದ್ದುಕೊಟ್ಟ ನಂತರ ಸೂರ್ಯಕುಮಾರ್ ಯಾದವ್ ಟೀಮ್ ಇಂಡಿಯಾ ಜರ್ಸಿಯಲ್ಲಿ ಮತ್ತೆ ಕಾಣಿಸಿಕೊಳ್ಳಲೇ ಇಲ್ಲ. ಕೇವಲ ನಾಯಕತ್ವ ಮಾತ್ರ ಬದಲಾಗಬಹುದು ಎಂದು ಅಂದುಕೊಂಡಿದ್ದ ಅಭಿಮಾನಿಗಳಿಗೆ, ಅವರನ್ನು ತಂಡದಿಂದಲೇ ಕೈಬಿಟ್ಟಿದ್ದು ಅರಗಿಸಿಕೊಳ್ಳಲಾಗಲಿಲ್ಲ. ಸ್ವತಃ ಸೂರ್ಯಕುಮಾರ್‌ಗೂ ಈ ಆಘಾತದಿಂದ ಹೊರಬರಲು ಕಷ್ಟವಾಗಿತ್ತು ಎಂಬುದು ಅವರ ಮಾತುಗಳಲ್ಲಿಯೇ ವ್ಯಕ್ತವಾಗಿತ್ತು. ಇದೀಗ ಸತತ ಕಾಯುವಿಕೆಯ ನಂತರ ದೇಶೀಯ ಕ್ರಿಕೆಟ್‌ಗೆ ಮರಳಿರುವ ಸೂರ್ಯ, ಹೈದರಾಬಾದ್ ವಿರುದ್ಧ ಕೇವಲ 15 ಎಸೆತಗಳಲ್ಲಿ ಅರ್ಧಶತಕ (21 ಎಸೆತಗಳಲ್ಲಿ ಅಜೇಯ 60 ರನ್) ಸಿಡಿಸುವ ಮೂಲಕ ಆಯ್ಕೆಗಾರರಿಗೆ ಬ್ಯಾಟ್ ಮೂಲಕವೇ ಖಡಕ್ ಉತ್ತರ ನೀಡಿದ್ದಾರೆ.

ಮೊದಲ ಪಂದ್ಯದಲ್ಲೇ ಅಬ್ಬರದ ಬ್ಯಾಟಿಂಗ್!

ಟೀಂ ಇಂಡಿಯಾದ ಮಾಜಿ ವಿಶ್ವಕಪ್ ವಿಜೇತ ನಾಯಕ ಸೂರ್ಯಕುಮಾರ್ ಯಾದವ್‌ರನ್ನು ವಿಶ್ವಕಪ್ ಗೆದ್ದ ನಂತರವೂ ನಾಯಕತ್ವದಿಂದ ತೆಗೆದುಹಾಕಲಾಯಿತು. ಅಷ್ಟೇ ಅಲ್ಲ, ಸೂರ್ಯಕುಮಾರ್ ಯಾದವ್ ಅವರನ್ನು ಟಿ20 ತಂಡದಲ್ಲಿ ಸೇರಿಸಲಾಗಿಲ್ಲ. ಇದು ಸೂರ್ಯಕುಮಾರ್ ಅವರ ಸಮಸ್ಯೆ ಹೆಚ್ಚಿಸಿತು. ಸೂರ್ಯಕುಮಾರ್ ಯಾದವ್ ತಕ್ಷಣವೇ ಆಯ್ಕೆದಾರರು ಮತ್ತು ಬಿಸಿಸಿಐ ಅವರನ್ನು ತಮ್ಮತ್ತ ಸೆಳೆಯುವಂತೆ ಮಾಡಿದರು ಮತ್ತು ಮೊದಲ ಪಂದ್ಯದಲ್ಲೇ ಅಬ್ಬರದ ಬ್ಯಾಟಿಂಗ್ ಮೂಲಕ ಪ್ರತಿಕ್ರಿಯಿಸಿದ್ದಾರೆ. ಸೂರ್ಯಕುಮಾರ್ ಕೇವಲ 15 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿ ಮುಂಬೈ ಗೆಲುವಿನತ್ತ ಮುನ್ನಡೆಸಿದರು.

ಹೈದರಬಾದ್‌ ವಿರುದ್ಧ ಸೂರ್ಯ ತಾಂಡವ!

ಸೈಯದ್ ಮುಷ್ತಾಕ್ ಅಲಿ ಟ್ರೋಫಿಯಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಹೈದರಾಬಾದ್ ತಂಡ 20 ಓವರ್‌ಗಳಲ್ಲಿ 10 ವಿಕೆಟ್ ನಷ್ಟಕ್ಕೆ 172 ರನ್ ಗಳಿಸಿತು. ಆದರೆ ಮುಶೀರ್ ಖಾನ್ ಮತ್ತು ಸೂರ್ಯಕುಮಾರ್ ಯಾದವ್ ಅವರ ಅಬ್ಬರದ ಆಟದಿಂದಾಗಿ ಮುಂಬೈ ಗೆಲ್ಲಲು 173 ರನ್‌ಗಳ ಗುರಿ ಅತೀ ಬೇಗವಾಗಿ ತಲುಪಿತು. ಮುಂಬೈ ತಂಡದ ನಾಯಕ ಸೂರ್ಯಕುಮಾರ್ ಯಾದವ್ 21 ಎಸೆತಗಳಲ್ಲಿ 60 ರನ್ ಗಳಿಸಿದರು. ಅವರು 285.71 ಸ್ಟ್ರೈಕ್ ರೇಟ್ ನಲ್ಲಿ ಬ್ಯಾಟಿಂಗ್ ಮಾಡಿದರು. ಸೂರ್ಯಕ್ 6 ಬೌಂಡರಿ ಮತ್ತು 5 ಸಿಕ್ಸರ್ ಗಳನ್ನು ಬಾರಿಸಿ ಮುಂಬೈ ತಂಡವನ್ನು ಗೆಲುವಿನತ್ತ ಕೊಂಡೊಯ್ದಿದ್ದಾರೆ.

ಅರ್ಧಶತಕ ಬಾರಿಸಿದ ಮುಶೀರ್!

ಮುಂಬೈ ಪರ ಆಡುತ್ತಾ, ಮುಶೀರ್ ಖಾನ್ 24 ಎಸೆತಗಳಲ್ಲಿ 51 ರನ್ ಗಳಿಸಿದರು. ಶಿವಂ ದುಬೆ 5 ಎಸೆತಗಳಲ್ಲಿ 13 ರನ್ ಗಳಿಸುವ ಮೂಲಕ ಪಂದ್ಯವನ್ನು ಕೊನೆಗೊಳಿಸಿದರು. ಶಿವಂ ದುಬೆ ಬೌಲಿಂಗ್‌ನಲ್ಲಿಯೂ ಅದ್ಭುತ ಕೆಲಸ ಮಾಡಿದರು ಮತ್ತು ಎರಡು ವಿಕೆಟ್‌ಗಳನ್ನು ಪಡೆದರು. ಮುಂಬೈ ತಂಡವು ಕೇವಲ 13.1 ಓವರ್‌ಗಳಲ್ಲಿ 3 ವಿಕೆಟ್‌ಗಳ ನಷ್ಟಕ್ಕೆ 174 ರನ್‌ಗಳ ಗುರಿಯನ್ನು ತಲುಪಿತು ಮತ್ತು 7 ವಿಕೆಟ್‌ಗಳ ಭರ್ಜರಿ ಗೆಲುವು ಸಾಧಿಸಿತು. ಹೀಗಾಗಿ, ಮುಂಬೈ ತಂಡವು ಮೊದಲ ಪಂದ್ಯವನ್ನೇ ಗೆದ್ದಿದೆ.

ಬೆಂಗಳೂರಿನ ಕಸದಿಂದ ಶುದ್ಧ ಇಂಧನ ಮತ್ತು ಸಾವಯವ ಗೊಬ್ಬರ: ₹123 ಕೋಟಿ ವೆಚ್ಚದಲ್ಲಿ ಬೃಹತ್ ಬಯೋಗ್ಯಾಸ್ ಘಟಕ ಸ್ಥಾಪನೆಗೆ ಗೇಲ್ ಪ್ರಸ್ತಾಪ

Santosh Naik — Sat, 14 Nov 2026 16:06:33 +0530

ಬೆಂಗಳೂರು (ನ.14): ರಾಜಧಾನಿ ಬೆಂಗಳೂರಿನ ತ್ಯಾಜ್ಯ ಸಮಸ್ಯೆಗೆ ವೈಜ್ಞಾನಿಕ ಹಾಗೂ ಸುಸ್ಥಿರ ಪರಿಹಾರ ಒದಗಿಸುವ ನಿಟ್ಟಿನಲ್ಲಿ ಸರ್ಕಾರಿ ಸ್ವಾಮ್ಯದ 'ಗೇಲ್ (ಇಂಡಿಯಾ) ಲಿಮಿಟೆಡ್' (GAIL) ಮಹತ್ವದ ಹೆಜ್ಜೆಯಿಟ್ಟಿದೆ: ನಗರದ ಕರ್ನಾಟಕ ಕಾಂಪೋಸ್ಟ್ ಅಭಿವೃದ್ಧಿ ನಿಗಮದ (KCDC) ಆವರಣದಲ್ಲಿ ₹123 ಕೋಟಿ ವೆಚ್ಚದಲ್ಲಿ ನಗರ ತ್ಯಾಜ್ಯ ಆಧಾರಿತ ಸಂಕುಚಿತ ಜೈವಿಕ ಅನಿಲ (Compressed Biogas - CBG) ಘಟಕವನ್ನು ಸ್ಥಾಪಿಸಲು ಗೇಲ್ ಪ್ರಸ್ತಾವನೆ ಸಲ್ಲಿಸಿದೆ. ಗೇಲ್ ಸಂಸ್ಥೆಯು ಬಿಡುಗಡೆ ಮಾಡಿರುವ ಅಧಿಕೃತ ಪತ್ರಿಕಾ ಪ್ರಕಟಣೆಯ ಪ್ರಕಾರ, ಸುಮಾರು 18 ಎಕರೆ ಪ್ರದೇಶದಲ್ಲಿ ಈ ಬೃಹತ್ ಘಟಕವನ್ನು ನಿರ್ಮಿಸಲು ಉದ್ದೇಶಿಸಲಾಗಿದೆ.

ಪ್ರತಿದಿನ ಬೆಂಗಳೂರಿನಲ್ಲಿ ಸಂಗ್ರಹವಾಗುವ 300 ಟನ್ ವಿಂಗಡಿಸಿದ ಸಾವಯವ ನಗರ ತ್ಯಾಜ್ಯವನ್ನು (Segregated organic municipal waste) ಈ ಘಟಕದಲ್ಲಿ ಸಂಸ್ಕರಿಸಿ, ನಿತ್ಯ ಸುಮಾರು 12.6 ಟನ್ ಸಂಕುಚಿತ ಜೈವಿಕ ಅನಿಲ (CBG) ಮತ್ತು 21.6 ಟನ್ ಸಾವಯವ ಗೊಬ್ಬರವನ್ನು (Fermented organic manure) ಉತ್ಪಾದಿಸುವ ಸಾಮರ್ಥ್ಯವನ್ನು ಈ ಪ್ಲಾಂಟ್ ಹೊಂದಿರಲಿದೆ.

'ಗೇಲ್ ಗ್ಯಾಸ್' ಮೂಲಕ ಶುದ್ಧ ಇಂಧನ ಪೂರೈಕೆ

ಈ ಉದ್ದೇಶಿತ ಯೋಜನೆಯ ಕುರಿತು ಬುಧವಾರ ವಿಶೇಷ ಜಾಗೃತಿ ಅಧಿವೇಶನವನ್ನು (Awareness session) ಆಯೋಜಿಸಲಾಗಿತ್ತು. ಈ ಘಟಕದಲ್ಲಿ ಉತ್ಪಾದನೆಯಾಗುವ ಜೈವಿಕ ಅನಿಲವನ್ನು ಗೇಲ್‌ನ ಸಂಪೂರ್ಣ ಸ್ವಾಮ್ಯದ ಅಂಗಸಂಸ್ಥೆಯಾದ 'ಗೇಲ್ ಗ್ಯಾಸ್' (GAIL Gas) ಸಂಸ್ಥೆಗೆ ಪೂರೈಸಲಾಗುವುದು. ಅಲ್ಲಿಂದ ನಗರದ ಗ್ರಾಹಕರು ಹಾಗೂ ವಾಹನಗಳಿಗೆ ಶುದ್ಧ ಇಂಧನವಾಗಿ (Clean fuel) ವಿತರಣೆ ಮಾಡಲಾಗುತ್ತದೆ.

ದುರ್ವಾಸನೆ ತಡೆ ವ್ಯವಸ್ಥೆ ಹಾಗೂ ಲ್ಯಾಂಡ್‌ಫಿಲ್ ಹೊರೆ ಇಳಿಕೆ

ಬೆಂಗಳೂರಿನ ತ್ಯಾಜ್ಯವನ್ನು ಭೂಭರ್ತಿ ಕೇಂದ್ರಗಳಿಗೆ (Landfill disposal / ಡಂಪಿಂಗ್ ಯಾರ್ಡ್) ಸಾಗಿಸುವ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲು ಈ ಯೋಜನೆ ಸಹಕಾರಿಯಾಗಲಿದೆ ಎಂದು ಗೇಲ್ ತಿಳಿಸಿದೆ. ಸ್ಥಳೀಯ ನಿವಾಸಿಗಳಿಗೆ ಯಾವುದೇ ತೊಂದರೆಯಾಗದಂತೆ ಮತ್ತು ಪರಿಸರದ ಮೇಲಿನ ಪರಿಣಾಮವನ್ನು ಕನಿಷ್ಠಗೊಳಿಸಲು ಈ ಘಟಕದಲ್ಲಿ ಅತ್ಯಾಧುನಿಕ ದುರ್ವಾಸನೆ ನಿಯಂತ್ರಣ (Odour-control) ಮತ್ತು ತ್ಯಾಜ್ಯ ನೀರು ಸಂಸ್ಕರಣಾ ವ್ಯವಸ್ಥೆಗಳನ್ನು (Effluent-treatment systems) ಅಳವಡಿಸಲಾಗುತ್ತದೆ.

ಕರ್ನಾಟಕದ ತ್ಯಾಜ್ಯ ನಿರ್ವಹಣಾ ಮೂಲಸೌಕರ್ಯವನ್ನು ಬಲಪಡಿಸುವ ಮತ್ತು ನಗರದ ತ್ಯಾಜ್ಯವನ್ನು ಶುದ್ಧ ಇಂಧನ ಹಾಗೂ ಸಾವಯವ ಗೊಬ್ಬರವನ್ನಾಗಿ ಪರಿವರ್ತಿಸುವ ಮೂಲಕ 'ವೃತ್ತಾಕಾರದ ಆರ್ಥಿಕತೆಯನ್ನು' (Circular economy) ಉತ್ತೇಜಿಸುವ ಪ್ರಯತ್ನಗಳ ಭಾಗವಾಗಿ ಈ ಉಪಕ್ರಮವನ್ನು ಕೈಗೊಳ್ಳಲಾಗಿದೆ. ಈ ಯೋಜನೆಯು ನಗರದ ಸಾವಯವ ತ್ಯಾಜ್ಯದ ಸಮರ್ಪಕ ಬಳಕೆಯನ್ನು ಸುಧಾರಿಸುವುದರ ಜೊತೆಗೆ, ರಾಜ್ಯದಲ್ಲಿ ಸಂಕುಚಿತ ಜೈವಿಕ ಅನಿಲ ಉತ್ಪಾದನೆಯ ವಿಸ್ತರಣೆಗೆ ದೊಡ್ಡ ಮಟ್ಟದ ಬೆಂಬಲ ನೀಡುವ ನಿರೀಕ್ಷೆಯಿದೆ.

ವಾಯು ಮಾಲಿನ್ಯಕ್ಕೆ ಬೆಂಗಳೂರು ಟೆಕ್ಕಿಯ ಸ್ಮಾರ್ಟ್ ಪರಿಹಾರ; 15 ಲಕ್ಷ ಜನರ ಉಸಿರಾಟಕ್ಕೆ ಆಸರೆಯಾದ ಹೊಸ ತಂತ್ರಜ್ಞಾನ

Ganesh Mabla Gowda — Sat, 14 Nov 2026 16:04:52 +0530

ಬೆಂಗಳೂರು: ಇವತ್ತು ದೊಡ್ಡ ದೊಡ್ಡ ಸಿಟಿಗಳಲ್ಲಿ ವಾಯು ಮಾಲೀನ್ಯ ದೊಡ್ಡ ತಲೆನೋವು ತಂದಿಟ್ಟಿದೆ. ಬೆಂಗಳೂರು, ದೆಹಲಿ ಹಾಗೂ ಮುಂಬೈನಂಥ ಸಿಟಿಗಳಲ್ಲಿ ವಾಯು ಮಾಲಿನ್ಯ ಕೆಟ್ಚ ಪರಿಣಾಮ ಬೀರುತ್ತಿದೆ. ಕೇವಲ ಬೀದಿಯ ಗಾಳಿ ಮಾತ್ರವಲ್ಲ, ದೊಡ್ಡ ದೊಡ್ಡ ಕಚೇರಿಗಳು, ಮಾಲ್‌ಗಳು ಮತ್ತು ಐಟಿ ಪಾರ್ಕ್‌ಗಳ ಒಳಗಿನ ಗಾಳಿಯೂ ಅನೇಕ ಬಾರಿ ಕಲುಷಿತಗೊಳ್ಳುತ್ತದೆ. ಇದನ್ನು ಶುದ್ಧೀಕರಿಸಲೆಂದೇ Air Purifiers ಮಾರುಕಟ್ಟೆಯಲ್ಲಿವೆ.

ಆದರೆ ದುಬಾರಿ ಬೆಲೆಯ ಏರ್ ಪ್ಯೂರಿಫೈಯರ್‌ಗಳನ್ನು ಖರೀದಿಸುವುದು ಎಲ್ಲರಿಗೂ ಸಾಧ್ಯವಿಲ್ಲ. ಇದನ್ನು ಮನಗಂಡ ಬೆಂಗಳೂರಿನ ಸ್ಟಾರ್ಟ್‌ಅಪ್ ಒಂದು ಎಸಿಗಳನ್ನೇ (AC) ಸ್ಮಾರ್ಟ್ ಏರ್ ಪ್ಯೂರಿಫೈಯರ್‌ಗಳನ್ನಾಗಿ ಬದಲಿಸಿ ಸಕ್ಸಸ್ ಕಾಣ್ತಿದೆ. ವರದಿಗಳ ಪ್ರಕಾರ ಪ್ರತಿದಿನ ಬರೋಬ್ಬರಿ 15 ಲಕ್ಷ ಜನರಿಗೆ ಶುದ್ಧ ಗಾಳಿ ಉಸಿರಾಡಲು ಸಹಾಯ ಮಾಡುತ್ತಿದೆ.

ಯಾವುದು ಆ ಕಂಪನಿ?

ಆ ಕಂಪನಿಯ ಹೆಸರು ‘ಕ್ಲೈರ್ಕೋ’ (Clairco). ಇದನ್ನು ಆಯುಷ್ ಝಾ ಅನ್ನೋ ಬೆಂಗಳೂರಿನಲ್ಲಿ 2018ರಲ್ಲಿ ಹುಟ್ಟುಹಾಕಿದರು. ಈ ಕ್ಲೀನ್-ಟೆಕ್ ಸ್ಟಾರ್ಟ್‌ಅಪ್ ಪ್ರಾರಂಭಿಸಲು ಬಲವಾದ ಕಾರಣ ಕೂಡ ಇದೆ. ಆಯುಷ್ ಝಾ ಅವರು 2017ರಲ್ಲಿ ದೆಹಲಿಯಲ್ಲಿದ್ದರು. ಈ ವೇಳೆ ತೀವ್ರ ವಾಯು ಮಾಲಿನ್ಯದಿಂದಾಗಿ ಆಸ್ಪತ್ರೆ ಸೇರಿದ್ದರು. ಬಳಿಕ ಮನೆಗೆ ಏರ್ ಪ್ಯೂರಿಫೈಯರ್ ಹಾಕಿಸಲು ಮುಂದಾಗಿದ್ದರು. ಆದರೆ ಅದಕ್ಕೆ ಬರೋಬ್ಬರಿ ಎರಡು ಲಕ್ಷ ರೂಪಾಯಿ ಎಂದು ತಿಳಿಯಿತು. ಇಷ್ಟೊಂದು ದುಬಾರಿ ಆದರೆ ಜನ ಹೇಗೆ ಇದನ್ನು ಕೊಂಡುಕೊಳ್ಳುತ್ತಾರೆ? ಇದಕ್ಕೆ ಏನಾದರೂ ಪರಿಹಾರ ಕಂಡುಕೊಳ್ಳಬೇಕಲ್ಲ ಎಂದು ಪ್ಲಾನ್ ಮಾಡಿದರು. ಅಂತೆಯೇ ಮನೆಯಲ್ಲಿದ್ದ ಎಸಿಗೆ ಗಾಳಿ ಶುದ್ಧೀಕರಿಸುವ ಫಿಲ್ಟರ್‌ಗಳನ್ನು ಜೋಡಿಸಿದರು. ಈ ಸರಳ ಪ್ರಯೋಗದಲ್ಲಿ ಅವರು ಯಶಸ್ಸು ಕಂಡರು. ನಂತರ Clairco ಹುಟ್ಟುಹಾಕಿದರು.

Clairco ಹೇಗೆ ಕೆಲಸ ಮಾಡುತ್ತದೆ?

Retrofit Nano-Filters: ಎಸಿ ಯುನಿಟ್‌ಗಳ ಒಳಗೆ ವಿಶೇಷವಾದ ‘ಲೋ-ಡ್ರ್ಯಾಗ್ ನ್ಯಾನೋ-ಟೆಕ್’ ಮತ್ತು ಸೂಕ್ಷ್ಮ ಧೂಳಿನ ಫಿಲ್ಟರ್‌ಗಳನ್ನು ಅಳವಡಿಸಲಾಗುತ್ತದೆ. ಇವು ಗಾಳಿಯ ಹರಿವಿಗೆ ಯಾವುದೇ ಅಡ್ಡಿಯಾಗದಂತೆ ಗಾಳಿಯಲ್ಲಿರುವ ಅಪಾಯಕಾರಿ PM2.5, PM10 ಧೂಳಿನ ಕಣಗಳು, ಹಾನಿಕಾರಕ ಅನಿಲಗಳು (VOCs) ಮತ್ತು ರೋಗಾಣುಗಳನ್ನು ಸಂಪೂರ್ಣವಾಗಿ ತಡೆದು ಶುದ್ಧ ಗಾಳಿ ನೀಡುತ್ತವೆ.

IoT ಮತ್ತು AI ಸ್ಮಾರ್ಟ್ ಸೆನ್ಸಾರ್‌ಗಳು: ಕೇವಲ ಗಾಳಿ ಶುದ್ಧಗೊಳಿಸುವುದು ಮಾತ್ರವಲ್ಲ. ಕಂಪನಿಯು ತನ್ನದೇ ಆದ ವಿಶೇಷ ಸೆನ್ಸಾರ್‌ಗಳನ್ನು ಬಳಸುತ್ತದೆ. ಗಾಳಿಯ ಗುಣಮಟ್ಟ ಅಳೆಯಲು sensi AIR, ಜನರ ಓಡಾಟವನ್ನು ಗಮನಿಸಲು ‘ಕ್ಲೈರ್ ಕೌಂಟ್’ (clair COUNT) ಹಾಗೂ ಜನರ ಇರುವಿಕೆಗೆ ತಕ್ಕಂತೆ ತಾಪಮಾನ ನಿಯಂತ್ರಿಸಲು clair POINT ತಂತ್ರಜ್ಞಾನ ಬಳಸಲಾಗುತ್ತದೆ. ಕಟ್ಟಡದ ಯಾವ ಭಾಗದಲ್ಲಿ ಎಷ್ಟು ಜನರಿದ್ದಾರೋ ಅಲ್ಲಿಗೆ ತಕ್ಕಂತೆ ತಂಪು ಮತ್ತು ಗಾಳಿಯ ಪ್ರಮಾಣವನ್ನು ಎಐ ಸ್ವಯಂಚಾಲಿತವಾಗಿ ಹೊಂದಾಣಿಕೆ ಮಾಡುತ್ತದೆ.

ವಿದ್ಯುತ್ ಉಳಿತಾಯ: ದೊಡ್ಡ ಕಟ್ಟಡಗಳ ಎಸಿ ವಿದ್ಯುತ್ ಬಳಕೆಯನ್ನು ಶೇಕಡಾ 35ರವರೆಗೆ ಕಡಿಮೆ ಮಾಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.

ಕ್ಲೈರ್ಕೋದ ಇನ್ನೊಂದು ವಿಶೇಷತೆ ಏನೆಂದರೆ.. ಗ್ರಾಹಕರು ಯಂತ್ರೋಪಕರಣಗಳಿಗಾಗಿ ಆರಂಭದಲ್ಲಿ ಯಾವುದೇ ದೊಡ್ಡ ಮೊತ್ತದ ಹಣ ಪಾವತಿಸಬೇಕಾಗಿಲ್ಲ. ಕಂಪನಿಯು ಸಬ್‌ಸ್ಕ್ರಿಪ್ಷನ್ ಮತ್ತು ವಿದ್ಯುತ್ ಉಳಿತಾಯದ ಹಂಚಿಕೆ (Shared-savings) ಮಾದರಿಯಲ್ಲಿ ಸೇವೆ ನೀಡುತ್ತದೆ. ಇಂದು WeWork, CapitaLand, Brigade Group ಮತ್ತು JLL ನಂತಹ ದೇಶದ ಪ್ರಮುಖ ಐಟಿ ಪಾರ್ಕ್‌ಗಳು ಹಾಗೂ ಕಮರ್ಷಿಯಲ್ ಕಟ್ಟಡಗಳು ಕ್ಲೈರ್ಕೋ ತಂತ್ರಜ್ಞಾನವನ್ನು ಬಳಸುತ್ತಿವೆ. ದುಬಾರಿ ವೆಚ್ಚವಿಲ್ಲದೆ, ಇರುವ ವ್ಯವಸ್ಥೆಯಲ್ಲೇ ಶುದ್ಧ ಗಾಳಿ ಮತ್ತು ವಿದ್ಯುತ್ ಉಳಿತಾಯ ಎರಡನ್ನೂ ನೀಡುವ ಮೂಲಕ ಬೆಂಗಳೂರಿನ ಈ ಸ್ಟಾರ್ಟ್‌ಅಪ್ ಜರನ ಮೆಚ್ಚುಗೆಗೆ ಪಾತ್ರವಾಗಿದೆ.

ಜೆನ್ಸನ್ ಹುವಾಂಗ್ ಅಕ್ರಮ ಸಂಬಂಧದಿಂದ ಈ ಸ್ಟಾರ್ಟ್ಅಪ್ ಕಂಪನಿಗೆ ಭರ್ಜರಿ ಲಾಭ, ಏನಿದು ಅಚ್ಚರಿ?

Chethan Kumar — Sat, 14 Nov 2026 15:59:38 +0530

ಸಿಂಗಾಪುರ (ನ.14) ಚಿಪ್ ತಯಾರಿಕಾ ಎನ್ವಿಡಿಯಾ ಕಂಪನಿ ಸಹ ಸಂಸ್ಥಾಪಕ ಹಾಗೂ ಸಿಇಒ ಜೆನ್ಸನ್ ಹುವಾಂಗ್ ಅಕ್ರಮ ಸಂಬಂಧ, ಚೀನಾದ ಗೂಢಚರ್ಯೆ ಪ್ರಕರಣದಿಂದ ಕೋಲಾಹಲ ಸೃಷ್ಟಿಯಾಗಿದೆ. ಪತ್ನಿ ಹಾಗೂ ಮಕ್ಕಳಿಗೆ ವಂಚಿಸಿ ಚೀನಾದ ಗೂಢಚಾರಣಿ ಜೊತೆ ಅಕ್ರಮ ಸಂಬಂಧ ಬೆಳೆಸಿದ ಆರೋಪದಿಂದ ಸಮಸ್ಯೆ ತೀವ್ರಗೊಂಡಿದೆ. ಅಕ್ರಮ ಸಂಬಂಧ ಒಪ್ಪಿಕೊಂಡಿರುವ ಹುವಾಂಗ್ ಪತ್ನಿ ಹಾಗೂ ಮಕ್ಕಳಲ್ಲಿ ಕ್ಷಮೆ ಕೋರಿದ್ದಾರೆ. ಇತ್ತ ಎನ್ವಿಡಿಯಾ ಕಂಪನಿ ಸಿಇಒ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ. ಎನ್ವಿಡಿಯಾ ಷೇರುಗಳು ಭಾರಿ ಕುಸಿತ ಕಂಡಿದೆ. ಕಂಪನಿ ಮೌಲ್ಯ ಕುಸಿತದಿಂದ ನಷ್ಟ ಅನುಭವಿಸಿದೆ. ಆದರೆ ಹುವಾಂಗ್ ಅಕ್ರಮ ಸಂಬಂಧದಿಂದ ಅಮೆರಿಕದಿಂದ ದೂರದಲ್ಲಿರುವ ಸಿಂಗಾಪುರದ ಸ್ಟಾರ್ಟ್ ಅಪ್ ಕಂಪನಿ ಭಾರಿ ಲಾಭ ಮಾಡಿಕೊಂಡಿದೆ.

ಲಾಭ ಮಾಡಿಕೊಂಡಿದ್ದು ಹೇಗೆ

ಎನ್ವಿಡಿಯಾ ಕಂಪನಿ ಷೇರುಗಳ ಮೌಲ್ಯ ಕುಸಿತದಿಂದ ಸಂಕಷ್ಟಗಳ ಸರಮಾಲೆ ತೀವ್ರಗೊಂಡಿದೆ. ಎನ್ವಿಡಿಯಾದಲ್ಲಿನ ಕೋಲಾಹಲ ಇದಕ್ಕೆ ಸಪ್ಲೈ ಚೈನ್‌ನಲ್ಲಿರುವ ಇತರ ಕಂಪನಿಗಳ ಮೇಲೂ ಪರಿಣಾಮ ಬಿದ್ದಿದೆ. ಆದರೆ ದೂರದಲ್ಲಿರುವ ಸಿಂಗಾಪುರದ ಲೈಕಾನ ಸ್ಟಾರ್ಟ್ಅಪ್ ಕಂಪನಿ ಭರ್ಜರಿ ಲಾಭ ಮಾಡಿಕೊಂಡಿದೆ. ಲೈಕಾನಾ ಎಐ ಸ್ಟಾರ್ಟ್ಅಪ್ ಕಂಪನಿಯಾಗಿದೆ. ಎನ್ವಿಡಿಯಾ ಕಂಪನಿಯಿಂದ ಹೊರನಡೆದ ಜೆನ್ಸನ್ ಹುವಾಂಗ್ ಪ್ರಕರಣವೇ ಈ ಲೈಕಾನಾ ಕಂಪನಿಯ ಲಾಭಕ್ಕೆ ಕಾರಣ. ಹೌದು ಲೌಕಾನಾ ಕಂಪನಿಯ ಸಂಸ್ಥಾಪಕ ಹಾಗೂ ಸಿಇಒ ಹೆಸರು ಕೂಡ ಜೆನ್ಸನ್ ಹುವಾಂಗ್.

ಎನ್ವಿಡಿಯಾ ಕಂಪನಿ ಸಹ ಸಂಸ್ಥಾಪಕ ಹಾಗೂ ವಿವಾದಿತ ಉದ್ಯಮಿ ಜೆನ್ಸನ್ ಹುವಾಂಗ್ ಹಾಗೂ ಲೈಕಾನ ಸಂಸ್ಥೆಯ ಸಂಸ್ಥಾಪಕನ ಹೆಸರು ಒಂದೇ. ಆದರೆ ಈ ಎರಡು ಕಂಪನಿಗೂ ಹಾೂ ಇಬ್ಬರು ಉದ್ಯಮಿಗಳಿಗೂ ಯಾವುದೇ ಸಂಬಂಧವಿಲ್ಲ. ಜೆನ್ಸನ್ ಹುವಾಂಗ್ ಅಕ್ರಮ ಸಂಬಂಧ ಮಾಧ್ಯಮಗಳಲ್ಲಿ ಹೊರಬರುತ್ತಿದ್ದಂತೆ ಲೈಕಾನ್ ಕಂಪನಿಯ ಸಂಸ್ಥಾಪಕ ಜೆನ್ಸನ್ ಹುವಾಂಗ್‌ಗೆ ಆತಂಕ ಎದುರಾಗಿತ್ತು. ತನ್ನ ಹೆಸರಿಗೆ ಈ ಕಳಂಕ ಅಂಟುತ್ತಾ ಅನ್ನೋ ಭಯ, ಇದರಿಂದ ತನ್ನ ಕಂಪನಿಗೂ ಸಮಸ್ಯೆಯಾಗುತ್ತಾ ಅನ್ನೋ ಆತಂಕ ಹೆಚ್ಚಾಗಿತ್ತು ಎಂದು ಸಂದರ್ಶನದಲ್ಲಿ ಹೇಳಿದ್ದಾರೆ.

ವಿವಾದಿಂದ 5000ಕ್ಕೂ ಹೆಚ್ಚು ವಿಸಿಟರ್ಸ್

ಜೆನ್ಸನ್ ಹುವಾಂಗ್ ವಿವಾದ ತೀವ್ರವಾಗುತ್ತಿದ್ದಂತೆ ನನ್ನ ಆತಂಕ ದೂರವಾಯಿತು ಎಂದು ಲೈಕಾನ ಸಂಸ್ಥಾಪಕ ಹೇಳಿದ್ದಾರೆ. ಕಾರಣ ಒಂದೇ ಹೆಸರಿನ ಕಾರಣ ಸಿಂಗಾಪುರದಲ್ಲಿ ಹಲವರು ಸರ್ಚ್ ಮಾಡಿದ್ದಾರೆ. ಹುಡುಕಾಡಿದ್ದಾರೆ, ತಡಕಾಡಿದ್ದಾರೆ.ಈ ಸರ್ಚ್‌ನಲ್ಲಿ ಲೈಕಾನ ವೆಬ್‌ಸೈಟ್ ವಿಸಿಟರ್ಸ್ ಒಂದೇ ಭಾರಿ 5000ಕ್ಕೆ ಏರಿಕೆಯಾಗಿದೆ. ಲೈಕಾನಾ ಸ್ಟಾರ್ಟ್ಅಪ್ ವೆಬ್‌ಸೈಟ್ ವಿಸಿಟರ್ಸ್ ಸಂಖ್ಯೆ ಹೆಚ್ಚಾಗುತ್ತಿದೆ. ಜಗತ್ತಿನ ಬೇರೆ ಬೇರೆ ಭಾಗಗಳಿಂದ ನಮ್ಮ ಸೈಟ್ ಚೆಕ್ ಮಾಡುತ್ತಿದ್ದಾರೆ. ಅತೀ ಹೆಚ್ಚು ಮಂದಿ ನಮ್ಮ ಸೈಟ್‌ನಲ್ಲಿ ಜೆನ್ನಸ್ ಹುವಾಂಗ್ ಕುರಿತು ಪರಿಶೀಲಿಸುತ್ತಿದ್ದಾರೆ.

ದಿಢೀರ್ ಪ್ರಚಾರ, ವಿಸಿಟರ್ಸ್ ಸಂಖ್ಯೆ ಹೆಚ್ಚಳದಿಂದ ಸ್ಟಾರ್ಟ್ಅಪ್ ಹೂಡಿಕೆದಾರರು, ಹೊಸ ಪ್ರಾಜೆಕ್ಟ್ ವಿಚಾರಣೆ, ಕ್ಲೈಂಟ್ ವಿಚಾರಣೆಗಳು ಹೆಚ್ಚಾಗಿದೆ. ಕಂಪನಿ ಮಾರ್ಕೆಟಿಂಗ್‌ಗೆ ಹೆಚ್ಚಿನ ಕಾಲ್ಸ್ ಬರುತ್ತಿದೆ. ಹೆಸರಿನ ಸಾಮ್ಯತೆಯಿಂದ ಲೈಕಾನ ಸ್ಟಾರ್ಟ್ಅಪ್ ಕಂಪನಿ ಭಾರಿ ಬೇಡಿಕೆ ಪಡೆದುಕೊಂಡಿದೆ. ನೆಗಟೀವ್ ಆಗಿ ಎಲ್ಲಿ ಕಂಪನಿಗೆ ಹೊಡೆತ ಬೀಳಲಿದೆ ಎಂದುಕೊಂಡಿದ್ದ ಸಂಸ್ಥಾಪಕನಿಗೆ ಇದೀಗ ಪ್ರಚಾರ ಮೇಲೆ ಪ್ರಚಾರ ಸಿಗುತ್ತಿದೆ. ಕಂಪನಿ ಕೂಡ ಭಾರಿ ಲಾಭದತ್ತ ಸಾಗುತ್ತಿದೆ.

ಕೀರ್ತಿ ಸುರೇಶ್ ನಟನೆಗೆ ಫಿದಾ ಆದ ಪ್ರೇಕ್ಷಕರು: ರಾಧಿಕಾ ಆಪ್ಟೆ ವಿಚಾರದಲ್ಲಿ ಶುರುವಾಯ್ತು ಚರ್ಚೆ

Govindaraj S — Sat, 14 Nov 2026 15:57:43 +0530

ಭವಾನಿ ಪಾತ್ರದಲ್ಲಿ ಕೀರ್ತಿ ಸುರೇಶ್ ಪ್ರೇಕ್ಷಕರ ಮನಸ್ಸು ಗೆದ್ದಿದ್ದಾರೆ. ಅವರ ನಡಿಗೆ, ಹಾವಭಾವ, ಮತ್ತು ಅದ್ಭುತ ಸ್ಕ್ರೀನ್ ಪ್ರೆಸೆನ್ಸ್ ಎಲ್ಲರನ್ನೂ ಮೋಡಿ ಮಾಡಿದೆ. 'ಅಕ್ಕ' ಸೀರೀಸ್‌ನಲ್ಲಿ ಕೀರ್ತಿಯೇ ಬೆಸ್ಟ್ ಅಂತಿದ್ದಾರೆ ಫ್ಯಾನ್ಸ್!

ರಾಷ್ಟ್ರಪ್ರಶಸ್ತಿ ವಿಜೇತ ನಟಿ ಕೀರ್ತಿ ಸುರೇಶ್ 'ಅಕ್ಕ' ಸೀರೀಸ್‌ನಲ್ಲಿ ಭವಾನಿಯಾಗಿ ಕಮಾಲ್ ಮಾಡುತ್ತಿದ್ದಾರೆ. ಈ ಪಾತ್ರದ ಮೂಲಕ ಅವರ ಹೊಸ ಮುಖವನ್ನೇ ಸ್ಕ್ರೀನ್ ಮೇಲೆ ತಂದಿದ್ದಾರೆ. ಅವರ ಕಮಾಂಡಿಂಗ್ ಸ್ಕ್ರೀನ್ ಪ್ರೆಸೆನ್ಸ್, ಪವರ್‌ಫುಲ್ ಬಾಡಿ ಲ್ಯಾಂಗ್ವೇಜ್, ಹಾಗು ಅಧಿಕಾರ ಮತ್ತು ಸೂಕ್ಷ್ಮತೆ ಎರಡನ್ನೂ ನಿಭಾಯಿಸುವ ರೀತಿ ಪ್ರೇಕ್ಷಕರಿಗೆ ಸಿಕ್ಕಾಪಟ್ಟೆ ಇಷ್ಟವಾಗಿದೆ. ರಾಧಿಕಾ ಆಪ್ಟೆ ಕೂಡ ಮುಖ್ಯ ಪಾತ್ರದಲ್ಲಿದ್ದರೂ, ಕೀರ್ತಿ ಸುರೇಶ್ ಅವರ ಭವಾನಿ ಪಾತ್ರವೇ ಎಲ್ಲರ ಗಮನ ಸೆಳೆದಿದೆ. ಸೋಷಿಯಲ್ ಮೀಡಿಯಾದಲ್ಲಿ ಫ್ಯಾನ್ಸ್ ಕೀರ್ತಿ ಆಕ್ಟಿಂಗ್ ಬಗ್ಗೆ ಮೆಚ್ಚುಗೆ ಸೂಚಿಸುತ್ತಿದ್ದಾರೆ.

ಪ್ರತಿ ಸೀನ್‌ನಲ್ಲೂ ಕೀರ್ತಿ ಸುರೇಶ್ ಕಾನ್ಫಿಡೆಂಟ್ ನಡಿಗೆ ಮತ್ತು ಎಕ್ಸ್‌ಪ್ರೆಷನ್ಸ್ ನೋಡಿ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಭವಾನಿ ಪಾತ್ರವನ್ನು ಅವರು ತಮ್ಮದಾಗಿಸಿಕೊಂಡಿದ್ದಾರೆ. ಪಾತ್ರವನ್ನು ಎಫರ್ಟ್ ಇಲ್ಲದೆ ಕ್ಯಾರಿ ಮಾಡುವ ರೀತಿ ಮತ್ತು ಸಣ್ಣ ಸಣ್ಣ ಹಾವಭಾವಗಳು ಪ್ರೇಕ್ಷಕರ ಮನಸ್ಸಿನಲ್ಲಿ ಉಳಿಯುತ್ತಿವೆ. "ಬ್ರೋ ಕೀರ್ತಿ 'ಅಕ್ಕ'ದಲ್ಲಿ ಸಾಯ್ತಾರೆ!! ಈಗಷ್ಟೇ ನೋಡಿ ಮುಗಿಸಿದೆ, ಮಸ್ತ್ ಇದೆ! ರಾಧಿಕಾ ಯಾರು ಅಂತಲೇ ಮರೆತುಹೋಯ್ತು" ಎಂದು ನೆಟ್ಟಿಗರೊಬ್ಬರು ಬರೆದುಕೊಂಡಿದ್ದಾರೆ.

ಇನ್ನೊಬ್ಬರು, "ಇದು #KeerthySuresh ಟೇಕ್‌ಓವರ್! ಬ್ರಿಲಿಯಂಟ್ ಶೋ, ಅವಳು ಶೋ ಸ್ಟೀಲ್ ಮಾಡಿದ್ರು" ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು ಇದನ್ನು ಪವರ್‌ಹೌಸ್ ಪರ್ಫಾರ್ಮೆನ್ಸ್ ಅಂತ ಕರೆದಿದ್ದಾರೆ, “ಕೀರ್ತಿಯವರಿಂದ ಎಂಥಾ ಪವರ್‌ಹೌಸ್ ಪರ್ಫಾರ್ಮೆನ್ಸ್, #akka ಸಖತ್ ಇಷ್ಟ ಆಯ್ತು!!” ಎಂದಿದ್ದಾರೆ.

ಭವಾನಿ ಪಾತ್ರದ ಸ್ಕ್ರೀನ್ ಪ್ರೆಸೆನ್ಸ್ ಮತ್ತು ಆರಾ ಈಗ ಚರ್ಚೆಯ ವಿಷಯವಾಗಿದೆ. "#Keerthy ಅವರು #akka ಮೂಲಕ ಬಾರ್ ಅನ್ನು ಬಹಳ ಎತ್ತರಕ್ಕೆ ಏರಿಸಿದ್ದಾರೆ! ಅವರ ಔರಾ ಇಷ್ಟವಾಯ್ತು! ಈ ವರ್ಷ ನಾನು ಭವಾನಿಯ ವ್ಯಕ್ತಿತ್ವವನ್ನೇ ರೂಢಿಸಿಕೊಳ್ಳಬಹುದು" ಅಂತ ಫ್ಯಾನ್ ಒಬ್ಬರು ಬರೆದಿದ್ದಾರೆ. ಮತ್ತೊಬ್ಬರು, "ಗಾಯ್ಸ್, ನಾನು ಅಕ್ಕ ಶೋ ನೋಡಿದೆ, ಅದನ್ನ ನೋಡೋಕೆ ಒಂದೇ ಕಾರಣ ಅಂದ್ರೆ ಅದು ಕೀರ್ತಿ ಸುರೇಶ್! ಸುಮ್ನೆ ನ್ಯಾಷನಲ್ ಅವಾರ್ಡ್ ವಿನ್ನರ್ ಅಲ್ಲ ಅವರು" ಎಂದು ಸೇರಿಸಿದ್ದಾರೆ.

ಭವಾನಿಯ ನಡಿಗೆ ಮತ್ತು ಅಧಿಕಾರಯುತ ಆಕ್ಟಿಂಗ್ ಬಗ್ಗೆ ಫ್ಯಾನ್ಸ್ ಹೆಚ್ಚಾಗಿ ಮಾತನಾಡುತ್ತಿದ್ದಾರೆ. "ಭವಾನಿ ಮತ್ತು ಅವರ ನಡಿಗೆ ಓಎಂಜಿ!! ರಾಧಿಕಾಗೆ ಇದು ಎಂದಿಗೂ ಸಾಧ್ಯವಿರಲಿಲ್ಲ" ಎಂದು ಕಾಮೆಂಟ್ ಮಾಡಿದ್ದಾರೆ. ಇನ್ನೊಬ್ಬರು, "ಕೀರ್ತಿ ಸುರೇಶ್ #Akka ಇದು ನನ್ ಶೋ ಅಂತ ಪ್ರೂವ್ ಮಾಡಿದ್ದಾರೆ... ಆ ಕಾನ್ಫಿಡೆನ್ಸ್, ಕಮಾಂಡ್ ಮತ್ತು ಎಕ್ಸ್‌ಪ್ರೆಷನ್ಸ್! ಕಣ್ಣು ತೆಗೆಯೋಕೆ ಆಗ್ತಿಲ್ಲ" ಎಂದಿದ್ದಾರೆ.

ಇಬ್ಬರ ಪರ್ಫಾರ್ಮೆನ್ಸ್ ಅನ್ನು ಮೆಚ್ಚಿದರೂ, ಒಬ್ಬ ವೀಕ್ಷಕ ಕೀರ್ತಿಯ ಇಂಪ್ಯಾಕ್ಟ್ ಬಗ್ಗೆ ಹೇಳಿದ್ದು ಹೀಗೆ: “ರಾಧಿಕಾಗೆ ಕಮ್ಮಿ ಅಂತೇನಿಲ್ಲ, ಆದ್ರೆ ಕೀರ್ತಿ ಮಾತ್ರ #Akka ಶೋನ ಪೂರ್ತಿ ಸ್ಟೀಲ್ ಮಾಡಿದ್ದಾರೆ.. ಎಂಥಾ ಪವರ್‌ಹೌಸ್!!!” ಮತ್ತೊಂದು ರಿವ್ಯೂನಲ್ಲಿ, "ಅಕ್ಕ ರಿವ್ಯೂ: #KeerthySuresh ಇಡೀ ಶೋವನ್ನು ತಮ್ಮ ಹೆಗಲ ಮೇಲೆ ಹೊತ್ತಿದ್ದಾರೆ! ಭವಾನಿ ಸ್ಕ್ರೀನ್ ಮೇಲೆ ಬಂದಾಗೆಲ್ಲಾ, ಬೇರೆ ಕಡೆ ನೋಡೋಕೆ ಚಾನ್ಸೇ ಇಲ್ಲ" ಅಂತ ಬರೆಯಲಾಗಿದೆ.

ಮೆಚ್ಚುಗೆಯ ಮಹಾಪೂರ ಮುಂದುವರಿದಿದ್ದು, ಫ್ಯಾನ್ ಒಬ್ಬರು ಹೀಗೆ ಬರೆದಿದ್ದಾರೆ: "ಅಕ್ಕ ನೋಡಿ ಮುಗಿಸಿದೆ, ಕೀರ್ತಿಯನ್ನು ನೋಡಿ ಬೆರಗಾಗಿದ್ದೇನೆ! ಆ ಕಮಾಂಡ್ ಅನ್ನು ಸ್ಕ್ರೀನ್ ಮೇಲೆ ಅವಳ ತರ ಯಾರೂ ತರೋಕೆ ಆಗ್ತಿರಲಿಲ್ಲ" ಮತ್ತೊಬ್ಬರು, "ಆ ಭವಾನಿ ವಾಕ್ ಬಗ್ಗೆ ಸ್ಟಡಿ ಮಾಡ್ಬೇಕು! #Keerthy ಸಣ್ಣ ಸಣ್ಣ ಹಾವಭಾವಗಳನ್ನು ಕೂಡ ಪವರ್‌ಫುಲ್ ಆಗಿ ತೋರಿಸಿದ್ದಾರೆ. ರಾಧಿಕಾ ಜೊತೆಗಿನ ಸೀನ್‌ಗಳಲ್ಲೂ ಆಕೆಯ ಸ್ಕ್ರೀನ್ ಪ್ರೆಸೆನ್ಸ್ ಅಕ್ಕದಲ್ಲಿ ಎದ್ದು ಕಾಣುತ್ತೆ!" ಅಂದಿದ್ದಾರೆ.

ತಮ್ಮ ಸ್ಕ್ರೀನ್ ಪ್ರೆಸೆನ್ಸ್, ಕ್ಯಾರೆಕ್ಟರ್ ಮತ್ತು ಕಮಾಂಡಿಂಗ್ ಪರ್ಫಾರ್ಮೆನ್ಸ್‌ನಿಂದ ಕೀರ್ತಿ ಸುರೇಶ್ ಅಕ್ಕ ಶೋನಲ್ಲಿ ಪ್ರೇಕ್ಷಕರಿಗೆ ಮಾತಾಡೋಕೆ ಸಾಕಷ್ಟು ವಿಷಯ ಕೊಟ್ಟಿದ್ದಾರೆ. ಭವಾನಿ ಪಾತ್ರ ಪ್ರೇಕ್ಷಕರಿಗೆ ಬಹಳ ಹತ್ತಿರವಾಗಿದೆ, ಕೀರ್ತಿಯ ಈ ಟ್ರಾನ್ಸ್‌ಫಾರ್ಮೇಷನ್ ಎಲ್ಲರಿಗೂ ಇಷ್ಟವಾಗಿದೆ.

Fashion trend : 5 ಪೈಸೆ ನಾಣ್ಯಕ್ಕೆ ಹೊಸ ಲುಕ್ ! ಜೆನಿಲಿಯಾ ಕಿವಿಯೋಲೆಗೆ ನೆಟ್ಟಿಗರು ಫಿದಾ

Roopa Hegde — Sat, 14 Nov 2026 15:48:26 +0530

ಸೋಶಿಯಲ್‌ ಮೀಡಿಯಾದಲ್ಲಿ ಸದ್ಯ ನಟಿ ಜೆನಿಲಿಯಾ ದೇಶ್‌ ಮುಖ್‌ ವಿಡಿಯೋ ಚರ್ಚೆಯಲ್ಲಿದೆ. ಅದಕ್ಕೆ ಕಾರಣ ಜೆನಿಲಿಯಾ ಧರಿಸಿರುವ ಕಿವಿಯೋಲೆ. ಹಳೆ ಕಾಲದಲ್ಲಿ ಒಂದು, ಎರಡು, ಐದು ಪೈಸೆಗಳು ಚಾಲ್ತಿಯಲ್ಲಿದ್ವು. ಈಗ ಅವೆಲ್ಲ ಮೂಲೆ ಸೇರಿವೆ. ಆದ್ರೆ ಅಪರೂಪದ ಈ ನಾಣ್ಯವೇ ಜೆನಿಲಿಯಾ ಕಿವಿಯೋಲೆಯಾಗಿದೆ.

ಕಿವಿಯೋಲೆಯಾಗಿ ಬದಲಾದ 5 ಪೈಸೆ ನಾಣ್ಯ!

ಜೆನಿಲಿಯಾ, ಐದು ಪೈಸೆ ನಾಣ್ಯವನ್ನೇ ಕಿವಿಯೋಲೆ ಮಾಡ್ಕೊಂಡಿದ್ದಾರೆ. ನಾಣ್ಯಕ್ಕೆ ಕಿವಿಯೋಲೆ ವಿನ್ಯಾಸ ನೀಡಲಾಗಿದೆ. ನಾಣ್ಯದಲ್ಲಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ. ಐದರ ಅಂಕಿ ದೊಡ್ಡದಾಗಿ ಕಾಣ್ತಿದೆ. ಜೊತೆಗೆ ಪೈಸೆ ಎಂಬುದನ್ನೂ ನೀವು ಕಾಣ್ಬಹುದು. ಸಾಮಾನ್ಯ ಜುಮ್ಕಾಗಳಿಗಿಂತ ಇದು ಕೊಂಚ ವಿಭಿನ್ನವಾಗಿದ್ದು, ವಿಂಟೇಜ್ ಲುಕ್ ನೀಡುತ್ತಿದೆ. ಜೆನೆಲಿಯಾ ಅವರ ಈ ಲುಕ್ ನೋಡಿದ ನೆಟ್ಟಿಗರು ಕೂಡ ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ.

ಹಳೆಯ ವಸ್ತುವಿಗೆ ಹೊಸ ಲುಕ್

ಇತ್ತೀಚೆಗೆ ಹಳೆಯ ವಸ್ತುಗಳನ್ನು ಹೊಸ ರೀತಿಯಲ್ಲಿ ಬಳಸುವ ಫ್ಯಾಷನ್ ಟ್ರೆಂಡ್ ಹೆಚ್ಚಾಗುತ್ತಿದೆ. ಹಳೆಯ ಸೀರೆ, ಹಳೆ ಜೀನ್ಸ್, ಹಳೆಯ ಬಟನ್ ಎಲ್ಲವೂ ಹೊಸ ರೂಪ ಪಡೆಯುತ್ತಿದೆ. ಈಗ ಈ ಸಾಲಿಗೆ ಹಳೆ ನಾಣ್ಯ ಸೇರಿದ್ದು ವಿಶೇಷ.

ಹಳೆ ನಾಣ್ಯವಿದ್ರೆ ನೀವೂ ಟ್ರೈ ಮಾಡಿ

ನಿಮ್ಮ ಮನೆಯಲ್ಲೂ ಹಳೆಯ 5 ಪೈಸೆ ಅಥವಾ ಬೇರೆ ಅಪರೂಪದ ನಾಣ್ಯಗಳಿದ್ರೆ ನೀವು ಅವುಗಳನ್ನು ಬಳಸಿ ಇಂಥದ್ದೊಂದು ಕ್ರಿಯೇಟಿವ್ ಆಭರಣ ತಯಾರಿಸ್ಬಹುದು. ನಾಣ್ಯಕ್ಕೆ ಸೂಕ್ತವಾದ ಇಯರಿಂಗ್ ಹುಕ್ ಅಳವಡಿಸಿದರೆ ವಿಭಿನ್ನ ಕಿವಿಯೋಲೆ ಸಿದ್ಧ. ಸೋಶಿಯಲ್‌ ಮೀಡಿಯಾದಲ್ಲಿ ಜೆನಿಲಿಯಾ ವಿಡಿಯೋ ನೋಡಿದ ಬಳಕೆದಾರರು ಕೂಡ ನಾವು ಟ್ರೈ ಮಾಡ್ತೇವೆ, ಗುಡ್‌ ಐಡಿಯಾ ಅಂತ ಕಮೆಂಟ್‌ ಹಾಕಿದ್ದಾರೆ.

ಅಂದು ಕೆಲಸದಿಂದ ವಜಾಗೊಳಿಸಿದ ಬಾಸ್‌ಗೆ ಇಂದು ಉದ್ಯೋಗದ ಆಫರ್! 20% ಸಂಬಳ ಹೆಚ್ಚಳದೊಂದಿಗೆ ಬಂದ ಮಾಜಿ ಉದ್ಯೋಗಿ, ಮುಂದೇನಾಯ್ತು?

Gowthami K — Sat, 14 Nov 2026 15:45:30 +0530

ಕಾಲಚಕ್ರ ಹೇಗೆ ತಿರುಗುತ್ತದೆ ಎಂಬುದಕ್ಕೆ ಸಾಕ್ಷಿಯಾದ ಅಪರೂಪದ ಹಾಗೂ ಅಚ್ಚರಿಯ ಘಟನೆಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಕೆಲಸಕ್ಕೆ ಸರಿಯಾಗಿ ಹಾಜರಾಗುತ್ತಿಲ್ಲ ಎಂಬ ಕಾರಣಕ್ಕೆ ಎರಡು ವರ್ಷಗಳ ಹಿಂದೆ ತನ್ನ ಅಧೀನದಲ್ಲಿ ಕೆಲಸ ಮಾಡುತ್ತಿದ್ದ ಉದ್ಯೋಗಿಯನ್ನು ವಜಾಗೊಳಿಸಿದ್ದ ಬಾಸ್‌ ಗೆ ಈಗ ಅದೇ ವ್ಯಕ್ತಿಯಿಂದ ಉದ್ಯೋಗದ ಆಫರ್ ಬಂದಿದೆ. ಅಚ್ಚರಿಯ ಸಂಗತಿಯೆಂದರೆ, ಅಂದು ಸಾಮಾನ್ಯ ಉದ್ಯೋಗಿಯಾಗಿದ್ದ ವ್ಯಕ್ತಿ ಇಂದು ಪ್ರತಿಷ್ಠಿತ ಉತ್ಪಾದನಾ ಕಂಪನಿಯ ಕಾರ್ಯಾಚರಣೆ ವ್ಯವಸ್ಥಾಪಕರಾಗಿದ್ದಾರೆ. ತಮ್ಮನ್ನು ಕೆಲಸದಿಂದ ತೆಗೆದುಹಾಕಿದ್ದ ಹಿಂದಿನ ಬಾಸ್‌ಗೆ ಶೇ.20ರಷ್ಟು ಹೆಚ್ಚಿನ ಸಂಬಳ ಹಾಗೂ ಉತ್ತಮ ಕೆಲಸದ ಸಮಯದೊಂದಿಗೆ ಉದ್ಯೋಗ ನೀಡಲು ಮುಂದಾಗಿದ್ದಾರೆ. ಉನ್ನತ ಹುದ್ದೆಗೇರಿ ತನ್ನ ಹಳೆಯ ಬಾಸ್‌ಗೆ ಉದ್ಯೋಗದ ಆಫರ್ ನೀಡಿದ್ದಾರೆ. ಆದರೆ, ಒಮ್ಮೆ ತಾನು ಕೆಲಸದಿಂದ ವಜಾಗೊಳಿಸಿದ್ದ ವ್ಯಕ್ತಿಯ ಕೆಳಗೆ ಕೆಲಸ ಮಾಡಬೇಕಾದ ಪರಿಸ್ಥಿತಿ ಎದುರಾಗಿರುವುದರಿಂದ ಮಾಜಿ ಬಾಸ್ ಗೊಂದಲಕ್ಕೆ ಸಿಲುಕಿದ್ದಾರೆ. ಈ ಅಪರೂಪದ ಉದ್ಯೋಗದ ಕಥೆ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ.

@premwomp ಎಂಬ ಎಕ್ಸ್ (X) ಬಳಕೆದಾರರು ಹಂಚಿಕೊಂಡಿರುವ ರೆಡ್ಡಿಟ್ ಪೋಸ್ಟ್‌ನ ಸ್ಕ್ರೀನ್‌ಶಾಟ್ ಮೂಲಕ ಈ ವಿಶಿಷ್ಟ ಸನ್ನಿವೇಶ ಬೆಳಕಿಗೆ ಬಂದಿದೆ. ಎರಡು ವರ್ಷಗಳ ಹಿಂದೆ ನಾನು ಕೆಲಸದಿಂದ ತೆಗೆದುಹಾಕಿದ್ದ ವ್ಯಕ್ತಿಯೇ ಈಗ ನನಗೆ ಉದ್ಯೋಗದ ಆಫರ್ ನೀಡಿದ್ದಾರೆ. ನನ್ನ ಜಾಗದಲ್ಲಿ ನೀವಿದ್ದರೆ ಈ ಕೆಲಸವನ್ನು ಒಪ್ಪಿಕೊಳ್ಳುತ್ತಿದ್ದಿರಾ? ಎಂಬ ಶೀರ್ಷಿಕೆಯಡಿ ವ್ಯಕ್ತಿಯೊಬ್ಬರು ತಮ್ಮ ವೃತ್ತಿಜೀವನದ ಈ ಅನಿರೀಕ್ಷಿತ ಅನುಭವವನ್ನು ಹಂಚಿಕೊಂಡಿದ್ದಾರೆ.

ಈ ವ್ಯಕ್ತಿ ಎರಡು ವರ್ಷಗಳ ಹಿಂದೆ ಗೋದಾಮಿನ ತಂಡವೊಂದರ ಮೇಲ್ವಿಚಾರಕರಾಗಿ ಕಾರ್ಯನಿರ್ವಹಿಸುತ್ತಿದ್ದರು. ಆ ತಂಡದಲ್ಲಿದ್ದ ಉದ್ಯೋಗಿಯೊಬ್ಬರು ಪದೇ ಪದೇ ಹಾಜರಾತಿ ಸಮಸ್ಯೆ ಉಂಟುಮಾಡುತ್ತಿದ್ದ ಕಾರಣ, ಹೆಚ್‌ಆರ್ ಅವರನ್ನು ಕೆಲಸದಿಂದ ವಜಾಗೊಳಿಸುವ ನಿರ್ಧಾರ ಕೈಗೊಂಡಿತ್ತು. ಮೇಲ್ವಿಚಾರಕರಾಗಿ ಇವರು ಕಂಪನಿಯ ಆದೇಶವನ್ನು ಪಾಲಿಸಿ, ಆ ಉದ್ಯೋಗಿಗೆ ವಜಾ ವಿಷಯವನ್ನು ತಿಳಿಸಿದ್ದರು. ಈ ನಿರ್ಧಾರದಲ್ಲಿ ಯಾವುದೇ ವೈಯಕ್ತಿಕ ದ್ವೇಷವಿರಲಿಲ್ಲ, ಕೇವಲ ವೃತ್ತಿಪರ ಜವಾಬ್ದಾರಿಯನ್ನು ನಿಭಾಯಿಸಿದ್ದೆ ಎಂದು ಅವರು ಪೋಸ್ಟ್‌ನಲ್ಲಿ ಸ್ಪಷ್ಟಪಡಿಸಿದ್ದಾರೆ.

ಘಟನೆ ನಡೆದು ಎರಡು ವರ್ಷಗಳ ಬಳಿಕ, ಈ ಮಾಜಿ ಮೇಲ್ವಿಚಾರಕರು ಉತ್ಪಾದನಾ ಕಂಪನಿಯೊಂದರಲ್ಲಿ 'ಆಪರೇಷನ್ಸ್' ವಿಭಾಗದ ಹುದ್ದೆಗಾಗಿ ಸಂದರ್ಶನಕ್ಕೆ ತೆರಳಿದ್ದರು. ಸಂದರ್ಶನದ ಕೊಠಡಿಯೊಳಗೆ ಕಾಲಿಟ್ಟ ಅವರಿಗೆ ಮೇಜಿನ ಎದುರು ಕುಳಿತಿದ್ದ ವ್ಯಕ್ತಿಯನ್ನು ಕಂಡು ಅಚ್ಚರಿಯೋ ಅಚ್ಚರಿ! ಏಕೆಂದರೆ ಸಂದರ್ಶನ ತೆಗೆದುಕೊಳ್ಳಲು ಕುಳಿತಿದ್ದ ಆ ಕಂಪನಿಯ ಆಪರೇಷನ್ಸ್ ಮ್ಯಾನೇಜರ್ ಬೇರೆ ಯಾರೂ ಆಗಿರಲಿಲ್ಲ, ಎರಡು ವರ್ಷಗಳ ಹಿಂದೆ ಇವರಿಂದಲೇ ವಜಾಗೊಂಡಿದ್ದ ಅದೇ ಮಾಜಿ ಉದ್ಯೋಗಿ.

ಹಳೆಯ ಬಾಸ್‌ನನ್ನು ಕಂಡ ತಕ್ಷಣ ಗುರುತು ಹಿಡಿದ ಆ ಮ್ಯಾನೇಜರ್, ಯಾವುದೇ ಅಸಮಾಧಾನ ತೋರದೆ ಹಳೆಯ ದಿನಗಳನ್ನು ನೆನೆದು ನಗು ಹಂಚಿಕೊಂಡರು. ಬಳಿಕ ಅತ್ಯಂತ ವೃತ್ತಿಪರವಾಗಿ ಸಂದರ್ಶನ ನಡೆಸಿದ ಅವರು, ಮಾಜಿ ಮೇಲ್ವಿಚಾರಕರಿಗೆ ಆ ಹುದ್ದೆಯ ಆಫರ್ ನೀಡಿದ್ದಾರೆ. ವಿಶೇಷವೆಂದರೆ, ಈ ಕೆಲಸದಲ್ಲಿ ಪ್ರಸ್ತುತ ವೇತನಕ್ಕಿಂತ ಶೇ. 20ರಷ್ಟು ಹೆಚ್ಚು ಮತ್ತು ಉತ್ತಮ ಕೆಲಸದ ಸಮಯವೂ ಸಿಗಲಿದೆ. ಅಷ್ಟೇ ಅಲ್ಲದೆ, ಅಂದು ವಜಾಗೊಳಿಸುವಾಗ ನೀವು ತೋರಿದ ವೃತ್ತಿಪರತೆ ಹಾಗೂ ನಡವಳಿಕೆಗೆ ನಾನು ಗೌರವ ನೀಡುತ್ತೇನೆ ಎಂದೂ ಮ್ಯಾನೇಜರ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಹುಚ್ಚ ಎಂದ ಪತ್ನಿ!

ಇಷ್ಟೆಲ್ಲಾ ಆಕರ್ಷಕ ಸೌಲಭ್ಯಗಳಿದ್ದರೂ, ಈ ಆಫರ್ ಸ್ವೀಕರಿಸಲು ಅಭ್ಯರ್ಥಿಗೆ ಮನಸ್ಸು ಹಿಂದೇಟು ಹಾಕುತ್ತಿದೆ. ಒಮ್ಮೆ ತಾನೇ ಕೆಲಸದಿಂದ ತೆಗೆದುಹಾಕಿದ ವ್ಯಕ್ತಿಯ ಕೈಕೆಳಗೆ ಕೆಲಸ ಮಾಡಬೇಕಲ್ಲ ಎಂಬುದು ಆತನ ಸ್ವಾಭಿಮಾನಕ್ಕೆ ಪ್ರಶ್ನೆ ಹಾಕಿದಂತಿದೆ. ಈ ಆಫರ್ ಬಗ್ಗೆ ಗಂಭೀರವಾಗಿ ಯೋಚಿಸುತ್ತಿರುವುದಕ್ಕೆ ನನ್ನ ಪತ್ನಿಯೇ ನನ್ನನ್ನು 'ಹುಚ್ಚ' ಎಂದು ಕರೆಯುತ್ತಿದ್ದಾಳೆದಿದ್ದಾರೆ. ಆತ ನಿಜಕ್ಕೂ ಹಳೆಯ ಘಟನೆಯನ್ನು ಮರೆತಿದ್ದಾನೆಯೇ ಅಥವಾ ಈ ಕೆಲಸಕ್ಕೆ ಸೇರಿದರೆ ಮುಂದೆ ನನಗೆ ಮುಜುಗರದ ಪರಿಸ್ಥಿತಿ ಎದುರಾಗಬಹುದೇ ಎಂಬ ಆತಂಕ ಅವರನ್ನು ಕಾಡುತ್ತಿದೆ.

ಹಲವರ ಸಲಹೆ ಏನು?

ಮೂಲ ರೆಡ್ಡಿಟ್ ಪೋಸ್ಟ್ ಈಗ ಡಿಲೀಟ್ ಆಗಿದ್ದರೂ, ಅದರ ಸ್ಕ್ರೀನ್‌ಶಾಟ್ ವೈರಲ್ ಆಗಿದ್ದು ನೆಟ್ಟಿಗರು ಬಗೆಬಗೆಯ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಹಲವರು ಈ ಆಫರ್ ಒಪ್ಪಿಕೊಳ್ಳುವಂತೆ ಸಲಹೆ ನೀಡಿದ್ದು, ಅಂದು ಆ ಘಟನೆ ನಡೆದಿದ್ದರಿಂದಲೇ ಆತ ಜೀವನದ ಪಾಠ ಕಲಿತು ಇಂದು ದೊಡ್ಡ ಮಟ್ಟಕ್ಕೆ ಬೆಳೆದಿದ್ದಾನೆ. ಕೇವಲ ನಿಮ್ಮ ಮೇಲೆ ಸೇಡು ತೀರಿಸಿಕೊಳ್ಳಲು ಆತ ಇಷ್ಟೆಲ್ಲಾ ಕಷ್ಟಪಟ್ಟು ಮ್ಯಾನೇಜರ್ ಹುದ್ದೆಗೇರಿ, ನಿಮ್ಮನ್ನೇ ಸಂದರ್ಶನಕ್ಕೆ ಕರೆಸಿ ಕೆಲಸ ಕೊಡುತ್ತಾನೆ ಎಂದು ಯೋಚಿಸುವುದು ಅತಿಯಾಯಿತು ಎಂದು ಹಾಸ್ಯಮಯವಾಗಿ ಕಿವಿಮಾತು ಹೇಳಿದ್ದಾರೆ.

ಮತ್ತೊಬ್ಬ ಬಳಕೆದಾರರು, ಸಂದರ್ಶನದ ಉದ್ದಕ್ಕೂ ಆತ ವೃತ್ತಿಪರತೆ ಮೆರೆದಿದ್ದರೆ ಕೆಲಸ ಒಪ್ಪಿಕೊಳ್ಳಲು ಯಾವುದೇ ಅಡ್ಡಿಯಿಲ್ಲ. ವೃತ್ತಿ ಮತ್ತು ವೈಯಕ್ತಿಕ ಸಂಬಂಧಗಳನ್ನು ಬೇರೆ ಬೇರೆಯಾಗಿ ನೋಡುವ ಪ್ರಬುದ್ಧತೆ ಅವರಲ್ಲಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಇನ್ನೂ ಕೆಲವರು ಎಚ್ಚರಿಕೆಯ ಮಾತನ್ನಾಡಿದ್ದು, ಒಂದೋ ಆತ ತನ್ನ ತಪ್ಪನ್ನು ತಿದ್ದಿಕೊಂಡು ಜೀವನದಲ್ಲಿ ಮುಂದೆ ಬಂದಿರಬಹುದು, ಇಲ್ಲವೇ ಮುಂದೊಂದು ದಿನ ನಿಮ್ಮನ್ನು ಕೆಲಸದಿಂದ ತೆಗೆದುಹಾಕಿ ಸೇಡು ತೀರಿಸಿಕೊಳ್ಳುವ ಉದ್ದೇಶವೂ ಇರಬಹುದು. ಹೀಗಾಗಿ ಎಚ್ಚರಿಕೆಯಿಂದ ನಿರ್ಧಾರ ತೆಗೆದುಕೊಳ್ಳಿ ಎಂದು ಸಲಹೆ ನೀಡಿದ್ದಾರೆ.

ಕಾರವಾರ-ಮಂಗಳೂರು ಪ್ಯಾಸೆಂಜರ್ ರೈಲಿಗೆ ಎಕ್ಸ್‌ಪ್ರೆಸ್ ದರ ವಸೂಲಿ: ರೈಲ್ವೇಸ್‌ಗೆ ದಂಡ ವಿಧಿಸಿದ ಗ್ರಾಹಕ ನ್ಯಾಯಾಲಯ

Santosh Naik — Sat, 14 Nov 2026 15:45:03 +0530

ಬೆಂಗಳೂರು (ನ.14): ಸಾಮಾನ್ಯ ಪ್ಯಾಸೆಂಜರ್ ರೈಲಿನ ವೇಗ, ನಿಲುಗಡೆ ಮತ್ತು ಸಮಯದಲ್ಲಿ ಯಾವುದೇ ಬದಲಾವಣೆ ಮಾಡದೆ, ಕೇವಲ ಎಕ್ಸ್‌ಪ್ರೆಸ್ ಸ್ಪೆಷಲ್ ಎಂಬ ಹೆಸರಿಟ್ಟು ಪ್ರಯಾಣಿಕರಿಂದ ಹೆಚ್ಚುವರಿ ಟಿಕೆಟ್ ದರ ವಸೂಲಿ ಮಾಡಿದ್ದ ದಕ್ಷಿಣ ರೈಲ್ವೆ (Southern Railway) ಹಾಗೂ ರೈಲ್ವೆ ಮಂಡಳಿಗೆ (Railway Board) ಗ್ರಾಹಕ ನ್ಯಾಯಾಲಯ ಬಿಸಿ ಮುಟ್ಟಿಸಿದೆ: ಕಾರವಾರದಿಂದ ಮಂಗಳೂರು ಸೆಂಟ್ರಲ್‌ಗೆ ಪ್ರಯಾಣಿಸಿದ್ದ ಪ್ರಯಾಣಿಕನೊಬ್ಬರಿಗೆ ₹65 ರ ಬದಲು ₹125 'ಎಕ್ಸ್‌ಪ್ರೆಸ್ ದರ' ವಿಧಿಸಿದ್ದಕ್ಕಾಗಿ, ಅವರಿಗೆ ಒಟ್ಟು ₹5,330 ಪಾವತಿಸುವಂತೆ ತಮಿಳುನಾಡಿನ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗ ಮಹತ್ವದ ಆದೇಶ ಹೊರಡಿಸಿದೆ.

ಆಯೋಗದ ಅಧ್ಯಕ್ಷ ಪಿ. ಗಣೇಶ್‌ರಾಮ್ ಹಾಗೂ ಸದಸ್ಯರಾದ ಆರ್. ರಮೋಲಾ ಮತ್ತು ಎನ್. ಲಕ್ಷ್ಮಣನ್ ಅವರನ್ನೊಳಗೊಂಡ ಪೀಠವು ಈ ಮಹತ್ವದ ತೀರ್ಪು ನೀಡಿದೆ. 2024ರಲ್ಲಿ ತಾವು ಮೂರು ಬಾರಿ ಕಾರವಾರದಿಂದ ಮಂಗಳೂರು ಸೆಂಟ್ರಲ್‌ಗೆ ಒಂದೇ ಪ್ಯಾಸೆಂಜರ್ ರೈಲಿನಲ್ಲಿ ಪ್ರಯಾಣಿಸಿದ್ದು, ಪ್ರತಿ ಬಾರಿಯೂ ಸಾಮಾನ್ಯ ಪ್ಯಾಸೆಂಜರ್ ದರವಾದ ₹65 ರ ಬದಲಾಗಿ ₹125 ಎಕ್ಸ್‌ಪ್ರೆಸ್ ದರ ವಸೂಲಿ ಮಾಡಲಾಗಿದೆ ಎಂದು ದೂರುದಾರರು ಆಯೋಗದ ಮೊರೆ ಹೋಗಿದ್ದರು.

"ಪ್ರತಿವಾದಿಗಳಾದ ವಾಣಿಜ್ಯ ಗುಮಾಸ್ತರು ಮತ್ತು ದಕ್ಷಿಣ ರೈಲ್ವೆಯು ಸಾಮಾನ್ಯ ಪ್ಯಾಸೆಂಜರ್ ರೈಲಿನ ನಿಲುಗಡೆ, ವೇಗ, ಸಮಯ, ವೈಶಿಷ್ಟ್ಯಗಳು ಮತ್ತು ಮಾರ್ಗದಲ್ಲಿ ಯಾವುದೇ ಬದಲಾವಣೆ ಮಾಡದೆ ಅದನ್ನು ಎಕ್ಸ್‌ಪ್ರೆಸ್ ಸ್ಪೆಷಲ್ ಹೆಸರಿನಲ್ಲಿ ಓಡಿಸಿ, ದೂರುದಾರರಿಂದ ₹65 ರ ಬದಲು ₹125 ವಸೂಲಿ ಮಾಡಿರುವುದು ಸ್ಪಷ್ಟ ಸೇವಾ ನ್ಯೂನತೆ (Deficiency of service) ಹಾಗೂ ಅನ್ಯಾಯದ ವ್ಯಾಪಾರ ಪದ್ಧತಿಯಾಗಿದೆ (Unfair trade practice)" ಎಂದು ಸೆಪ್ಟೆಂಬರ್ 17ರ ಆದೇಶದಲ್ಲಿ ಆಯೋಗ ಕಟುವಾಗಿ ಟೀಕಿಸಿದೆ.

ಪ್ಯಾಸೆಂಜರ್ ರೈಲಿನಲ್ಲಿ ಪ್ರಯಾಣ, ಎಕ್ಸ್‌ಪ್ರೆಸ್ ದರ ವಸೂಲಿ

ದೂರುದಾರರು ಆಯೋಗದ ಮುಂದೆ ಖುದ್ದಾಗಿ ಹಾಜರಾಗಿ ತಮ್ಮ ವಾದ ಮಂಡಿಸಿದ್ದರು. ಕೋವಿಡ್-19 ಸಾಂಕ್ರಾಮಿಕಕ್ಕೂ ಮುನ್ನ ಈ ರೈಲು ಸಾಮಾನ್ಯ ಪ್ಯಾಸೆಂಜರ್ ರೈಲಾಗಿ ಸಂಚರಿಸುತ್ತಿತ್ತು, ಆದರೆ ಕೋವಿಡ್ ನಂತರ ಇದನ್ನು 'ಎಕ್ಸ್‌ಪ್ರೆಸ್ ಸ್ಪೆಷಲ್' ಹೆಸರಿನಲ್ಲಿ ಓಡಿಸಲಾಗುತ್ತಿದೆ ಎಂದು ಅವರು ವಿವರಿಸಿದರು. 2024ರ ಏಪ್ರಿಲ್‌ನಂದು ಕಾರವಾರದಿಂದ ಮಂಗಳೂರು ಸೆಂಟ್ರಲ್‌ಗೆ ಒಬ್ಬರೇ ಪ್ರಯಾಣಿಸಿದಾಗ ಕರ್ತವ್ಯದಲ್ಲಿದ್ದ ವಾಣಿಜ್ಯ ಗುಮಾಸ್ತರು ಪ್ಯಾಸೆಂಜರ್ ದರ ₹65 ರ ಬದಲು ಎಕ್ಸ್‌ಪ್ರೆಸ್ ದರವಾದ ₹125 ರ ಟಿಕೆಟ್ ನೀಡಿದ್ದರು. ಮೇ 2024ರಂದು ತಮ್ಮ ಪತ್ನಿ, ಪುತ್ರ ಮತ್ತು ಪುತ್ರಿಯೊಂದಿಗೆ ಅದೇ ರೈಲಿನಲ್ಲಿ ಪ್ರಯಾಣಿಸಿದಾಗ ಮೂವರು ವಯಸ್ಕರು ಹಾಗೂ ಒಂದು ಮಗುವಿಗೆ ಎಕ್ಸ್‌ಪ್ರೆಸ್ ದರ ಲೆಕ್ಕ ಹಾಕಿ ₹440 ವಸೂಲಿ ಮಾಡಲಾಗಿತ್ತು. ಆಗಸ್ಟ್ 2024ರಂದು ಮತ್ತೆ ಒಬ್ಬರೇ ಅದೇ ಮಾರ್ಗದಲ್ಲಿ ಸಂಚರಿಸಿದಾಗ ಪುನಃ ₹125 ಟಿಕೆಟ್ ನೀಡಲಾಗಿತ್ತು. ಪ್ರತಿ ಬಾರಿಯೂ ಹೆಚ್ಚುವರಿ ದರ ವಸೂಲಿ ಬಗ್ಗೆ ಸ್ಟೇಷನ್ ಮಾಸ್ಟರ್‌ಗೆ ದೂರು ನೀಡಿದ್ದರೂ ಪ್ರಯೋಜನವಾಗಿರಲಿಲ್ಲ.

ರೈಲ್ವೆ ಇಲಾಖೆಯ ಸಮರ್ಥನೆ ಏನಾಗಿತ್ತು?

ವಿಚಾರಣೆ ವೇಳೆ ತನ್ನ ಕ್ರಮವನ್ನು ಸಮರ್ಥಿಸಿಕೊಂಡಿದ್ದ ರೈಲ್ವೆ ಇಲಾಖೆ, ಕೋವಿಡ್‌ಗೂ ಮುನ್ನ ಪ್ಯಾಸೆಂಜರ್ ಆಗಿದ್ದ ರೈಲನ್ನು ನಂತರ 'ವಿಶೇಷ ರೈಲು' (Special train) ಆಗಿ ಮೇಲ್ದರ್ಜೆಗೇರಿಸಿ ಅದಕ್ಕೆ ತಕ್ಕಂತೆ ದರ ನಿಗದಿಪಡಿಸಲಾಗಿದೆ ಎಂದಿತ್ತು. ಪ್ಯಾಸೆಂಜರ್ ರೈಲನ್ನು ವಿಶೇಷ ರೈಲು ಎಂದು ಘೋಷಿಸುವ ಅಧಿಕಾರ ರೈಲ್ವೆ ಮಂಡಳಿಗಿದೆ, ಇದು ಆಡಳಿತಾತ್ಮಕ ಮತ್ತು ನೀತಿ ನಿರ್ಧಾರವಾಗಿದ್ದು ಇದನ್ನು ಪ್ರಶ್ನಿಸುವ ಹಕ್ಕು ದೂರುದಾರರಿಗಿಲ್ಲ ಎಂದು ರೈಲ್ವೆ ವಾದಿಸಿತ್ತು.

'ಹೆಸರು ಮುಖ್ಯವಲ್ಲ, ಸೌಲಭ್ಯ ಮುಖ್ಯ' – ಆಯೋಗದ ಚಾಟಿ

ರೈಲ್ವೆ ಇಲಾಖೆಯ ವಾದವನ್ನು ಸಾರಾಸಗಟಾಗಿ ತಳ್ಳಿಹಾಕಿದ ಗ್ರಾಹಕ ಆಯೋಗ, ಕೇವಲ ರೈಲಿಗೆ 'ಎಕ್ಸ್‌ಪ್ರೆಸ್ ಸ್ಪೆಷಲ್ ಟ್ರೈನ್' ಎಂದು ಹೆಸರಿಟ್ಟ ಮಾತ್ರಕ್ಕೆ ಪ್ರಯಾಣಿಕರಿಂದ ಎಕ್ಸ್‌ಪ್ರೆಸ್ ದರ ವಸೂಲಿ ಮಾಡುವ ಹಕ್ಕು ರೈಲ್ವೆಗೆ ಬರುವುದಿಲ್ಲ ಎಂದು ಸ್ಪಷ್ಟಪಡಿಸಿತು. "ಪ್ರಯಾಣಿಕರಿಂದ ಎಕ್ಸ್‌ಪ್ರೆಸ್ ದರ ವಸೂಲಿ ಮಾಡುವಾಗ, ಅವರಿಗೆ ವಿಶೇಷ ಎಕ್ಸ್‌ಪ್ರೆಸ್ ರೈಲಿನ ಸೌಲಭ್ಯಗಳು ಮತ್ತು ವೈಶಿಷ್ಟ್ಯಗಳನ್ನು ಸಹ ಒದಗಿಸಬೇಕು" ಎಂದು ಆಯೋಗ ಹೇಳಿದೆ.

2022ರ ಮಾರ್ಚ್ 31ರಂದೇ ಭಾರತ ಸರ್ಕಾರವು ಕೋವಿಡ್-19 ನಿರ್ಬಂಧಗಳನ್ನು ಸಂಪೂರ್ಣವಾಗಿ ಹಿಂಪಡೆದಿದೆ ಎಂಬುದನ್ನು ಉಲ್ಲೇಖಿಸಿದ ಆಯೋಗ, ವಿಶೇಷ ಸಂದರ್ಭಗಳಲ್ಲಿ ಹೆಚ್ಚುವರಿ ಪ್ರಯಾಣಿಕರ ದಟ್ಟಣೆ ನಿವಾರಿಸಲು ವಲಯ ರೈಲ್ವೆಗಳು ವಿಶೇಷ ರೈಲುಗಳನ್ನು ಓಡಿಸುತ್ತವೆ. ಆದರೆ, ಕೊಂಕಣ ಭಾಗದಲ್ಲಿ ಯಾವ ಹಬ್ಬ ಅಥವಾ ವಿಶೇಷ ಸಂದರ್ಭವೂ ಎರಡು ವರ್ಷಗಳಿಗಿಂತ ಹೆಚ್ಚು ಕಾಲ ನಿರಂತರವಾಗಿ ನಡೆದಿಲ್ಲ. ಹೀಗಿರುವಾಗ ಎರಡು ವರ್ಷಕ್ಕೂ ಅಧಿಕ ಕಾಲ ಈ ರೈಲನ್ನು 'ವಿಶೇಷ ರೈಲು' ಎಂದು ಓಡಿಸಿರುವುದನ್ನು ಸಮರ್ಥಿಸಿಕೊಳ್ಳಲು ಸಾಧ್ಯವಿಲ್ಲ. ರೈಲಿನ ವೇಗ, ಸಮಯ, ನಿಲುಗಡೆ ಅಥವಾ ಇತರ ಯಾವುದೇ ಸೌಲಭ್ಯಗಳಲ್ಲಿ ಬದಲಾವಣೆ ಮಾಡದೆ ಎರಡು ವರ್ಷಕ್ಕೂ ಹೆಚ್ಚು ಕಾಲ ಎಕ್ಸ್‌ಪ್ರೆಸ್ ದರ ವಸೂಲಿ ಮಾಡಿರುವುದು ತಪ್ಪು ಎಂದು ಆಯೋಗ ತೀರ್ಮಾನಿಸಿದೆ.

ದಕ್ಷಿಣ ರೈಲ್ವೆಗೆ ₹5,330 ಪಾವತಿಸಲು ಆದೇಶ

ದೂರುದಾರರು ಮತ್ತು ಅವರ ಕುಟುಂಬದಿಂದ ಹೆಚ್ಚುವರಿಯಾಗಿ ವಸೂಲಿ ಮಾಡಲಾದ ₹330 ಟಿಕೆಟ್ ಹಣವನ್ನು ಮರಳಿಸುವಂತೆ ರೈಲ್ವೆ ಅಧಿಕಾರಿಗಳಿಗೆ ಆಯೋಗ ನಿರ್ದೇಶಿಸಿದೆ. ಇದರೊಂದಿಗೆ, ಸೇವಾ ನ್ಯೂನತೆ ಹಾಗೂ ಅನ್ಯಾಯದ ವ್ಯಾಪಾರ ಪದ್ಧತಿಗಾಗಿ ₹3,000 ಮತ್ತು ದೂರುದಾರರಿಗೆ ಉಂಟಾದ ಮಾನಸಿಕ ಹಿಂಸೆಗಾಗಿ ₹2,000 ಸೇರಿದಂತೆ ಒಟ್ಟು ₹5,330 ಪರಿಹಾರವನ್ನು ದಕ್ಷಿಣ ರೈಲ್ವೆ ಮತ್ತು ರೈಲ್ವೆ ಮಂಡಳಿ ಜಂಟಿಯಾಗಿ ಪಾವತಿಸಬೇಕು ಎಂದು ಆದೇಶಿಸಲಾಗಿದೆ.

ಅರಮನೆಯಲ್ಲಿ ದಿನಾ ಏನು ಅಡುಗೆ ಮಾಡ್ತಾರೆ? ತಿಂಗಳ ಆದಾಯ, ಖರ್ಚು ಎಷ್ಟು? ಅಸಲಿ ಸತ್ಯ ಬಿಚ್ಚಿಟ್ಟ ಪ್ರಮೋದಾ ದೇವಿ ಒಡೆಯರ್

Ashwini HR — Sat, 14 Nov 2026 15:40:28 +0530

ಸಿನಿಮಾಗಳಲ್ಲಿ ತೋರಿಸುವಂತೆ ಅರಮನೆಯಲ್ಲಿ ದಿನವೂ ನೂರಾರು ಬಗೆಯ ಭಕ್ಷ್ಯ-ಭೋಜನಗಳು ತಯಾರಾಗುತ್ತವೆಯೇ? ಚಪ್ಪಾಳೆ ತಟ್ಟಿದರೆ ಓಡಿಬರುವ ಸೇವಕರು ಈಗಲೂ ಇದ್ದಾರೆಯೇ? ರಾಜಮನೆತನದ ಬದುಕಿಗೂ ಸಾಮಾನ್ಯ ಜನರ ಬದುಕಿಗೂ ಇರುವ ವ್ಯತ್ಯಾಸವೇನು? ಎಂಬ ಹತ್ತಾರು ಕುತೂಹಲಗಳಿಗೆ ರಾಜಮಾತೆ ಪ್ರಮೋದಾ ದೇವಿ ಒಡೆಯರ್ ಅವರು ಅತ್ಯಂತ ಸರಳವಾಗಿ ಉತ್ತರಿಸಿದ್ದಾರೆ.

‘ನಮ್ಮ ಯಜಮಾನರಿಗೆ ಅನ್ನ, ಬೇಳೆ ಸಾರು, ಹಪ್ಪಳವೇ ಪ್ರಾಣ!’

ಅರಮನೆಯ ಊಟದ ಬಗ್ಗೆ ಮಾತನಾಡಿದ ಪ್ರಮೋದಾ ದೇವಿ ಅವರು, "ಸಿನಿಮಾಗಳಲ್ಲಿ ತೋರಿಸುವಂತೆ ಅರಮನೆಯಲ್ಲಿ ಪ್ರತಿದಿನ ಭೂರಿ ಭೋಜನ, ಹತ್ತಾರು ಬಗೆಯ ಸಿಹಿ-ತಿಂಡಿಗಳು ತಯಾರಾಗುವುದಿಲ್ಲ. ನನ್ನ ಪತಿ ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಅವರಿಗೆ ಊಟದಲ್ಲಿ ಯಾವುದೇ ಆಡಂಬರ ಇಷ್ಟವಿರಲಿಲ್ಲ. ಅವರು ಕೇಳುತ್ತಿದ್ದದ್ದು ಕೇವಲ ಅನ್ನ, ಬೇಳೆ ಸಾರು, ಹಪ್ಪಳ ಮತ್ತು ಸಂಡಿಗೆ ಮಾತ್ರ! ಅಷ್ಟು ಸಿಂಪಲ್ ಆಗಿದ್ದರು ಅವರು. ಅರಮನೆಯಲ್ಲಿ ಅಂತಹ ಭರ್ಜರಿ ಭಕ್ಷ್ಯಗಳು ತಯಾರಾಗುವುದು ಕೇವಲ ನವರಾತ್ರಿ (ದಸರಾ) ಹಬ್ಬದ ಸಮಯದಲ್ಲಿ ಮಾತ್ರ. ದೇವರಿಗೆ ನೈವೇದ್ಯ ಮಾಡಿದ ಪ್ರಸಾದವನ್ನೇ ನಾವು ಊಟಕ್ಕೆ ಬಳಸಿಕೊಳ್ಳುತ್ತೇವೆ. ಉಳಿದ ದಿನಗಳಲ್ಲಿ ಎಲ್ಲರ ಮನೆಯಂತೆ ಸಾಮಾನ್ಯ ಊಟವೇ ಇರುತ್ತದೆ" ಎಂದರು.

ಅರಮನೆ ಬದುಕಿಗೂ ಜನಸಾಮಾನ್ಯರ ಬದುಕಿಗೂ ವ್ಯತ್ಯಾಸವಿಲ್ಲ

ರಾಜಮನೆತನದ ಜೀವನಶೈಲಿ ಬಗ್ಗೆ ಮಾತನಾಡುತ್ತಾ, "ಅರಮನೆಯ ಬದುಕಿಗೂ ಸಾಮಾನ್ಯ ಜನರ ಬದುಕಿಗೂ ಯಾವುದೇ ವ್ಯತ್ಯಾಸವಿಲ್ಲ. ಇದು ಕೇವಲ ನೋಡುವ ದೃಷ್ಟಿಯ ವ್ಯತ್ಯಾಸ ಅಷ್ಟೇ. ನೀವು ಇದನ್ನು ‘ಅರಮನೆ’ ಎಂದು ನೋಡ್ತೀರಿ, ಆದರೆ ನಾವಿದನ್ನು ನಮ್ಮ ‘ಮನೆ’ ಎಂದು ಭಾವಿಸಿ ವಾಸಿಸುತ್ತಿದ್ದೇವೆ. ನಿಜ ಜೀವನದಲ್ಲಿ ಯಾವುದೇ ಭಿನ್ನತೆ ಇಲ್ಲ" ಎಂದು ಸರಳತೆಯನ್ನು ಮೆರೆದರು.

ಚಪ್ಪಾಳೆ ತಟ್ಟಿದರೆ ದಾಸಿಯರು ಬರೋ ಕಾಲ ಇದಲ್ಲ!

ಸಿನಿಮಾಗಳಲ್ಲಿ ರಾಜರು ಚಪ್ಪಾಳೆ ತಟ್ಟಿದರೆ ದಾಸಿಯರು ಬರುವ ದೃಶ್ಯಗಳ ಕುರಿತ ಪ್ರಶ್ನೆಗೆ ಉತ್ತರಿಸಿ, "ಹಿಂದಿನ ಕಾಲದಲ್ಲಿ ಆ ಪದ್ಧತಿ ಇತ್ತೇನೋ, ಆದರೆ ಈಗ ಕಾಲ ಬದಲಾಗಿದೆ. ಆ ತರಹ ಇರಲು ಈಗ ಸಾಧ್ಯವೂ ಇಲ್ಲ. ಬೆಂಗಳೂರು ಮತ್ತು ಮೈಸೂರು ಅರಮನೆ ಎರಡೂ ಸೇರಿ ಸುಮಾರು 70 ರಿಂದ 100 ಜನ ಸಿಬ್ಬಂದಿ ಇದ್ದಾರೆ. ನಾವು ಅವರನ್ನು ಸಿಬ್ಬಂದಿ ಎಂದು ಭಾವಿಸಿಲ್ಲ, ಅವರೆಲ್ಲರೂ ನಮ್ಮ ಕುಟುಂಬದ ಸದಸ್ಯರಂತೆ. ಅರಮನೆಯ ಖರ್ಚನ್ನು ನಿಭಾಯಿಸಿಕೊಂಡು ಹೋಗುವಷ್ಟರ ಮಟ್ಟಿಗೆ ಆದಾಯವನ್ನು ಸರಿದೂಗಿಸಿಕೊಂಡಿದ್ದೇವೆ" ಎಂದರು.

ಸ್ವತಃ ಅಡುಗೆ ಮಾಡ್ತಾರೆ, ಬೆಳಗ್ಗೆ 4:30ಕ್ಕೆ ಶುರುವಾಗುತ್ತೆ ದಿನಚರಿ

ಅಡುಗೆ ಹವ್ಯಾಸ: "ನನಗೂ ಅಡುಗೆ ಮಾಡುವ ಹವ್ಯಾಸವಿದೆ. ನಮ್ಮ ಮನೆಯಲ್ಲಿ ಯಾರು ಬೇಕಾದರೂ ಏನು ಬೇಕಾದರೂ ಮಾಡಿಕೊಳ್ಳಬಹುದು. ಯಾವುದೇ ಕಟ್ಟುಪಾಡುಗಳಿಲ್ಲ. ದೇವರ ನೈವೇದ್ಯ ಹೊರತುಪಡಿಸಿ, ನಮಗೆ ಬೇಕಾದ ಅಡುಗೆಯನ್ನು ನಾವೇ ಮಾಡಿಕೊಳ್ಳುತ್ತೇವೆ."

ದಿನಚರಿ & ಫಿಟ್‌ನೆಸ್: "ನನ್ನ ದಿನಚರಿಗೆ ಯಾವುದೇ ಫಿಕ್ಸೆಡ್ ರೂಟೀನ್ ಇಲ್ಲ. ಬೆಳಗ್ಗೆ 4:30ಕ್ಕೆ ದಿನ ಆರಂಭವಾಗುತ್ತದೆ. ಕೆಲಸಗಳು ಮುಗಿಯುವುದು ಕೆಲವೊಮ್ಮೆ ಸಂಜೆ 6 ಗಂಟೆಗೆ, ಇನ್ನು ಕೆಲವೊಮ್ಮೆ ರಾತ್ರಿ 12 ಗಂಟೆಗೂ ಆಗಬಹುದು. ಯಾವುದೇ ಜಿಮ್ ಟ್ರೈನರ್ ಇಲ್ಲದೆ, ಫ್ಲೆಕ್ಸಿಬಿಲಿಟಿಗಾಗಿ ನಾನೇ ಸ್ವತಃ ವ್ಯಾಯಾಮ ಮಾಡಿಕೊಳ್ಳುತ್ತೇನೆ" ಎಂದು ತಮ್ಮ ಸ್ವಾವಲಂಬಿ ಜೀವನವನ್ನು ಹಂಚಿಕೊಂಡರು.

ಅರಮನೆಯಲ್ಲಿ ಇಷ್ಟವಾದ ಜಾಗ (ಫೇವರಿಟ್ ಸ್ಪಾಟ್)

ವಿಶಾಲವಾದ ಅರಮನೆಯಲ್ಲಿ ನಿಮಗೆ ಅತ್ಯಂತ ಇಷ್ಟವಾದ ಜಾಗ ಯಾವುದು ಎಂದು ಕೇಳಿದಾಗ, "ಅಂತಹ ಜಾಗಗಳು ಒಂದಲ್ಲ, ಬೇಕಾದಷ್ಟಿವೆ!" ಎಂದು ಹೇಳುವ ಮೂಲಕ ಅರಮನೆಯ ಪ್ರತಿಯೊಂದು ಮೂಲೆಗೂ ತಮಗಿರುವ ಬಾಂಧವ್ಯವನ್ನು ವ್ಯಕ್ತಪಡಿಸಿದ್ದಾರೆ.

ಅಣ್ಣಾವ್ರಿಗೆ ಆಕ್ಷನ್ ಕಟ್ ಹೇಳಿದ ಅತ್ಯಂತ ಕಿರಿಯ ನಿರ್ದೇಶಕ: ಶಂಕರ್ ನಾಗ್ ನಿರ್ದೇಶನದ ಕೊನೆಯ ಚಿತ್ರದ ರೋಚಕ ಸಂಗತಿಗಳು

Bhimasi M Koleppanavar — Sat, 14 Nov 2026 15:38:49 +0530

ಹೌದು ಬದುಕಲ್ಲಿ ದುರಾಸೆ ಹೆಚ್ಚಾದಾಗ ಮುಗ್ಧತೆ ಸಾವಾಗುವುದಂತು ನಿಶ್ಚಿತ. ಅದಕ್ಕು 90ರ ದಶಕದಲ್ಲಿನ ಒಂದು ಕಡಲತೀರದ ಕಥೆಯೇ ಸಾಕ್ಷಿ ಅದೇ ಒಂದು ಮುತ್ತಿನ ಕಥೆ. ಅಲ್ಲದೇ ಶಂಕರ್‍‌ನಾಗ್‌ ಆಕ್ಷನ್‌ ಕಟ್‌ ಹೇಳಿದ ಕೊನೇ ಸಿನೆಮಾ. ಇಲ್ಲಿ ನಡೆದ ಅನೇಕ ರೋಚಕ ಸಂಗತಿಗಳಿಗೆ ಈ ಸ್ಟೋರಿ ಸಾಕ್ಷಿಯಾಗಲಿದೆ. ಈ ನಿಟ್ಟಿನಲ್ಲಿ ಸ್ಟೋರಿ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಕಿರಿಯ ನಿರ್ದೇಶಕ ಶಂಕರ್ ನಾಗ್!

ಅಣ್ಣಾವ್ರಿಗೆ ಆಕ್ಷನ್ ಕಟ್ ಹೇಳಿದ ಅತ್ಯಂತ ಕಿರಿಯ ನಿರ್ದೇಶಕ ಎಂಬ ಹೆಗ್ಗಳಿಕೆ ಶಂಕರ್ ನಾಗ್ ಅವರಿಗೆ ಸಲ್ಲುತ್ತದೆ. ಅವರಿಗೆ ಆಗ ಸುಮಾರು 32-33 ವರ್ಷ ವಯಸ್ಸು. ಅಲ್ಲದೇ ಇದು ಶಂಕರ್ ನಾಗ್ ಅವರು ನಿರ್ದೇಶನ ಮಾಡಿದ ಕಟ್ಟಕಡೆಯ ಸಿನಿಮಾ. ಅದರಂತೆ 1987ರಲ್ಲಿ ಬಿಡುಗಡೆಯಾಯಿತು. 1990ರಲ್ಲಿ ಅವರು ಅಕಾಲಿಕ ಮರಣ ಹೊಂದುವ ಮುನ್ನ 'ಮಾಲ್ಗುಡಿ ಡೇಸ್' ಧಾರಾವಾಹಿಯಲ್ಲಿ ತೊಡಗಿಸಿಕೊಂಡಿದ್ದರು. ಆದರೆ ವಿಧಿಯ ಅವರನ್ನು ಕರೆಸಿಕೊಂಡಿತು.

ಅಪರೂಪದ ಕಾಂಬಿನೇಷನ್!

ಡಾ. ರಾಜ್‌ಕುಮಾರ್ ನಟಿಸಿದ ಮತ್ತು ಶಂಕರ್ ನಾಗ್ ನಿರ್ದೇಶನ ಮಾಡಿದ ಏಕೈಕ ಚಿತ್ರ ಇದಾಗಿದೆ. ಆದರೆ 'ಅಪೂರ್ವ ಸಂಗಮ' ಚಿತ್ರದಲ್ಲಿ ಇಬ್ಬರೂ ಒಟ್ಟಿಗೆ ನಟಿಸಿದ್ದರು. ಅಣ್ಣಾವ್ರು ಸಾಮಾನ್ಯವಾಗಿ ಹಿರಿಯ ಮತ್ತು ಅನುಭವಿ ನಿರ್ದೇಶಕರ ಜೊತೆ ಹೆಚ್ಚು ಕೆಲಸ ಮಾಡುತ್ತಿದ್ದರು. ಆದರೆ ಶಂಕರ್ ನಾಗ್ ಅವರ ತಾಂತ್ರಿಕ ದೂರದೃಷ್ಟಿ ಮತ್ತು ಕಥೆ ಹೇಳುವ ಶೈಲಿ ಮೆಚ್ಚಿ ಈ ಚಿತ್ರಕ್ಕೆ ಒಪ್ಪಿಗೆ ನೀಡಿದ್ದರು.

ಭಾರತೀಯ ಚಿತ್ರರಂಗದಲ್ಲೇ ಪ್ರಥಮ ಪ್ರಯೋಗ!

ಶಂಕರ್ ನಾಗ್ ಅವರು ಭಾರತೀಯ ಚಿತ್ರರಂಗದಲ್ಲೇ ಮೊದಲ ಬಾರಿಗೆ ಆಕ್ಸಿಜನ್ ಮಾಸ್ಕ್ ಇಲ್ಲದೆ ಆಳ ಸಮುದ್ರದಲ್ಲಿ ಸಾಹಸ ದೃಶ್ಯಗಳನ್ನು ಚಿತ್ರೀಕರಿಸುವ ಸಾಹಸ ಮಾಡಿದರು. ಅಷ್ಟೇ ಅಲ್ಲ 1987ರಲ್ಲೇ ಯಾವುದೇ ವಿಎಫ್‌ಎಕ್ಸ್ (VFX) ಇಲ್ಲದೆ ಮಾಲ್ಡೀವ್ಸ್ ಸಮುದ್ರದ ಆಳದಲ್ಲಿ ಚಿತ್ರೀಕರಣ ನಡೆಸಲಾಗಿತ್ತು. ಇದಕ್ಕಾಗಿ ಕೆನಡಾದ ವಿಶೇಷ ಕ್ಯಾಮೆರಾ ಮತ್ತು ಜರ್ಮನ್ ಅಂಡರ್‌ವಾಟರ್ ಛಾಯಾಗ್ರಾಹಕರನ್ನು ಕರೆಸಲಾಗಿತ್ತು.

58ನೇ ವಯಸ್ಸಿನಲ್ಲಿ ಅಣ್ಣಾವ್ರ ಸಾಹಸ!

ಶಂಕರ್ ನಾಗ್ ಅವರ ಕನಸನ್ನು ನನಸು ಮಾಡಲು 58 ವರ್ಷ ವಯಸ್ಸಿನ ಡಾ. ರಾಜ್‌ಕುಮಾರ್ ಅವರು ವಿಶೇಷ ತರಬೇತಿ ಪಡೆದು, ನೀರಿನೊಳಗೆ ಕೃತಕ ಆಕ್ಟೋಪಸ್ ಜೊತೆ ನೈಜವಾಗಿ ಹೋರಾಡಿದ್ದರು. ಇಲ್ಲಿ ನೋಡಬೇಕಾದ ಇನ್ನೊಂದು ಅಂಶ ಎಂದರೆ, ಡಾ. ರಾಜ್‌ಕುಮಾರ್ ಅವರ ಸೂಪರ್‌ಸ್ಟಾರ್ ಇಮೇಜ್ ಪಕ್ಕಕ್ಕಿಟ್ಟು, ಒಬ್ಬ ಸಾಮಾನ್ಯ, ಅಸಹಾಯಕ ಮೀನುಗಾರ 'ಐತು' ಪಾತ್ರದಲ್ಲಿ ಅವರಿಂದ ಅತ್ಯಂತ ಸಹಜ ಅಭಿನಯವನ್ನು ಶಂಕರ್ ನಾಗ್ ತೆಗೆಸಿದ್ದರು. ಇದು ಅಣ್ಣಾವ್ರ ದೊಡ್ಡತನ ಹಾಗೂ ಕಲೆಯ ಮೇಲೆ ಅವರಿಗಿದ್ದ ಅಭಿಮಾನವನ್ನು ಎತ್ತಿ ತೋರಿಸುತ್ತದೆ.

ಇಬ್ಬರು ದಿಗ್ಗಜರ ಗಾಯನ!

ಈ ಚಿತ್ರದ ಮೇಲಿಂದ ಹುಣ್ಣಿಮೆ ಚಂದ್ರ ಎಂಬ ಹಾಡನ್ನು ಡಾ. ರಾಜ್‌ಕುಮಾರ್ ಮತ್ತು ಶಂಕರ್ ನಾಗ್ ಇಬ್ಬರೂ ಒಟ್ಟಿಗೆ ಹಾಡಿದ್ದಾರೆ. ಇದು ದುರಂತ ಅಂತ್ಯ ಇದ್ದ ಕಾರಣ ಅಂದು ಬಾಕ್ಸ್ ಆಫೀಸ್‌ನಲ್ಲಿ ನಿರೀಕ್ಷಿತ ಯಶಸ್ಸು ಸಿಗದಿದ್ದರೂ, ಶಂಕರ್ ನಾಗ್ ಅವರ ನಿರ್ದೇಶನದ ತಾಕತ್ತಿನಿಂದಾಗಿ ಇಂದು ಇದು ಕನ್ನಡದ ಎವರ್‌ಗ್ರೀನ್ 'ಕಲ್ಟ್ ಕ್ಲಾಸಿಕ್' ಸಿನಿಮಾವಾಗಿ ಇನ್ನು ಉಳಿದಿದೆ.

ಅಂದು ಧ್ವನಿಗಾಗಿ ಗೇಲಿ, ಇಂದು ಅದೇ ಧ್ವನಿಗೆ ಫಿದಾ: ಕಂಚಿನ ಕಂಠವಿರುವ ಈ ನಟನ ಬಗ್ಗೆ ನಿಮಗೆಷ್ಟು ಗೊತ್ತು?

Govindaraj S — Sat, 14 Nov 2026 15:29:03 +0530

ಚಿತ್ರರಂಗದಲ್ಲಿ ಕೆಲವರ ಪ್ರತಿಭೆಯೇ ಅವರ ಗುರುತಾಗಿ ಬಿಡುತ್ತದೆ. ಅಂತಹವರಲ್ಲಿ ನಟ ಅರ್ಜುನ್ ದಾಸ್ ಕೂಡ ಒಬ್ಬರು. ಅವರ ಗಂಭೀರ ಹಾಗೂ ವಿಶಿಷ್ಟ ಧ್ವನಿಗೆ ದೊಡ್ಡ ಅಭಿಮಾನಿ ಬಳಗವೇ ಇದೆ. ‘ಕೈದಿ’, ‘ಮಾಸ್ಟರ್’ ಸಿನಿಮಾಗಳಲ್ಲಿನ ಪಾತ್ರಗಳ ಮೂಲಕ ಗಮನ ಸೆಳೆದಿರುವ ಅವರು, ಹಾಲಿವುಡ್‌ನ ಜನಪ್ರಿಯ ಸಿನಿಮಾ ‘ದಿ ಲಯನ್ ಕಿಂಗ್’ನ ತಮಿಳು ಆವೃತ್ತಿಯಲ್ಲಿ ಮುಫಾಸಾ ಪಾತ್ರಕ್ಕೆ ಧ್ವನಿ ನೀಡುವ ಮೂಲಕವೂ ಮೆಚ್ಚುಗೆ ಗಳಿಸಿದ್ದಾರೆ.

ಆದರೆ ಇಂದು ಅಭಿಮಾನಿಗಳು ಮೆಚ್ಚುವ ಇದೇ ಧ್ವನಿ ಒಂದು ಕಾಲದಲ್ಲಿ ಅವರಿಗೆ ಮುಜುಗರ ಮತ್ತು ನೋವಿಗೆ ಕಾರಣವಾಗಿತ್ತಂತೆ! ಇತ್ತೀಚೆಗೆ ಪರ್ಲೆ ಮಾನಿ ನಡೆಸಿಕೊಡುವ ‘ಪರ್ಲೆ ಮಾನಿ ಶೋ’ನಲ್ಲಿ ಭಾಗವಹಿಸಿದ್ದ ಅರ್ಜುನ್ ದಾಸ್, ತಮ್ಮ ಬಾಲ್ಯದ ದಿನಗಳ ಕಹಿ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ತಮ್ಮ 18ನೇ ವಯಸ್ಸಿನ ಅರ್ಜುನ್‌ಗೆ ಕೇವಲ 10ರಿಂದ 15 ನಿಮಿಷ ಮಾತನಾಡುವ ಅವಕಾಶ ಸಿಕ್ಕರೆ ಏನು ಹೇಳುತ್ತೀರಿ ಎಂಬ ನಿರೂಪಕಿಯ ಪ್ರಶ್ನೆಗೆ ಅವರು ನೀಡಿದ ಉತ್ತರ ಈಗ ಗಮನ ಸೆಳೆಯುತ್ತಿದೆ.

ಧ್ವನಿ, ದೇಹದ ತೂಕದ ವಿಚಾರದಲ್ಲಿ ಎದುರಿಸಿದ್ದರು ಅಣಕ!

ಚಿಕ್ಕ ವಯಸ್ಸಿನಲ್ಲಿ ತಮ್ಮ ದಪ್ಪ ಧ್ವನಿ ಹಾಗೂ ದೇಹದ ತೂಕದ ಕಾರಣದಿಂದ ಸಾಕಷ್ಟು ಟೀಕೆ ಮತ್ತು ಅಪಹಾಸ್ಯಕ್ಕೆ ಗುರಿಯಾಗಿದ್ದಾಗಿ ಅರ್ಜುನ್ ದಾಸ್ ಹೇಳಿದ್ದಾರೆ. ಅತಿಯಾದ ತೂಕದ ಜೊತೆಗೆ ಇತರರಿಗಿಂತ ಭಿನ್ನವಾಗಿದ್ದ ಗಂಭೀರ ಧ್ವನಿ ಅವರ ಪಾಲಿಗೆ ಅಂದು ದೊಡ್ಡ ಮುಜುಗರದ ಸಂಗತಿಯಾಗಿತ್ತಂತೆ. ಈ ಕಾರಣಕ್ಕೆ ಹಲವರು ಅವರನ್ನು ತಮಾಷೆ ಮಾಡುತ್ತಿದ್ದರು. ಧ್ವನಿಯ ವಿಚಾರದಲ್ಲಿ ಅವಮಾನಿಸುವುದರ ಜೊತೆಗೆ ದೇಹದ ತೂಕವನ್ನೂ ಗೇಲಿ ಮಾಡುತ್ತಿದ್ದರಂತೆ.

ಅಂದಿನ ದಿನಗಳನ್ನು ನೆನಪಿಸಿಕೊಂಡ ಅರ್ಜುನ್, ತಮ್ಮ 18ನೇ ವಯಸ್ಸಿನ ಸ್ವರೂಪಕ್ಕೆ ಒಂದು ಮಾತು ಹೇಳಬೇಕೆಂದರೆ, ಇತರರ ಟೀಕೆಗಳಿಗೆ ಅಷ್ಟೊಂದು ತಲೆಕೆಡಿಸಿಕೊಳ್ಳಬೇಡ, ಗಟ್ಟಿಯಾಗಿ ನಿಲ್ಲು, ಎಲ್ಲವೂ ಒಂದು ದಿನ ಸರಿಯಾಗುತ್ತದೆ ಎಂದು ಧೈರ್ಯ ತುಂಬುತ್ತಿದ್ದೆ ಎಂದಿದ್ದಾರೆ. ಅಂದು ಯಾರಿಂದ ಅಪಹಾಸ್ಯಕ್ಕೆ ಗುರಿಯಾಗಿದ್ದೆಯೋ, ಅದೇ ಧ್ವನಿಗೆ ಮುಂದೆ ಜನರು ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ ಎಂಬುದನ್ನು ಆಗಲೇ ತಿಳಿದಿದ್ದರೆ ಚೆನ್ನಾಗಿರುತ್ತಿತ್ತು ಎಂಬ ಭಾವನೆಯನ್ನೂ ವ್ಯಕ್ತಪಡಿಸಿದ್ದಾರೆ.

‘ನಾನು ಸಾಕಷ್ಟು ಸಮರ್ಥನೇ?’ ಎಂಬ ಪ್ರಶ್ನೆಯೇ ‘ಜಾನ್ ಡೋ’ ಸಿನಿಮಾದ ಆಕರ್ಷಣೆ!

ತಮ್ಮ ಜೀವನದಲ್ಲಿ ಎದುರಿಸಿದ ಕೀಳರಿಮೆ ಮತ್ತು ಆತ್ಮವಿಶ್ವಾಸದ ಕೊರತೆಯ ಅನುಭವಗಳೇ ‘ಜಾನ್ ಡೋ’ ಎಂಬ ಸೈಕಲಾಜಿಕಲ್ ಥ್ರಿಲ್ಲರ್ ಸಿನಿಮಾದತ್ತ ತಮ್ಮನ್ನು ಹೆಚ್ಚು ಆಕರ್ಷಿಸಿದವು ಎಂದು ಅರ್ಜುನ್ ಹೇಳಿದ್ದಾರೆ. ಈ ಸಿನಿಮಾದ ಪ್ರಮುಖ ವಿಚಾರವೇ, ‘ನಾನು ಸಾಕಷ್ಟು ಸಮರ್ಥನೇ?’ ಎಂಬ ಪ್ರಶ್ನೆ. ಈ ಪ್ರಶ್ನೆ ಕೇವಲ ಒಬ್ಬ ವ್ಯಕ್ತಿಗೆ ಸೀಮಿತವಾಗಿಲ್ಲ. ತಂದೆ-ತಾಯಿ, ಸಂಗಾತಿ, ಸಹೋದರ-ಸಹೋದರಿ ಅಥವಾ ಸ್ನೇಹಿತರಾಗಿ ಪ್ರತಿಯೊಬ್ಬರೂ ಒಂದಲ್ಲ ಒಂದು ಸಂದರ್ಭದಲ್ಲಿ ಇಂತಹ ಅನುಮಾನವನ್ನು ಎದುರಿಸುತ್ತಾರೆ.

ನಾವು ಸಾಕಾಗುವುದಿಲ್ಲವೇನೋ ಎಂಬ ಭಾವನೆ ಹಲವರನ್ನು ಕಾಡುತ್ತದೆ. ಆದರೆ ಒಬ್ಬ ವ್ಯಕ್ತಿಗೆ ತಾನು ಸಾಕು, ತನ್ನಲ್ಲಿಯೂ ಮೌಲ್ಯವಿದೆ ಎಂಬ ಭರವಸೆಯನ್ನು ನೀಡುವವರು ಬಹಳ ಕಡಿಮೆ ಎಂದು ಅರ್ಜುನ್ ಅಭಿಪ್ರಾಯಪಟ್ಟಿದ್ದಾರೆ. ನಮ್ಮ ಸುತ್ತಮುತ್ತಲಿನವರಿಗೆ ಅವರ ಮೌಲ್ಯವನ್ನು ಆಗಾಗ ನೆನಪಿಸುವುದು ಬಹಳ ಮುಖ್ಯ. ಪ್ರತಿಯೊಬ್ಬರೂ ತಮ್ಮನ್ನು ತಾವು ನಂಬುವಂತೆ ಪ್ರೋತ್ಸಾಹಿಸಬೇಕು ಎಂಬ ಸಂದೇಶವನ್ನೂ ಅವರು ಹಂಚಿಕೊಂಡಿದ್ದಾರೆ.

‘ರಾಕಿ’ ಸಿನಿಮಾದ ಡೈಲಾಗ್‌ ಅರ್ಜುನ್‌ಗೆ ದೊಡ್ಡ ಸ್ಫೂರ್ತಿ!

ಬಾಲ್ಯದಲ್ಲಿ ಸಾಕಷ್ಟು ಟೀಕೆಗಳನ್ನು ಎದುರಿಸಿದರೂ, ಇಂದು ಅರ್ಜುನ್ ದಾಸ್ ತಮ್ಮದೇ ಆದ ಗಟ್ಟಿಯಾದ ಮನೋಭಾವವನ್ನು ಬೆಳೆಸಿಕೊಂಡಿದ್ದಾರೆ. ಅದಕ್ಕೆ ಅವರಿಗೆ ಸ್ಫೂರ್ತಿ ನೀಡುತ್ತಿರುವುದು ‘ರಾಕಿ’ ಸಿನಿಮಾದ ಪ್ರಸಿದ್ಧ ಮಾತು. ಈ ಮಾತನ್ನೇ ಅವರು ತಮ್ಮ ಮೊಬೈಲ್ ವಾಲ್‌ಪೇಪರ್ ಆಗಿಯೂ ಇಟ್ಟುಕೊಂಡಿದ್ದಾರಂತೆ. 'ನೀವು ಎಷ್ಟು ಬಲವಾಗಿ ಹೊಡೆಯುತ್ತೀರಿ ಎಂಬುದಕ್ಕಿಂತ, ಎಷ್ಟು ಬಲವಾದ ಹೊಡೆತಗಳನ್ನು ತಡೆದುಕೊಂಡು ಮತ್ತೆ ಮುಂದೆ ಸಾಗುತ್ತೀರಿ ಎಂಬುದೇ ಮುಖ್ಯ' ಎಂಬುದು ಆ ಮಾತಿನ ಅರ್ಥ.

ಇನ್ನು ತಮ್ಮ ಬದುಕಿನ ಕಷ್ಟದ ಸಮಯದಲ್ಲಿ ತಂದೆ-ತಾಯಿಯೇ ದೊಡ್ಡ ಆಸರೆಯಾಗಿದ್ದರು ಎಂದು ಅರ್ಜುನ್ ಸ್ಮರಿಸಿದ್ದಾರೆ. ಹೊರಗಿನವರ ಟೀಕೆಗಳಿಗೆ ಕಿವಿಗೊಡದೆ, ತಲೆತಗ್ಗಿಸಿ ಕಷ್ಟಪಟ್ಟು ಕೆಲಸ ಮಾಡುತ್ತಾ, ನಮ್ಮ ಮೇಲೆ ನಮಗೆ ನಂಬಿಕೆ ಇಟ್ಟು ಮುನ್ನಡೆಯಬೇಕು ಎಂಬುದು ಅವರ ಮಾತು. ಒಂದು ಕಾಲದಲ್ಲಿ ಅಣಕಕ್ಕೆ ಕಾರಣವಾಗಿದ್ದ ಧ್ವನಿಯೇ ಇಂದು ಅರ್ಜುನ್ ದಾಸ್ ಅವರ ದೊಡ್ಡ ಶಕ್ತಿಯಾಗಿದೆ. ಟೀಕೆಗಳನ್ನು ಮೆಟ್ಟಿನಿಂತು ತಮ್ಮದೇ ಆದ ಗುರುತು ಮೂಡಿಸಿರುವ ಅವರ ಬದುಕಿನ ಪಯಣ, ಆತ್ಮವಿಶ್ವಾಸ ಕಳೆದುಕೊಳ್ಳುತ್ತಿರುವ ಅನೇಕರಿಗೆ ಸ್ಫೂರ್ತಿಯಾಗುವುದರಲ್ಲಿ ಸಂದೇಹವಿಲ್ಲ.

ಜಾಗತಿಕ ಉದ್ವಿಗ್ನತೆಗೆ ಕಾರಣ ಯಾರು? ಭಾರತ-ಅಮೆರಿಕ ವ್ಯಾಪಾರ ಒಪ್ಪಂದದ ಬಗ್ಗೆ ಎಸ್ ಜೈಶಂಕರ್ ಮಹತ್ವದ ಹೇಳಿಕೆ!

Ravi Janekal — Sat, 14 Nov 2026 15:16:59 +0530

ಅಮೆರಿಕ ಮಧ್ಯಂತರ ಚುನಾವಣೆ ನಡುವೆ ಭಾರತ-ಅಮೆರಿಕ ಸಂಬಂಧ ಮತ್ತೆ ಮಹತ್ವ ಪಡೆದುಕೊಂಡಿದೆ. ಯುಎಸ್‌-ಭಾರತ ನಡುವಿನ ವ್ಯಾಪಾರ ಒಪ್ಪಂದ ಶೀಘ್ರವೇ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ. ಈ ಬಗ್ಗೆ ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಮಹತ್ವದ ಹೇಳಿಕೆ ನೀಡಿದ್ದಾರೆ.

ಭಾರತ-ಅಮೆರಿಕ ವ್ಯಾಪಾರ ಒಪ್ಪಂದ ಯಾವಾಗ ಪೂರ್ಣಗೊಳ್ಳುತ್ತೆ?

ಭಾರತ-ಅಮೆರಿಕ ನಡುವಿನ ವ್ಯಾಪಾರ ಒಪ್ಪಂದಕ್ಕೆ ಸಂಬಂಧಿಸಿದಂತೆ ವಿದೇಶಾಂಗ ಸಚಿವ ಎಸ್ ಜೈಶಂಕರ್ ಪ್ರತಿಕ್ರಿಯಿಸಿದ್ದು, ಒಪ್ಪಂದಕ್ಕೆ ಸಂಬಂಧಿಸಿದಂತೆ ಹೆಚ್ಚಿನ ಸಮಸ್ಯೆಗಳನ್ನು ಈಗಾಗಲೇ ಪರಿಹರಿಸಲಾಗಿದೆ. ಆದರೆ ಇನ್ನುಳಿದ ಸಮಸ್ಯೆಗಳು ಭಾರತದ ಕಡೆಗಿಂತ ಅಮೆರಿಕದ ಕಡೆಗೆ ಹೆಚ್ಚು ಇವೆ ಎಂದು ತಿಳಿಸಿದ್ದಾರೆ.

ಹಿಂದೂಸ್ತಾನ ಟೈಮ್ಸ್ ವರದಿ ಪ್ರಕಾರ, ಭಾರತ-ಅಮೆರಿಕ ಎರಡೂ ದೇಶಗಳು ಪರಸ್ಪರ ವ್ಯಾಪಾರ ಸಂಬಂಧ ಒಪ್ಪಂದಗಳ ಬಗ್ಗೆ ಉತ್ತಮವಾಗಿ ಪ್ರತಿಕ್ರಿಯಿಸಿವೆ. ಈ ಮಾತುಕತೆಗಳೆಲ್ಲ ಇದೀಗ ಅಂತಿಮ ಹಂತಕ್ಕೆ ಬಂದು ನಿಂತಿವೆ. ಅಲ್ಲದೆ ಶೀಘ್ರದಲ್ಲೇ ಪೂರ್ಣಗೊಳ್ಳಲಿವೆ ಎಂದು ವಿದೇಶಾಂಗ ಸಚಿವ ಜೈಶಂಕರ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ. ಇದು ರಹಸ್ಯವೇನಲ್ಲ ಈ ಬಗ್ಗೆ ನಾವು ವಾಣಿಜ್ಯ ಸಚಿವ ಪಿಯೂಷ್ ಗೋಯಲ್ ಅವರೊಂದಿಗೆ ಚರ್ಚೆ ನಡೆಸುತ್ತಿದ್ದೇವೆ. ನನಗೆ ತಿಳಿದಿರುವಂತೆ ನಾವು(ಭಾರತ) ಹೆಚ್ಚಿನ ಸಮಸ್ಯೆಗಳನ್ನು ಪರಿಹರಿಸಿದ್ದೇವೆ. ಕೆಲವು ವಿಷಯಗಳು ಮಾತ್ರ ಅಂತಿಮಗೊಳಿಸುವುದು ಬಾಕಿಯಿದೆ ಎಂದು ಹೇಳಿದ್ದಾರೆ.

ಭಾರತ-ಅಮೆರಿಕ ವ್ಯಾಪಾರ ಒಪ್ಪಂದಗಳಲ್ಲಿನ ಸಮಸ್ಯೆಗಳು ನಮ್ಮ ಕಡೆಯಿಂದ ಕಡಿಮೆ ಇವೆ. ಭಾರತಕ್ಕಿಂತ ಅಮೆರಿಕದ ಕಡೆಗಿನ ಸಮಸ್ಯೆಗಳೇ ಹೆಚ್ಚಿವೆ. ಹೀಗಾಗಿ ಈ ಒಪ್ಪಂದವನ್ನು ಶೀಘ್ರವಾಗಿ ಅಂತಿಮಗೊಳಿಸಲು ನಾವು ನಿರೀಕ್ಷಿಸುತ್ತೇವೆ ಎಂದಿದ್ದಾರೆ. ಮುಂದುವರಿದು ಮಾತುಕತೆಗಳು ಅಂತಿಮ ಹಂತಕ್ಕೆ ತಲುಪಿದಾಗಲೆಲ್ಲ ಎಲ್ಲರೂ ಅಸಹನೆ ತೋರುತ್ತಾರೆ. ಯಾವ ಸಮಸ್ಯೆಗಳು ಇಕ್ಕಟ್ಟಿಗೆ ಸಿಲುಕಿವೆ. ಅವು ಬಗೆಹರಿಸಲು ಎಷ್ಟು ಸಮಯ ಬೇಕು ಎಂದೆಲ್ಲ ಜನರು ತಿಳಿದುಕೊಳ್ಳಲು ಬಯಸುತ್ತಾರೆ. ಆದರೆ ಮಾತುಕತೆ ನಡೆಸುವ ಅಧಿಕಾರಿಗಳು ಸಾಮಾನ್ಯವಾಗಿ ಈ ಹಂತದಲ್ಲಿ ಅಂತಹ ವಿಷಗಳನ್ನು ಸಾರ್ವಜನಿಕವಾಗಿ ಹಂಚಿಕೊಳ್ಳುವುದಿಲ್ಲ ಎಂದರು. ಇದಕ್ಕೆ ಉದಾಹರಣೆಯೊಂದು ಉಲ್ಲಲೇಖಿಸಿದ ಸಚಿವರು, ವರ್ಷಗಳ ಹಿಂದೆ ಪರಮಾಣು ಒಪ್ಪಂದದ ಮಾತುಕತೆಗಳಲ್ಲಿ ಭಾಗವಹಿಸಿದಾಗ ವಾತಾವರಣವು ಇದೇ ರೀತಿಯದ್ದಾಗಿತ್ತು. ಜನರು ಇದು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ, ಯಾವಾಗ ಪೂರ್ಣಗೊಳ್ಳುತ್ತದೆ ಎಂಬ ಪ್ರಶ್ನೆಗಳನ್ನು ಪದೇ ಪದೇ ಕೇಳುತ್ತಿದ್ದರು ಎಂದು ಹೇಳಿದರು.

ಹೊಸ ಶಕ್ತಿಗಳು ಹೊರಹೊಮ್ಮುತ್ತಿವೆ.

ಇದೇ ವೇಳೆ ಜಾಗತಿಕ ಪರಿಸ್ಥಿತಿ ಬಗ್ಗೆ ಮಾತನಾಡಿದ ಎಸ್ ಜೈಶಂಕರ್ ಅವರು, ಮಧ್ಯಪ್ರಾಚ್ಯ ಮತ್ತು ಉಕ್ರೇನ್‌ನಲ್ಲಿ ನಡೆಯುತ್ತಿರುವ ಸಂಘರ್ಷಗಳು ಹಾಗೂ ಆಫ್ರಿಕಾದ ಕೆಲವು ಭಾಗಗಳಲ್ಲಿ ನಡೆಯುತ್ತಿರುವ ಬಿಕ್ಕಟ್ಟುಗಳ ಬಗ್ಗೆಯೂ ಪ್ರಸ್ತಾಪಿದರು. ಜಾಗತಿಕ ಪರಿಸ್ಥಿತಿಯೂ ಪ್ರಮುಖ ಬದಲಾವಣೆಗೆ ಒಳಗಾಗುತ್ತಿದೆ. ಹೊಸ ಶಕ್ತಿಗಳು ಹೊರಹೊಮ್ಮುತ್ತಿವೆ. ಪ್ರಸ್ತುತ ಉದ್ವಿಗ್ನತೆಗಳಿಗೆ ಅಮೆರಿಕ ಮತ್ತು ಚೀನಾ ನಡುವಿನ ಪೈಪೋಟಿ ಖಂಡಿತವಾಗಿಯೂ ಒಂದು ಪ್ರಮುಖ ಕಾರಣವಾಗಿದೆ. ಆದರೆ ಅದು ಒಂದೇ ಅಲ್ಲ. ಇಂತಹ ಸವಾಲಿನ ಸಮಯದಲ್ಲಿ ಬಲವಾದ ನಾಯಕತ್ವ ತುಂಬಾ ಅಗತ್ಯ ಎಂದರು.

ಲಂಬೋದರ 2.0 ಸಿನಿಮಾ ವಿಮರ್ಶೆ: ನಗಿಸುತ್ತಲೇ ಡಿಜಿಟಲ್ ಜಗತ್ತಿನ ಕರಾಳ ಮುಖ ತೆರೆದಿಟ್ಟ ಸಿಂಪಲ್ ಸುನಿ!

Kannadaprabha News — Sat, 14 Nov 2026 15:15:57 +0530

ಆರ್‌.ಕೇಶವಮೂರ್ತಿ

ಒಬ್ಬ ಸ್ಮಾರ್ಟ್‌ ಹ್ಯಾಕರ್‌, ಇಡೀ ಜಗತ್ತನ್ನೇ ತನ್ನ ಡಿಜಿಟಲ್‌ ಜಗತ್ತಿನಲ್ಲಿ ಬಂಧಿಸುತ್ತೇನೆಂದು ಹೊರಡುವ ಮತ್ತೊಬ್ಬ ವಂಚಕ, ಜನರಿಗೆ ವೆಲ್‌ನೆಸ್‌ ಬಗ್ಗೆ ಪಾಠ ಮಾಡುವ ಇನ್ನೊಬ್ಬಳು. ಈ ಮೂವರ ನಡುವೆ ಜಿಯಾ ಹೆಸರಿನ ರೋಬೋಟ್‌. ಇಷ್ಟೇ ಪಾತ್ರಗಳ ಮೂಲಕ ನಿರ್ದೇಶಕ ಸಿಂಪಲ್‌ ಸುನಿ ಅವರು ನಮಗೆ ಗೊತ್ತಿರುವ ಸ್ಮಾರ್ಟ್‌ ಜಗತ್ತಿನ ಮತ್ತೊಂದು ಮುಖವನ್ನು ತೆರೆದಿಟ್ಟಿದ್ದಾರೆ. ‘ಲಂಬೋದರ 2.0’ ಚಿತ್ರ ಸೈನ್ಸ್‌ ಫಿಕ್ಸ್‌ ಕತೆಯಾದರೂ ಅಲ್ಲಲ್ಲಿ ತಮ್ಮ ಎಂದಿನ ಸೆನ್ಸ್‌ನಿಂದ ಹ್ಯೂಮರ್‌ ಕ್ರಿಯೇಟ್‌ ಮಾಡಿದ್ದಾರೆ ಸಿಂಪಲ್‌ ಸುನಿ. ಹೀಗಾಗಿ ಇದು ಸೆನ್ಸ್‌ ಆಫ್‌ ಹ್ಯೂಮರ್ ಸಿನಿಮಾ.

ಚಿತ್ರದ ನಾಯಕ ಅವ್ಯಕ್ತ ಹ್ಯಾಕರ್‌ ಆಗಿದ್ದರೂ ಆತನಿಗೆ ದೊಡ್ಡ ಮೊತ್ತದಲ್ಲಿ ದೋಚುವ ಉದ್ದೇಶ ಇರಲ್ಲ. ದೊಡ್ಡ ಮೊತ್ತ ಕದ್ದರೆ ಸಿಕ್ಕಿ ಬೀಳುತ್ತೇನೆಂಬ ಭಯ ಮತ್ತು ಮುಂದಾಲೋಚನೆಯಿಂದ ಕೇವಲ 1180 ರು. ಮಾತ್ರ ಅಕೌಂಟ್‌ಗಳಿಂದ ಎಗರಿಸುತ್ತಿರುತ್ತಾನೆ. ಇಂಥವ ಜೀವನಕ್ಕೆ ನಾಯಕಿ ಸಮಯ ಎಂಟ್ರಿ ಕೊಡುತ್ತಾಳೆ. ಜೊತೆಗೆ ಹ್ಯಾಪಿನೆಸ್‌ ಬ್ಯಾಂಡ್‌ ಕೂಡ. ಯಾರು ಹೆಚ್ಚು ಹ್ಯಾಪಿ ಸ್ಕೋರ್‌ ಮಾಡುತ್ತಾರೋ ಅವರಿಗೆ ಒಂದು ಕೋಟಿ ರುಪಾಯಿ ಬಹುಮಾನ ಘೋಷಿಸಿರುತ್ತಾನೆ ಸ್ಮಾರ್ಟ್‌ ಉದ್ಯಮಿ ರಾಘವ್‌ ಕಶ್ಯಪ್‌.

ರಾಘವ್ ಕಶ್ಯಪ್‌ಗೂ, ಸಮಯಗೂ ಇರುವ ನಂಟೇನು, ಹಾಪಿನೆಸ್‌ ಬ್ಯಾಂಡ್‌ ಮೂಲಕ ರಾಘವ್‌ ಕಶ್ಯಪ್‌ ಮಾಡುತ್ತಿರುವ ಡಿಜಿಟಲ್‌ ಸಂಚು ಏನೆಂಬುದನ್ನು ತಿಳಿಯುವುದಕ್ಕೆ ಈ ಸಿನಿಮಾ ನೋಡಬೇಕು. ಪ್ರತಿ ದಿನ ಮಾರುಕಟ್ಟೆಗೆ ಬರುತ್ತಿರುವ ಡಿಜಿಟಲ್‌ ಉಪಕರಣಗಳು ನಮ್ಮ ಜೀವನದ ಪ್ರತಿ ಕ್ಷಣವನ್ನು ಹೇಗೆ ರೂಪಿಸುತ್ತಿವೆ, ನಿಯಂತ್ರಿಸುತ್ತಿವೆ ಎನ್ನುವ ಪ್ರಸ್ತುತ ಕಾಲಘಟ್ಟ ಅತ್ಯಂತ ಗಂಭೀರವಾದ ವಿಷಯವನ್ನು ನಗಿಸುತ್ತಲೇ ಚಿತ್ರದಲ್ಲಿ ಹೇಳಲಾಗಿದೆ. ಐಎ ರೂಪದ ಕೃಷ್ಣ, ನಾಯಕನಿಗೆ ಅಸಿಸ್ಟೆಂಟ್‌ ಪಾತ್ರಧಾರಿಯಾಗಿ ಕಾಣಿಸಿಕೊಂಡಿರುವುದು ಕತೆಯ ನಿರೂಪಣೆಗೆ ಹೊಸತನ ನೀಡಿದೆ. ಜಿಯಾಗಿಂತಲೂ ಆ ಎಐ ಕೃಷ್ಣನೇ ಚಿತ್ರದಲ್ಲಿ ಹೈಲೈಟ್‌ ಆಗಿದ್ದಾನೆ.

ಚಿತ್ರ: ಲಂಬೋದರ 2.0ತಾರಾಗಣ: ಅನಿಲ್‌ ಶೆಟ್ಟಿ, ಕುನಾಲ್‌ ಕಪೂರ್‌, ಸಾಚಿ ಬಿಂದ್ರಾ ರೋಬೋಟ್‌ ಜಿಯಾನಿರ್ದೇಶನ: ಸಿಂಪಲ್‌ ಸುನಿರೇಟಿಂಗ್‌: 3

ಇನ್ನೂ ರಾಘವ್‌ ಕಶ್ಯಪ್‌ ಪಾತ್ರಧಾರಿ ಕುನಾಲ್‌ ಕಪೂರ್‌ ಅವರ ಆಯ್ಕೆ ಅತ್ಯಂತ ಸೂಕ್ತ ಮತ್ತು ಸಮಂಜಸ. ಕುನಾಲ್‌ ಎಲ್ಲೂ ಬಾಲಿವುಡ್‌ ನಟನಂತೆ ಕಾಣಿಸಲ್ಲ. ಸಾಚಿ ಬಿಂದ್ರಾ ಹಾಗೂ ಅನೀಲ್‌ ಶೆಟ್ಟಿ ಜೋಡಿ ತೆರೆ ಮೇಲೆ ನೋಡಲು ಚಂದ. ಜೀವನದ ಎಲ್ಲಾ ಕ್ಷಣಗಳನ್ನು ಸೋಷಿಯಲ್‌ ಮೀಡಿಯಾ, ಡಿಜಿಟಲ್‌ಗೆ ಅಡವಿಟ್ಟ ಎಲ್ಲರು ನೋಡಲೇಬೇಕಾದ ಸಿನಿಮಾ. ಸಂತೋಷ್‌ ರೈ ಪತಾಜೆ ಛಾಯಾಗ್ರಾಹಣ, ವೀರ್‌ ಸಮರ್ಥ್‌ ಸಂಗೀತ, ವಿನಯ್‌ ಕುಮಾರ್‌ ಸಂಕಲನ ಚಿತ್ರದ ತಾಂತ್ರಿಕತೆ ಸೊಬಗು ಹೆಚ್ಚಿಸುವಲ್ಲಿ ಮಹತ್ವ ಪಾತ್ರ ವಹಿಸಿದೆ.

Astrology: ಸಿಂಹ ರಾಶಿಗೆ ಮಂಗಳ ಪ್ರವೇಶ: 4 ರಾಶಿ ಮೇಲೆ ಶನಿ- ಕೇತುವಿನ ನೇರ ಪ್ರಭಾವ

Mahmad Rafik — Sat, 14 Nov 2026 15:13:46 +0530

ನವೆಂಬರ್ 12ರಂದು ಮಂಗಳ ಗ್ರಹವು ಸಿಂಹ ರಾಶಿಯನ್ನು ಪ್ರವೇಶಿಸಿದ್ದು, ಶನಿ ಮತ್ತು ಕೇತುವಿನ ಪ್ರಭಾವದಿಂದ ವಿಶೇಷ ಬದಲಾವಣೆಗಳಾಗಲಿವೆ. ಮುಂದಿನ 5 ತಿಂಗಳುಗಳಲ್ಲಿ 5 ರಾಶಿಯವರಿಗೆ ವೃತ್ತಿ ಹಾಗೂ ಆರ್ಥಿಕವಾಗಿ ಅಪಾರ ಲಾಭ ಸಿಗಲಿದೆ.

ನವೆಂಬರ್ 12ರಂದು ಮಂಗಳ ಗ್ರಹವು ಕರ್ಕ ರಾಶಿಯಿಂದ ಸಿಂಹ ರಾಶಿಯನ್ನು ಪ್ರವೇಶಿಸಿದೆ. ಖ್ಯಾತ ಜ್ಯೋತಿಷಿ ಶೈಲೇಂದ್ರ ಪಾಂಡೆ ಅವರ ಪ್ರಕಾರ, 9ನೇ ಮಾರ್ಚ್ 2027ರವರೆಗೆ ಸಿಂಹ ರಾಶಿಯಲ್ಲಿರಲಿದ್ದು, ಈ ವೇಳೆ ಕೇತು ಸಹ ಜೊತೆಯಲ್ಲಿರುತ್ತಾನೆ. ಈ ಸಂಚಾರ ಶನಿ ದೃಷ್ಟಿಯು ವಿವಿಧ ಬದಲಾವಣೆಗಳನ್ನು ಸೂಚಿಸುತ್ತದೆ. ಈ ಬದಲಾವಣೆ 4 ರಾಶಿಯವರಿಗೆ ಮುಂದಿನ 5 ತಿಂಗಳು ಅದೃಷ್ಟವನ್ನು ನೀಡಲಿದೆ. ಆ ನಾಲ್ಕು ರಾಶಿಗಳು ಯಾವವು?

ಮಂಗಳ ಸಂಚಾರವು ಶುಭ ಫಲಿತಾಂಶಗಳನ್ನು ನೀಡಲಿದ್ದು, ಬಹುದಿನಗಳಿಂದ ಅಪೂರ್ಣಗೊಂಡಿರುವ ಕೆಲಸಗಳು ಪೂರ್ಣಗೊಳ್ಳಲಿವೆ. ಹೂಡಿಕೆಯಲ್ಲಿ ನಷ್ಟ ಅನುಭವಿಸುತ್ತಿರೋರಿಗೆ ಲಾಭ ಸಿಗಲಿದೆ. ವೃತ್ತಿಯಲ್ಲಿ ಬೆಳವಣಿಗೆ ಕಾಣಲಿದ್ದು, ನೀವು ಆಕರ್ಷಣೆಯ ಕೇಂದ್ರಬಿಂದು ಆಗುತ್ತೀರಿ. ಕಠಿಣ ಪರಿಶ್ರಮಕ್ಕೆ ಫಲಿತಾಂಶಗಳು ಸಿಗಲಿವೆ.

ಕೆಲಸದ ಸ್ಥಳದಲ್ಲಿ ಯಶಸ್ಸು ಸಿಗುತ್ತದೆ. ಸೃಜನಶೀಲ ಕ್ಷೇತ್ರಗಳಲ್ಲಿ ಕೆಲಸ ಮಾಡೋರಿಗೆ ಒಳ್ಳೆಯ ದಿನಗಳು ಬರಲಿವೆ. ನಿರುದ್ಯೋಗಿಗಳಿಗೆ ಒಳ್ಳೆಯ ಕೆಲಸ ಸಿಗಲಿದೆ. ಮಂಗಳನ ಬಲದಿಂದ ಕಠಿಣ ಪರಿಶ್ರಮಕ್ಕೆ ಸಕಾರಾತ್ಮಕ ಫಲಿತಾಂಶ ಸಿಗುವ ಶುಭ ಸೂಚನೆಗಳು ಸಿಗಲಿವೆ. ಸ್ನೇಹಿತರು ಮತ್ತು ಸಂಬಂಧಿಕರ ಜೊತೆಗಿನ ಮನಸ್ತಾಪಗಳು ಬಗೆಹರಿಯಲಿವೆ.

ಹೊಸ ವ್ಯವಹಾರ ಆರಂಭಿಸುವ ಮತ್ತು ವಿಸ್ತರಣೆ ಮಾಡಿಕೊಳ್ಳೋರಿಗೆ ಇದು ಶುಭಕರ ಸಮಯವಾಗಿದೆ. ಕಾರ್ಪೋರೇಟ್ ಉದ್ಯೋಗಿಗಳು ಯಶಸ್ಸು ಸಿಗಲಿದೆ. ಉದ್ಯೋಗ ಬದಲಾಯಿಸಲು ಸಹ ಇದು ಸೂಕ್ತ ಸಮಯವಾಗಿದೆ. ಆಸ್ತಿ ಅಥವಾ ಷೇರು ಮಾರುಕಟ್ಟೆಯಲ್ಲಿನ ಹೂಡಿಕೆಗೆ ಒಳ್ಳೆಯ ಲಾಭ ಪಡೆದುಕೊಳ್ಳುವ ಸಾಧ್ಯತೆ.

ವೃತ್ತಿಗೆ ಸಂಬಂಧಿಸಿದ ಅಡೆತಡೆಗಳು ದೂರವಾಗಲಿವೆ. ಬಾಕಿ ಉಳಿದಿರೋ ಕೆಲಸಗಳು ಪೂರ್ಣಗೊಳ್ಳೋದರಿಂದ ಮನಸ್ಸಿಗೆ ನೆಮ್ಮದಿ ಸಿಗುತ್ತದೆ. ಸಂಪತ್ತು ನಿಮ್ಮನ್ನು ಅರಸಿಕೊಂಡು ಬರಲಿದ್ದು, ಆರ್ಥಿಕವಾಗಿ ಸದೃಢವಾಗುತ್ತೀರಿ. ವೆಚ್ಚಗಳು ಕಡಿಮೆಯಾಗಿ ಆದಾಯದ ಮೂಲಗಳು ಹೆಚ್ಚಾಗುವ ಲಕ್ಷಣಗಳು ಗೋಚರಿಸಲಿವೆ. ಈ ಸಮಯದಲ್ಲಿ ಭವಿಷ್ಯದ ಯೋಜನೆಗಳಲ್ಲಿ ಹೂಡಿಕೆ ಮಾಡಬಹುದು.

Interesting News : ಕಾಡಿನಲ್ಲಿರುವ ಮರಗಳೂ ಮಾತನಾಡುತ್ವಾ? ಭೂಮಿ ಕೆಳಗೆ ಅಡಗಿದೆ ನಿಗೂಢ

Roopa Hegde — Sat, 14 Nov 2026 15:05:56 +0530

ಕಾಡಿನಲ್ಲಿರುವ ಮರಗಳ ಬಗ್ಗೆ ನಮಗಿರುವ ಅನೇಕ ಪ್ರಶ್ನೆಗಳಿಗೆ ವಿಜ್ಞಾನದಲ್ಲಿ ಆಸಕ್ತಿದಾಯಕ ಉತ್ತರಗಳಿವೆ. ಸಂಶೋಧನೆಗಳ ಪ್ರಕಾರ, ಮರಗಳು ಪರಸ್ಪರ ಸಂಪರ್ಕದಲ್ಲಿರುತ್ವೆ. ಗಾಳಿಯಲ್ಲಿ ಬಿಡುವ ಕೆಲವು ರಾಸಾಯನಿಕ ವಸ್ತುಗಳು ಮತ್ತು ನೆಲದಡಿಯಲ್ಲಿರುವ ಫಂಗಸ್ಗಳ ಮೂಲಕ ಸುತ್ತಮುತ್ತಲಿನ ಇತರ ಸಸ್ಯಗಳಿಗೆ ಕೆಲವು ಸಂಕೇತಗಳನ್ನು ತಲುಪಿಸುತ್ತವೆ. ಇದನ್ನೇ ಪ್ಲಾಂಟ್ ಕಮ್ಯುನಿಕೇಷನ್ ಅಂದರೆ ಸಸ್ಯಗಳ ನಡುವಿನ ಸಂವಹನ ಎಂದು ಕರೆಯಲಾಗುತ್ತದೆ.

ಗಾಳಿಯ ಮೂಲಕ ಸಂಕೇತ

ಒಂದು ಗಿಡದ ಎಲೆಗಳನ್ನು ಕೀಟಗಳು ತಿನ್ನಲು ಶುರು ಮಾಡಿದಾಗ ಅಥವಾ ಸಸ್ಯಕ್ಕೆ ಹಾನಿಯಾದಾಗ ಅದರೊಳಗೆ ಕೆಲವು ಬದಲಾವಣೆಗಳು ಶುರುವಾಗುತ್ತವೆ. ಈ ವೇಳೆ ಸಸ್ಯವು ವೊಲಟೈಲ್ ಆರ್ಗ್ಯಾನಿಕ್ ಕಂಪೌಂಡ್ಸ್ (VOCs) ಎಂಬ ರಾಸಾಯನಿಕ ವಸ್ತುಗಳನ್ನು ಗಾಳಿಯಲ್ಲಿ ಬಿಡುಗಡೆ ಮಾಡುತ್ತದೆ. ಈ ವಾಸನೆಯನ್ನು ಅಕ್ಕಪಕ್ಕದ ಸಸ್ಯಗಳು ಗ್ರಹಿಸಬಲ್ಲವು. ಇದರಿಂದ ಅವು ಕೂಡ ತಮ್ಮ ರಕ್ಷಣಾ ವ್ಯವಸ್ಥೆಯನ್ನು ಸಕ್ರಿಯಗೊಳಿಸಬಹುದು. ಅಂದರೆ, ಒಂದು ಗಿಡಕ್ಕೆ ಕೀಟಗಳ ದಾಳಿಯಾದಾಗ ಅದರ ಸುತ್ತಮುತ್ತಲಿನ ಗಿಡಗಳೂ ಎಚ್ಚರಗೊಳ್ಳುವ ಸಾಧ್ಯತೆಯಿದೆ. ಕೆಲವು ಸಸ್ಯಗಳಲ್ಲಿ ಇಂತಹ ರಾಸಾಯನಿಕ ಸಂಕೇತಗಳಿಂದ ಕೀಟಗಳ ದಾಳಿಯನ್ನು ಎದುರಿಸುವ ಸಾಮರ್ಥ್ಯ ಹೆಚ್ಚಾಗಿರುವುದು ಸಂಶೋಧನೆಗಳಲ್ಲಿ ಕಂಡುಬಂದಿದೆ.

2014ರಲ್ಲಿ 'Ecology Letters' ಜರ್ನಲ್ನಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ 48 ಸಂಶೋಧನೆಗಳ ಫಲಿತಾಂಶಗಳನ್ನು ವಿಶ್ಲೇಷಿಸಲಾಗಿತ್ತು. ಹಾನಿಗೊಳಗಾದ ಸಸ್ಯಗಳ ಪಕ್ಕದಲ್ಲಿದ್ದ ಇತರ ಸಸ್ಯಗಳಲ್ಲಿ ಕೀಟಗಳ ವಿರುದ್ಧ ಹೋರಾಡುವ ಸಾಮರ್ಥ್ಯ ಹೆಚ್ಚಾಗಿರುವುದಕ್ಕೆ ಪುರಾವೆಗಳು ಸಿಕ್ಕಿದ್ದವು. ಆದರೆ, ಎಲ್ಲ ಸಸ್ಯಗಳಲ್ಲೂ ಇದೇ ರೀತಿ ಆಗುತ್ತದೆ ಎಂದಲ್ಲ. ಸಸ್ಯದ ಪ್ರಭೇದ ಮತ್ತು ಪರಿಸರಕ್ಕೆ ಅನುಗುಣವಾಗಿ ಇದರ ಪರಿಣಾಮ ಬದಲಾಗುತ್ತದೆ.

ಮರಗಳ ಬೇರುಗಳ ಕೆಳಗೂ ಇದೆ ಒಂದು ನೆಟ್ವರ್ಕ್

ಮರಗಳ ಬೇರುಗಳ ಸುತ್ತ ಮಣ್ಣಿನಲ್ಲಿ ಮೈಕೋರೈಜಲ್ ಫಂಗಸ್ಗಳು ಇರುತ್ತವೆ. ಇವು ತಮ್ಮ ತೆಳುವಾದ ದಾರದಂತಹ ರಚನೆಗಳ ಮೂಲಕ ಸಸ್ಯಗಳ ಬೇರುಗಳ ಜೊತೆ ಸಂಪರ್ಕ ಬೆಳೆಸಿಕೊಳ್ಳುತ್ತವೆ. ಈ ಫಂಗಸ್ಗಳು ಮಣ್ಣಿನಿಂದ ನೀರು ಮತ್ತು ಖನಿಜಾಂಶಗಳನ್ನು ಹೀರಿಕೊಳ್ಳಲು ಸಸ್ಯಗಳಿಗೆ ಸಹಾಯ ಮಾಡುತ್ತವೆ. ಇದಕ್ಕೆ ಪ್ರತಿಯಾಗಿ ಸಸ್ಯಗಳು ದ್ಯುತಿಸಂಶ್ಲೇಷಣೆಯ ಮೂಲಕ ತಯಾರಿಸುವ ಸಕ್ಕರೆಯಿಂದ ಫಂಗಸ್ಗಳಿಗೆ ಕಾರ್ಬನ್ ಒದಗಿಸುತ್ತವೆ.

ಕೆಲವೊಮ್ಮೆ ಒಂದೇ ಫಂಗಸ್ ಜಾಲವು ಹಲವು ಸಸ್ಯಗಳ ಬೇರುಗಳ ಜೊತೆ ಸಂಪರ್ಕ ಹೊಂದಿರಬಹುದು. ಇದನ್ನೇ ಕಾಮನ್ ಮೈಕೋರೈಜಲ್ ನೆಟ್ವರ್ಕ್ ಎಂದು ಕರೆಯುತ್ತಾರೆ. ಈ ನೆಟ್ವರ್ಕ್ ಮೂಲಕ ಒಂದು ಮರದಿಂದ ಮತ್ತೊಂದು ಮರಕ್ಕೆ ದೊಡ್ಡ ಪ್ರಮಾಣದಲ್ಲಿ ಪೋಷಕಾಂಶಗಳು ಅಥವಾ ಅಪಾಯದ ಎಚ್ಚರಿಕೆಗಳು ರವಾನೆಯಾಗುತ್ತವೆ ಎಂಬುದಕ್ಕೆ ಇನ್ನೂ ಸಾಕಷ್ಟು ಪುರಾವೆಗಳಿಲ್ಲ.

ದೊಡ್ಡ ಮರಗಳು ಚಿಕ್ಕ ಸಸಿಗಳಿಗೆ ಸಹಾಯ ಮಾಡುತ್ತವೆಯೇ?

ಮರಗಳು ಮತ್ತು ಫಂಗಸ್ಗಳ ನಡುವಿನ ಈ ಸಂಬಂಧದ ಬಗ್ಗೆ ವಿಜ್ಞಾನಿಗಳು ಇನ್ನೂ ಅಧ್ಯಯನ ನಡೆಸುತ್ತಿದ್ದಾರೆ. 2023ರಲ್ಲಿ 'Nature Ecology & Evolution' ಜರ್ನಲ್ನಲ್ಲಿ ಪ್ರಕಟವಾದ ವಿಮರ್ಶಾ ಲೇಖನವು ಈ ಬಗ್ಗೆ ಇರುವ ಕೆಲವು ಜನಪ್ರಿಯ ನಂಬಿಕೆಗಳ ಬಗ್ಗೆ ಪ್ರಶ್ನೆಗಳನ್ನು ಎತ್ತಿದೆ. ದೊಡ್ಡ ಮರಗಳು ನೆಲದಡಿಯಲ್ಲಿರುವ ಫಂಗಸ್ ಜಾಲದ ಮೂಲಕ ಸಣ್ಣ ಸಸಿಗಳನ್ನು ಗುರುತಿಸಿ, ಅವುಗಳಿಗೆ ಬೇಕಾದ ಪೋಷಕಾಂಶಗಳನ್ನು ಅಥವಾ ಅಪಾಯದ ಎಚ್ಚರಿಕೆಗಳನ್ನು ಕಳುಹಿಸುತ್ತವೆ ಎಂಬ ಮಾತು ಜನಪ್ರಿಯವಾಗಿದೆ. ಆದರೆ, ಈ ರೀತಿಯ ಪ್ರಕ್ರಿಯೆ ನಡೆಯುತ್ತದೆ ಎನ್ನುವುದಕ್ಕೆ ಸದ್ಯಕ್ಕೆ ಬಲವಾದ ವೈಜ್ಞಾನಿಕ ಪುರಾವೆಗಳಿಲ್ಲ ಎಂದು ಸಂಶೋಧಕರು ಹೇಳಿದ್ದಾರೆ. ಅಂದರೆ, ಮರಗಳ ನಡುವೆ ಯಾವುದೇ ಸಂಪರ್ಕವೇ ಇಲ್ಲ ಎಂದಲ್ಲ. ಗಾಳಿಯಲ್ಲಿನ ರಾಸಾಯನಿಕ ಸಂಕೇತಗಳಿಗೆ ಸಸ್ಯಗಳು ಪ್ರತಿಕ್ರಿಯಿಸುವುದು ಮತ್ತು ಬೇರುಗಳ ಜೊತೆ ಫಂಗಸ್ಗಳು ಸಂಪರ್ಕ ಹೊಂದಿರುವುದು ವೈಜ್ಞಾನಿಕವಾಗಿ ಸಾಬೀತಾಗಿದೆ.

Youngest billionaires: ವಯಸ್ಸು 23, ಆಸ್ತಿ ತಲಾ ₹40,000 ಕೋಟಿ; ಜಗತ್ತೇ ತಿರುಗಿ ನೋಡುತ್ತಿರುವ ಆದರ್ಶ್-ಸೂರ್ಯ ಯಾರು?

Bhimasi M Koleppanavar — Sat, 14 Nov 2026 15:05:00 +0530

ಜನ ತಮ್ಮ ವೃತ್ತಿಜೀವನದ ಹಾದಿಗಳ ಬಗ್ಗೆ ಎಷ್ಟು ಗೊಂದಲಕ್ಕೊಳಗಾಗಿದ್ದಾರೆಂದರೆ, 21 ಅಥವಾ 22 ನೇ ವಯಸ್ಸಿನಲ್ಲಿಯೂ ಸಹ, ಯುವಕರು ಮುಂದೆ ಏನು ಮಾಡಬೇಕೆಂದು ನಿರ್ಧರಿಸಲು ಸಾಧ್ಯವಾಗುವುದಿಲ್ಲ. ಆದರೆ ಯಾರಾದರೂ ಕೇವಲ 22 ನೇ ವಯಸ್ಸಿನಲ್ಲಿ ಬಿಲಿಯನೇರ್ ಆಗುವುದನ್ನು, ತಮ್ಮದೇ ಆದ ಕಠಿಣ ಪರಿಶ್ರಮದ ಮೂಲಕ ತಮ್ಮದೇ ಆದ AI ಸಾಮ್ರಾಜ್ಯ ನಿರ್ಮಿಸುವುದನ್ನು ಊಹಿಸಿ? ಇದು ಇಬ್ಬರು ಭಾರತೀಯ ಮೂಲದ ಉದ್ಯಮಿಗಳಾದ ಆದರ್ಶ್ ಹಿರೇಮಠ್ ಮತ್ತು ಸೂರ್ಯ ಮಿಧಾ ಸ್ಟೋರಿ. ಅವರ ಎಐ ಸ್ಟಾರ್ಟ್ಅಪ್ ಮರ್ಕೋರ್ $750 ಮಿಲಿಯನ್ ಹೊಸ ಹಣ ಸಂಗ್ರಹಿಸಿದೆ. ಇದು ಕಂಪನಿಯ ಮೌಲ್ಯಮಾಪನ $2 ಟ್ರಿಲಿಯನ್ ($20 ಬಿಲಿಯನ್) ಗೆ ತರುತ್ತದೆ. ನವೆಂಬರ್ 10ರಂದು ಸ್ವೀಕರಿಸಿದ ಈ ಹೊಸ ನಿಧಿಯು ಮರ್ಕೋರ್‌ನ ಮೂವರು ಸಂಸ್ಥಾಪಕರನ್ನು ವಿಶ್ವದ ಅತ್ಯಂತ ಕಿರಿಯ ಸ್ವಯಂ ನಿರ್ಮಿತ ಬಿಲಿಯನೇರ್‌ಗಳನ್ನಾಗಿ ಮಾಡಿದೆ. ಅವರ ಪ್ರಗತಿಯ ವೇಗ ಎಷ್ಟಿದೆಯೆಂದರೆ, ಅವರು 23 ನೇ ವಯಸ್ಸಿನಲ್ಲಿ ಬಿಲಿಯನೇರ್ ಆದ ಮಾರ್ಕ್ ಜುಕರ್‌ಬರ್ಗ್‌ರನ್ನು ಸಹ ಮೀರಿಸಿದ್ದಾರೆ.

23ರ ಹೆರಯ!

ಸಂಸ್ಥಾಪಕರಾದ ಆದರ್ಶ್ ಹಿರೇಮಠ ಮತ್ತು ಸೂರ್ಯ ಮಿಧಾ ಅವರ ಮೌಲ್ಯ ಈಗ ಸುಮಾರು $4.2 ಬಿಲಿಯನ್ (ಸುಮಾರು ₹40,000 ಕೋಟಿ) ಎಂದು ಫೋರ್ಬ್ಸ್ ವರದಿ ಮಾಡಿದೆ. ಅಕ್ಟೋಬರ್ 2025 ರಲ್ಲಿ, ಮರ್ಕಾರ್ ಅನ್ನು $10 ಬಿಲಿಯನ್ ಎಂದು ಮೌಲ್ಯೀಕರಿಸಿದಾಗ, ಅವರ ಸಂಪತ್ತು ಪ್ರತಿ ವ್ಯಕ್ತಿಗೆ ಸರಿಸುಮಾರು $2.2 ಬಿಲಿಯನ್ (ಸುಮಾರು ₹20,700 ಕೋಟಿ) ಆಗಿತ್ತು. ಸಿಇಒ ಬ್ರೆಂಡನ್ ಫುಡಿ, ಮುಖ್ಯ ತಂತ್ರಜ್ಞಾನ ಅಧಿಕಾರಿ ಹಿರೇಮಠ್ ಮತ್ತು ಮಂಡಳಿ ಅಧ್ಯಕ್ಷ ಮಿಧಾ ಇಬ್ಬರೂ ಕಂಪನಿಯ ಸರಿಸುಮಾರು 21 ಪ್ರತಿಶತ ಹೊಂದಿದ್ದಾರೆ. ಈ ನಿಟ್ಟಿನಲ್ಲಿ ಬೆಂಚ್‌ಮಾರ್ಕ್, ಜನರಲ್ ಕ್ಯಾಟಲಿಸ್ಟ್, ಎನ್‌ವಿಡಿಯಾ, ಸೇಲ್ಸ್‌ಫೋರ್ಸ್, ಫೆಲಿಸಿಸ್, ಅಪೊಲೊ-ಸಂಯೋಜಿತ ನಿಧಿಗಳು ಮತ್ತು ಜೂಮ್‌ನಂತಹ ಕಂಪನಿಗಳು ಹಣಕಾಸು ಒದಗಿಸಿವೆ ಎಂದು ಮನಿ ಕಂಟ್ರೋಲ್ ವರದಿ ಮಾಡಿದೆ.

ಆದರ್ಶ್ ಹಿರೇಮಠ್ ಮತ್ತು ಸೂರ್ಯ ಮಿಧಾ ಯಾರು?

ಹಿರೇಮಠ್ ಮತ್ತು ಮಿಧಾ ಕ್ಯಾಲಿಫೋರ್ನಿಯಾದ ಸ್ಯಾನ್ ಜೋಸ್‌ನಲ್ಲಿರುವ ಬೆಲ್ಲರ್ಮೈನ್ ಕಾಲೇಜ್ ಪ್ರಿಪರೇಟರಿಯಲ್ಲಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಇಬ್ಬರೂ ಶಾಲೆಯ ಚರ್ಚಾ ತಂಡದಲ್ಲಿದ್ದರು ಮತ್ತು ಅಲ್ಲಿ ಅವರು ಒಂದು ವಿಶಿಷ್ಟ ಸಾಧನೆ ಮಾಡಿದರು. ಅದೇನು ಎಂದರೆ, ಒಂದೇ ವರ್ಷದಲ್ಲಿ ಮೂರು ಪ್ರಮುಖ ರಾಷ್ಟ್ರೀಯ ನೀತಿ ಚರ್ಚಾ ಪಂದ್ಯಾವಳಿ ಗೆದ್ದ ತಮ್ಮ ಶಾಲೆಯಿಂದ ಮೊದಲ ತಂಡವಾಯಿತು. ಅಷ್ಟೇ ಅಲ್ಲ ಸೂರ್ಯ ಮಿಧಾ ಕ್ಯಾಲಿಫೋರ್ನಿಯಾದ ಮೌಂಟೇನ್ ವ್ಯೂನಲ್ಲಿ ಜನಿಸಿದರು ಮತ್ತು ಸ್ಯಾನ್ ಜೋಸ್‌ನಲ್ಲಿ ಬೆಳೆದರು. ಅವರ ಪೋಷಕರು ನವದೆಹಲಿಯಿಂದ ಅಮೆರಿಕಕ್ಕೆ ಬಂದರು, ಇವರನ್ನು ಎರಡನೇ ತಲೆಮಾರಿನ ವಲಸಿಗರನ್ನಾಗಿ ಮಾಡಿದರು. ನಂತರ ಅವರು ಜಾರ್ಜ್‌ಟೌನ್ ವಿಶ್ವವಿದ್ಯಾಲಯದ ವಿದೇಶಿ ಸೇವೆಯ ಶಾಲೆಗೆ ಸೇರಿಕೊಂಡರು. 2025 ರಲ್ಲಿ, ಈ ಮೂವರು 22 ನೇ ವಯಸ್ಸಿನಲ್ಲಿ ವಿಶ್ವದ ಅತ್ಯಂತ ಕಿರಿಯ ಸ್ವಯಂ ನಿರ್ಮಿತ ಬಿಲಿಯನೇರ್‌ಗಳಾದರು. ಅವರು ಪಾಲಿಮಾರ್ಕೆಟ್ ಸಿಇಒ ಶೇನ್ ಕೊಪ್ಲಾನ್ (ಆಗ 27 ವರ್ಷ) ಮತ್ತು ಫೇಸ್‌ಬುಕ್ ಸಂಸ್ಥಾಪಕ ಮಾರ್ಕ್ ಜುಕರ್‌ಬರ್ಗ್ (23 ನೇ ವಯಸ್ಸಿನಲ್ಲಿ ಬಿಲಿಯನೇರ್ ಆದರು) ಅವರನ್ನು ಹಿಂದಿಕ್ಕಿದರು. ಹೊಸ ನಿಧಿಯು ಅವರ ಸಂಪತ್ತನ್ನು ಮತ್ತಷ್ಟು ಹೆಚ್ಚಿಸಿದೆ. ಸೂರ್ಯ ಮಿಧಾ ಈ ಮೂವರಲ್ಲಿ ಕಿರಿಯ, ಸುಮಾರು ಎರಡು ತಿಂಗಳು ಕಿರಿಯ.

ಈ ಮೂವರ ನವೋದ್ಯಮವಾದ ಮರ್ಕಾರ್ ಯಾವುದರ ಬಗ್ಗೆ?

2023 ರಲ್ಲಿ ಪ್ರಾರಂಭವಾದ ಮರ್ಕಾರ್ ಆರಂಭದಲ್ಲಿ ಸ್ವತಂತ್ರ ಸಾಫ್ಟ್‌ವೇರ್ ಡೆವಲಪರ್‌ಗಳನ್ನು (ಭಾರತೀಯ ಪ್ರತಿಭೆಗಳನ್ನು ಒಳಗೊಂಡಂತೆ) ಯುಎಸ್ ಕಂಪನಿಗಳೊಂದಿಗೆ ಸಂಪರ್ಕಿಸುವ ನೇಮಕಾತಿ ವೇದಿಕೆಯಾಗಿತ್ತು. ಈಗ, ವೇದಿಕೆಯು AI ಕಂಪನಿಗಳನ್ನು ವೈದ್ಯಕೀಯ, ಕಾನೂನು, ಹಣಕಾಸು ಮತ್ತು ಎಂಜಿನಿಯರಿಂಗ್‌ನಂತಹ ಕ್ಷೇತ್ರಗಳಲ್ಲಿನ ತಜ್ಞರೊಂದಿಗೆ ಸಂಪರ್ಕಿಸುತ್ತದೆ. ಈ ತಜ್ಞರು AI ಕಂಪನಿಗಳು ತರಬೇತಿ ಡೇಟಾವನ್ನು ರಚಿಸಲು, ಮಾದರಿ ಕಾರ್ಯಕ್ಷಮತೆಯನ್ನು ನಿರ್ಣಯಿಸಲು ಮತ್ತು ಅವರ ಸಾಮರ್ಥ್ಯಗಳನ್ನು ಸುಧಾರಿಸಲು ಸಹಾಯ ಮಾಡುತ್ತಾರೆ. ಕಂಪನಿಗಳು ಸಂಕೀರ್ಣ ವೃತ್ತಿಪರ ಕಾರ್ಯಗಳನ್ನು ನಿರ್ವಹಿಸುವ AI ವ್ಯವಸ್ಥೆಗಳನ್ನು ನಿರ್ಮಿಸುವುದರಿಂದ ಈ ಪಾತ್ರವು ಹೆಚ್ಚು ಮುಖ್ಯವಾಗುತ್ತಿದೆ.

ಮರ್ಕಾರ್ ಹೇಳುವುದೇನು?

ಮರ್ಕಾರ್ ಓಪನ್‌ಎಐ ಮತ್ತು ಆಂಥ್ರೊಪಿಕ್‌ನಂತಹ ಪ್ರಮುಖ AI ಕಂಪನಿಗಳೊಂದಿಗೆ ಸಹ ಕೆಲಸ ಮಾಡಿದ್ದಾರೆ. ಇದರ ವೇದಿಕೆಯು ಸಾವಿರಾರು ತಜ್ಞರನ್ನು ಮಾದರಿಗಳಿಗೆ ತರಬೇತಿ ನೀಡಲು ಮತ್ತು ಸುಧಾರಿಸಲು AI ಪ್ರಯೋಗಾಲಯಗಳಿಗೆ ಸಂಪರ್ಕಿಸುತ್ತದೆ. ಈ ಹೊಸ ಹಣಕಾಸು ಪ್ರಕಟಣೆಯಲ್ಲಿ, ಮರ್ಕಾರ್ ತನ್ನ ಮೌಲ್ಯಮಾಪನ ಮತ್ತು ತರಬೇತಿಯ ನಂತರದ ವ್ಯವಹಾರವನ್ನು ವಿಸ್ತರಿಸಲು ಹಣವನ್ನು ಬಳಸಲಾಗುವುದು ಎಂದು ಹೇಳಿದ್ದಾರೆ. ಈ ಸೇವೆಗಳು ಕಂಪನಿಗಳು AI ಮಾದರಿಗಳು ವಿವಿಧ ಕಾರ್ಯಗಳನ್ನು ಎಷ್ಟು ಚೆನ್ನಾಗಿ ನಿರ್ವಹಿಸುತ್ತವೆ ಮತ್ತು ಬಳಕೆಗೆ ಮೊದಲು ಅವುಗಳನ್ನು ಹೇಗೆ ಸುಧಾರಿಸುವುದು ಎಂಬುದನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಕಂಪನಿಯು ವ್ಯವಹಾರಗಳು ತಮ್ಮದೇ ಆದ ಡೇಟಾ ಮತ್ತು ವಿಶೇಷ ಜ್ಞಾನವನ್ನು ಬಳಸಿಕೊಂಡು AI ಏಜೆಂಟ್‌ಗಳನ್ನು ನಿರ್ಮಿಸಲು ಮತ್ತು ಮೌಲ್ಯಮಾಪನ ಮಾಡಲು ಸಹಾಯ ಮಾಡಲು ಸಹ ಬಯಸುತ್ತದೆ.

ದೇವರ ಆರತಿಯನ್ನು ಯಾವಾಗಲೂ ಪ್ರದಕ್ಷಿಣಾಕಾರದಲ್ಲೇ ಏಕೆ ಮಾಡುತ್ತಾರೆ? ಇಲ್ಲಿದೆ ಧಾರ್ಮಿಕ ಸತ್ಯ!

Pavna Das — Sat, 14 Nov 2026 15:04:11 +0530

ದೇವರಿಗೆ ಈ ರೀತಿಯಾಗಿಯೇ ಯಾಕೆ ಆರತಿ ಮಾಡುತ್ತಾರೆ?

ಹಿಂದೂ ಧರ್ಮದಲ್ಲಿ ಪೂಜೆ-ಪುನಸ್ಕಾರಗಳ ಸಂದರ್ಭದಲ್ಲಿ ದೇವರಿಗೆ ಆರತಿ ಮಾಡುವುದಕ್ಕೆ ವಿಶೇಷ ಮಹತ್ವವಿದೆ. ಮನೆಯಾಗಿರಲಿ ಅಥವಾ ದೇವಸ್ಥಾನವಾಗಿರಲಿ, ಪೂಜೆಯ ಕೊನೆಯಲ್ಲಿ ದೀಪ ಬೆಳಗಿಸಿ ದೇವರಿಗೆ ಆರತಿ ಮಾಡುವುದು ಸಾಮಾನ್ಯ ಸಂಪ್ರದಾಯ. ಆರತಿ ಮಾಡುವಾಗ ದೀಪವನ್ನು ದೇವರ ಮುಂದೆ ಗೋಲಾಕಾರವಾಗಿ ತಿರುಗಿಸುವುದನ್ನು ನೀವೂ ಗಮನಿಸಿರಬಹುದು. ಆದರೆ ಎಂದಾದರೂ ಯೋಚಿಸಿದ್ದೀರಾ, ದೇವರಿಗೆ ಆರತಿ ಮಾಡುವಾಗ ದೀಪವನ್ನು ಯಾವಾಗಲೂ ಗೋಲಾಕಾರವಾಗಿಯೇ ಏಕೆ ತಿರುಗಿಸುತ್ತಾರೆ? ನೇರವಾಗಿ ಅಥವಾ ಬೇರೆ ದಿಕ್ಕಿನಲ್ಲಿ ಏಕೆ ತಿರುಗಿಸುವುದಿಲ್ಲ? ಧಾರ್ಮಿಕ ನಂಬಿಕೆಗಳ ಪ್ರಕಾರ, ಆರತಿ ಮಾಡುವ ಈ ಪದ್ಧತಿಯ ಹಿಂದೆ ಹಲವು ವಿಶೇಷ ಕಾರಣಗಳಿವೆ. ಅವುಗಳ ಬಗ್ಗೆ ತಿಳಿದುಕೊಳ್ಳೋಣ.

ದೇವರಿಗೆ ಮಾಡುವ ಸಾಂಕೇತಿಕ ಪ್ರದಕ್ಷಿಣೆಯೇ ಆರತಿ

ಹಿಂದೂ ಧರ್ಮದಲ್ಲಿ ದೇವರಿಗೆ ಪ್ರದಕ್ಷಿಣೆ ಹಾಕುವುದಕ್ಕೆ ವಿಶೇಷ ಮಹತ್ವವಿದೆ. ಭಕ್ತರು ದೇವಸ್ಥಾನದಲ್ಲಿ ದೇವರ ಸುತ್ತಲೂ ಸುತ್ತುವುದನ್ನು ಪ್ರದಕ್ಷಿಣೆ ಎಂದು ಕರೆಯುತ್ತಾರೆ. ಅದೇ ರೀತಿ ಆರತಿ ಮಾಡುವಾಗ ದೀಪವನ್ನು ಗೋಲಾಕಾರವಾಗಿ ತಿರುಗಿಸುವುದನ್ನು ಕೂಡ ದೇವರಿಗೆ ಮಾಡುವ ಸಾಂಕೇತಿಕ ಪ್ರದಕ್ಷಿಣೆ ಎಂದು ಪರಿಗಣಿಸಲಾಗುತ್ತದೆ.

ಧಾರ್ಮಿಕ ನಂಬಿಕೆಗಳ ಪ್ರಕಾರ, ಆರತಿಯ ಮೂಲಕ ಭಕ್ತರು ದೇವರನ್ನು ತಮ್ಮ ಜೀವನದ ಕೇಂದ್ರಬಿಂದುವಾಗಿ ಸ್ವೀಕರಿಸಿ, ಅವರ ಮೇಲಿನ ಭಕ್ತಿ ಮತ್ತು ಶ್ರದ್ಧೆಯನ್ನು ವ್ಯಕ್ತಪಡಿಸುತ್ತಾರೆ. ಇಡೀ ಸೃಷ್ಟಿಯು ದೇವರ ಶಕ್ತಿಯಿಂದಲೇ ನಡೆಯುವಂತೆ, ಆರತಿಯ ಗೋಲಾಕಾರದ ಚಲನೆಯೂ ದೇವರನ್ನು ಎಲ್ಲದರ ಕೇಂದ್ರವಾಗಿ ಇರಿಸಿಕೊಳ್ಳಬೇಕು ಎಂಬ ಸಂದೇಶವನ್ನು ನೀಡುತ್ತದೆ.

ಬ್ರಹ್ಮಾಂಡ ಮತ್ತು ಪ್ರಕೃತಿಯ ಚಕ್ರದ ಸಂಕೇತವೇ ಆರತಿ

ಧಾರ್ಮಿಕ ನಂಬಿಕೆಗಳ ಪ್ರಕಾರ, ಆರತಿಯನ್ನು ಗೋಲಾಕಾರವಾಗಿ ತಿರುಗಿಸುವುದನ್ನು ಬ್ರಹ್ಮಾಂಡದ ಚಲನೆ ಮತ್ತು ಪ್ರಕೃತಿಯ ಚಕ್ರಕ್ಕೂ ಹೋಲಿಸಲಾಗುತ್ತದೆ. ಸೂರ್ಯ, ಚಂದ್ರ ಮತ್ತು ಗ್ರಹಗಳ ಚಲನೆಯಿಂದ ಭೂಮಿಯಲ್ಲಿ ಹಗಲು, ರಾತ್ರಿ ಹಾಗೂ ಕಾಲಮಾನದಲ್ಲಿ ಬದಲಾವಣೆಗಳು ಸಂಭವಿಸುತ್ತಿರುತ್ತವೆ. ಆರತಿಯನ್ನು ದಕ್ಷಿಣಾವರ್ತವಾಗಿ ಅಂದರೆ ಗಡಿಯಾರದ ಮುಳ್ಳುಗಳು ಚಲಿಸುವ ದಿಕ್ಕಿನಲ್ಲಿ ತಿರುಗಿಸುವುದು ಶುಭವೆನ್ನಲಾಗುವುದು. ಇದು ಜೀವನದ ನಿರಂತರ ಚಲನೆ ಮತ್ತು ಪ್ರಕೃತಿಯ ನಿಯಮಗಳ ಸಂಕೇತವಾಗಿದೆ. ಈ ಸಂಪ್ರದಾಯದ ಮೂಲಕ ಜಗತ್ತಿನ ಪ್ರತಿಯೊಂದು ಚಟುವಟಿಕೆಯೂ ದೇವರ ಶಕ್ತಿಯೊಂದಿಗೆ ಬೆಸೆದುಕೊಂಡಿದೆ ಎಂಬ ಭಾವನೆಯನ್ನು ಭಕ್ತರು ವ್ಯಕ್ತಪಡಿಸುತ್ತಾರೆ.

ದೇವರ ಸಂಪೂರ್ಣ ರೂಪದ ದರ್ಶನ ಪಡೆಯಲು ಇರುವ ವಿಧಾನ

ಹಿಂದಿನ ಕಾಲದಲ್ಲಿ ದೇವಸ್ಥಾನಗಳಲ್ಲಿ ಇಂದಿನಂತೆ ವಿದ್ಯುತ್ ಮತ್ತು ಬೆಳಕಿನ ವ್ಯವಸ್ಥೆ ಇರಲಿಲ್ಲ. ಅನೇಕ ದೇವಸ್ಥಾನಗಳಲ್ಲಿ ಕತ್ತಲೆ ಆವರಿಸಿರುತ್ತಿತ್ತು. ಅಂತಹ ಸಮಯದಲ್ಲಿ ದೀಪದ ಬೆಳಕಿನ ಸಹಾಯದಿಂದ ದೇವರ ಮೂರ್ತಿಯನ್ನು ದರ್ಶಿಸಲಾಗುತ್ತಿತ್ತು. ಆರತಿ ಮಾಡುವಾಗ ದೀಪವನ್ನು ಗೋಲಾಕಾರವಾಗಿ ತಿರುಗಿಸುವುದರಿಂದ ಅದರ ಬೆಳಕು ದೇವರ ಪಾದಗಳಿಂದ ಹಿಡಿದು ಮುಖದವರೆಗೂ ಹರಡುತ್ತದೆ. ಇದರಿಂದ ಭಕ್ತರಿಗೆ ದೇವರ ಸಂಪೂರ್ಣ ರೂಪದ ದರ್ಶನ ಸಿಗುತ್ತಿತ್ತು.. ಹೀಗೆ ಆರತಿಯು ಕೇವಲ ಪೂಜೆಯ ಒಂದು ಭಾಗವಾಗಿರದೆ, ದೇವರ ಸುಂದರ ರೂಪವನ್ನು ಕಣ್ತುಂಬಿಕೊಳ್ಳುವ ಮಾಧ್ಯಮವಾಗಿಯೂ ರೂಪುಗೊಂಡಿದೆ.

ಅಹಂಕಾರವನ್ನು ಬಿಟ್ಟು ದೇವರಿಗೆ ಸಂಪೂರ್ಣವಾಗಿ ಶರಣಾಗುವ ಸಂದೇಶ

ಆರತಿಯ ಮತ್ತೊಂದು ಆಧ್ಯಾತ್ಮಿಕ ಅರ್ಥವೆಂದರೆ ಅಹಂಕಾರವನ್ನು ತ್ಯಜಿಸುವುದು. ಭಕ್ತರು ದೇವರ ಮುಂದೆ ದೀಪವನ್ನು ಹಿಡಿದು ಆರತಿ ಮಾಡುವಾಗ, ತಮ್ಮ ಜೀವನವು ದೇವರ ಕೃಪೆಯಿಂದಲೇ ನಡೆಯುತ್ತಿದೆ ಎಂಬ ಭಾವನೆಯನ್ನು ಮನಸ್ಸಿನಲ್ಲಿ ಇಟ್ಟುಕೊಳ್ಳುತ್ತಾರೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಆರತಿಯ ಮೂಲಕ ವ್ಯಕ್ತಿಯು ತನ್ನ ದೇಹ, ಮನಸ್ಸು ಮತ್ತು ಜೀವನವನ್ನು ದೇವರಿಗೆ ಸಮರ್ಪಿಸುತ್ತಾನೆ. ದೀಪದ ಜ್ಯೋತಿಯನ್ನು ಜ್ಞಾನ ಮತ್ತು ಭಕ್ತಿಯ ಸಂಕೇತವಾಗಿಯೂ ಪರಿಗಣಿಸಲಾಗುತ್ತದೆ. ಇದು ಅಜ್ಞಾನ ಮತ್ತು ಕೆಟ್ಟ ಆಲೋಚನೆಗಳಿಂದ ದೂರವಿದ್ದು, ಒಳ್ಳೆಯ ಮಾರ್ಗದಲ್ಲಿ ನಡೆಯಲು ನಮಗೆ ಪ್ರೇರಣೆ ನೀಡುತ್ತದೆ.

ಯಶ್ ಅಲ್ಲ, ರಣಬೀರ್ ಅಲ್ಲ, ಥೈಲ್ಯಾಂಡ್ ಜನರಿಗೆ ಹುಚ್ಚು ಹಿಡಿಸಿದ ರಾಮಾಯಣದ ಈ ನಟ

Chethan Kumar — Sat, 14 Nov 2026 14:56:43 +0530

ನವದೆಹಲಿ (ನ.14) ರಾಮಾಯಣ ಸಿನಿಮಾ ನೋಡಿದ ಪ್ರೇಕ್ಷಕರು ನಟನೆ, ಗ್ರಾಫಿಕ್ಸ್, ಪ್ರಸೆಂಟೇಶನ್ ಎಲ್ಲವೂ ಉತ್ತಮವಾಗಿದೆ ಅನ್ನೋ ಅಭಿಪ್ರಾಯ ವ್ಯಕ್ತವಾಗಿದೆ. ನಟ ನಟಿಯರ ಪೈಕಿ ರಾಮಾಯಣ ಪಾರ್ಟ್ 1ರಲ್ಲಿ ರಾವಣನಾಗಿ ಯಶ್ ಅಬ್ಬರವೇ ಹೆಚ್ಚಾಗಿದೆ. ಯಶ್ ನಟನೆಯಲ್ಲಿ ರಣಬೀರ್ ಕಪೂರ್ ಮೀರಿಸಿದ್ದಾರೆ ಅನ್ನೋ ಮಾತುಗಳು ಕೇಳಿಬಂದಿದೆ. ಆದರೆ ಥೈಲ್ಯಾಂಡ್ ಜನರ ಹುಚ್ಚು ಹಿಡಿಸಿದ್ದ ಯಶ್ ಅಲ್ಲ, ರಣಬೀರ್ ಕಪೂರ್ ಅಲ್ಲ. ಆತ ಕುನಾಲ್ ಕಪೂರ್. ದೇವೇಂದ್ರನಾಗಿ ಅವತರಿಸಿರುವ ಕುನಾಲ್ ಕಪೂರ್ ಕೆಲವೆ ಕಲವೇ ಸೀನ್‌ನಲ್ಲಿ ಮಾತ್ರ ಕಾಣಿಸಿಕೊಂಡಿದ್ದಾರೆ. ಆದರೆ ಥೈಲ್ಯಾಂಡ್ ಜನ ಕುನಾಲ್ ಕಪೂರ್ ಸ್ಟೈಲ್, ನಟನೆ, ಸ್ವಾಗ್‌ಗೆ ಮನಸೋತಿದ್ದಾರೆ.

ಥೈಲ್ಯಾಂಡ್ ಅಭಿಮಾನಿಗಳ ಮನವಿಯೇನು

ಕುನಾಲ್ ಕಪೂರ್ ಅದ್ಭುತ ಸ್ಕ್ರೀನ್ ಪ್ರೆಸನ್ಸ್ ಹಾಗೂ ಆಕರ್ಷಕ ಲುಕ್‌ಗೆ ಥೈಲ್ಯಾಂಡ್ ಪ್ರೇಕ್ಷಕರು ಫಿದಾ ಆಗಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಕುನಾಲ್ ಕಪೂರ್‌ಗೆ ಮೆಚ್ಚುಗೆಗಳ ಸುರಿಮಳೆ ವ್ಯಕ್ತವಾಗಿದೆ. ಥೈಲ್ಯಾಂಡ್ ಸಿನಿಮಾ ಪ್ರೇಕ್ಷಕರು ಕುನಾಲ್ ಕಪೂರ್‌ಗೆ ವಿಶೇಷ ಮನವಿ ಸಲ್ಲಿಸಿದ್ದಾರೆ. ಇನ್‌ಸ್ಟಾ ಮೂಲಕ ಅಭಿಮಾನಿಗಳು ಒಂದು ಬಾರಿ ಥೈಲ್ಯಾಂಡ್‌ಗೆ ಭೇಟಿ ನೀಡಬೇಕು, ನಿಮ್ಮನ್ನು ಭೇಟಿಯಾಗಬೇಕು ಎಂದು ಹಲವು ಅಭಿಮಾನಿಗಳು ಮನವಿ ಮಾಡಿದ್ದಾರೆ.

ಕುನಾಲ್ ಕಪೂರ್ ದೇವೇಂದ್ರ ಪಾತ್ರಕ್ಕೆ ಮೆಚ್ಚುಗೆ ಸುರಿಮಳೆ ವ್ಯಕ್ತವಾಗಿದೆ. ಕುನಾಲ್ ಕಪೂರ್ ಅವರನ್ನು ಥೈಲ್ಯಾಂಡ್ ಜನ ದೇವೇಂದ್ರ ಎಂದೇ ಕರೆಯುತ್ತಿದ್ದಾರೆ. ದಯವಿಟ್ಟು ಥೈಲ್ಯಾಂಡ್‌ಗೆ ಬನ್ನಿ ಎಂದು ಕಮೆಂಟ್ಸ್ ಮಾಡಿದ್ದಾರೆ. ಕುನಾಲ್ ಕಪೂರ್ ಮೇಲೆ ಕ್ರಶ್ ಆಗಿದೆ. ಅವರ ಲುಕ್, ನೋಟ, ಫಿಟ್ನೆಸ್, ನಟನೆ ಎಲ್ಲವೂ ಸೂಪರ್. ಹಿಂದೊಮ್ಮೆ ನಮ್ಮ ಕಾಲೇಜಿನ ಟ್ಯಾಲೆಂಟ್ ಶೋಗೆ ಜಡ್ಜ್ ಆಗಿ ಬಂದಿದ್ದಾಗ ಅವರು ನನ್ನತ್ತ ಕೈ ಬೀಸಿದ್ದರು ಎಂದು ಥೈಲ್ಯಾಂಡ್ ಅಭಿಮಾನಿ ಹಳೆಯ ನೆನಪನ್ನು ಹಂಚಿಕೊಂಡಿದ್ದಾರೆ.

ದೇವೇಂದ್ರನ ಪಾತ್ರ ಆಧಿರಿಸಿ ಸಿನಿಮಾ

ಕುನಾಲ್ ಕಪೂರ್ ಅವರು ದೇವೇಂದ್ರನ ಪಾತ್ರದ ಮೂಲಕ ಥೈಲ್ಯಾಂಡ್ ಪ್ರೇಕ್ಷಕರ ಮನಗೆದ್ದಿರುವ ರೀತಿ ನೋಡಿದರೆ, ಇಂದ್ರನ ಪಾತ್ರವನ್ನೇ ಆಧರಿಸಿ ಅವರ ಮೇಲೆ ಒಂದು ಸೋಲೋ ಸಿನಿಮಾ ಮಾಡಿದರೆ ಅದು ಖಂಡಿತವಾಗಿಯೂ ಬ್ಲಾಕ್‌ಬಸ್ಟರ್ (Blockbuster) ಆಗುವುದರಲ್ಲಿ ಸಂಶಯವಿಲ್ಲ ಎಂದಿದ್ದಾರೆ. ನಿಜಕ್ಕೂ ತುಂಬಾ ಸುಂದರವಾಗಿದ್ದಾರೆ. ಸ್ವರ್ಗಲೋಕದ ದೇವ ನಿಜವಾಗಿ ಭೂಮಿಗೆ ಇಳಿದು ಬಂದಂತಿದೆ ಎಂದು ಹೊಗಳಿದ್ದರೆ . ರಣಬೀರ್ ಅಲ್ಲ, ಯಶ್ ಕೂಡ ಅಲ್ಲ; ಥೈಲ್ಯಾಂಡ್ ಮಂದಿ ರಾಮಾಯಣದ ಬೇರೊಬ್ಬ ನಟನ ಹಿಂದೆ ಹುಚ್ಚರಾಗಿದ್ದಾರೆ. ಇಂದ್ರನ ಪಾತ್ರದಲ್ಲಿ ಕುನಾಲ್ ಕಪೂರ್ ಮಿಂಚಿದ್ದು, ಅಭಿಮಾನಿಗಳು ಅವರಿಗಾಗಿ ಪ್ರೇಮಕವಿತೆಗಳನ್ನೇ ಬರೆಯುತ್ತಿದ್ದಾರೆ" ಎಂದು ಕಾಮೆಂಟ್ ಮಾಡಿದ್ದಾರೆ.

ಕುನಾಲ್ ಕಪೂರ್ ಹೇಳಿದ್ದೇನು?

ರಾಮಾಯಣ ಪಾತ್ರದ ಕುರಿತು ಕುನಾಲ್ ಕಪೂರ್ ಇತ್ತೀಚೆಗೆ ಮಾಧ್ಯಮಕ್ಕೆ ನೀಡಿದ ಸಂದರ್ಶನಕ್ಕೆ ಹೇಳಿಕೊಂಡಿದ್ದಾರೆ. ದೇವೇಂದ್ರನ ಪಾತ್ರದ ಮೇಲೆ ಪ್ರತ್ಯೇಕ ಸಿನಿಮಾ ಬರುವುದನ್ನು ತಾವು ಸ್ವಾಗತಿಸುವುದಾಗಿ ತಿಳಿಸಿದ್ದಾರೆ. "ನನ್ನ ಜೊತೆಗಿರಲಿ ಅಥವಾ ನಾನಿಲ್ಲದೆಯೇ ಇರಲಿ, ದೇವೇಂದ್ರನ ಪಾತ್ರಕ್ಕೆ ತನ್ನದೇ ಆದ ಪ್ರತ್ಯೇಕ ಸಿನಿಮಾ ಬರಬೇಕು ಎಂದು ನಾನು ಭಾವಿಸುತ್ತೇನೆ ಎಂದಿದ್ದರು. ಏಕೆಂದರೆ, ಅದು ತನ್ನದೇ ಆದ ದೊಡ್ಡ ಯೂನಿವರ್ಸ್ (Universe) ಸೃಷ್ಟಿಸುವಷ್ಟು ಶಕ್ತಿಶಾಲಿಯಾದ ಪಾತ್ರ ಎಂದು ಕುನಾಲ್ ಹೇಳಿದ್ದಾರೆ.

รูปดังองค์อินทร์ หยาดฟ้ามาสู่ดิน โสภิณดังเดือนดวง เหนือแผ่นดินแมนสรวง เหนือปวงหนุ่มใด

จากเพลงยอยศพระลอ ตอนเด็กๆ ก็ฟังแล้วงงว่ารูปดั่งองค์อินทร์นี่หล่อยังไง เพราะภาพจำของไทยคือพระอินทร์ตัวเขียวๆ แต่ในรามายณะ: ปฐมบทแห่งตำนาน (Ramayana: Rise of a Legend)

นำเสนอให้เห็นภาพที่หล่อจัดชัดเจนแล้ว

หล่อจริง หยาดฟ้ามาสู่ดินจริง

พระอินทร์ทรงช้างเอราวัณเวอร์ชั่นมีปีกบินได้

แสดงโดย Kunal Kapoor นักแสดงสุดหล่อแด๊ดดี้วัย 49 ปี ซึ่งเขาก็จัดว่าเป็นหนุ่มไฮโซของวงการบันเทิงอินเดีย

นอกจากอาชีพนักแสดงแล้ว ยังเป็นนักเขียน นักธุรกิจ เป็นนักบิน (มิน่าขี่ช้างบินได้) เป็นนักแข่งรถ Formula 3 และผู้ร่วมก่อตั้ง Ketto ซึ่งเป็นแพลตฟอร์มระดมทุนสาธารณะ (crowdfunding) ที่ใหญ่ที่สุดในเอเชีย และยังเป็นเขยของตระกูล Bachchan ตระกูลผู้ทรงอิทธิพลในวงการบันเทิงอินเดีย จากการแต่งงานกับ Naina Bachchan ลูกสาวของ คือ Ajitabh Bachchan (อจิตาภ บัคจัน) ซึ่งเป็นน้องชายของนักแสดงบอลลีวูดชื่อดัง Amitabh Bachchan (อมิตาภ บัคจัน)

#Ramayana

#รามายณะปฐมบทแห่งตำนาน

— ผู้ชายคนนั้นจากหนังเรื่องนี้ (@PoohChaiKonNun) November 7, 2026

ಆಧುನಿಕ ಕಾಲದ ನಿರೂಪಣೆಗಳಲ್ಲಿ ದೇವೇಂದ್ರನ ಪಾತ್ರವನ್ನು ಸರಿಯಾಗಿ ತೋರಿಸಲಾಗಿಲ್ಲ ಎಂದಿರುವ ಕುನಾಲ್, "ಇತ್ತೀಚಿನ ವರ್ಷಗಳಲ್ಲಿ ಇಂದ್ರನ ಪಾತ್ರವನ್ನು ತಪ್ಪಾಗಿ ಅರ್ಥೈಸಲಾಗಿದೆ. ಆದರೆ ಈ ಚಿತ್ರದಲ್ಲಿ ಅವರನ್ನು ನಿಜವಾದ ಯೋಧ ಮತ್ತು ರಾಜನ ರೀತಿಯಲ್ಲಿಯೇ ತೋರಿಸಲಾಗಿದೆ. ಅದೇ ಕಾರಣಕ್ಕೆ ಈ ಪಾತ್ರ ಜನರಿಗೆ ಇಷ್ಟವಾಗಿದೆ" ಎಂದಿದ್ದಾರೆ.

ಇಂದ್ರನ ಪಾತ್ರದ ವಿಶೇಷತೆಯ ಬಗ್ಗೆ ವಿವರಿಸಿದ ಅವರು, "ಹೊರಗಿನಿಂದ ಅತ್ಯಂತ ಶಕ್ತಿಶಾಲಿಯಾಗಿ ಕಂಡರೂ, ಒಳಗಿನಿಂದ ಸೂಕ್ಷ್ಮತೆ ಮತ್ತು ಅಭದ್ರತೆಯನ್ನು ಹೊಂದಿರುವ ಪಾತ್ರಗಳನ್ನು ಮಾಡಲು ನನಗೆ ಇಷ್ಟ. ಇಂದ್ರ ದೇವಲೋಕದ ರಾಜ, ಸೇನೆ, ಗುಡುಗು-ಮಿಂಚುಗಳನ್ನು ನಿಯಂತ್ರಿಸುವ ಶಕ್ತಿ ಹೊಂದಿದ್ದರೂ ತನ್ನದೇ ಆದ ಅಭದ್ರತೆಗಳನ್ನು ಹೊಂದಿರುತ್ತಾನೆ. ಇವೆರಡರ ಸಮ್ಮಿಲನವೇ ನನ್ನನ್ನು ಈ ಪಾತ್ರದತ್ತ ಆಕರ್ಷಿಸಿತು" ಎಂದು ಹೇಳಿದ್ದಾರೆ.

The way Kunal Kapoor is winning over Thai audiences with his portrayal of Lord Indra, a solo film on him could genuinely turn into a BLOCKBUSTER! https://t.co/YAwhFEjuc9

— Kashinath 2.0 (@TheDeolsFC) November 12, 2026

ಜಿಯೋ ಬಳಕೆದಾರರಿಗೆ ವಾರ್ನಿಂಗ್, ಕೇವಲ ₹11 ರೀಚಾರ್ಜ್ ಆಫರ್ ಹಿಂದಿರುವ ಅಸಲಿ ಕಥೆ ಏನು?

Ganesh Mabla Gowda — Sat, 14 Nov 2026 14:57:25 +0530

ನವದೆಹಲಿ (ನವೆಂಬರ್ 14): ಅನೇಕರು ಎರಡು ಸಿಮ್‌ಗಳನ್ನು ಹೊಂದಿರುತ್ತಾರೆ. ಉದ್ದೇಶಗಳು ಬೇರೆ ಬೇರೆ ಇರಬಹುದು. ಆದರೆ ಇವತ್ತಿನ ದಿನಗಳಲ್ಲಿ ರಿಚಾರ್ಜ್ ಬೆಲೆಗಳು ತುಂಬಾನೇ ದುಬಾರಿ ಆಗುತ್ತಿವೆ. ಹೀಗಾಗಿ ಬಳಕೆದಾರರು ಅಗತ್ಯ ಇರುವ ನಂಬರ್‍‌ಗೆ ರಿಚಾರ್ಜ್ ಮಾಡಿ.. ಇನ್ನೊಂದು ನಂಬರ್‍‌ಗೆ ರಿಚಾರ್ಜ್ ಮಾಡದೇ ಬಿಟ್ಟು ಬಿಡುತ್ತಾರೆ. ಅಂಥವರಿಗೆ ಜಿಯೋ ದೊಡ್ಡ ಎಚ್ಚರಿಕೆ ನೀಡಿದೆ.

ಇನ್ಮುಂದೆ ನೀವು ರಿಚಾರ್ಜ್ ಮಾಡದಿದ್ದರೆ, ಆ ನಂಬರ್ ನಿಮ್ಮಿಂದ ಶಾಶ್ವತವಾಗಿ ಆಗಲಿದೆ. ಹೌದು, ಯಾರೆಲ್ಲ ಸಿಮ್ ರಿಚಾರ್ಜ್ ಮಾಡದೇ ಇಟ್ಟುಕೊಂಡಿರುವ ಗ್ರಾಹಕರಿಗೆ ಕಂಪನಿ ಎಚ್ಚರಿಕೆಯ ಸಂದೇಶಗಳನ್ನು ಕಳುಹಿಸುತ್ತಿದೆ. ಈ ಸಂದೇಶದಲ್ಲಿ ನಿಮ್ಮ ಸಂಖ್ಯೆಗೆ ರಿಚಾರ್ಜ್ ಮಾಡಬೇಕು. ಇಲ್ಲದಿದ್ದರೆ ಒಳಬರುವ ಕರೆಗಳು ಮತ್ತು SMS ಗಳನ್ನು ನಿಷ್ಕ್ರಿಯಗೊಳಿಸಲಾಗುತ್ತದೆ ಎಂಬ ಸಂದೇಶದ ಮೂಲಕ ಎಚ್ಚರಿಕೆ ನೀಡಿದೆ. ಒಂದು ವೇಳೆ ನೀವು ದೀರ್ಘಕಾಲದವರೆಗೆ ರೀಚಾರ್ಜ್ ಮಾಡದಿದ್ದರೆ.. ನಿಮ್ಮ ಮೊಬೈಲ್ ಸಂಖ್ಯೆ ಶಾಶ್ವತವಾಗಿ ನಿಷ್ಕ್ರಿಯಗೊಳ್ಳುವ ಸಾಧ್ಯತೆ ಇದೆ.

ಅದಕ್ಕಾಗಿ ನೀವು ಏನು ಮಾಡಬೇಕು?

ನಿಮಗೆ ಎರಡು ಸಿಮ್ ಅಗತ್ಯ ಇದ್ದರೆ, ಎರಡೂ ನಂಬರ್‍‌ಗಳಿಗೂ ರಿಚಾರ್ಜ್ ಮಾಡಿಸೋದು ಅನಿವಾರ್ಯ. ಒಂದು ಸಿಮ್‌ಗೆ ನಿಮಗೆ ಅಗತ್ಯ ಇರುವ ಪ್ಲಾನ್‌ಗಳನ್ನ ಹಾಕಿಸಿಕೊಂಡು, ಇನ್ನೊಂದು ಸಿಮ್‌ನ ನಂಬರ್ ಉಳಿಸಿಕೊಳ್ಳಲು ಗ್ರಾಹಕರ ಮುಂದೆ ಸ್ಪೆಷಲ್ ರಿಚಾರ್ಜ್ ಆಫರ್ ನೀಡಿದೆ. ಅದು ಕೇವಲ 11 ರೂಪಾಯಿ ರಿಚಾರ್ಜ್ ಪ್ಲಾನ್!

ಜಿಯೋ ಕಠಿಣ ನಿರ್ಧಾರ ಏಕೆ?

ಟೆಲಿಕಾಂ ಕಂಪನಿಗಳು ಕಟ್ಟುನಿಟ್ಟಾದ ರೂಲ್ಸ್‌ಗಳಿಗೆ ಒಳಪಡುತ್ತಿವೆ
ಅದೇ ರೀತಿ ಜಿಯೋ ಸಹ ಈ ಮಾರ್ಗಸೂಚಿಗಳನ್ನು ಅನುಸರಿಸುತ್ತದೆ
ರಿಚಾರ್ಜ್ ಅವಧಿ ಮುಗಿದಾಗ ನಿರ್ಧಿಷ್ಟ ಸಮಯದ ವರೆಗೆ ಮಾತ್ರ ಕೆಲಸ
ಸಂದೇಶಗಳು ಮತ್ತು ಕರೆಗಳು ಒಂದಷ್ಟು ದಿನಗಳವರೆಗೆ ಮಾತ್ರ ಬರುತ್ತವೆ
ಹಲವು ವಾರಗಳ ಕಾಲ ರಿಚಾರ್ಜ್ ಮಾಡದಿದ್ದರೆ ನಿಮಗೆ ಯಾವುದೇ ಸೇವೆ ಸಿಗಲ್ಲ

ಸಿಮ್ ನಿಷ್ಕ್ರಿಯಕ್ಕೂ ಮೊದಲು ಕಂಪನಿ ಮೆಸೇಜ್‌ಗಳ ಮೂಲಕ ರಿಚಾರ್ಜ್ ಮಾಡಲು ನೆನಪಿಸುತ್ತದೆ. ಎಚ್ಚರಿಕೆಯ ನಂತರವೂ ನೀವು ಸಿಮ್‌ಗೆ ರಿಚಾರ್ಜ್ ಮಾಡದಿದ್ದರೆ.. ಅಂದರೆ TRAI ನಿಯಮಗಳ ಪ್ರಕಾರ 90 ದಿನಗಳ ನಂತರ ಸಂಖ್ಯೆಯನ್ನು ನಿಷ್ಕ್ರಿಯಗೊಳಿಸಬಹುದು. ಅಥವಾ ಆ ನಂಬರ್ ಬೇರೆಯವರಿಗೆ ನೀಡಬಹುದು.

ಆಗುವ ಸಮಸ್ಯೆಗಳು ಏನೇನು?

ಮೊಬೈಲ್ ಸಂಖ್ಯೆಗಳು ಹೆಚ್ಚಾಗಿ ಬ್ಯಾಂಕ್ ಖಾತೆಗಳು, ಆಧಾರ್ ಕಾರ್ಡ್‌ಗಳು ಮತ್ತು ಸಾಮಾಜಿಕ ಮಾಧ್ಯಮಗಳಿಗೆ ಲಿಂಕ್ ಹೊಂದಿರುತ್ತವೆ. ಒಂದು ವೇಳೆ ನಂಬರ್ ನಿಷ್ಕ್ರಿಯಗೊಂಡರೆ ದೊಡ್ಡ ಸಮಸ್ಯೆಯಾಗುವ ಸಾಧ್ಯತೆ ಇದೆ. ಅದೇ ಕಾರಣಕ್ಕೆ ಜಿಯೋ, ಕೇವಲ 11 ರೂಪಾಯಿ ರಿಚಾರ್ಜ್ ಮಾಡಿ ನಂಬರ್ ಉಳಿಸಿಕೊಳ್ಳುವಂತೆ ಸಲಹೆ ನೀಡಿದೆ. ಇದು ಜಿಯೋದ ಅತ್ಯಂತ ಅಗ್ಗದ ಪ್ರಿಪೇಯ್ಡ್ ಯೋಜನೆಗಳಲ್ಲಿ ಒಂದು. ನೀವು ನಿಮ್ಮ ಸಂಖ್ಯೆಯನ್ನು 11 ರೂಪಾಯಿಗಳಿಗೆ ರೀಚಾರ್ಜ್ ಮಾಡಿದ ತಕ್ಷಣ, ನಿಮ್ಮ ಸಿಮ್ ಕಾರ್ಡ್ ವ್ಯವಸ್ಥೆಯಲ್ಲಿ ಸಕ್ರಿಯವಾಗಿರುವ ಬಗ್ಗೆ ನೀವು ಸಂದೇಶವನ್ನು ಸ್ವೀಕರಿಸುತ್ತಿರಿ.

11 ರೂಪಾಯಿ ನೀವು ರೀಚಾರ್ಜ್ ಮಾಡಿಕೊಂಡರೆ 1 ಗಂಟೆಯ ಮಾನ್ಯತೆಯೊಂದಿಗೆ 10GB ಹೈ-ಸ್ಪೀಡ್ ಡೇಟಾ ನೀಡುತ್ತದೆ. ಡೇಟಾ ಮಾನ್ಯತೆ ಕೇವಲ 1 ಗಂಟೆಯಾಗಿದ್ದರೂ ನಿಮ್ಮ ಸಂಖ್ಯೆಯನ್ನು ಸಕ್ರಿಯವಾಗಿಡಲು ಇದು ಪರಿಣಾಮಕಾರಿ ಮಾರ್. ಕಡಿಮೆ ವೆಚ್ಚದಲ್ಲಿ ತಮ್ಮ ಹಳೆಯ ಸಂಖ್ಯೆಯನ್ನು ಸುರಕ್ಷಿತವಾಗಿಡಲು ಬಯಸುವವರಿಗೆ ಈ ಆಯ್ಕೆಯು ಸೂಕ್ತವಾಗಿದೆ.

ಮಂಗಳೂರು ಏರ್ಪೋರ್ಟ್ ಸಮೀಪ ಹೊಸ ರೈಲು ನಿಲ್ದಾಣ: ಅಶ್ವಿನಿ ವೈಷ್ಣವ್‌ ಘೋಷಣೆ, ದಕ್ಷಿಣ ಕನ್ನಡ ಅಭಿವೃದ್ಧಿಗಾಗಿ 25 ವರ್ಷಗಳ ಮಾಸ್ಟರ್ ಪ್ಲಾನ್

Gowthami K — Sat, 14 Nov 2026 14:55:55 +0530

ಮಂಗಳೂರು: ಈ ಭಾಗದಲ್ಲಿ ರೈಲ್ವೆ, ಬಂದರು ಮತ್ತು ಕೈಗಾರಿಕೆಗಳ ಸಮಗ್ರ ಅಭಿವೃದ್ಧಿಗಾಗಿ 25 ವರ್ಷಗಳ ಮಾಸ್ಟರ್ ಪ್ಲಾನ್ ರೂಪಿಸಬೇಕು. ಮಾಸ್ಟರ್‌ಪ್ಲಾನ್ ಸಿದ್ಧವಾದ ನಂತರ ನಾವು ಅದನ್ನು ಹಂತಹಂತವಾಗಿ ಕಾರ್ಯಗತಗೊಳಿಸಬಹುದು ಎಂದು ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್‌ ಸಲಹೆ ನೀಡಿದರು. ಅವರು ಶುಕ್ರವಾರ ಮಂಗಳೂರಿನ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ಅಧಿಕಾರಿಗಳ ಹಾಗೂ ಪ್ರಮುಖರ ಸಭೆ ನಡೆಸಿ ಮಾತನಾಡಿದರು.

ಇಲ್ಲಿನ ಸ್ಥಳೀಯ ಕೈಗಾರಿಕೆಗಳು, ಮಂಗಳೂರು ಬಂದರು ಮತ್ತು ಸಾರ್ವಜನಿಕರೊಂದಿಗೆ ಸಮಗ್ರ ಸಮಾಲೋಚನೆ ನಡೆಸಿ ಸಂಸದರ ಮುಂದಾಳತ್ವದಲ್ಲಿ ಮಾಸ್ಟರ್‌ ಪ್ಲಾನ್‌ ರೂಪಿಸುವಂತೆ ಹಾಗೂ ಅದನ್ನು ಮುನ್ನಡೆಸುವಂತೆ ಮತ್ತು ಇದಕ್ಕೆ ನಮ್ಮ ಸಹಕಾರ ನೀಡುವುದಾಗಿ ಅವರು ತಿಳಿಸಿದರು.

ರೈಲು ನಿಲ್ದಾಣಗಳ ಮರು ಅಭಿವೃದ್ಧಿ:

ಮಂಗಳೂರು ಜಂಕ್ಷನ್, ಮಂಗಳೂರು ಸೆಂಟ್ರಲ್, ಉಡುಪಿ ನಿಲ್ದಾಣ ಹಾಗೂ ಈ ಮಾರ್ಗದ ಇತರ ಹಲವು ನಿಲ್ದಾಣಗಳ ಅಭಿವೃದ್ಧಿ ಕಾಮಗಾರಿಯನ್ನು ನಾವು ಕೈಗೆತ್ತಿಕೊಂಡಿದ್ದೇವೆ. ಇದರ ಜೊತೆಗೆ ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಸಮೀಪ ಹೊಸ ರೈಲು ನಿಲ್ದಾಣವನ್ನು ನಿರ್ಮಿಸಲಾಗುವುದು. ಈ ಅಭಿವೃದ್ಧಿ ಕಾರ್ಯಗಳ ಕುರಿತು ಸಂಸದರು ಕಾಲಕಾಲಕ್ಕೆ ಮಾಹಿತಿ ನೀಡಲಿದ್ದಾರೆ ಎಂದರು.

ರೈಲ್ವೆ ವಲಯದ ವ್ಯಾಪ್ತಿ ಗೊಂದಲಕ್ಕೆ ಪರಿಹಾರ:

ದಕ್ಷಿಣ ರೈಲ್ವೆ ಮತ್ತು ನೈಋತ್ಯ ರೈಲ್ವೆ ನಡುವಿನ ಹಳೆಯ ಗೊಂದಲ ಮತ್ತು ಸಮನ್ವಯದ ಕೊರತೆಯಿಂದ ಹಲವು ಸಮಸ್ಯೆಗಳಿಗೆ ಕಾರಣವಾಗಿತ್ತು ಮತ್ತು ಮಂಗಳೂರಿನ ಅಭಿವೃದ್ಧಿ ಕುಂಠಿತವಾಗಲು ಮುಖ್ಯ ಕಾರಣವಾಗಿತ್ತು. ಇತ್ತೀಚೆಗೆ ಬಗೆಹರಿಸಲಾಗಿದೆ. ಇದೀಗ ಮಂಗಳೂರು ಅಧಿಕೃತವಾಗಿ ನೈಋತ್ಯ ರೈಲ್ವೆ ವ್ಯಾಪ್ತಿಗೆ ಒಳಪಟ್ಟಿದೆ. ಕಳೆದ 35 ವರ್ಷಗಳಿಂದ ಇದಕ್ಕಾಗಿ ಪ್ರಯತ್ನಿಸಲಾಗುತ್ತಿತ್ತು, ಅದು ಈಗ ಅಂತಿಮವಾಗಿ ಸಾಕಾರಗೊಂಡಿದೆ. ಇಂತಹ ದೃಢ ನಿರ್ಧಾರ ನಮ್ಮ ಸರ್ಕಾರದಿಂದ ಸಾಧ್ಯವಾಗಿದೆ ಎಂದರು.

ಬೆಂಗಳೂರು-ಮಂಗಳೂರು ರೈಲು ಮಾರ್ಗದ ದ್ವಿಪಥೀಕರಣ ನಾವು ಕೈಗೆತ್ತಿಕೊಂಡಿರುವ ಇನ್ನೊಂದು ಪ್ರಮುಖ ಯೋಜನೆ. ಇದು ಅತ್ಯಂತ ಮಹತ್ವದ್ದಾಗಿದೆ. ಸವಾಲಿನ ಘಾಟ್ ಪ್ರದೇಶದ ನಡುವೆಯೂ, ಈ ಭಾಗದ ವಿಸ್ತೃತ ಯೋಜನಾ ವರದಿ ಸಿದ್ಧಪಡಿಸುವ ಕಾರ್ಯ ಪ್ರಗತಿಯಲ್ಲಿದೆ. ಪೂರ್ಣ ಡಿಪಿಆರ್‌ಗಾಗಿ ಕಾಯುವ ಅಗತ್ಯವಿಲ್ಲ, ಎಲ್ಲಿ ಯಾವುದೇ ದೊಡ್ಡ ಅಡೆತಡೆಗಳಿಲ್ಲದ ಸಮತಟ್ಟಾದ ಪ್ರದೇಶವಿದೆಯೋ, ಅಲ್ಲಿ ಕಾಮಗಾರಿ ಶೀಘ್ರವಾಗಿ ಪ್ರಾರಂಭಿಸುವ ಬಗ್ಗೆ ಕ್ರಮ ವಹಿಸಲಾಗುವುದು ಎಂದರು.

ಸಬೆಯಲ್ಲಿ ಮಂಗಳೂರು ಭಾಗದ ಸಮಗ್ರ ಅಭಿವೃದ್ಧಿ ಬಗ್ಗೆ ಸಮಾಲೋಚನೆ, ಚರ್ಚೆ ನಡೆಸಲಾಯಿತು. ದ.ಕ. ಸಂಸದ ಕ್ಯಾ.ಬ್ರಿಜೇಶ್‌ ಚೌಟ, ಉಡುಪಿ ಸಂಸದ ಕೋಟ ಶ್ರೀನಿವಾಸ ಪೂಜಾರಿ, ಜಿಲ್ಲಾಧಿಕಾರಿ ದರ್ಶನ್‌, ರೈಲ್ವೆ ಅಧಿಕಾರಿಗಳು, ಶಾಸಕರು, ವಿಧಾನ ಪರಿಷತ್‌ ಸದಸ್ಯರು, ಮತ್ತಿತರರು ಇದ್ದರು.

ಮಂಗಳೂರು ರೈಲ್ವೇ ಅಭಿವೃದ್ಧಿಗೆ ಸರ್ವ ಸಹಕಾರ:

ಮಂಗಳೂರು- ಬೆಂಗಳೂರು ನಡುವಿನ ರೈಲು ಹಳಿಯನ್ನು ದ್ವಿಗುಣಗೊಳಿಸುವ ಡಿಪಿಆರ್ ಪ್ರಕ್ರಿಯೆ ಈಗಾಗಲೇ ಆರಂಭಗೊಂಡಿದ್ದು, ಶೀಘ್ರವೇ ಡಿಪಿಆರ್ ಅನ್ನು ಸಿದ್ಧಪಡಿಸಿ ಕಾಮಗಾರಿಯನ್ನು ಆರಂಭಿಸಲಾಗುವುದು. ಈ ರೈಲ್ವೆ ಲೈನ್ ಅಭಿವೃದ್ಧಿಪಡಿಸಲು ಇಲಾಖೆ ಬದ್ಧವಾಗಿದೆ. ಮುಂದಿನ ದಿನಗಳಲ್ಲಿ ಮಂಗಳೂರಿನ ರೈಲ್ವೇ ಅಭಿವೃದ್ಧಿಗೆ ಕೇಂದ್ರದಿಂದ ಎಲ್ಲಾ ರೀತಿಯ ಸಹಕಾರಗಳನ್ನು ನೀಡಲಾಗುವುದು ಎಂದು ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಹೇಳಿದರು.

ಅವರು ಶುಕ್ರವಾರ ಅಪರಾಹ್ನ 2.55ಕ್ಕೆ ವಂದೇ ಭಾರತ್ ಎಕ್ಸ್ ಪ್ರೆಸ್ ರೈಲಿನ ಮೂಲಕ ಕಬಕ ಪುತ್ತೂರು ರೈಲ್ವೇ ನಿಲ್ದಾಣಕ್ಕೆ ಆಗಮಿಸಿದರು. ನಿಲ್ದಾಣದಲ್ಲಿ ಸುಮಾರು 20 ನಿಮಿಷಗಳ ಕಾಲ ಉಪಸ್ಥಿತರಿದ್ದ ಅವರು ಕಬಕ ಪುತ್ತೂರು ರೈಲು ನಿಲ್ದಾಣದಿಂದ ನೂತನವಾಗಿ ಪುನರಾಭಿವೃದ್ಧಿಗೊಂಡ ಸುಬ್ರಹ್ಮಣ್ಯ ರೋಡ್ ರೈಲು ನಿಲ್ದಾಣಕ್ಕೆ ಚಾಲನೆ ನೀಡಿದರು.

ಬಳಿಕ ನಿಲ್ದಾಣದಲ್ಲಿ ಸೇರಿದ್ದ ಪಕ್ಷದ ಕಾರ್ಯಕರ್ತ ಹಾಗೂ ಸಾರ್ವಜನಿಕರನ್ನು ಉದ್ದೇಶಿಸಿ ಮಾತನಾಡಿ, ಮಂಗಳೂರು ಜಿಲ್ಲೆಯವರು ಒಬ್ಬ ಧೀಮಂತ ಸಂಸದರನ್ನು ಹೊಂದಿದ್ದೀರಿ. ಕ್ಯಾ. ಬ್ರಿಜೇಶ್ ಚೌಟ ಅವರು ಡೈನಾಮಿಕ್ ಸಂಸತ್ ಸದಸ್ಯರಾಗಿ ಕೆಲಸ ಮಾಡುತ್ತಿದ್ದಾರೆ ಎಂದು ಅಭಿನಂದಿಸಿದರು.

ದ.ಕ. ಸಂಸದ ಕ್ಯಾ.ಬ್ರಿಜೇಶ್ ಚೌಟ ಮಾತನಾಡಿ, ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಕಳೆದ ಒಂದೆರಡು ವರ್ಷಗಳಲ್ಲಿ ಅನೇಕ ಐತಿಹಾಸಿಕ ನಿರ್ಧಾರಗಳನ್ನು ಕೈಗೊಂಡಿದ್ದಾರೆ. ಮಂಗಳೂರು-ಸುಬ್ರಹ್ಮಣ್ಯ ಪ್ಯಾಸೆಂಜರ್ ರೈಲಿನ ನಿರ್ಧಾರ ಕೈಗೊಂಡಿರುವ ಸಚಿವರು ಈಗ ಸುಬ್ರಹ್ಮಣ್ಯ- ಸಕಲೇಶಪುರ ನಡುವಿನ ಘಾಟಿ ಸೆಕ್ಷನ್‌ನಲ್ಲಿ ಪೂರ್ತಿ ಹಳಿ ವಿದ್ಯುದೀಕರಣ ಮಾಡಿ ವಂದೇ ಭಾರತ್ ರೈಲು ಬರಲು ಅವಕಾಶ ಮಾಡಿಕೊಟ್ಟಿದ್ದಾರೆ. ರು. 98 ಕೋಟಿ ವೆಚ್ಚದಲ್ಲಿ ಮಂಗಳೂರು ಸೆಂಟ್ರಲ್ ನಿಲ್ದಾಣ ಅಭಿವೃದ್ಧಿ ಮಾಡುವುದಾಗಿ ಸಚಿವರು ಘೋಷಿಸಿದ್ದಾರೆ ಎಂದರು.

ಮುಂದೆ ಮಂಗಳೂರು-ಬೆಂಗಳೂರು ಮಧ್ಯೆ ಹಳಿ ದ್ವಿಗುಣ ಯೋಜನೆ ಮಾಡಲಿದ್ದಾರೆ. ಇದಕ್ಕಾಗಿ ಡಿಪಿಆರ್ ಆರಂಭಗೊಂಡಿದ್ದು, ಅದು ಪೂರ್ತಿಯಾಗುವವರೆಗೆ ಕಾಯದೆ ಹಂತ ಹಂತವಾಗಿ ಹಳಿ ಡಬಲಿಂಗ್ ಯೋಜನೆ ಕಾರ್ಯಗತಗೊಳಿಸುವುದಾಗಿ ತಿಳಿಸಿದ್ದಾರೆ ಎಂದು ತಿಳಿಸಿದರು.

ಕಾರ್ಯಕ್ರಮ ಮುಗಿಸಿ ತೆರಳುವ ಸಂದರ್ಭದಲ್ಲಿ ಸಚಿವ ಅಶ್ವಿನಿ ವೈಷ್ಣವ್ ಅವರು ನಿಲ್ದಾಣದಲ್ಲಿನ ಫ್ಲಾಟ್‌ಫಾರಂ ಸ್ಟಾಲ್‌ಗ್ ತೆರಳಿ ಅಲ್ಲಿನ ಸಿಬ್ಬಂದಿ ಜೊತೆಗೆ ಮಾತನಾಡಿದರು. ಬಳಿಕ ಸುಬ್ರಹ್ಮಣ್ಯ ರೋಡ್ ರೈಲ್ವೇ ನಿಲ್ದಾಣಕ್ಕೆ ರೈಲಿನಲ್ಲಿ ಪ್ರಯಾಣ ಮುಂದುವರಿಸಿದರು.

ರಾಜು ತಾಳಿಕೋಟೆ ‘ಕಲಿಯುಗದ ಕುಡುಕ’ ಆಗಿದ್ದು ನನ್ನಿಂದಲೇ; 14 ಲಕ್ಷ ಕ್ಯಾಸೆಟ್ ಮಾರಾಟದ ಗುಟ್ಟು ಬಿಚ್ಚಿಟ್ಟ ಜಯಲಕ್ಷ್ಮಿ ಪಾಟೀಲ್

Sushma Hegde — Sat, 14 Nov 2026 14:26:40 +0530

ಕನ್ನಡ ರಂಗಭೂಮಿಯಲ್ಲಿ ತಮ್ಮದೇ ಆದ ಛಾಪು ಮೂಡಿಸಿರುವ ನಟಿ, ನಿರ್ದೇಶಕಿ ಜಯಲಕ್ಷ್ಮಿ ಪಾಟೀಲ್ ಅವರು ನಟ ರಾಜು ತಾಳಿಕೋಟೆ ಅವರ ಕಲಾ ಬದುಕಿನ ಮಹತ್ವದ ತಿರುವಿನ ಬಗ್ಗೆ ಕುತೂಹಲಕಾರಿ ವಿಚಾರವೊಂದನ್ನು ಕಲಾಮಾಧ್ಯಮ ಸಂದರ್ಶನದಲ್ಲಿ ಹಂಚಿಕೊಂಡಿದ್ದಾರೆ. ರಾಜು ತಾಳಿಕೋಟೆ ಅವರಿಗೆ ‘ಕಲಿಯುಗದ ಕುಡುಕ’ ಎಂಬ ಹೆಸರಿನ ಮೂಲಕ ದೊಡ್ಡ ಜನಪ್ರಿಯತೆ ತಂದುಕೊಟ್ಟ ಪಾತ್ರವನ್ನು ತಾವೇ ನೀಡಿದ್ದಾಗಿ ಅವರು ಹೇಳಿದ್ದಾರೆ.

ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿದ ಜಯಲಕ್ಷ್ಮಿ ಪಾಟೀಲ್, ರಂಗಭೂಮಿಯಲ್ಲಿ ತಾವು ನಿರ್ದೇಶಿಸಿದ ನಾಟಕ ಹಾಗೂ ಅದರಿಂದ ರಾಜು ತಾಳಿಕೋಟೆ ಅವರಿಗೆ ಸಿಕ್ಕ ಜನಪ್ರಿಯತೆಯ ಕುರಿತು ನೆನಪುಗಳನ್ನು ಮೆಲುಕು ಹಾಕಿದ್ದಾರೆ.

ರಾಜು ತಾಳಿಕೋಟೆಗೆ ಕುಡುಕನ ಪಾತ್ರ ಕೊಟ್ಟಿದ್ದೇ ಜಯಲಕ್ಷ್ಮಿ

ಜಯಲಕ್ಷ್ಮಿ ಪಾಟೀಲ್ ಅವರು ಹೇಳುವ ಪ್ರಕಾರ, ರಾಜು ತಾಳಿಕೋಟೆ ಅವರಿಗೆ ಆರಂಭದಲ್ಲಿ ‘ಸೊಸೆ ಹಾಕಿದ ಸವಾಲ್’ ಎಂಬ ನಾಟಕದಲ್ಲಿ ಒಂದು ಪಾತ್ರ ನೀಡಲಾಗಿತ್ತು. ಆ ನಾಟಕದ ದೃಶ್ಯವೊಂದರಲ್ಲಿ ಅವರು ಕುಡುಕನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆ ಪಾತ್ರವನ್ನು ರಾಜು ತಾಳಿಕೋಟೆ ಅವರಿಗೆ ನೀಡಿದ್ದು ತಾವೇ ಎಂದು ಜಯಲಕ್ಷ್ಮಿ ಸ್ಪಷ್ಟಪಡಿಸಿದ್ದಾರೆ. ನಾಟಕದಲ್ಲಿ ರಾಜು ತಾಳಿಕೋಟೆ ಅವರ ಅಭಿನಯಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಯಿತು. ಅವರ ಪಾತ್ರಕ್ಕೆ ಬೇಡಿಕೆ ಹೆಚ್ಚಾಗತೊಡಗಿತು. ಬಳಿಕ ಅದೇ ಪಾತ್ರವನ್ನು ಆಧರಿಸಿ ‘ಕಲಿಯುಗದ ಕುಡುಕ’ ಎಂಬ ಪ್ರತ್ಯೇಕ ಕ್ಯಾಸೆಟ್ ಹೊರಬಂದಿತು ಎಂದು ಅವರು ವಿವರಿಸಿದ್ದಾರೆ.

14 ಲಕ್ಷಕ್ಕೂ ಅಧಿಕ ಕ್ಯಾಸೆಟ್ ಮಾರಾಟ

‘ಕಲಿಯುಗದ ಕುಡುಕ’ ಕ್ಯಾಸೆಟ್‌ಗೆ ಜನರಿಂದ ಭರ್ಜರಿ ಪ್ರತಿಕ್ರಿಯೆ ಸಿಕ್ಕಿತ್ತು. ಈ ಕ್ಯಾಸೆಟ್ 14 ಲಕ್ಷಕ್ಕೂ ಹೆಚ್ಚು ಪ್ರತಿಗಳಷ್ಟು ಮಾರಾಟವಾಗಿತ್ತು ಎಂದು ಜಯಲಕ್ಷ್ಮಿ ಪಾಟೀಲ್ ಸಂದರ್ಶನದಲ್ಲಿ ತಿಳಿಸಿದ್ದಾರೆ. ಈ ಕ್ಯಾಸೆಟ್‌ನಿಂದಲೇ ರಾಜು ತಾಳಿಕೋಟೆ ಅವರಿಗೆ ಅಪಾರ ಹೆಸರು ಬಂತು ಎಂಬುದನ್ನೂ ನೆನಪಿಸಿಕೊಂಡಿದ್ದಾರೆ. ಒಂದು ನಾಟಕದ ಸಣ್ಣ ಪಾತ್ರದ ಮೂಲಕ ಆರಂಭವಾದ ಜನಪ್ರಿಯತೆ, ಮುಂದೆ ರಾಜು ತಾಳಿಕೋಟೆ ಅವರ ಹೆಸರಿನಲ್ಲೇ ಗುರುತಿಸಿಕೊಂಡ ಪ್ರತ್ಯೇಕ ಕಾಮಿಡಿ ಪ್ರದರ್ಶನವಾಗಿ ಬೆಳೆಯಿತು. ಈ ಯಶಸ್ಸಿನ ಹಿಂದೆ ತಮ್ಮ ನಿರ್ದೇಶನ ಹಾಗೂ ರಾಜು ತಾಳಿಕೋಟೆ ಅವರ ಅಭಿನಯದ ಪಾತ್ರವಿದೆ ಎಂಬುದನ್ನು ಜಯಲಕ್ಷ್ಮಿ ಪಾಟೀಲ್ ವಿವರಿಸಿದ್ದಾರೆ.

ರಂಗಭೂಮಿಯ ನೆನಪುಗಳನ್ನು ಹಂಚಿಕೊಂಡ ಹಿರಿಯ ಕಲಾವಿದೆ

ಸುಮಾರು ಏಳು ದಶಕಗಳ ಕಲಾ ಪಯಣ ಹೊಂದಿರುವ ಜಯಲಕ್ಷ್ಮಿ ಪಾಟೀಲ್, ರಂಗಭೂಮಿಯಿಂದ ಕಿರುತೆರೆಯವರೆಗೆ ಹಲವು ಪಾತ್ರಗಳ ಮೂಲಕ ಪ್ರೇಕ್ಷಕರ ಮನಗೆದ್ದಿದ್ದಾರೆ. ‘ಹಸಿರು ಬಳೆ’ ನಾಟಕದ ಮೂಲಕವೂ ಅವರಿಗೆ ದೊಡ್ಡ ಜನಪ್ರಿಯತೆ ಸಿಕ್ಕಿತ್ತು. ಆ ನಾಟಕದ ಕ್ಯಾಸೆಟ್ ನಾಲ್ಕು ಲಕ್ಷಕ್ಕೂ ಅಧಿಕ ಪ್ರತಿಗಳು ಮಾರಾಟವಾಗಿದ್ದವು ಎಂದು ಅವರು ಸಂದರ್ಶನದಲ್ಲಿ ತಿಳಿಸಿದ್ದಾರೆ.

ರಂಗಭೂಮಿಯಲ್ಲಿ ಕಲಾವಿದರಿಗೆ ಸಿಗುತ್ತಿದ್ದ ಅವಕಾಶಗಳು, ನಾಟಕಗಳ ಯಶಸ್ಸು ಹಾಗೂ ಕಲಾವಿದರ ಪರಿಶ್ರಮದ ಕುರಿತು ಮಾತನಾಡಿರುವ ಅವರು, ತಮ್ಮ ಕಲಾ ಬದುಕಿನ ಹಲವು ಅಪರೂಪದ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ಅದರಲ್ಲೂ ರಾಜು ತಾಳಿಕೋಟೆ ಅವರಿಗೆ ‘ಕಲಿಯುಗದ ಕುಡುಕ’ ಪಾತ್ರದ ಮೂಲಕ ಸಿಕ್ಕ ಜನಪ್ರಿಯತೆಯ ಹಿಂದಿನ ಕಥೆ ಈಗ ಗಮನ ಸೆಳೆಯುತ್ತಿದೆ.

ನಿಖಿಲ್‌ಗೆ ದೇಗುಲ ಪ್ರವೇಶ ನಿರಾಕರಣೆ: ಹಿಂದಿನ ಆ ಘಟನೆ ನೆನಪಿಸಿ ಕಾಂಗ್ರೆಸ್ ಗೆ ಕುಮಾರಸ್ವಾಮಿ ಎಚ್ಚರಿಕೆ!

Ravi Janekal — Sat, 14 Nov 2026 14:25:30 +0530

ಇಂದು ಕೇಂದ್ರ ಸಚಿವ ಹೆಚ್‌ಡಿ ಕುಮಾರಸ್ವಾಮಿಯವರು ಹಾಸನದ ಹೊಳೆನರಸೀಪುರ ತಾಲ್ಲೂಕಿನ ಮಾವಿನಕೆರೆ ರಂಗನಾಥ ಸ್ವಾಮಿ ದೇಗುಲದಲ್ಲಿ ವಿಶೇಷ ಪೂಜೆ ಸಲ್ಲಿಸಿದರು. ಬಳಿಕ ಮಕ್ಕಳೊಂದಿಗೆ ಕೆಲವೊತ್ತು ಸಮಯ ಕಳೆದರು. ನಿಖಿಲ್ ಕುಮಾರಸ್ವಾಮಿ ಅವರಿಗೆ ದೇಗುಲ ಪ್ರವೇಶ ನಿರಾಕರಿಸಿದ ಘಟನೆ ಬಗ್ಗೆ ಮಹತ್ವದ ಹೇಳಿಕೆ ನೀಡಿದ್ರು.

ಇಂದು ಕೇಂದ್ರ ಸಚಿವ ಹೆಚ್‌ಡಿ ಕುಮಾರಸ್ವಾಮಿಯವರು ಹಾಸನದ ಹೊಳೆನರಸೀಪುರ ತಾಲ್ಲೂಕಿನ ಮಾವಿನಕೆರೆ ರಂಗನಾಥ ಸ್ವಾಮಿ ದೇಗುಲಕ್ಕೆ ಆಗಮಿಸಿ ದರ್ಶನ ಪಡೆದು, ಕುಟುಂಬದವರ ಹೆಸರಲ್ಲಿ ವಿಶೇಷ ಪೂಜೆ ಸಲ್ಲಿಸಿದರು. ಈ ವೇಳೆ ದೇಗುಲದ ಬಳಿಯೇ ಇದ್ದ ನೂರಾರು ಮಕ್ಕಳನ್ನು ಕಂಡು ದೇವರ ದರ್ಶನ ಬಳಿಕ ಮಕ್ಕಳೊಡನೆ ಕೆಲವೊಮ್ಮೆ ಸಮಯ ಕಳೆದರು.

ಮಕ್ಕಳೊಂದಿಗೆ ಫೋಟೋ ತೆಗೆಸಿಕೊಂಡ ಕುಮಾರಸ್ವಾಮಿ

ಇಂದು ಮಕ್ಕಳ ದಿನಾಚರಣೆ ಹಿನ್ನೆಲೆ ಶಾಲಾ ಮಕ್ಕಳಿಗೆ ಶುಭ ಕೋರಿದ ಕುಮಾರಸ್ವಾಮಿಯವರು, ಕೆಲವೊತ್ತು ಮಕ್ಕಳೊಂದಿಗೆ ಸಮಯ ಕಳೆದರು. ಮಕ್ಕಳೊಂದಿಗೆ ಫೋಟೋ ತೆಗೆಸಿಕೊಂಡರು. ಈ ವೇಳೆ ಕುಮಾರಸ್ವಾಮಿಗೆ ನೂರಾರು ಶಾಲಾ ಮಕ್ಕಳು ಜೈಕಾರ ಹಾಕಿದರು.

ಈ ವೇಳೆ ಡಿಕೆ ಶಿವಕುಮಾರ ವಿಚಾರವಾಗಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಕುಮಾರಸ್ವಾಮಿ ಅವರು, ಈಗ ನಾನು ರಾಜಕೀಯ ಬಗ್ಗೆ ಮಾತನಾಡೋಕೆ ಹೋಗೊಲ್ಲ. ಇನ್ನೂ ಸಮಯ ಕೊಡಬೇಕು ಅಂತ ಕೆಲವರು ಹೇಳಿದ್ದಾರೆ. ಈಗಾಗಲೇ ಮೈಸೂರಿನಲ್ಲೂ ಮುಖ್ಯಮಂತ್ರಿಗಳು ಮಾತನಾಡಿದ್ದಾರೆ. ಹೀಗಾಗಿ ನೋಡೋಣ ಮಾತಿಗೂ ಕೃತಿಗೂ ಅವರ ನಡವಳಿಕೆಗೂ ಹೇಗಿರುತ್ತದೆ ಕಾದು ನೋಡೋಣ ಎಂದರು.

ನಿಖಿಲ್ ಕುಮಾರಸ್ವಾಮಿ ದೇಗುಲ ಪ್ರವೇಶ ನಿರಾಕರಿಸಿದ ವಿಚಾರ ಸಂಬಂಧ ಪ್ರತಿಕ್ರಿಯಿಸಿದ ಕೇಂದ್ರ ಸಚಿವರು, ನೆನ್ನೆ ದಿನ ರಾಮನಗರ ಜಿಲ್ಲೆಯಲ್ಲಿ ಒಂದು ಘಟನೆ ನಡೆದಿದೆ. ನಿಖಿಲ್ ಕುಮಾರಸ್ವಾಮಿ ಅವರಿಗೆ ಒಂದು ದೇವಸ್ಥಾನದ ಉದ್ಘಾಟನೆಗೆ ಆಹ್ವಾನ ಕೊಟ್ಟಿದ್ದರು. ಅವರ ಆಹ್ವಾನದ ಮೇರೆಗೆ ನಿಖಿಲ್ ಕುಮಾರಸ್ವಾಮಿ ಅವರು ಬೇಲೂರು ಪಂಚಾಯ್ತಿ ವ್ಯಾಪ್ತಿಗೆ ಬರುವ ಕುರುಬರದೊಡ್ಡಿ ಗ್ರಾಮಕ್ಕೆ ಹೋಗಿದ್ದರು. ಆ ಗ್ರಾಮ ನನಗೆ ಮೊದಲಿನಿಂದಲೂ ಅತ್ಯಂತ ಬೆಂಬಲ ಕೊಟ್ಟಂತಹ ಗ್ರಾಮ ಮತ್ತು ಕ್ಷೇತ್ರ ಅದು.

ನಾನು ಆ ಭಾಗದಲ್ಲಿ ಹಿಂದೆ ಚಾನಾವಣೆಗೆ ನಿಂತಾಗ ದೊಡ್ಡಮಟ್ಟದಲ್ಲಿ ಬಹುಮತ ಕೊಟ್ಟಿದ್ದರು ಅಷ್ಟೇ ಅಲ್ಲ, ನಿರಂತರವಾಗಿ ಬೆಂಬಲ ನೀಡಿದ್ದರು. ಆದರೆ ಇತ್ತೀಚೆಗೆ ಕಾಂಗ್ರೆಸ್ ಬಂದ ಮೇಲೆ ನಮ್ಮ ಕಾರ್ಯಕರ್ತರ ಮೇಲೆ ದಬ್ಬಾಳಿಕೆ ಮಾಡುತ್ತಿದ್ದಾರೆ. ಯಾರು ಜನತಾದಳದವರು ಇದ್ದಾರೆ ಅವರನ್ನು ಭಯಭೀತಗೊಳಿಸುವ ಪ್ರಯತ್ನ ಮಾಡ್ತಿದ್ದಾರೆ. ಅದರ ಭಾಗವಾಗಿ ನಿನ್ನೆ ಈ ಘಟನೆ ನಡೆದಿರೋದು. ಈ ಘಟನೆ ನೋಡಿದರೆ ಭವಿಷ್ಯ ಕಾಂಗ್ರೆಸ್ ಕಾರ್ಯಕರ್ತರ ನಡೆವಳಿಕೆಯೇ ಒಂದು ದೌರ್ಜನ್ಯವೋ, ರೌಡಿತನವೋ ಇದರ ಬಗ್ಗೆ ನಾನು ಏನು ಹೇಳಲು ಹೋಗೋಲ್ಲ.. ರಾಮನಗರದ ಜನರೇ ಮುಂದೆ ಅವರಿಗೆ ಬುದ್ಧಿ ಕಲಿಸುವ ದಿನಗಳು ದೂರವಿಲ್ಲ ಎಂದರು.

ಹಿಂದೆ ಒಂದು ಬಾರಿ ನಾನಿನ್ನೂ ಶಾಸಕ ಆಗಿರಲಿಲ್ಲ. ಆಗ ಹೊಸೂರು ಅನ್ನೋ ಗ್ರಾಮದಲ್ಲಿ ಇದೇ ರೀತಿ ಕಾಂಗ್ರೆಸ್‌ನವರು ದಬ್ಬಾಳಿಕೆ ಮಾಡಿದ್ರು. ದೇವಸ್ಥಾನಕ್ಕೆ ಬೀಗ ಹಾಕಿ ಹೋಗಿದ್ದರು. ನಂತರ ನಡೆದ ಸಾರ್ವತ್ರಿಕ ಚುನಾವಣೆಯಲ್ಲಿ ನನ್ನನ್ನು 25000ಕ್ಕೂ ಹೆಚ್ಚಿನ ಬಹುಮತ ನೀಡಿ ಗೆಲ್ಲಿಸಿದ್ದರು. ಆ ಘಟನೆಯಿಂದ ಒಂದು ಬದಲಾವಣೆ ತರಲು ಸಾಧ್ಯವಾಯ್ತು. ಆ ಘಟನೆಯನ್ನ ಈಗಲೂ ನೆನಪಿಸಿಕೊಳ್ಳುತ್ತೇನೆ. ಈಗ ನಿಖಿಲ್ ವಿಷಯದಲ್ಲೂ ಅದೇ ರೀತಿ ನಡೆದಿದೆ. ನಿನ್ನೆ ನಡೆದಿರುವ ಘಟನೆಯೂ ಒಂದು ಬದಲಾವಣೆಯ ಪರ್ವಕ್ಕೆ ಮುನ್ನುಡಿ ಅಷ್ಟೇ. ಇದಕ್ಕೆ ಕಾಂಗ್ರೆಸ್ನವರೇ ನಾಂದಿ ಹಾಡಿದ್ದಾರೆ. ಅದಕ್ಕಿಂತ ಹೆಚ್ಚು ಏನೂ ಹೇಳುವುದಿಲ್ಲ ಎಂದರು.

ಮರದಿಂದ ಉದುರಿತು ರಾಶಿ ರಾಶಿ ಹಣ: ಹೆಕ್ಕಿಕೊಳ್ಳಲು ಮುಗಿಬಿದ್ದ ಜನ! ಶಿಮ್ಲಾದಲ್ಲಿ ವಿಚಿತ್ರ ಘಟನೆ- ವಿಡಿಯೋ ವೈರಲ್

Suchethana D — Sat, 14 Nov 2026 14:20:25 +0530

ಶಿಮ್ಲಾ: ಏನಾದರೂ ದುಡ್ಡು ಕೇಳಿದಾಗ, ಹಣವೇನು ಮರದಿಂದ ಉದುರುತ್ತಾ ಎಂದು ಕೇಳುವವರೇ ಹೆಚ್ಚು. ಆದರೆ ಹಿಮಾಚಲ ಪ್ರದೇಶದ ಶಿಮ್ಲಾದಲ್ಲಿ ನಿಜಕ್ಕೂ ಮರದಿಂದ ದುಡ್ಡು ಉದುರಿದ್ದು, ಅದನ್ನು ಹೆಕ್ಕಿಕೊಳ್ಳಲು ಜನರು ಮುಗಿಬಿದ್ದಿರುವ ಘಟನೆ ನಡೆದಿದೆ. ಅಷ್ಟಕ್ಕೂ ಆಗಿದ್ದೇನೆಂದರೆ, ಇಲ್ಲಿ ಮರದಲ್ಲೇನೂ ದುಡ್ಡು ಬಿಡಲಿಲ್ಲ. ಬದಲಿಗೆ ವ್ಯಕ್ತಿಯೊಬ್ಬರ ನೋಟಿನ ಕಂತೆಗಳನ್ನು ಎಗರಿಸಿದ ಮಂಗವೊಂದು ಅದನ್ನು ಎತ್ತಿಕೊಂಡು ಹೋಗಿ, ಹಣದ ಹೊಳೆ ಹರಿಸಿತ್ತು! ಇದರ ವಿಡಿಯೋ ವೈರಲ್ ಆಗಿದ್ದು, ಮಂಗನ ಕಿತಾಪತಿಗೆ ಜನರು ಶಾಕ್ ಆಗಿದ್ದಾರೆ.

ಆಗಿದ್ದೇನೆಂದರೆ, ವ್ಯಕ್ತಿಯೊಬ್ಬರು ಬ್ಯಾಂಕ್ಗೆ ಕಟ್ಟುವುದಕ್ಕಾಗಿ 81,800 ರೂ. ನಗದನ್ನು ಬ್ಯಾಗ್ನಲ್ಲಿ ತೆಗೆದುಕೊಂಡು ಹೋಗುತ್ತಿದ್ದರು. ಅಲ್ಲಿ ಮಂಗಗಳ ಕಾಟ ಹೆಚ್ಚು. ಬ್ಯಾಗ್ ನೋಡಿದ ಮಂಗ ಅದರಲ್ಲಿ ಏನೋ ತಿನ್ನುವ ವಸ್ತು ಇದೆ ಎಂದುಕೊಂಡು, ಆ ವ್ಯಕ್ತಿಯ ಕೈಯಿಂದ ಅದನ್ನು ಎಗರಿಸಿಬಿಟ್ಟಿದೆ. ಮಂಗವನ್ನು ಓಡಿಸುವಷ್ಟರಲ್ಲಿ ಬ್ಯಾಗ್ ಸಹಿತ ಮಂಗ ಮರವನ್ನು ಏರಿ ಬ್ಯಾಗ್ನಲ್ಲಿದ್ದ ಹಣವನ್ನು ಚೆಲ್ಲಾಪಿಲ್ಲಿ ಮಾಡಿದೆ. ಜಿಲ್ಲಾಧಿಕಾರಿ (ಡಿಸಿ) ಕಚೇರಿ ಬಳಿ ಈ ಘಟನೆ ನಡೆದಿದೆ. ಆ ವ್ಯಕ್ತಿ 81,800 ರೂ.ಗಳನ್ನು ಹೊತ್ತುಕೊಂಡು ಹೋಗಿ ಹಣವನ್ನು ಠೇವಣಿ ಮಾಡಲು ಬ್ಯಾಂಕಿಗೆ ಹೋಗುತ್ತಿದ್ದಾಗ, ಕೋತಿಯೊಂದು ಇದ್ದಕ್ಕಿದ್ದಂತೆ ಈ ಕಿತಾಪತಿ ಮಾಡಿದೆ.

ಮುಂದೇನಾಯ್ತು ನೋಡಿ

ಹಣವು ಮರದಿಂದ ಬೀಳುತ್ತಿದ್ದಂತೆಯೇ, ಅದು ಯಾರ ಹಣ, ಕೋತಿಯ ಬಳಿ ಹೇಗೆ ಬಂತು ಎಂದೆಲ್ಲಾ ಯೋಚಿಸದ ಜನರು ಅದನ್ನು ಹೆಕ್ಕಿಕೊಳ್ಳಲು ಮುಗಿಬಿದ್ದಿದ್ದಾರೆ. ಇತ್ತ ಹಣದ ಮಾಲೀಕ ಬೊಬ್ಬೆ ಹೊಡೆದರೂ ಕೋತಿ ಮಾತ್ರ ತನ್ನ ಚೇಷ್ಠೆಯನ್ನು ಮುಂದುವರಿಸಿತು. ಜನರು ಸೇರಿದ್ದರಿಂದ ಅದು ಮತ್ತಷ್ಟು ಹಣವನ್ನು ಎಸೆಯಲು ಪ್ರಾರಂಭಿಸಿತು. ಅದು ತಿಂಡಿ ಅಲ್ಲ ಎನ್ನುವ ಸಿಟ್ಟಿಗೆ ಹಣವನ್ನೆಲ್ಲಾ ಪೀಸ್ ಪೀಸ್ ಮಾಡಲು ಆರಂಭಿಸಿತು, ಬಳಿಕ ಅದನ್ನು ಕೆಳಕ್ಕೆ ಎಸೆಯಿತು.

ಹಣ ಕಳೆದುಕೊಂಡ ವ್ಯಕ್ತಿ ಬೊಬ್ಬಿಡುತ್ತಿದ್ದಂತೆಯೇ, ಜಿಲ್ಲಾಧಿಕಾರಿ ಕಚೇರಿಯ ನೌಕರರು ಮತ್ತು ಸ್ಥಳದಲ್ಲಿದ್ದ ಇತರರು ಆ ವ್ಯಕ್ತಿಗೆ ಹಣ ಸಂಗ್ರಹಿಸಲು ಸಹಾಯ ಮಾಡಲು ಧಾವಿಸಿದರು. ಅವರು ಮರದ ಕೆಳಗೆ ಒಟ್ಟುಗೂಡಿದರು ಮತ್ತು ನೋಟುಗಳು ಬೀಳುತ್ತಿದ್ದಂತೆ ಅವುಗಳನ್ನು ಎತ್ತಿಕೊಳ್ಳಲು ಪ್ರಾರಂಭಿಸಿದರು. ಸಾಕಷ್ಟು ಪ್ರಯತ್ನದ ನಂತರ, ಹೆಚ್ಚಿನ ಹಣವನ್ನು ವಶಪಡಿಸಿಕೊಳ್ಳಲಾಯಿತು. ಆದಾಗ್ಯೂ, ವರದಿಗಳ ಪ್ರಕಾರ, ಸುಮಾರು 1,500 ರೂ. ಇನ್ನೂ ಕಾಣೆಯಾಗಿದೆ. ಕೋತಿ 500 ರೂ. ನೋಟುಗಳಲ್ಲಿ ಕೆಲವನ್ನು ಹರಿದು ಹಾಕಿತು, ಇದು ಆ ವ್ಯಕ್ತಿಗೆ ನಷ್ಟವನ್ನುಂಟು ಮಾಡಿದೆ.

ಈ ವೀಡಿಯೊ ಶಿಮ್ಲಾದಲ್ಲಿ ಕೋತಿಗಳ ನಡವಳಿಕೆಯ ಬಗ್ಗೆಯೂ ಚರ್ಚೆಗಳನ್ನು ಹುಟ್ಟುಹಾಕಿದೆ, ಹಲವಾರು ಬಳಕೆದಾರರು ಪ್ರಾಣಿಗಳು ಆಗಾಗ್ಗೆ ಜನರು ಮತ್ತು ಅವರ ವಸ್ತುಗಳನ್ನು ಗುರಿಯಾಗಿಸಿಕೊಳ್ಳುತ್ತವೆ ಎಂದು ಹೇಳಿಕೊಂಡಿದ್ದಾರೆ. "ಶಿಮ್ಲಾದಲ್ಲಿ ಕೋತಿಗಳು ನಿಯಂತ್ರಣ ತಪ್ಪಿವೆ" ಎಂದು ಒಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, "ಶಿಮ್ಲಾದಲ್ಲಿ ಕೋತಿಗಳು ವಿನಾಶವನ್ನು ಸೃಷ್ಟಿಸಿವೆ. ಅವು ಕನ್ನಡಕವನ್ನು ಕಸಿದುಕೊಂಡು ಹಣವನ್ನು ಕದಿಯುತ್ತವೆ"ಎಂದಿದ್ದಾರೆ. ಮತ್ತೊಬ್ಬರು ಪಟ್ಟಣಕ್ಕೆ ಭೇಟಿ ನೀಡಿದ ತಮ್ಮ ಅನುಭವವನ್ನು ಹಂಚಿಕೊಂಡರು ಮತ್ತು "ಶಿಮ್ಲಾದಲ್ಲಿ ಅತ್ಯಂತ ಕೆಟ್ಟ ಕೋತಿಗಳಿವೆ. ಅವುಗಳಿಂದಾಗಿ ಆ ಸ್ಥಳ ನರಕವಾಗಿದೆ. ಅವು ತುಂಬಾ ವಿಚಿತ್ರ ಕೋತಿಗಳು, ಅವು ಮನುಷ್ಯರಾಗಲು ಬಯಸುತ್ತವೆ. ನಾನು ಅಲ್ಲಿದ್ದಾಗ ಅವರು ಫೋನ್‌ಗಳು ಮತ್ತು ಎಲ್ಲವನ್ನೂ ಕಸಿದುಕೊಳ್ಳುತ್ತಿದ್ದರು. ನನಗೆ ಆ ಸ್ಥಳ ಇಷ್ಟವಾಗುತ್ತಿಲ್ಲ ಎಂದಿದ್ದಾರೆ. ಬೆಳಕಿಗೆ ತಂದಿತು.

Gazab bandar hain monkey snatched a packet containing ₹81,000 from a person near Shimla DC Office and scattered the cash everywhere. Thankfully, locals stepped in and helped recover the money. https://t.co/VBOWVA52Nn

— Nikhil saini (@iNikhilsaini) November 12, 2026

ಬರೀ 7 ಕಿ.ಮೀ ಮೆಟ್ರೋ ಉದ್ಘಾಟನೆಗೆ ಪ್ರಧಾನಿಗಳು ಬರುವ ಅವಶ್ಯಕತೆ ಇತ್ತಾ?: ಎಂಬಿ ಪಾಟೀಲ್ ಪ್ರಶ್ನೆ

Gowthami K — Sat, 14 Nov 2026 14:09:26 +0530

ವಿಜಯಪುರ: ಬೆಂಗಳೂರಿನ ಮೆಟ್ರೋ ಯೋಜನೆಯ ಉದ್ಘಾಟನೆ ವಿಚಾರವಾಗಿ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಪ್ರಶ್ನಿಸಿರುವ ಕೈಗಾರಿಕಾ ಸಚಿವ ಎಂ.ಬಿ. ಪಾಟೀಲ್, ಕರ್ನಾಟಕದ ಅಭಿವೃದ್ಧಿ ವಿಚಾರದಲ್ಲಿ ಕೇಂದ್ರ ಸರ್ಕಾರ ರಾಜಕೀಯ ಮಾಡುತ್ತಿದೆ ಎಂದು ಆರೋಪಿಸಿದ್ದಾರೆ. ಜೊತೆಗೆ ಮೋದಿಯಿಂದ ರಾಹುಲ್ ಗಾಂಧಿ ಅವರ ಫೋನ್ ಟ್ಯಾಪ್ ಆಗಿದೆ ಎಂಬ ಆರೋಪದ ವಿಚಾರವಾಗಿ ಆಕ್ರೋಶ ಹೊರಹಾಕಿದ್ದಾರೆ.

ಮೋದಿ ಮೆಟ್ರೋ ಉದ್ಘಾಟನೆ ವಿಚಾರದ ಕುರಿತು ಲೇವಡಿ ಮಾಡಿರುವ ಸಚಿವ ಎಂ ಬಿ ಪಾಟೀಲ್, ಬರೀ 7 ಕಿ.ಮೀ ಮೆಟ್ರೋ ಉದ್ಘಾಟನೆಗೆ ಪ್ರಧಾನಿಮಂತ್ರಿಗಳು ಬರುವ ಅವಶ್ಯಕತೆ ಇತ್ತಾ? ನಮ್ಮ ಸಿಎಂ ಡಿ ಕೆ ಶಿವಕುಮಾರ್ ಅವರ ಮುಂದೆಯೆ ಎಲ್ಲವನ್ನ ತೆರೆದಿಟ್ಟಿದ್ದಾರೆ. ಬರ ಪರಿಹಾರ ಕೊಡಿ, ಕಬ್ಬು ರೈತರ MSP ಬಗ್ಗೆ, ಮೆಟ್ರೋದಲ್ಲಿ ರಾಜ್ಯದ ಕೊಡುಗೆ ಏನು, ರೈತರಿಗೆ ಬರ ಪರಿಹಾರವಾಗಿ 22 ಸಾವಿರ ಕೋಟಿ ಬಿಡುಗಡೆ ಮಾಡಿ ಎಂದಿದ್ದಾರೆ. ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿ ಅಭಿವೃದ್ಧಿ ವಿಚಾರದಲ್ಲಿ ರಾಜಕಾರಣ ಮಾಡಬೇಡಿ, ಕರ್ನಾಟಕಕ್ಕೆ ನ್ಯಾಯ ಕೊಡಿ ಎಂದಿದ್ದಾರೆ. ನಮ್ಮ ರಾಜ್ಯಕ್ಕೆ ಇಂಡಸ್ಟ್ರಿ ಬಂದಾಗ ಬೇರೆ ರಾಜ್ಯಗಳಿಗೆ ಡೈವರ್ಟ್ ಮಾಡಿದ್ದಾರೆ, ಇದು ಸರಿಯಲ್ಲ. ಎಲ್ಲಾ ರಾಜ್ಯಗಳನ್ನು ಒಂದಾಗಿ ನೋಡಬೇಕು. ಯಾವ ರಾಜ್ಯಗಳ ಮೆರಿಟ್ ಇರುತ್ತೋ, ಆಸಕ್ತಿ ತೋರಿಸಿರುತ್ತಾರೋ ಅಲ್ಲಿ ಇಂಡಸ್ಟ್ರಿ ಹೋಗಬೇಕು. ಪಕ್ಷದ ಆಧಾರದ ಮೇಲೆ ಅಭಿವೃದ್ಧಿ ಮಾಡ್ತಿದ್ದಾರೆ. ಇದೆಲ್ಲವನ್ನ ಸಿಎಂ ಮಾತನಾಡಿದ್ದಾರೆ. ಕೇಂದ್ರ ಸಹಕಾರ ಕೊಟ್ಟ ಮೇಲಷ್ಟೇ 100 ಕಿ.ಮೀ‌ ಮೆಟ್ರೋ ಆಗಿದೆ ಎಂದು ಎಂ ಬಿ ಪಾಟೀಲ್ ಹೇಳಿದ್ದಾರೆ.

ಇನ್ನು ಪ್ರಧಾನಿ ಮೋದಿ ಅವರ ಹೇಳಿಕೆ ವಿಚಾರವಾಗಿ ಮಾತನಾಡಿದ ಎಂಬಿಪಾ ರಾಜ್ಯದ ಪಾಲು ಇರುತ್ತೆ, ಕೇಂದ್ರದ ಪಾಲು ಇರುತ್ತೆ. ಮೂರನೇ ಒಂದು ಪಾಲು ಲೋನ್ ಪಾರ್ಟ್ ಇರುತ್ತೆ. ಲೋನ್ ಪಾರ್ಟ್ ಕೇಂದ್ರ ಸರ್ಕಾರದ್ದಲ್ಲ. ಲೋನ್ ಪಾರ್ಟ್ ಅನ್ನು ಸ್ವತಃ ಮೆಟ್ರೋ ನಿಗಮ ತೀರಿಸುತ್ತೆ. ಈಗಾಗಲೇ ಕೃಷ್ಣಬೈರೇಗೌಡ ಎಲ್ಲವನ್ನು ಹೇಳಿದ್ದಾರೆ. ಅವರು ಕೊಟ್ಟಿದ್ದಲ್ಲ ಅದು ಸಾಲ. ನಮ್ಮ ಸಾಲ ನಾವು ತೀರಿಸ್ತೇವೆ. ಅವರ ಸಾಲ ಅವರು ತೀರಿಸ್ತಾರೆ ಎಂದರು.

ಕೇಂದ್ರ ವಿರುದ್ಧ ಹರಿಹಾಯ್ದ ಸಚಿವ ಎಂ ಬಿ ಪಾಟೀಲ್

ಹೇಳಿಕೊಳ್ಳೋದೆ ಆಗಿದ್ರೆ 22 ಸಾವಿರ ಕೋಟಿ ಪರಿಹಾರ ನೀಡಲಿ, ರೈತರ ಕಬ್ಬಿನ MSP ನೀಡಲಿ, ಸೆಮಿ ಇಂಡಸ್ಟ್ರಿಗಳಿಗೆ ಹಣ ನೀಡಲಿ ಎಂದು ಕೇಂದ್ರ ಸರ್ಕಾರಕ್ಕೆ ಎಂ ಬಿ ಪಾಟೀಲ್ ಸವಾಲ್ ಹಾಕಿದರು. ಭದ್ರಾ ಮೇಲ್ದಂಡೆ ಯೋಜನೆಗೆ 5 ಸಾವಿರ ಕೋಟಿ ಘೋಷಣೆ ಮಾಡಿ ಅದನ್ನು ಕೊಟ್ಟೆ ಇಲ್ಲ. ಕ್ಯಾಬಿನೆಟ್ ನಲ್ಲಿ ಹೇಳಿಯೂ ಸಹ ಕೊಟ್ಟಿಲ್ಲ. ಇನ್ನೂ ಏನು ಉದಾಹರಣೆ ಬೇಕು ಎಂದು ಎಂ ಬಿ ಪಾಟೀಲ್ ಆಕ್ರೋಶ ಹೊರಹಾಕಿದರು.

ರಾಹುಲ್ ಫೋನ್ ಟ್ಯಾಪಿಂಗ್, ಮೋದಿ ವಿರುದ್ಧ ವಾಗ್ದಾಳಿ

ಇನ್ನು ಪ್ರಧಾನಿಯಿಂದ ರಾಹುಲ್ ಗಾಂಧಿ ಅವರು ಫೋನ್ ಟ್ಯಾಪಿಂಗ್ ವಿಚಾರವಾಗಿ ವಿಜಯಪುರದಲ್ಲಿ ಸಚಿವ ಎಂ ಬಿ ಪಾಟೀಲ್ ಹೇಳಿಕೆ ನೀಡಿ, ರಾಹುಲ್ ಗಾಂಧಿ ಅವರಿಗೆ ಟ್ಯಾಪಿಂಗ್ ನ ಅನುಭವ ಆಗಿರಬೇಕು. ಇವಿಎಂ ಟ್ಯಾಂಪರ್ ಮಾಡುವವರಿಗೆ ಫೋನ್ ಟ್ಯಾಪ್ ಮಾಡೋದು ದೊಡ್ಡ ವಿಷಯ ಅಲ್ಲ. ಇಡಿ,ಸಿಬಿಐ ,ಐಟಿ ಬಿಜೆಪಿ ಅಂಡರ್ ಕಂಪನಿಗಳಾಗಿವೆ. ಹೀಗಾಗಿ ಟ್ಯಾಪಿಂಗ್ ಮಾಡಿರೋದು ಅಚ್ಚರಿ ಏನಲ್ಲ. ಇದು ತನಿಖೆ ಆಗಬೇಕು. ಯಾರೊಬ್ಬರ ಪ್ರೈವೇಸಿಗೆ ಧಕ್ಕೆ ಆಗಬಾರದು. ಮೋದಿ ಬಗ್ಗೆ ಜನರು ಹತಾಶಯಗೊಂಡಿದ್ದಾರೆ. ಮೋದಿ ಡೌನ್ ಫಾಲ್ ಶುರುವಾಗಿದೆ. ಹೀಗಾಗಿ ಇಂತಹ ಕೆಲಸ ಮಾಡುವ ಮೂಲಕ ಷಡ್ಯಂತರ ಮಾಡುತ್ತಿದ್ದಾರೆ.

ಮೋದಿ ಜನಪ್ರೀಯತೆಯನ್ನು ಕಳೆದುಕೊಂಡಿದ್ದಾರೆ. ರಾಹುಲ್ ಗಾಂಧಿ ಉದ್ಯೋಗಕ್ಕಾಗಿ, ಶಿಕ್ಷಣಕ್ಕಾಗಿ ಹೋರಾಟ ಮಾಡುತ್ತಿದ್ದಾರೆ. ಇದರಿಂದ ಮೋದಿ ಹತಾಶೆಯಗೊಂಡು ರಾಹುಲ್ ಗಾಂಧಿ ಪೋಬ್ ಟ್ಯಾಪ್ ಮಾಡಲಾಗಿದೆ ಎಂದು ಹೇಳಿಕೆ ನೀಡಿದ್ದಾರೆ.

ರಾವಣ ಓಡಾಡ್ತಿದ್ದ ಆ ಬೃಹತ್ ಪುಷ್ಪಕ ವಿಮಾನ ಈಗ ಎಲ್ಲಿದೆ? ಈ ಜಾಗದಲ್ಲಿ ಸಿಕ್ತಾ ಅತಿ ದೊಡ್ಡ ಸಾಕ್ಷಿ?

Ashwini HR — Sat, 14 Nov 2026 14:01:13 +0530

1903ರಲ್ಲಿ ಅಮೆರಿಕದ ರೈಟ್ ಸಹೋದರರು ಜಗತ್ತಿನ ಮೊದಲ ವಿಮಾನ ಹಾರಿಸಿದರು ಎಂದು ಇತಿಹಾಸ ಹೇಳುತ್ತದೆ. ಆದರೆ, ಅದಕ್ಕಿಂತ ಸಾವಿರಾರು ವರ್ಷಗಳ ಹಿಂದೆಯೇ ರಾಮಾಯಣದಲ್ಲಿ ‘ಪುಷ್ಪಕ ವಿಮಾನ’ದ ಅದ್ಭುತ ಉಲ್ಲೇಖವಿದೆ. ಕೇವಲ ಮನಸ್ಸಿನ ವೇಗದಲ್ಲಿ ಹಾರುತ್ತಿದ್ದ ಆ ದೈವಿಕ ವಿಮಾನವನ್ನು ಯಾರು ಸೃಷ್ಟಿಸಿದರು? ಕುಬೇರನ ಬಳಿ ಇದ್ದ ವಿಮಾನ ರಾವಣನ ಕೈಗೆ ಸಿಕ್ಕಿದ್ದು ಹೇಗೆ? ಪಾದರಸದ (Mercury) ಇಂಜಿನ್ ಸತ್ಯವೇ? ಮತ್ತು ವಿಜ್ಞಾನಿಗಳು ಈ ಬಗ್ಗೆ ಏನು ಹೇಳುತ್ತಾರೆ? ಎಂಬ ರೋಚಕ ಸತ್ಯ ಇಲ್ಲಿದೆ.

ಕಳ್ಳನೊಬ್ಬ ಕುಬೇರನಾಗಿ ಪುಷ್ಪಕ ವಿಮಾನ ಪಡೆದ ರೋಚಕ ಕಥೆ

ಪುಷ್ಪಕ ವಿಮಾನದ ಹಿನ್ನೆಲೆ ತಿಳಿಯಬೇಕೆಂದರೆ ಮೊದಲು ಕುಬೇರನ ಹಿಂದಿನ ಜನ್ಮದ ಕಥೆ ತಿಳಿಯಬೇಕು.

ಗುಣನಿಧಿಯ ಜನ್ಮ: ಕಾಂಪಿಲ್ಯ ನಗರದ ರಾಜಗುರು ಯಜ್ಞದತ್ತನ ಮಗ ಗುಣನಿಧಿ ಜೂಜಾಟದ ಚಟಕ್ಕೆ ಬಿದ್ದು ಮನೆಯಲ್ಲೇ ಕಳ್ಳತನ ಮಾಡುತ್ತಿರುತ್ತಾನೆ. ತಂದೆಯ ಬೆಲೆಬಾಳುವ ಉಂಗುರವನ್ನೇ ಕದ್ದು ಸಿಕ್ಕಿಬಿದ್ದಾಗ, ಹೆದರಿ ಕಾಡಿನಲ್ಲಿದ್ದ ಹಳೆಯ ಶಿವನ ದೇವಾಲಯದಲ್ಲಿ ಅಡಗಿಕೊಳ್ಳುತ್ತಾನೆ.

ಶಿವರಾತ್ರಿಯ ಪವಾಡ: ಆ ದಿನ ಮಹಾಶಿವರಾತ್ರಿಯಾಗಿತ್ತು. ಕತ್ತಲಲ್ಲಿ ಊಟ ಹುಡುಕಲು ತನ್ನ ಬಟ್ಟೆಯನ್ನೇ ಹರಿದು ದೀಪ ಹಚ್ಚಿ, ಕಾಲು ಜಾರಿ ನಂದಿಯ ವಿಗ್ರಹಕ್ಕೆ ತಲೆ ಬಡಿದು ಅಲ್ಲೇ ಮೃತಪಡುತ್ತಾನೆ. ಆದರೆ ಅರಿವಿಲ್ಲದೆ ಆತ ಮಾಡಿದ ಮೂರು ಪುಣ್ಯಕಾರ್ಯಗಳು (ಶಿವರಾತ್ರಿಯ ಉಪವಾಸ, ಜಾಗರಣೆ ಮತ್ತು ಶಿವನಿಗೆ ದೀಪ ಹಚ್ಚಿದ್ದು) ಆತನಿಗೆ ಕೈಲಾಸ ಪ್ರಾಪ್ತಿ ಮಾಡುತ್ತವೆ.

ಕುಬೇರನ ಜನನ: ಮುಂದಿನ ಜನ್ಮದಲ್ಲಿ ವಿಶ್ರವ ಬ್ರಹ್ಮನ ಮಗ ‘ವೈಶ್ರವಣ’ನಾಗಿ ಜನಿಸುತ್ತಾನೆ. 3 ಕಾಲು, 8 ಹಲ್ಲುಗಳಿದ್ದ ವಿಚಿತ್ರ ರೂಪದಲ್ಲಿದ್ದ ಆತ ಸಾವಿರಾರು ವರ್ಷ ಘೋರ ತಪಸ್ಸು ಮಾಡಿ ಶಿವನಿಂದ ಸಂಪತ್ತಿನ ಒಡೆಯ ‘ಕುಬೇರ’ನಾಗುತ್ತಾನೆ. ಬ್ರಹ್ಮದೇವ ಕುಬೇರನಿಗೆ ಆಳಲು 'ಲಂಕಾ ನಗರ'ವನ್ನು ನೀಡುತ್ತಾನೆ.

ವಿಶ್ವಕರ್ಮನ ಸೃಷ್ಟಿ: ಕುಬೇರನ ಸಂಚಾರಕ್ಕಾಗಿ ಬ್ರಹ್ಮದೇವನ ಆದೇಶದಂತೆ ದೇವತೆಗಳ ವಾಸ್ತುಶಿಲ್ಪಿ ವಿಶ್ವಕರ್ಮ ತನ್ನ ಎಲ್ಲಾ ಜ್ಞಾನ ಧಾರೆ ಎರೆದು ಬಂಗಾರ ಮತ್ತು ಸ್ಪಟಿಕದಿಂದ ನಿರ್ಮಿಸಿದ ಅದ್ಭುತ ಹಾರುವ ಅರಮನೆಯೇ ಪುಷ್ಪಕ ವಿಮಾನ.

ಪುಷ್ಪಕ ವಿಮಾನಕ್ಕಿದ್ದ ಮಾಂತ್ರಿಕ ಶಕ್ತಿಗಳೇನು?

ಕಾಮಗಮ (ಮನಸ್ಸಿನ ವೇಗ): ಈ ವಿಮಾನಕ್ಕೆ ಯಾವುದೇ ಸ್ಟೀರಿಂಗ್ ಅಥವಾ ಬ್ರೇಕ್ ಇರಲಿಲ್ಲ. ಯಜಮಾನ ಮನಸ್ಸಿನಲ್ಲಿ ಎಲ್ಲಿಗೆ ಹೋಗಬೇಕೆಂದು ಯೋಚಿಸುತ್ತಾನೋ, ರೆಪ್ಪೆ ಮುಚ್ಚಿ ತೆರೆಯುವಷ್ಟರಲ್ಲಿ ಅಲ್ಲಿಗೆ ಹೋಗಿ ಲ್ಯಾಂಡ್ ಆಗುತ್ತಿತ್ತು.

ಅಪರಿಮಿತ ಜಾಗ: ವಿಮಾನದಲ್ಲಿ ಎಷ್ಟು ಸಾವಿರ ಜನ ಹತ್ತಿದರೂ, ಇನ್ನೂ ಒಬ್ಬರಿಗೆ ಜಾಗ ಉಳಿಯುವಂತೆ ತನ್ನ ಗಾತ್ರವನ್ನು ತಾನೇ ಹಿಗ್ಗಿಸಿಕೊಳ್ಳುವ ಮಾಂತ್ರಿಕ ಶಕ್ತಿ ಇದಕ್ಕಿತ್ತು.

ಕುಬೇರನಿಂದ ರಾವಣನ ಕೈವಶ & ಶ್ರೀರಾಮನಿಂದ ವಾಪಸ್

ಅಣ್ಣ-ತಮ್ಮಂದಿರ ವೈರಾಗ್ಯ: ಕುಬೇರ ಮತ್ತು ರಾವಣ ಇಬ್ಬರೂ ವಿಶ್ರವ ಬ್ರಹ್ಮನ ಮಕ್ಕಳೇ. ಕುಬೇರನ ವೈಭವ ನೋಡಿ ಅಸೂಯೆಪಟ್ಟ ರಾವಣ, ತಾಯಿ ಕೈಕಸಿಯ ಮಾತಿನಂತೆ ಕುಬೇರನ ಮೇಲೆ ಯುದ್ಧ ಮಾಡಿ ಲಂಕಾ ನಗರ ಹಾಗೂ ಪುಷ್ಪಕ ವಿಮಾನವನ್ನು ಕಸಿದುಕೊಳ್ಳುತ್ತಾನೆ. ಕುಬೇರ ಹಿಮಾಲಯದ ಬಳಿ 'ಅಲಕಾಪುರಿ' ಎಂಬ ನಗರ ನಿರ್ಮಿಸಿ ನೆಲೆಸುತ್ತಾನೆ.

ಸೀತಾಪಹರಣ & ರಾಮಾಯಣ: ರಾವಣ ಸೀತೆಯನ್ನು ಅಪಹರಿಸಲು ಇದೇ ವಿಮಾನ ಬಳಸಿದ್ದ. ರಾವಣನ ಸಂಹಾರದ ನಂತರ ಶ್ರೀರಾಮ, ಸೀತೆ, ಲಕ್ಷ್ಮಣ ಹಾಗೂ ವಾನರ ಸೈನ್ಯ ಇದೇ ವಿಮಾನದಲ್ಲಿ ಅಯೋಧ್ಯೆಗೆ ಮರಳುತ್ತಾರೆ. ಅಯೋಧ್ಯೆಗೆ ಬಂದ ನಂತರ ಧರ್ಮಮೂರ್ತಿ ಶ್ರೀರಾಮ ಈ ವಿಮಾನವನ್ನು ಅದರ ಮೂಲ ಒಡೆಯ ಕುಬೇರನಿಗೆ ಗೌರವದಿಂದ ವಾಪಸ್ ಕಳುಹಿಸುತ್ತಾನೆ.

ಇವತ್ತಿಗೂ ಇದೆಯಾ ಪುಷ್ಪಕ ವಿಮಾನ?

ಪುರಾಣಗಳ ಪ್ರಕಾರ, ಶ್ರೀರಾಮ ವಾಪಸ್ ಕಳಿಸಿದ ಮೇಲೆ ಆ ವಿಮಾನ ಹಿಮಾಲಯದ ಅತೀಂದ್ರಿಯ ದೈವಿಕ ನಗರವಾದ ಅಲಕಾಪುರಿಯಲ್ಲಿ ಕುಬೇರನ ಸೇವೆಯಲ್ಲಿದೆ.

ಶ್ರೀಲಂಕಾದಲ್ಲಿ ಸಾಕ್ಷಿ: ಶ್ರೀಲಂಕಾದ ಪ್ರಸಿದ್ಧ ಸಿಗಿರಿಯಾ ಬೆಟ್ಟ (Sigiriya Rock) ಮೇಲ್ಭಾಗ ರನ್‌ವೇಯಂತೆ ಸಮತಟ್ಟಾಗಿದ್ದು, ರಾವಣ ಪುಷ್ಪಕ ವಿಮಾನವನ್ನು ಇಲ್ಲಿಯೇ ಲ್ಯಾಂಡ್ ಮಾಡುತ್ತಿದ್ದ ಎಂದು ನಂಬಲಾಗುತ್ತದೆ. ಹಾಗೆಯೇ ವರಿಯಾಪೊಲ (ವಿಮಾನ ನಿಲ್ದಾಣ) ಮತ್ತು ಗುರುಲುಪೋತ ಎಂಬಲ್ಲಿ ರಾವಣನ ವಿಮಾನ ನಿಲ್ದಾಣಗಳಿದ್ದವು ಎಂಬ ಸ್ಥಳೀಯ ನಂಬಿಕೆಗಳಿವೆ.

ವಿಜ್ಞಾನ vs ಮಿಥ್ಯ

ಪಾದರಸದ ಇಂಜಿನ್ (Mercury Engine) ಕಥೆ: 11ನೇ ಶತಮಾನದ ‘ಸಮರಾಂಗಣ ಸೂತ್ರಧಾರ’ ಕೃತಿಯಲ್ಲಿ ಪಾದರಸದ ಉಷ್ಣತೆಯಿಂದ ಹಾರುವ ಮರದ ಹಕ್ಕಿಯ ಕಲ್ಪನೆಯಿದೆ. ಆದರೆ, ಪಾದರಸ ನೀರಿಗಿಂತ 13.5 ಪಟ್ಟು ಭಾರವಾಗಿದ್ದು, ಅದನ್ನು ಇಂಜಿನ್‌ನಲ್ಲಿ ಹಾಕಿದರೆ ವಿಮಾನ ಹಾರುವ ಬದಲು ನೆಲಕ್ಕೆ ಅಪ್ಪಳಿಸುತ್ತದೆ. ನಾಸಾ ಬಳಸಿದ್ದು ಬಾಹ್ಯಾಕಾಶದ ನಿರ್ವಾತದಲ್ಲಿ (Vacuum) ಮಾತ್ರ ಕೆಲಸ ಮಾಡುವ ಮರ್ಕ್ಯುರಿ ಅಯಾನ್ ಥ್ರಸ್ಟರ್‌ಗಳನ್ನು ಅಷ್ಟೇ.

ವೈಮಾನಿಕ ಶಾಸ್ತ್ರ ಗ್ರಂಥದ ಅಸಲಿ ಸತ್ಯ: 1974ರಲ್ಲಿ ಬೆಂಗಳೂರಿನ ಪ್ರತಿಷ್ಠಿತ IISc (ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸೈನ್ಸ್) ವಿಜ್ಞಾನಿಗಳು ‘ವೈಮಾನಿಕ ಶಾಸ್ತ್ರ’ ಪುಸ್ತಕದ ವಿಮಾನಗಳ ಡಿಸೈನ್‌ಗಳನ್ನು ಲ್ಯಾಬ್‌ನಲ್ಲಿ ಪರೀಕ್ಷಿಸಿದಾಗ, ಅವು ಏರೋಡೈನಾಮಿಕ್ಸ್ ಮತ್ತು ನ್ಯೂಟನ್ ನಿಯಮಗಳಿಗೆ ವಿರುದ್ಧವಾಗಿದ್ದು, ನೆಲದಿಂದ 1 ಇಂಚೂ ಮೇಲಕ್ಕೆ ಏರಲು ಸಾಧ್ಯವಿಲ್ಲ ಎಂದು ಸಾಬೀತುಪಡಿಸಿದರು. ಅಸಲಿಗೆ ಈ ಪುಸ್ತಕವನ್ನು 1918-1923ರ ನಡುವೆ ಪಂಡಿತ್ ಸುಬ್ಬರಾಯ ಶಾಸ್ತ್ರಿಗಳು ಬರೆಸಿದ್ದೇ ಹೊರತು, ಇದು ಸಾವಿರಾರು ವರ್ಷಗಳ ಹಿಂದಿನದ್ದಲ್ಲ.

ಶಿವಕರ್ ಬಾಪೂಜಿ ತಲ್ಪಡೆ ಹಾರಿಸಿದ್ರಾ?

1895ರಲ್ಲಿ ಮುಂಬೈನ ಚೌಪಾಟಿಯಲ್ಲಿ ತಲ್ಪಡೆ ವಿಮಾನ ಹಾರಿಸಿದರು ಎಂಬ ಮಾತಿಗೆ ಯಾವುದೇ ಐತಿಹಾಸಿಕ ದಾಖಲೆಗಳಿಲ್ಲ. ಅವರ ಮಾದರಿಗಳು ಹಾರಲು ವಿಫಲವಾಗಿದ್ದವು ಎಂದು ಸ್ವತಃ ಅವರ ಸಮಕಾಲೀನ ದಾಖಲೆಗಳೇ ಹೇಳುತ್ತವೆ.

‘ವಿಮಾನ’ ಪದದ ನಿಜವಾದ ಭಾರತೀಯ ಅರ್ಥವೇನು?

ಸಂಸ್ಕೃತದ ಪ್ರಕಾರ 'ವಿ' ಅಂದರೆ ವಿಶೇಷ, 'ಮಾನ' ಅಂದರೆ ಅಳತೆ. ಪ್ರಾಚೀನ ಭಾರತದಲ್ಲಿ ನಿಖರ ಅಳತೆ ಮತ್ತು ಗಣಿತ ಶಾಸ್ತ್ರದಿಂದ ನಿರ್ಮಿಸಿದ ಭವ್ಯ ಕಟ್ಟಡಗಳನ್ನು 'ವಿಮಾನ' ಎನ್ನಲಾಗುತ್ತಿತ್ತು.

ದೇವತೆಗಳ ಹಾರುವ ಅರಮನೆಗಳ ಕಲ್ಪನೆಯನ್ನು ನಮ್ಮ ಪ್ರಾಚೀನ ವಾಸ್ತುಶಿಲ್ಪಿಗಳು ದೇವಸ್ಥಾನಗಳ ಗರ್ಭಗುಡಿಯ ಮೇಲಿನ ಗೋಪುರಗಳಾಗಿ ಕೆತ್ತಿದರು.

ತಮಿಳುನಾಡಿನ ತಂಜಾವೂರಿನ ಬೃಹದೇಶ್ವರ ದೇವಾಲಯದ 66 ಮೀಟರ್ ಎತ್ತರದ ಬೃಹತ್ ಗೋಪುರವನ್ನು ಅಧಿಕೃತವಾಗಿ ‘ವಿಮಾನ’ ಎಂದೇ ಕರೆಯಲಾಗುತ್ತದೆ.

ತಿರುಪತಿಯ ತಿಮ್ಮಪ್ಪನ ಚಿನ್ನದ ಗೋಪುರಕ್ಕೆ ‘ಆನಂದ ನಿಲಯ ವಿಮಾನಂ’ ಎಂದೇ ಹೆಸರು.

ತ್ರೇತಾಯುಗದ ಪುಷ್ಪಕ ವಿಮಾನ ಇಂದಿನ ಪೆಟ್ರೋಲ್, ಕಬ್ಬಿಣದ ಮೆಕ್ಯಾನಿಕಲ್ ಯಂತ್ರವಾಗಿರಲಿಲ್ಲ. ಅದು ಕೇವಲ ದೈವಿಕ ಮತ್ತು ಮಂತ್ರ ಶಕ್ತಿಯಿಂದ ಚಲಿಸುತ್ತಿದ್ದ ಅಗೋಚರ ವಾಹನವಾಗಿತ್ತು. ನಮ್ಮ ನಂಬಿಕೆ ಮತ್ತು ಸಂಸ್ಕೃತಿಯನ್ನು ಗೌರವಿಸುವುದರ ಜೊತೆಗೆ, ಸುಳ್ಳು ಕಟ್ಟುಕಥೆಗಳನ್ನು ವಿಜ್ಞಾನವೆಂದು ನಂಬದೆ, ನಮ್ಮ ಕಣ್ಣ ಮುಂದಿರುವ ದೇವಸ್ಥಾನಗಳ ಆ ಭವ್ಯ ಕಲ್ಲಿನ ‘ವಿಮಾನ’ ವಾಸ್ತುಶಿಲ್ಪವನ್ನು ನಾವು ಹೆಮ್ಮೆಯಿಂದ ಆರಾಧಿಸಬೇಕಿದೆ.

Disclaimer

ಈ ಲೇಖನದಲ್ಲಿ ಪುರಾಣದ ದೈವಿಕ ನಂಬಿಕೆಗಳು ಹಾಗೂ ಆಧುನಿಕ ವಿಜ್ಞಾನ ಮತ್ತು ಇತಿಹಾಸದ ದಾಖಲೆಗಳನ್ನು ಸಾರ್ವಜನಿಕ ಲಭ್ಯ ಮಾಹಿತಿಯ ಆಧಾರದ ಮೇಲೆ ವಿಶ್ಲೇಷಿಸಲಾಗಿದೆ. ಇದು ಯಾರ ಧಾರ್ಮಿಕ ಭಾವನೆಗಳಿಗೂ ನೋವುಂಟು ಮಾಡುವ ಉದ್ದೇಶ ಹೊಂದಿಲ್ಲ. ಕೇವಲ ಮಾಹಿತಿ ಮತ್ತು ಜ್ಞಾನದ ಉದ್ದೇಶಕ್ಕಾಗಿ ಮಾತ್ರ.

ಕೊನೆಯ ಬಾರಿಗೆ ವೀಕ್ಷಕರಿಗೆ ಗುಡ್‌ನ್ಯೂಸ್ ನೀಡಿದ ಅಮೃತಧಾರೆ: ಜೈದೇವ್ ಕಥೆ ಏನಾಗಲಿದೆ?

Mahmad Rafik — Sat, 14 Nov 2026 14:01:07 +0530

ಜೀ ಕನ್ನಡದ ಜನಪ್ರಿಯ ಧಾರಾವಾಹಿ ಅಮೃತಧಾರೆ ಭಾನುವಾರ ಮಹಾಸಂಚಿಕೆಯೊಂದಿಗೆ ಮುಕ್ತಾಯವಾಗಲಿದೆ. ಶಕುಂತಲಾ ಜೈಲು ಸೇರುವುದು ಖಚಿತವಾಗಿದ್ದು, ಜೈದೇವ್ ಪಾತ್ರದ ಅಂತ್ಯ ಕುತೂಹಲ ಮೂಡಿಸಿದೆ. ಇದರ ಜಾಗಕ್ಕೆ 'ಗೌರಿ ಪುತ್ರ' ಹೊಸ ಧಾರಾವಾಹಿ ಬರಲಿದೆ.

ಜೀ ಕನ್ನಡದ ಜನಪ್ರಿಯ ಧಾರಾವಾಹಿ ಅಮೃತಧಾರೆ ಭಾನುವಾರ ಮುಕ್ತಾಯವಾಗಲಿದೆ. ಈಗಾಗಲೇ ಕಲಾವಿದರು, ತಂತ್ರಜ್ಞರು ಕೊನೆ ದಿನದ ಶೂಟಿಂಗ್‌ನ ಫೋಟೋ ಮತ್ತು ವಿಡಿಯೋಗಳನ್ನು ಶೇರ್ ಮಾಡಿಕೊಳ್ಳುತ್ತಿದ್ದಾರೆ. ಇದೀಗ ಅಮೃತಧಾರೆ ಸೀರಿಯಲ್ ತನ್ನ ವೀಕ್ಷಕರಿಗೆ ಅಂತಿಮ ಸಂಚಿಕೆಯಲ್ಲಿ ಕೊನೆ ಗುಡ್‌ನ್ಯೂಸ್ ನೀಡುತ್ತಿದೆ.

ಸೀರಿಯಲ್‌ಗಳು ಅರ್ಧ ಗಂಟೆ ಪ್ರಸಾರವಾಗುತ್ತದೆ. ಅದರಲ್ಲಿ 10 ನಿಮಿಷ ಜಾಹೀರಾತು ಬಂದ್ರೆ 20 ನಿಮಿಷ ಮಾತ್ರ ಸೀರಿಯಲ್ ಟೆಲಿಕಾಸ್ಟ್ ಆಗುತ್ತದೆ. ಆದ್ರೆ ಕೆಲವೊಂದು ವಿಶೇಷ ಸಂದರ್ಭ ಅಥವಾ ಕತೆಯ ರೋಚಕಘಟ್ಟದಲ್ಲಿದ್ದಾಗ 'ಮಹಾಸಂಚಿಕೆ' ಹಾಗೂ ಬ್ರೇಕ್‌ಲೆಸ್ ಎಪಿಸೋಡ್ ಪ್ರಸರಾಗೊಳ್ಳುತ್ತವೆ. ಮಹಾಸಂಚಿಕೆ ಅಂದ್ರೆ ವೀಕ್ಷಕರಲ್ಲಿ ಹಬ್ಬದ ಸಂಭ್ರಮ ಮನೆ ಮಾಡುತ್ತದೆ.

ಹೌದು, ಭಾನುವಾರ ಸೀರಿಯಲ್ ಮುಕ್ತಾಯವಾಗುತ್ತಿದ್ದು, ಕೊನೆ ದಿನದಂದು ಮಹಾಸಂಚಿಕೆ ಪ್ರಸಾರವಾಗುತ್ತಿದೆ. ಹಾಗಾಗಿ ಅಮೃತಧಾರೆ ಸೀರಿಯಲ್ ತನ್ನ ವೀಕ್ಷಕರಿಗೆ ಮಹಾಸಂಚಿಕೆ ಮೂಲಕ ಗುಡ್‌ನ್ಯೂಸ್ ನೀಡಿದೆ. 'ಅಮೃತಧಾರೆ'ಯ ವಿದಾಯದ ಸಮಯ, ಅಂತಿಮ ಸಂಚಿಕೆಗಳ ಮಹಾಸಂಚಿಕೆಯು ಭಾನುವಾರದಂತೆ ಸಂಜೆ 6.30ರಿಂದ 7.30ರವರೆಗೆ ಪ್ರಸಾರವಾಗಲಿದೆ.

ಅಮೃತಧಾರೆ ವಿಲನ್‌ಗಳ ಪೈಕಿ ಶಕುಂತಲಾ ಜೈಲು ಸೇರೋದು ಪಕ್ಕಾ ಆಗಿದೆ. ಆದ್ರೆ ಜೈದೇವ್ ಪಾತ್ರ ಹೇಗೆ ಕೊನೆಯಾಗಲಿದೆ ಎಂಬ ಕುತೂಹಲ ವೀಕ್ಷಕರಲ್ಲಿದೆ. ಇಲ್ಲಿಯವರೆಗೂ ಈ ವಾಹಿನಿ ಜೈದೇವ್ ಗುಟ್ಟನ್ನು ಬಿಟ್ಟುಕೊಟ್ಟಿಲ್ಲ.

ಅಮೃತಧಾರೆಯ ಜಾಗಕ್ಕೆ ಗೌರಿಪುತ್ರ ಬರುತ್ತಿದ್ದಾರೆ. ಸ್ಯಾಂಡಲ್‌ವುಡ್ ನಟಿ ಅನು ಪ್ರಭಾಕರ್ ಈ ಸೀರಿಯಲ್‌ನ ಕೇಂದ್ರಬಿಂದು ಆಗಿದ್ದಾರೆ. ರಾಮಚಾರಿ ಖ್ಯಾತಿಯ ರಿತ್ವಿಕ್, ಡ್ರಾಮಾ ಜೂನಿಯರ್ಸ್ ಕಲಾವಿದೆ ಮಹತಿ ಭಟ್, ಹಿರಿಯ ಕಲಾವಿದರ ರಮೇಶ್ ಭಟ್, ರಾಜೇಂದ್ರ ಕಾರಂತ್ ಸೇರಿದಂತೆ ದೊಡ್ಡ ತಾರಾಗಣವನ್ನು ಗೌರಿಪುತ್ರ ಹೊಂದಿದೆ.

'ಟಾಕ್ಸಿಕ್' ಚಿತ್ರದಿಂದ ಲಾಭವೇ ಆಗಿದೆ, ನಷ್ಟ ಅಲ್ಲ.. ಪೇಯ್ಡ್ ಪ್ರಮೋಷನ್ ಗುಟ್ಟು ಬಿಟ್ಟುಕೊಡದ ದಿಲ್ ರಾಜು!

Shriram Bhat — Sat, 14 Nov 2026 13:52:08 +0530

‘ಟಾಕ್ಸಿಕ್’ ಚಿತ್ರ ಬಿಡುಗಡೆಯಾದ ಬಳಿಕ ತಮಗೆ ಭಾರಿ ನಷ್ಟವಾಗಿದೆ ಎಂದು ಕೆಲವರು ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿ ಹರಡಿದ್ದರು. ಆದರೆ ವಿತರಕರಾಗಿ ತಮಗೆ ಲಾಭ ಬಂದಿದೆ, ನಷ್ಟದ ಮಾತುಗಳಲ್ಲಿ ಯಾವುದೇ ಸತ್ಯವಿಲ್ಲ ಎಂದು ದಿಲ್ ರಾಜು ಸ್ಪಷ್ಟಪಡಿಸಿದ್ದಾರೆ.

‘ಟಾಕ್ಸಿಕ್ ಚಿತ್ರದಿಂದ ನನಗೆ ಲಾಭವೇ ಆಗಿದೆ: ದಿಲ್ ರಾಜು ಮಾತಿನ ಮರ್ಮವೇನು?

ಟಾಕ್ಸಿಕ್’ ಸೋತರೂ ನನಗೆ ಲಾಭವೇ ಆಗಿದೆ; ನಷ್ಟದ ವದಂತಿಗಳಿಗೆ ದಿಲ್ ರಾಜು ಖಡಕ್ ಉತ್ತರ!

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ‘ಟಾಕ್ಸಿಕ್’ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ನಿರೀಕ್ಷಿತ ಕಮಾಲ್ ಮಾಡದಿದ್ದರೂ, ಚಿತ್ರದ ವಿತರಕರಿಗೆ ಭಾರಿ ನಷ್ಟವಾಗಿದೆ ಎಂಬ ಸುದ್ದಿ ಸಾಕಷ್ಟು ಚರ್ಚೆಯಾಗಿತ್ತು. ಇದೀಗ ಈ ವಿಚಾರಕ್ಕೆ ಖ್ಯಾತ ನಿರ್ಮಾಪಕ ಹಾಗೂ ವಿತರಕ ದಿಲ್ ರಾಜು ಅವರೇ ಸ್ಪಷ್ಟನೆ ನೀಡಿದ್ದಾರೆ. ‘ಟಾಕ್ಸಿಕ್’ ವಿತರಣೆಯಿಂದ ತಮಗೆ ನಷ್ಟವಾಗಿಲ್ಲ, ಬದಲಿಗೆ ಲಾಭವೇ ಸಿಕ್ಕಿದೆ ಎಂದು ಹೇಳುವ ಮೂಲಕ ಎಲ್ಲರ ಹುಬ್ಬೇರಿಸಿದ್ದಾರೆ.

ಇತ್ತೀಚೆಗೆ ಬಿಡುಗಡೆಯಾದ ‘ರಾಮಾಯಣ’ ಮತ್ತು ‘ಸೀನ್’ ಸಿನಿಮಾಗಳು ನಿಜಾಮ್ ಪ್ರದೇಶದಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿವೆ. ಈ ಎರಡೂ ಚಿತ್ರಗಳ ವಿತರಣೆಯ ಜವಾಬ್ದಾರಿ ಹೊತ್ತಿರುವ ದಿಲ್ ರಾಜು ಮಾಧ್ಯಮಗಳೊಂದಿಗೆ ಮಾತನಾಡುವ ವೇಳೆ ‘ಟಾಕ್ಸಿಕ್’ ಕುರಿತ ವದಂತಿಗಳಿಗೂ ಉತ್ತರ ನೀಡಿದ್ದಾರೆ. ಯಶ್ ನಟನೆಯ ಈ ಚಿತ್ರವನ್ನು ತೆಲುಗು ಭಾಷೆಯಲ್ಲಿ ವಿತರಣೆ ಮಾಡಿದ್ದ ಅವರು, ಸಿನಿಮಾ ಸೋತಿದೆ ಎಂಬ ಕಾರಣಕ್ಕೆ ವಿತರಕರಿಗೆ ನಷ್ಟವಾಗಿದೆ ಎಂದು ತೀರ್ಮಾನಿಸುವುದು ಸರಿಯಲ್ಲ ಎಂದಿದ್ದಾರೆ.

‘ಟಾಕ್ಸಿಕ್’ ಚಿತ್ರ ಬಿಡುಗಡೆಯಾದ ಬಳಿಕ ತಮಗೆ ಭಾರಿ ನಷ್ಟವಾಗಿದೆ ಎಂದು ಕೆಲವರು ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿ ಹರಡಿದ್ದರು. ಆದರೆ ವಿತರಕರಾಗಿ ತಮಗೆ ಬರಬೇಕಾದ ಪಾಲು ದೊರೆತಿದೆ. ಹೀಗಾಗಿ ನಷ್ಟದ ಮಾತುಗಳಲ್ಲಿ ಯಾವುದೇ ಸತ್ಯವಿಲ್ಲ ಎಂದು ದಿಲ್ ರಾಜು ಸ್ಪಷ್ಟಪಡಿಸಿದ್ದಾರೆ. ಅವರ ಈ ಹೇಳಿಕೆ ಇದೀಗ ಟಾಲಿವುಡ್‌ನಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದೆ.

ಪೇಯ್ಡ್ ಪ್ರಮೋಷನ್ ವಿರುದ್ಧ ದಿಲ್ ರಾಜು ಕಿಡಿ!

ತಮ್ಮ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ನಡೆಯುತ್ತಿರುವ ಅಪಪ್ರಚಾರದ ಬಗ್ಗೆಯೂ ದಿಲ್ ರಾಜು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ‘ಟಾಕ್ಸಿಕ್‌ನಿಂದ ನನಗೆ ನಷ್ಟವಾಗಿದೆ ಎಂಬಂತೆ ಬಿಂಬಿಸಲು ಕೆಲವರು ಪೇಯ್ಡ್ ಪ್ರಮೋಷನ್ ಮಾಡಿಸುತ್ತಿದ್ದಾರೆ. ಇಂತಹ ವಿಚಾರಗಳಿಗೆ ನಾನು ತಲೆಕೆಡಿಸಿಕೊಳ್ಳುವುದಿಲ್ಲ. ಆದರೆ ನನ್ನ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಕಟವಾಗುವ ಪ್ರತಿಯೊಂದು ಮಾಹಿತಿಯನ್ನೂ ನಮ್ಮ ತಂಡ ಗಮನಿಸುತ್ತಿದೆ. ನಾನೂ ಎಲ್ಲವನ್ನೂ ಸೂಕ್ಷ್ಮವಾಗಿ ಪರಿಶೀಲಿಸುತ್ತಿದ್ದೇನೆ’ ಎಂದು ಎಚ್ಚರಿಕೆ ನೀಡಿದ್ದಾರೆ. ಆದರೆ ಈ ಪ್ರಚಾರದ ಹಿಂದೆ ಯಾರಿದ್ದಾರೆ ಎಂಬುದನ್ನು ಬಹಿರಂಗಪಡಿಸಿಲ್ಲ.

ಇದೇ ವೇಳೆ ‘ರಾಮಾಯಣ’ ಸಿನಿಮಾ ತಮಗೆ ಉತ್ತಮ ಲಾಭ ತಂದುಕೊಟ್ಟಿದೆ ಎಂದು ಸಂತಸ ಹಂಚಿಕೊಂಡಿದ್ದಾರೆ. ಸೂರ್ಯ ಅಭಿನಯದ ‘ಸೀನ್’ ಚಿತ್ರವೂ ಬ್ರೇಕ್ ಈವನ್ ಹಂತ ತಲುಪಿ ಲಾಭದತ್ತ ಸಾಗುತ್ತಿದೆ ಎಂದಿದ್ದಾರೆ.

ಒಟ್ಟಿನಲ್ಲಿ ‘ಟಾಕ್ಸಿಕ್’ ಸೋಲಿನಿಂದ ದಿಲ್ ರಾಜುಗೆ ನಷ್ಟವಾಗಿದೆ ಎಂಬ ಚರ್ಚೆಗೆ ಅವರ ಹೇಳಿಕೆ ಹೊಸ ತಿರುವು ನೀಡಿದೆ. ಸಿನಿಮಾ ಫಲಿತಾಂಶಕ್ಕಿಂತ ವಿತರಣೆಯ ಲೆಕ್ಕಾಚಾರವೇ ಬೇರೆ ಎಂಬ ಅವರ ಮಾತು ಈಗ ಸಿನಿಪ್ರಿಯರ ಗಮನ ಸೆಳೆದಿದೆ.

vaibhav suryavanshi: ತೆಂಡೂಲ್ಕರ್‌ಗೂ ಸಾಧ್ಯವಾಗದ ದಾಖಲೆ ಬರೆದ ಸೂರ್ಯವಂಶಿ! ಈ ಸಾಧನೆ ಮಾಡಿದ ವಿಶ್ವದ ಮೊದಲ ಆಟಗಾರ!

Bhimasi M Koleppanavar — Sat, 14 Nov 2026 13:52:01 +0530

15 ನೇ ವಯಸ್ಸಿನಲ್ಲಿ ವಿಶ್ವದ ಸ್ಟಾರ್ ಬೌಲರ್‌ಗಳ ಮೊದಲ ಎಸೆತದಲ್ಲೇ ಸಿಕ್ಸರ್ ಬಾರಿಸಿ ಕ್ರೀಡಾ ಜಗತ್ತನ್ನೇ ಬೆಚ್ಚಿಬೀಳಿಸಿದ ವೈಭವ್ ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲೂ ತಮ್ಮ ಸಾಮರ್ಥ್ಯ ತೋರಿಸಿದ್ದಾರೆ. ಈಗ, ಅವರು ಹೊಸ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ. ಭಾರತದ ದೇಶೀಯ ಕ್ರಿಕೆಟ್‌ನಲ್ಲಿ ಒಂದು ಐತಿಹಾಸಿಕ ಘಟನೆ ದಾಖಲಾಗಿದ್ದು, ಕೇವಲ 15 ವರ್ಷದ ಯುವ ಆಟಗಾರನೊಬ್ಬ ಇಡೀ ಕ್ರೀಡಾ ಜಗತ್ತಿನ ಗಮನ ಸೆಳೆದಿದ್ದಾನೆ. ಇದಕ್ಕೆ ಕಾರಣ ವೈಭವ್ ಸೂರ್ಯವಂಶಿ ಅವರಿಗೆ ನೀಡಲಾದ ನಾಯಕತ್ವ. ಅವರು ಪ್ರಸ್ತುತ ಬಿಹಾರ ತಂಡವನ್ನು ಮುನ್ನಡೆಸುತ್ತಿದ್ದಾರೆ.

ವೈಭವ್‌ಗೆ ನಾಯಕತ್ವದ ಜವಾಬ್ದಾರಿ!

ಹೋಳ್ಕರ್ ಕ್ರೀಡಾಂಗಣದಲ್ಲಿ ಬಿಹಾರ ಮತ್ತು ಸೌರಾಷ್ಟ್ರ ನಡುವಿನ ಪಂದ್ಯದಲ್ಲಿ ವೈಭವ್ ಸೂರ್ಯವಂಶಿ ಅವರಿಗೆ ಬಿಹಾರ ತಂಡದ ನಾಯಕತ್ವದ ಜವಾಬ್ದಾರಿ ನೀಡಲಾಗಿದೆ. ವೈಭವ್ ಬಿಹಾರ ತಂಡ ಮುನ್ನಡೆಸುವ ಮೂಲಕ ನಾಯಕನಾಗಿ ಪಾದಾರ್ಪಣೆ ಮಾಡಿದರು ಮತ್ತು ಅವರು ಇತಿಹಾಸವನ್ನೂ ಸೃಷ್ಟಿಸಿದ್ದಾರೆ. ಟಿ20 ಕ್ರಿಕೆಟ್ ಇತಿಹಾಸದಲ್ಲೇ ಅತ್ಯಂತ ಕಿರಿಯ ನಾಯಕ ಎಂಬ ವಿಶಿಷ್ಟ ವಿಶ್ವ ದಾಖಲೆಯನ್ನು ವೈಭವ್ ಸೂರ್ಯವಂಶಿ ನಿರ್ಮಿಸಿದ್ದಾರೆ. ಕೇವಲ 15 ವರ್ಷ, 232 ದಿನಗಳ ವಯಸ್ಸಿನಲ್ಲಿ ಅವರು ಈ ಐತಿಹಾಸಿಕ ಮೈಲಿಗಲ್ಲು ತಲುಪಿದ್ದಾರೆ. ಇಂದೋರ್‌ನ ಹೋಳ್ಕರ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಬಿಹಾರ ಮತ್ತು ಸೌರಾಷ್ಟ್ರ ನಡುವಿನ ರೋಚಕ ಪಂದ್ಯದಲ್ಲಿ ವೈಭವ್ ಹೆಸರು ಭಾರೀ ಸದ್ದು ಮಾಡುತ್ತಿದೆ. ಈ ಪಂದ್ಯದಲ್ಲಿ ಬ್ಯಾಟಿಂಗ್ ಮಾಡಿದ ವೈಭವ್ 18 ರನ್ ಗಳಿಸಿ ತಂಡಕ್ಕೆ ಅಮೂಲ್ಯ ಕೊಡುಗೆ ನೀಡಿದರು. ದೊಡ್ಡ ಮೊತ್ತ ಗಳಿಸಲು ಸಾಧ್ಯವಾಗದಿದ್ದರೂ, ಕೇವಲ 15ನೇ ವಯಸ್ಸಿನಲ್ಲಿ ಹಿರಿಯರ ತಂಡವನ್ನು ಮುನ್ನಡೆಸುವ ಜವಾಬ್ದಾರಿ ಹೊತ್ತಿರುವುದು ಕ್ರಿಕೆಟ್ ಲೋಕದಲ್ಲಿ ದೊಡ್ಡ ಸಾಧನೆಯಾಗಿದೆ.

ಅತ್ಯಂತ ಕಿರಿಯ ನಾಯಕ ವೈಭವ್!

ಇದರ ಮಧ್ಯೆ ಅವರು ಸೈಯದ್ ಮುಷ್ತಾಕ್ ಅಲಿ ಪಂದ್ಯಾವಳಿಯಲ್ಲಿ ಅತ್ಯಂತ ಕಿರಿಯ ನಾಯಕ ಎಂಬ ಗೌರವಕ್ಕೂ ಪಾತ್ರರಾಗಿದ್ದಾರೆ. ಹಾಗಾಗಿ ಈಗ ವೈಭವ್ ಸೂರ್ಯವಂಶಿ ಅವರ ದಾಖಲೆ ಮುರಿಯುವ ಓಟ ಮುಂದುವರೆದಿದ್ದಾರೆ. ಅಲ್ಲದೇ ಸಚಿನ್‌ಗೂ ಈ ರೀತಿಯ ನಾಯಕತ್ವದ ಪಟ್ಟಗಳು ಸುಲಭಕ್ಕೆ ಸಿಕ್ಕಿರಲಿಲ್ಲ. ಇನ್ನೊಂದೆಡೆ ಇದು ಲಕ್‌ ಅಥವಾ ಪರಿಶ್ರಮವೇ? ಎನ್ನುವ ಮಾತುಗಳು ಹರಿದಾಡುತ್ತಿವೆ. ಈ ನಿಟ್ಟಿನಲ್ಲಿ ಎಲ್ಲದರ ನಡುವೆ ಕ್ರಿಕೆಟ್‌ ದೇವರಿಗೂ ಆ ವಯಸ್ಸಿನಲ್ಲಿ ಸಿಗದ ಸ್ಥಾನಮಾನವನ್ನು, ಈ ಬೇಬಿ ಬಾಯ್‌ ಪಡೆದುಕೊಂಡಿದ್ದಾನೆ.

ಅಂತಿಮವಾಗಿ!

ಒಟ್ಟಾರೆಯಾಗಿ, 15ನೇ ವಯಸ್ಸಿನಲ್ಲೇ ಹಿರಿಯರ ತಂಡವನ್ನು ಮುನ್ನಡೆಸುವ ಮೂಲಕ ವೈಭವ್ ಸೂರ್ಯವಂಶಿ ತಮ್ಮ ಅದ್ಭುತ ಪ್ರತಿಭೆ ಮತ್ತು ನಾಯಕತ್ವದ ಗುಣವನ್ನು ಸಾಬೀತುಪಡಿಸಿದ್ದಾರೆ. ಈ ವಿಶ್ವ ದಾಖಲೆಯು ಭಾರತೀಯ ಕ್ರಿಕೆಟ್‌ನಲ್ಲಿ ಹೊಸ ಭರವಸೆ ಮೂಡಿಸಿದ್ದು, ಮುಂದಿನ ದಿನಗಳಲ್ಲಿ ವೈಭವ್ ಇನ್ನಷ್ಟು ಎತ್ತರಕ್ಕೆ ಬೆಳೆಯಲಿದ್ದಾರೆ ಎಂಬುದಕ್ಕೆ ಇದು ಮುನ್ನುಡಿಯಾಗಿದೆ.

ರಾಮಾಯಣ 9 ದಿನದಲ್ಲಿ 1,100 ಕೋಟಿ ಗಳಿಕೆ ಮೂಲಕ ದಾಖಲೆ, ಆದರೆ ಕೈಗೆ ಬಂದ ದುಡ್ಡೆಷ್ಟು?

Chethan Kumar — Sat, 14 Nov 2026 13:48:38 +0530

ಮುಂಬೈ (ನ.14) ರಾಮಾಯಣ ಸಿನಿಮಾ ಬಿಡುಗಡೆಯಾದ 9 ದಿನಕ್ಕೆ ಭಾರತ ಸೇರಿದಂತೆ ವಿಶ್ವಾದ್ಯಂತ ಬರೋಬ್ಬರಿ 1,100 ಕೋಟಿ ರೂಪಾಯಿ ಗಳಿಗೆ ಕಂಡಿದೆ. ರಣಬೀರ್ ಕಪೂರ್, ಸಾಯಿ ಪಲ್ಲವಿ, ಯಶ್ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಹಲವು ದಾಖಲೆ ಬರೆದಿದೆ. ವಿಶೇಷ ಅಂದರೆ ಕೆಜಿಎಫ್ 2 ಬಳಿಕ ಯಶ್ ಸಿನಿಮಾ ಮತ್ತೆ 1000 ಕೋಟಿ ರೂಪಾಯಿ ಗಡಿ ದಾಟಿದೆ. ಹೊಸ ದಾಖಲೆ ಬರೆಯುತ್ತಿರುವ ರಾಮಾಯಣ ಸಿನಿಮಾ ಒಟ್ಟು 1100 ಕೋಟಿ ರೂಪಾಯಿ ಗಳಿಸಿದರೂ, ಭಾರತದಲ್ಲಿ ಕೈಗೆ ಬಂದ ದುಡ್ಡು 600 ಕೋಟಿ ರೂಪಾಯಿ.

ರಾಮಾಯಣ ಸಿನಿಮಾ ಕಲೆಕ್ಷನ್

ರಾಮಾಯಣ ಸಿನಿಮಾ ಜಾಗತಿಕವಾಗಿ ಗ್ರಾಸ್ ಕಲೆಕ್ಷನ್ 1,100 ಕೋಟಿ ರೂಪಾಯಿ. ಆದರೆ ಭಾರತದಲ್ಲಿ ನೆಟ್ ಕಲೆಕ್ಷನ್ 600 ಕೋಟಿ ರೂಪಾಯಿ. ಸಿನಿಮಾ ಬಿಡುಗಡೆಯಾದ 9ನೇ ದಿನಕ್ಕೆ 47.85 ಕೋಟಿ ರೂಪಾಯಿ ಗಳಿಕೆ ಕಂಡಿದೆ. ಈ ಪೈಕಿ ಹಿಂದಿ ವರ್ಶನ್ ರಾಮಾಯಣ ಗರಿಷ್ಠ ಕಲಕ್ಷೆನ್ ಮಾಡಿದೆ. ಹಿಂದಿ ವರ್ಶನ್ ರಾಮಾಯಣ 36.25 ಕೋಟಿ ರೂಪಾಯಿ ಗಳಿಕೆ ಕಂಡಿದೆ. ಮಲೆಯಾಳಂ ವರ್ಶನ್ ಸಿನಿಮಾ 3.75 ಕೋಟಿ ರೂಪಾಯಿ ಗಳಿಸಿದರೆ, ಕನ್ನಡ ವರ್ಶನ್ ಸಿನಿಮಾ 3 ಕೋಟಿ ರೂಪಾಯಿ ಗಳಿಸಿದೆ. ಕನ್ನಡದಲ್ಲಿ 850 ಶೋಗಳಿವೆ. ತಮಿಳಿನಲ್ಲಿ 2.75 ಕೋಟಿ ರೂಪಾಯಿ, ತೆಲುಗಿನಲ್ಲಿ 2.60 ಕೋಟಿ ರೂಪಾಯಿ ಗಳಿಕೆ ಕಂಡಿದೆ.

ವಿದೇಶದಲ್ಲಿ 9ನೇ ದಿನ 25 ಕೋಟಿ ರೂಪಾಯಿ ಕಲೆಕ್ಷನ್

ರಾಮಾಯಣ ಸಿನಿಮಾ 9ನೇ ದಿನ ವಿದೇಶಗಳಲ್ಲಿ 25 ಕೋಟಿ ರೂಪಾಯಿ ಗಳಿಸಿದೆ. ಇದುವರೆಗೆ ವಿದೇಶಗಳಲ್ಲಿ ರಾಮಯಣ ಸಿನಿಮಾ ಒಟ್ಟ ಗಳಿಕೆ 378.50 ಕೋಟಿ ರೂಪಾಯಿ. ವಿದೇಶದಲ್ಲೂ ರಾಮಾಯಣ ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಛಾವಾ, ಆನಿಮಲ್ ಸಿನಿಮಾ ಹಿಂದಿಕ್ಕಿದ ರಾಮಾಯಣ

ಹಿಂದಿ ಸಿನಿಮಾಗಳಲ್ಲಿ ಕಳೆದ ವರ್ಷ ಅದ್ಬುತ ನೆಟ್ ಗಳಿಕೆ ಮಾಡಿದೆ ಕೆಲ ಸಿನಿಮಾಗಳ ದಾಖಲೆಯನ್ನು ರಾಮಾಯಣ ಮುರಿದಿದೆ. ಛಾವಾ ಸಿನಿಮಾ 601.57 ಕೋಟಿ ರೂಪಾಯಿ ನೆಟ್ ಗಳಿಕೆ ಕಂಡಿತ್ತು. ರಣಬೀರ್ ಕಪೂರ್ ಆ್ಯನಿಮಲ್ ಸಿನಿಮಾ 556.36 ಕೋಟಿ ರೂಪಾಯಿ ನೆಟ್ ಕಲೆಕ್ಷನ್ ಮಾಡಿತ್ತು. ಶಾರುಖ್ ಖಾನ್ ಪಠಾಣ್ ಸಿನಿಮಾ 544.28 ಕೋಟಿ ರೂಪಾಯಿ ಗಳಿಕೆ ಮಾಡಿತ್ತು.

1000 ಕೋಟಿ ರೂ ದಾಟಿದ ರಣಬೀರ್ ಕಪೂರ್ ಮೊದಲ ಸಿನಿಮಾ

ರಣಬೀರ್ ಕಪೂರ್ ಸಿನಿಮಾ ಇತಿಹಾಸದಲ್ಲಿ 1000 ಕೋಟಿ ರೂಪಾಯಿ ದಾಟಿದ ಮೊದಲ ಸಿನಿಮಾ ಇದು. ಇದಕ್ಕೂ ಮೊದಲು ಸಂದೀಪ್ ವಂಗಾ ರೆಡ್ಡಿ ನಿರ್ಮಾಣದ ಆ್ಯನಿಮಲ್ ಸಿನಿಮಾ ಗ್ರಾಸ್ 915 ಕೋಟಿ ರೂಪಾಯಿ ಮಾಡಿತ್ತು. ಇದೀಗ ಈ ದಾಖಲೆಯನ್ನು ರಾಮಾಯಣ ಸಿನಿಮಾ ಮುರಿದಿದೆ.

ರಾಮಾಯಣ ಸಿನಿಮಾ ಎರಡು ಭಾಗಗಳಾಗಿ ಬಿಡುಗಡೆಯಾಗುತ್ತಿದೆ. ಮೊದಲ ಭಾಗದಲ್ಲಿ ಸೀತಾ ಅಪಹರಣವರೆಗೆ ನೀಡಲಾಗಿದೆ. ಇನ್ನುಳಿದ ರಾಮಾಯಣ ಮಹಾಕಾವ್ಯದ ಭಾಗವನ್ನು ಸಿನಿಮಾದ 2ನೇ ಭಾಗದಲ್ಲಿ ನೀಡಲಾಗುತ್ತದೆ. ಮುಂದಿನ ವರ್ಷ 2ನೇ ಭಾಗ ಬಿಡುಗಡೆಯಾಗಲಿದೆ.

Kitchen Tip: ಇನ್ಮುಂದೆ ಅಡುಗೆ ಮನೆಯ ಟೆನ್ಷನ್ ಬಿಡಿ; ಈ ಕುಕ್ಕರ್ ಇದ್ದರೆ ಒಂದೇ ಕ್ಲಿಕ್‌ನಲ್ಲಿ 18 ಬಗೆ ಫುಡ್ ರೆಡಿ

Bhimasi M Koleppanavar — Sat, 14 Nov 2026 13:26:47 +0530

ಬೆಂಗಳೂರು: ಪ್ರತಿದಿನದ ಧಾವಂತದ ಜೀವನಶೈಲಿಯಲ್ಲಿ ಅಡುಗೆ ಮಾಡಲು ಹೆಚ್ಚಿನ ಸಮಯ ವಿನಿಯೋಗಿಸಲು ಸಾಧ್ಯವಾಗದ ಉದ್ಯೋಗಿಗಳು, ವಿದ್ಯಾರ್ಥಿಗಳು, ಸಣ್ಣ ಕುಟುಂಬಗಳು ಹಾಗೂ ಒಂಟಿಯಾಗಿ ವಾಸಿಸುವವರಿಗೆ ಅನುಕೂಲವಾಗುವಂತೆ ವಂಡರ್ಚೆಫ್ ಸಂಸ್ಥೆಯು 'ನ್ಯೂಟ್ರಿ-ಪಾಟ್ 3-ಲೀಟರ್ ಎಲೆಕ್ಟ್ರಿಕ್ ಪ್ರೆಶರ್ ಕುಕ್ಕರ್' ಅನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಆಧುನಿಕ ತಂತ್ರಜ್ಞಾನ ಹಾಗೂ 18 ಪೂರ್ವ-ಸೆಟ್ ಅಡುಗೆ ಆಯ್ಕೆಗಳನ್ನು ಹೊಂದಿರುವ ಈ ಸಾಧನವು ಅಡುಗೆಮನೆಯ ಪ್ರಮುಖ ಬಹುಕ್ರಿಯಾತ್ಮಕ ಉಪಕರಣವಾಗಿ ಗಮನ ಸೆಳೆಯುತ್ತಿದೆ.

ಒಂದೇ ಉಪಕರಣದಲ್ಲಿ 18 ಬಗೆಯ ಅಡುಗೆ ಸಾಮರ್ಥ್ಯ!

ಅಮೆಜಾನ್ ಉತ್ಪನ್ನ ವಿವರಗಳ ಪ್ರಕಾರ, ಈ ಸಾಧನದಲ್ಲಿ ಅಕ್ಕಿ, ದಾಲ್, ಖಿಚಡಿ, ಬಿರಿಯಾನಿ ಮತ್ತು ಮೊಸರು ತಯಾರಿಕೆ ಸೇರಿದಂತೆ ಒಟ್ಟು 18 ಪ್ರೋಗ್ರಾಂಗಳಿವೆ. ಬೇಳೆಕಾಳು ಬೇಯಿಸುವುದು, ಆವಿಯಲ್ಲಿ ಬೇಯಿಸುವುದು, ಈರುಳ್ಳಿ-ಮಸಾಲೆ ಹುರಿಯುವುದು, ಆಹಾರ ಬಿಸಿ ಮಾಡುವುದು ಮತ್ತು ಬೆಚ್ಚಗಿಡುವ ಕಾರ್ಯಗಳನ್ನು ಇದು ಒಂದೇ ಗುಂಡಿಯ ಸ್ಪರ್ಶದಿಂದ ನಿರ್ವಹಿಸುತ್ತದೆ. ಪ್ರೆಶರ್ ಕುಕ್ಕಿಂಗ್ ಜೊತೆಗೆ ಸ್ಲೋ ಕುಕ್ಕಿಂಗ್ ಕಾರ್ಯವೂ ಇದರಲ್ಲಿ ಲಭ್ಯವಿದೆ. ಇದರಿಂದಾಗಿ ಅಡುಗೆಮನೆಯಲ್ಲಿ ಅನೇಕ ಉಪಕರಣಗಳನ್ನು ಇಡುವ ಅಗತ್ಯವಿಲ್ಲದೇ, ತೊಳೆಯಬೇಕಾದ ಪಾತ್ರೆಗಳ ಸಂಖ್ಯೆಯೂ ಕಡಿಮೆಯಾಗಲಿದೆ.

ಬುದ್ಧಿವಂತ ಮೈಕ್ರೋಕಂಪ್ಯೂಟರ್ ತಂತ್ರಜ್ಞಾನ!

ಅಡುಗೆಯ ಸಂಪೂರ್ಣ ಅನುಭವವಿಲ್ಲದವರೂ ಇದನ್ನು ಸುಲಭವಾಗಿ ಬಳಸಬಹುದು. ಅಗತ್ಯ ಪದಾರ್ಥಗಳನ್ನು ಸೇರಿಸಿ ಸೂಕ್ತ ಪ್ರೋಗ್ರಾಂ ಆಯ್ಕೆ ಮಾಡಿದರೆ, ಇದರ ಬುದ್ಧಿವಂತ ಮೈಕ್ರೋಕಂಪ್ಯೂಟರ್ ಭಕ್ಷ್ಯಕ್ಕೆ ಅನುಗುಣವಾಗಿ ತಾಪಮಾನ, ಒತ್ತಡ ಹಾಗೂ ತಾಪನವನ್ನು ಸ್ವಯಂಚಾಲಿತವಾಗಿ ನಿಯಂತ್ರಿಸುತ್ತದೆ. 3 ಲೀಟರ್ ಸಾಮರ್ಥ್ಯದ ಈ ಕುಕ್ಕರ್ 2 ರಿಂದ 4 ಸದಸ್ಯರಿರುವ ಸಣ್ಣ ಕುಟುಂಬಗಳ ದೈನಂದಿನ ಬಳಕೆಗೆ ಸೂಕ್ತವಾಗಿದೆ.

ಸುರಕ್ಷತೆ ಹಾಗೂ ಸೌಕರ್ಯದ ವಿವರಣೆ!

ಈ ಕುಕ್ಕರ್ ದೀರ್ಘಕಾಲ ಬಾಳಿಕೆ ಬರುವ SS304 ಸ್ಟೇನ್ಲೆಸ್ ಸ್ಟೀಲ್ ಒಳಗಿನ ಪಾತ್ರೆ ಹಾಗೂ ವಿಶೇಷ ಮುಚ್ಚಳ ಲಾಕಿಂಗ್ ವ್ಯವಸ್ಥೆ ಹೊಂದಿದ್ದು, ಆಹಾರದ ಪೋಷಕಾಂಶ ಮತ್ತು ತೇವಾಂಶವನ್ನು ಉಳಿಸುತ್ತದೆ. 30 ನಿಮಿಷದಿಂದ 24 ಗಂಟೆಗಳವರೆಗೆ ಮುಂಚಿತವಾಗಿ ಸಮಯ ನಿಗದಿಪಡಿಸಬಹುದಾದ 'ವಿಳಂಬ ಟೈಮರ್' ಸೌಲಭ್ಯ ಕಾರ್ಯನಿರತ ಜನರಿಗೆ ಅನುಕೂಲಕರವಾಗಿದೆ. 750 ವ್ಯಾಟ್ ಶಕ್ತಿ, ಸ್ಪರ್ಶ ನಿಯಂತ್ರಣ ಹಾಗೂ ಬೆಳ್ಳಿ ಸ್ಟೇನ್ಲೆಸ್ ಸ್ಟೀಲ್ ಫಿನಿಶ್ ಹೊಂದಿರುವ ಈ ಸಾಧನದ ತೂಕ 3.3 ಕೆಜಿ ಆಗಿದೆ. ಆದರೆ, ಇದನ್ನು ಡಿಶ್ವಾಶರ್ನಲ್ಲಿ ಬಳಸಲಾಗುವುದಿಲ್ಲ; ಒಳಗಿನ ಪಾತ್ರೆಯನ್ನು ಪ್ರತ್ಯೇಕವಾಗಿ ಸ್ವಚ್ಛಗೊಳಿಸಬೇಕಾಗುತ್ತದೆ.

ಬಂಪರ್ ರಿಯಾಯಿತಿ ಮತ್ತು ಮಾರುಕಟ್ಟೆ ಬೆಲೆ!

ಅಮೆಜಾನ್ನಲ್ಲಿ ಈ ಸಾಧನವು ಶೇ. 53 ರಷ್ಟು ಆಕರ್ಷಕ ರಿಯಾಯಿತಿಯೊಂದಿಗೆ ಲಭ್ಯವಿದ್ದು, ರೂ. 17,000 ಮೂಲ ಬೆಲೆಯ (MRP) ಈ ಕುಕ್ಕರ್ ರೂ. 7,999 ಕ್ಕೆ ಲಭ್ಯವಿದೆ. ಜೊತೆಗೆ ಅರ್ಹ ಕ್ರೆಡಿಟ್ ಕಾರ್ಡ್ಗಳ ಮೇಲೆ ಹೆಚ್ಚುವರಿ ಬ್ಯಾಂಕ್ ಆಫರ್ಗಳೂ ಇವೆ.

ಗ್ರಾಹಕರ ವಿಮರ್ಶೆ ಮತ್ತು ಸಲಹೆ!

ಈ ಉತ್ಪನ್ನವು 597 ಜಾಗತಿಕ ಗ್ರಾಹಕರಿಂದ 5.0 ರಲ್ಲಿ 5 ಸ್ಟಾರ್ ರೇಟಿಂಗ್ ಪಡೆದುಕೊಂಡಿದೆ. ಆದರೆ, ಕೆಲವು ಗ್ರಾಹಕರು ಉತ್ಪನ್ನದ ಬಾಳಿಕೆ, ಕಾರ್ಯಕ್ಷಮತೆ ಹಾಗೂ ಡೆಲಿವರಿ ವೇಳೆ ಹಾನಿಗೊಳಗಾದ ಘಟಕಗಳನ್ನು ಸ್ವೀಕರಿಸಿರುವ ಬಗ್ಗೆ ವರದಿ ಮಾಡಿದ್ದಾರೆ. ಹೀಗಾಗಿ ಗ್ರಾಹಕರು ಖರೀದಿಸುವ ಮುನ್ನ ಇತ್ತೀಚಿನ ವಿಮರ್ಶೆಗಳು, ಖಾತರಿ ನಿಯಮಗಳು ಮತ್ತು ಪೆಟ್ಟಿಗೆಯಲ್ಲಿರುವ ಪರಿಕರಗಳ ವಿವರಗಳನ್ನು ಪರಿಶೀಲಿಸುವುದು ಸೂಕ್ತವಾಗಿದೆ.

EPFO alert: ನಾಳೆಯೊಳಗೆ ನಿಮ್ಮ ಅಕ್ಟೋಬರ್ ಪಿಎಫ್ ಹಣ ಜಮಾ ಮಾಡಿ, ಕಂಪನಿ, ಉದ್ಯೋಗದಾತರಿಗೆ ಎಚ್ಚರಿಕೆ!

Ravi Janekal — Sat, 14 Nov 2026 13:25:55 +0530

EPFO alert: ನೌಕರರ ಪಿಎಫ್(PF) ಹಣವನ್ನು ಪ್ರತಿ ತಿಂಗಳು ಅವರ ಸಂಬಳ(Salary)ಯಿಂದ ಕಟ್ ಮಾಡಲಾಗುತ್ತೆ. ಈ ಹಣವನ್ನ ನೌಕರರ ಇಪಿಎಫ್(EPF) ಖಾತೆಗೆ ಜಮಾ ಮಾಡಲಾಗುತ್ತೆ. ಆದ್ರೆ ಸ್ಯಾಲರಿಯಲ್ಲಿ ಕಡಿತಗೊಳಿಸಿದರೆ ಸಾಲದು. ಸರಿಯಾದ ಸಮಯಕ್ಕೆ ಕಂಪನಿಯು ಈ ಹಣವನ್ನು ಇಪಿಎಫ್‌(EPF) ಜಮಾ ಮಾಡುವುದು ತುಂಬಾ ಮುಖ್ಯ. ಈ ವಿಚಾರವಾಗಿ ಈಗಾಗಲೇ ಇಪಿಎಫ್‌ಓ(EPFO) ಕಂಪನಿಗಳಿಗೆ ಮತ್ತು ಉದ್ಯೋಗದಾತರಿಗೆ ಎಚ್ಚರಿಕೆ ನೀಡಿದೆ.

ಅಕ್ಟೋಬರ್ 2026ರ ವೇತನ ತಿಂಗಳಿಗೆ ECR()

ಅಕ್ಟೋಬರ್ 2026 ರ ವೇತನ ತಿಂಗಳಿಗೆ Electronic Challan-cum-Return(ECR) ಸಲ್ಲಿಸಲು ಮತ್ತು PF ಹಣ ಪಾವತಿಸಲು EPFO ನವೆಂಬರ್ 15 ರವರೆಗೆ ಗಡುವು ನೀಡಿದೆ. ಅಂದರೆ ನಿಮ್ಮ ಕಂಪನಿಗೆ ನಾಳೆಯವರೆಗೆ ಮಾತ್ರ ಸಮಯವಿದೆ. ಈ ಸಮಯದೊಳಗೆ ಹಣ ಜಮಾ ಮಾಡದಿದ್ದಲ್ಲಿ ಅಥವಾ ವಿಫಲವಾದಲ್ಲಿ ಬಡ್ಡಿ ಜೊತೆಗೆ ದಂಡವನ್ನೂ ಕಟ್ಟಬೇಕಾಗಬಹುದು.

EPFO ಕಂಪನಿಗಳಿಗೆ ಎಚ್ಚರಿಕೆ ನೀಡಿದ್ದೇಕೆ?

ನವೆಂಬರ್ 12 ರಂದು EPFO ತನ್ನ ಅಧಿಕೃತ ಸಾಮಾಜಿಕ ಜಾಲತಾಣದಲ್ಲಿ ಒಂದು ಪೋಸ್ಟ್ ಹಂಚಿಕೊಂಡಿತು. ಅದರಲ್ಲಿ ಕಂಪನಿಗಳು ಮತ್ತು ಉದ್ಯೋಗದಾತರು ಅಕ್ಟೋಬರ್ 2026 ರ ವೇತನ ತಿಂಗಳ ಇಸಿಆರ್ ಮತ್ತು ಪಿಎಫ್ ಹಣ ನವೆಂಬರ್ 15 ರೊಳಗೆ ಸಲ್ಲಿಸಬೇಕು ಎಂದು ನೆನಪಿಸಿದೆ. ಸಮಯಕ್ಕೆ ಸರಿಯಾಗಿ ರಿಟರ್ನ್ಸ್ ಸಲ್ಲಿಸುವುದು ಮತ್ತು ಪಾವತಿಸುವಂತೆ ತಿಳಿಸಿದೆ. ಒಂದು ವೇಳೆ ಕಂಪನಿಗಳು ವಿಳಂಬ ಮಾಡಿದರೆ ದಂಡ ಮತ್ತು ಬಡ್ಡಿ ಕಟ್ಟಬೇಕಾಗಬಹುದು ಎಂದು ಎಚ್ಚರಿಕೆ ನೀಡಿದೆ.

ಯಾರಿಗೆ ಈ ನಿಯಮ ಅನ್ವಯ?

ಈ ನಿಯಮವು ಎಲ್ಲಾ ಕಂಪನಿಗಳಿಗೆ ಅಲ್ಲ, ಬದಲಾಗಿ EPF ವ್ಯಾಪ್ತಿಗೆ ಬರುವ ಎಲ್ಲಾ ಕಂಪನಿಗಳು ಮತ್ತು ಸಂಸ್ಥೆಗಳಿಗೆ ಅನ್ವಯಿಸುತ್ತದೆ. ಆದ್ದರಿಂದ, ಕಂಪನಿಗಳು ಸಕಾಲಕ್ಕೆ ಹಣ ಪಾವತಿ ಅಥವಾ ಜಮಾ ಮಾಡುಬೇಕು ಅದಕ್ಕೂ ಮೊದಲು ತಮ್ಮ ಉದ್ಯೋಗಿಗಳ ಸಂಬಳ, UAN ಮತ್ತು PF ಮಾಹಿತಿಯನ್ನು ಪರಿಶೀಲಿಸಬೇಕು ಎಂದಿದೆ.

ಇಸಿಆರ್(ECR) ಎಂದರೇನು?

ಇಸಿಆರ್ ಅಥವಾ ಎಲೆಕ್ಟ್ರಾನಿಕ್ ಚಲನ್-ಕಮ್-ರಿಟರ್ನ್ ಇದು ಕಂಪನಿ ಅಥವಾ ಉದ್ಯೋಗದಾತರು ಇಪಿಎಫ್‌ಒ ಪೋರ್ಟಲ್‌ಗೆ ಸಲ್ಲಿಸುವ ಮಾಸಿಕ ವರದಿ. ಇದು ನೌಕರರ ಸಂಬಳ, ಪಿಎಫ್ ಮತ್ತು ಇತರ ಪ್ರಮುಖ ಮಾಹಿತಿ ಹೊಂದಿರುತ್ತದೆ. ಇನ್ನು ಸರಳವಾಗಿ ಹೇಳುವುದಾದರೆ ಈ ವರದಿಯ ಮೂಲಕ ಕಂಪನಿಯು ಪ್ರತಿ ಉದ್ಯೋಗಿಯ ಸಂಬಳದಿಂದ ಎಷ್ಟು ಪಿಎಫ್ ಕಡಿತಗೊಳಿಸಲಾಗಿದೆ. ಕಂಪನಿಯ ಕೊಡುಗೆ ಎಷ್ಟು ಅಗತ್ಯವಿದೆ ಎಂಬುದನ್ನು ಇಪಿಎಫ್‌ಒಗೆ ತಿಳಿಸುತ್ತದೆ. ಇಸಿಆರ್ ಸಲ್ಲಿಸಿದ ನಂತರ ಮತ್ತು ಚಲನ್ ಪಾವತಿ ಪೂರ್ಣಗೊಂಡ ನಂತರ ಕಡಿತಗೊಳಿಸಲಾದ ಹಣವನ್ನು ಆಯಾ ಉದ್ಯೋಗಿಯ ಪಿಎಫ್ ಖಾತೆಗೆ ಜಮಾ ಮಾಡಲಾಗುತ್ತದೆ.

ಒಂದು ವೇಳೆ ವಿಳಂಬವಾದರೆ ದಂಡ, ಬಡ್ಡಿ ಎಷ್ಟು ವಿಧಿಸಲಾಗುತ್ತೆ?

ನವೆಂಬರ್ 15 ರ ಗಡುವಿನೊಳಗೆ ಕಂಪನಿಯು ಪಿಎಫ್ ಮೊತ್ತವನ್ನು ಠೇವಣಿ ಮಾಡಲು ವಿಫಲವಾದರೆ ಅದು ನಷ್ಟವನ್ನು ಅನುಭವಿಸಬಹುದು. ಇಪಿಎಫ್ ಕಾಯ್ದೆಯ ಸೆಕ್ಷನ್ 7Q ಅಡಿಯಲ್ಲಿ, ಬಾಕಿ ಮೊತ್ತದ ಮೇಲೆ ವಾರ್ಷಿಕ 12% ದರದಲ್ಲಿ ಬಡ್ಡಿಯನ್ನು ವಿಧಿಸಲಾಗುತ್ತದೆ. ಇದಲ್ಲದೆ, ಸೆಕ್ಷನ್ 14B ಅಡಿಯಲ್ಲಿ, ವಿಳಂಬದ ಸಮಯದ ಪ್ರಕಾರ ದಂಡವನ್ನು ಸಹ ವಿಧಿಸಬಹುದು.

ಪಿಎಫ್ ಠೇವಣಿ ಇಡಲಾಗಿದೆಯೇ ಅಥವಾ ಇಲ್ಲವೇ ಎಂದು ತಿಳಿಯುವುದು ಹೇಗೆ?

ಹೌದು ಪಿಎಫ್ ಠೇವಣಿ ಇಡಲಾಗಿದೆಯೇ ಅಥವಾ ಇಲ್ಲವೇ ಎಂದು ತಿಳಿದುಕೊಳ್ಳುವುದು ತುಂಬಾ ಮುಖ್ಯ. ಏಕೆಂದರೆ ಹಲವು ಸಲ ಸಂಬಳ ಚೀಟಿಗಳು ಪಿಎಫ್ ಕಡಿತಗಳ ಬಗ್ಗೆ ಮಾಹಿತಿ ತೋರಿಸುತ್ತವೆ, ಆದರೆ ಇದರರ್ಥ ಕಂಪನಿಯು ನಿಮ್ಮ ಇಪಿಎಫ್‌ಒ ಖಾತೆಗೆ ಹಣವನ್ನು ಜಮಾ ಮಾಡಿದೆ ಎಂದಲ್ಲ. ಇಪಿಎಫ್‌ಒ ಸದಸ್ಯರ ಇ-ಪಾಸ್‌ಬುಕ್ ಸೌಲಭ್ಯದ ಮೂಲಕ ನಿಮ್ಮ ಪಿಎಫ್ ಬ್ಯಾಲೆನ್ಸ್ ಮತ್ತು ಮಾಸಿಕ ಕೊಡುಗೆಗಳನ್ನು ನೀವು ಪರಿಶೀಲಿಸಬಹುದು.

ಜೀವನಾಂಶದ ಕುರಿತು ಹೈಕೋರ್ಟ್ ಐತಿಹಾಸಿಕ ತೀರ್ಪು: ಸಹಸ್ರಾರು ಗಂಡಂದಿರಿಗೆ 'ಜೀವ' ಕೊಟ್ಟ ಜಡ್ಜ್

Suchethana D — Sat, 14 Nov 2026 13:25:33 +0530

ದೆಹಲಿ: ಇತ್ತೀಚಿನ ದಿನಗಳಲ್ಲಿ ಮದುವೆ ಎನ್ನುವುದು ಹಲವು ಪುರುಷರಿಗೆ ಭಯ ಹುಟ್ಟಿಸುತ್ತಿದೆ. ಇದಕ್ಕೆ ಕಾರಣ, ಹೆಣ್ಣುಮಕ್ಕಳ ಡಿಮಾಂಡ್ ಒಂದೆಡೆಯಾದರೆ, ಡಿವೋರ್ಸ್ ಹೆಚ್ಚಾಗುತ್ತಿರುವ ಈ ದಿನಗಳಲ್ಲಿ, ಸಂಸಾರ ಸರಿಯಾಗಿ ಮಾಡದಿದ್ದರೂ, ದುಡಿದದ್ದನ್ನೆಲ್ಲಾ ಪತ್ನಿಗೆ ಜೀವನಾಂಶದ ರೂಪದಲ್ಲಿ ನೀಡುವ ಆತಂಕ ಇನ್ನೊಂದೆಡೆ. ಇದಕ್ಕೆ ತಕ್ಕಂತೆ ಹಲವಾರು ಕೋರ್ಟ್ಗಳು ಹೆಣ್ಣುಮಕ್ಕಳ ಪರವಾಗಿ ನೀಡುವ ಆದೇಶಗಳು ಪುರುಷರನ್ನು ಚಿಂತೆಗೀಡು ಮಾಡುವುದು ಇದೆ. ಹೆಣ್ಣಿನದ್ದೇ ತಪ್ಪಿದ್ದರೂ, ಜೀವನಾಂಶದ ವಿಷಯ ಬಂದಾಗ ದುಡಿದದ್ದನ್ನೆಲ್ಲಾ ಒಂದೇ ಬಾರಿ ಪರಿಹಾರದ ರೂಪದಲ್ಲಿ ನೀಡುವ ಜೊತೆಗೆ ಕೆಲವೊಮ್ಮೆ ಮಾಸಿಕವಾಗಿಯೂ ಹಣ ನೀಡುವಂತೆ ಕೋರ್ಟ್ಗಳು ಆದೇಶ ಹೊರಡಿಸಿದಾಗ ಪುರುಷರ ಗೋಳು ನೋಡಲಾಗುವುದಿಲ್ಲ.

ಆದರೆ ಇದೀಗ ರಾಜ್ಯ ಹೈಕೋರ್ಟ್ ನೀಡಿರುವ ತೀರ್ಪು, ತಕ್ಕಮಟ್ಟಿಗಾದರೂ ಗಂಡಂದಿರಿಗೆ ಜೀವ ತರಿಸುವಂತಿದೆ. ಆ ತೀರ್ಪು ಎಂದರೆ, ಪತಿಗಿಂತ ಹೆಚ್ಚು ಸಂಪಾದಿಸುವ ಹೆಂಡತಿಯು, ಮಹಿಳೆ ಎಂಬ ಕಾರಣಕ್ಕೆ ಜೀವನಾಂಶ ಪಡೆಯಲು ಸಾಧ್ಯವಿಲ್ಲ ಎಂದು ಕರ್ನಾಟಕ ಹೈಕೋರ್ಟ್ ತೀರ್ಪು ನೀಡಿದೆ. ಲಿಂಗ ಆಧರಿತ ಊಹೆಗಳ ಮೇಲೆ ಜೀವನಾಂಶವನ್ನು ನೀಡಲಾಗುವುದಿಲ್ಲ ಮತ್ತು ಅಂತಹ ಆದೇಶಗಳನ್ನು ನೀಡುವ ಮೊದಲು ಎರಡೂ ಪಕ್ಷಗಳ ಆರ್ಥಿಕ ಪರಿಸ್ಥಿತಿಗಳನ್ನು ಪರಿಶೀಲಿಸಬೇಕು ಎಂದು ನ್ಯಾಯಾಲಯ ಒತ್ತಿ ಹೇಳಿದೆ.

ಪತಿ ತನ್ನ ವಿಚ್ಛೇದಿತ ಪತ್ನಿಗೆ ತಿಂಗಳಿಗೆ ರೂ. 20,000 ಮಧ್ಯಂತರ ಜೀವನಾಂಶವನ್ನು ಪಾವತಿಸಬೇಕೆಂದು ನಿರ್ದೇಶಿಸಿದ ಕುಟುಂಬ ನ್ಯಾಯಾಲಯದ ಆದೇಶವನ್ನು ಪ್ರಶ್ನಿಸಿ ಪತಿಯೊಬ್ಬರು ಹೈಕೋರ್ಟ್ಗೆ ಸಲ್ಲಿಸಿದ್ದ ಮೇಲ್ಮನವಿಯ ವಿಚಾರಣೆ ವೇಳೆ ಕೋರ್ಟ್ ಈ ಆದೇಶ ಹೊರಡಿಸಿದೆ. ತನ್ನ ವಿಚ್ಛೇದಿತ ಪತ್ನಿ ತಿಂಗಳಿಗೆ ಸುಮಾರು ರೂ. 1 ಲಕ್ಷ ಸಂಪಾದಿಸುತ್ತಿದ್ದರೆ, ತನ್ನ ಸ್ವಂತ ಮಾಸಿಕ ವೇತನ ರೂ. 60,646 ಎಂದು ವಾದಿಸಿದ ಪತಿ ಕರ್ನಾಟಕ ಹೈಕೋರ್ಟ್‌ನಲ್ಲಿ ಕುಟುಂಬ ನ್ಯಾಯಾಲಯದ ಆದೇಶವನ್ನು ಪ್ರಶ್ನಿಸಿದರು. ಅವಳು ಆರ್ಥಿಕವಾಗಿ ಸ್ವಾವಲಂಬಿಯಾಗಿದ್ದಾಳೆ ಮತ್ತು ಜೀವನಾಂಶದ ಅಗತ್ಯವಿಲ್ಲ ಎಂದು ಅವರು ಮತ್ತಷ್ಟು ವಾದಿಸಿದರು. ತನ್ನ ಮದುವೆಗೆ ಮಾಡಿದ ಸಾಲಗಳನ್ನು ತೀರಿಸಲು ತನಗೆ ಆ ಮೊತ್ತದ ಅಗತ್ಯವಿದೆ ಎಂದು ಪತ್ನಿ ಪ್ರತಿವಾದಿಸಿದರು.

ನ್ಯಾಯಾಲಯ ಏನು ಹೇಳಿದೆ?

ನ್ಯಾಯಮೂರ್ತಿ ಡಾ. ಚಿಲ್ಲಕೂರ್ ಸುಮಲತಾ ಅವರು ಪತಿಯ ಅರ್ಜಿಯನ್ನು ಪುರಸ್ಕರಿಸಿ ಮಧ್ಯಂತರ ನಿರ್ವಹಣಾ ಆದೇಶವನ್ನು ರದ್ದುಗೊಳಿಸಿದರು. ಪತ್ನಿಯರನ್ನು ಯಾವಾಗಲೂ ಗಂಡಂದಿರೇ ನಿರ್ವಹಿಸಬೇಕು ಎಂಬ ಊಹೆಯಿಂದ ಕೌಟುಂಬಿಕ ನ್ಯಾಯಾಲಯಗಳು ಪ್ರಭಾವಿತರಾಗಬಾರದು ಎಂದು ಹೈಕೋರ್ಟ್ ಅಭಿಪ್ರಾಯಪಟ್ಟಿತು. "ಪತ್ನಿ ಆರ್ಥಿಕವಾಗಿ ಸದೃಢಳಾಗಿದ್ದರೆ ಮತ್ತು ಹೆಂಡತಿಯ ಆದಾಯವು ಗಂಡನ ಆದಾಯಕ್ಕಿಂತ ಹೆಚ್ಚಿದ್ದರೆ ಮತ್ತು ಮಕ್ಕಳನ್ನು ನೋಡಿಕೊಳ್ಳುವಂತಹ ಯಾವುದೇ ಇತರ ಹೊಣೆಗಾರಿಕೆಗಳು ಹೆಂಡತಿಯ ಕಡೆಯಿಂದ ಕಂಡುಬರದಿದ್ದರೆ, ಮಹಿಳೆಯರಿಗೆ ಪುರುಷರು ನಿರ್ವಹಣೆ ಮಾಡಬೇಕು ಅಥವಾ ಹೆಂಡತಿಯನ್ನು ತನ್ನ ಗಂಡನೇ ನಿರ್ವಹಣೆ ಮಾಡಬೇಕು ಎಂಬ ಆಧಾರದ ಮೇಲೆ ನ್ಯಾಯಾಲಯಗಳು ಜೀವನಾಂಶ ನೀಡುವ ಆದೇಶವನ್ನು ಹೊರಡಿಸಬಾರದು" ಎಂದು ನ್ಯಾಯಾಲಯ ಹೇಳಿದೆ.

ಪತ್ನಿಯರಿಗೆ ತನ್ನ ಗಂಡನಂತೆಯೇ ಜೀವನಾಂಶವನ್ನು ಪಡೆಯಲು ಯಾವುದೇ ಮಾರ್ಗವಿಲ್ಲದಿದ್ದಾಗ ಮಾತ್ರ ಜೀವನಾಂಶವನ್ನು ನೀಡಬೇಕು ಎಂದು ನ್ಯಾಯಾಲಯ ಹೇಳಿದೆ. ಪತ್ನಿಯ ತಿಂಗಳಿಗೆ 1 ಲಕ್ಷ ರೂ.ಗಳ ಆದಾಯವು ಗಂಡನ ಸಂಬಳಕ್ಕಿಂತ ಹೆಚ್ಚಿದೆ ಮತ್ತು ಅವಳು ತನ್ನನ್ನು ತಾನು ನಿರ್ವಹಿಸಿಕೊಳ್ಳಲು ಸಮರ್ಥಳಾಗಿದ್ದಾಳೆ ಎಂದು ನ್ಯಾಯಾಲಯವು ಗಮನಿಸಿತು. "ಆಕೆ ಒಪ್ಪಿಕೊಂಡಿರುವ 1,00,000 ರೂ. ಆದಾಯದೊಂದಿಗೆ ಆಕೆ ತನ್ನನ್ನು ತಾನು ನಿರ್ವಹಿಸಿಕೊಳ್ಳಬಹುದು. ಆದ್ದರಿಂದ, ವಿಚಾರಣಾ ನ್ಯಾಯಾಲಯವು ಪತಿಗೆ ತಿಂಗಳಿಗೆ 60,646 ರೂ. ಗಳಿಕೆಯಲ್ಲಿ 20,000 ರೂ.ಗಳನ್ನು ಪಾವತಿಸಲು ಆದೇಶಿಸುವ ಅಗತ್ಯವಿಲ್ಲ. ಆದ್ದರಿಂದ, ಈ ನ್ಯಾಯಾಲಯವು ಪ್ರಶ್ನಿಸಲಾದ ಆದೇಶವು ಕಾನೂನಿನ ದೃಷ್ಟಿಯಲ್ಲಿ ಸಮರ್ಥನೀಯವಲ್ಲ ಎಂದು ಅಭಿಪ್ರಾಯಪಟ್ಟಿದೆ" ಎಂದು ನ್ಯಾಯಾಲಯವು ಸೇರಿಸಿತು.

ಮಗನ ಟಿವಿ ನೋಡುವ ಚಟಕ್ಕೆ ತಂದೆಯ ಸ್ಮಾರ್ಟ್ ಐಡಿಯಾ, ನಮಗೂ ಹೇಳಿಕೊಡಿ ಎಂದ ಹಲವು ಪೋಷಕರು

Chethan Kumar — Sat, 14 Nov 2026 13:24:48 +0530

ಬೀಜಿಂಗ್ (ನ.14) ಪ್ರತಿ ಮಕ್ಕಳು ಟಿವಿ ಹಾಗೂ ಮೊಬೈಲ್‌ಗೆ ಅಡಿಕ್ಟ್ ಆಗುತ್ತಾರೆ. ಊಟ ಮಾಡಲು ಮೊಬೈಲ್ ಅಥವಾ ಟಿವಿ, ಓದಬೇಕಾದರೆ, ಅಳುವುದು ನಿಲ್ಲಿಸಲು, ಹೀಗೆ ಎಲ್ಲದಕ್ಕೂ ಮಕ್ಕಳು ಮೊಬೈಲ್ ಅಥವಾ ಟಿವಿ ಕೇಳುತ್ತಾರೆ. ಮಕ್ಕಳನ್ನು ಟಿವಿ ಹಾಗೂ ಮೊಬೈಲ್‌ನಿಂದ ದೂರವಿಡುವುದು ಅತೀ ದೊಡ್ಡ ಸವಾಲು. ಹೀಗೆ ವ್ಯಕ್ತಿಯೊಬ್ಬರು ತಮ್ಮ ಮಗನ ಟಿವಿ ಚಟ ಬಿಡಿಸಲು ಕೂಗಾಡಿದರೆ ಪ್ರಯೋಜನವಿಲ್ಲ ಎಂದು ಅರಿತಿದ್ದಾರೆ. ಇದಕ್ಕಾಗಿ ಸ್ಮಾರ್ಟ್ ಐಡಿಯಾ ಮಾಡಿದ್ದಾರೆ. ಇದೀಗ ಈ ವ್ಯಕ್ತಿಯ ಐಡಿಯಾಗೆ ಮಕ್ಕಳ ಪೋಷಕರು ಮನಸೋತಿದ್ದಾರೆ. ತಮಗೂ ಈ ಐಡಿಯಾ ಹೇಳಿಕೊಡಿ ಎಂದು ಮನವಿ ಮಾಡುತ್ತಿದ್ದಾರೆ.

ತಂದೆಯ ವಿಶೇಷ ಐಡಿಯಾ

ಸಾಮಾನ್ಯವಾಗಿ ಮಕ್ಕಳ ಕೈಯಿಂದ ರಿಮೋಟ್ ಕಿತ್ತುಕೊಳ್ಳುವುದು ಅಥವಾ ಟಿವಿ ಬಂದ್ ಮಾಡುವುದು ಮನೆಯಲ್ಲಿ ಜಗಳಕ್ಕೆ ಕಾರಣವಾಗುತ್ತದೆ. ಹೀಗಾಗಿ ಚೀನಾದ ಶೆಂಜೆನ್‌ನ ಟ್ಯಾಕ್ಸಿ ಚಾಲಕ ತನ್ನ ಮಗನ ಟಿವಿ ಚಟ ಬಿಡಿಸಲು ಹೊಸ ಐಡಿಯಾ ಮಾಡಿದ್ದಾನೆ. ತಮ್ಮ ಮಗನ ಟಿವಿ ವೀಕ್ಷಣೆಯ ಸಮಯವನ್ನೇ ಒಂದು ಶೈಕ್ಷಣಿಕ ಆಟವನ್ನಾಗಿಸಿದ್ದಾನೆ. ಆರ್ಟಿಫೀಶಿಯಲ್ ಇಂಟಲಿಜೆನ್ಸ್ ಬಳಸಿಕೊಂಡಿದ್ದಾನೆ. ಬಾಲಕ ಟಿವಿ ನೋಡಲು ಆರಂಭಿಸಿದ ಪ್ರತಿ 10 ನಿಮಿಷಕ್ಕೊಮ್ಮೆ ಟಿವಿ ಪರದೆಯ ಮೇಲೆ ಪ್ರಸಾರವಾಗುತ್ತಿರುವ ಕಾರ್ಯಕ್ರಮ ತಾನಾಗಿಯೇ ಸ್ಥಗಿತಗೊಳ್ಳುತ್ತದೆ.

ಪ್ರಶ್ನೆಗೆ ಉತ್ತರಿಸಿದರೆ ಮಾತ್ರ ಟಿವಿ

ಟಿವಿ ಕಾರ್ಯಕ್ರಮ ಸ್ಥಗಿತಗೊಂಡ ತಕ್ಷಣ, ಪರದೆಯ ಮೇಲೆ ಶಾಲಾ ಪಠ್ಯಕ್ರಮಕ್ಕೆ ಸಂಬಂಧಿಸಿದ ಪ್ರಶ್ನೆಗಳು ಡಿಸ್‌ಪ್ಲೆ ಆಗಲಿದೆ. ಎಐ ತಂತ್ರಜ್ಞಾನದ ಸಹಾಯದಿಂದ ಸಿದ್ಧಪಡಿಸಲಾದ ಈ ವ್ಯವಸ್ಥೆಯಲ್ಲಿ, ಬಾಲಕನು ಆ ಶಾಲಾ ಪ್ರಶ್ನೆಗಳಿಗೆ ಸರಿಯಾದ ಉತ್ತರವನ್ನು ನೀಡಿದರೆ ಮಾತ್ರ ಟಿವಿ ಕಾರ್ಯಕ್ರಮ ಮತ್ತೆ ಮುಂದುವರಿಯುತ್ತದೆ. ಒಂದು ವೇಳೆ ತಪ್ಪು ಉತ್ತರ ನೀಡಿದರೆ ಅಥವಾ ಉತ್ತರಿಸದಿದ್ದರೆ ಟಿವಿ ಮುಂದೆ ಸಾಗುವುದಿಲ್ಲ. ಈ ಮೂಲಕ ಮಗನಿಗೆ ಟಿವಿ ನೋಡಲು ಅವಕಾಶ ನೀಡುತ್ತಲೇ, ಆತನಿಗೆ ತಿಳಿಯದಂತೆ ಓದಿನ ಕಡೆಗೂ ಗಮನ ಹರಿಸುವಂತೆ ಮಾಡುವಲ್ಲಿ ಈ ತಂದೆ ಯಶಸ್ವಿಯಾಗಿದ್ದಾರೆ.

ಇತರ ಪೋಷಕರ ಗಮನ ಸೆಳೆದ ಹೊಸ ಪ್ರಯೋಗ

ಮನೆಯಲ್ಲಿ ನಿತ್ಯ ನಡೆಯುತ್ತಿದ್ದ ಟಿವಿ ವೀಕ್ಷಣೆಯ ಜಗಳವನ್ನು ಈ ಎಐ ಆಧಾರಿತ ರಸಪ್ರಶ್ನೆ ವ್ಯವಸ್ಥೆಯು ಅತ್ಯಂತ ರಚನಾತ್ಮಕ ಹಾಗೂ ಕಲಿಕಾ ಪೂರಕ ವಾತಾವರಣವನ್ನಾಗಿ ಪರಿವರ್ತಿಸಿದೆ. ಮಗನು ಕೂಡ ಇದನ್ನು ಶಿಕ್ಷೆಯೆಂದು ಭಾವಿಸದೆ, ಟಿವಿ ನೋಡುವ ಉತ್ಸಾಹದಲ್ಲಿ ಪ್ರಶ್ನೆಗಳಿಗೆ ಉತ್ತರಿಸಲು ಮುಂದಾಗುತ್ತಿದ್ದಾನೆ. ಚೀನಾದ ತಂದೆಯ ಈ ತಂತ್ರಜ್ಞಾನ ಆಧಾರಿತ ಪೇರೆಂಟಿಂಗ್ ಐಡಿಯಾ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದ್ದು, ವಿಶ್ವದಾದ್ಯಂತ ಇರುವ ಇತರ ಪೋಷಕರ ಗಮನವನ್ನೂ ಸೆಳೆದಿದೆ. ಮಕ್ಕಳ ಸ್ಕ್ರೀನ್ ಟೈಮ್ ಕಡಿಮೆ ಮಾಡಲು ಮತ್ತು ಕಲಿಕೆಯನ್ನು ಆಸಕ್ತಿದಾಯಕವಾಗಿಸಲು ಇಂತಹ ತಂತ್ರಜ್ಞಾನಗಳು ಅತ್ಯಂತ ಉಪಯುಕ್ತವಾಗಿವೆ ಎಂದು ಹಲವು ಪೋಷಕರು ಅಭಿಪ್ರಾಯಪಟ್ಟಿದ್ದಾರೆ.

2026ರ ಶನಿ ಗೋಚರ; ಮುಂದಿನ 96 ದಿನಗಳವರೆಗೆ 4 ರಾಶಿಗೆ ಹಣ ಸಂಪಾದನೆಯ ಸೂಪರ್ ಚಾನ್ಸ್

Mahmad Rafik — Sat, 14 Nov 2026 13:22:33 +0530

2026ರ ಡಿಸೆಂಬರ್ 11ರಂದು ಶನಿಯು ತನ್ನ ಸ್ಥಾನವನ್ನು ಬದಲಾಯಿಸಲಿದ್ದು, ಫೆಬ್ರವರಿಯಲ್ಲಿ ರೇವತಿ ನಕ್ಷತ್ರವನ್ನು ಪ್ರವೇಶಿಸಲಿದ್ದಾನೆ. ಇದರಿಂದ ಮುಂದಿನ 96 ದಿನಗಳ ಕಾಲ 4 ರಾಶಿಗಳಿಗೆ ಆರ್ಥಿಕ ಸುಧಾರಣೆ ಹಾಗೂ ವೃತ್ತಿಜೀವನದಲ್ಲಿ ಅದ್ಭುತ ಲಾಭಗಳು ದೊರೆಯಲಿವೆ.

11ನೇ ಡಿಸೆಂಬರ್ 2026ರಂದು ಶನಿಯು ನೇರವಾಗಿ ತನ್ನ ಸ್ಥಾನ ಬದಲಾಯಿಸಲಿದ್ದು, ಫೆಬ್ರವರಿಯಲ್ಲಿ ಉತ್ತರ ಭಾದ್ರಪದ ನಕ್ಷತ್ರವನ್ನು ಬಿಟ್ಟು ರೇವತಿ ನಕ್ಷತ್ರವನ್ನು ಪ್ರವೇಶಿಸುತ್ತದೆ. ಈ ಬದಲಾಗುತ್ತಿರುವ ಶನಿಯ ಚಲನೆಯು ಮುಂದಿನ 96 ದಿನಗಳಲ್ಲಿ ನಾಲ್ಕು ರಾಶಿಚಕ್ರ ಚಿಹ್ನೆಗಳಿಗೆ ಸಕಾರಾತ್ಮಕ ಫಲಿತಾಂಶಗಳನ್ನು ತರಬಹುದು. ಶನಿಯ ಈ ಚಲನೆಯು ಎಲ್ಲಾ 12 ರಾಶಿಗಳ ಮೇಲೆ ಪರಿಣಾಮ ಬೀರುತ್ತದೆ. ಆದ್ರೆ 12 ರಾಶಿಗಳ ಪೈಕಿ ನಾಲ್ಕು ರಾಶಿಗಳ ಹಣಕಾಸಿನ ಜೀವನದಲ್ಲಿ ಸಕಾರಾತ್ಮಕ ಬೆಳವಣಿಗೆಯನ್ನುಂಟು ಮಾಡಲಿದ್ದು, ಲಾಭ ಪಡೆಯುವ ಸಾಧ್ಯತೆಗಳಿವೆ.

ಮುಂಬರುವ ಸಮಯ ಅನುಕೂಲಕರವಾಗಿದ್ದು, ಕಠಿಣ ಪರಿಶ್ರಮಕ್ಕೆ ನಿರೀಕ್ಷಿತ ಲಾಭ ಸಿಗಲಿದೆ.
ವೃತ್ತಿ ಪ್ರಗತಿಗೆ ಹೊಸ ಅವಕಾಶ ಜೊತೆ ಜವಾಬ್ದಾರಿ ಹೆಚ್ಚಳ, ಹೊಸ ಉದ್ಯೋಗ ಹುಡುಕುತ್ತಿರೋರಿಗೆ ಗುಡ್‌ನ್ಯೂಸ್
ಆರ್ಥಿಕ ಪರಿಸ್ಥಿತಿ ಸುಧಾರಣೆ, ಕುಟುಂಬದೊಂದಿಗೆ ಸಮಯ ಕಳೆಯುತ್ತೀರಿ.

ಈ ಸಮಯದಲ್ಲಿ ಸಮಸ್ಯೆಗಳು ಕಡಿಮೆಯಾಗಲಿದ್ದು, ನೆಮ್ಮದಿ ಜೀವನ ನಿಮ್ಮದಾಗಲಿದೆ.
ಹೊಸ ಉದ್ಯೋಗವಕಾಶ, ಆರ್ಥಿಕ ಪರಿಸ್ಥಿತಿ ಸುಧಾರಣೆ, ವ್ಯಾಪಾರಗಳಲ್ಲಿ ಅತ್ಯಧಿಕ ಲಾಭ
ಉದ್ದಿಮೆಗಳಿಗೆ ಹೊಸ ಆದಾಯದ ಮೂಲಗಳು ತೆರೆದುಕೊಳ್ಳಲಿವೆ.
ಹಳೆಯ ಹೂಡಿಕೆಗಳಿಂದ ಆದಾಯ ಸಿಗಲಿದೆ. ಹೊಸ ಪರಿಚಯದಿಂದಲೂ ಹಣಕಾಸಿನ ಸದೃಢತೆ

ದೀರ್ಘಕಾಲದಿಂದ ಬಾಕಿ ಉಳಿದಿರೋ ಕೆಲಸಗಳು ಪೂರ್ಣಗೊಳ್ಳಲಿವೆ
ಹೊಸ ಉದ್ಯೋಗವಕಾಶಗಳು ಉದ್ಭವಿಸುತ್ತವೆ.
ಆದಾಯ ಏರಿಕೆಯಾಗಿ, ಮನಸ್ಸಿನ ಶಾಂತಿ ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ.
ಹಲವು ದಿನಗಳಿಂದ ಎದುರಾಗಿರುವ ಸಮಸ್ಯೆಗಳು ದೂರವಾಗುವ ಕಾಲ ಸನ್ನಿಹಿತ

ಮೇಲಾಧಿಕಾರಿಗಳಿಂದ ಬೆಂಬಲ ಮತ್ತು ಪ್ರಶಂಸೆ
ಉದ್ಯಮಿಗಳ ಜೀವನದಲ್ಲಿ ಹೊಸ ಪ್ರಗತಿ
ದೀರ್ಘಕಾಲದಿಂದ ಸ್ಥಗಿತಗೊಂಡ ಕೆಲಸಗಳು ವೇಗ ಪಡೆದುಕೊಳ್ಳಲಿವೆ.
ಆದಾಯ ಹೆಚ್ಚಳವಾಗಿ ಇಡೀ ಕುಟುಂಬದ ಆರ್ಥಿಕ ಪರಿಸ್ಥಿತಿ ಸುಧಾರಣೆ ಆಗಲಿದೆ

ವಿಶೇಷ ಮನವಿ: ಜ್ಯೋತಿಷ್ಯ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜ್ಯೋತಿಷಿಗಳು, ಪಂಚಾಂಗ, ಧಾರ್ಮಿಕ ಗ್ರಂಥಗಳು ಮತ್ತು ನಂಬಿಕೆಗಳನ್ನು ಆಧರಿಸಿದೆ. ಈ ಮಾಹಿತಿಯನ್ನು ನಿಮಗೆ ತಲುಪಿಸುವುದು ನಮ್ಮ ಉದ್ದೇಶ. ಬಳಕೆದಾರರು ಇವನ್ನು ಕೇವಲ ಮಾಹಿತಿಯನ್ನಾಗಿ ಮಾತ್ರ ಪರಿಗಣಿಸಬೇಕಾಗಿ ವಿನಂತಿ.

SPB ಕಾಯ್ತಿದ್ರು, ಬಾಬು-ಹಂಸಲೇಖ ಬಾತ್‌ರೂಂ ಪಕ್ಕ ಅಡಗಿದ್ರು.. ಆಗ ಹುಟ್ಟಿದ ಹಿಟ್ ಹಾಡನ್ನ ಜೈಲಲ್ಲಿ 3 ಬಾರಿ ಕೇಳ್ತಿದ್ರಂತೆ ರೆಡ್ಡಿ!

Ashwini HR — Sat, 14 Nov 2026 12:58:53 +0530

ಕನ್ನಡ ಚಿತ್ರರಂಗದ ಇತಿಹಾಸದಲ್ಲೇ ಎಂದಿಗೂ ಅಳಿಯದ ಅದ್ಭುತ ಗೀತೆ ‘ಮಹಾಕ್ಷತ್ರಿಯ’ ಚಿತ್ರದ "ಈ ಭೂಮಿ ಬಣ್ಣದ ಬುಗುರಿ". ಇಂದಿಗೂ ಪ್ರತಿಯೊಬ್ಬ ಕನ್ನಡಿಗನ ಹೃದಯ ತಟ್ಟುವ ಈ ಸಾರ್ವಕಾಲಿಕ ಹಾಡು ಹುಟ್ಟಿದ್ದೇ ಒಂದು ರೋಚಕ ಪ್ರಸಂಗ. ಖ್ಯಾತ ಗಾಯಕ ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಅವರಿಗೆ ಮುಖ ತೋರಿಸಲಾಗದೆ ನಿರ್ದೇಶಕ ರಾಜೇಂದ್ರ ಸಿಂಗ್ ಬಾಬು ಹಾಗೂ ನಾದಬ್ರಹ್ಮ ಹಂಸಲೇಖ ಸ್ಟುಡಿಯೋದ ಬಾತ್‌ರೂಮ್ ಪಕ್ಕದ ಕೊಠಡಿಯಲ್ಲಿ ಅವಿತುಕೊಂಡಿದ್ದಾಗ ಸೃಷ್ಟಿಯಾದ ಗೀತೆಯಿದು!

ಹಿರಿಯ ನಿರ್ದೇಶಕ ರಾಜೇಂದ್ರ ಸಿಂಗ್ ಬಾಬು ಸಂದರ್ಶನವೊಂದರಲ್ಲಿ ಈ ಅಪರೂಪದ ನೆನಪನ್ನು ಹಂಚಿಕೊಂಡಿದ್ದಾರೆ. ‘ಮಹಾಕ್ಷತ್ರಿಯ’ ಸಿನಿಮಾದಲ್ಲಿ ಎಂಟು ಜನ ಕ್ರಿಮಿನಲ್‌ಗಳಿಗೆ ಬುದ್ಧಿ ಹೇಳುವ ಸನ್ನಿವೇಶವಿತ್ತು. ಸಾಮಾನ್ಯವಾಗಿ ಇಂತಹ ಉಪದೇಶದ ಹಾಡುಗಳು ಬಂದರೆ ಜನ ಬೋರ್ ಆಗಿ ಎದ್ದು ಹೋಗುತ್ತಾರೆ. ಹೀಗಾಗಿ, ಜನರನ್ನು ಹಿಡಿದಿಟ್ಟುಕೊಳ್ಳುವ ಸವಾಲಿನೊಂದಿಗೆ ಹಾಡು ಸಿದ್ಧಪಡಿಸಬೇಕಿತ್ತು.

ಹಾಡನ್ನು ಹಾಡಲು ಗಾನ ಗಂಧರ್ವ ಎಸ್.ಪಿ. ಬಾಲಸುಬ್ರಹ್ಮಣ್ಯಂ ಚೆನ್ನೈನ ಪ್ರಸಾದ್ ಸ್ಟುಡಿಯೋಗೆ ಬಂದಿಳಿದಿದ್ದರು. ಆದರೆ, ಆ ಸಮಯಕ್ಕೆ ಹಾಡಿನ ಸಾಹಿತ್ಯವೇ ರೆಡಿಯಾಗಿರಲಿಲ್ಲ! ಅಷ್ಟು ದೊಡ್ಡ ಗಾಯಕರನ್ನು ಎದುರಿಸಲು ಮುಜುಗರಪಟ್ಟುಕೊಂಡ ಬಾಬು ಮತ್ತು ಹಂಸಲೇಖ, ಸ್ಟುಡಿಯೋದಲ್ಲಿದ್ದ ಬಾತ್‌ರೂಮ್ ಪಕ್ಕದ ಪುಟ್ಟ ರೂಮಿನಲ್ಲಿ ಹೋಗಿ ಅಡಗಿಕುಳಿತರು. ಹೊರಗಡೆಯಿಂದ ಎಸ್ಪಿಬಿ "ಎಲ್ಲಪ್ಪಾ ಲಿರಿಕ್ಸ್?" ಎಂದು ಕೇಳುತ್ತಿದ್ದರೆ, ಇತ್ತ ಇಬ್ಬರಿಗೂ ಸಾಲುಗಳೇ ಹೊಳೆಯುತ್ತಿರಲಿಲ್ಲ.

ರೆಕಾರ್ಡಿಂಗ್ ಕ್ಯಾನ್ಸಲ್ ಮಾಡೋಣವೇ ಎಂದು ಯೋಚಿಸುತ್ತಿದ್ದಾಗ, ನಿರ್ದೇಶಕ ಬಾಬು ಅವರು ಹಂಸಲೇಖ ಅವರಿಗೆ, "ಸರ್, ಈ ಜಗತ್ತೇ ಒಂದು ಬಣ್ಣದ ಬುಗುರಿ ಇದ್ದ ಹಾಗೆ... ಅದು ನಿಂತುಹೋದಾಗ ಏನಾಗುತ್ತೆ ಅನ್ನೋ ಕಾನ್ಸೆಪ್ಟ್ ಇಟ್ಟುಕೊಳ್ಳಿ" ಎಂದು ಸಣ್ಣ ಎಳೆ ಕೊಟ್ಟರು.

ಅಷ್ಟೇ! ಆ ಸಾಲು ಕೇಳುತ್ತಿದ್ದಂತೆ ಹಂಸಲೇಖ ಅವರ ಲೇಖನಿಗೆ ಮಿಂಚಿನ ವೇಗ ಬಂತು. ಕೇವಲ ಐದೇ ನಿಮಿಷಗಳಲ್ಲಿ "ಈ ಭೂಮಿ ಬಣ್ಣದ ಬುಗುರಿ, ಆ ಶಿವನೆ ಚಾಟಿ ಕಣೋ ..." ಎಂಬ ಸಾರ್ವಕಾಲಿಕ ಸಾಹಿತ್ಯವನ್ನು ಬರೆದು ಮುಗಿಸಿದರು. ಹಾಡು ರೆಕಾರ್ಡ್ ಆದ ತಕ್ಷಣ ಎಸ್ಪಿಬಿ, "ಬಾಬು, ಇದು ಎಟರ್ನಲ್ ಸಾಂಗ್ (ಶಾಶ್ವತ ಗೀತೆ). ಈ ಹಾಡಿಗೆ ಸಾವೇ ಇಲ್ಲ!" ಎಂದು ಭವಿಷ್ಯ ನುಡಿದರು. ಆ ಮಾತು ಇಂದಿಗೂ ಅಕ್ಷರಶಃ ಸತ್ಯವಾಗಿದೆ.

ಹಾಗೆಯೇ ಹಂಸಲೇಖ ಅವರೊಂದಿಗಿನ ಅಪರೂಪದ ಸ್ನೇಹ ಹಾಗೂ ಮಾಜಿ ಸಚಿವ ಗಾಲಿ ಜನಾರ್ದನ ರೆಡ್ಡಿ ಅವರ ಜೀವನದ ಕರಾಳ ದಿನಗಳಲ್ಲಿ ‘ಈ ಭೂಮಿ ಬಣ್ಣದ ಬುಗುರಿ’ ಹಾಡು ಹೇಗೆ ಸಾಂತ್ವನ ನೀಡಿತ್ತು ಎಂಬ ಅಚ್ಚರಿಯ ಸಂಗತಿಯನ್ನು ರಾಜೇಂದ್ರ ಸಿಂಗ್ ಬಾಬು ಬಹಿರಂಗಪಡಿಸಿದ್ದಾರೆ.

ಜೈಲಿನಲ್ಲಿ ಜನಾರ್ದನ ರೆಡ್ಡಿಗೆ ನೆಮ್ಮದಿ ತಂದಿದ್ದ ಹಾಡು

‘ಈ ಭೂಮಿ ಬಣ್ಣದ ಬುಗುರಿ’ಯ ಪ್ರಭಾವ ಎಂಥದ್ದು ಎಂಬುದನ್ನು ವಿವರಿಸಿದ ರಾಜೇಂದ್ರ ಸಿಂಗ್ ಬಾಬು, "ನನಗೆ ಜನಾರ್ದನ ರೆಡ್ಡಿ ಅವರು ಸಿಕ್ಕಾಗ ನನ್ನ ಕೈಹಿಡಿದು ಭಾವುಕರಾಗಿ ಒಂದು ಮಾತು ಹೇಳಿದರು. ‘ಬಾಬು ಅವರೇ, ನಾನು ಜೈಲಿನಲ್ಲಿದ್ದ ಕಷ್ಟದ ದಿನಗಳಲ್ಲಿ ಮಾನಸಿಕ ನೆಮ್ಮದಿಗಾಗಿ ಮತ್ತು ರಿಫ್ರೆಶ್‌ಮೆಂಟ್‌ಗಾಗಿ ಪ್ರತಿದಿನ ಮೂರು ಬಾರಿ ನಿಮ್ಮ ‘ಈ ಭೂಮಿ ಬಣ್ಣದ ಬುಗುರಿ’ ಹಾಡನ್ನು ತಪ್ಪದೇ ಕೇಳುತ್ತಿದ್ದೆ’ ಎಂದರು. ಒಂದು ಹಾಡು ಮನುಷ್ಯನ ನೋವಿಗೆ ಎಷ್ಟರಮಟ್ಟಿಗೆ ಮುಲಾಮಾಗಬಲ್ಲದು ಎಂಬುದಕ್ಕೆ ಇದಕ್ಕಿಂತ ದೊಡ್ಡ ಉದಾಹರಣೆ ಬೇಕಿಲ್ಲ" ಎಂದು ಬಾಬು ಹರ್ಷ ವ್ಯಕ್ತಪಡಿಸಿದರು.

ಹಂಸಲೇಖ ಜೊತೆ ‘ಈಗೋ’ ಇಲ್ಲದ ಗಾಢ ಸ್ನೇಹ

ಕನ್ನಡ ಚಿತ್ರರಂಗದಲ್ಲಿ ನಿರ್ದೇಶಕ ಮತ್ತು ಸಂಗೀತ ನಿರ್ದೇಶಕರ ನಡುವಿನ ಸೃಜನಶೀಲ ಬಾಂಧವ್ಯ ಹೇಗಿರಬೇಕು ಎಂಬುದಕ್ಕೆ ಹಂಸಲೇಖ ಮತ್ತು ತಮ್ಮ ಸ್ನೇಹವೇ ಸಾಕ್ಷಿ ಎಂದ ಬಾಬು, "ನಮ್ಮಿಬ್ಬರ ಮಧ್ಯೆ ಯಾವತ್ತೂ ಅಹಂ (Ego) ಸುಳಿಯಲೇ ಇಲ್ಲ. ಸಿನಿಮಾದಲ್ಲಿ ಅಹಂ ಇದ್ದರೆ ಕೆಲಸ ಹಾಳಾಗುತ್ತದೆ. ಕೆಲಸ ಚೆನ್ನಾಗಿದ್ದರೆ ಚೆನ್ನಾಗಿದೆ ಎನ್ನಬೇಕು, ಸರಿಯಿಲ್ಲದಿದ್ದರೆ ಮುಖದ ಮೇಲೆಯೇ ಹೇಳಿಬಿಡಬೇಕು. ಈ ಗುಣ ನಮ್ಮಿಬ್ಬರಲ್ಲೂ ಇತ್ತು. ಹಂಸಲೇಖ ಅವರಿಗೆ ನಾನೇನು ಕೇಳುತ್ತೇನೆ ಎಂಬುದು ಗೊತ್ತು, ನನಗೂ ಅವರು ಏನು ಕೊಡಬಲ್ಲರು ಎಂಬ ಅರಿವಿತ್ತು. ಎಷ್ಟು ಸಲ ಅಂದರೆ, ಹಂಸಲೇಖ ಅವರೇ ತಮ್ಮ ಕಾಲ್‌ಶೀಟ್ ಕ್ಯಾಲೆಂಡರ್ ತಂದು ನನ್ನ ಕೈಗಿಟ್ಟು, ‘ಬಾಬು, ನಿಮಗೆ ಎಷ್ಟು ದಿವಸ ಬೇಕೋ ತಗೊಳ್ಳಿ’ ಎಂದು ಸಂಪೂರ್ಣ ಸ್ವಾತಂತ್ರ್ಯ ನೀಡುತ್ತಿದ್ದರು. ಆ ಮಟ್ಟಿನ ಆತ್ಮೀಯತೆ ನಮ್ಮ ನಡುವೆ ಇತ್ತು" ಎಂದು ಸ್ಮರಿಸಿಕೊಂಡಿದ್ದಾರೆ.

ಸಿನಿಮಾದಲ್ಲಿ ಮ್ಯಾಜಿಕ್ ಪ್ಲಾನ್ ಮಾಡಿ ಆಗಲ್ಲ, ತಾನಾಗೇ ಘಟಿಸಬೇಕು

ಅತ್ಯುತ್ತಮ ಹಾಡುಗಳು ಮತ್ತು ಸಿನಿಮಾಗಳು ಹುಟ್ಟುವ ಬಗೆಯನ್ನು ವಿವರಿಸಿದ ಅವರು, "ಸಿನಿಮಾರಂಗದಲ್ಲಿ ಯಾವುದೇ ಒಂದು ಕ್ಲಾಸಿಕ್ ಅನ್ನು ಮೊದಲೇ ಪ್ಲಾನ್ ಮಾಡಿ, ಲೆಕ್ಕಾಚಾರ ಹಾಕಿ ಸೃಷ್ಟಿಸಲು ಸಾಧ್ಯವೇ ಇಲ್ಲ. ‘ಶೋಲೆ’, ‘ಬಂಗಾರದ ಮನುಷ್ಯ’, ‘ಬಂಧನ’, ‘ಮಯೂರ’ ಅಥವಾ ‘ನಾಗರಹಾವು’ ನಂತಹ ಸಿನಿಮಾಗಳು ಹೇಗೆ ತಾನಾಗಿಯೇ ಒಂದು ಮ್ಯಾಜಿಕ್‌ನಂತೆ ಸೃಷ್ಟಿಯಾದವೋ, ಅದೇ ರೀತಿ ‘ಈ ಭೂಮಿ ಬಣ್ಣದ ಬುಗುರಿ’ ಹಾಡು ಕೂಡ ಕಾಲದ ಗರ್ಭದಿಂದ ಮೂಡಿಬಂತು. ಅದು ಎಲ್ಲಿ, ಹೇಗೆ, ಯಾವಾಗ ಘಟಿಸುತ್ತದೆ ಎಂಬುದು ಯಾರಿಗೂ ಗೊತ್ತಿರುವುದಿಲ್ಲ" ಎಂದು ಬಾಬು ಮಾರ್ಮಿಕವಾಗಿ ನುಡಿದರು.

ರಾಜ್ಯ ಸರ್ಕಾರ ನಮ್ಮ ಬೇಡಿಕೆಗೆ ಸ್ಪಂದಿಸಿಲ್ಲ, ನಾನು ದೇಹ ತ್ಯಾಗ ಮಾಡಿಯೇ ತೀರುತ್ತೇನೆ: ಜೈನ ಮುನಿ ಗುಣಧರನಂದಿ!

Gowthami K — Sat, 14 Nov 2026 12:58:46 +0530

ಹುಬ್ಬಳ್ಳಿ: ಜೈನ ಸಮುದಾಯದ ಬಹುದಿನಗಳ ನ್ಯಾಯಯುತ ಬೇಡಿಕೆಗಳನ್ನು ಈಡೇರಿಸುವಲ್ಲಿ ರಾಜ್ಯ ಸರ್ಕಾರ ತೀವ್ರ ನಿರ್ಲಕ್ಷ್ಯವಹಿಸುತ್ತಿದೆ. ಜೈನ ನಿಗಮ ಮಂಡಳಿ ಸ್ಥಾಪನೆ ಸೇರಿದಂತೆ ಐದು ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಡಿ.4ರಂದು ಚಿಕ್ಕೋಡಿಯಿಂದ ಬೆಳಗಾವಿಯ ಸುವರ್ಣಸೌಧದ ವರೆಗೆ ಬೃಹತ್ ಪಾದಯಾತ್ರೆ ಹಮ್ಮಿಕೊಳ್ಳಲಾಗಿದ್ದು, ಬೇಡಿಕೆ ಈಡೇರದಿದ್ದರೆ ಸುವರ್ಣಸೌಧದ ಎದುರು ಸಲ್ಲೇಖನ ವ್ರತ ಕೈಗೊಳ್ಳಲಾಗುವುದು ಎಂದು ವರೂರಿನ ಆಚಾರ್ಯ ಗುಣಧರನಂದಿ ಮಹಾರಾಜರು ಎಚ್ಚರಿಕೆ ನೀಡಿದ್ದಾರೆ.

ನಗರದಲ್ಲಿ ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಜೈನ ನಿಗಮ ಮಂಡಳಿ ಸ್ಥಾಪನೆ, ಸಾಧು-ಸಂತರಿಗೆ ರಕ್ಷಣೆ, ಬಡ ಜೈನ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿನಿಲಯ ಹಾಗೂ ಜೈನ ಸಾಧು-ಸಂತರ ರಾತ್ರಿ ವಾಸ್ತವ್ಯಕ್ಕೆ ವ್ಯವಸ್ಥೆ ಸೇರಿದಂತೆ ಐದು ಬೇಡಿಕೆಗಳ ಈಡೇರಿಕೆಗೆ ಹಲವು ಬಾರಿ ಸರ್ಕಾರದ ಗಮನ ಸೆಳೆಯಲಾಗಿದೆ. ಆದರೂ ಸ್ಪಂದನೆ ದೊರೆತಿಲ್ಲ. ಬೇಡಿಕೆ ಈಡೇರುವವರೆಗೂ ಹೋರಾಟ ಕೈಬಿಡುವುದಿಲ್ಲ. ಡಿಸೆಂಬರ್ 4ರಂದು ಚಿಕ್ಕೋಡಿಯಿಂದ ಬೆಳಗಾವಿಯ ಸುವರ್ಣ ಸೌಧದವರೆಗೆ ಬೃಹತ್ ಪಾದಯಾತ್ರೆ ನಡೆಸಲಾಗುವುದು. ಮೂರು ದಿನಗಳಲ್ಲಿ ಪಾದಯಾತ್ರೆ ಬೆಳಗಾವಿ ತಲುಪಲಿದ್ದು, ಗಡುವಿನೊಳಗೆ ಸರ್ಕಾರ ಬೇಡಿಕೆಗಳಿಗೆ ಸ್ಪಂದಿಸದಿದ್ದರೆ, ಸುವರ್ಣಸೌಧದ ಎದುರು ಆಮರಣಾಂತ ಸತ್ಯಾಗ್ರಹ ನಡೆಸಿ, ದೇಹತ್ಯಾಗಕ್ಕೂ ಸಿದ್ಧ ಎಂದು ಎಚ್ಚರಿಕೆ ನೀಡಿದರು.

ಜೈನ ಸಮಾಜದಲ್ಲಿ ಎಲ್ಲರೂ ಶ್ರೀಮಂತರಲ್ಲ. ಶೇ.90ರಷ್ಟು ಜನರು ಬಡವರ್ಗಕ್ಕೆ ಸೇರಿದವರಾಗಿದ್ದಾರೆ. ಅವರ ಶೈಕ್ಷಣಿಕ ಹಾಗೂ ಸಾಮಾಜಿಕ ಅಭಿವೃದ್ಧಿಗಾಗಿ ಹಲವು ವರ್ಷಗಳಿಂದ ಪ್ರಯತ್ನಿಸಲಾಗುತ್ತಿದೆ. ಬಡವರ ಪರ ಇರಬೇಕಾದ ಸರ್ಕಾರವೇ ನಿರ್ಲಕ್ಷ್ಯ ವಹಿಸಿರುವುದು ಬೇಸರದ ಸಂಗತಿ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ಈ ಹಿಂದೆಯೂ ಬೇಡಿಕೆಗಳ ಈಡೇರಿಕೆಗಾಗಿ ಹೋರಾಟ ಹಾಗೂ ಸಲ್ಲೇಖನ ವ್ರತ ಆರಂಭಿಸುವುದಾಗಿ ತಿಳಿಸಿದ್ದೆ. ಆಗ ಸಚಿವರಾದ ಸಂತೋಷ ಲಾಡ್‌, ಸತೀಶ ಜಾರಕಿಹೊಳಿ ಹಾಗೂ ಲಕ್ಷ್ಮೀ ಹೆಬ್ಬಾಳಕರ ಕರೆ ಮಾಡಿ ಸಮಸ್ಯೆ ಪರಿಹರಿಸುವ ಭರವಸೆ ನೀಡಿದ್ದರು. ಆದರೆ, ನಂತರ ಯಾವುದೇ ಬೆಳವಣಿಗೆಯಾಗಿಲ್ಲ. ಹೀಗಾಗಿ ನ.19ರಂದು ಬಾಗಲಕೋಟೆ ಜಿಲ್ಲೆಯ ಜಮಖಂಡಿ ತಾಲೂಕಿನ ತೇರದಾಳದಲ್ಲಿ ಜೈನ ಸಮಾಜದ ಪ್ರಮುಖರ ಮಹತ್ವದ ಪೂರ್ವಭಾವಿ ಸಭೆ. ಮತ್ತು ಕಾಗವಾಡ ಮತ್ತು ಅಥಣಿ ಕ್ಷೇತ್ರಗಳ ಶಾಸಕರಿಗೆ ಸಮುದಾಯದ ಬೇಡಿಕೆಗಳ ಕುರಿತು ಹಕ್ಕೊತ್ತಾಯದ ಮನವಿ ಪತ್ರ ಸಲ್ಲಿಸಲಾಗುವುದು.ಡಿ.4ರಂದು ಚಿಕ್ಕೋಡಿಯಿಂದ ಬೆಳಗಾವಿ ಸುವರ್ಣ ಸೌಧದವರೆಗೆ ನಿರ್ಣಾಯಕ ಬೃಹತ್ ಪಾದಯಾತ್ರೆ ನಡೆಸಲಾಗುವುದು ಎಂದು ಗುಣಧರನಂದಿ ಮುನಿಮಹಾರಾಜರು ಸರ್ಕಾರಕ್ಕೆ ಅಂತಿಮ ಎಚ್ಚರಿಕೆ ನೀಡಿದರು.

ಶಿಕ್ಷಣ ಸಚಿವರನ್ನು ವಜಾಗೊಳಿಸಿ:

ಜೈನ ಸನ್ಯಾಸಿಗಳು ವಿಹಾರ (ಪಾದಯಾತ್ರೆ) ನಡೆಸುವ ಸಂದರ್ಭದಲ್ಲಿ ಸ್ಥಳೀಯ ಸರ್ಕಾರಿ ಶಾಲೆಗಳಲ್ಲಿ ರಾತ್ರಿ ವಾಸ್ತವ್ಯಕ್ಕೆ ಅನುಮತಿ ನೀಡುವಂತೆ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಅವರಿಗೆ ಮನವಿ ಮಾಡಲಾಗಿತ್ತು. ಆದರೆ, ಸಚಿವರು ಇದಕ್ಕೆ ಕಿಂಚಿತ್ತೂ ಸ್ಪಂದಿಸದೆ, ಸನ್ಯಾಸಿಗಳಿಗೆ ಅಗೌರವ ತೋರಿದ್ದಾರೆ. ಇಂತಹ ಸಚಿವರನ್ನು ತಕ್ಷಣ ಸಂಪುಟದಿಂದ ವಜಾಗೊಳಿಸಬೇಕು, ಇಲ್ಲದಿದ್ದರೆ ಅವರ ವಿರುದ್ಧವೇ ರಾಜ್ಯಾದ್ಯಂತ ಹೋರಾಟ ರೂಪಿಸಬೇಕಾಗುತ್ತದೆ ಎಂದು ಎಚ್ಚರಿಸಿದರು. ಮತ್ತು ವಿಹಾರ ನಡೆಸುವ ಜೈನ ಸನ್ಯಾಸಿಗಳಿಗೆ ಸೂಕ್ತ ಪೊಲೀಸ್ ಭದ್ರತೆ ಒದಗಿಸುವಂತೆ ಗೃಹ ಸಚಿವರಿಗೂ ಆಗ್ರಹಿಸಿದರು.

ಪ್ರಮುಖ ಬೇಡಿಕೆಗಳು ಏನು?

ಜೈನ ನಿಗಮ ಮಂಡಳಿ ಸ್ಥಾಪನೆ ಮಾಡಬೇಕು

ಜೈನ ಸಾಧು-ಸಂತರಿಗೆ ಸರ್ಕಾರ ರಕ್ಷಣೆ ನೀಡಬೇಕು

ಬಡ ಜೈನ ವಿದ್ಯಾರ್ಥಿಗಳಿಗೆ ವಿದ್ಯಾರ್ಥಿನಿಲಯ ಕಟ್ಟಿಸಿ

ಶ್ರೀಗಳಿಗೆ ಶಾಲೆಗಳಲ್ಲಿ ರಾತ್ರಿ ವಾಸ್ತವ್ಯಕ್ಕೆ ವ್ಯವಸ್ಥೆ ಬೇಕು

ಬೇಡಿಕೆಗೆ ಸ್ಪಂದಿಸದ ಸಚಿವ ಮಧು ವಜಾ ಮಾಡಬೇಕು

ಬೇಡಿಕೆಗಳ ಈಡೇರಿಕೆಗೆ ಆಗ್ರಹಿಸಿ ಡಿ.4ರಿಂದ ಪಾದಯಾತ್ರೆ

ಸಮಾಜವಾದಿ ಸಂಸದೆ ಜೊತೆ ಕ್ರಿಕೆಟರ್ ರಿಂಕು ಸಿಂಗ್ ಮದುವೆ, ಬಿಜೆಪಿ ಸಿಎಂ ಯೋಗಿ ಆದಿತ್ಯನಾಥ್‌ಗೆ ಆಹ್ವಾನ

Chethan Kumar — Sat, 14 Nov 2026 12:54:35 +0530

ಲಖನೌ (ನ.14) ಟೀಂ ಇಂಡಿಯಾ ಕ್ರಿಕೆಟರ್ ರಿಂಕ್ ಸಿಂಗ್ ಮದುವೆ ಡಿಸೆಂಬರ್ 4ರಂದು ನಡೆಯಲಿದೆ. ಸಮಾಜವಾದಿ ಪಕ್ಷದ ಯುವ ಸಂಸದೆಯಾಗಿ ಗಮನ ಸೆಳೆದಿರುವ ಪ್ರಿಯಾ ಸರೋಜ್ ಜೊತೆ ವಿವಾಹ ಮಹೋತ್ಸವ ನಡೆಯಲಿದೆ. ಲಖನೌದಲ್ಲಿ ಮದುವೆ ಸಮಾರಂಭ ಆಯೋಜನೆಗೊಂಡಿದೆ. ಈಗಾಗಲೇ ಹಲವು ಗಣ್ಯರು, ಕ್ರಿಕೆಟಿಗರು, ಸಚಿವರಿಗೆ ಆಹ್ವಾನ ನೀಡಲಾಗಿದೆ. ಇದೀಗ ರಿಂಕು ಸಿಂಗ್ ಕುಟುಂಬಸ್ಥರು ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಭೇಟಿಯಾಗಿ ಆಹ್ವಾನ ನೀಡಿದ್ದಾರೆ.

ರಿಂಕು ಸಿಂಗ್ ಅವರ ತಾಯಿ ಬೀನಾ ದೇವಿ, ಸಹೋದರ ಸೋನು ಸಿಂಗ್ ಮತ್ತು ಸಹೋದರಿ ನೇಹಾ ಸಿಂಗ್ ಲಕ್ನೋದಲ್ಲಿರುವ ಮುಖ್ಯಮಂತ್ರಿಗಳ ನಿವಾಸಕ್ಕೆ ತೆರಳಿ ಯೋಗಿ ಆದಿತ್ಯನಾಥ್ ಅವರಿಗೆ ವಿವಾಹ ಆಮಂತ್ರಣ ಪತ್ರಿಕೆಯನ್ನು ಹಸ್ತಾಂತರಿಸಿದರು. ಡಿಸೆಂಬರ್ 4ರಂದು ಲಕ್ನೋದ ಪ್ರತಿಷ್ಠಿತ ರಮಾಡಾ (Ramada) ಹೋಟೆಲ್‌ನಲ್ಲಿ ಈ ಅದ್ಧೂರಿ ವಿವಾಹ ಸಮಾರಂಭ ನಡೆಯಲಿದೆ. ಟೀಂ ಇಂಡಿಯಾ ಕ್ರಿಕೆಟಿಗರು ಹಾಗೂ ರಾಜಕೀಯ ಕ್ಷೇತ್ರದ ಪ್ರಮುಖ ಗಣ್ಯರು ಈ ಶುಭ ಸಮಾರಂಭಕ್ಕೆ ಸಾಕ್ಷಿಯಾಗಲಿದ್ದಾರೆ.

ರಿಂಕು ಸಿಂಗ್ ಮದುವೆಯಾಗಲಿರುವ ವಧು ಸಮಾಜವಾದಿ ಪಕ್ಷದ ಸಂಸದೆಯಾಗಿ ಗಮನಸೆಳೆದಿದ್ದಾರೆ. ಸಮಾಜವಾಗಿ ಪಕ್ಷದ ಮುಖ್ಯಸ್ಥ ಅಖಿಲೇಶ್ ಯಾದವ್‌ಗೆ ಪ್ರಿಯಾ ಸರೋಜ್ ಕುಟುಂಬ ಆಹ್ವಾನ ನೀಡಿದೆ. ಇತ್ತ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರಿಗೆ ರಿಂಕು ಸಿಂಗ್ ಕುಟುಂಬ ಆಹ್ವಾನ ನೀಡಿದೆ. ರಿಂಕು ಸಿಂಗ್ ಮದುವೆಯಲ್ಲಿ ರಾಜಕೀಯ ಗಣ್ಯರ ದಂಡೇ ಇರಲಿದೆ.

ನಿಶ್ಚಿತಾರ್ಥದ ಒಂದೂವರೆ ವರ್ಷದ ಬಳಿಕ ಮದುವೆ

ಕ್ರಿಕೆಟ್ ಮತ್ತು ರಾಜಕೀಯ ಕ್ಷೇತ್ರದ ಎರಡು ಯುವ ಪ್ರತಿಭೆಗಳನ್ನು ಒಂದುಗೂಡಿಸುತ್ತಿರುವ ಈ ವಿವಾಹವು ಕಳೆದ ಕೆಲವು ಸಮಯದಿಂದ ಭಾರಿ ಕುತೂಹಲ ಕೆರಳಿಸಿತ್ತು. ಕಳೆದ ವರ್ಷ ಅಂದರೆ 2025ರ ಜೂನ್ 8ರಂದು ಲಕ್ನೋದ 'ದಿ ಸೆಂಟ್ರಮ್' (The Centrum) ಹೋಟೆಲ್‌ನಲ್ಲಿ ರಿಂಕು ಮತ್ತು ಪ್ರಿಯಾ ಅವರ ನಿಶ್ಚಿತಾರ್ಥವು ಆಪ್ತರ ಸಮ್ಮುಖದಲ್ಲಿ ನೆರವೇರಿತ್ತು. ನಿಶ್ಚಿತಾರ್ಥ ನಡೆದ ಸುಮಾರು ಒಂದೂವರೆ ವರ್ಷಗಳ ಬಳಿಕ ಇದೀಗ ಎರಡೂ ಕುಟುಂಬಗಳು ಮದುವೆ ದಿನಾಂಕವನ್ನು ಅಂತಿಮಗೊಳಿಸಿ ಸಿದ್ಧತೆಯಲ್ಲಿ ತೊಡಗಿವೆ.

ಕೋವಿಡ್ ಸಮಯದಲ್ಲಿ ಚಿಗುರಿದ ಪ್ರೀತಿ

ತಮ್ಮ ನಿಶ್ಚಿತಾರ್ಥದ ಬಳಿಕ ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ರಿಂಕು ಸಿಂಗ್, ತಮ್ಮ ಮತ್ತು ಪ್ರಿಯಾ ಅವರ ಪ್ರೇಮಕಥೆ ಶುರುವಾದ ಬಗೆಯನ್ನು ಹಂಚಿಕೊಂಡಿದ್ದರು. ಕೊರೋನಾ ಸಮಯದಲ್ಲಿ ಮುಂಬೈನಲ್ಲಿ ಐಪಿಎಲ್ ನಡೆಯುತ್ತಿದ್ದಾಗ, ಪ್ರಿಯಾ ಅವರ ಗ್ರಾಮದ ಮತದಾನಕ್ಕೆ ಸಂಬಂಧಿಸಿದ ಫ್ಯಾನ್ ಪೇಜ್ ಒಂದರಲ್ಲಿ ನಾನು ಮೊದಲ ಬಾರಿಗೆ ಅವರ ಫೋಟೋ ನೋಡಿದ್ದೆ. ಆಗಲೇ ಇವರು ನನಗೆ ಸೂಕ್ತ ಜೋಡಿ ಎನಿಸಿತ್ತು. ಆದರೆ, ಅವರಿಗೆ ಮೆಸೇಜ್ ಮಾಡಲು ಮೊದಲು ಹಿಂಜರಿದಿದ್ದೆ. ಬಳಿಕ ಅವರು ನನ್ನ ಕೆಲವು ಫೋಟೋಗಳನ್ನು ಲೈಕ್ ಮಾಡಿದಾಗ ಧೈರ್ಯ ಮಾಡಿ ಮೆಸೇಜ್ ಕಳುಹಿಸಿದೆ. ಅಲ್ಲಿಂದ ನಮ್ಮ ಮಾತುಕತೆ ಶುರುವಾಯಿತು" ಎಂದು ರಿಂಕು ತಿಳಿಸಿದ್ದರು.

2022ರ ವೇಳೆಗೆ ಪಂದ್ಯಗಳಿಗೂ ಮುನ್ನ ನಾವು ನಿಯಮಿತವಾಗಿ ಮಾತನಾಡಲು ಆರಂಭಿಸಿದೆವು, ಆಗಲೇ ನನಗೆ ಪ್ರೀತಿಯ ಅನುಭವವಾಯಿತು" ಎಂದು ರಿಂಕು ಹೇಳಿಕೊಂಡಿದ್ದರು. ಅಂದಿನಿಂದ ಪ್ರಿಯಾ ಸರೋಜ್ ಅವರು ಮೈದಾನಕ್ಕೆ ಬಂದು ರಿಂಕು ಸಿಂಗ್ ಅವರಿಗೆ ಬೆಂಬಲ ನೀಡುತ್ತಿದ್ದಾರೆ. ಕೋಲ್ಕತ್ತಾ ನೈಟ್ ರೈಡರ್ಸ್ (KKR) ತಂಡದ ಪಂದ್ಯಗಳ ವೇಳೆ ಈಡನ್ ಗಾರ್ಡನ್ಸ್ ಕ್ರೀಡಾಂಗಣದಲ್ಲಿ ಪ್ರಿಯಾ ಅವರು ರಿಂಕು ಪರ ಚಿಯರ್ ಮಾಡುತ್ತಿರುವುದು ಹಲವು ಬಾರಿ ಕಂಡುಬಂದಿತ್ತು.

ಮೈದಾನಕ್ಕೆ ಮರಳಲು ಸಜ್ಜಾದ ರಿಂಕು ಸಿಂಗ್:

ಮತ್ತೊಂದೆಡೆ, ಕಳೆದ ಜುಲೈನಲ್ಲಿ ನಡೆದ ಜಿಂಬಾಬ್ವೆ ಪ್ರವಾಸದ ಬಳಿಕ ಟೀಂ ಇಂಡಿಯಾದಿಂದ ದೂರವಿದ್ದ ರಿಂಕು ಸಿಂಗ್, ಇದೀಗ ಮತ್ತೆ ಕ್ರಿಕೆಟ್ ಮೈದಾನಕ್ಕೆ ಮರಳಲು ಸಜ್ಜಾಗಿದ್ದಾರೆ. ನವೆಂಬರ್ 19ರಿಂದ 29ರವರೆಗೆ ದೋಹಾದಲ್ಲಿ ನಡೆಯಲಿರುವ 'ಎಸಿಸಿ ರೈಸಿಂಗ್ ಸ್ಟಾರ್ಸ್ ಏಷ್ಯಾ ಕಪ್ ಟೂರ್ನಿಯಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ.

ಕಿವಿಚುಚ್ಚುವ ಕಾರ್ಯಕ್ಕೆ ನಾಲ್ಕೈದು ಕೋಟಿ ಖರ್ಚು! ಅಮ್ಮನಿಗೆ ಕೆಜಿಗಟ್ಟಲೆ ಚಿನ್ನಾಭರಣ- ವೈರಲ್ ವಿಡಿಯೋಗೆ ಜನ ಸುಸ್ತು

Suchethana D — Sat, 14 Nov 2026 12:33:37 +0530

ಚೆನ್ನೈ: ಹಣವನ್ನು ಹೇಗೆ ಖರ್ಚು ಮಾಡುವುದು ಎಂದು ತಿಳಿಯದೇ ಪೋಲು ಮಾಡುವ ಅಸಂಖ್ಯ ಉದಾಹರಣೆಗಳು ಪ್ರತಿನಿತ್ಯ ನಡೆಯುತ್ತಲೇ ಇರುತ್ತವೆ. ಅದೆಷ್ಟೋ ಮಂದಿಗೆ ಹೊತ್ತಿನ ತುತ್ತಿಗೂ ಹಣ ಹೊಂದಿಸುವುದು ಕಷ್ಟವಾದರೆ, ಮತ್ತೆ ಕೆಲವರಿಗೆ ಇರುವ ಹಣವನ್ನು ಖರ್ಚು ಮಾಡಲು ದಾರಿ ತೋರದೇ ಒದ್ದಾಡುವುದೂ ಇದೆ. ಅದರಲ್ಲಿಯೂ ಹಲವು ರಾಜಕಾರಣಿಗಳು ಅದ್ಯಾವ ರೀತಿಯಲ್ಲಿ ಹಣ ಮಾಡುತ್ತಾರೆ ಎನ್ನುವುದು ಬೇರೆ ಹೇಳಬೇಕಾಗಿಲ್ಲ ಬಿಡಿ. ಕಷ್ಟಪಟ್ಟು ದುಡಿದ ಹಣದ ಬೆಲೆ ಕಷ್ಟಪಟ್ಟು ದುಡಿದವರಿಗೆ ಅಷ್ಟೇ ಗೊತ್ತಿರುತ್ತದೆ. ಆದರೆ ಸುಲಭದಲ್ಲಿ ಸಿಗುವ ಹಣವನ್ನು ನೀರಿನಂತೆ ಪೋಲು ಮಾಡಿ ಇತರರಿಗೆ ತಮ್ಮ ಶ್ರೀಮಂತಿಕೆಯ ತಾಕತ್ತು ತೋರಿಸುವುದು ಕೆಲವರ ಖಯಾಲಿ.

ಇದೀಗ ತಮಿಳುನಾಡಿನ ತಿರುವರೂರಿನ ಘಟನೆಯ ವಿಡಿಯೋ ವೈರಲ್ ಆಗಿದ್ದು, ನಿಜಕ್ಕೂ ಇದು ಬೆಚ್ಚಿಬೀಳಿಸುವಂತಿದೆ. ಇದು ಡಿಎಂಕೆ ಕಾರ್ಯಕರ್ತರರೊಬ್ಬರ ಕುಟುಂಬದ 10 ವರ್ಷದ ಬಾಲಕಿಯ ಕಿವಿಚುಚ್ಚುವ ಕಾರ್ಯ ಎನ್ನಲಾಗಿದೆ. ಈ ಕುಟುಂಬವು, ಈ ಕಾರ್ಯಕ್ಕೆ 60 ಲಕ್ಷ ರೂಪಾಯಿ ನಗದು, ಸುಮಾರು 50 ಪೌಂಡ್ ತೂಕದ ಚಿನ್ನಾಭರಣಗಳು, ಒಂದು ಐಷಾರಾಮಿ ಕಾರು ಮತ್ತು ಹಲವಾರು ಟ್ರಕ್‌ಗಳಲ್ಲಿ ಉಡುಗೊರೆಗಳನ್ನು ಮೆರವಣಿಗೆ ಮೂಲಕ ಕೊಂಡೊಯ್ಯುವ ದೃಶ್ಯ ವೈರಲ್ ಆಗಿದೆ. ತಿರುವರೂರಿನ ಡಿಎಂಕೆ ಜಿಲ್ಲಾ ಪ್ರತಿನಿಧಿ ಗೋಕುಲ್ ಅವರ ಸಹೋದರಿ ಶರಣ್ಯ ಅವರ 10 ವರ್ಷದ ಮಗಳಿಗಾಗಿ ಈ ಸಮಾರಂಭವನ್ನು ಆಯೋಜಿಸಲಾಗಿದೆ ಎಂದು ವರದಿಯಾಗಿದೆ.

ಹುಡುಗಿ ಮತ್ತು ಅವರ ಕುಟುಂಬಕ್ಕೆ ನೀಡಲಾಗುವ ಸಾಂಪ್ರದಾಯಿಕ ವಿದ್ಯುಕ್ತ ಉಡುಗೊರೆಗಳನ್ನು ವಾಹನಗಳಲ್ಲಿ ಕೊಂಡೊಯ್ಯಲಾಗಿದೆ. ಇದರಲ್ಲಿ ಬಾಲಕಿಯ ಜೊತೆ ಕೆಜಿಗಟ್ಟಲೆ ಚಿನ್ನವನ್ನು ಧರಿಸಿರುವ ಆಕೆಯ ಅಮ್ಮನನ್ನೂ ನೋಡಬಹುದಾಗಿದೆ. ಇಷ್ಟೇ ಅಲ್ಲದೇ, 500 ರೂಪಾಯಿಗಳ ಕರೆನ್ಸಿ ನೋಟುಗಳ ಬಂಡಲ್‌ಗಳನ್ನು ಪ್ರದರ್ಶಿಸಲು ಎರಡು ಗಾಜಿನ ಪೆಟ್ಟಿಗೆಗಳನ್ನು ಬಳಸಲಾಗಿದೆ ಎಂದು ವರದಿಯಾಗಿದೆ, ಪ್ರತಿ ಪೆಟ್ಟಿಗೆಯಲ್ಲಿ 30 ಲಕ್ಷ ರೂಪಾಯಿ ಇರಿಸಲಾಗಿದ್ದು, ಒಟ್ಟು ನಗದು ಪ್ರದರ್ಶನ 60 ಲಕ್ಷಕ್ಕೆ ತಲುಪಿದೆ. ಸಮಾರಂಭದಲ್ಲಿ ಸುಮಾರು 50 ಪೌಂಡ್ ತೂಕದ ಚಿನ್ನದ ಆಭರಣಗಳು ಸಹ ಇದ್ದವು ಎಂದು ವರದಿಯಾಗಿದೆ. ಆಭರಣಗಳಲ್ಲಿ ಹಾರಗಳು, ಬಳೆಗಳು, ಕಿವಿಯೋಲೆಗಳು, ಜುಮ್ಕಾಗಳು, ಕಾಲ್ಗೆಜ್ಜೆಗಳು ಮತ್ತು ಇತರ ಆಭರಣಗಳು ಸೇರಿವೆ. ಈ ಅದ್ಧೂರಿ ಸಮಾರಂಭದ ಭಾಗವಾಗಿ ಕುಟುಂಬವು ಸುಮಾರು ₹33 ಲಕ್ಷ ಮೌಲ್ಯದ ಹೊಚ್ಚ ಹೊಸ ಅತ್ಯಾಧುನಿಕ ಮಹೀಂದ್ರಾ ವಾಹನವನ್ನು ಉಡುಗೊರೆಯಾಗಿ ನೀಡಿತ್ತು ಎಂದು ವರದಿಯಾಗಿದೆ.

ಏನೇನು ಉಡುಗೊರೆ ನೋಡಿ

ಮೆರವಣಿಗೆ ಅಲ್ಲಿಗೆ ನಿಲ್ಲಲಿಲ್ಲ. ಸುಮಾರು 500 ಮೊಟ್ಟೆಗಳು, 50 ಕಬ್ಬಿನ ಕಟ್ಟುಗಳು ಮತ್ತು ನೂರಾರು ವಿವಿಧ ವಿಧ್ಯುಕ್ತ ಉಡುಗೊರೆ ಟ್ರೇಗಳು ಸೇರಿದಂತೆ ಹಲವಾರು ಲಾರಿಗಳು ಉಡುಗೊರೆಯನ್ನು ಹೊತ್ತೊಯ್ದಿವೆ! ಕಾರ್ಯಕ್ರಮದ ವೀಡಿಯೊಗಳು ಮಹಿಳೆಯರು ಆಭರಣಗಳು ಮತ್ತು ವಿದ್ಯುಕ್ತ ವಸ್ತುಗಳನ್ನು ಹೊತ್ತೊಯ್ಯುತ್ತಿರುವುದನ್ನು ತೋರಿಸಿದವು, ಆದರೆ ವ್ಯವಸ್ಥೆಗಳ ಪ್ರಮಾಣವು ಸಾಮಾಜಿಕ ಮಾಧ್ಯಮದಲ್ಲಿ ಗಮನ ಸೆಳೆಯಿತು. ಗೋಕುಲ್ ಅವರ ತಂದೆ ರಾಮು ಡಿಎಂಕೆ ಕೌನ್ಸಿಲರ್ ಎಂದು ವರದಿಯಾಗಿದೆ. ಕುಟುಂಬವನ್ನು ಸ್ವಾಗತಿಸಲು ನೆರೆದಿದ್ದ ಜನರಿಗೆ ಅವರು ₹500 ಕರೆನ್ಸಿ ನೋಟುಗಳನ್ನು ವಿತರಿಸುವುದನ್ನು ಸಹ ನೋಡಬಹುದಾಗಿದೆ. ಒಟ್ಟಿನಲ್ಲಿ ವೈರಲ್ ವಿಡಿಯೋದಿಂದ ನಾಲ್ಕೈದು ಕೋಟಿ ರೂಪಾಯಿಗಿಂತಲೂ ಹೆಚ್ಚು ಖರ್ಚು ಮಾಡಿರುವುದನ್ನು ನೋಡಬಹುದಾಗಿದೆ.

ಕುಟುಂಬದ ಹಿನ್ನೆಲೆ

ಸಮಾರಂಭದ ಕೇಂದ್ರಬಿಂದುವಾಗಿದ್ದ ಶರಣ್ಯ ಅವರ ಮಗಳು ಮಧುರೈನ ಕಾಲೇಜಿನಲ್ಲಿ ಪ್ರಾಧ್ಯಾಪಕಿಯಾಗಿ ಕೆಲಸ ಮಾಡುತ್ತಿದ್ದಾರೆ ಎಂದು ವರದಿಯಾಗಿದೆ. ಅವರ ಪತಿ ಕಥಿರವನ್ ತಂಜಾವೂರಿನಲ್ಲಿ ತಮಿಳುನಾಡು ಹೆದ್ದಾರಿ ಇಲಾಖೆಯಲ್ಲಿ ಅಕೌಂಟೆಂಟ್ ಆಗಿ ಕೆಲಸ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಕುಟುಂಬದ ಸಂಪತ್ತಿನ ಪ್ರದರ್ಶನವು ಹಣ ಮತ್ತು ಆಭರಣಗಳ ಮೂಲದ ಬಗ್ಗೆಯೂ ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ವರದಿಯಲ್ಲಿ ಉಲ್ಲೇಖಿಸಲಾದ ಸಂಬಂಧಿಕರ ಪ್ರಕಾರ, ಮೂಲತಃ ಉಸಿಲಂಪಟ್ಟಿಯವನಾದರೂ ಈಗ ತಿರುವರೂರಿನಲ್ಲಿ ಡಿಎಂಕೆ ಜಿಲ್ಲಾ ಪ್ರತಿನಿಧಿಯಾಗಿರುವ ಗೋಕುಲ್ ಹಲವಾರು ವ್ಯವಹಾರಗಳಲ್ಲಿ ತೊಡಗಿಸಿಕೊಂಡಿದ್ದಾರೆ. ಇವುಗಳಲ್ಲಿ ಚಿಟ್ ಫಂಡ್ ಮತ್ತು ಹಣಕಾಸು ಕಾರ್ಯಾಚರಣೆಗಳು, ಬೇಕರಿ ಮತ್ತು ಸಿಹಿತಿಂಡಿಗಳ ವ್ಯವಹಾರ ಮತ್ತು ವೇಲಾಂಕಣಿಯಲ್ಲಿ ವಸತಿ ಸೌಲಭ್ಯ ಸೇರಿವೆ ಎಂದು ವರದಿಯಾಗಿದೆ. ಕುಟುಂಬವು ಈ ವ್ಯವಹಾರಗಳ ಮೂಲಕ ಕೆಲವು ಕಾಲದಿಂದ ಸಂಪತ್ತನ್ನು ಸಂಗ್ರಹಿಸಿದೆ ಮತ್ತು ಕುಟುಂಬದ ಮಹಿಳೆಯರಿಗೆ ಚಿನ್ನಾಭರಣಗಳನ್ನು ಖರೀದಿಸಿದೆ ಎಂದು ಸಂಬಂಧಿಕರು ಹೇಳಿಕೊಂಡಿದ್ದಾರೆ.

ಕಾರವಾರ: ಹೇರ್ ಕಟಿಂಗ್ ಶಾಪ್‌ಗೆ ಬಂದ 10 ವರ್ಷದ ಬಾಲಕಿಗೆ ಕಿರುಕುಳ, ಪೊಕ್ಸೊ ಕೇಸ್ ದಾಖಲಾಗುತ್ತಿದ್ದಂತೆ ಆರೋಪಿ ಎಸ್ಕೇಪ್!

Ravi Janekal — Sat, 14 Nov 2026 12:31:29 +0530

ಸೆಲ್ಯೂನ್‌ಗೆ ಹೇರ್ ಕಟ್ ಮಾಡಿಸಲು ಬಂದ ಹತ್ತು ವರ್ಷದ ಬಾಲಕಿಗೆ ಉತ್ತರ ಪ್ರದೇಶ ಮೂಲದ ವ್ಯಕ್ತಿಯೋರ್ವ ಕಿರುಕುಳ ನೀಡಿದ ಆಘಾತಕಾರಿ ಘಟನೆ ಉತ್ತರಕನ್ನಡದಲ್ಲಿ ನಡೆದಿದ್ದು. ಪರಾರಿಯಾಗಿರುವ ಆರೋಪಿಯ ಬಂಧನಕ್ಕೆ ಬಾಲಕಿಯ ಪೋಷಕರು, ಗ್ರಾಮಸ್ಥರು ಠಾಣೆ ಮುಂದೆ ಪ್ರತಿಭಟನೆ ನಡೆಸಿದರುರ.

ಕಾರವಾರ, ಉತ್ತರ ಕನ್ನಡ (ನ.14): ಹೇರ್ ಕಟಿಂಗ್ ಶಾಪ್‌ಗೆ ಬಂದಿದ್ದ ಅಪ್ರಾಪ್ತ ಬಾಲಕಿ ಮೇಲೆ ಲೈ ಗಿಕ ದೌರ್ಜನ್ಯ ಎಸಗಿದ ಆರೋಪ ಕೇಳಿಬಂದಿದೆ. ಈ ಪ್ರಕರಣ ಸಂಬಂಧ ಉತ್ತರ ಪ್ರದೇಶ ಮೂಲದ ಹೇರ್ ಕಟಿಂಗ್ ಶಾಪ್ ಸಿಬ್ಬಂದಿ ಸಂಶಾದ್ ವಿರುದ್ಧ ಚಿತ್ತಾಕುಲ ಪೊಲೀಸ್ ಠಾಣೆಯಲ್ಲಿ ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ.

ಆರೋಪಿ ವಿರುದ್ಧ ಮಗುವಿನ ಪೋಷಕರು ಪೊಲೀಸ್ ಠಾಣೆಗೆ ತೆರಳಿ ಪೋಕ್ಸೊ ಪ್ರಕರಣ ದಾಖಲಿಸಿದ್ದಾರೆ. ಯಾವಾಗ ತನ್ನ ವಿರುದ್ಧ ಪ್ರಕರಣ ದಾಖಲಾಗುತ್ತಿದ್ದಂತೆ ಆರೋಪಿ ಸಂಶಾದ್ ನಾಪತ್ತೆಯಾಗಿದ್ದಾನೆ. ಆರೋಪಿಯನ್ನು ಕೂಡಲೇ ಪತ್ತೆಹಚ್ಚಿ ಬಂಧಿಸುವಂತೆ ಆಗ್ರಹಿಸಿ ಕಾರವಾರ ತಾಲೂಕಿನ ಚಿತ್ತಾಕುಲ ಪೊಲೀಸ್ ಠಾಣೆ ಎದುರು ಮಾಜಾಳಿ ಗ್ರಾಮಸ್ಥರು ಪ್ರತಿಭಟನೆ ನಡೆಸಿದ್ದಾರೆ.

ಅಪ್ರಾಪ್ತ ಬಾಲಕಿ ಮೇಲೆ ದೌರ್ಜನ್ಯ ಸಾಮಾನ್ಯ ಪ್ರಕರಣವಲ್ಲ. ಇದನ್ನು ಪೊಲೀಸ್ ಇಲಾಖೆ ಗಂಭೀರವಾಗಿ ಪರಿಗಣಿಸಬೇಕು, ಶೀಘ್ರವೇ ಆರೋಪಿಯನ್ನ ಪತ್ತೆ ಹಚ್ಚಿ ಬಂಧಿಸುವಂತೆ ಮಾಜಾಳಿ, ವಾಂಗಡ ಭಾಗದ ಸಾರ್ವಜನಿಕರು ಪ್ರತಿಭಟನೆ ನಡೆಸಿ ಒತ್ತಾಯಿಸಿದ್ದಾರೆ.

ಸದ್ಯ ಆರೋಪಿಯನ್ನ ಪತ್ತೆಹಚ್ಚಿ ಬಂಧಿಸಿ ಕಠಿಣ ಕ್ರಮ ಕೈಗೊಳ್ಳುವ ಭರವಸೆ ನೀಡಿರುವ ಪೊಲೀಸರು. ಗ್ರಾಮಸ್ಥರ ದೂರು ಆಧಾರಿಸಿ ತನಿಖೆ ನಡೆಸಲಿದ್ದಾರೆ. ಉತ್ತರ ಪ್ರದೇಶ ಮೂಲದವನಾದ ಆರೋಪಿಯು ಇದೇ ರೀತಿ ಬೇರೆ ಯಾವುದೇ ಕ್ರಿಮಿನಲ್ ಪ್ರಕರಣದಲ್ಲಿ ಭಾಗಿಯಾಗಿದ್ದಾನೆಯೇ ಎಂಬ ಗ್ರಾಮಸ್ಥರಿಗೆ ಅನುಮಾನ ಮೂಡಿಸಿದೆ. ಈ ಹಿನ್ನೆಲೆ ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ ಆರೋಪಿಯನ್ನು ಬಂಧಿಸುವಂತೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಉಡುಪಿಗೆ ಬಂದ ಭೂಗತ ಪಾತಕಿ ರವಿ ಪೂಜಾರಿ, ತಾಯಿಯ ಮೃತದೇಹದ ಮುಂದೆ ಬಿಕ್ಕಿ ಬಿಕ್ಕಿ ಅತ್ತ ಗ್ಯಾಂಗ್‌ಸ್ಟರ್

Gowthami K — Sat, 14 Nov 2026 12:28:24 +0530

ಭೂಗತ ಪಾತಕಿ ರವಿ ಪೂಜಾರಿ ತಾಯಿಯ ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಳ್ಳಲು ಭಾರಿ ಬಿಗಿ ಪೊಲೀಸ್ ಬಂದೋಬಸ್ತ್‌ನಲ್ಲಿ ಉಡುಪಿಗೆ ಬಂದಿದ್ದಾನೆ. ತಾಯಿಯ ಮೃತದೇಹದ ನೋಡುತ್ತಿದ್ದಂತೆಯೇ ಬಿಕ್ಕಿ ಬಿಕ್ಕಿ ಅತ್ತಿದ್ದಾನೆ

ಉಡುಪಿ ಮೂಲದ ಭೂಗತ ಪಾತಕಿ ರವಿ ಪೂಜಾರಿಯ ತಾಯಿ ಸುಶೀಲಾ ಪೂಜಾರ್ತಿ ಗುರುವಾರ ರಾತ್ರಿ ನಿಧನರಾಗಿದ್ದು, ಈ ಹಿನ್ನೆಲೆಯಲ್ಲಿ ರವಿ ಪೂಜಾರಿ ತಾಯಿಯ ಅಂತ್ಯಕ್ರಿಯಲ್ಲಿ ಭಾಗವಹಿಸಲು ರಾಜ್ಯ ಹೈಕೋರ್ಟ್ ಅನುಮತಿ ನೀಡಿದೆ. ಮಲ್ಪೆ ಸಮೀಪದ ನೆರ್ಗಿಯ ಹಿರಿಯರ ಮನೆಯಲ್ಲಿ ಶನಿವಾರ ಬೆಳಗ್ಗೆ 10 ಗಂಟೆಗೆ ನಡೆಯುವ ತಾಯಿಯ ಅಂತ್ಯಕ್ರಿಯೆಯಲ್ಲಿ ರವಿ ಪೂಜಾರಿ ಭಾಗವಹಿಸಲಿದ್ದು, ಬೆಂಗಳೂರಿಂದ ಭಿಗಿ ಪೊಲೀಸ್ ಬಂದೋಬಸ್ತ್‌ ನಲ್ಲಿ ಕರೆತರಲಾಗಿದೆ.

ತಾನು ಹುಟ್ಟಿದ ಮನೆಗೆ ಬಂದ ಕೂಡ ತಾಯಿಯ ಮೃತ ಶರೀರದ ಮುಂದೆ ತನ್ನ ಹಳೆಯ ನೆನಪುಗಳನ್ನು ಮೆಲುಕು ಹಾಕಿದ ರವಿ ಪೂಜಾರಿ ಬಿಕ್ಕಿ ಬಿಕ್ಕಿ ಅತ್ತು ಕುಸಿದು ಕೂತರು. ಬಳಿಕ ಅಂತ್ಯಕ್ರಿಯೆಯ ವಿಧಿವಿಧಾನ ನಡೆಸಲು ತಯಾರಿ ನಡೆಸಿದರು.

ಬೆಂಗಳೂರು ಕಾರಾಗೃಹ ಇಲಾಖೆಯ ಪೊಲೀಸರ ಸರ್ಪಗಾವಲಿನಲ್ಲಿ ಇಂದು ಉಡುಪಿಗೆ ತಲುಪಿದ್ದು, ಉಡುಪಿಯಲ್ಲಿಯೂ ಸ್ಥಳೀಯ ಪೊಲೀಸರು ಹೆಚ್ಚುವರಿ ಭದ್ರತೆಗೆ ವ್ಯವಸ್ಥೆ ಮಾಡಿದ್ದಾರೆ. ಈ ಬಗ್ಗೆ ಉಡುಪಿ ಎಸ್ಪಿ ಹರಿರಾಮ್ ಶಂಕರ್ ಮಾಹಿತಿ ನೀಡಿದ್ದಾರೆ.

ಪಾತಕಿ ಛೋಟ ರಾಜನ್‌ ಸಹಚರನಾಗಿದ್ದ ರವಿ ಪೂಜಾರಿ ಕರ್ನಾಟಕ, ಮಹಾರಾಷ್ಟ್ರ, ಕೇರಳ ರಾಜ್ಯಗಳಲ್ಲಿ ಕೊ*ಲೆ, ಕೊ*ಲೆಯತ್ನ, ಜೀವಬೆದರಿಕೆ, ಹಪ್ತಾ ವಸೂಲಿ ಇತ್ಯಾದಿ 90 ಕ್ಕೂ ಹೆಚ್ಚು ಅಪರಾಧಿ ಪ್ರಕರಣಗಳಲ್ಲಿ ಭಾಗಿಯಾಗಿ, 26 ವರ್ಷಗಳ ಕಾಲ ವಿದೇಶಗಳಲ್ಲಿ ತಲೆಮರೆಸಿಕೊಂಡಿದ್ದ. 2019ರ ಜನವರಿ 19ರಂದು ಪಶ್ಚಿಮ ಆಫ್ರಿಕಾದ ಸೆನೆಗಲ್‌ನಲ್ಲಿ ಕರ್ನಾಟಕ ಪೊಲೀಸರು ಆತನನ್ನು ಬಂಧಿಸಿ ಬೆಂಗಳೂರಿಗೆ ಕರೆತಂದಿದ್ದರು.

ಬಂಧನದ ಬಳಿಕ ಆತನ ಮೇಲಿರುವ ಪ್ರಕರಣಗಳ ವಿಚಾರಣೆ ನಡೆಯುತ್ತಿದ್ದು, 6 ವರ್ಷಗಳಿಂದ ಬೆಂಗಳೂರಿನ ಜೈಲಿನಲ್ಲಿದ್ದಾನೆ. ಆತನನ್ನು ಕರೆತರುವ ಮತ್ತು ಭದ್ರತೆಯ ವೆಚ್ಚವನ್ನು ಪೊಲೀಸ್ ಎಸ್ಕಾರ್ಟ್ ವ್ಯವಸ್ಥೆಯ ಸಂಪೂರ್ಣ ವೆಚ್ಚವನ್ನು ರವಿ ಪೂಜಾರಿಯೇ ಭರಿಸಬೇಕು ಎಂದು ನ್ಯಾಯಾಲಯ ಹೇಳಿದೆ. ಅಂತ್ಯಕ್ರಿಯೆ ಮುಗಿದ ತಕ್ಷಣ ಮರಳಿ ಜೈಲಿಗೆ ಸೇರಿಸುವಂತೆ ನ್ಯಾಯಾಲಯ ಆದೇಶಿಸಿದೆ.

ರವಿ ಪೂಜಾರಿ 1980 ರ ದಶಕದಲ್ಲಿ ತನ್ನ ಕ್ರಿಮಿನಲ್ ವೃತ್ತಿಜೀವನ ಆರಂಭಿಸಿದ್ದ. ಸೆನೆಗಲ್‌ನಲ್ಲಿದ್ದಾಗ, ಪಶ್ಚಿಮ ಆಫ್ರಿಕಾದಲ್ಲಿ ಒಂಬತ್ತು ಮಳಿಗೆಗಳನ್ನು ಹೊಂದಿರುವ 'ನಮಸ್ತೆ ಇಂಡಿಯಾ' ಎಂಬ ರೆಸ್ಟೋರೆಂಟ್ ನಡೆಸುತ್ತಿದ್ದ, ಆ ಪ್ರದೇಶದಲ್ಲಿ ದೇಣಿಗೆ ನೀಡಿ ಅಲ್ಲಿನ ಜನರಿಗೆ ಆಪ್ತನಾಗಿದ್ದ.ಜನವರಿ 21, 2019 ರಂದು, ಪೂಜಾರಿ ಅವರನ್ನು ಸೆನೆಗಲ್‌ನ ಡಾಕರ್‌ನಲ್ಲಿರುವ ಕ್ಷೌರಿಕನ ಅಂಗಡಿಯಲ್ಲಿ ಬಂಧಿಸಲಾಯ್ತು. ಆಂಥೋನಿ ಫೆರ್ನಾಂಡಿಸ್ ಎಂಬ ಹೆಸರಿನಲ್ಲಿ ತಮ್ಮ ಕುಟುಂಬದೊಂದಿಗೆ ವಾಸಿಸುತ್ತಿದ್ದ.

ರವಿ ಪೂಜಾರಿ ಉಡುಪಿ ಜಿಲ್ಲೆ ಮಲ್ಪೆ ಸಮೀಪದ ಕಲ್ಮಾಡಿ ಬಪ್ಪುತೋಟದಲ್ಲಿ ಜನಿಸಿದ್ದ. ಈತನಿಗೆ ಪತ್ನಿ ಪದ್ಮಾ ಪೂಜಾರಿ, ಓರ್ವ ಮಗ ಮತ್ತು ಇಬ್ಬರು ಪುತ್ರಿಯರಿದ್ದಾರೆ. ತಂದೆ ಸೂರ್ಯ ಪೂಜಾರಿ, ತಾಯಿ ಸುಶೀಲ ಪೂಜಾರಿ ಅವರಿಗೆ 2 ಹೆಣ್ಣು ಹಾಗೂ 3 ಗಂಡು ಮಕ್ಕಳಿದ್ದು, ರವಿ ಪೂಜಾರಿ ಎರಡನೇಯವನು. ಇದರಲ್ಲಿ ತಮ್ಮ ಮಧು ಎಂಬಾತ ಆತನ ಬಂಧನಕ್ಕೂ ಮುನ್ನ ಮೃತಪಟ್ಟಿದ್ದರು. ತಂದೆ ಈತನ ಬಂಧನಕ್ಕೂ 6 ವರ್ಷಗಳ ಮೊದಲು ಮೃತಪಟ್ಟಿದ್ದರು.

ರವಿ ಪೂಜಾರಿ ತಂದೆ ಸೂರ್ಯ ಡಿ ಪೂಜಾರಿ ಮುಂಬೈಯಲ್ಲಿ ಶಿಪ್ಪಿಂಗ್ ಕಾರ್ಪೊರೇಶನ್ ಆಫ್ ಇಂಡಿಯಾದಲ್ಲಿ ಉನ್ನತ ಹುದ್ದೆಯಲ್ಲಿದ್ದರು. ರವಿ ಪೂಜಾರಿ ಬಾಲ್ಯವನ್ನು ಮಲ್ಪೆಯಲ್ಲೇ ಕಳೆದಿದ್ದ. ಎಸ್ಸೆಸ್ಸೆಲ್ಸಿ ಆಂಗ್ಲ ಮಾಧ್ಯಮದಲ್ಲಿ ತೇರ್ಗಡೆಯಾಗಿದ್ದ. ಡಾನ್ ಆದ ಬಳಿಕ ನಂತರ ಆತ ಮಲ್ಪೆ ನಂಟನ್ನು ತೊರೆದಿದ್ದ. 1992-93ರಲ್ಲಿ ತನ್ನ ಸಹೋದರಿಯ ಮುದವೆಗೆ ಬಂದಿದ್ದೇ ಕೊನೆ. ಅದಾದ ನಂತರ ಈಗ ತಾಯಿಯ ಅಂತಿಮ ಕಾರ್ಯಕ್ಕೆ ಬಂದಿದ್ದಾನೆ.

LOVE-BREAKUP- ಇದು ಏಳೇಳು ಜನುಮದ ಲವ್? ಪಾರ್ಟಿಯಲ್ಲಿ ಪರಿಚಯ, ಬ್ರೇಕಪ್.. ಮತ್ತೆ ಲವ್, ಮದುವೆ ಆಗಿದ್ದು ಹೇಗೆ?

Shriram Bhat — Sat, 14 Nov 2026 12:27:18 +0530

ಕಿಯಾರಾ ಅಡ್ವಾಣಿ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ ಅವರ ಪ್ರೇಮಕಥೆ ಸಿನಿಮಾದ ಕಥೆಗಿಂತಲೂ ರೋಚಕವಾಗಿದೆ. ತೆರೆಮೇಲೆ ಪ್ರೇಮಿಗಳಾಗಿ ನಟಿಸುತ್ತಿದ್ದ ಈ ಜೋಡಿ ನಿಜ ಜೀವನದಲ್ಲೂ ಪ್ರೀತಿಯಲ್ಲಿ ಬಿದ್ದಿತ್ತು. ಇವರ ನಡುವೆ ಒಂದು ಕಾಲದಲ್ಲಿ ಬ್ರೇಕಪ್ ಮಾತುಕತೆಯೂ ನಡೆದಿತ್ತು..

ಮದುವೆಗೂ ಮುನ್ನ ಬ್ರೇಕಪ್‌ಗೆ ಮುಂದಾಗಿದ್ದ ಕಿಯಾರಾ-ಸಿದ್ಧಾರ್ಥ್!

ಬಾಲಿವುಡ್‌ನ ಮುದ್ದಾದ ಜೋಡಿ ಕಿಯಾರಾ ಅಡ್ವಾಣಿ ಮತ್ತು ಸಿದ್ಧಾರ್ಥ್ ಮಲ್ಹೋತ್ರಾ ಅವರ ಪ್ರೇಮಕಥೆ ಸಿನಿಮಾದ ಕಥೆಗಿಂತಲೂ ರೋಚಕವಾಗಿದೆ. ತೆರೆಮೇಲೆ ಪ್ರೇಮಿಗಳಾಗಿ ನಟಿಸುತ್ತಿದ್ದ ಈ ಜೋಡಿ ನಿಜ ಜೀವನದಲ್ಲೂ ಪ್ರೀತಿಯಲ್ಲಿ ಬಿದ್ದಿತ್ತು. ಇಂದು ಸುಂದರ ದಾಂಪತ್ಯ ಜೀವನ ನಡೆಸುತ್ತಿರುವ ಇವರ ನಡುವೆ ಒಂದು ಕಾಲದಲ್ಲಿ ಬ್ರೇಕಪ್ ಮಾತುಕತೆಯೂ ನಡೆದಿತ್ತು ಎಂಬ ವಿಚಾರ ಇದೀಗ ಬಹಿರಂಗವಾಗಿದೆ. ಮದುವೆಯ ನಿರ್ಧಾರಕ್ಕೆ ಬರುವ ಮುನ್ನ ಇಬ್ಬರೂ ಸಂಬಂಧಕ್ಕೆ ಅಂತ್ಯ ಹಾಡುವ ಯೋಚನೆ ಮಾಡಿದ್ದರು ಎಂಬುದನ್ನು ಸ್ವತಃ ಕಿಯಾರಾ ಮತ್ತು ಸಿದ್ಧಾರ್ಥ್ ಹಂಚಿಕೊಂಡಿದ್ದಾರೆ.

'ಕಾಫಿ ವಿತ್ ಕರಣ್' ಕಾರ್ಯಕ್ರಮದ ಒಂಬತ್ತನೇ ಸೀಸನ್‌ನಲ್ಲಿ ಒಟ್ಟಿಗೆ ಭಾಗವಹಿಸಿದ್ದ ಈ ಜೋಡಿ ತಮ್ಮ ಲವ್ ಸ್ಟೋರಿಯ ಹಿಂದಿನ ರಹಸ್ಯಗಳನ್ನು ತೆರೆದಿಟ್ಟಿದ್ದಾರೆ. ಮೊದಲ ಭೇಟಿಯಿಂದ ಪ್ರೀತಿ, ಮನಸ್ತಾಪ, ದೂರವಾಗುವ ನಿರ್ಧಾರ ಹಾಗೂ ಮತ್ತೆ ಒಂದಾಗಿ ಮದುವೆಯಾದ ಕ್ಷಣಗಳವರೆಗೆ ಹಲವು ಸ್ವಾರಸ್ಯಕರ ಸಂಗತಿಗಳನ್ನು ನೆನಪಿಸಿಕೊಂಡಿದ್ದಾರೆ.

ಪಾರ್ಟಿಯಲ್ಲಿ ಶುರುವಾದ ಪರಿಚಯ

ಕಿಯಾರಾ ನಟನೆಯ 'ಲಸ್ಟ್ ಸ್ಟೋರೀಸ್' ಚಿತ್ರದ ಚಿತ್ರೀಕರಣ ಮುಗಿದ ಬಳಿಕ ನಡೆದ ಪಾರ್ಟಿಯಲ್ಲಿ ಇವರಿಬ್ಬರ ಮೊದಲ ಭೇಟಿ ನಡೆದಿತ್ತು. ಕಿಯಾರಾ ಸ್ನೇಹಿತ ಅಮೃತ್‌ಪಾಲ್ ಬಿಂದ್ರಾ ಆಯೋಜಿಸಿದ್ದ ಈ ಸಮಾರಂಭದಲ್ಲಿ ಕರಣ್ ಜೋಹರ್ ಕೂಡ ಇದ್ದರು. ಈ ಪರಿಚಯ ಮುಂದೆ ಸ್ನೇಹವಾಗಿ, ಬಳಿಕ ಪ್ರೇಮವಾಗಿ ಬದಲಾಯಿತು. 2021ರಲ್ಲಿ ಬಿಡುಗಡೆಯಾದ 'ಶೇರ್ಷಾ' ಸಿನಿಮಾ ಇವರ ಪ್ರೀತಿಗೆ ಮತ್ತಷ್ಟು ಹತ್ತಿರವಾಗಲು ಕಾರಣವಾಯಿತು. ಚಿತ್ರದಲ್ಲಿ ಸಿದ್ಧಾರ್ಥ್ ಕ್ಯಾಪ್ಟನ್ ವಿಕ್ರಮ್ ಬಾತ್ರಾ ಪಾತ್ರದಲ್ಲಿ ನಟಿಸಿದರೆ, ಕಿಯಾರಾ ಡಿಂಪಲ್ ಚೀಮಾ ಆಗಿ ಮಿಂಚಿದ್ದರು.

30 ದಿನಗಳ ಫೋನ್ ಮಾತುಕತೆಯಲ್ಲಿ ಅರಳಿದ ಪ್ರೀತಿ

ಆದರೆ ಪ್ರೀತಿಯ ಹಾದಿ ಸುಗಮವಾಗಿರಲಿಲ್ಲ. ಸಿದ್ಧಾರ್ಥ್ ವೃತ್ತಿಜೀವನದ ಬಗ್ಗೆ ಹೆಚ್ಚು ಗಮನ ಹರಿಸಲು ಬಯಸಿದರೆ, ಕಿಯಾರಾ ಸಂಬಂಧದ ಭವಿಷ್ಯದ ಬಗ್ಗೆ ಸ್ಪಷ್ಟತೆ ಬಯಸಿದ್ದರು. ಹೀಗಾಗಿ ಇಬ್ಬರೂ ಒಂದು ಹಂತದಲ್ಲಿ ದೂರವಾಗುವ ನಿರ್ಧಾರ ಕೈಗೊಂಡಿದ್ದರು. ಶೇರ್ಷಾ ಚಿತ್ರೀಕರಣಕ್ಕಾಗಿ ಸಿದ್ಧಾರ್ಥ್ ಕಾರ್ಗಿಲ್‌ಗೆ ತೆರಳಿದ ಬಳಿಕವೂ ಕಿಯಾರಾ ಜೊತೆ ಸಂಪರ್ಕ ಮುಂದುವರಿಸಿದರು. ಪ್ರತಿದಿನ ಫೋನ್‌ನಲ್ಲಿ ಮಾತನಾಡುತ್ತಾ ಸತತ 30 ದಿನಗಳನ್ನು ಕಳೆದಿದ್ದರು. ಈ ಮಾತುಕತೆಯೇ ಇಬ್ಬರ ನಡುವಿನ ಪ್ರೀತಿಯನ್ನು ಮತ್ತಷ್ಟು ಗಟ್ಟಿಗೊಳಿಸಿತು. ಕಾರ್ಗಿಲ್‌ನಲ್ಲಿದ್ದಾಗಲೇ ಅಧಿಕೃತವಾಗಿ ಡೇಟಿಂಗ್ ಆರಂಭಿಸಿದ್ದಾಗಿ ಕಿಯಾರಾ ಹೇಳಿದ್ದಾರೆ.

ಹೂಗುಚ್ಛ ಹಿಡಿದು ಬಂದ ಸಿದ್ಧಾರ್ಥ್!

ಇವರ ಸಂಬಂಧದಲ್ಲಿ ಮತ್ತೊಮ್ಮೆ ಬಿರುಕು ಮೂಡಿದಾಗ ಸಿದ್ಧಾರ್ಥ್ ಬೇಸರಗೊಂಡಿದ್ದರು ಎಂದು ಕರಣ್ ಜೋಹರ್ ನೆನಪಿಸಿಕೊಂಡಿದ್ದಾರೆ. ಬಳಿಕ 'ಜಗ್ ಜಗ್ ಜೀಯೋ' ಚಿತ್ರೀಕರಣದ ವೇಳೆ ಕಿಯಾರಾ ಅವರನ್ನು ಭೇಟಿಯಾಗಲು ಹೂವುಗಳೊಂದಿಗೆ ತೆರಳಿದ್ದರು. 'ರಂಗಿಸಾರಿ' ಹಾಡಿನ ಚಿತ್ರೀಕರಣದ ಸಂದರ್ಭದಲ್ಲಿ ವ್ಯಾನಿಟಿ ವ್ಯಾನ್‌ನಲ್ಲಿ ಇಬ್ಬರೂ ಮಾತನಾಡಿಕೊಂಡರು. ಈ ಭೇಟಿ ಪ್ರೀತಿಗೆ ಹೊಸ ತಿರುವು ನೀಡಿತು.

ಎಲ್ಲಾ ಏರಿಳಿತಗಳನ್ನು ದಾಟಿ ಮತ್ತೆ ಒಂದಾದ ಜೋಡಿ ಮದುವೆಯಾಗಲು ನಿರ್ಧರಿಸಿತು. ಅಂತಿಮವಾಗಿ 2023ರ ಫೆಬ್ರವರಿ 7ರಂದು ರಾಜಸ್ಥಾನದ ಜೈಸಲ್ಮೇರ್‌ನಲ್ಲಿ ಕುಟುಂಬದವರು ಹಾಗೂ ಆಪ್ತರ ಸಮ್ಮುಖದಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟರು. ಬ್ರೇಕಪ್ ಹಂತದಿಂದ ಮದುವೆಯ ಮಂಟಪದವರೆಗೆ ಸಾಗಿದ ಇವರ ಲವ್ ಸ್ಟೋರಿ ಅಭಿಮಾನಿಗಳಲ್ಲಿ ಇಂದಿಗೂ ವಿಶೇಷ ಕುತೂಹಲ ಮೂಡಿಸಿದೆ.

ಟಿವಿಯಲ್ಲಿ ಪ್ರಸಾರವಾದ ಮೊದಲ ಕನ್ನಡ ಸಿನಿಮಾ ಯಾವುದು ಗೊತ್ತಾ? ಡಾ. ರಾಜ್ ಅಭಿನಯದ ಈ ಚಿತ್ರಕ್ಕಿದೆ ವಿಶೇಷ ಇತಿಹಾಸ!

Chandrashekar GS — Sat, 14 Nov 2026 12:23:42 +0530

ಟಿವಿಯಲ್ಲಿ ಪ್ರಸಾರವಾದ ಮೊದಲ ಕನ್ನಡ ಸಿನಿಮಾ ಯಾವುದು ಗೊತ್ತಾ?

ಇಂದಿನ ಕಾಲದಲ್ಲಿ ಮೊಬೈಲ್, ಯೂಟ್ಯೂಬ್ ಮತ್ತು ನೂರಾರು ಟಿವಿ ಚಾನೆಲ್‌ಗಳಲ್ಲಿ ಸಿನಿಮಾಗಳನ್ನು ನೋಡುವುದು ತುಂಬಾ ಸುಲಭ. ಆದರೆ ಒಂದು ಕಾಲದಲ್ಲಿ ಮನೆಯಲ್ಲಿ ಟಿವಿ ಇರುವುದು ದೊಡ್ಡ ವಿಷಯವಾಗಿತ್ತು. ಅದರಲ್ಲೂ ದೂರದರ್ಶನದಲ್ಲಿ ಕನ್ನಡ ಸಿನಿಮಾ ಪ್ರಸಾರವಾಗುತ್ತದೆ ಎಂದರೆ ಇಡೀ ಕುಟುಂಬವೇ ಟಿವಿ ಮುಂದೆ ಕುಳಿತುಕೊಳ್ಳುತ್ತಿತ್ತು. ಹಾಗಾದರೆ ದೂರದರ್ಶನದಲ್ಲಿ ಪ್ರಸಾರವಾದ ಮೊದಲ ಕನ್ನಡ ಸಿನಿಮಾ ಯಾವುದು ಗೊತ್ತಾ? ಅದು ವರನಟ ಡಾ. ರಾಜ್‌ಕುಮಾರ್ ಅಭಿನಯದ 'ಶಂಕರ್ ಗುರು' ಎಂಬ ಮಾಹಿತಿ ಹಳೆಯ ನೆನಪುಗಳ ಬರಹಗಳಲ್ಲಿ ಉಲ್ಲೇಖವಾಗಿದೆ.

ದೂರದರ್ಶನದಲ್ಲಿ ಪ್ರಸಾರವಾದ ಮೊದಲ ಕನ್ನಡ ಸಿನಿಮಾ 'ಶಂಕರ್ ಗುರು'

ಡಾ. ರಾಜ್‌ಕುಮಾರ್ ಅಭಿನಯದ 'ಶಂಕರ್ ಗುರು' ಸಿನಿಮಾ ದೂರದರ್ಶನದಲ್ಲಿ ಪ್ರಸಾರವಾದ ಮೊದಲ ಕನ್ನಡ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ ಎಂದು ಬೆಂಗಳೂರಿನ ದೂರದರ್ಶನದ ಆರಂಭದ ದಿನಗಳನ್ನು ನೆನಪಿಸಿಕೊಂಡವರು ಬರೆದಿದ್ದಾರೆ. ಈ ಸಿನಿಮಾ ಪ್ರಸಾರವಾದಾಗ ಜನರು ತಮ್ಮ ಮನೆಗಳಲ್ಲಷ್ಟೇ ಅಲ್ಲದೆ ಅಕ್ಕಪಕ್ಕದವರ ಮನೆಗಳಲ್ಲೂ ಸೇರಿ ಸಿನಿಮಾ ವೀಕ್ಷಿಸುತ್ತಿದ್ದರಂತೆ.

ಆ ದಿನಗಳಲ್ಲಿ ಇಂದಿನಂತೆ ಪ್ರತಿಯೊಂದು ಮನೆಯಲ್ಲೂ ಟಿವಿ ಇರಲಿಲ್ಲ. ಕೆಲವೇ ಮನೆಗಳಲ್ಲಿ ದೂರದರ್ಶನದ ವ್ಯವಸ್ಥೆ ಇರುತ್ತಿತ್ತು. ಹೀಗಾಗಿ ಸಿನಿಮಾ ಪ್ರಸಾರದ ದಿನ ನೆರೆಹೊರೆಯವರು ಒಂದೆಡೆ ಸೇರಿ ಚಿತ್ರ ವೀಕ್ಷಿಸುವುದು ಸಾಮಾನ್ಯವಾಗಿತ್ತು.

1981ರಲ್ಲಿ ಬೆಂಗಳೂರಿನಲ್ಲಿ ಆರಂಭವಾಯಿತು ದೂರದರ್ಶನ ಪ್ರಸಾರ

ಕರ್ನಾಟಕದಲ್ಲಿ ದೂರದರ್ಶನದ ಇತಿಹಾಸದಲ್ಲಿ 1981ರ ನವೆಂಬರ್ 1 ಮಹತ್ವದ ದಿನ. ಅಂದು ಕನ್ನಡ ರಾಜ್ಯೋತ್ಸವದ ಸಂದರ್ಭದಲ್ಲಿ ಬೆಂಗಳೂರಿನಲ್ಲಿ ದೂರದರ್ಶನದ ಪ್ರಸಾರ ಆರಂಭವಾಯಿತು. ಆರಂಭದಲ್ಲಿ ಸೀಮಿತ ಅವಧಿಯ ಕಾರ್ಯಕ್ರಮಗಳು ಪ್ರಸಾರವಾಗುತ್ತಿದ್ದವು. ನಂತರ ಕನ್ನಡ ಸುದ್ದಿ, ಮನರಂಜನಾ ಕಾರ್ಯಕ್ರಮಗಳು ಮತ್ತು ಸಿನಿಮಾಗಳ ಪ್ರಸಾರಕ್ಕೆ ಹೆಚ್ಚಿನ ಅವಕಾಶ ದೊರೆಯಿತು.

ಪ್ರಸಾರ ಭಾರತಿಯ ಅಧಿಕೃತ ವಾರ್ಷಿಕ ವರದಿಯ ಪ್ರಕಾರ, ಬೆಂಗಳೂರು ದೂರದರ್ಶನ ಕೇಂದ್ರವು 1981ರಲ್ಲಿ ರಿಲೇ ಕೇಂದ್ರವಾಗಿ ಆರಂಭಗೊಂಡು, 1983ರ ನವೆಂಬರ್ 19ರಂದು ಕಾರ್ಯಕ್ರಮ ನಿರ್ಮಾಣ ಕೇಂದ್ರವಾಗಿ ಪರಿವರ್ತನೆಯಾಯಿತು.

ಅಂದಿನ ಟಿವಿ ನೆನಪುಗಳೇ ವಿಶೇಷ!

ಇಂದಿನ ಪೀಳಿಗೆಗೆ ಮೊಬೈಲ್‌ನಲ್ಲಿ ಬೇಕಾದಾಗ ಸಿನಿಮಾ ನೋಡುವ ಅವಕಾಶವಿದೆ. ಆದರೆ ಹಿಂದಿನ ಕಾಲದಲ್ಲಿ ದೂರದರ್ಶನದಲ್ಲಿ ಸಿನಿಮಾ ಪ್ರಸಾರವಾಗುವ ದಿನಕ್ಕಾಗಿ ಜನರು ಕಾಯುತ್ತಿದ್ದರು. ಸಿನಿಮಾ ಆರಂಭಕ್ಕೂ ಮುನ್ನವೇ ಮನೆಯ ಕೆಲಸಗಳನ್ನು ಮುಗಿಸಿಕೊಂಡು ಟಿವಿ ಮುಂದೆ ಕುಳಿತುಕೊಳ್ಳುತ್ತಿದ್ದರು.

ಒಟ್ಟಿನಲ್ಲಿ, 'ಶಂಕರ್ ಗುರು' ಚಿತ್ರದ ದೂರದರ್ಶನ ಪ್ರಸಾರದ ನೆನಪು ಕನ್ನಡಿಗರ ಹಳೆಯ ಟಿವಿ ಅನುಭವಗಳ ಒಂದು ವಿಶೇಷ ಭಾಗವಾಗಿದೆ. ತಂತ್ರಜ್ಞಾನ ಎಷ್ಟೇ ಮುಂದುವರಿದರೂ ಆ ಕಾಲದ ಕುಟುಂಬದೊಂದಿಗೆ ಸಿನಿಮಾ ನೋಡುವ ಸಂಭ್ರಮವನ್ನು ಮರೆಯಲು ಸಾಧ್ಯವಿಲ್ಲ.

ಕಾರ್ತಿಕ ಮಾಸದಲ್ಲಿ ಮಾಂಸಾಹಾರ ನಿಷೇಧ ಹಿಂದಿನ ನಿಗೂಢ ಕಾರಣಗಳೇನು? ಪುರಾಣ, ಆಧ್ಯಾತ್ಮಗಳು ಏನು ಹೇಳುತ್ತವೆ?

Sathish Kumar KH — Sat, 14 Nov 2026 12:23:36 +0530

ಸನಾತನ ಧರ್ಮದಲ್ಲಿ ವರ್ಷದ ಹನ್ನೆರಡೂ ತಿಂಗಳುಗಳಲ್ಲಿ 'ಕಾರ್ತಿಕ ಮಾಸ'ಕ್ಕೆ ಅತ್ಯುನ್ನತ ಹಾಗೂ ಪರಮ ಪವಿತ್ರವಾದ ಸ್ಥಾನವಿದೆ. ದೀಪಾವಳಿಯ ಬೆನ್ನಲ್ಲೇ ಆರಂಭವಾಗುವ ಈ ಮಾಸದಲ್ಲಿ ಬಹುತೇಕ ಮನೆಗಳಲ್ಲಿ ಅಡುಗೆಯ ಕ್ರಮವೇ ಸಂಪೂರ್ಣ ಬದಲಾಗುತ್ತದೆ. ಚಿಕನ್, ಮಟನ್, ಮೀನು ಮಾತ್ರವಲ್ಲದೆ ಮೊಟ್ಟೆ, ಈರುಳ್ಳಿ-ಬೆಳ್ಳುಳ್ಳಿಯಿಂದಲೂ ಜನರು ದೂರವಿರುತ್ತಾರೆ.

ಕೇವಲ ಆಚರಣೆಯ ದೃಷ್ಟಿಯಿಂದ ಮಾತ್ರವಲ್ಲದೆ, ಈ ಪದ್ಧತಿಯ ಹಿಂದೆ ಆಳವಾದ ಆಧ್ಯಾತ್ಮಿಕ ತತ್ವ, ಪುರಾಣಗಳ ಆದೇಶ ಹಾಗೂ ದೈಹಿಕ ಸ್ವಾಸ್ಥ್ಯದ ರಹಸ್ಯ ಅಡಗಿದೆ. ಈ ಪುಣ್ಯ ಮಾಸದಲ್ಲಿ ಮಾಂಸಾಹಾರವನ್ನು ತ್ಯಜಿಸುವುದರ ಹಿಂದಿರುವ ಪ್ರಮುಖ ಆಯಾಮಗಳು ಇಲ್ಲಿವೆ:

1. ಹರಿ-ಹರರ ಅನುಗ್ರಹ ಪಡೆಯುವ ಮಂಗಳಕರ ಕಾಲ

ಸಾಮಾನ್ಯವಾಗಿ ಒಂದು ತಿಂಗಳು ಶಿವನಿಗೆ ಮೀಸಲಾಗಿದ್ದರೆ, ಮತ್ತೊಂದು ತಿಂಗಳು ವಿಷ್ಣುವಿಗೆ ಪ್ರಿಯವಾಗಿರುತ್ತದೆ. ಆದರೆ ಕಾರ್ತಿಕ ಮಾಸ ಮಾತ್ರ 'ಶಿವ ಮತ್ತು ಕೇಶವ' ಇಬ್ಬರಿಗೂ ಸಮಾನವಾಗಿ ಪ್ರಿಯವಾದ ಅಪರೂಪದ ಕಾಲಘಟ್ಟ. ಈ ಮಾಸದಲ್ಲಿ ಮಾಡುವ ದೀಪೋತ್ಸವ, ಜಪ ಹಾಗೂ ಪೂಜೆಗಳಿಗೆ ಸಾವಿರ ಪಟ್ಟು ಹೆಚ್ಚು ಫಲ ಸಿಗುತ್ತದೆ ಎಂಬ ನಂಬಿಕೆಯಿದೆ. ದೈವಿಕ ಶಕ್ತಿಯನ್ನು ಒಲಿಸಿಕೊಳ್ಳಲು ಭಕ್ತರು ತಮ್ಮ ಆಚಾರ-ವಿಚಾರಗಳಲ್ಲಿ ಪರಿಶುದ್ಧತೆಯನ್ನು ಕಾಪಾಡಿಕೊಳ್ಳುವುದು ಮೊದಲ ಮೆಟ್ಟಿಲು. ಅದಕ್ಕಾಗಿಯೇ ಮಾಂಸ-ಮದ್ಯದಿಂದ ದೂರವಿದ್ದು ನಿರ್ಮಲ ಭಕ್ತಿಯನ್ನು ಅರ್ಪಿಸಲಾಗುತ್ತದೆ.

2. ಸ್ಕಂದ ಪುರಾಣದ ಸ್ಪಷ್ಟ ಆದೇಶ

ಈ ಆಹಾರ ನಿಷೇಧವು ಕೇವಲ ಜನಪದ ನಂಬಿಕೆಯಷ್ಟೇ ಅಲ್ಲ, ಪ್ರಾಚೀನ ಗ್ರಂಥಗಳಲ್ಲೂ ದೃಢಪಟ್ಟಿದೆ. 'ಸ್ಕಂದ ಪುರಾಣ'ದ ಕಾರ್ತಿಕ ಮಾಸ ಮಹಾತ್ಮ್ಯದಲ್ಲಿ ಈ ತಿಂಗಳಿನ ಆಹಾರ ಮತ್ತು ವ್ರತದ ಕಟ್ಟುಪಾಡುಗಳ ಬಗ್ಗೆ ವಿವರವಾದ ಉಲ್ಲೇಖವಿದೆ. ಈ ಅವಧಿಯಲ್ಲಿ ಪ್ರಾಣಿಜನ್ಯ ಆಹಾರ ಹಾಗೂ ಮಾದಕ ವಸ್ತುಗಳನ್ನು ತ್ಯಜಿಸಿ, ಇಂದ್ರಿಯಗಳನ್ನು ಹತೋಟಿಯಲ್ಲಿಟ್ಟುಕೊಳ್ಳುವ ವ್ಯಕ್ತಿಗೆ ಪರಮಶಾಂತಿ ಮತ್ತು ಪುಣ್ಯ ಪ್ರಾಪ್ತಿಯಾಗುತ್ತದೆ ಎಂದು ಪುರಾಣ ಸಾರುತ್ತದೆ.

3. ಪ್ರಾಣಿ ಹಿಂಸೆಗೆ ತಿಲಾಂಜಲಿ; ಸಕಲ ಜೀವಿಗಳ ಮೇಲಿನ ಕರುಣೆ

ಹಿಂದೂ ಧರ್ಮದ ಪ್ರಮುಖ ಆಧಾರಸ್ತಂಭವೇ 'ಅಹಿಂಸಾ ಪರಮೋ ಧರ್ಮಃ'. ಕಾರ್ತಿಕ ಮಾಸವು ಭೂಮಿಯ ಮೇಲಿನ ಸಮಸ್ತ ಜೀವರಾಶಿಗಳನ್ನು ಪ್ರೀತಿಯಿಂದ ಕಾಣುವ ಸಂಸ್ಕಾರವನ್ನು ಕಲಿಸುತ್ತದೆ. ಬಾಯಿಯ ರುಚಿಗಾಗಿ ಇನ್ನೊಂದು ಮೂಕ ಪ್ರಾಣಿಯ ಜೀವವನ್ನು ಬಲಿ ಪಡೆಯುವುದನ್ನು ತಪ್ಪಿಸುವುದು ಈ ಮಾಸದ ಮಹತ್ವದ ಸಂದೇಶ. ಈ ಮೂಲಕ ಮನುಷ್ಯನಲ್ಲಿ ಜೀವದಯೆ, ಕರುಣೆ ಹಾಗೂ ಪ್ರಕೃತಿಯ ಜೊತೆಗಿನ ಸಾಮರಸ್ಯ ವೃದ್ಧಿಯಾಗುತ್ತದೆ.

4. ಮನಸ್ಸನ್ನು ಶಾಂತವಾಗಿಡುವ 'ಸಾತ್ವಿಕ' ಶಕ್ತಿ

ಆಯುರ್ವೇದ ಮತ್ತು ಯೋಗಶಾಸ್ತ್ರದ ಪ್ರಕಾರ, ನಾವು ತಿನ್ನುವ ಆಹಾರವೇ ನಮ್ಮ ಗುಣವನ್ನು ರೂಪಿಸುತ್ತದೆ. ಆಹಾರದಲ್ಲಿ ಸಾತ್ವಿಕ, ರಾಜಸಿಕ ಮತ್ತು ತಾಮಸಿಕ ಎಂಬ ಮೂರು ವಿಧಗಳಿವೆ.

ಮಾಂಸಾಹಾರವನ್ನು ತಾಮಸಿಕ ಎಂದು ಪರಿಗಣಿಸಲಾಗುತ್ತದೆ. ಇದು ದೇಹದಲ್ಲಿ ಆಲಸ್ಯ, ಜಡತ್ವ, ಕಾಮ ಮತ್ತು ಕೋಪದ ಭಾವನೆಗಳನ್ನು ಪ್ರಚೋದಿಸುತ್ತದೆ.
ಇದಕ್ಕೆ ವ್ಯತಿರಿಕ್ತವಾಗಿ ಹಣ್ಣು, ಹಾಲು, ತರಕಾರಿಗಳು ಮತ್ತು ಧಾನ್ಯಗಳು ಸಾತ್ವಿಕ ಗುಣವನ್ನು ಹೆಚ್ಚಿಸುತ್ತವೆ.
ಪೂಜೆ-ಪುನಸ್ಕಾರಗಳಲ್ಲಿ ಮನಸ್ಸು ಚಂಚಲವಾಗದೆ, ಏಕಾಗ್ರತೆ ಹಾಗೂ ಪ್ರಶಾಂತತೆ ನೆಲೆಸಬೇಕೆಂದರೆ ಸಾತ್ವಿಕ ಆಹಾರ ಸೇವನೆ ಅತ್ಯಗತ್ಯವಾಗಿದೆ.

5. ದೇಹದ 'ಡೀಟಾಕ್ಸ್‌' ಮತ್ತು ಇಂದ್ರಿಯ ನಿಗ್ರಹ

ಋತುಮಾನ ಬದಲಾಗುವ ಈ ಚಳಿಗಾಲದ ಆರಂಭದಲ್ಲಿ ಜೀರ್ಣಕ್ರಿಯೆ ಸಾಮಾನ್ಯವಾಗಿ ಮಂದವಾಗಿರುತ್ತದೆ. ಇಂತಹ ಸಮಯದಲ್ಲಿ ಭಾರವಾದ ಮಾಂಸಾಹಾರ ಸೇವನೆಯು ಆರೋಗ್ಯದ ಮೇಲೆ ನಕಾರಾತ್ಮಕ ಪರಿಣಾಮ ಬೀರಬಹುದು. ಲಘುವಾದ ಆಹಾರ, ಉಪವಾಸ ಮತ್ತು ಶಿಸ್ತುಬದ್ಧ ಜೀವನವು ದೇಹದಲ್ಲಿರುವ ಕಲ್ಮಶಗಳನ್ನು ಹೊರಹಾಕಿ (Detoxification) ಶಕ್ತಿಯನ್ನು ಹೆಚ್ಚಿಸುತ್ತದೆ. ನಾಲಿಗೆಯ ಚಪಲವನ್ನು ನಿಯಂತ್ರಿಸುವುದೇ ನಿಜವಾದ 'ತಪಸ್ಸು' ಎಂಬುದನ್ನು ಈ ವ್ರತ ನೆನಪಿಸುತ್ತದೆ.

ಆಚರಣೆಯ ಶೈಲಿ:

ಕೆಲವರು ಇಡೀ ತಿಂಗಳು ಪೂರ್ತಿ ಮಾಂಸಾಹಾರವನ್ನು ತ್ಯಜಿಸಿ ಪೂರ್ಣ ವ್ರತ ಆಚರಿಸಿದರೆ, ಇನ್ನೂ ಕೆಲವರು ಕಾರ್ತಿಕ ಸೋಮವಾರಗಳು, ಏಕಾದಶಿ ಹಾಗೂ ಕಾರ್ತಿಕ ಹುಣ್ಣಿಮೆಯಂತಹ ವಿಶೇಷ ದಿನಗಳಲ್ಲಿ ಕಟ್ಟುನಿಟ್ಟಾಗಿ ಈ ನಿಯಮ ಪಾಲಿಸುತ್ತಾರೆ. ಒಟ್ಟಾರೆಯಾಗಿ, ಈ ಆಚರಣೆಯು ಮನುಷ್ಯನನ್ನು ದೈಹಿಕವಾಗಿ ಆರೋಗ್ಯವಂತನನ್ನಾಗಿ ಹಾಗೂ ಮಾನಸಿಕವಾಗಿ ಶಾಂತಿಯುತನನ್ನಾಗಿ ಮಾಡುವ ಅದ್ಭುತ ಜೀವನ ಸೂತ್ರವಾಗಿದೆ.

ರೆಸ್ಟೋರೆಂಟ್‌ ನಲ್ಲಿ ಪಾತ್ರೆ ತೊಳೆಯುತ್ತಿದ್ದ ಟೆಕ್‌ ಕಂಪನಿ ಸಿಇಒ – ವಿವಾದದ ಬೆನ್ನಲ್ಲೆ ಹುದ್ದೆಗೆ ರಾಜೀನಾಮೆ

Roopa Hegde — Sat, 14 Nov 2026 12:15:53 +0530

ಜಗತ್ತಿನ ಪ್ರಮುಖ ಟೆಕ್ ಕಂಪನಿಗಳಲ್ಲಿ ಒಂದಾದ ಎನ್ವಿಡಿಯಾ (Nvidia) ಕಂಪನಿಯ ಮಾಜಿ ಸಿಇಒ ಜೆನ್ಸನ್ ಹುವಾಂಗ್ ಈಗ ಭಾರಿ ಸುದ್ದಿಯಲ್ಲಿದ್ದಾರೆ. ಎನ್‌ ಮಿಡಿಯಾ ಹೆಲ್ತ್‌ ಕೇರ್‌ ಉಪಾಧ್ಯಕ್ಷೆ ಜೊತೆಗಿನ ಸಂಬಂಧ ಮತ್ತು ಹನಿಟ್ರ್ಯಾಪ್ ವಿವಾದದ ಹಿನ್ನೆಲೆಯಲ್ಲಿ ಅವರು ಕಂಪನಿಯ ಸಿಇಒ, ಅಧ್ಯಕ್ಷ ಹಾಗೂ ಆಡಳಿತ ಮಂಡಳಿ ಸದಸ್ಯ ಸ್ಥಾನಗಳಿಗೆ ರಾಜೀನಾಮೆ ನೀಡಿದ್ದಾರೆ. ಒಂದು ಕಾಲದಲ್ಲಿ ತಮ್ಮ ಸರಳ ಜೀವನ ಮತ್ತು ಸುಂದರ ಕುಟುಂಬವೇ ತಮ್ಮ ದೊಡ್ಡ ಸಂಪತ್ತು ಎಂದು ಹೇಳಿಕೊಳ್ಳುತ್ತಿದ್ದ ಹುವಾಂಗ್ ಅವರ ವೈಯಕ್ತಿಕ ಬದುಕು ಈಗ ವಿವಾದದ ಸುಳಿಯಲ್ಲಿ ಸಿಲುಕಿದೆ.

ಸಾಧನೆ ಸುಲಭವಾಗಿರಲಿಲ್ಲ

ಎಐ ಜಗತ್ತಿನಲ್ಲಿ ದೊಡ್ಡ ಹೆಸರು ಮಾಡುವುದಕ್ಕೂ, ಎನ್ವಿಡಿಯಾದಂತಹ ಬೃಹತ್ ಟೆಕ್ ಕಂಪನಿಯನ್ನು ಮುನ್ನಡೆಸುವುದಕ್ಕೂ ಮೊದಲು ಜೆನ್ಸನ್ ಹುವಾಂಗ್ ಅವರ ಜೀವನ ಅಷ್ಟು ಸುಲಭವಾಗಿರಲಿಲ್ಲ. ತಮ್ಮ 15ನೇ ವಯಸ್ಸಿನಲ್ಲೇ ಅಮೆರಿಕದ ರೆಸ್ಟೋರೆಂಟ್ವೊಂದರಲ್ಲಿ ಪಾತ್ರೆ ತೊಳೆಯುವ ಕೆಲಸ ಮಾಡುತ್ತಿದ್ದರು. ಅಷ್ಟೇ ಅಲ್ಲ, ಗ್ರಾಹಕರಿಗೆ ಊಟ ಬಡಿಸುವ ವೇಟರ್ ಕೆಲಸವನ್ನೂ ಮಾಡುತ್ತಿದ್ದರು. ಆಗ ಎನ್ವಿಡಿಯಾ ಕಂಪನಿಯೇ ಆರಂಭವಾಗಿರಲಿಲ್ಲ. ಆದರೆ, ಮುಂದೆ ಅವರು ತಂತ್ರಜ್ಞಾನ ಕ್ಷೇತ್ರದಲ್ಲಿ ಇಷ್ಟೊಂದು ದೊಡ್ಡ ಸಾಧನೆ ಮಾಡುತ್ತಾರೆ ಎಂದು ಯಾರೂ ಊಹಿಸಿರಲಿಲ್ಲ.

ಕುಟುಂಬವೇ ದೊಡ್ಡ ಸಂಪತ್ತು ಎಂದಿದ್ದ ಹುವಾಂಗ್

2025ರಲ್ಲಿ 'TIME' ನಿಯತಕಾಲಿಕಕ್ಕೆ ನೀಡಿದ್ದ ಸಂದರ್ಶನದಲ್ಲಿ ಜೆನ್ಸನ್ ಹುವಾಂಗ್ ತಮ್ಮ ಜೀವನದಲ್ಲಿ ಯಾವುದಕ್ಕೆ ಹೆಚ್ಚು ಮಹತ್ವ ನೀಡುತ್ತಾರೆ ಎಂಬುದನ್ನು ಹಂಚಿಕೊಂಡಿದ್ದರು. ತಮ್ಮ ಸಾಧನೆ, ಕೋಟ್ಯಂತರ ರೂಪಾಯಿ ಸಂಪತ್ತು ಅಥವಾ ವೃತ್ತಿಜೀವನದ ಬಗ್ಗೆ ಮಾತನಾಡುವ ಬದಲು ಪತ್ನಿ ಲೋರಿ ಹುವಾಂಗ್, ಬೆಳೆದು ದೊಡ್ಡವರಾಗಿರುವ ಮಕ್ಕಳು ಮತ್ತು ತಮ್ಮ ಎರಡು ನಾಯಿಗಳ ಬಗ್ಗೆ ಹೇಳಿಕೊಂಡಿದ್ದರು. ನನ್ನ ಜೀವನ ತುಂಬಾ ಸರಳವಾಗಿದೆ, ಅದೇ ನನಗೆ ಇಷ್ಟ. ಇದಕ್ಕಿಂತ ಉತ್ತಮ ಜೀವನವನ್ನು ನಾನು ಕಲ್ಪಿಸಿಕೊಳ್ಳಲೂ ಸಾಧ್ಯವಿಲ್ಲ ಎಂದು ಹೇಳಿಕೊಂಡಿದ್ದರು.

ಪಾತ್ರೆ ತೊಳೆಯುವ ಕೆಲಸ

ತಮ್ಮ ಆರಂಭದ ದಿನಗಳ ಬಗ್ಗೆ ಮಾತನಾಡಿದ್ದ ಹುವಾಂಗ್, ತಾವು ಡಿಶ್ವಾಷರ್ ಮತ್ತು ಬಸ್ಬಾಯ್ ಆಗಿ ಕೆಲಸ ಮಾಡುತ್ತಿದ್ದೆ ಎಂದು ಹೇಳಿದ್ದರು. ಅಂದರೆ, ರೆಸ್ಟೋರೆಂಟ್ನಲ್ಲಿ ಪಾತ್ರೆ ತೊಳೆಯುವುದು, ಟೇಬಲ್ಗಳನ್ನು ಸ್ವಚ್ಛಗೊಳಿಸುವುದು ಮತ್ತು ಗ್ರಾಹಕರಿಗೆ ಬೇಕಾದ ಸಹಾಯ ಮಾಡುವುದು ಅವರ ಕೆಲಸವಾಗಿತ್ತು. ಒಂದೇ ಬಾರಿಗೆ ಹಲವು ಕಾಫಿ ಕಪ್ಗಳನ್ನು ಎತ್ತಿಕೊಂಡು ಹೋಗುವ ತಮ್ಮ ಸಾಮರ್ಥ್ಯದ ಬಗ್ಗೆಯೂ ಅವರು ತಮಾಷೆಯಾಗಿ ಮಾತನಾಡಿದ್ದರು. ನನ್ನಷ್ಟು ಕಾಫಿ ಕಪ್ಗಳನ್ನು ಒಟ್ಟಿಗೆ ಯಾರೂ ನಿಭಾಯಿಸಲು ಸಾಧ್ಯವಿಲ್ಲಎಂದಿದ್ದರು.

ಪತ್ನಿಗೆ ಮೋಸ

ನವೆಂಬರ್ 2026ರಲ್ಲಿ ಜೆನ್ಸನ್ ಹುವಾಂಗ್ ತಮ್ಮ ಪತ್ನಿಗೆ ಮೋಸ ಮಾಡಿರುವುದನ್ನು ಒಪ್ಪಿಕೊಂಡಿದ್ದಾರೆ ಎಂಬ ವರದಿಗಳು ಹೊರಬಂದಿವೆ. ನವೆಂಬರ್ 8ರಂದು ಎನ್ವಿಡಿಯಾ ಉದ್ಯೋಗಿಗಳಿಗೆ ಕಳುಹಿಸಿದ್ದ ಸಂದೇಶದಲ್ಲಿ ತಮ್ಮ ತಪ್ಪನ್ನು ಒಪ್ಪಿಕೊಂಡು ಪತ್ನಿ ಲೋರಿ ಮತ್ತು ಮಕ್ಕಳ ಬಳಿ ಕ್ಷಮೆ ಕೇಳಿದ್ದಾರೆ ಎನ್ನಲಾಗಿದೆ. ಸಿಂಗಾಪುರದ ಉದ್ಯಮಿ ಆಲಿಸ್ ಹುವಾಂಗ್ ಜೊತೆಗಿನ ಸಂಬಂಧದ ಸುದ್ದಿಗಳು ಮಾಧ್ಯಮಗಳಲ್ಲಿ ಪ್ರಕಟವಾದ ಬಳಿಕ ಈ ವಿವಾದ ಮುನ್ನೆಲೆಗೆ ಬಂದಿದೆ. ಮತ್ತೊಂದೆಡೆ, ಆಲಿಸ್ ಹುವಾಂಗ್ ಅವರಿಗೆ ಚೀನಾದ ಗುಪ್ತಚರ ಸಂಸ್ಥೆಗಳೊಂದಿಗೆ ಸಂಪರ್ಕವಿರಬಹುದು ಎಂಬ ಅನುಮಾನ ಅಮೆರಿಕದ ಗುಪ್ತಚರ ಸಂಸ್ಥೆಗಳಿಗಿದೆ. ಇದರ ಬೆನ್ನಲ್ಲೇ ಎನ್ವಿಡಿಯಾ ಆಡಳಿತ ಮಂಡಳಿ ತನಿಖೆ ಆರಂಭಿಸಿದೆ. ಕಂಪನಿಯ ಸಿಇಒ ವಿದೇಶಿ ಗುಪ್ತಚರ ಕಾರ್ಯಾಚರಣೆಯ ಗುರಿಯಾಗಿದ್ದರೇ ಎಂಬ ಬಗ್ಗೆಯೂ ಪರಿಶೀಲನೆ ನಡೆದಿದೆ.

IND vs NZ Test; ಜಗಳಗಂಟ ಬ್ರಾರ್‌ಗೆ ಟೆಸ್ಟ್‌ ತಂಡದಲ್ಲಿ ಜಾಕ್‌ಪಾಟ್; ಕಿವೀಸ್‌ ಪ್ರವಾಸದಿಂದ ಅನುಭವಿಗೆ ಗೇಟ್‌ಪಾಸ್

Bhimasi M Koleppanavar — Sat, 14 Nov 2026 12:15:37 +0530

ನ್ಯೂಜಿಲೆಂಡ್‌ ಪ್ರವಾಸದಲ್ಲಿ ಟೀಂ ಇಂಡಿಯಾ ತನ್ನ ಚಾಣಾಕ್ಷತನದಿಂದ ಕಿವೀಸ್‌ ಪಡೆಯನ್ನು ಕಟ್ಟಿ ಹಾಕಲು ಯತ್ನ ನಡೆಸಿದೆ. ಈ ನಿಟ್ಟಿನಲ್ಲಿ ಹಲವಾರು ಪ್ರಯೋಗ ನಡೆದಿವೆ. ಆದರೆ ಸರಣಿ ಗೆಲುವಿಗೆ 5ನೇ ಏಕದಿನ ಗೆಲ್ಲಲೇ ಬೇಕಾದ ಅನಿವಾರ್ಯವಿದೆ. ಅದರ ಜತೆಗೆ ಟೆಸ್ಟಗೂ ಒಳಗಿಂದ ಒಳಗೆ ಗೆಲುವಿನ ಸೂತ್ರ ಹೆಣೆಯುತ್ತಿದೆ ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ಬ್ರಾರ್ ಅವರನ್ನು ಟೆಸ್ಟ್‌ ತಂಡಕ್ಕೆ ಏಕಾ ಏಕಿ ಆಯ್ಕೆ ಮಾಡಿದೆ. ಈ ನಿಟ್ಟಿನಲ್ಲಿ ಅನುಭವಿಯೊಬ್ಬರಿಗೆ ಗೇಟ್‌ಪಾಸ್‌ ನೀಡಿದ್ದಾರೆ.

ಬಿಗ್‌ ಅನೌನ್ಸ್‌ಮೆಂಟ್!

ಕಿವೀಸ್ ಪ್ರವಾಸದಲ್ಲಿರುವ ಇಂಡಿಯನ್‌ ಟೀಂನಲ್ಲಿ ಪ್ರಮುಖ ಬದಲಾವಣೆಯಾಗಿದೆ. ಮುಂಬರುವ ಟೆಸ್ಟ್ ಸರಣಿಗೂ ಮುನ್ನ ಆಯ್ಕೆ ಸಮಿತಿಯು ಟೀಮ್ ಇಂಡಿಯಾ ತಂಡದಲ್ಲಿ ಎರಡು ಪ್ರಮುಖ ಬದಲಾವಣೆಗಳನ್ನು ಮಾಡಿದ್ದು, ಗುರ್ನೂರ್ ಬ್ರಾರ್ ಅವರನ್ನು ತಂಡಕ್ಕೆ ಆಯ್ಕೆ ಮಾಡದೆ. ನವೆಂಬರ್ 19, 2026 ರಿಂದ ವೆಲ್ಲಿಂಗ್ಟನ್‌ನಲ್ಲಿ ಪ್ರಾರಂಭವಾಗುವ ಎರಡು ಟೆಸ್ಟ್ ಸರಣಿಗೆ ಬ್ರಾರ್ ಅವರನ್ನು ಟೀಮ್ ಇಂಡಿಯಾಕ್ಕೆ ಆಯ್ಕೆ ಮಾಡಲಾಗಿದೆ, ಆದರೆ ಅನುಭವಿ ಸ್ಪಿನ್ನರ್ ಕುಲದೀಪ್ ಯಾದವ್ ಅವರನ್ನು ಟೆಸ್ಟ್ ತಂಡದಿಂದ ಬಿಡುಗಡೆ ಮಾಡಲಾಗಿದೆ.

ಅಧಿಕೃತ ಮಾಹಿತಿ ನೀಡಿದ ಬಿಸಿಸಿಐ!

ಈ ಬಗ್ಗೆ ಬಿಸಿಸಿಐ ಅಧಿಕೃತವಾಗಿ ಮಾಹಿತಿ ನೀಡಿದೆ. ಭಾರತದಲ್ಲಿ ನಡೆಯುತ್ತಿರುವ ದೇಶೀಯ ಕ್ರಿಕೆಟ್ ಟೂರ್ನಿಯಲ್ಲಿ ಆಡಲು ಕುಲದೀಪ್ ಯಾದವ್ ಅವರನ್ನು ಟೆಸ್ಟ್ ತಂಡದಿಂದ ಬಿಡುಗಡೆ ಮಾಡಲು ನಿರ್ಧರಿಸಲಾಗಿದೆ. ಮತ್ತೊಂದೆಡೆ, ರಿಷಭ್ ಪಂತ್ ಟೆಸ್ಟ್ ತಂಡದ ಇತರ ಆಟಗಾರರೊಂದಿಗೆ ವೆಲ್ಲಿಂಗ್ಟನ್‌ಗೆ ಆಗಮಿಸಿದ್ದಾರೆ. ಗುರ್ನೂರ್ ಬ್ರಾರ್ ಅವರಿಗೆ ಅವಕಾಶ ನೀಡಿದ ನಂತರ ಅವರನ್ನು ಈಗ ಟೆಸ್ಟ್ ತಂಡಕ್ಕೆ ಸೇರಿಸಿಕೊಳ್ಳಲಾಗುವುದು, ಆದರೆ ಕಿವೀಸ್ ವಿರುದ್ಧದ ಐದನೇ ಮತ್ತು ಅಂತಿಮ ಏಕದಿನ ಪಂದ್ಯಕ್ಕೆ ಅವರು ಲಭ್ಯವಿರುವುದಿಲ್ಲ. ಅವರ ಸ್ಥಾನದಲ್ಲಿ ಯಾವುದೇ ಬದಲಿ ಆಟಗಾರನನ್ನು ಘೋಷಿಸಲಾಗಿಲ್ಲ. ನ್ಯೂಜಿಲೆಂಡ್ ವಿರುದ್ಧದ ಟೆಸ್ಟ್ ತಂಡದಲ್ಲಿ ಗುರ್ನೂರ್ ಬ್ರಾರ್ ಅವರಿಗೆ ಇದ್ದಕ್ಕಿದ್ದಂತೆ ಅವಕಾಶ ನೀಡಲಾಗಿರುವುದರಿಂದ, ಟೀಂ ಇಂಡಿಯಾ ತನ್ನ ಆಕ್ರಮಣಕಾರಿ ತಂತ್ರದತ್ತ ಗಮನ ಹರಿಸುತ್ತಿರುವುದು ಈಗ ಕಂಡುಬರುತ್ತಿದೆ. ಈ ಕುರಿತು ಈಗಾಗಲೇ ಹಲವು ಪ್ರಶ್ನೆಗಳು ಉದ್ಭವಿಸಿವೆ. ಅದಕ್ಕೆ ಬಿಸಿಸಿಐ

ಟೀಮ್ ಇಂಡಿಯಾದ ಟೆಸ್ಟ್ ತಂಡ!

ಶುಭಮನ್ ಗಿಲ್ (ಸಿ), ಯಶಸ್ವಿ ಜೈಸ್ವಾಲ್, ಕೆಎಲ್ ರಾಹುಲ್ (ವಿಸಿ), ದೇವದತ್ ಪಡಿಕ್ಕಲ್, ರಿಷಭ್ ಪಂತ್ (ಡಬ್ಲ್ಯುಕೆ), ಧ್ರುವ ಜುರೆಲ್ (ಡಬ್ಲ್ಯುಕೆ), ರವೀಂದ್ರ ಜಡೇಜಾ, ಅನ್ಶುಲ್ ಕಾಂಬೋಜ್, ಜಸ್ಪ್ರೀತ್ ಬುಮ್ರಾ, ಪ್ರಸಿದ್ಧ್ ಕೃಷ್ಣ, ಆಕಾಶ್ ಕುಮಾರ್ ದೀಪ್, ಸತಿಶ್ ಕುಮಾರ್, ಸತಿಶ್ ಕುಮಾರ್ ದೀಪ್, ವಾ. ಮಹಮ್ಮದ್ ಸಿರಾಜ್, ಗುರ್ನೂರ್ ಬ್ರಾರ್.

ನವೆಂಬರ್ 18, 19ಕ್ಕೆ ಭಾರಿ ಮಳೆ, ವಾಯುಭಾರ ಕುಸಿತದಿಂದ ಹವಾಮಾನದಲ್ಲಿ ಭಾರಿ ಬದಲಾವಣೆ ಎಚ್ಚರಿಕೆ

Chethan Kumar — Sat, 14 Nov 2026 12:14:16 +0530

ನವದೆಹಲಿ (ನ.14) ಭಾರತಕ್ಕೆ ಮತ್ತೊಮ್ಮೆ ಚಂಡಮಾರುತ ಆತಂಕ ಎದುರಾಗಿದೆ. ಪರಿಣಾಮ ನವೆಂಬರ್ 18 ಹಾಗೂ 19ಕ್ಕೆ ಭಾರಿ ಮಳೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ಎಚ್ಚರಿಸಿದೆ. ಹವಾಮಾನದಲ್ಲಿ ಭಾರಿ ಬದಲಾವಣೆಯಾಗಲಿದೆ ಎಂದು ಎಚ್ಚರಿಸಿದೆ. ದಕ್ಷಿಣ ಭಾರತ ಮತ್ತು ಪೂರ್ವ ಕರಾವಳಿ ತೀರದ ಚಂಡಮಾರುತ ಮತ್ತೆ ಕೋಲಾಹಲ ಸೃಷ್ಟಿಸುವ ಆತಂಕ ಎದುರಾಗಿದೆ. ಆಗ್ನೇಯ ಬಂಗಾಳಕೊಲ್ಲಿ ಮತ್ತು ಅಂಡಮಾನ್ ಸಮುದ್ರ ವ್ಯಾಪ್ತಿಯಲ್ಲಿ ಸೃಷ್ಟಿಯಾಗಿರುವ ವಾಯುಭಾರ ಕುಸಿತವು (Low Pressure Area) ತೀವ್ರಗೊಂಡಿದೆ. ನವೆಂಬರ್ 16ರ ಸಂಜೆಯ ವೇಳೆಗೆ ಪ್ರಬಲ ಚಂಡಮಾರುತವಾಗಿ (Cyclonic Storm) ಮಾರ್ಪಡುವ ಸಾಧ್ಯತೆಯಿದೆ ಎಂದು ಭಾರತೀಯ ಹವಾಮಾನ ಎಚ್ಚರಿಸಿದೆ.

ಕರಾವಳಿ ರಾಜ್ಯಗಳಿಗೆ ಹೈ ಅಲರ್ಟ್

ಸಮುದ್ರದಲ್ಲಿ ಮೇಲ್ಮೈ ಸುಳಿಗಾಳಿ ತೀವ್ರಗೊಳ್ಳುತ್ತಿದ್ದು, ಮುಂಜಾಗ್ರತಾ ಕ್ರಮವಾಗಿ ಒಡಿಶಾ, ಆಂಧ್ರಪ್ರದೇಶ ಸೇರಿದಂತೆ ಕರಾವಳಿ ರಾಜ್ಯಗಳಿಗೆ ಹೈ ಅಲರ್ಟ್ ಘೋಷಿಸಲಾಗಿದೆ. ಅಂಡಮಾನ್ ಸಮುದ್ರದಲ್ಲಿ ಸೃಷ್ಟಿಯಾದ ಚಂಡಮಾರುತದ ಪರಿಚಲನೆಯ ಪರಿಣಾಮವಾಗಿ ಆಗ್ನೇಯ ಬಂಗಾಳಕೊಲ್ಲಿಯಲ್ಲಿ ವಾಯುಭಾರ ಕುಸಿತವಾಗಿದೆ. ಈ ಚಂಡಮಾರುತ ವಾಯುವ್ಯ ದಿಕ್ಕಿನತ್ತ ಚಲಿಸಿ ಮತ್ತಷ್ಟು ಪ್ರಬಲವಾಗಿ ಕರಾವಳಿ ತೀರಕ್ಕೆ ಅಪ್ಪಳಿಸಲಿದೆ. ನವೆಂಬರ್ 15ರಂದು ಆಗ್ನೇಯ ಬಂಗಾಳ ಕೊಲ್ಲಿಯಲ್ಲಿ ವಾಯುಭಾರ ಕುಸಿತ ತೀವ್ರಗೊಳ್ಳಲಿದೆ. ನವೆಂಬರ್ 16ರ ವೇಳೆ ಮಧ್ಯ ಬಂಗಾಳ ಕೊಲ್ಲಿಯಲ್ಲಿ ತೀವ್ರತೆ ಪಡೆದು ಚಂಡಮಾರುತವಾಗಿ ರೂಪಗೊಳ್ಳಲಿದೆ. ಚಂಡಮಾರತ ಬಲಗೊಳ್ಳುತ್ತಾ, ಕರಾವಳಿ ತೀರಗಳಿಗೆ ಅಪ್ಪಳಿಸಲಿದೆ.

ಯಾವ ರಾಜ್ಯಗಳಿಗೆ ಮಳೆ ಮನ್ಸೂಚನೆ

ಚಂಡಮಾರುತ ಅಪ್ಪಳಿಸುವ ಪರಿಣಾಮ ಕರಾವಳಿ ರಾಜ್ಯಗಳಿಗೆ ಮಳೆ ಎಚ್ಚರಿಕೆ ನೀಡಲಾಗಿದೆ ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿ ನವೆಂಬರ್ 16ರವರೆಗೆ ಮಳೆಯಾಗಲಿದೆ. ನವೆಂಬರ್ 18 ಹಾಗೂ ನವೆಂಬರ್ 19ಕ್ಕೆ ಆಂಧ್ರ ಪ್ರದೇಶದ ಕರಾವಳಿ ಜಿಲ್ಲೆಗಳು, ಒಡಿಶಾದ ಗಂಜಾಂ, ಪುರಿ, ಜಗತ್‌ಸಿಂಗಪುರ, ರಾಯಗಡ ಸೇರಿ ಹಲವು ಜಿಲ್ಲೆಗಳಲ್ಲಿ ವ್ಯಾಪಕವಾಗಿ ಮಳೆಯಾಗಲಿದೆ ಎಂದು ಎಚ್ಚರಿಸಿದ್ದಾರೆ. ಈ ಜಿಲ್ಲೆಗಳಲ್ಲಿ ಯೆಲ್ಲೋ ಅಲರ್ಟ್ ನೀಡಲಾಗಿದೆ.

ಗಾಳಿ ವೇಗ ಪ್ರತಿ ಗಂಟೆಗೆ 50 ರಿಂದ 65 ಕಿಲೋಮೀಟರ್ ಇರಲಿದೆ. ಮೀನುಗಾರರಿಗೆ ಎಚ್ಚರಿಕೆ ನೀಡಲಾಗಿದೆ. ಸಮುದ್ರ ಅಲೆಗಳು ತೀವ್ರಗೊಂಡಿದೆ. ಹೀಗಾಗಿ ಸಮುದ್ರಕ್ಕೆ ಇಳಿದಿರುವ ಎಲ್ಲಾ ಮೀನುಗಾರರು ತಕ್ಷಣವೇ ದಡ ಸೇರಲು ಸೂಚಿಸಲಾಗಿದೆ. ಇದೇ ವೇಳೆ ಪ್ರಕ್ಷುಬ್ದಗೊಂಡ ಸಮುದ್ರಕ್ಕೆ ಮೀನುಗಾರರು ಇಳಿಯದಂತೆ ಸೂಚನೆ ನೀಡಲಾಗಿದೆ. ನವೆಂಬರ್ 15ರಿಂದ 18ರವರೆಗೆ ಆಗ್ನೇಯ ಬಂಗಾಳಕೊಲ್ಲಿ ಹಾಗೂ ನವೆಂಬರ್ 16ರಿಂದ 19ರವರೆಗೆ ಮಧ್ಯ ಬಂಗಾಳಕೊಲ್ಲಿ ಭಾಗಕ್ಕೆ ಯಾರೂ ತೆರಳದಂತೆ ಸೂಚಿಸಲಾದಿದೆ.

ಕಟ್ಟೆಚ್ಚರ ಸೂಚನೆ

ಇತ್ತೀಚೆಗ ಅಪ್ಪಳಿಸಿದ್ದ ಚಂಡಮಾರುತಗಳ ನಂತರ ಇದೀಗ ಮತ್ತೊಂದು ಸೈಕ್ಲೋನ್ ಭೀತಿ ಎದುರಾಗಿರುವುದರಿಂದ ಒಡಿಶಾ ಸರ್ಕಾರ ಅಲರ್ಟ್ ಆಗಿದೆ. ಕರಾವಳಿ ಮತ್ತು ದಕ್ಷಿಣ ಜಿಲ್ಲೆಗಳ ಜಿಲ್ಲಾಧಿಕಾರಿಗಳಿಗೆ ಯಾವುದೇ ತುರ್ತು ಪರಿಸ್ಥಿತಿ ಎದುರಿಸಲು ಸನ್ನದ್ಧರಾಗಿರುವಂತೆ ಕಂದಾಯ ಮತ್ತು ವಿಪತ್ತು ನಿರ್ವಹಣಾ ಸಚಿವಾಲಯ ಆದೇಶಿಸಿದೆ.

ಫ್ರಿಡ್ಜ್‌ನಲ್ಲಿ ಪೇಪರ್ ರೋಲ್ ಇರಿಸೋ ಸೂಪರ್ ಟ್ರಿಕ್ಸ್; ಕಠಿಣ ಕೆಲಸ ಈಗ ತುಂಬಾ ಸರಳ

Mahmad Rafik — Sat, 14 Nov 2026 12:13:02 +0530

ಪ್ರತಿದಿನ ಫ್ರಿಡ್ಜ್ ಸ್ವಚ್ಛಗೊಳಿಸುವುದು ಕಷ್ಟದ ಕೆಲಸ. ಆದರೆ ಫ್ರಿಡ್ಜ್ ಬಾಗಿಲಲ್ಲಿ ಟಿಶ್ಯೂ ಅಥವಾ ರೋಲ್ ಪೇಪರ್ ಇಡುವುದರಿಂದ ತೇವಾಂಶ ಮತ್ತು ಚೆಲ್ಲಿದ ಆಹಾರವನ್ನು ಸುಲಭವಾಗಿ ಸ್ವಚ್ಛಗೊಳಿಸಬಹುದು. ಇದು ಫ್ರಿಡ್ಜ್ ಅನ್ನು ದುರ್ವಾಸನೆಯಿಂದ ಮುಕ್ತವಾಗಿಡಲು ಸಹಾಯ ಮಾಡುತ್ತದೆ.

ಪ್ರತಿದಿನವೂ ಫ್ರಿಡ್ಜ್ ಕ್ಲೀನ್ ಮಾಡೋದು ಆಗದ ಕೆಲಸ. ಫ್ರಿಡ್ಜ್ ಕ್ಲೀನಿಂಗ್ ಹೆಚ್ಚು ಸಮಯ ತೆಗೆದುಕೊಳ್ಳುವ ಕಾರಣ ಈ ಕೆಲಸವನ್ನು ಬಹುತೇಕರು ವಾರಂತ್ಯದಲ್ಲಿಟ್ಟುಕೊಳ್ಳುತ್ತಾರೆ. ಹಾಗೆಯೇ ಫ್ರಿಡ್ಜ್‌ನಲ್ಲಿಟ್ಟ ಆಹಾರ ಸಾಮಾಗ್ರಿಗಳು ಚೆಲ್ಲಿ ಗಲೀಜು ಆಗುತ್ತಿರುತ್ತದೆ. ಇದರಿಂದ ಫ್ರಿಡ್ಜ್ ಕೆಟ್ಟ ವಾಸನೆಗೆ ಕಾರಣವಾಗಬಹುದು.

ಪ್ರತಿಬಾರಿಯೂ ಫ್ರಿಡ್ಜ್‌ನಲ್ಲಿ ಮೊಸರು, ಹಾಲು, ಅಡುಗೆ ಪದಾರ್ಥಗಳು ಚೆಲ್ಲಿದಾಗ ಶುಚಿಗೊಳಿಸಲು ಕ್ಲೀನ್ ಬಟ್ಟೆ ಬಟ್ಟೆ ಬೇಕಾಗುತ್ತದೆ. ಕೆಲವೊಮ್ಮೆ ಬಟ್ಟೆ ಸಿಗದಿದ್ದ ಸಂದರ್ಭದಲ್ಲಿ ಹಾಗೆಯೇ ಬಿಟ್ಟುಬಿಡುತ್ತವೆ. ಇಂದು ಅದಕ್ಕಾಗಿ ಫ್ರಿಡ್ಜ್ ಡೋರ್ ಬಳಿ ಟಿಶ್ಯೂ ಪೇಪರ್ ಇರಿಸೋದು ಸೂಪರ್ ಐಡಿಯಾ ಆಗಿದೆ. ಈ ಒಂದು ಹ್ಯಾಕ್ ನಿಮ್ಮ ಫ್ರಿಡ್ಜ್ ಕ್ಲೀನ್ ಆಗಿರುವಂತೆ ನೋಡಿಕೊಳ್ಳುತ್ತದೆ.

ಫ್ರಿಡ್ಜ್ ಡೋರ್ ಬಳಿಯ ಚಿಕ್ಕಮೂಲೆಯಲ್ಲಿ ರೋಲ್‌ ಪೇಪರ್ ಇಡಲು ಸಾಕಾಗುತ್ತದೆ. ಸ್ವಲ್ಪ ಜಾಗ ತೆಗೆದುಕೊಂಡರೂ ಇದು ಹೆಚ್ಚಿನ ಸಹಾಯವನ್ನು ಮಾಡುತ್ತದೆ. ಈ ರೋಲ್ ಪೇಪರ್, ಫ್ರಿಡ್ಜ್‌ನಲ್ಲಿ ಪದೇ ಪದೇ ಸಂಗ್ರಹವಾಗುವ ತೇವಾಂಶ ಸ್ವಚ್ಛಗೊಳಿಸಲು ಸಹಾಯ ಮಾಡುತ್ತದೆ. ಕ್ಲೀನ್ ಮಾಡುವ ಸಂದರ್ಭದಲ್ಲಿ ಬಟ್ಟೆ ಸಿಗದಿದ್ದಾಗ ಈ ರೋಲ್ ಪೇಪರ್ ಸಹಾಯಕ್ಕೆ ಬರುತ್ತದೆ.

ರೋಲ್‌ ಪೇಪರ್ ನೀರು ಬೀಳದ ಅಥವಾ ತೇವಾಂಶ ಸಂಗ್ರಹವಾಗುವ ಸ್ಥಳದಲ್ಲಿರಿಸಬೇಕು. ಫ್ರಿಡ್ಜ್ ಡೋರ್ ಇದಕ್ಕೆ ಸೂಕ್ತಸ್ಥಳವಾಗಿದೆ. ರೋಲ್ ಪೇಪರ್ ಸಿಗದಿದ್ರೆ ಟಿಶ್ಯೂ ಪೇಪರ್ ಬಾಕ್ಸ್‌ನನ್ನು ಫ್ರಿಡ್ಜ್ ಮೇಲಿಟ್ಟುಕೊಳ್ಳಬಹುದು. ಕೆಲವರು ಆಹಾರ ಪಾತ್ರೆ, ತರಕಾರಿ ಅಥವಾ ರೆಫ್ರಿಜರೇಟರ್‌ನಲ್ಲಿರುವ ಇತರ ವಸ್ತುಗಳ ಕೆಳಗೆ ಪೇಪರ್ ಟವೆಲ್‌ಗಳನ್ನು ಇಡುತ್ತಾರೆ. ಈ ಪೇಪರ್ ಟವೆಲ್ ಫ್ರಿಡ್ಜ್‌ನಲ್ಲಿನ ತೇವಾಂಶ ಹೀರಿಕೊಳ್ಳುತ್ತದೆ.

ರೆಫ್ರಿಜರೇಟರ್‌ನಲ್ಲಿ ಹೆಚ್ಚಿನ ಪ್ರಮಾಣದ ಆಹಾರ ಚೆಲ್ಲಿದ್ದರೆ ಅಥವಾ ದೊಡ್ಡ ಅವ್ಯವಸ್ಥೆ ಉಂಟಾಗಿದ್ದರೆ, ಆ ಪ್ರದೇಶವನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಬೇಕು. ಈ ಸಂದರ್ಭದಲ್ಲಿ ರೋಲ್ ಪೇಪರ್ ಬದಲಾಗಿ ಒಣಬಟ್ಟೆಯನ್ನು ಬಳಸಬೇಕು. ಹಾಗೆಯೇ ಫ್ರಿಡ್ಜ್ ಡೀಪ್ ಕ್ಲೀನಿಂಗ್ ಸಂದರ್ಭದಲ್ಲಿ ವಿದ್ಯುತ್ ಸಂಪರ್ಕ ಕಡಿತಗೊಳಿಸಬೇಕು.

Bigg Boss ಇತಿಹಾಸದಲ್ಲೇ ಮೊದಲು! ದೊಡ್ಮನೆಯಲ್ಲಿಯೇ ಸ್ಪರ್ಧಿಗಳ ಎಂಗೇಜ್ಮೆಂಟ್ - ಜೋಡಿಗಳ ಮಿಲನ

Suchethana D — Sat, 14 Nov 2026 12:09:48 +0530

ಬಿಗ್ಬಾಸ್ ಎಂದರೆ ಅಲ್ಲಿ ಕಿತ್ತಾಟ, ಜಗಳದ ಜೊತೆಗೆ ಲವ್ ಮಾಡುವುದು ಕೂಡ ಮಾಮೂಲು. ಕೆಲವೊಮ್ಮೆ ಇದನ್ನು ಸ್ಕ್ರಿಪ್ಟೆಡ್ ಎನ್ನುವುದು ಉಂಟು. ಕೆಲವು ಭಾಷೆಗಳಲ್ಲಿ ಎಲ್ಲೆಯನ್ನು ಮೀರಿ ಈ ಲವ್ ಅಫೇರ್ ಪ್ರಸಾರ ಮಾಡುವುದೂ ಉಂಟು. ಅದೇ ರೀತಿ ಕೆಲವೊಮ್ಮೆ ನಿಜವಾದ ಪ್ರೀತಿಯೂ ಮನೆಯೊಳಗೆ ಹುಟ್ಟುವುದು ಇದೆ. ಈ ಹಿಂದೆ ಬಿಗ್ಬಾಸ್ ಮನೆಯಲ್ಲಿ ಅರಳಿದ ಪ್ರೀತಿ, ಹೊರಗಡೆ ಬಂದು ಮದುವೆಯಾಗಿ ಕೊನೆಗೆ ಡಿವೋರ್ಸ್ ಆಗಿರುವುದೂ ಇದೆ. ಅದೇನೇ ಇದ್ದರೂ, ಈಗ ಮತ್ತೊಮ್ಮೆ ಬಿಗ್ಬಾಸ್ ಮನೆಯಲ್ಲಿ ಲವ್ ವಿಷ್ಯ ಸಕತ್ ಸದ್ದು ಮಾಡುತ್ತಿದೆ. ಅದಕ್ಕೆ ಕಾರಣ, ಬಿಗ್ಬಾಸ್ ಸ್ಪರ್ಧಿಗಳಿಬ್ಬರು ಮನೆಯಲ್ಲಿಯೇ ಎಂಗೇಜ್ಮೆಂಟ್ ಮಾಡಿಕೊಂಡಿರುವುದು! ಇದು ಬಿಗ್ಬಾಸ್ ಇತಿಹಾಸದಲ್ಲಿ ಇದೇ ಮೊದಲು ಎನ್ನಲಾಗಿದೆ.

ಅಂದಹಾಗೆ, ಈ ರೀತಿ ಪ್ರೀತಿಯಲ್ಲಿ ಬಿದ್ದು ಎಂಗೇಜ್ಮೆಂಟ್ ಆಗಿರುವ ಘಟನೆ ನಡೆದಿರುವುದು ತೆಲುಗು ಬಿಗ್ಬಾಸ್ (Bigg Boss Telugu)ನಲ್ಲಿ. ತೆಲುಗು ಬಿಗ್ಬಾಸ್ 10ನೇ ವಾರಕ್ಕೆ ಕಾಲಿಟ್ಟಿದ್ದು, ಫ್ಯಾಮಿಲಿ ವೀಕ್ (Family Week) ಸಂಭ್ರಮ ನಡೆಯುತ್ತಿದೆ. ಈ ಸಂದರ್ಭದಲ್ಲಿ, ಎಲ್ಲಾ ಭಾಷೆಗಳ ಬಿಗ್ಬಾಸ್ನಂತೆ ಇಲ್ಲಿಯೂ ಸ್ಪರ್ಧಿಗಳ ಕುಟುಂಬಸ್ಥರು ಮತ್ತು ಆಪ್ತರು ಬಿಗ್ಬಾಸ್ ಮನೆಯೊಳಕ್ಕೆ ಬಂದಿದ್ದು, ಎಲ್ಲರೂ ಖುಷಿಯಲ್ಲಿ ಭಾಗಿಯಾಗಿದ್ದಾರೆ. ಈ ಸಂದರ್ಭದಲ್ಲಿಯೇ ಹಾಲಿ ಸ್ಪರ್ಧಿ ಶಿವಕುಮಾರ್ ಮತ್ತು ಬಿಗ್ಬಾಸ್ ಮಾಜಿ ಸ್ಪರ್ಧಿ ನಟಿ ಪ್ರಿಯಾಂಕಾ ಜೈಸ್ವಾಲ್ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದಾರೆ.

ಜೋಡಿಯ ಲವ್ಸ್ಟೋರಿ

ಈ ಜೋಡಿಯ ವಿಷ್ಯಕ್ಕೆ ಬರುವುದಾದರೆ, ಇವರಿಬ್ಬರೂ ಬಿಗ್ಬಾಸ್ನಲ್ಲಿ ಒಟ್ಟಿಗೇ ಬಂದು, ಬಿಗ್ಬಾಸ್ ಮನೆಯಲ್ಲಿ ಲವ್ ಆಗಿದ್ದಲ್ಲ. ಬದಲಿಗೆ, ಶಿವಕುಮಾರ್ ಮತ್ತು ಪ್ರಿಯಾಂಕಾ ಹಲವಾರು ವರ್ಷಗಳಿಂದ ಒಟ್ಟಿಗೆ ಇದ್ದು, ಪ್ರೇಮಿಗಳಾಗಿದ್ದಾರೆ. ಈ ಹಿಂದೆ ಈ ಜೋಡಿ ಮ್ಯಾಡ್ ಫಾರ್ ಈಚ್ ಅದರ್ (Mad for each other) ಕಾರ್ಯಕ್ರಮದಲ್ಲಿಯೂ ಕಾಣಿಸಿಕೊಂಡಿತ್ತು. ಡೇಟಿಂಗ್ ಹಂತದಲ್ಲಿ ಹೆಚ್ಚಾಗಿ ಉಳಿದಿದ್ದ ಅವರ ಸಂಬಂಧವು ಬಿಗ್ ಬಾಸ್ ಮನೆಯೊಳಗೆ ನಿಶ್ಚಿತಾರ್ಥದ ಆಚರಣೆಯೊಂದಿಗೆ ಹೊಸ ತಿರುವು ಪಡೆದುಕೊಂಡಿತು. ಬಿಗ್ ಬಾಸ್ ಮನೆಯನ್ನು ನಿಶ್ಚಿತಾರ್ಥದ ಸ್ಥಳವನ್ನಾಗಿ ಪರಿವರ್ತಿಸಲಾಯಿತು. ಈ ಸಂದರ್ಭದಲ್ಲಿ ಜೋಡಿ ಸ್ವಲ್ಪ ಸಮಯ ಒಟ್ಟಿಗೆ ಕಳೆದರು ಮತ್ತು ಅವರ ಸಂಬಂಧದ ಬಗ್ಗೆ ಮಾತನಾಡಿದರು. ಪ್ರಿಯಾಂಕಾ ಅನಗತ್ಯ ತ್ಯಾಗಗಳನ್ನು ಮಾಡುವುದನ್ನು ನಿಲ್ಲಿಸಿ ಸ್ವಂತ ಆಟದ ಮೇಲೆ ಹೆಚ್ಚು ಗಮನಹರಿಸುವಂತೆ ಶಿವನಿಗೆ ಹೇಳಿದರು. ಇದಕ್ಕೆ ಪ್ರತಿಕ್ರಿಯೆಯಾಗಿ, ಶಿವ ತನ್ನ ತಾಯಿ ಮತ್ತು ಪ್ರಿಯಾಂಕಾ ತನ್ನ ಜೀವನದಲ್ಲಿ ಇಬ್ಬರು ದೊಡ್ಡ ಆದ್ಯತೆಗಳು ಎಂದು ಹೇಳಿದರು.

ಪ್ರಿಯಾಂಕಾ ಫ್ಯಾಮಿಲಿ ವೀಕ್‌ನ ಭಾಗವಾಗಿ ಶಿವ್‌ಗಾಗಿ ಮನೆಗೆ ಬಂದಿದ್ದರು. ಎಂಗೇಜ್ಮೆಂಟ್ ಮಾಡಿಕೊಳ್ಳಲು ಪ್ರಿಯಾಂಕಾ ಹೊಸ ಬಟ್ಟೆಗಳನ್ನು ಸಹ ತಂದಿದ್ದರು. ನಂತರ ಶೋನಲ್ಲಿ ಇಬ್ಬರೂ ಉಂಗುರಗಳನ್ನು ಸಹ ಬದಲಾಯಿಸಿಕೊಂಡು ಎಂಗೇಜ್‌ಮೆಂಟ್ ಮಾಡಿಕೊಂಡರು. ಹೊಸದಾಗಿ ಮದುವೆಯಾದ ಹೆಣ್ಣು ಹಾಗೂ ಗಂಡು ಮನೆಗೆ ಕಾಲಿಡುವ ಸನ್ನಿವೇಶವನ್ನು ಇಲ್ಲಿ ಮರುಸೃಷ್ಟಿಸಲಾಗಿದ್ದು ವಿಶೇಷ. ಶಿವನು ಒಂದು ಮೊಣಕಾಲಿಗೆ ಬಿದ್ದು ಪ್ರಿಯಾಂಕಾಗೆ ಪ್ರಪೋಸ್ ಮಾಡಿದಾಗ ಅದು ಹೈಲೈಟ್ ಆಯಿತು. ಅವರು ಮಂಡಿಯೂರಿ ಶಿವಕುಮಾರ್ ಅವರ ಪ್ರಪೋಸ್ ಅನ್ನು ಸ್ವೀಕರಿಸಿದರು. ಈ ಸಂದರ್ಭದಲ್ಲಿ ಶಿವಕುಮಾರ್ ಅವರ ತಾಯಿ ಕೂಡ ವೀಡಿಯೊ ಸಂದೇಶದ ಮೂಲಕ ಈ ಸಂದರ್ಭದಲ್ಲಿ ಸೇರಿಕೊಂಡರು ಮತ್ತು ನಿಶ್ಚಿತಾರ್ಥಕ್ಕೆ ಅಭಿನಂದನೆ ಸಲ್ಲಿಸಿದರು.

ಬೆಂಗಳೂರಿಗೆ ಬಂದ ಮೋದಿ ತೋರಿಸಲು, ಮಗಳ ಚಪ್ಪಲಿ ಕಾಲನ್ನೇ ತಲೆ ಮೇಲೆ ಹೊತ್ತುಕೊಂಡು ನಿಂತ ಅಪ್ಪ!

Sathish Kumar KH — Fri, 13 Nov 2026 22:49:55 +0530

ಬೆಂಗಳೂರು (ನ.13): 'ಅಪ್ಪ ಎಂದರೆ ಆಕಾಶ' ಎಂದು ಕಥೆ, ಕವಿತೆಗಳಲ್ಲಿ ಬಣ್ಣಿಸುವುದನ್ನು ನಾವೆಲ್ಲರೂ ಕೇಳಿದ್ದೇವೆ. ಆದರೆ ಇಲ್ಲೊಬ್ಬ ತಂದೆ ಆಕಾಶ ಮಾತ್ರವಲ್ಲ, ತನ್ನ ಮಗಳ ಪುಟ್ಟ ಆಸೆಯನ್ನು ಹೊತ್ತು ನಿಲ್ಲಲು ಭೂಮಿಯಾಗಿ ನಿಂತಿದ್ದಾನೆ. ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರನ್ನು ನೋಡಬೇಕೆಂಬ ಮುಗ್ಧ ಮಗಳ ಹಂಬಲವನ್ನು ಈಡೇರಿಸಲು, ಚಪ್ಪಲಿ ಧರಿಸಿದ್ದ ಮಗಳನ್ನೇ ತನ್ನ ತಲೆಯ ಮೇಲೆ ನಿಲ್ಲಿಸಿಕೊಂಡ ತಂದೆಯೊಬ್ಬರ ಅಪರೂಪದ ಪ್ರೀತಿಯ ವಿಡಿಯೋ ಈಗ ಇಡೀ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರ ಹೃದಯ ಗೆದ್ದಿದೆ.

ತಾವರೆಕೆರೆ ರಸ್ತೆಯಲ್ಲಿ ನಡೆದ ಅಪರೂಪದ ಘಟನೆ:

ನಮ್ಮ ಮೆಟ್ರೋದ ನೂತನ 'ಗುಲಾಬಿ ಮಾರ್ಗ'ದ (Pink Line) ಉದ್ಘಾಟನೆಗಾಗಿ ಪ್ರಧಾನಿ ನರೇಂದ್ರ ಮೋದಿ ಅವರು ಬೆಂಗಳೂರಿಗೆ ಆಗಮಿಸಿದ್ದರು. ಹೆಲಿಕಾಪ್ಟರ್ ಮೂಲಕ ಆಗಮಿಸಿದ ಮೋದಿ ಅವರು, ರಸ್ತೆ ಮಾರ್ಗವಾಗಿ ಕಾರಿನಲ್ಲಿ ತಾವರೆಕೆರೆ ಮೆಟ್ರೋ ನಿಲ್ದಾಣದತ್ತ ತೆರಳುತ್ತಿದ್ದರು. ರಸ್ತೆಯ ಇಕ್ಕೆಲಗಳಲ್ಲಿ ನೆರೆದಿದ್ದ ಸಹಸ್ರಾರು ಸಾರ್ವಜನಿಕರು ಹಾಗೂ ಕಾರ್ಯಕರ್ತರತ್ತ ಪ್ರಧಾನಿಗಳು ಕಾರಿನಿಂದ ಕೈಬೀಸುತ್ತಾ ಸಾಗುತ್ತಿದ್ದರು.

ಇದೇ ಸಮಯದಲ್ಲಿ ಶಾಲೆಯಿಂದ ಸುಮಾರು 3 ಅಥವಾ 4ನೇ ತರಗತಿಯಲ್ಲಿ ಓದುತ್ತಿರುವ ತನ್ನ ಮುದ್ದಿನ ಮಗಳನ್ನು ಮನೆಗೆ ಕರೆದೊಯ್ಯುತ್ತಿದ್ದ ತಂದೆಯೊಬ್ಬರಿಗೆ ಮಗಳು ಪುಟ್ಟದೊಂದು ಬೇಡಿಕೆ ಇಟ್ಟಿದ್ದಾಳೆ— "ಅಪ್ಪ, ನಾನೂ ಟಿವಿಯಲ್ಲಿ ನೋಡೋ ಮೋದಿಯವರನ್ನ ನೋಡಬೇಕು!"

ಮಗಳ ಆಸೆಗಾಗಿ ಚಪ್ಪಲಿ ಕಾಲನ್ನೇ ತಲೆ ಮೇಲಿಟ್ಟುಕೊಂಡ ತಂದೆ!

ರಸ್ತೆಯಲ್ಲಿ ಜನರ ದಂಡೇ ಸೇರಿತ್ತು. ಜೊತೆಗೆ ರಸ್ತೆಯ ಪಕ್ಕದಲ್ಲಿದ್ದ ಎತ್ತರದ ಕಾಂಪೌಂಡ್ ಗೋಡೆ ಪುಟ್ಟ ಮಗುವಿನ ದೃಷ್ಟಿಗೆ ಅಡ್ಡಲಾಗಿ ನಿಂತಿತ್ತು. ಮಗಳನ್ನು ಗೋಡೆ ಹತ್ತಿಸಿ ಕೂರಿಸಲೂ ಆಗದಷ್ಟು ಎತ್ತರ. ಇತ್ತ ಪ್ರಧಾನಿ ಮೋದಿಯವರ ಬೆಂಗಾವಲು ವಾಹನವೂ ವೇಗವಾಗಿ ಸಾಗಿಬರುತ್ತಿತ್ತು. ಮಗಳಿಗೆ ಮೋದಿಯನ್ನು ತೋರಿಸಲೇಬೇಕೆಂದು ಪಣತೊಟ್ಟ ಆ ತಂದೆ, ಮಗಳು ಕಾಲಿನಲ್ಲಿ ಚಪ್ಪಲಿ ಧರಿಸಿದ್ದಾಳೆ ಎಂಬುದನ್ನೂ ಲೆಕ್ಕಿಸದೆ, ಆ ಚಪ್ಪಲಿ ಸಮೇತ ಮಗಳ ಎರಡೂ ಕಾಲುಗಳನ್ನು ತನ್ನ ತಲೆಯ ಮೇಲೆ ಗಟ್ಟಿಯಾಗಿ ನಿಲ್ಲಿಸಿಕೊಂಡು ಕಾಂಪೌಂಡ್‌ಗಿಂತ ಎತ್ತರಕ್ಕೆ ಹೊತ್ತು ನಿಂತರು. ಮಗಳೂ ಸಹ ತನ್ನ ಅಪ್ಪನ ಬೆಂಬಲವನ್ನು ನಂಬಿ, ಯಾವುದೇ ಅಳುಕಿಲ್ಲದೆ ಧೈರ್ಯದಿಂದ ಅಪ್ಪನ ತಲೆಯ ಮೇಲೆ ನಿಂತು ಕಾಂಪೌಂಡ್ ಆಚೆಯಿಂದ ಸಾಗುತ್ತಿದ್ದ ಪ್ರಧಾನಿ ಮೋದಿಯವರನ್ನು ಕಣ್ತುಂಬಿಕೊಂಡು ಸಂಭ್ರಮಿಸಿದಳು.

ಮಗಳ ಮೊಗದ ನಗುವಿನಲ್ಲಿ ಜಗತ್ತನ್ನೇ ಗೆದ್ದ ಅಪ್ಪ:

ತನ್ನ ತಲೆಯ ಮೇಲೆ ನಿಂತ ಮಗಳು ಪ್ರಧಾನಿ ಮೋದಿಯನ್ನು ನೋಡಿ ಮುಖದಲ್ಲಿ ನಗು ಬೀರಿದ ಆ ಕ್ಷಣ, ಆ ತಂದೆಯ ಮೊಗದಲ್ಲಿದ್ದ ನೆಮ್ಮದಿ ಹಾಗೂ ಸಾಧನೆಯ ಭಾವನೆ ನೋಡುಗರ ಎದೆಯನ್ನು ಕಲಕುವಂತಿತ್ತು. ಮಗಳ ಆಸೆ ಈಡೇರಿಸಲು ತಂದೆಯೊಬ್ಬ ಎಂಥ ತ್ಯಾಗಕ್ಕೂ ಸಿದ್ಧ ಎಂಬುದಕ್ಕೆ ಈ ದೃಶ್ಯ ಜೀವಂತ ಸಾಕ್ಷಿಯಾಯಿತು.

View this post on Instagram

A post shared by Sathish Kumar (@sathish_reports)

ಈ ದಿನದ ಬೆಂಗಳೂರಿನ ಬೆಸ್ಟ್ ವಿಡಿಯೋ:

ಈ ಅದ್ಭುತ ಕ್ಷಣವನ್ನು ಅಲ್ಲೇ ಇದ್ದ ವ್ಯಕ್ತಿಯೊಬ್ಬರು ತಮ್ಮ ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆಹಿಡಿದು ಸೋಶಿಯಲ್ ಮೀಡಿಯಾಗೆ ಹಂಚಿಕೊಂಡಿದ್ದು, ಕೆಲವೇ ಕ್ಷಣಗಳಲ್ಲಿ ಲಕ್ಷಾಂತರ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಇಂದು ಪ್ರಧಾನಿ ಮೋದಿ ಅವರು ಮೆಟ್ರೋ ಉದ್ಘಾಟನೆ ಮಾಡಿದ್ದು, ಭಾಷಣ ಮಾಡಿದ್ದು, ದೊಡ್ಡ ದೊಡ್ಡ ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಿದ್ದು, ಮೋದಿ ಬೆಂಬಲಿಗರು ಘೋಷಣೆ ಕೂಗಿದ್ದು ಯಾವುದೂ ಮುಖ್ಯ ಎನ್ನಿಸಲಿಲ್ಲ. ಈ ಎಲ್ಲ ಘಟನೆಗಳಿಗಿಂದ 'ಮೋದಿಯನ್ನು ತೋರಿಸಲು ಅಪ್ಪ ಮಗಳನ್ನು ತಲೆ ಮೇಲೆ ನಿಲ್ಲಿಸಿಕೊಂಡ' ದೃಶ್ಯವೇ 'ಈ ದಿನದ ಬೆಂಗಳೂರಿನ ಬೆಸ್ಟ್ ವಿಡಿಯೋ' ಎಂದು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಮಕ್ಕಳ ಮುಖದಲ್ಲಿ ನಗು ತರಲು ಅಪ್ಪ ಏನು ಬೇಕಾದರೂ ಮಾಡುತ್ತಾನೆ ಎಂಬುದಕ್ಕೆ ಇದಕ್ಕಿಂತ ದೊಡ್ಡ ಉದಾಹರಣೆ ಬೇಕೇ?" ಎಂದು ನೆಟ್ಟಿಗರು ಕಮೆಂಟ್ ಮಾಡುತ್ತಿದ್ದಾರೆ.

ಚಳಿಯಿಂದ ತಪ್ಪಿಸಿಕೊಳ್ಳಲು ಮನೆಗೆ ನುಗ್ಗುವ 2 ಹಾವುಗಳಿವು.. ಈ 4 ಜಾಗದಲ್ಲಿ ಪಕ್ಕಾ ಇರುತ್ತವೆ ಹುಷಾರ್!

Ashwini HR — Sat, 14 Nov 2026 11:52:26 +0530

ಸಾಮಾನ್ಯವಾಗಿ ಚಳಿಗಾಲದಲ್ಲಿ ಹಾವುಗಳು ಕಾಣಿಸುವುದಿಲ್ಲ, ಅವು ಚಳಿಯ ನಿದ್ರೆಗೆ (ಹೈಬರ್ನೇಶನ್) ಜಾರುತ್ತವೆ ಎಂಬ ತಪ್ಪು ಕಲ್ಪನೆ ಹಲವರಲ್ಲಿದೆ. ಆದರೆ, ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ICMR) ಪ್ರಕಾರ, ಭಾರತದಲ್ಲಿ ಪ್ರತಿ ವರ್ಷ ಸುಮಾರು 1.20 ಲಕ್ಷಕ್ಕೂ ಹೆಚ್ಚು ಜನರಿಗೆ ಹಾವು ಕಚ್ಚುತ್ತಿದ್ದು, ಇದರಲ್ಲಿ 50 ರಿಂದ 60 ಸಾವಿರ ಜನರು ಸಾವನ್ನಪ್ಪುತ್ತಿದ್ದಾರೆ. ಚಳಿಗಾಲದಲ್ಲೂ ಹಾವು ಕಡಿತದ ಪ್ರಮಾಣ ಕಡಿಮೆಯಾಗಿಲ್ಲ!

ಶೀತಲ ರಕ್ತದ ಪ್ರಾಣಿಗಳಾದ ಹಾವುಗಳು, ಚಳಿಯಿಂದ ತಪ್ಪಿಸಿಕೊಳ್ಳಲು ಬೆಚ್ಚಗಿನ ಸ್ಥಳಗಳನ್ನು ಹುಡುಕಿಕೊಂಡು ಜನರ ಮನೆ ಅಥವಾ ಮನೆಯ ಆವರಣಕ್ಕೆ ನುಸುಳುತ್ತವೆ. ಮುಖ್ಯವಾಗಿ ಭಾರತದಲ್ಲಿ ಅತಿ ಹೆಚ್ಚು ಸಾವುಗಳಿಗೆ ಕಾರಣವಾಗುವ 2 ಅತ್ಯಂತ ವಿಷಕಾರಿ ಹಾವುಗಳು ಚಳಿಗಾಲದಲ್ಲಿ ಮನೆಯ ಯಾವ ಮೂಲೆಗಳಲ್ಲಿ ಅವಿತುಕೊಳ್ಳುತ್ತವೆ? ಅವುಗಳಿಂದ ಪಾರಾಗುವುದು ಹೇಗೆ? ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಚಳಿಗಾಲದಲ್ಲಿ ಮನೆಗೆ ನುಗ್ಗುವ ಆ 2 ಅಪಾಯಕಾರಿ ಹಾವುಗಳು

ಕಪ್ಪು ನಾಗರಹಾವು (Spectacled Cobra) ಭಾರತದಲ್ಲಿ ಅತಿ ಹೆಚ್ಚು ಹಾವು ಕಡಿತದ ಸಾವುಗಳಿಗೆ ನಾಗರಹಾವೇ ಕಾರಣ. ಚಳಿಗಾಲದಲ್ಲಿ ಇಲಿಗಳ ಬಿಲ ಸಿಗದಿದ್ದಾಗ, ಇದು ಬೆಚ್ಚಗಿನ ವಾತಾವರಣ ಹುಡುಕಿಕೊಂಡು ಮನೆಗಳ ಮೂಲೆ ಸೇರುತ್ತದೆ.

ಕಟ್ಟುಹಾವು (Common Krait) ಇದು ಭಾರತದ ಅತ್ಯಂತ ಅಪಾಯಕಾರಿ ವಿಷಕಾರಿ ಹಾವು. ಇದು ಸಾಮಾನ್ಯವಾಗಿ ರಾತ್ರಿ ವೇಳೆ ಸದ್ದಿಲ್ಲದೆ ದಾಳಿ ಮಾಡುತ್ತದೆ. ನಿರ್ಜನ ಪ್ರದೇಶ, ಹಳೆಯ ಕಟ್ಟಡ ಅಥವಾ ಪಾಳುಬಿದ್ದ ಜಾಗಗಳಲ್ಲಿ ಇದು ಹೆಚ್ಚಾಗಿ ನೆಲೆ ಕಂಡುಕೊಳ್ಳುತ್ತದೆ.

ಚಳಿಗಾಲದಲ್ಲಿ ಈ ಹಾವುಗಳು ಅವಿತುಕೊಳ್ಳುವ ಮನೆಯ 4 ಪ್ರಮುಖ ಸ್ಥಳಗಳು

1. ಛಾವಣಿ (ಟೆರೇಸ್) ಮೇಲಿರುವ ಹಳೆಯ ವಸ್ತುಗಳ ರಾಶಿಗ್ರಾಮೀಣ ಹಾಗೂ ಪಟ್ಟಣ ಪ್ರದೇಶಗಳಲ್ಲಿ ಮನೆಯ ಛಾವಣಿ ಅಥವಾ ಅಟ್ಟದ ಮೇಲೆ ಹಳೆಯ ಪ್ಲಾಸ್ಟಿಕ್, ರದ್ದಿ ಪೇಪರ್, ಹಳೆಯ ಬಟ್ಟೆ ಅಥವಾ ಮರದ ಸಾಮಾನುಗಳನ್ನು ರಾಶಿ ಹಾಕಿರುತ್ತಾರೆ. ಈ ಜಾಗದಲ್ಲಿ ಜನ ಸಂಚಾರ ಕಡಿಮೆ ಇರುವುದರಿಂದ ಮತ್ತು ಅಲ್ಲಿ ಹೆಚ್ಚು ಬೆಚ್ಚಗಿರುವುದರಿಂದ ನಾಗರಹಾವು ಹಾಗೂ ಕಟ್ಟುಹಾವುಗಳು ಇಲ್ಲಿ ಸುಲಭವಾಗಿ ಗೂಡು ಕಟ್ಟಿಕೊಳ್ಳುತ್ತವೆ.

2. ಸೌದೆ ಮತ್ತು ಒಣ ಬೆರಣಿಗಳ ರಾಶಿಮನೆಯ ಹಿತ್ತಲಿನಲ್ಲಿ ಅಥವಾ ಅಡುಗೆಮನೆಯ ಪಕ್ಕದಲ್ಲಿ ಒಟ್ಟಲಾಗಿ ಇಡುವ ಒಣ ಸೌದೆ ಹಾಗೂ ಬೆರಣಿಯ ರಾಶಿಯು ಹಾವುಗಳಿಗೆ ಹೇಳಿಮಾಡಿಸಿದ ಸ್ಥಳ. ಇಲ್ಲಿ ಹಾವುಗಳಿಗೆ ಬೆಚ್ಚಗಿನ ಆಶ್ರಯ ಸಿಗುವುದಷ್ಟೇ ಅಲ್ಲದೆ, ಅವುಗಳ ಆಹಾರವಾದ ಕೀಟಗಳು, ಜಿರಳೆ ಹಾಗೂ ಇಲಿಗಳು ಸುಲಭವಾಗಿ ಸಿಗುತ್ತವೆ.

3. ಇಟ್ಟಿಗೆ, ಸಿಮೆಂಟ್ ಬ್ಲಾಕ್ ಹಾಗೂ ಕಲ್ಲುಗಳ ರಾಶಿಮನೆ ನಿರ್ಮಾಣದ ನಂತರ ಉಳಿದ ಇಟ್ಟಿಗೆ ಅಥವಾ ಕಲ್ಲುಗಳನ್ನು ತಿಂಗಳುಗಟ್ಟಲೆ ಹಾಗೆಯೇ ಬಿಟ್ಟಿರುತ್ತಾರೆ. ಇಟ್ಟಿಗೆಗಳ ಸಂದಿಗಳಲ್ಲಿ ಚಳಿಗಾಲದಲ್ಲಿ ಅತ್ಯಂತ ಹಿತವಾದ ಬೆಚ್ಚಗಿನ ವಾತಾವರಣವಿರುತ್ತದೆ. ಹಾವುಗಳು ಯಾವುದೇ ಸದ್ದಿಲ್ಲದೆ ಈ ಬಿರುಕುಗಳಲ್ಲಿ ವಾಸವಾಗಿರುತ್ತವೆ.

4. ಚರಂಡಿ ಮತ್ತು ಸೆಪ್ಟಿಕ್ ಟ್ಯಾಂಕ್ ಸುತ್ತಮುತ್ತನೀರು ಹರಿದುಹೋಗುವ ಚರಂಡಿಯ ಮೂಲೆಗಳು, ಹಳೆಯ ಪೈಪ್‌ಗಳು ಹಾಗೂ ಸೆಪ್ಟಿಕ್ ಟ್ಯಾಂಕ್ ಬಳಿಯ ಜಾಗಗಳಲ್ಲಿ ತೇವಾಂಶ ಮತ್ತು ಆಂತರಿಕ ಶಾಖವಿರುತ್ತದೆ. ಜನ ಸಂಚಾರ ವಿರಳವಾಗಿರುವ ಇಂತಹ ಸ್ಥಳಗಳಲ್ಲಿ ಇಲಿ ಮತ್ತು ಕಪ್ಪೆಗಳನ್ನು ಬೇಟೆಯಾಡಲು ಹಾವುಗಳು ಅವಿತುಕೊಂಡಿರುತ್ತವೆ.

ನೀವು ವಹಿಸಬೇಕಾದ ಮುನ್ನೆಚ್ಚರಿಕೆಗಳು

ರಾಶಿ ಹಾಕಬೇಡಿ: ಮನೆಯ ಛಾವಣಿ, ಅಂಗಳ ಅಥವಾ ಮನೆಯ ಒಳಗಡೆ ಯಾವುದೇ ಕಾರಣಕ್ಕೂ ಹಳೆಯ ವಸ್ತುಗಳು, ಮುರಿದ ಪೀಠೋಪಕರಣಗಳ ರಾಶಿ ಹಾಕಬೇಡಿ.

ಸೌದೆ ಮುಟ್ಟುವಾಗ ಎಚ್ಚರ: ಉರುವಲು ಸೌದೆಯನ್ನು ನೆಲದ ಮೇಲೆ ರಾಶಿ ಹಾಕುವ ಬದಲು ನೆಲದಿಂದ ಕೊಂಚ ಎತ್ತರದಲ್ಲಿರಿಸಿ. ಸೌದೆ ತೆಗೆಯುವಾಗ ಟಾರ್ಚ್ ಬಳಸಿ ಮತ್ತು ಕೋಲಿನಿಂದ ಬಡಿದು ಪರೀಕ್ಷಿಸಿ.

ಕಲ್ಲು-ಇಟ್ಟಿಗೆಗಳ ಸ್ವಚ್ಛತೆ: ಮನೆಯ ಪಕ್ಕದಲ್ಲಿ ಇಟ್ಟಿಗೆ-ಕಲ್ಲುಗಳು ಬಿದ್ದಿದ್ದರೆ ಕೂಡಲೇ ತೆರವುಗೊಳಿಸಿ ಅಥವಾ ಆ ಜಾಗವನ್ನು ಸ್ವಚ್ಛವಾಗಿಡಿ.

ಲೈಟ್ ಬಳಸಿ: ರಾತ್ರಿ ವೇಳೆ ಮನೆಯ ಸುತ್ತಮುತ್ತ, ಹಿತ್ತಲಿಗೆ ಅಥವಾ ಬಾತ್‌ರೂಮ್‌ಗೆ ಹೋಗುವಾಗ ಕತ್ತಲಲ್ಲಿ ನಡೆಯದೆ ಟಾರ್ಚ್ ಲೈಟ್ ಕಡ್ಡಾಯವಾಗಿ ಬಳಸಿ.

ಶಾರುಕ್ ಕಟ್ಟಿರುವ ವಾಚ್ ಬೆಲೆಗೆ ಐಷಾರಾಮಿ ಮನೆ ಖರೀದಿಸಬಹುದು! ವಿಶ್ವದಲ್ಲಿ ಕೇವಲ 22 ಮಂದಿ ಬಳಿ ಇರುವ ಇದ್ರ ವಿಶೇಷತೆ ಏನು?

Roopa Hegde — Sat, 14 Nov 2026 11:37:29 +0530

ಬಾಲಿವುಡ್ ಕಿಂಗ್ ಖಾನ್ ಶಾರುಕ್ ಖಾನ್ ಸಿನಿಮಾ ಮತ್ತು ಅದ್ಭುತ ನಟನೆಯಿಂದ ಮಾತ್ರವಲ್ಲದೆ ಐಷಾರಾಮಿ ಜೀವನಶೈಲಿಯಿಂದಲೂ ಆಗಾಗ ಸುದ್ದಿಯಾಗ್ತಿರುತ್ತಾರೆ. ಇತ್ತೀಚೆಗೆ ಅವರ ಕೈಗೆ ಕಟ್ಟಿದ್ದ ವಾಚ್ವೊಂದು ಎಲ್ಲರ ಗಮನ ಸೆಳೆದಿದೆ. ಇದು ಸಾಮಾನ್ಯ ರೋಲೆಕ್ಸ್ ಅಥವಾ ಆ್ಯಪಲ್ ವಾಚ್ ಅಲ್ಲ. ಬದಲಿಗೆ ಸ್ವಿಟ್ಜರ್ಲ್ಯಾಂಡ್ನ ಪ್ರತಿಷ್ಠಿತ ಐಷಾರಾಮಿ ವಾಚ್ ಕಂಪನಿ ಗ್ರೂಬೆಲ್ ಫೋರ್ಸಿ (Greubel Forsey) ತಯಾರಿಸಿರುವ ವಿಶೇಷ 'ಬ್ಯಾಲೆನ್ಸಿಯರ್ 3' (Balancier 3) ವಾಚ್.

ಶಾರುಕ್ ಐಷಾರಾಮಿ ವಾಚ್‌ ಬೆಲೆ ಎಷ್ಟು?

ಶಾರುಕ್‌ ಖಾನ್‌ ಕಟ್ಟಿದ್ದ ಬ್ಯಾಲೆನ್ಸಿಯರ್‌ ವಾಚ್ ಬೆಲೆ ಬರೋಬ್ಬರಿ 1.8 ಕೋಟಿ ರೂಪಾಯಿ ಎಂದು ವರದಿಯಾಗಿದೆ. ಅಷ್ಟೇ ಅಲ್ಲ, ಇದರ ಬೇಬಿ ಬ್ಲೂ ಡಯಲ್ ಹೊಂದಿರುವ ವಿಶೇಷ ಆವೃತ್ತಿಯ ಕೇವಲ 22 ವಾಚ್ಗಳನ್ನು ಮಾತ್ರ ತಯಾರಿಸಲಾಗಿದೆ. ಅಂದ್ರೆ ವಿಶ್ವದಲ್ಲಿ ಈ ವಾಚ್‌ ಬರೀ 22 ಮಂದಿ ಬಳಿ ಮಾತ್ರ ಇದೆ.

ಶಾರುಖ್ ಖಾನ್ ಇತ್ತೀಚೆಗೆ ತಮ್ಮ 61ನೇ ಹುಟ್ಟುಹಬ್ಬದ ಸಂಭ್ರಮದ ಸಂದರ್ಭದಲ್ಲಿ ವಿಶೇಷ ಲುಕ್ನಲ್ಲಿ ಕಾಣಿಸಿಕೊಂಡಿದ್ದರು. ಅವರ ಉಡುಗೆ, ಸ್ಟೈಲ್ ಮತ್ತು ಆ್ಯಕ್ಸೆಸರೀಸ್ಗಳ ನಡುವೆ ಎಲ್ಲರ ಗಮನ ಸೆಳೆದಿದ್ದು ಅವರ ಕೈಯಲ್ಲಿದ್ದ ವಾಚ್. ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ ವಿಡಿಯೋವೊಂದರಲ್ಲಿ ಅವರು ಕೈಗೆ ಕಟ್ಟಿದ್ದ ನೀಲಿ ಬಣ್ಣದ ಡಯಲ್ ಹೊಂದಿರುವ ಸುಂದರ ವಾಚ್ ಎಲ್ಲರನ್ನು ಆಕರ್ಷಿಸಿದೆ.

ವರದಿಗಳ ಪ್ರಕಾರ ಈ ವಾಚ್ನ ಪಟ್ಟಿ ಬೆಲೆ 2,05,000 ಡಾಲರ್. ಭಾರತೀಯ ರೂಪಾಯಿ ಲೆಕ್ಕದಲ್ಲಿ ಇದರ ಬೆಲೆ ಸುಮಾರು 1.8 ಕೋಟಿ ರೂಪಾಯಿ. ಅಂದರೆ, ಶಾರುಖ್ ಖಾನ್ ಅವರ ಕೈಯಲ್ಲಿರುವ ಪುಟ್ಟ ವಾಚ್ನ ಬೆಲೆ ಹಲವು ಐಷಾರಾಮಿ ಕಾರುಗಳ ಬೆಲೆಗಿಂತಲೂ ಹೆಚ್ಚಿದೆ.

ಶಾರುಖ್ ಖಾನ್ ಧರಿಸಿರುವುದು ಗ್ರೂಬೆಲ್ ಫೋರ್ಸಿ ಕಂಪನಿಯ ಬ್ಯಾಲೆನ್ಸಿಯರ್ 3 ವಾಚ್. ಇದರ ವಿಶೇಷ ಬೇಬಿ ಬ್ಲೂ ಡಯಲ್ ಹೊಂದಿರುವ ಟೈಟಾನಿಯಂ ಆವೃತ್ತಿಯನ್ನು ಅತ್ಯಂತ ಸೀಮಿತ ಸಂಖ್ಯೆಯಲ್ಲಿ ತಯಾರಿಸಲಾಗಿದೆ. ಗ್ರೂಬೆಲ್ ಫೋರ್ಸಿ ಸ್ವಿಟ್ಜರ್ಲ್ಯಾಂಡ್ನ ಐಷಾರಾಮಿ ವಾಚ್ ತಯಾರಿಕಾ ಕಂಪನಿ. ಸಾವಿರಾರು ವಾಚ್ಗಳನ್ನು ಉತ್ಪಾದಿಸುವ ಬದಲು, ಅತ್ಯಂತ ವಿಶಿಷ್ಟವಾದ ಮತ್ತು ಸಂಕೀರ್ಣವಾದ ಮೆಕ್ಯಾನಿಕಲ್ ವಾಚ್ಗಳನ್ನು ತಯಾರಿಸುವುದು ಈ ಕಂಪನಿಯ ವಿಶೇಷತೆ. ವಾಚ್ನ ಒಳಭಾಗದಲ್ಲಿರುವ ಯಂತ್ರದ ವಿನ್ಯಾಸ, ವಿಶಿಷ್ಟ ವಿನ್ಯಾಸದ ಶೈಲಿ ಮತ್ತು ಕೈಯಿಂದ ಮಾಡುವ ನಿಖರವಾದ ಫಿನಿಶಿಂಗ್ ಈ ಕಂಪನಿಯ ವಾಚ್ಗಳ ಪ್ರಮುಖ ಆಕರ್ಷಣೆ.

ಈ ವಾಚ್ನ ಅತ್ಯಂತ ಪ್ರಮುಖ ವಿಶೇಷತೆ ಅದರ ಮೂವ್ಮೆಂಟ್. ಸರಳವಾಗಿ ಹೇಳುವುದಾದರೆ, ಮೂವ್ಮೆಂಟ್ ಎಂದರೆ ವಾಚ್ನ ಒಳಗೆ ಅಳವಡಿಸಿರುವ ಸಂಪೂರ್ಣ ಯಂತ್ರವ್ಯವಸ್ಥೆ. ಇದು ವಾಚ್ನ ಮುಳ್ಳುಗಳನ್ನು ಚಲಿಸುವಂತೆ ಮಾಡಿ ಸಮಯವನ್ನು ತೋರಿಸುತ್ತದೆ. ಗ್ರೂಬೆಲ್ ಫೋರ್ಸಿ ಬ್ಯಾಲೆನ್ಸಿಯರ್ 3 ವಾಚ್ನಲ್ಲಿ ಮ್ಯಾನುಯಲ್ ವಿಂಡಿಂಗ್ ಮೂವ್ಮೆಂಟ್ ನೀಡಲಾಗಿದೆ. ಅಂದರೆ, ವಾಚ್ ಕಾರ್ಯನಿರ್ವಹಿಸಲು ಕಾಲಕಾಲಕ್ಕೆ ಅದರ ಕ್ರೌನ್ ಅನ್ನು ಕೈಯಿಂದ ತಿರುಗಿಸಿ ಚಾವಿ ತುಂಬಬೇಕು. ಇದು ಬ್ಯಾಟರಿಯಿಂದ ಕಾರ್ಯನಿರ್ವಹಿಸುವ ವಾಚ್ ಅಲ್ಲ. ಇದರಲ್ಲಿ ಕಂಪನಿಯೇ ವಿನ್ಯಾಸಗೊಳಿಸಿರುವ ಇನ್ಹೌಸ್ ಮೆಕ್ಯಾನಿಕಲ್ ಮೂವ್ಮೆಂಟ್ ಇದೆ. ಇದರಲ್ಲಿ ಒಟ್ಟು 282 ಸಣ್ಣ ಮತ್ತು ದೊಡ್ಡ ಬಿಡಿಭಾಗಗಳು ಹಾಗೂ 43 ಜ್ಯುವೆಲ್ಸ್ಗಳನ್ನು ಬಳಸಲಾಗಿದೆ.

Kia Seltos ಸದ್ದು ಮಾಡುತ್ತಿದ್ದರೆ ಮಾರಾಟದಲ್ಲಿ ಕಿಂಗ್ ಬೇರೆಯೇ! ಮೊದಲ ಸ್ಥಾನ ಪಡೆದ ಕಾರು ಯಾವುದು?

Ravi Janekal — Sat, 14 Nov 2026 11:36:54 +0530

Kia Seltos 2026: ಐಷಾರಾಮಿ ಕಾರುಗಳಿಗಿರುವ ಫೀಚರ್ಸ್ ಸಾಮಾನ್ಯ ಕಾರುಗಳಿಗೆ ಬಂದ ನಂತರ ಭಾರತದ ಮಾರುಕಟ್ಟೆಯಲ್ಲೀಗ ಮಧ್ಯಮ ಗ್ರಾಮದ SUV ಕಾರುಗಳ ನಡುವೆ ಸ್ಪರ್ಧೆ ತೀವ್ರವಾಗಿದೆ. ದೇಶಿಯ ಮಾರುಕಟ್ಟೆಯಲ್ಲಿ ಏಳು ಲಕ್ಷ ಕಾರುಗಳ ಮಾರಾಟದ ಮೂಲಕ ಹೊಸ ದಾಖಲೆಯನ್ನೇ ಬರೆದಿದೆ.

Kia Seltos 2026: ಐಷಾರಾಮಿ ಕಾರುಗಳಿಗಿರುವ ಫೀಚರ್ಸ್ ಸಾಮಾನ್ಯ ಕಾರುಗಳಿಗೆ ಬಂದ ನಂತರ ಭಾರತದ ಮಾರುಕಟ್ಟೆಯಲ್ಲೀಗ ಮಧ್ಯಮ ಗ್ರಾಮದ SUV ಕಾರುಗಳ ನಡುವೆ ಸ್ಪರ್ಧೆ ತೀವ್ರವಾಗಿದೆ. ಇಂಥ ತೀವ್ರ ಸ್ಪರ್ಧಾತ್ಮಕ ನಡುವೆಯು ಒಂದು ಕಾರಿನ ಕ್ರೇಜ್ ಮಾತ್ರ ಏರುತ್ತಲೇ ಇದೆ. ದೇಶಿಯ ಮಾರುಕಟ್ಟೆಯಲ್ಲಿ ಏಳು ಲಕ್ಷ ಕಾರುಗಳ ಮಾರಾಟದ ಮೂಲಕ ಹೊಸ ದಾಖಲೆಯನ್ನೇ ಬರೆದಿದೆ. ಯಾವುದು ಅದು ಎಸ್‌ಯುವಿ ಕಾರು? ಇಷ್ಟೊಂದು ಜನಪ್ರಿಯವಾಗಲು ಕಾರಣವೇನು ಎಂಬುದರ ಸಂಪೂರ್ಣ ವಿವರ ಇಲ್ಲಿದೆ.

ಭಾರತೀಯ ಮಾರುಕಟ್ಟೆ ಪ್ರವೇಶಿಸಿದಾಗಿನಿಂದೂ ಜನಪ್ರಿಯವಾಗಿರುವ ಕಿಯಾ(KIA) ಕಾರು ಇದೀಗ ಮತ್ತೊಂದು ಮೈಲಿಗಲ್ಲು ಮುಟ್ಟಿದೆ. ಅಂದರೆ ದೇಶಿಯ ಮಾರುಕಟ್ಟೆಯಲ್ಲಿ ಕಿಯಾ ಸೆಲ್ಟೋಸ್ ಮಾರಾಟವು ಬರೋಬ್ಬರಿ 7 ಲಕ್ಷ ಯುನಿಟ್‌ಗಳನ್ನು ದಾಟಿ ಮುನ್ನುಗ್ಗುತ್ತಿದೆ. 2019 ರಲ್ಲಿ ಮೊದಲು ಬಿಡುಗಡೆಯಾದ ಈ SUV ಕಾರು ಭಾರತದಲ್ಲಿ ಕಿಯಾ ಬ್ರ್ಯಾಂಡ್‌ಗೆ ವಿಶೇಷ ಮನ್ನಣೆಯನ್ನು ತಂದುಕೊಟ್ಟಿತು. ಇತ್ತೀಚೆಗೆ ಬಿಡುಗಡೆಯಾದ ಎರಡನೇ ತಲೆಮಾರಿನ ಮಾದರಿಯ ಕಾರು ಕೂಡ ಉತ್ತಮ ಪ್ರತಿಕ್ರಿಯೆ ಪಡೆಯಿತು. ಇದೀಗ ಕಿಯಾ ಸೆಲ್ಟೋಸ್ ಎಸ್‌ಯುವಿ ಕಾರು ಹೊಸದೊಂದು ದಾಖಲೆ ನಿರ್ಮಿಸಿದೆ.

ಸೆಲ್ಟೋಸ್ ಭಾರತದಲ್ಲಿ ಎಷ್ಟು ಜನಪ್ರಿಯವಾಗಿದೆ ಎಂದರೆ ಏಳು ವರ್ಷಗಳಲ್ಲಿ ಏಳು ಲಕ್ಷಕ್ಕೂ ಅಧಿಕ ಕಾರುಗಳು ಮಾರಾಟವಾಗಿವೆ. ಕಿಯಾ ತಯಾರಿಸಿದ ಮೊದಲ ಎಸ್‌ಯುವಿ ಕಾರನ್ನು ಆಗಸ್ಟ್ 22, 2019 ರಂದು ಬಿಡುಗಡೆ ಮಾಡಲಾಯಿತು. ಅಂದಿನಿಂದ ಕಳೆದ ಅಕ್ಟೋಬರ್ 2026 ರವರೆಗೆ ದೇಶೀಯ ಮಾರುಕಟ್ಟೆಯಲ್ಲಿ ಒಟ್ಟು 7,04,829 ಯುನಿಟ್‌ಗಳು ಮಾರಾಟವಾಗಿವೆ. ಅದೂ ಭಾರತದಲ್ಲಿ ಕಿಯಾ ಮಾರಾಟ ಮಾಡಿದ ಒಟ್ಟು 16.8 ಲಕ್ಷ ಕಾರುಗಳ ಪೈಕಿ ಸೆಲ್ಟೋಸ್ ಸುಮಾರು 36 ಪ್ರತಿಶತದಷ್ಟಿದೆ!

ಈ ಕಾರು ದೇಶೀಯ ಮಾರುಕಟ್ಟೆಯಲ್ಲಿ ಮಾತ್ರವಲ್ಲದೆ ರಫ್ತುಗಳಲ್ಲಿಯೂ ಇದರದ್ದೇ ಪ್ರಾಬಲ್ಯ. ಅಂದರೆ ಇಲ್ಲಿಯವರೆಗೆ 1.6 ಲಕ್ಷಕ್ಕೂ ಹೆಚ್ಚು ಸೆಲ್ಟೋಸ್ ಕಾರುಗಳನ್ನು ವಿದೇಶಗಳಿಗೆ ರಫ್ತು ಮಾಡಲಾಗಿದೆ. ದೇಶಿಯ ಮಾರುಕಟ್ಟೆಯಲ್ಲೂ ದಾಖಲೆ ಪ್ರಮಾಣದ ಮಾರಾಟ, ವಿದೇಶಿ ಮಾರುಕಟ್ಟೆಗೆ ರಫ್ಯು ಮಾಡಿದ ಕಾರುಗಳಲ್ಲೂ ಇದರದ್ದೇ ಪ್ರಾಬಲ್ಯ.

ಕಿಯಾ ಸೆಲ್ಟೋಸ್ ಕಾರಿನ ಬೆಲೆ 11 ಲಕ್ಷ ರೂ.ಗಳಿಂದ ಆರಂಭವಾಗುತ್ತದೆ ಅಂದರೆ ಇದು ಮಧ್ಯಮ ವರ್ಗದ ಜನರ ಬಜೆಟ್ ಒಳಗೆ ಖರೀದಿಸಬಹುದಾದ ಎಸ್‌ಯುವಿ ಕಾರು. ದೇಶಿಯ ಮತ್ತು ವಿದೇಶಿ ಮಾರುಕಟ್ಟೆಯಲ್ಲಿ ಮಾರಾಟ ಹೆಚ್ಚಳದಿಂದಾಗಿ ಇದೀಗ ಎರಡನೇ ತಲೆಮಾರಿನ ಮಾದರಿಯ ಸೆಲ್ಟೋಸ್ ಮಾರಾಟಕ್ಕೆ ಹೊಸ ಉತ್ತೇಜನ ನೀಡಿದಂತಾಗಿದೆ. ಈ ವರ್ಷದ ಜನೆವರಿ ತಿಂಗಳಲ್ಲಿ ಹೊಸ ಲುಕ್‌ನೊಂದಿಗೆ ಮಾರುಕಟ್ಟೆಗೆ ಬಂದ ಈ ಕಾರು ಜನರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ. 2026 ಜನವೆರಿಯಿಂದ ಆಕ್ಟೋಬರ್‌ವರೆಗೆ ಒಂದೇ ವರ್ಷದಲ್ಲಿ ಒಟ್ಟು 1,13,078 ಗಳಷ್ಟು ಮಾರಾಟವಾಗಿತ್ತು. ಕಳೆದ ವರ್ಷ ಇದೇ ಅವಧಿಯಲ್ಲಿ ನೋಂದಾಯಿಸಲಾದ 60,526 ಯುನಿಟ್‌ಗಳಿಗೆ ಹೋಲಿಸಿದರೆ ಮಾರಾಟವು ಶೇಕಡಾ 87 ರಷ್ಟು ಹೆಚ್ಚು.

ಇನ್ನೊಂದು ಅಚ್ಚರಿಪಡಿಸುವ ಸಂಗತಿ ಎಂದರೆ ಫೆಬ್ರುವರಿ ಯಿಂದ ಅಕ್ಟೋಬರ್ ವರೆಗಿನ ಒಂಭತ್ತು ತಿಂಗಳಲ್ಲಿ ಬರೋಬ್ಬರಿ 1,02,439 ಕಾರುಗಳು ಮಾರಾಟವಾಗಿವೆ. ಅಂದರೆ ಜನರು ಪ್ರತಿ ತಿಂಗಳು ಸರಾಸರಿ 11,000 ಕ್ಕೂ ಹೆಚ್ಚು ವಾಹನಗಳನ್ನು ಖರೀದಿಸಿದ್ದಾರೆಂದರ್ಥ! ಆದರೆ ಜನವರಿಯಲ್ಲಿ ಮಾತ್ರ ತುಸು ಕಡಿಮೆಯಾಗಿದೆ. ಸುಮಾರು 10,639 ಯುನಿಟ್‌ಗಳು ಮಾರಾಟವಾಗಿದ್ದವು.

ಅನಂತರದಲ್ಲಿ ಜೂನ್ ತಿಂಗಳು ಹೊರತುಪಡಿಸಿದರೆ ಪ್ರತಿ ತಿಂಗಳು 10000 ಕ್ಕೂ ಹೆಚ್ಚು ಕಾರುಗಳು ಮಾರಾಟವಾಗಿವೆ. ಅದರಲ್ಲೂ ಅಕ್ಟೋಬರ್ ತಿಂಗಳಲ್ಲಿ ದಾಖಲೆ ಪ್ರಮಾಣದಲ್ಲಿ ಮಾರಾಟವಾಗಿದೆ. ಈ ತಿಂಗಳಲ್ಲಿ ಒಟ್ಟು 33,462 ವಾಹನಗಳನ್ನು ಮಾರಾಟವಾಗಿವೆ ಎಂದರೆ ಹುಬ್ಬೇರಿಸುವಂತದ್ದೇ. ಇದು ಭಾರತದಲ್ಲಿ ಒಂದೇ ತಿಂಗಳಲ್ಲಿ ಇಷ್ಟೊಂದು ಪ್ರಮಾಣದಲ್ಲಿ ಕಿಯಾ ಮಾರಾಟ ಮಾಡುವ ಮೂಲಕ ಎಳು ಲಕ್ಷ ಕಾರುಗಳ ಮಾರಾಟ ಮಾಡಿದ ಹೊಸ ದಾಖಲೆ ನಿರ್ಮಿಸಿದೆ.

ಇನ್ನು ಎರಡನೇ ಅತಿ ಹೆಚ್ಚು ಮಾರಾಟವಾಗುವ ಕಾರು ಎಂದರೆ ಸೋನೆಟ್ ಆದರೆ ಇದು ದೇಶೀಯ ಮಾರುಕಟ್ಟೆಯಲ್ಲಿ ಸೆಲ್ಟೋಸ್‌ಗಿಂತ ಸುಮಾರು 1.1 ಲಕ್ಷ ಯುನಿಟ್‌ಗಳಷ್ಟು ಕಡಿಮೆ. ಕ್ಯಾರೆನ್ಸ್ ಸರಣಿಯು ಇಲ್ಲಿಯವರೆಗೆ 3,31,186 ಕಾರುಗಳ ಮಾರಾಟ ಮಾಡಿದೆ.

ಸ್ಪರ್ಧೆ ತೀವ್ರವಾದ್ರೂ ಜನಪ್ರಿಯತೆ ಗಟ್ಟಿಯಾಗಿದೆ

ಮಧ್ಯಮ ಗಾತ್ರದ SUV ಕಾರುಗಳು ಅದರಲ್ಲೂ ಎಲೆಕ್ಟ್ರಿಕ್ ಕಾರುಗಳು, ಹೈಬ್ರಿಡ್ ಕಾರುಗಳು ಸೇರಿದಮತೆ 20 ಕ್ಕೂ ಹೆಚ್ಚು ಕಾರುಗಳು ಭಾರತೀಯ ಮಾರುಕಟ್ಟೆಯಲ್ಲಿ ತೀವ್ರ ಪೈಪೋಟಿಗಿಳಿದಿವೆ. ಇಂಥ ಸ್ಪರ್ಧಾತ್ಮಕ ಮಾರುಕಟ್ಟೇಯಲ್ಲೂ ಸೆಲ್ಟೋಸ್ ತನ್ನದೇ ಆದ ಹಿಡಿತವನ್ನು ಕಾಯ್ದುಕೊಂಡಿದೆ. ಜನವರಿ ಮತ್ತು ಅಕ್ಟೋಬರ್ 2026 ರ ನಡುವೆ 81,090 ಕಾರುಗಳ ಮಾರಾಟ ಮಾಡುವ ಮೂಲಕ ಮಾಧ್ಯಮ ಗಾತ್ರದ ಎಸ್‌ಯುವಿ ಕಾರು ಮಾರಾಟದಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ. ಮಹೀಂದ್ರಾ ಸ್ಕಾರ್ಪಿಯೋ 1,12,841 ಯುನಿಟ್‌ಗಳೊಂದಿಗೆ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ಹುಂಡೈ ಕ್ರೆಟಾ 1,07,682 ಯುನಿಟ್‌ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದರೆ, ಮಾರುತಿ ವಿಕ್ಟೋರಿಸ್ 88,804 ಯುನಿಟ್‌ಗಳೊಂದಿಗೆ ಮೂರನೇ ಸ್ಥಾನದಲ್ಲಿದೆ.

Hanuman Ansh: ಹನುಮಾನ್ ಅಂಶ್‌ಗೆ ಕರೋಲಿ ಬಾಬಾ ಕೃಪೆ; 10 ಲಕ್ಷದಿಂದ 453 ಕೋಟಿ ರೂ. ಕಲೆಕ್ಷನ್! 100 ಡೇಸ್ ಕಂಪ್ಲೀಟ್

Bhimasi M Koleppanavar — Sat, 14 Nov 2026 11:29:29 +0530

ಸಿನಿಮಾ ಜಗತ್ತಿನಲ್ಲಿ, ಕಡಿಮೆ ಬಜೆಟ್‌ನ ಹೊರತಾಗಿಯೂ ಮತ್ತು ದೊಡ್ಡ ತಾರೆಯರಿಲ್ಲದಿದ್ದರೂ ಪ್ರೇಕ್ಷಕರ ಹೃದಯ ಗೆಲ್ಲುವ ಕಥೆಗಳನ್ನು ನಾವು ಹೆಚ್ಚಾಗಿ ನೋಡುತ್ತೇವೆ. ಹನುಮಾನ್ ಅಂಶ್ ಚಿತ್ರವು ಇದೇ ರೀತಿಯದ್ದನ್ನು ಸಾಧಿಸಿದೆ. ಸರಿಸುಮಾರು ₹1.8 ಕೋಟಿ ಬಜೆಟ್‌ನಲ್ಲಿ ನಿರ್ಮಿಸಲಾದ ಈ ಚಿತ್ರವು ಕೆಲವರು ನಿರೀಕ್ಷಿಸದಷ್ಟು ಬಾಕ್ಸ್ ಆಫೀಸ್ ಯಶಸ್ಸನ್ನು ಗಳಿಸಿತು. ಚಿತ್ರವು ಚಿತ್ರಮಂದಿರಗಳಲ್ಲಿ 100 ದಿನ ಪೂರೈಸಿದೆ. ಗಮನಾರ್ಹವಾಗಿ, ಕೇವಲ ₹10 ಲಕ್ಷದೊಂದಿಗೆ ತನ್ನ ಪ್ರಯಾಣ ಪ್ರಾರಂಭಿಸಿದ ಈ ಚಿತ್ರವು ವಿಶ್ವಾದ್ಯಂತ ₹453 ಕೋಟಿಗೂ ಹೆಚ್ಚು ಗಳಿಸಿದೆ. ಈ ಯಶಸ್ಸು ಚಿತ್ರದ ನಿರ್ದೇಶಕ ವಿಶಾಲ್ ಚತುರ್ವೇದಿ ಅವರನ್ನು ಸಹ ಬೆಳಕಿಗೆ ತಂದಿದೆ. ನಿರ್ದೇಶಕರಾಗಿ ಇದು ಅವರ ಮೊದಲ ಚಿತ್ರ.

ನಿಧಾನಗತಿಯ ಆರಂಭ!

ಹನುಮಾನ್ ಅಂಶ್ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ನಿಧಾನಗತಿ ಆರಂಭ ಕಂಡಿತು. ಈ ಚಿತ್ರವು ಭಾರತೀಯ ಬಾಕ್ಸ್ ಆಫೀಸ್‌ನಲ್ಲಿ ಮೊದಲ ದಿನ ಕೇವಲ ₹10 ಲಕ್ಷ ಗಳಿಸಿತು. ಇದರ ಮೊದಲ ವಾರದ ಗಳಿಕೆಯೂ ಸುಮಾರು ₹1.08 ಕೋಟಿಗಳಷ್ಟಿತ್ತು. ಆರಂಭಿಕ ಅಂಕಿಅಂಶ ನೋಡಿದರೆ, ಮುಂದಿನ ದಿನಗಳಲ್ಲಿ ಈ ಚಿತ್ರವು ಇಷ್ಟು ದೊಡ್ಡ ಯಶಸ್ಸನ್ನು ಸಾಧಿಸುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಅಲ್ಲದೇ ಚಿತ್ರವು ಕ್ರಮೇಣ ಪ್ರೇಕ್ಷಕರ ಬೆಂಬಲ ಗಳಿಸಲು ಪ್ರಾರಂಭಿಸಿತು. ಈ ಚಿತ್ರ ಸ್ಟೋರಿ ಮತ್ತು ಸಬ್ಜೆಕ್ಟ್‌ಗೆ ಹೆಚ್ಚು ಮೆಚ್ಚುಗೆ ದೊರೆಯಿತು. ಪ್ರೇಕ್ಷಕರ ಪ್ರಶಂಸೆ ಮತ್ತು ಸಕಾರಾತ್ಮಕ ಮಾತುಗಳು ಚಿತ್ರಕ್ಕೆ ಪ್ರಯೋಜನ ನೀಡಿತು, ಇದು ತರುವಾಯ ಅದರ ರಂಗಭೂಮಿ ಗಳಿಕೆಯಲ್ಲಿ ಹೆಚ್ಚಳಕ್ಕೆ ಕಾರಣವಾಯಿತು. ಚಿತ್ರವು ಬಾಕ್ಸ್ ಆಫೀಸ್‌ನಲ್ಲಿ ದೀರ್ಘಾವಧಿ ಗಳಿಕೆ ಕಂಡಿತು, ಈಗ ಬಿಡುಗಡೆಯಾದ 100 ದಿನ ಪೂರೈಸಿದೆ.

ಚಿತ್ರದ ಯಶಸ್ಸು ದೊಡ್ಡದಿದೆ!

ಚಿತ್ರದ ಬಾಕ್ಸ್ ಆಫೀಸ್ ಕಲೆಕ್ಷನ್‌ಗಳು ಅದರ ಯಶಸ್ಸಿನ ಬಗ್ಗೆ ಬಹಳಷ್ಟು ಹೇಳುತ್ತವೆ. ಹನುಮಾನ್ ಅಂಶ್ ಭಾರತೀಯ ಬಾಕ್ಸ್ ಆಫೀಸ್‌ನಲ್ಲಿ ಸುಮಾರು ₹343.11 ಕೋಟಿ ನಿವ್ವಳ ಸಂಗ್ರಹ ಗಳಿಸಿದೆ, ಇದು ಅದರ ಒಟ್ಟು ಗಳಿಕೆಯನ್ನು ಸುಮಾರು ₹404.97 ಕೋಟಿ ತಲುಪಿದೆ. ಈ ಚಿತ್ರವು ವಿದೇಶಗಳಲ್ಲಿಯೂ ಉತ್ತಮ ಪ್ರತಿಕ್ರಿಯೆ ಪಡೆದಿದೆ. ಇದು ವಿದೇಶ ಮಾರುಕಟ್ಟೆಗಳಿಂದ ಸುಮಾರು ₹48.70 ಕೋಟಿ (487 ಮಿಲಿಯನ್ ರೂಪಾಯಿಗಳು) ಗಳಿಸಿತು. ಇದು ಚಿತ್ರದ ಒಟ್ಟು ವಿಶ್ವಾದ್ಯಂತ ಗಳಿಕೆಯನ್ನು ₹453.67 ಕೋಟಿ ತಲುಪಿದೆ. ಇದರರ್ಥ ಮೊದಲ ದಿನ ಕೇವಲ ₹10 ಲಕ್ಷ ಗಳಿಸಿದ ಚಿತ್ರವು ವಿಶ್ವಾದ್ಯಂತ ₹453 ಕೋಟಿ ಗಳಿಸಿದೆ.

ಔಟ್‌ ಸ್ಟ್ಯಾಂಡಿಂಗ್‌ ಪರರ್ಫಾಮೆನ್ಸ್!

ಹನುಮಾನ್ ಅಂಶ್" ಚಿತ್ರದ ಯಶಸ್ಸಿನಲ್ಲಿ ಪ್ರಮುಖ ಅಂಶವೆಂದರೆ ಅದರ ಬಜೆಟ್. ಈ ಚಿತ್ರದ ನಿರ್ಮಾಣಕ್ಕೆ ಸುಮಾರು ₹1.8 ಕೋಟಿ ವೆಚ್ಚವಾಗಿದೆ ಎಂದು ವರದಿಯಾಗಿದೆ. ಇದರ ಹೊರತಾಗಿ, ಇದು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರದರ್ಶನ ನೀಡಿತು. ಈ ಕಡಿಮೆ ಬಜೆಟ್ ಚಿತ್ರ ಗಳಿಕೆ ವಿಷಯದಲ್ಲಿ ಅನೇಕ ಪ್ರಮುಖ ಚಲನಚಿತ್ರಗಳನ್ನು ಮೀರಿಸಿದೆ. ಈ ಚಿತ್ರದ ಸ್ಟೋರಿ ನಂಬಿಕೆ ಮತ್ತು ಆಧ್ಯಾತ್ಮಿಕತೆ ಆಧರಿಸಿದೆ. ಇದು ನೀಮ್ ಕರೋಲಿ ಬಾಬಾ ಅವರ ಜೀವನ ಮತ್ತು ಬೋಧನೆಗಳಿಂದ ಪ್ರೇರಿತವಾಗಿದೆ. ಈ ಚಿತ್ರದಲ್ಲಿ ಶೋಭಿನವ್ ಸತ್ಯ, ವಿಹಾನ್ ಶೆಡ್ಗೆ, ಚಂದನ್ ಆನಂದ್, ಅನಿಲ್ ರಸ್ತೋಗಿ ಮತ್ತು ಪೂರ್ಣಿಮಾ ತಿವಾರಿ ನಟಿಸಿದ್ದಾರೆ. ಈ ಚಿತ್ರವು ದೊಡ್ಡ ತಾರಾಬಳಗ ಹೊಂದಿಲ್ಲವಾದರೂ, ಇದರ ಕಥೆ ಪ್ರೇಕ್ಷಕರ ಹೃದಯ ತಟ್ಟುತ್ತದೆ. ಈ ಯಶಸ್ಸು ಚಿತ್ರದ ನಿರ್ದೇಶಕ ವಿಶಾಲ್ ಚತುರ್ವೇದಿಗೆ ಬಹಳ ವಿಶೇಷವಾಗಿದೆ. ಹನುಮಾನ್ ಅಂಶ್ ನಿರ್ದೇಶಕರಾಗಿ ಅವರ ಮೊದಲ ಚಿತ್ರ. ಅವರು ಕಥೆ ಬರೆದಿದ್ದಲ್ಲದೆ ಅದನ್ನು ನಿರ್ದೇಶಿಸಿದರು. ಅವರ ಮೊದಲ ಚಿತ್ರವನ್ನು 100 ದಿನಗಳ ಕಾಲ ಚಿತ್ರಮಂದಿರಗಳಲ್ಲಿ ಉಳಿಸಿಕೊಂಡು ವಿಶ್ವಾದ್ಯಂತ ಇಷ್ಟು ದೊಡ್ಡ ಆದಾಯ ಗಳಿಸಿರುವುದು ಅವರಿಗೆ ಗಮನಾರ್ಹ ಸಾಧನೆಯಾಗಿದೆ.

ಆದ್ಯಾತ್ಮಕ ಸೂತ್ರ!

ವಿಶಾಲ್ ತಮ್ಮ ಚಿತ್ರಕ್ಕಾಗಿ ಆಧ್ಯಾತ್ಮಿಕ ವಿಷಯ ಆರಿಸಿಕೊಂಡು ಅದನ್ನು ದೊಡ್ಡ ಪರದೆಯ ಮೇಲೆ ಪ್ರಸ್ತುತಪಡಿಸಿದರು. ಚಿತ್ರದ ಗಳಿಕೆ ಆರಂಭದಲ್ಲಿ ನಿಧಾನವಾಗಿದ್ದರೂ, ಪ್ರೇಕ್ಷಕರ ಬೆಂಬಲ ಆಟವನ್ನು ಸಂಪೂರ್ಣವಾಗಿ ಬದಲಾಯಿಸಿತು. ಈಗ, ಚಿತ್ರವು 100 ನೇ ದಿನವನ್ನು ಪೂರ್ಣಗೊಳಿಸುತ್ತಿದ್ದಂತೆ, ಅವರ ಸಾಧನೆಯನ್ನು ವ್ಯಾಪಕವಾಗಿ ಚರ್ಚಿಸಲಾಗುತ್ತಿದೆ. "ಹನುಮಾನ್ ಅಂಶ್" ನ ಬಾಕ್ಸ್ ಆಫೀಸ್ ಪ್ರಯಾಣವು ಚಿತ್ರದ ಯಶಸ್ಸು ದೊಡ್ಡ ಬಜೆಟ್ ಮತ್ತು ಪ್ರಸಿದ್ಧ ಮುಖಗಳ ಮೇಲೆ ಮಾತ್ರ ಅವಲಂಬಿತವಾಗಿಲ್ಲ ಎಂದು ತೋರಿಸುತ್ತದೆ. ಕಥೆಯು ಪ್ರೇಕ್ಷಕರೊಂದಿಗೆ ಸಂಪರ್ಕಗೊಂಡರೆ, ಸಣ್ಣ ಚೊಚ್ಚಲ ಚಿತ್ರವೂ ಸಹ ಉತ್ತಮ ಯಶಸ್ಸನ್ನು ಸಾಧಿಸಬಹುದು.

1987-88ರಲ್ಲಿಅಭಿಮಾನಿಗೆ ವಿಷ್ಣುವರ್ಧನ್ ಬರೆದ ಅಪರೂಪದ ಪತ್ರ; ಯಜಮಾನನ ಪ್ರೀತಿ ಮಾತು

Mahmad Rafik — Sat, 14 Nov 2026 11:29:16 +0530

ಬೆಂಗಳೂರು: ಗಾಂಧಿನಗರದ ಸುರಸುಂದರಾಂಗ ಚೆಲುವ ಅಂದ್ರೆ ಅದು ಸಾಹಸಸಿಂಹ ವಿಷ್ಣುವರ್ಧನ್ ಅವರು ಅಭಿಮಾನಿಗೆ ಬರೆದ ಪತ್ರ ಮತ್ತು ಕೋರಿಕೆಯನ್ನು ಈಡೇರಿಸುವ ಪೋಸ್ಟ್ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇಂದಿಗೂ ವಿಷ್ಣುವರ್ಧನ್ ಅಭಿಮಾನಿಗಳಲ್ಲಿ ಜೀವಂತವಾಗಿದ್ದು, ನಟನ ಜನ್ಮದಿನವನ್ನು ಅದ್ಧೂರಿಯಾಗಿ ಆಚರಿಸುತ್ತಾರೆ. ಚಂದನವನದ ಸ್ಟಾರ್ ಆಗಿದ್ದ, ವಿಷ್ಣುವರ್ಧನ್ ತಮ್ಮ ಬ್ಯುಸಿ ಶೆಡ್ಯೂಲ್‌ನಲ್ಲಿಯೂ ಅಭಿಮಾನಿಗಳೊಂದಿಗೆ ನಿಕಟ ಸಂಪರ್ಕದಲ್ಲಿದ್ದರು. ಈ ಒಂದು ಕಾರಣದಿಂದಲೇ ಇಂದಿಗೂ ನಿಮಗೆ ಡಾ.ವಿಷ್ಣುವರ್ಧನ್ ಅಭಿಮಾನಿಗಳ ಸಂಘಗಳು ರಾಜ್ಯದಲ್ಲಿದ್ದು, ತಮ್ಮ ನೆಚ್ಚಿನ ನಟನ ಹೆಸರಿನಲ್ಲಿ ಸಮಾಜಸೇವೆಯಲ್ಲಿ ತೊಡಗಿಕೊಂಡಿವೆ.

1987-88ರಲ್ಲಿ ಬರೆದ ವಿಷ್ಣು ಪತ್ರ

1987-88ರಲ್ಲಿ ಮಲ್ಲಿಕಾರ್ಜುನ್ ಮೇಟಿ ಎಂಬವರು ತಮ್ಮ ನೆಚ್ಚಿನ ನಟ ಡಾ.ವಿಷ್ಣುವರ್ಧನ್ ಅವರಿಗೆ ಪತ್ರವೊಂದನ್ನು ಬರೆದಿದ್ದರು. ಹಾಗೆಯೇ ಪತ್ರದ ಮುಖೇನ ಫೋಟೋ ಕಳುಹಿಸಿಕೊಡುವಂತೆ ಮನವಿ ಮಾಡಿಕೊಂಡಿದ್ದರು. ಮಲ್ಲಿಕಾರ್ಜುನ್ ಅವರು ಬರೆದ ಪತ್ರಕ್ಕೆ 15 ದಿನಗಳ ನಂತರ ಸುಂದವಾದ ಉತ್ತರ ಬಂದಿತ್ತು. ಸುಮಾರು 35 ವರ್ಷಗಳಾದ್ರೂ ಇಂದಿಗೂ ಆ ಪತ್ರವನ್ನು ಮೇಟಿಯವರು ಕಾಯ್ದುಕೊಂಡಿದ್ದಾರೆ. ಇದೀಗ ಆ ಪತ್ರ ಮತ್ತು ವಿಷ್ಣುವರ್ಧನ್ ಕಳುಹಿಸಿದ್ದ ಫೋಟೋವನ್ನು ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

ವಿಷ್ಣುವರ್ಧನ್ ಬರೆದ ಪತ್ರದಲ್ಲೇನಿದೆ?

ಪ್ರೀತಿಯ ಅಭಿಮಾನಿಗೆ.

ನಿಮ್ಮ ವಿಷ್ಣುವರ್ಧನ್ ಮಾಡುವ ನಮಸ್ಕಾರಗಳು. ನಿಮ್ಮ ಪತ್ರವನ್ನು ಕಂಡು ಬಹಳ ಸಂತೋಷವಾಯಿತು. ನೀವು ನನ್ನ ಮೇಲಿಟ್ಟಿರುವ ಪ್ರೀತಿ, ವಿಶ್ವಾಸಕ್ಕೆ ನಾನು ಚಿರಋಣಿ. ನಿಮ್ಮ ಅಭಿಮಾನವೇ ನನಗೆ ಶ್ರೀರಕ್ಷೆ. ನಿಮ್ಮ ಅಪೇಕ್ಷೆ ಮೇರೆಗೆ ನನ್ನ ಭಾವಚಿತ್ರವನ್ನು ಕಳುಹಿಸುತ್ತಿದ್ದೇನೆ.

ಇಂತಿ,

ಎಂದೆಂದೂ ನಿಮ್ಮವ

ವಿಷ್ಣುವರ್ಧನ್

ಅಭಿಮಾನಿಗಳ ಪ್ರತಿಕ್ರಿಯೆ

ಸರ ನಾನು ಪತ್ರ ಬರೆದಿದ್ದೆ. ಉತ್ತರದ ಜೊತೆಗೆಫೋಟೋ ಕಳಿಸಿದ್ದರು. ಆದರೆ ಅದನ್ನು ಕಾಪಾಡಲು ಆಗಿಲ್ಲ ಎಂದು ಮಲ್ಹಾರಿ ಜೋಶಿ ಪ್ರತಿಕ್ರಿಯಿಸಿದ್ದಾರೆ. ವಿಷ್ಣುವರ್ಧನ್ ಅವರದ್ದು ಸ್ನೇಹಮಯಿ ವ್ಯಕ್ತಿತ್ವ. ಕನ್ನಡದ ಸಾಹಸಸಿಂಹ ಡಾ. ವಿಷ್ಣುವರ್ಧನ್ ಅವರ ಅಭಿನಯ, ಗಾಂಭೀರ್ಯ ಮತ್ತು ಸರಳತೆ ಎಂದೆಂದಿಗೂ ಮರೆಯಲಾಗದು. ವಿಷ್ಣು ಸರ್ ಸಹಿ ನೋಡಿ ನನಗೆ ತುಂಬ ಖುಷಿ ಆಯಿತು ನಿಮಗೆ ಧನ್ಯವಾದಗಳು. ಒಳ್ಳೆಯ ಚಲನಚಿತ್ರಗಳು ಯಾರೇ ಅಭಿನಯಿಸಿದರು ಮೆಚ್ಚುವುದೆ. ಒಳ್ಳೆಯತನಕ್ಕೆ ಮತ್ಸರವೇಕೆ ಎಂಬ ಕಮೆಂಟ್‌ಗಳು ಬಂದಿವೆ.

ಇದನ್ನೂ ಓದಿ: 832 ಬಾರಿ ಮರು ಬಿಡುಗಡೆಯಾದ ಕನ್ನಡದ ಮಾಸ್ ಸಿನಿಮಾ; 70 ಲಕ್ಷಕ್ಕೆ 300 ಕೋಟಿ ಕಲೆಕ್ಷನ್

ಬಿಸಿ ಅನ್ನ-ತಿಳಿಸಾರಿಗೆ ಹೇಳಿಮಾಡಿಸಿದ ಸೈಡ್ ಡಿಶ್ ಕರಿಬೇವು ಚಿಕನ್ ರೋಸ್ಟ್ ರೆಸಿಪಿ

Ashwini HR — Sat, 14 Nov 2026 11:25:41 +0530

ಚಿಕನ್ ಹೆಸರು ಕೇಳಿದರೆ ಸಾಕು, ಮಾಂಸಾಹಾರಿಗಳ ಬಾಯಲ್ಲಿ ನೀರೂರುತ್ತದೆ. ಸಾಮಾನ್ಯವಾಗಿ ನಾವು ಅಡುಗೆಯಲ್ಲಿ ಕರಿಬೇವಿನ ಸೊಪ್ಪನ್ನು ಒಗ್ಗರಣೆಗೆ ಮಾತ್ರ ಬಳಸಿ, ಊಟ ಮಾಡುವಾಗ ಅದನ್ನು ಬದಿಗೆ ತಳ್ಳಿಬಿಡುತ್ತೇವೆ. ಆದರೆ, ಅದೇ ಕರಿಬೇವಿನ ಸೊಪ್ಪನ್ನು ಮುಖ್ಯ ಮಸಾಲೆಯನ್ನಾಗಿ ಬಳಸಿ ಚಿಕನ್ ರೋಸ್ಟ್ ಮಾಡಿದರೆ ಅದರ ರುಚಿಯೇ ಬೇರೆ! ಗರಿಗರಿಯಾದ ಕರಿಬೇವು ಮತ್ತು ಘಾಟಾದ ಮೆಣಸಿನ ಪರಿಮಳ ನೀಡುವ ‘ಕರಿಬೇವು ಚಿಕನ್ ರೋಸ್ಟ್’ ಮಾಡುವ ವಿಧಾನ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು

1. ಮ್ಯಾರಿನೇಷನ್‌ಗಾಗಿಚಿಕನ್ (ಲೆಗ್ ಪೀಸ್ ಅಥವಾ ಸಾಮಾನ್ಯ ತುಂಡುಗಳು) – 250 ಗ್ರಾಂಮೊಸರು – 1/3 ಕಪ್ನಿಂಬೆಹಣ್ಣಿನ ರಸ – 1 ಟೇಬಲ್ ಸ್ಪೂನ್ಉಪ್ಪು – ಒಂದು ಚಿಟಿಕೆ

2. ಸ್ಪೆಷಲ್ ಮಸಾಲಾ ಪುಡಿಗೆತಾಜಾ ಕರಿಬೇವಿನ ಸೊಪ್ಪು –1 ಕಪ್ಒಣ ಮೆಣಸಿನಕಾಯಿ – 5ಧನಿಯಾ (ಕೊತ್ತಂಬರಿ ಬೀಜ)–1 ಟೇಬಲ್ ಸ್ಪೂನ್ಕಾಳುಮೆಣಸು (ಕರಿಮೆಣಸು)–1 ಟೇಬಲ್ ಸ್ಪೂನ್ಜೀರಿಗೆ –1/2 ಟೀಸ್ಪೂನ್

3. ಮಸಾಲಾ ಪೇಸ್ಟ್‌ಗಾಗಿಈರುಳ್ಳಿ – 1 (ದೊಡ್ಡದು)ಹಸಿಮೆಣಸಿನಕಾಯಿ – 3ಬೆಳ್ಳುಳ್ಳಿ ಎಸಳು – 2 ಟೇಬಲ್ ಸ್ಪೂನ್ಶುಂಠಿ – 1 ಟೇಬಲ್ ಸ್ಪೂನ್

4. ಒಗ್ಗರಣೆ ಮತ್ತು ರೋಸ್ಟ್‌ಗಾಗಿಈರುಳ್ಳಿ – 1 (ಸಣ್ಣಗೆ ಹೆಚ್ಚಿದ್ದು)ಎಣ್ಣೆ – 2 ಟೇಬಲ್ ಸ್ಪೂನ್ಜೀರಿಗೆ – ಸ್ವಲ್ಪಗರಂ ಮಸಾಲಾ – 1 ಟೀಸ್ಪೂನ್ಉಪ್ಪು – ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ

ಮ್ಯಾರಿನೇಷನ್ಮೊದಲಿಗೆ ಚಿಕನ್ ತುಂಡುಗಳನ್ನು ಚೆನ್ನಾಗಿ ತೊಳೆದು, ಮಸಾಲೆ ಒಳಗೆ ಇಳಿಯುವಂತೆ ಸಣ್ಣದಾಗಿ ಗೀರು ಹಾಕಿ. ಒಂದು ಬಟ್ಟಲಿನಲ್ಲಿ ಚಿಕನ್, ಮೊಸರು, ನಿಂಬೆರಸ ಮತ್ತು ಚಿಟಿಕೆ ಉಪ್ಪು ಸೇರಿಸಿ ಚೆನ್ನಾಗಿ ಬೆರೆಸಿ. ಸುಮಾರು 20 ನಿಮಿಷಗಳ ಕಾಲ ನೆನೆಯಲು ಬಿಡಿ (ಇದರಿಂದ ಚಿಕನ್ ಸಾಫ್ಟ್ ಹಾಗೂ ಜ್ಯೂಸಿಯಾಗಿ ಬೇಯುತ್ತದೆ).

ಮಸಾಲಾ ಪುಡಿ ತಯಾರಿಕೆಗ್ಯಾಸ್ ಮೇಲೆ ಬಾಣಲೆ ಇಟ್ಟು ಕಾಳುಮೆಣಸು, ಒಣಮೆಣಸಿನಕಾಯಿ, ಧನಿಯಾ, ಜೀರಿಗೆ ಮತ್ತು ಕರಿಬೇವಿನ ಸೊಪ್ಪು ಹಾಕಿ ಸಣ್ಣ ಉರಿಯಲ್ಲಿ ಹುರಿಯಿರಿ. ಕರಿಬೇವು ಗರಿಗರಿಯಾಗಿ ಪರಿಮಳ ಬರುವವರೆಗೆ ಹುರಿದು, ತಣ್ಣಗಾದ ಮೇಲೆ ಮಿಕ್ಸಿ ಜಾರ್‌ನಲ್ಲಿ ನುಣ್ಣಗೆ ಪುಡಿ ಮಾಡಿಟ್ಟುಕೊಳ್ಳಿ.

ಪೇಸ್ಟ್ ತಯಾರಿಕೆ: ಮತ್ತೊಂದು ಮಿಕ್ಸಿ ಜಾರಿಗೆ ಶುಂಠಿ, ಬೆಳ್ಳುಳ್ಳಿ, ಹಸಿಮೆಣಸಿನಕಾಯಿ, ಈರುಳ್ಳಿ ಮತ್ತು ಸ್ವಲ್ಪ ನೀರು ಹಾಕಿ ನುಣ್ಣಗೆ ಪೇಸ್ಟ್ ಮಾಡಿಕೊಳ್ಳಿ.

ರೋಸ್ಟ್ ಮಾಡುವ ಹಂತ

*ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ, ಸ್ವಲ್ಪ ಜೀರಿಗೆ ಮತ್ತು ಸಣ್ಣಗೆ ಹೆಚ್ಚಿದ ಈರುಳ್ಳಿ ಹಾಕಿ ಹೊಂಬಣ್ಣ ಬರುವವರೆಗೆ ಹುರಿಯಿರಿ. ನಂತರ ಮ್ಯಾರಿನೇಟ್ ಮಾಡಿದ ಚಿಕನ್, ರುಬ್ಬಿಕೊಂಡ ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಮತ್ತು ಸಿದ್ಧಪಡಿಸಿದ ಕರಿಬೇವಿನ ಮಸಾಲಾ ಪುಡಿಯನ್ನು ಹಾಕಿ ಚಿಕನ್ ತುಂಡುಗಳಿಗೆ ಮಸಾಲೆ ಹಿಡಿಯುವಂತೆ ಚೆನ್ನಾಗಿ ಕಲಸಿ.

*ಸ್ವಲ್ಪ ನೀರು ಚಿಮುಕಿಸಿ, ಮುಚ್ಚಳ ಮುಚ್ಚಿ 5 ನಿಮಿಷಗಳ ಕಾಲ ಬೇಯಲು ಬಿಡಿ.

ಅಂತಿಮ ಹಂತ

ಕೊನೆಯದಾಗಿ ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಗರಂ ಮಸಾಲಾ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ಮಸಾಲೆ ತಳಹಿಡಿಯದಂತೆ ಮಧ್ಯಮಧ್ಯದಲ್ಲಿ ಕೈಯಾಡಿಸುತ್ತಾ, ಸಣ್ಣ ಉರಿಯಲ್ಲಿ ಎಣ್ಣೆ ತೇಲುವವರೆಗೆ ರೋಸ್ಟ್ ಮಾಡಿ ಗ್ಯಾಸ್ ಆಫ್ ಮಾಡಿ.

ಈಗ ಘಮಘಮಿಸುವ, ಖಾರ-ಖಾರವಾದ ಕರಿಬೇವು ಚಿಕನ್ ರೋಸ್ಟ್ ಸವಿಯಲು ಸಿದ್ಧ! ಇದು ಬಿಸಿಬಿಸಿ ಅನ್ನ, ತಿಳಿಸಾರು/ರಸಂ ಜೊತೆ ಸೈಡ್ ಡಿಶ್ ಆಗಿ ಅಥವಾ ಸ್ಟಾರ್ಟರ್ ಆಗಿ ತಿನ್ನಲು ಅತ್ಯದ್ಭುತವಾಗಿರುತ್ತದೆ.

ತಮಿಳುನಾಡಿನಲ್ಲೂ ರಾಮಾಯಣ ಹವಾ; ಸೂರ್ಯ 'ಸೀನ್' ಮೇಲೆ ಸವಾರಿ, ಕಾಲಿವುಡ್‌ನಲ್ಲಿ ಭಾರೀ ಕಾಂಚಾಣ!

Shriram Bhat — Sat, 14 Nov 2026 11:21:47 +0530

ತಮಿಳುನಾಡಿನಂತಹ ಪ್ರಬಲ ಪ್ರಾದೇಶಿಕ ಚಿತ್ರಮಾರುಕಟ್ಟೆಯಲ್ಲಿ ‘ರಾಮಾಯಣ’ ಸಾಧಿಸುತ್ತಿರುವ ಈ ಯಶಸ್ಸು ಬಾಕ್ಸ್ ಆಫೀಸ್ ವಿಶ್ಲೇಷಕರಲ್ಲೂ ಅಚ್ಚರಿ ಮೂಡಿಸಿದೆ. ಚಿತ್ರದ ಪೌರಾಣಿಕ ಕಥಾಹಂದರದ ಜೊತೆಗೆ ಯಶ್ ಜನಪ್ರಿಯತೆಯೂ ಪ್ರೇಕ್ಷಕರನ್ನು ಚಿತ್ರಮಂದಿರಗಳತ್ತ ಸೆಳೆಯುತ್ತಿದೆ ಎನ್ನಲಾಗುತ್ತಿದೆ.

ತಮಿಳುನಾಡಿನಲ್ಲೂ ‘ರಾಮಾಯಣ’ ಅಬ್ಬರ; ಸೂರ್ಯ ಚಿತ್ರದ ದಾಖಲೆ ಹಿಂದಿಕ್ಕಿದ ರಣಬೀರ್ ಸಿನಿಮಾ!

ಬಾಕ್ಸ್ ಆಫೀಸ್‌ನಲ್ಲಿ ದಿನದಿಂದ ದಿನಕ್ಕೆ ಹೊಸ ಮೈಲಿಗಲ್ಲುಗಳನ್ನು ಸ್ಥಾಪಿಸುತ್ತಿರುವ ರಣಬೀರ್ ಕಪೂರ್ ಅಭಿನಯದ ‘ರಾಮಾಯಣ’ ಸಿನಿಮಾ ಇದೀಗ ತಮಿಳುನಾಡಿನಲ್ಲೂ ತನ್ನ ಪ್ರಾಬಲ್ಯ ಮೆರೆದಿದೆ. ಉತ್ತರ ಭಾರತದ ಕಥೆ, ದಕ್ಷಿಣ ಭಾರತದ ಪ್ರೇಕ್ಷಕರ ಮನಸ್ಸನ್ನೂ ಗೆಲ್ಲುತ್ತಿದೆ.

ವಿಶೇಷವೆಂದರೆ, ತಮಿಳು ನಟ ಸೂರ್ಯ ಅಭಿನಯದ ಬಹುನಿರೀಕ್ಷಿತ ‘ಸೀನ್’ ಸಿನಿಮಾದ ಗಳಿಕೆಗೆ ಪೈಪೋಟಿ ನೀಡುವ ಮಟ್ಟಕ್ಕೆ ‘ರಾಮಾಯಣ’ ಬೆಳೆದು ನಿಂತಿದೆ. ಈಗಾಗಲೇ ತಮಿಳುನಾಡಿನಲ್ಲಿ 30 ಕೋಟಿ ರೂಪಾಯಿ ಗಡಿ ದಾಟಿರುವ ಈ ಸಿನಿಮಾ, ಶೀಘ್ರದಲ್ಲೇ 60 ಕೋಟಿ ರೂಪಾಯಿ ಕ್ಲಬ್ ಸೇರುವ ನಿರೀಕ್ಷೆ ಮೂಡಿಸಿದೆ.

ಭಾಷೆಯ ಗಡಿ ಮೀರಿ ಪ್ರೇಕ್ಷಕರನ್ನು ಸೆಳೆಯುತ್ತಿರುವ ‘ರಾಮಾಯಣ’ ಚಿತ್ರದ ಅಬ್ಬರಕ್ಕೆ ಇತ್ತೀಚಿನ ಅಡ್ವಾನ್ಸ್ ಬುಕಿಂಗ್ ಅಂಕಿಅಂಶಗಳೇ ಸಾಕ್ಷಿಯಾಗಿವೆ. ಶನಿವಾರದ ಮುಂಗಡ ಟಿಕೆಟ್ ಕಾಯ್ದಿರಿಸುವಿಕೆಯಲ್ಲಿ ತಮಿಳುನಾಡಿನಲ್ಲಿ ಸೂರ್ಯ ನಟನೆಯ ‘ಸೀನ್’ ಚಿತ್ರಕ್ಕಿಂತ ‘ರಾಮಾಯಣ’ ಬರೋಬ್ಬರಿ ಎರಡು ಪಟ್ಟು ಹೆಚ್ಚಿನ ಮುನ್ನಡೆ ಸಾಧಿಸಿದೆ ಎನ್ನಲಾಗಿದೆ. ತಮಿಳು ಭಾಷೆಗೆ ಡಬ್ ಆಗಿ ಬಿಡುಗಡೆಯಾದ ಹಿಂದಿ ಮೂಲದ ಸಿನಿಮಾ ಈ ಮಟ್ಟದ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿರುವುದು ಚಿತ್ರರಂಗದ ಗಮನ ಸೆಳೆದಿದೆ.

ತಮಿಳುನಾಡಿನಂತಹ ಪ್ರಬಲ ಪ್ರಾದೇಶಿಕ ಚಿತ್ರಮಾರುಕಟ್ಟೆಯಲ್ಲಿ ‘ರಾಮಾಯಣ’ ಸಾಧಿಸುತ್ತಿರುವ ಈ ಯಶಸ್ಸು ಬಾಕ್ಸ್ ಆಫೀಸ್ ವಿಶ್ಲೇಷಕರಲ್ಲೂ ಅಚ್ಚರಿ ಮೂಡಿಸಿದೆ. ಚಿತ್ರದ ಪೌರಾಣಿಕ ಕಥಾಹಂದರ, ಅದ್ಧೂರಿ ನಿರ್ಮಾಣ, ರಣಬೀರ್ ಕಪೂರ್ ಅವರ ಅಭಿನಯದ ಜೊತೆಗೆ ಯಶ್ ಅವರ ಜನಪ್ರಿಯತೆಯೂ ಪ್ರೇಕ್ಷಕರನ್ನು ಚಿತ್ರಮಂದಿರಗಳತ್ತ ಸೆಳೆಯುತ್ತಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.

ಈಗಾಗಲೇ ವಿಶ್ವಾದ್ಯಂತ ಸುಮಾರು 1,100 ಕೋಟಿ ರೂಪಾಯಿ ಗಳಿಕೆ ಮಾಡಿದೆ ಎನ್ನಲಾಗುತ್ತಿರುವ ‘ರಾಮಾಯಣ’, ಭಾಷೆ ಮತ್ತು ಪ್ರದೇಶಗಳ ಎಲ್ಲೆಗಳನ್ನು ಮೀರಿ ಮುನ್ನುಗ್ಗುತ್ತಿದೆ. ದಕ್ಷಿಣ ಭಾರತದ ಮಾರುಕಟ್ಟೆಯಲ್ಲೂ ಇಷ್ಟೊಂದು ದೊಡ್ಡ ಮಟ್ಟದ ಪ್ರತಿಕ್ರಿಯೆ ಸಿಗುತ್ತಿರುವುದು ಚಿತ್ರದ ಜನಪ್ರಿಯತೆಗೆ ಸಾಕ್ಷಿಯಾಗಿದೆ.

ಇದೇ ವೇಗ ಮುಂದುವರಿದರೆ ತಮಿಳುನಾಡಿನಲ್ಲಿ 60 ಕೋಟಿ ರೂಪಾಯಿ ಗುರಿ ತಲುಪುವುದಷ್ಟೇ ಅಲ್ಲ, ಮುಂದಿನ ದಿನಗಳಲ್ಲಿ ಮತ್ತಷ್ಟು ದಾಖಲೆಗಳನ್ನು ತನ್ನದಾಗಿಸಿಕೊಳ್ಳುವ ಸಾಧ್ಯತೆಯಿದೆ. ಈ ಮಹಾಕಾವ್ಯದ ಬಾಕ್ಸ್ ಆಫೀಸ್ ಸುನಾಮಿ ಎಲ್ಲಿಗೆ ತಲುಪಲಿದೆ ಎಂಬ ಕುತೂಹಲ ಈಗ ಹೆಚ್ಚಾಗಿದೆ.

ಮದುವೆಯಾಗಿ ಸಂಸಾರ ಕಟ್ಟಿಕೊಳ್ಳಲಿಲ್ಲ, ಅಮ್ಮನ ಸೇವೆಯನ್ನೇ ಬದುಕಾಗಿಸಿಕೊಂಡ ನಟ! ಸಂಕೇತ್ ಕಾಶಿ ಕಥೆ ಕಣ್ಣೀರು ತರಿಸುತ್ತೆ

Chandrashekar GS — Sat, 14 Nov 2026 11:05:31 +0530

ಅಮ್ಮನಿಗಾಗಿ ಮದುವೆಯನ್ನೇ ಮಾಡಿಕೊಳ್ಳಲಿಲ್ಲ ಖ್ಯಾತ ನಟ! ಸಂಕೇತ್ ಕಾಶಿ ಜೀವನದ ಹಿಂದಿದೆ ಭಾವುಕ ಕಥೆ

ಕನ್ನಡ ಚಿತ್ರರಂಗದಲ್ಲಿ ತಮ್ಮ ವಿಭಿನ್ನ ಅಭಿನಯದ ಮೂಲಕ ಗುರುತಿಸಿಕೊಂಡಿದ್ದ ನಟ ಸಂಕೇತ್ ಕಾಶಿ ಅವರ ಜೀವನದ ಬಗ್ಗೆ ತಿಳಿದಾಗ ಅಚ್ಚರಿಯಾಗುತ್ತದೆ. 140ಕ್ಕೂ ಹೆಚ್ಚು ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದ ಅವರು ತಮ್ಮ ವೈಯಕ್ತಿಕ ಬದುಕಿನಲ್ಲಿ ಮಾತ್ರ ಸರಳ ಜೀವನ ನಡೆಸಿದರು. ಅದರಲ್ಲೂ ಜೀವನಪೂರ್ತಿ ಮದುವೆಯಾಗದೆ ಉಳಿದಿದ್ದ ಅವರ ನಿರ್ಧಾರದ ಹಿಂದೆ ತಾಯಿಯ ಮೇಲಿನ ಅಪಾರ ಪ್ರೀತಿ ಮತ್ತು ಕಾಳಜಿ ಇತ್ತು ಎನ್ನಲಾಗಿದೆ.

ಅಮ್ಮನ ಸೇವೆಗಾಗಿ ಮದುವೆಯಿಂದ ದೂರ ಉಳಿದ ನಟ

ಸಂಕೇತ್ ಕಾಶಿ ಅವರ ಮೂಲ ಹೆಸರು ಕಾಶಿನಾಥ್ ಚಿಂದಾಪುರ್ಗಿ. ಅವರಿಗೆ ತಮ್ಮ ತಾಯಿ ಚಿನ್ನಮ್ಮ ಎಂದರೆ ಅಪಾರ ಪ್ರೀತಿ. ತಾಯಿಯನ್ನು ನೋಡಿಕೊಳ್ಳುವುದು ಮತ್ತು ಅವರ ಜೊತೆ ಜೀವನ ಕಳೆಯುವುದಕ್ಕೆ ಅವರು ಹೆಚ್ಚಿನ ಆದ್ಯತೆ ನೀಡಿದ್ದರು ಎಂದು ಅವರ ನಿಧನದ ಬಳಿಕ ಪ್ರಕಟವಾದ ಕೆಲವು ಕನ್ನಡ ಮಾಧ್ಯಮ ವರದಿಗಳು ಮತ್ತು ಶ್ರದ್ಧಾಂಜಲಿ ಬರಹಗಳಲ್ಲಿ ಉಲ್ಲೇಖಿಸಲಾಗಿದೆ.

ಮದುವೆಯಾದರೆ ಕುಟುಂಬದ ಜವಾಬ್ದಾರಿಗಳು ಹೆಚ್ಚಾಗಬಹುದು. ಆಗ ತಾಯಿಯ ಆರೈಕೆಗೆ ಸಂಪೂರ್ಣ ಸಮಯ ನೀಡಲು ಸಾಧ್ಯವಾಗದೇ ಇರಬಹುದು ಎಂಬ ಕಾರಣಕ್ಕೆ ಅವರು ಮದುವೆಯಾಗದೆ ಉಳಿಯುವ ನಿರ್ಧಾರ ಕೈಗೊಂಡಿದ್ದರು ಎನ್ನಲಾಗಿದೆ. ತಾಯಿಯ ಸೇವೆಯನ್ನೇ ತಮ್ಮ ಜೀವನದ ಪ್ರಮುಖ ಕರ್ತವ್ಯವೆಂದು ಭಾವಿಸಿದ್ದ ಅವರ ಈ ನಡೆ ಹಲವರ ಮನಸ್ಸಿಗೆ ತಟ್ಟುವಂತಿದೆ.

ರಂಗಭೂಮಿಯಿಂದ ಚಿತ್ರರಂಗದವರೆಗೆ ಬೆಳೆದ ಪ್ರತಿಭೆ

ಸಂಕೇತ್ ಕಾಶಿ ಅವರಿಗೆ ನಟನೆಯ ಮೇಲೆ ಅಪಾರ ಆಸಕ್ತಿ ಇತ್ತು. ರಂಗಭೂಮಿಯ ಮೂಲಕ ತಮ್ಮ ಕಲಾ ಪಯಣ ಆರಂಭಿಸಿದ ಅವರು, ಶಂಕರ್ ನಾಗ್ ಅವರ 'ಸಂಕೇತ್' ನಾಟಕ ತಂಡದೊಂದಿಗೆ ಗುರುತಿಸಿಕೊಂಡಿದ್ದರು. ರಂಗಭೂಮಿಯಲ್ಲಿ ಸಾಕಷ್ಟು ಅನುಭವ ಪಡೆದ ಬಳಿಕ ಕನ್ನಡ ಚಿತ್ರರಂಗದಲ್ಲೂ ತಮ್ಮದೇ ಆದ ಸ್ಥಾನ ಸಂಪಾದಿಸಿದರು.

140ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸುವ ಮೂಲಕ ಪ್ರೇಕ್ಷಕರ ಗಮನ ಸೆಳೆದರು. ವಿಭಿನ್ನ ಪಾತ್ರಗಳನ್ನು ನಿರ್ವಹಿಸುವ ಮೂಲಕ ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಆದ ಗುರುತನ್ನು ಮೂಡಿಸಿದ್ದರು. ನಟನೆಯ ಜೊತೆಗೆ ಸರಳತೆ ಮತ್ತು ಖಾಸಗಿ ಬದುಕನ್ನು ಗೌಪ್ಯವಾಗಿಟ್ಟುಕೊಳ್ಳುವ ಸ್ವಭಾವವೂ ಅವರ ವ್ಯಕ್ತಿತ್ವದ ವಿಶೇಷತೆಯಾಗಿತ್ತು.

62ನೇ ವಯಸ್ಸಿನಲ್ಲಿ ಇಹಲೋಕ ತ್ಯಜಿಸಿದ ನಟ

2016ರ ಆಗಸ್ಟ್‌ನಲ್ಲಿ ಬೆಂಗಳೂರಿನಲ್ಲಿ ಹೃದಯಾಘಾತದಿಂದ ಸಂಕೇತ್ ಕಾಶಿ ನಿಧನರಾದರು. ಅವರಿಗೆ ಆಗ 62 ವರ್ಷ ವಯಸ್ಸಾಗಿತ್ತು. ಅವರ ನಿಧನ ಕನ್ನಡ ಚಿತ್ರರಂಗಕ್ಕೆ ನೋವು ತಂದಿತ್ತು. ತಾಯಿ ಚಿನ್ನಮ್ಮ ಮತ್ತು ಒಡಹುಟ್ಟಿದವರನ್ನು ಅಗಲಿದ್ದರು.

ಒಬ್ಬ ಕಲಾವಿದನಾಗಿ ಹಲವು ಪಾತ್ರಗಳ ಮೂಲಕ ಜನರನ್ನು ರಂಜಿಸಿದ್ದ ಸಂಕೇತ್ ಕಾಶಿ, ವೈಯಕ್ತಿಕ ಬದುಕಿನಲ್ಲಿ ತಾಯಿಯ ಮೇಲಿನ ಪ್ರೀತಿಗೆ ಹೆಚ್ಚಿನ ಮಹತ್ವ ನೀಡಿದ್ದರು ಎಂಬುದು ಅವರ ಜೀವನದ ಭಾವುಕ ಸಂಗತಿ. ಅವರ ನಟನಾ ಪಯಣದ ಜೊತೆಗೆ ಈ ಸರಳ ಬದುಕಿನ ನೆನಪೂ ಕನ್ನಡಿಗರ ಮನಸ್ಸಿನಲ್ಲಿ ಉಳಿದಿದೆ.

RED CARPET- 'ಲಂಬೋದರ 2.0' ರೆಡ್ ಕಾರ್ಪೆಟ್‌ ಮೇಲೆ ಹೆಜ್ಜೆಹಾಕಿ 'ಸಕ್ಸಸ್'ಗೆ ವಿಶ್ ಮಾಡಿದ ಸಿನಿತಾರೆಯರು ಯಾರು?

Shriram Bhat — Sat, 14 Nov 2026 10:20:48 +0530

ಬ್ರಿಗೇಡ್ ರಸ್ತೆಯಲ್ಲಿರುವ 'ಫೋರಂ ರೆಕ್ಸ್- ಪಿವಿಆರ್ ಡೈರೆಕ್ಟರ್ಸ್ ಕಟ್'ನಲ್ಲಿ ರೆಡ್ ಕಾರ್ಪೆಟ್ ಮಿಂಚು!

Lambodhara 2.0 Kannada Movie: 'ಸಿಂಪಲ್ ಸುನಿ' ನಿರ್ದೇಶನದ 'ಲಂಬೋದರ 2.0' ಸಿನಿಮಾ ನವೆಂಬರ್ 13, 2026 ರಂದು ಚಿತ್ರಮಂದಿರಗಳಲ್ಲಿ ಅಧಿಕೃತವಾಗಿ ಬಿಡುಗಡೆಯಾಗಿದೆ. ಕನ್ನಡ ಹಾಗೂ ಹಿಂದಿ ಭಾಷೆಗಳಲ್ಲಿ ರಿಲೀಸ್ ಆಗಿರುವ ಸಿನಿಮಾ, ಸೈನ್ಸ್ ಫಿಕ್ಷನ್ ಮತ್ತು ಸೋಶಿಯಲ್ ಥ್ರಿಲ್ಲರ್ ಚಿತ್ರವಾಗಿದೆ.

ಅನಿಲ್ ಶೆಟ್ಟಿ, ಕುನಾಲ್ ಕಪೂರ್, ಸಾಚಿ ಬಿಂದ್ರಾ, ಮೇಘನಾ ಗಾಂವ್ಕರ್, ಮಾಳವಿಕಾ ಅವಿನಾಶ್ ಮುಖ್ಯ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರದಲ್ಲಿ 'ಜಿಯಾ' (JIA) ಎನ್ನುವ ನೈಜ ಹ್ಯೂಮನಾಯ್ಡ್ ರೋಬೋಟ್ ಕೂಡ ಅಭಿನಯಿಸಿದೆ. ರೋಬೋಟ್ ನಟನೆಯನ್ನೂ ಮಾಡಿರುವ ಕಾರಣಕ್ಕೆ ಈ ಚಿತ್ರವನ್ನು ದೊಡ್ಡವರ ಜೊತೆಗೆ ಮಕ್ಕಳು ನೋಡುವಂತಿದೆ. 'ಲಂಬೋದರ 2.0' ಚಿತ್ರದ ಮೂಲಕ ಕುನಾಲ್ ಕಪೂರ್ ಮೊಟ್ಟಮೊದಲ ಬಾರಿಗೆ ಕನ್ನಡಚಿತ್ರರಂಗಕ್ಕೆ ಬಂದಿದ್ದಾರೆ.

ಬ್ರಿಗೇಡ್ ರಸ್ತೆಯಲ್ಲಿರುವ 'ಫೋರಂ ರೆಕ್ಸ್- ಪಿವಿಆರ್ ಡೈರೆಕ್ಟರ್ಸ್ ಕಟ್'ನಲ್ಲಿ ಇಂದು ನಡೆದ ಈ ಚಿತ್ರದ 'ರೆಡ್ ಕಾರ್ಪೆಟ್' ಶೋ ದಲ್ಲಿ ಹಲವಾರು ಖ್ಯಾತನಾಮರು ಭಾಗಿಯಾಗಿದ್ದರು. ಅನಿಲ್ ಶೆಟ್ಟಿ, ಕುನಾಲ್ ಕಪೂರ್, ಸಾಚಿ ಬಿಂದ್ರಾ, ಮೇಘನಾ ಗಾಂವ್ಕರ್ ಸೇರಿದಂತೆ ಚಿತ್ರದ ಮುಖ್ಯ ತಾರಾಗಣದ ನಟನಟಿಯರು ರೆಡ್ ಕಾರ್ಪೆಟ್ ಮೇಲೆ ಹೆಜ್ಜೆ ಹಾಕಿ ಮಂದಹಾಸ ಬೀರಿ ಈ ಚಿತ್ರದ ಯಶಸ್ಸಿಗೆ ಶುಭ ಹಾರೈಸಿದ್ದಾರೆ.

ಯಾವೆಲ್ಲಾ ಗಣ್ಯರು, ಸಿನಿತಾರೆಯರು ಕೆಂಪು ಹಾಸಿನ ಮೇಲೆ (ರೆಡ್ ಕಾರ್ಪೆಟ್) ನಲ್ಲಿ ಮಿಂಚಿದ್ದಾರೆ?

ಕನ್ನಡ ಮೂಲದ ಬಾಲಿವುಡ್ ನಟ ಸುನಿಲ್ ಶೆಟ್ಟಿ, ಚಿತ್ರದ ನಿರ್ದೇಶಕರಾದ ಸಿಂಪಲ್ ಸುನಿ, ಬಯೋಕಾನ್ ಅಧ್ಯಕ್ಷೆ ಕಿರಣ್ ಮಜುಂದಾರ್ ಶಾ, ವಿಪ್ರೋ ಅಧ್ಯಕ್ಷ ರಿಷದ್ ಪ್ರೇಮ್‌ಜಿ, ಇನ್ಫೋಸಿಸ್‌ನ ಮಾಜಿ ನಿರ್ದೇಶಕ ಮೋಹನ್‌ದಾಸ್ ಪೈ, ಇಸ್ರೇಲ್ ಕಾನ್ಸುಲೇಟ್ ಜನರಲ್ ಓರ್ಲಿ, ವೈಟ್ಜ್‌ಮನ್, ಗ್ರ್ಯಾಮಿ ಪ್ರಶಸ್ತಿ ವಿಜೇತ ರಿಕಿ ಕೇಜ್, ಟೆನಿಸ್ ವಿಶ್ವ ಚಾಂಪಿಯನ್ ರೋಹನ್ ಬೋಪಣ್ಣ, ಶ್ರೀಮತಿ ಅಶ್ವಿನಿ ಪುನೀತ್ ರಾಜ್‌ಕುಮಾರ್, ನಟ ಶ್ರೀಮುರಳಿ, ನಟಿ ಶಾನ್ವಿ ಶ್ರೀವಾಸ್ತವ, ಪ್ರಗತಿ ಶೆಟ್ಟಿ,

ಜೊತೆಗೆ ವಿವಿಧ ಚಿತ್ರರಂಗಗಳ ನಟ-ನಟಿಯರು, ಸ್ಟಾರ್ಟ್‌ಅಪ್ ಸಂಸ್ಥಾಪಕರು, ಮಿಸ್ ಇಂಡಿಯಾ ವಿಜೇತರು, ಫ್ಯಾಷನ್ ಸ್ಟೈಲಿಸ್ಟ್ ಪ್ರಸಾದ್ ಬಿದ್ದಪ್ಪ, ರಾಜಕಾರಣಿಗಳಾದ ಡಾ. ಸಿ. ಎನ್. ಅಶ್ವಥ್ ನಾರಾಯಣ್, ಶಾಸಕ ಎನ್. ಎ. ಹ್ಯಾರಿಸ್, ಮೊಹಮ್ಮದ್ ಹ್ಯಾರಿಸ್ ನಲಪಾಡ್, ಮಾಡೆಲ್‌ಗಳು, ಕಾರ್ಪೊರೇಟ್ ಕ್ಷೇತ್ರದ ಪ್ರಮುಖ ನಾಯಕರು ಸೇರಿದಂತೆ ಹಲವು ಗಣ್ಯರು ಈ ಪಟ್ಟಿಯಲ್ಲಿ ಸೇರಿದ್ದಾರೆ.

'ಜಿಯಾ' (JIA) ಎನ್ನುವ ನೈಜ ಹ್ಯೂಮನಾಯ್ಡ್ ರೋಬೋಟ್ ಕಮಾಲ್!

ಅಂದಹಾಗೆ, 'ಲಂಬೋದರ 2.0' ಚಿತ್ರದಲ್ಲಿ 'ಜಿಯಾ' (JIA) ಎನ್ನುವ ನೈಜ ಹ್ಯೂಮನಾಯ್ಡ್ ರೋಬೋಟ್ ಕೂಡ ಅಭಿನಯಿಸಿದೆ. ಈ ಕಾರಣಕ್ಕೆ ಈ ಚಿತ್ರವನ್ನು ದೊಡ್ಡವರ ಜೊತೆಗೆ ಮಕ್ಕಳು ನೋಡುವಂತಿದೆ. ಈ ಸಿನಿಮಾಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಮುಂದಿನ ದಿನಗಳಲ್ಲಿ ಈ ಸಿನಿಮಾ ಕನ್ನಡ ಹಾಗೂ ಹಿಂದಿ ಚಿತ್ರರಂಗಕ್ಕೆ ಟಾನಿಕ್ ಆದರೂ ಆಶ್ಚರ್ಯವೇನಿಲ್ಲ.

ಚಾಕೊಲೇಟ್ ಆಸೆಗೆ ಸಿನಿಮಾ ಸೆಟ್‌ಗೆ ಹೋದ 3 ವರ್ಷದ ಮಗು! ಮುಂದೆ 100ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ ಬೇಬಿ ಇಂದಿರಾ ಕಥೆ

Chandrashekar GS — Sat, 14 Nov 2026 10:25:48 +0530

ಚಾಕೊಲೇಟ್‌ನಿಂದ ಶುರುವಾದ ಸಿನಿಮಾ ಪಯಣ!

ಇಂದಿನ ಕಾಲದಲ್ಲಿ ಮಕ್ಕಳು ಸಿನಿಮಾದಲ್ಲಿ ನಟಿಸಬೇಕೆಂದರೆ ಆಡಿಷನ್, ತರಬೇತಿ, ಪೋಷಕರ ಒಪ್ಪಿಗೆ ಹೀಗೆ ಹಲವು ಹಂತಗಳಿರುತ್ತವೆ. ಆದರೆ 1980ರ ದಶಕದಲ್ಲಿ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಬಾಲನಟಿಯಾಗಿ ಮಿಂಚಿದ ಬೇಬಿ ಇಂದಿರಾ ಅವರ ಸಿನಿಮಾ ಪಯಣ ಆರಂಭವಾಗಿದ್ದು ಮಾತ್ರ ತುಂಬಾ ವಿಚಿತ್ರವಾಗಿ!

ಅವರಿಗೆ ಆಗ ಕೇವಲ ಎರಡೂವರೆ ಮೂರು ವರ್ಷ ವಯಸ್ಸು. ಸಿನಿಮಾ ಎಂದರೇನು, ಚಿತ್ರೀಕರಣ ಎಂದರೇನು ಎಂಬುದರ ಅರಿವೂ ಇರಲಿಲ್ಲ. ಯಾರೋ ಒಬ್ಬರು ಚಾಕೊಲೇಟ್ ಕೊಟ್ಟಿದ್ದರಿಂದ ಅವರೊಂದಿಗೆ ಹೊರಟ ಪುಟ್ಟ ಇಂದಿರಾ ಕೊನೆಗೆ ಸಿನಿಮಾ ಸೆಟ್ ತಲುಪಿದ್ದರು. ಅಷ್ಟೇ ಅಲ್ಲ, ಅಲ್ಲಿ ಸಿನಿಮಾದಲ್ಲೂ ನಟಿಸಲು ಶುರುಮಾಡಿದ್ದರು!

ಮಗಳು ಕಾಣೆಯಾಗಿದ್ದಾಳೆಂದು ಸ್ಟುಡಿಯೋಗಳಲ್ಲಿ ಹುಡುಕಾಡಿದ ಅಪ್ಪ!

ಇತ್ತ ಮನೆಗೆ ಬಂದ ತಂದೆಗೆ ಮಗಳು ಕಾಣಿಸಲಿಲ್ಲ. ತಾಯಿಯನ್ನು ವಿಚಾರಿಸಿದಾಗ, ಅಪ್ಪನ ಸ್ನೇಹಿತರು ಕರೆದುಕೊಂಡು ಹೋಗಿದ್ದಾರೆ ಎಂಬ ಮಾಹಿತಿ ಸಿಕ್ಕಿತ್ತು. ಆದರೆ ಈ ವಿಷಯ ತಂದೆಗೆ ಗೊತ್ತೇ ಇರಲಿಲ್ಲ. ಎರಡೂವರೆ ಮೂರು ವರ್ಷದ ಮಗಳನ್ನು ಯಾರೋ ಕರೆದುಕೊಂಡು ಹೋಗಿದ್ದಾರೆ ಎಂದು ಆತಂಕಗೊಂಡ ಅವರು ಚೆನ್ನೈನ ಹಲವು ಸಿನಿಮಾ ಸ್ಟುಡಿಯೋಗಳಲ್ಲಿ ಹುಡುಕಾಟ ನಡೆಸಿದ್ದರು.

ಕೊನೆಗೆ ಶಾರದಾ ಸ್ಟುಡಿಯೋದಲ್ಲಿ ಮಲಯಾಳಂ ಸಿನಿಮಾ 'ನವವಧು' ಚಿತ್ರೀಕರಣದಲ್ಲಿ ತೊಡಗಿದ್ದ ಮಗಳನ್ನು ಕಂಡು ನಿಟ್ಟುಸಿರು ಬಿಟ್ಟಿದ್ದರು. ಅಷ್ಟರಲ್ಲಾಗಲೇ ಇಂದಿರಾ ಎರಡು ದೃಶ್ಯಗಳಲ್ಲಿ ನಟಿಸಿಯೂ ಆಗಿತ್ತು!

ಸಿನಿಮಾದಲ್ಲಿ ನಟಿಸುವ ಆಸೆ ಮೊದಲಿನಿಂದಲೂ ಇತ್ತು!

2024ರಲ್ಲಿ ನಟಿ ಬೇಬಿ ಇಂದಿರಾ ಅವರು ನಿರ್ದೇಶಕ ರಘುರಾಮ್ ಅವರ ಯೂಟ್ಯೂಬ್ ಸಂದರ್ಶನದಲ್ಲಿ ಈ ಅಪರೂಪದ ಬಾಲ್ಯದ ಘಟನೆಯನ್ನು ನೆನಪಿಸಿಕೊಂಡಿದ್ದರು.

ನಿಜಕ್ಕೂ ಇಂದಿರಾ ಅವರಿಗೆ ಚಿಕ್ಕಂದಿನಿಂದಲೇ ಸಿನಿಮಾದಲ್ಲಿ ನಟಿಸುವ ಆಸೆಯಿತ್ತು. ಆದರೆ ತಂದೆಗೆ ಮಗಳು ಚಿತ್ರರಂಗಕ್ಕೆ ಹೋಗುವುದು ಇಷ್ಟವಿರಲಿಲ್ಲ. ಆಕೆಯನ್ನು ವೈದ್ಯೆಯನ್ನಾಗಿ ಮಾಡಬೇಕೆಂಬ ಕನಸು ಅವರದ್ದಾಗಿತ್ತು. ಭರತನಾಟ್ಯ ಕಲಿಯುವುದಕ್ಕೂ ತಂದೆ ಅವಕಾಶ ನೀಡಿರಲಿಲ್ಲ.

ಆದರೆ ಅನಿರೀಕ್ಷಿತವಾಗಿ ನಡೆದ ಈ ಘಟನೆಯ ನಂತರ ಅವರ ಸಿನಿಮಾ ಪಯಣಕ್ಕೆ ದಾರಿ ತೆರೆದಿತ್ತು.

100ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಮಿಂಚಿದ ಬಾಲನಟಿ!

ಕನ್ನಡ ಮಾತ್ರವಲ್ಲದೆ ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಸೇರಿದಂತೆ ವಿವಿಧ ಭಾಷೆಗಳ 100ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಬೇಬಿ ಇಂದಿರಾ ನಟಿಸಿದ್ದರು. 'ಚಿನ್ನಾ ನಿನ್ನ ಮುದ್ದಾಡುವೆ', 'ಸಿಂಹದ ಮರಿ ಸೈನ್ಯ', 'ಪುಟಾಣಿ ಏಜೆಂಟ್ 123', 'ಮಕ್ಕಳ ಭಾಗ್ಯ', 'ರಾಮ ಲಕ್ಷ್ಮಣ' ಸೇರಿದಂತೆ ಹಲವು ಕನ್ನಡ ಸಿನಿಮಾಗಳಲ್ಲಿ ಅಭಿನಯಿಸಿ ಪ್ರೇಕ್ಷಕರ ಪ್ರೀತಿ ಗಳಿಸಿದ್ದರು.

ಬಾಲನಟಿಯಾಗಿದ್ದಾಗ ವರ್ಷಕ್ಕೆ ಸುಮಾರು 25 ಸಿನಿಮಾಗಳಲ್ಲಿ ನಟಿಸಿದ್ದಾಗಿ ಅವರು ಸಂದರ್ಶನದಲ್ಲಿ ಹೇಳಿಕೊಂಡಿದ್ದರು. ಐದು ಅಥವಾ ಆರು ವರ್ಷದ ವಯಸ್ಸಿನಲ್ಲೇ 30–40 ಸಿನಿಮಾಗಳಲ್ಲಿ ನಟಿಸಿದ ಅನುಭವವೂ ಅವರಿಗಿತ್ತು.

ಚಾಕೊಲೇಟ್ ಆಸೆಯಿಂದ ಶುರುವಾದ ಪುಟ್ಟ ಮಗುವಿನ ಈ ಪಯಣ ಮುಂದೆ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ದೊಡ್ಡ ಗುರುತನ್ನೇ ಮೂಡಿಸಿತು. ಬಾಲ್ಯದ ಆ ಒಂದು ಘಟನೆ ಇಂದಿಗೂ ಬೇಬಿ ಇಂದಿರಾ ಅವರ ಜೀವನದ ಮರೆಯಲಾಗದ ನೆನಪಾಗಿ ಉಳಿದಿದೆ.

Chikkamagaluru ಬೆಟ್ಟಗಳಲ್ಲಿ 3 ತಿಂಗಳ ವಾಸ್ತವ್ಯ; ಅಣ್ಣ-ತಮ್ಮರ ಬಾಂಧವ್ಯದ ಕಥೆ ಹೇಳಿ ಕಣ್ಣಾಲಿ ಒದ್ದೆ ಮಾಡಿದ್ದ ಯಜಮಾನ

Bhimasi M Koleppanavar — Sat, 14 Nov 2026 10:08:48 +0530

ಕನ್ನಡ ಚಿತ್ರರಂಗದ ಇತಿಹಾಸದಲ್ಲಿ ಕೆಲವೇ ಕೆಲವು ಸಿನಿಮಾಗಳು ಮಾತ್ರ ಕೇವಲ ಮನರಂಜನೆಗೆ ಸೀಮಿತವಾಗದೆ, ಜನರ ಬದುಕಿನ ಭಾಗವಾಗಿ ಉಳಿದುಬಿಡುತ್ತವೆ. ಅಂತಹ ಸಾರ್ವಕಾಲಿಕ ಶ್ರೇಷ್ಠ ಚಿತ್ರಗಳಲ್ಲಿ ಸಾಹಸಸಿಂಹ ಡಾ. ವಿಷ್ಣುವರ್ಧನ್ ಅಭಿನಯದ ‘ಯಜಮಾನ’ ಕೂಡ ಒಂದು. 2000ನೇ ಇಸವಿಯ ಡಿಸೆಂಬರ್ 1ರಂದು ತೆರೆಕಂಡ ಈ ಸಿನಿಮಾ ಬಿಡುಗಡೆಯಾಗಿ 26 ವರ್ಷಗಳೇ ಕಳೆದಿದ್ದರೂ, ಇಂದಿಗೂ ಅದರ ಹಾಡುಗಳು ಮತ್ತು ಭಾವನಾತ್ಮಕ ದೃಶ್ಯಗಳು ಕನ್ನಡಿಗರ ಕಣ್ಣಾಲಿಗಳನ್ನು ಒದ್ದೆ ಮಾಡುತ್ತವೆ. ಈ ಎವರ್‌ಗ್ರೀನ್ ಸಿನಿಮಾದ ಶೂಟಿಂಗ್ ದಿನಗಳು ಮತ್ತು ತೆರೆಮರೆಯ ಸ್ವಾರಸ್ಯಕರ ಸಂಗತಿಗಳು ಇಲ್ಲಿವೆ.

ಮಲೆನಾಡಿನ ಮಡಿಲಲ್ಲಿ 3 ತಿಂಗಳ ಸುದೀರ್ಘ ಚಿತ್ರೀಕರಣ!

'ಯಜಮಾನ' ಸಿನಿಮಾದ ಜೀವಾಳವೇ ಅದರ ಹಳ್ಳಿಯ ಸೊಗಡು ಮತ್ತು ಹಸಿರು ಪರಿಸರ. ಇದಕ್ಕಾಗಿ ಚಿತ್ರತಂಡ ಚಿಕ್ಕಮಗಳೂರಿನ ಆಲ್ದೂರು ಸುತ್ತಮುತ್ತಲಿನ ಸುಂದರ ಬೆಟ್ಟಗುಡ್ಡಗಳಲ್ಲಿ ಬರೋಬ್ಬರಿ ಮೂರು ತಿಂಗಳ ಕಾಲ ಬೀಡುಬಿಟ್ಟಿತ್ತು. ಮುಂಜಾನೆಯ ಮಂಜು, ಹಸಿರು ಕಾಫಿ ತೋಟಗಳು ಮತ್ತು ಮಲೆನಾಡಿನ ತಂಪಾದ ವಾತಾವರಣದಲ್ಲಿ ಇಡೀ ತಂಡ ಒಂದು ಕುಟುಂಬದಂತೆ ಒಟ್ಟಿಗೆ ಕೆಲಸ ಮಾಡಿತ್ತು.

ಸ್ಥಳೀಯರ ಪ್ರೀತಿಯಿಂದ ಬೆಟ್ಟಕ್ಕೇ ಬಂತು 'ಯಜಮಾನರ ಗುಡ್ಡ' ಎಂಬ ಹೆಸರು!

ಚಿತ್ರೀಕರಣ ನಡೆಯುತ್ತಿದ್ದ ಮೂರು ತಿಂಗಳ ಕಾಲ ವಿಷ್ಣುವರ್ಧನ್, ಶಶಿಕುಮಾರ್, ಅಭಿಜಿತ್, ಪ್ರೇಮಾ ಸೇರಿ ಇಡೀ ತಂಡ ಆಲ್ದೂರು ಭಾಗದ ಜನರೊಂದಿಗೆ ಬೆರೆತುಹೋಗಿತ್ತು. ಸಿನಿಮಾ ತೆರೆಕಂಡು ಭರ್ಜರಿ ಯಶಸ್ಸು ಗಳಿಸಿದ ನಂತರ, ಆ ಭಾಗದ ಜನರು ಚಿತ್ರೀಕರಣ ನಡೆದ ಬೆಟ್ಟಕ್ಕೆ ಪ್ರೀತಿಯಿಂದ 'ಯಜಮಾನರ ಗುಡ್ಡ' ಎಂದೇ ಹೆಸರಿಟ್ಟರು. ಇಂದಿಗೂ ಪ್ರವಾಸಿಗರು ಆ ಜಾಗವನ್ನು ಇದೇ ಹೆಸರಿನಿಂದ ಗುರುತಿಸುತ್ತಾರೆ.

ಕನ್ನಡಿಗರ ಕಣ್ಣೀರು ತರಿಸಿದ ಅಣ್ಣ-ತಮ್ಮಂದಿರ ಬಾಂಧವ್ಯ!

ಚಿತ್ರದಲ್ಲಿ ವಿಷ್ಣುವರ್ಧನ್ ಅವರು ಹಿರಿಯಣ್ಣ 'ಶಂಕರ'ನಾಗಿ ತನ್ನ ಮೂವರು ತಮ್ಮಂದಿರಾದ ಶಶಿಕುಮಾರ್, ಅಭಿಜಿತ್ ಮತ್ತು ವಿಶಾಲ್ ಹೆಗ್ಡೆ ಅವರ ಏಳಿಗೆಗಾಗಿ ತನ್ನ ಇಡೀ ಜೀವನವನ್ನೇ ಮುಡಿಪಾಗಿಡುತ್ತಾರೆ. ತನ್ನ ಸ್ವಂತ ಸುಖವನ್ನು ತ್ಯಾಗ ಮಾಡಿ, ತಮ್ಮಂದಿರ ಕನಸುಗಳನ್ನು ನನಸು ಮಾಡುವ ಅಣ್ಣನ ಪಾತ್ರ ಪ್ರೇಕ್ಷಕರ ಮನಸ್ಸನ್ನು ಎಷ್ಟು ಆಳವಾಗಿ ತಟ್ಟಿತ್ತೆಂದರೆ, ಚಿತ್ರಮಂದಿರದಿಂದ ಹೊರಬರುವಾಗ ಪ್ರತಿಯೊಬ್ಬರ ಕಣ್ಣಲ್ಲೂ ನೀರಿರುತ್ತಿತ್ತು.

ಮನೆಮನೆಗಳಲ್ಲಿ ಪ್ರತಿಧ್ವನಿಸಿದ 'ಪ್ರೇಮ ಚಂದ್ರಮ' ಮತ್ತು ಭಾವಗೀತೆಗಳು!

ರಾಜೇಶ್ ರಾಮನಾಥ್ ಅವರ ಸಂಗೀತ ನಿರ್ದೇಶನದಲ್ಲಿ ಮೂಡಿಬಂದ ಹಾಡುಗಳು ಈ ಸಿನಿಮಾದ ಮತ್ತೊಂದು ದೊಡ್ಡ ಶಕ್ತಿ. ವಿಶೇಷವಾಗಿ "ಪ್ರೇಮ ಚಂದ್ರಮ ಕೈಗೆ ಸಿಗುವುದೇ" ಮತ್ತು "ನವೀಲೆ ಪಂಚರಂಗಿ ನವೀಲೆ" ಹಾಡುಗಳು ಅಂದಿನ ಕಾಲದಲ್ಲಿ ರಾಜ್ಯದ ಮೂಲೆಮೂಲೆಯಲ್ಲೂ ಮೊಳಗಿದ್ದವು. ಕೇವಲ ₹9 ಲಕ್ಷಕ್ಕೆ ಆಡಿಯೋ ಹಕ್ಕು ಖರೀದಿಸಿದ್ದ ಸಂಸ್ಥೆಗೆ ಬರೋಬ್ಬರಿ ₹8 ಕೋಟಿಗೂ ಅಧಿಕ ಆದಾಯ ತಂದುಕೊಟ್ಟಿದ್ದು ಈ ಹಾಡುಗಳ ಜನಪ್ರಿಯತೆಗೆ ಸಾಕ್ಷಿ.

ರಾಜ್ಯಾದ್ಯಂತ ಶುರುವಾದ 'ಯಜಮಾನ ಪಂಚೆ' ಟ್ರೆಂಡ್!

ಚಿತ್ರದಲ್ಲಿ ವಿಷ್ಣುವರ್ಧನ್ ಅವರು ಬಿಳಿ ಅಂಗಿ ಮತ್ತು ಪಂಚೆ ಧರಿಸಿ ಅತ್ಯಂತ ಸರಳ ಹಾಗೂ ಗಾಂಭೀರ್ಯದಿಂದ ಕಾಣಿಸಿಕೊಂಡಿದ್ದರು. ಈ ಗೆಟಪ್ ಯುವಕರನ್ನು ಎಷ್ಟು ಮೋಡಿ ಮಾಡಿತ್ತೆಂದರೆ, ಸಿನಿಮಾ ಬಿಡುಗಡೆಯಾದ ನಂತರ ಕಾಲೇಜು ಯುವಕರಿಂದ ಹಿಡಿದು ಹಿರಿಯರವರೆಗೆ ಎಲ್ಲರೂ ಬಿಳಿ ಪಂಚೆ ಧರಿಸುವ ಹೊಸ ಟ್ರೆಂಡ್ ಕರ್ನಾಟಕದಲ್ಲಿ ಶುರುವಾಗಿತ್ತು.

ಬಾಕ್ಸ್ ಆಫೀಸ್‌ನಲ್ಲಿ ಅಳಿಸಲಾಗದ ದಾಖಲೆ!

ಆರ್. ಶೇಷಾದ್ರಿ ಮತ್ತು ರಾಧಾ ಭಾರತಿ ನಿರ್ದೇಶನದ, ಕೆ. ರೆಹಮಾನ್ ನಿರ್ಮಾಣದ ಈ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಹೊಸ ಇತಿಹಾಸವನ್ನೇ ಬರೆಯಿತು. 130ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಶತದಿನೋತ್ಸವ, 40ಕ್ಕೂ ಹೆಚ್ಚು ಕಡೆ 25 ವಾರಗಳು ಹಾಗೂ 4 ಚಿತ್ರಮಂದಿರಗಳಲ್ಲಿ ಸತತ ಒಂದು ವರ್ಷ ಪ್ರದರ್ಶನ ಕಂಡು, ಅಂದಿನ ಕಾಲಕ್ಕೇ ₹35 ಕೋಟಿಗೂ ಅಧಿಕ ಗಳಿಕೆ ಮಾಡಿ ಕನ್ನಡ ಚಿತ್ರರಂಗದ ಸಾರ್ವಕಾಲಿಕ ಬ್ಲಾಕ್‌ಬಸ್ಟರ್ ಎನಿಸಿಕೊಂಡಿತು.

ನಂದಿನಿ ಮೊಸರಲ್ಲಿ ಸಿಕ್ಕಿದ್ದು ಪತ್ನಿಯ ಸಿಮ್; ಮದ್ದೂರಿನ ಅರುಣ್ ಕುಮಾರ್ ಅರೆಸ್ಟ್!

Kannadaprabha News — Sat, 14 Nov 2026 09:48:18 +0530

ಮಂಡ್ಯ: ಮದ್ದೂರು ನಂದಿನಿ ಮೊಸರು ಪ್ಯಾಕೆಟ್ ನಲ್ಲಿ ಜಿಯೋ ಸಿಮ್ ಕಾರ್ಡ್ ಪತ್ತೆಯಾಗಿದೆ ಎಂದು ಆರೋಪಿಸಿ ಸಾಮಾಜಿಕ ಜಾಲತಾಣದಲ್ಲಿ ಪ್ರಚಾರ ಮಾಡಿ ಮನ್ಮುಲ್ ಮಾರುಕಟ್ಟೆ ಘನತೆಗೆ ಕುಂದು ಉಂಟು ಮಾಡಿದ್ದ ಆರೋಪಿಯನ್ನು ಮದ್ದೂರು ಪೊಲೀಸರು ಶುಕ್ರವಾರ ಬಂಧಿಸಿದ್ದಾರೆ.

ಅರುಣ್ ಕುಮಾರ್ ಬಂಧಿತ ಆರೋಪಿ.

ತಾಲೂಕಿನ ಚನ್ನಸಂದ್ರ ಗ್ರಾಮದ ಶಿವಲಿಂಗಯ್ಯನ ಪುತ್ರ ಅರುಣ್ ಕುಮಾರ್ (35) ಬಂಧಿತ ಆರೋಪಿ. ಮನ್‌ಮುಲ್‌ ಮಾರುಕಟ್ಟೆ ವ್ಯವಸ್ಥಾಪಕ ಪ್ರಸಾದ್ ದೂರಿದ ಮೇರೆಗೆ ಕಾರ್ಯಾಚರಣೆ ಕೈಗೊಂಡ ಮದ್ದೂರು ಠಾಣೆ ಸಿಪಿಐ ನವೀನ ಹಾಗೂ ಸಿಬ್ಬಂದಿ ಆರೋಪಿ ಅರುಣ್ ಕುಮಾರ್‌ನನ್ನು ಶುಕ್ರವಾರ ಸಂಜೆ ಆತನ ನಿವಾಸದಲ್ಲಿ ವಶಕ್ಕೆ ತೆಗೆದುಕೊಂಡಿದ್ದಾರೆ.

ಆರೋಪಿ ಹೇಳಿದ್ದೇನು?

ಬಂಧಿತ ಅರುಣ್ ಕುಮಾರ್ ಪೊಲೀಸರಿಗೆ ನೀಡಿರುವ ಹೇಳಿಕೆ ಪ್ರಕಾರ, ಸಾರಿಗೆ ಬಸ್ ನಿಲ್ದಾಣದ ಆವರಣದಲ್ಲಿರುವ ನಂದಿನಿ ಪಾರ್ಲರ್‌ನಲ್ಲಿ ಮಂಗಳವಾರ ಸಂಜೆ ಮೊಸರು ಪಾಕೆಟ್ ಖರೀದಿಸಿದ್ದೆ. ಅದನ್ನು ಮನೆಗೆ ತಂದು ಒಗ್ಗರಣೆ ಹಾಕಲು ಪಾತ್ರೆಗೆ ಸುರಿಯುವಾಗ ಜಿಯೋ ಸಿಮ್ ಕವರಿನಿಂದ ಜಾರಿ ಮೊಸರಲ್ಲಿ ಬಿದ್ದಿದೆ. ಇದನ್ನು ಗಮನಿಸಿದ ನಾನು ಮೊಸರು ಪಾಕೆಟ್ ನಲ್ಲಿ ಸಿಮ್ ಪತ್ತೆಯಾಗಿದೆಯೆಂದು ಸಾಮಾಜಿಕ ಜಾಲತಾಣದಲ್ಲಿ ಹರಿಯ ಬಿಟ್ಟಿದ್ದು ನಿಜ ಎಂದು ಪೊಲೀಸರ ಎದುರು ನೀಡಿರುವ ಹೇಳಿಕೆಯಲ್ಲಿ ತಪ್ಪು ಒಪ್ಪಿಕೊಂಡಿದ್ದಾನೆ. ಜಿಯೋ ಸಿಮ್ ನನ್ನ ಪತ್ನಿ ಎನ್. ಸುಧಾ ಹೆಸರಿನಲ್ಲಿದೆ ಎಂದು ಆತ ತಿಳಿಸಿದ್ದಾನೆ.

ಸುಳ್ಳು ಆರೋಪ

ನಂದಿನಿ ಮೊಸರಿನ ಹೆಸರಿಗೆ ಕಳಂಕ ತರಲು ಖಾಸಗಿ ಡೈರಿಗಳೊಂದಿಗೆ ಶಾಮೀಲಾಗಿರುವ ಅರುಣ್ ಕುಮಾರ್ ಈ ರೀತಿ ಸುಳ್ಳು ಆರೋಪ ಮಾಡಿದ್ದಾನೆ ಎಂದು ಮನ್‌ಮುಲ್‌ ಅಧ್ಯಕ್ಷ ಹರೀಶ್ ಕುಮಾರ್ ಪ್ರತಿಕ್ರಿಯೆ ನೀಡಿದ್ದಾರೆ.

ಶಿವಮೊಗ್ಗ ವಿಮಾನ ನಿಲ್ದಾಣದ ಸ್ಥಗಿತಕ್ಕೆ ಕಾರಣ ಏನು? ಸಂಸದರ ಮೇಲೆ ಕಾಂಗ್ರೆಸ್ ಆರೋಪ ಏನು?

Kannadaprabha News — Sat, 14 Nov 2026 09:38:51 +0530

ಶಿವಮೊಗ್ಗ: ಶಿವಮೊಗ್ಗ ವಿಮಾನ ನಿಲ್ದಾಣದಲ್ಲಿ ವಿಮಾನ ಸಂಚಾರ ಸ್ಥಗಿತಗೊಂಡಿರುವುದಕ್ಕೆ ಸಂಸದ ಬಿ.ವೈ. ರಾಘವೇಂದ್ರ ಅವರೇ ನೇರ ಹೊಣೆ ಎಂದು ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಎಚ್.ಸಿ. ಯೋಗೀಶ್ ಆರೋಪಿಸಿದರು.

ಪತ್ರಿಕಾಗೋಷ್ಠಿಯಲ್ಲಿ ಅವರು ಮಾತನಾಡಿ, ಉಡಾನ್ ಯೋಜನೆಯಲ್ಲಿ ಇನ್ನೂ ಒಂದೂವರೆ ವರ್ಷ ಅವಧಿ ಬಾಕಿ ಇತ್ತು. ಪ್ಲಾನ್ ಸ್ಕೀಮ್‌ನಲ್ಲಿ ಇದ್ದರೂ ಸ್ಕೈಪ್ ಚೇಂಜ್ ಮಾಡುವ ಅಗತ್ಯವೇನಿತ್ತು? ಇದರ ಬಗ್ಗೆ ಸಂಸದರು ಎಂದಾದರೂ ಮಾಧ್ಯಮಗಳಿಗೆ ಸ್ಪಷ್ಟ ಮಾಹಿತಿ ನೀಡಿದ್ದಾರಾ ಎಂದು ಪ್ರಶ್ನಿಸಿದರು.

ಸಂಸದರು ಎಂದಾದರೂ ಚರ್ಚೆ ಮಾಡಿದ್ದಾರಾ?

ಸಂಸದರು ಕೇವಲ ಕಾಂಗ್ರೆಸ್ ಸರ್ಕಾರವನ್ನು ದೂಷಿಸುತ್ತಾ ಕಾಲ ಕಳೆಯುತ್ತಿದ್ದು, ವಿಮಾನ ಸಂಚಾರ ಪುನಾರಂಭಕ್ಕೆ ಯಾವುದೇ ಪ್ರಾಮಾಣಿಕ ಪ್ರಯತ್ನ ಮಾಡುತ್ತಿಲ್ಲ. ಇಂಡಿಗೋ ಸಂಸ್ಥೆಯಲ್ಲಿ ಪೈಲಟ್ ಕೊರತೆ, ಫೈಯಿಂಗ್ ಅವರ್ಸ್ ಬಿಕ್ಕಟ್ಟು ಇದೆ. ಪೈಲಟ್‌ಗಳನ್ನು ನೇಮಕ ಮಾಡಿಕೊಳ್ಳಲು, ಸಂಬಳ ನೀಡಲು ಸಾಧ್ಯವಾಗುತ್ತಿಲ್ಲ. ಈ ವಿಚಾರವಾಗಿ ಕೇಂದ್ರ ವಿಮಾನಯಾನ ಸಚಿವ ರಾಮಮೋಹನ್ ನಾಯ್ಡು ಅವರೊಂದಿಗೆ ಸಂಸದರು ಎಂದಾದರೂ ಚರ್ಚೆ ಮಾಡಿದ್ದಾರಾ? ಶಿವಮೊಗ್ಗದಲ್ಲಿ ಆಗಿರುವ ತೊಂದರೆ ಬಗ್ಗೆ ಹೇಳಿದ್ದಾರಾ? ಎಂದು ಟೀಕಿಸಿದರು.

ಉಡಾನ್ ಯೋಜನೆಯಡಿ ಕೇಂದ್ರ ಸರ್ಕಾರ ಶೇ.80ರಷ್ಟು, ರಾಜ್ಯ ಸರ್ಕಾರ ಶೇ.20ರಷ್ಟು ವೆಚ್ಚ ಭರಿಸುತ್ತದೆ. ಸ್ಪೈಸ್‌ಜೆಟ್ ಒಂದು ವರ್ಷ ಉಡಾನ್ ಸ್ಕೀಮ್‌ನಲ್ಲಿ ಇದ್ದರೂ ಈ ಹಂಚಿಕೆ ಸರಿಯಾಗಿ ಆಗಿಲ್ಲ. ಇದಕ್ಕೆ ಉತ್ತರ ಯಾರು ನೀಡಬೇಕು ಎಂದು ಯೋಗೀಶ್ ಆಗ್ರಹಿಸಿದರು.

ಕಾಂಗ್ರೆಸ್ ಸರ್ಕಾರವನ್ನು ದೂಷಿಸುವುದನ್ನು ನಿಲ್ಲಿಸಿ

ವಿಮಾನ ನಿಲ್ದಾಣ ಉದ್ಘಾಟನೆ ಪಕ್ಷಾತೀತವಾಗಿ ನಡೆದಿತ್ತು. ಈಗ ಸಂಚಾರ ನಿಂತರೆ ಕಾಂಗ್ರೆಸ್ ಸರ್ಕಾರವನ್ನು ದೂಷಿಸುವುದನ್ನು ಬಿಡಬೇಕು. ತಮ್ಮ ಜವಾಬ್ದಾರಿಯನ್ನು ನಿಭಾಯಿಸಬೇಕು. ಮುಂದಿನ 5 ವರ್ಷಗಳ ಕಾಲ ಉಡಾನ್ ಸ್ಕೀಮ್ ಮುಂದುವರಿಸಲು ಕಾಂಗ್ರೆಸ್ ಬಳಿ ಎಲ್ಲಾ ರೀತಿಯ ಜನಬಲ, ಅಸ್ತ್ರಗಳಿವೆ ಎಂದರು.

ಬೆಂಗಳೂರು-ಶಿವಮೊಗ್ಗ ವಿಮಾನಯಾನ ಅತ್ಯಂತ ಮುಖ್ಯವಾದದ್ದು. ಇದನ್ನು ಮತ್ತೆ ಸಕ್ರಿಯಗೊಳಿಸಲು ಮುಖ್ಯಮಂತ್ರಿಗಳು, ಕೈಗಾರಿಕಾ ಸಚಿವರು, ಜಿಲ್ಲಾ ಉಸ್ತುವಾರಿ ಸಚಿವರು ಸೇರಿದಂತೆ ನಾವೆಲ್ಲರೂ ಕೇಂದ್ರ ಸಚಿವರನ್ನು ಭೇಟಿ ಮಾಡಿ ಶಿವಮೊಗ್ಗ ಜನತೆಯ ಪರವಾಗಿ ಒತ್ತಾಯಿಸುತ್ತೇವೆ ಎಂದು ತಿಳಿಸಿದರು.

ವಿಮಾನ ಸಂಚಾರ ನಿಂತಿರುವುದರಿಂದ ವ್ಯಾಪಾರಸ್ಥರು, ಉದ್ಯಮಿಗಳಿಗೆ ತೀವ್ರ ತೊಂದರೆಯಾಗುತ್ತಿದೆ. ಕೇವಲ 1 ಗಂಟೆ 16 ನಿಮಿಷ ಮಾಧ್ಯಮಗಳ ಮುಂದೆ ಕಾಂಗ್ರೆಸ್ ಬಗ್ಗೆ ಮಾತನಾಡುವುದಲ್ಲ, ಸಮಸ್ಯೆ ಬಗೆಹರಿಸುವ ಕೆಲಸ ಮಾಡಬೇಕು ಎಂದು ಅವರು ಸಂಸದರಿಗೆ ತಿರುಗೇಟು ನೀಡಿದರು.

ಗೋಷ್ಠಿಯಲ್ಲಿ ಉತ್ತರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಶಿವಕುಮಾರ್, ಜಿಲ್ಲಾ ಗ್ಯಾರಂಟಿ ಯೋಜನೆಗಳ ಸಮಿತಿ ಅಧ್ಯಕ್ಷ ಎಸ್. ಟಿ. ಹಾಲಪ್ಪ, ಮುಖಂಡರಾದ ಪಿ .ಒ. ಶಿವಕುಮಾರ್. ಮಾಜಿ ಕಾರ್ಪೋರೇಟರ್ ಕಾಶಿ ವಿಶ್ವನಾಥ್, ಬಸವ ಕಲ್ಯಾಣ ಅಭಿವೃದ್ಧಿ ಸಮಿತಿ ನಿರ್ದೇಶಕ ಎಚ್. ಪಿ. ಗಿರೀಶ್ ಉಪಸ್ಥಿತರಿದ್ದರು.

ರವಿಚಂದ್ರನ್ ಜೊತೆ ಕಳೆದ ಆ 45 ದಿನಗಳು, ಜೂಹಿ ಚಾವ್ಲಾಗೆ ಸಿಕ್ಕಿದ್ದು ಮರೆಯಲಾಗದ ಅನುಭವ! ‘ಪ್ರೇಮಲೋಕ’ದ ನೆನಪು

Chandrashekar GS — Sat, 14 Nov 2026 09:36:16 +0530

45 ದಿನಗಳ ಚಿತ್ರೀಕರಣ, ಮರೆಯಲಾಗದ ನೆನಪು: ಜೂಹಿ ಚಾವ್ಲಾ ಪಾಲಿಗೆ ‘ಪ್ರೇಮಲೋಕ’ವೇ ನಟನೆಯ ಪಾಠಶಾಲೆ!

ಕನ್ನಡ ಚಿತ್ರರಂಗಕ್ಕೆ ಹೊಸ ಮೆರುಗು ನೀಡಿದ ಸಿನಿಮಾ

1987ರಲ್ಲಿ ಬಿಡುಗಡೆಯಾದ ‘ಪ್ರೇಮಲೋಕ’ ಸಿನಿಮಾ ಕನ್ನಡ ಚಿತ್ರರಂಗದ ಇತಿಹಾಸದಲ್ಲಿ ವಿಶೇಷ ಸ್ಥಾನ ಪಡೆದಿದೆ. ಕ್ರೇಜಿಸ್ಟಾರ್ ರವಿಚಂದ್ರನ್ ಅವರ ನಿರ್ದೇಶನ, ಅಭಿನಯ ಮತ್ತು ವಿಭಿನ್ನ ಶೈಲಿ, ಜೂಹಿ ಚಾವ್ಲಾ ಅವರ ಮುದ್ದಾದ ನಗು ಹಾಗೂ ಹಂಸಲೇಖ ಅವರ ಸುಮಧುರ ಸಂಗೀತ ಈ ಚಿತ್ರವನ್ನು ದೊಡ್ಡ ಯಶಸ್ಸಿನತ್ತ ಕೊಂಡೊಯ್ದವು. ಇಂದಿಗೂ ಈ ಸಿನಿಮಾದ ಹಾಡುಗಳು ಕೇಳಿದರೆ ಹಳೆಯ ನೆನಪುಗಳು ಕಣ್ಣ ಮುಂದೆ ಬರುತ್ತವೆ.

ಆದರೆ ‘ಪ್ರೇಮಲೋಕ’ ಕೇವಲ ಒಂದು ಯಶಸ್ವಿ ಸಿನಿಮಾ ಮಾತ್ರವಾಗಿರಲಿಲ್ಲ. ಈ ಚಿತ್ರದ ಚಿತ್ರೀಕರಣ ಜೂಹಿ ಚಾವ್ಲಾ ಅವರ ನಟನಾ ಬದುಕಿನಲ್ಲಿಯೂ ಮಹತ್ವದ ಅನುಭವವಾಗಿ ಉಳಿದಿದೆ.

ಜೂಹಿ ಚಾವ್ಲಾಗೆ ನಟನೆಯ ಪಾಠ ಕಲಿಸಿದ 45 ದಿನಗಳು!

2014ರಲ್ಲಿ ನೀಡಿದ ಸಂದರ್ಶನವೊಂದರಲ್ಲಿ ಜೂಹಿ ಚಾವ್ಲಾ ಅವರು ‘ಪ್ರೇಮಲೋಕ’ ಚಿತ್ರದ ಚಿತ್ರೀಕರಣದ ದಿನಗಳನ್ನು ನೆನಪಿಸಿಕೊಂಡಿದ್ದರು. ಈ ಸಿನಿಮಾದಲ್ಲಿ ಸುಮಾರು 45 ದಿನಗಳ ಕಾಲ ಕೆಲಸ ಮಾಡಿದ್ದ ಅವರು, ಆ ಅನುಭವದಿಂದ ಸಾಕಷ್ಟು ವಿಷಯಗಳನ್ನು ಕಲಿತಿದ್ದಾಗಿ ಹೇಳಿಕೊಂಡಿದ್ದರು.

ಅವರ ಪಾಲಿಗೆ ‘ಪ್ರೇಮಲೋಕ’ ಒಂದು ರೀತಿಯ ನಟನೆಯ ಪಾಠಶಾಲೆಯಾಗಿತ್ತು. ಕ್ಯಾಮೆರಾ ಮುಂದೆ ಹೇಗೆ ಕೆಲಸ ಮಾಡಬೇಕು, ಚಿತ್ರೀಕರಣದ ವಾತಾವರಣಕ್ಕೆ ಹೇಗೆ ಹೊಂದಿಕೊಳ್ಳಬೇಕು ಮತ್ತು ಚಿತ್ರತಂಡದೊಂದಿಗೆ ಹೇಗೆ ಬೆರೆಯಬೇಕು ಎಂಬ ಹಲವು ವಿಷಯಗಳನ್ನು ಈ ಸಿನಿಮಾ ಕಲಿಸಿಕೊಟ್ಟಿತ್ತು.

ಈ ಅನುಭವವೇ ನಂತರ ಹಿಂದಿ ಸಿನಿಮಾ ‘ಖಯಾಮತ್ ಸೇ ಖಯಾಮತ್ ತಕ್’ ಚಿತ್ರದ ಚಿತ್ರೀಕರಣದ ವೇಳೆ ಸಾಕಷ್ಟು ಸಹಾಯ ಮಾಡಿತು ಎಂದು ಅವರು ನೆನಪಿಸಿಕೊಂಡಿದ್ದರು. ಅಂದರೆ, ಬಾಲಿವುಡ್‌ನಲ್ಲಿ ದೊಡ್ಡ ಹೆಸರು ಮಾಡುವ ಮೊದಲೇ ಕನ್ನಡ ಚಿತ್ರರಂಗದಲ್ಲಿ ಪಡೆದ ಅನುಭವ ಅವರ ವೃತ್ತಿಜೀವನಕ್ಕೆ ನೆರವಾಗಿತ್ತು.

ಕಾಲೇಜಿನ ಸ್ನೇಹಿತರ ಗುಂಪಿನಂತಿದ್ದ ಚಿತ್ರತಂಡ!

‘ಪ್ರೇಮಲೋಕ’ ಚಿತ್ರದ ಚಿತ್ರೀಕರಣದ ವಾತಾವರಣವೂ ತುಂಬಾ ವಿಶೇಷವಾಗಿತ್ತು. ಚಿತ್ರತಂಡದ ಸದಸ್ಯರೆಲ್ಲರೂ ಕಾಲೇಜಿನ ಸ್ನೇಹಿತರ ಗುಂಪಿನಂತೆ ಬೆರೆತು ಕೆಲಸ ಮಾಡುತ್ತಿದ್ದರು. ಹಾಡುಗಳು ಮತ್ತು ನೃತ್ಯಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಿದ್ದ ಈ ಸಿನಿಮಾದ ಶೂಟಿಂಗ್ ಜೂಹಿ ಅವರಿಗೆ ಸಂಭ್ರಮದ ಅನುಭವ ನೀಡಿತ್ತು.

ಕಂಠೀರವ ಸ್ಟುಡಿಯೋದಲ್ಲಿ ಚಿತ್ರೀಕರಣ ನಡೆಯುತ್ತಿದ್ದಾಗ ಕನ್ನಡ ಸಂಭಾಷಣೆಗಳನ್ನು ಕಲಿಯುವುದು, ತಮ್ಮ ಪಾತ್ರವನ್ನು ಅರ್ಥಮಾಡಿಕೊಳ್ಳುವುದು ಸೇರಿದಂತೆ ಹಲವು ಹೊಸ ಅನುಭವಗಳನ್ನು ಅವರು ಪಡೆದುಕೊಂಡಿದ್ದರು.

ರವಿಚಂದ್ರನ್ ಅವರ ಕನಸು, ಹಂಸಲೇಖ ಅವರ ಸಂಗೀತ!

ಆ ಸಮಯದಲ್ಲಿ ರವಿಚಂದ್ರನ್ ಯುವ ನಿರ್ದೇಶಕರಾಗಿದ್ದರು. ತಮ್ಮದೇ ಆದ ವಿಭಿನ್ನ ಶೈಲಿಯಲ್ಲಿ ಸಿನಿಮಾ ರೂಪಿಸುವ ದೊಡ್ಡ ಕನಸನ್ನು ಹೊಂದಿದ್ದರು. ಸಂಗೀತದಲ್ಲಿ ಹಂಸಲೇಖ, ನೃತ್ಯ ನಿರ್ದೇಶನದಲ್ಲಿ ಚಿನ್ನಿ ಪ್ರಕಾಶ್ ಸೇರಿದಂತೆ ಪ್ರತಿಭಾವಂತ ಕಲಾವಿದರು ಈ ಚಿತ್ರಕ್ಕೆ ಕೈಜೋಡಿಸಿದ್ದರು.

ಪ್ರತಿಯೊಬ್ಬರ ಪರಿಶ್ರಮ ಮತ್ತು ಉತ್ಸಾಹದಿಂದ ‘ಪ್ರೇಮಲೋಕ’ ಒಂದು ಸುಂದರ ಸಿನಿಮಾ ಆಗಿ ರೂಪುಗೊಂಡಿತು. ಅದರ ಹಾಡುಗಳು, ದೃಶ್ಯಗಳು ಮತ್ತು ಪ್ರೇಮಕಥೆ ಇಂದಿಗೂ ಪ್ರೇಕ್ಷಕರ ಮನಸ್ಸಿನಲ್ಲಿ ಜೀವಂತವಾಗಿವೆ.

ಇಂದಿಗೂ ಮರೆಯಲಾಗದ ‘ಪ್ರೇಮಲೋಕ’ದ ನೆನಪು!

ಒಂದು ಸಿನಿಮಾ ಕೆಲವರಿಗೆ ಯಶಸ್ಸು ತಂದುಕೊಡುತ್ತದೆ. ಇನ್ನು ಕೆಲವರಿಗೆ ಜೀವನಪೂರ್ತಿ ನೆನಪಿನಲ್ಲಿ ಉಳಿಯುವ ಅನುಭವಗಳನ್ನು ನೀಡುತ್ತದೆ. ಜೂಹಿ ಚಾವ್ಲಾ ಪಾಲಿಗೆ ‘ಪ್ರೇಮಲೋಕ’ ಅಂತಹ ವಿಶೇಷ ಸಿನಿಮಾ. ಕನ್ನಡ ಚಿತ್ರರಂಗದಲ್ಲಿ ಕಳೆದ ಆ 45 ದಿನಗಳು ಅವರ ನಟನಾ ಪಯಣಕ್ಕೆ ಹೊಸ ಅನುಭವ ನೀಡಿದ್ದವು.

ಅದಕ್ಕಾಗಿಯೇ ‘ಪ್ರೇಮಲೋಕ’ ಕೇವಲ ರವಿಚಂದ್ರನ್ ಅವರ ಯಶಸ್ವಿ ಸಿನಿಮಾ ಮಾತ್ರವಲ್ಲ, ಜೂಹಿ ಚಾವ್ಲಾ ಅವರ ಜೀವನದ ಮರೆಯಲಾಗದ ಅಧ್ಯಾಯವೂ ಹೌದು.

ನಿಮಗೆ ‘ಪ್ರೇಮಲೋಕ’ ಚಿತ್ರದ ಯಾವ ಹಾಡು ಅಚ್ಚುಮೆಚ್ಚು? ‘ನೀನಾ? ನಾನಾ?’ ಅಥವಾ ‘ಹೇ ಪ್ರೇಮಲೋಕದ ರಾಣಿ’? ಕಾಮೆಂಟ್‌ನಲ್ಲಿ ತಿಳಿಸಿ!

Rinku Singh Wedding: ರಿಂಕು ಮದುವೆ ದಿನಾಂಕ ಫಿಕ್ಸ್, ಆಮಂತ್ರಣ ಪತ್ರಿಕೆ ವೈರಲ್; ಸಿಎಂ ಯೋಗಿಗೆ ವಿಶೇಷ ಆಹ್ವಾನ

Bhimasi M Koleppanavar — Sat, 14 Nov 2026 09:28:38 +0530

ಟೀಮ್ ಇಂಡಿಯಾದ ಸ್ಟಾರ್ ಕ್ರಿಕೆಟಿಗ ರಿಂಕು ಸಿಂಗ್ ಡಿಸೆಂಬರ್ 4 ರಂದು ಲಕ್ನೋದಲ್ಲಿ ಸಮಾಜವಾದಿ ಪಕ್ಷದ ಸಂಸದೆ ಪ್ರಿಯಾ ಸರೋಜ್ ಅವರನ್ನು ವಿವಾಹವಾಗಲಿದ್ದಾರೆ. ಎರಡೂ ಕುಟುಂಬಗಳು ವಿವಾಹದ ಸಿದ್ಧತೆಯಲ್ಲಿ ನಿರತವಾಗಿದ್ದು, ರಾಜಕೀಯ ಮತ್ತು ಕ್ರಿಕೆಟ್ ಜಗತ್ತಿನ ಅನೇಕ ಪ್ರಮುಖ ವ್ಯಕ್ತಿಗಳು ಈ ವಿಶೇಷ ಸಮಾರಂಭದಲ್ಲಿ ಭಾಗವಹಿಸುವ ಸಾಧ್ಯತೆಯಿದೆ.

ಯೋಗಿಗೆ ವಿಶೇಷ ಆಮಂತ್ರಣ!

ಅದೇ ರೀತಿ, ರಿಂಕು ಸಿಂಗ್ ಅವರ ಕುಟುಂಬ ಈಗ ಮುಖ್ಯಮಂತ್ರಿ ಭೇಟಿ ಮಾಡಿ, ಅವರಿಗೆ ಮದುವೆಯ ಆಮಂತ್ರಣ ನೀಡಿ, ಮದುವೆಗೆ ಹಾಜರಾಗುವಂತೆ ಒತ್ತಾಯಿಸಿದೆ. ಹಾಗಾದರೆ, ಯೋಗಿ ಆದಿತ್ಯನಾಥ್ ಅವರು ತಮ್ಮ ಆಡಳಿತಾತ್ಮಕ ಕೆಲಸದಿಂದ ಸಮಯ ತೆಗೆದುಕೊಂಡು ಮದುವೆಗೆ ಹಾಜರಾಗುತ್ತಾರೆಯೇ? ಎನ್ನುವುದನ್ನು ಕಾದು ನೋಡಬೇಕಿದೆ.

ರಿಂಕು ಕುಟುಂಬಕ್ಕೆ ಶುಭ ಹಾರೈಕೆ!

ರಿಂಕು ಸಿಂಗ್ ಅವರ ತಾಯಿ ಬಿನಾ ದೇವಿ, ಸಹೋದರ ಸೋನು ಸಿಂಗ್ ಮತ್ತು ಸಹೋದರಿ ನೇಹಾ ಸಿಂಗ್ ಅವರು ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರನ್ನು ಲಕ್ನೋದಲ್ಲಿರುವ ಅವರ ಅಧಿಕೃತ ನಿವಾಸಕ್ಕೆ ಭೇಟಿ ನೀಡಿದ್ದಾರೆ. ಯೋಗಿ ಸಂತೋಷದಿಂದ ಆಹ್ವಾನ ಸ್ವೀಕರಿಸಿ ರಿಂಕು ಸಿಂಗ್ ಕುಟುಂಬಕ್ಕೆ ಶುಭಾಶಯ ತಿಳಿಸಿದ್ದಾರೆ.

ಜನಸಂದಣಿ ಕೂಡುವ ಸಾಧ್ಯತೆ!

ರಿಂಕು ಮತ್ತು ಪ್ರಿಯಾ ಸರೋಜ್ ಅವರ ನಿಶ್ಚಿತಾರ್ಥ ಸಮಾರಂಭವು ಒಂದು ವರ್ಷದ ಹಿಂದೆ, ಜೂನ್ 8, 2025 ರಂದು ಲಕ್ನೋದ 'ದಿ ಸೆಂಟ್ರಮ್' ಹೋಟೆಲ್‌ನಲ್ಲಿ ನಡೆಯಿತು. ಸಮಾರಂಭದಲ್ಲಿ ಕ್ರೀಡಾ ಮತ್ತು ರಾಜಕೀಯ ಕ್ಷೇತ್ರಗಳ ಅನೇಕ ಸೆಲೆಬ್ರಿಟಿಗಳು ಭಾಗವಹಿಸಿದ್ದರು. ಆದ್ದರಿಂದ, ವಿವಾಹವು ಭಾರಿ ಜನಸಂದಣಿಯಿಂದ ಕೂಡುವ ಸಾಧ್ಯತೆಯಿದೆ. ರಿಂಕು ಸಿಂಗ್ ಅವರ ವಿವಾಹಕ್ಕೆ ಕ್ರಿಕೆಟ್ ಮತ್ತು ರಾಜಕೀಯ ಕ್ಷೇತ್ರಗಳ ಅನೇಕ ವಿವಿಐಪಿ ಅತಿಥಿಗಳು ಭಾಗವಹಿಸುವ ಸಾಧ್ಯತೆಯಿದೆ. ಅವರ ತಂದೆಯ ಮರಣದ ನಂತರ, ರಿಂಕು ಒಂದು ವರ್ಷದೊಳಗೆ ಮದುವೆಯಾಗಲು ನಿರ್ಧರಿಸಿದ್ದಾರೆ.

ದೇವಸ್ಥಾನಕ್ಕೆ ಬಂದ ಕೋತಿ ಶಿವನಿಗೆ ಕೈಮುಗಿದು ನಮಸ್ಕಾರ! ನಾಯಿ ಬೊಗಳುತ್ತಿದ್ದಂತೆ ನಡೆದಿದ್ದೇನು?

Ravi Janekal — Sat, 14 Nov 2026 09:25:31 +0530

ಹಿಂದೂ ಧರ್ಮದಲ್ಲಿ ಮಂಗಗಳಿಗೆ ವಿಶೇಷ ಪೂಜನೀಯ ಸ್ಥಾನವಿದೆ. ಎಷ್ಟೇ ಕೀಟಲೆ ಮಾಡಿದರು ಅವುಗಳನ್ನ ದೇವರಂತೆ ನೋಡಲಾಗುತ್ತೆ. ಕೆಲವೊಮ್ಮೆ ಮಂಗಗಳು ಮನುಷ್ಯರಂತೆಯೇ ವರ್ತಿಸುವುದು ಕಂಡಾಗ ಅಚ್ಚರಿಯಾಗುತ್ತದೆ. ಇತ್ತೀಚಿಗೆ ಶಾಪ್‌ನಲ್ಲಿ ಕುಳಿತಿದ್ದ ಯುವಕನ ಬಳಿಗೆ ಬಂದ ಕೋತಿಯೊಂದು ಅವನನ್ನು ತಬ್ಬಿ ಸಂತೈಸಿದ ವಿಡಿಯೋ ವೈರಲ್ ಆಗಿತ್ತು.

ದೇವರಿಗೆ ಕೈಮುಗಿದು ನಮಸ್ಕರಿಸಿದ ಕೋತಿ!

ಇದೀಗ ಮತ್ತೊಂದು ವಿಡಿಯೋ ವೈರಲ್ ಆಗಿದ್ದು, ವಿಡಿಯೋದಲ್ಲಿ ದೇವಸ್ಥಾನಕ್ಕೆ ಬಂದ ಕೋತಿಯೊಂದು ಮನುಷ್ಯರಂತೆಯೇ ಮೆಟ್ಟಿಲುಗಳನ್ನ ಹತ್ತಿ ದೇವರ ಮೂರ್ತಿಗಳಿಗೆ ಕೈಮುಗಿದು ನಮಸ್ಕರಿಸಿದೆ. ಅಷ್ಟೇ ಅಲ್ಲದೆ ದೇವಸ್ಥಾನದ ಒಳಹೋಗವ ಮುನ್ನ ಅಲ್ಲಿನ ನಾಯಿಯೊಂದಿಗೆ ಎಷ್ಟೊಂದು ಆತ್ಮೀಯವಾಗಿ ನಡೆದುಕೊಂಡಿದೆ ಎಂದರೆ ಮನುಷ್ಯರನ್ನ ನಾಚಿಸುವಂತಿದೆ.

ಲಖನೌ ಮಹದೇವ ದೇವಾಲಯದಲ್ಲಿ ನಡೆದ ಘಟನೆಯ ವಿಡಿಯೋ

ಈ ವಿಡಿಯೋ ಉತ್ತರ ಪ್ರದೇಶದ ಲಖನೌದಲ್ಲಿರುವ ಬುದ್ದೇಶ್ವರ ಮಹಾದೇವ ದೇಗುಲದಲ್ಲಿ ನಡೆದಿರುವ ಘಟನೆಯ ವಿಡಿಯೋ ಎನ್ನಲಾಗಿದೆ. ವಿಡಿಯೋ ಹಳೆಯದಾದರೂ ಇದೀಗ ಮತ್ತೆ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಸ್ಥಳೀಯರು ಹೇಳುವಂತೆ, ಈ ಕೋತಿ ಆಗಾಗ ದೇವಸ್ಥಾನಕ್ಕೆ ಭೇಟಿ ನೀಡುತ್ತದಂತೆ. ದೇಗುಲಕ್ಕೆ ಬಂದು ಅಲ್ಲಿ ಭಗವಾನ್ ಪರಶುರಾಮ, ಶಿವನ ವಿಗ್ರಹಗಳ ಮುಂದೆ ತಲೆಬಾಗಿ ನಮಸ್ಕರಿಸಿ ಹೋಗುತ್ತದಂತೆ.

ಕೆಲವರು ಈ ವಿಡಿಯೋವನ್ನು ಆಯೋಧ್ಯೆಯ ರಾಮಮಂದಿರದ್ದು ಎಂದು ತಪ್ಪಾಗಿ ಭಾವಿಸಿದ್ದರು. ಫ್ಯಾಕ್ಟ್ ಚೆಕ್ ಮಾಡಿದಾಗ ವಿಡಿಯೋ ಲಖನೌದಲ್ಲಿ ಸೆರೆಹಿಡಿದಿರುವ ವಿಡಿಯೋ ಎಂಬುದು ತಿಳಿದು ಬಂತು.

This happens in #Ayodhya every night when nobody is around..

#BharatSummit2026 #Kishtwar #UPElection2027 #धरती_पर_भगवान https://t.co/Xz49dehVuW

— R S (@rs_rajender) November 12, 2026

ಟ್ರಾಫಿಕ್ ಫೈನ್ ತಪ್ಪಿಸಿಕೊಳ್ಳಲು ಹೊಸ ಕರಾಮತ್ತು; ಕ್ಯಾಮೆರಾದಿಂದ ಬಚಾವ್ ಆಗಲು ಚಾಲಾಕಿತನ

Mahmad Rafik — Sat, 14 Nov 2026 09:13:17 +0530

ಬೆಂಗಳೂರು: ಟ್ರಾಫಿಕ್ ಪೊಲೀಸರ ದಂಡದಿಂದ ತಪ್ಪಿಸಿಕೊಳ್ಳಲು ವಾಹನ ಸವಾರರು ಏನೆಲ್ಲಾ ಕಸರತ್ತು ಮಾಡುತ್ತಾರೆ ಎಂಬುದಕ್ಕೆ ಇಲ್ಲೊಂದು ಹೊಸ ನಿದರ್ಶನ ಸಿಕ್ಕಿದೆ. ಸಾಮಾನ್ಯವಾಗಿ ಕ್ಯಾಮರಾ ಕಣ್ಣಿನಿಂದ ತಪ್ಪಿಸಿಕೊಳ್ಳಲು ನಂಬರ್ ಪ್ಲೇಟ್‌ಗೆ ಸ್ಟಿಕ್ಕರ್ ಅಂಟಿಸುವುದು ಅಥವಾ ಬಟ್ಟೆ, ಕವರ್ ಸುತ್ತುವುದನ್ನು ನೀವು ನೋಡಿರುತ್ತೀರಿ. ಆದರೆ, ಹೆಲ್ಮೆಟ್ ಧರಿಸದೆ ಬೈಕ್ ಚಲಾಯಿಸುತ್ತಿದ್ದ ಈ ಸವಾರ ಮಾತ್ರ ಒಂದು ಹೆಜ್ಜೆ ಮುಂದೆ ಹೋಗಿ ವಿಭಿನ್ನ ಐಡಿಯಾ ಮಾಡಿದ್ದಾನೆ.

ಗಾಡಿ ನಂಬರ್ ಕಾಣದಿರಲು ಐಡಿಯಾ

ಟ್ರಾಫಿಕ್ ಸಿಗ್ನಲ್ ಹತ್ತಿರ ಬರುತ್ತಿದ್ದಂತೆಯೇ, ಎಐ (AI) ಕ್ಯಾಮರಾಗಳಲ್ಲಿ ತನ್ನ ಗಾಡಿಯ ನಂಬರ್ ರೆಕಾರ್ಡ್ ಆಗದಿರಲಿ ಎಂದು ಬೈಕ್ ಚಲಾಯಿಸುತ್ತಲೇ ತನ್ನ ಕೈಯನ್ನೇ ನಂಬರ್ ಪ್ಲೇಟ್‌ಗೆ ಅಡ್ಡಲಾಗಿ ಹಿಡಿದಿದ್ದಾನೆ.

ಇದನ್ನೂ ಓದಿ: 38 ವರ್ಷ ಒಂಟಿ ಬದುಕು, 1,500 ಮರಗಳ ಸಾಮ್ರಾಜ್ಯ! ಅಮೆಜಾನ್ ಕಾಡಿನಲ್ಲಿ ಈತ ಕಟ್ಟಿದ ಬದುಕಿನ ಕಥೆಯೇ ರೋಚಕ!

ಚಾಲಕನ ಫೋಟೋ ವೈರಲ್

ಸದ್ಯ ಈ ಚಾಲಾಕಿ ಸವಾರನ ವಿಚಿತ್ರ ವರ್ತನೆಯ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದ್ದು, ನಿಯಮ ಉಲ್ಲಂಘಿಸಿದ ಈತನನ್ನು ಪತ್ತೆಹಚ್ಚಿ ಸೂಕ್ತ ಕ್ರಮ ಕೈಗೊಳ್ಳುವಂತೆ ನೆಟ್ಟಿಗರು ಪೊಲೀಸರಿಗೆ ಮನವಿ ಮಾಡಿದ್ದಾರೆ.

ಇದನ್ನೂ ಓದಿ: ಸತ್ತ ಜೇಡದ ಬಳಿಕ ಈಗ ನಂದಿನಿ ಮೊಸರಿನಲ್ಲಿ ಸಿಮ್ ಕಾರ್ಡ್ ಪತ್ತೆ? ಮದ್ದೂರಿನ ವ್ಯಕ್ತಿಯಿಂದ ವಿಡಿಯೋ

BCCI ಅಂಡರ್‌-19 ಮಹಿಳಾ ಕ್ರಿಕೆಟ್ ತಂಡಕ್ಕೆ ಆಯ್ಕೆಯಾಗಿದ್ದ 17 ವರ್ಷದ ಯುವ ಆಟಗಾರ್ತಿ ನಿಗೂಢ ಸಾವು! ಆ ಇಬ್ಬರು ಯುವಕರೇ ಕಾರಣ?

Ravi Janekal — Sat, 14 Nov 2026 08:41:28 +0530

ಬಿಸಿಸಿಐ ಅಂಡರ್-19 ಮಹಿಳಾ ಕ್ರಿಕೆಟ್ ತಂಡಕ್ಕೆ ಆಯ್ಕೆಯಾಗಿದ್ದ 17 ವರ್ಷದ ಭರವಸೆಯ ಆಟಗಾರ್ತಿಯೊಬ್ಬಳು ಅನುಮಾನಾಸ್ಪದ ರೀತಿಯಲ್ಲಿ ಮೃತಪಟ್ಟ ಆಘಾತಕಾರಿ ಘಟನೆ ತೆಲಂಗಾಣದ ವಿಕಾರಾಬಾದ್ ಪಟ್ಟಣದ ಮಧು ಕಾಲೋನಿಯಲ್ಲಿ ನಡೆದಿದೆ. ಯುವತಿಯ ನಿಗೂಢ ಸಾವಿನಿಂದಾಗಿ ಕುಟುಂಬಸ್ಥರು, ತರಬೇತುದಾರರು, ಗ್ರಾಮಸ್ಥರು ಆಘಾತಕ್ಕೊಳಗಾಗಿದ್ದಾರೆ.

ನಂದಿನಿ (17) ಮೃತ ದುರ್ದಿವಿ. ಮಧು ಕಾಲೋನಿಯಲ್ಲಿ ಕುಟುಂಬಸ್ಥರೊಂದಿಗೆ ವಾಸಿಸುತ್ತಿದ್ದ ನಂದಿನಿ ಅನುಮಾನಾಸ್ಪದ ರೀತಿಯಲ್ಲಿ ಶವ ಪತ್ತೆಯಾಗಿದೆ. ಇತ್ತೀಚೆಗಷ್ಟೇ ಬಿಸಿಸಿಐ ಅಂಡರ್‌-19 ಮಹಿಳಾ ಕ್ರಿಕೆಟ್ ತಂಡಕ್ಕೆ ಆಯ್ಕೆಯಾಗಿ ಖುಷಿಯಲ್ಲಿದ್ದ ನಂದಿನಿ, ಕ್ರಿಕೆಟ್‌ನಲ್ಲಿ ಉತ್ತಮ ಸಾಧನೆ ಮಾಡುವ ನಿಟ್ಟಿನಲ್ಲಿ ಸಿದ್ಧತೆ ನಡೆಸಿದ್ದಳು. ಅಲ್ಲದೆ ಬಿಸಿಸಿಐ ಅಂಡರ್‌-19 ತಂಡದಲ್ಲಿ ಭರವಸೆಯ ಆಟಗಾರ್ತಿಯಾಗಿದ್ದಳು.

ಮೂಲತಃ ಯಲಾಲ್ ಮಂಡಲದ ಸಂಗಾಯಪಲ್ಲಿ ಗ್ರಾಮದ ನಿವಾಸಿಯಾಗಿದ್ದ ನಂದಿನಿ ತನ್ನ ವಿದ್ಯಾಭ್ಯಾಸದ ಜೊತೆ ಜೊತೆಗೆ ಕ್ರಿಕೆಟ್ ತರಬೇತಿ ಪಡೆಯಲು ವಿಕಾರಾಬಾದ್‌ನಲ್ಲಿರುವ ತಾಯಿಯ ಕಡೆಯ ಮಾವನ ಮನೆಯಲ್ಲಿ ಅಜ್ಜಿಯೊಂದಿಗೆ ವಾಸವಾಗಿದ್ದಳು. ಬಿಸಿಸಿಐ ಅಂಡರ್ 19 ತಂಡಕ್ಕೆ ಆಯ್ಕೆಯಾಗುವುದರೊಂದಿಗೆ ನಂದಿನಿ ಜಿಲ್ಲೆಗೆ ಹೆಮ್ಮೆ ಎನಿಸಿದ್ದಳು. ಆದರೆ ಇದೀಗ ಯುವತಿ ಹಠಾತ್ ಸಾವಿನಿಂದಾಗಿ ಎಲ್ಲರಿಗೂ ಆಘಾತ ಮೂಡಿಸಿದೆ.

ಮಗಳ ಸಾವಿಗೆ ನ್ಯಾಯ ಸಿಗಬೇಕು: ಕುಟುಂಬಸ್ಥರು ಪ್ರತಿಭಟನೆ

ನಂದಿನಿ ಸಾವಿಗೆ ನ್ಯಾಯ ಒದಗಿಸುವಂತೆ ಕುಟುಂಬಸ್ಥರು ವಿಕಾರಾಬಾದ್‌ನಲ್ಲಿ ರಸ್ತೆ ತಡೆದು ಪ್ರತಿಭಟನೆ ನಡೆಸಿದ್ದಾರೆ. ಕುಟುಂಬಸ್ಥರು ಆರೋಪಿಸುವಂತೆ ಇಬ್ಬರು ಯುವಕರು ನಂದಿನಿಗೆ ನಿರಂತರವಾಗಿ ಕಿರುಕುಳ ನೀಡುತ್ತಿದ್ದರು. ನಂದಿನಿ ಸಾವಿಗೆ ಆ ಯುವಕರೇ ಕಾರಣ ಎಂದು ಆರೋಪಿಸಿದ್ದಾರೆ.

ನಂದಿನಿಗೆ ಅನಿಲ್ ಮತ್ತು ಕೃಷ್ಣ ಎಂಬ ಇಬ್ಬರು ಯುವಕರು ನಿರಂತರವಾಗಿ ಕಿರುಕುಳ ನೀಡುತ್ತಿದ್ದರು ಎಂದು ಸಂಬಂಧಿಕರು ಆರೋಪಿಸಿದ್ದಾರೆ. ಅನಿಲ್ ಕಳೆದ ಕೆಲವು ದಿನಗಳಿಂದ ಪ್ರೀತಿಯ ಹೆಸರಲ್ಲಿ ನಂದಿನಿಯ ಹಿಂದೆ ಬಿದ್ದು ಕಾಡುತ್ತಿದ್ದ, ನಂದಿನಿ ನಿರಾಕರಿಸಿದರು ತೊಂದರೆ ಕೊಡುತ್ತಿದ್ದ, ಇನ್ನು ಇದರಲ್ಲಿ ಕೃಷ್ಣ ಎಂಬುವವನು ಅನಿಲ್‌ಗೆ ಸಹಾಯ ಮಾಡುತ್ತಿದ್ದ, ಈ ಇಬ್ಬರಿಂದಲೇ ನಂದಿನಿ ನೊಂದಿದ್ದಳು, ನಂದಿನಿ ಸಾವಿಗೆ ಇವರೇ ಕಾರಣ ಎಂದು ಕುಟುಂಬಸ್ಥರು ಗಂಭೀರ ಆರೋಪ ಮಾಡಿದ್ದಾರೆ.

ಆರೋಪಿಗಳನ್ನ ಕೂಡಲೇ ಬಂಧಿಸಿ, ಕುಟುಂಬಸ್ಥರು ಒತ್ತಾಯ

ನಂದಿನಿ ಸಾವಿಗೆ ಕಾರಣರಾದ ಆ ಇಬ್ಬರು ಯುವಕರನ್ನು ಕೂಡಲೇ ಬಂಧಿಸುವಂತೆ ಕುಟುಂಬಸ್ಥರು ಒತ್ತಾಯಿಸಿದ್ದಾರಲ್ಲದೆ, ಸೂಕ್ತ ತನಿಖೆ ನಡೆಸಿ ಕಠಿಣ ಕಾನೂನು ಕ್ರಮ ಜರುಗಿಸುವಂತೆ ಒತ್ತಾಯಿಸಿದ್ದಾರೆ.

ಇನ್ನು ಈ ಪ್ರಕರಣ ಸಂಬಂಧ ಮಾಹಿತಿ ನೀಡಿದ ವಿಕಾರಾಬಾದ್ ಸರ್ಕಲ್ ಇನ್‌ಸ್ಪೆಕ್ಟರ್ ರಘು, 'ಬೆಳಗಿನ ಜಾವ ಸುಮಾರು 9 ಗಂಟೆಗೆ ಯುವತಿಯ ಸಾವಿನ ಬಗ್ಗೆ ನಮಗೆ ಮಾಹಿತಿ ಬಂತು. ಮಾಹಿತಿ ಬಂದ ತಕ್ಷಣ ಪೊಲೀಸ್ ತಂಡ ಸ್ಥಳಕ್ಕೆ ತೆರಳಿ ಸ್ಥಳ ಪರಿಶೀಲನೆ ನಡೆಸಿದೆವು. ಪ್ರಾಥಮಿಕ ಮಾಹಿತಿ ಪ್ರಕಾರ ಹೇಳುವುದಾದರೆ ನಂದಿನಿ ಆತ್ಮ೧ತ್ಯೆ ಮಾಡಿಕೊಂಡಿರುವ ಅನುಮಾನವಿದೆ. ಈ ಸಂಬಂಧ ನಂದಿನಿ ತಂದೆ ದೂರು ನೀಡಿದ್ದು, ಆ ದೂರಿನ ಆಧಾರದ ಮೇಲೆ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತೇವೆ ಎಂದು ತಿಳಿಸಿದ್ದಾರೆ.

ಮೊಬೈಲ್ ಫೋನ್ ಎಫ್‌ಎಸ್‌ಎಲ್‌ ಪರೀಕ್ಷೆಗೆ ರವಾನೆ

ನಂದಿನಿ ಬಳಸುತ್ತಿದ್ದ ಮೊಬೈಲ್ ಫೋನ್ ಪೊಲೀಸರು ವಶಕ್ಕೆ ಪಡೆದು ಹೆಚ್ಚಿನ ಮಾಹಿತಿಗಾಗಿ ವಿಧಿವಿಜ್ಞಾನ ಪರೀಕ್ಷೆಗೆ ಕಳುಹಿಸಿದ್ದಾರೆ. ಆಕೆಗೆ ಸಾಮಾಜಿಕ ಜಾಲತಾಣಗಳ ಮೂಲಕ ಯಾರಾದರೂ ಕಿರುಕುಳ ನೀಡುತ್ತಿದ್ದರೇ ಎಂಬುದನ್ನು ಪತ್ತೆಹಚ್ಚಲು ಪೊಲೀಸರು ಮುಂದಾಗಿದ್ದಾರೆ. ನಂದಿನಿಯ ಇನ್‌ಸ್ಟಾಗ್ರಾಂ, ಫೇಸ್‌ಬುಕ್ ಮತ್ತು ವಾಟ್ಸ್‌ಆ್ಯಪ್ ಅಕೌಂಟ್‌ಗಳನ್ನು ಪರಿಶೀಲಿಸಿ ಅದರಿಂದ ಸಿಗುವ ಮಾಹಿತಿ ಆಧಾರದ ಮೇಲೆ ತಪ್ಪಿಸ್ಥರ ವಿರುದ್ಧ ಕ್ರಮ ಜರುಗಿಸುತ್ತೇವೆ. ಸದ್ಯ ಮೊಬೈಲ್ ಫೋನ್ ಎಫ್‌ಎಸ್‌ಎಲ್‌ಗೆ ಕಳಿಸಲಾಗಿದ್ದು, ವರದಿ ಬಂದ ಬಳಿಕ ತನಿಖೆ ಮುಂದುವರಿಯುತ್ತದೆ ಎಂದು ಪೊಲೀಸ್ ಇನ್‌ಸ್ಪೆಕ್ಟರ್ ತಿಳಿಸಿದ್ದಾರೆ.

ಮರಣೋತ್ತರ ಪರೀಕ್ಷೆ ನಂತರ ಕುಟುಂಬಕ್ಕೆ ಹಸ್ತಾಂತರ

ಇಂದು ಬೆಳಗ್ಗೆ ನಂದಿನಿಯ ಮೃತದೇಹದ ಮರಣೋತ್ತರ ಪರೀಕ್ಷೆ ನಡೆಯಲಿದ್ದು ಬಳಿಕ ಮೃತದೇಹವನ್ನು ಕುಟುಂಬಸ್ಥರಿಗೆ ಹಸ್ತಾಂತರಿಸಲಾಗುತ್ತದೆ. ಯುವತಿ ನಂದಿನಿಯ ಸಾವಿಗೆ ಕಿರುಕುಳವೇ? ಬೆದರಿಕೆಯೇ? ವೈಯಕ್ತಿಕ ಕಾರಣಗಳೇ? ಎಲ್ಲ ಆಯಾಮಗಳಲ್ಲಿ ಪೊಲೀಸರು ತನಿಖೆಗೆ ಮುಂದಾಗಿದ್ದಾರೆ.

38 ವರ್ಷ ಒಂಟಿ ಬದುಕು, 1,500 ಮರಗಳ ಸಾಮ್ರಾಜ್ಯ! ಅಮೆಜಾನ್ ಕಾಡಿನಲ್ಲಿ ಈತ ಕಟ್ಟಿದ ಬದುಕಿನ ಕಥೆಯೇ ರೋಚಕ!

Chandrashekar GS — Sat, 14 Nov 2026 08:49:17 +0530

ಅಂಗಡಿಯಿಲ್ಲ, ಇಂಟರ್ನೆಟ್ ಇಲ್ಲ, ಕಾಡೇ ಅವನ ಪ್ರಪಂಚ!

ನಗರ ಜೀವನದಲ್ಲಿ ಒಂದು ದಿನ ವಿದ್ಯುತ್ ಇಲ್ಲದಿದ್ದರೂ ನಮಗೆ ಕಷ್ಟವಾಗುತ್ತದೆ. ದಿನಸಿ ಸಾಮಾನು ತರಲು ಅಂಗಡಿ, ಕುಡಿಯುವ ನೀರಿಗೆ ವ್ಯವಸ್ಥೆ, ಸಂಪರ್ಕಕ್ಕೆ ಮೊಬೈಲ್ ಹೀಗೆ ಹಲವು ಸೌಲಭ್ಯಗಳು ಬೇಕು. ಆದರೆ ಅಮೆಜಾನ್‌ನ ದಟ್ಟ ಕಾಡಿನ ಮಧ್ಯೆ ಕಳೆದ 38 ವರ್ಷಗಳಿಂದ ಬಹುತೇಕ ಒಂಟಿಯಾಗಿ ಬದುಕುತ್ತಿರುವ ಚಿಕೋ ಎಂಬ ವ್ಯಕ್ತಿಯ ಜೀವನವೇ ವಿಭಿನ್ನ!

ಬ್ರೆಜಿಲ್‌ನ ಅಮೆಜಾನ್ ಮಳೆಕಾಡಿನ ದೂರದ ಪ್ರದೇಶದಲ್ಲಿ ವಾಸಿಸುವ ಚಿಕೋ, ಆಧುನಿಕ ಜೀವನದ ಸೌಲಭ್ಯಗಳಿಂದ ದೂರ ಉಳಿದಿದ್ದಾರೆ. ಸುತ್ತಲೂ ದಟ್ಟ ಮರಗಳು, ಕಾಡುಪ್ರಾಣಿಗಳು, ನದಿಗಳು ಮತ್ತು ಅಪಾಯಗಳೇ ತುಂಬಿರುವ ಈ ಪ್ರದೇಶದಲ್ಲಿ ತಮ್ಮದೇ ಆದ ಪುಟ್ಟ ಪ್ರಪಂಚವನ್ನು ನಿರ್ಮಿಸಿಕೊಂಡಿದ್ದಾರೆ.

38 ವರ್ಷಗಳ ಹಿಂದೆ ನೆಟ್ಟ 1,500 ಮರಗಳು!

ಚಿಕೋ ಅವರ ಜೀವನದ ಅತ್ಯಂತ ಅಚ್ಚರಿಯ ಸಂಗತಿಯೆಂದರೆ ಅವರು ಬೆಳೆಸಿರುವ ಮರಗಳ ತೋಟ. ಸುಮಾರು 38 ವರ್ಷಗಳ ಹಿಂದೆ ಅವರು 1,500 ಬ್ರೆಜಿಲ್ ನಟ್ ಮರಗಳನ್ನು ನೆಟ್ಟಿದ್ದರು. ಇಷ್ಟು ವರ್ಷಗಳ ಕಾಲ ಅವುಗಳನ್ನು ಬೆಳೆಸಿದ ನಂತರ ಈಗ ಅವುಗಳಿಂದ ಮೊದಲ ಬಾರಿಗೆ ಫಸಲು ಪಡೆಯುವ ಅವಕಾಶ ಸಿಕ್ಕಿದೆ.

ಇದರ ಜೊತೆಗೆ ತಮ್ಮ ಮನೆಯ ಸುತ್ತಲೂ ಮಾವು, ಬಾಳೆಹಣ್ಣು, ಅನಾನಸ್ ಸೇರಿದಂತೆ ಹಲವು ಹಣ್ಣಿನ ಗಿಡಗಳನ್ನು ಬೆಳೆಸಿದ್ದಾರೆ. ಹೀಗಾಗಿ ದಿನನಿತ್ಯದ ಆಹಾರಕ್ಕಾಗಿ ಸೂಪರ್ ಮಾರ್ಕೆಟ್‌ಗೆ ಹೋಗುವ ಅಗತ್ಯವೇ ಅವರಿಗೆ ಇಲ್ಲ. ಕಾಡಿನಲ್ಲೇ ಆಹಾರ ಬೆಳೆಸಿಕೊಂಡು, ಮಳೆನೀರನ್ನು ಸಂಗ್ರಹಿಸಿ ಕುಡಿಯುವ ನೀರಿನ ವ್ಯವಸ್ಥೆಯನ್ನೂ ಮಾಡಿಕೊಂಡಿದ್ದಾರೆ.

ಜಾಗ್ವಾರ್‌ಗಳ ನಡುವೆ ಜೀವ ಉಳಿಸಿಕೊಂಡ ಸಾಹಸಿ!

ಅಮೆಜಾನ್ ಕಾಡು ಎಂದರೆ ಸುಂದರ ಪ್ರಕೃತಿಯ ಜೊತೆಗೆ ಅಪಾಯಗಳಿಗೂ ಹೆಸರುವಾಸಿ. ಜಾಗ್ವಾರ್, ಅನಕೊಂಡ ಸೇರಿದಂತೆ ಹಲವು ಅಪಾಯಕಾರಿ ಜೀವಿಗಳು ಇಲ್ಲಿ ವಾಸಿಸುತ್ತವೆ. ಚಿಕೋ ಅವರ ಮಾತಿನ ಪ್ರಕಾರ, 38 ವರ್ಷಗಳ ಜೀವನದಲ್ಲಿ ಜಾಗ್ವಾರ್‌ಗಳು ಮೂರು ಬಾರಿ ಅವರ ಮೇಲೆ ದಾಳಿ ಮಾಡಿದ್ದವು. ಒಂದು ಸಂದರ್ಭದಲ್ಲಿ ಪ್ರಾಣ ಉಳಿಸಿಕೊಳ್ಳಲು ಗುಂಡು ಹಾರಿಸಬೇಕಾದ ಪರಿಸ್ಥಿತಿಯೂ ಎದುರಾಗಿತ್ತು ಎಂದು ಅವರು ವಿವರಿಸಿದ್ದಾರೆ.

ಆದರೂ ಕಾಡಿನ ಪರಿಸರಕ್ಕೆ ಹೊಂದಿಕೊಂಡು ತಮ್ಮ ಜೀವನವನ್ನು ಮುಂದುವರಿಸಿದ್ದಾರೆ.

ಯೂಟ್ಯೂಬ್ ತಂಡವನ್ನೇ ಅಚ್ಚರಿಗೊಳಿಸಿದ ಚಿಕೋ!

ವಿದೇಶಿ ಯೂಟ್ಯೂಬ್ ಚಾನೆಲ್ 'Yes Theory' ತಂಡ ಚಿಕೋ ಅವರನ್ನು ಭೇಟಿಯಾಗಲು ಬಹಳ ದೂರ ಪ್ರಯಾಣಿಸಿತ್ತು. ಕಾರು, ಸ್ಪೀಡ್ ಬೋಟ್ ಮತ್ತು ಸಣ್ಣ ದೋಣಿಗಳ ಮೂಲಕ 24 ಗಂಟೆಗಳಿಗೂ ಹೆಚ್ಚು ಪ್ರಯಾಣಿಸಿ ಅವರ ವಾಸಸ್ಥಳ ತಲುಪಿದ್ದರು.

ಅವರ ಜೀವನಶೈಲಿ, ಆಹಾರ ವ್ಯವಸ್ಥೆ ಮತ್ತು ಪ್ರಕೃತಿಯೊಂದಿಗಿನ ನಂಟನ್ನು ಕಂಡು ತಂಡದ ಸದಸ್ಯರು ಅಚ್ಚರಿಗೊಂಡಿದ್ದರು.

ಚಿಕೋ ಸಾಮ್ರಾಜ್ಯಕ್ಕೆ ಎದುರಾದ ಹೊಸ ಸಂಕಷ್ಟ!

ಆದರೆ ಈಗ ಚಿಕೋ ಅವರ ನೆಮ್ಮದಿಯ ಬದುಕಿಗೆ ಭೂಮಿಯ ಮಾಲೀಕತ್ವದ ವಿವಾದದ ರೂಪದಲ್ಲಿ ಹೊಸ ಸವಾಲು ಎದುರಾಗಿದೆ. ಅವರು ವಾಸಿಸುತ್ತಿರುವ ಜಾಗದ ಮೇಲೆ ಬೇರೊಬ್ಬರು ಹಕ್ಕು ಹೊಂದಿರುವುದಾಗಿ ಹೇಳಿಕೊಂಡಿರುವುದಾಗಿ ವರದಿಯಾಗಿದೆ. ಈ ವಿವಾದ ಮುಂದಿನ ದಿನಗಳಲ್ಲಿ ಅವರ ಜೀವನದ ಮೇಲೆ ಯಾವ ಪರಿಣಾಮ ಬೀರಲಿದೆ ಎಂಬುದು ಕುತೂಹಲ ಮೂಡಿಸಿದೆ.

ಒಟ್ಟಿನಲ್ಲಿ, 38 ವರ್ಷಗಳ ಪರಿಶ್ರಮದಿಂದ ಕಾಡಿನ ಮಧ್ಯೆ ತಮ್ಮದೇ ಆದ ಆಹಾರದ ಸಾಮ್ರಾಜ್ಯ ಕಟ್ಟಿಕೊಂಡಿರುವ ಚಿಕೋ ಅವರ ಬದುಕು ನಿಜಕ್ಕೂ ಅಚ್ಚರಿ ಮೂಡಿಸುತ್ತದೆ. ಪ್ರಕೃತಿಯೊಂದಿಗೆ ಹೊಂದಿಕೊಂಡು ಬದುಕುವ ಅವರ ಜೀವನಶೈಲಿ ಹಲವು ಪ್ರಶ್ನೆಗಳನ್ನೂ ಹುಟ್ಟುಹಾಕುತ್ತದೆ.

ಮೋದಿ ಹೋದ್ರು ಮೈಸೂರಿನಲ್ಲಿಯೇ ಉಳಿದಿದ್ಯಾಕೆ ಬೆಂಗಾವಲು ಹೆಲಿಕಾಪ್ಟರ್? ಅಧಿಕಾರಿಗಳು ಹೇಳಿದ್ದೇನು?

Kannadaprabha News — Sat, 14 Nov 2026 08:46:48 +0530

ಮೈಸೂರಿನ ಲಲಿತಮಹಲ್ ಹೆಲಿಪ್ಯಾಡ್‌ನಲ್ಲಿ ಪ್ರಧಾನಿ ಮೋದಿ ಅವರ ಬೆಂಗಾವಲು ಹೆಲಿಕಾಪ್ಟರ್ ಉಳಿದುಕೊಂಡಿದೆ. ತಾಂತ್ರಿಕ ದೋಷದಿಂದ ಹೆಲಿಕಾಪ್ಟರ್ ಉಳಿದಿದೆ ಎಂದು ಹೇಳಲಾಗಿದ್ದರೂ, ಅಧಿಕಾರಿಗಳು ಇದನ್ನು ನಿರಾಕರಿಸಿದ್ದಾರೆ.

ತಾಂತ್ರಿಕ ದೋಷದಿಂದಾಗಿ ಪ್ರಧಾನಿ ಮೋದಿ ಅವರ ಬೆಂಗಾವಲು ಹೆಲಿಕಾಪ್ಟರ್ ಮೈಸೂರಿನಲ್ಲೆ ಉಳಿದಿದೆ ಎನ್ನಲಾಗಿದೆ. ಇಂಡಿಯನ್ ಏರ್ ಫೋರ್ಸ್‌ಗೆ ಸೇರಿದ ಹೆಲಿಕಾಪ್ಟರ್ ಟೇಕ್ ಆಫ್ ಆಗುವಲ್ಲಿ ತಾಂತ್ರಿಕ ತೊಂದರೆಗೆ ಒಳಗಾಗಿದೆ. ಮಧ್ಯಾಹ್ನ 3.20ಕ್ಕೆ ಲಲಿತಮಹಲ್ ಹೆಲಿಪ್ಯಾಡ್‌ಗೆ ಪ್ರಧಾನಿ ಮೋದಿ ಆಗಮಿಸಿದರು.

ಈ ವೇಳೆ ಒಂದು ಹೆಲಿಕಾಪ್ಟರ್‌ನಲ್ಲಿ ಮೋದಿ ಆಗಮಿಸಿದರು. ಅವರ ಬೆಂಗಾವಲಿಗೆ ಎರಡು ಹೆಲಿಕಾಪ್ಟರ್‌ಗಳು ಬಂದಿದ್ದವು. ಪ್ರಧಾನಿ ಮೋದಿ ಆಗಮಿಸಿದ ಬಳಿಕ ಟೇಕ್ ಆಫ್ ಆಗಬೇಕಿದ್ದ 3 ಹೆಲಿಕಾಪ್ಟರ್ ಪೈಕಿ ಎರಡು ಮಾತ್ರ ತೆರಳಿದವು. ತಾಂತ್ರಿಕ ದೋಷದಿಂದ ಮೈಸೂರಿನಲ್ಲೇ ಒಂದು ಹೆಲಿಕಾಪ್ಟರ್ ಉಳಿಯಿತು. ಪೂರ್ವ ನಿಗದಿಯಂತೆ ಪ್ರಧಾನಿ ಮೋದಿ ಅವರು ರಸ್ತೆ ಮೂಲಕ ವಿಮಾನ ನಿಲ್ದಾಣಕ್ಕೆ ತೆರಳಿ ವಿಶೇಷ ವಿಮಾನದಲ್ಲಿ ದೆಹಲಿಗೆ ಪ್ರಯಾಣ ಬೆಳೆಸಿದರು.

ರಾತ್ರಿ ಕಳೆದರೂ ವಾಯುಪಡೆಯ ಹೆಲಿಕಾಪ್ಟರ್ ಲಲಿತಮಹಲ್ ಹೆಲಿಪ್ಯಾಡ್‌ನಲ್ಲೇ ಉಳಿದಿದೆ. ಸದ್ಯ ಹೆಲಿಕಾಪ್ಟರ್ ಮುಂಭಾಗಕ್ಕೆ ಸಿಬ್ಬಂದಿ ಟಾರ್ಪಲ್ ಹೊದಿಸಿದ್ದಾರೆ. ಕರ್ನಾಟಕ ಪೊಲೀಸರು ಹೆಲಿಕಾಪ್ಟರ್ ಬಳಿಯಲ್ಲಿದ್ದು, ಮೈಸೂರಿನಲ್ಲೇ ಇರುವ ವಿಚಾರ ಕುತೂಹಲಕ್ಕೆ ಕಾರಣವಾಗಿದೆ.

ಹೆಲಿಕಾಪ್ಟರ್ ನಲ್ಲಿ ಯಾವುದೇ ತಾಂತ್ರಿಕ ದೋಷವಿಲ್ಲ. ಎಸ್.ಪಿ.ಜಿಯ ಕೆಲವು ಅಧಿಕಾರಿಗಳು ಮೈಸೂರಿನಲ್ಲಿಯೇ ಉಳಿದಿದ್ದು, ನ. 14 ರಂದು ಬೆಳಗ್ಗೆ 10 ಗಂಟೆಗೆ ತೆರಳುವುದಾಗಿ ಹಿರಿಯ ಅಧಿಕಾರಿಗಳು ತಿಳಿಸಿದರು.

ಕೆಪಿಎಸ್‌ಸಿ ಹಗರಣ: ಸಾಹುಕಾರ್ ಸೇರಿದಂತೆ ನಾಲ್ವರ ವಿರುದ್ಧ 580 ಪುಟ ಚಾರ್ಜ್‌ಶೀಟ್!

Kannadaprabha News — Sat, 14 Nov 2026 08:36:44 +0530

ಬೆಂಗಳೂರು: ‘ಕನ್ನಡಪ್ರಭ’ ಬಯಲಿಗೆ ಎಳೆದಿದ್ದ ಕರ್ನಾಟಕ ಲೋಕಸೇವಾ ಆಯೋಗದ (ಕೆಪಿಎಸ್ಸಿ) ಪಶುವೈದ್ಯಾಧಿಕಾರಿಗಳ ನೇಮಕಾತಿ ಹಗರಣದಲ್ಲಿ ಅಕ್ರಮ ಹಣ ವರ್ಗಾವಣೆ ತಡೆ ಕಾಯ್ದೆ (ಪಿಎಂಎಲ್‌ಎ) ಅಡಿ ಜಾರಿ ನಿರ್ದೇಶನಾಲಯವು (ಇ.ಡಿ) ಕೆಪಿಎಸ್ಸಿ ಮಾಜಿ ಅಧ್ಯಕ್ಷ ಶಿವಶಂಕರಪ್ಪ ಎಸ್‌.ಸಾಹುಕಾರ್‌ ಸೇರಿ ನಾಲ್ವರು ಆರೋಪಿಗಳ ವಿರುದ್ಧ ಇ.ಡಿ ವಿಶೇಷ ನ್ಯಾಯಾಲಯಕ್ಕೆ 580ಕ್ಕೂ ಅಧಿಕ ಪುಟಗಳ ದೋಷಾರೋಪ ಪಟ್ಟಿ ಸಲ್ಲಿಸಿದೆ.

ಪ್ರಕರಣದ ಆರೋಪಿಗಳಾದ ಕೆಪಿಎಸ್ಸಿ ಮಾಜಿ ಅಧ್ಯಕ್ಷ ಶಿವಶಂಕರಪ್ಪ ಸಾಹುಕಾರ್‌, ಮಾಜಿ ಪರೀಕ್ಷಾ ನಿಯಂತ್ರಕ ಜ್ಞಾನೇಂದ್ರ ಕುಮಾರ್‌ ಗಂಗ್ವಾರ್‌, ಕೆಪಿಎಸ್ಸಿ ಸದಸ್ಯೆ ಬಿ.ವಿ.ಗೀತಾ ಮತ್ತು ಮಧ್ಯವರ್ತಿ ಬಸವರಾಜ ಕನ್ನಾಳೆ ವಿರುದ್ಧ ಈ ದೋಷಾರೋಪಪಟ್ಟಿ ಸಲ್ಲಿಸಲಾಗಿದೆ.

ಈ ದೋಷಾರೋಪಪಟ್ಟಿಯಲ್ಲಿ 50ಕ್ಕೂ ಅಧಿಕ ಸಾಕ್ಷಿಗಳ ಹೇಳಿಕೆ, ಪರೀಕ್ಷೆಗೆ ಹಾಜರಾಗಿದ್ದ ಅಭ್ಯರ್ಥಿಗಳ ಹೇಳಿಕೆಗಳು, ಮಧ್ಯವರ್ತಿ ಬಸವರಾಜ ಕನ್ನಾಳೆ ಹಾಗೂ ಆತನ ಸಹಚರರು ಪರೀಕ್ಷೆ ಹಿಂದಿನ ದಿನ ಅಭ್ಯರ್ಥಿಗಳಿಗೆ ಉತ್ತರ ಸಹಿತ ಪ್ರಶ್ನೆಪತ್ರಿಕೆ ಕೊಟ್ಟು ಉತ್ತರಗಳನ್ನು ಕಂಠಪಾಠ ಮಾಡಿಸಿದ್ದ ದೇವನಹಳ್ಳಿ ಸಮೀಪದ ರೆಸಾರ್ಟ್‌ನ ಸಿಬ್ಬಂದಿ ಹೇಳಿಕೆಗಳು, ಅಭ್ಯರ್ಥಿಗಳಿಂದ ಲಂಚ ಹಣದ ವರ್ಗಾವಣೆ ಮಾಡಿಸಿಕೊಂಡಿದ್ದ ಬೀದರ್‌ನ ಸಹಕಾರಿ ಬ್ಯಾಂಕ್‌ನ ಸಿಬ್ಬಂದಿ ಹೇಳಿಕೆಗಳು, ಆರೋಪಿಗಳಿಗೆ ಲಂಚದ ಹಣ ನೀಡಿದ್ದ ಅಭ್ಯರ್ಥಿಗಳು ಹಾಗೂ ಅವರ ಪೋಷಕರ ಹೇಳಿಕೆಗಳು ಸೇರಿ ಹಲವು ಅಂಶಗಳನ್ನು ಉಲ್ಲೇಖಿಸಲಾಗಿದೆ.

ಹಣಕಾಸು ವಹಿವಾಟು, ಆಸ್ತಿ ವಿವರ ಉಲ್ಲೇಖ

ಈ ಲಂಚದ ಹಣ ಬಳಸಿಕೊಂಡು ಆರೋಪಿ ಜ್ಞಾನೇಂದ್ರ ಕುಮಾರ್‌ ಗಂಗ್ವಾರ್‌ ಅವರ ಸ್ನೇಹಿತೆಗೆ ಸುಮಾರು 52 ಲಕ್ಷ ರು. ಮೌಲ್ಯದ ಚಿನ್ನಾಭರಣ ಖರೀದಿಸಿ ನೀಡಿದ್ದರ ಕುರಿತ ದಾಖಲೆಗಳು, ಹಣಕಾಸು ವಹಿವಾಟು, ಬ್ಯಾಂಕ್‌ ಸಿಬ್ಬಂದಿ ಹೇಳಿಕೆಗಳು, ಚಿನ್ನಾಭರಣ ಮಾರಾಟ ಅಂಗಡಿ ಸಿಬ್ಬಂದಿ ಹೇಳಿಕೆಗಳು, ಗಂಗ್ವಾರ್‌ ತನ್ನ ಸ್ನೇಹಿತೆ ಜತೆಗೆ ಚಿನ್ನಾಭರಣ ಅಂಗಡಿಗೆ ತೆರಳಿದ್ದ ಸಿಸಿಟಿವಿ ದೃಶ್ಯಾವಳಿಗಳು, ಫೋಟೋಗಳು ಸೇರಿ ನಾಲ್ವರು ಆರೋಪಿಗಳ ಕೋಟ್ಯಂತರ ರು. ಮೌಲ್ಯದ ಸ್ಥಿರ ಮತ್ತು ಚರಾಸ್ತಿಗಳ ವಿವರಗಳನ್ನು ದೋಷಾರೋಪಟ್ಟಿಯಲ್ಲಿ ಅಡಕಗೊಳಿಸಲಾಗಿದೆ ಎಂದು ಇ.ಡಿ ಮೂಲಗಳು ತಿಳಿಸಿವೆ.

ಪ್ರಕರಣದ ಹಿನ್ನೆಲೆ

400 ಪಶುವೈದ್ಯಾಧಿಕಾರಿಗಳ ನೇಮಕಾತಿ ಹಗರಣ ಸಂಬಂಧ ಇ.ಡಿ ಅಧಿಕಾರಿಗಳು ಕೆಪಿಎಸ್ಸಿ ಅಮಾನತುಗೊಂಡಿರುವ ಅಧ್ಯಕ್ಷ ಶಿವಶಂಕರಪ್ಪ ಸಾಹುಕಾರ್‌, ಮಾಜಿ ಪರೀಕ್ಷಾ ನಿಯಂತ್ರಕ ಜ್ಞಾನೇಂದ್ರ ಕುಮಾರ್‌ ಗಂಗ್ವಾರ್‌, ಕೆಪಿಎಸ್ಸಿ ಸದಸ್ಯೆ ಬಿ.ವಿ.ಗೀತಾ ಮತ್ತು ಮಧ್ಯವರ್ತಿ ಬಸವರಾಜ ಕನ್ನಾಳೆ ಅವರ ನಿವಾಸ, ಆಯೋಗದ ಕಚೇರಿ ಮತ್ತು ಸದಸ್ಯರ ನಿವಾಸ ಸೇರಿ ರಾಜ್ಯಾದ್ಯಂತ 21ಕ್ಕೂ ಹೆಚ್ಚಿನ ಸ್ಥಳಗಳ ಮೇಲೆ ಏಕಕಾಲದಲ್ಲಿ ದಾಳಿ ನಡೆಸಿ ಶೋಧಿಸಿದ್ದರು.

ಶೋಧ ಕಾರ್ಯ ವೇಳೆ ಅಭ್ಯರ್ಥಿಗಳು ಸಹಿ ಮಾಡಿದ ಖಾಲಿ ಚೆಕ್‌ಗಳು ಮತ್ತು ಪ್ರಾಮಿಸರಿ ನೋಟ್‌ಗಳು ಪತ್ತೆಯಾಗಿದ್ದವು. ಆರೋಪಿಗಳು ಅಭ್ಯರ್ಥಿಗಳಿಂದ ಲಕ್ಷಾಂತರ ರು. ಲಂಚ ಪಡೆದಿರುವುದು ಬೆಳಕಿಗೆ ಬಂದಿತ್ತು. ಅಕ್ರಮ ಹಣದ ಮೂಲ ಮರೆಮಾಚಲು ಆ ಹಣವನ್ನು ಬ್ಯಾಂಕ್ ವರ್ಗಾವಣೆಗಳು, ಚಿನ್ನದ ಆಭರಣಗಳ ಖರೀದಿ, ವಿಮಾನ ಪ್ರಯಾಣದ ಟಿಕೆಟ್ ಖರಿದಿಗೆ ನಗದು ಪಾವತಿ ಸೇರಿ ಇತರೆ ನಗದು ವಹಿವಾಟು ನಡೆಸಿರುವುದು ಬಯಲಾಗಿತ್ತು. ಇದರ ಬೆನ್ನಲ್ಲೇ ಇ.ಡಿ.ಅಧಿಕಾರಿಗಳು ಈ ನಾಲ್ವರು ಆರೋಪಿಗಳನ್ನು ಬಂಧಿಸಿದ್ದರು.

ಅಕ್ರಮ 6 ಅಂತಸ್ತಿನ ಕಟ್ಟಡ: GBA, BESCOM ಅಧಿಕಾರಿಗಳಿಗೆ ಸಮನ್ಸ್ ನೀಡಿದ ಲೋಕಾಯುಕ್ತ

Kannadaprabha News — Sat, 14 Nov 2026 08:26:18 +0530

ಬೆಂಗಳೂರು: ಯಾವುದೇ ಅನುಮತಿಯನ್ನು ಪಡೆಯದೆ ಕಲ್ಯಾಣನಗರದಲ್ಲಿ 6 ಅಂತಸ್ತಿನ ಬೃಹತ್‌ ಕಟ್ಟಡವನ್ನು ನಿರ್ಮಿಸಲಾಗಿದ್ದು, ಅಧಿಕಾರಿಗಳ ಕರ್ತವ್ಯಲೋಪದ ಹಿನ್ನೆಲೆಯಲ್ಲಿ ವಿಚಾರಣೆಗೆ ಹಾಜರಾಗುವಂತೆ ಜಿಬಿಎ ಮತ್ತು ಬೆಸ್ಕಾಂ ಅಧಿಕಾರಿಗಳಿಗೆ ಲೋಕಾಯುಕ್ತ ನ್ಯಾಯಮೂರ್ತಿ ಬಿ.ಎಸ್‌.ಪಾಟೀಲ್‌ ಅವರು ಸಮನ್ಸ್‌ ಜಾರಿ ಮಾಡಿದ್ದಾರೆ.

ಮಂಜೂರಾದ ನಕ್ಷೆಯನ್ನು ಪಡೆಯದೆ 6 ಅಂತಸ್ತಿನ ಕಟ್ಟಡ

ನಗರದ ಚೆಳಕೆರೆ ಗ್ರಾಮದ, ಕಲ್ಯಾಣನಗರ ಅಂಚೆ ವ್ಯಾಪ್ತಿಯ ಆಸ್ತಿ ಸಂಖ್ಯೆ-3, ಖಾತಾ ಸಂಖ್ಯೆ 89/1/3ರಲ್ಲಿ ಯಾವುದೇ ಕಟ್ಟಡ ನಿರ್ಮಾಣ ಪರವಾನಗಿ ಹಾಗೂ ಮಂಜೂರಾದ ನಕ್ಷೆಯನ್ನು ಪಡೆಯದೆ 6 ಅಂತಸ್ತಿನ ಕಟ್ಟಡವನ್ನು ನಿರ್ಮಿಸಲಾಗಿದೆ. ಈ ಕಟ್ಟಡ ನಿರ್ಮಾಣಕ್ಕೆ ಯಾವುದೇ ಮಂಜೂರಾದ ಕಟ್ಟಡದ ನಕ್ಷೆ ಇಲ್ಲ ಎಂಬುದನ್ನು ಜಿಬಿಎ ಎಂಜಿನಿಯರ್‌ ಅರ್ಪಿತಾ ಅವರು ಲೋಕಾಯುಕ್ತರ ಮುಂದೆ ಒಪ್ಪಿಕೊಂಡಿದ್ದಾರೆ. ಅಲ್ಲದೇ ಕಟ್ಟಡದ ನಿರ್ಮಾಣ ಕಾರ್ಯವನ್ನು ಸಂಬಂಧಪಟ್ಟ ಅಧಿಕಾರಿಗಳು ಯಾವುದೇ ಕ್ರಮ ಕೈಗೊಂಡಿಲ್ಲ ಎಂಬುದನ್ನು ತಿಳಿಸಿದ್ದಾರೆ.

ಬೆಸ್ಕಾಂ ಸಹಾಯಕ ಕಾರ್ಯಪಾಲಕ ಅಭಿಯಂತರ ವೆಂಕಟೇಶ್ ಹಾಗೂ ಸಹಾಯಕ ಅಭಿಯಂತರ ಮುನಿರಾಜು ಅವರು ಸೆ.28 ರಂದು ಆ ಕಟ್ಟಡದ ವಿದ್ಯುತ್ ಸಂಪರ್ಕವನ್ನು ಕಡಿತಗೊಳಿಸಿರುವುದಾಗಿ ತಿಳಿಸಿದ್ದಾರೆ. ಆದರೆ, ಕಟ್ಟಡದ ಮಾಲೀಕರು ನ್ಯಾಯಾಲಯದಿಂದ ಮಧ್ಯಂತರ ಆದೇಶವನ್ನು ಪಡೆದು ವಿದ್ಯುತ್ ಸಂಪರ್ಕ ಕಡಿತಗೊಳಿಸದಂತೆ ತಡೆಯಾಜ್ಞೆ ತಂದಿರುವುದಾಗಿ ಅವರು ತಿಳಿಸಿದ್ದಾರೆ.

ಕಟ್ಟಡ ನಿರ್ಮಾಣಕ್ಕೆ ಅಗತ್ಯವಾದ ಪರವಾನಗಿ ಅಥವಾ ಮಂಜೂರಾದ ನಕ್ಷೆಯನ್ನು ಪರಿಶೀಲಿಸದೆ ಬೆಸ್ಕಾಂ ಅಧಿಕಾರಿಗಳು ವಿದ್ಯುತ್ ಸಂಪರ್ಕ ಕಲ್ಪಿಸಿರುವುದು ಸಹ ಲೋಕಾಯುಕ್ತರ ಗಮನಕ್ಕೆ ಬಂದಿದೆ. ಈ ಪ್ರಕರಣದಲ್ಲಿ ಜಿಬಿಎ ಅಧಿಕಾರಿಗಳು ಹಾಗೂ ಸಂಬಂಧಪಟ್ಟ ಇತರ ಅಧಿಕಾರಿಗಳು ಶಾಮೀಲಾತಿ ಇರುವ ಸಾಧ್ಯತೆ ಇದೆ.

ಈ ಹಿನ್ನೆಲೆಯಲ್ಲಿ ಜಿಬಿಎ ಮಹದೇವಪುರ ವಿಭಾಗದ ಆಯುಕ್ತರು, ಕೆ.ಆರ್.ಪುರ ವಲಯದ ಮುಖ್ಯ ಅಭಿಯಂತರರು, ಬೆಸ್ಕಾಂನ ಉತ್ತರ ವಲಯದ ಮುಖ್ಯ ಅಭಿಯಂತರರು ಹಾಗೂ ಪ್ರಸ್ತುತ ಹೆಣ್ಣೂರು ಉಪವಿಭಾಗದಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಸಹಾಯಕ ಕಾರ್ಯಪಾಲಕ ಅಭಿಯಂತರ ಸುರೇಶ್ ಗಿರಿ ಮತ್ತು ಸಹಾಯಕ ಅಭಿಯಂತರ ಅಕ್ಷಯ್ ಅವರಿಗೆ ಸಮನ್ಸ್ ಜಾರಿಗೊಳಿಸಿ, ನ.18ರಂದು ಲೋಕಾಯುಕ್ತರ ಮುಂದೆ ಖುದ್ದಾಗಿ ಹಾಜರಾಗಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿವರಣೆ ನೀಡುವಂತೆ ಆದೇಶಿಸಿದ್ದಾರೆ. ಪ್ರಕರಣದಲ್ಲಿ ಸಂಬಂಧಪಟ್ಟ ಅಧಿಕಾರಿಗಳ ಕರ್ತವ್ಯಲೋಪ ಹಾಗೂ ಆಡಳಿತಾತ್ಮಕ ವೈಫಲ್ಯದ ಕುರಿತು ಮುಂದಿನ ವಿಚಾರಣೆ ಕೈಗೊಳ್ಳಲಾಗುವುದು ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ಲೋಕಾಯುಕ್ತರು ತಿಳಿಸಿದ್ದಾರೆ.

244 ರನ್‌ಗಳ ನಾಚಿಕೆಗೇಡಿನ ಸೋಲಿಗೆ ಮೂರು ಕಾರಣ, ಕೋಚ್‌ ಗಂಭೀರ್‌ ಪ್ರಮಾದ ಕೂಡ ಇದೆ

Ganesh Mabla Gowda — Sat, 14 Nov 2026 08:14:54 +0530

ನ್ಯೂಜಿಂಡ್‌ ವಿರುದ್ಧದ 4ನೇ ಏಕದಿನ ಪಂದ್ಯದಲ್ಲಿ ಭಾರತ ತಂಡವು ನಾಚಿಕೆಗೇಡಿನ ಸೋಲು ಅನುಭವಿಸಿದೆ. 10, 20 ರನ್‌ಗಳ ಅಂತರದಿಂದ ಅಲ್ಲ. ಬರೋಬ್ಬರಿ 244 ರನ್‌ಗಳ ಭಾರೀ ಅಂತರದಲ್ಲಿ ಸೋತು ಸುಣ್ಣವಾಗಿದೆ. ಕಿವೀಸ್‌ 50 ಓವರ್‌ಗಳಲ್ಲಿ 333 ರನ್‌ಗಳಿಸಿದ್ರೆ ಶ್ರೇಯಸ್‌ ಅಯ್ಯರ್‌ ನೇತೃತ್ವದ ಭಾರತ ತಂಡ 26.4 ಓವರ್‌ಗಳಿಗ ಎಲ್ಲಾ ವಿಕೆಟ್‌ ಕಳೆದುಕೊಂಡು ಕೇವಲ 89 ರನ್‌ಗಳಿಸಿ ಸೋಲಿಗೆ ಶರಣಾಯ್ತು. ಈ ಹೀನಾಯ ಸೋಲಿಗೆ ಕೋಚ್‌ ಗಂಭೀರ್‌ ಅವರು ಕೋಪಗೊಂಡಿದ್ದಾರೆ. ಆದರೆ ಅವರ ಯಡವಟ್ಟೂ ಕೂಡ ತಂಡದ ಸೋಲಿಗೆ ಕಾರಣವಾಗಿದೆ.

ಐದು ಪಂದ್ಯಗಳ ಏಕದಿನ ಸರಣಿಯಲ್ಲಿ ಭಾರತ 2-1 ಮುನ್ನಡೆಯಲ್ಲಿದೆ. ಈ ಹೀನಾಯ ಸೋಲು ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಭಾರತ ವಿಶ್ವದ ನಂಬರ್ ಒನ್ ಏಕದಿನ ತಂಡವಾಗಿದ್ದು, 244 ರನ್‌ಗಳ ಬೃಹತ್ ಸೋಲು ಆತಂಕಕಾರಿಯಾಗಿದೆ. ಇನ್ನು ಭಾರತ ತಂಡ ಸೋಲಿಗೆ ಮೂರು ಪ್ರಮುಖ ಕಾರಣಗಳು. ಅವುಗಳ ವಿವರ ಹೀಗಿದೆ.

ಪಿಚ್ ಅರ್ಥ ಮಾಡಿಕೊಳ್ಳುವಲ್ಲಿ ವಿಫಲ

ನಿನ್ನೆಯ ಪಂದ್ಯದಲ್ಲಿ ಭಾರತದ ನಾಯಕ ಶ್ರೇಯಸ್ ಅಯ್ಯರ್ ಟಾಸ್ ಗೆದ್ದು ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದರು. ಪಂದ್ಯ ಕೊನೆಯವರೆಗೂ ಮುಂದುವರಿಯುತ್ತದೆ. ಇಬ್ಬನಿಯು ಎಕ್ಸ್-ಫ್ಯಾಕ್ಟರ್ ಎಂಬ ಭಾವನೆಯಲ್ಲಿದ್ದರು. ಆದರೆ ಭಾರತವು ಇಬ್ಬನಿಯ ಲಾಭ ಪಡೆಯುವ ಹಂತಕ್ಕೆ ತಲುಪಲಿಲ್ಲ. ಪಿಚ್‌ ಮೊದಲ ಇನ್ನಿಂಗ್ಸ್‌ ನಂತರ ಎರಡನೇ ಇನ್ನಿಂಗ್ಸ್‌ನಲ್ಲಿ ವಿಭಿನ್ನವಾಗಿ ವರ್ತಿಸಿತು. ಅದನ್ನು ಅರ್ಥ ಮಾಡಿಕೊಳ್ಳುವಲ್ಲಿ ಭಾರತೀಯ ಬೌಲರ್‌ಗಳು ಯಡವಿದರು. ಇದನ್ನು ಸ್ವತಃ ಶ್ರೇಯಸ್‌ ಅಯ್ಯರ್‌ ಅವರೇ ಒಪ್ಪಿಕೊಂಡರು.

ದಿಕ್ಕು ಬದಲಾಗುತ್ತಿದ್ದ ಚೆಂಡಿಗೆ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಶ್ರೇಯಸ್ ಅಯ್ಯರ್ ಎಲ್ಲರೂ ಮೋಸ ಹೋದರು. ಟೀಂ ಇಂಡಿಯಾ ಮ್ಯಾನೇಜ್ಮೆಂಟ್‌, ಕೋಚ್‌, ನಾಯಕ ಕೂಡ ಪಿಚ್‌ ಅಲ್ಲಿ ಏನು ನಡೆಯುತ್ತಿದೆ ಎಂಬುದನ್ನು ಅರ್ಥೈಸಿಕೊಳ್ಳಲು ವಿಫಲರಾದರು. ಇದು ಗಂಭೀರ ಪ್ರಮಾದ ಆಗಿದೆ.

ಇಶಾನ್ ಕಿಶನ್ ವಿಚಾರದಲ್ಲಿ ಯಡವಟ್ಟು

ನಾಲ್ಕನೇ ಏಕದಿನ ಪಂದ್ಯದಲ್ಲಿ ನಾಯಕ ಶುಭಮನ್ ಗಿಲ್ ಇರಲಿಲ್ಲ. ಬದಲಿಗೆ ರೋಹಿತ್ ಶರ್ಮಾ ಜೊತೆಗೆ ಋತುರಾಜ್ ಗಾಯಕ್ವಾಡ್ ಇನ್ನಿಂಗ್ಸ್ ಆರಂಭಿಸಿದರು. ಗಾಯಕ್ವಾಡ್ ಕೇವಲ 5 ರನ್‌ಗಳಿಗೆ ಔಟಾದರು. ಇಶಾನ್ ಕಿಶನ್ 27 ರನ್ ಗಳಿಸಿದರು. ಇಶಾನ್ ಟಿ20 ತಂಡದ ಅಗ್ರಸ್ಥಾನದಲ್ಲಿ ಆಡುತ್ತಾರೆ. ಗಾಯಕ್ವಾಡ್ ಮಧ್ಯಮ ಕ್ರಮಾಂಕದಲ್ಲಿ ಗಣನೀಯ ಅನುಭವ ಹೊಂದಿದ್ದಾರೆ. 4 ನೇ ಸ್ಥಾನದಲ್ಲಿ ಅವರ ಏಕದಿನ ಸರಾಸರಿ 71.33. ಆಡುವ ಹನ್ನೊಂದರ ತಂಡದಲ್ಲಿನ ಸಣ್ಣ ಬದಲಾವಣೆ ಮಾಡಿದ್ದರೆ ಪಕ್ಕಾ ವರ್ಕೌಟ್‌ ಆಗ್ತಿತ್ತು ಅನ್ನೋದು ತಜ್ಞರ ವಾದ.

ಮ್ಯಾಟ್ ಹೆನ್ರಿಗೆ ಉತ್ತರ ಕೊಡಲು ಪ್ರಯತ್ನಿಸಲಿಲ್ಲ

ಇನ್ನಿಂಗ್ಸ್‌ನ ಮೊದಲ ಎಸೆತದಿಂದಲೇ ಮ್ಯಾಟ್ ಹೆನ್ರಿ ವಿನಾಶಕಾರಿ ಆಟವಾಡಿದರು. ರೋಹಿತ್ ಶರ್ಮಾ ಸ್ಲಿಪ್‌ನಲ್ಲಿ ಕ್ಯಾಚ್ ಪಡೆದರು. ವಿರಾಟ್ ಕೊಹ್ಲಿ ಕ್ಲೀನ್ ಬೌಲ್ಡ್ ಆದರು. ಶ್ರೇಯಸ್ ಅಯ್ಯರ್ ಎಲ್ಬಿಡಬ್ಲ್ಯೂ ಆಗಿ ಔಟಾದರು. ಹೆನ್ರಿಯ ಈ ವಿನಾಶ ಅವರ ಮೊದಲ ಓವರ್‌ಗೆ ಮಾತ್ರ ಸೀಮಿತವಾಗಿರಲಿಲ್ಲ. ಬೌಲಿಂಗ್ ಮಾಡಲು ಬಂದಾಗಲೆಲ್ಲಾ ಭಾರತೀಯ ಬ್ಯಾಟ್ಸ್‌ಮನ್‌ಗಳನ್ನು ತೊಂದರೆಗೊಳಿಸಿದರು. ಪಂದ್ಯದುದ್ದಕ್ಕೂ ಅವರು 9.4 ಓವರ್‌ಗಳಲ್ಲಿ ಕೇವಲ 27 ರನ್‌ಗಳಿಗೆ 6 ವಿಕೆಟ್‌ಗಳನ್ನು ಪಡೆದರು.

ಕಾಂಗ್ರೆಸ್‌ನಲ್ಲಿ 3ನೇ ಮುಖ್ಯಮಂತ್ರಿ ಚರ್ಚೆ, ಹೊಸ ವರ್ಷಕ್ಕೆ ನ್ಯೂ ಸಿಎಂ: ಶ್ರೀರಾಮುಲು

Kannadaprabha News — Sat, 14 Nov 2026 08:02:19 +0530

ಗದಗ: ರಾಜ್ಯ ಕಾಂಗ್ರೆಸ್ ಸರ್ಕಾರದಲ್ಲಿ ಮೂರನೇ ಮುಖ್ಯಮಂತ್ರಿಯ ಆಯ್ಕೆಯ ಕುರಿತು ತೀವ್ರ ಚರ್ಚೆ ನಡೆಯುತ್ತಿದ್ದು, ಮುಂಬರುವ ಹೊಸ ವರ್ಷಕ್ಕೆ ರಾಜ್ಯಕ್ಕೆ ನೂತನ ಮುಖ್ಯಮಂತ್ರಿ ಬರಲಿದ್ದಾರೆ ಎಂದು ಮಾಜಿ ಸಚಿವ ಬಿ. ಶ್ರೀರಾಮುಲು ಹೇಳಿದ್ದಾರೆ.

ಶಾಸಕರ ಸಹಿ ಸಂಗ್ರಹ

ಗದಗನಲ್ಲಿ ಆಯೋಜಿಸಲಾಗಿದ್ದ ರೈತರೊಂದಿಗೆ ದೀಪಾವಳಿ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಶ್ರೀರಾಮುಲು, ರಾಜ್ಯ ರಾಜಕೀಯ ಬೆಳವಣಿಗೆಗಳ ಕುರಿತು ಪ್ರತಿಕ್ರಿಯಿಸಿದರು. ತಮಗಿರುವ ಮಾಹಿತಿಯ ಪ್ರಕಾರ ಮುಂಬರುವ ಬೆಳಗಾವಿ ಅಧಿವೇಶನದ ವೇಳೆ ಶಾಸಕರ ಸಹಿ ಸಂಗ್ರಹ ನಡೆಯಲಿದೆ.

ಮುಖ್ಯಮಂತ್ರಿಗಳು ಇತ್ತೀಚೆಗೆ ದೆಹಲಿಗೆ ಭೇಟಿ ನೀಡಿ ವಾಪಸಾದ ಬಳಿಕ, ರಾಹುಲ್ ಗಾಂಧಿಯವರು ಕೋಪಗೊಂಡಿದ್ದಾರೆ ಎಂಬ ವಿಚಾರ ತಿಳಿದು ಸಿದ್ದರಾಮಯ್ಯ ಅವರನ್ನು ಭೇಟಿಯಾಗಿದ್ದಾರೆ. ಮತ್ತೊಂದೆಡೆ, ಮುಖ್ಯಮಂತ್ರಿ ಸ್ಥಾನವನ್ನು ಬಿಟ್ಟುಕೊಟ್ಟು ತಪ್ಪು ಮಾಡಿದೆ ಎಂದು ಸಿದ್ದರಾಮಯ್ಯ ಅವರು ತಮ್ಮ ಆಪ್ತರ ಬಳಿ ಅಸಮಾಧಾನ ತೋಡಿಕೊಂಡಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ ಎಂದು ಶ್ರೀರಾಮುಲು ತಿಳಿಸಿದರು.

ಬೆಲೆ ಏರಿಕೆ ವಿರುದ್ಧ ಆಕ್ರೋಶ

ಡಿ.ಕೆ. ಶಿವಕುಮಾರ್ ಅವರನ್ನು ಮುಖ್ಯಮಂತ್ರಿ ಸ್ಥಾನದಿಂದ ಕೆಳಗಿಳಿಸಲು ಶಾಸಕರು ಸಹಿ ಸಂಗ್ರಹಿಸುತ್ತಿದ್ದಾರೆ ಎಂಬ ವಿಚಾರ ತಿಳಿದ ಬಳಿಕ, ಶಾಸಕರಿಗೆ ಅನುದಾನ ನೀಡುವ ಹೊಸ ನಾಟಕವನ್ನು ಶುರುಮಾಡಿದ್ದಾರೆ ಎಂದು ಶ್ರೀರಾಮುಲು ಆರೋಪಿಸಿದರು. ರಾಜ್ಯ ಸರ್ಕಾರ ಅಧಿಕಾರ ಉಳಿಸಿಕೊಳ್ಳಲು ನಾಟಕ ಮಾಡುತ್ತಿದೆ. ಬರಗಾಲ ಘೋಷಣೆಯಾದಾಗ 2,500 ರೂಪಾಯಿ ನೀಡುವುದಾಗಿ ಹೇಳಿ ಕೇವಲ 1,500 ರೂಪಾಯಿ ಮಾತ್ರ ನೀಡಲಾಗಿದೆ. ಈ ಬಗ್ಗೆ ಪ್ರಶ್ನಿಸಿದಾಗ ಇನ್ನುಳಿದ ಒಂದು ಸಾವಿರ ರೂಪಾಯಿ ನೀಡುವುದಾಗಿ ಹೇಳುತ್ತಿದ್ದಾರೆ.

ಹಾಲಿನ ದರ ಹೆಚ್ಚಿಸಿದಾಗ ಸಬ್ಸಿಡಿ ನೀಡುವ ವ್ಯವಸ್ಥೆ ಇದ್ದರೂ, ಸರ್ಕಾರದ ಬಳಿ ಹಣವಿಲ್ಲದ ಕಾರಣ ಜನರ ಗಮನವನ್ನು ಬೇರೆಡೆ ಸೆಳೆಯಲು ಎಥೆನಾಲ್ ವಿಚಾರವನ್ನು ಮುನ್ನೆಲೆಗೆ ತರಲಾಗಿದೆ ಎಂದು ಅವರು ದೂರಿದರು. ಸಿಎಂ ಬದಲಾವಣೆ ವಿಷಯವಾಗಿ ಜನರೇ ಉತ್ತರ ಹೇಳುತ್ತಿದ್ದಾರೆ ಎಂದು ಅವರು ಅಭಿಪ್ರಾಯಪಟ್ಟರು.

ಅಯ್ಯಪ್ಪ ಮಾಲಾಧಾರಿಯಾಗಿ ಭಾಗಿ

ಗದಗನಲ್ಲಿ ನಡೆದ ರೈತರೊಂದಿಗೆ ದೀಪಾವಳಿ ಕಾರ್ಯಕ್ರಮಕ್ಕೆ ಮಾಜಿ ಸಚಿವ ಬಿ. ಶ್ರೀರಾಮುಲು ಅವರು ಅಯ್ಯಪ್ಪ ಸ್ವಾಮಿ ಮಾಲಾಧಾರಿಯಾಗಿ ಆಗಮಿಸಿದ್ದರು. ವ್ರತಾಚರಣೆಯಲ್ಲಿರುವ ಅವರು ಕಪ್ಪು ಬಟ್ಟೆ, ಕಪ್ಪು ಶಾಲು ಧರಿಸಿ, ಕಾಲಿಗೆ ಚಪ್ಪಲಿಯನ್ನೂ ಹಾಕದೆ ಬರಿಗಾಲಿನಲ್ಲಿ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಗಮನ ಸೆಳೆದ

ಭಾರತದ ಯುದ್ಧ ತಂತ್ರ, ಡ್ರೋನ್ ಘಟಕದ ಗುಟ್ಟನ್ನೇ ಪಾಕಿಸ್ತಾನಕ್ಕೆ ಬಿಚ್ಚಿಟ್ಟರಾ ವಿಂಗ್ ಕಮಾಂಡರ್? ಚಾರ್ಜ್‌ಶೀಟ್‌ನಲ್ಲಿ ಸ್ಫೋಟಕ ರಹಸ್ಯ ಬಯಲು!

Ravi Janekal — Sat, 14 Nov 2026 08:01:14 +0530

ಭಾರತದ ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದ ಅತ್ಯಂತ ಸೂಕ್ಷ್ಮ ಮಾಹಿತಿಯನ್ನು ಪಾಕಿಸ್ತಾನದ ಗುಪ್ತಚರ ಏಜೆಂಟ್‌ಗೆ ರವಾನಿಸಿದ್ದ ಆರೋಪದ ಮೇಲೆ ಬಂಧಿತರಾಗಿದ್ದ ಭಾರತೀಯ ವಾಯುಪಡೆಯ ವಿಂಗ್ ಕಮಾಂಡರ್ ಮನೋರತ್ ಸಿಂಗ್ ವಿರುದ್ಧ ದೆಹಲಿ ಪೊಲೀಸ್ ವಿಶೇಷ ಘಟಕ ಚಾರ್ಜ್‌ಶೀಟ್ ಸಲ್ಲಿಸಿದೆ. ಆದ್ರೂ ಆರೋಪಿಯ ವಿರುದ್ಧ ಕಾನೂನು ಕ್ರಮ ಜರುಗಿಸಲು ಸರ್ಕಾರದ ಅನುಮೋದನೆ ಇನ್ನೂ ಸಿಕ್ಕಿಲ್ಲದ ಕಾರಣ ಪಟಿಯಾಲ ಹೌಸ್ ನ್ಯಾಯಾಲವು ಚಾರ್ಜ್‌ಶೀಟ್ ಅನ್ನು ಸ್ವೀಕರಿಸಿಲ್ಲ. ಅನುಮೋದನೆ ಪ್ರಕ್ರಿಯೆ ಶೀಘ್ರ ಪೂರ್ಣಗೊಳಿಸುವಂತೆ ನ್ಯಾಯಾಲಯ ದೆಹಲಿ ಪೊಲೀಸರಿಗೆ ನಿರ್ದೇಶನ ನೀಡಿದೆ ಎಂದು ವರದಿಯಾಗಿದೆ.

ಮುಂದಿನ ತಿಂಗಳು ಅಂದರೆ ಡಿಸೆಂಬರ್ 5 ರಂದು ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುವುದು ಅಲ್ಲದೆ ಈ ಪ್ರಕರಣದಲ್ಲಿ ಡಿಸಿಪಿ ವೈಯಕ್ತಿಕವಾಗಿ ವಿಚಾರಣೆಯ ಮೇಲ್ವಿಚಾರಣೆ ನಡೆಸಲಿದ್ದಾರೆ.

ಪಟಿಯಾಲ ಹೌಸ್ ನ್ಯಾಯಾಲಯದ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ ಮೃದುಲ್ ಗುಪ್ತಾ ಹೇಳುವ ಪ್ರಕಾರ, To initiate proceedings against the accused under Section 152 of the Code of Criminal Procedure and the Official Secrets Act ಅಡಿ ಅಗತ್ಯವಾದ ಅನುಮೋದನೆ ಇನ್ನೂ ಸಿಕ್ಕಿಲ್ಲ ಎಂದು ಹೇಳಿದ್ದಾರೆ. ಅನುಮೋದನೆ ಪ್ರಕ್ರಿಯೆ ನಡೆಯುತ್ತಿದೆ ಎಂದು ದೆಹಲಿ ಸರ್ಕಾರ ನ್ಯಾಯಾಲಯಕ್ಕೆ ತಿಳಿಸಿದೆ. ಪ್ರಕರಣದಲ್ಲಿನ ಗಮನಾರ್ಹ ವಿಳಂಬದ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ ನ್ಯಾಯಾಲಯವು, ಅನುಮೋದನೆ ಪ್ರಕ್ರಿಯೆಯನ್ನು ವೈಯಕ್ತಿಕವಾಗಿ ಮೇಲ್ವಿಚಾರಣೆ ಮಾಡಲು ಮತ್ತು ಅದನ್ನು ಶೀಘ್ರವಾಗಿ ಪೂರ್ಣಗೊಳಿಸುವಂತೆ ಸಂಬಂಧಪಟ್ಟ ಪೊಲೀಸ್ ಆಯುಕ್ತರಿಗೆ (ಡಿಸಿಪಿ) ನಿರ್ದೇಶಿಸಿದೆ. ಮುಂದಿನ ವಿಚಾರಣೆಯಲ್ಲಿ ಡಿಸಿಪಿ ವರದಿಯನ್ನು ಸಲ್ಲಿಸಬೇಕಾಗುತ್ತದೆ. ಡಿಸೆಂಬರ್ 5 ರಂದು ಆರೋಪಿ ವಿಂಗ್ ಕಮಾಂಡರ್ ಹಾಜರಾಗುವಂತೆ ಪ್ರೊಡಕ್ಷನ್ ವಾರಂಟ್ ಹೊರಡಿಸುವಂತೆ ನ್ಯಾಯಾಲಯವು ನಿರ್ದೇಶಿಸಿದೆ.

ಯುದ್ಧ ವಿಮಾನದಿಂದ ಸೈನಿಕರವರೆಗೂ ಪಾಕಿಸ್ತಾನಕ್ಕೆ ಮಾಹಿತಿ!

ವಿಂಗ್ ಕಮಾಂಡರ್ ಪಾಕಿಸ್ತಾನದ ಗುಪ್ತಚರ ಏಜೆಂಟ್ ಜೊತೆ ರಾಷ್ಟ್ರೀಯ ಭದ್ರತೆಗೆ ಸಂಬಂಧಿಸಿದ ಗೌಪ್ಯ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ ಎಂದು ಆರೋಪಿಸಲಾಗಿದೆ. ಈ ದಾಖಲೆಗಳಲ್ಲಿ ಯುದ್ಧ ತಂತ್ರದ ವಿವರಗಳು, ಮಿಲಿಟರಿ ನೆಲೆಗಳ ಸ್ಥಳ, ಸೈನಿಕರ ಚಲನವಲನಗಳು, ಪ್ರಮುಖ ಮಿಲಿಟರಿ ಸ್ಥಾಪನೆಗಳ ನಿಖರವಾದ ನಿರ್ದೇಶಾಂಕಗಳು ಸೇರಿವೆ ಎಂದು ವರದಿಯಾಗಿದೆ.

ತನಿಖೆಯ ಬಗ್ಗೆ ತಿಳಿದಿರುವ ಮೂಲಗಳ ಪ್ರಕಾರ, ಆರೋಪಿ ಲೇಹ್‌ನಲ್ಲಿ ಫೈಟರ್ ಜೆಟ್‌ಗಳ ನಿಯೋಜನೆ ಮತ್ತು ರಾಜಸ್ಥಾನದ ಸೂರತ್‌ಗಢದಲ್ಲಿರುವ ಮಹಾಜನ್ ಫೀಲ್ಡ್ ಫೈರಿಂಗ್ ರೇಂಜ್‌ನಲ್ಲಿ ನಡೆಸಿದ ಮಿಲಿಟರಿ ವ್ಯಾಯಾಮಗಳಿಗೆ ಸಂಬಂಧಿಸಿದ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ ಎಂದು ಚಾರ್ಜ್‌ಶೀಟ್‌ನಲ್ಲಿ ವಿವರಿಸಲಾಗಿದೆ ಎಂದು ತಿಳಿದುಬಂದಿದೆ. ಒಂದು ವೇಳೆ ಈ ಮಾಹಿತಿಯನ್ನು ಶತ್ರು ದೇಶ ಪಡೆದಿದ್ದರೆ, ಮಿಲಿಟರಿ ಕಾರ್ಯಾಚರಣೆಗಳು ಮತ್ತು ಭದ್ರತೆಗೆ ಅಪಾಯಕಾರಿಯಾಗಿ ಪರಿಣಮಿಸಬಹುದು.

ಡ್ರೋನ್ ಘಟಕ, ಶಕ್ತಿ ಸಾಮರ್ಥ್ಯದ ವಿವರವೂ ಪಾಕಿಸ್ತಾನಕ್ಕೆ ರವಾನೆ!

ಈ ಪ್ರಕರಣದಲ್ಲಿ ಅತ್ಯಂತ ಗಂಭೀರವಾದ ಆರೋಪವೆಂದರೆ ಆರೋಪಿ ರಹಸ್ಯ ಡ್ರೋನ್ ಘಟಕಕ್ಕೆ ಸಂಬಂಧಿಸಿದ ಸೂಕ್ಷ್ಮ ಮಾಹಿತಿಯನ್ನು ಪಾಕಿಸ್ತಾನದ ಏಜೆಂಟ್‌ಗೆ ರವಾನಿಸಿದ್ದಾರೆ ಎಂದು ಆರೋಪಿಸಲಾಗಿದೆ. ಚಾರ್ಜ್‌ಶೀಟ್‌ನ ಪ್ರಕಾರ, ಇದರಲ್ಲಿ ಘಟಕದಲ್ಲಿ ನಿಯೋಜಿಸಲಾದ ಸಿಬ್ಬಂದಿಗಳ ಸಂಖ್ಯೆ, ಅದರ ಸಾಂಸ್ಥಿಕ ರಚನೆ, ಡ್ರೋನ್ ಪರೀಕ್ಷೆ, ಡ್ರೋನ್ ಹಾರಾಟದ ಸಾಮರ್ಥ್ಯಗಳು ಮತ್ತು ಶಸ್ತ್ರಾಸ್ತ್ರ ಗುರಿ ತಂತ್ರಗಳಿಗೆ ಸಂಬಂಧಿಸಿದ ಮಾಹಿತಿ ಸೇರಿವೆ ಎನ್ನಲಾಗಿದೆ.

ತನಿಖಾ ಸಂಸ್ಥೆಗಳು ಅಂತಹ ಮಾಹಿತಿಯು ಭಾರತದ ಪ್ರಮುಖ ಮಿಲಿಟರಿ ಸ್ವತ್ತುಗಳ ಭದ್ರತೆಗೆ ಅಪಾಯವನ್ನುಂಟುಮಾಡಬಹುದು ಮತ್ತು ಮಿಲಿಟರಿಯ ಸನ್ನದ್ಧತೆ ಮತ್ತು ಕಾರ್ಯಾಚರಣೆಗಳಲ್ಲಿನ ದೌರ್ಬಲ್ಯಗಳನ್ನು ಬಹಿರಂಗಪಡಿಸಬಹುದು ಎಂದು ಆರೋಪಿಸಿದೆ.

ರೈಡ್‌ಗೂ ಮುನ್ನವೇ ಪ್ರಯಾಣಿಕರಿಂದ ಟಿಪ್ಸ್ ಕೇಳುತ್ತಿದ್ದ ಓಲಾಗೆ 10 ಲಕ್ಷ ರೂಪಾಯಿ ದಂಡ

Kannadaprabha News — Sat, 14 Nov 2026 07:46:01 +0530

ಪ್ರಯಾಣಕ್ಕೂ ಮುನ್ನವೇ 'ಟಿಪ್ಸ್' ಅಥವಾ ಹೆಚ್ಚುವರಿ ಹಣ ಪಾವತಿಸಲು ಗ್ರಾಹಕರಿಗೆ ಒತ್ತಾಯಿಸಿದ ಕಾರಣಕ್ಕಾಗಿ ಓಲಾ ಸಂಸ್ಥೆಗೆ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರ ₹10 ಲಕ್ಷ ದಂಡ ವಿಧಿಸಿದೆ. ತಕ್ಷಣವೇ ಈ ಪದ್ಧತಿಯನ್ನು ನಿಲ್ಲಿಸುವಂತೆ ಆದೇಶಿಸಿದೆ.

ಪ್ರಯಾಣಕ್ಕೆ ವಾಹನ ಬುಕ್‌ ಮಾಡುವ ವೇಳೆಯೇ ಹೆಚ್ಚುವರಿ ಹಣ ಪಾವತಿಸುವಂತೆ ( ಟಿಪ್ಸ್‌) ಗ್ರಾಹಕರಿಗೆ ಕೋರುತ್ತಿದ್ದ ಕಾರಣಕ್ಕೆ ಕೇಂದ್ರ ಗ್ರಾಹಕ ರಕ್ಷಣಾ ಪ್ರಾಧಿಕಾರ (ಸಿಸಿಪಿಎ) ಓಲಾ ಸಂಸ್ಥೆಗೆ ₹10 ಲಕ್ಷ ದಂಡ ವಿಧಿಸಿದೆ.

ಪ್ರಿ-ರೈಡ್ ಟಿಪ್ ಅಥವಾ ಆಡ್-ಆನ್ ಫೀಚರ್‌ ಗ್ರಾಹಕರನ್ನು ದಾರಿ ತಪ್ಪಿಸುತ್ತದೆ. ಇದು ಅನ್ಯಾಯದ ವ್ಯಾಪಾರ ಪದ್ಧತಿಗೆ ಸಮನಾಗಿರುತ್ತದೆ ಎಂದು ಪ್ರಾಧಿಕಾರ ಹೇಳಿದೆ. ‘ಪ್ರಯಾಣ ಪೂರ್ಣಗೊಳ್ಳುವ ಮೊದಲು, ಮುಂಗಡ ದರಕ್ಕಿಂತ ಹೆಚ್ಚಿನ ಪಾವತಿಯನ್ನು ಕೋರುವ ಎಲ್ಲಾ ಸಂದೇಶಗಳನ್ನು ತಕ್ಷಣವೇ ನಿಲ್ಲಿಸಿ’ ಸಿಸಿಪಿಎ ಆದೇಶಿಸಿದೆ.

ಪ್ರಯಾಣಿಕರು ಆ್ಯಪ್‌ನಲ್ಲಿ ರೈಡ್‌ ಬುಕ್ಕಿಂಗ್‌ ಮಾಡಿಕೊಳ್ಳುವ ವೇಳೆ ವೇಗದ ಬುಕ್ಕಿಂಗ್‌ಗೆ ಹೆಚ್ಚುವರಿ ಹಣವನ್ನು ಪಾವತಿಸುವಂತೆ ಪ್ರೇರೇಪಿಸುವ ಟಿಪ್ಸ್‌ ಸಂದೇಶ ಆ್ಯಪ್‌ನಲ್ಲಿ ಕಾಣಿಸಿಕೊಳ್ಳುತ್ತದೆ. ಓಲಾ ಆ ಬಳಿಕ ಟಿಪ್‌ ಅನ್ನು ಆ್ಯಡ್‌ ಆನ್‌ ಎಂದು ಮರುನಾಮಕರಣ ಮಾಡಿತು.

ಹೆಸರು ಬದಲಿಸುವ ಮೂಲಕ ಪ್ರಯಾಣಿಕರಿಂದ ಹೆಚ್ಚುವರಿ ಹಣಕ್ಕೆ ಬೇಡಿಕೆಯಿಟ್ಟಿರುವುದನ್ನು ನಿಲ್ಲಿಸಿರಲಿಲ್ಲ. ಹಾಗಾಗಿ ಇದನ್ನು ಪರಿಶೀಲಿಸಿದ ಸಿಸಿಪಿಎ ದಂಡ ವಿಧಿಸಿ ತಕ್ಷಣವೇ ಈ ಪದ್ಧತಿ ನಿಲ್ಲಿಸುವಂತೆ ಸೂಚಿಸಿದೆ. ಮೊದಲೇ ನಿಗದಿಪಡಿಸಿದ ಪ್ರಯಾಣ ದರಕ್ಕಿಂತ ಹೆಚ್ಚಿನ ಹಣವನ್ನು ಪಾವತಿಸುವಂತೆ ಅನ್ಯ ಮಾರ್ಗ ಬಳಸಿ ಒತ್ತಾಯಿಸ ಕೂಡದು ಎಂದು ಕಟ್ಟುನಿಟ್ಟಿನ ಸೂಚನೆ ಸಹ ನೀಡಿದೆ.

ಹೊಸ ಆಟೋಗಳಿಗೆ ಪರ್ಮಿಟ್ ಕೊಡೋದನ್ನ ನಿಲ್ಲಿಸಿ: ಜಿಲ್ಲಾಧಿಕಾರಿಗಳಿಗೆ ಚಾಲಕರಿಂದ ಮನವಿ

Kannadaprabha News — Sat, 14 Nov 2026 07:33:09 +0530

ದಾವಣಗೆರೆ: ದಾವಣಗೆರೆ ಜಿಲ್ಲಾ ಕೇಂದ್ರದಲ್ಲಿ ಮಿತಿಮೀರಿ ಆಟೋ ರಿಕ್ಷಾಗಳಿದ್ದರೂ ಮತ್ತೆ ಹೊಸದಾಗಿ ಆಟೋ ರಿಕ್ಷಾಗಳಿಗೆ ಹೊಸ ಪರ್ಮಿಟ್ ನೀಡುತ್ತಿರುವುದನ್ನು ಖಂಡಿಸಿ ನಗರದಲ್ಲಿ ಶುಕ್ರವಾರ ಕರ್ನಾಟಕ ಚಾಲಕರ ಒಕ್ಕೂಟ ಹಾಗೂ ಸ್ಮಾರ್ಟ್ ಸಿಟಿ ಆಟೋ ಚಾಲಕ ಮತ್ತು ಮಾಲೀಕರ ಸಂಘಗಳ ನೇತೃತ್ವದಲ್ಲಿ ಶುಕ್ರವಾರ ಆಟೋ ಚಾಲಕರು ಹೊಟ್ಟೆಗೆ ಬಟ್ಟೆ ಕಟ್ಟಿಕೊಂಡು ಸಾಂಕೇತಿಕವಾಗಿ ವಿನೂತನ ಪ್ರತಿಭಟನೆ ನಡೆಸಿದರು.

ನಗರದ ಜಿಲ್ಲಾಡಳಿತ ಭವನದ ಎದುರು ಉಭಯ ಸಂಘಟನೆಗಳ ಪದಾಧಿಕಾರಿಗಳ ನೇತೃತ್ವದಲ್ಲಿ ಆಟೋ ರಿಕ್ಷಾ ಚಾಲಕರು ತಮ್ಮ ಹೊಟ್ಟೆಗೆ ಬಟ್ಟೆ ಕಟ್ಟಿಕೊಂಡು ವಿನೂತನವಾಗಿ ಪ್ರತಿಭಟನೆ ನಡೆಸಿ, ಜಿಲ್ಲಾ ಕೇಂದ್ರದಲ್ಲಿ ಹೊಸದಾಗಿ ಆಟೋ ರಿಕ್ಷಾ ಪರವಾನಗಿ ನೀಡದಂತೆ ಒತ್ತಾಯಿಸಿ ಅಪರ ಜಿಲ್ಲಾಧಿಕಾರಿ ಶೀಲವಂತ ಶಿವಕುಮಾರಗೆ ಮನವಿ ಅರ್ಪಿಸಿದರು.

ಒಕ್ಕೂಟದಿಂದ ಜಿಲ್ಲಾಡಳಿತಕ್ಕೆ ನಿರಂತರ ಮನವಿ

ಇದೇ ವೇಳೆ ಮಾತನಾಡಿದ ಒಕ್ಕೂಟದ ಜಿಲ್ಲಾಧ್ಯಕ್ಷ ಪಿ.ಬಿ.ಅಂಜುಕುಮಾರ, ಹೊಸ ಆಟೋ ರಿಕ್ಷಾಗಳಿಗೆ ಪರ್ಮಿಟ್ ನೀಡದಂತೆ ಅನೇಕ ವರ್ಷದಿಂದಲೂ ಒಕ್ಕೂಟದಿಂದ ಜಿಲ್ಲಾಡಳಿತಕ್ಕೆ ನಿರಂತರ ಮನವಿ ಮಾಡುತ್ತಾ ಬಂದಿದ್ದರೂ, ಹೊಸದಾಗಿ ಪರ್ಮಿಟ್ ನೀಡಲಾಗುತ್ತಿದೆ. ದಾವಣಗೆರೆಯಲ್ಲಿ ಮಿತಿ ಮೀರಿದ ಸಂಖ್ಯೆಯಲ್ಲಿ ಆಟೋ ರಿಕ್ಷಾಗಳಿದ್ದು, ದಿನದಿನಕ್ಕೂ ಹೊಸ ಪರ್ಮಿಟ್ ಪಡೆದ ಆಟೋ ರಿಕ್ಷಾಗಳೂ ರಸ್ತೆಗಿಳಿಯುತ್ತಿವೆ ಎಂದರು.

ಈಗಿರುವ ಆಟೋ ರಿಕ್ಷಾಗಳ ಚಾಲಕರಿಗೆ ಬಾಡಿಗೆ ಇಲ್ಲದೇ ಜೀವನ ಕಷ್ಟವಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ಮತ್ತೆ ಮತ್ತೆ ಹೊಸ ಆಟೋ ರಿಕ್ಷಾಗಳಿಗೆ ಪರ್ಮಿಟ್ ನೀಡುತ್ತಿರುವುದರಿಂದ ತೀವ್ರ ತೊಂದರೆಯಾಗುತ್ತಿದೆ. ಆಟೋ ಚಾಲಕರಿಗೆ ಡ್ರೈವರ್ ಡಿಸ್‌ಪ್ಲೇ ಜಾರಿಗೊಳಿಸುವಂತೆ ಹಿಂದಿನಿಂದಲೂ ಮನವಿ ಮಾಡಿದರೂ ಸಂಬಂಧಿಸಿದ ಇಲಾಖೆ ಗಮನ ಹರಿಸುತ್ತಿಲ್ಲ. ದಾವಣಗೆರೆಯಲ್ಲಿ ಆಟೋ ಚಾಲಕರಿಗೆ ಡ್ರೈವರ್ ಡಿಸ್‌ಪ್ಲೇ ಕಡ್ಡಾಯವಿಲ್ಲದ ಕಾರಣ ಸಮಸ್ಯೆ ಉಲ್ಭಣಿಸುತ್ತಿದೆ ಎಂದು ದೂರಿದರು.

ದಿನದಿಂದ ದಿನಕ್ಕೆ ಆಟೋ ಚಾಲಕರ ಸಂಖ್ಯೆ ಹೆಚ್ಚಳ

ವಿವಿಧ ವ್ಯಾಪಾರಸ್ಥರು, ಕೂಲಿ ಕಾರ್ಮಿಕರು ಸೇರಿದಂತೆ ಅನೇಕರು ಆಟೋ ರಿಕ್ಷಾ ಚಾಲನೆ ಮಾಡುತ್ತಿದ್ದು, ಸಂಚಾರಿ ನಿಯಮಗಳ ಅರಿವಿಲ್ಲದೇ ಜಿಲ್ಲಾ ಕೇಂದ್ರದಲ್ಲಿ ಆಟೋ ಚಲಾಯಿಸುತ್ತಿರುವವರ ಸಂಖ್ಯೆ ಹೆಚ್ಚುತ್ತಿದೆ. ಇದರಿಂದ ನೈಜ ಆಟೋ ರಿಕ್ಷಾ ಚಾಲಕರಿಗೆ ತೀವ್ರ ತೊಂದರೆಯಾಗುತ್ತಿದೆ. ತಕ್ಷಣವೇ ಆಟೋ ಚಾಲಕರಿಗೆ ಡಿಸ್‌ಪ್ಲೇ ಕಾರ್ಡ್ ಜಾರಿಗೊಳಿಸಲಿ. ಹೊಸ ಆಟೋಗಳಿಗೆ ಪರ್ಮಿಟ್ ನೀಡುವುದನ್ನು ನಿಲ್ಲಿಸಬೇಕು. ತಿಂಗಳಿಗೊಂದರಂತೆ ಈಗಾಲೇ ನಾಲ್ಕು ಮನವಿ ನೀಡಿದ್ದರೂ ಆಡಳಿತ ಯಂತ್ರ ಸ್ಪಂದಿಸಿಲ್ಲ ಎಂದು ದೂರಿದರು.

ಹೊಟ್ಟೆಗೆ ತಣ್ಣೀರು ಬಟ್ಟೆ ಕಟ್ಟಿಕೊಂಡು ಧರಣಿ ನಡೆಸುವ ಎಚ್ಚರಿಕೆ

ಆಟೋ ರಿಕ್ಷಾ ಚಾಲಕರು ಇಂದು ಸಂಪಾದನೆ ಇಲ್ಲದೇ, ಜೀವನ ನಡೆಸುವುದೇ ದುಸ್ತರವಾಗುತ್ತಿದೆ. ನಮ್ಮ ಸಂಕಷ್ಟ, ಸಮಸ್ಯೆ ಬಗ್ಗೆ ಜಿಲ್ಲಾಡಳಿತ, ಸರ್ಕಾರದ ಗಮನ ಸೆಳೆಯಲು ನಮ್ಮ ಹೊಟ್ಟೆಗೆ ಬಟ್ಟೆ ಕಟ್ಟಿಕೊಂಡು ಮನವಿ ಸಲ್ಲಿಸುತ್ತಿದ್ದೇವೆ. ನಮ್ಮ ಆರ್ಥಿಕ ಪರಿಸ್ಥಿತಿ ಹೇಗಿದೆಯೆಂಬುದನ್ನು ಜಿಲ್ಲಾಡಳಿತ ಅರಿಯಲಿ. ಹೊಸ ಆಟೋಗಳಿಗೆ ಪರ್ಮಿಟ್ ನೀಡುವುದನ್ನು ನಿಲ್ಲಿಸಲಿ. ಪ್ರಾಮಾಣಿಕ ಆಟೋ ಚಾಲಕರು ಮತ್ತು ಪ್ರಯಾಣಿಕರಿಗೆ ಅನುಕೂಲವಾಗಲು ಚಾಲಕರ ಡಿಸ್‌ಪ್ಲೇ ಜಾರಿಗೊಳಿಸಲಿ. ಇಲ್ಲದಿದ್ದರೆ ಮುಂದಿನ ದಿನಗಳಲ್ಲಿ ಡಿಸಿ ಕಚೇರಿ ಬಳಿ ಹೊಟ್ಟೆಗೆ ತಣ್ಣೀರು ಬಟ್ಟೆ ಕಟ್ಟಿಕೊಂಡು, ಧರಣಿ ನಡೆಸುವುದಾಗಿ ಪಿ.ಬಿ.ಅಂಜುಕುಮಾರ ಎಚ್ಚರಿಸಿದರು.

ಒಕ್ಕೂಟದ ರಾಜ್ಯ ಸಂಚಾಲಕ ಡಿ.ಆರ್‌.ಅರವಿಂದಾಕ್ಷ, ಪ್ರಧಾನ ಕಾರ್ಯದರ್ಶಿ ಜಿ.ರಾಘವೇಂದ್ರ, ಉಪಾಧ್ಯಕ್ಷ ವೀರೇಶ, ಕಾರ್ಯದರ್ಶಿ ಟಿ.ಎಂ.ಮಂಜುನಾಥ, ಸ್ಮಾರ್ಟ್ ಸಿಟಿ ಆಟೋ ಚಾಲಕ ಮತ್ತು ಮಾಲೀಕರ ಸಂಘದ ಅಧ್ಯಕ್ಷ ಎಚ್.ಅಣ್ಣಪ್ಪ ಸ್ವಾಮಿ, ಪ್ರಧಾನ ಕಾರ್ಯದರ್ಶಿ ಎಸ್.ಎಂ.ಕೊಟ್ರೇಶ, ಖಜಾಂಚಿ ಎಚ್.ಆರ್.ರಾಘವೇಂದ್ರ, ವಿಜಯ ಇತರರು ಇದ್ದರು.

ದಾವಣಗೆರೆಯಲ್ಲಿ ಶುಕ್ರವಾರ ಕರ್ನಾಟಕ ಚಾಲಕರ ಒಕ್ಕೂಟ, ಸ್ಮಾರ್ಟ್ ಸಿಟಿ ಆಟೋ ಚಾಲಕ ಮತ್ತು ಮಾಲೀಕರ ಸಂಘದಿಂದ ಅಪರ ಜಿಲ್ಲಾಧಿಕಾರಿ ಶೀಲವಂತ ಶಿವಕುಮಾರ ಅವರಿಗೆ ಮನವಿ ಸಲ್ಲಿಸಲಾಯಿತು.

ಪಿಎಂ ಮೋದಿ ನನ್ನ ಫೋನ್ ಟ್ಯಾಪ್ ಮಾಡಿದ್ದರ ಬಗ್ಗೆ ಸಾಕ್ಷ್ಯಗಳಿವೆ: ರಾಹುಲ್ ಗಾಂಧಿ ಆರೋಪ

Kannadaprabha News — Sat, 14 Nov 2026 07:23:22 +0530

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ವಿರುದ್ಧದ ತಮ್ಮ ವಾಗ್ದಾಳಿ ಮತ್ತಷ್ಟು ತೀವ್ರಗೊಳಿಸಿರುವ ಲೋಕಸಭೆಯ ವಿಪಕ್ಷ ನಾಯಕ ರಾಹುಲ್‌ ಗಾಂಧಿ, ‘ಪ್ರಧಾನಿ ಮೋದಿ ನನ್ನ ಮೊಬೈಲ್‌ ಟ್ಯಾಪ್‌ ಮಾಡಿಸಿದ್ದಾರೆ. ಈ ಬಗ್ಗೆ ನನ್ನ ಬಳಿ ಸಾಕ್ಷ್ಯಗಳಿವೆ. ಒಂದು ವೇಳೆ ಅವರು ನನ್ನೊಂದಿಗೆ ಮುಖಾಮುಖಿ ಚರ್ಚೆಗೆ ಬಂದರೆ, ಅದರ ಬಳಿಕ ಅವರ ರಾಜಕೀಯ ಜೀವನವೇ ಅಂತ್ಯವಾಗಲಿದೆ ಎಂದು ಹೇಳಿದ್ದಾರೆ.

ಇನ್‌ಸ್ಟಾಗ್ರಾಂನಲ್ಲಿ ಹಮ್ಮಿಕೊಂಡಿದ್ದ ‘ಆಸ್ಕ್‌ ಮಿ’ ಸಂವಾದ ಕಾರ್ಯಕ್ರಮದಲ್ಲಿ ‘ಬಿಜೆಪಿ ನಿರಾಕರಣೆ ಹೊರತಾಗಿಯೂ ನೀವೇಕೆ ಮೋದಿ ಅವರೊಂದಿಗೆ ಬಹಿರಂಗ ಚರ್ಚೆಗೆ ಪಟ್ಟು ಹಿಡಿದಿದ್ದೀರಿ’ ಎಂಬ ಪ್ರಶ್ನೆ ಕೇಳಲಾಗಿತ್ತು. ಅದಕ್ಕೆ ಉತ್ತರ ನೀಡಿದ ರಾಹುಲ್‌, ‘ಸಂಸತ್ತಿನಲ್ಲಿ ನನಗೆ ಮಾತನಾಡಲು ಅವಕಾಶ ನೀಡುತ್ತಿಲ್ಲ. ಕೃಷಿ ಮಸೂದೆ, ಮತಚೋರಿ, ಎಸ್‌ಐಆರ್‌, ಚೀನಾ, ಎಪ್‌ಸ್ಟೀನ್‌ ಸೇರಿದಂತೆ ಯಾವುದೇ ವಿಷಯಗಳನ್ನು ಮಾತನಾಡಲು ಬಿಡಲಿಲ್ಲ. ನನ್ನ ಮೈಕ್ರೋಫೋನ್‌ ಅನ್ನು ಆಫ್‌ ಮಾಡಲಾಗುತ್ತದೆ. ಹೀಗಾಗಿ ನಾನು ಮೋದಿ ಅವರೊಂದಿಗೆ ಮುಖಾಮುಖಿ ಚರ್ಚೆ ಬಯಸಿದ್ದೇನೆ. ಅಲ್ಲಿ ಟೇಬಲ್‌ನ ಒಂದು ಬದಿಯಲ್ಲಿ ನಾನು ಕುಳಿತಿರುತ್ತೇನೆ, ಮತ್ತೊಂದು ಬದಿಯಲ್ಲಿ ಮೋದಿ ಕುಳಿತಿರಲಿ. ಅಲ್ಲಿ ಅವರು ನನ್ನ ಮೇಲೆ ಆರೋಪ ಮಾಡಲಿ, ನಾನು ಅವರ ಮೇಲೆ ಪ್ರತ್ಯಾರೋಪ ಮಾಡುತ್ತೇನೆ. ಇದಕ್ಕೆ ಜಡ್ಜ್‌ ಆಗಿ ಬೇಕಿದ್ದರೆ ಅದಾನಿ ಸಮೂಹದ ಮುಖ್ಯಸ್ಥ ಗೌತಮ್ ಅದಾನಿ ಅಥವಾ ಆರ್‌ಎಸ್‌ಎಸ್‌ ಮುಖ್ಯಸ್ಥ ಮೋಹನ್‌ ಭಾಗವತ್‌ ಅವರನ್ನೇ ನೇಮಿಸಲಿ. ಅದಕ್ಕೆ ನನ್ನ ಅಭ್ಯಂತರವೇನೂ ಇಲ್ಲ. ಆದರೆ ಒಂದಂದೂ ಖಚಿತ. ಇಂಥದ್ದೊಂದು ಚರ್ಚೆ ಮುಕ್ತಾಯದ ಬಳಿಕ ಮೋದಿ ಪ್ರಧಾನಿಯಾಗಿ ಮುಂದುವರೆಯುವುದಿಲ್ಲ’ ಎಂದು ಸವಾಲು ಹಾಕಿದರು.

ಎಲ್ಲಾ ಸಾಕ್ಷ್ಯಗಳು ನನ್ನ ಬಳಿ ಇವೆ

ಇದೇ ವೇಳೆ ಮತ್ತೊಂದು ಪ್ರಶ್ನೆಗೆ ಉತ್ತರಿಸಿದ ರಾಹುಲ್‌, ‘ಮೋದಿ ನನ್ನ ಮೊಬೈಲ್‌ ಟ್ಯಾಪ್ ಮಾಡಿಸಿದ್ದಾರೆ. ಅದಕ್ಕೆ ಬೇಕಾದ ಎಲ್ಲಾ ಸಾಕ್ಷ್ಯಗಳು ನನ್ನ ಬಳಿ ಇವೆ. ನಮ್ಮಿಬ್ಬರ ನಡುವೆ ಮುಖಾಮುಖಿ ಚರ್ಚೆ ಆದರೆ ಯಾರು ವಿದೇಶಿ ಶಕ್ತಿಗಳಿಂದ ನಿಯಂತ್ರಿಸಲ್ಪಡುತ್ತಿದ್ದಾರೆ, ಯಾರು ದೇಶದ್ರೋಹಿಗಳು ಎಂಬುದು ಸಾಬೀತಾಗುತ್ತದೆ. ನನ್ನ ಮೊಬೈಲ್‌ನಲ್ಲಿ ಇದಕ್ಕೆ ಬೇಕಾದ ಎಲ್ಲಾ ಸಾಕ್ಷ್ಯಗಳಿವೆ’ ಎಂದು ಹೇಳಿದ್ದಾರೆ.

ಜೊತೆಗೆ, ‘ನೀವು ಅವರ ಮುಖವನ್ನು ಗಮನಿಸಿದ್ದೀರಿ. ಅಲ್ಲೊಂದು ರೀತಿಯಲ್ಲಿ ಭಯ ಕಾಣಿಸುತ್ತಿದೆ. ಏಕೆಂದರೆ ನನಗೆ ಏನು ಗೊತ್ತಿದೆ ಎಂಬುದು ಅವರಿಗೂ ಗೊತ್ತಾಗಿದೆ. ಹೀಗಾಗಿಯೇ ಅವರು ಇತ್ತೀಚೆಗೆ ನನ್ನ ಬಗ್ಗೆ ಯಾವುದೇ ಹೇಳಿಕೆ ನೀಡುತ್ತಿಲ್ಲ, ನನ್ನ ವಿರುದ್ಧ ವಾಗ್ದಾಳಿ ನಡೆಸುತ್ತಿಲ್ಲ, ಅವರು ಅತ್ಯಂತ ಜಾಗರೂಕವಾಗಿದ್ದಾರೆ, ಅದಕ್ಕೆಲ್ಲಾ ಒಂದು ಕಾರಣವಿದೆ’ ಎಂದು ರಾಹುಲ್‌ ಹೇಳಿದ್ದಾರೆ.

ಅಮೆರಿಕ ಏರ್‌ಪೋರ್ಟ್‌ನಲ್ಲಿ ನಿಂತಲ್ಲೇ ನಿಂತ 11000 ಸಾವಿರ ವಿಮಾನಗಳು! ಏನು ಆಗ್ತಿದೆ ಅಲ್ಲಿ? ಮತ್ತೊಂದು ದಾಳಿ ಭೀತಿ?

Ravi Janekal — Sat, 14 Nov 2026 06:57:54 +0530

ಅಮೆರಿಕ (ನ.14): ವಾಯು ಸಂಚಾರ ನಿಯಂತ್ರಣ ಕೇಂದ್ರಗಳ ನಡುವಿನ ಸಂವಹನ ವ್ಯವಸ್ಥೆಯಲ್ಲಿ ತಾಂತ್ರಿಕ ಸಮಸ್ಯೆಯಾಗಿರುವ ಹಿನ್ನೆಲೆ ದೇಶಾದ್ಯಂತ 11000 ಕ್ಕೂ ಹೆಚ್ಚು ವಿಮಾನಗಳ ಹಾರಾಟಕ್ಕೆ ತತ್ಕಾಲಿಕ ತಡೆ ನೀಡಿ ಅಮೆರಿಕದ ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್ (FAA) ಈ ಮಹತ್ವದ ಆದೇಶ ಹೊರಡಿಸಿದೆ.

ಅಮೆರಿಕದಲ್ಲಿ ದೇಶಾದ್ಯಂತ 11000 ವಿಮಾನಗಳ ಹಾರಾಟ ರದ್ದು

ಆದೇಶದಲ್ಲಿ ಉಲ್ಲೇಖಿಸಿರುವಂತೆ ವಾಯು ಸಂಚಾರ ನಿಯಂತ್ರಣ ವ್ಯವಸ್ಥೆಯಲ್ಲಿನ ತೊಂದರೆ, ಹಾಗೂ ಸುರಕ್ಷತಾ ದೃಷ್ಟಿಯಿಂದ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ತಿಳಿಸಿದೆ. ಸಾರಿಗೆ ಸಚಿವ ಸೀನ್ ಡಫಿ ಈ ಬಗ್ಗೆ ಪ್ರತಿಕ್ರಿಯಿಸಿದ್ದು ಮುಂದಿನ ಸೂಚನೆ ನೀಡುವವರೆಗೂ ಎಲ್ಲ ವಿಮಾನ ನಿಲ್ದಾಣಗಳಲ್ಲಿನ ವಿಮಾನಗಳನ್ನು ಲ್ಯಾಂಡ್ ಮಾಡಿರುವಂತೆ ಸೂಚಿಸಿದೆ.

ಈ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಮಾಹಿತಿ ಹಂಚಿಕೊಂಡಿರುವ ಸಾರಿಗೆ ಸಚಿವ ಸೀನ್ ಡಫಿ ಅವರು, ತಾಂತ್ರಿಕ ಸಮಸ್ಯೆ ಬಗ್ಗೆ ಸಿಬ್ಬಂದಿ ತನಿಖೆ ನಡೆಸುತ್ತಿದ್ದಾರೆ. ಹೆಚ್ಚಿನ ಮಾಹಿತಿ ಬರುವವರೆಗೆ ಕಾಯುವಂತೆ ಪ್ರಯಾಣಿಕರಿಗೆ ತಿಳಿಸಿದ್ದು ಶೀಘ್ರದಲ್ಲೇ ಸಮಸ್ಯೆ ಬಗೆಹರಿಸುವ ಬಗ್ಗೆ ಹೇಳಿದ್ದಾರೆ. ಹೆಚ್ಚಿನ ಮಾಹಿತಿ ಸಿಕ್ಕ ಬಳಿಕ ಮಾಹಿತಿ ನೀಡಲಾಗುವುದು ಅಲ್ಲಿಯವರೆಗೆ ಸಹಕರಿಸುವಂತೆ ಸಾರ್ವಜನಿಕರಿಗೆ ಮನವಿ ಮಾಡಿದ್ದಾರೆ.

ಇನ್ನು ಅಮೆರಿಕದ ಗೃಹ ಭದ್ರತಾ ಸಚಿವ ಮಾರ್ಕ್‌ವೇನ್ ಮುಲ್ಲಿನ್ ಕೂಡ ಈ ಬಗ್ಗೆ ಪ್ರತಿಕ್ರಿಯಿಸಿದ್ದು, ಎಫ್‌ಎಎ ಸಂವಹನ ವ್ಯವಸ್ಥೆಯಲ್ಲಿ ಉಂಟಾದ ಈ ಸಮಸ್ಯೆಯಿಂದಾಗ ದೇಶಾದ್ಯಂತ ವಿಮಾನ ಹಾರಾಟ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲು ಕಾರಣ ಎಂದು ತಿಳಿಸಿದ್ದಾರೆ ಎಂದು

ಇದು ಅಮೆರಿಕದ ಜನರಿಗೆ ಯಾವುದೇ ಸುರಕ್ಷತಾ ಬೆದರಿಕೆಯಲ್ಲ. 9/11ರಂತಹ ಮತ್ತೊಂದು ದಾಳಿಯೂ ಇದಲ್ಲ ಎಂದು ಅವರು ಭರವಸೆ ನೀಡಿದ್ದಾರೆ. ಈ ಘಟನೆಯನ್ನು 9/11 ದಾಳಿಗೆ ಹೋಲಿಕೆ ಮಾಡಲಾಗುತ್ತಿದೆ. ಆದರೆ, ಅಂತಹ ಆತಂಕ ಪಡುವ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ. ಯುಎಸ್‌ಎ ಟುಡೇ ವರದಿ ಮಾಡಿದೆ.

ಇದು ಉದ್ದೇಶಪೂರ್ವಕವಾಗಿ ನಡೆಸಿರುವ ದಾಳಿಯಾಗಿರಬಹುದೇ ಎಂಬುದಕ್ಕೆ ಯಾವುದೇ ಪುರಾವೆ ಇಲ್ಲ. ಆದ್ರೂ ಮುಂಜಾಗ್ರತ ಕ್ರಮವಾಗಿ ಸಂಚಾರ ವ್ಯವಸ್ಥೆ ಸ್ಥಗಿತಗೊಳಿಸಲಾಗಿದೆ ಎಂದು ಮುಲ್ಲಿನ್ ತಿಳಿಸಿದ್ದಾರೆ.

ಫ್ಲೈಟ್ ರಾಡಾರ್‌ನಲ್ಲಿ ತಾಂತ್ರಿಕ ಸಮಸ್ಯೆ:

ವಿಮಾನಗಳ ಹಾರಾಟದ ಮಾಹಿತಿ ನೀಡುವ ಫ್ಲೈಟ್‌ರಾಡಾರ್24(Flightradar24) ಸಂಸ್ಥೆಯೂ ಉಪಕರಣಗಳಲ್ಲಿನ ತಾಂತ್ರಿಕ ದೋಷದಿಂದಾಗಿ ಎಫ್‌ಎಎ ಈ ಆದೇಶ ಹೊರಡಿಸಿದೆ. ಅಮೆರಿಕದ ರಾಷ್ಟ್ರೀಯ ವಾಯುಪ್ರದೇಶ ವ್ಯವಸ್ಥೆಯ ವಿವಿಧ ಆವರ್ತನಗಳಲ್ಲಿಯೂ (ಫ್ರೀಕ್ವೆನ್ಸಿ) ಸಮಸ್ಯೆ ಕಾಣಿಸಿಕೊಂಡಿದೆ ಎಂದು ಎಫ್‌ಎಎ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ. ಆದರೆ ಈಗಾಗಲೇ ಆಕಾಶದಲ್ಲಿ ಹಾರಾಟ ನಡೆಸುತ್ತಿರುವ ವಿಮಾನಗಳನ್ನು ತಕ್ಷಣವೇ ಕೆಳಗಿಳಿಸುವಂತೆ ಯಾವುದೇ ಆದೇಶ ನೀಡಿಲ್ಲ. ಅಮೆರಿಕದತ್ತ ಪ್ರಯಾಣಿಸುತ್ತಿರುವ ಅಂತರರಾಷ್ಟ್ರೀಯ ವಿಮಾನಗಳ ಬಗ್ಗೆ ಆಯಾ ಸಂದರ್ಭಕ್ಕೆ ಅನುಗುಣವಾಗಿ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಎಫ್‌ಎಎ ತಿಳಿಸಿದೆ.

The Federal Aviation Administration (FAA) has issued a nationwide ground stop for all U.S. airports following a major communication issue impacting all Air Route Traffic Control Centres (ARTCCs).

On X, U.S. Transportation Secretary Sean Duffy said, "The Federal Aviation Administration issued a nationwide ground stop for all U.S. airports following a communication issue impacting all Air Route Traffic Control Centers. FAA technicians are investigating the issue. We will provide immediate updates as we have them."

— ANI (@ANI) November 13, 2026

ಬಂಗಾಳಕೊಲ್ಲಿಯಲ್ಲಿ ವಾಯುಭಾರ ಕುಸಿತ; ಕರಾವಳಿಗೆ ಬರ್ತಿದೆ ದುಷ್ಟ ಶಕ್ತಿಯ ಚಂಡಮಾರುತ

Kannadaprabha News — Sat, 14 Nov 2026 07:14:46 +0530

ಬಂಗಾಳಕೊಲ್ಲಿಯಲ್ಲಿ 'ಅಕ್ವನ್' ಎಂಬ ಮೂರನೇ ಚಂಡಮಾರುತ ಸೃಷ್ಟಿಯಾಗುತ್ತಿದ್ದು, ನವೆಂಬರ್ 16ರಂದು ಆಂಧ್ರ ಮತ್ತು ಒಡಿಶಾ ಕರಾವಳಿಗೆ ಅಪ್ಪಳಿಸುವ ಸಾಧ್ಯತೆ ಇದೆ. ಇದರಿಂದ ಗುಡುಗು-ಸಿಡಿಲು ಸಹಿತ ಭಾರೀ ಮಳೆಯಾಗುವ ಮುನ್ನೆಚ್ಚರಿಕೆ ನೀಡಲಾಗಿದೆ.

ಅರ್ನಬ್‌ ಮತ್ತು ಮುರುಸು ಬಳಿಕ ಇದೀಗ ಅಕ್ವನ್‌ (ದುಷ್ಟ ಶಕ್ತಿ) ಹೆಸರಿನ ಮೂರನೇ ಚಂಡಮಾರುತ ಬಂಗಾಳಕೊಲ್ಲಿಯಲ್ಲಿ ಸೃಷ್ಟಿಯಾಗುತ್ತಿದ್ದು, ನ.16ರಂದು ಆಂಧ್ರ ಮತ್ತು ಒಡಿಶಾ ಕರಾವಳಿಗೆ ಅಪ್ಪಳಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಸದ್ಯ ಹವಾಮಾನ ಇಲಾಖೆಯು ಬಂಗಾಳ ಕೊಲ್ಲಿಯಲ್ಲಿ ಸೃಷ್ಟಿಯಾಗಿರುವ ವಾಯುಭಾರ ಕುಸಿತದ ಮೇಲೆ ಕಣ್ಣಿಟ್ಟಿದ್ದು, ಒಂದು ವೇಳೆ ಅದು ಚಂಡಮಾರುತವಾಗಿ ರೂಪಾಂತರಗೊಂಡರೆ ನ.16ರ ಸಂಜೆ ವೇಳೆ ಉತ್ತರ ಆಂಧ್ರ ಮತ್ತು ದಕ್ಷಿಣ ಒಡಿಶಾ ಕರಾವಳಿಯನ್ನು ಅಪ್ಪಳಿಸುವ ಸಾಧ್ಯತೆ ಇದೆ.

ತಮಿಳುನಾಡನ್ನು ದಾಟಿಕೊಂಡು ಆಂಧ್ರ ಮತ್ತು ಒಡಿಶಾ ಕರಾವಳಿಯನ್ನು ಈ ಚಂಡಮಾರುತ ಅಪ್ಪಳಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ. ಚಂಡ ಮಾರುತ ಹಿನ್ನೆಲೆಯಲ್ಲಿ ಗಂಟೆಗೆ 30-40 ಕಿ.ಮೀ. ವೇಗದಲ್ಲಿ ಗುಡುಗು-ಸಿಡಿಲು ಸಹಿತ ಆಂಧ್ರ ಮತ್ತು ಒಡಿಶಾ ಕರಾವಳಿಯಲ್ಲಿ ಭಾರೀ ಮಳೆಯಾಗುವ ನಿರೀಕ್ಷೆ ಇದೆ.

ಉತ್ತರ ಆಂಧ್ರ ಕರಾವಳಿ ಮಾತ್ರವಲ್ಲದೆ, ಒಡಿಶಾದ ಬಾಲಾಸೋರ್‌, ಕೇಂದ್ರಾಪುರ, ಕಟಕ್‌ ಸೇರಿ ಹಲವೆಡೆ ಭಾರೀ ಮಳೆ ನಿರೀಕ್ಷಿಸಲಾಗಿದೆ. ಈ ಹಿನ್ನೆಲೆಯಲ್ಲಿ ಪೂರ್ವಕರಾವಳಿಯಲ್ಲಿ ಮೀನುಗಾರರಿಗೆ ಕಡಲಿಗಿಳಿಯದಂತೆ ಮುನ್ನೆಚ್ಚರಿಕೆ ನೀಡಲಾಗಿದೆ.

ಇಂದಿನ ಜಾತಕ ನವೆಂಬರ್ 14: ಈ ನಾಲ್ಕು ರಾಶಿಗೆ ಅದೃಷ್ಟ ಅನುಕೂಲಕರ, ಇಂದು ಪ್ರತಿಯೊಂದು ಕೆಲಸದಲ್ಲೂ ಉತ್ತಮ ಯಶಸ್ಸು

Sushma Hegde — Sat, 14 Nov 2026 06:30:43 +0530

ಮೇಷ ರಾಶಿ

ಇಂದು, ನಿಮ್ಮ ಹೃದಯ ಮತ್ತು ಅದೃಷ್ಟ ಎರಡೂ ನಿಮ್ಮ ಕಡೆ ಇರುತ್ತದೆ. ನಿಮ್ಮ ಪ್ರೇಮ ಜೀವನವು ಸಿಹಿಯಾಗುತ್ತದೆ, ಮತ್ತು ನಿಮ್ಮ ಸಂಗಾತಿಯೊಂದಿಗಿನ ನಿಮ್ಮ ತಿಳುವಳಿಕೆ ಮತ್ತು ನಿಕಟತೆ ಬಲಗೊಳ್ಳುತ್ತದೆ. ನೀವು ಪರಸ್ಪರರ ಭಾವನೆಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ಸಾಧ್ಯವಾಗುತ್ತದೆ. ನಿಮ್ಮ ಆರ್ಥಿಕ ಪರಿಸ್ಥಿತಿಯಲ್ಲಿ ಸುಧಾರಣೆಯ ಲಕ್ಷಣಗಳಿವೆ, ಅದು ತೃಪ್ತಿಯನ್ನು ತರುತ್ತದೆ. ಆದಾಗ್ಯೂ, ರಾಜಕೀಯ ಅಥವಾ ಸಾರ್ವಜನಿಕ ಜೀವನದಲ್ಲಿ ತೊಡಗಿಸಿಕೊಂಡವರು ಜಾಗರೂಕರಾಗಿರಬೇಕು.

ವೃಷಭ ರಾಶಿ

ಇಂದು ನಿಮಗೆ ಸಕಾರಾತ್ಮಕ ದಿನವಾಗಬಹುದು, ಆದರೆ ಪ್ರತಿಯೊಂದು ಕೆಲಸದಲ್ಲೂ ಎಚ್ಚರಿಕೆ ಮತ್ತು ತಾಳ್ಮೆಯನ್ನು ಕಾಪಾಡಿಕೊಳ್ಳುವುದು ಮುಖ್ಯ. ಆತುರ ಅಥವಾ ಸಣ್ಣ ನಿರ್ಲಕ್ಷ್ಯವು ಗಾಯ ಅಥವಾ ತೊಂದರೆಗೆ ಕಾರಣವಾಗಬಹುದು, ಆದ್ದರಿಂದ ವಾಹನ ಚಲಾಯಿಸುವಾಗ ವಿಶೇಷ ಜಾಗರೂಕರಾಗಿರಿ. ಕುಟುಂಬ ಜೀವನವು ಸಂತೋಷದಿಂದ ತುಂಬಿರುತ್ತದೆ ಮತ್ತು ನಿಮ್ಮ ಮಕ್ಕಳಿಗೆ ಅಚ್ಚರಿ ಅಥವಾ ವಿಶೇಷವಾದದ್ದನ್ನು ಯೋಜಿಸಲು ನಿಮಗೆ ಅವಕಾಶವಿರಬಹುದು.

ಮಿಥುನ ರಾಶಿ

ಇಂದು ನಿಮ್ಮ ಆರೋಗ್ಯದ ಬಗ್ಗೆ ನಿರ್ಲಕ್ಷ್ಯ ವಹಿಸುವುದು ಜಾಣತನವಲ್ಲ. ನೀವು ಈಗಾಗಲೇ ಸಮಸ್ಯೆಯನ್ನು ಎದುರಿಸುತ್ತಿದ್ದರೆ, ಅದು ಮತ್ತೆ ತಲೆದೋರುವ ಸಾಧ್ಯತೆಯಿದೆ. ಆದ್ದರಿಂದ, ನಿಮ್ಮ ದಿನಚರಿ ಮತ್ತು ಆರೋಗ್ಯದ ಬಗ್ಗೆ ಸಮಯಕ್ಕೆ ಸರಿಯಾಗಿ ಗಮನ ಕೊಡಿ. ಹಣಕಾಸಿನ ವಿಷಯಗಳಲ್ಲಿಯೂ ಎಚ್ಚರಿಕೆ ಅಗತ್ಯ, ಏಕೆಂದರೆ ಹೆಚ್ಚುತ್ತಿರುವ ವೆಚ್ಚಗಳು ನಿಮ್ಮ ಉಳಿತಾಯದ ಮೇಲೆ ಪರಿಣಾಮ ಬೀರಬಹುದು. ಸಾಮಾಜಿಕ ಕ್ಷೇತ್ರದಲ್ಲಿ ನಿಮ್ಮ ಪ್ರಭಾವ ಮತ್ತು ಮನ್ನಣೆ ಬಲಗೊಳ್ಳಬಹುದು.

ಕರ್ಕಾಟಕ ರಾಶಿ

ಇಂದು, ಪ್ರತಿಯೊಂದು ಪರಿಸ್ಥಿತಿಯನ್ನು ಕೇವಲ ಶಕ್ತಿಯಿಂದಲ್ಲ, ಬುದ್ಧಿವಂತಿಕೆ ಮತ್ತು ಸರಿಯಾದ ತಂತ್ರದಿಂದ ಉತ್ತಮವಾಗಿ ನಿಭಾಯಿಸಬಹುದು ಎಂಬುದನ್ನು ಅರ್ಥಮಾಡಿಕೊಳ್ಳುವ ಅವಕಾಶ ನಿಮಗೆ ಸಿಗುತ್ತದೆ. ನಿಮ್ಮ ವಿರೋಧಿಗಳಿಂದ ಸವಾಲುಗಳಿದ್ದರೂ, ನೀವು ಅವುಗಳನ್ನು ನಿಮ್ಮ ಬುದ್ಧಿವಂತಿಕೆಯಿಂದ ಜಯಿಸಬಹುದು. ಆದಾಗ್ಯೂ, ಯಾವುದೇ ವಿಷಯದಲ್ಲಿ ಆತುರವನ್ನು ತಪ್ಪಿಸುವುದು ಮುಖ್ಯ. ನಿಮ್ಮ ಮಕ್ಕಳಿಂದ ಒಳ್ಳೆಯ ಸುದ್ದಿ ಪಡೆಯುವ ಸಾಧ್ಯತೆಯಿದೆ, ಕುಟುಂಬದಲ್ಲಿ ಸಂತೋಷದ ವಾತಾವರಣವನ್ನು ಸೃಷ್ಟಿಸುತ್ತದೆ.

ಸಿಂಹ ರಾಶಿ :

ಇಂದು, ನಿಮ್ಮ ಮನಸ್ಸು ಸ್ವಲ್ಪ ಭಾರ ಮತ್ತು ಒತ್ತಡವನ್ನು ಅನುಭವಿಸಬಹುದು. ಅನಗತ್ಯ ಚಿಂತೆಗಳಲ್ಲಿ ನಿಮ್ಮನ್ನು ತೊಡಗಿಸಿಕೊಳ್ಳುವ ಬದಲು, ನಿಮ್ಮ ದೈನಂದಿನ ದಿನಚರಿಯನ್ನು ವ್ಯವಸ್ಥಿತವಾಗಿ ಇರಿಸಿ. ನಿಮ್ಮ ಮಕ್ಕಳ ಆರೋಗ್ಯದ ಬಗ್ಗೆ ಅಸಡ್ಡೆ ತೋರಬೇಡಿ ಮತ್ತು ಅಗತ್ಯವಿದ್ದಾಗ ಸರಿಯಾದ ಗಮನ ಕೊಡಿ. ಇಂದು ಯಾವುದೇ ಅಪಾಯಕಾರಿ ಪ್ರಯತ್ನದಲ್ಲಿ ಹಣ ಅಥವಾ ಗಮನಾರ್ಹ ಸಮಯವನ್ನು ಹೂಡಿಕೆ ಮಾಡುವುದನ್ನು ತಪ್ಪಿಸುವುದು ಉತ್ತಮ. ನಿಮ್ಮ ತಂದೆ ನಿಮಗೆ ವಿಶೇಷ ಜವಾಬ್ದಾರಿಯನ್ನು ವಹಿಸಬಹುದು, ಆದ್ದರಿಂದ ಅದನ್ನು ಸಂಪೂರ್ಣ ಗಂಭೀರತೆ ಮತ್ತು ಪ್ರಾಮಾಣಿಕತೆಯಿಂದ ಪೂರೈಸಲು ಪ್ರಯತ್ನಿಸಿ.

ಕನ್ಯಾ ರಾಶಿ :

ಇಂದು ನೀವು ಕೆಲವು ಸವಾಲುಗಳನ್ನು ಎದುರಿಸಬಹುದು, ಆದರೆ ತಾಳ್ಮೆ, ಆತ್ಮವಿಶ್ವಾಸ ಮತ್ತು ಸಕಾರಾತ್ಮಕ ಮನೋಭಾವದಿಂದ ನೀವು ಅವುಗಳನ್ನು ನಿವಾರಿಸಲು ಸಾಧ್ಯವಾಗುತ್ತದೆ. ನಕಾರಾತ್ಮಕ ಆಲೋಚನೆಗಳು ನಿಮ್ಮನ್ನು ಆವರಿಸಿಕೊಳ್ಳಲು ಬಿಡಬೇಡಿ. ಮನೆ ಶುಚಿಗೊಳಿಸುವಿಕೆ, ಅಲಂಕಾರ ಅಥವಾ ಯಾವುದೇ ಇತರ ಹೊಸ ಬದಲಾವಣೆಗಳತ್ತ ಗಮನಹರಿಸಲು ನಿಮಗೆ ಅವಕಾಶ ಸಿಗುತ್ತದೆ. ಕುಟುಂಬದಲ್ಲಿ ಮದುವೆಗೆ ಸಂಬಂಧಿಸಿದ ಯಾವುದೇ ದೀರ್ಘಕಾಲದ ಅಡೆತಡೆಗಳು ಪರಿಹರಿಸಲ್ಪಡುವ ಸಾಧ್ಯತೆಯಿದೆ, ಮನೆಯಲ್ಲಿ ಸಂತೋಷದ ವಾತಾವರಣವನ್ನು ಸೃಷ್ಟಿಸುತ್ತದೆ.

ತುಲಾ ರಾಶಿ:

ಇಂದು ನಿಮಗೆ ಮುನ್ನಡೆಯಲು ಮತ್ತು ನಿಮ್ಮ ಪ್ರತಿಭೆಯನ್ನು ಸಾಬೀತುಪಡಿಸಲು ಹೊಸ ಅವಕಾಶಗಳು ಸಿಗಬಹುದು. ನಿಮ್ಮ ಕಠಿಣ ಪರಿಶ್ರಮದ ಯಶಸ್ವಿ ಫಲಿತಾಂಶಗಳು ನಿಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತವೆ ಮತ್ತು ನಿಮ್ಮ ಪ್ರಯತ್ನಗಳಿಗೆ ತೃಪ್ತಿಯನ್ನು ನೀಡುತ್ತವೆ. ನೀವು ಸಾಮಾಜಿಕ ಅಥವಾ ಕೌಟುಂಬಿಕ ಕಾರ್ಯಕ್ರಮಕ್ಕೆ ಹಾಜರಾಗಲು ಅವಕಾಶವನ್ನು ಸಹ ಪಡೆಯಬಹುದು. ಕೆಲಸದಲ್ಲಿ ಸಹೋದ್ಯೋಗಿ ಹೇಳುವ ಮಾತು ನಿಮಗೆ ಸ್ವಲ್ಪ ನೋವುಂಟು ಮಾಡಬಹುದು, ಆದರೆ ಅದನ್ನು ಹೃದಯಕ್ಕೆ ತೆಗೆದುಕೊಂಡು ನಿಮ್ಮ ಶಕ್ತಿಯನ್ನು ವ್ಯರ್ಥ ಮಾಡಬೇಡಿ.

ವೃಶ್ಚಿಕ ರಾಶಿ :

ಇಂದು, ಅನೇಕ ವಿಷಯಗಳಲ್ಲಿ ಸಕಾರಾತ್ಮಕ ಫಲಿತಾಂಶಗಳನ್ನು ಸೂಚಿಸಲಾಗುತ್ತದೆ, ಆದರೂ ಕುಟುಂಬದಲ್ಲಿ ಸಣ್ಣ ವಿಷಯಕ್ಕೆ ಉದ್ವಿಗ್ನತೆ ಉಂಟಾಗಬಹುದು. ಅಂತಹ ಪರಿಸ್ಥಿತಿಯಲ್ಲಿ, ನಿಮ್ಮ ಪ್ರತಿಕ್ರಿಯೆಯನ್ನು ನಿಯಂತ್ರಿಸಿ ಮತ್ತು ಹೆಚ್ಚುತ್ತಿರುವ ಸಂಘರ್ಷವನ್ನು ತಪ್ಪಿಸಿ. ನಿಮ್ಮ ಮಗುವಿನ ವೃತ್ತಿ ಅಥವಾ ಭವಿಷ್ಯದ ಬಗ್ಗೆ ನೀವು ಪ್ರಮುಖ ನಿರ್ಧಾರವನ್ನು ತೆಗೆದುಕೊಳ್ಳಬೇಕಾಗಬಹುದು. ಈ ನಿಟ್ಟಿನಲ್ಲಿ ಪ್ರಯಾಣವೂ ಸಾಧ್ಯ. ರುಚಿಕರವಾದ ಆಹಾರವನ್ನು ಆನಂದಿಸಲು ನಿಮಗೆ ಅವಕಾಶವಿರುತ್ತದೆ, ಆದರೆ ಅತಿಯಾಗಿ ತಿನ್ನುವುದನ್ನು ತಪ್ಪಿಸಿ, ಏಕೆಂದರೆ ಇದು ಹೊಟ್ಟೆಯ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಧನು ರಾಶಿ:

ಇಂದು ನೀವು ಸ್ವಲ್ಪ ಪ್ರಕ್ಷುಬ್ಧತೆ ಅಥವಾ ಗೊಂದಲವನ್ನು ಅನುಭವಿಸಬಹುದು, ಮತ್ತು ನಿಮ್ಮ ಆರೋಗ್ಯವು ಮೊದಲಿಗಿಂತ ದುರ್ಬಲವಾಗಿರಬಹುದು. ಆದ್ದರಿಂದ, ನಿಮ್ಮ ದೈನಂದಿನ ದಿನಚರಿಯ ಬಗ್ಗೆ ಗಮನ ಹರಿಸಿ ಮತ್ತು ಅತಿಯಾದ ಕೆಲಸದ ಹೊರೆಯನ್ನು ತಪ್ಪಿಸಿ. ವ್ಯವಹಾರ ಒಪ್ಪಂದ ಅಥವಾ ಪ್ರಮುಖ ಪ್ರಸ್ತಾಪದ ಬಗ್ಗೆ ಚಿಂತೆಗಳು ಮುಂದುವರಿಯಬಹುದು. ಸಂಪೂರ್ಣ ಮಾಹಿತಿಯಿಲ್ಲದೆ ನಿರ್ಧಾರಗಳನ್ನು ತೆಗೆದುಕೊಳ್ಳುವುದನ್ನು ತಪ್ಪಿಸಿ. ನಿಮ್ಮ ತಾಯಿಗೆ ನೀಡಿದ ಭರವಸೆಯನ್ನು ಪೂರೈಸುವುದು ನಿರ್ಣಾಯಕವಾಗಿರುತ್ತದೆ.

ಮಕರ ರಾಶಿ :

ಹೆಚ್ಚುತ್ತಿರುವ ವೆಚ್ಚಗಳು ಇಂದು ನಿಮ್ಮ ಆರ್ಥಿಕ ಪರಿಸ್ಥಿತಿಯ ಮೇಲೆ ಒತ್ತಡ ಹೇರಬಹುದು. ನಿಮ್ಮ ಬಜೆಟ್‌ಗೆ ಅನುಗುಣವಾಗಿ ಖರ್ಚು ಮಾಡದಿದ್ದರೆ, ನಿಮ್ಮ ಉಳಿತಾಯದ ಮೇಲೆ ಪರಿಣಾಮ ಬೀರಬಹುದು. ಆದ್ದರಿಂದ, ಅನಗತ್ಯ ಖರೀದಿಗಳನ್ನು ತಪ್ಪಿಸಿ ಮತ್ತು ನಿಮ್ಮ ಹಣಕಾಸಿನ ಆದ್ಯತೆಗಳನ್ನು ಸ್ಪಷ್ಟವಾಗಿ ಇರಿಸಿ. ಆಸ್ತಿ ಅಥವಾ ಪೂರ್ವಜರ ಆಸ್ತಿಯ ಬಗ್ಗೆ ಒಡಹುಟ್ಟಿದವರೊಂದಿಗಿನ ವಿವಾದಗಳು ಉಲ್ಬಣಗೊಳ್ಳಬಹುದು. ವಿಷಯಗಳು ಕಾನೂನು ವಿಷಯಗಳಿಗೆ ಹೋಗುವ ಮೊದಲು ಮಾತುಕತೆ ಮತ್ತು ಪರಸ್ಪರ ಒಪ್ಪಿಗೆಯ ಮೂಲಕ ಪರಿಹಾರವನ್ನು ಕಂಡುಹಿಡಿಯಲು ಪ್ರಯತ್ನಿಸಿ.

ಕುಂಭ ರಾಶಿ:

ಇಂದು ಸಾಮಾನ್ಯ ದಿನವಾಗಿದ್ದರೂ, ನೀವು ಉತ್ಸಾಹಭರಿತ ಮತ್ತು ಉತ್ಸಾಹಭರಿತರಾಗಿರುತ್ತೀರಿ. ನೀವು ಕೆಲಸ ಅಥವಾ ವೈಯಕ್ತಿಕ ಕಾರಣಗಳಿಗಾಗಿ ದೀರ್ಘ ಪ್ರವಾಸವನ್ನು ಯೋಜಿಸಬಹುದು. ನಿಮ್ಮ ಸಂಗಾತಿಯ ಭಾವನೆಗಳನ್ನು ಅರ್ಥಮಾಡಿಕೊಳ್ಳುವುದು ನಿಮ್ಮ ವೈವಾಹಿಕ ಜೀವನದಲ್ಲಿ ವಿಶೇಷವಾಗಿ ಮುಖ್ಯವಾಗಿರುತ್ತದೆ. ಉದ್ದೇಶಪೂರ್ವಕವಲ್ಲದ ಯಾವುದೋ ಮಾತು ಅವರ ಭಾವನೆಗಳನ್ನು ನೋಯಿಸಬಹುದು, ಆದ್ದರಿಂದ ನಿಮ್ಮ ಸಂಭಾಷಣೆಗಳಲ್ಲಿ ಸೂಕ್ಷ್ಮತೆಯನ್ನು ಕಾಪಾಡಿಕೊಳ್ಳಿ. ಕೆಲಸದಲ್ಲಿ ನಿಮ್ಮ ಕೆಲಸವು ಬೇಗನೆ ಪೂರ್ಣಗೊಳ್ಳಬಹುದು ಮತ್ತು ನಿಮ್ಮ ಜವಾಬ್ದಾರಿಗಳನ್ನು ಪೂರೈಸುವಲ್ಲಿ ನೀವು ಯಶಸ್ವಿಯಾಗುತ್ತೀರಿ.

ಮೀನ:

ಇಂದು, ನೀವು ಕಾನೂನು ಮತ್ತು ಆರ್ಥಿಕ ವಿಷಯಗಳಲ್ಲಿ ವಿಶೇಷ ಎಚ್ಚರಿಕೆ ವಹಿಸಬೇಕಾಗುತ್ತದೆ. ವ್ಯವಹಾರವು ಕೆಲವು ಏರಿಳಿತಗಳನ್ನು ಅನುಭವಿಸಬಹುದು, ಆದರೆ ಹಳೆಯ ಹೂಡಿಕೆಗಳು ಲಾಭವನ್ನು ನೀಡುವ ಸಾಧ್ಯತೆಯಿದೆ. ಹಳೆಯ ಹೂಡಿಕೆಗಳು, ವಿಶೇಷವಾಗಿ ಷೇರು ಮಾರುಕಟ್ಟೆಗೆ ಸಂಬಂಧಿಸಿದವುಗಳು, ಸಕಾರಾತ್ಮಕ ಫಲಿತಾಂಶಗಳನ್ನು ನೀಡಬಹುದು. ಆದಾಗ್ಯೂ, ಯಾವುದೇ ಹೊಸ ಒಪ್ಪಂದವನ್ನು ಅಂತಿಮಗೊಳಿಸುವ ಮೊದಲು ಎಲ್ಲಾ ದಾಖಲೆಗಳು ಮತ್ತು ನಿಯಮಗಳನ್ನು ಎಚ್ಚರಿಕೆಯಿಂದ ಓದಿ.

ಇಂದು ಭಾರತ-ಪಾಕ್‌ ಫೈನಲ್‌ ರೋಚಕ ಪಂದ್ಯ ಎಲ್ಲಿ ವೀಕ್ಷಿಸಬಹುದು? ಸಮಯ, ಸ್ಥಳ, ಸ್ಕ್ರೀಮಿಂಗ್ ವಿವರ ಇಲ್ಲಿದೆ

Ravi Janekal — Sat, 14 Nov 2026 06:28:01 +0530

India vs Pakistan U19 Asia Cup Final 2026 ಅಂಡರ್‌-19 ಏಷ್ಯಾಕಪ್‌ ಏಕದಿನ ಟೂರ್ನಿಯ ಫೈನಲ್‌(Under-19 Asia Cup ODI tournament)ನಲ್ಲಿ ಶನಿವಾರ ಬದ್ಧವೈರಿಗಳಾದ ಭಾರತ ಹಾಗೂ ಪಾಕಿಸ್ತಾನ(INDvPAK) ಸೆಣಸಲಿವೆ. ಪಂದ್ಯ ನಡೆಯುವ ಸ್ಥಳ, ಸಮಯದ ವಿವರ ಇಲ್ಲಿದೆ

ಅಂಡರ್‌-19 ಏಷ್ಯಾಕಪ್‌ ಏಕದಿನ ಟೂರ್ನಿಯ ಫೈನಲ್‌(Under-19 Asia Cup ODI tournament)ನಲ್ಲಿ ಶನಿವಾರ ಬದ್ಧವೈರಿಗಳಾದ ಭಾರತ ಹಾಗೂ ಪಾಕಿಸ್ತಾನ(INDvPAK) ಸೆಣಸಲಿವೆ. ಗುಂಪು ಹಂತದ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಸೋತಿದ್ದ ಭಾರತ, ಈ ಪಂದ್ಯದಲ್ಲಿ ಸುಧಾರಿತ ಬ್ಯಾಟಿಂಗ್‌ ಹಾಗೂ ಬೌಲಿಂಗ್‌ ಪ್ರದರ್ಶನ ತೋರಿ, 9ನೇ ಬಾರಿಗೆ ಪ್ರಶಸ್ತಿ ಗೆಲ್ಲಲು ಎದುರು ನೋಡುತ್ತಿದೆ.

ಮತ್ತೊಂದೆಡೆ ಪಾಕಿಸ್ತಾನ ಲೀಗ್‌ ಪಂದ್ಯದ ರೀತಿಯಲ್ಲೇ ಭಾರತವನ್ನು ಮತ್ತೊಮ್ಮೆ ಕಟ್ಟಿಹಾಕಿ 2ನೇ ಸಲ ಟ್ರೋಫಿ ಎತ್ತಿಹಿಡಿಯಲು ಕಾತರಿಸುತ್ತಿದೆ. ಕಳೆದ ವರ್ಷ ಭಾರತ ವಿರುದ್ಧ ಫೈನಲ್‌ನಲ್ಲಿ 151 ರನ್‌ಗಳ ಗೆಲುವು ಸಾಧಿಸಿ, ಪಾಕಿಸ್ತಾನ ಚಾಂಪಿಯನ್‌ ಆಗಿತ್ತು.

ಭಾರತ ತಂಡ ತನ್ನ ಆರಂಭಿಕರಾದ ಆರ್ಯವೀರ್‌ ಸೆಹ್ವಾಗ್‌ ಮೇಲೆ ಹೆಚ್ಚು ವಿಶ್ವಾಸವಿರಿಸಿದೆ. ಸೆಹ್ವಾಗ್‌ 4 ಪಂದ್ಯಗಳಲ್ಲಿ 303 ರನ್‌ ಗಳಿಸಿದ್ದು, ಫೈನಲ್‌ನಲ್ಲೂ ಅಬ್ಬರಿಸಲು ಕಾಯುತ್ತಿದ್ದಾರೆ.

ಇಂದು(ನವೆಂಬರ್ 14 ರ ಶನಿವಾರ ) ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮುಖಾಮುಖಿಯಾಗಲಿವೆ. ಭಾರತದ ಪಾಕಿಸ್ತಾನದ ಸೆಣಸಾಟ ಯಾವಾಗಲೂ ಕ್ರೀಡಾಭಿಮಾನಿಗಳಿಗೆ ರೋಚಕವೆನಿಸುತ್ತದೆ. ಈ ಬಾರಿಯೂ ಮೈದಾನದಲ್ಲಿ ಅದು ಸೃಷ್ಟಿಸಲಿದೆ.

ಸ್ಥಳ:

ಭಾರತ vs ಪಾಕಿಸ್ತಾನ U19 ಏಷ್ಯಾ ಕಪ್ 2026 ಫೈನಲ್ ಪಂದ್ಯವು ಒಮಾನ್‌ನ ಅಲ್ ಅಮೆರಾತ್ ಕ್ರಿಕೆಟ್ ಮೈದಾನದಲ್ಲಿ ನಡೆಯಲಿದೆ. ಪಂದ್ಯವು ನವೆಂಬರ್ 14 ರ ಶನಿವಾರ ಭಾರತೀಯ ಕಾಲಮಾನ ಬೆಳಿಗ್ಗೆ ಬೆಳಗ್ಗೆ 10.30ಕ್ಕೆ, ನೇರ ಪ್ರಸಾರ: ಸೋನಿ ಸ್ಪೋರ್ಟ್ಸ್‌/ಸೋನಿ ಲಿವ್‌ ವೀಕ್ಷಿಸಬಹುದು.

ಭಾರತ U19 ತಂಡ

ಲಕ್ಷ್ಯ ರಾಜೇಶ್ ರಾಯಚಂದಾನಿ (ಸಿ)
ಆರ್ಯವೀರ್ ಸೆಹ್ವಾಗ್
ಅನ್ವಯ್ ದ್ರಾವಿಡ್ (ವಿಕೆಟ್ ಕೀಪರ್)
ಅರ್ಜುನ್ ರಜಪೂತ್
ಇಶಾನ್ ಸೂದ್
ಕಾವ್ಯಾ ಪಟೇಲ್
ಮನಲ್ ಚೌಹಾಣ್
ಮೋಹಿತ್ ಉಲ್ವಾ
ಯಶ್ವೀರ್ ಗೌಡ್
ವಿ.ಕೆ. ವಿನೀತ್
ಯಶ್‌ಬರ್ಧನ್ ಚೌಹಾಣ್
ರಜತ್ ಬಘೇಲ್
ಶವಿನ್ ವಿನೋದ್
ಆರ್ಯನ್ ಸವ್ಸಾನಿ
ಕುಶಾಗ್ರ ಓಜಾ

ದಾವಣಗೆರೆ: ಕುಡಿಬೇಡ ಮಗನೇ ಎಂದಿದ್ದಕ್ಕೆ ಪಾಪಿ ಮಗ ಹೆತ್ತು ಹೊತ್ತು ಬೆಳೆಸಿದ ತಾಯಿಗೆ ಏನು ಮಾಡಿದ ನೋಡಿ!

Kannadaprabha News — Sat, 14 Nov 2026 05:57:59 +0530

ದಾವಣಗೆರೆ (ನ.14): ಕುಡಿದ ಮತ್ತಿನಲ್ಲಿದ್ದ ಮಗನಿಗೆ ಕುಡಿಬೇಡಪ್ಪ ಆರೋಗ್ಯ ಕೆಡುತ್ತೆ ಅಂತಾ ಬುದ್ಧಿ ಹೇಳಿದ್ದ ಹೆತ್ತ ತಾಯಿಗೆ ಮರದ ಪಟ್ಟಿಯೊಂದರಿಂದ ತಲೆಗೆ ಹೊಡೆದು ಜೀವ ತೆಗೆದ ಆಘಾತಕಾರಿ ಘಟನೆ ಚನ್ನಗಿರಿ ತಾಲೂಕಿನ ದೊಡ್ಡಘಟ್ಟ ಗ್ರಾಮದಲ್ಲಿ ನಡೆದಿದೆ.

ಒಬ್ಬನೇ ಮಗ ಅಂತಾ ಬುದ್ಧಿ ಹೇಳಿದ್ದಕ್ಕೆ ಜೀವ ಹೋಯ್ತು!

ಹರಪನಹಳ್ಳಿ ತಾಲೂಕಿನ ಹಾರಕನಾಳ್ ಗ್ರಾಮದ ಬುಳ್ಳಮ್ಮ (75) ಜೀವ ಕಳೆದುಕೊಂಡ ತಾಯಿ. ಬುಳ್ಳಮ್ಮನಿಗೆ ಒಟ್ಟು 10 ಮಕ್ಕಳಿದ್ದು, 9 ಜನ ಹೆಣ್ಣು ಮಕ್ಕಳು, ಕೊಲೆ ಮಾಡಿದ ಹನುಮಂತ 9ನೇ ಮಗನಾಗಿದ್ದು, ಏಕೈಕ ಪುತ್ರ ಎಂದು ತಿಳಿದು ಬಂದಿದೆ. ಬುಳ್ಳಮ್ಮನ ಸಾವಿಗೆ ಕಾರಣನಾದ ಮಗ ಹನುಮಂತನಿಗೆ ಸಂಬಂಧಿಗಳು, ಗ್ರಾಮಸ್ಥರು ಧರ್ಮದೇಟು ನೀಡಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ.

ತನ್ನ ಮಗಳ ಮನೆಯಾದ ದೊಡ್ಡಘಟ್ಟ ಗ್ರಾಮದಲ್ಲೇ ಬುಳ್ಳಮ್ಮ ಇದ್ದರು. ಆರೋಪಿ ಹನುಮಂತ ಕುಡಿದು ತನ್ನ ಸಹೋದರಿ ಮನೆಗೆ ಬಂದಿದ್ದಾನೆ. ಆಗ ಬುಳ್ಳಮ್ಮ ಕುಡಿಯದಂತೆ ಬುದ್ಧಿ ಹೇಳಿದ್ದಾಳೆ. ಆಕ್ರೋಶಗೊಂಡ ಹನುಮಂತ ಅಲ್ಲಿಯೇ ಇದ್ದ ಮರದ ಪಟ್ಟಿಯಿಂದ ಬುಳ್ಳಮ್ಮನ ತಲೆಗೆ ಹೊಡೆದಿದ್ದರಿಂದ ಗಂಭೀರ ಗಾಯಗೊಂಡು ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ.

ಮೃತ ಬುಳ್ಳಮ್ಮನಿಗೆ ಒಟ್ಟು 10 ಮಕ್ಕಳಿದ್ದು, 9 ಜನ ಹೆಣ್ಣು ಮಕ್ಕಳು, ಕೊ ಲೆ ಮಾಡಿದ ಹನುಮಂತ 9ನೇ ಮಗನಾಗಿದ್ದು, ಏಕೈಕ ಪುತ್ರ ಎಂದು ತಿಳಿದು ಬಂದಿದೆ.

ಆರೋಪಿ ಮಗನಿಗೆ ಸಂಬಂಧಿಗಳು ಊರವರಿಂದ ಧರ್ಮದೇಟು

ಬುಳ್ಳಮ್ಮನನ್ನು ಕೊಂ ದ ಹನುಮಂತನಿಗೆ ಸಂಬಂಧಿಗಳು, ಗ್ರಾಮಸ್ಥರು ಧರ್ಮದೇಟು ನೀಡಿದ್ದಾರೆ. ಆರೋಪಿ ಹನುಮಂತನಿಗೆ ದಾವಣಗೆರೆ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಿ, ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಮೃತ ಬುಳ್ಳಮ್ಮನ ಪಾರ್ಥೀವ ಶರೀರವನ್ನು ಜಿಲ್ಲಾಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆ ನಡೆಸಿ, ವಾರಸುದಾರರ ವಶಕ್ಕೆ ಒಪ್ಪಿಸಲಾಗಿದೆ. ಬಸವಾಪಟ್ಟಣ ಪೊಲೀಸರು ಪ್ರಕರಣ ದಾಖಲಿಸಿ, ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಕೃತಕ ಬುದ್ಧಿಮತ್ತೆಯೇ ವಿಶ್ವದ ಕದನಭೂಮಿ: Nvidia ಪ್ರಕರಣ ಎಚ್ಚರಿಕೆ ಗಂಟೆ!

Kannadaprabha News — Sat, 14 Nov 2026 05:33:54 +0530

-ರಾಜೀವ್‌ ಚಂದ್ರಶೇಖರ್‌

ಕೇರಳ ಬಿಜೆಪಿ ಅಧ್ಯಕ್ಷರು, ಶಾಸಕರು

ಕಳೆದ ಭಾನುವಾರ, ಎನ್ವಿಡಿಯಾ ಮುಖ್ಯಸ್ಥ ಜೆನ್ಸನ್ ಹುವಾಂಗ್(Nvidia Chief Jensen Huang) ಒಂದು ದೊಡ್ಡ ಬಾಂಬ್‌ ಸಿಡಿಸಿದರು. ಸಿಬ್ಬಂದಿಗೆ ಕಳಿಸಿದ ಇ- ಮೇಲ್‌ನಲ್ಲಿ, ಅವರು ಸಿಂಗಾಪುರ ಮೂಲದ ‘ಮೆಗಾಸ್ಪೀಡ್‌\’ ಎಂಬ ಡೇಟಾ ಸೆಂಟರ್‌ ಕಂಪನಿಯ ಕಾರ್ಯನಿರ್ವಾಹಕಿ ಆಲಿಸ್‌ ಹುವಾಂಗ್‌ ಅವರೊಂದಿಗೆ ತಮಗಿದ್ದ ಸಂಬಂಧ ಒಪ್ಪಿಕೊಂಡರು. ನಿರ್ಬಂಧಿತ ಚಿಪ್‌ಗಳನ್ನು ಚೀನಾಕ್ಕೆ ಕಳುಹಿಸಲು ಈ ಕಂಪನಿ ಸಹಾಯ ಮಾಡುತ್ತಿದೆ ಎಂದು ಅಮೆರಿಕದ ಅಧಿಕಾರಿಗಳು ಅನುಮಾನಿಸಿದ್ದಾರೆ. ‘ನಾನು ಮಾಡಿದ ತಪ್ಪಿಗೆ ಯಾವುದೇ ಸಮರ್ಥನೆಯಿಲ್ಲ’ ಎಂದು ಜೆನ್ಸನ್‌ ಬರೆದಿದ್ದಾರೆ. ಎನ್ವಿಡಿಯಾ ಚಿಪ್‌ಗಳು ಚೀನಾ ತಲುಪುವಂತೆ ಮಾಡಲು ಚೀನಾದ ರಕ್ಷಣಾ ಸಚಿವಾಲಯವು ಆಕೆಯನ್ನು ನೇಮಿಸಿಕೊಂಡಿತ್ತು ಎಂದು ಅಮೆರಿಕ ಸರ್ಕಾರ ಗುರುತಿಸಿರುವುದಾಗಿ ‘ನ್ಯೂಯಾರ್ಕ್‌ ಟೈಮ್ಸ್‌’ ವರದಿ ಮಾಡಿದೆ.

ಎಐ ಎಂಬುದು ಕೇವಲ ಮಾರುಕಟ್ಟೆಯ ವಿಷಯವಲ್ಲ, ಅದೊಂದು ಶಾಶ್ವತ ಬದಲಾವಣೆ ಎಂದು ನಾನು ಈ ಸರಣಿಯಲ್ಲಿ ವಾದಿಸುತ್ತಾ ಬಂದಿದ್ದೇನೆ. ಇವುಗಳ ಮೇಲೆ ಎಷ್ಟು ವಿಷಯಗಳು ಅವಲಂಬಿತವಾಗಿವೆ ಎಂಬುದನ್ನು ಕಳೆದ ವಾರದ ಷೇರುಪೇಟೆ ಬೆಳವಣಿಗೆ ತೋರಿಸಿಕೊಟ್ಟಿದೆ; ಅಮೆರಿಕದ ಒಂದು ಚುನಾವಣೆಯ ಫಲಿತಾಂಶವು ಡಾಟಾ ಸೆಂಟರ್‌ಗಳ ಮೇಲಿನ ಬಿಗಿಯಾದ ಕ್ರಮಗಳಿಗೆ ಕಾರಣವಾಗಬಹುದು ಎಂಬ ಆತಂಕವು ಒಂದೇ ದಿನದಲ್ಲಿ ಎಐ ಕಂಪನಿಗಳ ಷೇರು ಮಾರುಕಟ್ಟೆ ಮೌಲ್ಯ 235ರಿಂದ 285 ಲಕ್ಷ ಕೋಟಿ ರು.ಗಳಷ್ಟು ಕುಸಿತಕ್ಕೆ ಕಾರಣವಾಗಿದೆ. ಸರ್ಕಾರಗಳು ಮೊದಲೇ ಗ್ರಹಿಸಿದ್ದ ಸತ್ಯಕ್ಕೆ ಹೂಡಿಕೆದಾರರು ಈಗ ಪ್ರತಿಕ್ರಿಯಿಸಿದ್ದಾರೆ. ಎಐ ಈಗ ಕೇವಲ ತಂತ್ರಜ್ಞಾನವಾಗಿ ಉಳಿದಿಲ್ಲ. ಇದು ಈ ಶತಮಾನದ ಕಾರ್ಯತಂತ್ರದ ಆಸ್ತಿಯಾಗಿದ್ದು, ಉತ್ಪಾದಕತೆ, ಮಿಲಿಟರಿ ಶಕ್ತಿ, ಮಾಹಿತಿ ಮತ್ತು ದೇಶದ ಸಾರ್ವಭೌಮತ್ವವನ್ನು ರೂಪಿಸುತ್ತಿದೆ.

ಎಐ ಈ ದಶಕದ ಭೌಗೋಳಿಕ ರಾಜಕೀಯದ ಯುದ್ಧಭೂಮಿಯಾಗಿದೆ ಮತ್ತು ಇಲ್ಲಿನ ಪೈಪೋಟಿ ಕಂಪ್ಯೂಟಿಂಗ್‌ ಶಕ್ತಿಯ ಮೇಲೆ ನಿಂತಿದೆ. ಎಚ್‌200 ಚಿಪ್‌ಗಳನ್ನು ನಿರ್ವಹಿಸಲು ಅಮೆರಿಕ ಅನುಮತಿ ನೀಡಿದ್ದ ಕೆಲವು ಚೀನೀ ಕಂಪನಿಗಳ ಕಚೇರಿಗಳು ಬಳಕೆಯಾಗದೆ ಖಾಲಿ ಬಿದ್ದಿರುವುದನ್ನು ನ್ಯೂಯಾರ್ಕ್‌ ಟೈಮ್ಸ್‌ ಪತ್ತೆ ಹಚ್ಚಿದೆ. ಈ ತಂತ್ರಜ್ಞಾನವನ್ನು ತಲುಪುವ ಪ್ರತಿಯೊಂದು ಮಾರ್ಗವೂ- ಅದು ಸಾಗಣೆಯಾಗಿರಲಿ, ಮಾಡೆಲ್‌ ಆಗಿರಲಿ, ಎಂಜಿನಿಯರ್‌ ಆಗಿರಲಿ ಅಥವಾ ಕಾರ್ಯನಿರ್ವಾಹಕರಾಗಿರಲಿ- ಈಗ ಗುರಿಯಾಗಿದೆ. ಇದು ಈ ವಾರದ ಅತ್ಯಂತ ಮಹತ್ವದ ಸುದ್ದಿಯ ಹಿನ್ನೆಲೆಯಾಗಿದೆ.

ಕಣ್ಣ ಮುಂದೆಯೇ ಇರುವ ಚೀನಾ ಕಾರ್ಯತಂತ್ರ:

ಈ ಸುದ್ದಿ ಹೊರಬಿದ್ದ ತಕ್ಷಣ, ‘ಹನಿಟ್ರ್ಯಾಪ್‌ ಮೂಲಕವೇ ತಂತ್ರಜ್ಞಾನವನ್ನು ಪಡೆಯಬಹುದಾದರೆ, ಆರ್‌&ಡಿಯಲ್ಲಿ ಏಕೆ ಹೂಡಿಕೆ ಮಾಡಬೇಕು?’ ಎಂದು ನಾನು ಪೋಸ್ಟ್‌ ಮಾಡಿದ್ದೆ. ಆ ವ್ಯಂಗ್ಯದ ಹಿಂದೆ ಒಂದು ಗಂಭೀರವಾದ ಪ್ರಶ್ನೆಯಿತ್ತು. 3 ದಶಕಗಳ ಕಾಲ ಪಾಶ್ಚಿಮಾತ್ಯ ಪ್ರಜಾಪ್ರಭುತ್ವ ದೇಶಗಳು ತಮ್ಮ ಮುಕ್ತತೆಯು ಪರಸ್ಪರವಾಗಿರುತ್ತದೆ ಎಂದು ಭಾವಿಸಿದ್ದವು. ಚೀನಾ ಕೂಡ ತಮ್ಮ ನಿಯಮಗಳಿಗೆ ಹೊಂದಿಕೊಳ್ಳುತ್ತದೆ ಎಂಬ ನಿರೀಕ್ಷೆಯಲ್ಲಿ ಅವು ತಮ್ಮ ಮಾರುಕಟ್ಟೆಗಳು, ವಿಶ್ವವಿದ್ಯಾಲಯಗಳು, ಪ್ರಯೋಗಾಲಯಗಳು ಮತ್ತು ಪ್ರತಿಭಾ ಜಾಲಗಳನ್ನು ತೆರೆದಿಟ್ಟವು. ಆದರೆ ಚೀನಾ ತನಗೆ ಬೇಕಾದಷ್ಟನ್ನು ಮಾತ್ರ ಆಯ್ದುಕೊಂಡು ತೆರೆದುಕೊಂಡಿತು ಮತ್ತು ಪಶ್ಚಿಮದ ಮುಕ್ತತೆಯನ್ನು ನಿರಂತರವಾಗಿ ಬಳಸಿಕೊಂಡು ಲಾಭ ಪಡೆಯಿತು.

ವಿಧಾನ ದಾಖಲಾದ ಅಥವಾ ಆರೋಪಿಸಲಾದ ಪ್ರಕರಣ ಪ್ರಸ್ತುತ ಸ್ಥಿತಿ

ಸೈಬರ್ ಒಳನುಸುಳುವಿಕ ನಾರ್ಟೆಲ್ (2009 ರವರೆಗೆ): ಕಾರ್ಯನಿರ್ವಾಹಕರ ಪಾಸ್‌ವರ್ಡ್‌ಗಳ ಕಳ್ಳತನ, ಶಾಂಘೈಗೆ ದತ್ತಾಂಶ ರವಾನೆ; ಐ-ಸೂನ್ ಸೋರಿಕೆ (2024): ಚೀನಾದ ಗುಪ್ತಚರ, ಪೊಲೀಸ್ ಮತ್ತು ಮಿಲಿಟರಿಗೆ ಗುತ್ತಿಗೆದಾರ; ಶ್ಯಾಡೋ ನೆಟ್‌ವರ್ಕ್ (2010): ಭಾರತ ಸರ್ಕಾರದ ದಾಖಲೆಗಳ ಕಳ್ಳತನ ಬೀಜಿಂಗ್ ನಿರಾಕರಿಸಿದೆ; ಹುವಾವೇ ನಿರಾಕರಿಸಿದೆ (ನಾರ್ಟೆಲ್ ಪ್ರಕರಣ)

ಬೌದ್ಧಿಕ ಆಸ್ತಿ (ಐಪಿ) ಕಳ್ಳತನ ಸಿಸ್ಕೋ ವಿರುದ್ಧ ಹುವಾವೇ (2003–04): ಹುವಾವೇ ರೂಟರ್‌ಗಳಲ್ಲಿ ಸಿಸ್ಕೋ ಕೋಡ್ ನಕಲು ಮಾಡಿರುವುದು ಪತ್ತೆ ರಾಜಿ ಸಂಧಾನವಾಗಿದೆ; ಷರತ್ತುಗಳು ಗೌಪ್ಯವಾಗಿವೆ

ಲಂಚ ಬೆಲ್ಜಿಯಂ ತನಿಖೆ: ಲಾಬಿಯ ಹೆಸರಿನಲ್ಲಿ ಹುವಾವೇಗೆ ಲಾಭ ಮಾಡಿಕೊಡಲು ಯುರೋಪಿಯನ್ ಪಾರ್ಲಿಮೆಂಟ್ ಸದಸ್ಯರಿಗೆ ಹಣ ನೀಡಿದ ಆರೋಪ ತನಿಖೆ ನಡೆಯುತ್ತಿದೆ; ಒಬ್ಬ ಸದಸ್ಯರ ರಕ್ಷಣೆ ಹಿಂಪಡೆಯಲಾಗಿದೆ

ಬಲೆಗೆ ಬೀಳಿಸುವುದು ಹನಿಟ್ರ್ಯಾಪ್‌ಗಳು, ನಕಲಿ ಹೂಡಿಕೆದಾರರು, ಅಮೆರಿಕದ ಸ್ಟಾರ್ಟ್‌ಅಪ್ ಸ್ಪರ್ಧೆಗಳು (ಅಮೆರಿಕ ಅಧಿಕಾರಿಗಳ ಹೇಳಿಕೆ); ಎನ್ವಿಡಿಯಾ ಪ್ರಕರಣ ಸಂಬಂಧ ದೃಢಪಟ್ಟಿದೆ; ಗೂಢಚರ್ಯೆ ವಿವಾದದಲ್ಲಿದೆ

ಎಐ ಮಾಡೆಲ್ ನಕಲು ಅಲಿಬಾಬಾ-ಸಂಬಂಧಿತ ಅಭಿಯಾನ: 3,500 ನಕಲಿ ಖಾತೆಗಳು, ಅಮೆರಿಕದ ಮಾಡೆಲ್‌ನೊಂದಿಗೆ 151 ಮಿಲಿಯನ್ ಸಂಭಾಷಣೆಗಳು ಆ್ಯಂಥ್ರೊಪಿಕ್ ವರದಿ ಮಾಡಿದೆ

2003 ರಲ್ಲಿ ಸಿಸ್ಕೋ ಕಂಪನಿಯು ಹುವಾಯ್‌ ವಿರುದ್ಧ ಮೊಕದ್ದಮೆ ಹೂಡಿತು. ಹುವಾಯ್‌ ರೂಟರ್ ಸಾಫ್ಟ್‌ವೇರ್‌ನಲ್ಲಿ ತನ್ನ ಸೋರ್ಸ್ ಕೋಡ್ ಇದೆ, ಅದರಲ್ಲಿರುವ ದೋಷಗಳೂ (ಬಗ್ಸ್‌) ಒಂದೇ ರೀತಿ ಇವೆ ಎಂದು ಸಿಸ್ಕೋ ಆರೋಪಿಸಿತು. ತನ್ನ ಕೆಲವು ಕೋಡ್‌ಗಳು ಹೊರಗಿನ ಮತ್ತು ಅನಧಿಕೃತ ಮೂಲದಿಂದ ಬಂದಿವೆ ಎಂದು ಹುವಾಯ್‌ ನ್ಯಾಯಾಲಯದ ದಾಖಲೆಗಳಲ್ಲಿ ಒಪ್ಪಿಕೊಂಡಿತು. ಸಿಸ್ಕೋ ಕೋಡ್ ಅನ್ನು ಎಲೆಕ್ಟ್ರಾನಿಕ್ ರೂಪದಲ್ಲಿ ಹುವಾಯ್‌ ಉತ್ಪನ್ನಕ್ಕೆ ನಕಲು ಮಾಡಲಾಗಿದೆ ಎಂದು ನ್ಯಾಯಾಲಯ ನೇಮಿಸಿದ ತಜ್ಞರು 2004ರಲ್ಲಿ ತೀರ್ಮಾನಿಸಿದರು. ಈ ಪ್ರಕರಣವು ಗೌಪ್ಯ ಷರತ್ತುಗಳೊಂದಿಗೆ ರಾಜಿಯಾಯಿತು, ಆ ಕೋಡ್ ಅನ್ನು ತೆಗೆದುಹಾಕಲಾಯಿತು ಮತ್ತು ಸಾರ್ವಜನಿಕ ದಾಖಲೆಯಲ್ಲಿ ಯಾವುದೇ ಔಪಚಾರಿಕ ತಪ್ಪೊಪ್ಪಿಗೆ ದಾಖಲಾಗಲಿಲ್ಲ. ಆದರೆ ದಾಖಲೆಗಳೇ ಸತ್ಯವನ್ನು ಹೇಳುತ್ತವೆ.

ನಾರ್ಟೆಲ್ ಇನ್ನೊಂದು ಎಚ್ಚರಿಕೆಯ ಗಂಟೆಯಾಗಿತ್ತು. ಕನಿಷ್ಠ 2000ನೇ ಇಸವಿಯಿಂದ ಸಿಇಒ ಸೇರಿದಂತೆ 7 ಕಾರ್ಯನಿರ್ವಾಹಕರ ಕದ್ದ ಪಾಸ್‌ವರ್ಡ್‌ಗಳನ್ನು ಬಳಸಿ ಹ್ಯಾಕರ್‌ಗಳು ಅದರ ನೆಟ್‌ವರ್ಕ್‌ನಲ್ಲಿ ಸುತ್ತಾಡುತ್ತಿದ್ದರು ಮತ್ತು ದತ್ತಾಂಶವು ಚೀನಾಕ್ಕೆ ಹರಿಯುತ್ತಿತ್ತು ಎಂದು ತನಿಖಾಧಿಕಾರಿಗಳು ಪತ್ತೆಹಚ್ಚಿದರು. ಹುವಾಯ್‌ ಬೆಳೆದಂತೆ 2009ರಲ್ಲಿ ನಾರ್ಟೆಲ್ ದಿವಾಳಿಯಾಯಿತು. ತನಿಖಾಧಿಕಾರಿಗಳು ಇದಕ್ಕೆ ಹುವಾವೇಗಿಂತ ಹೆಚ್ಚಾಗಿ ಚೀನಾ ಸರ್ಕಾರವನ್ನು ದೂಷಿಸಿದರು. ಎಂದಿನಂತೆ ಬೀಜಿಂಗ್ ಮತ್ತು ಹುವಾಯ್‌ ತಮ್ಮ ಪಾತ್ರವನ್ನು ನಿರಾಕರಿಸಿದವು.

ಇವುಗಳಲ್ಲಿ ಹಲವು ಆರೋಪಗಳಾಗಿವೆ ಮತ್ತು ಬೀಜಿಂಗ್ ಅವುಗಳನ್ನು ನಿರಾಕರಿಸುತ್ತದೆ, ಆದರೆ ದಶಕಗಳಿಂದ ನಡೆದುಕೊಂಡು ಬಂದಿರುವ ಈ ಮಾದರಿ ಮತ್ತು ವಿಧಾನಗಳು ಇಲ್ಲಿ ಮುಖ್ಯವಾಗುತ್ತವೆ. ಪ್ರತಿಸ್ಪರ್ಧಿಗಳು, ವಿಶೇಷವಾಗಿ ಚೀನಾ, ಹೂಡಿಕೆದಾರರು, ಸಂಶೋಧಕರು ಮತ್ತು ಪ್ರೇಮಿಗಳ ಸೋಗಿನಲ್ಲಿ ಜನರನ್ನು ಬಳಸಿಕೊಂಡು ‘ಸಾಮಾಜಿಕ ಗೂಢಚರ್ಯೆ’ ನಡೆಸುತ್ತಿದೆ ಎಂದು ಅಮೆರಿಕದ ಹಿರಿಯ ಗುಪ್ತಚರ ಅಧಿಕಾರಿಯೊಬ್ಬರು ‘ಟೈಮ್ಸ್ ಆಫ್ ಲಂಡನ್’ಗೆ ತಿಳಿಸಿದ್ದಾರೆ. ಎಐ ಯುಗದಲ್ಲಿ ಈ ತೆರೆದ ಬಾಗಿಲು ಎಂದರೆ ಒಂದು ಎಪಿಐ ಕೀ, ಲಿಂಕ್ಡ್‌ಇನ್ ವಿನಂತಿ ಅಥವಾ ಔತಣಕೂಟದ ಆಹ್ವಾನವಾಗಿದೆ.

ಆಟ ಹಳೆಯದು, ಅಪಾಯ ದೊಡ್ಡದು:

ಈ ಕಾರ್ಯತಂತ್ರವು ಕೇವಲ ಸಾಫ್ಟ್‌ವೇರ್ ಮತ್ತು ಚಿಪ್‌ಗಳಿಗೆ ಸೀಮಿತವಾಗಿಲ್ಲ. ಚೀನಾ, ಪಾಕಿಸ್ತಾನ ಮತ್ತು ಉತ್ತರ ಕೊರಿಯಾ ದೇಶಗಳು ನಿಯಮಗಳ ಪ್ರಕಾರ ತಮಗೆ ಸಿಗದಂತಹ ಅತ್ಯಂತ ಅಪಾಯಕಾರಿ ಸಾಮರ್ಥ್ಯಗಳನ್ನು ಯಾವುದೇ ಮಾರ್ಗವನ್ನಾದರೂ ಬಳಸಿ ಪಡೆದುಕೊಂಡು ನಿರ್ಮಿಸಿಕೊಂಡಿವೆ. ಅವುಗಳ ದಾರಿಗಳು ಬೇರೆ ಬೇರೆಯಾಗಿದ್ದವು, ಆದರೆ ತತ್ವ ಒಂದೇ ಆಗಿತ್ತು.

ಪಾಕಿಸ್ತಾನದ ಪರಮಾಣು ಬಾಂಬ್ ತಯಾರಿಕೆ ಶುರುವಾಗಿದ್ದೇ ಕಳ್ಳತನದಿಂದ: 1975ರಲ್ಲಿ ಎ.ಕ್ಯೂ.ಖಾನ್ ನೆದರ್‌ಲೆಂಡ್ಸ್‌ನ ಯುರೆಂಕೊ ಸಂಸ್ಥೆಯ ಗುತ್ತಿಗೆದಾರರ ಬಳಿ ಕೆಲಸ ಮಾಡುತ್ತಿದ್ದಾಗ, ಅಲ್ಲಿಂದ ಯುರೇನಿಯಂ ಸಂಸ್ಕರಣಾ ಯಂತ್ರದ ವಿನ್ಯಾಸಗಳನ್ನು ಕದ್ದು ಪರಾರಿಯಾದರು. ಶಸ್ತ್ರಾಸ್ತ್ರ ನಿಯಂತ್ರಣ ವಿಶ್ಲೇಷಣೆಗಳ ಪ್ರಕಾರ, ಚೀನಾ ಪಾಕಿಸ್ತಾನಕ್ಕೆ ಪರಮಾಣು ಶಸ್ತ್ರಾಸ್ತ್ರದ ವಿನ್ಯಾಸ ಮತ್ತು ತರಬೇತಿಯನ್ನು ನೀಡಿತು. ನಂತರ ಖಾನ್ ನಕಲಿ ಕಂಪನಿಗಳ ಜಾಲವನ್ನು ನಡೆಸಿ ಇರಾನ್, ಲಿಬಿಯಾ ಮತ್ತು ಉತ್ತರ ಕೊರಿಯಾಕ್ಕೆ ಈ ತಂತ್ರಜ್ಞಾನವನ್ನು ಮಾರಾಟ ಮಾಡಿದರು.

ಚೀನಾದ ಸ್ವಂತ ದಾಖಲೆಗಳು ವಾಷಿಂಗ್ಟನ್‌ನ ಕಡತಗಳಲ್ಲಿವೆ:

ಗೂಢಚರ್ಯೆಯ ಮೂಲಕ ಚೀನಾ ಅಮೆರಿಕದ ಡಬ್ಲ್ಯು88 ಸಿಡಿತಲೆಯ ರಹಸ್ಯ ಮಾಹಿತಿಯನ್ನು ಪಡೆದುಕೊಂಡಿದೆ ಎಂದು 1999ರ ಕಾಕ್ಸ್ ಸಮಿತಿ ತೀರ್ಮಾನಿಸಿತು (ಇದನ್ನು ಚೀನಾ ತಿರಸ್ಕರಿಸಿತು) ಮತ್ತು ರಾಕೆಟ್ ವೈಫಲ್ಯಗಳನ್ನು ಸರಿಪಡಿಸಲು ಚೀನಾಕ್ಕೆ ಸಹಾಯ ಮಾಡುವ ಮೂಲಕ ಲೋರಲ್ ಮತ್ತು ಹ್ಯೂಸ್ ಕಂಪನಿಗಳು ರಫ್ತು ನಿಯಂತ್ರಣಗಳನ್ನು ಉಲ್ಲಂಘಿಸಿವೆ ಎಂದು ಅದು ಹೇಳಿತು. ಭಾರತದಲ್ಲಿರುವ ನಮಗೆ ಇದು ಕೇವಲ ಪುಸ್ತಕದ ವಿಷಯವಲ್ಲ. ಇದು ನಿಜವಾದ ಅಪಾಯಗಳನ್ನು ಸೃಷ್ಟಿಸಿದೆ, ಏಕೆಂದರೆ ಈ ಮೂವರಲ್ಲಿ ಇಬ್ಬರು ನಮ್ಮ ನೆರೆಯವರಾಗಿದ್ದಾರೆ.

2018ರಲ್ಲಿ ನಾನು ಮುಂದಿಟ್ಟ ಆಲೋಚನೆ:

ತಂತ್ರಜ್ಞಾನದ ಭವಿಷ್ಯವನ್ನು ವಿಶ್ವಾಸಾರ್ಹ ಪಾಲುದಾರರ ಒಕ್ಕೂಟಗಳು ರೂಪಿಸಬೇಕು ಮತ್ತು ನಿಯಂತ್ರಿಸಬೇಕು ಎಂದು ನಾನು 2018ರಲ್ಲಿ ವಾದಿಸಿದ್ದೆ. ಅಂದರೆ, ಸಮಾನ ಮೌಲ್ಯಗಳನ್ನು ಹಂಚಿಕೊಳ್ಳುವ, ಕಾನೂನನ್ನು ಗೌರವಿಸುವ, ಬೌದ್ಧಿಕ ಆಸ್ತಿಯನ್ನು ರಕ್ಷಿಸುವ ಮತ್ತು ಕಳ್ಳತನಕ್ಕಿಂತ ನಿಜವಾದ ಆವಿಷ್ಕಾರದಲ್ಲಿ ನಂಬಿಕೆಯಿಡುವ ದೇಶಗಳ ಒಕ್ಕೂಟ. ಆ ವ್ಯವಸ್ಥೆಯನ್ನು ಈಗಷ್ಟೇ ನಿರ್ಮಿಸಲಾಗುತ್ತಿದೆ—ಅದೂ ಬಹಳ ತಡವಾಗಿ. ಡಿಸೆಂಬರ್ 2025ರಲ್ಲಿ ಪ್ರಾರಂಭವಾದ ಪ್ಯಾಕ್ಸ್ ಸಿಲಿಕಾ, ಚಿಪ್, ಎಐ ಮತ್ತು ನಿರ್ಣಾಯಕ ಖನಿಜಗಳ ಪೂರೈಕೆ ಸರಪಳಿಯನ್ನು ಸುರಕ್ಷಿತಗೊಳಿಸಲು ವಿಶ್ವಾಸಾರ್ಹ ದೇಶಗಳನ್ನು ಒಟ್ಟುಗೂಡಿಸುತ್ತದೆ. ಫೆಬ್ರವರಿಯಲ್ಲಿ ಜಪಾನ್, ದಕ್ಷಿಣ ಕೊರಿಯಾ, ಯುಕೆ, ಸಿಂಗಪುರ ಮತ್ತು ಇತರ ದೇಶಗಳೊಂದಿಗೆ ಭಾರತವೂ ಈ ಘೋಷಣೆಗೆ ಸಹಿ ಹಾಕಿದೆ. ಇದು ತೀರಾ ಕಡಿಮೆಯಾಯಿತೇ? ಬಹಳ ತಡವಾಯಿತೇ?

ಆದರೆ ಇಷ್ಟೇ ಸಾಕೇ? ಏಕೆಂದರೆ ಹುವಾಂಗ್ ಪ್ರಕರಣದಲ್ಲಿ ಆರೋಪಿಸಲಾದ ಮಾರ್ಗವು ಸ್ವತಃ ಸದಸ್ಯ ರಾಷ್ಟ್ರವಾಗಿರುವ ಸಿಂಗಪುರದ ಕಂಪನಿಯ ಮೂಲಕವೇ ಹಾದುಹೋಗಿದೆ ಎಂಬುದು ನಮಗೆ ತಿಳಿದಿದೆ. ನಂಬಿಕೆಯನ್ನು ಕೇವಲ ಘೋಷಿಸಿದರೆ ಸಾಲದು, ಅದನ್ನು ಪರಿಶೀಲಿಸಬೇಕು. ಒಂದು ‘ವಿಶ್ವಾಸಾರ್ಹ ಒಕ್ಕೂಟ’ಕ್ಕೆ ಇವುಗಳ ಅಗತ್ಯವೂ ಇದೆ:

ಹಂಚಿಕೆಯ ಪ್ರತಿ-ಗೂಢಚರ್ಯೆ: ಕಾರ್ಯನಿರ್ವಾಹಕರು, ಸಂಶೋಧಕರು ಮತ್ತು ಅಧಿಕಾರಿಗಳಿಗೆ ಶತ್ರುಗಳ ತಂತ್ರಗಳ ಬಗ್ಗೆ ಅರಿವು ಮೂಡಿಸುವುದು, ನಕಲಿ ಖರೀದಿ ಕಂಪನಿಗಳನ್ನು ಗುರುತಿಸುವುದು ಮತ್ತು ಮಾಹಿತಿಯನ್ನು ಹಂಚಿಕೊಳ್ಳುವುದು.

ಕಂಪ್ಯೂಟಿಂಗ್ ಶಕ್ತಿಯ ಮಾಲೀಕತ್ವದಲ್ಲಿ ಪಾರದರ್ಶಕತೆ: ಡೇಟಾ-ಸೆಂಟರ್ ನಿರ್ವಾಹಕರು, ಮರು ಮಾರಾಟಗಾರರು ಮತ್ತು ಚಿಪ್ ಖರೀದಿದಾರರ ನಿಜವಾದ ಮಾಲೀಕರು ಯಾರು ಎಂಬುದು ಒಕ್ಕೂಟದ ಪ್ರತಿಯೊಂದು ದೇಶದ ನಿಯಂತ್ರಕರಿಗೆ ಸ್ಪಷ್ಟವಾಗಿ ತಿಳಿದಿರಬೇಕು.

ಪರಸ್ಪರತೆ: ನಮಗೆ ಮುಕ್ತವಾಗಿರುವವರಿಗೆ ನಾವೂ ಮುಕ್ತವಾಗಿರುವುದು, ಇಲ್ಲದವರ ಮೇಲೆ ಕಠಿಣ ನಿಗಾ ಇಡುವುದು.

ಕಠಿಣ ಪರಿಣಾಮಗಳು: ಕೇವಲ ವ್ಯಾಪಾರದ ಖರ್ಚು ಎಂದು ಭಾವಿಸಿ ಕಟ್ಟುವ ಸಣ್ಣ ದಂಡಗಳ ಬದಲು, ತಪ್ಪು ಮಾಡಲು ಭಯಪಡುವಂತಹ ಕಠಿಣ ಶಿಕ್ಷೆಗಳನ್ನು ವಿಧಿಸುವುದು.

ಮುಕ್ತವಾಗಿರಿ, ಆದರೆ ಮುಗ್ಧರಾಗಬೇಡಿ:

ಇದಾವುದೂ ಬಾಗಿಲು ಮುಚ್ಚಬೇಕು ಎಂದು ವಾದಿಸುವುದಿಲ್ಲ. ಮುಕ್ತ ಸಮಾಜಗಳು ಮುಕ್ತವಾಗಿರುವುದರಿಂದಲೇ ಬಲಿಷ್ಠವಾಗಿವೆ: ಅವು ಅತ್ಯುತ್ತಮ ಪ್ರತಿಭೆ ಮತ್ತು ಆಲೋಚನೆಗಳನ್ನು ಆಕರ್ಷಿಸುತ್ತವೆ ಮತ್ತು ಹೊಸ ಆವಿಷ್ಕಾರಗಳ ಮೂಲಕ ಗೆಲ್ಲುತ್ತವೆ. ಚೀನಾದ ಎಲ್ಲಾ ತಂತ್ರಜ್ಞಾನವೂ ಕದ್ದಿದ್ದೇ ಎಂದು ನಾನು ವಾದಿಸುತ್ತಿಲ್ಲ. ಆದರೆ ಇತರರ ನಂಬಿಕೆಯನ್ನು ದುರುಪಯೋಗಪಡಿಸಿಕೊಂಡು ಗಳಿಸಿದ ಅದರ ತಾಂತ್ರಿಕ ವಿಶ್ವಾಸಾರ್ಹತೆಯು ಆ ನಂಬಿಕೆಗೆ ಬಗೆದ ದ್ರೋಹವಾಗಿದೆ. ನಾವು ಪರಿಶೀಲಿಸಬಹುದಾದ ಪಾಲುದಾರರಿಗೆ ಬಾಗಿಲು ತೆರೆಯುವುದು ಮತ್ತು ಉಳಿದವರಿಗೆ ಬೀಗ ಹಾಕುವುದೇ ಇದಕ್ಕೆ ಸರಿಯಾದ ಉತ್ತರ.

ಹುವಾಂಗ್ ಕಥೆಯನ್ನು ಕೇವಲ ಒಂದು ಹಗರಣವಾಗಿ ನೋಡಲಾಗುತ್ತದೆ ಮತ್ತು ಹಗರಣಗಳು ಕೇವಲ ಗದ್ದಲವಷ್ಟೇ. ಆದರೆ ಅದರ ಹಿಂದಿರುವ ವ್ಯವಸ್ಥಿತ ಮಾದರಿಯೇ ನಿಜವಾದ ಸಂಕೇತವಾಗಿದೆ. ತಾನು ನಿರ್ಮಿಸುತ್ತಿರುವುದನ್ನು ರಕ್ಷಿಸಿಕೊಳ್ಳಬೇಕೇ ಅಥವಾ ಅದು ಕಳ್ಳತನವಾಗಲು ಬಿಡಬೇಕೇ ಎಂಬುದನ್ನು ಜಗತ್ತು ಈಗ ನಿರ್ಧರಿಸಬೇಕಿದೆ.

ತಂತ್ರಜ್ಞಾನವನ್ನು ಕದಿಯಬಹುದು, ಆದರೆ ಹಾಗಾಗಲು ಬಿಡಬಾರದು. ಅದರ ವಿಶ್ವಾಸಾರ್ಹತೆಯನ್ನು ಸಂಪಾದಿಸಬೇಕು, ಮತ್ತು ವಿಶ್ವಾಸಾರ್ಹ ಪಾಲುದಾರರು ಮಾತ್ರ ಒಟ್ಟಾಗಿ ಅದನ್ನು ಸಂಪಾದಿಸಲು ಸಾಧ್ಯ.

ಒಂದೊಂದು ಸಿನಿಮಾದಲ್ಲೂ ಒಂದೊಂದು ಮ್ಯಾಜಿಕ್: ಯಾಮಿ ಗೌತಮ್‌ರ ಈ 7 ಲುಕ್ಸ್ ಮಿಸ್ ಮಾಡ್ಬೇಡಿ!

Govindaraj S — Fri, 13 Nov 2026 23:15:10 +0530

ಗ್ಲಾಮರ್‌ನಿಂದ ಹಿಡಿದು ಗಂಭೀರ ಪಾತ್ರಗಳವರೆಗೆ ಬಾಲಿವುಡ್ ನಟಿ ಯಾಮಿ ಗೌತಮ್ ತಮ್ಮ ಬಹುಮುಖ ಪ್ರತಿಭೆಯನ್ನು ಸಾಬೀತುಪಡಿಸಿದ್ದಾರೆ. ಭಾರತೀಯ ಸಿನಿಮಾದಲ್ಲಿ ಅವರ 7 ಅತ್ಯುತ್ತಮ ಆನ್-ಸ್ಕ್ರೀನ್ ಲುಕ್ಸ್‌ ಇಲ್ಲಿದೆ.

ಮೊದಲ ಓವರ್‍‌ನಲ್ಲೇ 3 ವಿಕೆಟ್! ಕೊಹ್ಲಿ, ರೋಹಿತ್, ಅಯ್ಯರ್ ವಿರುದ್ಧ ಗಂಭೀರ್ ಆಕ್ರೋಶ

Ganesh Mabla Gowda — Fri, 13 Nov 2026 23:06:21 +0530

ನ್ಯೂಜಿಲೆಂಡ್ ವಿರುದ್ಧದ ಹೀನಾಯ ಸೋಲಿಗೆ ಕೋಚ್ ಗೌತಮ್ ಗಂಭೀರ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಹಿರಿಯ ಆಟಗಾರರಾದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹಾಗೂ ಕ್ಯಾಪ್ಟನ್ ಅಯ್ಯರ್ ಮೇಲೆ ಗಂಭೀರ್ ಮುನಿಸಿಕೊಂಡಿದ್ದಾರೆ.

ಏನಂದ್ರು ಗಂಭೀರ್?

ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಆಡಲು ಅಸಾಧ್ಯವಾಗದ ಬಾಲ್‌ಗಳು ಅಂತಾ ಯಾವುದೂ ಇಲ್ಲ, ನಾವು ಕನಿಷ್ಠ 10 ಓವರ್‍‌ಗಳನ್ನಾದರೂ ದಾಟಬೇಕಿತ್ತು. ಆಗ ಪಿಚ್‌ನ ಅನುಭವ ಸಿಕ್ಕಿರೋದು. ನ್ಯೂಜಿಲೆಂಡ್ ಪರ ಮ್ಯಾಟ್ ಹೆನ್ರಿ ಚೆನ್ನಾಗಿ ಬೌಲಿಂಗ್ ಮಾಡಿದರು. ಆದರೆ ನಾವು ಅದನ್ನು ಚೆನ್ನಾಗಿ ನಿಭಾಯಿಸಬೇಕಾಗಿತ್ತು. ನೀವು ಸುಮಾರು 90 ರನ್‌ಗಳಿಗೆ ಆಲೌಟ್ ಆಗ್ತೀರಿ ಎಂದರೆ..ನಾವು ಯೋಚನೆ ಮಾಡಬೇಕಾಗಿರೋದು ಸಹಜ. ನಮ್ಮ ಮುಂದೆ ವಿಶ್ವಕಪ್ ಹತ್ತಿರದಲ್ಲಿದೆ. ಕಳೆದ ಪಂದ್ಯಗಳಲ್ಲಿ ನಾವು 7 ವಿಕೆಟ್‌ಗಳನ್ನ ಕಳೆದುಕೊಂಡಿದ್ದೇವೆ. ಇದೆಲ್ಲ ಕಳವಳಕಾರಿ ವಿಚಾರ.

ಕಳೆದ ಪಂದ್ಯಗಳಲ್ಲಿ ನಾವು 111 ರನ್‌ಗಳಿಗೆ 7 ವಿಕೆಟ್ ಕಳೆದುಕೊಂಡೆವು. ಇಂಥ ಸಂದರ್ಭದಲ್ಲಿ ನಾವು ಮಾನಸಿಕವಾಗಿ ಮತ್ತು ಕಾನ್ಪಿಡೆಂಟ್ ಆಗಿ ಇರಬೇಕು. ಇಂಥ ಪರಿಸ್ಥಿತಿ ಎದುರಾದಾಗ ನಾವು 30 ರಿಂ 40 ರನ್‌ಗಳವರೆಗೆ ವಿಕೆಟ್ ಕಳೆದುಕೊಳ್ಳದೇ ಹೋರಾಟ ನಡೆಸಬೇಕು. ಇವತ್ತು ನಮಗೆ ಅನುಭವ ಆಗಿದೆ. ಕೊನೆಯ ಪಂದ್ಯದಲ್ಲಿ ಇದೆಲ್ಲವನ್ನೂ ಸರಿಪಡಿಸಿಕೊಂಡು ಮುನ್ನುಗ್ಗುತ್ತೇವೆ ಎಂದಿದ್ದಾರೆ.

ನ್ಯೂಜಿಲೆಂಡ್ 333 ರನ್‌ಗಳಿಸಿದ್ದರೂ ಬೌಲರ್‍‌ಗಳನ್ನ ಅವರು ಸಮರ್ಥಿಸಿಕೊಂಡು ಬ್ಯಾಟರ್‍‌ಗಳ ಮೇಲೆ ಕಿಡಿಕಾರಿದರು. ಆದರೆ ಫೀಲ್ಡಿಂಗ್‌ನಲ್ಲಿ ಆದ ವ್ಯತ್ಯಾಸಗಳ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ನಾವಿ ವಿಲ್ ಯಂಗ್ ಅವರ ಕ್ಯಾಚ್ ಪಡೆದುಕೊಂಡಿದ್ದರೆ ಮ್ಯಾಚ್ ತುಂಬಾ ಡಿಫರೆಂಟ್ ಆಗಿರುತ್ತಿತ್ತು. ಅಕಿಬ್ ನಬಿ ದರಾದೃಷ್ಟವಂತರಾದರು. ನಾವು ಕ್ಯಾಚ್‌ಗಳನ್ನ ಕೈಬಿಟ್ಟು ಬೆಲೆ ತೆತ್ತಿದ್ದೇವೆ. ನಮ್ಮ ಬೌಲಿಂಗ್ ಘಟಕದ ಬಗ್ಗೆ ಎಲ್ಲರೂ ಹೆಮ್ಮೆ ಪಡಬೇಕು ಎಂದಿದ್ದಾರೆ.

ಇದೇ ವೇಳೆ ನಾನು ತಾಂತ್ರಿಕ ದೋಷಗಳ ಬಗ್ಗೆ ಮಾತನ್ನಾಡೋದಿಲ್ಲ. ಚೆಂಡಿನಲ್ಲಿ ಹೆಚ್ಚಿನ ಚಲನೆ ಇರಲಿಲ್ಲ. ಬಾಲ್ ಎಷ್ಟೇ ವೇಗವಾಗಿ, ನಿಧಾನವಾಗಿ ಬಂದರೂ ಅದನ್ನು ಕಂಟ್ರೋಲ್‌ಗೆ ತೆಗೆದುಕೊಳ್ಳೋದು ಬ್ಯಾಟರ್‍‌ಗಳ ಕೆಲಸ ಎಂದು ಮತ್ತೆ ಬ್ಯಾಟರ್‍‌ಗಳನ್ನೇ ದೂಷಿಸಿದ್ದಾರೆ. ಹಿರಿಯ ಬ್ಯಾಟರ್‍‌ಗಳಾದ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹಾಗೂ ಶ್ರೇಯಸ್ ಅಯ್ಯರ್ ಅವರ ಬೇಜಾವಾಬ್ದಾರಿ ಆಟಕ್ಕೆ ಕೋಚ್ ಬೇಸರ ವ್ಯಕ್ತಪಡಿಸಿದ್ದಾರೆ. ಆದರೆ ಗಂಭೀರ್ ಯಾರ ಹೆಸರನ್ನೂ ಉಲ್ಲೇಖ ಮಾಡಿಲ್ಲ.

ಏನಾಯ್ತು ಇವತ್ತಿನ ಮ್ಯಾಚ್?

ಮೊದಲು ಬ್ಯಾಟ್ ಮಾಡಿದ್ದ ನ್ಯೂಜಿಲೆಂಡ್ 333 ರನ್‌ಗಳಿಸಿತ್ತು. ಈ ಗುರಿಯನ್ನ ಬೆನ್ನು ಹತ್ತಿದ್ದ ಭಾರತ ತಂಡ 26.4 ಓವರ್‍‌ಗೆ ಎಲ್ಲಾ ವಿಕೆಟ್ ಕಳೆದುಕೊಂಡು 89 ರನ್‌ಗಳಿಸಿ ಸೋಲಿಗೆ ಶರಣಾಯ್ತು. ಮ್ಯಾಟ್ ಹೆನ್ರಿ ಭಾರತ ತಂಡಕ್ಕೆ ಆಘಾತ ನೀಡಿದರು. ಮೊದಲ ಓವರ್‍‌ನಲ್ಲೇ ಮೂರು ವಿಕೆಟ್ ಕಿತ್ತರು. ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಹಾಗೂ ಶ್ರೇಯಸ್ ಅಯ್ಯರ್ ಅವರ ವಿಕೆಟ್ ಬ್ಯಾಕ್‌ ಟು ಬ್ಯಾಕ್ ಉರುಳಿದವು.

'ಲ್ಯಾಂಡ್‌ ಕರಾ ದೇ ಭಾಯ್‌..' ಫೇಮ್‌ ವಿಪಿನ್‌ ಸಾಹು ತನ್ನ ಈ ವೈರಲ್‌ ವಿಡಿಯೋದಿಂದಲೇ ಗಳಿಸಿದ್ದು ಲಕ್ಷಾಂತರ ರೂಪಾಯಿ!

Santosh Naik — Fri, 13 Nov 2026 22:57:38 +0530

2019ರಲ್ಲಿ ಹಿಮಾಚಲ ಪ್ರದೇಶದಲ್ಲಿ ಪ್ಯಾರಾಗ್ಲೈಡಿಂಗ್ ಮಾಡುವಾಗ ಭಯದಿಂದ "ಲ್ಯಾಂಡ್ ಕರಾ ದೇ ಭಾಯ್" (ದಯವಿಟ್ಟು ಕೆಳಗೆ ಇಳಿಸು ಸಹೋದರ) ಎಂದು ಪದೇ ಪದೇ ಗೋಗರೆದು ಇಡೀ ದೇಶಾದ್ಯಂತ ಇಂಟರ್‌ನೆಟ್ ಸೆನ್ಸೇಷನ್ ಆಗಿದ್ದ ವಿಪಿನ್ ಸಾಹು (Vipin Sahu), ಆ ಒಂದೇ ವೈರಲ್ ವಿಡಿಯೋದಿಂದ ಬರೋಬ್ಬರಿ ₹42 ಲಕ್ಷ ಗಳಿಸಿರುವ ಅಚ್ಚರಿಯ ವಿಷಯವನ್ನು ಬಹಿರಂಗಪಡಿಸಿದ್ದಾರೆ: ವಿಡಿಯೋದ ಮೀಮ್ ಹಕ್ಕುಗಳನ್ನು (Meme Rights) ಮಾರಾಟ ಮಾಡುವ ಮೂಲಕ ₹22 ಲಕ್ಷ ಹಾಗೂ ಯೂಟ್ಯೂಬ್ (YouTube) ಮೂಲಕ ಸುಮಾರು ₹20 ಲಕ್ಷ ಸಂಪಾದಿಸಿರುವುದಾಗಿ ಅವರು ತಿಳಿಸಿದ್ದಾರೆ.

ಕಂಟೆಂಟ್ ಕ್ರಿಯೇಟರ್ ನಿಶು ತಿವಾರಿ (Nishu Tiwari) ಅವರಿಗೆ ನೀಡಿದ ವಿಶೇಷ ಸಂದರ್ಶನದಲ್ಲಿ ವಿಪಿನ್ ಸಾಹು, ಆ ವಿಡಿಯೋ ತಮ್ಮನ್ನು ರಾತ್ರೋರಾತ್ರಿ ವೈರಲ್ ಸ್ಟಾರ್ ಆಗಿ ಮಾಡಿದ ನಂತರದ ಪಯಣವನ್ನು ಹಂಚಿಕೊಂಡಿದ್ದಾರೆ. ಯೂಟ್ಯೂಬ್ ಗಳಿಕೆ ಮತ್ತು ಮೀಮ್ ಹಕ್ಕುಗಳ ಮಾರಾಟದಿಂದ ಒಟ್ಟಾರೆ ಸುಮಾರು ₹42 ಲಕ್ಷ ಆದಾಯ ಬಂದಿದೆ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ.

ಪ್ಯಾರಾಗ್ಲೈಡಿಂಗ್ ವಿಡಿಯೋ ಸೃಷ್ಟಿಸಿದ ಸಂಚಲನ

2019ರಲ್ಲಿ ಹಿಮಾಚಲ ಪ್ರದೇಶಕ್ಕೆ ಪ್ರವಾಸಕ್ಕೆ ಹೋಗಿದ್ದಾಗ ವಿಪಿನ್ ಸಾಹು ಪ್ಯಾರಾಗ್ಲೈಡಿಂಗ್ ಮಾಡಿದ್ದರು. ಆಕಾಶದಲ್ಲಿ ಎತ್ತರಕ್ಕೆ ಹಾರುತ್ತಿದ್ದಂತೆಯೇ ಭಯಭೀತರಾದ ಅವರು, ತಮ್ಮ ಕೋಚ್‌ ಬಳಿ "ಭಾಯ್ 100-200 ಜ್ಯಾದಾ ಲೇ ಲೇ, ಪರ್ ಲ್ಯಾಂಡ್ ಕರಾ ದೇ" (ಸಹೋದರ 100-200 ರೂಪಾಯಿ ಹೆಚ್ಚಿಗೆ ತೆಗೆದುಕೋ, ಆದರೆ ನನ್ನನ್ನು ಕೆಳಗೆ ಇಳಿಸು) ಎಂದು ಅಂಗಲಾಚಿದ್ದರು. ಈ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ಕಾಳ್ಗಿಚ್ಚಿನಂತೆ ಹರಡಿ, ಭಾರತದ ಅತ್ಯಂತ ಜನಪ್ರಿಯ ಇಂಟರ್‌ನೆಟ್ ಮೀಮ್‌ಗಳಲ್ಲಿ ಒಂದಾಗಿ ಮಾರ್ಪಟ್ಟಿತ್ತು.

ವೈರಲ್ ಖ್ಯಾತಿಗೂ ಮೊದಲೇ ಕೋಟ್ಯಧಿಪತಿ ಉದ್ಯಮಿ

ಸಂದರ್ಶನದಲ್ಲಿ ತಮ್ಮ ವೈಯಕ್ತಿಕ ಹಿನ್ನೆಲೆಯ ಬಗ್ಗೆ ಮಾತನಾಡಿದ ಸಾಹು, ಇಂಟರ್‌ನೆಟ್ ಖ್ಯಾತಿ ಸಿಗುವ ಮೊದಲೇ ತಾವು ಹಲವು ಉದ್ಯಮಗಳನ್ನು ನಡೆಸುತ್ತಿದ್ದಾಗಿ ಸ್ಪಷ್ಟಪಡಿಸಿದ್ದಾರೆ: ತಾವು ಹಲವು ಜಿಮ್‌ಗಳು (Gyms) ಮತ್ತು ಟೈಲ್ಸ್ ಶೋರೂಮ್‌ಗಳ (Tile Showrooms) ಮಾಲೀಕರಾಗಿದ್ದು, ಭಾರತ, ದುಬೈ ಮತ್ತು ಜಾರ್ಜಿಯಾದಲ್ಲಿ ಉದ್ಯಮ ಹೊಂದಿರುವುದಾಗಿ ತಿಳಿಸಿದ್ದಾರೆ. ಪ್ರಸ್ತುತ ವಿಪಿನ್ ಸಾಹು ಜಾರ್ಜಿಯಾದಲ್ಲಿ ವಾಸವಾಗಿದ್ದಾರೆ.

ಜನಪ್ರಿಯ ರಿಯಾಲಿಟಿ ಶೋ 'ಎಂಟಿವಿ ರೋಡೀಸ್'ನಲ್ಲಿ (MTV Roadies) ಭಾಗವಹಿಸುವ ಹಿಂದಿನ ಉದ್ದೇಶವನ್ನೂ ಅವರು ಬಿಚ್ಚಿಟ್ಟಿದ್ದಾರೆ. ಕೇವಲ 'ವೈರಲ್ ವಿಡಿಯೋ ವ್ಯಕ್ತಿ' ಎಂಬ ಹಣೆಪಟ್ಟಿಯಿಂದ ಹೊರಬಂದು, ಸಾರ್ವಜನಿಕರಲ್ಲಿ ತಮ್ಮ ಬಗೆಗಿನ ದೃಷ್ಟಿಕೋನವನ್ನು ಬದಲಾಯಿಸಲು ಹಾಗೂ ತಮ್ಮ ಎನ್‌ಜಿಒ (NGO) ಮೂಲಕ ನಡೆಸುತ್ತಿರುವ ಸಮಾಜಮುಖಿ ಕಾರ್ಯಗಳನ್ನು (Philanthropic work) ಪರಿಚಯಿಸಲು ರೋಡೀಸ್ ವೇದಿಕೆಯನ್ನು ಬಳಸಿಕೊಂಡಿದ್ದಾಗಿ ಹೇಳಿದ್ದಾರೆ.

ಹೊಸ ಕಂಟೆಂಟ್ ಕ್ರಿಯೇಟರ್‌ಗಳಿಗೆ ಮಹತ್ವದ ಕಿವಿಮಾತು

ಸಾಮಾಜಿಕ ಜಾಲತಾಣಗಳ ಜನಪ್ರಿಯತೆಯ ಬಗ್ಗೆ ಸಲಹೆ ನೀಡಿರುವ ವಿಪಿನ್ ಸಾಹು, ವೈರಲ್ ಖ್ಯಾತಿ ಎಂಬುದು ಸಾಮಾನ್ಯವಾಗಿ ಕೆಲವೇ ತಿಂಗಳುಗಳವರೆಗೆ ಮಾತ್ರ ಇರುತ್ತದೆ. ಹೀಗಾಗಿ ಉದಯೋನ್ಮುಖ ಕಂಟೆಂಟ್ ಕ್ರಿಯೇಟರ್‌ಗಳು ಕೇವಲ ಇಂಟರ್‌ನೆಟ್ ಜನಪ್ರಿಯತೆಯನ್ನೇ ಅವಲಂಬಿಸದೆ, ತಮ್ಮ ನಿಜವಾದ ಕೆಲಸ ಮತ್ತು ವೃತ್ತಿಯ ಮೇಲೆ ಗಮನಹರಿಸಬೇಕು ಎಂದು ಕಿವಿಮಾತು ಹೇಳಿದ್ದಾರೆ.

ಆಡಿಷನ್‌ಗೆ ಬಂದು ಸ್ಟಾಂಪ್ ಸೈಜ್ ಫೋಟೋ ಕೊಟ್ರು: 'ಅಪ್ಪು' ನಿರ್ದೇಶಕರಿಗೆ ಶಾಕ್ ಕೊಟ್ಟ ಆ ಸುಂದರಿ ಯಾರು?

Govindaraj S — Fri, 13 Nov 2026 22:39:58 +0530

ನಿರ್ದೇಶಕ ಪುರಿ ಜಗನ್ನಾಥ್ ಹಲವಾರು ಸ್ಟಾರ್ ನಟ ನಟಿಯರನ್ನು ಚಿತ್ರರಂಗಕ್ಕೆ ಪರಿಚಯಿಸಿದ್ದಾರೆ. ಎಷ್ಟೇ ಜನ ಹಿರೋಯಿನ್ ಗಳನ್ನು ತಂದರೂ, ಒಬ್ಬ ನಟಿ ಮಾತ್ರ ಅವರಿಗೆ ತುಂಬಾ ಸ್ಪೆಷಲ್. ಆಕೆ ಕೊಟ್ಟ ಶಾಕ್ ಅನ್ನು ಪುರಿ ಜಗನ್ನಾಥ್ ತಮ್ಮ ಜೀವನದಲ್ಲೇ ಮರೆಯಲು ಸಾಧ್ಯವಿಲ್ಲ.

ಟಾಲಿವುಡ್ ಸ್ಟಾರ್ ಡೈರೆಕ್ಟರ್ ಪುರಿ ಜಗನ್ನಾಥ್ ಅವರ ಸ್ಟೈಲ್ ಬಗ್ಗೆ ಎಲ್ಲರಿಗೂ ಗೊತ್ತೇ ಇದೆ. ಹೀರೊಗಳಲ್ಲಿನ ನೆಗೆಟಿವ್ ಶೇಡ್ ಅನ್ನು ಅವರು ತೆರೆಮೇಲೆ ತರುತ್ತಾರೆ. ತಮ್ಮ ಸಿನಿಮಾಗಳ ಸಕ್ಸಸ್ ಜೊತೆಗೆ ಇಂಟರೆಸ್ಟಿಂಗ್ ವಿಚಾರಗಳನ್ನು ಹೇಳಿ ಯಾವಾಗಲೂ ಸುದ್ದಿಯಲ್ಲಿರುತ್ತಾರೆ. ರಾಮ್ ಚರಣ್ ನಂತಹ ಸ್ಟಾರ್ ಹೀರೊಗಳ ಜೊತೆಗೆ ಸಾಕಷ್ಟು ಸ್ಟಾರ್ ಹಿರೋಯಿನ್ ಗಳನ್ನು ಚಿತ್ರರಂಗಕ್ಕೆ ಪರಿಚಯಿಸಿದ್ದು ಇವರೇ. ಇವರು ಪರಿಚಯಿಸಿದ ಓರ್ವ ನಟಿಯ ಬಗ್ಗೆ ಶಾಕಿಂಗ್ ವಿಚಾರಗಳನ್ನು ಬಿಚ್ಚಿಟ್ಟಿದ್ದಾರೆ. ಆ ನಟಿ ಮತ್ಯಾರೂ ಅಲ್ಲ, ಅನುಷ್ಕಾ ಶೆಟ್ಟಿ.

ಸ್ಟಾರ್ ನಟಿ ಅನುಷ್ಕಾ ಶೆಟ್ಟಿ (ಸ್ವೀಟಿ) ಸಿನಿಮಾ ಇಂಡಸ್ಟ್ರಿಗೆ ಹೇಗೆ ಎಂಟ್ರಿ ಕೊಟ್ಟರು, ಮುಂಬೈನಲ್ಲಿ ಮೊದಲ ಬಾರಿಗೆ ಆಕೆಯನ್ನು ಭೇಟಿಯಾದ ಬಗ್ಗೆ ಪುರಿ ಜಗನ್ನಾಥ್ ಒಮ್ಮೆ ತಮಾಷೆಯಾಗಿ ಹಂಚಿಕೊಂಡಿದ್ದರು. ಟಾಲಿವುಡ್ ಕಿಂಗ್ ಅಕ್ಕಿನೇನಿ ನಾಗಾರ್ಜುನ ಹೀರೊ ಆಗಿ ನಟಿಸಿದ್ದ 'ಸೂಪರ್' ಸಿನಿಮಾಗಾಗಿ ಹೊಸ ನಟಿಯ ಹುಡುಕಾಟದಲ್ಲಿದ್ದ ಪೂರಿ, ಮುಂಬೈಗೆ ಹೋಗಿದ್ದರು. ಆ ಸಮಯದಲ್ಲಿ ಮುಂಬೈನ ಸೀ ಪ್ರಿನ್ಸೆಸ್ ಹೋಟೆಲ್ ನ ಲಾಬಿಯಲ್ಲಿ ಕುಳಿತು ಕಾಯುತ್ತಿದ್ದಾಗ, ಒಬ್ಬ ಯುವತಿ ಬಂದಳು. ಆಕೆಯ ಎತ್ತರ, ರೂಪ ಎಲ್ಲರನ್ನೂ ಸೆಳೆಯುವಂತಿತ್ತು. ಹೆಸರೇನೆಂದು ಕೇಳಿದಾಗ "ಸ್ವೀಟಿ" ಎಂದು ಹೇಳಿ ಅಲ್ಲಿಯೇ ಕುಳಿತಳು. ಆಕೆ ಮತ್ಯಾರೂ ಅಲ್ಲ, ನಮ್ಮೆಲ್ಲರ ನೆಚ್ಚಿನ ತಾರೆ ಅನುಷ್ಕಾ ಶೆಟ್ಟಿ.

ಆಡಿಷನ್ ಗಾಗಿ ಫೋಟೋಗಳಿದ್ದರೆ ಕೊಡಿ ಎಂದು ಪುರಿ ಜಗನ್ನಾಥ್ ಕೇಳಿದಾಗ, ಆಕೆ ತನ್ನ ಪರ್ಸ್ ನಲ್ಲಿ ಹುಡುಕಿದಳು. ಸ್ಟಾಂಪ್ ಸೈಜ್ ಗಿಂತ ಚಿಕ್ಕದಾದ, ಆಧಾರ್ ಕಾರ್ಡ್ ಗಾಗಿ ಇಟ್ಟುಕೊಂಡಿದ್ದ ಒಂದು ಸಣ್ಣ ಫೋಟೋ ತೆಗೆದು ತೋರಿಸಿದಳು. ಅದನ್ನು ನೋಡಿದ ಪುರಿ ಜಗನ್ನಾಥ್ ಒಮ್ಮೆಲೆ ಶಾಕ್ ಆದರು. ಸಿನಿಮಾ ಇಂಡಸ್ಟ್ರಿಗೆ ಬರುವ ನಟಿಯರ ಬಳಿ ದೊಡ್ಡ ಫೋಟೋಶೂಟ್ ಗಳು, ಪೋರ್ಟ್ ಫೋಲಿಯೊಗಳು ಇರುತ್ತವೆ, ಆದರೆ ಅನುಷ್ಕಾ ಮಾತ್ರ ಯಾವುದೇ ಹಮ್ಮುಬಿಮ್ಮು ಇಲ್ಲದೆ ತುಂಬಾ ಸಾಧಾರಣವಾಗಿದ್ದದ್ದು ಅವರಿಗೆ ತುಂಬಾ ಇಷ್ಟವಾಯಿತು.

ಸಿನಿಮಾಗಾಗಿ ಪುರಿ ಜಗನ್ನಾಥ್ ಕೆಲವು ಪ್ರಶ್ನೆಗಳನ್ನು ಕೇಳಿದಾಗ ಅನುಷ್ಕಾ ತುಂಬಾ ಪ್ರಾಮಾಣಿಕವಾಗಿ ಉತ್ತರಿಸಿದರು. ಈ ಮೊದಲು ನಟಿಸಿದ್ದೀರಾ.. ಈಗ ನಟಿಸುತ್ತೀರಾ ಎಂದು ಕೇಳಿದಾಗ.. ನಟನೆಯ ಬಗ್ಗೆ ತನಗೆ ಅಷ್ಟಾಗಿ ಗೊತ್ತಿಲ್ಲ, ಎಂದಿಗೂ ಪ್ರಯತ್ನಿಸಿಲ್ಲ ಎಂದರು. ಡ್ಯಾನ್ಸ್ ಬರುತ್ತಾ ಎಂದು ಕೇಳಿದರೆ.. ಡ್ಯಾನ್ಸ್ ಕೂಡ ಬರಲ್ಲ, ಬಂದರೆ ಮಾಡಬಹುದು, ಇಲ್ಲದಿದ್ದರೆ ಇಲ್ಲ ಎಂದು ಮುಗ್ಧವಾಗಿ ಉತ್ತರಿಸಿದರು. ಅನುಷ್ಕಾ ಕೊಟ್ಟ ಈ ಮುಗ್ಧ ಉತ್ತರಗಳನ್ನು ಕೇಳಿದ ಪುರಿ ಜಗನ್ನಾಥ್, ಈ ಹುಡುಗಿ ಯಾವುದೇ ಫಿಲ್ಟರ್ ಇಲ್ಲದೆ ತುಂಬಾ ಸಹಜವಾಗಿದ್ದಾಳೆ ಎಂದು ಭಾವಿಸಿದರು.

ಆ ಸಮಯದಲ್ಲಿ ಪುರಿ ಜಗನ್ನಾಥ್ ಅವರ ಪತ್ನಿ ಹೋಟೆಲ್ ಮೇಲಿನ ರೂಮ್ ನಲ್ಲಿದ್ದರು. ಅವರು ಕೂಡಲೇ ಆಕೆಗೆ ಕಾಲ್ ಮಾಡಿ, ಕೆಳಗೆ ಲಾಬಿಯಲ್ಲಿ ಒಬ್ಬ ಅದ್ಭುತವಾದ ಹುಡುಗಿಯಿದ್ದಾಳೆ, ಬಂದು ನೋಡು ಎಂದರು. ಕೆಳಗೆ ಬಂದ ಅವರ ಪತ್ನಿ ಸ್ವೀಟಿಯನ್ನು ನೋಡಿದ ತಕ್ಷಣ ಎತ್ತರ, ಮೈಕಟ್ಟು ತುಂಬಾ ಚೆನ್ನಾಗಿದೆ, ಈ ಹುಡುಗಿಯನ್ನು ಖಂಡಿತ ಸಿನಿಮಾದಲ್ಲಿ ಹಾಕಿಕೊಳ್ಳಬೇಕು ಎಂದು ಮೆಚ್ಚಿಕೊಂಡರು. ಏನು ಮಾಡುತ್ತಿದ್ದೀಯಾ ಎಂದು ಅನುಷ್ಕಾರನ್ನು ಕೇಳಿದಾಗ, ಯೋಗ ಟೀಚರ್ ಆಗಿ ಕೆಲಸ ಮಾಡುತ್ತಿದ್ದೇನೆ ಎಂದರು. ಆಗ ಪುರಿ ಜಗನ್ನಾಥ್ ಆಕೆಯ ಬಳಿ, "ಸರಿ ಹಾಗಾದರೆ ಒಂದು ಆರು ತಿಂಗಳು ನನ್ನ ಜೊತೆ ಹೈದರಾಬಾದ್ ಗೆ ಬಂದು ಪ್ರಯತ್ನಿಸೋಣ, ವರ್ಕೌಟ್ ಆದರೆ ಆಗುತ್ತೆ, ಇಲ್ಲದಿದ್ದರೆ ನಿನ್ನ ಯೋಗ ಜಾಬ್ ನಿನಗೆ ಹೇಗೂ ಇದೆ" ಎಂದು ಹೇಳಿ ಆಕೆಯನ್ನು ಹೈದರಾಬಾದ್ ನ ಅನ್ನಪೂರ್ಣ ಸ್ಟುಡಿಯೊಗೆ ಕರೆತಂದರು. ಅಲ್ಲಿ ನಾಗಾರ್ಜುನ ಅವರು ನೋಡಿದ ತಕ್ಷಣ... ಹುಡುಗಿ ಚೆನ್ನಾಗಿದ್ದಾಳೆ.. ಯಾವುದೇ ಆಡಿಷನ್ ಇಲ್ಲದೆ ಆಕೆಯನ್ನು 'ಸೂಪರ್' ಸಿನಿಮಾಗಾಗಿ ಫಿಕ್ಸ್ ಮಾಡಿದೆವು ಎಂದು ಪುರಿ ಜಗನ್ನಾಥ್ ನೆನಪಿಸಿಕೊಂಡರು.

IFFI: ಭಾರತೀಯ ಸಿನಿಮಾಗಳದ್ದೇ ಕಾರಭಾರು; BRICSನಲ್ಲಿ ರಾಮಾಯಣ, ಪನೋರಮಾದಲ್ಲಿ ಧುರಂಧರ್‍‌ಗೆ ಮನ್ನಣೆ

Ganesh Mabla Gowda — Fri, 13 Nov 2026 22:29:23 +0530

ನವದೆಹಲಿ (ನವೆಂಬರ್ 13): IFFI 2026 (ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ)ಕ್ಕೆ ದಿನಗಣನೆ ಶುರುವಾಗಿದೆ. 57ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಇದಾಗಿದ್ದು, ನವೆಂಬರ್ 20ರಿಂದ 28 ರವರೆಗೆ ಗೋವಾದಲ್ಲಿ ನಡೆಯಲಿದೆ. ವಿಶೇಷ ಅಂದರೆ 'ಇಂಡಿಯನ್ ಪನೋರಮಾ' ವಿಭಾಗವು ಬಾಲಿವುಡ್‌ನ ಧುರಂಧರ್ ಪ್ರದರ್ಶನದೊಂದಿಗೆ ಆರಂಭವಾಗಲಿದೆ. ಇನ್ನು BRICS ದೇಶಗಳ ಸಿನಿಮಾಗಳ ವಿಶೇಷ ವಿಭಾಗದಲ್ಲಿ 'ರಾಮಾಯಣ' ಸಿನಿಮಾ ಮೂಲಕ ಚಾಲನೆ ಸಿಗಲಿದೆ.

ಪನೋರಮಾ ವಿಭಾಗದಲ್ಲಿ ಏನೆಲ್ಲಾ ಇರಲಿದೆ?

57ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ ಬಗ್ಗೆ ಮಾಹಿತಿ ನೀಡಿರುವ ಎನ್‌ಎಫ್‌ಡಿಸಿ.. ಈ ಬಾರಿಯೂ ಆಯ್ಕೆ ಸಮಿತಿ ಮತ್ತು ತೀರ್ಪುಗಾರರು ಅತ್ಯುತ್ತಮ ಚಿತ್ರಗಳನ್ನು ಆಯ್ಕೆ ಮಾಡಿದ್ದಾರೆ. ಇಂಡಿಯನ್ ಪನೋರಮಾದ ಪೂರ್ಣ ಪ್ರಮಾಣದ ವಿಭಾಗದಲ್ಲಿ 'ಧುರಂಧರ್' ಮೊದಲ ಚಿತ್ರವಾಗಿ ಪ್ರದರ್ಶನಗೊಳ್ಳಲಿದೆ. ನಾನ್-ಫೀಚರ್ ವಿಭಾಗವು ಲಡಾಖಿ ಭಾಷೆಯ 'ಬಿಕಮಿಂಗ್' ಸಿನಿಮಾದೊಂದಿಗೆ ಆರಂಭವಾಗಲಿದೆ ಎಂದು ತಿಳಿಸಿದೆ. ಇನ್ನು ಇಂಡಿಯನ್ ಪನೋರಮಾ ವಿಭಾಗದಲ್ಲಿ ಒಟ್ಟು 25 ಫೀಚರ್ ಸಿನಿಮಾಗಳು ಮತ್ತು 20 ನಾನ್-ಫೀಚರ್ ಸಿನಿಮಾಗಳು ಪ್ರದರ್ಶನಗೊಳ್ಳಲಿವೆ.

ನವೆಂಬರ್ 20 ರಂದು ಉದ್ಘಾಟನಾ ಸಮಾರಂಭ ನಡೆಯಲಿದೆ. ಪಾವೆಲ್ ಪಾವ್ಲಿಕೋವ್‌ಸ್ಕಿ ನಿರ್ದೇಶನದ 2026ರ ಪೋಲಿಷ್ ಭಾಷೆಯ ಬಯೋಗ್ರಾಫಿಕಲ್ ಚಿತ್ರ Fatherland ಪ್ರದರ್ಶನಗೊಳ್ಳಲಿದೆ. ನವೆಂಬರ್ 28ರಂದು ಸಿಂಗಾಪುರದ We are all Strangers ಚಿತ್ರದೊಂದಿಗೆ ಉತ್ಸವಕ್ಕೆ ತೆರೆ ಬೀಳಲಿದೆ ಎಂದು ಎನ್‌ಎಫ್‌ಡಿಸಿ ತಿಳಿಸಿದೆ.

ಪ್ಲಾನ್ ಹೇಗಿದೆ?

ಚಿತ್ರೋತ್ಸವಕ್ಕೆ 137 ದೇಶಗಳಿಂದ ಬರೋಬ್ಬರಿ 1,900 ಸಿನಿಮಾಗಳು ಅರ್ಜಿ
87 ದೇಶಗಳ 159 ಅಂತಾರಾಷ್ಟ್ರೀಯ ಸಿನಿಮಾಗಳು ಅರ್ಜಿ ಸಲ್ಲಿಕೆ
18 ವಿವಿಧ ಭಾಷೆಗಳ 76 ಭಾರತೀಯ ಸಿನಿಮಾಗಳು ಪ್ರದರ್ಶನಕ್ಕೆ ಆಯ್ಕೆ
ಸ್ಪೇನ್ ಮತ್ತು ರಷ್ಯಾಗೆ ವಿಶೇಷ ಗೌರವ ನೀಡಲು ನಿರ್ಧಾರ ಮಾಡಲಾಗಿದೆ

ಅಂದರೆ ಈ ವರ್ಷ 'ಸ್ಪೇನ್' ದೇಶವನ್ನು ಗೌರವ ಅತಿಥಿ ರಾಷ್ಟ್ರವಾಗಿ ಆಯ್ಕೆ ಮಾಡಲಾಗಿದೆ. ಜೊತೆಗೆ 4 ಸ್ಪ್ಯಾನಿಷ್ ಸಿನಿಮಾಗಳು ಪ್ರದರ್ಶನಗೊಳ್ಳಲಿವೆ. ರಷ್ಯಾ ದೇಶವನ್ನ ಪಾಲುದಾರ ರಾಷ್ಟ್ರವಾಗಿ ಪರಿಗಣಿಸಲಾಗಿದೆ. ರಷ್ಯನ್ ಸಿನಿಮಾದ ಶ್ರೀಮಂತಿಕೆಯನ್ನು ತೋರಿಸುವ 4 ವಿಶೇಷ ಚಿತ್ರಗಳು ಪ್ರದರ್ಶನಗೊಳ್ಳಲಿವೆ. ಈ ಸಿನಿಮೋತ್ಸವದಲ್ಲಿ ಬ್ರಿಕ್ಸ್ ದೇಶಗಳ ಸಿನಿಮಾಗಳಿಗೆ ವಿಶೇಷ ಆದ್ಯತೆ ನೀಡಲಾಗಿದೆ.

ಭಾರತದ 'ರಾಮಾಯಣ' ಚಿತ್ರವು ಈ ವಿಭಾಗದ ಮೊದಲ ಸಿನಿಮಾವಾಗಿ ಪ್ರದರ್ಶನಗೊಳ್ಳಲಿದೆ. ಬ್ರಿಕ್ಸ್‌ನ ಎಲ್ಲಾ 11 ಸದಸ್ಯ ರಾಷ್ಟ್ರಗಳು ಹಾಗೂ ಪಾಲುದಾರ ದೇಶಗಳ ಸಿನಿಮಾಗಳು ಇಲ್ಲಿ ಪ್ರದರ್ಶನಗೊಳ್ಳಲಿವೆ. ವಿವಿಧ ದೇಶಗಳ ಕಥಾ ಶೈಲಿಯನ್ನು ಪ್ರೇಕ್ಷಕರು ಸವಿಯಲು ಇದು ಒಳ್ಳೆಯ ಅವಕಾಶ ಆಗಿದೆ.

IFFI 2026 Set to Bring the World of Cinema Together in Goa Under the Theme ‘Stories Without Borders’

Over 150 International Films from 86 Countries to Bring the World to Goa

Goa Ready to Welcome Global Cinema Community for 57th IFFI: CM @DrPramodPSawant

Festival Director @AshGowariker Highlights Cinema’s Power to Connect Cultures Across Borders

'Fatherland' to Serve as the Opening Film of the 57th IFFI, ‘I Matter’ to Feature as Mid-Fest film, and ‘We Are All Strangers’ to Close the 57th #IFFI

IFFI 2026 Places Special Focus on BRICS Cinema, with India’s ‘Ramayana’ as the Opening Film

➡️For more information, read here: https://t.co/qFrE125PyO

@IFFIGoa #IFFI57 #IFFI2026

1/2

— PIB India (@PIB_India) November 13, 2026

ಮೈಸೂರಿನಲ್ಲೇ ಕೆಟ್ಟುನಿಂತ ಪ್ರಧಾನಿ ಮೋದಿ ಬೆಂಗಾವಲು ಹೆಲಿಕಾಪ್ಟರ್; ಅಷ್ಟಕ್ಕೂ ಆಗಿದ್ದೇನು?

Ganesh Mabla Gowda — Fri, 13 Nov 2026 22:05:39 +0530

ಮೈಸೂರು (ನವೆಂಬರ್ 13): ಪ್ರಧಾನಿ ನರೇಂದ್ರ ಮೋದಿ ಇವತ್ತು ಮೈಸೂರಿಗೆ ಆಗಮಿಸಿದ್ದರು. ಲೇಟೆಸ್ಟ್ ಅಪ್‌ಡೇಟ್‌ ಏನೆಂದರೆ ಮೋದಿ ಅವರ ಬೆಂಗಾವಲು ಪಡೆಗೆ ಸೇರಿದ ಇಂಡಿಯನ್ ಏರ್ ಫೋರ್ಸ್‌ನ ಹೆಲಿಕಾಪ್ಟರ್ ಒಂದರಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡಿದೆ. ಈ ಹಿನ್ನೆಲೆಯಲ್ಲಿ ಹೆಲಿಕಾಪ್ಟರ್ ಹಾರಾಟ ನಡೆಸಲು ಸಾಧ್ಯವಾಗದೆ ಮೈಸೂರಿನ ಲಲಿತಮಹಲ್ ಹೆಲಿಪ್ಯಾಡ್‌ನಲ್ಲೇ ಉಳಿದುಕೊಂಡಿದೆ.

ಹೆಲಿಕಾಪ್ಟರ್‍‌ಗೆ ಆಗಿದ್ದೇನು?

ಇದೀಗ ಬಂದ ಮಾಹಿತಿ ಪ್ರಕಾರ... ಹೆಲಿಕಾಪ್ಟರ್‌ನ ದುರಸ್ತಿ ಕಾರ್ಯ ಸಂಪೂರ್ಣವಾಗಿ ಮುಕ್ತಾಯಗೊಂಡಿದೆ. ಬೆಳಿಗ್ಗೆ ಮೈಸೂರಿನಿಂದ ಟೇಕ್‌ಆಫ್ ಆಗಲಿದೆ ಎಂದು ತಿಳಿದುಬಂದಿದೆ. ಮೋದಿ ಮಧ್ಯಾಹ್ನ 3 ಗಂಟೆ 20 ನಿಮಿಷಕ್ಕೆ ಮೈಸೂರಿನ ಲಲಿತಮಹಲ್ ಹೆಲಿಪ್ಯಾಡ್‌ಗೆ ಆಗಮಿಸಿದ್ದರು. ಮೋದಿ ಅವರು ಒಂದು ಹೆಲಿಕಾಪ್ಟರ್‍‌ನಲ್ಲಿ ಬಂದಿಳಿದಿದ್ದರೆ, ಅವರಿಗೆ ಭದ್ರತೆ ನೀಡಲು ಬೆಂಗಾವಲಾಗಿ ಇಂಡಿಯನ್ ಏರ್ ಫೋರ್ಸ್‌ಗೆ ಸೇರಿದ ಇನ್ನೆರಡು ಹೆಲಿಕಾಪ್ಟರ್‌ಗಳು ಆಗಮಿಸಿದ್ದವು. ಅಂತೆಯೇ ಒಟ್ಟು ಮೂರು ಮೂರು ಹೆಲಿಕಾಪ್ಟರ್‌ಗಳು ಲಲಿತಮಹಲ್ ಹೆಲಿಪ್ಯಾಡ್‌ನಲ್ಲಿ ಲ್ಯಾಂಡಿಂಗ್ ಆಗಿದ್ದವು.

ಮೋದಿ ಸುರಕ್ಷಿತವಾಗಿ ಲ್ಯಾಂಡಿಂಗ್ ಆದ ಬಳಿಕ ನಿಗದಿತ ವೇಳಾಪಟ್ಟಿ ಹಾಗೂ ನಿಯಮದಂತೆ ಈ ಮೂರೂ ಹೆಲಿಕಾಪ್ಟರ್‌ಗಳು ಲಲಿತಮಹಲ್ ಹೆಲಿಪ್ಯಾಡ್‌ನಿಂದ ಟೇಕ್‌ಆಫ್ ಆಗಬೇಕಿತ್ತು. ಟೇಕ್‌ಆಫ್ ಆಗುವ ಸಮಯದಲ್ಲಿ ಮೂರರ ಪೈಕಿ ಎರಡು ಹೆಲಿಕಾಪ್ಟರ್‌ಗಳು ಮಾತ್ರ ಯಾವುದೇ ಅಡೆತಡೆಯಿಲ್ಲದೆ ಯಶಸ್ವಿಯಾಗಿ ಹಾರಾಟ ನಡೆಸಿ ಅಲ್ಲಿಂದ ತೆರಳಿವೆ. ಆದರೆ ಒಂದು ಹೆಲಿಕಾಪ್ಟರ್‌ನಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಅದು ಟೇಕ್‌ಆಫ್ ಆಗಲು ಸಾಧ್ಯವಾಗಲಿಲ್ಲ ಎಂದು ವರದಿಯಾಗಿದೆ.

ಸುರಕ್ಷತಾ ದೃಷ್ಟಿಯಿಂದ ಹಾರಾಟವನ್ನು ಸ್ಥಗಿತಗೊಳಿಸಲಾಗಿದೆ. ತಾಂತ್ರಿಕ ಸಮಸ್ಯೆಗೆ ಒಳಗಾದ ಇಂಡಿಯನ್ ಏರ್ ಫೋರ್ಸ್‌ನ ಆ ಹೆಲಿಕಾಪ್ಟರ್ ಮೈಸೂರಿನಲ್ಲೇ ಉಳಿಯುವಂತಾಗಿದೆ. ಹೀಗಾಗಿ ಮುಂಜಾಗ್ರತಾ ಕ್ರಮವಾಗಿ ಅದನ್ನು ಮೈಸೂರಿನ ಲಲಿತಮಹಲ್ ಹೆಲಿಪ್ಯಾಡ್‌ನಲ್ಲೇ ನಿಲ್ಲಿಸಲಾಗಿದೆ. ತಾಂತ್ರಿಕ ಅಡಚಣೆ ಎದುರಾದ ಕೂಡಲೇ ಸಂಬಂಧಪಟ್ಟ ತಾಂತ್ರಿಕ ಸಿಬ್ಬಂದಿ ಹಾಗೂ ವಾಯುಪಡೆ ತಜ್ಞರು ಹೆಲಿಕಾಪ್ಟರ್ ಅನ್ನು ಕೂಲಂಕಷವಾಗಿ ಪರಿಶೀಲಿಸಿದ್ದಾರೆ. ದೋಷವನ್ನು ಪತ್ತೆಹಚ್ಚಿ ತುರ್ತಾಗಿ ರಿಪೇರಿ ಮಾಡಿದ್ದಾರೆ.

ತಾಂತ್ರಿಕ ಸಿಬ್ಬಂದಿಯ ಸತತ ಪರಿಶೀಲನೆ ಹಾಗೂ ಪ್ರಯತ್ನದ ಬಳಿಕ, ಹೆಲಿಕಾಪ್ಟರ್‌ನಲ್ಲಿ ಕಂಡುಬಂದಿದ್ದ ತಾಂತ್ರಿಕ ದೋಷವನ್ನು ಸರಿಪಡಿಸಲಾಗಿದೆ. ಹೆಲಿಕಾಪ್ಟರ್‌ನ ರಿಪೇರಿ ಕಾರ್ಯವು ಯಶಸ್ವಿಯಾಗಿ ಮುಕ್ತಾಯಗೊಂಡಿದೆ. ಹಾರಾಟಕ್ಕೆ ಸಜ್ಜುಗೊಂಡಿದೆ, ಆದರೆ ಇವತ್ತು ಟೇಕ್ ಆಫ್ ಆಗೋದಿಲ್ಲ. ನಾಳೆ ಬೆಳಗ್ಗೆ ಮೈಸೂರಿನಿಂದ ಹೊರಡಲಿದೆ.

₹200 ಕೋಟಿ ಸಂಭಾವನೆ ಪಡೆದರೂ ಪಂಚೆ ಬಿಡಲಿಲ್ಲ: ಕಾವ್ಯಾ, ಅನಿರುದ್ದ್ ಮದುವೆಗಿಂತ ರಜನಿಕಾಂತ್ ಪಂಚೆಯದ್ದೇ ಚರ್ಚೆ!

Sathish Kumar KH — Fri, 13 Nov 2026 21:48:37 +0530

ಸಿನಿಮಾ ರಂಗದಲ್ಲಿ ಕೋಟಿ ಕೋಟಿ ಸಂಭಾವನೆ ಪಡೆಯುವ ಸಿನಿಮಾ ನಟ-ನಟಿಯರು ಯಾವುದೇ ಸಾರ್ವಜನಿಕ ಸಮಾರಂಭ ಅಥವಾ ಸೆಲೆಬ್ರಿಟಿ ಮದುವೆಗಳಿಗೆ ಬಂದರೆ ಸಾಮಾನ್ಯವಾಗಿ ಲಕ್ಷಾಂತರ ರೂಪಾಯಿ ಮೌಲ್ಯದ ಡಿಸೈನರ್ ಉಡುಪುಗಳನ್ನು ಧರಿಸಿ ಮಿಂಚುತ್ತಾರೆ. ಆದರೆ, ಭಾರತೀಯ ಚಿತ್ರರಂಗದ ಏಕೈಕ 'ಸೂಪರ್‌ಸ್ಟಾರ್' ರಜನಿಕಾಂತ್ ಮಾತ್ರ ಇದೆಲ್ಲದಕ್ಕೂ ವಿಭಿನ್ನ.

ಇತ್ತೀಚೆಗೆ ಗ್ರೀಸ್‌ನಲ್ಲಿ ಅದ್ಧೂರಿಯಾಗಿ ಜರುಗಿದ ಖ್ಯಾತ ಸಂಗೀತ ನಿರ್ದೇಶಕ ಅನಿರುದ್ಧ್ ರವಿಚಂದರ್ ಹಾಗೂ ಸನ್‌ರೈಸರ್ಸ್ ಹೈದರಾಬಾದ್ ಮಾಲಕಿ ಕಾವ್ಯಾ ಮಾರನ್ ಅವರ ವಿವಾಹ ಮಹೋತ್ಸವದಲ್ಲಿ ರಜನಿಕಾಂತ್ ಅವರ ಸರಳತೆಯೇ ಎಲ್ಲರ ಕಣ್ಣು ಕುಕ್ಕಿದ್ದು, ಇಡೀ ಇಂಟರ್ನೆಟ್‌ನಲ್ಲಿ ತಲೈವಾ ಅವರ ಸರಳತೆಯದ್ದೇ ಜಪ ಶುರುವಾಗಿದೆ!

ಪ್ರತಿ ಚಿತ್ರಕ್ಕೆ ₹150 ರಿಂದ ₹200 ಕೋಟಿ ಸಂಭಾವನೆ!

ಬಾಕ್ಸ್ ಆಫೀಸ್ ಧೂಳಿಪಟ ಮಾಡುವ ರಜನಿಕಾಂತ್ ಅವರು ಪ್ರತಿ ಚಿತ್ರಕ್ಕೂ ಬರೋಬ್ಬರಿ ₹159 ರಿಂದ ₹200 ಕೋಟಿಗೂ ಅಧಿಕ ಸಂಭಾವನೆ ಪಡೆಯುತ್ತಾರೆ. ಅವರ ಒಟ್ಟು ಆಸ್ತಿ ಮೌಲ್ಯವೇ ಸುಮಾರು ₹500 ಕೋಟಿಗೂ ಅಧಿಕ ಎಂದು ಅಂದಾಜಿಸಲಾಗಿದೆ. ಇಷ್ಟೆಲ್ಲಾ ವೈಭವ, ರಾಜವೈಭೋಗ ಅವರ ಕಾಲಡಿಯಲ್ಲಿದ್ದರೂ, ರಜನಿಕಾಂತ್ ವಿದೇಶದ (ಗ್ರೀಸ್) ರಮಣೀಯ ತಾಣದಲ್ಲಿ ನಡೆದ ಹೈ-ಪ್ರೊಫೈಲ್ ಮದುವೆಗೆ ಬಂದಿದ್ದು ಮಾತ್ರ ಕೇವಲ ಸಾಧಾರಣ ಶರ್ಟ್ ಮತ್ತು ಸಾಂಪ್ರದಾಯಿಕ ಬಿಳಿ ಪಂಚೆ ಧರಿಸಿ!

ಸುತ್ತಲೂ ಕೋಟ್ಯಧಿಪತಿಗಳು, ಸಿನಿಮಾ ತಾರೆಯರು, ರಾಜಕೀಯ ಗಣ್ಯರು ದುಬಾರಿ ಡಿಸೈನರ್ ಉಡುಪುಗಳನ್ನು ಧರಿಸಿ ಕಂಗೊಳಿಸುತ್ತಿದ್ದರೆ, ರಜನಿಕಾಂತ್ ಮಾತ್ರ ತಮ್ಮ ಎಂದಿನ ನೆಲಮೂಲದ ಸಹಜ ಶೈಲಿಯಲ್ಲಿ ಮಿಂಚಿ ಜನರ ಹೃದಯ ಗೆದ್ದಿದ್ದಾರೆ.

ಕಾವ್ಯಾ ಮಾರನ್-ಅನಿರುದ್ಧ್ ಮದುವೆಯಲ್ಲಿ ರಜನಿ ಹವಾ:

ಅನಿರುದ್ಧ್ ರವಿಚಂದರ್ ರಜನಿಕಾಂತ್ ಅವರ ಪತ್ನಿ ಲತಾ ರಜನಿಕಾಂತ್ ಅವರ ಸಹೋದರನ ಮಗ. ಹೀಗಾಗಿ ಈ ಮದುವೆ ರಜನಿಕಾಂತ್ ಅವರಿಗೆ ಕೇವಲ ಔಪಚಾರಿಕ ಸಮಾರಂಭವಾಗಿರದೆ ಕೌಟುಂಬಿಕ ಸಂಭ್ರಮವಾಗಿತ್ತು. ಮದುವೆ ಮಂಟಪದಲ್ಲಿ ಆಪ್ತರ ನಡುವೆ ಸಾಮಾನ್ಯರಂತೆ ಕುಳಿತು ನವದಂಪತಿಗೆ ಆಶೀರ್ವದಿಸಿದ ರಜನಿಕಾಂತ್, ನಂತರ ಅನಿರುದ್ಧ್ ಅವರ ಜನಪ್ರಿಯ ಹಾಡುಗಳಿಗೆ ಹೆಜ್ಜೆ ಹಾಕಿ ಎಲ್ಲರನ್ನೂ ರಂಜಿಸಿದರು.

ಸೋಷಿಯಲ್ ಮೀಡಿಯಾದಲ್ಲಿ ನೆಟ್ಟಿಗರ ಮೆಚ್ಚುಗೆ:

ರಜನಿಕಾಂತ್ ಅವರು ಪಂಚೆ ಧರಿಸಿ ಕುಳಿತಿರುವ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದಂತೆ ಅಭಿಮಾನಿಗಳು ಹಾಗೂ ನೆಟ್ಟಿಗರು ಕೊಂಡಾಡುತ್ತಿದ್ದಾರೆ. 'ನಿಜವಾದ ವ್ಯಕ್ತಿತ್ವ ಹಾಗೂ ಆಕರ್ಷಣೆಗೆ ದುಬಾರಿ ಬಟ್ಟೆಗಳ ಹಂಗಿಲ್ಲ ಎಂಬುದನ್ನು ತಲೈವಾ ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ' ಎಂದು ಅಭಿಮಾನಿಯೊಬ್ಬರು ಬರೆದಿದ್ದಾರೆ. 'ಕೋಟ್ಯಧಿಪತಿಯಾದರೂ ನೆಲದ ಮೇಲಿರುವ ಇವರ ವಿನಯತೆಯೇ ಇವರನ್ನು ನಿಜವಾದ ಸೂಪರ್‌ಸ್ಟಾರ್ ಮಾಡಿದೆ' ಎಂದು ಇನ್ನೊಬ್ಬರು ಕಾಮೆಂಟ್ ಮಾಡಿದ್ದಾರೆ.

ಸರಳತೆಯಲ್ಲಿಯೇ ಅಪ್ರತಿಮ ಗಾಂಭೀರ್ಯವನ್ನು (Class and Swag) ಜಗತ್ತಿಗೆ ತೋರಿಸಿಕೊಟ್ಟಿರುವ ರಜನಿಕಾಂತ್ ಅವರ ಈ ರೂಪ, ಯುವ ಪೀಳಿಗೆಗೆ ನಿಜವಾದ ಸ್ಟಾರ್‌ಡಮ್ ಎಂದರೆ ಏನು ಎಂಬುದನ್ನು ಮತ್ತೊಮ್ಮೆ ನೆನಪಿಸಿದೆ.

ಕಿವೀಸ್ ಎದುರು ಶೂನ್ಯ ಸುತ್ತಿ ಕೆಟ್ಟ ದಾಖಲೆಗೆ ಪಾತ್ರವಾದ ವಿರಾಟ್ ಕೊಹ್ಲಿ: ಏಕದಿನದಲ್ಲಿ ಸಚಿನ್ ದಾಖಲೆ ಸರಿಗಟ್ಟಿದ ಕಿಂಗ್!

Naveen Kodase — Fri, 13 Nov 2026 21:45:03 +0530

ಮೌಂಟ್ ಮೌಂಗನುಯಿ(ನ.13): ನ್ಯೂಜಿಲೆಂಡ್ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ರನ್ ಗಳಿಸದೆ ಔಟಾದ ಬಳಿಕ ವಿರಾಟ್ ಕೊಹ್ಲಿ ಬೇಡದ ದಾಖಲೆಯೊಂದನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ. 244 ರನ್‌ಗಳ ಹೀನಾಯ ಸೋಲಿನ ಜತೆಗೆ ಕೊಹ್ಲಿಗೆ ವೈಯಕ್ತಿಕವಾಗಿಯೂ ಇದು ಕರಾಳ ದಿನವಾಗಿ ಮಾರ್ಪಟ್ಟಿದೆ. ಮ್ಯಾಟ್ ಹೆನ್ರಿ ಎಸೆದ ನಾಲ್ಕನೇ ಎಸೆತದಲ್ಲೇ ಕೊಹ್ಲಿ ಔಟಾಗಿದ್ದರು. ಕೊಹ್ಲಿ ಸೇರಿ ರೋಹಿತ್ ಶರ್ಮಾ (0), ಶ್ರೇಯಸ್ ಅಯ್ಯರ್ (0) ಅವರನ್ನೂ ಹೆನ್ರಿ ಅದೇ ಓವರ್‌ನಲ್ಲಿ ಪೆವಿಲಿಯನ್‌ಗಟ್ಟಿದ್ದರು.

ಕೆಟ್ಟದಾಖಲೆಗೆ ಪಾತ್ರರಾದ ವಿರಾಟ್ ಕೊಹ್ಲಿ

ಈ ಕಳಪೆ ಪ್ರದರ್ಶನದೊಂದಿಗೆ ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್‌ನಲ್ಲಿ ಕೊಹ್ಲಿ ಅವರ ಡಕ್‌ಗಳ ಸಂಖ್ಯೆ 20ಕ್ಕೇರಿದೆ. ಸಚಿನ್ ತೆಂಡೂಲ್ಕರ್ ಅವರ ದಾಖಲೆಯನ್ನು ಇದೀಗ ಕೊಹ್ಲಿ ಸರಿಗಟ್ಟಿದ್ದಾರೆ. ಏಕದಿನದಲ್ಲಿ ಭಾರತದ ಪರ ಅತಿ ಹೆಚ್ಚು ಬಾರಿ ಸೊನ್ನೆಗೆ ಔಟಾದ ಆಟಗಾರ ಎಂಬ ಬೇಡದ ದಾಖಲೆಯನ್ನು ಇನ್ನು ಕೊಹ್ಲಿ, ಸಚಿನ್ ಜತೆ ಹಂಚಿಕೊಳ್ಳಲಿದ್ದಾರೆ. 463 ಪಂದ್ಯಗಳಿಂದ ಸಚಿನ್ 20 ಬಾರಿ ಔಟಾಗಿದ್ದರೆ, 321 ಪಂದ್ಯಗಳನ್ನಾಡಿರುವ ಕೊಹ್ಲಿ ಈ ಬೇಡದ ದಾಖಲೆ ಬರೆದಿದ್ದಾರೆ. 19 ಡಕ್‌ಗಳೊಂದಿಗೆ ಜಾವಗಲ್ ಶ್ರೀನಾಥ್ ಮೂರನೇ ಸ್ಥಾನದಲ್ಲಿದ್ದರೆ, ತಲಾ 18 ಡಕ್‌ಗಳೊಂದಿಗೆ ಅನಿಲ್ ಕುಂಬ್ಳೆ, ರೋಹಿತ್ ಶರ್ಮಾ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಈ ಪಂದ್ಯದಲ್ಲಿ ರೋಹಿತ್ ಶರ್ಮಾ ಕೂಡ ಗೋಲ್ಡನ್ ಡಕ್ ಆಗಿ ಮರಳಿದ್ದರು.

ಹೀನಾಯವಾಗಿ ಸೋಲುಂಡ ಟೀಂ ಇಂಡಿಯಾ

ಮೌಂಟ್ ಮೌಂಗನುಯಿಯಲ್ಲಿ ನಡೆದ ಪಂದ್ಯದಲ್ಲಿ 334 ರನ್‌ಗಳ ಟಾರ್ಗೆಟ್ ಬೆನ್ನಟ್ಟಿದ ಭಾರತ, ಮ್ಯಾಟ್ ಹೆನ್ರಿ ಅವರ ಮಾರಕ ಬೌಲಿಂಗ್‌ಗೆ ನಲುಗಿ ಕೇವಲ 26.4 ಓವರ್‌ಗಳಲ್ಲಿ 89 ರನ್‌ಗಳಿಗೆ ಆಲೌಟ್ ಆಯಿತು. ಇತ್ತೀಚಿನ ದಿನಗಳಲ್ಲಿ ಭಾರತ ಅನುಭವಿಸಿದ ಅತಿ ದೊಡ್ಡ ಮುಖಭಂಗಗಳಲ್ಲಿ ಈ ಸೋಲು ಕೂಡ ಒಂದಾಗಿದೆ. 2027ರ ಏಕದಿನ ವಿಶ್ವಕಪ್ ಹೊಸ್ತಿಲಲ್ಲಿರುವಾಗ ಈ ಸೋಲಿನ ಆಘಾತವನ್ನು ಭಾರತಕ್ಕೆ ಅರಗಿಸಿಕೊಳ್ಳಲಾಗುತ್ತಿಲ್ಲ. 2000ನೇ ಇಸವಿಯ ಬಳಿಕ ಏಕದಿನದಲ್ಲಿ ಭಾರತದ ಮೂರನೇ ಅತಿ ಕಡಿಮೆ ಸ್ಕೋರ್ ಇದಾಗಿದೆ.

2000ನೇ ಇಸವಿಯ ಅಕ್ಟೋಬರ್‌ನಲ್ಲಿ ಶಾರ್ಜಾದಲ್ಲಿ ಶ್ರೀಲಂಕಾ ವಿರುದ್ಧ 54 ರನ್‌ಗಳಿಗೆ, 2010ರಲ್ಲಿ ದಂಬುಲ್ಲಾದಲ್ಲಿ ನ್ಯೂಜಿಲೆಂಡ್ ವಿರುದ್ಧ 88 ರನ್‌ಗಳಿಗೆ ಔಟಾಗಿದ್ದು ಇದಕ್ಕೂ ಮುನ್ನದ ಕಳಪೆ ಪ್ರದರ್ಶನಗಳಾಗಿವೆ. ಭಾರತದ ಏಕದಿನ ಇತಿಹಾಸದಲ್ಲಿ ಆರನೇ ಅತಿ ಕಡಿಮೆ ಸ್ಕೋರ್ ಕೂಡ ಇದಾಗಿದೆ. ರನ್‌ಗಳ ಆಧಾರದಲ್ಲಿ ಭಾರತ ಅನುಭವಿಸಿದ ಎರಡನೇ ಅತಿ ದೊಡ್ಡ ಸೋಲು ಇದಾಗಿದೆ (244 ರನ್). 2000ನೇ ಇಸವಿಯಲ್ಲಿ ಶಾರ್ಜಾದಲ್ಲಿ ಶ್ರೀಲಂಕಾ ವಿರುದ್ಧ 245 ರನ್‌ಗಳಿಗೆ ಸೋತಿದ್ದು ಮೊದಲನೆಯದ್ದಾಗಿದೆ.

ಕೊಡಗಿನ ಹಾರಂಗಿ ಹಿನ್ನೀರಿನಲ್ಲಿ ದುರಂತ, ವಾಟರ್ ಸ್ಪೋರ್ಟ್ಸ್ ಬೋಟ್ ಪಲ್ಟಿಯಾಗಿ ಗುಜರಾತ್ ಮೂಲದ ದಂಪತಿ ದುರ್ಮರಣ, ಮಕ್ಕಳು ಅನಾಥ

Santosh Naik — Fri, 13 Nov 2026 21:44:07 +0530

ಕೊಡಗು (ನ.13): ಪ್ರವಾಸಕ್ಕೆಂದು ಮಂಜಿನ ನಗರಿ ಕೊಡಗಿಗೆ ಆಗಮಿಸಿದ್ದ ಗುಜರಾತ್ ಮೂಲದ ಕುಟುಂಬವೊಂದಕ್ಕೆ ವಿಧಿ ಕ್ರೂರ ಆಟವಾಡಿದೆ. ಕುಶಾಲನಗರ ಸಮೀಪದ ಹಾರಂಗಿ ಹಿನ್ನೀರಿನಲ್ಲಿ ಅಡ್ವೆಂಚರ್ ವಾಟರ್ ಸ್ಪೋರ್ಟ್ಸ್‌ನ ಬೋಟ್ ಪಲ್ಟಿಯಾದ ಪರಿಣಾಮ ಗುಜರಾತ್ ಮೂಲದ ಪ್ರವಾಸಿ ದಂಪತಿ ದಾರುಣವಾಗಿ ಮೃತಪಟ್ಟಿದ್ದು, ಅವರೊಂದಿಗೆ ಇದ್ದ ಇಬ್ಬರು ಮಕ್ಕಳು ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಮೃತ ದುರ್ದೈವಿಗಳನ್ನು ಗುಜರಾತ್ ಮೂಲದ ಧರ್ಮೇಶ್ (50) ಹಾಗೂ ಅವರ ಪತ್ನಿ ನಿಮ್ಮಿ (48) ಎಂದು ಗುರುತಿಸಲಾಗಿದೆ.

ನೀರಿನಲ್ಲಿ ತಿರುವು ತೆಗೆದುಕೊಳ್ಳುವಾಗ ಸಂಭವಿಸಿದ ದುರ್ಘಟನೆ

ಗುಜರಾತ್‌ನಿಂದ ಕೊಡಗು ಪ್ರವಾಸಕ್ಕೆ ಬಂದಿದ್ದ ಧರ್ಮೇಶ್, ಪತ್ನಿ ನಿಮ್ಮಿ ಹಾಗೂ ಇಬ್ಬರು ಮಕ್ಕಳು ಹಾರಂಗಿ ಹಿನ್ನೀರಿನಲ್ಲಿರುವ 'ಅಡ್ವೆಂಚರ್ ವಾಟರ್ ಸ್ಪೋರ್ಟ್ಸ್' (Adventure Water Sports) ನಲ್ಲಿ ಬೋಟಿಂಗ್ ಆಟವಾಡುತ್ತಿದ್ದರು. ಈ ವೇಳೆ ಬೋಟ್ ನೀರಿನಲ್ಲಿ ವೇಗವಾಗಿ ತಿರುವು ತೆಗೆದುಕೊಳ್ಳುತ್ತಿದ್ದಾಗ ನಿಯಂತ್ರಣ ತಪ್ಪಿ ಏಕಾಏಕಿ ಮಗುಚಿ ಬಿದ್ದಿದೆ. ಪರಿಣಾಮ ಬೋಟ್‌ನಲ್ಲಿದ್ದ ನಾಲ್ವರೂ ಹಿನ್ನೀರಿಗೆ ಬಿದ್ದಿದ್ದಾರೆ.

ಲೈಫ್ ಜಾಕೆಟ್ ಧರಿಸಿದ್ದರೂ ತಪ್ಪದ ದುರಂತ

ವಿಶೇಷವೆಂದರೆ, ಬೋಟಿಂಗ್ ಮಾಡುವಾಗ ಸುರಕ್ಷತಾ ದೃಷ್ಟಿಯಿಂದ ನಾಲ್ವರೂ ಲೈಫ್ ಜಾಕೆಟ್ (Life Jacket) ಧರಿಸಿದ್ದರು. ಬೋಟ್ ಮಗುಚಿದ ತಕ್ಷಣ ನೀರಿನಲ್ಲಿ ತೇಲುತ್ತಿದ್ದ ಇಬ್ಬರು ಮಕ್ಕಳನ್ನು ಸ್ಥಳೀಯರು ಹಾಗೂ ಸಿಬ್ಬಂದಿ ತಕ್ಷಣವೇ ರಕ್ಷಿಸಿ ದಡಕ್ಕೆ ಕರೆತಂದಿದ್ದಾರೆ. ಆದರೆ, ದುರದೃಷ್ಟವಶಾತ್ ಪತಿ ಧರ್ಮೇಶ್ ಮತ್ತು ಪತ್ನಿ ನಿಮ್ಮಿ ಅವರು ಪಲ್ಟಿಯಾದ ಬೋಟ್‌ನ ಅಡಿಯಲ್ಲಿ ಸಿಲುಕಿಕೊಂಡಿದ್ದರಿಂದ ಮೇಲೆ ಬರಲಾಗದೆ ನೀರಿನಲ್ಲಿ ಉಸಿರುಗಟ್ಟಿ ದುರ್ಮರಣಕ್ಕೀಡಾಗಿದ್ದಾರೆ. ಹೆತ್ತವರನ್ನು ಕಣ್ಣೆದುರೇ ಕಳೆದುಕೊಂಡ ಮಕ್ಕಳ ಆಕ್ರಂದನ ಮುಗಿಲು ಮುಟ್ಟಿದೆ.

ಪೊಲೀಸರು ಮತ್ತು ಅಗ್ನಿಶಾಮಕ ದಳದ ಕಾರ್ಯಾಚರಣೆ

ಘಟನೆ ಕುರಿತು ಮಾಹಿತಿ ತಿಳಿಯುತ್ತಿದ್ದಂತೆಯೇ ಸ್ಥಳಕ್ಕೆ ದೌಡಾಯಿಸಿದ ಅಗ್ನಿಶಾಮಕ ದಳದ ಸಿಬ್ಬಂದಿ ಹಾಗೂ ಪೊಲೀಸರು ಜಂಟಿ ಕಾರ್ಯಾಚರಣೆ ನಡೆಸಿ, ನೀರಿನಲ್ಲಿ ಮುಳುಗಿದ್ದ ದಂಪತಿಯ ಮೃತದೇಹಗಳನ್ನು ಹೊರತೆಗೆದಿದ್ದಾರೆ. ಬಳಿಕ ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಕುಶಾಲನಗರ ಸಮುದಾಯ ಆರೋಗ್ಯ ಕೇಂದ್ರದ ಶವಾಗಾರಕ್ಕೆ ರವಾನಿಸಲಾಗಿದೆ. ಈ ದುರ್ಘಟನೆಯು ಕುಶಾಲನಗರ ಗ್ರಾಮಾಂತರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದ್ದು, ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕಾನೂನು ಕ್ರಮ ಹಾಗೂ ತನಿಖೆ ಕೈಗೊಂಡಿದ್ದಾರೆ.

ಕನ್ನಡಿಗರ ಮನಗೆದ್ದ ಗಾನಕೋಗಿಲೆಗೆ 91ರ ಸಂಭ್ರಮ: ಇಂದಿಗೂ ಮಾಸಿಲ್ಲ ಆ ಧ್ವನಿಯ ಮೋಡಿ!

Govindaraj S — Fri, 13 Nov 2026 21:37:54 +0530

ಭಾರತೀಯ ಚಿತ್ರಸಂಗೀತ ಲೋಕದಲ್ಲಿ ತಮ್ಮ ಮಧುರ ಕಂಠದ ಮೂಲಕ ಅಚ್ಚಳಿಯದ ಛಾಪು ಮೂಡಿಸಿರುವ ಲೆಜೆಂಡರಿ ಗಾಯಕಿ ಪಿ. ಸುಶೀಲಾ ಇಂದು 91ನೇ ಜನ್ಮದಿನದ ಸಂಭ್ರಮದಲ್ಲಿದ್ದಾರೆ. ಆರು ದಶಕಗಳಿಗೂ ಹೆಚ್ಚು ಕಾಲ ಸಂಗೀತ ಕ್ಷೇತ್ರದಲ್ಲಿ ಸಕ್ರಿಯರಾಗಿರುವ ಅವರು, ತಮ್ಮ ಸುಮಧುರ ಧ್ವನಿಯಿಂದ ಹಲವು ತಲೆಮಾರುಗಳ ಸಂಗೀತಪ್ರಿಯರನ್ನು ರಂಜಿಸಿದ್ದಾರೆ. ಕನ್ನಡ ಸೇರಿದಂತೆ ದಕ್ಷಿಣ ಭಾರತದ ಹಲವು ಭಾಷೆಗಳಲ್ಲಿ ಸಾವಿರಾರು ಹಾಡುಗಳಿಗೆ ಜೀವ ತುಂಬಿರುವ ಸುಶೀಲಮ್ಮ ಅವರ ಗಾಯನ ಪಯಣ ನಿಜಕ್ಕೂ ಅದ್ಭುತ.

ಶಾಸ್ತ್ರೀಯ ಸಂಗೀತದಿಂದ ಹಿನ್ನೆಲೆ ಗಾಯನದವರೆಗೆ!

1935ರ ನವೆಂಬರ್ 13ರಂದು ಆಂಧ್ರಪ್ರದೇಶದ ವಿಜಯನಗರಂನಲ್ಲಿ ಜನಿಸಿದ ಪುಲಪಾಕ ಸುಶೀಲಾ, ಬಾಲ್ಯದಿಂದಲೇ ಸಂಗೀತದತ್ತ ಒಲವು ಬೆಳೆಸಿಕೊಂಡಿದ್ದರು. ಶಾಸ್ತ್ರೀಯ ಸಂಗೀತದಲ್ಲಿ ತರಬೇತಿ ಪಡೆದ ಅವರು, 1950ರ ದಶಕದ ಆರಂಭದಲ್ಲಿ ಹಿನ್ನೆಲೆ ಗಾಯನ ಕ್ಷೇತ್ರಕ್ಕೆ ಕಾಲಿಟ್ಟರು. ಅಲ್ಪಾವಧಿಯಲ್ಲೇ ದಕ್ಷಿಣ ಭಾರತದ ಚಿತ್ರರಂಗದ ಬೇಡಿಕೆಯ ಗಾಯಕಿಯರ ಸಾಲಿನಲ್ಲಿ ಮುಂಚೂಣಿಗೆ ಬಂದರು.

ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಡುಗಳಲ್ಲೂ ಮೋಡಿ!

ತಮಿಳು, ತೆಲುಗು, ಕನ್ನಡ ಹಾಗೂ ಮಲಯಾಳಂ ಸೇರಿದಂತೆ ಹಲವು ಭಾರತೀಯ ಭಾಷೆಗಳಲ್ಲಿ ಸುಶೀಲಮ್ಮ ಹಾಡಿದ್ದಾರೆ. ಪ್ರತಿಯೊಂದು ಭಾಷೆಯ ಉಚ್ಚಾರಣೆ, ಭಾವನೆ ಮತ್ತು ಸಂಗೀತದ ಶೈಲಿಗೆ ತಕ್ಕಂತೆ ತಮ್ಮ ಧ್ವನಿಯನ್ನು ಹೊಂದಿಸಿಕೊಳ್ಳುವ ಅಪರೂಪದ ಪ್ರತಿಭೆ ಅವರದ್ದು. ಹಾಡಿನ ಭಾವಕ್ಕೆ ತಕ್ಕಂತೆ ಧ್ವನಿಯಲ್ಲಿ ಜೀವ ತುಂಬುವ ಅವರ ಕಲೆ ಸಂಗೀತ ನಿರ್ದೇಶಕರು ಹಾಗೂ ಪ್ರೇಕ್ಷಕರ ಮನಗೆದ್ದಿತ್ತು.

ಹಲವು ದಶಕಗಳ ಸಂಗೀತ ಪಯಣದಲ್ಲಿ ಅವರು ಸಾವಿರಾರು ಹಾಡುಗಳನ್ನು ಹಾಡಿ ಅಪಾರ ಅಭಿಮಾನಿ ಬಳಗವನ್ನು ಸಂಪಾದಿಸಿದ್ದಾರೆ. 2016ರಲ್ಲಿ 12 ಭಾರತೀಯ ಭಾಷೆಗಳಲ್ಲಿ ಸೋಲೋ, ಡ್ಯುಯೆಟ್ ಹಾಗೂ ಕೋರಸ್ ಸೇರಿದಂತೆ ಒಟ್ಟು 17,695 ಹಾಡುಗಳನ್ನು ಹಾಡಿರುವುದಕ್ಕಾಗಿ ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್‌ನಲ್ಲಿ ಅವರ ಸಾಧನೆ ಗುರುತಿಸಲ್ಪಟ್ಟಿತ್ತು.

ಐದು ರಾಷ್ಟ್ರ ಪ್ರಶಸ್ತಿಗಳು, ಪದ್ಮಭೂಷಣ ಗೌರವ!

ಭಾರತೀಯ ಸಂಗೀತ ಕ್ಷೇತ್ರಕ್ಕೆ ನೀಡಿದ ಅಪಾರ ಕೊಡುಗೆಗಾಗಿ ಪಿ. ಸುಶೀಲಾ ಅವರಿಗೆ ಐದು ಬಾರಿ ಅತ್ಯುತ್ತಮ ಹಿನ್ನೆಲೆ ಗಾಯಕಿಗಾಗಿ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಲಭಿಸಿದೆ. 2008ರಲ್ಲಿ ದೇಶದ ಪ್ರತಿಷ್ಠಿತ ನಾಗರಿಕ ಗೌರವಗಳಲ್ಲಿ ಒಂದಾದ ಪದ್ಮಭೂಷಣ ಪ್ರಶಸ್ತಿಯೂ ಅವರನ್ನು ಅರಸಿ ಬಂದಿದೆ. ಹೀಗೆ ಹಲವು ಪ್ರಶಸ್ತಿ-ಪುರಸ್ಕಾರಗಳು ಅವರ ಸಂಗೀತ ಸಾಧನೆಗೆ ಸಾಕ್ಷಿಯಾಗಿವೆ.

ತಲೆಮಾರುಗಳು ಕಳೆದರೂ ಮಾಸದ ಸುಶೀಲಮ್ಮ ಅವರ ಧ್ವನಿ!

ದಶಕಗಳು ಕಳೆದರೂ ಸುಶೀಲಮ್ಮ ಅವರ ಹಾಡುಗಳ ಮೇಲಿನ ಅಭಿಮಾನ ಕಡಿಮೆಯಾಗಿಲ್ಲ. ಅವರ ಗಾಯನ ಕೇವಲ ಮಧುರ ಹಾಡುಗಳಿಗೆ ಸೀಮಿತವಾಗಿಲ್ಲ; ಅಸಂಖ್ಯಾತ ಸಂಗೀತಪ್ರಿಯರ ನೆನಪು, ಭಾವನೆ ಮತ್ತು ಬದುಕಿನ ಸುಂದರ ಕ್ಷಣಗಳ ಭಾಗವಾಗಿದೆ. ಕಾಲ ಬದಲಾದರೂ ಅವರ ಧ್ವನಿಯ ಮೋಡಿ ಮಾತ್ರ ಇಂದಿಗೂ ಹಾಗೆಯೇ ಉಳಿದಿದೆ.

ಇನ್ನು 91ನೇ ಜನ್ಮದಿನದ ಸಂಭ್ರಮದಲ್ಲಿರುವ ಗಾನಕೋಗಿಲೆ ಪಿ. ಸುಶೀಲಾ ಅವರಿಗೆ ಸಂಗೀತಪ್ರಿಯರಿಂದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ಅವರ ಮಧುರ ಕಂಠದ ಹಾಡುಗಳು ಮುಂದಿನ ಹಲವು ತಲೆಮಾರುಗಳನ್ನೂ ಇದೇ ರೀತಿ ಮೋಡಿ ಮಾಡುತ್ತಿರಲಿ. ಹುಟ್ಟುಹಬ್ಬದ ಹಾರ್ದಿಕ ಶುಭಾಶಯಗಳು ಸುಶೀಲಮ್ಮ!

ಮೊದಲ ಏಕದಿನ ನಾಯಕತ್ವದಲ್ಲೇ ಶ್ರೇಯಸ್ ಅಯ್ಯರ್‌ಗೆ ಆಘಾತ! ಬೇಡದ ದಾಖಲೆ ಬರೆದ ಭಾರತದ ಕ್ಯಾಪ್ಟನ್

Ganesh Mabla Gowda — Fri, 13 Nov 2026 21:23:29 +0530

ಇವತ್ತು ಭಾರತ ಮತ್ತು ನ್ಯೂಜಿಲೆಂಡ್ ತಂಡಗಳು ನಾಲ್ಕನೇ ಏಕದಿನ ಪಂದ್ಯಗಳಲ್ಲಿ ಮುಖಾಮುಖಿ ಆಗಿದ್ವು. ಈ ವೇಳೆ ನಾಯಕ ಶ್ರೇಯಸ್ ಅಯ್ಯರ್ ಅವರು ಅತ್ಯಂತ ಕೆಟ್ಟ ದಾಖಲೆ ಬರೆದುಕೊಂಡಿದ್ದಾರೆ.

ಅಯ್ಯರ್ ಕೆಟ್ಟ ದಾಖಲೆ

ಶ್ರೇಯಸ್ ಅಯ್ಯರ್ ಅವರು, ಏಕದಿನ ಪಂದ್ಯ ಒಂದಕ್ಕೆ ಇದೇ ಮೊದಲ ಬಾರಿ ನಾಯಕರಾಗಿ ಮುನ್ನಡೆಸುತ್ತಿದ್ದರು. ತಮ್ಮ ಚಚ್ಚಲ ಪಂದ್ಯದಲ್ಲಿ ಶೂನ್ಯಕ್ಕೆ ಔಟ್ ಆಗಲು ಮೂಲಕ ಕೆಟ್ಟ ದಾಖಲೆ ಬರೆದಿದ್ದಾರೆ. ಕ್ಯಾಪ್ಟನ್ ಆಗಿ ತಮ್ಮ ಚೊಚ್ಚಲ ಪಂದ್ಯದಲ್ಲೇ ಶೂನ್ಯಕ್ಕೆ ಔಟ್ ಆದ ಮೊದಲ ಭಾರತೀಯ ಎಂಬ ಕುಖ್ಯಾತಿಗೆ ಕಾರಣರಾಗಿದ್ದಾರೆ. ಅಲ್ಲದೇ ತಾವು ಮುನ್ನಡೆಸಿದ ಮೊದಲ ಪಂದ್ಯದಲ್ಲೇ ಸೋಲುವ ಮೂಲಕ ನಿರಾಸೆ ಮೂಡಿಸಿದ್ದಾರೆ.

ಐದು ಪಂದ್ಯಗಳ ಏಕದಿನ ಸರಣಿಯಲ್ಲಿ ಎರಡು ಪಂದ್ಯಗಳನ್ನ ಶುಬ್ಮನ್ ಗಿಲ್ ಮುನ್ನಡೆಸಿದರು. ಕೊನೆಯ ಎರಡು ಪಂದ್ಯಗಳಿಗೆ ಶ್ರೇಯಸ್ ಅಯ್ಯರ್ ಅವರನ್ನು ನಾಯಕರನ್ನಾಗಿ ಮಾಡಲಾಗಿತ್ತು. ಆದರೆ ಅಯ್ಯರ್ ಬೇಡದ್ದ ದಾಖಲೆಯನ್ನ ಬರೆದುಕೊಂಡಿದ್ದಾರೆ.

ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ ಅದ್ಭುತ ಆರಂಭದೊಂದಿಗೆ 333 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ, ಅಯ್ಯರ್, ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿ ಎಲ್ಲರೂ ಚೇಸಿಂಗ್‌ನ ಮೊದಲ ಓವರ್‌ನಲ್ಲಿ ಯಾವುದೇ ರನ್ ಗಳಿಸದೆ ಔಟಾದರು. ಅಯ್ಯರ್ ನಾಯಕನಾಗಿ ತಮ್ಮ ಮೊದಲ ಪಂದ್ಯದಲ್ಲಿ ಶೂನ್ಯಕ್ಕೆ ಔಟಾದ ಮೊದಲ ಭಾರತೀಯ ನಾಯಕರಾದರು. ಅಯ್ಯರ್‌ಗಿಂತ ಮೊದಲು, ಇತರ ಏಳು ಕ್ರಿಕೆಟಿಗರು ಈ ಅನಗತ್ಯ ಸಾಧನೆಯನ್ನು ಮಾಡಿದ್ದರು. ಕೊನೆಯಲ್ಲಿ ಭಾರತ ತಂಡವು 26.4 ಓವರ್‍‌ಗೆ ಎಲ್ಲಾ ವಿಕೆಟ್ ಕಳೆದುಕೊಂಡು 89 ರನ್‌ಗಳಿಸಿ ಸೋಲಿಗೆ ಶರಣಾಯಿತು.

ಏಕದಿನ ಪಂದ್ಯದಲ್ಲಿ ತಮ್ಮ ಚೊಚ್ಚಲ ನಾಯಕತ್ವದಲ್ಲಿ ಶೂನ್ಯಕ್ಕೆ ಔಟ್ ಆದವರ ಲಿಸ್ಟ್

1975ರಲ್ಲಿ ಬರ್ಮಿಂಗ್ಹ್ಯಾಮ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ಪೂರ್ವ ಆಫ್ರಿಕಾ ತಂಡದ ನಾಯಕ ಹರಿಲಾಲ್ ಶಾ ತಮ್ಮ ನಾಯಕತ್ವದ ಚೊಚ್ಚಲ ಪಂದ್ಯದಲ್ಲೇ ಶೂನ್ಯಕ್ಕೆ ಔಟ್ ಆದರು ಹಾಗೂ ಆ ಪಂದ್ಯದಲ್ಲಿ ಅವರ ತಂಡವು ಸೋಲು ಕಂಡಿತು.
1975ರಲ್ಲಿ ಮ್ಯಾಂಚೆಸ್ಟರ್‌ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಶ್ರೀಲಂಕಾ ತಂಡದ ನಾಯಕ ಅನುರಾ ತೆನ್ನೆಕೂನ್ ಶೂನ್ಯಕ್ಕೆ ಔಟ್ ಆಗಿದ್ದು, ಈ ಪಂದ್ಯದಲ್ಲಿ ಶ್ರೀಲಂಕಾ ಸೋಲು ಅನುಭವಿಸಿತು.
1985/86ರ ಋತುವಿನಲ್ಲಿ ಮೊರಟುವಾದಲ್ಲಿ ಪಾಕಿಸ್ತಾನ ವಿರುದ್ಧ ನಡೆದ ಪಂದ್ಯದಲ್ಲಿ ಬಾಂಗ್ಲಾದೇಶದ ನಾಯಕ ಗಾಜಿ ಅಶ್ರಫ್ ಶೂನ್ಯಕ್ಕೆ ಔಟ್ ಆದರು ಮತ್ತು ಬಾಂಗ್ಲಾದೇಶ ತಂಡವು ಪಂದ್ಯವನ್ನು ಸೋತಿತು.
1999/00ರ ಋತುವಿನಲ್ಲಿ ಶಾರ್ಜಾದಲ್ಲಿ ಪಾಕಿಸ್ತಾನ ವಿರುದ್ಧ ನಡೆದ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾದ ನಾಯಕ ಶಾನ್ ಪೊಲಾಕ್ ಶೂನ್ಯಕ್ಕೆ ಔಟ್ ಆದರು; ಈ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ಸೋಲನುಭವಿಸಿತು.
2003/04ರ ಋತುವಿನಲ್ಲಿ ಜಾರ್ಜ್‌ಟೌನ್‌ನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ನಾಯಕ ರಾಮನರೇಶ್ ಸರ್ವಾನ್ ಶೂನ್ಯಕ್ಕೆ ಔಟ್ ಆದರು ಹಾಗೂ ಆ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ಸೋಲು ಕಂಡಿತು.
2004ರಲ್ಲಿ ದಿ ಓವಲ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ಅಮೆರಿಕ (USA) ತಂಡದ ನಾಯಕ ರಿಚರ್ಡ್ ವೇನ್ ಸ್ಟೇಪಲ್ ಶೂನ್ಯಕ್ಕೆ ಔಟ್ ಆದರು ಮತ್ತು ಅವರ ತಂಡವು ಸೋಲು ಅನುಭವಿಸಿತು.
2004ರಲ್ಲಿ ಬರ್ಮಿಂಗ್ಹ್ಯಾಮ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಪಂದ್ಯದಲ್ಲಿ ಬಾಂಗ್ಲಾದೇಶದ ನಾಯಕ ರಾಜಿನ್ ಸಾಲೆಹ್ ಶೂನ್ಯಕ್ಕೆ ಔಟ್ ಆಗಿದ್ದು, ಆ ಪಂದ್ಯದಲ್ಲಿ ಬಾಂಗ್ಲಾದೇಶ ಸೋಲು ಕಂಡಿತು.
2026ರಲ್ಲಿ ಮೌಂಟ್ ಮೌಂಗನುಯಿಯಲ್ಲಿ ನ್ಯೂಜಿಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ಭಾರತ ತಂಡದ ನಾಯಕ ಶ್ರೇಯಸ್ ಅಯ್ಯರ್ ತಮ್ಮ ಚೊಚ್ಚಲ ನಾಯಕತ್ವದ ಪಂದ್ಯದಲ್ಲೇ ಶೂನ್ಯಕ್ಕೆ ಔಟ್ ಆದರು ಹಾಗೂ ಈ ಪಂದ್ಯದಲ್ಲಿ ಭಾರತವು ಸೋಲನುಭವಿಸಿತು.

ಮೊಬೈಲ್‌ ರಿಚಾರ್ಜ್‌ಗೆ ಪ್ರತಿ ತಿಂಗಳೂ 350 ರೂಪಾಯಿ ಕೊಡಬೇಕು, ಬೆಲೆ ಏರಿಕೆಯ ಸೂಚನೆ ನೀಡಿದ ಏರ್‌ಟೆಲ್‌ ಸಂಸ್ಥಾಪಕ

Santosh Naik — Fri, 13 Nov 2026 21:17:04 +0530

ನವದೆಹಲಿ (ನ.13): ದೇಶದ ಮುಂಚೂಣಿ ಟೆಲಿಕಾಂ ಸಂಸ್ಥೆ ಭಾರ್ತಿ ಏರ್‌ಟೆಲ್ (Airtel) ಸಂಸ್ಥಾಪಕ ಮತ್ತು ಭಾರ್ತಿ ಎಂಟರ್‌ಪ್ರೈಸಸ್ ಅಧ್ಯಕ್ಷ ಸುನಿಲ್ ಭಾರತಿ ಮಿತ್ತಲ್ ಅವರ ಇತ್ತೀಚಿನ ಹೇಳಿಕೆ ದೇಶಾದ್ಯಂತ ಮೊಬೈಲ್ ಯೂಸರ್‌ಗಳಲ್ಲಿ ದರ ಏರಿಕೆಯ ಆತಂಕ ಮೂಡಿಸಿದೆ. ಭಾರತದಲ್ಲಿ ಮೊಬೈಲ್ ಸೇವೆಗಳ ಬೆಲೆ ತೀರಾ ಕಡಿಮೆಯಿದ್ದು, ಪ್ರತಿ ಬಳಕೆದಾರರಿಂದ ಟೆಲಿಕಾಂ ಕಂಪನಿಗಳಿಗೆ ತಿಂಗಳಿಗೆ ಸರಾಸರಿ ₹350 ಆದಾಯ (ARPU) ಸಿಗಬೇಕು ಎಂದು ಮಿತ್ತಲ್ ಹೇಳಿದ್ದಾರೆ. ಪೆಪ್ಸಿ ಬಾಟಲಿ ಹಾಗೂ ಚಿಪ್ಸ್ ಪ್ಯಾಕೆಟ್‌ಗೆ ಮೊಬೈಲ್ ರೀಚಾರ್ಜ್ ದರವನ್ನು ಹೋಲಿಕೆ ಮಾಡಿರುವ ಸುನಿಲ್ ಮಿತ್ತಲ್, ದಿನನಿತ್ಯದ ವಸ್ತುಗಳ ಮೇಲೆ ಜನರು ಹಿಂಜರಿಕೆಯಿಲ್ಲದೆ ಖರ್ಚು ಮಾಡುತ್ತಾರೆ, ಆದರೆ ಮೊಬೈಲ್ ಸೇವೆಯ ಬೆಲೆಯ ಬಗ್ಗೆ ಪ್ರಶ್ನೆ ಎತ್ತುತ್ತಾರೆ ಎಂದಿದ್ದಾರೆ. ಆದರೆ, ರೀಚಾರ್ಜ್ ದರಗಳು ಯಾವಾಗ ಹೆಚ್ಚಾಗಲಿವೆ ಎಂಬ ನಿಖರ ಸಮಯವನ್ನು ಅವರು ಬಹಿರಂಗಪಡಿಸಿಲ್ಲ.

ಪೆಪ್ಸಿ, ಚಿಪ್ಸ್ ಉದಾಹರಣೆ ನೀಡಿ ಮಿತ್ತಲ್ ಹೇಳಿದ್ದೇನು?

ನೀವು ಒಂದು ಬಾಟಲಿ ಪೆಪ್ಸಿ ಖರೀದಿಸುತ್ತೀರಿ, ಚಿಪ್ಸ್ ಪ್ಯಾಕೆಟ್ ತೆಗೆದುಕೊಳ್ಳುತ್ತೀರಿ ಅಥವಾ ಮೊಬೈಲ್ ರೀಚಾರ್ಜ್ ಮಾಡಿಸುತ್ತೀರಿ. ಈ ಮೂರರ ಮೇಲಿನ ವೆಚ್ಚ ಈಗ ಹೊಸ ಚರ್ಚೆಗೆ ಕಾರಣವಾಗಿದೆ. ಮಿತ್ತಲ್ ಅವರ ಪ್ರಕಾರ, ಇಂದು ಮೊಬೈಲ್ ಸಂಪರ್ಕವು ಕೇವಲ ಕರೆ ಮಾಡಲು ಅಥವಾ ಇಂಟರ್ನೆಟ್ ಬಳಸಲು ಮಾತ್ರ ಸೀಮಿತವಾಗಿಲ್ಲ. ಇದೇ ನೆಟ್‌ವರ್ಕ್ ಮೂಲಕ ಜನರು ಬ್ಯಾಂಕಿಂಗ್, ಯುಪಿಐ (UPI) ಪಾವತಿ, ಶಿಕ್ಷಣ, ಸರ್ಕಾರಿ ಯೋಜನೆಗಳ ಹಣ ಮತ್ತು ಆರೋಗ್ಯ ಸಂಬಂಧಿತ ಮಾಹಿತಿಯನ್ನು ಪಡೆಯುತ್ತಿದ್ದಾರೆ. ಜೊತೆಗೆ ಯೂಟ್ಯೂಬ್, ಇನ್‌ಸ್ಟಾಗ್ರಾಮ್ ಮತ್ತು ಸಿನಿಮಾಗಳಂತಹ ಮನರಂಜನೆಗೂ ಇದೇ ಆಧಾರವಾಗಿದೆ.

ಹಾಗಾದರೆ ಇನ್ನು ಮುಂದೆ ಪ್ರತಿಯೊಬ್ಬ ಮೊಬೈಲ್ ಯೂಸರ್‌ ₹350 ರೀಚಾರ್ಜ್ ಮಾಡಿಸಬೇಕೇ? ಸದ್ಯಕ್ಕೆ ಹಾಗಿಲ್ಲ. ಮಿತ್ತಲ್ ಯಾವುದೇ ಹೊಸ ಪ್ಲಾನ್ ಅಥವಾ ತಕ್ಷಣದ ದರ ಏರಿಕೆಯನ್ನು ಘೋಷಿಸಿಲ್ಲ. ಬದಲಿಗೆ, ಟೆಲಿಕಾಂ ಕಂಪನಿಗಳ ಸುಸ್ಥಿರ ಬೆಳವಣಿಗೆಗೆ ಪ್ರತಿ ಬಳಕೆದಾರರಿಂದ ತಿಂಗಳಿಗೆ ಸರಾಸರಿ ₹350 ಆದಾಯ ಬರುವುದು ಸೂಕ್ತ ಮಟ್ಟವಾಗಿದೆ ಎಂದಷ್ಟೇ ಹೇಳಿದ್ದಾರೆ.

10 ವರ್ಷಗಳ ಹಿಂದಿನ ₹300 ರ ಲೆಕ್ಕಾಚಾರ ಈಗೇಕೆ ಸಾಲದು?

ಸುಮಾರು 10 ವರ್ಷಗಳ ಹಿಂದೆ ಟೆಲಿಕಾಂ ಕಂಪನಿಗಳಿಗೆ ಪ್ರತಿ ಬಳಕೆದಾರರಿಂದ ತಿಂಗಳಿಗೆ ಸರಾಸರಿ ₹300 ಆದಾಯ ಸಿಕ್ಕರೆ ಸಾಕು ಎಂದು ತಾವು ಭಾವಿಸಿದ್ದಾಗಿ ಮಿತ್ತಲ್ ಸ್ಮರಿಸಿದ್ದಾರೆ. ಆದರೆ ಕಳೆದ ಒಂದು ದಶಕದಲ್ಲಿ ಹಣದುಬ್ಬರ ಮತ್ತು ನೆಟ್‌ವರ್ಕ್ ನಿರ್ವಹಣಾ ವೆಚ್ಚ ವಿಪರೀತವಾಗಿ ಏರಿದೆ.

ಪೆಟ್ರೋಲ್-ಡೀಸೆಲ್, ವಿದ್ಯುತ್, ಉದ್ಯೋಗಿಗಳ ವೇತನ ಹಾಗೂ ಆಡಳಿತಾತ್ಮಕ ವೆಚ್ಚಗಳು ಭಾರಿ ಪ್ರಮಾಣದಲ್ಲಿ ಹೆಚ್ಚಾಗಿವೆ. ಮೊಬೈಲ್ ನೆಟ್‌ವರ್ಕ್ ನಡೆಸುವುದು ಎಂದರೆ ಕೇವಲ ಟವರ್ ಅಳವಡಿಸುವುದಷ್ಟೇ ಅಲ್ಲ; ನಿರಂತರವಾಗಿ ನೆಟ್‌ವರ್ಕ್ ಸಾಮರ್ಥ್ಯ ಹೆಚ್ಚಿಸಬೇಕು, ಫೈಬರ್ ಕೇಬಲ್‌ಗಳನ್ನು ಅಳವಡಿಸಬೇಕು ಮತ್ತು ದೇಶದ ಮೂಲೆ ಮೂಲೆಗೂ ಉತ್ತಮ ಸಂಪರ್ಕ ಕಲ್ಪಿಸಬೇಕು. ಇಂಟರ್ನೆಟ್ ಬಳಕೆ ಹೆಚ್ಚಾದಂತೆ ನೆಟ್‌ವರ್ಕ್ ಮೇಲಿನ ಒತ್ತಡವೂ ಹೆಚ್ಚಾಗುತ್ತಿದ್ದು, ಇದಕ್ಕೆ ಬೃಹತ್ ಹೂಡಿಕೆಯ ಅಗತ್ಯವಿದೆ ಎಂದು ಅವರು ವಾದಿಸಿದ್ದಾರೆ.

ಚೀನಾಗೆ ಹೋಲಿಸಿದರೆ ಭಾರತದಲ್ಲಿ ಮೊಬೈಲ್ ಟವರ್‌ಗಳು ಎಷ್ಟು ಕಡಿಮೆ?

ಭಾರತ ಮತ್ತು ಚೀನಾದ ಮೊಬೈಲ್ ನೆಟ್‌ವರ್ಕ್ ಮೂಲಸೌಕರ್ಯವನ್ನು ಹೋಲಿಕೆ ಮಾಡಿರುವ ಮಿತ್ತಲ್, ಚೀನಾದಲ್ಲಿ 10 ಲಕ್ಷಕ್ಕೂ ಹೆಚ್ಚು ಮೊಬೈಲ್ ಟವರ್‌ಗಳಿದ್ದರೆ, ಭಾರತದಲ್ಲಿ ಇವುಗಳ ಸಂಖ್ಯೆ ಕೇವಲ 3.5 ಲಕ್ಷದಷ್ಟಿದೆ. ಭಾರತವು ತನ್ನ ಪ್ರಸ್ತುತ ಟವರ್ ನೆಟ್‌ವರ್ಕ್ ಅನ್ನು ಕನಿಷ್ಠ ದ್ವಿಗುಣಗೊಳಿಸಬೇಕಿದೆ. ಟವರ್‌ಗಳ ಜೊತೆಗೆ ಫೈಬರ್ ನೆಟ್‌ವರ್ಕ್ ಮತ್ತು ಸಮುದ್ರದಾಳದಲ್ಲಿ ಅಳವಡಿಸುವ ಇಂಟರ್ನೆಟ್ ಕೇಬಲ್‌ಗಳ (Subsea cables) ಮೇಲೂ ಭಾರಿ ಹೂಡಿಕೆ ಅಗತ್ಯವಿದೆ. ವಿಶೇಷವಾಗಿ ಸಣ್ಣ ಪಟ್ಟಣಗಳು ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಉತ್ತಮ ಗುಣಮಟ್ಟದ ಇಂಟರ್ನೆಟ್ ಒದಗಿಸಲು ಸ್ಪೆಕ್ಟ್ರಮ್‌, ಫೈಬರ್ ಮತ್ತು ನೆಟ್‌ವರ್ಕ್ ಸಾಮರ್ಥ್ಯ ಬಲಪಡಿಸುವುದು ಅನಿವಾರ್ಯವಾಗಿದೆ.

5G ಮೇಲೆ ಲಕ್ಷಾಂತರ ಕೋಟಿ ಹೂಡಿಕೆ ಮಾಡಿಯೂ ಕಂಪನಿಗಳಿಗೆ ನಿರಾಸೆ ಏಕೆ?

ದರ ಏರಿಕೆಯ ಪ್ರತಿಪಾದನೆಯ ಹಿಂದೆ 5G ನೆಟ್‌ವರ್ಕ್ ಮೇಲಿನ ಭಾರಿ ಹೂಡಿಕೆಯೂ ಪ್ರಮುಖ ಕಾರಣವಾಗಿದೆ. ಟೆಲಿಕಾಂ ಕಂಪನಿಗಳು 5G ಸ್ಪೆಕ್ಟ್ರಮ್ ಖರೀದಿಸಲು ಲಕ್ಷಾಂತರ ಕೋಟಿ ರೂಪಾಯಿ ವ್ಯಯಿಸಿವೆ ಮತ್ತು ನೆಟ್‌ವರ್ಕ್ ಸಿದ್ಧಪಡಿಸಲು ಸುಮಾರು ₹1.5 ಲಕ್ಷ ಕೋಟಿ ಹೆಚ್ಚುವರಿ ಹೂಡಿಕೆ ಮಾಡಿವೆ.

ಇಷ್ಟೆಲ್ಲಾ ಖರ್ಚು ಮಾಡಿದರೂ, 5G ಸೇವೆಯಿಂದ ಕಂಪನಿಗಳು ನಿರೀಕ್ಷಿಸಿದಷ್ಟು ಹೆಚ್ಚುವರಿ ಆದಾಯ ಬಂದಿಲ್ಲ ಎಂದು ಮಿತ್ತಲ್ ಬೇಸರ ವ್ಯಕ್ತಪಡಿಸಿದ್ದಾರೆ. ಇದರಿಂದ ದೇಶದಲ್ಲಿ ಡಿಜಿಟಲ್ ಸೇವೆಗಳಿಗೆ ಬೇಕಾದ ಬಲಿಷ್ಠ ಮೂಲಸೌಕರ್ಯ ನಿರ್ಮಾಣವಾಗಿದ್ದರೂ, ಅದೇ ನೆಟ್‌ವರ್ಕ್ ಬಳಸಿಕೊಂಡು ಲಾಭ ಗಳಿಸುತ್ತಿರುವ ಡಿಜಿಟಲ್ ಆ್ಯಪ್ ಕಂಪನಿಗಳಿಗೆ ಸಿಗುತ್ತಿರುವ ಲಾಭದಂತೆ ನೆಟ್‌ವರ್ಕ್ ನಿರ್ಮಿಸಿದ ಟೆಲಿಕಾಂ ಕಂಪನಿಗಳಿಗೂ ಸೂಕ್ತ ಆದಾಯ ಸಿಗಬೇಕು ಎಂಬುದು ಅವರ ವಾದವಾಗಿದೆ.

ಪ್ರಸ್ತುತ ಏರ್‌ಟೆಲ್ ಬಳಕೆದಾರರು ಎಷ್ಟು ಖರ್ಚು ಮಾಡುತ್ತಿದ್ದಾರೆ?

ಏರ್‌ಟೆಲ್‌ನ ಇತ್ತೀಚಿನ ತ್ರೈಮಾಸಿಕ ಫಲಿತಾಂಶಗಳ ಪ್ರಕಾರ ಸೆಪ್ಟೆಂಬರ್ ತ್ರೈಮಾಸಿಕದಲ್ಲಿ ಕಂಪನಿಯ ಪ್ರತಿ ಬಳಕೆದಾರರ ಸರಾಸರಿ ಆದಾಯ (ARPU) ₹271 ಆಗಿದೆ (ಕಳೆದ ವರ್ಷ ಇದೇ ಅವಧಿಯಲ್ಲಿ ₹256 ಇತ್ತು). ಇದನ್ನು ₹350ಕ್ಕೆ ತಲುಪಿಸಬೇಕಾದರೆ, ಪ್ರಸ್ತುತ ಸರಾಸರಿಗಿಂತ ಸುಮಾರು ಶೇ. 29 ರಷ್ಟು ಹೆಚ್ಚಳವಾಗಬೇಕಿದೆ.

ARPU ಎಂದರೇನು?

ಪ್ರತಿ ಗ್ರಾಹಕರೂ ತಿಂಗಳಿಗೆ ₹271 ರೀಚಾರ್ಜ್ ಮಾಡಿಸುತ್ತಾರೆ ಎಂದರ್ಥವಲ್ಲ. ಕಂಪನಿಯ ಒಟ್ಟು ಮೊಬೈಲ್ ಆದಾಯವನ್ನು ಒಟ್ಟು ಗ್ರಾಹಕರ ಸಂಖ್ಯೆಯಿಂದ ಭಾಗಿಸಿದಾಗ ಬರುವ ಸರಾಸರಿ ಮೊತ್ತವೇ ARPU. ಕೆಲವರು ಕಡಿಮೆ ಬೆಲೆಯ ಪ್ಲಾನ್ ಬಳಸಿದರೆ, ಇನ್ನು ಕೆಲವರು ದುಬಾರಿ ಪೋಸ್ಟ್‌ಪೇಯ್ಡ್ ಅಥವಾ ಡೇಟಾ ಪ್ಲಾನ್ ಬಳಸುತ್ತಾರೆ.

₹350ರ ಸರಾಸರಿ ತಲುಪಲು ವಿವಿಧ ಶ್ರೇಣಿಯ ಪ್ಲಾನ್‌ಗಳ ಬಗ್ಗೆ ಪ್ರಸ್ತಾಪಿಸಿರುವ ಮಿತ್ತಲ್, ಆರಂಭಿಕ ಪ್ಲಾನ್‌ಗಳು ₹200ಕ್ಕಿಂತ ಹೆಚ್ಚಿರಬಹುದು, ಹಾಗೂ ಹೆಚ್ಚಿನ ಸೌಲಭ್ಯ ಬಯಸುವವರಿಗೆ ₹500, ₹700, ₹800 ಅಥವಾ ₹1,000 ವರೆಗಿನ ಪ್ಲಾನ್‌ಗಳಿರಬಹುದು ಎಂದಿದ್ದಾರೆ. ಅಂದರೆ, ಎಲ್ಲರಿಂದಲೂ ಒಂದೇ ದರ ವಸೂಲಿ ಮಾಡದೆ, ಗ್ರಾಹಕರ ಅಗತ್ಯ ಮತ್ತು ಖರ್ಚು ಮಾಡುವ ಸಾಮರ್ಥ್ಯಕ್ಕೆ ತಕ್ಕಂತೆ ಪ್ಲಾನ್ ರೂಪಿಸುವ ಇಂಗಿತ ವ್ಯಕ್ತಪಡಿಸಿದ್ದಾರೆ.

ಮೊಬೈಲ್ ರೀಚಾರ್ಜ್ ಮತ್ತೆ ದುಬಾರಿಯಾಗಲಿದೆಯೇ?

ಮುಂದಿನ ಬಾರಿ ರೀಚಾರ್ಜ್ ದರಗಳು ಯಾವಾಗ ಏರಿಕೆಯಾಗಲಿವೆ ಎಂಬುದನ್ನು ಮಿತ್ತಲ್ ಸ್ಪಷ್ಟಪಡಿಸಿಲ್ಲ. ₹350ರ ಸರಾಸರಿ ಗುರಿಯನ್ನು ಕಂಪನಿಗಳು ಯಾವಾಗ ತಲುಪಲಿವೆ ಎಂಬ ಪ್ರಶ್ನೆಗೆ, ತಮಗೆ ಅದರ ಕಾಲಮಿತಿ ತಿಳಿದಿಲ್ಲ ಎಂದು ಉತ್ತರಿಸಿದ್ದಾರೆ. ಭಾರತದಲ್ಲಿ ಈ ಹಿಂದೆ ಜೂನ್ 2024 ರಲ್ಲಿ ಪ್ರಮುಖ ಟೆಲಿಕಾಂ ಕಂಪನಿಗಳು ಮೊಬೈಲ್ ಪ್ಲಾನ್ ದರಗಳನ್ನು ಭಾರಿ ಪ್ರಮಾಣದಲ್ಲಿ ಏರಿಸಿದ್ದವು. ಇದೀಗ ನೆಟ್‌ವರ್ಕ್ ವಿಸ್ತರಣೆ ಮತ್ತು 5G ಹೂಡಿಕೆಯ ನೆಪದಲ್ಲಿ ಮತ್ತೊಮ್ಮೆ ದರ ಪರಿಷ್ಕರಣೆಯ ಚರ್ಚೆ ಮುನ್ನೆಲೆಗೆ ಬಂದಿದೆ.

ರುಕ್ಮಿಣಿ ಸೇರಿದಂತೆ ಫಾರ್ಮ್‌ನಲ್ಲಿರುವ ಈ ಸುಂದರಿಯರಿಗೆ ಅವಕಾಶಗಳಿಗಾಗಿ ಕಾಯುವ ಸ್ಥಿತಿ: ಏನಾಯ್ತು?

Govindaraj S — Fri, 13 Nov 2026 21:11:29 +0530

ಸಾಮಾನ್ಯವಾಗಿ ಯಶಸ್ಸಿನ ಹಾದಿಯಲ್ಲಿರುವ ನಟಿಯರನ್ನು ಟಾಲಿವುಡ್‌ ನಿರ್ಮಾಪಕರು ಸುಲಭವಾಗಿ ಕೈಬಿಡುವುದಿಲ್ಲ. ಬೇರೆ ಭಾಷೆಗಳಲ್ಲಿ ಸ್ಟಾರ್‌ ನಟಿಯರೆಂದು ಗುರುತಿಸಿಕೊಂಡವರನ್ನೂ ತಮ್ಮ ಸಿನಿಮಾಗಳಲ್ಲಿ ನಟಿಸಲು ಕರೆತರುತ್ತಾರೆ. ಆದರೆ ಕೆಲವು ನಟಿಯರ ವಿಚಾರದಲ್ಲಿ ಮಾತ್ರ ಪರಿಸ್ಥಿತಿ ತದ್ವಿರುದ್ಧವಾಗಿದೆ. ಇತರ ಭಾಷೆಗಳಲ್ಲಿ ಸಾಲು ಸಾಲು ಅವಕಾಶಗಳನ್ನು ಪಡೆಯುತ್ತಾ ಬ್ಯುಸಿಯಾಗಿರುವ ಈ ಸುಂದರಿಯರಿಗೆ ತೆಲುಗು ಚಿತ್ರರಂಗದಲ್ಲಿ ಮಾತ್ರ ನಿರೀಕ್ಷಿತ ಮಟ್ಟದ ಅವಕಾಶಗಳು ಸಿಗುತ್ತಿಲ್ಲ. ಸದ್ಯ ಈ ನಟಿಯರು ಟಾಲಿವುಡ್‌ನಲ್ಲಿ ಮುಂದಿನ ಅವಕಾಶಕ್ಕಾಗಿ ಕಾಯುವಂತಾಗಿದೆ.

‘ಸಲಾರ್’ ಹಿಟ್ ಬಳಿಕವೂ ಭಾಗ್ಯಶ್ರೀ ಬೋರ್ಸೆಗೆ ಸಿಗದ ದೊಡ್ಡ ಅವಕಾಶ!

ಭಾಗ್ಯಶ್ರೀ ಬೋರ್ಸೆ ಅವರಿಗೆ ‘ಸಲಾರ್’ ಸಿನಿಮಾದ ಮೂಲಕ ದೊಡ್ಡ ಮಟ್ಟದ ಗುರುತಿನೊಂದಿಗೆ ಅದೃಷ್ಟ ಖುಲಾಯಿಸಿತ್ತು. ಬ್ಲಾಕ್‌ಬಸ್ಟರ್ ಚಿತ್ರದ ಭಾಗವಾಗಿದ್ದರೂ, ಆ ಯಶಸ್ಸಿನ ವೇಗವನ್ನು ಮುಂದಿನ ಸಿನಿಮಾಗಳಲ್ಲಿ ಮುಂದುವರಿಸಲು ಅವರಿಗೆ ಸಾಧ್ಯವಾಗಿಲ್ಲ. ಅಷ್ಟೊಂದು ದೊಡ್ಡ ಹಿಟ್‌ನ ಭಾಗವಾದ ಬಳಿಕವೂ ಟಾಲಿವುಡ್‌ನ ಸ್ಟಾರ್ ನಟರ ಸಿನಿಮಾಗಳಲ್ಲಿ ಈ ಸುಂದರಿಗೆ ಅವಕಾಶ ಸಿಗುತ್ತಿರುವಂತೆ ಕಾಣುತ್ತಿಲ್ಲ. ಸದ್ಯ ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ತಲಾ ಒಂದು ಸಿನಿಮಾದಲ್ಲಿ ನಟಿಸುತ್ತಿರುವ ಭಾಗ್ಯಶ್ರೀ, ತೆಲುಗಿನಲ್ಲಿ ಮಾತ್ರ ಮುಂದಿನ ಚಿತ್ರಕ್ಕೆ ಸಹಿ ಹಾಕಿಲ್ಲ.

ಪ್ರೀತಿ ಮುಖುಂದನ್‌ಗೂ ಟಾಲಿವುಡ್‌ನಲ್ಲಿ ನಿರೀಕ್ಷಿತ ಅವಕಾಶಗಳಿಲ್ಲ!

ತಮಿಳು ಚಿತ್ರರಂಗದಲ್ಲಿ ಕೆಲವು ಯಶಸ್ವಿ ಸಿನಿಮಾಗಳ ಮೂಲಕ ಗುರುತಿಸಿಕೊಂಡಿರುವ ಪ್ರೀತಿ ಮುಖುಂದನ್ ಅವರಿಗೂ ತೆಲುಗಿನಲ್ಲಿ ನಿರೀಕ್ಷಿತ ಮಟ್ಟದ ಅವಕಾಶಗಳು ಸಿಗುತ್ತಿಲ್ಲ. ಸದ್ಯ ರೋಷನ್ ನಾಯಕನಾಗಿ ನಟಿಸುತ್ತಿರುವ ‘ಏಮೋ ಏಮೋ ಇದಿ’ ಸಿನಿಮಾದಲ್ಲಿ ಮಾತ್ರ ಅವರು ಅಭಿನಯಿಸುತ್ತಿದ್ದಾರೆ. ಇತರ ಭಾಷೆಗಳಲ್ಲಿ ತಮ್ಮದೇ ಆದ ಗುರುತು ಮೂಡಿಸುತ್ತಿರುವ ಈ ನಟಿಗೆ ಟಾಲಿವುಡ್‌ನಲ್ಲಿ ಹೆಚ್ಚಿನ ಅವಕಾಶಗಳು ಯಾವಾಗ ಸಿಗಲಿವೆ ಎಂಬ ಕುತೂಹಲವಿದೆ.

ಕನ್ನಡದ ಸ್ಟಾರ್ ನಟಿಗೂ ತೆಲುಗಿನಲ್ಲಿ ಇನ್ನೂ ಸಿಕ್ಕಿಲ್ಲ ಚಾನ್ಸ್!

ಕನ್ನಡ ಚಿತ್ರರಂಗದಲ್ಲಿ ಸ್ಟಾರ್ ನಟಿಯರ ಸಾಲಿನಲ್ಲಿ ಗುರುತಿಸಿಕೊಂಡಿರುವ ರುಕ್ಮಿಣಿ ವಸಂತ್ ಅವರ ಪರಿಸ್ಥಿತಿಯೂ ಇದಕ್ಕಿಂತ ಭಿನ್ನವಾಗಿಲ್ಲ. ಕನ್ನಡದಲ್ಲಿ ತಮ್ಮ ನಟನೆಯ ಮೂಲಕ ಗಮನ ಸೆಳೆದಿರುವ ಈ ಸುಂದರಿಗೆ ತೆಲುಗು ಚಿತ್ರರಂಗದಿಂದ ಇನ್ನೂ ಯಾವುದೇ ಅವಕಾಶ ಒಲಿದುಬಂದಿಲ್ಲ. ಅವರ ಖಾತೆಯಲ್ಲಿ ಸದ್ಯ ಒಂದೇ ಒಂದು ತೆಲುಗು ಸಿನಿಮಾದ ಪ್ರಾಜೆಕ್ಟ್ ಕೂಡ ಇಲ್ಲ.

ಇನ್ನು ಬೇರೆ ಭಾಷೆಗಳಲ್ಲಿ ಬೇಡಿಕೆ ಹೊಂದಿರುವ ಈ ಮೂವರು ನಟಿಯರಿಗೆ ಟಾಲಿವುಡ್‌ನಲ್ಲಿ ಮಾತ್ರ ಅವಕಾಶಗಳ ಕೊರತೆ ಎದುರಾಗಿರುವುದು ಗಮನ ಸೆಳೆಯುತ್ತಿದೆ. ಪ್ರತಿಭೆ ಮತ್ತು ಯಶಸ್ಸಿನ ಹೊರತಾಗಿಯೂ ತೆಲುಗು ಚಿತ್ರರಂಗದಲ್ಲಿ ಇವರಿಗೆ ದೊಡ್ಡ ಅವಕಾಶಗಳು ಯಾವಾಗ ಒಲಿಯಲಿವೆ ಎಂಬುದನ್ನು ಕಾದು ನೋಡಬೇಕಿದೆ.

ಪಟ್ಟದಾನೆ ಕಳೆದುಕೊಂಡು ಬಿಕ್ಕಿ ಬಿಕ್ಕಿ ಅತ್ತ ಭಕ್ತರು: ಅಲಕನೂರ ಮಠದ 12.5 ಅಡಿ ಎತ್ತರದ 'ಧ್ರುವರಾಜ' ಇನ್ನಿಲ್ಲ!

Sathish Kumar KH — Fri, 13 Nov 2026 21:05:04 +0530

ಬೆಳಗಾವಿ/ಚಿಕ್ಕೋಡಿ (ನ.13): ಕಳೆದ 25 ವರ್ಷಗಳಿಂದ ಮಠದ ಆವರಣದಲ್ಲಿ ಆಟವಾಡುತ್ತಾ, ಭಕ್ತರ ಅಚ್ಚುಮೆಚ್ಚಿನ ಒಡನಾಡಿಯಾಗಿ ಬೆಳೆದು ನಿಂತಿದ್ದ ಪಟ್ಟದಾನೆ ವಿಧಿವಶವಾಗಿದೆ. ಬೆಳಗಾವಿ ಜಿಲ್ಲೆಯ ರಾಯಬಾಗ ತಾಲೂಕಿನ ಐತಿಹಾಸಿಕ ಅಲಕನೂರ ಗ್ರಾಮದ ಶ್ರೀ ಕರಿಸಿದ್ದೇಶ್ವರ ಮಠದ ಪಟ್ಟದಾನೆ 'ಧ್ರುವರಾಜ' (30 ವರ್ಷ) ನಿನ್ನೆ ತಡರಾತ್ರಿ ಇಹಲೋಕ ತ್ಯಜಿಸಿದ್ದು, ಭಕ್ತವೃಂದದಲ್ಲಿ ಶೋಕದ ಛಾಯೆ ಆವರಿಸಿದೆ.

ಕರಿಸಿದ್ದೇಶ್ವರ ದೇವರ ದರ್ಶನದ ಜೊತೆಗೆ ಮಠದ ಆನೆಯ ಆಶೀರ್ವಾದ ಪಡೆದು ಸಂಭ್ರಮಿಸುತ್ತಿದ್ದ ಭಕ್ತರಿಗೆ ಈ ದುಃಖದ ಸುದ್ದಿಯನ್ನು ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಸುದ್ದಿ ತಿಳಿಯುತ್ತಿದ್ದಂತೆ ಮಠಕ್ಕೆ ಸಾವಿರಾರು ಭಕ್ತರು ಧಾವಿಸಿದ್ದು, ಧ್ರುವರಾಜನ ಪಾರ್ಥಿವ ಶರೀರ ಕಂಡು ಬಿಕ್ಕಿ ಬಿಕ್ಕಿ ಅತ್ತಿದ್ದಾರೆ.

ರಾಜ್ಯದಲ್ಲೇ ಅತಿ ಎತ್ತರದ ಆನೆ ಎಂಬ ಹೆಗ್ಗಳಿಕೆ!

ಮಠದಲ್ಲೇ ಬೆಳೆದು ದೊಡ್ಡವನಾಗಿದ್ದ ಧ್ರುವರಾಜನಿಗೆ ಈಗ ಸುಮಾರು 30 ವರ್ಷ ವಯಸ್ಸಾಗಿತ್ತು. ಬರೋಬ್ಬರಿ 6 ಟನ್ ತೂಕ ಹಾಗೂ 12.5 ಅಡಿ ಎತ್ತರ ಹೊಂದಿದ್ದ ಧ್ರುವರಾಜ, ರಾಜ್ಯದ ಅತ್ಯಂತ ದೊಡ್ಡ ಮತ್ತು ಆಕರ್ಷಕ ಸಾಕಾನೆಗಳಲ್ಲಿ ಒಂದೆಂದು ಖ್ಯಾತಿ ಪಡೆದಿದ್ದ. ಊರ ಜಾತ್ರೆಗಳಲ್ಲಾಗಲಿ, ಧಾರ್ಮಿಕ ಕಾರ್ಯಗಳಲ್ಲಾಗಲೀ ರಾಜಗಾಂಭೀರ್ಯದಿಂದ ಓಡಾಡುತ್ತಿದ್ದರೂ ಯಾರಿಗೂ ಕಿಂಚಿತ್ತೂ ತೊಂದರೆ ಕೊಡದ ಶಾಂತ ಸ್ವಭಾವ ಇದರದ್ದಾಗಿತ್ತು. ಜಾತ್ರೆಯ ಸಂದರ್ಭದಲ್ಲಿ ಮದುಮಗನಂತೆ ಸಿಂಗಾರಗೊಂಡು ಮೆರವಣಿಗೆಯಲ್ಲಿ ಹೆಜ್ಜೆ ಹಾಕುತ್ತಿದ್ದ ಧ್ರುವರಾಜನನ್ನು ನೋಡಲು ಎರಡು ಕಣ್ಣುಗಳು ಸಾಲುತ್ತಿರಲಿಲ್ಲ. ಮಠಕ್ಕೆ ಬರುವ ಸಣ್ಣ ಮಕ್ಕಳಿಂದ ಹಿಡಿದು ವೃದ್ಧರವರೆಗೂ ಎಲ್ಲರ ಆಕರ್ಷಣೆಯ ಕೇಂದ್ರಬಿಂದುವಾಗಿದ್ದ.

ಶಿವಮೊಗ್ಗ ವೈದ್ಯರ ಚಿಕಿತ್ಸೆಯೂ ಫಲಿಸಲಿಲ್ಲ:

ಕಳೆದ ಎರಡು ತಿಂಗಳಿಂದ ಧ್ರುವರಾಜ ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದ. ಮಠದ ಆಡಳಿತ ಮಂಡಳಿಯು ಕೂಡಲೇ ಬೆಳಗಾವಿ ಜಿಲ್ಲಾ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿ ಸ್ಥಳೀಯ ವೈದ್ಯರಿಂದ ಚಿಕಿತ್ಸೆ ಕೊಡಿಸಿತ್ತು. ಆದರೆ ಆರೋಗ್ಯ ಸುಧಾರಿಸದಿದ್ದಾಗ, ಶಿವಮೊಗ್ಗದಿಂದ ನುರಿತ ಆನೆ ತಜ್ಞ ವೈದ್ಯರನ್ನು ಕರೆಯಿಸಿ ವಿಶೇಷ ಚಿಕಿತ್ಸೆ ಕೊಡಿಸಲಾಯಿತು. ಆದರೂ ಚಿಕಿತ್ಸೆ ಫಲಕಾರಿಯಾಗದೆ ನಿನ್ನೆ ರಾತ್ರಿ 11:00 ಗಂಟೆ ಸುಮಾರಿಗೆ ಧ್ರುವರಾಜ ಕೊನೆಯುಸಿರೆಳೆದಿದ್ದಾನೆ.

ಅಂತಿಮ ದರ್ಶನ ಪಡೆದು ಕಂಬನಿ ಮಿಡಿದ ಗಣ್ಯರು:

ಧ್ರುವರಾಜನ ಸಾವಿನ ವಿಷಯ ತಿಳಿಯುತ್ತಿದ್ದಂತೆ ಕುಡಚಿ ಶಾಸಕ ಮಹೇಂದ್ರ ತಮ್ಮಣ್ಣವರ್, ಮಾಜಿ ಶಾಸಕ ಪಿ. ರಾಜೀವ್ ಸೇರಿದಂತೆ ಸುತ್ತಮುತ್ತಲಿನ ಹಲವು ಮಠಾಧೀಶರು ಹಾಗೂ ಜನಪ್ರತಿನಿಧಿಗಳು ಮಠಕ್ಕೆ ಭೇಟಿ ನೀಡಿ ಅಂತಿಮ ದರ್ಶನ ಪಡೆದು ಕಂಬನಿ ಮಿಡಿದರು.

ಸ್ಥಳಕ್ಕೆ ಅರಣ್ಯ ಇಲಾಖೆ ಅಧಿಕಾರಿಗಳು ಹಾಗೂ ಪೊಲೀಸರು ದೌಡಾಯಿಸಿದ್ದು, ನಿಯಮಾನುಸಾರ ವೈದ್ಯರಿಂದ ಮರಣೋತ್ತರ ಪರೀಕ್ಷೆ ನಡೆಸಲಾಗಿದೆ. ಸಾವಿಗೆ ನಿಖರ ಕಾರಣವೇನು ಎಂಬುದು ಮರಣೋತ್ತರ ಪರೀಕ್ಷೆಯ ವರದಿ ಬಂದ ನಂತರವಷ್ಟೇ ಸ್ಪಷ್ಟವಾಗಲಿದೆ. ಇಂದು ಸಂಜೆ ಮಠದ ಧಾರ್ಮಿಕ ವಿಧಿವಿಧಾನಗಳೊಂದಿಗೆ ಮಠಕ್ಕೆ ಸೇರಿದ ಜಮೀನಿನಲ್ಲಿ ಧ್ರುವರಾಜನ ಅಂತ್ಯಕ್ರಿಯೆಯನ್ನು ಸಕಲ ಗೌರವಗಳೊಂದಿಗೆ ನೆರವೇರಿಸಲಾಯಿತು.

108 ಕಿ.ಮೀ ರೇಂಜ್‌, ಅದ್ಬುತ ಡಿಸೈನ್‌ನೊಂದಿಗೆ ಹೊಸ ಎಲೆಕ್ಟ್ರಿಕ್‌ ಸ್ಕೂಟರ್‌ ಪರಿಚಯಿಸಿದ Yamaha

Santosh Naik — Fri, 13 Nov 2026 20:34:55 +0530

ಮುಂಬೈ (ನ.13): ಜಾಗತಿಕ ದ್ವಿಚಕ್ರ ವಾಹನ ತಯಾರಿಕಾ ದಿಗ್ಗಜ ಯಮಹಾ (Yamaha) ತನ್ನ ಹೊಚ್ಚ ಹೊಸ 'Xenter E' ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು ಅಧಿಕೃತವಾಗಿ ಅನಾವರಣಗೊಳಿಸಿದೆ. ಒಮ್ಮೆ ಪೂರ್ತಿ ಚಾರ್ಜ್ ಮಾಡಿದರೆ ಬರೋಬ್ಬರಿ 108 ಕಿಲೋಮೀಟರ್ ರೇಂಜ್ ನೀಡುವ ಈ ಸ್ಕೂಟರ್, 16-ಇಂಚಿನ ದೊಡ್ಡ ಚಕ್ರಗಳು, 7.5kW ಸಾಮರ್ಥ್ಯದ ಶಕ್ತಿಶಾಲಿ ಮೋಟಾರ್ ಮತ್ತು ಅತ್ಯಾಧುನಿಕ ಟಿಎಫ್‌ಟಿ (TFT) ಡಿಸ್‌ಪ್ಲೇಯಂತಹ ಆಕರ್ಷಕ ವೈಶಿಷ್ಟ್ಯಗಳೊಂದಿಗೆ ವಾಹನ ಪ್ರಿಯರ ಗಮನ ಸೆಳೆಯುತ್ತಿದೆ.

ಯಮಹಾ ಕಂಪನಿಯು ಈ ನೂತನ ಎಲೆಕ್ಟ್ರಿಕ್ ಸ್ಕೂಟರ್ ಅನ್ನು 125 ಸಿಸಿ ಪೆಟ್ರೋಲ್ ಸ್ಕೂಟರ್‌ಗೆ ಸಮಾನವಾದ ಎಲೆಕ್ಟ್ರಿಕ್ ಮಾದರಿ ಎಂದು ಬಣ್ಣಿಸಿದೆ. ಪ್ರತಿನಿತ್ಯ ಕಚೇರಿಗೆ ಹೋಗುವವರು ಹಾಗೂ ನಗರ ಪ್ರದೇಶಗಳಲ್ಲಿ ಸುಗಮವಾಗಿ ಸಂಚರಿಸುವ ಪ್ರಯಾಣಿಕರನ್ನು ಗಮನದಲ್ಲಿಟ್ಟುಕೊಂಡು ಇದನ್ನು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ. ಸದ್ದಿಲ್ಲದೆ ಚಲಿಸುವ 'ಸೈಲೆಂಟ್ ಎಲೆಕ್ಟ್ರಿಕ್ ಮೋಟಾರ್' ಇದರ ಮತ್ತೊಂದು ವಿಶೇಷತೆಯಾಗಿದೆ.

ವಿಭಿನ್ನ ವಿನ್ಯಾಸ ಮತ್ತು 16-ಇಂಚಿನ ಬೃಹತ್ ಚಕ್ರಗಳು

ಆಕರ್ಷಕ ಲುಕ್: ಯಮಹಾ Xenter E ಮುಂಭಾಗದಲ್ಲಿ ಆಯತಾಕಾರದ (Rectangular) ಹೆಡ್‌ಲೈಟ್ ನೀಡಲಾಗಿದ್ದು, ಮುಂಭಾಗದ ವಿನ್ಯಾಸವನ್ನು ತೆಳುವಾಗಿ ಮತ್ತು ನೇರವಾಗಿ ಇರಿಸಲಾಗಿದೆ. ಸಾಮಾನ್ಯ ಸ್ಕೂಟರ್‌ಗಳಂತೆ ಇದರಲ್ಲೂ ವಿಶಾಲವಾದ ಫ್ಲೋರ್‌ಬೋರ್ಡ್ ಇರುವುದರಿಂದ ಕಾಲುಗಳನ್ನು ಇಡಲು ಸಾಕಷ್ಟು ಸ್ಥಳಾವಕಾಶವಿದೆ. ಎರಡು ಭಾಗಗಳ ಸೀಟ್ (Split seat) ಹಾಗೂ ಅಲ್ಯೂಮಿನಿಯಂ ಸ್ವಿಂಗ್‌ಆರ್ಮ್ ಇದರ ನೋಟಕ್ಕೆ ಮತ್ತಷ್ಟು ಮೆರುಗು ನೀಡಿವೆ.

ದೊಡ್ಡ ಚಕ್ರಗಳು ಮತ್ತು ಬ್ರೇಕಿಂಗ್: ಈ ಎಲೆಕ್ಟ್ರಿಕ್ ಸ್ಕೂಟರ್‌ನ ಅತಿ ದೊಡ್ಡ ಆಕರ್ಷಣೆಯೆಂದರೆ ಇದರ 16-ಇಂಚಿನ ದೊಡ್ಡ ಚಕ್ರಗಳು. ಮುಂಭಾಗದಲ್ಲಿ 100-ಸೆಕ್ಷನ್ ಮತ್ತು ಹಿಂಭಾಗದಲ್ಲಿ 120-ಸೆಕ್ಷನ್ ಟೈರ್‌ಗಳನ್ನು ಅಳವಡಿಸಲಾಗಿದೆ. ಆರಾಮದಾಯಕ ಪ್ರಯಾಣಕ್ಕಾಗಿ ಮುಂಭಾಗದಲ್ಲಿ ಟೆಲಿಸ್ಕೋಪಿಕ್ ಫೋರ್ಕ್ ಮತ್ತು ಹಿಂಭಾಗದಲ್ಲಿ ಶಾಕ್ ಅಬ್ಸಾರ್ಬರ್‌ನೊಂದಿಗೆ ಸ್ವಿಂಗ್‌ಆರ್ಮ್ ನೀಡಲಾಗಿದೆ. ಉತ್ತಮ ಬ್ರೇಕಿಂಗ್ ನಿಯಂತ್ರಣಕ್ಕಾಗಿ ಎರಡೂ ಚಕ್ರಗಳಲ್ಲಿ 245mm ಡಿಸ್ಕ್ ಬ್ರೇಕ್ ಒದಗಿಸಲಾಗಿದೆ.

108 ಕಿ.ಮೀ ರೇಂಜ್ ಮತ್ತು ಶಕ್ತಿಶಾಲಿ ಮೋಟಾರ್

ಯಮಹಾ Xenter E ಸ್ಕೂಟರ್‌ನಲ್ಲಿ 3-ಫೇಸ್ ಎಕ್ಸೈಟೇಶನ್ ಮೋಟಾರ್ (3-phase excitation motor) ಅಳವಡಿಸಲಾಗಿದ್ದು, ಇದು 7.5kW ಗರಿಷ್ಠ ಪವರ್ ಮತ್ತು 33.3Nm ಟಾರ್ಕ್ ಉತ್ಪಾದಿಸುತ್ತದೆ.

ಬ್ಯಾಟರಿ ಮತ್ತು ಚಾರ್ಜಿಂಗ್: ಇದರಲ್ಲಿ 70.2Ah ಸಾಮರ್ಥ್ಯದ ಫಿಕ್ಸ್‌ಡ್ ಬ್ಯಾಟರಿ ನೀಡಲಾಗಿದೆ. ಕಂಪನಿಯ ಪ್ರಕಾರ, ಒಮ್ಮೆ ಫುಲ್ ಚಾರ್ಜ್ ಮಾಡಿದರೆ ಈ ಸ್ಕೂಟರ್ 108 ಕಿಲೋಮೀಟರ್ ದೂರ ಕ್ರಮಿಸಬಲ್ಲದು. ಬ್ಯಾಟರಿಯು ಶೇ. 0 ಯಿಂದ 100 ರಷ್ಟು ಪೂರ್ತಿ ಚಾರ್ಜ್ ಆಗಲು ಸುಮಾರು 5.5 ಗಂಟೆಗಳ ಸಮಯ ತೆಗೆದುಕೊಳ್ಳುತ್ತದೆ.

ರೀಜೆನರೇಟಿವ್ ಬ್ರೇಕಿಂಗ್: ಇದರಲ್ಲಿ 'ರೀಜೆನರೇಟಿವ್ ಬ್ರೇಕಿಂಗ್ ಸಿಸ್ಟಮ್' ಇದ್ದು, ಬ್ರೇಕ್ ಹಾಕಿದಾಗ ಉತ್ಪತ್ತಿಯಾಗುವ ಶಕ್ತಿಯು ಮರಳಿ ಬ್ಯಾಟರಿಗೆ ಸೇರಿ ರೇಂಜ್ ಹೆಚ್ಚಿಸಲು ನೆರವಾಗುತ್ತದೆ. ಮೋಟಾರ್ ಅನ್ನು ಸ್ಕೂಟರ್‌ನ ಫ್ರೇಮ್‌ಗೆ ಜೋಡಿಸಲಾಗಿದ್ದು, ಹಿಂಬದಿಯ ಚಕ್ರಕ್ಕೆ ಶಕ್ತಿ ರವಾನಿಸಲು 'ಬೆಲ್ಟ್ ಡ್ರೈವ್' (Belt drive) ಬಳಸಲಾಗಿದೆ.

ತೂಕ ಮತ್ತು ಸೀಟ್ ಎತ್ತರದ ವಿವರ

ಈ ಎಲೆಕ್ಟ್ರಿಕ್ ಸ್ಕೂಟರ್ ಒಟ್ಟು 121 ಕೆಜಿ ತೂಕವಿದ್ದು, ಇದು ಸಾಮಾನ್ಯ 125cc ಪೆಟ್ರೋಲ್ ಸ್ಕೂಟರ್‌ಗಿಂತ ಸ್ವಲ್ಪ ಹೆಚ್ಚಾಗಿದೆ. ಸವಾರರ ಅನುಕೂಲಕ್ಕಾಗಿ ಸೀಟ್ ಎತ್ತರವನ್ನು 790mm ನಿಗದಿಪಡಿಸಲಾಗಿದ್ದು, ಹಳ್ಳ-ದಿಣ್ಣೆಗಳನ್ನು ಸುಲಭವಾಗಿ ದಾಟಲು 145mm ಗ್ರೌಂಡ್ ಕ್ಲಿಯರೆನ್ಸ್ ನೀಡಲಾಗಿದೆ.

ಅತ್ಯಾಧುನಿಕ ತಂತ್ರಜ್ಞಾನ ಮತ್ತು ಫೀಚರ್ಸ್

ವೈಶಿಷ್ಟ್ಯಗಳ ವಿಚಾರದಲ್ಲೂ ಯಮಹಾ Xenter E ಯಾವುದಕ್ಕೂ ಕಡಿಮೆಯಿಲ್ಲ. ಇದನ್ನು ಬ್ಲೂಟೂತ್ ಮೂಲಕ ಸ್ಮಾರ್ಟ್‌ಫೋನ್‌ಗೆ ಕನೆಕ್ಟ್ ಮಾಡಿಕೊಂಡು ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ (Turn-by-turn navigation) ಸೌಲಭ್ಯ ಬಳಸಿಕೊಳ್ಳಬಹುದು. ಸ್ಕೂಟರ್‌ನಲ್ಲಿ ABS, ಟ್ರಾಕ್ಷನ್ ಕಂಟ್ರೋಲ್ ಸಿಸ್ಟಮ್ (Traction Control System), ಕೀಲೆಸ್ ಇಗ್ನಿಷನ್ (Keyless Ignition) ಹಾಗೂ ಮೊಬೈಲ್ ಚಾರ್ಜ್ ಮಾಡಲು Type-C ಚಾರ್ಜಿಂಗ್ ಪೋರ್ಟ್ ನೀಡಲಾಗಿದೆ. ಇದರಲ್ಲಿ ಆನ್-ಬೋರ್ಡ್ ಚಾರ್ಜಿಂಗ್ ಸೌಲಭ್ಯವೂ ಲಭ್ಯವಿದೆ. ಜೊತೆಗೆ ಸವಾರರು ತಮ್ಮ ಅಗತ್ಯಕ್ಕೆ ತಕ್ಕಂತೆ ಮೂರು ರೈಡಿಂಗ್ ಮೋಡ್‌ಗಳಲ್ಲಿ (Riding Modes) ಒಂದನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶವಿದೆ.

ಕೈಯಿಂದ ದುಂಡನೆಯ ಚಪಾತಿ ಉಂಡೆ ಕಟ್ಟೋದು ಕಷ್ಟನಾ? ಇಲ್ಲಿದೆ ಸಿಂಪಲ್ ಕಿಚನ್ ಹ್ಯಾಕ್

Ashwini HR — Fri, 13 Nov 2026 20:33:37 +0530

Roti making hack: ಚಪಾತಿ ಅಥವಾ ರೊಟ್ಟಿ ದುಂಡಗೆ, ಮೃದುವಾಗಿ ಬರಬೇಕೆಂದರೆ ಮೊದಲು ಹಿಟ್ಟಿನ ಉಂಡೆಗಳು ಪರ್ಫೆಕ್ಟ್ ಗೋಲಾಕಾರದಲ್ಲಿರಬೇಕು. ಅಂಗೈಯಲ್ಲಿ ತಿರುಗಿಸಿ ಉಂಡೆ ಕಟ್ಟಲು ಸಮಯ ಹಿಡಿಯುತ್ತದೆ ಎನ್ನುವವರಿಗೆ ಸಣ್ಣ ಗ್ಲಾಸ್ ಬಳಸಿ ಕ್ಷಣಾರ್ಧದಲ್ಲಿ ದುಂಡನೆಯ ಉಂಡೆ ಮಾಡುವ ಅದ್ಭುತ ಟ್ರಿಕ್ ಇಲ್ಲಿದೆ.

ಇಲ್ಲಿದೆ ಸರಳವಾದ ಕಿಚನ್ ಹ್ಯಾಕ್ಪ್ರತಿಯೊಬ್ಬರ ಮನೆಯಲ್ಲೂ ಪ್ರತಿದಿನ ಚಪಾತಿ ಅಥವಾ ರೊಟ್ಟಿ ಮಾಡುವುದು ಸಾಮಾನ್ಯ. ಆದರೆ, ಚಪಾತಿ ಚೆನ್ನಾಗಿ ಉಬ್ಬಿ ದುಂಡಗೆ ಬರಬೇಕಾದರೆ, ಅದಕ್ಕೂ ಮುನ್ನ ತಯಾರಿಸುವ ಹಿಟ್ಟಿನ ಉಂಡೆ ಬಿರುಕುಗಳಿಲ್ಲದೆ ಪರ್ಫೆಕ್ಟ್ ಗೋಲಾಕಾರದಲ್ಲಿರಬೇಕು. ಹೊಸದಾಗಿ ಅಡುಗೆ ಕಲಿಯುವವರಿಗೆ ಅಥವಾ ಬೆಳಗ್ಗಿನ ಗಡಿಬಿಡಿಯಲ್ಲಿರುವವರಿಗೆ ಕೈಯಿಂದಲೇ ಒಂದೇ ಸಮನಾಗಿ ದುಂಡನೆಯ ಉಂಡೆಗಳನ್ನು ಕಟ್ಟುವುದು ಸ್ವಲ್ಪ ಕಷ್ಟವಾಗಬಹುದು. ಇದಕ್ಕಾಗಿ ಒಂದು ಸರಳ ಹಾಗೂ ಮಜವಾದ ಕಿಚನ್ ಹ್ಯಾಕ್ ಇಲ್ಲಿದೆ.

ಉಂಡೆ ಮಾಡುವ ವಿಧಾನಹಂತ 1: ಗ್ಲಾಸ್ ಒಳಗೆ ಹಿಟ್ಟು ಹಾಕಿಮೊದಲಿಗೆ ಎಂದಿನಂತೆ ಚಪಾತಿ ಅಥವಾ ರೊಟ್ಟಿ ಹಿಟ್ಟನ್ನು ಚೆನ್ನಾಗಿ ನಾದಿಟ್ಟುಕೊಳ್ಳಿ. ನಂತರ ಒಂದು ಚಪಾತಿಗೆ ಬೇಕಾಗುವಷ್ಟು ಗಾತ್ರದ ಹಿಟ್ಟನ್ನು ತೆಗೆದುಕೊಂಡು, ಅದನ್ನು ಒಂದು ಸ್ವಚ್ಛವಾದ ಹಾಗೂ ಒಣಗಿರುವ ಸ್ಟೀಲ್ ಗ್ಲಾಸ್ ಒಳಗೆ ಹಾಕಿ.

ಹಂತ 2: ಗ್ಲಾಸ್ ಅನ್ನು ವೃತ್ತಾಕಾರದಲ್ಲಿ ತಿರುಗಿಸಿಈಗ ಆ ಗ್ಲಾಸ್ ಅನ್ನು ಅಡುಗೆ ಕಟ್ಟೆಯ (Kitchen Counter) ಮೇಲೆ ಇಟ್ಟು ಅಥವಾ ಕೈಯಲ್ಲಿ ಹಿಡಿದು ವೇಗವಾಗಿ ಗೋಳಾಕಾರದಲ್ಲಿ (ವೃತ್ತಾಕಾರವಾಗಿ) ಸುತ್ತಿಸಿ. ಗ್ಲಾಸ್ ಒಳಗಿನ ನಯವಾದ ಗೋಡೆಗೆ ಹಿಟ್ಟು ತಾಗುತ್ತಾ ತಿರುಗುವುದರಿಂದ, ಕೆಲವೇ ಸೆಕೆಂಡುಗಳಲ್ಲಿ ಹಿಟ್ಟು ಬಿರುಕುಗಳಿಲ್ಲದ ಪರ್ಫೆಕ್ಟ್ ಗೋಲಾಕಾರದ ಉಂಡೆಯಾಗಿ (Perfect Round Ball) ಬದಲಾಗುತ್ತದೆ.

ಗ್ಲಾಸ್‌ಗೆ ಅಂಟಿಕೊಳ್ಳುವಂತಿದ್ದರೆಒಂದು ವೇಳೆ ಹಿಟ್ಟು ಸ್ವಲ್ಪ ಮೃದುವಾಗಿದ್ದು ಗ್ಲಾಸ್‌ಗೆ ಅಂಟಿಕೊಳ್ಳುವಂತಿದ್ದರೆ, ಗ್ಲಾಸ್‌ನ ಒಳಭಾಗಕ್ಕೆ ಸ್ವಲ್ಪ ಒಣ ಗೋಧಿ ಹಿಟ್ಟನ್ನು (Dry Flour) ಲೇಪಿಸಿ ಅಥವಾ ಹಿಟ್ಟಿನ ತುಂಡಿಗೆ ಚಿಟಿಕೆ ಒಣ ಹಿಟ್ಟು ಸವರಿ ಗ್ಲಾಸ್‌ನಲ್ಲಿ ತಿರುಗಿಸಿದರೆ ಇನ್ನೂ ವೇಗವಾಗಿ ದುಂಡನೆಯ ಉಂಡೆ ಸಿದ್ಧವಾಗುತ್ತದೆ.

ಈ ಸಣ್ಣ ಟ್ರಿಕ್ ಬಳಸುವುದರಿಂದ ನಿಮ್ಮ ಸಮಯವೂ ಉಳಿಯುತ್ತದೆ ಮತ್ತು ಚಪಾತಿ ಅಥವಾ ರೊಟ್ಟಿಗಳು ಸಹ ಚೆನ್ನಾಗಿ ದುಂಡಗೆ ಬರುತ್ತವೆ.

ಸಣ್ಣ ಸ್ಟೀಲ್ ಬಟ್ಟಲು ಅಥವಾ ಡಬ್ಬಿಯನ್ನೂ ಬಳಸಬಹುದುನಿಮ್ಮ ಬಳಿ ಇರುವ ಗ್ಲಾಸ್ ತುಂಬಾ ಕಿರಿದಾಗಿದ್ದರೆ ಅಥವಾ ನೀವು ಪರೋಟಾ, ಜೋಳದ ರೊಟ್ಟಿಯಂತಹ ದೊಡ್ಡ ಗಾತ್ರದ ಉಂಡೆ ಮಾಡುತ್ತಿದ್ದರೆ, ಗ್ಲಾಸ್ ಬದಲಾಗಿ ನಯವಾದ ಒಳಭಾಗವಿರುವ ಚಿಕ್ಕ ಸ್ಟೀಲ್ ಬಟ್ಟಲು (ಕಟೋರಿ) ಅಥವಾ ರೌಂಡ್ ಸ್ಟೀಲ್ ಡಬ್ಬಿಯನ್ನು ಬಳಸಬಹುದು. ಡಬ್ಬಿಯೊಳಗೆ ಹಿಟ್ಟಿನ ತುಂಡು ಹಾಕಿ ವೃತ್ತಾಕಾರದಲ್ಲಿ ತಿರುಗಿಸಿದರೂ ಉಂಡೆ ಅಷ್ಟೇ ಸುಲಭವಾಗಿ ದುಂಡಗೆ ಬರುತ್ತದೆ.

15–20 ನಿಮಿಷ ನೆನೆಯಲು ಬಿಡಿಗ್ಲಾಸ್ ಟ್ರಿಕ್ ಬಳಸಿದಾಗ ಉಂಡೆ ಬಿರುಕುಗಳಿಲ್ಲದೆ ನಯವಾಗಿ ಬರಬೇಕೆಂದರೆ ಹಿಟ್ಟು ಸರಿಯಾದ ಹದದಲ್ಲಿರಬೇಕು. ಗೋಧಿ ಹಿಟ್ಟನ್ನು ಉಗುರು ಬೆಚ್ಚಗಿನ ನೀರಿನಿಂದ ನಾದಿ, ಪಾತ್ರೆ ಮುಚ್ಚಿ ಕನಿಷ್ಠ 15 ರಿಂದ 20 ನಿಮಿಷಗಳ ಕಾಲ ನೆನೆಯಲು (Rest) ಬಿಡಿ. ಹೀಗೆ ಮಾಡುವುದರಿಂದ ಹಿಟ್ಟು ಮೃದುವಾಗುತ್ತದೆ ಮತ್ತು ಗ್ಲಾಸ್‌ನಲ್ಲಿ ತಿರುಗಿಸಿದ ತಕ್ಷಣ ಮೃದುವಾದ, ಬಿರುಕುರಹಿತ ಗೋಲಾಕಾರಕ್ಕೆ ಬರುತ್ತದೆ.

'ಮುಚ್ಚಳದ' ಟ್ರಿಕ್ದುಂಡನೆಯ ಉಂಡೆ ಮಾಡಿದ ಮೇಲೂ ಹೊಸದಾಗಿ ಅಡುಗೆ ಕಲಿಯುವವರಿಗೆ ಚಪಾತಿಯನ್ನು ದುಂಡಗೆ ಲಟ್ಟಿಸಲು ಕಷ್ಟವಾಗಬಹುದು. ಅಂತಹವರು ಚಪಾತಿಯನ್ನು ಸಾಮಾನ್ಯವಾಗಿ ಲಟ್ಟಿಸಿದ ನಂತರ, ಅದರ ಮೇಲೆ ಹರಿತವಾದ ಅಂಚಿರುವ ದೊಡ್ಡ ಸ್ಟೀಲ್ ಪ್ಲೇಟ್ ಅಥವಾ ಡಬ್ಬಿಯ ಮುಚ್ಚಳವನ್ನು ಇಟ್ಟು ಒತ್ತಿ, ಸುತ್ತಲಿನ ಹೆಚ್ಚುವರಿ ಹಿಟ್ಟನ್ನು ತೆಗೆದುಬಿಡಿ. ಆಗ ಒಂದೇ ಅಳತೆಯ ಪರ್ಫೆಕ್ಟ್ ದುಂಡನೆಯ ಚಪಾತಿ ಸಿದ್ಧವಾಗುತ್ತದೆ.

ರಾಹುಲ್ ಗಾಂಧಿ ಆಪ್ತ ಕಾಂಗ್ರೆಸ್‌ಗೆ ಗುಡ್‌ಬೈ ಹೇಳ್ತಾರಾ? ಬಿಜೆಪಿ ಸೇರ್ಪಡೆ ವದಂತಿ ಹಿಂದಿನ ಅಸಲಿ ಕಥೆಯೇನು?

Ganesh Mabla Gowda — Fri, 13 Nov 2026 20:25:19 +0530

ನವದೆಹಲಿ: ರಾಹುಲ್ ಗಾಂಧಿ ಅವರ ಆಪ್ತ, ಕಾಂಗ್ರೆಸ್ ಓವರ್‍‌ಸಿಸ್ ಮುಖ್ಯಸ್ಥ ಸ್ಯಾಮ್ ಪಿತ್ರೋಡಾ ಕಾಂಗ್ರೆಸ್ ತೊರೆದು ಬಿಜೆಪಿ ಸೇರುತ್ತಾರಾ ಎಂಬ ಚರ್ಚೆ ಗುಲ್ಲೆದ್ದಿದೆ. ಅದಕ್ಕೆ ಕಾರಣ, ಅವರ ಇತ್ತೀಚೆಗಿನ ಬೆಳವಣಿಗೆಗಳು. ಹಿರಿಯ ಕಾಂಗ್ರೆಸ್ ನಾಯಕ ಹುಸೇನ್ ದಳವಾಯಿ ನೀಡಿದ ಹೇಳಿಕೆ ಈ ಸಂಚಲನಕ್ಕೆ ಕಾರಣವಾಗಿದೆ.

ಏನಿದು ಸಮಾಚಾರ?

ಸ್ಯಾಮ್ ಪಿತ್ರೋಡಾ ಇತ್ತೀಚೆಗೆ ಪ್ರಧಾನಿ ನರೇಂದ್ರ ಮೋದಿಯನ್ನ ಹೊಗಳಿದ್ದರು. ಇದಕ್ಕೆ ಕುಪಿತಗೊಂಡ ಹುಸೇನ್ ದಳವಾಯಿ.. ಸ್ಯಾಮ್ ಪಿತ್ರೋಡಾ ದೇಶದಲ್ಲಿ ವಾಸಿಸುವುದಿಲ್ಲ. ಅವರು ದೇಶದ ಹೊರಗೆ ವಾಸಿಸುತ್ತಾರೆ. ಇಲ್ಲಿನ ಪರಿಸ್ಥಿತಿ ಬಗ್ಗೆ ಅವರಿಗೆ ಹೆಚ್ಚು ತಿಳಿದಿಲ್ಲ. ಅವರು ದಂಗೆಯ ಬಗ್ಗೆ ಯೋಚಿಸುತ್ತಿರಬೇಕು. ಅವರ ತಲೆಯಲ್ಲಿ ಏನು ಓಡುತ್ತಿದೆ ಎಂದು ನನಗೆ ತಿಳಿದಿಲ್ಲ. ಬಿಜೆಪಿ ಸೇರಿದರೂ ಸೇರಬಹುದು ಎಂಬ ಅರ್ಥದಲ್ಲಿ ಅವರು ಮಾತನ್ನಾಡಿದ್ದರು.

ಬೆನ್ನಲ್ಲೇ ಸ್ಯಾಮ್ ಪಿತ್ರೋಡಾ ಬಿಜೆಪಿ ಸೇರಲಿದ್ದಾರೆ ಎಂಬ ವದಂತಿ ಜೋರಾಗಿತ್ತು. ಇದೀಗ ಅವರು ಕಾಂಗ್ರೆಸ್ ಬಿಟ್ಟು ಬಿಜೆಪಿ ಸೇರುವ ಬಗ್ಗೆ ಮಾತನ್ನಾಡಿದ್ದಾರೆ. ಹುಸೇನ್ ದಲ್ವಾಯಿ ಹುಚ್ಚರಾಗಿದ್ದಾರೆ. ನಾನು ಯಾವತ್ತೂ ಕಾಂಗ್ರೆಸ್ ಬಿಡೋದಿಲ್ಲ. ಕಾಂಗ್ರೆಸ್ ನನಗೆ ಭಾರತದಲ್ಲಿ ಕೆಲಸ ಮಾಡಲು ಅವಕಾಶ ನೀಡಿತು. ಗಾಂಧೀಜಿ ನನಗೆ ಬದುಕಲು ಒಂದು ಉದ್ದೇಶ ನೀಡಿದರು. ನಾನು ಜ್ಯಾತ್ಯಾತಿತತೆ ನಂಬುತ್ತೇನೆ. ನಾನು ಕಾಂಗ್ರೆಸ್ ಸಿದ್ಧಾಂತದೊಂದಿಗೆ ಹುಟ್ಟಿದ್ದೇನೆ. ದಲ್ವಾಯಿ ಏನು ಯೋಚಿಸುತ್ತಿದ್ದಾರೆ ಎಂಬುದು ನನಗೆ ತಿಳಿದಿಲ್ಲ ಎಂದಿದ್ದರು.

ಮೋದಿ ಬಗ್ಗೆ ಪಿತ್ರೋಡಾ ಏನು ಹೇಳಿದ್ದರು?

ಮೋದಿ ನನ್ನ ಗುಜರಾತಿ ಸ್ನೇಹಿತ. ನಾನು ಅವರನ್ನು ಒಬ್ಬ ವ್ಯಕ್ತಿಯಾಗಿ ಗೌರವಿಸುತ್ತೇನೆ. ನಾನು ಮತ್ತು ನನ್ನ ಪತ್ನಿ ಅವರನ್ನು ಭೇಟಿಯಾಗಿದ್ದೇವೆ. ವೈಯಕ್ತಿಕ ಮಟ್ಟದಲ್ಲಿ ತುಂಬಾ ಆತ್ಮೀಯರು. ಅತೀವ ಕಾಳಜಿ ವಹಿಸುವಹಿಸುತ್ತಾರೆ. ಅವರು ಉತ್ತಮ ವಾಗ್ಮಿ ಮತ್ತು ಕಠಿಣ ಪರಿಶ್ರಮಿ. ನಮ್ಮ ನಡುವೆ ವೈಯಕ್ತಿಕವಾಗಿ ಯಾವುದೇ ಭಿನ್ನಾಭಿಪ್ರಾಯಗಳಿಲ್ಲ. ಒಬ್ಬ ಸ್ನೇಹಿತನಾಗಿ ಮತ್ತು ಹಿತೈಷಿಯಾಗಿ ನನಗೆ ಮೋದಿ ಅವರ ವಿರುದ್ಧ ಏನೂ ಇಲ್ಲ. ನಾನು ಗುಜರಾತ್‌ನಲ್ಲಿರುವ ಅವರ ಮನೆಗೆ ಹಲವಾರು ಬಾರಿ ಭೇಟಿ ನೀಡಿದ್ದೇನೆ. ಆದರೆ ಜಗತ್ತನ್ನು ನೋಡುವ ಅವರ ದೃಷ್ಟಿಕೋನ ಮತ್ತು ಅವರ ಸಿದ್ಧಾಂತದ ಬಗ್ಗೆ ನನಗೆ ಭಿನ್ನಾಭಿಪ್ರಾಯಗಳಿರಬಹುದು. ಅದು ವ್ಯಕ್ತಿಯ ವಿರುದ್ಧವಲ್ಲ, ಬದಲಾಗಿ ಸಿದ್ಧಾಂತದ ವಿರುದ್ಧವಾಗಿದೆ. ಇವೆರಡೂ ಪ್ರತ್ಯೇಕ ವಿಷಯಗಳು. ನಾನು ಮೋದಿ ಅವರೊಂದಿಗೆ ಭಿನ್ನಾಭಿಪ್ರಾಯ ಹೊಂದಬಹುದು ಮತ್ತು ಅದೇ ಸಮಯದಲ್ಲಿ ಅವರೊಂದಿಗೆ ಕುಳಿತು ಊಟ ಮಾಡಿ, ನಗಬಲ್ಲೆ ಎಂದಿದ್ದರು.

ಇದಕ್ಕೆ ಪ್ರತಿಯಾಗಿ ಪ್ರಧಾನಿ ಮೋದಿ, ಸ್ಯಾಮ್ ಪಿತ್ರೋಡಾಗೆ ದೀಪಾವಳಿ ಹಬ್ಬದ ಶುಭಾಶಯಗಳನ್ನ ತಿಳಿಸಿದ್ದರು. ಇದು ಕೆಲವು ಕಾಂಗ್ರೆಸ್ ನಾಯಕರ ಕಣ್ಣು ಕೆಂಪಾಗುವಂತೆ ಮಾಡಿತ್ತು.

Happy Diwali and Nutan Varsh Abhinandan to you Sam Bhai and to Anjana Ben.

Praying for a joyful and healthy year ahead.

Jai Jagannath!

@sampitroda

— Narendra Modi (@narendramodi) November 12, 2026

ಸಂತ ಸೇವಾಲಾಲ್ ಮಹಾಮಠಕ್ಕೆ ಹೊಸ ಸಾರಥಿ: ಅವಿರೋಧವಾಗಿ ಅಧ್ಯಕ್ಷರಾದ ಶಾಸಕ ಪ್ರಭು ಚವ್ಹಾಣ!

Asianet Kannada — Fri, 13 Nov 2026 20:23:50 +0530

ಬೆಂಗಳೂರು (ನ.13): ದಾವಣಗೆರೆ ಜಿಲ್ಲೆಯ ನ್ಯಾಮತಿ ತಾಲ್ಲೂಕಿನ ಭಾಯಾಗಡ್, ಸುರಗೊಂಡನಕೊಪ್ಪದಲ್ಲಿರುವ ಬಂಜಾರ ಸಮುದಾಯದ ಆರಾಧ್ಯ ದೈವ, ಧರ್ಮಗುರು ಶ್ರೀ ಸಂತ ಸೇವಾಲಾಲ್ ಮಹಾರಾಜರ ಪವಿತ್ರ ಜನ್ಮಸ್ಥಾನ ಮಹಾಮಠ ಸಮಿತಿಯ ನೂತನ ಅಧ್ಯಕ್ಷರಾಗಿ ಬೀದರ ಜಿಲ್ಲೆಯ ಔರಾದ(ಬಿ) ಕ್ಷೇತ್ರದ ಶಾಸಕರು ಹಾಗೂ ಮಾಜಿ ಸಚಿವರಾದ ಪ್ರಭು ಬಿ. ಚವ್ಹಾಣ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ನವೆಂಬರ್ 13ರಂದು ಮಹಾಮಠದ ಸಭಾಂಗಣದಲ್ಲಿ ಹಾವೇರಿ ಅಪರ ಜಿಲ್ಲಾಧಿಕಾರಿ ನಾಗರಾಜ ನಾಯಕ್ ಅವರ ನೇತೃತ್ವದಲ್ಲಿ ಚುನಾವಣೆ ಪ್ರಕ್ರಿಯೆ ನಡೆಯಿತು. ಅಧ್ಯಕ್ಷ ಸ್ಥಾನಕ್ಕೆ ಪ್ರಭು ಬಿ. ಚವ್ಹಾಣ ಅವರು ಮಾತ್ರ ನಾಮಪತ್ರ ಸಲ್ಲಿಸಿದ್ದರಿಂದ ಅವರನ್ನು ಅವಿರೋಧವಾಗಿ ಆಯ್ಕೆ ಮಾಡಲಾಗಿದೆ ಎಂದು ಘೋಷಿಸಲಾಯಿತು. ಸಮಿತಿಯ ಇತರ ಎಲ್ಲ ಪದಾಧಿಕಾರಿಗಳ ಆಯ್ಕೆಯೂ ಅವಿರೋಧವಾಗಿ ನಡೆಯಿತು.

ನೂತನ ಅಧ್ಯಕ್ಷರಾಗಿ ಆಯ್ಕೆಯಾದ ಬಳಿಕ ಮಾತನಾಡಿದ ಪ್ರಭು ಬಿ. ಚವ್ಹಾಣ ಅವರು, ಬಂಜಾರ ಸಮುದಾಯದ ಧಾರ್ಮಿಕ, ಆಧ್ಯಾತ್ಮಿಕ ಹಾಗೂ ಸಾಂಸ್ಕೃತಿಕ ಅಸ್ಮಿತೆಯ ಪ್ರತೀಕವಾಗಿರುವ ಸಂತ ಸೇವಾಲಾಲ್ ಮಹಾರಾಜರು ಜನ್ಮತಾಳಿದ ಈ ಪುಣ್ಯಭೂಮಿ ರಾಷ್ಟ್ರ ಹಾಗೂ ಅಂತರರಾಷ್ಟ್ರೀಯ ಮಟ್ಟದಲ್ಲಿ ವಿಶೇಷವಾಗಿ ಗುರುತಿಸಿಕೊಳ್ಳಬೇಕು. ದೇಶದ ಪ್ರಮುಖ ಧಾರ್ಮಿಕ, ಆಧ್ಯಾತ್ಮಿಕ ಹಾಗೂ ಪ್ರವಾಸಿ ತಾಣವಾಗಿ ಅಭಿವೃದ್ಧಿಗೊಳ್ಳಬೇಕು ಎಂಬುದು ನನ್ನ ಮಹದಾಸೆಯಾಗಿದೆ. ಈ ನಿಟ್ಟಿನಲ್ಲಿ ಪ್ರಾಮಾಣಿಕವಾಗಿ ಶ್ರಮಿಸುತ್ತೇನೆ ಎಂದರು.

ಮಹಾಮಠವನ್ನು ಆರ್ಥಿಕವಾಗಿ ಸ್ವಾವಲಂಬಿಯನ್ನಾಗಿ ಮಾಡುವುದು ನನ್ನ ಪ್ರಮುಖ ಸಂಕಲ್ಪವಾಗಿದೆ. ಮಠದ ಪೂಜೆ, ದಾಸೋಹ ಸೇರಿದಂತೆ ಧಾರ್ಮಿಕ ಹಾಗೂ ಸಾಮಾಜಿಕ ಚಟುವಟಿಕೆಗಳು ಯಾವುದೇ ಅಡೆತಡೆಯಿಲ್ಲದೆ ನಿರಂತರವಾಗಿ ನಡೆಯುವಂತೆ ಸುಸ್ಥಿರ ಆರ್ಥಿಕ ವ್ಯವಸ್ಥೆ ರೂಪಿಸಲಾಗುವುದು. ಈ ನಿಟ್ಟಿನಲ್ಲಿ ಎಲ್ಲರ ಸಹಕಾರ ಮತ್ತು ಸಹಭಾಗಿತ್ವದೊಂದಿಗೆ ಯೋಜನಾಬದ್ಧವಾಗಿ ಕಾರ್ಯನಿರ್ವಹಿಸುತ್ತೇನೆ ಎಂದು ಹೇಳಿದರು.

ಮಹಾಮಠದ ಅಭಿವೃದ್ಧಿಯ ಜೊತೆಗೆ ಸಂತ ಸೇವಾಲಾಲ್ ಮಹಾರಾಜರು ಸಾರಿದ ಸತ್ಯ, ಸಮಾನತೆ, ಮಾನವೀಯತೆ, ಸೇವೆ ಹಾಗೂ ಸಮಾಜ ಸುಧಾರಣೆಯ ತತ್ವಾದರ್ಶಗಳನ್ನು ಮುಂದಿನ ಪೀಳಿಗೆಗೆ ತಲುಪಿಸುವುದು ನಮ್ಮೆಲ್ಲರ ಜವಾಬ್ದಾರಿಯಾಗಿದೆ. ಅವರ ಜೀವನಚರಿತ್ರೆ, ಬೋಧನೆಗಳು ಹಾಗೂ ಬಂಜಾರ ಸಮುದಾಯದ ಶ್ರೀಮಂತ ಇತಿಹಾಸ ಮತ್ತು ಸಂಸ್ಕೃತಿಯನ್ನು ದೇಶದಾದ್ಯಂತ ಪರಿಚಯಿಸುವ ಉದ್ದೇಶದಿಂದ ವಿವಿಧ ಧಾರ್ಮಿಕ, ಸಾಂಸ್ಕೃತಿಕ ಹಾಗೂ ಅಭಿವೃದ್ಧಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುವುದು.

ಬಂಜಾರ ಸಮುದಾಯದ ಸರ್ವತೋಮುಖ ಏಳಿಗೆ, ಯುವಜನರ ಪ್ರಗತಿ, ನಮ್ಮ ಸಂಸ್ಕೃತಿ, ಪರಂಪರೆ ಹಾಗೂ ಧಾರ್ಮಿಕ ಮೌಲ್ಯಗಳ ಸಂರಕ್ಷಣೆಗೆ ವಿಶೇಷ ಗಮನ ನೀಡಲಾಗುವುದು. ಮಹಾಮಠವನ್ನು ಭಕ್ತರ ಶ್ರದ್ಧಾಕೇಂದ್ರವನ್ನಾಗಿ ಮಾತ್ರವಲ್ಲದೆ, ಮುಂದಿನ ಪೀಳಿಗೆಗೆ ನಮ್ಮ ಸಂಸ್ಕೃತಿ ಮತ್ತು ಪರಂಪರೆಯನ್ನು ಪರಿಚಯಿಸುವ ಪ್ರಮುಖ ಕೇಂದ್ರವನ್ನಾಗಿ ರೂಪಿಸುವ ನಿಟ್ಟಿನಲ್ಲಿ ಶ್ರಮಿಸುತ್ತೇನೆ. ಸಚಿವರಾದ ರುದ್ರಪ್ಪ ಲಮಾಣಿ ಅವರು ಸುಮಾರು ವರ್ಷಗಳ ಕಾಲ ಮಹಾಮಠ ಸಮಿತಿಯ ಅಧ್ಯಕ್ಷರಾಗಿ ಉತ್ತಮ ಕೆಲಸ ಮಾಡಿದ್ದಾರೆ. ಅವರ ಯೋಜನೆಗಳನ್ನು ಮುಂದುವರೆಸಲಾಗುವುದು ಎಂದು ಹೇಳಿದರು.

ನೂತನ ಪದಾಧಿಕಾರಿಗಳು

ಸಮಿತಿಯ ಪ್ರಧಾನ ಕಾರ್ಯದರ್ಶಿಯಾಗಿ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಭೋಜಾನಾಯಕ್, ಖಜಾಂಚಿಯಾಗಿ ಶಿವಮೊಗ್ಗ ಜಿಲ್ಲೆಯ ಹನುಮ ನಾಯಕ್, ಉಪಾಧ್ಯಕ್ಷರಾಗಿ ದಾವಣಗೆರೆ ಜಿಲ್ಲೆಯ ಭೋಪಾಲನಾಯಕ್, ಚಿತ್ರದುರ್ಗ ಜಿಲ್ಲೆಯ ಅನೀಲಕುಮಾರ, ಬಳ್ಳಾರಿ ಜಿಲ್ಲೆಯ ಲಕ್ಷ್ಮಣ ನಾಯಕ್, ಜಂಟಿ ಕಾರ್ಯದರ್ಶಿಗಳಾಗಿ ಕಲಬುರಗಿ ಜಿಲ್ಲೆಯ ಅಮರನಾಥ ಪಾಂಡು ಚವ್ಹಾಣ, ಶಿವಮೊಗ್ಗ ಜಿಲ್ಲೆಯ ಪುಷ್ಪಾಬಾಯಿ, ಕೊಪ್ಪಳದ ಲಕ್ಣ್ಮಣ ನಾಯಕ ಅವರು ಆಯ್ಕೆಯಾಗಿದ್ದಾರೆ.

ಕಾರು ಮಾರಾಟ ಭರ್ಜರಿ ಏರಿಕೆ ಕಂಡಿದ್ದರೂ ಟಾಟಾ ಮೋಟಾರ್ಸ್‌ಗೆ ಆಘಾತ, 5500 ಕೋಟಿಗೂ ಹೆಚ್ಚು ನಷ್ಟ ಕಂಡ ಕಂಪನಿ

Santosh Naik — Fri, 13 Nov 2026 20:17:39 +0530

ಮುಂಬೈ (ನ.13): ದೇಶೀಯ ಮತ್ತು ಜಾಗತಿಕ ಮಾರುಕಟ್ಟೆಯಲ್ಲಿ ಕಾರುಗಳ ಮಾರಾಟ ಭರ್ಜರಿಯಾಗಿ ಹೆಚ್ಚಳವಾಗಿದ್ದರೂ, ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ (TMPVL) ಸಂಸ್ಥೆಗೆ 2026-27ನೇ ಹಣಕಾಸು ವರ್ಷದ ಎರಡನೇ ತ್ರೈಮಾಸಿಕದಲ್ಲಿ (ಜುಲೈ-ಸೆಪ್ಟೆಂಬರ್) ಬರೋಬ್ಬರಿ ₹5,531 ಕೋಟಿ ನಿವ್ವಳ ನಷ್ಟ (Consolidated Net Loss) ಎದುರಾಗಿದೆ. ಕಳೆದ ವರ್ಷದ ಇದೇ ಅವಧಿಯಲ್ಲಿ ಕಂಪನಿಯು ₹76,170 ಕೋಟಿ ನಿವ್ವಳ ಲಾಭ ಗಳಿಸಿತ್ತು. ಏಕಕಾಲಿಕ ವೆಚ್ಚಗಳು ಹಾಗೂ ಆಸ್ತಿಗಳ ಮೌಲ್ಯದಲ್ಲಿನ ಇಳಿಕೆಯ (Impairment cost) ಪರಿಣಾಮ ಈ ಬಾರಿ ಕಂಪನಿ ನಷ್ಟ ಅನುಭವಿಸುವಂತಾಗಿದೆ.

ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ ಸಂಸ್ಥೆಯು ಪ್ರಸಕ್ತ ಸಾಲಿನ ಎರಡನೇ ತ್ರೈಮಾಸಿಕ ಫಲಿತಾಂಶಗಳನ್ನು ಬಿಡುಗಡೆ ಮಾಡಿದೆ. ನಿವ್ವಳ ನಷ್ಟದ ನಡುವೆಯೂ ಕಂಪನಿಯ ಒಟ್ಟು ಆದಾಯದಲ್ಲಿ (Revenue) ಗಮನಾರ್ಹ ಪ್ರಗತಿ ಕಂಡುಬಂದಿದೆ. ಕಳೆದ ವರ್ಷದ ಇದೇ ಅವಧಿಯಲ್ಲಿ ₹72,349 ಕೋಟಿ ಇದ್ದ ಕಂಪನಿಯ ಆದಾಯವು, ಈ ಬಾರಿ ಶೇಕಡಾ 34 ರಷ್ಟು ಏರಿಕೆಯಾಗಿ ₹96,920 ಕೋಟಿಗೆ ತಲುಪಿದೆ.

ದೇಶೀಯ ಮಾರುಕಟ್ಟೆ ಹಾಗೂ ಇವಿ (EV) ವಿಭಾಗದಲ್ಲಿ ಸಾರ್ವಕಾಲಿಕ ದಾಖಲೆ

EBITDA ಮತ್ತು EBIT ಮಾರ್ಜಿನ್ ಸುಧಾರಣೆ: ಎರಡನೇ ತ್ರೈಮಾಸಿಕದಲ್ಲಿ ಕಂಪನಿಯ EBITDA ಸುಮಾರು ₹6,000 ಕೋಟಿ ದಾಖಲಾಗಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ EBITDA ಮಾರ್ಜಿನ್ 6.3 ಶೇಕಡಾವಾರು ಅಂಕಗಳಷ್ಟು (Percentage points) ಸುಧಾರಿಸಿ ಶೇ. 6.2ಕ್ಕೆ ತಲುಪಿದೆ. ಅದೇ ರೀತಿ EBIT ಮಾರ್ಜಿನ್ 7.9 ಶೇಕಡಾವಾರು ಅಂಕಗಳಷ್ಟು ಸುಧಾರಿಸಿ ಶೇ. 1.1ಕ್ಕೆ ತಲುಪಿದೆ.

ಭರ್ಜರಿ ಮಾರಾಟ ವೃದ್ಧಿ: ಕಂಪನಿಯ ದೇಶೀಯ ವಾಹನ ವಹಿವಾಟಿನಲ್ಲಿ ವಾರ್ಷಿಕ ಆಧಾರದ ಮೇಲೆ ಶೇ. 40 ರಷ್ಟು ಮಾರಾಟ ಹೆಚ್ಚಳವಾಗಿದೆ. ವಿಶೇಷವಾಗಿ ಎಲೆಕ್ಟ್ರಿಕ್ ವಾಹನಗಳ (EV) ಮಾರಾಟವು ಬರೋಬ್ಬರಿ ಶೇ. 90 ರಷ್ಟು ಜಿಗಿದಿದೆ. ದೇಶೀಯ ಪ್ಯಾಸೆಂಜರ್ ವೆಹಿಕಲ್ ವಿಭಾಗವು ಈ ತ್ರೈಮಾಸಿಕದಲ್ಲಿ ಇದುವರೆಗಿನ ಅತ್ಯಧಿಕ ತ್ರೈಮಾಸಿಕ ಆದಾಯವನ್ನು ದಾಖಲಿಸಿದೆ ಎಂದು ಸಂಸ್ಥೆ ತಿಳಿಸಿದೆ.

ಜಾಗ್ವಾರ್ ಲ್ಯಾಂಡ್ ರೋವರ್ (JLR) ಆದಾಯ ಶೇ. 20.3 ರಷ್ಟು ಏರಿಕೆ

ಟಾಟಾ ಮೋಟಾರ್ಸ್ ಒಡೆತನದ ಐಷಾರಾಮಿ ಕಾರು ತಯಾರಿಕಾ ಕಂಪನಿ ಜಾಗ್ವಾರ್ ಲ್ಯಾಂಡ್ ರೋವರ್ (JLR) ಸಹ ಎರಡನೇ ತ್ರೈಮಾಸಿಕದಲ್ಲಿ ಆದಾಯದ ವಿಚಾರದಲ್ಲಿ ಉತ್ತಮ ಪ್ರದರ್ಶನ ನೀಡಿದೆ:

ಆದಾಯ ಮತ್ತು ಮಾರ್ಜಿನ್: ಜೆಎಲ್‌ಆರ್ ಆದಾಯವು ವಾರ್ಷಿಕ ಆಧಾರದ ಮೇಲೆ ಶೇ. 20.3 ರಷ್ಟು ಹೆಚ್ಚಳವಾಗಿ 5.894 ಬಿಲಿಯನ್ ಪೌಂಡ್‌ಗಳಿಗೆ ತಲುಪಿದೆ. ಕಂಪನಿಯ EBITDA ಮಾರ್ಜಿನ್ 8.2 ಶೇಕಡಾವಾರು ಅಂಕಗಳಷ್ಟು ಏರಿಕೆಯಾಗಿ ಶೇ. 6.6 ದಾಖಲಾಗಿದ್ದರೆ, EBIT ಮಾರ್ಜಿನ್ 9.7 ಶೇಕಡಾವಾರು ಅಂಕಗಳ ಸುಧಾರಣೆಯೊಂದಿಗೆ ಶೇ. 1.1 ರಷ್ಟಿದೆ.

530 ಮಿಲಿಯನ್ ಪೌಂಡ್ ಹೆಚ್ಚುವರಿ ವೆಚ್ಚ: ಉತ್ತಮ ಆದಾಯದ ನಡುವೆಯೂ ಜೆಎಲ್‌ಆರ್ ಈ ತ್ರೈಮಾಸಿಕದಲ್ಲಿ 530 ಮಿಲಿಯನ್ ಪೌಂಡ್ ಹೆಚ್ಚುವರಿ ವೆಚ್ಚವನ್ನು ಭರಿಸಬೇಕಾಯಿತು. ಕಂಪನಿಯ ಪುನಾರಚನೆಗೆ (Restructuring) ಸಂಬಂಧಿಸಿದ ವೆಚ್ಚಗಳು, ಉದ್ಯೋಗಿಗಳ ಕಡಿತ ಅಥವಾ ಸ್ವಯಂ ನಿವೃತ್ತಿಗೆ ತಗುಲಿದ ವೆಚ್ಚ ಹಾಗೂ ಅಭಿವೃದ್ಧಿ ಹಂತದಲ್ಲಿರುವ ಕೆಲವು ಆಸ್ತಿಗಳ ಮೌಲ್ಯ ಕಡಿತಗೊಳಿಸಿದ (Write-down) ವೆಚ್ಚಗಳು ಇದರಲ್ಲಿ ಸೇರಿವೆ.

ನಗದು ಹರಿವು (Cash Flow): ಎರಡನೇ ತ್ರೈಮಾಸಿಕದಲ್ಲಿ ಜೆಎಲ್‌ಆರ್‌ನ 'ಫ್ರೀ ಕ್ಯಾಶ್ ಔಟ್‌ಫ್ಲೋ' (Free Cash Outflow) 540 ಮಿಲಿಯನ್ ಪೌಂಡ್ ಆಗಿತ್ತು; ಅಂದರೆ ಕಂಪನಿಗೆ ಬಂದ ನಗದಿಗಿಂತ ಹೊರಹೋದ ನಗದು ಪ್ರಮಾಣ ಹೆಚ್ಚಾಗಿತ್ತು. ಸೆಪ್ಟೆಂಬರ್ 30, 2026 ರ ವೇಳೆಗೆ ಕಂಪನಿಯ ಬಳಿ 1.8 ಬಿಲಿಯನ್ ಪೌಂಡ್ ನಗದು ಇದ್ದು, ಒಟ್ಟು ಲಿಕ್ವಿಡಿಟಿ (Liquidity) 6 ಬಿಲಿಯನ್ ಪೌಂಡ್ ಇದೆ.

ಇಡೀ ವರ್ಷದ ಗಳಿಕೆ ಅಂದಾಜನ್ನು ಕಡಿತಗೊಳಿಸಿದ ಜೆಎಲ್‌ಆರ್

ಮಾರುಕಟ್ಟೆಯಲ್ಲಿ ಮುಂದುವರಿದಿರುವ ಸವಾಲುಗಳು, ಜಾಗತಿಕ ಅಪಾಯಗಳು ಮತ್ತು ಹೆಚ್ಚುವರಿ ವೆಚ್ಚಗಳನ್ನು ಗಮನದಲ್ಲಿಟ್ಟುಕೊಂಡು, ಜೆಎಲ್‌ಆರ್ 2026-27ನೇ ಹಣಕಾಸು ವರ್ಷದ ತನ್ನ ಆರ್ಥಿಕ ಅಂದಾಜನ್ನು (Guidance) ಪರಿಷ್ಕರಿಸಿದೆ. ಇದರ ಪ್ರಕಾರ, ಇಡೀ ವರ್ಷದಲ್ಲಿ ಕಂಪನಿಯ ಹೊಂದಾಣಿಕೆಯ (Adjusted) EBIT ಮಾರ್ಜಿನ್ ಶೇ. 2 ರಿಂದ ಶೇ. 3 ರ ನಡುವೆ ಇರಲಿದೆ ಎಂದು ಅಂದಾಜಿಸಲಾಗಿದೆ. ಇದಲ್ಲದೆ, ಪೂರ್ಣ ವರ್ಷಕ್ಕೆ ಸುಮಾರು 1.25 ಬಿಲಿಯನ್ ಪೌಂಡ್‌ಗಳಷ್ಟು ಫ್ರೀ ಕ್ಯಾಶ್ ಔಟ್‌ಫ್ಲೋ ಆಗುವ ನಿರೀಕ್ಷೆಯಿದೆ ಎಂದು ಕಂಪನಿ ತಿಳಿಸಿದೆ. ಒಟ್ಟಾರೆಯಾಗಿ, ಆದಾಯದಲ್ಲಿ ಭಾರಿ ಹೆಚ್ಚಳ ಕಂಡುಬಂದಿದ್ದರೂ, ಹೆಚ್ಚುತ್ತಿರುವ ವೆಚ್ಚ ಮತ್ತು ನಗದು ನಿರ್ವಹಣೆಯ ಸವಾಲುಗಳು ಕಂಪನಿಯನ್ನು ಕಾಡುತ್ತಿರುವುದು ಈ ಫಲಿತಾಂಶದಿಂದ ಸ್ಪಷ್ಟವಾಗಿದೆ.

ಒಂದು ದಿನವೂ ಮನೆಯಲ್ಲಿ ಇರಲು ಸಮಯ ಸಿಗುತ್ತಿಲ್ಲ: ‘ಪ್ರೇಮದ ಊರಲಿ’ ನಟಿ ತಪಸ್ವಿನಿ ಭಾವುಕ

Govindaraj S — Fri, 13 Nov 2026 20:07:03 +0530

ಕನ್ನಡ ಚಿತ್ರರಂಗದಲ್ಲಿ ದೊಡ್ಡ ಮಟ್ಟದ ಪ್ರಚಾರ, ಪ್ಯಾನ್ ಇಂಡಿಯಾ ಹವಾ ಇಲ್ಲದೆಯೂ ಒಂದು ಸಿನಿಮಾ ಪ್ರೇಕ್ಷಕರ ಮನಸ್ಸು ಗೆಲ್ಲಬಹುದು ಎಂಬುದಕ್ಕೆ ‘ಪ್ರೇಮದ ಊರಲಿ’ ಸಾಕ್ಷಿಯಾಗಿದೆ. ಕೇವಲ 60 ಶೋಗಳೊಂದಿಗೆ ಚಿತ್ರಮಂದಿರಗಳಲ್ಲಿ ತನ್ನ ಪಯಣ ಆರಂಭಿಸಿದ ಈ ಸಿನಿಮಾ, ಪ್ರೇಕ್ಷಕರ ಮೆಚ್ಚುಗೆ ಹೆಚ್ಚಾದಂತೆ 100ಕ್ಕೂ ಹೆಚ್ಚು ಚಿತ್ರಮಂದಿರಗಳಿಗೆ ವಿಸ್ತರಿಸಿಕೊಂಡಿದೆ. ಇದೀಗ ಯಶಸ್ವಿಯಾಗಿ 50 ದಿನಗಳನ್ನು ಪೂರೈಸಿರುವ ಚಿತ್ರತಂಡ ಗೆಲುವಿನ ಸಂಭ್ರಮದಲ್ಲಿದೆ.

ಇಂದಿನ ಸ್ಪರ್ಧಾತ್ಮಕ ಸಿನಿಮಾ ಜಗತ್ತಿನಲ್ಲಿ ಕನ್ನಡ ಚಿತ್ರವೊಂದು ಈ ಮಟ್ಟದ ಯಶಸ್ಸು ಸಾಧಿಸಿರುವುದು ವಿಶೇಷ. ಕಥೆಯ ಮೇಲಿನ ನಂಬಿಕೆಯೊಂದಿಗೆ ತೆರೆಗೆ ಬಂದ ‘ಪ್ರೇಮದ ಊರಲಿ’ಗೆ ಪ್ರೇಕ್ಷಕರು ನಿರೀಕ್ಷೆಗೂ ಮೀರಿದ ಪ್ರೀತಿ ನೀಡಿದ್ದಾರೆ. ಈ ಗೆಲುವಿನ ಹಿಂದೆ ಅಭಿಮಾನಿಗಳ ಬೆಂಬಲವೇ ದೊಡ್ಡ ಶಕ್ತಿಯಾಗಿದ್ದು, ಚಿತ್ರದ ಕಲಾವಿದರು ಕೂಡ ಜನರ ಪ್ರೀತಿಯನ್ನು ಸಂಭ್ರಮಿಸುತ್ತಿದ್ದಾರೆ.

ಈ ನಡುವೆ ಸಿನಿಮಾದಲ್ಲಿ ರುಕ್ಮಿಣಿ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ನಟಿ ತಪಸ್ವಿನಿ ಪೂಣಚ್ಚ ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ. ಸಿನಿಮಾ ಬಿಡುಗಡೆಯಾದ ಬಳಿಕ ಒಂದು ದಿನವೂ ಮನೆಯಲ್ಲಿ ನೆಮ್ಮದಿಯಾಗಿ ಕಳೆಯಲು ಸಾಧ್ಯವಾಗದಷ್ಟು ಜನರು ಪ್ರೀತಿ ತೋರಿಸುತ್ತಿದ್ದಾರೆ ಎಂದು ಅವರು ಖುಷಿ ವ್ಯಕ್ತಪಡಿಸಿದ್ದಾರೆ.

‘ಜನರ ಕೂಗೇ ನಮ್ಮ ಸಕ್ಸಸ್ ಸೆಲೆಬ್ರೇಷನ್’

‘ಪ್ರೇಮದ ಊರಲಿ’ 50 ದಿನ ಪೂರೈಸಿರುವುದಕ್ಕೆ ತಪಸ್ವಿನಿ ತುಂಬಾ ಸಂತಸ ವ್ಯಕ್ತಪಡಿಸಿದ್ದಾರೆ. ಸಿನಿಮಾ ಇನ್ನೂ ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಾಣುತ್ತಿರುವುದಕ್ಕೆ ಪ್ರೇಕ್ಷಕರ ಪ್ರೀತಿಯೇ ಕಾರಣ ಎಂದಿರುವ ಅವರು, ಯಶಸ್ಸನ್ನು ಹೇಗೆ ಸಂಭ್ರಮಿಸುತ್ತಿದ್ದೀರಿ ಎಂಬ ಪ್ರಶ್ನೆಗೆ ತಮ್ಮದೇ ರೀತಿಯಲ್ಲಿ ಉತ್ತರ ನೀಡಿದ್ದಾರೆ.

'ತುಂಬಾನೇ ಖುಷಿಯಾಗುತ್ತಿದೆ. ಇವತ್ತು 50 ದಿನಗಳನ್ನು ಪೂರೈಸಿದ್ದೇವೆ. ‘ಪ್ರೇಮದ ಊರಲಿ’ ಸಿನಿಮಾ ನಿಮ್ಮ ಪ್ರೀತಿಯಿಂದ ಥಿಯೇಟರ್‌ಗಳಲ್ಲಿ ಇನ್ನೂ ಓಡುತ್ತಿದೆ. ಸಿನಿಮಾ ಬಿಡುಗಡೆಯಾದ ಮೇಲೆ ಒಂದು ದಿನವೂ ಮನೆಯಲ್ಲಿ ಇರಲು ಸಮಯ ಸಿಗುತ್ತಿಲ್ಲ. ಅಷ್ಟು ಪ್ರೀತಿ ತೋರಿಸುತ್ತಿದ್ದೀರಿ. ಸಕ್ಸಸ್ ಅನ್ನು ಯಾವ ರೀತಿ ಸೆಲೆಬ್ರೇಟ್ ಮಾಡುತ್ತಿದ್ದೀರಿ ಎಂದು ಎಲ್ಲರೂ ಕೇಳುತ್ತಿದ್ದರು. ಜನರ ಜೊತೆಗೆ ಬೆರೆತಾಗ ಕೇಳಿಬರುವ ಆ ಕೂಗು, ಸಂಭ್ರಮವೇ ನಮ್ಮ ಯಶಸ್ಸಿನ ಆಚರಣೆ' ಎಂದು ತಪಸ್ವಿನಿ ಪೂಣಚ್ಚ ಹೇಳಿದ್ದಾರೆ.

ಸಿನಿಮಾದ ಗೆಲುವಿನಲ್ಲಿ ಹೆಣ್ಣುಮಕ್ಕಳ ಪಾತ್ರವೂ ದೊಡ್ಡದು!

ಇದೇ ಸಂದರ್ಭದಲ್ಲಿ ಚಿತ್ರದ ಯಶಸ್ಸಿನ ಹಿಂದೆ ಮಹಿಳೆಯರ ಕೊಡುಗೆಯನ್ನೂ ತಪಸ್ವಿನಿ ವಿಶೇಷವಾಗಿ ಉಲ್ಲೇಖಿಸಿದ್ದಾರೆ. ನಿರ್ಮಾಪಕಿ, ರುಕ್ಮಿಣಿ ಹಾಗೂ ವಸಂತಾ ಪಾತ್ರಗಳ ಜೊತೆಗೆ ಸಂತು ಪಾತ್ರಧಾರಿ ಶ್ರೀರಾಮ್ ಅವರ ಪತ್ನಿಯ ಕಾಲ್ಗುಣವೂ ಚಿತ್ರದ ಗೆಲುವಿಗೆ ಕಾರಣ ಎಂದು ಅವರು ತಮ್ಮದೇ ಶೈಲಿಯಲ್ಲಿ ತಮಾಷೆಯಾಗಿ ಹೇಳಿದ್ದಾರೆ.

'ಈ ಸಿನಿಮಾಗೆ ಹೆಣ್ಣುಮಕ್ಕಳೇ ಶಕ್ತಿ ಅಂತ ಹೇಳಬಹುದು. ನಮ್ಮ ನಿರ್ಮಾಪಕಿ, ರುಕ್ಮಿಣಿ, ವಸಂತ ಹಾಗೂ ಸಂತು ಪಾತ್ರಧಾರಿ ಶ್ರೀರಾಮ್ ಅವರ ಪತ್ನಿಯ ಕಾಲ್ಗುಣ' ಎಂದು ನಗುತ್ತಲೇ ಚಿತ್ರದ ಯಶಸ್ಸಿನ ಹಿಂದಿನ ವಿಶೇಷ ಸಂಗತಿಯನ್ನು ಹಂಚಿಕೊಂಡಿದ್ದಾರೆ.

ಇನ್ನು ಕೇವಲ 60 ಶೋಗಳಿಂದ ಆರಂಭವಾದ ‘ಪ್ರೇಮದ ಊರಲಿ’ಯ ಪಯಣ 50 ದಿನಗಳ ಸಂಭ್ರಮದವರೆಗೆ ತಲುಪಿದೆ. ಚಿತ್ರಕ್ಕೆ ಸಿಕ್ಕಿರುವ ಜನರ ಪ್ರೀತಿಯೇ ನಿಜವಾದ ಯಶಸ್ಸಿನ ಸಂಭ್ರಮ ಎಂದು ತಪಸ್ವಿನಿ ಪೂಣಚ್ಚ ಅವರ ಮಾತುಗಳು ಮತ್ತೊಮ್ಮೆ ಸಾಬೀತುಪಡಿಸಿವೆ. ರುಕ್ಮಿಣಿ ಪಾತ್ರದ ಮೂಲಕ ಪ್ರೇಕ್ಷಕರ ಮನಸ್ಸಿನಲ್ಲಿ ಸ್ಥಾನ ಪಡೆದಿರುವ ನಟಿಗೆ ಈ ಗೆಲುವು ಖುಷಿಯ ಜೊತೆಗೆ ಮರೆಯಲಾಗದ ಅನುಭವವನ್ನೂ ನೀಡಿದೆ.

ಎಲ್ ನಿನೋ ಬರೀ ಹವಾಮಾನ ವೈಪರೀತ್ಯವಲ್ಲ, ಇದು ಆರೋಗ್ಯ ತುರ್ತುಪರಿಸ್ಥಿತಿ: ಭಾರತಕ್ಕೆ WHO ರೆಡ್ ಅಲರ್ಟ್

Santosh Naik — Fri, 13 Nov 2026 19:56:07 +0530

ಬೆಂಗಳೂರು (ನ.13): 'ಎಲ್ ನಿನೋ' (El Nino) ಇನ್ನು ಮುಂದೆ ಕೇವಲ ಹವಾಮಾನ ವಿದ್ಯಮಾನವಾಗಿ ಉಳಿದಿಲ್ಲ. ಅದೊಂದು ಗಂಭೀರ ಜಾಗತಿಕ 'ಆರೋಗ್ಯ ತುರ್ತುಪರಿಸ್ಥಿತಿ' ಎಂದು ವಿಶ್ವ ಆರೋಗ್ಯ ಸಂಸ್ಥೆ (WHO) ಘೋಷಿಸಿದೆ. ತನ್ನ ಅತ್ಯುನ್ನತ ಮಟ್ಟದ 'ಗ್ರೇಡ್-3' (Grade 3) ತುರ್ತು ಪ್ರತಿಕ್ರಿಯೆಯನ್ನು ಸಕ್ರಿಯಗೊಳಿಸಿರುವ WHO, ವಿಪರೀತ ಶಾಖ, ಬರಗಾಲ, ಸಾಂಕ್ರಾಮಿಕ ರೋಗಗಳು ಮತ್ತು ಆಹಾರ ಅಭದ್ರತೆಯಿಂದ ಜಾಗತಿಕ ಆರೋಗ್ಯ ಅಪಾಯಗಳು ಹೆಚ್ಚಾಗಲಿವೆ ಎಂದು ಎಚ್ಚರಿಸಿದ್ದು, ಅತಿ ಹೆಚ್ಚು ಅಪಾಯ ಎದುರಿಸುತ್ತಿರುವ ದೇಶಗಳ ಪಟ್ಟಿಯಲ್ಲಿ ಭಾರತವನ್ನೂ ಹೆಸರಿಸಿದೆ.

ನವೆಂಬರ್ 2 ರಂದು ಬಿಡುಗಡೆ ಮಾಡಿರುವ ತನ್ನ ಇತ್ತೀಚಿನ ಕಾರ್ಯತಂತ್ರದ ಸಿದ್ಧತೆ ಮತ್ತು ಪ್ರತಿಕ್ರಿಯಾ ಯೋಜನೆಯಲ್ಲಿ (Strategic Preparedness and Response Plan), ಎಲ್ ನಿನೋ ಸಂಬಂಧಿತ ಹವಾಮಾನ ವೈಪರೀತ್ಯಗಳು ಪ್ರಪಂಚದಾದ್ಯಂತ ವ್ಯಾಪಕ ಸಾರ್ವಜನಿಕ ಆರೋಗ್ಯ ಬಿಕ್ಕಟ್ಟುಗಳನ್ನು ಸೃಷ್ಟಿಸಬಹುದು ಎಂದು WHO ಆತಂಕ ವ್ಯಕ್ತಪಡಿಸಿದೆ. ಸೆಪ್ಟೆಂಬರ್ 2026 ರ ಜಾಗತಿಕ ಮೌಲ್ಯಮಾಪನದಲ್ಲಿ ಭಾರತವು 'ಹೆಚ್ಚಿನ ಅಥವಾ ಅತಿ ಹೆಚ್ಚಿನ ಆರೋಗ್ಯ ಅಪಾಯ' (High or very high health risks) ಎದುರಿಸುತ್ತಿರುವ ರಾಷ್ಟ್ರಗಳಲ್ಲಿ ಒಂದಾಗಿದೆ. ದಕ್ಷಿಣ ಏಷ್ಯಾದ ಬಹುಭಾಗಗಳಲ್ಲಿ ಸಾಮಾನ್ಯಕ್ಕಿಂತ ಹೆಚ್ಚಿನ ತಾಪಮಾನ ಮತ್ತು ಒಣ ಹವೆ ಇರಲಿರುವುದರಿಂದ, ಇದರ ಪರಿಣಾಮಗಳು ಕೇವಲ ಬಿಸಿಗಾಳಿ ಮತ್ತು ನೀರಿನ ಕೊರತೆಗೆ ಸೀಮಿತವಾಗದೆ ಸಾಂಕ್ರಾಮಿಕ ರೋಗಗಳು, ಅಪೌಷ್ಟಿಕತೆ ಹಾಗೂ ಆರೋಗ್ಯ ಸೇವೆಗಳ ವ್ಯತ್ಯಯಕ್ಕೂ ಕಾರಣವಾಗಬಹುದು.

WHO ತನ್ನ ಎಲ್ ನಿನೋ ಅಲರ್ಟ್‌ ತೀವ್ರಗೊಳಿಸಿದ್ದೇಕೆ?

ಮಧ್ಯ ಮತ್ತು ಪೂರ್ವ ಉಷ್ಣವಲಯದ ಪೆಸಿಫಿಕ್ ಮಹಾಸಾಗರದ ಮೇಲ್ಮೈ ನೀರು ನಿಯತಕಾಲಿಕವಾಗಿ ಬಿಸಿಯಾಗುವ ನೈಸರ್ಗಿಕ ಹವಾಮಾನ ಪ್ರಕ್ರಿಯೆಯೇ 'ಎಲ್ ನಿನೋ'. ಇದು ವಾತಾವರಣದ ಗಾಳಿಯ ಚಲನೆಯ ಮೇಲೆ ಪ್ರಭಾವ ಬೀರಿ, ಜಗತ್ತಿನ ವಿವಿಧ ಭಾಗಗಳಲ್ಲಿ ತಾಪಮಾನ ಮತ್ತು ಮಳೆಯ ಮಾದರಿಯನ್ನು ಬದಲಾಯಿಸುತ್ತದೆ. ಇದರ ಪರಿಣಾಮ ಎಲ್ಲೆಡೆ ಒಂದೇ ರೀತಿ ಇರುವುದಿಲ್ಲ; ಕೆಲವು ಪ್ರದೇಶಗಳು ದೀರ್ಘಕಾಲದ ಬರ ಮತ್ತು ವಿಪರೀತ ಬಿಸಿಲನ್ನು ಕಂಡರೆ, ಮತ್ತೆ ಕೆಲವು ಪ್ರದೇಶಗಳು ಅತಿವೃಷ್ಟಿ, ಪ್ರವಾಹ ಮತ್ತು ಅದಕ್ಕೆ ಸಂಬಂಧಿಸಿದ ಆರೋಗ್ಯ ತುರ್ತುಪರಿಸ್ಥಿತಿಗಳನ್ನು ಎದುರಿಸುತ್ತವೆ.

ಗ್ರೇಡ್-3 ತುರ್ತುಸ್ಥಿತಿ: ಅಕ್ಟೋಬರ್ 2026 ರಿಂದ ಸೆಪ್ಟೆಂಬರ್ 2027 ರವರೆಗಿನ ಅವಧಿಗೆ WHO ಗ್ರೇಡ್-3 ಪ್ರತಿಕ್ರಿಯೆಯನ್ನು ಆರಂಭಿಸಿದೆ. ಇದು ಸಂಸ್ಥೆಯ ಅತ್ಯುನ್ನತ ಆಂತರಿಕ ತುರ್ತು ವರ್ಗೀಕರಣವಾಗಿದ್ದು, ಕೇಂದ್ರ ಕಚೇರಿ, ಪ್ರಾದೇಶಿಕ ಮತ್ತು ದೇಶೀಯ ಕಚೇರಿಗಳ ನಡುವೆ ಸಮನ್ವಯದ ಕಾರ್ಯಾಚರಣೆಯ ಅಗತ್ಯವನ್ನು ಸೂಚಿಸುತ್ತದೆ.

ನಾಲ್ಕು ಕಾರ್ಯತಂತ್ರದ ಆದ್ಯತೆಗಳು: ರೋಗ ಪತ್ತೆ ಮತ್ತು ಮೇಲ್ವಿಚಾರಣೆ (Detection and monitoring), ರಕ್ಷಣೆ ಮತ್ತು ತಡೆಗಟ್ಟುವಿಕೆ (Protection and prevention), ಆರೈಕೆ ಮತ್ತು ಬೆಂಬಲ (Care and support), ಹಾಗೂ ಆರೋಗ್ಯ ನಾಯಕತ್ವ ಮತ್ತು ಸಮನ್ವಯ (Health leadership and coordination).

₹35 ಮಿಲಿಯನ್ ಡಾಲರ್ ಸಂಪನ್ಮೂಲ: ಅಕ್ಟೋಬರ್ 2026 ರಿಂದ ಮಾರ್ಚ್ 2027 ರವರೆಗಿನ ಮೊದಲ ಆರು ತಿಂಗಳ ಕಾರ್ಯಾಚರಣೆಗೆ ಆರಂಭಿಕವಾಗಿ ಅಂದಾಜು 35 ಮಿಲಿಯನ್ ಡಾಲರ್ ಸಂಪನ್ಮೂಲದ ಅಗತ್ಯವಿದೆ ಎಂದು WHO ಗುರುತಿಸಿದೆ.

ಎಲ್ ನಿನೋ ನೇರವಾಗಿ ರೋಗಗಳನ್ನು ಉಂಟುಮಾಡುವುದಿಲ್ಲ. ಬದಲಿಗೆ, ರೋಗ ಹರಡುವಿಕೆ, ಶಾಖ ಸಂಬಂಧಿತ ಕಾಯಿಲೆಗಳು ಮತ್ತು ಅಗತ್ಯ ಆರೋಗ್ಯ ಸೇವೆಗಳ ವ್ಯತ್ಯಯಕ್ಕೆ ಕಾರಣವಾಗುವ ಪರಿಸರ ಪರಿಸ್ಥಿತಿಗಳನ್ನು ಬದಲಾಯಿಸುವ ಮೂಲಕ ಇದು 'ಅಪಾಯದ ಗುಣಕ' (Risk Multiplier) ಆಗಿ ಕೆಲಸ ಮಾಡುತ್ತದೆ ಎಂದು WHO ಸ್ಪಷ್ಟಪಡಿಸಿದೆ.

ಭಾರತಕ್ಕೆ ಎದುರಾಗಲಿರುವ ಪ್ರಮುಖ 5 ಆರೋಗ್ಯ ಅಪಾಯಗಳು

ಸೆಪ್ಟೆಂಬರ್ 5 ರಂದು ಪ್ರಕಟವಾದ WHO ನ 'ಗ್ಲೋಬಲ್ ಪಬ್ಲಿಕ್ ಹೆಲ್ತ್ ಸಿಚುಯೇಶನ್ ಅನಾಲಿಸಿಸ್ - ಎಲ್ ನಿನೋ 2026' ವರದಿಯು ದಕ್ಷಿಣ ಏಷ್ಯಾದಲ್ಲಿ ಭಾರತದೊಂದಿಗೆ ಬಾಂಗ್ಲಾದೇಶ, ಭೂತಾನ್, ನೇಪಾಳ, ಶ್ರೀಲಂಕಾ ಮತ್ತು ಮಾಲ್ಡೀವ್ಸ್ ದೇಶಗಳನ್ನು ಅಪಾಯದ ವಲಯದಲ್ಲಿ ಗುರುತಿಸಿದೆ. ಭಾರತಕ್ಕೆ ಎದುರಾಗಲಿರುವ ಪ್ರಮುಖ ಆತಂಕಗಳು ಹೀಗಿವೆ.

ವಿಪರೀತ ಶಾಖ ಮತ್ತು ಬಿಸಿಗಾಳಿ ಕಾಯಿಲೆಗಳು: ದೀರ್ಘಕಾಲದವರೆಗೆ ಹೆಚ್ಚಿನ ತಾಪಮಾನಕ್ಕೆ ಒಡ್ಡಿಕೊಳ್ಳುವುದರಿಂದ ನಿರ್ಜಲೀಕರಣ (Dehydration), ಶಾಖದ ಬಳಲಿಕೆ (Heat exhaustion) ಮತ್ತು ಮಾರಣಾಂತಿಕ 'ಹೀಟ್‌ಸ್ಟ್ರೋಕ್' (Heatstroke) ಸಂಭವಿಸಬಹುದು. ಈಗಾಗಲೇ ಹೃದಯರಕ್ತನಾಳ, ಉಸಿರಾಟ, ಮೂತ್ರಪಿಂಡ (Kidney) ಮತ್ತು ಚಯಾಪಚಯ (Metabolic) ಕಾಯಿಲೆಗಳಿಂದ ಬಳಲುತ್ತಿರುವವರ ಸ್ಥಿತಿ ಮತ್ತಷ್ಟು ಗಂಭೀರವಾಗಬಹುದು.

ಡೆಂಗ್ಯೂ ಮತ್ತು ಸೊಳ್ಳೆಗಳಿಂದ ಹರಡುವ ರೋಗಗಳು: ತಾಪಮಾನ ಮತ್ತು ಮಳೆಯ ಏರುಪೇರು ಸೊಳ್ಳೆಗಳ ಸಂತಾನೋತ್ಪತ್ತಿಯನ್ನು ಹೆಚ್ಚಿಸುತ್ತದೆ. ಭಾರತಕ್ಕೆ ಡೆಂಗ್ಯೂ (Dengue) ಅತಿ ಹೆಚ್ಚಿನ ಅಪಾಯಕಾರಿಯಾಗಿದೆ. ಬರಗಾಲ ಬಂದಾಗ ಜನರು ನೀರನ್ನು ಪಾತ್ರೆ ಮತ್ತು ತೊಟ್ಟಿಗಳಲ್ಲಿ ಸಂಗ್ರಹಿಸಿಡುತ್ತಾರೆ; ಅವುಗಳನ್ನು ಸರಿಯಾಗಿ ಮುಚ್ಚದಿದ್ದರೆ ಸೊಳ್ಳೆಗಳ ಉತ್ಪತ್ತಿ ತಾಣವಾಗುತ್ತವೆ. ಇದರೊಂದಿಗೆ ಈಶಾನ್ಯ ಭಾರತದ ಕೆಲವು ಭಾಗಗಳಲ್ಲಿ ಮಲೇರಿಯಾ ಕೂಡ ಕಳವಳಕಾರಿಯಾಗಿದೆ.

ಲೆಪ್ಟೊಸ್ಪೈರೋಸಿಸ್ ಮತ್ತು ನೀರಿನಿಂದ ಹರಡುವ ಸೋಂಕುಗಳು: ಮಳೆಯ ಬದಲಾವಣೆ, ಪ್ರವಾಹ ಮತ್ತು ಅಸಮರ್ಪಕ ನೈರ್ಮಲ್ಯದಿಂದ ಕಲುಷಿತ ನೀರಿನ ಸಂಪರ್ಕ ಹೆಚ್ಚಾಗುತ್ತದೆ. ಭಾರತದಲ್ಲಿ ಲೆಪ್ಟೊಸ್ಪೈರೋಸಿಸ್ (Leptospirosis - ಇಲಿ ಜ್ವರ) ಅಪಾಯ ಹೆಚ್ಚಿದೆ. ಪ್ರವಾಹವು ಕುಡಿಯುವ ನೀರಿನ ಮೂಲಗಳನ್ನು ಕಲುಷಿತಗೊಳಿಸಿ ಜಲಜನ್ಯ ರೋಗಗಳನ್ನು ಹೆಚ್ಚಿಸುತ್ತದೆ.

ಆಹಾರ ಅಭದ್ರತೆ ಮತ್ತು ಅಪೌಷ್ಟಿಕತೆ: ಮಳೆಯ ಕೊರತೆ ಮತ್ತು ದೀರ್ಘಕಾಲದ ಬರಗಾಲವು ಕೃಷಿ ಉತ್ಪಾದನೆ, ಜೀವನೋಪಾಯ ಮತ್ತು ಆಹಾರ ಲಭ್ಯತೆಯ ಮೇಲೆ ಹೊಡೆತ ನೀಡುತ್ತದೆ. ಇದು ವಿಶೇಷವಾಗಿ 5 ವರ್ಷದೊಳಗಿನ ಮಕ್ಕಳು, ಗರ್ಭಿಣಿಯರು ಮತ್ತು ಹಾಲುಣಿಸುವ ತಾಯಂದಿರಲ್ಲಿ ಅಪೌಷ್ಟಿಕತೆಯನ್ನು ಹೆಚ್ಚಿಸುತ್ತದೆ.

ಆರೋಗ್ಯ ಸೇವೆಗಳಲ್ಲಿ ವ್ಯತ್ಯಯ: ಹವಾಮಾನ ವೈಪರೀತ್ಯಗಳು ಆಸ್ಪತ್ರೆ ಮೂಲಸೌಕರ್ಯಗಳಿಗೆ ಹಾನಿ ಮಾಡಿ, ಔಷಧ ಸರಬರಾಜು ಸರಪಳಿಗೆ ಅಡ್ಡಿಪಡಿಸಬಹುದು. ಇದರಿಂದ ಮಧುಮೇಹ, ಹೃದ್ರೋಗ ಮತ್ತು ಕಿಡ್ನಿ ಸಮಸ್ಯೆಗಳಿಗೆ ನಿಯಮಿತ ಚಿಕಿತ್ಸೆ ಪಡೆಯುವ ರೋಗಿಗಳಿಗೆ ತೀವ್ರ ತೊಂದರೆಯಾಗಲಿದೆ.

ಭಾರತದ ಮುಂಗಾರು ಮಳೆ ಮತ್ತು ಸಾರ್ವಜನಿಕ ಆರೋಗ್ಯದ ಮೇಲೆ ಪರಿಣಾಮ

ಭಾರತದ ಕೃಷಿ ಮತ್ತು ಆರ್ಥಿಕತೆ ಮುಂಗಾರು ಮಳೆಯನ್ನೇ ಅವಲಂಬಿಸಿರುವುದರಿಂದ ಮಳೆಯಲ್ಲಾಗುವ ಬದಲಾವಣೆ ಅತ್ಯಂತ ನಿರ್ಣಾಯಕವಾಗಿದೆ. 2026 ರ ನೈಋತ್ಯ ಮುಂಗಾರು ಅವಧಿಯಲ್ಲಿ ಸಾಮಾನ್ಯಕ್ಕಿಂತ ಕಡಿಮೆ ಮಳೆಯಾಗಲಿದೆ (ದೀರ್ಘಾವಧಿಯ ಸರಾಸರಿಯ ಶೇ. 90 ರಷ್ಟು, ಪ್ಲಸ್ ಅಥವಾ ಮೈನಸ್ ಶೇ. 4 ರಷ್ಟು ವ್ಯತ್ಯಾಸದೊಂದಿಗೆ) ಎಂದು ಭಾರತೀಯ ಹವಾಮಾನ ಇಲಾಖೆ (IMD) ಅಂದಾಜಿಸಿರುವುದಾಗಿ ಭೂ ವಿಜ್ಞಾನ ಸಚಿವಾಲಯವು ಆಗಸ್ಟ್ 2026 ರಲ್ಲಿ ಸಂಸತ್ತಿಗೆ ಮಾಹಿತಿ ನೀಡಿತ್ತು.

ಆದರೆ, ಎಲ್ ನಿನೋ ಎಂದರೆ ಮುಂಗಾರು ಸಂಪೂರ್ಣ ವಿಫಲವಾಗುತ್ತದೆ ಎಂದರ್ಥವಲ್ಲ. ಇದರ ತೀವ್ರತೆ, ಸಮಯ ಮತ್ತು 'ಇಂಡಿಯನ್ ಓಷನ್ ಡೈಪೋಲ್' (Indian Ocean Dipole) ನಂತಹ ಇತರ ಹವಾಮಾನ ಅಂಶಗಳೊಂದಿಗಿನ ಸಂವಹನದ ಮೇಲೆ ಪರಿಣಾಮ ನಿರ್ಧಾರವಾಗುತ್ತದೆ. ಮಳೆ ಕೊರತೆಯಿಂದ ಕುಡಿಯುವ ನೀರಿನ ಅಭಾವ ಎದುರಾದರೆ, ಮತ್ತೊಂದೆಡೆ ಹಠಾತ್ ಧಾರಾಕಾರ ಮಳೆ ಮತ್ತು ಪ್ರವಾಹದಿಂದ ಸಾಂಕ್ರಾಮಿಕ ರೋಗಗಳು ಹರಡುತ್ತವೆ. ಹೀಗಾಗಿ ಭಾರತವು ಕೇವಲ ಬರ ಅಥವಾ ಬಿಸಿಗಾಳಿಗೆ ಮಾತ್ರವಲ್ಲದೆ, ಬಹುಮುಖಿ ಆರೋಗ್ಯ ಬೆದರಿಕೆಗಳನ್ನು ಎದುರಿಸಲು ಸಜ್ಜಾಗಬೇಕಿದೆ.

ಯಾರಿಗೆ ಅತಿ ಹೆಚ್ಚು ಅಪಾಯ?

ಎಲ್ ನಿನೋ ಸಂಬಂಧಿತ ಆರೋಗ್ಯ ಹೊರೆಯು ಎಲ್ಲರ ಮೇಲೂ ಸಮಾನವಾಗಿರುವುದಿಲ್ಲ ಎಂದು WHO ಒತ್ತಿಹೇಳಿದೆ. ಮಕ್ಕಳು, ಗರ್ಭಿಣಿಯರು, ವೃದ್ಧರು, ವಿಕಲಚೇತನರು ಹಾಗೂ ದೀರ್ಘಕಾಲದ ಕಾಯಿಲೆ ಇರುವವರಿಗೆ, ಶುದ್ಧ ಕುಡಿಯುವ ನೀರು, ನೈರ್ಮಲ್ಯ ಮತ್ತು ತಂಪಾದ ವಸತಿ ಸೌಲಭ್ಯವಿಲ್ಲದ ನಗರದ ಕೊಳೆಗೇರಿ ನಿವಾಸಿಗಳು ಮತ್ತು ಕುಗ್ರಾಮಗಳ ಜನರು. ಬಿಸಿಲಿನಲ್ಲಿ ಕೆಲಸ ಮಾಡುವ ಕೃಷಿ ಕಾರ್ಮಿಕರು, ಕಟ್ಟಡ ಕಾರ್ಮಿಕರು ಮತ್ತು ಬೀದಿ ಬದಿ ವ್ಯಾಪಾರಿಗಳಿಗೆ ಸಮಸ್ಯೆ ತಂದೊಡ್ಡಲಿದೆ.

ಮಾನಸಿಕ ಆರೋಗ್ಯದ ಮೇಲೂ ಪರಿಣಾಮ: ಜೀವನೋಪಾಯ ನಷ್ಟ, ವಲಸೆ, ಆಹಾರದ ಅಭದ್ರತೆ ಮತ್ತು ನೈಸರ್ಗಿಕ ವಿಕೋಪಗಳಿಗೆ ನಿರಂತರವಾಗಿ ಒಡ್ಡಿಕೊಳ್ಳುವುದರಿಂದ ಜನರಲ್ಲಿ ಮಾನಸಿಕ ಒತ್ತಡ ಹೆಚ್ಚಾಗಿ, ಈಗಿರುವ ಮಾನಸಿಕ ಕಾಯಿಲೆಗಳು ಉಲ್ಬಣಗೊಳ್ಳಬಹುದು.

ಆರೋಗ್ಯ ಬಿಕ್ಕಟ್ಟು ತಡೆಯಲು WHO ನೀಡಿರುವ ಮಹತ್ವದ ಸಲಹೆಗಳು

ಹವಾಮಾನ ಸಂಬಂಧಿತ ಅಪಾಯಗಳು ತುರ್ತುಪರಿಸ್ಥಿತಿಯಾಗಿ ಬದಲಾಗುವ ಮೊದಲೇ ಕಾರ್ಯಪ್ರವೃತ್ತರಾಗುವ Anticipate-Mitigate-Respond ವಿಧಾನವನ್ನು ಅನುಸರಿಸಲು WHO ಕರೆ ನೀಡಿದೆ. ರೋಗಗಳ ಕಣ್ಗಾವಲು ಮತ್ತು ಮುನ್ನೆಚ್ಚರಿಕೆ ವ್ಯವಸ್ಥೆಗಳನ್ನು ಬಲಪಡಿಸುವುದು. ಹವಾಮಾನ ಇಲಾಖೆ, ಆರೋಗ್ಯ ಅಧಿಕಾರಿಗಳು ಮತ್ತು ವಿಪತ್ತು ನಿರ್ವಹಣಾ ಸಂಸ್ಥೆಗಳ ನಡುವೆ ಉತ್ತಮ ಸಮನ್ವಯ ಸಾಧಿಸುವುದು. ಭಾರತದಲ್ಲಿ ಹವಾಮಾನ ಮುನ್ಸೂಚನೆಗಳನ್ನು ಸಾರ್ವಜನಿಕ ಆರೋಗ್ಯ ಮೇಲ್ವಿಚಾರಣೆಯೊಂದಿಗೆ ಸಂಯೋಜಿಸಿ, ಡೆಂಗ್ಯೂ-ಮಲೇರಿಯಾ ನಿಯಂತ್ರಣ ಕಾರ್ಯಕ್ರಮಗಳನ್ನು ಚುರುಕುಗೊಳಿಸುವುದು, ಶುದ್ಧ ಕುಡಿಯುವ ನೀರು ಪೂರೈಸುವುದು ಹಾಗೂ ಬಿಸಿಗಾಳಿ ತುರ್ತು ಚಿಕಿತ್ಸೆಗೆ ಆಸ್ಪತ್ರೆಗಳನ್ನು ಸಜ್ಜುಗೊಳಿಸುವುದು ಅತ್ಯಗತ್ಯವಾಗಿದೆ.

ಎಲ್ಲಾ ಪ್ರದೇಶಗಳಲ್ಲೂ ಏಕಕಾಲಕ್ಕೆ ಆರೋಗ್ಯ ತುರ್ತುಪರಿಸ್ಥಿತಿ ಎದುರಾಗುತ್ತದೆ ಎಂದು ಈ ಎಚ್ಚರಿಕೆಯನ್ನು ಅರ್ಥೈಸಿಕೊಳ್ಳಬೇಕಿಲ್ಲ. ಆದರೆ ಭಾರತವು ಈಗಾಗಲೇ ಅತಿ ಹೆಚ್ಚು ಅಪಾಯದ ದೇಶಗಳ ಪಟ್ಟಿಯಲ್ಲಿರುವುದರಿಂದ, ಮುಂಚಿತವಾಗಿಯೇ ಎಚ್ಚೆತ್ತುಕೊಂಡು ಆರೋಗ್ಯ ವ್ಯವಸ್ಥೆಯನ್ನು ಬಲಪಡಿಸುವುದು ಸಂಭವನೀಯ ಅನಾಹುತಗಳನ್ನು ತಡೆಯಲು ನಿರ್ಣಾಯಕವಾಗಲಿದೆ.

ಭಾರತದ ಬ್ಯಾಟಿಂಗ್ ಬೆನ್ನೆಲುಬು ಮುರಿದ ಮ್ಯಾಟ್ ಹೆನ್ರಿ, ಕಿವೀಸ್ ಡ್ರೆಸ್ಸಿಂಗ್ ರೂಮ್‌ಗೆ ತೆರಳಿ ಕೊಹ್ಲಿ ಮಾಡಿದ್ದೇನು?

Ganesh Mabla Gowda — Fri, 13 Nov 2026 19:36:39 +0530

ನ್ಯೂಜಿಲೆಂಡ್ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯವು ಇವತ್ತು ನಡೆಯಿತು. ಈ ಪಂದ್ಯದಲ್ಲಿ ಟೀಂ ಇಂಡಿಯಾ 244 ರನ್‌ಗಳ ಹೀನಾಯ ಸೋಲನ್ನ ಕಂಡಿತು. ಅತಿ ದೊಡ್ಡ ಸೋಲಿಗೆ ಕಾರಣರಾದವರು ನ್ಯೂಜಿಲೆಂಡ್ ವೇಗಿ ಮ್ಯಾಟ್ ಹೆನ್ರಿ!

ಇವತ್ತಿನ ಪಂದ್ಯದಲ್ಲಿ ಭರ್ಜರಿ ಬೌಲಿಂಗ್ ದಾಳಿ ನಡೆಸಿದ ಹೆನ್ರಿ ಟೀಂ ಇಂಡಿಯಾದ ಬೌಲರ್‍‌ಗಳು ನಡಗುವಂತೆ ಮಾಡಿದರು. 9.4 ಓವರ್‍‌ನಲ್ಲಿ ಕೇವಲ 27 ರನ್‌ಗಳನ್ನ ನೀಡಿ ಬರೋಬ್ಬರಿ 6 ವಿಕೆಟ್ ಕಬಳಿಸಿ ಟೀಂ ಇಂಡಿಯಾದ ಬ್ಯಾಟಿಂಗ್ ಶಕ್ತಿಯನ್ನೇ ಮುರಿದು ಹಾಕಿದರು. ಅವರ ಈ ಮಾರಕ ಬೌಲಿಂಗ್ ದಾಳಿಗೆ ಇಡೀ ಕ್ರಿಕೆಟ್ ಲೋಕ ಬೆರಗಾಗಿ ನೋಡ್ತಿದೆ.

ಅವರ ಬೌಲಿಂಗ್ ಶೈಲಿಗೆ ಮಾರು ಹೋದವರಲ್ಲಿ ವಿರಾಟ್ ಕೊಹ್ಲಿ ಕೂಡ ಒಬ್ಬರು. ಪಂದ್ಯ ಮುಗಿದ ಬೆನ್ನಲ್ಲೇ ಕೊಹ್ಲಿ, ನೇರವಾಗಿ ನ್ಯೂಜಿಲೆಂಡ್‌ನ ಡ್ರೆಸ್ಸಿಂಗ್ ರೂಮ್‌ಗೆ ಹೋಗಿದ್ದಾರೆ. ಅಲ್ಲಿ ಮ್ಯಾಟ್ ಹೆನ್ಸಿ ಜೊತೆ ಕೆಲ ಕಾಲ ಮಾತನ್ನಾಡಿಸಿದ್ದಾರೆ. ಬಳಿಕ ಕೊಹ್ಲಿ ತಮ್ಮ ಜರ್ಸಿಯನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಅದನ್ನು ಪ್ರೀತಿಯಿಂದ ಮ್ಯಾಟ್ ಹೆನ್ರಿ ಸ್ವೀಕರಿಸಿದ್ದಾರೆ. ಇನ್ನು ಕೊಹ್ಲಿ ಎದುರಿಗೆ ಬಂದಾಗ ಹೆನ್ರಿ ಕೈಕಟ್ಟಿ ನಿಂತಿರೋದು ಕಂಡು ಬಂದಿದೆ. ವಿಡಿಯೋದಲ್ಲಿ ಹೆನ್ರಿ ಅವರನ್ನು ಶ್ಲಾಘಿಸುತ್ತಿರೋದು ಕಂಡುಬಂದಿದೆ.

ಹೇಗಿತ್ತು ಬೌಲಿಂಗ್ ದಾಳಿ?

ಮೊದಲ ಓವರ್‍‌ನ ಆರು ಎಸೆತಗಳಲ್ಲಿ ಮೂರು ವಿಕೆಟ್ ಕಬಳಿಸಿದರು. ಅಲ್ಲದೇ ಮೂರು ವಿಕೆಟ್ ಜೊತೆ ಮೇಡನ್ ಓವರ್ ಮಾಡಿದರು. ಮೊದಲ ಬಾಲ್‌ನಲ್ಲೇ ರೋಹಿತ್ ಶರ್ಮಾ ವಿಕೆಟ್ ಬೀಳಿಸಿದರೆ, ನಂತರ ವಿರಾಟ್ ಕೊಹ್ಲಿ ಹಾಗೂ ಶ್ರೇಯಸ್ ಅಯ್ಯರ್ ಅವರ ವಿಕೆಟ್ ಉರುಳಿಸಿದರು. ಮೂವರನ್ನೂ ಶೂನ್ಯಕ್ಕೆ ಔಟ್ ಮಾಡುವ ಮೂಲಕ ಹೊಸ ದಾಖಲೆ ಬರೆದರು.

ಮೊದಲ ಓವರ್ ಬಳಿಕ.. ಇಶಾನ್ ಕಿಶನ್, ಕುಲ್ದೀಪ್ ಯಾದವ, ಗುರ್ನೂರ್ ಬ್ರಾರ್ ವಿಕೆಟ್ ಪಡೆದು ಮಿಂಚಿದರು.

ಪಂದ್ಯದ ಬಳಿಕ ಏನಂದ್ರು ಹೆನ್ರಿ?

ಭಾರತದ ಸೋಲಿಗೆ ಕಾರಣರಾದ ಹೆನ್ರಿ ಮ್ಯಾನ್ ಆಫ್ ದಿ ಮ್ಯಾಚ್ ಗೌರವಕ್ಕೆ ಪಾತ್ರರಾದರು. ಈ ವೇಳೆ ಅವರನ್ನ ಮಾತನ್ನಾಡಿಸಲಾಯಿತು. ಏಕದಿನ ಕ್ರಿಕೆಟ್‌ನಲ್ಲಿ ಇದು ಅತ್ಯುತ್ತಮ ಆರಂಭಿಕ ಓವರ್‍‌ ಆಗಿತ್ತಾ ಎಂದು ಪ್ರಶ್ನೆ ಮಾಡಲಾಗಿತ್ತು. ಅದಕ್ಕೆ ಉತ್ತರಿಸಿದ ಅವರು, ಇಲ್ಲ ನನಗೆ ಹಾಗೆ ಅನಿಸುತ್ತಿಲ್ಲ. ಖಂಡಿತವಾಗಿಯೂ ಬೇರೆ ಯಾರಾದರೂ ಇದಕ್ಕಿಂತ ಉತ್ತಮವಾದ ಓವರ್ ಮಾಡಿರುತ್ತಾರೆ. ಏಕದಿನ ಕ್ರಿಕೆಟ್‌ನಲ್ಲಿ ಇದಕ್ಕಿಂತ ಉತ್ತಮವಾದ ಸ್ಪೆಲ್‌ಗಳಿವೆ ಅನ್ನೋ ಮೂಲಕ ತಮ್ಮ ಮೇಲಿನ ಹೊಗಳಿಕೆಯನ್ನು ನಯವಾಗಿ ತಳ್ಳಿಹಾಕಿದ್ದಾರೆ. ಅವರ ಹೇಳಿಕೆಯನ್ನ ನ್ಯೂಜಿಲೆಂಡ್ ಕ್ರಿಕೆಟ್‌ ಮಂಡಳಿ ತಮಾಷೆ ಮಾಡಿದೆ. ಮ್ಯಾಟ್ ಹೆನ್ರಿ ಹೊಗಳಿಕೆಯನ್ನ ಸ್ವೀಕರಿಸಲು ನಾವು ಕಾಯುತ್ತಿರುವ 12,477ನೇ ದಿನ ಎಂದು ಗೇಲಿ ಮಾಡಿದೆ.

ಭಾರತ ಈ ಪ್ರವಾಸದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಒಟ್ಟು ಐದು ಏಕದಿನ ಪಂದ್ಯಗಳನ್ನ ಆಡಲಿದೆ. ಈಗಾಗಲೇ ನಾಲ್ಕು ಪಂದ್ಯಗಳು ಮುಕ್ತಾಯ ಆಗಿದೆ. ಮೊದಲ ಎರಡು ಪಂದ್ಯಗಳನ್ನ ಭಾರತ ಗೆದ್ದುಕೊಂಡಿದೆ. ಮೂರನೇ ಪಂದ್ಯ ಮಳೆಯಿಂದ ರದ್ದಾಗಿದೆ. ಇವತ್ತಿನ ಪಂದ್ಯವನ್ನು ನ್ಯೂಜಿಲೆಂಡ್ ವಿನ್ ಆಗಿದೆ. ಕೊನೆಯ ಪಂದ್ಯ ಹೈವೋಲ್ಟೇಜ್‌ನಿಂದ ಕೂಡಿದೆ. ಒಂದು ವೇಳೆ ಕೊನೆಯ ಪಂದ್ಯವನ್ನು ಭಾರತ ಗೆದ್ದರೆ ಏಕದಿನ ಸರಣಿ ನಮ್ಮ ಪಾಲಾಗಲಿದೆ. ನ್ಯೂಜಿಲೆಂಡ್ ಗೆದ್ದರೆ ಸರಣಿ ಸಮಬಲ ಆಗಲಿದೆ.

View this post on Instagram

A post shared by BLACKCAPS (@blackcapsnz)

ಪ್ರಧಾನಿ ಮೋದಿ ಮಾನವೀಯತೆ: ಅಸ್ವಸ್ಥಗೊಂಡ 70ರ ವೃದ್ಧ ಕಾರ್ಯಕರ್ತೆಗೆ ಜ್ಯೂಸ್ ಕೊಟ್ಟು ಉಪಚರಿಸಿದ 'ಪ್ರಧಾನ ಸೇವಕ'!

Sathish Kumar KH — Fri, 13 Nov 2026 19:35:35 +0530

ಮೈಸೂರು (ನ.13): ತಮ್ಮನ್ನು ಸದಾ 'ಪ್ರಧಾನ ಸೇವಕ' ಎಂದು ಕರೆದುಕೊಳ್ಳುವ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಮೈಸೂರಿನಲ್ಲಿ ನಡೆದ ಬೃಹತ್ ಕಾರ್ಯಕ್ರಮದ ವೇಳೆಯೂ ತಮ್ಮ ಸರಳತೆ ಹಾಗೂ ಸ್ಪಂದನಾಶೀಲ ವ್ಯಕ್ತಿತ್ವದ ಮೂಲಕ ಮತ್ತೊಮ್ಮೆ ಜನರ ಹೃದಯ ಗೆದ್ದಿದ್ದಾರೆ. ಪ್ರಧಾನಿ ಮೋದಿ ಅವರು ಕಾಸ್ಮೋಸ್‌ ಪ್ಲಾನಿಟೋರಿಯಂ ಉದ್ಘಾಟನೆಗೆ ಆಗಮಿಸಿದ್ದ ವೇಳೆ ಅಸ್ವಸ್ಥಗೊಂಡ ಬಿಜೆಪಿಯ ಹಿರಿಯ ಮಹಿಳಾ ಕಾರ್ಯಕರ್ತೆಯೊಬ್ಬರಿಗೆ ಸ್ವತಃ ಪ್ರಧಾನಿಗಳೇ ಮುಂದೆ ನಿಂತು ಉಪಚರಿಸಿ ಕಾಳಜಿ ಮೆರೆದ ಅಪರೂಪದ ಘಟನೆ ನಡೆದಿದೆ.

ಕಾರ್ಯಕ್ರಮದಲ್ಲಿ ನಡೆದಿದ್ದೇನು?

ಮೈಸೂರಿನಲ್ಲಿ ನಡೆದ ಕಾಸ್ಮೋಸ್‌ ಪ್ಲಾನಿಟೋರಿಯಂ ಉದ್ಘಾಟನೆ ಕಾರ್ಯಕ್ರಮದಲ್ಲಿ ನಂಜನಗೂಡು ಮೂಲದ 70 ವರ್ಷದ ಬಿಜೆಪಿ ಹಿರಿಯ ಕಾರ್ಯಕರ್ತೆ ಪ್ರೇಮಾ ಕೆ. ಎಂಬುವವರು ಭಾಗವಹಿಸಿದ್ದರು. ಜನದಟ್ಟಣೆ ಹಾಗೂ ಬಿಸಿಲಿನ ತಾಪದಿಂದಾಗಿ ಅವರು ತೀವ್ರ ಅಸ್ವಸ್ಥಗೊಂಡು ಪ್ರಜ್ಞೆ ತಪ್ಪಿ ಬೀಳುವ ಸ್ಥಿತಿಯಲ್ಲಿದ್ದರು. ಇದನ್ನು ಗಮನಿಸಿದ ಪ್ರಧಾನಿ ಮೋದಿ ಅವರು ಕೂಡಲೇ ಅವರ ಬಳಿ ಧಾವಿಸಿದರು. ಅಸ್ವಸ್ಥರಾಗಿದ್ದ ಪ್ರೇಮಾ ಅವರ ಸ್ಥಿತಿಯನ್ನು ಕಂಡು ತಕ್ಷಣವೇ ತಮ್ಮ ವೈದ್ಯಕೀಯ ತಂಡವನ್ನು ಸ್ಥಳಕ್ಕೆ ಕರೆಯಿಸಿದ ಪ್ರಧಾನಿ ಮೋದಿ, ತುರ್ತು ಚಿಕಿತ್ಸೆ ನೀಡುವಂತೆ ಸೂಚಿಸಿದರು. ಅಷ್ಟಕ್ಕೇ ಸುಮ್ಮನಾಗದೆ, ಅವರಿಗೆ ಸ್ವತಃ ಎನರ್ಜಿ ಡ್ರಿಂಕ್ / ಜ್ಯೂಸ್ ತರಿಸಿ ನೀಡಿ, ಅವರ ಬಳಿಯೇ ನಿಂತು ಸಮಾಧಾನಪಡಿಸಿದರು.

ಪ್ರೇಮಾ ಅವರು ಚೇತರಿಸಿಕೊಂಡು ಸುಧಾರಿಸಿಕೊಳ್ಳುವವರೆಗೂ ಅವರ ಜತೆಯಲ್ಲೇ ಇದ್ದ ಪ್ರಧಾನಿಗಳು, 'ಆರೋಗ್ಯವನ್ನು ಚೆನ್ನಾಗಿ ನೋಡಿಕೊಳ್ಳಿ, ಯಾವುದೇ ಆತಂಕ ಬೇಡ' ಎಂದು ಧೈರ್ಯದ ಮಾತುಗಳನ್ನು ಹೇಳಿ ಆ ಬಳಿಕವಷ್ಟೇ ಅಲ್ಲಿಂದ ತೆರಳಿದರು. ಪ್ರಧಾನಿಗಳ ಈ ಅನಿರೀಕ್ಷಿತ ಕಾಳಜಿ ಮತ್ತು ಪ್ರೀತಿಯನ್ನು ಕಂಡು ಹಿರಿಯ ಕಾರ್ಯಕರ್ತೆ ಪ್ರೇಮಾ ಅವರು ಭಾವುಕರಾದರು.

ಗಣ್ಯರ ಸಮ್ಮುಖದಲ್ಲೇ ಮನಕಲಕುವ ಕ್ಷಣ:

ಈ ವಿಶೇಷ ಕ್ಷಣಕ್ಕೆ ಕರ್ನಾಟಕದ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಹಾಗೂ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಸೇರಿದಂತೆ ಹಲವು ಗಣ್ಯರು ಸಾಕ್ಷಿಯಾದರು. ಅಧಿಕಾರ, ಭದ್ರತೆಯ ಕಟ್ಟುಪಾಡುಗಳನ್ನೆಲ್ಲಾ ಬದಿಗೊತ್ತಿ ಸಾಮಾನ್ಯ ವೃದ್ಧ ಕಾರ್ಯಕರ್ತೆಯೊಬ್ಬರ ಆರೋಗ್ಯಕ್ಕೆ ಮೊದಲ ಆದ್ಯತೆ ನೀಡಿದ ಪ್ರಧಾನಿ ನರೇಂದ್ರ ಮೋದಿಯವರ ಈ ಮಾನವೀಯ ನಡೆಗೆ ಸಾರ್ವಜನಿಕರು ಹಾಗೂ ನೆರೆದಿದ್ದ ಜನರಿಂದ ಮೆಚ್ಚುಗೆ ವ್ಯಕ್ತವಾಗಿದೆ.

ಆರೋಗ್ಯ ಸರಿಯಿಲ್ಲದಿದ್ದರೂ ಅಲ್ಲಿ ನಿಂತಿದ್ದೇಕೆ?

ಇನ್ನು ಸಾಮಾಜಿಕ ಜಾಲತಾಣದಲ್ಲಿ ಈ ಕುರಿತು ಹಂಚಿಕೊಳ್ಳಲಾದ ಪೋಸ್ಟ್‌ಗೆ ವಿರೋಧವೂ ವ್ಯಕ್ತವಾಗಿದೆ. ಪ್ರಧಾನಿ ಮೋದಿ ಅವರು ಮಧ್ಯಾಹ್ನದ ನಂತರ ಬರುತ್ತಾರೆ ಎಂಬುದು ಗೊತ್ತಿದ್ದೂ, 70 ವರ್ಷದ ಹಾಗೂ ಆರೋಗ್ಯ ಸರಿಯಾಗಿ ಇಲ್ಲದಿದ್ದರೂ ಅಲ್ಲಿ ಕಾಯುತ್ತಾ ನಿಲ್ಲುವ ಅವಶ್ಯಕತೆ ಏನಿತ್ತು ಎಂದು ಪ್ರಶ್ನೆ ಮಾಡಿದ್ದಾರೆ. ನಿಮ್ಮ ಆರೋಗ್ಯ ಸರಿಯಾಗಿದ್ದು, ಗಟ್ಟುಮುಟ್ಟಾಗಿದ್ದರೆ ಮಾತ್ರ ಅಂತಹ ಕಾರ್ಯಕ್ರಮಕ್ಕೆ ಹೋಗಬೇಕು ಎಂದು ಸಾಮಾಜಿಕ ಜಾಲತಾಣದ ಪೋಸ್ಟ್‌ಗೆ ಕಾಮೆಂಟ್ ಮಾಡಿದ್ದಾರೆ

ಬಿಗ್‌ ಬಾಸ್ ಬೆಡಗಿಗೆ ಥೈರಾಯ್ಡ್ ಕ್ಯಾನ್ಸರ್: ಶಸ್ತ್ರಚಿಕಿತ್ಸೆ ಬಳಿಕ ಆರೋಗ್ಯದ ಬಗ್ಗೆ ನಟಿ ಹೇಳಿದ್ದೇನು?

Govindaraj S — Fri, 13 Nov 2026 19:22:03 +0530

ಬಣ್ಣದ ಲೋಕದಲ್ಲಿ ಮಿಂಚುವ ಕಲಾವಿದರ ಬದುಕಿನಲ್ಲೂ ಅನಿರೀಕ್ಷಿತ ಸವಾಲುಗಳು ಎದುರಾಗುತ್ತವೆ. ತೆರೆಮೇಲೆ ನಗುತ್ತಾ ಪ್ರೇಕ್ಷಕರನ್ನು ರಂಜಿಸುವ ನಟ-ನಟಿಯರು ವೈಯಕ್ತಿಕ ಜೀವನದಲ್ಲಿ ಎಂತಹ ಕಷ್ಟಗಳನ್ನು ಎದುರಿಸುತ್ತಿದ್ದಾರೆ ಎಂಬುದು ಬಹುತೇಕ ಬಾರಿ ಯಾರಿಗೂ ತಿಳಿಯುವುದಿಲ್ಲ. ಇದೀಗ ಬಿಗ್‌ ಬಾಸ್ ಖ್ಯಾತಿಯ ನಟಿ ಮೋನಾಲ್ ಗಜ್ಜರ್ ತಮ್ಮ ಆರೋಗ್ಯದ ವಿಚಾರವನ್ನು ಬಹಿರಂಗಪಡಿಸುವ ಮೂಲಕ ಅಭಿಮಾನಿಗಳಿಗೆ ಶಾಕ್ ನೀಡಿದ್ದಾರೆ. ತಮಗೆ ಥೈರಾಯ್ಡ್ ಕ್ಯಾನ್ಸರ್ ಇರುವುದು ಪತ್ತೆಯಾಗಿದ್ದು, ಇತ್ತೀಚೆಗೆ ಶಸ್ತ್ರಚಿಕಿತ್ಸೆಗೆ ಒಳಗಾಗಿರುವುದಾಗಿ ಅವರು ತಿಳಿಸಿದ್ದಾರೆ.

ತೆಲುಗು ಚಿತ್ರರಂಗದಲ್ಲಿ ನಾಯಕಿಯಾಗಿ ಗುರುತಿಸಿಕೊಂಡಿರುವ ಮೋನಾಲ್ ಗಜ್ಜರ್, ತಮ್ಮ ಅನಾರೋಗ್ಯದ ಕುರಿತು ಸಾಮಾಜಿಕ ಜಾಲತಾಣದಲ್ಲಿ ಭಾವುಕ ಪೋಸ್ಟ್ ಹಂಚಿಕೊಂಡಿದ್ದಾರೆ. ವೈದ್ಯಕೀಯ ಪರೀಕ್ಷೆ ವೇಳೆ ಪಾಪಿಲ್ಲರಿ ಥೈರಾಯ್ಡ್ ಕ್ಯಾನ್ಸರ್ ಇರುವುದು ಪತ್ತೆಯಾದ ಹಿನ್ನೆಲೆಯಲ್ಲಿ ವೈದ್ಯರ ಸಲಹೆಯಂತೆ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡಿರುವುದಾಗಿ ತಿಳಿಸಿದ್ದಾರೆ. ಸಮಾಧಾನಕರ ಸಂಗತಿಯೆಂದರೆ, ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿ ಪೂರ್ಣಗೊಂಡಿದ್ದು, ಸದ್ಯ ಚೇತರಿಸಿಕೊಳ್ಳುತ್ತಿದ್ದಾರೆ.

‘ಆರೋಗ್ಯವನ್ನು ನಿರ್ಲಕ್ಷಿಸಬೇಡಿ’ ಎಂದ ಮೋನಾಲ್

ತಮ್ಮ ಆರೋಗ್ಯದ ಕುರಿತ ವಿಚಾರ ಹಂಚಿಕೊಂಡಿರುವ ಮೋನಾಲ್, ಅಭಿಮಾನಿಗಳಿಗೂ ಆರೋಗ್ಯದ ಬಗ್ಗೆ ಎಚ್ಚರಿಕೆ ನೀಡಿದ್ದಾರೆ. ವೃತ್ತಿಜೀವನದ ಒತ್ತಡ, ವೈಯಕ್ತಿಕ ಬದುಕಿನ ಜಂಜಾಟಗಳ ನಡುವೆ ಆರೋಗ್ಯವನ್ನು ಕಡೆಗಣಿಸಬಾರದು. ದೇಹದಲ್ಲಿ ಯಾವುದೇ ಅಸಹಜ ಲಕ್ಷಣಗಳು ಕಂಡುಬಂದರೆ ತಡಮಾಡದೆ ವೈದ್ಯರನ್ನು ಸಂಪರ್ಕಿಸಬೇಕು. ನಿಯಮಿತವಾಗಿ ಆರೋಗ್ಯ ತಪಾಸಣೆ ಮಾಡಿಸಿಕೊಳ್ಳುವುದು ಅತ್ಯಂತ ಮುಖ್ಯ ಎಂಬ ಸಂದೇಶವನ್ನು ನೀಡಿದ್ದಾರೆ.

ಇದರ ಜೊತೆಗೆ ಗರ್ಭಕಂಠದ ಕ್ಯಾನ್ಸರ್ ತಡೆಗಟ್ಟುವಲ್ಲಿ ಎಚ್‌ಪಿವಿ (HPV) ಲಸಿಕೆಯ ಮಹತ್ವವನ್ನೂ ನೆನಪಿಸಿದ್ದಾರೆ. ತಮ್ಮ ಆರೋಗ್ಯದ ಅನುಭವದ ಮೂಲಕ ಇತರರೂ ಮುನ್ನೆಚ್ಚರಿಕೆ ವಹಿಸಲಿ ಎಂಬ ಉದ್ದೇಶದಿಂದ ಈ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

‘ಸೂಡಿಗಾಡು’ ಮೂಲಕ ತೆಲುಗು ಪ್ರೇಕ್ಷಕರಿಗೆ ಪರಿಚಯ

ಮೋನಾಲ್ ಗಜ್ಜರ್ ತೆಲುಗು ಪ್ರೇಕ್ಷಕರಿಗೆ ಚಿರಪರಿಚಿತ ಮುಖ. ಅಲ್ಲರಿ ನರೇಶ್ ಅಭಿನಯದ ‘ಸೂಡಿಗಾಡು’ ಹಾಗೂ ‘ಬ್ರದರ್ ಆಫ್ ಬೊಮ್ಮಾಳಿ’ ಸಿನಿಮಾಗಳಲ್ಲಿ ನಾಯಕಿಯಾಗಿ ನಟಿಸಿ ಗಮನ ಸೆಳೆದಿದ್ದರು. ಬಳಿಕ ಹಲವು ಚಿತ್ರಗಳಲ್ಲಿ ಅಭಿನಯಿಸುವ ಮೂಲಕ ತಮ್ಮದೇ ಅಭಿಮಾನಿ ಬಳಗವನ್ನು ಸಂಪಾದಿಸಿಕೊಂಡರು. ಬೆಳ್ಳಂಕೊಂಡ ಶ್ರೀನಿವಾಸ್ ನಟನೆಯ ‘ಅಲ್ಲುಡು ಅದೂರ್ಸ್’ ಸಿನಿಮಾದ ವಿಶೇಷ ಹಾಡಿನಲ್ಲೂ ಕಾಣಿಸಿಕೊಂಡಿದ್ದರು.

ಇನ್ನು ತೆಲುಗಿನ ಜನಪ್ರಿಯ ರಿಯಾಲಿಟಿ ಶೋ ‘ಬಿಗ್‌ ಬಾಸ್ ಸೀಸನ್ 4’ರಲ್ಲಿ ಭಾಗವಹಿಸುವ ಮೂಲಕ ಕಿರುತೆರೆ ಪ್ರೇಕ್ಷಕರಿಗೂ ಮತ್ತಷ್ಟು ಹತ್ತಿರವಾಗಿದ್ದರು. ಬಿಗ್‌ ಬಾಸ್ ಮನೆಯಲ್ಲಿನ ತಮ್ಮ ಆಟ ಮತ್ತು ವ್ಯಕ್ತಿತ್ವದ ಮೂಲಕ ಸಾಕಷ್ಟು ಜನಪ್ರಿಯತೆ ಗಳಿಸಿದ್ದರು. ಕ್ಯಾನ್ಸರ್‌ನಂತಹ ಗಂಭೀರ ಆರೋಗ್ಯ ಸವಾಲಿನ ನಡುವೆಯೂ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿ ಮುಗಿಸಿ ಚೇತರಿಸಿಕೊಳ್ಳುತ್ತಿರುವ ಮೋನಾಲ್ ಗಜ್ಜರ್ ಅವರ ಸುದ್ದಿ ಅಭಿಮಾನಿಗಳಿಗೆ ಸಮಾಧಾನ ತಂದಿದೆ. ಅವರು ಆದಷ್ಟು ಬೇಗ ಸಂಪೂರ್ಣವಾಗಿ ಗುಣಮುಖರಾಗಿ ಮತ್ತೆ ಚಿತ್ರರಂಗದಲ್ಲಿ ಸಕ್ರಿಯರಾಗಲಿ ಎಂದು ಅಭಿಮಾನಿಗಳು ಹಾಗೂ ನೆಟ್ಟಿಗರು ಹಾರೈಸುತ್ತಿದ್ದಾರೆ.

ಬಟ್ಟೆ ಮೇಲೆ ಎಣ್ಣೆ ಚೆಲ್ಲಿತೇ? 1-2 ಚಮಚದಷ್ಟು ಪುಡಿ ಉಪ್ಪು ಸಾಕು.. 2 ನಿಮಿಷದಲ್ಲಿ ಕಲೆ ಸಂಪೂರ್ಣ ಮಾಯ

Ashwini HR — Fri, 13 Nov 2026 19:07:00 +0530

How to remove oil stains from clothes: ಬಟ್ಟೆಯ ಮೇಲೆ ಅಡುಗೆ ಎಣ್ಣೆ ಅಥವಾ ಜಿಡ್ಡಿನ ಕಲೆ ಬಿದ್ದಾಗ ಗಾಬರಿಯಾಗುವುದು ಸಹಜ. ಆದರೆ ದುಬಾರಿ ಸ್ಟೇನ್ ರಿಮೂವರ್‌ಗಳಿಲ್ಲದೆಯೇ, ಅಡುಗೆಮನೆಯಲ್ಲಿರುವ ಉಪ್ಪು ಮತ್ತು ಇಸ್ತ್ರಿ ಪೆಟ್ಟಿಗೆಯ ಸಹಾಯದಿಂದ ಕೇವಲ ಎರಡು ನಿಮಿಷಗಳಲ್ಲಿ ಆ ಕಲೆಯನ್ನು ತೆಗೆದುಹಾಕಬಹುದು.

ಎಣ್ಣೆಯ ಕಲೆ ಮಾಯವಾಗಿಸುವ ಸುಲಭ ಉಪಾಯಅಡುಗೆ ಮಾಡುವಾಗ ಅಥವಾ ಊಟ ಮಾಡುವಾಗ ಆಕಸ್ಮಿಕವಾಗಿ ನಮ್ಮ ಇಷ್ಟದ ಅಥವಾ ಹೊಸ ಬಟ್ಟೆಯ ಮೇಲೆ ಎಣ್ಣೆ ಬಿದ್ದರೆ ಬೇಸರವಾಗುವುದು ಸಹಜ. ಎಷ್ಟೇ ಸೋಪ್ ಅಥವಾ ಡಿಟರ್ಜೆಂಟ್ ಹಾಕಿ ತೊಳೆದರೂ ಕೆಲವೊಮ್ಮೆ ಎಣ್ಣೆಯ ಜಿಡ್ಡು ಸಂಪೂರ್ಣವಾಗಿ ಹೋಗುವುದಿಲ್ಲ. ಆದರೆ ಬಟ್ಟೆಯ ಮೇಲೆ ಎಣ್ಣೆ ಬಿದ್ದ ತಕ್ಷಣ ಗಾಬರಿಯಾಗುವ ಅಗತ್ಯವಿಲ್ಲ. ಮನೆಯಲ್ಲಿಯೇ ಇರುವ ವಸ್ತುಗಳನ್ನು ಬಳಸಿ ಕೇವಲ ಎರಡು ನಿಮಿಷಗಳಲ್ಲಿ ಎಣ್ಣೆಯ ಕಲೆಯನ್ನು ಮಾಯವಾಗಿಸುವ ಸುಲಭ ಉಪಾಯ ಇಲ್ಲಿದೆ.

ಬಟ್ಟೆಯ ಮೇಲಿನ ಎಣ್ಣೆ ಕಲೆ ತೆಗೆಯುವ ಸುಲಭ ವಿಧಾನಹಂತ 1: ಕಲೆಯ ಮೇಲೆ ಉಪ್ಪು ಹಾಕಿಬಟ್ಟೆಯ ಮೇಲೆ ಎಲ್ಲಿ ಎಣ್ಣೆ ಬಿದ್ದಿದೆಯೋ ಆ ಭಾಗದ ಮೇಲೆ ತಕ್ಷಣವೇ ಸ್ವಲ್ಪ ಅಡುಗೆ ಉಪ್ಪನ್ನು (Salt) ಉದುರಿಸಿ. ಉಪ್ಪು ಬಟ್ಟೆಯಲ್ಲಿರುವ ಎಣ್ಣೆಯ ಜಿಡ್ಡನ್ನು ಹೀರಿಕೊಳ್ಳಲು ಸಹಾಯ ಮಾಡುತ್ತದೆ.

ಹಂತ 2: ಪೇಪರ್ ಮುಚ್ಚಿ ಇಸ್ತ್ರಿ (Iron) ಮಾಡಿಉಪ್ಪು ಹಾಕಿದ ಭಾಗದ ಮೇಲೆ ಒಂದು ಶುದ್ಧವಾದ ಪೇಪರ್ ಇಟ್ಟು ಮುಚ್ಚಿ (ಮುದ್ರಿತ ಅಕ್ಷರಗಳಿಲ್ಲದ ಬಿಳಿ ಕಾಗದ ಅಥವಾ ಟಿಶ್ಯೂ ಪೇಪರ್ ಬಳಸುವುದು ಉತ್ತಮ). ಬಳಿಕ ಬಟ್ಟೆಯ ಗುಣಮಟ್ಟಕ್ಕೆ ತಕ್ಕ ಉಷ್ಣತೆಯಲ್ಲಿ ಇಸ್ತ್ರಿ ಪೆಟ್ಟಿಗೆಯಿಂದ (Iron Box) ಅದರ ಮೇಲೆ ಸುಮಾರು ಎರಡು ನಿಮಿಷಗಳ ಕಾಲ ಐರನ್ ಮಾಡಿ.

ಫಲಿತಾಂಶಐರನ್ ಮಾಡುವ ಶಾಖದಿಂದ ಬಟ್ಟೆಯಲ್ಲಿ ಅಂಟಿಕೊಂಡಿದ್ದ ಎಣ್ಣೆ ಸಡಿಲಗೊಂಡು, ಉಪ್ಪು ಹಾಗೂ ಪೇಪರ್ ಆ ಜಿಡ್ಡನ್ನು ಹೀರಿಕೊಳ್ಳುತ್ತವೆ. ನಂತರ ಪೇಪರ್ ತೆಗೆದು ಉಪ್ಪನ್ನು ಕೊಡವಿದರೆ, ಬಟ್ಟೆಯ ಮೇಲೆ ಎಣ್ಣೆ ಕಲೆ ಎಂದಿಗೂ ಬಿದ್ದಿರಲೇ ಇಲ್ಲವೇನೋ ಎಂಬಂತೆ ಮಾಯವಾಗಿರುತ್ತದೆ. (ಸೂಚನೆ: ಸಿಲ್ಕ್ ಅಥವಾ ಅತಿ ತೆಳುವಾದ ಬಟ್ಟೆಗಳಾಗಿದ್ದರೆ ಕಡಿಮೆ ಶಾಖದಲ್ಲಿ ಇಸ್ತ್ರಿ ಮಾಡುವುದು ಸುರಕ್ಷಿತ).

ಟಾಲ್ಕಂ ಪೌಡರ್ ಅಥವಾ ಕಾರ್ನ್‌ಸ್ಟಾರ್ಚ್ ಬಳಸಿ (ಐರನ್ ಮಾಡಲು ಸಾಧ್ಯವಾಗದಿದ್ದರೆ)ಸಿಲ್ಕ್ ಅಥವಾ ಅತಿ ಸೂಕ್ಷ್ಮ ಬಟ್ಟೆಗಳ ಮೇಲೆ ಇಸ್ತ್ರಿ ಪೆಟ್ಟಿಗೆ ಬಳಸಲು ಭಯವಾದರೆ, ಮನೆಯಲ್ಲಿರುವ ಟಾಲ್ಕಂ ಪೌಡರ್ (ಬೇಬಿ ಪೌಡರ್) ಅಥವಾ ಕಾರ್ನ್‌ಸ್ಟಾರ್ಚ್ ಉತ್ತಮ ಆಯ್ಕೆಯಾಗಿದೆ. ತಾಜಾ ಎಣ್ಣೆ ಕಲೆಯ ಮೇಲೆ ಸಾಕಷ್ಟು ಪೌಡರ್ ಉದುರಿಸಿ 20 ರಿಂದ 30 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ಪೌಡರ್ ಎಣ್ಣೆಯ ಜಿಡ್ಡನ್ನು ಸಂಪೂರ್ಣವಾಗಿ ಹೀರಿಕೊಳ್ಳುತ್ತದೆ. ನಂತರ ಹಳೆಯ ಮೃದುವಾದ ಬ್ರಷ್‌ನಿಂದ ಪೌಡರ್ ಕೊಡವಿ ಬಟ್ಟೆಯನ್ನು ಎಂದಿನಂತೆ ತೊಳೆಯಿರಿ.

ಎಣ್ಣೆ ಕಲೆ ಬಿದ್ದಾಗ ಈ ತಪ್ಪುಗಳನ್ನು ಮಾಡಬೇಡಿ (ವಿಶೇಷ ಸೂಚನೆ)ತಕ್ಷಣ ನೀರು ಹಾಕಬೇಡಿ: ಬಟ್ಟೆಯ ಮೇಲೆ ಎಣ್ಣೆ ಬಿದ್ದ ತಕ್ಷಣ ಅದರ ಮೇಲೆ ನೇರವಾಗಿ ನೀರು ಸುರಿದು ಉಜ್ಜಬೇಡಿ. ಎಣ್ಣೆ ಮತ್ತು ನೀರು ಬೆರೆಯದ ಕಾರಣ ಕಲೆ ಮತ್ತಷ್ಟು ಹರಡುವ ಸಾಧ್ಯತೆ ಇರುತ್ತದೆ.

ಕಲೆ ಹೋಗದೆ ಒಣಗಿಸಬೇಡಿ: ಎಣ್ಣೆಯ ಕಲೆ ಸಂಪೂರ್ಣವಾಗಿ ಹೋಗಿರುವುದನ್ನು ಖಚಿತಪಡಿಸಿಕೊಳ್ಳದೆ ಬಟ್ಟೆಯನ್ನು ಡ್ರೈಯರ್‌ನಲ್ಲಿ ಅಥವಾ ಬಿರುಬಿಸಿಲಿನಲ್ಲಿ ಒಣಗಿಸಬೇಡಿ. ಹೀಗೆ ಮಾಡಿದರೆ ಕಲೆ ಶಾಶ್ವತವಾಗಿ ಬಟ್ಟೆಯಲ್ಲೇ ಉಳಿದುಬಿಡಬಹುದು.

ನಾಳೆಯಿಂದ ನಮ್ಮ ಮೆಟ್ರೋ 'ಗುಲಾಬಿ ಮಾರ್ಗ' ವಾಣಿಜ್ಯ ಸೇವೆ ಆರಂಭ; ರೈಲು ಸಮಯ, ವೇಳಾಪಟ್ಟಿ ಇಲ್ಲಿದೆ

Sathish Kumar KH — Fri, 13 Nov 2026 19:06:03 +0530

ಬೆಂಗಳೂರು (ನ.13): ಬೆಂಗಳೂರಿನ ಸಾರಿಗೆ ವ್ಯವಸ್ಥೆಗೆ ಮತ್ತೊಂದು ಹೊಸ ಗರಿ ಮೂಡಿದೆ. ಬಹುನಿರೀಕ್ಷಿತ 'ನಮ್ಮ ಮೆಟ್ರೋ' ಗುಲಾಬಿ ಮಾರ್ಗದಲ್ಲಿ (Pink Line) ರೈಲು ಸೇವೆಗಳು ಶನಿವಾರ, ನವೆಂಬರ್ 14ರಿಂದ ಸಾರ್ವಜನಿಕ ಸಂಚಾರಕ್ಕೆ ಮುಕ್ತವಾಗಲಿವೆ ಎಂದು ಬೆಂಗಳೂರು ಮೆಟ್ರೋ ರೈಲು ನಿಗಮ ನಿಯಮಿತ (BMRCL) ಅಧಿಕೃತ ಪ್ರಕಟಣೆಯಲ್ಲಿ ತಿಳಿಸಿದೆ.

ಕಾಳೇನ ಅಗ್ರಹಾರದಿಂದ ಎಸ್.ಜಿ. ಪಾಳ್ಯ (ಸುದ್ದಗುಂಟೆ ಪಾಳ್ಯ) ಮೆಟ್ರೋ ನಿಲ್ದಾಣಗಳ ನಡುವೆ ಈ ನೂತನ ಮಾರ್ಗದಲ್ಲಿ ರೈಲುಗಳು ಸಂಚರಿಸಲಿದ್ದು, ಪ್ರಯಾಣಿಕರ ಅನುಕೂಲಕ್ಕಾಗಿ ವಿವರವಾದ ವೇಳಾಪಟ್ಟಿಯನ್ನು ಬಿಎಂಆರ್‌ಸಿಎಲ್ ಬಿಡುಗಡೆ ಮಾಡಿದೆ.

ಮೆಟ್ರೋ ರೈಲು ಸಂಚಾರದ ವೇಳಾಪಟ್ಟಿ ಹೀಗಿದೆ:

ಸೋಮವಾರ: ವಾರದ ಮೊದಲ ದಿನ ಕಚೇರಿ ಹಾಗೂ ಕಾಲೇಜಿಗೆ ತೆರಳುವ ಪ್ರಯಾಣಿಕರ ದಟ್ಟಣೆಯನ್ನು ಗಮನದಲ್ಲಿಟ್ಟುಕೊಂಡು, ಕಾಳೇನ ಅಗ್ರಹಾರದಿಂದ ಮುಂಜಾನೆ 4:55 ಗಂಟೆಗೆ ಹಾಗೂ ಎಸ್.ಜಿ. ಪಾಳ್ಯದಿಂದ ಬೆಳಗ್ಗೆ 5:00 ಗಂಟೆಗೆ ಮೊದಲ ರೈಲು ಸೇವೆ ಆರಂಭವಾಗಲಿದೆ.

ಮಂಗಳವಾರದಿಂದ ಶನಿವಾರದವರೆಗೆ: ಕಾಳೇನ ಅಗ್ರಹಾರ ಮತ್ತು ಎಸ್.ಜಿ. ಪಾಳ್ಯ ಎರಡೂ ಟರ್ಮಿನಲ್ ನಿಲ್ದಾಣಗಳಿಂದ ಬೆಳಿಗ್ಗೆ 6:00 ಗಂಟೆಗೆ ರೈಲು ಸಂಚಾರ ಆರಂಭವಾಗಲಿದೆ.

ಭಾನುವಾರ: ಭಾನುವಾರದಂದು ಎರಡೂ ನಿಲ್ದಾಣಗಳಿಂದ ಬೆಳಿಗ್ಗೆ 7:00 ಗಂಟೆಯಿಂದ ರೈಲುಗಳು ಕಾರ್ಯಾಚರಣೆ ನಡೆಸಲಿವೆ.

ಕೊನೆಯ ರೈಲಿನ ಸಮಯ (Last Train):

ಪ್ರತಿದಿನ ರಾತ್ರಿ ಕಾಳೇನ ಅಗ್ರಹಾರ ನಿಲ್ದಾಣದಿಂದ 10:50 ಗಂಟೆಗೆ ಮತ್ತು ಎಸ್.ಜಿ. ಪಾಳ್ಯ ಮೆಟ್ರೋ ನಿಲ್ದಾಣದಿಂದ ರಾತ್ರಿ 10:54 ಗಂಟೆಗೆ ಅಂತಿಮ ರೈಲು ಹೊರಡಲಿದೆ.

ಪ್ರತಿ 8 ನಿಮಿಷಕ್ಕೊಂದು ರೈಲು:

ಪೀಕ್ ಅವರ್ಸ್ (ದಟ್ಟಣೆಯ ಅವಧಿ): ಸೋಮವಾರದಿಂದ ಶುಕ್ರವಾರದವರೆಗೆ ಪ್ರಯಾಣಿಕರ ದಟ್ಟಣೆ ಹೆಚ್ಚಿರುವ ಅವಧಿಯಲ್ಲಿ (Peak Hours) ಪ್ರತಿ 8 ನಿಮಿಷಗಳಿಗೊಮ್ಮೆ ರೈಲುಗಳು ಸಂಚರಿಸಲಿವೆ.

ಸಾಮಾನ್ಯ ಅವಧಿ (Off-Peak Hours): ಇತರ ಸಾಮಾನ್ಯ ಸಮಯದಲ್ಲಿ ಕಾಳೇನ ಅಗ್ರಹಾರ ಮತ್ತು ಎಸ್.ಜಿ. ಪಾಳ್ಯ ನಡುವೆ ಪ್ರತಿ 10 ನಿಮಿಷಕ್ಕೊಂದು ರೈಲು ಲಭ್ಯವಿರಲಿದೆ.

ವಾರಾಂತ್ಯ (ಶನಿವಾರ ಮತ್ತು ಭಾನುವಾರ): ವಾರಾಂತ್ಯದ ದಿನಗಳಲ್ಲಿ ದಿನವಿಡೀ ಪ್ರತಿ 10 ನಿಮಿಷಗಳಿಗೊಮ್ಮೆ ರೈಲು ಸೇವೆಗಳು ಕಾರ್ಯಾಚರಣೆ ನಡೆಸಲಿವೆ.

ಗಮನಿಸಿ: ಮುಂಬರುವ ದಿನಗಳಲ್ಲಿ ಪ್ರಯಾಣಿಕರ ಸಂಚಾರ ದಟ್ಟಣೆ ಮತ್ತು ಬೇಡಿಕೆಯನ್ನು ಗಮನದಲ್ಲಿಟ್ಟುಕೊಂಡು ರೈಲು ಸೇವೆಗಳ ಆವರ್ತನವನ್ನು (Frequency) ಮತ್ತಷ್ಟು ಪರಿಷ್ಕರಿಸಲಾಗುವುದು ಎಂದು ಬಿಎಂಆರ್‌ಸಿಎಲ್ ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

ಮೊದಲ ಓವರ್‌ನಲ್ಲೇ ರೋಹಿತ್, ಕೊಹ್ಲಿ, ಶ್ರೇಯಸ್ ಅಯ್ಯರ್ ಶೂನ್ಯಕ್ಕೆ ಔಟ್: ಹೀನಾಯ ಸೋಲಿನ ಬೆನ್ನಲ್ಲೇ ಗೌತಮ್ ಗಂಭೀರ್ ಹೇಳಿದ್ದೇನು?

Naveen Kodase — Fri, 13 Nov 2026 18:53:27 +0530

ಮೌಂಟ್ ಮೌಂಗನುಯಿ(ನ.13): ನ್ಯೂಜಿಲೆಂಡ್ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಭಾರತ ತಂಡ ಕೇವಲ 89 ರನ್‌ಗಳಿಗೆ ಆಲೌಟ್ ಆಗಿರುವುದು ಹೆಡ್ ಕೋಚ್ ಗೌತಮ್ ಗಂಭೀರ್ ಅವರ ಅಸಮಾಧಾನಕ್ಕೆ ಕಾರಣವಾಗಿದೆ. ಪಂದ್ಯ ಮುಗಿದ ಬಳಿಕ ನಡೆದ ಸುದ್ದಿಗೋಷ್ಠಿಯಲ್ಲಿ ಬ್ಯಾಟರ್‌ಗಳ ಪ್ರದರ್ಶನದ ಬಗ್ಗೆ ಮಾತನಾಡಿದ ಗಂಭೀರ್, ಮ್ಯಾಟ್ ಹೆನ್ರಿ ಎಸೆದ ಚೆಂಡುಗಳನ್ನು ಎದುರಿಸುವುದು ಅಸಾಧ್ಯವಾಗಿರಲಿಲ್ಲ. ಬ್ಯಾಟರ್‌ಗಳ ಕಳಪೆ ನಿರ್ವಹಣೆಯೇ ಇಂತಹ ಹೀನಾಯ ಕುಸಿತಕ್ಕೆ ಕಾರಣ ಎಂದು ನೇರವಾಗಿ ಹೇಳಿದ್ದಾರೆ.

ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ ತಂಡ 333 ರನ್‌ಗಳ ಬೃಹತ್ ಮೊತ್ತ ದಾಖಲಿಸಿತ್ತು. ಹೀಗಾಗಿ ಈ ಪಂದ್ಯದಲ್ಲಿ ರನ್‌ಗಳ ಸುರಿಮಳೆಯ ನಿರೀಕ್ಷೆ ಇತ್ತು. ಭಾರತ ತಂಡವೂ ಉತ್ತಮವಾಗಿ ಚೇಸ್ ಮಾಡಿ ಪಂದ್ಯವನ್ನು ಕೊನೆಯ ಹಂತದವರೆಗೆ ಕೊಂಡೊಯ್ಯಬಹುದು ಎಂಬ ನಿರೀಕ್ಷೆಯಿತ್ತು. ಆದರೆ ನ್ಯೂಜಿಲೆಂಡ್ ವೇಗಿ ಮ್ಯಾಟ್ ಹೆನ್ರಿ ಮೊದಲ ಓವರ್‌ನಲ್ಲೇ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಶ್ರೇಯಸ್ ಅಯ್ಯರ್ ಅವರನ್ನು ಶೂನ್ಯಕ್ಕೆ ಔಟ್ ಮಾಡುವ ಮೂಲಕ ಭಾರತಕ್ಕೆ ಆಘಾತ ನೀಡಿದರು.

'ಅನ್‌ಪ್ಲೇಯಬಲ್ ಎಸೆತಗಳು ಎಂಬುದೇ ಇಲ್ಲ'

ಪಂದ್ಯದ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಗೌತಮ್ ಗಂಭೀರ್, ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಎದುರಿಸಲಾಗದ ಎಸೆತಗಳು ಎಂಬುದೇ ಇಲ್ಲ ಎಂದು ಹೇಳಿದ್ದಾರೆ. “ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಅನ್‌ಪ್ಲೇಯಬಲ್ ಎಸೆತಗಳು ಇರುವುದಿಲ್ಲ. ನಾವು ಮೊದಲ 10 ಓವರ್‌ಗಳನ್ನು ಎಚ್ಚರಿಕೆಯಿಂದ ಎದುರಿಸಬೇಕಿತ್ತು. ಮ್ಯಾಟ್ ಹೆನ್ರಿ ಉತ್ತಮ ಜಾಗದಲ್ಲಿ ಬೌಲಿಂಗ್ ಮಾಡಿದರು. ಆದರೆ ನಾವು ಅದನ್ನು ಸಮರ್ಥವಾಗಿ ಎದುರಿಸುವ ಸಾಮರ್ಥ್ಯ ಹೊಂದಿರಬೇಕು. 90ರ ಆಸುಪಾಸಿನಲ್ಲಿ ಆಲೌಟ್ ಆದಾಗ ಖಂಡಿತವಾಗಿಯೂ ಚಿಂತೆ ಉಂಟಾಗುತ್ತದೆ. ಹಿಂದಿನ ಪಂದ್ಯದಲ್ಲೂ ನಾವು ಏಳು ವಿಕೆಟ್ ಕಳೆದುಕೊಂಡಿದ್ದೆವು. ಇದು ಆತಂಕದ ಸಂಗತಿ,” ಎಂದು ಗಂಭೀರ್ ಹೇಳಿದರು.

ಹಿಂದಿನ ಪಂದ್ಯದಲ್ಲೂ 7 ವಿಕೆಟ್ ಕಳೆದುಕೊಂಡಿದ್ದ ಭಾರತ

ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಏಕದಿನ ಪಂದ್ಯವನ್ನೂ ಗಂಭೀರ್ ಇದೇ ಸಂದರ್ಭದಲ್ಲಿ ನೆನಪಿಸಿಕೊಂಡರು. ಆ ಪಂದ್ಯದಲ್ಲಿ ಭಾರತ ಡಿಎಲ್ಎಸ್ ನಿಯಮದಡಿ ಗೆಲುವು ಸಾಧಿಸಿತ್ತಾದರೂ, ಕೇವಲ 111 ರನ್‌ಗಳಿಗೆ 7 ವಿಕೆಟ್ ಕಳೆದುಕೊಂಡಿತ್ತು. ಪದೇಪದೇ ಬ್ಯಾಟಿಂಗ್ ಕ್ರಮಾಂಕ ಕುಸಿಯುತ್ತಿರುವುದು ಕೋಚ್‌ಗೆ ಕಳವಳ ಮೂಡಿಸಿದೆ. “ಕಳೆದ ಪಂದ್ಯದಲ್ಲೂ ನಾವು 111 ರನ್‌ಗಳಿಗೆ 7 ವಿಕೆಟ್ ಕಳೆದುಕೊಂಡಿದ್ದೆವು. ಇದು ಸ್ವಲ್ಪ ಚಿಂತೆಯ ವಿಷಯ. ಇಂತಹ ಪರಿಸ್ಥಿತಿಗಳನ್ನು ಎದುರಿಸಲು ನಾವು ಮಾನಸಿಕವಾಗಿ ಮತ್ತು ಕೌಶಲ್ಯದ ದೃಷ್ಟಿಯಿಂದ ಸಿದ್ಧರಾಗಿರಬೇಕು. ಇಂತಹ ಪಿಚ್‌ಗಳಲ್ಲಿ 35-40 ರನ್‌ಗಳಿಗೆ ವಿಕೆಟ್ ಕಳೆದುಕೊಳ್ಳದೆ ಆರಂಭಿಸುವುದು ಒಳ್ಳೆಯದೇ. ನಮ್ಮ ತಂಡದಲ್ಲಿ ಅನುಭವಿಗಳಿದ್ದಾರೆ. ಕೊನೆಯ ಪಂದ್ಯದಲ್ಲಿ ಪರಿಸ್ಥಿತಿಗೆ ತಕ್ಕಂತೆ ಹೊಂದಿಕೊಳ್ಳುತ್ತೇವೆ ಎಂಬ ಭರವಸೆ ಇದೆ,” ಎಂದು ಗಂಭೀರ್ ಹೇಳಿದ್ದಾರೆ.

ಬೌಲರ್‌ಗಳ ಬೆಂಬಲಕ್ಕೆ ನಿಂತ ಗಂಭೀರ್

ನ್ಯೂಜಿಲೆಂಡ್ ತಂಡ 333 ರನ್ ಗಳಿಸಿದರೂ ಭಾರತದ ಬೌಲಿಂಗ್ ವಿಭಾಗದ ಬಗ್ಗೆ ಗಂಭೀರ್ ಹೆಚ್ಚಿನ ಅಸಮಾಧಾನ ವ್ಯಕ್ತಪಡಿಸಲಿಲ್ಲ. ಬದಲಿಗೆ ಫೀಲ್ಡಿಂಗ್‌ನಲ್ಲಿ ಮಾಡಿದ ತಪ್ಪುಗಳು ತಂಡಕ್ಕೆ ದುಬಾರಿಯಾದವು ಎಂದು ಅಭಿಪ್ರಾಯಪಟ್ಟರು. ಕೆಲವು ಪ್ರಮುಖ ಕ್ಯಾಚ್‌ಗಳನ್ನು ಕೈಚೆಲ್ಲಿದ್ದು ಪಂದ್ಯದ ಮೇಲೆ ಪರಿಣಾಮ ಬೀರಿತು ಎಂದರು. “ಆಕಿಬ್ ನಬಿ ದುರದೃಷ್ಟವಂತರು. ವಿಲ್ ಯಂಗ್ ಅವರ ವಿಕೆಟ್ ಪಡೆದಿದ್ದರೆ ಪಂದ್ಯದ ಚಿತ್ರಣವೇ ಬದಲಾಗಬಹುದಿತ್ತು. ಆದರೆ ಈಗ ಹಿಂದಿರುಗಿ ನೋಡಿದಾಗ ಮಾತ್ರ ಇವೆಲ್ಲವೂ ಅರ್ಥವಾಗುತ್ತದೆ. ನಾವು ಕ್ಯಾಚ್‌ಗಳನ್ನು ಕೈಚೆಲ್ಲಿದ್ದೇವೆ. ಅದಕ್ಕೆ ಬೆಲೆ ತೆರಬೇಕಾಗುತ್ತದೆ. ನಮ್ಮ ಬೌಲಿಂಗ್ ವಿಭಾಗದ ಬಗ್ಗೆ ನಾವೆಲ್ಲರೂ ಹೆಮ್ಮೆಪಡಬೇಕು,” ಎಂದು ಗಂಭೀರ್ ಹೇಳಿದರು.

ನ್ಯೂಜಿಲೆಂಡ್ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಭಾರತದ ಬ್ಯಾಟಿಂಗ್ ವಿಭಾಗದ ವೈಫಲ್ಯ ತಂಡದ ಸಾಮರ್ಥ್ಯದ ಬಗ್ಗೆ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ವಿಶ್ವಕಪ್‌ನಂತಹ ಮಹತ್ವದ ಟೂರ್ನಿಗೆ ಸಿದ್ಧತೆ ನಡೆಸುತ್ತಿರುವ ಸಂದರ್ಭದಲ್ಲಿ ಇಂತಹ ಕುಸಿತಗಳು ಮರುಕಳಿಸದಂತೆ ನೋಡಿಕೊಳ್ಳುವುದು ಗಂಭೀರ್ ಮುಂದಿರುವ ಪ್ರಮುಖ ಸವಾಲಾಗಿದೆ.

ಬೈಕ್ನಲ್ಲಿ ಮಹಿಳೆ ಒಂದೇ ಸೈಡ್ ಕುಳಿತುಕೊಳ್ಳೋದ್ಯಾಕೆ? ಊಹಿಸಲೂ ಸಾಧ್ಯವಿಲ್ಲದ ರೋಚಕ ಇತಿಹಾಸ ತೆರೆದಿಟ್ಟ ಪಾಕ್ ಲೇಡಿ

Suchethana D — Fri, 13 Nov 2026 18:46:32 +0530

ಭಾರತ ಸೇರಿದಂತೆ ದಕ್ಷಿಣ ಏಷ್ಯಾದ ಅನೇಕ ದೇಶಗಳಲ್ಲಿ, ಮಹಿಳೆಯರು ಬೈಕ್ ಅಥವಾ ಸ್ಕೂಟರ್ ಹಿಂಬದಿ ಕುಳಿತಾದ ಎರಡೂ ಕಾಲುಗಳನ್ನು ಒಂದೇ ಬದಿಯಲ್ಲಿ ಇಡುವುದು ಸರ್ವೇ ಸಾಮಾನ್ಯ. ಇದು ತುಂಬಾ ಸಾಮಾನ್ಯವಾದ ದೃಶ್ಯವಾಗಿದ್ದು, ಹೆಚ್ಚಿನ ಜನರು ಇದರ ಹಿಂದಿನ ಕಾರಣವನ್ನು ಅರ್ಥಮಾಡಿಕೊಳ್ಳಲು ಎಂದಿಗೂ ತಲೆಕೆಡಿಸಿಕೊಳ್ಳುವುದಿಲ್ಲ. ಸಾಮಾನ್ಯವಾಗಿ ಸೀರೆ ಹಾಕಿಕೊಂಡಾಗ ಎರಡೂ ಕಡೆ ಕುಳಿತುಕೊಳ್ಳಲು ಸಾಧ್ಯವಿಲ್ಲ. ಇದರ ಹೊರತಾಗಿಯೂ ಕಂಫರ್ಟ್ ಎನ್ನಿಸುವ ಬಟ್ಟೆ ಹಾಕಿದರೂ ಹೆಚ್ಚಾಗಿ ಮಹಿಳೆಯರು ಒಂದೇ ಬದಿಯಲ್ಲಿ ಕುಳಿತುಕೊಳ್ಳುತ್ತಾರೆ. ಕುತೂಹಲಕಾರಿಯಾಗಿ, ಈ ಅಭ್ಯಾಸವು ಯಾವುದೇ ವೈಜ್ಞಾನಿಕ ತತ್ವ ಅಥವಾ ಸುರಕ್ಷತಾ ಮಾನದಂಡಕ್ಕೆ ಸಂಬಂಧಿಸಿಲ್ಲ; ಬದಲಿಗೆ, ಇದರ ಬೇರುಗಳು ಶತಮಾನಗಳಷ್ಟು ಹಳೆಯ ಸಾಮಾಜಿಕ ರೂಢಿಗಳು ಮತ್ತು ವಿದೇಶಿ ಸಾಂಸ್ಕೃತಿಕ ಪ್ರಭಾವಗಳಿಂದ ಬಂದಿದೆ ಎಂದು ಅಧ್ಯಯನ ಬಹಿರಂಗಪಡಿಸಿದೆ. ಪಾಕಿಸ್ತಾನದಾದ್ಯಂತ ಸವಾರಿ ಮಾಡಿದ ಮೊದಲ ಮಹಿಳಾ ಸವಾರ ಜೆನಿತ್ ಇರ್ಫಾನ್ ಈ ಬಗ್ಗೆ ಸಾಕಷ್ಟ ಅಧ್ಯಯನ ಮಾಡಿ ವಿಷಯವನ್ನು ಶೇರ್ ಮಾಡಿಕೊಂಡಿದ್ದಾರೆ.

ಈ ಅಭ್ಯಾಸವು ಯುರೋಪಿಯನ್ ರಾಜ ಸಂಪ್ರದಾಯಕ್ಕೆ ಸಂಬಂಧಿಸಿದೆ!

ಜೆನಿತ್ ಇರ್ಫಾನ್ ಪ್ರಕಾರ, ಮಹಿಳೆಯರು ಬದಿಯಲ್ಲಿ ಕುಳಿತುಕೊಳ್ಳುವ ಅಭ್ಯಾಸವು ದಕ್ಷಿಣ ಏಷ್ಯಾದಲ್ಲಿ ಹುಟ್ಟಿಕೊಂಡಿಲ್ಲ. ಇದರ ಇತಿಹಾಸವು ಮಧ್ಯಕಾಲೀನ ಯುರೋಪಿನ ಹಿಂದಿನದು, ಅಲ್ಲಿ ರಾಜಮನೆತನದ ಮಹಿಳೆಯರು ಎರಡೂ ಕಾಲುಗಳನ್ನು ಬದಿಯಲ್ಲಿಟ್ಟುಕೊಂಡು ಕುದುರೆಯ ಮೇಲೆ ಕುಳಿತುಕೊಳ್ಳುತ್ತಿದ್ದರು. ಆ ದಿನಗಳಲ್ಲಿ, ಮಹಿಳೆಯರು ಪುರುಷರಂತೆ ಸವಾರಿ ಮಾಡುವುದು ಸಾಮಾಜಿಕವಾಗಿ ಅನುಚಿತವೆಂದು ಪರಿಗಣಿಸಲಾಗಿತ್ತು.

ಅಂದಿನಿಂದ, ಸೈಡ್-ಸ್ಯಾಡಲ್ ರೈಡಿಂಗ್ (ಒಂದೇ ಕಡೆ ಕಾಲು ಹಾಕಿ ಕುಳಿತುಕೊಳ್ಳುವುದು) ಅನ್ನು ಮಹಿಳೆಯರು ಸವಾರಿ ಮಾಡಲು ಗೌರವಾನ್ವಿತ ಮತ್ತು ಯೋಗ್ಯವಾದ ಮಾರ್ಗವೆಂದು ಪರಿಗಣಿಸಲಾಗಿತ್ತು. ಬೊಹೆಮಿಯಾದ ಅನ್ನಿ ನಂತಹ ರಾಜಮನೆತನದ ವ್ಯಕ್ತಿಗಳು ಸಹ ದೀರ್ಘ ಪ್ರಯಾಣಗಳಲ್ಲಿ ಈ ರೀತಿಯಲ್ಲಿ ಸವಾರಿ ಮಾಡಿದರು ಎಂದು ಹೇಳಲಾಗುತ್ತದೆ.

ಭಾರತ ಮತ್ತು ದಕ್ಷಿಣ ಏಷ್ಯಾದಲ್ಲಿ ಬ್ರಿಟಿಷ್ ಆಳ್ವಿಕೆ ಬಂದಾಗ, ಅದು ಅನೇಕ ಸಾಮಾಜಿಕ ಅಭ್ಯಾಸಗಳು ಮತ್ತು ಜೀವನಶೈಲಿಗಳನ್ನು ತಂದಿತು. ಕ್ರಮೇಣ, ಮಹಿಳೆಯರು ಒಂದೇ ಪಕ್ಕದಲ್ಲಿ ಕುಳಿತುಕೊಳ್ಳುವ ಅಭ್ಯಾಸವನ್ನು ಸ್ಥಳೀಯ ಸಮಾಜದಲ್ಲಿ ಅಳವಡಿಸಿಕೊಳ್ಳಲಾಯಿತು. ನಂತರ, ಮೋಟಾರ್ ಸೈಕಲ್‌ಗಳು ಮತ್ತು ಸ್ಕೂಟರ್‌ಗಳು ಸಾಮಾನ್ಯವಾದಾಗ, ಈ ಅಭ್ಯಾಸ ವಾಹನಗಳಲ್ಲಿಯೂ ಮುಂದುವರೆಯಿತು. ಕಾಲಾನಂತರದಲ್ಲಿ, ಇದು ಎಷ್ಟು ಸಾಮಾನ್ಯವಾಯಿತು ಎಂದರೆ ತಲೆಮಾರುಗಳಾದ್ಯಂತ ಮಹಿಳೆಯರು ಇದನ್ನು ಪ್ರಶ್ನಾತೀತವಾಗಿ ಅಳವಡಿಸಿಕೊಂಡರು. ಇಂದಿಗೂ, ಈ ದೃಶ್ಯವು ಹಳ್ಳಿಗಳು ಮತ್ತು ದೊಡ್ಡ ನಗರಗಳಲ್ಲಿ ಸಾಮಾನ್ಯವಾಗಿದೆ.

ರಾಣಿ ಲಕ್ಷ್ಮಿಬಾಯಿಯ ಉದಾಹರಣೆಯು ವಿಭಿನ್ನ ಕಥೆಯನ್ನು ಹೇಳುತ್ತದೆ

ಜೆನಿತ್ ಇರ್ಫಾನ್ ಈ ಚರ್ಚೆಯಲ್ಲಿ ರಾಣಿ ಲಕ್ಷ್ಮಿಬಾಯಿಯನ್ನು ಸಹ ಉಲ್ಲೇಖಿಸಿದ್ದಾರೆ. ಭಾರತೀಯ ಇತಿಹಾಸದಲ್ಲಿ ಪುರುಷರಂತೆ ಕುದುರೆಯ ಮೇಲೆ ಹೋರಾಡಿದ ಅನೇಕ ಮಹಿಳೆಯರು ಇದ್ದಾರೆ ಎಂದು ಅವರು ವಿವರಿಸಿದರು. ರಾಣಿ ಲಕ್ಷ್ಮಿಬಾಯಿಯನ್ನು ಶ್ರೇಷ್ಠ ಉದಾಹರಣೆ ಎಂದು ಪರಿಗಣಿಸಲಾಗಿದೆ. ಭಾರತೀಯ ಸಮಾಜದಲ್ಲಿ ಮಹಿಳೆಯರು ಸಾಂಪ್ರದಾಯಿಕವಾಗಿ ತಮ್ಮ ಕಾಲುಗಳನ್ನು ಎರಡೂ ಬದಿಗಳಲ್ಲಿ ಇಟ್ಟುಕೊಂಡು ಸವಾರಿ ಮಾಡಲು ಸಮರ್ಥರಾಗಿದ್ದರು ಎಂದು ಇದು ಸ್ಪಷ್ಟವಾಗಿ ತೋರಿಸುತ್ತದೆ. ಆದಾಗ್ಯೂ, ವಸಾಹತುಶಾಹಿ ಪ್ರಭಾವ ಮತ್ತು ಸಾಮಾಜಿಕ ಗ್ರಹಿಕೆ ಕ್ರಮೇಣ ಪಕ್ಕದಲ್ಲಿ ಕುಳಿತುಕೊಳ್ಳುವ ಚಿತ್ರಣವನ್ನು ಹೆಚ್ಚು ಸ್ವೀಕಾರಾರ್ಹವಾಗಿಸಿತು.

ಆಧುನಿಕ ಕಾಲದಲ್ಲಿ, ಬೈಕ್‌ಗಳು ಮತ್ತು ಸ್ಕೂಟರ್‌ಗಳು ಸಂಪೂರ್ಣವಾಗಿ ವಿಭಿನ್ನ ತಂತ್ರಜ್ಞಾನವನ್ನು ಹೊಂದಿರುವ ವಾಹನಗಳಾಗಿ ಮಾರ್ಪಟ್ಟಿವೆ. ಇದರ ಹೊರತಾಗಿಯೂ, ಅನೇಕ ಮಹಿಳೆಯರು ಇನ್ನೂ ಪಕ್ಕದಲ್ಲಿ ಕುಳಿತುಕೊಳ್ಳಲು ಬಯಸುತ್ತಾರೆ. ಬಟ್ಟೆ ಅನುಕೂಲತೆ, ಸಾಮಾಜಿಕ ಅಭ್ಯಾಸಗಳು, ಕೌಟುಂಬಿಕ ಮೌಲ್ಯಗಳು ಮತ್ತು ಸಭ್ಯತೆಯ ಗ್ರಹಿಕೆಗಳನ್ನು ಇದಕ್ಕೆ ಪ್ರಮುಖ ಕಾರಣಗಳೆಂದು ಪರಿಗಣಿಸಲಾಗುತ್ತದೆ. ಸುರಕ್ಷತಾ ತಜ್ಞರು ಕಾಲುಗಳನ್ನು ಅಗಲಿಸಿ ಕುಳಿತುಕೊಳ್ಳುವುದು ಹೆಚ್ಚು ಸಮತೋಲಿತ ಮತ್ತು ಸುರಕ್ಷಿತ ಎಂದು ನಂಬುತ್ತಾರೆಯಾದರೂ, ಸಾಮಾಜಿಕ ನಡವಳಿಕೆಯು ತಾಂತ್ರಿಕ ಸಲಹೆಗಿಂತ ಹೆಚ್ಚು ಪ್ರಭಾವಶಾಲಿಯಾಗಿದೆ.

ಸಾಮಾಜಿಕ ಮಾಧ್ಯಮದಲ್ಲಿ ಹೊಸ ಚರ್ಚೆ ಪ್ರಾರಂಭವಾಗುತ್ತದೆ

ಜೆನಿತ್ ಇರ್ಫಾನ್ ಅವರ ಮಾಹಿತಿಯನ್ನು ಅನುಸರಿಸಿ, ಸಾಮಾಜಿಕ ಮಾಧ್ಯಮದಲ್ಲಿರುವ ಜನರು ಇಂತಹ ಸಾಮಾನ್ಯವೆಂದು ತೋರುವ ದೈನಂದಿನ ಅಭ್ಯಾಸವು ಶತಮಾನಗಳಷ್ಟು ಹಳೆಯದಾದ ಯುರೋಪಿಯನ್ ಇತಿಹಾಸಕ್ಕೆ ಸಂಬಂಧಿಸಿರಬಹುದು ಎಂದು ಆಶ್ಚರ್ಯ ವ್ಯಕ್ತಪಡಿಸಿದರು. ಇಲ್ಲಿಯವರೆಗೆ ಅವರು ಅದನ್ನು ಭಾರತೀಯ ಸಂಪ್ರದಾಯವೆಂದು ಮಾತ್ರ ಪರಿಗಣಿಸಿದ್ದರು ಎಂದು ಅನೇಕ ಬಳಕೆದಾರರು ಒಪ್ಪಿಕೊಂಡರು. ಈ ಚರ್ಚೆಯು ಇತಿಹಾಸ ಮತ್ತು ಸಾಮಾಜಿಕ ಪ್ರಭಾವಗಳು ನಮ್ಮ ದೈನಂದಿನ ನಡವಳಿಕೆಯನ್ನು ಎಷ್ಟು ಆಳವಾಗಿ ಪ್ರಭಾವಿಸುತ್ತವೆ ಎಂಬುದನ್ನು ಎತ್ತಿ ತೋರಿಸುತ್ತದೆ. ಆಗಾಗ್ಗೆ, ನಾವು ಲಘುವಾಗಿ ತೆಗೆದುಕೊಳ್ಳುವ ಅಭ್ಯಾಸಗಳು ಅವುಗಳ ಹಿಂದೆ ದೀರ್ಘ ಸಾಂಸ್ಕೃತಿಕ ಮತ್ತು ಐತಿಹಾಸಿಕ ಪ್ರಯಾಣವನ್ನು ಹೊಂದಿರುತ್ತವೆ.

ಮರದಿಂದ ಬರುವ ರಬ್ಬರ್ ಹಾಲು ಬೆಳ್ಳಗಿದ್ದರೂ, ವಾಹನಗಳ ಟೈರ್ ಮಾತ್ರ ಕಪ್ಪಾಗಿರೋದು ಏಕೆ? ಇಲ್ಲಿದೆ ಅಸಲಿ ಕಾರಣ!

Sathish Kumar KH — Fri, 13 Nov 2026 18:31:06 +0530

ಮರದಿಂದ ಬರುವ ರಬ್ಬರ್ ಬೆಳ್ಳಗಿರುತ್ತದೆ. ಆದರೆ ಆ ರಬ್ಬರ್‌ನಿಂದ ತಯಾರಾದ ಟೈರ್‌ಗಳು ಮಾತ್ರ ಕಪ್ಪಗಿರುತ್ತವೆ. ಈ ಕಪ್ಪು ಬಣ್ಣ ಹೇಗೆ ಬರುತ್ತದೆ? ಟೈರ್‌ಗಳ ತಯಾರಿಕೆ ಬಗ್ಗೆ ನೀವು ತಿಳಿದುಕೊಂಡರೆ, ಟೈರ್‌ಗಳಿಗೆ ಕಪ್ಪು ಬಣ್ಣ ಬರಲು ಕಾರಣ ಏನೆಂಬುದು ಅರ್ಥವಾಗುತ್ತದೆ.

ನಾವು ಪ್ರತಿದಿನ ರಸ್ತೆಗಳಲ್ಲಿ ಓಡಾಡುವ ಬೈಕ್, ಕಾರು, ಬಸ್, ಲಾರಿಗಳಿಂದ ಹಿಡಿದು ವಿಮಾನದವರೆಗೂ ಪ್ರತಿಯೊಂದು ವಾಹನದಲ್ಲೂ ಕಪ್ಪು ಬಣ್ಣದ ಟೈರ್‌ಗಳನ್ನೇ ನೋಡುತ್ತೇವೆ. ಆದರೆ ಎಂದಾದರೂ ಒಂದು ಪ್ರಶ್ನೆ ನಿಮ್ಮ ತಲೆಯಲ್ಲಿ ಮೂಡಿದೆಯಾ? ರಬ್ಬರ್ ಮರದಿಂದ ತೆಗೆಯುವ ನೈಸರ್ಗಿಕ ರಬ್ಬರ್ (Latex) ಅಪ್ಪಟ ಹಾಲಿನಂತೆ ಬೆಳ್ಳಗಿರುತ್ತದೆ. ಹಾಗಾದರೆ, ಅದರಿಂದ ತಯಾರಾಗುವ ಟೈರ್‌ಗಳು ಮಾತ್ರ ಕಪ್ಪಾಗಿರುವುದು ಏಕೆ? ಇದರ ಹಿಂದೆ ರೋಚಕ ಇತಿಹಾಸ ಹಾಗೂ ಅಷ್ಟೇ ಗಟ್ಟಿ ವೈಜ್ಞಾನಿಕ ಕಾರಣವಿದೆ.

1. ಆರಂಭದಲ್ಲಿ ಟೈರ್‌ಗಳು ಬಿಳಿಯಾಗಿಯೇ ಇದ್ದವು!

ನಿಮಗೆ ಗೊತ್ತಿರಲಿ, ಸುಮಾರು 120 ವರ್ಷಗಳ ಹಿಂದೆ (1900ರ ಆರಂಭದವರೆಗೆ) ಸೈಕಲ್ ಮತ್ತು ಕಾರುಗಳಿಗೆ ಬಳಸುತ್ತಿದ್ದ ಟೈರ್‌ಗಳು ನೈಸರ್ಗಿಕ ಬಿಳಿ ಅಥವಾ ಬೂದು ಬಣ್ಣದಲ್ಲೇ ಇರುತ್ತಿದ್ದವು. ಆದರೆ, ಆ ನೈಸರ್ಗಿಕ ರಬ್ಬರ್ ಟೈರ್‌ಗಳು ಗಟ್ಟಿಯಾಗಿರುತ್ತಿರಲಿಲ್ಲ. ಬಿಸಿಲಿಗೆ ಬೇಗನೆ ಮೆತ್ತಗಾಗುವುದು, ಘರ್ಷಣೆಗೆ ಸವೆದು ಹೋಗುವುದು ಹಾಗೂ ಕೆಲವೇ ನೂರು ಕಿಲೋಮೀಟರ್‌ಗಳಲ್ಲೇ ಬಿರುಕು ಬಿಟ್ಟು ಹಾಳಾಗುತ್ತಿದ್ದವು.

2. 'ಕಾರ್ಬನ್ ಬ್ಲ್ಯಾಕ್' ಎಂಬ ಮ್ಯಾಜಿಕ್ ಪದಾರ್ಥ:

ಟೈರ್‌ಗಳು ದೀರ್ಘ ಬಾಳಿಕೆ ಬರುವಂತೆ ತಯಾರಿಸುವ ನಿಟ್ಟಿನಲ್ಲಿ ವಿಜ್ಞಾನಿಗಳು ಸಂಶೋಧನೆ ನಡೆಸಿದರು. ಈ ವೇಳೆ ಕಾರ್ಬನ್ ಬ್ಲಾಕ್ ಎಂಬ ಕಪ್ಪು ಪುಡಿಯನ್ನು ರಬ್ಬರ್‌ನಲ್ಲಿ ಬೆರೆಸಲು ಆರಂಭಿಸಿದರು. ಇದನ್ನು ಪೆಟ್ರೋಲಿಯಂ ಉತ್ಪನ್ನಗಳನ್ನು ನಿಯಂತ್ರಿತ ಪರಿಸ್ಥಿತಿಗಳಲ್ಲಿ ಅಪೂರ್ಣವಾಗಿ ಸುಡುವುದರ ಮೂಲಕ ತಯಾರಿಸುತ್ತಾರೆ. 1910ರಲ್ಲಿ ಬಿಎಫ್ ಗುಡ್‌ರಿಚ್ ಕಂಪನಿ ಟೈರ್‌ಗಳ ತಯಾರಿಕೆಯಲ್ಲಿ ಕಾರ್ಬನ್ ಬ್ಲಾಕ್ ಬಳಸಲು ಆರಂಭಿಸಿತು.

ಈ ಕಾರ್ಬನ್ ಕಪ್ಪು ಪುಡಿಯಾಗಿದ್ದು, ಇದನ್ನು ಬಿಳಿ ರಬ್ಬರ್ ಜೊತೆ ಸೇರಿಸಿ ಕರಗಿಸಿದಾಗ ಇಡೀ ರಬ್ಬರ್ ಸಂಪೂರ್ಣ ಕಪ್ಪು ಬಣ್ಣಕ್ಕೆ ತಿರುಗುತ್ತದೆ.

ಟೈರ್‌ಗೆ ಕಾರ್ಬನ್ ಬ್ಲ್ಯಾಕ್ ಸೇರಿಸುವುದರಿಂದ ಆಗುವ ಲಾಭಗಳೇನು?

ಅದ್ಭುತ ಶಕ್ತಿ ಮತ್ತು ಬಾಳಿಕೆ: ಕಾರ್ಬನ್ ಬ್ಲ್ಯಾಕ್ ಸೇರಿಸುವುದರಿಂದ ರಬ್ಬರ್‌ನ ಶಕ್ತಿ ಮತ್ತು ಬಾಳಿಕೆ ನೂರಾರು ಪಟ್ಟು ಹೆಚ್ಚಾಗುತ್ತದೆ. ಸಾಮಾನ್ಯ ಬಿಳಿ ಟೈರ್‌ಗಳು ಕೇವಲ 5,000 ಕಿ.ಮೀ ಓಡಿದರೆ, ಕಾರ್ಬನ್ ಬೆರೆಸಿದ ಕಪ್ಪು ಟೈರ್‌ಗಳು 50,000 ರಿಂದ 80,000 ಕಿ.ಮೀ ವರೆಗೂ ಸವೆಯದೆ ಓಡುತ್ತವೆ.

ಶಾಖ ನಿಯಂತ್ರಣ (Heat Dissipation): ವಾಹನ ವೇಗವಾಗಿ ಚಲಿಸುವಾಗ ರಸ್ತೆ ಮತ್ತು ಟೈರ್ ನಡುವಿನ ಘರ್ಷಣೆಯಿಂದ ವಿಪರೀತ ಶಾಖ ಉತ್ಪತ್ತಿಯಾಗುತ್ತದೆ. ಕಾರ್ಬನ್ ಬ್ಲ್ಯಾಕ್ ಈ ಶಾಖವನ್ನು ತನ್ನಲ್ಲೇ ಹಿಡಿದಿಟ್ಟುಕೊಳ್ಳದೆ ಹೊರಹಾಕಲು (Cool down) ಸಹಾಯ ಮಾಡುತ್ತದೆ, ಇದರಿಂದ ಟೈರ್ ಬ್ಲಾಸ್ಟ್ ಆಗುವುದು ತಪ್ಪುತ್ತದೆ.

ಯುವಿ ಕಿರಣಗಳಿಂದ ರಕ್ಷಣೆ: ಸೂರ್ಯನಿಂದ ಬರುವ ನೇರಳಾತೀತ (UV) ಕಿರಣಗಳು ನೈಸರ್ಗಿಕ ರಬ್ಬರ್ ಅನ್ನು ಬೇಗನೆ ಒಣಗಿಸಿ ಬಿರುಕು ಬಿಡುವಂತೆ ಮಾಡುತ್ತವೆ. ಕಾರ್ಬನ್ ಬ್ಲ್ಯಾಕ್ ಈ ಯುವಿ ಕಿರಣಗಳನ್ನು ಹೀರಿಕೊಂಡು ರಬ್ಬರ್ ಹಾಳಾಗದಂತೆ ತಡೆಯುತ್ತದೆ.

ಕೇವಲ ನೋಡಲು ಸುಂದರವಾಗಿರಲಿ ಎಂದಲ್ಲ, ವಾಹನ ಸವಾರರ ಗರಿಷ್ಠ ಸುರಕ್ಷತೆ ಮತ್ತು ದೀರ್ಘಕಾಲದ ಬಾಳಿಕೆಗಾಗಿ ಪ್ರಪಂಚದಾದ್ಯಂತ ಎಲ್ಲ ಟೈರ್‌ಗಳನ್ನು ಕಪ್ಪು ಬಣ್ಣದಲ್ಲೇ ತಯಾರಿಸಲಾಗುತ್ತದೆ.

ಆಟೋಗಳ ಮೇಲೂ ವಸಂತಾ ಫೋಟೋ, ಮೊಬೈಲ್‌ಗಳಲ್ಲಿ ‘ಪ್ರೇಮದ ಊರಲಿ’ ಹಾಡು: ರಮಿಕಾ ಫುಲ್ ಖುಷ್

Govindaraj S — Fri, 13 Nov 2026 18:31:04 +0530

ಕನ್ನಡ ಚಿತ್ರರಂಗದಲ್ಲಿ ಒಂದು ಸಿನಿಮಾ ಗೆಲ್ಲುವುದೇ ಸವಾಲಾಗಿರುವ ಇಂದಿನ ಕಾಲಘಟ್ಟದಲ್ಲಿ, ಯಾವುದೇ ದೊಡ್ಡ ಮಟ್ಟದ ಪ್ರಚಾರದ ಅಬ್ಬರವಿಲ್ಲದೆ ಪ್ರೇಕ್ಷಕರ ಮನಸ್ಸು ಗೆದ್ದು ಮುನ್ನುಗ್ಗಿರುವ ಸಿನಿಮಾ ‘ಪ್ರೇಮದ ಊರಲಿ’. ಕೇವಲ 60 ಶೋಗಳ ಮೂಲಕ ತನ್ನ ಪಯಣ ಆರಂಭಿಸಿದ ಈ ಚಿತ್ರ, ದಿನದಿಂದ ದಿನಕ್ಕೆ ಪ್ರೇಕ್ಷಕರ ಬೆಂಬಲ ಹೆಚ್ಚಿಸಿಕೊಂಡು 100ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಪ್ರದರ್ಶನ ಕಂಡಿದೆ. ಇದೀಗ ಯಶಸ್ವಿಯಾಗಿ 50 ದಿನಗಳನ್ನು ಪೂರೈಸಿ ಚಿತ್ರತಂಡ ಸಂಭ್ರಮದಲ್ಲಿದೆ.

ಕಥೆಯ ಬಲವನ್ನೇ ನಂಬಿ ಚಿತ್ರಮಂದಿರಕ್ಕೆ ಬಂದ ‘ಪ್ರೇಮದ ಊರಲಿ’ಗೆ ಪ್ರೇಕ್ಷಕರು ನಿರೀಕ್ಷೆಗೂ ಮೀರಿದ ಪ್ರೀತಿ ನೀಡಿದ್ದಾರೆ. ಪ್ಯಾನ್ ಇಂಡಿಯಾ ಪ್ರಚಾರದ ಅಬ್ಬರವಿಲ್ಲದೆ, ಕನ್ನಡದ ನೆಲದ ಕಥೆಯ ಮೂಲಕವೇ ಗಮನ ಸೆಳೆದ ಈ ಸಿನಿಮಾ ₹100 ಕೋಟಿ ಕ್ಲಬ್ ಸೇರಿದೆ ಎಂಬ ಹೆಗ್ಗಳಿಕೆಯನ್ನೂ ತನ್ನದಾಗಿಸಿಕೊಂಡಿದೆ. ಚಿತ್ರದ ಈ ಅಭೂತಪೂರ್ವ ಯಶಸ್ಸಿನ ಹಿಂದೆ ಪ್ರೇಕ್ಷಕರ ಪ್ರೀತಿಯೇ ದೊಡ್ಡ ಶಕ್ತಿಯಾಗಿದೆ.

ಈ ಸಂಭ್ರಮದ ನಡುವೆ ಸಿನಿಮಾದಲ್ಲಿ ವಸಂತಾ ಪಾತ್ರದ ಮೂಲಕ ಪ್ರೇಕ್ಷಕರ ಮನ ಗೆದ್ದಿರುವ ನಟಿ ರಮಿಕಾ ಶಿವು ತಮ್ಮ ಸಂತಸವನ್ನು ಹಂಚಿಕೊಂಡಿದ್ದಾರೆ. ಮೊದಲ ಸಿನಿಮಾದಲ್ಲೇ ಇಷ್ಟೊಂದು ಪ್ರೀತಿ ಸಿಗುತ್ತದೆ ಎಂದು ತಾವು ಊಹಿಸಿರಲಿಲ್ಲ ಎಂಬ ಅವರು, ಪ್ರೇಕ್ಷಕರ ಪ್ರತಿಕ್ರಿಯೆ ಕಂಡು ಭಾವುಕರಾಗಿದ್ದಾರೆ.

ನಮ್ಮ ಗೆಲುವನ್ನು ಹೆಚ್ಚು ಸಂಭ್ರಮಿಸುತ್ತಿದ್ದೀರಿ

'ನಿಜಕ್ಕೂ ಇಷ್ಟು ಪ್ರೀತಿಯನ್ನು ನಾವು ಯಾರೂ ನಿರೀಕ್ಷೆ ಮಾಡಿರಲಿಲ್ಲ. ನಮ್ಮ ಗೆಲುವಿಗಿಂತ ನೀವೇ ನಮ್ಮ ಗೆಲುವನ್ನು ಹೆಚ್ಚು ಸಂಭ್ರಮಿಸುತ್ತಿದ್ದೀರಿ. ‘ನಮ್ಮ ಸಿನಿಮಾ, ನಮ್ಮ ಕನ್ನಡ ಸಿನಿಮಾ’ ಎಂದು ನಮ್ಮನ್ನು ತಲೆಯ ಮೇಲೆ ಹೊತ್ತು ಮೆರೆಯುತ್ತಿದ್ದೀರಿ. ಇದನ್ನು ನೋಡಿದಾಗ ತುಂಬಾ ಖುಷಿಯಾಗುತ್ತದೆ' ಎಂದು ರಮಿಕಾ ಹೇಳಿದ್ದಾರೆ.

ಇನ್ನು ಸಿನಿಮಾದ ಪಾತ್ರಗಳು ಪ್ರೇಕ್ಷಕರ ಮನಸ್ಸಿನಲ್ಲಿ ಎಷ್ಟು ಆಳವಾಗಿ ಬೇರೂರಿವೆ ಎಂಬುದಕ್ಕೂ ರಮಿಕಾ ಒಂದು ಸುಂದರ ಉದಾಹರಣೆ ನೀಡಿದ್ದಾರೆ. ಜನರು ತಮ್ಮನ್ನು ರಮಿಕಾ ಎಂದು ಕರೆಯುವ ಬದಲು ವಸಂತಾ ಎಂದೇ ಗುರುತಿಸುತ್ತಿರುವುದು ಅವರಿಗೆ ವಿಶೇಷ ಸಂತಸ ತಂದಿದೆಯಂತೆ. ವಸಂತ, ರುಕ್ಕು, ಸಂತು, ನಾಗಣ್ಣ ಎಂದು ಪಾತ್ರಗಳ ಹೆಸರಿನಿಂದಲೇ ಕಲಾವಿದರನ್ನು ಕರೆಯುತ್ತಿರುವುದು ಚಿತ್ರಕ್ಕೆ ಸಿಕ್ಕಿರುವ ಜನಪ್ರಿಯತೆಯನ್ನು ತೋರಿಸುತ್ತದೆ.

ಕೈ-ಕಾಲು ನಡುಗಲು ಶುರುವಾಗಿತ್ತು

'ಇದು ನನ್ನ ಮೊದಲ ಸಿನಿಮಾ. ಮೊದಲ ಬಾರಿಗೆ ಚಿತ್ರಮಂದಿರಕ್ಕೆ ಹೋದಾಗ ಜನರು ನಮ್ಮನ್ನು ನೋಡಿದ ರೀತಿ, ತೋರಿಸಿದ ಪ್ರೀತಿ ಕಂಡು ನಂಬುವುದಕ್ಕೇ ಆಗಲಿಲ್ಲ. ಕೈ-ಕಾಲು ನಡುಗಲು ಶುರುವಾಗಿತ್ತು. ಮೊದಲ ಸಿನಿಮಾಕ್ಕೆ ಇಷ್ಟೊಂದು ಪ್ರೀತಿ ಕೊಟ್ಟಿದ್ದೀರಿ. ಸಿನಿಮಾ 50 ದಿನ ಪೂರೈಸಿದೆ. ಯಾರ ಫೋನ್ ನೋಡಿದರೂ ‘ಪ್ರೇಮದ ಊರಲಿ’ ಹಾಡು ಕೇಳಿಸುತ್ತಿರುತ್ತದೆ. ಆಟೋಗಳ ಮೇಲೂ ವಸಂತಾ ಪಾತ್ರದ ಫೋಟೋ ನೋಡಿದಾಗ ಸಿಕ್ಕಾಪಟ್ಟೆ ಖುಷಿಯಾಗುತ್ತದೆ' ಎಂದು ತಮ್ಮ ಅನುಭವವನ್ನು ನೆನಪಿಸಿಕೊಂಡಿದ್ದಾರೆ.

ವಿಶೇಷವಾಗಿ ಉತ್ತರ ಕರ್ನಾಟಕದ ಪ್ರೇಕ್ಷಕರನ್ನು ಭೇಟಿಯಾಗುವ ಆಸೆಯನ್ನು ರಮಿಕಾ ವ್ಯಕ್ತಪಡಿಸಿದ್ದಾರೆ. ಆದರೆ, ಕೆಲವು ಕಾರಣಗಳಿಂದಾಗಿ ಇದುವರೆಗೆ ಅಲ್ಲಿಗೆ ಭೇಟಿ ನೀಡಲು ಸಾಧ್ಯವಾಗಿಲ್ಲವಂತೆ. ಆದರೂ, ಶೀಘ್ರದಲ್ಲೇ ಉತ್ತರ ಕರ್ನಾಟಕದ ಜನರ ಮುಂದೆ ಬರುವುದಾಗಿ ಭರವಸೆ ನೀಡಿದ್ದಾರೆ.

ಇನ್ನು ಕೇವಲ 60 ಶೋಗಳಿಂದ ಆರಂಭವಾದ ‘ಪ್ರೇಮದ ಊರಲಿ’ಯ ಪಯಣ 50 ದಿನಗಳ ಸಂಭ್ರಮದವರೆಗೆ ತಲುಪಿರುವುದು ಕನ್ನಡ ಚಿತ್ರರಂಗಕ್ಕೆ ಖುಷಿಯ ವಿಚಾರ. ಅದರಲ್ಲೂ ಮೊದಲ ಸಿನಿಮಾದಲ್ಲೇ ವಸಂತಾ ಪಾತ್ರದ ಮೂಲಕ ಜನರ ಮನಸ್ಸಿನಲ್ಲಿ ಸ್ಥಾನ ಪಡೆದಿರುವ ರಮಿಕಾ ಶಿವು ಅವರಿಗೆ ಈ ಯಶಸ್ಸು ಮರೆಯಲಾಗದ ಅನುಭವವಾಗಿ ಉಳಿಯಲಿದೆ.

ಆಯುಷ್ಮಾನ್ ಕಾರ್ಡ್ ಇದ್ದರೂ 112 ಕಾಯಿಲೆಗಳಿಗೆ ಖಾಸಗಿ ಆಸ್ಪತ್ರೆಗಳಲ್ಲಿ ಉಚಿತ ಚಿಕಿತ್ಸೆ ಸಿಗಲ್ಲ! ಡಿಸೆಂಬರ್ 1ರಿಂದ ಹೊಸ ರೂಲ್ಸ್?

Pavna Das — Fri, 13 Nov 2026 18:29:15 +0530

ಆಯುಷ್ಮಾನ್ ಭಾರತ್ ಯೋಜನೆಯ ನಿಯಮಗಳಲ್ಲಿ ಮಹತ್ವದ ಬದಲಾವಣೆ

ಕೇಂದ್ರ ಸರ್ಕಾರದ ಮಹತ್ವಾಕಾಂಕ್ಷೆಯ 'ಆಯುಷ್ಮಾನ್ ಭಾರತ್ ಪ್ರಧಾನಮಂತ್ರಿ ಜನ ಆರೋಗ್ಯ ಯೋಜನೆ' (AB-PMJAY) ನಿಯಮಗಳಲ್ಲಿ ದೊಡ್ಡ ಬದಲಾವಣೆಯಾಗುವ ಸಾಧ್ಯತೆಯಿದೆ. ಈ ನಿರ್ಧಾರದಿಂದ ಇದುವರೆಗೆ ಖಾಸಗಿ ಆಸ್ಪತ್ರೆಗಳಲ್ಲಿ ಉಚಿತ ಚಿಕಿತ್ಸೆ ಪಡೆಯುತ್ತಿದ್ದ ಫಲಾನುಭವಿಗಳ ಮೇಲೆ ನೇರ ಪರಿಣಾಮ ಬೀರಲಿದೆ. ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರ (NHA) ಸಿದ್ಧಪಡಿಸಿರುವ ಹೊಸ ಪ್ರಸ್ತಾವನೆಯ ಪ್ರಕಾರ, ಇನ್ನು ಮುಂದೆ 112 ಕಾಯಿಲೆಗಳು ಮತ್ತು ಶಸ್ತ್ರಚಿಕಿತ್ಸೆಗಳಿಗೆ ಸಂಬಂಧಿಸಿದ ಚಿಕಿತ್ಸಾ ಪ್ಯಾಕೇಜ್‌ಗಳನ್ನು ಸರ್ಕಾರಿ ಆಸ್ಪತ್ರೆಗಳಿಗೆ ಮಾತ್ರ ಮೀಸಲಿಡಲು ಉದ್ದೇಶಿಸಲಾಗಿದೆ. ಈ ಪ್ಯಾಕೇಜ್‌ಗಳನ್ನು ಖಾಸಗಿ ಆಸ್ಪತ್ರೆಗಳ ಪಟ್ಟಿಯಿಂದ ತೆಗೆದುಹಾಕುವ ಪ್ರಸ್ತಾಪವಿದೆ. ಅಂದರೆ, ಈ 112 ಕಾಯಿಲೆಗಳಿಗೆ ಆಯುಷ್ಮಾನ್ ಭಾರತ್ ಯೋಜನೆಯಡಿ ಉಚಿತ ಚಿಕಿತ್ಸೆ ಪಡೆಯಲು ಫಲಾನುಭವಿಗಳು ಸರ್ಕಾರಿ ಆಸ್ಪತ್ರೆಗಳನ್ನೇ ಅವಲಂಬಿಸಬೇಕಾಗಬಹುದು.

ಈ ಹಿಂದೆ 23 ಪ್ಯಾಕೇಜ್‌ಗಳು ಮೀಸಲಾಗಿದ್ದವು, ಈಗ ಮತ್ತೆ 89 ಸೇರ್ಪಡೆ!

ಆಯುಷ್ಮಾನ್ ಭಾರತ್ ಯೋಜನೆಯಲ್ಲಿ ಸರ್ಕಾರಿ ಆಸ್ಪತ್ರೆಗಳಿಗೆ ಕೆಲವು ಚಿಕಿತ್ಸಾ ಪ್ಯಾಕೇಜ್‌ಗಳನ್ನು ಮೀಸಲಿಡುವ ವ್ಯವಸ್ಥೆ ಈಗಾಗಲೇ ಜಾರಿಯಲ್ಲಿದೆ. ಆದರೆ ಇದೀಗ ಈ ಪಟ್ಟಿಯ ವ್ಯಾಪ್ತಿಯನ್ನು ಮತ್ತಷ್ಟು ವಿಸ್ತರಿಸಲು ನಿರ್ಧರಿಸಲಾಗಿದೆ. ಇದುವರೆಗೆ ಈ ಯೋಜನೆಯಡಿ ಕೇವಲ 23 ಕಾಯಿಲೆಗಳ ಚಿಕಿತ್ಸಾ ಪ್ಯಾಕೇಜ್‌ಗಳನ್ನು ಸರ್ಕಾರಿ ಆಸ್ಪತ್ರೆಗಳಿಗೆ ಮಾತ್ರ ಮೀಸಲಿಡಲಾಗಿತ್ತು. ಇದೀಗ ಹೊಸ ಪ್ರಸ್ತಾವನೆಯಂತೆ ಹೆಚ್ಚುವರಿಯಾಗಿ 89 ಪ್ಯಾಕೇಜ್‌ಗಳನ್ನು ಈ ಪಟ್ಟಿಗೆ ಸೇರಿಸಲು ಉದ್ದೇಶಿಸಲಾಗಿದೆ. ಹೀಗಾಗಿ ಒಟ್ಟು 112 ಕಾಯಿಲೆಗಳು ಮತ್ತು ಶಸ್ತ್ರಚಿಕಿತ್ಸೆಗಳ ಚಿಕಿತ್ಸೆಯು ಸರ್ಕಾರಿ ಆಸ್ಪತ್ರೆಗಳಿಗೆ ಮಾತ್ರ ಸೀಮಿತವಾಗಲಿದೆ.

ಈ ಪಟ್ಟಿಯಲ್ಲಿ ಸ್ತ್ರೀರೋಗ, ಸಾಮಾನ್ಯ ಶಸ್ತ್ರಚಿಕಿತ್ಸೆ, ಮಾನಸಿಕ ಆರೋಗ್ಯ, ಜನರಲ್ ಮೆಡಿಸಿನ್, ಮೂಳೆ ಚಿಕಿತ್ಸೆ (ಆರ್ಥೋಪೆಡಿಕ್ಸ್), ಇಎನ್‌ಟಿ (ಕಿವಿ, ಮೂಗು, ಗಂಟಲು) ಹಾಗೂ ನೇತ್ರ ಚಿಕಿತ್ಸಾ ವಿಭಾಗಗಳಿಗೆ ಸಂಬಂಧಿಸಿದ ಹಲವು ಪ್ರಮುಖ ಕಾಯಿಲೆಗಳು ಸೇರಿವೆ. ಇವುಗಳಲ್ಲಿ ಡೇ-ಕೇರ್ ಚಿಕಿತ್ಸೆಗಳಿಂದ ಹಿಡಿದು ದೊಡ್ಡ ಶಸ್ತ್ರಚಿಕಿತ್ಸೆಗಳವರೆಗಿನ ಪ್ಯಾಕೇಜ್‌ಗಳೂ ಇವೆ.

ಇನ್ಮುಂದೆ ಸರ್ಕಾರಿ ಆಸ್ಪತ್ರೆಗಳಲ್ಲಿ ಮಾತ್ರ ಚಿಕಿತ್ಸೆ ಸಿಗಲಿರುವ ಪ್ರಮುಖ ಕಾಯಿಲೆಗಳು ಯಾವುವು?

1. ಕಣ್ಣಿನ ಕಾಯಿಲೆಗಳು: ಮೋತಿಬಿಂದು (Cataract) ಶಸ್ತ್ರಚಿಕಿತ್ಸೆ, ಗ್ಲುಕೋಮಾ ಅಥವಾ ಕಪ್ಪು ಮೋತಿಬಿಂದು (Glaucoma) ಶಸ್ತ್ರಚಿಕಿತ್ಸೆ.

2. ಮಹಿಳೆಯರಿಗೆ ಸಂಬಂಧಿಸಿದ ಕಾಯಿಲೆಗಳು: ಹೈ ರಿಸ್ಕ್ ಹೆರಿಗೆ (High Risk Delivery), ಗರ್ಭಕೋಶ ತೆಗೆಯುವ ಶಸ್ತ್ರಚಿಕಿತ್ಸೆ (Hysterectomy), ವೈದ್ಯಕೀಯ ಗರ್ಭಪಾತ (MTP).

3. ಹೊಟ್ಟೆ ಮತ್ತು ಲಿವರ್‌ಗೆ ಸಂಬಂಧಿಸಿದ ಕಾಯಿಲೆಗಳು: ಮದ್ಯಪಾನದಿಂದ ಉಂಟಾಗುವ ಲಿವರ್ ಕಾಯಿಲೆ (Alcoholic Liver Disease), ಹೆಪಟೈಟಿಸ್ (Hepatitis), ಮೇದೋಜೀರಕ ಗ್ರಂಥಿಯ ಉರಿಯೂತ (Pancreatitis), ಅತಿಸಾರ (Diarrhea)

4. ಶಸ್ತ್ರಚಿಕಿತ್ಸೆ ಮತ್ತು ಇತರ ಆರೋಗ್ಯ ಸಮಸ್ಯೆಗಳು: ಫಿಸ್ಟುಲಾ ಅಥವಾ ಭಗಂದರ (Fistula), ಸಿಸ್ಟ್ ಅಥವಾ ಗಂಟು (Cyst), ಬಯಾಪ್ಸಿ (Biopsy), ತೀವ್ರ ರಕ್ತಹೀನತೆ (Severe Anaemia)

5. ಋತುಮಾನಕ್ಕೆ ಸಂಬಂಧಿಸಿದ ಮತ್ತು ಉಸಿರಾಟದ ಕಾಯಿಲೆಗಳು: ಮಲೇರಿಯಾ (Malaria), ಚಿಕೂನ್‌ಗುನ್ಯಾ (Chikungunya), ತೀವ್ರ ಬ್ರಾಂಕೈಟಿಸ್ (Acute Bronchitis)

6. ಮಾನಸಿಕ ಆರೋಗ್ಯ ಸಮಸ್ಯೆಗಳು: ಒತ್ತಡ ನಿರ್ವಹಣೆ (Stress Management), ಆತಂಕದ ಸಮಸ್ಯೆ (Anxiety), ಮೂಡ್ ಡಿಸಾರ್ಡರ್ (Mood Disorder), ಎಡಿಎಚ್‌ಡಿ (ADHD), ಇತರ ಮಾನಸಿಕ ಆರೋಗ್ಯ ಸಮಸ್ಯೆಗಳು

ಈ ನಿರ್ಧಾರ ತೆಗೆದುಕೊಳ್ಳುತ್ತಿರುವುದೇಕೆ? ಯಾವಾಗಿನಿಂದ ಹೊಸ ನಿಯಮ ಜಾರಿ?

ಈ ಬದಲಾವಣೆಯ ಹಿಂದಿನ ಪ್ರಮುಖ ಉದ್ದೇಶ ಖಾಸಗಿ ಆಸ್ಪತ್ರೆಗಳಿಗೆ ಸರ್ಕಾರ ಮಾಡುತ್ತಿರುವ ಹೆಚ್ಚಿನ ವೆಚ್ಚವನ್ನು ಕಡಿಮೆ ಮಾಡುವುದು ಹಾಗೂ ಸರ್ಕಾರಿ ಆಸ್ಪತ್ರೆಗಳ ಆರೋಗ್ಯ ಸೇವೆಗಳನ್ನು ಮತ್ತಷ್ಟು ಬಲಪಡಿಸುವುದಾಗಿದೆ. ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರ (NHA) ಈ ಸಂಬಂಧ ಎಲ್ಲಾ ರಾಜ್ಯಗಳಿಗೂ ಪತ್ರ ಕಳುಹಿಸಿದ್ದು, ದೇಶಾದ್ಯಂತ ಏಕರೂಪವಾಗಿ ಡಿಸೆಂಬರ್ 1, 2026ರಿಂದ ಹೊಸ ನಿಯಮವನ್ನು ಜಾರಿಗೆ ತರಲು ಪ್ರಸ್ತಾಪಿಸಿದೆ. ಸದ್ಯ ರಾಜ್ಯ ಆರೋಗ್ಯ ಪ್ರಾಧಿಕಾರಗಳು (SHA) ಸರ್ಕಾರಿ ಆಸ್ಪತ್ರೆಗಳಲ್ಲಿ ವೈದ್ಯರ ಲಭ್ಯತೆ, ಚಿಕಿತ್ಸಾ ಸೌಲಭ್ಯಗಳು ಮತ್ತು ಅಗತ್ಯ ವೈದ್ಯಕೀಯ ಸಂಪನ್ಮೂಲಗಳ ಸಾಮರ್ಥ್ಯವನ್ನು ಪರಿಶೀಲಿಸುತ್ತಿವೆ. ಬಳಿಕವಷ್ಟೇ ಈ ನಿಯಮ ಜಾರಿಗೆ ಬರುವ ಸಾಧ್ಯತೆ ಇದೆ.

ಆಮೀರ್ ಖಾನ್ ದಾಖಲೆ ಮುರೀತಾರಾ ಯಶ್: 2 ಸಾವಿರ ಕೋಟಿ ಕಲೆಕ್ಷನ್ ಮಾಡಿದ ಆ ಸಿನಿಮಾ ಯಾವುದು

Suchethana D — Fri, 13 Nov 2026 18:18:39 +0530

ಮುಂಬೈ: ರಾಮಾಯಣ ಪಾರ್ಟ್-1 ಮೂವಿ (Ramayana Part-1 Movie) ಕೇವಲ ಎಂಟು ದಿನಗಳಲ್ಲಿ 1ಸಾವಿರ ಕೋಟಿ ರೂಪಾಯಿ ಕ್ರಾಸ್ ಮಾಡಿ ಗಳಿಕೆ ಕಂಡಿದೆ. ಇನ್ನೂ ಈ ಸಿನಿಮಾ ಹವಾ ಸೃಷ್ಟಿಸುತ್ತಲೇ ಇದೆ. ಈ ಹೊತ್ತಿನಲ್ಲಿ ಬಾಲಿವುಡ್ನ ಟಾಪ್-1 ಮೂವಿಯ ಬಗ್ಗೆ ಸಕತ್ ಚರ್ಚೆಯಾಗುತ್ತಿದೆ. ಈ ಸಿನಿಮಾ ವಿಶ್ವಾದ್ಯಂತ 2,070 ಕೋಟಿ ರೂಪಾಯಿ ಗಳಿಕೆ ಮಾಡಿ, ಅತಿ ಹೆಚ್ಚು ಗಳಿಕೆ ಮಾಡಿರುವ ಸದ್ಯದ ಟಾಪ್ 1 ಭಾರತೀಯ ಸಿನಿಮಾ ಎನ್ನಿಸಿಕೊಂಡಿದೆ. ಅದೇ ದಂಗಲ್ (Dangal Movie) ಸಿನಿಮಾ.

2016ರಲ್ಲಿ ಬಿಡುಗಡೆಯಾದ, ಆಮೀರ್ ಖಾನ್, ಫಾತಿಮಾ ಶೇಖ್, ಸುಹಾನಿ ಭಟ್ನಾಗರ್, ಜೈರಾ ವಾಸಿಮ್ ಸೇರಿದಂತೆ ಹಲವರು ನಟಿಸಿದ್ದಾರೆ. ಈ ಸಿನಿಮಾದ ದಾಖಲೆಯನ್ನು ಇನ್ನೂ ಸದ್ಯ ಯಾವುದೇ ಭಾರತೀಯ ಸಿನಿಮಾ ಮುರಿದಿಲ್ಲ. ಅಂದಹಾಗೆ ದಂಗಲ್ ಸಿನಿಮಾ 2 ಸಾವಿರ ಕೋಟಿ ಪ್ಲಸ್ ಗಳಿಕೆ ಮಾಡಿದ್ದು 53ನೇ ದಿನದಲ್ಲಿ. ಚೀನಾದಲ್ಲಿ ಈ ಸಿನಿಮಾ ಪ್ರಸಾರ ಕಂಡಿದ್ದರಿಂದ ಈ ಪರಿಯಲ್ಲಿ ಕಲೆಕ್ಷನ್ ಮಾಡಲು ಸಾಧ್ಯವಾಗಿದೆ. , ಇದು ಮಾಜಿ ಕುಸ್ತಿಪಟು ಮಹಾವೀರ್ ಸಿಂಗ್ ಫೋಗಟ್ ಮತ್ತು ಅವರ ಪುತ್ರಿಯರಾದ ಗೀತಾ ಫೋಗಟ್ ಹಾಗೂ ಬಬಿತಾ ಫೋಗಟ್ ಅವರ ನಿಜ ಜೀವನದ ಸ್ಪೂರ್ತಿದಾಯಕ ಕಥೆಯಾಧಾರಿತ ಚಿತ್ರವಾಗಿದೆ.

ಮಹಾವೀರ್ ಸಿಂಗ್ ಫೋಗಟ್ (ಅಮೀರ್ ಖಾನ್) ಹರಿಯಾಣದ ಮಾಜಿ ರಾಷ್ಟ್ರೀಯ ಮಟ್ಟದ ಕುಸ್ತಿಪಟು. ದೇಶಕ್ಕಾಗಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಚಿನ್ನದ ಪದಕ ಗೆಲ್ಲಬೇಕೆಂಬುದು ಅವರ ದೊಡ್ಡ ಕನಸಾಗಿರುತ್ತದೆ. ಆದರೆ ಆರ್ಥಿಕ ಪರಿಸ್ಥಿತಿಯಿಂದಾಗಿ ಅವರು ಕುಸ್ತಿ ಬಿಟ್ಟು ಉದ್ಯೋಗಕ್ಕೆ ಸೇರಬೇಕಾಗುತ್ತದೆ. ತಮ್ಮ ಈ ಕನಸನ್ನು ತಮ್ಮ ಗಂಡು ಮಗು ಈಡೇರಿಸುತ್ತದೆ ಎಂದು ಅವರು ಭಾವಿಸುತ್ತಾರೆ. ಆದರೆ ನಾಲ್ವರು ಹೆಣ್ಣೇ ಆದ ಬಳಿಕ, ಹೆಣ್ಣು ಮಗುವೇ ಹೇಗೆ ದೇಶಕ್ಕೆ ಕೀರ್ತಿ ತರುತ್ತಾಳೆ ಎನ್ನುವ ಮೂವಿ ಇದಾಗಿದೆ.

ಮುಂದಿನ ಟಾಪ್ನಲ್ಲಿ ಇರೋದು ಈ ಮೂವಿಗಳು

ಈ ಸಿನಿಮಾ ಹೊರತುಪಡಿಸಿದೆ Baahubali 2: The Conclusion (ಬಾಹುಬಲಿ 2: ದಿ ಕನ್‌ಕ್ಲೂಷನ್) - ₹1,810 ಕೋಟಿ, hurandhar 2: The Revenge (ಧುರಂಧರ್ 2) - ₹1,644 ಕೋಟಿ, Pushpa 2: The Rule (ಪುಷ್ಪ 2: ದಿ ರೂಲ್) - ₹1,604 ಕೋಟಿ ವಿಶ್ವಾದ್ಯಂತ ಗಳಿಸಿದೆ. ಇನ್ನು ಕನ್ನಡದ ಮಟ್ಟಿಗೆ ಹೇಳುವುದಾದರೆ, ವಿಶ್ವಾದ್ಯಂತ ಅತಿ ಹೆಚ್ಚು ಗಳಿಕೆ ಮಾಡಿದ ಸ್ಯಾಂಡಲ್‌ವುಡ್ (ಕನ್ನಡ) ಚಿತ್ರ 'ಕೆ.ಜಿ.ಎಫ್: ಚಾಪ್ಟರ್ 2' (K.G.F: Chapter 2) ಆಗಿದೆ. 2022ರಲ್ಲಿ ಬಿಡುಗಡೆಯಾದ ಪ್ರಶಾಂತ್ ನೀಲ್ ನಿರ್ದೇಶನದ ಮತ್ತು ಯಶ್ ನಟನೆಯ ಈ ಚಿತ್ರವು ಜಾಗತಿಕ ಬಾಕ್ಸ್ ಆಫೀಸ್‌ನಲ್ಲಿ ಸುಮಾರು ₹1,215 ರಿಂದ ₹1,250 ಕೋಟಿ ಗಳಿಸುವ ಮೂಲಕ ಕನ್ನಡ ಚಿತ್ರರಂಗದಲ್ಲಿ ಸಾರ್ವಕಾಲಿಕ ದಾಖಲೆ ನಿರ್ಮಿಸಿದೆ. ಇದೀಗ ರಾಮಾಯಣ ಮೂವಿ ದಂಗಲ್ ಸಿನಿಮಾದ ದಾಖಲೆಯನ್ನು ಮುರಿಯತ್ತಾ ಎಂದು ಯಶ್ ಫ್ಯಾನ್ಸ್ ಕಾತರದಿಂದ ಕಾಯುತ್ತಿದ್ದಾರೆ.

₹7 ಕೋಟಿಯ ಬಿಗ್ ಸ್ಟಾರ್ ಸೇರಿ 9 ಆಟಗಾರರಿಗೆ ಆರ್‍‌ಸಿಬಿ ಗೇಟ್‌ಪಾಸ್? ಚಾಂಪಿಯನ್ ಲೆಕ್ಕಾಚಾರ ತುಂಬಾ ಸ್ಮಾರ್ಟ್‌

Ganesh Mabla Gowda — Fri, 13 Nov 2026 18:14:43 +0530

ಐಪಿಎಲ್ ಮಿನಿ ಹರಾಜಿಗೆ ಫ್ರಾಂಚೈಸಿಗಳು ಭರ್ಜರಿ ತಯಾರಿ ನಡೆಸ್ತಿವೆ. ಕೆಲವು ಆಟಗಾರರ ಉಳಿಸಿಕೊಂಡು ಬೇಡದ ಆಟಗಾರರ ರಿಲೀಸ್‌ ಮಾಡೋಕೆ ನವೆಂಬರ್ 17 ಲಾಸ್ಟ್‌ ಡೇಟ್. ಹೀಗಾಗಿ ಐಪಿಎಲ್‌ನ ಬಹುತೇಕ ಫ್ರಾಂಚೈಸಿಗಳು ಗಂಭೀರ ಲೆಕ್ಕಾಚಾರದಲ್ಲಿ ಮುಳುಗಿವೆ. ಇದರಿಂದ ನಮ್ಮ ಆರ್‍‌ಸಿಬಿ ಕೂಡ ಹೊರತಾಗಿಲ್ಲ. ಕೆಲವು ವರದಿಗಳ ಪ್ರಕಾರ ಆರ್‍‌ಸಿಬಿ 9 ಆಟಗಾರರನ್ನು ರಿಲೀಸ್ ಮಾಡುವ ಸಾಧ್ಯತೆ ಇದೆ. ಈ ಕುರಿತ ಒಂದು ವರದಿ ಇಲ್ಲಿದೆ.

ಸತತ ಎರಡು ಬಾರಿ ಚಾಂಪಿಯನ್ ಆಗಿ ಹ್ಯಾಟ್ರಿಕ್ ಮೇಲೆ ಕಣ್ಣಿಟ್ಟಿರುವ ಆರ್‍‌ಸಿಬಿ, ಹೊಸ ತಂಡ ಕಟ್ಟಲು ಪಕ್ಕಾಪಕ್ಕಾ ಪ್ಲಾನ್ ಮಾಡುತ್ತಿದೆ. ಮಿನಿ ಹರಾಜು ಪ್ರಕ್ರಿಯೆ ಡಿಸೆಂಬರ್‍‌ನಲ್ಲಿ ನಡೆಯಲಿದೆ. ಅದಕ್ಕೂ ಮೊದಲು ಅಂದರೆ ನವೆಂಬರ್ 17 ಒಳಗಾಗಿ ಒಂದಷ್ಟು ಆಟಗಾರರನ್ನು ಆರ್‍‌ಸಿಬಿ ರಿಲೀಸ್ ಮಾಡಲಿದೆ. ಈ ರಿಲೀಸ್ ಲಿಸ್ಟ್‌ನಲ್ಲಿ ಯಾರೆಲ್ಲ ಇರಲಿದ್ದಾರೆ ಅನ್ನೋದು ತೀವ್ರ ಕುತೂಹಲ ಮೂಡಿಸಿದೆ.

ಯಾರನ್ನೆಲ್ಲ ಉಳಿಸಿಕೊಳ್ಳುತ್ತೆ?

ನಾಯಕ ರಜತ್ ಪಾಟೀದಾರ್‍‌ ಅವರನ್ನು ಆರ್‍‌ಸಿಬಿ ರಿಟೈನ್ ಮಾಡಿಕೊಳ್ಳಲಿದೆ ಅನ್ನೋದ್ರಲ್ಲಿ ಯಾವುದೇ ಅನುಮಾನ ಇಲ್ಲ. ಎರಡು ಬಾರಿ ತಂಡವನ್ನು ಮುನ್ನಡೆಸಿ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿದ್ದಾರೆ. ಹೀಗಾಗಿ 2027 ಐಪಿಎಲ್‌ಗೆ ಅವರನ್ನು ಕೈಬಿಡುವ ಪ್ರಶ್ನೆಯೇ ಇಲ್ಲ. ಹಾಗಿಯೇ ಬ್ರಾಂಡ್ ವಿರಾಟ್ ಕೊಹ್ಲಿ ಕೂಡ. ವಿರಾಟ್ ಅವರು ಈಗಾಗಲೇ ಸ್ಪಷ್ಟಪಡಿಸಿದ್ದಾರೆ. ತಾವು ಆರ್‍‌ಸಿಬಿ ಅಲ್ಲದೇ ಬೇರೆ ಯಾವುದೇ ಫ್ರಾಂಚೈಸಿ ಜೊತೆ ಆಡಲು ಬಯಸೋದಿಲ್ಲ ಎಂದಿದ್ದಾರೆ. ಹೀಗಾಗಿ ವಿರಾಟ್ ಕೂಡ ಆರ್‍‌ಸಿಬಿ ಭಾಗವಾಗಿಯೇ ಇರಲಿದ್ದಾರೆ.

ಇನ್ನು ಸಂಭಾವ್ಯ ಉಳಿಸಿಕೊಳ್ಳುವ ಆಟಗಾರರ ಲಿಸ್ಟ್ ಹೀಗಿದೆ..

ಟಿಮ್ ಡೆವಿಡ್
ಫಿಲ್ ಸಾಲ್ಟ್
ಜೋಶ್ ಹೇಜಲ್‌ವುಡ್
ಜಾಕೋಬ್ ಡಫಿ
ಜಾಕೋಬ್ ಬೆಥೆಲ್
ಕೃನಾಲ್ ಪಾಂಡ್ಯ
ಭುವನೇಶ್ವರ್ ಕುಮಾರ್

ಯಾರನ್ನೆಲ್ಲ ರಿಲೀಸ್ ಸಾಧ್ಯತೆ

ಮಂಗೇಶ್ ಯಾದವ್
ವೆಂಕಟೇಶ್ ಅಯ್ಯರ್
ರೊಮಾರಿಯೋ ಶೆಫರ್ಡ್
ನುವಾನ್ ತುಷಾರ್
ಅಭಿನಂದನ್ ಸಿಂಗ್
ಯಶ್ ದಯಾಳ್
ರಿಚರ್ಡ್‌ ಗ್ಲಿಸನ್
ಸಾತ್ವಿಕ್ ದೇಸ್ವಾಲ್
ವಿಕಿ ಓಸ್ಟ್ವಾಲ್

ಭುವನೇಶ್ವರ್ ಕುಮಾರ್ ಹಾಗೂ ಕೃನಾಲ್ ಪಂಡ್ಯ ಅವರನ್ನು ಆರ್‍‌ಸಿಬಿ ಕೈಬಿಡುವ ಪ್ರಶ್ನೆಯೇ ಇಲ್ಲ. ಇನ್ನು ವೆಂಕಟೇಶ್ ಅಯ್ಯರ್ ಅವರನ್ನು ಆರ್‍‌fಸಿಬಿ ಕೈಬಿಡುವ ಸಾಧ್ಯತೆ ದಟ್ಟವಾಗಿದೆ ಎಂದು ಹೇಳಲಾಗಿದೆ. ಬದಲಾದ ಲೆಕ್ಕಾಚಾರದಲ್ಲಿ ಆರ್‍‌ಸಿಬಿ ಅಯ್ಯರ್‍‌ ಅವರನ್ನು ಉಳಿಸಿಕೊಂಡರೂ ಅಚ್ಚರಿ ಇಲ್ಲ. 2025 ಮೆಗಾ ಐಪಿಎಲ್ ಹರಾಜಿನಲ್ಲಿ ಕೋಲ್ಕತ್ತ ನೈಟ್ ರೈಡರ್ಸ್ ವೆಂಕಟೇಶ್ ಅಯ್ಯರ್ ಅವರನ್ನು 23.75 ಕೋಟಿ ಹಣಕ್ಕೆ ಖರೀದಿಸಿತ್ತು. 2026 ಹರಾಜಿನಲ್ಲಿ ಆರ್‍‌ಸಿಬಿ ಅವರನ್ನು 7 ಕೋಟಿ ರೂಪಾಯಿಗೆ ಖರೀದಿಸಿತ್ತು.

ಈಗಾಗಲೇ ಆರ್‍‌ಸಿಬಿ ಎರಡು ಬಾರಿ ಚಾಂಪಿಯನ್ ಆಗಿದೆ. ಸತತ ಮೂರನೇ ಬಾರಿಗೆ ಟ್ರೋಫಿ ಗೆಲ್ಲುವ ಕನಸು ಕಂಡಿರುವ ನಮ್ಮ ಆರ್‍‌ಸಿಬಿ ಮತ್ತೊಮ್ಮೆ ಬಲಿಷ್ಠ ತಂಡ ರಚಿಸಲು ಪ್ಲಾನ್ ಮಾಡಿಕೊಂಡಿದೆ. ಆದರೆ ಈ ಬಾರಿ ಯಾರನ್ನೆಲ್ಲ ಉಳಿಸಿಕೊಳ್ಳಲಿದೆ ಅನ್ನೋದು ನವೆಂಬರ್ 17 ತಿಳಿಯಲಿದೆ.

ಔಟ್‌ ಲುಕ್‌ ನಿಂದ ಟೀಮ್ಸ್‌ ವರೆಗೆ ಮೈಕ್ರೋಸಾಫ್ಟ್ ಸೇವೆಗಳು ಡೌನ್! ಜಗತ್ತಿನಾದ್ಯಂತ ಲಕ್ಷಾಂತರ ಬಳಕೆದಾರರ ಪರದಾಟ

Roopa Hegde — Fri, 13 Nov 2026 18:00:13 +0530

ಆಫೀಸ್ ಕೆಲಸಕ್ಕೆ ಔಟ್ಲುಕ್, ಮೀಟಿಂಗ್ಗೆ ಟೀಮ್ಸ್, ಮಾಹಿತಿ ಹುಡುಕುವ ಎಐ ಟೂಲ್ಗಳು ಏಕಾಏಕಿ ಕೈಕೊಟ್ಟರೆ ಪರಿಸ್ಥಿತಿ ಹೇಗಿರಬಹುದು? ಸದ್ಯ ಜಗತ್ತಿನಾದ್ಯಂತ ಲಕ್ಷಾಂತರ ಉದ್ಯೋಗಿಗಳು ಮತ್ತು ಕಂಪನಿಗಳು ಇಂತಹದ್ದೇ ಸಮಸ್ಯೆ ಎದುರಿಸುವಂತಾಗಿದೆ. ಮೈಕ್ರೋಸಾಫ್ಟ್ನ ಪ್ರಮುಖ ಸೇವೆಗಳು ದಿಢೀರ್ ಸ್ಥಗಿತಗೊಂಡಿದೆ. ಇಮೇಲ್ ಕಳುಹಿಸಲು, ಸ್ವೀಕರಿಸಲು ಹಾಗೂ ಆಫೀಸ್ ಕೆಲಸಗಳನ್ನು ನಿರ್ವಹಿಸಲು ಬಳಕೆದಾರರು ಪರದಾಡುವಂತಾಗಿದೆ. ಔಟ್ಲುಕ್ನಿಂದ ಟೀಮ್ಸ್ವರೆಗೆ ಹಲವು ಸೇವೆಗಳಲ್ಲಿ ವ್ಯತ್ಯಯ ಉಂಟಾಗಿದೆ.

ಕೈಕೊಟ್ಟ ಮೈಕ್ರೋಸಾಫ್ಟ್‌ 365

ಮೈಕ್ರೋಸಾಫ್ಟ್ 365ರಲ್ಲಿ ಉಂಟಾದ ಭಾರೀ ತಾಂತ್ರಿಕ ಸಮಸ್ಯೆಯಿಂದ ಲಕ್ಷಾಂತರ ಬಳಕೆದಾರರಿಗೆ ತಮ್ಮ ಔಟ್ಲುಕ್ ಇನ್ಬಾಕ್ಸ್ ತೆರೆಯಲು ಸಾಧ್ಯವಾಗ್ತಿಲ್ಲ. ಇಮೇಲ್ ಕಳುಹಿಸುವುದು ಮತ್ತು ಸ್ವೀಕರಿಸುವುದರಲ್ಲಿಯೂ ಸಾಕಷ್ಟು ವಿಳಂಬ ಉಂಟಾಗಿದೆ. ಇದರ ಜೊತೆಗೆ ಮೈಕ್ರೋಸಾಫ್ಟ್ ಟೀಮ್ಸ್ ಮತ್ತು ಕಂಪನಿಯ AI ಅಸಿಸ್ಟೆಂಟ್ ಕೋಪೈಲಟ್ನ ಹಲವು ಫೀಚರ್ಗಳೂ ಸಂಪೂರ್ಣವಾಗಿ ಸ್ಥಗಿತಗೊಂಡಿವೆ.

ಡೌನ್ಡೆಟೆಕ್ಟರ್ನಲ್ಲಿ ಔಟ್ಲುಕ್ಗೆ ಸಂಬಂಧಿಸಿದಂತೆ ಸುಮಾರು 1,38,000 ಸಮಸ್ಯೆಗಳ ದೂರುಗಳು ದಾಖಲಾಗಿವೆ. ಕೆಲವು ಬಳಕೆದಾರರಿಗೆ ಐದು ಗಂಟೆಗಳಿಗೂ ಹೆಚ್ಚು ಕಾಲ ಈ ಸಮಸ್ಯೆ ಎದುರಾಗಿದೆ. ಈ ಅವಧಿಯಲ್ಲಿ ChatGPT ಮತ್ತು Claude ನಂತಹ ಜನಪ್ರಿಯ AI ಟೂಲ್ಗಳಿಗೂ ಮೈಕ್ರೋಸಾಫ್ಟ್ 365 ಜೊತೆ ಕನೆಕ್ಟ್ ಆಗಲು ಸಾಕಷ್ಟು ತೊಂದರೆಯಾಗಿದೆ.

ಈ ಬಗ್ಗೆ ಎಕ್ಸ್ನಲ್ಲಿ ಪೋಸ್ಟ್ ಮಾಡಿರುವ ಮೈಕ್ರೋಸಾಫ್ಟ್, ಸೇವೆಗಳನ್ನು ಮರುಸ್ಥಾಪಿಸುವ ಪ್ರಯತ್ನಗಳು ಮುಂದುವರಿದಿವೆ ಎಂದು ತಿಳಿಸಿದೆ. ಆರಂಭಿಕ ಹಂತದಲ್ಲಿ ಪರಿಸ್ಥಿತಿ ಸ್ಥಿರವಾಗುತ್ತಿರುವುದು ಮತ್ತು ಸೇವೆಗಳ ಸಾಮರ್ಥ್ಯದಲ್ಲಿ ಸುಧಾರಣೆ ಕಂಡುಬರುತ್ತಿದೆ. ಈ ತಾಂತ್ರಿಕ ಸಮಸ್ಯೆಯ ಸಂದರ್ಭದಲ್ಲಿ ತಡವಾಗಿ ತಲುಪುವ ಇಮೇಲ್ಗಳು ಸುರಕ್ಷಿತವಾಗಿರುವಂತೆ ಇಮೇಲ್ ಟೈಮ್ಔಟ್ ಅವಧಿಯನ್ನು 48 ಗಂಟೆಗಳಿಗೆ ಹೆಚ್ಚಿಸಲಾಗಿದೆ ಎಂದು ಕಂಪನಿ ಹೇಳಿದೆ.

ಶುಕ್ರವಾರ ಬೆಳಗ್ಗೆ ಭಾರತದಲ್ಲಿನ ಕೆಲವು ಸರ್ವರ್ಗಳ ಸಾಮರ್ಥ್ಯವನ್ನು ಮೈಕ್ರೋಸಾಫ್ಟ್ ಮರುಸ್ಥಾಪಿಸಿತ್ತು. ಆದರೂ ಬೆಳಗ್ಗೆ 9.30ರ ವರದಿಯ ಪ್ರಕಾರ, ಸೇವೆಗಳು ಸಂಪೂರ್ಣವಾಗಿ ಸಹಜ ಸ್ಥಿತಿಗೆ ಮರಳಿರಲಿಲ್ಲ. ಕೆಲವು ಸರ್ವರ್ಗಳನ್ನು ಮರುಪ್ರಾರಂಭಿಸಿದ ಬಳಿಕ ಅವು ಮತ್ತೆ ಕಾರ್ಯನಿರ್ವಹಿಸಲು ಆರಂಭಿಸಿದ್ದವು. ಆದರೆ ಬಳಕೆದಾರರಿಂದ ಹೆಚ್ಚಿನ ಸಂಖ್ಯೆಯಲ್ಲಿ ರಿಕ್ವೆಸ್ಟ್ಗಳು ಬಂದಾಗ ಸರ್ವರ್ಗಳು ಮತ್ತೆ ಕ್ರ್ಯಾಶ್ ಆಗಿವೆ ಎಂದು ಮೈಕ್ರೋಸಾಫ್ಟ್ ತಿಳಿಸಿದೆ.

ಸದ್ಯ ಕಂಪನಿಯು ಸೀಮಿತ ಸಂಖ್ಯೆಯ ಸರ್ವರ್ಗಳಲ್ಲಿ ಹೊಸ ಪ್ಯಾಚ್ಗಳನ್ನು ಪರೀಕ್ಷಿಸುತ್ತಿದೆ. ಇದರ ಜೊತೆಗೆ ಇತ್ತೀಚೆಗೆ ನೆಟ್ವರ್ಕ್ ಸೆಟ್ಟಿಂಗ್ಗಳಲ್ಲಿ ಮಾಡಲಾಗಿದ್ದ ಕೆಲವು ಬದಲಾವಣೆಗಳನ್ನು ಹಿಂದಕ್ಕೆ ಪಡೆಯುವ ಪ್ರಕ್ರಿಯೆಯನ್ನೂ ನಡೆಸುತ್ತಿದೆ. ಈ ಸುಧಾರಣಾ ಕ್ರಮಗಳ ಬಳಿಕ ಕೆಲವು ಗ್ರಾಹಕರಿಗೆ ಸೇವೆಗಳನ್ನು ಬಳಸಲು ಸಾಧ್ಯವಾಗಿದೆ. ಆದರೆ ಇನ್ನೂ ಹಲವರು ತಮ್ಮ ಇಮೇಲ್ಗಳನ್ನು ತೆರೆಯಲು ಮತ್ತು ಬಳಸಲು ಸಮಸ್ಯೆ ಎದುರಿಸುತ್ತಿದ್ದಾರೆ.

ಎಷ್ಟೊಂದು ದೊಡ್ಡ ಮಟ್ಟದಲ್ಲಿ ಸೇವೆ ಸ್ಥಗಿತಗೊಂಡಿದ್ದೇಕೆ?

ಭಾರತೀಯ ಕಾಲಮಾನದ ಪ್ರಕಾರ ರಾತ್ರಿ 11.30ರ ವೇಳೆಗೆ ಔಟ್ಲುಕ್ ಸಮಸ್ಯೆಗಳಿಗೆ ಸಂಬಂಧಿಸಿದ ದೂರುಗಳ ಸಂಖ್ಯೆ 1,38,058ಕ್ಕೆ ತಲುಪಿತ್ತು. ಆರಂಭದಲ್ಲಿ ಅಮೆರಿಕ ಮತ್ತು ಲ್ಯಾಟಿನ್ ಅಮೆರಿಕದ ಕೆಲವು ದೇಶಗಳಲ್ಲಿ ಮಾತ್ರ ಸಮಸ್ಯೆ ಕಾಣಿಸಿಕೊಂಡಿದೆ ಎಂದು ಮೈಕ್ರೋಸಾಫ್ಟ್ ಗುರುತಿಸಿತ್ತು. ಆದರೆ ನಂತರ ಈ ತಾಂತ್ರಿಕ ಸಮಸ್ಯೆ ಜಗತ್ತಿನ ಅನೇಕ ಭಾಗಗಳಲ್ಲಿ ಕಂಡು ಬಂದಿದೆ. ಈ ಸಮಸ್ಯೆ ಕೇವಲ ಇಮೇಲ್ ಬಳಕೆಗೆ ಮಾತ್ರ ಸೀಮಿತವಾಗಿರಲಿಲ್ಲ. ಆಸ್ಟ್ರೇಲಿಯಾದಲ್ಲಿ ಸಾರ್ವಜನಿಕರು ಮತ್ತು ಉದ್ಯಮಗಳಿಗೆ ಅಗತ್ಯ ಸೇವೆಗಳನ್ನು ಒದಗಿಸುವ ಸರ್ಕಾರಿ ಸಂಸ್ಥೆ ಸರ್ವಿಸ್ ಎನ್ಎಸ್ಡಬ್ಲ್ಯು (Service NSW) ಕೂಡ ಇದರಿಂದ ತೊಂದರೆ ಅನುಭವಿಸಿದೆ.

ಮೈಕ್ರೋಸಾಫ್ಟ್ 365 ಯಾವ ವಿಭಾಗದಲ್ಲಿ ಸಮಸ್ಯೆ ?

ಮೈಕ್ರೋಸಾಫ್ಟ್ 365 ಎನ್ನುವುದು ಔಟ್ಲುಕ್, ಟೀಮ್ಸ್ ಮತ್ತು ಶೇರ್ಪಾಯಿಂಟ್ನಂತಹ ಹಲವು ಆಫೀಸ್ ಅಪ್ಲಿಕೇಶನ್ಗಳು ಹಾಗೂ ಆನ್ಲೈನ್ ಸೇವೆಗಳನ್ನು ಒಳಗೊಂಡಿರುವ ಪ್ರೀಮಿಯಂ ಸಬ್ಸ್ಕ್ರಿಪ್ಷನ್ ಪ್ಯಾಕೇಜ್ ಆಗಿದೆ. ಈ ಬಾರಿ ಮುಖ್ಯವಾಗಿ Exchange Online ಸೇವೆಯಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡಿದೆ. ಇದು ಮೈಕ್ರೋಸಾಫ್ಟ್ನ ಕ್ಲೌಡ್ ಸೇವೆಯಾಗಿದ್ದು, ಇಮೇಲ್ಗಳನ್ನು ಸಂಗ್ರಹಿಸುವುದು, ಕಳುಹಿಸುವುದು ಮತ್ತು ಕ್ಯಾಲೆಂಡರ್ ನಿರ್ವಹಿಸುವ ಕೆಲಸ ಮಾಡುತ್ತದೆ. ಔಟ್ಲುಕ್ ಈ ಸೇವೆಯನ್ನು ಬಳಸಲು ನೆರವಾಗುವ ಅಪ್ಲಿಕೇಶನ್ ಅಷ್ಟೇ. ಹೀಗಾಗಿ ಅದರ ಹಿಂದಿರುವ Exchange Online ಸೇವೆಯೇ ಸ್ಥಗಿತಗೊಂಡರೆ ಔಟ್ಲುಕ್ ಆ್ಯಪ್ ತೆರೆದರೂ ಇನ್ಬಾಕ್ಸ್ ಲೋಡ್ ಆಗುವುದಿಲ್ಲ. ಇಮೇಲ್ ಕಳುಹಿಸಲು ಅಥವಾ ಸ್ವೀಕರಿಸಲು ಹೆಚ್ಚು ಸಮಯ ತೆಗೆದುಕೊಳ್ಳುತ್ತದೆ.

ದೊಡ್ಡ ಮಟ್ಟದ ತಾಂತ್ರಿಕ ಸಮಸ್ಯೆಯ ನಡುವೆಯೂ ಮೈಕ್ರೋಸಾಫ್ಟ್ ಟೀಮ್ಸ್ನ ಪ್ರಮುಖ ಚಾಟ್ ಮತ್ತು ಆನ್ಲೈನ್ ಮೀಟಿಂಗ್ ಫೀಚರ್ಗಳು ಬಹುತೇಕ ಕಾರ್ಯನಿರ್ವಹಿಸುತ್ತಿದ್ದವು ಎಂದು ಕಂಪನಿ ತಿಳಿಸಿದೆ. ಆದರೆ ಹೊಸ ಮೀಟಿಂಗ್ಗಳನ್ನು ಶೆಡ್ಯೂಲ್ ಮಾಡಲು ಅಥವಾ ಕ್ಯಾಲೆಂಡರ್ ತೆರೆಯಲು ಪ್ರಯತ್ನಿಸಿದಾಗ ಬಳಕೆದಾರರಿಗೆ ಸಮಸ್ಯೆ ಎದುರಾಗಿದೆ.

Gardening Tips: ಮನೆಗೆ ಸಂಪತ್ತು, ಅದೃಷ್ಟ ತರಬೇಕಾ? ಈ 5 ಗಿಡಗಳನ್ನು ಬೆಳೆಸಿ ಮ್ಯಾಜಿಕ್ ನೋಡಿ!

Govindaraj S — Fri, 13 Nov 2026 17:59:40 +0530

ತುಳಸಿಯಿಂದ ಹಿಡಿದು ಲಕ್ಕಿ ಬ್ಯಾಂಬೂವರೆಗೆ, ಈ ಐದು ಶುಭ ಗಿಡಗಳು ಮನೆಗೆ ಸಂಪತ್ತು, ಸಮೃದ್ಧಿ ಮತ್ತು ಧನಾತ್ಮಕ ಶಕ್ತಿಯನ್ನು ತರುತ್ತವೆ. ಜೊತೆಗೆ ಮನೆಯ ಅಂದವನ್ನೂ ಹೆಚ್ಚಿಸುತ್ತವೆ. ಯಾವುದು ಆ ಗಿಡಗಳು..

ಹೋಲಿ ಬೇಸಿಲ್ ಎಂದೂ ಕರೆಯಲ್ಪಡುವ ತುಳಸಿ ಭಾರತೀಯ ಮನೆಗಳಲ್ಲಿ ಪ್ರಮುಖ ಸ್ಥಾನ ಪಡೆದಿದೆ. ವಾಸ್ತು ಪ್ರಕಾರ, ಮನೆಯಲ್ಲಿ ಆರೋಗ್ಯಕರ ತುಳಸಿ ಗಿಡವನ್ನು ಬೆಳೆಸುವುದು ಧನಾತ್ಮಕ ಶಕ್ತಿ, ಆಧ್ಯಾತ್ಮಿಕತೆ ಮತ್ತು ಸಮೃದ್ಧಿಯನ್ನು ತರುತ್ತದೆ. ಸಾಕಷ್ಟು ಬಿಸಿಲು ಬೀಳುವ ಜಾಗದಲ್ಲಿ ಇದನ್ನು ಇಡಿ ಮತ್ತು ಮಣ್ಣು ಹೆಚ್ಚು ಒದ್ದೆಯಾಗದಂತೆ ನಿಯಮಿತವಾಗಿ ನೀರು ಹಾಕಿ.

ಮನಿ ಪ್ಲಾಂಟ್ ಆಕರ್ಷಕ ಹೃದಯಾಕಾರದ ಎಲೆಗಳನ್ನು ಹೊಂದಿದ್ದು, ನಿರ್ವಹಣೆ ಸುಲಭವಾದ್ದರಿಂದ ಮನೆಗಳಲ್ಲಿ ಬೆಳೆಸಲು ಜನಪ್ರಿಯವಾಗಿದೆ. ವಾಸ್ತು ಶಾಸ್ತ್ರದ ಪ್ರಕಾರ ಇದು ಆರ್ಥಿಕ ಬೆಳವಣಿಗೆ, ಸಮೃದ್ಧಿ ಮತ್ತು ಅದೃಷ್ಟದ ಸಂಕೇತವಾಗಿದೆ. ಇದನ್ನು ಮಣ್ಣು ಅಥವಾ ನೀರಿನಲ್ಲಿ ಬೆಳೆಸಬಹುದು ಮತ್ತು ನೇರ ಬಿಸಿಲು ಬೀಳದ ಬೆಳಕಿರುವ ಜಾಗದಲ್ಲಿ ಚೆನ್ನಾಗಿ ಬೆಳೆಯುತ್ತದೆ.

ಸಾಂಪ್ರದಾಯಿಕ ಫೆಂಗ್ ಶೂಯಿಯಲ್ಲಿ ಲಕ್ಕಿ ಬ್ಯಾಂಬೂ ಅದೃಷ್ಟ, ಸಾಮರಸ್ಯ ಮತ್ತು ಯಶಸ್ಸಿನ ಸಂಕೇತವಾಗಿದೆ. ಇದರ ಕಾಂಡಗಳ ಸಂಖ್ಯೆ ಬೇರೆ ಬೇರೆ ಸಾಂಕೇತಿಕ ಅರ್ಥಗಳನ್ನು ಹೊಂದಿದೆ. ಇದನ್ನು ನೀರು ಅಥವಾ ಮಣ್ಣಿನಲ್ಲಿ ಬೆಳೆಸಬಹುದು ಮತ್ತು ನೇರ ಬಿಸಿಲು ಬೀಳದ ಬೆಳಕಿರುವ ಜಾಗದಲ್ಲಿ ಇಟ್ಟರೆ ಚೆನ್ನಾಗಿ ಬೆಳೆಯುತ್ತದೆ.

ಬಣ್ಣಬಣ್ಣದ ಹೂವು ಬಿಡುವ ಗುಲಾಬಿ ಗಿಡಗಳು ಪ್ರೀತಿ, ಸಂತೋಷ ಮತ್ತು ಸೌಂದರ್ಯದ ಸಂಕೇತ. ಸಾಂಪ್ರದಾಯಿಕ ನಂಬಿಕೆಗಳ ಪ್ರಕಾರ, ಹೂವಿನ ಗಿಡಗಳು ಮನೆಗೆ ಧನಾತ್ಮಕ ಶಕ್ತಿ, ಸಾಮರಸ್ಯ ಮತ್ತು ಉತ್ಸಾಹವನ್ನು ತರುತ್ತವೆ. ಗುಲಾಬಿಯನ್ನು ನೀರು ಬಸಿದು ಹೋಗುವ ಮಣ್ಣಿರುವ ಕುಂಡಗಳಲ್ಲಿ ಬೆಳೆಸಿ ಮತ್ತು ಕನಿಷ್ಠ 5 ರಿಂದ 6 ಗಂಟೆ ಬಿಸಿಲು ಬೀಳುವ ಜಾಗದಲ್ಲಿ ಇಡಿ.

ಪಾರಿಜಾತ ಅಥವಾ ನೈಟ್-ಫ್ಲವರಿಂಗ್ ಜಾಸ್ಮಿನ್ ಭಾರತೀಯ ಪುರಾಣಗಳಲ್ಲಿ ವಿಶೇಷ ಸ್ಥಾನ ಪಡೆದಿದೆ ಮತ್ತು ಪವಿತ್ರ ಗಿಡವೆಂದು ಪರಿಗಣಿಸಲಾಗಿದೆ. ಕಿತ್ತಳೆ ಬಣ್ಣದ ಕೇಂದ್ರವನ್ನು ಹೊಂದಿರುವ ಇದರ ಪರಿಮಳಯುಕ್ತ ಬಿಳಿ ಹೂವುಗಳು ಶುದ್ಧತೆ, ಆಧ್ಯಾತ್ಮಿಕತೆ ಮತ್ತು ಶುಭ ಸಂಕೇತವಾಗಿವೆ. ಗಿಡ ಚೆನ್ನಾಗಿ ಬೆಳೆಯಲು ನೀರು ಸರಿಯಾಗಿ ಬಸಿದು ಹೋಗುವ ಮಣ್ಣಿನಲ್ಲಿ ಮತ್ತು ಬಿಸಿಲು ಬೀಳುವ ಜಾಗದಲ್ಲಿ ಇದನ್ನು ನೆಡಿ.

ಚಳಿಗಾಲದಲ್ಲಿ ಒಮ್ಮೆ ತೊಂಡೆಕಾಯಿ ಉಪ್ಪಿನಕಾಯಿ ಮಾಡಿ ನೋಡಿ; ರೊಟ್ಟಿ, ಅನ್ನದ ಜೊತೆ ಸಖತ್ ಟೇಸ್ಟ್!

Pavna Das — Fri, 13 Nov 2026 17:57:05 +0530

ಚಳಿಗಾಲಕ್ಕೆ ಬೆಸ್ಟ್ ತೊಂಡೆಕಾಯಿ ಉಪ್ಪಿನಕಾಯಿ

ಚಳಿಗಾಲದಲ್ಲಿ ಊಟದ ಜೊತೆ ಏನಾದರೂ ಖಾರವಾಗಿ, ಮಸಾಲೆಯುಕ್ತವಾಗಿ ತಿನ್ನಬೇಕು ಎನಿಸುತ್ತದೆ. ಸಾಮಾನ್ಯವಾಗಿ ಹೆಚ್ಚಿನವರು ಮಾವಿನಕಾಯಿ, ನಿಂಬೆಕಾಯಿ ಅಥವಾ ಮೆಣಸಿನಕಾಯಿ ಉಪ್ಪಿನಕಾಯಿಯನ್ನು ಇಷ್ಟಪಡುತ್ತಾರೆ. ಆದರೆ ಈ ಬಾರಿ ಏನಾದರೂ ಹೊಸ ರುಚಿಯನ್ನು ಸವಿಯಬೇಕೆಂದಿದ್ದರೆ ತೊಂಡೆಕಾಯಿ ಉಪ್ಪಿನಕಾಯಿ ತಯಾರಿಸಿ ನೋಡಿ. ನಾರಿನಾಂಶ ಮತ್ತು ವಿಟಮಿನ್‌ಗಳಿಂದ ಸಮೃದ್ಧವಾಗಿರುವ ತೊಂಡೆಕಾಯಿಯಿಂದ ತಯಾರಿಸುವ ಈ ಉಪ್ಪಿನಕಾಯಿ ತಿನ್ನಲು ಎಷ್ಟು ರುಚಿಕರವಾಗಿರುತ್ತದೆಯೋ, ತಯಾರಿಸುವುದೂ ಅಷ್ಟೇ ಸುಲಭ. ಪರೋಟಾ, ಪೂರಿ ಅಥವಾ ಬೇಳೆ-ಅನ್ನದ ಜೊತೆ ಇದನ್ನು ಸವಿಯಬಹುದು. ಹಾಗಾದರೆ ತೊಂಡೆಕಾಯಿ ಉಪ್ಪಿನಕಾಯಿ ತಯಾರಿಸುವ ಸುಲಭ ವಿಧಾನ ಮತ್ತು ಅದನ್ನು ಹೆಚ್ಚು ದಿನಗಳವರೆಗೆ ಕೆಡದಂತೆ ಇಡುವ ಕೆಲವು ಟಿಪ್ಸ್‌ಗಳನ್ನು ತಿಳಿಯೋಣ.

ತೊಂಡೆಕಾಯಿ ಉಪ್ಪಿನಕಾಯಿ ತಯಾರಿಸಲು ಬೇಕಾಗುವ ಸಾಮಗ್ರಿಗಳು

ತಾಜಾ ತೊಂಡೆಕಾಯಿ – 500 ಗ್ರಾಂ (ತೊಳೆದು ಉದ್ದನೆಯ ತುಂಡುಗಳಾಗಿ ಕತ್ತರಿಸಿದ್ದು)
ತಾಜಾ ಹಸಿಮೆಣಸಿನಕಾಯಿ – 250 ಗ್ರಾಂ
ಸಾಸಿವೆ ಎಣ್ಣೆ – ಅರ್ಧ ಕಪ್
ಸೋಂಪಿನ ಪುಡಿ – 2 ದೊಡ್ಡ ಚಮಚ
ಹಳದಿ ಅಥವಾ ಕಪ್ಪು ಸಾಸಿವೆ ಪುಡಿ – 1 ದೊಡ್ಡ ಚಮಚ
ಮೆಂತ್ಯ ಪುಡಿ – 1 ಸಣ್ಣ ಚಮಚ
ಅರಿಶಿನ ಪುಡಿ – 1 ಸಣ್ಣ ಚಮಚ
ಖಾರದ ಮೆಣಸಿನ ಪುಡಿ – 1 ದೊಡ್ಡ ಚಮಚ (ರುಚಿಗೆ ತಕ್ಕಷ್ಟು)
ಇಂಗು – ಅರ್ಧ ಸಣ್ಣ ಚಮಚ
ಕಾಳುಜೀರಿಗೆ – ಅರ್ಧ ಸಣ್ಣ ಚಮಚ
ಓಮ – ಅರ್ಧ ಸಣ್ಣ ಚಮಚ
ವಿನೆಗರ್ ಅಥವಾ ನಿಂಬೆ ರಸ – 2 ಚಮಚ
ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಕಪ್ಪು ಉಪ್ಪು

ಉಪ್ಪಿನಕಾಯಿ ಹೆಚ್ಚು ದಿನ ಕೆಡದಂತೆ ಇಡಲು ಈ ಟಿಪ್ಸ್ ಪಾಲಿಸಿ

ತೊಂಡೆಕಾಯಿಯನ್ನು ತೊಳೆದ ನಂತರ ಸ್ವಲ್ಪ ಹೊತ್ತು ಬಿಸಿಲಿನಲ್ಲಿ ಒಣಗಿಸಿ ಅಥವಾ ಸ್ವಚ್ಛವಾದ ಬಟ್ಟೆಯಿಂದ ಚೆನ್ನಾಗಿ ಒರೆಸಿಕೊಳ್ಳಿ. ಅದರಲ್ಲಿ ಸ್ವಲ್ಪವೂ ನೀರಿನ ಅಂಶ ಉಳಿಯಬಾರದು. ಏಕೆಂದರೆ ನೀರಿನ ಅಂಶ ಉಳಿದಿದ್ದರೆ ಉಪ್ಪಿನಕಾಯಿ ಬೇಗನೆ ಹಾಳಾಗುವ ಸಾಧ್ಯತೆ ಇರುತ್ತದೆ.

ತೊಂಡೆಕಾಯಿ ಉಪ್ಪಿನಕಾಯಿ ಮಾಡುವ ವಿಧಾನ

ಮೊದಲು ತೊಳೆದಿಟ್ಟ ತೊಂಡೆಕಾಯಿಯನ್ನು ಉದ್ದನೆಯ ಅಥವಾ ದುಂಡನೆಯ ತುಂಡುಗಳಾಗಿ ಕತ್ತರಿಸಿಕೊಳ್ಳಿ. ಬೇಕಿದ್ದರೆ ಅವುಗಳನ್ನು ಸ್ವಲ್ಪ ಹಬೆಯಲ್ಲಿ ಬೇಯಿಸಬಹುದು ಅಥವಾ 1ರಿಂದ 2 ಗಂಟೆಗಳ ಕಾಲ ಬಿಸಿಲಿನಲ್ಲಿ ಒಣಗಿಸಬಹುದು. ಇದರಿಂದ ಅದರಲ್ಲಿರುವ ಹೆಚ್ಚುವರಿ ನೀರಿನ ಅಂಶ ಕಡಿಮೆಯಾಗುತ್ತದೆ.
ಒಂದು ದೊಡ್ಡ ಪಾತ್ರೆಯಲ್ಲಿ ಸೋಂಪಿನ ಪುಡಿ, ಸಾಸಿವೆ ಪುಡಿ, ಮೆಂತ್ಯ ಪುಡಿ, ಅರಿಶಿನ, ಖಾರದ ಮೆಣಸಿನ ಪುಡಿ, ಕಾಳುಜೀರಿಗೆ, ಓಮ, ಇಂಗು, ಉಪ್ಪು ಮತ್ತು ಕಪ್ಪು ಉಪ್ಪನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ.
ಒಂದು ಬಾಣಲೆಯಲ್ಲಿ ಸಾಸಿವೆ ಎಣ್ಣೆಯನ್ನು ಬಿಸಿ ಮಾಡಿ. ಎಣ್ಣೆ ಚೆನ್ನಾಗಿ ಕಾದ ನಂತರ ಗ್ಯಾಸ್ ಆಫ್ ಮಾಡಿ. ಎಣ್ಣೆ ಸ್ವಲ್ಪ ಉಗುರುಬೆಚ್ಚಗಾದ ಮೇಲೆ ಅದಕ್ಕೆ ಸಿದ್ಧಪಡಿಸಿಕೊಂಡ ಮಸಾಲೆ ಮಿಶ್ರಣ, ಹಸಿಮೆಣಸಿನಕಾಯಿ ಮತ್ತು ಕತ್ತರಿಸಿದ ತೊಂಡೆಕಾಯಿಯನ್ನು ಸೇರಿಸಿ ಚೆನ್ನಾಗಿ ಕಲಸಿ.
ಉಪ್ಪಿನಕಾಯಿ ಹೆಚ್ಚು ದಿನ ಉಳಿಯಲು ಮತ್ತು ಸ್ವಲ್ಪ ಹುಳಿ ರುಚಿ ಬರಲು 2 ಚಮಚ ವಿನೆಗರ್ ಅಥವಾ ನಿಂಬೆ ರಸವನ್ನು ಸೇರಿಸಿ. ಎಲ್ಲ ಪದಾರ್ಥಗಳು ಮಸಾಲೆಯೊಂದಿಗೆ ಚೆನ್ನಾಗಿ ಬೆರೆಯುವಂತೆ ಮಿಶ್ರಣ ಮಾಡಿ.
ಸಿದ್ಧಪಡಿಸಿದ ಉಪ್ಪಿನಕಾಯಿ ಸಂಪೂರ್ಣ ತಣ್ಣಗಾಗಲು ಬಿಡಿ. ನಂತರ ಸ್ವಚ್ಛವಾಗಿ ತೊಳೆದು ಸಂಪೂರ್ಣ ಒಣಗಿಸಿರುವ ಗಾಳಿಯಾಡದ ಗಾಜಿನ ಜಾಡಿಗೆ ತುಂಬಿ ಮುಚ್ಚಳ ಹಾಕಿ.
ಇದೀಗ ರುಚಿಕರವಾದ ಖಾರ ಖಾರವಾದ ತೊಂಡೆಕಾಯಿ ಉಪ್ಪಿನಕಾಯಿ ಸವಿಯಲು ಸಿದ್ಧ. ಇದನ್ನು 1ರಿಂದ 2 ದಿನಗಳ ಕಾಲ ಬಿಸಿಲಿನಲ್ಲಿ ಇಟ್ಟ ನಂತರ ಪರೋಟಾ, ರೊಟ್ಟಿ ಅಥವಾ ಅನ್ನದ ಜೊತೆ ಸವಿಯಬಹುದು.

Ramayana Movieಯಂತೆ ಫಟಾಫಟ್ ಸಾವಿರ ಕೋಟಿ ಬಾಚಿದ 8 ಸಿನಿಮಾ ಇವೇ ನೋಡಿ: ಕನ್ನಡದ್ದು ಎಷ್ಟಿವೆ ಗೊತ್ತಾ

Suchethana D — Fri, 13 Nov 2026 17:50:11 +0530

ಮುಂಬೈ: ರಾಮಾಯಣ ಸಿನಿಮಾ (Ramayana Part-1 Movie) ಇಡೀ ವಿಶ್ವಾದ್ಯಂತ ಭಾರಿ ಹವಾ ಸೃಷ್ಟಿಸುತ್ತಿದೆ. ಕನ್ನಡ ಸೇರಿದಂತೆ ವಿವಿಧ ಭಾಷೆಗಳಲ್ಲಿ ಈ ಸಿನಿಮಾ ಬಿಡುಗಡೆ ಮಾಡಲಾಗಿದೆ. ಚಿತ್ರವು ಎಂಟು ದಿನಗಳಲ್ಲಿ ರೂ. 1,000 ಕೋಟಿ ಕ್ಲಬ್‌ಗೆ ಪ್ರವೇಶಿಸಿತು, ಎಂಟನೇ ದಿನದಂದು ವಿಶ್ವಾದ್ಯಂತ ಅದರ ಗಳಿಕೆ ರೂ. 1,033.55 ಕೋಟಿ ತಲುಪಿದೆ. ರಣಬೀರ್ ಕಪೂರ್, ಸಾಯಿ ಪಲ್ಲವಿ ಮತ್ತು ಯಶ್ ಅಭಿನಯದ ಈ ಸಿನಿಮಾ ಇದಾಗಲೇ ಸಾಕಷ್ಟು ಹಲ್ಚಲ್ ಸೃಷ್ಟಿಸಿದ್ದು, ಕೆಲವು ದಾಖಲೆಗಳನ್ನೂ ಮಾಡಿದೆ. ವಿಶ್ವಾದ್ಯಂತ 1,000 ಕೋಟಿ ರೂ.ಗಳ ಬಾಕ್ಸ್ ಆಫೀಸ್ ಕ್ಲಬ್ ಭಾರತೀಯ ಸಿನಿಮಾ ರಂಗಕ್ಕೆ ಪ್ರಮುಖ ಮಾನದಂಡವಾಗಿದೆ, ವಿವಿಧ ಉದ್ಯಮಗಳ ಚಲನಚಿತ್ರಗಳು ದಾಖಲೆಯ ಸಮಯದಲ್ಲಿ ಈ ಮೈಲಿಗಲ್ಲನ್ನು ತಲುಪಿವೆ. ಹಾಗಿದ್ದರೆ ಇಲ್ಲಿಯವರೆಗೆ ಯಾವೆಲ್ಲಾ ಸಿನಿಮಾ ಅತಿ ಕಡಿಮೆ ಅವಧಿಯಲ್ಲಿ 1000 ಕೋಟಿ ದಾಟಿದೆ, ಇದರಲ್ಲಿ ಕನ್ನಡದ ಸಿನಿಮಾ ಎಷ್ಟಿದೆ ಎನ್ನುವ ಬಗ್ಗೆ ಇಲ್ಲಿದೆ ನೋಡಿ ವಿವರ:

ದಾಖಲೆ ಹಂಚಿಕೊಂಡ ಸಿನಿಮಾಗಳು

ಓಟದಲ್ಲಿ ಮುಂಚೂಣಿಯಲ್ಲಿರುವವರು ಆದಿತ್ಯ ಧಾರ್ ಅವರ ಧುರಂಧರ್ 2: ದಿ ರಿವೆಂಜ್ ಮತ್ತು ಪುಷ್ಪ 2: ದಿ ರೂಲ್, ಜಾಗತಿಕವಾಗಿ 1,000 ಕೋಟಿ ರೂ.ಗಳ ಗಡಿಯನ್ನು ವೇಗವಾಗಿ ದಾಟಿದ ಭಾರತೀಯ ಚಲನಚಿತ್ರಗಳ ದಾಖಲೆಯನ್ನು ಹಂಚಿಕೊಂಡಿದ್ದಾರೆ. ಅಲ್ಲು ಅರ್ಜುನ್ ನೇತೃತ್ವದ ಪುಷ್ಪ 2, 2024 ರಲ್ಲಿ ಏಳು ದಿನಗಳಲ್ಲಿ ಈ ಸಾಧನೆಯನ್ನು ಸಾಧಿಸಿದರೆ, ಧುರಂಧರ್ 2, 2026 ರಲ್ಲಿ ಈ ದಾಖಲೆಯನ್ನು ಸರಿಗಟ್ಟಿತು. ಈ ಚಿತ್ರವು ವಿಶ್ವಾದ್ಯಂತ 1,813.39 ಕೋಟಿ ರೂ.ಗಳನ್ನು ಸಂಗ್ರಹಿಸಿತು, ಇದು ಭಾರತೀಯ ಸಿನಿಮಾದಲ್ಲಿ ಅತಿದೊಡ್ಡ ವಾಣಿಜ್ಯ ಯಶಸ್ಸಿನಲ್ಲಿ ಒಂದಾಗಿದೆ. ಹಿಂದಿ ಭಾಷೆಯ ಚಿತ್ರಗಳಲ್ಲಿ, ಧುರಂಧರ್-2 ಅಗ್ರ ಸ್ಥಾನವನ್ನು ಪಡೆದುಕೊಂಡಿದೆ, ನಂತರ ರಾಮಾಯಣ: ರೈಸ್ ಆಫ್ ಎ ಲೆಜೆಂಡ್, ಎಂಟು ದಿನಗಳಲ್ಲಿ 1,000 ಕೋಟಿ ರೂ.ಗಳ ಗಡಿಯನ್ನು ದಾಟಿದೆ. ಈ ಚಿತ್ರವು ತನ್ನ ಎಂಟನೇ ದಿನದಂದು ವಿಶ್ವಾದ್ಯಂತ 1,033.55 ಕೋಟಿ ರೂ.ಗಳನ್ನು ಗಳಿಸಿ, ಈ ಮೈಲಿಗಲ್ಲನ್ನು ತಲುಪಿದ ಅತ್ಯಂತ ವೇಗದ ಭಾರತೀಯ ಚಿತ್ರಗಳಲ್ಲಿ ಒಂದಾಗಿ ಸ್ಥಾನ ಪಡೆದಿದೆ.

ವಿಶ್ವಾದ್ಯಂತ ವೇಗವಾಗಿ 1,000 ಕೋಟಿ ರೂ.ಗಳನ್ನು ದಾಟಿದ ಭಾರತೀಯ ಚಿತ್ರಗಳು

ಅತಿ ಕಡಿಮೆ ಅವಧಿಯಲ್ಲಿ ವಿಶ್ವಾದ್ಯಂತ 1,000 ಕೋಟಿ ರೂ.ಗಳ ಮೈಲಿಗಲ್ಲನ್ನು ತಲುಪಿದ ಚಿತ್ರಗಳ ನೋಟ ಇಲ್ಲಿದೆ:

1. ಪುಷ್ಪ 2: ದಿ ರೂಲ್ (2024) - 7 ದಿನಗಳು: ಅಲ್ಲು ಅರ್ಜುನ್ ಅಭಿನಯದ ಈ ಚಿತ್ರವು ಕೇವಲ ಏಳು ದಿನಗಳಲ್ಲಿ 1,000 ಕೋಟಿ ರೂ.ಗಳನ್ನು ತಲುಪುವ ಮೂಲಕ 1,000 ಕೋಟಿ ರೂ.ಗಳ ಕ್ಲಬ್‌ಗೆ ಪ್ರವೇಶಿಸಿದ ಅತ್ಯಂತ ವೇಗದ ಭಾರತೀಯ ಚಿತ್ರವಾಯಿತು. ಇದರ ವಿಶ್ವಾದ್ಯಂತ ಜೀವಮಾನದ ಗಳಿಕೆ 1,742.10 ಕೋಟಿ ರೂ.ಗಳೆಂದು ವರದಿಯಾಗಿದೆ.

2. ಧುರಂಧರ್ 2: ದಿ ರಿವೆಂಜ್ (2026) - 7 ದಿನಗಳು: ಹಿಂದಿ ಚಿತ್ರವು ಪುಷ್ಪ 2 ರ ದಾಖಲೆಯನ್ನು ಸರಿಗಟ್ಟಿದ್ದು, ಏಳು ದಿನಗಳಲ್ಲಿ ವಿಶ್ವಾದ್ಯಂತ 1,000 ಕೋಟಿ ರೂ.ಗಳನ್ನು ದಾಟಿತು. ಇದು ವಿಶ್ವಾದ್ಯಂತ 1,813.39 ಕೋಟಿ ರೂ.ಗಳನ್ನು ಗಳಿಸಿತು.

3. ರಾಮಾಯಣ: ರೈಸ್ ಆಫ್ ಎ ಲೆಜೆಂಡ್ (2026) - 8 ದಿನಗಳು: ಚಿತ್ರವು ಎಂಟು ದಿನಗಳಲ್ಲಿ ರೂ. 1,000 ಕೋಟಿ ಕ್ಲಬ್‌ಗೆ ಪ್ರವೇಶಿಸಿತು, ಎಂಟನೇ ದಿನದಂದು ವಿಶ್ವಾದ್ಯಂತ ಅದರ ಗಳಿಕೆ ರೂ. 1,033.55 ಕೋಟಿ ತಲುಪಿತು.

4. ಬಾಹುಬಲಿ 2: ದಿ ಕನ್ಕ್ಲೂಷನ್ (2017) - 10 ದಿನಗಳು: ಎಸ್.ಎಸ್. ರಾಜಮೌಳಿ ಅವರ ಬ್ಲಾಕ್‌ಬಸ್ಟರ್ ಚಿತ್ರ 10 ದಿನಗಳಲ್ಲಿ ಮೈಲಿಗಲ್ಲು ತಲುಪಿತು. ಈ ಚಿತ್ರವು ವಿಶ್ವಾದ್ಯಂತ ರೂ. 1,788.06 ಕೋಟಿ ಸಂಗ್ರಹಿಸಿತು.

5. ಆರ್‌ಆರ್‌ಆರ್ (2022) - 16 ದಿನಗಳು: ಎಸ್‌ಎಸ್. ರಾಜಮೌಳಿ ನಿರ್ದೇಶನದ ಮತ್ತೊಂದು ಚಿತ್ರ, ಆರ್‌ಆರ್‌ಆರ್ 16 ದಿನಗಳಲ್ಲಿ ವಿಶ್ವಾದ್ಯಂತ ರೂ. 1,000 ಕೋಟಿ ದಾಟಿತು. ಇದರ ವಿಶ್ವಾದ್ಯಂತ ಸಂಗ್ರಹವು ರೂ. 1,230 ಕೋಟಿ ಎಂದು ವರದಿಯಾಗಿದೆ.

6. ಕೆಜಿಎಫ್: ಅಧ್ಯಾಯ 2 (2022) - 18 ದಿನಗಳು: ಯಶ್ ಅವರ ಆಕ್ಷನ್ ಬ್ಲಾಕ್‌ಬಸ್ಟರ್ ಚಿತ್ರ 18 ದಿನಗಳಲ್ಲಿ 1,000 ಕೋಟಿ ರೂ. ಕ್ಲಬ್‌ಗೆ ಪ್ರವೇಶಿಸಿ, ಅಂತಿಮವಾಗಿ ವಿಶ್ವಾದ್ಯಂತ 1,215 ಕೋಟಿ ರೂ. ಗಳಿಸಿತು.

7. ಜವಾನ್ (2023) - 18 ದಿನಗಳು: ಶಾರುಖ್ ಖಾನ್ ಅವರ ಜವಾನ್ 18 ದಿನಗಳಲ್ಲಿ ಈ ಮೈಲಿಗಲ್ಲನ್ನು ದಾಟಿತು. ಈ ಚಿತ್ರದ ವಿಶ್ವಾದ್ಯಂತ ವರದಿಯಾದ ಕಲೆಕ್ಷನ್ ಸುಮಾರು 1,160 ಕೋಟಿ ರೂ.

8. ಪಠಾಣ್ (2023) - 27 ದಿನಗಳು: ಶಾರುಖ್ ಖಾನ್ ಅಭಿನಯದ ಮತ್ತೊಂದು ಚಿತ್ರ ಪಠಾಣ್ 27 ದಿನಗಳಲ್ಲಿ 1,000 ಕೋಟಿ ರೂ.ಗಳನ್ನು ತಲುಪಿತು, ಅಂತಿಮವಾಗಿ ವಿಶ್ವಾದ್ಯಂತ ಸುಮಾರು 1,055 ಕೋಟಿ ರೂ.ಗಳನ್ನು ಸಂಗ್ರಹಿಸಿತು.

ಮೈಲಿಗಲ್ಲು ತಲುಪಿದ ವೇಗದ ಹಿಂದಿ ಚಿತ್ರ

ಧುರಂಧರ್ 2 ಮೈಲಿಗಲ್ಲು ತಲುಪಿದ ಅತ್ಯಂತ ವೇಗದ ಹಿಂದಿ ಚಿತ್ರವಾಗಿದೆ. ಇದು ತನ್ನ ಏಳು ದಿನಗಳ ದಾಖಲೆಯೊಂದಿಗೆ ಅಗ್ರ ಸ್ಥಾನವನ್ನು ಪಡೆದುಕೊಂಡಿದೆ. ರಾಮಾಯಣ: ರೈಸ್ ಆಫ್ ಎ ಲೆಜೆಂಡ್ ಎಂಟು ದಿನಗಳಲ್ಲಿ ನಿಕಟವಾಗಿ ಅನುಸರಿಸುತ್ತದೆ. ಈ ಹಿಂದೆ ರೂ. 1,000 ಕೋಟಿ ಕ್ಲಬ್‌ಗೆ ವೇಗವಾಗಿ ಪ್ರವೇಶಿಸಿದ ಹಿಂದಿ ಚಿತ್ರಗಳಲ್ಲಿ ಒಂದಾಗಿದ್ದ ಶಾರುಖ್ ಖಾನ್ ಅವರ ಜವಾನ್ ಮತ್ತು ಪಠಾಣ್ ಈಗ ಕ್ರಮವಾಗಿ ಮೂರನೇ ಮತ್ತು ನಾಲ್ಕನೇ ಸ್ಥಾನಗಳನ್ನು ಪಡೆದುಕೊಂಡಿವೆ. ಪುಷ್ಪ 2: ದಿ ರೂಲ್ ತೆಲುಗು ಭಾಷೆಯ ಚಿತ್ರವಾಗಿದ್ದು, ಒಟ್ಟಾರೆ ಭಾರತೀಯ ಸಿನಿಮಾ ದಾಖಲೆಯನ್ನು ಧುರಂಧರ್ 2 ರೊಂದಿಗೆ ಹಂಚಿಕೊಂಡಿದ್ದರೂ ಹಿಂದಿ-ಚಲನಚಿತ್ರ ಶ್ರೇಯಾಂಕದಲ್ಲಿ ಸ್ಥಾನ ಪಡೆದಿಲ್ಲ ಎಂಬುದು ಗಮನಿಸಬೇಕಾದ ಸಂಗತಿ.

ಆ ಸೆಟ್‌ನಲ್ಲಿ 100 ಅಡಿ ಕ್ರೇನ್ ಬಿದ್ದಾಗ ನನ್ನನ್ನು ಕಾಪಾಡಿದ್ದು ಒಂದು 'ನಿಗೂಢ ಕೈ': ನಟಿ ಕಾಜಲ್ ಭಾವುಕ

Govindaraj S — Fri, 13 Nov 2026 17:44:23 +0530

2020ರಲ್ಲಿ ನಡೆದ 'ಇಂಡಿಯನ್ 2' ಚಿತ್ರದ ಭೀಕರ ಕ್ರೇನ್ ದುರಂತದಿಂದ ಪಾರಾದ ಘಟನೆಯನ್ನು ಕಾಜಲ್ ಅಗರ್ವಾಲ್ ನೆನಪಿಸಿಕೊಂಡಿದ್ದಾರೆ. 100 ಅಡಿ ಎತ್ತರದ ಕ್ರೇನ್ ಬೀಳುವ ಮುನ್ನವೇ ನಿಗೂಢ ಕೈಯೊಂದು ತನ್ನನ್ನು ಎಳೆದು ರಕ್ಷಿಸಿತು ಎಂದು ಅವರು ಹೇಳಿದ್ದಾರೆ. ಕಾಜಲ್ ಅಗರ್ವಾಲ್ 'ಇಂಡಿಯನ್ 2' ಸೆಟ್‌ನಲ್ಲಿ ಸಾವಿನ ದವಡೆಯಿಂದ ಪಾರಾದ ಘಟನೆಯನ್ನು ನೆನಪಿಸಿಕೊಂಡಿದ್ದಾರೆ.

100 ಅಡಿ ಎತ್ತರದ ಕ್ರೇನ್ ಕುಸಿಯುವ ಕೆಲವೇ ಸೆಕೆಂಡುಗಳ ಮುನ್ನ 'ನಿಗೂಢ ಕೈ'ಯೊಂದು ತನ್ನನ್ನು ಎಳೆದು ರಕ್ಷಿಸಿತು ಎಂದು ಅವರು ಬಹಿರಂಗಪಡಿಸಿದ್ದಾರೆ. ಈ ದುರಂತದಲ್ಲಿ ಮೂವರು ಸಿಬ್ಬಂದಿ ಸಾವನ್ನಪ್ಪಿ, ಒಂಬತ್ತು ಮಂದಿ ಗಾಯಗೊಂಡಿದ್ದರು. ಈ ಭೀಕರ ಅಪಘಾತ 2020ರ ಫೆಬ್ರವರಿಯಲ್ಲಿ ಚೆನ್ನೈ ಸಮೀಪದ ಇವಿಪಿ ಫಿಲ್ಮ್ ಸಿಟಿಯಲ್ಲಿ ತಡರಾತ್ರಿ ಚಿತ್ರೀಕರಣದ ವೇಳೆ ನಡೆದಿತ್ತು. ಕಮಲ್ ಹಾಸನ್ ನಟನೆಯ ಈ ಬಹುನಿರೀಕ್ಷಿತ ಆಕ್ಷನ್ ಚಿತ್ರದ ಶೂಟಿಂಗ್ ಅನ್ನು ಈ ದುರಂತದ ಬಳಿಕ ತಕ್ಷಣವೇ ನಿಲ್ಲಿಸಲಾಯಿತು.

ಸೆಟ್‌ನಲ್ಲಿ ಏನಾಯಿತು?

ಇತ್ತೀಚೆಗೆ ಹ್ಯೂಮನ್ಸ್ ಆಫ್ ಬಾಂಬೆ ಜೊತೆಗಿನ ಸಂದರ್ಶನದಲ್ಲಿ ಕಾಜಲ್ ಅಗರ್ವಾಲ್ ಆ ಭಯಾನಕ ಕ್ಷಣವನ್ನು ವಿವರಿಸಿದ್ದಾರೆ. ಸಾಮಾನ್ಯ ಶೂಟಿಂಗ್ ಕ್ಷಣಾರ್ಧದಲ್ಲಿ ಹೇಗೆ ಸಂಪೂರ್ಣ ಅವ್ಯವಸ್ಥೆಗೆ ತಿರುಗಿತು ಎಂಬುದನ್ನು ಅವರು ನೆನಪಿಸಿಕೊಂಡರು. ಘಟನೆ ನಡೆದಾಗ ಅವರು 80 ವರ್ಷದ ಪಾತ್ರಕ್ಕಾಗಿ ಪ್ರೋಸ್ಥೆಟಿಕ್ ಮೇಕಪ್‌ನಲ್ಲಿದ್ದರು. ಆಗ ಸೆಟ್‌ನಲ್ಲಿ ಇದ್ದಕ್ಕಿದ್ದಂತೆ ಭಯದ ವಾತಾವರಣ ನಿರ್ಮಾಣವಾಯಿತು.

ಸಿಬ್ಬಂದಿ ಭಯಗೊಂಡು ಓಡುತ್ತಿದ್ದಾಗ, ಕಾಜಲ್ ತಮ್ಮ ಮಾನಿಟರ್ ಸ್ಟೇಷನ್ ಬಳಿಯ ಕನ್ಸೋಲ್ ಟೇಬಲ್‌ಗೆ ಎಡವಿ ಬಿದ್ದರು. ಭಯದಿಂದ ಅವರು ಅಲ್ಲಿಯೇ ಹೆಪ್ಪುಗಟ್ಟಿದರು, ಅಪಾಯದಿಂದ ಪಾರಾಗಲು ಚಲಿಸಲು ಸಹ ಸಾಧ್ಯವಾಗಲಿಲ್ಲ. ಮೇಲಕ್ಕೆ ನೋಡಿದಾಗ, 100 ಅಡಿ ಎತ್ತರದ ಬೃಹತ್ ಕ್ರೇನ್ ಸಮತೋಲನ ಕಳೆದುಕೊಂಡು ನೇರವಾಗಿ ಅವರ ಮೇಲೆಯೇ ಬೀಳುತ್ತಿರುವುದು ಕಂಡಿತು.

'ಒಂದು ಕೈ ನನ್ನನ್ನು ಎಳೆಯಿತು'

ತಮ್ಮ ಪ್ರಾಣಾಪಾಯದಿಂದ ಪಾರಾದ ಘಟನೆಯನ್ನು ವಿವರಿಸುತ್ತಾ ಕಾಜಲ್, ತಮ್ಮ ಜೀವ ಉಳಿಸಿದ ಆ ನಿರ್ದಿಷ್ಟ ಕ್ಷಣವನ್ನು ಹಂಚಿಕೊಂಡರು. "ಅದು ಸುದ್ದಿಯಾಗಿತ್ತು; ಇಂಡಿಯನ್ 2 ಸೆಟ್‌ನಲ್ಲಿ ನಡೆದ ಭಾರಿ ಅಪಘಾತವದು. 100 ಅಡಿ ಎತ್ತರದ ಕ್ರೇನ್ ಬಿದ್ದು ಸೆಟ್‌ನಲ್ಲಿದ್ದ ಮೂವರ ಪ್ರಾಣ ತೆಗೆಯಿತು. ಆ ಜಾಗದಲ್ಲಿ ನಾನೇ ಮೊದಲು ಸಾಯಬೇಕಿತ್ತು. ನಿಜಕ್ಕೂ ನಾನು ಹೇಗೆ ಬದುಕಿದ್ದೇನೆ ಎಂದು ನನಗೇ ಗೊತ್ತಿಲ್ಲ, ಆದರೆ ನಾನು ಆಣೆ ಮಾಡಿ ಹೇಳುತ್ತೇನೆ, ಒಂದು ಕೈ ನನ್ನನ್ನು ಅಲ್ಲಿಂದ ಎಳೆಯಿತು" ಎಂದು ಸಂದರ್ಶನದಲ್ಲಿ ತಿಳಿಸಿದರು.

ಕ್ರೇನ್ ಬೀಳುವ ಸ್ವಲ್ಪ ಮುಂಚಿತವಾಗಿ ಯಾರೋ ತಮ್ಮನ್ನು ಎಳೆದ ಅನುಭವ ಅವರಿಗಾಯಿತು. ಆದರೆ, ತಮ್ಮನ್ನು ಹಿಡಿದವರನ್ನು ವಂದಿಸಲು ಸುತ್ತಲೂ ನೋಡಿದಾಗ, ತಮ್ಮನ್ನು ರಕ್ಷಿಸುವಷ್ಟು ಹತ್ತಿರದಲ್ಲಿ ಅವರ ತಂಡದ ಯಾರೂ ಇರಲಿಲ್ಲ. ಈ ಭಯಾನಕ ಕ್ಷಣ ಅವರ ವೈಯಕ್ತಿಕ ನಂಬಿಕೆಯನ್ನು ಆಳವಾಗಿ ಬದಲಾಯಿಸಿತು. ಆ ಘಟನೆಯ ಬಳಿಕ ಅವರು ಭಗವಾನ್ ಕೃಷ್ಣನ ಪರಮ ಭಕ್ತೆಯಾದರು.

ಸಾವು-ನೋವು ಮತ್ತು ಪರಿಣಾಮ

ಈ ದುರಂತದಲ್ಲಿ ಕುಸಿತದ ಸ್ಥಳದ ಬಳಿ ಇದ್ದ ಸಿಬ್ಬಂದಿ ತಕ್ಷಣವೇ ಪ್ರಾಣ ಕಳೆದುಕೊಂಡರು ಮತ್ತು ಹಲವರು ಗಾಯಗೊಂಡರು. ಅಪಘಾತದಲ್ಲಿ ಕೃಷ್ಣ, ಚಂದ್ರನ್ ಮತ್ತು ಮಧು ಎಂಬ ಮೂವರು ಸಿಬ್ಬಂದಿ ಮೃತಪಟ್ಟರು ಹಾಗೂ ಒಂಬತ್ತು ಮಂದಿ ಗಾಯಗೊಂಡರು. ಮೃತರನ್ನು ಸಹಾಯಕ ನಿರ್ದೇಶಕ ಕೃಷ್ಣ, ಕಲಾ ಸಹಾಯಕ ಚಂದ್ರನ್ ಮತ್ತು ನಿರ್ಮಾಣ ಸಹಾಯಕ ಮಧು ಎಂದು ಗುರುತಿಸಲಾಯಿತು. ಈ ಭೀಕರ ಉಪಕರಣ ಕುಸಿತದಿಂದ ಒಂಬತ್ತು ಮಂದಿ ಕಾರ್ಮಿಕರಿಗೆ ಗಂಭೀರ ಗಾಯಗಳಾಗಿದ್ದು, ಅವರಿಗೆ ತುರ್ತು ವೈದ್ಯಕೀಯ ಚಿಕಿತ್ಸೆ ನೀಡಲಾಯಿತು.

ಹಣಕಾಸಿನ ನೆರವು

ಇನ್ನು ಈ ದುರಂತ ಚಲನಚಿತ್ರ ರಂಗದಲ್ಲಿ ತೀವ್ರ ಆಘಾತ ಮೂಡಿಸಿತು ಮತ್ತು ಸಿನಿಮಾ ಸೆಟ್‌ಗಳಲ್ಲಿ ಭಾರಿ ಉಪಕರಣಗಳ ಸುರಕ್ಷತೆಯ ಬಗ್ಗೆ ಕಳವಳವನ್ನು ಹುಟ್ಟುಹಾಕಿತು. ದುರಂತದ ಹಿನ್ನೆಲೆಯಲ್ಲಿ ಸಂತ್ರಸ್ತರಿಗೆ ಮತ್ತು ಅವರ ಕುಟುಂಬಗಳಿಗೆ ಆರ್ಥಿಕ ನೆರವು ಘೋಷಿಸಲಾಯಿತು. ದುರಂತದ ಬಳಿಕ, ಪ್ರಮುಖ ನಟ ಕಮಲ್ ಹಾಸನ್ ಮತ್ತು ನಿರ್ಮಾಣ ಸಂಸ್ಥೆ ಲೈಕಾ ಪ್ರೊಡಕ್ಷನ್ಸ್ ತಲಾ 1 ಕೋಟಿ ರೂಪಾಯಿಗಳ ಆರ್ಥಿಕ ನೆರವನ್ನು ಮೃತ ಸಿಬ್ಬಂದಿ ಕೃಷ್ಣ, ಚಂದ್ರನ್ ಮತ್ತು ಮಧು ಅವರ ಕುಟುಂಬಗಳಿಗೆ ಹಾಗೂ ಘಟನೆಯಿಂದ ತೊಂದರೆಗೊಳಗಾದವರಿಗೆ ನೀಡಲು ಮುಂದಾದವು.

'ಯಶಸ್ಸಿಗೆ ತ್ಯಾಗ ಬೇಕು': '12th Fail' ಖ್ಯಾತಿಯ ಐಪಿಎಸ್ ಅಧಿಕಾರಿ ಮನೋಜ್ ಶರ್ಮಾ ಮಾತಿಗೆ ಮನಸೋತ ಮುಂಬೈ ಕ್ರಿಕೆಟಿಗರು!

Naveen Kodase — Fri, 13 Nov 2026 17:37:45 +0530

ಮುಂಬೈ(ನ.13): ಕ್ರಿಕೆಟ್ ಮೈದಾನದಲ್ಲಿ ಎದುರಾಳಿಗಳನ್ನು ಹೇಗೆ ಮಣಿಸಬೇಕು ಎಂಬುದರ ಬಗ್ಗೆ ಆಟಗಾರರು ಸಾಕಷ್ಟು ಸಲಹೆಗಳನ್ನು ಪಡೆಯುತ್ತಾರೆ. ಆದರೆ ಜೀವನದ ಸವಾಲುಗಳನ್ನು ಎದುರಿಸಿ ಯಶಸ್ಸು ಸಾಧಿಸುವುದು ಹೇಗೆ ಎಂಬ ಪಾಠವನ್ನು ಕೇಳುವ ಅವಕಾಶ ಸಿಕ್ಕರೆ? ಇಂತಹದ್ದೊಂದು ವಿಶೇಷ ಅನುಭವಕ್ಕೆ ಮುಂಬೈ ಕ್ರಿಕೆಟ್ ತಂಡದ ಆಟಗಾರರು ಸಾಕ್ಷಿಯಾಗಿದ್ದಾರೆ. '12th Fail' ಸಿನಿಮಾ ಮೂಲಕ ದೇಶಾದ್ಯಂತ ಪರಿಚಿತರಾದ ರಿಯಲ್ ಲೈಫ್ ಹೀರೋ, ಐಪಿಎಸ್ ಅಧಿಕಾರಿ ಮನೋಜ್ ಶರ್ಮಾ ಮತ್ತು ಅವರ ಪತ್ನಿ, ಐಆರ್‌ಎಸ್ ಅಧಿಕಾರಿ ಶ್ರದ್ಧಾ ಶರ್ಮಾ ಅವರು ಮುಂಬೈ ಕ್ರಿಕೆಟಿಗರಿಗೆ ಸ್ಫೂರ್ತಿಯ ಮಾತುಗಳನ್ನು ಹೇಳಿದ್ದಾರೆ.

ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಆರಂಭಕ್ಕೆ ಕೆಲವೇ ದಿನಗಳು ಬಾಕಿ ಇರುವಾಗ ಮುಂಬೈನ ವಾಂಖೆಡೆ ಕ್ರೀಡಾಂಗಣದ ಡ್ರೆಸ್ಸಿಂಗ್ ರೂಮ್‌ನಲ್ಲಿ ಈ ವಿಶೇಷ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಒಂದು ಗಂಟೆಗೂ ಹೆಚ್ಚು ಕಾಲ ನಡೆದ ಈ ಸಂವಾದದಲ್ಲಿ ಮುಂಬೈ ತಂಡದ ನಾಯಕ ಸೂರ್ಯಕುಮಾರ್ ಯಾದವ್, ಸರ್ಫರಾಜ್ ಖಾನ್, ಶಾರ್ದೂಲ್ ಠಾಕೂರ್ ಸೇರಿದಂತೆ ಹಲವು ಆಟಗಾರರು ಭಾಗವಹಿಸಿದ್ದರು.

ಕ್ರೀಡೆಯ ಹೊರಗಿನ ಹೀರೋನಿಂದ ಸ್ಫೂರ್ತಿ ಪಡೆಯಲು ಅವಕಾಶ

ಮುಂಬೈ ಕ್ರಿಕೆಟ್ ಅಸೋಸಿಯೇಷನ್‌ (MCA) ಆಟಗಾರರು ಮತ್ತು ಸಹಾಯಕ ಸಿಬ್ಬಂದಿಗೆ ಕ್ರೀಡೆಯ ಹೊರಗಿನ ವ್ಯಕ್ತಿಯೊಬ್ಬರ ಜೀವನದ ಅನುಭವದಿಂದ ಸ್ಫೂರ್ತಿ ಪಡೆಯುವ ಅವಕಾಶ ಕಲ್ಪಿಸಿತ್ತು. ಆಟಗಾರರು ತಮ್ಮ ಜೀವನದ ಗುರಿಗಳನ್ನು ಸಾಧಿಸಲು ಎದುರಾಗುವ ಅಡೆತಡೆಗಳನ್ನು ಹೇಗೆ ದಾಟಬೇಕು ಎಂಬುದರ ಕುರಿತು ಮನೋಜ್ ಶರ್ಮಾ ಮತ್ತು ಶ್ರದ್ಧಾ ಶರ್ಮಾ ತಮ್ಮ ಅನುಭವ ಹಂಚಿಕೊಂಡರು.

ಈ ಕುರಿತು ಮಾತನಾಡಿದ MCA ಅಧ್ಯಕ್ಷ ಅಜಿಂಕ್ಯ ನಾಯಕ್, "ಜೀವನದಲ್ಲಿ ದೊಡ್ಡ ಸಾಧನೆ ಮಾಡುವ ಕನಸು ಕಾಣುತ್ತಿರುವ ನಮ್ಮ ಆಟಗಾರರು ಮತ್ತು ಸಹಾಯಕ ಸಿಬ್ಬಂದಿಗಾಗಿ ಈ ಸ್ಫೂರ್ತಿದಾಯಕ ಸಂವಾದವನ್ನು ಆಯೋಜಿಸಿದ್ದೆವು. ದೇಶೀಯ ಕ್ರಿಕೆಟ್ ಋತುವಿನ ಅವಧಿಯಲ್ಲಿ MCA ಕೆಲವು ಕ್ರೀಡೇತರ ಚಟುವಟಿಕೆಗಳನ್ನೂ ಆಯೋಜಿಸುತ್ತದೆ. ಇದು ಅಂತಹ ಒಂದು ಕಾರ್ಯಕ್ರಮ" ಎಂದು ತಿಳಿಸಿದರು. "ಜೀವನದಲ್ಲಿ ಎದುರಾಗುವ ಎಲ್ಲ ಅಡೆತಡೆಗಳನ್ನು ಹೇಗೆ ದಾಟಬೇಕು ಮತ್ತು ಗುರಿಗಳನ್ನು ಹೇಗೆ ಸಾಧಿಸಬೇಕು ಎಂಬುದರ ಕುರಿತು ಅಮೂಲ್ಯ ಸಲಹೆ ನೀಡಲು ಮನೋಜ್ ಸರ್ ಮತ್ತು ಶ್ರದ್ಧಾ ಮೇಡಂ ಅವರನ್ನು ಆಹ್ವಾನಿಸಲು ನಿರ್ಧರಿಸಿದೆವು. ಬದ್ಧತೆಯಿಂದ ಪ್ರಯತ್ನಿಸಿದರೆ ಜೀವನದಲ್ಲಿ ಏನನ್ನಾದರೂ ಸಾಧಿಸಬಹುದು ಎಂಬುದನ್ನು ಆಟಗಾರರು ಅರ್ಥಮಾಡಿಕೊಳ್ಳಬೇಕೆಂಬುದು ನಮ್ಮ ಉದ್ದೇಶವಾಗಿತ್ತು. ವೈಯಕ್ತಿಕ ಜೀವನದಲ್ಲಿ ಎಷ್ಟೇ ಪ್ರತಿಕೂಲ ಪರಿಸ್ಥಿತಿಗಳಿದ್ದರೂ ತಮ್ಮ ಕನಸನ್ನು ಬೆನ್ನಟ್ಟುವುದನ್ನು ನಿಲ್ಲಿಸಬಾರದು. ಮನೋಜ್ ಸರ್ ಅವರ ವೈಯಕ್ತಿಕ ಜೀವನದ ಅನುಭವಗಳನ್ನು ಮುಂಬೈ ಆಟಗಾರರು ತಮ್ಮ ಕ್ರಿಕೆಟ್ ವೃತ್ತಿಜೀವನದಲ್ಲಿ ಹೇಗೆ ಅಳವಡಿಸಿಕೊಳ್ಳಬಹುದು ಎಂಬುದರ ಕುರಿತು ಈ ಕಾರ್ಯಕ್ರಮದಲ್ಲಿ ಚರ್ಚಿಸಲಾಯಿತು" ಎಂದು ಅಜಿಂಕ್ಯ ನಾಯಕ್ ಹೇಳಿದರು.

ಮುಂಬೈನಲ್ಲೇ ಸೇವೆ ಸಲ್ಲಿಸುತ್ತಿರುವ ಮನೋಜ್ ಶರ್ಮಾ

ಮನೋಜ್ ಶರ್ಮಾ ಸದ್ಯ ಮುಂಬೈನಲ್ಲಿ ಜಂಟಿ ಪೊಲೀಸ್ ಆಯುಕ್ತರಾಗಿ (ಕಾನೂನು ಮತ್ತು ಸುವ್ಯವಸ್ಥೆ) ಕಾರ್ಯನಿರ್ವಹಿಸುತ್ತಿದ್ದಾರೆ. ಅವರ ಪತ್ನಿ ಶ್ರದ್ಧಾ ಶರ್ಮಾ ಮುಂಬೈ ಕಸ್ಟಮ್ಸ್ ಇಲಾಖೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ. ಮನೋಜ್ ಶರ್ಮಾ ಅವರ ಜೀವನಕಥೆಯನ್ನು ಆಧರಿಸಿ ನಿರ್ಮಿಸಲಾದ '12th Fail' ಸಿನಿಮಾ ದೇಶಾದ್ಯಂತ ಭಾರೀ ಜನಪ್ರಿಯತೆ ಗಳಿಸಿತ್ತು. ಕಷ್ಟಕರ ಪರಿಸ್ಥಿತಿಗಳ ನಡುವೆಯೂ ಛಲ ಬಿಡದೆ ಐಪಿಎಸ್ ಅಧಿಕಾರಿಯಾಗುವ ಅವರ ಪ್ರಯಾಣ ಅನೇಕರಿಗೆ ಸ್ಫೂರ್ತಿಯಾಗಿದೆ. ಇದೀಗ ಅದೇ ಜೀವನಾನುಭವವನ್ನು ಅವರು ಕ್ರಿಕೆಟಿಗರೊಂದಿಗೆ ಹಂಚಿಕೊಂಡಿದ್ದಾರೆ.

ಯಶಸ್ಸು ಬಂದಾಗಲೂ ವಿನಯದಿಂದ ಇರಬೇಕು: ಮನೋಜ್ ಶರ್ಮಾ ಕಿವಿಮಾತು

ಸಂವಾದದ ವೇಳೆ ಮನೋಜ್ ಶರ್ಮಾ ಅವರು ಯಶಸ್ಸು ಸಾಧಿಸಿದ ಬಳಿಕವೂ ವಿನಯವನ್ನು ಕಾಪಾಡಿಕೊಳ್ಳುವ ಮಹತ್ವವನ್ನು ವಿವರಿಸಿದರು. ಕಷ್ಟದ ಸಮಯದಲ್ಲಿ ಧೈರ್ಯ ಕಳೆದುಕೊಳ್ಳಬಾರದು, ಮನಸ್ಸನ್ನು ಅನಗತ್ಯ ವಿಚಾರಗಳತ್ತ ಹರಿಯಲು ಬಿಡಬಾರದು ಎಂಬ ಸಲಹೆಯನ್ನು ಆಟಗಾರರಿಗೆ ನೀಡಿದರು.

ಮುಂಬೈ ಬ್ಯಾಟರ್ ಮುಶೀರ್ ಖಾನ್ ಸಂತಸ

"ನಮಗೆ ಇದು ತುಂಬಾ ಮಜಾದಾಯಕ ಹಾಗೂ ಸ್ಫೂರ್ತಿದಾಯಕ ಕಾರ್ಯಕ್ರಮವಾಗಿತ್ತು. ನಾವು ಈಗಾಗಲೇ '12th Fail' ಸಿನಿಮಾ ನೋಡಿದ್ದೆವು. ಆದರೆ ಮನೋಜ್ ಸರ್ ಅವರಿಂದಲೇ ಅವರ ಜೀವನದ ಅನುಭವಗಳನ್ನು ಕೇಳುವುದು ನಿಜಕ್ಕೂ ಪ್ರೇರಣಾದಾಯಕವಾಗಿತ್ತು. ಜೀವನದಲ್ಲಿ ಹೇಗೆ ವಿನಯದಿಂದ ಇರಬೇಕು ಮತ್ತು ಬಹಳ ವರ್ಷಗಳಿಂದ ನಮ್ಮೊಂದಿಗೆ ಇರುವ ವ್ಯಕ್ತಿಗಳಿಗಾಗಿ ನಮ್ಮ ವ್ಯಕ್ತಿತ್ವವನ್ನು ಬದಲಿಸಿಕೊಳ್ಳಬಾರದು ಎಂಬುದರ ಕುರಿತು ಅವರು ಮಾತನಾಡಿದರು" ಎಂದು ಮುಶೀರ್ ಖಾನ್ ಹೇಳಿದರು.

'ಯಶಸ್ಸಿಗೆ ತ್ಯಾಗ ಬೇಕು, ಗುರಿ ತಲುಪಲು ಉರಿಯಬೇಕು'

ಮನೋಜ್ ಶರ್ಮಾ ಅವರ ಮಾತುಗಳ ಜೊತೆಗೆ ಶ್ರದ್ಧಾ ಶರ್ಮಾ ನೀಡಿದ ಸಲಹೆಯೂ ತಮ್ಮ ಮನಸ್ಸಿನಲ್ಲಿ ಉಳಿದಿದೆ ಎಂದು ಮುಶೀರ್ ಖಾನ್ ಹೇಳಿದ್ದಾರೆ. "ಶ್ರದ್ಧಾ ಮೇಡಂ ಹೇಳಿದ ಒಂದು ಮಾತು ನನಗೆ ತುಂಬಾ ಇಷ್ಟವಾಯಿತು. ಅದನ್ನು ನಾನು ಖಂಡಿತವಾಗಿಯೂ ನೆನಪಿನಲ್ಲಿಟ್ಟುಕೊಳ್ಳುತ್ತೇನೆ. ತ್ಯಾಗ ಮಾಡದೆ ಸ್ವರ್ಗವನ್ನು ಪಡೆಯಲು ಸಾಧ್ಯವಿಲ್ಲ ಎಂದು ಅವರು ಹೇಳಿದರು. ಯಶಸ್ಸು ಸಾಧಿಸಲು ಸಾಕಷ್ಟು ತ್ಯಾಗ ಮಾಡಬೇಕು. ಗುರಿ ತಲುಪಬೇಕಾದರೆ ಪ್ರತಿಯೊಬ್ಬರೂ ಕಷ್ಟಪಡಬೇಕು, ತಮ್ಮನ್ನು ತಾವು ಅದಕ್ಕಾಗಿ ತೊಡಗಿಸಿಕೊಳ್ಳಬೇಕು" ಎಂದು ಮುಶೀರ್ ಖಾನ್ ವಿವರಿಸಿದರು.

ಕ್ರಿಕೆಟ್‌ನಲ್ಲಿ ಪ್ರತಿಭೆ ಮತ್ತು ಪರಿಶ್ರಮ ಎಷ್ಟು ಮುಖ್ಯವೋ, ಜೀವನದಲ್ಲಿ ಶಿಸ್ತು, ತಾಳ್ಮೆ, ವಿನಯ ಮತ್ತು ತ್ಯಾಗವೂ ಅಷ್ಟೇ ಮುಖ್ಯ. ವಾಂಖೆಡೆ ಡ್ರೆಸ್ಸಿಂಗ್ ರೂಮ್‌ನಲ್ಲಿ ನಡೆದ ಈ ವಿಶೇಷ ಸಂವಾದವು ಮುಂಬೈ ಆಟಗಾರರಿಗೆ ಕ್ರಿಕೆಟ್‌ನಾಚೆಗಿನ ಜೀವನದ ಮಹತ್ವದ ಪಾಠಗಳನ್ನು ಕಲಿಸಿದೆ.

ಹೃದಯಾಘಾತದ ಅಪಾಯ ಕಡಿಮೆ ಮಾಡಬೇಕಾ? ಹಾಗಿದ್ರೆ 4 ಜನರ ಕುಟುಂಬಕ್ಕೆ ತಿಂಗಳಿಗೆ ಇಷ್ಟೇ ಎಣ್ಣೆ ಸಾಕು!

Pavna Das — Fri, 13 Nov 2026 17:34:06 +0530

ಅಡುಗೆ ಎಣ್ಣೆ ಎಷ್ಟು ಬಳಸಬೇಕು?

ಭಾರತೀಯ ಆಹಾರ ತನ್ನ ರುಚಿಯಿಂದಾಗಿ ವಿಶ್ವದಾದ್ಯಂತ ಜನಪ್ರಿಯವಾಗಿದೆ. ಅಡುಗೆಗೆ ಬಳಸುವ ಮಸಾಲೆ ಪದಾರ್ಥಗಳ ಜೊತೆಗೆ ಎಣ್ಣೆಯೂ ಆಹಾರದ ರುಚಿಯನ್ನು ಹೆಚ್ಚಿಸುತ್ತದೆ. ಪಲ್ಯಕ್ಕೆ ಒಗ್ಗರಣೆ ಹಾಕುವುದರಿಂದ ಹಿಡಿದು ಪರೋಟಾ ಬೇಯಿಸುವುದು, ಪಕೋಡಾ ಕರಿಯುವವರೆಗೆ ಎಣ್ಣೆ ಪ್ರತಿಯೊಂದು ಅಡುಗೆ ಮನೆಯಲ್ಲೂ ಪ್ರಮುಖ ಪಾತ್ರ ವಹಿಸುತ್ತದೆ. ಆದರೆ ರುಚಿ ಹೆಚ್ಚಿಸುವ ಇದೇ ಎಣ್ಣೆಯನ್ನು ಅಗತ್ಯಕ್ಕಿಂತ ಹೆಚ್ಚು ಬಳಸಿದರೆ ಹೃದಯದ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು. ಹೀಗಾಗಿ ಯಾವ ಎಣ್ಣೆ ಬಳಸುತ್ತೇವೆ ಎನ್ನುವುದರ ಜೊತೆಗೆ ಎಷ್ಟು ಪ್ರಮಾಣದಲ್ಲಿ ಬಳಸುತ್ತೇವೆ ಎಂಬುದೂ ಮುಖ್ಯ.

ತಜ್ಞ ವೈದ್ಯರ ಪ್ರಕಾರ ಆರೋಗ್ಯವಂತ ವ್ಯಕ್ತಿಯೊಬ್ಬರು ದಿನವೊಂದಕ್ಕೆ ಸುಮಾರು 15ರಿಂದ 20 ಮಿಲಿಲೀಟರ್ ಅಂದರೆ 3ರಿಂದ 4 ಚಮಚದಷ್ಟು ಎಣ್ಣೆಯನ್ನು ಮಾತ್ರ ಬಳಸುವುದು ಸೂಕ್ತ. ಈ ಲೆಕ್ಕಾಚಾರದ ಪ್ರಕಾರ ಒಬ್ಬ ವ್ಯಕ್ತಿಗೆ ತಿಂಗಳಿಗೆ ಸುಮಾರು 500ರಿಂದ 600 ಮಿಲಿಲೀಟರ್ ಎಣ್ಣೆ ಸಾಕಾಗುತ್ತದೆ. ನಾಲ್ಕು ಜನರಿರುವ ಕುಟುಂಬಕ್ಕೆ ತಿಂಗಳಿಗೆ ಸರಿಸುಮಾರು 2 ಲೀಟರ್ ಎಣ್ಣೆ ಸಾಕಾಗಬಹುದು. ಆದರೆ ಅನೇಕ ಭಾರತೀಯ ಕುಟುಂಬಗಳಲ್ಲಿ ಐದು ಜನರಿದ್ದರೂ ತಿಂಗಳಿಗೆ ಸುಮಾರು 5ರಿಂದ 10 ಕೆ.ಜಿ. ಎಣ್ಣೆ ಬಳಸುವ ಅಭ್ಯಾಸವಿದೆ.

ಹೃದಯದ ಆರೋಗ್ಯಕ್ಕೆ ಯಾವ ಅಡುಗೆ ಎಣ್ಣೆ ಉತ್ತಮ?

ಮಾರುಕಟ್ಟೆಯಲ್ಲಿ ಹಲವು ಎಣ್ಣೆಗಳು ಲಭ್ಯವಿದೆ. ತಜ್ಞರ ಪ್ರಕಾರ ಸಾಸಿವೆ ಎಣ್ಣೆ, ಸೂರ್ಯಕಾಂತಿ ಎಣ್ಣೆ ಮತ್ತು ಆಲಿವ್ ಎಣ್ಣೆಯನ್ನು ಉತ್ತಮ ಆಯ್ಕೆಗಳೆಂದು ಪರಿಗಣಿಸಲಾಗುತ್ತದೆ. ಇವುಗಳಲ್ಲಿರುವ ಕೆಲವು ಆರೋಗ್ಯಕರ ಕೊಬ್ಬಿನಾಮ್ಲಗಳು ಹೃದಯದ ಆರೋಗ್ಯಕ್ಕೆ ಸಹಾಯ ಮಾಡಬಹುದು.

ಸಾಸಿವೆ ಎಣ್ಣೆಗೆ ಹೆಚ್ಚು ಆದ್ಯತೆ ನೀಡುವುದೇಕೆ?

ಮರದ ಗಾಣದಲ್ಲಿ ತೆಗೆದ ಸಾಸಿವೆ ಎಣ್ಣೆ ಭಾರತೀಯ ಅಡುಗೆಗೆ ಉತ್ತಮ ಆಯ್ಕೆಯಾಗಿದೆ. ಈ ಎಣ್ಣೆಯ ಹೊಗೆ ಹೊರಸೂಸುವ ತಾಪಮಾನ (Smoke Point) ಹೆಚ್ಚಿರುವುದರಿಂದ ಹೆಚ್ಚಿನ ಉರಿಯಲ್ಲಿ ಅಡುಗೆ ಮಾಡುವಾಗಲೂ ಬೇಗನೆ ಹಾಳಾಗುವುದಿಲ್ಲ. ಇದರಿಂದ ಅದರಲ್ಲಿರುವ ಪೋಷಕಾಂಶಗಳು ಸಾಕಷ್ಟು ಪ್ರಮಾಣದಲ್ಲಿ ಉಳಿಯಲು ಸಹಾಯವಾಗುತ್ತದೆ. ಇನ್ನು ಆಲಿವ್ ಎಣ್ಣೆಯನ್ನು ಕಡಿಮೆ ಉರಿಯಲ್ಲಿ ಅಡುಗೆ ಮಾಡಲು ಅಥವಾ ಸಲಾಡ್‌ಗಳಿಗೆ ಬಳಸುವುದು ಉತ್ತಮ. ಇದನ್ನು ಡೀಪ್ ಫ್ರೈ ಮಾಡಲು ಬಳಸಬಾರದು ಎಂದು ತಜ್ಞರು ಸಲಹೆ ನೀಡುತ್ತಾರೆ.

ರಿಫೈನ್ಡ್ ಎಣ್ಣೆಯನ್ನು ಹೆಚ್ಚು ಬಳಸಬಾರದು ಏಕೆ?

ತಜ್ಞರ ಪ್ರಕಾರ, ಕೆಲವು ರಿಫೈನ್ಡ್ ಎಣ್ಣೆಗಳು ಹೆಚ್ಚಿನ ತಾಪಮಾನ ಮತ್ತು ರಾಸಾಯನಿಕ ಪ್ರಕ್ರಿಯೆಗಳ ಮೂಲಕ ತಯಾರಾಗುತ್ತವೆ. ಇವುಗಳನ್ನು ದೀರ್ಘಕಾಲ ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸುವುದು ಆರೋಗ್ಯಕ್ಕೆ ಹಾನಿಕಾರಕವಾಗಬಹುದು. ನಿರಂತರವಾಗಿ ಹೆಚ್ಚು ಪ್ರಮಾಣದಲ್ಲಿ ಎಣ್ಣೆ ಸೇವಿಸುವುದರಿಂದ ಕೆಟ್ಟ ಕೊಲೆಸ್ಟ್ರಾಲ್ ಹೆಚ್ಚಾಗುವ ಸಾಧ್ಯತೆಯಿದ್ದು, ಹೃದಯ ಸಂಬಂಧಿ ಕಾಯಿಲೆಗಳ ಅಪಾಯವೂ ಹೆಚ್ಚಬಹುದು.

ಅತಿಯಾಗಿ ಎಣ್ಣೆ ಸೇವಿಸುವುದರಿಂದ ಏನೆಲ್ಲಾ ಸಮಸ್ಯೆಗಳು ಉಂಟಾಗಬಹುದು?

ಅತೊಯಾದ ಎಣ್ಣೆ ಬಳಸುವುದರಿಂದ ದೇಹದ ತೂಕ ಹೆಚ್ಚಳ ಮತ್ತು ಬೊಜ್ಜು, ಮಧುಮೇಹದ ಅಪಾಯ, ದೇಹದಲ್ಲಿ ಉರಿಯೂತ, ಅಧಿಕ ಕೊಲೆಸ್ಟ್ರಾಲ್, ಹೃದಯಾಘಾತದ ಅಪಾಯ, ಪಾರ್ಶ್ವವಾಯು (ಸ್ಟ್ರೋಕ್) ಅಪಾಯ ಉಂಟಾಗಬಹುದು.

ದಿನ, ವಾರ ಮತ್ತು ತಿಂಗಳಿಗೆ ಎಷ್ಟು ಎಣ್ಣೆ ಬಳಸಬಹುದು?

ವೈದ್ಯರು ನೀಡಿರುವ ಸಲಹೆಯ ಪ್ರಕಾರ ಎಣ್ಣೆಯ ಬಳಕೆಯ ಪ್ರಮಾಣ ಹೀಗಿದೆ:

ದಿನಕ್ಕೆ: 15–20 ಮಿಲಿಲೀಟರ್ (ಸುಮಾರು 3–4 ಚಮಚ)
ವಾರಕ್ಕೆ: 105–140 ಮಿಲಿಲೀಟರ್
ತಿಂಗಳಿಗೆ: 500–600 ಮಿಲಿಲೀಟರ್

ಉತ್ತಮ ಗುಣಮಟ್ಟದ ಎಣ್ಣೆಯನ್ನು ಆಯ್ಕೆ ಮಾಡುವುದು ಎಷ್ಟು ಮುಖ್ಯವೋ, ಅದರ ಪ್ರಮಾಣವನ್ನು ನಿಯಂತ್ರಿಸುವುದೂ ಅಷ್ಟೇ ಮುಖ್ಯ ಎಂದು ತಜ್ಞರು ಅಭಿಪ್ರಾಯಪಡುತ್ತಾರೆ.

ಬೆಂಗಳೂರಿನ ಆರ್ಟ್‌ ಆಫ್‌ ಲಿವಿಂಗ್‌ನಲ್ಲಿ ಸಿಂಪಲ್‌ ಆಗಿ ಮದುವೆಯಾದ ನಟಿ ಅಮೃತಾ ರಾವ್‌ ಸಹೋದರಿ ಪ್ರೀತಿಕಾ ರಾವ್‌, ಪತಿಯ ಮುಖ ಮರೆಮಾಚಿದ್ದೇಕೆ?

Santosh Naik — Fri, 13 Nov 2026 17:32:29 +0530

ಬೆಂಗಳೂರು (ನ.13): ಬಾಲಿವುಡ್ ಖ್ಯಾತ ನಟಿ ಅಮೃತಾ ರಾವ್ ಅವರ ಸಹೋದರಿ ಹಾಗೂ ಕಿರುತೆರೆಯ ಜನಪ್ರಿಯ ನಟಿ ಪ್ರೀತಿಕಾ ರಾವ್ (Preetika Rao) ಅವರು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ: ಬೆಂಗಳೂರಿನ 'ಆರ್ಟ್ ಆಫ್ ಲಿವಿಂಗ್' (Art of Living) ಆಶ್ರಮದ ಆವರಣದಲ್ಲಿ ನಡೆದ ತಮ್ಮ ವಿವಾಹದ ಆಯ್ದ ಫೋಟೋಗಳನ್ನು ನಟಿ ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಎಲ್ಲಾ ಫೋಟೋಗಳಲ್ಲೂ ತಮ್ಮ ಪತಿಯ ಮುಖವನ್ನು ಮರೆಮಾಚುವ ಮೂಲಕ ಕುತೂಹಲ ಮೂಡಿಸಿದ್ದಾರೆ. ತಮ್ಮ ಮದುವೆ ಯಾವಾಗ ನಡೆಯಿತು ಎಂಬ ನಿಖರ ದಿನಾಂಕವನ್ನು ಬಹಿರಂಗಪಡಿಸದ ಪ್ರೀತಿಕಾ ರಾವ್, ಆಧ್ಯಾತ್ಮಿಕ ಗುರು ಶ್ರೀ ಶ್ರೀ ರವಿಶಂಕರ್ ಗುರೂಜಿ ಅವರು ಖುದ್ದಾಗಿ ವಿವಾಹಕ್ಕೆ ಆಗಮಿಸಿ ಆಶೀರ್ವದಿಸಿದ್ದಾರೆ ಎಂದು ತಿಳಿಸಿದ್ದಾರೆ. ಪತಿಯ ಮುಖವನ್ನು ಮರೆಮಾಚಿರುವುದರಿಂದ ಅವರ ವರ ಯಾರು ಎಂಬುದು ಇನ್ನೂ ಸಾರ್ವಜನಿಕವಾಗಿ ತಿಳಿದುಬಂದಿಲ್ಲ.

ನಮ್ಮ ಮಂಗಳೂರು ಮೂಲದ ಸಂಸ್ಕೃತಿಯಂತೆಯೇ ಇದೆ: ನಟಿ ಭಾವುಕ ನುಡಿ

ಇನ್‌ಸ್ಟಾಗ್ರಾಮ್‌ನಲ್ಲಿ ಮದುವೆಯ ಸುಂದರ ಕ್ಷಣಗಳನ್ನು ಹಂಚಿಕೊಂಡಿರುವ 'ಬೇಇಂತೇಹಾ' (Beintehaa) ಧಾರಾವಾಹಿ ಖ್ಯಾತಿಯ ಪ್ರೀತಿಕಾ, 'ನನ್ನ ಗುರುದೇವ್ ಶ್ರೀ ಶ್ರೀ ರವಿಶಂಕರ್ ಜೀ, ನನ್ನ ಪ್ರೀತಿಯ ಪೋಷಕರು, ಸಹೋದರಿ ಅಮೃತಾ, ಬಂಧು-ಮಿತ್ರರ ಆಶೀರ್ವಾದದೊಂದಿಗೆ ಬೆಂಗಳೂರಿನ ಸುಂದರ ಮತ್ತು ಪ್ರಶಾಂತವಾದ ಆರ್ಟ್ ಆಫ್ ಲಿವಿಂಗ್ ಆವರಣದಲ್ಲಿ ನಾನು ವಿವಾಹವಾದೆ... ಗುರುದೇವ್ ಅವರು ಖುದ್ದಾಗಿ ನನ್ನ ಮದುವೆಗೆ ಆಗಮಿಸಿ ಆಶೀರ್ವಾದದ ಮಾಡಿದ್ದು ನನ್ನ ಜೀವನದ ಅತ್ಯಂತ ಸ್ಮರಣೀಯ ಕ್ಷಣ. ನಾನೀಗ ಸಾಂಪ್ರದಾಯಿಕ ತಮಿಳು ಬ್ರಾಹ್ಮಣ (Tam-Brahm) ಕುಟುಂಬದ ಸೊಸೆಯಾಗಿದ್ದೇನೆ. ಇಲ್ಲಿನ ಸಂಸ್ಕೃತಿಯು ಕರ್ನಾಟಕದ ನನ್ನ ಮಂಗಳೂರು ಮೂಲದ ಸಂಸ್ಕೃತಿಯಂತೆಯೇ ಅತ್ಯಂತ ಪ್ರಾಚೀನ ಮತ್ತು ಅಮೂಲ್ಯವಾಗಿದೆ" ಎಂದು ಬರೆದುಕೊಂಡಿದ್ದಾರೆ.

View this post on Instagram

A post shared by PREETIKA RAO (@preetika_pree)

ಫೋಟೋಗಳಲ್ಲಿ ಪತಿಯ ಮುಖ ಮರೆಮಾಚಿದ್ದೇಕೆ?

ಈ ವಿವಾಹ ಸಮಾರಂಭವು ತಮಗೆ ಅತ್ಯಂತ ವೈಯಕ್ತಿಕ ಹಾಗೂ ಪವಿತ್ರವಾದ ಕ್ಷಣವಾಗಿರುವುದರಿಂದ, ಇಡೀ ಜಗತ್ತಿನೊಂದಿಗೆ ಎಲ್ಲವನ್ನೂ ಹಂಚಿಕೊಳ್ಳಲು ಬಯಸದೆ ಕೇವಲ ಆಯ್ದ ಫೋಟೋಗಳನ್ನು ಮಾತ್ರ ಪೋಸ್ಟ್ ಮಾಡಿರುವುದಾಗಿ ಪ್ರೀತಿಕಾ ಸ್ಪಷ್ಟಪಡಿಸಿದ್ದಾರೆ. ಮೂರು ವರ್ಷಗಳ ಹಿಂದೆ ಶ್ರೀ ಶ್ರೀ ರವಿಶಂಕರ್ ಅವರೊಂದಿಗೆ ತಾವು ಆಧ್ಯಾತ್ಮಿಕ ಪಾಡ್‌ಕಾಸ್ಟ್‌ಗಳನ್ನು (Spiritual Podcasts) ಆರಂಭಿಸಿದ್ದಾಗಿ ನೆನಪಿಸಿಕೊಂಡಿರುವ ನಟಿ, ಇತ್ತೀಚೆಗಷ್ಟೇ ಕೇಂದ್ರ ಸಂಸ್ಕೃತಿ ಸಚಿವಾಲಯವು (Ministry of Culture) ತಮ್ಮ ಜನಪ್ರಿಯ 'ಟ್ರೆಂಡಿಂಗ್ ವೇದಿಕ್ ಅಸ್ಟ್ರಾಲಜಿ ಪಾಡ್‌ಕಾಸ್ಟ್‌ಗಳಿಗಾಗಿ' (Trending Vedic Astrology Podcasts) 'ಪ್ರಶಂಸಾ ಪತ್ರ' (Letter of Appreciation) ನೀಡಿ ಗೌರವಿಸಿದೆ ಎಂದು ಸಂತಸ ಹಂಚಿಕೊಂಡಿದ್ದಾರೆ.

ಈ ಗೌರವ ಮತ್ತು ವಿವಾಹವನ್ನು ಈ ವರ್ಷದ ತಮ್ಮ ಜೀವನದ ಎರಡು ಪ್ರಮುಖ ಮೈಲಿಗಲ್ಲುಗಳು ಎಂದು ಕರೆದಿರುವ ಪ್ರೀತಿಕಾ, "ನನ್ನ ಎಲ್ಲಾ ಬೆಂಬಲಿಗರಿಗೆ, ಹಿತೈಷಿಗಳಿಗೆ ಹಾಗೂ ನನ್ನ ಸಂತೋಷದಲ್ಲಿ ನಿಜವಾಗಿಯೂ ಭಾಗಿಯಾಗುವ ಪ್ರತಿಯೊಬ್ಬರಿಗೂ ದೊಡ್ಡ ಧನ್ಯವಾದಗಳು. ನಿಮ್ಮ ಪ್ರೀತಿ ಮತ್ತು ಆಶೀರ್ವಾದ ಸದಾ ಹೀಗೆಯೇ ಇರಲಿ" ಎಂದು ಅಭಿಮಾನಿಗಳಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.

ಪ್ರೀತಿಕಾ ರಾವ್ ಅವರ ವಿವಾಹ ಸುದ್ದಿ ತಿಳಿದ ಅಭಿಮಾನಿಗಳು ಇನ್‌ಸ್ಟಾಗ್ರಾಮ್‌ನಲ್ಲಿ ಶುಭಾಶಯಗಳ ಮಳೆಗರೆಯುತ್ತಿದ್ದಾರೆ. ನಟ ಹರ್ಷದ್ ಅರೋರಾ ಅವರಿಗೆ ಜೋಡಿಯಾಗಿ ನಟಿಸಿದ ತಮ್ಮ ಮೊದಲ ಹಿಂದಿ ಧಾರಾವಾಹಿ 'ಬೇಇಂತೇಹಾ' ಮೂಲಕ ಪ್ರೀತಿಕಾ ಮನೆಮಾತಾಗಿದ್ದರು. ನಂತರ 'ಲವ್ ಕಾ ಹೈ ಇಂತೇಜಾರ್' (Love Ka Hai Intezaar) ಧಾರಾವಾಹಿಯಲ್ಲೂ ಅವರು ನಟಿಸಿ ಮೆಚ್ಚುಗೆ ಗಳಿಸಿದ್ದರು.

'ಪ್ರೇಮದ ಊರಲಿ' ಫಲಿತಾಂಶ ಎರಡೇ ದಿನಕ್ಕೆ ತಿಳಿಸಿದ್ದ ರಂಗಾಯಣ ರಘು; ಈಗ ಸಿನಿಮಾಗೆ 50 ದಿನದ ಸಂಭ್ರಮ!

Sathish Kumar KH — Fri, 13 Nov 2026 17:26:14 +0530

ಕನ್ನಡ ಚಿತ್ರರಂಗದಲ್ಲಿ ಹೊಸಬರ ತಂಡವೊಂದು ಹೊಸ ಇತಿಹಾಸವನ್ನೇ ಸೃಷ್ಟಿಸಿದೆ. ಯಾವುದೇ ದೊಡ್ಡ ತಾರಾಗಣದ ಹಮ್ಮು-ಬಿಮ್ಮಿಲ್ಲದೆ, ಕೇವಲ ಕಥೆ ಮತ್ತು ಭಾವನೆಗಳ ತಾಕತ್ತಿನಿಂದ ಬಿಡುಗಡೆಯಾದ 'ಪ್ರೇಮದ ಊರಲಿ' (Premada Oorali) ಸಿನಿಮಾ ಇದೀಗ ಚಿತ್ರಮಂದಿರಗಳಲ್ಲಿ ಯಶಸ್ವಿ 50 ದಿನಗಳನ್ನು ಪೂರೈಸಿ, ಬರೋಬ್ಬರಿ ₹150 ಕೋಟಿಗೂ ಅಧಿಕ ಆದಾಯ ಬಾಚಿಕೊಂಡು ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸಿದೆ!

ಆದರೆ, ಇಡೀ ಕರ್ನಾಟಕವೇ ಬೆರಗಾಗುವ ಮುನ್ನ, ಬಿಡುಗಡೆಯಾದ ಕೇವಲ ಎರಡೇ ದಿನದಲ್ಲಿ ಈ ಚಿತ್ರದ ಗೆಲುವಿನ ಸುಳಿವನ್ನು ಹಿರಿಯ ನಟ ರಂಗಾಯಣ ರಘು ಗ್ರಹಿಸಿದ್ದರು! ಅಷ್ಟಕ್ಕೂ ಅಂದು ರಂಗಾಯಣ ರಘು ಅವರಿಗೆ ಅನಿಸಿದ್ದೇನು? ನಿರ್ದೇಶಕ-ನಿರ್ಮಾಪಕರಿಗೆ ಅವರು ಹೇಳಿದ ಆ ಸೀಕ್ರೆಟ್ ಮಾತು ಏನು? ಇಲ್ಲಿದೆ ಕಂಪ್ಲೀಟ್ ಡೀಟೇಲ್ಸ್.

ಎರಡೇ ದಿನಕ್ಕೆ ಸಿನಿಮಾ ಗೆಲುವಿನ ಭವಿಷ್ಯ ನುಡಿದಿದ್ದ ರಂಗಾಯಣ ರಘು!

ದೀಪಾವಳಿ ಹಬ್ಬದ ಪ್ರಯುಕ್ತ ಏಷ್ಯಾನೆಟ್ ಸುವರ್ಣ ನ್ಯೂಸ್ ನಡೆಸಿದ ವಿಶೇಷ ಸಂವಾದದಲ್ಲಿ ನಟ ಶ್ರೀರಾಮ್, ನಾಯಕಿ ತಪಸ್ವಿನಿ ಪೂಣಚ್ಚ, ನಿರ್ದೇಶಕ ಮನೋಜ್ ಕುಮಾರ್, ನಿರ್ಮಾಪಕ ದೇವೇಂದ್ರ ನಾಯ್ಡು ಹಾಗೂ ಹಿರಿಯ ನಟ ರಂಗಾಯಣ ರಘು ಪಾಲ್ಗೊಂಡು ಸಂಭ್ರಮ ಹಂಚಿಕೊಂಡರು.

ಸಿನಿಮಾದ ಆರಂಭಿಕ ದಿನಗಳ ಬಗ್ಗೆ ಮಾತನಾಡಿದ ರಂಗಾಯಣ ರಘು, 'ನಮ್ಮ ಸಿನಿಮಾ ಸೆಪ್ಟೆಂಬರ್ 25ರಂದು ರಿಲೀಸ್ ಆಯ್ತು. ಎಲ್ಲರೂ ಹೊಸಬರೇ ಸೇರಿ ಕಟ್ಟಿದ ಚಿತ್ರವಿದು. ಮೊದಲ ದಿನ ಏನೂ ಹೇಳೋಕೆ ಆಗಲಿಲ್ಲ. ಮರುದಿನ ಅಂದರೆ ಸೆಪ್ಟೆಂಬರ್ 26ರ ಬೆಳಗ್ಗೆಯೂ ಏನಾದರೂ ಹೇಳಲು ಧೈರ್ಯವಿರಲಿಲ್ಲ. ಮಧ್ಯಾಹ್ನದ ಶೋ ನೋಡಿದ ಮೇಲೆ ತಂಡಕ್ಕೆ ಭರವಸೆ ಕೊಡೋಣ ಅಂದುಕೊಂಡೆ, ಆದರೆ ನಾನೊಂದು ಹೇಳಿ ಇನ್ಯಾವುದೋ ಆದರೆ ಕಷ್ಟ ಅಂತ ಸುಮ್ಮನಿದ್ದೆ,' ಎಂದರು.

ಮುಂದುವರಿದು ಮಾತನಾಡಿದ ಅವರು, 'ಆದರೆ ಸೆಪ್ಟೆಂಬರ್ 26ರ ಸಂಜೆ ನನಗೆ ಪಕ್ಕಾ ಧೈರ್ಯ ಬಂತು. ಚಿತ್ರಮಂದಿರಗಳಲ್ಲಿ ವಾತಾವರಣ ಬದಲಾಗುತ್ತಿತ್ತು. ಇದು ಬೇರೆ ತರಹದ ಸಿನಿಮಾ ಆಗ್ತಿದೆ ಅಂತ ಗೊತ್ತಾಗುತ್ತಿದ್ದಂತೆ ಡೈರೆಕ್ಟರ್ ಮನೋಜ್ ಮತ್ತು ನಿರ್ಮಾಪಕರ ಬಳಿ ಹೋಗಿ, 'ಅಪ್ಪ ಗೆಲ್ತಿದೆ ನೋಡಿ ಮನೋಜ್' ಎಂದು ಹೇಳಿದೆ,' ಎಂದು ಆರಂಭಿಕ ಕ್ಷಣಗಳ ನೆನಪನ್ನು ಬಿಚ್ಚಿಟ್ಟರು.

ನಿರ್ಮಾಪಕರಿಗೆ ರಂಗಾಯಣ ರಘು ಕೊಟ್ಟ ಆ ಒಂದು ಕಿವಿಮಾತು!

ಕೇವಲ ಗೆಲುವಿನ ಮಾತು ಮಾತ್ರವಲ್ಲದೆ, ಇಡೀ ತಂಡಕ್ಕೆ ರಂಗಾಯಣ ರಘು ಅತ್ಯಮೂಲ್ಯವಾದ ಸಲಹೆಯನ್ನೂ ನೀಡಿದ್ದರು. "ಚಿತ್ರ ಗೆಲ್ಲುತ್ತಿದೆ ಎಂದಾಗ ನಾನು ನಿರ್ಮಾಪಕರಿಗೆ ಹೇಳಿದ್ದು ಒಂದೇ ಮಾತು: 'ನಿರ್ಮಾಪಕರೇ, ನಿಮ್ಮೊಳಗಿನ ಒಗ್ಗಟ್ಟು ಯಾವತ್ತೂ ಒಡೆಯಬಾರದು, ಹಿಂಗೇ ಒಟ್ಟಾಗಿರಿ. ಈ ಗೆಲುವಿನ ಶ್ರೇಯಸ್ಸು, ಇದರ ಸಾರ್ಥಕತೆ, ಇದರ ಶ್ರಮ ಎಲ್ಲವೂ ನಿಮ್ಮದೇ. ಮುಂದಿನ ಸಿನಿಮಾವನ್ನೂ ನೀವೇ ಒಟ್ಟಾಗಿ ಮಾಡಿ, ಆ ಯಶಸ್ಸನ್ನೂ ನೀವೇ ತಗೊಳ್ಳಿ' ಎಂದು ಧೈರ್ಯ ತುಂಬಿದ್ದೆ" ಎಂದು ರಘು ತಿಳಿಸಿದರು.

ಪೇಪರ್ ವರ್ಕ್‌ಗೆ ಧೈರ್ಯ ತುಂಬಿದ್ದೇ ರಘು ಸರ್:

ಚಿತ್ರದ ಯಶಸ್ಸಿನ ಹಿಂದಿನ ಸಿದ್ಧತೆ ಕುರಿತು ಮಾತನಾಡಿದ ನಿರ್ದೇಶಕ ಮನೋಜ್ ಕುಮಾರ್, "ನಾವು ಚಿತ್ರೀಕರಣಕ್ಕೆ ಹೋಗುವ ಮುನ್ನ ಕಾಗದದ ಮೇಲೆ ಎಷ್ಟೇ ವರ್ಕ್ ಮಾಡಿದರೂ ಎಲ್ಲೋ ಒಂದು ಕಡೆ ಸಿದ್ಧತೆ ಸಾಲದೇನೋ ಅನ್ನೋ ಭಯವಿತ್ತು. ಆದರೆ ಆ ಕಥೆ ಮತ್ತು ಸಿದ್ಧತೆಯ ಮೇಲೆ ನಮಗಿದ್ದ ನಂಬಿಕೆಯನ್ನು ನೂರರಷ್ಟು ಹೆಚ್ಚು ಮಾಡಿದ್ದು ರಂಗಾಯಣ ರಘು ಸರ್," ಎಂದು ಕೃತಜ್ಞತೆ ವ್ಯಕ್ತಪಡಿಸಿದರು.

ಗಾಂಧಿನಗರವೇ ತಿರುಗಿ ನೋಡುವಂತೆ ಮಾಡಿದ 'ಪ್ರೇಮದ ಊರಲಿ'

ಕಡಿಮೆ ಬಜೆಟ್‌ನಲ್ಲಿ, ಕಂಟೆಂಟ್ ನಂಬಿ ಬಂದ 'ಪ್ರೇಮದ ಊರಲಿ' ಸಿನಿಮಾ ಪ್ರೇಕ್ಷಕರ ಬಾಯ್ಮಾತಿನ ಪ್ರಚಾರದಿಂದಲೇ (Word of Mouth) ದಿನದಿಂದ ದಿನಕ್ಕೆ ಹೌಸ್‌ಫುಲ್ ಪ್ರದರ್ಶನ ಕಂಡಿತು. ಕಥೆಯ ನಿರೂಪಣೆ, ಸುನಾದ್ ಗೌತಮ್ ಸಂಗೀತ, ಯುವ ನಟ ಶ್ರೀರಾಮ್, ರಮಿಕಾ ಶಿವು, ತಪಸ್ವಿನಿ ಪೂಣಚ್ಚ ಅಭಿನಯ ಮತ್ತು ರಂಗಾಯಣ ರಘು ಅವರ ಭಾವನಾತ್ಮಕ ಪಾತ್ರ ಪ್ರೇಕ್ಷಕರ ಕಣ್ಣಂಚಲಿ ನೀರು ತರಿಸಿತ್ತು. ಕನ್ನಡದಲ್ಲಿ ಕಂಟೆಂಟ್ ಗಟ್ಟಿಯಾಗಿದ್ದರೆ ಪ್ರೇಕ್ಷಕರು ₹150 ಕೋಟಿ ಅಲ್ಲ, ಅದಕ್ಕಿಂತ ಹೆಚ್ಚು ಪ್ರೀತಿ ನೀಡುತ್ತಾರೆ ಎಂಬುದನ್ನು ಈ ಚಿತ್ರ ಮತ್ತೊಮ್ಮೆ ಸಾಬೀತುಪಡಿಸಿದೆ.

'ಪೌರಾಣಿಕ ಸಿನಿಮಾಗಳಿಗೆ ವಿದ್ವಾಂಸರ ಸಮಿತಿ' ರಾಮಾಯಣ ಚಿತ್ರದ ಮೇಲೆ ಮತ್ತೆ ಕೆಂಡ ಉಗುಳಿದ ಮುಖೇಶ್ ಖನ್ನಾ

Ganesh Mabla Gowda — Fri, 13 Nov 2026 17:22:48 +0530

'ರಾಮಾಯಣ' ಸಿನಿಮಾ ಭಾರೀ ಸಕ್ಸಸ್ ಕಾಣ್ತಿದೆ. ಈ ನಡುವೆ ಹಿರಿಯ ನಟ ಮುಖೇಶ್ ಖನ್ನಾ ಮತ್ತೆ ಸಿನಿಮಾ ಕುರಿತು ಗಂಭೀರ ಟೀಕೆಗಳನ್ನ ಮಾಡಿದ್ದಾರೆ. ಈ ಹಿಂದೆ ಮುಖೇಶ್ ಖನ್ನಾ, ಚಿತ್ರದಲ್ಲಿ ತೋರಿಸಲಾಗಿರುವ ಸೀತೆ ಪಾತ್ರದ ಬಗ್ಗೆ ಚಕಾರ ಎತ್ತಿದ್ದರು. ಸೀತೆಯು ಕತ್ತಿ ಹಿಡಿದು ರಾಕ್ಷಸರ ವಿರುದ್ಧ ಹೋರಾಡುವ ದೃಶ್ಯವನ್ನು ತೋರಿಸಿದ್ದಾರೆ. ಚಿತ್ರದಲ್ಲಿ ಸೀತೆಯನ್ನ ಯೋಧೆಯಂತೆ ಚಿತ್ರೀಕರಿಸಲಾಗಿದೆ ಎಂದು ಗುಡುಗಿದ್ದರು.

ಈಗ ಏನು ಹೇಳಿದರು ಮುಖೇಶ್ ಖನ್ನಾ?

ಸೀತೆ ಪಾತ್ರದ ಕುರಿತು ಟೀಕೆ ಮಾಡಿದ ಬೆನ್ನಲ್ಲೇ ಎಎನ್‌ಐ ಸುದ್ದಿ ಸಂಸ್ಥೆಯು ಮುಖೇಶ್ ಖನ್ನಾ ಅವರ ಜೊತೆ ವಿಶೇಷ ಮಾತುಕತೆ ನಡೆಸಿತ್ತು. ರಾಮಾಯಣ ಸಿನಿಮಾಗೆ 4000 ಕೋಟಿ ಬಜೆಟ್‌ ಅಗತ್ಯ ಇದೆಯಾ? ಸಿನಿಮಾದ ಅದ್ದೂರಿ ತನದ ಹೆಸರಲ್ಲಿ ಕಥೆಯ ಮೂಲ ಮತ್ತು ಭಾವನೆಗಳನ್ನ ಇಲ್ಲಿ ಬಲಿ ಕೊಡಲಾಗಿದೆ. ಇದೆಲ್ಲ ಪ್ರೇಕ್ಷಕರ ಗಮನ ಸೆಳೆಯಲು ಮಾಡುತ್ತಿರುವ ಗಿಮಿಕ್. ನೀವು ಮೂಲ ಕಥೆ ಮತ್ತು ಭಾವನೆಗಳನ್ನ ಬಲಿಕೊಟ್ಟರೆ, ಅಷ್ಟೆಲ್ಲ ಮಾಡಿಯೂ ವ್ಯರ್ಥ. ಈಗ ಸಿನಿಮಾ ಸಾವಿರ ಕೋಟಿ ಹಣ ಗಳಿಸಿರಬಹುದು. ಆದರೆ ಅಷ್ಟೊಂದು ಹಣ ಗಳಿಸಿದರೂ ನನಗೆ ಅದು ವ್ಯರ್ಥ ಎಂದು ಭಾಸವಾಗುತ್ತಿದೆ ಎಂದು ಮುಖೇಶ್ ಖನ್ನಾ ಅವರು ಕಿಡಿಕಾರಿದ್ದಾರೆ.

ಇದಕ್ಕೊಂದು ಸಮಿತಿ ಬೇಕು

ಮಾತು ಮುಂದುವರಿಸಿ.. ಪೌರಾಣಿಕ ಸಿನಿಮಾಗಳಿಂದ ಭಾವನೆಗಳಿಗೆ ದಕ್ಕೆ ಆಗಬಾರದು ಮತ್ತು ಮೂಲ ಕಥೆ ಬದಲಾಗಬಾರದು ಅಂದರತೆ.. ಇಂಥ ಸಿನಿಮಾಗಳು ಜನರ ಮುಂದೆ ಬರುವ ಮೊದಲು ತಜ್ಞರ ವಿಶ್ಲೇಷಣೆ ಆಗಬೇಕು. ಅದಕ್ಕಾಗಿ ವಿದ್ವಾಂಸರ ಸಮಿತಿ ಇರಬೇಕು. ಅದಕ್ಕಾಗಿ ಸರ್ಕಾರ ಪ್ರತ್ಯೇಕ ಆಯೋಗವನ್ನು ರಚಿಸಬೇಕು. ನಾವು ರಾಮಾಯಣ, ಮಹಾಭಾರತ ಮತ್ತು ಇತರೆ ಪೌರಾಣಿಕ ವಿಷಯಗಳನ್ನ ತೆಗೆದುಕೊಳ್ಳುವಾಗ ಎಚ್ಚರದಿಂದ ಕೆಲಸ ಮಾಡಬೇಕು ಎಂದಿದ್ದಾರೆ.

ಸಾಯಿ ಪಲ್ಲವಿ ಅಭಿನಯಿಸಿದ್ದ ಸೀತಾ ಪಾತ್ರದ ಕುರಿತು ಮತ್ತೆ ಪುನರುಚ್ಚರಿಸಿ.. ಚಿತ್ರದಲ್ಲಿ ಸೀತಾ ಮಾತೆ ಕತ್ತಿ ಹಿಡಿದು ಹೋರಾಡುವ ಅಸಂಬಂಧ ದೃಶ್ಯವನ್ನ ತೋರಿಸಿದ್ದಾರೆ. ಅದರ ಬಗ್ಗೆ ಮತ್ತೆ ನಾನು ಮಾತನ್ನಾಡುವ ಅಗತ್ಯ ಇಲ್ಲ. ಪೌರಾಣಿಕ ಸಿನಿಮಾ ಮಾಡುವಾಗ ಧರ್ಮ ಮತ್ತು ನಂಬಿಕೆಯ ಪ್ರಶ್ನೆ ಬರುತ್ತದೆ. ಯಾರೂ ಕೂಡ ಭಾವನೆಗಳ ಜೊತೆ ಆಟವಾಡಿ, ಧರ್ಮದ ಜೊತೆಗೂ ಆಟವಾಡಬಾರದು ಎಂದಿದ್ದಾರೆ.

ಕೆಲವು ದಿನಗಳ ಹಿಂದಷ್ಟೇ ಮುಖೇಶ್ ಖನ್ನಾ.. ವಿಡಿಯೋ ಒಂದನ್ನು ಹಂಚಿಕೊಂಡಿದ್ದರು. ಆ ವಿಡಿಯೋ ಹಿಂದೂ ದೇವರುಗಳನ್ನ ತೋರಿಸುವ ರೀತಿಯನ್ನ ಟೀಕಿಸಿದ್ದರು. ಜೊತೆಗೆ ರಾಮಾಯಣ ಬದಲಾಗಿ, ಅದು ‘ರಾವಣಾಯಣ’ ಎಂದು ಜರಿದಿದ್ದರು. ಯಶ್ ಮತ್ತು ರಣಬೀರ್ ಕಪೂರ್ ಅಭಿನಯದ ರಾಮಾಯಣ ಸಿನಿಮಾವು ನವೆಂಬರ್ 5 ರಂದು ರಿಲೀಸ್ ಆಗಿದೆ.. ಇವತ್ತಿಗೂ ಸಿನಿಮಾ ಮಂದರಿಗಳಲ್ಲಿ ಓಡುತ್ತಿಎ. ಯಶ್ ರಾವಣನಾಗಿ ನಟಿಸಿದ್ರೆ ರಣಬೀರ್ ಕಪೂರ್ ರಾಮನಾಗಿ ಬಣ್ಣ ಹಚ್ಚಿದ್ದಾರೆ. ಇನ್ನು ಸಾಯಿ ಪಲ್ಲವಿ ಅವರು ಸೀತೆ ಪಾತ್ರದಲ್ಲಿ ನಟಿಸಿದ್ದಾರೆ.

'ನಿಮ್ಮ ಮಗನ ಮದುವೆ ಯಾವಾಗ?' ಕೇಳಿದ ಆಂಟಿಗೆ ತಾಯಿ ಕೊಟ್ಟ ಒಂದೇ ಒಂದು ಉತ್ತರಕ್ಕೆ ಸಂಬಂಧಿಕೆ ಸುಸ್ತು, ಸೈಲೆಂಟ್ ಆಗಿ ಎಸ್ಕೇಪ್

Sushma Hegde — Fri, 13 Nov 2026 17:21:58 +0530

ಕುಟುಂಬದ ಕಾರ್ಯಕ್ರಮಗಳಲ್ಲಿ ಭೇಟಿಯಾಗುವ ಕೆಲವು ಸಂಬಂಧಿಕರಿಗೆ ಬೇರೆಯವರ ವೈಯಕ್ತಿಕ ಜೀವನದ ಬಗ್ಗೆ ಪ್ರಶ್ನೆ ಕೇಳುವುದೇ ಕೆಲಸ. ಅದರಲ್ಲೂ ಮದುವೆಯಾಗದ ಯುವಕ-ಯುವತಿಯರು ಸಿಕ್ಕರೆ ಸಾಕು, ಮದುವೆ ಯಾವಾಗ? ಹುಡುಗಿ ನೋಡುತ್ತಿದ್ದೀರಾ? ಎಂಬ ಪ್ರಶ್ನೆಗಳ ಸುರಿಮಳೆಯಾಗುತ್ತದೆ. ಇಂತಹ ಮುಜುಗರದ ಪ್ರಶ್ನೆಗಳಿಗೆ ಕೆಲವರು ಸುಮ್ಮನಿದ್ದರೆ, ಇನ್ನು ಕೆಲವರು ಜಾಣತನದಿಂದಲೇ ತಿರುಗೇಟು ನೀಡುತ್ತಾರೆ. ಇದೀಗ ಮಗನ ಮದುವೆ ಬಗ್ಗೆ ಪ್ರಶ್ನಿಸಿದ ಸಂಬಂಧಿಗೆ ತಾಯಿಯೊಬ್ಬರು ನೀಡಿದ ಉತ್ತರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಮಗನ ಮದುವೆ ಯಾವಾಗ ಎಂದು ಕೇಳಿದ ಆಂಟಿ

ರೆಡ್ಡಿಟ್‌ನಲ್ಲಿ ವ್ಯಕ್ತಿಯೊಬ್ಬರು ತಮ್ಮ ತಾಯಿಯ ಜಾಣತನದ ಉತ್ತರದ ಬಗ್ಗೆ ಪೋಸ್ಟ್ ಹಂಚಿಕೊಂಡಿದ್ದಾರೆ. ಕುಟುಂಬದ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಲು ಅವರು ತಮ್ಮ ಊರಿಗೆ ತೆರಳಿದ್ದರು. ಈ ವೇಳೆ ದೂರದ ಸಂಬಂಧಿಯೊಬ್ಬರು ಅವರ ಮನೆಗೆ ಬಂದು ತಂದೆ-ತಾಯಿಯೊಂದಿಗೆ ಮಾತನಾಡುತ್ತಿದ್ದರು. ಮಾತಿನ ನಡುವೆ ಇದ್ದಕ್ಕಿದ್ದಂತೆ ಆ ಮಹಿಳೆ, 'ನಿಮ್ಮ ಮಗನ ಮದುವೆ ಯಾವಾಗ ಮಾಡಿಸುತ್ತಿದ್ದೀರಿ?' ಎಂದು ತಾಯಿಯನ್ನು ಪ್ರಶ್ನಿಸಿದ್ದಾರೆ.

ತಾಯಿಯ ಒಂದೇ ಒಂದು ಉತ್ತರಕ್ಕೆ ಆಂಟಿ ಸುಸ್ತು

ಸಂಬಂಧಿಕರ ಇಂತಹ ವೈಯಕ್ತಿಕ ಪ್ರಶ್ನೆಗಳನ್ನು ಇಷ್ಟಪಡದ ತಾಯಿ, ಯಾವುದೇ ಗಲಾಟೆ ಮಾಡದೆ ನಗುತ್ತಲೇ ಜಾಣತನದ ಉತ್ತರ ನೀಡಿದ್ದಾರೆ. 'ನಿಮ್ಮ ಮಗನ ಮದುವೆಯಾದ ನಂತರ ನಮ್ಮ ಮಗನ ಮದುವೆ ಮಾಡಿಸುತ್ತೇವೆ' ಎಂದು ಹೇಳಿದ್ದಾರೆ. ಈ ಉತ್ತರ ಕೇಳಿದ ಸಂಬಂಧಿಕೆಗೆ ಏನು ಹೇಳಬೇಕೆಂದು ತೋಚದೆ ಸುಮ್ಮನಾಗಿದ್ದಾರೆ. ಅಷ್ಟೇ ಅಲ್ಲ, ಮಾತುಕತೆಯನ್ನು ಅಲ್ಲಿಗೇ ನಿಲ್ಲಿಸಿ ಅಲ್ಲಿಂದ ತೆರಳಿದ್ದಾರೆ ಎಂದು ಯುವಕ ತನ್ನ ಪೋಸ್ಟ್‌ನಲ್ಲಿ ಬರೆದುಕೊಂಡಿದ್ದಾರೆ. ಇನ್ನೊಂದು ವಿಶೇಷವೆಂದರೆ, ಪ್ರಶ್ನೆ ಕೇಳಿದ ಮಹಿಳೆಯ ಮಗನಿಗೇ ಮದುವೆಯಾಗುವ ಆಸಕ್ತಿ ಇರಲಿಲ್ಲವಂತೆ. ಆತನ ತಾಯಿ ಮದುವೆ ಪ್ರಸ್ತಾಪಗಳನ್ನು ತಂದಾಗಲೆಲ್ಲ ಆತ ಅವುಗಳಿಂದ ತಪ್ಪಿಸಿಕೊಳ್ಳುತ್ತಿದ್ದ ಎಂದು ಯುವಕ ತಿಳಿಸಿದ್ದಾರೆ.

ರೆಡ್ಡಿಟ್‌ನಲ್ಲಿ ತಾಯಿಯ ಉತ್ತರಕ್ಕೆ ಮೆಚ್ಚುಗೆ

ಈ ಪೋಸ್ಟ್‌ಗೆ ಹಲವರು ಪ್ರತಿಕ್ರಿಯಿಸಿದ್ದು, ಸಂಬಂಧಿಕರ ಅನಗತ್ಯ ಪ್ರಶ್ನೆಗಳ ಬಗ್ಗೆ ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. 'ಇಂತಹ ಕುತೂಹಲ ತೋರಿಸುವ ಸಂಬಂಧಿಕರಿಗಿಂತ ಶತ್ರುಗಳ ಜೊತೆ ಮಾತನಾಡುವುದೇ ಒಳ್ಳೆಯದು' ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ.

ಮತ್ತೊಬ್ಬರು, 'ನಮ್ಮ ತಾಯಿಗೂ ಯಾರಾದರೂ ನನ್ನ ಮದುವೆ ಬಗ್ಗೆ ಕೇಳಿದರೆ, ಮದುವೆ ಆಗಬೇಕಾದಾಗ ಆಗುತ್ತದೆ. ಅದಕ್ಕಾಗಿ ನಾವು ಇಷ್ಟೊಂದು ಚಿಂತೆ ಮಾಡುವ ಅಗತ್ಯವಿಲ್ಲ ಎಂದು ಹೇಳಿ ಸುಮ್ಮನಾಗಿಸುತ್ತಾರೆ' ಎಂದು ಬರೆದಿದ್ದಾರೆ. ಒಟ್ಟಿನಲ್ಲಿ, ಬೇರೆಯವರ ವೈಯಕ್ತಿಕ ಜೀವನದಲ್ಲಿ ಅನಗತ್ಯವಾಗಿ ಮೂಗು ತೂರಿಸುವ ಸಂಬಂಧಿಕರಿಗೆ ಜಗಳವಾಡದೆ, ನಗುತ್ತಲೇ ಉತ್ತರ ನೀಡಿದ ತಾಯಿಯ ಜಾಣತನಕ್ಕೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಎಷ್ಟೋ ಜನಕ್ಕೆ ಅನುಷ್ಕಾ ಶೆಟ್ಟಿ ಅಣ್ಣನ ಬಗ್ಗೆ ಗೊತ್ತೇ ಇಲ್ಲ, ಕರ್ನಾಟಕದಲ್ಲಿ ಇವರು ಮಾಡುತ್ತಿರುವುದು ಸಾಮಾನ್ಯ ಕೆಲಸವಲ್ಲ!

Ashwini HR — Fri, 13 Nov 2026 17:18:37 +0530

ಇಡೀ ಭಾರತವೇ ಕೊಂಡಾಡುವಂತಹ ಖ್ಯಾತ ನಟಿ ಅನುಷ್ಕಾ ಶೆಟ್ಟಿ ಅವರ ಬಗ್ಗೆ ಎಲ್ಲರಿಗೂ ತಿಳಿದಿದೆ. ಆದರೆ ಅವರ ಅಣ್ಣ ಬೆಳ್ಳಿಪಾಡಿ ಗುಣರಂಜನ್ ಶೆಟ್ಟಿ ಅವರು ಏನು ಮಾಡುತ್ತಿದ್ದಾರೆ ಎಂಬುದು ಅನೇಕರಿಗೆ ತಿಳಿದಿರಲಿಕ್ಕಿಲ್ಲ. ಕುಸ್ತಿ ಲೋಕದಲ್ಲಿ ಅವರು ಮಾಡುತ್ತಿರುವ ಮಹತ್ತರ ಸೇವೆ, ಸರಳತೆ ಹಾಗೂ ಸಾಧನೆಯನ್ನು ಈ ಲೇಖನದಲ್ಲಿ ಪರಿಚಯಿಸಲಾಗಿದೆ ಓದಿ..

ಕರ್ನಾಟಕದ ಮಣ್ಣಿನಲ್ಲಿ ರಕ್ತಗತವಾದ ಇತಿಹಾಸವನ್ನು ಹೊಂದಿದ್ದ, ನಮ್ಮ ಹಿರಿಯರು ಜೀವವನ್ನೇ ಮುಡಿಪಾಗಿಟ್ಟು ಪೋಷಿಸಿದ್ದ ಮಣ್ಣಿನ ಅಖಾಡದ ಕುಸ್ತಿ ಕ್ರೀಡೆ ಇತ್ತೀಚಿನ ವರ್ಷಗಳಲ್ಲಿ ಅನಾಥವಾಗುತ್ತಿತ್ತು. ಒಂದು ಕಾಲದಲ್ಲಿ ವೈಭವದಿಂದ ಮೆರೆದಿದ್ದ ಗರಡಿ ಮನೆಗಳು ಕೇವಲ ಇತಿಹಾಸದ ಪುಟಗಳನ್ನು ಸೇರುವ ದುಸ್ಥಿತಿಗೆ ತಲುಪಿದ್ದರೆ, ಕುಸ್ತಿಪಟುಗಳ ಕಣ್ಣಲ್ಲಿ ಪ್ರಶಸ್ತಿ ಗೆಲ್ಲುವ ಕನಸಿಗಿಂತಲೂ ತಮ್ಮ ಮುಂದಿನ ಭವಿಷ್ಯದ ಬಗೆಗಿನ ಗೊಂದಲದ ಕಣ್ಣೀರು ತುಂಬಿತ್ತು. ಕ್ರೀಡೆ ಮತ್ತು ಕ್ರೀಡಾಪಟುಗಳ ಬದುಕು ಅತಂತ್ರವಾಗಿದ್ದ ಆ ಸಂದರ್ಭದಲ್ಲಿ ಹೊಸ ಆಶಾಕಿರಣವೊಂದು ಮೂಡಿಬಂದಿತು.

ಹೌದು. ಕುಸ್ತಿ ಕ್ರೀಡೆಯ ಇಂತಹ ಕತ್ತಲೆಯ ಹಾಗೂ ಸಂಕಷ್ಟದ ಕಾಲದಲ್ಲಿ, ಈ ಮಣ್ಣಿನ ಕ್ರೀಡೆಯನ್ನು ಮತ್ತೆ ಜಗತ್ತಿನ ಎತ್ತರಕ್ಕೆ ಬೆಳೆಸಲೇಬೇಕೆಂಬ ದೃಢ ಸಂಕಲ್ಪದೊಂದಿಗೆ ಮುಂದೆ ನಿಂತ ನಾಯಕರೇ ಬೆಳ್ಳಿಪಾಡಿ ಗುಣರಂಜನ್ ಶೆಟ್ಟಿ.

ಬಡ ಕುಸ್ತಿಪಟುಗಳ ಕಷ್ಟಗಳಿಗೆ ಪ್ರಾಮಾಣಿಕವಾಗಿ ಸ್ಪಂದಿಸಿದ ಗುಣರಂಜನ್ ಶೆಟ್ಟಿ

ದಕ್ಷಿಣ ಭಾರತದ ಅಗ್ರಗಣ್ಯ ನಟಿ ಅನುಷ್ಕಾ ಶೆಟ್ಟಿ ಅವರ ಸಹೋದರ ಎಂಬ ದೊಡ್ಡ ಸೆಲೆಬ್ರಿಟಿ ಹಿನ್ನೆಲೆ ಇದ್ದರೂ ಸಹ, ಗ್ಲಾಮರ್ ಲೋಕದ ಆಕರ್ಷಣೆಗೆ ಒಳಗಾಗದೆ ಗುಣರಂಜನ್ ಶೆಟ್ಟಿ ಅವರು ಇಷ್ಟಪಟ್ಟಿದ್ದು ಮಾತ್ರ ಕರಾವಳಿ ಹಾಗೂ ಕರ್ನಾಟಕದ ಮಣ್ಣಿನ ಪರಿಮಳವನ್ನು. ತಮ್ಮ ಮೊದಲ ಅವಧಿಯಲ್ಲಿ ಅಧಿಕಾರದಲ್ಲಿದ್ದರೂ ಅದನ್ನು ಸ್ವಾರ್ಥಕ್ಕೋ ಅಥವಾ ಪ್ರಚಾರಕ್ಕೋ ಬಳಸಿಕೊಳ್ಳದೆ, ನೆಲಮಟ್ಟದಲ್ಲಿ ನಿಂತು ಪ್ರತಿಯೊಬ್ಬ ಬಡ ಕುಸ್ತಿಪಟುವಿನ ನೋವಿಗೂ ಮಿಡಿದು, ಅವರ ಕಷ್ಟಗಳಿಗೆ ಪ್ರಾಮಾಣಿಕವಾಗಿ ಸ್ಪಂದಿಸಿ ನೆರವಿನ ಹಸ್ತ ಚಾಚಿದರು.

ಒಬ್ಬ ನಾಯಕನಲ್ಲಿ ನಿಸ್ವಾರ್ಥತೆ ಮತ್ತು ಪ್ರಾಮಾಣಿಕತೆ ಇದ್ದರೆ ಇಡೀ ವ್ಯವಸ್ಥೆಯೇ ಆತನನ್ನು ಗೌರವಿಸುತ್ತದೆ ಎಂಬುದಕ್ಕೆ ಇತ್ತೀಚಿನ ಚುನಾವಣಾ ಫಲಿತಾಂಶವೇ ಸಾಕ್ಷಿಯಾಗಿದೆ. 2026ರಿಂದ 2030ರ ಅವಧಿಯ ಕರ್ನಾಟಕ ರಾಜ್ಯ ಕುಸ್ತಿ ಸಂಸ್ಥೆಯ ಚುನಾವಣೆಯಲ್ಲಿ ಯಾವುದೇ ವಿರೋಧವಿಲ್ಲದೆ, ಸಂಪೂರ್ಣ ಸರ್ವಾನುಮತದಿಂದ ಗುಣರಂಜನ್ ಶೆಟ್ಟಿ ಅವರನ್ನು ಮತ್ತೊಮ್ಮೆ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಾಗಿದೆ. ಈ ಅವಿರೋಧ ಆಯ್ಕೆಯು ಕೇವಲ ಅಧಿಕಾರದ ಕುರ್ಚಿಯಲ್ಲ, ಬದಲಾಗಿ, ಕಳೆದುಹೋಗಿರುವ ಗರಡಿ ಮನೆಗಳ ಗತವೈಭವವನ್ನು ಅವರು ಖಂಡಿತವಾಗಿಯೂ ಮರಳಿ ತರುತ್ತಾರೆ ಎಂಬ ಅಚಲವಾದ ನಂಬಿಕೆಯನ್ನು ಇಡೀ ಕರ್ನಾಟಕದ ಕುಸ್ತಿ ಲೋಕ ಅವರ ಮೇಲಿಟ್ಟಿರುವುದರ ಸ್ಪಷ್ಟ ಪ್ರತೀಕವಾಗಿದೆ. ಕ್ರೀಡಾಪಟುಗಳು ಹಾಗೂ ತರಬೇತುದಾರರು ಅವರ ನಾಯಕತ್ವದ ಮೇಲೆ ಅಪಾರ ಭರವಸೆ ಇರಿಸಿದ್ದಾರೆ.

ಕ್ರೀಡಾ ಕ್ಷೇತ್ರದ ಅಭಿವೃದ್ಧಿಗೆ ಹೊಸ ದಿಕ್ಕು

ಮರುಆಯ್ಕೆಯೊಂದಿಗೆ ಗುಣರಂಜನ್ ಶೆಟ್ಟಿ ಅವರ ಹೆಗಲ ಮೇಲೆ ಈಗ ಮತ್ತಷ್ಟು ಮಹತ್ತರ ಜವಾಬ್ದಾರಿ ಹೆಚ್ಚಾಗಿದೆ. ಈಗಾಗಲೇ ಅಖಿಲ ಭಾರತ ಬೀಚ್ ಕುಸ್ತಿ ಸಮಿತಿಯ ಅಧ್ಯಕ್ಷರಾಗಿ ಹಾಗೂ ದಕ್ಷಿಣ ಭಾರತ ಕುಸ್ತಿ ಸಂಸ್ಥೆಯ ಉಪಾಧ್ಯಕ್ಷರಾಗಿ ರಾಷ್ಟ್ರ ಮಟ್ಟದಲ್ಲಿ ತಮ್ಮ ಕಾರ್ಯದಕ್ಷತೆಯಿಂದ ಗುರುತಿಸಿಕೊಂಡಿರುವ ಅವರು, ಈಗ ಮತ್ತೊಂದು ದೊಡ್ಡ ಕನಸನ್ನು ಕಂಡಿದ್ದಾರೆ.

ಕರ್ನಾಟಕದ ಹಳ್ಳಿ ಹಳ್ಳಿಗಳಲ್ಲಿ ಅಡಗಿರುವ ಕುಸ್ತಿ ಪ್ರತಿಭೆಗಳನ್ನು ಗುರುತಿಸಿ, ಅವರಿಗೆ ಸೂಕ್ತ ತರಬೇತಿ ನೀಡಿ ಜಾಗತಿಕ ಮಟ್ಟದ ಒಲಿಂಪಿಕ್ಸ್ ವೇದಿಕೆಗೆ ಕೊಂಡೊಯ್ಯಬೇಕೆಂಬುದು ಅವರ ಗುರಿಯಾಗಿದೆ. ಗ್ರಾಮೀಣ ಭಾಗದ ಮಣ್ಣಿನ ಮಕ್ಕಳ ಕಣ್ಣೀರು ಒರೆಸಿ, ಬಡ ಕುಸ್ತಿಪಟುಗಳಿಗೆ ಅಂತಾರಾಷ್ಟ್ರೀಯ ಗುಣಮಟ್ಟದ ಆಧುನಿಕ ಸೌಕರ್ಯಗಳನ್ನು ಒದಗಿಸಲು ಅಹರ್ನಿಶಿ ಶ್ರಮಿಸುತ್ತಿರುವ ಬೆಳ್ಳಿಪಾಡಿ ಗುಣರಂಜನ್ ಶೆಟ್ಟಿ ಅವರ ಈ ಸಾರ್ಥಕ ಕ್ರೀಡಾ ಪಯಣಕ್ಕೆ ತುಂಬು ಹೃದಯದ ಗೌರವ ಹಾಗೂ ಸಲಾಂ ಸಲ್ಲಿಸಲಾಗಿದೆ. ಇಂತಹ ನೈಜ ಸಾಧಕರ ಸತ್ಯಕಥೆಗಳು ಸಮಾಜಕ್ಕೆ ಮಾದರಿಯಾಗಿದ್ದು, ಕ್ರೀಡಾ ಕ್ಷೇತ್ರದ ಅಭಿವೃದ್ಧಿಗೆ ಹೊಸ ದಿಕ್ಕು ತೋರಿಸುತ್ತವೆ.

3,150 ವಜ್ರ ಖಚಿತ ಕಣ್ಣುಕುಕ್ಕಿಸೋ 'ಮಿಸ್ ಯೂನಿವರ್ಸ್' ಕಿರೀಟ ರೆಡಿ: 75 ವರ್ಷಗಳ ಇತಿಹಾಸ ಇದರಲ್ಲಿ! ಏನಿದರ ವಿಶೇಷತೆ

Suchethana D — Fri, 13 Nov 2026 17:15:43 +0530

ನ್ಯೂಯಾರ್ಕ್: ಈ ಬಾರಿಯ ವಿಶ್ವ ಸುಂದರಿ ಸ್ಪರ್ಧೆಯು ಅಮೆರಿಕದ ಪೋರ್ಟೊ ರಿಕೊ (Puerto Rico) ನಲ್ಲಿ ನಡೆಯುತ್ತಿದೆ. ಕೇರಳ ಮೂಲದ 19 ವರ್ಷದ ಕಾನೂನು ವಿದ್ಯಾರ್ಥಿನಿ ಮತ್ತು ಮಾಡೆಲ್ ಕಾಜಿಯಾ ಲಿಜ್ ಮೆಜೊ (Kaziah Liz Mejo) ಅವರು 'ಮಿಸ್ ಯೂನಿವರ್ಸ್ ಇಂಡಿಯಾ 2026' ಕಿರೀಟ ಗೆದ್ದಿದ್ದು, ಈ ಬಾರಿ ಭಾರತವನ್ನು ಪ್ರತಿನಿಧಿಸುತ್ತಿದ್ದಾರೆ. ನವೆಂಬರ್ 24, 2026 ರಂದು ಗ್ರ್ಯಾಂಡ್ ಫಿನಾಲೆ ಮತ್ತು ಕಿರೀಟ ಪ್ರದಾನ ಸಮಾರಂಭ ನಡೆಯಲಿದೆ. 121 ದೇಶಗಳ ಸ್ಪರ್ಧಿಗಳು ಪ್ರತಿಷ್ಠಿತ ಪ್ರಶಸ್ತಿಗಾಗಿ ಸ್ಪರ್ಧಿಸುತ್ತಿದ್ದಾರೆ.

ಇದಕ್ಕೂ ಮುನ್ನ ಅಂದರೆ ನಿನ್ನೆ ಅರ್ಥಾತ್ ನವೆಂಬರ್ 12ರಂದು ಸ್ಪರ್ಧಿಗಳಿಗೆ ಉತ್ತೇಜನ ನೀಡುವ ನಿಟ್ಟಿನಲ್ಲಿ ಈ ಬಾರಿಯ ಮಿಸ್ ಯೂನಿವರ್ಸ್ ಕಿರೀಟವನ್ನು ಅನಾವರಣಗೊಳಿಸಿದ್ದಾರೆ. 75ನೇ ವಾರ್ಷಿಕೋತ್ಸವದ ಅಂಗವಾಗಿ 'ದಿ ರೇಡಿಯನ್ಸ್ ಆಫ್ ಆನ್ ಎಟರ್ನಲ್ ಲೆಗಸಿ' (The Radiance of an Eternal Legacy) ಎಂಬ ಹೊಸ ಕಿರೀಟವನ್ನು ಅನಾವರಣಗೊಳಿಸಲಾಗಿದೆ. ಇದು ಚಿನ್ನದ ಎಳೆಗಳ ನಡುವೆ 3,150 ವಜ್ರಗಳನ್ನು ಹೊಂದಿರುವುದು ವಿಶೇಷವಾಗಿದೆ. ಮಿಸ್ ಯೂನಿವರ್ಸ್ ಸಂಸ್ಥೆಯ ಅಧಿಕೃತ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್ ಭವ್ಯವಾದ ಕಿರೀಟದ ಒಂದು ನೋಟವನ್ನು ಹಂಚಿಕೊಂಡಿದೆ. "'ಶಾಶ್ವತ ಪರಂಪರೆಯ ಪ್ರಕಾಶವನ್ನು' ಪರಿಚಯಿಸಲಾಗುತ್ತಿದೆ. 3,150 ವಜ್ರಗಳು, 75 ವರ್ಷಗಳ ಇತಿಹಾಸ ಮತ್ತು ಮಿಸ್ ಯೂನಿವರ್ಸ್‌ನ ಭೂತ, ವರ್ತಮಾನ ಮತ್ತು ಭವಿಷ್ಯವನ್ನು ಆಚರಿಸುವ ಅಸಾಧಾರಣ ಕಿರೀಟ" ಎಂಬ ಶೀರ್ಷಿಕೆಯನ್ನು ಬರೆಯಲಾಗಿದೆ. ಸ್ಪರ್ಧೆಯ 75 ನೇ ವಜ್ರ ವಾರ್ಷಿಕೋತ್ಸವವನ್ನು ಗುರುತಿಸಲು ಜಾರ್ಜ್ ವಿಟ್ಟೆಲ್ಸ್ ಮತ್ತು ಮೈಸನ್ ಡಿ'ಓರ್ ಅವರು ಕಿರೀಟವನ್ನು ಅನಾವರಣಗೊಳಿಸಿದ್ದಾರೆ

ಮಿಸ್ ಯೂನಿವರ್ಸ್ ಇತಿಹಾಸದಲ್ಲಿ ವಿವಿಧ ಕಿರೀಟಗಳು

ಮಿಸ್ ಯೂನಿವರ್ಸ್ ಆರಂಭವಾಗಿ 75 ವರ್ಷಗಳೇ ಗತಿಸಿದ್ದು, ಈ ವರ್ಷಗಳಲ್ಲಿ, ಮಿಸ್ ಯೂನಿವರ್ಸ್ ಸಂಸ್ಥೆಯು ವಿಶೇಷ ಸಾಧನೆಗಳನ್ನು ಗುರುತಿಸಲು ಹೊಸ ಕಿರೀಟಗಳನ್ನು ಪರಿಚಯಿಸಿದೆ. ಪ್ರತಿಯೊಂದು ಕಿರೀಟವು ಹೊಸ ಪ್ರಯಾಣ ಮತ್ತು ಹೊಸ ಅವಕಾಶಗಳನ್ನು ಸಂಕೇತಿಸುತ್ತದೆ ಮತ್ತು ಒಬ್ಬ ವಿಜೇತರಿಂದ ಇನ್ನೊಬ್ಬರಿಗೆ ರವಾನಿಸಲ್ಪಡುತ್ತದೆ. 75 ವರ್ಷಗಳ ಇತಿಹಾಸದಲ್ಲಿ, ಸ್ಪರ್ಧೆಯು 12 ವಿಭಿನ್ನ ಕಿರೀಟಗಳನ್ನು ಕಂಡಿದೆ.

ರೊಮಾನೋವ್ ಇಂಪೀರಿಯಲ್ ವೆಡ್ಡಿಂಗ್ ಕ್ರೌನ್ (1952): ಇದು 1,529 ವಜ್ರಗಳಿಂದ ಕೂಡಿದ ಮೊದಲ ಮಿಸ್ ಯೂನಿವರ್ಸ್ ಕಿರೀಟವಾಗಿತ್ತು. ಇದನ್ನು ಆರ್ಮಿ ಕುಸೆಲಾ ಗೆದ್ದರು.
ಕ್ರಿಸ್ಟಿಯಾನ್ ಮಾರ್ಟೆಲ್ ಕ್ರೌನ್ (1953): ಅದರ ಘನ ಕಂಚಿನ ಮುಕ್ತಾಯದಿಂದಾಗಿ ಲೋಹೀಯ ಕಂಚಿನ ಕಿರೀಟ ಎಂದೂ ಕರೆಯುತ್ತಾರೆ. ಕ್ರಿಸ್ಟಿಯಾನ್ ಮಾರ್ಟೆಲ್ 1953 ರಲ್ಲಿ ಪ್ರಶಸ್ತಿಯನ್ನು ಗೆದ್ದರು.
ಸ್ಟಾರ್ ಆಫ್ ದಿ ಯೂನಿವರ್ಸ್ ಕ್ರೌನ್ (1954-1960): ಅದರ ಮೇಲ್ಭಾಗದಲ್ಲಿರುವ ನಕ್ಷತ್ರದ ನಂತರ ಹೆಸರಿಸಲ್ಪಟ್ಟ ಇದು ಘನ ಚಿನ್ನ ಮತ್ತು ಪ್ಲಾಟಿನಂನಲ್ಲಿ ಹೊಂದಿಸಲಾದ ಸುಮಾರು 1,000 ಓರಿಯೆಂಟಲ್ ಕಲ್ಚರ್ಡ್ ಕಪ್ಪು ಮುತ್ತುಗಳನ್ನು ಒಳಗೊಂಡಿತ್ತು.
ರೈನ್ಸ್ಟೋನ್ ಕ್ರೌನ್ (1961-1962): ರೈನ್ಸ್ಟೋನ್ಗಳಿಂದ ಮಾಡಿದ ಈ ಕಿರೀಟವು ಸ್ಪರ್ಧೆಯ 10 ನೇ ವಾರ್ಷಿಕೋತ್ಸವವನ್ನು ಸಂಕೇತಿಸುತ್ತದೆ.
ಕವೆಂಟ್ರಿ ಕ್ರೌನ್ (1963-2001): ಆಭರಣ ವ್ಯಾಪಾರಿ ಸಾರಾ ಕವೆಂಟ್ರಿ ರೈನ್‌ಸ್ಟೋನ್ ಕ್ರೌನ್ ಅನ್ನು ಮರುವಿನ್ಯಾಸಗೊಳಿಸಿದರು, ಮಧ್ಯದಲ್ಲಿ ರಾಜದಂಡವನ್ನು ಹಿಡಿದಿರುವ ಮಹಿಳೆಯ ಆಕೃತಿಯನ್ನು ಸೇರಿಸಿದರು. ಇದನ್ನು ಲೇಡಿ ಕ್ರೌನ್ ಎಂದು ಕರೆಯಲಾಗುತ್ತಿತ್ತು.
ಮಿಕಿಮೊಟೊ ಫೀನಿಕ್ಸ್ ಕ್ರೌನ್ (2002-2008 ಮತ್ತು 2017-2018): ಇದು ಮಿಸ್ ಯೂನಿವರ್ಸ್ ಆರ್ಗನೈಸೇಶನ್‌ನ 51 ನೇ ವಾರ್ಷಿಕೋತ್ಸವವನ್ನು ಗುರುತಿಸಿತು ಮತ್ತು 500 ನೈಸರ್ಗಿಕ ಬಣ್ಣರಹಿತ ವಜ್ರಗಳು ಮತ್ತು 120 ದಕ್ಷಿಣ ಸಮುದ್ರ ಮತ್ತು ಅಕೋಯಾ ಮುತ್ತುಗಳನ್ನು ಒಳಗೊಂಡಿತ್ತು, ಇದು ಸುಮಾರು 30 ಕ್ಯಾರೆಟ್‌ಗಳಷ್ಟು ತೂಕವಿತ್ತು.
ಕಾವೊ ಕ್ರೌನ್ (2008): ವಿಯೆಟ್ನಾಂನಲ್ಲಿ ವಿನ್ಯಾಸಗೊಳಿಸಲಾದ ಈ ಕಿರೀಟವು 1,000 ಅಮೂಲ್ಯ ಕಲ್ಲುಗಳ ಸಂಯೋಜನೆಯಾಗಿತ್ತು: 555 ಬಿಳಿ ವಜ್ರಗಳು, 10 ಸ್ಮೋಕಿ ಸ್ಫಟಿಕ ಶಿಲೆ ಹರಳುಗಳು, 375 ಕಾಗ್ನ್ಯಾಕ್ ವಜ್ರಗಳು ಮತ್ತು 19 ಮಾರ್ಗನೈಟ್ ರತ್ನದ ಕಲ್ಲುಗಳು, 18-ಕ್ಯಾರೆಟ್ ಬಿಳಿ ಮತ್ತು ಹಳದಿ ಚಿನ್ನದಲ್ಲಿ ಹೊಂದಿಸಲಾಗಿದೆ.
ಡೈಮಂಡ್ ನೆಕ್ಸಸ್ ಪೀಸ್ ಕ್ರೌನ್ (2009-2013): ಇದು 1,371 ರತ್ನದ ಕಲ್ಲುಗಳನ್ನು ಒಳಗೊಂಡಿತ್ತು ಮತ್ತು ಮಿಸ್ ಯೂನಿವರ್ಸ್‌ನ HIV/AIDS ಶಿಕ್ಷಣ ಮತ್ತು ಜಾಗೃತಿ ವೇದಿಕೆಯನ್ನು ಪ್ರತಿನಿಧಿಸಲು ಕೃತಕ ಮಾಣಿಕ್ಯಗಳನ್ನು ಬಳಸಿತು.
DIC ಕ್ರೌನ್ (2014-2016): ಹತ್ತು ಕುಶಲಕರ್ಮಿಗಳು ಈ ಕಿರೀಟದ ಮೇಲೆ ಕೆಲಸ ಮಾಡಿದರು, ಪೂರ್ಣಗೊಳಿಸಲು ನಾಲ್ಕು ತಿಂಗಳುಗಳನ್ನು ತೆಗೆದುಕೊಂಡರು. ಇದು ಮ್ಯಾನ್‌ಹ್ಯಾಟನ್ ಗಗನಚುಂಬಿ ಕಟ್ಟಡಗಳನ್ನು ನೆನಪಿಸುತ್ತದೆ ಮತ್ತು ಐದು ನೀಲಿ ನೀಲಮಣಿ ತುಂಡುಗಳು, 311 ವಜ್ರಗಳು, 33 ಶಾಖ-ಸಂಸ್ಕರಿಸಿದ ಸ್ಫಟಿಕದ ತುಂಡುಗಳು ಮತ್ತು 18-ಕ್ಯಾರೆಟ್ ಬಿಳಿ ಚಿನ್ನದಲ್ಲಿ ಹೊಂದಿಸಲಾದ 198 ನೀಲಮಣಿ ತುಂಡುಗಳನ್ನು ಒಳಗೊಂಡಿದೆ.
ಮೌವಾದ್ ಪವರ್ ಆಫ್ ಯೂನಿಟಿ ಕ್ರೌನ್ (2019-2021): ಇದು 62.83-ಕ್ಯಾರೆಟ್ ಚಿನ್ನದ ಕ್ಯಾನರಿ ವಜ್ರವನ್ನು ಒಳಗೊಂಡಿತ್ತು. ಇದು ವೈವಿಧ್ಯತೆ, ಮಹತ್ವಾಕಾಂಕ್ಷೆ, ಸೌಂದರ್ಯ ಮತ್ತು ಸಮುದಾಯವನ್ನು ಸಂಕೇತಿಸುತ್ತದೆ.
ಮೌವಾದ್ ಫೋರ್ಸ್ ಫಾರ್ ಗುಡ್ ಕ್ರೌನ್ (2022-2023): ಇದನ್ನು 110-ಕ್ಯಾರೆಟ್ ನೀಲಿ ನೀಲಮಣಿ, ಮಧ್ಯದಲ್ಲಿ ರಾಯಲ್ ನೀಲಿ ನೀಲಮಣಿ ಮತ್ತು 48 ಕ್ಯಾರೆಟ್ ಬಿಳಿ ವಜ್ರಗಳಿಂದ ಅಲಂಕರಿಸಲಾಗಿತ್ತು.
ಜ್ಯುವೆಲ್ಮರ್ ಲುಮಿಯೆರೆ ಡಿ ಎಲ್'ಇನ್ಫಿನಿ ಕ್ರೌನ್ (2024-2025): ಇದನ್ನು ಸಾಂಪ್ರದಾಯಿಕ ಫಿಲಿಪಿನೋ ಮತ್ತು ಫ್ರೆಂಚ್ ಆಭರಣ ವಿನ್ಯಾಸ ತಂತ್ರಗಳನ್ನು ಬಳಸಿ ಕೈಯಿಂದ ತಯಾರಿಸಲಾಗಿದೆ. ಇದು ನೂರಾರು ವಜ್ರಗಳು ಮತ್ತು 23 ಚಿನ್ನದ ದಕ್ಷಿಣ ಸಮುದ್ರ ಮುತ್ತುಗಳಿಂದ ಕೂಡಿದ್ದು, ಇದರ ಹೊರ ಕವಚವು ಚಿನ್ನ ಮತ್ತು ಪ್ಲಾಟಿನಂನಿಂದ ಮಾಡಲ್ಪಟ್ಟಿದೆ.

ರಾಜ್ ಬಿ ಶೆಟ್ಟಿ, ವಿಜಯ್ ಸೇತುಪತಿ ಅಭಿನಯದ ಪಾಕೆಟ್ ನಾವಲ್ ರಿಲೀಸ್ ದಿನಾಂಕ ಘೋಷಣೆ

Chethan Kumar — Fri, 13 Nov 2026 17:14:47 +0530

ಬೆಂಗಳೂರು (ನ.13) ಸ್ಯಾಂಡಲ್‌ವುಡ್‌ನಲ್ಲಿ ಮೋಡಿ ಮಾಡಿದ ರಾಜ್ ಬಿ ಶೆಟ್ಟಿ ಇದೀಗ ಕನ್ನಡ, ತಮಿಳು ಸೇರಿದಂತೆ ಹಲವು ಭಾಷೆಗಳ ಬಹುನಿರೀಕ್ಷಿತ ಸಿನಿಮಾ ಮೂಲಕ ತೆರೆಗೆ ಬರುತ್ತಿದ್ದಾರೆ. ತಮಿಳಿನ ಸ್ಟಾರ್ ನಟ ವಿಜಯ್ ಸೇತುಪತಿ ಜೊತೆ ರಾಜ್ ಬಿ ಶೆಟ್ಟಿ ಅಭಿನಯದ ಪಾಕೆಟ್ ನಾವೆಲ್ ಸಿನಿಮಾ ಸಂಕ್ರಾಂತಿ ಹಬ್ಬಕ್ಕೆ ರಿಲೀಸ್ ಆಗುತ್ತಿದೆ. ರ್ದೇಶಕ ತ್ಯಾಗರಾಜನ್ ಕುಮಾರರಾಜಾ ಸಾರಥ್ಯದಲ್ಲಿ ಮೂಡಿಬರುತ್ತಿರುವ ಈ ಚಿತ್ರ ಜನವರಿ 14ರಂದು ತೆರೆಗೆ ಅಪ್ಪಳಿಸಲಿದೆ. ರಾಜ್ ಬಿ ಶೆಟ್ಟಿ ಬಹುಭಾಷ ನಟನಾಗಿ ತಮ್ಮ ಸಾಮರ್ಥ್ಯ ಸಾಬೀತುಪಡಿಸಲು ಸಜ್ಜಾಗಿದ್ದಾರೆ.

ಕನ್ನಡದ ಸ್ಟಾರ್ ನಟರ ಸಂಗಮ: ಸಿನಿಪ್ರಿಯರಿಗೆ ಹಬ್ಬ!

ಚಿತ್ರತಂಡ ಹಂಚಿಕೊಂಡಿರುವ ಅಧಿಕೃತ ಮಾಹಿತಿಯ ಪ್ರಕಾರ, 2027ರ ಜನವರಿ 14 ರಂದು ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಈ ಚಿತ್ರ ಅದ್ಧೂರಿಯಾಗಿ ವಿಶ್ವಾದ್ಯಂತ ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದೆ. ವಿಶೇಷ ಅಂದರೆ ರಾಜ್ ಬಿ ಶೆಟ್ಟಿ ಮಾತ್ರವಲ್ಲ ಕನ್ನಡದ ಪ್ರಮುಖ ನಟರ ಸಂಗಮ ಇದಾಗಿದೆ. ಕನ್ನಡದ ಖ್ಯಾತ ನಟ ಕಿಶೋರ್ ಪ್ರಮುಖ ಪಾತ್ರದ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿಜಯ್ ಸೇತುಪತಿ, ರಾಜ್ ಬಿ. ಶೆಟ್ಟಿ ಹಾಗೂ ಕಿಶೋರ್ ಅವರಂತಹ ನೈಜ ಕಲಾವಿದರು ಒಂದೇ ಪರದೆಯ ಮೇಲೆ ಮುಖಾಮುಖಿಯಾಗುತ್ತಿರುವುದು ಕುತೂಹಲ ಹೆಚ್ಚಿಸಿದೆ.

ಚಿತ್ರದಲ್ಲಿ ಮಾಳವಿಕಾ ಮೋಹನನ್ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸಿನಿಮಾ ಕುರಿತು ಭಾವುಕ ಪೋಸ್ಟ್ ಮಾಡಿರುವ ಮಾಳವಿಕಾ ಮೋಹನ್, ಈ ಚಿತ್ರತಂಡದ ಭಾಗವಾಗಲು ನನಗೆ ಹೆಮ್ಮೆಯಾಗುತ್ತಿದೆ. ತಿಂಗಳುಗಳ ಕಾಲ ಒಟ್ಟಿಗೆ ಊಟ ಮಾಡಿ, ಮಾತಾಡಿ, ಕಷ್ಟ-ಸುಖ ಹಂಚಿಕೊಂಡ ನಂತರ ಜೊತೆಗಿದ್ದ ಜನರು ಕೇವಲ ಸಹೋದ್ಯೋಗಿಗಳಾಗಿ ಉಳಿಯದೆ ನಮ್ಮ ಕುಟುಂಬದಂತಾಗುತ್ತಾರೆ" ಎಂದಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳ ಕೌತುಕ:

ಚಿತ್ರದ ಪೋಸ್ಟರ್ ನೋಡಿದ ಅಭಿಮಾನಿಗಳು ಇಂಟರ್‌ನೆಟ್‌ನಲ್ಲಿ ಹಲವು ರೀತಿಯಲ್ಲಿ ಕಮೆಂಟ್ ಮಾಡುತ್ತಿದ್ದಾರೆ. "ತ್ಯಾಗರಾಜನ್ ಕುಮಾರರಾಜಾ ಅವರ ಪೋಸ್ಟರ್‌ಗಳು ಯಾವತ್ತೂ ಫೇಲ್ ಆಗುವುದಿಲ್ಲ ಮತ್ತೊಂದು ಅದ್ಭುತ ಕಲಾಕೃತಿ (Masterpiece) ಲೋಡ್ ಆಗುತ್ತಿದೆ . ದೀಪಾವಳಿಗೆ ಬರುತ್ತೆ ಅಂದುಕೊಂಡಿದ್ದೆವು, ಆದರೂ ಸಂಕ್ರಾಂತಿಗೆ ನೋಡಲು ಕಾತರರಾಗಿದ್ದೇವೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಬಾಜಿಗಾಗಿ ಮಗಳನ್ನೇ ಒತ್ತೆ ಇಟ್ಟ ಅಪ್ಪ.. ಕನ್ನಡಕ್ಕೆ ಬಂದ ಮೇಜರ್ ಟಾಲಿವುಡ್ ಸ್ಟಾರ್

Govindaraj S — Fri, 13 Nov 2026 17:14:37 +0530

1996ರಲ್ಲಿ ಬಿಡುಗಡೆಯಾದ ರವಿಚಂದ್ರನ್ ನಿರ್ದೇಶನದ ‘ಸಿಪಾಯಿ’ ಕನ್ನಡ ಚಿತ್ರದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್, ನಟಿ ಸೌಂದರ್ಯ ಹಾಗೂ ಮೆಗಾಸ್ಟಾರ್ ಚಿರಂಜೀವಿ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದರು. ಹಂಸಲೇಖ ಸಂಗೀತ ಸಂಯೋಜಿಸಿದ್ದರು.

ಕನ್ನಡ ಚಿತ್ರರಂಗದಲ್ಲಿ ವಿಭಿನ್ನ ಕಥಾಹಂದರ ಮತ್ತು ವಿಶಿಷ್ಟ ಪ್ರಯೋಗಗಳ ಮೂಲಕ ಗಮನ ಸೆಳೆದ ಸಿನಿಮಾಗಳಲ್ಲಿ 1996ರಲ್ಲಿ ಬಿಡುಗಡೆಯಾದ ‘ಸಿಪಾಯಿ’ ಚಿತ್ರವೂ ಒಂದು. ಕ್ರೇಜಿಸ್ಟಾರ್ ರವಿಚಂದ್ರನ್ ನಿರ್ದೇಶಿಸಿ, ನಿರ್ಮಾಣ ಮಾಡಿದ್ದ ಈ ಸಿನಿಮಾದಲ್ಲಿ ಅವರೇ ನಾಯಕನಾಗಿ ನಟಿಸಿದ್ದರು. ದಕ್ಷಿಣ ಭಾರತದ ಖ್ಯಾತ ನಟಿ ಸೌಂದರ್ಯ ನಾಯಕಿಯಾಗಿ ಕಾಣಿಸಿಕೊಂಡಿದ್ದರೆ, ತೆಲುಗು ಚಿತ್ರರಂಗದ ಮೆಗಾಸ್ಟಾರ್ ಚಿರಂಜೀವಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಹಂಸಲೇಖ ಅವರ ಸಂಗೀತ ಈ ಚಿತ್ರದ ಮತ್ತೊಂದು ವಿಶೇಷವಾಗಿತ್ತು. ಪ್ರೀತಿ ಎಂದರೆ ಕೇವಲ ಪ್ರೀತಿಸುವುದಲ್ಲ, ಪ್ರೀತಿಸಿದವರ ಸಂತೋಷ ಮತ್ತು ಸ್ವಾತಂತ್ರ್ಯಕ್ಕೂ ಬೆಲೆ ಕೊಡಬೇಕು ಎಂಬ ಭಾವನಾತ್ಮಕ ಅಂಶವನ್ನು ಒಳಗೊಂಡಿದ್ದ ‘ಸಿಪಾಯಿ’ ಸಿನಿಮಾ ಪ್ರೇಕ್ಷಕರ ಮುಂದೆ ವಿಭಿನ್ನ ಕಥೆಯನ್ನು ತೆರೆದಿಟ್ಟಿತ್ತು.

ಚಿತ್ರದ ಕಥಾನಾಯಕಿ ಶಾಂತಿ (ಸೌಂದರ್ಯ) ಹಳ್ಳಿಯ ಸುಂದರ, ಮುಗ್ಧ ಹುಡುಗಿ. ಮಳೆಯೆಂದರೆ ಆಕೆಗೆ ಎಲ್ಲಿಲ್ಲದ ಪ್ರೀತಿ. ಆದರೆ ಗುಡುಗು ಮತ್ತು ಮಿಂಚು ಎಂದರೆ ವಿಪರೀತ ಭಯ. ಯಾರ ಹಂಗೂ ಇಲ್ಲದೆ, ಯಾವುದೇ ಬಂಧನವಿಲ್ಲದೆ ಸ್ವತಂತ್ರವಾಗಿ ಬದುಕಬೇಕು ಎಂಬುದು ಆಕೆಯ ಆಸೆ. ಇತ್ತ ಶಿವು ಅಲಿಯಾಸ್ ಸಿಪಾಯಿ (ರವಿಚಂದ್ರನ್) ಬಾಲ್ಯದಿಂದಲೇ ಶಾಂತಿಯನ್ನು ಪ್ರೀತಿಸುತ್ತಿರುತ್ತಾನೆ. ಶಾಂತಿಯ ಕುಟುಂಬದವರಿಗೂ ಶಿವು ಇಷ್ಟ. ಮಗಳ ಮದುವೆಯನ್ನು ಸಿಪಾಯಿಯೊಂದಿಗೆ ಮಾಡಬೇಕೆಂಬ ಆಸೆ ಅವರಿಗೂ ಇರುತ್ತದೆ. ಆದರೆ ಕಥೆಗೆ ತಿರುವು ನೀಡುವುದೇ ಗ್ರಾಮದ ಮತ್ತೊಬ್ಬ ವ್ಯಕ್ತಿಯ ಪ್ರವೇಶ.

ಶಾಂತಿಯ ತಂದೆ ಬಾಜಿ ಬೆಟ್ಟಯ್ಯ (ಮುಖ್ಯಮಂತ್ರಿ ಚಂದ್ರು) ಎಂದರೆ ಸುತ್ತಮುತ್ತಲಿನ ಹಳ್ಳಿಗಳಲ್ಲಿ ದೊಡ್ಡ ಹೆಸರು. ಕುರಿ ಕಾಳಗದಲ್ಲಿ ಅವರ ಕುರಿಯನ್ನು ಸೋಲಿಸುವುದು ಅಷ್ಟು ಸುಲಭದ ಮಾತಾಗಿರುವುದಿಲ್ಲ. ಸತತ ಗೆಲುವುಗಳ ಮೂಲಕ ಬೆಟ್ಟಯ್ಯ ಸಾಕಷ್ಟು ಖ್ಯಾತಿ ಗಳಿಸಿರುತ್ತಾರೆ. ಇದೇ ಸಂದರ್ಭದಲ್ಲಿ ಗ್ರಾಮದ ಮುಖ್ಯಸ್ಥನ ಮಗ ವಿಕಿ (ಬಾಲರಾಜ್) ಶಾಂತಿಯನ್ನು ನೋಡಿ ಆಕೆಯ ಮೇಲೆ ಮೋಹಗೊಳ್ಳುತ್ತಾನೆ. ಹೇಗಾದರೂ ಮಾಡಿ ಶಾಂತಿಯನ್ನು ಮದುವೆಯಾಗಬೇಕೆಂದು ನಿರ್ಧರಿಸುವ ಆತ, ಬೆಟ್ಟಯ್ಯನ ಕುರಿ ಕಾಳಗದ ದೌರ್ಬಲ್ಯವನ್ನು ಬಳಸಿಕೊಳ್ಳಲು ಸಂಚು ರೂಪಿಸುತ್ತಾನೆ. ವಿಕಿ ಮತ್ತು ಆತನ ಸ್ನೇಹಿತರು ಬೆಟ್ಟಯ್ಯನ ಕುರಿಯ ಸಾಮರ್ಥ್ಯ ಕುಗ್ಗಿಸಲು ಅದಕ್ಕೆ ಔಷಧಿ ಚುಚ್ಚುತ್ತಾರೆ. ಈ ಬಾರಿ ಗೆಲುವಿನ ಬದಲು ಸೋಲು ಬೆಟ್ಟಯ್ಯನನ್ನು ಹುಡುಕಿಕೊಂಡು ಬರುತ್ತದೆ. ಪಂದ್ಯದಲ್ಲಿ ಸೋತರೆ ಶಾಂತಿಯನ್ನು ವಿಕಿಗೆ ಮದುವೆ ಮಾಡಿಕೊಡಬೇಕು ಎಂಬ ಪಣಕ್ಕೆ ಬೆಟ್ಟಯ್ಯ ಒಪ್ಪಿಕೊಂಡಿದ್ದರಿಂದ, ಅನಿವಾರ್ಯವಾಗಿ ಮಗಳ ಮದುವೆಗೆ ಸಮ್ಮತಿಸಬೇಕಾದ ಪರಿಸ್ಥಿತಿ ಎದುರಾಗುತ್ತದೆ.

ಶಾಂತಿಗೆ ವಿಕಿಯೊಂದಿಗೆ ಮದುವೆ ನಿಶ್ಚಯವಾಗಿರುವ ವಿಚಾರ ತಿಳಿಯುತ್ತಿದ್ದಂತೆ ಸಿಪಾಯಿ ಸುಮ್ಮನೆ ಕೂರುವುದಿಲ್ಲ. ಮದುವೆಯ ಸಿದ್ಧತೆಗಳು ನಡೆಯುತ್ತಿರುವಾಗಲೇ ಕಲ್ಯಾಣ ಮಂಟಪಕ್ಕೆ ಧಾವಿಸುತ್ತಾನೆ. ಅಲ್ಲಿ ಎಲ್ಲರ ಎದುರೇ ವಿಕಿಯೊಂದಿಗಿನ ಮದುವೆಯನ್ನು ತಡೆದು, ತಾನೇ ಶಾಂತಿಯ ಕೊರಳಿಗೆ ತಾಳಿ ಕಟ್ಟುತ್ತಾನೆ. ಈ ಸಾಹಸಕ್ಕೆ ಸಿಪಾಯಿಯ ಸ್ನೇಹಿತ ಹಾಗೂ ಸೈನಿಕನಾದ ಮೇಜರ್ ಚಂದ್ರಕಾಂತ್ (ಚಿರಂಜೀವಿ) ಸಾಥ್ ನೀಡುತ್ತಾನೆ. ಹೀಗೆ ಎಲ್ಲರೂ ನಿರೀಕ್ಷಿಸದ ರೀತಿಯಲ್ಲಿ ಶಾಂತಿ ಮತ್ತು ಸಿಪಾಯಿಯ ಮದುವೆ ನಡೆಯುತ್ತದೆ. ಆದರೆ ಮದುವೆಯಾದರೆ ಪ್ರೀತಿ ಸಿಗುತ್ತದೆಯೇ? ಇದೇ ಪ್ರಶ್ನೆ ಚಿತ್ರದ ಕಥೆಯನ್ನು ಮತ್ತೊಂದು ತಿರುವಿನತ್ತ ಕೊಂಡೊಯ್ಯುತ್ತದೆ.

ಮದುವೆಯ ರಾತ್ರಿ ಶಾಂತಿ ತನ್ನ ಮನಸ್ಸಿನಲ್ಲಿರುವ ನೋವನ್ನು ಸಿಪಾಯಿಯ ಮುಂದೆ ತೆರೆದಿಡುತ್ತಾಳೆ. ತಾನು ಶಿವುವನ್ನು ಎಂದಿಗೂ ಪ್ರೀತಿಸಿರಲಿಲ್ಲ, ತನ್ನ ಜೀವನವನ್ನು ತನ್ನಿಷ್ಟದಂತೆ ಸ್ವತಂತ್ರವಾಗಿ ನಡೆಸಬೇಕೆಂಬ ಆಸೆ ಮಾತ್ರ ತನಗಿದೆ ಎಂದು ಸ್ಪಷ್ಟಪಡಿಸುತ್ತಾಳೆ. ಯಾವುದೇ ಒಪ್ಪಿಗೆಯಿಲ್ಲದೆ ತನ್ನನ್ನು ಮದುವೆಯಾಗಿರುವ ಸಿಪಾಯಿಯ ವರ್ತನೆಯಿಂದ ಆಕೆ ತೀವ್ರ ಅಸಮಾಧಾನಗೊಂಡಿರುತ್ತಾಳೆ. ಸಿಪಾಯಿಯ ಪ್ರೀತಿಯನ್ನು ಸ್ವೀಕರಿಸಲು ಆಕೆಗೆ ಸಾಧ್ಯವಾಗುವುದಿಲ್ಲ. ಒಂದು ಕಡೆ ಬಾಲ್ಯದಿಂದಲೂ ತನ್ನ ಮನಸ್ಸಿನಲ್ಲಿದ್ದ ಪ್ರೀತಿಯನ್ನು ಉಳಿಸಿಕೊಳ್ಳಬೇಕೆಂಬ ಹಂಬಲ ಸಿಪಾಯಿಯದ್ದು. ಮತ್ತೊಂದೆಡೆ ತನ್ನ ಸ್ವಾತಂತ್ರ್ಯವನ್ನು ಕಳೆದುಕೊಳ್ಳಲು ಇಷ್ಟಪಡದ ಶಾಂತಿ. ಇವರಿಬ್ಬರ ನಡುವಿನ ಈ ಭಾವನಾತ್ಮಕ ಸಂಘರ್ಷವೇ ಚಿತ್ರದ ಪ್ರಮುಖ ಆಕರ್ಷಣೆ. ಹಾಗಾದರೆ ಶಾಂತಿಯ ಮನಸ್ಸನ್ನು ಸಿಪಾಯಿ ಗೆಲ್ಲುತ್ತಾನಾ? ಆಕೆ ಅವನ ಪ್ರೀತಿಯನ್ನು ಒಪ್ಪಿಕೊಳ್ಳುತ್ತಾಳಾ? ತನ್ನ ಪ್ರೀತಿಯನ್ನು ಸಾಬೀತುಪಡಿಸಲು ಸಿಪಾಯಿ ಏನು ಮಾಡುತ್ತಾನೆ? ಈ ಎಲ್ಲ ಪ್ರಶ್ನೆಗಳಿಗೆ ಚಿತ್ರದ ಕೊನೆಯ ಭಾಗದಲ್ಲಿ ಉತ್ತರ ಸಿಗುತ್ತದೆ.

ಇನ್ನು ಕ್ರೇಜಿಸ್ಟಾರ್ ರವಿಚಂದ್ರನ್ ಮತ್ತು ಸೌಂದರ್ಯ ಜೋಡಿಯೊಂದಿಗೆ ಚಿರಂಜೀವಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವುದು ಚಿತ್ರದ ವಿಶೇಷತೆ. ಇವರ ಜೊತೆಗೆ ಬಾಲರಾಜ್, ಮುಖ್ಯಮಂತ್ರಿ ಚಂದ್ರು, ವಿನಯ ಪ್ರಸಾದ್, ರಾಮಕೃಷ್ಣ, ತಾರಾ, ಉಮಾಶ್ರೀ, ರಮೇಶ್ ಭಟ್, ಸಂಕೇತ್ ಕಾಶಿ, ದೊಡ್ಡಣ್ಣ, ಬ್ಯಾಂಕ್ ಜನಾರ್ಧನ್, ಶ್ರೀನಿವಾಸ ಮೂರ್ತಿ, ವಿಜಯ್ ಕಾಶಿ ಹಾಗೂ ಆಶಾಲತಾ ಸೇರಿದಂತೆ ಹಲವು ಕಲಾವಿದರು ಅಭಿನಯಿಸಿದ್ದಾರೆ. ನಿರ್ದೇಶನ ಮತ್ತು ನಿರ್ಮಾಣದ ಜವಾಬ್ದಾರಿಯನ್ನು ರವಿಚಂದ್ರನ್ ನಿರ್ವಹಿಸಿದ್ದು, ಹಂಸಲೇಖ ಸಂಗೀತ ಸಂಯೋಜನೆಯ ಜೊತೆಗೆ ಸಾಹಿತ್ಯವನ್ನೂ ರಚಿಸಿದ್ದರು. ಪ್ರೀತಿ, ಕುಟುಂಬದ ಭಾವನೆ, ಸ್ವಾತಂತ್ರ್ಯದ ಹಂಬಲ, ಹಳ್ಳಿಯ ಸೊಗಡು ಹಾಗೂ ಸಾಹಸದ ಅಂಶಗಳನ್ನು ಒಟ್ಟಿಗೆ ಬೆಸೆದಿದ್ದ ‘ಸಿಪಾಯಿ’ ಸಿನಿಮಾ ಕನ್ನಡ ಚಿತ್ರರಂಗದ 90ರ ದಶಕದ ಚಿತ್ರಗಳ ಪೈಕಿ ವಿಶೇಷ ನೆನಪಾಗಿ ಉಳಿದಿದೆ.

ನಿಗದಿತ ಸಾಮರ್ಥ್ಯ ಮೀರಿ ಪ್ರಯಾಣಿಕರ ಸಂಚಾರ, ಮಂಗಳೂರು ವಿಮಾನ ನಿಲ್ದಾಣದ ವಿಸ್ತರಣೆ ಕಾಮಗಾರಿಗೆ ಶಿಲಾನ್ಯಾಸ

Gowthami K — Fri, 13 Nov 2026 17:04:53 +0530

ಮಂಗಳೂರು: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರ ಸಂಖ್ಯೆ ಗಣನೀಯವಾಗಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ವಿಮಾನ ನಿಲ್ದಾಣದ ಸಮಗ್ರ ಟರ್ಮಿನಲ್ ವಿಸ್ತರಣಾ ಕಾಮಗಾರಿಗೆ ಬುಧವಾರ ಶಿಲಾನ್ಯಾಸ ನೆರವೇರಿಸಲಾಯಿತು. ಪ್ರಸಕ್ತ ವಾರ್ಷಿಕ 25 ಲಕ್ಷ ಪ್ರಯಾಣಿಕರನ್ನು ನಿರ್ವಹಿಸುವ ಸಾಮರ್ಥ್ಯವನ್ನು 52 ಲಕ್ಷಕ್ಕೆ ಹೆಚ್ಚಿಸುವ ಮಹತ್ವಾಕಾಂಕ್ಷೆಯ ಯೋಜನೆ ಇದಾಗಿದ್ದು, 2029ರ ಅಂತ್ಯದೊಳಗೆ ಕಾಮಗಾರಿ ಪೂರ್ಣಗೊಳಿಸುವ ಗುರಿ ಹೊಂದಲಾಗಿದೆ.

ವಿಮಾನ ನಿಲ್ದಾಣದ ಈಗಿನ 48,574 ಚದರ ಮೀಟರ್ ವಿಸ್ತೀರ್ಣದ ಟರ್ಮಿನಲ್ ಅನ್ನು ವಾರ್ಷಿಕ 20 ಲಕ್ಷ ಪ್ರಯಾಣಿಕರನ್ನು ನಿರ್ವಹಿಸುವ ಉದ್ದೇಶದಿಂದ ವಿನ್ಯಾಸಗೊಳಿಸಲಾಗಿತ್ತು. ಆದರೆ 2025-26ನೇ ಆರ್ಥಿಕ ವರ್ಷದಲ್ಲಿ 25.5 ಲಕ್ಷ ಪ್ರಯಾಣಿಕರು ವಿಮಾನ ನಿಲ್ದಾಣವನ್ನು ಬಳಸಿದ್ದು, ನಿಗದಿತ ಸಾಮರ್ಥ್ಯವನ್ನು ಮೀರಿ ಪ್ರಯಾಣಿಕರ ಸಂಚಾರ ದಾಖಲಾಗಿದೆ.

ಕಳೆದ ಮೂರು ವರ್ಷಗಳಲ್ಲಿ ಪ್ರಯಾಣಿಕರ ಸಂಖ್ಯೆಯಲ್ಲಿ ಶೇ.42ರಷ್ಟು ಏರಿಕೆಯಾಗಿದೆ. ವಾರ್ಷಿಕ ಪ್ರಯಾಣಿಕರ ಸಂಚಾರದಲ್ಲಿ ಸರಾಸರಿ ಶೇ.9ರಷ್ಟು ಬೆಳವಣಿಗೆಯಾಗುವ ನಿರೀಕ್ಷೆಯಿದ್ದು, 2030-31ರ ವೇಳೆಗೆ 40 ಲಕ್ಷದ ಗಡಿ ದಾಟುವ ಅಂದಾಜಿಸಲಾಗಿದೆ.

ಈ ಹಿನ್ನೆಲೆಯಲ್ಲಿ ಈಗಿನ ಟರ್ಮಿನಲ್‌ನ ಪೂರ್ವ ಭಾಗದಲ್ಲಿ ಹೆಚ್ಚುವರಿಯಾಗಿ 27,100 ಚದರ ಮೀಟರ್ ವಿಸ್ತೀರ್ಣದ ಕಟ್ಟಡ ನಿರ್ಮಿಸಲಾಗುವುದು. ಚೆಕ್‌ಇನ್, ಭದ್ರತಾ ತಪಾಸಣೆ, ವಲಸೆ ವಿಭಾಗ, ಲಗೇಜ್ ನಿರ್ವಹಣೆ, ಆಗಮನ ಮತ್ತು ನಿರ್ಗಮನ ವಿಭಾಗಗಳಲ್ಲಿ ಹೆಚ್ಚುವರಿ ಸೌಲಭ್ಯಗಳನ್ನು ಕಲ್ಪಿಸಲಾಗುವುದು.

ವಿಸ್ತರಣಾ ಯೋಜನೆಯಡಿ ಪ್ರಯಾಣಿಕರಿಗೆ ಆಧುನಿಕ ತಂತ್ರಜ್ಞಾನ ಆಧಾರಿತ ಸೇವೆಗಳು, ಸುಧಾರಿತ ಮೂಲಸೌಕರ್ಯ ಮತ್ತು ಹೆಚ್ಚಿನ ಅನುಕೂಲಗಳನ್ನು ಕಲ್ಪಿಸಲಾಗುತ್ತದೆ. ಇದರಿಂದ ವಿಮಾನ ನಿಲ್ದಾಣವು ಕೇವಲ ಪ್ರಯಾಣಿಕರ ಸಂಚಾರ ಕೇಂದ್ರವಾಗಿರದೆ ಸ್ಥಳೀಯರಿಗೂ ಮನರಂಜನೆ ಮತ್ತು ಸಾರ್ವಜನಿಕ ಚಟುವಟಿಕೆಗಳ ತಾಣವಾಗಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಇನ್ನೂ ಮೂರು ತಿಂಗಳು ವಿಮಾನ ಹಾರಾಟ ಇಲ್ಲ

ಶಿವಮೊಗ್ಗ: ಉಡಾನ್ ಯೋಜನೆ ಮುಕ್ತಾಯವಾಗಿರುವ ಹಿನ್ನೆಲೆಯಲ್ಲಿ ಶಿವಮೊಗ್ಗದ ಕುವೆಂಪು ವಿಮಾನ ನಿಲ್ದಾಣದಲ್ಲಿ ಮುಂದಿನ ಮೂರು ತಿಂಗಳ ಕಾಲ ವಿಮಾನ ಹಾರಾಟ ಇರುವುದಿಲ್ಲ ಎಂದು ರಾಜ್ಯ ಕೈಗಾರಿಕಾ ಮತ್ತು ಮೂಲಸೌಲಭ್ಯ ಅಭಿವೃದ್ಧಿ ನಿಗಮದ ಅಧ್ಯಕ್ಷ ನಂಜಯ್ಯನಮಠ್ ಸ್ಪಷ್ಟನೆ ನೀಡಿದರು. ಗುರುವಾರ ಪತ್ರಿಕಾಗೋಷ್ಠಿಯಲ್ಲಿ ಅವರು ಮಾತನಾಡಿ, 2026ಕ್ಕೆ ಉಡಾನ್ ಯೋಜನೆ ಮುಗಿಯಲಿದ್ದು, ನ.21ರಿಂದ ವಿಮಾನ ಹಾರಾಟ ನಿಲ್ಲಲಿದೆ ಎಂದರು.

ಉಡಾನ್ ಯೋಜನೆಯನ್ನು ಮುಂದುವರಿಸುವಂತೆ ರಾಜ್ಯದ ಅಧಿಕಾರಿಗಳು ದೆಹಲಿಯಲ್ಲಿ ಸಂಬಂಧಪಟ್ಟ ಅಧಿಕಾರಿಗಳನ್ನು ಭೇಟಿ ಮಾಡಿ ಚರ್ಚೆ ನಡೆಸಿದ್ದಾರೆ. ದೆಹಲಿಗೆ ಹೋಗಿ ವಿನಂತಿ ಮಾಡಿಕೊಂಡಿದ್ದೇನೆ ಎಂದ ಅವರು, ಇದರಿಂದ ಶಿವಮೊಗ್ಗ ವಿಮಾನ ನಿಲ್ದಾಣದಿಂದ ಪುನಃ ವಿಮಾನ ಪ್ರಾರಂಭವಾಗಬೇಕಾದರೆ ಅಂದಾಜು ಕನಿಷ್ಠ ಮೂರು ತಿಂಗಳು ಬೇಕಾಗುತ್ತದೆ. ವಿಮಾನ ನಿಲ್ದಾಣವನ್ನು ಮತ್ತೆ ಸುಸ್ಥಿತಿಗೆ ತರಲು ಎಲ್ಲಾ ರೀತಿಯಿಂದ ಪ್ರಯತ್ನಿಸಲಾಗುತ್ತಿದೆ ಎಂದರು.

ಕೆಎಸ್‌ಐಐಡಿಸಿ ವತಿಯಿಂದ ಶಿವಮೊಗ್ಗದಿಂದ 13 ಮಾರ್ಗಗಳ ವಿಮಾನ ಹಾರಾಟಕ್ಕೆ ವಿನಂತಿಸಿಕೊಂಡಿದ್ದೇವೆ. ಶಿವಮೊಗ್ಗ- ಬೆಂಗಳೂರು, ಹೈದರಾಬಾದ್, ಗೋವಾ, ತಿರುಪತಿ, ಮುಂಬೈ, ಪುಣೆ, ಮೈಸೂರು, ಸೂರತ್, ಕೊಲ್ಲಾಪುರ, ಕೊಚ್ಚಿ, ಮಂಗಳೂರು, ಅಹಮದಾಬಾದ್, ಚೆನ್ನೈ ಸೇರಿದಂತೆ ಇತರೆ ಮಾರ್ಗಗಳಿಗೆ ಮನವಿ ಮಾಡಲಾಗಿದೆ ಎಂದರು.

ಸಂಸದರ ಜತೆ ಚರ್ಚೆ:

ವಿಮಾನಯಾನ ಪ್ರಾರಂಭಿಸಲು ಸಂಸದ ರಾಘವೇಂದ್ರ ಅವರನ್ನು ನಾನು ಸಂಪರ್ಕ ಮಾಡಿದ್ದೇನೆ. ಕೇಂದ್ರದಲ್ಲಿ ಬಿಜೆಪಿ ಸರ್ಕಾರ ಇರುವುದರಿಂದ ಈ ವಿಚಾರವನ್ನು ಅವರ ಪ್ರಯತ್ನಕ್ಕೆ ಬಿಡಲಾಗಿದೆ. ಉಡಾನ್ ಯೋಜನೆ ಜಾರಿ ಮಾಡಲು ವಿನಂತಿಸಿಕೊಂಡಿದ್ದೇನೆ ಎಂದು ಹೇಳಿದರು.

ನೈಟ್ ಲ್ಯಾಂಡಿಂಗ್ ಸಂಬಂಧ ಈಗಾಗಲೇ ಶೇ.95ರಷ್ಟು ಕಾಮಗಾರಿ ಮುಗಿದಿದೆ. ಇದರಿಂದ ಡಿಜಿಸಿಎ ಅವರು ಬಂದು ನೋಡಿ, ಅವರದ್ದೇ ಆದ ವಿಮಾನದ ಮೂಲಕ ಪರೀಕ್ಷೆ ನಡೆಸಿದ ನಂತರ ವರದಿ ನೀಡುತ್ತಾರೆ. ಅವರು ಕೊಟ್ಟ ಸರ್ಟಿಫಿಕೇಟ್ ಬಳಿಕ ಲ್ಯಾಂಡಿಂಗ್‌ಗೆ ಅವಕಾಶ ನೀಡಲಾಗುತ್ತದೆ ಎಂದರು.

ರಾಜ್ಯ ಸರ್ಕಾರಕ್ಕೆ ಮನವಿ:

ಇದೇ ವೇಳೆ, ಬೆಂಗಳೂರು-ಶಿವಮೊಗ್ಗ ವಿಮಾನ ಹಾರಾಟವು ರಾಜ್ಯ ಸರ್ಕಾರ ವಿಜಿಎಫ್ ಯೋಜನೆಯಡಿ ಬರುತ್ತಿತ್ತು. ಇದಕ್ಕೆ ಹಣ ನೀಡಲು ರಾಜ್ಯ ಸರ್ಕಾರಕ್ಕೆ ಮನವಿ ಮಾಡಲಾಗಿದೆ ಎಂದು ತಿಳಿಸಿದರು. ಗೋಷ್ಠಿಯಲ್ಲಿ ಶಿವಮೊಗ್ಗ ಏರ್ ಪೋರ್ಟ್ ನಿರ್ದೇಶಕ ಶಂಮತ್, ಕೆಎಸ್‌ಐಐಡಿಸಿ ಡಿವೈಎಸ್‌ಪಿ ಚಂದ್ರಶೇಖರ್ ಹಾಜರಿದ್ದರು

ಪುರೋಹಿತರಿಲ್ಲ, ಸಂಪ್ರದಾಯದ ಆಡಂಬರವಿಲ್ಲ: ಗ್ರೀಸ್‌ನಲ್ಲಿ ಸ್ವಯಂ ಗೌರವ ವಿವಾಹ ಆದ ಅನಿರುದ್ಧ್-ಕಾವ್ಯಾ, ಏನಿದು ವಿಶೇಷ ಮದುವೆ ಪದ್ಧತಿ?

Santosh Naik — Fri, 13 Nov 2026 16:58:51 +0530

ಬೆಂಗಳೂರು (ನ.13): ಭಾರತೀಯ ಚಿತ್ರರಂಗದ ಖ್ಯಾತ ಸಂಗೀತ ನಿರ್ದೇಶಕ ಅನಿರುದ್ಧ್ ರವಿಚಂದರ್ (Anirudh Ravichander) ಮತ್ತು ಐಪಿಎಲ್ ತಂಡ 'ಸನ್‌ರೈಸರ್ಸ್ ಹೈದರಾಬಾದ್' ಸಹ-ಮಾಲೀಕರು ಹಾಗೂ ಉದ್ಯಮಿ ಕಾವ್ಯಾ ಮಾರನ್ (Kavya Maran) ಅವರು ಸಾಂಪ್ರದಾಯಿಕ ಧಾರ್ಮಿಕ ಆಚರಣೆಗಳನ್ನು ಬದಿಗಿಟ್ಟು, ಸಮಾನತೆ ಮತ್ತು ಪರಸ್ಪರ ಸಮ್ಮತಿಗೆ ಆದ್ಯತೆ ನೀಡುವ 'ಸ್ವಯಂ ಗೌರವ ವಿವಾಹ' (Self-Respect Marriage) ಪದ್ಧತಿಯ ಮೂಲಕ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ನವೆಂಬರ್ 11 ರಂದು ಗ್ರೀಸ್‌ನಲ್ಲಿ ನಡೆದ ಸುಂದರ ಡೆಸ್ಟಿನೇಷನ್ ವೆಡ್ಡಿಂಗ್‌ನಲ್ಲಿ ಈ ಜೋಡಿ ಪರಸ್ಪರ ಹಾರ ಹಾಗೂ ಒಂದೇ ರೀತಿಯ ಚೈನ್ (Matching Pendants) ಬದಲಾಯಿಸಿಕೊಳ್ಳುವ ಮೂಲಕ ವೈವಾಹಿಕ ಬಂಧಕ್ಕೆ ಒಳಗಾಗಿದ್ದಾರೆ.

ನವೆಂಬರ್ 10 ರಂದು ನಡೆದ ನಿಶ್ಚಿತಾರ್ಥ ಸಂಭ್ರಮದ ಬಳಿಕ, ನವೆಂಬರ್ 11 ರಂದು ಗ್ರೀಸ್‌ನಲ್ಲಿ ವಿವಾಹ ಸಮಾರಂಭ ನೆರವೇರಿತು. ಮದುವೆಯ ಬೆನ್ನಲ್ಲೇ ಅನಿರುದ್ಧ್ ಅವರು ಕಾವ್ಯಾ ಅವರ ಕತ್ತಿಗೆ ಚೈನ್ ಕಟ್ಟುತ್ತಿರುವ ಫೋಟೋಗಳು ಹಾಗೂ ವಿಡಿಯೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಇವರು ಅನುಸರಿಸಿದ ವಿವಾಹ ಪದ್ಧತಿಯ ಬಗ್ಗೆ ಸಾರ್ವಜನಿಕರಲ್ಲಿ ಭಾರಿ ಕುತೂಹಲ ಮೂಡಿಸಿತ್ತು.

ಈ ಕುರಿತು ಸ್ಪಷ್ಟನೆ ನೀಡಿರುವ ಡಿಎಂಕೆ (DMK) ಐಟಿ ವಿಭಾಗದ ಕಾರ್ಯದರ್ಶಿ ಡಾ. ಟಿ.ಆರ್.ಬಿ. ರಾಜಾ (Dr T R B Rajaa), ನವಜೋಡಿಯು ಸ್ವಯಂ ಗೌರವ ವಿವಾಹವನ್ನು ಆಯ್ಕೆ ಮಾಡಿಕೊಂಡಿದೆ ಎಂದು ಖಚಿತಪಡಿಸಿದ್ದಾರೆ. 'ಎಕ್ಸ್' (X) ನಲ್ಲಿ ಪೋಸ್ಟ್ ಮಾಡಿರುವ ಅವರು, ಹೌದು... ಕಾವ್ಯಾ ಮತ್ತು ಅನಿರುದ್ಧ್ ಪರಸ್ಪರ ಹಾರ ಬದಲಾಯಿಸಿಕೊಂಡರು... #ತಲೈವರ್ (ಎಂ.ಕೆ. ಸ್ಟಾಲಿನ್) ಅವರು ಕಾವ್ಯಾ ಕೈಗೆ ಚೈನ್ ನೀಡಿದರು ಮತ್ತು #ಸೂಪರ್‌ಸ್ಟಾರ್ (ರಜನಿಕಾಂತ್) ಅವರು ಅನಿರುದ್ಧ್ ಕೈಗೆ ಚೈನ್ ನೀಡಿದರು. ವಧು-ವರರು ಪರಸ್ಪರ ಚೈನ್ ಬದಲಾಯಿಸಿಕೊಂಡರು ಹಾಗೂ ಎರಡು ಹೃದಯಗಳ ಈ ಮಿಲನವನ್ನು ಕುಟುಂಬಸ್ಥರು ಮತ್ತು ಸ್ನೇಹಿತರು ಆಶೀರ್ವದಿಸಿದರು" ಎಂದು ಬರೆದುಕೊಂಡಿದ್ದಾರೆ.

ವಿಶೇಷವೆಂದರೆ, ಸೂಪರ್‌ಸ್ಟಾರ್ ರಜನಿಕಾಂತ್ ಅವರು ಅನಿರುದ್ಧ್ ಅವರ ಸೋದರ ಮಾವ ಆಗಿದ್ದರೆ, ತಮಿಳುನಾಡು ಮಾಜಿ ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್ ಅವರು ಕಾವ್ಯಾ ತಂದೆ ಕಲಾನಿಧಿ ಮಾರನ್ ಅವರ ಸಂಬಂಧಿಕರಾಗಿದ್ದಾರೆ.

ಏನಿದು 'ಸ್ವಯಂ ಗೌರವ ವಿವಾಹ' (Self-Respect Marriage)?

ತಮಿಳುನಾಡಿನಲ್ಲಿ ಸಮಾಜ ಸುಧಾರಕ ಪೆರಿಯಾರ್ ಇ.ವಿ. ರಾಮಸಾಮಿ (Periyar EV Ramasamy) ಅವರು ಆರಂಭಿಸಿದ 'ಸ್ವಯಂ ಗೌರವ ಚಳವಳಿ'ಯಿಂದ (Self-Respect Movement) ಈ ವಿವಾಹ ಪದ್ಧತಿ ಹುಟ್ಟಿಕೊಂಡಿದೆ. ಜಾತಿ ತಾರತಮ್ಯ, ಸಾಮಾಜಿಕ ಶ್ರೇಣೀಕರಣ ಮತ್ತು ಪುರುಷಪ್ರಧಾನ ಪದ್ಧತಿಗಳನ್ನು ವಿರೋಧಿಸಿ, ಸಮಾನತೆ ಹಾಗೂ ವ್ಯಕ್ತಿಗತ ಘನತೆಯನ್ನು ಎತ್ತಿಹಿಡಿಯುವುದು ಈ ಚಳವಳಿಯ ಮುಖ್ಯ ಉದ್ದೇಶವಾಗಿತ್ತು.

So, it looks like a non-Vedic, self-respect marriage. Am I right? https://t.co/fVF2JpUl61

— முனைவர். கணேசு ガネス (@DrGanesh_Japan) November 12, 2026

ಈ ಪದ್ಧತಿಯ ಪ್ರಕಾರ, ವಿವಾಹವು ಮಾನ್ಯವಾಗಲು ಧಾರ್ಮಿಕ ಪುರೋಹಿತರ ಸಮ್ಮತಿ ಅಥವಾ ಸುದೀರ್ಘ ಧಾರ್ಮಿಕ ವಿಧಿವಿಧಾನಗಳ ಅಗತ್ಯವಿಲ್ಲ. ಬದಲಾಗಿ, ವಧು-ವರರು ಬಂಧು-ಮಿತ್ರರು ಮತ್ತು ಸಾಕ್ಷಿಗಳ ಸಮ್ಮುಖದಲ್ಲಿ ಪರಸ್ಪರ ಬದ್ಧತೆಯನ್ನು ಘೋಷಿಸಿಕೊಂಡು ಹಾರ, ಉಂಗುರ ಅಥವಾ ಚೈನ್ ಬದಲಾಯಿಸಿಕೊಳ್ಳುವ ಮೂಲಕ ಮದುವೆಯಾಗಬಹುದು. 1967 ರಲ್ಲಿ ತಮಿಳುನಾಡಿನಲ್ಲಿ 'ಹಿಂದೂ ವಿವಾಹ ಕಾಯ್ದೆ'ಗೆ (Hindu Marriage Act) ತಿದ್ದುಪಡಿ ತರುವ ಮೂಲಕ ಈ ಪದ್ಧತಿಗೆ ಕಾನೂನು ಮಾನ್ಯತೆ ನೀಡಲಾಗಿದೆ. ಈ ಕಾಯ್ದೆಯ ಸೆಕ್ಷನ್ 7-A ಅಡಿಯಲ್ಲಿ, ಸಂಬಂಧಿಕರು ಅಥವಾ ಸ್ನೇಹಿತರ ಸಮ್ಮುಖದಲ್ಲಿ ಹಾರ ಅಥವಾ ಉಂಗುರ ಬದಲಾಯಿಸಿಕೊಳ್ಳುವ ಮೂಲಕ ನಡೆಯುವ ಇಂತಹ ವಿವಾಹಗಳಿಗೆ ಸಂಪೂರ್ಣ ಕಾನೂನುಬದ್ಧ ಮಾನ್ಯತೆ ಇದೆ.

ಅನಿರುದ್ಧ್ ಮತ್ತು ಕಾವ್ಯಾ ಮಾರನ್ ಪ್ರೇಮಕಥೆ

ತಮ್ಮ ವೈಯಕ್ತಿಕ ಜೀವನವನ್ನು ಸದಾ ಸಾರ್ವಜನಿಕರ ಕಣ್ಣಿನಿಂದ ದೂರವಿಟ್ಟಿದ್ದ ಅನಿರುದ್ಧ್ ಮತ್ತು ಕಾವ್ಯಾ, ತಾವು ಹೇಗೆ ಭೇಟಿಯಾದೆವು ಅಥವಾ ಎಷ್ಟು ಸಮಯದಿಂದ ಪ್ರೀತಿಸುತ್ತಿದ್ದೇವೆ ಎಂಬುದನ್ನು ಎಲ್ಲಿಯೂ ಬಹಿರಂಗಪಡಿಸಿರಲಿಲ್ಲ. 2025 ರಲ್ಲಿ ಬ್ರಿಟನ್ ಮೂಲದ ಟ್ರಾವೆಲ್ ವ್ಲಾಗರ್ ಒಬ್ಬರ ಯೂಟ್ಯೂಬ್ ಲೈವ್‌ಸ್ಟ್ರೀಮ್‌ನಲ್ಲಿ ನ್ಯೂಯಾರ್ಕ್ ಬೀದಿಗಳಲ್ಲಿ ಇವರಿಬ್ಬರು ಜೊತೆಯಾಗಿ ನಡೆದುಕೊಂಡು ಹೋಗುತ್ತಿದ್ದ ವಿಡಿಯೋ ಸೆರೆಯಾದಾಗ ಇವರ ಡೇಟಿಂಗ್ ವದಂತಿಗೆ ರೆಕ್ಕೆಪುಕ್ಕ ಬಂದಿತ್ತು. ನಂತರ ಆ ಮೂಲ ವಿಡಿಯೋವನ್ನು ಅಳಿಸಲಾದರೂ, ಸ್ಕ್ರೀನ್‌ಶಾಟ್‌ಗಳು ವೈರಲ್ ಆಗಿದ್ದವು. 2025 ರ ಜೂನ್‌ನಲ್ಲಿ ಮದುವೆ ವದಂತಿಗಳ ಬಗ್ಗೆ ಪ್ರತಿಕ್ರಿಯಿಸಿದ್ದ ಅನಿರುದ್ಧ್, "ಮದುವೆಯಾ? ಹಹಹ.. ಕೂಲ್ ಆಗಿರಿ ಗೆಳೆಯರೇ, ದಯವಿಟ್ಟು ವದಂತಿ ಹಬ್ಬಿಸುವುದನ್ನು ನಿಲ್ಲಿಸಿ" ಎಂದು ತಮಾಷೆಯಾಗಿ ಟ್ವೀಟ್ ಮಾಡಿದ್ದರು.

ಆದರೆ ಅಕ್ಟೋಬರ್ 2026 ರಲ್ಲಿ ಕಾವ್ಯಾ ಅವರ ಪೋಷಕರಾದ ಸನ್ ಗ್ರೂಪ್ ಅಧ್ಯಕ್ಷ ಕಲಾನಿಧಿ ಮಾರನ್ ಮತ್ತು ಕಾವೇರಿ ಮಾರನ್ ಅವರು ತೆಲಂಗಾಣ ಮುಖ್ಯಮಂತ್ರಿ ಎ. ರೇವಂತ್ ರೆಡ್ಡಿ ಅವರನ್ನು ಭೇಟಿಯಾಗಿ ಮಗಳ ಆರತಕ್ಷತೆಗೆ ಆಹ್ವಾನಿಸಿದಾಗ ಮದುವೆ ಸುದ್ದಿ ಅಧಿಕೃತಗೊಂಡಿತ್ತು.

ಗ್ರೀಸ್ ಮದುವೆಯಲ್ಲಿ ದಿಗ್ಗಜರ ದಂಡು

ಗ್ರೀಸ್‌ನಲ್ಲಿ ನಡೆದ ಈ ವಿವಾಹ ಮಹೋತ್ಸವದಲ್ಲಿ ಸಿನಿಮಾ, ರಾಜಕೀಯ ಮತ್ತು ಉದ್ಯಮ ಲೋಕದ ಗಣ್ಯರು ಪಾಲ್ಗೊಂಡಿದ್ದರು. ರಜನಿಕಾಂತ್, ಅವರ ಪತ್ನಿ ಲತಾ ರಜನಿಕಾಂತ್, ಪುತ್ರಿ ಐಶ್ವರ್ಯಾ ರಜನಿಕಾಂತ್, ತಮಿಳುನಾಡು ಮಾಜಿ ಸಿಎಂ ಎಂ.ಕೆ. ಸ್ಟಾಲಿನ್, ಉಪಮುಖ್ಯಮಂತ್ರಿ ಉದಯನಿಧಿ ಸ್ಟಾಲಿನ್, ದಯಾನಿಧಿ ಮಾರನ್ ಹಾಗೂ ನಿರ್ಮಾಪಕ ಎ.ವಿ. ಸುರೇಶ್ ಸೇರಿದಂತೆ ಎರಡೂ ಕುಟುಂಬಗಳ ಆಪ್ತರು ಸಂಭ್ರಮದಲ್ಲಿ ಭಾಗಿಯಾಗಿದ್ದರು.

ಮದುವೆಯ ಬಳಿಕ ಕಾವ್ಯಾ ಅವರೊಂದಿಗಿನ ಮೊದಲ ಅಧಿಕೃತ ಫೋಟೋ ಹಂಚಿಕೊಂಡಿರುವ ಅನಿರುದ್ಧ್, "ನನ್ನ ಜೀವನದಲ್ಲಿ ಒಮ್ಮೆ ಮಾತ್ರ ಬರುವ ಕ್ಷಣ, ಇಡೀ ಜೀವನಕ್ಕಾಗಿ (My once in a lifetime, for a lifetime. 11.11)" ಎಂದು ಬರೆದುಕೊಂಡಿದ್ದಾರೆ. ಮದುವೆಯಲ್ಲಿ ಅನಿರುದ್ಧ್ ದಂತದ ಬಣ್ಣದ (Ivory) ಸಾಂಪ್ರದಾಯಿಕ ಉಡುಪಿನಲ್ಲಿ ಮಿಂಚಿದರೆ, ಕಾವ್ಯಾ ತಿಳಿ ಗುಲಾಬಿ ಬಣ್ಣದ (Blush-pink) ಎಂಬ್ರಾಯ್ಡರಿ ಉಡುಗೆಯಲ್ಲಿ ಕಂಗೊಳಿಸಿದ್ದಾರೆ.

ನವೆಂಬರ್ 21 ರಂದು ಚೆನ್ನೈನಲ್ಲಿ ಭವ್ಯ ಆರತಕ್ಷತೆ

ಗ್ರೀಸ್ ವಿವಾಹದ ಬೆನ್ನಲ್ಲೇ, ನವೆಂಬರ್ 21 ರಂದು ಚೆನ್ನೈನ ಪ್ರತಿಷ್ಠಿತ ಐಟಿಸಿ ಗ್ರ್ಯಾಂಡ್ ಚೋಳ (ITC Grand Chola) ಹೋಟೆಲ್‌ನಲ್ಲಿ ಭವ್ಯ ಆರತಕ್ಷತೆ (Reception) ಆಯೋಜಿಸಲಾಗಿದೆ. ಈ ಕಾರ್ಯಕ್ರಮದಲ್ಲಿ ಭಾರತೀಯ ಚಿತ್ರರಂಗ, ರಾಜಕೀಯ, ಉದ್ಯಮ ಹಾಗೂ ಕ್ರಿಕೆಟ್ ಕ್ಷೇತ್ರದ ಅತಿರಥ ಮಹಾರಥರು ಪಾಲ್ಗೊಳ್ಳುವ ನಿರೀಕ್ಷೆಯಿದೆ. '3', 'ಜೈಲರ್', 'ವಿಕ್ರಮ್', 'ಲಿಯೋ' ಮತ್ತು 'ಜವಾನ್' ನಂತಹ ಬ್ಲಾಕ್‌ಬಸ್ಟರ್ ಚಿತ್ರಗಳಿಗೆ ಸೂಪರ್ ಹಿಟ್ ಸಂಗೀತ ನೀಡಿರುವ ಅನಿರುದ್ಧ್ ಭಾರತದ ಅತ್ಯಂತ ಬೇಡಿಕೆಯ ಸಂಗೀತ ನಿರ್ದೇಶಕರಾಗಿದ್ದಾರೆ. ಇತ್ತ ಕಲಾನಿಧಿ ಮಾರನ್ ಪುತ್ರಿ ಕಾವ್ಯಾ ಮಾರನ್ ಅವರು ಸನ್ ಗ್ರೂಪ್‌ನ ಮಾಧ್ಯಮ ಮತ್ತು ಕ್ರೀಡಾ ವ್ಯವಹಾರಗಳನ್ನು ನೋಡಿಕೊಳ್ಳುತ್ತಿದ್ದು, ಸನ್‌ರೈಸರ್ಸ್ ಹೈದರಾಬಾದ್ ತಂಡದ ಸಹ-ಮಾಲೀಕರಾಗಿ ಪರಿಚಿತರು.

ಭಾರತದ ಹೀನಾಯ ಸೋಲಿಗೆ 'ಅದೊಂದೇ ಕಾರಣ' ಎಂದ ಶ್ರೇಯಸ್ ಅಯ್ಯರ್..! ಅಚ್ಚರಿ ಹೇಳಿಕೆ ಕೊಟ್ಟ ಟೀಂ ಇಂಡಿಯಾ ಕ್ಯಾಪ್ಟನ್

Naveen Kodase — Fri, 13 Nov 2026 16:55:45 +0530

ಮೌಂಟ್ ಮೌಂಗನುಯಿ(ನ.13): ನ್ಯೂಜಿಲೆಂಡ್ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಭಾರತ ತಂಡ 244 ರನ್‌ಗಳ ಹೀನಾಯ ಸೋಲು ಕಂಡಿದೆ. ಈ ಸೋಲಿಗೆ ಇನ್ನಿಂಗ್ಸ್‌ಗಳ ನಡುವಿನ ಪಿಚ್ ಪರಿಸ್ಥಿತಿಯಲ್ಲಾದ ಬದಲಾವಣೆಯೇ ಪ್ರಮುಖ ಕಾರಣ ಎಂದು ಟೀಂ ಇಂಡಿಯಾ ನಾಯಕ ಶ್ರೇಯಸ್ ಅಯ್ಯರ್ ಹೇಳಿದ್ದಾರೆ. ಮೊದಲ ಇನ್ನಿಂಗ್ಸ್‌ನಲ್ಲಿ ಬ್ಯಾಟಿಂಗ್‌ಗೆ ಪೂರಕವಾಗಿದ್ದ ಪಿಚ್, ಎರಡನೇ ಇನ್ನಿಂಗ್ಸ್‌ನಲ್ಲಿ ವೇಗದ ಬೌಲರ್‌ಗಳಿಗೆ ಹೆಚ್ಚಿನ ನೆರವು ನೀಡಿತು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಆದರೆ ಈ ಸೋಲಿನಿಂದ ಕುಗ್ಗದೆ, ಮೊದಲ ಎರಡು ಪಂದ್ಯಗಳ ಗೆಲುವಿನಿಂದ ಸ್ಫೂರ್ತಿ ಪಡೆದು ಮುಂದಿನ ಪಂದ್ಯಕ್ಕೆ ಹೊಸ ಮನಸ್ಥಿತಿಯೊಂದಿಗೆ ಸಿದ್ಧರಾಗುವುದಾಗಿ ಅಯ್ಯರ್ ತಿಳಿಸಿದ್ದಾರೆ. ಮೊದಲ ಬಾರಿಗೆ ಭಾರತ ಏಕದಿನ ತಂಡದ ನಾಯಕತ್ವ ವಹಿಸಿರುವ ಶ್ರೇಯಸ್‌ಗೆ ನಾಲ್ಕನೇ ಪಂದ್ಯದಲ್ಲಿ ಸೋಲಿನ ಕಹಿ ಎದುರಾಗಿದೆ.

ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ ತಂಡ 333 ರನ್‌ಗಳ ಬೃಹತ್ ಮೊತ್ತ ದಾಖಲಿಸಿತ್ತು. ಗುರಿ ಬೆನ್ನಟ್ಟಿದ ಭಾರತದ ಬ್ಯಾಟಿಂಗ್ ವಿಭಾಗ ಸಂಪೂರ್ಣ ಕುಸಿತ ಕಂಡಿತು. 26.4 ಓವರ್‌ಗಳಲ್ಲಿ ಕೇವಲ 89 ರನ್‌ಗಳಿಗೆ ಆಲೌಟ್ ಆಯಿತು. ನ್ಯೂಜಿಲೆಂಡ್ ವೇಗಿ ಮ್ಯಾಟ್ ಹೆನ್ರಿ 27 ರನ್ ನೀಡಿ 6 ವಿಕೆಟ್ ಪಡೆದು ಭಾರತದ ಬ್ಯಾಟಿಂಗ್ ಬೆನ್ನೆಲುಬು ಮುರಿದರು.

'ಎರಡೂ ಇನ್ನಿಂಗ್ಸ್‌ಗಳ ಪಿಚ್‌ನಲ್ಲಿ ಭಾರೀ ವ್ಯತ್ಯಾಸವಿತ್ತು'

ಪಂದ್ಯದ ಬಳಿಕ ಮಾತನಾಡಿದ ಶ್ರೇಯಸ್ ಅಯ್ಯರ್, "ಈ ಸೋಲನ್ನು ಅರಗಿಸಿಕೊಳ್ಳುವುದು ಕಷ್ಟ. ಎರಡೂ ಇನ್ನಿಂಗ್ಸ್‌ಗಳ ನಡುವಿನ ಪಿಚ್ ಪರಿಸ್ಥಿತಿಯಲ್ಲಿ ಭಾರೀ ವ್ಯತ್ಯಾಸವಿತ್ತು. ಆದರೆ ಮ್ಯಾಟ್ ಹೆನ್ರಿ ಬೌಲಿಂಗ್ ಮಾಡಿದ ರೀತಿಗೆ ಮೆಚ್ಚುಗೆ ಸಲ್ಲಿಸಲೇಬೇಕು. ಮೊದಲ ಎಸೆತದಿಂದಲೇ ಅವರು ಸರಿಯಾದ ಜಾಗದಲ್ಲಿ ಚೆಂಡನ್ನು ಎಸೆದರು. ಅದು ಅದ್ಭುತವಾಗಿತ್ತು" ಎಂದು ಹೇಳಿದರು.

"ಮೊದಲ ಇನ್ನಿಂಗ್ಸ್‌ನಲ್ಲಿ ನ್ಯೂಜಿಲೆಂಡ್ ಬ್ಯಾಟರ್‌ಗಳು ಚೆಂಡು ಎದ್ದ ತಕ್ಷಣವೇ ಹೊಡೆಯುತ್ತಿದ್ದರು. ನಾವು ಎಲ್ಲ ರೀತಿಯ ಪ್ರಯತ್ನಗಳನ್ನೂ ಮಾಡಿದೆವು. ಅವರು 330 ರನ್ ಗಳಿಸಿದ ಹಿನ್ನೆಲೆಯಲ್ಲಿ ಪಿಚ್ ಬ್ಯಾಟಿಂಗ್‌ಗೆ ಉತ್ತಮವಾಗಿದೆ ಎಂದು ನಾವು ಭಾವಿಸಿದ್ದೆವು. ಕೆಲವು ಕ್ಯಾಚ್‌ಗಳನ್ನು ಕೈಬಿಟ್ಟಿದ್ದೇವೆ. ಆದರೆ ಪಂದ್ಯದಲ್ಲಿ ಇಂತಹ ಘಟನೆಗಳು ನಡೆಯುವುದು ಸಹಜ" ಎಂದರು. "ಡ್ರೆಸ್ಸಿಂಗ್ ರೂಮ್‌ಗೆ ಮರಳಿದ ಬಳಿಕ ಗುರಿ ಬೆನ್ನಟ್ಟುವುದು ನಮಗೆ ಸುಲಭವಾಗಲಿದೆ ಎಂದು ಭಾವಿಸಿದ್ದೆವು. ಆದರೆ ಚೆಂಡು ಪಿಚ್‌ನಲ್ಲಿ ಬಿದ್ದು ಒಳಗೆ ಮತ್ತು ಹೊರಗೆ ಚಲಿಸುತ್ತಿತ್ತು. ಇಂತಹ ಸಂದರ್ಭದಲ್ಲಿ ಯಾವ ರೀತಿಯಲ್ಲಿ ಆಡಬೇಕು ಎಂಬುದನ್ನು ನಿರ್ಧರಿಸುವುದೇ ಕಷ್ಟವಾಗಿತ್ತು. ವಿಕೆಟ್‌ಗಳನ್ನು ಗಮನಿಸಿದರೆ, ಯಾರೂ ಅನಗತ್ಯವಾಗಿ ವಿಕೆಟ್ ಒಪ್ಪಿಸಿಲ್ಲ. ಎದುರಾಳಿ ಬೌಲರ್‌ಗಳು ಉತ್ತಮ ಎಸೆತಗಳನ್ನು ಹಾಕಿದ್ದರು" ಎಂದು ಅಯ್ಯರ್ ವಿವರಿಸಿದರು.

ಸರಣಿ ಸಮಬಲಗೊಳಿಸುವ ವಿಶ್ವಾಸದಲ್ಲಿ ಅಯ್ಯರ್

ನಾಲ್ಕನೇ ಪಂದ್ಯದಲ್ಲಿ ಗೆಲುವು ಸಾಧಿಸುವ ಮೂಲಕ ನ್ಯೂಜಿಲೆಂಡ್ ತಂಡ ಸರಣಿಯನ್ನು ಸಮಬಲಗೊಳಿಸುವ ತನ್ನ ಆಸೆಯನ್ನು ಜೀವಂತವಾಗಿರಿಸಿಕೊಂಡಿದೆ. ಈ ಸೋಲನ್ನು ಮರೆತು ಮುಂದಿನ ಪಂದ್ಯಕ್ಕೆ ಸಿದ್ಧರಾಗುವುದು ಮುಖ್ಯ ಎಂದು ಅಯ್ಯರ್ ಹೇಳಿದ್ದಾರೆ. "ಈ ಪಂದ್ಯದಲ್ಲಿ ಬೌಲಿಂಗ್ ಮತ್ತು ಬ್ಯಾಟಿಂಗ್ ವಿಭಾಗದಲ್ಲಿ ಎಲ್ಲಿ ತಪ್ಪಾಯಿತು ಎಂಬುದನ್ನು ವಿಶ್ಲೇಷಿಸಬೇಕು. ಆದರೆ ನಾವು ಈಗಾಗಲೇ ಎರಡು ಪಂದ್ಯಗಳನ್ನು ಗೆದ್ದಿದ್ದೇವೆ ಎಂಬುದನ್ನೂ ಮನಸ್ಸಿನಲ್ಲಿಟ್ಟುಕೊಳ್ಳಬೇಕು. ಆ ಗೆಲುವುಗಳಿಂದ ಸಾಕಷ್ಟು ಸ್ಫೂರ್ತಿ ಪಡೆಯಬಹುದು. ಈ ಪಂದ್ಯವನ್ನು ಮರೆತು ಹೊಸ ಮನಸ್ಥಿತಿಯೊಂದಿಗೆ ಮುಂದಿನ ಪಂದ್ಯಕ್ಕೆ ಬರಬೇಕು" ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದರು.

ಕನ್ಕಷನ್‌ನಿಂದ ಚೇತರಿಸಿಕೊಂಡು ಕಣಕ್ಕಿಳಿದ ಹೆನ್ರಿ

ಕನ್ಕಷನ್ ಸಮಸ್ಯೆಯಿಂದ ಚೇತರಿಸಿಕೊಂಡು ತಂಡಕ್ಕೆ ಮರಳಿದ್ದ ಮ್ಯಾಟ್ ಹೆನ್ರಿ, ತಮ್ಮ ಪ್ರದರ್ಶನದ ಬಗ್ಗೆ ಸಂತಸ ವ್ಯಕ್ತಪಡಿಸಿದರು. ಸರಣಿಯನ್ನು ಸಮಬಲಗೊಳಿಸಲು ಮುಂದಿನ ಪಂದ್ಯದಲ್ಲೂ ಉತ್ತಮ ಪ್ರದರ್ಶನ ನೀಡುವ ವಿಶ್ವಾಸ ವ್ಯಕ್ತಪಡಿಸಿದರು. "ತಂಡಕ್ಕೆ ಮರಳಿರುವುದು ಖುಷಿ ತಂದಿದೆ. ಈ ವರ್ಷ ಸಾಕಷ್ಟು ಏರಿಳಿತಗಳನ್ನು ಕಂಡಿದ್ದೇನೆ. ಇದೀಗ ಮತ್ತೆ ಏಕದಿನ ಕ್ರಿಕೆಟ್ ಆಡುತ್ತಿರುವುದು ಸಂತೋಷದ ಸಂಗತಿ" ಎಂದು ಹೆನ್ರಿ ಹೇಳಿದರು.

ಮೊದಲ ಓವರ್‌ನಲ್ಲೇ ರೋಹಿತ್, ಕೊಹ್ಲಿ, ಅಯ್ಯರ್ ಬಲಿ ಪಡೆದ ಹೆನ್ರಿ

ನಾಲ್ಕನೇ ಏಕದಿನ ಪಂದ್ಯದಲ್ಲಿ ಮ್ಯಾಟ್ ಹೆನ್ರಿ ಭಾರತದ ಬ್ಯಾಟಿಂಗ್ ವಿಭಾಗಕ್ಕೆ ಆರಂಭದಲ್ಲೇ ಆಘಾತ ನೀಡಿದ್ದರು. ಪಂದ್ಯದ ಮೊದಲ ಓವರ್‌ನಲ್ಲೇ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ನಾಯಕ ಶ್ರೇಯಸ್ ಅಯ್ಯರ್ ಅವರನ್ನು ಶೂನ್ಯಕ್ಕೆ ಔಟ್ ಮಾಡಿದರು. ಇದರಿಂದ ಭಾರತ ಯಾವುದೇ ರನ್ ಗಳಿಸುವ ಮೊದಲೇ ಮೂರು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ತಮ್ಮ ಬೌಲಿಂಗ್ ಯೋಜನೆಯ ಬಗ್ಗೆ ಮಾತನಾಡಿದ ಹೆನ್ರಿ, "ಗಾಳಿ ತುಂಬಾ ಜೋರಾಗಿ ಬೀಸುತ್ತಿತ್ತು. ಅದರಿಂದ ನನ್ನ ಕೆಲಸವನ್ನು ಸರಳವಾಗಿರಿಸಿಕೊಳ್ಳಲು ಸಾಧ್ಯವಾಯಿತು. ಕೆಲವೊಮ್ಮೆ ಅದೃಷ್ಟವೂ ಕೈಹಿಡಿಯಿತು" ಎಂದರು.

"ಗಾಳಿಯ ದಿಕ್ಕನ್ನು ಗಮನಿಸಿದಾಗ ಸ್ವಿಂಗ್ ಬಗ್ಗೆ ಹೆಚ್ಚು ಚಿಂತಿಸಲಿಲ್ಲ. ಮೊದಲ ಎಸೆತದಿಂದಲೇ ನನ್ನ ಬಲದ ಮೇಲೆ ನಂಬಿಕೆ ಇಟ್ಟು, ಸ್ಟಂಪ್‌ಗಳನ್ನು ಗುರಿಯಾಗಿಸಿಕೊಂಡು ಬೌಲಿಂಗ್ ಮಾಡಲು ನಿರ್ಧರಿಸಿದೆ. ಹೊಸ ಚೆಂಡಿನೊಂದಿಗೆ ಬ್ಯಾಟರ್‌ಗಳ ಮೇಲೆ ಒತ್ತಡ ಹೇರಲು ಸಣ್ಣ ಅವಕಾಶವಿತ್ತು. ಮೊದಲ ಎಸೆತವನ್ನೇ ಎದುರಿಸುತ್ತಿರುವ ಬ್ಯಾಟರ್‌ಗಳಿಗೆ ಚೆಂಡು ಹೀಗೆ ತೀವ್ರವಾಗಿ ಚಲಿಸಿದರೆ ಅದನ್ನು ಎದುರಿಸುವುದು ತುಂಬಾ ಕಷ್ಟ" ಎಂದು ಹೆನ್ರಿ ತಮ್ಮ ಬೌಲಿಂಗ್ ತಂತ್ರವನ್ನು ವಿವರಿಸಿದರು.

ನಾಲ್ಕನೇ ಏಕದಿನ ಪಂದ್ಯದಲ್ಲಿ ಭಾರತದ ಬ್ಯಾಟಿಂಗ್ ವಿಭಾಗದ ವೈಫಲ್ಯ ಸರಣಿಗೆ ಹೊಸ ತಿರುವು ನೀಡಿದೆ. ಇದೀಗ ಕೊನೆಯ ಪಂದ್ಯದಲ್ಲಿ ಗೆದ್ದು ಸರಣಿ ಸಮಬಲಗೊಳಿಸುವ ಗುರಿ ನ್ಯೂಜಿಲೆಂಡ್ ತಂಡದ್ದಾದರೆ, ಸರಣಿ ಗೆಲುವಿನ ಆಸೆಯನ್ನು ಉಳಿಸಿಕೊಳ್ಳಲು ಭಾರತ ಮತ್ತೆ ಗೆಲುವಿನ ಹಾದಿಗೆ ಮರಳಬೇಕಿದೆ.

ONGCಯಲ್ಲಿ ವಿದ್ಯಾರ್ಥಿವೇತನಕ್ಕೆ ಅರ್ಜಿ ಆಹ್ವಾನ: 48 ಸಾವಿರ ರೂ ಸ್ಟೈಪೆಂಡ್- ಫುಲ್ ಡಿಟೇಲ್ಸ್ ಇಲ್ಲಿದೆ

Suchethana D — Fri, 13 Nov 2026 16:44:03 +0530

ತೈಲ ಮತ್ತು ನೈಸರ್ಗಿಕ ಅನಿಲ ನಿಗಮ Oil and Natural Gas Corporation-ONGCಯಲ್ಲಿ ಮೆರಿಟ್ ವಿದ್ಯಾರ್ಥಿವೇತನಕ್ಕೆ ಅರ್ಜಿ ಆಹ್ವಾನಿಸಲಾಗಿದೆ 2026ಕ್ಕೆ ಸಂಬಂಧಿಸಿದ ಅರ್ಜಿದಾಗಿದೆ. ಉನ್ನತ ಶಿಕ್ಷಣ ಪಡೆಯುತ್ತಿರುವ ವಿದ್ಯಾರ್ಥಿಗಳಿಗೆ ಆರ್ಥಿಕ ನೆರವು ನೀಡುವ ಉದ್ದೇಶ ಇದಾಗಿದ್ದು, ಅರ್ಹರು ಅರ್ಜಿ ಸಲ್ಲಿಸಿ ಇದರ ಸೌಲಭ್ಯ ಪಡೆದುಕೊಳ್ಳಬಹುದಾಗಿದೆ. ವಾರ್ಷಿಕ 48,000 ರೂಪಾಯಿಗಳನ್ನು ವಿದ್ಯಾರ್ಥಿ ವೇತನವಾಗಿ ನೀಡಲಾಗುವುದು. ಇದೇ ನವೆಂಬರ್ 30 ಅರ್ಜಿ ಸಲ್ಲಿಕೆಗೆ ಕೊನೆಯ ದಿನವಾಗಿದ್ದು, ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಬಹುದು. ಇದರ ಸಂಪೂರ್ಣ ಡಿಟೇಲ್ಸ್ ಇಲ್ಲಿದೆ.

ಅರ್ಹತೆ ಏನು

ಎಂಜಿನಿಯರಿಂಗ್, MBBS, MBA ಹಾಗೂ ಭೂವಿಜ್ಞಾನ ಮತ್ತು ಭೂಭೌತವಿಜ್ಞಾನ ವಿಷಯಗಳಲ್ಲಿ ಸ್ನಾತಕೋತ್ತರ ಪದವಿ ವ್ಯಾಸಂಗ ಮಾಡುತ್ತಿರುವ ಭಾರತದ ವಿದ್ಯಾರ್ಥಿಗಳು ಈ ವಿದ್ಯಾರ್ಥಿವೇತನಕ್ಕೆ ಅರ್ಜಿ ಸಲ್ಲಿಸಬಹುದು.
ಹಿಂದಿನ ಅರ್ಹತಾ ಪರೀಕ್ಷೆಯಲ್ಲಿ ಕನಿಷ್ಠ ಶೇ.60 ಅಂಕಗಳು ಅಥವಾ 6.0 CGPA ಪಡೆದಿರಬೇಕು.
SC, ST, OBC ಆಗಿರಬೇಕು ಅಥವಾ ಆರ್ಥಿಕವಾಗಿ ದುರ್ಬಲ ವರ್ಗದ ಜನರಲ್ ಕ್ಯಾಟಗರಿ ವಿದ್ಯಾರ್ಥಿಗಳು ಅರ್ಜಿ ಸಲ್ಲಿಸಬಹುದು.
ಪೂರ್ಣ ಸಮಯದ ನಿಯಮಿತ ಪದವಿ ಎಂಜಿನಿಯರಿಂಗ್ ಅಥವಾ ಎಂಬಿಬಿಎಸ್ ಕೋರ್ಸ್‌ನ 1 ನೇ ವರ್ಷ ಅಥವಾ ಭೂವಿಜ್ಞಾನ/ಭೂಭೌತಶಾಸ್ತ್ರ ಅಥವಾ ಎಂಬಿಎಯಲ್ಲಿ ಸ್ನಾತಕೋತ್ತರ ಪದವಿಯ 1 ನೇ ವರ್ಷದವರು ಅರ್ಹರಾಗಿದ್ದಾರೆ.
ಎಐಸಿಟಿಇ/ಎಂಸಿಐ/ಯುಜಿಸಿ/ಭಾರತೀಯ ವಿಶ್ವವಿದ್ಯಾಲಯಗಳ ಸಂಘ/ರಾಜ್ಯ ಶಿಕ್ಷಣ ಮಂಡಳಿಗಳು/ರಾಜ್ಯ ಅಥವಾ ಕೇಂದ್ರ ಸರ್ಕಾರದಿಂದ ಮಾನ್ಯತೆ ಪಡೆದ ಕೋರ್ಸ್‌ನಲ್ಲಿ ಅಧ್ಯಯನ ಮಾಡುತ್ತಿರಬೇಕು
12 ನೇ ತರಗತಿಯಲ್ಲಿ (ಎಂಜಿನಿಯರಿಂಗ್/ಎಂಬಿಬಿಎಸ್‌ಗಾಗಿ) ಅಥವಾ ಪದವಿಯಲ್ಲಿ (ಭೂವಿಜ್ಞಾನ/ಭೂಭೌತಶಾಸ್ತ್ರದಲ್ಲಿ ಎಂಬಿಎ/ಸ್ನಾತಕೋತ್ತರ ಪದವಿಗಾಗಿ) ಕನಿಷ್ಠ 60% ಅಂಕಗಳನ್ನು ಪಡೆದಿರಬೇಕು ಅಥವಾ 10-ಪಾಯಿಂಟ್ ಸ್ಕೇಲ್‌ನಲ್ಲಿ ಕನಿಷ್ಠ 6.0 ಸಿಜಿಪಿಎ/ಒಜಿಪಿಎ ಪಡೆದಿರಬೇಕು
ಆಗಸ್ಟ್ 1, 2026 ರಂತೆ 30 ವರ್ಷಗಳಿಗಿಂತ ಹೆಚ್ಚಿರಬಾರದು
ಎಲ್ಲಾ ಮೂಲಗಳಿಂದ ಒಟ್ಟು ಕುಟುಂಬದ ವಾರ್ಷಿಕ ಆದಾಯ ಈ ರೀತಿ ಇರಬೇಕು:

- ಎಸ್‌ಸಿ/ಎಸ್‌ಟಿ ವರ್ಗದ ವಿದ್ಯಾರ್ಥಿಗಳಿಗೆ ₹4.5 ಲಕ್ಷಕ್ಕಿಂತ ಕಡಿಮೆ

-ಒಬಿಸಿ ವರ್ಗದ ವಿದ್ಯಾರ್ಥಿಗಳಿಗೆ ₹2 ಲಕ್ಷಕ್ಕಿಂತ ಕಡಿಮೆ

-ಸಾಮಾನ್ಯ ವರ್ಗದ ವಿದ್ಯಾರ್ಥಿಗಳಿಗೆ ₹2 ಲಕ್ಷಕ್ಕಿಂತ ಕಡಿಮೆ

-ಬೇರೆ ಯಾವುದೇ ಮೂಲದಿಂದ ವಿದ್ಯಾರ್ಥಿವೇತನ ಅಥವಾ ಆರ್ಥಿಕ ಸಹಾಯವನ್ನು ಪಡೆದಿರಬಾರದು

ದಾಖಲೆಗಳು ಏನು?

ಹಿಂದಿ/ಇಂಗ್ಲಿಷ್‌ನಲ್ಲಿ ಜಾತಿ ಪ್ರಮಾಣಪತ್ರದ ಪ್ರಮಾಣೀಕೃತ ಪ್ರತಿ (SC/ST/OBC ಮಾತ್ರ)
ಜನನ ಪ್ರಮಾಣಪತ್ರ/ವಯಸ್ಸಿನ ಪುರಾವೆಯಾಗಿ 10ನೇ ತರಗತಿಯ ಅಂಕಪಟ್ಟಿ
12ನೇ ತರಗತಿಯ ಅಂಕಪಟ್ಟಿ (ಎಂಜಿನಿಯರಿಂಗ್/MBBS ವಿದ್ಯಾರ್ಥಿಗಳು)
ಸಂಯೋಜಿತ ಪದವಿ ಅಂಕಪಟ್ಟಿ (MBA/ಭೂವಿಜ್ಞಾನ/ಭೂಭೌತಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ವಿದ್ಯಾರ್ಥಿಗಳು)
ಹಿಂದಿ/ಇಂಗ್ಲಿಷ್‌ನಲ್ಲಿ ವಾರ್ಷಿಕ ಕುಟುಂಬ ಆದಾಯ ಪ್ರಮಾಣಪತ್ರದ ಪ್ರಮಾಣೀಕೃತ ಪ್ರತಿ
ಬ್ಯಾಂಕ್‌ನಿಂದ ದೃಢೀಕರಿಸಲ್ಪಟ್ಟ ನಿಗದಿತ ECS ನಮೂನೆಯಲ್ಲಿ ಬ್ಯಾಂಕ್ ವಿವರಗಳು
PAN ಕಾರ್ಡ್ ಪ್ರತಿ, ಅಥವಾ ಲಭ್ಯವಿಲ್ಲದಿದ್ದರೆ ಅದನ್ನು ಸಲ್ಲಿಸುವ ತಾತ್ಕಾಲಿಕ ದಿನಾಂಕ
ಕಾಲೇಜು/ಸಂಸ್ಥೆಯ ಗುರುತಿನ ಚೀಟಿ
ಕಾಲೇಜು/ಸಂಸ್ಥೆಯ ಪ್ರವೇಶ ರಶೀದಿ
ಕಾರ್ಯನಿರ್ವಹಿಸುವಿಕೆ
NSP OTR ಸಂಖ್ಯೆ

ಅರ್ಜಿ ಸಲ್ಲಿಸುವ ವಿಧಾನ

ಕೆಳಗೆ ನೀಡಿರುವ ಅಧಿಕೃತ ಅರ್ಜಿ ಲಿಂಕ್ ತೆರೆಯಿರಿ.

ONGC Merit Scholarship ಆಯ್ಕೆಮಾಡಿ.

ಅರ್ಜಿ ನಮೂನೆಯಲ್ಲಿ ಕೇಳಿರುವ ವೈಯಕ್ತಿಕ ಮತ್ತು ಶೈಕ್ಷಣಿಕ ವಿವರಗಳನ್ನು ಭರ್ತಿ ಮಾಡಿ.

ಅಗತ್ಯ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ.

ಅರ್ಜಿಯನ್ನು ಪರಿಶೀಲಿಸಿ ಆನ್‌ಲೈನ್ ಮೂಲಕ ಸಲ್ಲಿಸಿ.

https://www.b4s.in/pjvi/ONGM1

ಕನ್ನಡದ ವೀಕ್ಷಕರಿಗೆ ಧಮಾಕಾ, ಕಿರುತರೆಗೆ ಬರುತ್ತಿದೆ ಗೌರಿಪುತ್ರ ಧಾರವಾಹಿ, ಯಾವಾಗ? ಎಷ್ಟು ಗಂಟೆಗೆ?

Chethan Kumar — Fri, 13 Nov 2026 16:43:02 +0530

ಬೆಂಗಳೂರು (ನ.13) : ಕನ್ನಡ ಕಿರುತೆರೆ ಪ್ರೇಕ್ಷಕರಿಗೆ ಸದಾ ವಿಭಿನ್ನ ಹಾಗೂ ಭಾವನಾತ್ಮಕ ಕಥೆಗಳನ್ನು ಪರಿಚಯಿಸುತ್ತಾ ಬಂದಿರುವ ಜೀ ಕನ್ನಡ ವಾಹಿನಿ, ಇದೀಗ ಹೊಸ ಕೌಟುಂಬಿಕ ಧಾರಾವಾಹಿ ಗೌರಿಪುತ್ರ (Gowriputhra) ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದೆ. ಸ್ಯಾಂಡಲ್‌ವುಡ್ ಹಿರಿಯ ನಟಿ ಅನು ಪ್ರಭಾಕರ್ (Anu Prabhakar) ಬರೋಬ್ಬರಿ 10 ವರ್ಷಗಳ ಸುದೀರ್ಘ ವಿರಾಮದ ಬಳಿಕ ಈ ಧಾರಾವಾಹಿಯ ಮೂಲಕ ಕಿರುತೆರೆಗೆ ಭರ್ಜರಿ ಕಂಬ್ಯಾಕ್ ಮಾಡುತ್ತಿದ್ದಾರೆ. ಇವರೊಂದಿಗೆ 'ರಾಮಾಚಾರಿ' ಖ್ಯಾತಿಯ ರಿತ್ವಿಕ್ ಕೃಪಾಕರ್ (Rithvik Krupakar) ಹಾಗೂ 'ಗಟ್ಟಿಮೇಳ' ಖ್ಯಾತಿಯ ಮಹತಿ ಭಟ್ (Mahathi Bhat) ಮುಖ್ಯ ಭೂಮಿಕೆಯಲ್ಲಿ ನಟಿಸುತ್ತಿದ್ದು, ಇದೇ ನವೆಂಬರ್ 16ರಿಂದ ಪ್ರತಿದಿನ ಸಂಜೆ 7 ಗಂಟೆಗೆ ಈ ಧಾರಾವಾಹಿ ಪ್ರಸಾರವಾಗಲಿದೆ.

ತಾಯಿಗೆ ತವರು ಕೊಡಿಸುವ ಸಂಕಲ್ಪ ಹೊತ್ತ ಮಗನ ಕತೆ:

ತಮ್ಮ ತಾಯಿಗೆ ತಪ್ಪಿ ಹೋದ ತವರು ಮನೆಯನ್ನು ಮರಳಿ ಕೊಡಿಸಲು ಹೋರಾಡುವ ಮಗನ ಭಾವನಾತ್ಮಕ ಪಯಣವೇ ‘ಗೌರಿಪುತ್ರ’ ಧಾರಾವಾಹಿಯ ಮೂಲ ಕಥಾವಸ್ತು. ತಾಯಿಯನ್ನು ಪ್ರಾಣಕ್ಕಿಂತ ಹೆಚ್ಚಾಗಿ ಪ್ರೀತಿಸುವ ಕಾರ್ತಿಕ್‌ಗೆ (ರಿತ್ವಿಕ್ ಕೃಪಾಕರ್) ತನ್ನ ಅಮ್ಮ ಗೌರಿಯೇ (ಅನು ಪ್ರಭಾಕರ್) ಪ್ರಪಂಚ. ಅಪ್ಪ, ಅಮ್ಮ, ಅಜ್ಜ-ಅಜ್ಜಿ, ಚಿಕ್ಕಪ್ಪ-ಚಿಕ್ಕಮ್ಮ ಹೀಗೆ ತುಂಬು ಕುಟುಂಬದ ಪ್ರೀತಿಯಲ್ಲಿ ಬೆಳೆದಿರುವ ಕಾರ್ತಿಕ್‌ಗೆ ತಾಯಿಯ ಸಂತೋಷವೇ ಮುಖ್ಯ.

ಗಟ್ಟಿಗಿತ್ತಿ ಗೌರಿಗೆ ತವರು ಮನೆ ನೋವು

ಗೌರಿಗೆ ಜೀವನದಲ್ಲಿ ಯಾವುದಕ್ಕೂ ಕೊರತೆಯಿಲ್ಲ. ಸಕಲ ಐಶ್ವರ್ಯ, ಆಸ್ತಿ, ಅಂತಸ್ತು, ದೊಡ್ಡ ಕುಟುಂಬ ಹಾಗೂ ಹಲವು ಕಂಪನಿಗಳ ಜವಾಬ್ದಾರಿಯನ್ನು ಸಮರ್ಥವಾಗಿ ನಿಭಾಯಿಸುವ ಗಟ್ಟಿಗಿತ್ತಿ ಆಕೆ. ಆದರೆ, ಪ್ರೀತಿಸಿ ಮದುವೆಯಾದ ಕಾರಣಕ್ಕೆ ತವರು ಮನೆಯವರಿಂದ ದೂರವಾಗಿರುವ ನೋವು ಆಕೆಯ ಮನಸ್ಸನ್ನು ಸದಾ ಕಾಡುತ್ತಿರುತ್ತದೆ. ಮದುವೆಯಾಗಿ ವರ್ಷಗಳೇ ಕಳೆದರೂ ತವರು ಮನೆ, ಅಣ್ಣನ ಪ್ರೀತಿ ಮತ್ತು ಒಡನಾಟವಿಲ್ಲದ ಕೊರಗು ಆಕೆಯನ್ನು ಒಳಗೊಳಗೇ ಕೊರೆಯುತ್ತಿರುತ್ತದೆ. ಹೆಣ್ಣೊಬ್ಬಳಿಗೆ ಜೀವನದಲ್ಲಿ ಎಲ್ಲವೂ ಇದ್ದರೂ, ತವರಿನ ಪ್ರೀತಿ ಇಲ್ಲದಿದ್ದಾಗ ಆಗುವ ಭಾವನಾತ್ಮಕ ತೊಳಲಾಟವನ್ನು ಈ ಧಾರಾವಾಹಿ ಮನಮುಟ್ಟುವಂತೆ ತೆರೆದಿಡಲಿದೆ.

ಕಾರ್ತಿಕ್ ಹಾದಿಗೆ ಎದುರಾಗಲಿದೆ ಮದುವೆ ಟರ್ನ್

ತಾಯಿಯ ಈ ಅಂತರಾಳದ ನೋವನ್ನು ಅರಿಯುವ ಮಗ ಕಾರ್ತಿಕ್, ಆಕೆಗೆ ಮತ್ತೆ ತವರು ಮನೆಯ ಸಂಬಂಧಗಳನ್ನು ಬೆಸೆದು ಕೊಡಬೇಕೆಂಬ ದೃಢ ಸಂಕಲ್ಪದೊಂದಿಗೆ ಹೊರಡುತ್ತಾನೆ. ಅಣ್ಣನ ಮಗಳೊಂದಿಗೆ ಮಗನ ಮದುವೆ ಮಾಡಿಸಿ ತವರಿನೊಂದಿಗೆ ಒಂದಾಗಬೇಕೆಂಬ ಆಸೆ ಗೌರಿಯದ್ದಾದರೆ, ಕಾರ್ತಿಕ್ ಬದುಕಿನಲ್ಲಿ 'ಮದುವೆ' ಎಂಬ ಅನಿರೀಕ್ಷಿತ ಕವಲುದಾರಿ (ಮಹತಿ ಭಟ್ ಪಾತ್ರ) ದೊಡ್ಡ ಸವಾಲಾಗಿ ಎದುರಾಗುತ್ತದೆ. ಈ ಎಲ್ಲಾ ಅಡ್ಡಿ-ಆತಂಕಗಳನ್ನು ಕಾರ್ತಿಕ್ ಹೇಗೆ ಮೆಟ್ಟಿ ನಿಲ್ಲುತ್ತಾನೆ? ತಾಯಿಯ ಬಹುದಿನಗಳ ಕನಸನ್ನು ನನಸು ಮಾಡಲು ಆತನಿಗೆ ಸಾಧ್ಯವಾಗುತ್ತದೆಯೇ? ಎಂಬುದೇ ಕುತೂಹಲಕಾರಿ ಘಟ್ಟ.

ದೊಡ್ಡ ತಾರಾಗಣ ಹಾಗೂ ಕೆ.ಎಸ್. ರಾಮ್‌ಜಿ ನಿರ್ದೇಶನ:

ಕಿರುತೆರೆಯಲ್ಲಿ ಹಲವು ಸೂಪರ್ ಹಿಟ್ ಧಾರಾವಾಹಿಗಳನ್ನು ನೀಡಿರುವ ಖ್ಯಾತ ನಿರ್ದೇಶಕ ಹಾಗೂ ನಿರ್ಮಾಪಕ ಕೆ.ಎಸ್. ರಾಮ್‌ಜಿ (K.S. Ramji) ಅವರು 'ಗೌರಿಪುತ್ರ' ಧಾರಾವಾಹಿಯ ನಿರ್ಮಾಣ ಮತ್ತು ನಿರ್ದೇಶನದ ಹೊಣೆ ಹೊತ್ತಿದ್ದಾರೆ. ಅನು ಪ್ರಭಾಕರ್, ರಿತ್ವಿಕ್ ಕೃಪಾಕರ್ ಹಾಗೂ ಮಹತಿ ಭಟ್ ಜೊತೆಗೆ ಹಿರಿಯ ನಟರಾದ ರಮೇಶ್ ಭಟ್, ರಾಜೇಂದ್ರ ಕಾರಂತ್ ಸೇರಿದಂತೆ ರಂಗಭೂಮಿ ಮತ್ತು ಚಿತ್ರರಂಗದ ಪ್ರತಿಭಾವಂತ ಕಲಾವಿದರು ಈ ಧಾರಾವಾಹಿಯಲ್ಲಿ ಬಣ್ಣ ಹಚ್ಚಿದ್ದಾರೆ. 2006ರಲ್ಲಿ ಜೀ ಕನ್ನಡದ 'ಬಾಳೆ ಬಂಗಾರ' ಶೋ ಮೂಲಕ ಕಿರುತೆರೆ ಪಯಣ ಆರಂಭಿಸಿದ್ದ ಅನು ಪ್ರಭಾಕರ್, ಇದೀಗ 10 ವರ್ಷಗಳ ಬಳಿಕ ಮತ್ತೆ ಅದೇ ವಾಹಿನಿಯ ಮೂಲಕ ಗೌರಿಯಾಗಿ ಮನೆಮನ ತಲುಪಲು ಸಜ್ಜಾಗಿದ್ದಾರೆ.

ದೀಪಕ್ ಶ್ರೀರಾಮುಲು ಮಾತು:

ಹೊಸ ಧಾರಾವಾಹಿಯ ಕುರಿತು ಮಾತನಾಡಿರುವ ಜೀ ಕನ್ನಡ ಬಿಸಿನೆಸ್ ಹೆಡ್ ದೀಪಕ್ ಶ್ರೀರಾಮುಲು, “ಕೌಟುಂಬಿಕ ಕಥೆಗಳು ಯಾವಾಗಲೂ ಕನ್ನಡ ಪ್ರೇಕ್ಷಕರ ಮನಸ್ಸಿಗೆ ಹತ್ತಿರವಾಗಿರುತ್ತವೆ. ಸಂಬಂಧಗಳ ಬೆಸುಗೆಯಲ್ಲಿ ಪ್ರೇಕ್ಷಕರು ತಮ್ಮದೇ ಬದುಕಿನ ಪ್ರತಿಬಿಂಬವನ್ನು ಕಾಣುತ್ತಾರೆ. ‘ಗೌರಿಪುತ್ರ’ ತಾಯಿ ಮತ್ತು ಮಗನ ನಡುವಿನ ಅಪರೂಪದ ಬಾಂಧವ್ಯ ಹಾಗೂ ತಾಯಿಯ ಆಸೆ ಈಡೇರಿಸಲು ಮಗ ಪಡುವ ಪ್ರಯತ್ನದ ಭಾವನಾತ್ಮಕ ಕಥೆಯಾಗಿದೆ. ಈ ಕಥೆ ಕನ್ನಡಿಗರ ಮನ ಗೆಲ್ಲಲಿದೆ ಎಂಬ ಸಂಪೂರ್ಣ ವಿಶ್ವಾಸವಿದೆ” ಎಂದಿದ್ದಾರೆ.

ಕಾಸ್ಮೋಸ್‌ ಮೈಸೂರು ಪ್ಲಾನಿಟೋರಿಯಂ ಉದ್ಘಾಟಿಸಿದ ಪ್ರಧಾನಿ ಮೋದಿ, ಭಾರತದ ಮೊದಲ ಟಿಲ್ಟೆಡ್‌ ಎಲ್‌ಇಡಿ ತಾರಾಲಯದ ವಿಶೇಷತೆಯೇನು?

Gowthami K — Fri, 13 Nov 2026 16:35:21 +0530

ಮೈಸೂರಿನಲ್ಲಿ ಕಾಸ್ಮೋಸ್‌ ಪ್ಲಾನಿಟೋರಿಯಂ ಪ್ರಧಾನಿ ಮೋದಿ ಉದ್ಘಾಟನೆ ಮಾಡಿದ್ದಾರೆ. ಇದು ಭಾರತದ ಮೊದಲ ಟಿಲ್ಟೆಡ್‌ ಎಲ್‌ಇಡಿ ಡೋಮ್ ತಾರಾಲಯ ವಾಗಿದ್ದು ಎಲ್‌ಇಡಿ ಡೋಮ್ 15 ಡಿಗ್ರಿ ಕೋನದಲ್ಲಿ ಓರೆಯಾಗಿದ್ದು (ಟಿಲ್ಡೆಡ್), ದೇಶದ ಮೊದಲ ‘ಟಿಲ್ಟೆಡ್ ಎಲ್‌ಇಡಿ ತಾರಾಲಯ’ದ ವಿಶೇಷತೆಗಳ ಬಗ್ಗೆ ಇಲ್ಲಿ ನೀಡಲಾಗಿದೆ.

ಮೈಸೂರಿನಲ್ಲಿ ‘ಕಾಸ್ಮೋಸ್-ಮೈಸೂರು ತಾರಾಲಯ’ವನ್ನು ಪ್ರಧಾನಿ ಮೋದಿ ಉದ್ಘಾಟಿಸಿದರು. ಇದು ಭಾರತದ ಮೊದಲ ಟಿಲ್ಟೆಡ್‌ ಎಲ್‌ಇಡಿ ಡೋಮ್ ತಾರಾಲಯ. ಎಲ್‌ಇಡಿ ಡೋಮ್ 15 ಡಿಗ್ರಿ ಕೋನದಲ್ಲಿ ಓರೆಯಾಗಿದ್ದು (ಟಿಲ್ಡೆಡ್), ವೀಕ್ಷಕರಿಗೆ ಅತ್ಯಂತ ಉತ್ತಮ ಹಾಗೂ ನೈಜ ಆಕಾಶಕಾಯಗಳ ಅನುಭವ ನೀಡುತ್ತದೆ. ಇದು ಖಗೋಳ ಅಧ್ಯಯನಕ್ಕೆ ಹೊಸ ದಿಕ್ಕು ನೀಡಲಿದೆ. ಉದ್ಘಾಟನಾ ಸಮಾರಂಭದಲ್ಲಿ ರಾಜ್ಯದ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್, ರಾಜ್ಯಪಾಲೆ ಡಾ. ಸುಧಾ ಯಾದವ್, ಕೇಂದ್ರ ಸಚಿವೆ ನಿರ್ಮಲಾ ಸೀತಾರಾಮನ್ , ಸಂಸದ ಯಧುವೀರ್ ಒಡೆಯರ್ ಸೇರಿ ಹಲವು ಗಣ್ಯರು ಉಪಸ್ಥಿತರಿದ್ದರು. ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಈ ಯೋಜನೆಯ ಉದ್ದೇಶ ರೂಪುರೇಷೆ ಮತ್ತು ಪ್ಲಾನಿಟೇರಿಯಂ ಹೇಗೆ ಕಾರ್ಯ ನಿರ್ವಹಿಸುತ್ತದೆ ಎಂದು ಪ್ರಧಾನಿ ಅವರಿಗೆ ಇಂಚಿಚೂ ಪರಿಚಯ ಮಾಡಿದರು. ಬಳಿಕ ಗಣ್ಯರೆಲ್ಲರೂ ತಾರಾಲಯದಲ್ಲಿ ಕೂತು ಡೆಮೋ ವೀಕ್ಷಿಸಿದರು.

ಭಾರತೀಯ ಖಗೋಳ ಭೌತವಿಜ್ಞಾನ ಸಂಸ್ಥೆ (IIA) ಮೈಸೂರು ವಿಶ್ವವಿದ್ಯಾಲಯದೊಂದಿಗೆ ಮಾಡಿಕೊಂಡ ಒಪ್ಪಂದದ ಅನ್ವಯ, ವಿವಿಗೆ ಸೇರಿದ 3 ಎಕರೆ ಪ್ರದೇಶದಲ್ಲಿ ಈ ಬೃಹತ್ ಯೋಜನೆಯನ್ನು ಸಾಕಾರಗೊಳಿಸಿದೆ.

ಅತ್ಯಾಧುನಿಕ ತಂತ್ರಜ್ಞಾನ: 15 ಮೀಟರ್ ವ್ಯಾಸ ಹೊಂದಿರುವ ಈ ಗುಮ್ಮಟವು 15 ಡಿಗ್ರಿ ಕೋನದಲ್ಲಿ ಓರೆಯಾಗಿದ್ದು, ವೀಕ್ಷಕರಿಗೆ ಅಂತರಿಕ್ಷದ ನೈಜ ಅನುಭವ ನೀಡಲಿದೆ. ಇದರಲ್ಲಿ 8ಕೆ (8K) ರೆಸಲ್ಯೂಶನ್ ಹಾಗೂ 42 ಮೆಗಾಪಿಕ್ಸೆಲ್ ಸಾಮರ್ಥ್ಯದ ಅತ್ಯುನ್ನತ ದೃಶ್ಯ ಪ್ರದರ್ಶನ ವ್ಯವಸ್ಥೆಯನ್ನು ಅಳವಡಿಸಲಾಗಿದೆ.

ವಿಶ್ವದರ್ಜೆಯ ಸೌಲಭ್ಯಗಳು: ತಾರಾಲಯದ ಆವರಣದಲ್ಲಿ ತಲಾ 160 ಆಸನಗಳ ಸಾಮರ್ಥ್ಯವಿರುವ ಸುಸಜ್ಜಿತ ಸ್ಕೈ ಥಿಯೇಟರ್ ಮತ್ತು ಉಪನ್ಯಾಸ ಸಭಾಂಗಣಗಳನ್ನು ನಿರ್ಮಿಸಲಾಗಿದೆ. ಇದರೊಂದಿಗೆ ಪ್ರಯೋಗಾಲಯ ಸೌಲಭ್ಯವುಳ್ಳ ತರಗತಿಗಳು, ಕಂಪ್ಯೂಟರ್ ತರಬೇತಿ ಕೇಂದ್ರ, ವಸ್ತು ಸಂಗ್ರಹಾಲಯ, ಪ್ರದರ್ಶನ ಸಭಾಂಗಣ, ಹೊರಾಂಗಣ ಪ್ರದರ್ಶನ ಹಾಗೂ ಸಾರ್ವಜನಿಕರಿಗೆ ಅಗತ್ಯವಿರುವ ಎಲ್ಲಾ ಮೂಲಸೌಕರ್ಯಗಳನ್ನು ಕಲ್ಪಿಸಲಾಗಿದೆ.

ಈ ಮಹತ್ವಾಕಾಂಕ್ಷಿ ವೈಜ್ಞಾನಿಕ ಯೋಜನೆಗೆ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರ ರಾಜ್ಯಸಭಾ ಸದಸ್ಯರ ನಿಧಿಯಿಂದ (MPLADS) ಪ್ರಮುಖ ಆರ್ಥಿಕ ನೆರವು ಲಭಿಸಿದೆ. ಇದರೊಂದಿಗೆ ಕೇಂದ್ರ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆ, ಪರಮಾಣು ಶಕ್ತಿ ಇಲಾಖೆ ಹಾಗೂ ಭಾರತ ಸರ್ಕಾರದ ಪ್ರಧಾನ ವೈಜ್ಞಾನಿಕ ಸಲಹೆಗಾರರ ಕಚೇರಿಗಳು ಈ ಯೋಜನೆಗೆ ಕೈಜೋಡಿಸಿವೆ.

ಸ್ಕೈ ಥಿಯೇಟರ್‌ನಲ್ಲಿ ನಡೆಯುವ ಪ್ರತಿಯೊಂದು ಖಗೋಳಶಾಸ್ತ್ರ ಪ್ರದರ್ಶನಕ್ಕೂ ಮುನ್ನ, ಮೈಸೂರಿನ ಶ್ರೀಮಂತ ಇತಿಹಾಸ, ಸಾಂಸ್ಕೃತಿಕ ಪರಂಪರೆ ಹಾಗೂ ವಿಜ್ಞಾನ ಮತ್ತು ಖಗೋಳಶಾಸ್ತ್ರದೊಂದಿಗೆ ನಗರಕ್ಕಿರುವ ನಂಟನ್ನು ಪರಿಚಯಿಸುವ ‘ನಮ್ಮ ಮನೆ, ನಮ್ಮ ಕಾಸ್ಮಾಸ್’ ಎಂಬ ವಿಶೇಷ ಪರಿಚಯಾತ್ಮಕ ಚಿತ್ರವನ್ನು ಪ್ರದರ್ಶಿಸಲಾಗುತ್ತದೆ. ಆಳವಾದ ಸಂಶೋಧನಾ ಮಾಹಿತಿ, ಆಕರ್ಷಕ ನಿರೂಪಣೆ, ಸುಮಧುರ ಸಂಗೀತ ಮತ್ತು ಅದ್ಭುತ ದೃಶ್ಯ ವೈಭವವನ್ನು ಒಳಗೊಂಡಿರುವ ಈ ಚಿತ್ರವು ಕನ್ನಡ, ಇಂಗ್ಲಿಷ್ ಹಾಗೂ ಹಿಂದಿ ಭಾಷೆಗಳಲ್ಲಿ ವೀಕ್ಷಣೆಗೆ ಲಭ್ಯವಿದೆ.

2022ರಿಂದಲೇ ಮೈಸೂರು ಭಾಗದಲ್ಲಿ ನಡೆದುಕೊಂಡು ಬಂದಿರುವ ವಿವಿಧ ಸಾರ್ವಜನಿಕ ಸಹಭಾಗಿತ್ವದ ಕಾರ್ಯಕ್ರಮಗಳ ತಳಹದಿಯ ಮೇಲೆ ಈ ತಾರಾಲಯ ರೂಪುಗೊಂಡಿದೆ. ವಿಶೇಷವಾಗಿ ಗ್ರಾಮೀಣ ಪ್ರದೇಶದ ಶಾಲಾ-ಕಾಲೇಜು ವಿದ್ಯಾರ್ಥಿಗಳಲ್ಲಿ ವಿಜ್ಞಾನದ ಆಸಕ್ತಿ ಮೂಡಿಸುವ ಜಾಗೃತಿ ಕಾರ್ಯಕ್ರಮಗಳು, ದೂರದರ್ಶಕದ (ಟೆಲಿಸ್ಕೋಪ್) ಮೂಲಕ ರಾತ್ರಿ ಆಕಾಶ ವೀಕ್ಷಣೆ, ಪ್ರಾಯೋಗಿಕ ವಿಜ್ಞಾನ ಚಟುವಟಿಕೆಗಳು, ನಾಗರಿಕ ವಿಜ್ಞಾನ ಉಪಕ್ರಮಗಳು ಹಾಗೂ ಶಿಕ್ಷಕರಿಗೆ ವಿಶೇಷ ತರಬೇತಿ ಕಾರ್ಯಾಗಾರಗಳನ್ನು ನಿರಂತರವಾಗಿ ಆಯೋಜಿಸಲಾಗುತ್ತಿದೆ.

ಪ್ರಾಚೀನ ಭಾರತೀಯ ಖಗೋಳಶಾಸ್ತ್ರದ ಇತಿಹಾಸದಿಂದ ಹಿಡಿದು ಆಧುನಿಕ ಖಗೋಳ ಭೌತಶಾಸ್ತ್ರದ ಬೆಳವಣಿಗೆಗಳನ್ನು ತಿಳಿಸುವ ಸ್ಥಿರ ಮತ್ತು ಚಲನಶೀಲ ಮಾದರಿಗಳು ಒಳಾಂಗಣ ಹಾಗೂ ಹೊರಾಂಗಣದಲ್ಲಿ ಸಾರ್ವಜನಿಕರ ಜ್ಞಾನಾರ್ಜನೆಗೆ ತೆರೆದುಕೊಂಡಿವೆ. ಇದರ ಜೊತೆಗೆ, ಪ್ರಾಚ್ಯವಿದ್ಯಾ ಸಂಶೋಧನಾಲಯ ವಿಭಾಗದ ಸಹಯೋಗದಲ್ಲಿ ಮಧ್ಯಕಾಲೀನ ಖಗೋಳಶಾಸ್ತ್ರಕ್ಕೆ ಸಂಬಂಧಿಸಿದ ಹಸ್ತಪ್ರತಿಗಳನ್ನು ಗುರುತಿಸಿ, ಅನುವಾದಿಸಿ ವಿಶ್ಲೇಷಿಸುವ ಮಹತ್ವದ ಕಾರ್ಯವೂ ನಡೆದಿದೆ. ಈವರೆಗೆ ಸುಮಾರು 50 ಅಪರೂಪದ ಹಸ್ತಪ್ರತಿಗಳನ್ನು ಗುರುತಿಸಲಾಗಿದ್ದು, ಅವುಗಳಲ್ಲಿ ನಾಲ್ಕು ಹಸ್ತಪ್ರತಿಗಳನ್ನು ಮೊದಲ ಬಾರಿಗೆ ಸವಿಸ್ತಾರವಾಗಿ ವಿಶ್ಲೇಷಿಸಲಾಗಿದೆ. ಒಟ್ಟಾರೆಯಾಗಿ, ಕಾಸ್ಮಾಸ್-ಮೈಸೂರು ತಾರಾಲಯವು ವಿಜ್ಞಾನ ಮತ್ತು ಸಮಾಜವನ್ನು ಬೆಸೆಯುವ ಪ್ರಮುಖ ಜ್ಞಾನಕೇಂದ್ರವಾಗಿ ಹೊರಹೊಮ್ಮಿದೆ.

ನಟಿ ಸೌಂದರ್ಯ ಮನೆಗೆ ಹೋದಾಗ ಆಮನಿ ಕಂಡಿದ್ದೇನು? ಇಂದಿಗೂ ಆ ದೃಶ್ಯ ಮರೆಯಲಾಗುತ್ತಿಲ್ಲವಂತೆ!

Govindaraj S — Fri, 13 Nov 2026 16:29:44 +0530

ದಿವಂಗತ ನಟಿ ಸೌಂದರ್ಯ ಅವರ ನೆನಪುಗಳು ಇಂದಿಗೂ ಅಭಿಮಾನಿಗಳ ಮನಸ್ಸಿನಲ್ಲಿ ಹಸಿರಾಗಿವೆ. ತೆರೆಮೇಲೆ ತಮ್ಮ ಸಹಜ ಅಭಿನಯದಿಂದ ಮೋಡಿ ಮಾಡಿದ್ದ ಸೌಂದರ್ಯ, ವೈಯಕ್ತಿಕ ಜೀವನದಲ್ಲಿಯೂ ಅನೇಕರಿಗೆ ಆತ್ಮೀಯರಾಗಿದ್ದರು. ಇದೀಗ ಟಾಲಿವುಡ್‌ನ ಹಿರಿಯ ನಟಿ ಆಮನಿ ಅವರು ತಮ್ಮ ಆತ್ಮೀಯ ಗೆಳತಿ ಸೌಂದರ್ಯ ಜೊತೆಗಿನ ಒಡನಾಟ, ಮರೆಯಲಾಗದ ನೆನಪುಗಳು ಹಾಗೂ ಅವರ ಅಕಾಲಿಕ ನಿಧನದಿಂದ ತಮಗಾದ ನೋವನ್ನು ಹಂಚಿಕೊಂಡಿದ್ದಾರೆ. ಸೌಂದರ್ಯ ಅವರ ಮನೆಗೆ ಹೋದಾಗ ಕಂಡ ಒಂದು ದೃಶ್ಯ ಇಂದಿಗೂ ತಮ್ಮನ್ನು ಕಾಡುತ್ತಿದೆ ಎಂದು ಹೇಳಿಕೊಂಡಿರುವ ಆಮನಿ ಭಾವುಕರಾಗಿದ್ದಾರೆ.

ಕನ್ನಡದ ನಂಟು ಇಬ್ಬರ ಸ್ನೇಹಕ್ಕೆ ಭದ್ರ ಬುನಾದಿ!

ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಆಮನಿ, ಸೌಂದರ್ಯ ಅವರನ್ನು ತಮ್ಮ ಆತ್ಮೀಯ ಗೆಳತಿ ಮಾತ್ರವಲ್ಲ, ಸ್ವಂತ ತಂಗಿಯಂತೆಯೇ ಭಾವಿಸಿದ್ದಾಗಿ ಹೇಳಿದ್ದಾರೆ. ಚಿತ್ರರಂಗದ ಮೂಲಕ ಪರಿಚಯವಾದ ಇವರ ಸ್ನೇಹ, ದಿನ ಕಳೆದಂತೆ ಗಾಢವಾಗಿತ್ತು. ಇಬ್ಬರೂ ಕನ್ನಡದ ಹಿನ್ನೆಲೆಯವರಾಗಿದ್ದರಿಂದ ಮೊದಲ ಸಿನಿಮಾದಿಂದಲೇ ಚೆನ್ನಾಗಿ ಹೊಂದಿಕೊಂಡಿದ್ದರಂತೆ. ಸೌಂದರ್ಯ ಕನ್ನಡದಲ್ಲಿ ಮಾತನಾಡುವುದನ್ನು ಕೇಳಿದಾಗ ತಮಗೆ ತುಂಬಾ ಖುಷಿಯಾಗುತ್ತಿತ್ತು ಎಂದು ಆಮನಿ ನೆನಪಿಸಿಕೊಂಡಿದ್ದಾರೆ.

ಅಷ್ಟೇ ಅಲ್ಲ, ಹಳೆಯ ಕನ್ನಡ ಹಾಡುಗಳ ಬಗ್ಗೆಯೂ ಇಬ್ಬರಿಗೂ ಒಂದೇ ರೀತಿಯ ಆಸಕ್ತಿ ಇತ್ತು. ಸೌಮ್ಯ ಸ್ವಭಾವದ ಸೌಂದರ್ಯ ತಮ್ಮ ವೈಯಕ್ತಿಕ ವಿಚಾರಗಳನ್ನೂ ಮುಕ್ತವಾಗಿ ಹಂಚಿಕೊಳ್ಳುತ್ತಿದ್ದರು. ಹೀಗೆ ಇಬ್ಬರ ನಡುವೆ ಆತ್ಮೀಯತೆ ಬೆಳೆದು, ಒಬ್ಬರಿಗೊಬ್ಬರು ಮನದ ಮಾತುಗಳನ್ನು ಹೇಳಿಕೊಳ್ಳುವಷ್ಟು ಆಪ್ತರಾಗಿದ್ದೆವು ಎಂದು ಆಮನಿ ತಿಳಿಸಿದ್ದಾರೆ. ‘ಅಮ್ಮದೊಂಗ’ ಮತ್ತು ‘ಅಣ್ಣ-ತಂಗಿ’ ಸೇರಿದಂತೆ ಸುಮಾರು ಮೂರ್ನಾಲ್ಕು ಸಿನಿಮಾಗಳಲ್ಲಿ ಇಬ್ಬರೂ ಒಟ್ಟಿಗೆ ನಟಿಸಿದ್ದರು. ಆದರೆ, ಸಿನಿಮಾಗಳಿಗಿಂತಲೂ ಆಚೆಗಿನ ಸ್ನೇಹವೇ ತಮಗೆ ಹೆಚ್ಚು ವಿಶೇಷವಾಗಿತ್ತು ಎಂದು ಆಮನಿ ಹೇಳಿದ್ದಾರೆ.

ತಂದೆಯ ಸಾವಿನ ನೋವನ್ನು ನನ್ನ ಮುಂದೆ ಹಂಚಿಕೊಂಡಿದ್ದರು!

ಸೌಂದರ್ಯ ಅವರ ಜೀವನದ ಕೆಲವು ಮರೆಯಲಾಗದ ಕ್ಷಣಗಳನ್ನು ಆಮನಿ ನೆನಪಿಸಿಕೊಂಡಿದ್ದಾರೆ. ಸೌಂದರ್ಯ ಅವರ ತಂದೆ ನಿಧನರಾದಾಗ, ಅವರು ತಮ್ಮನ್ನು ವಿಶೇಷವಾಗಿ ಕರೆಸಿಕೊಂಡು ಮನಬಿಚ್ಚಿ ಅತ್ತಿದ್ದರಂತೆ. ಕುಟುಂಬಕ್ಕೆ ತಂದೆಯೇ ಆಧಾರಸ್ತಂಭವಾಗಿದ್ದರು. ಆ ಸ್ತಂಭವೇ ಕುಸಿದುಬಿದ್ದಂತಾಗಿದೆ ಎಂದು ಸೌಂದರ್ಯ ದುಃಖಿಸುತ್ತಿದ್ದುದನ್ನು ಆಮನಿ ಭಾವುಕರಾಗಿ ಸ್ಮರಿಸಿದ್ದಾರೆ.

ಇನ್ನು ಸೌಂದರ್ಯ ತಮ್ಮ ಮದುವೆಯ ವಿಚಾರವನ್ನೂ ಫೋನ್ ಮೂಲಕ ಆಮನಿಗೆ ತಿಳಿಸಿದ್ದರಂತೆ. ಮದುವೆಗೆ ಬಂದು ಒಂದು ದಿನ ಪೂರ್ತಿ ತಮ್ಮ ಜೊತೆಗಿದ್ದು ಸಂಭ್ರಮಿಸಬೇಕು ಎಂದು ಆತ್ಮೀಯವಾಗಿ ಆಹ್ವಾನಿಸಿದ್ದರು. ಅದರಂತೆ ಆಮನಿ ಮದುವೆಗೆ ಹಾಜರಾಗಿದ್ದರು. ಸೌಂದರ್ಯ ಅವರ ಸಹೋದರ ಅಮರ್ ಜೊತೆ ಊಟ ಮಾಡಿ, ಮದುವೆಯಲ್ಲಿ ಖುಷಿಯಿಂದ ಸಮಯ ಕಳೆದಿದ್ದಾಗಿ ತಿಳಿಸಿದ್ದಾರೆ. ಸೌಂದರ್ಯ ಅವರ ಮದುವೆಗೆ ಹಾಜರಾಗಿದ್ದ ಕೆಲವೇ ಕೆಲವು ಚಿತ್ರರಂಗದ ಗಣ್ಯರಲ್ಲಿ ಆಮನಿ ಕೂಡ ಒಬ್ಬರಾಗಿದ್ದರು.

ಸೌಂದರ್ಯ ಸಾವಿನ ಸುದ್ದಿ ಕೇಳಿ ಬಿಕ್ಕಿ ಬಿಕ್ಕಿ ಅತ್ತಿದ್ದ ಆಮನಿ!

ಸೌಂದರ್ಯ ಅವರ ನಿಧನದ ಸುದ್ದಿ ಕೇಳಿದ ಕ್ಷಣವನ್ನು ನೆನಪಿಸಿಕೊಂಡ ಆಮನಿ, ಆ ನೋವನ್ನು ಇಂದಿಗೂ ಮರೆಯಲು ಸಾಧ್ಯವಾಗಿಲ್ಲ ಎಂದಿದ್ದಾರೆ. ಅಂದು ತಾವು ನಟಿ ಮೀನಾ ಜೊತೆ ಶ್ರೀ ಕಲ್ಯಾಣ್ ಅವರ ‘ಸ್ವಾಮಿ’ ಚಿತ್ರದ ಚಿತ್ರೀಕರಣದಲ್ಲಿದ್ದರಂತೆ. ಆಗ ಸೌಂದರ್ಯ ನಿಧನದ ಸುದ್ದಿ ತಿಳಿದ ತಕ್ಷಣ, “ಸೌಂದರ್ಯ ಅವರು ಇನ್ನಿಲ್ಲವೇ?” ಎಂದು ನಂಬಲಾಗದೆ ಬಿಕ್ಕಿ ಬಿಕ್ಕಿ ಅತ್ತಿದ್ದರಂತೆ.

ಮೀನಾ ಕೂಡ ಈ ಸುದ್ದಿ ಕೇಳಿ ಬೇಸರಗೊಂಡಿದ್ದರು. ಆದರೆ, ಆಮನಿಗೆ ಮಾತ್ರ ತಮ್ಮ ಮನೆಯವರನ್ನೇ ಕಳೆದುಕೊಂಡಷ್ಟು ನೋವಾಗಿತ್ತಂತೆ. ಮಾಧ್ಯಮಗಳ ಮುಂದೆಯೂ ಕಣ್ಣೀರು ಹಾಕಿದ್ದಾಗಿ ಅವರು ತಿಳಿಸಿದ್ದಾರೆ. ಸೌಂದರ್ಯ ಅವರನ್ನು ದೇವತೆಯಂತೆ ಕಾಣುತ್ತಿದ್ದ ಆಮನಿ, ಅವರ ಸಾವನ್ನು ಇಂದಿಗೂ ಸಂಪೂರ್ಣವಾಗಿ ಒಪ್ಪಿಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂದು ಭಾವುಕರಾಗಿದ್ದಾರೆ.

ಸೌಂದರ್ಯ ಮನೆಗೆ ಹೋದಾಗ ಕಂಡ ಆ ದೃಶ್ಯ ಇಂದಿಗೂ ಕಾಡುತ್ತಿದೆ!

ಸೌಂದರ್ಯ ನಿಧನದ ಬಳಿಕ ಅವರ ಮನೆಗೆ ಭೇಟಿ ನೀಡಿದ್ದ ಸಂದರ್ಭವನ್ನು ನೆನಪಿಸಿಕೊಂಡ ಆಮನಿ ಕಣ್ಣೀರಾಗಿದ್ದಾರೆ. ಮನೆಯ ದೊಡ್ಡ ಹಾಲ್‌ನಲ್ಲಿ ಸೌಂದರ್ಯ, ಅವರ ತಂದೆ ಹಾಗೂ ಸಹೋದರ ಅಮರ್ ಅವರ ಫೋಟೋಗಳನ್ನು ಒಟ್ಟಿಗೆ ನೋಡಿದಾಗ ಹೃದಯವೇ ಒಡೆದುಹೋದಂತಾಗಿತ್ತಂತೆ. ಅದರಲ್ಲೂ ಸೌಂದರ್ಯ ಅವರ ತಾಯಿ ಒಂಟಿಯಾಗಿ ಕುಳಿತಿದ್ದ ದೃಶ್ಯವನ್ನು ಕಂಡು ತೀವ್ರ ನೋವಾಗಿತ್ತು ಎಂದು ಆಮನಿ ಹೇಳಿದ್ದಾರೆ.

ಸೌಂದರ್ಯ ಅವರ ತಾಯಿ ಇದೀಗ ಅಮರ್ ಅವರ ಮಗನ ಜೊತೆ ವಾಸಿಸುತ್ತಿದ್ದಾರೆ ಎಂದು ಅವರು ತಿಳಿಸಿದ್ದಾರೆ. ಒಂದೇ ಕುಟುಂಬದಲ್ಲಿ ಇಷ್ಟೊಂದು ನೋವು ಸಂಭವಿಸಿರುವುದನ್ನು ನೆನೆದಾಗ ಮನಸ್ಸಿಗೆ ತುಂಬಾ ದುಃಖವಾಗುತ್ತದೆ ಎಂದಿದ್ದಾರೆ. ಇಷ್ಟೇ ಅಲ್ಲ, ಸೌಂದರ್ಯ ತಮ್ಮದೇ ನಿರ್ಮಾಣದ ಸಿನಿಮಾ ಮಾಡುತ್ತಿದ್ದ ಸಂದರ್ಭದಲ್ಲಿ ತಮ್ಮನ್ನು ಜೊತೆಯಾಗಿ ನಿಲ್ಲುವಂತೆ ಆಹ್ವಾನಿಸಿದ್ದರಂತೆ. ಆದರೆ, ಆಗ ತಮಗೆ ಹೋಗಲು ಸಾಧ್ಯವಾಗಿರಲಿಲ್ಲ. ಆ ಕ್ಷಣವನ್ನು ಈಗ ನೆನಪಿಸಿಕೊಂಡರೆ ತುಂಬಾ ಬೇಸರವಾಗುತ್ತದೆ ಎಂದು ಆಮನಿ ಹೇಳಿದ್ದಾರೆ.

ಅಮರ್ ಜೊತೆ ಮದುವೆ ಮಾಡಿಕೊಳ್ಳುವಂತೆ ತಮಾಷೆ ಮಾಡಿದ್ದರಂತೆ ಸೌಂದರ್ಯ ತಂದೆ!

ಸಂದರ್ಶನದಲ್ಲಿ ಮತ್ತೊಂದು ಸ್ವಾರಸ್ಯಕರ ಘಟನೆಯನ್ನೂ ಆಮನಿ ಹಂಚಿಕೊಂಡಿದ್ದಾರೆ. ಒಮ್ಮೆ ಸೌಂದರ್ಯ ಅವರ ತಂದೆ, ತಮ್ಮ ಮಗ ಅಮರ್‌ನನ್ನು ಮದುವೆಯಾಗುವಂತೆ ಆಮನಿ ಬಳಿ ತಮಾಷೆಯಾಗಿ ಕೇಳಿದ್ದರಂತೆ. ಅದಕ್ಕೆ ಆಮನಿ, ತಾವು ಚಿತ್ರರಂಗದಲ್ಲಿರುವುದರಿಂದ ಅದು ಸಾಧ್ಯವಾಗದೇ ಇರಬಹುದು ಎಂದು ಹೇಳಿದ್ದರಂತೆ. ಆಗ ಸೌಂದರ್ಯ ಕೂಡ ಚಿತ್ರರಂಗದಲ್ಲೇ ಇದ್ದಾರೆ, ಹಾಗಿದ್ದ ಮೇಲೆ ಇಬ್ಬರೂ ಚಿತ್ರರಂಗದಲ್ಲಿದ್ದರೆ ಏನಾಗುತ್ತದೆ ಎಂದು ಅವರ ತಂದೆ ಪ್ರಶ್ನಿಸಿದ್ದರಂತೆ.

ಆದರೆ, ಆ ರೀತಿಯ ಯಾವುದೇ ಯೋಚನೆ ತಮ್ಮ ಮನಸ್ಸಿನಲ್ಲಿ ಇರಲಿಲ್ಲ ಎಂದು ಆಮನಿ ಹೇಳಿದ್ದಾರೆ. ಅಮರ್ ಆಗಲೇ ಬೇರೊಬ್ಬರನ್ನು ಪ್ರೀತಿಸುತ್ತಿದ್ದ ವಿಚಾರವನ್ನು ಸೌಂದರ್ಯ ನಂತರ ತಮಗೆ ತಿಳಿಸಿದ್ದರು ಎಂದು ಅವರು ನೆನಪಿಸಿಕೊಂಡಿದ್ದಾರೆ. ಇನ್ನು ಸೌಂದರ್ಯ ಜೊತೆಗಿನ ಸ್ನೇಹ, ಅವರ ಕುಟುಂಬದ ಆತ್ಮೀಯತೆ ಹಾಗೂ ಆಕೆಯ ಅಕಾಲಿಕ ನಿಧನದ ನೋವನ್ನು ನೆನಪಿಸಿಕೊಂಡ ಆಮನಿ ಭಾವುಕರಾಗಿದ್ದಾರೆ. ಕಾಲ ಕಳೆದರೂ ಕೆಲವು ನೆನಪುಗಳು ಮಾಸುವುದಿಲ್ಲ ಎಂಬುದಕ್ಕೆ ಈ ಮಾತುಗಳೇ ಸಾಕ್ಷಿ.

ರಾಮಾಯಣಕ್ಕೆ ಸಂಬಂಧಿಸಿದ ಸೀತಾ ಮಾತೆಯ ಜಾನಕಿ ಮಂದಿರ, 3 ಮಹಡಿ, 60 ಕೊಠಡಿ ರೋಚಕ ರಹಸ್ಯ

Chethan Kumar — Fri, 13 Nov 2026 16:23:55 +0530

ಕಾಠ್ಮಂಡು (ನ.13) ರಾಮಾಯಣ ಸಿನಿಮಾಗೆ ಜನರಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಶ್ರೀರಾಮ, ಸೀತೆ, ರಾವಣ, ಜಟಾಯು, ಪುಷ್ಪಕ ವಿಮಾನ ಸೇರಿದಂತೆ ಹಲವು ಅತ್ಯಂತ ರೋಚಕ ಸನ್ನಿವೇಶಗಳು ಅದ್ಭುತವಾಗಿ ಚಿತ್ರಿಸಲಾಗಿದೆ. ರಾಮಾಯಣ ಸಿನಿಮಾದಲ್ಲಿ ಸೀತಾ ದೇವಿಯನ್ನು ರಾವಣ ಪುಷ್ಪಕ ವಿಮಾನದಲ್ಲಿ ಅಪಹರಿಸುವ ಹಾಗೂ ಜಟಾಯುವಿನ ಯುದ್ಧವರೆಗೆ ನೀಡಲಾಗಿದೆ. ಇನ್ನುಳಿದ ಭಾಗ ಎರಡನೇ ಭಾಗದಲ್ಲಿ ನೀಡಲಾಗುತ್ತದೆ. ರಾಮಾಯಣದ ಸೀತಾ ದೇವಿಗೆ ಸಂಬಂಧಿಸಿದ ಅತ್ಯಂತ ಭವ್ಯ ಮಂದಿರವಿದೆ. ಜಾನಕಿ ಮಂದಿರ 3 ಮಹಡಿ, 60 ಕೊಠಡಿಗಳ ಭವ್ಯ ಮಂದಿರ. ಸೀತಾ ದೇವಿಯ ಹುಟ್ಟೂರಿನಲ್ಲೇ ಈ ಮಂದಿರವಿದೆ.

ರಾಮಾಯಣದ ಕೇಂದ್ರಬಿಂದು ಸೀತಾ ಮಾತೆ. ಜನಕ ಮಹಾರಾಜನ ಮುದ್ದಿನ ಮಗಳಾಗಿ, ಪ್ರಭು ಶ್ರೀರಾಮನ ಧರ್ಮಪತ್ನಿಯಾಗಿ ಹಾಗೂ ಲವ-ಕುಶರ ತಾಯಿಯಾಗಿ ಸೀತಾ ಮಾತೆಯನ್ನು ಇಡೀ ಜಗತ್ತು ಪೂಜಿಸುತ್ತದೆ. ಭಾರತದಲ್ಲಿ ಶ್ರೀರಾಮನಿಗೆ ಸಮರ್ಪಿತವಾದ ನೂರಾರು ಭವ್ಯ ಮಂದಿರಗಳಿವೆ. ಆದರೆ, ಸೀತಾ ಮಾತೆಯ ತವರು ನೆಲವಾದ ನೇಪಾಳದಲ್ಲಿ ಆಕೆಗಾಗಿಯೇ ನಿರ್ಮಿಸಲಾದ ಅತ್ಯಂತ ವಿಶೇಷ ಹಾಗೂ ಐತಿಹಾಸಿಕ ದೇವಾಲಯವಿದೆ. ಇದು ನೇಪಾಳದ ಧನುಷಾ ಜಿಲ್ಲೆಯ ಜನಕಪುರದಲ್ಲಿರುವ ಜಾನಕಿ ಮಂದಿರ. 152 ವರ್ಷಗಳ ಸುದೀರ್ಘ ಇತಿಹಾಸ ಹೊಂದಿರುವ ಈ ದೇವಾಲಯವು ಕೇವಲ ಧಾರ್ಮಿಕ ತಾಣವಷ್ಟೇ ಅಲ್ಲ, ಅದ್ಭುತ ವಾಸ್ತುಶಿಲ್ಪದ ಸಾಕ್ಷಿಯಾಗಿದೆ.

ನೇಪಾಳದ ಅತೀ ದೊಡ್ಡ ದೇವಾಲಯ

ನೇಪಾಳ ಪ್ರವಾಸೋದ್ಯಮ ಮಂಡಳಿಯ (Nepal Tourism Board) ಅಧಿಕೃತ ಮಾಹಿತಿಯ ಪ್ರಕಾರ, ಈ ಜಾನಕಿ ಮಂದಿರವನ್ನು ಕ್ರಿ.ಶ 1874 ರಲ್ಲಿ ನಿರ್ಮಿಸಲಾಯಿತು. ಸ್ಥಳೀಯ ಮಿಥಿಲಾ ವಾಸ್ತುಶಿಲ್ಪ ಶೈಲಿಯ ಈ ದೇವಾಲಯವಿದೆ. 3 ಮಹಡಿಗಳನ್ನು ಹೊಂದಿದೆ. ಆವರಣದಲ್ಲಿ 60 ಕೊಠಡಿಗಳಿವೆ. ನೇಪಾಳದ ಅತೀ ದೊಡ್ಡ ದೇವಾಲಯ ಇದಾಗಿದೆ. 1480 ಚದರಮೀಟರ್ ಹೆಚ್ಚು ವೀಸ್ತೀರ್ಣದಲ್ಲಿ ದೇವಾಲಯವಿದೆ. ಕಲ್ಲು ಹಾಗೂ ಅಮೃತಶಿಲೆ ಕೆತ್ತಲಾಗಿದೆ.

9 ಲಕ್ಷ ಚಿನ್ನದ ನಾಣ್ಯದಲ್ಲಿ ನಿರ್ಮಾಣವಾದ ಮಂದಿರ

ಸ್ಥಳೀಯರು ಈ ಜಾನಕಿ ಮಂದಿರವನ್ನು ಪ್ರೀತಿಯಿಂದ 'ನೌ ಲಖಾ ಮಂದಿರ್' (Nau Lakha Mandir) ಎಂದೂ ಕರೆಯುತ್ತಾರೆ. ಈ ದೇವಾಲಯದ ನಿರ್ಮಾಣಕ್ಕೆ ದುಬಾರಿ ಖರ್ಚು ಮಾಡಲಾಗಿತ್ತು. ಭವ್ಯ ಮಂದಿರ ನಿರ್ಮಾಣಕ್ಕೆ ಅೆಂದಿನ ಕಾಲದಲ್ಲಿ ಬರೋಬ್ಬರಿ 9 ಲಕ್ಷ ಚಿನ್ನದ ನಾಣ್ಯಗಳು ವೆಚ್ಚವಾಗಿತ್ತು. ಇದೇ ಕಾರಣದಿಂದ ನೌ ಲಖಾ ಮಂದಿರ್ ಅನ್ನೋ ಹೆಸರಿದೆ.

ಪುರಾಣದಲ್ಲಿ ಈ ಸ್ಥಳ ಅತ್ಯಂತ ಪವಿತ್ರವಾಗಿದೆ. ಜನಕ ಮಹಾರಾಜ ಶಿವ ಧನಸ್ಸು ಪೂಜಿಸಿದ ಸ್ಥಳವಿದು. 1956ರಲ್ಲಿ ಪ್ರಾಚೀನ ಸ್ಮಾರಕಗಳ ಸಂರಕ್ಷಣಾ ಕಾಯ್ದೆಯಡಿ ಸಂರಕ್ಷಿತ ಸ್ಮಾರಕ ವಲಯ ಎಂದು ಘೋಷಿಸಿದೆ. ಈ ಮಂದಿರದ ಒಂದು ಭಾಗದಲ್ಲಿ ವಿವಾಹ ಮಂಟಪವಿದೆ. ಶ್ರೀರಾಮ ಹಾಗೂ ಸೀತಾ ದೇವಿಯ ವಿವಾಹ ಮಹೋತ್ಸವ ನಡೆದ ಸ್ಥಳ ಇದೇ ಎಂದು ನಂಬಲಾಗಿದೆ. ಶುಕ್ಲ ಪಕ್ಷದ ಪಂಚಮಿದಿನ ಇಲ್ಲಿ ವಿವಾಹ ಪಂಚಮಿ ಈಗಲೂ ಆಚರಿಸಲಾಗುತ್ತದೆ. ಇದೇ ಜಾನಕಿ ಮಂದಿರದ ಕೆಲವೇ ದೂರದಲ್ಲಿ ಶ್ರೀರಾಮನಿಗೆ ಅರ್ಪಿತವಾದ ದೇವಾಲಯವಿದೆ.

ಕರುನಾಡ ಜನತೆಗೆ ಗುಡ್ನ್ಯೂಸ್: ರಾಜ್ಯದ ಅತಿ ದೊಡ್ಡ ‘ಭಾರತ ವನ'ಕ್ಕೆ ಸಚಿವೆ ನಿರ್ಮಲಾ ಸೀತಾರಾಮನ್ ಚಾಲನೆ- ಏನಿದು ಯೋಜನೆ

Suchethana D — Fri, 13 Nov 2026 16:17:34 +0530

ಮೈಸೂರು: ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ ಹಸಿರು ಹೊದಿಕೆಯನ್ನು ವಿಸ್ತರಿಸುವ ಉದ್ದೇಶದಿಂದ 17.63 ಎಕರೆ ಪ್ರದೇಶದಲ್ಲಿ ಎರಡು ಲಕ್ಷಕ್ಕೂ ಅಧಿಕ ಸ್ಥಳೀಯ ಪ್ರಭೇದದ ಮರಗಳನ್ನು ಬೆಳೆಸುವ ‘ಭಾರತ ವನ’ ಯೋಜನೆಗೆ ಇಂದು ಕೇಂದ್ರ ಹಣಕಾಸು ಹಾಗೂ ಕಾರ್ಪೋರೇಟ್ ವ್ಯವಹಾರಗಳ ಸಚಿವರಾದ ನಿರ್ಮಲಾ ಸೀತಾರಾಮನ್‌ ಚಾಲನೆ ನೀಡಿದರು. ಒಂದೆಡೆ ಇಂದು ಪ್ರಧಾನಿ ನರೇಂದ್ರಮೋದಿ ಅವರು, ಮೈಸೂರಿನಲ್ಲಿ ತಾರಾಲಯ ಉದ್ಘಾಟಿಸಿದರೆ ಇನ್ನೊಂದೆಡೆ ಸಚಿವೆಯಿಂದ ರಾಜ್ಯದ ಅತಿ ದೊಡ್ಡ ಭಾರತ ವನ ಯೋಜನೆಗೆ ಚಾಲನೆ ಸಿಕ್ಕಿದ್ದು, ಇದರಿಂದ ಇಂದು ಡಬಲ್ ಧಮಾಕಾ ಆಗಿದೆ. ಮೈಸೂರಿನ ವಿಜಯನಗರದ ಕೆ.ಸಿ. ಬಡಾವಣೆಯ ಉದ್ಯಾನದಲ್ಲಿ ಸಸಿ ನೆಡುವ ಮೂಲಕ ‘ಭಾರತ ವನ’ ನಿರ್ಮಾಣ ಕಾರ್ಯಕ್ಕೆ ಶಂಕುಸ್ಥಾಪನೆ ನೆರವೇರಿಸಿದರು. ಈ ಸಂದರ್ಭದಲ್ಲಿ ಸಂಸದರಾದ ಯದುವೀರ್‌ ಕೃಷ್ಣದತ್ತ ಚಾಮರಾಜ ಒಡೆಯರ್‌, ನಗರಾಭಿವೃದ್ಧಿ ಸಚಿವರಾದ ಡಾ. ಯತೀಂದ್ರ ಸಿದ್ದರಾಮಯ್ಯ ಹಾಗೂ ಶಾಸಕರಾದ ಟಿ.ಎಸ್‌. ಶ್ರೀವತ್ಸ ಮತ್ತಿತರರು ಉಪಸ್ಥಿತರಿದ್ದರು. ಇದೇ ಸಂದರ್ಭದಲ್ಲಿ ಸಚಿವರು ಶಾಲಾ ಮಕ್ಕಳೊಂದಿಗೆ ಪರಿಸರ ಸಂರಕ್ಷಣೆಯ ಕುರಿತು ಸಂವಾದ ನಡೆಸಿದರು.

ಕೇಂದ್ರ ಕಾರ್ಪೊರೇಟ್‌ ಸಾಮಾಜಿಕ ಹೊಣೆಗಾರಿಕೆ (ಸಿಎಸ್‌ಆರ್‌) ಅನುದಾನದ ಮೂಲಕ ಸಂಪೂರ್ಣವಾಗಿ ಅನುಷ್ಠಾನಗೊಳ್ಳಲಿರುವ ಈ ಯೋಜನೆಗೆ ಸರಕಾರದ ಹಣ ಬಳಸುವುದಿಲ್ಲ. ವಿಜಯನಗರದಲ್ಲಿ ರೂಪುಗೊಳ್ಳಲಿರುವ ಈ ಹಸಿರು ತಾಣವು ಕರ್ನಾಟಕದ ಅತಿದೊಡ್ಡ ‘ಭಾರತ ವನ’ ಯೋಜನೆಯಾಗಲಿದೆ. ಜೀವವೈವಿಧ್ಯವನ್ನು ಹೆಚ್ಚಿಸುವುದು, ಅಂತರ್ಜಲ ಮರುಪೂರಣೆಯನ್ನು ಸುಧಾರಿಸುವುದು, ವಾಯುಮಾಲಿನ್ಯ ತಗ್ಗಿಸುವುದು, ಇಂಗಾಲದ ಬಲವರ್ಧನೆಗೆ (ಕಾರ್ಬನ್ ಸೀಕ್ವೆಸ್ಟ್ರೇಶನ್) ಬೆಂಬಲ ನೀಡುವುದು ಹಾಗೂ ತಂಪಾದ, ಹಸಿರಾದ ನಗರ ಪರಿಸರ ನಿರ್ಮಿಸುವುದು ಈ ಉಪಕ್ರಮದ ಉದ್ದೇಶವಾಗಿದೆ. ಇದು ಸುಸ್ಥಿರ ನಗರ ಹಸಿರೀಕರಣ ಮತ್ತು ಪರಿಸರ ಸಂರಕ್ಷಣೆಗೆ ಒಂದು ಮಹತ್ವದ ಹೆಜ್ಜೆಯಾಗಿದೆ.

ಸ್ಥಳೀಯ ಪರಿಸರಕ್ಕೆ ಹೊಂದುವ ದಟ್ಟ ಅರಣ್ಯ

ಭಾರತದ ಹವಾಮಾನ, ಮಣ್ಣಿನ ಗುಣಲಕ್ಷಣ ಹಾಗೂ ಭೂಮಿಯ ಪರಿಸ್ಥಿತಿಗೆ ಹೊಂದುವಂತೆ ಸ್ಥಳೀಯ ಸಸ್ಯ ಪ್ರಭೇದಗಳನ್ನು ಬಳಸಿಕೊಂಡು ದಟ್ಟ ಅರಣ್ಯ ನಿರ್ಮಿಸುವುದು ‘ಭಾರತ ವನ’ ವಿಧಾನದ ಉದ್ದೇಶವಾಗಿದೆ. ಒಂದೇ ರೀತಿಯ ಮರಗಳನ್ನು ನೆಡುವ ಬದಲು, ವಿವಿಧ ಎತ್ತರದಲ್ಲಿ ಬೆಳೆಯುವ ಪೊದೆಗಳು, ಹೂ ಬಿಡುವ ಮತ್ತು ಹಣ್ಣು ನೀಡುವ ಮರಗಳು, ಕಾಷ್ಠ ಪ್ರಭೇದಗಳು ಹಾಗೂ ಎತ್ತರವಾಗಿ ಬೆಳೆದು ಮೇಲ್ಛಾವಣಿಯಂತೆ ಆವರಿಸುವ ಮರಗಳನ್ನು ಪದರಗಳಾಗಿ ಬೆಳೆಸಲಾಗುತ್ತದೆ. ಈ ವೈವಿಧ್ಯಮಯ ಸಸ್ಯ ವಿನ್ಯಾಸದ ಮೂಲಕ ಅರಣ್ಯದ ಬೆಳವಣಿಗೆಗೆ ಪೂರಕ ವಾತಾವರಣ ನಿರ್ಮಿಸುವುದು, ಮಣ್ಣಿನ ಜೀವಚಟುವಟಿಕೆ ಹೆಚ್ಚಿಸುವುದು ಹಾಗೂ ಕಾಲಕ್ರಮೇಣ ಸ್ವಾವಲಂಬಿಯಾಗಿ ಬೆಳೆಯುವ ಹಸಿರು ಪರಿಸರ ವ್ಯವಸ್ಥೆ ರೂಪಿಸುವುದು ಯೋಜನೆಯ ಗುರಿಯಾಗಿದೆ. ಈ ವೇಳೆ ಶ್ರೀಮತಿ ನಿರ್ಮಲಾ ಸೀತಾರಾಮನ್ ಅವರು ಶಾಲಾ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿದರು. ವಿದ್ಯಾರ್ಥಿಗಳು ತಾವು ನೆಟ್ಟ ಸಸಿಗಳನ್ನು ನಿಯಮಿತವಾಗಿ ಭೇಟಿ ಮಾಡಿ ಪೋಷಿಸಬೇಕು ಹಾಗೂ ಈ ಹಸಿರು ಪರಿಸರವನ್ನು ಸಂರಕ್ಷಿಸುವಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳಬೇಕು ಎಂದು ಹಣಕಾಸು ಸಚಿವೆ ಅವರು ಪ್ರೋತ್ಸಾಹಿಸಿದರು.

ಸಗಣಿ, ಕಾಂಪೋಸ್ಟ್‌, ಜೀವಾಮೃತ ಬಳಕೆ

ಮಣ್ಣಿನ ಫಲವತ್ತತೆ ಹೆಚ್ಚಿಸಲು ಹಸುವಿನ ಸಗಣಿ, ಕಾಂಪೋಸ್ಟ್‌ ಹಾಗೂ ಜೀವಾಮೃತದಂತಹ ಶೇಕಡಾ 100ರಷ್ಟು ನೈಸರ್ಗಿಕವಾದ ಪೋಷಕಾಂಶಗಳ ಮೂಲಕ ಮಣ್ಣಿನ ಫಲವತ್ತತೆ ಹೆಚ್ಚಿಸಲಾಗುತ್ತದೆ. ಸ್ಥಳೀಯ ಪರಿಸರಕ್ಕೆ ಹೊಂದಿಕೊಳ್ಳುವ ಸಸ್ಯಗಳನ್ನು ಆಯ್ಕೆ ಮಾಡಿ, ಅವುಗಳ ಬೆಳವಣಿಗೆಗೆ ಅನುಕೂಲವಾಗುವಂತೆ ಮಣ್ಣನ್ನು ಸಿದ್ಧಪಡಿಸಲಾಗುತ್ತದೆ. ನೈಸರ್ಗಿಕ ಪದಾರ್ಥಗಳ ಮೂಲಕ ಮಣ್ಣಿನ ಆರೋಗ್ಯ ಸುಧಾರಿಸಿ, ಸಸ್ಯಗಳ ಬೆಳವಣಿಗೆಗೆ ಪೂರಕವಾದ ಪರಿಸರ ನಿರ್ಮಿಸುವುದಕ್ಕೆ ಯೋಜನೆಯಲ್ಲಿ ಒತ್ತು ನೀಡಲಾಗಿದೆ.

ಮಳೆನೀರು ಇಂಗುವಿಕೆ, ಅಂತರ್ಜಲಕ್ಕೆ ನೆರವು

ಮಳೆನೀರು ಭೂಮಿಯೊಳಗೆ ಇಂಗುವ ಪ್ರಮಾಣವನ್ನು ಹೆಚ್ಚಿಸುವುದು ಯೋಜನೆಯ ಪ್ರಮುಖ ಉದ್ದೇಶಗಳಲ್ಲಿ ಒಂದಾಗಿದೆ. ವಿವಿಧ ಆಳಕ್ಕೆ ಹರಡುವ ಬೇರುಗಳ ಜಾಲವು ಮಣ್ಣಿನೊಳಗೆ ನೀರು ಪ್ರವೇಶಿಸಲು ನೆರವಾಗಲಿದ್ದು, ಅಂತರ್ಜಲ ಮರುಪೂರಣಕ್ಕೆ ಪೂರಕವಾಗುವ ನಿರೀಕ್ಷೆಯಿದೆ. ಜತೆಗೆ, ಬೇರುಗಳು ಮೇಲ್ಮಣ್ಣನ್ನು ಹಿಡಿದಿಡುವುದರಿಂದ ಮಳೆಗಾಲದಲ್ಲಿ ಮಣ್ಣು ಮತ್ತು ಅದರಲ್ಲಿರುವ ಪೋಷಕಾಂಶಗಳು ಕೊಚ್ಚಿಹೋಗುವುದನ್ನು ತಡೆಯಲು ನೆರವಾಗಲಿದೆ ಎಂಬ ಆಶಯ ಹೊಂದಲಾಗಿದೆ.

ಪಕ್ಷಿ, ಜೇನುನೊಣಗಳಿಗೆ ಆಶ್ರಯ

ಸ್ಥಳೀಯ ಹೂ ಮತ್ತು ಹಣ್ಣಿನ ಮರಗಳು ಪಕ್ಷಿಗಳು, ಜೇನುನೊಣಗಳು ಹಾಗೂ ಇತರ ಪರಾಗಸ್ಪರ್ಶಿ ಜೀವಿಗಳಿಗೆ ಆಹಾರ ಮತ್ತು ಆಶ್ರಯ ಒದಗಿಸುವ ಗುರಿಯನ್ನು ಈ ಯೋಜನೆ ಹೊಂದಿದೆ. ಆ ಮೂಲಕ ನಗರ ಪ್ರದೇಶದಲ್ಲಿ ಸ್ಥಳೀಯ ಜೀವವೈವಿಧ್ಯಕ್ಕೆ ಪೂರಕವಾದ ಹಸಿರು ತಾಣ ರೂಪಿಸಲು ಉದ್ದೇಶಿಸಲಾಗಿದೆ. ದಟ್ಟವಾದ ಎಲೆ ಮತ್ತು ಕೊಂಬೆಗಳ ಹೊದಿಕೆಯು ಧೂಳನ್ನು ಹಿಡಿದಿಡಲು ಹಾಗೂ ವಾಯುಮಾಲಿನ್ಯದ ಪರಿಣಾಮ ಕಡಿಮೆ ಮಾಡಲು ನೆರವಾಗುವ ನಿರೀಕ್ಷೆಯೂ ಇದೆ.

ತಂಪಾದ ನಗರ ಪರಿಸರ ನಿರ್ಮಾಣದ ಆಶಯ

ಮರಗಳ ನೆರಳು ಹಾಗೂ ಸಸ್ಯಗಳಿಂದ ವಾತಾವರಣಕ್ಕೆ ಬಿಡುಗಡೆಯಾಗುವ ತೇವಾಂಶದ ಮೂಲಕ ಸುತ್ತಮುತ್ತಲಿನ ಪ್ರದೇಶದಲ್ಲಿ ತಂಪಾದ ವಾತಾವರಣ ರೂಪಿಸುವುದು ಯೋಜನೆಯ ಮತ್ತೊಂದು ಗುರಿಯಾಗಿದೆ. ಮರಗಳು ಬೆಳೆದಂತೆ ಇಂಗಾಲವನ್ನು ಹೀರಿಕೊಂಡು ಸಂಗ್ರಹಿಸುವ ಮೂಲಕ ಪರಿಸರ ಸಂರಕ್ಷಣೆಗೆ ಕೊಡುಗೆ ನೀಡಲಿವೆ ಎಂಬ ನಿರೀಕ್ಷೆಯನ್ನು ಯೋಜನೆ ಹೊಂದಿದೆ. ಖಾಸಗಿ ಸಂಸ್ಥೆಗಳ ಸಿಎಸ್‌ಆರ್‌ ಅನುದಾನವನ್ನು ಸಾರ್ವಜನಿಕ ಹಸಿರು ಸಂಪತ್ತಿನ ನಿರ್ಮಾಣಕ್ಕೆ ಬಳಸುವುದು ಈ ಉಪಕ್ರಮದ ಪ್ರಮುಖ ಅಂಶವಾಗಿದೆ. ನಗರ ಹಸಿರೀಕರಣದ ಜತೆಗೆ ಮಣ್ಣಿನ ಆರೋಗ್ಯ, ನೀರಿನ ಸಂರಕ್ಷಣೆ ಹಾಗೂ ಜೀವವೈವಿಧ್ಯ ವೃದ್ಧಿಯನ್ನು ಒಟ್ಟಿಗೆ ಸಾಧಿಸುವ ಉದ್ದೇಶವನ್ನು ‘ಭಾರತ ವನ’ ಹೊಂದಿದೆ.

‘ಕರ್ಣ’ ಧಾರಾವಾಹಿಯಲ್ಲಿ ನಿತ್ಯಾ ಸಾಯುತ್ತಿದ್ದಂತೆ… ಮೇಘಾಲಯದಲ್ಲಿ ಕಾಣಿಸಿಕೊಂಡ ನಮ್ರತಾ ಗೌಡ

Pavna Das — Fri, 13 Nov 2026 16:10:17 +0530

Namratha Gowda: ಜೀ ಕನ್ನಡದ ಜನಪ್ರಿಯ ‘ಕರ್ಣ’ ಧಾರಾವಾಹಿಯಲ್ಲಿ ನಿತ್ಯಾ ಪಾತ್ರ ಮುಗಿಯುತ್ತಿದ್ದಂತೆ, ನಟಿ ನಮ್ರತಾ ಗೌಡ ಮೇಘಾಲಯಕ್ಕೆ ಹಾರಿದ್ದು, ಅಲ್ಲಿ ಸುಂದರ ಪ್ರಕೃತಿಯ ನಡುವೆ ಎಂಜಾಯ್ ಮಾಡುತ್ತಿದ್ದಾರೆ.

ರಜನಿಕಾಂತ್ ‘ಧರ್ಮನ್’ನಲ್ಲಿ ರಾಮ್ ಪವರ್‌ಫುಲ್ ಎಂಟ್ರಿ: ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸುತ್ತಾ?

Govindaraj S — Fri, 13 Nov 2026 16:09:41 +0530

ಕಾಲಿವುಡ್ ಸೂಪರ್‌ಸ್ಟಾರ್ ರಜನಿಕಾಂತ್, ಟಾಲಿವುಡ್ ಎನರ್ಜಿಟಿಕ್ ಸ್ಟಾರ್ ರಾಮ್ ಪೋತಿನೇನಿ ಹಾಗೂ ಲೋಕನಾಯಕ ಕಮಲ್ ಹಾಸನ್ ಒಂದೇ ಪ್ರಾಜೆಕ್ಟ್‌ನಲ್ಲಿ ಕೈಜೋಡಿಸಿದರೆ ನಿರೀಕ್ಷೆಗಳು ಹೇಗಿರಬಹುದು? ಸದ್ಯ ಚಿತ್ರರಂಗದಲ್ಲಿ ಇಂತಹದ್ದೇ ಕುತೂಹಲಕ್ಕೆ ಕಾರಣವಾಗಿರುವ ಸಿನಿಮಾ ‘ಧರ್ಮನ್’. ರಜನಿಕಾಂತ್ ನಾಯಕನಾಗಿ ನಟಿಸುತ್ತಿರುವ ಈ ಬಿಗ್ ಬಜೆಟ್ ಆ್ಯಕ್ಷನ್ ಡ್ರಾಮಾದಿಂದ ಇದೀಗ ಭರ್ಜರಿ ಅಪ್‌ಡೇಟ್ ಹೊರಬಿದ್ದಿದೆ. ದೀಪಾವಳಿ ಹಬ್ಬದ ಪ್ರಯುಕ್ತ ಚಿತ್ರತಂಡ ರಾಮ್ ಪೋತಿನೇನಿ ಅವರ ಪವರ್‌ಫುಲ್ ಪಾತ್ರದ ಪರಿಚಯದ ವಿಡಿಯೋವನ್ನು ಬಿಡುಗಡೆ ಮಾಡಿದೆ. ಈ ಗ್ಲಿಂಪ್ಸ್ ನೋಡಿದ ಅಭಿಮಾನಿಗಳು ಫುಲ್ ಖುಷಿಯಾಗಿದ್ದಾರೆ.

‘ಧರ್ಮನ್’ನಲ್ಲಿ ರಾಮ್ ಪೋತಿನೇನಿ ಮಾಸ್ ಅವತಾರ!

“ರಾ.. ಆಟಿಟ್ಯೂಡ್.. ಪವರ್.. ಓವರ್‌ಲೋಡೆಡ್” ಎಂಬ ಟ್ಯಾಗ್‌ಲೈನ್‌ನೊಂದಿಗೆ ಬಿಡುಗಡೆಯಾಗಿರುವ ಈ ವಿಡಿಯೋದಲ್ಲಿ ರಾಮ್ ಪೋತಿನೇನಿ ಸಖತ್ ಸ್ಟೈಲಿಶ್ ಹಾಗೂ ಮಾಸ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಅವರ ಖಡಕ್ ಲುಕ್ ಮತ್ತು ಎನರ್ಜಿಟಿಕ್ ಬಾಡಿ ಲ್ಯಾಂಗ್ವೇಜ್ ಅಭಿಮಾನಿಗಳ ಗಮನ ಸೆಳೆದಿದೆ. ‘ಇಸ್ಮಾರ್ಟ್ ಶಂಕರ್’ ಸಿನಿಮಾದಲ್ಲಿದ್ದ ಮಾಸ್ ಅವತಾರವನ್ನು ನೆನಪಿಸುವಂತಿರುವ ಈ ಗ್ಲಿಂಪ್ಸ್ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಈ ಚಿತ್ರದ ಮೂಲಕ ರಾಮ್ ಪೋತಿನೇನಿ, ರಜನಿಕಾಂತ್ ಜೊತೆ ಮೊದಲ ಬಾರಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ. ಅದರಲ್ಲೂ ರಜನಿಕಾಂತ್ ಅವರ ಅಳಿಯನ ಪಾತ್ರದಲ್ಲಿ ರಾಮ್ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದ್ದು, ಈ ಕಾಂಬಿನೇಷನ್ ಬಗ್ಗೆ ಅಭಿಮಾನಿಗಳಲ್ಲಿ ಭಾರೀ ಕುತೂಹಲ ಮೂಡಿದೆ.

ಕಮಲ್ ಹಾಸನ್ ನಿರ್ಮಾಣ, ಅಶ್ವತ್ ಮಾರಿಮುತ್ತು ನಿರ್ದೇಶನ

‘ಧರ್ಮನ್’ ಚಿತ್ರದ ನಿರೀಕ್ಷೆಗಳು ಹೆಚ್ಚಲು ಮತ್ತೊಂದು ಪ್ರಮುಖ ಕಾರಣ ಇದರ ತಾರಾಬಳಗ ಮತ್ತು ನಿರ್ಮಾಣ ಸಂಸ್ಥೆ. ಖ್ಯಾತ ನಟ ಕಮಲ್ ಹಾಸನ್ ಹಾಗೂ ಆರ್. ಮಹೇಂದ್ರನ್ ತಮ್ಮ ರಾಜ್‌ಕಮಲ್ ಫಿಲ್ಮ್ಸ್ ಇಂಟರ್‌ನ್ಯಾಷನಲ್ ಬ್ಯಾನರ್ ಅಡಿಯಲ್ಲಿ ಈ ಚಿತ್ರವನ್ನು ಅದ್ಧೂರಿಯಾಗಿ ನಿರ್ಮಿಸುತ್ತಿದ್ದಾರೆ.

‘ಓ ಮೈ ಕಡವುಲೇ’ ಮತ್ತು ‘ರಿಟರ್ನ್ ಆಫ್ ದಿ ಡ್ರ್ಯಾಗನ್’ ಸಿನಿಮಾಗಳ ಮೂಲಕ ಗಮನ ಸೆಳೆದಿರುವ ಅಶ್ವತ್ ಮಾರಿಮುತ್ತು ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಸಿನಿಮಾದಲ್ಲಿ ರಜನಿಕಾಂತ್ ವೈದ್ಯರ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಅವರ ಪುತ್ರಿಯಾಗಿ ರಾಶಿ ಖನ್ನಾ ನಟಿಸುತ್ತಿದ್ದಾರೆ ಎನ್ನಲಾಗಿದೆ. ರಾಮ್ ಪೋತಿನೇನಿ ಅವರ ಪಾತ್ರವೂ ಕಥೆಯಲ್ಲಿ ಪ್ರಮುಖವಾಗಿರಲಿದೆ.

‘ಜೈಲರ್ 2’ ಯಶಸ್ಸಿನ ಬೆನ್ನಲ್ಲೇ ‘ಧರ್ಮನ್’ ಮೇಲೆ ನಿರೀಕ್ಷೆ

ಇತ್ತೀಚೆಗಷ್ಟೇ ‘ಜೈಲರ್ 2’ ಚಿತ್ರದ ಯಶಸ್ಸನ್ನು ಸಂಭ್ರಮಿಸಿರುವ ರಜನಿಕಾಂತ್, ಇದೀಗ ‘ಧರ್ಮನ್’ ಚಿತ್ರೀಕರಣವನ್ನು ವೇಗವಾಗಿ ಪೂರ್ಣಗೊಳಿಸುವತ್ತ ಗಮನ ಹರಿಸಿದ್ದಾರೆ. ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ ‘ಜೈಲರ್’ ಮೊದಲ ಭಾಗ ದೊಡ್ಡ ಯಶಸ್ಸು ಕಂಡಿದ್ದ ಹಿನ್ನೆಲೆಯಲ್ಲಿ, ಅದರ ಮುಂದುವರಿದ ಭಾಗದ ಮೇಲೂ ಭಾರೀ ನಿರೀಕ್ಷೆ ಇತ್ತು. ಬಿಡುಗಡೆಯಾದ ಬಳಿಕ ಈ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಉತ್ತಮ ಗಳಿಕೆ ಕಂಡಿದೆ ಎಂದು ವರದಿಯಾಗಿದೆ.

ಇದೀಗ ರಜನಿಕಾಂತ್ ಅವರ ಸ್ಟೈಲ್‌ಗೆ ರಾಮ್ ಪೋತಿನೇನಿ ಅವರ ಮಾಸ್ ಎನರ್ಜಿ ಹಾಗೂ ಕಮಲ್ ಹಾಸನ್ ಅವರ ನಿರ್ಮಾಣದ ಬಲ ಜೊತೆಯಾಗಿರುವುದರಿಂದ ‘ಧರ್ಮನ್’ ಚಿತ್ರದ ಮೇಲಿನ ನಿರೀಕ್ಷೆಗಳು ಮತ್ತಷ್ಟು ಹೆಚ್ಚಿವೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ, ಈ ಸಿನಿಮಾ ಸಂಕ್ರಾಂತಿ ಹಬ್ಬದ ಪ್ರಯುಕ್ತ ವಿಶ್ವಾದ್ಯಂತ ಅದ್ಧೂರಿಯಾಗಿ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಯೋಜಿಸಿದೆ. ರಜನಿಕಾಂತ್ ಮತ್ತು ರಾಮ್ ಪೋತಿನೇನಿ ಕಾಂಬಿನೇಷನ್ ಬಾಕ್ಸ್ ಆಫೀಸ್‌ನಲ್ಲಿ ಯಾವ ರೀತಿಯ ಮೋಡಿ ಮಾಡಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ಬೆಂಗಳೂರಿನ ಈ ರಸ್ತೆಗೆ ಎರಡು ಹೆಸರು; ಬೋರ್ಡ್‌ನಲ್ಲಿ ಒಂದು, ವಿಳಾಸದಲ್ಲಿ ಮತ್ತೊಂದು

Sushma Hegde — Fri, 13 Nov 2026 16:07:59 +0530

ಬೆಂಗಳೂರು ನಗರದ ಚಾಮರಾಜಪೇಟೆಯಲ್ಲಿರುವ ಅಲೂರು ವೆಂಕಟರಾವ್ ರಸ್ತೆ ತನ್ನ ಹೆಸರಿನ ಕಾರಣಕ್ಕೆ ವಿಶೇಷ ಗಮನ ಸೆಳೆಯುತ್ತಿದೆ. ಸರ್ಕಾರಿ ನಾಮಫಲಕದಲ್ಲಿ ಅಲೂರು ವೆಂಕಟರಾವ್ ರಸ್ತೆ ಎಂದಿದ್ದರೆ, ಹಲವು ಅಂಗಡಿ ಮತ್ತು ವಾಣಿಜ್ಯ ಸಂಸ್ಥೆಗಳ ವಿಳಾಸದಲ್ಲಿ ಇಂದಿಗೂ ಆಲ್ಬರ್ಟ್ ವಿಕ್ಟರ್ ರಸ್ತೆ ಅಥವಾ ಎ.ವಿ. ರಸ್ತೆ ಎಂದೇ ನಮೂದಿಸಲಾಗಿದೆ. ಅಷ್ಟಕ್ಕೂ ಒಂದೇ ರಸ್ತೆಗೆ ಎರಡು ಹೆಸರುಗಳು ಏಕೆ? ಇದರ ಹಿಂದೆ ಬೆಂಗಳೂರಿನ ಇತಿಹಾಸದ ಕುತೂಹಲಕಾರಿ ಕಥೆಯಿದೆ.

ಒಂದೇ ರಸ್ತೆಯಲ್ಲಿ ಎರಡು ನಾಮಫಲಕಗಳು

ಚಾಮರಾಜಪೇಟೆಯ ಈ ರಸ್ತೆಯಲ್ಲಿ ಬಿಬಿಎಂಪಿ (ಈಗಿನ ಜಿಬಿಎ) ಅಳವಡಿಸಿರುವ ಸ್ಟೀಲ್ ಫಲಕದ ಜೊತೆಗೆ ಕನ್ನಡ ಪರ ಸಂಘಟನೆಯೊಂದು ಸ್ಥಾಪಿಸಿರುವ ಹಳದಿ ಬಣ್ಣದ ಕಾಂಕ್ರೀಟ್ ಫಲಕವೂ ಕಾಣಿಸುತ್ತದೆ. ಎರಡರಲ್ಲೂ ಅಲೂರು ವೆಂಕಟರಾವ್ ರಸ್ತೆ ಎಂದೇ ಬರೆಯಲಾಗಿದೆ. ಆದರೆ ಹಲವು ಅಂಗಡಿಗಳು, ಆಸ್ಪತ್ರೆಗಳು ಮತ್ತು ವಾಣಿಜ್ಯ ಸಂಸ್ಥೆಗಳು ತಮ್ಮ ವಿಳಾಸದಲ್ಲಿ ಎ.ವಿ. ರಸ್ತೆ ಎಂದೇ ಬಳಸುತ್ತಿವೆ.

ಆಲ್ಬರ್ಟ್ ವಿಕ್ಟರ್ ಹೆಸರಿನಿಂದ ಆರಂಭವಾದ ರಸ್ತೆ

ಈ ರಸ್ತೆಯ ಇತಿಹಾಸ 1889ಕ್ಕೆ ಹೋಗುತ್ತದೆ. ಬ್ರಿಟನ್‌ನ ರಾಣಿ ವಿಕ್ಟೋರಿಯಾ ಅವರ ಮೊಮ್ಮಗ ಪ್ರಿನ್ಸ್ ಆಲ್ಬರ್ಟ್ ವಿಕ್ಟರ್ ಏಳು ತಿಂಗಳ ಭಾರತ ಪ್ರವಾಸದ ಸಂದರ್ಭದಲ್ಲಿ ಬೆಂಗಳೂರಿಗೆ ಭೇಟಿ ನೀಡಿದ್ದರು. ನವೆಂಬರ್ 30ರಂದು ಲಾಲ್‌ಬಾಗ್‌ನ ಗಾಜಿನ ಮನೆಯ ಶಂಕುಸ್ಥಾಪನೆ ನೆರವೇರಿಸಿದ್ದರು. ರಾಜಮನೆತನದವರ ಭೇಟಿಯ ನೆನಪಿಗಾಗಿ ರಸ್ತೆಗೆ ಆಲ್ಬರ್ಟ್ ವಿಕ್ಟರ್ ರಸ್ತೆ ಎಂದು ಹೆಸರಿಡಲಾಯಿತು.

1892ರಲ್ಲಿ ಬೆಂಗಳೂರಿನ ಮೊದಲ ವಿಸ್ತರಣೆಯಾಗಿ ಚಾಮರಾಜಪೇಟೆ ಸ್ಥಾಪನೆಯಾಗಿತ್ತು. ಈ ರಸ್ತೆ ಕಾಳಾಸಿಪಾಳ್ಯದಿಂದ ಮೈಸೂರು ರಸ್ತೆಯನ್ನು ಸಂಪರ್ಕಿಸುವ ಪ್ರಮುಖ ರಸ್ತೆಯಾಗಿದೆ.

ಅಲೂರು ವೆಂಕಟರಾವ್ ಹೆಸರು ಬಂದಿದ್ದು ಹೇಗೆ?

ಸ್ವಾತಂತ್ರ್ಯಾನಂತರ ವಸಾಹತುಶಾಹಿ ಕಾಲದ ಹಲವು ರಸ್ತೆ ಹೆಸರುಗಳನ್ನು ಬದಲಿಸಿ ಸ್ಥಳೀಯ ನಾಯಕರ ಹೆಸರುಗಳನ್ನು ಇಡಲಾಯಿತು. ಅದರಂತೆ ಆಲ್ಬರ್ಟ್ ವಿಕ್ಟರ್ ರಸ್ತೆಗೆ ಅಲೂರು ವೆಂಕಟರಾವ್ ರಸ್ತೆ ಎಂದು ಮರುನಾಮಕರಣ ಮಾಡಲಾಯಿತು. 1978ರಲ್ಲಿ ಈ ಹೆಸರು ಗೆಜೆಟ್‌ನಲ್ಲಿ ಪ್ರಕಟವಾಗಿತ್ತು ಎನ್ನಲಾಗಿದೆ.

ಕರ್ನಾಟಕ ಏಕೀಕರಣ ಚಳವಳಿಯ ಪ್ರಮುಖ ನಾಯಕರಾಗಿದ್ದ ಅಲೂರು ವೆಂಕಟರಾವ್ ಅವರನ್ನು ಕರ್ನಾಟಕ ಏಕೀಕರಣದ ಪಿತಾಮಹ ಎಂದು ಗೌರವಿಸಲಾಗುತ್ತದೆ. ಅವರು 'ಕರ್ನಾಟಕ ಗತವೈಭವ', 'ಕರ್ನಾಟಕತ್ವದ ಸೂತ್ರಗಳು' ಕೃತಿಗಳನ್ನು ಬರೆದಿದ್ದು, 'ಜಯ ಕರ್ನಾಟಕ' ಪತ್ರಿಕೆಯನ್ನೂ ಸ್ಥಾಪಿಸಿದ್ದರು.

ಎ.ವಿ. ರಸ್ತೆ ಹೆಸರು ಮಾತ್ರ ಬದಲಾಗಲಿಲ್ಲ

ಹೆಸರು ಬದಲಾದರೂ ವ್ಯಾಪಾರಿಗಳು ತಮ್ಮ ಅಂಗಡಿಗಳ ನಾಮಫಲಕಗಳನ್ನು ಬದಲಿಸಲಿಲ್ಲ. ಇದಕ್ಕೆ ಕಾರಣವೂ ಆಸಕ್ತಿದಾಯಕವಾಗಿದೆ. ಆಲ್ಬರ್ಟ್ ವಿಕ್ಟರ್ ರಸ್ತೆಯ ಸಂಕ್ಷಿಪ್ತ ರೂಪ ಎ.ವಿ. ರಸ್ತೆ ಆಗಿತ್ತು. ಅಲೂರು ವೆಂಕಟರಾವ್ ಹೆಸರಿಗೂ ಇದೇ ಸಂಕ್ಷಿಪ್ತ ರೂಪ ಹೊಂದಿಕೆಯಾಗುತ್ತಿದ್ದರಿಂದ ಹೊಸ ಫಲಕಗಳನ್ನು ಮಾಡಿಸುವ ಖರ್ಚು ಉಳಿಸಲು ವ್ಯಾಪಾರಿಗಳು ಅದನ್ನೇ ಮುಂದುವರಿಸಿದರು.

ಟಿಪ್ಪು ಸುಲ್ತಾನ್ ಹೆಸರಿಡುವ ಪ್ರಯತ್ನವೂ ನಡೆದಿತ್ತು

2015-17ರ ಅವಧಿಯಲ್ಲಿ ಬಿಜೆಪಿ ನೇತೃತ್ವದ ಬಿಬಿಎಂಪಿ ಕೌನ್ಸಿಲ್ ಈ ರಸ್ತೆಗೆ ಟಿಪ್ಪು ಸುಲ್ತಾನ್ ಹೆಸರಿಡುವ ನಿರ್ಣಯ ಕೈಗೊಂಡಿತ್ತು. ಆದರೆ ವಿರೋಧ ವ್ಯಕ್ತವಾದ ಹಿನ್ನೆಲೆಯಲ್ಲಿ ಪ್ರಸ್ತಾವನೆಯಿಂದ ಹಿಂದೆ ಸರಿಯಲಾಯಿತು. ಈ ಸಂದರ್ಭದಲ್ಲಿ ರಸ್ತೆಗೆ ಅಲೂರು ವೆಂಕಟರಾವ್ ಹೆಸರು ಯಾವಾಗ ಇಡಲಾಯಿತು ಎಂಬುದಕ್ಕೆ ಬಿಬಿಎಂಪಿ ಮತ್ತು ಅಂಚೆ ಇಲಾಖೆಯಲ್ಲೂ ಸ್ಪಷ್ಟ ದಾಖಲೆಗಳಿಲ್ಲದಿರುವುದು ಬೆಳಕಿಗೆ ಬಂದಿತ್ತು.

ಹೀಗೆ ಆಲ್ಬರ್ಟ್ ವಿಕ್ಟರ್ ರಸ್ತೆಯಾಗಿ ಆರಂಭವಾಗಿ ಅಲೂರು ವೆಂಕಟರಾವ್ ರಸ್ತೆಯಾದ ಈ ಮಾರ್ಗ ಇಂದಿಗೂ ತನ್ನ ಎರಡು ಹೆಸರುಗಳ ಮೂಲಕ ಬೆಂಗಳೂರಿನ ಇತಿಹಾಸವನ್ನು ನೆನಪಿಸುತ್ತಿದೆ.

1700 ಕೋಟಿಗೆ ಮಾರಾಟವಾಯ್ತು A2B ರೆಸ್ಟೋರೆಂಟ್‌, ಬೆಂಗಳೂರಿನಲ್ಲೂ ಫೇಮಸ್‌ ಆಗಿರುವ Adyar Ananda Bhavan ಈಗ ಬೋಧಿ ಟ್ರೀ ಪಾಲು

Santosh Naik — Fri, 13 Nov 2026 16:05:13 +0530

ಬೆಂಗಳೂರು (ನ.13): ದಕ್ಷಿಣ ಭಾರತದ ಅತ್ಯಂತ ಜನಪ್ರಿಯ ಸಿಹಿತಿಂಡಿ ಹಾಗೂ ಸಸ್ಯಾಹಾರಿ ರೆಸ್ಟೋರೆಂಟ್ ಸಮೂಹವಾದ ಚೆನ್ನೈ ಮೂಲದ 'ಅಡ್ಯಾರ್ ಆನಂದ ಭವನ' (Adyar Ananda Bhavan - A2B), ತನ್ನ ಬಹುಪಾಲು ಷೇರುಗಳನ್ನು (Majority Stake) 'ಬೋಧಿ ಟ್ರೀ ಸಿಸ್ಟಮ್ಸ್' (Bodhi Tree Systems) ಸಂಸ್ಥೆಗೆ 180 ಮಿಲಿಯನ್ ಡಾಲರ್‌ಗಳಿಗೆ (ಸುಮಾರು ₹1,700 ಕೋಟಿಗೂ ಅಧಿಕ) ಮಾರಾಟ ಮಾಡಿದೆ. 50 ವರ್ಷಗಳ ಇತಿಹಾಸವಿರುವ ಈ ಆಹಾರ ಸಂಸ್ಥೆಯು ಭಾರತ ಮತ್ತು ವಿದೇಶಗಳಲ್ಲಿ ತನ್ನ ವಹಿವಾಟನ್ನು ಬೃಹತ್ ಮಟ್ಟದಲ್ಲಿ ವಿಸ್ತರಿಸಲು ಹಾಗೂ ಮುಂದಿನ ದಿನಗಳಲ್ಲಿ ಷೇರು ಮಾರುಕಟ್ಟೆ (IPO) ಪ್ರವೇಶಿಸಲು ಈ ಮಹತ್ವದ ನಿರ್ಧಾರ ಕೈಗೊಂಡಿದೆ.

ಬೋಧಿ ಟ್ರೀ ಸಿಸ್ಟಮ್ಸ್ ಸಂಸ್ಥೆಯು ಜೇಮ್ಸ್ ಮುರ್ಡೋಕ್ ಅವರ 'ಲುಪಾ ಸಿಸ್ಟಮ್ಸ್' (Lupa Systems) ಬೆಂಬಲವನ್ನು ಹೊಂದಿದ್ದು, ಜೇಮ್ಸ್ ಮುರ್ಡೋಕ್ ಮತ್ತು ಖ್ಯಾತ ಮಾಧ್ಯಮ ಕಾರ್ಯನಿರ್ವಾಹಕ ಉದಯ್ ಶಂಕರ್ (Uday Shankar) ಇದರ ಸಹ-ಸಂಸ್ಥಾಪಕರಾಗಿದ್ದಾರೆ. ಈ ಒಪ್ಪಂದದ ಅನ್ವಯ, ಉದಯ್ ಶಂಕರ್ ಅವರು A2B ಆಡಳಿತ ಮಂಡಳಿಯ ನೂತನ ಅಧ್ಯಕ್ಷರಾಗಿ (Chairman) ಅಧಿಕಾರ ವಹಿಸಿಕೊಳ್ಳಲಿದ್ದಾರೆ. ಇದು ಇಷ್ಟು ದಿನ ಕೌಟುಂಬಿಕವಾಗಿ ನಡೆಯುತ್ತಿದ್ದ ಉದ್ಯಮವನ್ನು ಸಂಪೂರ್ಣ ವೃತ್ತಿಪರ ಆಡಳಿತ ವ್ಯವಸ್ಥೆಯತ್ತ (Professionally managed structure) ಕೊಂಡೊಯ್ಯುವ ಮಹತ್ವದ ಬದಲಾವಣೆಗೆ ನಾಂದಿ ಹಾಡಿದೆ.

₹1,700 ಕೋಟಿಗೂ ಅಧಿಕ ಹೂಡಿಕೆ - ಸಂಸ್ಥೆಯ ಒಟ್ಟು ಮೌಲ್ಯ ಎಷ್ಟು?

ಉದ್ಯಮದ ಮೂಲಗಳನ್ನು ಉಲ್ಲೇಖಿಸಿ 'ದಿ ಹಿಂದೂ' (The Hindu) ವರದಿ ಮಾಡಿರುವ ಪ್ರಕಾರ, ಈ ಒಪ್ಪಂದದಲ್ಲಿ A2B ಸಂಸ್ಥೆಯ ಒಟ್ಟು ಮೌಲ್ಯವನ್ನು ಸುಮಾರು 350 ಮಿಲಿಯನ್ ಡಾಲರ್ ಎಂದು ಅಂದಾಜಿಸಲಾಗಿದೆ. ಇದರಲ್ಲಿ ಬೋಧಿ ಟ್ರೀ ಮಾಡುತ್ತಿರುವ ಹೂಡಿಕೆಯ ಮೊತ್ತ ₹1,700 ಕೋಟಿಗೂ ಹೆಚ್ಚಾಗಿದೆ. ಈ ಬೃಹತ್ ವ್ಯವಹಾರಕ್ಕೆ 'ವೇದಾಕಾರ್ಪ್' (VedaCorp ಅಥವಾ Veda Corporate Advisers) ಸಲಹೆಗಾರ ಸಂಸ್ಥೆಯಾಗಿ ಕಾರ್ಯನಿರ್ವಹಿಸಿದೆ.

ಕಂಪನಿಯ ವಿಸ್ತರಣೆ ಮತ್ತು ಬೆಂಗಳೂರು-ಚೆನ್ನೈ ಫ್ಯಾಕ್ಟರಿ ಆಧುನೀಕರಣ

ಈ ಕುರಿತು ಪ್ರತಿಕ್ರಿಯಿಸಿರುವ A2B ಸಹ-ಸಂಸ್ಥಾಪಕ ಕೆ.ಟಿ. ಶ್ರೀನಿವಾಸ ರಾಜಾ, 50 ವರ್ಷಗಳ ಹಿಂದೆ ನಾನು ಮತ್ತು ನನ್ನ ಸಹೋದರ ಸೇರಿ ಆರಂಭಿಸಿದ ಒಂದು ಸಣ್ಣ ಸಿಹಿತಿಂಡಿ ಅಂಗಡಿಯು ಇಂದು ಲಕ್ಷಾಂತರ ಕುಟುಂಬಗಳಿಗೆ ಸೇವೆ ಸಲ್ಲಿಸುವ ಬೃಹತ್ ಬ್ರ್ಯಾಂಡ್ ಆಗಿ ಬೆಳೆದಿದೆ. ಬೋಧಿ ಟ್ರೀ ಜೊತೆಗಿನ ಈ ಪಾಲುದಾರಿಕೆಯು ಕಂಪನಿಯನ್ನು ಸಾರ್ವಜನಿಕ ಷೇರು ಮಾರುಕಟ್ಟೆಗೆ (Public Markets) ಸಜ್ಜುಗೊಳಿಸಲು ನೆರವಾಗಲಿದ್ದು, ಗ್ರಾಹಕರು, ಉದ್ಯೋಗಿಗಳು ಮತ್ತು ಹೂಡಿಕೆದಾರರು ನಮ್ಮ ಭವಿಷ್ಯದ ಬೆಳವಣಿಗೆಯಲ್ಲಿ ಪಾಲುದಾರರಾಗಲು ಅವಕಾಶ ನೀಡುತ್ತದೆ" ಎಂದಿದ್ದಾರೆ.

ಹೊಸದಾಗಿ ಹರಿದುಬರುತ್ತಿರುವ ಈ ಬಂಡವಾಳವನ್ನು ಭಾರತ ಹಾಗೂ ವಿದೇಶಗಳ ಹೊಸ ಮಾರುಕಟ್ಟೆಗಳನ್ನು ಪ್ರವೇಶಿಸಲು ಬಳಸಿಕೊಳ್ಳಲಾಗುವುದು. ಮುಖ್ಯವಾಗಿ ಪಶ್ಚಿಮ ಭಾರತ ಮತ್ತು ಯುರೋಪ್ ಮಾರುಕಟ್ಟೆಗಳ ಮೇಲೆ ಕಂಪನಿ ಕಣ್ಣಿಟ್ಟಿದ್ದು, ತನ್ನ ರಿಟೇಲ್ ಉದ್ಯಮವನ್ನು ವಿಸ್ತರಿಸಲು ಯೋಜಿಸಿದೆ. ಪ್ರಮೋಟರ್‌ ಕುಟುಂಬದ ವಿಷ್ಣು ಶಂಕರ್ ಅವರು ಮಾಹಿತಿ ನೀಡಿ, ಕಂಪನಿಯು ಬೆಂಗಳೂರು ಮತ್ತು ಚೆನ್ನೈನಲ್ಲಿರುವ ತನ್ನ ಕಾರ್ಖಾನೆಗಳನ್ನು ಆಧುನೀಕರಣಗೊಳಿಸಲಿದೆ ಹಾಗೂ ರಿಟೇಲ್ ಮತ್ತು ರಫ್ತು ಮಾರುಕಟ್ಟೆಗಳ ಬೇಡಿಕೆ ಪೂರೈಸಲು ಮತ್ತೊಂದು ನೂತನ ಉತ್ಪಾದನಾ ಘಟಕವನ್ನು ಸ್ಥಾಪಿಸುವ ಬಗ್ಗೆ ಚಿಂತನೆ ನಡೆಸುತ್ತಿದೆ ಎಂದು ತಿಳಿಸಿದ್ದಾರೆ.

ವಾಷರ್‌ಮನ್‌ಪೇಟೆಯಿಂದ ಜಾಗತಿಕ ಮಟ್ಟದವರೆಗಿನ 50 ವರ್ಷಗಳ ಪಯಣ

1970ರ ದಶಕದ ಅಂತ್ಯದಲ್ಲಿ ಚೆನ್ನೈನ ವಾಷರ್‌ಮನ್‌ಪೇಟೆಯಲ್ಲಿ (Washermanpet) ಒಂದೇ ಒಂದು ಸಣ್ಣ ಅಂಗಡಿಯೊಂದಿಗೆ A2B ಆರಂಭವಾಗಿತ್ತು. ನಂತರ ಅಡ್ಯಾರ್‌ನಲ್ಲಿ (Adyar) ತೆರೆಯಲಾದ ಎರಡನೇ ಶಾಖೆಯು ಈ ಬ್ರ್ಯಾಂಡ್‌ಗೆ ದೊಡ್ಡ ಗುರುತನ್ನು ತಂದುಕೊಟ್ಟಿತು. ತದನಂತರ ತಮಿಳುನಾಡು ಮತ್ತು ಕರ್ನಾಟಕದಾದ್ಯಂತ—ವಿಶೇಷವಾಗಿ ರಾಷ್ಟ್ರೀಯ ಹೆದ್ದಾರಿಗಳಲ್ಲಿ ಪ್ರಯಾಣಿಕರ ನೆಚ್ಚಿನ ತಾಣವಾಗಿ—A2B ವೇಗವಾಗಿ ವಿಸ್ತರಿಸಿತು. ಇಂದು A2B ಭಾರತದಲ್ಲಿ ಸುಮಾರು 160 ಔಟ್‌ಲೆಟ್‌ಗಳನ್ನು ಮತ್ತು ವಿದೇಶಗಳಲ್ಲಿ 30ಕ್ಕೂ ಹೆಚ್ಚು ಶಾಖೆಗಳನ್ನು ಹೊಂದಿದ್ದು, 15,000ಕ್ಕೂ ಅಧಿಕ ಉದ್ಯೋಗಿಗಳಿಗೆ ಆಶ್ರಯ ನೀಡಿದೆ. ಸಿಂಗಾಪುರ, ಅಮೆರಿಕ (US), ಆಸ್ಟ್ರೇಲಿಯಾ, ಮಲೇಷ್ಯಾ ಮತ್ತು ಯುನೈಟೆಡ್ ಕಿಂಗ್‌ಡಮ್ (UK) ದೇಶಗಳಲ್ಲಿ A2B ಯಶಸ್ವಿಯಾಗಿ ಕಾರ್ಯನಿರ್ವಹಿಸುತ್ತಿದೆ. ದಕ್ಷಿಣ ಭಾರತದ ಸಾಂಪ್ರದಾಯಿಕ ಸಸ್ಯಾಹಾರಿ ಭೋಜನದ ಜೊತೆಗೆ ರಿಟೇಲ್ ಮಳಿಗೆಗಳು ಮತ್ತು ಆನ್‌ಲೈನ್ ಮೂಲಕ ಸಿಹಿತಿಂಡಿ ಹಾಗೂ ಖಾರದ ತಿನಿಸುಗಳನ್ನು ಮಾರಾಟ ಮಾಡುತ್ತಿದೆ.

ಬೋಧಿ ಟ್ರೀ ಸಿಸ್ಟಮ್ಸ್‌ನ 3ನೇ ಬೃಹತ್ ಹೂಡಿಕೆ

ಈ ಒಪ್ಪಂದದ ಕುರಿತು ಜೇಮ್ಸ್ ಮುರ್ಡೋಕ್ ಮತ್ತು ಉದಯ್ ಶಂಕರ್ ಮಾತನಾಡಿ, A2B ಗ್ರಾಹಕರಲ್ಲಿ ಬಲವಾದ ನಂಬಿಕೆಯನ್ನು ಬೆಳೆಸಿಕೊಂಡಿದೆ. ಇದರ ವಿದೇಶಿ ಕಾರ್ಯಾಚರಣೆಗಳು ಬ್ರ್ಯಾಂಡ್ ಅನ್ನು ಮತ್ತಷ್ಟು ವಿಶಾಲ ಜಾಗತಿಕ ಪ್ರೇಕ್ಷಕರ ಬಳಿಗೆ ಕೊಂಡೊಯ್ಯಲು ಉತ್ತಮ ಅವಕಾಶ ನೀಡಿವೆ. ವೃತ್ತಿಪರವಾಗಿ ನಿರ್ವಹಿಸಲ್ಪಡುವ ಆಹಾರ ಉದ್ಯಮವನ್ನು ಕಟ್ಟಲು ನಮ್ಮೊಂದಿಗೆ ಕೈಜೋಡಿಸಿದ ಸಹ-ಸಂಸ್ಥಾಪಕರಾದ ಕೆ.ಟಿ. ಶ್ರೀನಿವಾಸ ರಾಜಾ ಮತ್ತು ಕೆ.ಟಿ. ವೆಂಕಟೇಶನ್ ಅವರಿಗೆ ಧನ್ಯವಾದಗಳು ಎಂದಿದ್ದಾರೆ. ಅಂದಹಾಗೆ, ಪ್ರತಿಷ್ಠಿತ ಅಲೆನ್ ಕೆರಿಯರ್ ಇನ್‌ಸ್ಟಿಟ್ಯೂಟ್ (ALLEN Career Institute) ಮತ್ತು ಜಿಯೋಸ್ಟಾರ್ (JioStar) ನಂತರ ಬೋಧಿ ಟ್ರೀ ಸಿಸ್ಟಮ್ಸ್ ಮಾಡುತ್ತಿರುವ ಮೂರನೇ ಪ್ರಮುಖ ಹೂಡಿಕೆ ಇದಾಗಿದೆ.

ಪ್ರಾದೇಶಿಕ ಆಹಾರ ಬ್ರ್ಯಾಂಡ್‌ಗಳಿಗೆ ಚಿನ್ನದ ಕಾಲ

ಈ ವಹಿವಾಟು ಪ್ರಾದೇಶಿಕ ಆಹಾರ ಬ್ರ್ಯಾಂಡ್‌ಗಳು ಖಾಸಗಿ ಈಕ್ವಿಟಿ (Private Equity) ಹೂಡಿಕೆ ಆಕರ್ಷಿಸುವ ಹಾಗೂ ಷೇರು ಮಾರುಕಟ್ಟೆ ಪ್ರವೇಶಿಸುವ ಸಾಮರ್ಥ್ಯದತ್ತ ಎಲ್ಲರ ಗಮನ ಸೆಳೆದಿದೆ. ಈ ಕುರಿತು ಪ್ರತಿಕ್ರಿಯಿಸಿರುವ 'ಜೂನಿಯರ್ ಕುಪ್ಪಣ್ಣ' (Junior Kuppanna) ನಿರ್ದೇಶಕ ಬಾಲಚಂದರ್ ಆರ್., A2B ಮತ್ತು ಹಲ್ದಿರಾಮ್ಸ್‌ನಂತಹ (Haldiram's) ಬ್ರ್ಯಾಂಡ್‌ಗಳು ಈ ಸಾಮರ್ಥ್ಯವನ್ನು ಬಳಸಿಕೊಳ್ಳಲು ಈಗಷ್ಟೇ ಆರಂಭಿಸಿವೆ. ಮುಂದಿನ ಒಂದು ದಶಕದಲ್ಲಿ ದೇಶದ ಕನಿಷ್ಠ 100 ಆಹಾರ ಮತ್ತು ಪಾನೀಯ (F&B) ಬ್ರ್ಯಾಂಡ್‌ಗಳು ಷೇರು ಮಾರುಕಟ್ಟೆಯಲ್ಲಿ ಲಿಸ್ಟ್ ಆಗಲಿವೆ ಎಂದು ಭವಿಷ್ಯ ನುಡಿದಿದ್ದಾರೆ. 2019ರಲ್ಲಿ 'ದಿಂಡಿಗಲ್ ತಲಪ್ಪಕಟ್ಟಿ' ಸಂಸ್ಥೆಯು CX ಪಾರ್ಟ್‌ನರ್ಸ್‌ನಿಂದ ₹260 ಕೋಟಿ ಬಂಡವಾಳ ಸಂಗ್ರಹಿಸುವಾಗ ಬಾಲಚಂದರ್ ಸಲಹೆಗಾರರಾಗಿ ಕಾರ್ಯನಿರ್ವಹಿಸಿದ್ದರು.

₹4,000 ಕೋಟಿ ಬಜೆಟ್, ₹1,033 ಕೋಟಿ ಕಲೆಕ್ಷನ್! ರಾಮಾಯಣ ಚಿತ್ರದ ಮುಂದಿರುವ ಅಸಲಿ ಸವಾಲೇನು?

Ganesh Mabla Gowda — Fri, 13 Nov 2026 16:04:03 +0530

ರಾಕಿಂಗ್ ಸ್ಟಾರ್ ಯಶ್, ಬಾಲಿವುಡ್‌ ಸ್ಟಾರ್ ರಣಬೀರ್ ಕಪೂರ್ ಹಾಗೂ ಸಾಯಿ ಪಲ್ಲವಿ ನಟನೆಯ 'ರಾಮಾಯಣ' ಸಿನಿಮಾದ ಮೊದಲ ಭಾಗವು ಭರ್ಜರಿಯಾಗಿ ಓಡ್ತಿದೆ. ನವೆಂಬರ್ 5 ರಂದು ವಿಶ್ವದಾದ್ಯಂತ ರಿಲೀಸ್ ಕಂಡ ಸಿನಿಮಾವು, ಬಾಕ್ಸ್ ಆಫೀಸ್ ಕಲೆಕ್ಷನ್‌ನಲ್ಲೂ ದಾಪುಗಾಲು ಇಟ್ಟಿದೆ.

ರಿಲೀಸ್ ಆದ ದಿನದಿಂದ ಇಲ್ಲಿಯವರೆಗೆ ದೇಶ ಹಾಗೂ ವಿದೇಶ ಸೇರಿ ಒಟ್ಟು 1,033.55 ಕೋಟಿ ಹಣ ಗಳಿಕೆ ಮಾಡಿದೆ. ಭಾರತೀಯ ಸಿನಿಮಾ ರಂಗಕ್ಕೆ ರಾಮಾಯಣ ಸಿನಿಮಾ ದೊಡ್ಡ ಮೈಲಿಗಲ್ಲಾಗಿ ನೆಲೆ ನಿಂತಿದೆ. ಜೊತೆಗೆ ಜಾಗತಿಕ ಮಟ್ಟದಲ್ಲೂ ದೊಡ್ಡ ಮೊಟ್ಟದಲ್ಲೇ ಸುದ್ದಿಯಾಗುತ್ತಿದ್ದು, ಆಸ್ಕರ್‍‌ ಎಂಟ್ರಿ ಬೆನ್ನಲ್ಲೇ ಈ ಸಿನಿಮಾಗೆ ವಿಶ್ವದಾದ್ಯಂತ ಬೇರೆ ಆಯಾಮವೇ ಸಿಕ್ಕಿದೆ. ಹೀಗಿರುವಾಗಲೂ ಸಿನಿಮಾ ತಂಡದ ಮುಂದೆ ಬೆಟ್ಟದಂತಹ ಸವಾಲುಗಳೇ ಇವೆ.

₹1,033 ಕೋಟಿ ಕಲೆಕ್ಷನ್, ಸಾಕಾ?

ರಾಮಾಯಣದ ಸಿನಿಮಾದ ಮೊದಲ ಭಾಗವು ಇಲ್ಲಿಯವರೆಗೆ 1,033.55 ಕೋಟಿ ರೂಪಾಯಿ ಗಳಿಸಿದೆ. ಇಷ್ಟು ರೂಪಾಯಿ ಗಳಿಸಿದ ಮೇಲೆ, ಈಗ ಆಗಿರುವ ಚಿತ್ರದ ಕಲೆಕ್ಷನ್ ಸಾಕಾ ಅನ್ನೋದು. ಯಾಕೆಂದರೆ ಸಿನಿಮಾ ನಿರ್ಮಾಣ ಆಗಿರೋದು ಬರೋಬ್ಬರಿ 4 ಸಾವಿರ ಕೋಟಿ ಬಜೆಟ್‌ನಲ್ಲಿ. ಹೀಗಾಗಿ ತಾವು ಹೂಡಿರುವ ಬಂಡವಾಳದ ಜೊತೆಗೆ ಬಡ್ಡಿ ಸಮೇತ ವಸೂಲಿ ಮಾಡಬೇಕು ಅಂದರೆ.. ಸಿನಿಮಾ ಯಶಸ್ವಿ ಪ್ರದರ್ಶನ ಇನ್ನೂ ಮುಂದುವರಿಯಬೇಕಾಗುತ್ತದೆ.

'ರಾಮಾಯಣ' ಸಿನಿಮಾಗೆ ಇರುವ ಚಾಲೆಂಜಸ್ ಏನು?

ಅಸಲು ವಾಪಸ್ ಪಡೆಯುವ ಸವಾಲು: ರಾಮಾಯಣ ಸಿನಿಮಾದ ಎರಡು ಭಾಗಗಳು 500 ಮಿಲಿಯನ್ ಡಾಲರ್ ವೆಚ್ಚದಲ್ಲಿ ನಿರ್ಮಾಣ ಮಾಡಲಾಗಿದೆ. ಅಂದರೆ 4000 (ಇವತ್ತಿನ ಮೌಲ್ಯಕ್ಕೆ 4700 ಕೋಟಿ) ಕೋಟಿ ರೂಪಾಯಿ ವೆಚ್ಚದಲ್ಲಿ! ಎರಡು ಭಾಗ ಆಗಿರೋದ್ರಿಂದ ಮೊದಲ ಭಾಗದ ಅಸಲಿ ಬಂಡವಾಳ ವಾಪಸ್ ಬರಬೇಕು ಅಂದರೆ ಬಾಕ್ಸ್ ಆಫೀಸ್‌ನಲ್ಲಿ ಸಿನಿಮಾವು 2,350 ಕೋಟಿ ರೂಪಾಯಿ ಗಳಿಸಬೇಕಾಗುತ್ತದೆ. ಆದರೆ ಮೊದಲ ಭಾಗದ ಗಳಿಕೆ ಇಲ್ಲಿಯವರೆಗೆ 1,033 ಕೋಟಿ ರೂಪಾಯಿ ಆಗಿದೆ. ಅಂದರೆ ಇನ್ನೂ 1,317 ಕೋಟಿ ಹಣವನ್ನು ಸಿನಿಮಾ ತಂಡ ಬಾಕ್ಸ್‌ ಆಫೀಸ್‌ನಲ್ಲೇ ಗಳಿಸಬೇಕಾಗುತ್ತದೆ. ನಂತರ ಲಾಭದ ಬಗ್ಗೆ ಸಿನಿಮಾ ತಂಡ ಯೋಚನೆ ಮಾಡಬೇಕಾಗುತ್ತದೆ.

ಸವಾಲು ಎರಡು: ಇನ್ನು ಸಿನಿಮಾ ತಂಡಕ್ಕೆ ಇರುವ ಎರಡನೇ ಸವಾಲು ಏನೆಂದರೆ.. ಕೆಲವು ವರದಿಗಳ ಪ್ರಕಾರ, ಸಿತ್ರದ ಸ್ಯಾಟಲೈಟ್ ಮತ್ತು OTT ಹಕ್ಕುಗಳನ್ನ ಚಿತ್ರತಂಡವು ಸ್ಟಾರ್‍‌ ನೆಟ್‌ವರ್ಕ್‌ಗೆ ನೀಡಿದೆ. 450-550 ಕೋಟಿ ರೂಪಾಯಿಗೆ ಮಾರಾಟವಾಗಿದೆ ಎಂಬ ವರದಿ ಇದೆ. ಇನ್ನು ಚಿತ್ರತಂಡವು ಆಡಿಯೋ ಹಕ್ಕನ್ನು ಟಿ-ಸಿರೀಸ್‌ ಸಂಸ್ಥೆಗೆ ನೀಡಿದೆ. ಅದು 75-100 ಕೋಟಿಗೆ ಮಾರಾಟವಾಗಿದೆ ಎಂದು ಹೇಳಲಾಗಿದೆ. ಈ ಎಲ್ಲಾ ಮತ್ತೊವನ್ನೂ ಸೇರಿಸಿದರೂ ಸಿನಿಮಾ ತಂಡದ ಮೊದಲ ಭಾಗದ ಬಜೆಟ್‌ಗೆ ಸರಿದೂಗಿಸಲಿ ಇನ್ನೂ 600-7000 ಕೋಟಿ ರೂಪಾಯಿ ಕೊರತೆ ಇದೆ.

ಸವಾಲು ಮೂರು: ರಾಮಾಯಣ ಸಿನಿಮಾ ಗಳಿಕೆಗೆ ಇರುವ ಅವಕಾಶ ಇದೊಂದೇ ತಿಂಗಳು ಮಾತ್ರ. ನವೆಂಬರ್ 27 ವರೆಗೆ ಯಾವುದೇ ಬಿಗ್ ಬಜೆಟ್ ಸಿನಿಮಾಗಳು ತೆರೆಗೆ ಬರುತ್ತಿಲ್ಲ. ಹೀಗಾಗಿ ಕಲೆಕ್ಷನ್ ಮಾಡಲು ರಾಮಾಯಣಕ್ಕೆ ಮುಕ್ತ ಅವಕಾಶ ಸಿಕ್ಕಿದೆ. ಆದರೆ ನವೆಂಬರ್ 27 ರಂದು ಇಮ್ರಾನ್ ಹಶ್ಮಿಯ 'ಗನ್ ಮಾಸ್ಟರ್ ಜಿ9' ಸಿನಿಮಾ ತೆರೆಗೆ ಬರುತ್ತಿದೆ. ಅದರ ಜೊತೆಗೆ ಆಯುಷ್ಮಾನ್ ಖುರಾನಾರ 'ಯೇ ಪ್ರೇಮ್ ಮೋಲ್ ಲಿಯಾ' ಸಿನಿಮಾ ಬಿಡುಗಡೆ ಆಗಲಿದೆ. ನಂತರ ಈ ಎರಡು ಚಿತ್ರಗಳ ಜೊತೆ ರಾಮಾಯಣ ಸಿನಿಮಾ ಸ್ಪರ್ಧೆ ಮಾಡಬೇಕಾಗುತ್ತದೆ.

ಸವಾಲು ನಾಲ್ಕು: ಮೊದಲ ಭಾಗದ ಕಲೆಕ್ಷನ್ ನಿರೀಕ್ಷೆಯ ಮೊಟ್ಟದಲ್ಲಿ ದಾಟದಿದ್ದರೆ.. ಅದು ಎರಡನೇ ಭಾಗದ ಕಲೆಕ್ಷನ್ ಮೇಲೆ ಹೊಡೆತ ಬೀಳುವ ಸಾಧ್ಯತೆ. ಸಿನಿಮಾ ತಂಡವು ಈಗಾಗಲೇ ಮೊದಲ ಭಾಗದ ರಿಲೀಸ್‌ಗೆ ಸಾಕಷ್ಟು ಶ್ರಮ ಪಡುತ್ತಿದೆ. ತಾವು ಹಾಕಿದ ಎಫರ್ಟ್‌ಗೆ ತಕ್ಕಂತ ಗಳಿಕೆ ಆಗಲಿಲ್ಲ ಅಂದರೆ ಸಹಜವಾಗಿಯೇ ಎರಡನೇ ಭಾಗದ ಕೆಲಸಗಳ ಮೇಲೆ ಆಸಕ್ತಿ ಕಡಿಮೆ ಆಗುತ್ತದೆ. ಹಾಗಾಗಿ ಸಿನಿಮಾ ತಂಡವು 2028ರಲ್ಲಿ ರಿಲೀಸ್ ಆಗುವ ಸಿನಿಮಾ ಮೇಲೆ ಹೇಗೆ ಕೆಲಸ ಮಾಡಲಿದೆ ಅನ್ನೋದು ಕೂಡ ಮುಖ್ಯವಾಗುತ್ತದೆ.

ಕುಗ್ಗಿಲ್ಲ ಆತ್ಮವಿಶ್ವಾಸ:

ಭಾರೀ ಹೆಸರು ಮಾಡಿರುವ ರಾಮಾಯಣ ಸಿನಿಮಾವು ಆರ್ಥಿಕ ಸವಾಲುಗಳನ್ನ ಎದುರಿಸುತ್ತಿರೋದಂತೂ ನಿಜ. ಆದರೆ ಅದರ ನಿರ್ಮಾಪಕರಿಗೆ ಆತ್ಮವಿಶ್ವಾಸ ಇನ್ನೂ ಇದೆ. ಸಿನಿಮಾಗೆ ಹಾಕಿರುವ 4700 ಕೋಟಿ ರೂಪಾಯಿ ಹಣ ಅಷ್ಟೂ ನಂದೆ. ಒಂದು ವೇಳೆ ನಷ್ಟವಾದರೆ.. 'ರಾಮಾಯಣ ಥೀಮ್ ಪಾರ್ಕ್', ಮರ್ಷಂಡೈಸ್ ಮಾರಾಟದ ಮೂಲಕ ಹಣವನ್ನು ವಾಪಸ್ ಪಡೆಯೋದಾಗಿ ತಿಳಿಸಿದ್ದಾರೆ. ಮೊದಲ ಭಾಗದ ಗಳಿಕೆ ನೋಡಿಕೊಂಡೇ ಮೂರನೇ ಭಾಗದ ಬಗ್ಗೆ ನಾವು ಯೋಚನೆ ಮಾಡುತ್ತೇವೆ ಎಂದಿದ್ದಾರೆ.

ಹೋಲಿಕೆ

ಆದಿತ್ಯ ಧರ್ ಆಕ್ಷನ್ ಕಟ್ ಹೇಳಿರುವ 'ದುರಂಧರ್' ಸಿನಿಮಾಗೆ ಹೋಲಿಸಿದರೆ ರಾಮಾಯಣ ಸಿನಿಮಾದ ಹಾದಿ ದುರ್ಗಮ ಆಗಿದೆ. ಕೇವಲ 225 ಕೋಟಿ ರೂಪಾಯಿ ಬಜೆಟ್‌ನ ಧುರಂಧರ್ ಸಿನಿಮಾ ಎರಡು ಭಾಗಗಳಲ್ಲಿ ಬಿಡುಗಡೆ ಆಗಿತ್ತು. ಅದು ವಿಶ್ವದಾದ್ಯಂತ ಬರೋಬ್ಬರಿ 3280 ಕೋಟಿ ಕಲೆಕ್ಷನ್ ಮಾಡಿದೆ. ಅಂದರೆ ಅದು ಬಜೆಟ್‌ಗಿಂತ 10 ಪಟ್ಟು ಹೆಚ್ಚು ಹಣ ಗಳಿಸಿದೆ.

ಕಲೆಕ್ಷನ್ ಹೇಗಿದೆ?

ಮೊದಲ ದಿನ ದೇಶೀಯ ಬಾಕ್ಸ್ ಆಫೀಸ್‌ನಲ್ಲಿ 64.85 ಕೋಟಿ ರೂ
ಎರಡು ದಿನಗಳಲ್ಲಿ 100 ಕೋಟಿ
ವಾರಾಂತ್ಯಕ್ಕೆ 200 ಕೋಟಿ
ರಿಲೀಸ್ ಆದ ಐದು ದಿನದಲ್ಲಿ ಒಟ್ಟು 300 ಕೋಟಿ ರೂ
ರಿಲೀಸ್ ಆದ 8 ದಿನಕ್ಕೆ 1,033.55 (ವಿಶ್ವದಾದ್ಯಂತ)
ಶೀಘ್ರದಲ್ಲೇ ಚೀನಾದಲ್ಲೂ ಸಿನಿಮಾ ಬಿಡುಗಡೆ ಆಗಲಿದ

'ನಾವು ದೇಶ ಕಾಯುವ ಸೈನಿಕರು, ನಮಗೇ ದಂಡನಾ?' ರೈಲಿನಲ್ಲಿ ಮಹಿಳಾ TTE ಜೊತೆ ಯೋಧರ ವರ್ತನೆಗೆ ನೆಟ್ಟಿಗರು ಗರಂ!

Chandrashekar GS — Fri, 13 Nov 2026 16:00:31 +0530

ಟಿಕೆಟ್ ಇಲ್ಲದೆ ರೈಲಿನಲ್ಲಿ ಪ್ರಯಾಣ, ದಂಡ ಕಟ್ಟಲು ನಕಾರ! ಮಹಿಳಾ TTE ಜೊತೆ ಸೇನಾ ಸಿಬ್ಬಂದಿ ವಾಗ್ವಾದ

ರೈಲಿನಲ್ಲಿ ಪ್ರಯಾಣಿಸುವಾಗ ಟಿಕೆಟ್ ಹೊಂದಿರುವುದು ಪ್ರತಿಯೊಬ್ಬ ಪ್ರಯಾಣಿಕನ ಜವಾಬ್ದಾರಿ. ಟಿಕೆಟ್ ಇಲ್ಲದೆ ಪ್ರಯಾಣಿಸಿದರೆ ರೈಲ್ವೆ ನಿಯಮಗಳ ಪ್ರಕಾರ ದಂಡ ಪಾವತಿಸಬೇಕಾಗುತ್ತದೆ. ಆದರೆ ಇದೀಗ ಇಬ್ಬರು ಸೇನಾ ಸಿಬ್ಬಂದಿ ಟಿಕೆಟ್ ಇಲ್ಲದೆ ರೈಲಿನಲ್ಲಿ ಪ್ರಯಾಣಿಸಿ, ದಂಡ ಕಟ್ಟಲು ನಿರಾಕರಿಸಿರುವ ಘಟನೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ಮಹಿಳಾ ಟಿಕೆಟ್ ಪರೀಕ್ಷಕಿ (TTE) ಜೊತೆ ಅವರು ವಾಗ್ವಾದ ನಡೆಸಿರುವ ವಿಡಿಯೋ ವೈರಲ್ ಆಗಿದೆ.

ಮಹಿಳಾ TTE ಟಿಕೆಟ್ ಕೇಳಿದ್ದಕ್ಕೆ ಶುರುವಾಯ್ತು ವಾಗ್ವಾದ!

ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವಿಡಿಯೋದಲ್ಲಿ ಇಬ್ಬರು ಸೇನಾ ಸಿಬ್ಬಂದಿ ರೈಲಿನಲ್ಲಿ ಪ್ರಯಾಣಿಸುತ್ತಿರುವುದನ್ನು ಕಾಣಬಹುದು. ಈ ಸಂದರ್ಭದಲ್ಲಿ ಕರ್ತವ್ಯದಲ್ಲಿದ್ದ ಮಹಿಳಾ TTE ಅವರ ಬಳಿ ಟಿಕೆಟ್ ತೋರಿಸುವಂತೆ ಕೇಳಿದ್ದಾರೆ. ಆದರೆ ಇಬ್ಬರ ಬಳಿ ಮಾನ್ಯ ರೈಲ್ವೆ ಟಿಕೆಟ್ ಇಲ್ಲದಿರುವುದು ಗೊತ್ತಾಗಿದೆ ಎಂದು ವರದಿಗಳು ತಿಳಿಸಿವೆ.

ಇದನ್ನು ಗಮನಿಸಿದ ಮಹಿಳಾ TTE, ಟಿಕೆಟ್ ಇಲ್ಲದೆ ಪ್ರಯಾಣಿಸುತ್ತಿರುವುದಕ್ಕೆ ನಿಯಮದ ಪ್ರಕಾರ ದಂಡ ಪಾವತಿಸುವಂತೆ ಸೂಚಿಸಿದ್ದಾರೆ. ಆದರೆ ಸೇನಾ ಸಿಬ್ಬಂದಿ ದಂಡ ಕಟ್ಟಲು ಒಪ್ಪಿಲ್ಲ. ನೀವು ಟಿಕೆಟ್ ನೀಡಿ, ಆದರೆ ನಾವು ದಂಡ ಪಾವತಿಸುವುದಿಲ್ಲ ಎಂಬ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ ಎನ್ನಲಾಗಿದೆ.

ಮೊಬೈಲ್‌ನಲ್ಲಿ ವಿಡಿಯೋ, ಫೋಟೋ ತೆಗೆದಿದ್ದಕ್ಕೆ ಮತ್ತಷ್ಟು ಗಲಾಟೆ!

ದಂಡ ಪಾವತಿಸುವ ವಿಚಾರವಾಗಿ ಇಬ್ಬರ ನಡುವೆ ಮಾತಿನ ಚಕಮಕಿ ಮುಂದುವರಿದಿದೆ. ಈ ವೇಳೆ ಮಹಿಳಾ TTE ತಮ್ಮ ಟ್ಯಾಬ್ ಮೂಲಕ ಸೇನಾ ಸಿಬ್ಬಂದಿಯ ಫೋಟೋ ತೆಗೆಯಲು ಪ್ರಯತ್ನಿಸಿದ್ದಾರೆ. ಇದರಿಂದ ಪರಿಸ್ಥಿತಿ ಮತ್ತಷ್ಟು ಬಿಗಡಾಯಿಸಿದೆ. ಸೇನಾ ಸಿಬ್ಬಂದಿಯೂ ಮಹಿಳಾ TTE ಅವರ ವಿಡಿಯೋ ಮಾಡಲು ಆರಂಭಿಸಿದ್ದಾರೆ.

ನಂತರ ಮತ್ತೊಬ್ಬ ಟಿಕೆಟ್ ಪರೀಕ್ಷಕರು ಸ್ಥಳಕ್ಕೆ ಬಂದು ಪರಿಸ್ಥಿತಿಯನ್ನು ತಿಳಿಗೊಳಿಸಲು ಪ್ರಯತ್ನಿಸಿದ್ದಾರೆ. ಆದರೂ ವಾಗ್ವಾದ ಮುಂದುವರಿದಿದೆ. ರೈಲಿನಲ್ಲಿದ್ದ ಪ್ರಯಾಣಿಕರೊಬ್ಬರು ಈ ಘಟನೆಯನ್ನು ತಮ್ಮ ಮೊಬೈಲ್‌ನಲ್ಲಿ ಸೆರೆಹಿಡಿದಿದ್ದು, ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಸೇನಾ ಸಿಬ್ಬಂದಿ ಪರ, ವಿರುದ್ಧ ನೆಟ್ಟಿಗರ ಚರ್ಚೆ!

ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಎರಡು ಗುಂಪುಗಳಾಗಿ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಕೆಲವರು ಮಹಿಳಾ TTE ಅವರನ್ನು ಬೆಂಬಲಿಸಿ, ಅವರು ತಮ್ಮ ಕರ್ತವ್ಯವನ್ನು ಸರಿಯಾಗಿ ನಿರ್ವಹಿಸುತ್ತಿದ್ದಾರೆ ಎಂದು ಹೇಳಿದ್ದಾರೆ.

ಇನ್ನೂ ಕೆಲವರು ದೇಶದ ರಕ್ಷಣೆಗಾಗಿ ಸೇವೆ ಸಲ್ಲಿಸುವ ಸೈನಿಕರಿಗೂ ಗೌರವ ನೀಡಬೇಕು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಆದರೆ ಸೈನಿಕರಾಗಿದ್ದರೂ ರೈಲ್ವೆ ನಿಯಮಗಳನ್ನು ಪಾಲಿಸುವುದು ಪ್ರತಿಯೊಬ್ಬರ ಕರ್ತವ್ಯ ಎಂಬ ಮಾತುಗಳೂ ಕೇಳಿಬಂದಿವೆ.

ಒಟ್ಟಿನಲ್ಲಿ, ದೇಶದ ಸೈನಿಕರ ಬಗ್ಗೆ ಗೌರವ ಇರುವುದು ಎಷ್ಟು ಮುಖ್ಯವೋ, ಸಾರ್ವಜನಿಕ ಸ್ಥಳಗಳಲ್ಲಿ ನಿಯಮಗಳನ್ನು ಪಾಲಿಸುವುದೂ ಅಷ್ಟೇ ಮುಖ್ಯ. ಈ ಘಟನೆ ಕರ್ತವ್ಯ, ಗೌರವ ಮತ್ತು ಸಮಾನ ನಿಯಮಗಳ ಕುರಿತು ಹೊಸ ಚರ್ಚೆಗೆ ಕಾರಣವಾಗಿದೆ.

A Heated Argument Between an Indian Railways TTE and an Army Soldier!

A female TTE asked an Army soldier travelling in the General Coach to show his ticket.

The soldier replied:

"Ma'am, we were in a bit of a hurry, so we couldn't buy a ticket. Please issue one now. I'll pay whatever the fare is."

But the female TTE firmly responded:

"You will have to pay for the ticket, and you will also be fined!"

Army Soldier travelling in the General Coach. I'm not sitting in AC or Sleeper Class.

And that's when things got interesting! The female TTE started explaining Section 147 of the Indian Railways Act to the soldier.

Now the question is: Is the mistake simply that the soldier travelled without a ticket, or does the way rules are enforced also matter?

Whether someone is a soldier protecting the nation or an ordinary citizen, railway rules apply equally to everyone. But respect and courteous behaviour are equally important! @RailMinIndia @RailwaySeva

— Mr Bundelkhandi (@BundelKhandee) November 12, 2026

IPL 2027: ರಾಜಸ್ಥಾನ್ ರಾಯಲ್ಸ್ ತಂಡದಲ್ಲಿ ಭಾರೀ ಬದಲಾವಣೆ? ಹೆಟ್ಮೇಯರ್, ಬಿಷ್ಣೋಯ್ ಸೇರಿ ಈ ಆಟಗಾರರಿಗೆ ಗೇಟ್‌ಪಾಸ್?

Naveen Kodase — Fri, 13 Nov 2026 15:57:42 +0530

ಜೈಪುರ(ನ.13): 2008ರಲ್ಲಿ ನಡೆದ ಚೊಚ್ಚಲ ಐಪಿಎಲ್ ಟೂರ್ನಿಯಲ್ಲಿ ಚಾಂಪಿಯನ್ ಆಗಿದ್ದ ರಾಜಸ್ಥಾನ್ ರಾಯಲ್ಸ್ ತಂಡ, ಆ ಬಳಿಕ ಮತ್ತೊಮ್ಮೆ ಪ್ರಶಸ್ತಿ ಗೆಲ್ಲಲು ಸಾಧ್ಯವಾಗಿಲ್ಲ. ಇದೀಗ 2027ರ ಐಪಿಎಲ್‌ನಲ್ಲಿ ಪ್ರಶಸ್ತಿ ಬರ ಎದುರಿಸುವ ಗುರಿಯೊಂದಿಗೆ ಕಣಕ್ಕಿಳಿಯಲು ತಂಡ ಸಿದ್ಧತೆ ನಡೆಸುತ್ತಿದೆ. ನವೆಂಬರ್ 17ರ ಆಟಗಾರರ ರಿಟೆನ್ಷನ್ ಗಡುವು ಸಮೀಪಿಸುತ್ತಿರುವ ಹಿನ್ನೆಲೆಯಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡದ ಸಂಯೋಜನೆ ಕುರಿತು ಚರ್ಚೆಗಳು ಜೋರಾಗಿವೆ.

ಇದುವರೆಗೆ ಟ್ರೇಡ್ ವಿಂಡೋದಲ್ಲಿ ರಾಜಸ್ಥಾನ್ ರಾಯಲ್ಸ್ ಯಾವುದೇ ಅಧಿಕೃತ ಹೆಜ್ಜೆ ಇಟ್ಟಿಲ್ಲ. ಆದರೆ ಕೆಲವು ಆಟಗಾರರನ್ನು ತಂಡಕ್ಕೆ ಸೇರಿಸಿಕೊಳ್ಳುವ ಹಾಗೂ ಕೆಲವರನ್ನು ಕೈಬಿಡುವ ಬಗ್ಗೆ ವರದಿಗಳು ಹರಿದಾಡುತ್ತಿವೆ. ವಿಶೇಷವಾಗಿ ಬೌಲಿಂಗ್ ವಿಭಾಗವನ್ನು ಬಲಪಡಿಸಲು ಫ್ರಾಂಚೈಸಿ ಆಸಕ್ತಿ ಹೊಂದಿದೆ ಎನ್ನಲಾಗಿದೆ. ಮತ್ತೊಂದೆಡೆ, ಆರಂಭಿಕ ಬ್ಯಾಟರ್ ಯಶಸ್ವಿ ಜೈಸ್ವಾಲ್ ಅವರನ್ನು ಲಕ್ನೋ ಸೂಪರ್ ಜೈಂಟ್ಸ್ (LSG) ತಂಡಕ್ಕೆ ಟ್ರೇಡ್ ಮಾಡುವ ಸಾಧ್ಯತೆ ಬಗ್ಗೆಯೂ ವರದಿಗಳು ಬಂದಿವೆ. ಆದರೆ ಈ ಕುರಿತ ಮಾತುಕತೆ ಸದ್ಯಕ್ಕೆ ಸ್ಥಗಿತಗೊಂಡಿದೆ ಎನ್ನಲಾಗಿದೆ.

2026ರ ಐಪಿಎಲ್‌ನಲ್ಲಿ ರಾಜಸ್ಥಾನ್ ರಾಯಲ್ಸ್ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನ ಪಡೆದಿತ್ತು. ರಾಜಸ್ಥಾನ ರಾಯಲ್ಸ್ ತಂಡವು ಭರ್ಜರಿಯಾಗಿಯೇ ಪ್ಲೇ ಆಫ್‌ಗೆ ಎಂಟ್ರಿಕೊಟ್ಟಿತ್ತು, ಆದರೆ ಕ್ವಾಲಿಫೈಯರ್-2 ಪಂದ್ಯದಲ್ಲಿ ಗುಜರಾತ್ ಟೈಟಾನ್ಸ್ ವಿರುದ್ಧ ಸೋತು ಫೈನಲ್ ಪ್ರವೇಶಿಸುವ ಅವಕಾಶ ಕಳೆದುಕೊಂಡಿತ್ತು. ಟೂರ್ನಿಯಲ್ಲಿ ಸತತ ನಾಲ್ಕು ಗೆಲುವುಗಳೊಂದಿಗೆ ಅಭಿಯಾನ ಆರಂಭಿಸಿದ್ದ ತಂಡ, ನಂತರದ ಪಂದ್ಯಗಳಲ್ಲಿ ಸ್ಥಿರ ಪ್ರದರ್ಶನ ನೀಡಲು ವಿಫಲವಾಗಿತ್ತು.

ಬ್ಯಾಟಿಂಗ್ ಬಲಿಷ್ಠ, ಬೌಲಿಂಗ್‌ನಲ್ಲಿ ಎಡವಟ್ಟು!

2026ರ ಐಪಿಎಲ್‌ನಲ್ಲಿ ರಾಜಸ್ಥಾನ್ ರಾಯಲ್ಸ್ ಬ್ಯಾಟಿಂಗ್ ವಿಭಾಗ ಉತ್ತಮ ಪ್ರದರ್ಶನ ನೀಡಿತ್ತು. ತಂಡದ ಒಟ್ಟಾರೆ ಬ್ಯಾಟಿಂಗ್ ರನ್ ರೇಟ್ 10.42 ಆಗಿದ್ದು, ಲೀಗ್‌ನಲ್ಲಿ ನಾಲ್ಕನೇ ಅತ್ಯುತ್ತಮ ತಂಡವಾಗಿತ್ತು. ಆದರೆ ಬೌಲಿಂಗ್‌ನಲ್ಲಿ ಪ್ರತಿ ಓವರ್‌ಗೆ 9.92 ರನ್ ಬಿಟ್ಟುಕೊಟ್ಟಿತ್ತು. ಈ ವಿಭಾಗದಲ್ಲಿ ತಂಡ ಆರನೇ ಸ್ಥಾನದಲ್ಲಿತ್ತು. ರಾಜಸ್ಥಾನ್ ತಂಡ ಟೂರ್ನಿಯಲ್ಲಿ ಒಟ್ಟು 181 ಸಿಕ್ಸರ್‌ಗಳನ್ನು ಸಿಡಿಸಿತ್ತು. ಇದು ಎಲ್ಲಾ ತಂಡಗಳಿಗಿಂತ ಅತ್ಯಧಿಕವಾಗಿತ್ತು. ಪವರ್‌ಪ್ಲೇ ಓವರ್‌ಗಳಲ್ಲಿ 11.67 ರನ್ ರೇಟ್‌ನೊಂದಿಗೆ ಲೀಗ್‌ನಲ್ಲೇ ಅಗ್ರಸ್ಥಾನದಲ್ಲಿತ್ತು. ಆದರೆ ಆರಂಭದಲ್ಲಿ ತೋರಿದ ಆಕ್ರಮಣಕಾರಿ ಆಟವನ್ನು ಮಧ್ಯಮ ಓವರ್‌ಗಳಲ್ಲೂ ಮುಂದುವರಿಸಲು ಸಾಧ್ಯವಾಗಲಿಲ್ಲ.

7ರಿಂದ 11ನೇ ಓವರ್‌ಗಳ ಅವಧಿಯಲ್ಲಿ ತಂಡದ ರನ್ ರೇಟ್ 9.07 ಆಗಿತ್ತು. ಇದು ಲೀಗ್‌ನಲ್ಲಿ ಏಳನೇ ಅತ್ಯುತ್ತಮ ಪ್ರದರ್ಶನವಾಗಿತ್ತು. ಡೆತ್ ಓವರ್‌ಗಳಲ್ಲೂ ನಿರೀಕ್ಷಿತ ವೇಗದಲ್ಲಿ ರನ್ ಗಳಿಸಲು ಸಾಧ್ಯವಾಗಲಿಲ್ಲ. ಕೊನೆಯ ಓವರ್‌ಗಳಲ್ಲಿ ತಂಡದ ರನ್ ರೇಟ್ 10.62 ಆಗಿದ್ದು, ಈ ವಿಭಾಗದಲ್ಲೂ ಏಳನೇ ಸ್ಥಾನದಲ್ಲಿತ್ತು.

ಬೌಲಿಂಗ್ ವಿಭಾಗದಲ್ಲಿ ವಿಕೆಟ್ ಪಡೆಯುವ ಸಾಮರ್ಥ್ಯ ಇದ್ದರೂ ರನ್ ನಿಯಂತ್ರಣ ಸಮಸ್ಯೆಯಾಗಿತ್ತು. ಪ್ರತಿ 18.57 ಎಸೆತಗಳಿಗೆ ಒಂದು ವಿಕೆಟ್ ಪಡೆದಿದ್ದ ರಾಜಸ್ಥಾನ್, ಈ ವಿಚಾರದಲ್ಲಿ ಟೂರ್ನಿಯ ಮೂರನೇ ಅತ್ಯುತ್ತಮ ತಂಡವಾಗಿತ್ತು. ಆದರೆ 7ರಿಂದ 11ನೇ ಓವರ್‌ಗಳ ನಡುವೆ ಪ್ರತಿ ಓವರ್‌ಗೆ 9.71 ರನ್ ಬಿಟ್ಟುಕೊಟ್ಟಿತ್ತು. ಇದು ಲೀಗ್‌ನ ಎರಡನೇ ಅತ್ಯಂತ ದುಬಾರಿ ಪ್ರದರ್ಶನವಾಗಿತ್ತು. ಹೀಗಾಗಿ ಬ್ಯಾಟಿಂಗ್‌ನಲ್ಲಿ ಉತ್ತಮ ಫಿನಿಶಿಂಗ್ ಮತ್ತು ಬೌಲಿಂಗ್‌ನಲ್ಲಿ ರನ್ ನಿಯಂತ್ರಣ ಸಾಧಿಸುವುದು ರಾಜಸ್ಥಾನ್ ತಂಡದ ಪ್ರಮುಖ ಆದ್ಯತೆಯಾಗಲಿದೆ.

ತಂಡದ ಬೆನ್ನೆಲುಬಾಗಿರುವ ಪ್ರಮುಖ ಆಟಗಾರರು

ರಾಜಸ್ಥಾನ್ ರಾಯಲ್ಸ್ ತಂಡದ ಬ್ಯಾಟಿಂಗ್ ವಿಭಾಗದಲ್ಲಿ ವೈಭವ್ ಸೂರ್ಯವಂಶಿ ಪ್ರಮುಖ ಆಕರ್ಷಣೆಯಾಗಿದ್ದರು. ಟೂರ್ನಿಯಲ್ಲಿ ಆರೆಂಜ್ ಕ್ಯಾಪ್ ಗೆದ್ದಿದ್ದ ಅವರು, ಅತಿ ಹೆಚ್ಚು ಸಿಕ್ಸರ್‌ಗಳನ್ನು ಸಿಡಿಸಿದ್ದರು. ಆರಂಭಿಕ ಓವರ್‌ಗಳಲ್ಲಿ ಸ್ಫೋಟಕ ಬ್ಯಾಟಿಂಗ್ ಮೂಲಕ ತಂಡಕ್ಕೆ ಉತ್ತಮ ಆರಂಭ ಒದಗಿಸಿದ್ದರು. ಅವರ ಆರಂಭಿಕ ಜೋಡಿಯಾಗಿದ್ದ ಯಶಸ್ವಿ ಜೈಸ್ವಾಲ್ ಕೂಡ ಉತ್ತಮ ಪ್ರದರ್ಶನ ನೀಡಿದ್ದರು. 152.50ರ ಸ್ಟ್ರೈಕ್ ರೇಟ್‌ನಲ್ಲಿ 427 ರನ್ ಗಳಿಸಿದ್ದರು. ಮಧ್ಯಮ ಕ್ರಮಾಂಕದಲ್ಲಿ ಧ್ರುವ್ ಜುರೆಲ್ ತಂಡದ ಪ್ರಮುಖ ಬ್ಯಾಟರ್ ಆಗಿದ್ದರು. ಅವರು 154.65ರ ಸ್ಟ್ರೈಕ್ ರೇಟ್‌ನಲ್ಲಿ 515 ರನ್ ಗಳಿಸಿದ್ದರು.

ನಾಯಕ ರಿಯಾನ್ ಪರಾಗ್ ಅವರ ಪ್ರದರ್ಶನ ಮಾತ್ರ ಏರಿಳಿತಗಳಿಂದ ಕೂಡಿತ್ತು. ಅವರು 158.46ರ ಸ್ಟ್ರೈಕ್ ರೇಟ್‌ನಲ್ಲಿ 309 ರನ್ ಗಳಿಸಿದ್ದರು. ಫ್ರಾಂಚೈಸಿ ಪರಾಗ್ ಮೇಲೆ ವಿಶ್ವಾಸ ಮುಂದುವರಿಸಿದ್ದು, 2027ರಲ್ಲೂ ಅವರೇ ತಂಡವನ್ನು ಮುನ್ನಡೆಸುವ ಸಾಧ್ಯತೆಯಿದೆ. ಹೀಗಾಗಿ ಈ ಪ್ರಮುಖ ಬ್ಯಾಟಿಂಗ್ ಆಟಗಾರರನ್ನು ಉಳಿಸಿಕೊಳ್ಳುವುದು ರಾಜಸ್ಥಾನ್‌ನ ಆದ್ಯತೆಯಾಗಬಹುದು. ಬೌಲಿಂಗ್ ವಿಭಾಗದಲ್ಲಿ ಜೋಫ್ರಾ ಆರ್ಚರ್ ತಂಡದ ಪ್ರಮುಖ ಅಸ್ತ್ರವಾಗಿದ್ದರು. ಅವರು 9.32ರ ಎಕಾನಮಿ ದರದಲ್ಲಿ 25 ವಿಕೆಟ್ ಕಬಳಿಸಿದ್ದರು. ಬ್ರಿಜೇಶ್ ಶರ್ಮಾ ಕೂಡ ಉತ್ತಮ ಪ್ರದರ್ಶನ ನೀಡಿ 9.89ರ ಎಕಾನಮಿ ದರದಲ್ಲಿ 14 ವಿಕೆಟ್ ಪಡೆದಿದ್ದರು. ಮತ್ತೊಬ್ಬ ವಿದೇಶಿ ವೇಗಿ ನಾಂಡ್ರೆ ಬರ್ಗರ್ ಕೂಡ 14 ವಿಕೆಟ್ ಪಡೆದಿದ್ದರೂ, ಪ್ರತಿ ಓವರ್‌ಗೆ 10.11 ರನ್ ಬಿಟ್ಟುಕೊಟ್ಟಿದ್ದರು. ಈ ಆಟಗಾರರನ್ನು ತಂಡದಿಂದ ಕೈಬಿಡುವ ಸಾಧ್ಯತೆ ಕಡಿಮೆ ಎನ್ನಲಾಗುತ್ತಿದೆ. ಆದರೆ ವಿಕೆಟ್ ಪಡೆಯುವುದರ ಜೊತೆಗೆ ರನ್ ನಿಯಂತ್ರಣ ಸಾಧಿಸುವ ಅಗತ್ಯವಿದೆ.

ಡೊನೊವನ್ ಫೆರೇರಾ, ಹೆಟ್ಮೈರ್ ಭವಿಷ್ಯ ಏನು?

ರಾಜಸ್ಥಾನ್ ರಾಯಲ್ಸ್ ತಂಡದ ರಿಟೆನ್ಷನ್ ಪಟ್ಟಿಯಲ್ಲಿ ಡೊನೊವನ್ ಫೆರೇರಾ ಮತ್ತು ಶಿಮ್ರಾನ್ ಹೆಟ್ಮೈರ್ ಅವರ ಹೆಸರುಗಳೂ ಚರ್ಚೆಗೆ ಬರಬಹುದು. ಫೆರೇರಾ ಫಿನಿಶರ್ ಪಾತ್ರದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದರು. ಅವರು 179.10ರ ಸ್ಟ್ರೈಕ್ ರೇಟ್‌ನಲ್ಲಿ 317 ರನ್ ಗಳಿಸಿದ್ದರು. ಮತ್ತೊಂದೆಡೆ, ಹೆಟ್ಮೈರ್ ಏಳು ಇನ್ನಿಂಗ್ಸ್‌ಗಳಲ್ಲಿ ಕೇವಲ 78 ರನ್ ಗಳಿಸಿದ್ದು, ಅವರ ಸ್ಟ್ರೈಕ್ ರೇಟ್ 113.04 ಮಾತ್ರವಾಗಿತ್ತು. ಹಲವು ವರ್ಷಗಳಿಂದ ಹೆಟ್ಮೈರ್ ಮೇಲೆ ವಿಶ್ವಾಸ ಇಟ್ಟಿರುವ ರಾಜಸ್ಥಾನ್, ಈ ಬಾರಿ ಫೆರೇರಾ ಅವರ ಪ್ರದರ್ಶನವನ್ನೂ ಪರಿಗಣಿಸಬೇಕಿದೆ. ಇಬ್ಬರನ್ನೂ ತಂಡದಲ್ಲಿ ಉಳಿಸಿಕೊಳ್ಳಬೇಕೇ ಅಥವಾ ಒಬ್ಬರಿಗೆ ಮಾತ್ರ ಅವಕಾಶ ನೀಡಬೇಕೇ ಎಂಬುದು ಫ್ರಾಂಚೈಸಿಯ ಮುಂದಿರುವ ಪ್ರಶ್ನೆಯಾಗಿದೆ.

ಸಂದೀಪ್ ಶರ್ಮಾ, ತುಷಾರ್ ದೇಶಪಾಂಡೆಗೂ ಗೇಟ್‌ಪಾಸ್ ಭೀತಿ?

ಭಾರತೀಯ ವೇಗದ ಬೌಲಿಂಗ್ ವಿಭಾಗದಲ್ಲಿ ಅನುಭವ ಹೊಂದಿರುವ ಸಂದೀಪ್ ಶರ್ಮಾ ಮತ್ತು ತುಷಾರ್ ದೇಶಪಾಂಡೆ ಅವರ ಭವಿಷ್ಯವೂ ಚರ್ಚೆಯಲ್ಲಿದೆ. ರಾಜಸ್ಥಾನ್ ತಂಡದ ನಂಬಿಕಸ್ಥ ಬೌಲರ್ ಆಗಿದ್ದ ಸಂದೀಪ್ ಶರ್ಮಾ, 2026ರಲ್ಲಿ ಆರು ಪಂದ್ಯಗಳಿಂದ ಕೇವಲ ಐದು ವಿಕೆಟ್ ಪಡೆದಿದ್ದರು. ಅವರ ಎಕಾನಮಿ ದರ 11.39 ಆಗಿತ್ತು. ಡೆತ್ ಓವರ್‌ಗಳಲ್ಲಿ ತಮ್ಮ ವಿಭಿನ್ನ ಬೌಲಿಂಗ್ ತಂತ್ರ ಮತ್ತು ನಿಯಂತ್ರಣಕ್ಕೆ ಹೆಸರಾಗಿದ್ದ ಸಂದೀಪ್, ಈ ಬಾರಿ ಆ ಸಾಮರ್ಥ್ಯವನ್ನು ಪರಿಣಾಮಕಾರಿಯಾಗಿ ಪ್ರದರ್ಶಿಸಲು ಸಾಧ್ಯವಾಗಿರಲಿಲ್ಲ.

ಇನ್ನು ₹6.5 ಕೋಟಿ ಬೆಲೆಗೆ ತಂಡದಲ್ಲಿರುವ ತುಷಾರ್ ದೇಶಪಾಂಡೆ ಏಳು ಪಂದ್ಯಗಳಲ್ಲಿ ನಾಲ್ಕು ವಿಕೆಟ್ ಮಾತ್ರ ಪಡೆದಿದ್ದರು. ಅವರ ಎಕಾನಮಿ ದರ 11.96 ಆಗಿತ್ತು. ಇಬ್ಬರೂ ಭಾರತೀಯ ವೇಗದ ಬೌಲಿಂಗ್ ವಿಭಾಗಕ್ಕೆ ಅನುಭವ ಮತ್ತು ಆಯ್ಕೆಯ ಆಳವನ್ನು ಒದಗಿಸುತ್ತಾರೆ. ಆದರೂ ಇತ್ತೀಚಿನ ಪ್ರದರ್ಶನದ ಹಿನ್ನೆಲೆಯಲ್ಲಿ ಕನಿಷ್ಠ ಒಬ್ಬರನ್ನು ಬಿಡುಗಡೆ ಮಾಡುವ ಬಗ್ಗೆ ರಾಜಸ್ಥಾನ್ ಚಿಂತನೆ ನಡೆಸಬಹುದು.

ರವೀಂದ್ರ ಜಡೇಜಾ, ಸ್ಯಾಮ್ ಕರನ್ ಮತ್ತು ರವಿ ಬಿಷ್ಣೋಯ್ ಮೇಲೆ ಕಣ್ಣು

ಕಳೆದ ಆವೃತ್ತಿಗೂ ಮುನ್ನ ತಂಡಕ್ಕೆ ಸೇರ್ಪಡೆಯಾದ ಮೂವರು ಆಟಗಾರರ ಭವಿಷ್ಯವೂ ರಾಜಸ್ಥಾನ್ ಪಾಲಿಗೆ ನಿರ್ಣಾಯಕವಾಗಬಹುದು. ರವೀಂದ್ರ ಜಡೇಜಾ ಮತ್ತು ಸ್ಯಾಮ್ ಕರನ್ ಪ್ರಮುಖ ಟ್ರೇಡ್ ಮೂಲಕ ತಂಡಕ್ಕೆ ಬಂದಿದ್ದರು. ಗಾಯದ ಕಾರಣದಿಂದ ಸ್ಯಾಮ್ ಕರನ್ 2026ರ ಐಪಿಎಲ್‌ನಲ್ಲಿ ಆಡಲು ಸಾಧ್ಯವಾಗಿರಲಿಲ್ಲ. ಮತ್ತೊಂದೆಡೆ, ಜಡೇಜಾ 135.71ರ ಸ್ಟ್ರೈಕ್ ರೇಟ್‌ನಲ್ಲಿ 266 ರನ್ ಗಳಿಸಿದ್ದರು. ಇನ್ನು ಬೌಲಿಂಗ್‌ನಲ್ಲಿ 10 ವಿಕೆಟ್ ಪಡೆದು ತಂಡಕ್ಕೆ ಉಪಯುಕ್ತ ಕೊಡುಗೆ ನೀಡಿದ್ದರು.

ಬ್ಯಾಟಿಂಗ್ ಕ್ರಮಾಂಕದಲ್ಲಿ ಜಡೇಜಾ ಅವರ ಪಾತ್ರದ ಬಗ್ಗೆ ಕೆಲವು ಪ್ರಶ್ನೆಗಳಿದ್ದರೂ, ಅವರ ಆಲ್‌ರೌಂಡ್ ಸಾಮರ್ಥ್ಯ, ಫೀಲ್ಡಿಂಗ್ ಮತ್ತು ಅನುಭವವನ್ನು ಕಡೆಗಣಿಸುವಂತಿಲ್ಲ. ಹೀಗಾಗಿ ಅವರನ್ನು ಬಿಡುಗಡೆ ಮಾಡುವ ನಿರ್ಧಾರವನ್ನು ಫ್ರಾಂಚೈಸಿ ಎಚ್ಚರಿಕೆಯಿಂದ ತೆಗೆದುಕೊಳ್ಳಬೇಕಾಗಬಹುದು. ಸ್ಯಾಮ್ ಕರನ್ ಅವರನ್ನು ಉಳಿಸಿಕೊಳ್ಳುವ ಅಥವಾ ಕೈಬಿಡುವ ನಿರ್ಧಾರಕ್ಕೂ ಮೊದಲು ಅವರ ಫಿಟ್ನೆಸ್ ಮತ್ತು ಲಭ್ಯತೆಯನ್ನು ಪರಿಶೀಲಿಸುವ ಸಾಧ್ಯತೆಯಿದೆ.

ಇನ್ನು ಸ್ಪಿನ್ ವಿಭಾಗವನ್ನು ಬಲಪಡಿಸುವ ಉದ್ದೇಶದಿಂದ ರಾಜಸ್ಥಾನ್ ರವಿ ಬಿಷ್ಣೋಯ್ ಅವರನ್ನು ತಂಡಕ್ಕೆ ಸೇರಿಸಿಕೊಂಡಿತ್ತು. ಆದರೆ ಒಂಬತ್ತು ಪಂದ್ಯಗಳಲ್ಲಿ 11 ವಿಕೆಟ್ ಪಡೆದಿದ್ದ ಅವರು, 9.88ರ ಎಕಾನಮಿ ದರದಲ್ಲಿ ರನ್ ಬಿಟ್ಟುಕೊಟ್ಟಿದ್ದರು. ತಂಡದ ಪ್ರಮುಖ ಸ್ಪಿನ್ನರ್ ಆಗಿದ್ದರೂ, ರನ್ ನಿಯಂತ್ರಣದಲ್ಲಿ ಸ್ಥಿರತೆ ತೋರಲು ಸಾಧ್ಯವಾಗಿರಲಿಲ್ಲ. ಜೊತೆಗೆ ₹7.2 ಕೋಟಿ ಬೆಲೆಯೂ ಅವರ ಭವಿಷ್ಯದ ಬಗ್ಗೆ ಚರ್ಚೆ ಹುಟ್ಟುಹಾಕಿದೆ.

ಪ್ರಶಸ್ತಿ ಗೆಲ್ಲಲು ರಾಜಸ್ಥಾನ್ ಮುಂದೆ ಇರುವ ಸವಾಲೇನು?

ರಾಜಸ್ಥಾನ್ ರಾಯಲ್ಸ್ ತಂಡದ ಬಳಿ ಉತ್ತಮ ಬ್ಯಾಟಿಂಗ್ ಸಾಮರ್ಥ್ಯವಿರುವ ಆಟಗಾರರಿದ್ದಾರೆ. ಆದರೆ ಕೇವಲ ಸ್ಫೋಟಕ ಬ್ಯಾಟಿಂಗ್‌ನಿಂದ ಐಪಿಎಲ್ ಪ್ರಶಸ್ತಿ ಗೆಲ್ಲಲು ಸಾಧ್ಯವಿಲ್ಲ ಎಂಬುದನ್ನು ಕಳೆದ ಆವೃತ್ತಿಯ ಪ್ರದರ್ಶನ ತೋರಿಸಿದೆ. ಮಧ್ಯಮ ಓವರ್‌ಗಳಲ್ಲಿ ರನ್ ಗಳಿಸುವ ವೇಗ ಹೆಚ್ಚಿಸುವುದು, ಡೆತ್ ಓವರ್‌ಗಳಲ್ಲಿ ಉತ್ತಮ ಫಿನಿಶಿಂಗ್ ನೀಡುವುದು ಮತ್ತು ಬೌಲಿಂಗ್‌ನಲ್ಲಿ ರನ್ ನಿಯಂತ್ರಿಸುವುದು ತಂಡದ ಪ್ರಮುಖ ಅಗತ್ಯಗಳಾಗಿವೆ.

ಹೀಗಾಗಿ ಉತ್ತಮ ಆಟಗಾರರನ್ನು ಅನಗತ್ಯವಾಗಿ ಕೈಬಿಡದೆ, ತಂಡದ ದುರ್ಬಲ ವಿಭಾಗಗಳನ್ನು ಸರಿಪಡಿಸುವ ರೀತಿಯಲ್ಲಿ ರಿಟೆನ್ಷನ್ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕಿದೆ. 2027ರ ಐಪಿಎಲ್‌ನಲ್ಲಿ 2008ರ ಚಾಂಪಿಯನ್ ತಂಡ ಮತ್ತೆ ಪ್ರಶಸ್ತಿ ಗೆಲ್ಲಬೇಕಾದರೆ, ಬ್ಯಾಟಿಂಗ್ ಬಲಕ್ಕೆ ಸಮತೋಲನದ ಬೌಲಿಂಗ್ ಬೆಂಬಲ ನೀಡುವುದು ಅನಿವಾರ್ಯವಾಗಿದೆ.

ಸೀತೆ ನಂತ್ರ ಸಾಯಿ ಪಲ್ಲವಿ ಐಪಿಎಸ್ ಲುಕ್‌ಗೆ ಫಿದಾ ಆದ್ರಾ? ಇದರ ಹಿಂದಿದ್ದಾರೆ ಖಡಕ್ ಮಹಿಳಾ ಅಧಿಕಾರಿ!

Govindaraj S — Fri, 13 Nov 2026 15:56:03 +0530

ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ತಮ್ಮ ವಿಭಿನ್ನ ಅಭಿನಯದ ಮೂಲಕ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿರುವ ನಟಿ ಸಾಯಿ ಪಲ್ಲವಿ, ಇದೀಗ ‘ಓಂ ಚಾಪ್ಟರ್ 1’ ಚಿತ್ರದ ಮೂಲಕ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಈ ಸಿನಿಮಾದಲ್ಲಿ ಅವರು ಮೊದಲ ಬಾರಿಗೆ ಐಪಿಎಸ್ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ವಿಶೇಷವೆಂದರೆ, ಚಿತ್ರದಲ್ಲಿನ ಅವರ ಪಾತ್ರಕ್ಕೆ ನಿಜ ಜೀವನದ ಮಹಿಳಾ ಐಪಿಎಸ್ ಅಧಿಕಾರಿಯೊಬ್ಬರು ಸ್ಫೂರ್ತಿಯಾಗಿದ್ದಾರೆ. ಈ ವಿಚಾರವನ್ನು ಸ್ವತಃ ಚಿತ್ರದ ನಿರ್ದೇಶಕ ರಾಜ್‌ಕುಮಾರ್ ಪೆರಿಯಸಾಮಿ ಬಹಿರಂಗಪಡಿಸಿದ್ದಾರೆ.

‘ಓಂ’ನಲ್ಲಿ ಸಾಯಿ ಪಲ್ಲವಿ ಖಡಕ್ ಐಪಿಎಸ್ ಅಧಿಕಾರಿ!

ಮಲಯಾಳಂ ಚಿತ್ರರಂಗದ ಮೂಲಕ ನಾಯಕಿಯಾಗಿ ಸಿನಿಪಯಣ ಆರಂಭಿಸಿದ ಸಾಯಿ ಪಲ್ಲವಿ, ಇಂದು ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ಜನಪ್ರಿಯ ನಟಿ. ಅವರ ಅಭಿನಯಕ್ಕೆ ಪ್ರೇಕ್ಷಕರು ಸದಾ ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ. ಇತ್ತೀಚೆಗೆ ಬಿಡುಗಡೆಯಾದ ‘ರಾಮಾಯಣ: ಪಾರ್ಟ್ 1’ ಚಿತ್ರದಲ್ಲಿ ಸೀತಾದೇವಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಸಾಯಿ ಪಲ್ಲವಿ, ಇದೀಗ ‘ಓಂ ಚಾಪ್ಟರ್ 1’ ಚಿತ್ರದ ಮೂಲಕ ಮತ್ತೊಂದು ವಿಭಿನ್ನ ಪಾತ್ರದಲ್ಲಿ ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದ್ದಾರೆ.

ನಿರ್ದೇಶಕ ರಾಜ್‌ಕುಮಾರ್ ಪೆರಿಯಸಾಮಿ ನಿರ್ದೇಶನದ ಈ ಚಿತ್ರದಲ್ಲಿ ಧನುಷ್ ನಾಯಕನಾಗಿ ನಟಿಸಿದ್ದು, ಸಾಯಿ ಪಲ್ಲವಿ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ. ಸುಮಾರು ಹತ್ತು ವರ್ಷಗಳಿಗೂ ಹೆಚ್ಚು ಕಾಲದಿಂದ ಚಿತ್ರರಂಗದಲ್ಲಿರುವ ಸಾಯಿ ಪಲ್ಲವಿ, ಇದೇ ಮೊದಲ ಬಾರಿಗೆ ಐಪಿಎಸ್ ಅಧಿಕಾರಿಯ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಚಿತ್ರದಲ್ಲಿ ಅವರು ನಿರ್ವಹಿಸಿರುವ ‘ನಿತ್ಯಾ ರೆಡ್ಡಿ’ ಪಾತ್ರದ ಹಿಂದಿರುವ ನಿಜವಾದ ಸ್ಫೂರ್ತಿ ಯಾರು ಎಂಬ ಕುತೂಹಲಕ್ಕೆ ಇದೀಗ ಉತ್ತರ ಸಿಕ್ಕಿದೆ.

ಕೇರಳದ ಐಪಿಎಸ್ ಅಧಿಕಾರಿ ಮೆರಿನ್ ಜೋಸೆಫ್ ಸ್ಫೂರ್ತಿ!

ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿರುವ ನಿರ್ದೇಶಕ ರಾಜ್‌ಕುಮಾರ್ ಪೆರಿಯಸಾಮಿ, ‘ಓಂ’ ಚಿತ್ರದಲ್ಲಿ ಸಾಯಿ ಪಲ್ಲವಿ ನಿರ್ವಹಿಸಿರುವ ಐಪಿಎಸ್ ಅಧಿಕಾರಿ ನಿತ್ಯಾ ರೆಡ್ಡಿ ಪಾತ್ರಕ್ಕೆ ಕೇರಳದ ಐಪಿಎಸ್ ಅಧಿಕಾರಿ ಮೆರಿನ್ ಜೋಸೆಫ್ ಸ್ಫೂರ್ತಿಯಾಗಿದ್ದಾರೆ ಎಂದು ತಿಳಿಸಿದ್ದಾರೆ.

ಚಿತ್ರದಲ್ಲಿ ಸಾಯಿ ಪಲ್ಲವಿ ಕಾಣಿಸಿಕೊಂಡಿರುವ ಬಾಬ್ ಕಟ್ ಹೇರ್‌ಸ್ಟೈಲ್ ಕೂಡ ಮೆರಿನ್ ಜೋಸೆಫ್ ಅವರ ಲುಕ್‌ಗೆ ಹೋಲಿಕೆಯಾಗಿತ್ತು. ಈ ಕಾರಣದಿಂದಾಗಿ ಸಾಮಾಜಿಕ ಜಾಲತಾಣಗಳಲ್ಲಿಯೂ ಈ ಬಗ್ಗೆ ಸಾಕಷ್ಟು ಚರ್ಚೆ ನಡೆದಿತ್ತು. ಅಷ್ಟೇ ಅಲ್ಲ, ನಿತ್ಯಾ ರೆಡ್ಡಿ ಪಾತ್ರವನ್ನು ಸಹಜವಾಗಿ ಕಟ್ಟಿಕೊಡಲು ಸಾಯಿ ಪಲ್ಲವಿ ಅವರು ಮೆರಿನ್ ಜೋಸೆಫ್ ಅವರೊಂದಿಗೆ ಸಮಯ ಕಳೆದು, ಅವರಿಂದ ಹಲವು ವಿಚಾರಗಳನ್ನು ತಿಳಿದುಕೊಂಡಿದ್ದಾರೆ ಎಂದು ನಿರ್ದೇಶಕರು ಹೇಳಿದ್ದಾರೆ.

ಧನುಷ್, ಮಮ್ಮುಟ್ಟಿ ಸೇರಿದಂತೆ ದೊಡ್ಡ ತಾರಾಗಣ

‘ಓಂ ಚಾಪ್ಟರ್ 1’ ಚಿತ್ರದಲ್ಲಿ ಧನುಷ್, ಮಮ್ಮುಟ್ಟಿ, ಸಾಯಿ ಪಲ್ಲವಿ, ಶ್ರೀಲೀಲಾ ಮತ್ತು ಇಂದ್ರನ್ಸ್ ಸೇರಿದಂತೆ ಹಲವು ಪ್ರಮುಖ ಕಲಾವಿದರು ನಟಿಸಿದ್ದಾರೆ. ಆ್ಯಕ್ಷನ್ ಹಾಗೂ ಅಪಹರಣದ ಸುತ್ತ ಹೆಣೆದಿರುವ ವಿಭಿನ್ನ ಕಥಾಹಂದರದಲ್ಲಿ ಈ ಸಿನಿಮಾ ಮೂಡಿಬಂದಿದೆ. ಸಾಯಿ ಅಭ್ಯಂಕರ್ ಚಿತ್ರಕ್ಕೆ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ಇನ್ನು ಚಿತ್ರವು 2026ರ ನವೆಂಬರ್ 20ರಂದು ಬಿಡುಗಡೆಯಾಗಲು ಸಿದ್ಧವಾಗಿದ್ದು, ನವೆಂಬರ್ 13ರಂದು ಟ್ರೇಲರ್ ಬಿಡುಗಡೆಯಾಗಲಿದೆ ಎಂದು ತಿಳಿಸಲಾಗಿದೆ. ಸಾಯಿ ಪಲ್ಲವಿ ಮೊದಲ ಬಾರಿಗೆ ಐಪಿಎಸ್ ಅಧಿಕಾರಿಯಾಗಿ ಕಾಣಿಸಿಕೊಳ್ಳುತ್ತಿರುವುದರಿಂದ, ಅವರ ಪಾತ್ರವನ್ನು ತೆರೆಮೇಲೆ ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ಚಿನ್ನದ ಆಭರಣಗಳ ಹೊಳಪು ಕಡಿಮೆಯಾಗದಂತೆ ಸಂಗ್ರಹಿಸಿಡಲು ಅತ್ಯುತ್ತಮ ಸ್ಟೋರೇಜ್ ವಿಧಾನ

Ashwini HR — Fri, 13 Nov 2026 15:56:01 +0530

Gold jewellery storage tips: ನೀವು ಖರೀದಿಸಿರುವ ಜ್ಯುವೆಲ್ಲರಿ ಬಾಕ್ಸ್‌ಗಳಲ್ಲೇ ಚಿನ್ನದ ಆಭರಣಗಳನ್ನು ಇಡುತ್ತಿದ್ದೀರಾ? ಹಾಗಿದ್ದರೆ ತಕ್ಷಣ ಆ ಅಭ್ಯಾಸ ಬದಲಿಸಿ! ಆ ಬಾಕ್ಸ್‌ಗಳು ಕೇವಲ ಪ್ರದರ್ಶನಕ್ಕೆ ಮಾತ್ರವೇ ಹೊರತು ದೀರ್ಘಕಾಲದ ಸ್ಟೋರೇಜ್‌ಗೆ ಸೂಕ್ತವಲ್ಲ.

ದೀರ್ಘಕಾಲದವರೆಗೆ ಸುರಕ್ಷಿತವಾಗಿ ಸಂಗ್ರಹಿಸಿಡಲು ಸೂಕ್ತವಲ್ಲಚಿನ್ನದ ಆಭರಣಗಳೆಂದರೆ ಎಲ್ಲರಿಗೂ ಅಚ್ಚುಮೆಚ್ಚು. ಆದರೆ, ದುಬಾರಿ ಬೆಲೆ ಕೊಟ್ಟು ಖರೀದಿಸಿದ ಚಿನ್ನದ ಒಡವೆಗಳನ್ನು ಸರಿಯಾದ ರೀತಿಯಲ್ಲಿ ಸಂಗ್ರಹಿಸಿ (Store) ಇಡದಿದ್ದರೆ, ಕಾಲಕ್ರಮೇಣ ಅವುಗಳ ಸಹಜ ಹೊಳಪು (Shine) ಕಡಿಮೆಯಾಗುತ್ತದೆ. ಸಾಮಾನ್ಯವಾಗಿ ಬಹುತೇಕರು ಈಗಾಗಲೇ ಖರೀದಿಸಿರುವ ಜ್ಯುವೆಲ್ಲರಿ ಬಾಕ್ಸ್‌ಗಳಲ್ಲೇ ಒಡವೆಗಳನ್ನು ಇಡುತ್ತಾರೆ.

ಅತ್ಯುತ್ತಮ ಸ್ಟೋರೇಜ್ ವಿಧಾನ ಯಾವುದು?ಜ್ಯುವೆಲ್ಲರಿ ಬಾಕ್ಸ್‌ಗಳು ಕೇವಲ ನೋಡಲು ಮತ್ತು ಪ್ರದರ್ಶನಕ್ಕೆ (Show) ಮಾತ್ರ ಚೆನ್ನಾಗಿರುತ್ತವೆಯೇ ಹೊರತು, ಆಭರಣಗಳನ್ನು ದೀರ್ಘಕಾಲದವರೆಗೆ ಸುರಕ್ಷಿತವಾಗಿ ಸಂಗ್ರಹಿಸಿಡಲು ಸೂಕ್ತವಲ್ಲ. ಹಾಗಾದರೆ ಚಿನ್ನದ ಆಭರಣಗಳ ಹೊಳಪು ಹಾಳಾಗದಂತೆ ಕಾಪಾಡಲು ಅತ್ಯುತ್ತಮ ಸ್ಟೋರೇಜ್ ವಿಧಾನ ಯಾವುದು? ಇಲ್ಲಿದೆ ಸರಳ ಹಾಗೂ ಪರಿಣಾಮಕಾರಿ ಟಿಪ್ಸ್.

ಪ್ಲಾಸ್ಟಿಕ್ ಬಾಕ್ಸ್ ಮತ್ತು ಹತ್ತಿ (Cotton) ಬಳಸಿಚಿನ್ನದ ಆಭರಣಗಳನ್ನು ಸಂಗ್ರಹಿಸಿಡಲು ಪ್ಲಾಸ್ಟಿಕ್ ಬಾಕ್ಸ್ ಅತ್ಯುತ್ತಮ ಆಯ್ಕೆಯಾಗಿದೆ. ಒಂದು ಸ್ವಚ್ಛವಾದ ಪ್ಲಾಸ್ಟಿಕ್ ಬಾಕ್ಸ್ ತೆಗೆದುಕೊಂಡು, ಅದರ ಒಳಗೆ ಮೃದುವಾದ ಹತ್ತಿಯನ್ನು (Cotton) ಹರಡಿ. ಎಲ್ಲಾ ಒಡವೆಗಳನ್ನು ಒಟ್ಟಿಗೆ ಹಾಕುವ ಬದಲು, ಪ್ರತಿಯೊಂದು ಆಭರಣವನ್ನೂ ಹತ್ತಿಯ ನಡುವೆ ಪ್ರತ್ಯೇಕವಾಗಿ (Separate) ಇರಿಸಿ. ಹೀಗೆ ಮಾಡುವುದರಿಂದ ಆಭರಣಗಳು ಒಂದಕ್ಕೊಂದು ತಾಗಿ ಗೀರು ಬೀಳುವುದಿಲ್ಲ ಮತ್ತು ಅವುಗಳ ಹೊಳಪು ದೀರ್ಘಕಾಲ ಹಾಗೆಯೇ ಉಳಿಯುತ್ತದೆ.

ಸಿಲಿಕಾ ಜೆಲ್ ಪ್ಯಾಕೆಟ್ (Silica Gel Packet) ಇರಿಸಿಆಭರಣಗಳ ಬಾಕ್ಸ್ ಒಳಗೆ ತೇವಾಂಶ ಸೇರಿಕೊಂಡರೆ ಚಿನ್ನದ ಕಾಂತಿ ಮಸುಕಾಗುವ ಸಾಧ್ಯತೆ ಇರುತ್ತದೆ. ಇದನ್ನು ತಡೆಯಲು ಪ್ಲಾಸ್ಟಿಕ್ ಬಾಕ್ಸ್‌ನೊಳಗೆ ಹತ್ತಿಯ ಜೊತೆಗೆ ಒಂದು ಸಣ್ಣ 'ಸಿಲಿಕಾ ಜೆಲ್ ಪ್ಯಾಕೆಟ್' ಇಡುವುದು ಬಹಳ ಉತ್ತಮ. ಇದು ಬಾಕ್ಸ್ ಒಳಗಿನ ತೇವಾಂಶವನ್ನು ಹೀರಿಕೊಂಡು, ಒಡವೆಗಳು ಸದಾ ಹೊಸದರಂತೆ ಹೊಳೆಯುವಂತೆ ಮಾಡುತ್ತದೆ. ಈ ಸಿಲಿಕಾ ಜೆಲ್ ಪ್ಯಾಕೆಟ್‌ಗಳು ಮಾರುಕಟ್ಟೆಯಲ್ಲಿ ಬಹಳ ಸುಲಭವಾಗಿ ಸಿಗುತ್ತವೆ.

ಈ ಸರಳ ಸ್ಟೋರೇಜ್ ತಂತ್ರವನ್ನು ಅನುಸರಿಸುವ ಮೂಲಕ ನಿಮ್ಮ ನೆಚ್ಚಿನ ಚಿನ್ನದ ಆಭರಣಗಳ ಹೊಳಪು ಮತ್ತು ಸೌಂದರ್ಯವನ್ನು ವರ್ಷಗಳ ಕಾಲ ಕಾಪಾಡಿಕೊಳ್ಳಬಹುದು.

ಶಿಕ್ಷಣ ಸಚಿವರ ತವರಿನಲ್ಲೇ ಸರ್ಕಾರಿ ಶಾಲೆಗೆ ಬೆಂಕಿ ಇಡಲು ಯತ್ನ: ತುಮರಿಯಲ್ಲಿ ಭುಗಿಲೆದ್ದ ಆಕ್ರೋಶ

Sathish Kumar KH — Fri, 13 Nov 2026 15:52:45 +0530

ಶಿಕ್ಷಣ ಸಚಿವರ ತವರು ಜಿಲ್ಲೆ ಶಿವಮೊಗ್ಗದಲ್ಲಿ ಸರ್ಕಾರಿ ಪ್ರಾಥಮಿಕ ಶಾಲೆಗೆ ದುಷ್ಕರ್ಮಿಗಳು ಬೆಂಕಿ ಇಡಲು ಯತ್ನಿಸಿದ್ದಾರೆ. ಕಳೆದ ಎರಡು ತಿಂಗಳಿಂದ ಈ ಭಾಗದಲ್ಲಿ ಸಾರ್ವಜನಿಕ ಆಸ್ತಿಗಳ ಮೇಲೆ ನಿರಂತರ ದಾಳಿ ನಡೆಯುತ್ತಿದ್ದು, ಪೊಲೀಸರ ನಿರ್ಲಕ್ಯಕ್ಕೆ ಗ್ರಾಮಸ್ಥರು ರಸ್ತೆ ತಡೆದು ಪ್ರತಿಭಟನೆ ನಡೆಸಿದರು.

ಶಿವಮೊಗ್ಗ (ನ.13): ರಾಜ್ಯದ ಪ್ರಾಥಮಿಕ ಮತ್ತು ಪ್ರೌಢ ಶಾಲಾ ಶಿಕ್ಷಣ ಸಚಿವ ಮಧು ಬಂಗಾರಪ್ಪ ಅವರ ತವರು ಜಿಲ್ಲೆಯಲ್ಲೇ ಸರ್ಕಾರಿ ಶಾಲೆಯೊಂದಕ್ಕೆ ಕಿಡಿಗೇಡಿಗಳು ಬೆಂಕಿ ಹಚ್ಚಲು ಯತ್ನಿಸಿರುವ ಆಘಾತಕಾರಿ ಘಟನೆ ಬೆಳಕಿಗೆ ಬಂದಿದೆ. ಶಿವಮೊಗ್ಗ ಜಿಲ್ಲೆ ಸಾಗರ ತಾಲೂಕಿನ ತುಮರಿ ಸಮೀಪದ ಕೆರೆಕೈ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ತಡರಾತ್ರಿ ದುಷ್ಕರ್ಮಿಗಳು ಬೆಂಕಿ ಇಡಲು ಯತ್ನಿಸಿದ್ದು, ಸಾರ್ವಜನಿಕರಲ್ಲಿ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ. ಶಿಕ್ಷಣ ಸಚಿವರ ಜಿಲ್ಲೆಯಲ್ಲೇ ಶಾಲೆಗಳಿಗೆ ರಕ್ಷಣೆ ಇಲ್ಲದಿದ್ದರೆ ಉಳಿದ ಜಿಲ್ಲೆಗಳ ಕಥೆಯೇನು ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಶುಕ್ರವಾರ ಬೆಳಿಗ್ಗೆ ಶಿಕ್ಷಕರು ಎಂದಿನಂತೆ ಶಾಲೆ ಬಾಗಿಲು ತೆರೆಯಲು ಬಂದಾಗ ಕಿಡಿಗೇಡಿಗಳ ಈ ಕೃತ್ಯ ಬೆಳಕಿಗೆ ಬಂದಿದೆ. ಶಾಲೆಯ ಆವರಣ ಹಾಗೂ ಕಟ್ಟಡಕ್ಕೆ ಬೆಂಕಿ ಹಚ್ಚಲು ಯತ್ನಿಸಿದ ಕುರುಹುಗಳು ಕಂಡುಬಂದಿದ್ದು, ಅದೃಷ್ಟವಶಾತ್ ಭಾರೀ ಅನಾಹುತ ತಪ್ಪಿದೆ. ವಿಷಯ ತಿಳಿಯುತ್ತಿದ್ದಂತೆ ನೂರಾರು ಗ್ರಾಮಸ್ಥರು ಸ್ಥಳದಲ್ಲಿ ಜಮಾಯಿಸಿ ಆಕ್ರೋಶ ವ್ಯಕ್ತಪಡಿಸಿದರು.

ಸಾಗರ ತಾಲೂಕಿನ ತುಮರಿ ಹಾಗೂ ಸುತ್ತಮುತ್ತಲ ಭಾಗಗಳಲ್ಲಿ ಕಳೆದ ಎರಡು ತಿಂಗಳಿಂದ ಇಂತಹ ಸರಣಿ ಕಿಡಿಗೇಡಿತನಗಳು ನಿರಂತರವಾಗಿ ನಡೆಯುತ್ತಿವೆ. ಕಳೆದ ತಿಂಗಳಷ್ಟೇ ನವೀಕರಣಗೊಂಡಿದ್ದ ಶಾಂತವೇರಿ ಗೋಪಾಲಗೌಡ ರಂಗಮಂದಿರಕ್ಕೆ ದುಷ್ಕರ್ಮಿಗಳು ಬೆಂಕಿ ಹಚ್ಚಿ ಹಾನಿ ಮಾಡಿದ್ದರು.

ಇದರ ಬೆನ್ನಲ್ಲೇ ದೇವಸ್ಥಾನಗಳು ಹಾಗೂ ಸಾರ್ವಜನಿಕ ಆಸ್ತಿಪಾಸ್ತಿಗಳ ಮೇಲೆ ನಿರಂತರ ದಾಳಿಗಳು ನಡೆಯುತ್ತಿವೆ. ಇಷ್ಟೆಲ್ಲಾ ನಡೆಯುತ್ತಿದ್ದರೂ ಪೊಲೀಸರು ಆರೋಪಿಗಳನ್ನು ಪತ್ತೆಹಚ್ಚುವಲ್ಲಿ ಸಂಪೂರ್ಣ ವಿಫಲರಾಗಿದ್ದಾರೆ ಎಂದು ಗ್ರಾಮಸ್ಥರು ಗಂಭೀರ ಆರೋಪ ಮಾಡಿದ್ದಾರೆ.

ಪೊಲೀಸರ ನಿಷ್ಕ್ರಿಯತೆಯನ್ನು ಖಂಡಿಸಿ ಒಳಗೆರೆ ಹಾಗೂ ತುಮರಿ ಗ್ರಾಮಸ್ಥರು ರಸ್ತೆಗಿಳಿದು ಉಗ್ರ ಪ್ರತಿಭಟನೆ ಆರಂಭಿಸಿದ್ದಾರೆ. ಸಾಗರ–ಸಿಗಂದೂರು–ಮರಕುಟಕ ಸಂಪರ್ಕಿಸುವ ರಾಷ್ಟ್ರೀಯ ಹೆದ್ದಾರಿ (NH-369E) ತಡೆದು, ರಸ್ತೆಯಲ್ಲೇ ಟೈರ್‌ಗಳಿಗೆ ಬೆಂಕಿ ಹಚ್ಚಿ ಆಕ್ರೋಶ ವ್ಯಕ್ತಪಡಿಸಿದರು. ಹೆದ್ದಾರಿ ದಿಗ್ಬಂಧನದಿಂದಾಗಿ ಸಿಗಂದೂರು ಚೌಡೇಶ್ವರಿ ಕ್ಷೇತ್ರಕ್ಕೆ ತೆರಳುವ ಭಕ್ತರ ವಾಹನಗಳು ಸೇರಿದಂತೆ ನೂರಾರು ವಾಹನಗಳ ಸಂಚಾರ ಸಂಪೂರ್ಣ ಅಸ್ತವ್ಯಸ್ತಗೊಂಡು ಬಿಗುವಿನ ವಾತಾವರಣ ನಿರ್ಮಾಣವಾಯಿತು.

ಸ್ಥಳಕ್ಕೆ ಧಾವಿಸಿದ ಕಾರ್ಗಲ್ ಠಾಣಾ ಪೊಲೀಸರು ಗ್ರಾಮಸ್ಥರ ಮನವೊಲಿಸಲು ಯತ್ನಿಸಿದರಾದರೂ, ಪ್ರತಿಭಟನಾಕಾರರು ಅದಕ್ಕೆ ಸೊಪ್ಪು ಹಾಕಲಿಲ್ಲ. 'ಸಾಗರ ತಾಲೂಕಿನಲ್ಲಿ ಕಾನೂನು ಸುವ್ಯವಸ್ಥೆ ಸಂಪೂರ್ಣ ಕುಸಿದಿದೆ. ಕಳೆದ ಎರಡು ತಿಂಗಳಿಂದ ಸಾರ್ವಜನಿಕ ಆಸ್ತಿಗಳಿಗೆ ಬೆಂಕಿ ಇಡುತ್ತಿದ್ದರೂ ಪೊಲೀಸರು ಕಣ್ಮುಚ್ಚಿ ಕುಳಿತಿದ್ದಾರೆ. ಕೂಡಲೇ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ (SP), ಸ್ಥಳೀಯ ಶಾಸಕರು ಹಾಗೂ ತಹಶೀಲ್ದಾರ್ ಸ್ಥಳಕ್ಕೆ ಬರಬೇಕು' ಎಂದು ಪ್ರತಿಭಟನಾಕಾರರು ಪಟ್ಟು ಹಿಡಿದಿದ್ದಾರೆ. ದುಷ್ಕರ್ಮಿಗಳನ್ನು ಹೆಡೆಮುರಿ ಕಟ್ಟುವವರೆಗೂ ಹೋರಾಟ ಹಿಂಪಡೆಯುವುದಿಲ್ಲ ಎಂದು ಎಚ್ಚರಿಕೆ ನೀಡಿದ್ದಾರೆ.

ನಾಲ್ಕು ರಾಜ್ಯಗಳು ಒಪ್ಪಿದ್ರೆ ಮಾತ್ರವೇ ಭಾರತೀಯ ರೈಲ್ವೆಯಲ್ಲಿ ಕೊಂಕಣ ರೈಲ್ವೆ ವಿಲೀನ: ಅಶ್ವಿನಿ ವೈಷ್ಣವ್‌

Santosh Naik — Fri, 13 Nov 2026 15:48:56 +0530

ಮಂಗಳೂರು (ನ.13): ಕೊಂಕಣ ರೈಲ್ವೆಯನ್ನು (Konkan Railway) ಭಾರತೀಯ ರೈಲ್ವೆಯೊಂದಿಗೆ ವಿಲೀನಗೊಳಿಸುವ ನಿಟ್ಟಿನಲ್ಲಿ ಪ್ರಯತ್ನಗಳು ಸಾಗುತ್ತಿದ್ದರೂ, ಅಂತಿಮ ನಿರ್ಧಾರವು ಮಹಾರಾಷ್ಟ್ರ, ಗೋವಾ, ಕರ್ನಾಟಕ ಮತ್ತು ಕೇರಳ ರಾಜ್ಯಗಳ ಮುಖ್ಯಮಂತ್ರಿಗಳ ಕೈಯಲ್ಲಿದೆ ಎಂದು ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಸ್ಪಷ್ಟಪಡಿಸಿದ್ದಾರೆ. ನಾಲ್ಕೂ ರಾಜ್ಯಗಳ ಸಮ್ಮತಿ ಸಿಕ್ಕ ಬಳಿಕವಷ್ಟೇ ವಿಲೀನ ಪ್ರಕ್ರಿಯೆ ನಡೆಯಲಿದ್ದು, ಸದ್ಯಕ್ಕೆ ನಿಖರ ಕಾಲಮಿತಿಯನ್ನು ಹೇಳಲು ಸಾಧ್ಯವಿಲ್ಲ ಎಂದು ಅವರು ತಿಳಿಸಿದ್ದಾರೆ.

ಗುರುವಾರ ರಾತ್ರಿ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಸಚಿವರು, ಕೊಂಕಣ ರೈಲ್ವೆಯಲ್ಲಿ ಕೇಂದ್ರ ಸರ್ಕಾರದ ಜೊತೆಗೆ ಮಹಾರಾಷ್ಟ್ರ, ಗೋವಾ, ಕರ್ನಾಟಕ ಹಾಗೂ ಕೇರಳ ರಾಜ್ಯ ಸರ್ಕಾರಗಳೂ ಪಾಲುದಾರರಾಗಿವೆ (Stakeholders). ಹೀಗಾಗಿ ಭಾರತೀಯ ರೈಲ್ವೆಯೊಂದಿಗೆ ವಿಲೀನಗೊಳಿಸುವ ಪ್ರಸ್ತಾವನೆಗೆ ಅನುಮೋದನೆ ನೀಡುವಂತೆ ಈ ನಾಲ್ಕೂ ರಾಜ್ಯಗಳ ಮುಖ್ಯಮಂತ್ರಿಗಳಿಗೆ ಮನವಿ ಮಾಡಲಾಗಿದೆ ಎಂದು ಮಾಹಿತಿ ನೀಡಿದರು.

ಮಂಗಳೂರು-ಬೆಂಗಳೂರು ಜೋಡಿ ಮಾರ್ಗಕ್ಕೆ ಹೊಸ ವಿನ್ಯಾಸ

ಮಂಗಳೂರು ಮತ್ತು ಬೆಂಗಳೂರು ನಡುವಿನ ರೈಲು ಹಳಿ ದ್ವಿಗುಣಗೊಳಿಸುವ (Track Doubling) ಯೋಜನೆಯ ಕುರಿತ ಪ್ರಶ್ನೆಗೆ ಉತ್ತರಿಸಿದ ಅಶ್ವಿನಿ ವೈಷ್ಣವ್, ಯೋಜನೆಯ ಸಮೀಕ್ಷೆ ನಡೆಸಲು ಮತ್ತು ವಿಸ್ತೃತ ಯೋಜನಾ ವರದಿ (DPR) ಸಿದ್ಧಪಡಿಸಲು ಈಗಾಗಲೇ ಆಡಳಿತಾತ್ಮಕ ಅನುಮೋದನೆ ನೀಡಲಾಗಿದ್ದು, ಪ್ರಸ್ತುತ ಆ ಕಾರ್ಯ ಪ್ರಗತಿಯಲ್ಲಿದೆ. ಪಶ್ಚಿಮ ಘಟ್ಟದ ದುರ್ಗಮ ಪ್ರದೇಶದಲ್ಲಿ ಜೋಡಿ ಹಳಿ ನಿರ್ಮಿಸುವುದು ದೊಡ್ಡ ಸವಾಲಾಗಿದೆ ಎಂಬುದನ್ನು ಒಪ್ಪಿಕೊಂಡ ಸಚಿವರು, ಈ ಸಮಗ್ರ ಯೋಜನೆಯನ್ನು ಮರುವಿನ್ಯಾಸಗೊಳಿಸಲಾಗಿದೆ (Redesigned) ಎಂದರು. ಮೊದಲ ಹಳಿ ನಿರ್ಮಿಸುವಾಗ ಕಡಿದಾದ ಇಳಿಜಾರುಗಳಿಂದ (Steep gradients) ಎದುರಾದ ತಾಂತ್ರಿಕ ಮತ್ತು ಕಾರ್ಯಾಚರಣೆಯ ಅಡೆತಡೆಗಳಿಂದ ಪಾಠ ಕಲಿಯಲಾಗಿದೆ. ಹೀಗಾಗಿ ಎರಡನೇ ಹಳಿಯು ಅತ್ಯಂತ ಕಡಿಮೆ ಇಳಿಜಾರು (Reduced slope) ಹೊಂದಿರುವಂತೆ ವಿನ್ಯಾಸಗೊಳಿಸಲಾಗುತ್ತಿದೆ ಎಂದು ವಿವರಿಸಿದರು.

ವಂದೇ ಭಾರತ್ ಸೇವೆ ಹಿಂದಿನ ಭೌಗೋಳಿಕ ಸವಾಲುಗಳು

ಕರಾವಳಿ ಭಾಗವನ್ನು ರಾಜ್ಯ ರಾಜಧಾನಿಯೊಂದಿಗೆ ಬೆಸೆಯುವ ನೂತನ ವಂದೇ ಭಾರತ್ (Vande Bharat) ರೈಲು ಸಂಪರ್ಕದ ಕುರಿತು ಮಾತನಾಡಿದ ಸಚಿವರು, ಈ ಯೋಜನೆಯನ್ನು ಕಾರ್ಯಗತಗೊಳಿಸಲು ಭಾರಿ ಭೌಗೋಳಿಕ ಸವಾಲುಗಳನ್ನು ಮೆಟ್ಟಿ ನಿಲ್ಲಬೇಕಾಯಿತು ಎಂದರು. ಕಡಿದಾದ ಘಾಟ್ ವಿಭಾಗಗಳಲ್ಲಿ ರಚನಾತ್ಮಕ ಮಾರ್ಪಾಡುಗಳು (Structural modifications), ಹಳಿ ವಿದ್ಯುದ್ದೀಕರಣದ ಹೊಂದಾಣಿಕೆಗಳು ಹಾಗೂ ಘಾಟ್ ಪ್ರದೇಶಕ್ಕೆ ತಕ್ಕಂತೆ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ರೈಲು ಸಂರಚನೆಗಳನ್ನು (Customised train configurations) ಅಳವಡಿಸಿ ಈ ಸೇವೆಯನ್ನು ಯಶಸ್ವಿಯಾಗಿ ಆರಂಭಿಸಲಾಗಿದೆ ಎಂದು ಹೇಳಿದರು.

ಸಚಿವ ಎಂ.ಬಿ. ಪಾಟೀಲ್ ಆರೋಪಕ್ಕೆ ತಿರುಗೇಟು

ರೈಲ್ವೆ ಯೋಜನೆಗಳ ಹಂಚಿಕೆಯಲ್ಲಿ ಕರ್ನಾಟಕಕ್ಕೆ ಅನ್ಯಾಯವಾಗಿದೆ ಎಂದು ರಾಜ್ಯ ಬೃಹತ್ ಮತ್ತು ಮಧ್ಯಮ ಕೈಗಾರಿಕಾ ಸಚಿವ ಎಂ.ಬಿ. ಪಾಟೀಲ್ ಮಾಡಿರುವ ಆರೋಪಗಳನ್ನು ಅಶ್ವಿನಿ ವೈಷ್ಣವ್ ಸಾರಾಸಗಟಾಗಿ ತಳ್ಳಿಹಾಕಿದರು. "ಈ ಆರೋಪಗಳು ಸತ್ಯಕ್ಕೆ ದೂರವಾಗಿವೆ" ಎಂದ ಅವರು, ಪ್ರಧಾನಿ ನರೇಂದ್ರ ಮೋದಿ ಅವರ ಆಡಳಿತಾವಧಿಯಲ್ಲಿ ಕರ್ನಾಟಕಕ್ಕೆ ಹಿಂದೆಂದೂ ಕಾಣದಷ್ಟು ನ್ಯಾಯ ಮತ್ತು ಹೂಡಿಕೆ ಲಭಿಸಿದೆ ಎಂದು ಪ್ರತಿಪಾದಿಸಿದರು.

ರಾಜ್ಯದಲ್ಲಿ ಪ್ರಸ್ತುತ ಸುಮಾರು ₹27,000 ಕೋಟಿ ಮೌಲ್ಯದ ರೈಲ್ವೆ ಯೋಜನೆಗಳು ಪ್ರಗತಿಯಲ್ಲಿವೆ. ಇದರೊಂದಿಗೆ ಮಂಜೂರಾಗಿರುವ ಬುಲೆಟ್ ರೈಲುಗಳು (Bullet trains), ಹಲವು ವಂದೇ ಭಾರತ್ ಹಾಗೂ ವಂದೇ ಭಾರತ್ ಸ್ಲೀಪರ್ ರೈಲುಗಳು (Vande Bharat Sleeper trains) ಮತ್ತು ಬೃಹತ್ ಮಟ್ಟದ ರೈಲು ನಿಲ್ದಾಣಗಳ ಮರುಅಭಿವೃದ್ಧಿ ಕಾಮಗಾರಿಗಳೇ ಕೇಂದ್ರದ ಕೊಡುಗೆಗೆ ಸಾಕ್ಷಿಯಾಗಿವೆ ಎಂದು ಸಚಿವರು ತಿರುಗೇಟು ನೀಡಿದರು.

ರಾತ್ರಿ 10 ಗಂಟೆ ಮೇಲೆ ಕರೀನಾ ಸೈಲೆಂಟ್: ಪತ್ನಿಯ ಬೆಡ್ಟೈಂ ರಹಸ್ಯ ರಿವೀಲ್ ಮಾಡಿದ Saif Ali Khan

Suchethana D — Fri, 13 Nov 2026 15:47:54 +0530

ಮುಂಬೈ: ಬಾಲಿವುಡ್ ರಾಜಮನೆತನದ ಸೈಫ್ ಅಲಿ ಖಾನ್ ಮತ್ತು ಕರೀನಾ ಕಪೂರ್ ಖಾನ್ ಸುಖಿ ದಾಂಪತ್ಯ ನಡೆಸುತ್ತಿದ್ದಾರೆ. ಕಪೂರ್ ಫ್ಯಾಮಿಲಿಯ ಮಗಳು ಮುಸ್ಲಿಂ ವಿವಾಹಿತನ ಜೊತೆ ಮದುವೆಯಾದ ಬಗ್ಗೆ ಮೊದಲಿನಿಂದಲೂ ಕರೀನಾ ಟ್ರೋಲ್ ಆಗುತ್ತಲೇ ಬಂದಿದ್ದಾರೆ. ಅದರಲ್ಲಿಯೂ ಒಂದು ಸಮಯದಲ್ಲಿ, ಮಗಳೇ ಎಂದು ಸೈಫ್ ಅಲಿ ಖಾನ್ ಕರೀನಾ ಅವರನ್ನು ಕರೆದಿದ್ದರು. ಅದೂ ತಮ್ಮ ಮೊದಲನೆಯ ಮದುವೆಯ ಸಂದರ್ಭದಲ್ಲಿ. ಅದೇ ಮಗಳು ಎಂದವಳನ್ನೇ ಮದುವೆಯಾಗಿರುವ ಕಾರಣದಿಂದ ಸಿಕ್ಕಾಪಟ್ಟೆ ಟ್ರೋಲ್ ಮಾಡುತ್ತಿದ್ದರೂ, ಅವ್ಯಾವುದಕ್ಕೂ ದಂಪತಿ ತಲೆಕೆಡಿಸಿಕೊಳ್ಳದೇ ಇದೀಗ ಈ ದಂಪತಿ ಎರಡು ಮಕ್ಕಳ ಪಾಲಕರೂ ಆಗಿದ್ದಾರೆ. ಅಂದಹಾಗೆ ಸೈಫ್ಗೆ ಮೊದಲ ಮದುವೆಯಿಂದ ಮತ್ತಿಬ್ಬರು ಮಕ್ಕಳು ಇದ್ದಾರೆ. ಸೈಫ್ ಮತ್ತು ಕರೀನಾ ಮದುವೆಯಾಗಿ 14 ವರ್ಷಗಳಾಗಿವೆ. ಅವರು ತೈಮೂರ್ ಮತ್ತು ಜೆಹ್ ಎಂಬ ಇಬ್ಬರು ಗಂಡು ಮಕ್ಕಳ ಪೋಷಕರು.

ಇದೀಗ ಕಾಫಿ ವಿತ್ ಕರಣ್ ನ ಸೀಸನ್ 9 ರಲ್ಲಿ ಜೋಡಿ ತಮ್ಮ ದಾಂಪತ್ಯದ ಹಲವು ಇಂಟರೆಸ್ಟಿಂಗ್ ವಿಷಯಗಳನ್ನು ರಿವೀಲ್ ಮಾಡಿದೆ. ಕರಣ್ ಜೋಹರ್ ಗಮನಿಸಿದಂತೆ, ಸೈಫ್ ಮತ್ತು ಕರೀನಾ ಕಾಫಿ ವಿತ್ ಕರಣ್ ಸೋಫಾದಲ್ಲಿ ಎರಡು ಬಾರಿ ಒಟ್ಟಿಗೆ ಕಾಣಿಸಿಕೊಂಡ ಏಕೈಕ ದಂಪತಿ. 2010 ರಲ್ಲಿ ಸೀಸನ್ 3 ರಲ್ಲಿ ಈ ಜೋಡಿ ಮೊದಲು ಒಟ್ಟಿಗೆ ಕಾಣಿಸಿಕೊಂಡಿತು. ಈ ಸಂಚಿಕೆಯಲ್ಲಿ ಅವರ ಸಂಬಂಧ, ಕುಟುಂಬ ಮತ್ತು ಒಟ್ಟಿಗೆ ಪ್ರಯಾಣದ ಬಗ್ಗೆ ಹೆಚ್ಚು ಪ್ರಶ್ನೆ ಕೇಳಲಾಗಿತ್ತು. ಮನೆಯಲ್ಲಿ ಕರೀನಾ ಹೇಗಿರುತ್ತಾರೆ ಎಂದು ಕರಣ್ ಕೇಳಿದಾಗ, ಸೈಫ್ ತಮಾಷೆಯಾಗಿ ತಮ್ಮ ಬೆಡ್ ಟೈಮ್ ವಿಷ್ಯ ಹಂಚಿಕೊಂಡರು. ಮಲಗುವ ಸಮಯದ ನಂತರ ಅವಳು ಇದ್ದಕ್ಕಿದ್ದಂತೆ ಏಕೆ ಮೌನವಾಗುತ್ತಾಳೆಂದು ಅರ್ಥಮಾಡಿಕೊಳ್ಳಲು ವರ್ಷಗಳೇ ಬೇಕಾಯಿತು ಎಂದು ಸೈಫ್ ಬಹಿರಂಗಪಡಿಸಿದರು.

ಬೆಡ್ಟೈಮ್ ಸೀಕ್ರೆಟ್ ಹಂಚಿಕೊಂಡ ಸೈಫ್

ನಾವು ಮಲಗಿದ್ದರೂ, ರಾತ್ರಿ 10 ಗಂಟೆ ಆಗುತ್ತಿದ್ದಂತೆಯೇ ಅವಳು ಮಾತನಾಡುವುದನ್ನು ಸ್ಟಾಪ್ ಮಾಡುತ್ತಾಳೆ. ನನಗೆ ಇದು ಮೊದಲಿಗೆ ಅರ್ಥವೇ ಆಗುತ್ತಿರಲಿಲ್ಲ ಎನ್ನುತ್ತಾ ಬೆಡ್ಟೈಮ್ ವಿಷ್ಯ ಹೇಳಿದ್ದಾರೆ. ಇದನ್ನು ಅರ್ಥಮಾಡಿಕೊಳ್ಳಲು ಸೈಫ್ ಅವರಿಗೆ ಒಂದೆರಡು ವರ್ಷಗಳು ಬೇಕಾಯಿತಂತೆ. "ಅದನ್ನು ಅರ್ಥಮಾಡಿಕೊಳ್ಳಲು ನನಗೆ ಒಂದೆರಡು ವರ್ಷಗಳು ಬೇಕಾಯಿತು ಎಂದಿದ್ದಾರೆ. 10 ಗಂಟೆಯ ಬಳಿಕ ನಾನು ಏನಾದರೂ ಮಾತನಾಡಿದರೆ ಹಾಂ, ಹೂಂ ಅಷ್ಟೇ ಹೇಳಿ ಸುಮ್ಮನಾಗುತ್ತಿದ್ದಳು. ನನಗೆ ನಾನು ಏನಾದ್ರೂ ಸಮಸ್ಯೆ ಮಾಡಿದ್ನಾ? ಅವಳಿಗೆ ಏನಾದ್ರೂ ಹೇಳಿದ್ನಾ ಎಂದೆಲ್ಲಾ ಸಂದೇಹ ಕಾಡುತ್ತಿತ್ತು. ಆದರೆ ಎರಡು ವರ್ಷಗಳ ಬಳಿಕ ಇದು ಅರ್ಥವಾಯಿತು ಎಂದಿದ್ದಾರೆ ಸೈಫ್. ಬೆಳಗಿನ ಸಮಯದಲ್ಲಿ ಈಗೆ ಫುಲ್ ಉಲ್ಟಾ ಇರುತ್ತಾಳೆ ಎಂದರು.

ಅಷ್ಟಕ್ಕೂ 10 ಗಂಟೆಗೆ ಸರಿಯಾಗಿ ಅವಳಿಗೆ ಮಲಗಬೇಕು. ಅದಕ್ಕಾಗಿ ಅವಳು ಸೈಲೆಂಟ್ ಆಗಿಬಿಡುತ್ತಾಳೆ. ಏನು ಕೇಳಿದರೂ ಉತ್ತರ ಹೇಳಲ್ಲ. ಆದರೆ ಬೆಳಗ್ಗೆ ಆಗುತ್ತಿದ್ದಂತೆಯೇ ಫುಲ್ ಜಾಲಿ ಮೂಡ್ನಲ್ಲಿ ಇರುತ್ತಾಳೆ ಎಂದು ಸೈಫ್ ಗುಟ್ಟು ಹೇಳಿದರು. "ಬೆಳಿಗ್ಗೆ ಹೆಚ್ಚಿನ ಸಮಯ ಫೋನ್‌ ಸಂಭಾಷಣೆಗಳಲ್ಲೇ ಕಳೆದು ಹೋಗುತ್ತದೆ ಎಂದಿದ್ದಾರೆ.

ಕನ್ನಡ ಸಿನಿಮಾಗಳು ಗೆಲ್ಲಬೇಕು, ಕೊಲ್ಲಬೇಡಿ.. ಗೋಲ್ಡನ್ ಸ್ಟಾರ್ ಗಣೇಶ್ ಸಿನಿಮಾ ನಿರ್ಮಾಪಕರ ಮನವಿ!

Govindaraj S — Fri, 13 Nov 2026 15:43:12 +0530

ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಅಭಿನಯದ ಬಹುನಿರೀಕ್ಷಿತ ‘ಬೃಂದಾವಿಹಾರಿ’ ಸಿನಿಮಾ ನವೆಂಬರ್‌ 20ರಂದು ತೆರೆಗೆ ಬರಲಿದೆ. ಸಮೃದ್ಧಿ ಮಂಜುನಾಥ್‌ ನಿರ್ಮಾಣದ, ಶ್ರೀನಿವಾಸ್‌ ರಾಜು ನಿರ್ದೇಶನದ ಈ ಚಿತ್ರ ಅಕ್ಟೋಬರ್‌ 16ರಂದೇ ಬಿಡುಗಡೆಯಾಗಬೇಕಿತ್ತು. ಆದರೆ, ಅದೇ ಸಮಯದಲ್ಲಿ ‘ಪ್ರೇಮದ ಊರಲಿ’ ಸಿನಿಮಾ ಪ್ರದರ್ಶನ ಕಾಣುತ್ತಿದ್ದು, ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿತ್ತು. ಆ ಚಿತ್ರಕ್ಕೆ ತೊಂದರೆಯಾಗಬಾರದು ಎಂಬ ಉದ್ದೇಶದಿಂದ ‘ಬೃಂದಾವಿಹಾರಿ’ ಬಿಡುಗಡೆಯನ್ನು ಒಂದು ತಿಂಗಳು ಮುಂದೂಡಲಾಗಿತ್ತು.

ಎಲ್ಲರಿಗೂ ಕನೆಕ್ಟ್‌ ಆಗುತ್ತದೆ

ಈ ಕುರಿತು ಮಾತನಾಡಿದ ಗಣೇಶ್‌, “ನಮ್ಮ ಚಿತ್ರದ ಬಿಡುಗಡೆಯನ್ನು ಮುಂದೂಡಿದ್ದಕ್ಕೆ ಬೇರೆ ಬೇರೆ ಅರ್ಥಗಳನ್ನು ಕಲ್ಪಿಸಲಾಗುತ್ತಿದೆ. ನಾವು ಬೇರೆ ಯಾವ ಚಿತ್ರಕ್ಕೂ ಹೆದರಿ ಬಿಡುಗಡೆ ಮುಂದೂಡಿಲ್ಲ. ಒಂದು ಕನ್ನಡ ಚಿತ್ರಕ್ಕೆ ತೊಂದರೆಯಾಗಬಾರದು, ನಮ್ಮಿಂದ ಒಳ್ಳೆಯ ಚಿತ್ರವೊಂದಕ್ಕೆ ಚಿತ್ರಮಂದಿರಗಳ ಸಮಸ್ಯೆ ಎದುರಾಗಬಾರದು ಎಂಬ ಕಾರಣಕ್ಕೆ ಇಡೀ ತಂಡ ಒಟ್ಟಾಗಿ ಈ ನಿರ್ಧಾರ ತೆಗೆದುಕೊಂಡಿತ್ತು. ‘ಬೃಂದಾವಿಹಾರಿ’ ಪಕ್ಕಾ ಫ್ಯಾಮಿಲಿ ಪ್ರೇಕ್ಷಕರು ನೋಡಿ ಮೆಚ್ಚುವಂಥ ಪ್ರೇಮಕಥೆ. ಇದರಲ್ಲಿ ನಾನು ಮಾಧವ ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದೇನೆ. ಈ ಪಾತ್ರ ಎಲ್ಲರಿಗೂ ಕನೆಕ್ಟ್‌ ಆಗುತ್ತದೆ ಎಂಬ ನಂಬಿಕೆ ಇದೆ. ಚಿತ್ರದ ಪೋಸ್ಟರ್‌ಗಳನ್ನು ನೋಡಿ ಕೆಲವರು ನನ್ನ ಹಿಂದಿನ ‘ಕೃಷ್ಣಂ ಪ್ರಣಯ ಸಖಿ’ ಚಿತ್ರಕ್ಕೆ ಹೋಲಿಸುತ್ತಿದ್ದಾರೆ. ಆದರೆ, ಎರಡೂ ಚಿತ್ರಗಳ ಕಥೆ ಸಂಪೂರ್ಣ ಭಿನ್ನ. ‘ಬೃಂದಾವಿಹಾರಿ’ ನೋಡಲು ಚಿತ್ರಮಂದಿರಕ್ಕೆ ಬರುವ ಪ್ರೇಕ್ಷಕರಿಗೆ ನಿರಾಸೆಯಾಗುವುದಿಲ್ಲ ಎಂಬ ವಿಶ್ವಾಸವಿದೆ” ಎಂದರು.

ನಿರೀಕ್ಷೆಗಳು ಹೆಚ್ಚಿವೆ

ನಿರ್ದೇಶಕ ಶ್ರೀನಿವಾಸ್‌ ರಾಜು ಮಾತನಾಡಿ, “ನಮ್ಮ ನಿರೀಕ್ಷೆಯಂತೆಯೇ ಸಿನಿಮಾ ಮೂಡಿಬಂದಿದೆ. ಗಣೇಶ್‌ ಮತ್ತು ನನ್ನ ಕಾಂಬಿನೇಷನ್‌ನ ಹಿಂದಿನ ಚಿತ್ರ ಯಶಸ್ವಿಯಾಗಿರುವುದರಿಂದ ಈ ಚಿತ್ರದ ಮೇಲೂ ನಿರೀಕ್ಷೆಗಳು ಹೆಚ್ಚಿವೆ. ಆ ನಿರೀಕ್ಷೆಗಳನ್ನು ಸಿನಿಮಾ ಖಂಡಿತವಾಗಿಯೂ ತಲುಪಲಿದೆ. ನಿರ್ಮಾಪಕರು ಯಾವುದಕ್ಕೂ ಕೊರತೆಯಾಗದಂತೆ ಚಿತ್ರಕ್ಕೆ ಬೆಂಬಲ ನೀಡಿದ್ದಾರೆ. ಕೇಳಿದ್ದಕ್ಕಿಂತ ಹೆಚ್ಚಾಗಿಯೇ ಕೊಟ್ಟಿದ್ದಾರೆ. ಹೀಗಾಗಿ ಸಿನಿಮಾ ತುಂಬಾ ಚೆನ್ನಾಗಿ ಮೂಡಿಬಂದಿದೆ” ಎಂದು ಹೇಳಿದರು.

ಕನ್ನಡ ಸಿನಿಮಾಗಳನ್ನು ಕೊಲ್ಲಬೇಡಿ

ನಿರ್ಮಾಪಕ ಸಮೃದ್ಧಿ ಮಂಜುನಾಥ್‌, “ನಾವು ಅಂದುಕೊಂಡಂತೆಯೇ ನವೆಂಬರ್‌ 20ರಂದು ಚಿತ್ರವನ್ನು ತೆರೆಗೆ ತರುತ್ತಿದ್ದೇವೆ. ಎಲ್ಲ ಒಳ್ಳೆಯ ಕನ್ನಡ ಸಿನಿಮಾಗಳೂ ಗೆಲ್ಲಬೇಕು ಎಂಬ ಆಶಯ ಹೊಂದಿರುವ ನಿರ್ಮಾಪಕ ನಾನು. ಅದೇ ಕಾರಣಕ್ಕೆ ‘ಪ್ರೇಮದ ಊರಲಿ’ ಚಿತ್ರಕ್ಕೆ ದಾರಿ ಮಾಡಿಕೊಟ್ಟು ನಮ್ಮ ಚಿತ್ರದ ಬಿಡುಗಡೆಯನ್ನು ಒಂದು ತಿಂಗಳು ಮುಂದೂಡಿದೆವು. ಇದರಿಂದ ನನಗೆ ಆರ್ಥಿಕ ನಷ್ಟವಾಗಿರಬಹುದು. ಆದರೆ, ಒಂದು ಒಳ್ಳೆಯ ಸಿನಿಮಾ ಹೆಚ್ಚಿನ ಸಂಖ್ಯೆಯ ಪ್ರೇಕ್ಷಕರನ್ನು ತಲುಪಿತು ಎಂಬ ಸಮಾಧಾನವಿದೆ. ಕನ್ನಡ ಸಿನಿಮಾಗಳನ್ನು ಕೊಲ್ಲಬೇಡಿ. ಒಳ್ಳೆಯ ಚಿತ್ರಗಳನ್ನು ಚಿತ್ರಮಂದಿರಗಳಲ್ಲಿ ನೋಡಿ, ಪ್ರೋತ್ಸಾಹಿಸಿ” ಎಂದು ಮನವಿ ಮಾಡಿದರು.

ಎನ್‌ವಿಡಿಯಾ ಸಿಇಒ ಜೇನ್ಸನ್‌ ಹುವಾಂಗ್ ರಾಜೀನಾಮೆ ಬೆನ್ನಲ್ಲೇ, ಭಾರತೀಯ ಮೂಲದ ಆರತಿ ಶಾ ಹೆಸರು ಮುನ್ನಲೆಗೆ!

Gowthami K — Fri, 13 Nov 2026 15:36:37 +0530

ಜಗತ್ತಿನ ಅತ್ಯಂತ ಪ್ರಮುಖ ಮತ್ತು ಮುಂಚೂಣಿ ಕೃತಕ ಬುದ್ಧಿಮತ್ತೆ (ಎಐ) ಮತ್ತು ಗ್ರಾಫಿಕ್ಸ್ ಚಿಪ್ ಉತ್ಪಾದನಾ ಕಂಪನಿಯಾಗಿದ ಅಮೆರಿಕದ ಎನ್‌ವಿಡಿಯಾ ಸಿಇಒ ಮತ್ತು ಸಹ-ಸ್ಥಾಪಕ ಜೇನ್ಸನ್‌ ಹುವಾಂಗ್ ಅವರನ್ನು ಚೀನಾದ ಗೂಢಚಾರಿಣಿ ಎಂದು ಶಂಕಿಸಲಾಗಿರುವ ಸಿಂಗಾಪುರ ಮೂಲದ ಮೆಗಾಸ್ಪೀಡ್‌ ಕಂಪನಿಯ ಆಲಿಸ್ ಹುವಾಂಗ್ ಎಂಬಾಕೆ ಜತೆ ಅಕ್ರಮ ಸಂಬಂಧ ಬೆಳಕಿಗೆ ಬಂದ ಬೆನ್ನಲ್ಲೇ ಎನ್‌ವಿಡಿಯಾದದಲ್ಲಿನ ತಮ್ಮ ಹುದ್ದೆಗೆ ಗುರುವಾರ ರಾಜೀನಾಮೆ ನೀಡಿದ್ದಾರೆ. ಉಪಾಧ್ಯಕ್ಷೆ ಮತ್ತು ಮುಖ್ಯ ಹಣಕಾಸು ಅಧಿಕಾರಿ ಕೊಲೆಟ್ ಕ್ರೆಸ್ ಅವರನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಮಧ್ಯಂತರ ಸಿಇಒ ಆಗಿ ನೇಮಕ ಮಾಡಲಾಗಿದೆ.

ಇದರ ಜೊತೆಗೆ ದೀರ್ಘಕಾಲದಿಂದ ಮಂಡಳಿಯ ಸದಸ್ಯ ಹಾರ್ವೆ ಸಿ. ಜೋನ್ಸ್ ಅವರನ್ನು ಅಧ್ಯಕ್ಷರನ್ನಾಗಿ ನೇಮಕ ಮಾಡಲಾಗಿದೆ. ಜೇನ್ಸನ್ ರಾಜೀನಾಮೆ ಬಳಿಕ ಎನ್‌ವಿಡಿಯಾ ಕಾರ್ಪ್ ನಿರ್ದೇಶಕರ ಮಂಡಳಿ ಸಭೆ ಮಾಡಲಾಯಿತು. ಕಂಪನಿಯು ಈಗ ಶಾಶ್ವತ ಉತ್ತರಾಧಿಕಾರಿ ನೇಮಕಕ್ಕೆ ಸೂಕ್ತ ಯಾರೆಂಬ ಹುಡುಕಾಟದಲ್ಲಿದೆ. ಈ ನಡುವೆ ಈಗ 2020 ರಲ್ಲಿ ಎನ್ವಿಡಿಯಾ ಮಂಡಳಿಗೆ ಸೇರಿದ ಭಾರತೀಯ ಮೂಲದ ಕಾರ್ಯನಿರ್ವಾಹಕಿ ಆರತಿ ಶಾ ಕೂಡ ಇದ್ದಾರೆ. ಶಾ ಜೊತೆಗೆ ಇತರ ಮಂಡಳಿಯ ಸದಸ್ಯರೂ ಕೂಡ ಇದ್ದಾರೆ.

ಯಾರು ಈ ಆರತಿ ಶಾ?

ಆರತಿ ಶಾ US ಔಷಧ ಕಂಪನಿ ಎಲಿ ಲಿಲ್ಲಿ ಅಂಡ್ ಕಂಪನಿಯಲ್ಲಿ 27 ವರ್ಷಗಳ ಕಾಲ ಕೆಲಸ ಮಾಡಿದ ಅನುಭವ ಹೊಂದಿದ್ದಾರೆ. 2021 ರವರೆಗೆ ಈ ಕಂಪೆನಿಯ ಭಾಗವಾಗಿದ್ದರು. ಇತ್ತೀಚೆಗೆ ಹಿರಿಯ ಉಪಾಧ್ಯಕ್ಷೆ, ಮುಖ್ಯ ಮಾಹಿತಿ ಮತ್ತು ಡಿಜಿಟಲ್ ಅಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸಿದ್ದರು. ಆರತಿ ಅವರು ಇಷ್ಟು ಮಾತ್ರವಲ್ಲದೆ ಹಿರಿಯ ಸಂಖ್ಯಾಶಾಸ್ತ್ರಜ್ಞೆ ಮತ್ತು ಸಂಶೋಧನಾ ವಿಜ್ಞಾನಿಯೂ ಆಗಿದ್ದಾರೆ. ಬಯೋಮೆಟ್ರಿಕ್ಸ್‌ನ ಉಪಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದ್ದು, ಬಯೋ-ಮೆಡಿಸಿನ್ಸ್ ವ್ಯವಹಾರ ಘಟಕದಲ್ಲಿ ಜಾಗತಿಕ ಬ್ರಾಂಡ್ ಅಭಿವೃದ್ಧಿ ಲೀಡರ್ ಆಗಿದ್ದರು.

2020 ರಲ್ಲಿ ಎನ್‌ವಿಡಿಯಾ ಮಂಡಳಿಗೆ ಸೇರ್ಪಡೆಯಾದರು. ಅದೇ ವರ್ಷ ಯುಎಸ್ ಹಣಕಾಸು ಸೇವೆಗಳ ಕಂಪನಿಯಾದ ನಾರ್ತ್‌ವೆಸ್ಟರ್ನ್ ಮ್ಯೂಚುಯಲ್‌ನ ಮಂಡಳಿಯ ಸದಸ್ಯರೂ ಆದರು, ನಂತರ ಸೇಂಟ್ ಜೂಡ್ ಚಿಲ್ಡ್ರನ್ಸ್ ರಿಸರ್ಚ್ ಹಾಸ್ಪಿಟಲ್ ಮತ್ತು ಅಮೇರಿಕನ್ ಲೆಬನೀಸ್ ಸಿರಿಯನ್ ಅಸೋಸಿಯೇಟೆಡ್ ಚಾರಿಟೀಸ್ ಮಂಡಳಿಯಲ್ಲಿ ಯೂ ಸೇವೆ ಸಲ್ಲಿಸುತ್ತಿದ್ದಾರೆ. ಅವರು ಶ್ರೀಮದ್ ರಾಜ್‌ಚಂದ್ರ ಮಿಷನ್ ಧರಂಪುರ USA ಯ ಕಾರ್ಯದರ್ಶಿ ಮತ್ತು ಟ್ರಸ್ಟಿಯೂ ಹೌದು. ಪ್ರಸ್ತುತ ಎನ್‌ವಿಡಿಯಾದಲ್ಲಿ ಆಡಿಟ್ ಮತ್ತು ಪರಿಹಾರ ಸಮಿತಿಗಳ ಸದಸ್ಯೆಯಾಗಿದ್ದಾರೆ.

ಭಾರತದಲ್ಲಿ ಹುಟ್ಟಿರುವ ಶಾ ಗುಜರಾತ್ ವಿಶ್ವವಿದ್ಯಾಲಯದಲ್ಲಿ ಸಂಖ್ಯಾಶಾಸ್ತ್ರ, ಗಣಿತಶಾಸ್ತ್ರದಲ್ಲಿ ಪದವಿ ಮತ್ತು ಸ್ನಾತಕೋತ್ತರ ಪದವಿಗಳನ್ನು ಹಾಗೂ ಸಂಖ್ಯಾಶಾಸ್ತ್ರದಲ್ಲಿ ರಿವರ್‌ಸೈಡ್‌ನ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಿಂದ ಪಿಎಚ್‌ಡಿ ಅಧ್ಯಯನ ಕೂಡ ಮಾಡಿದ್ದಾರೆ.

ಈಗ ಜೆನ್ಸನ್‌ ಬಳಿಕ ಕಂಪನಿಯನ್ನು ನೋಡಿಕೊಳ್ಳುವ ರೇಸ್ ನಲ್ಲಿ ಆರತಿ ಶಾ ಜೊತೆಗೆ ಇರುವ ಇತರ ನಿರ್ದೇಶಕರೆಂದರೆ ಹಾರ್ವೆ ಸಿ. ಜೋನ್ಸ್, ಸ್ಟೀಫನ್ ಸಿ. ನೀಲ್, ಟೆಂಚ್ ಕಾಕ್ಸ್, ಜಾನ್ ಒ. ಡಬಿರಿ, ಡಾನ್ ಹಡ್ಸನ್ ,ಮೆಲಿಸ್ಸಾ ಬಿ. ಲೋರಾ, ಎ. ಬ್ರೂಕ್ ಸೀವೆಲ್, ಮಾರ್ಕ್ ಎ. ಸ್ಟೀವನ್ಸ್, ಸುಜೇನ್ ನೋರಾ ಜಾನ್ಸನ್. ಆರತಿ ಶಾ ಎನ್‌ವಿಡಿಯಾ ಸಂಸ್ಥೆ ಸಿಇಒ ಆಗುತ್ತಾರೋ ಇಲ್ಲವೂ ಕಾದು ನೋಡಬೇಕಿದೆ.

ಕರಗಿದ ಜೆನ್ಸನ್‌ ಆಸ್ತಿ ಮೌಲ್ಯ

33 ವರ್ಷಗಳ ಹಿಂದೆ ತಾವೇ ಸ್ಥಾಪಿಸಿದ್ದ ಕಂಪನಿಗೆ ಜೆನ್ಸನ್‌ ರಾಜೀನಾಮೆ ಸುದ್ದಿ ಬೆನ್ನಲ್ಲೇ ವಿಶ್ವದ ಅತಿದೊಡ್ಡ ಚಿಪ್‌ ತಯಾರಿಕಾ ಕಂಪನಿಯಾದ ಎನ್‌ವಿಡಿಯಾದ ಷೇರು ಅಮೆರಿಕದ ಷೇರುಪೇಟೆಯಲ್ಲಿ ಶೇ.14ರಷ್ಟು ಭಾರೀ ಕುಸಿತ ಕಂಡಿದೆ. ಜೆನ್ಸನ್‌ ಅಕ್ರಮ ಸಂಬಂಧ ಬೆಳಕಿಗೆ ಬಂದ ಬಳಿಕ ಕಂಪನಿ ಷೇರುಮಾರುಕಟ್ಟೆ ಮೌಲ್ಯ 50 ಲಕ್ಷ ಕೋಟಿಗೂ ಹೆಚ್ಚಿನ ಪ್ರಮಾಣದಲ್ಲಿ ಕರಗಿದೆ.

ಎನ್‌ವಿಡಿಯಾ ಮಹತ್ವ:

ಎನ್‌ವಿಡಿಯಾ ಕಂಪನಿಯು, ಎಐ ಮತ್ತು ಡೇಟಾ ಸೆಂಟರ್‌ಗಳಲ್ಲಿ ಬಳಸಲಾಗುವ ಅತ್ಯಾಧುನಿಕ ಚಿಪ್‌ಗಳ ವಿಶ್ವದ ಅತಿದೊಡ್ಡ ಪೂರೈಕೆದಾರನಾಗಿದ್ದು ಮಾರುಕಟ್ಟೆಯಲ್ಲಿ ಶೇ.80ಕ್ಕೂ ಹೆಚ್ಚಿನ ಏಕಸ್ವಾಮ್ಯ ಹೊಂದಿದೆ. ಓಪನ್‌ ಎಐ, ಆ್ಯಂಥ್ರೋಪಿಕ್‌ನಂತಹ ಪ್ರಮುಖ ಎಐ ಸಂಸ್ಥೆಗಳಿಂದ ಹಿಡಿದು ಭಾರತದ ರಿಲಯನ್ಸ್ ಮತ್ತು ಸರ್ವಂನಂತಹ ಕಂಪನಿಗಳ ಎಐ ಮೂಲಸೌಕರ್ಯಗಳವರೆಗೆ ಇಡೀ ಜಾಗತಿಕ ಎಐ ವ್ಯವಸ್ಥೆಯೇ ಎನ್‌ವಿಡಿಯಾ ಚಿಪ್‌ಗಳ ಮೇಲೆ ಅವಲಂಬಿತವಾಗಿದೆ.

ಟಿವಿ, OTT ನೋಡುತ್ತಲೇ ಕನ್ನಡವನ್ನು ಇನ್ನಷ್ಟು ನಿರರ್ಗಳವಾಗಿ ಓದಿ: ಡಿಡಿ ಚಂದನ, WAVES ಒಟಿಟಿಯಲ್ಲಿ ಸೇಮ್ ಲ್ಯಾಂಗ್ವೇಜ್ ಸಬ್‌ಟೈಟ್ಲಿಂಗ್ ಅಭಿಯಾನ

Santosh Naik — Fri, 13 Nov 2026 15:35:32 +0530

ಬೆಂಗಳೂರು (ನ.13): ಕನ್ನಡ ರಾಜ್ಯೋತ್ಸವದ ಅಂಗವಾಗಿ, ದೂರದರ್ಶನ ಚಂದನ ವಾಹಿನಿಯು ನವೆಂಬರ್ 8 ರಂದು ಸಂಜೆ 7:30 ಕ್ಕೆ ಪ್ರಸಾರವಾದ 'ನುಡಿ ಹಬ್ಬ, ಸಿರಿಗನ್ನಡ ಸನ್ನಿಧಿ' ಎಂಬ ಕಾರ್ಯಕ್ರಮದಲ್ಲಿ, 'ಬಿಲಿಯನ್ ರೀಡರ್ಸ್ (BIRD)' ಸಂಸ್ಥೆಯನ್ನು ಆಹ್ವಾನಿಸಿತ್ತು. ಈ ಸಂಸ್ಥೆಯು ಕನ್ನಡ 'ಸೇಮ್ ಲ್ಯಾಂಗ್ವೇಜ್ ಸಬ್ಟೈಟ್ಲಿಂಗ್' (SLS ಅಥವಾ ಅದೇ ಭಾಷೆಯ ಉಪಶೀರ್ಷಿಕೆಗಳು) ಕುರಿತಾದ ತಮ್ಮ ಕಾರ್ಯಗಳನ್ನು ಈ ಕಾರ್ಯಕ್ರಮದಲ್ಲಿ ಪ್ರಸ್ತುತಪಡಿಸಿತು. ಕನ್ನಡ ಕವಿ ಮತ್ತು ಲೇಖಕಿ ಪ್ರತಿಭಾ ನಂದಕುಮಾರ್ ಅವರು ಈ ವಿಶೇಷ ಕಾರ್ಯಕ್ರಮದಲ್ಲಿ ಅತಿಥಿಯಾಗಿ ಭಾಗವಹಿಸಿದ್ದರು.

ಕಾರ್ಯಕ್ರಮದಲ್ಲಿ ಕರ್ನಾಟಕದ ಶ್ರೀಮಂತ ಪರಂಪರೆ, ಸಂಸ್ಕೃತಿ ಮತ್ತು ಭಾಷೆಯನ್ನು ಬಿಂಬಿಸುವ ಸಂಗೀತ ಪ್ರದರ್ಶನಗಳು ಹಾಗೂ ಬಾಲ ಕಲಾವಿದರ ಭಾಷಣಗಳು ನಡೆದವು. ಇದೇ ವೇಳೆ, ಪ್ರಸಾರ ಭಾರತಿಯ 'WAVES' OTT ಪ್ಲಾಟ್‌ಫಾರ್ಮ್‌ನಲ್ಲಿ ಕನ್ನಡ SLS ಅನ್ನು ಅಳವಡಿಸಿರುವ ಕುರಿತು BIRD ಸಂಸ್ಥೆಯು ಪ್ರಸ್ತುತಿಯನ್ನು ನೀಡಿತು. ಇದು ಕನ್ನಡ ಕಾರ್ಯಕ್ರಮಗಳನ್ನು (content) ಹೆಚ್ಚು ಸುಲಭವಾಗಿ ಗ್ರಹಿಸಲು ಮತ್ತು ವೀಕ್ಷಕರು ಕನ್ನಡವನ್ನು ಇನ್ನಷ್ಟು ನಿರರ್ಗಳವಾಗಿ ಓದಲು ಸಹಕಾರಿಯಾಗಿದೆ.

‘ಅಂಗವಿಕಲ ವ್ಯಕ್ತಿಗಳ ಹಕ್ಕುಗಳ ಅಧಿನಿಯಮ, 2016’ ರ (RPwD Act, 2016) ಅನುಗುಣವಾಗಿ, ಪ್ರಸಾರ ಭಾರತಿಯ ಕಾರ್ಯಕ್ರಮಗಳಿಗೆ ಉತ್ತಮ ಗುಣಮಟ್ಟದ SLS ಅನ್ನು ಅಳವಡಿಸುವ ಪ್ರಕ್ರಿಯೆಯನ್ನು ವೇಗಗೊಳಿಸಲು, ಪ್ರಸಾರ ಭಾರತಿ ಮತ್ತು BIRD ಸಂಸ್ಥೆಗಳ ನಡುವೆ ಒಂದು ಮಹತ್ವದ ಒಪ್ಪಂದ (Memorandum of Understanding) ಏರ್ಪಟ್ಟಿದೆ. ಇದರ ಭಾಗವಾಗಿ, ಭಾರತದಾದ್ಯಂತ ಇರುವ ಎಂಟು ದೂರದರ್ಶನ ಕೇಂದ್ರಗಳು (ಅವುಗಳಲ್ಲಿ 'ದೂರದರ್ಶನ ಚಂದನ'ವೂ ಒಂದು) BIRD ಸಂಸ್ಥೆಯೊಂದಿಗೆ ನಿಕಟವಾಗಿ ಕಾರ್ಯನಿರ್ವಹಿಸುತ್ತಿವೆ.

ಈ ಉಪಕ್ರಮವು ಮಾಧ್ಯಮ ಪ್ರವೇಶಸಾಧ್ಯತೆಗೆ (media accessibility) ಒಂದು ಸಾರ್ವಜನಿಕ ಹಿತಾಸಕ್ತಿ ಮಾನದಂಡವನ್ನು ಸ್ಥಾಪಿಸುವ ಮೂಲಕ, ದೇಶದಾದ್ಯಂತ ಲಕ್ಷಾಂತರ ವೀಕ್ಷಕರಲ್ಲಿ ಸಾಕ್ಷರತೆಯನ್ನು ಉತ್ತೇಜಿಸುತ್ತದೆ. ಅಲ್ಲದೆ, SLS ಮೂಲಕ ಮಾಹಿತಿ ನೀಡುವುದು, ಶಿಕ್ಷಣ ಒದಗಿಸುವುದು ಮತ್ತು ಮನರಂಜನೆ ನೀಡುವ ಪ್ರಸಾರ ಭಾರತಿಯ 'ಪ್ರವೇಶಸಾಧ್ಯತಾ ಧ್ಯೇಯ'ವನ್ನು (accessibility mission) ಕಾರ್ಯರೂಪಕ್ಕೆ ತರುತ್ತದೆ.

ಐ. ಐ. ಟಿ. (IIT) ದೆಹಲಿಯ ಅಡ್ಜಂಕ್ಟ್ ಪ್ರೊಫೆಸರ್ ಮತ್ತು BIRD ಸಂಸ್ಥಾಪಕರಾದ ಡಾ. ಬ್ರಿಜ್ ಕೊಠಾರಿ ಅವರು ಮಾತನಾಡುತ್ತಾ, 'ಈ ಒಪ್ಪಂದವು SLS ಅನ್ನು ಕೇವಲ ಒಂದು 'ಉತ್ತಮ ಅಭ್ಯಾಸ'ದಿಂದ (good practice) ನೀತಿ ಅನುಷ್ಠಾನದ ಹಂತಕ್ಕೆ ಮತ್ತು ಅಂತಿಮವಾಗಿ ವ್ಯವಸ್ಥಿತ ಬದಲಾವಣೆಯತ್ತ ಕೊಂಡೊಯ್ಯಲು ನಮಗೆ ಅವಕಾಶ ನೀಡುತ್ತದೆ. ಜನರು ತಮಗೆ ಇಷ್ಟವಾದ ಕಾರ್ಯಕ್ರಮಗಳನ್ನು ಅದೇ ಭಾಷೆಯಲ್ಲಿ ವೀಕ್ಷಿಸುವಾಗ, ಕೇಳುವಾಗ ಮತ್ತು ಓದುವಾಗ, ಅವರ ಮೆದುಳು ಶಬ್ದ ಮತ್ತು ಪಠ್ಯವನ್ನು ಅತ್ಯಂತ ಸುಲಭವಾಗಿ ಜೋಡಿಸುತ್ತದೆ. ಈಗ ಕರ್ನಾಟಕಕ್ಕೆ, ಪ್ರವೇಶಸಾಧ್ಯ ಮಾಧ್ಯಮ (accessible media) ಮತ್ತು ಜೀವನಪರ್ಯಂತ ಓದುವ ಕೌಶಲ್ಯವನ್ನು ಸುಧಾರಿಸುವ ನಿಟ್ಟಿನಲ್ಲಿ ರಾಷ್ಟ್ರೀಯ ಮಾದರಿಯಾಗುವ ಅವಕಾಶ ಲಭಿಸಿದೆ' ಎಂದರು.

ಕನ್ನಡ ರಾಜ್ಯೋತ್ಸವದ ಸಂದರ್ಭದಲ್ಲಿ ಈ ಸಂವಾದಕ್ಕೆ ವೇದಿಕೆ ಕಲ್ಪಿಸುವ ಮೂಲಕ, ಕನ್ನಡ ಮಾಧ್ಯಮ ಕಾರ್ಯಕ್ರಮಗಳಲ್ಲಿ (media content) ಕನ್ನಡ ಉಪಶೀರ್ಷಿಕೆಗಳನ್ನು (subtitles) ಬಳಸುವಿಕೆಯತ್ತ ಗಮನ ಸೆಳೆಯಲು BIRD ಉದ್ದೇಶಿಸಿದೆ. ಇದು ರಾಜ್ಯದ ಸಾಂಸ್ಕೃತಿಕ ಪರಂಪರೆಯನ್ನು ಸಂರಕ್ಷಿಸಲು ಮತ್ತು ಹಿಂದೆ ಜನಪ್ರಿಯವಾಗಿದ್ದ ಹಳೆಯ ಕಾರ್ಯಕ್ರಮಗಳನ್ನು (archival content) ಮರುಜೀವಗೊಳಿಸಲು ಸಹಾಯ ಮಾಡುವುದಲ್ಲದೆ, ವೀಕ್ಷಕರು ತಮಗೆ ಇಷ್ಟವಾದ ಕಾರ್ಯಕ್ರಮಗಳನ್ನು ನೋಡುವಾಗ ಕನ್ನಡದಲ್ಲಿ ಓದುವ ಪ್ರಾವೀಣ್ಯತೆಯನ್ನು ಬೆಳೆಸಿಕೊಳ್ಳಲು ಸಹಕಾರಿಯಾಗುತ್ತದೆ.

SLS ಮತ್ತು ಬಿಲಿಯನ್ ರೀಡರ್ಸ್ (BIRD) ಉಪಕ್ರಮದ ಬಗ್ಗೆ

SLS ಜನಪ್ರಿಯ ಹಾಡುಗಳು, ಕಾರ್ಯಕ್ರಮಗಳು ಮತ್ತು ಚಲನಚಿತ್ರಗಳಿಗೆ ಆಡಿಯೊದಂತೆಯೇ ಅದೇ ಭಾಷೆಯಲ್ಲಿ ಉಪಶೀರ್ಷಿಕೆಗಳನ್ನು ಸೇರಿಸುತ್ತದೆ, ದೈನಂದಿನ ಮನರಂಜನೆಯನ್ನು ಸುಲಭ, ಪುನರಾವರ್ತಿತ ಓದುವ ಅಭ್ಯಾಸವಾಗಿ ಪರಿವರ್ತಿಸುತ್ತದೆ. ಇದು ಶ್ರವಣದೋಷವುಳ್ಳ (DHH ಅಥವಾ ಡೆಫ್ ಅಂಡ್ ಹಾರ್ಡ್-ಆಫ್-ಹಿಯರಿಂಗ್) ವೀಕ್ಷಕರಿಗೆ ಮಾಧ್ಯಮ ಪ್ರವೇಶವನ್ನು ಹೆಚ್ಚಿಸುತ್ತದೆ. 1996 ರಲ್ಲಿ ಪ್ಲಾನೆಟ್ ರೀಡ್ ನಿಂದ ಪ್ರಾರಂಭವಾದ SLS, "ಪ್ರತಿಯೊಬ್ಬ ಭಾರತೀಯ, ನಿರರ್ಗಳ ಓದುಗ" ಎಂಬ ಕಲ್ಪನೆಯನ್ನು ಹೊಂದಿರುವ ರಾಷ್ಟ್ರವ್ಯಾಪಿ BIRD ಉಪಕ್ರಮವಾಗಿ ಬೆಳೆದಿದೆ.

ಸಾಕ್ಷರರು ಎಂದು ವರ್ಗೀಕರಿಸಲಾದ ಭಾರತದ ಒಂದು ಶತಕೋಟಿ ಜನರಲ್ಲಿ, ಅಂದಾಜು 60 ಕೋಟಿ ಜನರು ದುರ್ಬಲ ಓದುಗರು: ಅವರು ಕೆಲವು ಅಕ್ಷರಗಳು ಮತ್ತು ಪದಗಳನ್ನು ಗುರುತಿಸಬಲ್ಲರು, ಆದರೆ 2 ನೇ ತರಗತಿ ಮಟ್ಟದಲ್ಲಿರುವ ಸರಳ ಪಠ್ಯಗಳನ್ನು ಓದಲು ಅವರಿಗೆ ಸಾಧ್ಯವಿಲ್ಲ (ASER ವರದಿ, 2022). ದುರ್ಬಲ ಓದುಗರಲ್ಲಿ ಮಹಿಳೆಯರು ಮತ್ತು ಹುಡುಗಿಯರು 60% ರಷ್ಟಿದ್ದಾರೆ.

ಅಸ್ತಿತ್ವದಲ್ಲಿರುವ ಎಲ್ಲಾ ಮುಖ್ಯವಾಹಿನಿಯ ದೃಶ್ಯ ಮಾಧ್ಯಮಗಳಲ್ಲಿ SLS ಅನ್ನು ಅಳವಡಿಸುವುದು BIRD ಸಂಸ್ಥೆಯ ಮುಖ್ಯ ಉದ್ದೇಶವಾಗಿದೆ. ಭಾರತದಲ್ಲಿ ಒಂದು ಶತಕೋಟಿಗೂ ಹೆಚ್ಚು ಗ್ರಾಹಕರಿಗೆ ಅವರ ಆದ್ಯತೆಯ ವೀಕ್ಷಣಾ ಭಾಷೆಯಲ್ಲಿ ದೈನಂದಿನ, ದೀರ್ಘಾವಧಿಯ ಓದುವ ಅಭ್ಯಾಸವನ್ನು ಒದಗಿಸುತ್ತದೆ. ಬಿಲಿಯನ್ ರೀಡರ್ಸ್ ಇನಿಶಿಯೇಟಿವ್ ವೆಬ್‌ಸೈಟ್: https://billionreaders.org/

ಭಾಷಣವಿಲ್ಲ, ಕ್ಯಾಮೆರಾ ಮುಂದೆ ಪೋಸ್ ಇಲ್ಲ: 'ಪ್ರೇಮದ ಊರಲಿ' ಸಂಭ್ರಮದ ವಿಶೇಷವೇ ಬೇರೆ!

Govindaraj S — Fri, 13 Nov 2026 15:25:17 +0530

ಚಿತ್ರರಂಗ ಸಂಭ್ರಮಿಸುವುದನ್ನು ಈಚಿನ ಕೆಲವು ವರುಷಗಳಲ್ಲಿ ಮರೆತೇಬಿಟ್ಟಿತ್ತು. ಸಿನಿಮಾ ಗೆದ್ದಾಗಲೂ ಎಲ್ಲರನ್ನೂ ಕರೆದು ನಾಲ್ಕು ಮಾತಾಡುವುದನ್ನು ಬಹುತೇಕ ಚಿತ್ರತಂಡಗಳು ನಿಲ್ಲಿಸಿಬಿಟ್ಟಿದ್ದವು. ದೊಡ್ಡ ಸಿನಿಮಾಗಳಂತೂ ಗೆಲುವಿನ ಪತಾಕೆಯನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾರಿಸಿ ಸಂತೋಷ ಪಡುತ್ತವೆಯೇ ವಿನಾ, ಅವನ್ನು ಚಿತ್ರತಂಡದೊಂದಿಗೆ ಹಂಚಿಕೊಳ್ಳುವುದು ಅಪರೂಪ.

ಅಷ್ಟೇನೂ ಒಳ್ಳೆಯದಲ್ಲದ ಈ ಸಂಪ್ರದಾಯವನ್ನು ಮುರಿದದ್ದು ಪ್ರೇಮದ ಊರಲಿ ತಂಡ. ನಿರ್ಮಾಪಕ ದೇವೇಂದ್ರ ಮತ್ತು ನಿರ್ದೇಶಕ ಮನೋಜ್ ಕುಮಾರ್ ಚಿತ್ರಕ್ಕೆ ಬೆಂಬಲವಾಗಿ ನಿಂತ ಎಲ್ಲರನ್ನೂ ಕರೆಸಿ ಔತಣಕೂಟ ಏರ್ಪಡಿಸಿದ್ದರು. ಸಾಮಾನ್ಯವಾಗಿ ಇಂಥ ಔತಣಕೂಟಗಳ ನಡುವೆಯೂ ಮೊಸರನ್ನದಲ್ಲಿ ಕಲ್ಲು ಸಿಕ್ಕಂತೆ ಪತ್ರಿಕಾಗೋಷ್ಠಿ ಇರುತ್ತದೆ. ಆದರೆ ಪ್ರೇಮದ ಊರಲಿ ತಂಡ ಅಂಥ ಯಾವ ಔಪಚಾರಿಕ ಕಾರ್ಯಕ್ರಮವನ್ನೂ ಇಟ್ಟುಕೊಂಡಿರಲಿಲ್ಲ.

ಸಿನಿಮಾ ಬೆಳೆಯುತ್ತಾ ಹೋದ ಪವಾಡ

ಚಿತ್ರತಂಡದ ಹುಡುಗರು ಡಾನ್ಸ್ ಮಾಡಿದರು, ಹಿರಿಯರು ಕುಳಿತುಕೊಂಡು ನೋಡಿದರು. ರಂಗಾಯಣ ರಘು ಚಿತ್ರೀಕರಣದ ಪ್ರಸಂಗಗಳನ್ನು ಹಂಚಿಕೊಂಡರು. ನೋಡನೋಡುತ್ತಿದ್ದಂತೆ ಸಿನಿಮಾ ಬೆಳೆಯುತ್ತಾ ಹೋದ ಪವಾಡವನ್ನು ವಿವರಿಸಿದರು. ನಾಯಕ ನಟ ಶ್ರೀರಾಮ್ ಚಿತ್ರದ ಗೆಲುವು ತಂದುಕೊಟ್ಟ ಬಿಡುವಿಲ್ಲದ ಬದುಕನ್ನು ಎಂಜಾಯ್ ಮಾಡುತ್ತಲೇ ತಾವು ನಡೆದು ಬಂದ ದಾರಿಯ ಕಷ್ಟಗಳನ್ನು ವಿವರಿಸಿದರು. ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾಗ ನಿರ್ದೇಶಕರಿಂದ ಬೈಗಳು ತಿಂದಿದ್ದನ್ನು ಚಪ್ಪರಿಸುತ್ತಲೇ ನೆನಪಿಸಿಕೊಂಡರು. ನಿರ್ದೇಶಕ ಮನೋಜ್ ಎಲ್ಲರನ್ನೂ ಸ್ವಾಗತಿಸುತ್ತಾ, ಮುಗುಳುನಗು ಬೀರುತ್ತಾ ಓಡಾಡುತ್ತಿದ್ದರು.

ಒಂದು ಸಿನಿಮಾ ಗೆಲ್ಲುವುದೆಂದರೆ ಒಬ್ಬ ನಾಯಕನ ಗೆಲುವಲ್ಲ. ತೆರೆಮೇಲೆ ಕಾಣಿಸಿಕೊಳ್ಳುವವರಷ್ಟೇ ಅಲ್ಲ, ತೆರೆಮರೆಯಲ್ಲಿ ಬೆವರು ಸುರಿಸಿದ ನೂರಾರು ಜನರ ಗೆಲುವು ಕೂಡ. ಆ ಗೆಲುವಿನಲ್ಲಿ ಒಂದು ದಿನವಾದರೂ ಎಲ್ಲರೂ ಪಾಲ್ಗೊಳ್ಳಬೇಕು. ಸಿನಿಮಾದ ಸೋಲನ್ನು ಹಂಚಿಕೊಳ್ಳಲು ಚಿತ್ರತಂಡಕ್ಕೆ ಅನೇಕ ಸಂದರ್ಭಗಳು ಸಿಗುತ್ತವೆ. ಆದರೆ ಗೆಲುವನ್ನು ಹಂಚಿಕೊಳ್ಳುವ ಇಂಥ ಕ್ಷಣಗಳು ಸಿಗುವುದು ಅಪರೂಪ. ಅಂದು ಅಲ್ಲಿ ಯಾರೂ ದೊಡ್ಡವರಿರಲಿಲ್ಲ, ಸಣ್ಣವರಿರಲಿಲ್ಲ.

ಸಂಭ್ರಮಗಳು ಚಿತ್ರರಂಗಕ್ಕೆ ಬೇಕು

ಸಿನಿಮಾ ಎಂಬ ಒಂದೇ ಕಾರಣಕ್ಕೆ ಸೇರಿದ್ದ ಜನರಿದ್ದರು. ಯಾರೂ ಭಾಷಣ ಮಾಡಬೇಕಿರಲಿಲ್ಲ, ಯಾರೂ ಲೆಕ್ಕ ಕೊಡಬೇಕಿರಲಿಲ್ಲ. ಹಾಡು, ಕುಣಿತ, ನೆನಪು ಮತ್ತು ನಗುವಿನ ನಡುವೆ ಒಂದು ಸಿನಿಮಾ ತನ್ನನ್ನು ರೂಪಿಸಿದ ಎಲ್ಲರಿಗೂ ಕೃತಜ್ಞತೆ ಹೇಳುತ್ತಿತ್ತು. ಇಂಥ ವಿನಾಕಾರಣ ಸಂಭ್ರಮಗಳು ಚಿತ್ರರಂಗಕ್ಕೆ ಬೇಕು. ನವೆಂಬರ್ ತಿಂಗಳ ಚಳಿಯನ್ನು ಹಿಮ್ಮೆಟ್ಟಿಸುವ ಕಾಕ್‌ಟೇಲ್ ಮತ್ತು ಸಕ್ಸಸ್‌ ಟೇಲ್ ನಡುವೆ ಪ್ರೇಮದ ಊರಿನ ಮಂದಿ ಬೆಳದಿಂಗಳಿಗಾಗಿ ಕಾಯುತ್ತಿದ್ದಂತೆ ಇತ್ತು.

‘ಅಮೃತಧಾರೆ’ ಧಾರಾವಾಹಿ ಅಂತ್ಯ…. ಸುಂದರ ಪಯಣದ ಕುರಿತು ಡಾರ್ಲಿಂಗ್ ಅಪರ್ಣಾ ಹೇಳಿದ್ದೇನು?

Pavna Das — Fri, 13 Nov 2026 15:25:16 +0530

ಅಮೃತಧಾರೆ ಕುರಿತು ನಟಿ ಸ್ವಾತಿ ಭಾವುಕ ಪೋಸ್ಟ್

ಜೀ ಕನ್ನಡ ವಾಹಿನಿಯ ಜನಪ್ರಿಯ ಧಾರಾವಾಹಿ ‘ಅಮೃತಧಾರೆ’ ಕೊನೆಯ ಸಂಚಿಕೆಯ ಶೂಟಿಂಗ್ ಮುಗಿಸಿದ್ದು, ಶೀಘ್ರದಲ್ಲಿ ಧಾರಾವಾಹಿ ಕೂಡ ಅಂತ್ಯವಾಗಲಿದೆ. ಅಮೃತಧಾರೆ ಧಾರಾವಾಹಿ ಕಳೆದ ನಾಲ್ಕು ವರ್ಷಗಳಿಂದ ವೀಕ್ಷಕರಿಗೆ ಭರ್ಜರಿ ಮನರಂಜನೆ ನೀಡುತ್ತಾ ಬಂದಿದ್ದು, ಗೌತಮ್ ದಿವಾನ್ ಮತ್ತು ಭೂಮಿಕಾ ಜೋಡಿಯನ್ನು ಜನ ಸಿಕ್ಕಾಪಟ್ಟೆ ಇಷ್ಟಪಟ್ಟಿದ್ದರು. ಇದೀಗ ಕೊನೆಗೂ ಅಂತ್ಯವಾಗಿತ್ತಿದೆ. ಈ ಕುರಿತು ಧಾರಾವಾಹಿಯಲ್ಲಿ ಆನಂದ್ ಪತ್ನಿ ಅಪರ್ಣಾ ಪಾತ್ರದಲ್ಲಿ ನಟಿಸುತ್ತಿರುವ ನಟಿ ಸ್ವಾತಿ ಭಾವುಕ ಪೋಸ್ಟ್ ಹಂಚಿಕೊಂಡಿದ್ದಾರೆ.

ಅಪರ್ಣ ಪಾತ್ರದ ಮೂಲಕ ಗಮನ ಸೆಳೆದಿದ್ದ ಸ್ವಾತಿ

ಗೌತಮ್ ದಿವಾನ್ ಬೆಸ್ಟ್ ಫ್ರೆಂಡ್ ಆನಂದ್ ಹಾಗೂ ಅವನ ಪತ್ನಿ ಅಪರ್ಣಾ. ಮೂವರು ಜೊತೆಯಾಗಿ ಕಾಲೇಜು ಓದಿದವರು. ಅಪರ್ಣಾಳನ್ನು ಗೌತಮ್ ಪ್ರೀತಿಯಿಂದ ಕರೆಯುತ್ತಿದ್ದುದ್ದೇ ಡಾರ್ಲಿಂಗ್ ಎಂದು. ಅಪರ್ಣ ಮತ್ತು ಆನಂದ್ ಜೋಡಿ, ಅಪರ್ಣಾ ಮತ್ತು ಗೌತಮ್ ಮಾತುಕತೆ ಹಾಗೂ ಆನಂದ್ ಕಾಲೆಳುವ ರೀತಿಯನ್ನು ಜನ ಇಷ್ಟಪಟ್ಟಿದ್ದರು. ಧಾರಾವಾಹಿಯಲ್ಲಿ ಕಳೆದ ನಾಲ್ಕು ವರ್ಷಗಳಿಂದ ಈ ಪಾತ್ರಕ್ಕೆ ಜೀವ ತುಂಬಿ ಜನ ಮನ ಗೆದ್ದಿದ್ದರು ಸ್ವಾತಿ. ಇವರು ಸೀರಿಯಲ್ ಅಂತ್ಯದ ಕುರಿತು ಭಾವುಕ ಪೋಸ್ಟ್ ಮಾಡಿದ್ದು, ಜೊತೆಗೆ ಸೀರಿಯಲ್ ತಂಡದ ಜೊತೆಗಿನ ಫೋಟೊಗಳನ್ನು ಸಹ ಹಂಚಿಕೊಂಡಿದ್ದಾರೆ.

ಸ್ವಾತಿ ಪೋಸ್ಟ್ ನಲ್ಲಿ ಏನಿದೆ?

ಅಮೃತಧಾರೆ ಧಾರಾವಾಹಿಯ 1,100 ಸಂಚಿಕೆಗಳು… ಲೆಕ್ಕವಿಲ್ಲದಷ್ಟು ನೆನಪುಗಳು… ಎಂದಿಗೂ ಮರೆಯಲಾಗದ ಸುಂದರ ಪಯಣ! ಈ ಧಾರಾವಾಹಿಯನ್ನು ಇಷ್ಟು ವಿಶೇಷವಾಗಿಸಿದ ಇಡೀ ತಾರಾಗಣ, ತಂತ್ರಜ್ಞರ ತಂಡ, ನಿರ್ದೇಶಕರು, ನಿರ್ಮಾಪಕರು, ತಾಂತ್ರಿಕ ವರ್ಗ ಹಾಗೂ ತೆರೆಮರೆಯಲ್ಲಿ ಹಗಲಿರುಳು ಶ್ರಮಿಸಿದ ಪ್ರತಿಯೊಬ್ಬರಿಗೂ ಹೃತ್ಪೂರ್ವಕ ಧನ್ಯವಾದಗಳು. ನಿಮ್ಮೆಲ್ಲರ ಪ್ರೀತಿ, ಬೆಂಬಲ, ಸಮರ್ಪಣೆ ಮತ್ತು ಸಹಕಾರದಿಂದ ಈ ಸುಂದರ ಪಯಣ ಮತ್ತಷ್ಟು ಸ್ಮರಣೀಯವಾಗಿದೆ. ನಿಮ್ಮೊಂದಿಗೆ ಕಳೆದ ಪ್ರತಿಯೊಂದು ಕ್ಷಣವೂ ಅಮೂಲ್ಯವಾದ ನೆನಪಾಗಿ ಉಳಿಯಲಿದೆ. ಪ್ರತಿಯೊಂದು ಅಂತ್ಯವೂ ಹೊಸ ಅಧ್ಯಾಯದ ಆರಂಭವೇ ಆಗಿರುತ್ತದೆ. ಧಾರಾವಾಹಿ ಮುಕ್ತಾಯಗೊಳ್ಳಬಹುದು, ಆದರೆ ಅದರೊಂದಿಗಿನ ನೆನಪುಗಳು ಎಂದಿಗೂ ಮಾಸುವುದಿಲ್ಲ. ಈ ಸುಂದರ ಪಯಣದ ಭಾಗವಾಗಿದ್ದಕ್ಕೆ ಸದಾ ಹೆಮ್ಮೆ ಇದೆ. ಈ ತಂಡದ ಪ್ರತಿಯೊಬ್ಬರಿಗೂ ಮತ್ತೊಮ್ಮೆ ಹೃದಯಪೂರ್ವಕ ಧನ್ಯವಾದಗಳು ಎಂದು ಸ್ವಾತಿ ಬರೆದುಕೊಂಡಿದ್ದಾರೆ.

ವೀಕ್ಷಕರು ಹೇಳಿದ್ದೇನು?

ಅಮೃತಧಾರೆ ಧಾರಾವಾಹಿ ನಮ್ಮ ಜೀವನದ ಒಂದು ಭಾಗವೇ ಆಗಿತ್ತು. ಈ ಧಾರಾವಾಹಿ ಮುಗಿಯುತ್ತಿರುವುದಕ್ಕೆ ಬೇಸರ ಇದೆ. ಜೊತೆಗೆ ಡುಮ್ಮ ಸರ್ ನ ಪ್ರೀತಿಯ ಡಾರ್ಲಿಂಗ್ ನ್ನು ಸಹ ಮಿಸ್ ಮಾಡಿಕೊಳ್ಳುತ್ತೇವೆ. ಆದಷ್ಟು ಬೇಗ ಹೊಸ ಧಾರಾವಾಹಿ ಮೂಲಕ ವಾಪಾಸ್ ಬನ್ನಿ ಎಂದು ಹಾರೈಸಿದ್ದಾರೆ.

'ರಾಮಾಯಣ'ದಾಚೆಗೂ ರಾಕಿಂಗ್ ಸ್ಟಾರ್ ರಾವಣ ಸಾಧಿಸಿದ ಗೆಲುವು: ಜಗತ್ತೇ ಮೆಚ್ಚಿದ ಮಗ ಯಶ್

Govindaraj S — Fri, 13 Nov 2026 15:18:40 +0530

ಜೋಗಿ

ಪ್ರೇಕ್ಷಕ ಗೆಲುವನ್ನು ಸಂಭ್ರಮಿಸುವ ಹಾಗೆಯೇ, ಕೆಲವೊಮ್ಮೆ ಸೋಲಿನಲ್ಲೂ ಸಡಗರ ಪಡುವುದಿದೆ. ಟಾಕ್ಸಿಕ್ ಚಿತ್ರ ಬಿಡುಗಡೆ ಆದಾಗ ಅಂಥದ್ದೊಂದು ಉತ್ಸಾಹದಲ್ಲಿಯೇ ರಾಯನ ಕತೆ ಮುಗಿಯಿತು ಅನ್ನುವ ಟೀಕೆಗಳು ಕೇಳಿಬಂದವು. ಬಹುಶಃ ರಾಮಾಯಣ ಬಿಡುಗಡೆಯಾಗುವ ಹೊತ್ತಿಗೆ ಕೂಡ ಟಾಕ್ಸಿಕ್‌ನ ಕರಿನೆರಳು ಪೂರ್ತಿ ಸರಿದಿರಲಿಲ್ಲ. ರಾಮಾಯಣದ ಪ್ರೀಮಿಯರ್ ಅಮೆರಿಕಾದಲ್ಲಿ ನಡೆದ ನಂತರ ಬಂದ ವರದಿಗಳು ಕೂಡ ಉತ್ಸಾಹದಾಯಕ ಆಗಿರಲಿಲ್ಲ.

ಈಗಲೂ ರಾಮಾಯಣದಲ್ಲಿ ಸೀತೆ ಸರಿಯಿಲ್ಲ, ರಾಮ ದುರ್ಬಲ, ಲಕ್ಷ್ಮಣ ಅದ್ಭುತ, ಮಂಡೋದರಿಯೇ ಸುಂದರಿ, ಶೂರ್ಪನಖಿ ಉಗುರು ಸರಿಯಿಲ್ಲ, ಸೆಂಟಿಮೆಂಟು ಬದಿಗೆ ಸರಿದಿದೆ ಎಂಬಿತ್ಯಾದಿ ಟೀಕೆಗಳ ಕಿಡಿ ಹಾರುತ್ತಲೇ ಇದೆ. ಇದು ರಾಮಾಯಣ ಅಲ್ಲ, ರಾವಣಾಯಣ ಅನ್ನುವ ಟಿಪ್ಪಣಿಗಳೂ ಬಂದಿವೆ. ಸಿನಿಮಾ ಬಿಡುಗಡೆಯಾದ ಮೇಲೆ ಇಂಥ ಚರ್ಚೆಗಳು ಸಹಜ. ಆದರೆ ಒಂದು ಸಿನಿಮಾದಲ್ಲಿನ ಸಣ್ಣಪುಟ್ಟ ಲೋಪಗಳನ್ನೇ ದೊಡ್ಡದಾಗಿಸಿ, ಅದರ ಒಟ್ಟಾರೆ ಪ್ರಯತ್ನವನ್ನು ನಿರಾಕರಿಸುವುದೂ ನಮ್ಮ ಸಿನೆಮಾ ಚರ್ಚೆಯ ಒಂದು ಭಾಗವಾಗಿಬಿಟ್ಟಿದೆ.

ಪ್ರೇಕ್ಷಕರಿಂದ ಭಾರಿ ಪ್ರತಿಕ್ರಿಯೆ

ಆದರೆ ಇವೆಲ್ಲವನ್ನೂ ಮೀರಿ ಯಶ್ ಜಗ ಮೆಚ್ಚಿದ ಮಗನಾಗಿ ಹೊರಹೊಮ್ಮಿದ್ದಾರೆ. ಇಡೀ ರಾಮಾಯಣದ ಭಾರವನ್ನು ಅವರೊಬ್ಬರೇ ಹೊತ್ತುಕೊಂಡಿದ್ದಾರೆ ಎನ್ನುವುದಕ್ಕಿಂತ, ರಾಮಾಯಣದಾಚೆಗೂ ತಮ್ಮ ವ್ಯಕ್ತಿತ್ವವನ್ನು ವಿಸ್ತರಿಸಿಕೊಂಡಿದ್ದಾರೆ ಎನ್ನುವುದು ಹೆಚ್ಚು ಸೂಕ್ತ. ಅಮೆರಿಕದ ಲಾಸ್ ಏಂಜಲೀಸ್‌ನಲ್ಲಿ ನಡೆದ ಪ್ರೀಮಿಯರ್‌ನಲ್ಲಿ ಯಶ್ ವೇದಿಕೆಗೆ ಬಂದಾಗ ಪ್ರೇಕ್ಷಕರಿಂದ ಭಾರಿ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ವಿದೇಶಿ ವಿಮರ್ಶಕರಲ್ಲೂ ಅವರ ರಾವಣನ ಪಾತ್ರದ ಬಗ್ಗೆ ಮೆಚ್ಚುಗೆ ಕೇಳಿಬಂದಿದೆ. ‘ನೆಕ್ಸ್ಟ್ ಬೆಸ್ಟ್ ಪಿಕ್ಚರ್’ನ ಜಿಯೋವಾನಿ ಲಾಗೋ ಕೂಡ ಯಶ್ ಅವರ ಅಭಿನಯವನ್ನು ಚಿತ್ರದ ಗಮನ ಸೆಳೆಯುವ ಅಂಶಗಳಲ್ಲಿ ಒಂದೆಂದು ಗುರುತಿಸಿದ್ದಾರೆ. ಇನ್ನು ‘ಗಾರ್ಡಿಯನ್’ ಚಿತ್ರವನ್ನು ಮನರಂಜನಾತ್ಮಕ ಸಾಹಸಗಾಥೆ ಎಂದು ಕರೆದಿದೆ.

ಇಂಡೋನೇಷ್ಯಾದ ಜಕಾರ್ತದಲ್ಲಿ ನಡೆದ ಪ್ರದರ್ಶನದ ಸಂದರ್ಭದಲ್ಲೂ ರಾಮಾಯಣದ ಪಾತ್ರಗಳ ವೇಷ ಧರಿಸಿ ಬಂದ ಪ್ರೇಕ್ಷಕರು, ಭಾರತೀಯ ಸಂಸ್ಕೃತಿಯ ಸೊಗಡಿನೊಂದಿಗೆ ಚಿತ್ರವನ್ನು ಸ್ವಾಗತಿಸಿದ್ದಾರೆ. ಥಾಯ್ಲೆಂಡ್‌ನಲ್ಲೂ ಚಿತ್ರಕ್ಕೆ ಉತ್ತಮ ಆರಂಭ ಸಿಕ್ಕಿದೆ. ಅಂದರೆ ಯಶ್ ಈಗ ಕನ್ನಡದ ಗಡಿಯನ್ನು ದಾಟಿ, ಭಾರತೀಯ ಚಿತ್ರರಂಗದ ಗಡಿಯನ್ನು ದಾಟಿ ಹೊಸ ಪ್ರೇಕ್ಷಕರನ್ನು ತಲುಪುತ್ತಿದ್ದಾರೆ.

ಈ ಚರ್ಚೆಗಳೆಲ್ಲ ಅಳಿಸಿಹಾಕಲಾರವು

ಇಲ್ಲಿ ಒಂದು ವ್ಯತ್ಯಾಸವನ್ನು ಗುರುತಿಸಬೇಕು. ರಾಮಾಯಣ ಗೆದ್ದಿದೆಯೇ ಇಲ್ಲವೇ ಎನ್ನುವುದು ಒಂದು ಪ್ರಶ್ನೆ. ಯಶ್ ಗೆದ್ದಿದ್ದಾರೆಯೇ ಎನ್ನುವುದು ಇನ್ನೊಂದು ಪ್ರಶ್ನೆ. ರಾಮಾಯಣದ ಬಗ್ಗೆ ವಿಮರ್ಶಕರಲ್ಲಿ ಭಿನ್ನಾಭಿಪ್ರಾಯಗಳಿರಬಹುದು. ಅದರ ಕಥನ, ಪಾತ್ರಗಳ ನಿರ್ವಹಣೆ, ದೃಶ್ಯವೈಭವಗಳ ಬಗ್ಗೆ ಚರ್ಚೆಗಳು ಮುಂದುವರಿಯಬಹುದು. ಆದರೆ ಯಶ್ ಅವರ ಜಾಗತಿಕ ನೆಲೆಯನ್ನು ಈ ಚರ್ಚೆಗಳೆಲ್ಲ ಅಳಿಸಿಹಾಕಲಾರವು. ಒಂದು ಸಿನಿಮಾ ಯಶಸ್ವಿಯಾಗುವುದಕ್ಕೆ ಅನೇಕ ಕಾರಣಗಳಿರುತ್ತವೆ. ಆದರೆ ಒಬ್ಬ ನಟನ ಯಶಸ್ಸು ಅವನ ಹಿಂದಿನ ಚಿತ್ರಗಳನ್ನೂ, ಭಾಷೆಯನ್ನೂ ಮೀರಿ ಹೊಸ ಪ್ರೇಕ್ಷಕರ ಮನಸ್ಸಿನಲ್ಲಿ ಜಾಗ ಪಡೆಯುವುದರಲ್ಲಿದೆ.

ಕೆಜಿಎಫ್ ಮೂಲಕ ಯಶ್ ಆರಂಭಿಸಿದ ಪಯಣ ಈಗ ಮತ್ತೊಂದು ಹಂತ ತಲುಪಿದೆ. ಭಾರತೀಯ ನಟನೊಬ್ಬ ಜಾಗತಿಕ ಮಟ್ಟದಲ್ಲಿ ತನ್ನದೇ ಆದ ಪ್ರೇಕ್ಷಕವರ್ಗವನ್ನು ಕಟ್ಟಿಕೊಳ್ಳುವುದು ಸಣ್ಣ ಸಾಧನೆಯಲ್ಲ. ಅವರನ್ನು ಗ್ಲೋಬಲ್ ಸ್ಟಾರ್ ಎಂದು ಕರೆದರೆ ಈಗ ಅದರಲ್ಲಿ ಉತ್ಪ್ರೇಕ್ಷೆಯಿಲ್ಲ. ರಾಮಾಯಣದ ಗೆಲುವು ಕಾಲ ನಿರ್ಧರಿಸಲಿ. ಆದರೆ ಯಶ್ ಅವರ ಗೆಲುವು ಮಾತ್ರ ಅದಕ್ಕಿಂತ ದೊಡ್ಡದು. ರಾವಣನ ಪಾತ್ರವನ್ನು ನಿರ್ವಹಿಸಿದ ನಟನಾಗಿ ಮಾತ್ರವಲ್ಲ, ಕನ್ನಡದ ನೆಲದಿಂದ ಹೊರಟು ಜಗತ್ತಿನ ಸಿನಿಮಾ ಪ್ರೇಕ್ಷಕರ ಗಮನ ಸೆಳೆದ ಕಲಾವಿದನಾಗಿ ಅವರು ತಮ್ಮ ಸ್ಥಾನವನ್ನು ಗಟ್ಟಿಗೊಳಿಸುತ್ತಿದ್ದಾರೆ. ಬಹುಶಃ ಈ ರಾಮಾಯಣದಲ್ಲಿ ಯಶ್ ಕಂಡುಕೊಂಡಿರುವ ಅತಿ ದೊಡ್ಡ ವಿಜಯ ಅದೇ.

'ಕರ್ಣ'ದಲ್ಲಿ ನಿತ್ಯ ಪಾತ್ರಕ್ಕೆ "ಅರ್ಥಪೂರ್ಣ ಅಂತ್ಯ ಬೇಕಿತ್ತು" ಎಂದ ವೀಕ್ಷಕರು.. ಮೊದಲೇ ಹಿಂಟ್ ಕೊಟ್ಟಿದ್ದ ನಮ್ರತಾ ಗೌಡ!

Ashwini HR — Fri, 13 Nov 2026 15:17:01 +0530

ಕನ್ನಡ ಕಿರುತೆರೆಯ ಜನಪ್ರಿಯ 'ಕರ್ಣ' ಧಾರಾವಾಹಿಯ ಇತ್ತೀಚಿನ ಪ್ರೋಮೋದಲ್ಲಿ ನಟಿ ನಮ್ರತಾ ಗೌಡ ಅವರು ಅಭಿನಯಿಸುತ್ತಿದ್ದ 'ನಿತ್ಯ' ಪಾತ್ರದ ಪಯಣ ಅಂತ್ಯಗೊಳ್ಳುತ್ತಿರುವುದು ತಿಳಿದುಬಂದಿದೆ. ಈ ಬೆಳವಣಿಗೆಯ ಕುರಿತು ಕಿರುತೆರೆ ಪ್ರೇಕ್ಷಕರೊಬ್ಬರು ತಮ್ಮ ಮನದಾಳದ ಅಭಿಪ್ರಾಯವನ್ನು ಹಂಚಿಕೊಂಡಿದ್ದು, ಪಾತ್ರದ ಅಂತ್ಯದ ಬಗ್ಗೆ ನಿರಾಸೆ ವ್ಯಕ್ತಪಡಿಸುವುದರ ಜೊತೆಗೆ ನಮ್ರತಾ ಗೌಡ ಅವರ ನಟನೆಗೆ ಮೆಚ್ಚುಗೆ ಸೂಚಿಸಿದ್ದಾರೆ.

ಟಿಪಿಕಲ್ ಸೀರಿಯಲ್ ಪಾತ್ರವಾಗಿರಲಿಲ್ಲ ನಿತ್ಯ!

ಸಾಮಾನ್ಯವಾಗಿ ಅನೇಕ ವೀಕ್ಷಕರಿಗೆ ನಿತ್ಯ ಪಾತ್ರ ಇಷ್ಟವಾಗದೇ ಇರಬಹುದು ಅಥವಾ ಆ ಪಾತ್ರದೊಂದಿಗೆ ಭಾವನಾತ್ಮಕವಾಗಿ ಕನೆಕ್ಟ್ ಆಗಲು ಸಾಧ್ಯವಾಗದೇ ಇರಬಹುದು. ಆದರೆ, ಟಿವಿ ಧಾರಾವಾಹಿಗಳಲ್ಲಿ ಕಾಣಸಿಗುವ ಸಾಮಾನ್ಯ (Typical) ಪಾತ್ರಗಳಿಗಿಂತ ನಿತ್ಯ ಪಾತ್ರ ತುಂಬಾ ಭಿನ್ನ ಮತ್ತು ಆಸಕ್ತಿದಾಯಕವಾಗಿತ್ತು ಎಂದು ಅಭಿಪ್ರಾಯಪಡಲಾಗಿದೆ.

ಸೀರಿಯಲ್‌ಗಳಲ್ಲಿ ಸಾಮಾನ್ಯವಾಗಿ ಪಾತ್ರಗಳು ನಾಯಕನ ಸುತ್ತಮುತ್ತಲೇ ಸುತ್ತುತ್ತವೆ—ನಾಯಕನ ಜೊತೆ ಕ್ಯೂಟ್ ಆಗಿ ಜಗಳವಾಡುವುದು, ಪೊಸೆಸಿವ್ ಆಗಿ ವರ್ತಿಸುವುದು, ವಿಲನ್‌ಗಳಿಂದ ಆತನನ್ನು ಕಾಪಾಡುವುದು ಅಥವಾ ವ್ರತಗಳನ್ನು ಮಾಡುವುದಕ್ಕಷ್ಟೇ ಸೀಮಿತವಾಗಿರುತ್ತವೆ. ಆದರೆ ನಿತ್ಯ ಪಾತ್ರ ಹಾಗಿದ್ದಿರಲಿಲ್ಲ. ಆಕೆಗೆ ತನ್ನದೇ ಆದ ಸಮಸ್ಯೆಗಳಿದ್ದವು, ಗೊಂದಲಗಳಿದ್ದವು ಮತ್ತು ಬದುಕಿನ ಹೋರಾಟಗಳಿದ್ದವು. ಕಷ್ಟದ ಪರಿಸ್ಥಿತಿಯಲ್ಲಿ ಸಿಲುಕಿ ಒದ್ದಾಡಿದರೂ, ಅದರಿಂದ ಹೊರಬರಲು ಆಕೆ ಹೋರಾಟ ಆರಂಭಿಸಿದ್ದಳು. ತನಗಾಗಿ ಮತ್ತು ತನ್ನ ಮಗುವಿಗಾಗಿ ಒಂದು ಒಳ್ಳೆಯ ಜೀವನವನ್ನು ಕಟ್ಟಿಕೊಳ್ಳುವ ಪಯಣವನ್ನು ಆಕೆ ಶುರುಮಾಡಿದ್ದಳು. ಇದು ಅನೇಕ ಮಹಿಳೆಯರಿಗೆ ಸ್ಫೂರ್ತಿದಾಯಕವಾಗುವಂತಹ ಅಂಶವಾಗಿತ್ತು.

ಮನರಂಜನೆಯ ನಡುವೆ ಸಂಕೀರ್ಣ ಪಾತ್ರದ ಮಹತ್ವ

ಬಹುತೇಕ ಜನರು ಟಿವಿ ನೋಡುವುದು ಕೇವಲ ಮನರಂಜನೆಗಾಗಿ. ನೇರವಾದ ಮತ್ತು ಸದಾ ಖುಷಿಯಾಗಿರುವ ಪಾತ್ರಗಳಿಗೆ ಜನರು ಬೇಗ ಕನೆಕ್ಟ್ ಆಗುತ್ತಾರೆ. ಆದರೆ ನಿತ್ಯಳಂತಹ ಸಂಕೀರ್ಣ ಪಾತ್ರವನ್ನು ಅರ್ಥಮಾಡಿಕೊಳ್ಳಲು ವೀಕ್ಷಕರು ಭಾವನಾತ್ಮಕವಾಗಿ ತೊಡಗಿಸಿಕೊಳ್ಳಬೇಕಾಗುತ್ತದೆ. ಮಹಿಳೆಯರೆಂದರೆ ಕೇವಲ ಪರಿಪೂರ್ಣರಾಗಿರಬೇಕಿಲ್ಲ. ಅವರಲ್ಲೂ ನ್ಯೂನತೆಗಳಿರಬಹುದು, ತಪ್ಪುಗಳಾಗಬಹುದು, ಕೆಲವೊಮ್ಮೆ ಗಟ್ಟಿಯಾಗಿಯೂ, ಇನ್ನು ಕೆಲವೊಮ್ಮೆ ದುರ್ಬಲರಾಗಿಯೂ ಕಾಣಿಸಬಹುದು. ತಮ್ಮದೇ ಯುದ್ಧವನ್ನು ತಾವೇ ಹೋರಾಡುವ ಶಕ್ತಿ ಮಹಿಳೆಯರಿಗಿದೆ. ಪ್ರತಿಯೊಂದು ಬಾರಿಯೂ ಅವರನ್ನು ಕಾಪಾಡಲು ಒಬ್ಬ ಹೀರೋ ಬರುವ ಅಗತ್ಯವಿರುವುದಿಲ್ಲ ಎಂಬುದನ್ನು ನಿತ್ಯ ಪಾತ್ರ ತೋರಿಸಿಕೊಟ್ಟಿತ್ತು.

ನಮ್ರತಾ ಗೌಡ ನಟನೆಗೆ ಹ್ಯಾಟ್ಸ್ ಆಫ್

ನಿತ್ಯ ಪಾತ್ರವನ್ನು ಇನ್ನೂ ಚೆನ್ನಾಗಿ ಬೆಳೆಸಿ, ಉತ್ತಮ ಪಯಣದ ಮೂಲಕ ಒಂದು ಅರ್ಥಪೂರ್ಣ ಅಂತ್ಯವನ್ನು ನೀಡಬಹುದಿತ್ತು. ಆದರೆ ಈ ರೀತಿಯ ದಿಢೀರ್ ಅಂತ್ಯ ನೀಡಿರುವುದು ನಿರಾಸೆ ತಂದಿದೆ ಎಂದು ಹೇಳಲಾಗಿದೆ. ಇಷ್ಟೆಲ್ಲಾ ಸವಾಲುಗಳ ನಡುವೆಯೂ ಇಂತಹದ್ದೊಂದು ಸಂಕೀರ್ಣ ಪಾತ್ರವನ್ನು ಒಪ್ಪಿಕೊಂಡು, ಆ ಪಾತ್ರವಿದ್ದಷ್ಟು ದಿನವೂ ಅದಕ್ಕೆ ನ್ಯಾಯ ಒದಗಿಸಲು ಪ್ರಯತ್ನಿಸಿದ ನಟಿ ನಮ್ರತಾ ಗೌಡ ಅವರಿಗೆ ಹೃದಯಪೂರ್ವಕ ಮೆಚ್ಚುಗೆ (ಹ್ಯಾಟ್ಸ್ ಆಫ್) ವ್ಯಕ್ತಪಡಿಸಲಾಗಿದೆ.

ನಿತ್ಯಳಂತಹ ಪಾತ್ರ ಕಿರುತೆರೆಗಿಂತ ಹೆಚ್ಚಾಗಿ ಬೆಳ್ಳಿತೆರೆಗೆ (ಸಿನಿಮಾ) ಹೆಚ್ಚು ಸೂಕ್ತವಾಗಿತ್ತು ಎನಿಸುತ್ತದೆ. ಏಕೆಂದರೆ ಅಲ್ಲಿ ವೇಗವಾಗಿ ಮತ್ತು ಅರ್ಥಪೂರ್ಣವಾಗಿ ಕಥೆಯನ್ನು ಮುಗಿಸಲಾಗುತ್ತದೆ. "ನಮಗೆ ಯಾವಾಗಲೂ ಟಿಪಿಕಲ್ ಪಾತ್ರಗಳೇ ಬೇಕಾಗಿಲ್ಲ, ಕೆಲವೊಮ್ಮೆ ನಿತ್ಯಳಂತಹ ಪಾತ್ರಗಳೂ ಬೇಕಾಗುತ್ತವೆ" ಎಂಬ ಮಾತುಗಳೊಂದಿಗೆ ಪ್ರೇಕ್ಷಕರ ಅಭಿಪ್ರಾಯವನ್ನು ಕೇಳಲಾಗಿದೆ.

ಅಂದು ನಮ್ರತಾ ಗೌಡ ಹೇಳಿದ್ದೇನು?

ನಮ್ರತಾ ಗೌಡ ಅವರು ಇತ್ತೀಚೆಗಷ್ಟೇ ಸಂದರ್ಶನವೊಂದರಲ್ಲಿ ತಾವು ಪ್ರಮುಖ ಪ್ರಾಜೆಕ್ಟ್ ಒಂದರಿಂದ ಹೊರನಡೆದಿರುವುದಾಗಿ ಅಚ್ಚರಿಯ ಮಾಹಿತಿ ಹಂಚಿಕೊಂಡಿದ್ದರು. ನಟಿಯ ಈ ಹೇಳಿಕೆಯ ಬೆನ್ನಲ್ಲೇ, ಅವರು ಜನಪ್ರಿಯ 'ಕರ್ಣ' ಧಾರಾವಾಹಿಯಿಂದಲೇ ದೂರ ಸರಿದಿದ್ದಾರೆ ಎಂಬ ಚರ್ಚೆ ಸಾಮಾಜಿಕ ಜಾಲತಾಣಗಳಲ್ಲಿ ಜೋರಾಗಿತ್ತು.

ಕಳೆದ ಕೆಲವು ಸಂಚಿಕೆಗಳಿಂದ 'ಕರ್ಣ' ಸೀರಿಯಲ್‌ನಲ್ಲಿ ನಮ್ರತಾ ನಿರ್ವಹಿಸುತ್ತಿದ್ದ 'ನಿತ್ಯಾ' ಪಾತ್ರ ಕಾಣಿಸದಿರುವುದು ವೀಕ್ಷಕರಲ್ಲಿ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿತ್ತು. ಸೀರಿಯಲ್‌ನಿಂದ ಅವರು ಏಕೆ ದೂರ ಉಳಿದಿದ್ದಾರೆ ಎಂಬ ಕುತೂಹಲ ಮೂಡಿದ್ದ ಸಮಯದಲ್ಲೇ, ಸಂದರ್ಶನದಲ್ಲಿ ಅವರು ನೀಡಿದ ಹೇಳಿಕೆಗಳು ಅಭಿಮಾನಿಗಳ ಅನುಮಾನವನ್ನು ಮತ್ತಷ್ಟು ಗಟ್ಟಿಗೊಳಿಸಿದ್ದವು. "ನಮ್ರತಾ ಹೇಳುತ್ತಿರುವುದು 'ಕರ್ಣ' ಧಾರಾವಾಹಿಯ ಕುರಿತೇ ಆಗಿದ್ದು, ಅವರು ಆ ಸೀರಿಯಲ್‌ನಿಂದ ಸಂಪೂರ್ಣವಾಗಿ ಹೊರಬಂದಿದ್ದಾರೆ" ಎಂದು ನೆಟ್ಟಿಗರು ಕಾಮೆಂಟ್‌ಗಳ ಮೂಲಕ ಲೆಕ್ಕಾಚಾರ ಹಾಕಿದ್ದರು.

ಪ್ರಾಜೆಕ್ಟ್ ತೊರೆಯಲು ಕಾರಣವೇನು ಎಂಬುದನ್ನು ಸಂದರ್ಶನದಲ್ಲಿ ವಿವರಿಸಿದ್ದ ನಮ್ರತಾ ಗೌಡ, ಆರಂಭದಲ್ಲಿ ತಮ್ಮ ಪಾತ್ರಕ್ಕೆ ಹಲವು ಶೇಡ್‌ಗಳಿರುತ್ತವೆ ಎಂದು ಹೇಳಲಾಗಿತ್ತು ಎಂದಿದ್ದಾರೆ. ಆದರೆ, ಕಥೆ ಸಾಗಿದಂತೆಲ್ಲಾ ಪಾತ್ರದ ದಿಕ್ಕು ಬದಲಾಗಿ, ಪ್ರೇಕ್ಷಕರಿಂದ ತೀವ್ರ ವಿರೋಧ ಹಾಗೂ ನೆಗೆಟಿವ್ ಕಾಮೆಂಟ್‌ಗಳು ಎದುರಾದವು ಎಂದು ಬೇಸರ ತೋಡಿಕೊಂಡಿದ್ದಾರೆ. "ಪ್ರತಿದಿನ ಸೋಶಿಯಲ್ ಮೀಡಿಯಾದಲ್ಲಿ ಜನ ಕೆಟ್ಟದಾಗಿ ನಿಂದಿಸುತ್ತಿದ್ದರು. ಶೂಟಿಂಗ್ ಮುಗಿಸಿ ಮನೆಗೆ ಬಂದ ಬಳಿಕ ಅತ್ತು, ಊಟವನ್ನೂ ಮಾಡದೆ ಮಲಗುತ್ತಿದ್ದೆ. ಕೇವಲ ಹಣಕ್ಕಾಗಿ, ಯಾವುದೇ ಆತ್ಮತೃಪ್ತಿ ಇಲ್ಲದೆ ಮೌನವಾಗಿ ನಟಿಸುತ್ತಿರುವಂತೆ ಭಾಸವಾಯಿತು. ಹೀಗಾಗಿ ನನ್ನ ಮನಃಶಾಂತಿ ಹಾಗೂ ವೃತ್ತಿಜೀವನದ ಹಿತದೃಷ್ಟಿಯಿಂದ ವಾಹಿನಿ ಮತ್ತು ತಂಡದೊಂದಿಗೆ ವೃತ್ತಿಪರವಾಗಿ ಚರ್ಚಿಸಿ ನಾನೇ ಹೊರಬಂದೆ. ಸದ್ಯ ಆ ಪಾತ್ರದ ಎಕ್ಸಿಟ್ ಎಪಿಸೋಡ್‌ಗಳಿಗಾಗಿ ಕಾಯುತ್ತಿದ್ದೇನೆ" ಎಂದು ನಮ್ರತಾ ಗೌಡ ಸ್ಪಷ್ಟನೆ ನೀಡಿದ್ದರು.

ರಾತ್ರಿ ಊಟಕ್ಕೆ ಹೋಟೆಲ್ ತಿಂಡಿ ತಿಂದು ಬೇಸತ್ತಿದ್ದ ಬೆಂಗಳೂರು ಟೆಕ್ಕಿ ದಂಪತಿ; ಇಂದು 1,500 ಜನರಿಗೆ ಮನೆಯೂಟ ನೀಡುವ ಉದ್ಯಮಿಗಳು

Sushma Hegde — Fri, 13 Nov 2026 15:14:31 +0530

ಬೆಂಗಳೂರಿನ ಐಟಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ದಂಪತಿ ತಮ್ಮ ಉದ್ಯೋಗಕ್ಕೆ ರಾಜೀನಾಮೆ ನೀಡಿ, ಆರೋಗ್ಯಕರ ಹಾಗೂ ಮನೆಯೂಟದ ರುಚಿಯ ಆಹಾರ ನೀಡುವ ಉದ್ಯಮ ಆರಂಭಿಸಿದ್ದಾರೆ. ಕೇವಲ ₹15 ಲಕ್ಷ ಬಂಡವಾಳದೊಂದಿಗೆ ಶುರುವಾದ ಇವರ ಉದ್ಯಮ ಕೇವಲ 9 ತಿಂಗಳಲ್ಲಿ ಬರೋಬ್ಬರಿ ₹56 ಲಕ್ಷ ಆದಾಯ ಗಳಿಸಿದೆ. ಅಷ್ಟೇ ಅಲ್ಲ, ಇದುವರೆಗೆ 1,500ಕ್ಕೂ ಹೆಚ್ಚು ಗ್ರಾಹಕರಿಗೆ 55 ಸಾವಿರಕ್ಕೂ ಅಧಿಕ ಊಟದ ಪೊಟ್ಟಣಗಳನ್ನು ತಲುಪಿಸಿದೆ. ಬೆಂಗಳೂರು ಮೂಲದ ದಿಯಾ ಕೃಷ್ಣಕುಮಾರ್ ಮತ್ತು ಆದಿತ್ಯ ನಟರಾಜನ್ ಅವರು ಆರಂಭಿಸಿರುವ ಈ ಸ್ಟಾರ್ಟ್‌ಅಪ್ ಹೆಸರು 'ವೆಲ್‌ಫೆಡ್' (Wellfed). ಆರೋಗ್ಯಕರ ಆಹಾರವನ್ನು ಕೈಗೆಟುಕುವ ದರದಲ್ಲಿ ಉದ್ಯೋಗಿಗಳಿಗೆ ತಲುಪಿಸುವ ಉದ್ದೇಶದಿಂದ ಈ ಜೋಡಿ ಉದ್ಯಮ ಆರಂಭಿಸಿದೆ.

ಐಟಿ ಕೆಲಸದ ಒತ್ತಡದಿಂದ ಹುಟ್ಟಿದ ಉದ್ಯಮದ ಐಡಿಯಾ

ದಿಯಾ ಮತ್ತು ಆದಿತ್ಯ ಇಬ್ಬರೂ ಬೆಂಗಳೂರಿನಲ್ಲಿ ಕಂಪ್ಯೂಟರ್ ಸೈನ್ಸ್ ಓದಿದ್ದು, ಬಳಿಕ ಒಂದೇ ಐಟಿ ಕಂಪನಿಯಲ್ಲಿ ಕೆಲಸಕ್ಕೆ ಸೇರಿದ್ದರು. ಮೂರು ವರ್ಷಕ್ಕೂ ಹೆಚ್ಚು ಕಾಲ ಕಾರ್ಪೊರೇಟ್ ವಲಯದಲ್ಲಿ ಕೆಲಸ ಮಾಡಿದ್ದ ಇವರಿಗೆ ಕೆಲಸದ ಒತ್ತಡದ ನಡುವೆ ಆರೋಗ್ಯಕರ ಆಹಾರ ಸೇವಿಸುವುದು ಕಷ್ಟವಾಗುತ್ತಿತ್ತು. ಬಹುತೇಕ ದಿನಗಳಲ್ಲಿ ರೆಸ್ಟೋರೆಂಟ್ ಆಹಾರ ಅಥವಾ ಫುಡ್ ಡೆಲಿವರಿ ಆ್ಯಪ್‌ಗಳನ್ನೇ ಅವಲಂಬಿಸಬೇಕಾಗಿತ್ತು. ಮನೆಯಲ್ಲೇ ಅಡುಗೆ ಮಾಡಬೇಕೆಂದರೂ ಸಮಯದ ಅಭಾವ ಎದುರಾಗುತ್ತಿತ್ತು.

ಈ ಬಗ್ಗೆ ಮಾತನಾಡಿದ್ದ ಆದಿತ್ಯ, ಕೆಲ ದಿನ ಕೆಲಸ ಮುಗಿಸಿ ಮನೆಗೆ ಬರುವಾಗ ರಾತ್ರಿ ಊಟಕ್ಕೆ ಹೊರಗಿನಿಂದ ಆಹಾರ ತರಬೇಕಾಗುತ್ತಿತ್ತು. ಇನ್ನು ಕೆಲ ದಿನ ದಿಯಾ ಮನೆಯಲ್ಲೇ ಏನಾದರೂ ಅಡುಗೆ ಮಾಡಿ ಊಟ ಸಿದ್ಧಪಡಿಸಲು ಪರದಾಡುತ್ತಿದ್ದರು ಎಂದು ಹೇಳಿದ್ದಾರೆ. ದಿಯಾ ಅವರ ಪ್ರಕಾರ, ಆನ್‌ಲೈನ್‌ನಲ್ಲಿ 20 ನಿಮಿಷದಲ್ಲಿ ಸಿದ್ಧವಾಗುತ್ತದೆ ಎಂದು ಹೇಳುವ ರೆಸಿಪಿಯನ್ನು ಮನೆಯಲ್ಲೇ ತಯಾರಿಸಲು ದುಪ್ಪಟ್ಟು ಸಮಯ ಬೇಕಾಗುತ್ತದೆ. ದಿನವಿಡೀ ಒತ್ತಡದ ಕೆಲಸ ಮಾಡಿ ಮನೆಗೆ ಬರುವ ಉದ್ಯೋಗಿಗಳಿಂದ ಪ್ರತಿದಿನ ಅಡುಗೆ ನಿರೀಕ್ಷಿಸುವುದು ಕಷ್ಟದ ಕೆಲಸ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

₹15 ಲಕ್ಷ ಹೂಡಿಕೆಯೊಂದಿಗೆ ವೆಲ್‌ಫೆಡ್ ಆರಂಭ

ಆರೋಗ್ಯಕರ ಆಹಾರ ಒದಗಿಸುವ ಹಲವು ಮೀಲ್ ಸಬ್‌ಸ್ಕ್ರಿಪ್ಷನ್ ಸೇವೆಗಳನ್ನು ಈ ದಂಪತಿ ಹುಡುಕಿದ್ದರು. ಆದರೆ ಹೆಚ್ಚಿನ ಕಡೆ ವಿಭಿನ್ನ ದೇಶಗಳ ಖಾದ್ಯಗಳು, ಫ್ಯಾನ್ಸಿ ಡಿಶ್‌ಗಳು ಸಿಗುತ್ತಿದ್ದವು. ಇವರಿಗೆ ಬೇಕಾಗಿದ್ದು ಮಾತ್ರ ಸರಳವಾದ, ಆರೋಗ್ಯಕರ ಭಾರತೀಯ ಮನೆಯೂಟ.

ಕೈಗೆಟುಕುವ ದರದಲ್ಲಿ ಇಂತಹ ಆಹಾರ ಸಿಗದ ಹಿನ್ನೆಲೆಯಲ್ಲಿ ತಾವೇ ಈ ಉದ್ಯಮ ಆರಂಭಿಸಲು ನಿರ್ಧರಿಸಿದರು.

ಸೆಪ್ಟೆಂಬರ್ 2024ರಲ್ಲಿ ತಮ್ಮ ಐಟಿ ಉದ್ಯೋಗಕ್ಕೆ ರಾಜೀನಾಮೆ ನೀಡಿ, ಎಂಬಿಎ ಅಧ್ಯಯನದ ಜೊತೆಗೆ 'ವೆಲ್‌ಫೆಡ್' ಉದ್ಯಮ ಆರಂಭಿಸಿದರು. ಇದಕ್ಕಾಗಿ ತಮ್ಮ ವೈಯಕ್ತಿಕ ಉಳಿತಾಯದಿಂದ ಬಹುತೇಕ ಹಣವನ್ನು ಬಳಸಿಕೊಂಡು ಒಟ್ಟು ₹15 ಲಕ್ಷ ಹೂಡಿಕೆ ಮಾಡಿದರು. ಆರಂಭದಲ್ಲಿ ಈ ತಂಡದಲ್ಲಿ ಆರು ಮಂದಿ ಇದ್ದರು. ಇಬ್ಬರು ಸಂಸ್ಥಾಪಕರ ಜೊತೆಗೆ ಪೌಷ್ಟಿಕಾಂಶ ತಜ್ಞರು, ಅಡುಗೆ ಸಿಬ್ಬಂದಿ, ಸ್ಟೀವರ್ಡ್ ಮತ್ತು ಡೆಲಿವರಿ ಸಿಬ್ಬಂದಿ ಸೇರಿದ್ದರು. ಮೊದಲಿಗೆ ತಮ್ಮ ಸ್ನೇಹಿತರು ಹಾಗೂ ಕುಟುಂಬದವರಿಗೆ ಊಟ ತಯಾರಿಸಿ ನೀಡುವ ಮೂಲಕ ಉದ್ಯಮ ಆರಂಭಿಸಿದರು.

ಒಂದು ರೀಲ್ಸ್‌ನಿಂದ ಸಿಕ್ಕರು ಮೊದಲ 100 ಗ್ರಾಹಕರು

ಆರಂಭದಲ್ಲಿ ಸ್ನೇಹಿತರು ಮತ್ತು ಕುಟುಂಬದವರಿಂದ ಉತ್ತಮ ಪ್ರತಿಕ್ರಿಯೆ ಸಿಕ್ಕಿತು. ಬಳಿಕ ಬೆಂಗಳೂರಿನ ಓರ್ವ ನ್ಯೂಟ್ರಿಷನಿಸ್ಟ್ ವೆಲ್‌ಫೆಡ್ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ರೀಲ್ಸ್ ಹಂಚಿಕೊಂಡರು. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಉದ್ಯಮಕ್ಕೆ ಮೊದಲ 100 ಗ್ರಾಹಕರು ಸಿಕ್ಕರು. ಆದರೆ ಉದ್ಯಮದ ಹಾದಿ ಅಷ್ಟು ಸುಲಭವಾಗಿರಲಿಲ್ಲ. 2026ರ ಆರಂಭದಲ್ಲಿ ಎಲ್‌ಪಿಜಿ ಗ್ಯಾಸ್ ಕೊರತೆಯಿಂದ ಅಡುಗೆ ಕಾರ್ಯಾಚರಣೆಗೆ ತೊಂದರೆಯಾಯಿತು. ಇದರಿಂದ ಮೆನು ಬದಲಾಯಿಸಬೇಕಾಯಿತು. ಪರಿಣಾಮ ಉದ್ಯಮದ ಬೆಳವಣಿಗೆಯ ವೇಗವೂ ಸ್ವಲ್ಪ ಕುಂಠಿತವಾಯಿತು.

ವೆಲ್‌ಫೆಡ್‌ನಲ್ಲಿ ಸಿಗುವ ಊಟದ ವಿಶೇಷತೆ ಏನು?

ವೆಲ್‌ಫೆಡ್‌ನಲ್ಲಿ ಪ್ರತಿದಿನದ ಮನೆಯೂಟದ ರುಚಿಯ ಆಹಾರಕ್ಕೆ ಆದ್ಯತೆ ನೀಡಲಾಗುತ್ತದೆ. ದಾಲ್, ಆಲೂ ಗೋಬಿ, ಜೋಳದ ರೊಟ್ಟಿ, ಆದ್ರಕ್ ಚಿಕನ್, ಛೋಲೆ ಚಾಟ್ ಸೇರಿದಂತೆ ಹಲವು ಭಾರತೀಯ ಖಾದ್ಯಗಳು ಇಲ್ಲಿ ಲಭ್ಯವಿವೆ. ಪನೀರ್, ಟೋಫು, ಸೋಯಾ ಮತ್ತು ಚಿಕನ್‌ನಂತಹ ಪ್ರೋಟೀನ್‌ಯುಕ್ತ ಆಹಾರ ಪದಾರ್ಥಗಳನ್ನೂ ಮೆನುವಿನಲ್ಲಿ ಸೇರಿಸಲಾಗಿದೆ. ಇದರ ಜೊತೆಗೆ ಗ್ರಾಹಕರಿಗಾಗಿ ರೋಲ್‌ಗಳು, ಬಿರಿಯಾನಿ ಮತ್ತು ಇಂಡೋ-ಚೈನೀಸ್ ಖಾದ್ಯಗಳಂತಹ ವಿಶೇಷ ಆಯ್ಕೆಗಳೂ ಇವೆ.

ಮೀಲ್ ಸಬ್‌ಸ್ಕ್ರಿಪ್ಷನ್ ದರ ಎಷ್ಟು?

ಗ್ರಾಹಕರಿಗಾಗಿ ವೆಲ್‌ಫೆಡ್ ಮೂರು ರೀತಿಯ ಮೀಲ್ ಸಬ್‌ಸ್ಕ್ರಿಪ್ಷನ್ ಪ್ಲಾನ್‌ಗಳನ್ನು ಪರಿಚಯಿಸಿದೆ.

- 3 ದಿನಗಳ ಟ್ರಯಲ್ ಪ್ಲಾನ್: ಪ್ರತಿ ಊಟಕ್ಕೆ ₹289. ಸೋಮವಾರದಿಂದ ಶನಿವಾರದವರೆಗೆ ಲಂಚ್ ಮತ್ತು ಡಿನ್ನರ್ ಆಯ್ಕೆ.

- 2 ವಾರಗಳ ಪ್ಲಾನ್: ಪ್ರತಿ ಊಟಕ್ಕೆ ₹279. ಲಂಚ್ ಮತ್ತು ಡಿನ್ನರ್ ಜೊತೆಗೆ ನ್ಯೂಟ್ರಿಷನಿಸ್ಟ್ ಮಾರ್ಗದರ್ಶನ.

- 1 ತಿಂಗಳ ಪ್ಲಾನ್: ಪ್ರತಿ ಊಟಕ್ಕೆ ₹269. ಲಂಚ್ ಮತ್ತು ಡಿನ್ನರ್ ಜೊತೆಗೆ ಉಚಿತ ಡೆಲಿವರಿ, ಪೌಷ್ಟಿಕಾಂಶ ತಜ್ಞರ ಸಲಹೆ ಹಾಗೂ ಬಳಸದ ಊಟವನ್ನು ಮುಂದಿನ ದಿನಗಳಿಗೆ ವರ್ಗಾಯಿಸುವ ಸೌಲಭ್ಯ.

ಈ ಎಲ್ಲಾ ಪ್ಲಾನ್‌ಗಳಲ್ಲಿ ಉಚಿತ ಡೆಲಿವರಿ ಸೌಲಭ್ಯವೂ ಇದೆ.

ಪ್ಲಾಸ್ಟಿಕ್ ಬದಲು ಸ್ಟೀಲ್ ಲೈನಿಂಗ್ ಇರುವ ಡಬ್ಬಿ

ಆಹಾರದ ಗುಣಮಟ್ಟದ ಜೊತೆಗೆ ಪ್ಯಾಕೇಜಿಂಗ್ ಬಗ್ಗೆಯೂ ದಂಪತಿ ವಿಶೇಷ ಕಾಳಜಿ ವಹಿಸಿದ್ದಾರೆ. ಸಾಮಾನ್ಯವಾಗಿ ಫುಡ್ ಡೆಲಿವರಿಯಲ್ಲಿ ಬಳಸುವ ಪ್ಲಾಸ್ಟಿಕ್ ಪ್ಯಾಕೇಜಿಂಗ್ ತಪ್ಪಿಸಲು ಮಹಾರಾಷ್ಟ್ರದ ತಯಾರಕರಿಂದ ಸ್ಟೀಲ್ ಲೈನಿಂಗ್ ಹೊಂದಿರುವ ಮರುಬಳಕೆ ಮಾಡಬಹುದಾದ ಊಟದ ಡಬ್ಬಿಗಳನ್ನು ತರಿಸಿಕೊಂಡಿದ್ದಾರೆ. ಗ್ರಾಹಕರ ಮನೆಗೆ ಊಟ ತಲುಪಿದಾಗ ಅದು ಮತ್ತೊಂದು ಸಾಮಾನ್ಯ ಫುಡ್ ಡೆಲಿವರಿ ಪ್ಯಾಕೇಜ್‌ನಂತೆ ಕಾಣಬಾರದು. ಬದಲಿಗೆ ಮನೆಯಲ್ಲಿ ಪ್ರೀತಿಯಿಂದ ಸಿದ್ಧಪಡಿಸಿದ ಊಟದ ಡಬ್ಬಿಯ ಅನುಭವ ನೀಡಬೇಕು ಎಂಬುದು ತಮ್ಮ ಉದ್ದೇಶ ಎಂದು ದಿಯಾ ಹೇಳಿದ್ದಾರೆ.

9 ತಿಂಗಳಲ್ಲಿ ₹56 ಲಕ್ಷ ಆದಾಯ

ವೆಲ್‌ಫೆಡ್ ಆರಂಭವಾದ ಮೊದಲ ವರ್ಷದಲ್ಲಿ ಸುಮಾರು ₹45 ಲಕ್ಷ ಆದಾಯ ಗಳಿಸಿತ್ತು. ಆದರೆ 2026ರ ಜನವರಿಯಿಂದ ಸೆಪ್ಟೆಂಬರ್‌ವರೆಗಿನ ಕೇವಲ 9 ತಿಂಗಳ ಅವಧಿಯಲ್ಲಿ ₹56 ಲಕ್ಷ ಆದಾಯ ದಾಖಲಿಸಿದೆ. ಈ ಮೂಲಕ ಮೊದಲ ವರ್ಷದ ಆದಾಯವನ್ನೂ ಮೀರಿಸಿದೆ. ಇದುವರೆಗೆ 1,500ಕ್ಕೂ ಹೆಚ್ಚು ಗ್ರಾಹಕರಿಗೆ ಸೇವೆ ನೀಡಿರುವ ಸಂಸ್ಥೆ, 55 ಸಾವಿರಕ್ಕೂ ಅಧಿಕ ಊಟಗಳನ್ನು ಡೆಲಿವರಿ ಮಾಡಿದೆ. ಐಟಿ ಉದ್ಯೋಗದ ಒತ್ತಡದ ನಡುವೆ ಆರೋಗ್ಯಕರ ಮನೆಯೂಟದ ಅಗತ್ಯವನ್ನು ಗುರುತಿಸಿ ಆರಂಭಿಸಿದ ಈ ಉದ್ಯಮ ಇಂದು ಬೆಂಗಳೂರಿನ ಯಶಸ್ವಿ ಸ್ಟಾರ್ಟ್‌ಅಪ್‌ಗಳಲ್ಲಿ ಒಂದಾಗಿ ಬೆಳೆಯುತ್ತಿದೆ.

IND vs NZ: 89 ರನ್‌ಗಳಿಗೆ ಇಂಡಿಯಾ ಆಲೌಟ್! ಸೋಲಿಗೆ ಹೊಣೆ ಯಾರು? ಇಬ್ಬರ ಮೇಲೆ ಗೂಬೆ ಕೂರಿಸಿದ ಕ್ಯಾಪ್ಟನ್ ಶ್ರೇಯಸ್!

Bhimasi M Koleppanavar — Fri, 13 Nov 2026 15:09:32 +0530

ಕಿವೀಸ್‌ ನೀಡಿದ್ದ 334 ರನ್‌ ಗುರಿ ಬೆನ್ನಟ್ಟಿದ ಟೀಂ ಇಂಡಿಯಾ ಕೇವಲ 26.4 ಓವರ್‌ಗಳಲ್ಲಿ 89 ರನ್‌ಗಳಿಗೆ ಆಲೌಟ್ ಆಯಿತು. ನ್ಯೂಜಿಲೆಂಡ್ ಪರ ಮ್ಯಾಟ್ ಹೆನ್ರಿ 6 ವಿಕೆಟ್ ಪಡೆದರೆ, ಮ್ಯಾಥ್ಯೂ ಫಿಶರ್ 3 ಮತ್ತು ಕೈಲ್ ಜೇಮಿಸನ್ 1 ವಿಕೆಟ್ ಪಡೆದಿದ್ದಾರೆ. ಅದರೊಂದಿಗೆ ಭಾರತದ ಪರ ಇಶಾನ್ ಕಿಶನ್ 27 ರನ್ ಗಳಿಸಿ ಗರಿಷ್ಠ ಸ್ಕೋರರ್ ಎನಿಸಿಕೊಂಡರೆ, ಅಕ್ಷರ್ ಪಟೇಲ್ 21 ರನ್ ಗಳಿಸಿದರು ಮತ್ತು ನಮನ್ ಧೀರ್ ಕೂಡ 21 ರನ್ ಗಳಿಸಿದರು. ನ್ಯೂಜಿಲೆಂಡ್ ನೀಡಿದ 334 ರನ್ ಗಳ ಗುರಿ ಬೆನ್ನಟ್ಟಿದ ಟೀಂ ಇಂಡಿಯಾ ಮೊದಲ ಓವರ್ ನಲ್ಲೇ ಸೋಲು ಕಂಡಿತು. ಇನ್ನಿಂಗ್ಸ್ ನ ಮೊದಲ ಓವರ್ ನಲ್ಲಿ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಶ್ರೇಯಸ್ ಅಯ್ಯರ್ ಅವರ ವಿಕೆಟ್ ಗಳನ್ನು ಮ್ಯಾಟ್ ಹೆನ್ರಿ ಕಬಳಿಸಿದರು. ಮೂವರು ಆಟಗಾರರೂ ಶೂನ್ಯ ರನ್ ಗಳಿಸುವ ಮೂಲಕ ಔಟಾದರು.

ಏಕದಿನ ಇತಿಹಾಸದಲ್ಲೇ ಇದು ದೊಡ್ಡ ಸೋಲು!

ಇದು ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಟೀಂ ಇಂಡಿಯಾದ ಎರಡನೇ ಅತಿದೊಡ್ಡ ಸೋಲು. ನ್ಯೂಜಿಲೆಂಡ್ ವಿರುದ್ಧದ ಈ ಪಂದ್ಯದಲ್ಲಿ ಟೀಮ್ ಇಂಡಿಯಾ 244 ರನ್‌ಗಳಿಂದ ಸೋತಿತ್ತು. ಇದಕ್ಕೂ ಮೊದಲು, 2000 ರಲ್ಲಿ ಶಾರ್ಜಾದಲ್ಲಿ ಶ್ರೀಲಂಕಾ ವಿರುದ್ಧ ನಡೆದ ಏಕದಿನ ಪಂದ್ಯದಲ್ಲಿ ಟೀಮ್ ಇಂಡಿಯಾ 245 ರನ್‌ಗಳಿಂದ ಸೋತಿತ್ತು.

ಇಬ್ಬರನ್ನೂ ದೂಷಿಸಿದ ಐಯ್ಯರ್!

ಕಿವೀಸ್ ವಿರುದ್ಧದ ಸೋಲಿನ ನಂತರ, ಟೀಂ ಇಂಡಿಯಾ ನಾಯಕ ಶ್ರೇಯಸ್ ಅಯ್ಯರ್ ಇಬ್ಬರು ಆಟಗಾರರು ಮತ್ತು ಪಿಚ್ ಅನ್ನು ದೂಷಿಸಿದ್ದಾರೆ. ಮೊದಲ ಮತ್ತು ಎರಡನೇ ಇನ್ನಿಂಗ್ಸ್‌ನಲ್ಲಿ ಪಿಚ್ ನಡುವೆ ದೊಡ್ಡ ವ್ಯತ್ಯಾಸವಿತ್ತು, ಆದರೆ ಮ್ಯಾಟ್ ಹೆನ್ರಿ ಅವರ ಬೌಲಿಂಗ್‌ಗೆ ಕ್ರೆಡಿಟ್ ನೀಡಲೇಬೇಕು ಎಂದು ಶ್ರೇಯಸ್ ಅಯ್ಯರ್ ಹೇಳಿದ್ದಾರೆ. ಮೊದಲ ಇನ್ನಿಂಗ್ಸ್‌ನಲ್ಲಿ ನಾವು ಎಲ್ಲವನ್ನೂ ಪ್ರಯತ್ನಿಸಿದೆವು, ಪಿಚ್ ಬ್ಯಾಟಿಂಗ್‌ಗೆ ಉತ್ತಮವಾಗಿರುತ್ತದೆ ಎಂದು ನಾವು ಭಾವಿಸಿದ್ದೇವೆ, ಆದರೆ ನಾವು ಕ್ಯಾಚ್‌ಗಳನ್ನು ಕೈಬಿಟ್ಟೆವು, ಆದರೆ ಇದು ಸಂಭವಿಸುತ್ತದೆ. ವಿರಾಮದ ಸಮಯದಲ್ಲಿ, ನಾವು ಈ ಸವಾಲನ್ನು ಬಹಳ ಸುಲಭವಾಗಿ ಜಯಿಸುತ್ತೇವೆ ಎಂದು ನಾವು ಭಾವಿಸಿದ್ದೇವೆ, ಆದರೆ ಪಿಚ್ ತನ್ನ ಬಣ್ಣಗಳನ್ನು ತೋರಿಸಿತು, ಯಾರೂ ವಿಕೆಟ್‌ಗಳನ್ನು ತೆಗೆದುಕೊಳ್ಳಲಿಲ್ಲ" ಎಂದು ಅಯ್ಯರ್ ಹೇಳಿದರು.

ಮೊದಲ ಇನ್ನಿಂಗ್ಸ್‌ನಲ್ಲೇ ಕ್ಯಾಚ್‌ ಕೈ ಬಿಟ್ಟ ಪ್ಲೇಯರ್ಸ್!

ಮೊದಲ ಇನ್ನಿಂಗ್ಸ್‌ನಲ್ಲಿ ಟೀಮ್ ಇಂಡಿಯಾ ಕ್ಯಾಚ್‌ಗಳನ್ನು ಕೈಬಿಟ್ಟಿದ್ದಕ್ಕೆ ನಾಯಕ ಶ್ರೇಯಸ್ ಅಯ್ಯರ್ ಅಸಮಾಧಾನ ವ್ಯಕ್ತಪಡಿಸಿದರು. ಪಂದ್ಯದ ಎರಡನೇ ಓವರ್‌ನಲ್ಲಿ, ಅಕಿಬ್ ನಬಿ ಬೌಲಿಂಗ್‌ನಲ್ಲಿ ಸತತ ಎರಡು ಎಸೆತಗಳಲ್ಲಿ ವಿಲ್ ಯಂಗ್‌ಗೆ ಜೀವ ಮರಳಿ ಪಡೆದರು. ಮೊದಲು ರೋಹಿತ್ ಶರ್ಮಾ ಮತ್ತು ನಂತರ ಇಶಾನ್ ಕಿಶನ್ ಕೇವಲ 5 ರನ್‌ಗಳಿಗೆ ಆಡುತ್ತಿದ್ದಾಗ ಯಂಗ್ ಕ್ಯಾಚ್‌ಗಳನ್ನು ಕೈಬಿಟ್ಟರು. ಈ ಎರಡು ಲೈಫ್‌ಲೈನ್‌ಗಳ ಲಾಭ ಪಡೆದ ವಿಲ್ ಯಂಗ್ 108 ಎಸೆತಗಳಲ್ಲಿ 125 ರನ್ ಗಳಿಸಿದರು. ಇದಾದ ನಂತರ, ರೋಹಿತ್ ಶರ್ಮಾ 41 ನೇ ಓವರ್‌ನಲ್ಲಿ ಮಿಚೆಲ್ ಸ್ಯಾಂಟ್ನರ್ ಅವರ ಕ್ಯಾಚ್ ಅನ್ನು ಮತ್ತೆ ಕೈಬಿಟ್ಟರು. ವಿಲ್ ಯಂಗ್ ಅವರ ಎರಡು ಕ್ಯಾಚ್‌ಗಳು ತಪ್ಪಿದ್ದರಿಂದ, ನ್ಯೂಜಿಲೆಂಡ್ ದೊಡ್ಡ ಸ್ಕೋರ್ ತಲುಪಲು ಸಾಧ್ಯವಾಯಿತು.

'3 ವರ್ಷಗಳ ಹಿಂದೆಯೇ ನಿವೃತ್ತಿಯಾಗಬೇಕಿತ್ತು!' ವಿರಾಟ್, ರೋಹಿತ್ ವಿರುದ್ಧ ಅಭಿಮಾನಿಗಳ ಆಕ್ರೋಶ

Chandrashekar GS — Fri, 13 Nov 2026 14:53:34 +0530

'3 ವರ್ಷಗಳ ಹಿಂದೆಯೇ ನಿವೃತ್ತಿಯಾಗಬೇಕಿತ್ತು!' ಕೊಹ್ಲಿ, ರೋಹಿತ್ ವಿರುದ್ಧ ಅಭಿಮಾನಿಗಳ ಆಕ್ರೋಶ

ನ್ಯೂಜಿಲೆಂಡ್ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾದ ಪ್ರಮುಖ ಆಟಗಾರರು ಸಂಪೂರ್ಣ ವಿಫಲರಾಗಿದ್ದಾರೆ. ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಮತ್ತು ನಾಯಕ ಶ್ರೇಯಸ್ ಅಯ್ಯರ್ ಶೂನ್ಯಕ್ಕೆ ಔಟಾಗುವ ಮೂಲಕ ಅಭಿಮಾನಿಗಳಿಗೆ ಭಾರೀ ನಿರಾಸೆ ಮೂಡಿಸಿದ್ದಾರೆ. ಅದರಲ್ಲೂ ಒಂದೇ ಓವರ್‌ನಲ್ಲಿ ಮೂವರು ಪ್ರಮುಖ ಆಟಗಾರರು ವಿಕೆಟ್ ಒಪ್ಪಿಸಿದ್ದು ಕ್ರಿಕೆಟ್ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿದೆ. ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಈ ಮೂವರ ವಿರುದ್ಧ ಟೀಕೆಗಳು ವ್ಯಕ್ತವಾಗುತ್ತಿವೆ.

ಮೊದಲ ಓವರ್‌ನಲ್ಲೇ ಮೂವರು ಡಕ್‌ಔಟ್!

ನ್ಯೂಜಿಲೆಂಡ್ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಭಾರತ 334 ರನ್‌ಗಳ ಕಠಿಣ ಗುರಿ ಬೆನ್ನಟ್ಟಲು ಕಣಕ್ಕಿಳಿದಿತ್ತು. ಆದರೆ ಆರಂಭದಲ್ಲೇ ನ್ಯೂಜಿಲೆಂಡ್ ವೇಗಿ ಮ್ಯಾಟ್ ಹೆನ್ರಿ ಭಾರತದ ಬ್ಯಾಟಿಂಗ್ ಪಡೆಯನ್ನು ನಡುಗಿಸಿದರು.

ಮೊದಲ ಓವರ್‌ನಲ್ಲೇ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಶ್ರೇಯಸ್ ಅಯ್ಯರ್ ಅವರನ್ನು ಔಟ್ ಮಾಡುವ ಮೂಲಕ ಭಾರತಕ್ಕೆ ದೊಡ್ಡ ಆಘಾತ ನೀಡಿದರು. ರೋಹಿತ್ ಮೊದಲ ಎಸೆತದಲ್ಲೇ ವಿಕೆಟ್ ಒಪ್ಪಿಸಿದರೆ, ಕೊಹ್ಲಿ ನಾಲ್ಕು ಎಸೆತಗಳನ್ನು ಎದುರಿಸಿ ಶೂನ್ಯಕ್ಕೆ ಔಟಾದರು. ಓವರ್‌ನ ಕೊನೆಯ ಎಸೆತದಲ್ಲಿ ಶ್ರೇಯಸ್ ಅಯ್ಯರ್ ಕೂಡ ವಿಕೆಟ್ ಕಳೆದುಕೊಂಡರು.

ಹೀಗೆ ಯಾವುದೇ ರನ್ ಗಳಿಸುವ ಮೊದಲೇ ಭಾರತ ಮೂರು ವಿಕೆಟ್ ಕಳೆದುಕೊಂಡಿತು. ಏಕದಿನ ಕ್ರಿಕೆಟ್‌ನಲ್ಲಿ ಭಾರತದ ಪಾಲಿಗೆ ಇದು ಅತ್ಯಂತ ಆಘಾತಕಾರಿ ಆರಂಭಗಳಲ್ಲಿ ಒಂದಾಗಿದೆ.

'3 ವರ್ಷಗಳ ಹಿಂದೆಯೇ ನಿವೃತ್ತಿಯಾಗಬೇಕಿತ್ತು!'

ತಮ್ಮ ನೆಚ್ಚಿನ ಆಟಗಾರರಾದ ಕೊಹ್ಲಿ ಮತ್ತು ರೋಹಿತ್ ಶೂನ್ಯಕ್ಕೆ ಔಟಾಗಿರುವುದನ್ನು ಕಂಡು ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಕೆಲವರು ಇಬ್ಬರೂ ಮೂರು ವರ್ಷಗಳ ಹಿಂದೆಯೇ ನಿವೃತ್ತಿಯಾಗಬೇಕಿತ್ತು ಎಂದು ಟೀಕಿಸಿದ್ದಾರೆ.

ಇನ್ನೂ ಕೆಲವರು ಯುವ ಆಟಗಾರರಿಗೆ ಅವಕಾಶ ನೀಡಬೇಕು, ಹಿರಿಯ ಆಟಗಾರರು ತಮ್ಮ ಪ್ರದರ್ಶನದ ಬಗ್ಗೆ ಆತ್ಮಾವಲೋಕನ ಮಾಡಿಕೊಳ್ಳಬೇಕು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಆದರೆ ಕೊಹ್ಲಿ ಮತ್ತು ರೋಹಿತ್ ಅವರ ಸಾಧನೆ ಹಾಗೂ ಭಾರತೀಯ ಕ್ರಿಕೆಟ್‌ಗೆ ನೀಡಿರುವ ಕೊಡುಗೆಯನ್ನು ಮರೆಯಬಾರದು ಎಂದು ಅವರ ಅಭಿಮಾನಿಗಳು ಬೆಂಬಲಕ್ಕೆ ನಿಂತಿದ್ದಾರೆ.

ಶ್ರೇಯಸ್ ಅಯ್ಯರ್ ವಿರುದ್ಧವೂ ಟೀಕೆ

ಇದೇ ವೇಳೆ ನಾಯಕತ್ವ ವಹಿಸಿಕೊಂಡಿದ್ದ ಶ್ರೇಯಸ್ ಅಯ್ಯರ್ ಕೂಡ ಅಭಿಮಾನಿಗಳ ಟೀಕೆಗೆ ಗುರಿಯಾಗಿದ್ದಾರೆ. ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡ ನಿರ್ಧಾರವನ್ನು ಕೆಲವರು ಪ್ರಶ್ನಿಸಿದ್ದಾರೆ. ತಂಡದ ಆಯ್ಕೆ ಮತ್ತು ನಾಯಕತ್ವದ ನಿರ್ಧಾರಗಳ ಬಗ್ಗೆಯೂ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ನಡೆದಿದೆ.

ಕೊನೆಗೆ ಭಾರತ ಕೇವಲ 89 ರನ್‌ಗಳಿಗೆ ಆಲೌಟ್ ಆಗಿ 244 ರನ್‌ಗಳ ಹೀನಾಯ ಸೋಲು ಅನುಭವಿಸಿತು. ಈ ಸೋಲು ಭಾರತೀಯ ಕ್ರಿಕೆಟ್ ಅಭಿಮಾನಿಗಳಿಗೆ ದೊಡ್ಡ ಆಘಾತ ನೀಡಿದೆ. ಆದರೂ ಸಾಮಾಜಿಕ ಜಾಲತಾಣದ ಟೀಕೆಗಳೇ ಆಟಗಾರರ ನಿವೃತ್ತಿಗೆ ಅಂತಿಮ ನಿರ್ಧಾರವಾಗುವುದಿಲ್ಲ ಎಂಬುದನ್ನು ನೆನಪಿನಲ್ಲಿಡಬೇಕು.

ಬೆಂಗಳೂರಿನ ಪ್ರಶಾಂತಿ ಕುಟೀರಂ ಭಾಷಣದಲ್ಲಿ ಡಾ.ರಾಜ್‌ಕುಮಾರ್ ಕೊಡುಗೆ ಸ್ಮರಿಸಿದ ಮೋದಿ

Chethan Kumar — Fri, 13 Nov 2026 14:46:11 +0530

ಬೆಂಗಳೂರು (ನ.13) ಪ್ರಧಾನಿ ನರೇಂದ್ರ ಮೋದಿ ಇಂದು ಬೆಂಗಳೂರಿನ ಪ್ರಶಾಂತಿ ಕುಟೀರಂನ ಸುವರ್ಣ ಮಹೋತ್ಸವದಲ್ಲಿ ಪಾಲ್ಗೊಂಡಿದ್ದಾರೆ. ಯೋಗ, ಆಧ್ಯಾತ್ಮ, ಪ್ರಕೃತಿ ಚಿಕಿತ್ಸೆ ಮೂಲಕ ಕಳೆದ 50 ವರ್ಷಗಳಿಂದ ಸೇವೆ ಸಲ್ಲಿಸುತ್ತಿರುವ ಪ್ರಶಾಂತಿ ಕುಟೀರಂ ಸುವರ್ಣ ಮಹೋತ್ಸವ ಬ್ಲಾಕ್‌ಗೆ ಶಿಲನ್ಯಾಸ ನೆರವೇರಿಸಿ ಮಾತನಾಡಿದ ಮೋದಿ, ಯೋಗ ವಿಚಾರದಲ್ಲಿ ಕರ್ನಾಟಕ ಪ್ರಮುಖ ಕೇಂದ್ರ ಬಿಂದು ಎಂದಿದ್ದಾರೆ. ಇದೇ ವೇಳೆ ಸಿನಿಮಾದ ಸೂಪರ್ ಸ್ಟಾರ್ ನಟ ಡಾ.ರಾಜ್ ಕುಮಾರ್ ಸಿನಿಮಾ ರಂಗದಲ್ಲಿದ್ದರೂ ಯೋಗಕ್ಕೆ ನೀಡಿದ ಕೊಡುಗೆ ಸ್ಮರಿಸಿದ್ದಾರೆ.

ಕಲಾ ಸೇವೆ ಜೊತೆ ಯೋಗ ಸೇವೆ ಮಾಡಿದ ಡಾ.ರಾಜ್

ಬೆಂಗಳೂರಿನಲ್ಲಿ ಇಂದು ಯೋಗದ ಅನುಭೂತಿ ಪಡೆಯುವ ಅವಕಾಶ ಲಭಿಸಿತು. ಕರ್ನಾಟಕದ ಈ ಭೂಮಿ ಹಲವು ವರ್ಷಗಳಿಂದ ಯೋಗದ ಕೇಂದ್ರ ಬಿಂದುವಾಗಿದೆ. ಯೋಗದ ಹಲವು ಸಂತರಿಗೆ ಜನ್ಮ ನೀಡಿದ ಪುಣ್ಯ ಭೂಮಿ ಇದು. ಕರ್ನಾಟಕ ಯೋಗ ಪರಂಪರೆಯನ್ನು ಸಮೃದ್ಧಿ ಮಾಡಿದ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಕನ್ನಡ ಸಿನಿಮಾದ ಮಹಾನ್ ನಟ ಡಾ.ರಾಜ್‌ಕಮಾರ್ ನಮೆಗೆಲ್ಲಾ ಗೊತ್ತಿದೆ. ಡಾ.ರಾಜ್‌ಕುಮಾರ್ ಅವರಂತ ಯೋಗ ಪಟು ಇದೇ ಕರ್ನಾಟಕ ಮಣ್ಣಿನಲ್ಲಿ ಸೇವೆ ಸಲ್ಲಿಸಿದ್ದಾರೆ ಎಂದು ಮೋದಿ ಹೇಳಿದ್ದಾರೆ. ಡಾ.ರಾಜ್‌ಕುಮಾರ್ ನಟನೆ, ಸಿನಿಮಾ ಸೇರಿ ಕಲಾ ರಂಗದ ಜೊತೆಗೆ ಯೋಗ ಸೇವೆಯನ್ನು ಮಾಡಿದ್ದಾರೆ.

ಡಾ.ರಾಜ್ ಕುಮಾರ್ ಪ್ರತಿ ದಿನ ಯೋಗಾಭ್ಯಾಸ ಮಾಡುತ್ತಿದ್ದರು. ಯೋಗದ ಮೂಲಕ ತಮ್ಮ ಫಿಟ್ನೆಸ್ ಮಾತ್ರವಲ್ಲ ಆರೋಗ್ಯವನ್ನು ಕಾಪಾಡಿಕೊಂಡಿದ್ದರು. ಯೋಗ ಎಲ್ಲಾ ಆಸನಗಳನ್ನು ಕರಗತ ಮಾಡಿಕೊಂಡಿದ್ದ ಡಾ.ರಾಜ್ ಮಾದರಿಯಾಗಿದ್ದಾರೆ. ಸಾಮಾನ್ಯವಾಗಿ ಹೀರೋ ಸೇರಿದಂತೆ ನಟ ನಟಿಯರು ಜಿಮ್ ಮೂಲಕ ಫಿಟ್ನೆಸ್ ಕಾಪಾಡಿಕೊಳ್ಳುತ್ತಾರೆ. ಆದರೆ ಡಾ.ರಾಜ್ ಕುಮಾರ್ ಯೋಗದ ಮೂಲಕ ಫಿಟ್ನೆಸ್ ಕಾಪಾಡಿಕೊಂಡಿದ್ದರು.

ಇದೇ ಕರ್ನಾಟಕ ಪುಣ್ಯ ಭೂಮಿಯಲ್ಲಿ ಪ್ರಶಾಂತಿ ಕುಟೀರಂ ಯೋಗ, ಆಧ್ಯಾತ್ಮ, ಪ್ರಕೃತಿ ಚಿಕಿತ್ಸೆ ಮೂಲಕ ಸೇವೆ ಸಲ್ಲಿಸುತ್ತಿದೆ. ಇದೀಗ 50 ವರ್ಷಗಳ ಸುದೀರ್ಘ ಸೇವೆ ಸಲ್ಲಿಸಿ ಲಕ್ಷಾಂತರ ಮಂದಿಗೆ ನೆರವಾಗಿದೆ. ಒಂದು ಸಣ್ಣ ಯೋಗ ಕೇಂದ್ರ ಇಂದು ಇಷ್ಟು ದೊಡ್ಡ ಸಂಸ್ಥೆಯಾಗಿ ಬೆಳೆದು ನಿಂತಿರುವುದು ನಮಗೆ ಹೆಮ್ಮೆಯಾಗಿದೆ. ಇದು ನಮಗೆಲ್ಲಾ ಒಂದು ಪ್ರೇರಣೆಯಾಗಿದೆ. ಇದೇ ವರ್ಷ ಹೆಚ್‌‍ವಿ ಶೇಷಾದ್ರಿ ಅವರ ಜನ್ಮಶತಮಾನವನ್ನು ಆಚರಿಸುತ್ತಿದ್ದೇವೆ. ಶೇಷಾದ್ರಿ ಅವರು ತಮ್ಮ ಇಡೀ ಜೀವನವನ್ನು ವ್ಯಕ್ತಿ ನಿರ್ಮಾಣದಿಂದ ರಾಷ್ಟ್ರನಿರ್ಮಾಣಕ್ಕೆ ಮೀಸಲಿಟ್ಟಿದ್ದರು ಎಂದು ಮೋದಿ ಹೇಳಿದ್ದಾರೆ.

ಇಂದು ಬೆಳಗ್ಗೆ ಬೆಂಗಳೂರಿನ ಹೆಚ್ಎಎಲ್ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಪ್ರಧಾನಿ ನರೇಂದ್ರ ಮೋದಿ ಬಳಿಕ ಅನೇಕಲ್ ತಾಲೂಕಿನ ಜಿಗಣಿಯಲ್ಲಿರುವ ಪ್ರಶಾಂತಿ ಕುಟೀರಂನನ ಸುವರ್ಣಮಹೋತ್ಸವದಲ್ಲಿ ಪಾಲ್ಗೊಂಡರು. ಬಳಿಕ ಪ್ರಶಾಂತಿ ಕುಟೀರಂನಿಂದ ತಾವರೆಕೆರೆ ಮೆಟ್ರೋ ನಿಲ್ದಾಣಕ್ಕೆ ಆಗಮಿಸಿದ ಪ್ರಧಾನಿ ಮೋದಿ, ಪಿಂಕ್ ಲೈನ್ ಮೆಟ್ರೋಗೆ ಚಾಲನೆ ನೀಡಿದರು. ಇದಾದ ಬಳಿಕ ಪಿಂಕ್ ಲೈನ್ ಮೆಟ್ರೋದಲ್ಲಿ ಬೀಳೆಕಹಳ್ಳಿಗೆ ಪ್ರಯಾಣ ಮಾಡಿದ ಪ್ರಧಾನಿ ಮೋದಿ IIMB ಸಂಭಾಗಣದಲ್ಲಿ ಕರ್ನಾಟಕದ 12 ಜಿಲ್ಲೆಗಳ 14 ಯೋಜನೆಗಳಿಗೆ ಚಾಲನೆ ನೀಡಿದ್ದಾರೆ. ಬರೋಬ್ಬರಿ 15,600 ಕೋಟಿ ರೂಪಾಯಿ ಮೌಲ್ಯದ ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಿದ್ದಾರೆ.

‘ಅಪ್ಪನ ನೆನಪು ಸದಾ ಕಾಡುತ್ತದೆ, ಮಗನಲ್ಲಿ ಅವರನ್ನೇ ಕಾಣುತ್ತೇನೆ’; ಭಾವುಕರಾದ ಪ್ರಿಯಾಂಕಾ ಉಪೇಂದ್ರ

Sushma Hegde — Fri, 13 Nov 2026 14:41:59 +0530

ನಟಿ ಪ್ರಿಯಾಂಕಾ ಉಪೇಂದ್ರ ತಮ್ಮ ತಂದೆ-ತಾಯಿಯ ಬಗ್ಗೆ ಹಲವು ಆಸಕ್ತಿದಾಯಕ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ತಂದೆಯ ಪ್ರೀತಿ, ತಾಯಿಯ ತ್ಯಾಗ, ಬಾಲ್ಯದ ದಿನಗಳು ಹಾಗೂ ವಿದೇಶದಲ್ಲಿ ಕಳೆದ ಜೀವನದ ಅನುಭವಗಳನ್ನು ಸಂದರ್ಶನವೊಂದರಲ್ಲಿ ನೆನಪಿಸಿಕೊಂಡಿದ್ದಾರೆ. ವಿಶೇಷವಾಗಿ ತಂದೆಯನ್ನು ಕಳೆದುಕೊಂಡ ನೋವು ಇಂದಿಗೂ ಕಾಡುತ್ತಿದೆ ಎಂದು ಹೇಳಿರುವ ಅವರು, ತಮ್ಮ ಜೀವನದಲ್ಲಿ ತಂದೆ-ತಾಯಿ ನೀಡಿದ ಮಾರ್ಗದರ್ಶನ ಎಷ್ಟು ಮಹತ್ವದ್ದಾಗಿತ್ತು ಎಂಬುದನ್ನು ವಿವರಿಸಿದ್ದಾರೆ. ಸ್ಪಾಟ್‌ಲೈಟ್ ಕಾರ್ಯಕ್ರಮದಲ್ಲಿ ಮಾತನಾಡಿದ ಪ್ರಿಯಾಂಕಾ ಉಪೇಂದ್ರ, ತಮ್ಮ ಕುಟುಂಬದ ಹಿನ್ನೆಲೆ ಮತ್ತು ಬಾಲ್ಯದ ನೆನಪುಗಳನ್ನು ಹಂಚಿಕೊಂಡಿದ್ದಾರೆ.

ತಂದೆ ಎಂಜಿನಿಯರ್, ತಾಯಿ ಮಿಸ್ ಬೆಂಗಾಲ್

ಪ್ರಿಯಾಂಕಾ ಉಪೇಂದ್ರ ಅವರ ತಂದೆ 1970ರ ದಶಕದಲ್ಲೇ ಎಂಜಿನಿಯರ್ ಆಗಿದ್ದರು. ಅವರು ಜಮ್ಶೆಡ್‌ಪುರದ ಆರ್‌ಐಟಿಯಲ್ಲಿ ಮೆಟಲರ್ಜಿಕಲ್ ಎಂಜಿನಿಯರಿಂಗ್ ಓದಿದ್ದರು. ಓದಿನಲ್ಲಿ ಬಹಳ ಪ್ರತಿಭಾವಂತರಾಗಿದ್ದ ತಂದೆ ಎಲ್‌ಎನ್‌ಟಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು ಎಂದು ಪ್ರಿಯಾಂಕಾ ತಿಳಿಸಿದ್ದಾರೆ. ಇನ್ನು ಅವರ ತಾಯಿ ಮಿಸ್ ಬೆಂಗಾಲ್ ಆಗಿದ್ದವರು. ಶಾಸ್ತ್ರೀಯ ನೃತ್ಯದಲ್ಲಿ ಆಸಕ್ತಿ ಹೊಂದಿದ್ದ ಅವರು ಉತ್ತಮ ಕಲಾವಿದೆಯೂ ಆಗಿದ್ದರು. ತಂದೆ-ತಾಯಿ ಇಬ್ಬರೂ ಪ್ರೀತಿಸಿ ಮದುವೆಯಾಗಿದ್ದರು. ಮದುವೆಯಾದಾಗ ತಂದೆಗೆ 21 ವರ್ಷ, ತಾಯಿಗೆ 18 ವರ್ಷ ವಯಸ್ಸಾಗಿತ್ತು ಎಂದು ಪ್ರಿಯಾಂಕಾ ನೆನಪಿಸಿಕೊಂಡಿದ್ದಾರೆ.

ಮಕ್ಕಳಿಗಾಗಿ ಸಮಯ ಮೀಸಲಿಡುತ್ತಿದ್ದ ತಂದೆ

ತಮ್ಮ ತಂದೆ ಕೇವಲ ಓದಿನಲ್ಲಿ ಪ್ರತಿಭಾವಂತರಾಗಿರಲಿಲ್ಲ, ಮಕ್ಕಳೊಂದಿಗೆ ಸಮಯ ಕಳೆಯುವುದಕ್ಕೂ ಹೆಚ್ಚಿನ ಮಹತ್ವ ನೀಡುತ್ತಿದ್ದರು ಎಂದು ಪ್ರಿಯಾಂಕಾ ಹೇಳಿದ್ದಾರೆ. 'ನನ್ನ ತಂದೆ ತುಂಬಾ ಆಕರ್ಷಕ ವ್ಯಕ್ತಿತ್ವ ಹೊಂದಿದ್ದರು. ಕವನಗಳನ್ನು ಬರೆಯುತ್ತಿದ್ದರು. ನಮಗಾಗಿ ಒಂದು ಪುಸ್ತಕವನ್ನೇ ಮಾಡಿಕೊಟ್ಟಿದ್ದರು. ವಾರಾಂತ್ಯದಲ್ಲಿ ಪ್ರವಾಸಕ್ಕೆ ಕರೆದುಕೊಂಡು ಹೋಗುತ್ತಿದ್ದರು. ಹುಟ್ಟುಹಬ್ಬದ ಪಾರ್ಟಿ, ಸಿನಿಮಾ, ಊಟ ಹೀಗೆ ನಮ್ಮೊಂದಿಗೆ ಸದಾ ಸಮಯ ಕಳೆಯುತ್ತಿದ್ದರು' ಎಂದು ಹೇಳಿದ್ದಾರೆ.

ಹೆಣ್ಣು ಮಕ್ಕಳು ಮತ್ತು ಗಂಡು ಮಕ್ಕಳ ನಡುವೆ ಯಾವುದೇ ಭೇದಭಾವ ಮಾಡದೆ ಎಲ್ಲರಿಗೂ ಸಮಾನ ಶಿಕ್ಷಣ ನೀಡಬೇಕು ಎಂಬುದು ತಂದೆಯ ನಿಲುವಾಗಿತ್ತು. ತಮಗೆ ಗಣಿತ ಮತ್ತು ಭೌತಶಾಸ್ತ್ರವನ್ನೂ ತಂದೆಯೇ ಹೇಳಿಕೊಡುತ್ತಿದ್ದರು ಎಂದು ತಿಳಿಸಿದ್ದಾರೆ.

ವಿದೇಶದಲ್ಲಿದ್ದರೂ ಭಾರತೀಯ ಸಂಸ್ಕೃತಿಯನ್ನು ಮರೆಯಲು ಬಿಡಲಿಲ್ಲ

ತಂದೆಗೆ ಪ್ರವಾಸದ ಬಗ್ಗೆ ವಿಶೇಷ ಆಸಕ್ತಿ ಇತ್ತು. ಮಕ್ಕಳಿಗೆ ಪ್ರಯಾಣದ ಮೂಲಕವೂ ಸಾಕಷ್ಟು ಕಲಿಯಲು ಸಾಧ್ಯ ಎಂಬ ನಂಬಿಕೆ ಅವರಿಗಿತ್ತು. ವಿದೇಶಕ್ಕೆ ತೆರಳುವ ಮೊದಲೇ ಮಕ್ಕಳ ಶಿಕ್ಷಣಕ್ಕೆ ಬೇಕಾದ ಪುಸ್ತಕಗಳು, ಬಟ್ಟೆಗಳನ್ನು ಸಿದ್ಧಪಡಿಸಿದ್ದರು. ಇನ್ನು ತಾಯಿ ಕೂಡ ಮಕ್ಕಳ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಅಮೆರಿಕದಲ್ಲಿ ಮಕ್ಕಳನ್ನು ವಿವಿಧ ಚಟುವಟಿಕೆಗಳಿಗೆ ಸೇರಿಸುತ್ತಿದ್ದರು. ಭರತನಾಟ್ಯ, ಟೆನಿಸ್, ಈಜು ಸೇರಿದಂತೆ ಹಲವು ತರಗತಿಗಳಿಗೆ ಕರೆದುಕೊಂಡು ಹೋಗುತ್ತಿದ್ದರು. ವಿದೇಶದಲ್ಲಿದ್ದರೂ ಭಾರತೀಯ ಸಂಸ್ಕೃತಿ ಮತ್ತು ಸಂಪ್ರದಾಯಗಳಿಂದ ಮಕ್ಕಳನ್ನು ದೂರವಿಡಲಿಲ್ಲ. ದುರ್ಗಾ ಪೂಜೆ, ಹಬ್ಬಗಳು, ಭಜನೆ ಹಾಗೂ ಶ್ಲೋಕಗಳ ಮೂಲಕ ಸಂಸ್ಕೃತಿಯನ್ನು ಪರಿಚಯಿಸಿದ್ದರು. ತಾಯಿ ಬೆಂಗಾಲಿ ಅಸೋಸಿಯೇಷನ್‌ನಲ್ಲೂ ಸಕ್ರಿಯರಾಗಿದ್ದು, ಮಕ್ಕಳಿಗೆ ನೃತ್ಯವನ್ನೂ ಕಲಿಸುತ್ತಿದ್ದರು ಎಂದು ಪ್ರಿಯಾಂಕಾ ಹೇಳಿದ್ದಾರೆ.

ತಾಯಿಯ ತ್ಯಾಗವನ್ನು ನೆನೆದು ಭಾವುಕರಾದ ನಟಿ

ತಮ್ಮ ತಾಯಿ ಎಷ್ಟು ಕಷ್ಟಪಟ್ಟು ಮಕ್ಕಳನ್ನು ಬೆಳೆಸಿದ್ದಾರೆ ಎಂಬುದು ತಾಯಿಯಾದ ನಂತರವೇ ಹೆಚ್ಚು ಅರ್ಥವಾಯಿತು ಎಂದು ಪ್ರಿಯಾಂಕಾ ತಿಳಿಸಿದ್ದಾರೆ. ವಿದೇಶದಲ್ಲಿ ಮನೆಕೆಲಸಕ್ಕೆ ಸಹಾಯ ಮಾಡುವವರು ಇರಲಿಲ್ಲ. ಮನೆ ಸ್ವಚ್ಛಗೊಳಿಸುವುದು, ದಿನಸಿ ತರುವುದು, ಅಡುಗೆ ಮಾಡುವುದು ಸೇರಿದಂತೆ ಎಲ್ಲವನ್ನೂ ತಾಯಿಯೇ ನಿರ್ವಹಿಸುತ್ತಿದ್ದರು. ಅದರ ಜೊತೆಗೆ ಕೆಲಸಕ್ಕೂ ಹೋಗುತ್ತಿದ್ದರು. ಮಕ್ಕಳನ್ನು ಎಂದಿಗೂ ಒಂಟಿಯಾಗಿ ಬಿಡದೆ ಅವರ ಆಸಕ್ತಿಗಳಿಗೆ ಪ್ರೋತ್ಸಾಹ ನೀಡುತ್ತಿದ್ದರು ಎಂದು ನೆನಪಿಸಿಕೊಂಡಿದ್ದಾರೆ.

ತಮ್ಮ ಸಿನಿಮಾ ವೃತ್ತಿಜೀವನ ಆರಂಭವಾಗುವುದರಲ್ಲೂ ತಾಯಿಯ ಪಾತ್ರ ಬಹಳ ದೊಡ್ಡದು. ಮಿಸ್ ಕಲ್ಕತ್ತಾ ಆದ ಸಮಯದಿಂದಲೇ ತಾಯಿ ತಮ್ಮೊಂದಿಗೆ ಇರುತ್ತಿದ್ದರು. ಸಿನಿಮಾ ಚಿತ್ರೀಕರಣಕ್ಕೂ ಜೊತೆಯಾಗಿ ಬರುತ್ತಿದ್ದರು. ಅವರ ಬೆಂಬಲ ಇಲ್ಲದಿದ್ದರೆ ಸಿನಿಮಾ ಕ್ಷೇತ್ರದಲ್ಲಿ ಈ ಮಟ್ಟಿಗೆ ಬೆಳೆಯಲು ಸಾಧ್ಯವಾಗುತ್ತಿರಲಿಲ್ಲ ಎಂದು ಹೇಳಿದ್ದಾರೆ.

ತಂದೆಯ ಸಾವಿನ ನೋವು ಇಂದಿಗೂ ಕಾಡುತ್ತಿದೆ

ಸಂದರ್ಶನದ ಅತ್ಯಂತ ಭಾವುಕ ಕ್ಷಣವೆಂದರೆ ತಂದೆಯ ಸಾವಿನ ಬಗ್ಗೆ ಪ್ರಿಯಾಂಕಾ ಮಾತನಾಡಿದ ಸಂದರ್ಭ. ತಂದೆ 50ರ ಹರೆಯದಲ್ಲಿದ್ದಾಗಲೇ ಹಠಾತ್ ನಿಧನರಾದರು. ಕಾರ್ಡಿಯಾಕ್ ಅರೆಸ್ಟ್ ಅವರ ಸಾವಿಗೆ ಕಾರಣವಾಗಿತ್ತು ಎಂದು ತಿಳಿಸಿದ್ದಾರೆ. ತಂದೆಗೆ ಸ್ವಲ್ಪ ವೈರಲ್ ಸೋಂಕು ಕಾಣಿಸಿಕೊಂಡಿತ್ತು. ಆದರೂ ಅವರು ಓಡಾಡುತ್ತಲೇ ಇದ್ದರು. ಆರೋಗ್ಯ ಸರಿಯಿಲ್ಲದಿದ್ದರೂ ಪ್ರಯಾಣ ಮಾಡುತ್ತಿದ್ದುದಕ್ಕೆ ತಾವು ಅಂದು ಬೇಸರ ವ್ಯಕ್ತಪಡಿಸಿದ್ದೆವು. ಅದೇ ತಂದೆಯೊಂದಿಗೆ ನಡೆದ ಕೊನೆಯ ಮಾತುಕತೆಯಾಗಿತ್ತು ಎಂದು ಪ್ರಿಯಾಂಕಾ ನೋವಿನಿಂದ ನೆನಪಿಸಿಕೊಂಡಿದ್ದಾರೆ.

ತಂದೆ ನಿಧನರಾದ ಕೆಲವೇ ದಿನಗಳ ಮೊದಲು ಕುಟುಂಬದವರೆಲ್ಲರೂ ಒಟ್ಟಿಗೆ ಸೇರಿದ್ದರು. ಉಪೇಂದ್ರ ಅವರ ಹುಟ್ಟುಹಬ್ಬವನ್ನೂ ಸಂಭ್ರಮದಿಂದ ಆಚರಿಸಿದ್ದರು. ತಂದೆಯ 60ನೇ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಲು ಯೋಜನೆ ರೂಪಿಸಲಾಗಿತ್ತು. ಆದರೆ ಅದಕ್ಕೂ ಮುನ್ನವೇ ಅವರು ಅಗಲಿದರು. ತಂದೆಯ ನಿಧನದ ಬಳಿಕ ಎರಡು-ಮೂರು ತಿಂಗಳು ತೀವ್ರ ಖಿನ್ನತೆಯಲ್ಲಿದ್ದೆ. ಆದರೆ ಮಕ್ಕಳಿಗಾಗಿ ಗಟ್ಟಿಯಾಗಿರಬೇಕು ಎಂದು ಉಪೇಂದ್ರ ಅವರು ಧೈರ್ಯ ತುಂಬಿದರು ಎಂದು ಪ್ರಿಯಾಂಕಾ ಹೇಳಿದ್ದಾರೆ.

ಮಕ್ಕಳಲ್ಲಿ ತಂದೆಯ ನೆನಪು ಕಾಣುತ್ತದೆ

ತಂದೆಯನ್ನು ಇಂದಿಗೂ ತುಂಬಾ ಮಿಸ್ ಮಾಡಿಕೊಳ್ಳುತ್ತೇನೆ. ಆದರೆ ಅವರು ನಮ್ಮೊಂದಿಗೇ ಇದ್ದಾರೆ ಎಂಬ ಭಾವನೆ ಇದೆ. ಕೆಲವೊಮ್ಮೆ ಮಗ ಆಯುಷ್‌ನಲ್ಲಿ ತಂದೆಯ ಗುಣಗಳು ಕಾಣಿಸುತ್ತವೆ. ಇನ್ನೂ ಕೆಲವೊಮ್ಮೆ ಉಪೇಂದ್ರ ಅವರ ಗುಣಗಳು ಕಾಣಿಸುತ್ತವೆ. ತಂದೆಯ ಜೀನ್ಸ್ ನಮ್ಮಲ್ಲೂ, ನಮ್ಮ ಮಕ್ಕಳಲ್ಲೂ ಇದೆ. ಆ ಮೂಲಕ ಅವರು ನಮ್ಮ ನಡುವೆ ಜೀವಂತವಾಗಿದ್ದಾರೆ ಎಂದು ಪ್ರಿಯಾಂಕಾ ಭಾವುಕರಾಗಿ ಹೇಳಿದ್ದಾರೆ.

ಒಟ್ಟಿನಲ್ಲಿ, ತಂದೆಯ ಪ್ರೀತಿ, ತಾಯಿಯ ಪರಿಶ್ರಮ ಮತ್ತು ಕುಟುಂಬದ ಬೆಂಬಲ ತಮ್ಮ ಜೀವನವನ್ನು ರೂಪಿಸಿದೆ ಎಂಬುದನ್ನು ಪ್ರಿಯಾಂಕಾ ಉಪೇಂದ್ರ ಈ ಸಂದರ್ಶನದಲ್ಲಿ ಮನಬಿಚ್ಚಿ ಹಂಚಿಕೊಂಡಿದ್ದಾರೆ.

IND vs NZ: ಅಂದು ಧೋನಿ ಕರಿಯರ್ ಮುಗಿಸಿದ್ದ, ಈಗ ಕೊಹ್ಲಿ-ರೋಹಿತ್ ಸರದಿನಾ? 7 ವರ್ಷದ ನಂತರ ಮತ್ತೆ ಕಂಟಕವಾದ ಕಿವೀಸ್ ಬೌಲರ್!

Bhimasi M Koleppanavar — Fri, 13 Nov 2026 14:29:39 +0530

ಕಿವೀಸ್‌ ಹಾಗೂ ಭಾರತ ನಡುವಿನ ನಾಲ್ಕನೇ ಏಕದಿನ ಮ್ಯಾಚ್‌ನಲ್ಲಿ ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲೆಂಡ್ 50 ಓವರ್‌ಗಳಲ್ಲಿ 333 ರನ್‌ಗಳಿಗೆ ಆಲೌಟ್ ಆಯಿತು. ವಿಲ್ ಯಂಗ್ ಅವರ 125ರನ್‌ಗಳು, ಟಿಮ್ ಸೀಫರ್ಟ್ ಅವರ 58 ರನ್‌ಗಳು ಮತ್ತು ಫಿನ್ ಅಲೆನ್ ಅವರ 41 ರನ್‌ಗಳ ನೆರವಿನಿಂದ ನ್ಯೂಜಿಲೆಂಡ್ ದೊಡ್ಡ ಸ್ಕೋರ್ ಕಲೆಹಾಕಿತು.

ಟೀಂ ಇಂಡಿಯಾದ ಕಳಪೆ ಪ್ರದರ್ಶನ!

ನ್ಯೂಜಿಲೆಂಡ್ ನೀಡಿದ್ದ 334 ರನ್‌ಗಳ ಗುರಿಯನ್ನು ಬೆನ್ನಟ್ಟಿದ ಟೀಮ್ ಇಂಡಿಯಾ ಆರಂಭದಲ್ಲೇ ಅತ್ಯಂತ ಕಳಪೆ ಪ್ರದರ್ಶನ ನೀಡಿತು. ಮೊದಲ ಓವರ್‌ನಲ್ಲೇ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಶ್ರೇಯಸ್ ಅಯ್ಯರ್ ಅವರ ವಿಕೆಟ್‌ಗಳನ್ನು ಕಳೆದುಕೊಂಡ ಟೀಮ್ ಇಂಡಿಯಾ ಮೊದಲ ಓವರ್‌ನಲ್ಲಿಯೇ ಗೆಲುವಿನ ವಿಶ್ವಾಸದಿಂದ ಹೊರಬಿತ್ತು.

ಇನಿಂಗ್ಸ್‌ ಮೊದಲ ಓವರ್‍‌ನಲ್ಲಿ ಇಬ್ಬರು ಪೆವಲಿಯನ್‌ಗೆ!

ಇನ್ನಿಂಗ್ಸ್‌ನ ಮೊದಲ ಎಸೆತದಲ್ಲೇ ಮ್ಯಾಟ್ ಹೆನ್ರಿ ರೋಹಿತ್ ಅವರನ್ನು ಪೆವಿಲಿಯನ್‌ಗೆ ಕಳುಹಿಸಿದರು. ಹೆನ್ರಿ ಬಾಲ್‌ನ ಬೌನ್ಸ್ ರೋಹಿತ್‌ಗೆ ಅರ್ಥವಾಗಲಿಲ್ಲ. ಚೆಂಡು ಅವರ ಬ್ಯಾಟ್‌ನ ಅಂಚಿಗೆ ಬಡಿಯಿತು ಮತ್ತು ಸ್ಲಿಪ್‌ನಲ್ಲಿ ನಿಂತಿದ್ದ ಫಿನ್ ಅಲೆನ್ ಸುಲಭವಾದ ಕ್ಯಾಚ್ ಪಡೆದರು. ಅದೇ ಓವರ್‌ನಲ್ಲಿ, ಮ್ಯಾಟ್ ಹೆನ್ರಿ ಮುಂದಿನ ನಾಲ್ಕು ಎಸೆತಗಳನ್ನು ವಿರಾಟ್‌ಗೆ ಔಟ್-ಸ್ವಿಂಗ್ ಮಾಡಿ, ಐದನೇ ಎಸೆತ ಇನ್-ಸ್ವಿಂಗ್ ಮಾಡುವ ಮೂಲಕ ಕೊಹ್ಲಿ ಬಲೆಗೆ ಬೀಳಿಸಿದರು. ಹೆನ್ರಿಯ ಐದನೇ ಎಸೆತದಲ್ಲಿ ವಿರಾಟ್ ಬೌಲ್ಡ್ ಆದರು. ವಿರಾಟ್ 4 ಎಸೆತಗಳಲ್ಲಿ ಶೂನ್ಯ ರನ್ ಗಳಿಸಿ ಹಿಂತಿರುಗಿದರು.

ಬೇಗನೆ ಪೆವಿಲಿಯನ್‌ ಹಾದಿ ಹಿಡಿದ ಶ್ರೇಯಸ್!

ಆ ಓವರ್‌ನ ಕೊನೆಯ ಎಸೆತದಲ್ಲಿ, ಹೆನ್ರಿ ಮತ್ತೊಮ್ಮೆ ಇನ್‌ಸ್ವಿಂಗ್ ಎಸೆದರು, ಅದು ನಾಯಕ ಶ್ರೇಯಸ್ ಅಯ್ಯರ್ ಅವರ ಪ್ಯಾಡ್‌ಗೆ ಬಡಿಯಿತು, ನಂತರ ನ್ಯೂಜಿಲೆಂಡ್ ಆಟಗಾರರು ಮೇಲ್ಮನವಿ ಸಲ್ಲಿಸಿದರು, ಆದರೆ ಅಂಪೈರ್ ಕುಮಾರ್ ಧರ್ಮಸೇನ ಅಯ್ಯರ್ ಅವರನ್ನು ಔಟ್ ಅಲ್ಲ ಎಂದು ತೀರ್ಪು ನೀಡಿದರು, ಆದ್ದರಿಂದ ನ್ಯೂಜಿಲೆಂಡ್ ಡಿಆರ್‌ಎಸ್ ತೆಗೆದುಕೊಂಡಿತು. ಡಿಆರ್‌ಎಸ್ ಅಯ್ಯರ್ ಔಟ್ ಎಂದು ತೋರಿಸಿತು.

ಅಂದು ಆಗಿದ್ದೇನು? ಇನ್ನಿಂಗ್ಸ್ ನ ಮೊದಲ ಓವರ್ ನಲ್ಲೇ ಟೀಮ್ ಇಂಡಿಯಾ ಪ್ರಮುಖ ಬ್ಯಾಟ್ಸ್ ಮನ್ ಗಳಾದ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಶ್ರೇಯಸ್ ಅಯ್ಯರ್ ಅವರನ್ನು ಶೂನ್ಯ ರನ್ ಗಳಿಗೆ ಕಳೆದುಕೊಂಡಿತು, ಆದರೆ ಮ್ಯಾಟ್ ಹೆನ್ರಿ ಅವರ ಮೊದಲ ಓವರ್ ಟೀಮ್ ಇಂಡಿಯಾಕ್ಕೆ ಹಳೆಯ ಕೆಟ್ಟ ನೆನಪುಗಳನ್ನು ತಂದಿತು. 2019ರ ಏಕದಿನ ವಿಶ್ವಕಪ್ ಸೆಮಿಫೈನಲ್ ಪಂದ್ಯದಲ್ಲಿ ಭಾರತದ ಸೋಲಿನಲ್ಲಿ ಮ್ಯಾಟ್ ಹೆನ್ರಿ ಕೂಡ ಪ್ರಮುಖ ಪಾತ್ರ ವಹಿಸಿದ್ದರು. ಆ ಪಂದ್ಯದಲ್ಲಿ ಹೆನ್ರಿ ರೋಹಿತ್ ಶರ್ಮಾ ಅವರನ್ನು 1 ರನ್ ಗೆ, ಕೆಎಲ್ ರಾಹುಲ್ ಅವರನ್ನು 1 ರನ್ ಗೆ ಮತ್ತು ದಿನೇಶ್ ಕಾರ್ತಿಕ್ ಅವರನ್ನು 6 ರನ್ ಗೆ ಔಟ್ ಮಾಡಿದರು. ಹೆನ್ರಿ ತಮ್ಮ 10 ಓವರ್ ಗಳ ಅವಧಿಯಲ್ಲಿ 37 ರನ್ ಗೆ 3 ವಿಕೆಟ್ ಕಬಳಿಸಿದರು, ಈ ನಿಟ್ಟಿನಲ್ಲಿ ಅವರಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ನೀಡಲಾಯಿತು.

ಬೆಂಗಳೂರಿನಲ್ಲಿ ನಡೆಯಲಿರುವ ಇನ್ವೆಸ್ಟ್ ಕರ್ನಾಟಕ 2027ರ ಪೂರ್ವ ಸಿದ್ಧತೆಗೆ ಸಿಎಂ ಚಾಲನೆ

Kannadaprabha News — Fri, 13 Nov 2026 14:27:33 +0530

ಬೆಂಗಳೂರು (ನ.13): ರಾಜ್ಯಕ್ಕೆ ಬಂಡವಾಳ ಹೂಡಿಕೆ ಆಹ್ವಾನಿಸುವ ಮತ್ತು ಉದ್ಯೋಗ ಸೃಷ್ಟಿಯ ಮಾರ್ಗವಾಗಿರುವ ‘ಇನ್ವೆಸ್ಟ್‌ ಕರ್ನಾಟಕ 2027’ ಜಾಗತಿಕ ಹೂಡಿಕೆದಾರರ ಸಮಾವೇಶ 2027ರ ಏಪ್ರಿಲ್‌ 20ರಿಂದ 22ರವರೆಗೆ ಬೆಂಗಳೂರು ಅರಮನೆಯಲ್ಲಿ ನಡೆಯಲಿದ್ದು, ಅದರ ಪೂರ್ವ ಸಿದ್ಧತೆಗೆ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್‌ ಗುರುವಾರ ಚಾಲನೆ ನೀಡಿದರು.

ಭವಿಷ್ಯದ ಸಾಧ್ಯತೆಗಳಿಗೆ ಬಲ ಸಂವರ್ಧನೆ

ಖಾಸಗಿ ಹೋಟೆಲ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಅವರು, ‘ಭವಿಷ್ಯದ ಸಾಧ್ಯತೆಗಳಿಗೆ ಬಲ ಸಂವರ್ಧನೆ’ ಘೋಷವಾಕ್ಯದೊಂದಿಗೆ ನಡೆಯಲಿರುವ 2027ನೇ ಸಾಲಿನ ಇನ್ವೆಸ್ಟ್ ಕರ್ನಾಟಕ- ಜಾಗತಿಕ ಹೂಡಿಕೆದಾರರ ಶೃಂಗಸಭೆಯ ಪೂರ್ವ ಸಿದ್ಧತೆಗೆ ಚಾಲನೆ ನೀಡಿ ಕರ್ನಾಟಕದಲ್ಲಿ ಹೂಡಿಕೆ ಏತಕ್ಕಾಗಿ ಮಾಡಬೇಕು, ಇಲ್ಲಿರುವ ಅವಕಾಶ, ಮೂಲಸೌಕರ್ಯಗಳ ಕುರಿತಂತೆ ವಿವರಣೆ ನೀಡಿದರು.

ಇನ್ವೆಸ್ಟ್ ಕರ್ನಾಟಕ: ಕರ್ನಾಟಕದ ಭವಿಷ್ಯ ರೂಪಿಸಲು ಬಿಗ್ ಸ್ಟೆಪ್

ಈ ವೇಳೆ ಮಾತನಾಡಿದ ಡಿ.ಕೆ. ಶಿವಕುಮಾರ್‌, ಪ್ರಸ್ತುತದಲ್ಲಿ ನಾವು ಏನನ್ನು ಮಾಡುತ್ತೇವೆ ಎನ್ನುವುದು ಭವಿಷ್ಯದಲ್ಲಿ ನಮ್ಮ ಅಭಿವೃದ್ಧಿಯನ್ನು ನಿರ್ಧರಿಸುತ್ತದೆ. ಕರ್ನಾಟಕದ ಭವಿಷ್ಯ ರೂಪಿಸಲು ಇನ್ವೆಸ್ಟ್‌ ಕರ್ನಾಟಕ ಬಹುದೊಡ್ಡ ಮಾರ್ಗವಾಗಿದೆ. ಕರ್ನಾಟಕಕ್ಕೆ ಉತ್ಕೃಷ್ಟ ಇತಿಹಾಸವಿದ್ದು, ಇಲ್ಲಿ ಹೂಡಿಕೆ ಮಾಡುವವರು ಎಂದಿಗೂ ವಾಪಾಸು ಹೋಗಲು ಮನಸ್ಸು ಮಾಡುವುದಿಲ್ಲ. ಕೈಗಾರಿಕಾ ಕ್ಷೇತ್ರದಲ್ಲಿ ರಾಜ್ಯದ ಮಹತ್ವಾಕಾಂಕ್ಷೆಗೆ ಪೂರಕವಾಗಿರುವ ಜಾಗತಿಕ ಬಂಡವಾಳ ಹೂಡಿಕೆದಾರರ ಸಮಾವೇಶಕ್ಕೆ ಎಲ್ಲರೂ ಕೈ ಜೋಡಿಸಬೇಕು ಎಂದು ಮನವಿ ಮಾಡಿದರು.

ಜಾಗತಿಕ ಬಂಡವಾಳ ಹೂಡಿಕೆದಾರರ ಸಮಾವೇಶ ಮತ್ತು ವೆಂಚುರೈಸ್‌ನಂತಹ ಕಾರ್ಯಕ್ರಮಗಳು ನವೋದ್ಯಮ, ಹೂಡಿಕೆದಾರರು, ಕೈಗಾರಿಕೆಗಳನ್ನು ಒಂದೇ ವೇದಿಕೆಗೆ ತರುವ ಪ್ರಯತ್ನವಾಗಿದೆ. ಬೆಂಗಳೂರು ಮಾತ್ರವಲ್ಲದೆ ಕಲ್ಯಾಣ ಕರ್ನಾಟಕ, ಕಿತ್ತೂರು ಕರ್ನಾಟಕ ಸೇರಿ ರಾಜ್ಯದ ಹಿಂದುಳಿದ ಪ್ರದೇಶಗಳಲ್ಲೂ ಹೂಡಿಕೆಯನ್ನು ಆಕರ್ಷಿಸುವುದು ನಮ್ಮ ಗುರಿಯಾಗಿದೆ. ಪ್ರತಿ ಉದ್ಯಮಿಗಳಿಗೂ ವಿಶೇಷ ಪ್ರೋತ್ಸಾಹಕ, ರಿಯಾಯಿತಿಗಳನ್ನು ನೀಡಲಾಗುತ್ತದೆ. ಅದಕ್ಕಾಗಿ ನೂತನ ಹೂಡಿಕೆ ಮತ್ತು ಉದ್ಯೋಗ ನೀತಿಗಳನ್ನು ಜಾರಿಗೆ ತರಲಾಗಿದೆ ಎಂದರು.

ಉದ್ಯಮಿಗಳು ಎಂದರೆ ಕೇವಲ ಹಣ ಹೂಡುವುದು, ಕೈಗಾರಿಕೆ ಸ್ಥಾಪಿಸುವವರು ಮಾತ್ರವಲ್ಲ, ಅಭಿವೃದ್ಧಿಯಲ್ಲಿ ಪಾಲುದಾರರು ಎಂದು ತಿಳಿದ ಪರಂಪರೆಯನ್ನು ಕರ್ನಾಟಕ ಹೊಂದಿದೆ. ರಾಜ್ಯದಲ್ಲಿ ಕೈಗಾರಿಕೆಗಳಿಗೆ ಪರಿಭಾವಿತ ಭೂಪರಿವರ್ತನೆ ಮತ್ತು ತೆರಿಗೆ ವಿನಾಯಿತಿಗಳನ್ನು ನೀಡಲಾಗುತ್ತಿದೆ. ರಾಜ್ಯದಲ್ಲಿ ವಿಮಾನಯಾನ, ರೈಲು ಸೇವೆ ಸೇರಿದಂತೆ ಸಾರಿಗೆ ಸೌಲಭ್ಯ ಉತ್ತಮವಾಗಿದ್ದು, ಹೂಡಿಕೆದಾರರಿಗೆ ಅಗತ್ಯ ಮೂಲಸೌಕರ್ಯಗಳು ಇಲ್ಲಿವೆ ಎಂದು ವಿವರಿಸಿದರು.

ಭೂಸ್ವಾಧೀನ ಸಮಸ್ಯೆಗೆ ಪರಿಹಾರ:

ರಾಜ್ಯದಲ್ಲಿ ಕೈಗಾರಿಕೆಗಳಿಗೆ ಭೂಸ್ವಾಧೀನಕ್ಕೆ ಸಂಬಂಧಿಸಿದಂತೆ ಕೆಲವು ತೊಂದರೆಗಳಿದ್ದು, ಅದನ್ನು ಬಗೆಹರಿಸಲಾಗುತ್ತದೆ. ಕೈಗಾರಿಕಾ ಬೆಳವಣಿಗೆಗೆ ಇರುವ ಕೆಲವು ಅಡೆತಡೆಗಳನ್ನು ನಿವಾರಿಸಲು ಎಲ್ಲ ಪ್ರಯತ್ನ ಮಾಡಲಾಗುವುದು. ಭೂಸ್ವಾಧೀನ ಕುರಿತಂತೆ ಭೂ ಮಾಲೀಕರ ಮನವೊಲಿಸಿ ಸರಿಪಡಿಸಲಾಗುತ್ತದೆ. ಬೆಂಗಳೂರಿನಿಂದ ಹೊರಗೆ ಕೈಗಾರಿಕೆಗಳನ್ನು ವಿಸ್ತರಿಸುವ ಬಗ್ಗೆಯೂ ಆಲೋಚಿಸುತ್ತಿದ್ದೇವೆ ಎಂದು ಡಿ.ಕೆ. ಶಿವಕುಮಾರ್‌ ಹೇಳಿದರು.

ಬಿಯಾಂಡ್ ಬೆಂಗಳೂರಿಗೆ ಒತ್ತು:

ಉಪಮುಖ್ಯಮಂತ್ರಿ ಡಾ. ಜಿ.ಪರಮೇಶ್ವರ್‌ ಮಾತನಾಡಿ, ರಾಜ್ಯದ ಕೈಗಾರಿಕಾ ಅಭಿವೃದ್ಧಿ ಬೆಂಗಳೂರಿಗೆ ಮಾತ್ರ ಸೀಮಿತವಾಗಿರದೆ ಎರಡು ಮತ್ತು ಮೂರನೇ ಹಂತದ ನಗರಗಳಿಗೂ ವಿಸ್ತರಿಸಲಾಗುತ್ತಿದೆ. ಅದಕ್ಕಾಗಿ ಬಿಯಾಂಡ್‌ ಬೆಂಗಳೂರು ನೀತಿಯನ್ನು ರೂಪಿಸಲಾಗಿದೆ. ಕಳೆದ ಜಾಗತಿಕ ಹೂಡಿಕೆದಾರರ ಸಮಾವೇಶದಲ್ಲಿ 10 ಲಕ್ಷ ಕೋಟಿ ರು.ಗೂ ಹೆಚ್ಚಿನ ಹೂಡಿಕೆ ಹರಿದುಬಂದಿತ್ತು. ಅದರಲ್ಲಿ ಶೇ. 70ರಷ್ಟು ಹೂಡಿಕೆ ಈಗಾಗಲೇ ಕಾರ್ಯರೂಪಕ್ಕೆ ಬಂದಿದೆ. ಅದೇ ರೀತಿ ಮುಂದಿನ ಹೂಡಿಕೆದಾರರ ಸಮಾವೇಶದಲ್ಲೂ ಹೆಚ್ಚಿನ ಬಂಡವಾಳ ಆಕರ್ಷಿಸಲಾಗುವುದು. ಭಾರತದ ಆರ್ಥಿಕ ಅಭಿವೃದ್ಧಿಯಲ್ಲಿ ಕರ್ನಾಟಕ ಸದಾ ಮುಂಚೂಣಿಯಲ್ಲಿದೆ. ಕೈಗಾರಿಕಾ ಬೆಳವಣಿಗೆ ದೇಶಕ್ಕೆ ಮಾದರಿಯಾಗಿದೆ ಎಂದರು.

ಕರ್ನಾಟಕ ಮೈಮಾನಿಕ ಮತ್ತು ರಕ್ಷಣಾ ನೀತಿ- 2026-2031, ಕೈಗಾರಿಕೆಯಲ್ಲಿ ಹಿಂದುಳಿದ ಸ್ಥಳಗಳಿಗೆ ಹೂಡಿಕೆ ಪ್ರೋತ್ಸಾಹ ನೀತಿ, ಶ್ರಮಿಕ ನಿವಾಸ್ ನೀತಿ, ಕರ್ನಾಟಕ ಡಿಜಿಟಲ್‌ ಲ್ಯಾಂಡ್‌ ಬ್ಯಾಂಕ್‌ ಪೋರ್ಟಲ್‌ ಬಿಡುಗಡೆ ಮಾಡಲಾಯಿತು ಹಾಗೂ ವೆಂಚುರೈಸ್‌ ಜಾಗತಿಕ ನವೋದ್ಯಮ ಸ್ಪರ್ಧೆಗೆ ಚಾಲನೆ ನೀಡಲಾಯಿತು.

ಸಚಿವರಾದ ಕೆ. ಎಚ್‌. ಮುನಿಯಪ್ಪ, ಕೃಷ್ಣ ಬೈರೇಗೌಡ, ಪ್ರಿಯಾಂಕ್‌ ಖರ್ಗೆ, ರಾಮಲಿಂಗಾರೆಡ್ಡಿ, ರಿಜ್ವಾನ್‌ ಅರ್ಷದ್‌, ನರೇಂದ್ರಸ್ವಾಮಿ, ಬಸವರಾಜ ರಾಯರೆಡ್ಡಿ, ಬಸವಂತಪ್ಪ, ಅಜಯ್‌ ಸಿಂಗ್‌, ರಾಜ್ಯಸಭಾ ಸದಸ್ಯೆ ಸುಧಾ ಮೂರ್ತಿ, ಮಾಜಿ ಸಚಿವ ಆರ್‌. ವಿ. ದೇಶಪಾಂಡೆ, ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಡಾ. ಶಾಲಿನಿ ರಜನೀಶ್‌, ಕೈಗಾರಿಕಾ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಡಾ. ಸೆಲ್ವಕುಮಾರ್‌, ಆಯುಕ್ತೆ ಖುಷ್ಬೂ ಚೌಧರಿ ಇತರರಿದ್ದರು.

Karnataka is Powering What’s Next!

Glimpses from the Curtain Raiser of Invest Karnataka 2027.

Come to Karnataka. Build in Karnataka. Grow with Karnataka.

I look forward to welcoming you all to Invest Karnataka 2027 at Bengaluru Palace from April 20–22, 2027.

#PoweringWhatsNext | #InvestKarnataka

— DK Shivakumar (@DKShivakumar) November 13, 2026

ಭೂಮಿ ಕಾಯ್ದಿರಿಸಲು ಡಿಜಿಟಲ್‌ ಕೈಗಾರಿಕಾ ಲ್ಯಾಂಡ್‌ಬ್ಯಾಂಕ್‌: ಎಂಬಿಪಾ

ಡಿಜಿಟಲ್‌ ಕೈಗಾರಿಕಾ ಲ್ಯಾಂಡ್‌ಬ್ಯಾಂಕ್‌ ಮೂಲಕ, ವಿದೇಶಿ ಹೂಡಿಕೆದಾರರು ಕರ್ನಾಟಕಕ್ಕೆ ಬರುವುದಕ್ಕೆ ಮುನ್ನವೇ ಕೈಗಾರಿಕಾ ಭೂಮಿಯನ್ನು ಕಾಯ್ದಿರಿಸಬಹುದು ಎಂದು ಕೈಗಾರಿಕಾ ಸಚಿವ ಎಂ.ಬಿ. ಪಾಟೀಲ್‌ ತಿಳಿಸಿದರು.

2025ರ ಹೂಡಿಕೆದಾರರ ಸಮಾವೇಶದಲ್ಲಿ ವ್ಯಕ್ತವಾದ ಪ್ರಸ್ತಾವನೆಗಳಲ್ಲಿ ಶೇ. 65ರಷ್ಟು ಅನುಷ್ಠಾನಗೊಂಡಿವೆ. ಪ್ರತಿ ಪ್ರಸ್ತಾವನೆಗೂ ನಿರ್ದಿಷ್ಟ ಅಧಿಕಾರಿಯನ್ನು ನಿಯೋಜಿಸಿ ಅನುಷ್ಠಾನದ ಪೂರ್ಣ ಪ್ರಕ್ರಿಯೆಯಲ್ಲಿ ಜೊತೆಗಿರುವಂತೆ ವ್ಯವಸ್ಥೆ ಮಾಡಲಾಗಿದೆ. ನಮ್ಮ‌ ಕೈಗಾರಿಕಾ ನೀತಿಯು ಹೂಡಿಕೆದಾರರಿಗೆ ಆಯ್ಕೆಗಳನ್ನು, ಅವಕಾಶಗಳನ್ನು ಒದಗಿಸುತ್ತದೆ. ಕೈಗಾರಿಕಾ ನಿರ್ದಿಷ್ಟ ಪ್ರದೇಶಗಳನ್ನು ಅಭಿವೃದ್ಧಿಪಡಿಸುವುದರ ಜೊತೆಗೆ, ಶೀಘ್ರದಲ್ಲೇ ಉತ್ತರ ಕರ್ನಾಟಕಕ್ಕೆ ಪ್ರತ್ಯೇಕ ಹೂಡಿಕೆದಾರರ ಸಮಾವೇಶ ಆಯೋಜಿಸುವ ಮೂಲಕ ಆ ಭಾಗಕ್ಕೆ ಹೆಚ್ಚಿನ ಒತ್ತು ನೀಡಲಾಗುವುದು. ನೂತನ ಡಿಜಿಟಲ್ ಕೈಗಾರಿಕಾ ಲ್ಯಾಂಡ್‌ಬ್ಯಾಂಕ್ ಮೂಲಕ ಯಾವುದೇ ಉದ್ಯಮಿ ಭಾರತಕ್ಕೆ ಬರುವ ಮುನ್ನವೇ ತಮಗೆ ಬೇಕಾದ ಭೂಮಿಯನ್ನು ಕಾಯ್ದಿರಿಸಬಹುದಾಗಿದೆ ಎಂದರು.

ಜಾಗತಿ ಹೂಡಿಕೆದಾರರ ಸಮಾವೇಶ 2027ನ್ನು ನಿಜವಾದ ಅರ್ಥದಲ್ಲಿ ಜಾಗತಿಕ ಹೂಡಿಕೆದಾರರ ಸಮಾವೇಶವನ್ನಾಗಿ ರೂಪಿಸುವುದು ನಮ್ಮ ಗುರಿಯಾಗಿದೆ. ಅದಕ್ಕಾಗಿ ಮುಂಬರುವ ತಿಂಗಳುಗಳಲ್ಲಿ ನಿರಂತರವಾಗಿ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಿ, ಹೂಡಿಕೆದಾರರು ಇರುವ ಸ್ಥಳಗಳಿಗೇ ಕರ್ನಾಟಕದ ಅವಕಾಶಗಳನ್ನು ಕೊಂಡೊಯ್ಯಲಿದ್ದೇವೆ. ಮುಂಬರುವ ತಿಂಗಳುಗಳಲ್ಲಿ ಉತ್ತರ ಕರ್ನಾಟಕದಲ್ಲಿ ವಿಶೇಷ ಹೂಡಿಕೆದಾರರ ಸಮಾವೇಶ ಆಯೋಜಿಸಲಿದ್ದೇವೆ. ಕಲ್ಯಾಣ ಕರ್ನಾಟಕ ಮತ್ತು ಕಿತ್ತೂರು ಕರ್ನಾಟಕದ ಹೂಡಿಕೆ ಅವಕಾಶಗಳನ್ನು ನೇರವಾಗಿ ಹೂಡಿಕೆದಾರರ ಮುಂದಿಡುವುದು ಇದರ ಉದ್ದೇಶ. ಈ ಪ್ರದೇಶವು ಹಿಂದೆಂದೂ ಕಾಣದ ಪ್ರಮಾಣದಲ್ಲಿ ಹೂಡಿಕೆಯನ್ನು ಆಕರ್ಷಿಸಬೇಕು ಎಂಬುದು ನಮ್ಮ ಗುರಿಯಾಗಿದೆ ಎಂದು ಹೇಳಿದರು.

'ತಂದೆಯಂತೆ ಫೈನಲ್‌ನಲ್ಲಿ ಪಾಕಿಸ್ತಾನವನ್ನು ಚಚ್ಚುತ್ತಾನೆ'; ಸೆಹ್ವಾಗ್ ಪುತ್ರ ಆರ್ಯವೀರ್ ಬಗ್ಗೆ ಟೀಂ ಇಂಡಿಯಾ ಮಾಜಿ ಕ್ರಿಕೆಟಿಗ ಅಚ್ಚರಿ ಭವಿಷ್ಯ

Naveen Kodase — Fri, 13 Nov 2026 14:26:08 +0530

ನವದೆಹಲಿ(ನ.13): ಅಂಡರ್-19 ಏಷ್ಯಾಕಪ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮುಖಾಮುಖಿಯಾಗಲಿವೆ. ನವೆಂಬರ್ 14ರಂದು ನಡೆಯಲಿರುವ ಈ ಹೈವೋಲ್ಟೇಜ್ ಪಂದ್ಯಕ್ಕೆ ಈಗಾಗಲೇ ಕ್ರಿಕೆಟ್ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಅದರಲ್ಲೂ ಟೂರ್ನಿಯಲ್ಲಿ ತಮ್ಮ ಬ್ಯಾಟಿಂಗ್ ಮೂಲಕ ಗಮನ ಸೆಳೆದಿರುವ ಭಾರತದ ಯುವ ಆಟಗಾರ ಆರ್ಯವೀರ್ ಸೆಹ್ವಾಗ್ ಮೇಲೆ ಎಲ್ಲರ ಕಣ್ಣಿದೆ. ಇದೀಗ ಭಾರತದ ಮಾಜಿ ಕ್ರಿಕೆಟಿಗ ಸಂಜಯ್ ಮಂಜ್ರೇಕರ್ ಕೂಡ ಆರ್ಯವೀರ್ ಪ್ರದರ್ಶನದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಫೈನಲ್‌ನಲ್ಲಿ ಪಾಕಿಸ್ತಾನ ವಿರುದ್ಧ ಅಬ್ಬರಿಸಲಿದ್ದಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಆರ್ಯವೀರ್ ಸೆಹ್ವಾಗ್ ಭಾರತದ ಮಾಜಿ ಸ್ಫೋಟಕ ಆರಂಭಿಕ ಬ್ಯಾಟರ್ ವೀರೇಂದ್ರ ಸೆಹ್ವಾಗ್ ಅವರ ಪುತ್ರ. ತಂದೆಯಂತೆಯೇ ಆಕ್ರಮಣಕಾರಿ ಮನೋಭಾವದೊಂದಿಗೆ ಬ್ಯಾಟಿಂಗ್ ಮಾಡುತ್ತಿರುವ ಆರ್ಯವೀರ್, ಅಂಡರ್-19 ಏಷ್ಯಾಕಪ್‌ನಲ್ಲಿ ತಮ್ಮ ಸಾಮರ್ಥ್ಯವನ್ನು ಪ್ರದರ್ಶಿಸುತ್ತಿದ್ದಾರೆ. ಇದೀಗ ಪಾಕಿಸ್ತಾನ ವಿರುದ್ಧದ ಫೈನಲ್ ಪಂದ್ಯದಲ್ಲಿ ಅವರ ಬ್ಯಾಟಿಂಗ್ ಹೇಗಿರಲಿದೆ ಎಂಬ ಕುತೂಹಲ ಹೆಚ್ಚಾಗಿದೆ.

'ತಂದೆಯಂತೆಯೇ ಆಕ್ರಮಣಕಾರಿ ಆಟ, ಪಾಕ್ ವಿರುದ್ಧ ಅಬ್ಬರಿಸಲಿದ್ದಾರೆ'

ಆರ್ಯವೀರ್ ಸೆಹ್ವಾಗ್ ಬಗ್ಗೆ ಮಾತನಾಡಿರುವ ಸಂಜಯ್ ಮಂಜ್ರೇಕರ್, ಭಾರತ ಮತ್ತು ಪಾಕಿಸ್ತಾನ ನಡುವಿನ ಫೈನಲ್ ಪಂದ್ಯದಲ್ಲಿ ಗಮನಿಸಬೇಕಾದ ಆಟಗಾರ ಆರ್ಯವೀರ್ ಎಂದು ಹೇಳಿದ್ದಾರೆ. "ಭಾರತ ಮತ್ತು ಪಾಕಿಸ್ತಾನ ನಡುವಿನ ಫೈನಲ್‌ನಲ್ಲಿ ಆರ್ಯವೀರ್ ಸೆಹ್ವಾಗ್ ಗಮನಿಸಬೇಕಾದ ಆಟಗಾರ. ಆತ ತನ್ನ ತಂದೆಯಂತೆಯೇ ಆಡುತ್ತಾನೆ. ಅದೇ ರೀತಿಯ ಉದ್ದೇಶ, ಅದೇ ಆಕ್ರಮಣಕಾರಿ ಮನೋಭಾವ ಮತ್ತು ಅದೇ ವೇಗದಲ್ಲಿ ಬ್ಯಾಟಿಂಗ್ ಮಾಡುತ್ತಾನೆ. ಸದ್ಯದ ಫಾರ್ಮ್ ಗಮನಿಸಿದರೆ ಅಂಡರ್-19 ಏಷ್ಯಾಕಪ್ ಫೈನಲ್‌ನಲ್ಲಿ ಪಾಕಿಸ್ತಾನ ತಂಡದ ವಿರುದ್ಧ ಆತ ಅಬ್ಬರಿಸಲಿದ್ದಾನೆ. ಈ ಟೂರ್ನಿಯ ಅತ್ಯುತ್ತಮ ಬ್ಯಾಟರ್‌ಗಳಲ್ಲಿ ಒಬ್ಬನಾಗಿರುವ ಆರ್ಯವೀರ್‌ಗೆ ಉಜ್ವಲ ಭವಿಷ್ಯವಿದೆ" ಎಂದು ಮಂಜ್ರೇಕರ್ ಅಭಿಪ್ರಾಯಪಟ್ಟಿದ್ದಾರೆ.

ಅಫ್ಘಾನಿಸ್ತಾನ ವಿರುದ್ಧ ಅರ್ಧಶತಕ ಸಿಡಿಸಿದ್ದ ಆರ್ಯವೀರ್

ಅಂಡರ್-19 ಏಷ್ಯಾಕಪ್ ಸೆಮಿಫೈನಲ್‌ನಲ್ಲಿ ಭಾರತ ತಂಡ ಅಫ್ಘಾನಿಸ್ತಾನವನ್ನು 8 ವಿಕೆಟ್‌ಗಳಿಂದ ಮಣಿಸಿ ಫೈನಲ್‌ಗೆ ಪ್ರವೇಶಿಸಿತ್ತು. ಈ ಪಂದ್ಯದಲ್ಲಿ ಆರ್ಯವೀರ್ ಸೆಹ್ವಾಗ್ ಮತ್ತೊಮ್ಮೆ ತಮ್ಮ ಬ್ಯಾಟಿಂಗ್ ಸಾಮರ್ಥ್ಯವನ್ನು ತೋರಿಸಿದ್ದರು. ಆರಂಭಿಕ ಬ್ಯಾಟರ್ ಆಗಿ ಕಣಕ್ಕಿಳಿದ ಆರ್ಯವೀರ್ 57 ಎಸೆತಗಳಲ್ಲಿ 51 ರನ್ ಗಳಿಸಿದ್ದರು. ಅವರ ಇನ್ನಿಂಗ್ಸ್‌ನಲ್ಲಿ ನಾಲ್ಕು ಬೌಂಡರಿ ಹಾಗೂ ನಾಲ್ಕು ಸಿಕ್ಸರ್‌ಗಳು ಸೇರಿದ್ದವು. ನಾಯಕ ಲಕ್ಷ್ಯ ರೈಚಂದಾನಿ ಜೊತೆಗೂಡಿ ಮೊದಲ ವಿಕೆಟ್‌ಗೆ 117 ರನ್‌ಗಳ ಮಹತ್ವದ ಜೊತೆಯಾಟವನ್ನೂ ಆಡಿದ್ದರು. ಈ ಆರಂಭ ಭಾರತ ತಂಡದ ಗೆಲುವಿನ ಹಾದಿಯನ್ನು ಸುಗಮಗೊಳಿಸಿತ್ತು.

ಇದಕ್ಕೂ ಮುನ್ನ ಯುಎಇ ವಿರುದ್ಧದ ಪಂದ್ಯದಲ್ಲಿ ಆರ್ಯವೀರ್ 160 ರನ್‌ಗಳ ಭರ್ಜರಿ ಇನ್ನಿಂಗ್ಸ್ ಆಡಿದ್ದರು. ನೇಪಾಳ ವಿರುದ್ಧ ಅಜೇಯ 70 ರನ್ ಗಳಿಸಿದ್ದರು. ಹೀಗೆ ಟೂರ್ನಿಯಲ್ಲಿ ಅರ್ಧಶತಕ ಮತ್ತು ಶತಕದ ಮೂಲಕ ಗಮನ ಸೆಳೆದಿರುವ ಅವರು, ಫೈನಲ್‌ಗೂ ಮುನ್ನ ಉತ್ತಮ ಲಯದಲ್ಲಿದ್ದಾರೆ.

ಭಾರತ-ಪಾಕಿಸ್ತಾನ ಫೈನಲ್‌ಗೆ ವೇದಿಕೆ ಸಿದ್ಧ

ಅಫ್ಘಾನಿಸ್ತಾನ ವಿರುದ್ಧ ಗೆಲುವು ಸಾಧಿಸಿದ ಭಾರತ ಫೈನಲ್ ಪ್ರವೇಶಿಸಿದರೆ, ಮತ್ತೊಂದು ಸೆಮಿಫೈನಲ್‌ನಲ್ಲಿ ಬಾಂಗ್ಲಾದೇಶವನ್ನು 9 ವಿಕೆಟ್‌ಗಳಿಂದ ಸೋಲಿಸಿದ ಪಾಕಿಸ್ತಾನ ಪ್ರಶಸ್ತಿ ಸುತ್ತಿಗೆ ಅರ್ಹತೆ ಪಡೆದಿದೆ. ಹೀಗಾಗಿ ನವೆಂಬರ್ 14ರಂದು ನಡೆಯಲಿರುವ ಫೈನಲ್‌ನಲ್ಲಿ ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ ಮತ್ತು ಪಾಕಿಸ್ತಾನ ತಂಡಗಳು ಮುಖಾಮುಖಿಯಾಗಲಿವೆ.

ಈ ಪಂದ್ಯದಲ್ಲಿ ಎರಡೂ ತಂಡಗಳ ಆಟಗಾರರ ಮೇಲೆ ನಿರೀಕ್ಷೆ ಹೆಚ್ಚಿದೆ. ಭಾರತದ ಪರ ಆರ್ಯವೀರ್ ಸೆಹ್ವಾಗ್ ತಮ್ಮ ಬ್ಯಾಟಿಂಗ್ ಲಯವನ್ನು ಮುಂದುವರಿಸುತ್ತಾರೆಯೇ ಎಂಬುದು ಪ್ರಮುಖ ಕುತೂಹಲವಾಗಿದೆ. ತಂದೆ ವೀರೇಂದ್ರ ಸೆಹ್ವಾಗ್ ಅವರಂತೆ ಆಕ್ರಮಣಕಾರಿ ಆಟದ ಮೂಲಕ ಗುರುತಿಸಿಕೊಳ್ಳುತ್ತಿರುವ ಆರ್ಯವೀರ್, ಫೈನಲ್‌ನಲ್ಲಿ ಯಾವ ರೀತಿಯ ಪ್ರದರ್ಶನ ನೀಡಲಿದ್ದಾರೆ ಎಂಬುದನ್ನು ಕಾದು ನೋಡಬೇಕಿದೆ. ಸಂಜಯ್ ಮಂಜ್ರೇಕರ್ ಅವರ ಹೇಳಿಕೆ ಯುವ ಆಟಗಾರನ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ಆದರೆ ಮೈದಾನದಲ್ಲಿ ಆರ್ಯವೀರ್ ಅವರ ಪ್ರದರ್ಶನವೇ ಅಂತಿಮವಾಗಿದ್ದು, ಭಾರತಕ್ಕೆ ಪ್ರಶಸ್ತಿ ತಂದುಕೊಡುವಲ್ಲಿ ಅವರು ಯಾವ ಪಾತ್ರ ವಹಿಸಲಿದ್ದಾರೆ ಎನ್ನುವ ಕುತೂಹಲ ಜೋರಾಗಿದೆ.

ಇನ್ಮುಂದೆ ಸರ್ಕಾರಿ ಕಚೇರಿಗಳಲ್ಲಿ EV ಕಾರುಗಳದ್ದೇ ಹವಾ ! ವಾಹನ ಖರೀದಿಗೆ ಕೇಂದ್ರದ ಹೊಸ ರೂಲ್ಸ್

Roopa Hegde — Fri, 13 Nov 2026 14:25:15 +0530

ಕೇಂದ್ರ ಸರ್ಕಾರಿ ನೌಕರರು ಮತ್ತು ಅಧಿಕಾರಿಗಳ ಬಳಕೆಗೆ ಖರೀದಿಸುವ ಕಾರುಗಳ ನಿಯಮದಲ್ಲಿ ಮಹತ್ವದ ಬದಲಾವಣೆ ಮಾಡಲಾಗಿದೆ. ಇನ್ಮುಂದೆ ಕೇಂದ್ರ ಸರ್ಕಾರದ ಸಚಿವಾಲಯಗಳು ಮತ್ತು ಇಲಾಖೆ ಬಳಿ ನಾವು ಹೆಚ್ಚಿನ ಮಟ್ಟದಲ್ಲಿ ಎಲೆಕ್ಟ್ರಿಕ್ ಕಾರುಗಳನ್ನು ಕಾಣ್ಬಹುದು. ಎಲೆಕ್ಟ್ರಿಕ್‌ ಕಾರು ಖರೀದಿಗೆ ಗರಿಷ್ಠ 20 ಲಕ್ಷ ರೂಪಾಯಿ ಮಿತಿ ನಿಗದಿಪಡಿಸಲಾಗಿದೆ. ಪೆಟ್ರೋಲ್ ಮತ್ತು ಡೀಸೆಲ್ ಕಾರು ಖರೀದಿಸಲು ಗರಿಷ್ಠ ಮಿತಿ 10 ಲಕ್ಷ ರೂಪಾಯಿಯಾಗಿದೆ.

ಹಣಕಾಸು ಸಚಿವಾಲಯದ ಆದೇಶ

ಹಣಕಾಸು ಸಚಿವಾಲಯದ ವೆಚ್ಚ ಇಲಾಖೆಯು ಅಧಿಕೃತ ಕಚೇರಿ ಮೆಮೊರಾಂಡಂ ಹೊರಡಿಸಿದೆ. ಇದ್ರ ಪ್ರಕಾರ, ಪೆಟ್ರೋಲ್ ಮತ್ತು ಡೀಸೆಲ್ ಕಾರುಗಳಿಗೆ ಹೋಲಿಸಿದರೆ ಎಲೆಕ್ಟ್ರಿಕ್ ಕಾರುಗಳ ಖರೀದಿಗೆ ದುಪ್ಪಟ್ಟು ಬಜೆಟ್ ನೀಡಲಾಗಿದೆ. ಸರ್ಕಾರಿ ವಾಹನಗಳಲ್ಲಿ ಎಲೆಕ್ಟ್ರಿಕ್ ಮೊಬಿಲಿಟಿಗೆ ಉತ್ತೇಜನ ನೀಡುವುದು ಮತ್ತು ಪೆಟ್ರೋಲ್, ಡೀಸೆಲ್ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡುವುದು ಈ ನಿರ್ಧಾರದ ಪ್ರಮುಖ ಉದ್ದೇಶವಾಗಿದೆ. ಹೊಸ ಸೂಚನೆಗಳು ತಕ್ಷಣದಿಂದಲೇ ಜಾರಿಗೆ ಬಂದಿವೆ.

ಸರ್ಕಾರಿ ಕಾರುಗಳ ಖರೀದಿಗೆ ಹೊಸ ದರ ಮಿತಿ ಎಷ್ಟು?

ಹಣಕಾಸು ಸಚಿವಾಲಯವು ಸರ್ಕಾರಿ ಸಿಬ್ಬಂದಿ ಕಾರುಗಳ ಖರೀದಿಗೆ ನೆಟ್ ಡೀಲರ್ ಪ್ರೈಸ್ (NDP) ಆಧಾರದ ಮೇಲೆ ಗರಿಷ್ಠ ದರದ ಮಿತಿಯನ್ನು ನಿಗದಿಪಡಿಸಿದೆ. ಅದರಂತೆ ಕಾರುಗಳನ್ನು ಎರಡು ವಿಭಾಗಗಳಾಗಿ ವಿಂಗಡಿಸಲಾಗಿದೆ.

• ಎಲೆಕ್ಟ್ರಿಕ್ ಕಾರು (EV): ಗರಿಷ್ಠ 20 ಲಕ್ಷ ರೂಪಾಯಿ.

• ಪೆಟ್ರೋಲ್ ಮತ್ತು ಡೀಸೆಲ್ ಕಾರು (ICE): ಗರಿಷ್ಠ 10 ಲಕ್ಷ ರೂಪಾಯಿ.

ಇಲ್ಲಿ NDP ಎಂದರೆ ನೆಟ್ ಡೀಲರ್ ಪ್ರೈಸ್. ಅಂದರೆ, ಕಾರು ಖರೀದಿಸುವಾಗ ಡೀಲರ್ ನೀಡುವ ಬೆಲೆಯನ್ನು ಆಧರಿಸಿ ಸರ್ಕಾರ ಈ ಗರಿಷ್ಠ ವೆಚ್ಚದ ಮಿತಿಯನ್ನು ನಿಗದಿಪಡಿಸಿದೆ. ಹೊಸ ನಿಯಮದ ಪ್ರಕಾರ, ಸರ್ಕಾರಿ ಸಚಿವಾಲಯಗಳು ಮತ್ತು ಇಲಾಖೆಗಳು ಪೆಟ್ರೋಲ್ ಅಥವಾ ಡೀಸೆಲ್ ಕಾರುಗಳಿಗೆ ಹೋಲಿಸಿದರೆ ಎಲೆಕ್ಟ್ರಿಕ್ ಕಾರುಗಳ ಖರೀದಿಗೆ ಎರಡು ಪಟ್ಟು ಹಣ ಖರ್ಚು ಮಾಡಬಹುದು.

ಎಲೆಕ್ಟ್ರಿಕ್ ಕಾರು ಖರೀದಿ ಕಡ್ಡಾಯವೇ?

ಸರ್ಕಾರಿ ಇಲಾಖೆಗಳು ಈಗಾಗಲೇ ಬಳಸುತ್ತಿರುವ ಸಿಬ್ಬಂದಿ ಕಾರುಗಳನ್ನು ಬದಲಾಯಿಸುವಾಗ ಅಥವಾ ಹೊಸ ಕಾರು ಖರೀದಿಸುವಾಗ ಸಾಮಾನ್ಯವಾಗಿ ಎಲೆಕ್ಟ್ರಿಕ್ ವಾಹನಗಳಿಗೇ ಆದ್ಯತೆ ನೀಡಬೇಕು ಎಂದು ಹಣಕಾಸು ಸಚಿವಾಲಯ ಸ್ಪಷ್ಟಪಡಿಸಿದೆ. ಅಂದರೆ, ಸರ್ಕಾರಿ ವಾಹನಗಳ ಖರೀದಿಯಲ್ಲಿ ಇನ್ಮುಂದೆ EVಗಳು ಮೊದಲ ಆಯ್ಕೆಯಾಗಿರಲಿವೆ. ಆದರೆ, ಕೆಲವು ಇಲಾಖೆಗಳ ಕಾರ್ಯನಿರ್ವಹಣೆಗೆ ಎಲೆಕ್ಟ್ರಿಕ್ ಕಾರು ಖರೀದಿಸುವುದು ಅಥವಾ ಬಳಸುವುದು ಪ್ರಾಯೋಗಿಕವಾಗಿ ಸಾಧ್ಯವಿಲ್ಲ ಎಂದಾದರೆ, ಪೆಟ್ರೋಲ್ ಅಥವಾ ಡೀಸೆಲ್ ಕಾರು ಖರೀದಿಸಲು ಪ್ರಸ್ತಾವನೆ ಸಲ್ಲಿಸಬಹುದು. ಆದರೆ ಇದಕ್ಕೆ ಸೂಕ್ತ ಕಾರಣಗಳನ್ನು ನೀಡಬೇಕು. ಅಲ್ಲದೆ, ವೆಚ್ಚ ಇಲಾಖೆಯಿಂದ ವಿಶೇಷ ಅನುಮತಿಯನ್ನೂ ಪಡೆಯಬೇಕಾಗುತ್ತದೆ.

ಹೊಸ ನಿಯಮಗಳು ಕೇವಲ ಸರ್ಕಾರಿ ಕಾರುಗಳ ಖರೀದಿಗೆ ಮಾತ್ರ ಸೀಮಿತವಾಗಿಲ್ಲ. ಯಾವುದಾದರೂ ಸಚಿವಾಲಯ ಅಥವಾ ಸರ್ಕಾರಿ ಇಲಾಖೆಗೆ ಪೆಟ್ರೋಲ್ ಅಥವಾ ಡೀಸೆಲ್ ಕಾರುಗಳನ್ನು ಬಾಡಿಗೆಗೆ ಪಡೆಯುವ ಅಗತ್ಯವಿದ್ದರೂ, ಅದಕ್ಕೂ ವೆಚ್ಚ ಇಲಾಖೆಯಿಂದ ವಿಶೇಷ ವಿನಾಯಿತಿ ಪಡೆಯಬೇಕಾಗುತ್ತದೆ. ಕಾರುಗಳ ಖರೀದಿ, ಬಾಡಿಗೆ ಹಾಗೂ ಇತರ ಷರತ್ತುಗಳಿಗೆ ಸಂಬಂಧಿಸಿದಂತೆ ಈ ಹಿಂದೆ ಜಾರಿಯಲ್ಲಿದ್ದ ಉಳಿದ ನಿಯಮಗಳಲ್ಲಿ ಯಾವುದೇ ಬದಲಾವಣೆ ಮಾಡಿಲ್ಲ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ. ಸರ್ಕಾರಿ ಇಲಾಖೆಗಳು ಸಾಮಾನ್ಯ ಹಣಕಾಸು ನಿಯಮಗಳು (GFR), 2017 ಮತ್ತು ಕಾಲಕಾಲಕ್ಕೆ ಹೊರಡಿಸುವ ಇತರ ಮಾರ್ಗಸೂಚಿಗಳನ್ನು ಪಾಲಿಸಬೇಕಾಗುತ್ತದೆ. ಈ ಹೊಸ ನಿರ್ಧಾರದಿಂದ ಸರ್ಕಾರಿ ವಾಹನಗಳ ಖರೀದಿಯಲ್ಲಿ ಎಲೆಕ್ಟ್ರಿಕ್ ಕಾರುಗಳ ಪಾಲು ಹೆಚ್ಚಾಗುವ ನಿರೀಕ್ಷೆಯಿದೆ.

ದುಬಾರಿ ಗೊಬ್ಬರ ಬೇಡ, ಈರುಳ್ಳಿ ಸಿಪ್ಪೆ ಸಾಕು... ಒಂದೇ ತಿಂಗಳಲ್ಲಿ ಗುಲಾಬಿ ಗಿಡ ಹೂವುಗಳಿಂದ ತುಂಬಿ ಹೋಗುತ್ತೆ

Ashwini HR — Fri, 13 Nov 2026 14:10:36 +0530

Rose plant care: ದುಬಾರಿ ರಾಸಾಯನಿಕ ಗೊಬ್ಬರಗಳಿಲ್ಲದೆ, ಮನೆಯಲ್ಲಿರುವ ಈರುಳ್ಳಿ ಸಿಪ್ಪೆ ಮತ್ತು ಸರಳ ದೇಸಿ ಉಪಾಯಗಳಿಂದ ನಿಮ್ಮ ಗುಲಾಬಿ ಗಿಡದಲ್ಲಿ ರಾಶಿ ರಾಶಿ ಹೂವುಗಳನ್ನು ಅರಳಿಸುವ ಸುಲಭ ವಿಧಾನ ಇಲ್ಲಿದೆ.

3 ಪರಿಣಾಮಕಾರಿ ದೇಸಿ ಟಿಪ್ಸ್ನಿಮ್ಮ ಮನೆಯ ಕುಂಡದಲ್ಲಿ ಅಥವಾ ಕೈತೋಟದಲ್ಲಿ ಬೆಳೆಸಿರುವ ಗುಲಾಬಿ ಗಿಡ ದಿನದಿಂದ ದಿನಕ್ಕೆ ಎತ್ತರಕ್ಕೆ ಬೆಳೆಯುತ್ತಿದೆಯೇ? ಎಲೆಗಳು ಚೆನ್ನಾಗಿ ಬರುತ್ತಿದ್ದು ಗಿಡ ಪೊದೆಯಂತಾಗಿದ್ದರೂ, ವಾರಗಟ್ಟಲೆ ಕಳೆದರೂ ಒಂದೇ ಒಂದು ಮೊಗ್ಗು ಅರಳುತ್ತಿಲ್ಲವೇ? ಹಾಗಾದರೆ ಚಿಂತಿಸಬೇಡಿ. ಕೆಲವೊಮ್ಮೆ ಗುಲಾಬಿ ಗಿಡ ತನ್ನೆಲ್ಲಾ ಶಕ್ತಿಯನ್ನು ಕೇವಲ ಎತ್ತರಕ್ಕೆ ಬೆಳೆಯಲು ಬಳಸುತ್ತದೆ ಮತ್ತು ಹೂವು ಬಿಡುವುದನ್ನು ನಿಲ್ಲಿಸುತ್ತದೆ. ನಿಮ್ಮ ಗುಲಾಬಿ ಗಿಡ ಮತ್ತೆ ಹೂವುಗಳಿಂದ ತುಂಬಲು ಈ 3 ಪರಿಣಾಮಕಾರಿ ದೇಸಿ ಉಪಾಯಗಳನ್ನು ಅನುಸರಿಸಿ.

1. ಸರಿಯಾಗಿ ಕತ್ತರಿಸುವಿಕೆ (Pruning) ಬಹಳ ಮುಖ್ಯಗುಲಾಬಿ ಗಿಡಕ್ಕೆ ಒಂದು ಸರಳ ನಿಯಮವಿದೆ—ಎಷ್ಟು ಹೆಚ್ಚು ಕತ್ತರಿಸುತ್ತೀರೋ, ಅಷ್ಟು ಹೆಚ್ಚು ಮೊಗ್ಗುಗಳು ಬರುತ್ತವೆ. ಗಿಡ ತುಂಬಾ ಎತ್ತರವಾಗಿದ್ದರೆ ಹಳೆಯ ಕೊಂಬೆಗಳು ಗಿಡದ ಎಲ್ಲಾ ಶಕ್ತಿಯನ್ನು ಹೀರಿಕೊಳ್ಳುತ್ತಿವೆ ಎಂದರ್ಥ. ಒಂದು ಸ್ವಚ್ಛ ಮತ್ತು ಹರಿತವಾದ ಕತ್ತರಿ ಅಥವಾ ಪ್ರೂನರ್ ತೆಗೆದುಕೊಂಡು ಗಿಡದ ಮೇಲ್ಭಾಗದ, ಒಣಗಿದ ಅಥವಾ ಅಡ್ಡಾದಿಡ್ಡಿಯಾಗಿ ಬೆಳೆದ ಕೊಂಬೆಗಳನ್ನು ಸ್ವಲ್ಪ ಸ್ವಲ್ಪ ಕತ್ತರಿಸಿ. ವಿಶೇಷವಾಗಿ ಕಡಿಮೆ ಎಲೆಗಳಿರುವ ತೆಳುವಾದ ಕೊಂಬೆಗಳನ್ನು ತೆಗೆದುಹಾಕಿ. ಇದರಿಂದ ಹೊಸ ಹಾಗೂ ಬಲಿಷ್ಠ ಚಿಗುರುಗಳು ಬರುತ್ತವೆ. ಗುಲಾಬಿ ಯಾವಾಗಲೂ ಹೊಸ ಕೊಂಬೆಗಳಲ್ಲೇ ಅರಳುತ್ತದೆ ಎಂಬುದನ್ನು ನೆನಪಿಡಿ.

2. ಅಡುಗೆಮನೆಯ ಈರುಳ್ಳಿ ಸಿಪ್ಪೆಯೇ ಗೊಬ್ಬರಅಡುಗೆಮನೆಯಲ್ಲಿ ನಾವು ನಿರುಪಯುಕ್ತ ಎಂದು ಎಸೆಯುವ ಈರುಳ್ಳಿ ಸಿಪ್ಪೆ ಗುಲಾಬಿ ಗಿಡಕ್ಕೆ ಸಂಜೀವಿನಿಯಂತೆ ಕೆಲಸ ಮಾಡುತ್ತದೆ. ಇದರಲ್ಲಿರುವ ಅಧಿಕ ಪ್ರಮಾಣದ ಪೊಟ್ಯಾಶಿಯಂ, ಕ್ಯಾಲ್ಸಿಯಂ ಮತ್ತು ಕಬ್ಬಿಣಾಂಶವು ಗಿಡದಲ್ಲಿ ಹೂವು ಬಿಡಲು ಪ್ರೇರೇಪಿಸುತ್ತದೆ. ಎರಡು ಹಿಡಿ ಈರುಳ್ಳಿ ಸಿಪ್ಪೆಯನ್ನು 1 ಲೀಟರ್ ನೀರಿನಲ್ಲಿ ರಾತ್ರಿಯಿಡೀ ನೆನೆಸಿಡಿ. ಮರುದಿನ ಈ ನೀರನ್ನು ಸೋಸಿ, ಗುಲಾಬಿ ಗಿಡದ ಮಣ್ಣಿಗೆ ಹಾಕಿ. ವಾರಕ್ಕೊಮ್ಮೆ ಹೀಗೆ ಮಾಡುವುದರಿಂದ ಕೆಲವೇ ದಿನಗಳಲ್ಲಿ ಹೊಸ ಮೊಗ್ಗುಗಳು ಕಾಣಿಸಿಕೊಳ್ಳುತ್ತವೆ.

3. ಸಾಸಿವೆ ಹಿಂಡಿ ಅಥವಾ ಹಳೆಯ ಸಗಣಿ ಗೊಬ್ಬರ ಬಳಸಿಗಿಡ ಕೇವಲ ಎತ್ತರಕ್ಕೆ ಬೆಳೆದರೆ ಸಾಲದು, ಹೂವು ಬಿಡಲು ಹೆಚ್ಚಿನ ಪೋಷಕಾಂಶ ಬೇಕಾಗುತ್ತದೆ. ತಿಂಗಳಿಗೆ ಕನಿಷ್ಠ ಒಮ್ಮೆಯಾದರೂ ಗಿಡದ ಮಣ್ಣನ್ನು ಹಗುರವಾಗಿ ಸಡಿಲಗೊಳಿಸಿ, ಎರಡು ಹಿಡಿ ಚೆನ್ನಾಗಿ ಕಳಿತ ಹಳೆಯ ಸಗಣಿ ಗೊಬ್ಬರ ಅಥವಾ ಸಾಸಿವೆ ಹಿಂಡಿಯ (Mustard Cake) ದ್ರವ ಗೊಬ್ಬರವನ್ನು ಹಾಕಿ. ಇದು ಬೇರುಗಳಿಗೆ ನೇರ ಪೋಷಣೆ ನೀಡುತ್ತದೆ. ಇದರ ಜೊತೆಗೆ, ನೀವು ಎಷ್ಟೇ ಉಪಾಯಗಳನ್ನು ಮಾಡಿದರೂ ಬಿಸಿಲು ಸಿಗದಿದ್ದರೆ ಹೂವು ಬಿಡುವುದಿಲ್ಲ. ಆದ್ದರಿಂದ ಗೊಬ್ಬರ ಮತ್ತು ನೀರಿನೊಂದಿಗೆ ದಿನಕ್ಕೆ ಕನಿಷ್ಠ 5 ರಿಂದ 6 ಗಂಟೆಗಳ ಕಾಲ ನೇರ ಸೂರ್ಯನ ಬೆಳಕು ಸಿಗುವಂತೆ ನೋಡಿಕೊಳ್ಳಿ.

ಬೆಂಗಳೂರು ಮಂಗಳೂರು ವಂದೇ ಭಾರತ್ ಸೇರಿ 15600 ಕೋಟಿ ರೂ ಯೋಜನೆಗೆ ಮೋದಿ ಚಾಲನೆ

Chethan Kumar — Fri, 13 Nov 2026 13:59:11 +0530

ಬೆಂಗಳೂರು (ನ.13) ಬೆಂಗಳೂರಿಗೆ ಆಗಮಿಸಿದ ಪ್ರಧಾನಿ ನರೇಂದ್ರ ಮೋದಿ ಪಿಂಕ್ ಲೈನ್ ಮೆಟ್ರೋ ಸೇರಿದಂತೆ ಹಲವು ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಿದ್ದಾರೆ. ಬರೋಬ್ಬರಿ 15600 ಕೋಟಿ ರೂಪಾಯಿಗೂ ಅಧಿಕ ವೆಚ್ಚದ ಅಭಿವೃದ್ಧಿ ಯೋಜನೆಗಳಿಗೆ ಮೋದಿ ಚಾಲನೆ ನೀಡಿದ್ದಾರೆ. ಬೀಳೆಕಹಳ್ಳಿ IIMB ಸಂಭಾಗಣದಲ್ಲಿ ಅಭಿವೃದ್ಧಿ ಯೋಜನೆಗಳಿಗೆ ಚಾಲನೆ ನೀಡಿದ ಮೋದಿ, ಕರ್ನಾಟಕ ಜನತೆಯನ್ನುದ್ದೇಶಿಸಿ ಮಾತನಾಡಿದ್ದಾರೆ.

ಬೆಂಗಳೂರಿನ ಪಿಂಕ್ ಲೈನ್ ಮೆಟ್ರೋ ಲೈನ್ ಯೋಜನೆ ಮೂಲಕ 100 ಕಿಲೋಮೀಟರ್ ವಿಸ್ತರಣೆಗೊಂಡಿದೆ. ನಿನ್ನೆ (ನ.13) ಬೆಂಗಳೂರಿನ ಪ್ರಮುಖ ನಾಯಕ, ಮಾಜಿ ಸಂಸದ, ದಿವಂಗತ ಅನಂತ್ ಕುಮಾರ್ ಅವರ ಪುಣ್ಯತಿಥಿ ಇತ್ತು. ಬೆಂಗಳೂರಿನ ಮೆಟ್ರೋ ಸೇರಿದಂತೆ ಹಲವು ಅಭಿವೃದ್ಧಿಗಳ ಕನಸು ಕಂಡಿದ್ದ ಅನಂತ್ ಕುಮಾರ್ ಆತ್ಮ ಇಂದು ಬೆಂಗಳೂರು ಮೆಟ್ರೋ ಅಭಿವೃದ್ಧಿ ನೋಡಿ ಖುಷಿಯಾಗಿರುತ್ತದೆ ಎಂದು ಮೋದಿ ಹೇಳಿದ್ದಾರೆ. ಬೆಂಗಳೂರಿನ ತ್ಯಾಜ್ಯದಿಂದ 13 ಟನ್ ಗ್ಯಾಸ್ ತಯಾರಿಸಲು ಸಾಧ್ಯವಿದೆ. ಇದಕ್ಕಾಗಿ ಸಂಸ್ಕರಣ ಘಟನೆ, ಎನರ್ಜಿ ಕ್ಷೇತ್ರದಲ್ಲಿ ಭಾರತದ ಪ್ರಮುಖವಾಗಿ ಹೂಡಿಕೆ ಮಾಡುತ್ತಿದೆ. ಹೊಸ ತಂತ್ರಜ್ಞಾನದ ಮೂಲಕ ಭಾರತ ಮುನ್ನುಗ್ಗುತ್ತಿದೆ. ನವೀಕರಿಸುವ ಇಂಧನ ಸೇರಿದಂತೆ ಹಲವು ಇಂಧನ ಉತ್ಪಾದನೆಯಲ್ಲಿ ಭಾರತ ಮುನ್ನಗುತ್ತಿದೆ.

ಹೆಚ್ಚಿನ ಅನುದಾನಕ್ಕೆ ಡಿಕೆ ಶಿವಕುಮಾರ್ ಮನವಿ

ಮೆಟ್ರೋ ಯೋಜನೆಗಳಿಗೆ ಕೇಂದ್ರ ಹಾಗೂ ರಾಜ್ಯ ಸರ್ಕಾರ ಶೇಕಡಾ 50, 50 ಆಧಾರದಲ್ಲಿ ಕಾಮಗಾರಿ ನಡೆಸುತ್ತಿದೆ. ಆದರೆ ಬೆಂಗಳೂರಿನಲ್ಲಿ ಭೂಮಿ ಒತ್ತುವರಿ ಹೆಚ್ಚಿನ ಬೆಲೆ ತೆರಬೇಕಾಗುತ್ತದೆ. ಹೀಗಾಗಿ ರಾಜ್ಯ ಸರ್ಕಾರ ಹೆಚ್ಚಿನ ಹಣವನ್ನು ಭರಿಸುತ್ತಿದೆ. ಹೀಗಾಗಿ ಹೆಚ್ಚಿನ ಅನುದಾನ ಕೇಂದ್ರ ನೀಡಬೇಕು ಎಂದು ಡಿಕೆ ಶಿವಕುಮಾರ್ ಮನವಿ ಮಾಡಿದ್ದಾರೆ.

15,600 ಕೋಟಿ ರೂಪಾಯಿ ಯೋಜನೆಗೆ ಚಾಲನೆ

ಪಿಂಕ್ ಲೈನ್ ಮೆಟ್ರೋಗೆ ಚಾಲನೆ ನೀಡಿದ ಬಳಿಕ IIMB ಸಂಭಾಗಣಕ್ಕೆ ಆಗಮಿಸಿದ ಮೋದಿ 12 ಜಿಲ್ಲೆಯ 14 ಯೋಜನೆಗಳಿಗೆ ಚಾಲನೆ ನೀಡಿದ್ದಾರೆ. ಬೆಂಗಳೂರು-ಮಂಗಳೂರು-ಗೋವಾ ವಂದೇ ಭಾರತ್ ರೈಲು ಯೋಜನೆಗೆ ಮೋದಿ ಚಾಲನೆ ನೀಡಿದ್ದಾರೆ. ಇದೇ ವೇಳೆ ಕರ್ನಾಟಕದ ನಾಲ್ಕು ಅಮೃತ್ ಭಾರತ್ ರೈಲು ನಿಲ್ದಾಣಗಳ ಉದ್ಘಾಟನೆ ಮಾಡಿದ್ದಾರೆ. ಚಾಮರಾಜನಗರ, ಚಿಕ್ಕಮಗಳೂರು, ಸಕಲೇಶಪುರ, ಸುಬ್ರಹ್ಮಣ್ಯ ರೋಡ್ ರೈಲು ನಿಲ್ದಾಣಗಳ ಲೋಕಾರ್ಪಣೆಗೊಂಡಿದೆ. ಬಾಗಲಕೋಟೆ–ವಂಡಾಲ್ 45 ಕಿ.ಮೀ. ರೈಲ್ವೆ ಡಬ್ಲಿಂಗ್ ಮಾರ್ಗ ಲೋಕಾರ್ಪಣೆ ಮಾಡಲಾಗಿದೆ. ದಾವಣಗೆರೆ–ಬಳ್ಳಾರಿ ವಿದ್ಯುತ್ ಪ್ರಸರಣ ವ್ಯವಸ್ಥೆ ಬಲವರ್ಧನೆಗೆ ಶಂಕುಸ್ಥಾಪನೆ ಮಾಡಲಾಗಿದೆ.

ಮಂಗಳೂರಿನಲ್ಲಿ ಭಾರತದ ಅತಿದೊಡ್ಡ ಭೂಗತ LPG ಸಂಗ್ರಹಣಾ ಘಟಕ ಲೋಕಾರ್ಪಣೆ ಮಾಡಲಾಗಿದೆ. 80 ಸಾವಿರ ಮೆಟ್ರಿಕ್ ಟನ್ ಸಾಮರ್ಥ್ಯದ LPG ಸಂಗ್ರಹಣಾ ಘಟಕಕ್ಕೆ ಚಾಲನೆ ನೀಡಲಾಗಿದೆ. MRPLನ ದೇವನಗುಂದಿ ಮಾರ್ಕೆಟಿಂಗ್ ಟರ್ಮಿನಲ್ ಲೋಕಾರ್ಪಣೆ, ಹರಳಕುಂಟೆಯಲ್ಲಿ GAILನ ಬಯೋಗ್ಯಾಸ್ ಘಟಕಕ್ಕೆ ಶಂಕುಸ್ಥಾಪನೆ, ದಿನಕ್ಕೆ 300 ಟನ್ ತ್ಯಾಜ್ಯ ಸಂಸ್ಕರಣೆ, 12.6 ಟನ್ ಬಯೋಗ್ಯಾಸ್ ಉತ್ಪಾದನೆ ಗುರಿ ಸೇರಿದಂತೆ ಕರ್ನಾಟಕದ ವಿವಿಧ ಜಿಲ್ಲೆಗಳಿಗೆ ₹15,600 ಕೋಟಿಗೂ ಅಧಿಕ ಮೊತ್ತದ ಅಭಿವೃದ್ಧಿ ಯೋಜನೆಗಳ ಕೊಡುಗೆ ನೀಡಿದ್ದಾರೆ.

The Dark Heaven: ಪ್ರತಿ 7 ವರ್ಷಗಳಿಗೊಮ್ಮೆ ಆ ಹಳ್ಳೀಲಿ ಪುರುಷರ ಸಾವು! ತಮಿಳಿನ ಈ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾ ಈಗ OTT ಗೆ!

Ravi Janekal — Fri, 13 Nov 2026 14:07:06 +0530

ಕ್ರೈಮ್ ಸಸ್ಪೆನ್ಸ್ ಥ್ರಿಲ್ಲರ್ ದಿ ಡಾರ್ಕ್ ಹೆವೆನ್ ತೆಲುಗು OTT ಸ್ಟ್ರೀಮಿಂಗ್:

ಕ್ರೈಂ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾಗಳು ನೋಡಬೇಕು ಎಂದರೆ ಹಾಲಿವುಡ್, ಬಾಲಿವುಡ್ ಸಿನಿಮಾಗಳನ್ನೇ ನೋಡಬೇಕಿತ್ತು. ದಕ್ಷಿಣ ಭಾರತದ ಸಿನಿಮಾಗಳಲ್ಲೂ ಥ್ರಿಲ್ಲರ್ ಹಾರರ್ ಸಿನಿಮಾಗಳಿದ್ದವು ಆದರೂ ಹಾಲಿವುಡ್‌ಗೆ ಹೋಲಿಸಿದರೆ ಸಪ್ಪೆ ಎನಿಸುವಂತಹವು. ಆದರೆ ಈಗ ದಕ್ಷಿಣ ಭಾರತೀಯ ಸೀನಿಮಾಗಳು ಹಾಲಿವುಡ್‌ಗೆ ಪೈಪೋಟಿ ಕೊಡುವಂತೆ ಕ್ರೈಂ ಸಸ್ಪೆನ್ಸ್ ಥ್ರಿಲ್ಲರ್ ಸಿನಿಮಾಗಳು ಬರುತ್ತಿವೆ.

ಹೌದು ಇತ್ತೀಚಿಗೆ ಒಟಿಟಿ(OTT)ಯಲ್ಲಿ ತಮಿಳು ಕ್ರೈಮ್ ಥ್ರಿಲ್ಲರ್ ಇರುವ ಸಿನಿಮಾಗಳ ಕ್ರೇಜ್ ಹೆಚ್ಚುತ್ತಿವೆ. ಪ್ರೇಕ್ಷಕರು ಕೂಡ ಬದಲಾಗಿದ್ದಾರೆ. ಈಗಿನ ಯುವಕರು ಸಸ್ಪೆನ್ಸ್, ಟ್ವಿಸ್ಟ್, ಹಾರರ್ ಸಿನಿಮಾಗಳನ್ನು ಹೆಚ್ಚು ಇಷ್ಟಪಡುತ್ತಿದ್ದಾರೆ. ಅಂಥವರಿಗಾಗಿಯೇ ಒಟಿಟಿ ಸ್ಕ್ರೀಮಿಂಗ್‌ಗೆ ಹೊಸದೊಂದು ಸಿನಿಮಾ ಬರಲು ಸಿದ್ಧವಾಗಿದೆ. ವಿಚಿತ್ರ ತಿರುವು, ಸಸ್ಪೆನ್ಸ್ ಇರುವ ಈ ಸಿನಿಮಾ ಕುತೂಹಲ ಮೂಡಿಸಿದೆ.

ಇದನ್ನೂ ಓದಿ: ಪ್ರೇಮದ ಊರಲಿ ಬಳಿಕ ಮತ್ತೊಂದು ಪ್ರೇಮಕಾವ್ಯದ ಹಬ್ಬ! ದುಲ್ಕರ್ ಸಲ್ಮಾನ್ ನಟನೆಯ 'ಆಕಾಶಂಲೋ ಒಕ ತಾರ' ಬಿಡುಗಡೆಗೆ ಸಜ್ಜು, ಇಲ್ಲಿದೆ ವಿವರ

ದಿ ಡಾರ್ಕ್ ಹೆವೆನ್ (The Dark Heaven)

ಹಳ್ಳಿಯೊಂದರಲ್ಲಿ ನಡೆಯುವ ವಿಚಿತ್ರ ಸಾವುಗಳ ಸುತ್ತ ಸುತ್ತುವ ಈ ಸಿನಿಮಾ ತುಂಬಾ ಕುತೂಹಲಕಾರಿಯಾಗಿದೆ. ಈ ಸಿನಿಮಾ ಈ ಹಿಂದೆ ಸೆ.18ರಂದೇ ಥಿಯೇಟರ್‌ನಲ್ಲಿ ಬಿಡುಗಡೆಯಾಗಿತ್ತು. ಆಗಲೂ ಪ್ರೇಕ್ಷಕರಿಂದ ಭರ್ಜರಿ ಪ್ರತಿಕ್ರಿಯೆ ಪಡೆಯಿತು. ಇದೀಗ ಅದೇ ಸಿನಿಮಾ ಮೂರು OTT ಪ್ಲಾಟ್‌ಫಾರ್ಮ್‌ಗಳಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಆಹಾ ಮತ್ತು ಸಿಂಪ್ಲಿ ಸೌತ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ನೋಡಬಹುದು. ಈಗ ಚಿತ್ರದ ತೆಲುಗು ಆವೃತ್ತಿಯೂ OTT ಗೆ ಬಂದಿದೆ. ಇದು ಬುಧವಾರದಿಂದ ಜನಪ್ರಿಯ OTT ಲಯನ್ಸ್‌ಗೇಟ್ ಪ್ಲೇನಲ್ಲಿ ತೆಲುಗು, ತಮಿಳು ಮತ್ತು ಹಿಂದಿಯಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ.

ಈ ಚಿತ್ರದಲ್ಲಿ ನಿರ್ದೇಶಕ ಸಿದ್ದು ಸಿದ್, ಋತ್ವಿಕಾ, ವೇಲಾರಾಮಮೂರ್ತಿ, ನೀಲಗಲ್ ರವಿ ಮತ್ತು ಇತರರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಬಾಲಾಜಿ ಕಥೆ ಬರೆದು ನಿರ್ದೇಶಿಸಿದ್ದಾರೆ. ಶಕ್ತಿ ಬಾಲಾಜಿ ಸಂಗೀತ ಈ ಸಿನಿಮಾ ಹಿಂದಿನ ಶಕ್ತಿ. ಭೂಪತಿ ಕಲೈವಾಣನ್ ಈ ಚಿತ್ರವನ್ನು ಕೊಥೈ ಎಂಟರ್‌ಟೈನ್‌ಮೆಂಟ್ ಮತ್ತು ಎಂಎಸ್ ಸ್ವಿಸ್ ಫಿಲ್ಮ್ ಫ್ಯಾಕ್ಟರಿ ನಿರ್ಮಾಣ ಸಂಸ್ಥೆಗಳ ಅಡಿಯಲ್ಲಿ ನಿರ್ಮಿಸಿದ್ದಾರೆ.

ದಿ ಡಾರ್ಕ್ ಹೆವೆನ್ ಕಥೆಯೇನು?

1970 ರ ದಶಕದಲ್ಲಿ ಫ್ರೆಂಚ್ ಸಂಶೋಧಕರೊಬ್ಬರು ಬರೆದ ರಹಸ್ಯ ಪುಸ್ತಕವನ್ನು ಆಧರಿಸಿದ 'ದಿ ಡಾರ್ಕ್ ಹೆವೆನ್' ಕಥೆಯು ಪುರಾತನ ಶಾಪದಿಂದಾಗಿ'ಮೆಕ್ಕರೈ' ಎಂಬ ದೂರದ ಬೆಟ್ಟದ ಪಟ್ಟಣದಲ್ಲಿ ನಡೆಯುತ್ತದೆ. ದಶಕಗಳಿಂದಲೂ ಈ ಗ್ರಾಮದಲ್ಲಿ ಒಂದು ಮೂಡನಂಬಿಕೆ ನಂಬಿಕೆ ಹರಡಿರುತ್ತದೆ. ಅದೇನೆಂಬದರೆ, ಈ ಪಟ್ಟಣದಲ್ಲಿ ಪ್ರತಿ ಏಳು ವರ್ಷಗಳಿಗೊಮ್ಮೆ ಅದೂ ಜೂನ್ ತಿಂಗಳಲ್ಲಿ ಗ್ರಾಮದಲ್ಲಿನ ಪುರುಷರು ಅನುಮಾನಾಸ್ಪದವಾಗಿ ಸಾಯುತ್ತಾರೆ. ಇದು ಗ್ರಾಮಸ್ಥರನ್ನು ಚಿಂತೆಗೀಡುಮಾಡುತ್ತದೆ. ಳ್ಳಿಯ ಮೇಲೆ ಏನೋ ಶಾಪವಿದೆ ಎಂದು ಅವರು ನಂಬುತ್ತಾರೆ. ಅದರಿಂದಲೇ ಈ ವಿಚಿತ್ರ ಸಾವುಗಳು ಸಂಭವಿಸುತ್ತಿವೆ ಎಂದು ಆತಂಕಗೊಂಡಿರುತ್ತಾರೆ.

ಇದನ್ನೂ ಓದಿ: ಖ್ಯಾತ ಕೋರಿಯೋಗ್ರಾಫರ್ ಕಾರು ಭೀಕರ ಅಪಘಾತ! ಲಾರಿ ಡಿಕ್ಕಿ ಹೊಡೆದ ರಭಸಕ್ಕೆ ಕಾರಿಗೆ ಕಾರು ಅಪ್ಪಚ್ಚಿ!

ಇಂಥ ಸಮಯದಲ್ಲಿ ಹೊಸ ಎಸ್‌ಐ ಆಗಿ ಇಳಂಪಗ್ರಿ(ಸಿಧು) ಗ್ರಾಮಕ್ಕೆ ಬರ್ತಾರೆ. ಗ್ರಾಮದಲ್ಲಿ ಏನಾಗುತ್ತದೆ, ಪುರುಷರು ಏಕೆ ಸಾಯುತ್ತಾರೆ, ಈ ನಿಗೂಢ ಸಾವುಗಳ ಹಿಂದೆ ಏನು ನಡೆಯುತ್ತಿದೆ ಎಂಬುದನ್ನು ಭೇದಿಸಲು ಇಳಂಪಗ್ರಿ ಮತ್ತು ಅವನ ಟೀಂ ಗ್ರಾಮಕ್ಕೆ ಬರುತ್ತಾರೆ. ಗ್ರಾಮದಲ್ಲಿನ ಸಾವುಗಳಿಗೆ ನಿಜವಾದ ಕಾರಣಗಳೇನು? ಅವರು ಯಾವುದೋ ದುಷ್ಟಶಕ್ತಿಯಿಂದ ಸಾಯುತ್ತಿದ್ದಾರೆಯೇ? ಯಾರಾದರೂ ಉದ್ದೇಶಪೂರ್ವಕವಾಗಿ ಕೊಲ್ಲುತ್ತಿದ್ದಾರೆಯೇ? ತನಿಖೆಯ ಸಮಯದಲ್ಲಿ ಬೆಳಕಿಗೆ ಬರುವ ಆಘಾತಕಾರಿ ಸಂಗತಿಗಳು ಬಯಲಿಗೆ ಬರುತ್ತವೆ. ಸಸ್ಪೆನ್ಸ್, ಥ್ರಿಲ್ಲರ್ ಸಿನಿಮಾಗಳ ಬಗ್ಗೆ ಆಸಕ್ತಿ ಇದ್ದರೆ ಈ ಸಿನಿಮಾಗಳನ್ನ ನೋಡಬಹುದು.

ನಟ ವರುಣ್ ಆರಾಧ್ಯ ಜೊತೆ ಬ್ರೇಕಪ್ನಿಂದ ಸದ್ದು ಮಾಡಿದ್ದ ರೀಲ್ಸ್ ಸ್ಟಾರ್ ವರ್ಷಾ ಕಾವೇರಿ ಕೊಟ್ರು ಗುಡ್ನ್ಯೂಸ್

Suchethana D — Fri, 13 Nov 2026 13:49:40 +0530

ಯೂಟ್ಯೂಬರ್ ವರ್ಷಾ ಕಾವೇರಿ ಮತ್ತು ವರುಣ್ ಆರಾಧ್ಯ ಅವರ ಬ್ರೇಕಪ್ ವಿವಾದದ ನಂತರ, ವರ್ಷಾ ಈಗ ಹೊಸ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಅವರು ಹುಡುಗನೊಬ್ಬನ ಕೈ ಹಿಡಿದಿರುವ ಫೋಟೋ ಹಂಚಿಕೊಂಡು ಅಭಿಮಾನಿಗಳಿಗೆ ಮದುವೆಯ ಸುಳಿವು ನೀಡಿದ್ದಾರೆ.

ರೀಲ್ಸ್ ಸ್ಟಾರ್, ನಟ ವರುಣ್ ಆರಾಧ್ಯ ಮತ್ತು ಯುಟ್ಯೂಬರ್ ವರ್ಷಾ ಕಾವೇರಿ ಲವ್ ಬ್ರೇಕಪ್ ಕಳೆದ ವರ್ಷ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗಿತ್ತು. ಇದಕ್ಕೆ ಕಾರಣ, ವರ್ಷಾ ಅವರು, ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದರು. ವರುಣ್ ಆರಾಧ್ಯ ಜೀವ ಬೆದರಿಕೆ ಹಾಕಿದ್ದಾರೆ ಅಲ್ಲದೆ ವೈಯಕ್ತಿಕ ಪೋಟೋಗಳನ್ನು ಲೀಕ್ ಮಾಡುವುದಾಗಿ ಬ್ಲಾಕ್ ಮೇಲ್ ಮಾಡುತ್ತಿದ್ದಾರೆ ಎಂದು ಹೇಳಿ ಸದ್ದು ಮಾಡಿದ್ದರು.

ಇದೀಗ ಅವರು ಅಭಿಮಾನಿಗಳಿಗೆ ಗುಡ್ನ್ಯೂಸ್ ನೀಡಿದ್ದಾರೆ. ಅದೇನೆಂದರೆ, ಅವರ ಮದುವೆ ನಡೆಯುತ್ತಿರುವುದಾಗಿ ಪರೋಕ್ಷವಾಗಿ ತಿಳಿಸಿದ್ದಾರೆ ವರ್ಷಾ ಕಾವೇರಿ (Varsha Kaveri). ಅತ್ತ ವರುಣ್ ಆರಾಧ್ಯ ಅವರೂ ಶೀಘ್ರದಲ್ಲಿ ಮದುವೆಯಾಗಲಿದ್ದು, ಅದರ ಬೆನ್ನಲ್ಲೇ ವರ್ಷಾ ಅವರೂ ಗುಡ್ನ್ಯೂಸ್ ಕೊಟ್ಟಿದ್ದಾರೆ.

11:11 ಕ್ಕೆ ಒಂದು ಸಣ್ಣ ವಿಷ್ ಎನ್ನುವ ಕ್ಯಾಪ್ಷನ್ ಕೊಟ್ಟಿರುವ ವರ್ಷಾ ಅವರು, ಹುಡುಗನ ಕೈ ಹಿಡಿದಿರುವ ಫೋಟೋ ಶೇರ್ ಮಾಡಿಕೊಂಡಿದ್ದಾರೆ. ಆದರೆ ಅವರ ಮುಖ ರಿವೀಲ್ ಮಾಡಲಿಲ್ಲ.

ಈಚೆಗಷ್ಟೇ ಇವರು, ಪ್ರಕೃತಿಯ ಮಡಿಲಲ್ಲಿರುವ, ಹತ್ತಿರದಲ್ಲೇ ನದಿ ಹರಿಯುವ, ನವಿಲುಗಳು ಬರುವಂತಹ ಅತ್ಯಂತ ಶಾಂತಿಯುತವಾದ ಜಾಗವನ್ನು ಆಯ್ದುಕೊಂಡು ನಿವೇಶನ ರಿಜಿಸ್ಟ್ರೇಷನ್ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿರುವುದಾಗಿ ತಿಳಿಸಿದ್ದರು. "ಯಾವುದೇ ಓವರ್‌ನೈಟ್ ಸಕ್ಸಸ್ ಇರುವುದಿಲ್ಲ, ನಿರಂತರ ಪರಿಶ್ರಮ ಮುಖ್ಯ. ಪ್ರತಿಯೊಬ್ಬ ಹೆಣ್ಣುಮಗಳೂ ಆರ್ಥಿಕವಾಗಿ ಸ್ವತಂತ್ರಳಾಗಬೇಕು. ಚಿನ್ನ, ಮ್ಯೂಚುವಲ್ ಫಂಡ್ಸ್ ಅಥವಾ ಪ್ರಾಪರ್ಟಿಯಂತಹ ಆಸ್ತಿಗಳಲ್ಲಿ (Assets) ಹೂಡಿಕೆ ಮಾಡುವುದು ಭವಿಷ್ಯದ ಸುರಕ್ಷತೆಗೆ ಅಗತ್ಯ" ಎಂದು ಅವರು ಹೇಳಿದ್ದರು.

ಇನ್ನು ವರುಣ್ ಆರಾಧ್ಯ ಜೊತೆಗಿನ ಸಂಬಂಧ ಕುರಿತು ಈ ಹಿಂದೆ ಸದ್ದು ಮಾಡಿದ್ದರು ನಟಿ. ದೂರು ದಾಖಲು ಮಾಡಿದ ಬಳಿಕ ಅವರು, 'ಭವಿಷ್ಯದಲ್ಲಿ ನನ್ನ ಜೀವನಕ್ಕೆ ಸಮಸ್ಯೆ ಆಗಬಾರದು ಎನ್ನುವ ಕಾರಣಕ್ಕೆ ನಾನು FIR ದಾಖಲು ಮಾಡಿದೆ. ನಾವಿಬ್ಬರು ರಿಲೇಷನ್‌ಶಿಪ್‌ನಲ್ಲಿದ್ದಾಗ ಸಾಕಷ್ಟು ವಿಡಿಯೋ ಮತ್ತು ಫೋಟೋಗಳನ್ನು ಟ್ರಿಪ್‌ಗೆ ಹೋಗಾದ ಕ್ಲಿಕ್ ಮಾಡಿಕೊಂಡಿದ್ವಿ ಅದು ಅವರ ಬಳಿ ಇನ್ನೂ ಇತ್ತು. ಸಾಮಾನ್ಯವಾಗಿ ಬ್ರೇಕಪ್ ಆದ ಮೇಲೆ ಅವರ ಫೋನ್ ಮತ್ತು ಸೋಷಿಯಲ್ ಮೀಡಿಯಾದಲ್ಲಿ ನಮ್ಮ ಫೋಟೋಗಳನ್ನು ಡಿಲೀಟ್ ಮಾಡಿರಬೇಕು.. ನನ್ನ ಅಕೌಂಟ್‌ನಲ್ಲಿ ಯಾವುದನ್ನು ಉಳಿಸಿಕೊಂಡಿಲ್ಲ. ಅವರ ಸ್ನೇಹಿತರ ಮೂಲಕ ಸಂಪರ್ಕ ಮಾಡಿ ಡಿಲೀಟ್ ಮಾಡಲು ಮನವಿ ಮಾಡಿಕೊಂಡಿದ್ದೆ ಆದರೆ ಆತ ಸಿಕ್ಕಾಪಟ್ಟೆ ಬ್ಯುಸಿಯಾಗಿದ್ದ ಕಾರಣ ಡಿಲೀಟ್ ಮಾಡಲು ಸಮಯವಿಲ್ಲ ಎನ್ನುವಂತೆ attitude ತೋರಿಸಿದ್ದರು ಎಂದು ಹೇಳಿದ್ದರು.

ಒಂದು ಸಲ ಹಾಗೆ ಹೇಳಿದ್ದರು ಓಕೆ...ಅದಾದ ಮೇಲೆ ಮತ್ತೆ ಎರಡು ಸಲ ಕೇಳಿದರೂ ಯಾವುದೇ ರೀತಿಯಲ್ಲಿ ಪ್ರತಿಕ್ರಿಯೆ ನೀಡದ ಕಾರಣ ನಾನು ಲೀಗಲ್ ಆಗಿ ಮುಂದುವರೆದೆ. ಈ ಸಂಬಂಧವನ್ನು ಮರೆತು ನಾನು ಜೀವನ ನಡೆಸಬೇಕು ನನಗೂ ಮುಂದೆ ಮದುವೆ ಆಗಬೇಕು ಇಷ್ಟ ಪಡುವ ವ್ಯಕ್ತಿ ಜೊತೆ ಜೀವನ ಮಾಡಬೇಕು ....ನನ್ನ ಹಳೆ ಜೀವನದ ಯಾವುದೇ ಸುಳಿವು ಎಲ್ಲಿಯೂ ಸಿಗಬಾರದು ಅನ್ನೋ ಕಾರಣ ಹೀಗೆ ಮಾಡಿದೆ ಎಂದು ಸಂದರ್ಶನದಲ್ಲಿ ವರ್ಷ ಕಾವೇರಿ ಮಾತನಾಡಿದ್ದರು. ಈಗ ಇಬ್ಬರೂ ತಮ್ಮ ತಮ್ಮ ಜೀವನದಲ್ಲಿ ಹೊಸ ಬದುಕನ್ನು ಕಂಡುಕೊಳ್ಳಲು ಮುಂದಾಗಿರುವುದಕ್ಕೆ ಅಭಿಮಾನಿಗಳು ಸಂತೋಷ ವ್ಯಕ್ತಪಡಿಸುತ್ತಿದ್ದಾರೆ.

ಜಯಾಗೆ ಜಲ್ಸಾ ಮನೆ ಗಿಫ್ಟ್‌, ಬಿಗ್‌ ಬಿ ಅತ್ತಿಗೆ ರಮೋಲಾ ದೂರು, ಬಚ್ಚನ್ ಕುಟುಂಬದ ಆಸ್ತಿ ಗಲಾಟೆ ಈಗ ಬೀದಿಗೆ!

Gowthami K — Fri, 13 Nov 2026 13:43:05 +0530

ಮುಂಬೈ: ನಟ ಅಮಿತಾಬ್‌ ಬಚ್ಚನ್‌ ಕುಟುಂಬದ ಆಂತರಿಕ ಕಲಹವೀಗ ಬೀದಿಗೆ ಬಂದಿದೆ. ಬಿಗ್‌ ಬಿ ಅವರ ಜುಹುವಿನ ಐಕಾನಿಕ್‌ ಜಲ್ಸಾ ನಿವಾಸವನ್ನು ಜಯಾ ಬಚ್ಚನ್‌ ಅವರ ಹೆಸರಿಗೆ ದಾನ ಪತ್ರ (ಗಿಫ್ಟ್‌ ಡೀಡ್‌) ಮಾಡಿರುವುದನ್ನು ನಟನ ಅತ್ತಿಗೆ ರಮೋಲಾ ಪ್ರಶ್ನಿಸಿದ್ದಾರೆ. ಅಮಿತಾಬ್‌ ಅವರ ಕಿರಿಯ ಸಹೋದರ ಅಜಿತಾಬ್‌ ಬಚ್ಚನ್‌ ಅವರ ಮಡದಿ ರಮೋಲಾ ಬಚ್ಚನ್‌ ಜಲ್ಸಾ ನಿವಾಸಕ್ಕೆ ಸಂಂಬಂಧಿಸಿದಂತೆ ಕಳೆದ 7 ತಿಂಗಳಿನಿಂದ ನೋಂದಣಿ ಅಧಿಕಾರಿಗಳಿಗೆ ಹಲವಾರು ದೂರುಗಳನ್ನು ದಾಖಲಿಸಿದ್ದಾರೆ. ರಮೋಲಾ ಹೆಸರಿನಲ್ಲಿದ್ದ ಮನೆಯನ್ನು 1993 ರಲ್ಲಿ ಗಿಫ್ಟ್ ಡೀಡ್ ಮೂಲಕ ಜಯಾ ಬಚ್ಚನ್ ಅವರಿಗೆ ವರ್ಗಾಯಿಸಲಾಯಿತು. ಮನೆಯ ಗಿಫ್ಟ್‌ ಡೀಡ್‌ ವಹಿವಾಟಿನ ಬಗ್ಗೆ ನನಗೆ ತಿಳಿದಿರಲಿಲ್ಲ ಅಥವಾ ಒಪ್ಪಿಗೆ ನೀಡಿರಲಿಲ್ಲ ಎಂದು ಆರೋಪಿಸಿದ್ದಾರೆ.

ಮೂಲಗಳ ಪ್ರಕಾರ ಜಲ್ಸಾ ರಮೋಲಾ ಹೆಸರಿನಲ್ಲಿತ್ತು, ನಂತರ ಜಯಾ ಹೆಸರಿಗೆ ವರ್ಗಾಯಿಸಲಾಯಿತು. ಸರ್ಕಾರಿ ಆಸ್ತಿ ದಾಖಲೆಗಳಲ್ಲಿ ರಮೋಲಾ ಹೆಸರನ್ನು ತೆಗೆದು ಹಾಕಿ ಜಯಾ ಹೆಸರು ಸೇರಿಸಲು ಯತ್ನಗಳು ನಡೆದಿವೆ ಎನ್ನುವ ಆರೋಪವಿದೆ. ಕಪೋಲ್‌ ಹೌಸಿಂಗ್‌ ಸೊಸೈಟಿ ದಾಖಲೆಗಳಲ್ಲಿ ಜಯಾ ಮಾಲೀಕರು ಅಂತಿದ್ದರೆ ಸರ್ಕಾರಿ ಪ್ರಾಪರ್ಟಿ ಕಾರ್ಡ್‌ನಲ್ಲಿ ರಮೋಲಾ ಅವರ ಹೆಸರಿದೆ. ಈ ಆಸ್ತಿ 100 ಕೋಟಿ ಮೌಲ್ಯದ್ದು ಎನ್ನಲಾಗಿದೆ.

ಈ ಗಲಾಟೆಯು ಪ್ರಸ್ತುತ ಅಂಧೇರಿಯಲ್ಲಿರುವ ಸಹಕಾರ ಸಂಘಗಳ ಉಪ ನಿಬಂಧಕರ ಮುಂದಿದೆ. ದೂರುಗಳನ್ನು ದಾಖಲಿಸಲಾಗಿದೆ, ಔಪಚಾರಿಕ ಪ್ರಕ್ರಿಯೆಗಳು ನಡೆಯುತ್ತಿವೆ ಮತ್ತು ಅಧಿಕೃತ ಉತ್ತರಗಳನ್ನು ಕೋರಿ ಎದುರಾಳಿ ಪಕ್ಷಗಳಿಗೆ ನೋಟಿಸ್ ನೀಡಲಾಗಿದೆ ಎಂದು ಉಪ ನಿಬಂಧಕ ಫೈಯಾಜ್ ಮುಲಾನಿ ಮಾಹಿತಿ ನೀಡಿದ್ದಾರೆ.

2006ರಲ್ಲಿ ನೋಂದಣಿಯಾಗಿರುವ ಈ ಉಡುಗೊರೆ ಪತ್ರದ ಬಗ್ಗೆ ತಮಗೆ ಯಾವುದೇ ಮಾಹಿತಿ ಇರಲಿಲ್ಲ. ತಾವು ಈ ವಹಿವಾಟಿಗೆ ಸಮ್ಮತಿ ನೀಡಿಲ್ಲ ಮತ್ತು ದಾಖಲೆಗೆ ಸಹಿ ಹಾಕಿ ಹಾಕಿಲ್ಲ ಎಂದು ರಮೋಲಾ ತಮ್ಮ ದೂರಿನಲ್ಲಿ ಪ್ರತಿಪಾದಿಸಿದ್ದಾರೆ. ಇದನ್ನು ಸ್ಟಾಂಪ್ ಡ್ಯೂಟಿ ಅಥವಾ ಕಡ್ಡಾಯ ಸಾಕ್ಷಿ ಸಹಿಗಳಿಲ್ಲದೆ ಸರಳ ಕಾಗದದ ಮೇಲೆ ರಚಿಸಲಾಗಿದೆ ಎಂದು ಹೇಳಿಕೊಂಡಿದ್ದಾರೆ.

1993ರ ಉಡುಗೊರೆ ಪತ್ರವನ್ನು ತಯಾರಿಸಿದ ರೀತಿ ಮತ್ತು ಅದನ್ನು ನೋಂದಾಯಿಸಿದ ಪ್ರಕ್ರಿಯೆಯ ಬಗ್ಗೆ ರಮೋಲಾ ಅವರ ಪರ ಪ್ರತಿನಿಧಿಗಳು ಗಂಭೀರ ಕಾನೂನು ಪ್ರಶ್ನೆಗಳನ್ನು ಎತ್ತಿದ್ದಾರೆ. ಸಾದಾ ಕಾಗದದ ಮೇಲಿದ್ದ ಈ ದಾಖಲೆಯನ್ನು ಬರೋಬ್ಬರಿ 13 ವರ್ಷಗಳ ಬಳಿಕ, ಅಂದರೆ 2006ರಲ್ಲಿ ಮಹಾರಾಷ್ಟ್ರ ಸರ್ಕಾರದ ‘ಸ್ಟಾಂಪ್ ಡ್ಯೂಟಿ ಅಭಯ್ ಯೋಜನೆ’ಯಡಿ (2004-2006ರ ಕ್ಷಮಾದಾನ ಯೋಜನೆ) ಮುದ್ರಾಂಕ ಶುಲ್ಕ ಪಾವತಿಸಿ ನೋಂದಾಯಿಸಲಾಗಿದೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ 2026ರ ಫೆಬ್ರವರಿ 16ರಂದು ಸಲ್ಲಿಸಲಾದ ಮಾಹಿತಿ ಹಕ್ಕು ಅರ್ಜಿಗೆ ಮಾರ್ಚ್ 4ರಂದು ನೋಂದಣಿ ಇಲಾಖೆ ಉತ್ತರ ನೀಡಿದ್ದು, 1980ರಿಂದ ಈಚೆಗಿನ ಸಾದಾ ಕಾಗದದ ದಾಖಲೆಗಳನ್ನು ಈ ಯೋಜನೆಯಡಿ ಸ್ವೀಕರಿಸಲು ಸಾಧ್ಯವಿಲ್ಲ ಎಂದು ತಿಳಿಸಿದೆ.

ಜಲ್ಸಾ ಬಂಗಲೆಯ ಹಿನ್ನೆಲೆ

ಮೂಲತಃ ‘ಮಾನ್ಸಾ’ ಎಂದು ಕರೆಯಲ್ಪಡುತ್ತಿದ್ದ ಈ ಬಂಗಲೆ ಹಿಂದೆ ಖ್ಯಾತ ಚಲನಚಿತ್ರ ನಿರ್ಮಾಪಕ ಎನ್.ಸಿ. ಸಿಪ್ಪಿ ಅವರ ಒಡೆತನದಲ್ಲಿತ್ತು. 1982ರಲ್ಲಿ ತೆರೆಕಂಡ ಅಮಿತಾಬ್ ಬಚ್ಚನ್ ಅಭಿನಯದ ಸೂಪರ್ ಹಿಟ್ ಚಿತ್ರ 'ಸತ್ತೆ ಪೆ ಸತ್ತಾ'ದ ಸಂಭಾವನೆಯಾಗಿ ಈ ಮನೆಯನ್ನು ಅವರಿಗೆ ನೀಡಲಾಗಿತ್ತು ಎಂಬ ಮಾತುಗಳಿವೆ. ಈ ಹಿಂದೆ ಸ್ವತಃ ಅಮಿತಾಬ್ ಬಚ್ಚನ್ ಅವರೇ ಬಂಗಲೆಯ ಕುರಿತು ಮಾತನಾಡುತ್ತಾ, ತಮ್ಮ ಕುಟುಂಬ ಈ ಆಸ್ತಿಯನ್ನು ಖರೀದಿಸಿ, ನಂತರ ಮಾರಾಟ ಮಾಡಿ, ಮತ್ತೆ ಮರಳಿ ಖರೀದಿಸಿ ಪುನರ್ನಿರ್ಮಿಸಿ ‘ಜಲ್ಸಾ’ ಎಂದು ಹೆಸರಿಟ್ಟಿದ್ದನ್ನು ಸ್ಮರಿಸಿದ್ದರು. ಇದೀಗ ಇದೇ ಐತಿಹಾಸಿಕ ನಿವಾಸದ ದಾಖಲೆಗಳ ವಿಚಾರ ಅಧಿಕಾರಿಗಳ ಮೆಟ್ಟಿಲೇರಿದೆ. ಇನ್ನೊಂದು ವರದಿಯಂತೆ ಅಮಿತಾಬ್ ಬಚ್ಚನ್ ತಮ್ಮ ಪ್ರಸ್ತುತ ನಿವಾಸವಾದ ಜಲ್ಸಾವನ್ನು ಅಜಿತಾಬ್ ಬಚ್ಚನ್ ಮತ್ತು ಅವರ ಕುಟುಂಬಕ್ಕೆ ಉಡುಗೊರೆಯಾಗಿ ನೀಡಿದ್ದರು. ಆದರೆ ಅವರು ಅಲ್ಲಿ ಹೆಚ್ಚು ಕಾಲ ಇರಲಿಲ್ಲ.

ರಮೋಲಾ ಬಚ್ಚನ್ ಯಾರು?

ರಮೋಲಾ ಮೂಲತ ಇಂಡೋ ಬ್ರಿಟಿಷ್ ಫ್ಯಾಷನ್ ಡಿಸೈನರ್, ಅಮಿತಾಬ್ ಬಚ್ಚನ್ ಅವರ ಏಕೈಕ ತಮ್ಮ ಅಜಿತಾಬ್‌ ಬಚ್ಚನ್‌ ಪತ್ನಿ. ಬಚ್ಚನ್ ಮನೆಗೆ ಸೊಸೆಯಾಗುದಕ್ಕೂ ಮುನ್ನವೇ ಅಮಿತಾಬ್ ಗೆ ಸ್ನೇಹಿತೆ. ಈ ಕಾರಣಕ್ಕೆ ತಮ್ಮನೊಂದಿಗೆ ಪ್ರೀತಿಯಾಗಿ ಮದುವೆಯಾಗಿತ್ತು. ಕೆಲವು ದಾಖಲೆಗಳ ಪ್ರಕಾರ ಇವರಿಬ್ಬರ ವಿಚ್ಚೇಧನವಾಗಿದೆ. ನಾಲ್ಕು ಮಕ್ಕಳಿದ್ದಾರೆ ಮೂರು ಹೆಣ್ಣು ಮತ್ತು ಒಂದು ಗಂಡು. ಭೀಮ್, ನಿಲಿಮಾ, ನಮ್ರತಾ ಮತ್ತು ನೈನಾ ಇವರ ಮಕ್ಕಳು. ಬೇರೆ ಬೇರೆಯಾದರೂ ಮಕ್ಕಳಿಗಾಗಿ ಇಬ್ಬರು ಸ್ನೇಹಿತರಾಗಿದ್ದಾರೆ. ಮಾತ್ರವಲ್ಲ ಬಚ್ಚನ್ ಕುಟುಂಬದೊಂದಿದೆ ಆತ್ಮೀಯ ಒಡನಾಟ ಹೊಂದಿದ್ದಾರೆ. ಅಜಿತಾಬ್‌ ಬಚ್ಚನ್‌ ದೂರದ ಲಂಡನ್‌ ನಲ್ಲಿ ಉದ್ಯಮಿಯಾಗಿದ್ದು ಸಹೋದರ ಅಮಿತಾಭ್ ಬಚ್ಚನ್ ಅವರೊಂದಿಗೆ ಕುಟುಂಬ ಕಾರ್ಯಕ್ರಮಗಳಿಗೆ ಮಾತ್ರ ಬಂದು ಭಾಗವಹಿಸುತ್ತಾರೆ. ಆದರೆ ರಮೋಲಾ ಭಾರತದಲ್ಲೇ ಇದ್ದು ಬಾಲಿವುಡ್‌ ಸಿನೆಮಾಗಳಿಗೆ ಫ್ಯಾಷನ್ ಡಿಸೈನರ್ ಆಗಿಯೂ ಕೆಲಸ ಮಾಡುತ್ತಾರೆ.

'ನಾವು ಒಂದೇ ಶೌಚಾಲಯ ಬಳಸಬಹುದು, ಆದರೆ ಇವರು...': ಕೆಂಪೇಗೌಡ ವಿಮಾನ ನಿಲ್ದಾಣದಲ್ಲಿ ಶೌಚಾಲಯಕ್ಕಾಗಿ 25 ನಿಮಿಷ ಪರದಾಡಿದ ಹಿರಿಯ ಮಹಿಳೆ

Sushma Hegde — Fri, 13 Nov 2026 13:32:46 +0530

ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ (KIA) ವಿಶೇಷ ಚೇತನರಿಗಾಗಿ ಮೀಸಲಿಟ್ಟಿರುವ ಶೌಚಾಲಯದ ಬಳಕೆ ವಿಚಾರ ಈಗ ಚರ್ಚೆಗೆ ಗ್ರಾಸವಾಗಿದೆ. ವಿಶೇಷ ಚೇತನರಿಗಾಗಿ ಮೀಸಲಾದ ಶೌಚಾಲಯವನ್ನು ಅಂಗವೈಕಲ್ಯ ಇಲ್ಲದ ವ್ಯಕ್ತಿಯೊಬ್ಬರು ಬಳಸಿದ್ದರಿಂದ ಮತ್ತೊಬ್ಬ ಪ್ರಯಾಣಿಕರು ಬರೋಬ್ಬರಿ 25 ನಿಮಿಷಕ್ಕೂ ಹೆಚ್ಚು ಕಾಲ ಕಾಯಬೇಕಾಯಿತು ಎನ್ನಲಾಗಿದೆ. ಈ ಘಟನೆಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರಿಂದ ಪರ-ವಿರೋಧದ ಚರ್ಚೆ ಶುರುವಾಗಿದೆ.

ಇದು ಮೊದಲ ಬಾರಿಯಲ್ಲ, ಮೂರನೇ ಬಾರಿ ಇದೇ ರೀತಿಯ ಸಮಸ್ಯೆ ಎದುರಿಸುತ್ತಿದ್ದೇನೆ ಎಂದು ಪ್ರಯಾಣಿಕರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಬೆಂಗಳೂರು ವಿಮಾನ ನಿಲ್ದಾಣದ ಆಡಳಿತ ಮಂಡಳಿಯೂ ಪ್ರತಿಕ್ರಿಯಿಸಿದ್ದು, ಪ್ರಯಾಣಿಕರ ಬಳಿ ಕ್ಷಮೆಯಾಚಿಸಿದೆ.

25 ನಿಮಿಷ ಕಾದ ಪ್ರಯಾಣಿಕರು ಹೇಳಿದ್ದೇನು?

ಬೆಂಗಳೂರಿನ ಕೆಂಪೇಗೌಡ ವಿಮಾನ ನಿಲ್ದಾಣದಲ್ಲಿ ವಿಶೇಷ ಚೇತನರಿಗಾಗಿ ಮೀಸಲಿಟ್ಟ ಶೌಚಾಲಯವನ್ನು ಸಾಮಾನ್ಯ ಪ್ರಯಾಣಿಕರೊಬ್ಬರು ಬಳಸಿದ್ದಾರೆ ಎನ್ನಲಾಗಿದೆ. ಇದರಿಂದ ಶೌಚಾಲಯದ ಅಗತ್ಯವಿದ್ದ ಮತ್ತೊಬ್ಬ ಪ್ರಯಾಣಿಕರು 25 ನಿಮಿಷಕ್ಕೂ ಹೆಚ್ಚು ಕಾಲ ಕಾಯುವಂತಾಯಿತು. ಈ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿರುವ ಪ್ರಯಾಣಿಕರು, ಇದು ಮೂರನೇ ಬಾರಿ ತಮಗೆ ಇಂತಹ ಅನುಭವವಾಗುತ್ತಿದೆ ಎಂದು ಹೇಳಿದ್ದಾರೆ. ವಿಶೇಷ ಚೇತನರಿಗಾಗಿ ಇರುವ ಸೌಲಭ್ಯಗಳನ್ನು ಎಲ್ಲರೂ ತಮ್ಮ ಅನುಕೂಲಕ್ಕೆ ಬಳಸಿಕೊಳ್ಳಬಾರದು. ನಿಜವಾಗಿಯೂ ಆ ಸೌಲಭ್ಯದ ಅಗತ್ಯವಿರುವವರಿಗೆ ಆದ್ಯತೆ ನೀಡಬೇಕು ಎಂಬ ಅಭಿಪ್ರಾಯವನ್ನೂ ವ್ಯಕ್ತಪಡಿಸಿದ್ದಾರೆ.

'ನಾವು ಒಂದೇ ಶೌಚಾಲಯ ಬಳಸಬಹುದು' ಎಂದ ಮಹಿಳೆ

ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ವಿಡಿಯೋದಲ್ಲಿ ಶೌಚಾಲಯದಿಂದ ವ್ಯಕ್ತಿಯೊಬ್ಬರು ಹೊರಬರುತ್ತಿರುವುದು ಹಾಗೂ ಹೊರಗೆ ಪ್ರಯಾಣಿಕರು ಸರತಿ ಸಾಲಿನಲ್ಲಿ ಕಾಯುತ್ತಿರುವುದು ಕಾಣಿಸುತ್ತದೆ. ಈ ವೇಳೆ ಕುರ್ಚಿಯಲ್ಲಿ ಕುಳಿತಿದ್ದ ಹಿರಿಯ ಮಹಿಳೆಯೊಬ್ಬರು ವ್ಯಕ್ತಿಯನ್ನು ಉದ್ದೇಶಿಸಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. 'ನೀವು ಹೀಗೆ ಒಳಗೆ ಹೋಗಲು ಬಿಡಬಾರದು. ನಾವು ಒಂದೇ ಶೌಚಾಲಯ ಬಳಸಬಹುದು. ಆದರೆ ಇವರು ಬೇರೆ ಶೌಚಾಲಯಗಳನ್ನೂ ಬಳಸಬಹುದು' ಎಂಬರ್ಥದಲ್ಲಿ ಮಹಿಳೆ ಮಾತನಾಡಿದ್ದಾರೆ. ಅಲ್ಲದೆ, 'ಇಲ್ಲದಿದ್ದರೆ ನಾನು ದೂರು ನೀಡುತ್ತೇನೆ. ಅವರು ಬಹಳ ಸಮಯದಿಂದ ಕಾಯುತ್ತಿದ್ದಾರೆ' ಎಂದು ಮತ್ತೊಬ್ಬರು ಹೇಳಿರುವುದು ವಿಡಿಯೋದಲ್ಲಿದೆ. ಈ ನಡುವೆ ವಿಮಾನ ಹೊರಡುವ ಸಮಯವಾಗುತ್ತಿದೆ ಎಂದು ಮಹಿಳೆ ಆತಂಕ ವ್ಯಕ್ತಪಡಿಸಿದ್ದಾರೆ.

ವೈರಲ್ ವಿಡಿಯೋಗೆ ಬೆಂಗಳೂರು ಏರ್‌ಪೋರ್ಟ್ ಪ್ರತಿಕ್ರಿಯೆ

ವಿಡಿಯೋ ವೈರಲ್ ಆದ ಬೆನ್ನಲ್ಲೇ ಕೆಂಪೇಗೌಡ ವಿಮಾನ ನಿಲ್ದಾಣದ ಅಧಿಕೃತ ಸಾಮಾಜಿಕ ಜಾಲತಾಣ ಖಾತೆ ಪ್ರತಿಕ್ರಿಯಿಸಿದೆ. 'ನಮ್ಮ ಗಮನಕ್ಕೆ ತಂದಿದ್ದಕ್ಕಾಗಿ ಧನ್ಯವಾದಗಳು. ನಿಮ್ಮ ಪ್ರತಿಕ್ರಿಯೆ ನಮಗೆ ಅಮೂಲ್ಯವಾಗಿದೆ. ಈ ಬಗ್ಗೆ ಸಂಬಂಧಪಟ್ಟ ತಂಡಕ್ಕೆ ಪರಿಶೀಲನೆಗಾಗಿ ತಿಳಿಸಲಾಗಿದೆ. ನಮ್ಮ ತಂಡ ನಿಮ್ಮನ್ನು ಸಂಪರ್ಕಿಸಲು ದಯವಿಟ್ಟು ನಿಮ್ಮ ಸಂಪರ್ಕ ವಿವರಗಳು ಮತ್ತು ಘಟನೆಯ ನಿಖರ ಸ್ಥಳವನ್ನು ಖಾಸಗಿ ಸಂದೇಶದ ಮೂಲಕ ಹಂಚಿಕೊಳ್ಳಿ' ಎಂದು ವಿಮಾನ ನಿಲ್ದಾಣದ ಆಡಳಿತ ಮಂಡಳಿ ತಿಳಿಸಿದೆ.

ನೆಟ್ಟಿಗರಿಂದ ಪರ-ವಿರೋಧದ ಚರ್ಚೆ

ಈ ವಿಡಿಯೋಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ. ಕೆಲವರು ವಿಶೇಷ ಚೇತನರಿಗಾಗಿ ಮೀಸಲಿಟ್ಟಿರುವ ಸೌಲಭ್ಯಗಳನ್ನು ದುರ್ಬಳಕೆ ಮಾಡಬಾರದು ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಇನ್ನೂ ಕೆಲವರು ಹಿರಿಯ ವ್ಯಕ್ತಿಯ ಪರವಾಗಿ ಮಾತನಾಡಿದ್ದಾರೆ. 'ಆ ವ್ಯಕ್ತಿಗೆ ಹೊರನೋಟಕ್ಕೆ ಯಾವುದೇ ಅಂಗವೈಕಲ್ಯ ಕಾಣಿಸದಿರಬಹುದು. ಆದರೆ ಅವರಿಗೆ ಬೇರೆ ಆರೋಗ್ಯ ಸಮಸ್ಯೆಗಳಿರಬಹುದು. ಅವರ ಆರೋಗ್ಯ ಸ್ಥಿತಿಯನ್ನು ಹೊರಗಿನಿಂದ ನಿರ್ಧರಿಸಲು ಸಾಧ್ಯವಿಲ್ಲ. ವಿಶೇಷ ಶೌಚಾಲಯ ಎಂದರೆ ಕೇವಲ ವೀಲ್‌ಚೇರ್ ಬಳಸುವವರಿಗೆ ಮಾತ್ರ ಮೀಸಲಾಗಿರುವುದಲ್ಲ' ಎಂದು ನೆಟ್ಟಿಗರೊಬ್ಬರು ಪ್ರತಿಕ್ರಿಯಿಸಿದ್ದಾರೆ.

ಒಟ್ಟಿನಲ್ಲಿ, ವಿಶೇಷ ಚೇತನರಿಗಾಗಿ ಮೀಸಲಿಟ್ಟಿರುವ ಸೌಲಭ್ಯಗಳ ಬಳಕೆ, ಹಿರಿಯ ನಾಗರಿಕರ ಅಗತ್ಯಗಳು ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಇತರರ ಬಗ್ಗೆ ತೋರಬೇಕಾದ ಜವಾಬ್ದಾರಿಯ ಕುರಿತು ಈ ಘಟನೆ ಮತ್ತೊಮ್ಮೆ ಚರ್ಚೆ ಹುಟ್ಟುಹಾಕಿದೆ.

Ind Vs NZ: W, 0, 0, 0, W, W ಇದೆಂಥಾ ಬ್ಯಾಟಿಂಗ್? 40 ದಿನದಲ್ಲೇ ನಿಜವಾಯ್ತು ಅಗರ್ಕರ್ ಭವಿಷ್ಯ!

Bhimasi M Koleppanavar — Fri, 13 Nov 2026 13:30:12 +0530

ಭಾರತದ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಕೀವಿಸ್ 50 ಓವರ್‌ಗಳಲ್ಲಿ 333 ರನ್‌ಗಳಿಗೆ ಆಲೌಟ್ ಆಯಿತು. ವಿಲ್ ಯಂಗ್ ಅವರ 125 ರನ್‌ಗಳು, ಟಿಮ್ ಸೀಫರ್ಟ್ ಅವರ 58 ರನ್‌ಗಳು ಮತ್ತು ಫಿನ್ ಅಲೆನ್ ಅವರ 41 ರನ್‌ಗಳ ನೆರವಿನಿಂದ ನ್ಯೂಜಿಲೆಂಡ್‌ ಟೀಂಗೆ ಇಷ್ಟು ರನ್‌ ಗಳಿಸುವುದು ಸುಲಭದ ತುತ್ತಾಯಿತು.

ಮೊದಲ ಓವರ್‍‌ನಲ್ಲಿ ಅನುಭವಿಗಳು ಔಟ್!

ಕೀವಿಸ್ ತಂಡದ ಸವಾಲನ್ನು ಬೆನ್ನಟ್ಟಲು ಬಂದ ಟೀಮ್ ಇಂಡಿಯಾದ ಅನುಭವಿ ಬ್ಯಾಟ್ಸ್‌ಮನ್‌ಗಳು ಮೊದಲ ಓವರ್‌ನಲ್ಲೇ ಶರಣಾದರು. ಮ್ಯಾಟ್ ಹೆನ್ರಿ ಎಸೆದ ಮೊದಲ ಓವರ್‌ನಲ್ಲೇ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ನಾಯಕ ಶ್ರೇಯಸ್ ಅಯ್ಯರ್ ಪೆವಿಲಿಯನ್‌ಗೆ ಮರಳಿದರು. ಟೀಮ್ ಇಂಡಿಯಾದ ಮೊದಲ 3 ಬ್ಯಾಟ್ಸ್‌ಮನ್‌ಗಳು ಶೂನ್ಯ ರನ್‌ಗಳಿಗೆ ಔಟಾದರು.

ಮೊದಲ ಎಸೆತದಲ್ಲೇ ರೋಹಿತ್ ಔಟ್!

ಇನ್ನಿಂಗ್ಸ್‌ನ ಮೊದಲ ಎಸೆತದಲ್ಲೇ ಮ್ಯಾಟ್ ಹೆನ್ರಿ ರೋಹಿತ್ ವಿಕೆಟ್ ಪಡೆದರು. ಹೆನ್ರಿಯ ಮೊದಲ ಬಾಲ್ ಬೌನ್ಸ್ ಆಗಿ ರೋಹಿತ್ ಬ್ಯಾಟ್‌ನ ಅಂಚಿಗೆ ತಗುಲಿ ಸ್ಲಿಪ್‌ನಲ್ಲಿ ಫಿನ್ ಅಲೆನ್ ಕೈಗೆ ಹೋಯಿತು. ಮೊದಲ ಚೆಂಡನ್ನು ಔಟ್-ಸ್ವಿಂಗ್ ಬೌಲಿಂಗ್ ಮಾಡಿದ ನಂತರ, ಹೆನ್ರಿ ಓವರ್‌ನ ಐದನೇ ಎಸೆತವನ್ನು ಇನ್-ಸ್ವಿಂಗ್ ಬೌಲಿಂಗ್ ಮಾಡಿ ವಿರಾಟ್ ಕೊಹ್ಲಿಗೆ ಬೌಲ್ಡ್ ಮಾಡಿದರು.

ಡಿಆರ್‍‌ಎಸ್‌ ಮೂಲಕ ಶ್ರೇಯಸ್‌!

ಹೆನ್ರಿ ಇನ್ನಿಂಗ್ಸ್‌ನ ಆರನೇ ಎಸೆತವನ್ನು ಎಸೆದರು, ಅದು ನಾಯಕ ಶ್ರೇಯಸ್ ಅಯ್ಯರ್ ಅವರ ಬ್ಯಾಟ್ ಅನ್ನು ಮುಟ್ಟದೆ ನೇರವಾಗಿ ಪ್ಯಾಡ್‌ಗಳಿಗೆ ಹೋಯಿತು. ಇದಾದ ನಂತರ, ನ್ಯೂಜಿಲೆಂಡ್ ಮೇಲ್ಮನವಿ ಸಲ್ಲಿಸಿತು, ಆದರೆ ಅಂಪೈರ್ ಕುಮಾರ್ ಧರ್ಮಸೇನ ಶ್ರೇಯಸ್‌ಗೆ ನಾಟ್ ಔಟ್ ಎಂದು ತೀರ್ಪು ನೀಡಿದರು. ಅದರ ನಂತರ, ನ್ಯೂಜಿಲೆಂಡ್ ಡಿಆರ್‌ಎಸ್ ತೆಗೆದುಕೊಂಡಿತು, ಅದು ಶ್ರೇಯಸ್ ಔಟ್ ಎಂದು ಸ್ಪಷ್ಟಪಡಿಸಿತು.

ನಿಜವಾಯ್ತಾ ಅಗರ್ಕರ್!

ನ್ಯೂಜಿಲೆಂಡ್ ಪ್ರವಾಸದ ಮೂರು ಪಂದ್ಯಗಳಲ್ಲಿ ರೋಹಿತ್ ಶರ್ಮಾ ಅವರ ಬ್ಯಾಟ್ ಸದ್ದಿಲ್ಲದೆ ಉಳಿದಿರುವುದರಿಂದ, ಮಾಜಿ ಮುಖ್ಯ ಆಯ್ಕೆದಾರ ಅಜಿತ್ ಅಗರ್ಕರ್ ಅವರು ವ್ಯಕ್ತಪಡಿಸಿದ ಆತಂಕ ನಿಜವಾಗುತ್ತದೆಯೇ ಎಂಬ ಭಯವಿದೆ. ಏಕದಿನ ವಿಶ್ವಕಪ್‌ಗೆ ರೋಹಿತ್ ಬದಲಿಗೆ ಯಶಸ್ವಿ ಜೈಸ್ವಾಲ್‌ಗೆ ಅವಕಾಶ ನೀಡಬೇಕೆಂದು ಅಗರ್ಕರ್ ದೃಢನಿಶ್ಚಯ ಹೊಂದಿದ್ದರು, ಆದರೆ ಬಿಸಿಸಿಐ ರೋಹಿತ್‌ಗೆ ದೃಢವಾಗಿ ಬೆಂಬಲ ನೀಡಿತು. ಇದರ ನಂತರ, ಅಜಿತ್ ಅಗರ್ಕರ್ ತಮ್ಮ ಅಧಿಕಾರಾವಧಿಯನ್ನು ವಿಸ್ತರಿಸದಿರಲು ನಿರ್ಧರಿಸಿದ್ದಾರೆ ಎಂದು ಹೇಳಲಾಗುತ್ತದೆ.ಮುಂದಿನ ವರ್ಷ ಅಕ್ಟೋಬರ್ ನಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ಏಕದಿನ ವಿಶ್ವಕಪ್ ನಡೆಯಲಿದೆ. ನ್ಯೂಜಿಲೆಂಡ್ ನಂತೆಯೇ ದಕ್ಷಿಣ ಆಫ್ರಿಕಾದ ಪಿಚ್ ಗಳು ಬೌನ್ಸಿ ಮತ್ತು ಸ್ವಿಂಗ್ ಬೌಲಿಂಗ್ ಗೆ ಅನುಕೂಲಕರವಾಗಿರುವುದರಿಂದ ರೋಹಿತ್ ಶರ್ಮಾ ಅವರ ಪ್ರಸ್ತುತ ಫಾರ್ಮ್ ಟೀಮ್ ಇಂಡಿಯಾಕ್ಕೆ ಕಳವಳಕಾರಿಯಾಗಿದೆ.

12 ವರ್ಷವಾದ್ರೂ ರೋಹಿತ್ ಶರ್ಮಾ ಹೆಸರಲ್ಲಿರೋ ಅದೊಂದು ರೆಕಾರ್ಡ್ ಇಂದಿಗೂ ಅಜೇಯ..! ನೆನಪಿದೆಯಾ ಹಿಟ್‌ಮ್ಯಾನ್ ಆಡಿದ ಆ ಇನ್ನಿಂಗ್ಸ್?

Naveen Kodase — Fri, 13 Nov 2026 13:16:55 +0530

ಬೆಂಗಳೂರು(ನ.13): ಏಕದಿನ ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯಂತ ಸ್ಮರಣೀಯ ಇನ್ನಿಂಗ್ಸ್‌ಗಳಲ್ಲಿ ಒಂದಾದ ರೋಹಿತ್ ಶರ್ಮಾ ಅವರ 264 ರನ್‌ಗಳ ವಿಶ್ವದಾಖಲೆಗೆ ಇಂದಿಗೆ (ನವೆಂಬರ್ 13) 12 ವರ್ಷಗಳು. 2014ರ ನವೆಂಬರ್ 13ರಂದು ಕೋಲ್ಕತ್ತಾದ ಈಡನ್ ಗಾರ್ಡನ್ಸ್‌ನಲ್ಲಿ ಶ್ರೀಲಂಕಾ ವಿರುದ್ಧ ನಡೆದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾದ ಆರಂಭಿಕ ಬ್ಯಾಟರ್ ರೋಹಿತ್ ಶರ್ಮಾ ಈ ಐತಿಹಾಸಿಕ ಸಾಧನೆ ಮಾಡಿದ್ದರು.

ಕೇವಲ 173 ಎಸೆತಗಳಲ್ಲಿ 264 ರನ್ ಸಿಡಿಸಿದ್ದ ರೋಹಿತ್, ಪುರುಷರ ಏಕದಿನ ಕ್ರಿಕೆಟ್‌ನಲ್ಲಿ ವೈಯಕ್ತಿಕ ಗರಿಷ್ಠ ಸ್ಕೋರ್ ದಾಖಲಿಸಿದರು. ಅವರ ಈ ಸ್ಫೋಟಕ ಇನ್ನಿಂಗ್ಸ್‌ನಲ್ಲಿ 33 ಬೌಂಡರಿ ಹಾಗೂ 9 ಸಿಕ್ಸರ್‌ಗಳು ಸೇರಿದ್ದವು. ಅಂದರೆ, ಒಟ್ಟು 42 ಬಾರಿ ಚೆಂಡನ್ನು ಬೌಂಡರಿ ಗೆರೆ ದಾಟಿಸಿದ್ದರು. ಈ ಮೂಲಕ ಭಾರತ ಬೃಹತ್ ಮೊತ್ತ ದಾಖಲಿಸಲು ರೋಹಿತ್ ಪ್ರಮುಖ ಕಾರಣವಾಗಿದ್ದರು.

ಈ ದಾಖಲೆ ನಿರ್ಮಾಣವಾಗಿ 12 ವರ್ಷ ಕಳೆದಿದ್ದರೂ, ಇದುವರೆಗೆ ಯಾವುದೇ ಬ್ಯಾಟರ್ ರೋಹಿತ್ ಅವರ 264 ರನ್‌ಗಳ ಗಡಿಯನ್ನು ದಾಟಲು ಸಾಧ್ಯವಾಗಿಲ್ಲ. ನ್ಯೂಜಿಲೆಂಡ್‌ನ ಮಾರ್ಟಿನ್ ಗಪ್ಟಿಲ್ 2015ರ ವಿಶ್ವಕಪ್‌ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಅಜೇಯ 237 ರನ್ ಗಳಿಸಿದ್ದು, ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ.

ಏಕದಿನ ಕ್ರಿಕೆಟ್‌ನಲ್ಲಿ ಗರಿಷ್ಠ ವೈಯಕ್ತಿಕ ಸ್ಕೋರ್ ದಾಖಲಿಸಿದ ಟಾಪ್ 5 ಆಟಗಾರರು

ಪುರುಷರ ಏಕದಿನ ಕ್ರಿಕೆಟ್‌ನಲ್ಲಿ ಗರಿಷ್ಠ ವೈಯಕ್ತಿಕ ಸ್ಕೋರ್‌ಗಳ ಪಟ್ಟಿಯಲ್ಲಿ ರೋಹಿತ್ ಶರ್ಮಾ ಅಗ್ರಸ್ಥಾನದಲ್ಲಿದ್ದಾರೆ. 2023ರಲ್ಲಿ ನ್ಯೂಜಿಲೆಂಡ್ ವಿರುದ್ಧ ಅಜೇಯ 223 ರನ್ ಗಳಿಸಿದ್ದ ಶುಭಮನ್ ಗಿಲ್ ಮೂರನೇ ಸ್ಥಾನದಲ್ಲಿದ್ದಾರೆ.

ಏಕದಿನ ಕ್ರಿಕೆಟ್‌ನ ಟಾಪ್ 5 ವೈಯಕ್ತಿಕ ಗರಿಷ್ಠ ಸ್ಕೋರ್‌ಗಳು ಹೀಗಿವೆ:

ರೋಹಿತ್ ಶರ್ಮಾ – 264 ರನ್, ಶ್ರೀಲಂಕಾ ವಿರುದ್ಧ, 2014

ಮಾರ್ಟಿನ್ ಗಪ್ಟಿಲ್ – ಅಜೇಯ 237 ರನ್, ವೆಸ್ಟ್ ಇಂಡೀಸ್ ವಿರುದ್ಧ, 2015

ಶುಭಮನ್ ಗಿಲ್ – 223 ರನ್, ನ್ಯೂಜಿಲೆಂಡ್ ವಿರುದ್ಧ, 2023

ವೀರೇಂದ್ರ ಸೆಹ್ವಾಗ್ – 219 ರನ್, ವೆಸ್ಟ್ ಇಂಡೀಸ್ ವಿರುದ್ಧ, 2011

ಕ್ರಿಸ್ ಗೇಲ್ – 215 ರನ್, ಜಿಂಬಾಬ್ವೆ ವಿರುದ್ಧ, 2015

ರೋಹಿತ್ ಶರ್ಮಾ ಅಬ್ಬರಕ್ಕೆ ಭಾರತದಿಂದ 404 ರನ್‌ಗಳ ಬೃಹತ್ ಮೊತ್ತ

ಈಡನ್ ಗಾರ್ಡನ್ಸ್‌ನಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ, ನಿಗದಿತ 50 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 404 ರನ್‌ಗಳ ಬೃಹತ್ ಮೊತ್ತ ದಾಖಲಿಸಿತ್ತು. ಈ ಮೊತ್ತದಲ್ಲಿ ರೋಹಿತ್ ಶರ್ಮಾ ಅವರ ಕೊಡುಗೆ ಅತ್ಯಂತ ದೊಡ್ಡದಾಗಿತ್ತು. ವಿರಾಟ್ ಕೊಹ್ಲಿ ಕೂಡ 6 ಬೌಂಡರಿಗಳ ನೆರವಿನಿಂದ 66 ರನ್ ಗಳಿಸಿ ತಂಡಕ್ಕೆ ಉತ್ತಮ ಬೆಂಬಲ ನೀಡಿದ್ದರು. ಶ್ರೀಲಂಕಾ ಪರ ಏಂಜೆಲೊ ಮ್ಯಾಥ್ಯೂಸ್ ಎರಡು ವಿಕೆಟ್ ಪಡೆದರೆ, ನುವಾನ್ ಕುಲಶೇಖರ ಮತ್ತು ಶಮಿಂದ ಎರಂಗ ತಲಾ ಒಂದು ವಿಕೆಟ್ ಕಬಳಿಸಿದ್ದರು. ಆದರೆ ರೋಹಿತ್ ಅವರ ದಾಖಲೆಯ ಇನ್ನಿಂಗ್ಸ್‌ಗೆ ಕಡಿವಾಣ ಹಾಕಲು ಲಂಕಾ ಬೌಲರ್‌ಗಳಿಂದ ಸಾಧ್ಯವಾಗಲಿಲ್ಲ.

251 ರನ್‌ಗಳಿಗೆ ಶ್ರೀಲಂಕಾ ಆಲೌಟ್; ಭಾರತಕ್ಕೆ 153 ರನ್‌ಗಳ ಭರ್ಜರಿ ಜಯ

ಭಾರತ ನೀಡಿದ್ದ 405 ರನ್‌ಗಳ ಬೃಹತ್ ಗುರಿ ಬೆನ್ನಟ್ಟಿದ ಶ್ರೀಲಂಕಾ ತಂಡ 43.1 ಓವರ್‌ಗಳಲ್ಲಿ 251 ರನ್‌ಗಳಿಗೆ ಆಲೌಟ್ ಆಯಿತು. ಈ ಮೂಲಕ ಭಾರತ 153 ರನ್‌ಗಳ ಭರ್ಜರಿ ಗೆಲುವು ದಾಖಲಿಸಿತು. ಶ್ರೀಲಂಕಾ ಪರ ಏಂಜೆಲೊ ಮ್ಯಾಥ್ಯೂಸ್ 9 ಬೌಂಡರಿ ಹಾಗೂ ಒಂದು ಸಿಕ್ಸರ್ ನೆರವಿನಿಂದ 75 ರನ್ ಗಳಿಸಿ ತಂಡದ ಪರ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಮಧ್ಯಮ ಕ್ರಮಾಂಕದಲ್ಲಿ ಲಹಿರು ತಿರಿಮನ್ನೆ 7 ಬೌಂಡರಿ ಮತ್ತು ಒಂದು ಸಿಕ್ಸರ್ ಸಹಿತ 59 ರನ್‌ಗಳ ಕೊಡುಗೆ ನೀಡಿದರು. ಆದರೆ ಉಳಿದ ಬ್ಯಾಟರ್‌ಗಳಿಂದ ನಿರೀಕ್ಷಿತ ಪ್ರದರ್ಶನ ಮೂಡಿಬರಲಿಲ್ಲ.

ಭಾರತದ ಪರ ಧವಳ್ ಕುಲಕರ್ಣಿ ನಾಲ್ಕು ವಿಕೆಟ್ ಪಡೆದು ಮಿಂಚಿದರು. ಉಮೇಶ್ ಯಾದವ್, ಸ್ಟುವರ್ಟ್ ಬಿನ್ನಿ ಮತ್ತು ಅಕ್ಷರ್ ಪಟೇಲ್ ತಲಾ ಎರಡು ವಿಕೆಟ್ ಕಬಳಿಸಿ ಶ್ರೀಲಂಕಾ ಬ್ಯಾಟಿಂಗ್ ಪಡೆಯನ್ನು ಕಟ್ಟಿಹಾಕಿದರು.

ರೋಹಿತ್ ಶರ್ಮಾ ಅವರ 264 ರನ್‌ಗಳ ಇನ್ನಿಂಗ್ಸ್‌ಗೆ ಈಗ 12 ವರ್ಷಗಳು ಕಳೆದಿವೆ. ಆದರೂ ಆ ದಾಖಲೆಯನ್ನು ಮುರಿಯಲು ಯಾರಿಂದಲೂ ಸಾಧ್ಯವಾಗಿಲ್ಲ. 50 ಓವರ್‌ಗಳ ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಇಂತಹ ಬೃಹತ್ ವೈಯಕ್ತಿಕ ಮೊತ್ತ ದಾಖಲಿಸುವುದು ಎಷ್ಟು ಕಷ್ಟ ಎಂಬುದಕ್ಕೆ ರೋಹಿತ್ ಅವರ ಈ ಐತಿಹಾಸಿಕ ಇನ್ನಿಂಗ್ಸ್ ಇಂದಿಗೂ ಸಾಕ್ಷಿಯಾಗಿದೆ.

ನಿತ್ಯಾಳ ರೋಲ್ ಡಮ್ಮಿ ಮಾಡಿ ಸಾಯಿಸಿದ್ರಿ, ಈಗ ನಿಧಿ ಸರದಿನಾ? Karna Serial ವಿರುದ್ಧ ರೊಚ್ಚಿಗೆದ್ದ ವೀಕ್ಷಕರು

Suchethana D — Fri, 13 Nov 2026 13:15:43 +0530

ಬೆಂಗಳೂರು: ಒಂದು ಸೊಗಸಾದ, ನವಿರಾದ ಕಥೆಯ ಜೊತೆ ಸಾಗುತ್ತಲಿದ್ದ ಕರ್ಣ ಸೀರಿಯಲ್ (Karna Serial) ಇದೀಗ ವಿಚಿತ್ರ ತಿರುವು ಪಡೆದುಕೊಂಡಿದೆ. ನಿತ್ಯಾಳನ್ನು ಸಾಯಿಸಲಾಗಿದೆ. ನಿತ್ಯಾ ಪಾತ್ರದ ಬಗ್ಗೆ ನಟಿ ನಮ್ರತಾ ಗೌಡ ಅಸಮಾಧಾನ ವ್ಯಕ್ತಪಡಿಸಿ, ಸೀರಿಯಲ್ ಬಿಟ್ಟು ಹೋಗುವುದಾಗಿ ಹೇಳಿದ್ದರಿಂದ , ಕಥೆಯನ್ನೇ ಬದಲಿಸಿ ಆ ಪಾತ್ರ ಸಾಯಿಸಲಾಗಿದೆ ಎಂದೇ ಹೇಳಲಾಗುತ್ತಿದೆ. ಅದೇನೇ ಇದ್ದರೂ ನಿತ್ಯಾ ಪಾತ್ರವನ್ನು ಸಾಯಿಸಿರುವ ಬಗ್ಗೆ ವೀಕ್ಷಕರು ಸಿಕ್ಕಾಪಟ್ಟೆ ಗರಂ ಆಗಿರುವ ಬೆನ್ನಲ್ಲೇ ಇದೀಗ ನಿಧಿಯ ಸರದಿ.

ಮಗುವನ್ನು ಹೆತ್ತ ಬಳಿಕ ನಿತ್ಯಾ ಮತ್ತು ಮಗು ಇಬ್ಬರೂ ಆರೋಗ್ಯವಾಗಿಯೇ ಇದ್ದರು. ನಂತರ ನಿತ್ಯಾ- ನಿಧಿಯ ತಂದೆ-ತಾಯಿಯನ್ನು ಕೊಂದಿರುವ ಸತ್ಯ ನಿತ್ಯಾಗೆ ತಿಳಿಯುತ್ತಲೇ ನಯನತಾರಾ ರೌಡಿಗಳನ್ನು ಬಿಟ್ಟು ಸಾಯಿಸಲು ಹೋಗಿದ್ದಳು. ಆದರೆ ಅದು ಸಾಧ್ಯವಾಗಿರಲಿಲ್ಲ. ಬಳಿಕ, ನಿತ್ಯಾ ಚೇತರಿಸಿಕೊಳ್ಳುತ್ತಲೇ ಆಕೆಗೆ ವಿಷದ ಇಂಜೆಕ್ಷನ್ ಕೊಟ್ಟು ಸಾಯಿಸಿದ್ದಾಳೆ ನಯನತಾರಾ. ನಿತ್ಯಾ ಸಾಯುವಾಗ ಬಾಯಲ್ಲಿ ನೊರೆ ಬಂದಿದ್ದರೂ, ಆ ಬಗ್ಗೆ ಖ್ಯಾತ ವೈದ್ಯ ಕರ್ಣನಿಗೂ ಡೌಟ್ ಬರದೇ ಇರುವುದು ಅಚ್ಚರಿ ಎಂದೇ ವೀಕ್ಷಕರು ಹೇಳಿದ್ದುಂಟು. ಅದೇನೇ ಇದ್ದರೂ, ಇದೀಗ ಕರ್ಣನೇ ನಿತ್ಯಾಳ ಸಾವಿಗೆ ಕಾರಣ ಎನ್ನುವಂತೆ ನಯನತಾರಾ ನಿಧಿಯ ತಲೆಗೆ ತುಂಬಿದ್ದಾಳೆ.

ನಿಧಿ ಪಾತ್ರನೂ ಡಮ್ಮಿ ಆಗೋಯ್ತಾ?

ಎಲ್ಲರ ಒಳಿತಿಗಾಗಿ ತನ್ನ ಪ್ರಾಣವನ್ನೇ ಪಣಕ್ಕಿಟ್ಟು ಕೆಲಸ ಮಾಡುವವ ತನ್ನ ಗಂಡ ಕರ್ಣ ಎನ್ನುವುದು ನಿಧಿಗೆ ಗೊತ್ತು. ತನ್ನ ಅತ್ತೆ ಮಾಲತಿ ಎಷ್ಟು ಒಳ್ಳೆಯವಳು, ತಾನೆಂದರೆ ಆಕೆಗೆ ಎಷ್ಟು ಪ್ರೀತಿ ಎನ್ನುವುದೂ ನಿಧಿಗೆ ಗೊತ್ತು. ಇಷ್ಟಿದ್ದರೂ ನಯನತಾರಾ ಏನೋ ಹೇಳಿದಳು ಎನ್ನುವ ಮಾತ್ರಕ್ಕೆ ಗಂಡ, ಅತ್ತೆಯನ್ನೇ ದೂಷಿಸಿದ್ದಾಳೆ ನಿಧಿ. ಅಲ್ಲಿಗೆ ನಿತ್ಯಾ ಪಾತ್ರದಂತೆಯೇ ನಿಧಿ ಪಾತ್ರವನ್ನೂ ಡಮ್ಮಿ ಮಾಡಲು ಹೊರಟಿದ್ದೀರಿ ಎಂದು ಕರ್ಣ ಸೀರಿಯಲ್ ವಿರುದ್ಧ ಅಭಿಮಾನಿಗಳು ಕೆಂಡಾಮಂಡಲವಾಗಿದ್ದಾರೆ.

ಸೀರಿಯಲ್ ಫ್ಯಾನ್ಸ್ ಆಕ್ರೋಶ

ಒಂದಿಷ್ಟಾದರೂ ವಾಸ್ತವಕ್ಕೆ ಹತ್ತಿರವಾಗಿರುವುದನ್ನು ತೋರಿಸಿ. ತನ್ನ ಗಂಡ ಕರ್ಣ ಎಂಥವನು ಎಂದು ಗೊತ್ತಿರುವ ನಿಧಿ, ಯಾರದ್ದೋ ಮಾತು ಕೇಳಿ ಆತನ ಮೇಲೆ ಪೊಲೀಸ್ ಕಂಪ್ಲೇಂಟ್ ಕೊಡುವ ಮಟ್ಟಿಗೆ ಹೋಗುತ್ತಾಳೆ ಎಂದರೆ ಈ ಕಥೆ ವಿಚಿತ್ರ ಎನ್ನಿಸುತ್ತದೆ. ಆಕೆಗೆ ಅಕ್ಕ ನಿತ್ಯಾ ಮೇಲೆ ಪ್ರೀತಿ ಹೆಚ್ಚೇ ಇರಬಹುದು. ಆದರೆ, ಹಿಂದೆ ಮುಂದೆ ಯೋಚಿಸದೇ ಗಂಡನ ವಿರುದ್ಧವೇ ಕ್ರಮಕ್ಕೆ ಮುಂದಾಗಿರುವುದು ಹಾಸ್ಯಾಸ್ಪದ, ಸ್ವಲ್ಪನಾದರೂ ಬುದ್ಧಿ ಇರುವವರು ಹೀಗೆ ಮಾಡುವುದಿಲ್ಲ ಎಂದೆಲ್ಲಾ ಹೇಳ್ತಿರೋ ಸೀರಿಯಲ್ ಫ್ಯಾನ್ಸ್, ಒಂದೊಳ್ಳೆ ಸೀರಿಯಲ್ ಹಾದಿ ತಪ್ಪಿಸೋದು ಎಂದರೆ ಇದೇ ಎಂದು ಕಿಡಿ ಕಾರುತ್ತಿದ್ದಾರೆ. ಒಂದು ಸೀರಿಯಲ್ ಟ್ವಿಸ್ಟ್ ಮೇಲೆ ಟ್ವಿಸ್ಟ್ ಪಡೆದುಕೊಂಡರೇನೇ ಅದನ್ನು ಮುಂದುವರೆಸಲು ಸಾಧ್ಯ ಎಂದು ಕೆಲವರು ರೊಚ್ಚಿಗೆದ್ದವರನ್ನು ಸಮಾಧಾನ ಮಾಡುತ್ತಿದ್ದಾರೆ. ಇನ್ನು ಸೀರಿಯಲ್ ವಿಷ್ಯಕ್ಕೆ ಬರುವುದಾದರೆ, ನಿಧಿ ಕೊಟ್ಟಿರುವ ದೂರಿನ ಮೇಲೆ ಪೊಲೀಸರು ಕರ್ಣನನ್ನು ಅರೆಸ್ಟ್ ಮಾಡಲು ಬಂದಿದ್ದಾರೆ. ಕೂಡಲೇ ರಮೇಶ್ ತಾನೇ ನಿತ್ಯಾಳನ್ನು ಕೊಲೆ ಮಾಡಿದ್ದು ಎಂದು ಸುಳ್ಳು ಹೇಳಿದ್ದಾನೆ.

ರಾಮನನ್ನು ನೋಡಲು ಹೋದೆ, ರಾವಣ ಇಷ್ಟವಾದ ! ಆಕರ್ಷಣೆಯ ಹಿಂದೆ ಅಡಗಿರುವ ಕಾರಣ ಏನು?

Roopa Hegde — Fri, 13 Nov 2026 13:10:17 +0530

ರಾಮಾಯಣ ಸಿನಿಮಾ ರಿಲೀಸ್‌ ಆಗ್ತಿದ್ದಂತೆ ಸೋಶಿಯಲ್‌ ಮೀಡಿಯಾದಲ್ಲಿ ಪಾತ್ರಧಾರಿಗಳ ಬಗ್ಗೆ ವಿಪರೀತ ಚರ್ಚೆ ಆಗ್ತಿದೆ. ಕೆಲವರಿಗೆ ರಾಮ ಇಷ್ಟವಾದ್ರೆ ಮತ್ತೆ ಕೆಲವರಿಗೆ ರಾವಣ ಇಷ್ಟವಾಗಿದ್ದಾನೆ. ಅನೇಕ ಮಹಿಳೆಯರು ತಮ್ಮ ಪೋಸ್ಟ್ಗಳು ಮತ್ತು ರೀಲ್ಸ್ಗಳಲ್ಲಿ, ನಾವು ರಾಮನನ್ನು ನೋಡಲು ಹೋದೆವು, ಆದರೆ ರಾವಣನ ವ್ಯಕ್ತಿತ್ವಕ್ಕೆ ಫಿದಾ ಆದೆವು ಎಂಬ ಅಭಿಪ್ರಾಯ ಹಂಚಿಕೊಳ್ಳುತ್ತಿದ್ದಾರೆ.

ಸೋಶಿಯಲ್‌ ಮೀಡಿಯಾದಲ್ಲಿ ಮಹಿಳೆಯರು ಪೋಸ್ಟ್‌ ಮಾಡ್ತಿರುವ ಈ ವಿಷ್ಯವನ್ನು ಕೇವಲ ಸಿನಿಮಾ ಕುರಿತ ತಮಾಷೆ ಅಥವಾ ಸೋಷಿಯಲ್ ಮೀಡಿಯಾ ಟ್ರೆಂಡ್ ಅಂತ ನಿರ್ಲಕ್ಷ ಮಾಡ್ದೆ ಅದನ್ನು ಮಾನೋವಿಜ್ಷಾನದ ಜೊತೆ ಹೋಲಿಸಿ ನೋಡೋದು ಮುಖ್ಯ. ಸಿನಿಮಾದಲ್ಲಿ ರಾಮ ಮತ್ತು ರಾವಣನ ಪಾತ್ರಗಳನ್ನು ವಿಭಿನ್ನ ರೀತಿಯಲ್ಲಿ ತೋರಿಸಲಾಗಿದೆ. ರಾಮನ ಸೌಮ್ಯ ಮುಖ, ಕ್ಲೀನ್ ಶೇವ್ ಲುಕ್, ಸಭ್ಯ ಉಡುಗೆ ಮತ್ತು ಸಂಯಮದ ನಡವಳಿಕೆ ಆದರ್ಶ ವ್ಯಕ್ತಿತ್ವವನ್ನು ಪ್ರತಿಬಿಂಬಿಸುತ್ತವೆ. ಮತ್ತೊಂದೆಡೆ ರಾವಣನ ದಟ್ಟವಾದ ಗಡ್ಡ, ಮಸಲ್ಸ್ ಇರುವ ದೇಹ, ಗಂಭೀರ ಧ್ವನಿ, ಡೈಲಾಗ್ ಹೇಳುವಾಗಿನ ಗತ್ತು ಮತ್ತು ಪ್ರಭಾವಶಾಲಿ ಸ್ಕ್ರೀನ್ ಪ್ರೆಸೆನ್ಸ್ ಪ್ರೇಕ್ಷಕರ ಗಮನ ಸೆಳೆಯುತ್ತವೆ.

ರಾವಣನ ವ್ಯಕ್ತಿತ್ವ ಮಹಿಳೆಯರನ್ನು ಆಕರ್ಷಿಸುತ್ತಿರುವುದೇಕೆ?

ಭೋಪಾಲ್ನ ಖ್ಯಾತ ಮನೋವಿಜ್ಞಾನ ತಜ್ಞ ಡಾ. ಸತ್ಯಕಾಂತ್ ತ್ರಿವೇದಿ ಅವರ ಪ್ರಕಾರ, ಇಲ್ಲಿ ಒಂದು ಪ್ರಮುಖ ವ್ಯತ್ಯಾಸವನ್ನು ಅರ್ಥಮಾಡಿಕೊಳ್ಳಬೇಕು. ಒಬ್ಬ ವ್ಯಕ್ತಿಯ ಬಗ್ಗೆ ಆಕರ್ಷಣೆ ಮೂಡುವುದು ಮತ್ತು ಆತನ ನೈತಿಕ ಗುಣಗಳನ್ನು ಗೌರವಿಸುವುದು ಎರಡೂ ಒಂದೇ ರೀತಿಯ ಮನೋವೈಜ್ಞಾನಿಕ ಪ್ರಕ್ರಿಯೆಗಳಲ್ಲ.

ಒಬ್ಬ ವ್ಯಕ್ತಿಯ ದೇಹದ ಆಕಾರ, ಧ್ವನಿ, ಹಾವಭಾವ ಅಥವಾ ಆತ್ಮವಿಶ್ವಾಸ ನಮ್ಮನ್ನು ಆಕರ್ಷಿಸಬಹುದು. ಆದರೆ ಅದರಿಂದ ಅವರ ಆಲೋಚನೆಗಳು ಮತ್ತು ನಡವಳಿಕೆಯನ್ನು ನಾವು ಒಪ್ಪಿಕೊಳ್ಳುತ್ತೇವೆ ಎಂದರ್ಥವಲ್ಲ. ಸಿನಿಮಾದಲ್ಲಿ ಒಂದು ಪಾತ್ರ ಪ್ರಭಾವಶಾಲಿಯಾಗಿ ಕಾಣಿಸಿಕೊಂಡ ಮಾತ್ರಕ್ಕೆ ಅದರ ಗುಣ ಅಥವಾ ನಡವಳಿಕೆಯನ್ನು ಸಮರ್ಥಿಸಿದಂತಾಗುವುದಿಲ್ಲ.

ದೈಹಿಕ ಆಕರ್ಷಣೆಯಲ್ಲಿ ರೂಪ, ಬಣ್ಣ ಮತ್ತು ಹಾವಭಾವಗಳು ಪ್ರಮುಖ ಪಾತ್ರ ವಹಿಸುತ್ತವೆ. ಮಸಲ್ಸ್ ಇರುವ ದೇಹ, ಅಗಲವಾದ ಭುಜಗಳು, ಮುಖದ ಆಕಾರ ಮತ್ತು ಗಂಭೀರ ಧ್ವನಿ ಕೆಲವು ಜನರಲ್ಲಿ ದೈಹಿಕ ಸಾಮರ್ಥ್ಯ, ಆತ್ಮವಿಶ್ವಾಸ ಹಾಗೂ ಸಾಮಾಜಿಕ ಪ್ರಭಾವದ ಭಾವನೆಯನ್ನು ಮೂಡಿಸಬಹುದು. ಆದರೆ ಇಂತಹ ಬಾಹ್ಯ ಲಕ್ಷಣಗಳನ್ನು ನೋಡಿ ಒಬ್ಬ ವ್ಯಕ್ತಿಯ ನಿಜವಾದ ಶಕ್ತಿ, ಸುರಕ್ಷತೆ ನೀಡುವ ಸಾಮರ್ಥ್ಯ ಅಥವಾ ವ್ಯಕ್ತಿತ್ವವನ್ನು ನಿರ್ಧರಿಸಲು ಸಾಧ್ಯವಿಲ್ಲ.

ಈ ಚರ್ಚೆಯ ಮತ್ತೊಂದು ಆಸಕ್ತಿದಾಯಕ ಅಂಶ ಪುರುಷರ ದೈಹಿಕ ರೂಪ ಮತ್ತು ಅವರ ಸ್ವಂತ ಇಮೇಜ್ಗೆ ಸಂಬಂಧಿಸಿದೆ. ಇತ್ತೀಚಿನ ದಿನಗಳಲ್ಲಿ ಜಿಮ್ಗೆ ಹೋಗುವುದು, ಬಾಡಿ ಬಿಲ್ಡಿಂಗ್ ಮಾಡುವುದು, ಗಡ್ಡ ಬೆಳೆಸುವುದು ಮತ್ತು ಗ್ರೂಮಿಂಗ್ಗೆ ಹೆಚ್ಚಿನ ಗಮನ ನೀಡುವುದು ಹೆಚ್ಚಾಗಿದೆ. ಇದನ್ನು ಕೇವಲ ಫ್ಯಾಷನ್ ಎಂದು ಪರಿಗಣಿಸಲು ಸಾಧ್ಯವಿಲ್ಲ. ಆರೋಗ್ಯ ಮತ್ತು ಆತ್ಮವಿಶ್ವಾಸದ ಜೊತೆಗೆ ಸಮಾಜದಲ್ಲಿ ತಮ್ಮ ಇಮೇಜ್ ಉತ್ತಮವಾಗಿರಬೇಕು ಎಂಬ ಬಯಕೆಯೂ ಇದಕ್ಕೆ ಕಾರಣವಾಗಿರಬಹುದು.

ಮನೋವಿಜ್ಞಾನದಲ್ಲಿ ಇದನ್ನು ಸೋಷಿಯಲ್ ವ್ಯಾಲಿಡೇಶನ್ (Social Validation) ಅಂದರೆ ಸಾಮಾಜಿಕ ಮನ್ನಣೆ ಪಡೆಯುವ ಬಯಕೆಗೆ ಹೋಲಿಸಬಹುದು. ಒಬ್ಬ ವ್ಯಕ್ತಿ ತನ್ನನ್ನು ತಾನು ಆಕರ್ಷಕವಾಗಿ ಕಾಣುವುದಷ್ಟೇ ಅಲ್ಲ, ಇತರರು ತನ್ನನ್ನು ಹೇಗೆ ನೋಡುತ್ತಾರೆ ಎಂಬುದನ್ನೂ ತಿಳಿದುಕೊಳ್ಳಲು ಬಯಸುತ್ತಾನೆ. ಸೋಷಿಯಲ್ ಮೀಡಿಯಾ ಈ ಪ್ರವೃತ್ತಿಯನ್ನು ಮತ್ತಷ್ಟು ಹೆಚ್ಚಿಸಿದೆ. ಲೈಕ್ಸ್, ಕಾಮೆಂಟ್ಸ್, ಹೊಗಳಿಕೆ ಮತ್ತು ಇತರರೊಂದಿಗೆ ಹೋಲಿಕೆ ಮಾಡಿಕೊಳ್ಳುವ ಮೂಲಕ ದೈಹಿಕ ಆಕರ್ಷಣೆ ನಿರಂತರವಾಗಿ ಸಾಮಾಜಿಕ ಪ್ರತಿಕ್ರಿಯೆ ಪಡೆಯುವ ಸಾಧನವಾಗಿದೆ.

ಖ್ಯಾತ ಮನೋವಿಜ್ಞಾನ ತಜ್ಞೆ ಡಾ. ವಿಧಿ ಎಂ. ಪಿಲಾನಿಯಾ ಅವರ ಅಭಿಪ್ರಾಯದ ಪ್ರಕಾರ, ಈ ಸಿನಿಮಾಕ್ಕೆ ಸಂಬಂಧಿಸಿದ ಸೋಷಿಯಲ್ ಮೀಡಿಯಾ ಪ್ರತಿಕ್ರಿಯೆಗಳನ್ನು ಮಹಿಳೆಯರ ಆಯ್ಕೆಯಲ್ಲಿ ಆಗುತ್ತಿರುವ ದೊಡ್ಡ ಬದಲಾವಣೆಯ ಪುರಾವೆ ಎಂದು ಪರಿಗಣಿಸುವ ಬದಲು, ಜನಪ್ರಿಯ ಸಂಸ್ಕೃತಿಯಲ್ಲಿ ಪುರುಷತ್ವದ ಚಿತ್ರಣ ಮತ್ತು ಅದಕ್ಕೆ ಪ್ರೇಕ್ಷಕರು ನೀಡುತ್ತಿರುವ ಪ್ರತಿಕ್ರಿಯೆಯಾಗಿ ನೋಡಬೇಕು.

ಪಿಂಕ್ ಲೈನ್ ಮೆಟ್ರೋಗೆ ನರೇಂದ್ರ ಮೋದಿ ಚಾಲನೆ, ನಮ್ಮ ಮೆಟ್ರೋದಲ್ಲಿ ಪ್ರಧಾನಿ ಪ್ರಯಾಣ

Chethan Kumar — Fri, 13 Nov 2026 12:54:00 +0530

ಬೆಂಗಳೂರು (ನ.13) ಹಲವು ಕಾರ್ಯಕ್ರಮಗಳ ನಿಮಿತ್ತ ಬೆಂಗಳೂರಿಗೆ ಆಗಮಿಸಿದ ಪ್ರಧಾನಿ ನರೇಂದ್ರ ಮೋದಿ ಇಂದು ತಾವರೆಕೆರೆ ಮೆಟ್ರೋ ನಿಲ್ದಾಣದಲ್ಲಿ ಪಿಂಕ್ ಲೈನ್ ಮೆಟ್ರೋಗೆ ಚಾಲನೆ ನೀಡಿದ್ದಾರೆ. ಎರಡು ಹಂತದಲ್ಲಿ ನಡೆಯುತ್ತಿರುವ ಕಾಳೇನ ಅಗ್ರಹಾರ ದಿಂದ ನಾಗಾವರ ಮೆಟ್ರೋ ಸೇವೆಯಲ್ಲಿ ಮೊದಲ ಹಂತದ ಕಾಮಗಾರಿ ಪೂರ್ಣಗೊಂಡಿದೆ. ತಾವರೆಕೆರೆ ಮೋಟ್ರೋ ನಿಲ್ದಾಣಕ್ಕೆ ಆಗಮಿಸಿದ ಪ್ರಧಾನಿ ಮೋದಿ ಪಿಂಕ್ ಲೈನ್ ಮೆಟ್ರೋಗೆ ಚಾಲನೆ ನೀಡಿದ್ದಾರೆ.

ಬೆಂಗಳೂರಿನ ಗುಲಾಬಿ ಮಾರ್ಗ ಮೆಟ್ರೋಗೆ ಮೋದಿ ಚಾಲನೆ

ಪಿಂಕ್ ಲೈನ್ ಮೆಟ್ರೋಗೆ ಚಾಲನೆ ನೀಡಿದ ಪ್ರಧಾನಿ ಮೋದಿ ಬಳಿಕ ನಮ್ಮ ಮೆಟ್ರೋದಲ್ಲಿ ಪ್ರಯಾಣ ಬೆಳೆಸಿದ್ದಾರೆ. ಒಟ್ಟು 6 ಕೋಚ್‌ಗಳ ರೈಲಿನಲ್ಲಿ ಗಣ್ಯರ ಜೊತೆ ಮೋದಿ ಪ್ರಯಾಣ ಬೆಳೆಸಿದ್ದಾರೆ. ರಾಜ್ಯಪಾಲ ಡಾ. ಸುಧಾ ಯಾದವ್, ಕರ್ನಾಟಕ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್,ಬೆಂಗಳೂರು ಅಭಿವೃದ್ಧಿ ಸಚಿವ ಕೃಷ್ಣಬೈರೇಗೌಡ, ಸಂಸದ ತೇಜಸ್ವಿ ಸೂರ್ಯ ಪ್ರಯಾಣ ಬೆಳೆಸಿದ್ದಾರೆ.ಇನ್ನು ಪ್ರಧಾನಿ ಕಾರ್ಯಾಲದ ಅಧಿಕಾರಿಗಳು, ಸಿಬ್ಬಂದಿಗಳು, ರಾಜ್ಯ ಅಧಿಕಾರಿಗಳು ಇದೇ ಮೆಟ್ರೋ ರೈಲಿನಲ್ಲಿ ಮೋದಿ ಜೊತೆ ಪ್ರಯಾಣ ಬೆಳೆಸಿದ್ದಾರೆ.

ತಾವರೆಕೆ ಮೆಟ್ರೋ ನಿಲ್ದಾಣದಿಂದ ಬಿಳೇಕಹಳ್ಳಿ ಮೆಟ್ರೋ ನಿಲ್ದಾಣದವರೆಗೆ ಮೋದಿ ಪ್ರಯಾಣ ಬೆಳೆಸಲಿದ್ದಾರೆ. ಮೋದಿ ಜೊತೆ ನಾಲ್ವರು ಗಣ್ಯರು ಪ್ರಯಾಣ ಮಾಡಿದ್ದಾರೆ. ಎಸ್.ಜಿ ಪಾಳ್ಯ ಮೆಟ್ರೋ ನಿಲ್ದಾಣದಿಂದ ಪ್ರಯಾಣ ಆರಂಭಿಸಿದ ಮೋದಿ ಬಿಳೇಕಹಳ್ಳಿ IIMB ಮೆಟ್ರೋ ನಿಲ್ದಾಣದಲ್ಲಿ ಇಳಿದಿದ್ದಾರೆ. ಇಲ್ಲಿಂದ ಮೋದಿ IIMB ಸಂಭಾಗಣಕ್ಕೆ ತೆರಳಲಿದ್ದಾರೆ. ಇಲ್ಲಿ ಹಲವು ಯೋಜನೆಗಳಿಗೆ ಮೋದಿ ಚಾಲನೆ ನೀಡಲಿದ್ದಾರೆ. ಹಲವು ಅಭಿವೃದ್ಧಿ ಕಾರ್ಯಕ್ರಮಗಳಿಗೆ ಮೋದಿ ಚಾಲನೆ ನೀಡಲಿದ್ದಾರೆ. IIMB ಸಂಭಾಗಣದಲ್ಲಿ ಬಿಜೆಪಿ ಹಾಗೂ ಕಾಂಗ್ರೆಸ್ ಕಾರ್ಯಕರ್ತರು ಜಮಾಯಿಸಿದ್ದಾರೆ. ಕೆಲ ಕಾಂಗ್ರೆಸ್ ಕಾರ್ಯಕರ್ತರು ರಾಹುಲ್ ಗಾಂಧಿ ಹಾಗೂ ಡಿಕೆ ಶಿವಕುಮಾರ್ ಪರ ಘೋಷಣೆ ಕೂಗಿದ್ದಾರೆ.

ಬೆಂಗಳೂರಿನ ಪ್ರಶಾಂತಿ ಕುಟೀರದಿಂದ ಹೆಲಿಕಾಪ್ಟರ್ ಮೂಲಕ ಮೋದಿ ಆಗಮಿಸಿದ್ದಾರೆ. ತಾವರೆಕೆರೆ ಮೆಟ್ರೋ ನಿಲ್ದಾಣಕ್ಕೆ ಮೋದಿ ಆಗಮಿಸುತ್ತಿದ್ದಂತೆ ಕಾರ್ಯಕರ್ತು ಮೋದಿ ಮೋದಿ ಘೋಷಣೆ ಕೂಗಿದ್ದಾರೆ. ಮೋದಿ ಆಗಮಿಸುವ ರಸ್ತೆಯ ಬದಿಗಳಲ್ಲಿ ಕಾರ್ಯಕರ್ತರು ಜಮಾಯಿಸಿ ಮೋದಿ ಘೋಷಣೆ ಕೂಗಿದ್ದಾರೆ. ಕಾರ್ಯಕರ್ತರ ಜೋಶ್ ನೋಡಿದ ಮೋದಿ ಕಾರು ನಿಧಾನವಾಗಿ ಸಾಗಿದೆ. ಕಾರ್ಯಕರ್ತರಿಗೆ ಕೈಬೀಸುತ್ತಾ ಮೋದಿ ಸಾಗಿ ತಾವರೆಕೆ ಮೆಟ್ರೋ ನಿಲ್ದಾಣಕ್ಕೆ ಆಗಮಿಸಿದ್ದರು.

ದೋಸೆ ಹುಟ್ಟಿದ್ದು ಎಲ್ಲಿ ಗೊತ್ತಾ? ದಕ್ಷಿಣ ಭಾರತದ ಈ ಫೇವರಿಟ್ ತಿಂಡಿಯ ಹಿಂದಿದೆ ಶತಮಾನಗಳ ರೋಚಕ ಇತಿಹಾಸ!

Ravi Janekal — Fri, 13 Nov 2026 12:52:52 +0530

ಭಾರತೀಯರಲ್ಲಿ ಉತ್ತರ-ದಕ್ಷಿಣ ಎನ್ನದೆ ದೋಸೆ ಅದೆಷ್ಟು ಫೇಮಸ್ ಆಗಿದೆ ಎಂದರೆ ಇಂದು ಬೆಂಗಳೂರಿನಲ್ಲಿ 'ದೋಸೆ ಪಾಯಿಂಟ್' 'ದೋಸೆ ಹಟ್' ದಾವಣಗೆರೆ ದೋಸೆ, ಮಸಾಲೆ ದೋಸೆ ಹೆಸರಲ್ಲೇ ಹೋಟೆಲ್‌ಗಳಿವೆ. ಸಾವಿರಾರು ವರ್ಷಗಳ ಇತಿಹಾಸವಿದೆ ಗೊತ್ತೇ? ದೋಸೆ ಇತಿಹಾಸದ ಕುರಿತು ರೋಚಕ ಮಾಹಿತಿ ಇಲ್ಲಿದೆ.

ಬಂಗಾರದ ಮೈಬಣ್ಣ, ಅಂಚಿನ ಸುತ್ತಲೂ ಗರಿಗರಿ, ಮದ್ಯದಲ್ಲಂತೂ ತುಸು ಉಬ್ಬಿದ ಉದರದೊಳಗೆ ತುಂಬಿಕೊಂಡ ಆಲೂಗಡ್ಡೆ, ತೆಂಗಿನಕಾಯಿ ಚಟ್ನಿ, ಪುಡಿ.. ಪಕ್ಕದಲ್ಲೊಂದಿಷ್ಟು ಸಾಂಬಾರ್.. ಬೆಳಗಿನ ಚುಮುಚುಮು ಚಳಿಯ ನಡುವೆ ತಿಂಡಿಗೆ ಇಷ್ಟು ಇದ್ದುಬಿಟ್ಟರೆ ಜಗತ್ತೇ ಮರೆತು ಹೋಗುತ್ತೆ.

ಹೌದು ಗರಿಗರಿ ಘಮ್ಮೆನ್ನುವ ಮಸಾಲೆ ದೋಸೆ ಯಾರಿಗೆ ತಾನೇ ಇಷ್ಟವಾಗಲ್ಲ? ಭಾರತೀಯರಲ್ಲಿ ಉತ್ತರ ದಕ್ಷಿಣ ಎನ್ನದೆ ಅದೆಷ್ಟು ಫೇಮಸ್ ಆಗಿದೆ ಎಂದರೆ ಇಂದು ಬೆಂಗಳೂರಿನಲ್ಲಿ ದೋಸೆ ಹೆಸರಲ್ಲೇ ಸಾವಿರಾರು ಹೋಟೆಲ್ ಗಳು ಸಿಗುತ್ತವೆ ಇನ್ನು ವಿಜಯನಗರ, ಗಾಂಧಿನಗರ, ನೆಹರು ಸರ್ಕಲ್ ಸ್ಟೀಟ್ ಫುಡ್‌ ಒಳ ಹೊಕ್ಕರಂತೂ ಅಲ್ಲಿ ಮೊದಲಿಗೆ ಕಣ್ಣಿಗೆ ಬೀಳುವುದೇ ದೋಸೆ ಪಾಯಿಂಟ್. ಹೋಟೆಲ್ ಗೆ ಹೋದ್ರೂ ದೋಸೆ, ರೆಸ್ಟೋರೆಂಟ್‌ಗೂ ಹೋದ್ರೂ ದೋಸೆ.. ದೋಸೆಗೆ ಭಾರೀ ಬೇಡಿಕೆ ಇದೆ. ಬರುವ ಗ್ರಾಹಕರು ಮೊದಲು ಕೇಳುವುದೇ ದೋಸೆಯನ್ನೇ. ಬೆಣ್ಣೆ ದೋಸೆ, ಮಸಾಲೆ ದೋಸೆ, ಸೆಟ್ ದೋಸೆ, ನೀರ್ ದೋಸೆ.. ಅಬ್ಬಬ್ಬಾ ಅದರಲ್ಲೂ ಎಷ್ಟೊಂದು ವರೈಟಿ ದೋಸೆಗಳಿವೆ ಅಲ್ವಾ?

ದೋಸೆ ಭಾರತಕ್ಕಷ್ಟೇ ಸೀಮಿತವಾಗಿಲ್ಲ. ಅದೀಗ ವಿದೇಶಗಳಲ್ಲೂ ಜನಪ್ರಿಯವಾಗ್ತಿದೆ. ಭಾರತಕ್ಕೆ ಬರುವ ಪ್ರವಾಸಿಗರು ದೋಸೆ ರುಚಿಗೆ ಮನಸೋತು ತಮ್ಮ ದೇಶಗಳಲ್ಲೂ ದೋಸೆ ಪಾಯಿಂಟ್ ಶುರು ಮಾಡುತ್ತಿದ್ದಾರೆ. ಹೀಗೆ ದೇಶ-ವಿದೇಶಗಳಲ್ಲಿ ಜನಪ್ರಿಯವಾಗಿರುವ ದೋಸೆಗೆ ಮೈಸೂರು ಪಾಕನಂತೆ ತನ್ನದೇ ಆದ ಇತಿಹಾಸವಿದೆ ಎಂಬುದು ಬಹಳ ಜನಕ್ಕೆ ಗೊತ್ತಿಲ್ಲ. ನಾವೀಗ ತಿನ್ನುವ ದೋಸೆಯ ಹಿಂದೆ ಸಾವಿರ ವರ್ಷಗಳಿಗೂ ಹಳೆಯ ಇತಿಹಾಸವಿದೆ. ದೋಸೆ ಶುದ್ಧ ದಕ್ಷಿಣ ಭಾರತೀಯ ಸಂಪ್ರದಾಯದ ಅಡುಗೆ ಮನೆಯಲ್ಲಿ ಹುಟ್ಟಿ, ಕಾಲ ಕಳೆದಂತೆ ಹೇಗೆ ವಿಶ್ವಪ್ರಸಿದ್ಧಿಯಾಯ್ತು? ಅದರ ಗರಿಗರಿ, ವಿಶಿಷ್ಟ ಸ್ವಾದದ ಹಿಂದಿನ ರಹಸ್ಯವೇನು ಅನ್ನೋದು ಇಲ್ಲಿ ತಿಳಿಯಿರಿ.

ದೋಸೆಗಿದೆ ಸಾವಿರಾರು ವರ್ಷಗಳ ಇತಿಹಾಸ!

ದೋಸೆಯ ಮೂಲ ಹುಡುಕುತ್ತ ಹೋದರೆ ಅದು 50-60 ವರ್ಷಕ್ಕಲ್ಲ, ನಿಮ್ಮನ್ನು ಸಾವಿರ ವರ್ಷಗಳ ಹಿಂದಕ್ಕೆ ಕರೆದೊಯ್ಯುತ್ತದೆ. ಅಚ್ಚರಿ ಆಯ್ತಾ? ಹೌದು ದೋಸೆ ಅಷ್ಟು ಪ್ರಾಚೀನವಾದದ್ದು. ಇವತ್ತು ನಾವು ತಿನ್ನುವ ದೋಸೆ ಸಾವಿರ ವರ್ಷಗಳ ಹಿಂದೆಯೇ ಕರ್ನಾಟಕ ತಮಿಳನಾಡು ಭಾಗದಲ್ಲಿ ಮಾಡಲಾಗುತ್ತಿತ್ತು. ಆದರೆ ಆಗಿನ ದೋಸೆ ಈಗಿನಂತೆ ತೆಳ್ಳಗೆ ಗರಿಗರಿಯಾಗುತ್ತಿರಲಿಲ್ಲ. ಬದಲಾಗಿ ಸ್ವಲ್ಪ ದಪ್ಪವಾಗಿರುತ್ತಿತ್ತು. ಮುಖ್ಯವಾಗಿ ಆಗಲೂ ಅಕ್ಕಿಯಿಂದಲೇ ತಯಾರಿಸಲಾಗುತ್ತಿತ್ತು. ಆ ಕಾಲಕ್ಕೂ ದೋಸೆ ವಿಶೇಷ ತಿಂಡಿಯೇನು ಆಗಿರಲಿಲ್ಲ.. ದಿನಾ ತಿನ್ನುವ ಬೆಳಗಿನ ತಿಂಡಿಗಳಲ್ಲೊಂದಾಗಿತ್ತು.

ದೋಸೆಗೆ ಸಾವಿರ ವರ್ಷಗಳಷ್ಟು ಇತಿಹಾಸವಿದೆ ಎಂಬುದಕ್ಕೆ ಸಾಕ್ಷಿಯಿದೆ. ದೋಸೆಗೆ ಸಂಬಂಧಿಸಿದಂತೆ 12ನೇ ಶತಮಾನದಲ್ಲಿ ರಚಿಸಲಾದ ಸಂಸ್ಕೃತದ 'ಮಾನಸೋಲ್ಲಾಸ' ಗ್ರಂಥದಲ್ಲೂ ದೋಸೆಯನ್ನು ಹೋಲುವ ಆಹಾರದ ಉಲ್ಲೇಖವಿದೆ. ಮಾನಸೋಲ್ಲಾಸ ಗ್ರಂಥವನ್ನು ಪಶ್ಚಿಮ ಚಾಲುಕ್ಯರ ಅರಸ ಮೂರನೇ ಸೋಮೇಶ್ವರನ ಆಳ್ವಿಕೆಯಲ್ಲಿ ರಚಿಸಲಾಗಿದೆ. ಅದರ ಬರೆದಿರುವಂತೆ, ಆ ಕಾಲಕ್ಕೆ ಅಕ್ಕಿಯನ್ನು ಹುದುಗಿಸಿ ತಯಾರಿಸಿ ತಿನ್ನುತ್ತಿದ್ದ ಬಗ್ಗೆ ಬರೆಯಲಾಗಿದೆ. ಅಂದರೆ ಹನ್ನೆರಡನೇ ಶತಮಾನದಲ್ಲೇ ದೋಸೆಯನ್ನು ಹೋಲುವ ತಿನಿಸು ರಾಜಮನೆತನದ ಅಡುಗೆ ಮನೆಯಲ್ಲೂ ಸ್ಥಾನ ಪಡೆದಿತ್ತು ಎಂದಾಯಿತು.

ದೋಸೆದೋಸೆಯ ರುಚಿ, ಗರಿಗರಿ, ಸ್ವಾದದ ಹಿಂದಿನ ರಹಸ್ಯವೇನು?

ಯ ಸ್ವರೂಪ, ರುಚಿ ಇಂದು ತುಂಬಾ ಬದಲಾಗಿದೆ. ಸಾಕಷ್ಟು ವರೈಟಿಗಳು ಬಂದಿವೆ. ಆದರೆ ಇದೆಲ್ಲದರ ಬದಲಾವಣೆಯ ಹಿಂದೆ ಹುದುಗಿಸುವ ಪ್ರಕ್ರಿಯೆ ಪ್ರಮುಖ ಪಾತ್ರ ವಹಿಸಿದೆ. ಆರಂಭದಲ್ಲಿ ಕೇವಲ ಅಕ್ಕಿಯಿಂದ ತಯಾರಿಸುತ್ತಿದ್ದ ದೋಸೆಗೆ ನಂತರ ಉದ್ದಿನ ಬೇಳೆಯನ್ನು ಸೇರಿಸಲಾಯಿತು. ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ನೆನೆಸಿ, ರುಬ್ಬಿ ಹಿಟ್ಟನ್ನು ತಯಾರಿಸಿ ಕೆಲವು ಗಂಟೆಗಳ ಕಾಲ ಹುದುಗಲು ಬಿಟ್ಟು ತಯಾರಿಸಲಾಗುತ್ತದೆ.

ಸಾಮಾನ್ಯವಾಗಿ ಬೆಳಗಿನ ತಿಂಡಿಗೆ ರಾತ್ರಿಯೇ ನೆನೆಸಿಡಲಾಗುತ್ತದೆ. ಇದರಿಂದ ಏಳೆಂಟು ಕಾಲ ಹುದುಗಿದ ಬಳಿಕ ಹಿಟ್ಟಿಗೆ ಸ್ವಲ್ಪ ಹುಳಿ ರುಚಿ ಬರುತ್ತದೆ. ಜೊತೆಗೆ ಹಿಟ್ಟು ಹಗುರವಾಗಿ ಗಾಳಿಯ ಗುಳ್ಳೆಗಳು ಏಳುತ್ತವೆ. ದೋಸೆಯನ್ನು ತಯಾರಿಸಿದಾಗ ಅದಕ್ಕೆ ವಿಶಿಷ್ಟ ರುಚಿ, ಮೇಲಿನ ರಂಧ್ರಗಳಿಂದಾಗಿ ವಿಶಿಷ್ಟವಾಗಿ ಕಾಣುತ್ತದೆ. ಇಂದು ನಾವು ಸವಿಯುವ ದೋಸೆ, ಅದರ ರುಚಿ, ಆಕಾರ ಏನೇ ಇರಲಿ, ಆದರೆ ಆಧುನಿಕ ಆಹಾರ ವಿಜ್ಞಾನ ಬೆಳೆಯುವ ಮೊದಲೇ ನಮ್ಮ ಹಿರಿಯರು ಇಂತಹ ನೈಸರ್ಗಿಕ ಪ್ರಕ್ರಿಯೆಯನ್ನು ಅಡುಗೆಯಲ್ಲಿ ಬಳಸುತ್ತಿದ್ದರು ಎಂಬುದೇ ವಿಶೇಷ ಅನ್ನಿಸಲ್ವೇ?

ದೋಸೆಯನ್ನ ಹಿಟ್ಟಿನಲ್ಲಿ ಕಲಸಿ, ಆ ಕ್ಷಣವೇ ದೋಸೆ ಮಾಡುವುದಿಲ್ಲ. ದೋಸೆಗೆ ಅದರದ್ದೇ ರೆಸಿಪಿ ಇದೆ. ಅದರಂತೆಯೇ ಮಾಡಬೇಕು. ಮೊದಲಿಗೆ ದೋಸೆ ಹಿಟ್ಟಿನ ತಯಾರಿಕೆ ಕೇವಲ ಅಕ್ಕಿ ಮತ್ತು ಬೇಳೆಯನ್ನು ರುಬ್ಬುವುದಕ್ಕೆ ಸೀಮಿತವಾಗಿಲ್ಲ. ಹುದುಗುವಿಕೆಯೇ ಅದರ ಪ್ರಮುಖ ಹಂತ. ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು ರುಬ್ಬಿದ ನಂತರ ಹಿಟ್ಟನ್ನು ಬೆಚ್ಚಗಿನ ವಾತಾವರಣದಲ್ಲಿ ಇಡಲಾಗುತ್ತದೆ. ಆಗ ಅದರಲ್ಲಿರುವ ನೈಸರ್ಗಿಕ ಸೂಕ್ಷ್ಮಜೀವಿಗಳು ಚಟುವಟಿಕೆಯಿಂದಾಗಿ ಹಿಟ್ಟಿನ ಪ್ರಮಾಣ ಸ್ವಲ್ಪ ಹೆಚ್ಚಾಗಿ, ಅದು ಹಗುರವಾಗುತ್ತದೆ. ರುಚಿಯಲ್ಲೂ ಬದಲಾವಣೆಯಾಗುತ್ತದೆ. ಹೀಗೆ ಸಿದ್ಧವಾದ ಹಿಟ್ಟನ್ನು ಕಾದ ಕಾವಲಿಗೆ ತೆಳುವಾಗಿ ಹರಡಿದಾ ಅದರ ಮೇಲ್ಮೈ ಬಂಗಾರದ ಬಣ್ಣದ, ಅಂಚಿನಲ್ಲಿ ಗರಿಗರಿಯಾದ ದೋಸೆ ರೆಡಿಯಾಗುತ್ತದೆ.

ದೋಸೆ ಒಂದೊಂದು ರಾಜ್ಯದಲ್ಲೂ ಒಂದೊಂದು ರುಚಿ!

ಸಾಮಾನ್ಯವಾಗಿ ಅನ್ನ, ಚಿನ್ನಾನ್ನ, ಉಪ್ಪಿಟ್ಟು ಇವೆಲ್ಲ ಯಾವ ದೇಶಕ್ಕೂ ಹೋದ್ರೂ ರುಚಿ ಬದಲಾಗುವುದಿಲ್ಲ. ಆದ್ರೆ ದೋಸೆ ಮಾತ್ರ ಒಂದು ರಾಜ್ಯದಲ್ಲೂ ಒಂದೊಂದು ರುಚಿ ಸಿಗುತ್ತದೆ. ಇದಕ್ಕೆ ಕಾರಣವೇಂದರೆ ಅಲ್ಲಿನ ಜನರ ಆಹಾರ ಪದ್ಧತಿಗೆ ಅನುಗುಣವಾಗಿ ಹೊಸ ರೂಪಗಳನ್ನು ಪಡೆಯುತ್ತದೆ. ಕರ್ನಾಟಕದಲ್ಲಿ ಮಸಾಲೆ ದೋಸೆ ವಿಶೇಷ ಜನಪ್ರಿಯತೆ ಗಳಿಸಿತು. ಆಲೂಗಡ್ಡೆ ಪಲ್ಯವನ್ನು ದೋಸೆಯ ಒಳಗೆ ತುಂಬಿ ತಯಾರಿಸುವ ಈ ಖಾದ್ಯ ಇಂದು ದೇಶಾದ್ಯಂತ ಪ್ರಸಿದ್ಧವಾಗಿದೆ. ಅದೇ ಆಂಧ್ರಪ್ರದೇಶಕ್ಕೆ ಹೋದರೆ ಅಲ್ಲಿ ಖಾರವಾದ ಚಟ್ನಿಯನ್ನ ದೋಸೆ ಒಳಗೆ ತುಂಬಲಾಗುತ್ತೆ. ತಮಿಳನಾಡಿಗೆ ಹೋದರೆ ಅದರ ರುಚಿಯೇ ಬೇರೆ, ಕೇರಳಕ್ಕೆ ಹೋದರಂತೆ ಅಲ್ಲಿನ ದೋಸೆ ರುಚಿ ಮತ್ತೆ ಮತ್ತೆ ಸವಿಯಬೇಕೆನಿಸುವಷ್ಟು ರುಚಿಯಾಗಿರುತ್ತದೆ. ಹೀಗೆ ಒಂದೇ ದೋಸೆ ಆಯಾ ಪ್ರದೇಶದ ಆಹಾರ ಸಂಸ್ಕೃತಿ ಮತ್ತು ಸ್ಥಳೀಯ ಪದಾರ್ಥಗಳಿಗೆ ಅನುಗುಣವಾಗಿ ರುಚಿ, ಸ್ವಾದ, ಆಕಾರ ಬದಲಾಗುತ್ತಲೇ ಹೋಗುತ್ತದೆ.

20ನೇ ಶತಮಾನದಲ್ಲಿ ದೋಸೆಯ ಜನಪ್ರಿಯತೆ ಮತ್ತಷ್ಟು ಹೆಚ್ಚಾಯಿತು. ಉದ್ಯೋಗ ಮತ್ತು ಜೀವನೋಪಾಯಕ್ಕಾಗಿ ದಕ್ಷಿಣ ಭಾರತದ ಜನರು ದೇಶದ ವಿವಿಧ ನಗರಗಳಿಗೆ ವಲಸೆ ಹೋದರು. ಇದರೊಂದಿಗೆ ದಕ್ಷಿಣ ಭಾರತದ ಹೋಟೆಲ್‌ಗಳು ಮತ್ತು ರೆಸ್ಟೋರೆಂಟ್‌ಗಳ ಸಂಖ್ಯೆಯೂ ಹೆಚ್ಚಾಯಿತು. ಇದರ ಪರಿಣಾಮವಾಗಿ ದೋಸೆ ದಕ್ಷಿಣ ಭಾರತಕ್ಕೆ ಮಾತ್ರ ಸೀಮಿತವಾಗದೆ, ದೇಶದ ಇತರ ಭಾಗಗಳಿಗೂ ಪರಿಚಯವಾಯಿತು. ನಂತರ ವಿದೇಶಗಳಲ್ಲೂ ದೋಸೆ ತನ್ನದೇ ಆದ ಅಭಿಮಾನಿಗಳನ್ನು ಸಂಪಾದಿಸಿತು.

ಇಂದು ದೋಸೆ ಹಲವು ಹೊಸ ರೂಪಗಳಲ್ಲಿ ನಮ್ಮ ಮುಂದೆ ಬರುತ್ತಿದೆ. ರಾಗಿ ದೋಸೆ, ಸಿರಿಧಾನ್ಯಗಳ ದೋಸೆ, ಮಸಾಲೆ ದೋಸೆ ಸೇರಿದಂತೆ ಹಲವು ಬಗೆಯ ದೋಸೆಗಳು ಜನರ ಮೆಚ್ಚುಗೆ ಗಳಿಸಿವೆ. ಪಾಶ್ಚಾತ್ಯ ಖಾದ್ಯಗಳ ಪ್ರಭಾವದಿಂದ ಹೊಸ ಹೊಸ ಫ್ಯೂಷನ್ ದೋಸೆಗಳೂ ಹುಟ್ಟಿಕೊಂಡಿವೆ. ಹೀಗೆ ಸಾವಿರ ವರ್ಷಗಳ ಹಿಂದಿನ ಸರಳ ಆಹಾರವೊಂದು ಕಾಲಕ್ಕೆ ತಕ್ಕಂತೆ ಬದಲಾಗುತ್ತಾ, ತನ್ನ ಮೂಲ ರುಚಿ ಮತ್ತು ಪರಂಪರೆಯನ್ನು ಉಳಿಸಿಕೊಂಡು ಇಂದು ವಿಶ್ವದಾದ್ಯಂತ ಜನಪ್ರಿಯವಾಗಿದೆ. ದೋಸೆ ಕೇವಲ ಒಂದು ಉಪಾಹಾರವಲ್ಲ, ಅದು ದಕ್ಷಿಣ ಭಾರತದ ಆಹಾರ ಸಂಸ್ಕೃತಿಯ ಹೆಮ್ಮೆಯ ಸಂಕೇತವೂ ಹೌದು!

"70 ವರ್ಷವಾದ್ರೂ ತಾಯಿ ತರ ಕಾಣಲ್ಲ" ಎಂದ ಅನು ಪ್ರಭಾಕರ್... 'ಗೌರಿಪುತ್ರ' ಸೆಟ್‌ನಲ್ಲಿ ಸಹನಟಿಯರೇ ಶಾಕ್ ಆಗಿದ್ದರಂತೆ!

Ashwini HR — Fri, 13 Nov 2026 12:51:24 +0530

ಕನ್ನಡದ ಜನಪ್ರಿಯ ನಟಿ ಅನು ಪ್ರಭಾಕರ್ ತಮ್ಮ ದೈಹಿಕ ಸದೃಢತೆ ಹಾಗೂ ಚಿರಯೌವನದ ಗುಟ್ಟನ್ನು ಹಂಚಿಕೊಂಡಿದ್ದಾರೆ. "ನನಗೆ ಎಪ್ಪತ್ತು ವರ್ಷವಾದರೂ ನಾನು ವಯಸ್ಸಾದ ತಾಯಿಯಂತೆ ಕಾಣುವುದಿಲ್ಲ" ಎಂದು ಹಾಸ್ಯಮಯವಾಗಿ ಹಾಗೂ ಆತ್ಮವಿಶ್ವಾಸದಿಂದ ನುಡಿದಿರುವ ಅವರು, ತಮ್ಮ ಈ ಉತ್ಸಾಹ ಮತ್ತು ಫಿಟ್‌ನೆಸ್‌ಗೆ ನಿಯಮಿತ ಯೋಗಾಭ್ಯಾಸ ಹಾಗೂ ಮಾನಸಿಕ ಸಂತೋಷವೇ ಪ್ರಮುಖ ಕಾರಣ ಎಂದು ತಿಳಿಸಿದ್ದಾರೆ.

"ತಮ್ಮನ್ನು ತಾವು ಚೆನ್ನಾಗಿ ನೋಡಿಕೊಳ್ಳಬೇಕು"

ಇತ್ತೀಚೆಗೆ ಕಾರ್ಯಕ್ರಮವೊಂದರಲ್ಲಿ ನೆರೆದಿದ್ದವರ ಚಪ್ಪಾಳೆಗಳ ನಡುವೆ ಮಾತನಾಡಿದ ಅನು ಪ್ರಭಾಕರ್, 'ಗೌರಿಪುತ್ರ' ಚಿತ್ರೀಕರಣದ ಸೆಟ್‌ನಲ್ಲಿ ನಡೆದ ಸ್ವಾರಸ್ಯಕರ ಘಟನೆಯನ್ನು ಮೆಲುಕು ಹಾಕಿದರು. ಪ್ರಕಾಶ್, ಜಯಲಕ್ಷ್ಮಿ ಮೇಡಂ, ರಮೇಶ್ ಸರ್ ಸೇರಿದಂತೆ ಇಡೀ ತಂಡದೊಂದಿಗೆ ದೃಶ್ಯವೊಂದರ ಚಿತ್ರೀಕರಣ ನಡೆಯುತ್ತಿದ್ದಾಗ, ತಾವು ಯಾವುದೇ ಆಯಾಸವಿಲ್ಲದೆ ಬಹಳ ಆರಾಮವಾಗಿ ನೆಲದ ಮೇಲೆ ಕುಳಿತು ಅಭಿನಯಿಸುತ್ತಿದ್ದುದನ್ನು ಕಂಡು ಸಹನಟಿಯರು ಅಚ್ಚರಿಪಟ್ಟಿದ್ದರು ಎಂದು ಹೇಳಿದರು.

ಸೆಟ್‌ನಲ್ಲಿದ್ದ ನಟಿ ಶ್ರೇಯಾ ಹಾಗೂ ದೇವೇಂದ್ರನ ಪತ್ನಿಯ ಪಾತ್ರ ನಿರ್ವಹಿಸುತ್ತಿರುವ ವಿದ್ಯಾ ಅವರು, "ನೀವು ಯೋಗ ಮಾಡುತ್ತೀರಾ? ಇಷ್ಟು ಆರಾಮಾಗಿ ನೆಲದ ಮೇಲೆ ಕುಳಿತುಕೊಂಡು ಹೇಗೆ ದೃಶ್ಯಗಳನ್ನು ಮಾಡುತ್ತೀರಿ?" ಎಂದು ಕುತೂಹಲದಿಂದ ಪ್ರಶ್ನಿಸಿದ್ದರಂತೆ.

ಇದೇ ವೇಳೆ, ಕೆಲವು ಮಹಿಳಾ ಪತ್ರಕರ್ತರೂ ಸಹ ತಮಗೆ "ಮೇಡಂ, ನಿಮ್ಮ ವಯಸ್ಸು ರಿವರ್ಸ್ ಆಗುತ್ತಿದೆ (ಹಿಂದಕ್ಕೆ ಹೋಗುತ್ತಿದೆ)" ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದನ್ನು ನಟಿ ಸಂತಸದಿಂದ ಸ್ಮರಿಸಿದರು.

ತಮ್ಮ ಆರೋಗ್ಯದ ಕಾಳಜಿಯ ಬಗ್ಗೆ ಮಾತನಾಡುತ್ತಾ, 'ಗೌರಿಪುತ್ರ'ದಲ್ಲಿ ರಾಮ್‌ಜಿ ಅವರು ಹೇಳಿಸಿರುವ ಅರ್ಥಪೂರ್ಣ ಸಂಭಾಷಣೆಯನ್ನು ಅನು ಪ್ರಭಾಕರ್ ಉಲ್ಲೇಖಿಸಿದರು. "ಹೆಣ್ಣುಮಕ್ಕಳು ಮೊದಲು ತಮ್ಮನ್ನು ತಾವು ಚೆನ್ನಾಗಿ ನೋಡಿಕೊಳ್ಳಬೇಕು. ಆಗ ಮಾತ್ರ ನಮ್ಮ ಜೊತೆಗಿರುವ ಇಡೀ ಕುಟುಂಬವನ್ನು ಸಮರ್ಥವಾಗಿ ಕಾಳಜಿ ಮಾಡಲು ಸಾಧ್ಯ" ಎಂಬ ಮಹತ್ವದ ಸಂದೇಶವನ್ನು ಅವರು ನೀಡಿದರು.

ಅಭಿಮಾನಿಗಳಿಗೆ ಮನವಿ

ಯೋಗದ ಜೊತೆಗೆ ಸಮಗ್ರ ಆರೋಗ್ಯದ ಕಡೆಗೆ ಗಮನ ಹರಿಸುವುದಾಗಿ ತಿಳಿಸಿದ ಅವರು, "ಜೀವನದಲ್ಲಿ ನಾವು ಮುಖ್ಯವಾಗಿ ಖುಷಿಯಾಗಿದ್ದರೆ ಆ ಸಂತೋಷವೇ ಮುಖದ ಮೇಲೆ ಕಾಣುತ್ತದೆಯೇ ಹೊರತು ವಯಸ್ಸು ಕಾಣುವುದಿಲ್ಲ" ಎಂಬುದು ತಮ್ಮ ಬಲವಾದ ನಂಬಿಕೆ ಎಂದು ಹೇಳಿದರು. ಕೊನೆಯದಾಗಿ, ಪ್ರೇಕ್ಷಕರ ಪ್ರೀತಿಗೆ ಧನ್ಯವಾದ ಅರ್ಪಿಸಿದ ಅನು ಪ್ರಭಾಕರ್, 'ಗೌರಿಪುತ್ರ'ದಲ್ಲಿ ತಾವೆಲ್ಲರೂ ಸೇರಿ ಸಾಕಷ್ಟು ಆಸಕ್ತಿದಾಯಕ ವಿಷಯಗಳನ್ನು ಮಾಡುತ್ತಿದ್ದು, ಅಭಿಮಾನಿಗಳು ಅದನ್ನು ನೋಡಿ ಆನಂದಿಸುವಂತೆ ಮನವಿ ಮಾಡಿದರು.

ಶ್ರಮ ಬೇಡುವ ವೃತ್ತಿ

ದಶಕಗಳಿಂದ ಕನ್ನಡ ಬೆಳ್ಳಿತೆರೆ ಹಾಗೂ ಕಿರುತೆರೆಯಲ್ಲಿ ತಮ್ಮ ಸಹಜ ಅಭಿನಯದ ಮೂಲಕ ಮನೆಮಾತಾಗಿರುವ ಅನು ಪ್ರಭಾಕರ್, ಕಾಲಕಾಲಕ್ಕೆ ತಮ್ಮ ಪಾತ್ರಗಳ ಮೂಲಕ ಪ್ರೇಕ್ಷಕರ ಮನಗೆದ್ದವರು. ಸಾಮಾನ್ಯವಾಗಿ ಚಿತ್ರರಂಗದಲ್ಲಿ ವರ್ಷಗಳು ಉರುಳಿದಂತೆ ಕಲಾವಿದರು ತಮ್ಮ ಫಿಟ್‌ನೆಸ್ ಮತ್ತು ಲವಲವಿಕೆಯನ್ನು ಕಾಯ್ದುಕೊಳ್ಳುವುದು ದೊಡ್ಡ ಸವಾಲಾಗಿರುತ್ತದೆ. ಆದರೆ, ಶಿಸ್ತುಬದ್ಧ ಜೀವನಶೈಲಿ ಹಾಗೂ ಆರೋಗ್ಯದ ಬಗೆಗಿನ ಕಾಳಜಿಯ ಮೂಲಕ ಅನು ಪ್ರಭಾಕರ್ ಅವರು ಇಂದಿಗೂ 'ಎವರ್‌ಗ್ರೀನ್' ನಟಿಯಾಗಿ ಗುರುತಿಸಿಕೊಂಡಿದ್ದು, ಹೊಸ ಪೀಳಿಗೆಯ ಕಲಾವಿದರಿಗೂ ಮಾದರಿಯಾಗಿ ನಿಂತಿದ್ದಾರೆ.

ನಟನಾ ಕ್ಷೇತ್ರವು ದೈಹಿಕವಾಗಿ ಹಾಗೂ ಮಾನಸಿಕವಾಗಿ ಸಾಕಷ್ಟು ಶ್ರಮ ಬೇಡುವ ವೃತ್ತಿಯಾಗಿದೆ. ಗಂಟೆಗಟ್ಟಲೆ ನಡೆಯುವ ಚಿತ್ರೀಕರಣದ ಒತ್ತಡದ ನಡುವೆಯೂ ದಣಿವರಿಯದೆ ಕೆಲಸ ಮಾಡಲು ಯೋಗ ಮತ್ತು ಧ್ಯಾನಗಳು ಅತ್ಯುತ್ತಮ ಸಾಧನಗಳಾಗಿವೆ. ನಿಯಮಿತ ಯೋಗಾಭ್ಯಾಸದಿಂದ ದೇಹದ ಕೀಲುಗಳು ಮತ್ತು ಸ್ನಾಯುಗಳ ಸ್ಥಿತಿಸ್ಥಾಪಕತ್ವ (Flexibility) ಹೆಚ್ಚುತ್ತದೆ. ಇದರಿಂದಾಗಿ ನೆಲದ ಮೇಲೆ ಆರಾಮಾಗಿ ಕುಳಿತುಕೊಳ್ಳುವುದು ಮತ್ತು ಚುರುಕಾಗಿ ಕೆಲಸ ಮಾಡುವುದು ಸುಲಭವಾಗುತ್ತದೆ. ಅಲ್ಲದೆ, ಒತ್ತಡರಹಿತ ಮನಸ್ಸು ಹಾಗೂ ಸಕಾರಾತ್ಮಕ ಚಿಂತನೆಯು ಮುಖದ ಕಾಂತಿಯನ್ನು ಸಹಜವಾಗಿಯೇ ಹೆಚ್ಚಿಸುತ್ತದೆ ಎಂಬುದನ್ನು ಅನು ಅವರ ಮಾತುಗಳು ಮತ್ತೊಮ್ಮೆ ಸಾಬೀತುಪಡಿಸಿವೆ.

ಮಕ್ಕಳ ಮದುವೆ ದಿನ ವರನ ಅಪ್ಪನ ಜೊತೆ ವಧುವಿನ ಅಮ್ಮ ಎಸ್ಕೇಪ್: ಮದ್ವೆ ಕ್ಯಾನ್ಸಲ್- ಮುಂದೇನಾಯ್ತು ನೋಡಿ

Suchethana D — Fri, 13 Nov 2026 12:46:49 +0530

ವಡೋದರಾ (ಗುಜರಾತ್): ಅಂದು ಮದುವೆಯ ಸಂಭ್ರಮ. ಹಿಮ್ಮತ್ ಪಟೇಲ್ ಮತ್ತು ಶೋಭನಾ ರಾವಲ್ ಅವರ ಮಗ ಮತ್ತು ಮಗಳು ಮದುವೆಯಾಗಲು ಸಿದ್ಧರಿದ್ದರು. ನೆಂಟರಿಷ್ಟರೆಲ್ಲರೂ ಮದುವೆಗೆ ಬಂದಿದ್ದರು. ಮಂಟಪ ರೆಡಿಯಾಗಿತ್ತು. ಮದುವೆಯ ಕಾರ್ಯಗಳೂ ಭರ್ಜರಿಯಿಂದ ಸಾಗಿದ್ದವು. ಮದುಮಕ್ಕಳು ತಮ್ಮ ದಾಂಪತ್ಯದ ಕನಸು ಕಾಣುತ್ತಿದ್ದರು. ಎಲ್ಲವೂ ನಿಗದಿಯಂತೇ ನಡೆಯುತ್ತಿದ್ದವು. ಇನ್ನೇನು ಮುಹೂರ್ತ ಹತ್ತಿರ ಬಂದಾಗ ಕಲ್ಯಾಣ ಮಂಟಪದಲ್ಲಿ ಕೋಲಾಹಲ ಶುರುವಾಯ್ತು. ಇತ್ತ ವರನ ಅಪ್ಪ ಕಾಣೆಯಾಗಿದ್ರೆ ಅಪ್ಪ ವಧುವಿನ ಅಮ್ಮ ಕಾಣೆಯಾಗಿದ್ದಳು. ಮದುವೆಯನ್ನು ಮುಂದೆ ನಿಂತು ಮಾಡಿಸಬೇಕಾದವರು ಎಲ್ಲಿ ಹೋದರು ಎಂದು ಎಲ್ಲರೂ ಹುಡುಕಾಟ ನಡೆಸಿದಾಗ ಗೊತ್ತಾಗಿದ್ದು, ಅವರಿಬ್ಬರೂ ಓಡಿ ಹೋಗಿದ್ದಾರೆ ಎಂದು!

ಆ ಕ್ಷಣದಲ್ಲಿ ಎಲ್ಲವೂ ಅಲ್ಲೋಲ, ಕಲ್ಲೋಲವಾಯಿತು. ಮದುವೆ ನಿಂತು ಹೋಯಿತು. ಓಡಿ ಹೋದವರನ್ನು ಹುಡಕಲು ಶುರು ಮಾಡಿದರು. ಇದು ನಡೆದದ್ದು ಗುಜರಾತ್ನಲ್ಲಿ. ಎಷ್ಟು ಹುಡುಕಿದರೂ ಓಡಿ ಹೋದವರು ಸಿಗದೇ ಮದುವೆಯನ್ನು ಕ್ಯಾನ್ಸಲ್ ಮಾಡಿ ಎರಡೂ ಮನೆಯವರು ವಾಪಸ್ ಮನೆಗೆ ಹೋದ ಘಟನೆ ನಡೆದಿದೆ. ಕೆಲ ವರ್ಷಗಳ ಹಿಂದೆ ನಡೆದ ಈ ಘಟನೆಯ ವಿಷ್ಯ ಇದೀಗ ಮತ್ತೆ ವೈರಲ್ ಆಗಲು ಕಾರಣ, ಕೊನೆಗೂ ಭೂಗತರಾಗಿದ್ದ ಓಡಿಹೋದ ಪೊಲೀಸರ ಕಾಟ ತಾಳಲಾಗದೇ ಪೊಲೀಸರ ಮುಂದೆ ಶರಣಾಗಿದ್ದರಿಂದ!

ಬಾಲ್ಯದ ಸ್ನೇಹಿತರು

ಅಷ್ಟಕ್ಕೂ ಆಗಿದ್ದೇನೆಂದರೆ, ಹಿಮ್ಮತ್ ಪಟೇಲ್ ಮತ್ತು ಶೋಭನಾ ರಾವಲ್ ಇಬ್ಬರೂ ಬಾಲ್ಯದ ಸ್ನೇಹಿತರು. ಅಕ್ಕ-ಪಕ್ಕದ ಮನೆಯವರಾಗಿದ್ದರು. ಈ ಸ್ನೇಹ ಪ್ರೀತಿಗೂ ತಿರುಗಿತ್ತು. ಆದರೆ, ಮನೆಯಲ್ಲಿ ಮದುವೆಗೆ ಒಪ್ಪಿರಲಿಲ್ಲ. ಇಬ್ಬರಿಗೂ ಬೇರೆ ಬೇರೆಯವರನ್ನು ಕೊಟ್ಟು ಮದುವೆ ಮಾಡಲಾಗಿತ್ತು. ಹಿಮ್ಮತ್ ಅವರಿಗೆ ಮಗ ಹುಟ್ಟಿದ, ಶೋಭನಾ ಅವರಿಗೆ ಮಗಳು ಹುಟ್ಟಿದಳು. ವಯಸ್ಸು ಎಷ್ಟೇ ಆದರೂ, ಮೊದಲ ಪ್ರೀತಿ ಹೋಗುವುದಾದರೂ ಹೇಗೆ? ಇಬ್ಬರಲ್ಲಿಯೂ ಆ ಬಾಲ್ಯದ ನೆನಪು, ಪ್ರೀತಿಯ ದಿನಗಳು, ಒಟ್ಟಿಗೆ ಓಡಾಡಿದ್ದು ಎಲ್ಲವೂ ಇನ್ನೂ ಹಚ್ಚ ಹಸಿರಾಗಿಯೇ ಇತ್ತು. ಬೇರೆಯವರ ಗಂಡ- ಹೆಂಡತಿ ಆಗಿದ್ದರೂ, ಮನಸ್ಸು ಮಾತ್ರ ಆ ನೆನಪುಗಳನ್ನೇ ಸವಿಯುತ್ತಿತ್ತೇನೋ.

ಕೊನೆಗೆ ವಿಧಿಯ ಲೀಲೆ ನೋಡಿ. ಇಬ್ಬರ ಮಕ್ಕಳ ಮದುವೆ ಫಿಕ್ಸ್ ಆಯಿತು. ಅದೂ ಇಬ್ಬರ ಮಕ್ಕಳ ಜೊತೆಯೇ. ಆದರೆ ಮಕ್ಕಳ ಮದುವೆಯಾಗುವವರೆಗೂ ಕಾಯದ ಜೋಡಿ, ಮದುವೆಯ ಸಂದರ್ಭದಲ್ಲಿಯೇ ಓಡಿ ಹೋಗಿ ಮಕ್ಕಳಿಗೂ ಮುಜುಗರ ತಂದು, ಅವರ ಮದುವೆಯೂ ಕ್ಯಾನ್ಸಲ್ ಮಾಡುವ ಹಾಗೆ ಮಾಡಿದರು. ಪೊಲೀಸರಿಗೆ ಶರಣಾದ ಮೇಲೂ ಈ ಜೋಡಿ ವಾಪಸ್ ತಮ್ಮ ಕುಟುಂಬ ಸೇರಲು ನಿರಾಕರಿಸಿವೆಯಂತೆ. ತಾವಿಬ್ಬರೂ ಒಟ್ಟಿಗೇ ಇರುವುದಾಗಿ ಹೇಳಿದ್ದಾರೆ. ಹಾಗೇನಾದರೂ ಇದ್ದರೆ ಒಂದರ್ಥದಲ್ಲಿ, ನೇರವಾಗಿ ಸಂಬಂಧದಲ್ಲಿ ಅಲ್ಲದಿದ್ದರೂ, ಪರೋಕ್ಷವಾಗಿ ಇವರಿಬ್ಬರ ಮಕ್ಕಳು ಅಣ್ಣ-ತಂಗಿಯಾದಂತೆ ಆಗುತ್ತದೆ!

ಪಾಪಾ ಪಾಂಡು ನೆನಪಿದ್ದಾರಾ? 1,016 ಸಂಚಿಕೆಗಳಲ್ಲಿ ನಗಿಸಿದ್ದ ನಟ ಚಿದಾನಂದ್ ಈಗ ಏನು ಮಾಡುತ್ತಿದ್ದಾರೆ ಗೊತ್ತಾ?

Chandrashekar GS — Fri, 13 Nov 2026 12:45:53 +0530

ಪಾಪಾ ಪಾಂಡು ನೆನಪಿದ್ದಾರಾ? ಈಗ ಏನು ಮಾಡುತ್ತಿದ್ದಾರೆ ಈ ಜನಪ್ರಿಯ ನಟ ಚಿದಾನಂದ್?

ಒಂದು ಕಾಲದಲ್ಲಿ ಕನ್ನಡ ಕಿರುತೆರೆಯಲ್ಲಿ ಹಾಸ್ಯ ಧಾರಾವಾಹಿಗಳದ್ದೇ ದೊಡ್ಡ ಕ್ರೇಜ್ ಇತ್ತು. ಅದರಲ್ಲೂ 'ಪಾಪಾ ಪಾಂಡು' ಧಾರಾವಾಹಿಯನ್ನು ಮರೆಯಲು ಸಾಧ್ಯವೇ ಇಲ್ಲ. ಪಾಂಡು ಮತ್ತು ಪಚ್ಚು ದಂಪತಿಯ ಜಗಳ, ತರಲೆ, ತುಂಟಾಟಗಳು ಪ್ರೇಕ್ಷಕರನ್ನು ಹೊಟ್ಟೆ ಹುಣ್ಣಾಗಿಸುವಂತೆ ನಗಿಸುತ್ತಿದ್ದವು. ಈ ಧಾರಾವಾಹಿಯಲ್ಲಿ ಪಾಂಡು ಪಾತ್ರದ ಮೂಲಕ ಮನೆಮಾತಾದವರು ನಟ ಚಿದಾನಂದ್. ಅಂದಿನ ಪುಟ್ಟ ಮಕ್ಕಳಿಂದ ಹಿಡಿದು ಹಿರಿಯರವರೆಗೂ ಚಿದಾನಂದ್ ಅವರ ಅಭಿನಯಕ್ಕೆ ಅಭಿಮಾನಿಗಳಾಗಿದ್ದರು. ಹಾಗಾದರೆ ಅಂದು ಎಲ್ಲರನ್ನೂ ನಗಿಸಿದ್ದ ಈ ನಟ ಈಗ ಏನು ಮಾಡುತ್ತಿದ್ದಾರೆ?

ಬೀದಿ ನಾಟಕದಿಂದ ಆರಂಭವಾದ ಕಲಾ ಪಯಣ!

ಚಿದಾನಂದ್ ಅವರ ಕಲಾ ಬದುಕಿನ ಆರಂಭ ರಂಗಭೂಮಿಯಿಂದ. ಅಭಿನಯದ ಬಗ್ಗೆ ಆಸಕ್ತಿ ಹೊಂದಿದ್ದ ಅವರು 'ಅಭಿನಯ ತರಂಗ'ದಲ್ಲಿ ತರಬೇತಿ ಪಡೆದುಕೊಂಡರು. ಆರಂಭದ ದಿನಗಳಲ್ಲಿ ಬೀದಿ ನಾಟಕಗಳ ಮೂಲಕ ಜನರನ್ನು ತಲುಪಿದರು. ಸಾಮಾಜಿಕ ಸಮಸ್ಯೆಗಳನ್ನು ಆಧರಿಸಿದ ನಾಟಕಗಳಲ್ಲೂ ಅಭಿನಯಿಸಿದರು.

ಸಿಂಗಲ್ ನಂಬರ್ ಲಾಟರಿ ಹಾವಳಿಯ ಕುರಿತು ಇಬ್ಬರು ಕಲಾವಿದರು ಸೇರಿ ರೂಪಿಸಿದ್ದ ಇವರ ಬೀದಿ ನಾಟಕ ಸುಮಾರು 100 ಪ್ರದರ್ಶನಗಳನ್ನು ಕಂಡಿತ್ತು. ಅಲ್ಲಿಂದಲೇ ಚಿದಾನಂದ್ ಅವರ ಪ್ರತಿಭೆ ಗುರುತಿಸಿಕೊಳ್ಳಲು ಆರಂಭಿಸಿತು. ನಂತರ ಕಿರುತೆರೆ ಮತ್ತು ಹಿರಿತೆರೆಯಲ್ಲಿ ಅವಕಾಶಗಳು ದೊರೆಯತೊಡಗಿದವು.

ಪಾಪಾ ಪಾಂಡು ಮೂಲಕ ಸಿಕ್ಕ ದೊಡ್ಡ ಜನಪ್ರಿಯತೆ!

2000ರ ದಶಕದಲ್ಲಿ ಈಟಿವಿ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಸಿಹಿಕಹಿ ಚಂದ್ರು ನಿರ್ದೇಶನದ 'ಪಾಪಾ ಪಾಂಡು' ಧಾರಾವಾಹಿ ಚಿದಾನಂದ್ ಅವರ ಬದುಕಿಗೆ ದೊಡ್ಡ ತಿರುವು ನೀಡಿತು. ಪಾಂಡು ಪಾತ್ರದಲ್ಲಿ ಅವರ ಸಹಜ ಅಭಿನಯ, ಮಾತಿನ ಶೈಲಿ ಮತ್ತು ಹಾಸ್ಯಪ್ರಜ್ಞೆ ಪ್ರೇಕ್ಷಕರಿಗೆ ಬಹಳ ಇಷ್ಟವಾಗಿತ್ತು.

ಈ ಧಾರಾವಾಹಿಯಲ್ಲಿ ಬರೋಬ್ಬರಿ 1,016 ಸಂಚಿಕೆಗಳಲ್ಲಿ ಅಭಿನಯಿಸಿರುವುದು ಅವರ ವೃತ್ತಿಜೀವನದ ವಿಶೇಷ ಸಾಧನೆ. ನಂತರ 'ಪಾಪಾ ಪಾಂಡು' ಎರಡನೇ ಭಾಗದಲ್ಲೂ ಕಾಣಿಸಿಕೊಂಡರು. 'ಅಯ್ಯೋ ಪಾಂಡು', 'ಕೂಲ್ ಗಣೇಶ', 'ಏಪ್ರಿಲ್‌ನ ಹಿಮಬಿಂದು' ಸೇರಿದಂತೆ ಹಲವು ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ.

ಈಗ ಏನು ಮಾಡುತ್ತಿದ್ದಾರೆ ಚಿದಾನಂದ್?

ಪಾಪಾ ಪಾಂಡು ನಂತರವೂ ಚಿದಾನಂದ್ ನಟನೆಯಿಂದ ದೂರ ಉಳಿಯಲಿಲ್ಲ. 'ಗೀತಾ' ಧಾರಾವಾಹಿಯಲ್ಲಿ ಉಪನ್ಯಾಸಕರ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. 2025ರ ಜುಲೈನಲ್ಲಿ ಪ್ರಸಾರ ಆರಂಭಿಸಿದ ಝೀ ಕನ್ನಡದ 'ಕರ್ಣ' ಧಾರಾವಾಹಿಯಲ್ಲೂ ಅವರು ಅಭಿನಯಕ್ಕೆ ಮರಳಿದರು. ಇದರಿಂದ ಕಿರುತೆರೆ ಪ್ರೇಕ್ಷಕರಿಗೆ ಮತ್ತೆ ಚಿದಾನಂದ್ ಅವರನ್ನು ನೋಡುವ ಅವಕಾಶ ಸಿಕ್ಕಿತು.

ಅಷ್ಟೇ ಅಲ್ಲದೆ, ಅವರಿಗೆ ನಿರ್ದೇಶನದಲ್ಲೂ ಆಸಕ್ತಿ ಇದೆ. ತಮ್ಮದೇ ಯೂಟ್ಯೂಬ್ ವಾಹಿನಿಯಲ್ಲಿ 'ಪಾಂಡು ಪಂಚ್' ಹೆಸರಿನ ಕಿರುಚಿತ್ರಗಳನ್ನು ನಿರ್ದೇಶಿಸಿದ್ದರು. ಸಿನಿಮಾ ನಿರ್ದೇಶಕನಾಗಬೇಕು ಎಂಬ ಕನಸನ್ನೂ ಅವರು ಈ ಹಿಂದೆ ಹಂಚಿಕೊಂಡಿದ್ದರು.

ಹೀಗೆ ಬೀದಿ ನಾಟಕಗಳಿಂದ ಆರಂಭಿಸಿ, ಕಿರುತೆರೆಯಲ್ಲಿ ಜನಪ್ರಿಯತೆ ಗಳಿಸಿ, ಸಿನಿಮಾಗಳಲ್ಲೂ ಗುರುತಿಸಿಕೊಂಡಿರುವ ಚಿದಾನಂದ್ ಅವರ ಪಯಣ ನಿಜಕ್ಕೂ ಆಸಕ್ತಿದಾಯಕ. ಇಂದಿಗೂ ಪಾಂಡು ಪಾತ್ರದ ಮೂಲಕ ಪ್ರೇಕ್ಷಕರ ಮನಸ್ಸಿನಲ್ಲಿ ಉಳಿದಿರುವ ಈ ಕಲಾವಿದನಿಗೆ ಮತ್ತಷ್ಟು ಉತ್ತಮ ಅವಕಾಶಗಳು ಸಿಗಲಿ ಎಂಬುದೇ ಅಭಿಮಾನಿಗಳ ಆಶಯ.

4 ಸೀಟಿ ಹೊಡೆದರೂ ಅನ್ನ ಬೇಯಲಿಲ್ಲ; ಗ್ರಾಹಕ ನ್ಯಾಯಾಲಯದ ಮೆಟ್ಟಿಲೇರಿದ ಮಹಿಳೆಗೆ ₹16,755 ಪರಿಹಾರ, ಅಂಗಡಿಗೆ ಭರ್ಜರಿ ದಂಡ

Sushma Hegde — Fri, 13 Nov 2026 12:41:09 +0530

ಒತ್ತಡದ ಕುಕ್ಕರ್‌ನಲ್ಲಿ ಅಡುಗೆ ಬೇಗ ಆಗುತ್ತದೆ ಎಂದು ಮಹಿಳೆಯೊಬ್ಬರು ₹1,755 ಕೊಟ್ಟು ಕುಕ್ಕರ್ ಖರೀದಿಸಿದ್ದರು. ಆದರೆ 3-4 ಸೀಟಿ ಹೊಡೆದರೂ ಅನ್ನ ಸರಿಯಾಗಿ ಬೇಯಲಿಲ್ಲ. ಮರುದಿನ ಬೇಳೆ ಬೇಯಿಸಿದಾಗಲೂ ಇದೇ ಸಮಸ್ಯೆ ಎದುರಾಯಿತು. ಕೊನೆಗೆ ಈ ಪ್ರಕರಣ ಗ್ರಾಹಕ ಆಯೋಗದ ಮೆಟ್ಟಿಲೇರಿದ್ದು, ಮಹಿಳೆಯ ಪರವಾಗಿ ಮಹತ್ವದ ತೀರ್ಪು ಹೊರಬಿದ್ದಿದೆ.

ಆಂಧ್ರಪ್ರದೇಶದ ವಿಶಾಖಪಟ್ಟಣಂ ಜಿಲ್ಲಾ ಗ್ರಾಹಕ ವ್ಯಾಜ್ಯಗಳ ಪರಿಹಾರ ಆಯೋಗವು ಕುಕ್ಕರ್ ಮಾರಾಟ ಮಾಡಿದ ಅಂಗಡಿ, ಡೀಲರ್ ಮತ್ತು ತಯಾರಕ ಕಂಪನಿಯ ಸೇವೆಯಲ್ಲಿ ಲೋಪವಿದೆ ಎಂದು ಅಭಿಪ್ರಾಯಪಟ್ಟಿದೆ. ಮಹಿಳೆಗೆ ಕುಕ್ಕರ್ ಬೆಲೆ ಮರುಪಾವತಿ ಮಾಡುವುದರ ಜೊತೆಗೆ ₹12,000 ಪರಿಹಾರ ಹಾಗೂ ₹3,000 ಕಾನೂನು ಹೋರಾಟದ ವೆಚ್ಚ ನೀಡುವಂತೆ ಆದೇಶಿಸಿದೆ. ಒಟ್ಟಾರೆಯಾಗಿ ಮಹಿಳೆಗೆ ₹16,755 ಪಾವತಿಸಬೇಕಿದೆ. ಇದರ ಜೊತೆಗೆ ಅಂಗಡಿ ಮತ್ತು ಡೀಲರ್‌ಗೆ ತಲಾ ₹21,000 ದಂಡ ವಿಧಿಸಲಾಗಿದೆ.

₹1,755 ಕೊಟ್ಟು ಕುಕ್ಕರ್ ಖರೀದಿಸಿದ್ದ ಮಹಿಳೆ

ಮಹಿಳೆ ಅಂಗಡಿಯೊಂದರಲ್ಲಿ ನಾಲ್ಕು ಲೀಟರ್ ಸಾಮರ್ಥ್ಯದ ಡೀಪ್ ಪ್ಯಾನ್ ಪ್ರೆಶರ್ ಕುಕ್ಕರ್ ಖರೀದಿಸಿದ್ದರು. ಇದಕ್ಕಾಗಿ ಯುಪಿಐ ಮೂಲಕ ₹1,755 ಪಾವತಿಸಿದ್ದರು. ಖರೀದಿಸಿದ ದಿನವೇ ಕುಕ್ಕರ್‌ನಲ್ಲಿ ಅನ್ನ ಬೇಯಿಸಲು ಇಟ್ಟಾಗ 3-4 ಸೀಟಿ ಹೊಡೆದರೂ ಅನ್ನ ಅರ್ಧಂಬರ್ಧ ಬೇಯಿತ್ತು. ಮರುದಿನ ಬೇಳೆ ಬೇಯಿಸಲು ಪ್ರಯತ್ನಿಸಿದಾಗಲೂ ಇದೇ ಸಮಸ್ಯೆ ಎದುರಾಯಿತು ಎಂದು ಮಹಿಳೆ ದೂರಿನಲ್ಲಿ ತಿಳಿಸಿದ್ದಾರೆ. ಈ ಬಗ್ಗೆ ಅಂಗಡಿಯವರನ್ನು ಸಂಪರ್ಕಿಸಿದಾಗ ಸೂಕ್ತವಾಗಿ ಸ್ಪಂದಿಸದೆ, ಕಂಪನಿಯ ಸರ್ವಿಸ್ ಸೆಂಟರ್‌ಗೆ ಹೋಗುವಂತೆ ಸೂಚಿಸಿದ್ದರು ಎನ್ನಲಾಗಿದೆ. ವಯಸ್ಸು ಮತ್ತು ದೈಹಿಕ ಸಮಸ್ಯೆಗಳ ಕಾರಣದಿಂದ ತಾವು ಸರ್ವಿಸ್ ಸೆಂಟರ್‌ಗೆ ಹೋಗಲು ಸಾಧ್ಯವಿಲ್ಲ ಎಂದು ಮಹಿಳೆ ತಿಳಿಸಿದ್ದರು. ಬಳಿಕ ಅಂಗಡಿಯವರು ಕುಕ್ಕರ್‌ ಅನ್ನು ಪಡೆದುಕೊಂಡು ದುರಸ್ತಿಗಾಗಿ ಸರ್ವಿಸ್ ಬಿಲ್ ನೀಡಿದ್ದರು. ಆದರೆ ಮಹಿಳೆ ದುರಸ್ತಿ ಬೇಡ, ಹೊಸ ಕುಕ್ಕರ್ ಬದಲಿಗೆ ನೀಡಬೇಕು ಎಂದು ಒತ್ತಾಯಿಸಿದ್ದರು.

ಕುಕ್ಕರ್ ಸರಿಯಾಗಿಯೇ ಕೆಲಸ ಮಾಡುತ್ತಿದೆ ಎಂದ ಅಂಗಡಿ

ಇತ್ತ ಅಂಗಡಿ ಮತ್ತು ಡೀಲರ್ ಪರ ವಕೀಲರು ಕುಕ್ಕರ್ ಅನ್ನು ಸರ್ವಿಸ್ ಸಿಬ್ಬಂದಿ ಪರಿಶೀಲಿಸಿದ್ದು, ಅದು ಸರಿಯಾಗಿ ಕಾರ್ಯನಿರ್ವಹಿಸುತ್ತಿದೆ ಎಂಬುದನ್ನು ವಿಡಿಯೋ ಮೂಲಕ ತೋರಿಸಲಾಗಿದೆ ಎಂದು ವಾದಿಸಿದರು. ಮಹಿಳೆಗೆ ಸರ್ವಿಸ್ ಸೆಂಟರ್‌ಗೆ ಬಂದು ಪರಿಶೀಲನೆ ನಡೆಸುವ ಅವಕಾಶ ನೀಡಲಾಗಿತ್ತು. ಆದರೆ ಅವರು ಅದನ್ನು ನಿರಾಕರಿಸಿ ಹೊಸ ಕುಕ್ಕರ್ ನೀಡುವಂತೆ ಒತ್ತಾಯಿಸಿದ್ದಾರೆ ಎಂದು ತಿಳಿಸಿದರು. ಕುಕ್ಕರ್‌ನಲ್ಲಿ ತಯಾರಿಕಾ ದೋಷವಿದೆ ಎಂಬುದನ್ನು ಸಾಬೀತುಪಡಿಸಲು ಮಹಿಳೆ ಯಾವುದೇ ತಾಂತ್ರಿಕ ವರದಿ ಅಥವಾ ತಜ್ಞರ ಅಭಿಪ್ರಾಯ ಸಲ್ಲಿಸಿಲ್ಲ ಎಂದೂ ವಾದಿಸಿದರು. ತಯಾರಕ ಕಂಪನಿಯೂ ತನ್ನ ವಾರಂಟಿ ನಿಯಮಗಳ ಪ್ರಕಾರ ದೋಷವಿರುವ ಉತ್ಪನ್ನವನ್ನು ದುರಸ್ತಿ ಮಾಡುವುದು ಅಥವಾ ಬದಲಿಸುವುದಷ್ಟೇ ತನ್ನ ಜವಾಬ್ದಾರಿ ಎಂದು ಹೇಳಿಕೊಂಡಿತ್ತು.

ಮಹಿಳೆಯ ಪರವಾಗಿ ಗ್ರಾಹಕ ಆಯೋಗದ ತೀರ್ಪು

ಪ್ರಕರಣದ ವಿಚಾರಣೆ ನಡೆಸಿದ ಆಯೋಗವು ಅಂಗಡಿ, ಡೀಲರ್ ಮತ್ತು ತಯಾರಕ ಕಂಪನಿಗಳು ವಾರಂಟಿ ನಿಯಮಗಳನ್ನು ಆಯೋಗದ ಮುಂದೆ ಸಲ್ಲಿಸದಿರುವುದನ್ನು ಗಮನಿಸಿತು. ಕುಕ್ಕರ್‌ನಲ್ಲಿ ಯಾವುದೇ ಸಮಸ್ಯೆ ಇಲ್ಲದಿದ್ದರೆ ಅದನ್ನು ಬದಲಿಸಿಕೊಡುವ ಭರವಸೆ ನೀಡಿದ್ದೇಕೆ ಎಂದು ಪ್ರಶ್ನಿಸಿತು. ಗ್ರಾಹಕರು ತಮ್ಮ ಕಾನೂನುಬದ್ಧ ಹಕ್ಕುಗಳನ್ನು ಚಲಾಯಿಸಲು ಅವಕಾಶವಿದೆ. ಕಂಪನಿ ಕೇವಲ ಒಳ್ಳೆಯ ಮನಸ್ಸಿನಿಂದ ಬದಲಾವಣೆ ನೀಡಲು ಮುಂದಾಗಿದೆ ಎಂಬ ಕಾರಣಕ್ಕೆ ಗ್ರಾಹಕರ ಹಕ್ಕುಗಳನ್ನು ನಿರಾಕರಿಸಲಾಗದು ಎಂದು ಆಯೋಗ ಅಭಿಪ್ರಾಯಪಟ್ಟಿತು.

ಅಲ್ಲದೆ, ಮಹಿಳೆ ಗ್ರಾಹಕ ಆಯೋಗದ ಸಿಬ್ಬಂದಿಯೊಂದಿಗೆ ಸಂಪರ್ಕವಿದೆ ಎಂದು ಹೇಳಿ ಅಂಗಡಿ ಮತ್ತು ಡೀಲರ್‌ಗೆ ಬೆದರಿಕೆ ಹಾಕಿದ್ದಾರೆ ಎಂಬ ಆರೋಪಗಳನ್ನೂ ಆಯೋಗ ಗಂಭೀರವಾಗಿ ಪರಿಗಣಿಸಿತು. ಇಂತಹ ಹೇಳಿಕೆಗಳು ಆಯೋಗದ ಗೌರವಕ್ಕೆ ಧಕ್ಕೆ ತರುವುದರ ಜೊತೆಗೆ ದೂರುದಾರರ ವಿರುದ್ಧ ಅವಹೇಳನಕಾರಿ ಹೇಳಿಕೆಗಳಾಗಿವೆ ಎಂದು ಅಭಿಪ್ರಾಯಪಟ್ಟಿತು.

ಅಕ್ಟೋಬರ್ 31ರಂದು ಅಧ್ಯಕ್ಷೆ ಗುಡ್ಲಾ ತನೂಜಾ ಹಾಗೂ ಸದಸ್ಯರಾದ ವಾರ್ರಿ ಕೃಷ್ಣಮೂರ್ತಿ ಮತ್ತು ರಹಿಮುನ್ನಿಸಾ ಬೇಗಂ ಅವರನ್ನೊಳಗೊಂಡ ಪೀಠ ಈ ಆದೇಶ ಹೊರಡಿಸಿದೆ. ಈ ಪ್ರಕರಣದಲ್ಲಿ ಮಹಿಳೆಗೆ ಕುಕ್ಕರ್‌ನ ಸಂಪೂರ್ಣ ಹಣ ವಾಪಸ್ ನೀಡುವುದರ ಜೊತೆಗೆ ₹12,000 ಪರಿಹಾರ ಮತ್ತು ₹3,000 ಕಾನೂನು ಹೋರಾಟದ ವೆಚ್ಚ ನೀಡುವಂತೆ ಆದೇಶಿಸಲಾಗಿದೆ. ಗ್ರಾಹಕರ ಹಕ್ಕುಗಳನ್ನು ನಿರ್ಲಕ್ಷಿಸುವುದಕ್ಕೆ ಬೆಲೆ ತೆರಬೇಕಾಗುತ್ತದೆ ಎಂಬುದನ್ನು ಈ ತೀರ್ಪು ಮತ್ತೊಮ್ಮೆ ನೆನಪಿಸಿದೆ.

Organic farming: ಭೂತಾಯಿ ಹರಸಿದರೆ, ಮುಟ್ಟಿದ್ದೆಲ್ಲ ಚಿನ್ನ; ಗುಂಪು ಬಾಳೆ ಬೇಸಾಯದ ನೂತನ ಮಾದರಿಯಿಂದ ಲಕ್ಷ-ಲಕ್ಷ ಲಾಭ

Bhimasi M Koleppanavar — Fri, 13 Nov 2026 12:36:47 +0530

ಕೋಲಾರ ಜಿಲ್ಲೆಯ ಶ್ರೀನಿವಾಸಪುರ ತಾಲೂಕಿನ ಗಂಡ್ಲಹಳ್ಳಿ ಗ್ರಾಮದ ರೈತರಾದ ಶಿವಶಂಕರ್ (ತಂದೆ ಮುನಿವೆಂಕಟಪ್ಪ) ಅವರು ಕಳೆದ 30 ವರ್ಷಗಳಿಂದ ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಇವರು ತಮ್ಮ ಜಮೀನಿನಲ್ಲಿ ನೂತನ ಮಾದರಿಯ ಸಾವಯವ ಗುಂಪು ಬಾಳೆ ಕೃಷಿ ಪದ್ಧತಿ ಯಶಸ್ವಿಯಾಗಿ ಅನುಸರಿಸುತ್ತಿದ್ದಾರೆ. ಸಾಮಾನ್ಯ ಬಾಳೆ ಬೇಸಾಯದಲ್ಲಿ ಸಾಲಿನಿಂದ ಸಾಲಿಗೆ ಕಡಿಮೆ ಅಂತರವಿಟ್ಟು ಎಕರೆಗೆ ಸುಮಾರು 1200 ಗಿಡ ನೆಡಲಾಗುತ್ತದೆ. ಆದರೆ ಈ ವಿಶಿಷ್ಟ ಗುಂಪು ಬಾಳೆ ಪದ್ಧತಿಯಲ್ಲಿ ಸಾಲಿನಿಂದ ಸಾಲಿಗೆ ಮತ್ತು ಗಿಡದಿಂದ ಗಿಡಕ್ಕೆ 20 x 20 ಅಡಿ ಅಂತರವನ್ನು ಕಾಯ್ದುಕೊಳ್ಳಲಾಗುತ್ತದೆ. ಈ ಅಂತರದ ಲೆಕ್ಕಾಚಾರದಲ್ಲಿ ಒಂದು ಎಕರೆಗೆ ಕೇವಲ 125 ಗುಂಡಿಗಳು ಅಗತ್ಯವಿರುತ್ತವೆ.

ಈ ಎರಡೂ ಹಿಂಡಿ ಅಗತ್ಯ!

ಪ್ರತಿ ಗುಂಡಿಯಲ್ಲಿ ಪ್ರಾರಂಭದಲ್ಲಿ ಒಂದೊಂದೇ ಸಸಿ ನೆಡಲಾಗುತ್ತದೆ. ನಂತರ ಬೆಳೆಯುವ ಸಸಿಗಳಲ್ಲಿ ಪ್ರತಿ ಗುಂಡಿಗೆ 10 ಪ್ರಮುಖ ಮರಿ ಗಿಡಗಳನ್ನು ಉಳಿಸಿಕೊಳ್ಳಲಾಗುತ್ತದೆ. ಇದರಿಂದಾಗಿ 125 ಗುಂಡಿಗಳಿಂದ ಎಕರೆಗೆ ಒಟ್ಟು 1250 ಬಾಳೆ ಗಿಡಗಳು ದೊರೆಯುತ್ತವೆ. ಗಿಡಗಳಿಗೆ ಗಾಯವಾಗಿ ರೋಗ ತಗುಲಬಾರದು ಎಂಬ ಉದ್ದೇಶದಿಂದ ಯಾವುದೇ ಹೆಚ್ಚುವರಿ ಸಸಿಗಳನ್ನು ಬಲವಂತವಾಗಿ ಕತ್ತರಿಸಿ ತೆಗೆಯುವುದಿಲ್ಲ. ಗುಂಡಿಗಳನ್ನು ತೋಡಿದಾಗ ಪ್ರತಿ ಗುಂಡಿಗೆ 20 ಕೆಜಿ ಚೆನ್ನಾಗಿ ಕಳೆದ ಕೊಟ್ಟಿಗೆ ಗೊಬ್ಬರ, 1ರಿಂದ 2ಕೆ.ಜಿ ಬೇವಿನ ಹಿಂಡಿ ಹಾಗೂ ಹೊಂಗೆ ಹಿಂಡಿ ಬೆರೆಸಿ ತುಂಬಲಾಗುತ್ತದೆ.

ಸಾವಯವ ಪೋಷಕಾಂಶ ಮತ್ತು ಮಣ್ಣಿನ ಫಲವತ್ತತೆ ನಿರ್ವಹಣೆ!

ಈ ಕೃಷಿ ಪದ್ಧತಿಯಲ್ಲಿ ಯಾವುದೇ ರೀತಿಯ ರಾಸಾಯನಿಕ ರಸಗೊಬ್ಬರಗಳನ್ನು ಬಳಸದೆ ಸಂಪೂರ್ಣವಾಗಿ ಸಾವಯವ ಗೊಬ್ಬರ ಮತ್ತು ಜೈವಿಕ ಉತ್ಪನ್ನಗಳನ್ನು ಬಳಸಲಾಗಿದೆ. ಕೊಟ್ಟಿಗೆ ಗೊಬ್ಬರವನ್ನು ಜಮೀನಿನಲ್ಲಿಯೇ ತ್ವರಿತವಾಗಿ ಕಳೆಸಲು ಡಾ. ಸೋಯಿಲ್ ಡಿಕಂಪೋಸರ್ ಅನ್ನು ಬಳಸಲಾಗುತ್ತದೆ. ಹೀಗೆ ತಯಾರಾದ ಗೊಬ್ಬರವನ್ನು ೧ ರಿಂದ ೧.೫ ತಿಂಗಳ ನಂತರ ಗಿಡಗಳಿಗೆ ಒದಗಿಸಲಾಗುತ್ತದೆ. ಮಣ್ಣಿನ ಕಠಿಣ ಸ್ವರೂಪವನ್ನು ಸಡಿಲಗೊಳಿಸಲು ಹಾಗೂ ಮಣ್ಣಿನ ಆರೋಗ್ಯವನ್ನು ವೃದ್ಧಿಸಲು ಡಾ. ಸೋಯಿಲ್ ಫರ್ಟಿಲಿಟಿ ಬೂಸ್ಟರ್ ಅನ್ನು ಬಳಸಲಾಗಿದೆ.

ಕೀಟಗಳ ಬಾಧೆಗೆ ಇಲ್ಲಿದೆ ರಾಮಬಾಣ!

ಇದರ ಬಳಕೆಯಿಂದ ಮಣ್ಣಿನಲ್ಲಿ ಎರೆಹುಳುಗಳ ಸಂಖ್ಯೆ ಅಪಾರವಾಗಿ ಹೆಚ್ಚಾಗುತ್ತದೆ ಮತ್ತು ಗಿಡಗಳ ಬಿಳಿ ಬೇರುಗಳು ಆಳವಾಗಿ ಬೆಳೆಯಲು ಅನುಕೂಲವಾಗುತ್ತದೆ. ಪರಿಣಾಮವಾಗಿ ಜಮೀನಿನ ಮಣ್ಣು ಚಹಾ ಪುಡಿಯಂತೆ ಅತ್ಯಂತ ಮೃದು ಹಾಗೂ ಸಡಿಲವಾಗುತ್ತದೆ. ಕೊಯ್ಲಿನ ನಂತರ ಬೆಳೆಯ ತ್ಯಾಜ್ಯಗಳನ್ನು ಸುಡುವುದು ಸಾಮಾನ್ಯ, ಆದರೆ ಇಲ್ಲಿ ಮೊದಲ ಕೊಯ್ಲಿನ ನಂತರದ ಬಾಳೆ ಎಲೆಗಳು ಹಾಗೂ ಮಧ್ಯಂತರ ಬೆಳೆಯಾದ ಸೇವಂತಿಗೆಯ ತ್ಯಾಜ್ಯವನ್ನು ಮಣ್ಣಿನ ಮೇಲೆ ಹೊದಿಕೆಯಾಗಿ ಬಳಸಲಾಗುತ್ತದೆ. ಸೇವಂತಿಗೆ ಬೆಳೆಗಿಂತ ಮೊದಲು ಶಣಬನ್ನು ಬೆಳೆದು ಮಣ್ಣಿಗೆ ಸೇರಿಸುವುದರಿಂದ ಮಣ್ಣಿನಲ್ಲಿ ಸಾವಯವ ಇಂಗಾಲದ ಪ್ರಮಾಣ ಹೆಚ್ಚಿ, ರೋಗ ಹಾಗೂ ಕೀಟಗಳ ಬಾಧೆ ಕಡಿಮೆಯಾಗುತ್ತದೆ.

ನೀರಿನ ವೈಜ್ಞಾನಿಕ ನಿರ್ವಹಣೆ ಮತ್ತು ಎಲೆಗಳ ಬೆಳವಣಿಗೆ!

ಸಾಮಾನ್ಯವಾಗಿ ರೈತರು ಬಾಳೆಗೆ ಅತಿಯಾದ ನೀರಾವರಿ ಒದಗಿಸುತ್ತಾರೆ, ಆದರೆ ಇಲ್ಲಿ ವೈಜ್ಞಾನಿಕ ನೀರಾವರಿ ಪದ್ಧತಿಯನ್ನು ಅನುಸರಿಸಲಾಗಿದೆ. ಪ್ರತಿ ಗುಂಪು ಗಿಡಗಳ ಎರಡೂ ಬದಿಗಳಲ್ಲಿ ತಲಾ ಒಂದೊಂದರಂತೆ ಒಟ್ಟು 2 ಹನಿ ನೀರಾವರಿ ಲೈನ್‌ಗಳನ್ನು ಅಳವಡಿಸಲಾಗಿದೆ. ಮೇಲ್ಮೈ ಮಣ್ಣು ಮತ್ತು 6 ಇಂಚು ಆಳದ ಮಣ್ಣು ಎರಡೂ ಒಣಗಿದಾಗ ಮಾತ್ರ ನೀರನ್ನು ಹಾಯಿಸಲಾಗುತ್ತದೆ. ಅತಿಯಾದ ನೀರಾವರಿಯಿಂದ ಮಣ್ಣು ಗಟ್ಟಿಯಾಗಿ, ಗಾಳಿಯಾಡುವಿಕೆ ಕಡಿಮೆಯಾಗಿ ಬಿಳಿ ಬೇರುಗಳು ಕೊಳೆಯುತ್ತವೆ ಹಾಗೂ ರೋಗಗಳು ಹೆಚ್ಚಾಗುತ್ತವೆ. ಸರಿಯಾದ ಜೈವಿಕ ಪೋಷಕಾಂಶ ಮತ್ತು ಮಣ್ಣಿನಲ್ಲಿ ಉತ್ತಮ ಗಾಳಿಯಾಡುವಿಕೆ ಇರುವುದರಿಂದ ಮಧ್ಯಾಹ್ನ 12:30ರ ಕಡು ಬಿಸಿಲಿನಲ್ಲಿಯೂ ಎಲೆಗಳು ಒಣಗದೆ ಕಡು ಹಸಿರು ಬಣ್ಣದಿಂದ ಕಂಗೊಳಿಸುತ್ತವೆ. ಈ ಪದ್ಧತಿಯಲ್ಲಿ ಬಾಳೆ ಎಲೆಯು ಸುಮಾರು 7 ಅಡಿ ಉದ್ದ ಬೆಳೆಯಲಿದ್ದು, ಎಲೆಯ ತೊಟ್ಟು 2 ಇಂಚು ದಪ್ಪವಾಗಿರುತ್ತದೆ. ಎಲೆಯ ಅಗಲ ಮತ್ತು ಗಾತ್ರ ಎಷ್ಟು ದೊಡ್ಡದಾಗಿರುತ್ತದೆ ಎಂದರೆ, ಒಂದೇ ಬಾಳೆ ಎಲೆಯಲ್ಲಿ ಒಂದೇ ಕುಟುಂಬದ 6 ರಿಂದ 7 ಜನರು ಒಟ್ಟಿಗೆ ಕುಳಿತು ಊಟ ಮಾಡಬಹುದಾಗಿದೆ.

ಅಧಿಕ ಇಳುವರಿ, ಗೊನೆ ತೂಕ ಮತ್ತು ಮ್ಯಾಟಾಕಿಂಗ್ ವಿಧಾನ!

ಸಾಮಾನ್ಯ ಪದ್ಧತಿಯಲ್ಲಿ ಬೆಳೆಯುವ ಬಾಳೆಯಲ್ಲಿ ಪ್ರತಿ ಗೊನೆ 10 ರಿಂದ 12 ಕೆಜಿ ತೂಕ ಬಂದರೆ, ಈ ಸಾವಯವ ಗುಂಪು ಬಾಳೆ ಪದ್ಧತಿಯಲ್ಲಿ ಪ್ರತಿ ಗೊನೆಯು 18ರಿಂದ 22 ಕೆಜಿ ಹಾಗೂ ಕೆಲವೊಮ್ಮೆ 24 ಕೆಜಿವರೆಗೆ ತೂಗುತ್ತದೆ. ಒಂದು ಗೊನೆಯಲ್ಲಿ ಸುಮಾರು 18 ಶೀಪುಗಳು ಇರುತ್ತವೆ. ಸಾವಯವ ಕೃಷಿಯಿಂದ ಬೆಳೆದ ಹಣ್ಣುಗಳಲ್ಲಿ ನಾರಿನಂಶ ಹೆಚ್ಚಿದ್ದು, ತಿರುಳು ಅತ್ಯಂತ ಗಟ್ಟಿಯಾಗಿರುತ್ತದೆ. ಏಪ್ರಿಲ್ ೧೫ ರಂದು ಗಿಡ ನೆಟ್ಟ ನಂತರ ೯ ತಿಂಗಳಿಗೆ ಮೊದಲ ಕೊಯ್ಲು ಸಿಗುತ್ತದೆ. ಸಾಮಾನ್ಯ ಬಾಳೆ ಬೆಳೆಯಲ್ಲಿ ವರ್ಷಕ್ಕೆ ಒಮ್ಮೆ ಮಾತ್ರ ಆದಾಯ ಸಿಕ್ಕಿದರೆ, ಈ ಗುಂಪು ಬಾಳೆ ಪದ್ಧತಿಯಲ್ಲಿ ವರ್ಷಪೂರ್ತಿ ನಿರಂತರವಾಗಿ ಕೊಯ್ಲು ಮತ್ತು ಇಳುವರಿ ದೊರೆಯುತ್ತದೆ. ಬಾಳೆ ಗೊನೆ ಕೊಯ್ದ ೩೦ ರಿಂದ ೪೫ ದಿನಗಳ ನಂತರ ತಾಯಿ ಗಿಡದ ಕಾಂಡವನ್ನು ಮ್ಯಾಟಾಕಿಂಗ್ ಮಾಡಲಾಗುತ್ತದೆ. ಹೀಗೆ ಮಾಡುವುದರಿಂದ ತಾಯಿ ಗಿಡದಲ್ಲಿ ಉಳಿದಿರುವ ನೀರು ಮತ್ತು ಪೋಷಕಾಂಶಗಳು ಬೆಳೆಯುತ್ತಿರುವ ಪಕ್ಕದ ಮರಿ ಗಿಡಗಳಿಗೆ ಸುಲಭವಾಗಿ ವರ್ಗಾವಣೆಯಾಗುತ್ತವೆ.

ಬಹುಬೆಳೆ ಪದ್ಧತಿ ಹಾಗೂ ಆರ್ಥಿಕ ಭದ್ರತೆ!

ಬಾಳೆ ಗಿಡಗಳ ನಡುವಿನ 20 x 20 ಅಡಿ ಖಾಲಿ ಜಾಗವನ್ನು ವ್ಯರ್ಥ ಮಾಡದೆ, ಅಲ್ಲಿ 2 ಸಾಲುಗಳಲ್ಲಿ ಸೇವಂತಿಗೆ ಹೂವಿನ ಗಿಡ ಬೆಳೆಯಲಾಗಿದೆ. ಮಾರುಕಟ್ಟೆಯಲ್ಲಿ ಹೂವಿನ ಬೆಲೆ ಕಡಿಮೆಯಿದ್ದರೂ ಸಹ ಸೇವಂತಿಗೆ ರಫ್ತು ಮಾಡಿ 3ರಿಂದ 3.5 ಲಕ್ಷ ರೂಪಾಯಿ ಹೆಚ್ಚುವರಿ ಆದಾಯ ಪಡೆಯಲಾಗಿದೆ. ಇದರೊಂದಿಗೆ ಮನೆ ಬಳಕೆಗೆ ಅಗತ್ಯವಿರುವ ಈರುಳ್ಳಿ ಮಧ್ಯಂತರ ಬೆಳೆಯಾಗಿ ಬೆಳೆಯಲಾಗಿದ್ದು, 10 ಕೆಜಿ ಈರುಳ್ಳಿ ಬೀಜದಿಂದ 2 ಕ್ವಿಂಟಾಲ್ ಈರುಳ್ಳಿ ಇಳುವರಿ ಪಡೆಯಲಾಗಿದೆ.

ಲಾಭ ಗಳಿಸಲು ಇದೇ ಮಾರ್ಗ ಸೂಕ್ತ!

ಒಂದೇ ಬೆಳೆಯನ್ನು ನೆಚ್ಚಿಕೊಳ್ಳುವ ಏಕಬೆಳೆ ಪದ್ಧತಿಯಿಂದ ಮಾರುಕಟ್ಟೆ ದರ ಕುಸಿದಾಗ ನಷ್ಟವಾಗುವ ಸಾಧ್ಯತೆ ಇರುತ್ತದೆ. ಆದರೆ ಈ ರೀತಿ ಬಹುಬೆಳೆ ಪದ್ಧತಿಯನ್ನು ಅನುಸರಿಸುವುದರಿಂದ ಒಂದು ಬೆಳೆಯಲ್ಲಿ ದರ ಕಡಿಮೆಯಾದರೂ ಮತ್ತೊಂದು ಬೆಳೆಯಿಂದ ಲಾಭ ಗಳಿಸಿ ಆರ್ಥಿಕ ಭದ್ರತೆ ಪಡೆಯಬಹುದು. ಈ ಸುಸ್ಥಿರ ಸಾವಯವ ಕೃಷಿ ವಿಧಾನಗಳಿಗೆ ಮೈಕ್ರೋಬಿ ಆಗ್ರೋಟೆಕ್ ಸಂಸ್ಥೆಯ ಸಾವಯವ ಕೃಷಿ ತಜ್ಞರಾದ ಡಾ. ಹುಲ್ಲುನಾಚೇಗೌಡ ಅವರ ಮಾರ್ಗದರ್ಶನ ಪ್ರಮುಖ ಕಾರಣವಾಗಿದೆ.

ಉದ್ಘಾಟನೆ ಬಳಿಕ ಮೋದಿ ಪ್ರಯಾಣಿಸುವ ನಮ್ಮ ಮೆಟ್ರೋದಲ್ಲಿ ನಾಲ್ವರಿಗೆ ಅವಕಾಶ, ಯಾರಿಗಿದೆ ಚಾನ್ಸ್?

Chethan Kumar — Fri, 13 Nov 2026 12:29:28 +0530

ಬೆಂಗಳೂರು (ನ.13) ಪ್ರಧಾನಿ ನರೇಂದ್ರ ಮೋದಿ ಇಂದು ಪಿಂಕ್ ಮೆಟ್ರೋಗೆ ಚಾಲನೆ ನೀಡಲಿದ್ದಾರೆ. ತಾವರೆಕೆರೆ ಮೆಟ್ರೋ ನಿಲ್ದಾಣದಲ್ಲಿ ಮೋದಿ ಉದ್ಘಾಟನೆ ನೆರವೇರಿಸಲಿದ್ದಾರೆ. ಪಿಂಕ್ ಲೈನ್ ಮೆಟ್ರೋಗೆ ಚಾಲನೆ ನೀಡಿದ ಬಳಿಕ ಮೆಟ್ರೋದಲ್ಲಿ ಮೋದಿ ಪ್ರಯಾಣಿಸಲಿದ್ದಾರೆ. ವಿಶೇಷ ಅಂದರೆ ಮೋದಿ ಜೊತೆ ಅದೇ ಬೋಗಿಯಲ್ಲಿ ಪ್ರಯಾಣಿಸಲು ನಾಲ್ವರಿಗೆ ಅವಕಾಶ ನೀಡಲಾಗಿದೆ. ಒಟ್ಟು 6 ಕೋಚ್‌ಗಳಿರುವ ಮೆಟ್ರೋದಲ್ಲಿ ಮೋದಿ ತಾವರೆಕೆರೆ ಮೆಟ್ರೋ ನಿಲ್ದಾಣದಿಂದ ಪ್ರಯಾಣಿಸಲಿದ್ದಾರೆ.

ಮೋದಿ ಜೊತೆ ಪ್ರಯಾಣಿಸುವ ನಾಲ್ವರು ಯಾರು?

ತಾವರೆಗೆ ಮೆಟ್ರೋ ನಿಲ್ದಾಣದಲ್ಲಿ ಪಿಂಕ್ ಲೈನ್ ಮೆಟ್ರೋಗೆ ಚಾಲನೆ ನೀಡಿದ ಬಳಿಕ ಮೋದಿ ಜೊತೆ ರಾಜ್ಯಪಾಲರಾದ ಡಾ. ಸುಧಾ ಯಾದವ್, ಮುಖ್ಯಮಂತ್ರಿ ಡಿ.ಕೆ ಶಿವಕುಮಾರ್, ಸಂಸದ ತೇಜಸ್ವಿ ಸೂರ್ಯ ಮತ್ತು ಬೆಂಗಳೂರು ಅಭಿವೃದ್ಧಿ ಸಚಿವ ಕೃಷ್ಣಭೈರೇಗೌಡ ಪ್ರಯಾಣ ಮಾಡಲಿದ್ದಾರೆ.

ಒಟ್ಟು 6 ಕೋಚ್‌ಗಳ ಮೆಟ್ರೋದಲ್ಲಿ ಮೂರನೇ ಕೋಚ್‌ನಲ್ಲಿ ಪ್ರಧಾನಿ ಮೋದಿ ಸಂಚರಿಸಲಿದ್ದಾರೆ. ಮೋದಿ ಜೊತೆ ಮುಖ್ಯಮಂತ್ರಿ ಹಾಗೂ ಇತರ ಮೂವರು ಪ್ರಯಾಣ ಮಾಡಲಿದ್ದಾರೆ. ಇನ್ನುಳಿದ ಐದು ಕೋಚ್‌ಗಳಲ್ಲಿ ಬಿಎಂಆರ್ಸಿಎಲ್ ಅಧಿಕಾರಿಗಳು, ಸಿಬ್ಬಂದಿಗಳು, ಸಂಸದರು,ಶಾಸಕರು ಒಂದಷ್ಟು ಗಣ್ಯರಿಗೆ ಅವಕಾಶ ನೀಡಲಾಗಿದೆ.

6 ಕೋಚ್ ಗಳಿರುವ ನಮ್ಮ ಮೆಟ್ರೋ ರೈಲು.

ಕೋಚ್ 1 : ಬಿಎಂಆರ್ಸಿಎಲ್ ಎಮರ್ಜೆನ್ಸಿ ಸ್ಟಾಫ್ ಗಳು.
ಕೋಚ್ 2 : ಪಿಎಂಓ ಆಫೀಸ್ ಅಧಿಕಾರಿಗಳು.
ಕೋಚ್ 3 : ಪಿಎಂ ಮತ್ತು ಗಣ್ಯರು.
ಕೋಚ್ 4 : ಮಿನಿಸ್ಟರ್ ಗಳು ಮತ್ತು ಸ್ಥಳೀಯ ಎಂಎಲ್ಎ ಗಳು.
ಕೋಚ್ 5 : ಬಿಎಂಆರ್ಸಿಎಲ್ ಹಿರಿಯ ಅಧಿಕಾರಿಗಳು.
ಕೋಚ್ 6 :ಬಿಎಂಆರ್ಸಿಎಲ್ ಸಿಬ್ಬಂದಿಗಳು

ಬೆಂಗಳೂರಿನಲ್ಲಿ ಮೆಟ್ರೋ ಶತಕ

ಬೆಂಗಳೂರು ಮೆಟ್ರೋ ಶತಕ ಪೂರೈಸಿದೆ. ಪ್ರಧಾನಿ ನರೇಂದ್ರ ಮೋದಿಯಿಂದ ಕ್ಷಿಪ್ರಗತಿಯಲ್ಲಿ ಭಾರತ ಅಭಿವೃದ್ಧಿ ಕಾಣುತ್ತಿದೆ. ಕ್ರಾಂತಿಕಾರಿ ನಿರ್ಧಾರಗಳು,ಮೂಲಭೂತ ಸೌಕರ್ಯಗಳನ್ನು ಮೇಲ್ದರ್ಜೆಗೆ ಏರಿಸುವಲ್ಲಿ ಮೋದಿ ಯಶಸ್ವಿಯಾಗಿದ್ದಾರೆ ಎಂದು ಬಿಜೆಪಿ ರಾಜ್ಯ ಉಸ್ತುವಾರಿ ಹರೀಶ್ ದ್ವಿವೇದಿ ಹೇಳಿದ್ದಾರೆ. ದೇಶದ ವಿಕಾಸಕ್ಕೆ ರಾಜ್ಯದ ವಿಕಾಸವೂ ಆಗಬೇಕು. ಅದುವೇ ಮೋದಿಯವರ ಉದ್ದೇಶವಾಗಿದೆ. ಇಂದು ಪಿಂಕ್‌ಲೇನ್ ಮೆಟ್ರೊ 7km ಉದ್ಘಾಟನೆ ಆಗುತ್ತಿದೆ. ಇದರೊಂದಿಗೆ ಬೆಂಗಳೂರಿನಲ್ಲಿ 100km ಮೆಟ್ರೋ ತಲುಪಿದೆ. ಮೈಸೂರಿನಲ್ಲಿ ಶಿಲನ್ಯಾಸ ಕಾರ್ಯಕ್ರಮ ಇದೆ. ಪೂರ್ವ, ಪಶ್ಚಿಮ, ಉತ್ತರ , ಧಕ್ಷಿಣ ಎಲ್ಲ ದಿಕ್ಕಿನಲ್ಲೂ ವಿಕಾಸ (ಅಭಿವೃದ್ಧಿ ) ಆಗಬೇಕು. ಆ ದಿಕ್ಕಿನಲ್ಲಿ ಮೋದಿ ಕೆಲಸ ಮಾಡ್ತಿದಾರೆ. ಕಾಂಗ್ರೆಸ್ ಇಷ್ಟು ಕಾಲ ಆಡಳಿತ ಮಾಡಿ ಏನೂ ಅಭಿವೃದ್ಧಿ ಮಾಡಿಲ್ಲ . ಮೋದಿ ಕೇವಲ 12 ವರ್ಷದಲ್ಲಿ ವಿಶ್ವದ ನಾಲ್ಕನೇ ಸ್ಥಾನಕ್ಕೆ ಭಾರತವನ್ನ ಒಯ್ದಿದ್ದಾರೆ ಎಂದು ಹರೀಶ್ ದ್ವಿವೇದಿ ಹೇಳಿದ್ದಾರೆ.

'ನಮ್ಮ ಸಿನಿಮಾ ಸಾಂಗ್ ನಾವೇ ಲಾಂಚ್ ಮಾಡ್ಬೇಕಾ?' ತಮ್ಮ ಸ್ಟಾರ್‌ಡಮ್ ಬದಿಗಿಟ್ಟು ನಿರ್ದೇಶಕರಿಗೆ ಮಣೆ ಹಾಕಿದ ಶಿವಣ್ಣ

Chandrashekar GS — Fri, 13 Nov 2026 12:26:28 +0530

'ನಮ್ಮ ಸಿನಿಮಾ ಸಾಂಗ್ ನಾವೇ ಲಾಂಚ್ ಮಾಡ್ಬೇಕಾ?' ಡೈರೆಕ್ಟರ್ ಅವರಿಂದಲೇ ಮಾಡಿಸಿ ಎಂದ ಶಿವಣ್ಣ!

ಸ್ಯಾಂಡಲ್‌ವುಡ್‌ನ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅಂದರೆ ಅಭಿಮಾನಿಗಳಿಗೆ ವಿಶೇಷ ಪ್ರೀತಿ. ತಮ್ಮ ಸರಳ ಸ್ವಭಾವ, ಆತ್ಮೀಯ ಮಾತು ಹಾಗೂ ಹೊಸ ಪ್ರತಿಭೆಗಳಿಗೆ ನೀಡುವ ಪ್ರೋತ್ಸಾಹದಿಂದ ಅವರು ಸದಾ ಸುದ್ದಿಯಲ್ಲಿರುತ್ತಾರೆ. ಇದೀಗ 'ಪಬ್ಬಾರ್' ಸಿನಿಮಾ ಬಿಡುಗಡೆ ಕಾರ್ಯಕ್ರಮದಲ್ಲಿ ಶಿವಣ್ಣ ಆಡಿದ ಒಂದು ಮಾತು ಎಲ್ಲರ ಗಮನ ಸೆಳೆದಿದೆ. ಸಿನಿಮಾ ಹಾಡಿನ ಬಿಡುಗಡೆ ವಿಚಾರದಲ್ಲಿ ಅವರು ನೀಡಿದ ಸಲಹೆ ಕಾರ್ಯಕ್ರಮದ ವಿಶೇಷ ಕ್ಷಣಗಳಲ್ಲಿ ಒಂದಾಗಿದೆ.

ಹಾಡನ್ನು ನಾವೇ ಲಾಂಚ್ ಮಾಡಬೇಕಾ ಎಂದ ಶಿವಣ್ಣ!

'ಪಬ್ಬಾರ್' ಸಿನಿಮಾ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಶಿವರಾಜ್‌ಕುಮಾರ್, ಚಿತ್ರದ ಹಾಡಿನ ಬಿಡುಗಡೆ ವಿಚಾರವಾಗಿ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ. "ನಮ್ಮ ಸಿನಿಮಾ ಸಾಂಗ್ ನಾವೇ ಲಾಂಚ್ ಮಾಡ್ಬೇಕಾ? ಡೈರೆಕ್ಟರ್ ಅವರಿಂದ ಮಾಡಿಸಿ" ಎಂದು ಅವರು ಹೇಳಿದ್ದಾರೆ.

ಸಾಮಾನ್ಯವಾಗಿ ಸಿನಿಮಾ ಹಾಡುಗಳ ಬಿಡುಗಡೆ ಕಾರ್ಯಕ್ರಮಗಳಲ್ಲಿ ನಾಯಕ ನಟರು, ನಾಯಕಿಯರು ಅಥವಾ ಚಿತ್ರತಂಡದ ಪ್ರಮುಖರು ಹಾಡುಗಳನ್ನು ಬಿಡುಗಡೆ ಮಾಡುವುದು ವಾಡಿಕೆ. ಆದರೆ ಶಿವಣ್ಣ ಇಲ್ಲಿ ನಿರ್ದೇಶಕರಿಗೂ ಸಮಾನವಾಗಿ ಅವಕಾಶ ನೀಡುವ ಬಗ್ಗೆ ಮಾತನಾಡಿರುವುದು ವಿಶೇಷವಾಗಿದೆ.

ನಿರ್ದೇಶಕರಿಗೆ ಗೌರವ ನೀಡಿದ ಶಿವಣ್ಣ

ಒಂದು ಸಿನಿಮಾ ನಿರ್ಮಾಣವಾಗಬೇಕೆಂದರೆ ಅದರ ಹಿಂದೆ ನಿರ್ದೇಶಕರ ಶ್ರಮ ಬಹಳ ದೊಡ್ಡದು. ಕಥೆಯ ಆಯ್ಕೆಯಿಂದ ಹಿಡಿದು ಕಲಾವಿದರ ಅಭಿನಯ, ತಾಂತ್ರಿಕ ಕೆಲಸಗಳು ಹಾಗೂ ಪ್ರತಿಯೊಂದು ದೃಶ್ಯದ ರೂಪಿಸುವಿಕೆಯವರೆಗೆ ನಿರ್ದೇಶಕರ ಪಾತ್ರ ಪ್ರಮುಖವಾಗಿರುತ್ತದೆ.

ಹೀಗಾಗಿ ಚಿತ್ರದ ಹಾಡಿನ ಬಿಡುಗಡೆಯಂತಹ ಕಾರ್ಯಕ್ರಮದಲ್ಲೂ ನಿರ್ದೇಶಕರಿಗೆ ಅವಕಾಶ ನೀಡಬೇಕು ಎಂಬುದು ಶಿವಣ್ಣ ಅವರ ಮಾತಿನ ಹಿಂದಿನ ಆಶಯವಾಗಿ ಕಾಣುತ್ತದೆ. ಸಿನಿಮಾ ಎನ್ನುವುದು ಒಬ್ಬ ವ್ಯಕ್ತಿಯ ಸಾಧನೆಯಲ್ಲ, ಇಡೀ ತಂಡದ ಪರಿಶ್ರಮದ ಫಲ ಎಂಬ ಸಂದೇಶವೂ ಈ ಮಾತಿನಲ್ಲಿ ಅಡಗಿದೆ.

ಶಿವಣ್ಣ ಮಾತಿಗೆ ಮೆಚ್ಚುಗೆ

ಹೊಸಬರ ಸಿನಿಮಾಗಳ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿ ಪ್ರೋತ್ಸಾಹ ನೀಡುವುದು ಶಿವಣ್ಣ ಅವರ ವಿಶೇಷತೆ. ಕೇವಲ ದೊಡ್ಡ ಸಿನಿಮಾಗಳಿಗೆ ಮಾತ್ರವಲ್ಲದೆ, ಹೊಸ ಪ್ರತಿಭೆಗಳ ಪ್ರಯತ್ನಗಳಿಗೂ ಅವರು ಬೆಂಬಲ ನೀಡುತ್ತಾ ಬಂದಿದ್ದಾರೆ.

'ಪಬ್ಬಾರ್' ಚಿತ್ರದ ಕಾರ್ಯಕ್ರಮದಲ್ಲಿನ ಅವರ ಈ ಮಾತು ಕೂಡ ಸರಳವಾಗಿದ್ದರೂ ಸಿನಿಮಾ ತಂಡದ ಪ್ರತಿಯೊಬ್ಬರಿಗೂ ಗೌರವ ನೀಡುವ ಮನೋಭಾವವನ್ನು ತೋರಿಸುತ್ತದೆ.

ಒಟ್ಟಿನಲ್ಲಿ, ವೇದಿಕೆಯ ಮೇಲೆ ದೊಡ್ಡ ಭಾಷಣ ಮಾಡದಿದ್ದರೂ ಕೆಲವೊಮ್ಮೆ ಸಣ್ಣ ಮಾತುಗಳೇ ದೊಡ್ಡ ಅರ್ಥವನ್ನು ನೀಡುತ್ತವೆ. ಶಿವಣ್ಣ ಅವರ ಈ ಮಾತು ಕೂಡ ಸಿನಿಮಾ ತಂಡದ ಒಗ್ಗಟ್ಟು ಮತ್ತು ನಿರ್ದೇಶಕರ ಪರಿಶ್ರಮಕ್ಕೆ ಸಿಗಬೇಕಾದ ಗೌರವವನ್ನು ನೆನಪಿಸುವಂತಿದೆ.

ಗುಲಾಬಿ ಕೆನ್ನೆ, ಹೊಳೆಯುವ ಮುಖ ನಿಮ್ದಾಗ್ಬೇಕು ಅಂದ್ರೆ ಕಡಿಮೆ ಖರ್ಚಿನಲ್ಲಿ ಸುಲಭವಾಗಿ ತಯಾರಿಸಿ ಈ ಬ್ಲಶ್

Roopa Hegde — Fri, 13 Nov 2026 12:15:37 +0530

ಹೊಳೆಯುವ ಕೆನ್ನೆ ಮಹಿಳೆಯರ ಕನಸು. ಅದಕ್ಕೆ ಮಾರ್ಕೆಟ್‌ ನಲ್ಲಿ ಸಿಗುವ ನಾನಾ ಸೌಂದರ್ಯ ವರ್ಧಕಗಳನ್ನು ಬಳಸ್ತಿರ್ತಾರೆ. ಆದ್ರೆ ಮಾರ್ಕೆಟ್‌ ನಲ್ಲಿ ಸಿಗುವ ಈ ಸೌಂದರ್ಯ ವರ್ಧಕಗಳು ಕೆಮಿಕಲ್‌ ಮಿಶ್ರಿತವಾಗಿರೋದ್ರಿಂದ ತ್ವಚೆ ಹಾಳಾಗುವ ಭಯ ಹೆಚ್ಚು. ನೀವು ಮನೆಯಲ್ಲೇ ಆರೋಗ್ಯಕರ ಬ್ಲಶ್‌ ಮಾಡಿ ಅದನ್ನು ಬಳಸ್ಬಹುದು.

ಬೀಟ್ರೂಟ್ ಬ್ಲಶ್

ನೀವು ಮನೆಯಲ್ಲಿ ಬೀಟ್ ರೂಟ್‌ ಬ್ಲಶ್‌ ತಯಾರಿಸಿ ಬಳಸ್ಬಹುದು. ಬೀಟ್ರೂಟ್ನ ನೈಸರ್ಗಿಕ ಕೆಂಪು ಬಣ್ಣ ಕೆನ್ನೆಗಳಿಗೆ ತಿಳಿ ಗುಲಾಬಿ ಬಣ್ಣದ ಲುಕ್ ನೀಡುತ್ತದೆ. ಬೀಟ್ರೂಟ್ ಬ್ಲಶ್ ತಯಾರಿಸಲು, ತಾಜಾ ಬೀಟ್ರೂಟ್, ಮೊಸರು ಮತ್ತು ಜೇನುತುಪ್ಪದ ಅಗತ್ಯವಿದೆ.

ಬ್ಲಶ್ ತಯಾರಿಸೋದು ಹೇಗೆ?

ಮೊದಲಿಗೆ ಒಂದು ತಾಜಾ ಬೀಟ್ರೂಟ್ ತೆಗೆದುಕೊಂಡು ಸಿಪ್ಪೆ ತೆಗೆದು ಸಣ್ಣ ಸಣ್ಣ ತುಂಡುಗಳಾಗಿ ಕತ್ತರಿಸಿಕೊಳ್ಳಿ. ನಂತರ ಈ ತುಂಡುಗಳನ್ನು ಮಿಕ್ಸಿ ಜಾರ್ಗೆ ಹಾಕಿ. ಇದಕ್ಕೆ ಸ್ವಲ್ಪ ತಾಜಾ ಮೊಸರು ಮತ್ತು ಜೇನುತುಪ್ಪ ಸೇರಿಸಿ. ಮೂರೂ ಪದಾರ್ಥಗಳನ್ನು ಚೆನ್ನಾಗಿ ರುಬ್ಬಿಕೊಂಡು ನುಣ್ಣನೆಯ ಪೇಸ್ಟ್ ತಯಾರಿಸಿಕೊಳ್ಳಿ. ಒಂದು ವೇಳೆ ಮನೆಯಲ್ಲಿ ಮಿಕ್ಸಿ ಇಲ್ಲದಿದ್ದರೆ ಬೀಟ್ರೂಟ್ ಅನ್ನು ಸಣ್ಣದಾಗಿ ತುರಿದುಕೊಂಡು ಅದಕ್ಕೆ ಮೊಸರು ಮತ್ತು ಜೇನುತುಪ್ಪ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಬಹುದು. ಹೀಗೆ ಮಾಡಿದರೆ ಮನೆಯಲ್ಲೇ ನೈಸರ್ಗಿಕ ಬ್ಲಶ್ ಸಿದ್ಧವಾಗುತ್ತದೆ.

ಬೀಟ್ರೂಟ್ ಬ್ಲಶ್ ಬಳಸುವುದು ಹೇಗೆ?

ಈ ಪೇಸ್ಟ್ ಅನ್ನು ಮುಖ ಮತ್ತು ಕೆನ್ನೆಗಳ ಮೇಲೆ ತೆಳುವಾಗಿ ಹಚ್ಚಿಕೊಳ್ಳಬಹುದು. ಕೆಲವು ನಿಮಿಷಗಳ ಕಾಲ ಹಾಗೆಯೇ ಬಿಟ್ಟು ನಂತರ ಸ್ವಚ್ಛವಾದ ನೀರಿನಿಂದ ಮುಖ ತೊಳೆಯಬೇಕು. ಇದರಿಂದ ಕೆನ್ನೆಗಳಿಗೆ ತಿಳಿಯಾದ ಗುಲಾಬಿ ಬಣ್ಣ ಸಿಗುತ್ತದೆ. ಮುಖದ ತಾಜಾತನ ಹಾಳಾಗುವುದಿಲ್ಲ. ಮೊದಲ ಬಾರಿಗೆ ಬಳಸುವಾಗ ಮುಖದ ಮೇಲೆ ನೇರವಾಗಿ ಹಚ್ಚುವ ಬದಲು ಕೈಯ ಒಳಭಾಗದಲ್ಲಿ ಸ್ವಲ್ಪ ಹಚ್ಚಿ ಪರೀಕ್ಷಿಸಿಕೊಳ್ಳಿ. ಯಾವುದೇ ತುರಿಕೆ, ಉರಿ ಅಥವಾ ಅಲರ್ಜಿ ಇಲ್ಲದಿದ್ದರೆ ಮಾತ್ರ ಮುಖಕ್ಕೆ ಬಳಸಿ.

ಬೀಟ್ರೂಟ್ ಬ್ಲಶ್ನಿಂದ ಏನೆಲ್ಲಾ ಪ್ರಯೋಜನ?

ಬೀಟ್ರೂಟ್ನಲ್ಲಿರುವ ನೈಸರ್ಗಿಕ ಕೆಂಪು ವರ್ಣದ್ರವ್ಯ ಕೆನ್ನೆಗಳಿಗೆ ತಿಳಿ ಗುಲಾಬಿ ಬಣ್ಣದ ಛಾಯೆ ನೀಡುತ್ತದೆ. ಇದು ಮುಖಕ್ಕೆ ನೈಸರ್ಗಿಕ ಬ್ಲಶ್ ಹಚ್ಚಿದಂತಹ ಲುಕ್ ನೀಡುತ್ತದೆ. ಮೊಸರಿನಲ್ಲಿರುವ ಲ್ಯಾಕ್ಟಿಕ್ ಆಸಿಡ್ ತ್ವಚೆಯ ಮೇಲ್ಮೈಯನ್ನು ಮೃದುವಾಗಿಸಲು ಸಹಾಯ ಮಾಡುತ್ತದೆ. ಇದು ಚರ್ಮಕ್ಕೆ ತೇವಾಂಶ ನೀಡುತ್ತದೆ. ಇನ್ನು ಜೇನುತುಪ್ಪ ತ್ವಚೆಯ ತೇವಾಂಶ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಇದರಿಂದ ಚರ್ಮ ಮೃದುವಾಗಿ ಕಾಣಬಹುದು.

ಐಪಿಎಲ್ ಹರಾಜಿಗೂ ಮುನ್ನ ಮರಿ ಸೆಹ್ವಾಗ್ ಆರ್ಭಟ; ಯಾವ ತಂಡದ ಪಾಲಾಗ್ತಾರೆ ಆರ್ಯವೀರ್ ಸೆಹ್ವಾಗ್?

Naveen Kodase — Fri, 13 Nov 2026 12:14:30 +0530

ಬೆಂಗಳೂರು(ನ.13): ಐಪಿಎಲ್‌ 2027ರ ಮಿನಿ ಹರಾಜಿಗೆ ಇನ್ನು ಒಂದು ತಿಂಗಳು ಬಾಕಿ ಇರುವಾಗಲೇ ಭಾರತದ ಮಾಜಿ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್‌ ಪುತ್ರ ಆರ್ಯವೀರ್‌ ಸೆಹ್ವಾಗ್‌ ಭರ್ಜರಿ ಫಾರ್ಮ್‌ನಲ್ಲಿದ್ದಾರೆ. ಅಂಡರ್‌-19 ಏಷ್ಯಾಕಪ್‌ 2026ರ ಸೆಮಿಫೈನಲ್‌ ಪಂದ್ಯದಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಅರ್ಧಶತಕ ಸಿಡಿಸುವ ಮೂಲಕ ಗಮನ ಸೆಳೆದಿದ್ದಾರೆ. ಈಗಾಗಲೇ ಯುಎಇ ವಿರುದ್ಧ 160 ರನ್‌ಗಳ ಐತಿಹಾಸಿಕ ಇನ್ನಿಂಗ್ಸ್‌ ಆಡಿದ್ದ ಆರ್ಯವೀರ್‌, ಮತ್ತೊಮ್ಮೆ ತಮ್ಮ ಬ್ಯಾಟಿಂಗ್‌ ಸಾಮರ್ಥ್ಯವನ್ನು ಪ್ರದರ್ಶಿಸಿದ್ದಾರೆ.

19 ವರ್ಷದ ಆರ್ಯವೀರ್‌ ಅಫ್ಘಾನಿಸ್ತಾನ ವಿರುದ್ಧದ ಸೆಮಿಫೈನಲ್‌ನಲ್ಲಿ 57 ಎಸೆತಗಳನ್ನು ಎದುರಿಸಿ ನಾಲ್ಕು ಸಿಕ್ಸರ್‌ ಹಾಗೂ ನಾಲ್ಕು ಬೌಂಡರಿಗಳ ನೆರವಿನಿಂದ 51 ರನ್‌ ಗಳಿಸಿದರು. ಈ ಮೂಲಕ ಟೂರ್ನಿಯಲ್ಲಿ ತಮ್ಮ ಎರಡನೇ ಅರ್ಧಶತಕ ದಾಖಲಿಸಿದರು. ಐಪಿಎಲ್‌ 2027ರ ಹರಾಜಿಗೂ ಮುನ್ನ ಆರ್ಯವೀರ್‌ ತೋರಿಸುತ್ತಿರುವ ಈ ಫಾರ್ಮ್‌ ಕ್ರಿಕೆಟ್‌ ವಲಯದಲ್ಲಿ ಕುತೂಹಲ ಮೂಡಿಸಿದೆ. ಮುಂಬರುವ ಹರಾಜಿನಲ್ಲಿ ಅವರ ಹೆಸರು ಕಾಣಿಸಿಕೊಂಡರೆ ಹಲವು ಫ್ರಾಂಚೈಸಿಗಳು ಬಿಡ್‌ ಮಾಡುವ ಸಾಧ್ಯತೆಯಿದೆ ಎಂಬ ನಿರೀಕ್ಷೆಯೂ ವ್ಯಕ್ತವಾಗಿದೆ.

ಅಫ್ಘಾನಿಸ್ತಾನ ವಿರುದ್ಧ 117 ರನ್‌ಗಳ ಆರಂಭಿಕ ಜೊತೆಯಾಟ

ಎಸಿಸಿ ಅಂಡರ್‌-19 ಏಷ್ಯಾಕಪ್‌ ಸೆಮಿಫೈನಲ್‌ನಲ್ಲಿ ಟಾಸ್‌ ಗೆದ್ದ ಅಫ್ಘಾನಿಸ್ತಾನ ಮೊದಲು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡಿತ್ತು. ಆದರೆ, ಭಾರತೀಯ ಬೌಲರ್‌ಗಳ ಸಂಘಟಿತ ದಾಳಿಗೆ ತತ್ತರಿಸಿದ ಅಫ್ಘಾನಿಸ್ತಾನ 227 ರನ್‌ಗಳಿಗೆ ಸೀಮಿತವಾಯಿತು. ಭಾರತದ ಪರ ಇಶಾನ್‌ ಧೀರಜ್‌ ಸೂದ್‌ ಮೂರು ವಿಕೆಟ್‌ ಪಡೆದು ಮಿಂಚಿದರು. ಆರ್ಯನ್‌ ಎರಡು ವಿಕೆಟ್‌ ಕಬಳಿಸಿದರೆ, ಪರೇಶ್‌ ಪಟೇಲ್‌, ಯಶವರ್ಧನ್‌ ಚೌಹಾಣ್‌ ಮತ್ತು ಅರ್ಜುನ್‌ ರಜಪೂತ್‌ ತಲಾ ಒಂದು ವಿಕೆಟ್‌ ಪಡೆದರು.

228 ರನ್‌ಗಳ ಗುರಿ ಬೆನ್ನಟ್ಟಿದ ಭಾರತಕ್ಕೆ ಆರಂಭಿಕರಾದ ಆರ್ಯವೀರ್‌ ಸೆಹ್ವಾಗ್‌ ಮತ್ತು ನಾಯಕ ಲಕ್ಷ್ಯ ರೈಚಂದಾನಿ ಉತ್ತಮ ಆರಂಭ ಒದಗಿಸಿದರು. ಮೊದಲ ವಿಕೆಟ್‌ಗೆ ಈ ಜೋಡಿ 117 ರನ್‌ಗಳ ಜೊತೆಯಾಟವಾಡಿ ತಂಡದ ಗೆಲುವಿಗೆ ಭದ್ರ ಬುನಾದಿ ಹಾಕಿತು. ಆರ್ಯವೀರ್‌ 51 ರನ್‌ ಗಳಿಸಿ ಔಟಾದರೆ, ಲಕ್ಷ್ಯ ರೈಚಂದಾನಿ ಕೂಡ ಉತ್ತಮ ಬ್ಯಾಟಿಂಗ್‌ ಪ್ರದರ್ಶಿಸಿದರು. ಈ ಜೊತೆಯಾಟದಿಂದ ಭಾರತ ತಂಡ ಗೆಲುವಿನತ್ತ ಸುಲಭವಾಗಿ ಸಾಗಿತು.

ಅಂಡರ್‌-19 ಏಷ್ಯಾಕಪ್‌ನಲ್ಲಿ ಆರ್ಯವೀರ್‌ ಅಬ್ಬರ

ಈ ಬಾರಿಯ ಅಂಡರ್‌-19 ಏಷ್ಯಾಕಪ್‌ನಲ್ಲಿ ಆರ್ಯವೀರ್‌ ನಿರಂತರವಾಗಿ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ನೇಪಾಳ ವಿರುದ್ಧ ಅಜೇಯ 70 ರನ್‌ ಗಳಿಸಿದ್ದ ಅವರು, ಯುಎಇ ವಿರುದ್ಧದ ಹಿಂದಿನ ಪಂದ್ಯದಲ್ಲಿ 160 ರನ್‌ಗಳ ಐತಿಹಾಸಿಕ ಇನ್ನಿಂಗ್ಸ್‌ ಆಡಿದ್ದರು. ಇದೀಗ ಅಫ್ಘಾನಿಸ್ತಾನ ವಿರುದ್ಧ 51 ರನ್‌ ಗಳಿಸುವ ಮೂಲಕ ಮತ್ತೊಂದು ಅರ್ಧಶತಕ ದಾಖಲಿಸಿದ್ದಾರೆ. ಹೀಗಾಗಿ ಟೂರ್ನಿಯಲ್ಲಿ ಒಂದು ಶತಕ ಹಾಗೂ ಎರಡು ಅರ್ಧಶತಕಗಳನ್ನು ಗಳಿಸಿರುವ ಆರ್ಯವೀರ್‌, ತಮ್ಮ ಬ್ಯಾಟಿಂಗ್‌ ಸಾಮರ್ಥ್ಯವನ್ನು ಸಾಬೀತುಪಡಿಸಿದ್ದಾರೆ. ಹೀಗಾಗಿ ಆರ್ಯವೀರ್ ಸೆಹ್ವಾಗ್ ಮುಂಬರುವ ಐಪಿಎಲ್ ಮಿನಿ ಹರಾಜಿನಲ್ಲಿ ಯಾವ ತಂಡ ಕೂಡಿಕೊಳ್ಳಬಹುದು ಎನ್ನುವ ಕುತೂಹಲ ಜೋರಾಗಿದೆ.

ಡಿಸೆಂಬರ್‌ 16ರಂದು ಗೋವಾದಲ್ಲಿ ಐಪಿಎಲ್‌ 2027 ಮಿನಿ ಹರಾಜು

ವೀರೇಂದ್ರ ಸೆಹ್ವಾಗ್‌ ಅವರ ಪುತ್ರ ಆರ್ಯವೀರ್‌ ಕೂಡ ತಂದೆಯಂತೆಯೇ ಆರಂಭಿಕ ಬ್ಯಾಟರ್‌ ಆಗಿದ್ದಾರೆ. ಯುವ ಕ್ರಿಕೆಟಿಗನಾಗಿ ಈಗಾಗಲೇ ತಮ್ಮ ಸಾಮರ್ಥ್ಯವನ್ನು ತೋರಿಸಿರುವ ಅವರು, ಭವಿಷ್ಯದಲ್ಲಿ ಭಾರತ ತಂಡದಲ್ಲಿ ಸ್ಥಾನ ಪಡೆಯುವ ಗುರಿ ಹೊಂದಿದ್ದಾರೆ. ಅದಕ್ಕೂ ಮುನ್ನ ಐಪಿಎಲ್‌ನಲ್ಲಿ ಅವಕಾಶ ಪಡೆಯುವ ನಿರೀಕ್ಷೆಯಲ್ಲಿದ್ದಾರೆ.

ಮುಂಬರುವ ಐಪಿಎಲ್‌ 2027 ಟೂರ್ನಿ ಲೀಗ್‌ನ 20ನೇ ಆವೃತ್ತಿಯಾಗಿರಲಿದೆ. ಇದಕ್ಕಾಗಿ ಆಟಗಾರರ ಮಿನಿ ಹರಾಜು ಡಿಸೆಂಬರ್‌ 16ರಂದು ಗೋವಾದಲ್ಲಿ ನಡೆಯಲಿದೆ. ಇದು ಮಿನಿ ಹರಾಜಾಗಿರುವುದರಿಂದ ಫ್ರಾಂಚೈಸಿಗಳು ತಮಗೆ ಬೇಕಾದಷ್ಟು ಆಟಗಾರರನ್ನು ಉಳಿಸಿಕೊಳ್ಳುವ ಅವಕಾಶ ಹೊಂದಿವೆ. ಹೀಗಾಗಿ ತಂಡಗಳ ಅಗತ್ಯಕ್ಕೆ ಅನುಗುಣವಾಗಿ ಹೊಸ ಆಟಗಾರರನ್ನು ಖರೀದಿಸುವ ಪ್ರಕ್ರಿಯೆ ನಡೆಯಲಿದೆ.

ಇನ್ನು ಅಂಡರ್‌-19 ಏಷ್ಯಾಕಪ್‌ನ ಮತ್ತೊಂದು ಸೆಮಿಫೈನಲ್‌ನಲ್ಲಿ ಬಾಂಗ್ಲಾದೇಶ ವಿರುದ್ಧ ಪಾಕಿಸ್ತಾನ ಒಂಬತ್ತು ವಿಕೆಟ್‌ಗಳ ಭರ್ಜರಿ ಗೆಲುವು ಸಾಧಿಸಿ ಫೈನಲ್‌ಗೆ ಪ್ರವೇಶಿಸಿದೆ. ಹೀಗಾಗಿ ಭಾರತ ತಂಡ ಫೈನಲ್‌ನಲ್ಲಿ ಪಾಕಿಸ್ತಾನವನ್ನು ಎದುರಿಸಲಿದೆ. ಫೈನಲ್‌ನಲ್ಲಿ ತಂದೆಯಂತೆ ಪಾಕಿಸ್ತಾನ ಎದುರು ಆರ್ಯವೀರ್ ಸೆಹ್ವಾಗ್ ಅಬ್ಬರಿಸುತ್ತಾರಾ ಎನ್ನುವುದನ್ನು ಕಾದು ನೋಡಬೇಕಿದೆ.

ಪ್ರಧಾನಿ ಮೋದಿ ಆಗಮನ ಹಿನ್ನಲೆಯಲ್ಲಿ ಜೆಪಿ ನಗರ, ವೆಗಾ ಸಿಟಿ ಸೇರಿ ಕೆಲ ರಸ್ತೆ ಸಂಪೂರ್ಣ ಬಂದ್

Chethan Kumar — Fri, 13 Nov 2026 11:56:05 +0530

ಬೆಂಗಳೂರು (ನ.13) ಮೆಟ್ರೋ ನಿಲ್ದಾಣ ಉದ್ಘಾಟನೆ ಸೇರಿದಂತೆ ಹಲು ಕಾರ್ಯಕ್ರಮಗಳ ನಿಮಿತ್ತ ಪ್ರಧಾನಿ ನರೇಂದ್ರ ಮೋದಿ ಬೆಂಗಳೂರಿಗೆ ಆಗಮಿಸಿದ್ದಾರೆ. ತಾವರೆಕೆರೆ ಮೆಟ್ರೋ ನಿಲ್ದಾಣಕ್ಕೆ ಆಗಮಿಸಲಿರುವ ಪ್ರಧಾನಿ ಮೋದಿ ಕಾಳೇನ ಅಗ್ರಹಾರ ದಿಂದ ನಾಗಾವರ ಮೆಟ್ರೋ ಸೇವೆಯ ಮೊದಲ ಹಂತದಲ್ಲಿ ಪೂರ್ಣಗೊಂಡಿರುವ ಮೆಟ್ರೋ ಸೇವೆಯನ್ನು ಉದ್ಘಾಟಿಸಲಿದ್ದಾರೆ. ತಾವರೆಕೆರೆಗೆ ಪ್ರಧಾನಿ ಮೋದಿ ಆಗಮಿಸುವ ಹಿನ್ನಲೆಯಲ್ಲಿ ಹಲವು ರಸ್ತೆಗಳು ಬಂದ್ ಮಾಡಲಾಗಿದೆ. ಜೆಪಿ ನಗರಕ್ಕೆ ಹೋಗುವ ರಸ್ತೆ, ವೆಗಾ ಸಿಟಿ ಮಾಲ್ ರಸ್ತೆ ಸೇರಿದಂತೆ ಹಲವು ರಸ್ತೆಗಳು ಬಂದ್ ಆಗಿದೆ.

ಕೆಲ ರಸ್ತೆ ಸಂಚಾರ ಸಂಪೂರ್ಣ ಬಂದ್

ಪ್ರಧಾನಿ ನರೇಂದ್ರ ಮೋದಿ ತಾವರೆಕೆರೆ ಮೆಟ್ರೋ ನಿಲ್ದಾಣಕ್ಕೆ ಆಗಮಿಸುತ್ತಿರುವ ಹಿನ್ನಲೆಯಲ್ಲಿ ಮೆಗಾ ಸಿಟಿ ಮಾಲ್ ಜಂಕ್ಷನ್ ರಸ್ತೆ ಸಂಪೂರ್ಣ ಬಂದ್ ಮಾಡಲಾಗಿದೆ. ಪೊಲೀಸರು ಬ್ಯಾರಿಕೇಡ್ ಹಾಕಿ ರಸ್ತೆ ಬಂದ್ ಮಾಡಿದ್ದಾರೆ. ಇದೇ ವೇಳೆ ಪರ್ಯಾಣ ರಸ್ತೆಗಳನ್ನು ಸೂಚಿಸಿದ್ದಾರೆ. ಇನ್ನು ಜೆಪಿ ನಗರಕ್ಕೆ ಹೋಗುವ ರಸ್ತೆಯನ್ನು ಸಂಪೂರ್ಣ ಬಂದ್ ಮಾಡಲಾಗಿದೆ. ಪೊಲೀಸರು ರಸ್ತೆಗಳ ಬಂದ್ ಮಾಡಿ ಬಂದೋಬಸ್ತ್ ಮಾಡಿದ್ದಾರೆ.

ಹೆಲಿಕಾಪ್ಟರ್ ಮೂಲಕ ತಾವರೆಕೆರೆಗೆ ಮೋದಿ ಆಗಮನ

ಆನೇಕಲ್‌ನ ಜಿಗಣಿಯ ಪ್ರಶಾಂತಿ ಕುಟಿರಾದಿಂದ ಪ್ರಧಾನಿ ಮೋದಿ ನೆರವಾಗಿ ತಾವರೆಕೆರೆ ಹೆಲಿಪ್ಯಾಡ್‌ಗೆ ಆಗಮಿಸಲಿದ್ದಾರೆ. ಈ ಹಿನ್ನಲೆಯಲ್ಲಿ ತಾವರೆಕೆರೆ ಹೆಲಿಪ್ಯಾಡ್ ಬಳಿ ಬಿಜೆಪಿ ಕಾರ್ಯಕರ್ತರು ಜಮಾಯಿಸಿದ್ದಾರೆ. ಮೋದಿ ಆಗಮನ ಹಿನ್ನಲೆಯಲ್ಲಿ ಸುತ್ತ ಮುತ್ತಲಿನ ಕೆಲ ರಸ್ತೆಗಳನ್ನು ಬಂದ್ ಮಾಡಲಾಗಿದೆ.

ತಾವರೆಕೆರೆ ಮೆಟ್ರೋ ನಿಲ್ದಾಣದ ಬಳಿ ಬಿಜೆಪಿ ಕಾರ್ಯಕರ್ತರು ಮೋದಿ ಮೋದಿ ಘೋಷಣೆ ಕೂಗುತ್ತಿದ್ದಾರೆ. ಮೋದಿ ಸಾಗುವ ರಸ್ತೆಯಲ್ಲಿ ಕಾರ್ಯಕರ್ತರು ಜಮಾಯಿಸಿದ್ದಾರೆ. ಮೋದಿಯನ್ನು ನೋಡಲು ಮಹಿಳಾ ಕಾರ್ಯಕರ್ತರು ಆಗಮಿಸಿದ್ದಾರೆ. ಇದೇ ವೇಳೆ ಕಲಾತಂಡಗಳಿಂದ ಪ್ರದರ್ಶನ ನೀಡಿದೆ. ಇದೇ ವೇಳೆ ಬಿಜೆಪಿ ಹಾಗೂ ಕಾಂಗ್ರೆಸ್ ಕಾರ್ಯಕರ್ತರು ಹೆಚ್ಚಿನ ಸಂಖ್ಯೆಯಲ್ಲಿ ಜಮಾಯಿಸಿದ್ದಾರೆ. ಕಾಂಗ್ರೆಸ್ ಕಾರ್ಯಕರ್ತರು ಡಿಕೆ ಶಿವಕುಮಾರ್ ಕುರಿತು ಘೋಷಣೆ ಕೂಗುತ್ತಿದ್ದಾರೆ.

ಮೆಟ್ರೋ ನಿಲ್ದಾಣ ಉದ್ಘಾಟನೆಯಲ್ಲಿ ಕಾಂಗ್ರೆಸ್ ಹಾಗೂ ಬಿಜೆಪಿ ಕ್ರೆಡಿಟ್ ಯುದ್ಧದಲ್ಲಿ ನಿರತವಾಗಿದೆ. ಹಲವೆಡೆ ಕಾಂಗ್ರೆಸ್ ಕಾರ್ಯಕರ್ತರು ಡಿಕೆ ಶಿವಕುಮಾರ್ ಹಾಗೂ ಸರ್ಕಾರದ ಬ್ಯಾನರ್ ಹಾಕಿದ್ದರೆ, ಇತ್ತ ಮೋದಿ ಸ್ವಾಗತಕ್ಕೆ ಬಿಜೆಪಿ ಕಾರ್ಯಕರ್ತರು ಬ್ಯಾನರ್ ಹಾಕಿದ್ದಾರೆ. ರಾತ್ರಿ 1.30 ರಲ್ಲಿ ಬಿಜೆಪಿ ಬ್ಯಾನರ್ ತೆರವು ಮಾಡಲಾಗಿದೆ. ಕಾಂಗ್ರೆಸ್ ಕೆಟ್ಟ ಸಂಸ್ಕೃತಿಗೆ ನಾಂದಿ ಹಾಡುತ್ತಿದೆ ಎಂದು ಜಯನಗರ ಶಾಸಕ ಸಿಕೆ ರಾಮಮೂರ್ತಿ ಹೇಳಿದ್ದಾರೆ. ಬ್ಯಾನರ್ ವಿಚಾರದಲ್ಲಿ ಕಾಂಗ್ರೆಸ್ ಹಾಗೂ ಬಿಜೆಪಿ ಕಾರ್ಯಕರ್ತರ ನಡುವೆ ಜಟಾಪಟಿ ನಡೆದಿದೆ. ಕಾಂಗ್ರೆಸ್ ದ್ವೇಷ ರಾಜಕೀಯ ಮಾಡುತ್ತಿದೆ ಎಂದು ಬಿಜೆಪಿ ಆರೋಪಿಸಿದೆ. ಸರ್ಕಾರ ಪ್ರಧಾನಿ ಮೋದಿ ಸ್ವಾಗತ ವಿಚಾರದಲ್ಲೂ ರಾಜಕೀಯ ಮಾಡುತ್ತಿದೆ ಎಂದು ಆರೋಪಿಸಿದೆ.

ಕರ್ನಾಟಕದಲ್ಲಿ 100 ವರ್ಷಗಳ ಹಿಂದೆಯೇ ಎಥೆನಾಲ್ ಉತ್ಪಾದನೆ, ಮುಂಬೈನಲ್ಲಿ ಇಂಧನ ಮಿಶ್ರಣ ಮಾಡಿ ಬಸ್‌ ಓಡಾಟ: ನಿರಾಣಿ

Gowthami K — Fri, 13 Nov 2026 11:51:10 +0530

ಬಾಗಲಕೋಟೆ: ಇಥೆನಾಲ್ ಉತ್ಪಾದನೆ ಮತ್ತು ಬಳಕೆ ಹೊಸ ತಂತ್ರಜ್ಞಾನವಲ್ಲ. ಸುಮಾರು ನೂರು ವರ್ಷಗಳ ಹಿಂದೆಯೇ ಕರ್ನಾಟಕದಲ್ಲಿ ಇಥೆನಾಲ್ ಉತ್ಪಾದನೆಗೆ ಚಾಲನೆ ನೀಡಲಾಗಿತ್ತು. ವಾಹನಗಳ ಎಂಜಿನ್ ವಿನ್ಯಾಸಕ್ಕೆ ಅನುಗುಣವಾಗಿ ಇಂಧನ ಮಿಶ್ರಣದ ಪ್ರಮಾಣ ನಿರ್ಧರಿಸಲಾಗುತ್ತದೆ ಎಂದು ಮಾಜಿ ಸಚಿವ ಮುರುಗೇಶ ನಿರಾಣಿ ಹೇಳಿದರು.

ನಗರದಲ್ಲಿ ಬುಧವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಇಥೆನಾಲ್ ಮಿಶ್ರಿತ ಪೆಟ್ರೋಲ್ ಬಳಕೆಯಿಂದ ವಾಹನಗಳ ಎಂಜಿನ್‌ಗೆ ಹಾನಿಯಾಗುತ್ತಿದೆ ಹಾಗೂ ಮೈಲೇಜ್ ಕಡಿಮೆಯಾಗುತ್ತಿದೆ ಎಂಬ ಸಚಿವ ರಿಜ್ವಾನ್ ಅರ್ಷದ್ ಅವರ ಆರೋಪಕ್ಕೆ ಅವರು ತಿರುಗೇಟು ನೀಡಿದರು. ನಾಲ್ವಡಿ ಕೃಷ್ಣರಾಜ ಒಡೆಯರ್ ಅವರ ಆಡಳಿತಾವಧಿಯಲ್ಲಿ ಸರ್ ಎಂ. ವಿಶ್ವೇಶ್ವರಯ್ಯ ಅವರ ಮಾರ್ಗದರ್ಶನದಲ್ಲಿ ಮೈಸೂರಿನಲ್ಲಿ ದಿನಕ್ಕೆ 30 ಸಾವಿರ ಲೀಟರ್ ಇಥೆನಾಲ್ ಉತ್ಪಾದಿಸುವ ಕಾರ್ಖಾನೆ ಸ್ಥಾಪಿಸಲಾಗಿತ್ತು. ಆಗ ಪೆಟ್ರೋಲ್ ಚಾಲಿತ ಬಸ್‌ಗಳ ಬಳಕೆ ಸೀಮಿತವಾಗಿದ್ದ ಕಾರಣ, ಮುಂಬೈನಲ್ಲಿ ಇಂಧನ ಮಿಶ್ರಣ ಮಾಡಿ ಬಸ್‌ಗಳನ್ನು ಓಡಿಸಲಾಗುತ್ತಿತ್ತು. ಸ್ವಾತಂತ್ರ್ಯಾನಂತರ ಈ ಪ್ರಯತ್ನ ಮುಂದುವರಿಯಲಿಲ್ಲ ಎಂದು ತಿಳಿಸಿದರು.

ಬ್ರೆಜಿಲ್ ದೇಶ ಸುಮಾರು 80 ವರ್ಷಗಳಿಂದ ಎಥೆನಾಲ್ ಬಳಕೆ ಅಳವಡಿಸಿಕೊಂಡಿದೆ. ಅಲ್ಲಿ ಪೆಟ್ರೋಲ್, ಡೀಸೆಲ್ ಜೊತೆಗೆ ಎಥೆನಾಲ್ ಆಧಾರಿತ ವಾಹನಗಳೂ ಬಳಕೆಯಲ್ಲಿವೆ. ಇಥೆನಾಲ್ ಮಿಶ್ರಣದ ವಿವಿಧ ಪ್ರಮಾಣಗಳಿಗೆ ಅನುಗುಣವಾಗಿ ವಾಹನಗಳ ಎಂಜಿನ್‌ಗಳನ್ನು ವಿನ್ಯಾಸಗೊಳಿಸಲಾಗುತ್ತದೆ. ಇ10 ಎಂದರೆ ಶೇ.10 ಇಥೆನಾಲ್ ಮತ್ತು ಶೇ.90 ಪೆಟ್ರೋಲ್, ಇ 20 ಎಂದರೆ ಶೇ.20 ಇಥೆನಾಲ್ ಹಾಗೂ ಶೇ.80 ಪೆಟ್ರೋಲ್. ಇದೇ ರೀತಿ ಇ30ನಲ್ಲಿ ಶೇ.30 ಇಥೆನಾಲ್ ಮತ್ತು ಶೇ.70 ಪೆಟ್ರೋಲ್ ಇರುತ್ತದೆ. ಇ- 85 ಮಾದರಿಯಲ್ಲಿ ಶೇ.85 ಇಥೆನಾಲ್ ಹಾಗೂ ಶೇ.15 ಪೆಟ್ರೋಲ್ ಬಳಸಲಾಗುತ್ತದೆ. ಇಂತಹ ಇಂಧನ ಬಳಕೆಗೆ ಅನುಕೂಲವಾಗುವ ವಾಹನಗಳನ್ನು ಕೆಲವು ಕಂಪನಿಗಳು ಪರಿಚಯಿಸಿವೆ. ಇ 100 ಮಾದರಿಯನ್ನೂ ಪರಿಚಯಿಸಲಾಗಿದೆ ಎಂದು ಹೇಳಿದರು.

ಬೇಡಿಕೆಗಿಂತ ಉತ್ಪಾದನೆ ಹೆಚ್ಚು:

ದೇಶದಲ್ಲಿ ಇಥೆನಾಲ್ ಉತ್ಪಾದನೆ ಮತ್ತು ಬಳಕೆ ಅಂಕಿ-ಅಂಶ ಉಲ್ಲೇಖಿಸಿದ ನಿರಾಣಿ, ವರ್ಷಕ್ಕೆ ಸುಮಾರು 2,200 ಕೋಟಿ ಲೀಟರ್ ಇಥೆನಾಲ್ ಉತ್ಪಾದನೆಯಾಗುತ್ತಿದೆ. ದೇಶದ ತೈಲ ಮಾರುಕಟ್ಟೆ ಕಂಪನಿಗಳ ಬಳಕೆ ಸುಮಾರು 1,200 ಕೋಟಿ ಲೀಟರ್ ಇದೆ. ರಿಲಯನ್ಸ್, ಎಸ್ಸಾರ್ ಮತ್ತು ನಯರಾ ಸೇರಿ ಇತರೆ ಖಾಸಗಿ ಕಂಪನಿಗಳ ಬಳಕೆ ಸುಮಾರು 200ರಿಂದ 250 ಕೋಟಿ ಲೀಟರ್ ಇದೆ. ಹೀಗಾಗಿ ದೇಶದಲ್ಲಿ ಬೇಡಿಕೆ ಮತ್ತು ಪೂರೈಕೆ ಪರಿಗಣಿಸಿದರೆ ಉತ್ಪಾದನೆ ಹೆಚ್ಚಾಗಿದೆ ಎಂದು ವಿವರಿಸಿದರು.

ಇಥೆನಾಲ್ ಉತ್ಪಾದನೆಗೆ ಕಬ್ಬು, ಮೊಲಾಸಿಸ್, ಅಕ್ಕಿ, ಮೆಕ್ಕೆಜೋಳ ಸೇರಿ ವಿವಿಧ ಆಹಾರ ಧಾನ್ಯ ಬಳಸಬಹುದು. ಕೃಷಿ ತ್ಯಾಜ್ಯ, ಕಬ್ಬಿನ ಸಿಪ್ಪೆ ಹಾಗೂ ಇತರೆ ಜೈವಿಕ ಅವಶೇಷಗಳಿಂದಲೂ ಇಥೆನಾಲ್ ಉತ್ಪಾದಿಸುವ ಸಾಧ್ಯತೆ ಇದೆ. ಕಬ್ಬು, ಮೆಕ್ಕೆಜೋಳ ಮತ್ತು ಆಹಾರ ಧಾನ್ಯಗಳಿಂದ ಉತ್ಪಾದಿಸುವ ಇಥೆನಾಲ್ ಅನ್ನು ಮೊದಲನೇ ತಲೆಮಾರಿನ (1ಉ) ಇಥೆನಾಲ್ ಎಂದು ಕರೆಯಲಾಗುತ್ತದೆ. ಕಬ್ಬಿನ ಸಿಪ್ಪೆ ಹಾಗೂ ಕೃಷಿ ತ್ಯಾಜ್ಯಗಳಿಂದ ಉತ್ಪಾದಿಸುವುದನ್ನು ಎರಡನೇ ತಲೆಮಾರಿನ (2ಉ) ಇಥೆನಾಲ್ ಎಂದು ಕರೆಯಲಾಗುತ್ತದೆ. ಈ ಕ್ಷೇತ್ರದಲ್ಲಿ ಮೂರನೇ ತಲೆಮಾರಿನ ಇಥೆನಾಲ್ ಉತ್ಪಾದನೆ ಕುರಿತೂ ಪ್ರಯತ್ನಗಳು ನಡೆ0ುುತ್ತಿವೆ ಎಂದು ತಿಳಿಸಿದರು.

ಡೀಸೆಲ್‌ನಲ್ಲಿ ಇಥೆನಾಲ್ ಮಿಶ್ರಣಕ್ಕೆ ಸಂಶೋಧನೆ:

ಇಥೆನಾಲ್ ಅನ್ನು ಪ್ರಸ್ತುತ ಪೆಟ್ರೋಲ್‌ನಲ್ಲಿ ಮಾತ್ರ ಮಿಶ್ರಣ ಮಾಡಲಾಗುತ್ತಿದೆ. ಡೀಸೆಲ್‌ನಲ್ಲಿ ನೇರವಾಗಿ ಇಥೆನಾಲ್ ಮಿಶ್ರಣ ಮಾಡಲು ಸಾಧ್ಯವಾಗುತ್ತಿಲ್ಲ. ಪೆಟ್ರೋಲ್ ಮತ್ತು ಇಥೆನಾಲ್ ನಡುವಿನ ಹೊಂದಾಣಿಕೆಗೆ ಹೋಲಿಸಿದರೆ ಡೀಸೆಲ್ ಮತ್ತು ಇಥೆನಾಲ್‌ನ ಗುಣಲಕ್ಷಣಗಳು ಹಾಗೂ ಸಾಂಧ್ರತೆಯ ವ್ಯತ್ಯಾಸವಿದೆ. ಹೀಗಾಗಿ ಎರಡೂ ಪ್ರತ್ಯೇಕವಾಗುವ ಸಾಧ್ಯತೆ ಇದೆ ಎಂದು ಹೇಳಿದರು.

ದೇಶದಲ್ಲಿ ಡೀಸೆಲ್ ಬಳಕೆ ಪೆಟ್ರೋಲ್‌ಗಿಂತ ಸುಮಾರು ನಾಲ್ಕು ಪಟ್ಟು ಹೆಚ್ಚಿದೆ. ಹೀಗಾಗಿ ಹೆಚ್ಚುವರಿ ಇಥೆನಾಲ್ ಅನ್ನು ಡೀಸೆಲ್ ಬಳಕೆಯಲ್ಲೂ ಬಳಸುವ ಉದ್ದೇಶದಿಂದ ಸಂಶೋಧನೆ ನಡೆಯುತ್ತಿದೆ. ಇದಕ್ಕಾಗಿ ಐಸೊಬ್ಯುಟನಾಲ್‌ನಂತಹ ಪರ್ಯಾಯ ಇಂಧನಗಳ ಬಗ್ಗೆಯೂ ಅಧ್ಯಯನ ಮಾಡಲಾಗುತ್ತಿದೆ. ಅಮೆರಿಕದಲ್ಲಿ ಈ ಸಂಬಂಧ ಪ್ರಯೋಗಗಳು ನಡೆದಿವೆ. ಆದರೆ ಉತ್ಪಾದನಾ ವೆಚ್ಚ ಹೆಚ್ಚಿರುವುದರಿಂದ ಇಂತಹ ಇಂಧನಗಳ ಬೆಲೆ ಸಾಮಾನ್ಯ ಡೀಸೆಲ್‌ಗಿಂತ ಹೆಚ್ಚಾಗುತ್ತದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿ ಡೀಸೆಲ್ ಲೀಟರ್‌ಗೆ ₹80ರಿಂದ ₹90ರ ಆಸುಪಾಸಿನಲ್ಲಿದ್ದರೆ, ಪರ್ಯಾಯ ಇಂಧನದ ವೆಚ್ಚ ₹120ರವರೆಗೆ ತಲುಪುವ ಸಾಧ್ಯತೆ ಇದೆ. ಬ್ಲೆಂಡಿಂಗ್ ಏಜೆಂಟ್‌ಗಳ ಬಳಕೆಯ ವೆಚ್ಚ ಹೆಚ್ಚಿಸುತ್ತದೆ. ಈ ಕುರಿತು ಸಂಶೋಧನೆ ಮುಂದುವರಿದಿದ್ದು, ಮುಂದಿನ ಒಂದು ಅಥವಾ ಎರಡು ವರ್ಷಗಳಲ್ಲಿ ಡೀಸೆಲ್‌ನಲ್ಲಿಯೂ ಮಿಶ್ರಣಕ್ಕೆ ಅವಕಾಶಗಳು ರೂಪುಗೊಳ್ಳಬಹುದು ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ಇಥೆನಾಲ್ ಮಿಶ್ರಿತ ಇಂಧನ ಕುರಿತು ಚರ್ಚಿಸುವಾಗ ವಾಹನಗಳ ಎಂಜಿನ್ ವಿನ್ಯಾಸ, ಇಂಧನದ ಗುಣಮಟ್ಟ, ಮಿಶ್ರಣದ ಪ್ರಮಾಣ ಹಾಗೂ ದೇಶದ ಕೃಷಿ ಉತ್ಪಾದನೆಯ ಪರಿಸ್ಥಿತಿ ಸಮಗ್ರವಾಗಿ ಪರಿಗಣಿಸಬೇಕು ಎಂದು ಮುರುಗೇಶ ನಿರಾಣಿ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ನಾರಾಯಣಸಾ ಭಾಂಡಗೆ, ಹೂವಪ್ಪ ರಾಠೋಡ, ಚಂದ್ರಕಾಂತ ಕೇಸನೂರ, ರಮೇಶ ಮೋರಟಗಿ, ಉಮೇಶ ಮೇಟಿ, ಶ್ರೀಶೈಲ ಗೌರಿ ಉಪಸ್ಥಿತರಿದ್ದರು.

100 ವಾಹನಗಳಿಗೆ ಮನವಿ :

ದೇಶದಲ್ಲಿ ಇಥೆನಾಲ್ ಉತ್ಪಾದನೆ ಹೆಚ್ಚಿರುವ ಹಿನ್ನೆಲೆಯಲ್ಲಿ ಇ85 ಮತ್ತು ಇ100 ಮಾದರಿ ವಾಹನಗಳನ್ನು ಪರಿಚಯಿಸುವಂತೆ ಇಥೆನಾಲ್ ಉತ್ಪಾದಕರ ಸಂಘಟನೆಗಳ ಮೂಲಕ ಕೇಂದ್ರ ಸರ್ಕಾರಕ್ಕೆ ಮನವಿ ಸಲ್ಲಿಸಲಾಗಿದೆ. ಬ್ರೆಜಿಲ್‌ನಲ್ಲಿ ಈಗಾಗಲೇ ಇಂತಹ ವಾಹನಗಳು ಬಳಕೆಯಲ್ಲಿವೆ. ಈ ಮನವಿಯನ್ನು ಕೇಂದ್ರ ಸರ್ಕಾರ ಪರಿಶೀಲಿಸುತ್ತಿದೆ. ದೇಶದಲ್ಲಿ ಇಥೆನಾಲ್ ಬಳಕೆಗೆ ಅನುಗುಣವಾಗಿ ವಾಹನಗಳ ಲಭ್ಯತೆಯೂ ಹೆಚ್ಚಾಗಬೇಕು ಎಂದು ಹೇಳಿದರು.

ಕಬ್ಬು ಉತ್ಪಾದನೆಯಲ್ಲಿ ಏರಿಳಿತದ ಆತಂಕ :

ಮಳೆ ಕೊರತೆಯಿಂದ ಕಬ್ಬು ಉತ್ಪಾದನೆ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಈ ವರ್ಷ ಕಬ್ಬಿನ ಉತ್ಪಾದನೆ ಸುಮಾರು ಶೇ.30ರಷ್ಟು ಕಡಿಮೆಯಾಗುವ ಅಂದಾಜಿದೆ. ಮುಂದಿನ ವರ್ಷಗಳಲ್ಲಿ ಬರಗಾಲ ಪರಿಣಾಮ ಇನ್ನಷ್ಟು ಹೆಚ್ಚಾಗಿ 2026-27 ಮತ್ತು 2027-28ನೇ ಸಾಲಿನಲ್ಲಿ ಕಬ್ಬಿನ ಉತ್ಪಾದನೆ ಶೇ.50ಕ್ಕಿಂತಲೂ ಕಡಿಮೆಯಾಗುವ ಸಾಧ್ಯತೆ ಇದೆ. ಉತ್ತಮ ಮಳೆಯಾದ ನಂತರ ರೈತರು ಕಬ್ಬು ಬೆಳೆಯಲು ಮುಂದಾಗುವುದರಿಂದ 2028-29ರ ವೇಳೆಗೆ ಉತ್ಪಾದನೆ ಮತ್ತೆ ಹೆಚ್ಚಾಗಬಹುದು. ಕಬ್ಬು ವಾಣಿಜ್ಯ ಬೆಳೆಯಾಗಿರುವುದರಿಂದ ರೈತರು ಮಳೆಯ ಪರಿಸ್ಥಿತಿಗೆ ಅನುಗುಣವಾಗಿ ಬೆಳೆಯುತ್ತಾರೆ. ಕಳೆದ ಹಲವು ದಶಕಗಳ ಬೆಳೆ ಮಾದರಿ ಗಮನಿಸಿದರೆ ಕೆಲವು ವರ್ಷ ಉತ್ಪಾದನೆ ಹೆಚ್ಚಾಗುತ್ತದೆ, ಮತ್ತೆ ಕೆಲವು ವರ್ಷ ಕಡಿಮೆಯಾಗುತ್ತದೆ. ಇದು ಬೆಳೆಗಳ ಸ್ವಾಭಾವಿಕ ಏರಿಳಿತದ ಭಾಗವಾಗಿದೆ ಎಂದು ವಿವರಿಸಿದರು.

ಮಧ್ಯರಾತ್ರಿ 2-3 ಗಂಟೆಗೆ ಹುಡುಗಿಯರೇ ಹೆಚ್ಚು ಫುಡ್ ಆರ್ಡರ್ ಮಾಡ್ತಾರಂತೆ! ಡೆಲಿವರಿ ಬಾಯ್ ಹೇಳಿದ ಆ ಸೀಕ್ರೆಟ್ ಏನು?

Chandrashekar GS — Fri, 13 Nov 2026 11:46:26 +0530

“ಬಂದಾಗ ಫೋನ್ ಮಾಡಿ, ಬೆಲ್ ಮಾತ್ರ ಹೊಡೆಯಬೇಡಿ!” – ಮಧ್ಯರಾತ್ರಿ ಆರ್ಡರ್‌ಗಳ ಬಗ್ಗೆ ಡೆಲಿವರಿ ಬಾಯ್ ರಿವೀಲ್ ಮಾಡಿದ ಗುಟ್ಟು!

ಇತ್ತೀಚಿನ ದಿನಗಳಲ್ಲಿ ಆನ್‌ಲೈನ್ ಫುಡ್ ಡೆಲಿವರಿ ಮತ್ತು ಕ್ವಿಕ್ ಕಾಮರ್ಸ್ ಆ್ಯಪ್‌ಗಳು ಜನರ ಜೀವನದ ಭಾಗವಾಗಿವೆ. ಹಗಲು ಮಾತ್ರವಲ್ಲ, ಮಧ್ಯರಾತ್ರಿ 2 ಅಥವಾ 3 ಗಂಟೆಯಾದರೂ ಕೆಲವರು ತಮ್ಮಿಷ್ಟದ ತಿಂಡಿ, ಆಹಾರವನ್ನು ಆರ್ಡರ್ ಮಾಡುತ್ತಾರೆ. ಆದರೆ ತಡರಾತ್ರಿಯಲ್ಲಿ ಬರುವ ಆರ್ಡರ್‌ಗಳ ಹಿಂದೆ ಇರುವ ಕೆಲವು ಮಜಾದಾಯಕ ಸಂಗತಿಗಳನ್ನು ಡೆಲಿವರಿ ಏಜೆಂಟ್ ಒಬ್ಬರು ಹಂಚಿಕೊಂಡಿದ್ದು, ಅವರ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ.

ಮಧ್ಯರಾತ್ರಿ ಆರ್ಡರ್ ಮಾಡುವವರಲ್ಲಿ ಹುಡುಗಿಯರೇ ಹೆಚ್ಚು?

ಇನ್‌ಸ್ಟಾಗ್ರಾಮ್‌ನ @the_deliveryboy81 ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಳ್ಳಲಾಗಿದೆ. ಇದರಲ್ಲಿ ಡೆಲಿವರಿ ಏಜೆಂಟ್ ತಮ್ಮ ಕೆಲಸದ ಅನುಭವವನ್ನು ಹಾಸ್ಯಮಯವಾಗಿ ವಿವರಿಸಿದ್ದಾರೆ. ಅವರ ಪ್ರಕಾರ, ರಾತ್ರಿ ತಡವಾಗಿ ಬರುವ ಆರ್ಡರ್‌ಗಳಲ್ಲಿ ಹುಡುಗಿಯರ ಆರ್ಡರ್‌ಗಳೇ ಹೆಚ್ಚಾಗಿರುತ್ತವೆ. ಅದರಲ್ಲೂ ಅವರು ಆರ್ಡರ್ ಮಾಡುವ ತಿಂಡಿಗಳಿಗಿಂತ, ಡೆಲಿವರಿ ಮಾಡುವವರಿಗೆ ನೀಡುವ ಸೂಚನೆಗಳೇ ಹೆಚ್ಚು ಕುತೂಹಲ ಮೂಡಿಸುತ್ತವೆ.

“ಭಯ್ಯಾ, ಮನೆಗೆ ಬಂದಾಗ ಫೋನ್ ಮಾಡಿ, ಬೆಲ್ ಹೊಡೆಯಬೇಡಿ!”

ಈ ವಿಡಿಯೋದಲ್ಲಿ ಡೆಲಿವರಿ ಬಾಯ್ ಹೇಳಿರುವ ಅತ್ಯಂತ ಗಮನ ಸೆಳೆಯುವ ಸಂಗತಿ ಎಂದರೆ ಗ್ರಾಹಕರು ನೀಡುವ ವಿಶೇಷ ಸೂಚನೆ. ಆರ್ಡರ್ ಸ್ವೀಕರಿಸಿದ ತಕ್ಷಣವೇ ಕೆಲವರು, “ಭಯ್ಯಾ, ನೀವು ಸೊಸೈಟಿಗೆ ಬಂದಾಗ ನನಗೆ ಫೋನ್ ಮಾಡಿ. ಆದರೆ ದಯವಿಟ್ಟು ಮನೆಯ ಬೆಲ್ ಹೊಡೆಯಬೇಡಿ” ಎಂದು ತಿಳಿಸುತ್ತಾರಂತೆ.

ಮನೆಯಲ್ಲಿರುವ ಇತರರಿಗೆ ತಾವು ಮಧ್ಯರಾತ್ರಿ ತಿಂಡಿ ಆರ್ಡರ್ ಮಾಡಿರುವುದು ಗೊತ್ತಾಗಬಾರದು ಎಂಬ ಕಾರಣಕ್ಕೆ ಈ ರೀತಿ ಹೇಳುತ್ತಾರೆ ಎಂದು ಅವರು ತಮಾಷೆಯಾಗಿ ವಿವರಿಸಿದ್ದಾರೆ. ಇಂತಹ ಸೂಚನೆಗಳು ಆಗಾಗ್ಗೆ ಬರುತ್ತವೆ, ಪ್ರತಿ ಎರಡನೇ ಆರ್ಡರ್‌ನಲ್ಲೂ ಇಂಥದ್ದೇ ಮನವಿ ಸಿಗುತ್ತದೆ ಎಂಬುದು ಅವರ ಹೇಳಿಕೆ.

ಚಿಪ್ಸ್, ವೇಫರ್ಸ್‌ಗಳೇ ಮಧ್ಯರಾತ್ರಿಯ ಫೇವರಿಟ್!

ತಡರಾತ್ರಿ ಆರ್ಡರ್‌ಗಳಲ್ಲಿ ದೊಡ್ಡ ಊಟಕ್ಕಿಂತ ಚಿಪ್ಸ್, ವೇಫರ್ಸ್‌ನಂತಹ ಸ್ನ್ಯಾಕ್ಸ್‌ಗಳೇ ಹೆಚ್ಚಾಗಿ ಇರುತ್ತವೆ ಎಂದು ಡೆಲಿವರಿ ಏಜೆಂಟ್ ಹೇಳಿದ್ದಾರೆ. ಇವುಗಳನ್ನು ಅವರು ಮಕ್ಕಳ ತಿಂಡಿಗಳಿಗೆ ಹೋಲಿಸಿ, “ಇಷ್ಟು ರಾತ್ರಿ ಇವುಗಳನ್ನು ಯಾರು ತಿನ್ನುತ್ತಾರೆ?” ಎಂಬರ್ಥದಲ್ಲಿ ತಮಾಷೆ ಮಾಡಿದ್ದಾರೆ.

ನೆಟ್ಟಿಗರಿಗೆ ತಮ್ಮದೇ ಅಭ್ಯಾಸ ನೆನಪಿಸಿದ ವಿಡಿಯೋ

ಈ ವಿಡಿಯೋ ನೋಡಿದ ಅನೇಕರು ತಮ್ಮ ಮಧ್ಯರಾತ್ರಿಯ ತಿಂಡಿ ಆಸೆಗಳನ್ನು ನೆನಪಿಸಿಕೊಂಡು ಪ್ರತಿಕ್ರಿಯಿಸುತ್ತಿದ್ದಾರೆ. ಕೆಲವರಿಗೆ ಇದು ನಗುವಿನ ವಿಷಯವಾದರೆ, ಇನ್ನು ಕೆಲವರು ತಡರಾತ್ರಿಯ ಸ್ನ್ಯಾಕ್ಸ್ ತಮ್ಮದೇ ಆದ ಖಾಸಗಿ ಸಮಯ ಎಂದು ಹೇಳುತ್ತಿದ್ದಾರೆ.

ಒಟ್ಟಿನಲ್ಲಿ, ಮಧ್ಯರಾತ್ರಿ ಹಸಿವು, ಗುಟ್ಟಾಗಿ ತಿಂಡಿ ತರಿಸಿಕೊಳ್ಳುವ ಅಭ್ಯಾಸ ಮತ್ತು “ಬೆಲ್ ಹೊಡೆಯಬೇಡಿ” ಎಂಬ ಮನವಿ – ಇವೆಲ್ಲವೂ ಸೇರಿ ಈ ವಿಡಿಯೋವನ್ನು ಮನರಂಜನೆಯ ವಿಷಯವನ್ನಾಗಿಸಿವೆ. ಆದರೆ ಡೆಲಿವರಿ ಬಾಯ್ ಹೇಳಿರುವುದು ಅವರ ವೈಯಕ್ತಿಕ ಅನುಭವ ಮತ್ತು ಹಾಸ್ಯಮಯ ಹೇಳಿಕೆ ಎಂಬುದನ್ನು ಗಮನಿಸಬೇಕು; ಎಲ್ಲ ಹುಡುಗಿಯರ ಅಭ್ಯಾಸವೂ ಇದೇ ಎಂದು ಅರ್ಥೈಸಬಾರದು.

View this post on Instagram

A post shared by Mohammed Taufique Ansari (@the_deliveryboy81)

ಬೆಂಗಳೂರಿನಲ್ಲಿ ಪ್ರಧಾನಿ ಮೋದಿ ಮಿಂಚಿನ ಸಂಚಾರ; ಯೋಗ ಜಗತ್ತಿಗೆ ಭಾರತದ ಪ್ರವೇಶದ್ವಾರ! ಪ್ರಶಾಂತ ಕುಟೀರದಲ್ಲಿ ಪಿಎಂ ಮಾತು!

Bhimasi M Koleppanavar — Fri, 13 Nov 2026 11:43:44 +0530

ಬೆಂಗಳೂರು: ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಇಂದು ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ಮಿಂಚಿನ ಸಂಚಾರ ನಡೆಸಿದ್ದು, ನಗರದ ಹೊರವಲಯದ ಜಿಗಣಿಯಲ್ಲಿರುವ 'ಪ್ರಶಾಂತ ಕುಟೀರ'ಕ್ಕೆ ಭೇಟಿ ನೀಡಿದ ಪ್ರಧಾನಿ, ಅಲ್ಲಿನ S-VYASA (ಎಸ್-ವ್ಯಾಸ) ವಿಶ್ವವಿದ್ಯಾಲಯದ ಸುವರ್ಣ ಮಹೋತ್ಸವ ಆಡಳಿತ ಭವನ ಹಾಗೂ GAIL (ಗೇಲ್) ಸಂಸ್ಥೆಯ ಸಂಕುಚಿತ ಜೈವಿಕ ಅನಿಲ (CBG) ಸ್ಥಾವರಕ್ಕೆ ಶಂಕುಸ್ಥಾಪನೆ ನೆರವೇರಿಸಿದರು.

ಪ್ರಧಾನಿಗೆ ವಿಶೇಷ ಸನ್ಮಾನ!

ಕಾರ್ಯಕ್ರಮಕ್ಕೆ ಆಗಮಿಸಿದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರನ್ನು ಅತ್ಯಂತ ಆತ್ಮೀಯವಾಗಿ ಬರಮಾಡಿಕೊಳ್ಳಲಾಯಿತು. ಈ ಸಂದರ್ಭದಲ್ಲಿ ವೇದಿಕೆಯಲ್ಲಿದ್ದ ಗಣ್ಯರು ಪ್ರಧಾನಿ ಮೋದಿ ಅವರಿಗೆ ಸ್ವಾಮಿ ವಿವೇಕಾನಂದರ ಭಾವಚಿತ್ರವನ್ನು ನೀಡಿ ವಿಭಿನ್ನ ಹಾಗೂ ವಿಶೇಷವಾಗಿ ಸನ್ಮಾನಿಸಿದರು. ಕಾರ್ಯಕ್ರಮದಲ್ಲಿ ಸುಧಾ ಯಾದವ್ ಸೇರಿದಂತೆ ಹಲವು ಪ್ರಮುಖ ಗಣ್ಯರು ಉಪಸ್ಥಿತರಿದ್ದರು.

ಕರ್ನಾಟಕದ ಪುಣ್ಯಭೂಮಿ ಮತ್ತು ಡಾ. ರಾಜ್‌ಕುಮಾರ್ ಸ್ಮರಣೆ

ಶಿಲಾನ್ಯಾಸ ನೆರವೇರಿಸಿದ ಬಳಿಕ ಬೃಹತ್ ಸಭೆಯನ್ನುದ್ದೇಶಿಸಿ ಮಾತನಾಡಿದ ಪ್ರಧಾನಿ ಮೋದಿ, ಕರ್ನಾಟಕ ಮತ್ತು ಬೆಂಗಳೂರಿನ ಯೋಗ ಪರಂಪರೆ ಕೊಂಡಾಡಿದರು. ಕರ್ನಾಟಕದ ಈ ಪುಣ್ಯಭೂಮಿ ಯೋಗದ ಪ್ರಮುಖ ಕೇಂದ್ರವಾಗಿದೆ. ಇಲ್ಲಿ ಹಲವಾರು ಯೋಗ ಜ್ಞಾನಿಗಳು ಜನ್ಮ ತಾಳಿದ್ದಾರೆ. ಕಲಾ ಕ್ಷೇತ್ರದ ದಿಗ್ಗಜರು ಕೂಡ ಯೋಗವನ್ನು ಅತ್ಯಂತ ಗೌರವದಿಂದ ಆರಾಧಿಸಿದ್ದಾರೆ, ಅದಕ್ಕೆ ವರನಟ ಡಾ. ರಾಜ್‌ಕುಮಾರ್ ಅವರೇ ಜೀವಂತ ಸಾಕ್ಷಿ, ಎಂದು ಮೋದಿ ಸ್ಮರಿಸಿದರು. ಸಾಧಾರಣ ಯೋಗ ಕೇಂದ್ರವಾಗಿ ಆರಂಭವಾದ ಸಂಸ್ಥೆ ಇಂದು ಇಷ್ಟು ದೊಡ್ಡ ವಿಶ್ವವಿದ್ಯಾಲಯವಾಗಿ ಬೆಳೆದು ನಿಂತಿದೆ ಎಂದರೆ ಅದಕ್ಕೆ ನಿಮ್ಮೆಲ್ಲರ ಪ್ರೇರಣೆ ಮತ್ತು ಪರಿಶ್ರಮವೇ ಕಾರಣ. ಸುವರ್ಣ ಮಹೋತ್ಸವ ಆಚರಿಸಿಕೊಳ್ಳುತ್ತಿರುವ ಎಸ್-ವ್ಯಾಸ ಪರಿವಾರಕ್ಕೆ ನನ್ನ ಹೃದಯಪೂರ್ವಕ ಶುಭಾಶಯಗಳು, ಎಂದು ಪ್ರಧಾನಿ ಹೇಳಿದರು.

ಹೆಚ್.ವಿ. ಶೇಷಾದ್ರಿ ಹಾಗೂ ವಿವೇಕಾನಂದರ ಆದರ್ಶಗಳ ಸ್ಮರಣೆ!

ತಮ್ಮ ಭಾಷಣದಲ್ಲಿ ಹಿರಿಯ ಚಿಂತಕ ಹೆಚ್.ವಿ. ಶೇಷಾದ್ರಿ ಅವರ ಜನ್ಮದಿನಾಚರಣೆಯನ್ನು ಸ್ಮರಿಸಿದ ಪ್ರಧಾನಿ ಮೋದಿ, "ವ್ಯಕ್ತಿ ನಿರ್ಮಾಣದ ಮೂಲಕ ರಾಷ್ಟ್ರ ನಿರ್ಮಾಣ ಮಾಡುವ ಕಾಯಕದಲ್ಲಿ ಶೇಷಾದ್ರಿ ಅವರು ತಮ್ಮನ್ನು ತಾವು ತೊಡಗಿಸಿಕೊಂಡಿದ್ದರು. ಜನರನ್ನು ಒಳಗೊಳ್ಳುವುದು ಮತ್ತು ದೇಶದ ಸೇವೆ ಮಾಡುವುದೇ ಅವರ ಪರಮ ಧ್ಯೇಯವಾಗಿತ್ತು. ಅವರ ಕಾರ್ಯವೈಖರಿ ದೇಶ ನಿರ್ಮಾಣಕ್ಕೆ ದೊಡ್ಡ ಕೊಡುಗೆ ನೀಡಿದೆ, ಎಂದರು. ಮುಂದುವರಿದು ಮಾತನಾಡಿದ ಅವರು, "ಅಂದು ಸ್ವಾಮಿ ವಿವೇಕಾನಂದರು ಹಾಕಿಕೊಟ್ಟ ಆಧ್ಯಾತ್ಮಿಕ ಹಾದಿಯಿಂದಲೇ ಇಂದು ಪ್ರಶಾಂತ ಕುಟೀರದಂತಹ ಹಲವಾರು ಶ್ರೇಷ್ಠ ಕೇಂದ್ರಗಳು ಸ್ಥಾಪನೆಯಾಗಿವೆ. ಇಲ್ಲಿ ಕೇವಲ ಯೋಗ ಶಿಕ್ಷಣ ಮಾತ್ರವಲ್ಲದೆ, ವೈಜ್ಞಾನಿಕ ಸಂಶೋಧನೆ, ಆಯುರ್ವೇದ ಹಾಗೂ ಆಧುನಿಕ ವೈದ್ಯಕೀಯ (ಮಾಡರ್ನ್ ಮೆಡಿಕಲ್) ವಿಷಯಗಳನ್ನೂ ಕಲಿಸಲಾಗುತ್ತಿದೆ. ರೋಗ ರುಜಿನಗಳನ್ನು ನಿವಾರಣೆ ಮಾಡುವಲ್ಲಿ ಇಂತಹ ಸಂಸ್ಥೆಗಳ ಪಾತ್ರ ಅತ್ಯಂತ ದೊಡ್ಡದಿದೆ," ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಯೋಗ ಇಂದು ಜಗತ್ತಿಗೆ ಭಾರತದ ಪ್ರವೇಶದ್ವಾರ!

ಯೋಗದ ಜಾಗತಿಕ ಮಹತ್ವದ ಕುರಿತು ಮಾತನಾಡಿದ ಮೋದಿ, "ಇಂದು ಭಾರತದ ಯೋಗವು ಆತ್ಮನಿರ್ಭರವಾಗಿ ಜಗತ್ತಿನೆದುರು ತಲೆ ಎತ್ತಿ ನಿಂತಿದೆ. ಇದೇ ಕಾರಣದಿಂದ ಇಂದು ಇಡೀ ವಿಶ್ವವೇ ಅಂತಾರಾಷ್ಟ್ರೀಯ ಯೋಗ ದಿನವನ್ನು ಸಂಭ್ರಮದಿಂದ ಆಚರಿಸುತ್ತಿದೆ. ಆಫ್ರಿಕಾ, ಸೌದಿ ಅರೇಬಿಯಾ ಸೇರಿದಂತೆ ಹಲವು ರಾಷ್ಟ್ರಗಳು ಯೋಗ ಮತ್ತು ಆಯುಷ್ ಕ್ಷೇತ್ರದ ಅಭಿವೃದ್ಧಿಗಾಗಿ ಭಾರತದ ಆಯುಷ್ ಮಂತ್ರಾಲಯದೊಂದಿಗೆ ಒಪ್ಪಂದ ಮಾಡಿಕೊಂಡಿವೆ," ಎಂದು ತಿಳಿಸಿದರು. "ನಾನು ಪ್ರಪಂಚದ ಯಾವ ಮೂಲೆಯಲ್ಲೇ ಹೋದರೂ, ಜಗತ್ತಿನ ದೊಡ್ಡ ದೊಡ್ಡ ನಾಯಕರು ಮತ್ತು ಪರಿವಾರಗಳೊಂದಿಗೆ ಕುಳಿತು ಮಾತನಾಡುವಾಗ ಪ್ರತಿ ಬಾರಿಯೂ ಯೋಗದ ಕುರಿತು ಚರ್ಚೆ ಇದ್ದೇ ಇರುತ್ತದೆ. ಇಂದು ಯೋಗವು ಜಗತ್ತಿಗೆ ಭಾರತದ ಪ್ರವೇಶದ್ವಾರವಾಗಿ ಬದಲಾಗಿದೆ, ಎಂದು ಪ್ರಧಾನಿ ಮೋದಿ ಹೆಮ್ಮೆಯಿಂದ ನುಡಿದರು.

Sai Pallavi: ಸಾಯಿ ಪಲ್ಲವಿ ಕಣ್ಣಲ್ಲಿ ನೀರು ತರಿಸಿತ್ತು ಆ ಒಂದು ಘಟನೆ! ರಾಮಾಯಣ ಸೆಟ್‌ನಲ್ಲಿ ನಡೆದಿದ್ದೇನು?

Chandrashekar GS — Fri, 13 Nov 2026 11:40:48 +0530

ರಾಮಾಯಣ ಸೆಟ್‌ನಲ್ಲಿ ಸಾಯಿ ಪಲ್ಲವಿ ಕಣ್ಣೀರು! ಭಾಷಾ ತರಬೇತುದಾರರ ನಡೆಗೆ ಭಾವುಕರಾದ ನಟಿ

ಭಾರತೀಯ ಚಿತ್ರರಂಗದ ಪ್ರತಿಭಾವಂತ ನಟಿಯರಲ್ಲಿ ಒಬ್ಬರಾದ ಸಾಯಿ ಪಲ್ಲವಿ ಇದೀಗ ನಿತೇಶ್ ತಿವಾರಿ ನಿರ್ದೇಶನದ ಬಹುನಿರೀಕ್ಷಿತ 'ರಾಮಾಯಣ' ಸಿನಿಮಾದಲ್ಲಿ ಸೀತೆಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಪಾತ್ರ ಅವರಿಗೆ ಕೇವಲ ಮತ್ತೊಂದು ಸಿನಿಮಾ ಅವಕಾಶವಲ್ಲ. ಬದಲಿಗೆ, ಅಪಾರ ಭಕ್ತಿ ಮತ್ತು ಭಾವನಾತ್ಮಕ ಸಂಬಂಧ ಹೊಂದಿರುವ ಪಾತ್ರವಾಗಿದೆ. ಇತ್ತೀಚೆಗೆ ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ನಡೆದ ಒಂದು ಘಟನೆ ತಮ್ಮ ಮನಸ್ಸನ್ನು ಹೇಗೆ ಮುಟ್ಟಿತು ಎಂಬುದನ್ನು ಸಾಯಿ ಪಲ್ಲವಿ ಹಂಚಿಕೊಂಡಿದ್ದಾರೆ.

ಲ್ಯಾಂಗ್ವೇಜ್ ಟ್ರೈನರ್ ನಡೆಗೆ ಕಣ್ಣೀರಿಟ್ಟ ಸಾಯಿ ಪಲ್ಲವಿ

ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿದ ಸಾಯಿ ಪಲ್ಲವಿ, ರಾಮಾಯಣ ಚಿತ್ರದ ಸೆಟ್‌ನಲ್ಲಿ ನಡೆದ ಮರೆಯಲಾಗದ ಘಟನೆಯನ್ನು ನೆನಪಿಸಿಕೊಂಡಿದ್ದಾರೆ. ಚಿತ್ರೀಕರಣದ ವೇಳೆ ಒಂದು ದೃಶ್ಯವನ್ನು ಪೂರ್ಣಗೊಳಿಸಿದ ನಂತರ ಅವರ ಭಾಷಾ ತರಬೇತುದಾರರು (Language Trainer) ಇದ್ದಕ್ಕಿದ್ದಂತೆ ಸಾಯಿ ಪಲ್ಲವಿಯ ಪಾದಗಳನ್ನು ಮುಟ್ಟಿದ್ದರಂತೆ.

ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿದ ಸಾಯಿ ಪಲ್ಲವಿ, ರಾಮಾಯಣ ಚಿತ್ರದ ಸೆಟ್‌ನಲ್ಲಿ ನಡೆದ ಮರೆಯಲಾಗದ ಘಟನೆಯನ್ನು ನೆನಪಿಸಿಕೊಂಡಿದ್ದಾರೆ. ಚಿತ್ರೀಕರಣದ ವೇಳೆ ಒಂದು ದೃಶ್ಯವನ್ನು ಪೂರ್ಣಗೊಳಿಸಿದ ನಂತರ ಅವರ ಭಾಷಾ ತರಬೇತುದಾರರು ಇದ್ದಕ್ಕಿದ್ದಂತೆ ಸಾಯಿ ಪಲ್ಲವಿಯ ಪಾದಗಳನ್ನು ಮುಟ್ಟಿದ್ದರಂತೆ.

"ನೀವೇನು ಮಾಡುತ್ತಿದ್ದೀರಿ?" ಎಂದು ಕೇಳಿದ ನಟಿ

ಈ ಘಟನೆಯನ್ನು ನೆನಪಿಸಿಕೊಂಡ ಸಾಯಿ ಪಲ್ಲವಿ, ತಮ್ಮ ಭಾಷಾ ತರಬೇತುದಾರರು ಪಾದ ಮುಟ್ಟಿದ ತಕ್ಷಣ ತಮಗೆ ಕಣ್ಣೀರು ಬಂತು ಎಂದು ಹೇಳಿದ್ದಾರೆ. ತರಬೇತುದಾರರು ಭಾವುಕರಾಗಿ ಕಣ್ಣೀರು ಹಾಕುವ ಮೊದಲೇ ತಾವು ಅಳಲು ಆರಂಭಿಸಿದ್ದಾಗಿ ತಿಳಿಸಿದ್ದಾರೆ.

"ನೀವೇನು ಮಾಡುತ್ತಿದ್ದೀರಿ?" ಎಂದು ಆಶ್ಚರ್ಯದಿಂದ ಕೇಳಿದ್ದರಂತೆ. ಒಬ್ಬ ಕಲಾವಿದೆ ಮತ್ತು ಆಕೆ ನಿರ್ವಹಿಸುವ ಪಾತ್ರದ ನಡುವಿನ ವ್ಯತ್ಯಾಸವನ್ನು ಮೀರಿದ ಭಾವನೆ ಅಲ್ಲಿ ವ್ಯಕ್ತವಾಗಿತ್ತು.

ಸೀತೆಯಂತಹ ಪಾತ್ರವನ್ನು ಜನರು ಎಷ್ಟು ಭಕ್ತಿ ಮತ್ತು ಪ್ರೀತಿಯಿಂದ ನೋಡುತ್ತಾರೆ ಎಂಬುದು ಆ ಕ್ಷಣದಲ್ಲಿ ಅವರಿಗೆ ಅರಿವಾಯಿತು. ಪ್ರತಿದಿನ ಪೂಜಿಸುವ, ತಾಯಿಯಂತೆ ಭಾವಿಸುವ ಪಾತ್ರವನ್ನು ಯಾರಾದರೂ ತೆರೆಯ ಮೇಲೆ ಜೀವಂತವಾಗಿ ಕಂಡಾಗ, ಆ ವ್ಯಕ್ತಿ ನಟಿಯೇ ಅಥವಾ ಸಾಮಾನ್ಯ ಮನುಷ್ಯಳೇ ಎಂಬುದಕ್ಕಿಂತ ಪಾತ್ರದ ಮೇಲಿನ ಪ್ರೀತಿಯೇ ಮುಖ್ಯವಾಗುತ್ತದೆ ಎಂಬ ಅಭಿಪ್ರಾಯವನ್ನು ಅವರು ಹಂಚಿಕೊಂಡಿದ್ದಾರೆ.

ರಾಮಾಯಣ ಸಿನಿಮಾದಲ್ಲಿ ದೊಡ್ಡ ತಾರಾಗಣ

ನಿತೇಶ್ ತಿವಾರಿ ನಿರ್ದೇಶನದ 'ರಾಮಾಯಣ' ಸಿನಿಮಾದಲ್ಲಿ ಸಾಯಿ ಪಲ್ಲವಿ ಸೀತೆಯಾಗಿ ಕಾಣಿಸಿಕೊಂಡರೆ, ರಣಬೀರ್ ಕಪೂರ್ ಶ್ರೀರಾಮನ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ರವಿ ದುಬೆ ಲಕ್ಷ್ಮಣನಾಗಿ, ಯಶ್ ರಾವಣನಾಗಿ ಹಾಗೂ ಸನ್ನಿ ಡಿಯೋಲ್ ಹನುಮಂತನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಈ ಚಿತ್ರದ ಬಗ್ಗೆ ಈಗಾಗಲೇ ಪ್ರೇಕ್ಷಕರಲ್ಲಿ ಸಾಕಷ್ಟು ನಿರೀಕ್ಷೆಗಳಿವೆ. ವಿಶೇಷವಾಗಿ ಸಾಯಿ ಪಲ್ಲವಿ ಸೀತೆಯ ಪಾತ್ರವನ್ನು ಹೇಗೆ ತೆರೆ ಮೇಲೆ ಮೂಡಿಸಲಿದ್ದಾರೆ ಎಂಬ ಕುತೂಹಲ ಹೆಚ್ಚಾಗಿದೆ.

ಒಟ್ಟಿನಲ್ಲಿ, ಚಿತ್ರೀಕರಣದ ವೇಳೆ ನಡೆದ ಈ ಸಣ್ಣ ಘಟನೆ ಸಾಯಿ ಪಲ್ಲವಿಗೆ ದೊಡ್ಡ ಅನುಭವವಾಗಿ ಉಳಿದಿದೆ. ಒಬ್ಬ ಕಲಾವಿದನ ಅಭಿನಯಕ್ಕೆ ಪ್ರೇಕ್ಷಕರು ನೀಡುವ ಪ್ರೀತಿ ಎಷ್ಟು ಆಳವಾಗಿರಬಹುದು ಎಂಬುದಕ್ಕೆ ಈ ಘಟನೆ ಉತ್ತಮ ಉದಾಹರಣೆಯಾಗಿದೆ.

ತಾತ-ಮುತ್ತಜ್ಜಿಯಿಂದ ಬಂದ ಬಂಗಾರ ಕೊಟ್ಟು ಹೊಸ ಚಿನ್ನ ಖರೀದಿಸುವುದು ಅಶುಭವೇ? ಹಳೆ ಚಿನ್ನ ಮಾರಿದರೆ ಏನಾಗುತ್ತೆ?

Ravi Janekal — Fri, 13 Nov 2026 11:38:31 +0530

ಇಂದು ಪ್ರತಿಯೊಬ್ಬರ ಮನೆಯಲ್ಲೂ ಚಿನ್ನವಿದೆ. ಕೆಲವರು ಹಳೆಯ ಚಿನ್ನ ಕೂಡಿಟ್ಟಿದ್ದರೆ, ಇನ್ನು ಕೆಲವರು ಹೊಸದಾಗಿ ಖರೀದಿಸಿದ್ದಾರೆ. ತಲತಲಾಂತರದಿಂದ ಬಂದ ಹಳೆಯ ಚಿನ್ನ ಇರುವವರು ಮಾರಾಟ ಮಾಡಬಾರದೆ? ಹಳೆಯ ಚಿನ್ನ ಮಾರಿದರೆ ಅಥವಾ ಎಕ್ಸ್ಚೇಂಜ್ ಮಾಡಿದರೆ ಏನಾಗುತ್ತೆ? ಧಾರ್ಮಿಕ ನಂಬಿಕೆಗಳೇನು? ತಿಳಿಯಿರಿ.

ಬಡವರು-ಶ್ರೀಮಂತರೆನ್ನದೆ ಭಾರತೀಯರ ಸಾಮಾನ್ಯ ಮನೆಗಳಲ್ಲೂ ತಲತಲಾಂತರದಿಂದ ಬಂದ ಬಂಗಾರ ಇದ್ದೇ ಇರುತ್ತೆ. ಬಂಗಾರ ಇಲ್ಲದ ಮನೆಯೇ ಇಲ್ಲ ಎನ್ನಬಹುದು. ನಮ್ಮ ಹಿರಿಯರು ಬಹಳ ಬುದ್ಧಿವಂತರು, ಮುಂದಾಲೋಚನೆಯುಳ್ಳವರು ಆಗಿದ್ದರು. ಹೀಗಾಗಿ ಕಷ್ಟಪಟ್ಟು ದುಡಿದ ಹಣದಿಂದ ಚಿನ್ನ ಖರೀದಿಸುತ್ತಿದ್ದರು. ಇದು ಚಿನ್ನದ ಮೇಲಿನ ವ್ಯಾಮೋಹದಿಂದಲ್ಲ, ಬದಲಾಗಿ ಚಿನ್ನ ಖರೀದಿಸುವುದರಿಂದ ಕಷ್ಟಕಾಲಕ್ಕೆ ಬರುತ್ತೆ ಎಂಬ ದೂರದೃಷ್ಟಿ ಅವರಲ್ಲಿತ್ತು.

ಖರೀದಿಸಿದ ಬಂಗಾರ ಧರಿಸಿದ್ದಕ್ಕಿಂತ ಭದ್ರವಾಗಿ ಟ್ರಂಕ್‌ಗಳಲ್ಲಿ ಮುಚ್ಚಿಟ್ಟಿದ್ದೇ ಹೆಚ್ಚು. ಮದುವೆ, ಹಬ್ಬ ಕಾರ್ಯಕ್ರಮಗಳ ಹೊರತಾಗಿ ಬಂಗಾರವನ್ನು ಎಂದು ಪ್ರದರ್ಶನ ಮಾಡಿದವರಲ್ಲ. ಆದರೆ ಅಂದು ಕಡಿಮೆ ಬೆಲೆಯಲ್ಲಿ ಖರೀದಿಸಿದ್ದ ಚಿನ್ನ ಇಂದು ಅದರ ಬೆಲೆ ಗಗನಕ್ಕೇರಿದೆ. ಅಲ್ಲದೆ ಎಷ್ಟೋ ಕುಟುಂಬಗಳಲ್ಲಿ ಮೊದಲ ತಲೆಮಾರಿನವರು ಕೂಡಿಟ್ಟಿದ್ದ ಬಂಗಾರ, ಮಕ್ಕಳು, ಮೊಮ್ಮಕ್ಕಳು ಕೈ ಸೇರಿ ಇದೀಗ ಹಳೆಯ ಚಿನ್ನ ಮಾರಾಟ ಮಾಡಿ ಹೊಸ ಚಿನ್ನದ ಆಭರಣ ಮಾಡಿಸಲು ಮುಂದಾಗುತ್ತಿದ್ದಾರೆ.

ಆದರೆ ಹಳೆಯ ಚಿನ್ನದ ಆಭರಣಗಳನ್ನು ಹೊಸ ಚಿನ್ನಾಭರಣಕ್ಕೆ ವಿನಿಮಯ ಅಥವಾ ಎಕ್ಸ್‌ಚೇಂಜ್ ಮಾಡೊಳ್ಳುವುದು ಶುಭ ತರುತ್ತದೆಯೇ? ಈ ವರ್ಷ ಜನೆವರಿಯಲ್ಲಿ ಚಿನ್ನದ ಬೆಲೆ ಏರಿಕೆಯಾಗಿತ್ತು. ಆದರೆ ಸದ್ಯ ಚಿನ್ನದ ದರ ಇಳಿಕೆಯಾಗಿದೆ. ಈ ನಡುವೆ ಜನರು ಹಳೆಯ ಚಿನ್ನದ ಆಭರಣಗಳನ್ನು ಹೊಸ ಚಿನ್ನಾಭರಣಕ್ಕೆ ಎಕ್ಸ್‌ಚೇಂಜ್ ಮಾಡುತ್ತಿರುವವರ ಸಂಖ್ಯೆ ಹೆಚ್ಚುತ್ತಿದೆ. ಇದು ಅಂದಾಜು ಹೇಳುತ್ತಿರುವುದಲ್ಲ. ವಿಶ್ವ ಚಿನ್ನದ ಮಂಡಳಿ ನಡೆಸಿದ ಇತ್ತೀಚಿನ ಸಮೀಕ್ಷೆಯಿದು.

ಹೌದು ಇತ್ತೀಚೆಗೆ ವಿಶ್ವ ಚಿನ್ನದ ಮಂಡಳಿ ಸಮೀಕ್ಷೆ ನಡೆಸಿತು. ಅದರ ಪ್ರಕಾರ, ಶೇ.76ರಷ್ಟು ಜನರು ತಮ್ಮ ಮನೆಯಲ್ಲಿಟ್ಟಿದ್ದ ಹಳೆಯ ಚಿನ್ನದ ಆಭರಣಗಳನ್ನು ಕೊಟ್ಟು ಹೊಸ ಆಭರಣ ಕೊಳ್ಳುವ ಮೂಲಕ ಎಕ್ಸ್‌ಚೇಂಜ್ ಮಾಡಿಕೊಳ್ಳಲು ಹೆಚ್ಚು ಆಸಕ್ತಿ ತೋರಿಸಿದ್ದಾರಂತೆ. ಅಂದರೆ ಇಂದಿನ ತಲೆಮಾರಿನವರಿಗೆ ಇದು ಧಾರ್ಮಿಕ ನಂಬಿಕೆ ವಿಷಯವಲ್ಲ ಬದಲಾಗಿ ಎಲ್ಲವನ್ನು ಹಣ ಹೂಡಿಕೆ, ಬಜೆಟ್ ಲೆಕ್ಕದಲ್ಲಿ ನೋಡುತ್ತಿದ್ದಾರೆ.

ಭಾರತೀಯ ಪ್ರಾಚೀನ ಧಾರ್ಮಿಕ ಗ್ರಂಥಗಳು ಪ್ರಸ್ತು ಚಿಲ್ಲರೆ ವಿನಿಮಯಗಳಿಗೆ ಯಾವುದೇ ನಿಯಮ ಹೇಳಿಲ್ಲ. ಆದರೆ ಧಂತೇರಸ್ ಅಥವಾ ದೀಪಾವಳಿ ಹಬ್ಬದಲ್ಲಿ ಹಳೆಯ ಚಿನ್ನಾಭರಣ ನೀಡುವುದು ತಲತಲಾಂತರದಿಂದ ಮನೆಯಲ್ಲಿದ್ದ ಲಕ್ಷ್ಮೀದೇವಿಯನ್ನು ಓಡಿಸಿದಂತೆ, ಅಂದರೆ ನೀವು ಯಾವಾಗ ಹಳೆಯ ಚಿನ್ನವನ್ನು ಮಾರಾಟ ಮಾಡಿದಿರೋ ಆಗ ನಿಮಗೆ ದುರಾದೃಷ್ಟ ಅಂಟಿಕೊಳ್ಳುತ್ತದೆ ಎಂದು ಧಾರ್ಮಿಕ ಗ್ರಂಥಗಳು ಹೇಳುತ್ತವೆ. ಆದರೆ ಈ ಹೇಳಿಕೆ ವೈಜ್ಞಾನಿಕವಾಗಿ ಸಾಬೀತಾಗಿರುವ ನಿಯಮವಲ್ಲ ಎಂಬುದು ಗಮನಿಸಬೇಕು.

ದೀಪಾವಳಿಯಂದು ಲಕ್ಷ್ಮಿ ಪೂಜೆ ಮಾಡಲಾಗುತ್ತದೆ. ಈ ಹಬ್ಬವು ಸಂಪತ್ತನ್ನು ಹೆಚ್ಚಿಸುವ, ಮನೆಗೆ ಶುಭ ತರುವ ಹಬ್ಬವಾಗಿದೆ. ಇಂತಹ ವೇಳೆ ಮನೆಯಲ್ಲಿನ ಹಣ, ಚಿನ್ನದ ಒಡವೆ, ಅದರಲ್ಲೂ ಹಳೆಯ ಕಾಲದ ಒಡವೆ ಮಾರುವುದಾಗಲಿ, ಎಕ್ಸ್‌ಚೇಂಜ್ ಮಾಡುವುದಾಗಲಿ ಶುಭ ತರುವುದಿಲ್ಲ ಎಂದು ನಂಬುತ್ತಾರೆ.

ನಿಮ್ಮ ಮನೆಯಲ್ಲಿ ಹಿರಿಯರ ಕಾಲದಿಂದಲೂ ಬಂದ ಬಂಗಾರದ ಆಭರಣಗಳಿದ್ದರೆ ಅದನ್ನು ಮಾರಾಟ ಮಾಡುವ ಅಥವಾ ಎಕ್ಸ್‌ಚೇಂಜ್ ಮಾಡಬೇಕಾದ ಅನಿವಾರ್ಯತೆ ಇದ್ದರೆ ಅದಕ್ಕೂ ಮೊದಲು ಹಳೆಯ ಚಿನ್ನದ ಶುದ್ಧತೆ, ಕರಗುವ ವೆಚ್ಚ ಕಡಿತ, ತೂಕ, ವಿನಿಮಯ ದರ, ಉತ್ಪಾದನಾ ಶುಲ್ಕಗಳು, ಅಂತಿಮ ಬಿಲ್ ಎಷ್ಟಾಗುತ್ತೆ. ಎಲ್ಲವನ್ನೂ ಪ್ರತ್ಯೇಕವಾಗಿ ತಿಳಿದುಕೊಂಡ ಬಳಿಕವೇ ಎಕ್ಸ್‌ಚೇಂಜ್ ಮಾಡಬೇಕೋ ಬೇಡವೋ ಎಂಬುದನ್ನು ನಿರ್ಧರಿಸಿ. ಸಾಮಾನ್ಯವಾಗಿ ಹಬ್ಬದ ಸೀಸನ್‌ಗಳಲ್ಲಿ ಹೊಸ ಮತ್ತು ಹಳೆಯ ಚಿನ್ನ ಎರಡರಲ್ಲೂ ಬೆಲೆ ಏರಿಕೆ ಇರುತ್ತದೆ.

ಗಮನಿಸಿ: ಈ ಲೇಖನವು ಆಧ್ಯಾತ್ಮಿಕವಾದಿಗಳು, ಧಾರ್ಮಿಕ ಗ್ರಂಥಗಳ ಮಾಹಿತಿಯನ್ನಾಧರಿಸಿದ ಪ್ರಾಥಮಿಕ ಮಾಹಿತಿಯಾಗಿದೆ ಚಿನ್ನ ಮಾರಾಟ ಅಥವಾ ವಿನಿಮಯ ಮಾಡಿಕೊಳ್ಳುವ ಮುನ್ನ ಚಿನ್ನದ ವ್ಯಾಪಾರಿಗಳೊಂದಿಗೆ ಮಾತನಾಡಿದ ಬಳಿಕವೇ ನಿರ್ಧರಿಸಿ.

‘ಸಿಪಾಯಿ’ ಶೂಟಿಂಗ್‌ನಲ್ಲಿ ರಾಜರಂಥ ಆತಿಥ್ಯ, 30 ವರ್ಷಗಳ ಹಿಂದೆಯೇ ₹50 ಸಾವಿರ ಸಂಭಾವನೆ; ರವಿಚಂದ್ರನ್‌ ಆತಿಥ್ಯ ನೆನೆದ ವೇಣು

Sushma Hegde — Fri, 13 Nov 2026 11:27:30 +0530

ಕನ್ನಡ ಚಿತ್ರರಂಗದಲ್ಲಿ ಸಾಹಸ ಕಲಾವಿದನಾಗಿ ಗುರುತಿಸಿಕೊಂಡಿರುವ ವೇಣು, ಹಲವು ಸಿನಿಮಾಗಳಲ್ಲಿ ತಮ್ಮ ಸಾಹಸ ಪ್ರದರ್ಶನದ ಮೂಲಕ ಗಮನ ಸೆಳೆದಿದ್ದಾರೆ. ಅದರಲ್ಲೂ ಕ್ರೇಜಿಸ್ಟಾರ್ ರವಿಚಂದ್ರನ್‌ ನಿರ್ದೇಶನದ ‘ಸಿಪಾಯಿ’ ಸಿನಿಮಾ ಅವರ ವೃತ್ತಿಜೀವನದಲ್ಲಿ ವಿಶೇಷ ಸ್ಥಾನ ಪಡೆದಿದೆ. ಈ ಸಿನಿಮಾ ಚಿತ್ರೀಕರಣದ ವೇಳೆ ನಡೆದ ಸಾಹಸ ದೃಶ್ಯಗಳು, ರವಿಚಂದ್ರನ್‌ ಅವರ ಕೆಲಸದ ಶೈಲಿ, ಸೆಟ್‌ನಲ್ಲಿದ್ದ ಆತಿಥ್ಯ ಹಾಗೂ ಡಾ. ರಾಜ್‌ಕುಮಾರ್ ಅವರೊಂದಿಗಿನ ಅಪರೂಪದ ಅನುಭವಗಳನ್ನು ವೇಣು ಕಲಾಮಾಧ್ಯಮ ಸಂದರ್ಶನವೊಂದರಲ್ಲಿ ಹಂಚಿಕೊಂಡಿದ್ದಾರೆ.

‘ಸಿಪಾಯಿ’ ಸಿನಿಮಾದ ಫೈಟ್‌ಗಾಗಿ ಎಂಟು-ಒಂಬತ್ತು ದಿನಗಳ ಶ್ರಮ

1995ರಲ್ಲಿ ತೆರೆಕಂಡ ‘ಸಿಪಾಯಿ’ ಸಿನಿಮಾದ ಚಿತ್ರೀಕರಣದ ದಿನಗಳನ್ನು ನೆನಪಿಸಿಕೊಂಡ ವೇಣು, ರವಿಚಂದ್ರನ್‌ ಅವರ ಕೆಲಸದ ಶೈಲಿಯನ್ನು ಮೆಚ್ಚಿಕೊಂಡಿದ್ದಾರೆ. ಸಿನಿಮಾದಲ್ಲಿ ಅಖಾಡದ ಫೈಟ್‌ ದೃಶ್ಯಗಳಿಗಾಗಿ ನಿರಂತರವಾಗಿ ಎಂಟು-ಒಂಬತ್ತು ದಿನಗಳ ಕಾಲ ಚಿತ್ರೀಕರಣ ನಡೆದಿತ್ತು. ಸಾಮಾನ್ಯವಾಗಿ ಸಾಹಸ ದೃಶ್ಯಗಳನ್ನು ಬೇಗ ಮುಗಿಸುವಂತೆ ನಿರ್ಮಾಪಕರು ಒತ್ತಡ ಹೇರುತ್ತಾರೆ. ಆದರೆ ರವಿಚಂದ್ರನ್‌ ಮಾತ್ರ ದೃಶ್ಯ ಚೆನ್ನಾಗಿ ಬರಬೇಕು ಎಂಬುದಕ್ಕೆ ಹೆಚ್ಚಿನ ಆದ್ಯತೆ ನೀಡುತ್ತಿದ್ದರಂತೆ.

ಕ್ಯಾಮೆರಾ ಆನ್‌ ಆಗುವ ಮೊದಲೇ ಶುರುವಾಗುತ್ತಿತ್ತು ಫೈಟ್‌

ರವಿಚಂದ್ರನ್‌ ಅವರ ಫೈಟ್‌ ದೃಶ್ಯಗಳ ಬಗ್ಗೆ ಮಾತನಾಡಿದ ವೇಣು, ಅವರಲ್ಲಿದ್ದ ಉತ್ಸಾಹ ಮತ್ತು ಹೊಸತನವನ್ನು ವಿಶೇಷವಾಗಿ ನೆನಪಿಸಿಕೊಂಡಿದ್ದಾರೆ. ಸಾಮಾನ್ಯವಾಗಿ ‘ಸ್ಟಾರ್ಟ್ ಕ್ಯಾಮೆರಾ, ಆಕ್ಷನ್’ ಎಂದ ಬಳಿಕವೇ ಫೈಟ್‌ ಆರಂಭವಾಗುತ್ತದೆ. ಆದರೆ ‘ಸಿಪಾಯಿ’ ಚಿತ್ರೀಕರಣದಲ್ಲಿ ರವಿಚಂದ್ರನ್‌ ಅವರ ಜೋಶ್‌ ಬೇರೆ ರೀತಿಯಲ್ಲಿತ್ತು. ಕ್ಯಾಮೆರಾ ಆನ್‌ ಆಗುವ ಮೊದಲೇ ಸಾಹಸ ಕಲಾವಿದರನ್ನು ಸಿದ್ಧಪಡಿಸಿ, ಫೈಟ್‌ ಹೇಗಿರಬೇಕು ಎಂಬುದನ್ನು ವಿವರಿಸುತ್ತಿದ್ದರಂತೆ. ಕೆಲವು ದೃಶ್ಯಗಳಲ್ಲಿ ನಿಜವಾಗಿಯೇ ಹೊಡೆದಾಡಿದ ಅನುಭವವಾಗುತ್ತಿತ್ತು. ಫೈಟ್‌ ಸಹಜವಾಗಿ ಮತ್ತು ಪರಿಣಾಮಕಾರಿಯಾಗಿ ಕಾಣಬೇಕು ಎಂಬ ಉದ್ದೇಶದಿಂದ ರವಿಚಂದ್ರನ್‌ ಹೆಚ್ಚಿನ ಗಮನ ನೀಡುತ್ತಿದ್ದರು. ಮೂರು ದಿನಗಳ ಕಾಲ ಸತತವಾಗಿ ಹೊಡೆದಾಟದ ದೃಶ್ಯಗಳಲ್ಲಿ ಪಾಲ್ಗೊಂಡು ದಣಿದಿದ್ದನ್ನೂ ವೇಣು ನೆನಪಿಸಿಕೊಂಡಿದ್ದಾರೆ.

‘ಸಿಪಾಯಿ’ಗೆ ಸಿಕ್ಕ ಸಂಭಾವನೆ 50 ಸಾವಿರ ರೂಪಾಯಿ

ಸಾಹಸ ಕಲಾವಿದನಾಗಿ ಕನ್ನಡ ಚಿತ್ರರಂಗದಲ್ಲಿ ತಮಗೆ ಉತ್ತಮ ಸಂಭಾವನೆ ನೀಡಿದ ಸಿನಿಮಾಗಳ ಬಗ್ಗೆ ಮಾತನಾಡಿದ ವೇಣು, ‘ಸಿಪಾಯಿ’ ಚಿತ್ರದ ಅನುಭವವನ್ನು ಹಂಚಿಕೊಂಡಿದ್ದಾರೆ. ಈ ಸಿನಿಮಾದಲ್ಲಿ ಕೆಲಸ ಮಾಡಿದ್ದಕ್ಕಾಗಿ ಸುಮಾರು 50 ಸಾವಿರ ರೂಪಾಯಿ ಸಂಭಾವನೆ ಸಿಕ್ಕಿತ್ತಂತೆ. ಸುಮಾರು 30 ವರ್ಷಗಳ ಹಿಂದಿನ 50 ಸಾವಿರ ರೂಪಾಯಿ ಇಂದಿನ ಲೆಕ್ಕದಲ್ಲಿ ದೊಡ್ಡ ಮೊತ್ತಕ್ಕೆ ಸಮಾನ ಎಂದು ಅವರು ಹೇಳಿದ್ದಾರೆ. ರವಿಚಂದ್ರನ್‌ ಅವರ ವಿಶೇಷತೆಯೆಂದರೆ, ಕೆಲಸ ಮುಗಿದ ಬಳಿಕವೂ ಕಲಾವಿದರನ್ನು ನೆನಪಿಸಿಕೊಂಡು ಹಣ ನೀಡುತ್ತಿದ್ದರಂತೆ. ಕೆಲವೊಮ್ಮೆ ಅರ್ಧ ದಿನದ ಕೆಲಸವಿದ್ದರೂ 10ರಿಂದ 15 ಸಾವಿರ ರೂಪಾಯಿ ನೀಡಿ ಕಳುಹಿಸುತ್ತಿದ್ದರು ಎಂದು ವೇಣು ಮೆಚ್ಚುಗೆಯಿಂದ ಹೇಳಿದ್ದಾರೆ. ಕೆಲಸಕ್ಕೆ ತಕ್ಕ ಗೌರವ ನೀಡುವ ವ್ಯಕ್ತಿ ರವಿಚಂದ್ರನ್‌ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ರವಿಚಂದ್ರನ್‌ ಶೂಟಿಂಗ್‌ ಸೆಟ್‌ನಲ್ಲಿ ರಾಜರ ಊಟ

‘ಸಿಪಾಯಿ’ ಚಿತ್ರೀಕರಣದ ಸಮಯದಲ್ಲಿ ಚಿತ್ರತಂಡಕ್ಕೆ ಸಿಗುತ್ತಿದ್ದ ಆತಿಥ್ಯದ ಬಗ್ಗೆಯೂ ವೇಣು ಮಾತನಾಡಿದ್ದಾರೆ. ಬೆಳಗ್ಗಿನ ತಿಂಡಿಯಿಂದ ಮಧ್ಯಾಹ್ನದ ಊಟದವರೆಗೆ ಹಲವು ಬಗೆಯ ಖಾದ್ಯಗಳು ಸಿದ್ಧವಾಗಿರುತ್ತಿದ್ದವಂತೆ. ಕೆಲಸ ಮಾಡುವ ಕಲಾವಿದರು ಹಾಗೂ ತಂತ್ರಜ್ಞರಿಗೆ ಉತ್ತಮ ಆಹಾರ, ಸೌಕರ್ಯ ಮತ್ತು ಸಂಭಾವನೆ ನೀಡಲಾಗುತ್ತಿತ್ತು. ಬೆಳಗಿನ ಜಾವವೇ ಪ್ರೊಡಕ್ಷನ್‌ ಸಿಬ್ಬಂದಿ ಎದ್ದು ಎಲ್ಲರ ಕೊಠಡಿಗಳಿಗೆ ಚಹಾ ತಲುಪಿಸುತ್ತಿದ್ದರು. ನಾಲ್ಕು ಗಂಟೆಯ ಹೊತ್ತಿಗೆ ಚಹಾ ನೀಡುವ ವ್ಯವಸ್ಥೆ ಇರುತ್ತಿತ್ತು. ಬಳಿಕ ಎಲ್ಲರೂ ಚಿತ್ರೀಕರಣಕ್ಕೆ ಸಿದ್ಧರಾಗುವಷ್ಟರಲ್ಲಿ ತಿಂಡಿಯೂ ತಯಾರಾಗಿರುತ್ತಿತ್ತು. ಇಂತಹ ವ್ಯವಸ್ಥೆಯನ್ನು ತಾವು ಬೇರೆಡೆ ಅಪರೂಪವಾಗಿ ನೋಡಿದ್ದಾಗಿ ವೇಣು ಹೇಳಿದ್ದಾರೆ.

ಡಾ. ರಾಜ್‌ಕುಮಾರ್ ಜೊತೆ ಹ್ಯಾಂಡ್‌ ರೆಸ್ಲಿಂಗ್‌!

ವೇಣು ತಮ್ಮ ಜೀವನದಲ್ಲಿ ಮರೆಯಲಾಗದ ಮತ್ತೊಂದು ಘಟನೆಯನ್ನೂ ಹಂಚಿಕೊಂಡಿದ್ದಾರೆ. ನಟ ಜಗ್ಗೇಶ್ ಅವರ ಮನೆಯ ಗೃಹಪ್ರವೇಶದ ಸಂದರ್ಭದಲ್ಲಿ ಡಾ. ರಾಜ್‌ಕುಮಾರ್ ಅವರೊಂದಿಗೆ ಹ್ಯಾಂಡ್‌ ರೆಸ್ಲಿಂಗ್‌ ಮಾಡುವ ಅವಕಾಶ ಸಿಕ್ಕಿತ್ತಂತೆ. ಸುಮಾರು ಐದು ನಿಮಿಷಗಳ ಕಾಲ ಇಬ್ಬರೂ ಕೈ ಹಿಡಿದುಕೊಂಡಿದ್ದರಂತೆ. ಆ ಸಮಯದಲ್ಲಿ ಡಾ. ರಾಜ್‌ಕುಮಾರ್ ಅವರ ವಯಸ್ಸು ಮತ್ತು ದೇಹದ ಸ್ಥಿತಿಯನ್ನು ಗಮನಿಸಿದ ವೇಣು, ಅವರಲ್ಲಿದ್ದ ಶಕ್ತಿಯನ್ನು ಕಂಡು ಅಚ್ಚರಿಗೊಂಡಿದ್ದರು. ಕೊನೆಗೆ ಅವರ ಕೈ ಬಿಟ್ಟು ಕಾಲಿಗೆ ನಮಸ್ಕಾರ ಮಾಡಿದ್ದಾಗಿ ನೆನಪಿಸಿಕೊಂಡಿದ್ದಾರೆ.

ರಜನಿಕಾಂತ್‌ ಅವರ ಸರಳತೆ ಮತ್ತು ಸರಸ್ವತಿ ದೇವಿಯ ಮೇಲಿನ ಭಕ್ತಿ

ಸಂದರ್ಶನದಲ್ಲಿ ರಜನಿಕಾಂತ್‌ ಅವರ ಬಗ್ಗೆಯೂ ವೇಣು ಮಾತನಾಡಿದ್ದಾರೆ. ಜನರು ಬಂದು ನಮಸ್ಕರಿಸಿದಾಗ, “ನನಗಲ್ಲ, ನನ್ನೊಳಗಿರುವ ಸರಸ್ವತಿ ದೇವಿಗೆ ನಮಸ್ಕಾರ ಮಾಡುತ್ತಿದ್ದಾರೆ” ಎಂದು ರಜನಿಕಾಂತ್‌ ಹೇಳುತ್ತಿದ್ದರಂತೆ. ತಮ್ಮನ್ನು ತಾವು ದೊಡ್ಡವರು ಎಂದು ಭಾವಿಸದೆ, ತಮ್ಮೊಳಗಿನ ದೈವಿಕ ಶಕ್ತಿಗೆ ಗೌರವ ನೀಡುವ ಅವರ ಮನೋಭಾವ ವೇಣು ಅವರಿಗೆ ತುಂಬಾ ಇಷ್ಟವಾಗಿತ್ತು. ಡಾ. ರಾಜ್‌ಕುಮಾರ್ ಮತ್ತು ರಜನಿಕಾಂತ್‌ ಅವರಂತಹ ದೊಡ್ಡ ವ್ಯಕ್ತಿಗಳ ಒಡನಾಟದಿಂದ ಜೀವನದ ಹಲವು ಪಾಠಗಳನ್ನು ಕಲಿತಿರುವುದಾಗಿ ಅವರು ಹೇಳಿದ್ದಾರೆ.

ಜೀವನದಲ್ಲಿ ಉತ್ಸಾಹ ಕಳೆದುಕೊಳ್ಳಬಾರದು ಎಂದಿದ್ದ ಅಣ್ಣಾವ್ರು

ಡಾ. ರಾಜ್‌ಕುಮಾರ್ ಅವರಿಂದ ಕಲಿತ ಪ್ರಮುಖ ಪಾಠದ ಬಗ್ಗೆಯೂ ವೇಣು ಮಾತನಾಡಿದ್ದಾರೆ. ಯಾರಿಗೂ ನೋವು ಕೊಡಬಾರದು, ತಾನೂ ನೋವು ಅನುಭವಿಸಬಾರದು. ಒಳ್ಳೆಯವನಾಗಿರಬೇಕು, ಒಳ್ಳೆಯ ಕೆಲಸ ಮಾಡಬೇಕು ಎಂಬ ಸರಳ ಸಂದೇಶವನ್ನು ಅಣ್ಣಾವ್ರು ಹೇಳುತ್ತಿದ್ದರಂತೆ. ಅಷ್ಟೇ ಅಲ್ಲ, ವಯಸ್ಸು ಎಷ್ಟೇ ಆದರೂ ಉತ್ಸಾಹವನ್ನು ಕಳೆದುಕೊಳ್ಳಬಾರದು ಎಂಬುದು ಅವರ ನಿಲುವಾಗಿತ್ತು. 70-80 ವರ್ಷವಾದರೂ ಚಿಕ್ಕ ಮಗುವಿನಂತೆ ಸಂತೋಷದಿಂದ ಇರಬೇಕು ಎಂದು ಹೇಳುತ್ತಿದ್ದರಂತೆ. “ಉತ್ಸಾಹ ಕಳೆದುಕೊಳ್ಳುವುದೇ ಅತ್ಯಂತ ದೊಡ್ಡ ದಿವಾಳಿತನ” ಎಂಬ ಮಾತನ್ನು ವೇಣು ವಿಶೇಷವಾಗಿ ನೆನಪಿಸಿಕೊಂಡಿದ್ದಾರೆ.

ಮಕ್ಕಳ ಜೊತೆ ಸಮಯ ಕಳೆಯುವುದರಲ್ಲೇ ವೇಣುಗೆ ಸಂತೋಷ

ಜೀವನದಲ್ಲಿ ಸಂತೋಷವನ್ನು ಎಲ್ಲಿ ಹುಡುಕುತ್ತೀರಿ ಎಂಬ ಪ್ರಶ್ನೆಗೆ ವೇಣು ನೀಡಿದ ಉತ್ತರ ವಿಶೇಷವಾಗಿದೆ. ದೊಡ್ಡವರ ಜೊತೆ ಕುಳಿತರೆ ವ್ಯಾಪಾರ, ಹಣ, ಸಮಸ್ಯೆ ಮತ್ತು ಚಿಂತೆಗಳ ಮಾತುಗಳೇ ಹೆಚ್ಚಾಗುತ್ತವೆ. ಆದರೆ ಮಕ್ಕಳ ಜೊತೆ ಇದ್ದಾಗ ನಿಜವಾದ ಸಂತೋಷ ಸಿಗುತ್ತದೆ ಎಂದು ಅವರು ಹೇಳಿದ್ದಾರೆ. ಮಕ್ಕಳು ಆಟವಾಡುವುದನ್ನು ನೋಡುವುದು, ಅವರ ಜೊತೆ ಮಾತನಾಡುವುದು, ಕೆಲವೊಮ್ಮೆ ಅವರ ಜೊತೆ ಆಟವಾಡುವುದರಲ್ಲೇ ತಮಗೆ ಖುಷಿ ಸಿಗುತ್ತದೆ ಎಂದು ವೇಣು ಹೇಳಿದ್ದಾರೆ.

ಒಟ್ಟಿನಲ್ಲಿ, ‘ಸಿಪಾಯಿ’ ಸಿನಿಮಾದ ಸಾಹಸ ದೃಶ್ಯಗಳ ಹಿಂದಿನ ಕಠಿಣ ಪರಿಶ್ರಮದಿಂದ ಹಿಡಿದು ರವಿಚಂದ್ರನ್‌ ಅವರ ಕೆಲಸದ ಶೈಲಿ, ಡಾ. ರಾಜ್‌ಕುಮಾರ್ ಅವರ ಸರಳತೆ ಹಾಗೂ ರಜನಿಕಾಂತ್‌ ಅವರ ಆಧ್ಯಾತ್ಮಿಕ ಚಿಂತನೆಯವರೆಗೆ ವೇಣು ಹಂಚಿಕೊಂಡಿರುವ ಅನುಭವಗಳು ಕನ್ನಡ ಚಿತ್ರರಂಗದ ಹಲವು ಅಪರೂಪದ ನೆನಪುಗಳನ್ನು ತೆರೆದಿಟ್ಟಿವೆ.

ಹಳೆಯ ಎಲ್ಲಾ ಸಿನಿಮಾಗಳ ದಾಖಲೆ ಪುಡಿಗಟ್ಟಿ ಈ ಸ್ಟಾರ್ ನಟನ ವೃತ್ತಿಜೀವನದ ನಂ.1 ಚಿತ್ರವಾದ 'ರಾಮಾಯಣ'!

Ashwini HR — Fri, 13 Nov 2026 11:26:07 +0530

ದೀಪಾವಳಿಗೂ ಮುನ್ನ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ 'ರಾಮಾಯಣ' ಸಿನಿಮಾ ಆರಂಭದಲ್ಲೇ 64.85 ಕೋಟಿ ರೂ. ಗಳಿಕೆಯೊಂದಿಗೆ ಶುಭಾರಂಭ ಮಾಡಿತು. ರಣಬೀರ್ ಕಪೂರ್, ಯಶ್ ಮತ್ತು ಸಾಯಿ ಪಲ್ಲವಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿರುವ ಈ ಚಿತ್ರವು, ಬಿಡುಗಡೆಯಾದ ದಿನದಿಂದಲೂ ಬಾಕ್ಸ್ ಆಫೀಸ್‌ನಲ್ಲಿ ಬಲಿಷ್ಠ ಪ್ರದರ್ಶನವನ್ನು ಮುಂದುವರಿಸಿದೆ. ಮೊದಲ ವಾರಾಂತ್ಯದಲ್ಲಿ ಹಾಗೂ ದೀಪಾವಳಿಯ ನಂತರ ಚಿತ್ರದ ವಸೂಲಾತಿಯಲ್ಲಿ ಗಣನೀಯ ಏರಿಕೆ ಕಂಡುಬಂದಿದೆ. ಇದರೊಂದಿಗೆ 'ರಾಮಾಯಣ' ರಣಬೀರ್ ಕಪೂರ್ ಅವರಿಗೆ ಅತಿ ಹೆಚ್ಚು ಗಳಿಕೆ ತಂದುಕೊಟ್ಟ ಚಿತ್ರವಾಗಿ ಬದಲಾಗಿದೆ. ಈ ಚಿತ್ರದಲ್ಲಿ ರಣಬೀರ್ ಕಪೂರ್ ಶ್ರೀರಾಮನ ಪಾತ್ರದಲ್ಲಿ ಅಭಿನಯಿಸಿದ್ದಾರೆ.

'ರಾಮಾಯಣ'ಕ್ಕಿಂತ ಕಡಿಮೆ ಗಳಿಕೆ ಸಾಧಿಸಿದ ರಣಬೀರ್ ಚಿತ್ರಗಳು

'ರಾಮಾಯಣ' ಚಿತ್ರ ಬಿಡುಗಡೆಯಾದ ಕೇವಲ ಏಳು ದಿನಗಳಲ್ಲೇ ರಣಬೀರ್ ಕಪೂರ್ ಅವರ ಹಿಂದಿನ ಎಲ್ಲಾ ಚಿತ್ರಗಳ ಸಮಗ್ರ ಜೀವಿತಾವಧಿ ಗಳಿಕೆಯನ್ನು ಹಿಂದಿಕ್ಕಿದೆ. ಎಂಟನೇ ದಿನಕ್ಕೆ 'ರಾಮಾಯಣ' ವಿಶ್ವದಾದ್ಯಂತ 1,000 ಕೋಟಿ ರೂ.ಗಡಿಯನ್ನು ದಾಟಿದೆ. ಪ್ರಸ್ತುತ 'ರಾಮಾಯಣ' ಚಿತ್ರದ ಒಟ್ಟು ಗಳಿಕೆ 1,033 ಕೋಟಿ ರೂ.ಗಳಷ್ಟಿದೆ. ವಿಶ್ವಾದ್ಯಂತ 915 ಕೋಟಿ ರೂ.ಗಳಿಸಿದ್ದ 'ಅನಿಮಲ್' ಚಿತ್ರವನ್ನು 'ರಾಮಾಯಣ' ಮೀರಿಸಿದೆ. ಅಂತೆಯೇ 588.50 ಕೋಟಿ ರೂ. ಜೀವಿತಾವಧಿ ಗಳಿಕೆ ದಾಖಲಿಸಿದ್ದ 'ಸಂಜು' ಚಿತ್ರದ ದಾಖಲೆಯನ್ನೂ ಇದು ಹಿಂದಿಕ್ಕಿದೆ. ರಣಬೀರ್ ಕಪೂರ್ ಅವರ ಇತರ ಚಿತ್ರಗಳಾದ 'ಬ್ರಹ್ಮಾಸ್ತ್ರ: ಪಾರ್ಟ್ ಒನ್ – ಶಿವ' ಹಾಗೂ 'ಯೇ ಜವಾನಿ ಹೈ ದೀವಾನಿ' ಕೂಡ 'ರಾಮಾಯಣ'ಕ್ಕಿಂತ ಕಡಿಮೆ ಗಳಿಕೆ ಸಾಧಿಸಿವೆ.

ಎಂಟನೇ ದಿನಕ್ಕೆ 'ರಾಮಾಯಣ' ಭಾರತದಲ್ಲಿ 53.50 ಕೋಟಿ ರೂ. ನಿವ್ವಳ ಗಳಿಕೆ ಕಂಡಿದೆ. ಈ ಚಿತ್ರಕ್ಕೆ ಭಾರತದಲ್ಲಿ ಎಂಟನೇ ದಿನದಂದು ಒಟ್ಟು 24,042 ಪ್ರದರ್ಶನಗಳನ್ನು (ಶೋ) ನಡೆಸಲಾಗಿದೆ. ಇದರಲ್ಲಿ ಹಿಂದಿ ಆವೃತ್ತಿಯ 'ರಾಮಾಯಣ' 19,464 ಪ್ರದರ್ಶನಗಳ ಮೂಲಕ 43 ಕೋಟಿ ರೂ.ಗಳಿಸಿದೆ. ಕನ್ನಡ ಆವೃತ್ತಿಯು 3.25 ಕೋಟಿ ರೂ.ಗಳಿಕೆ ನೀಡಿದ್ದರೆ, ಮಲಯಾಳಂ ಆವೃತ್ತಿಯು 2.80 ಕೋಟಿ ರೂ.ಸಂಪಾದಿಸಿದೆ. ವಿದೇಶಗಳಲ್ಲಿ 'ರಾಮಾಯಣ' 25 ಕೋಟಿ ರೂ. ವಸೂಲಿ ಮಾಡಿದ್ದು, ವಿದೇಶಗಳಲ್ಲಿ ಚಿತ್ರದ ಒಟ್ಟು ಗಳಿಕೆ 358.50 ಕೋಟಿ ರೂ. ತಲುಪಿದೆ.

ಪ್ರೇಕ್ಷಕರ ಪ್ರತಿಕ್ರಿಯೆಯತ್ತ ಗಮನ

ಪ್ರಸ್ತುತ 'ರಾಮಾಯಣ' ಚಿತ್ರದ ವಿಶ್ವದಾದ್ಯಂತ ಬಾಕ್ಸ್ ಆಫೀಸ್ ಗಳಿಕೆ ರೂ. 1,033.55 ಕೋಟಿಗಳಷ್ಟಿದೆ. ವ್ಯಾಪಾರ ವಿಶ್ಲೇಷಕರು ಚಿತ್ರದ ಎರಡನೇ ವಾರಾಂತ್ಯದ ಪ್ರದರ್ಶನವನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದು, ಈ ಚಿತ್ರವು ತನ್ನ ಬಲವಾದ ಪ್ರದರ್ಶನವನ್ನು ಮುಂದುವರಿಸಲಿದೆ ಎಂದು ಅಂದಾಜಿಸಿದ್ದಾರೆ. ಆದಾಗ್ಯೂ, 'ರಾಮಾಯಣ' ಎರಡನೇ ವಾರದಲ್ಲೂ ತನ್ನ ಉತ್ಸಾಹವನ್ನು ಮುಂದುವರಿಸಲು ಸಾಧ್ಯವೇ ಎಂಬ ವಿಚಾರದಲ್ಲಿ ಅನಿಶ್ಚಿತತೆ ಇದೆ. ಚಿತ್ರದ ಕುರಿತು ಮಿಶ್ರ ವಿಮರ್ಶೆಗಳು ಮುಂದುವರಿದಿರುವುದರಿಂದ, ಪ್ರೇಕ್ಷಕರ ಪ್ರತಿಕ್ರಿಯೆ ಹಾಗೂ ಚಿತ್ರದ ವಾಣಿಜ್ಯ ಪ್ರದರ್ಶನದತ್ತ ಎಲ್ಲರ ಗಮನ ಕೇಂದ್ರೀಕೃತವಾಗಿದೆ.

ಈ ಮೊದಲೇ ಹೇಳಿದ ಹಾಗೆ ಚಿತ್ರದಲ್ಲಿ ರಣಬೀರ್ ಕಪೂರ್ ಶ್ರೀರಾಮನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ, ಸಾಯಿ ಪಲ್ಲವಿ ಸೀತೆಯಾಗಿ ಹಾಗೂ ಕನ್ನಡಿಗರ ಹೆಮ್ಮೆಯ 'ರಾಕಿಂಗ್ ಸ್ಟಾರ್' ಯಶ್ ಬಲಿಷ್ಠ 'ರಾವಣ'ನ ಪಾತ್ರದಲ್ಲಿ ಅಬ್ಬರಿಸಿದ್ದಾರೆ. ಪ್ಯಾನ್-ಇಂಡಿಯಾ ಮಟ್ಟದಲ್ಲಿ ಯಶ್ ಅವರಿಗಿರುವ ಜನಪ್ರಿಯತೆ 'ರಾಮಾಯಣ' ಚಿತ್ರಕ್ಕೆ ದಕ್ಷಿಣ ಭಾರತದ ಬಾಕ್ಸ್ ಆಫೀಸ್‌ನಲ್ಲಿ ದೊಡ್ಡ ಬಲ ತಂದುಕೊಟ್ಟಿದೆ. ವಿಶೇಷವಾಗಿ ಕರ್ನಾಟಕದಲ್ಲಿ ಯಶ್ ಅಭಿಮಾನಿಗಳಿಂದ ಚಿತ್ರಕ್ಕೆ ಭರ್ಜರಿ ಸ್ವಾಗತ ಸಿಕ್ಕಿದ್ದು, ಕನ್ನಡ ಆವೃತ್ತಿಯೊಂದೇ 3.25 ಕೋಟಿ ರೂ. ಗಳಿಸಿರುವುದು ಚಿತ್ರದ ಮೇಲಿನ ಕ್ರೇಜ್‌ಗೆ ಸಾಕ್ಷಿಯಾಗಿದೆ. (ಬೆಂಗಳೂರು ಸೇರಿದಂತೆ ರಾಜ್ಯದ ಪ್ರಮುಖ ನಗರಗಳಲ್ಲಿ ಹಿಂದಿ ಮತ್ತು ಇತರ ಭಾಷೆಗಳಲ್ಲೂ ಚಿತ್ರ ಉತ್ತಮ ಪ್ರದರ್ಶನ ಕಾಣುತ್ತಿದೆ).

Nita Ambani: ನೀತಾ ಅಂಬಾನಿ ಭದ್ರತೆಗೆ ಇಬ್ಬರು ಮಹಿಳಾ ಬೌನ್ಸರ್ಸ್, ಇವರ ಸಂಬಳ ಕೇಳಿದ್ರೆ ಅಚ್ಚರಿಯಾಗುತ್ತೆ

Roopa Hegde — Fri, 13 Nov 2026 11:25:30 +0530

ಮಹಿಳೆಯರು ಇಂದು ಎಲ್ಲಾ ಕ್ಷೇತ್ರಗಳಲ್ಲೂ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸುತ್ತಿದ್ದಾರೆ. ಶಿಕ್ಷಣ, ಉದ್ಯಮ, ಕ್ರೀಡೆ, ವಿಜ್ಞಾನ ಮಾತ್ರವಲ್ಲದೆ, ಈ ಹಿಂದೆ ಪುರುಷರ ಪ್ರಾಬಲ್ಯ ಹೆಚ್ಚಾಗಿದ್ದ ಭದ್ರತಾ ಕ್ಷೇತ್ರದಲ್ಲೂ ಮಹಿಳೆಯರು ಮುಂಚೂಣಿಗೆ ಬರುತ್ತಿದ್ದಾರೆ. ಇದಕ್ಕೆ ಉದ್ಯಮಿ ಹಾಗೂ ರಿಲಯನ್ಸ್ ಇಂಡಸ್ಟ್ರೀಸ್ ಮುಖ್ಯಸ್ಥ ಮುಕೇಶ್ ಅಂಬಾನಿ ಅವರ ಪತ್ನಿ ನೀತಾ ಅಂಬಾನಿ ಅವರ ಭದ್ರತಾ ತಂಡಕ್ಕೆ ಮಹಿಳಾ ಬೌನ್ಸರ್ಗಳನ್ನು ನೇಮಕ ಮಾಡಿರುವ ಸುದ್ದಿ ಮತ್ತೊಂದು ಉದಾಹರಣೆಯಾಗಿದೆ.

ಮಹಿಳಾ ಬೌನ್ಸರ್ಗಳಿಗೆ ಎಷ್ಟು ಸಂಬಳ?

ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ವರದಿಗಳ ಪ್ರಕಾರ, ನೀತಾ ಅಂಬಾನಿ ಅವರ ವೈಯಕ್ತಿಕ ಭದ್ರತೆಗಾಗಿ ಇಬ್ಬರು ಮಹಿಳಾ ಬೌನ್ಸರ್ಗಳನ್ನು ನೇಮಕ ಮಾಡಿಕೊಳ್ಳಲಾಗಿದೆ. ಅನೇಕ ಫೋಟೋಗಳಲ್ಲಿ ನೀತಾ ಹಿಂಭಾಗದಲ್ಲಿ ಈ ಮಹಿಳಾ ಬೌನ್ಸರ್‌ ಗಳನ್ನು ನೀವು ಕಾಣ್ಬಹುದು. ಇವರಿಗೆ ತಿಂಗಳಿಗೆ 80 ಸಾವಿರ ರೂಪಾಯಿಯಿಂದ 1.25 ಲಕ್ಷ ರೂಪಾಯಿವರೆಗೆ ಸಂಬಳ ನೀಡಲಾಗುತ್ತಿದೆ. ಆದರೆ ಈ ನೇಮಕಾತಿ ಮತ್ತು ಸಂಬಳದ ಅಂಕಿಅಂಶಗಳನ್ನು ರಿಲಯನ್ಸ್ ಸಂಸ್ಥೆಯಾಗಲಿ, ನೀತಾ ಅಂಬಾನಿ ಅವರ ಅಧಿಕೃತ ಮೂಲಗಳಾಗಲಿ ದೃಢಪಡಿಸಿಲ್ಲ.

ಮಹಿಳೆಯರಿಗೆ ಹೆಚ್ಚುತ್ತಿದೆ ಅವಕಾಶ

ಮಹಿಳೆಯರು ಬೌನ್ಸರ್ಗಳಾಗಿ ಕೆಲಸ ಮಾಡುವುದು ಹೊಸತೇನಲ್ಲ. ಇತ್ತೀಚಿನ ವರ್ಷಗಳಲ್ಲಿ ಈ ಕ್ಷೇತ್ರದಲ್ಲಿ ಮಹಿಳೆಯರ ಭಾಗವಹಿಸುವಿಕೆ ಹೆಚ್ಚಾಗುತ್ತಿದೆ. ಪುರುಷರಂತೆ ಮಹಿಳೆಯರೂ ದೈಹಿಕ ಸಾಮರ್ಥ್ಯ, ಸಮಯಪ್ರಜ್ಞೆ, ಶಿಸ್ತು ಮತ್ತು ತರಬೇತಿಯ ಮೂಲಕ ಭದ್ರತಾ ಜವಾಬ್ದಾರಿಗಳನ್ನು ನಿರ್ವಹಿಸುತ್ತಿದ್ದಾರೆ. ಇದಕ್ಕೆ ಕೇರಳದ ಮಹಿಳಾ ಬೌನ್ಸರ್ ಅನು ಕುಂಜುಮೋನ್ ಅವರೇ ಒಂದು ಉದಾಹರಣೆ. 2025ರ ಮಾರ್ಚ್ನಲ್ಲಿ ನಟ ಮೋಹನ್ಲಾಲ್ ಅವರ ಭದ್ರತಾ ತಂಡದಲ್ಲಿ ಕಾಣಿಸಿಕೊಂಡ ಬಳಿಕ ಅವರು ಸುದ್ದಿಯಾಗಿದ್ದರು. ಛಾಯಾಗ್ರಹಣ ಕ್ಷೇತ್ರದಿಂದ ಭದ್ರತಾ ವೃತ್ತಿಗೆ ಬಂದ ಅವರು, ಸೆಲೆಬ್ರಿಟಿಗಳ ಕಾರ್ಯಕ್ರಮಗಳಲ್ಲಿ ಜನಸಂದಣಿ ನಿಯಂತ್ರಣ ಸೇರಿದಂತೆ ಹಲವು ಜವಾಬ್ದಾರಿಗಳನ್ನು ನಿರ್ವಹಿಸುತ್ತಿದ್ದಾರೆ.

ಮಹಿಳಾ ಸಬಲೀಕರಣಕ್ಕೆ ಮತ್ತೊಂದು ವೇದಿಕೆ

ಭದ್ರತಾ ಸಿಬ್ಬಂದಿ ಎಂದರೆ ಎತ್ತರದ ಮೈಕಟ್ಟು, ಗಂಭೀರ ಮುಖಭಾವ ಹೊಂದಿರುವ ಪುರುಷರು ಎಂಬ ಕಲ್ಪನೆ ಈಗ ಬದಲಾಗುತ್ತಿದೆ. ಮಹಿಳೆಯರೂ ಈ ವೃತ್ತಿಯಲ್ಲಿ ಸಮರ್ಥವಾಗಿ ಕಾರ್ಯನಿರ್ವಹಿಸಬಲ್ಲರು ಎಂಬುದನ್ನು ಇಂತಹ ಬೆಳವಣಿಗೆಗಳು ತೋರಿಸುತ್ತವೆ. ವಿಶೇಷವಾಗಿ ಮಹಿಳಾ ಸೆಲೆಬ್ರಿಟಿಗಳು, ಗಣ್ಯ ಮಹಿಳೆಯರು ಹಾಗೂ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಮಹಿಳಾ ಭದ್ರತಾ ಸಿಬ್ಬಂದಿಯ ಅಗತ್ಯವೂ ಹೆಚ್ಚುತ್ತಿದೆ. ಮಹಿಳೆಯರ ಸುರಕ್ಷತೆ, ತಪಾಸಣೆ ಮತ್ತು ವೈಯಕ್ತಿಕ ಭದ್ರತೆಯ ದೃಷ್ಟಿಯಿಂದಲೂ ಮಹಿಳಾ ಬೌನ್ಸರ್ಗಳ ಪಾತ್ರ ಮಹತ್ವದ್ದಾಗಿದೆ.

ಮಂಗಳೂರಿನಿಂದ 363 ಕಿ.ಮೀ. ಉದ್ದದ ಪೈಪ್‌ಲೈನ್ ಮೂಲಕ ಬೆಂಗಳೂರಿಗೆ ಇಂಧನ ರವಾನಿಸುವ MRPL ಟರ್ಮಿನಲ್ ಲೋಕಾರ್ಪಣೆ

Gowthami K — Fri, 13 Nov 2026 11:18:43 +0530

ಮಂಗಳೂರು: ಮಂಗಳೂರು ರಿಫೈನರಿ ಆ್ಯಂಡ್ ಪೆಟ್ರೋಕೆಮಿಕಲ್ಸ್ ಲಿಮಿಟೆಡ್ (ಎಂಆರ್‌ಪಿಎಲ್) ಬೆಂಗಳೂರಿನಲ್ಲಿ ನಿರ್ಮಿಸಿರುವ ಅತ್ಯಾಧುನಿಕ ದೇವನಗೊಂತಿ ಮಾರ್ಕೆಟಿಂಗ್ ಟರ್ಮಿನಲ್‌ನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಶುಕ್ರವಾರ ರಾಷ್ಟ್ರಕ್ಕೆ ಸಮರ್ಪಿಸಲಿದ್ದಾರೆ.

ಸುಮಾರು 330 ಕೋಟಿ ರು. ವೆಚ್ಚದಲ್ಲಿ ಅಭಿವೃದ್ಧಿಪಡಿಸಿರುವ ಈ ಟರ್ಮಿನಲ್ ಕರ್ನಾಟಕದ ಇಂಧನ ಮೂಲಸೌಕರ್ಯ ಬಲವರ್ಧನೆ, ಇಂಧನ ಪೂರೈಕೆಯ ವಿಶ್ವಾಸಾರ್ಹತೆ ಹೆಚ್ಚಳ ಹಾಗೂ ರಾಜ್ಯದ ಕೈಗಾರಿಕಾ ಮತ್ತು ಆರ್ಥಿಕ ಚಟುವಟಿಕೆಗಳಿಗೆ ಉತ್ತೇಜನ ನೀಡುವ ಮಹತ್ವದ ಯೋಜನೆಯಾಗಿದೆ.

20 ಎಕರೆ ಪ್ರದೇಶದಲ್ಲಿ ನಿರ್ಮಿಸಲಾಗಿರುವ ಈ ಟರ್ಮಿನಲ್ ಮಂಗಳೂರಿನ ಎಂಆರ್‌ಪಿಎಲ್ ಸಂಸ್ಕರಣಾಗಾರಕ್ಕೆ 363 ಕಿ.ಮೀ. ಉದ್ದದ ಪೆಟ್ರೋನೆಟ್ ಮಂಗಳೂರು-ಹಾಸನ-ಬೆಂಗಳೂರು ಪೈಪ್‌ಲೈನ್ ಮೂಲಕ ಸಂಪರ್ಕ ಹೊಂದಿದೆ. ಇಲ್ಲಿ ಒಟ್ಟು 77 ಸಾವಿರ ಕಿಲೋಲೀಟರ್ ಇಂಧನ ಸಂಗ್ರಹ ಸಾಮರ್ಥ್ಯವಿದ್ದು, ಪೆಟ್ರೋಲ್, ಡೀಸೆಲ್ ಮತ್ತು ವಿಮಾನ ಇಂಧನ (ಎಟಿಎಫ್) ನಿರ್ವಹಣೆ ಮಾಡಲಾಗುತ್ತದೆ. ಬೆಂಗಳೂರು ವಿಮಾನ ನಿಲ್ದಾಣ, ಎಂಆರ್‌ಪಿಎಲ್‌ನ ಹೈಕ್ಯೂ ಚಿಲ್ಲರೆ ಮಾರಾಟ ಮಳಿಗೆಗಳು, ತೈಲ ಮಾರುಕಟ್ಟೆ ಕಂಪನಿಗಳು ಹಾಗೂ ಕೈಗಾರಿಕಾ ಗ್ರಾಹಕರಿಗೆ ಇಲ್ಲಿಂದ ಇಂಧನ ಪೂರೈಸಲಾಗುತ್ತದೆ.

ಈ ಯೋಜನೆಯ ಪ್ರಮುಖ ಪರಿಸರ ಪ್ರಯೋಜನವೆಂದರೆ ಪಶ್ಚಿಮಘಟ್ಟದ ಪರಿಸರ ಸೂಕ್ಷ್ಮ ಪ್ರದೇಶಗಳ ಮೂಲಕ ದೂರದವರೆಗೆ ರಸ್ತೆ ಮಾರ್ಗದಲ್ಲಿ ಇಂಧನ ಸಾಗಿಸುವ ಬದಲು ಪೈಪ್‌ಲೈನ್ ಮೂಲಕ ಸಾಗಣೆ ವ್ಯವಸ್ಥೆ ಕಲ್ಪಿಸಿರುವುದು. ಇದರಿಂದ ವರ್ಷಕ್ಕೆ ಸುಮಾರು 40 ಸಾವಿರ ಟನ್ ಇಂಗಾಲದ ಡೈಆಕ್ಸೈಡ್ ಹೊರಸೂಸುವಿಕೆ ತಡೆಯುವ ನಿರೀಕ್ಷೆಯಿದೆ. ರಸ್ತೆ ಸುರಕ್ಷತೆಯೂ ಹೆಚ್ಚಲಿದೆ. ಅಲ್ಲದೆ, ಎಥೆನಾಲ್ ಮತ್ತು ಜೈವಿಕ ಡೀಸೆಲ್ ಸಂಗ್ರಹ ಹಾಗೂ ಮಿಶ್ರಣಕ್ಕೆ ಪ್ರತ್ಯೇಕ ವ್ಯವಸ್ಥೆ ಕಲ್ಪಿಸುವ ಮೂಲಕ ದೇಶದ ಸ್ವಚ್ಛ ಇಂಧನ ಪರಿವರ್ತನೆಗೂ ಯೋಜನೆ ನೆರವಾಗಲಿದೆ.

ಪ್ರಾದೇಶಿಕ ಇಂಧನ ಭದ್ರತೆಯನ್ನು ಬಲಪಡಿಸುವುದರ ಜತೆಗೆ ಈ ಯೋಜನೆಯಿಂದ 280ಕ್ಕೂ ಅಧಿಕ ಮಂದಿಗೆ ನೇರ ಮತ್ತು ಪರೋಕ್ಷ ಉದ್ಯೋಗಾವಕಾಶಗಳು ಸೃಷ್ಟಿಯಾಗುವ ನಿರೀಕ್ಷೆಯಿದೆ.

ದೇವನಗೊಂತಿ ಮಾರ್ಕೆಟಿಂಗ್ ಟರ್ಮಿನಲ್ ರಾಷ್ಟ್ರಕ್ಕೆ ಸಮರ್ಪಣೆಯಾಗುವುದರೊಂದಿಗೆ ದೇಶದ ಇಂಧನ ಭದ್ರತೆ, ಸುಸ್ಥಿರ ಮೂಲಸೌಕರ್ಯ ಅಭಿವೃದ್ಧಿ ಮತ್ತು ಆರ್ಥಿಕ ಬೆಳವಣಿಗೆಗೆ ಎಂಆರ್‌ಪಿಎಲ್ ನೀಡುತ್ತಿರುವ ಕೊಡುಗೆ ಮತ್ತಷ್ಟು ಬಲಗೊಳ್ಳಲಿದೆ ಎಂದು ಎಂಆರ್‌ಪಿಎಲ್‌ ಪ್ರಕಟಣೆ ತಿಳಿಸಿದೆ.

ದೇಶದ ಅತಿದೊಡ್ಡ ಭೂಗತ ಎಲ್‌ಪಿಜಿ ಸಂಗ್ರಹಣಾಗಾರ ಲೋಕಾರ್ಪಣೆ

ಮಂಗಳೂರಿನಲ್ಲಿ 850 ಕೋಟಿ ರು. ವೆಚ್ಚದಲ್ಲಿ ನಿರ್ಮಿಸಲಾದ 80,000 ಮೆಟ್ರಿಕ್ ಟನ್ ಸಾಮರ್ಥ್ಯದ ಭಾರತದ ಅತಿದೊಡ್ಡ ಭೂಗತ ಎಲ್‌ಪಿಜಿ ಸಂಗ್ರಹಣಾಗಾರವನ್ನು ಪ್ರಧಾನಿ ಲೋಕಾರ್ಪಣೆ ಮಾಡಲಿದ್ದಾರೆ. ದೇಶದ ಮೊದಲ ಭೂಗತ ಅನಿಲ ಸಂಗ್ರಹಾಗಾರ ವಿಶಾಖಪಟ್ಟಣದಲ್ಲಿ 2008ರಲ್ಲಿ ನಿರ್ಮಾಣವಾಗಿತ್ತು. ಆದರೆ ಮಂಗಳೂರಿನ ಸಂಗ್ರಹಾಗಾರ ದೇಶದ ಅತಿದೊಡ್ಡ ಘಟಕವಾಗಲಿದೆ.

ಸಾಹಸ ಸಿಂಹ ವಿಷ್ಣುವರ್ಧನ್‌-ಭಾರತಿಗೆ ನನ್ನ ದತ್ತು ಕೊಟ್ಟಿದ್ದು ಯಾರು? ಪುತ್ರಿ ಹೇಳಿದ ಸತ್ಯ

Chethan Kumar — Fri, 13 Nov 2026 11:12:47 +0530

ಬೆಂಗಳೂರು (ನ.13) ನಟ ವಿಷ್ಣುವರ್ಧನ್ ತೆರೆ ಮೇಲೆ ಹೀರೋ ಮಾತ್ರವಲ್ಲ, ತೆರೆ ಹಿಂದೆಯೂ ಹೀರೋ. ವಿಷ್ಣುವರ್ಧನ್ ಪಾತ್ರಗಳಿಗೆ ಜೀವ ತುಂಬುತ್ತಿದ್ದ ಕಲಾವಿದ. ಇದೇ ಕಾರಣಕ್ಕೆ ವಿಷ್ಣು ದಾದಾ ಕ್ರೇಜ್ ಈಗಲೂ ಕರ್ನಾಟಕದೆಲ್ಲೆಡೆ ಇದೆ. ವಿಷ್ಣು ಅಭಿಮಾನಿ ಬಳಗ ಈಗಲೂ ಹತ್ತು ಹಲವು ಕಾರ್ಯಕ್ರಮಗಳ ಮೂಲಕ ಸಕ್ರಿಯವಾಗಿದೆ. ವಿಷ್ಣುವರ್ಧನ್ ಭಾರತಿ ದಂಪತಿಗೆ ದತ್ತು ಮಗಳು ಕೀರ್ತಿ ಕುರಿತ ಹಲವು ಮಾತುಗಳಿಗೆ ಸ್ವತಃ ಕೀರ್ತಿ ವಿಷ್ಣುವರ್ಧನ್ ಸ್ಪಷ್ಟನೆ ನೀಡಿದ್ದಾರೆ. ಪ್ರಮುಖವಾಗಿ ಕೀರ್ತಿಯನ್ನು ನಟ ವಿಷ್ಣುವರ್ಧನ್ ಹಾಗೂ ಭಾರತಿ ಯಾರಿಂದ ದತ್ತು ಪಡೆದರು ಅನ್ನೋ ಸೀಕ್ರೆಟ್ ಕೂಡ ಬಿಚ್ಚಿಟ್ಟಿದ್ದಾರೆ.

ಕುಟುಂಬದ ಒಳಗಿಂದಲೇ ದತ್ತು

ಕೀರ್ತಿ ವಿಷ್ಣುವರ್ಧನ್ ಹುಟ್ಟಿದ ಬೆನ್ನಲ್ಲೇ ವಿಷ್ಣುವರ್ಧನ್ ಹಾಗೂ ಭಾರತಿ ವಿಷ್ಣುವರ್ಧನ್ ದತ್ತು ಪಡೆದಿದ್ದಾರೆ. ವಿಶೇಷ ಅಂದರೆ ಕುಟುಂಬದ ಆಪ್ತರಿಂದಲೇ ಹೆಣ್ಣು ಮಗುವನ್ನು ವಿಷ್ಣುವರ್ಧನ್ ಭಾರತಿ ದಂಪತಿ ದತ್ತು ಪಡೆದಿದ್ದಾರೆ. ಭಾರತಿ ವಿಷ್ಣು ವರ್ಧನ್ ಸಹೋದರಿ ಮಗಳನ್ನೇ ವಿಷ್ಣು ದಂಪತಿ ದತ್ತು ಪಡೆದಿದ್ದಾರೆ.

ಭಾರತಿ ಹಾಗೂ ಜಯಶ್ರಿ ಅಕ್ಕ ತಂಗಿ

ಹೌದು, ದತ್ತು ಪುತ್ರಿ ತಾಯಿ, ಹಾಗೂ ಭಾರತಿ ವಿಷ್ಣುವರ್ಧನ್ ಅಕ್ಕ ತಂಗಿ. ಭಾರತಿ ವಿಷ್ಣುವರ್ಧನ್ ಅವರು ತಮ್ಮ ಸಹೋದರಿ ಮಗಳನ್ನೇ ದತ್ತು ಪಡೆದುಕೊಂಡಿರುವುದು. ಈ ಕುರಿತು ರೋಚಕ ಮಾಹಿತಿಯನ್ನು ಕೀರ್ತಿ ವಿಷ್ಣುವರ್ಧನ್ ಬಿಚ್ಚಿಟ್ಟಿದ್ದಾರೆ. ಭಾರತಿ ವಿಷ್ಣುವರ್ಧನ್ ಹಾಗೂ ಜಯಶ್ರಿ ಇಬ್ಬರು ಅಕ್ಕ ತಂಗಿ. ಜಯಶ್ರಿ ಮದುವೆಯಾಗುವಾಗಲೇ ವಿಷ್ಣುವರ್ಧನ್ ಹಾಗೂ ಭಾರತಿ ವಿಷ್ಣುವರ್ಧನ್ ಮಾತು ತೆಗೆದುಕೊಂಡಿದ್ದರು. ನಿಮಗೆ (ಜಯಶ್ರಿ) ಹುಟ್ಟುವ ಮೊದಲ ಮಗು ನಮಗೆ ಕೊಡಬೇಕು ಎಂದು ಮಾತು ತೆಗೆದುಕೊಂಡಿದ್ದರು. ಭಾರತಿ ವಿಷ್ಣುವರ್ಧನ್ ಹಾಗೂ ಜಯಶ್ರಿ ಅವರ ಕುಟುಂಬ ಅತ್ಯಾಪ್ತರು. ಇದೇ ಆತ್ಮೀಯತೆಯಲ್ಲಿ ಜಯಶ್ರಿ ಅವರಿಂದ ಮೊದಲ ಮಗುವನ್ನು ದತ್ತು ಪಡೆಯಲಾಗಿತ್ತು.

ವಿಷ್ಣುವರ್ಧನ್ ಮದುವೆಯಲ್ಲಿದ್ದಾರೆ ಪುತ್ರಿ ಕೀರ್ತಿ ವಿಷ್ಣುವರ್ಧನ್

ಕೀರ್ತಿ ಹುಟ್ಟಿದ ತಕ್ಷಣವೇ ವಿಷ್ಣುವರ್ಧನ್ ಹಾಗೂ ಭಾರತಿ ನೇರವಾಗಿ ಚಿಕ್ಕಮ್ಮ ಜಯಶ್ರಿ ಬಳಿ ಬಂದು ಮಾತಿನಂತೆ ನಿಮ್ಮ ಮೊದಲ ಮಗುವನ್ನು ದತ್ತು ಪಡೆದುಕೊಂಡರು. ವಿಷ್ಣುವರ್ಧನ್ ಹಾಗೂ ಭಾರತಿ ಮದುವೆಯಲ್ಲಿ ನಾನು (ಕೀರ್ತಿ ) ಇದ್ದೇನೆ. ವಿಷ್ಣುವರ್ಧನ್ ತೊಡೆ ಮೇಲೆ ನಾನು ಕುಳಿತಿರುವ ಫೋಟೋ ಇದೆ ಎಂದು ದತ್ತು ಪುತ್ರಿ ಕೀರ್ತಿ ವಿಷ್ಣುವರ್ಧನ್ ಹೇಳಿದ್ದಾರೆ.

ಹುಟ್ಟಿದ ಕೆಲ ದಿನಗಳಲ್ಲೇ ವಿಷ್ಣವರ್ಧನ್ ನನ್ನನ್ನು ದತ್ತು ಪಡೆದುಕೊಂಡಿದ್ದಾರೆ. ಆದರೆ ವಿಷ್ಣವುರ್ಧನ್ ಹಾಗೂ ಭಾರತಿ ಆ ಸಮಯದಲ್ಲಿ ಸಿನಿಮಾದಲ್ಲಿ ಬ್ಯೂಸಿಯಾಗಿದ್ದರು. ಹೀಗಾಗಿ ಅಜ್ಜಿ ಜೊತೆಯಲ್ಲೇ ನಾನು ಬೆಳೆದೆ. ಹೆಚ್ಚಿನ ಸಮಯ ಅಜ್ಜಿ ಬಳಿಯಲ್ಲಿ ನಾನಿದ್ದೆ ಎಂದು ಕೀರ್ತಿ ವಷ್ಣುವರ್ಧನ್ ಹೇಳಿದ್ದಾರೆ. ಅಜ್ಜಿ ಬಳಿ ವಿಷ್ಣುವರ್ಧನ್ ಹಾಗೂ ಭಾರತಿ ಬರುತ್ತಿದ್ದರು. ನನ್ನ ಜೊತೆ ಇರುತ್ತಿದ್ದರು. ಆದರೆ ಹನ್ನೆರಡು, ಹದಿಮೂರ ವರ್ಷದವಳಿದ್ದಾಗ ನಾನು ತಂದೆ-ತಾಯಿ (ವಿಷ್ಣುವರ್ಧನ್-ಭಾರತಿ) ಮನೆಗೆ ಬಂದೆ ಎಂದು ಕೀರ್ತಿ ವಿಷ್ಣುವರ್ಧನ್ ಹೇಳಿದ್ದಾರೆ.

ಮಗಳ ಕೂರಿಸಿಕೊಂಡು ವಿಷ್ಣುವರ್ಧನ್ ಹೇಳಿದ್ದೇನು?

ನಾನು ತಂದೆ ಹಾಗೂ ತಾಯಿ ಜೊತೆ (ವಿಷ್ಣುವರ್ಧನ್-ಭಾರತಿ) ಇರಲು ಆರಂಭಿಸಿದಾಗ ನನ್ನ ಕೂರಿಸಿಕೊಂಡು ಒಂದು ಮಾತು ಹೇಳಿದ್ದರು. ಸಮಾಜದಲ್ಲಿನ ಹಲವರು ಹಲವು ಮಾತುಗಳನ್ನು ಆಡುತ್ತಾರೆ. ಪ್ರಮುಖವಾಗಿ ದತ್ತು ಮಗಳು, ನಿನ್ನ ತಂದೆ ತಾಯಿ ಬೇರೆ ಅನ್ನೋ ಹಲವು ಮಾತುಗಳು ಬರುತ್ತೆ. ಯಾರೇ ಏನೇ ಹೇಳಿದರೂ ಗಂಭೀರವಾಗಿ ತೆಗೆದುಕೊಳ್ಳುವ ಅವಶ್ಯಕತೆ ಇಲ್ಲ. ನೀನು (ಕೀರ್ತಿ) ನನ್ನ ದತ್ತು ಪುತ್ರಿ. ನನ್ನ ಜೀವನದಲ್ಲಿ ನೀನೇ ನನ್ನ ಮಗಳು. ಇದರ ನಡುವೆ ಯಾರ ಮಾತಿಗೂ ಕಿವಿಗೊಡಬೇಕಿಲ್ಲ ಎಂದು ಸ್ಪಷ್ಟವಾಗಿ ಹೇಳಿದ್ದರು.

CGI ಇಲ್ಲ, ಗ್ರಾಫಿಕ್ಸ್ ಇಲ್ಲ; 39 ವರ್ಷಗಳ ಹಿಂದೆ ದೇಶಿ ತಂತ್ರಜ್ಞಾನದ ಮೂಲಕ ಸೃಷ್ಟಿಯಾಯ್ತು ರಾಮಾಯಣದ ಜಟಾಯು ದೃಶ್ಯ!

Bhimasi M Koleppanavar — Fri, 13 Nov 2026 10:53:52 +0530

ಪ್ರಚಲಿಯ ಎಲ್ಲಿ ನೋಡಿದರೂ, ನಿತೇಶ್ ತಿವಾರಿ ಅವರ 'ರಾಮಾಯಣಂ' ಚಿತ್ರವು ಈಗ ಚರ್ಚೆಯಲ್ಲಿದೆ. ಈ ದೊಡ್ಡ ಬಜೆಟ್ ಚಿತ್ರದಲ್ಲಿ ರಾವಣ ಮತ್ತು ಜಟಾಯು ನಡುವಿನ ಹೋರಾಟದ ದೃಶ್ಯವು ಪ್ರೇಕ್ಷಕರನ್ನು ಬೆರಗುಗೊಳಿಸಿದೆ ಮತ್ತು ಅದಕ್ಕಾಗಿ ಬಳಸಲಾದ ಅತ್ಯಾಧುನಿಕ VFX ಮತ್ತು ಅನುಪಮ್ ಖೇರ್ ಅವರ ಶಕ್ತಿಯುತ ಧ್ವನಿ ಎಲ್ಲೆಡೆ ಪ್ರಶಂಸಿಸಲಾಗುತ್ತಿದೆ. ಈ ಕುರಿತು ಸಂಪೂರ್ಣ ವಿವರ ಇಲ್ಲಿದೆ.

ಅಂದಿನ ಜಟಾಯು ಹೇಗಿತ್ತು?

ಆದರೆ, ಇಂದಿನ ತಂತ್ರಜ್ಞಾನದ ಯುಗದಲ್ಲಿ, ಕೋಟ್ಯಂತರ ರೂಪಾಯಿ ವೆಚ್ಚದಲ್ಲಿ ರಚಿಸಲಾದ ಈ ದೃಶ್ಯ ನೋಡುವುದು ಖಂಡಿತವಾಗಿಯೂ 39 ವರ್ಷಗಳ ಹಿಂದಿನ ಆ ಐತಿಹಾಸಿಕ ಧಾರಾವಾಹಿ ನೆನಪಿಸುತ್ತದೆ. 1987 ರಲ್ಲಿ ದೂರದರ್ಶನದಲ್ಲಿ ಪ್ರಸಾರವಾದ ರಮಾನಂದ ಸಾಗರ್ ಅವರ ಐತಿಹಾಸಿಕ ಧಾರಾವಾಹಿ 'ರಾಮಾಯಣ'ದಲ್ಲಿ ರಾವಣ ಮತ್ತು ಜಟಾಯುವಿನ ನಡುವಿನ ಯುದ್ಧ ತೋರಿಸಿದಾಗ, ಗ್ರಾಫಿಕ್ಸ್ ಅಥವಾ ಸಿಜಿಐನಂತಹ ಯಾವುದೇ ತಂತ್ರಜ್ಞಾನ ಅಸ್ತಿತ್ವದಲ್ಲಿರಲಿಲ್ಲ. ಆದರೂ, ರಮಾನಂದ ಸಾಗರ್ ತಮ್ಮ ಸೃಜನಶೀಲತೆ ಮತ್ತು ಸರಳ ತಂತ್ರಗಳಿಂದ ಅದ್ಭು ಪವಾಡ ಸೃಷ್ಟಿಸಿದರು, ಆ ದೃಶ್ಯವು ಪ್ರೇಕ್ಷಕರ ಮನಸ್ಸಿನಲ್ಲಿ ಇನ್ನೂ ಹಸಿರಾಗಿದೆ. 1987 ರ ಈ ಧಾರಾವಾಹಿಯಲ್ಲಿ, ಅರುಣ್ ಗೋವಿಲ್ ಭಗವಾನ್ ಶ್ರೀ ರಾಮನ ಪಾತ್ರವನ್ನು ಮತ್ತು ದೀಪಿಕಾ ಚಿಖಾಲಿಯಾ ತಾಯಿ ಸೀತೆಯ ಪಾತ್ರವನ್ನು ನಿರ್ವಹಿಸಿದರು.

ವಿಶೇಷ ಮಣ್ಣನೆ ಪಡೆದ ಜಟಾಯು!

ಈ ಧಾರಾವಾಹಿಯಲ್ಲಿ, ತಾಯಿ ಸೀತೆಯನ್ನು ರಕ್ಷಿಸಲು ರಾವಣನ ವಿರುದ್ಧ ಹೋರಾಡುವ ಜಟಾಯುವಿನ ಪಾತ್ರವನ್ನು ಪ್ರಸಿದ್ಧ ನಟ ಸುನಿಲ್ ವರ್ಮಾ ನಿರ್ವಹಿಸಿದ್ದಾರೆ. ಕುತೂಹಲಕಾರಿಯಾಗಿ, ಸುನಿಲ್ ವರ್ಮಾ ಈ ಧಾರಾವಾಹಿಯಲ್ಲಿ ಇತರ ಕೆಲವು ಪ್ರಮುಖ ಪಾತ್ರಗಳನ್ನು ನಿರ್ವಹಿಸಿದ್ದರು, ಆದರೆ ಜಟಾಯು ಪಾತ್ರವು ಅವರಿಗೆ ವಿಶೇಷ ಮನ್ನಣೆಯನ್ನು ನೀಡಿತು.

ಸುನೀಲ್‌ ವರ್ಮಾಗೆ ಸವಾಲಾಗಿದ್ದ ಜಟಾಯು!

ಇತ್ತೀಚಿನ ದಿನಗಳಲ್ಲಿ, ಜಟಾಯುವಿನ ಚಿತ್ರ ಸಂಪೂರ್ಣವಾಗಿ ಕಂಪ್ಯೂಟರ್‌ಗಳಲ್ಲಿ ರಚಿಸಲಾಗುತ್ತದೆ, ಆದರೆ ಆಗ, ನಟನೊಬ್ಬ ಸ್ವತಃ ಭಾರವಾದ ರೆಕ್ಕೆಗಳನ್ನು ಧರಿಸಿ ಆ ಪಾತ್ರವನ್ನು ನಿರ್ವಹಿಸುತ್ತಿದ್ದ. ಆ ಸಮಯದಲ್ಲಿ, ಜಟಾಯು ಗಾಳಿಯಲ್ಲಿ ಹಾರುತ್ತಿರುವುದನ್ನು ಮತ್ತು ರಾವಣನ ವಿರುದ್ಧ ಹೋರಾಡುವುದನ್ನು ತೋರಿಸುವುದು ನಿರ್ಮಾಪಕರಿಗೆ ದೊಡ್ಡ ಸವಾಲಾಗಿತ್ತು. ಸುನಿಲ್ ವರ್ಮಾ ಜಟಾಯುವಿನ ತುಂಬಾ ಭಾರವಾದ ವೇಷಭೂಷಣವನ್ನು ಧರಿಸಬೇಕಾಗಿತ್ತು.

ಸಾಕಷ್ಟು ಶ್ರಮವಹಿಸಿದ ತಂಡ!

ಈ ವೇಷಭೂಷಣದ ಹಿಂದಿನ ತಂಡವು ಇದಕ್ಕಾಗಿ ಸಾಕಷ್ಟು ಶ್ರಮ ವಹಿಸಿತ್ತು. ವೇಷಭೂಷಣವನ್ನು ಧರಿಸುವ ಮೊದಲು, ಕಲಾವಿದನ ಕೈಗಳನ್ನು ವಿಶೇಷ ರೀತಿಯಲ್ಲಿ ಕಟ್ಟಲಾಗಿತ್ತು, ಇದರಿಂದ ರೆಕ್ಕೆಗಳ ಚಲನೆ ಸ್ವಾಭಾವಿಕವಾಗಿ ಕಾಣುತ್ತದೆ. ಈಗ ಪ್ರಶ್ನೆ ಏನೆಂದರೆ, ಈ ಭಾರವಾದ ವೇಷಭೂಷಣದೊಂದಿಗೆ ಕಲಾವಿದನನ್ನು ಆಕಾಶದಲ್ಲಿ ಹಾರಿಸುವುದು ಹೇಗೆ? ಇದಕ್ಕಾಗಿ, ರಮಾನಂದ್ ಸಾಗರ್ ಅವರ ತಂಡವು ಬಲವಾದ ಕೊಕ್ಕೆಯನ್ನು ಬಳಸಿತು. ಈ ಕೊಕ್ಕೆಯನ್ನು ಆಧರಿಸಿ, ಜಟಾಯುವಿನ ಹಾರಾಟ ಮತ್ತು ರಾವಣನೊಂದಿಗಿನ ಹೋರಾಟದ ದೃಶ್ಯಗಳನ್ನು ಸುನಿಲ್ ವರ್ಮಾ ಅವರನ್ನು ಗಾಳಿಯಲ್ಲಿ ಎತ್ತರಕ್ಕೆ ನೇತುಹಾಕುವ ಮೂಲಕ ಚಿತ್ರೀಕರಿಸಲಾಗಿದೆ. ಯಾವುದೇ ಆಧುನಿಕ ತಂತ್ರಜ್ಞಾನವಿಲ್ಲದೆ ಮತ್ತು ಕೇವಲ ಕಲ್ಪನೆಯ ಬಲದ ಮೇಲೆ ರಚಿಸಲಾದ ಈ ದೃಶ್ಯವನ್ನು ಭಾರತೀಯ ದೂರದರ್ಶನದ ಇತಿಹಾಸದಲ್ಲಿ ಇನ್ನೂ ಒಂದು ವಿಶಿಷ್ಟ ಉದಾಹರಣೆ ಎಂದು ಪರಿಗಣಿಸಲಾಗಿದೆ.

IND vs NZ 4th ODI: ಶ್ರೇಯಸ್ ಅಯ್ಯರ್ ಭಾರತದ 29ನೇ ಏಕದಿನ ಕ್ಯಾಪ್ಟನ್..! ಧೋನಿ ಜತೆ ಎಲೈಟ್ ಕ್ಲಬ್ ಸೇರಿದ ಅಯ್ಯರ್

Naveen Kodase — Fri, 13 Nov 2026 10:52:01 +0530

ಮೌಂಟ್‌ ಮೌಂಗನುಯಿ(ನ.13): ನ್ಯೂಜಿಲೆಂಡ್‌ ವಿರುದ್ಧದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಭಾರತ ತಂಡವನ್ನು ಮುನ್ನಡೆಸುವ ಮೂಲಕ ಶ್ರೇಯಸ್‌ ಅಯ್ಯರ್‌ ಹೊಸ ಮೈಲಿಗಲ್ಲು ಸ್ಥಾಪಿಸಿದ್ದಾರೆ. ಶುಕ್ರವಾರ ಮೌಂಟ್‌ ಮೌಂಗನುಯಿಯ ಬೇ ಓವಲ್‌ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಮೊದಲ ಬಾರಿಗೆ ಭಾರತ ಏಕದಿನ ತಂಡದ ನಾಯಕತ್ವ ವಹಿಸಿಕೊಂಡಿರುವ ಅಯ್ಯರ್‌, ಈ ಸಾಧನೆ ಮಾಡಿದ ಭಾರತದ 29ನೇ ಆಟಗಾರ ಎನಿಸಿಕೊಂಡಿದ್ದಾರೆ.

ಇದರ ಜತೆಗೆ ಮತ್ತೊಂದು ವಿಶೇಷ ದಾಖಲೆಯನ್ನೂ ತಮ್ಮದಾಗಿಸಿಕೊಂಡಿದ್ದಾರೆ. ಭಾರತ ಪರ ಏಕದಿನ ಕ್ರಿಕೆಟ್‌ನಲ್ಲಿ ನಾಯಕತ್ವ ವಹಿಸಿಕೊಳ್ಳುವ ಮೊದಲು ಅತಿ ಹೆಚ್ಚು ಪಂದ್ಯಗಳನ್ನು ಆಡಿದ ಆಟಗಾರರ ಪಟ್ಟಿಯಲ್ಲಿ ಅಯ್ಯರ್‌ 14ನೇ ಸ್ಥಾನ ಪಡೆದಿದ್ದಾರೆ. ಅವರು ಮೊದಲ ಬಾರಿಗೆ ನಾಯಕನಾಗಿ ಕಣಕ್ಕಿಳಿಯುವ ಮುನ್ನ 85 ಏಕದಿನ ಪಂದ್ಯಗಳನ್ನು ಆಡಿದ್ದಾರೆ.

ನಾಯಕತ್ವಕ್ಕೂ ಮುನ್ನ ಅತಿ ಹೆಚ್ಚು ಏಕದಿನ ಪಂದ್ಯ ಆಡಿದವರ ಪಟ್ಟಿಯಲ್ಲಿ ಅಯ್ಯರ್‌ಗೆ 14ನೇ ಸ್ಥಾನ

ಭಾರತ ಪರ ನಾಯಕತ್ವ ವಹಿಸಿಕೊಳ್ಳುವ ಮೊದಲು ಅತಿ ಹೆಚ್ಚು ಏಕದಿನ ಪಂದ್ಯಗಳನ್ನು ಆಡಿದ ದಾಖಲೆ ಮಾಜಿ ಸ್ಪಿನ್ನರ್‌ ಅನಿಲ್‌ ಕುಂಬ್ಳೆ ಹೆಸರಿನಲ್ಲಿದೆ. ಅವರು ನಾಯಕನಾಗುವ ಮೊದಲು 217 ಏಕದಿನ ಪಂದ್ಯಗಳಲ್ಲಿ ಆಡಿದ್ದರು. ಈ ಪಟ್ಟಿಯಲ್ಲಿ ರೋಹಿತ್‌ ಶರ್ಮಾ 171 ಪಂದ್ಯಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ. ಶಿಖರ್‌ ಧವನ್‌ (142) ಮತ್ತು ರಾಹುಲ್‌ ದ್ರಾವಿಡ್‌ (138) ನಂತರದ ಸ್ಥಾನಗಳಲ್ಲಿದ್ದಾರೆ.

ಶ್ರೇಯಸ್‌ ಅಯ್ಯರ್‌ 85 ಪಂದ್ಯಗಳೊಂದಿಗೆ 14ನೇ ಸ್ಥಾನದಲ್ಲಿದ್ದು, ಮಾಜಿ ನಾಯಕ ಎಂ.ಎಸ್‌. ಧೋನಿ ಅವರಿಗಿಂತ ಮುಂದಿದ್ದಾರೆ. ಧೋನಿ ಭಾರತ ತಂಡದ ನಾಯಕತ್ವ ವಹಿಸುವ ಮೊದಲು 81 ಏಕದಿನ ಪಂದ್ಯಗಳನ್ನು ಆಡಿದ್ದರು.

ಭಾರತದ ನಾಯಕತ್ವ ವಹಿಸುವ ಮೊದಲು ಅತಿ ಹೆಚ್ಚು ಏಕದಿನ ಪಂದ್ಯ ಆಡಿದ ಆಟಗಾರರು:

217 – ಅನಿಲ್‌ ಕುಂಬ್ಳೆ

171 – ರೋಹಿತ್‌ ಶರ್ಮಾ

142 – ಶಿಖರ್‌ ಧವನ್‌

138 – ರಾಹುಲ್‌ ದ್ರಾವಿಡ್‌

129 – ಅಜಯ್‌ ಜಡೇಜಾ

119 – ಸಚಿನ್‌ ತೆಂಡೂಲ್ಕರ್‌

111 – ಸೌರವ್‌ ಗಂಗೂಲಿ

111 – ಕೆ. ಶ್ರೀಕಾಂತ್‌

104 – ವಿರಾಟ್‌ ಕೊಹ್ಲಿ

100 – ಗೌತಮ್‌ ಗಂಭೀರ್‌

98 – ದಿಲೀಪ್‌ ವೆಂಗ್‌ಸರ್ಕರ್‌

98 – ಮೊಹಮ್ಮದ್‌ ಅಜರುದ್ದೀನ್‌

90 – ಸುರೇಶ್‌ ರೈನಾ

85 – ಶ್ರೇಯಸ್‌ ಅಯ್ಯರ್‌*

81 – ಎಂ.ಎಸ್‌. ಧೋನಿ

75 – ರವಿ ಶಾಸ್ತ್ರಿ

71 – ಹಾರ್ದಿಕ್‌ ಪಾಂಡ್ಯ

70 – ವೀರೇಂದ್ರ ಸೆಹ್ವಾಗ್‌

ನ್ಯೂಜಿಲೆಂಡ್‌ ವಿರುದ್ಧದ 4ನೇ ಏಕದಿನ ಪಂದ್ಯಕ್ಕೆ ಶ್ರೇಯಸ್‌ ಅಯ್ಯರ್‌ ನಾಯಕ ಯಾಕೆ?

ಭಾರತದ ನಿಯಮಿತ ಏಕದಿನ ನಾಯಕ ಶುಭಮನ್‌ ಗಿಲ್‌ ಸರಣಿಯ ನಾಲ್ಕನೇ ಮತ್ತು ಐದನೇ ಪಂದ್ಯಗಳಿಗೆ ಅಲಭ್ಯರಾಗಿದ್ದಾರೆ. ನ್ಯೂಜಿಲೆಂಡ್‌ ವಿರುದ್ಧದ ಮುಂಬರುವ ಎರಡು ಪಂದ್ಯಗಳ ಟೆಸ್ಟ್‌ ಸರಣಿಯ ಸಿದ್ಧತೆಯ ಹಿನ್ನೆಲೆಯಲ್ಲಿ ಅವರಿಗೆ ವಿಶ್ರಾಂತಿ ನೀಡಲಾಗಿದೆ. ಹೀಗಾಗಿ ಮೊದಲ ಬಾರಿಗೆ ಏಕದಿನ ತಂಡವನ್ನು ಮುನ್ನಡೆಸುವ ಅವಕಾಶ ಶ್ರೇಯಸ್‌ ಅಯ್ಯರ್‌ಗೆ ಒಲಿದಿದೆ.

ಇನ್ನು ಕೆ.ಎಲ್‌. ರಾಹುಲ್‌ ಮತ್ತು ಅಂಶುಲ್‌ ಕಾಂಬೋಜ್‌ ಕೂಡ ನಾಲ್ಕನೇ ಏಕದಿನ ಪಂದ್ಯಕ್ಕೆ ಭಾರತ ತಂಡದಲ್ಲಿ ಸ್ಥಾನ ಪಡೆದಿಲ್ಲ. ಇವರ ಅನುಪಸ್ಥಿತಿಯಲ್ಲಿ ಋತುರಾಜ್‌ ಗಾಯಕ್ವಾಡ್‌, ಇಶಾನ್‌ ಕಿಶನ್‌ ಮತ್ತು ಕುಲ್ದೀಪ್‌ ಯಾದವ್‌ ಆಡುವ ಹನ್ನೊಂದರ ಬಳಗದಲ್ಲಿ ಅವಕಾಶ ಪಡೆದಿದ್ದಾರೆ.

'ಅದೆಲ್ಲಾ 100% ಶುದ್ದ ಸುಳ್ಳು': ಉಸ್ಮಾನ್ ಖವಾಜಾ ಆರೋಪ ತಳ್ಳಿಹಾಕಿದ ಪ್ಯಾಟ್ ಕಮಿನ್ಸ್

Naveen Kodase — Fri, 13 Nov 2026 10:38:24 +0530

ಸಿಡ್ನಿ(ನ.13): 2018ರ ಬಾಲ್ ಟ್ಯಾಂಪರಿಂಗ್ ವಿವಾದದಲ್ಲಿ ತಮಗೆ ಯಾವುದೇ ಪಾತ್ರವಿಲ್ಲ ಎಂದು ಆಸ್ಟ್ರೇಲಿಯಾ ತಂಡದ ನಾಯಕ ಪ್ಯಾಟ್ ಕಮಿನ್ಸ್ ಸ್ಪಷ್ಟಪಡಿಸಿದ್ದಾರೆ. ಮಾಜಿ ಸಹ ಆಟಗಾರ ಉಸ್ಮಾನ್ ಖವಾಜಾ ತಮ್ಮ ಆತ್ಮಕಥೆಯಲ್ಲಿ ಮಾಡಿರುವ ಆರೋಪಗಳು ಸಂಪೂರ್ಣ ಸುಳ್ಳು ಎಂದು ಕಮಿನ್ಸ್ ಹೇಳಿದ್ದಾರೆ. ತಂಡದ ಎಲ್ಲರಿಗೂ ಈ ಬಗ್ಗೆ ತಿಳಿದಿತ್ತು ಎಂಬ ವಾದ ಶೇಕಡಾ 100ರಷ್ಟು ತಪ್ಪು ಎಂದು ಆಸ್ಟ್ರೇಲಿಯಾ ನಾಯಕ ತಿಳಿಸಿದ್ದಾರೆ.

ಖವಾಜಾ ತಮ್ಮ ಸ್ನೇಹಿತ ಹೌದು, ಆದರೆ ಸ್ನೇಹಿತರು ಈ ರೀತಿ ಹಗುರವಾಗಿ ಮಾತನಾಡಬಾರದು ಎಂದು ಕಮಿನ್ಸ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಖವಾಜಾ ಅವರ ಹೇಳಿಕೆಗಳು ಮಾನಹಾನಿಕರವಾಗಿವೆ ಎಂದ ಅವರು, ಆದರೆ ಯಾವುದೇ ಕಾನೂನು ಕ್ರಮ ಕೈಗೊಳ್ಳುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಗಂಭೀರ ಆರೋಪ ಮಾಡಿದ್ದ ಖವಾಜಾ

ಈ ವಾರ ಬಿಡುಗಡೆಯಾದ ತಮ್ಮ ಆತ್ಮಕಥೆಯಲ್ಲಿ ಬಾಲ್ ಟ್ಯಾಂಪರಿಂಗ್ ಬಗ್ಗೆ ತಂಡದ ಎಲ್ಲರಿಗೂ ತಿಳಿದಿತ್ತು ಎಂದು ಖವಾಜಾ ಬರೆದುಕೊಂಡಿದ್ದರು. ಇದರ ಬೆನ್ನಲ್ಲೇ ಸಿಡ್ನಿಯಲ್ಲಿ ತುರ್ತು ಸುದ್ದಿಗೋಷ್ಠಿ ಕರೆದ ಪ್ಯಾಟ್ ಕಮಿನ್ಸ್ ತಮ್ಮ ನಿಲುವು ಸ್ಪಷ್ಟಪಡಿಸಿದ್ದಾರೆ. ಈ ಆರೋಪ ಸಂಪೂರ್ಣ ಆಧಾರರಹಿತ ಎಂದು ಕಮಿನ್ಸ್ ಹೇಳಿದ್ದಾರೆ. ಮೈದಾನಕ್ಕೆ ಸ್ಯಾಂಡ್‌ಪೇಪರ್ ತೆಗೆದುಕೊಂಡು ಹೋಗುವ ಬಗ್ಗೆ ತಂಡಕ್ಕೆ ತಿಳಿದಿತ್ತು ಎಂಬ ವಾದ ಶೇಕಡಾ 100ರಷ್ಟು ತಪ್ಪು. ತಾನೇ ಇದರ ರೂವಾರಿ ಎಂಬ ಆರೋಪದಲ್ಲಿ ಯಾವುದೇ ಹುರುಳಿಲ್ಲ ಎಂದು ಕಮಿನ್ಸ್ ಹೇಳಿದ್ದಾರೆ. ಸ್ಯಾಂಡ್‌ಪೇಪರ್ ಬಳಸುವಾಗ ಎಚ್ಚರಿಕೆಯಿಂದಿರಲು ಕ್ಯಾಮರೂನ್ ಬ್ಯಾನ್‌ಕ್ರಾಫ್ಟ್‌ಗೆ ತಾನು ಹೇಳಿದ್ದೆ ಎಂಬ ಖವಾಜಾ ಅವರ ಹೇಳಿಕೆ ತನಗೆ ಆಘಾತ ತಂದಿದೆ ಎಂದು ಕಮಿನ್ಸ್ ಹೇಳಿದ್ದಾರೆ.

ಉಸ್ಮಾನ್ ಒಬ್ಬ ಸ್ನೇಹಿತನಾದರೂ, ಸ್ನೇಹಿತರು ಪರಸ್ಪರರ ಜೀವನ ಮತ್ತು ಮರ್ಯಾದೆ ಜೊತೆ ಆಟವಾಡಬಾರದು ಎಂದು ಕಮಿನ್ಸ್ ನೆನಪಿಸಿದ್ದಾರೆ. ಪುಸ್ತಕದಲ್ಲಿರುವ ಕೆಲವು ಹೇಳಿಕೆಗಳು ಮಾನಹಾನಿಕರವಾಗಿವೆ ಎಂದು ತಮಗೆ ಕಾನೂನು ಸಲಹೆ ಸಿಕ್ಕಿದ್ದರೂ, ಖವಾಜಾ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಿಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ಎಂಟು ವರ್ಷಗಳ ಹಿಂದಿನ ಈ ವಿವಾದದಿಂದ ಈಗ ಮುಂದೆ ಹೋಗುವ ಸಮಯ ಬಂದಿದೆ ಎಂದು ಕಮಿನ್ಸ್ ಹೇಳಿದ್ದಾರೆ. ಏಷ್ಯನ್ ಮೂಲದವನೆಂಬ ಕಾರಣಕ್ಕೆ ಆಸ್ಟ್ರೇಲಿಯಾದ ನಾಯಕನನ್ನಾಗಿ ಮಾಡಲಿಲ್ಲ ಎಂಬ ಆರೋಪವೂ ಸುಳ್ಳು ಎಂದು ಪ್ಯಾಟ್ ಕಮಿನ್ಸ್ ಹೇಳಿದ್ದಾರೆ.

2018ರ ಬಾಲ್ ಟ್ಯಾಂಪರಿಂಗ್ ವಿವಾದ

2018ರ ಮಾರ್ಚ್‌ನಲ್ಲಿ ಕೇಪ್‌ಟೌನ್‌ನ ನ್ಯೂಲ್ಯಾಂಡ್ಸ್‌ನಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಟೆಸ್ಟ್ ಪಂದ್ಯದ ವೇಳೆ ಚೆಂಡನ್ನು ವಿರೂಪಗೊಳಿಸಲು ಸ್ಯಾಂಡ್‌ಪೇಪರ್ ಬಳಸಲಾಗಿತ್ತು. ಕ್ರಿಕೆಟ್‌ಗೆ ಕಳಂಕ ತಂದಿದ್ದಕ್ಕಾಗಿ ಅಂದಿನ ಆಸ್ಟ್ರೇಲಿಯಾ ನಾಯಕ ಸ್ಟೀವ್ ಸ್ಮಿತ್ ಮತ್ತು ಉಪನಾಯಕ ಡೇವಿಡ್ ವಾರ್ನರ್ ಅವರನ್ನು ಆಸ್ಟ್ರೇಲಿಯಾ ಒಂದು ವರ್ಷದ ಮಟ್ಟಿಗೆ ನಿಷೇಧಿಸಿತ್ತು. ಚೆಂಡಿನ ಮೇಲೆ ಸ್ಯಾಂಡ್‌ಪೇಪರ್ ಬಳಸುವಾಗ ಸಿಕ್ಕಿಬಿದ್ದ ಆರಂಭಿಕ ಬ್ಯಾಟರ್ ಕ್ಯಾಮರೂನ್ ಬ್ಯಾನ್‌ಕ್ರಾಫ್ಟ್‌ಗೆ ಒಂಬತ್ತು ತಿಂಗಳ ನಿಷೇಧ ವಿಧಿಸಲಾಗಿತ್ತು. ಮೂವರೂ ಶಿಕ್ಷೆಯನ್ನು ಒಪ್ಪಿಕೊಂಡು ನಂತರ ಟೆಸ್ಟ್ ಕ್ರಿಕೆಟ್‌ಗೆ ಮರಳಿದ್ದರು.

ಸುಮಾರು ಎಂಟು ವರ್ಷಗಳ ಬಳಿಕ ಉಸ್ಮಾನ್‌ ಖವಾಜಾ ಅವರ ಆತ್ಮಕಥೆಯಲ್ಲಿನ ಆರೋಪಗಳು ಈ ವಿವಾದವನ್ನು ಮತ್ತೆ ಮುನ್ನೆಲೆಗೆ ತಂದಿದ್ದು, ಇದೀಗ ಪ್ಯಾಟ್‌ ಕಮಿನ್ಸ್‌ ಕೂಡ ತಮ್ಮ ನಿಲುವನ್ನು ಬಹಿರಂಗವಾಗಿ ಸ್ಪಷ್ಟಪಡಿಸಿದ್ದಾರೆ.

"ಬೋರ್ಡ್ ಸದಸ್ಯರಲ್ಲಿ ಒಬ್ಬರು AI ಸಾಧನವಾಗಿದ್ದರೆ ಹೇಗೆ ಗುರುತಿಸುತ್ತೀರಿ"? UPSC ಟಾಪರ್ ಕಾವಲಿ ಮೇಘನಾ ನೀಡಿದ ಜಾಣ್ಮೆಯ ಉತ್ತರವಿದು

Ashwini HR — Fri, 13 Nov 2026 10:36:24 +0530

ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ಯಶಸ್ಸು ಗಳಿಸಲು ಕೇವಲ ಪುಸ್ತಕದ ಜ್ಞಾನ ಇದ್ದರೆ ಸಾಲದು. ಸಮಯಸ್ಫೂರ್ತಿ, ಸಮಯಕ್ಕೆ ತಕ್ಕ ನಿರ್ಧಾರ ತೆಗೆದುಕೊಳ್ಳುವ ಸಾಮರ್ಥ್ಯ, ವಿಶ್ಲೇಷಣಾತ್ಮಕ ಚಿಂತನೆ ಹಾಗೂ ಒತ್ತಡದಲ್ಲೂ ಶಾಂತವಾಗಿ ಉತ್ತರಿಸುವುದು ಅತ್ಯಗತ್ಯ. UPSC ಸಂದರ್ಶನದಲ್ಲಿ ಅಭ್ಯರ್ಥಿಗಳ ವ್ಯಕ್ತಿತ್ವವನ್ನು ಅಳೆಯಲು ಅನಿರೀಕ್ಷಿತ ಸನ್ನಿವೇಶಗಳನ್ನು ಸೃಷ್ಟಿಸಿ ಪ್ರಶ್ನೆಗಳನ್ನು ಕೇಳಲಾಗುತ್ತದೆ. ಅಂತಹದ್ದೇ ಒಂದು ಪ್ರಶ್ನೆಗೆ 2020ರ UPSC ಪರೀಕ್ಷೆಯಲ್ಲಿ 83ನೇ ರ‍್ಯಾಂಕ್ ಪಡೆದ ಕಾವಲಿ ಮೇಘನಾ ನೀಡಿದ ಉತ್ತರ ಈಗ ಚರ್ಚೆಯಲ್ಲಿದೆ.

ಮೇಘನಾ ಉತ್ತರಿಸಿದ್ರಾ?

ದೃಷ್ಟಿ IAS ನಡೆಸಿದ ಅಣಕು ಸಂದರ್ಶನದಲ್ಲಿ ಮೇಘನಾ ಅವರಿಗೆ ವಿಭಿನ್ನ ಪ್ರಶ್ನೆಯೊಂದು ಎದುರಾಯಿತು. ಸಾಮಾನ್ಯವಾಗಿ ವಿದ್ಯಾರ್ಹತೆ, ಹವ್ಯಾಸ ಮತ್ತು ಪ್ರಚಲಿತ ವಿದ್ಯಮಾನಗಳ ಬಗ್ಗೆ ಕೇಳುವ ಬದಲು, ಸಂದರ್ಶಕರು ಒಂದು ಕಾಲ್ಪನಿಕ ಸನ್ನಿವೇಶವನ್ನು ನೀಡಿದರು. "ನಿಮ್ಮ ಮಂಡಳಿಯ ಸದಸ್ಯರಲ್ಲಿ ಒಬ್ಬರು ಕೃತಕ ಬುದ್ಧಿಮತ್ತೆ (AI) ಸಾಧನವಾಗಿದ್ದರೆ, ಇದುವರೆಗಿನ ಸಂಭಾಷಣೆಯ ಆಧಾರದ ಮೇಲೆ ಅವರನ್ನು ಗುರುತಿಸಬಲ್ಲಿರಾ?" ಎಂದು ಕೇಳಿದರು. ತಕ್ಷಣವೇ ಪ್ರತಿಕ್ರಿಯಿಸಿದ ಮೇಘನಾ, "ಹೌದು ಸರ್, ಇದೊಂದು ಟ್ಯೂರಿಂಗ್ ಟೆಸ್ಟ್" ಎಂದರು. ಮುಂದುವರಿದು ಆ AI ಸದಸ್ಯ ಯಾರೆಂದು ಕೇಳಿದಾಗ, ಅವರು ಒಬ್ಬ ಸದಸ್ಯರನ್ನು ಸೂಚಿಸಿದರು.

ಆ ಸದಸ್ಯರು ಟ್ಯೂರಿಂಗ್ ಪರೀಕ್ಷೆಯಲ್ಲಿ ಏಕೆ ವಿಫಲರಾದರು ಎಂದು ಕೇಳಿದಾಗ, ಮೇಘನಾ ತಮ್ಮ ವೀಕ್ಷಣೆಯನ್ನು ವಿವರಿಸಿದರು. "ಅವರು ಕೇವಲ ವಾಸ್ತವಿಕ ಪ್ರಶ್ನೆಗಳನ್ನು ಕೇಳಿದರು. ಒಂದು ಯಂತ್ರವು ಸುಲಭವಾಗಿ ಅರ್ಥಮಾಡಿಕೊಳ್ಳಬಲ್ಲ ಪ್ರಶ್ನೆಗಳನ್ನಷ್ಟೇ ಕೇಳಿದರೇ ಹೊರತು, ನನ್ನ ಅಭಿಪ್ರಾಯಗಳ ಮೇಲೆ ಹೆಚ್ಚು ಗಮನಹರಿಸಲಿಲ್ಲ. ಹೀಗಾಗಿ ಅವರು AI ಆಗಿರಬಹುದು ಎನಿಸಿತು" ಎಂದರು.

ಮರು ಪ್ರಶ್ನೆ ಹಾಕಿದ ಸಂದರ್ಶಕರು

ಇದಕ್ಕೆ ತೃಪ್ತರಾಗದ ಸಂದರ್ಶಕರು, "ನಿಮ್ಮ ಈ ನಿರ್ಧಾರವು ನಿಷ್ಪಕ್ಷಪಾತವಾಗಿದೆಯೇ ಅಥವಾ ತುಲನಾತ್ಮಕವಾಗಿದೆಯೇ?" ಎಂದು ಮರುಪ್ರಶ್ನೆ ಹಾಕಿದರು. ಇದಕ್ಕೆ ಜಾಣ್ಮೆಯಿಂದ ಉತ್ತರಿಸಿದ ಮೇಘನಾ, "ಸರ್, ಇದು ತುಲನಾತ್ಮಕ (ಹೋಲಿಕೆ ಆಧಾರಿತ) ನಿರ್ಧಾರ. ನಿಷ್ಪಕ್ಷಪಾತವಾಗಿ ಹೇಳುವುದಾದರೆ ಯಾರೂ ಯಂತ್ರದಂತೆ ಪ್ರಶ್ನೆ ಕೇಳಲಿಲ್ಲ. ಆದರೆ ಹೋಲಿಸಿ ಒಬ್ಬರನ್ನು ಆಯ್ಕೆ ಮಾಡಬೇಕೆಂದರೆ ನಾನು ಅವರನ್ನು ಸೂಚಿಸುತ್ತೇನೆ" ಎಂದರು. ತಮ್ಮ ಅಭಿಪ್ರಾಯವನ್ನು ಸಂಪೂರ್ಣ ಸತ್ಯವೆನ್ನದೆ, ಹೋಲಿಕೆಯ ನಿರ್ಧಾರವೆಂದು ಸ್ಪಷ್ಟಪಡಿಸಿದರು.

ಟ್ಯೂರಿಂಗ್ ಟೆಸ್ಟ್ ಎಂದರೇನು?

ಬ್ರಿಟಿಷ್ ಗಣಿತಜ್ಞ ಮತ್ತು ಕಂಪ್ಯೂಟರ್ ವಿಜ್ಞಾನಿ ಅಲನ್ ಟ್ಯೂರಿಂಗ್ ಪ್ರತಿಪಾದಿಸಿದ ಈ ಪರೀಕ್ಷೆಯು, ಒಂದು ಯಂತ್ರವು ಮನುಷ್ಯನಂತೆ ಸಂಭಾಷಿಸಬಲ್ಲದೇ ಹಾಗೂ ಮಾತನಾಡುವ ವ್ಯಕ್ತಿ ಅದು ಮನುಷ್ಯನೋ ಯಂತ್ರವೋ ಎಂದು ಗುರುತಿಸಬಲ್ಲನೇ ಎಂಬುದನ್ನು ಅಳೆಯುತ್ತದೆ. ಸಂದರ್ಶನದಲ್ಲಿ ಅಭ್ಯರ್ಥಿಯ ವೀಕ್ಷಣಾ ಸಾಮರ್ಥ್ಯ, ತಾರ್ಕಿಕ ಚಿಂತನೆ ಮತ್ತು ನಿರ್ಧಾರ ಸಮರ್ಥಿಸುವ ಬಗೆಯನ್ನು ಪರೀಕ್ಷಿಸಲು ಇದನ್ನು ಬಳಸಲಾಯಿತು.

ಅಭ್ಯರ್ಥಿಗಳಿಗೆ ಪಾಠ

ಕೇವಲ ಅಭಿಪ್ರಾಯವನ್ನು ವ್ಯಕ್ತಪಡಿಸುವುದಷ್ಟೇ ಅಲ್ಲ, ಅದರ ಹಿಂದಿನ ಕಾರಣಗಳನ್ನು ವಿವರಿಸುವುದು ಹಾಗೂ ನಮ್ಮ ನಿರ್ಧಾರದ ಮಿತಿಗಳನ್ನು ಒಪ್ಪಿಕೊಳ್ಳುವುದು ಮುಖ್ಯ ಎಂಬುದನ್ನು ಮೇಘನಾ ಅವರ ಉತ್ತರ ಸಾರುತ್ತದೆ. UPSC ಸಂದರ್ಶನದಲ್ಲಿ ಪುಸ್ತಕದ ಜ್ಞಾನದೊಂದಿಗೆ ವೀಕ್ಷಣಾ ಶಕ್ತಿ, ಆತ್ಮವಿಶ್ವಾಸ ಮತ್ತು ಸಮಯಸ್ಫೂರ್ತಿಯೂ ಅತ್ಯಗತ್ಯ ಎಂಬುದಕ್ಕೆ ಈ ಸಂಭಾಷಣೆ ಉತ್ತಮ ನಿದರ್ಶನವಾಗಿದೆ.

ಯಾರು ಈ ಕಾವಲಿ ಮೇಘನಾ?

ವಿಕಾರಾಬಾದ್ ಜಿಲ್ಲೆಯ ಮರ್ಪಲ್ಲಿ ಗ್ರಾಮದವರಾದ ಮೇಘನಾ, ಹೈದರಾಬಾದ್‌ನಲ್ಲಿ ಶಾಲಾ-ಕಾಲೇಜು ಶಿಕ್ಷಣ ಮುಗಿಸಿ, ಎನ್‌ಐಟಿ (NIT) ವಾರಂಗಲ್‌ನಲ್ಲಿ ಎಲೆಕ್ಟ್ರಿಕಲ್ ಎಂಜಿನಿಯರಿಂಗ್ (ಬಿ.ಟೆಕ್) ಹಾಗೂ IIM ಲಕ್ನೋದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಬೆಂಗಳೂರಿನ ಐಟಿಸಿ (ITC) ಲಿಮಿಟೆಡ್‌ನಲ್ಲಿ ಅಸಿಸ್ಟೆಂಟ್ ಮಾರ್ಕೆಟಿಂಗ್ ಮ್ಯಾನೇಜರ್ ಹುದ್ದೆಗೆ ರಾಜೀನಾಮೆ ನೀಡಿ, ಸಮಾಜಸೇವೆಯ ಕನಸಿನೊಂದಿಗೆ ಸಿವಿಲ್ ಸರ್ವೀಸಸ್‌ಗೆ ತಯಾರಿ ಆರಂಭಿಸಿದರು. ಕೋವಿಡ್ ಸಂದರ್ಭದಲ್ಲಿ ಮನೆಯಲ್ಲೇ ಸ್ವಯಂ ಅಧ್ಯಯನ ನಡೆಸಿ, ಸಮಾಜಶಾಸ್ತ್ರ (Sociology) ಐಚ್ಛಿಕ ವಿಷಯದೊಂದಿಗೆ ಮೊದಲ ಪ್ರಯತ್ನದಲ್ಲೇ 83ನೇ ರ‍್ಯಾಂಕ್ ಗಳಿಸಿದರು.

ಪ್ರತಿ ಟನ್‌ ಕಬ್ಬಿಗೆ ₹4200 ಘೋಷಣೆ: ಮುಧೋಳ ಕಬ್ಬು ರೈತರ ಹೋರಾಟಕ್ಕೆ ಜಯ! ಇಂದು ಹೋರಾಟಕ್ಕೆ ತೆರೆ?

Kannadaprabha News — Fri, 13 Nov 2026 10:30:39 +0530

ಮುಧೋಳ (ನ.13) : ಪ್ರತಿ ಟನ್‌ ಕಬ್ಬಿಗೆ ₹4200 ಘೋಷಣೆ ಮಾಡುವಂತೆ ಬಾಗಲಕೋಟೆ ಜಿಲ್ಲೆಯ ಮುಧೋಳದಲ್ಲಿ ರೈತರು ನಡೆಸುತ್ತಿದ್ದ ಹೋರಾಟಕ್ಕೆ ಅರ್ಧ ಜಯ ಸಿಕ್ಕಿದೆ. ಗುರುವಾರ ನಗರದಲ್ಲಿ ನಾಲ್ಕು ಕಾರ್ಖಾನೆಗಳ ಮಾಲೀಕರೊಂದಿಗೆ ನಡೆದ ಸಭೆ ಯಶಸ್ವಿಯಾಗಿದ್ದು, ಪ್ರತಿ ಟನ್‌ ಕಬ್ಬಿಗೆ ₹3800 ದರ ನೀಡಲು ಕಾರ್ಖಾನೆಗಳು ಒಪ್ಪಿಕೊಂಡಿವೆ. ಈ ದರ ಮೊದಲ ಕಂತಾಗಿದ್ದು, ಮುಂದಿನ ದಿನಗಳಲ್ಲಿ ಸಕ್ಕರೆ ದರ ಹೆಚ್ಚಾದರೆ ಎರಡನೇ ಕಂತಿನಲ್ಲಿಯೂ ಕಬ್ಬು ಬೆಳೆಗಾರರಿಗೆ ಮತ್ತಷ್ಟು ದರ ನೀಡಲು ಕಾರ್ಖಾನೆಗಳು ಒಪ್ಪಿಕೊಂಡಿವೆ.

₹200 ದರ ಹೆಚ್ಚೇ ಸಿಕ್ಕಂತಾಗಿದೆ

ಈ ಮೂಲಕ ಬೆಳಗಾವಿ ಜಿಲ್ಲೆಯ ಮೂಡಲಗಿ ತಾಲೂಕಿನ ಗುರ್ಲಾಪುರದಲ್ಲಿ ರೈತರು ತೀರ್ಮಾನಿಸಿದ್ದ ₹3600 ದರಕ್ಕಿಂತ ₹200 ದರ ಹೆಚ್ಚೇ ಸಿಕ್ಕಂತಾಗಿದೆ. ಸಮೀರವಾಡಿ ಕಾರ್ಖಾನೆ, ನಿರಾಣಿ, ಐಸಿಪಿಎಲ್, ಪ್ರಭುಲಿಂಗೇಶ್ವರ ಕಾರ್ಖಾನೆಗಳು ರೈತರೊಂದಿಗೆ ನಡೆಸಿದ ಮಾತುಕತೆ ಯಶಸ್ವಿಯಾಗಿದೆ. ಈ ಹಿನ್ನೆಲೆಯಲ್ಲಿ ರೈತರು ಕೂಡ ಕಾರ್ಖಾನೆಗಳು ಕೊಡಲು ಮುಂದಾಗಿರುವ ₹3800 ದರವನ್ನು ಒಪ್ಪಿಕೊಂಡಿದ್ದು, ಶುಕ್ರವಾರದಿಂದ ಆ ಕಾರ್ಖಾನೆಗಳಿಗೆ ಕಬ್ಬು ಪೂರೈಸಲು ತೀರ್ಮಾನಿಸಿದ್ದಾರೆ. ಆದರೆ, ಬಾಗಲಕೋಟೆ ಜಿಲ್ಲೆಯ ಇನ್ನುಳಿದ ಸಕ್ಕರೆ ಕಾರ್ಖಾನೆಗಳು ಕೂಡ ಇದೆ ದರವನ್ನು ಒಪ್ಪಿಕೊಳ್ಳುವಂತೆ ರೈತರು ಪಟ್ಟು ಹಿಡಿದಿದ್ದು, ಅವರು ಒಪ್ಪುವವರೆಗೆ ಹೋರಾಟ ಮುಂದುವರಿಸಲು ತೀರ್ಮಾನಿಸಿದ್ದಾರೆ.

ಈ ವೇಳೆ ಸುದ್ದಿಗಾರರೊಂದಿಗೆ ಮಾತನಾಡಿದ ರೈತಪರ ಹೋರಾಟಗಾರರಾದ ಬಸವಂತಪ್ಪ ಕಾಂಬಳೆ, ಈರಪ್ಪ ಹಂಚಿನಾಳ, ದುಂಡಪ್ಪ ಯರಗಟ್ಟಿ, ವೆಂಕಣ್ಣ ಮಳಲಿ ಅವರು, ಮುಧೋಳ ತಾಲೂಕು ಕಬ್ಬು ಬೆಳೆಗಾರರ ಹೋರಾಟಕ್ಕೆ ಜಯ ಸಿಕ್ಕಿದೆ ಎಂದರು.ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಸಮ್ಮುಖದಲ್ಲಿ ಸಮೀರವಾಡಿ ಕಾರ್ಖಾನೆಯ ಪರವಾಗಿ ಈರಣ್ಣ ಕಣಬೂರ, ನಿರಾಣಿ ಕಾರ್ಖಾನೆಯ ಪರವಾಗಿ ಗೋಪಾಲ ಗಂಗರಡ್ಡಿ, ಐಸಿಪಿಎಲ್ ಕಾರ್ಖಾನೆಯ ಪರವಾಗಿ ಪ್ರಭು ಪಾಟೀಲ, ಪ್ರಭುಲಿಂಗೇಶ್ವರ ಕಾರ್ಖಾನೆಯ ಪರವಾಗಿ ಪಚ್ಚಣ್ಣವರ ಅವರು ಕಬ್ಬು ಹೋರಾಟಗಾರರ ವೇದಿಕೆಗೆ ಬಂದು ಮೊದಲನೇ ಕಂತಿನ ಪ್ರತಿ ಟನ್ ಕಬ್ಬಿಗೆ ₹3800 ಬೆಲೆ ನೀಡುವುದಾಗಿ ಘೋಷಿಸಿದ್ದಾರೆ.

ಇಂದಿನಿಂದ ರೈತರ ಹೋರಾಟಕ್ಕೆ ತೆರೆ

ನಂತರ ಎರಡು ಮತ್ತು ಮೂರನೇ ಕಂತಿನಲ್ಲಿ ಬೆಳಗಾವಿ ಜಿಲ್ಲೆಯ ಉಗಾರ ಕಾರ್ಖಾನೆಯವರು ಎಷ್ಟು ಕೊಡುತ್ತಾರೆ, ಆ ಬೆಲೆಯನ್ನು ನಾವೂ ಕೊಡಲು ಸಿದ್ದರಿದ್ದೇವೆಂದು ತಿಳಿಸಿದ್ದಾರೆ. ಹೀಗಾಗಿ, ಶುಕ್ರವಾರದಿಂದ ರೈತರ ಹೋರಾಟಕ್ಕೆ ತೆರೆ ಬೀಳಲಿದೆ. ರೈತರು ಎಂದಿನಂತೆ ಕಾರ್ಖಾನೆಗಳಿಗೆ ಕಬ್ಬು ಪೂರೈಸಬಹುದು ಎಂದು ತಿಳಿಸಿದರು.ಉಳಿದ ಕಾರ್ಖಾನೆಗಳು ಕೂಡ ಇದೆ ದರ ಅನುಸರಿಸಲಿ: ರೈತ ಹೋರಾಟಗಾರ ಈರಪ್ಪ ಹಂಚಿನಾಳ ಕನ್ನಡಪ್ರಭದೊಂದಿಗೆ ಮಾತನಾಡಿ, ನಮ್ಮ ಹೋರಾಟ ಯಾವತ್ತೂ ರೈತಪರವಾಗಿದೆ. ರೈತರಿಗೆ ನಾವು ನ್ಯಾಯ ಕೊಡಿಸಲು ಮುಂದಾಗಿದ್ದೇವೆ. ಈಗ ನಾಲ್ಕು ಸಕ್ಕರೆ ಕಾರ್ಖಾನೆಗಳು ಮೊದಲ ಕಂತಿನಲ್ಲಿ ₹3800 ನೀಡಲು ಮುಂದಾಗಿವೆ. ಇನ್ನುಳಿದ ಕಂತನ್ನು ಮುಂದಿನ ದಿನಗಳಲ್ಲಿ ತೀರ್ಮಾನ ಕೈಗೊಳ್ಳಲಿವೆ. ಆ ತೀರ್ಮಾನ ಆಧರಿಸಿ ರೈತರ ಹೋರಾಟ ಕೂಡ ನಿರ್ಧಾರವಾಗಲಿದೆ. ಅದರಂತೆ ಬಾಗಲಕೋಟೆ, ವಿಜಯಪುರ ಜಿಲ್ಲೆಯಲ್ಲಿನ ಸಕ್ಕರೆ ಕಾರ್ಖಾನೆ ಮಾಲೀಕರು ಕೂಡ ಮೊದಲ ಕಂತಿನಲ್ಲಿ ಪ್ರತಿ ಟನ್‌ ಕಬ್ಬಿಗೆ ₹3800 ದರ ನೀಡಬೇಕು ಎಂದು ಆಗ್ರಹಿಸಿದರು.

ತಹಸೀಲ್ದಾರ್‌ರ ಕಚೇರಿ ಮುಂಭಾಗದಲ್ಲಿ ಕಬ್ಬು ಬೆಳೆಗಾರರ ಹೋರಾಟ ಸಮಿತಿ ಕಬ್ಬಿಗೆ ಸೂಕ್ತ ಬೆಲೆ ನೀಡುವಂತೆ ಆಗ್ರಹಿಸಿ ಕಳೆದ ಹಲವಾರು ದಿನಗಳಿಂದ ಹೋರಾಟ ನಡೆಸಿದ್ದರು. ಈ ವೇಳೆ ವೆಂಕಣ್ಣ ಗಿಡಪ್ಪನವರ, ಎಸ್.ಎಸ್.ಅಕ್ಕಿಮರಡಿ, ಸದಾಶಿವ ಕದಂ, ಅನಂತ ಘೋರ್ಪಡೆ, ಸಂತೋಷ ಘೋರ್ಪಡೆ ಸೇರಿದಂತೆ ಇತರರು ಪಾಲ್ಗೊಂಡಿದ್ದರು.

ನಮ್ಮ ಮೆಟ್ರೋ ಪಿಂಕ್ ಮಾರ್ಗದಲ್ಲಿ ಎಷ್ಟು ನಿಮಿಷಕ್ಕೊಂದು ಮೆಟ್ರೋ ಸಂಚರಿಸಲಿದೆ? ಒಟ್ಟು ಎಷ್ಟು ರೈಲು ಓಡಾಡಲಿದೆ?

Gowthami K — Fri, 13 Nov 2026 10:25:01 +0530

ಬೆಂಗಳೂರು: ಮೆಟ್ರೋ ರೈಲಿನ ಕಾಳೇನ ಅಗ್ರಹಾರದಿಂದ ತಾವರೆಕೆರೆವರೆಗಿನ 7.5 ಕಿ.ಮೀ. ಉದ್ದದ ಗುಲಾಬಿ (ಪಿಂಕ್) ಮಾರ್ಗ ಶುಕ್ರವಾರ ಲೋಕಾರ್ಪಣೆಗೊಳ್ಳಲಿದೆ. ಮೆಟ್ರೋದ ಎತ್ತರಿಸಿದ ಮಾರ್ಗ ಕಾಳೇನ ಅಗ್ರಹಾರ, ಹುಳಿಮಾವು, ಐಐಎಂಬಿ, ಜೆ.ಪಿ.ನಗರ 4ನೇ ಹಂತ, ಜಯದೇವ ಆಸ್ಪತ್ರೆ ಮತ್ತು ತಾವರೆಕೆರೆ ಸೇರಿ ಒಟ್ಟು 6 ನಿಲ್ದಾಣಗಳನ್ನು ಒಳಗೊಂಡಿದೆ. ಗುಲಾಬಿ ಮಾರ್ಗದ ಈ ಎತ್ತರಿಸಿದ ವಿಭಾಗ ಸಾರ್ವಜನಿಕ ಸೇವೆಗೆ ಮುಕ್ತಗೊಂಡ ನಂತರ, ನಮ್ಮ ಮೆಟ್ರೋದ ಪ್ರಸ್ತುತ ಕಾರ್ಯಾಚರಣೆ 96.10 ಕಿ.ಮೀ. ಜೊತೆಗೆ ಈ ಮಾರ್ಗದ ಉದ್ದದಿಂದ 103.60 ಕಿ.ಮೀ.ಗೆ ವಿಸ್ತರಣೆಯಾದಂತಾಗಿದೆ.

ಜಯದೇವ ನಿಲ್ದಾಣದಲ್ಲಿ ಇಂಟರ್ ಚೇಂಜ್ ಗೆ ಅವಕಾಶ

ಪಿಂಕ್ ಲೈನ್‌ನ ಈ ಆರಂಭಿಕ ಭಾಗ ಬನ್ನೇರುಘಟ್ಟ ರಸ್ತೆಯ ಪ್ರಯಾಣಿಕರಿಗೆ ಸಾಕಷ್ಟು ಅನುಕೂಲ. ವಿಶೇಷವಾಗಿ ಜಯದೇವ ಮೆಟ್ರೋ ನಿಲ್ದಾಣದಲ್ಲಿ ಎಲೆಕ್ಟ್ರಾನಿಕ್ ಸಿಟಿ ಮತ್ತು ಸಿಟಿ ಮಾರ್ಗಗಳಿಗೆ ಇಂಟರ್ಚೇಂಜ್ (ಸಂಪರ್ಕ) ಸೌಲಭ್ಯವಿರುವುದರಿಂದ, ಈ ಭಾಗದ ನಾಗರಿಕರು ಸಿಲ್ಕ್ ಬೋರ್ಡ್, ಹೆಚ್ಎಸ್ಆರ್ ಲೇಔಟ್, ಜಯನಗರ, ಮಜೆಸ್ಟಿಕ್ ಹಾಗೂ ವೈಟ್‌ ಫೀಲ್ಡ್‌ ಸೇರಿದಂತೆ ನಗರದ ಯಾವುದೇ ಭಾಗಕ್ಕೆ ಸುಲಭವಾಗಿ ಪ್ರಯಾಣಿಸಲು ಅವಕಾಶ ಸಿಗಲಿದೆ.

8 ನಿಮಿಷಕ್ಕೆ ಒಂದು ರೈಲು

ಆರಂಭಿಕ ಹಂತದಲ್ಲಿ ಈ ಮಾರ್ಗದಲ್ಲಿ 5 ಮೀಸಲು ರೈಲುಗಳು ಕಾರ್ಯನಿರ್ವಹಿಸಲಿದ್ದು, ಪ್ರತಿ 8 ನಿಮಿಷಕ್ಕೊಂದು ರೈಲು ಸಂಚರಿಸಲಿದೆ. ಮುಂಬರುವ ದಿನಗಳಲ್ಲಿ ಪ್ರಯಾಣಿಕರ ದಟ್ಟಣೆ ಮತ್ತು ಸಿಗ್ನಲಿಂಗ್ ವ್ಯವಸ್ಥೆಯ ಸ್ಥಿರತೆಯನ್ನು ಗಮನಿಸಿ ಈ ಕಾಲಾವಧಿಯನ್ನು ಮತ್ತಷ್ಟು ಕಡಿಮೆ ಮಾಡುವ ಯೋಜನೆಯಿದೆ. ಈ 7.5 ಕಿ.ಮೀ ಮಾರ್ಗ ಸೇರ್ಪಡೆಯೊಂದಿಗೆ ಬೆಂಗಳೂರಿನ ಒಟ್ಟು ಮೆಟ್ರೋ ಜಾಲವು 103 ಕಿ.ಮೀ. ತಲುಪಲಿದ್ದು, ನಗರವು 100 ಕಿ.ಮೀ. ಗಡಿ ದಾಟಿದ ಐತಿಹಾಸಿಕ ಸಾಧನೆ

ಈ ಮಾರ್ಗದ ಉದ್ಘಾಟನೆಯಿಂದಾಗಿ ಬನ್ನೇರಘಟ್ಟ ರಸ್ತೆಯಲ್ಲಿ ಸಂಚಾರ ಸಮಸ್ಯೆಯಿಂದ ದಿನ ನಿತ್ಯ ಪರದಾಡುತ್ತಿದ್ದ ವಾಹನ ಸವಾರರು ನಿಟ್ಟುಸಿರು ಬಿಡುವಂತಾಗುತ್ತದೆ. ಈ ಮಾರ್ಗದಲ್ಲಿ ಪ್ರಮುಖ ಆಸ್ಪತ್ರೆಗಳಾದ ಜಯದೇವ ಹೃದ್ರೋಗ ಆಸ್ಪತ್ರೆ, ನಾರಾಯಣ ನೇತ್ರಾಲಯಗಳಿಗೆ ಅತಿ ಕಡಿಮೆ ಅವಧಿಯಲ್ಲಿ ತಲುಪಬಹುದಾಗಿದೆ.

ಪಿಂಕ್ ಮಾರ್ಗದಲ್ಲಿರುವ 6 ನಿಲ್ದಾಣಗಳು

ಕಾಳೇನಅಗ್ರಹಾರ
ಹುಳಿಮಾವು
ಐಐಎಂಬಿ
ಜೆ.ಪಿ.ನಗರ 4ನೇ ಹಂತ
ಜಯದೇವ ಆಸ್ಪತ್ರೆ,
ತಾವರೆಕೆರೆ (ಎತ್ತರಿಸಿದ ಮಾರ್ಗ)

ಮೂರು ಹಂತ ಮೆಟ್ರೋ , ನಿರ್‍ಮಾಣಕ್ಕೆ ₹77,891 ಕೋಟಿ

ಮೆಟ್ರೋ-1 ನೇ ಹಂತದಿಂದ 3ನೇ ಹಂತದವರೆಗಿನ ಒಟ್ಟು 77,891 ಕೋಟಿ ರು. ವೆಚ್ಚದಲ್ಲಿ ಕರ್ನಾಟಕ ಸರ್ಕಾರವೇ 65,291 ಕೋಟಿ ರು. (ಶೇ. 84) ಭರಿಸುತ್ತಿದ್ದು, ಕೇಂದ್ರ ಸರ್ಕಾರದ ಪಾಲು ಕೇವಲ 12,600 ಕೋಟಿ ರು. (ಶೇ. 16) ಆಗಿದೆ. ಮೆಟ್ರೋ ಮೊದಲ ಹಂತದಲ್ಲಿ ಶೇ. 80 ರಷ್ಟಿದ್ದ ಕೇಂದ್ರದ ಬಂಡವಾಳ ಹೂಡಿಕೆ, ಎರಡನೇ ಹಂತದಲ್ಲಿ ಕ್ರಮೇಣ ಶೇ. 16ಕ್ಕೆ ಮತ್ತು ಪ್ರಸ್ತುತ ಶೇ. 14 ಇದೆ.

ಅಣ್ಣಾವ್ರ ಜೊತೆ ಮೊದಲ ಸಿನಿಮಾ ಶಿವಣ್ಣ ಜೊತೆ ಕೊನೆ ಸಿನಿಮಾ,ಜರ್ನಿಯಲ್ಲಿ ಒಂದು ನೋವಿದೆ ಎಂದ ನಿರ್ದೇಶಕ

Chethan Kumar — Fri, 13 Nov 2026 10:16:38 +0530

ಬೆಂಗಳೂರು (ನ.13) ಡಾ.ರಾಜ್ ಕುಮಾರ್ ಸಿನಿಮಾಗಳು ಭಾರತೀಯ ಸಿನಿಮಾ ಇತಿಹಾಸದಲ್ಲೇ ಹೊಸ ದಾಖಲೆ ಬರೆದಿದೆ. ಸುದೀರ್ಘ ದಿನಗಳ ಪ್ರದರ್ಶನ, ಅತೀ ಹೆಚ್ಚು ಕಲೆಕ್ಷನ್ ಸೇರಿದಂತೆ ಹಲವು ದಾಖಲೆಗಳನ್ನು ಸೃಷ್ಟಿಸಿದೆ. ಡಾ.ರಾಜ್ ಸೂಪರ್ ಹಿಟ್ ಸಿನಿಮಾದಲ್ಲಿ ಭಾಗ್ಯವಂತರು ಕೂಡ ಒಂದು. ಈ ಸಿನಿಮಾ ನಿರ್ದೇಶನ ಮಾಡಿದ್ದು ಖ್ಯಾತ ನಿರ್ದೇಶಕ ಹೆಚ್ಆರ್ ಭಾರ್ಗವ್. ಹೆಚ್ ಆರ್ ಭಾರ್ಗವ್ ಕನ್ನಡ ಕಂಡ ಅತ್ಯಂತ ಶ್ರೇಷ್ಠ ಹಾಗೂ ಯಶಸ್ವಿ ನಿರ್ದೇಶಕ. ವಿಶೇಷ ಅಂದರೆ ಹೆಚ್ ಆರ್ ಭಾರ್ಗವ್ ಸಿನಿಮಾ ನಿರ್ದೇಶನ ಪಯಣ ಆರಂಭಗೊಂಡಿದ್ದು ಡಾ.ರಾಜ್ ಕುಮಾರ್ ಸಿನಿಮಾದಿಂದ, ತನ್ನ ಕರಿಯರ್‌ನ ಕೊನೆಯ ಸಿನಿಮಾ ನಾಯಕ ಶಿವರಾಜ್ ಕುಮಾರ್. ಈ ಕುರಿತು ರೋಚಕ ಘಟನೆ ಬಿಚ್ಚಿಟ್ಟಿರುವ ಭಾರ್ಗವ್, ಕರಿಯರ್‌ನ ಒಂದು ನೋವು ಹಂಚಿಕೊಂಡಿದ್ದಾರೆ.

ಭಾಗ್ಯವಂತರು

ಹೆಚ್ಆರ್ ಭಾರ್ಗವ್ ಸೂಪರ್ ಹಿಟ್ ಸಿನಿಮಾ ನೀಡಿದ ನಿರ್ದೇಶಕ. ಖ್ಯಾತ ಪತ್ರಕರ್ತ ಗಣೇಶ್ ಕಾಸರಗೋಡು ಜೊತೆಗಿನ ಸಂದರ್ಶನದಲ್ಲಿ ಭಾರ್ಗವ್ ಡಾ.ರಾಜ್ ಕುಮಾರ್, ಶಿವರಾಜ್ ಕುಮಾರ್ ಹಾಗೂ ತಮ್ಮ ಸಿನಿಮಾ ಜರ್ನಿ ಬಿಚ್ಚಿಟ್ಟಿದ್ದಾರೆ. ಹೆಚ್ಆರ್ ಭಾರ್ಗವ್ ನಿರ್ದೇಶನದ ಮೊದಲ ಸಿನಿಮಾ ಭಾಗ್ಯವಂತರು. 1977ರಲ್ಲಿ ಬಿಡುಗಡೆಯಾದ ಈ ಸಿನಿಮಾದಲ್ಲಿ ಡಾ.ರಾಜ್‌ಕುಮಾರ್ ಹಾಗೂ ಬಿ ಸರೋಜಾ ದೇವಿ ನಾಯಕ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಭಾಗ್ಯವಂತರು ಸೂಪರ್ ಹಿಟ್ ಸಿನಿಮಾ ಮಾತ್ರವಲ್ಲ, ಈಗಲೂ ಈ ಸಿನಿಮಾ ಜನರ ಮನಸ್ಸಿನಲ್ಲಿ ಅಚ್ಚಳಿಯದೆ ಉಳಿದಿದೆ. ಸಿನಿಮಾದ ಹಾಡಗಳು ಈಗಲೂ ಬಹುತೇಕರ ಫೇವರಿಟ್. ಭಾರ್ಗವ್ ನಿರ್ದೇಶನದಲ್ಲಿ ಡಾ.ರಾಜ್‌ಕುಮಾರ್ ಮೋಡಿ ಮಾಡಿದ್ದರು.

ಭಾರ್ಗವ್ ನಿರ್ದೇಶದನ ಮೊದಲ ಸಿನಿಮಾ ಭಾಗ್ಯವಂತರು ಸೂಪರ್ ಹಿಟ್ ಬಳಿಕ ಜೀವನ ಚಕ್ರ, ಬೆದರು ಬೊಂಬೆ, ಮನೆಯೇ ಮಂತ್ರಾಲಯ, ಶಾಂತಿ ನಿವಾಸ ಸೇರಿದಂತೆ ಹಲವು ಸೂಪರ್ ಹಿಟ್ ಸಿನಿಮಾ ನಿರ್ದೇಶನ ಮಾಡಿದ್ದಾರೆ. ವಿಶೇಷ ಅಂದರೆ ತೆಲುಗಿನಲ್ಲೂ ಸಿನಿಮಾ ನಿರ್ದೇಶನ ಮಾಡಿ ಸೈ ಎನಿಸಿಕೊಂಡಿದ್ದಾರೆ. ಕಾಕತಾಳಿಯ ಎಂದರೆ ಶಿವರಾಜ್ ಕುಮಾರ್ ಸಿನಿಮಾ ಮಾಡಿ ಬಳಿಕ ಭಾರ್ಗವ್ ಸಿನಿಮಾ ನಿರ್ದೇಶನದಿಂದ ದೂರ ಉಳಿದರು.

ಶಿವರಾಜ್ ಕುಮಾರ್ ಜೊತೆ ಕೊನೆ ಸಿನಿಮಾ

ಸೂಪರ್ ಹಿಟ್ ಸಿನಿಮಾ ನೀಡಿದ ನಿರ್ದೇಶಕ ಭಾರ್ಗವ್ ನಿರ್ದೇಶನದ ಕೊನೆಯ ಸಿನಿಮಾ ಗಂಡುಗಲಿ ಕುಮಾರ ರಾಮ. 2006ರಲ್ಲಿ ಈ ಸಿನಿಮಾ ತೆರೆಕಂಡಿತ್ತು. ಶಿವರಾಜ್ ಕುಮಾರ್ ಗಂಡುಗಲಿ ಕುಮಾರ ರಾಮನಾಗಿ ಅವತರಿಸಿದ್ದರು. ಅದ್ಭುತ ಅಭಿನಯ, ಕತೆ ಮೂಲಕ ಕನ್ನಡ ಸಿನಿಮಾ ರಂಗದಲ್ಲಿ ಉತ್ತಮ ಚಿತ್ರವಾಗಿ ಗುರುತಿಸಿಕೊಂಡಿತ್ತು. ಆದರೆ ಈ ಸಿನಿಮಾ ನಿರೀಕ್ಷಿಯ ಯಶಸ್ಸು ಕಾಣಸಲಿಲ್ಲ.

ಶಿವಣ್ಣ ಸಿನಿಮಾ ಓಡಲಿಲ್ಲ

ಗಂಡುಗಲಿ ಕುಮಾರ ರಾಮ ಸಿನಿಮಾ ಉತ್ತಮವಾಗಿತ್ತು, ಶಿವರಾಜ್ ಕುಮಾರ್ ಪಾತ್ರಕ್ಕೆ ಜೀವ ತುಂಬಿದ್ದರು. ಆದರೆ ಸಿನಿಮಾ ಯಶಸ್ವಿಯಾಗಿ ಪ್ರದರ್ಶನ ಕಾಣಲಿಲ್ಲ. ಸಿನಿಮಾ ಗಳಿಕೆಯಲ್ಲಿ ಮುಗ್ಗರಿಸಿತು. ಇದು ನನಗೆ ತೀವ್ರ ನೋವಿದೆ. ನನ್ನ ಕೊನೆಯ ಸಿನಿಮಾ, ಜೊತೆಗೆ ಬಹಳ ನಿರೀಕ್ಷೆಯಲ್ಲಿ ಮಾಡಿದ ಸ ಸಿನಿಮಾ ಸೋತು ಬಿಟ್ಟಿತು. ನನ್ನ ಸಿನಿಮಾ ನಿರ್ದೇಶನ ಕರಿಯರ್‌ನಲ್ಲಿ ಇದೊಂದು ನೋವಿದೆ. ಕೊನೆಯ ಸಿನಿಮಾ ಓಡಬೇಕಿತ್ತು. ಆದರೆ ಹಾಗಾಗಲಿಲ್ಲ ಎಂದು ಹೆಚ್ ಆರ್ ಭಾರ್ಗವ್ ಹೇಳಿಕೊಂಡಿದ್ದಾರೆ.

2006ರಲ್ಲಿ ಸಿನಿಮಾ ನಿರ್ದೇಶನದಿಂದ ದೂರ ಉಳಿದ ಭಾರ್ಗವ್ ಕಳೆದ 20 ವರ್ಷಗಳಿಂದ ಕನ್ನ ಸಿನಿಮಾದ ಬೆಳವಣಿಗೆಗಳನ್ನು ಸೂಕ್ಷ್ಮವಾಗಿ ಗಮನಿಸಿದ್ದಾರೆ. ಡಾ.ರಾಜ್ ಕುಮಾರ್‌ಗೆ ಆ್ಯಕ್ಷನ್ ಕಟ್ ಹೇಳಿದ ಭಾರ್ಗವ್ ಕೊನಯ ಸಿನಿಮಾದಲ್ಲಿ ಶಿವರಾಜ್ ಕುಮಾರ್‌ಗೆ ನಿರ್ದೇಶನ ಮಾಡಿದ ಹೆಮ್ಮೆ ಇದೆ ಎಂದಿದ್ದಾರೆ.

ತಂದೆಯ ಬೆವರಿನ ಹನಿಗೆ ಮಗನ ವಿದೇಶಿ ಗೆಲುವೇ ಉಡುಗೊರೆ: ಸಾಲ ಮಾಡಿ ಲಿಥುವೇನಿಯಾಗೆ ಹೋದ ಹಳ್ಳಿ ಹುಡುಗ ಇಂದು 100 ಕುಟುಂಬಕ್ಕೆ ಆಸರೆ

Sushma Hegde — Fri, 13 Nov 2026 10:16:00 +0530

ಬೆಂಗಳೂರಿನ ಹೊಸಕೋಟೆ ಸಮೀಪದ ಪುಟ್ಟ ಹಳ್ಳಿಯಿಂದ ಯುರೋಪ್‌ನ ಲಿಥುವೇನಿಯಾ ದೇಶಕ್ಕೆ ತೆರಳಿ, ಇಂದು ಅಲ್ಲಿನ ಸಾರಿಗೆ ಕ್ಷೇತ್ರದಲ್ಲಿ ಮಹತ್ವದ ಜವಾಬ್ದಾರಿ ನಿರ್ವಹಿಸುತ್ತಿರುವ ಕನ್ನಡಿಗ. ಆರಂಭದಲ್ಲಿ ವಿದೇಶದಲ್ಲಿ ಓದುವುದಕ್ಕಾಗಿ ಸಾಲ ಮಾಡಿ, ಸಾಕಷ್ಟು ಸವಾಲುಗಳನ್ನು ಎದುರಿಸಿದ್ದ ಈ ಯುವಕ ಇಂದು ಸುಮಾರು 100 ಭಾರತೀಯ ಚಾಲಕರಿಗೆ ಉದ್ಯೋಗ ದೊರಕಿಸಿಕೊಡುವ ಮಟ್ಟಕ್ಕೆ ಬೆಳೆದಿದ್ದಾರೆ. ಅಷ್ಟೇ ಅಲ್ಲ, ಪ್ರತಿಯೊಬ್ಬ ಚಾಲಕನಿಗೂ ದಿನಕ್ಕೆ ಸುಮಾರು 90 ಯುರೋ (ಭಾರತೀಯ ರೂಪಾಯಿಗಳಲ್ಲಿ ಅಂದಾಜು ₹9,000) ವೇತನ ಸಿಗುವಂತೆ ಮಾಡಿದ್ದಾರೆ. ಇದರ ಬಗ್ಗೆ ಕಲಾಮಾಧ್ಯಮದಲ್ಲಿ ಇವರು ಮಾತಾಡಿದ್ದಾರೆ.

ಹೊಸಕೋಟೆಯಿಂದ ಲಿಥುವೇನಿಯಾದವರೆಗೆ ಪಯಣ

ಈ ಕನ್ನಡಿಗನ ಹೆಸರು ಬ್ರಿಜೇಶ್. ಇವರ ಮೂಲ ಊರು ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಹೊಸಕೋಟೆ ಸಮೀಪದ ಬೇಗೂರು ಗ್ರಾಮ. ರೈತ ಕುಟುಂಬದಲ್ಲಿ ಬೆಳೆದ ಬ್ರಿಜೇಶ್, ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ಊರಿನಲ್ಲೇ ಮುಗಿಸಿ, ಪಿಯುಸಿ ಓದಲು ಬೆಂಗಳೂರಿನ ಬಸವನಗುಡಿಯ ನ್ಯಾಷನಲ್ ಕಾಲೇಜಿಗೆ ಸೇರಿದರು. ಬಳಿಕ ರಾಮಕೃಷ್ಣ ಆಶ್ರಮದಲ್ಲಿದ್ದುಕೊಂಡು ವಿದ್ಯಾಭ್ಯಾಸ ಮುಂದುವರಿಸಿದರು. ಬೆಂಗಳೂರಿನ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಎಲೆಕ್ಟ್ರಾನಿಕ್ಸ್ ಆ್ಯಂಡ್ ಕಮ್ಯುನಿಕೇಷನ್ ಎಂಜಿನಿಯರಿಂಗ್ ಪೂರ್ಣಗೊಳಿಸಿದ ಅವರು, ವಿದೇಶದಲ್ಲಿ ಉನ್ನತ ಶಿಕ್ಷಣ ಪಡೆಯುವ ಕನಸು ಕಂಡಿದ್ದರು. ಆರಂಭದಲ್ಲಿ ಜರ್ಮನಿಗೆ ಹೋಗಲು ಪ್ರಯತ್ನಿಸಿ, ಜರ್ಮನ್ ಭಾಷೆಯನ್ನೂ ಕಲಿತಿದ್ದರು. ಆದರೆ ಅಲ್ಲಿನ ಪ್ರವೇಶ ಪ್ರಕ್ರಿಯೆ ವಿಳಂಬ ಹಾಗೂ ಸ್ಪರ್ಧೆಯಿಂದಾಗಿ ಆ ಪ್ರಯತ್ನ ಕೈಗೂಡಲಿಲ್ಲ.

ಕೊನೆಗೆ ಲಿಥುವೇನಿಯಾದಲ್ಲಿ ಉನ್ನತ ಶಿಕ್ಷಣ ಪಡೆಯುವ ಅವಕಾಶ ಸಿಕ್ಕಿತು. 2015ರಲ್ಲಿ ಅಲ್ಲಿಗೆ ತೆರಳಿದ ಬ್ರಿಜೇಶ್, ಕೌನಾಸ್‌ನ ಕೆಟಿಯು ವಿಶ್ವವಿದ್ಯಾಲಯದಲ್ಲಿ ಮೆಕಾಟ್ರಾನಿಕ್ಸ್ ಮತ್ತು ರೊಬೊಟಿಕ್ಸ್ ವಿಭಾಗದಲ್ಲಿ ಸ್ನಾತಕೋತ್ತರ ಪದವಿ ಅಧ್ಯಯನ ಆರಂಭಿಸಿದರು. ಎರಾಸ್ಮಸ್ ಕಾರ್ಯಕ್ರಮದಡಿ ಸ್ಪೇನ್‌ನ ಬಾರ್ಸಿಲೋನಾಗೆ ತೆರಳಿ ಒಂದು ಸೆಮಿಸ್ಟರ್ ಅಧ್ಯಯನವನ್ನೂ ಮಾಡಿದರು. 2017ರಲ್ಲಿ ತಮ್ಮ ಶಿಕ್ಷಣ ಪೂರ್ಣಗೊಳಿಸಿದರು.

ತಿಂಗಳಿಗೆ ₹50 ಸಾವಿರ ಸಂಬಳದಿಂದ ವೃತ್ತಿ ಆರಂಭ

ವಿದೇಶದಲ್ಲಿ ಓದು ಮುಗಿಸಿದ ತಕ್ಷಣವೇ ಕೆಲಸ ಸಿಗುವುದು ಸುಲಭವಾಗಿರಲಿಲ್ಲ. ಅದರಲ್ಲೂ ಆಗಿನ ದಿನಗಳಲ್ಲಿ ಉದ್ಯೋಗಾವಕಾಶಗಳು ಕಡಿಮೆ ಇದ್ದವು. ಹೀಗಾಗಿ ಬ್ರಿಜೇಶ್ ವಿವಿಧ ಕಂಪನಿಗಳಿಗೆ ನೇರವಾಗಿ ಇಮೇಲ್ ಮಾಡಿ ತಮ್ಮ ರೆಸ್ಯೂಮ್ ಕಳುಹಿಸುತ್ತಿದ್ದರು. ಕೊನೆಗೆ 2017ರ ಅಕ್ಟೋಬರ್‌ನಲ್ಲಿ ಇಫ್ಟೆಕ್ ಇನ್ನೋವೇಟಿವ್ ಟೆಕ್ನಾಲಜೀಸ್ ಎಂಬ ಕಂಪನಿಯಲ್ಲಿ ಪ್ರೊಡಕ್ಷನ್ ಹೆಡ್ ಆಗಿ ಕೆಲಸ ಆರಂಭಿಸಿದರು.

ಜೆಸಿಬಿ, ರೋಡ್ ರೋಲರ್‌ಗಳಂತಹ ಭಾರೀ ವಾಹನಗಳಲ್ಲಿ ಡೀಸೆಲ್ ಬಳಕೆಯನ್ನು ಅಳೆಯುವ ಡಿಜಿಟಲ್ ಫ್ಯೂಯಲ್ ಮೀಟರ್ ತಯಾರಿಸುವ ಕೆಲಸದಲ್ಲಿ ಅವರು ತೊಡಗಿಸಿಕೊಂಡರು. ವಾಹನಗಳಿಗೆ ಈ ಸಾಧನ ಅಳವಡಿಸಿದರೆ ಎಷ್ಟು ಡೀಸೆಲ್ ಬಳಕೆಯಾಗುತ್ತಿದೆ ಎಂಬ ಮಾಹಿತಿ ಲಭ್ಯವಾಗುತ್ತಿತ್ತು. ಆರಂಭದಲ್ಲಿ ತಿಂಗಳಿಗೆ ಕೇವಲ 600 ಯುರೋ ಸಂಬಳ ಪಡೆಯುತ್ತಿದ್ದರು. ಅಂದಿನ ಭಾರತೀಯ ರೂಪಾಯಿ ಮೌಲ್ಯದ ಪ್ರಕಾರ ಇದು ಸುಮಾರು ₹42 ಸಾವಿರದಿಂದ ₹50 ಸಾವಿರದಷ್ಟಿತ್ತು. ದುಬಾರಿ ಶಿಕ್ಷಣಕ್ಕಾಗಿ ಮಾಡಿದ ಸಾಲವನ್ನು ತೀರಿಸುವ ಜವಾಬ್ದಾರಿಯೂ ಅವರ ಮೇಲಿತ್ತು.

ಯುದ್ಧದ ಬಳಿಕ ಭಾರತೀಯ ಚಾಲಕರಿಗೆ ಉದ್ಯೋಗಾವಕಾಶ

ಕೋವಿಡ್ ಬಳಿಕ ರಷ್ಯಾ-ಉಕ್ರೇನ್ ಯುದ್ಧದ ಪರಿಣಾಮ ಯುರೋಪ್‌ನ ಸಾರಿಗೆ ಕ್ಷೇತ್ರದಲ್ಲಿ ಚಾಲಕರ ಕೊರತೆ ಎದುರಾಯಿತು. ಬ್ರಿಜೇಶ್ ಕೆಲಸ ಮಾಡುತ್ತಿದ್ದ ಸಂಸ್ಥೆಯ ಮಾಲೀಕರಿಗೆ ಸಾರಿಗೆ ಕಂಪನಿಯೂ ಇತ್ತು. ಸುಮಾರು 80ರಿಂದ 100 ಟ್ರಕ್‌ಗಳನ್ನು ಹೊಂದಿದ್ದ ಸಂಸ್ಥೆಗೆ ಚಾಲಕರ ಅಗತ್ಯ ಹೆಚ್ಚಾಯಿತು. ಈ ಸಂದರ್ಭದಲ್ಲಿ ಭಾರತದಿಂದ ಚಾಲಕರನ್ನು ಕರೆತರುವ ಯೋಜನೆ ರೂಪಿಸಲಾಯಿತು. ಅದರ ಜವಾಬ್ದಾರಿ ಬ್ರಿಜೇಶ್ ಅವರಿಗೆ ಸಿಕ್ಕಿತು. ಹೀಗೆ ಭಾರತೀಯ ಚಾಲಕರನ್ನು ನೇಮಕ ಮಾಡಿಕೊಳ್ಳುವ ಪ್ರಕ್ರಿಯೆ ಆರಂಭವಾಯಿತು.

ಇಂದು ಅವರ ಮೇಲ್ವಿಚಾರಣೆಯಲ್ಲಿ ಸುಮಾರು 100 ಭಾರತೀಯರು ಡ್ರೈವಿಂಗ್ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದಾರೆ. ವಿಶೇಷವೆಂದರೆ, ಇವರು ಸಾಮಾನ್ಯ ಕಾರುಗಳನ್ನಲ್ಲ, ಬರೋಬ್ಬರಿ 45 ಅಡಿ ಉದ್ದದ ಬೃಹತ್ ಟ್ರೇಲರ್ ಟ್ರಕ್‌ಗಳನ್ನು ಚಲಾಯಿಸುತ್ತಾರೆ.

ದಿನಕ್ಕೆ 90 ಯುರೋ, ಅಂದರೆ ಸುಮಾರು ₹9 ಸಾವಿರ ಸಂಬಳ!

ಬ್ರಿಜೇಶ್ ಹೇಳುವ ಪ್ರಕಾರ, ಲಿಥುವೇನಿಯಾದಲ್ಲಿ ಕೆಲಸ ಮಾಡುತ್ತಿರುವ ಭಾರತೀಯ ಟ್ರಕ್ ಚಾಲಕರಿಗೆ ದಿನಕ್ಕೆ 90 ಯುರೋ ವೇತನ ನೀಡಲಾಗುತ್ತದೆ. ಅಂದರೆ ಭಾರತೀಯ ರೂಪಾಯಿಗಳಲ್ಲಿ ಅಂದಾಜು ₹9 ಸಾವಿರಕ್ಕೂ ಹೆಚ್ಚು ಹಣ ಸಿಗುತ್ತದೆ. ಆರಂಭದಲ್ಲಿ ಭಾರತದಿಂದ ಚಾಲಕರನ್ನು ಕರೆತಂದಾಗ ದಿನಕ್ಕೆ ಸಿಗುತ್ತಿದ್ದ ವೇತನ ಇದಕ್ಕಿಂತ ಕಡಿಮೆಯಿತ್ತು. ಆದರೆ ಈಗ ಚಾಲಕರ ಬೇಡಿಕೆ ಹೆಚ್ಚಾಗಿದೆ. ಭಾರತೀಯರ ಜೊತೆಗೆ ಫಿಲಿಪೈನ್ಸ್‌ನವರನ್ನೂ ನೇಮಕ ಮಾಡಿಕೊಳ್ಳಲಾಗುತ್ತಿದೆ.

ವಿದೇಶಕ್ಕೆ ಬರುವವರಿಗೆ ಬ್ರಿಜೇಶ್ ಕೊಡುವ ಸಲಹೆ ಏನು?

ವಿದೇಶಕ್ಕೆ ಬರುವವರು ಆರಂಭದಲ್ಲೇ ದೊಡ್ಡ ಸಂಬಳದ ನಿರೀಕ್ಷೆ ಇಟ್ಟುಕೊಳ್ಳಬಾರದು ಎಂಬುದು ಬ್ರಿಜೇಶ್ ಅವರ ಸಲಹೆ. ತಾವು ಕೂಡ ತಿಂಗಳಿಗೆ 600 ಯುರೋ ಸಂಬಳದಿಂದ ವೃತ್ತಿ ಆರಂಭಿಸಿದ್ದಾಗಿ ಅವರು ಹೇಳಿದ್ದಾರೆ. "ಮೊದಲು ಕೆಲಸಕ್ಕೆ ಸೇರಿಕೊಳ್ಳಿ. ನಿಮಗೆ ನೀಡಿದ ಜವಾಬ್ದಾರಿಯನ್ನು ಚೆನ್ನಾಗಿ ನಿರ್ವಹಿಸಿ. ನಿಮ್ಮ ಕೆಲಸದ ಮೂಲಕ ಸಾಮರ್ಥ್ಯ ಸಾಬೀತುಪಡಿಸಿ. ಆಗ ಸಂಬಳ ಮತ್ತು ಅವಕಾಶಗಳು ತಾನಾಗಿಯೇ ಹೆಚ್ಚಾಗುತ್ತವೆ" ಎಂಬುದು ಅವರ ಅಭಿಪ್ರಾಯ. ಆರಂಭದಲ್ಲಿ ಸಾಕಷ್ಟು ಕಷ್ಟಪಟ್ಟಿದ್ದ ಅವರು, ಈಗ ಹಂತ ಹಂತವಾಗಿ ಉತ್ತಮ ಜೀವನ ರೂಪಿಸಿಕೊಂಡಿದ್ದಾರೆ.

ಪತ್ನಿಯೂ ಲಿಥುವೇನಿಯಾದಲ್ಲಿ ಐಟಿ ಉದ್ಯೋಗಿ

ಬ್ರಿಜೇಶ್ 2020ರಲ್ಲಿ ಕೋಲಾರದ ಯುವತಿಯನ್ನು ವಿವಾಹವಾದರು. ಮದುವೆಯ ಬಳಿಕ ಪತ್ನಿಯನ್ನೂ ಲಿಥುವೇನಿಯಾಗೆ ಕರೆದುಕೊಂಡು ಬಂದರು. ಪತ್ನಿ ಭಾರತದಲ್ಲಿ ಎಂಟೆಕ್ ಪೂರ್ಣಗೊಳಿಸಿ, ಸಹಾಯಕ ಪ್ರಾಧ್ಯಾಪಕಿಯಾಗಿಯೂ ಕೆಲಸ ಮಾಡಿದ್ದರು. ಲಿಥುವೇನಿಯಾಗೆ ಬಂದ ಬಳಿಕ ತಮ್ಮ ಕ್ಷೇತ್ರದಲ್ಲಿ ಉದ್ಯೋಗಕ್ಕಾಗಿ ಪ್ರಯತ್ನಿಸಿದ ಅವರು, ಮೂರು-ನಾಲ್ಕು ತಿಂಗಳಲ್ಲೇ ಐಟಿ ಕಂಪನಿಯಲ್ಲಿ ಕೆಲಸ ಗಿಟ್ಟಿಸಿಕೊಂಡರು. ಈಗ ದಂಪತಿ ಇಬ್ಬರೂ ಅಲ್ಲಿಯೇ ಉದ್ಯೋಗದಲ್ಲಿದ್ದಾರೆ.

ರೈತ ಕುಟುಂಬದಿಂದ ಬಂದ ಯುವಕನ ಯಶಸ್ಸು

ಬ್ರಿಜೇಶ್ ಅವರ ತಂದೆ ಕೃಷಿಕರು. ಕುಟುಂಬದಲ್ಲಿ ಆರ್ಥಿಕವಾಗಿ ಹೆಚ್ಚಿನ ಅನುಕೂಲತೆ ಇರಲಿಲ್ಲ. ವಿದೇಶದಲ್ಲಿ ಶಿಕ್ಷಣ ಪಡೆಯಲು ಸುಮಾರು ₹12ರಿಂದ ₹13 ಲಕ್ಷ ಖರ್ಚಾಗಿತ್ತು. ಇದಕ್ಕಾಗಿ ಕುಟುಂಬ ಸಾಕಷ್ಟು ತ್ಯಾಗ ಮಾಡಿತ್ತು. ಆರಂಭದಲ್ಲಿ ಸಾಲದ ಹೊರೆ, ಕಡಿಮೆ ಸಂಬಳ, ಉದ್ಯೋಗದ ಹುಡುಕಾಟ ಸೇರಿದಂತೆ ಹಲವು ಸವಾಲುಗಳನ್ನು ಎದುರಿಸಿದ್ದರು.

PM Modi: ಚಾಮರಾಜನಗರಕ್ಕೆ ಬಂಪರ್ ಗಿಫ್ಟ್! 4 ರೈಲು ನಿಲ್ದಾಣಗಳಿಗೆ ಹೊಸ ರೂಪ, ಈ ಮಾರ್ಗಕ್ಕೂ ವಿದ್ಯುತ್ ಭಾಗ್ಯ!

Kannadaprabha News — Fri, 13 Nov 2026 10:15:09 +0530

ಚಾಮರಾಜನಗರ: ಕರ್ನಾಟಕದಲ್ಲಿ ರೈಲ್ವೆ ಸಂಪರ್ಕ ವ್ಯವಸ್ಥೆ ಮತ್ತು ಪ್ರಯಾಣಿಕರ ಸೌಲಭ್ಯಗಳನ್ನು ಮತ್ತಷ್ಟು ಸುಧಾರಿಸುವ ನಿಟ್ಟಿನಲ್ಲಿ ನ.13ರಂದು ಮಧ್ಯಾಹ್ನ 12 ಗಂಟೆಗೆ ಬೆಂಗಳೂರಿನ ಐಐಎಂ ಸಭಾಂಗಣದಿಂದ ವೀಡಿಯೋ ಕಾನ್ಫರೆನ್ಸ್ ಮೂಲಕ ಪ್ರಧಾನಮಂತ್ರಿ ನರೇಂದ್ರ ಮೋದಿ ಬೆಂಗಳೂರು-ಮಂಗಳೂರು-ಮಡಗಾಂವ್ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿಗೆ ಹಸಿರು ನಿಶಾನೆ ತೋರಲಿದ್ದು, ವಿವಿಧ ರೈಲ್ವೆ ಯೋಜನೆಗಳನ್ನು ರಾಷ್ಟ್ರಕ್ಕೆ ಸಮರ್ಪಿಸಲಿದ್ದಾರೆ.

ಅಮೃತ್ ಭಾರತ್ ಸ್ಟೇಷನ್‌ ಯೋಜನೆಯಡಿ ನಾಲ್ಕು ರೈಲು ನಿಲ್ದಾಣಗಳ ಉದ್ಘಾಟನೆ

ಈ ಸಂದರ್ಭದಲ್ಲಿ ಉದ್ಘಾಟನೆಗೊಳ್ಳಲಿರುವ ಪ್ರಮುಖ ರೈಲ್ವೆ ಯೋಜನೆಗಳಲ್ಲಿ ಅಮೃತ್ ಭಾರತ್ ಸ್ಟೇಷನ್‌ ಯೋಜನೆಯಡಿ ನಾಲ್ಕು ರೈಲು ನಿಲ್ದಾಣಗಳಾದ ಚಾಮರಾಜನಗರ, ಸಕಲೇಶಪುರ, ಸುಬ್ರಹ್ಮಣ್ಯ ರೋಡ್, ಚಿಕ್ಕಮಗಳೂರು ನಿಲ್ದಾಣಗಳ ಪುನರಾಭಿವೃದ್ಧಿ ಕಾಮಗಾರಿಗಳು ಹಾಗೂ ಸಕಲೇಶಪುರ-ಸುಬ್ರಹ್ಮಣ್ಯ ರೋಡ್ ರೈಲು ಮಾರ್ಗದ ವಿದ್ಯುದೀಕರಣ ಕಾಮಗಾರಿ ಸೇರಿವೆ.

ಇದೇ ಸಂದರ್ಭದಲ್ಲಿ ಕೇಂದ್ರ ರೈಲ್ವೆ, ಮಾಹಿತಿ ಮತ್ತು ಪ್ರಸಾರ ಸಚಿವ ಅಶ್ವಿನಿ ವೈಷ್ಣವ್ ಅವರು ಮಂಗಳೂರು ಜಂಕ್ಷನ್ ರೈಲು ನಿಲ್ದಾಣದಲ್ಲಿ ಬೆಂಗಳೂರು-ಮಂಗಳೂರು- ಮಡಗಾಂವ್ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿಗೆ ಹಸಿರು ನಿಶಾನೆ ತೋರಲಿದ್ದಾರೆ.

ಇದನ್ನೂ ಓದಿ: ಬೆಂಗಳೂರು, ಮೈಸೂರಲ್ಲಿ ಇಂದು ಮೋದಿ ಹವಾ! ಎಲ್ಲೆಲ್ಲಿ ಏನೇನು ಕಾರ್ಯಕ್ರಮ? ಸಮಯ, ಸ್ಥಳದ ಸಂಪೂರ್ಣ ವಿವರ ಇಲ್ಲಿದೆ

ಇದರ ಅಂಗವಾಗಿ ನ.13ರಂದು ಮಧ್ಯಾಹ್ನ 12 ಗಂಟೆಗೆ ಕರ್ನಾಟಕದ ವಿವಿಧ ರೈಲು ನಿಲ್ದಾಣಗಳಲ್ಲಿ ಏಕಕಾಲದಲ್ಲಿ ವಿಶೇಷ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿದೆ. ಮಂಗಳೂರು ಜಂಕ್ಷನ್‌ನಲ್ಲಿ ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿಗೆ ಹಸಿರು ನಿಶಾನೆ ತೋರಲಿದ್ದಾರೆ. ಸಕಲೇಶಪುರ ಮತ್ತು ಸುಬ್ರಹ್ಮಣ್ಯ ರೋಡ್ ನಿಲ್ದಾಣಗಳಲ್ಲಿ ಅಮೃತ್ ಭಾರತ್ ಸ್ಟೇಷನ್ ಯೋಜನೆಯಡಿ ಕೈಗೊಂಡಿರುವ ಪುನರಾಭಿವೃದ್ಧಿ ಕಾಮಗಾರಿಗಳನ್ನು ಉದ್ಘಾಟಿಸಲಾಗುವುದು.

ಇದನ್ನೂ ಓದಿ: ಮೋದಿ ಕಾರ್ಯಕ್ರಮದಲ್ಲಿ ಕೃಷ್ಣ ಬೈರೇಗೌಡರ ಭಾಷಣ ಕ್ಯಾನ್ಸಲ್! ರಾಜ್ಯಕ್ಕೆ ನ್ಯಾಯ ಕೇಳಿದ್ದಕ್ಕೆ ಈ ಶಿಕ್ಷೆ, ಸಚಿವ ಅಸಮಾಧಾನ

ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿಗೆ ಮಾರ್ಗಮಧ್ಯೆ ಹಸಿರು ನಿಶಾನೆ ತೋರಲಾಗುವುದು. ಚಾಮರಾಜನಗರ ಮತ್ತು ಚಿಕ್ಕಮಗಳೂರು ನಿಲ್ದಾಣಗಳಲ್ಲಿ ಪುನರಾಭಿವೃದ್ಧಿ ಕಾಮಗಾರಿಗಳನ್ನು ಉದ್ಘಾಟಿಸಲಾಗುವುದು. ಕಬಕ ಪುತ್ತೂರು ಮತ್ತು ಹಾಸನ ರೈಲು ನಿಲ್ದಾಣಗಳಲ್ಲಿ ವಂದೇ ಭಾರತ್ ಎಕ್ಸ್‌ಪ್ರೆಸ್ ರೈಲಿಗೆ ಮಾರ್ಗಮಧ್ಯೆ ಹಸಿರು ನಿಶಾನೆ ತೋರಲಾಗುವುದು ಎಂದು ರೈಲ್ವೆ ಇಲಾಖೆ ತಿಳಿಸಿದೆ.

ಕಿವೀಸ್ ನೆಲದಲ್ಲಿ ಭಾರತದ ನಂ.1 ಓಪನರ್ ಯಾರು? ರೋಹಿತ್-ಸಚಿನ್ ನಡುವೆ ಯಾರ ದಾಖಲೆ ಬೆಸ್ಟ್?

Chandrashekar GS — Fri, 13 Nov 2026 10:14:27 +0530

ಮಾಸ್ಟರ್ ಬ್ಲಾಸ್ಟರ್ vs ಹಿಟ್‌ಮ್ಯಾನ್! ನ್ಯೂಜಿಲೆಂಡ್‌ನಲ್ಲಿ ಯಾರು ಕಿಂಗ್?

ಭಾರತೀಯ ಕ್ರಿಕೆಟ್‌ನಲ್ಲಿ ಸಚಿನ್ ತೆಂಡೂಲ್ಕರ್ ಮತ್ತು ರೋಹಿತ್ ಶರ್ಮಾ ಇಬ್ಬರೂ ತಮ್ಮದೇ ಆದ ಬ್ಯಾಟಿಂಗ್ ಶೈಲಿಯಿಂದ ಅಭಿಮಾನಿಗಳ ಮನಸ್ಸಿನಲ್ಲಿ ವಿಶೇಷ ಸ್ಥಾನ ಪಡೆದಿದ್ದಾರೆ. ಒಬ್ಬರು ಮಾಸ್ಟರ್ ಬ್ಲಾಸ್ಟರ್, ಮತ್ತೊಬ್ಬರು ಹಿಟ್‌ಮ್ಯಾನ್. ಇಬ್ಬರೂ ಏಕದಿನ ಕ್ರಿಕೆಟ್‌ನಲ್ಲಿ ಆರಂಭಿಕರಾಗಿ ಹಲವು ದಾಖಲೆಗಳನ್ನು ನಿರ್ಮಿಸಿದ್ದಾರೆ. ಇದೀಗ ನ್ಯೂಜಿಲೆಂಡ್ ನೆಲದಲ್ಲಿ ಭಾರತದ ಪರ ಅತ್ಯುತ್ತಮ ಓಪನರ್ ಯಾರು ಎಂಬ ಚರ್ಚೆ ಮತ್ತೆ ಮುನ್ನೆಲೆಗೆ ಬಂದಿದೆ. ಅಂಕಿಅಂಶಗಳನ್ನು ಗಮನಿಸಿದರೆ ಸಚಿನ್ ಮತ್ತು ರೋಹಿತ್ ನಡುವಿನ ಪೈಪೋಟಿ ಕುತೂಹಲಕಾರಿಯಾಗಿದೆ.

ನ್ಯೂಜಿಲೆಂಡ್‌ನಲ್ಲಿ ಸಚಿನ್ ಸಾಧನೆ ಹೆಚ್ಚು!

ನ್ಯೂಜಿಲೆಂಡ್‌ನಲ್ಲಿ ಏಕದಿನ ಕ್ರಿಕೆಟ್ ಆಡಿರುವ ಸಚಿನ್ ತೆಂಡೂಲ್ಕರ್ ಅವರ ದಾಖಲೆ ಗಮನಾರ್ಹವಾಗಿದೆ. ಕಿವೀಸ್ ನೆಲದಲ್ಲಿ ಆಡಿದ 22 ಇನ್ನಿಂಗ್ಸ್‌ಗಳಿಂದ ಸಚಿನ್ 821 ರನ್ ಗಳಿಸಿದ್ದಾರೆ. 39.03ರ ಬ್ಯಾಟಿಂಗ್ ಸರಾಸರಿ ಮತ್ತು 97.39ರ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ.

ನ್ಯೂಜಿಲೆಂಡ್ ತಂಡದ ವಿರುದ್ಧ ಒಟ್ಟಾರೆ ಏಕದಿನ ಪಂದ್ಯಗಳಲ್ಲಿಯೂ ಸಚಿನ್ ಅವರ ದಾಖಲೆ ಅತ್ಯುತ್ತಮವಾಗಿದೆ. 1,750 ರನ್‌ಗಳನ್ನು 46.05ರ ಸರಾಸರಿಯಲ್ಲಿ ಗಳಿಸಿದ್ದಾರೆ. 95.37ರ ಸ್ಟ್ರೈಕ್ ರೇಟ್ ಕೂಡ ಅವರ ಆಕ್ರಮಣಕಾರಿ ಬ್ಯಾಟಿಂಗ್‌ಗೆ ಸಾಕ್ಷಿಯಾಗಿದೆ.

ರೋಹಿತ್ ಶರ್ಮಾ ದಾಖಲೆ ಹೇಗಿದೆ?

ಇನ್ನು ಹಿಟ್‌ಮ್ಯಾನ್ ರೋಹಿತ್ ಶರ್ಮಾ ನ್ಯೂಜಿಲೆಂಡ್ ನೆಲದಲ್ಲಿ 357 ರನ್ ಗಳಿಸಿದ್ದು, ಅವರ ಸರಾಸರಿ 35.7. ಕಿವೀಸ್ ವಿರುದ್ಧ ಒಟ್ಟಾರೆ 1,134 ರನ್ ಗಳಿಸಿದ್ದಾರೆ. 36.58ರ ಸರಾಸರಿ ಮತ್ತು 85.26ರ ಸ್ಟ್ರೈಕ್ ರೇಟ್ ಹೊಂದಿದ್ದಾರೆ.

ಆದರೆ ರೋಹಿತ್ ಅವರನ್ನು ಕಡಿಮೆ ಅಂದಾಜು ಮಾಡುವಂತಿಲ್ಲ. ದೊಡ್ಡ ಇನ್ನಿಂಗ್ಸ್‌ಗಳನ್ನು ಕಟ್ಟುವ ಸಾಮರ್ಥ್ಯ, ಸಿಕ್ಸರ್‌ಗಳ ಮೂಲಕ ಪಂದ್ಯದ ಚಿತ್ರಣ ಬದಲಿಸುವ ಶಕ್ತಿ ಅವರ ಪ್ರಮುಖ ಅಸ್ತ್ರಗಳು.

ಬೇ ಓವಲ್‌ನಲ್ಲಿ ರೋಹಿತ್‌ಗೆ ವಿಶೇಷ ಅನುಭವ!

ನವೆಂಬರ್ 13ರಂದು ಭಾರತ ಮತ್ತು ನ್ಯೂಜಿಲೆಂಡ್ ತಂಡಗಳು ಮೌಂಟ್ ಮೌಂಗನೂಯಿಯ ಬೇ ಓವಲ್ ಮೈದಾನದಲ್ಲಿ ಮುಖಾಮುಖಿಯಾಗಲಿವೆ. ಈ ಮೈದಾನದಲ್ಲಿ ರೋಹಿತ್ ಶರ್ಮಾ ಅವರಿಗೆ ವಿಶೇಷ ಅನುಭವವಿದೆ. 2019ರಲ್ಲಿ ಇದೇ ಮೈದಾನದಲ್ಲಿ ಅವರು 87 ರನ್ ಗಳಿಸಿದ್ದರು. ಆದರೆ ಸಚಿನ್ ತೆಂಡೂಲ್ಕರ್ ಈ ಮೈದಾನದಲ್ಲಿ ಏಕದಿನ ಪಂದ್ಯವನ್ನೇ ಆಡಿಲ್ಲ.

ಬೇ ಓವಲ್ ಮೈದಾನದಲ್ಲಿ ಬೌಂಡರಿಗಳ ಅಂತರ, ಗಾಳಿಯ ದಿಕ್ಕು ಮತ್ತು ಹೊಸ ಚೆಂಡಿನ ಸ್ವಿಂಗ್ ಬ್ಯಾಟರ್‌ಗಳಿಗೆ ಸವಾಲಾಗಬಹುದು. ಆರಂಭಿಕ ಓವರ್‌ಗಳಲ್ಲಿ ಎಚ್ಚರಿಕೆಯಿಂದ ಆಡುತ್ತಾ ನಂತರ ರನ್ ವೇಗ ಹೆಚ್ಚಿಸುವುದು ಇಲ್ಲಿ ಮುಖ್ಯವಾಗುತ್ತದೆ.

ಹಾಗಾದರೆ ಯಾರು ಬೆಸ್ಟ್?

ಅಂಕಿಅಂಶಗಳ ಪ್ರಕಾರ ನ್ಯೂಜಿಲೆಂಡ್‌ನಲ್ಲಿ ಸಚಿನ್ ತೆಂಡೂಲ್ಕರ್ ಅವರ ಸಾಧನೆ ರೋಹಿತ್‌ಗಿಂತ ಉತ್ತಮವಾಗಿದೆ. ಆದರೆ ಬೇ ಓವಲ್ ಮೈದಾನದ ಅನುಭವ ರೋಹಿತ್‌ಗೆ ಹೆಚ್ಚುವರಿ ಅನುಕೂಲ ನೀಡುತ್ತದೆ.

ಸಚಿನ್ ಅವರ ಸ್ಥಿರತೆ, ತಾಂತ್ರಿಕ ಸಾಮರ್ಥ್ಯ ಒಂದು ಕಡೆ ಇದ್ದರೆ, ರೋಹಿತ್ ಅವರ ಸ್ಫೋಟಕ ಬ್ಯಾಟಿಂಗ್ ಮತ್ತೊಂದು ಕಡೆ ಇದೆ. ಇಬ್ಬರನ್ನೂ ಹೋಲಿಸುವುದು ಸುಲಭವಲ್ಲ. ಆದರೆ ನ್ಯೂಜಿಲೆಂಡ್‌ನಲ್ಲಿನ ದಾಖಲೆಗಳನ್ನು ಮಾತ್ರ ಪರಿಗಣಿಸಿದರೆ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರೇ ಮುಂಚೂಣಿಯಲ್ಲಿದ್ದಾರೆ!

ದಿಲ್ಲಿಯ ಸಿಖ್ ಸಮುದಾಯವನ್ನು ಕೆರಳಿಸಿದ ಸೋನಿಯಾ ಗಾಂಧಿ ಆತ್ಮಚರಿತ್ರೆ, ಸುಟ್ಟು ಹಾಕಿ ಪ್ರತಿಭಟಿಸಿದ ಸಂತ್ರಸ್ತರು

Gowthami K — Fri, 13 Nov 2026 10:04:21 +0530

ನವದೆಹಲಿ: ಸೋನಿಯಾ ಗಾಂಧಿ ತಮ್ಮ ಆತ್ಮಚರಿತ್ರೆಯಲ್ಲಿ 1984 ಸಿಖ್ ವಿರೋಧಿ ದಂಗೆ ವಿಷಯದಲ್ಲಿ ‘ತಮ್ಮ ಪತಿ ರಾಜೀವ್‌ ಅವರು ಕಾರಣರಲ್ಲ. ತಮ್ಮ ಅತ್ತೆ ಇಂದಿರಾ ಹ*ತ್ಯೆ ಹೊರತಾಗಿಯೂ ‘ತಮ್ಮ ಪತಿ ರಾಜೀವ್ ಗಾಂಧಿಯವರ ಹೃದಯದಲ್ಲಿ ಯಾವುದೇ ಧರ್ಮಾಂಧತೆ ಅಥವಾ ದ್ವೇಷ ಇರಲಿಲ್ಲ. ಆದರೆ ಆಡಳಿತ ವಿಫಲವಾದ ಇತಿಹಾಸದ ಒಂದು ಕ್ಷಣಕ್ಕೆ ಅವರನ್ನು ತಳ್ಳಲಾಯಿತು, ಇದು ಅನಾಗರಿಕತೆಗೆ ದಾರಿ ಮಾಡಿಕೊಟ್ಟಿತು’ ಎಂದು ಪ್ರಸ್ತಾಪಿಸಿದ್ದಕ್ಕೆ ದಿಲ್ಲಿಯ ಸಿಖ್‌ ಸಮುದಾಯ ಆಕ್ರೋಶ ವ್ಯಕ್ತಪಡಿಸಿದೆ. ಪುಸ್ತಕದಲ್ಲಿನ ಸೋನಿಯಾ ಹೇಳಿಕೆ ವಿರೋಧಿಸಿ ಗುರುವಾರ ಇಲ್ಲಿನ ರಕಬ್ ಗಂಜ್ ಗುರುದ್ವಾರದಲ್ಲಿ ಸಿಖ್ ವಿರೋಧಿ ಗಲಭೆಯ ಸಂತ್ರಸ್ತರ ಕುಟುಂಬಗಳು ಮತ್ತು ದೆಹಲಿ ಸಿಖ್ ಗುರುದ್ವಾರ ನಿರ್ವಹಣಾ ಸಮಿತಿಯ (ಡಿಎಸ್‌ಜಿಎಂಸಿ) ಸದಸ್ಯರು ಸೋನಿಯಾ ಗಾಂಧಿ ಅವರ ಆತ್ಮಚರಿತ್ರೆಯ ಪ್ರತಿಯನ್ನು ಸುಟ್ಟು ಪ್ರತಿಭಟನೆ ನಡೆಸಿದ್ದಾರೆ.

ಸೋನಿಯಾ ಪುಸ್ತಕ ಆಧರಿಸಿ ತೆಲುಗು ಚಿತ್ರದ ಘೋಷಣೆ!

ಹೈದರಾಬಾದ್‌: ಮಂಗಳವಾರ ಬಿಡುಗಡೆಯಾದ ಸೋನಿಯಾ ಗಾಂಧಿ ಅವರ ಆತ್ಮಕತೆ ಆಧರಿಸಿ ಚಲನಚಿತ್ರ ನಿರ್ಮಿಸುವುದಾಗಿ ತೆಲಂಗಾಣ ಕಾಂಗ್ರೆಸ್‌ ಘಟಕದ ಕಾರ್ಯಾಧ್ಯಕ್ಷ, ಮಾಜಿ ಶಾಸಕ ಟಿ ಜಯಪ್ರಕಾಶ್ ರೆಡ್ಡಿ ಅಲಿಯಾಸ್‌ ಜಗ್ಗಾ ರೆಡ್ಡಿ ಘೋಷಿಸಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಜಗ್ಗಾ ರೆಡ್ಡಿ, ‘ಸೋನಿಯಾ ಅವರ ಪುಸ್ತಕವನ್ನು ಆಧರಿಸಿ ನಾವು ಚಿತ್ರವನ್ನು ನಿರ್ಮಿಸಲು ನಿರ್ಧರಿಸಿದ್ದೇವೆ. ಅದನ್ನು ತೆಲುಗು, ಹಿಂದಿ ಮತ್ತು ಇತರ ಎಲ್ಲಾ ಭಾಷೆಗಳಲ್ಲಿ ಮಾಡಲು ನಾವು ಯೋಚಿಸಿದ್ದೇವೆ. ಚಿತ್ರದ ಪ್ರಾರಂಭಿಕ ಹಂತದ ಕೆಲಸಗಳ ಮೇಲೆ ನಿಗಾ ಇಡಲು 50 ಜನರ ತಂಡ ರಚಿಸಲಾಗಿದೆ. ಚಿತ್ರ ನಿರ್ಮಾಣಕ್ಕೆ ಪಕ್ಷದ ಎಲ್ಲಾ ಕಾರ್ಯಕರ್ತರಿಂದ ಉದಾರವಾಗಿ ದೇಣಿಗೆ ಸಂಗ್ರಹಿಸಲಾಗುವುದು. ದೆಹಲಿ ಮತ್ತು ರಾಜೀವ್ ಗಾಂಧಿ ಹತ್ಯೆಯಾದ ತಮಿಳುನಾಡಿನ ಶ್ರೀಪೆರಂಬದೂರಿನಲ್ಲಿ ಚಿತ್ರೀಕರಣ ನಡೆಯಲಿದೆ. ಮುಂದಿನ ತಿಂಗಳು 9 ಸೋನಿಯಾರ ಜನ್ಮ ದಿನವಾಗಿದ್ದು, ಅಂದು ಸಿನಿಮಾಗೆ ಸಂಬಂಧಿಸಿದಂತೆ ಕಾರ್ಯಕ್ರಮ ನಡೆಯಲಿದೆ. 2028ರ ಡಿ.9ರಂದು ಸಿನಿಮಾ ತೆರೆಗೆ ಬರಲಿದೆ ಎಂದು ಮಾಹಿತಿ ನೀಡಿದ್ದಾರೆ. ಈ ನಡುವೆ ಚಿತ್ರ ಘೋಷಣೆ ಬೆನ್ನಲ್ಲೇ ಸಂಗಾರೆಡ್ಡಿ ಕ್ಷೇತ್ರದ ಕಾಂಗ್ರೆಸ್‌ ಸಂಚಾಲಕ ಜೂಲಕಂಟಿ ಆಂಜನೇಯಲು 2 ಕೋಟಿ ರು. ದೇಣಿಗೆ ಘೋಷಿಸಿದ್ದಾರೆ.

ಸೋನಿಯಾ ರಾಜಕೀಯ ವೈರಿ ಮೋದಿ ಬಗ್ಗೆ ಮೆಚ್ಚುಗೆ

ರಾಜಕೀಯವಾಗಿ ಮತ್ತು ಸೈದ್ಧಾಂತಿಕವಾಗಿ ತಾವು ಕಟುವಾಗಿ ಟೀಕಿಸುವ ಪ್ರಧಾನಿ ನರೇಂದ್ರ ಮೋದಿ ಅವರ ಬಗ್ಗೆ ಸೋನಿಯಾ ಗಾಂಧಿ ಅವರು ತಮ್ಮ ಆತ್ಮಚರಿತ್ರೆಯಲ್ಲಿ ಹಲವು ಟೀಕೆಗಳ ಜೊತೆಜೊತೆಗೆ ಮೆಚ್ಚುಗೆಯ ಮಾತುಗಳನ್ನೂ ಆಡಿದ್ದಾರೆ.

ಮಂಗಳವಾರ ಬಿಡುಗಡೆಯಾದ, ‘ಬಿಲಾಂಗಿಂಗ್‌: ಎ ಜರ್ನಿ ಆಫ್‌ ಲವ್‌’ನಲ್ಲಿ, ಸಂಸತ್ತಿನ ಅವರಣದಲ್ಲಿ ಮೋದಿ ಅವರೊಂದಿಗೆ ತಮ್ಮ ಮುಖಾಮುಖಿ, ಮೋದಿ ಅವರ ಜತೆಗಿನ ಲಘು ಮಾತುಕತೆ, ಹೆಚ್ಚೇನು ಆಪ್ತವಲ್ಲದ ಸಂಬಂಧಗಳ ಬಗ್ಗೆ ಬೆಳಕು ಚೆಲ್ಲಿದ್ದಾರೆ.

‘ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಕಲ್ಪನೆಯ ಭಾರತಕ್ಕಾಗಿ ಹೋರಾಡುತ್ತಿದ್ದಾರೆ ಮತ್ತು ನಾನು ನನ್ನದೇ ಕಲ್ಪನೆಯ ಭಾರತಕ್ಕಾಗಿ ಹೋರಾಡುತ್ತಿದ್ದೇನೆ. ಆದರೆ ಅವರ ಆಪ್ತರು ಹೇಳಿದಷ್ಟು ಮೋದಿ ಅವರ ಆರಂಭಿಕ ಜೀವನ ಕಷ್ಟಕರವಾಗಿಲ್ಲದೇ ಇದ್ದರೂ, ಅವರು ಅವಕಾಶವಿಲ್ಲದ ಈ ಜಗತ್ತಿನಲ್ಲಿ, ಆರ್‌ಎಸ್‌ಎಸ್‌ನೊಳಗೆ ಸಾಕಷ್ಟು ಶ್ರಮವಹಿಸಿ ಅಧಿಕಾರಕ್ಕೆ ಏರಿದ್ದಾರೆ’ ಎಂದು ಸೋನಿಯಾ ಬಣ್ಣಿಸಿದ್ದಾರೆ.

ಮೋದಿ ಭೇಟಿ ನೀಡುತ್ತಿರುವ ಬೆಂಗಳೂರಿನ ಪ್ರಶಾಂತಿ ಕುಟೀರದ ವಿಶೇಷತೆ ಏನು? @ 50 ಸೀಕ್ರೆಟ್

Chethan Kumar — Fri, 13 Nov 2026 10:03:13 +0530

ಬೆಂಗಳೂರು (ನ.13) ಪ್ರಧಾನಿ ನರೇಂದ್ರ ಮೋದಿ ಬೆಂಗಳೂರು ಪ್ರವಾಸದಲ್ಲಿ ಹಲವು ಕಾರ್ಯಕ್ರಮಗಳಿವೆ. ಮೆಟ್ರೋ ಉದ್ಘಾಟನೆಗೂ ಮೊದಲು ಮೋದಿ ಪ್ರಶಾಂತಿ ಕುಟೀರದ ಸ್ವರ್ಣ ಮಹೋತ್ಸವ ಸಂಭ್ರಮದಲ್ಲಿ ಪಾಲ್ಗೊಳ್ಳುತ್ತಿದ್ದಾರೆ. ಕಳೆದ ಐದು ದಶಕಗಳಿಂದ ಯೋಗ, ಆಧ್ಯಾತ್ಮ, ವೈಜ್ಞಾನಿಕ ಸಂಶೋಧನೆ ಹಾಗೂ ಆರೋಗ್ಯ ರಕ್ಷಣಾ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿರುವ ಪ್ರಶಾಂತಿ ಕುಟೀರಕ್ಕೆ 50ರ ಸಂಭ್ರಮ. ಈ ಸಂಭ್ರಮದಲ್ಲಿ ಮೋದಿ ಭಾಗವಹಿಸುತ್ತಿದ್ದಾರೆ.ಇಂದು ಬೆಳಗ್ಗೆ 10.45ರ ವೇಳೆಗೆ ಪ್ರಶಾಂತಿ ಕುಟೀರಕ್ಕೆ ಮೋದಿ ಆಗಮಿಸುತ್ತಿದ್ದಾರೆ.

NSG ಕಮಾಂಡೋ ವಶದಲ್ಲಿ ಪ್ರಶಾಂತಿ ಕುಟೀರ

ಆನೇಕಲ್ ತಾಲ್ಲೂಕಿನ ಜಿಗಣಿ ಸಮೀಪದಲ್ಲಿರುವ ಪ್ರಶಾಂತಿ ಕುಟೀರ ಸದ್ಯ ಎನ್‌ಎಸ್‌ಜಿ ಹಾಗೂ ಪೊಲೀಸ್ ಬಂದೋಬಸ್ತ್‌ನಲ್ಲಿದೆ. 4 ಎಸ್ಪಿ, 20 ಮಂದಿ ಡಿವೈಎಸ್ಪಿ, 60 ಇನ್ಸ್ಪೆಕ್ಟರ್, 100 ಪಿಎಸ್ಐ, 106 ಎಎಸ್ಐ ಸೇರಿದಂತೆ 2800 ಮಂದಿ ಪೊಲೀಸ್ ಸಿಬ್ಬಂದಿ ನಿಯೋಜನೆ ಮಾಡಲಾಗಿದೆ. ಪ್ರಶಾಂತಿ ಕುಟೀರದ ಪ್ರಮುಖ ರಸ್ತೆಗಳು ಸೇರಿದಂತೆ ಸುತ್ತಮುತ್ತ ಪೊಲೀಸ್ ಹದ್ದಿನ ಕಣ್ಣಿಡಲಾಗಿದೆ. ಪ್ರಶಾಂತಿ ಕುಟೀರದ ಸುತ್ತ ಮೂರು ಸುತ್ತು ಟೈಟ್ ಸೆಕ್ಯೂರಿಟಿ ಒದಗಿಸಲಾಗಿದೆ. ಈಗಾಗಲೇ ಪ್ರಶಾಂತಿ ಕುಟೀರದ ಒಳಾಂಗಣವನ್ನು NSG ಕಮಾಂಡೋ ವಶಕ್ಕೆ ಪಡೆದಿದೆ. ನಿನ್ನೆ ಸಂಜೆಯಿಂದಲೇ NSG ಮತ್ತು ಪೊಲೀಸರು ಭದ್ರತೆ ಹೆಚ್ಚಿಸಿದ್ದಾರೆ. ಸಂಸ್ಕೃತಿ ಭವನದ ವೇದಿಕೆ ಕಾರ್ಯಕ್ರಮದಲ್ಲಿ ಸ್ವರ್ಣ ಮಹೋತ್ಸವ ಕಾರ್ಯಕ್ರಮಕ್ಕೆ ಪ್ರಧಾನಿ ಚಾಲನೆ ನೀಡಲಿದ್ದಾರೆ. ಒಂದು ಗಂಟೆಗಳ ಕಾಲ ನಡೆಯಲಿರುವ ಕಾರ್ಯಕ್ರಮದಲ್ಲಿ ಮೋದಿ ಪಾಲ್ಗೊಳ್ಳುತ್ತಿದ್ದಾರೆ.

ದೇಶದ ಮೊದಲ ಯೋಗ ವಿಶ್ವವಿದ್ಯಾಲದ ಮೊದಲ ಕ್ಯಾಂಪಸ್

ಭಾರತದ ಮೊದಲ ಯೋಗ ವಿಶ್ವವಿದ್ಯಾಲಯವಾಗಿರುವ ಸ್ವಾಮಿ ವಿವೇಕಾನಂದ ಯೋಗ ಅನುಸಂಧಾನ ಸಂಸ್ಥಾನ (S-VYASA) ವಿಶ್ವವಿದ್ಯಾಲಯದ ಮೊದಲ ಕ್ಯಾಂಪಸ್ ಇದೇ ಪ್ರಶಾಂತಿ ಕುಟೀರ. 100 ಏಕರೆ ಪ್ರದೇಶದಲ್ಲಿ ಈ ಕ್ಯಾಂಪಸ್ ಹರಡಿಕೊಂಡಿದೆ. ಆಧುನಿಕ ವಿಜ್ಞಾನದೊಂದಿಗೆ ಯೋಗ ಸಂಯೋಜಿಸಲಾಗಿದೆ. ಈ ಮೂಲಕ ಪದವಿ,ಸ್ನಾತಕೋತ್ತರ ಕೋರ್ಸ್ ಭೋದಿಸಲಾಗುತ್ತಿದೆ. ಇದೇ ಕ್ಯಾಂಪಸ್‌ನಲ್ಲಿ 600 ಹಾಸಿಗೆಗಳ ಆರೋಗ್ಯಧ್ಯಾಮ ಆಸ್ಪತ್ರೆಯಿದೆ. ಯೋಗ ಚಿಕಿತ್ಸೆ, ಆಯುರ್ವೇದ, ಪ್ರಕೃತಿ ಚಿಕಿತ್ಸೆ ಸೇರಿದಂತೆ ಭಾರತೀಯ ಸಾಂಪ್ರದಾಯಿಕ ಚಿಕಿತ್ಸೆಗೆ ಆಧುನಿಕ ವೈದ್ಯಕೀಯ ಚಿಕಿತ್ಸೆ ಸ್ಪರ್ಶ ನೀಡಲಾಗಿದೆ.

ಹೆಸರಿಗೆ ತಕ್ಕಂತ ಇದು ಅತ್ಯಂತ ಪ್ರಶಾಂತ ವಾತಾವರಣ ಹೊಂದಿದೆ ಪ್ರದೇಶ. ಇಲ್ಲಿ ಸದ್ದು ಗದ್ದಲವಿಲ್ಲ. ಯೋಗ, ಧ್ಯಾನಕ್ಕೆ ಸೂಕ್ತ ಸ್ಥಳವಾಗಿದೆ. ಇಲ್ಲಿ ಒಮ್ಮೆ ಭೇಟಿ ನೀಡಿದರೆ ಮಾನಸಿಕವಾಗಿ ಚೈತನ್ಯ ಸಿಗಲಿದೆ. ಇನ್ನು ಅತ್ಯುತ್ತಮ ಗುಣಮಟ್ದ ಚಿಕಿತ್ಸೆ, ಉತ್ಕೃಷ್ಠ ಸೇವೆ ಇಲ್ಲಿ ಲಭ್ಯವಿದೆ. ಕಳೆದ 50 ವರ್ಷಗಳಿಂದ ಯೋಗ, ಆಧ್ಯಾತ್ಮ, ಪ್ರಕೃತಿ ಚಿಕಿತ್ಸೆ, ಆಧ್ಯಾತ್ಮ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿರುವ ಪ್ರಶಾಂತಿ ಕುಟೀರ ಮೊಲ ಸಂಸ್ಥೆ ಎಸ್ ವ್ಯಾಸ ಇದೀಗ ವಿಸ್ತರಣೆಗೊಳ್ಳುತ್ತಿದೆ. ಕೇರಳದ ತಿರುವನಂತಪುರಂನಲ್ಲಿ ನಿರ್ಮಾಣಗೊಂಡಿರುವ ನೂತನ ಕ್ಯಾಂಪಸ್‌ನ್ನು ಪ್ರಧಾನಿ ಮೋದಿ ಇಲ್ಲಿಂದರೆ ವರ್ಚುವಲ್ ಆಗಿ ಉದ್ಘಾಟನೆ ಮಾಡಲಿದ್ದಾರೆ.

ಪ್ರಶಾಂತಿ ಕುಟೀರದ ಸ್ವರ್ಣ ಮಹೋತ್ಸವ ಆಡಳಿತ ಬ್ಲಾಕ್‌ಗೆ ಪ್ರಧಾನಿ ಮೋದಿ ಶಿಲನ್ಯಾಸ ನೆರವೇರಿಸಲಿದ್ದಾರೆ. ಇದೇ ವೇಳೆ ಚಿಂತಕರು ಹಾಗೂ ಆರ್‌ಎಸ್‌ಎಸ್ ಮಾಜಿ ಪ್ರಧಾನ ಕಾರ್ಯದರ್ಶಿ ದಿವಂಗತ ಎಚ್.ವಿ. ಶೇಷಾದ್ರಿ ಅವರ ಜನ್ಮ ಶತಮಾನೋತ್ಸವ ಕಾರ್ಯಕ್ರಮಕ್ಕೂ ಚಾಲನೆ ನೀಡಲಿದ್ದಾರೆ. ಇದೇ ವೇಳೆ ₹160 ಕೋಟಿ ವೆಚ್ಚದ ಬಯೋ ಗ್ಯಾಸ್ ಯೋಜನೆಗೆ ಶಂಕುಸ್ಥಾಪನೆ ನೆರವೇರಿಸಲಿದ್ದಾರೆ.

Tim Seifert: ಗ್ರೌಂಡಲ್ಲಿ ಕಿತ್ತಾಡಿಕೊಂಡ ಸೀಫರ್ಟ್- ಬ್ರಾರ್; ಪರಿಸ್ಥಿತಿ ತಿಳಿಗೊಳಿಸಲು ಮಧ್ಯೆ ಬಂದ ಕೊಹ್ಲಿ!

Bhimasi M Koleppanavar — Fri, 13 Nov 2026 09:51:40 +0530

ಕಿವೀಸ್ ಮತ್ತು ಇಂಡಿಯಾ ನಡುವಿನ ನಾಲ್ಕನೇ ಒನ್‌ಡೇ ಮ್ಯಾಚ್‌ನಲ್ಲಿ ಗುರ್ನೂರ್ ಬ್ರಾರ್ ಮತ್ತು ಟಿಮ್ ಸೀಫರ್ಟ್ ನಡುವೆ ಮೈದಾನದಲ್ಲಿ ದೊಡ್ಡ ಜಗಳ ನಡೆಯಿತು. ಟಿಮ್ ಸೀಫರ್ಟ್ ಗುರ್ನೂರ್ ಬ್ರಾರ್ ಬಾಲ್‌ ಸಿಕ್ಸರ್ ಬಾರಿಸಿದರು, ನಂತರ ಗುರ್ನೂರ್ ಬ್ರಾರ್ ಸೀಫರ್ಟ್ ಬಳಿ ಹೋಗಿ ಏನೋ ಹೇಳಿದರು, ನಂತರ ಈ ಜಗಳ ಪ್ರಾರಂಭವಾಗಿದೆ ಎನ್ನಲಾಗಿದೆ. ನಂತರ, ಬ್ರಾರ್ ಸೀಫರ್ಟ್ ವಿಕೆಟ್ ಪಡೆದಾಗ, ಮೈದಾನದಲ್ಲಿನ ವಾತಾವರಣ ಇನ್ನಷ್ಟು ಕಾವೇರಿತು. ಈ ಕುರಿತು ಕಂಪ್ಲೀಟ್ ಸ್ಟೋರಿ ಇಲ್ಲಿದೆ.

ಜಗಳಕ್ಕೆ ಕೊಹ್ಲಿ ಎಂಟ್ರಿ!

ವಿಕೆಟ್ ಪಡೆದ ನಂತರ, ಗುರ್ನೂರ್ ಬ್ರಾರ್ ಮತ್ತೆ ಸೀಫರ್ಟ್‌ಗೆ ಏನೋ ಹೇಳಿದರು, ನಂತರ ಸೀಫರ್ಟ್ ಕೂಡ ಉತ್ತರಿಸಿದರು, ಗುರ್ನೂರ್ ಬ್ರಾರ್ ಅವರತ್ತ ಧಾವಿಸಿದರು. ಗುರ್ನೂರ್ ಬ್ರಾರ್ ಮತ್ತು ಟಿಮ್ ಸೀಫರ್ಟ್ ನಡುವಿನ ಜಗಳವನ್ನು ವಿರಾಟ್ ಕೊಹ್ಲಿ ಮತ್ತು ಅಂಪೈರ್ ಪರಿಹರಿಸಿದರು. ವಿರಾಟ್ ಕೊಹ್ಲಿ ಗುರ್ನೂರ್ ಬ್ರಾರ್ ಸೀಫರ್ಟ್‌ಗೆ ಹೋಗುವುದನ್ನು ತಡೆದರು, ಆದರೆ ಈ ಘಟನೆಯಿಂದಾಗಿ ಮೈದಾನದಲ್ಲಿ ಸ್ವಲ್ಪ ಸಮಯದವರೆಗೆ ಸಂಘರ್ಷ ಹೆಚ್ಚಾಗಿತು. ಈ ಇಡೀ ಘಟನೆ ವೀಡಿಯೊ ಹೊರಹೊಮ್ಮಿದೆ. ಟಿಮ್ ಸೀಫರ್ಟ್ 48 ಎಸೆತಗಳಲ್ಲಿ 58 ರನ್ ಗಳಿಸಿದ ನಂತರ ಪೆವಿಲಿಯನ್‌ಗೆ ಮರಳಿದರು. ಆರಂಭಿಕರಾದ ಸೀಫರ್ಟ್ ಮತ್ತು ವಿಲ್ ಯಂಗ್ ಇಬ್ಬರೂ ನ್ಯೂಜಿಲೆಂಡ್‌ಗೆ 85 ರನ್‌ಗಳ ಪಾಲುದಾರಿಕೆಯನ್ನು ನೀಡಿದ್ದಾರೆ.

ಟೀಂ ಇಂಡಿಯಾದಲ್ಲಿ 3 ಬದಲಾವಣೆ!

ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಟೀಮ್ ಇಂಡಿಯಾದಲ್ಲಿ ಮೂರು ಬದಲಾವಣೆ ಮಾಡಲಾಗಿದೆ. ಶುಭಮನ್ ಗಿಲ್, ಕೆಎಲ್ ರಾಹುಲ್ ಮತ್ತು ಅನ್ಶುಲ್ ಕಾಂಬೋಜ್ ಮೂವರು ಆಟಗಾರರು ಟೆಸ್ಟ್ ಸರಣಿಯ ತಯಾರಿಗಾಗಿ ತೆರಳಿದ್ದಾರೆ, ಆದ್ದರಿಂದ ಅವರ ಬದಲಿಗೆ, ರಿತುರಾಜ್ ಗಾಯಕ್ವಾಡ್, ಇಶಾನ್ ಕಿಶನ್ ಮತ್ತು ಕುಲದೀಪ್ ಯಾದವ್ ಆಡುವ ಹನ್ನೊಂದರಲ್ಲಿ ಅವಕಾಶ ಪಡೆದರು. ಏತನ್ಮಧ್ಯೆ, ಕೊನೆಯ ಎರಡು ಏಕದಿನ ಪಂದ್ಯಗಳಿಗೆ ಶ್ರೇಯಸ್ ಅಯ್ಯರ್ ನಾಯಕತ್ವದಲ್ಲಿ ಭಾರತ ತಂಡ ಮೈದಾನಕ್ಕಿಳಿಯಲಿದೆ.

ಬೌಲಿಂಗ್ ಆಯ್ಕೆ!

ನಾಲ್ಕನೇ ಏಕದಿನ ಪಂದ್ಯದಲ್ಲಿ, ಟೀಮ್ ಇಂಡಿಯಾ ನಾಯಕ ಶ್ರೇಯಸ್ ಅಯ್ಯರ್ ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡರು. ಈ ಸರಣಿಯ ಮೊದಲ ಎರಡು ಪಂದ್ಯಗಳನ್ನು ಟೀಮ್ ಇಂಡಿಯಾ ಗೆದ್ದರೆ, ಮೂರನೇ ಪಂದ್ಯ ಮಳೆಯಿಂದಾಗಿ ರದ್ದಾಯಿತು, ಆದ್ದರಿಂದ ಈಗ ಟೀಮ್ ಇಂಡಿಯಾ ಎರಡು ಪಂದ್ಯಗಳಲ್ಲಿ ಒಂದನ್ನು ಗೆದ್ದು ಏಕದಿನ ಸರಣಿಯನ್ನು ತನ್ನದಾಗಿಸಿಕೊಳ್ಳಬಹುದು. ಮತ್ತೊಂದೆಡೆ, ನ್ಯೂಜಿಲೆಂಡ್ ಏಕದಿನ ಸರಣಿಯನ್ನು ಸಮಬಲಗೊಳಿಸಲು ಕೊನೆಯ ಎರಡು ಪಂದ್ಯಗಳನ್ನು ಗೆಲ್ಲಬೇಕಾಗಿದೆ.

ರೋಹಿತ್ ಶರ್ಮಾ, ರುತುರಾಜ್ ಗಾಯಕ್ವಾಡ್, ವಿರಾಟ್ ಕೊಹ್ಲಿ, ಶ್ರೇಯಸ್ ಅಯ್ಯರ್ (ನಾಯಕ), ಇಶಾನ್ ಕಿಶನ್, ಅಕ್ಷರ್ ಪಟೇಲ್, ನಮನ್ ಧೀರ್, ಅಕಿಬ್ ನಬಿ, ಕುಲದೀಪ್ ಯಾದವ್, ಗುರ್ನೂರ್ ಬ್ರಾರ್, ಅರ್ಶ್ದೀಪ್ ಸಿಂಗ್

ಮಂಗಳೂರು-ಬೆಂಗಳೂರು ರೈಲು ಹಳಿ ದ್ವಿಗುಣ, ಡಿಪಿಆರ್ ಆರಂಭ: ಕರಾವಳಿಗೆ ಬಂದಿಳಿದ ತಕ್ಷಣ ರೈಲ್ವೆ ಸಚಿವರ ಸಿಹಿಸುದ್ದಿ

Gowthami K — Fri, 13 Nov 2026 09:41:36 +0530

ಮಂಗಳೂರು: ಮಂಗಳೂರು-ಬೆಂಗಳೂರು ರೈಲು ಮಾರ್ಗದ ಹಳಿ ದ್ವಿಗುಣ ಅಗತ್ಯವಾಗಿದೆ. ಸಮೀಕ್ಷೆ ಮತ್ತು ಡಿಪಿಆರ್ ತಯಾರಿಕೆಗೆ ಈಗಾಗಲೇ ಅನುಮೋದನೆ ನೀಡಿದ್ದೇವೆ. ಸದ್ಯ ಡಿಪಿಆರ್ ತಯಾರಿ ಕೆಲಸ ನಡೆಯುತ್ತಿದೆ ಎಂದು ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ತಿಳಿಸಿದರು.

ಅವರು ಗುರುವಾರ ರಾತ್ರಿ ಮಂಗಳೂರು ವಿಮಾನ ನಿಲ್ದಾಣದಲ್ಲಿ ಪತ್ರಕರ್ತರ ಜೊತೆ ಮಾತನಾಡಿದರು. ಈ ಮಾರ್ಗದ ಪಶ್ಚಿಮ ಘಟ್ಟ ಪ್ರದೇಶದಲ್ಲಿ ಹಳಿ ದ್ವಿಗುಣ ಅತ್ಯಂತ ಸವಾಲಿನ ಕೆಲಸ. ಯೋಜನೆಯ ಮರುವಿನ್ಯಾದ ನಡೆಸಿ, ಸಮಸ್ಯೆಗಳು ಮರುಕಳುಹಿಸಿದಂತೆ ಯೋಜನೆ ರೂಪಿಸುತ್ತೇವೆ ಎಂದರು.

ಕೊಂಕಣ್ ರೈಲ್ವೆ ವಿಲೀನಕ್ಕೆ ಪ್ರಯತ್ನ:

ಕೊಂಕಣ್ ರೈಲ್ವೆ ವಿಲೀಣಕ್ಕೆ ನಾವು ಪ್ರಯತ್ನಿಸುತ್ತಿದ್ದೇವೆ. ಆದರೆ ಇದಕ್ಕೆ ಸಂಬಂಧಿತ ರಾಜ್ಯಗಳ ಒಪ್ಪಿಗೆ ಬೇಕಾಗುತ್ತದೆ. ಅವರು ಒಪ್ಪಿಗೆ ನೀಡಿದರೆ ಮಾತ್ರ ಇದು ಸಾಧ್ಯವಾಗಲಿದೆ. ನಾಲ್ಕು ರಾಜ್ಯಗಳ ಸಿಎಂ ಜೊತೆ ಮನವಿ ಮಾಡಿದ್ದೇವೆ ಎಂದರು.

ಸಚಿವ ಎಂಬಿ ಪಾಟೀಲ್ ಅವರು ಕೇಂದ್ರ ಕರ್ನಾಟಕವನ್ನು ಕಡೆಗಣಿಸುತ್ತಿದೆ ಎಂದು ಆರೋಪಿಸಿರುವುದು ಸಂಪೂರ್ಣ ತಪ್ಪು. ನರೇಂದ್ರ ಮೋದಿ ಅಧಿಕಾರಿಕ್ಕೆ ಬಂದ ಬಳಿಕ ಕರ್ನಾಟಕಕ್ಕೆ ನ್ಯಾಯ ಸಿಗುತ್ತಿದೆ. ಕರ್ನಾಟಕದಲ್ಲಿ 75 ಸಾವಿರ ಕೋಟಿ ಮೌಲ್ಯದ ಯೋಜನೆಗಳು ನಡೆಯುತ್ತಿದೆ. ನಾವು ಕರ್ನಾಟಕಕ್ಕೆ ಬುಲೆಟ್ ರೈಲನ್ನು ತರುತ್ತಿದ್ದೇವೆ. ನಾವು ಕರ್ನಾಟಕಕ್ಕೆ ವಂದೇ ಭಾರತ್ ರೈಲನ್ನು ತಂದಿದ್ದೇವೆ. ಅನೇಕ ರೈಲು ನಿಲ್ದಾಣಗಳು ಅಭಿವೃದ್ಧಿ ಪಡಿಸಲಾಗಿದೆ. ಕೇಂದ್ರದಲ್ಲಿ ಕಾಂಗ್ರೆಸ್ ಸರ್ಕಾರ ಇದ್ದಾಗ ರಾಜ್ಯಕ್ಕೆ ಎಷ್ಟು ಅನುದಾನ ನೀಡಿದೆ ಎಂಬುದನ್ನು ಪಾಟೀಲ್ ಅವರು ತಿಳಿಸಲಿ ಎಂದರು.

ವಂದೇ ಭಾರತ್ ಕರಾವಳಿಗೆ ಕೊಡುಗೆ:

ಕರ್ನಾಟಕದ ಎರಡು ಪ್ರಮುಖ ಕೇಂದ್ರಗಳ ನಡುವೆ ವಂದೇ ಭಾರತ್ ಎಕ್ಸ್ಪ್ರೆಸ್ ಸಂಚರಿಸಲಿದೆ. ಕರಾವಳಿ ಕರ್ನಾಟಕವನ್ನು ರಾಜಧಾನಿ ಬೆಂಗಳೂರಿನೊಂದಿಗೆ ಬೆಸೆಯುತ್ತದೆ. ನಾವು ಈ ಯೋಜನೆ ಆರಂಭಿಸಿದಾಗ ಅನೇಕ ಸವಾಲುಗಳಿದ್ದವು. ಘಾಟ್ ಪ್ರದೇಶದಲ್ಲಿ ಸಾಕಷ್ಟು ಬದಲಾವಣೆ ಮಾಡಬೇಕಾಯಿತು. ಎಲ್ಲವನ್ನೂ ಪೂರ್ಣಗೊಳಿಸಿ ಶುಕ್ರವಾರ ವಂದೇ ಭಾರತ್ ಸೇವೆ ಆರಂಭಿಸಲಿದೆ ಎಂದರು. ಸಂಸದ ಕ್ಯಾ.ಬ್ರಿಜೇಶ್ ಚೌಟ, ಉಡುಪಿ ಸಂಸದ ಕೋಟ ಶ್ರೀನಿವಾಸ ಪೂಜಾರಿ ಮತ್ತಿತರರು ಇದ್ದರು.

ಹಲವು ರೈಲ್ವೆ ಅಭಿವೃದ್ದಿಗೆ ಚಾಲನೆ

ಕೇಂದ್ರ ರೈಲ್ವೆ, ಮಾಹಿತಿ ಮತ್ತು ಪ್ರಸಾರ ಹಾಗೂ ಎಲೆಕ್ಟ್ರಾನಿಕ್ಸ್ ಖಾತೆಗಳ ಸಚಿವ ಸಚಿವ ಅಶ್ವಿನಿ ವೈಷ್ಣವ್‌ ದ.ಕ. ಜಿಲ್ಲೆಯಲ್ಲಿ ಶುಕ್ರವಾರ ಹಲವು ಮಹತ್ವದ ರೈಲ್ವೆ ಯೋಜನೆಗಳಿಗೆ ಚಾಲನೆ ನೀಡಲಿದ್ದಾರೆ.

ಮಂಗಳೂರಿನಿಂದ ಬೆಂಗಳೂರಿಗೆ ಸಂಚಾರ ಆರಂಭಿಸಲಿರುವ ಮೊತ್ತ ಮೊದಲ ವಂದೇ ಭಾರತ್‌ ಹೈಸ್ಪೀಡ್‌ ರೈಲು ಸೇವೆಗೆ ಜಂಕ್ಷನ್ ರೈಲು ನಿಲ್ದಾಣದಲ್ಲಿ ಹಸಿರು ನಿಶಾನೆ ತೋರಿಸಲಿದ್ದಾರೆ. ಇದರ ಜತೆಗೆ ಅವರು ದಕ್ಷಿಣ ಕನ್ನಡ ಜಿಲ್ಲೆಯ ಹಲವೆಡೆ ಪ್ರವಾಸ ಕೈಗೊಂಡು ಇಲ್ಲಿನ ರೈಲ್ವೆ ಮೂಲಸೌಕರ್ಯ ಅಭಿವೃದ್ಧಿಗೆ ಸಂಬಂಧಿಸಿದಂತೆ ಅಧಿಕಾರಿಗಳೊಂದಿಗೆ ಮಹತ್ವದ ಸಭೆಗಳನ್ನು ಕೂಡ ನಡೆಸಲಿದ್ದಾರೆ.

ಅಶ್ವಿನಿ ವೈಷ್ಣವ್ ಈ ಅವಧಿಯಲ್ಲಿ ಇದೇ ಮೊದಲ ಬಾರಿಗೆದ.ಕ. ಪ್ರವಾಸ ಕೈಗೊಳ್ಳುತ್ತಿದ್ದು, ಈ ಸಂದರ್ಭ ಕರಾವಳಿ ಮತ್ತು ಮಲೆನಾಡು ಭಾಗದ ಜನರ ಬಹುದಿನಗಳ ಬೇಡಿಕೆಯಾದ ಮೂರು ಮಹತ್ವದ ರೈಲ್ವೆ ಯೋಜನೆಗಳು ಲೋಕಾರ್ಪಣೆಗೊಳ್ಳಲಿವೆ. ಈ ಸಂದರ್ಭ ಸಂಸದ ಕ್ಯಾ. ಬ್ರಿಜೇಶ್ ಚೌಟ ಹಾಗೂ ಜಿಲ್ಲೆಯ ಜನಪ್ರತಿನಿಧಿಗಳು ಉಪಸ್ಥಿತರಿರಲಿದ್ದಾರೆ. ಈ ರೈಲು ಯೋಜನೆಗಳು ದಕ್ಷಿಣ ಕನ್ನಡ ಜಿಲ್ಲೆಗೆ ಒಂದು ಮಹತ್ವದ ಮೈಲುಗಲ್ಲಾಗಿದ್ದು, ಪ್ರವಾಸೋದ್ಯಮ, ವಾಣಿಜ್ಯ ಮತ್ತು ದೈನಂದಿನ ಪ್ರಯಾಣಿಕರಿಗೆ ಹೊಸ ವೇಗ ನೀಡಲಿವೆ.

Today Gold Rate: ಸತತ 3ನೇ ದಿನವೂ ಕುಸಿತ ಚಿನ್ನದ ದರ, 3 ಸಾವಿರ ಕಡಿಮೆ; ಬೆಳ್ಳಿ ದರ ಕೂಡ ಢಮಾಲ್! ಮುಂದೇನಾಗುತ್ತೆ?

Sumanth SN — Fri, 13 Nov 2026 09:30:44 +0530

ಚಿನ್ನಾಭರಣ ಖರೀದಿ ಮಾಡಬೇಕು ಎಂದು ಯೋಚನೆ ಮಾಡುತ್ತಿರುವ ಜನರಿಗೆ ಇಲ್ಲಿದೆ ಗುಡ್ ನ್ಯೂಸ್ ಸತತ ಮೂರನೇ ದಿನವೂ ಚಿನ್ನದ ಬೆಲೆಯಲ್ಲಿ ಕುಸಿತವಾಗಿದ್ದು, ಇದರೊಂದಿಗೆ ಖರೀದಿದಾರರಿಎ ಬಿಗ್ ರಿಲೀಫ್ ಸಿಕ್ಕಿದೆ.

ಚಿನ್ನ ಮತ್ತು ಬೆಳ್ಳಿ ಖರೀದಿ ಮಾಡಬೇಕು ಎಂದು ಕಾಯುತ್ತಿರುವ ಜನರಿಗೆ ರಿಲೀಫ್ ಸಿಕ್ಕಿದೆ. ಸತತ ಮೂರನೇ ದಿನ ಚಿನ್ನದ ಬೆಲೆ ಕಡಿಮೆಯಾಗಿದೆ. ಶುಕ್ರವಾರ, ಅಂದರೆ ನವೆಂಬರ್ 13, 2026ರ ಬುಲಿಯನ್ ಮಾರ್ಕೆಟ್‌ನಲ್ಲಿ ದುಬಾರಿ ಲೋಹದ ಬೆಲೆಗಳು ಗಣನೀಯವಾಗಿ ಕಡಿಮೆಯಾಗಿದೆ. ಇಂಡಿಯಾ ಬುಲಿಯನ್ ಅಂಡ್ ಜ್ಯುವೆಲರ್ಸ್ ಅಸೋಶಿಯೇಷನ್ ಅಂಕಿಅಂಶಗಳ ಅನ್ವಯ, ಕಳೆದ ಮೂರು ದಿನಗಳಿಂದ 24 ಕ್ಯಾರಟ್ ಚಿನ್ನದ ದರ ಬರೋಬ್ಬರಿ ಮೂರು ಸಾವಿರ ರೂಪಾಯಿ ವರೆಗೂ ಕಡಿಮೆಯಾಗಿದೆ. ಚಿನ್ನದ ಹಾದಿಯಲ್ಲೇ ಬೆಳ್ಳಿ ದರ ಕೂಡ ಕಡಿಮೆಯಾಗಿದೆ. ಇದರೊಂದಿಗೆ ಗ್ರಾಹಕರ ಮುಖದಲ್ಲಿ ಸಂತಸ ಮೂಡಿದೆ.

ರಾಜ್ಯ ರಾಜಧಾನಿಯಲ್ಲಿ ಬೆಂಗಳೂರಿನಲ್ಲಿ ಇಂದು ಚಿನ್ನದ ದರ ಹೇಗಿದೆ ಅಂತ ನೋಡುವುದಾದರೆ, 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ದರ 1,39,800 ರೂಪಾಯಿ ಇದ್ದು, ಒಂದು ಗ್ರಾಂ ಚಿನ್ನದ ಬೆಲೆ 13,985 ರೂಪಾಯಿ ಇದೆ. 22 ಕ್ಯಾರೆಟ್ ಚಿನ್ನದ ಬೆಲೆ 10 ಗ್ರಾಂಗೆ 1,28,150 ರೂಪಾಯಿ ಇದ್ದು, ಪ್ರತಿ ಗ್ರಾಂಗೆ 12,815 ರೂಪಾಯಿ ಇದೆ. 18 ಕ್ಯಾರೆಟ್ ಚಿನ್ನದ ಬೆಲೆ 10 ಗ್ರಾಂಗೆ 1,04,850 ರೂಪಾಯಿ ಇದ್ದು, ಪ್ರತಿ ಗ್ರಾಂಗೆ 10,490 ರೂಪಾಯಿ ಇದೆ.

ಬೆಳ್ಳಿ ದರ ಕುಸಿತ

ಚಿನ್ನದ ಬೆಲೆಯೊಂದಿಗೆ ಬೆಳ್ಳಿ ದರವೂ ಭಾರೀ ಪ್ರಮಾಣದಲ್ಲಿ ಕುಸಿತವಾಗಿದ್ದು, ಕಳೆದ ಕೆಲವು ದಿನಗಳಿಂದ ಗಗನಕ್ಕೇರಿದ ಬೆಲೆಯೂ ಈಗ ಕಡಿಮೆಯಾಗಿದೆ. ಇಂದು ಬೆಂಗಳೂರಿನಲ್ಲಿ ಚಿನ್ನದ ಬೆಲೆ ಒಂದು ಗ್ರಾಂ ಬೆಲೆ 200 ರೂಪಾಯಿ, 8 ಗ್ರಾಂ ಬೆಲೆ 1600 ರೂಪಾಯಿ, 10 ಗ್ರಾಂ ಬೆಲೆ 2 ಸಾವಿರ ರೂಪಾಯಿ, 100 ಗ್ರಾಂ ಬೆಲೆ 20 ಸಾವಿರ ರೂಪಾಯಿ ಇದೆ. ಒಂದು ಕೆಜಿಗೆ 2 ಲಕ್ಷ ರೂಪಾಯಿ ಇದೆ. ದೇಶಿಯ ಮಾರ್ಕೆಟ್ನಲ್ಲಿಡಿಮ್ಯಾಂಡ್ ಸ್ವಲ್ಪ ಕಡಿಮೆ ಆಗಿರೋದು, ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಮೌಲ್ಯ ಕಡಿಮೆ ಆಗಿರೋದು ಬೆಳ್ಳಿಯ ಬೆಲೆ ಕುಸಿತಕ್ಕೆ ಪ್ರಮುಖ ಕಾರಣ ಎಂದು ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಚಿನ್ನ ಮತ್ತು ಬೆಳ್ಳಿ ದರದಲ್ಲಿ ತೀವ್ರ ಬೆಲೆ ಕುಸಿತವಾಗಲು ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿನ ಆರ್ಥಿಕ ಪರಿಣಾಮಗಳು ಕಾರಣ ಎಂದು ತಿಳಿದು ಬರುತ್ತಿದೆ. ಅಕ್ಟೋಬರ್‌ನಲ್ಲಿ ಅಮೆರಿಕದಲ್ಲಿ ಹಣದುಬ್ಬರ ನಿರೀಕ್ಷೆಗಿಂತ ಹೆಚ್ಚಾಗಿದ್ದು, ಡಿಸೆಂಬರ್‌ನಲ್ಲಿ ಅಮೆರಿಕದ ಫೆಡರಲ್ ರಿಸರ್ವ್ ಬಡ್ಡಿದರಗಳನ್ನು ಹೆಚ್ಚಿಸುವ ಸಾಧ್ಯತೆ ಇದೆ. ಸಾಮಾನ್ಯವಾಗಿ ಬಡ್ಡಿದರಗಳು ಏರಿಕೆಯಾಗುವ ಲಕ್ಷಣಗಳು ಕಂಡು ಬಂದರೆ ಹೂಡಿಕೆದಾರರು ಚಿನ್ನದಂತಹ ಲೋಹಗಳ ಮೇಲೆ ಮಾಡಿರುವ ಹೂಡಿಕೆಗಳನ್ನು ಹಿಂತೆಗೆದುಕೊಳ್ಳುತ್ತಾರೆ. ಇದರ ಪರಿಣಾಮವಾಗಿ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿಯ ಮಾರಾಟ ಮೇಲೆ ಪರಿಣಾಮವನ್ನು ಬೀರುತ್ತದೆ. ಅಲ್ಲದೇ, ಬೆಲೆಗಳಲ್ಲಿ ಕುಸಿತವಾಗುತ್ತದೆ.

ಸೋನಿಯಾ ಆತ್ಮಚರಿತ್ರೇಲಿ ಕರ್ನಾಟಕ ಭೇಟಿಯ ಸ್ಮರಣೆ, ಚಿಕ್ಕಮಗಳೂರಲ್ಲಿ ಲಾಠಿ ಹಿಡಿದು ಜನ ಅಡ್ಡಗಟ್ಟಿದ್ದ ಬಗ್ಗೆ ಪ್ರಸ್ತಾಪ

Gowthami K — Fri, 13 Nov 2026 09:18:22 +0530

ನವದೆಹಲಿ: ಮಂಗಳವಾರ ಬಿಡುಗಡೆಯಾದ ಕಾಂಗ್ರೆಸ್‌ ಕಾಯಕಿ ಸೋನಿಯಾ ಗಾಂಧಿ ಅವರ ಆತ್ಮಚರಿತ್ರೆ ‘ಬಿಲಾಂಗಿಂಗ್‌- ದ ಜರ್ನಿ ಆಫ್‌ ಲವ್‌’ನಲ್ಲಿ ಕರ್ನಾಟಕದ ಗಾಂಧೀ- ನೆಹರೂ ಕುಟುಂಬದ ರಾಜಕೀಯ, ಚುನಾವಣಾ ಹೋರಾಟ, ಖರ್ಗೆ ಅವರ ಸಂಕಷ್ಟಮಯ ಬದುಕು, ಕಬಿನಿ ನದಿ ತೀರದಲ್ಲಿ ಕಳೆದ ಸುಂದರ ಕ್ಷಣಗಳ ಬಗ್ಗೆ ಮೆಲುಕು ಹಾಕಲಾಗಿದೆ.

ಚಿಕ್ಕಮಗಳೂರಲ್ಲಿ ಇಂದಿರಾಗೆ ರಾಜಕೀಯ ಮರುಜನ್ಮ ಕಥೆ, ಲಾಠಿ ಹಿಡಿದು ಜನ ಅಡ್ಡಗಟ್ಟಿದ್ದ ಬಗ್ಗೆಯೂ ಪ್ರಸ್ತಾಪ

ತುರ್ತುಸ್ಥಿತಿಯ ಬಳಿಕ ಪರಾಜಯ ಅನುಭವಿಸಿದ್ದ ಇಂದಿರಾ ಗಾಂಧಿ ಅವರು ಮತ್ತೆ ರಾಜಕೀಯವಾಗಿ ಪುಟಿದೇಳಲು ನೆರವಾದ 1978ರ ಚಿಕ್ಕಮಗಳೂರು ಲೋಕಸಭಾ ಉಪಚುನಾವಣೆಯನ್ನು ಸೋನಿಯಾ ತಮ್ಮ ಪುಸ್ತಕದಲ್ಲಿ ಸ್ಮರಿಸಿದ್ದಾರೆ. ಈ ಚುನಾವಣಾ ಪ್ರಚಾರದ ವೇಳೆ ಶ್ರೀಕಾಂತ್ ವರ್ಮಾ ನೀಡಿದ ''''ಏಕ್ ಶೇರ್ನಿ, ಸೌ ಲಂಗೂರ್, ಚಿಕ್ಕಮಗಳೂರು, ಚಿಕ್ಕಮಗಳೂರು'''' ಎಂಬ ಘೋಷಣೆ ಜನಪ್ರಿಯವಾಗಿತ್ತು. ಈ ಪ್ರವಾಸದ ವೇಳೆ ಒಂದು ಕಡೆ ರಸ್ತೆ ತಿರುವಿನಲ್ಲಿ ವಿಪಕ್ಷದ ಕಾರ್ಯಕರ್ತರು ತಮ್ಮ ವಾಹನವನ್ನು ತಡೆದು, ಲಾಠಿಗಳಿಂದ ಹಲ್ಲೆ ನಡೆಸಲು ಯತ್ನಿಸಿದ ಉದ್ವಿಗ್ನ ಘಟನೆಯನ್ನೂ ಸೋನಿಯಾ ಅವರು ದಾಖಲಿಸಿದ್ದಾರೆ.

ಬಳ್ಳಾರಿ ಚುನಾವಣೇಲಿ ಸೋನಿಯಾ V/S ಸುಷ್ಮಾ

1999ರಲ್ಲಿ ಬಳ್ಳಾರಿ ಲೋಕಸಭಾ ಕ್ಷೇತ್ರದಿಂದ ಸ್ಪರ್ಧಿಸಿದ್ದು, ಅವರ ಎದುರಾಳಿಯಾಗಿ ಬಿಜೆಪಿ ನಾಯಕಿ ಸುಷ್ಮಾ ಸ್ವರಾಜ್ ಇದ್ದರು. ಕನ್ನಡದಲ್ಲೇ ಪ್ರಚಾರ ನಡೆಸಿದ್ದ ಸುಷ್ಮಾ ಅವರು ಆ ಚುನಾವಣೆಯನ್ನು ''''ದೇಸಿ ಬೇಟಿ'''' (ಸ್ಥಳೀಯ ಮಗಳು) ಮತ್ತು ''''ವಿದೇಶಿ ಬಹು'''' (ವಿದೇಶಿ ಸೊಸೆ) ನಡುವಿನ ಸ್ಪರ್ಧೆಯಾಗಿ ಬಿಂಬಿಸಿದ್ದರು. ಆ ಅಧ್ಯಾಯಕ್ಕೂ ಬಿಲಾಂಗಿಂಗ್‌ನಲ್ಲಿ ಜಾಗ ಸಿಕ್ಕಿದೆ. ಅಂತಿಮವಾಗಿ ಈ ಚುನಾವಣೆಯಲ್ಲಿ ಸೋನಿಯಾರಿಗೇ ಜಯವಾಗಿತ್ತು.

ಪಕ್ಷ ವಿಭಜನೆಗೆ ಕಾರಣವಾದ ಬೆಂಗಳೂರು ಸಭೆ ಉಲ್ಲೇಖ

1969ರಲ್ಲಿ ಬೆಂಗಳೂರಿನಲ್ಲಿ ನಡೆದ ಅಖಿಲ ಭಾರತ ಕಾಂಗ್ರೆಸ್ ಸಮಿತಿ (ಎಐಸಿಸಿ) ಅಧಿವೇಶನದ ಬಗ್ಗೆಯೂ ಸೋನಿಯಾ ವಿವರಿಸಿದ್ದಾರೆ. ತಮ್ಮ ಅತ್ತೆಯಾದ ಇಂದಿರಾ ಗಾಂಧಿ ಮತ್ತು ಕಾಂಗ್ರೆಸ್‌ನ ಪ್ರಭಾವಿ ನಾಯಕರ ಗುಂಪಾದ ''''ಸಿಂಡಿಕೇಟ್'''' ನಡುವಿನ ಭಿನ್ನಾಭಿಪ್ರಾಯ, ರಾಷ್ಟ್ರಪತಿ ಚುನಾವಣೆಯಲ್ಲಿ ವಿ.ವಿ. ಗಿರಿ ಅವರಿಗೆ ಇಂದಿರಾ ಬೆಂಬಲ ನೀಡಿದ್ದು ಹಾಗೂ ಅಂತಿಮವಾಗಿ ಕಾಂಗ್ರೆಸ್ ಪಕ್ಷ ವಿಭಜನೆಯಾದ ಬೆಳವಣಿಗೆಗಳನ್ನು ಪುಸ್ತಕದಲ್ಲಿ ದಾಖಲಿಸಲಾಗಿದೆ.

ಕಬಿನಿ ದಡದಲ್ಲಿ ರಾಹುಲ್‌ ಜತೆ ಆತ್ಮೀಯ ಸಂವಾದ

ರಾಹುಲ್ ಗಾಂಧಿ ಅವರ ಭಾರತ್ ಜೋಡೋ ಯಾತ್ರೆ ಕರ್ನಾಟಕದ ಮೂಲಕ ಸಾಗಿದ ವೇಳೆ ಸಿಕ್ಕಿ ಸ್ವಲ್ಪ ವಿರಾಮದ ಅವಧಿಯಲ್ಲಿ ಕಬಿನಿ ನದಿ ತೀರದಲ್ಲಿ ಪುತ್ರ ರಾಹುಲ್ ಜತೆ ನಡೆಸಿದ ಆತ್ಮೀಯ ಮಾತುಕತೆಗಳ ನೆನಪುಗಳನ್ನು ''''ಕಬಿನಿ ಡೈರೀಸ್'''' ಎಂಬ ಅಧ್ಯಾಯದಲ್ಲಿ ಸೋನಿಯಾ ಹಂಚಿಕೊಂಡಿದ್ದಾರೆ.

ಖರ್ಗೆ ಕುಟುಂಬದ ನೋವಿನ ಅಧ್ಯಾಯದ ಬಗ್ಗೆ ಮೆಲುಕು

1987-88ರ ಬರಗಾಲದಿಂದ ಕರ್ನಾಟಕದ ರೈತರು ಎದುರಿಸಿದ ಸಂಕಷ್ಟ, ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರ ಬದುಕಿನ ದುರಂತದ ಘಟನೆಗಳನ್ನು ಸೋನಿಯಾ ಪ್ರಸ್ತಾಪಿಸಿದ್ದಾರೆ. ಅಲ್ಲದೆ ಖರ್ಗೆ ಪಕ್ಷದ ಅಧ್ಯಕ್ಷರಾದ ಬಳಿಕ ತಾವು ದೊಡ್ಡ ಹೊರೆಯಿಂದ ಮುಕ್ತರಾಗಿದ್ದಾಗಿ ಖರ್ಗೆ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು ಆಡಿದ್ದಾರೆ.

ಭಾರತದ ಮೊಬೈಲ್ ರಾಜನ ದುರಂತ ಅಂತ್ಯ! ₹12,000 ಕೋಟಿ ಸಾಮ್ರಾಜ್ಯದ ಮೈಕ್ರೋಮ್ಯಾಕ್ಸ್ ಕೇವಲ 4 ವರ್ಷದಲ್ಲಿ ಮುಳುಗಿದ್ದು ಯಾಕೆ?

Chandrashekar GS — Fri, 13 Nov 2026 09:15:58 +0530

ಒಂದು ಕಾಲದ ಮೊಬೈಲ್ ಸಾಮ್ರಾಜ್ಯ ಈಗ ಎಲ್ಲಿದೆ? ಮೈಕ್ರೋಮ್ಯಾಕ್ಸ್ ಪತನದ ಹಿಂದಿನ ರೋಚಕ ಕಥೆ!

ಒಂದು ಕಾಲದಲ್ಲಿ ಮೊಬೈಲ್ ಖರೀದಿಸಬೇಕು ಎಂದರೆ ನೋಕಿಯಾ, ಸ್ಯಾಮ್‌ಸಂಗ್ ಜೊತೆಗೆ ಭಾರತೀಯರ ಮನಸ್ಸಿಗೆ ಬರುತ್ತಿದ್ದ ಮತ್ತೊಂದು ಹೆಸರು ಮೈಕ್ರೋಮ್ಯಾಕ್ಸ್. ಕಡಿಮೆ ಬೆಲೆ, ಆಕರ್ಷಕ ಫೀಚರ್ಸ್ ಮತ್ತು ಭಾರತೀಯ ಗ್ರಾಹಕರ ಅಭಿರುಚಿಗೆ ತಕ್ಕ ಮೊಬೈಲ್‌ಗಳ ಮೂಲಕ ಈ ಕಂಪನಿ ದೊಡ್ಡ ಕ್ರಾಂತಿಯನ್ನೇ ಮಾಡಿತ್ತು. ಒಂದು ಹಂತದಲ್ಲಿ ಜಾಗತಿಕ ಬ್ರ್ಯಾಂಡ್‌ಗಳಿಗೂ ಪ್ರಬಲ ಪೈಪೋಟಿ ನೀಡಿದ್ದ ಮೈಕ್ರೋಮ್ಯಾಕ್ಸ್ ಇಂದು ಹಿಂದಿನ ವೈಭವವನ್ನು ಕಳೆದುಕೊಂಡಿದೆ. ಅಷ್ಟಕ್ಕೂ ಈ ಕಂಪನಿಯ ಏಳಿಗೆ ಮತ್ತು ಕುಸಿತದ ಹಿಂದಿನ ಕಥೆಯೇನು?

ಸಣ್ಣ ಪ್ರಯತ್ನದಿಂದ ಆರಂಭವಾದ ದೊಡ್ಡ ಸಾಮ್ರಾಜ್ಯ!

ರಾಹುಲ್ ಶರ್ಮಾ ಮತ್ತು ಅವರ ಸಹ ಸಂಸ್ಥಾಪಕರು 2000ರಲ್ಲಿ ಮೈಕ್ರೋಮ್ಯಾಕ್ಸ್‌ಗೆ ಚಾಲನೆ ನೀಡಿದರು. ಆರಂಭದಲ್ಲಿ ಐಟಿ ಉತ್ಪನ್ನಗಳ ವಿತರಣೆ ಮತ್ತು ತಂತ್ರಜ್ಞಾನ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದ ಕಂಪನಿ, ನಂತರ ಮೊಬೈಲ್ ಫೋನ್ ಮಾರುಕಟ್ಟೆಗೆ ಪ್ರವೇಶಿಸಿತು.

ಕಡಿಮೆ ಬೆಲೆಗೆ ಹೆಚ್ಚು ಸೌಲಭ್ಯಗಳನ್ನು ನೀಡುವ ಫೋನ್‌ಗಳನ್ನು ಪರಿಚಯಿಸಿದ ಮೈಕ್ರೋಮ್ಯಾಕ್ಸ್, ವಿಶೇಷವಾಗಿ ಮಧ್ಯಮ ವರ್ಗದ ಗ್ರಾಹಕರನ್ನು ಸೆಳೆಯಿತು. ಡ್ಯುಯಲ್ ಸಿಮ್ ಫೋನ್‌ಗಳು, ದೊಡ್ಡ ಬ್ಯಾಟರಿ ಮತ್ತು ಆಕರ್ಷಕ ವಿನ್ಯಾಸದ ಮೊಬೈಲ್‌ಗಳ ಮೂಲಕ ಬಹುಬೇಗ ಜನಪ್ರಿಯವಾಯಿತು. 2014ರ ವೇಳೆಗೆ ಭಾರತದ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಸುಮಾರು ಶೇ.19ರಷ್ಟು ಪಾಲನ್ನು ಹೊಂದಿತ್ತು.

₹10 ಸಾವಿರ ಕೋಟಿ ವಹಿವಾಟು, ₹21 ಸಾವಿರ ಕೋಟಿ ಮೌಲ್ಯ!

ಮೈಕ್ರೋಮ್ಯಾಕ್ಸ್ ಯಶಸ್ಸು ಎಷ್ಟರಮಟ್ಟಿಗೆ ಇತ್ತು ಎಂದರೆ, 2014-15ರ ಆರ್ಥಿಕ ವರ್ಷದಲ್ಲಿ ಕಂಪನಿಯ ಆದಾಯ ಸುಮಾರು ₹10,451 ಕೋಟಿ ತಲುಪಿತ್ತು. 2015ರಲ್ಲಿ ಕಂಪನಿಯ ಮೌಲ್ಯ ಸುಮಾರು ₹21,000 ಕೋಟಿ ಎಂದು ಅಂದಾಜಿಸಲಾಗಿತ್ತು. ಅಂದರೆ ಸುಮಾರು 3.5 ಬಿಲಿಯನ್ ಡಾಲರ್! ಒಂದು ಭಾರತೀಯ ಮೊಬೈಲ್ ಬ್ರ್ಯಾಂಡ್ ಜಾಗತಿಕ ಮಟ್ಟದಲ್ಲಿ ಗುರುತಿಸಿಕೊಳ್ಳುತ್ತಿದ್ದ ಸಮಯವದು.

ಚೀನಾ ಕಂಪನಿಗಳ ಪ್ರವೇಶವೇ ದೊಡ್ಡ ಹೊಡೆತ!

ಆದರೆ 2015ರ ನಂತರ ಪರಿಸ್ಥಿತಿ ಬದಲಾಗತೊಡಗಿತು. ಶಿಯೋಮಿ, ವಿವೋ, ಒಪ್ಪೋ ಮತ್ತು ಲೆನೊವೊದಂತಹ ಚೀನಾದ ಕಂಪನಿಗಳು ಭಾರತೀಯ ಮಾರುಕಟ್ಟೆಗೆ ದೊಡ್ಡ ಮಟ್ಟದಲ್ಲಿ ಪ್ರವೇಶಿಸಿದವು. ಕಡಿಮೆ ಬೆಲೆಗೆ ಉತ್ತಮ ಕ್ಯಾಮೆರಾ, ವೇಗದ ಪ್ರೊಸೆಸರ್, ಉತ್ತಮ ವಿನ್ಯಾಸ ಮತ್ತು ಹೊಸ ತಂತ್ರಜ್ಞಾನ ನೀಡುವ ಮೂಲಕ ಗ್ರಾಹಕರನ್ನು ಸೆಳೆದವು.

ಇನ್ನೊಂದೆಡೆ ಮೈಕ್ರೋಮ್ಯಾಕ್ಸ್ ಹೊಸ ತಂತ್ರಜ್ಞಾನ ಮತ್ತು ಉತ್ಪನ್ನಗಳ ಅಭಿವೃದ್ಧಿಯಲ್ಲಿ ವೇಗ ಕಳೆದುಕೊಂಡಿತು. ಆರ್‌ಅಂಡ್‌ಡಿ, ಗುಣಮಟ್ಟ ಮತ್ತು ಬ್ರ್ಯಾಂಡ್ ನಿರ್ಮಾಣದಲ್ಲಿ ದೊಡ್ಡ ಹೂಡಿಕೆ ಮಾಡಲು ಸಾಧ್ಯವಾಗಲಿಲ್ಲ. ಆನ್‌ಲೈನ್ ಮಾರಾಟ ಮತ್ತು ಆಕ್ರಮಣಕಾರಿ ಮಾರ್ಕೆಟಿಂಗ್‌ನಲ್ಲೂ ಚೀನಾ ಕಂಪನಿಗಳು ಮುನ್ನಡೆ ಸಾಧಿಸಿದವು.

ಜಿಯೋ ಅಲೆಯೂ ಬದಲಿಸಿತು ಮೊಬೈಲ್ ಮಾರುಕಟ್ಟೆ!

ರಿಲಯನ್ಸ್ ಜಿಯೋ ಪ್ರವೇಶದ ನಂತರ ಅಗ್ಗದ ಡೇಟಾ ಮತ್ತು 4G ಸೇವೆಗಳು ಜನಸಾಮಾನ್ಯರಿಗೆ ತಲುಪಿದವು. ಗ್ರಾಹಕರ ಬೇಡಿಕೆ ವೇಗವಾಗಿ ಬದಲಾಯಿತು. 4G ಸ್ಮಾರ್ಟ್‌ಫೋನ್‌ಗಳತ್ತ ಮಾರುಕಟ್ಟೆ ತಿರುಗಿದಾಗ ಮೈಕ್ರೋಮ್ಯಾಕ್ಸ್ ವೇಗವಾಗಿ ಹೊಂದಿಕೊಳ್ಳಲು ವಿಫಲವಾಯಿತು. ಚೀನಾ ಕಂಪನಿಗಳ ಪೈಪೋಟಿಯ ಜೊತೆಗೆ ಈ ಬದಲಾವಣೆಯೂ ಅದರ ಕುಸಿತಕ್ಕೆ ಕಾರಣವಾಯಿತು.

2018-19ರ ವೇಳೆಗೆ ಕಂಪನಿಯ ಆದಾಯ ₹2,443 ಕೋಟಿಗೆ ಇಳಿದಿತ್ತು. ಸ್ಮಾರ್ಟ್‌ಫೋನ್ ಮಾರುಕಟ್ಟೆಯ ಪಾಲು 2014ರ ಸುಮಾರು ಶೇ.19ರಿಂದ 2019ರಲ್ಲಿ ಕೇವಲ ಶೇ.0.5ಕ್ಕೆ ಕುಸಿದಿತ್ತು.

ಮೈಕ್ರೋಮ್ಯಾಕ್ಸ್ ಸಂಪೂರ್ಣ ಕಣ್ಮರೆಯಾಯಿತೇ?

ಇಲ್ಲ. ಮೈಕ್ರೋಮ್ಯಾಕ್ಸ್ ಸಂಪೂರ್ಣವಾಗಿ ಮುಚ್ಚಿಹೋಗಿರಲಿಲ್ಲ. ಫೀಚರ್ ಫೋನ್‌ಗಳ ಮಾರಾಟ ಮುಂದುವರಿಸಿತ್ತು. 2020ರಲ್ಲಿ 'IN' ಸರಣಿಯ ಸ್ಮಾರ್ಟ್‌ಫೋನ್‌ಗಳೊಂದಿಗೆ ಮತ್ತೆ ಮಾರುಕಟ್ಟೆಗೆ ಮರಳಲು ಪ್ರಯತ್ನಿಸಿತು. ಆದರೆ ಹಿಂದಿನ ಜನಪ್ರಿಯತೆಯನ್ನು ಮರಳಿ ಪಡೆಯುವುದು ಸುಲಭವಾಗಲಿಲ್ಲ.

ಒಂದು ಕಾಲದಲ್ಲಿ ಭಾರತೀಯರ ಹೆಮ್ಮೆಯಾಗಿದ್ದ ಮೈಕ್ರೋಮ್ಯಾಕ್ಸ್ ಕಥೆ ಉದ್ಯಮ ಜಗತ್ತಿಗೆ ದೊಡ್ಡ ಪಾಠ. ಕೇವಲ ಕಡಿಮೆ ಬೆಲೆ ಮತ್ತು ಆರಂಭಿಕ ಯಶಸ್ಸು ಸಾಕಾಗುವುದಿಲ್ಲ; ಬದಲಾಗುವ ತಂತ್ರಜ್ಞಾನಕ್ಕೆ ತಕ್ಕಂತೆ ನಿರಂತರವಾಗಿ ಹೊಸತನ ಅಳವಡಿಸಿಕೊಳ್ಳಬೇಕು. ಇಲ್ಲದಿದ್ದರೆ ಮಾರುಕಟ್ಟೆಯ ರಾಜನೂ ಕೆಲವೇ ವರ್ಷಗಳಲ್ಲಿ ತನ್ನ ಸಾಮ್ರಾಜ್ಯ ಕಳೆದುಕೊಳ್ಳಬಹುದು!

ಚಳಿಗಾಲದಲ್ಲಿ ಹೃದಯ, ಮೆದುಳಿನ ಆರೋಗ್ಯಕ್ಕೆ ದಿನಕ್ಕೆ ಎಷ್ಟು ವಾಲ್‌ನಟ್ ತಿನ್ನಬೇಕು?

Ravi Janekal — Fri, 13 Nov 2026 08:58:21 +0530

Walnut benefits in kannada: ಚಳಿಗಾಲದಲ್ಲಿ ಪ್ರತಿದಿನ ವಾಲ್‌ನಟ್ ತಿನ್ನೋದ್ರಿಂದ ಹಲವು ಆರೋಗ್ಯಕರ ಪ್ರಯೋಜನಗಳಿವೆ. ವಾಲ್‌ನಲ್ಲಿ ಹೆಲ್ತೀ ಫ್ಯಾಟ್, ಫೈಬರ್, ಪ್ರೊಟೀನ್ ರೋಗ ನಿರೋಧಕ ಶಕ್ತಿ ಸಮೃದ್ಧವಾಗಿರೋದ್ರಿಂದ ಹೃದಯ ಮತ್ತು ಮೆದುಳಿನ ಆರೋಗ್ಯಕ್ಕೆ ವಾಲ್ನಟ್ ತಿನ್ನುವುದು ತುಂಬಾ ಮುಖ್ಯ. ಆದರೆ ದಿನಕ್ಕೆ ಎಷ್ಟು ಪ್ರಮಾಣದಲ್ಲಿ ತಿನ್ನಬೇಕು ಎಂಬುದು ಬಹುತೇಕರಿಗೆ ತಿಳಿದಿಲ್ಲ. ಅವು ಯಾರು ತಿನ್ನಬಹುದು, ಯಾರು ತಿನ್ನಬಾರದು, ಯಾವಾಗ ಎಷ್ಟು ಪ್ರಮಾಣದಲ್ಲಿ ತಿನ್ನಬೇಕು ಅನ್ನೋದನ್ನು ಇಲ್ಲಿ ತಿಳಿಸಲಾಗಿದೆ.

ವಾಲ್ನಟ್‌ನಲ್ಲಿಒಮೆಗಾ-3 ಕೊಬ್ಬಿನಾಮ್ಲ, ರೋಗ ನಿರೋಧಕಗಳು ಮೆದುಳಿನ ಆರೋಗ್ಯಕ್ಕೆ ತುಂಬಾ ಮುಖ್ಯ. ಅದರಲ್ಲೂ ನಿಮ್ಮ ಸ್ಮರಣಶಕ್ತಿ ಮತ್ತು ಏಕಾಗ್ರತೆಯತೆ ಹೆಚ್ಚಿಸಲು, ಮಾನಸಿಕ ಆರೋಗ್ಯಕ್ಕೆ ನಿಯಮಿತವಾಗಿ ವಾಲ್‌ನಟ್ ತಿನ್ನುವುದು ಒಳ್ಳೆಯದು.

ವಿಶೇಷ ಅಂದ್ರೆ ವಾಲ್‌ನಟ್ ಹೆಚ್ಚಿನ ಕ್ಯಾಲೋರಿ ಹೊಂದಿದ್ರೂ ಕೂಡ ಅವುಗಳಲ್ಲಿ ಫೈಬರ್, ಪ್ರೊಟೀನ್, ಹೆಲ್ತಿ ಫ್ಯಾಟ್ ಯೆಥೇಚ್ಛವಾಗಿರೋದ್ರಿಂದ ಹೊಟ್ಟೆ ತುಂಬಿದ ಫೀಲ್ ನೀಡುತ್ತೆ. ಇದರಿಂದ ಜಂಕ್ ಫುಡ್ ಅಥವಾ ಪದೇಪದೆ ತಿಂಡಿ ತಿನ್ನುವುದನ್ನ ತಪ್ಪಿಸುತ್ತೆ.

ಇಂದು ಹೆಚ್ಚಿನವರಿಗೆ ಕೂದಲುವ ಸಮಸ್ಯೆ. ವಾಲ್‌ನಟ್ ತಿನ್ನೋದರಿಂದ ಕೂದಲಿನ ಆರೋಗ್ಯಕ್ಕೆ ಒಳ್ಳೆಯದು. ನಿಯಮಿತವಾಗಿ ವಾಲ್‌ನಟ್ ತಿನ್ನೋದರಿಂದ ಕೂದಲು ಉದುರುವ ಸಮಸ್ಯೆ ನಿಲ್ಲುತ್ತೆ ಅಲ್ಲದೆ ವೇಗವಾಗಿ ಕೂದಲು ಬೆಳೆಯುತ್ತೆ. ಆದರೂ ಇದು ಪ್ರತಿಯೊಬ್ಬರಿಗೂ ಬೆಳೆಯುತ್ತೆ ಎಂದು ಹೇಳಲಾಗುವುದಿಲ್ಲ.

ವಾಲ್‌ನಟ್‌ನಲ್ಲಿ ವಿಟಮಿನ್ ಇ ಸಮೃದ್ಧವಾಗಿದೆ. ಇದರಿಂದಾಗಿ ಚಳಿಗಾಲದಲ್ಲಿ ಚರ್ಮವನ್ನು ರಕ್ಷಿಸುತ್ತೆ. ಪ್ರತಿದಿನ ವಾಲ್ನಟ್ ತಿನ್ನುವುದುರಿಂದ ಚರ್ಮದ ಆರೋಗ್ಯಕ್ಕೆ ತುಂಬಾ ಪ್ರಯೋಜನ. ಅದರಲ್ಲೂ ವಾಲ್‌ನಟ್‌ನಲ್ಲಿ ಆಂಟಿಆಕ್ಸಿಡೆಂಟ್ ಹೊಂದಿದ್ದು ಜೀವಕೋಶಗಳಿಗೆ ಹಾನಿಯಾಗೋದನ್ನ ತಡೆಯುತ್ತೆ.

ಮೆದುಳು, ಚರ್ಮ, ಕೂದಲಿನ ಆರೋಗ್ಯಕ್ಕಾಗಿ ವಾಲ್‌ನಟ್ ತಿನ್ನೋದು ಒಳ್ಳೆಯದು. ಆದರೆ ತಿನ್ನುವ ಪ್ರಮಾಣ ತಿಳಿದುಕೊಳ್ಳುವುದು ತುಂಬಾ ಮುಖ್ಯ. ದಿನಕ್ಕೆ ಎಷ್ಟು ಪ್ರಮಾಣದಲ್ಲಿ ತಿನ್ನಬೇಕು ಎಂಬುದು ಬಹುತೇಕರಿಗೆ ತಿಳಿದಿಲ್ಲ. ಆರೋಗ್ಯಕರವಾಗಿ ನೀವು ದಿನಕ್ಕೆ ಎರಡು ವಾಲ್ನಟ್ ಅಥವ ಮೂರು ತಿನ್ನಬಹುದು. ಹೆಚ್ಚು ತಿಂದಷ್ಟು ಹೆಚ್ಚು ಆರೋಗ್ಯಕರ ಎಂದು ತಿಂದರೆ ತೂಕ ಹೆಚ್ಚಾಗಬಹುದು. ಅಥವಾ ಜೀರ್ಣಕ್ರಿಯೆ ಸಮಸ್ಯೆಗೆ ಕಿರಿಕಿರಿಯಾಗಬಹುದು.

ಕೆಲವರಿಗೆ ಸೀಡ್ಸ್ ತಿನ್ನುವುದರಿಂದ ಅಲರ್ಜಿ ಆಗುತ್ತೆ. ಅಂಥವರು ವಾಲ್‌ನಟ್ ತಿನ್ನಬಾರದು. ಇನ್ನು ಮಧುಮೇಹ ಇರೋರು, ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುವವರು, ಕ್ಯಾಲೊರಿ ಗಮನದಲ್ಲಿಟ್ಟುಕೊಂಡು ನಿಯಮಿತವಾಗಿ ತಿನ್ನಬೇಕು. ಆದರೆ ಅತಿಯಾದರೆ ಅಮೃತವೂ ವಿಷ ಅಂತಾರಲ್ಲ ಹಾಗೆ ಹೆಚ್ಚು ವಾಲ್ನಟ್ ತಿನ್ನೊದು ಕೂಡ ಒಳ್ಳೆಯದಲ್ಲ. ಪ್ರತಿದಿನ ನಿಯಮಿತವಾಗಿ ಎರಡು ಅಥವಾ ಮೂರು ತಿನ್ನಿ. ಆರೋಗ್ಯಕ್ಕೆ ಒಳ್ಳೆಯದು.

Bengaluru woman: ಅಮೆರಿಕದ 161 ಕಿ.ಮೀ. ಟ್ರಯಲ್ ಓಟದಲ್ಲಿ ಬೆಂಗಳೂರಿನ ಅಶ್ವಿನಿ ಐತಿಹಾಸಿಕ ಸಾಧನೆ!

Bhimasi M Koleppanavar — Fri, 13 Nov 2026 08:34:32 +0530

ಅಮೆರಿಕದ ಕ್ಯಾಲಿಫೋರ್ನಿಯಾ ರಾಜ್ಯದಲ್ಲಿ ನಡೆದ ಅತ್ಯಂತ ಕಠಿಣ ಹಾಗೂ ಸವಾಲಿನ ಕ್ರೀಡಾ ಸ್ಪರ್ಧೆಯೊಂದರಲ್ಲಿ ಭಾರತದ ಹೆಮ್ಮೆಯ ಅಥ್ಲೀಟ್, ಬೆಂಗಳೂರು ಮೂಲದ 40 ವರ್ಷ ವಯಸ್ಸಿನ ಅಶ್ವಿನಿ ಗಣಪತಿ ಅವರು ಅತ್ಯದ್ಭುತ ಪ್ರದರ್ಶನ ನೀಡುವ ಮೂಲಕ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಬೃಹತ್ ಸಾಧನೆ ಮಾಡಿದ್ದಾರೆ. ಕ್ಯಾಲಿಫೋರ್ನಿಯಾ ರಾಜ್ಯದ ಸ್ಯಾಕ್ರಮೆಂಟೊ ನಗರದ ಸಮೀಪವಿರುವ ಫೋಲ್ಸಮ್ ನಗರದಲ್ಲಿ ಕಳೆದ ನವೆಂಬರ್ 7ರಂದು ಆಯೋಜಿಸಲಾಗಿದ್ದ ಪ್ರಸಿದ್ಧ ರಿಯೊ ಡೆಲ್ ಲಾಗೊ ೧೦೦ ಮೈಲಿ (161 ಕಿಲೋಮೀಟರ್) ಸುದೀರ್ಘ ಮೌಂಟೇನ್ ಟ್ರೈಲ್ ರನ್ನಿಂಗ್ ಸ್ಪರ್ಧೆಯಲ್ಲಿ ಅಶ್ವಿನಿ ಗಣಪತಿ ಅವರು ತಮ್ಮ ವಯೋವಿಭಾಗದಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿ ಪ್ರಮುಖ ಮೂರನೇ ಸ್ಥಾನವನ್ನು ಅತ್ಯಂತ ಯಶಸ್ವಿಯಾಗಿ ತಮ್ಮದಾಗಿಸಿಕೊಂಡಿದ್ದಾರೆ.

ಸಾಧನೆಯ ಮೈಲುಗಲ್ಲು!

ಅತ್ಯಂತ ಶ್ರಮದಾಯಕ ಹಾಗೂ ಏರಿಳಿತಗಳಿಂದ ಕೂಡಿದ್ದ ಪರ್ವತ ಪ್ರದೇಶದ ಹಾದಿಯಲ್ಲಿ ನಡೆದ ಈ ಅಲ್ಟ್ರಾ ಓಟವನ್ನು ಅಶ್ವಿನಿ ಗಣಪತಿ ಅವರು ಒಟ್ಟು 26 ಗಂಟೆ 03 ನಿಮಿಷಗಳಲ್ಲಿ ಯಶಸ್ವಿಯಾಗಿ ಪೂರ್ಣಗೊಳಿಸಿ ಈ ಸಾಧನೆಯ ಮೈಲಿಗಲ್ಲನ್ನು ತಲುಪಿದ್ದಾರೆ. ವಿಶ್ವದ ನಾನಾ ಭಾಗಗಳಿಂದ ಆಗಮಿಸಿದ್ದ ಒಟ್ಟು 350 ಪ್ರಮುಖ ಸ್ಪರ್ಧಿಗಳು ಭಾಗವಹಿಸಿದ್ದ ಈ ಸುದೀರ್ಘ ಕ್ರೀಡಾಕೂಟದಲ್ಲಿ, ಅಶ್ವಿನಿ ಅವರು ಒಟ್ಟಾರೆ ಸ್ಪರ್ಧಿಗಳ ವಿಭಾಗದಲ್ಲಿ 79ನೇ ಸ್ಥಾನ ಪಡೆದುಕೊಂಡಿದ್ದಾರೆ. ಇದರೊಂದಿಗೆ ಈ ಸ್ಪರ್ಧೆ ಅಖಾಡದಲ್ಲಿದ್ದ ಒಟ್ಟು 100 ಜನ ಮಹಿಳಾ ಅಥ್ಲೀಟ್‌ಗಳ ಪೈಕಿ 17ನೇ ಅತ್ಯುತ್ತಮ ಸ್ಥಾನ ತಮ್ಮದಾಗಿಸಿಕೊಂಡು ಕನ್ನಡಿಗರ ಹಾಗೂ ಇಡೀ ಭಾರತದ ಕೀರ್ತಿಯನ್ನು ಅಂತರರಾಷ್ಟ್ರೀಯ ಕ್ರೀಡಾ ಅಖಾಡದಲ್ಲಿ ಉನ್ನತ ಮಟ್ಟಕ್ಕೇರಿಸಿದ್ದಾರೆ.

ಸ್ಪರ್ಧೆಯ ಕಠಿಣ ಸವಾಲುಗಳು!

ರಿಯೊ ಡೆಲ್ ಲಾಗೊ 100 ಮೈಲಿ ಟ್ರಯಲ್ ಓಟವು ಸಾಮಾನ್ಯ ಸಮತಟ್ಟು ರಸ್ತೆ ಓಟವಾಗಿರದೆ, ಕಡಿದಾದ ಪರ್ವತ ಪ್ರದೇಶಗಳು, ಏರಿಳಿತದ ನೈಸರ್ಗಿಕ ಹಾದಿಗಳು ಮತ್ತು ದುರ್ಗಮ ಕಲ್ಲು-ಬಂಡೆಗಳ ಹಾದಿಗಳಲ್ಲಿ ನಡೆಯುವ ಅತ್ಯಂತ ಶ್ರಮದಾಯಕ ಅಲ್ಟ್ರಾ ಟ್ರಯಲ್ ಸ್ಪರ್ಧೆಯಾಗಿದೆ. ಈ ಸುದೀರ್ಘ ಸ್ಪರ್ಧೆಯನ್ನು ಪೂರ್ಣಗೊಳಿಸಲು ಆಯೋಜಕರು ಒಟ್ಟು ೩೦ ಗಂಟೆಗಳ ಅಂತಿಮ ಕಾಲಮಿತಿಯನ್ನು ಕಟ್ಟುನಿಟ್ಟಾಗಿ ನಿಗದಿಪಡಿಸಿದ್ದರು. ೩೦ ಗಂಟೆಗಳ ಒಳಗೆ ಓಟ ಮುಗಿಸುವುದು ಪ್ರತಿಯೊಬ್ಬ ಸ್ಪರ್ಧಿಗೂ ಕಡ್ಡಾಯವಾಗಿತ್ತು.

ಗಮನಾರ್ಹ ಸಾಧನೆ!

ಕೇವಲ ಅಂತಿಮ ಕಾಲಮಿತಿ ಮಾತ್ರವಲ್ಲದೆ, ಇಡೀ 161 ಕಿಲೋಮೀಟರ್ ದೂರದ ಮೌಂಟೇನ್ ಟ್ರೈಲ್ ರನ್ನಿಂಗ್ ಒಟ್ಟು 7 ಚೆಕ್‌ಪಾಯಿಂಟ್ಸ್ ಸ್ಥಾಪಿಸಿ, ಪ್ರತಿಯೊಂದು ಚೆಕ್‌ಪಾಯಿಂಟ್‌ನಲ್ಲೂ ಕಡ್ಡಾಯವಾದ ಕಾಲಮಿತಿ ನಿಗದಿಪಡಿಸಲಾಗಿತ್ತು. ನಿಗದಿತ ಸಮಯದೊಳಗೆ ಈ ಮಧ್ಯಂತರ ಹಂತ ತಲುಪಲು ವಿಫಲರಾದ ಸ್ಪರ್ಧಿಗಳಿಗೆ ಮುಂದಿನ ಓಟ ಮುಂದುವರಿಸಲು ಅವಕಾಶ ನೀಡಲಾಗುತ್ತಿರಲಿಲ್ಲ. ಅಲ್ಲದೇ ಅವರನ್ನು ತಕ್ಷಣವೇ ಸ್ಪರ್ಧೆಯಿಂದ ಹೊರಗಿಡಲಾಗುತ್ತಿತ್ತು. ಇಂತಹ ಅತ್ಯಂತ ಕಟ್ಟುನಿಟ್ಟಿನ ನಿಯಮಗಳು ಮತ್ತು ಕಠಿಣ ಕಾಲಮಿತಿಯ ಸವಾಲಿನ ನಡುವೆ ಸ್ಪರ್ಧೆಗೆ ಇಳಿದಿದ್ದ ಒಟ್ಟು 350 ಅತ್ಯುನ್ನತ ಸ್ಪರ್ಧಿಗಳ ಪೈಕಿ ಕೇವಲ 194 ಮಂದಿ ಮಾತ್ರ ಓಟ ಯಶಸ್ವಿಯಾಗಿ ಪೂರ್ಣಗೊಳಿಸಲು ಸಾಧ್ಯವಾಯಿತು. ಇನ್ನುಳಿದ ಸ್ಪರ್ಧಿಗಳು ಸಮಯದ ಮಿತಿ ದಾಟಲಾಗದೆ ಪೂರ್ಣಗೊಳಿಸಲು ಸಾಧ್ಯವಾಗಲಿಲ್ಲ. ಇಂತಹ ಕಠಿಣ ಸವಾಲನ್ನು ಅತ್ಯಂತ ಯಶಸ್ವಿಯಾಗಿ ಮೆಟ್ಟಿ ನಿಂತ ಅಶ್ವಿನಿ ಗಣಪತಿ ಅವರು ನಿಗದಿತ 30 ಗಂಟೆಗಳ ಕಾಲಮಿತಿಗಿಂತ ಸಾಕಷ್ಟು ಮುಂಚಿತವಾಗಿಯೇ, ಅಂದರೆ 26 ಗಂಟೆ 3 ನಿಮಿಷಗಳಲ್ಲೇ ಗುರಿ ತಲುಪಿ ಈ ಗಮನಾರ್ಹ ಸಾಧನೆ ಮಾಡಿದ್ದಾರೆ.

ಸಹಾಯಕರಿಲ್ಲದೆ ಸಾಧಿಸಿದ ಅಪೂರ್ವ ಸ್ವತಂತ್ರ ಸಾಹಸ!

ಈ ಸ್ಪರ್ಧೆಯಲ್ಲಿ ಅಶ್ವಿನಿ ಗಣಪತಿ ಅವರ ಸಾಧನೆಯು ಮತ್ತಷ್ಟು ವಿಸ್ಮಯಕಾರಿಯಾಗಿ ಹಾಗೂ ವಿಶಿಷ್ಟವಾಗಿ ಮೂಡಿಬರಲು ಅವರ ಸ್ವತಂತ್ರ ಓಟದ ಶೈಲವೇ ಮುಖ್ಯ ಕಾರಣವಾಗಿದೆ. ಸಾಧಾರಣವಾಗಿ ೧೦೦ ಮೈಲಿಗಳಂತಹ ಅತ್ಯಂತ ಸುದೀರ್ಘ, ಶ್ರಮದಾಯಕ ಮತ್ತು ಹಗಲು-ರಾತ್ರಿ ನಡೆಯುವ ಅಲ್ಟ್ರಾ ಟ್ರಯಲ್ ಓಟಗಳಲ್ಲಿ ಸ್ಪರ್ಧಿಗಳಿಗೆ ಅಗತ್ಯ ಆಹಾರ, ನೀರು ಮತ್ತು ವೈದ್ಯಕೀಯ ನೆರವು ನೀಡಲು ವೈಯಕ್ತಿಕ ಸಹಾಯಕ ತಂಡ ಹಾಗೂ ಓಟದ ವೇಗ, ಮಾರ್ಗದರ್ಶನ ಮತ್ತು ಮನೋಬಲ ತುಂಬಲು ಸಹ ಓಟಗಾರರು ಜೊತೆಯಲ್ಲಿರುತ್ತಾರೆ. ಆದರೆ, ಅಶ್ವಿನಿ ಗಣಪತಿ ಅವರು ಯಾವುದೇ ರೀತಿಯ ವೈಯಕ್ತಿಕ ಸಹಾಯಕ ತಂಡ ಅಥವಾ ಸಹ ಓಟಗಾರರ ಬೆಂಬಲ ಮತ್ತು ನೆರವಿಲ್ಲದೆ, ಸಂಪೂರ್ಣ ೧೬೧ ಕಿಲೋಮೀಟರ್ ಸುದೀರ್ಘ ಹಾಗೂ ಕಷ್ಟಕರವಾದ ಪರ್ವತ ಹಾದಿಯನ್ನು ಸಂಪೂರ್ಣವಾಗಿ ಸ್ವತಂತ್ರವಾಗಿ ಕ್ರಮಿಸಿದ್ದಾರೆ. ತಮ್ಮ ಸ್ವಂತ ದೈಹಿಕ ಶಕ್ತಿ, ಕಠಿಣ ಪರಿಶ್ರಮ, ಸ್ವಯಂ ಶಿಸ್ತು ಮತ್ತು ಅಚಲ ಮನೋಬಲದಿಂದ ಇಡೀ ದೂರವನ್ನು ಪೂರ್ಣಗೊಳಿಸಿ ಕ್ರೀಡಾಲೋಕದಲ್ಲಿ ಪ್ರಶಂಸೆಗೆ ಪಾತ್ರರಾಗಿದ್ದಾರೆ.

ಅಶ್ವಿನಿ ಅವರ ಕ್ರೀಡಾ ಪಯಣ ಮತ್ತು ಮಲೇಷ್ಯಾದ ಹಿಂದಿನ ಯಶಸ್ಸು!

40 ವರ್ಷ ವಯಸ್ಸಿನ ಅಶ್ವಿನಿ ಗಣಪತಿ ಅವರಿಗೆ ಇದು ಮೂರನೇ (3ನೇ) 100 ಮೈಲಿ ಟ್ರಯಲ್ ಓಟದ ಸ್ಪರ್ಧೆಯಾಗಿದ್ದು, ಪ್ರಸಕ್ತ ವರ್ಷದಲ್ಲೇ (ಈ ವರ್ಷದಲ್ಲಿ) ಅವರು ಯಶಸ್ವಿಯಾಗಿ ಪೂರ್ಣಗೊಳಿಸಿದ ಎರಡನೇ 100 ಮೈಲಿ ಓಟದ ಸ್ಪರ್ಧೆಯಾಗಿದೆ. ಇದಕ್ಕೂ ಮುನ್ನ ಇದೇ ವರ್ಷದ ಮೇ ತಿಂಗಳಲ್ಲಿ ಮಲೇಷ್ಯಾದಲ್ಲಿ ಆಯೋಜಿಸಲಾಗಿದ್ದ 100 ಮೈಲಿ ಸುದೀರ್ಘ ಅಲ್ಟ್ರಾ ಟ್ರಯಲ್ ಸ್ಪರ್ಧೆಯಲ್ಲೂ ಅಶ್ವಿನಿ ಗಣಪತಿ ಅವರು ಅತ್ಯದ್ಭುತ ಯಶಸ್ಸು ಕಂಡಿದ್ದರು. ಮಲೇಷ್ಯಾದ ಆ ಸ್ಪರ್ಧೆಯಲ್ಲಿ ಮಹಿಳೆಯರ ಒಟ್ಟಾರೆ ವಿಭಾಗದಲ್ಲಿ ದ್ವಿತೀಯ (2ನೇ) ಸ್ಥಾನ ಗಳಿಸಿದ್ದ ಅಶ್ವಿನಿ, ತಮ್ಮ ವಯೋವಿಭಾಗದಲ್ಲಿ ಪ್ರಥಮ (1ನೇ) ಸ್ಥಾನ ಪಡೆದು ಅತ್ಯುನ್ನತ ಸಾಧನೆ ಮಾಡಿದ್ದರು. ಇದೀಗ ಅಮೆರಿಕದ ಸ್ಯಾಕ್ರಮೆಂಟೊ ಸಮೀಪದ ಫೋಲ್ಸಮ್ ನಗರದ ರಿಯೊ ಡೆಲ್ ಲಾಗೊ ಸ್ಪರ್ಧೆಯಲ್ಲಿ ಲಭಿಸಿದ ಈ ನೂತನ ಯಶಸ್ಸು ಅವರ ಕ್ರೀಡಾ ಪಯಣಕ್ಕೆ ಮತ್ತೊಂದು ಪ್ರಮುಖ ಮೈಲಿಗಲ್ಲಾಗಿ ದಾಖಲಾಗಿದೆ.

Asianet Suvarna News

14 ಕೋಟಿ ಜನ ಅನರ್ಹವಾದ್ರೆ 2024ರ ಚುನಾವಣೆ ನ್ಯಾಯವೇ?: ಚುನಾವಣಾ ಆಯೋಗ, ಬಿಜೆಪಿ ವಿರುದ್ಧ ರಾಹುಲ್ ಹೊಸ ಬಾಂಬ್!

14 ಕೋಟಿ ಮತಗಳು ಅನರ್ಹವಾದರೆ 2024ರ ಚುನಾವಣೆ ಹೇಗೆ ನ್ಯಾಯಯುತವಾಗಿರುತ್ತದೆ?

ಭಾರತವು ಪ್ರಜಾಪ್ರಭುತ್ವವಾಗಿ ಉಳಿಯುವುದು ನಮಗೆ ಮುಖ್ಯ

Bangle Designs: ರೇಷ್ಮೆ ಸೀರೆಗೆ ಈ ಬಳೆಗಳು ಸೂಪರ್ ಮ್ಯಾಚ್; ಹಬ್ಬ, ಮದುವೆಗೆ ಟ್ರೆಂಡಿ ಡಿಸೈನ್‌ಗಳಿವು!

RCB ಮಾಜಿ ಸ್ಟಾರ್‍‌ಗೆ ಸರಿಯಾದ ನೆಲೆಯೇ ಸಿಕ್ಕಿಲ್ಲ, ಈಗ SRH ತಂಡದಿಂದ ಗುಜರಾತ್‌ಗೆ ₹4 ಕೋಟಿಗೆ ಮಾರಾಟ

ಹೇಗಿದೆ ಹರ್ಷಲ್ ಪಟೇಲ್ ಪ್ರದರ್ಶನ?

ಹೊಸ ಕ್ಯಾಬಿನ್ ಮತ್ತು ಆಕರ್ಷಕ ಡ್ಯಾಶ್‌ಬೋರ್ಡ್ ವಿನ್ಯಾಸ

ಇನ್ನು ಕ್ರೆಟಾದಲ್ಲೂ ಸಿಗಲಿದೆ 'ಎಲೆಕ್ಟ್ರಿಕ್ ಬಾಸ್ ಮೋಡ್'!

ಗ್ಲೋಬಲ್ K3 ಪ್ಲಾಟ್‌ಫಾರ್ಮ್ ಮತ್ತು ಲೆವೆಲ್-2 ADAS ಸುರಕ್ಷತೆ

ಹೊಸ ಹೈಬ್ರಿಡ್ ಎಂಜಿನ್ ಸೇರ್ಪಡೆ – 2027ರಲ್ಲಿ ಬಿಡುಗಡೆ

'ಮರೆತುಬಿಟ್ಟೆ ಅನ್ಸುತ್ತೆ ಸರ್' ರೋಹಿತ್ ಶರ್ಮಾನ ಕಾಪಿ ಮಾಡಿದ ವೈಭವ್ ಸೂರ್ಯವಂಶಿ

ಆಗಿದ್ದೇನು?

ಇಲ್ಲಿ ರೋಹಿತ್ ಯಾಕೆ ಬಂದರು?

ಪಂದ್ಯ ಏನಾಯ್ತು?

ಜೆನ್ಸನ್ ಹುವಾಂಗ್ ಅನೈತಿಕ ಸಂಬಂಧದ ಸುಂಟರಗಾಳಿಗೆ ಸಿಲುಕಿದ Nvidia, ಐದೇ ದಿನದಲ್ಲಿ 54 ಲಕ್ಷ ಕೋಟಿ ನಷ್ಟ

S&P 500 ಸೂಚ್ಯಂಕದ 96% ಕಂಪನಿಗಳ ಮೌಲ್ಯಕ್ಕಿಂತ ದೊಡ್ಡ ನಷ್ಟ!

ಚೀನಾದ ಶಂಕಿತ ಗೂಢಚಾರಿಣಿಯೊಂದಿಗೆ ಸಂಬಂಧ – ಸಿಇಒ ಹುದ್ದೆಯಿಂದ ಹುವಾಂಗ್ ವಜಾ

ಅಮೆರಿಕ ಕಾಂಗ್ರೆಸ್ ಮುಂದೆ ಸಾಕ್ಷ್ಯ ಹೇಳಲಿರುವ ಹುವಾಂಗ್ – ನ. 17ಕ್ಕೆ ತ್ರೈಮಾಸಿಕ ಫಲಿತಾಂಶ

ತಾಯಿಯಾಗುವ ಸಂಭ್ರಮದಲ್ಲಿರುವ ‘ಸಂಘರ್ಷ’ ನಟಿ ತೇಜಸ್ವಿನಿ ಆಚಾರ್ ಅದ್ದೂರಿ ಸೀಮಂತ

ತಾಯಿಯಾಗುವ ಸಂಭ್ರಮದಲ್ಲಿ ನಟಿ ತೇಜಸ್ವಿನಿ ಆಚಾರ್

ಏಳನೇ ತಿಂಗಳಲ್ಲಿ ಸೀಮಂತ

ಯಶ್ ನಟನೆಗೆ ಮನಸೋತ ಮಹೇಶ್ ಬಾಬು ಪುತ್ರ: ರಾಮಾಯಣಕ್ಕೆ ಕೊಟ್ಟ ರೇಟಿಂಗ್ ಬಗ್ಗೆ ಚರ್ಚೆ!

ಯಶ್ ನಟನೆಗೆ ಫಿದಾ ಆದ ಮಹೇಶ್ ಬಾಬು ಪುತ್ರ!

3000 ವರ್ಷಗಳ ಹಿಂದೆ ಹೊಲದಲ್ಲಿ ಹೂತಿಟ್ಟಿದ್ದ ನಿಧಿ ಪತ್ತೆ, ಸಿಕ್ಕ ಮೂರು ಕೈಬಳೆಗಳು ಸಾಮಾನ್ಯದಲ್ಲ

ಹೇಗೆ ಪತ್ತೆ ಆದವು?

ಕ್ರಿಕೆಟರ್ ದೀಪಕ್ ಚಾಹರ್ ಮನೆಯಲ್ಲಿ ಶೀಘ್ರದಲ್ಲೇ ಮದುವೆ ಸಂಭ್ರಮ? ಸಹೋದರಿ ಮಾಲ್ತಿ ಜನ್ಮದಿನದಂದೇ ಸಿಕ್ತು ಸೂಚನೆ

ಗ್ಲಾಮರಸ್ ಅವತಾರದಲ್ಲಿ ಮಿಂಚಿದ ಮಾಲ್ತಿ ಚಾಹರ್

ಇದು ಅದಲ್ಲ.. ಧನುಷ್ 'ಓಂ' ಬಗ್ಗೆ ಎದ್ದಿದೆ ವಿವಾದ: ಶಿವಣ್ಣನ ಆ ಚಿತ್ರದ ಕಥೆಯನ್ನೇ ಬಳಸಿದ್ದಾರಾ?

ಸಿಸಿಟಿವಿ ದೃಶ್ಯ ಮತ್ತು ಪ್ರತ್ಯಕ್ಷದರ್ಶಿಯ ಸಾಕ್ಷ್ಯದಿಂದ ಬಯಲಾದ ಕಳ್ಳಾಟ

ಲಿಫ್ಟ್ ಶಾಫ್ಟ್ ಮೂಲಕ ಒಳನುಗ್ಗಿ 11 ಕೆಜಿ ಚಿನ್ನ, 1 ಕೆಜಿ ವಜ್ರ ದೋಚಿದ್ದರು!

ಚೆನ್ನೈಗೆ ಪರಾರಿಯಾಗಿರುವ ಯೂಟ್ಯೂಬರ್ ನಿಶಾಂತ್‌ಗಾಗಿ ತೀವ್ರ ಶೋಧ

ಆಸೆ ಧಾರಾವಾಹಿಯಿಂದ ಸೂರ್ಯ ಔಟ್? ನಿನಾದ್ ಹರಿತ್ಸಾ ದಿಢೀರ್ ಬ್ರೇಕ್ ಹಿಂದಿನ ಅಸಲಿ ಕಾರಣವೇನು?

ಸಾವಿನ ಅಂಚಿನಿಂದ ಮರಳಿ ಖಾಕಿ ತೊಟ್ಟ ಗಟ್ಟಿಗಿತ್ತಿಯ ರೋಚಕ ಕಥೆ!

ಕನಸುಗಳಿಗೆ ಕೊಳ್ಳಿ ಇಟ್ಟ ಪತಿ

ಎಂದಿಗೂ ಅಹಂಕಾರಕ್ಕೆ ಜಾಗ ನೀಡುವುದಿಲ್ಲ: ಅಹಂ ಬಗ್ಗೆ ನಟಿ ಶ್ರೀಲೀಲಾ ಕೊಟ್ರು ಸ್ಪಷ್ಟನೆ!

ಯಾರೊಂದಿಗೂ ಅಹಂ ಇಲ್ಲ

ನಮ್ಮ ಮೆಟ್ರೋ Yellow Line ಪ್ರಯಾಣಿಕರಿಗೆ ಗುಡ್‌ನ್ಯೂಸ್: ನ.16ರಿಂದ ಹೆಚ್ಚುವರಿ ರೈಲು ಸೇರ್ಪಡೆ, ಇನ್ನು ಪ್ರತಿ 5.5 ನಿಮಿಷಕ್ಕೊಮ್ಮೆ ರೈಲು

ಪರಿಷ್ಕೃತ ರೈಲು ಸಂಚಾರದ ಆವರ್ತನ ಹೇಗಿರಲಿದೆ?

ಮೊದಲ ಮತ್ತು ಕೊನೆಯ ರೈಲಿನ ಸಮಯದಲ್ಲಿ ಬದಲಾವಣೆ ಇಲ್ಲ

ನನ್ನ ಬಳಿ ಯಾರೂ ಫ್ಲರ್ಟ್ ಮಾಡಲ್ಲ, ಪ್ರಪೋಸ್ ಮಾಡಲ್ಲ: ನಟಿ ಶ್ರುತಿ ಹಾಸನ್ ಅಂದ್ರೆ ಭಯನಾ?

ಸಮಾಜದ ದೊಡ್ಡ ಸಮಸ್ಯೆಯೇ ನಿರ್ಲಕ್ಷ್ಯ!

ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಮೊಸರು ತಿಂದರೆ ಏನಾಗುತ್ತೆ? ಯಾರು ತಿನ್ನಬಾರದು? ಇಲ್ಲಿದೆ ನೋಡಿ ಎಲ್ಲಾ ಮಾಹಿತಿ

ಪಾಕಿಸ್ತಾನ ಬೌಲರ್‍‌ಗಳಿಗೆ ಅಟ್ಟಾಡಿಸಿ ಹೊಡೆದ ಸೆಹ್ವಾಗ್ ಪುತ್ರ, ಫೈನಲ್ ಮ್ಯಾಚ್‌ನಲ್ಲಿ ಆರ್ಯವೀರ್ ಗಳಿಸಿದ ಸ್ಕೋರ್ ಎಷ್ಟು?

ಹೇಗಿತ್ತು ಮ್ಯಾಚ್?

ಬೆಳಗ್ಗೆ ಅಲ್ಲ.. ರಾತ್ರಿ ಮೆಂತ್ಯ ನೀರು ಕುಡಿದರೆ ದೇಹದಲ್ಲಿ ಏನಾಗುತ್ತೆ? ಹಲವರಿಗೆ ಗೊತ್ತಿಲ್ಲದ ವಿಚಾರವಿದು!

ತೋಟದಲ್ಲಿ, ಪಾಟ್‌ನಲ್ಲಿ ಕಳೆ ಜಾಸ್ತಿ ಆಗಿದ್ಯಾ? ಕೀಳೋಕೆ ಟೈಮ್ ಇಲ್ವಾ? ಇಲ್ಲಿದೆ ರಟ್ಟಿನ ಬಾಕ್ಸ್ ಟ್ರಿಕ್

ಕಳೆ ಕೀಳುವಾಗ ಈ ಜಾಣ್ಮೆ ಇರಲಿ!

ಕಳೆಯನ್ನೇ ಮಣ್ಣಿನ ಗೊಬ್ಬರವಾಗಿಸಿ

ಕಳೆಗಳು ಮತ್ತೆ ತಲೆಯೆತ್ತದಂತೆ ಮಾಡುವ ‘ತಡೆಗೋಡೆ’ ಉಪಾಯಗಳು

ಅ19 ಫೈನಲ್ ಗೆಲುವಿನ ಸಂಭ್ರಮದಲ್ಲಿ ಪಾಕ್ ಜೊತೆ ಕಿರಿಕ್, ನಿಭಾಯಿಸಿದ ಭಾರತದ ಸ್ಟಾಫ್ ನಡೆಗೆ ಮೆಚ್ಚುಗೆ

ಏನಿದು ಕಿರಿಕ್?

ಅಸಲು ಬಡ್ಡಿ ಸಮೇತೆ ತಿರುಗಿಸಿ ನೀಡಿದ ಭಾರತ

OTTಗೆ ಎಂಟ್ರಿ ಕೊಟ್ಟ ‘ಜೈಲರ್ 2’: ಆದರೂ ರಜನಿಕಾಂತ್ ಅಭಿಮಾನಿಗಳಿಗೆ ನಿರಾಸೆ! ಕಾರಣವೇನು?

ಹೊಸ ಚರ್ಚೆ

ಮದುವೆಯಾದ ನಾಲ್ಕೇ ತಿಂಗಳಲ್ಲಿ ಅಭಿಮಾನಿಗಳಿಗೆ ಗುಡ್‌ನ್ಯೂಸ್‌ ನೀಡಿದ ನಟಿ ಶರ್ಮಿಳಾ ಮಾಂಡ್ರೆ!

ಜೈಪುರದ ಅರಮನೆಯಲ್ಲಿ ನಡೆದಿದ್ದ ಅದ್ದೂರಿ ವಿವಾಹ

ಹಿರಿಯ ನಟ ಗಿರಿಬಾಬು ಇನ್ನಿಲ್ಲ; ಚಿತ್ರರಂಗಕ್ಕೆ ಕೊಟ್ಟ ಕೊಡುಗೆ ಅಷ್ಟಿಷ್ಟಲ್ಲ, 600ಕ್ಕೂ ಅಧಿಕ ಸಿನಿಮಾಗಳ ಸರದಾರ!

ನಾಯಕನಿಂದ ಖಳನಾಯಕನವರೆಗೂ ವೈವಿಧ್ಯಮಯ ಪಾತ್ರಗಳ

ನಿರ್ದೇಶಕ ಮತ್ತು ನಿರ್ಮಾಪಕರಾಗಿಯೂ ಸಾಧನೆ

9/11ರ ಉಗ್ರ ದಾಳಿ ಬಳಿಕ ಅಮೆರಿಕ ಮತ್ತೊಮ್ಮೆ ಅಲ್ಲೋಲ-ಕಲ್ಲೋಲ: ಎಲ್ಲಾ ವಿಮಾನ ಸ್ಥಗಿತ- ವಿಶ್ವಾದ್ಯಂತ ಪರದಾಟ

ತಾಂತ್ರಿಕ ದೋಷ ಕಾರಣ

ಕೊನೆ ವಿಕೆಟ್, ಕೊನೆ ಓವರ್, ಕೊನೆ ಎಸೆತ, ಪಾಕ್ ವಿರುದ್ಧ ಭಾರತಕ್ಕೆ ಗೆಲುವು ಕೊಟ್ಟ ಮೋಹಿತ್ ಉಲ್ವಾ ಯಾರು

ಮೋಹಿತ್ ಹೋರಾಟ, ವೆಂಕಟ್ ಸಾಥ್

ಯಾರು ಈ ಮೋಹಿತ್ ಉಲ್ವಾ

'ಯಾವನೋ ಏಜೆಂಟ್ ಅಂತೆ, ಖಾರದಪುಡಿ ರೆಡಿ ಇದೆ' ಇನ್‌ಸ್ಟಾಗ್ರಾಮ್‌ನಲ್ಲಿ ರೊಚ್ಚಿಗೆದ್ದ ಜಾಹ್ನವಿ

ಜಹ್ನವಿ ಪೋಸ್ಟ್‌ನಲ್ಲಿ ಏನಿದೆ?

ಸ್ಕ್ರೀನ್ ಶಾಟ್‌ನಲ್ಲಿ ಏನಿದೆ?

'ನಾನು ಸತ್ತರೆ ನೋಡಲು ಬರುತ್ತೀಯಾ?" ಆ ಪ್ರಶ್ನೆ ಕೇಳಿದ್ದ ನಟಿ ಸಿಲ್ಕ್ ಸ್ಮಿತಾ ಅಂತ್ಯಕ್ರಿಯೆಗೆ ಹೋಗಿದ್ರಾ ಈ ಸ್ಟಾರ್?

ಸಿಲ್ಕ್ ಸ್ಮಿತಾ ಅಂತ್ಯಕ್ರಿಯೆಗೆ ಬಂದಿದ್ದು ನಟ ಅರ್ಜುನ್ ಸರ್ಜಾ ಮಾತ್ರ!

ಕೊನೆಯ ಪತ್ರದಲ್ಲಿ ಯಾರ ಹೆಸರನ್ನು ಪದೇ ಪದೆ ಉಲ್ಲೇಖಿಸಿದ್ದರು ಸಿಲ್ಕ್ ಸ್ಮಿತಾ?

ಪಾಕ್ ಸೊಕ್ಕು ಮುರಿದ ಮೋಹಿತ್ ಉಲ್ವಾ: ಲಾಸ್ಟ್‌ ಬಾಲ್‌ ಥ್ರಿಲ್ಲರ್‌ನಲ್ಲಿ ಏಷ್ಯಾ ಕಪ್ ಮುಡಿಗೇರಿಸಿಕೊಂಡ ಟೀಮ್‌ ಇಂಡಿಯಾ ಅಂಡರ್‌ 19

ಉಸ್ಮಾನ್ ಖಾನ್ ಶತಕ, ಪಾಕ್ 337 ರನ್‌ಗಳ ಬೃಹತ್ ಮೊತ್ತ

ನಾಯಕ ಲಕ್ಷ್ಯ, ಆರ್ಯವೀರ್, ಮನಲ್ ದಿಟ್ಟ ಹೋರಾಟ

ಕೊನೆಯ ಓವರ್‌ನ ಎದೆಬಡಿತ ಹೆಚ್ಚಿಸಿದ ಮ್ಯಾಚ್‌

ಅದ್ಯಾಕೆ ಕೆಲವರಿಗೆ ಮಾತ್ರ ಚಳಿಗಾಲದಲ್ಲಿ ತುಸು ಹೆಚ್ಚೇ ಚಳಿಯಾಗುತ್ತೆ?

Trendy Blouse Designs: ಸೀರೆ ಸುಂದರವಾಗಿ ಕಾಣಬೇಕೆಂದರೆ ಬ್ಲೌಸ್ ಹೀಗಿರಲಿ; ಈ ಡಿಸೈನ್‌ಗಳು ಸಖತ್ ಟ್ರೆಂಡಿಂಗ್!

ಪಾಕಿಸ್ತಾನದಲ್ಲೂ Ramayana Movie ಹವಾ: ಬ್ಯಾನರ್​ ಹಿಡಿದು ಪ್ರತಿಭಟನೆ- ಸಿನಿಮಾ ಬಿಡುಗಡೆಗೆ ಆಗ್ರಹ

ಪಾಕಿಸ್ತಾನದಲ್ಲಿ ಪ್ರತಿಭಟನೆ

ವಿವಾದ ಸೃಷ್ಟಿಸಿದ ಅಲ್ಪಸಂಖ್ಯಾತರ ಸೇನಾ ತರಬೇತಿಗೆ ರಾಜ್ಯ ಸರ್ಕಾರದ ಟೆಂಡರ್ ಆಹ್ವಾನ, VHP ಗರಂ

ಪಾಕಿಸ್ತಾನದಲ್ಲೂ Ramayana Movie ಹವಾ: ಬ್ಯಾನರ್ ಹಿಡಿದು ಪ್ರತಿಭಟನೆ- ಸಿನಿಮಾ ಬಿಡುಗಡೆಗೆ ಆಗ್ರಹ

ದರ್ಶನ್-ಪವಿತ್ರಾ ಗೌಡ ಕೋರ್ಟ್ನಲ್ಲಿ ಮಾಡಿಕೊಂಡ ಎಡವಟ್ಟಿನ ಬೆನ್ನಲ್ಲೇ ವಿಜಯಲಕ್ಷ್ಮಿ ಕುತೂಹಲದ ಪೋಸ್ಟ್

ಸೋನಿಯಾ ಗಾಂಧಿ ಜೀವನ ಚರಿತ್ರೆ ಈಗ ಟಾಲಿವುಡ್ ಸಿನಿಮಾ? ಹಣ ನೀಡಲು ಮನವಿ- ನಾಯಕ, ನಾಯಕಿ ಯಾರು

ಬಜೆಟ್ ಮೀಸಲಿಗೆ ಮನವಿ