Asianet Suvarna News

ಕೆಎಸ್‌ಆರ್‌ಟಿಸಿ ಗುಡ್ ನ್ಯೂಸ್: ಒಂದೇ ತಿಂಗಳಲ್ಲಿ ವಾಟ್ಸ್‌ಆ್ಯಪ್‌ನಲ್ಲೇ 15 ಲಕ್ಷ ಬಸ್ ಟಿಕೆಟ್ ಡೌನ್‌ಲೋಡ್!

Sathish Kumar KH — Fri, 23 Oct 2026 10:18:21 +0530

ವರದಿ- ಅಜೀಜಅಹ್ಮದ ಬಳಗಾನೂರ

ಹುಬ್ಬಳ್ಳಿ (ಅ.23): ರಾಜ್ಯದ ನಾಲ್ಕು ಸಾರಿಗೆ ಸಂಸ್ಥೆಗಳ ಸೇವೆಗಳನ್ನು ಒಂದೇ ವೇದಿಕೆಯಲ್ಲಿ ಒದಗಿಸುವ "ಒಂದು ಕರ್ನಾಟಕ ಮೊಬಿಲಿಟಿ (KSRTC AWATAR v2.0) ಆ್ಯಪ್‌"ಗೆ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ. ಬಸ್‌ ಟಿಕೆಟ್‌ಗಾಗಿ ಗಂಟೆಗಟ್ಟಲೆ ಕೌಂಟರ್‌ನಲ್ಲಿ ಸರದಿ ನಿಲ್ಲುವ ಸಮಸ್ಯೆಯಿಂದ ಮುಕ್ತಿ ದೊರೆತಂತಾಗಿದೆ.

2026ರ ಸೆ. 10ರಂದು ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ವಿಧಾನಸೌಧದಲ್ಲಿ ಚಾಲನೆ ನೀಡಿದ ಈ ಡಿಜಿಟಲ್‌ ಸೌಲಭ್ಯ, ಒಂದೇ ತಿಂಗಳಲ್ಲಿ 15 ಲಕ್ಷ ಟಿಕೆಟ್‌ ಡೌನ್‌ಲೋಡ್‌ ಕಂಡಿದೆ. ಈ ಅವಧಿಯಲ್ಲಿ 2.7 ಲಕ್ಷ ಸೀಟು ಕಾಯ್ದಿರಿಸಲಾಗಿದೆ.

ವಾಟ್ಸ್‌ಆ್ಯಪ್‌ನಲ್ಲೂ ಟಿಕೆಟ್‌:

ಮೊಬೈಲ್‌ ಆ್ಯಪ್‌ ಬಳಸುವ ಜತೆಗೆ ವಾಟ್ಸ್‌ಆ್ಯಪ್‌ ಮೂಲಕವೂ ಬಸ್‌ ಟಿಕೆಟ್‌ ಕಾಯ್ದಿರಿಸುವ ಸೌಲಭ್ಯ ಕಲ್ಪಿಸಲಾಗಿದೆ. ಆದರೆ, ಈ ವ್ಯವಸ್ಥೆ ಕೆಎಸ್‌ಆರ್‌ಟಿಸಿ, ವಾಯವ್ಯ ಕರ್ನಾಟಕ ಹಾಗೂ ಕಲ್ಯಾಣ ಕರ್ನಾಟಕ ಸಾರಿಗೆ ಸಂಸ್ಥೆಗಳ ಬಸ್‌ಗಳಿಗೆ ಮಾತ್ರ ಲಭ್ಯವಿದೆ. ಇದಕ್ಕಾಗಿ 6364940880 ಸಂಖ್ಯೆಗೆ ವಾಟ್ಸ್‌ಆ್ಯಪ್‌ ಸಂದೇಶ ಕಳುಹಿಸಬೇಕು. ಬಳಿಕ ಪ್ರಯಾಣ ಆರಂಭದ ಸ್ಥಳ, ತಲುಪಬೇಕಾದ ಸ್ಥಳ ಮತ್ತು ದಿನಾಂಕ ಆಯ್ಕೆ ಮಾಡಿ, ಬಸ್‌ ಹಾಗೂ ಸೀಟು ಕಾಯ್ದಿರಿಸಬಹುದು.

ಪ್ರಯಾಣಿಕರ ವಿವರಗಳನ್ನು ನಮೂದಿಸಿ, ಪರಿಶೀಲಿಸಿದ ಬಳಿಕ ಯುಪಿಐ, ಕ್ರೆಡಿಟ್‌ ಕಾರ್ಡ್‌, ಡೆಬಿಟ್‌ ಕಾರ್ಡ್‌ ಅಥವಾ ಡಿಜಿಟಲ್‌ ವ್ಯಾಲೆಟ್‌ ಮೂಲಕ ಹಣ ಪಾವತಿಸಬಹುದು. ಗರಿಷ್ಠ 30 ದಿನಗಳ ಮುಂಚಿತವಾಗಿ ಟಿಕೆಟ್‌ ಕಾಯ್ದಿರಿಸಲು ಅವಕಾಶವಿದೆ. ಪಾವತಿ ಪೂರ್ಣಗೊಂಡ ಬಳಿಕ ಟಿಕೆಟ್‌ ದೃಢೀಕರಣ ಮತ್ತು ಇ-ಟಿಕೆಟ್‌ ವಾಟ್ಸ್‌ಆ್ಯಪ್‌ ಹಾಗೂ ಇ-ಮೇಲ್‌ ಮೂಲಕ ತಲುಪುತ್ತವೆ.

ದೂರು ಸಲ್ಲಿಕೆ, ಟಿಕೆಟ್‌ ರದ್ದತಿ:

ಆ್ಯಪ್‌ನಲ್ಲಿ ಹಿಂದಿನ ಟಿಕೆಟ್‌ ಬುಕ್ಕಿಂಗ್‌ ವಿವರಗಳನ್ನು ವೀಕ್ಷಿಸುವುದು, ವಹಿವಾಟು ನಿರ್ವಹಿಸುವುದು ಹಾಗೂ ನಾಲ್ಕು ಸಾರಿಗೆ ಸಂಸ್ಥೆಗಳಿಗೆ ಸಂಬಂಧಿಸಿದ ದೂರು ಸಲ್ಲಿಸುವ ಸೌಲಭ್ಯವಿದೆ. ಸಲ್ಲಿಸಿದ ದೂರಿನ ಸ್ಥಿತಿಯನ್ನು ಪರಿಶೀಲಿಸುವ ಜತೆಗೆ ಮುಂದಿನ ಕ್ರಮದ ಮಾಹಿತಿಯನ್ನೂ ಪಡೆಯಬಹುದು. ವಾಟ್ಸ್‌ಆ್ಯಪ್‌ ಮೂಲಕ ಕಾಯ್ದಿರಿಸಿದ ಟಿಕೆಟ್‌ ರದ್ದುಗೊಳಿಸಲು ಅದೇ ಸಂಖ್ಯೆಗೆ ಸಂದೇಶ ಕಳುಹಿಸಿ "ಟಿಕೆಟ್‌ ರದ್ದತಿ" ಆಯ್ಕೆ ಮಾಡಬೇಕು. ಬಳಿಕ ಪಿಎನ್‌ಆರ್‌ ಸಂಖ್ಯೆ, ಮೊಬೈಲ್‌ ಸಂಖ್ಯೆ ಮತ್ತು ಬುಕ್ಕಿಂಗ್‌ ವೇಳೆ ದೊರೆತ ವಹಿವಾಟಿನ ಪಾಸ್‌ವರ್ಡ್‌ ನಮೂದಿಸಿದರೆ ಟಿಕೆಟ್‌ ರದ್ದಾಗಲಿದೆ.

ಮುಂದಿನ ಹಂತದಲ್ಲಿ ಡಿಜಿಟಲ್‌ ಮಾಸಿಕ ಬಸ್‌ ಪಾಸ್‌ ಬುಕ್ಕಿಂಗ್‌, ವಿತರಣೆ ಮತ್ತು ನಿರ್ವಹಣೆಯ ವ್ಯವಸ್ಥೆ ಜಾರಿಗೆ ತರಲು ಉದ್ದೇಶಿಸಲಾಗಿದೆ. ಪಾಸ್‌ಗಳ ಪರಿಶೀಲನೆಗೆ ಕ್ಯೂಆರ್‌ ಕೋಡ್‌ ವ್ಯವಸ್ಥೆಯನ್ನೂ ಪರಿಚಯಿಸುವ ಯೋಜನೆಯಿದೆ. ವಾಟ್ಸ್‌ಆ್ಯಪ್‌ ಮೂಲಕದ ಬುಕ್ಕಿಂಗ್‌ಗಳನ್ನು ಪ್ರತ್ಯೇಕವಾಗಿ ಗುರುತಿಸಲು ವರದಿಗಳು ಹಾಗೂ ಟಿಕೆಟ್‌ ದಾಖಲೆಗಳಲ್ಲಿ "ವಾಟ್ಸ್‌ಆ್ಯಪ್‌ ಬುಕ್ಕಿಂಗ್‌" ಎಂದು ನಮೂದಿಸಲಾಗುತ್ತದೆ.

ಸಹಾಯವಾಣಿ:

ಕೆಎಸ್‌ಆರ್‌ಟಿಸಿ 24 ಗಂಟೆಗಳ ಸಹಾಯವಾಣಿ 080-26252625. AWATAR ಸೆಲ್‌ ಸಂಪರ್ಕ ಸಂಖ್ಯೆಗಳು 7760990034 ಮತ್ತು 7760990035(ಸಮಯ ಬೆಳಗ್ಗೆ 7ರಿಂದ ರಾತ್ರಿ 10ರ ವರೆಗೆ).

ನಾಲ್ಕು ಸಾರಿಗೆ ಸಂಸ್ಥೆಗಳು ಯಾವುದೇ ಖಾಸಗಿ ಸಾರಿಗೆ ಸಂಸ್ಥೆಗಳಿಗೂ ಕಡಿಮೆ ಇಲ್ಲ. ಆಧುನಿಕ ತಂತ್ರಜ್ಞಾನ ಅಳವಡಿಸಿಕೊಳ್ಳುವ ಮೂಲಕ ಜನರಿಗೆ ಉತ್ತಮ ಸಾರಿಗೆ ಸೌಲಭ್ಯ ಒದಗಿಸಲು ಸರ್ಕಾರ ಬದ್ಧವಾಗಿದೆ. ಈ ನಿಟ್ಟಿನಲ್ಲಿ KSRTC AWATAR v2.0 ಆ್ಯಪ್ ಜನಪ್ರಿಯವಾಗುತ್ತಿದ್ದು, ಹೆಚ್ಚಿನ ನಾಗರಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕು.

ಭೈರತಿ ಸುರೇಶ, ಸಾರಿಗೆ ಸಚಿವರು

Kitchen tips: ಪಾತ್ರೆಯ ತಳದಲ್ಲಿ ಕಪ್ಪು ಕಲೆಗಳಿವೆಯೇ? ಜೋರಾಗಿ ಉಜ್ಜುವ ಅಗತ್ಯವಿಲ್ಲ, ಈ ಟ್ರಿಕ್ಸ್ ಬಳಸಿ!

Sushma Hegde — Fri, 23 Oct 2026 10:13:42 +0530

ಅಡುಗೆ ಮಾಡುವಾಗ ಕೆಲವೊಮ್ಮೆ ಪಾತ್ರೆಯ ತಳಭಾಗದಲ್ಲಿ ಆಹಾರ ಸುಟ್ಟು ಕಪ್ಪು ಕಲೆಗಳು ಉಂಟಾಗುತ್ತವೆ. ಅದರಲ್ಲೂ ದುಬಾರಿ ಎನಾಮೆಲ್ ಕಾಸ್ಟ್ ಐರನ್ ಪಾತ್ರೆಗಳಲ್ಲಿ ಇಂತಹ ಕಲೆಗಳು ಕಾಣಿಸಿಕೊಂಡಾಗ ಅವುಗಳನ್ನು ತೆಗೆಯುವುದು ಹೇಗೆ ಎಂಬ ಚಿಂತೆ ಶುರುವಾಗುತ್ತದೆ. ಕಲೆಗಳನ್ನು ತೆಗೆಯಲು ಜೋರಾಗಿ ಉಜ್ಜುವುದು ಅಥವಾ ಲೋಹದ ಸ್ಕ್ರಬ್ಬರ್ ಬಳಸುವುದು ಸುಲಭದ ಪರಿಹಾರ ಎನಿಸಬಹುದು. ಆದರೆ ಇದರಿಂದ ಪಾತ್ರೆಯ ಮೇಲ್ಮೈಗೆ ಹಾನಿಯಾಗುವ ಸಾಧ್ಯತೆಯಿದೆ. ಹಾಗಾದರೆ, ಎನಾಮೆಲ್ ಪಾತ್ರೆಯ ಹೊಳಪು ಹಾಳಾಗದಂತೆ ಸುಟ್ಟ ಕಲೆಗಳನ್ನು ತೆಗೆಯುವುದು ಹೇಗೆ? ಮನೆಯಲ್ಲಿರುವ ಸಾಮಗ್ರಿಗಳನ್ನು ಬಳಸಿ ಈ ಐದು ವಿಧಾನಗಳನ್ನು ಪ್ರಯತ್ನಿಸಬಹುದು.

1. ಮೊದಲು ಪಾತ್ರೆಯನ್ನು ತಣ್ಣಗಾಗಿಸಿ ನೀರಿನಲ್ಲಿ ನೆನೆಸಿಡಿ

ಪಾತ್ರೆಯಲ್ಲಿ ಆಹಾರ ಸುಟ್ಟು ಅಂಟಿಕೊಂಡಿದ್ದರೆ, ತಕ್ಷಣವೇ ತಣ್ಣೀರು ಹಾಕಬೇಡಿ. ಬಿಸಿಯಾಗಿರುವ ಪಾತ್ರೆಗೆ ಏಕಾಏಕಿ ತಣ್ಣೀರು ಹಾಕುವುದರಿಂದ ಎನಾಮೆಲ್ ಮೇಲ್ಮೈ ಬಿರುಕು ಬಿಡುವ ಸಾಧ್ಯತೆಯಿದೆ. ಆದ್ದರಿಂದ ಪಾತ್ರೆ ಸಂಪೂರ್ಣ ತಣ್ಣಗಾಗುವವರೆಗೆ ಕಾಯಿರಿ. ನಂತರ ಪಾತ್ರೆಯ ತಳಭಾಗ ಮುಳುಗುವಷ್ಟು ಬೆಚ್ಚಗಿನ ನೀರು ಹಾಕಿ, ಅದಕ್ಕೆ ಕೆಲವು ಹನಿ ಪಾತ್ರೆ ತೊಳೆಯುವ ಲಿಕ್ವಿಡ್ ಸೇರಿಸಿ. ಕನಿಷ್ಠ ಒಂದು ಗಂಟೆ ಅಥವಾ ಕಲೆಗಳು ಹೆಚ್ಚಾಗಿದ್ದರೆ ರಾತ್ರಿಯಿಡೀ ನೆನೆಸಿಡಿ. ಬಳಿಕ ಮರದ ಚಮಚ ಅಥವಾ ಸಿಲಿಕೋನ್ ಸ್ಪ್ಯಾಚುಲರ್ ಬಳಸಿ ಸಡಿಲವಾಗಿರುವ ಸುಟ್ಟ ಆಹಾರವನ್ನು ನಿಧಾನವಾಗಿ ತೆಗೆಯಿರಿ.

2. ಅಡುಗೆ ಸೋಡಾ ಬಳಸಿ ಪೇಸ್ಟ್ ತಯಾರಿಸಿ

ನೀರಿನಲ್ಲಿ ನೆನೆಸಿದ ಬಳಿಕವೂ ಕಪ್ಪು ಕಲೆಗಳು ಉಳಿದಿದ್ದರೆ ಅಡುಗೆ ಸೋಡಾ ಸಹಾಯ ಪಡೆಯಬಹುದು. ಮೂರು ಚಮಚ ಅಡುಗೆ ಸೋಡಾಕ್ಕೆ ಸ್ವಲ್ಪ ನೀರು ಸೇರಿಸಿ ದಪ್ಪವಾದ ಪೇಸ್ಟ್ ತಯಾರಿಸಿ. ಈ ಪೇಸ್ಟ್ ಅನ್ನು ಸುಟ್ಟ ಕಲೆಗಳ ಮೇಲೆ ಹಚ್ಚಿ 20ರಿಂದ 30 ನಿಮಿಷಗಳ ಕಾಲ ಬಿಡಿ. ನಂತರ ಮೃದುವಾದ ಸ್ಪಾಂಜ್ ಅಥವಾ ನೈಲಾನ್ ಸ್ಕ್ರಬ್ಬರ್‌ನಿಂದ ವೃತ್ತಾಕಾರವಾಗಿ ನಿಧಾನವಾಗಿ ಉಜ್ಜಿ. ಬಳಿಕ ಬೆಚ್ಚಗಿನ ನೀರಿನಿಂದ ಚೆನ್ನಾಗಿ ತೊಳೆಯಿರಿ. ಕಲೆಗಳು ಸಂಪೂರ್ಣವಾಗಿ ಹೋಗದಿದ್ದರೆ ಇದೇ ವಿಧಾನವನ್ನು ಮತ್ತೊಮ್ಮೆ ಪ್ರಯತ್ನಿಸಬಹುದು.

3. ಅಡುಗೆ ಸೋಡಾ ಹಾಕಿದ ನೀರನ್ನು ಕುದಿಸಿ

ಹಳೆಯದಾದ ಮತ್ತು ಗಟ್ಟಿಯಾಗಿ ಅಂಟಿಕೊಂಡಿರುವ ಸುಟ್ಟ ಕಲೆಗಳನ್ನು ತೆಗೆಯಲು ಈ ವಿಧಾನ ಪ್ರಯೋಜನಕಾರಿಯಾಗಿದೆ. ಪಾತ್ರೆಯ ತಳಭಾಗ ಮುಚ್ಚುವಂತೆ ಸುಮಾರು ಒಂದರಿಂದ ಎರಡು ಇಂಚು ನೀರು ಹಾಕಿ. ಅದಕ್ಕೆ ಎರಡು ಚಮಚ ಅಡುಗೆ ಸೋಡಾ ಸೇರಿಸಿ. ನಂತರ ಸ್ಟೌವ್ ಮೇಲೆ ಇಟ್ಟು 5ರಿಂದ 10 ನಿಮಿಷಗಳ ಕಾಲ ಕಡಿಮೆ ಉರಿಯಲ್ಲಿ ನಿಧಾನವಾಗಿ ಕುದಿಸಿ. ಇದರಿಂದ ಸುಟ್ಟ ಆಹಾರದ ಪದರ ಸಡಿಲವಾಗಲು ಸಹಾಯವಾಗುತ್ತದೆ. ಗ್ಯಾಸ್ ಆಫ್ ಮಾಡಿದ ಬಳಿಕ ಪಾತ್ರೆ ಸ್ವಲ್ಪ ತಣ್ಣಗಾಗಲು ಬಿಡಿ. ನಂತರ ಮರದ ಚಮಚದಿಂದ ಸಡಿಲವಾದ ಕಲೆಗಳನ್ನು ನಿಧಾನವಾಗಿ ತೆಗೆಯಿರಿ.

ಗಮನಿಸಿ: ಪಾತ್ರೆಯಲ್ಲಿರುವ ನೀರು ಸಂಪೂರ್ಣ ಆವಿಯಾಗುವವರೆಗೆ ಕುದಿಸಬೇಡಿ. ಹೆಚ್ಚಿನ ಉರಿಯಲ್ಲಿ ಬಿಸಿ ಮಾಡುವುದನ್ನೂ ತಪ್ಪಿಸಿ.

4. ಹಳೆಯ ಕಲೆಗಳಿಗೆ ಸೂಕ್ತವಾದ ಕ್ಲೀನರ್ ಬಳಸಿ

ಅಡುಗೆ ಸೋಡಾ ಬಳಸಿದರೂ ಕಪ್ಪು ಅಥವಾ ಕಂದು ಬಣ್ಣದ ಕಲೆಗಳು ಉಳಿದಿದ್ದರೆ, ಎನಾಮೆಲ್ ಪಾತ್ರೆಗಳಿಗೆ ಸೂಕ್ತವಾದ ನಾನ್-ಅಬ್ರೇಸಿವ್ ಕ್ಲೀನರ್ ಬಳಸಬಹುದು. ಸಾಧ್ಯವಾದರೆ ಪಾತ್ರೆಯ ತಯಾರಕರು ಶಿಫಾರಸು ಮಾಡಿದ ಕ್ಲೀನರ್‌ಗೆ ಆದ್ಯತೆ ನೀಡಿ. ಹೈಡ್ರೋಜನ್ ಪೆರಾಕ್ಸೈಡ್ ಬಳಸುವ ವಿಧಾನವನ್ನೂ ಕೆಲವು ಸ್ವಚ್ಛತಾ ಮಾರ್ಗದರ್ಶಿಗಳು ಸೂಚಿಸುತ್ತವೆ. ಆದರೆ ಅದನ್ನು ಬಳಸುವ ಮೊದಲು ಪಾತ್ರೆಯ ತಯಾರಕರ ಸೂಚನೆಗಳನ್ನು ಪರಿಶೀಲಿಸಿ. ಸೂಕ್ತವೆಂದು ಖಚಿತವಾದರೆ ಮಾತ್ರ ಅಡುಗೆ ಸೋಡಾದೊಂದಿಗೆ ಪೇಸ್ಟ್ ಮಾಡಿ, ಮೊದಲು ಸಣ್ಣ ಭಾಗದಲ್ಲಿ ಪರೀಕ್ಷಿಸಿ. ಸುಮಾರು 30 ನಿಮಿಷಗಳ ಬಳಿಕ ಮೃದುವಾಗಿ ಸ್ವಚ್ಛಗೊಳಿಸಿ ಚೆನ್ನಾಗಿ ತೊಳೆಯಿರಿ. ಯಾವುದೇ ಎರಡು ಕ್ಲೀನಿಂಗ್ ಉತ್ಪನ್ನಗಳನ್ನು ಒಟ್ಟಿಗೆ ಬೆರೆಸಬೇಡಿ. ವಿಶೇಷವಾಗಿ ಬ್ಲೀಚ್ ಅನ್ನು ವಿನೆಗರ್ ಅಥವಾ ಅಮೋನಿಯಾದೊಂದಿಗೆ ಬೆರೆಸುವುದರಿಂದ ಅಪಾಯಕಾರಿ ಅನಿಲಗಳು ಬಿಡುಗಡೆಯಾಗಬಹುದು.

5. ಪಾತ್ರೆಯ ಮೇಲ್ಮೈಗೆ ಹಾನಿಯಾಗದಂತೆ ನೋಡಿಕೊಳ್ಳಿ

ಸುಟ್ಟ ಕಲೆಗಳನ್ನು ತೆಗೆಯುವಾಗ ಕೆಲವು ತಪ್ಪುಗಳನ್ನು ಮಾಡಲೇಬಾರದು. ಸ್ಟೀಲ್ ವೂಲ್, ಲೋಹದ ಸ್ಕ್ರಾಪರ್, ಗಟ್ಟಿಯಾದ ಸ್ಕೌರಿಂಗ್ ಪ್ಯಾಡ್‌ಗಳು ಮತ್ತು ಹೆಚ್ಚು ಒರಟಾದ ಪುಡಿ ಕ್ಲೀನರ್‌ಗಳನ್ನು ಬಳಸಬೇಡಿ. ಇವು ಎನಾಮೆಲ್ ಮೇಲ್ಮೈಯನ್ನು ಗೀಚಬಹುದು ಅಥವಾ ಅದರ ಹೊಳಪನ್ನು ಕಡಿಮೆ ಮಾಡಬಹುದು.

ಪಾತ್ರೆಯನ್ನು ದೀರ್ಘಕಾಲ ಚೆನ್ನಾಗಿ ಕಾಪಾಡಿಕೊಳ್ಳಲು ಈ ಕ್ರಮಗಳನ್ನು ಅನುಸರಿಸಿ:

ಅಡುಗೆ ಮಾಡುವಾಗ ಸಾಧ್ಯವಾದಷ್ಟು ಮಧ್ಯಮ ಅಥವಾ ಕಡಿಮೆ ಉರಿ ಬಳಸಿ.

ಪಾತ್ರೆಯನ್ನು ನಿಧಾನವಾಗಿ ಬಿಸಿಯಾಗಲು ಬಿಡಿ.

ಅಗತ್ಯಕ್ಕೆ ತಕ್ಕಷ್ಟು ಎಣ್ಣೆ ಅಥವಾ ಬೆಣ್ಣೆ ಬಳಸಿ.

ಅಡುಗೆ ಮುಗಿದ ಬಳಿಕ ಪಾತ್ರೆಯನ್ನು ಸ್ವಚ್ಛಗೊಳಿಸಿ ಸಂಪೂರ್ಣ ಒಣಗಿಸಿ.

ಪಾತ್ರೆಯ ಮುಚ್ಚಳ ಮತ್ತು ಒಳಭಾಗದ ನಡುವೆ ಮೃದುವಾದ ಬಟ್ಟೆ ಅಥವಾ ಪೇಪರ್ ಟವೆಲ್ ಇಟ್ಟು ಸಂಗ್ರಹಿಸಿ.

ತಯಾರಕರ ಸೂಚನೆಗಳನ್ನು ಪರಿಶೀಲಿಸದೆ ಡಿಶ್‌ವಾಶರ್‌ನಲ್ಲಿ ತೊಳೆಯಬೇಡಿ.

ಎನಾಮೆಲ್ ಪದರದಲ್ಲಿ ಬಿರುಕು ಅಥವಾ ಚಿಪ್ಪು ಕಾಣಿಸಿಕೊಂಡರೆ ಪಾತ್ರೆಯನ್ನು ಬಳಸುವುದನ್ನು ನಿಲ್ಲಿಸಿ.

ಎನಾಮೆಲ್ ಪಾತ್ರೆಯ ಕಪ್ಪು ಕಲೆಗಳನ್ನು ತೆಗೆಯಲು ಯಾವುದು ಉತ್ತಮ?

ಮೊದಲು ಬೆಚ್ಚಗಿನ ನೀರು ಮತ್ತು ಡಿಶ್ ಸೋಪ್ ಬಳಸಿ ನೆನೆಸಿಡಿ. ನಂತರ ಅಡುಗೆ ಸೋಡಾ ಪೇಸ್ಟ್ ಪ್ರಯತ್ನಿಸಿ. ಗಟ್ಟಿಯಾದ ಕಲೆಗಳಿಗೆ ಮಾತ್ರ ನೀರು ಮತ್ತು ಅಡುಗೆ ಸೋಡಾವನ್ನು ನಿಧಾನವಾಗಿ ಕುದಿಸುವ ವಿಧಾನಕ್ಕೆ ಮುಂದಾಗಿ. ಹೀಗೆ ಒಂದೊಂದೇ ವಿಧಾನವನ್ನು ಪ್ರಯತ್ನಿಸುವುದರಿಂದ ಪಾತ್ರೆಯ ಮೇಲ್ಮೈಗೆ ಹಾನಿಯಾಗುವ ಅಪಾಯವನ್ನು ಕಡಿಮೆ ಮಾಡಬಹುದು.

ಗಂಡ ಕೂಲಿ ಕೆಲಸ, ಕುಟುಂಬಕ್ಕೆ ಆರ್ಥಿಕ ಸಂಕಷ್ಟ; ₹7ರ ಟಿಕೆಟ್‌ನಿಂದಲೇ ಒಲಿಯಿತು ಕೋಟಿ ಕೋಟಿ ಅದೃಷ್ಟ!

Ganesh Mabla Gowda — Fri, 23 Oct 2026 10:09:14 +0530

ನವದೆಹಲಿ: ಪಂಜಾಬ್‌ನ ಕುಟುಂಬ ಒಂದು ಕೇವಲ 7 ರೂಪಾಯಿ ನೀಡಿ ಖರೀದಿಸಿದ್ದ ಲಾಟರಿ ಟಿಕೆಟ್‌ ಅದೃಷ್ಟವನ್ನು ತಂದುಕೊಟ್ಟಿದೆ. ಬಡತನದಲ್ಲಿದ್ದ ಕುಟುಂಬಕ್ಕೆ ಈಗ ಸಂಕಷ್ಟ ನಿವಾರಣೆ ಆಗಿದ್ದು, ಬರೋಬ್ಬರಿ ಒಂದು ಕೋಟಿ ರೂಪಾಯಿ ಜಾಕ್‌ಪಾಟ್‌ ಹೊಡೆದಿದೆ! ಪಂಜಾಬ್‌ನ ಫರೀದ್‌ಕೋಟ್ ಜಿಲ್ಲೆಯ ಕೋಟ್ಕಪುರದ ಕೂಲಿ ಕಾರ್ಮಿಕನ ಪತ್ನಿ ಲಾಟರಿ ಗೆದ್ದಿದ್ದಾಳೆ. ಕೋಟ್ಕಪುರ ರೈಲ್ವೆ ನಿಲ್ದಾಣದ ಬಳಿಯಿರುವ ಸ್ಟಾರ್ ಲಾಟರಿ ಅಂಗಡಿಯಲ್ಲಿ ಲಾಟರಿ ಖರೀದಿಸಿದ್ದರು.

ಅದೃಷ್ಟ ಬದಲಾಯಿಸಿದ ಲಾಟರಿ

ಹೌದು, ಸಿಕ್ಕಿಂ ಸರ್ಕಾರಿ ಲಾಟರಿಯನ್ನ ಗೆಲ್ಲುವಲ್ಲಿ ಆ ಕುಟುಂಬ ಯಶಸ್ವಿಯಾಗಿದೆ. ಇದೀಗ ಆ ಬಡ ಕುಟುಂಬದ ಆರ್ಥಿಕ ಸ್ಥಿತಿ ಸುಧಾರಿಸುವ ಮತ್ತು ಮಕ್ಕಳಿಗೆ ಉತ್ತಮ ಭವಿಷ್ಯ ಭದ್ರಪಡಿಸುವ ಭರವಸೆಯನ್ನು ಹುಟ್ಟುಹಾಕಿದೆ. ಸ್ಟ್ರಿಂಗ್ ಕೆಲಸ ಮಾಡುವ ಕಾರ್ಮಿಕನ ಪತ್ನಿ ಬಿಮ್ಲಾ ದೇವಿ ಅನ್ನೋರು ಇತ್ತೀಚೆಗೆ ಮನೆಗೆ ಬೇಕಾಗಿದ್ದ ಅಗತ್ಯ ವಸ್ತುಗಳನ್ನ ಖರೀದಿಸಿಲು ಸಿಟಿಗೆ ಹೋಗಿದ್ದರು. ಈ ವೇಳೆ ಅವರಿಗೆ ಇದ್ದಕ್ಕಿದ್ದಂತೆ ಲಾಟರಿ ಟಿಕೆಟ್ ಖರೀದಿಸಬೇಕೆಂಬ ಆಸೆ ಬಂತು. ಅಂತೆಯೇ ಕೇವಲ 7 ರೂ.ಗೆ ಲಾಟರಿ ಟಿಕೆಟ್ ಖರೀದಿಸಿದ್ದರು.

ಮಾಹಿತಿಗಳ ಪ್ರಕಾರ ಲಾಟರಿ ಡ್ರಾ ಮಾಡುವ ಒಂದು ದಿನದ ಮೊದಲು ಟಿಕೆಟ್‌ ಖರೀದಿಸಿದ್ದರು. ಮಾರನೇಯ ದಿನ ಸಂಜೆ ಲಾಟರಿ ಫಲಿತಾಂಶ ಪ್ರಕಟವಾದಾಗ.. ತನ್ನ ಟಿಕೆಟ್‌ಗೆ 1 ಕೋಟಿ ರೂಪಾಯಿ ಬಹುಮಾನ ಬಂದಿದೆ ಎಂಬ ವಿಷಯ ಸಿಕ್ಕಿದೆ. ಅನಿರೀಕ್ಷಿತವಾಗಿ ಸಂತೋಷದ ಸುದ್ದಿ ತಿಳಿದ ಕುಟುಂಬ, ಈಗ ಬದುಕಿಗೆ ಹೊಸ ಕನಸುಗಳನ್ನ ಕಾಣ್ತಿದೆ. ಲಾಟರಿ ಗೆದ್ದ ಸುದ್ದಿ ತಿಳಿಯುತ್ತಿದ್ದಂತೆಯೇ ಕುಟಂಬ ಲಾಟರಿ ಖರೀದಿಸಿದ್ದ ಅಂಗಡಿಗೆ ದೌಡಾಯಿಸಿ ವಿಚಾರಿಸಿದೆ.

ಅಂಗಡಿ ಮಾಲೀಕ ನರೇಶ್ ಮೋಂಗಾಗೆ ಸಿಹಿತಿಂಡಿಗಳನ್ನು ನೀಡಿ ಗೆಲುವನ್ನು ಸಂಭ್ರಮಿಸಿದ್ದಾರೆ. ಜೊತೆಗೆ ಅಲ್ಲೇ ಭಾಂಗ್ರಾ ಪ್ರದರ್ಶಿಸಿ ಸಂಭ್ರಮಿಸಿದ್ದಾರೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಬಿಮ್ಲಾ ದೇವಿ.. ಕುಟುಂಬದ ಆರ್ಥಿಕ ತೊಂದರೆ ನಿವಾರಿಸಲು ಇದು ಸಹಕಾರಿ ಆಗಲಿದೆ. ಇನ್ಮುಂದೆ ನಾವು ನಮ್ಮ ಮಕ್ಕಳನ್ನ ಚೆನ್ನಾಗಿ ನೋಡಿಕೊಳ್ಳಬಹುದು. ಅವರಿಗೆ ಒಳ್ಳೆಯ ವಿದ್ಯಾಭ್ಯಾಸವನ್ನ ನೀಡುತ್ತೇವೆ. ಒಟ್ಟಾರೆ ಹೇಳಬೇಕು ಅಂದರೆ ನಮ್ಮ ಅದೃಷ್ಟ ಇಂದು ಬದಲಾಗಿದೆ. ಆದರೆ ಅಷ್ಟೊಂದು ಹಣವನ್ನು ಹೇಗೆ ಬಳಸಿಕೊಳ್ಳಬೇಕು ಎಂಬುದು ಗೊತ್ತಿಲ್ಲ. ಸ್ವಲ್ಪ ಭಯವೂ ಇದೆ ಎಂದಿದ್ದಾರೆ.

ಹೀಗಾಗಿ ಬಿಮ್ಲಾ ದೇವಿ.. ಕುಟುಂಬಸ್ಥರ ಜೊತೆ ಒಟ್ಟಿಗೆ ಕೂತು ಚರ್ಚಿಸಿ ಮುಂದಿನ ನಿರ್ಧಾರ ತೆಗೆದುಕೊಳ್ಳುತ್ತೇವೆ. ಮಕ್ಕಳ ಭವಿಷ್ಯವನ್ನು ಭದ್ರಪಡಿಸಿಕೊಳ್ಳವುದೇ ನಮ್ಮ ಮೊದಲ ಆದ್ಯತೆ. ಹೀಗಾಗಿ ಚಿಕ್ಕದಾಗಿ ಒಂದು ಬ್ಯುಸಿನೆಸ್‌ ಶುರುಮಾಡಲು ಪ್ಲಾನ್‌ ಮಾಡುತ್ತೇವೆ ಎಂದಿದ್ದಾರೆ ಬಿಮ್ಲಾ ದೇವಿ.

ಇನ್ನು ಲಾಟರಿ ಅಂಗಡಿಯ ಮಾಲೀಕ ನರೇಶ್ ಮೋಂಗಾ ಕಳೆದ ಆರು ತಿಂಗಳಿನಿಂದ ವ್ಯವಹಾರ ನಡೆಸುತ್ತಿದ್ದರು. ಇತ್ತೀಚೆಗೆ ತಮ್ಮ ಅಂಗಡಿಯನ್ನು ರೈಲ್ವೆ ನಿಲ್ದಾಣದ ಬಳಿ ಸ್ಥಳಾಂತರಿಸಿದ್ದರು ಎಂದು ಹೇಳಿದರು. ತಮ್ಮ ಅಂಗಡಿಯಲ್ಲಿ ಮಾರಾಟವಾದ ಟಿಕೆಟ್‌ಗಳ ಮೂಲಕ ಈ ಹಿಂದೆ ಲಕ್ಷಾಂತರ ರೂಪಾಯಿ ಮೌಲ್ಯದ ಹಲವಾರು ಬಹುಮಾನಗಳನ್ನು ಗೆದ್ದಿದ್ದಾರೆ. ತಮ್ಮ ಸ್ಟಾಲ್‌ನಿಂದ 1 ಕೋಟಿ ರೂಪಾಯಿ ಬಹುಮಾನ ಗೆದ್ದಿರುವುದು ಇದೇ ಮೊದಲು. ಮೋಂಗಾ ಕುಟುಂಬದ ಈ ಗೆಲುವಿಗೆ ತುಂಬಾ ಖುಷಿ ಆಗಿದೆ ಎಂದು ಲಾಟರಿ ಸ್ಟಾಲ್‌ ಮಾಲೀಕ ನರೇಶ್‌ ಹೇಳಿದ್ದಾರೆ.

ದಸರಾ ವೈಭವಕ್ಕೆ ಆನೆ-ಅಂಬಾರಿ ಅವಘಡದ ಕಪ್ಪುಚುಕ್ಕೆ..! ಈ ಘಟನೆ ಅಪಶಕುನ?

Kannadaprabha News — Fri, 23 Oct 2026 09:53:21 +0530

ಕನ್ನಡಪ್ರಭ ವಾರ್ತೆ, ವಿಶೇಷ ವರದಿ

ಶಿವಮೊಗ್ಗ: ಶಿವಮೊಗ್ಗದಲ್ಲಿ ವಿಜಯದಶಮಿ ದಿನ ಅಂಬಾರಿ ಹೊತ್ತಿದ್ದ ಸೋಮಣ್ಣ ಹೆಸರಿನ ಆನೆಯಿಂದ ಆದ ಅವಘಡ ಅರಣ್ಯ ಇಲಾಖೆಯ ಅಧಿಕಾರಿಗಳು, ಕಾವಾಡಿಗಳು ಹಾಗೂ ಮಾವುತರ ನಡುವೆ ಇರುವ ಭಿನ್ನಾಭಿಪ್ರಾಯವನ್ನು ಬಿಚ್ಚಿಟ್ಟುರುವುದು ಒಂದೆಡೆಯಾದರೆ, ಶಿವಮೊಗ್ಗ ಜಂಬೂಸವಾರಿ ಇತಿಹಾಸದಲ್ಲೇ ಈ ಘಟನೆ ದೊಡ್ಡ ಕಪ್ಪುಚುಕ್ಕೆಯಾಗಿ ಉಳಿಯುವಂತಾಗಿದೆ.

ಶಿವಮೊಗ್ಗ ನಗರದಲ್ಲಿ ಬುಧವಾರ ವಿಜಯದಶಮಿ ಅಂಗವಾಗಿ ಚಾಮುಂಡೇಶ್ವರಿ ಬೆಳ್ಳಿಯ ವಿಗ್ರಹ ಹೊತ್ತಿದ್ದ ಸೋಮಣ್ಣ ಆನೆ ಸ್ವಲ್ಪ ದೂರ ಸಾಗಿದ ಬಳಿಕ ಹಿಂತಿರುಗಿ ಮಾಡಿದ ಅವಾಂತರದಿಂದ ಅಂಬಾರಿ ಮೆರವಣಿಗೆಯನ್ನೇ ರದ್ದು ಮಾಡಲಾಯಿತು.

ಹಾಗೆ ನೋಡಿದರೆ ಅಂಬಾರಿ ಮೆರವಣಿಗೆ ಅರ್ಧಕ್ಕೆ ಮೊಟಕುಕೊಂಡಿದ್ದು ಇದೇ ಮೊದಲೇನಲ್ಲ. 2019 ರಲ್ಲಿ ಅಂಬಾರಿ ಹೊತ್ತಿದ್ದ ಸಾಗರ ಆನೆ ಅಸ್ವಸ್ಥಗೊಂಡಿತ್ತು. ಹೀಗಾಗಿ ಅಂದು ಲಾರಿಯಲ್ಲಿ ಅಂಬಾರಿ ಮೆರವಣಿಗೆಯನ್ನು ಮುಂದುವರಿಸಲಾಯಿತು. 2021 ರಲ್ಲಿ ಕೊರೋನಾ ಕಾರಣದಿಂದಾಗಿ ಅಂಬಾರಿ ಮೆರವಣಿಗೆ ಇರಲಿಲ್ಲ. 2023 ರಲ್ಲಿ ಅಂಬಾರಿ ಮೆರವಣಿಗೆ ಹಿನ್ನೆಲೆಯಲ್ಲಿ ತಯಾರಿಯೊಂದಿಗೆ ಆಗಮಿಸಿದ್ದ ಹೆಣ್ಣಾನೆ ನೇತ್ರಾವತಿ ವಿಜಯದಶಮಿ ಹಿಂದಿನ ದಿನ ಮರಿ ಹಾಕಿದ ಪರಿಣಾಮ ಅಂಬಾರಿ ಮೆರವಣಿಗೆ ಇರಲಿಲ್ಲ.

ಈ ವರ್ಷ ಅಂಬಾರಿ ಹೊತ್ತಿದ್ದ ಸೋಮಣ್ಣ ಆನೆ ಮಾಡಿದ ಅವಾಂತರದಿಂದ ಬೆಳ್ಳಿಯ ಮಂಟಪ ಸಹಿತ ದೇವಿಯ ವಿಗ್ರಹ ನೆಲಕ್ಕುರುಳಿ ಹಾನಿಗೀಡಾಗಿದೆ. ಕಾರು, ಬೈಕು, ಮನೆಯೊಂದರ ಮೇಲ್ಛಾವಣಿಗೂ ಹಾನಿಯಾಗಿದೆ. ಈ ರೀತಿಯ ಘಟನೆ ಹಿಂದೆಂದೂ ನಡೆದಿಲ್ಲ. ಹೀಗಾಗಿ ಈ ಘಟನೆ ಶಿವಮೊಗ್ಗ ಜಂಬೂಸವಾರಿ ಇತಿಹಾಸದಲ್ಲಿ ಒಂದು ಕಪ್ಪುಚುಕ್ಕಿಯಾಗಿ ಉಳಿಯುವುದರಲ್ಲಿ ಯಾವ ಅನುಮಾನವೂ ಇಲ್ಲ.

ಅವಘಡದ ಹಿಂದೆ ನಿರ್ಲಕ್ಷ್ಯದ ಹುತ್ತ!:

ವಿಜಯದಶಮಿ ದಿನ ಅಂಬಾರಿ ಹೊತ್ತಿದ್ದ ಸೋಮಣ್ಣ ಆನೆಯಿಂದ ಆದ ಅವಘಡ ಈಗ ಅರಣ್ಯ ಇಲಾಖೆಯ ಅಧಿಕಾರಿಗಳಿಗೆ ನುಂಗಲಾರದ ಬಿಸಿ ತುಪ್ಪವಾಗಿ ಪರಿಣಮಿಸಿದೆ.

ಈ ದುರ್ಘಟನೆಗೆ ಅರಣ್ಯ ಇಲಾಖೆ ಅಧಿಕಾರಿಗಳ ನಿರ್ಲಕ್ಷ್ಯವೇ ಕಾರಣ ಎಂಬುದು ಸಾರ್ವಜನಿಕ ವಲಯದಿಂದ ಕೇಳಿಬರುತ್ತಿರುವ ಆರೋಪವಾಗಿದೆ. ಇದಕ್ಕೆ ಕಾರಣ 6 ಬಾರಿ ಅಂಬಾರಿ ಹೊತ್ತಿದ್ದ ಅನುಭವ ಇರುವ ಸಾಗರ್ ಆನೆ ಬದಲಿಗೆ ಕೊನೆ ಘಳಿಗೆಯಲ್ಲಿ ಅಂಬಾರಿ ಹೋರುವ ಜವಾಬ್ದಾರಿಯನ್ನು ಸೋಮಣ್ಣನಿಗೆ ನೀಡಿದ್ದು. ಮೊದಲ ಬಾರಿ ಅಂಬಾರಿ ಮೆರವಣಿಗೆಯಲ್ಲಿ ಪಾಲ್ಗೊಂಡಿದ್ದ ಸೋಮಣ್ಣ ಆನೆಗೆ ಅಂಬಾರಿ ಜವಾಬ್ದಾರಿ ಕೊಟ್ಟಿದ್ದು ಯಾಕೆ ಎಂಬ ಪ್ರಶ್ನೆಗೆ ಅರಣ್ಯ ಇಲಾಖೆ ಅಧಿಕಾರಿಗಳಿಂದ ಇನ್ನೂ ಸ್ಪಷ್ಟವಾದ ಉತ್ತರ ಸಿಗುತ್ತಿಲ್ಲ.

ಗಮನಿಸಬೇಕಿತ್ತು:

ಅಲ್ಲದೆ ಮೆರವಣಿಗೆ ಆರಂಭಕ್ಕೂ ಮುನ್ನ ನಂದಿ ಧ್ವಜಕ್ಕೆ ಪೂಜೆ ಸಲ್ಲಿಸುವ ವೇಳೆ ಮಂಗಳವಾದ್ಯಗಳ ಸದ್ದಿಗೆ ಸೋಮಣ್ಣ ಆನೆ ಹೆದರಿ ಹಿಂತಿರುಗಿ ನಿಂತಿತ್ತು. ಈ ವೇಳೆ ಮಂಗಳವಾದ್ಯಗಳನ್ನು ನಿಲ್ಲಿಸಿ ನಂದಿ ಧ್ವಜ ಪೂಜೆಯನ್ನು ನೆರವೇರಿಸಲಾಗಿದೆ. ಈ ಬೆಳೆವಣಿಗೆಯನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಗಂಭೀರವಾಗಿ ಪರಿಗಣಿಸಿಲ್ಲ ಎಂಬ ದೂರುಗಳು ಕೇಳಿಬರುತ್ತಿದೆ.

--------

ಸಣ್ಣ ತಪ್ಪು, ದೊಡ್ಡ ಅನಾಹುತ!

ಕಡೇ ಕ್ಷಣದಲ್ಲಿ ಸರತಿ ಸಾಲಿನಲ್ಲಿ ಆದ ಬದಲಾವಣೆಯೇ ಸೋಮಣ್ಣ ಆನೆ ಗಲಿಬಿಲಿಗೊಂಡು ಓಡಲು ಕಾರಣ ಎಂದು ಹೇಳಲಾಗುತ್ತಿದೆ. ಅಂಬಾರಿ ಮೆರವಣಿಗೆ ಹಿನ್ನೆಲೆ ನಡೆದ ತಾಲೀಮು ವೇಳೆ ಸಾಗರ್‌ ಆನೆ ಮೊದಲು, ನಂತರ ಸೋಮಣ್ಣ ಮತ್ತು ಅದರ ಹಿಂಬದಿ ಬಹದ್ದೂರ್‌ ಆನೆ ಸರತಿಯಲ್ಲಿ ಸಾಗುತ್ತಿದ್ದವು. ಆದರೆ, ಜಂಬೂ ಸವಾರಿ ವೇಳೆ ಈ ಸರತಿ ಸಾಲಿನಲ್ಲಿ ಬದಲಾವಣೆ ಆಯಿತು.

ಸಾಗರ್‌ ಆನೆಗೆ ದಸರಾ ಮೆರವಣಿಗೆ ಹೊಸತಲ್ಲ. ಆದ್ದರಿಂದ ಸಾಗರ್‌ ಆನೆಯನ್ನು ಸರತಿಯಲ್ಲಿ ಮೊದಲಿಗೆ ಕಳುಹಿಸಲಾಗುತ್ತಿತ್ತು. ಸಾಗರ್‌ ಆನೆ ಮುಂದೆ ಸಾಗುತ್ತಿದ್ದಾಗ ಸೋಮಣ್ಣ ಆನೆ ಅದನ್ನು ಹಿಂಬಾಲಿಸುತ್ತಿತ್ತು. ಕೋಟೆ ಶ್ರೀ ಸೀತಾರಾಮಾಂಜನೇಯ ಸ್ವಾಮಿ ದೇವಸ್ಥಾನದ ಮುಂದೆ ಪುಷ್ಪ ನಮನ ಸಲ್ಲಿಸುವಾಗಲು ಅರಣ್ಯ ಇಲಾಖೆ ನಿಗದಿಪಡಿಸಿದ ರೀತಿಯಲ್ಲೇ ಸಾಗರ್‌, ಅಂಬಾರಿ ಹೊತ್ತ ಸೋಮಣ್ಣ, ಬಹದ್ದೂರ್‌ ಆನೆಗಳು ಸರತಿಯಲ್ಲಿ ಸಾಗುತ್ತಿದ್ದವು. ಇದಾದ ಬಳಿಕ ಸ್ವಲ್ಪ ದೂರ ಹೋದ ನಂತರ ಈ ಸರತಿಯಲ್ಲಿ ಬದಲಾವಣೆ ಆಯಿತು. ಸಾಗರ್‌ ಆನೆಯನ್ನು ಹಿಂದಕ್ಕೆ ಕಳುಹಿಸಲಾಯಿತು. ಅಂಬಾರಿ ಹೊತ್ತ ಆನೆ ಮೊದಲಿಗೆ ಇರಬೇಕು ಎಂದು ಸೋಮಣ್ಣ ಆನೆಯನ್ನು ಮುಂದಕ್ಕೆ ಬಿಡಲಾಯಿತು. ಮೆರವಣಿಗೆ ಅರಂಭದಲ್ಲಿಯೆ ವಾದ್ಯಗಳ ಶಬ್ದಕ್ಕೆ ಬೆದರಿದ್ದ ಸೋಮಣ್ಣ, ತನ್ನ ಮುಂದಿದ್ದ ಸಾಗರ್‌ ಆನೆ ಕಾಣದೆ ಹೋದಾಗ ಸಹಜವಾಗಿಯೇ ಹಿಂತಿರುಗಿದೆ. ಆಗ ನೆರೆದಿದ್ದ ಸಾರ್ವಜನಿಕರು ಆತಂಕದಿಂದ ಗಲಾಟೆ ಮಾಡಿದರು. ಇದರಿಂದ ಏಕಾಏಕಿ ಬೆದರಿದ ಅಂಬಾರಿ ಹೊತ್ತ ಸೋಮಣ್ಣ ಆನೆ ಹಿಂದಕ್ಕೆ ತಿರುಗಿದ ರೀತಿಯಲ್ಲಿಯೇ ಹಾಗೆಯೇ ಹಿಮ್ಮುಖವಾಗಿ ಓಡಲು ಆರಂಭಿಸಿತು. ಆಗ ಜನ ಮತ್ತೆ ಹೋ.. ಎಂದು ಕೂಗುತ್ತಾ ಹಿಂದಕ್ಕೆ ಬರುತ್ತಿದ್ದಂತೆ ಆನೆ ಮತ್ತೆ ಮತ್ತೆ ಮುಂದಕ್ಕೆ ಸಾಗಿತು. ಬಳಿಕ ನಡೆದಿದ್ದೆಲ್ಲಾ ಇತಿಹಾಸ..

ಒಟ್ಟಿನಲ್ಲಿ ಜಂಬೂ ಸವಾರಿ ಮೆರವಣಿಗೆ ವೇಳೆ ಬೆಳ್ಳಿಯ ಅಂಬಾರಿ ಹೊತ್ತಿದ್ದ ‘ಸೋಮಣ್ಣ’ ಆನೆ ಬೆದರಿ ಹಿಂದಕ್ಕೆ ಓಡಿ ಹೋದ ಪ್ರಕರಣವು ದೇಶಾದ್ಯಂತ ಚರ್ಚೆಯಾಗುತ್ತಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ಘಟನೆಯ ವಿಡಿಯೋ ತುಣುಕು, ಪೋಟೋಗಳು ವೈರಲ್ ಆಗಿವೆ.

ಈ ಘಟನೆಯನ್ನು ರಾಜ್ಯ ಸರ್ಕಾರ ಗಂಭೀರವಾಗಿ ಪರಿಗಣಿಸಿದೆ. ಅರಣ್ಯ ಇಲಾಖೆಯು ಘಟನೆಯ ಸಮಗ್ರ ವರದಿ ನೀಡುವಂತೆ, ಶಿವಮೊಗ್ಗದ ಇಲಾಖಾ ಅಧಿಕಾರಿಗಳಿಗೆ ಸೂಚನೆ ನೀಡಿದೆ. ಉನ್ನತ ಮಟ್ಟದ ತನಿಖೆಗೆ ಆದೇಶಿಸುವ ಹಾಗೂ ತಪ್ಪಿತಸ್ಥರ ವಿರುದ್ಧ ಕ್ರಮ ಜರುಗಿಸುವ ಸಾಧ್ಯತೆಯೂ ಇದೆ. ಜೊತೆಗೆ ಆಡಳಿತಕ್ಕೂ ಇದು ಎಚ್ಚರಿಕೆಯ ಕರೆಗಂಟೆಯಾಗಿದೆ. ಒಟ್ಟಾರೆ ಶಿವಮೊಗ್ಗದ ಜಂಬೂ ಸವಾರಿ ವೇಳೆ ನಡೆದ ಕಹಿ ಘಟನೆಯೂ ನಾಗರಿಕ ವಲಯದಲ್ಲಿ ನಾನಾ ರೀತಿಯ ಚರ್ಚೆಗೆಡೆ ಮಾಡಿಕೊಟ್ಟಿದೆ.

--------------------------

ಮೂಢ ನಂಬಿಕೆಯ ತಳಕು:

ಆನೆ ಮೇಲಿದ್ದ ಅಂಬಾರಿ ಮತ್ತು ಚಾಮುಂಡೇಶ್ವರಿಯ ವಿಗ್ರಹ ಕೆಳಗೆ ಬಿದ್ದು ತೀವ್ರ ಸ್ವರೂಪವಾಗಿರುವುದು ಆಸ್ತಿಕರಲ್ಲಿ ಆತಂಕ ಮೂಡಿದೆ. ಇದೊಂದು ಅಪಶಕುನ ಎಂದು ಒಂದು ವರ್ಗ ಹೇಳುತ್ತಿದೆ. ಆದರೆ ಇದನ್ನೆಲ್ಲಾ ಅಪಶಕುನ ಎಂದು ನಂಬಬಾರದು. ಇದು ಅನಗತ್ಯವಾಗಿ ಜನರಲ್ಲಿ ಆತಂಕ ಮತ್ತು ಭಯದ ವಾತಾವರಣ ಮೂಡುವಂತಾಗುತ್ತದೆ. ಇದೊಂದು ಆಕಸ್ಮಿಕ ಘಟನೆ. ಅದನ್ನು ಹಾಗಷ್ಟೇ ಭಾವಿಸಬೇಕು. ಬದಲಿ ವ್ಯವಸ್ಥೆಗೆ ಅಗತ್ಯ ಕ್ರಮ ಕೈಗೊಳ್ಳಬೇಕಷ್ಟೇ ಎನ್ನುತ್ತಾರೆ ತಜ್ಞರು ಮಾತ್ರವಲ್ಲ ಅನುಭವಿಗಳು ಕೂಡ ಇದನ್ನೇ ಹೇಳುತ್ತಾರೆ.

ಆದರೆ ಆಗಮ ಶಾಸ್ತ್ರದ ಪ್ರಕಾರ ವಿಗ್ರಹಕ್ಕೆ ಹಾನಿಯಾದಾಗ ಪರ್ಯಾಯವಾಗಿ ಏನು ಮಾಡಬೇಕೋ ಅದನ್ನೇ ಅಷ್ಟೇ ನಂಬಿಕೆಯಿಂದ ಮಾಡಿದರೆ ಸಾಕು. ಎಲ್ಲವೂ ಒಳ್ಳೆಯದೇ ಆಗುತ್ತದೆ ಎಂದು ಭರವಸೆಯ ಮಾತನ್ನು ಆಡುತ್ತಾರೆ.

----

ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನ ಸೇವೆಗಳ ದರ ಪರಿಷ್ಕರಣೆ, ಪಂಚಾಮೃತ ಮಹಾಭಿಷೇಕ ಸೇವೆ ದರ ₹11 ಸಾವಿರಕ್ಕೆ ಹೆಚ್ಚಳ

Gowthami K — Fri, 23 Oct 2026 09:49:13 +0530

ಸುಬ್ರಹ್ಮಣ್ಯ: ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಾಲಯದ ಎರಡು ಸೇವೆಗಳ ಪರಿಷ್ಕರಣೆ ನಡೆಸಲಾಗಿದೆ. ಹೊಸದಾಗಿ ಆರಂಭವಾದ ಬೆಳ್ಳಿ ರಥ ಸೇವೆಗೆ 12000, ಪಂಚಾಮೃತ ಮಹಾಭಿಷೇಕ ಸೇವೆಗೆ 11000 ದರ ನಿಗದಿ ಮಾಡಲಾಗಿದೆ. ಪಂಚಾಮೃತ ಮಹಾಭಿಷೇಕ ಸೇವೆಗೆ ಈ ಹಿಂದೆ ಆರು ಸಾವಿದ ಇದ್ದು ಪರಿಷ್ಕೃತ ದರ 11000 ಕ್ಕೆ ಏರಿಸಲಾಗಿದೆ. ಬೆಳ್ಳಿ ರಥೋತ್ಸವ ಸೇವೆ ಹೊಸದಾಗಿ ಆರಂಭಿಸಲಾಗಿದ್ದು ಕಾರ್ತಿಕ ಮಾಸದ ಶುದ್ದ ಷಷ್ಠಿಯಿಂದ ಜ್ಯೇಷ್ಠ ಮಾಸದ ಶುದ್ದ ಷಷ್ಠಿಯವರೆಗೆ ಪ್ರತಿ ತಿಂಗಳ ಶುದ್ಧ ಬಿದಿಗೆ, ಬಹುಳ ಬಿದಿಗೆ,ಶುದ್ದ ಚೌತಿ, ಬಹುಳ ಚೌತಿ, ಶುದ್ದ ಷಷ್ಠಿ , ಬಹುಳ ಷಷ್ಠಿ,ಶುದ್ದ ನವಮಿ, ಬಹುಳ ನವಮಿ, ಶುದ್ದ ಚರ್ತುದಶಿ, ಬಹುಳ ಚರ್ತುದಶಿ, ಈ ಹತ್ತು ದಿನಗಳಲ್ಲಿ ಹರಿಕೆ ಸೇವೆ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ಬೆಳ್ಳಿ ರಥೋತ್ಸವ ಸೇವೆ ನಡೆಯುವ ದಿನ ಭಂಡಿ ರಥೋತ್ಸವ ಸೇವೆ ನಡೆಯುವುದಿಲ್ಲ . ಬೀದಿ ಉತ್ಸವ ನಡೆಯುವ ದಿವಸ ಬೆಳ್ಳಿ ರಥೋತ್ಸವ ಸೇವೆ ಇರುವುದಿಲ್ಲ ದೇವಳದ ಪ್ರಕಟಣೆ ತಿಳಿಸಿದೆ. ಸುಮಾರು 5000 ವರ್ಷಗಳಷ್ಟು ಹಳೆಯದಾದ ಐತಿಹಾಸಿಕ ಮತ್ತು ಪೌರಾಣಿಕ ಪ್ರಸಿದ್ಧ ನಾಗ ಕ್ಷೇತ್ರಕ್ಕೆ ಸಾವಿರಾರು ಸಂಖ್ಯೆಯಲ್ಲಿ ಭಕ್ತರು ಬರುತ್ತಾರೆ.

ವಿಜಯದಶಮಿ, ಗಜಲಕ್ಷ್ಮೀ ಪೂಜೆ

ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನದಲ್ಲಿ ವಿಜಯದಶಮಿ ಮತ್ತು ಶಮೀಪೂಜೆ ಆಚರಿಸಲಾಯಿತು. ಸಾಲಾಂಕೃತ ಪಲ್ಲಕ್ಕಿಯಲ್ಲಿ ಆನೆ, ಬಿರುದಾವಳಿ,ನಾದಸ್ವರ ಹಾಗೂ ಬ್ಯಾಂಡ್ ನಿನಾದದೊಂದಿಗೆ ಶ್ರೀ ದೇವಿಯನ್ನು ದೇವಳದಿಂದ ಮೆರವಣಿಗೆಯಲ್ಲಿ ಕಾಶಿಕಟ್ಟೆಗೆ ತರಲಾಯಿತು.

ನಂತರ ಕಾಶಿಕಟ್ಟೆಯ ಮಹಾಗಣಪತಿ ಸನ್ನಿಧಿಯಲ್ಲಿ ಶಮೀಪೂಜೆ ನೆರವೇರಿತು.ಅಲ್ಲದೆ ಶ್ರೀ ದೇವಿಗೆ ಪೂಜೆ ಸಮರ್ಪಿತವಾಯಿತು. ಕುಕ್ಕೆ ಸುಬ್ರಹ್ಮಣ್ಯ ದೇವಳದ ಅರ್ಚಕ ಸತ್ಯನಾರಾಯಣ ನೂರಿತ್ತಾಯರು ವಿವಿಧ ವೈಧಿಕ ವಿಧಾನಗಳೊಂದಿಗೆ ಶ್ರೀ ದೇವಿಗೆ ಶಮಿ ಸಮರ್ಪಣೆ ಮಾಡಿದರು. ದೇವಳದ ವಿವಿಧ ಆಯುಧಗಳಿಗೆ ಪೂಜೆಯು ನೆರವೇರಿತು. ಪೂಜಾ ಸಂದರ್ಭದಲ್ಲಿ ಕುಶಾಲು ತೋಪು ಸಿಡಿಸಲಾಯಿತು. ಅರ್ಚಕರು ಭಕ್ತಾರಿಗೆ ಶಮಿ ವಿತರಿಸಿದರು.

ಗಜಲಕ್ಷ್ಮಿ ಪೂಜೆ:

ದೇವಳದ ಗಜರಾಣಿ ಯಶಸ್ವಿಗೆ ಮಹಾನವಮಿಯ ದಿನವಾದ ಬುಧವಾರ ಗಜಲಕ್ಷ್ಮಿ ಪೂಜೆ ನಡೆಯಿತು. ಕ್ಷೇತ್ರ ಪುರೋಹಿತ ಮದುಸೂಧನ ಕಲ್ಲೂರಾಯ ವಿಧಿವಿಧಾನಗಳೊಂದಿಗೆ ಪೂಜೆ ನೆರವೇರಿಸಿದರು. ಆನೆಗೆ ಹಣ್ಣುಹಂಪಲು ತೆಂಗಿನಕಾಯಿ, ಅವಲಕ್ಕಿ, ಅರಳು, ಬೆಲ್ಲ,ಹಣ್ಣು ಹಂಪಲು, ತೆಂಗಿನ ಕಾಯಿ ಇತ್ಯಾದಿ ತಿನಿಸುಗಳನ್ನು ನೀಡಿದರು. ಯಶಸ್ವಿಯು ಮೊಣಕಾಲೂರಿ ಶ್ರೀ ದೇವರಿಗೆ ಪ್ರಣಾಮ ಮಾಡಿತು. ಪೂಜೆಯ ಬಳಿಕ ಸೊಂಡಿಲೆತ್ತಿ ಸರ್ವರಿಗೂ ಆಶೀರ್ವದಿಸಿತು.

ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಹರೀಶ್.ಎಸ್.ಇಂಜಾಡಿ, ಕಾರ್ಯನಿರ್ವಹಣಾಧಿಕಾರಿ ಅರವಿಂದ ಅಯ್ಯಪ್ಪ ಸುತಗುಂಡಿ, ವ್ಯವಸ್ಥಾಪನಾ ಸಮಿತಿ ಸದಸ್ಯರಾದ ಪ್ರವೀಣ ರೈ ಮರುವಂಜ,ಅಶೋಕ್ ನೆಕ್ರಾಜೆ, ಲೀಲಾ ಮನಮೋಹನ್, ಸೌಮ್ಯಾ ಭರತ್, ಅಜಿತ್ ಕುಮಾರ್ ಪಾಲೇರಿ, ಶ್ರೀ ದೇವಳದ ಅಧೀಕ್ಷಕ ಕೆ.ಎಂ.ಗೋಪಿನಾಥ್ ನಂಬೀಶ, ಶಿಷ್ಠಾಚಾರ ಅಧಿಕಾರಿ ಜಯರಾಮ ರಾವ್, ಶಿಷ್ಠಾಚಾರ ವಿಭಾಗದ ಪ್ರಮೋದ್ ಕುಮಾರ್.ಎಸ್, ಮಾವುತ ಗುರುಪ್ರಸಾದ್ ಮಲ್ಲಿಗೆಮಜಲು ಮತ್ತಿತರರಿದ್ದರು.

ಅಮೆಜಾನ್‌ನಲ್ಲಿ ತರಿಸಿದ ಪ್ರೋಟೀನ್ ಬಾರ್ ಚಾಕೋಲೇಟ್‌ನಲ್ಲಿ ಜೀವಂತ ಹುಳು; ಈಗಾಗಲೆ 6 ತಿಂದಿದ್ದ ಟೆಕ್ಕಿ!

Sathish Kumar KH — Fri, 23 Oct 2026 09:48:59 +0530

ಬೆಂಗಳೂರು (ಅ.23): ನಗರದ ನಿವಾಸಿಯೊಬ್ಬರು ಇ-ಕಾಮರ್ಸ್‌ ವೆಬ್‌ಸೈಟ್‌ ಮೂಲಕ ಖರೀದಿಸಿದ್ದ ಪ್ರೋಟೀನ್ ಬಾರ್‌ನಲ್ಲಿ ಜೀವಂತ ಹುಳು ಕಾಣಿಸಿಕೊಂಡಿದ್ದು, ಆತಂಕಕ್ಕೆ ಕಾರಣವಾಗಿದೆ.

ಕೊಮ್ಮಘಟ್ಟ ನಿವಾಸಿ ಶಿವನಾಗ್ ಅವರು, ಅಮೆಜಾನ್ ಮೂಲಕ ಆರ್ಡರ್ ಮಾಡಿ ಅ.7ರಂದು ತರಿಸಿಕೊಂಡಿದ್ದ ರೈಟ್‌ ಬೈಟ್ ಹೆಸರಿನ ಪ್ರೊಟೀನ್ ಬಾರ್‌ನಲ್ಲಿ ಬಿಳಿ ಬಣ್ಣದ ಹುಳು ಕಾಣಿಸಿಕೊಂಡಿದೆ. ಈ ಕುರಿತು ಜಾಲತಾಣ ಇನ್‌ಸ್ಟಾಗ್ರಾಂನಲ್ಲಿ ಫೋಟೋ ಸಹಿತ ಪೋಸ್ಟ್ ಮಾಡಿರುವ ಶಿವನಾಗ್, ಆರೋಗ್ಯ ಇಲಾಖೆ ಈ ಕುರಿತು ಕ್ರಮ ಕೈಗೊಳ್ಳಬೇಕು ಎಂದು ಕೋರಿದ್ದಾರೆ.

ಈಗಾಗಲೇ 6 ಪ್ರೊಟೀನ್ ಬಾರ್ ಸೇವಿಸಿದ್ದ ವ್ಯಕ್ತಿ

ಒಟ್ಟು 12 ಪ್ರೊಟೀನ್ ಬಾರ್‌ಗಳನ್ನು ಖರೀದಿಸಿದ್ದೆ. ಅದರಲ್ಲಿ ಆರು ಸೇವಿಸಿದ್ದೇನೆ. ಗುರುವಾರ ಮತ್ತೊಂದು ಬಾರ್ ತಿನ್ನಲೆಂದು ಕವರ್ ತೆರೆದ ಕೂಡಲೇ ಬಿಳಿ ಹುಳು ಕಾಣಿಸಿಕೊಂಡಿತು. ಈ ಕುರಿತು ಪ್ರೋಟೀನ್ ಬಾರ್ ಕಂಪನಿಗೆ ದೂರು ನೀಡಿದ್ದೇನೆ. ಅಲ್ಲದೇ, ನನ್ನಂತೆಯೇ ಬೇರೆಯವರು ಕೂಡ ಹುಳು ಬಂದಿರುವ ಕುರಿತು ಪೋಸ್ಟ್ ಮಾಡಿದ್ದಾರೆ. ಹುಳು ಬಂದಿರುವ ಪ್ರೋಟೀನ್ ಬಾರ್ ಆಗಸ್ಟ್‌ನಲ್ಲಿ ಮ್ಯಾನುಫ್ಯಾಕ್ಚರಿಂಗ್ ಆಗಿದ್ದು, 2027ರ ಆಗಸ್ಟ್‌ವರೆಗೂ ಅವಧಿ ಇದೆ ಶಿವನಾಗ್ ತಿಳಿಸಿದರು.

ಏಕದಿನ ಕ್ರಿಕೆಟ್‌ನಲ್ಲಿ ಹೊಸ ಇತಿಹಾಸ: ಇಂಗ್ಲೆಂಡ್ ಎದುರು 430 ರನ್ ಅಸಾಧ್ಯ ಗುರಿ ಬೆನ್ನತ್ತಿದ ಶ್ರೀಲಂಕಾ ತಂಡ!

Naveen Kodase — Fri, 23 Oct 2026 09:29:55 +0530

ರಾವಲ್ಪಿಂಡಿ: ಪಾಕಿಸ್ತಾನದಲ್ಲಿ ನಡೆಯುತ್ತಿರುವ ತ್ರಿಕೋನ ಏಕದಿನ ಸರಣಿಯಲ್ಲಿ ಗುರುವಾರ ಇಂಗ್ಲೆಂಡ್‌ ವಿರುದ್ಧ ನಡೆದ ಪಂದ್ಯದಲ್ಲಿ ಶ್ರೀಲಂಕಾ 430 ರನ್‌ ಗುರಿಯನ್ನು ಯಶಸ್ವಿಯಾಗಿ ಬೆನ್ನತ್ತಿದೆ. ಇದರೊಂದಿಗೆ ಏಕದಿನ ಕ್ರಿಕೆಟ್‌ ಇತಿಹಾಸದಲ್ಲೇ 2ನೇ ಗರಿಷ್ಠ ರನ್‌ ಚೇಸ್‌ ದಾಖಲೆ ಬರೆದಿದೆ. ಮೊದಲು ಬ್ಯಾಟ್‌ ಮಾಡಿದ ಇಂಗ್ಲೆಂಡ್‌ ಹ್ಯಾರಿ ಬ್ರೂಕ್‌ರ ದ್ವಿಶತಕದ ನೆರವಿನಿಂದ 4 ವಿಕೆಟ್‌ಗೆ 429 ರನ್‌ ಗಳಿಸಿತು. ಲಂಕಾ 49.5 ಓವರಲ್ಲಿ 8 ವಿಕೆಟ್‌ ನಷ್ಟಕ್ಕೆ 430 ರನ್‌ ಗಳಿಸಿತು.

ಶ್ರೀಲಂಕಾ ಆರಂಭಿಕ ಬ್ಯಾಟರ್ ಅವಿಷ್ಕಾ ಫರ್ನಾಂಡೋ 83 ಎಸೆತಗಳಲ್ಲಿ 97 ರನ್ ಸಿಡಿಸಿದರೆ, ಮಧ್ಯಮ ಕ್ರಮಾಂಕದಲ್ಲಿ ಪವನ್ ರತ್ನನಾಯಕೆ 130 ರನ್ ಸಿಡಿಸುವ ಮೂಲಕ ತಂಡಕ್ಕೆ ಆಸರೆಯಾದರು. ಮಾಜಿ ನಾಯಕ ದಶುನ್ ಶಾನಕ ಕೇವಲ 50 ಎಸೆತಗಳಲ್ಲಿ 97 ರನ್ ಬಾರಿಸಿ ವಿಕೆಟ್ ಒಪ್ಪಿಸಿದರು. ಕೊನೆಯಲ್ಲಿ ಸ್ಪೋಟಕ ಬ್ಯಾಟಿಂಗ್ ನಡೆಸಿದ ಜನಿತ್ ಲಿಯಾನಗೆ ಕೇವಲ 27 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 3 ಸಿಕ್ಸರ್ ಸಹಿತ ಅಜೇಯ 61 ರನ್ ಸಿಡಿಸುವ ಮೂಲಕ ಇನ್ನೂ ಒಂದು ಎಸೆತ ಬಾಕಿ ಇರುವಂತೆಯೇ ತಂಡವನ್ನು ಗೆಲುವಿನ ದಡ ಸೇರಿಸಿದರು.

ಅಂದಹಾಗೆ ಏಕದಿನದಲ್ಲಿ ಗರಿಷ್ಠ ರನ್‌ ಬೆನ್ನತ್ತಿದ ದಾಖಲೆ ದ.ಆಫ್ರಿಕಾ ಹೆಸರಿನಲ್ಲಿದೆ. ಆಸ್ಟ್ರೇಲಿಯಾ ವಿರುದ್ಧ 2006ರಲ್ಲಿ 435 ರನ್‌ ಗುರಿಯನ್ನು ಬೆನ್ನತ್ತಿ ಗೆದ್ದಿತ್ತು.

ಬ್ರೂಕ್‌ ವೇಗದ ದ್ವಿಶತಕ

ಇಂಗ್ಲೆಂಡ್‌ ನಾಯಕ ಹ್ಯಾರಿ ಬ್ರೂಕ್‌, ಲಂಕಾ ವಿರುದ್ಧ ಕೇವಲ 113 ಎಸೆತದಲ್ಲಿ 200 ರನ್‌ ಸಿಡಿಸಿದರು. ಇದರೊಂದಿಗೆ ಏಕದಿನದಲ್ಲಿ ಅತಿವೇಗದ ದ್ವಿಶತಕ ದಾಖಲಿಸಿದರು. ಇತ್ತೀಚೆಗಷ್ಟೇ ಭಾರತದ ನಾಯಕ ಶುಭ್‌ಮನ್‌ ಗಿಲ್‌ ವಿಂಡೀಸ್‌ ವಿರುದ್ಧ 116 ಎಸೆತದಲ್ಲಿ ದ್ವಿಶತಕ ಬಾರಿಸಿ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದರು. ಗಿಲ್‌ ದಾಖಲೆಯನ್ನು ಬ್ರೂಕ್‌ ಮುರಿದಿದ್ದಾರೆ. ಬ್ರೂಕ್‌ 116 ಎಸೆತದಲ್ಲಿ 202 ರನ್‌ ಗಳಿಸಿದರು.

ಆಸೀಸ್‌ ವಿರುದ್ಧ ಇನ್ನಿಂಗ್ಸ್‌ ಜಯ ಸಾಧಿಸಿದ ದ.ಆಫ್ರಿಕಾ

ಪೋರ್ಟ್‌ ಎಲಿಜೆಬೆತ್‌: ಆಸ್ಟ್ರೇಲಿಯಾ ವಿರುದ್ಧದ 2ನೇ ಟೆಸ್ಟ್‌ನಲ್ಲಿ ಇನ್ನಿಂಗ್ಸ್‌ ಹಾಗೂ 31 ರನ್‌ಗಳ ಅಮೋಘ ಗೆಲುವು ಸಾಧಿಸಿದ ದಕ್ಷಿಣ ಆಫ್ರಿಕಾ, 3 ಪಂದ್ಯಗಳ ಸರಣಿಯಲ್ಲಿ 1-1ರ ಸಮಬಲ ಸಾಧಿಸಿದೆ. 5ನೇ ದಿನವಾದ ಗುರುವಾರ ಮೊದಲ ಅವಧಿ ಮಳೆಗೆ ಬಲಿಯಾಗಿ, ಮುಂಚೂಣಿ ವೇಗಿ ಏನ್ರಿಚ್‌ ನೋಕಿಯ ಗಾಯದಿಂದಾಗಿ ಕಣಕ್ಕಿಳಿಯದಿದ್ದರೂ, 2ನೇ ಇನ್ನಿಂಗ್ಸ್‌ನಲ್ಲಿ ಆಸ್ಟ್ರೇಲಿಯಾವನ್ನು 295 ರನ್‌ಗೆ ಆಲೌಟ್‌ ಮಾಡಲು ದ.ಆಫ್ರಿಕಾ ಯಶಸ್ವಿಯಾಯಿತು. ಮೊದಲ ಇನ್ನಿಂಗ್ಸಲ್ಲಿ 110ಕ್ಕೆ 6 ವಿಕೆಟ್‌ ಕಳೆದುಕೊಂಡ ಹೊರತಾಗಿಯೂ 425 ರನ್‌ ಗಳಿಸಿದ್ದ ದ.ಆಫ್ರಿಕಾ, ಬಳಿಕ ಆಸ್ಟ್ರೇಲಿಯಾವನ್ನು 99 ರನ್‌ಗೆ ಆಲೌಟ್‌ ಮಾಡಿ ಫಾಲೋ ಆನ್‌ ಹೇರಿತ್ತು.

ಟೆಸ್ಟ್‌ ಕ್ರಿಕೆಟ್‌: ಸ್ಟೀವ್‌ ಸ್ಮಿತ್ 11000 ರನ್‌ ಮೈಲುಗಲ್ಲು

ಗೆಬೆರ್ಹಾ: ಆಸ್ಟ್ರೇಲಿಯಾದ ತಾರಾ ಕ್ರಿಕೆಟಿಗ ಸ್ಟೀವ್‌ ಸ್ಮಿತ್‌ ಟೆಸ್ಟ್‌ ಕ್ರಿಕೆಟ್‌ನಲ್ಲಿ 11000 ರನ್‌ ಪೂರೈಸಿದ್ದಾರೆ. ದ.ಆಫ್ರಿಕಾ ವಿರುದ್ಧ 2ನೇ ಟೆಸ್ಟ್‌ ಪಂದ್ಯದ ಮೊದಲ ಇನ್ನಿಂಗ್ಸ್‌ನಲ್ಲಿ ಅವರು ಈ ಮೈಲುಗಲ್ಲು ಸಾಧಿಸಿದ್ದಾರೆ. ಅವರು 127 ಪಂದ್ಯಗಳ 226 ಇನ್ನಿಂಗ್ಸ್‌ಗಳಲ್ಲಿ ಈ ಸಾಧನೆ ಮಾಡಿದ್ದಾರೆ. 37 ಶತಕ ಹಾಗೂ 45 ಅರ್ಧಶತಕ ಬಾರಿಸಿದ್ದಾರೆ.

ಟೆಸ್ಟ್‌ನಲ್ಲಿ 11000 ರನ್‌ ಪೂರೈಸಿದ ವಿಶ್ವದ 12ನೇ ಹಾಗೂ ಆಸ್ಟ್ರೇಲಿಯಾದ 3ನೇ ಕ್ರಿಕೆಟಿಗ ಸ್ಮಿತ್‌. ಆಸೀಸ್‌ ಪರ ಮಾಜಿ ನಾಯಕ ರಿಕಿ ಪಾಂಟಿಂಗ್‌ 13378 ಹಾಗೂ ಆ್ಯಲನ್‌ ಬಾರ್ಡರ್‌ 11174 ರನ್‌ ಸಿಡಿಸಿದ್ದಾರೆ. ಭಾರತದ ದಿಗ್ಗಜ ಕ್ರಿಕೆಟಿಗ ಸಚಿನ್‌ ತೆಂಡುಲ್ಕರ್‌ 15921 ರನ್‌ ಗಳಿಸಿದ್ದು, ಪಟ್ಟಿಯಲ್ಲಿ ಅಗ್ರಸ್ಥಾನ ಕಾಯ್ದುಕೊಂಡಿದ್ದಾರೆ.

ಬಾಕಿ ಬಿಲ್ ಕೊಟ್ಟಿಲ್ಲವೆಂದು ಮೃತದೇಹ ತಡೆಹಿಡಿಯುವಂತಿಲ್ಲ; ಖಾಸಗಿ ಆಸ್ಪತ್ರೆಗಳಿಗೆ ಸಚಿವ ಖಾದರ್ ಖಡಕ್ ಎಚ್ಚರಿಕೆ!

Kannadaprabha News — Fri, 23 Oct 2026 09:17:16 +0530

ಬೆಂಗಳೂರು (ಅ.23): ರೋಗಿಗಳ ಮೇಲೆ ವಿಪರೀತ ಶುಲ್ಕ ಹೊರೆ ಬೀಳಬಾರದು. ಬಾಕಿ ಬಿಲ್ ಪಾವತಿ ಆಗಿಲ್ಲ ಎಂಬ ಕಾರಣಕ್ಕೆ ಯಾವುದೇ ಆಸ್ಪತ್ರೆ ಮೃತದೇಹ ತಡೆ ಹಿಡಿಯಬಾರದು. ಈ ಬಗ್ಗೆ ಸ್ಪಷ್ಟ ನೀತಿ ರೂಪಿಸಲಾಗುವುದು ಎಂದು ಆರೋಗ್ಯ ಸಚಿವ ಯು.ಟಿ. ಖಾದರ್‌ ಖಾಸಗಿ ಆಸ್ಪತ್ರೆಗಳಿಗೆ ಎಚ್ಚರಿಕೆ ನೀಡಿದ್ದಾರೆ.

ಜನರ ಮೇಲಿನ ವೈದ್ಯಕೀಯ ವೆಚ್ಚದ ಹೊರೆ ಕಡಿಮೆ ಮಾಡುವ ನಿಟ್ಟಿನಲ್ಲಿ ಗುರುವಾರ ಆರೋಗ್ಯ ಸೌಧದಲ್ಲಿ ಖಾಸಗಿ ಆಸ್ಪತ್ರೆಗಳ ಸಂಘ (ಫನಾ) ಜೊತೆ ಸಚಿವರು ಸಭೆ ನಡೆಸಿದರು.

ಖಾಸಗಿ ಆಸ್ಪತ್ರೆ ಚಿಕಿತ್ಸೆ ದರಪಟ್ಟಿ ಪ್ರದರ್ಶನ ಕಡ್ಡಾಯ

ಈ ವೇಳೆ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ದರ ಪಟ್ಟಿ ಪ್ರದರ್ಶನ ಕಡ್ಡಾಯ. ಪ್ರಮುಖ ದರ ಪಟ್ಟಿಯನ್ನು ವಿಭಿನ್ನ ಕಲರ್‌ನಲ್ಲಿ ಪ್ರದರ್ಶಿಸಬೇಕು. ದರಪಟ್ಟಿ ಪ್ರದರ್ಶನದಲ್ಲಿ ಪಾರದರ್ಶಕತೆ ಇರಬೇಕು ಹಾಗೂ ನ್ಯಾಯಯುತ, ಏಕರೂಪ ದರ ವ್ಯವಸ್ಥೆ ಆಗಬೇಕು ಎಂದು ಸಲಹೆ ನೀಡಿದರು.

ದರಪಟ್ಟಿ ಪ್ರದರ್ಶಿಸಲು ಸಿದ್ಧ:

ಇದಕ್ಕೆ ಆಕ್ಷೇಪಿಸಿದ ಖಾಸಗಿ ಆಸ್ಪತ್ರೆಗಳ ಪ್ರತಿನಿಧಿಗಳು, ದರ ಪಟ್ಟಿ ಪ್ರದರ್ಶಿಸಲು ಸಿದ್ಧರಿದ್ದೇವೆ. ಅದಕ್ಕೆ ಸಮಯಾವಕಾಶ ಬೇಕು. ಆದರೆ ಎಲ್ಲಾ ರೀತಿಯ ಶಸ್ತ್ರಚಿಕಿತ್ಸೆಗಳ ದರ ಪ್ರದರ್ಶನ ಕಷ್ಟವಾಗಲಿದೆ. ಶಸ್ತ್ರಚಿಕಿತ್ಸೆಗೆ ದರ ಪ್ರದರ್ಶನ ಮಾಡಿದರೆ ಅದಕ್ಕೆ ಪೂರಕ ಅಥವಾ ಹೆಚ್ಚುವರಿಯಾಗಿ ತಗಲುವ ವೆಚ್ಚಗಳ ಬಗ್ಗೆ ರೋಗಿ ಹಾಗೂ ಆಸ್ಪತ್ರೆಗಳ ನಡುವೆ ಹೊಸ ಗೊಂದಲ ಉಂಟಾಗಲಿದೆ. ಈ ಬಗೆಗಿನ ಸಮಸ್ಯೆಗಳನ್ನು ವಾಸ್ತವಿನ ನೆಲೆಗಟ್ಟಿನಲ್ಲಿ ಪುನರ್‌ ಪರಿಶೀಲನೆ ಮಾಡಬೇಕು ಎಂದು ಹೇಳಿದರು ಎನ್ನಲಾಗಿದೆ.

ಹೀಗಾಗಿ ಖಾಸಗಿ ಆಸ್ಪತ್ರೆಗಳ ವಿಪರೀತ ಶುಲ್ಕ ವಸೂಲಿ ಬಗ್ಗೆ ಇಲಾಖೆಯ ಅಧಿಕಾರಿಗಳೊಂದಿಗೆ ಚರ್ಚಿಸಿ ಮುಂದಿನ ತೀರ್ಮಾನ ಕೈಗೊಳ್ಳಲಾಗುವುದು. ರೋಗಿಗಳಿಗೆ ತೊಂದರೆಯಾಗದಂತೆ ಮತ್ತು ಜನರಿಗೆ ಮೋಸವಾಗದಂತೆ ಪಾರದರ್ಶಕ ವ್ಯವಸ್ಥೆ ರೂಪಿಸಲು ಸರ್ಕಾರ ಬದ್ಧವಾಗಿದೆ ಎಂದು ಯು.ಟಿ. ಖಾದರ್‌ ತಿಳಿಸಿದರು ಎಂದು ತಿಳಿದು ಬಂದಿದೆ.

ಸರ್ಕಾರ ಯಾವುದೇ ಗೊಂದಲ ಉಂಟಾಗದಂತೆ ಪಾರದರ್ಶಕ ವ್ಯವಸ್ಥೆ ರೂಪಿಸಲಿದೆ. ಪ್ರತಿಯೊಬ್ಬ ರೋಗಿಗೂ ಗುಣಮಟ್ಟದ ಚಿಕಿತ್ಸೆ ನ್ಯಾಯಯುತ ದರದಲ್ಲಿ ಸಿಗುವಂತೆ ಮಾಡುವುದೇ ನಮ್ಮೆಲ್ಲರ ಗುರಿಯಾಗಬೇಕು. ಈ ನಿಟ್ಟಿನಲ್ಲಿ ಆಸ್ಪತ್ರೆಗಳು ಸಹಕರಿಸಬೇಕು ಎಂದು ಕೋರಿದರು.

ಕ್ಯಾನ್ಸರ್, ಹೃದಯ, ಕಿಡ್ನಿ ಸೇರಿ ದುಬಾರಿ ಜೀವರಕ್ಷಕ ಔಷಧಗಳ ದರ ಕಡಿಮೆ ಮಾಡುವ ಮತ್ತು ಅನಧಿಕೃತ ಎಂಆರ್‌ಪಿ ಹೆಚ್ಚಳಕ್ಕೆ ಕಡಿವಾಣ ಹಾಕುವ ಕುರಿತು ಚರ್ಚಿಸಲಾಯಿತು. ಇದಕ್ಕೆ ಆಸ್ಪತ್ರೆಗಳ ಪ್ರತಿನಿಧಿಗಳು, ಲ್ಯಾಂಡಿಂಗ್‌ ದರ ಹಾಗೂ ಗರಿಷ್ಠ ಮಾರಾಟ ದರ ನಮ್ಮ ವ್ಯಾಪ್ತಿಗೆ ಬರುವುದಿಲ್ಲ. ಈ ಬಗ್ಗೆ ಔಷಧ ತಯಾರಕರು ಹಾಗೂ ವಿತರಕರ ಜತೆ ಸರ್ಕಾರ ಚರ್ಚಿಸಬೇಕು ಎಂದು ಸಲಹೆ ನೀಡಿದರು. ಈ ವೇಳೆ ಸಚಿವರು ಮುಂದಿನ ದಿನಗಳಲ್ಲಿ ಔಷಧ ತಯಾರಕರು ಮತ್ತು ವಿತರಕರ ಜೊತೆಯೂ ಸಭೆ ನಡೆಸಲಾಗುವುದು ಎಂದು ಭರವಸೆ ನೀಡಿದರು.

ವಿಮಾ ಕಂಪನಿಗಳೊಂದಿಗೆ ಪ್ರತ್ಯೇಕ ಸಭೆ:

ಸಭೆಯಲ್ಲಿ ಆರೋಗ್ಯ ವಿಮೆ ಹೊಂದಿರುವ ರೋಗಿಗಳಿಗೆ ಹೆಚ್ಚುವರಿ ಶುಲ್ಕ ವಿಧಿಸುವುದನ್ನು ತಡೆಯಲು ಮತ್ತು ಕ್ಲೇಮ್ ಪ್ರಕ್ರಿಯೆ ಸರಳಗೊಳಿಸಲು ವಿಮಾ ಕಂಪನಿಗಳೊಂದಿಗೆ ಪ್ರತ್ಯೇಕ ಸಭೆ ನಡೆಸಲಾಗುವುದು ಎಂದು ಸಚಿವರು ತಿಳಿಸಿದರು.

ಅಗ್ನಿಶಾಮಕ ಇಲಾಖೆ, ಮಾಲಿನ್ಯ ನಿಯಂತ್ರಣ ಮಂಡಳಿ ಮತ್ತು ಕೆಪಿಎಂಇ ಕಾಯ್ದೆಗೆ ಸಂಬಂಧಿಸಿ ಖಾಸಗಿ ಆಸ್ಪತ್ರೆಗಳು ಎದುರಿಸುತ್ತಿರುವ ಸಮಸ್ಯೆಗಳ ಬಗ್ಗೆ ಮನವಿ ಸ್ವೀಕರಿಸಿ ಚರ್ಚಿಸಲಾಯಿತು. ಇವುಗಳನ್ನು ಬಗೆಹರಿಸಲು ಕ್ರಮ ಕೈಗೊಳ್ಳಲಾಗುವುದು ಎಂದು ಖಾದರ್‌ ಭರವಸೆ ನೀಡಿದರು.

ಸಂಬಂಧಿಕರಿಗೆ ₹2 ಲಕ್ಷ ಸಾಲ ಕೊಟ್ಟು ಸಂಕಷ್ಟಕ್ಕೆ ಸಿಲುಕಿದ ವ್ಯಕ್ತಿ: ಪತ್ನಿಗೆ ಹೇಳದೆ ಮಾಡಿದ ನಿರ್ಧಾರದಿಂದ ದಾಂಪತ್ಯದಲ್ಲಿ ಬಿರುಕು!

Chandrashekar GS — Fri, 23 Oct 2026 09:14:33 +0530

ಸಂಬಂಧಿಕರಿಗೆ ₹2 ಲಕ್ಷ ಸಾಲ ಕೊಟ್ಟು ಸಂಕಷ್ಟಕ್ಕೆ ಸಿಲುಕಿದ ವ್ಯಕ್ತಿ: ಪತ್ನಿಗೆ ಹೇಳದೆ ಮಾಡಿದ ನಿರ್ಧಾರದಿಂದ ದಾಂಪತ್ಯದಲ್ಲಿ ಬಿರುಕು!

ಸಂಬಂಧಿಕರಿಗೆ ಕಷ್ಟದ ಸಮಯದಲ್ಲಿ ಹಣಕಾಸಿನ ನೆರವು ನೀಡುವುದು ಮಾನವೀಯ ಗುಣ. ಆದರೆ ಸಾಲವಾಗಿ ಕೊಟ್ಟ ಹಣ ವಾಪಸ್ ಬರದಿದ್ದರೆ, ಅದರಿಂದ ಕುಟುಂಬದ ನೆಮ್ಮದಿಯೇ ಹಾಳಾದರೆ ಏನು ಮಾಡಬೇಕು? ಇಂತಹ ಪ್ರಶ್ನೆ ಹುಟ್ಟುಹಾಕುವ ಘಟನೆ ಕುರಿತು ಮನಿಕಂಟ್ರೋಲ್ ವರದಿ ಮಾಡಿದೆ. ಸಂಬಂಧಿಕರೊಬ್ಬರ ವೈದ್ಯಕೀಯ ತುರ್ತು ಪರಿಸ್ಥಿತಿಗಾಗಿ ₹2 ಲಕ್ಷ ನೀಡಿದ ವ್ಯಕ್ತಿಯೊಬ್ಬರು, ಆ ನಿರ್ಧಾರದಿಂದ ಪತ್ನಿಯೊಂದಿಗೆ ಭಿನ್ನಾಭಿಪ್ರಾಯ ಎದುರಿಸಿರುವುದಾಗಿ ರೆಡಿಟ್‌ನಲ್ಲಿ ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.

ಪತ್ನಿಯೊಂದಿಗೆ ಚರ್ಚಿಸದೆ ₹2 ಲಕ್ಷ ವರ್ಗಾವಣೆ

ವರದಿಯ ಪ್ರಕಾರ, ಆ ವ್ಯಕ್ತಿ ಮತ್ತು ಅವರ ಪತ್ನಿ ಇಬ್ಬರೂ 20ರ ಹರೆಯದಲ್ಲಿದ್ದು, ದೊಡ್ಡ ನಗರವೊಂದರಲ್ಲಿ ವಾಸಿಸುತ್ತಿದ್ದಾರೆ. ದಂಪತಿಯ ಒಟ್ಟು ಮಾಸಿಕ ಆದಾಯ ತೆರಿಗೆ ಕಡಿತದ ನಂತರ ಸುಮಾರು ₹3.5 ಲಕ್ಷ ಎಂದು ಅವರು ತಿಳಿಸಿದ್ದಾರೆ.

ಒಂದು ತಿಂಗಳ ಹಿಂದೆ ಆಪ್ತ ಸಂಬಂಧಿಕರೊಬ್ಬರು ವೈದ್ಯಕೀಯ ಸಮಸ್ಯೆಯ ಕಾರಣ ತುರ್ತಾಗಿ ₹2 ಲಕ್ಷ ಬೇಕೆಂದು ಕೇಳಿದ್ದಾರೆ. 30 ದಿನಗಳಲ್ಲಿ ಹಣ ಹಿಂತಿರುಗಿಸುವುದಾಗಿ ಭರವಸೆ ನೀಡಿದ್ದರಿಂದ, ಸಂಬಂಧಿಕರಿಗೆ ನೆರವಾಗಬೇಕೆಂಬ ಉದ್ದೇಶದಿಂದ ವ್ಯಕ್ತಿ ತಮ್ಮ ಉಳಿತಾಯದ ಹಣವನ್ನು ವರ್ಗಾಯಿಸಿದ್ದಾರೆ. ಆದರೆ ಈ ನಿರ್ಧಾರ ತೆಗೆದುಕೊಳ್ಳುವ ಮೊದಲು ಪತ್ನಿಯೊಂದಿಗೆ ಚರ್ಚಿಸಿರಲಿಲ್ಲ.

ನಂತರ ಪತ್ನಿಗೆ ವಿಷಯ ತಿಳಿಸಿದಾಗ ದಂಪತಿಯ ನಡುವೆ ವಾಗ್ವಾದ ನಡೆದಿದೆ. ಹಣದ ಮೊತ್ತಕ್ಕಿಂತಲೂ, ಕುಟುಂಬದ ಆರ್ಥಿಕ ನಿರ್ಧಾರಗಳನ್ನು ಪರಸ್ಪರ ಚರ್ಚಿಸದೆ ತೆಗೆದುಕೊಂಡಿರುವುದೇ ಭಿನ್ನಾಭಿಪ್ರಾಯಕ್ಕೆ ಪ್ರಮುಖ ಕಾರಣವಾಗಿತ್ತು ಎಂದು ಅವರು ವಿವರಿಸಿದ್ದಾರೆ.

30 ದಿನ ಕಳೆದರೂ ಹಣ ವಾಪಸ್ ಬರಲಿಲ್ಲ

ಸಾಲ ನೀಡಿದ ಒಂದು ತಿಂಗಳು ಕಳೆದರೂ ಸಂಬಂಧಿಕರಿಂದ ಹಣ ವಾಪಸ್ ಬಂದಿರಲಿಲ್ಲ. ಹಣದ ಬಗ್ಗೆ ವಿಚಾರಿಸಿದಾಗ, ತಾನು ಹಣ ಕೇಳಿದ್ದಕ್ಕೆ ಸಂಬಂಧಿಕರು ಅಹಂಕಾರದ ಆರೋಪ ಮಾಡಿದರು ಮತ್ತು ತಪ್ಪಿತಸ್ಥ ಭಾವನೆ ಮೂಡಿಸುವ ರೀತಿಯಲ್ಲಿ ಮಾತನಾಡಿದರು ಎಂದು ಆ ವ್ಯಕ್ತಿ ರೆಡಿಟ್ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

ಹಣಕಾಸಿನ ನೆರವು ನೀಡಿದರೂ ಅದನ್ನು ಮರಳಿ ಕೇಳುವುದು ತಪ್ಪೇ ಎಂಬ ಪ್ರಶ್ನೆ ಅವರಲ್ಲಿ ಮೂಡಿದೆ. ಹಣ ವಾಪಸ್ ಬರದಿರುವುದು ಮಾತ್ರವಲ್ಲದೆ, ಕುಟುಂಬದೊಳಗಿನ ಸಂಬಂಧಗಳ ಮೇಲೂ ಈ ಘಟನೆ ಪರಿಣಾಮ ಬೀರಿದೆ ಎಂದು ಅವರು ಅಳಲು ತೋಡಿಕೊಂಡಿದ್ದಾರೆ. ಆದರೆ ಸಂಬಂಧಿಕರು ಕೊನೆಗೆ ಹಣ ಹಿಂದಿರುಗಿಸಿದ್ದಾರೆಯೇ ಎಂಬುದು ವರದಿಯಲ್ಲಿ ಸ್ಪಷ್ಟವಾಗಿಲ್ಲ. ಈ ವಿವರಗಳು ಸಾಮಾಜಿಕ ಜಾಲತಾಣದಲ್ಲಿ ವ್ಯಕ್ತಿಯೊಬ್ಬರು ಹಂಚಿಕೊಂಡ ಅನುಭವವನ್ನು ಆಧರಿಸಿವೆ; ಅವುಗಳನ್ನು ಸ್ವತಂತ್ರವಾಗಿ ಪರಿಶೀಲಿಸಲಾಗಿಲ್ಲ.

ಸಂಬಂಧಿಕರಿಗೆ ಹಣ ಕೊಡುವ ಮುನ್ನ ಗಮನಿಸಬೇಕಾದ ಅಂಶಗಳು

ಈ ಘಟನೆ ಕುಟುಂಬದವರಿಗೆ ಹಣಕಾಸಿನ ನೆರವು ನೀಡುವಾಗ ಕೆಲವು ಮಿತಿಗಳನ್ನು ನಿಗದಿಪಡಿಸುವ ಅಗತ್ಯವನ್ನು ನೆನಪಿಸುತ್ತದೆ.

ಮೊದಲು ಸಂಗಾತಿಯೊಂದಿಗೆ ಚರ್ಚಿಸಿ: ಕುಟುಂಬದ ಉಳಿತಾಯಕ್ಕೆ ಸಂಬಂಧಿಸಿದ ದೊಡ್ಡ ನಿರ್ಧಾರಗಳನ್ನು ಪತಿ-ಪತ್ನಿ ಒಟ್ಟಿಗೆ ತೆಗೆದುಕೊಳ್ಳುವುದು ಉತ್ತಮ.
ಮರಳಿ ಪಾವತಿಸುವ ಅವಧಿ ಸ್ಪಷ್ಟವಾಗಿರಲಿ: ಎಷ್ಟು ಹಣ, ಯಾವ ದಿನದೊಳಗೆ ವಾಪಸ್ ಕೊಡಬೇಕು ಎಂಬುದನ್ನು ಲಿಖಿತವಾಗಿ ದಾಖಲಿಸಿಕೊಳ್ಳಿ.
ನಿಮ್ಮ ಸಾಮರ್ಥ್ಯಕ್ಕೆ ತಕ್ಕಂತೆ ನೆರವು ನೀಡಿ: ಹಣ ಮರಳಿ ಬರಲು ತಡವಾದರೂ ನಿಮ್ಮ ಅಗತ್ಯಗಳಿಗೆ ತೊಂದರೆಯಾಗದ ಮೊತ್ತವನ್ನೇ ಸಾಲವಾಗಿ ನೀಡಿ.
ಸಾಲ ಮತ್ತು ಉಡುಗೊರೆಯ ನಡುವಿನ ವ್ಯತ್ಯಾಸ ತಿಳಿದಿರಲಿ: ಹಣವನ್ನು ಮರಳಿ ಪಡೆಯುವ ನಿರೀಕ್ಷೆಯಿದ್ದರೆ, ಅದನ್ನು ಆರಂಭದಲ್ಲೇ ಸ್ಪಷ್ಟಪಡಿಸಿ.

ಸಂಬಂಧಿಕರಿಗೆ ನೆರವಾಗುವುದು ತಪ್ಪಲ್ಲ. ಆದರೆ ಸಹಾಯ ಮಾಡುವ ಉದ್ದೇಶದಿಂದ ತೆಗೆದುಕೊಳ್ಳುವ ನಿರ್ಧಾರವು ಕುಟುಂಬದ ಆರ್ಥಿಕ ಭದ್ರತೆ ಮತ್ತು ದಾಂಪತ್ಯದ ನಂಬಿಕೆಗೆ ಧಕ್ಕೆ ತರಬಾರದು. ಹಣಕಾಸಿನ ವಿಷಯದಲ್ಲಿ ಸ್ಪಷ್ಟತೆ, ಪರಸ್ಪರ ಚರ್ಚೆ ಮತ್ತು ಸೂಕ್ತ ಮಿತಿಗಳು ಇದ್ದರೆ ಅನಗತ್ಯ ಮನಸ್ತಾಪವನ್ನು ಕಡಿಮೆ ಮಾಡಬಹುದು.

We earn 3.5L/month combined but loaning 2L to a by One_Magician_4873 in IndiaFinance

ಅಬ್ಬಬ್ಬಾ! ಈ ಬಾರಿ ಮೈಸೂರು ದಸರಾ ನೋಡಲು ಬಂದವರೆಷ್ಟು ಗೊತ್ತಾ? ಅರಮನೆ, ಮೃಗಾಲಯ ಯಾವುದಕ್ಕೆ ಹೆಚ್ಚು ಭೇಟಿ?

Kannadaprabha News — Fri, 23 Oct 2026 08:47:35 +0530

ಮೈಸೂರು (ಅ.23): ನಾಡಹಬ್ಬ ದಸರಾ ನಿಮಿತ್ತ ಸಾಂಸ್ಕೃತಿಕ ನಗರಿ ಮೈಸೂರಿಗೆ ಪ್ರವಾಸಿಗರ ದಂಡೇ ಹರಿದುಬಂದಿತ್ತು. ಅರಮನೆ ಮತ್ತು ಶ್ರೀ ಚಾಮರಾಜೇಂದ್ರ ಮೃಗಾಲಯಕ್ಕೆ ಭೇಟಿ ನೀಡಿದ ಪ್ರವಾಸಿಗರ ಸಂಖ್ಯೆಯಲ್ಲಿ ಕಳೆದ ವರ್ಷಕ್ಕಿಂತ ಈ ವರ್ಷ ಹೆಚ್ಚಳವಾಗಿದೆ.

9 ದಿನಗಳಲ್ಲಿ ಅರಮನೆ ನೋಡಲು 1.10 ಲಕ್ಷ ಮಂದಿ ಭೇಟಿ

ಕಳೆದ 9 ದಿನಗಳಲ್ಲಿ (ಆಯುಧಪೂಜೆ - ವಿಜಯದಶಮಿಗೆ ರಜೆ) ಅರಮನೆಗೆ 1.10 ಲಕ್ಷ ಮಂದಿ ಭೇಟಿ ನೀಡಿದ್ದರೆ, ಮೃಗಾಲಯಕ್ಕೆ ಒಟ್ಟು 11 ದಿನಗಳಲ್ಲಿ 1.57 ಲಕ್ಷ ಮಂದಿ ಭೇಟಿ ನೀಡಿದ್ದಾರೆ. ಇದೇ ಅವಧಿಯಲ್ಲಿ ಕಳೆದ ವರ್ಷ ಮೃಗಾಲಯಕ್ಕೆ 1.56 ಲಕ್ಷ ಮಂದಿ ಭೇಟಿ ನೀಡಿದ್ದರು.

ದಸರಾಕ್ಕೆ ಮೈಸೂರಿಗೆ ಭೇಟಿ ನೀಡಿದ ಪ್ರವಾಸಿಗರೆಷ್ಟು?

ಕಳೆದ ಮೂರ್ನಾಲ್ಕು ವರ್ಷಗಳಲ್ಲಿ ವರ್ಷದಿಂದ ವರ್ಷಕ್ಕೆ ಪ್ರವಾಸಿಗರ ಸಂಖ್ಯೆ ಹೆಚ್ಚಾಗಿತ್ತು. ಸಾಮಾನ್ಯವಾಗಿ ಅರಮನೆ ಮತ್ತು ಮೈಸೂರು ಮೃಗಾಲಯಕ್ಕೆ ಭೇಟಿ ನೀಡುವ ಪ್ರವಾಸಿಗರ ಸಂಖ್ಯೆಯನ್ನು ಆಧರಿಸಿ ಎಷ್ಟು ಮಂದಿ ಪ್ರವಾಸಿಗರು ಮೈಸೂರಿಗೆ ಭೇಟಿ ನೀಡಿರಬಹುದು ಎಂದು ನಿರ್ಧರಿಸಲಾಗುತ್ತದೆ. ಅದರಂತೆ ಈ ಬಾರಿಯು ಮೈಸೂರಿಗೆ ಸುಮಾರು ನಾಲ್ಕೈದು ಲಕ್ಷ ಮಂದಿ ಭೇಟಿ ನೀಡಿದ್ದಾರೆ.

ಯುವದಸರಾ ಮೈಸೂರು ನಗರದ ಹೊರಗೆ ಆಯೋಜಿಸಿದ್ದರಿಂದ ನಗರದ ಒಳ ಭಾಗ ಉಂಟಾಗುವ ಒತ್ತಡ ನಿವಾರಣೆ ಆಯಿತು. ಇನ್ನು ಸಾರ್ವಜನಿಕರು ಹೆಚ್ಚಾಗಿ ಮುಗಿ ಬೀಳುವಂತೆ ಮಾಡಿದ್ದು ಕಣ್ಮನ ತಣಿಸುವ ವಿದ್ಯುತ್‌ ದೀಪಾಲಂಕಾರ, ಆಹಾರ ಮೇಳ ಮತ್ತು ಅರಮನೆ ಮುಂದಿನ ಸಾಂಸ್ಕೃತಿಕ ಕಾರ್ಯಕ್ರಮಕ್ಕೆ ಮಾತ್ರ.

ಅರಮನೆಗೆ ವಾರಾಂತ್ಯದ ಅ.17ರಂದು 15,075 ಮಂದಿ, 18 ರಂದು 17,969 ಮತ್ತು 19 ರಂದು 16,378 ಮಂದಿ ಭೇಟಿ ನೀಡಿದ್ದರು. ಮೃಗಾಲಯಕ್ಕೆ ಆಯುಧಪೂಜೆಯಂದು 20,264 ವಿಜಯದಶಮಿಯಂದು 19,745 ಮಂದಿ ಭೇಟಿ ನೀಡಿದ್ದು, ಇದರಿಂದಾಗಿ 1.93 ಕೋಟಿ ರು. ಆದಾಯ ಸಂಗ್ರಹವಾಗಿದೆ ಎಂದು ಮೃಗಾಲಯ ಕಾರ್ಯನಿರ್ವಾಹಕ ನಿರ್ದೇಶಕಿ ಪಿ. ಅನುಷಾ ಮಾಹಿತಿ ನೀಡಿದ್ದಾರೆ. ಕಳೆದ ವರ್ಷ ₹1.91 ಕೋಟಿ ಸಂಗ್ರಹವಾಗಿತ್ತು.

ರಾಜ್ಯದಲ್ಲಿ 115 ದಿನಗಳ SIR ಸರ್ಕಸ್ ಮುಕ್ತಾಯ; ನಿಮ್ಮ ಹೆಸರು ಮತ ಪಟ್ಟಿಯಲ್ಲಿ ಇದೆಯಾ? ಅ.27ಕ್ಕೆ ರಿಸಲ್ಟ್‌!

Sathish Kumar KH — Fri, 23 Oct 2026 08:46:11 +0530

ಕನ್ನಡಪ್ರಭ ವಾರ್ತೆ ಬೆಂಗಳೂರು

ರಾಜ್ಯದಲ್ಲಿ ನಡೆಯುತ್ತಿರುವ ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ (ಎಸ್‌ಐಆರ್‌) ಪ್ರಕ್ರಿಯೆ ಅಂತಿಮ ಘಟ್ಟ ತಲುಪಿದೆ. ರಾಜ್ಯ ಮುಖ್ಯ ಚುನಾವಣಾಧಿಕಾರಿ ಕಚೇರಿ ಪ್ರಕಟಿಸಿದ್ದ ಕರಡು ಮತದಾರರ ಪಟ್ಟಿ ಸಂಬಂಧ ಸಲ್ಲಿಕೆಯಾಗಿರುವ ಹಕ್ಕು, ಆಕ್ಷೇಪಣೆ, ನೋಟಿಸ್‌ ವಿಲೇವಾರಿಗೆ ನಿಗದಿಪಡಿಸಿದ್ದ ಗಡುವು ಗುರುವಾರ ಅಂತ್ಯಗೊಂಡಿದೆ.

ಇದರೊಂದಿಗೆ, ಜೂ.30ರಿಂದ ಆರಂಭವಾಗಿ 115 ದಿನಗಳ ಕಾಲ ನಡೆದ ಎಸ್‌ಐಆರ್‌ ಸರ್ಕಸ್‌ ಮುಕ್ತಾಯವಾದಂತಾಗಿದೆ. ಮತದಾರರ ಪಟ್ಟಿಯಲ್ಲಿ ಹೆಸರು ಇದೆಯೋ? ಇಲ್ಲವೋ? ಎಂಬುದು ಅ.27ಕ್ಕೆ ಗೊತ್ತಾಗಲಿದೆ.

ಕರಡು ಮತದಾರರ ಪಟ್ಟಿಯ 4.50 ಕೋಟಿ ಮತದಾರರ ಪೈಕಿ ನೋ ಮ್ಯಾಪಿಂಗ್‌ ಮತ್ತು ತಾರ್ಕಿಕ ವ್ಯತ್ಯಾಸ ಕಾರಣಕ್ಕೆ 43.82 ಲಕ್ಷ ಮತದಾರರಿಗೆ ನೋಟಿಸ್‌ ಸೃಜಿಸಲಾಗಿತ್ತು. ಆರಂಭದಲ್ಲಿ ಸಂಬಂಧಿತ ಮತಗಟ್ಟೆ ಮಟ್ಟದ ಅಧಿಕಾರಿ (ಬಿಎಲ್‌ಒ) ಮತದಾರರನ್ನು ಸಂಪರ್ಕಿಸಿ ನೋಟಿಸ್‌ ವಿತರಿಸಿದ್ದರು. ಬಳಿಕ ನಿಗದಿತ ದಿನಾಂಕದಂದು ಮತದಾರರು ನಿಗದಿತ ದಾಖಲೆಗಳೊಂದಿಗೆ ಮತದಾರರ ನೋಂದಣಾಧಿಕಾರಿ ಎದುರು ಹಾಜರಾಗಿ ವಿಚಾರಣೆ ಎದುರಿಸಿದ್ದರು.

27ರಂದು ಅಂತಿಮ ಮತದಾರರ ಪಟ್ಟಿ ಪ್ರಕಟ:

ಬಳಿಕ ಕೇಂದ್ರ ಚುನಾವಣಾ ಆಯೋಗವು ಬಿಎಲ್ಒಗಳೇ ಮತದಾರರ ಮನೆಗಳಿಗೆ ತೆರಳಿ ನೋಟಿಸ್‌ ನೀಡಿ ದಾಖಲೆ ಸಂಗ್ರಹಿಸಿ ಅಫ್ಲೋಡ್‌ ಮಾಡಲು ಸೂಚಿಸಿತ್ತು. ಅದರಂತೆ ನೋಟಿಸ್‌ಗಳ ವಿಚಾರಣೆ ಪೂರ್ಣಗೊಂಡಿದೆ. ಇನ್ನು ಕರಡು ಮತದಾರರ ಪಟ್ಟಿ ಸಂಬಂಧ ಸಲ್ಲಿಕೆಯಾಗಿದ್ದ ಕ್ಲೈಮು, ಆಕ್ಷೇಪಣೆಗಳ ವಿಲೇವಾರಿ ಗುರುವಾರ ಪೂರ್ಣಗೊಂಡಿದೆ. ಅ.27ರಂದು ಮಧ್ಯಾಹ್ನ 3 ಗಂಟೆಗೆ ರಾಜ್ಯ ಮುಖ್ಯ ಚುನಾವಣಾಧಿಕಾರಿ ಅಂತಿಮ ಮತದಾರರ ಪಟ್ಟಿ ಪ್ರಕಟಿಸಲಿದ್ದಾರೆ.

ಎಸ್‌ಐಆರ್‌ ಬಳಿಕ ಸೇರ್ಪಡೆಗೆ ವಿಶೇಷ ಅಭಿಯಾನ:

ಎಸ್ಐಆರ್‌ ಪ್ರಕ್ರಿಯೆ ಪೂರ್ಣಗೊಂಡು ಅಂತಿಮ ಮತದಾರರ ಪಟ್ಟಿ ಪ್ರಕಟವಾದ ಬಳಿಕ ಎಸ್‌ಐಆರ್‌ ವೇಳೆ ಮತದಾರರ ಪಟ್ಟಿಗೆ ನೋಂದಣಿಯಾಗದ ಅರ್ಹ ಮತದಾರರನ್ನು ಮತದಾರರ ಪಟ್ಟಿಗೆ ಸೇರ್ಪಡೆಗೊಳಿಸಲು ವಿಶೇಷ ಅಭಿಯಾನ ನಡೆಸಲು ಕೇಂದ್ರ ಚುನಾವಣಾ ಆಯೋಗ ಸೂಚನೆ ನೀಡಿದೆ. ಅದರಂತೆ ರಾಜ್ಯದಲ್ಲಿ ವಿಶೇಷ ಅಭಿಯಾನ ನಡೆಯಲಿದೆ. ಈ ವೇಳೆ ಫಾರ್ಮ್‌ 6ನಲ್ಲಿನ ಘೋಷಣಾ ಪ್ರಮಾಣ ಪತ್ರ ಇರುವುದಿಲ್ಲ. ಬಿಎಲ್‌ಒಗಳು ಹಳೇ ಮತದಾರರ ಪಟ್ಟಿ ಹಾಗೂ ಹೊಸ ಮತದಾರರ ಪಟ್ಟಿ ಪರಿಶೀಲಿಸಿ ಅರ್ಹ ಮತದಾರರನ್ನು ಮತದಾರರ ಪಟ್ಟಿಗೆ ಸೇರ್ಪಡೆ ಮಾಡಲಿದ್ದಾರೆ.

ಈವರೆಗೆ ನಡೆದಿದ್ದೇನು?

- ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ (ಎಸ್‌ಐಆರ್‌) ಪ್ರಕ್ರಿಯೆ ರಾಜ್ಯದಲ್ಲಿ ಜೂ.30ರಂದು ಆರಂಭವಾಗಿತ್ತು
- ಮೊದಲ ಹಂತದ ಪ್ರಕ್ರಿಯೆ ಬಳಿಕ 4.50 ಕೋಟಿ ಮತದಾರರ ಕರಡು ಮತದಾರರ ಪಟ್ಟಿಯನ್ನು ಆಯೋಗ ಪ್ರಕಟಿಸಿತ್ತು
- ನೋ ಮ್ಯಾಪಿಂಗ್‌, ತಾರ್ಕಿಕ ವ್ಯತ್ಯಾಸ ಕಾರಣಕ್ಕೆ 43.82 ಲಕ್ಷ ಮತದಾರರಿಗೆ ನೋಟಿಸ್‌ ಜಾರಿ ಮಾಡಲಾಗಿತ್ತು
- ನಿಗದಿತ ದಾಖಲೆಗಳೊಂದಿಗೆ ವಿಚಾರಣೆ ನಡೆಸಿ ಮತದಾರರ ನೋಂದಣಾಧಿಕಾರಿಗಳು ದಾಖಲು ಮಾಡಿಕೊಂಡಿದ್ದರು
- ಹಕ್ಕು ಮಂಡನೆ, ಆಕ್ಷೇಪಣೆ, ಸಲ್ಲಿಕೆ ನೋಟಿಸ್‌ ವಿಲೇವಾರಿಗೆ ಅ.22ರವರೆಗೆ ಗಡುವು ಇತ್ತು. ಅದು ಈಗ ಮುಕ್ತಾಯ

ಮುಂದೆ ಆಗುವುದೇನು?

- ನಿಮ್ಮ ಹೆಸರು ಇದೆಯೋ? ಇಲ್ಲವೋ ಎಂಬುದು ಅ.27ರಂದು ಪ್ರಕಟವಾಗುವ ಅಂತಿಮ ಮತದಾರರ ಪಟ್ಟಿಯಿಂದ ತಿಳಿಯುತ್ತದೆ
- ಆ ಪಟ್ಟಿಯಲ್ಲಿ ಹೆಸರಿಲ್ಲದಿದ್ದರೂ ಚಿಂತೆ ಬೇಡ. ನೀವು ಅರ್ಹ ಮತದಾರರಾಗಿದ್ದರೆ ಸೇರ್ಪಡೆಗೆ ಅಭಿಯಾನ ಆರಂಭವಾಗಲಿದೆ
- ಬಿಎಲ್‌ಒಗಳೇ ಹಳೆ ಮತದಾರರ ಪಟ್ಟಿ, ಹೊಸ ಮತದಾರರ ಪಟ್ಟಿ ಪರಿಶೀಲನೆ ಮಾಡಿ ಅರ್ಹರನ್ನು ಸೇರ್ಪಡೆ ಮಾಡುತ್ತಾರೆ

ಕೇರಳದಲ್ಲಿ ಭೂಕುಸಿತ: ಹಳಿ ತಪ್ಪಿದ ರೈಲು, ಸಂಚಾರ ವ್ಯತ್ಯಯ, 6 ಪ್ರಯಾಣಿಕ ರೈಲುಗಳು ರದ್ದು

Gowthami K — Fri, 23 Oct 2026 08:39:01 +0530

ತಿರುವನಂಪುರಂ: ಕೇರಳದಲ್ಲಿ ಕಳೆದ ಕೆಲ ದಿನಗಳಿಂದ ಮಳೆ ಸುರಿಯುತ್ತಿರುವ ಪರಿಣಾಮ ದಕ್ಷಿಣ ಕೇರಳ ಜಿಲ್ಲೆಯ ಪಾರಶ್ಯಾಲ ರೈಲು ನಿಲ್ದಾಣದ ಬಳಿ ಭೂಕುಸಿತ ಸಂಭವಿಸಿದೆ. ಇದರಿಂದ ಬಿಲಾಸ್‌ಪುರ-ತಿರುನಲ್ವೇಲಿ ಎಕ್ಸ್‌ಪ್ರೆಸ್ ರೈಲಿನ ಎಂಜಿನ್ ಹಳಿ ತಪ್ಪಿದ್ದು ರೈಲು ಸಂಚಾರ ಅಸ್ತವ್ಯಸ್ತಗೊಂಡಿತ್ತು.

ಭೂಕುಸಿತದಿಂದಾಗಿ 22619 ರೈಲನ್ನು ಬೆಳಗಿನ ಜಾವ 2.19ರ ಸುಮಾರಿಗೆ ನಿಲ್ಲಿಸಲಾಯಿತು. ಆಗ ಎಂಜಿನ್‌ ಹಳಿ ತಪ್ಪಿರುವುದು ಪತ್ತೆಯಾಗಿದೆ. ಈ ವೇಳೆ ರೈಲನ್ನು ಮುಂದಕ್ಕೆ ಕೊಂಡೊಯ್ಯಲು ತಕ್ಷಣವೇ ಪರ್ಯಾಯ ಎಂಜಿನ್‌ ವ್ಯವಸ್ಥೆ ಮಾಡಲಾಯಿತು. ಜತೆಗೆ ಸಿಬ್ಬಂದಿ ರೈಲ್ವೆ ಹಳಿ ದುರಸ್ತಿ ಕಾರ್ಯದಲ್ಲಿ ತೊಡಗಿದರು. ಇನ್ನು ಈ ರೈಲು ಮಾರ್ಗ ಬಂದ್‌ ಆದ ಕಾರಣ ಕೆಲ ಹೊತ್ತು ಸಂಚಾರದಲ್ಲಿಯೂ ವ್ಯತ್ಯಯವಾಗಿತ್ತು. ನೆಯ್ಯಾತ್ತಿಂಕರ ಮತ್ತು ತಿರುನಲ್ವೇಲಿ ನಡುವಿನ ರೈಲು ಮಾರ್ಗದಲ್ಲಿ ಸಂಚಾರವನ್ನು ಭಾಗಶಃ ರದ್ದುಗೊಳಿಸಲಾಯಿತು. ಈ ಮಾರ್ಗದಲ್ಲಿ ಸಂಚರಿಸಬೇಕಿದ್ದ 6 ಪ್ಯಾಸೆಂಜರ್‌ ರೈಲುಗಳ ಸಂಚಾರವನ್ನು ಸಂಪೂರ್ಣವಾಗಿ ರದ್ದುಗೊಳಿಸಲಾಯಿತು.

ಮೈಸೂರಿನಿಂದ ವೀರಾಂಗಣ ಲಕ್ಷ್ಮೀಬಾಯಿ ಜಾನ್ಸಿಗೆ ಒನ್-ವೇ ವಿಶೇಷ ರೈಲು

ಪ್ರಯಾಣಿಕರ ಹೆಚ್ಚುವರಿ ದಟ್ಟಣೆ ತೆರವುಗೊಳಿಸಲು, ನೈರುತ್ಯ ರೈಲ್ವೆಯು ಅ. 23 ರಂದು ಮೈಸೂರಿನಿಂದ ವೀರಾಂಗಣ ಲಕ್ಷ್ಮೀಬಾಯಿ ಜಾನ್ಸಿಗೆ ಏಕಮೂಖ ಮಾರ್ಗದ (ಒನ್-ವೇ) ವಿಶೇಷ ಎಕ್ಸ್‌ ಪ್ರೆಸ್‌ ರೈಲನ್ನು ಓಡಿಸಲಿದೆ.

ರೈಲು ಸಂಖ್ಯೆ 06276 ಮೈಸೂರು–ವೀರಾಂಗಣ ಲಕ್ಷ್ಮೀಬಾಯಿ ಜಾನ್ಸಿ ಒನ್-ವೇ ವಿಶೇಷ ಎಕ್ಸ್ ಪ್ರೆಸ್ ರೈಲು ಅ. 23 ರಂದು 2 ಗಂಟೆಗೆ ಮೈಸೂರಿನಿಂದ ಹೊರಟು, 25 ರಂದು ಬೆಳಗ್ಗೆ 10 ಗಂಟೆಗೆ ವೀರಾಂಗಣ ಲಕ್ಷ್ಮೀಬಾಯಿ ಜಾನ್ಸಿ ತಲುಪಲಿದೆ. ಮಾರ್ಗಮಧ್ಯೆ ಈ ರೈಲು ಕೆಎಸ್ಆರ್ ಬೆಂಗಳೂರು, ಧರ್ಮಾವರಂ, ರಾಯಚೂರು, ಸಿಕಂದರಾಬಾದ್, ಕಾಜಿಪೇಟೆ, ಬಲ್ಹಾರ್ಷಾ, ನಾಗ್ಪುರ, ಇಟಾರ್ಸಿ ಮತ್ತು ಭೋಪಾಲ್ ನಿಲ್ದಾಣಗಳಲ್ಲಿ ನಿಲುಗಡೆ ಇರಲಿದೆ.ಈ ರೈಲು 12 ಸ್ಲೀಪರ್ ಕ್ಲಾಸ್ ಬೋಗಿಗಳು, 6 ಸಾಮಾನ್ಯ ದರ್ಜೆಯ ಬೋಗಿಗಳು ಮತ್ತು ದಿವ್ಯಾಂಗ ಸ್ನೇಹಿ ಕಂಪಾರ್ಟ್ ಮೆಂಟ್ ಹೊಂದಿರುವ 2 ಲಗೇಜ್-ಕಮ್-ಬ್ರೇಕ್ ವ್ಯಾನ್ ಸೇರಿದಂತೆ 20 ಬೋಗಿಗಳನ್ನು ಒಳಗೊಂಡಿದೆ.

ಗರ್ಭಿಣಿಯಾಗಿದ್ದಾಗ ನೆರವಾಗಿದ್ದ ಭಾರತೀಯ ವ್ಯಕ್ತಿ… 10 ವರ್ಷಗಳ ಬಳಿಕ ಆತನನ್ನು ಹುಡುಕಿಕೊಂಡು ಬಂದ ವಿದೇಶಿ ಮಹಿಳೆ!

Chandrashekar GS — Fri, 23 Oct 2026 08:35:40 +0530

ಗರ್ಭಾವಸ್ಥೆಯಲ್ಲಿ ನೆರವಾದ ಭಾರತೀಯ ವ್ಯಕ್ತಿಯನ್ನು 10 ವರ್ಷಗಳ ಬಳಿಕ ಭೇಟಿಯಾದ ಮಹಿಳೆ: “ಕೊನೆಗೂ ಧನ್ಯವಾದ ಹೇಳಲು ಸಾಧ್ಯವಾಯಿತು!”

ಕೆಲವು ಸಹಾಯಗಳು ಸಣ್ಣದಾಗಿ ಕಾಣಿಸಿದರೂ, ಅವು ಸಂಕಷ್ಟದಲ್ಲಿರುವ ವ್ಯಕ್ತಿಯ ಬದುಕಿನಲ್ಲಿ ದೊಡ್ಡ ಬದಲಾವಣೆ ತರಬಲ್ಲವು. ಕಷ್ಟದ ಸಮಯದಲ್ಲಿ ಸಿಕ್ಕ ನೆರವನ್ನು ವರ್ಷಗಳಾದರೂ ಮರೆಯಲು ಸಾಧ್ಯವಿಲ್ಲ ಎಂಬುದಕ್ಕೆ ಈ ಭಾವುಕ ಕಥೆ ಉದಾಹರಣೆಯಾಗಿದೆ. ಗರ್ಭಾವಸ್ಥೆಯ ಸಮಯದಲ್ಲಿ ತಮಗೆ ನೆರವು ನೀಡಿದ್ದ ಭಾರತೀಯ ವ್ಯಕ್ತಿಯೊಬ್ಬರನ್ನು ಮಹಿಳೆಯೊಬ್ಬರು ಹತ್ತು ವರ್ಷಗಳ ಬಳಿಕ ಮತ್ತೆ ಭೇಟಿಯಾಗಿದ್ದಾರೆ. ಇಷ್ಟು ವರ್ಷಗಳ ನಂತರ ಅವರನ್ನು ಭೇಟಿಯಾಗಿ, ತಮಗೆ ಮಾಡಿದ ಸಹಾಯಕ್ಕಾಗಿ ಕೃತಜ್ಞತೆ ಸಲ್ಲಿಸಲು ಸಾಧ್ಯವಾಯಿತು ಎಂದು ಅವರು ಸಂತಸ ಹಂಚಿಕೊಂಡಿದ್ದಾರೆ.

ಕಷ್ಟದ ಸಮಯದಲ್ಲಿ ಸಿಕ್ಕ ನೆರವು ಮರೆಯಲಾಗದು

ಗರ್ಭಾವಸ್ಥೆಯು ಮಹಿಳೆಯ ಜೀವನದಲ್ಲಿ ವಿಶೇಷವಾದ, ಅದೇ ಸಮಯದಲ್ಲಿ ದೈಹಿಕ ಮತ್ತು ಭಾವನಾತ್ಮಕ ಬೆಂಬಲದ ಅಗತ್ಯವಿರುವ ಹಂತವಾಗಿದೆ. ಇಂತಹ ಸಂದರ್ಭದಲ್ಲಿ ಕುಟುಂಬದವರಲ್ಲದ ವ್ಯಕ್ತಿಯೊಬ್ಬರು ಸಹಾಯಕ್ಕೆ ಬಂದರೆ, ಆ ನೆರವು ಜೀವನಪೂರ್ತಿ ನೆನಪಿನಲ್ಲಿ ಉಳಿಯಬಹುದು.

ಈ ಕಥೆಯಲ್ಲಿಯೂ ಗರ್ಭಾವಸ್ಥೆಯ ಸಂದರ್ಭದಲ್ಲಿ ಮಹಿಳೆಗೆ ನೆರವಾಗಿದ್ದ ಭಾರತೀಯ ವ್ಯಕ್ತಿಯ ಸಹಾಯವೇ ಹತ್ತು ವರ್ಷಗಳ ಬಳಿಕದ ಮರುಭೇಟೆಗೆ ಪ್ರಮುಖ ಕಾರಣವಾಗಿದೆ. ಆ ಸಮಯದಲ್ಲಿ ಅವರು ಯಾವ ರೀತಿಯ ನೆರವು ನೀಡಿದ್ದರು ಎಂಬುದರ ಸಂಪೂರ್ಣ ವಿವರ ಲಭ್ಯವಿಲ್ಲ. ಆದರೆ ಆ ಸಹಾಯವನ್ನು ಮಹಿಳೆ ಇಷ್ಟು ವರ್ಷಗಳ ಬಳಿಕವೂ ನೆನಪಿಟ್ಟುಕೊಂಡು, ಧನ್ಯವಾದ ಹೇಳಲು ಬಯಸಿರುವುದು ಅದರ ಮಹತ್ವವನ್ನು ತೋರಿಸುತ್ತದೆ.

ಹತ್ತು ವರ್ಷಗಳ ಬಳಿಕ ಭಾವುಕ ಮರುಭೇಟಿ

ಕಾಲ ಕಳೆದಂತೆ ಅನೇಕ ಪರಿಚಯಗಳು ದೂರವಾಗುತ್ತವೆ. ಜೀವನದ ಜವಾಬ್ದಾರಿಗಳ ನಡುವೆ ಹಳೆಯ ಸಂಪರ್ಕಗಳನ್ನು ಮತ್ತೆ ಹುಡುಕುವುದು ಕೂಡ ಸುಲಭವಲ್ಲ. ಆದರೂ, ತಮ್ಮ ಕಷ್ಟದ ಸಮಯದಲ್ಲಿ ನೆರವಾದ ವ್ಯಕ್ತಿಯನ್ನು ಮತ್ತೆ ಭೇಟಿಯಾಗಬೇಕೆಂಬ ಮಹಿಳೆಯ ಆಸೆ ಹತ್ತು ವರ್ಷಗಳ ಬಳಿಕ ಈಡೇರಿದೆ.

“ಕೊನೆಗೂ ಧನ್ಯವಾದ ಹೇಳಲು ಸಾಧ್ಯವಾಯಿತು” ಎಂಬ ಅವರ ಭಾವನೆ, ಕೃತಜ್ಞತೆಯ ಮೌಲ್ಯವನ್ನು ಎತ್ತಿ ತೋರಿಸುತ್ತದೆ. ಸಹಾಯ ಮಾಡಿದ ವ್ಯಕ್ತಿಗೆ ಅದು ಸಾಮಾನ್ಯವಾದ ಕೆಲಸವಾಗಿರಬಹುದು; ಆದರೆ ಸಹಾಯ ಪಡೆದವರಿಗೆ ಅದು ಮರೆಯಲಾಗದ ಅನುಭವವಾಗಿರುತ್ತದೆ.

ಮಾನವೀಯತೆಗೆ ಗಡಿ ಇಲ್ಲ

ಈ ಘಟನೆ ನಮಗೆ ಒಂದು ಮುಖ್ಯ ಸಂದೇಶ ನೀಡುತ್ತದೆ: ಸಂಕಷ್ಟದಲ್ಲಿರುವವರಿಗೆ ಸಾಧ್ಯವಾದಷ್ಟು ನೆರವಾಗುವುದು ಮಾನವೀಯತೆಯ ಲಕ್ಷಣ. ಪ್ರತಿಯೊಂದು ಸಹಾಯಕ್ಕೂ ಪ್ರತಿಫಲ ಅಥವಾ ತಕ್ಷಣದ ಮೆಚ್ಚುಗೆಯ ಅಗತ್ಯವಿಲ್ಲ. ಕೆಲವೊಮ್ಮೆ ವರ್ಷಗಳ ಬಳಿಕ ವ್ಯಕ್ತವಾಗುವ ಒಂದು ಧನ್ಯವಾದವೇ ಆ ನೆರವಿನ ಮೌಲ್ಯವನ್ನು ಮತ್ತೊಮ್ಮೆ ನೆನಪಿಸುತ್ತದೆ.

View this post on Instagram

A post shared by KAT KAMALANI (@katkamalani)

ಬೆಂಗಳೂರು ಮುಂಬೈ ವಂದೇ ಭಾರತ್ ಸ್ಲೀಪರ್ ರೈಲು ನ.1ಕ್ಕೆ ಚಾಲನೆ! ಕನ್ನಡ ರಾಜ್ಯೋತ್ಸವಕ್ಕೆ ಭಾರತೀಯ ರೈಲ್ವೆ ಗಿಫ್ಟ್

Sathish Kumar KH — Fri, 23 Oct 2026 08:33:37 +0530

ಬೆಂಗಳೂರು: ರಾಜ್ಯದ ಜನತೆಗೆ ಕನ್ನಡ ರಾಜ್ಯೋತ್ಸವದ ಶುಭ ಸಂದರ್ಭದಲ್ಲಿ ಭಾರತೀಯ ರೈಲ್ವೆಯಿಂದ ಭರ್ಜರಿ ಉಡುಗೊರೆ ದೊರೆತಿದೆ. ಸಿಲಿಕಾನ್ ಸಿಟಿ ಬೆಂಗಳೂರು ಮತ್ತು ವಾಣಿಜ್ಯ ನಗರಿ ಮುಂಬೈ ನಡುವೆ ಬಹುನಿರೀಕ್ಷಿತ 'ವಂದೇ ಭಾರತ್‌ ಸ್ಲೀಪರ್ ಎಕ್ಸ್‌ಪ್ರೆಸ್‌' ರೈಲು ಸಂಚಾರವು ನವೆಂಬರ್ 1 ರಿಂದ ಅಧಿಕೃತವಾಗಿ ಆರಂಭವಾಗಲಿದೆ.

ಈ ಕುರಿತು ಕೇಂದ್ರ ರೈಲ್ವೆ ಖಾತೆ ರಾಜ್ಯ ಸಚಿವ ವಿ.ಸೋಮಣ್ಣ ಅವರು ತಮ್ಮ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಅಧಿಕೃತವಾಗಿ ಮಾಹಿತಿ ಹಂಚಿಕೊಂಡಿದ್ದು, ಇದು ದೇಶದ ಎರಡನೇ ವಂದೇ ಭಾರತ್ ಸ್ಲೀಪರ್ ರೈಲು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಲಿದೆ.

ಕೇವಲ 16 ಗಂಟೆಗಳಲ್ಲಿ ಬೆಂಗಳೂರಿನಿಂದ ಮುಂಬೈಗೆ!

ಪ್ರಸ್ತುತ ಬೆಂಗಳೂರು ಮತ್ತು ಮುಂಬೈ ನಡುವೆ ಸಂಚರಿಸುವ ಸಾಮಾನ್ಯ ಸೂಪರ್‌ಫಾಸ್ಟ್ ಅಥವಾ ಎಕ್ಸ್‌ಪ್ರೆಸ್ ರೈಲುಗಳು ಗಮ್ಯಸ್ಥಾನ ತಲುಪಲು ಸುಮಾರು 24 ಗಂಟೆಗಳಿಗೂ ಹೆಚ್ಚು ಸಮಯ ತೆಗೆದುಕೊಳ್ಳುತ್ತವೆ. ಆದರೆ, ನೂತನ ವಂದೇ ಭಾರತ್ ಸ್ಲೀಪರ್ ರೈಲು ಕೇವಲ 16 ಗಂಟೆಗಳಲ್ಲಿ ಈ ದೂರವನ್ನು ಕ್ರಮಿಸಲಿದೆ. ಇದರಿಂದ ಪ್ರಯಾಣಿಕರಿಗೆ ಬರೋಬ್ಬರಿ 8 ಗಂಟೆಗಳ ಅಮೂಲ್ಯ ಸಮಯ ಉಳಿತಾಯವಾಗಲಿದೆ.

ರೈಲಿನ ಪ್ರಮುಖ ವೈಶಿಷ್ಟ್ಯಗಳು (Key Highlights):

16 ಹವಾನಿಯಂತ್ರಿತ (AC) ಬೋಗಿಗಳು: ರೈಲು ಸಂಪೂರ್ಣ ಎಸಿ ಸ್ಲೀಪರ್ ಸೌಲಭ್ಯವನ್ನು ಹೊಂದಿರಲಿದೆ.

823 ಅತ್ಯಾಧುನಿಕ ಬರ್ತ್‌ಗಳು: ರಾತ್ರಿ ಪ್ರಯಾಣವನ್ನು ಅತ್ಯಂತ ಸುಖಕರವಾಗಿಸಲು ಆಧುನಿಕ ಮಾದರಿಯ ಬರ್ತ್‌ಗಳು, ಉತ್ತಮ ಬೆಳಕಿನ ವ್ಯವಸ್ಥೆ ಹಾಗೂ ಶಬ್ದ ಮುಕ್ತ ಕ್ಯಾಬಿನ್ ನೀಡಲಾಗಿದೆ.

ವಿಶ್ವದರ್ಜೆಯ ಸುರಕ್ಷತೆ: ಕವಚ್ (KAVACH) ಆಟೋಮ್ಯಾಟಿಕ್ ಸುರಕ್ಷತಾ ವ್ಯವಸ್ಥೆ, ಸಿಸಿಟಿವಿ ಕಣ್ಗಾವಲು ಹಾಗೂ ತುರ್ತು ಸಂವಹನ ಸೌಲಭ್ಯಗಳಿವೆ.

ವಿಮಾನ ಮಾದರಿಯ ಒಳಾಂಗಣ: ಸ್ವಚ್ಛ ಬಯೋ-ವ್ಯಾಕ್ಯೂಮ್ ಶೌಚಾಲಯಗಳು, ಸೆನ್ಸಾರ್ ಆಧರಿತ ಬಾಗಿಲುಗಳು ಮತ್ತು ಪ್ರೀಮಿಯಂ ಊಟೋಪಚಾರದ ಸೌಲಭ್ಯ ಇರಲಿದೆ.

I’ !

Launching on 1 November 2026, India’s second Vande Bharat Sleeper train will connect Mumbai and Bengaluru in just 16 hours, cutting travel time by up to 8 hours!

• 16 fully air-conditioned coaches for a premium overnight experience.

• 823 comfortable berths for a smoother, more relaxing journey.

Blazing speed. Premium comfort. World-class engineering.

— V. Somanna (@VSOMANNA_BJP) October 22, 2026

ಎರಡು ವಾಣಿಜ್ಯ ನಗರಿಗಳಿಗೆ ಹೊಸ ವೇಗ

ಬೆಂಗಳೂರು ಮತ್ತು ಮುಂಬೈ ನಗರಗಳು ದೇಶದ ಪ್ರಮುಖ ಆರ್ಥಿಕ ಚಟುವಟಿಕೆಗಳ ಕೇಂದ್ರಗಳಾಗಿವೆ. ಈ ಎರಡು ಮೆಗಾ ಸಿಟಿಗಳ ನಡುವೆ ಪ್ರತಿನಿತ್ಯ ಸಾವಿರಾರು ಉದ್ಯಮಿಗಳು, ಐಟಿ ಉದ್ಯೋಗಿಗಳು ಹಾಗೂ ಪ್ರವಾಸಿಗರು ಪ್ರಯಾಣಿಸುತ್ತಾರೆ. ನೂತನ ಸೆಮಿ-ಹೈಸ್ಪೀಡ್ ಸ್ಲೀಪರ್ ರೈಲು ಜಾರಿಯಾಗುವುದರಿಂದ ವಿಮಾನ ಪ್ರಯಾಣಕ್ಕೆ ಪರ್ಯಾಯವಾಗಿ ಕೈಗೆಟುಕುವ ದರದಲ್ಲಿ ಐಷಾರಾಮಿ ಪ್ರಯಾಣದ ಅನುಭವ ಸಿಗಲಿದೆ ಎಂದು ಸಚಿವ ವಿ.ಸೋಮಣ್ಣ ತಿಳಿಸಿದ್ದಾರೆ.

Belonging: A Journey of Love: ಇಟಲಿಯಲ್ಲಿನ ಬಾಲ್ಯ, ರಾಜೀವ್ ಗಾಂಧಿ ಭೇಟಿ ಮತ್ತು ಕುಟುಂಬದ ದುರಂತ ಸಾವುಗಳು.. ಏನೆಲ್ಲ ಹೇಳುತ್ತೆ ಆತ್ಮಚರಿತ್ರೆ?

Ravi Janekal — Fri, 23 Oct 2026 08:20:02 +0530

ಇಟಲಿಯಲ್ಲಿನ ಬಾಲ್ಯದ ದಿನಗಳಿಂದ ಹಿಡಿದು ರಾಜೀವ್ ಗಾಂಧಿ ಭೇಟಿ, ಪರಿಚಯ, ದಾಂಪತ್ಯದವರೆಗೆ ಪ್ರಧಾನಿ ಸ್ಥಾನ ತ್ಯಾಗದವರೆಗೆ ಲೈಫ್ ಜರ್ನಿ ಬಗ್ಗೆ ವಿವರಿಸುವ ಆತ್ಮಚರಿತ್ರೆ Belonging: A Journey of Love ಕುರಿತು ಕಾಂಗ್ರೆಸ್ ಮಾಜಿ ಅಧ್ಯಕ್ಷೆ ಸೋನಿಯಾ ಗಾಂಧಿ ಅವರು ಫಸ್ಟ್ ಲುಕ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡದ್ದಾರೆ.

ಇನ್‌ಸ್ಟಗ್ರಾಂನಲ್ಲಿ ಹಂಚಿಕೊಂಡಿರುವ ಈ ವೀಡಿಯೊದಲ್ಲಿ, ಅವರು ತಮ್ಮ ಮುಂಬರುವ ಆತ್ಮಚರಿತ್ರೆ 'ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್' ಬಗ್ಗೆ ಮಾತನಾಡಿದ್ದಾರೆ. ಸೋನಿಯಾ ಗಾಂಧಿಯವರು ಇನ್‌ಸ್ಟಾಗ್ರಾಂ ಖಾತೆ ಬಳಸುತ್ತಿರಲಿಲ್ಲ. ಆದರೆ ಇದೀಗ ತಮ್ಮದೇ ಅಕೌಂಟ್ ಮೂಲಕ ಮೊದಲ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಆತ್ಮಚರಿತ್ರೆ ಪುಸ್ತಕದ ಫಸ್ಟ್ ಲುಕ್ ವಿಡಿಯೋ ಹಂಚಿಕೊಂಡಿದ್ದಾರೆ.

ಸೋನಿಯಾ ಗಾಂಧಿ ರಾಜೀವ್ ಗಾಂಧಿ ಮೊದಲ ಭೇಟಿ ಆಗಿದ್ದೆಲ್ಲಿ?

ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ ಕೇಂಬ್ರಿಡ್ಜ್‌ನಲ್ಲಿ ರಾಜೀವ್ ಗಾಂಧಿಯವರೊಂದಿಗಿನ ಭೇಟಿಯ ಬಗ್ಗೆ ಉಲ್ಲೇಖಿಸಲಾಗಿದೆ. ಈ ಪುಸ್ತಕವು ಸೋನಿಯಾ ಗಾಂಧಿಯವರ ಬಾಲ್ಯದ ಜೀವನ ಇಟಲಿಯಲ್ಲಿ ಕಳೆದಿದದ್ದು ಬಳಿಕ ಕೇಂಬ್ರಿಡ್ಜ್‌ನಲ್ಲಿ ರಾಜೀವ್ ಗಾಂಧಿಯವರ ಭೇಟಿ, ಪರಿಚಯ ಅಲ್ಲಿಂದ ಮುಂದುವರಿದ ಲೈಫ್ ಜರ್ನಿ, ನೆಹರೂ-ಗಾಂಧಿ ಕುಟುಂಬದಲ್ಲಿ ವಿವಾಹವಾದ ನಂತರ ಅವರ ಜೀವನದಲ್ಲಿ ಆದ ಪರಿವರ್ತನೆ ಮತ್ತು ಕುಟುಂಬದಲ್ಲಾದ ಹ ತ್ಯೆಗಳ ಬಗ್ಗೆ ಈ ಪುಸ್ತಕ ವಿವರಿಸುತ್ತದೆ.

ಇಟಲಿಯ ವೆನೆಟೊ ಪ್ರದೇಶದಲ್ಲಿ ಸೋನಿಯಾ ಗಾಂಧಿಯವರ ಬಾಲ್ಯದೊಂದಿಗೆ ಕಾದಂಬರಿ ಪ್ರಾರಂಭವಾಗುತ್ತದೆ. ನಂತರ ಪುಸ್ತಕವು ಕೇಂಬ್ರಿಡ್ಜ್‌ನಲ್ಲಿ ಅವರ ವಾಸ್ತವ್ಯ ಮತ್ತು 1965 ರಲ್ಲಿ ಭಾರತದ ಮೊದಲ ಪ್ರಧಾನಿ ಜವಾಹರಲಾಲ್ ನೆಹರು ಅವರ ಮೊಮ್ಮಗ ರಾಜೀವ್ ಗಾಂಧಿಯವರೊಂದಿಗಿನ ಭೇಟಿಯವರೆಗೆ ಸಾಗುತ್ತದೆ.

ಈ ಆತ್ಮಚರಿತ್ರೆಯು ರಾಜೀವ್ ಗಾಂಧಿಯವರೊಂದಿಗಿನ ಅವರ ವಿವಾಹ ನಂತರ ಅವರ ಅತ್ತೆ ಮಾಜಿ ಪ್ರಧಾನಿ ಇಂದಿರಾ ಗಾಂಧಿಯವರೊಂದಿಗಿನ ಮೊದಲ ಭೇಟಿಯನ್ನು ಸಹ ವಿವರಿಸುತ್ತದೆ. ಸೋನಿಯಾ ಗಾಂಧಿ ಭಾರತಕ್ಕೆ ಬಂದ ಬಳಿಕ ಹಿಂದಿ ಕಲಿಯುವುದರಿಂದ ಹಿಡಿದು, ಸೀರೆ ಉಡುವುದು ಕಲಿತಿದ್ದ, ಭಾರತೀಯ ಆಹಾರ ಸಂಸ್ಕೃತಿಗೆ ಹೊಂದಿಕೊಂಡು ಅಳವಡಿಸಿಕೊಳ್ಳುವವರೆಗೂ ಭಾರತದ ಜೀವನಶೈಲಿಗೆ ಹೊಂದಿಕೊಂಡ ಬಗ್ಗೆ ಪುಸ್ತಕ ವಿವರಿಸುತ್ತದೆ.

ಇನ್ನು ಈ ಕಾದಂಬರಿಯಲ್ಲಿ ಕುಟುಂಬದ ಸಾವು ಹ ತ್ಯೆಗಳ ಬಗ್ಗೆಯೂ ವಿವರಿಸಿದೆ. ವಿಮಾನ ಅಪಘಾತದಲ್ಲಿ ಸಂಜಯ್ ಗಾಂಧಿಯವರ ಸಾವು, 1984 ರಲ್ಲಿ ಇಂದಿರಾ ಗಾಂಧಿಯವರ ಹ ತ್ಯೆ ಮತ್ತು 1991 ರಲ್ಲಿ ರಾಜೀವ್ ಗಾಂಧಿಯವರ ಹ ತ್ಯೆ ಸೇರಿದಂತೆ ಗಾಂಧಿ ಕುಟುಂಬವನ್ನು ಪರಿವರ್ತಿಸಿದ ಪ್ರಮುಖ ದುರಂತಗಳನ್ನು ಈ ಪುಸ್ತಕವು ಹೇಳುತ್ತದೆ. ಅಷ್ಟೇ ಅಲ್ಲದೆ. 2004 ರ ಲೋಕಸಭಾ ಚುನಾವಣೆಯ ನಂತರದ ರಾಜಕೀಯ ಬೆಳವಣಿಗೆಗಳನ್ನು ಸಹ ವಿವರಿಸುತ್ತದೆ, ಇದರಲ್ಲಿ ಕಾಂಗ್ರೆಸ್ ನೇತೃತ್ವದ ಒಕ್ಕೂಟ ಗೆದ್ದಿತು. ಇದರ ನಂತರ, ಸೋನಿಯಾ ಗಾಂಧಿ ಪ್ರಧಾನಿ ಹುದ್ದೆಯನ್ನು ನಿರಾಕರಿಸಿದರು. ಪಕ್ಷ ಮತ್ತು ಒಕ್ಕೂಟವನ್ನು ಮುನ್ನಡೆಸಿದರು. ಕಾಂಗ್ರೆಸ್ ನೇತೃತ್ವದ ಒಕ್ಕೂಟವು ಮುಂದಿನ 10 ವರ್ಷಗಳ ಕಾಲ ಅಧಿಕಾರದಲ್ಲಿತ್ತು.

ಪತಿಯ ಹ ತ್ಯೆಯ ನಂತರ ಸೋನಿಯಾ ಗಾಂಧಿ ರಾಜಕೀಯದಿಂದ ದೂರ

1991 ರಲ್ಲಿ ತಮ್ಮ ಪತಿ ರಾಜೀವ್ ಗಾಂಧಿಯವರ ಹ ತ್ಯೆಯ ನಂತರವೂ ಸೋನಿಯಾ ಗಾಂಧಿ ರಾಜಕೀಯದಿಂದ ದೂರವಾಗಲು ಯೋಚಿಸಿದರು. ಆದರೆ ಪಿ.ವಿ. ನರಸಿಂಹ ರಾವ್ ಪ್ರಧಾನಿಯಾದರು. 1996 ರ ಹೊತ್ತಿಗೆ ಕಾಂಗ್ರೆಸ್ ದುರ್ಬಲಗೊಳ್ಳುತ್ತಿದ್ದಂತೆ ಮತ್ತು ಪಕ್ಷದೊಳಗೆ ಅನೇಕ ಬಣಗಳು ರೂಪುಗೊಂಡಿದ್ದರಿಂದ, ಸೋನಿಯಾ ಗಾಂಧಿ 1997 ರಲ್ಲಿ ಕಾಂಗ್ರೆಸ್ ಅನ್ನು ಮತ್ತೆ ಒಂದುಗೂಡಿಸಲು ಪಕ್ಷದ ಪ್ರಾಥಮಿಕ ಸದಸ್ಯತ್ವವನ್ನು ಸೇರಿದರು. 62 ದಿನಗಳ ನಂತರ, 1998 ರಲ್ಲಿ ಅವರು ಕಾಂಗ್ರೆಸ್ ಅಧ್ಯಕ್ಷರಾದರು. ಸೋನಿಯಾ ಗಾಂಧಿ 2017 ರವರೆಗೆ ಅಧ್ಯಕ್ಷರಾಗಿ ಉಳಿದರು. ಇದು ಪಕ್ಷದ ಇತಿಹಾಸದಲ್ಲಿ ಅತಿ ದೀರ್ಘ ಅಧಿಕಾರಾವಧಿಯಾಗಿದೆ.

2004 ರಲ್ಲಿ ಪ್ರಧಾನ ಮಂತ್ರಿ ಪದವಿ ತ್ಯಾಗ

2004 ರಲ್ಲಿ ಕಾಂಗ್ರೆಸ್ 14 ಮಿತ್ರಪಕ್ಷಗಳೊಂದಿಗೆ ಯುಪಿಎ ರಚಿಸಿತು. ಚುನಾವಣೆಯ ನಂತರ ಎಡಪಕ್ಷಗಳು ಸೇರಿದಂತೆ ಹಲವಾರು ಪಕ್ಷಗಳ ಬೆಂಬಲದೊಂದಿಗೆ ಯುಪಿಎ 335 ಸಂಸದರ ಬೆಂಬಲವನ್ನು ಗಳಿಸಿತು. ಮಿತ್ರಪಕ್ಷಗಳು ಸೋನಿಯಾ ಗಾಂಧಿ ಅವರನ್ನು ಪ್ರಧಾನಿಯಾಗುವುದಕ್ಕೆ ಬೆಂಬಲಿಸಿದವು. ಆದರೆ ಅವರು ಮೇ 18, 2004 ರಂದು ಪ್ರಧಾನಿ ಹುದ್ದೆ ತಿರಸ್ಕರಿಸಿದರು. ನಂತರ ಮನಮೋಹನ್ ಸಿಂಗ್ ಪ್ರಧಾನಿಯಾದರು.

View this post on Instagram

A post shared by Soniagandhi_inc (@sonia_ji_inc)

ಸೋನಿಯಾ ಗಾಂಧಿ ಪ್ರಧಾನಿ ಹುದ್ದೆಗೇರಲು ಎನ್‌ಡಿಎ ತೀವ್ರ ವಿರೋಧ

ಎನ್‌ಡಿಎ ಸೋನಿಯಾ ಗಾಂಧಿ ಅವರನ್ನು ಪ್ರಧಾನಿಯಾಗಿ ನೇಮಿಸುವುದನ್ನು ವಿರೋಧಿಸಿ ಅವರು ವಿದೇಶಿ ಪ್ರಜೆ ಎಂಬ ವಿಷಯವನ್ನು ಎತ್ತಿತು. ಇದರಿಂದಾಗಿ, ಸೋನಿಯಾ ಗಾಂಧಿ ಪ್ರಧಾನಿ ಹುದ್ದೆಯನ್ನು ನಿರಾಕರಿಸಿ ಮನಮೋಹನ್ ಸಿಂಗ್ ಅವರನ್ನು ಪ್ರಧಾನಿಯನ್ನಾಗಿ ಪ್ರಸ್ತಾಪಿಸಿದರು. ಮನಮೋಹನ್ ಸಿಂಗ್ ಪ್ರಧಾನಿಯಾದರು. ಆದರೂ ಸೋನಿಯಾ ಗಾಂಧಿ ಸರ್ಕಾರವನ್ನು ತೆರೆಮರೆಯಿಂದ ನಿಯಂತ್ರಿಸುತ್ತಿದ್ದರು ಎಂದು ಹೇಳಲಾಗುತ್ತದೆ.

ಮೆಟ್ರೋ ಗುಲಾಬಿ ಮಾರ್ಗ ಆರಂಭಕ್ಕೆ ಕೇಂದ್ರದ ಉತ್ತರ ಬರಬೇಕು, 2027ರ ಜುಲೈನಲ್ಲಿ ಸಿಲ್ಕ್‌ಬೋರ್ಡ್-ಕೆ.ಆರ್.ಪುರ ಓಪನ್

Gowthami K — Fri, 23 Oct 2026 08:12:58 +0530

ಬೆಂಗಳೂರು: ಕಾಳೇನ ಅಗ್ರಹಾರದಿಂದ ತಾವರೆಕೆರೆವರೆಗಿನ ಮೆಟ್ರೋ ರೈಲು (ಗುಲಾಬಿ ಮಾರ್ಗ) ಸೇವೆ ಉದ್ಘಾಟನೆಗಾಗಿ ಕೇಂದ್ರ ಸರ್ಕಾರದ ಒಪ್ಪಿಗೆಗೆ ಕಾಯುತ್ತಿದ್ದೇವೆ ಎಂದು ಬೆಂಗಳೂರು ನಗರಾಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ತಿಳಿಸಿದ್ದಾರೆ. ಗುರುವಾರ ಮೆಟ್ರೋ ಕಾಮಗಾರಿಗಳ ಪ್ರಗತಿ ಪರಿಶೀಲನೆ ನಡೆಸಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕಾಳೇನ ಅಗ್ರಹಾರದಿಂದ ತಾವರೆಕೆರೆವರೆಗಿನ 7.5 ಕಿ.ಮೀ ಮಾರ್ಗದ ಎಲ್ಲ ಪ್ರಯೋಗಿಕ ಪರೀಕ್ಷೆಗಳು ಮುಗಿದಿದ್ದು, ನಾಲ್ಕೈದು ದಿನಗಳಲ್ಲಿ ಕಾರ್ಯಾಚರಣೆಯ ಅನುಮತಿ ಸಿಗುವ ನಿರೀಕ್ಷೆ ಇದೆ. ಉದ್ಘಾಟಿಸಲು ದಿನಾಂಕ ನಿಗದಿಪಡಿಸುವಂತೆ ಕೋರಿ ಮುಖ್ಯಮಂತ್ರಿಯವರು ಪತ್ರ ಬರೆದಿದ್ದರೂ ಕೇಂದ್ರ ಸರ್ಕಾರದಿಂದ ಈವರೆಗೆ ಪ್ರತಿಕ್ರಿಯೆ ಬಂದಿಲ್ಲ. ಹೀಗಾಗಿ, ಮುಂದಿನ ವಾರ ಕೇಂದ್ರ ಸಚಿವರನ್ನು ನೇರವಾಗಿ ಭೇಟಿ ಮಾಡಿ ಮನವಿ ಮಾಡಲಾಗುವುದು ಎಂದರು.

2027ರ ಜುಲೈನಲ್ಲಿ ಸಿಲ್ಕ್‌ಬೋರ್ಡ್-ಕೆ.ಆರ್.ಪುರ ಮಾರ್ಗ:

ಬೆಂಗಳೂರು ಏರ್‌ಪೋರ್ಟ್‌ನಿಂದ ಸಿಲ್ಕ್‌ಬೋರ್ಡ್‌ವರೆಗಿನ 58 ಕಿ.ಮೀ ಮೆಟ್ರೋ ನೀಲಿ ಮಾರ್ಗದ ಪೈಕಿ ಕೆ.ಆರ್.ಪುರದಿಂದ ಸಿಲ್ಕ್ ಬೋರ್ಡ್‌ವರೆಗಿನ 19.75 ಕಿ.ಮೀ ಉದ್ದದ ಮಾರ್ಗದಲ್ಲಿ ಈ ತಿಂಗಳ ಅಂತ್ಯದ ವೇಳೆಗೆ ಪ್ರಾಯೋಗಿಕ ಸಂಚಾರ ಆರಂಭಿಸಲು ಸೂಚಿಸಲಾಗಿದೆ ಎಂದು ಅವರು ತಿಳಿಸಿದರು.

ಪರೀಕ್ಷಾರ್ಥ ಹಾರಾಟ, ತಾಂತ್ರಿಕ ಅನುಮತಿ ಸೇರಿದಂತೆ ಎಲ್ಲ ಪ್ರಕ್ರಿಯೆಗಳನ್ನು ಮುಗಿಸಿ ಮುಂದಿನ ವರ್ಷದ ಜುಲೈ ವೇಳೆಗೆ ಕೆ.ಆರ್.ಪುರದಿಂದ ಸೆಂಟ್ರಲ್ ಸಿಲ್ಕ್ ಬೋರ್ಡ್‌ವರೆಗಿನ ಮಾರ್ಗದಲ್ಲಿ ಪ್ರಯಾಣಿಕರ ಸಂಚಾರಕ್ಕೆ ಮುಕ್ತಗೊಳಿಸುವ ಗುರಿ ಹೊಂದಲಾಗಿದೆ. ಹೆಬ್ಬಾಳದಿಂದ ಏರ್‌ಪೋರ್ಟ್‌ವರೆಗಿನ ಮಾರ್ಗದಲ್ಲಿ 2027ರ ನವೆಂಬರ್ ವೇಳೆಗೆ ಪ್ರಾಯೋಗಿಕ ಸಂಚಾರ ಮಾಡಲೇಬೇಕೆಂದು ಸೂಚಿಸಲಾಗಿದೆ ಎಂದು ಸಚಿವರು ಹೇಳಿದರು.

ಅಕ್ಟೋಬರ್ ಕೊನೆಯೊಳಗೆ ಟ್ರಯಲ್ ರನ್

ಮೆಟ್ರೋ ಕಾಮಗಾರಿ ನಡೆಯುತ್ತಿರುವ ಮಾರ್ಗದಲ್ಲಿ ರಸ್ತೆ ಮತ್ತು ಫುಟ್‌ಪಾತ್‌ಗಳನ್ನು ಒತ್ತುವರಿ ಮಾಡಿಕೊಂಡು ವಾಹನಗಳ ಸುಗಮ ಸಂಚಾರಕ್ಕೆ ಅಡ್ಡಿಪಡಿಸುತ್ತಿರುವ ಗುತ್ತಿಗೆದಾರರು ಹಾಗೂ ಮೆಟ್ರೋ ಅಧಿಕಾರಿಗಳ ವಿರುದ್ಧ ಬೆಂಗಳೂರು ನಗರಾಭಿವೃದ್ಧಿ ಸಚಿವ ಕೃಷ್ಣ ಬೈರೇಗೌಡ ತರಾಟೆಗೆ ತೆಗೆದುಕೊಂಡಿದ್ದಾರೆ.

ಗುರುವಾರ ಮೆಟ್ರೋ ರೈಲು ಅಧಿಕಾರಿಗಳೊಂದಿಗೆ ಹೆಬ್ಬಾಳ-ಕೆ.ಆರ್.ಪುರ ನಡುವಿನ ನೀಲಿ ಮಾರ್ಗದ ಮೆಟ್ರೋ ಪ್ರಗತಿ ಪರಿಶೀಲನೆ ನಡೆಸಿದ ಅವರು, ನಾಗವಾರ ರಿಂಗ್ ರಸ್ತೆಯ ಮಾನ್ಯತಾ ಟೆಕ್ ಪಾರ್ಕ್ ಬಳಿ ರಸ್ತೆಯನ್ನು ಅತಿಕ್ರಮಿಸಿಕೊಂಡು ಅತಿಯಾಗಿ ಬ್ಯಾರಿಕೇಡ್ ಅಳವಡಿಸಿರುವುದಕ್ಕೆ ಸಚಿವರು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದರು.

ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕೆ.ಆರ್.ಪುರದಿಂದ ನಾಗವಾರ ಮತ್ತು ಅಲ್ಲಿಂದ ಹೆಬ್ಬಾಳದವರೆಗಿನ ಮಾರ್ಗವು ಅತ್ಯಂತ ಸಂಕೀರ್ಣವಾಗಿದೆ. ಹೀಗಾಗಿ, ಕಾಮಗಾರಿ ತಡವಾಗಿದೆ. ಕೆ.ಆರ್.ಪುರ ಬಳಿ ಕಾಮಗಾರಿ ಆರಂಭಿಸಲು ಮರಗಳನ್ನು ಕಡಿಯುವುದಕ್ಕೆ ನ್ಯಾಯಾಲಯದಿಂದ ಒಂದು ವರ್ಷ ಕಾಲ ತಡೆಯಾಜ್ಞೆ ಇದ್ದ ಕಾರಣ, ಕಾಮಗಾರಿ ನಿಗದಿತ ಅವಧಿಗಿಂತ ಕನಿಷ್ಠ ಒಂದು ವರ್ಷ ವಿಳಂಬವಾಗಿದೆ ಎಂದರು.

ಬೇರೆ ನಗರಗಳಲ್ಲಿ ಮೆಟ್ರೋ ಕಾಮಗಾರಿಗೆ ಮರ ಕಡಿಯಲು ಹೈಕೋರ್ಟ್ ಹೋಗುವ ಅಗತ್ಯವಿರುವುದಿಲ್ಲ. ಆದರೆ, ಬೆಂಗಳೂರಿನಲ್ಲಿ ಪಿಐಎಲ್ ಹಾಕಿ, ಟ್ರೀ ಕಮಿಟಿ ಮತ್ತು ಹೈಕೋರ್ಟ್ ಅನುಮತಿ ಪಡೆದು, ಪ್ರತಿಯೊಂದು ಮರ ಕಡಿಯುವುದಕ್ಕೂ ಕಠಿಣವಾದ ಪ್ರಕ್ರಿಯೆಯನ್ನು ಪಾಲಿಸಬೇಕಾಗಿದೆ. ಇದರ ಜೊತೆಗೆ, ಹಲವೆಡೆ ಕಾವೇರಿ ನೀರು ಸರಬರಾಜು ಪೈಪ್‌ಲೈನ್‌ಗಳು ಮತ್ತು ಒಳಚರಂಡಿ ಲೈನ್‌ಗಳು ಅಡ್ಡಿಯಾಗಿವೆ. ಇವುಗಳನ್ನು ತೆರವುಗೊಳಿಸಿ ಹೊಸ ಲೈನ್‌ಗಳನ್ನು ಹಾಕಲು ಸುಮಾರು 6 ರಿಂದ 8 ತಿಂಗಳು ಕಾಲ ವಿಳಂಬವಾಗಿದೆ ಎಂದು ಸಚಿವರು ತಿಳಿಸಿದರು.

ಹೊರವರ್ತುಲ ರಸ್ತೆಯಲ್ಲಿ ಅತಿಯಾದ ವಾಹನ ದಟ್ಟಣೆ ಇರುವುದರಿಂದ ಹಗಲಿನಲ್ಲಿ ಕೆಲಸ ಮಾಡಲು ಸಾಧ್ಯವಾಗದೆ ಕೇವಲ ರಾತ್ರಿ 7 ಗಂಟೆಯಿಂದ ಬೆಳಗಿನ ಜಾವದವರೆಗೆ ಮಾತ್ರ ಕೆಲಸ ಮಾಡಬೇಕಾಗಿರುವುದು ವಿಳಂಬಕ್ಕೆ ಕಾರಣವಾಗಿದೆ. ಇಂತಹ ಸಂಕೀರ್ಣವಾದ ಕಾಮಗಾರಿಗಳನ್ನು ಮಾಡುವಾಗ ಸಣ್ಣಪುಟ್ಟ ಸಮಸ್ಯೆಗಳು ಬರುವುದು ಸಹಜವಾದರೂ, ಸಂಬಂಧಪಟ್ಟ ಗುತ್ತಿಗೆದಾರರು ನಿರೀಕ್ಷಿತ ಮಟ್ಟದಲ್ಲಿ ಮತ್ತು ವೇಗವಾಗಿ ಸ್ಪಂದಿಸುತ್ತಿಲ್ಲ. ಈಗಾಗಲೇ ಒಂದು ವರ್ಷ ತಡವಾಗಿದ್ದು, ಇನ್ನೂ ವಿಳಂಬ ಮಾಡದೆ ಅಕ್ಟೋಬರ್ ಕೊನೆಯೊಳಗೆ ಟ್ರಯಲ್ ರನ್ ಮಾಡುವಂತೆ ತಾಕೀತು ಮಾಡಿದ್ದೇನೆ ಎಂದು ಕೃಷ್ಣಬೈರೇಗೌಡ ವಿವರಿಸಿದರು.

ಅನಗತ್ಯ ಬ್ಯಾರಿಕೇಡ್ :

ಹೊರವರ್ತುಲ ರಸ್ತೆಯಲ್ಲಿ ಮೆಟ್ರೋ ಕಾಮಗಾರಿ ಮುಗಿದಿದ್ದರೂ ಕೆಲವೆಡೆ ಅನಗತ್ಯವಾಗಿ ಬ್ಯಾರಿಕೇಡ್ ಹಾಕಿ ಟ್ರಾಫಿಕ್ ಸಮಸ್ಯೆಯನ್ನು ಉಲ್ಬಣಗೊಳಿಸಲಾಗುತ್ತಿದೆ. ಇದು ಸರಿಯಲ್ಲ. ಹೀಗಾಗಿ, ಬ್ಯಾರಿಕೇಡ್ ಗಳನ್ನು ತೆರವುಗೊಳಿಸಿ ವಾಹನ ಸಂಚಾರಕ್ಕೆ ಅನುವು ಮಾಡಿಕೊಡಿ ಎಂದು ಸಚಿವ ಕೃಷ್ಣ ಬೈರೇಗೌಡ ಅಧಿಕಾರಿಗಳಿಗೆ ಸೂಚಿಸಿದರು.

ಮೈಸೂರಿನಿಂದ ದಿಢೀರ್ ವಿಶೇಷ ರೈಲು ಘೋಷಣೆ; ದಸರಾ ಮುಗಿಸಿ ಊರಿಗೆ ಹೊರಟವರಿಗೆ ಭಾರಿ ಅನುಕೂಲ!

Sathish Kumar KH — Fri, 23 Oct 2026 07:54:33 +0530

ಮೈಸೂರು: ಪ್ರಯಾಣಿಕರ ಹೆಚ್ಚುವರಿ ದಟ್ಟಣೆಯನ್ನು ಗಮನದಲ್ಲಿಟ್ಟುಕೊಂಡು, ನೈರುತ್ಯ ರೈಲ್ವೆಯು (SWR) ಮೈಸೂರಿನಿಂದ ಉತ್ತರ ಪ್ರದೇಶದ ವೀರಾಂಗಣ ಲಕ್ಷ್ಮೀಬಾಯಿ ಜಾನ್ಸಿ ರೈಲ್ವೆ ನಿಲ್ದಾಣಕ್ಕೆ ಏಕಮುಖ (ಒನ್-ವೇ) ವಿಶೇಷ ಎಕ್ಸ್‌ಪ್ರೆಸ್‌ ರೈಲು ಓಡಿಸಲು ನಿರ್ಧರಿಸಿದೆ. ಈ ವಿಶೇಷ ರೈಲು ಬೆಂಗಳೂರು ಸೇರಿದಂತೆ ರಾಜ್ಯದ ಪ್ರಮುಖ ನಿಲ್ದಾಣಗಳ ಮೂಲಕ ಸಾಗಲಿದ್ದು, ಉತ್ತರ ಭಾರತದತ್ತ ಪ್ರಯಾಣಿಸುವ ಜನರಿಗೆ ಭಾರಿ ಅನುಕೂಲವಾಗಲಿದೆ.

ರೈಲು ಸಂಚಾರದ ವೇಳಾಪಟ್ಟಿ:

ರೈಲು ಸಂಖ್ಯೆ: 06276 (ಮೈಸೂರು–ವೀರಾಂಗಣ ಲಕ್ಷ್ಮೀಬಾಯಿ ಜಾನ್ಸಿ ಒನ್-ವೇ ಸ್ಪೆಷಲ್ ಎಕ್ಸ್‌ಪ್ರೆಸ್)

ಹೊರಡುವ ದಿನ ಮತ್ತು ಸಮಯ: ಅಕ್ಟೋಬರ್ 23 ರಂದು ಮಧ್ಯಾಹ್ನ 2:00 ಗಂಟೆಗೆ ಮೈಸೂರು ನಿಲ್ದಾಣದಿಂದ ಪ್ರಯಾಣ ಆರಂಭಿಸಲಿದೆ.

ತಲುಪುವ ದಿನ ಮತ್ತು ಸಮಯ: ಅಕ್ಟೋಬರ್ 25 ರಂದು ಬೆಳಿಗ್ಗೆ 10:00 ಗಂಟೆಗೆ ವೀರಾಂಗಣ ಲಕ್ಷ್ಮೀಬಾಯಿ ಜಾನ್ಸಿ ನಿಲ್ದಾಣವನ್ನು ತಲುಪಲಿದೆ.

ಮಾರ್ಗ ಮಧ್ಯೆ ಎಲ್ಲೆಲ್ಲಿ ನಿಲುಗಡೆ? (Major Halts)

ಈ ವಿಶೇಷ ರೈಲು ಕರ್ನಾಟಕ, ಆಂಧ್ರಪ್ರದೇಶ, ತೆಲಂಗಾಣ, ಮಹಾರಾಷ್ಟ್ರ ಮತ್ತು ಮಧ್ಯಪ್ರದೇಶ ರಾಜ್ಯಗಳ ಪ್ರಮುಖ ನಗರಗಳನ್ನು ಸಂಪರ್ಕಿಸಲಿದೆ.

ಕೆಎಸ್‌ಆರ್ ಬೆಂಗಳೂರು (KSR Bengaluru)
ಧರ್ಮಾವರಂ
ರಾಯಚೂರು
ಸಿಕಂದರಾಬಾದ್
ಕಾಜಿಪೇಟೆ
ಬಲ್ಹಾರ್ಷಾ
ನಾಗ್ಪುರ
ಇಟಾರ್ಸಿ
ಭೋಪಾಲ್

ಬೋಗಿಗಳ ವಿವರ (Coach Composition):

ಈ ರೈಲು ಒಟ್ಟು 20 ಬೋಗಿಗಳನ್ನು ಒಳಗೊಂಡಿರಲಿದೆ:
12 ಸ್ಲೀಪರ್ ಕ್ಲಾಸ್ (Sleeper Class) ಬೋಗಿಗಳು
6 ಸಾಮಾನ್ಯ ದರ್ಜೆಯ (General Second Class) ಬೋಗಿಗಳು
2 ಲಗೇಜ್-ಕಮ್-ಬ್ರೇಕ್ ವ್ಯಾನ್ (ದಿವ್ಯಾಂಗ ಸ್ನೇಹಿ ಕಂಪಾರ್ಟ್‌ಮೆಂಟ್ ಒಳಗೊಂಡಂತೆ)

ಹಬ್ಬದ ಋತುವಿನಲ್ಲಿ ರೈಲುಗಳಲ್ಲಿ ಟಿಕೆಟ್ ಸಿಗದೆ ಪರದಾಡುತ್ತಿದ್ದ ಪ್ರಯಾಣಿಕರಿಗೆ, ವಿಶೇಷವಾಗಿ ಉತ್ತರ ಭಾರತದ ವಿವಿಧ ರಾಜ್ಯಗಳಿಗೆ ತೆರಳುವ ಕಾರ್ಮಿಕರು, ವಿದ್ಯಾರ್ಥಿಗಳು ಹಾಗೂ ಪ್ರವಾಸಿಗರಿಗೆ ಈ ವಿಶೇಷ ರೈಲು ಸಂಚಾರದಿಂದ ದೊಡ್ಡ ಮಟ್ಟದ ನೆರವಾಗಲಿದೆ ಎಂದು ನೈರುತ್ಯ ರೈಲ್ವೆ ಪ್ರಕಟಣೆಯಲ್ಲಿ ತಿಳಿಸಿದೆ.

“ನನ್ನ ವಾರಂಟಿ ವಿಸ್ತರಿಸಿ” ಎಂದ ಅಭಿಮಾನಿ! 20 ವರ್ಷಗಳ ಎಕ್ಸ್‌ಪೈರಿ ಡೇಟ್‌ಗೆ ಆನಂದ್ ಮಹೀಂದ್ರ ಕೊಟ್ಟ ಉತ್ತರ ವೈರಲ್

Chandrashekar GS — Fri, 23 Oct 2026 07:51:07 +0530

“ನನ್ನ ವಾರಂಟಿ ಅವಧಿಯನ್ನೂ ಹೆಚ್ಚಿಸಿ!” ಅಭಿಮಾನಿಗೆ ಆನಂದ್ ಮಹೀಂದ್ರಾ ಕೊಟ್ಟ ತಮಾಷೆಯ ಉತ್ತರ ವೈರಲ್

ಮಹೀಂದ್ರಾ ಗ್ರೂಪ್‌ನ ಮುಖ್ಯಸ್ಥ ಆನಂದ್ ಮಹೀಂದ್ರಾ ಅವರು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಹಾಸ್ಯಮಯ ಪ್ರತಿಕ್ರಿಯೆಗಳಿಂದ ಆಗಾಗ ಗಮನ ಸೆಳೆಯುತ್ತಾರೆ. ಇದೀಗ ಅಭಿಮಾನಿಯೊಬ್ಬರು ನೀಡಿದ ವಿಚಿತ್ರ ಕಾಮೆಂಟ್‌ಗೆ ಅವರು ಕೊಟ್ಟ ಚುಟುಕಾದ ಉತ್ತರ ಮತ್ತೆ ಚರ್ಚೆಗೆ ಬಂದಿದೆ. ಅಭಿಮಾನಿಯೊಬ್ಬರು ಆನಂದ್ ಮಹೀಂದ್ರಾ ಅವರಿಗೆ ಇನ್ನೂ 20 ವರ್ಷಗಳಷ್ಟೇ ಆಯುಷ್ಯವಿರಬಹುದು ಎಂದು ಹೇಳಿ, ಅದಕ್ಕೂ ಮುನ್ನ ಶಕ್ತಿಶಾಲಿ V8 ಎಂಜಿನ್ ಹೊಂದಿರುವ ಸ್ಕಾರ್ಪಿಯೊ ಕಾರನ್ನು ನಿರ್ಮಿಸುವಂತೆ ಸಲಹೆ ನೀಡಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಮಹೀಂದ್ರಾ, ತಮ್ಮ ಆಯುಷ್ಯಕ್ಕೆ ಅಭಿಮಾನಿಯೇ ಮುಕ್ತಾಯ ದಿನಾಂಕ ನಿಗದಿಪಡಿಸಿರುವುದನ್ನು ಹಾಸ್ಯದಿಂದ ಪ್ರಶ್ನಿಸಿದ್ದಾರೆ.

ಸ್ಕಾರ್ಪಿಯೊಗೆ V8 ಎಂಜಿನ್ ಬೇಕೆಂದ ಅಭಿಮಾನಿ

ಪ್ರಣೇಶ್ ನಾಯ್ಡು ಎಂಬ ಎಕ್ಸ್ ಬಳಕೆದಾರರು ಆನಂದ್ ಮಹೀಂದ್ರಾ ಅವರಿಗೆ ಸಂದೇಶ ಕಳುಹಿಸಿದ್ದರು. ಮಹೀಂದ್ರಾ ಸ್ಕಾರ್ಪಿಯೊದಲ್ಲಿ 500 ಹಾರ್ಸ್‌ಪವರ್ ಶಕ್ತಿ ನೀಡುವ ಸಣ್ಣ V8 ಎಂಜಿನ್ ಇದ್ದರೆ ಅದ್ಭುತವಾಗಿರುತ್ತದೆ ಎಂಬುದು ಅವರ ಅಭಿಪ್ರಾಯವಾಗಿತ್ತು. ಈ ಬೇಡಿಕೆಯ ಜೊತೆಗೆ, ಆನಂದ್ ಮಹೀಂದ್ರಾ ಇನ್ನೂ 20 ವರ್ಷಗಳಲ್ಲಿ ನಿಧನರಾಗಬಹುದು ಎಂಬ ಅಸಹಜ ಹೇಳಿಕೆಯನ್ನೂ ಅವರು ಸೇರಿಸಿದ್ದರು.

ವಾಹನಗಳ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸುವಾಗ ಅಭಿಮಾನಿ ಬಳಸಿದ ಈ ಮಾತು ಸಾಮಾಜಿಕ ಜಾಲತಾಣದ ಸಂಭಾಷಣೆಯನ್ನು ಬೇರೆ ದಿಕ್ಕಿಗೆ ಕೊಂಡೊಯ್ದಿತು.

“ನನ್ನ ಆಯುಷ್ಯಕ್ಕೆ ಎಕ್ಸ್‌ಪೈರಿ ಡೇಟ್ ಕೊಟ್ಟಿದ್ದೀರಿ!”

ಅಭಿಮಾನಿಯ ಮಾತಿಗೆ ಕೋಪದಿಂದ ಪ್ರತಿಕ್ರಿಯಿಸುವ ಬದಲು, ಆನಂದ್ ಮಹೀಂದ್ರಾ ಹಾಸ್ಯಮಯವಾಗಿ ಉತ್ತರಿಸಿದರು. ಅಭಿಮಾನಿಯಾಗಿರುವುದಕ್ಕೆ ಸಂತೋಷವಿದೆ ಎಂದ ಅವರು, ತಮ್ಮ ಆಯುಷ್ಯಕ್ಕೆ ಇಷ್ಟು ಖಚಿತವಾಗಿ 20 ವರ್ಷಗಳ ಮುಕ್ತಾಯ ದಿನಾಂಕ ನೀಡಿರುವುದು ಸ್ವಲ್ಪ ಆಶ್ಚರ್ಯ ಉಂಟುಮಾಡಿದೆ ಎಂದು ಹೇಳಿದರು.

20 ವರ್ಷಗಳ ಕಾಲ ಬದುಕುವುದೂ ಒಳ್ಳೆಯ ಅವಧಿಯೇ ಆದರೂ, ತಾನು ಈ ಭೂಮಿಯಲ್ಲಿ ಅದಕ್ಕಿಂತಲೂ ಹೆಚ್ಚು ಕಾಲ ಇರಲು ಬಯಸುವುದಾಗಿ ಅವರು ತಮಾಷೆಯಾಗಿ ಬರೆದರು. ನಂತರ V8 ಎಂಜಿನ್ ಬಗ್ಗೆ ಚರ್ಚಿಸುವ ಮೊದಲು, ತಮ್ಮ “ವಾರಂಟಿ” ಅವಧಿಯನ್ನು ವಿಸ್ತರಿಸಲು ಅಭಿಮಾನಿಯನ್ನು ಒಪ್ಪಿಸಬಹುದೇ ಎಂದು ಪ್ರಶ್ನಿಸಿದರು.

ಈ ಉತ್ತರದಲ್ಲಿ ಕಾರಿನ ವಾರಂಟಿ ಎಂಬ ಪದವನ್ನು ಮಾನವ ಆಯುಷ್ಯಕ್ಕೆ ಹೋಲಿಸಿ ಬಳಸಿರುವುದು ಸಂಭಾಷಣೆಯ ಪ್ರಮುಖ ಹಾಸ್ಯಮಯ ಅಂಶವಾಗಿದೆ. ಅವರ ಪ್ರತಿಕ್ರಿಯೆ ಸಾಮಾಜಿಕ ಜಾಲತಾಣ ಬಳಕೆದಾರರ ಗಮನ ಸೆಳೆದಿದೆ.

V8 ಎಂಜಿನ್ ಚರ್ಚೆಯೂ ಮತ್ತೆ ಮುನ್ನೆಲೆಗೆ

ಈ ಸಂಭಾಷಣೆಯ ಹಿಂದೆ ಮಹೀಂದ್ರಾ ವಾಹನಗಳ ಎಂಜಿನ್ ತಂತ್ರಜ್ಞಾನ ಕುರಿತು ನಡೆದಿದ್ದ ಚರ್ಚೆಯೂ ಇದೆ. 2006ರಲ್ಲಿ ಸ್ಕಾರ್ಪಿಯೊ ಆಧಾರಿತ ಡೀಸೆಲ್-ಎಲೆಕ್ಟ್ರಿಕ್ ಹೈಬ್ರಿಡ್ ವಾಹನವನ್ನು ಪ್ರದರ್ಶಿಸಿದ್ದಾಗಿ ಆನಂದ್ ಮಹೀಂದ್ರಾ ಈ ಹಿಂದೆ ಹೇಳಿದ್ದರು. ಆದರೆ ಮಾರುಕಟ್ಟೆ ಸಿದ್ಧವಾಗಿರದ ಕಾರಣ ಅದನ್ನು ವಾಣಿಜ್ಯ ಬಳಕೆಗೆ ತರಲಿಲ್ಲ ಎಂದು ವಿವರಿಸಿದ್ದರು.

ಆದರೆ ಅಭಿಮಾನಿ ಕೇಳಿದ V8 ಎಂಜಿನ್ ಹೊಂದಿರುವ ಸ್ಕಾರ್ಪಿಯೊವನ್ನು ಮಹೀಂದ್ರಾ ನಿರ್ಮಿಸಲಿದೆ ಎಂಬ ಅಧಿಕೃತ ಘೋಷಣೆ ಈ ಪ್ರತಿಕ್ರಿಯೆಯಲ್ಲಿ ಇಲ್ಲ. ಸದ್ಯಕ್ಕೆ ಹೆಚ್ಚು ಗಮನ ಸೆಳೆದಿರುವುದು ಅಭಿಮಾನಿಯ ವಿಚಿತ್ರ ಕಾಮೆಂಟ್‌ಗೆ ಆನಂದ್ ಮಹೀಂದ್ರಾ ನೀಡಿದ ಹಾಸ್ಯಮಯ ಉತ್ತರವೇ ಆಗಿದೆ.

Pranesh, I’m flattered that you’re a fan.

But I’m a little shaken by the confidence with which you’ve handed me a 20-year expiry date!

I know that would be a respectable innings, but I was hoping to stick around on the planet just a wee bit longer.

So before we discuss V8 engines, could I persuade you to extend my warranty?

— anand mahindra (@anandmahindra) October 22, 2026

Jio IPO: ಜಿಯೋ ಐಪಿಒಗೆ 5 ಪಟ್ಟು ಡಿಮ್ಯಾಂಡ್! ಯಾಕಿಷ್ಟು ಬೇಡಿಕೆ, 2ನೇ ದಿನದ ಸಬ್‌ಸ್ಕ್ರೈಬ್ ಎಷ್ಟು?

Ravi Janekal — Fri, 23 Oct 2026 07:24:16 +0530

Jio Platforms IPO Day 2 Highlights: ರಿಲಯನ್ಸ್‌ ಕಂಪನಿಯ ಜಿಯೋ ಪ್ಲಾಟ್‌ಫಾರ್ಮ್ಸ್‌ ಲಿ.(JPL)ನ ಐಪಿಒ ಷೇರು ಮಾರುಕಟ್ಟೆಯಲ್ಲಿ ಭಾರೀ ಸಂಚಲನ ಮೂಡಿಸಿದೆ. ಮಾರುಕಟ್ಟೆಗೆ ಬಿಡುಗಡೆಯಾದ ಕೇವಲ 100 ನಿಮಿಷಗಳಲ್ಲೇ ಜಿಯೋಪ್ಲಾಟ್‌ಫಾರ್ಮ್ಸ್‌ ಲಿ. ಐಪಿಒ ಸಂಪೂರ್ಣ‍ಾಗಿ ಸಬ್‌ಸ್ಕೈಬ್‌ (ಚಂದಾದಾರಿಕೆ) ಆಗುವ ಮೂಲಕ ಹೊಸ ದಾಖಲೆ ಬರೆದಿದೆ.

ಜಿಯೋ ಐಪಿಒಗೆ ಯಾಕಿಷ್ಟು ಡಿಮ್ಯಾಂಡ್?

ರಿಲಯನ್ಸ್‌ ಸಂಸ್ಥೆಯ ಜಿಯೋ ಪ್ಲಾಟ್‌ಫಾರ್ಮ್ಸ್‌ನ ಐಪಿಒಗೆ ಎರಡನೇ ದಿನವಾದ ಗುರುವಾರವೂ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಚಿಲ್ಲರೆ ಹೂಡಿಕೆದಾರರ ಕೋಟಾವು ಬೆಳಗ್ಗೆ 10.45ರ ವೇಳೆಗೆ ಪೂರ್ಣ ಭರ್ತಿಯಾಗಿದೆ.

ಇಂದು ಬಿಡ್ಡಿಂಗ್‌ ಮುಕ್ತಾಯ?

ಒಟ್ಟಾರೆ ಈ ಐಪಿಒಗೆ ಸುಮಾರು 5 ಪಟ್ಟು ಬಿಡ್‌ ಸಲ್ಲಿಕೆಯಾಗಿದೆ. ಈ ಮೂಲಕ 30,213 ಕೋಟಿ ರು. ಮೌಲ್ಯದ ಈ ಐಪಿಒಗೆ 3.60 ಲಕ್ಷ ಕೋಟಿ ರು.ಗೂ ಹೆಚ್ಚಿನ ಬಿಡ್‌ ಬಂದಿದೆ. ಈ ಐಪಿಒ ಮೇಲಿನ ಬಿಡ್ಡಿಂಗ್‌ ಅವಧಿ ಶುಕ್ರವಾರ ಮುಕ್ತಾಯವಾಗಲಿದೆ. ಅ.28ಕ್ಕೆ ಷೇರು ಲಿಸ್ಟ್‌ ಆಗಲಿದೆ.

ಅರಸನಕೋಟೆ ಅಖಿಲಾಂಡೇಶ್ವರಿ ಕಂಬ್ಯಾಕ್‌ಗೆ ಮುಹೂರ್ತ ಫಿಕ್ಸ್! ಈ ಬಾರಿ ಹೊಸ ಕಥೆಯೊಂದಿಗೆ ಬರುತ್ತಿದ್ದಾರೆ ವಿನಯ ಪ್ರಸಾದ್

Pavna Das — Fri, 23 Oct 2026 07:05:44 +0530

Vinaya Prasad: ಜೀ ಕನ್ನಡಲ್ಲಿ ‘ಪಾರು’ ಧಾರಾವಾಹಿಯಲ್ಲಿ ಅರಸನಕೋಟೆಯ ಅಖಿಲಾಂಡೇಶ್ವರಿಯಾಗಿ ಮಿಂಚಿದ್ದ ಹಿರಿಯ ನಟಿ ವಿನಯಪ್ರಸಾದ್ ಶೀಘ್ರದಲ್ಲೇ ಉದಯ ಟಿವಿಯ ಹೊಚ್ಚ ಹೊಸ ಸೀರಿಯಲ್ ಮೂಲಕ ಮತ್ತೆ ಕಿರುತೆರೆಗೆ ಎಂಟ್ರಿ ಕೊಡಲಿದ್ದಾರೆ.

ಕನ್ನಡ ಸಿನಿಮಾದ ಜನಪ್ರಿಯ ನಟಿ ಹಾಗೂ ಕಿರುತೆರೆಯಲ್ಲೂ ಮಿಂಚಿದ ಹಿರಿಯ ನಟಿ ವಿನಯ ಪ್ರಸಾದ್ ಅವರು ಶೀಘ್ರದಲ್ಲಿ ಮತ್ತೆ ಕನ್ನಡ ಕಿರುತೆರೆಗೆ ಕಂ ಬ್ಯಾಕ್ ಮಾಡುತ್ತಿದ್ದಾರೆ. ಈ ಬಾರಿ ವಿಭಿನ್ನ ಕಥೆ, ವಿಭಿನ್ನ ಪಾತ್ರ ಹಾಗೂ ವಿಭಿನ್ನ ಚಾನೆಲ್ ಮೂಲಕ ಎಂಟ್ರಿ ಕೊಡಲಿದ್ದಾರೆ.

ಕನ್ನಡ ಕಿರುತೆರೆಯಲ್ಲಿ ಅರಸನಕೋಟೆ ಅಖಿಲಾಂಡೇಶ್ವರಿ ಎಂದೇ ಖ್ಯಾತಿ ಪಡೆದಿರುವ ಹಿರಿಯ ಜನಪ್ರಿಯ ನಟಿ ವಿನಯಪ್ರಸಾದ್ . ಇವರು ಪಾರು ಧಾರಾವಾಹಿ ಮೂಲಕ ಕಿರುತೆರೆಯಲ್ಲಿ ಸಾಕಷ್ಟು ಜನಪ್ರಿಯತೆ ಪಡೆದರು. ಅವರ ಖಡಕ್ ಪಾತ್ರವನ್ನು ಜನ ಮೆಚ್ಚಿಕೊಂಡಿದ್ದರು.

ಇದೀಗ ಬರೋಬ್ಬರಿ 10 ವರ್ಷಗಳ ಬಳಿಕ ಮತ್ತೆ ಉದಯ ಟಿವಿಗೆ ಕಮ್ ಬ್ಯಾಕ್ ಆಗ್ತಿದ್ದಾರೆ! ಇವರು ಈ ಹಿಂದೆ ಸುಂದರಿ ಧಾರಾವಾಹಿಯಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಬಳಿಕ ಜೀ ಕನ್ನಡ ಧಾರಾವಾಹಿ ಪಾತ್ರದ ಮೂಲಕ ಜನಪ್ರಿಯತೆ ಪಡೆದರು.

ಸದ್ಯದಲ್ಲೇ ಉದಯ ಟಿವಿಯಲ್ಲಿ ಹೊಸ ಸಂಸ್ಥೆಯ - ಹೊಸ ಧಾರವಾಹಿ ಶುರುವಾಗುತ್ತಿದ್ದೂ , ಇದರಲ್ಲಿ ವಿನಯಪ್ರಸಾದ್ ರವರು, ಮತ್ತೊಂದು ಪಾತ್ರದ ಮೂಲಕ ನಿಮ್ಮ ಮುಂದೆ ಬರಲಿದ್ದಾರೆ. ಆದರೆ ಆ ಧಾರಾವಾಹಿ ಯಾವುದು ಎನ್ನುವ ಬಗ್ಗೆ ಇನ್ನೂ ಮಾಹಿತಿ ಸಿಕ್ಕಿಲ್ಲ.

ಬಂದಿರುವ ಮಾಹಿತಿ ಪ್ರಕಾರ ವಿನಯಪ್ರಸಾದ್ ಅವರು ಅಖಿಲಾಂಡೇಶ್ವರಿಯ ಗೆಟಪ್ ನಲ್ಲಿ ಮತ್ತೆ ನಿಮ್ಮಮುಂದೇ ಬರಲಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಇದು ಎಷ್ಟು ನಿಜಾ? ಮತ್ತೆ ಅದೇ ಪಾತ್ರವನ್ನು ಮಾಡುವರೇ ಎನ್ನುವ ಬಗ್ಗೆ ಸ್ಪಷ್ಟ ಮಾಹಿತಿ ಇಲ್ಲ.

ಕನ್ನಡ, ಮಲಯಾಲಂ ಮತ್ತು ತಮಿಳು, ತೆಲುಗು ಹಾಗೂ ತುಳು ಚಿತ್ರರಂಗದಲ್ಲಿ ಹಾಗೂ ಕಿರುತೆರೆಯಲ್ಲಿ ಗುರುತಿಸಿಕೊಂಡಿರುವ ವಿನಯಪ್ರಸಾದ್ 200ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇವತ್ತಿಗೂ ಕನ್ನಡ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇತ್ತೀಚೆಗೆ ಮದರ್ ಪ್ರಾಮಿಸ್ ಸಿನಿಮಾದಲ್ಲಿ ನಟಿಸಿದ್ದರು.

ಸರ್ಕಾರಿ ಶಾಲೆ ಅಲ್ಲ, ಆದ್ರೂ ಈ ಶಾಲೇಲಿ 8000 ಮಕ್ಕಳಿಗೆ ಉಚಿತ ಶಿಕ್ಷಣ! ಬಡ ಮಕ್ಕಳ ಕನಸುಗಳಿಗೆ ರೆಕ್ಕೆ ಕಟ್ಟಿದ ಇಸ್ರೋದ ಮಾಜಿ ವಿಜ್ಞಾನಿ!

Kannadaprabha News — Fri, 23 Oct 2026 06:58:02 +0530

-ವಿಜ್ಞಾನಿ ಶಿಕ್ಷಣ ಸೇವೆ । ಈ ವರ್ಷವೂ 800 ಮಕ್ಕಳಿಗೆ 1-10ನೇ ತರಗತಿ ವರೆಗೆ ಉಚಿತ ಶಿಕ್ಷಣ । ಬಡ ಮಕ್ಕಳ ಕನಸುಗಳಿಗೆ ರೆಕ್ಕೆ ನೀಡಿದ ಕನ್ನಡಿಗ ಕೆ.ಹರೀಶ್‌

ಬೆಂಗಳೂರು (ಅ.23): ಯಾವುದೇ ಮಗುವಿನ ಭವಿಷ್ಯವನ್ನು ಅದರ ಕುಟುಂಬದ ಆರ್ಥಿಕ ಸ್ಥಿತಿ ನಿರ್ಧರಿಸಬಾರದು. ಬದಲಿಗೆ ಮಗುವಿನ ಪ್ರತಿಭೆ, ಪರಿಶ್ರಮ ಮತ್ತು ಸಾಧನೆಗೆ ದೊರೆಯುವ ಅವಕಾಶಗಳು ನಿರ್ಧರಿಸಬೇಕು ಎಂಬ ಆಶಯದೊಂದಿಗೆ ನಡೆಯುತ್ತಿರುವ ಬೆಂಗಳೂರಿನ ವಾಗ್ದೇವಿ ವಿಲಾಸ ಶಿಕ್ಷಣ ಸಂಸ್ಥೆಯಲ್ಲಿ ಕಳೆದ 11 ವರ್ಷಗಳಿಂದ ಸಿಬಿಎಸ್‌ಇ ಪಠ್ಯಕ್ರಮದಲ್ಲಿ ಉಚಿತ ಶಿಕ್ಷಣ ಪಡೆದ ಮಕ್ಕಳ ಸಂಖ್ಯೆ ಬರೋಬ್ಬರಿ 8000 ತಲುಪಲಿದೆ.

ವಿಶೇಷವೆಂದರೆ ಈ ವರ್ಷವೂ ಈ ಶಾಲೆಯಲ್ಲಿ 1ರಿಂದ 10ನೇ ತರಗತಿವರೆಗೆ ಸುಮಾರು 800ಕ್ಕೂ ಹೆಚ್ಚು ಬಡ ಕುಟುಂಬದ ಮಕ್ಕಳು ಉಚಿತ ಶಿಕ್ಷಣ ಪಡೆಯುತ್ತಿದ್ದಾರೆ. ಇದಕ್ಕೆ ಕಾರಣ ಈ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ, ಇಸ್ರೋದ ಮಾಜಿ ವಿಜ್ಞಾನ ಕೆ.ಹರೀಶ್‌.

ಮಗುವಿನ ಕನಸುಗಳಿಗೆ ಬಡತನ ಅಡ್ಡಿಯಾಗಬಾರದು. ಪ್ರತಿಭೆ ಮತ್ತು ಕಲಿಯುವ ಆಸಕ್ತಿ ಇರುವ ಪ್ರತಿಯೊಂದು ಮಗುವಿಗೂ ಗುಣಮಟ್ಟದ ಶಿಕ್ಷಣ ಸಿಗಬೇಕು ಎಂಬ ಧ್ಯೇಯದೊಂದಿಗೆ ಶಿಕ್ಷಣ ಕ್ಷೇತ್ರದಲ್ಲಿನ ಅವರ ಸೇವಾ ಮನೋಭಾವದಿಂದ ಬೆಂಗಳೂರಿನ ಮಾರತಹಳ್ಳಿ ಮತ್ತು ವರ್ತೂರಿನಲ್ಲಿರುವ ವಾಗ್ದೇವಿ ವಿಲಾಸ್ ಶಾಲೆಗಳ ಮೂಲಕ ಆರ್ಥಿಕವಾಗಿ ದುರ್ಬಲ ವರ್ಗದ ಸಾವಿರಾರು ಮಕ್ಕಳಿಗೆ ಉಚಿತ ಶಿಕ್ಷಣ ದೊರಕಿಸಿಕೊಟ್ಟಿದ್ದಾರೆ.

ಶಿಕ್ಷಣ ಮತ್ತು ಸಮಾಜ ಸೇವೆಯ ಮೂಲಕ ಕನ್ನಡಿಗರಿಗೆ ನೆರವಾಗುವ ಸಂಕಲ್ಪ ತೊಟ್ಟಿರುವ ಹರೀಶ್‌ ಅವರು, ‘ನನ್ನ ಬಾಲ್ಯದಲ್ಲಿ ಶಿಕ್ಷಣಕ್ಕಾಗಿ ಎದುರಿಸಿದ ಆರ್ಥಿಕ ಸವಾಲುಗಳು ಇಂದಿಗೂ ನೆನಪಿನಲ್ಲಿವೆ. ಹಣವಿಲ್ಲ ಎಂಬ ಕಾರಣಕ್ಕೆ ಯಾವುದೇ ಮಗು ಶಿಕ್ಷಣದಿಂದ ವಂಚಿತವಾಗಬಾರದು. ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣ ಮತ್ತು ಪ್ರೋತ್ಸಾಹ ದೊರೆತರೆ ಅವರು ತಮ್ಮ ಬದುಕನ್ನು ಮಾತ್ರವಲ್ಲ, ಸಮಾಜವನ್ನೂ ಬದಲಾಯಿಸಬಲ್ಲರು’ ಎಂದು ಹೇಳಿದ್ದಾರೆ.

ವಿಜ್ಞಾನ, ಪರಿಸರ, ಮೌಲ್ಯಾಧಾರಿತ ಶಿಕ್ಷಣ:

ವಿಜ್ಞಾನ ಮತ್ತು ತಂತ್ರಜ್ಞಾನದ ಅರಿವನ್ನು ವಿದ್ಯಾರ್ಥಿಗಳಲ್ಲಿ ಬೆಳೆಸುವ ಉದ್ದೇಶದಿಂದ ವಾಗ್ದೇವಿ ವಿಲಾಸ ಶಾಲೆಯಲ್ಲಿ ಸೈನ್ಸ್ ಟೆಕ್ ಪಾರ್ಕ್‌ನಂತಹ ಉಪಕ್ರಮಗಳಿಗೆ ಆದ್ಯತೆ ನೀಡಲಾಗಿದೆ. ಇದರೊಂದಿಗೆ ಮಳೆನೀರು ಕೊಯ್ಲು, ಸೌರಶಕ್ತಿ ಬಳಕೆ, ಕಾಗದ ಮರುಬಳಕೆ, ಜೈವಿಕ ಅನಿಲ ಉತ್ಪಾದನೆ ಮತ್ತು ಎರೆಹುಳು ಗೊಬ್ಬರ ತಯಾರಿಕೆಯಂತಹ ಪರಿಸರ ಸ್ನೇಹಿ ಚಟುವಟಿಕೆಗಳನ್ನೂ ಅಳವಡಿಸಲಾಗಿದೆ. ಇವುಗಳ ಮೂಲಕ ಪರಿಸರ ಸಂರಕ್ಷಣೆ ಕೇವಲ ಪಠ್ಯದಲ್ಲಿನ ವಿಷಯವಾಗಿರದೆ, ದೈನಂದಿನ ಜೀವನದ ಭಾಗವಾಗಬೇಕು ಎಂಬ ಸಂದೇಶವನ್ನು ವಿದ್ಯಾರ್ಥಿಗಳಿಗೆ ತಲುಪಿಸಲಾಗುತ್ತಿದೆ.

ಶೈಕ್ಷಣಿಕ ಸಾಧನೆಯ ಜೊತೆಗೆ ಶಿಸ್ತು, ಪರಸ್ಪರ ಗೌರವ, ಮಾನವೀಯತೆ, ದೇಶಪ್ರೇಮ ಮತ್ತು ಸಾಮಾಜಿಕ ಹೊಣೆಗಾರಿಕೆಯಂತಹ ಮೌಲ್ಯಗಳಿಗೂ ಸಂಸ್ಥೆ ಮಹತ್ವ ನೀಡುತ್ತಿದೆ.

ಇಸ್ರೋದ ಮಾಜಿ ವಿಜ್ಞಾನಿ ಹರೀಶ್‌

ಹರೀಶ್ ಅವರು ಇಸ್ರೋ ಸಂಸ್ಥೆಯಲ್ಲಿ ವಿಜ್ಞಾನಿಯಾಗಿ ಸೇವೆ ಸಲ್ಲಿಸಿದ್ದು, ವಿಜ್ಞಾನ ಕ್ಷೇತ್ರದ ಅನುಭವದ ನಂತರ ಶಿಕ್ಷಣದ ಮೂಲಕ ಸಮಾಜದಲ್ಲಿ ಬದಲಾವಣೆ ತರಲು ಮುಂದಾಗಿದ್ದಾರೆ. ನಗರದ ಮಾರತಹಳ್ಳಿ ಮತ್ತು ವರ್ತೂರಿನ ಸೂಪರ್ ಸ್ಕೂಲ್‌ಗಳಲ್ಲಿ ಬಡ ಮಕ್ಕಳಿಗೆ ಒಂದರಿಂದ ಹತ್ತನೇ ತರಗತಿವರೆಗೆ ಉಚಿತ ಶಿಕ್ಷಣದ ವ್ಯವಸ್ಥೆ ಕಲ್ಪಿಸಿದ್ದು, ಈ ಶಾಲೆಗಳಲ್ಲಿ ಭಾರತೀಯ ಸಂಸ್ಕೃತಿ, ದೇಶಪ್ರೇಮ, ವೈಜ್ಞಾನಿಕ ಮನೋಭಾವ ಮತ್ತು ಮಾನವೀಯ ಮೌಲ್ಯಗಳ ಬೆಳವಣಿಗೆಗೆ ಆದ್ಯತೆ ನೀಡಲಾಗುತ್ತಿದೆ.

ವರ್ಷಗಟ್ಟಲೆ ಉಪ್ಪಿನಕಾಯಿ ಕೆಡದಂತೆ ಇರಬೇಕಾ? ಜಾರ್‌ನಲ್ಲಿ ಈ ಒಂದು ತಪ್ಪು ಮಾಡಲೇಬೇಡಿ!

Pavna Das — Fri, 23 Oct 2026 06:33:04 +0530

ವರ್ಷಗಟ್ಟಲೆ ಉಪ್ಪಿನಕಾಯಿ ಕೆಡದಂತೆ ಇರಬೇಕಾ?

ಚಳಿಗಾಲದಲ್ಲಿ ಮನೆಯಲ್ಲೇ ತಯಾರಿಸಿದ ಉಪ್ಪಿನಕಾಯಿ ಊಟದ ರುಚಿಯನ್ನು ಹೆಚ್ಚಿಸುತ್ತದೆ. ಖಾರ, ಹುಳಿ, ಉಪ್ಪು ಮತ್ತು ಮಸಾಲೆಗಳಿಂದ ಕೂಡಿದ ಉಪ್ಪಿನಕಾಯಿ ಊಟದ ಜೊತೆಗಿದ್ದರೆ ಸಾಮಾನ್ಯ ಆಹಾರವೂ ರುಚಿಕರವಾಗುತ್ತದೆ. ಇದೇ ಕಾರಣಕ್ಕೆ ಅನೇಕ ಮನೆಗಳಲ್ಲಿ ಚಳಿಗಾಲದಲ್ಲಿ ಉಪ್ಪಿನಕಾಯಿ ತಯಾರಿಸಿ ದೀರ್ಘಕಾಲ ಸಂಗ್ರಹಿಸಿಡುತ್ತಾರೆ. ಆದರೆ ಉಪ್ಪಿನಕಾಯಿ ತಯಾರಿಸುವುದು ಎಷ್ಟು ಸುಲಭವೋ, ಅದನ್ನು ದೀರ್ಘಕಾಲ ಚೆನ್ನಾಗಿ ಕಾಪಾಡುವುದು ಕೂಡ ಅಷ್ಟೇ ಮುಖ್ಯ. ಸ್ವಲ್ಪ ನಿರ್ಲಕ್ಷ್ಯ ಮಾಡಿದರೂ ಉಪ್ಪಿನಕಾಯಿಯ ರುಚಿ ಮತ್ತು ಬಣ್ಣ ಬದಲಾಗಬಹುದು, ತರಕಾರಿಗಳು ಮೆತ್ತಗಾಗಬಹುದು, ಕೆಟ್ಟ ವಾಸನೆ ಬರಬಹುದು ಅಥವಾ ಮೇಲ್ಭಾಗದಲ್ಲಿ ಶಿಲೀಂಧ್ರ ಬೆಳೆಯಬಹುದು.

ಚಳಿಗಾಲದಲ್ಲಿ ಉಪ್ಪಿನಕಾಯಿ ಹಾಳಾಗದಂತೆ ತಡೆಯಲು ಏನು ಮಾಡಬೇಕು?

ಸ್ವಚ್ಛವಾದ ಮತ್ತು ಸಂಪೂರ್ಣ ಒಣಗಿದ ಜಾರ್ ಬಳಸಿ

ಉಪ್ಪಿನಕಾಯಿ ಹಾಳಾಗದಂತೆ ಕಾಪಾಡಲು ಮೊದಲು ಜಾರ್‌ನ ಸ್ವಚ್ಛತೆಗೆ ಗಮನ ಕೊಡಿ. ಉಪ್ಪಿನಕಾಯಿ ಸಂಗ್ರಹಿಸಿಡುವ ಜಾರ್ ಅನ್ನು ಚೆನ್ನಾಗಿ ತೊಳೆದು ಸಂಪೂರ್ಣವಾಗಿ ಒಣಗಿಸಿ. ಜಾರ್‌ನ ಮುಚ್ಚಳ ಮತ್ತು ಉಪ್ಪಿನಕಾಯಿ ತೆಗೆಯಲು ಬಳಸುವ ಚಮಚದಲ್ಲಿಯೂ ತೇವಾಂಶ ಇರಬಾರದು.

ಉಪ್ಪಿನಕಾಯಿಯ ಪದಾರ್ಥಗಳಲ್ಲಿ ತೇವಾಂಶ ಇರದಂತೆ ನೋಡಿಕೊಳ್ಳಿ

ಉಪ್ಪಿನಕಾಯಿ ತಯಾರಿಸಲು ಬಳಸುವ ತರಕಾರಿಗಳು ಅಥವಾ ಹಣ್ಣುಗಳನ್ನು ಚೆನ್ನಾಗಿ ಒಣಗಿಸುವುದು ಅಗತ್ಯ. ಮಾವಿನಕಾಯಿ, ನಿಂಬೆಹಣ್ಣು, ಮೆಣಸಿನಕಾಯಿ ಅಥವಾ ಇತರ ತರಕಾರಿಗಳನ್ನು ತೊಳೆದ ತಕ್ಷಣ ಮಸಾಲೆ ಅಥವಾ ಎಣ್ಣೆಯೊಂದಿಗೆ ಬೆರೆಸಬೇಡಿ. ಅವುಗಳ ಮೇಲ್ಮೈಯಲ್ಲಿ ಉಳಿದಿರುವ ತೇವಾಂಶ ಉಪ್ಪಿನಕಾಯಿ ಬೇಗ ಹಾಳಾಗಲು ಕಾರಣವಾಗಬಹುದು. ಆದ್ದರಿಂದ ಮುಂದಿನ ಹಂತಕ್ಕೆ ಹೋಗುವ ಮೊದಲು ಅವುಗಳನ್ನು ಚೆನ್ನಾಗಿ ಒಣಗಿಸಿ.

ಉಪ್ಪು ಮತ್ತು ಹುಳಿಯ ಪ್ರಮಾಣ ಸರಿಯಾಗಿರಲಿ

ಉಪ್ಪಿನಕಾಯಿಯನ್ನು ಸುರಕ್ಷಿತವಾಗಿ ಸಂಗ್ರಹಿಸುವಲ್ಲಿ ಉಪ್ಪು ಮತ್ತು ಹುಳಿಯ ಸಮತೋಲನ ಪ್ರಮುಖ ಪಾತ್ರ ವಹಿಸುತ್ತದೆ. ಉಪ್ಪು ರುಚಿಯನ್ನು ಹೆಚ್ಚಿಸುವುದಷ್ಟೇ ಅಲ್ಲದೆ, ತರಕಾರಿಗಳಿಂದ ತೇವಾಂಶ ಹೊರಬರಲು ಮತ್ತು ಉಪ್ಪಿನಕಾಯಿಯನ್ನು ಸಂರಕ್ಷಿಸಲು ಸಹಾಯ ಮಾಡುತ್ತದೆ. ಹಾಗಾಗಿ ಇವುಗಳನ್ನು ಸಮ ಪ್ರಮಾಣದಲ್ಲಿ ಬಳಸಿ.

ಉಪ್ಪಿನಕಾಯಿ ಸಂಪೂರ್ಣವಾಗಿ ಎಣ್ಣೆ ಅಥವಾ ದ್ರವದಲ್ಲಿ ಮುಳುಗಿರಲಿ

ಉಪ್ಪಿನಕಾಯಿಯನ್ನು ಜಾರ್‌ನಲ್ಲಿ ತುಂಬಿದ ನಂತರ ಅದರಲ್ಲಿರುವ ಪದಾರ್ಥಗಳು ಸಂಪೂರ್ಣವಾಗಿ ಎಣ್ಣೆ, ಉಪ್ಪಿನ ದ್ರಾವಣ ಅಥವಾ ಬಳಸಿರುವ ದ್ರವದಲ್ಲಿ ಮುಳುಗಿವೆಯೇ ಎಂಬುದನ್ನು ಪರಿಶೀಲಿಸಿ. ಮೇಲ್ಭಾಗದಲ್ಲಿ ಹೊರಗೆ ಕಾಣುವಂತೆ ಉಳಿದಿರುವ ತುಂಡುಗಳು ಬೇಗ ಹಾಳಾಗುವ ಸಾಧ್ಯತೆ ಹೆಚ್ಚು.

ಉಪ್ಪಿನಕಾಯಿಯನ್ನು ಬಿಸಿಲು ಮತ್ತು ಶಾಖದಿಂದ ದೂರವಿಡಿ

ಚಳಿಗಾಲದಲ್ಲಿ ಉಪ್ಪಿನಕಾಯಿಯನ್ನು ಎಲ್ಲಿ ಸಂಗ್ರಹಿಸಿಡುತ್ತೀರಿ ಎಂಬುದೂ ಮುಖ್ಯ. ಜಾರ್ ಅನ್ನು ನೇರ ಬಿಸಿಲು ಅಥವಾ ಹೆಚ್ಚಿನ ಶಾಖ ಬೀಳದ ಸ್ಥಳದಲ್ಲಿ ಇರಿಸಿ. ಬಿಸಿಯಾದ ಮತ್ತು ಹೆಚ್ಚು ಬೆಳಕು ಬೀಳುವ ಜಾಗದಲ್ಲಿ ಇಟ್ಟರೆ ಉಪ್ಪಿನಕಾಯಿಯ ರುಚಿ, ಬಣ್ಣ ಮತ್ತು ವಿನ್ಯಾಸ ಬೇಗ ಬದಲಾಗಬಹುದು.

ಉಪ್ಪಿನಕಾಯಿ ತೆಗೆಯುವಾಗ ಒದ್ದೆಯಾದ ಚಮಚ ಬಳಸಬೇಡಿ

ಉಪ್ಪಿನಕಾಯಿಯನ್ನು ತೆಗೆದುಕೊಳ್ಳುವಾಗಲೂ ಎಚ್ಚರಿಕೆ ವಹಿಸಬೇಕು. ಪ್ರತಿಬಾರಿಯೂ ಸ್ವಚ್ಛವಾದ ಮತ್ತು ಸಂಪೂರ್ಣ ಒಣಗಿದ ಚಮಚವನ್ನೇ ಬಳಸಿ. ಒದ್ದೆಯಾದ ಚಮಚ, ಈಗಾಗಲೇ ಬಳಸಿದ ಚಮಚ ಅಥವಾ ಇತರ ಆಹಾರದ ಅವಶೇಷಗಳಿರುವ ಚಮಚವನ್ನು ನೇರವಾಗಿ ಉಪ್ಪಿನಕಾಯಿಯ ಜಾರ್‌ಗೆ ಹಾಕಬೇಡಿ. ಇದರಿಂದ ಉಪ್ಪಿನಕಾಯಿ ಹಾಳಾಗುತ್ತದೆ

ಉಪ್ಪಿನಕಾಯಿ ಹಾಳಾಗಿರುವ ಸೂಚನೆಗಳನ್ನು ಗುರುತಿಸಿ

ಉಪ್ಪಿನಕಾಯಿಯನ್ನು ಕಾಲಕಾಲಕ್ಕೆ ಪರಿಶೀಲಿಸುತ್ತಿರಿ. ಸಾಮಾನ್ಯ ಹುಳಿ ವಾಸನೆಯ ಬದಲಿಗೆ ವಿಚಿತ್ರ ಅಥವಾ ಕೆಟ್ಟ ವಾಸನೆ ಬರಲು ಆರಂಭಿಸಿದರೆ, ಅದರ ವಿನ್ಯಾಸ ಅತಿಯಾಗಿ ಅಂಟಂಟಾಗಿದ್ದರೆ, ಬಣ್ಣ ಅಸಹಜವಾಗಿ ಬದಲಾಗಿದ್ದರೆ ಅಥವಾ ಮೇಲ್ಭಾಗದಲ್ಲಿ ಶಿಲೀಂಧ್ರ ಕಾಣಿಸಿಕೊಂಡರೆ ಅದನ್ನು ತಿನ್ನುವುದು ಸುರಕ್ಷಿತವಲ್ಲ.

ದಕ್ಷಿಣ ಕನ್ನಡ, ಉಡುಪಿಯಲ್ಲಿ ಗುಡುಗು ಸಹಿತ ಭರ್ಜರಿ ಮಳೆ! ಇಂದಿನ ಹವಾಮಾನ ಹೇಗಿದೆ?

Kannadaprabha News — Fri, 23 Oct 2026 06:31:03 +0530

ಮಂಗಳೂರು/ಉಡುಪಿ (ಅ.22): ದಕ್ಷಿಣ ಕನ್ನಡ(Dakshina kannada) ಹಾಗೂ ಉಡುಪಿ(Udupi) ಜಿಲ್ಲೆಯ ಹಲವೆಡೆ ಗುರುವಾರ ಅಪರಾಹ್ನ ಗುಡುಗು ಸಹಿತ ಧಾರಕಾರ ಮಳೆಯಾಗಿದೆ.

ಭಾರೀ ಮಳೆಗೆ ಮಾಣಿ-ಮೈಸೂರು ಹೆದ್ದಾರಿಗೆ ನುಗ್ಗಿದ ನೀರು!

ದ.ಕ. ಜಿಲ್ಲೆಯ ಮಂಗಳೂರು ನಗರ ಸೇರಿದಂತೆ ಕಡಬ, ಪುತ್ತೂರು, ಬೆಳ್ತಂಗಡಿ, ಸುಳ್ಯ ಭಾಗದಲ್ಲಿ ಸಂಜೆ ವೇಳೆಗೆ ಗಾಳಿ, ಗುಡುಗು ಸಹಿತ ಉತ್ತಮ ಮಳೆಯಾಗಿದೆ. ಮಂಗಳೂರು ನಗರದ ಕೆಲವೆಡೆ ಸಾದಾರಣ ಮಳೆಯಾಗಿದೆ. ಬಾರೀ ಮಳೆಗೆ ಮಾಣಿ-ಮೈಸೂರು ಹೆದ್ದಾರಿಯ ಸುಳ್ಯ ಸಮೀಪದ ಬೊಳುಬೈಲು ಬಳಿ ಹೆದ್ದಾರಿ ಮಳೆ ನೀರು ನುಗ್ಗಿ ವಾಹನ ಸವಾರರು ತೊಂದರೆ ಅನುಭವಿಸಿದರು. ಕರಾವಳಿ ಜಿಲ್ಲೆಗಳಲ್ಲಿ ಅ.24ರ ತನಕ ಮಳೆ ಮುಂದುವರಿಯುವ ಲಕ್ಷಣಗಳಿವೆ.

ಬಹಳ ದಿನಗಳ ನಂತರ ಉಡುಪಿಯಲ್ಲಿ ಭರ್ಜರಿ ಮಳೆ

ಬಹಳ ದಿನಗಳ ನಂತರ ಉಡುಪಿ ಜಿಲ್ಲೆಯಲ್ಲಿ ಗುರುವಾರ ಸಂಜೆ ಸಿಡಿಲು ಗುಡುಗಿನೊಂದಿಗೆ ಉತ್ತಮ ಮಳೆಯಾಗಿದೆ. ಕಳೆದ ಕೆಲವು ದಿನಗಳಿಂದ ಬಿರುಬಿಸಿಲಿನಿಂದ ಕಂಗೆಟ್ಟಿದ್ದ ಜನರಿಗೆ ಈ ಮಳೆ ಸ್ವಲ್ಪ ಸಮಾಧಾನಕ್ಕೆ ಕಾರಣವಾಗಿದೆ.

ಹವಾಮಾನ ಇಲಾಖೆಯ ಮುನ್ಸೂಚನೆಯಂತೆ ಕಳೆದ ಕೆಲವು ದಿನಗಳಿಂದ ನಿತ್ಯವೂ ಸಂಜೆಯಾಗುತ್ತಿದ್ದಂತೆ ಮೋಡ ಕವಿಯುತಿದ್ದರೂ ಮಳೆಯಾಗುತ್ತಿರಲಿಲ್ಲ, ಬದಲಿಗೆ ಮರುದಿನ ಬಿಸಿಲಿ ಝಳ ಹೆಚ್ಚಾಗುತ್ತಿತ್ತು. ಆದರೆ ಗುರುವಾರ ಸಂಜೆ ಇದ್ದಕ್ಕಿದ್ದಂತೆ ಜೋರಾದ ಮಳೆ ಸುರಿದಿದೆ. ಇಂದು ಕೂಡ ಕರಾವಳಿಯಲ್ಲಿ ಗುಡುಗಮಿಂಚು ಸಹಿತ ಉತ್ತಮ ಮಳೆಯಾಗುವ ಬಗ್ಗೆ ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ, ಜೊತೆ ಸಮುದ್ರ ತೀರದಲ್ಲಿ 35 - 45 ಕಿ.ಮೀ. ವೇಗದಲ್ಲಿ ಗಾಳಿ ಬೀಸುವ ಮುನ್ನೆಚ್ಚರಿಕೆ ನೀಡಿದೆ.

ಅಕ್ಟೋಬರ್ 23 ರ ಜಾತಕ: ಮೇಷ, ಕರ್ಕ ಮತ್ತು ಕುಂಭ ರಾಶಿಯವರಿಗೆ ಹೊಸ ಅವಕಾಶ ಜೊತೆ ಅದೃಷ್ಟ

Sushma Hegde — Fri, 23 Oct 2026 06:30:20 +0530

ಮೇಷ ರಾಶಿ

ಇಂದು, ಅದೃಷ್ಟವು ನಿಮಗೆ ಯಶಸ್ಸಿನ ಹೊಸ ಬಾಗಿಲುಗಳನ್ನು ತೆರೆಯಲು ಸಜ್ಜಾಗಿದೆ! ನಿಮ್ಮ ಕಠಿಣ ಪರಿಶ್ರಮ, ಬುದ್ಧಿವಂತಿಕೆ ಮತ್ತು ಕೆಲಸದ ನೀತಿಯು ನಿಮ್ಮನ್ನು ಇತರರಿಂದ ಪ್ರತ್ಯೇಕಿಸಬಹುದು. ಭವಿಷ್ಯದ ಲಾಭಗಳಿಗೆ ಅಡಿಪಾಯ ಹಾಕಬಹುದಾದ ಪ್ರಮುಖ ಆರ್ಥಿಕ ನಿರ್ಧಾರವನ್ನು ತೆಗೆದುಕೊಳ್ಳುವುದನ್ನು ನೀವು ಪರಿಗಣಿಸುವಿರಿ. ಪಾಲುದಾರಿಕೆಗಳು ನಿರೀಕ್ಷೆಗಳನ್ನು ಮೀರಿದ ಫಲಿತಾಂಶಗಳನ್ನು ನೀಡಬಹುದು. ನಿಮ್ಮ ಉದ್ದೇಶಗಳು ಎಲ್ಲರಿಗೂ ಪ್ರಯೋಜನವನ್ನು ನೀಡುವುದಾಗಿರಬಹುದು, ಆದರೆ ಪ್ರತಿಯೊಬ್ಬರೂ ನಿಮ್ಮ ಭಾವನೆಗಳನ್ನು ಅರ್ಥಮಾಡಿಕೊಳ್ಳುವುದು ಅನಿವಾರ್ಯವಲ್ಲ.

ವೃಷಭ ರಾಶಿ

ಇಂದು, ನಿಮ್ಮ ಜವಾಬ್ದಾರಿಗಳನ್ನು ಪೂರೈಸುವ ಮೂಲಕ, ನೀವು ಹೊಸ ಯಶಸ್ಸಿನ ಕಥೆಯನ್ನು ಬರೆಯಬಹುದು! ಕುಟುಂಬದೊಂದಿಗೆ ಕಳೆದ ಸಮಯವು ನಿಮ್ಮ ಮನಸ್ಸಿಗೆ ಶಾಂತಿಯನ್ನು ತರುತ್ತದೆ ಮತ್ತು ದೀರ್ಘಕಾಲದ ಚಿಂತೆಯಿಂದ ಪರಿಹಾರದ ಲಕ್ಷಣಗಳು ಕಂಡುಬರುತ್ತವೆ. ನಿಮ್ಮ ಮನಸ್ಥಿತಿ ಹರ್ಷಚಿತ್ತದಿಂದ ಕೂಡಿರುತ್ತದೆ ಮತ್ತು ಸಣ್ಣ ಸಂತೋಷಗಳು ಸಹ ದಿನವನ್ನು ವಿಶೇಷವಾಗಿಸುತ್ತವೆ. ಸಮಸ್ಯೆಗೆ ಪರಿಹಾರವು ಕ್ರಮೇಣ ಹೊರಹೊಮ್ಮಬಹುದು, ನಿಮ್ಮ ಹೊರೆಯನ್ನು ಕಡಿಮೆ ಮಾಡಬಹುದು. ಸ್ನೇಹಿತರಿಗೆ ಸಹಾಯ ಮಾಡಲು ನಿಮಗೆ ಅವಕಾಶವಿರುತ್ತದೆ ಮತ್ತು ನಿಮ್ಮ ಸಣ್ಣ ಕೊಡುಗೆ ಯಾರಿಗಾದರೂ ಬಹಳಷ್ಟು ಅರ್ಥಪೂರ್ಣವಾಗಬಹುದು.

ಮಿಥುನ ರಾಶಿ

ಇಂದು, ಹಿರಿಯರ ಆಶೀರ್ವಾದವು ನಿಮ್ಮ ಆತ್ಮವಿಶ್ವಾಸವನ್ನು ಪುನರುಜ್ಜೀವನಗೊಳಿಸುತ್ತದೆ ಮತ್ತು ಸರಿಯಾದ ನಿರ್ಧಾರಗಳನ್ನು ತೆಗೆದುಕೊಳ್ಳಲು ನಿಮಗೆ ಸಹಾಯ ಮಾಡುತ್ತದೆ! ಅನುಭವಿ ಕುಟುಂಬ ಸದಸ್ಯರ ಸಲಹೆಯು ಕಠಿಣ ಪರಿಸ್ಥಿತಿಗೆ ಪರಿಹಾರವನ್ನು ಒದಗಿಸುತ್ತದೆ. ಪ್ರಮುಖ ನಿರ್ಧಾರಗಳಿಗೆ ಆತುರಪಡುವ ಬದಲು ನಿಮ್ಮ ಜೀವನದ ಪ್ರತಿಯೊಂದು ಅಂಶವನ್ನು ಪರಿಗಣಿಸುವುದು ಪ್ರಯೋಜನಕಾರಿಯಾಗಿದೆ. ನಿಮ್ಮ ಮಗುವಿಗೆ ಸಂಬಂಧಿಸಿದ ಜವಾಬ್ದಾರಿಗಳನ್ನು ಪೂರೈಸುವಾಗ, ಅವರ ಆಲೋಚನೆಗಳು ಮತ್ತು ಭಾವನೆಗಳನ್ನು ಗಮನದಲ್ಲಿರಿಸಿಕೊಳ್ಳಿ, ಏಕೆಂದರೆ ಅತಿಯಾದ ಒತ್ತಡವು ಸಂಬಂಧಗಳಲ್ಲಿ ಅಂತರವನ್ನು ಉಂಟುಮಾಡಬಹುದು.

ಕರ್ಕಾಟಕ ರಾಶಿ

ಇಂದಿನ ಯಶಸ್ಸಿನ ಕೀಲಿಕೈ ಎಂದರೆ ಆದಾಯ ಮತ್ತು ಖರ್ಚಿನ ನಡುವೆ ಸರಿಯಾದ ಸಮತೋಲನವನ್ನು ಕಾಯ್ದುಕೊಳ್ಳುವುದು. ನೀವು ಹಣಕಾಸಿನ ವಿಷಯಗಳನ್ನು ಬುದ್ಧಿವಂತಿಕೆಯಿಂದ ಸಮೀಪಿಸಿದರೆ, ನಿಮ್ಮ ಅಗತ್ಯಗಳನ್ನು ಪೂರೈಸಲು ಮತ್ತು ಭವಿಷ್ಯಕ್ಕಾಗಿ ಉತ್ತಮವಾಗಿ ಯೋಜಿಸಲು ನಿಮಗೆ ಸಾಧ್ಯವಾಗುತ್ತದೆ. ದೀರ್ಘಕಾಲದಿಂದ ಸ್ಥಗಿತಗೊಂಡಿದ್ದ ಯೋಜನೆಯು ವೇಗವನ್ನು ಪಡೆಯಬಹುದು ಮತ್ತು ದೀರ್ಘಕಾಲದಿಂದ ಹಿಡಿದಿದ್ದ ಕನಸು ಈಡೇರಿಕೆಯತ್ತ ಸಾಗಬಹುದು. ಇದು ಹೊಸ ಉತ್ಸಾಹವನ್ನು ಜಾಗೃತಗೊಳಿಸುತ್ತದೆ.

ಸಿಂಹ ರಾಶಿ

ಇಂದು, ಕಠಿಣ ಸಂದರ್ಭಗಳಲ್ಲಿಯೂ ನಿಮ್ಮ ಆತ್ಮವಿಶ್ವಾಸವು ಅಚಲವಾಗಿದೆ ಎಂದು ಸಾಬೀತುಪಡಿಸಲು ನಿಮಗೆ ಅವಕಾಶ ಸಿಗಬಹುದು! ಕೆಲವರು ನಿಮ್ಮ ಕೆಲಸದಲ್ಲಿ ಅಡೆತಡೆಗಳನ್ನು ಸೃಷ್ಟಿಸಲು ಪ್ರಯತ್ನಿಸಬಹುದು, ಆದರೆ ತಾಳ್ಮೆ ಮತ್ತು ತಿಳುವಳಿಕೆಯಿಂದ, ನೀವು ನಿಮ್ಮ ದಾರಿಯನ್ನು ಕಂಡುಕೊಳ್ಳುವಿರಿ. ಇತರರ ಚಲನೆಗಳ ಮೇಲೆ ಹೆಚ್ಚು ಗಮನಹರಿಸುವ ಬದಲು, ನಿಮ್ಮ ಗುರಿಯ ಮೇಲೆ ನಿಮ್ಮ ಕಣ್ಣುಗಳನ್ನು ಇರಿಸಿ. ಆಸ್ತಿ ಅಥವಾ ಹೂಡಿಕೆಗಳಿಗೆ ಸಂಬಂಧಿಸಿದ ಸಕಾರಾತ್ಮಕ ಸುದ್ದಿಗಳು ಕಂಡುಬರಬಹುದು, ಇದು ಭವಿಷ್ಯದ ಬಗ್ಗೆ ನಿಮ್ಮ ಉತ್ಸಾಹವನ್ನು ಹೆಚ್ಚಿಸಬಹುದು.

ಕನ್ಯಾ ರಾಶಿ

ಇಂದು, ನಿಮ್ಮ ಕಠಿಣ ಪರಿಶ್ರಮ ಬೇಗನೆ ತಿರುಗಬಹುದು, ಮತ್ತು ನಿಮ್ಮ ಸಮರ್ಪಣೆ ನಿಮ್ಮನ್ನು ಯಶಸ್ಸಿನ ಹತ್ತಿರಕ್ಕೆ ಕೊಂಡೊಯ್ಯಬಹುದು! ಕೆಲಸದಲ್ಲಿ ಹೆಚ್ಚುತ್ತಿರುವ ಜವಾಬ್ದಾರಿಗಳು ನಿಮ್ಮನ್ನು ಕಾರ್ಯನಿರತವಾಗಿರಿಸುತ್ತದೆ, ಆದರೆ ನೀವು ನಿಮ್ಮ ಯೋಜನೆಯ ಪ್ರಕಾರ ಕೆಲಸ ಮಾಡಿದರೆ, ನೀವು ಉತ್ತಮ ಫಲಿತಾಂಶಗಳನ್ನು ಸಾಧಿಸಬಹುದು. ನಿಮ್ಮ ಪ್ರೇಮ ಜೀವನಕ್ಕೂ ಈ ದಿನ ಆಹ್ಲಾದಕರವಾಗಿರುತ್ತದೆ. ನಿಮ್ಮ ಸಂಗಾತಿಯೊಂದಿಗೆ ಕಳೆದ ಕ್ಷಣಗಳು ನಿಮ್ಮ ಸಂಬಂಧಕ್ಕೆ ಹೊಸ ಮಾಧುರ್ಯವನ್ನು ನೀಡುತ್ತದೆ ಮತ್ತು ಪರಸ್ಪರ ಅರ್ಥಮಾಡಿಕೊಳ್ಳಲು ಅವಕಾಶವನ್ನು ಒದಗಿಸುತ್ತದೆ.

ತುಲಾ ರಾಶಿ

ಅನಗತ್ಯ ವಿವಾದಗಳಲ್ಲಿ ನಿಮ್ಮ ಶಕ್ತಿಯನ್ನು ವ್ಯರ್ಥ ಮಾಡದಿದ್ದರೆ ಇಂದು ನಿಮಗೆ ಆದಾಯದ ಹೊಸ ಮಾರ್ಗಗಳು ತೆರೆದುಕೊಳ್ಳಬಹುದು! ನಿಮ್ಮ ವಿವೇಚನೆಯು ಸರಿಯಾದ ಅವಕಾಶಗಳನ್ನು ಗುರುತಿಸಲು ಮತ್ತು ಅವುಗಳನ್ನು ಬಳಸಿಕೊಳ್ಳಲು ನಿಮಗೆ ಸಹಾಯ ಮಾಡುತ್ತದೆ. ಕುಟುಂಬದೊಳಗಿನ ದೀರ್ಘಕಾಲದ ತಪ್ಪು ತಿಳುವಳಿಕೆ ಕೊನೆಗೊಂಡು, ಸಂಬಂಧಗಳಿಗೆ ನಿಕಟತೆಯನ್ನು ಪುನಃಸ್ಥಾಪಿಸಬಹುದು. ಆದಾಗ್ಯೂ, ಯಾರಿಗಾದರೂ ಹಣವನ್ನು ಸಾಲ ನೀಡುವ ಮೊದಲು, ಅವರ ಅಗತ್ಯತೆಗಳು ಮತ್ತು ಮರುಪಾವತಿಯ ಸಾಧ್ಯತೆಯನ್ನು ಪರಿಗಣಿಸಿ.

ವೃಶ್ಚಿಕ ರಾಶಿ

ಆರ್ಥಿಕ ವಿಷಯಗಳಲ್ಲಿ ಪರಿಹಾರ ಮತ್ತು ಪ್ರಗತಿಯ ಚಿಹ್ನೆಗಳು ಇಂದು ನಿಮ್ಮ ಮುಖದಲ್ಲಿ ನಗು ತರಿಸಬಹುದು! ಹಳೆಯ ಹೂಡಿಕೆಗಳು ಉತ್ತಮ ಲಾಭವನ್ನು ನೀಡುವ ಸಾಧ್ಯತೆಯಿದೆ, ಇದರಿಂದಾಗಿ ನಿಮ್ಮ ಆರ್ಥಿಕ ಪರಿಸ್ಥಿತಿ ಮೊದಲಿಗಿಂತ ಬಲವಾಗಿರುತ್ತದೆ. ನೀವು ನಿಮ್ಮ ಕುಟುಂಬದೊಂದಿಗೆ ಧಾರ್ಮಿಕ ಪ್ರವಾಸ ಅಥವಾ ಆಧ್ಯಾತ್ಮಿಕ ಕಾರ್ಯಕ್ರಮವನ್ನು ಯೋಜಿಸಬಹುದು. ಇದು ಪ್ರೀತಿಪಾತ್ರರ ಜೊತೆ ಸಮಯ ಕಳೆಯಲು ಮತ್ತು ಮನಸ್ಸಿನ ಶಾಂತಿಯನ್ನು ಕಂಡುಕೊಳ್ಳಲು ಅವಕಾಶವನ್ನು ಒದಗಿಸುತ್ತದೆ. ನಿಮ್ಮ ಕುಟುಂಬದ ಹಿರಿಯರನ್ನು ಗೌರವಿಸಿ ಮತ್ತು ಅವರ ಅನುಭವಗಳಿಂದ ಕಲಿಯಲು ಹಿಂಜರಿಯಬೇಡಿ, ಏಕೆಂದರೆ ಅವರ ಸಲಹೆಯು ಪ್ರಮುಖ ವಿಷಯಗಳಲ್ಲಿ ಉಪಯುಕ್ತವಾಗಬಹುದು.

ಧನು ರಾಶಿ

ಇಂದು ಕೆಲವು ಸಂದರ್ಭಗಳು ನಿಮ್ಮನ್ನು ಪರೀಕ್ಷಿಸಬಹುದು, ಆದರೆ ತಾಳ್ಮೆ ಮತ್ತು ತಿಳುವಳಿಕೆಯಿಂದ ನೀವು ಅವುಗಳನ್ನು ದಾಟಿ ನಿಮ್ಮ ದಾರಿಯನ್ನು ಕಂಡುಕೊಳ್ಳುವಿರಿ! ಕೆಲಸಕ್ಕೆ ಸಂಬಂಧಿಸಿದ ನಿರ್ಧಾರದ ಬಗ್ಗೆ ನಿಮಗೆ ಖಚಿತವಿಲ್ಲದಿರಬಹುದು. ಆತುರದ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಬದಲು, ಅಗತ್ಯ ಮಾಹಿತಿಯನ್ನು ಸಂಗ್ರಹಿಸಿ ಮತ್ತು ಎಲ್ಲಾ ಆಯ್ಕೆಗಳನ್ನು ಪರಿಗಣಿಸಿ. ಬ್ಯಾಂಕ್ ಸಾಲ ಅಥವಾ ಆರ್ಥಿಕ ಸಹಾಯವನ್ನು ಪಡೆಯುವ ಪ್ರಯತ್ನಗಳು ಯಶಸ್ವಿಯಾಗುವ ಸಾಧ್ಯತೆಯಿದೆ, ಇದು ಯೋಜನೆಯೊಂದಿಗೆ ಮುಂದುವರಿಯಲು ಒಂದು ಮಾರ್ಗವನ್ನು ಒದಗಿಸುತ್ತದೆ.

ಮಕರ

ಇಂದು ನಿಮಗೆ ಬಡ್ತಿಯ ಅವಕಾಶಗಳು ತೆರೆದುಕೊಳ್ಳಬಹುದು, ಮತ್ತು ನಿಮ್ಮ ಕಠಿಣ ಪರಿಶ್ರಮವು ಸಕಾರಾತ್ಮಕ ಫಲಿತಾಂಶಗಳನ್ನು ಸಾಧಿಸುವ ಸಾಧ್ಯತೆಗಳನ್ನು ಹೆಚ್ಚಿಸಬಹುದು! ಪಾಲುದಾರಿಕೆಗಳು ಉತ್ತಮ ಫಲಿತಾಂಶಗಳನ್ನು ನೀಡಬಹುದು, ಆದರೆ ಉದ್ಯೋಗದಲ್ಲಿರುವವರು ತಮ್ಮ ಪ್ರಾಮಾಣಿಕತೆ ಮತ್ತು ಸಮರ್ಪಣೆಯ ಮೂಲಕ ತಮ್ಮ ಮೇಲಧಿಕಾರಿಗಳ ವಿಶ್ವಾಸವನ್ನು ಗಳಿಸಬಹುದು. ನಿಮ್ಮ ಕೆಲಸದ ನೀತಿಯನ್ನು ಮೆಚ್ಚಿಕೊಳ್ಳುವುದು ನಿಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ. ನೀವು ನೆಚ್ಚಿನ ಊಟ ಮತ್ತು ನಿಮ್ಮ ಪ್ರೀತಿಪಾತ್ರರೊಂದಿಗೆ ಕೆಲವು ಆಹ್ಲಾದಕರ ಕ್ಷಣಗಳನ್ನು ಸಹ ಆನಂದಿಸಬಹುದು.

ಕುಂಭ

ಇಂದು ನಿಮ್ಮ ಆರೋಗ್ಯವನ್ನು ನಿರ್ಲಕ್ಷಿಸುವುದು ಬುದ್ಧಿವಂತವಲ್ಲ, ಏಕೆಂದರೆ ನೀವು ಆರೋಗ್ಯವಾಗಿ ಮತ್ತು ಚೈತನ್ಯಶೀಲರಾಗಿದ್ದಾಗ ಮಾತ್ರ ಯಶಸ್ಸು ಸಾಧ್ಯ! ನಿಮ್ಮ ಕೆಲಸವನ್ನು ಆತುರದಿಂದ ಮಾಡುವುದನ್ನು ತಪ್ಪಿಸಿ. ಒಂದು ಸಣ್ಣ ತಪ್ಪು ಕೂಡ ನಿಮ್ಮ ಕಾರ್ಯಕ್ಷಮತೆಯ ಮೇಲೆ ಪರಿಣಾಮ ಬೀರಬಹುದು, ಆದ್ದರಿಂದ ಪ್ರತಿಯೊಂದು ಜವಾಬ್ದಾರಿಯನ್ನು ಎಚ್ಚರಿಕೆಯಿಂದ ಪೂರ್ಣಗೊಳಿಸಿ. ನಿಮ್ಮ ಜೀವನದ ಗುಣಮಟ್ಟವನ್ನು ಸುಧಾರಿಸಲು ನೀವು ಹೊಸ ಕ್ರಮಗಳನ್ನು ತೆಗೆದುಕೊಳ್ಳುವುದನ್ನು ಪರಿಗಣಿಸಬಹುದು.

ಮೀನ ರಾಶಿ

ಇಂದು ಹಣದ ವಿಷಯಗಳಲ್ಲಿ ಸ್ವಲ್ಪ ಹೆಚ್ಚಿನ ಎಚ್ಚರಿಕೆ ವಹಿಸುವುದರಿಂದ ದೊಡ್ಡ ತೊಂದರೆಗಳಿಂದ ನಿಮ್ಮನ್ನು ರಕ್ಷಿಸಬಹುದು! ಯಾವುದೇ ಪ್ರಮುಖ ಹೂಡಿಕೆಗಳು ಅಥವಾ ಅಪಾಯಕಾರಿ ನಿರ್ಧಾರಗಳನ್ನು ಸದ್ಯಕ್ಕೆ ಮುಂದೂಡುವುದು ಉತ್ತಮ, ವಿಶೇಷವಾಗಿ ನಿಮಗೆ ಎಲ್ಲಾ ಅಂಶಗಳ ಬಗ್ಗೆ ಸಂಪೂರ್ಣ ಜ್ಞಾನವಿಲ್ಲದಿದ್ದರೆ. ಷೇರು ಮಾರುಕಟ್ಟೆ ಅಥವಾ ಇತರ ಹೂಡಿಕೆ ವಿಷಯಗಳಿಗೆ ಬಂದಾಗ ಅನುಭವಿ ತಜ್ಞರನ್ನು ಸಂಪರ್ಕಿಸಿದ ನಂತರವೇ ಮುಂದುವರಿಯಿರಿ. ಅಪರಿಚಿತ ವ್ಯಕ್ತಿಯ ಪ್ರಭಾವದಿಂದ ಹಣಕಾಸಿನ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಡಿ; ಬದಲಾಗಿ, ಪ್ರತಿ ಪ್ರಸ್ತಾಪವನ್ನು ಎಚ್ಚರಿಕೆಯಿಂದ ಪರಿಶೀಲಿಸಿ.

ಸಿಎಂ ಡಿಕೆ ಶಿವಕುಮಾರ ದೆಹಲಿ ಭೇಟಿ: ಮೇಕೆದಾಟು, ಶರಾವತಿ ಯೋಜನೆ ಬಗ್ಗೆ ಮಹತ್ವದ ಬೆಳವಣಿಗೆ, ಅನುಮೋದನೆ ಸಿಗುತ್ತಾ?

Kannadaprabha News — Fri, 23 Oct 2026 06:18:23 +0530

ನವದೆಹಲಿ (ಅ.23): ಕರ್ನಾಟಕದ ಪ್ರಮುಖ ಯೋಜನೆಗಳಾದ ಶರಾವತಿ ಪಂಪ್ಡ್‌ ಸ್ಟೋರೇಜ್‌ ಹಾಗೂ ಮೇಕೆದಾಟು ಯೋಜನೆಗಳಿಗೆ ರಾಷ್ಟ್ರೀಯ ವನ್ಯಜೀವಿ ಮಂಡಳಿ ಸ್ಥಾಯಿ ಸಮಿತಿ ಅನುಮೋದನೆ ನೀಡಬೇಕು ಹಾಗೂ ಕಸ್ತೂರಿ ರಂಗನ್‌ ವರದಿ ವಿಚಾರವಾಗಿ ಭೌತಿಕ ಸಮೀಕ್ಷೆ ಪೂರ್ಣಗೊಳ್ಳುವವರೆಗೆ ಕರಡು ಅಧಿಸೂಚನೆ ಅಂತಿಮಗೊಳಿಸಬೇಡಿ ಎಂದು ಸಿಎಂ ಡಿ.ಕೆ.ಶಿವಕುಮಾರ್ ಅವರು ಮನವಿ ಮಾಡಿದ್ದಾರೆ.

ಮೇಕೆದಾಟು, ಶರಾವತಿ ಯೋಜನೆಗಳಿಗೆ ಅನುಮೋದನೆ ಸಿಗುತ್ತಾ?

ನವದೆಹಲಿಯ ಪರಿಸರ ಭವನದಲ್ಲಿ ಡಿ.ಕೆ.ಶಿವಕುಮಾರ್ ಅವರು ಕೇಂದ್ರ ಪರಿಸರ, ಅರಣ್ಯ ಸಚಿವ ಭೂಪೇಂದರ್ ಯಾದವ್ ಅವರನ್ನು ಗುರುವಾರ ಭೇಟಿ ಮಾಡಿ ಚರ್ಚಿಸಿ, ರಾಜ್ಯದ ಯೋಜನೆಗಳ ಕುರಿತು ಮನವಿ ಸಲ್ಲಿಸಿದರು.

ಶರಾವತಿ ಪಂಪ್ಡ್‌ ಸ್ಟೋರೇಜ್‌ ಯೋಜನೆಯ ಪ್ರಸ್ತಾಪ ಕುರಿತು ಕೊನೆಯ ಬಾರಿಗೆ 2026ರ ಫೆ.28ರಂದು ನಡೆದ ರಾಷ್ಟ್ರೀಯ ವನ್ಯಜೀವಿ ಮಂಡಳಿಯ ಸ್ಥಾಯಿ ಸಮಿತಿಯ 89ನೇ ಸಭೆಯಲ್ಲಿ ಚರ್ಚಿಸಲಾಯಿತು. ತಾಂತ್ರಿಕ ಸಮಿತಿಯು ಎತ್ತಿದ ಅಂಶಗಳಿಗೆ ಸ್ಪಷ್ಟೀಕರಣ ಹಾಗೂ ರಾಷ್ಟ್ರೀಯ ಸುಧಾರಿತ ಅಧ್ಯಯನ ಸಂಸ್ಥೆಯಿಂದ ತಾಂತ್ರಿಕ ವರದಿಯನ್ನು ಸಲ್ಲಿಸುವಂತೆ ರಾಜ್ಯ/ಬಳಕೆದಾರ ಸಂಸ್ಥೆಗೆ ಸೂಚಿಸಲಾಗಿತ್ತು. ಈ ಸಂಬಂಧ ಬೆಂಗಳೂರಿನ ‘ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಅಡ್ವಾನ್ಸ್ಡ್ ಸ್ಟಡೀಸ್’ (ಎನ್‌ಐಎಎಸ್‌) ವರದಿ ಸೇರಿದಂತೆ ಅಗತ್ಯ ದಾಖಲೆಗಳನ್ನು ಸಲ್ಲಿಸುವುದರ ಜೊತೆಗೆ, ಸ್ಥಾಯಿ ಸಮಿತಿಯು ಎತ್ತಿದ ಪ್ರಶ್ನೆಗಳಿಗೆ ಕರ್ನಾಟಕ ಸರ್ಕಾರವು ಸೂಕ್ತ ಉತ್ತರಗಳನ್ನು ನೀಡಿದೆ ಎಂದು ವಿವರಿಸಿದರು.

ಮೇಕೆದಾಟು ಕುಡಿಯುವ ನೀರಿನ ಯೋಜನೆಗೆ ಸಂಬಂಧಿಸಿದಂತೆ ಭೂ-ತಾಂತ್ರಿಕ ಸಮೀಕ್ಷೆಗಾಗಿ ಕಾವೇರಿ ವನ್ಯಜೀವಿ ಅಭಯಾರಣ್ಯದಲ್ಲಿ ಒಟ್ಟು 0.0000352 ಹೆಕ್ಟೇರ್ ಪ್ರದೇಶದಲ್ಲಿ 20 ಬೋರ್ ಹೋಲ್‌ಗಳನ್ನು ಕೊರೆಯಲು ಅನುಮತಿ ಕೋರುವ ಈ ಪ್ರಸ್ತಾಪವನ್ನು ರಾಷ್ಟ್ರೀಯ ವನ್ಯ ಜೀವಿ ಮಂಡಳಿಯ ಸ್ಥಾಯಿ ಸಮಿತಿ ಪರಿಶೀಲನೆಗಾಗಿ 2026ರ ಜು.1ರಂದು ಕೇಂದ್ರ ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯಕ್ಕೆ ಮನವಿ ಸಲ್ಲಿಸಲಾಗಿತ್ತು.

ಸುಪ್ರೀಂ ಕೋರ್ಟ್‌ ಮುಂದೆ ಬಾಕಿ ಇರುವ ವಿವಿಧ ಅರ್ಜಿಗಳ ಸ್ಥಿತಿಗತಿ ಬಗ್ಗೆ ಮಾಹಿತಿ

ಇತ್ತೀಚೆಗೆ, ಈ ವಿಷಯಕ್ಕೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್‌ ಮುಂದೆ ಬಾಕಿ ಇರುವ ವಿವಿಧ ಅರ್ಜಿಗಳ ಸ್ಥಿತಿಗತಿಗೆ ಸಂಬಂಧಿಸಿದಂತೆ ಕೇಂದ್ರ ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯವು ಅಗತ್ಯ ದಾಖಲೆ/ಮಾಹಿತಿಯನ್ನು ಕೋರಿದ್ದು, ಅದನ್ನು ಶೀಘ್ರದಲ್ಲೇ ಒದಗಿಸಲಾಗುವುದು. ಆದರೆ, ಈ ಪ್ರಸ್ತಾಪವು ಕೇವಲ ಸಮೀಕ್ಷೆ ಮತ್ತು ತನಿಖಾ ಚಟುವಟಿಕೆಗಳಿಗೆ ಮಾತ್ರ ಸಂಬಂಧಿಸಿದ್ದು, ಪ್ರಸ್ತುತ ಯಾವುದೇ ಸಂರಕ್ಷಿತ ಪ್ರದೇಶದ ಭೂಮಿಯನ್ನು ಯೋಜನೆಗೆ ಬಳಸಿಕೊಳ್ಳಲು ಕೋರುತ್ತಿಲ್ಲ ಎಂದು ವಿವರಿಸಿದ್ದಾರೆ. ಈ ಸಂಬಂಧ ಮೇಲ್ಕಂಡ 2 ಪ್ರಸ್ತಾಪಗಳನ್ನು ಶೀಘ್ರವಾಗಿ ಪರಿಶೀಲಿಸಿ ಶಿಫಾರಸು ಮಾಡಬೇಕು ಎಂದು ಮನವಿ ಮಾಡಿದರು.

ನಿಗಮ-ಮಂಡಳಿ ಹುದ್ದೆಗೆ 500 ಜನರ ಪಟ್ಟಿ ವರಿಷ್ಠರಿಗೆ; ಹೆಸರು ಘೋಷಣೆ ಬಗ್ಗೆ ಸಿಎಂ ಹೇಳಿದ್ದೇನು?

Kannadaprabha News — Fri, 23 Oct 2026 05:57:35 +0530

ನವದೆಹಲಿ (ಅ.23): ನಿಗಮ- ಮಂಡಳಿ ನೇಮಕ ವಿಚಾರಕ್ಕೆ ಸಂಬಂಧಿಸಿದಂತೆ ಈಗಾಗಲೇ ನಿರ್ದೇಶಕರುಗಳ ಹೆಸರುಗಳನ್ನು ಅಂತಿಮ ಮಾಡಿ ಹೈಕಮಾಂಡ್‌ಗೆ ಕೊಟ್ಟಿದ್ದೇವೆ. ಅದರಲ್ಲಿ 500 ಜನರ ಹೆಸರಿದೆ. ಹೊಸಬರಿಗೆ ಅವಕಾಶ ನೀಡಲು ಹೈಕಮಾಂಡ್‌ಗೆ ಕೋರಿದ್ದೇನೆ ಎಂದು ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರು ತಿಳಿಸಿದ್ದಾರೆ.

ಹೊಸಬರಿಗೆ ಅವಕಾಶ ನೀಡಲು ಕೋರಿದ್ದೇನೆ: ಸಿಎಂ

ದೆಹಲಿಯಲ್ಲಿ ಗುರುವಾರ ಸುದ್ದಿಗಾರರೊಂದಿಗೆ ಅವರು ಮಾತನಾಡಿದರು. ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಕೆ.ಸಿ.ವೇಣುಗೋಪಾಲ್‌ ಭೇಟಿ ವಿಚಾರಕ್ಕೆ ಪ್ರತಿಕ್ರಿಯಿಸಿದ ಡಿ.ಕೆ.ಶಿವಕುಮಾರ್‌ ಅವರು, ದೆಹಲಿಗೆ ಬಂದ ಮೇಲೆ ಹೈಕಮಾಂಡ್ ಭೇಟಿ ಸಹಜ. ಕೆ.ಸಿ.ವೇಣುಗೋಪಾಲ್‌ ಅವರ ಜೊತೆ ನಿಗಮ-ಮಂಡಳಿ ನೇಮಕ ವಿಚಾರವಾಗಿ ಚರ್ಚೆ ಮಾಡಿದ್ದೇವೆ.

ಹೊಸಬರಿಗೆ ಅವಕಾಶ ನೀಡಲು ಕೋರಿದ್ದೇನೆ. ಸಂಪುಟ ಭರ್ತಿ ಮಾಡುವ ವಿಚಾರವನ್ನು ಅವರ ಗಮನಕ್ಕೆ ತಂದಿದ್ದೇನೆ. ನೀತಿ ಸಂಹಿತೆ ಇರುವ ಕಾರಣ ನಿಗಮ ಮಂಡಳಿ ನಿರ್ದೇಶಕರ ಹೆಸರುಗಳನ್ನು ಘೋಷಣೆ ಮಾಡಿಲ್ಲ ಎಂದರು.

ರಾಜ್ಯದಲ್ಲಿ ನಡೆಯುತ್ತಿರುವ ಸ್ಟಿಂಗ್‌ ವಿಚಾರವಾಗಿ ಯಾವುದೇ ಚರ್ಚೆ ನಡೆಸಿಲ್ಲ ಎಂದು ತಿಳಿಸಿದರು.

ಹೆಚ್‌ಡಿ ಕುಮಾರಸ್ವಾಮಿ ಪತ್ರಕ್ಕೆ ಟಾಂಗ್

ನನ್ನ ಸಿಎಂ ಅಂತ ಒಪ್ಪದವ್ರು‘ಟೀಕೆ’ಶಿ - ಮಾನ್ಯ ಮುಖ್ಯಮಂತ್ರಿಗಳೇ ಅಂತ ಬರೆದಿದ್ದಾರೆ

ಕೇಂದ್ರ ಸಚಿವ ಎಚ್‌.ಡಿ.ಕುಮಾರಸ್ವಾಮಿ ಅವರು ನನ್ನನ್ನು ಮುಖ್ಯಮಂತ್ರಿ ಅಂತಲೇ ಒಪ್ಪಿಕೊಳ್ಳಲು ತಯಾರೇ ಇರಲಿಲ್ಲ. ಆದರೆ ಇವತ್ತು ‘ಮಾನ್ಯ ಮುಖ್ಯಮಂತ್ರಿಗಳೇ’ ಅಂತ ಪತ್ರ ಬರೆದಿದ್ದಾರೆ ಎಂದು ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌ ಅವರು ವ್ಯಂಗ್ಯವಾಡಿದರು.

ಎಚ್‌.ಡಿ.ಕುಮಾರಸ್ವಾಮಿ ಅವರು ಬರೆದಿರುವ ಪತ್ರದ ಕುರಿತು ಸುದ್ದಿಗಾರರೊಂದಿಗೆ ಪ್ರತಿಕ್ರಿಯಿಸಿದ ಅವರು, ಕುಮಾರಸ್ವಾಮಿ ಅವರು ಬರೆದಿರುವ ಪತ್ರದ ವಿಚಾರ ನನಗೆ ಈಗ ತಿಳಿದಿದೆ. ಗುರುವಾರ ಪತ್ರ ಬರೆದಿದ್ದಾರೆ. ನಾನು ಆ ಪತ್ರವನ್ನು ನೋಡಿಲ್ಲ. ಆ ಪತ್ರದಲ್ಲಿ ಏನಿದೆ ಎಂದು ನೋಡಿ ಮುಂದಿನ ನಿರ್ಧಾರ ಮಾಡುತ್ತೇನೆ ಎಂದು ಹೇಳಿದರು.

ಜನವಸತಿ ಪ್ರದೇಶದಲ್ಲಿ ಗುಂಡು ಹಾರಿಸಿ ಹುಚ್ಚಾಟ, ಚಿಕ್ಕಮಗಳೂರು ಬಿಜೆಪಿ ನಾಯಕನ ವಿರುದ್ಧ ಗಂಭೀರ ಆರೋಪ

Ganesh Mabla Gowda — Thu, 22 Oct 2026 23:36:11 +0530

ಚಿಕ್ಕಮಗಳೂರು: ಬಿಜೆಪಿ ಯುವ ಮೋರ್ಚಾ ನಗರ ಅಧ್ಯಕ್ಷನ ಹುಚ್ಚಾಟದ ವಿಡಿಯೋ ಭಾರೀ ಚರ್ಚೆಗೆ ಕಾರಣವಾಗಿದೆ. ಜನವಸತಿ ಪ್ರದೇಶದಲ್ಲೇ ಸಾರ್ವಜನಿಕರ ಜೀವಕ್ಕೆ ಕ್ಯಾರೇ ಎನ್ನದೆ ಗಾಳಿಯಲ್ಲಿ ಗುಂಡು ಹಾರಿಸಿದ ಘಟನೆ ಚಿಕ್ಕಮಗಳೂರು ನಗರದ ಕೋಟೆ ಬಡಾವಣೆಯಲ್ಲಿ ನಡೆದಿದೆ.

5 ಸುತ್ತು ಗುಂಡು ಹಾರಾಟ

ಜೀವನ್ ಕೋಟೆ, ಗಾಳಿಯಲ್ಲಿ ಗುಂಡು ಹಾರಿಸಿದ ಬಿಜೆಪಿ ನಾಯಕ. ಈತ ಚಿಕ್ಕಮಗಳೂರು ನಗರ ಬಿಜೆಪಿ ಯುವ ಮೋರ್ಚಾ ಅಧ್ಯಕ್ಷರಾಗಿದ್ದಾರೆ. ಚಿಕ್ಕಮಗಳೂರು ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಜೀವನ್ ಕೋಟೆ ವಿರುದ್ಧ ಸೂಕ್ತ ಕಾನೂನು ಕ್ರಮ ತೆಗೆದುಕೊಳ್ಳಬೇಕು ಎಂಬ ಆಗ್ರಹ ಕೇಳಿಬಂದಿದೆ.

ಬೆಚ್ಚಿಬಿದ್ದಿರುವ ಜನ

ಜನ ವಸತಿ ಪ್ರದೇಶದಲ್ಲಿ 5 ಸುತ್ತು ರಿವಾಲ್ವರ್ ನಿಂದ ಗಾಳಿಯಲ್ಲಿ ಗುಂಡು ಹಾರಿಸಲಾಗಿದೆ. ಡಬಲ್ ಬ್ಯಾರಲ್ ಗನ್ ಅದಾಗಿದ್ದು, ಆಯುಧ ಪೂಜೆ ಹಿನ್ನೆಲೆ ಮನೆಯ ಮುಂಭಾಗದಲ್ಲಿ ಹುಚ್ಚಾಟ ಮರೆದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಗುಂಡು ಹಾರಿಸಿದ ಅಕ್ಕಪಕ್ಕದಲ್ಲಿ ಮನೆಗಳಿವೆ. ಜನರು ಓಡಾಡುವ ಜಾಗದಲ್ಲೇ ಫೈರಿಂಗ್ ಮಾಡಲಾಗಿದೆ. ಒಬ್ಬ ಜವಾಬ್ದಾರಿಯುತ ಸ್ಥಾನದಲ್ಲಿ ಇದ್ದುಕೊಂಡು ಈ ರೀತಿ ಜನರನ್ನು ಭಯ ಬೀಳಿಸೋದು ಎಷ್ಟು ಸರಿ ಎಂಬ ಪ್ರಶ್ನೆ ಎದ್ದಿದೆ.

ಇನ್ನು, ಜೀವನ್ ಕೋಟೆ ರಾಜಾರೋಷವಾಗಿ ಬಂದೂಕುಗಳಿಂದ ಗುಂಡು ಹಾರಿಸುತ್ತಿರುವ ದೃಶ್ಯ ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಸದ್ಯ ಅದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ಘಟನೆ ಚಿಕ್ಕಮಗಳೂರು ನಗರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದ್ದು, ವಿಡಿಯೋ ವೈರಲ್ ಆಗುತ್ತಿದ್ದಂತೆ ಪೊಲೀಸರ ಕಾರ್ಯವೈಖರಿ ಮೇಲೂ ಸಾರ್ವಜನಿಕರು ಕಣ್ಣಿಟ್ಟಿದ್ದಾರೆ.

ಬೆಂಗಳೂರು-ಹೊಸೂರು ಮೆಟ್ರೋ: ಕನ್ನಡಿಗರಿಗೆ ಕಾದಿದೆ ದೊಡ್ಡ ಆಘಾತ? 3 ಕಾರಣ ಬಿಚ್ಚಿಟ್ಟ ಲಕ್ಷ್ಮೀಶ!

Sathish Kumar KH — Thu, 22 Oct 2026 23:29:35 +0530

ಬೆಂಗಳೂರು (ಅ.22): ರಾಜಧಾನಿ ಬೆಂಗಳೂರಿನ ನಮ್ಮ ಮೆಟ್ರೋ ರೈಲು ಜಾಲವನ್ನು ಬೊಮ್ಮಸಂದ್ರದಿಂದ ತಮಿಳುನಾಡಿನ ಹೊಸೂರಿನವರೆಗೆ ವಿಸ್ತರಿಸುವ ಪ್ರಸ್ತಾವನೆಗೆ ರಾಜ್ಯದಲ್ಲಿ ಭಾರೀ ವಿರೋಧ ವ್ಯಕ್ತವಾಗಲಾರಂಭಿಸಿದೆ. ಹೊರನೋಟಕ್ಕೆ ಇದು ಕೇವಲ ಸಾರಿಗೆ ಸಂಪರ್ಕದಂತೆ ಕಂಡರೂ, ಭವಿಷ್ಯದಲ್ಲಿ ಕರ್ನಾಟಕದ ಬೃಹತ್ ಐಟಿ-ಬಿಟಿ ಉದ್ಯಮ ಹಾಗೂ ರಾಜ್ಯದ ಆರ್ಥಿಕತೆಗೆ ಇದು ಕೊಡಲಿ ಪೆಟ್ಟು ನೀಡಲಿದೆ ಎಂಬ ಎಚ್ಚರಿಕೆಯ ಮಾತುಗಳು ಸೋಷಿಯಲ್ ಮೀಡಿಯಾದಲ್ಲಿ ತೀವ್ರ ಸಂಚಲನ ಮೂಡಿಸಿವೆ.

ಈ ಕುರಿತು ಚಿಂತಕ ಹಾಗೂ ತಂತ್ರಜ್ಞಾನ ಆಸಕ್ತರಾದ ಲಕ್ಷ್ಮೀಶ ಸಿ.ಎಸ್ ಅವರು ಮಾಡಿರುವ ಎಕ್ಸ್ (ಟ್ವಿಟರ್) ಪೋಸ್ಟ್ ಈಗ ಸಾರ್ವಜನಿಕ ವಲಯದಲ್ಲಿ ಬಿಸಿಬಿಸಿ ಚರ್ಚೆಗೆ ನಾಂದಿ ಹಾಡಿದೆ.

ಹೊಸೂರು ಮೆಟ್ರೋಗೆ ವಿರೋಧವೇಕೆ? ಲಕ್ಷ್ಮೀಶ ಸಿ.ಎಸ್ ಅವರ 3 ಪ್ರಮುಖ ವಾದಗಳು:

ಕನ್ನಡಿಗರ ತೆರಿಗೆ ಹಣ, ತಮಿಳುನಾಡಿಗೆ ಲಾಭ:

ಕರ್ನಾಟಕ ಸರ್ಕಾರ ಮತ್ತು ನಮ್ಮ ಮೆಟ್ರೋ ಸಂಸ್ಥೆ ಸಾವಿರಾರು ಕೋಟಿ ರೂಪಾಯಿ ವೆಚ್ಚದಲ್ಲಿ ಮುಂದಿನ ದಿನಗಳಲ್ಲಿ ಬೆಂಗಳೂರಿನಲ್ಲಿ 300+ ಕಿಲೋಮೀಟರ್ ಉದ್ದದ ಮೆಟ್ರೋ ಜಾಲವನ್ನು ನಿರ್ಮಿಸುತ್ತಿದೆ. ಆದರೆ, ತಮಿಳುನಾಡು ಸರ್ಕಾರ ಹೊಸೂರಿನಿಂದ ಕರ್ನಾಟಕದ ಗಡಿ ಅತ್ತಿಬೆಲೆಯವರೆಗೆ ಕೇವಲ 11 ಕಿಲೋಮೀಟರ್ ಮೆಟ್ರೋ ಮಾರ್ಗ ನಿರ್ಮಿಸಿ, ಕನ್ನಡಿಗರ ದುಡ್ಡಿನಲ್ಲಿ ನಿರ್ಮಾಣವಾದ ಸಂಪೂರ್ಣ 300+ ಕಿ.ಮೀ ಮೆಟ್ರೋ ಸೌಲಭ್ಯದ ಲಾಭವನ್ನು ಅನಾಯಾಸವಾಗಿ ಪಡೆದುಕೊಳ್ಳಲಿದೆ.

ಬೆಂಗಳೂರಿನ ಐಟಿ ಕಂಪನಿಗಳು ಹೊಸೂರಿಗೆ ಶಿಫ್ಟ್ ಆಗುವ ಆತಂಕ:

ತಮಿಳುನಾಡು ಸರ್ಕಾರ ಈಗಾಗಲೇ ಹೊಸೂರಿನಲ್ಲಿ ಸುಮಾರು 500 ಎಕರೆಗಳ ಬೃಹತ್ ಜಾಗವನ್ನು ಹೊಸ 'ಐಟಿ ಪಾರ್ಕ್'ಗಾಗಿ ಮೀಸಲಿಟ್ಟಿದೆ. ಒಂದು ವೇಳೆ ಹೊಸೂರಿಗೆ ಮೆಟ್ರೋ ಸಂಪರ್ಕ ಸಿಕ್ಕಿದರೆ, ಬೆಂಗಳೂರಿನ ಟ್ರಾಫಿಕ್‌ನಿಂದ ಬೇಸತ್ತಿರುವ ಹಾಗೂ ಎಲೆಕ್ಟ್ರಾನಿಕ್ ಸಿಟಿ ಸುತ್ತಮುತ್ತಲಿನ ಐಟಿ-ಬಿಟಿ ಕಂಪನಿಗಳನ್ನು ಹೊಸೂರಿನತ್ತ ಸೆಳೆಯಲು ತಮಿಳುನಾಡು ರತ್ನಗಂಬಳಿ ಹಾಸಲಿದೆ. ಇದರಿಂದ ಕರ್ನಾಟಕದ ಕೈಗಾರಿಕೆಗಳು ಮತ್ತು ಉದ್ಯೋಗಾವಕಾಶಗಳು ನೆರೆ ರಾಜ್ಯದ ಪಾಲಾಗಲಿವೆ.

ಕಾವೇರಿ ಕಿರುಕುಳ ನೆನಪಿಸಿದ ಕನ್ನಡಿಗರು:

ಕಾವೇರಿ ನದಿ ನೀರಿನ ಹಂಚಿಕೆಯಲ್ಲಿ ಸಂಕಷ್ಟ ಸೂತ್ರಕ್ಕೆ (Distress Formula) ಒಪ್ಪದೆ ಕರ್ನಾಟಕಕ್ಕೆ ಸದಾ ಕಾನೂನು ಕಂಟಕ ತಂದೊಡ್ಡುವ, ಹಾಗೂ ಕನ್ನಡ ಭಾಷೆಗೆ ಶಾಸ್ತ್ರೀಯ ಸ್ಥಾನಮಾನ ನೀಡುವಾಗಲೂ ಕೋರ್ಟ್‌ಗೆ ಹೋಗಿ ಅಡ್ಡಿಪಡಿಸಿದ ತಮಿಳುನಾಡಿಗೆ ಈಗ ಇದ್ದಕ್ಕಿದ್ದಂತೆ ಕರ್ನಾಟಕದ ಜೊತೆಗೆ ಕೈಜೋಡಿಸಿ ಬೆಳೆಯುವ ಆಸೆ ಬಂದಿದೆ. ತಮ್ಮ ಸ್ವಾರ್ಥಕ್ಕಾಗಿ ಏನು ಬೇಕಾದರೂ ಮಾಡುವ ನೆರೆ ರಾಜ್ಯದ ತಂತ್ರಕ್ಕೆ ನಮ್ಮ ಸರ್ಕಾರಗಳು ಬಲಿಯಾಗಬಾರದು ಎಂದು ಅವರು ಕಿಡಿಕಾರಿದ್ದಾರೆ.

ರಾಜ್ಯದ ಪ್ರಮುಖ ರಾಜಕೀಯ ನಾಯಕರಿಗೆ ಎಚ್ಚರಿಕೆಯ ಟ್ಯಾಗ್:

ಈ ವಿಚಾರ ಕರ್ನಾಟಕದ ಅಸ್ಮಿತೆ ಹಾಗೂ ಆರ್ಥಿಕ ಭವಿಷ್ಯಕ್ಕೆ ಸಂಬಂಧಿಸಿದ್ದು ಎಂದು ಉಲ್ಲೇಖಿಸಿರುವ ಲಕ್ಷ್ಮೀಶ ಅವರು, ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್, ಕೇಂದ್ರ ಸಚಿವ ಹೆಚ್.ಡಿ. ಕುಮಾರಸ್ವಾಮಿ ಹಾಗೂ ವಿಧಾನಸಭೆ ವಿಪಕ್ಷ ನಾಯಕ ಬಿ.ವೈ. ವಿಜಯೇಂದ್ರ ಅವರಿಗೆ ಪೋಸ್ಟ್ ಟ್ಯಾಗ್ ಮಾಡಿ ಈ ವಿಷಯವನ್ನು ಗಂಭೀರವಾಗಿ ಪರಿಗಣಿಸುವಂತೆ ಒತ್ತಾಯಿಸಿದ್ದಾರೆ.

ಸದ್ಯ ಈ ಟ್ವೀಟ್‌ಗೆ ಕನ್ನಡಿಗರಿಂದ ವ್ಯಾಪಕ ಬೆಂಬಲ ವ್ಯಕ್ತವಾಗುತ್ತಿದ್ದು, "ಬೆಂಗಳೂರು ಮೆಟ್ರೋ ಕರ್ನಾಟಕದ ಗಡಿಯಾದ ಅತ್ತಿಬೆಲೆ ಅಥವಾ ಬೊಮ್ಮಸಂದ್ರಕ್ಕೇ ಸೀಮಿತವಾಗಿರಬೇಕು, ತಮಿಳುನಾಡಿಗೆ ವಿಸ್ತರಿಸಬಾರದು" ಎಂಬ ಕೂಗು ಪ್ರಬಲವಾಗುತ್ತಿದೆ.

ದೀರ್ಘಕಾಲ ಕಫದ ಸಮಸ್ಯೆಯೇ? ಗಂಭೀರ ಕಾಯಿಲೆಯ ಸೂಚನೆ ಇರಬಹುದು, ಈ ಲಕ್ಷಣಗಳನ್ನು ನಿರ್ಲಕ್ಷಿಸಬೇಡಿ

Pavna Das — Thu, 22 Oct 2026 23:19:32 +0530

ದೀರ್ಘಕಾಲ ಕಫದ ಸಮಸ್ಯೆಯೇ?

ಕೆಮ್ಮು ದೇಹದ ಸಾಮಾನ್ಯ ಪ್ರತಿಕ್ರಿಯೆಯಾಗಿದೆ. ಉಸಿರಾಟದ ಮಾರ್ಗದಲ್ಲಿರುವ ಧೂಳು, ಕಫ ಮತ್ತು ಇತರ ಕಿರಿಕಿರಿ ಉಂಟುಮಾಡುವ ವಸ್ತುಗಳನ್ನು ಹೊರಹಾಕಲು ದೇಹವು ಕೆಮ್ಮಿನ ಮೂಲಕ ಪ್ರಯತ್ನಿಸುತ್ತದೆ. ಶೀತ ಮತ್ತು ನೆಗಡಿಯಾದ ನಂತರ ಕೆಲವು ದಿನಗಳವರೆಗೆ ಕಫ ಬರುವುದು ಸಾಮಾನ್ಯ. ಆದರೆ ಕೆಮ್ಮು ಮೂರು ವಾರಗಳು ಅಥವಾ ಅದಕ್ಕಿಂತ ಹೆಚ್ಚು ಕಾಲ ಮುಂದುವರಿದರೆ ವೈದ್ಯರ ಸಲಹೆ ಪಡೆಯುವುದು ಅಗತ್ಯ. ವಿಶೇಷವಾಗಿ ಕಫದ ಜೊತೆಗೆ ಇತರ ಲಕ್ಷಣಗಳೂ ಕಾಣಿಸಿಕೊಂಡರೆ, ಅದನ್ನು ಕೇವಲ ಹವಾಮಾನ ಬದಲಾವಣೆಯ ಪರಿಣಾಮ ಎಂದು ಭಾವಿಸಿ ನಿರ್ಲಕ್ಷಿಸುವುದು ಸರಿಯಲ್ಲ.

ದೀರ್ಘಕಾಲ ಕಫ ಬರಲು ಈ ಕಾಯಿಲೆಗಳು ಕಾರಣವಾಗಿರಬಹುದು

ನಿರಂತರವಾಗಿ ಕಫ ಬರಲು ಹಲವು ಕಾರಣಗಳಿರಬಹುದು. ಶೀತ ಮತ್ತು ನೆಗಡಿ ಗುಣವಾದ ನಂತರವೂ ಸ್ವಲ್ಪ ಸಮಯದವರೆಗೆ ಕೆಮ್ಮು ಮುಂದುವರಿಯಬಹುದು. ಇದರ ಜೊತೆಗೆ ಅಲರ್ಜಿ, ಆಸ್ತಮಾ, ಬ್ರಾಂಕೈಟಿಸ್, ಧೂಮಪಾನ ಮತ್ತು ಹೊಟ್ಟೆಯ ಆಮ್ಲವು ಗಂಟಲಿನವರೆಗೆ ಹಿಂತಿರುಗುವ ಸಮಸ್ಯೆಯೂ ಕೆಮ್ಮಿಗೆ ಕಾರಣವಾಗಬಹುದು. ಕೆಲವು ಸಂದರ್ಭಗಳಲ್ಲಿ ಇದು ಶ್ವಾಸಕೋಶದ ಸೋಂಕು ಅಥವಾ ಕ್ಷಯರೋಗದ (ಟಿಬಿ) ಸೂಚನೆಯೂ ಆಗಿರಬಹುದು. ಟಿಬಿ ಇದ್ದಾಗ ಮೂರು ವಾರಗಳು ಅಥವಾ ಅದಕ್ಕಿಂತ ಹೆಚ್ಚು ಕಾಲ ಕೆಮ್ಮು ಇರುವುದು, ಕಫ ಬರುವುದು, ಜ್ವರ, ರಾತ್ರಿ ವೇಳೆ ಬೆವರುವುದು ಮತ್ತು ಯಾವುದೇ ಕಾರಣವಿಲ್ಲದೆ ತೂಕ ಕಡಿಮೆಯಾಗುವುದು ಮುಂತಾದ ಲಕ್ಷಣಗಳು ಕಾಣಿಸಿಕೊಳ್ಳಬಹುದು.

ಕಫದ ಜೊತೆಗೆ ಈ ಲಕ್ಷಣಗಳು ಕಂಡುಬಂದರೆ ಎಚ್ಚರ!

ನಿರಂತರವಾಗಿ ಕಫ ಬರುವುದರ ಜೊತೆಗೆ ಎದೆನೋವು, ಉಸಿರಾಟದ ತೊಂದರೆ, ತೀವ್ರ ಜ್ವರ, ಹಸಿವು ಕಡಿಮೆಯಾಗುವುದು ಅಥವಾ ಯಾವುದೇ ಕಾರಣವಿಲ್ಲದೆ ತೂಕ ಇಳಿಯುವಂತಹ ಸಮಸ್ಯೆಗಳು ಕಾಣಿಸಿಕೊಂಡರೆ ನಿರ್ಲಕ್ಷಿಸಬೇಡಿ.

ಕಫದಲ್ಲಿ ರಕ್ತ ಕಾಣಿಸಿಕೊಳ್ಳುವುದೂ ಗಂಭೀರ ಎಚ್ಚರಿಕೆಯ ಸಂಕೇತವಾಗಿದೆ. ಇಂತಹ ಸಂದರ್ಭದಲ್ಲಿ ತಕ್ಷಣ ವೈದ್ಯಕೀಯ ನೆರವು ಪಡೆಯಬೇಕು. ಉಸಿರಾಡಲು ತೀವ್ರ ತೊಂದರೆಯಾಗುತ್ತಿದ್ದರೆ ಅಥವಾ ಆರೋಗ್ಯದ ಸ್ಥಿತಿ ವೇಗವಾಗಿ ಹದಗೆಡುತ್ತಿದ್ದರೆ ಹತ್ತಿರದ ಆಸ್ಪತ್ರೆಯ ತುರ್ತು ಚಿಕಿತ್ಸಾ ವಿಭಾಗಕ್ಕೆ ತೆರಳಿ.

ಟಿಬಿಯಂತಹ ಕಾಯಿಲೆಗಳಲ್ಲಿ ಲಕ್ಷಣಗಳು ನಿಧಾನವಾಗಿ ಕಾಣಿಸಿಕೊಳ್ಳಬಹುದು. ಆದ್ದರಿಂದ ದೀರ್ಘಕಾಲದಿಂದ ಕೆಮ್ಮು ಇದ್ದರೆ ಪರೀಕ್ಷೆ ಮಾಡಿಸಿಕೊಳ್ಳುವುದನ್ನು ಮುಂದೂಡಬಾರದು. ಸಮಯಕ್ಕೆ ಸರಿಯಾಗಿ ಕಾಯಿಲೆಯನ್ನು ಪತ್ತೆಹಚ್ಚುವುದರಿಂದ ಚಿಕಿತ್ಸೆ ಆರಂಭಿಸಲು ಸಾಧ್ಯವಾಗುತ್ತದೆ. ಜೊತೆಗೆ ಸೋಂಕು ಇತರರಿಗೆ ಹರಡುವ ಅಪಾಯವನ್ನು ಕಡಿಮೆ ಮಾಡಲು ಸಹಾಯವಾಗುತ್ತದೆ.

ನಿರಂತರ ಕಫ ಬಂದರೆ ಏನು ಮಾಡಬೇಕು? ಯಾವ ಪರೀಕ್ಷೆಗಳನ್ನು ಮಾಡಿಸಲಾಗುತ್ತದೆ?

ಕೆಮ್ಮು ಮೂರು ವಾರಗಳಿಗಿಂತ ಹೆಚ್ಚು ಕಾಲ ಮುಂದುವರಿದರೆ ವೈದ್ಯರ ಭೇಟಿಗೆ ಸಮಯ ನಿಗದಿಪಡಿಸಿ. ನಿಮ್ಮ ಸಮಸ್ಯೆ, ಕೆಮ್ಮು ಎಷ್ಟು ದಿನಗಳಿಂದ ಇದೆ, ಧೂಮಪಾನದ ಅಭ್ಯಾಸವಿದೆಯೇ ಮತ್ತು ಇತರ ಲಕ್ಷಣಗಳು ಯಾವುವು ಎಂಬುದರ ಬಗ್ಗೆ ವೈದ್ಯರು ವಿಚಾರಿಸಬಹುದು.

ಅಗತ್ಯವಿದ್ದರೆ ಕಫದ ಪರೀಕ್ಷೆ, ಎದೆಯ ಎಕ್ಸ್‌ರೇ ಅಥವಾ ಶ್ವಾಸಕೋಶದ ಕಾರ್ಯಕ್ಷಮತೆಯನ್ನು ಪರೀಕ್ಷಿಸುವ ಪರೀಕ್ಷೆಗಳನ್ನು ಮಾಡಿಸಲು ಸಲಹೆ ನೀಡಬಹುದು. ಪರೀಕ್ಷೆಗಳ ಫಲಿತಾಂಶಗಳನ್ನು ಆಧರಿಸಿಯೇ ಚಿಕಿತ್ಸೆಯನ್ನು ನಿರ್ಧರಿಸಲಾಗುತ್ತದೆ. ಈ ಸಮಯದಲ್ಲಿ ಸಾಕಷ್ಟು ನೀರು ಕುಡಿಯಿರಿ, ಧೂಳು ಮತ್ತು ಹೊಗೆಯಿಂದ ದೂರವಿರಿ. ಧೂಮಪಾನ ಮಾಡುವ ಅಭ್ಯಾಸವಿದ್ದರೆ ಅದನ್ನು ತ್ಯಜಿಸಲು ಪ್ರಯತ್ನಿಸಿ. ವೈದ್ಯರ ಸಲಹೆಯಿಲ್ಲದೆ ಆ್ಯಂಟಿಬಯಾಟಿಕ್‌ಗಳು ಅಥವಾ ಕೆಮ್ಮಿನ ಔಷಧಗಳನ್ನು ಸೇವಿಸಬೇಡಿ. ಏಕೆಂದರೆ ಪ್ರತಿಯೊಂದು ಕೆಮ್ಮಿಗೂ ಬ್ಯಾಕ್ಟೀರಿಯಾದ ಸೋಂಕೇ ಕಾರಣವಾಗಿರುವುದಿಲ್ಲ. ಮನೆಮದ್ದುಗಳು ತಾತ್ಕಾಲಿಕವಾಗಿ ಪರಿಹಾರ ನೀಡಬಹುದು. ಆದರೆ ದೀರ್ಘಕಾಲದಿಂದ ಮುಂದುವರಿಯುತ್ತಿರುವ ಕೆಮ್ಮಿಗೆ ಅವು ಪರ್ಯಾಯ ಚಿಕಿತ್ಸೆಯಲ್ಲ. ಲಕ್ಷಣಗಳು ಮುಂದುವರಿದರೆ ಅಥವಾ ಹೆಚ್ಚಾದರೆ ವೈದ್ಯರ ಸಲಹೆ ಪಡೆಯುವುದು ಅತ್ಯಗತ್ಯ.

ಸೌರವ್ ಗಂಗೂಲಿಗೆ ಬಿಗ್ ಶಾಕ್ ನೀಡಿದ ದೆಹಲಿ ಹೈಕೋರ್ಟ್, ದಾದಾಗೆ ಭಾರೀ ನಿರಾಸೆ

Ganesh Mabla Gowda — Thu, 22 Oct 2026 23:11:01 +0530

ನವದೆಹಲಿ: ಟೀಂ ಇಂಡಿಯಾದ ಮಾಜಿ ಕ್ಯಾಪ್ಟನ್, ಬಿಸಿಸಿಐ ಮಾಜಿ ಅಧ್ಯಕ್ಷ ಸೌರವ್ ಗಂಗೂಲಿಗೆ ದೆಹಲಿ ಹೈಕೋರ್ಟ್‌ನಲ್ಲಿ ಭಾರೀ ಹಿನ್ನಡೆ ಆಗಿದೆ.

ಏನಿದು ಪ್ರಕರಣ?

ಖ್ಯಾತ ನಿರ್ದೇಶಕ ಅಭಿ ಅಭಿನಯ್ ದೇವ್ ಅವರು 'ದೂಸ್ರಾ' ಸಿನಿಮಾವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಸ್ಪೋರ್ಟ್ಸ್ ಡ್ರಾಮಾ ಸಿನಿಮಾ ಇದಾಗಿದೆ. ಈ ಸಿನಿಮಾ ನಾಳೆ ಬಿಡುಗಡೆ ಆಗುತ್ತಿದೆ. ಈ ಚಿತ್ರದ ಬಿಡುಗಡೆಗೆ ತಡೆ ನೀಡುವಂತೆ ಕೋರಿ ಗಂಗೂಲಿ ಅವರು ದೆಹಲಿ ಹೈಕೋರ್ಟ್ ಮೆಟ್ಟಿಲೇರಿದ್ದರು. ಇದರ ವಿಚಾರಣೆ ನಡೆಸಿದ್ದ ಕೋರ್ಟ್‌ ಬಿಡುಗಡೆಗೆ ತಡೆ ನೀಡಲು ನಿರಾಕರಿಸಿದೆ. ಜೊತೆಗೆ ಗಂಗೂಲಿ ಅವರ ಅರ್ಜಿ ವಿಚಾರಣೆ ನಡೆಸಲು ಒಪ್ಪಿಕೊಂಡಿದ್ದು, ವಿಚಾರಣೆಯನ್ನೂ ನಾಳೆಗೆ ಮುಂದೂಡಿದೆ. ಇತ್ತ ದೂಸ್ರಾ ಸಿನಿಮಾ ಎಂದಿನಂತೆ ನಾಳೆ ತೆರೆಗೆ ಬರಲಿದೆ.

ಗಂಗೂಲಿ ಯಾಕೆ ಕೋರ್ಟ್‌ಗೆ ಹೋಗಿದ್ದಾರೆ?

ಚಿತ್ರದಲ್ಲಿ 2022ರ ನ್ಯಾಟ್‌ವೆಸ್ಟ್ ಸರಣಿಯ ಫೈನಲ್ ಪಂದ್ಯ ಮತ್ತು ಲಾರ್ಡ್ಸ್‌ನಲ್ಲಿ ನಡೆದ ಶರ್ಟ್ ಡೌನ್ ಆಚರಣೆಯ ಘಟನೆಯನ್ನು ಬಳಸಿಕೊಳ್ಳಲಾಗಿದೆ. ಆ ಮೂಲಕ ಚಿತ್ರತಂಡವು ತಮ್ಮ ವಾಣಿಜ್ಯ ಮತ್ತು ವ್ಯಕ್ತಿತ್ವ ಹಕ್ಕುಗಳನ್ನು ಉಲ್ಲಂಘಿಸಲಾಗುತ್ತಿದೆ ಎಂದು ಆರೋಪಿಸಿ ಗಂಗೂಲಿ ಹೈಕೋರ್ಟ್ ಮೊರೆ ಹೋಗಿದ್ದಾರೆ.

ಹೈಕೋರ್ಟ್‌ನಲ್ಲಿ ಚಿತ್ರವನ್ನು ಪ್ರಶ್ನೆ ಮಾಡಿರುವ ಗಂಗೂಲಿ.. ಅಂತಹ ಅನಧಿಕೃತ ಬಳಕೆಯು ವ್ಯಕ್ತಿತ್ವ ಮತ್ತು ವಾಣಿಜ್ಯ ಹಕ್ಕುಗಳ ನೇರ ಉಲ್ಲಂಘನೆ. 2002 ರ ಐತಿಹಾಸಿಕ ನ್ಯಾಟ್‌ವೆಸ್ಟ್ ಸರಣಿಯ ಫೈನಲ್ ಮತ್ತು ಲಾರ್ಡ್ಸ್ ಬಾಲ್ಕನಿಯಲ್ಲಿ ಅವರ ಕುಖ್ಯಾತ ಶರ್ಟ್‌ಲೆಸ್ ಆಚರಣೆಯನ್ನು ನಿರ್ದಿಷ್ಟವಾಗಿ ಚಿತ್ರದಲ್ಲಿ ಉಲ್ಲೇಖಿಸಿದ್ದಾರೆ. ಚಿತ್ರತಂಡದ ಈ ಕ್ರಮ ಸರಿ ಇಲ್ಲ ಎಂದು ಗಂಗೂಲಿ ತಮ್ಮ ಅರ್ಜಿಯಲ್ಲಿ ಸ್ಪಷ್ಟವಾಗಿ ತಿಳಿಸಿದ್ದಾರೆ.

2002ರ ನ್ಯಾಟ್‌ವೆಸ್ಟ್ ಸರಣಿಯ ಫೈನಲ್ ಪಂದ್ಯ ಮತ್ತು ಲಾರ್ಡ್ಸ್ ಗ್ಯಾಲರಿ ಸೆಲೆಬ್ರೇಷನ್ ಗಂಗೂಲಿ ಮನಸ್ಸಿನಲ್ಲಿ ಇಂದಿಗೂ ಅಚ್ಚ ಹಸಿರಾಗಿ ಉಳಿದಿದೆ. ಇಂಗ್ಲೆಂಡ್ ವಿರುದ್ಧದ ಆ ಕಠಿಣ ಚೇಸ್‌ನಲ್ಲಿ ಭಾರತದ ಗೆಲುವು ಮತ್ತು ನಂತರದ ಗಂಗೂಲಿಯ ಆಕ್ರಮಣಕಾರಿ ಮತ್ತು ಐತಿಹಾಸಿಕ ಆಚರಣೆಯು ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ ಸದಾ ಕಾಲ ನೆನಪಿಟ್ಟುಕೊಳ್ಳುವ ದಿನವಾಗಿದೆ. ಹೀಗಾಗಿ ತಮ್ಮ ಅನುಮತಿ ಇಲ್ಲದೇ ಸಿನಿಮಾಗಳಲ್ಲಿ ವಾಣಿಜ್ಯ ಉದ್ದೇಶಕ್ಕೆ ಬಳಸಿಕೊಳ್ಳುವುದನ್ನ ತಾವು ಒಪ್ಪುವುದಿಲ್ಲ ಅನ್ನೋದು ಗಂಗೂಲಿ ವಾದವಾಗಿದೆ. ತಮ್ಮ ವ್ಯಕ್ತಿತ್ವ ಮತ್ತು ಜೀವನವನ್ನು ಒಳಗೊಂಡ ಇಂತಹ ಅನಧಿಕೃತ ವಾಣಿಜ್ಯ ಚಟುವಟಿಕೆಗಳ ವಿರುದ್ಧ ಕಾನೂನು ಕ್ರಮ ಆಗಬೇಕು ಎಂದು ಗಂಗೂಲಿ ವಾದಿಸಿದ್ದಾರೆ. ಸಿನಿಮಾ ರಿಲೀಸ್‌ಗೆ ನಿರಾಕರಿಸಿರುವ ಕೋರ್ಟ್‌, ವಿಚಾರಣೆಯನ್ನು ಶುಕ್ರವಾರ ಮತ್ತೆ ಎತ್ತಿಕೊಳ್ಳಲಿದೆ,. ಚಿತ್ರ ತಂಡದ ವಿರುದ್ಧ ಗಂಗೂಲಿ ನಡೆಸ್ತಿರುವ ಹೋರಾಟ ಮತ್ತಷ್ಟು ತೀವ್ರಗೊಳ್ಳುವ ಸಾಧ್ಯತ ಇದೆ ಎನ್ನಲಾಗಿದೆ.

ಇನ್ನು ನಾಳೆ ರಿಲೀಸ್ ಆಗುತ್ತಿರುವ ಚಿತ್ರದಲ್ಲಿ ಪ್ಲಬಿತಾ ಬೋರ್ಥಾಕುರ್, ಅಂಕುರ್ ವಿಕಾಲ್, ಕೃಷ್ಣಾ ಗೋಕಾನಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. 1920ರ ಕ್ರಿಕೆಟ್ ಇತಿಹಾಸವನ್ನು ಆಧರಿಸಿದ.. ವೈಯಕ್ತಿಕ ಸ್ವಾತಂತ್ರ್ಯ ಮತ್ತು ಹೋರಾಟದ ಕಥೆಯನ್ನು ಒಳಗೊಂಡಿರುವ 78 ನಿಮಿಷಗಳ ಚಲನಚಿತ್ರ ಇದಾಗಿದೆ.

ಸ್ಕ್ರೀನ್ ಮೇಲೆ ಪತಿ ರಾಮ್ ಚರಣ್‌ನ ಆ ರೀತಿ ನೋಡೋಕೆ ಉಪಾಸನಾಗೆ ಇಷ್ಟ ಇಲ್ಲವಂತೆ: ಕಾರಣ ಏನು?

Govindaraj S — Thu, 22 Oct 2026 22:53:40 +0530

ರಾಮ್ ಚರಣ್ ಪತ್ನಿ ಹಾಗೂ ಉದ್ಯಮಿ ಉಪಾಸನಾ ತಮ್ಮ ಪತಿಯ ಬಗ್ಗೆ ಇಂಟರೆಸ್ಟಿಂಗ್ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಸ್ಕ್ರೀನ್ ಮೇಲೆ ಚರಣ್ ಅವರನ್ನು ಆ ರೀತಿ ನೋಡಲು ಉಪಾಸನಾಗೆ ಆಗಲ್ವಂತೆ. ತಮ್ಮಿಬ್ಬರ ನಡುವಿನ ಹಲವು ಸೀಕ್ರೆಟ್‌ಗಳನ್ನು ಅವರು ಬಿಚ್ಚಿಟ್ಟಿದ್ದಾರೆ.ಮೆಗಾ ಸೊಸೆ ಉಪಾಸನಾ ಈಗ ತಾಯ್ತನವನ್ನು ಎಂಜಾಯ್ ಮಾಡುತ್ತಿದ್ದಾರೆ. ಇತ್ತೀಚೆಗಷ್ಟೇ ಅವರು ಅವಳಿ ಮಕ್ಕಳಿಗೆ ಜನ್ಮ ನೀಡಿದ್ದರು. ಅದಕ್ಕೂ ಮುನ್ನ ಕ್ಲಿನ್ ಕಾರಾ ಹುಟ್ಟಿದ್ದಳು. ಉಪಾಸನಾ ಒಂದು ಕಡೆ ಮಕ್ಕಳನ್ನು ನೋಡಿಕೊಳ್ಳುತ್ತಲೇ, ಮತ್ತೊಂದು ಕಡೆ ಬ್ಯುಸಿನೆಸ್ ಕೂಡ ನಿಭಾಯಿಸುತ್ತಿದ್ದಾರೆ. ಅಪೋಲೋ ಆಸ್ಪತ್ರೆಯ ಜವಾಬ್ದಾರಿಗಳನ್ನು ಅವರೇ ನೋಡಿಕೊಳ್ಳುತ್ತಿದ್ದಾರೆ. ಸೊಸೆಯಾಗಿ, ಪತ್ನಿಯಾಗಿ, ತಾಯಿಯಾಗಿ ಹಾಗೂ ಆಸ್ಪತ್ರೆಯ ಮುಖ್ಯಸ್ಥೆಯಾಗಿ ಎಲ್ಲವನ್ನೂ ಅವರು ಬ್ಯಾಲೆನ್ಸ್ ಮಾಡುತ್ತಿದ್ದಾರೆ.ರಾಮ್ ಚರಣ್ ಹಾಗೂ ಉಪಾಸನಾ ಪ್ರೀತಿಸಿ ಮದುವೆಯಾದವರು. ಇದು ಹಿರಿಯರು ನಿಶ್ಚಯಿಸಿದ ಮದುವೆ ಅನ್ನೋದು ಎಲ್ಲರಿಗೂ ಗೊತ್ತು. ಆದರೆ ಅದಕ್ಕೂ ಮುನ್ನವೇ ಇವರಿಬ್ಬರು ಪ್ರೀತಿಸುತ್ತಿದ್ದರು. ಇವರ ಲವ್ ಸ್ಟೋರಿ ಸೀಕ್ರೆಟ್ ಆಗಿಯೇ ನಡೆದಿತ್ತು. ಈ ವಿಚಾರಗಳನ್ನು ಅವರು ಗುಟ್ಟಾಗಿಯೇ ಇಟ್ಟಿದ್ದಾರೆ. ಈ ಬಗ್ಗೆ ಹಳೆಯ ಸಂದರ್ಶನವೊಂದರಲ್ಲಿ ಉಪಾಸನಾ ಮಾತನಾಡಿದ್ದರು. ರಾಮ್ ಚರಣ್ ಬಗ್ಗೆ ಹಲವು ಇಂಟರೆಸ್ಟಿಂಗ್ ವಿಚಾರಗಳನ್ನು ಅವರು ಹಂಚಿಕೊಂಡಿದ್ದರು. ತಮ್ಮಿಬ್ಬರ ಅಭಿರುಚಿಗಳು ತುಂಬಾ ಮ್ಯಾಚ್ ಆಗುತ್ತವೆ ಎಂದು ಅವರು ಹೇಳಿದ್ದರು.ತಾವಿಬ್ಬರು ಮೊದಲ ಬಾರಿ ಭೇಟಿಯಾದ ಜಾಗದ ಬಗ್ಗೆ ಹೇಳಲು ಸಾಧ್ಯವಿಲ್ಲ ಎಂದಿದ್ದ ಉಪಾಸನಾ, ಅದೊಂದು ಫನ್ನಿ ಸ್ಟೋರಿ ಎಂದಿದ್ದರು. ಆ ವಿಚಾರ ಗೊತ್ತಾದರೆ ಫ್ಯಾಮಿಲಿ ಫುಲ್ ಶಾಕ್ ಆಗುತ್ತೆ ಎಂದು ಅವರು ಹೇಳಿದ್ದರು. ಇದೇ ವೇಳೆ ರಾಮ್ ಚರಣ್ ಬಗ್ಗೆ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಚರಣ್ ವ್ಯಕ್ತಿತ್ವ ತುಂಬಾ ದೊಡ್ಡದು, ಅವರನ್ನು ಮದುವೆಯಾಗಿದ್ದು ನನ್ನ ಜೀವನದ ಅತ್ಯಂತ ಖುಷಿಯ ವಿಚಾರ ಎಂದಿದ್ದರು. ಚರಣ್ ನನ್ನನ್ನು ಯಾವಾಗಲೂ ಖುಷಿಯಾಗಿ ಇಡುತ್ತಾರೆ, ರಾಣಿಯಂತೆ ನೋಡಿಕೊಳ್ಳುತ್ತಾರೆ ಎಂದು ಉಪಾಸನಾ ಹೇಳಿದ್ದರು.ಉಪಾಸನಾ ಅವರು ಚರಣ್ ನಟಿಸಿದ ಎಲ್ಲಾ ಸಿನಿಮಾಗಳನ್ನು ನೋಡುತ್ತಾರಂತೆ. ಸ್ಕ್ರೀನ್ ಮೇಲೆ ಚರಣ್ ನೋಡಿದಾಗ ಅವರಿಗೆ ತುಂಬಾ ಹೆಮ್ಮೆ ಆಗುತ್ತಂತೆ. ಯಾರಾದರೂ ಅವರನ್ನು ಹೊಗಳಿದರೆ ಖುಷಿಯಿಂದ ಕಣ್ಣಲ್ಲಿ ನೀರು ಬರುತ್ತಂತೆ. ಆದರೆ, ಸ್ಕ್ರೀನ್ ಮೇಲೆ ಚರಣ್ ರಕ್ತದ ಮಡುವಿನಲ್ಲಿ, ಗಾಯಗೊಂಡಿರುವುದನ್ನು ನೋಡಲು ಅವರಿಗೆ ಆಗಲ್ವಂತೆ. ಸಿನಿಮಾ ಅಂತ ಗೊತ್ತಿದ್ದರೂ ಅದನ್ನು ಸಹಿಸಿಕೊಳ್ಳಲು ಆಗಲ್ಲ ಎಂದು ಉಪಾಸನಾ ಹೇಳಿದ್ದಾರೆ. ಅವರು ಸುಮಾರು ಏಳು ವರ್ಷಗಳ ಹಿಂದೆ 'ಈನಾಡು' ಪತ್ರಿಕೆಗೆ ನೀಡಿದ ಸಂದರ್ಶನದಲ್ಲಿ ಈ ವಿಚಾರ ಹಂಚಿಕೊಂಡಿದ್ದರು. ಇತ್ತೀಚೆಗೆ 'ಪೆದ್ದಿ' ಸಿನಿಮಾದ ಮೂಲಕ ಸಕ್ಸಸ್ ಕಂಡಿರುವ ರಾಮ್ ಚರಣ್, ಸದ್ಯ ಸುಕುಮಾರ್ ಜೊತೆಗಿನ ಸಿನಿಮಾಗೆ ರೆಡಿಯಾಗುತ್ತಿದ್ದಾರೆ. ಈ ವರ್ಷದ ಕೊನೆಯಲ್ಲಿ ಇದು ಶುರುವಾಗಲಿದೆಯಂತೆ.

ಜನವರಿ 1 ರಿಂದ ಸಿಮ್ ಬೈಂಡಿಂಗ್ ನಿಯಮ ಜಾರಿ: ನೋಂದಾಯಿತ ಸಿಮ್ ಇಲ್ಲದಿದ್ದರೆ ವಾಟ್ಸಾಪ್, ಟೆಲಿಗ್ರಾಂ ಬಂದ್

Santosh Naik — Thu, 22 Oct 2026 22:33:43 +0530

ನವದೆಹಲಿ (ಅ.22): ಆನ್‌ಲೈನ್ ಸೈಬರ್ ವಂಚನೆಗಳಿಗೆ ಕಡಿವಾಣ ಹಾಕಲು ಮುಂದಾಗಿರುವ ಕೇಂದ್ರ ಸರ್ಕಾರವು 'ಸಿಮ್ ಬೈಂಡಿಂಗ್' (SIM Binding) ನಿಯಮಗಳನ್ನು ಜಾರಿಗೆ ತರಲು ಸಜ್ಜಾಗಿದೆ. ಸರ್ಕಾರದ ಈ ನೂತನ ಮಾರ್ಗದರ್ಶಿ ಸೂತ್ರಗಳ ಪ್ರಕಾರ, ವಾಟ್ಸಾಪ್ (WhatsApp) ಹಾಗೂ ಟೆಲಿಗ್ರಾಂ (Telegram) ಬಳಕೆದಾರರು ತಡೆರಹಿತ ಸೇವೆ ಪಡೆಯಲು ತಮ್ಮ ಖಾತೆಗೆ ನೋಂದಾಯಿತವಾಗಿರುವ ಕೆವೈಸಿ (KYC) ಸಿಮ್ ಕಾರ್ಡ್‌ಗಳನ್ನು ಕಡ್ಡಾಯವಾಗಿ ಅದೇ ಮೊಬೈಲ್ ಫೋನ್‌ಗಳಲ್ಲಿ ಇರಿಸಿಕೊಳ್ಳಬೇಕಾಗಬಹುದು.

ಕೇಂದ್ರ ದೂರಸಂಪರ್ಕ ಇಲಾಖೆಯು (DoT) ಆ್ಯಪ್ ಆಧಾರಿತ ಮೆಸೇಜಿಂಗ್ ಸೇವೆಗಳನ್ನು ಒದಗಿಸುವ ಸಂಸ್ಥೆಗಳಿಗೆ ಖಾತೆಗಳನ್ನು ನೇರವಾಗಿ ಕೆವೈಸಿ-ಪರಿಶೀಲಿಸಿದ ಸಿಮ್ ಕಾರ್ಡ್‌ಗಳೊಂದಿಗೆ ಲಿಂಕ್ ಮಾಡುವಂತೆ ಸೂಚನೆ ನೀಡಿದ್ದು, ಈ ನಿಯಮಗಳನ್ನು ಅನುಷ್ಠಾನಗೊಳಿಸಲು 2026 ರ ಡಿಸೆಂಬರ್ 31 ಅನ್ನು ಅಂತಿಮ ಗಡುವನ್ನಾಗಿ ನಿಗದಿಪಡಿಸಲಾಗಿದೆ.

ಮೊಬೈಲ್ ಸಂಖ್ಯೆ ಮತ್ತು ಆ ಸಂಖ್ಯೆಯಲ್ಲೇ ಚಾಲನೆಯಾಗುವ ಮೆಸೇಜಿಂಗ್ ಖಾತೆಯ ನಡುವಿನ ಬಾಂಧವ್ಯವನ್ನು ಮತ್ತಷ್ಟು ಬಲಪಡಿಸುವುದು ಹಾಗೂ ನಕಲಿ ಖಾತೆಗಳ ಮೂಲಕ ನಡೆಯುವ ಆನ್‌ಲೈನ್ ವಂಚನೆಗಳನ್ನು ತಡೆಯುವುದು ಈ ನೀತಿಯ ಮುಖ್ಯ ಉದ್ದೇಶವಾಗಿದೆ. ಈ ನಿಯಮದಿಂದಾಗಿ, ಫೋನ್‌ನಲ್ಲಿ ನೋಂದಾಯಿತ ಸಿಮ್ ಕಾರ್ಡ್ ಇಲ್ಲದೆ ಕೇವಲ ವೈ-ಫೈ (Wi-Fi) ಸಂಪರ್ಕದ ಮೂಲಕ ವಾಟ್ಸಾಪ್ ಅಥವಾ ಟೆಲಿಗ್ರಾಂ ಬಳಸುವ ಬಳಕೆದಾರರು ಸೇವಾ ಅಡಚಣೆಗಳನ್ನು ಎದುರಿಸಬೇಕಾಗಬಹುದು.

ಯಾವೆಲ್ಲಾ ಫೋನ್‌ಗಳ ಮೇಲೆ ಪರಿಣಾಮ ಬೀರಲಿದೆ?

ನೋಂದಾಯಿತ ಸಿಮ್ ಕಾರ್ಡ್ ಅನ್ನು ಫೋನ್‌ನಲ್ಲಿ ಹಾಕದೆ ವಾಟ್ಸಾಪ್ ಅಥವಾ ಟೆಲಿಗ್ರಾಂ ಬಳಸುತ್ತಿರುವ ಆಂಡ್ರಾಯ್ಡ್ ಹಾಗೂ ಐಫೋನ್ (iOS) ಬಳಕೆದಾರರ ಮೇಲೆ ಈ 'ಸಿಮ್ ಬೈಂಡಿಂಗ್' ನೇರ ಪರಿಣಾಮ ಬೀರಲಿದೆ.

ವರದಿಗಳ ಪ್ರಕಾರ, ಆಪಲ್ (Apple) ಸಂಸ್ಥೆಯು ತನ್ನ ಐಫೋನ್‌ಗಳಲ್ಲಿ ಸಿಮ್ ಬೈಂಡಿಂಗ್‌ ಬೆಂಬಲಿಸಲು iOS ವ್ಯವಸ್ಥೆಯಲ್ಲಿ ಈಗಾಗಲೇ ಬದಲಾವಣೆಗಳನ್ನು ಮಾಡಿದ್ದು, ಫೋನ್‌ನಲ್ಲಿ ಸಿಮ್ ಕಾರ್ಡ್ ಇಲ್ಲದಿರುವುದನ್ನು ಪತ್ತೆಹಚ್ಚಲು ಸೆಪ್ಟೆಂಬರ್‌ನಲ್ಲೇ ಸಾಫ್ಟ್‌ವೇರ್ ಅಪ್‌ಡೇಟ್ ಬಿಡುಗಡೆ ಮಾಡಿದೆ. ಆದರೆ, ಪ್ರತಿಯೊಂದು ಮೆಸೇಜಿಂಗ್ ವೇದಿಕೆಗಳು (Platforms) ಈ ನಿಯಮವನ್ನು ಹೇಗೆ ಜಾರಿಗೆ ತರುತ್ತವೆ ಎಂಬುದರ ಮೇಲೆ ನಿರ್ದಿಷ್ಟ ನಿಯಂತ್ರಣಗಳು ಮತ್ತು ಪರಿಣಾಮ ಬೀರುವ ಸಾಧನಗಳ ಪಟ್ಟಿ ಆಧಾರಿತವಾಗಿರುತ್ತದೆ.

ಒಂದಕ್ಕಿಂತ ಹೆಚ್ಚು ಸಾಧನಗಳಲ್ಲಿ (Multiple Devices) ತಮ್ಮ ಖಾತೆಯನ್ನು ಬಳಸುವವರು, ವಿದೇಶ ಪ್ರವಾಸ ಮಾಡುವವರು ಹಾಗೂ ಹೆಚ್ಚಾಗಿ ವೈ-ಫೈ ಮೇಲೆಯೇ ಮೊಬೈಲ್ ಬಳಸುವವರು ಈ ಹೊಸ ನಿಯಮಗಳು ತಮ್ಮ ಖಾತೆಯ ಮೇಲೆ ಹೇಗೆ ಪರಿಣಾಮ ಬೀರುತ್ತವೆ ಎಂಬುದನ್ನು ಪರಿಶೀಲಿಸಿಕೊಳ್ಳಬೇಕಾಗಿದೆ.

ಸರ್ಕಾರದ 'ಸಿಮ್ ಬೈಂಡಿಂಗ್' ನಿಯಮಗಳಲ್ಲಿ ಆದ ಬದಲಾವಣೆಗಳೇನು?

ದೂರಸಂಪರ್ಕ ಇಲಾಖೆಯು (DoT) 2025 ರ ನವೆಂಬರ್ 28 ರಂದು ಈ ಕುರಿತು ಮೊದಲ ನಿರ್ದೇಶನ ನೀಡ ಹೊರಡಿಸಿತ್ತು. ಆರಂಭದಲ್ಲಿ, ಪ್ರತಿ 6 ಗಂಟೆಗಳಿಗೊಮ್ಮೆ ಬಳಕೆದಾರರ ವೆಬ್ ಸೆಷನ್‌ಗಳನ್ನು (ಉದಾಹರಣೆಗೆ WhatsApp Web) ಸ್ವಯಂಚಾಲಿತವಾಗಿ 'ಲಾಗ್‌ಔಟ್' (Log out) ಮಾಡುವ ಕಡ್ಡಾಯ ನಿಯಮವನ್ನು ರೂಪಿಸಲಾಗಿತ್ತು. ಆದರೆ, ತದನಂತರ ಸಾರ್ವಜನಿಕ ಮತ್ತು ತಾಂತ್ರಿಕ ಅಭಿಪ್ರಾಯಗಳನ್ನು ಪರಿಗಣಿಸಿ ಈ 6 ಗಂಟೆಯ ಕಡ್ಡಾಯ ಲಾಗ್‌ಔಟ್ ನಿಯಮವನ್ನು ಸರ್ಕಾರ ಹಿಂಪಡೆದಿದೆ.

ಇದರ ಬದಲಾಗಿ 'ಅಪಾಯ ಆಧಾರಿತ ಲಾಗ್‌ಔಟ್' (Risk-based logouts) ವ್ಯವಸ್ಥೆಯನ್ನು ಜಾರಿಗೆ ತರಲಾಗಿದ್ದು, ಶಂಕಿತ ವಂಚನೆ ಅಥವಾ ಅಕ್ರಮ ಚಟುವಟಿಕೆ ಕಂಡುಬಂದ ತಕ್ಷಣವೇ ಖಾತೆಯ ಸೇವೆಯನ್ನು ತಡೆಹಿಡಿಯಲಾಗುತ್ತದೆ. ಆದ್ದರಿಂದ, ವಾಟ್ಸಾಪ್ ವೆಬ್ ಬಳಕೆದಾರರು ಪ್ರತಿ 6 ಗಂಟೆಗೆ ಆಟೋಮ್ಯಾಟಿಕ್ ಲಾಗ್‌ಔಟ್ ಆಗುವ ಆತಂಕ ಪಡಬೇಕಿಲ್ಲ. ಆದರೆ, ಸಿಮ್ ಬೈಂಡಿಂಗ್ ನಿಯಮ ಮಾತ್ರ ಪ್ರತ್ಯೇಕವಾಗಿ ಜಾರಿಯಲ್ಲಿರಲಿದೆ.

ಎಲ್ಲಾ ಮೆಸೇಜಿಂಗ್ ಆ್ಯಪ್‌ಗಳಿಗೂ ಇದು ಅನ್ವಯವೇ?

ವರದಿಗಳ ಪ್ರಕಾರ, ವಾಟ್ಸಾಪ್ ಮತ್ತು ಟೆಲಿಗ್ರಾಂ ಸಂಸ್ಥೆಗಳು ಸರ್ಕಾರದ ಈ ಸಿಮ್ ಬೈಂಡಿಂಗ್ ವ್ಯಾಪ್ತಿಗೆ ಬರಲಿವೆ. ಆದರೆ, 'ಸ್ನ್ಯಾಪ್‌ಚಾಟ್' (Snapchat) ಆ್ಯಪ್‌ಗೆ ಈ ನಿಯಮದಿಂದ ವಿನಾಯಿತಿ ನೀಡಲಾಗಿದೆ ಎಂದು ತಿಳಿದುಬಂದಿದೆ. ಮತ್ತೊಂದೆಡೆ, ಪ್ರಸಿದ್ಧ ಮೆಸೇಜಿಂಗ್ ಆ್ಯಪ್ 'ಸಿಗ್ನಲ್' (Signal) ಸರ್ಕಾರದ ನೋಟಿಸ್‌ಗೆ ಇನ್ನು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.

ಮಾಧ್ಯಮಗಳಲ್ಲಿ ಜನವರಿ 1 ಅನ್ನು ಈ ವ್ಯವಸ್ಥೆಯ ಕಾರ್ಯಾಚರಣೆಯ ಆರಂಭಿಕ ದಿನಾಂಕವೆಂದು ಉಲ್ಲೇಖಿಸಲಾಗಿದ್ದರೂ, ಸರ್ಕಾರ ನೀಡಿರುವ ಅಧಿಕೃತ ಅನುಸರಣೆ ಗಡುವು 2026 ರ ಡಿಸೆಂಬರ್ 31 ಆಗಿದೆ. ಹಾಗಾಗಿ, ಜನವರಿ 1 ರಿಂದಲೇ ನಿರ್ದಿಷ್ಟ ಫೋನ್ ಮಾದರಿಗಳಲ್ಲಿ ವಾಟ್ಸಾಪ್ ಸಂಪೂರ್ಣವಾಗಿ ನಿಂತುಹೋಗುತ್ತದೆ ಎಂದು ಭಾವಿಸಬೇಕಿಲ್ಲ. ಮುಖ್ಯ ವಿಷಯವೆಂದರೆ, ನೀವು ಬಳಸುವ ಮೊಬೈಲ್ ಸಾಧನದಲ್ಲಿ ಆಯಾ ಖಾತೆಯ ನೋಂದಾಯಿತ ಸಿಮ್ ಕಾರ್ಡ್ ಲಭ್ಯವಿದೆಯೇ ಮತ್ತು ಆ್ಯಪ್‌ಗೆ ಅದನ್ನು ಸತ್ಯಾಪಿಸಲು (Verify) ಸಾಧ್ಯವಾಗುತ್ತಿದೆಯೇ ಎಂಬುದು ಮಾತ್ರ ನಿರ್ಣಾಯಕವಾಗಿದೆ.

‘ನನ್ನ ಕೈಗಳನ್ನು ಕಟ್ಟಿಹಾಕಿರದಿದ್ದರೆ..' 2011ರಲ್ಲಿ ಮೋದಿ ಆಡಿದ್ದ ಮಾತು ನೆನಪಿಸಿ ಕೇಂದ್ರದ ವಿರುದ್ಧ ಅಣ್ಣಾಮಲೈ ವಾಗ್ದಾಳಿ

Ganesh Mabla Gowda — Thu, 22 Oct 2026 22:31:47 +0530

ನವದೆಹಲಿ: ತಮಿಳುನಾಡು ಬಿಜೆಪಿಯ ಮಾಜಿ ಅಧ್ಯಕ್ಷ ಕೆ.ಅಣ್ಣಾಮಲೈ ಅವರು ಕೇಂದ್ರದಲ್ಲಿ ಅಸ್ತಿತ್ವದಲ್ಲಿರುವ ಮೋದಿ ಸರ್ಕಾರದ ವಿರುದ್ಧ ಹಿಗ್ಗಾಮುಗ್ಗಾ ವಾಗ್ದಾಳಿ ನಡೆಸಿದ್ದಾರೆ. ದೆಹಲಿಯಲ್ಲಿ ಪ್ರತಿಭಟನೆ ನಡೆಸಿದ್ದ ಕಾಕ್ರೋಚ್ ಜನತಾ ಪಕ್ಷದ ನಾಯಕರ ಮೇಲಿನ ಕ್ರಮವನ್ನು ಕಟುವಾಗಿ ಟೀಕಿಸಿರುವ ಅಣ್ಣಾಮಲೈ ಕೇಂದ್ರ ಸರ್ಕಾರದ ನಡೆ ಮೇಲೆ ತೀವ್ರ ಬೇಸರ ಹೊರ ಹಾಕಿದ್ದಾರೆ.

ಅಣ್ಣಾಮಲೈ ಹೇಳಿದ್ದೇನು?

ಕೇಂದ್ರದಲ್ಲಿ 12 ವರ್ಷಗಳಿಂದ ಆಡಳಿತ ನಡೆಸ್ತಿರುವ ಬಿಜೆಪಿ, ತಾನು ಅಧಿಕಾರದಲ್ಲಿದೆ ಎಂಬುದನ್ನೇ ಮರೆತಂತಿದೆ. ತನ್ನ ಪ್ರಸ್ತುತತೆಯನ್ನು ಉಳಿಸಿಕೊಳ್ಳಲು ಅದು ಸದಾ ಹೊಸದೊಂದು ಶತ್ರುವನ್ನು ಸೃಷ್ಟಿಸುತ್ತಲೇ ಇರಬೇಕೆಂದು ಭಾವಿಸುತ್ತದೆ.

2011ರಲ್ಲಿ ದೆಹಲಿಯ ರಾಮಲೀಲಾ ಮೈದಾನದಲ್ಲಿ ನಡೆದ ಭ್ರಷ್ಟಾಚಾರ ವಿರೋಧಿ ಚಳವಳಿಯ ಮೇಲೆ ಅಂದಿನ ಸರ್ಕಾರ ಪೊಲೀಸ್ ದೌರ್ಜನ್ಯ ಎಸಗಿದಾಗ..ಅಂದಿನ ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿಯವರು ‘ನನ್ನ ಕೈಗಳನ್ನು ಕಟ್ಟಿಹಾಕಿರದಿದ್ದರೆ, ನಾನೇ ದೆಹಲಿಗೆ ತೆರಳಿ ಕೇಂದ್ರ ಸರ್ಕಾರದ ವಿರುದ್ಧ ಯುದ್ಧ ಸಾರುತ್ತಿದ್ದೆ’ ಎಂದಿದ್ದರು. ಅಂದು ಮೋದಿ ಹೇಳಿದ್ದು ನೂರಕ್ಕೆ ನೂರು ಸರಿಯಾಗಿತ್ತು.

ಆದರೆ ಇಂದಿನ ಪರಿಸ್ಥಿತಿ ಏನಾಗಿದೆ ನೋಡಿ.. ಇಂದು ನೀವು ಅನಿರ್ದಿಷ್ಟಾವಧಿಯವರೆಗೆ ಜೈಲು ಪಾಲಾಗಬಹುದು. ನಿಮ್ಮ ಜಾಮೀನು ಬಾಂಡ್‌ಗಳು ತಿರಸ್ಕೃತಗೊಳ್ಳಬಹುದು. ಕಾರ್ಯನಿರ್ವಾಹಕ ಮ್ಯಾಜಿಸ್ಟ್ರೇಟ್‌ಗಳು ನಿಮ್ಮನ್ನು ಇನ್ನಿಲ್ಲದಂತೆ ಅಲೆದಾಡಿಸಿ ಆಟವಾಡಿಸುತ್ತಾರೆ..

ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಕಾನೂನುಬದ್ಧ ಪ್ರಕ್ರಿಯೆಗಳ ಉಲ್ಲಂಘನೆಯನ್ನು ನೀವು ಪ್ರಶ್ನೆ ಮಾಡುವಂತಿಲ್ಲ. ಒಂದು ವೇಳೆ ಅದನ್ನು ಪ್ರಶ್ನೆ ಮಾಡಿದರೆ ಅವಹೇಳನಕಾರಿ ದಾಳಿಗಳು ಶುರುವಾಗುತ್ತವೆ.. ನಾನಾ ರೀತಿಯ ಹೆಸರುಗಳಿಂದ ಟೀಕೆ ಮಾಡಿದವರನ್ನು ಕರೆಯಲಾಗುತ್ತದೆ. ಕೊನೆಗೆ ವಿದೇಶಿ ಏಜೆಂಟ್ ಎಂಬ ಹಣೆಪಟ್ಟಿಯನ್ನು ಕಟ್ಟುತ್ತಾರೆ..

ನನಗಂತೂ ಅರ್ಥವಾಗುತ್ತಿಲ್ಲ. ಇಲ್ಲಿ ಬಿಜೆಪಿ ಸಿಜೆಪಿಯನ್ನ ವಿರೋಧಿಸುತ್ತಿದೆಯೋ ಅಥವಾ ಬಿಟ್ಟಿ ಪ್ರಚಾರ ಕೊಡುತ್ತಿದೆಯೋ? ಸಿಜೆಪಿಯನ್ನು ದೊಡ್ಡ ಶಕ್ತಿಯನ್ನಾಗಿ ಬಿಂಬಿಸಿ ವಿರೋಧ ಪಕ್ಷಗಳ ಮತಗಳನ್ನು ಒಡೆಯುವುದು ಇದರ ಉದ್ದೇಶವೇ? ಒಂದು ವೇಳೆ ಸಿಜೆಪಿಯವರೇ ಹಣ ಕೊಟ್ಟು ಪಿಆರ್ ತಂಡವನ್ನು ಇಟ್ಟುಕೊಂಡಿದ್ದರೂ ಅವರಿಗೆ ಇಷ್ಟೊಂದು ಪ್ರಚಾರ ಸಿಗುತ್ತಿರಲಿಲ್ಲವೇನೋ..

ದೇಶದ್ರೋಹಿ ಎಂಬ ಹಣೆಪಟ್ಟಿ ಕಟ್ಟುವುದನ್ನ ಇಲ್ಲಿಗೆ ನಿಲ್ಲಿಸಿ. FCRA ಇರುವುದು ಕೇಂದ್ರ ಗೃಹ ಸಚಿವಾಲಯದ ಅಡಿಯಲ್ಲೇ ಅಲ್ಲವೇ? ಯಾರಾದರೂ ಭಾರತೀಯರು ವಿದೇಶಿ ಶಕ್ತಿಗಳೊಂದಿಗೆ ಶಾಮೀಲಾಗಿದ್ದಾರೆಯೇ ಎಂದು ತನಿಖೆ ನಡೆಸಲು ಸರ್ಕಾರದ ಬಳಿ ತನಿಖಾ ಸಂಸ್ಥೆಗಳು ಮತ್ತು ರಾಜತಾಂತ್ರಿಕ ಸಂಪನ್ಮೂಲಗಳಿವೆ. ಸರ್ಕಾರದ ವಿರುದ್ಧ ಯಾವುದೇ ಪ್ರತಿಭಟನೆ ನಡೆದರೂ ಅದಕ್ಕೆ ವಿದೇಶಿ ಶಕ್ತಿಗಳ ಕೈವಾಡವಿದೆ ಎಂಬ ಹಳೆಯ ರಾಗ ಹಾಡುವುದನ್ನ ಇಲ್ಲಿಗೆ ನಿಲ್ಲಿಸಬೇಕು.

12 ವರ್ಷಗಳಿಗೂ ಹೆಚ್ಚು ಕಾಲ ಅಧಿಕಾರದಲ್ಲಿರುವ ಸರ್ಕಾರವು ತನ್ನ ಮೇಲಿನ ಟೀಕೆಗಳಿಗೆ ವಸ್ತುನಿಷ್ಠವಾಗಿ ಉತ್ತರಿಸಬೇಕೇ ಹೊರತು.. ತನ್ನ ಅಸ್ತಿತ್ವ ಉಳಿಸಿಕೊಳ್ಳಲು ಸದಾ ವಿರೋಧಿಗಳನ್ನು ಶತ್ರುಗಳಂತೆ ಬಿಂಬಿಸುತ್ತಾ.. ಕೃತಕ ಶತ್ರುಗಳನ್ನು ಸೃಷ್ಟಿಸುತ್ತಾ ಕೂರಬಾರದು.

ಕೆ.ಅಣ್ಣಾಮಲೈ, ತಮಿಳುನಾಡು ಬಿಜೆಪಿ ಮಾಜಿ ಅಧ್ಯಕ್ಷ

600 ವರ್ಷಗಳ ಹಿಂದೆ ಕಣ್ಮರೆಯಾಗಿದ್ದ ದೈತ್ಯ ಮೋವಾ ಹಕ್ಕಿಯ ಮೊಟ್ಟೆ ಪತ್ತೆ! ಮರಿ ಮಾಡಿಸಲು ವಿಜ್ಞಾನಿಗಳ ಯತ್ನ!

Sathish Kumar KH — Thu, 22 Oct 2026 22:28:56 +0530

ಭೂಮಿಯ ಇತಿಹಾಸದಲ್ಲಿ ಜೀವಿಸಿ, ಶತಮಾನಗಳ ಹಿಂದೆಯೇ ಸಂಪೂರ್ಣವಾಗಿ ನಾಮಾವಶೇಷವಾಗಿದ್ದ ದೈತ್ಯ ಹಕ್ಕಿಯೊಂದರ ಅಪರೂಪದ ಮೊಟ್ಟೆ ಬರೋಬ್ಬರಿ 60 ವರ್ಷಗಳ ನಂತರ ತನ್ನ ತಾಯ್ನಾಡಿಗೆ ವಾಪಸಾಗುತ್ತಿದೆ!

ಸುಮಾರು 600 ವರ್ಷಗಳ ಹಿಂದೆ ಮನುಷ್ಯರ ಬೇಟೆಗೆ ತುತ್ತಾಗಿ ಭೂಮಿಯಿಂದ ಕಣ್ಮರೆಯಾಗಿದ್ದ, ಹಾರಲು ಅಸಾಧ್ಯವಾಗಿದ್ದ ಬೃಹತ್ ‘ಮೋವಾ’ (Moa Bird) ಪಕ್ಷಿಯ ಅಪರೂಪದ ಮೊಟ್ಟೆಯೊಂದು ಇದೀಗ ಅಮೆರಿಕದಿಂದ ನ್ಯೂಜಿಲೆಂಡ್‌ಗೆ ಮರಳಲು ಕ್ಷಣಗಣನೆ ಆರಂಭವಾಗಿದೆ. ಇಷ್ಟು ದಿನ ಅಮೆರಿಕದ ಖಾಸಗಿ ಸಂಗ್ರಹಕಾರರ ಬಳಿಯಿದ್ದ ಈ ಐತಿಹಾಸಿಕ ಮೊಟ್ಟೆಯನ್ನು ಪ್ರಸಿದ್ಧ ಜೈವಿಕ ತಂತ್ರಜ್ಞಾನ ಸಂಸ್ಥೆ ‘ಕೊಲೊಸಲ್ ಬಯೋಸೈನ್ಸಸ್’ (Colossal Biosciences) ಹರಾಜಿನಲ್ಲಿ ಖರೀದಿಸಿದ್ದು, ಡಿಸೆಂಬರ್ ವೇಳೆಗೆ ನ್ಯೂಜಿಲೆಂಡ್‌ಗೆ ತಲುಪಿಸಲು ಸಕಲ ಸಿದ್ಧತೆ ಮಾಡಿಕೊಂಡಿದೆ.

ಜಗತ್ತಿನಲ್ಲೇ ಇರುವುದು ಕೇವಲ 40ಕ್ಕಿಂತ ಕಡಿಮೆ ಮೊಟ್ಟೆಗಳು!

ದಾಖಲೆಗಳ ಪ್ರಕಾರ, 1966ರ ಜನವರಿ 14ರಂದು ನ್ಯೂಜಿಲೆಂಡ್‌ನಲ್ಲಿ ಈ ಮೊಟ್ಟೆ ಮೊದಲು ಪತ್ತೆಯಾಗಿತ್ತು. ನಂತರದ ದಿನಗಳಲ್ಲಿ ಇದು ಅಮೆರಿಕದ ಖಾಸಗಿ ಸಂಗ್ರಹಕಾರರ ಕೈಸೇರಿತ್ತು. ಇತ್ತೀಚೆಗೆ ಕೊಲೊರಾಡೋದ 'ಆರ್ಟೆಮಿಸ್ ಗ್ಯಾಲರಿ'ಯಲ್ಲಿ ನಡೆದ ಹರಾಜಿನಲ್ಲಿ ಕೊಲೊಸಲ್ ಕಂಪನಿಯು ಬರೋಬ್ಬರಿ 10,500 ಯುಎಸ್ ಡಾಲರ್ (ಸುಮಾರು ₹9.95 ಲಕ್ಷ ರೂ.) ಪಾವತಿಸಿ ಈ ಮೊಟ್ಟೆಯನ್ನು ಖರೀದಿಸಿದೆ.

ಸುಮಾರು 22 ಸೆಂಟಿಮೀಟರ್ ಉದ್ದ ಹಾಗೂ 17 ಸೆಂಟಿಮೀಟರ್ ಅಗಲವಿರುವ ಈ ದೈತ್ಯ ಮೊಟ್ಟೆಯು ತುಂಡಾಗಿದ್ದು, ಹಲವು ಚೂರುಗಳನ್ನು ಅತ್ಯಂತ ನಾಜೂಕಾಗಿ ಜೋಡಿಸಿ ಮರುರೂಪ ನೀಡಲಾಗಿದೆ. ಪ್ರಸ್ತುತ ಇಡೀ ಜಗತ್ತಿನಲ್ಲಿ ಪೂರ್ಣರೂಪದಲ್ಲಿ ಲಭ್ಯವಿರುವ ಮೋವಾ ಮೊಟ್ಟೆಗಳ ಸಂಖ್ಯೆ 40ಕ್ಕಿಂತಲೂ ಕಡಿಮೆಯಿದೆ ಎಂಬುದು ಇದರ ಮಹತ್ವವನ್ನು ಸಾರುತ್ತದೆ.

3.6 ಮೀಟರ್ (12 ಅಡಿ) ಎತ್ತರ ಬೆಳೆಯುತ್ತಿದ್ದ ದೈತ್ಯ ಹಕ್ಕಿ!

ನ್ಯೂಜಿಲೆಂಡ್‌ಗೆ ಮಾತ್ರ ಸೀಮಿತವಾಗಿದ್ದ ಈ ಮೋವಾ ಪಕ್ಷಿಗಳು ಬರೋಬ್ಬರಿ 3.6 ಮೀಟರ್ (ಸುಮಾರು 12 ಅಡಿ) ಎತ್ತರಕ್ಕೆ ಬೆಳೆಯುವ ಸಾಮರ್ಥ್ಯ ಹೊಂದಿದ್ದವು. 1987ರಲ್ಲಿ ನ್ಯೂಜಿಲೆಂಡ್‌ನ ಗುಹೆಯೊಂದರಲ್ಲಿ 3,300 ವರ್ಷಗಳಷ್ಟು ಹಳೆಯದಾದ 'ಅಪ್‌ಲ್ಯಾಂಡ್ ಮೋವಾ' ಪಕ್ಷಿಯ ಪಾದವೊಂದು ಸಂಪೂರ್ಣ ನೈಸರ್ಗಿಕವಾಗಿ ಸಂರಕ್ಷಿಸಲ್ಪಟ್ಟ (Mummified) ಸ್ಥಿತಿಯಲ್ಲಿ ದೊರೆತಿತ್ತು. ಅಲ್ಲಿನ ಒಣ ಹವೆಯಿಂದಾಗಿ ಆ ಕಾಲಿನ ಚರ್ಮ, ಉಗುರು ಹಾಗೂ ಗರಿಗಳು ಇಂದಿಗೂ ಹಾಗೆಯೇ ಉಳಿದುಕೊಂಡಿರುವುದು ವೈಜ್ಞಾನಿಕ ವಿಸ್ಮಯವಾಗಿದೆ.

ಅಳಿದುಹೋದ ಹಕ್ಕಿಗೆ ಮರುಜನ್ಮ ನೀಡಲಿದ್ದಾರಾ ವಿಜ್ಞಾನಿಗಳು?

ನ್ಯೂಜಿಲೆಂಡ್‌ಗೆ ತರಲಾಗುತ್ತಿರುವ ಈ ಮೊಟ್ಟೆಯನ್ನು ಮಾವೋರಿ ಬುಡಕಟ್ಟು ನಾಯಕ ಮತ್ತು ಇತಿಹಾಸಕಾರ ಪ್ರೊಫೆಸರ್ ಟೆ ಮೈರೆ ಟಾವು (Te Maire Tau) ನೇತೃತ್ವದ ಸ್ಥಳೀಯ 'ನ್ಗೈ ತಾಹು' ಸಂಶೋಧಕರಿಗೆ ಹಸ್ತಾಂತರಿಸಲಾಗುತ್ತದೆ.

ಈ ಮೊಟ್ಟೆಯ ಚಿಪ್ಪಿನಿಂದ ಪ್ರಾಚೀನ ಡಿಎನ್‌ಎ (Ancient DNA) ಹೊರತೆಗೆದು, ಮೋವಾ ಪಕ್ಷಿಯ ನಿಖರ ಪ್ರಭೇದ ಮತ್ತು ಭೌಗೋಳಿಕ ರಹಸ್ಯಗಳನ್ನು ಭೇದಿಸಲು ವಿಜ್ಞಾನಿಗಳು ಯೋಜಿಸಿದ್ದಾರೆ. ಅಷ್ಟೇ ಅಲ್ಲದೆ, ಅಳಿದುಹೋದ ಪ್ರಾಣಿ-ಪಕ್ಷಿಗಳನ್ನು ಕ್ಲೋನಿಂಗ್ ಮತ್ತು ಜೆನೆಟಿಕ್ ಎಂಜಿನಿಯರಿಂಗ್ ಮೂಲಕ ಮರಳಿ ಭೂಮಿಗೆ ತರುವ (De-extinction Project) ಮಹತ್ವಾಕಾಂಕ್ಷೆಯ ಯೋಜನೆಯಲ್ಲೂ ಕೆಲಸ ಮಾಡುತ್ತಿರುವ ಕೊಲೊಸಲ್ ಬಯೋಸೈನ್ಸಸ್ ಸಂಸ್ಥೆಗೆ ಈ ಮೊಟ್ಟೆ ಸಂಶೋಧನೆಗೆ ಭಾರಿ ನೆರವಾಗಲಿದೆ ಎನ್ನಲಾಗಿದೆ.

A 3,300-year-old mummified foot of an upland moa bird discovered in a New Zealand cave in 1987, showing intact skin, claws, and feathers running all the way down to its ankles, preserved by dry cave breezes. https://t.co/bnLRVGZDKh

— Massimo (@Rainmaker1973) October 17, 2026

ಬಿಸಿ ಮಾಡಿದಷ್ಟೂ ರುಚಿ ಹೆಚ್ಚಾಗುತ್ತೆ! ಮರುದಿನ ತಿಂದರೆ ಡಬಲ್ ಟೇಸ್ಟ್ ಕೊಡುವ 5 ಆಹಾರಗಳು

Pavna Das — Thu, 22 Oct 2026 22:27:01 +0530

ಮರುದಿನ ತಿಂದರೆ ರುಚಿ ಹೆಚ್ಚಾಗುವ 5 ಆಹಾರಗಳು

ಸಾಮಾನ್ಯವಾಗಿ ಮನೆಯಲ್ಲಿ ರಾತ್ರಿ ಉಳಿದ ಆಹಾರವನ್ನು ನೋಡಿದಾಗ ಹಲವರು ಅದನ್ನು ಮತ್ತೆ ತಿನ್ನಲು ಹಿಂದೇಟು ಹಾಕುತ್ತಾರೆ. ಕೆಲವೊಮ್ಮೆ ಉಳಿದ ಆಹಾರವನ್ನು ಬೀದಿನಾಯಿಗಳಿಗೆ ಹಾಕುತ್ತಾರೆ ಅಥವಾ ನೇರವಾಗಿ ಕಸದ ಬುಟ್ಟಿಗೆ ಎಸೆಯುತ್ತಾರೆ. ಆದರೆ, ಕೆಲವು ಖಾದ್ಯಗಳು ಮರುದಿನ ತಿಂದಾಗ ಇನ್ನಷ್ಟು ರುಚಿಯಾಗಿರುತ್ತವೆ ಎಂಬುದು ನಿಮಗೆ ಗೊತ್ತೇ? ಹೌದು, ಕೆಲವು ಆಹಾರಗಳು ತಯಾರಿಸಿದ ದಿನಕ್ಕಿಂತ ಮರುದಿನ ತಿಂದಾಗ ಹೆಚ್ಚು ರುಚಿ ನೀಡುತ್ತವೆ. ಇದಕ್ಕೆ ಕಾರಣ, ಸಮಯ ಕಳೆದಂತೆ ಅವುಗಳಲ್ಲಿರುವ ಮಸಾಲೆಗಳು ಮತ್ತು ಇತರ ಪದಾರ್ಥಗಳು ಪರಸ್ಪರ ಚೆನ್ನಾಗಿ ಬೆರೆತು, ರುಚಿ ಇನ್ನಷ್ಟು ಗಾಢವಾಗುವುದು. ಇದರಿಂದ ಖಾದ್ಯದ ಸ್ವಾದ ಮೊದಲಿಗಿಂತ ಹೆಚ್ಚಾಗುತ್ತದೆ. ಮರುದಿನ ಚೆನ್ನಾಗಿ ಬಿಸಿ ಮಾಡಿ ತಿಂದಾಗ ಇನ್ನಷ್ಟು ರುಚಿ ನೀಡುವ 5 ಜನಪ್ರಿಯ ಭಾರತೀಯ ಖಾದ್ಯಗಳು ಯಾವುವು ಎಂಬುದನ್ನು ತಿಳಿಯೋಣ.

ಚೋಲೆ

ಈ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿರುವುದು ಚೋಲೆ. ಈ ಖಾದ್ಯದ ರುಚಿ ಮರುದಿನ ಇನ್ನಷ್ಟು ಹೆಚ್ಚಾಗುತ್ತದೆ. ರಾತ್ರಿ ಪೂರ್ತಿ ಕಡಲೆ ಮತ್ತು ಮಸಾಲೆಗಳು ಚೆನ್ನಾಗಿ ಬೆರೆಯುವುದರಿಂದ ಗ್ರೇವಿ ಗಟ್ಟಿಯಾಗಿ, ಹೆಚ್ಚು ರುಚಿಕರವಾಗುತ್ತದೆ. ಇದೇ ಕಾರಣಕ್ಕೆ ಅನೇಕರು ಚೋಲೆಯನ್ನು ತಯಾರಿಸಿದ ದಿನಕ್ಕಿಂತ ಮರುದಿನ ತಿನ್ನಲು ಹೆಚ್ಚು ಇಷ್ಟಪಡುತ್ತಾರೆ.

ರಾಜ್ಮಾ

ರಾಜ್ಮಾ ಕೂಡ ಸಮಯ ಕಳೆದಂತೆ ಇನ್ನಷ್ಟು ರುಚಿ ಹೆಚ್ಚಿಸಿಕೊಳ್ಳುವ ಖಾದ್ಯವಾಗಿದೆ. ಇದನ್ನು ಕೆಲವು ಗಂಟೆಗಳ ಕಾಲ ಅಥವಾ ರಾತ್ರಿ ಪೂರ್ತಿ ಇಟ್ಟಾಗ ಮಸಾಲೆಗಳ ಸ್ವಾದ ರಾಜ್ಮಾ ಕಾಳುಗಳಲ್ಲಿ ಚೆನ್ನಾಗಿ ಬೆರೆಯುತ್ತದೆ. ಮರುದಿನ ಬಿಸಿ ಮಾಡಿ ತಿಂದಾಗ ಇದರ ರುಚಿ ಇನ್ನಷ್ಟು ಅದ್ಭುತವಾಗಿರುತ್ತದೆ.

ಸಾಂಬಾರ್ ಇನ್ನಷ್ಟು ರುಚಿಯಾಗುತ್ತದೆ

ಸಾಂಬಾರ್ ಕೂಡ ಮರುದಿನ ತಿಂದಾಗ ಹೆಚ್ಚು ರುಚಿಯಾಗಿರುತ್ತದೆ. ಬೇಳೆ, ತರಕಾರಿಗಳು ಮತ್ತು ಮಸಾಲೆಗಳ ಮಿಶ್ರಣವು ಸಮಯ ಕಳೆದಂತೆ ಚೆನ್ನಾಗಿ ಹೊಂದಿಕೊಳ್ಳುತ್ತದೆ. ಹೀಗಾಗಿ, ಕೆಲವೊಮ್ಮೆ ಮರುದಿನದ ಸಾಂಬಾರ್‌ನ ರುಚಿ ಹೊಸದಾಗಿ ತಯಾರಿಸಿದ ಸಾಂಬಾರ್‌ಗಿಂತಲೂ ಉತ್ತಮವಾಗಿರುತ್ತದೆ.

ಮೀನು ಸಾರು

ಮೀನು ಸಾರು ಮಾಡಿ ಆ ದಿನ ತಿನ್ನೋದಕ್ಕಿಂದ, ಮರುದಿನ ತಿಂದರೆ ಅದಕ್ಕೆ ರುಚಿ ಹೆಚ್ಚಾಗಿರುತ್ತದೆ. ಅದು ಯಾವುದೇ ಮೀನಿನ ಸಾರು, ರಸ ಇರಬಹುದು, ಮಣ್ಣಿನ ಮಡಕೆಯಲ್ಲಿ ಮಾಡಿ, ಅದನ್ನ ಮರುದಿನ ತಿಂದರೇನೆ ರುಚಿ ಹೆಚ್ಚು.

ಬಿರಿಯಾನಿ

ಈ ಪಟ್ಟಿಯ ಕೊನೆಯ ಖಾದ್ಯ ಬಿರಿಯಾನಿ. ಬಿರಿಯಾನಿಯನ್ನು ಸ್ವಲ್ಪ ಸಮಯ ಇಟ್ಟಾಗ ಅದರಲ್ಲಿರುವ ಮಸಾಲೆಗಳು ಮತ್ತು ಪರಿಮಳ ಅನ್ನದ ಕಾಳುಗಳಲ್ಲಿ ಚೆನ್ನಾಗಿ ಬೆರೆಯುತ್ತವೆ. ಹೀಗಾಗಿ, ಮರುದಿನ ಬಿಸಿ ಮಾಡಿ ತಿಂದ ಬಿರಿಯಾನಿ ಹೆಚ್ಚು ಸ್ವಾದಭರಿತವಾಗಿ ಮತ್ತು ರುಚಿಕರವಾಗಿ ಅನಿಸಬಹುದು.

Upcoming 7 Seater Hybrid Cars: ಭಾರತದ ರಸ್ತೆಗಿಳಿಯಲಿವೆ ಈ ಹೊಸ 7 ಸೀಟರ್ ಹೈಬ್ರಿಡ್ ಕಾರುಗಳು!

Naveen Kodase — Thu, 22 Oct 2026 22:05:04 +0530

ರೆನಾಲ್ಟ್, ಕಿಯಾ ಮತ್ತು ಹ್ಯುಂಡೈ ಕಂಪನಿಗಳು ಶೀಘ್ರದಲ್ಲೇ ತಮ್ಮ ಹೊಸ 7 ಸೀಟರ್ ಹೈಬ್ರಿಡ್ ಕಾರುಗಳನ್ನು ಭಾರತದ ಮಾರುಕಟ್ಟೆಗೆ ತರುತ್ತಿವೆ. ದೊಡ್ಡ ಫ್ಯಾಮಿಲಿಗಳಿಗೆ ಆರಾಮದಾಯಕ ಪ್ರಯಾಣದ ಜೊತೆಗೆ, ಭರ್ಜರಿ ಮೈಲೇಜ್ ಕೊಡುವ ಈ ಕಾರುಗಳು ಎಸ್‌ಯುವಿ ಮಾರುಕಟ್ಟೆಯಲ್ಲಿ ದೊಡ್ಡ ಪೈಪೋಟಿ ನೀಡಲಿವೆ. ಸದ್ಯಕ್ಕೆ ಗ್ರಾಹಕರು ಟೊಯೋಟಾ ಇನ್ನೋವಾ ಹೈಕ್ರಾಸ್‌ನಂತಹ ಕೆಲವೇ 7 ಸೀಟರ್ ಹೈಬ್ರಿಡ್ ಕಾರುಗಳನ್ನು ಮಾತ್ರ ನೋಡುತ್ತಿದ್ದಾರೆ. ಆದರೆ ಈ ಹೊಸ ಮಾಡೆಲ್‌ಗಳು ಬಂದರೆ ಗ್ರಾಹಕರಿಗೆ ಸಾಕಷ್ಟು ಆಯ್ಕೆಗಳು ಸಿಗಲಿವೆ.

ಕಿಯಾ ಕಾರ್ನಿವಲ್ ಹೈಬ್ರಿಡ್

ಕಿಯಾ ಕಂಪನಿಯು ಭಾರತದಲ್ಲಿ ಕಾರ್ನಿವಲ್ ಹೈಬ್ರಿಡ್ ಕಾರನ್ನು ಬಿಡುಗಡೆ ಮಾಡುವುದಾಗಿ ಖಚಿತಪಡಿಸಿದೆ. ಕಂಪನಿಯು ಬಿಡುಗಡೆಯ ನಿಖರ ದಿನಾಂಕವನ್ನು ಇನ್ನೂ ಹೇಳಿಲ್ಲ, ಆದರೆ ಮುಂದಿನ ವರ್ಷದ ಆರಂಭದಲ್ಲಿ ಈ ಕಾರು ಮಾರುಕಟ್ಟೆಗೆ ಬರುವ ನಿರೀಕ್ಷೆಯಿದೆ. ಇದರಲ್ಲಿ 1.6 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಜೊತೆಗೆ ಎಲೆಕ್ಟ್ರಿಕ್ ಮೋಟಾರ್ ಇರಲಿದೆ. ಪೆಟ್ರೋಲ್ ಎಂಜಿನ್ 180 bhp ಪವರ್ ಮತ್ತು 265 Nm ಟಾರ್ಕ್ ಉತ್ಪಾದಿಸಿದರೆ, ಎಲೆಕ್ಟ್ರಿಕ್ ಮೋಟಾರ್ 73.4 bhp ಪವರ್ ಮತ್ತು 304 Nm ಟಾರ್ಕ್ ನೀಡಲಿದೆ. ಈ ಕಾರಿನಲ್ಲಿ 6-ಸ್ಪೀಡ್ ಟಾರ್ಕ್ ಕನ್ವರ್ಟರ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಇರಲಿದೆ. ವಿಶಾಲವಾದ ಇಂಟೀರಿಯರ್ ಮತ್ತು ಪ್ರೀಮಿಯಂ ಫೀಚರ್ಸ್ ಹೊಂದಿರುವ ಈ ಕಾರು, ಫ್ಯಾಮಿಲಿ ಟ್ರಿಪ್ ಮತ್ತು ಲಾಂಗ್ ಡ್ರೈವ್‌ಗಳಿಗೆ ಹೇಳಿ ಮಾಡಿಸಿದಂತಿದೆ.

ಹ್ಯುಂಡೈ Ni1i

ಹ್ಯುಂಡೈ ಮೋಟಾರ್ ಇಂಡಿಯಾ ಕೂಡ ಹೊಸ ಪ್ರೀಮಿಯಂ 7 ಸೀಟರ್ ಎಸ್‌ಯುವಿ ತಯಾರಿಯಲ್ಲಿ ಬ್ಯುಸಿಯಾಗಿದೆ. ಅಲ್ಕಾಜರ್ ಮತ್ತು ಟ್ಯೂಸಾನ್ ಕಾರುಗಳ ನಡುವೆ ಈ ಹೊಸ ಮಾಡೆಲ್ ಸ್ಥಾನ ಪಡೆಯಲಿದೆ. ಸದ್ಯಕ್ಕೆ 'Ni1i' ಎಂಬ ಕೋಡ್ ನೇಮ್ ಹೊಂದಿರುವ ಈ ಕಾರು, ಮಹೀಂದ್ರ XUV700 ಮತ್ತು ಟಾಟಾ ಸಫಾರಿಗೆ ನೇರ ಪೈಪೋಟಿ ನೀಡಲಿದೆ. ಚೀನಾದಲ್ಲಿ ಮಾರಾಟವಾಗುತ್ತಿರುವ ಹ್ಯುಂಡೈ ಟ್ಯೂಸಾನ್ LWB ಆಧಾರದ ಮೇಲೆ ಕಂಪನಿಯು ಈ ಕಾರನ್ನು ನಿರ್ಮಿಸುವ ಸಾಧ್ಯತೆಯಿದೆ. ಎಂಜಿನ್ ಬಗ್ಗೆ ಕಂಪನಿ ಇನ್ನೂ ಅಧಿಕೃತ ಮಾಹಿತಿ ಬಿಟ್ಟುಕೊಟ್ಟಿಲ್ಲ. ಆದರೆ ಇದರಲ್ಲಿ 1.6 ಲೀಟರ್ ಪೆಟ್ರೋಲ್ ಹೈಬ್ರಿಡ್ ಸಿಸ್ಟಮ್ ಅಥವಾ 1.5 ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಇರಬಹುದು ಎಂದು ಅಂದಾಜಿಸಲಾಗಿದೆ.

ರೆನಾಲ್ಟ್ ಡಸ್ಟರ್ 7 ಸೀಟರ್

ರೆನಾಲ್ಟ್ ಕಂಪನಿಯು 2027ರಲ್ಲಿ ತನ್ನ ಹೊಸ 7 ಸೀಟರ್ ಎಸ್‌ಯುವಿಯನ್ನು ಮಾರುಕಟ್ಟೆಗೆ ತರುವ ನಿರೀಕ್ಷೆಯಿದೆ. ಕಂಪನಿಯು ಭಾರತದಲ್ಲಿ ಈ ಕಾರಿಗೆ 'ರೆನಾಲ್ಟ್ ಬೋರಿಯಲ್' (Renault Boreal) ಎಂದು ಹೆಸರಿಡುವ ಸಾಧ್ಯತೆಯಿದೆ. ಡೇಸಿಯಾ ಬಿಗ್‌ಸ್ಟರ್ (Dacia Bigster) ಡಿಸೈನ್‌ನಿಂದ ಸ್ಫೂರ್ತಿ ಪಡೆದಿರುವ ಈ ಕಾರು, ಈಗಿರುವ 5 ಸೀಟರ್ ಡಸ್ಟರ್‌ಗಿಂತ ಉದ್ದ ಮತ್ತು ಹೆಚ್ಚು ವಿಶಾಲವಾಗಿರಲಿದೆ. ಆರ್‌ಜಿಎಂಪಿ (RGMP) ಪ್ಲಾಟ್‌ಫಾರ್ಮ್ ಮೇಲೆ ಕಂಪನಿಯು ಈ ಕಾರನ್ನು ನಿರ್ಮಿಸುತ್ತಿದೆ. ಇದರಲ್ಲಿ 1.3 ಲೀಟರ್ ಟರ್ಬೊ ಪೆಟ್ರೋಲ್ ಎಂಜಿನ್ ಮತ್ತು 1.8 ಲೀಟರ್ ಸ್ಟ್ರಾಂಗ್ ಹೈಬ್ರಿಡ್ ಪವರ್‌ಟ್ರೇನ್ ಇರಲಿದೆ. 7 ಸೀಟರ್ ವಿಭಾಗದಲ್ಲಿ ರೆನಾಲ್ಟ್ ತನ್ನ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲು ಈ ಕಾರು ದೊಡ್ಡ ಮಟ್ಟದಲ್ಲಿ ಸಹಾಯ ಮಾಡಲಿದೆ.

ಹೈಬ್ರಿಡ್ ಕಾರುಗಳಿಗೆ ಹೆಚ್ಚುತ್ತಿರುವ ಡಿಮ್ಯಾಂಡ್

ಪೆಟ್ರೋಲ್ ಬೆಲೆ ಏರಿಕೆ ಮತ್ತು ಮೈಲೇಜ್ ಟೆನ್ಷನ್‌ನಿಂದಾಗಿ ಜನ ಈಗ ಹೈಬ್ರಿಡ್ ಕಾರುಗಳತ್ತ ಮುಖ ಮಾಡುತ್ತಿದ್ದಾರೆ. ಪೆಟ್ರೋಲ್ ಎಂಜಿನ್ ಮತ್ತು ಎಲೆಕ್ಟ್ರಿಕ್ ಮೋಟಾರ್ ಒಟ್ಟಿಗೆ ಕೆಲಸ ಮಾಡುವುದರಿಂದ ಇಂಧನ ಉಳಿತಾಯವಾಗುತ್ತದೆ. ಹೊಸ 7 ಸೀಟರ್ ಮಾಡೆಲ್‌ಗಳು ಮಾರುಕಟ್ಟೆಗೆ ಬಂದರೆ, ದೊಡ್ಡ ಕುಟುಂಬಗಳಿಗೆ ಹೈಬ್ರಿಡ್ ಕಾರುಗಳನ್ನು ಆಯ್ಕೆ ಮಾಡಲು ಹೆಚ್ಚು ಅವಕಾಶಗಳು ಸಿಗಲಿವೆ. ಆದರೆ ಈ ಕಾರುಗಳ ನಿಖರವಾದ ಬೆಲೆ, ವೇರಿಯೆಂಟ್‌ಗಳು ಮತ್ತು ಬಿಡುಗಡೆಯ ದಿನಾಂಕ ತಿಳಿಯಲು ನಾವು ಕಂಪನಿಗಳ ಅಧಿಕೃತ ಪ್ರಕಟಣೆಗಾಗಿ ಕಾಯಲೇಬೇಕು.

ಅನಿರುದ್ಧ್-ಕಾವ್ಯಾ ಮಾರನ್ ಮದುವೆ ಪ್ಲಾನ್‌ನಲ್ಲಿ ದಿಢೀರ್ ಬದಲಾವಣೆ: ಏನಿದು ಬಿಗ್ ಟ್ವಿಸ್ಟ್?

Govindaraj S — Thu, 22 Oct 2026 22:02:03 +0530

ಸಂಗೀತ ನಿರ್ದೇಶಕ ಅನಿರುದ್ಧ್ ಹಾಗೂ ಕಾವ್ಯಾ ಮಾರನ್ ಮದುವೆಗೆ ಭರ್ಜರಿ ಸಿದ್ಧತೆ ನಡೆಯುತ್ತಿದೆ. ಆದರೆ, ಈ ಜೋಡಿಯ ಮದುವೆ ಪ್ಲಾನ್‌ನಲ್ಲಿ ಈಗ ದಿಢೀರ್ ಬದಲಾವಣೆಯಾಗಿದೆ ಎಂಬ ಬಿಸಿಬಿಸಿ ಸುದ್ದಿ ಹೊರಬಿದ್ದಿದೆ.

ಕಾಲಿವುಡ್‌ನಲ್ಲಿ ಈಗ ಅನಿರುದ್ಧ್ ಹಾಗೂ ಕಾವ್ಯಾ ಮಾರನ್ ಮದುವೆಯದ್ದೇ ಹಾಟ್ ಟಾಪಿಕ್. ನವೆಂಬರ್ 11ರಂದು ಈ ಜೋಡಿ ಹಸೆಮಣೆ ಏರಲಿದೆ. ಚೆನ್ನೈನಲ್ಲಿ ನವೆಂಬರ್ 21ರಂದು ಅದ್ದೂರಿ ಆರತಕ್ಷತೆ ನಡೆಯಲಿದೆ. ಮದುವೆ ಸಿದ್ಧತೆಗಳು ಭರದಿಂದ ಸಾಗುತ್ತಿವೆ. ಸಿನಿಮಾ ತಾರೆಯರು ಮಾತ್ರವಲ್ಲದೆ, ಹಲವು ರಾಜ್ಯಗಳ ಮುಖ್ಯಮಂತ್ರಿಗಳು ಈ ಮದುವೆಗೆ ಸಾಕ್ಷಿಯಾಗಲಿದ್ದಾರೆ.

ಅನಿರುದ್ಧ್-ಕಾವ್ಯಾ ಮದುವೆ ಬಗ್ಗೆ ದಿನಕ್ಕೊಂದು ಸುದ್ದಿ ಹೊರಬರುತ್ತಲೇ ಇದೆ. ಮದುವೆಗೆ ಕೇವಲ ಆಪ್ತರು ಹಾಗೂ ಕುಟುಂಬಸ್ಥರು ಮಾತ್ರ ಹಾಜರಾಗಲಿದ್ದಾರೆ. ನವೆಂಬರ್ 21ರಂದು ನಡೆಯುವ ಆರತಕ್ಷತೆಯಲ್ಲಿ ಸಿನಿಮಾ ತಾರೆಯರು ಹಾಗೂ ರಾಜಕೀಯ ಗಣ್ಯರು ಭಾಗವಹಿಸಲಿದ್ದಾರೆ. ಇದರ ಜೊತೆಗೆ ಇನ್ನೂ ಎರಡು ಆರತಕ್ಷತೆ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತಿದೆ ಎಂಬ ಮಾತುಗಳು ಕೇಳಿಬಂದಿದ್ದವು.

ಹೊಸ ಮಾಹಿತಿಯ ಪ್ರಕಾರ, ಚೆನ್ನೈನಲ್ಲಿ ನಡೆಯುವ ಬೃಹತ್ ಆರತಕ್ಷತೆಯಲ್ಲಿಯೇ ಸಿನಿಮಾ ಹಾಗೂ ರಾಜಕೀಯ ಗಣ್ಯರು ಭಾಗವಹಿಸಲಿದ್ದಾರೆ. ಅನಿರುದ್ಧ್ ಕಡೆಯಿಂದಲೂ ಪ್ರತ್ಯೇಕ ಆರತಕ್ಷತೆ ನಡೆಯಲಿದೆ ಎನ್ನಲಾಗಿತ್ತು. ಆದರೆ, ಅದು ಆರತಕ್ಷತೆಯಲ್ಲ. ಅನಿರುದ್ಧ್ ತಮ್ಮ ಆಪ್ತ ಸ್ನೇಹಿತರಿಗಾಗಿ ಮಾತ್ರ ಒಂದು ಗೆಟ್-ಟುಗೆದರ್ ಪ್ಲಾನ್ ಮಾಡಿದ್ದಾರೆ. ನವೆಂಬರ್ 22ರಂದು ಐಟಿಸಿ ಚೋಳ ಹೋಟೆಲ್‌ನಲ್ಲಿ ಈ ಪಾರ್ಟಿ ನಡೆಯಲಿದೆ.

ಕಲಾನಿಧಿ ಮಾರನ್ ತಮ್ಮ ಸನ್ ಗ್ರೂಪ್ ಉದ್ಯೋಗಿಗಳಿಗಾಗಿ ಪ್ರತ್ಯೇಕ ಆರತಕ್ಷತೆ ಆಯೋಜಿಸಲಿದ್ದಾರೆ ಎಂಬ ಮಾತುಗಳಿದ್ದವು. ಆದರೆ, ಇದು ಇನ್ನೂ ಖಚಿತವಾಗಿಲ್ಲ. ಬಹುಶಃ ತಮ್ಮ ಸಂಸ್ಥೆಯ ಉದ್ಯೋಗಿಗಳಿಗೆ ಕಲಾನಿಧಿ ಮಾರನ್ ಭರ್ಜರಿ ಔತಣಕೂಟ ಏರ್ಪಡಿಸುವ ಸಾಧ್ಯತೆಯಿದೆ. ಅನಿರುದ್ಧ್ ಹಾಗೂ ಕಾವ್ಯಾ ಮಾರನ್ ಮದುವೆಯಾಗುತ್ತಿರುವುದರಿಂದ, ಕಲಾನಿಧಿ ಮಾರನ್ ಅವರು ರಜನಿಕಾಂತ್‌ಗೆ ಸಂಬಂಧಿಯಾಗಲಿದ್ದಾರೆ.

ಅಕ್ಟೋಬರ್‌ನಿಂದ ಮಾರ್ಚ್ ನಡುವೆ 5 ದಿನಗಳಲ್ಲಿ ನೋಡುವ 5 ಅದ್ಭುತ ತಾಣಗಳ 'ಕರ್ನಾಟಕ ರೋಡ್ ಟ್ರಿಪ್' ಪ್ಲಾನ್ ಇಲ್ಲಿದೆ!

Sathish Kumar KH — Thu, 22 Oct 2026 21:52:05 +0530

ಅಕ್ಟೋಬರ್‌ನಿಂದ ಮಾರ್ಚ್ ನಡುವೆ ನೋಡಬಹುದಾದ ಪ್ರವಾಸಿ ತಾಣಗಳು. ವಾರಾಂತ್ಯದ ದಣಿವು ಆರಿಸಿಕೊಳ್ಳಲು ಹಾಗೂ ಪ್ರಕೃತಿಯ ಮಡಿಲಲ್ಲಿ ಒಂದಷ್ಟು ದಿನ ಕಳೆಯಲು ಬಯಸುವಿರಾ? ಹಸಿರು ಹೊದಿಕೆಯ ಮಲೆನಾಡು, ಸಾಲು ಸಾಲು ಜಲಪಾತಗಳು, ಘಾಟ್ ರಸ್ತೆಗಳು, ಕಾಫಿ ಎಸ್ಟೇಟ್‌ಗಳು ಮತ್ತು ವಿಶಾಲವಾದ ಕರಾವಳಿ ತೀರಗಳನ್ನು ಒಂದೇ ಪ್ರವಾಸದಲ್ಲಿ ಕಣ್ತುಂಬಿಕೊಳ್ಳುವ ಆಸೆ ನಿಮಗಿದ್ದರೆ, ಇಲ್ಲಿದೆ ನಿಮಗಾಗಿ ಒಂದು ಪರ್ಫೆಕ್ಟ್ 'ಕರ್ನಾಟಕ ಪಶ್ಚಿಮ ಘಟ್ಟಗಳ ರೋಡ್ ಟ್ರಿಪ್' (Karnataka Western Ghats Road Trip) ಪ್ಲಾನ್!

ಕೇವಲ 5 ದಿನಗಳಲ್ಲಿ 5 ಪ್ರಮುಖ ತಾಣಗಳನ್ನು ಕವರ್ ಮಾಡುವ ಕಂಪ್ಲೀಟ್ ರೂಟ್ ಮ್ಯಾಪ್ ಮತ್ತು ಗೈಡ್ ಇಲ್ಲಿದೆ:

ದಿನ 1: ಬೆಂಗಳೂರು → ಚಿಕ್ಕಮಗಳೂರು (243 ಕಿ.ಮೀ | 4 ರಿಂದ 4.5 ಗಂಟೆ)

ನಿಮ್ಮ ರೋಡ್ ಟ್ರಿಪ್ ರಾಜಧಾನಿ ಬೆಂಗಳೂರಿನಿಂದ ಆರಂಭವಾಗುತ್ತದೆ. ಹಸನ್‌ ಮಾರ್ಗವಾಗಿ ಪ್ರಯಾಣಿಸಿ ಕೇವಲ 4-4.5 ಗಂಟೆಗಳಲ್ಲಿ 'ಕಾಫಿನಾಡು' ಚಿಕ್ಕಮಗಳೂರನ್ನು ತಲುಪಬಹುದು.

ಏನೇನು ನೋಡಬಹುದು?: ರಮಣೀಯ ಕಾಫಿ ತೋಟಗಳು, ಮುಳ್ಳಯ್ಯನಗಿರಿ ಬೆಟ್ಟ, ಬಾಬಾಬುಡನ್‌ಗಿರಿ, ಹೆಬ್ಬೆ ಹಾಗೂ ಝರಿ ಜಲಪಾತಗಳು.

ಅನುಭವ: ದಟ್ಟ ಹಸಿರು, ತಂಪಾದ ಗಾಳಿ ಮತ್ತು ಬಿಸಿಬಿಸಿ ಕಾಫಿಯ ಆಸ್ವಾದನೆ.

ದಿನ 2: ಚಿಕ್ಕಮಗಳೂರು → ಶೃಂಗೇರಿ (110 ಕಿ.ಮೀ | 2.5 ರಿಂದ 3 ಗಂಟೆ)

ಕಾಫಿನಾಡಿನಿಂದ ಮಲೆನಾಡಿನ ದಟ್ಟ ಕಾಡುಗಳು ಮತ್ತು ಘಾಟ್ ರಸ್ತೆಗಳ ಮೂಲಕ ಪ್ರಯಾಣಿಸಿ ಪವಿತ್ರ ಕ್ಷೇತ್ರ ಶೃಂಗೇರಿಯನ್ನು ತಲುಪಿ.

ಏನೇನು ನೋಡಬಹುದು?: ಶ್ರೀ ಶಾರದಾ ಪೀಠ, ತುಂಗಾ ನದಿ ದಂಡೆ, ಐತಿಹಾಸಿಕ ವಿದ್ಯಾಶಂಕರ ದೇವಾಲಯ, ಸಿರಿಮನೆ ಜಲಪಾತ.

ಅನುಭವ: ದಟ್ಟವಾದ ಅರಣ್ಯ ರಸ್ತೆಯ ಚಾಲನೆ, ಪ್ರಶಾಂತ ವಾತಾವರಣ ಮತ್ತು ಧಾರ್ಮಿಕ ಮನಃಶಾಂತಿ.

ದಿನ 3: ಶೃಂಗೇರಿ → ಉಡುಪಿ (98 ಕಿ.ಮೀ | 2 ರಿಂದ 2.5 ಗಂಟೆ)

ಶೃಂಗೇರಿಯಿಂದ ಆಗುಂಬೆ ಅಥವಾ ಕುದುರೆಮುಖ ಘಾಟ್ ರಸ್ತೆಗಳ ಮೂಲಕ ಸುಂದರ ಇಳಿಜಾರಿನ ರಸ್ತೆಯಲ್ಲಿ ಚಲಿಸಿ ಕರಾವಳಿ ನಗರಿ ಉಡುಪಿಗೆ ತಲುಪಿ.

ಏನೇನು ನೋಡಬಹುದು?: ಉಡುಪಿ ಶ್ರೀ ಕೃಷ್ಣ ಮಠ, ಮಲ್ಪೆ ಬೀಚ್, ಸೇಂಟ್ ಮೇರೀಸ್ ದ್ವೀಪ, ಕಾಪು ಬೀಚ್ ಮತ್ತು ಲೈಟ್‌ಹೌಸ್.

ಅನುಭವ: ಪ್ರಸಿದ್ಧ ಉಡುಪಿ ಖಾದ್ಯಗಳ ರುಚಿ (ಕರಾವಳಿ ಫುಡ್) ಮತ್ತು ಅದ್ಭುತ ಸೂರ್ಯಾಸ್ತ.

ದಿನ 4: ಉಡುಪಿ → ಗೋಕರ್ಣ (100 ಕಿ.ಮೀ | 2.5 ರಿಂದ 3 ಗಂಟೆ)

ರಾಷ್ಟ್ರೀಯ ಹೆದ್ದಾರಿ 66 (NH-66) ರಸ್ತೆಯಲ್ಲಿ ಸಮುದ್ರ ತೀರದ ಪಕ್ಕದಲ್ಲೇ ಸಾಗುವ ರಮಣೀಯ ಡ್ರೈವ್ ಮೂಲಕ ಮುರುಡೇಶ್ವರ ಮಾರ್ಗವಾಗಿ ಗೋಕರ್ಣ ತಲುಪಿ.

ಏನೇನು ನೋಡಬಹುದು?: ನಡುವೆ ಮರುಡೇಶ್ವರ ಶಿವನ ಬೃಹತ್ ವಿಗ್ರಹ, ಗೋಕರ್ಣ ಮಹಾಬಲೇಶ್ವರ ದೇವಸ್ಥಾನ, ಓಂ ಬೀಚ್, ಕುಡ್ಲೆ ಬೀಚ್ ಮತ್ತು ಹಾಫ್ ಮೂನ್ ಬೀಚ್.

ಅನುಭವ: ಬೀಚ್ ಟ್ರೆಕ್ಕಿಂಗ್, ವಾಟರ್ ಸ್ಪೋರ್ಟ್ಸ್ ಮತ್ತು ಶಾಂತಿಯುತವಾದ ಕರಾವಳಿ ತಂಗಾಳಿ.

ದಿನ 5: ಗೋಕರ್ಣದಲ್ಲಿ ರಿಲ್ಯಾಕ್ಸೇಷನ್ ಹಾಗೂ ಬೆಂಗಳೂರಿಗೆ ವಾಪಸ್:

ಕೊನೆಯ ದಿನ ಗೋಕರ್ಣದ ಪ್ರಶಾಂತ ಬೀಚ್‌ಗಳಲ್ಲಿ ಸೂರ್ಯೋದಯ ಕಂಡು, ಪ್ರಸಿದ್ಧ ಕೆಫೆಗಳಲ್ಲಿ ಉಪಹಾರ ಸೇವಿಸಿ, ಶಿರಸಿ ಅಥವಾ ಹಾವೇರಿ-ದಾವಣಗೆರೆ ರಾಷ್ಟ್ರೀಯ ಹೆದ್ದಾರಿಯ ಮೂಲಕ ಬೆಂಗಳೂರಿಗೆ ಸುಲಭವಾಗಿ ವಾಪಸಾಗಬಹುದು.

ಪ್ರವಾಸದ ಪ್ರಮುಖ ಅಂಶಗಳು:

ಮೊತ್ತಮೊದಲ ಪ್ರಯಾಣದ ದೂರ: ಸುಮಾರು 550+ ಕಿ.ಮೀ (ಒಟ್ಟು ರೋಡ್ ಟ್ರಿಪ್).

ಸೂಕ್ತ ಸಮಯ: ಅಕ್ಟೋಬರ್‌ನಿಂದ ಮಾರ್ಚ್ (ಮಳೆಗಾಲದ ನಂತರದ ಅತ್ಯುತ್ತಮ ವಾತಾವರಣ).

ಪ್ರಯಾಣದ ವಿಧಾನ: ಕಾರು ಅಥವಾ ಬೈಕ್ ರೋಡ್ ಟ್ರಿಪ್‌ಗೆ ಇದು ಅತ್ಯುತ್ತಮ ರಸ್ತೆ.

ಬೆಂಗಳೂರು ರ‍್ಯಾಪಿಡೋ ಚಾಲಕನ ಮೇಲೆ ಮಹಿಳೆ ಹಿಗ್ಗಾಮುಗ್ಗಾ ಹಲ್ಲೆ, ಡ್ರೈವರ್‍ ಪರ ಧ್ವನಿ ಎತ್ತಿದ ಸಾರ್ವಜನಿಕರು

Ganesh Mabla Gowda — Thu, 22 Oct 2026 21:51:05 +0530

ಬೆಂಗಳೂರು: ರ್ಯಾಪಿಡೊ ಬೈಕ್ ಸೇವೆ ಬೆಂಗಳೂರಿನ ಸಂಚಾರದ ಪ್ರಮುಖ ವ್ಯವಸ್ಥೆಯಾಗಿ ಬೆಳೆಯುತ್ತಿದೆ. ಈ ಮಧ್ಯೆ ಅಲ್ಲಿಲ್ಲಿ, ಆಗಾಗ ನಡೆಯುವ ಘಟನೆಗಳು ರಾಪಿಡೋ ಬೈಕ್ ವ್ಯವಸ್ಥೆ ಬೇಕಾ ಎಂಬ ಪ್ರಶ್ನೆಯನ್ನ ಸಹಜವಾಗಿಯೇ ಹುಟ್ಟು ಹಾಕುತ್ತವೆ.

ಇದೀಗ ಮಹಿಳೆಯೊಬ್ಬರು ರ್ಯಾಪಿಡೊ ಡ್ರೈವರ್ ಒಬ್ಬರಿಗೆ ಕಪಾಳ ಮೋಕ್ಷ ಮಾಡುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಇದು ಭಾರೀ ಚರ್ಚೆಗೆ ಕಾರಣವಾಗಿದೆ. ಬನಶಂಕರಿ ಬಸ್ ನಿಲ್ದಾಣದ ಬಳಿ ಘಟನೆ ನಡೆದಿದೆ. ನೂರಾರು ಜನರ ಸಮ್ಮುಖದಲ್ಲೇ ಮಹಿಳೆ ಕೆನ್ನೆಗೆ ಬಾರಿಸಿ ಆಕ್ರೋಶ ವ್ಯಕ್ತಪಡಿಸಿದ್ದಾಳೆ. ಬೆನ್ನಲ್ಲೇ ರ್ಯಾಪಿಡೊ ಡ್ರೈವರ್‍‌ಗಳ ಸುರಕ್ಷತೆ ಬಗ್ಗೆ ಪ್ರಶ್ನೆಗಳು ಎದ್ದಿವೆ. ಗಿಗ್ ಕಾರ್ಮಿಕನ ಮೇಲೆ ಮಹಿಳೆಯೊಬ್ಬರು ನಡು ರಸ್ತೆಯಲ್ಲಿ ನಿಲ್ಲಿಸಿ ಹೊಡೆಯಬಹುದಾ ಎಂಬ ಪ್ರಶ್ನೆಯನ್ನ ನೆಟ್ಟಿಗರು ಎತ್ತಿದ್ದಾರೆ.

ಅಷ್ಟಕ್ಕೂ ಆಗಿದ್ದೇನು?

ಕೆಲವು ಮಾಹಿತಿಗಳ ಪ್ರಕಾರ.. ಇಬ್ಬರ ಮಧ್ಯೆ ಲೋಕೇಷನ್ ವಿಚಾರಕ್ಕೆ ಗಲಾಟೆ ಆಗಿದೆ. ರಾಪಿಡೋ ಲೋಕೇಷನ್‌ನ ತಪ್ಪಾಗಿದ್ದಕ್ಕೆ ಇಬ್ಬರ ಮಧ್ಯೆ ಸಣ್ಣದಾಗಿ ವಾದ ಶುರುವಾಗಿದೆ. ಹೀಗೆ ವಾದ-ಪ್ರತಿವಾದ ಶುರುವಾಗಿ ನಂತರ ಗಲಾಟೆ ವಿಕೋಪಕ್ಕೆ ತಿರುಗಿದೆ. ಆಗ ಮಹಿಳೆ ಡ್ರೈವರ್‍ನ ಕಪಾಳಕ್ಕೆ ಬಾರಿಸಿದ್ದಾರೆ. ಡ್ರೈವರ್ ಸುಮ್ಮನೆ ನಿಂತಿದ್ದಾನೆ. ಕೆಲವು ಮಾಹಿತಿಗಳ ಪ್ರಕಾರ.. ಬೈಕ್ ಮಾಡಿದ್ದ ಮಹಿಳೆ ಲೋಕೇಷನ್ ತಪ್ಪಾಗಿ ಹಾಕಿದ್ದಳು. ಪದೇ ಪದೇ ಲೋಕೇಷನ್ ಚೇಂಜ್ ಮಾಡುತ್ತಿದ್ದಳು ಎಂಬ ಆರೋಪ ಕೇಳಿಬಂದಿದೆ.

ವಿಡಿಯೋ ವೈರಲ್

ಸದ್ಯ ಈ ವಿಡಿಯೋ ವೈರಲ್ ಆಗಿದೆ. ಪೊಲೀಸರು ಇದುವರೆಗೆ ಕ್ರಮ ಜರುಗಿಸಿರುವ ಬಗ್ಗೆ ಯಾವುದೇ ಮಾಹಿತಿ ಲಭ್ಯ ಆಗಿಲ್ಲ. ಇಲ್ಲಿ ಯಾರ ತಪ್ಪಿದೆ ಅನ್ನೋದು ಸರಿಯಾಗಿ ತಿಳಿದಿಲ್ಲ. ಆದರೆ ವೈರಲ್ ಆಗ್ತಿರುವ ವಿಡಿಯೋ ನೋಡಿ ಕೆಲವರು.. ಬನಶಂಕರಿ ಬಸ್ ನಿಲ್ದಾಣ ಬಳಿ ನಡೆದಿರುವ ಘಟನೆ ಇದು. ಆ್ಯಪ್‌ನಲ್ಲಿ ಸ್ಥಳ ಹೊಂದಾಣಿಕೆಯಾಗದ ಕಾರಣ ಮಹಿಳಾ ಪ್ರಯಾಣಿಕರೊಬ್ಬರು ಹಾಡಹಗಲೇ ರ್ಯಾಪಿಡೊ ಕ್ಯಾಪ್ಟನ್ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ಹೇಳುತ್ತಿದ್ದಾರೆ.

ಸದ್ಯ ವಿಡಿಯೋ ಮಹಿಳೆಯ ಪರ ವಿರೋಧಗಳಿಗೆ ಚರ್ಚೆಗೆ ದಾರಿ ಮಾಡಿಕೊಟ್ಟಿದೆ. ಅನೇಕ ಬಳಕೆದಾರರು ವಿಡಿಯೋಗೆ ಕಾಮೆಂಟ್ ಮಾಡಿ.. ಕ್ಯಾಪ್ಟನ್ ಅವರನ್ನು ಬೆಂಬಲಿಸಲು ಮತ್ತು ಅಂತಹ ಹಲ್ಲೆಗಳಿಂದ ಅವರನ್ನು ರಕ್ಷಿಸಲು ನೀವು ಯಾವ ಕ್ರಮ ತೆಗೆದುಕೊಳ್ಳುತ್ತಿದ್ದೀರಿ ಎಂದು ಕಂಪನಿಗೆ ಪ್ರಶ್ನೆ ಮಾಡಿದ್ದಾರೆ. ಮಹಿಳೆ ಹೊಡೆದರೆ ಪರವಾಗಿಲ್ಲ, ಅವನು ಸಮರ್ಥಿಸಿಕೊಂಡಿದ್ದರೆ ಅಥವಾ ಪ್ರತಿದಾಳಿ ಮಾಡಿದ್ದರೆ ಏನಾಗುತ್ತಿತ್ತು? ಪೊಲೀಸ್ ಕೇಸ್ ಎಂದು ಮತ್ತೊಬ್ಬರು ಪ್ರಶ್ನೆ ಮಾಡಿದ್ದಾರೆ.

ಇನ್ನು ಕೆಲವರು ಬೆಂಗಳೂರು ಸಿಟಿ ಪೊಲೀಸರಿಗೆ ಪ್ರಶ್ನೆ ಮಾಡಿದ್ದಾರೆ. ಕಾನೂನಿನ ಪ್ರಕಾರ ಮಹಿಳೆಯರ ವಿರುದ್ಧ ಏನು ಕ್ರಮ ಕೈಗೊಳ್ಳಬಹುದು? ಪುರುಷನೂ ಆತ್ಮರಕ್ಷಣೆಗೆ ಹೊಣೆಗಾರನಾಗುತ್ತಾನೆಯೇ? ಎಂದು ಪ್ರಶ್ನಿಸಿದ್ದಾರೆ. ಇನ್ನು ಕೆಲವರು ವಿಡಿಯೋ ತೆಗೆಯುವ ಬದಲು ಆ ವ್ಯಕ್ತಿ ಮಧ್ಯಪ್ರವೇಶಿಸಬೇಕಿತ್ತು. ನಾವು ಭಯಾನಕ ಸಮಾಜದಲ್ಲಿ ವಾಸಿಸುತ್ತಿದ್ದೇವೆ. ಮನುಷ್ಯರಿಗೆ ಯಾವುದೇ ಬೆಲೆ ಇಲ್ಲ. ವಿಶೇಷವಾಗಿ ಈಗ AI ಸ್ಫೋಟದ ನಂತರ ಎಂದಿದ್ದಾರೆ.

Bengaluru Shocked: Rapido Captain Allegedly Assaulted Over App Location Error!

A viral video from Banashankari Bus Stop shows a woman passenger allegedly assaulting a Rapido captain in broad daylight over a location mismatch in the app. https://t.co/STQNSszidG

— Pulse of the People (@CitizenPulseX) October 21, 2026

‘ಪ್ರೇಮದ ಊರಲಿ’ 100 ಕೋಟಿ ಕ್ಲಬ್: ಸ್ಯಾಂಡಲ್‌ವುಡ್‌ನಲ್ಲಿ ಶುರುವಾಯ್ತಾ ಮಿಡ್ ಬಜೆಟ್ ಕ್ರಾಂತಿ?

Govindaraj S — Thu, 22 Oct 2026 21:40:04 +0530

ಇಂಟ್ರೋವರ್ಟ್ ರಿಪೋರ್ಟರ್

‘ಪ್ರೇಮದ ಊರಲಿ’ ಸೂಪರ್ ಹಿಟ್ ಆದ ಬಳಿಕ ಚಿತ್ರರಂಗದ ಮಾತುಕತೆಗಳೇ ಸಂಪೂರ್ಣ ಬದಲಾಗಿವೆ. ಬಂಡವಾಳದ ಕೊರತೆ ಮತ್ತು ಅಧೈರ್ಯದಿಂದ ಅರ್ಧಕ್ಕೇ ಚಿತ್ರೀಕರಣ ನಿಲ್ಲಿಸಿದ್ದ ಬರೋಬ್ಬರಿ 20ಕ್ಕೂ ಹೆಚ್ಚು ಸಿನಿಮಾಗಳ ಸೆಟ್‌ಗಳಲ್ಲಿ ಇದೀಗ ದಿಢೀರನೆ ‘ಕ್ಯಾಮೆರಾ, ರೋಲಿಂಗ್, ಆ್ಯಕ್ಷನ್’ ಸದ್ದು ಮೊಳಗುತ್ತಿದೆ. ಸಿದ್ಧವಾಗಿದ್ದರೂ ಭಯದಿಂದ ಬಿಡುಗಡೆ ಬಾಗಿಲಿಗೆ ಬಾರದೆ ಉಳಿದಿದ್ದ ಹತ್ತಾರು ಸಣ್ಣ ಸಿನಿಮಾಗಳು ಧೈರ್ಯವಾಗಿ ಬಿಡುಗಡೆಯ ಸರತಿಯಲ್ಲಿ ನಿಲ್ಲುತ್ತಿವೆ.

ಮತ್ತೊಂದೆಡೆ, ಸ್ಟಾರ್ ನಟರ ಕಾಲ್‌ಶೀಟ್‌ಗಾಗಿ ಕಾಯುತ್ತಿದ್ದ ನಿರ್ಮಾಪಕರು ಕಣ್ಣುಮುಚ್ಚಿ ₹2 ರಿಂದ ₹10 ಕೋಟಿ ವೆಚ್ಚದ ‘ಮಿಡ್-ಬಜೆಟ್’ ಚಿತ್ರಗಳನ್ನು ಕೈಗೆತ್ತಿಕೊಳ್ಳಲು ಮುಗಿಬೀಳುತ್ತಿದ್ದಾರೆ. ರೆಕಾರ್ಡಿಂಗ್ ಸ್ಟುಡಿಯೋಗಳಲ್ಲಂತೂ ಬಹುತೇಕ ನಿರ್ದೇಶಕರು ಸಂಗೀತ ನಿರ್ದೇಶಕರ ಎದುರು ಕುಳಿತು, ‘ನಮಗೂ ಪ್ರೇಮದ ಊರಲಿ ತರಹದ್ದೇ ಹಾಡು ಕೊಡಿ’ ಎನ್ನುತ್ತಿದ್ದಾರೆ. ‘ಪ್ರೇಮದ ಊರಲಿ’ ಎಂಬ ಸಿನಿಮಾ ಗಳಿಸಿದ ಆ ₹100 ಕೋಟಿ ಬಾಕ್ಸ್ ಆಫೀಸ್ ಗಳಿಕೆ, ಕೇವಲ ಒಂದು ಪ್ರಾಜೆಕ್ಟ್‌ನ ಯಶಸ್ಸಾ ಉಳಿದಿಲ್ಲ. ಬದಲಿಗೆ ನಿಂತ ನೀರಾಗಿದ್ದ ಇಡೀ ಸ್ಯಾಂಡಲ್‌ವುಡ್‌ಗೆ ಹೊಸ ಜೀವ ತುಂಬಿದೆ.

ಭ್ರಮಾಲೋಕದ ಪತನ

ಕಳೆದ ನಾಲ್ಕೈದು ವರ್ಷಗಳಿಂದ ನಮ್ಮ ಚಿತ್ರರಂಗದಲ್ಲಿ ಒಂದು ಅತ್ಯಂತ ಅಪಾಯಕಾರಿ ಟ್ರೆಂಡ್ ಬೇರೂರಿತ್ತು. ಶುಕ್ರವಾರ ಬೆಳಗ್ಗೆ ಮೊದಲ ಪ್ರದರ್ಶನ ಮುಗಿಯುವ ಹೊತ್ತಿಗೇ ಸೋಷಿಯಲ್ ಮೀಡಿಯಾಗಳಲ್ಲಿ ಸಿನಿಮಾಗಳನ್ನು ಬಲವಂತವಾಗಿ ‘ಮಾಸ್ಟರ್‌ಪೀಸ್’ ಎಂದು ಬಿಂಬಿಸಲಾಗುತ್ತಿತ್ತು. ಆದರೆ, ಈ ಗಿಮಿಕ್ ಸಂಜೆ ಹೊತ್ತಿಗೆ ಕರಗಿಹೋಗಿ ಚಿತ್ರಮಂದಿರಗಳ ಕುರ್ಚಿಗಳು ಖಾಲಿಯಾಗುತ್ತಿದ್ದವು. ಇಡೀ ವ್ಯವಸ್ಥೆ ಕಂಟೆಂಟ್ ಬರೆಯುವುದನ್ನು ಬಿಟ್ಟು, ಮೊದಲ ಮೂರು ದಿನಗಳ ಕಲೆಕ್ಷನ್ ಲೂಟಿ ಮಾಡುವ ಮಾಯಾಜಾಲಕ್ಕೆ ಬಲಿಯಾಗಿತ್ತು.

ಈ ಭ್ರಮಾಲೋಕದ ಮುಖಕ್ಕೆ ಹೊಡೆದಂತೆ ಬಂದಿದ್ದು ‘ಪ್ರೇಮದ ಊರಲಿ’. ಯಾವುದೇ ಸ್ಟಾರ್‌ಡಮ್ ಇಲ್ಲದೆ, ಮೊದಲ ದಿನ ಭಯಂಕರ ಶೋಗಳಿಲ್ಲದೆ, ಸಿನಿಮಾ ಕುರಿತಾಗಿ ಸರಿಯಾಗಿ ಕಮ್ಯುನಿಕೇಟ್ ಮಾಡುವ ಒಂದು ತಂಡವೂ ಇಲ್ಲದೆ ಈ ಚಿತ್ರವನ್ನು ಎತ್ತಿ ಮೆರೆಸಿದ್ದು ಸಾಮಾನ್ಯ ಪ್ರೇಕ್ಷಕನ ವರ್ಡ್ ಆಫ್ ಮೌತ್. ಥಿಯೇಟರ್‌ನಿಂದ ಹೊರಬಂದ ಪ್ರೇಕ್ಷಕ ತನ್ನ ಗೆಳೆಯನಿಗೆ ಕೊಟ್ಟ ಪ್ರಾಮಾಣಿಕ ಕರೆಯ ಎದುರು ಕೃತಕ ಮಾರ್ಕೆಟಿಂಗ್ ಮಂಡಿಯೂರಿತು.

ಕಳೆದುಹೋಗಿದ್ದ ಮಿಡ್-ರೇಂಜ್: ಕೆಜಿಎಫ್ ಮತ್ತು ಕಾಂತಾರದ ಜಾಗತಿಕ ಯಶಸ್ಸಿನ ನಂತರ ಪ್ರತಿಯೊಬ್ಬರೂ ಪ್ಯಾನ್-ಇಂಡಿಯಾ ಭ್ರಮೆಗೆ ಬಿದ್ದಾಗ ಚಿತ್ರರಂಗದಲ್ಲಿ ಇದ್ದಿದ್ದೇ ಎರಡು ದಾರಿಗಳು.

1. ₹100 ಕೋಟಿಗೂ ಮೀರಿದ, ಮೂರ್ನಾಲ್ಕು ವರ್ಷಗಳ ಕಾಲ ಹೀರೋ, ನಿರ್ದೇಶಕ ಮತ್ತು ನಿರ್ಮಾಪಕರನ್ನು ಕಟ್ಟಿಹಾಕುವ ಬೃಹತ್ ಪ್ರಾಜೆಕ್ಟ್‌ಗಳು.

2. ಕನಿಷ್ಠ ಮಾರುಕಟ್ಟೆ ತಿಳಿವಳಿಕೆಯೂ ಇಲ್ಲದೆ, ಕಳಪೆಯಾಗಿ ತಯಾರಾಗಿ ಮೂರೇ ದಿನಕ್ಕೆ ಎತ್ತಂಗಡಿಯಾಗುವ ಅತಿ ಸಣ್ಣ ಬಜೆಟ್‌ನ ಅಪ್ರಸ್ತುತ ಚಿತ್ರಗಳು.

ಈ ಎರಡೂ ಅತಿರೇಕಗಳ ನಡುವೆ ಇಡೀ ಚಿತ್ರರಂಗದ ಬೆನ್ನೆಲುಬಾಗಿ ವಾರವಾರವೂ ಚಿತ್ರಮಂದಿರಗಳನ್ನು ಜೀವಂತವಾಗಿಡಬೇಕಿದ್ದ ₹2 ರಿಂದ ₹10 ಕೋಟಿ ವ್ಯಾಪ್ತಿಯ ಮಿಡ್-ಬಜೆಟ್ ಸಿನಿಮಾಗಳು ಇಲ್ಲವೇ ಇಲ್ಲ ಅಂತಿದ್ದವು. ನೆರೆಯ ಮಲಯಾಳಂ ಚಿತ್ರರಂಗದಲ್ಲಿ ಇಂತಹ ಕಂಟೆಂಟ್ ಆಧಾರಿತ ಮಿಡ್-ಬಜೆಟ್ ಚಿತ್ರಗಳೇ ನೂರು ಕೋಟಿ ಲೂಟಿ ಮಾಡುವುದನ್ನು ಕಂಡು ನಿಟ್ಟುಸಿರು ಬಿಡುತ್ತಿದ್ದ ಗಾಂಧಿನಗರಕ್ಕೆ, ಆ ಮ್ಯಾಜಿಕ್ ಸೂತ್ರವನ್ನು ತನ್ನದೇ ನೆಲದಲ್ಲಿ ಸಾಬೀತುಪಡಿಸಿದ್ದು ಕಳೆದ ವರ್ಷದ ‘ಸು ಫ್ರಂ ಸೋ’ ಮತ್ತು ಈ ವರ್ಷದ ‘ಪ್ರೇಮದ ಊರಲಿ’. ಸ್ಟಾರ್‌ಗಳ ಕಾಲ್‌ಶೀಟ್‌ಗಾಗಿ ವರ್ಷಗಟ್ಟಲೆ ಕಾಯುವ ಬದಲು, ಗಟ್ಟಿ ಕಥೆ ಮತ್ತು ಹೊಸ ಪ್ರತಿಭೆಗಳನ್ನಿಟ್ಟುಕೊಂಡು ಅಚ್ಚುಕಟ್ಟಾದ ಬಜೆಟ್‌ನಲ್ಲಿ ಸಿನಿಮಾ ಮಾಡಿದರೆ ಹೂಡಿದ ಬಂಡವಾಳಕ್ಕೆ ಮೋಸವಿಲ್ಲ ಎಂಬ ಉದ್ಯಮ ಸತ್ಯವೀಗ ಹೂಡಿಕೆದಾರರಿಗೆ ದಕ್ಕಿದೆ.

ತಂತ್ರಜ್ಞಾನದ ಅಬ್ಬರಕ್ಕೆ ಮಣ್ಣಿನ ಸೊಗಡಿನ ಮದ್ದು

‘ಪ್ರೇಮದ ಊರಲಿ’ ಕಲಿಸಿರುವ ಅತ್ಯಂತ ದೊಡ್ಡ ಪಾಠವೆಂದರೆ ಪ್ರೇಕ್ಷಕನಿಗೆ ಕೇವಲ ಸಿಜಿಐ, ಆಡಂಬರದ ಸೆಟ್ ಮತ್ತು ಕಿವಿಗಡಚಿಕ್ಕುವ ಶಬ್ದಗಳು ಮಾತ್ರವೇ ಸಿನಿಮಾವಲ್ಲ. ಆತನಿಗೆ ಬೇಕಾಗಿರುವುದು ತನ್ನದೇ ಬದುಕಿನ ಸುಖ-ದುಃಖಗಳಿಗೆ ಕನ್ನಡಿ ಹಿಡಿಯುವಂತಹ ಸರಳ ಕಥೆಗಳು ಮತ್ತು ಮನಸ್ಸಿನೊಳಗೆ ಇಳಿಯುವ ಮಧುರ ಸಂಗೀತ. ಚಿತ್ರರಂಗದ ಮತ್ತೆ ಗರಿಗೆದರಿದೆ. ಈ ಯಶಸ್ಸು ಕನಿಷ್ಠ ತಿಂಗಳಿಗೊಂದಾದರೂ ದೊರೆಯಬೇಕಿದೆ. ಹಾಗಾಗಿ ಈ ‘ಮಿಡ್ ಬಜೆಟ್ ಕ್ರಾಂತಿ’ ತಾತ್ಕಾಲಿಕ ಅಲೆಯಾಗದೆ, ನಿರಂತರ ಸರಣಿಯಾಗಿ ಮುಂದುವರಿಯಲಿ. ಆಗ ಕನ್ನಡ ಚಿತ್ರರಂಗಕ್ಕೆ ಸ್ಟಾರ್‌ಗಳ ಕೊರತೆಯೇ ಕಾಡುವುದಿಲ್ಲ, ಗಲ್ಲಾಪೆಟ್ಟಿಗೆಯಲ್ಲಿ ನಂಬಿಕೆಯೂ ಕುಸಿಯುವುದಿಲ್ಲ.

ಪ್ರೇಮದ ಊರಲಿ 100 ಕೋಟಿ ಕ್ಲಬ್‌: ದೇವೇಂದ್ರ ಅವರಿಗೆ ಮೆಚ್ಚುಗೆ

‘ಪ್ರೇಮದ ಊರಲಿ’ ಸಿನಿಮಾ ತೆರೆಗೆ ಬಂದು 22 ದಿನಗಳಾಗಿವೆ ಮತ್ತು ಗಳಿಕೆಯಲ್ಲಿ 100 ಕೋಟಿ ಕ್ಲಬ್‌ ಸೇರಿದೆ. ಈ ಅದ್ಭುತ ಸಾಧನೆಯ ಹಿಂದೆ ಇರುವ ಒಬ್ಬ ವ್ಯಕ್ತಿ ನಿರ್ಮಾಪಕ ದೇವೇಂದ್ರ ಬಡಿಗೇರ್. ಪತ್ರಿಕಾ ವಿತರಕರಾಗಿದ್ದ ದೇವೇಂದ್ರ ಅವರು ನಿರ್ದೇಶಕ ಮನೋಜ್‌ ಕುಮಾರ್‌ ಅವರನ್ನು ಮತ್ತು ಕತೆಯನ್ನು ನಂಬಿ ದುಡ್ಡು ಹಾಕಿ ಸಿನಿಮಾವನ್ನು ಜನರಿಗೆ ತಲುಪಿಸಲು ಖುದ್ದಾಗಿ ತಾವೇ ಹೋರಾಟ ಮಾಡಿದರು. ಕೃತಕ ಪ್ರಚಾರ ಬೇಡ ಎಂದುಕೊಂಡು ತಾವೇ ಎಷ್ಟು ಸಾಧ್ಯವೋ ಅಷ್ಟು ಶ್ರಮಿಸಿದರು. ಈ ಗೆಲುವು ಅವರ ಹೋರಾಟದ ಫಲ. ಒಳ್ಳೆಯ ಕಂಟೆಂಟ್ ಮೇಲಿನ ಅವರ ನಂಬಿಕೆಯ ಫಲ. ಒಂದು ಸರಳ ಸಿನಿಮಾ ಈ ಮಟ್ಟಿಗಿನ ಗೆಲುವು ಕಾಣಲು ಮೂಲ ಕಾರಣಕರ್ತರಾದ ದೇವೇಂದ್ರ ಅವರಿಗೆ ಮೆಚ್ಚುಗೆ ಮತ್ತು ಅಭಿನಂದನೆ.

ಕಾಮಿಡಿ ಟೈಮ್‌ ಪ್ರೋಗ್ರಾಮ್‌ ಮಾಡಲೇಬಾರದು ಅಂದುಕೊಂಡಿದ್ದ ಗೋಲ್ಡನ್‌ ಸ್ಟಾರ್‌ ಗಣೇಶ್‌ಗೆ ಆ ಶೋ ಸಿಕ್ಕಿದ್ದು ಹೇಗೆ?

Santosh Naik — Thu, 22 Oct 2026 21:27:50 +0530

ಬೆಂಗಳೂರು (ಅ.22): ಇಂದು ಗೋಲ್ಡನ್‌ ಸ್ಟಾರ್‌ ಆಗಿ ಜನಪ್ರಿಯರಾಗಿರುವ ನಟ ಗಣೇಶ್‌, ಒಂದು ಕಾಲದಲ್ಲಿ ಕಿರುತೆರೆಯ ಜನಪ್ರಿಯ ಸೆಲೆಬ್ರಿಟಿ. ತಮ್ಮ 20 ವರ್ಷಗಳ ಸಿನಿ ಜೀವನದ ಸಂಭ್ರಮವನ್ನು ಆಂಕರ್‌ ಅನುಶ್ರೀ ಅವರ ಯೂಟ್ಯೂಬ್‌ ಚಾನೆಲ್‌ನ ವಿಶೇಷ ಸಂದರ್ಶನದಲ್ಲಿ ಹಂಚಿಕೊಂಡಿದ್ದಾರೆ. ಇಂದು ಸ್ಯಾಂಡಲ್‌ವುಡ್‌ನ ಸ್ಟಾರ್‌ ನಟನಾಗಿರುವ ಗಣೇಶ್‌, ಒಂದು ಕಾಲದಲ್ಲಿ ಉದಯ ಟಿವಿಯ ಕಾಮಿಡಿ ಟೈಮ್‌ ಗಣೇಶ್‌ ಆಗಿದ್ದರು. ಆ ನಂತರ ಬಂದ ಮುಂಗಾರು ಮಳೆ ಅವರ ಜೀವನವನ್ನೇ ಬದಲಿಸಿತು. ಈ ಎಲ್ಲಾ ನೆನಪುಗಳನ್ನು ಅವರು ಸಂದರ್ಶನದಲ್ಲಿ ಹಂಚಿಕೊಂಡಿದ್ದಾರೆ. ಇದೇ ವೇಳೆ, ತಮಗೆ ಬಹಳ ಜನಪ್ರಿಯತೆ ತಂದುಕೊಟ್ಟಿದ್ದ ಉದಯ ಟಿವಿಯ ಕಾಮಿಡಿ ಟೈಮ್‌ ಪ್ರೋಗ್ರಾಮ್‌ಅನ್ನು ಮಾಡಲೇಬಾರದು ಎಂದು ಗಣೇಶ್‌ ಪಣ ತೊಟ್ಟಿದ್ದರಂತೆ. ಆದರೆ, ಏನೇ ಪ್ರಯತ್ನ ಮಾಡಿದ್ರೂ ಅದು ಸಾಧ್ಯವಾಗಿಲ್ಲ ಎಂದು ಅವರು ಹೇಳಿಕೊಂಡಿದ್ದಾರೆ.

'ನಾನು 20ನೇ ವರ್ಷಕ್ಕೆ ಬೆಂಗಳೂರಿಗೆ ಬಂದಿದ್ದೆ. ರಾಮಮಂದಿರಲ್ಲಿ ಕುಮಾರ್‌ ಎನ್ನುವವರ ಮನೆಯಲ್ಲಿ ಉಳಿದಿದ್ದೆ. 'ನಾನು ಮನೆ ಬಿಟ್ಟು ಬರ್ತಾ ಇದ್ದೇನೆ. ಸ್ವಲ್ಪ ದಿನ ನಿನ್ನ ರೂಮ್‌ನಲ್ಲಿ ಇರೋಕೆ ಜಾ ಕೊಡ್ತೀಯಾ ಅಂತಾ ಕೇಳಿದ್ದೆ'. ಎಲ್ಲವೂ ಆರಂಭವಾಗಿದ್ದು ಅಲ್ಲಿಂದ ಎಂದು ಗಣೇಶ್‌ ಹಳೇ ನೆನಪುಗಳಿಗೆ ಜಾರಿದ್ದಾರೆ. ಚಿಕ್ಕಪುಟ್ಟ ಸೀರಿಯಲ್‌ ಮೂಲಕ ಕೆರಿಯರ್‌ ಆರಂಭಿಸಿದೆ. ಆದರೆ, ಎಲ್ಲೇ ಸ್ಕ್ರೀನ್‌ ಟೆಸ್ಟ್‌ಗೆ ಕರೆದರೂ ನಾನು ಹೋಗುತ್ತಿದೆ. ತುಂಬಾ ಸೀರಿಯಸ್‌ ಆಗಿ ನೀಡ್ತಿದ್ದ ಸ್ಕ್ರೀನ್‌ ಟೆಸ್ಟ್‌ನಲ್ಲಿ ನಾನು ಪಾಸ್‌ ಆಗ್ತಾನೆ ಇರ್ಲಿಲ್ಲ. ಅದೇ ಸುಮ್‌ ಸುಮ್ನೆ ಹೋಗಿ ಕೊಟ್ಟಿದ್ದ ಸ್ಕ್ರೀನ್‌ ಟೆಸ್ಟ್‌ನಲ್ಲಿ ಪಾಸ್‌ ಆಗ್ತಿದ್ದೆ. 'ಆ ಹುಡುಗ ಚೆನ್ನಾಗಿ ಮಾಡ್ತಾನೆ. ಅವನನ್ನ ಕರೀರಿ' ಅಂತಾ ಹೇಳುತ್ತಿದ್ದರು.

ಕಾಮಿಡಿ ಟೈಮ್‌ ಪ್ರೋಗ್ರಾಮ್‌ ಸೀರಿಯಸ್‌ ಆಗಿ ಮಾಡಿದ್ದಲ್ಲ

ಇನ್ನು ಕಾಮಿಡಿ ಟೈಮ್‌ ಕೂಡ ಹಾಗೇ ನಾನು ಸೀರಿಯಸ್‌ ಆಗಿ ಮಾಡಬೇಕು ಅಂತಾ ಮಾಡಿದ್ದಲ್ಲ. ಅದಾಗಲೇ ನಾನು ಸಿನಿಮಾ ಕಡೆ ಬಂದು ಬಿಟ್ಟಿದ್ದೆ. ಮೊದಲ ಸಿನಿಮಾದಲ್ಲಿ ವಿಲನ್‌ ಆಗಿ ಮಾಡಿದ್ದೆ. ನಂತರದ ಸಿನಿಮಾದಲ್ಲಿ ಸ್ನೇಹಿತನ ರೋಲ್‌ ಮಾಡಿದ್ದೆ. ಹಾಗೇ ಕೆಲವೊಂದು ಪಾತ್ರಗಳು ಸಿಗ್ತಾ ಇದ್ದವು. ಆ ಟೈಮ್‌ನಲ್ಲಿ ಏನಾಯ್ತು ಅಂದ್ರೆ, ಉದಯ ಟಿವಿಯಿಂದ ನನಗೆ ಫೋನ್‌ ಬಂದಿತ್ತು. ಈ ಥರ ಒಂದು ಶೋ ಇದೆ. ನೀವು ನಡೆಸಿಕೊಡಬೇಕು ಅಂದರು.

ಮೊದಲಿಗೆ ಇದನ್ನ ರವಿಶಂಕರ್‌ ಗೌಡ ಮಾಡಬೇಕಿತ್ತು. ಅವರಿಗೆ ಮೊದಲು ಫೋನ್‌ ಮಾಡಿ. ನೀವು ಇದನ್ನು ಮಾಡ್ತೀರಾ ಅಂತಾ ಹೇಳಿದ್ದಾರೆ. ಆದರೆ, ಆಗ ಅವರು ಬಹಳ ಬ್ಯುಸಿ. ಸಿಲ್ಲಿ ಲಲ್ಲಿ ಸೇರಿದಂತೆ ಬಹಳ ಸೀರಿಯಲ್‌ ಮಾಡ್ತಿದ್ದರು. ಆಗ ಅವರನ್ನೇ ಚಾನೆಲ್‌ನವರು ಕೇಳಿದ್ದಾರೆ. ಒಳ್ಳೆ ಮಾತುಗಾರ ಆಗಿರಬೇಕು. ನೋಡೋಕೆ ಚೆನ್ನಾಗಿರಬೇಕು. ಆ ರೀತಿಯ ಹುಡುಗರು ಯಾರಾದರೂ ಇದ್ದರೆ ತಿಳಿಸಿ ಅಂತಾ ಹೇಳಿದಾಗ ಅವರು, 'ಗಣೇಶ್‌ ಅಂತಾ ಒನ್ನ ಇದ್ದಾನೆ. ಸರಿ ಮಾತಾಡ್ತಾನೆ. ಒಳ್ಳೆ ಕಿಲಾಡಿ. ಅವರನ್ನ ಕಾಂಟಾಕ್ಟ್‌ ಮಾಡಿ ಎಂದು ಹೇಳಿದ್ದರು.

ಅದರಂತೆ ಚಾನೆಲ್‌ನಿಂದ ನನಗೆ ಕರೆ ಬಂತು. ಈ ಥರ ಕಾಮಿಡಿ ಟೈಮ್‌ ಅನ್ನೋ ಕಾರ್ಯಕ್ರಮ. ಫೋನ್‌ ಮಾಡಿ ಪ್ರ್ಯಾಂಕ್‌ ಮಾಡಬೇಕು. ದೊಡ್ಡ ಶೋ ಆಗುತ್ತೆ. ಪ್ರೈಮ್‌ ಟೈಮ್‌ನಲ್ಲಿ ಹಾಕ್ತೇವೆ ಎಂದು ಹೇಳಿದರು. ಆಗ ನಾನು ಇಲ್ಲಿ ಟಿವಿ, ಸೀರಿಯಲ್‌ಗಳಿಗೆ ಕೆಲಸ ಮಾಡೋದಿಲ್ಲ. ಈಗಾಗಲೇ ಅಲ್ಲಿ ಮಾಡಿದ್ದೇನೆ. ಸಿನಿಮಾ ಕಡೆ ಗಮನ ಕೊಡಬೇಕು ಎಂದು ಹೇಳಿ ಬಂದಿದ್ದೆ. ಅದಾದ ಎರಡು ದಿನ ಕಾಲ ಅವರ ಫೋನ್‌ ಪಿಕ್‌ ಮಾಡಲೇ ಇಲ್ಲ.

ಹೀಗೇ ನಾನು ಹಾಗೂ ಶ್ರೀನಗರ ಕಿಟ್ಟಿ ನಮ್ಮ ರೂಮ್‌ನಲ್ಲಿ ಕುಳಿತಿದ್ವಿ. ಮಧ್ಯಾಹ್ನ ಮಳೆ ಬರ್ತಾ ಇತ್ತು. ಆಗ ಕಿಟ್ಟಿಗೆ ಹೇಳಿದೆ. ಏನೂ ಕೆಲಸ ಇಲ್ಲ. ಉದಯ ಟಿವಿ ಅವರು ತುಂಬಾ ಫೋನ್‌ ಮಾಡ್ತಾ ಇದ್ದಾರೆ. ನಾನು ಈವರೆಗೂ ಯಾವುದೇ ಚಾನೆಲ್‌ ನೋಡಿಲ್ಲ. ಇವತ್ತ ಉದಯ ಟಿವಿಗೆ ಹೋಗಿ ಚಾನೆಲ್‌ ಹೇಗಿರುತ್ತೆ ಅಂತಾ ನೋಡಿ ಬರೋಣ ಎಂದು ಹೇಳಿದೆ. ಆಗ ಹೋಗಿ ಎರಡು ಎಪಿಸೋಡ್‌ ಏನೋ ಮಾಡಿದ ನೆನಪು. ಇಷ್ಟೆಲ್ಲ ಮಾಡಿದ ಮೇಲೆ ಈಗ ಇಲ್ಲ ಅಂದ್ರೆ ತಪ್ಪಾಗುತ್ತೆ ಅಂತಾ, ಪೇಮೆಂಟ್‌ ಮಾತನಾಡಲು ಆರಂಭಿಸಿದೆ.

1 ಸಾವಿರ ರೂಪಾಯಿ ಕೇಳಿದ್ದೆ, ಅವರು ಒಪ್ಪಿಕೊಂಡು ಬಿಟ್ಟರು

ಆವಾಗ ಆಂಕರ್‌ಗಳಿ ಹೆಚ್ಚೆಂದರೆ 150 ರೂಪಾಯಿ ಒಂದು ಎಪಿಸೋಡ್‌ಗೆ ಕೊಡ್ತಾ ಇದ್ದರು. ಪೇಮೆಂಟ್‌ ಜಾಸ್ತಿ ಹೇಳಿದ್ರೆ ಇವರು ನನ್ನ ಬಿಟ್ಟು ಬಿಡ್ತಾರೆ ಅನ್ನೋದು ನನ್ನ ಯೋಚನೆಯಾಗಿತ್ತು. ಆಗ ನಾನು, ಸರ್‌ ನನಗೆ 1 ಅಥವಾ ಒಂದೂವರೆ ಸಾವಿರ ಕೊಡಿ ಎಂದು ಹೇಳಿದೆ. ಇದನ್ನು ಕೇಳುತ್ತಿದ್ದ ಹಾಗೆ ಅವರು ನಕ್ಕುಬಿಟ್ಟರು. 'ನಮ್ಮ ಬಜೆಟ್‌ಅಲ್ಲಿ ಇಡೀ ದಿನಕ್ಕೂ ಅಷ್ಟು ಕೊಡೋದಿಲ್ಲ. ನಮ್ಮ ಪಾಪ್ಯುಲರ್‌ ಆಂಕರ್‌ ಇದ್ದಾರಲ್ಲ ಅವರಿಗೆ ನಾವು ಕೊಡ್ತಿರೋದೇ 200 ರೂಪಾಯಿ ಎಂದರು. ಆದರೆ, ನನಗೆ ಎಸ್ಕೇಪ್‌ ಆಗಬೇಕಿತ್ತು. ಅದಕ್ಕಾಗಿ ಪಟ್ಟು ಬಿಡಲಿಲ್ಲ. 1 ಸಾವಿರ ರೂಪಾಯಿಗೆ ಕೊಡೋಕೆ ಒಪ್ಪಿಕೊಂಡು ಬಿಟ್ರು.

'ಅಯ್ಯಯ್ಯೋ ಒಪ್ಪಿಕೊಂಡು ಬಿಟ್ರಲ್ಲ' ಅಂದು ಯೋಚನೆ ಮಾಡ್ತಿರೋವಾಗಲೇ, ತಿಂಗಳಿಗೆ 25 ಎಪಿಸೋಡ್‌ ಅಂದರೆ 25 ಸಾವಿರ ಬರುತ್ತೆ ಅನ್ನೋ ಯೋಚನೆ ಕೂಡ ತಲೇಲಿ ಓಡ್ತಾ ಇತ್ತು. ಆದರೆ, ನಾನು ಸಿನಿಮಾ ಮಾಡುವ ಕನಸಿಟ್ಟುಕೊಂಡವನು. ಮತ್ತೆ ಅವರ ಬಳಿ ಹೋದೆ. ಸರ್‌ ನಾನು ಸೀರಿಯಲ್‌ ಮಾಡ್ತಿರುವಾಗ ನನಗೆ ಕನ್ವೀನಿಯೆನ್ಸ್‌ ಅಂತಾ ಕೊಡ್ತಿದ್ರು ಅಂದೆ. ಎಷ್ಟು ಕೊಡಬೇಕು ಅಂತಾ ಹೇಳಿದರು. 50 ರೂಪಾಯಿ ಕೊಡ್ತೇವೆ ಎಂದರು. ಆಮೇಲೆ, ಸೀರಿಯಲ್‌ಗೆ ಹೋದ್ರೆ ಅಲ್ಲಿ ಊಟ ತಿಂಡಿ ಎಲ್ಲ ಫ್ರೀ ಇರುತ್ತೆ ಅಂದೆ. ಅದಕ್ಕೆ ಅವರು ಇಲ್ಲೇ ಕೆಳಗೆ ವೀರಲಕ್ಷ್ಮೀ ಅಂತಾ ಹೋಟೆಲ್‌ ಇದೆ. ಅಲ್ಲೇ ಫುಡ್‌ ಮಾಡಿ ಎಂದರು. ಅಲ್ಲಿಗೆ ನಾನು ಮತ್ತೆ ಮಾತನಾಡುವ ಹಾಗೆ ಇರಲಿಲ್ಲ ಎನ್ನುತ್ತಾ ಕಾಮಿಡಿ ಟೈಮ್‌ ಆರಂಭವಾದ ದಿನಗಳ ಬಗ್ಗೆ ಹೇಳಿಕೊಂಡಿದ್ದಾರೆ.

ದೇವರು ನಿಮ್ಮ ಜೊತೆಯಲ್ಲಿ ಇದ್ರೆ, ನೀವು ಇದ್ದನ್ನೇ ಮಾಡಬೇಕು ಅಂತಾ ಆತ ತೀರ್ಮಾನ ಮಾಡಿದ್ರೆ. ನಿಮ್ಮ ತಲೆ ಮೇಲೆ ಹೊಡೆದಾದ್ರೂ ಆ ಕೆಲಸ ಮಾಡಿಸ್ತಾನೆ ಅಂತಾ ಆಗ ನನಗೆ ಅನಿಸಿತು. ನೀವು ಅಕ್ಕ-ಪಕ್ಕ ಹೋದ್ರೂ ವಾಪಾಸ್‌ ಅಲ್ಲೇ ತಂದು ಬಿಡ್ತಾನೆ ಅಂತಾ ಗೊತ್ತಾಯಿತು. ಇದೆಲ್ಲಾ ಆಗಿ ಒಂದು ಐದಾರು ಎಪಿಸೋಡ್‌ ಆಗಿರಬೇಕು. ಆಗ ನನ್ನ ಬಳಿ ಸುಜುಕಿ ಸಮುರಾಯ್‌ ಬೈಕ್‌ ಇತ್ತು. ಡಿವಿಜಿ ರೋಡ್‌ನಲ್ಲಿ ಹೋಗ್ತಾ ಇರೋವಾಗ. ಹೇ ಗಣೇಶ್ ಹೇ ಕಾಮಿಡಿ ಟೈಮ್ ಗಣೇಶ್ ಅಂತಾ ಕರಿಯೋಕೆ ಆರಂಭಿಸಿದ್ದರು. ನನ್ನನ್ನು ಜನ ಗುರುತಿಸೋಕೆ ಆರಂಭಿಸಿದ್ದು ಅಲ್ಲಿ ಗೊತ್ತಾಯಿತು ಎಂದು ಹೇಳಿದ್ದಾರೆ.

‘ವಾರಣಾಸಿ’ ಬಗ್ಗೆ ಬಿಗ್ ಸೀಕ್ರೆಟ್ ಬಿಚ್ಚಿಟ್ಟ ರಾಜಮೌಳಿ: ಸಿನಿಮಾ ಕಥೆ ಕೇಳಿದ್ರೆ ನೀವೇ ಬೆರಗಾಗ್ತೀರಾ!

Govindaraj S — Thu, 22 Oct 2026 21:18:44 +0530

ಎಸ್‌ಎಸ್ ರಾಜಮೌಳಿ ನಿರ್ದೇಶನದ ಬಹುನಿರೀಕ್ಷಿತ ‘ವಾರಣಾಸಿ’ ಸಿನಿಮಾ ಈಗಾಗಲೇ ಭಾರೀ ಹೈಪ್ ಸೃಷ್ಟಿಸಿದೆ. ಮಹೇಶ್ ಬಾಬು, ಪ್ರಿಯಾಂಕಾ ಚೋಪ್ರಾ ಹಾಗೂ ಪೃಥ್ವಿರಾಜ್ ಸುಕುಮಾರನ್ ಅವರ ಕಾಂಬಿನೇಷನ್‌ನ ಈ ಸಿನಿಮಾದ ಪ್ರತಿಯೊಂದು ಅಪ್‌ಡೇಟ್‌ಗಾಗಿ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಈ ನಡುವೆ ಸ್ವತಃ ರಾಜಮೌಳಿ ಅವರೇ ‘ವಾರಣಾಸಿ’ ಚಿತ್ರದ ಕಥೆಯ ಎಳೆಯ ಬಗ್ಗೆ ಒಂದಷ್ಟು ಕುತೂಹಲಕಾರಿ ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ.

ಬ್ರೆಜಿಲ್‌ನಲ್ಲಿ ನಡೆದ 50ನೇ ಸಾವೊ ಪಾಲೊ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಭಾಗವಹಿಸಿ ಪ್ರತಿಷ್ಠಿತ ಪ್ರಶಸ್ತಿ ಸ್ವೀಕರಿಸಿದ ರಾಜಮೌಳಿ, ಅಲ್ಲಿಯೇ ‘ವಾರಣಾಸಿ’ ಸಿನಿಮಾದ ಚಿತ್ರೀಕರಣ ಹಾಗೂ ಕಥೆಯ ಕುರಿತು ಮಾತನಾಡಿದ್ದಾರೆ. ಸಿನಿಮಾ ಚಿತ್ರೀಕರಣ ಬಹುತೇಕ ಅಂತಿಮ ಹಂತಕ್ಕೆ ತಲುಪಿದ್ದು, ಇನ್ನೂ ಸುಮಾರು 10 ದಿನಗಳಲ್ಲಿ ಶೂಟಿಂಗ್ ಪೂರ್ಣಗೊಳ್ಳಲಿದೆ ಎಂದು ತಿಳಿಸಿದ್ದಾರೆ.

ಒಂದೇ ಕಥೆಯಲ್ಲಿ ಆರು-ಏಳು ಸಿನಿಮಾಗಳ ಅನುಭವ!

‘ವಾರಣಾಸಿ’ ಸಿನಿಮಾ ಮಾಡುವ ಸಂದರ್ಭದಲ್ಲಿ ಎದುರಾದ ದೊಡ್ಡ ಸವಾಲಿನ ಬಗ್ಗೆಯೂ ರಾಜಮೌಳಿ ಮಾತನಾಡಿದ್ದಾರೆ. ಆರು ಅಥವಾ ಏಳು ವಿಭಿನ್ನ ಸಿನಿಮಾಗಳ ರೀತಿಯ ಕಥಾ ಅಂಶಗಳನ್ನು ಒಂದೇ ಸಿನಿಮಾದಲ್ಲಿ ಹೆಣೆದು ಒಂದು ಸಮಗ್ರ ಕಥೆಯಾಗಿ ರೂಪಿಸುವುದು ಅತ್ಯಂತ ಸವಾಲಿನ ಕೆಲಸವಾಗಿತ್ತು ಎಂದು ಹೇಳಿದ್ದಾರೆ.

ಹಾಗಾದರೆ ‘ವಾರಣಾಸಿ’ ಚಿತ್ರದ ಅಸಲಿ ಕಥೆ ಏನು?

ರಾಜಮೌಳಿ ನೀಡಿರುವ ಸುಳಿವಿನ ಪ್ರಕಾರ, ನೋವು ಹಾಗೂ ಸಂಘರ್ಷದಿಂದ ದೂರವಾಗಿರುವ ತಂದೆ-ಮಗನ ಸಂಬಂಧ ಮತ್ತೆ ಹೇಗೆ ಒಂದಾಗುತ್ತದೆ ಎಂಬ ಭಾವನಾತ್ಮಕ ಅಂಶದ ಸುತ್ತ ಚಿತ್ರದ ಕಥೆ ಸಾಗಲಿದೆ. ಇದರ ಜೊತೆಗೆ ಒಂದು ಸುಂದರವಾದ ಪ್ರೇಮಕಥೆಯೂ ಸಿನಿಮಾದ ಪ್ರಮುಖ ಆಕರ್ಷಣೆಯಾಗಿರಲಿದೆ ಎಂದು ಅವರು ತಿಳಿಸಿದ್ದಾರೆ.

ಇದು ಸೈನ್ಸ್‌ಫಿಕ್ಷನ್ ಅಲ್ಲ; ಮಿಥಾಲಾಜಿಕಲ್ ಫ್ಯಾಂಟಸಿ!

‘ವಾರಣಾಸಿ’ ಸಿನಿಮಾ ಸೈನ್ಸ್‌ಫಿಕ್ಷನ್ ಚಿತ್ರ ಎಂಬ ಮಾತುಗಳು ಈ ಹಿಂದೆ ಕೇಳಿಬಂದಿದ್ದವು. ಆದರೆ ಇದೀಗ ರಾಜಮೌಳಿ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ. ಇದು ಸೈನ್ಸ್‌ಫಿಕ್ಷನ್ ಸಿನಿಮಾ ಅಲ್ಲ. ರಾಮಾಯಣದ ಹಿನ್ನೆಲೆಯೊಂದಿಗೆ ಬೆಸೆದುಕೊಂಡಿರುವ ಅದ್ಧೂರಿ ಮಿಥಾಲಾಜಿಕಲ್ ಫ್ಯಾಂಟಸಿ ಸಿನಿಮಾ ಎಂದು ಅವರು ಹೇಳಿದ್ದಾರೆ. ಇದೇ ಕಾರಣಕ್ಕೆ ಚಿತ್ರದ ಕಥೆ ಹಾಗೂ ಜಗತ್ತು ಪ್ರೇಕ್ಷಕರಲ್ಲಿ ಮತ್ತಷ್ಟು ಕುತೂಹಲ ಮೂಡಿಸಿದೆ. ಪೌರಾಣಿಕ ಅಂಶಗಳು, ಫ್ಯಾಂಟಸಿ ಲೋಕ ಹಾಗೂ ಭಾವನಾತ್ಮಕ ಕಥಾಹಂದರವನ್ನು ರಾಜಮೌಳಿ ತಮ್ಮದೇ ಶೈಲಿಯಲ್ಲಿ ಹೇಗೆ ತೆರೆಮೇಲೆ ಕಟ್ಟಿಕೊಡಲಿದ್ದಾರೆ ಎಂಬ ನಿರೀಕ್ಷೆ ಹೆಚ್ಚಾಗಿದೆ.

ಮಹೇಶ್ ಬಾಬು ಪಾತ್ರವೇನು? ರಾಜಮೌಳಿ ಕೊಟ್ಟ ಸುಳಿವು!

ಚಿತ್ರದಲ್ಲಿ ಮಹೇಶ್ ಬಾಬು ‘ರುದ್ರ’ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದ್ದು, ಶ್ರೀರಾಮನ ಪಾತ್ರದಲ್ಲಿಯೂ ಅವರು ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ. ಪ್ರಿಯಾಂಕಾ ಚೋಪ್ರಾ ‘ಮಂದಾಕಿನಿ’ ಪಾತ್ರದಲ್ಲಿ ಹಾಗೂ ಪೃಥ್ವಿರಾಜ್ ಸುಕುಮಾರನ್ ‘ಕುಂಭ’ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಆಫ್ರಿಕಾದಿಂದ ಅಂಟಾರ್ಕ್ಟಿಕಾ, ಉಗರ್‌ಬತಿ ಗುಹೆಗಳಿಂದ ವಾರಣಾಸಿವರೆಗೆ ಸಾಗುವ ಕಥೆಯಲ್ಲಿ ಟೈಮ್ ಟ್ರಾವೆಲ್ ಅಂಶಗಳೂ ಇರಲಿವೆ ಎನ್ನಲಾಗಿದೆ. ಸಿನಿಮಾದಲ್ಲಿರುವ ಪ್ರತಿಯೊಂದು ಎಪಿಸೋಡ್ ಕೂಡ ಒಂದೊಂದು ಪ್ರತ್ಯೇಕ ಸಿನಿಮಾದ ಅನುಭವ ನೀಡುವಷ್ಟು ಅದ್ಧೂರಿಯಾಗಿರಲಿದೆ ಎಂಬ ಸುಳಿವನ್ನು ರಾಜಮೌಳಿ ನೀಡಿದ್ದಾರೆ.

ಚಿತ್ರೀಕರಣ ಮುಗಿಯಲು ಇನ್ನು 10 ದಿನ ಮಾತ್ರ!

ಸದ್ಯ ‘ವಾರಣಾಸಿ’ ಚಿತ್ರದ ಶೂಟಿಂಗ್ ಅಂತಿಮ ಹಂತದಲ್ಲಿದೆ. ಇನ್ನೂ ಸುಮಾರು 10 ದಿನಗಳಲ್ಲಿ ಚಿತ್ರೀಕರಣ ಪೂರ್ಣಗೊಳ್ಳಲಿದೆ ಎಂದು ರಾಜಮೌಳಿ ತಿಳಿಸಿದ್ದಾರೆ. ಜೊತೆಗೆ ಈ ಸಿನಿಮಾವನ್ನು ಬ್ರೆಜಿಲ್‌ನಲ್ಲಿಯೂ ಖಂಡಿತವಾಗಿ ಬಿಡುಗಡೆ ಮಾಡುವುದಾಗಿ ಸ್ಪಷ್ಟಪಡಿಸಿದ್ದಾರೆ. ಆದರೆ ಸಿನಿಮಾ ಬಿಡುಗಡೆ ದಿನಾಂಕದ ವಿಚಾರದಲ್ಲಿ ಮಾತ್ರ ರಾಜಮೌಳಿ ಯಾವುದೇ ಗುಟ್ಟು ಬಿಟ್ಟುಕೊಟ್ಟಿಲ್ಲ. ಏಪ್ರಿಲ್ 7 ಎಂಬ ದಿನಾಂಕದ ಬಗ್ಗೆ ಕೇಳಿದಾಗಲೂ ನಿಖರವಾಗಿ ಉತ್ತರಿಸದೆ ‘ಅದಷ್ಟು ಬೇಗ’ ಎಂದು ಹೇಳಿ ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿದ್ದಾರೆ.

ಇನ್ನು ‘ವಾರಣಾಸಿ’ ಸೈನ್ಸ್‌ಫಿಕ್ಷನ್ ಅಲ್ಲ, ರಾಮಾಯಣದ ಹಿನ್ನೆಲೆಯ ಮಿಥಾಲಾಜಿಕಲ್ ಫ್ಯಾಂಟಸಿ ಸಿನಿಮಾ ಎಂಬ ರಾಜಮೌಳಿ ಅವರ ಮಾತುಗಳು ಇದೀಗ ಸಿನಿಪ್ರೇಮಿಗಳ ಗಮನ ಸೆಳೆದಿವೆ. ತಂದೆ-ಮಗನ ಭಾವನಾತ್ಮಕ ಸಂಬಂಧ, ಪ್ರೇಮಕಥೆ, ಪೌರಾಣಿಕ ಹಿನ್ನೆಲೆ, ಟೈಮ್ ಟ್ರಾವೆಲ್ ಮತ್ತು ಅದ್ಧೂರಿ ಫ್ಯಾಂಟಸಿ ಜಗತ್ತು. ಇವೆಲ್ಲವೂ ಒಂದೇ ಸಿನಿಮಾದಲ್ಲಿ ಹೇಗೆ ಮೂಡಿಬರಲಿದೆ ಎಂಬುದೇ ಸದ್ಯದ ದೊಡ್ಡ ಕುತೂಹಲ.

ನಾಡದ್ರೋಹಿ ಶುಭಂ ಸೆಳಕೆ ಅರೆಸ್ಟ್, ಹಿಂಡಲಗಾ ಜೈಲಿಗೆ ಅಟ್ಟಿದ ಪೊಲೀಸರು

Ganesh Mabla Gowda — Thu, 22 Oct 2026 21:17:43 +0530

ಬೆಳಗಾವಿ: ಎಂಇಎಸ್ ಮುಖಂಡ ಶುಭಂ ಸೆಳಕೆಯನ್ನ ಖಡೇಬಜಾರ್ ಪೊಲೀಸರು ಬಂಧಿಸಿದ್ದಾರೆ. ಹಳೆಯ ಅಟ್ರಾಸಿಟಿ ಕೇಸ್ ನಡಿ ಶುಭಂ ಸೆಳಕೆಯನ್ನ ಬಂಧಿಸಿ ಹಿಂಡಲಗಾ ಜೈಲಿಗೆ ಕಳುಹಿಸಲಾಗಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಶುಭಂ ಸೆಳಕೆ ಒಬ್ಬ ನಾಡದ್ರೋಹಿ ಆಗಿದ್ದಾನೆ.

ನವೆಂಬರ್ ತಿಂಗಳ ಸಮೀಪಿಸುತ್ತಿದೆ. ಬೆಳಗಾವಿ ಗಡಿಯಲ್ಲಿರುವ ಎಂಇಎಸ್ ಪುಂಡರ ನಾಡದ್ರೋಹಿ ಚಟುವಟಿಕೆಗಳು ಹೆಚ್ಚುಗಲು ಶುರುವಾಗಿದೆ. ಇದೇ ಉದ್ದೇಶಕ್ಕಾಗಿಯೇ ಆತನನ್ನು ಬಂಧಿಸಲಾಗಿದೆ ಎನ್ನಲಾಗತ್ತಿದೆ. ಈತ ಕನ್ನಡ ರಾಜ್ಯೋತ್ಸವ ದಿನದಂದು ಕರಾಳ ದಿನ ಆಚರಣೆಗೆ ಸಿದ್ಧತೆ ನಡೆಸಿದ್ದ. ಇದೀಗ ಪೊಲೀಸರು ಬಂಧಿಸಿ ಕ್ರಮ ಜರುಗಿಸಿದ್ದಾರೆ.

ಈ ವ್ಯಕ್ಯಿ ಕರಾಳ ದಿನಾಚರಣೆಗೆ ಮುಂದಾಗಿದ್ದ. ಇದನ್ನು ತಡೆಯುವ ಉದ್ದೇಶದಿಂದ ಶುಭಂ ಸೆಳಕೆಯನ್ನ ಬಂಧಿಸಲಾಗಿದೆ. ಮಾಹಿತಿಗಳ ಪ್ರಕಾರ.. ಪೊಲೀಸ್ ಅಧಿಕಾರಿಗಳು ಯಾವುದೇ ನೋಟಿಸ್ ನೀಡದೇ ದಿಢೀರ್ ಬಂಧಿಸಿದ್ದಾರೆ. ತನ್ನ ಬಂಧನದ ಬಗ್ಗೆ ಪ್ರತಿಕ್ರಿಯಿಸಿರುವ ಸಳಕೆ.. ನನಗೆ ಮುಂಬರುವ ಚುನಾವಣೆ ದೃಷ್ಟಿಯಲ್ಲಿಟ್ಟುಕೊಂಡು ಕಿರುಕುಳ ನೀಡ್ತಿದ್ದಾರೆ. ಮರಾಠಿಗರ ಹೋರಾಟ ನಿಲ್ಲಲ್ಲ ಎಂದ ನಾಡದ್ರೋಹಿ‌ ಶುಭಂ ಸೆಳಕೆ ಹೇಳಿದ್ದಾನೆ. ಸದ್ಯ ಬಂಧಿಸಿರುವ ಪೊಲೀಸರು ಹಳೆ ಅಟ್ರಾಸಿಟಿ ಕೇಸ್ ನಲ್ಲಿ ಅರೆಸ್ಟ್ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ.

ಯಾರು ಈ ಶುಭಂ ಸಳಕೆ?

ಬೆಳಗಾವಿ ಮೂಲದ ಮಹಾರಾಷ್ಟ್ರ ಏಕೀಕರಣ ಸಮಿತಿ ಯುವ ಘಟಕದ ನಾಯಕ ಎಂದು ಕರೆದುಕೊಳ್ತಾನೆ. ನಾಡಿಗೆ ದ್ರೋಹ ಬಗೆದು ಮಹಾರಾಷ್ಟ್ರಕ್ಕೆ ಸಹಕಾರ ನೀಡುತ್ತಿದ್ದಾನೆ. ಗಡಿ ಭಾಗದಲ್ಲಿ ಮರಾಠಿ ಭಾಷಿಕರ ಹಕ್ಕುಗಳ ಹೆಸರಲ್ಲಿ ಕನ್ನಡ ಭಾಷಿಗರ ಮೇಲೆ ದಬ್ಬಾಳಿಕೆ ನಡೆಸುತ್ತಿರುವ ಆರೋಪ ಈತನ ಮೇಲಿದೆ. MES ಸಂಘಟನೆಯಲ್ಲಿ ಸಕ್ರಿಯ ಆಗಿರುವ ಈತ, 2021ರಲ್ಲಿ ನಡೆದ ಬೆಳಗಾವಿ ಲೋಕಸಭಾ ಉಪಚುನಾವಣೆಯಲ್ಲಿ ಪಕ್ಷೇತರ (ಎಂಇಎಸ್ ಬೆಂಬಲಿತ) ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ.

ವಿವಾದಗಳು

ಭಾಷಾ ಸಾಮರಸ್ಯಕ್ಕೆ ಧಕ್ಕೆ ತಂದ ಆರೋಪ ಈತನ ಮೇಲಿದೆ. ಕನ್ನಡ ಭಾಷಿಕರ ವಿರುದ್ಧ ಪ್ರಚೋದನಾಕಾರಿ ಹೇಳಿಕೆ ನೀಡಿದ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ವಿವಾದಾತ್ಮಕ ವಿಡಿಯೋ ಹರಿಬಿಟ್ಟ ಆರೋಪಗಳು ಈತನ ಮೇಲಿವೆ. ಬೆಳಗಾವಿ ಪೊಲೀಸರು ಈತನನ್ನು ಅನೇಕ ಬಾರಿ ಬಂಧಿಸಿದ್ದಾರೆ. ಬೆಳಗಾವಿಯಲ್ಲಿ ಭಾಷಾ ವಿವಾದ ಮತ್ತು ಗಲಭೆಗಳಿಗೆ ಪ್ರಚೋದನೆ ನೀಡಿದ ಆರೋಪದ ಹಿನ್ನೆಲೆಯಲ್ಲಿ ಪೊಲೀಸರು ಈತನ ಹೆಸರಿನಲ್ಲಿ ರೌಡಿ ಶೀಟರ್ ತೆರೆದಿದ್ದಾರೆ.

ಅಕ್ಕಿ ನೆನೆಸೋದು ಬೇಡ.. ಮೊಸರು, ಸೋಡಾ, ಈನೋ ಏನೂ ಬೇಡ.. 10 ನಿಮಿಷದಲ್ಲಿ ಮಾಡಿ ಸೌತೆಕಾಯಿ ದೋಸೆ

Ashwini HR — Thu, 22 Oct 2026 21:03:58 +0530

ಯಾವುದೇ ಅಕ್ಕಿ ನೆನೆಸುವ ಅಥವಾ ಹಿಟ್ಟು ಹುದುಗಿಸುವ (Ferment) ಗೋಜಿಲ್ಲದೆ ಕೇವಲ 10 ನಿಮಿಷದಲ್ಲಿ ಮಾಡಬಹುದಾದ ಗರಿಗರಿಯಾದ ಸೌತೆಕಾಯಿ ದೋಸೆ ಮಾಡುವ ಸುಲಭ ವಿಧಾನ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು

ಸೌತೆಕಾಯಿ: 2 (ಚೆನ್ನಾಗಿ ತೊಳೆದು, ತುರಿದುಕೊಂಡಿದ್ದು)ಚಿರೋಟಿ ರವೆ: 1.5 ಕಪ್ಹಸಿಮೆಣಸಿನಕಾಯಿ: 2 ರಿಂದ 4 (ಖಾರಕ್ಕೆ ತಕ್ಕಂತೆ)ಜೀರಿಗೆ: ಅರ್ಧ ಚಮಚಕೊತ್ತಂಬರಿ ಸೊಪ್ಪು: ಸ್ವಲ್ಪ (ಎಳೆ ಕಡ್ಡಿ ಸಮೇತ)ಸಕ್ಕರೆ: ಚಿಟಿಕೆ (ದೋಸೆ ಚೆನ್ನಾಗಿ ಬಣ್ಣ ಬರಲು)ಉಪ್ಪು: ರುಚಿಗೆ ತಕ್ಕಷ್ಟುನೀರು: ಹಿಟ್ಟಿನ ಹದಕ್ಕೆ ಬೇಕಾದಷ್ಟುಎಣ್ಣೆ: ದೋಸೆ ಬೇಯಿಸಲು

ಮಾಡುವ ಸರಳ ವಿಧಾನ

*ಮೊದಲು ಸೌತೆಕಾಯಿಯನ್ನು ತೊಳೆದು, ಅದರ ತುದಿಗಳನ್ನು ಕತ್ತರಿಸಿ. ತುರಿಯುವ ಮುನ್ನ ಸ್ವಲ್ಪ ತಿಂದು ನೋಡಿ (ಸೌತೆಕಾಯಿ ಕಹಿ ಇರಬಾರದು). ನಂತರ ಅದನ್ನು ಸಿಪ್ಪೆ ಸಮೇತ ತುರಿದುಕೊಳ್ಳಿ.

*ಮಿಕ್ಸರ್ ಜಾರಿಗೆ ತುರಿದ ಸೌತೆಕಾಯಿಯನ್ನು (ಅದರ ನೀರಿನ ಸಮೇತ) ಹಾಕಿ. ನಂತರ ಅದಕ್ಕೆ ಕೊತ್ತಂಬರಿ ಸೊಪ್ಪು, ಹಸಿಮೆಣಸಿನಕಾಯಿ, ಜೀರಿಗೆ, ಚಿರೋಟಿ ರವೆ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಸ್ವಲ್ಪ ಸಕ್ಕರೆ ಸೇರಿಸಿ.

*ಮೊದಲಿಗೆ ಸೌತೆಕಾಯಿಯಲ್ಲೇ ನೀರಿರುವುದರಿಂದ ಸ್ವಲ್ಪವೇ ನೀರು ಹಾಕಿ, ರವೆ ಮತ್ತು ಸೌತೆಕಾಯಿ ಚೆನ್ನಾಗಿ ನುಣ್ಣಗಾಗುವಂತೆ (Smooth paste) ರುಬ್ಬಿಕೊಳ್ಳಿ.

*ರುಬ್ಬಿದ ಹಿಟ್ಟನ್ನು ಒಂದು ಪಾತ್ರೆಗೆ ಹಾಕಿ. ಜಾರ್ ತೊಳೆದ ಸ್ವಲ್ಪ ನೀರನ್ನು ಸೇರಿಸಿ ಸಾಮಾನ್ಯ ದೋಸೆ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ. (ಇದನ್ನು ನೆನೆಸಿಡುವ ಅಗತ್ಯವಿಲ್ಲ, ತಕ್ಷಣವೇ ದೋಸೆ ಹಾಕಬಹುದು).

*ನಾನ್‌ಸ್ಟಿಕ್ ತವಾವನ್ನು ಚೆನ್ನಾಗಿ ಕಾಯಿಸಿ, ಸ್ವಲ್ಪ ನೀರು ಚಿಮುಕಿಸಿ ಒರೆಸಿ. ನಂತರ ಒಂದು ಸೌಟು ಹಿಟ್ಟು ಹಾಕಿ ದುಂಡಗೆ ತೆಳುವಾಗಿ ಹರಡಿ. ಮೇಲೆ ಸ್ವಲ್ಪ ಎಣ್ಣೆ ಸವರಿ, ಮಧ್ಯಮ ಉರಿಯಲ್ಲಿ ದೋಸೆ ಗರಿಗರಿಯಾಗುವವರೆಗೂ ಬೇಯಿಸಿ.

(ಗಮನಿಸಿ: ನಿಮಗೆ ಸಾಫ್ಟ್ ದೋಸೆ ಬೇಕೆಂದರೆ ಹೆಚ್ಚು ಹೊತ್ತು ಬೇಯಿಸದೆ, ಎರಡೂ ಬದಿ ತಿರುವಿ ಹಾಕಿ ಬೇಗನೆ ತೆಗೆಯಬಹುದು).

ಈಗ ಬಿಸಿಬಿಸಿಯಾದ, ಗರಿಗರಿಯಾದ ಸೌತೆಕಾಯಿ ದೋಸೆ ಸವಿಯಲು ಸಿದ್ಧ! ಇದನ್ನು ಕಾಯಿ ಚಟ್ನಿ ಅಥವಾ ಆಲೂಗಡ್ಡೆ ಪಲ್ಯದೊಂದಿಗೆ ಸವಿದರೆ ಅದ್ಭುತ ರುಚಿ ನೀಡುತ್ತದೆ. ಗರಿಗರಿ ದೋಸೆ ಇಷ್ಟಪಡುವವರು ತವಾ ಮೇಲಿಂದ ತೆಗೆದ ತಕ್ಷಣವೇ ಬಿಸಿಬಿಸಿಯಾಗಿ ತಿನ್ನಬೇಕು. ತಣ್ಣಗಾದ ಮೇಲೆ ಇದು ಮೆತ್ತಗಾಗುತ್ತದೆ.

ಹೀಗೂ ಮಾಡ್ಬೋದು..

ರವೆಯ ಪರ್ಯಾಯ (Alternative)ನಿಮ್ಮ ಬಳಿ ಚಿರೋಟಿ ರವೆ ಇಲ್ಲದಿದ್ದರೆ, ಸಾಮಾನ್ಯ ಉಪ್ಪಿಟ್ಟು ರವೆಯನ್ನು (ಬಾಂಬೆ ರವೆ) ಮಿಕ್ಸಿಯಲ್ಲಿ ಒಂದೆರಡು ಸುತ್ತು ತಿರುಗಿಸಿ ಸ್ವಲ್ಪ ಪುಡಿ ಮಾಡಿ ಬಳಸಬಹುದು. ತೂಕ ಇಳಿಸಲು ಬಯಸುವವರು ರವೆಯ ಬದಲಿಗೆ ಓಟ್ಸ್ (Oats) ಪುಡಿ ಅಥವಾ ಅಕ್ಕಿ ಹಿಟ್ಟು ಕೂಡ ಸೇರಿಸಿಕೊಳ್ಳಬಹುದು.

ಹಿಟ್ಟಿನ ಹದ ಮತ್ತು ನೀರಿನ ಪ್ರಮಾಣಸೌತೆಕಾಯಿಯಲ್ಲೇ ಶೇ. 90 ಕ್ಕಿಂತ ಹೆಚ್ಚು ನೀರಿರುತ್ತದೆ. ಹಾಗಾಗಿ ಮೊದಲೇ ಹೆಚ್ಚು ನೀರು ಹಾಕಬೇಡಿ. ರುಬ್ಬಿದ ನಂತರ ಹಿಟ್ಟು ತುಂಬಾ ಗಟ್ಟಿಯಿದ್ದರೆ ಮಾತ್ರ ಸ್ವಲ್ಪ ಸ್ವಲ್ಪವೇ ನೀರು ಸೇರಿಸಿ. ಹಿಟ್ಟು ತುಂಬಾ ತೆಳುವಾದರೆ ದೋಸೆ ಏಳುವುದಿಲ್ಲ.

ಹಂಚಿಗೆ ಅಂಟಿಕೊಳ್ಳದಿರಲು ಟಿಪ್ನೀವು ನಾನ್‌ಸ್ಟಿಕ್ ಬದಲು ಕಬ್ಬಿಣದ ಹಂಚು (Iron Tawa) ಬಳಸುತ್ತಿದ್ದರೆ, ದೋಸೆ ಹಾಕುವ ಮುನ್ನ ಅರ್ಧ ಈರುಳ್ಳಿಗೆ ಎಣ್ಣೆ ಹಚ್ಚಿ ಹಂಚಿನ ಮೇಲೆ ಚೆನ್ನಾಗಿ ಉಜ್ಜಿ. ಇದರಿಂದ ದೋಸೆ ಸ್ವಲ್ಪವೂ ಅಂಟದೆ ಸುಲಭವಾಗಿ ಬರುತ್ತದೆ.

ಬೆಸ್ಟ್ ಕಾಂಬಿನೇಷನ್ಸೌತೆಕಾಯಿ ತಂಪು ಮತ್ತು ಸ್ವಲ್ಪ ಸಿಹಿ ಅಂಶ ಹೊಂದಿರುವುದರಿಂದ, ಇದರ ಜೊತೆಗೆ ಖಾರವಾದ ಒಗ್ಗರಣೆ ಹಾಕಿದ ಕಾಯಿ ಚಟ್ನಿ ಅಥವಾ ಟೊಮೆಟೊ-ಈರುಳ್ಳಿ ಖಾರ ಚಟ್ನಿ ಅದ್ಭುತ ರುಚಿ ನೀಡುತ್ತದೆ.

ಗ್ಯಾಸ್ ಬೇಗ ಖಾಲಿ ಆಗೋದು ಯಾಕೆ? ಈ 5 ಟ್ರಿಕ್ಸ್ ಬಳಸಿದ್ರೆ 15 ದಿನ ಹೆಚ್ಚುವರಿಯಾಗಿ ಅಡುಗೆ ಮಾಡಬಹುದು

Ganesh Mabla Gowda — Thu, 22 Oct 2026 20:48:53 +0530

ಮನೆಯ ಗ್ಯಾಸ್ ಆಗಾಗ ನಿಮ್ಮ ಬಜೆಟ್‌ ಅನ್ನು ತಲೆಕೆಳಗೆ ಮಾಡಿಬಿಡುತ್ತದೆ. ಇದ್ದಕ್ಕಿದ್ದಂತೆ ಗ್ಯಾಸ್ ಬೇಗ ಖಾಲಿ ಆಗಿಬಿಡುತ್ತೆ. ಅಯ್ಯೋ ಗ್ಯಾಸ್ ಖಾಲಿ ಆಯ್ತು ಅಂತಾ ಬಾಯಿ ಮೇಲೆ ಬೆರಳಿಡುತ್ತೇವೆ. ಮೊನ್ನೆಯಷ್ಟೇ ಹೊಸ ಗ್ಯಾಸ್ ಬಂದಿತ್ತು. ಈಗ ನೋಡಿದ್ರೆ ಖಾಲಿ ಖಾಲಿ ಅಂತಾ ತಲೆ ಚಚ್ಚಿಕೊಳ್ತೀವಿ.

ಅಂದ್ಹಾಗೆ ಮನೆಯಲ್ಲಿ ಗ್ಯಾಸ್ ಸುಮ್ಮಸುಮ್ಮೆನೆ ಖಾಲಿ ಆಗೋದಿಲ್ಲ. ನಾವು ಮಾಡುವ ಕೆಲವು ಸಣ್ಣಪುಟ್ಟ ತಪ್ಪುಗಳಿಂದಾಗಿ ಅದು ಸಂಭವಿಸುತ್ತದೆ. ಒಂದು ವೇಳೆ ನಾವು ತಪ್ಪುಗಳನ್ನ ಮಾಡಿದಿದ್ರೆ.. 10 ರಿಂದ 15 ದಿನಗಳ ಕಾಲ ಹೆಚ್ಚುವರಿಯಾಗಿ ಬಳಸಬಹುದಾಗಿದೆ.

ನೀವು ಓಲೆಗೆ ಬೆಂಕಿ ಹಚ್ಚುವ ಮೊದಲು ಅಡುಗೆಗೆ ಬೇಕಾದ ಎಲ್ಲಾ ತಯಾರಿ ಮುಗಿಸಿಕೊಳ್ಳಿ
ಗ್ಯಾಸ್ ಹಚ್ಚಿದ ಮೇಲೆ ಒಂದೊಂದೇ ವಸ್ತುಗಳನ್ನ ಕತ್ತರಿಸುವುದು, ಹುಡುಕುವುದು ಮಾಡಬೇಡಿ
ಪ್ಲಾನ್ ಪ್ರಕಾರ ಗ್ಯಾಸ್ ಹೊತ್ತಿಸಿ.. ಬೆಂಕಿಯನ್ನ ವ್ಯರ್ಥ ಮಾಡದೇ ಅಡುಗೆ ಮಾಡಿ ಮುಗಿಸಿ
ಅದಕ್ಕಾಗಿ ನೀವು ಅಡುಗೆಗೆ ಬೇಕಾದ ಎಲ್ಲಾ ಪದಾರ್ಥಗಳನ್ನ ಮೊದಲೇ ಸಿದ್ಧಪಡಿಸಿಕೊಳ್ಳಬೇಕು

ಪ್ಯಾನ್‌ನ ಗಾತ್ರಕ್ಕೆ ಸೂಕ್ತವಾದ ಬರ್ನರ್ ಆರಿಸಬೇಕು
ಇಲ್ಲದಿದ್ದರೆ ಹೆಚ್ಚುವರಿ ಬೆಂಕಿ ಸುಮ್ಮನೆ ಹಾಳಾಗುತ್ತದೆ
ಫ್ಲಾಟ್-ಬಾಟಮ್ ಹೊಂದಿರುವ ಪ್ಯಾನ್‌ ಬಳಸುವುದು ಒಳ್ಳೆಯದು
ಅಡುಗೆ ಮಾಡುವಾಗ ಮುಚ್ಚಳಗಳನ್ನು ಮುಚ್ಚುವುದನ್ನ ಮರೆಯಬಾರದು
ಇದು ಉಗಿಯನ್ನು ಹಿಡಿದಿಟ್ಟುಕೊಳ್ಳುತ್ತದೆ, ಎರಡು ಪಟ್ಟು ಬೇಗ ಬೇಯುತ್ತದೆ

ಬೇಳೆ, ಅಕ್ಕಿ, ಆಲೂಗಡ್ಡ, ಮಾಂಸ ಬೇಯಿಸಲು ಹೆಚ್ಚು ಸಮಯ ಬೇಕು

ಗಟ್ಟಿಯಾದ ವಸ್ತುಗಳ ಬೇಯಿಸಲು ಕುಕರ ಬಳಸಿ, ಗ್ಯಾಸ್ ಉಳಿತಾಯ

ಈ ಟ್ರಿಕ್ಸ್ ಫಾಲೋ ಮಾಡಿದ್ರೆ 30 ರಿಂದ 40 ಪ್ರತಿಶತದಷ್ಟು ಅನಿಲ ಉಳಿಸಬಹುದು

ಒಂದು ಸಲ ಕುದಿಯಲು ಪ್ರಾರಂಭಿಸಿದ್ರೆ ಬೆಂಕಿಯ ಉರಿಯನ್ನ ಕಡಿಮೆ ಮಾಡಬೇಕು
ಹೆಚ್ಚಿನ ಉರಿಯಲ್ಲಿ ಬೇಯಿಸಿದ್ರೆ ಆಹಾರ ಹಾಳಾಗುವುದಲ್ಲದೆ, ಪೋಷಕಾಂಶಗಳು ನಾಶ
ಜೊತೆಗೆ ಗ್ಯಾಸ್ ಕೂಡ ವೇಸ್ಟ್ ಆಗುತ್ತದೆ
ಫ್ರಿಡ್ಜ್‌ನಿಂದ ತೆಗೆದ ಹಾಲು, ತರಕಾರಿ, ಹಿಟ್ಟನ್ನು ನೇರವಾಗಿ ಒಲೆಯ ಮೇಲೆ ಇಡಬಾರದು
ಅವುಗಳನ್ನು ಮುಂಚಿತವಾಗಿ ತೆಗೆದಿಟ್ಟು ನಂತರ ಅಡುಗಗೆ ಬಳಸಬೇಕು

ಸ್ಟೌವ್ ಮೇಲೆ ಇರಲಿ ಎಚ್ಚರ

ಸ್ಟೌವ್ ಬರ್ನರ್‌ನ ರಂಧ್ರಗಳಲ್ಲಿ ಎಣ್ಣೆ, ಗ್ರೀಸ್ ಮತ್ತು ಆಹಾರ ತ್ಯಾಜ್ಯ ಸಂಗ್ರಹ ಆಗಿರುತ್ತದೆ
ಆಗ ಗ್ಯಾಸ್ ಸರಿಯಾಗಿ ಉರಿಯುವುದಿಲ್ಲ, ಕೆಂಪು ಅಥವಾ ಹಳದಿ ಜ್ವಾಲೆಯನ್ನು ಉತ್ಪಾದಿಸುತ್ತದೆ
ಇದರಿಂದ ಹೆಚ್ಚ ಗ್ಯಾಸ್ ಬೇಕಾಗುತ್ತದೆ, ವಾರಕ್ಕೊಮ್ಮೆ ಬರ್ನರ್‌ಗಳನ್ನು ಸ್ವಚ್ಛಗೊಳಿಸಬೇಕು

ರಾತ್ರಿಯಿಡೀ ನಾಗರಹಾವಿನ ಮೇಲೆಯೇ ಮಲಗಿದ್ದ ಅಣ್ಣ-ತಂಗಿ! ಬೆಳಗ್ಗೆ ದಿಂಬು ಎತ್ತಿ ನೋಡಿದಾಗ ಬುಸುಗುಟ್ಟಿದ ನಾಗಪ್ಪ!

Sathish Kumar KH — Thu, 22 Oct 2026 20:46:33 +0530

ಬೆಂಗಳೂರು (ಅ.22): ಕೇಳಿದರೆ ಮೈ ಜುಂ ಎನ್ನುವ, ನೆನೆಸಿಕೊಂಡರೇ ಎದೆಯೊಡೆದು ಹೋಗುವಂತಹ ನಡುಕ ಹುಟ್ಟಿಸುವ ಘಟನೆಯೊಂದು ಬೆಂಗಳೂರಿನಲ್ಲಿ ನಡೆದಿದೆ. ಗಾಢ ನಿದ್ರೆಯಲ್ಲಿದ್ದ ಅಣ್ಣ ಮತ್ತು ತಂಗಿ ರಾತ್ರಿಯಿಡೀ ವಿಷಪೂರಿತ ನಾಗರಹಾವಿನ ಮೇಲೆಯೇ ಮಲಗಿ, ಅದೃಷ್ಟವಶಾತ್ ಕೂದಲೆಳೆ ಅಂತರದಲ್ಲಿ ಪುನರ್ಜನ್ಮ ಪಡೆದಿದ್ದಾರೆ!

ಬೆಂಗಳೂರಿನ ಬಾಗಲಗುಂಟೆ ಸಮೀಪದ ಭೈರವೇಶ್ವರ ನಗರದಲ್ಲಿ ಈ ಬೆಚ್ಚಿಬೀಳಿಸುವ ಘಟನೆ ಬೆಳಕಿಗೆ ಬಂದಿದೆ.

ಕಿಟಕಿ ಮೂಲಕ ರೂಮ್ ನುಗ್ಗಿದ್ದ ನಾಗರಹಾವು:

ಭೈರವೇಶ್ವರ ನಗರದ ನಿವಾಸಿಗಳ ಮನೆಯ ಬೆಡ್‌ರೂಂ ಕಿಟಕಿಯ ಮೂಲಕ ರಾತ್ರಿ ವೇಳೆ ಸುಮಾರು ನಾಲ್ಕೈದು ಅಡಿ ಉದ್ದದ ಭಯಂಕರ ವಿಷಕಾರಿ ನಾಗರಹಾವೊಂದು ನುಸುಳಿದೆ. ಆ ಸಮಯದಲ್ಲಿ ಕೋಣೆಯಲ್ಲಿ ಅಣ್ಣ ಮತ್ತು ತಂಗಿ ಗಾಢ ನಿದ್ರೆಯಲ್ಲಿದ್ದರು. ಕಿಟಕಿಯಿಂದ ಹಾಸಿಗೆಗೆ ಬಂದ ಆ ಸರ್ಪ, ನಿದ್ರೆಯಲ್ಲಿದ್ದ ಮಕ್ಕಳ ಮೈಮೇಲೆ ಓಡಾಡಿ ಕೊನೆಗೆ ಅವರು ತಲೆಯಿಟ್ಟು ಮಲಗಿದ್ದ ದಿಂಬಿನ ಕೆಳಭಾಗದಲ್ಲಿ ಸೇರಿಕೊಂಡಿದೆ.

ಇಲಿ ಇರಬೇಕೆಂದು ನಿರ್ಲಕ್ಷಿಸಿದ್ದ ಮಕ್ಕಳು!

ರಾತ್ರಿ ಮೈಮೇಲೆ ಏನೋ ಹರಿದಾಡಿದ ಅನುಭವವಾದರೂ, ಗಾಢ ನಿದ್ರೆಯಲ್ಲಿದ್ದ ಅಣ್ಣ-ತಂಗಿ ಮನೆಯಲ್ಲಿ "ಇಲಿ ಓಡಾಡುತ್ತಿರಬಹುದು" ಎಂದು ಭಾವಿಸಿ ನಿರ್ಲಕ್ಷ್ಯ ವಹಿಸಿ ನಿದ್ದೆ ಮುಂದುವರಿಸಿದ್ದಾರೆ. ಅಚ್ಚರಿಯೆಂದರೆ ರಾತ್ರಿಯಿಡೀ ಆ ನಾಗರಹಾವು ದಿಂಬಿನ ಕೆಳಗೆ ಹಾಗೂ ಹಾಸಿಗೆಯ ಅಂಚಿನಲ್ಲೇ ಇದ್ದರೂ ಮಕ್ಕಳಿಗೆ ಯಾವುದೇ ರೀತಿಯಲ್ಲೂ ಕಚ್ಚದೆ ಹಾಗೆಯೇ ಕಾಲ ಕಳೆದಿದೆ.

ಬೆಳಿಗ್ಗೆ ದಿಂಬು ಎತ್ತಿದಾಗ ಕಂಡಿತು ಭೀಕರ ದೃಶ್ಯ:

ಬೆಳಗ್ಗೆ ನಿದ್ದೆಯಿಂದ ಎದ್ದ ಮಕ್ಕಳು ಹಾಸಿಗೆ ಮಡಚಲು ಮುಂದಾಗಿದ್ದಾರೆ. ಈ ವೇಳೆ ದಿಂಬನ್ನು ಮೇಲಕ್ಕೆತ್ತಿದಾಗ, ಅದರ ಕೆಳಗೆ ಹೆಡೆ ಬಿಚ್ಚಿ ಮಲಗಿದ್ದ ಭೀಕರ ನಾಗರಹಾವನ್ನು ಕಂಡು ಮಕ್ಕಳು ಕಿರುಚಾಡುತ್ತಾ ಕೋಣೆಯಿಂದ ಹೊರಗೋಡಿ ಬಂದಿದ್ದಾರೆ. ಮಕ್ಕಳ ಚೀರಾಟ ಕೇಳಿ ಬಂದ ಪೋಷಕರು ದೃಶ್ಯ ಕಂಡು ದಂಗಾಗಿ ಬೆಚ್ಚಿಬಿದ್ದಿದ್ದಾರೆ. ರಾತ್ರಿಯಿಡೀ ಈ ನಾಗರಹಾವಿನ ಮೇಲೆಯೇ ಮಕ್ಕಳು ಮಲಗಿದ್ದರು ಎಂಬುದನ್ನು ಅರಿತ ಕುಟುಂಬಸ್ಥರು ನಡುಗಿ ಹೋಗಿದ್ದಾರೆ.

ಹಾವು ಹಿಡಿದು ರಕ್ಷಿಸಿದ ಉರಗ ತಜ್ಞ ನಾಗೇಂದ್ರ:

ತಕ್ಷಣವೇ ಕುಟುಂಬಸ್ಥರು ಖ್ಯಾತ ಉರಗ ಸಂರಕ್ಷಕ ನಾಗೇಂದ್ರ ಅವರಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದಾರೆ. ಸ್ಥಳಕ್ಕೆ ಧಾವಿಸಿದ ಉರಗ ತಜ್ಞ ನಾಗೇಂದ್ರ ಅವರು, ಹಾಸಿಗೆಯಲ್ಲಿದ್ದ ನಾಗರಹಾವನ್ನು ಅತ್ಯಂತ ಚಾಣಾಕ್ಷತನದಿಂದ ಯಾವುದೇ ಅಪಾಯವಾಗದಂತೆ ಹಿಡಿದು ರಕ್ಷಿಸಿದ್ದಾರೆ. ಬಳಿಕ ಆ ಹಾವನ್ನು ಅರಣ್ಯ ಪ್ರದೇಶಕ್ಕೆ ಸುರಕ್ಷಿತವಾಗಿ ಬಿಡಲಾಗಿದೆ.

ಯಾವುದೇ ಅನಾಹುತ ಸಂಭವಿಸದೆ ಮಕ್ಕಳು ಪ್ರಾಣಾಪಾಯದಿಂದ ಪಾರಾಗಿರುವುದನ್ನು ಕಂಡು ಕುಟುಂಬಸ್ಥರು ಮತ್ತು ಸ್ಥಳೀಯರು 'ದೇವರೇ ಮಕ್ಕಳನ್ನು ಕಾಯ್ದಿದ್ದಾನೆ' ಎಂದು ನಿಟ್ಟುಸಿರು ಬಿಟ್ಟಿದ್ದಾರೆ.

ಆ ಒಂದು ಟ್ವಿಸ್ಟ್ ಗೆಸ್ ಮಾಡಿದ್ರೆ ₹1 ಕೋಟಿ ಬಹುಮಾನ: ನಟಿ ಜ್ಯೋತಿ ಕೊಟ್ರು ಬಂಪರ್ ಆಫರ್

Govindaraj S — Thu, 22 Oct 2026 20:45:36 +0530

‘ಗುಪ್ಪೆಡಂತ ಮನಸು’ ಧಾರಾವಾಹಿಯ ‘ಜಗತಿ ಮೇಡಂ’ ಪಾತ್ರದ ಮೂಲಕ ತೆಲುಗು ಕಿರುತೆರೆ ಪ್ರೇಕ್ಷಕರ ಮನ ಗೆದ್ದಿದ್ದ ನಟಿ ಜ್ಯೋತಿ ಪೂರ್ವಜ್, ಇದೀಗ ಬೆಳ್ಳಿತೆರೆ ಮೇಲೆ ಹೊಸ ಪ್ರಯೋಗಕ್ಕೆ ಸಜ್ಜಾಗಿದ್ದಾರೆ. ಕಿರುತೆರೆಗೆ ಬ್ರೇಕ್ ನೀಡಿದ ಬಳಿಕ ಸಿನಿಮಾಗಳತ್ತ ಮುಖ ಮಾಡಿರುವ ಅವರು, ಸದ್ಯ ‘ಕಿಲ್ಲರ್’ ಎಂಬ ಸೈನ್ಸ್‌ಫಿಕ್ಷನ್ ಥ್ರಿಲ್ಲರ್ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಈ ಚಿತ್ರಕ್ಕೆ ಸುಕು ಪೂರ್ವಜ್ ನಿರ್ದೇಶನದ ಜೊತೆಗೆ ಪ್ರಮುಖ ಪಾತ್ರದಲ್ಲೂ ಕಾಣಿಸಿಕೊಂಡಿದ್ದಾರೆ. ಸಿನಿಮಾ ಅಕ್ಟೋಬರ್ 30ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.

‘ಕಿಲ್ಲರ್’ ಟ್ರೈಲರ್ ರಿಲೀಸ್; ಹರಿ ಶಂಕರ್ ಕೈಯಲ್ಲಿ ಲಾಂಚ್

ಎಲ್ಲಾ ಕೆಲಸಗಳನ್ನು ಪೂರ್ಣಗೊಳಿಸಿರುವ ‘ಕಿಲ್ಲರ್’ ಚಿತ್ರದ ಟ್ರೈಲರ್ ಇತ್ತೀಚೆಗೆ ನಿರ್ದೇಶಕ ಹರಿ ಶಂಕರ್ ಅವರ ಕೈಯಲ್ಲಿ ಬಿಡುಗಡೆಯಾಗಿದೆ. ಟ್ರೇಲರ್ ಲಾಂಚ್ ಕಾರ್ಯಕ್ರಮದಲ್ಲೇ ಚಿತ್ರತಂಡ ಮಾಡಿರುವ ಒಂದು ವಿಶೇಷ ಘೋಷಣೆ ಇದೀಗ ಟಾಲಿವುಡ್‌ನಲ್ಲಿ ಕುತೂಹಲ ಮೂಡಿಸಿದೆ. ಚಿತ್ರದ ಕಥೆಯಲ್ಲಿ ಬರುವ ಇಂಟರ್ವೆಲ್ ಟ್ವಿಸ್ಟ್‌ನ್ನು ಪ್ರೇಕ್ಷಕರು ಸರಿಯಾಗಿ ಊಹಿಸಿದರೆ ಬರೋಬ್ಬರಿ ₹1 ಕೋಟಿ ಬಹುಮಾನ ಗೆಲ್ಲುವ ಅವಕಾಶವನ್ನು ಚಿತ್ರತಂಡ ನೀಡಿದೆ.

5 ನಿಮಿಷದಲ್ಲಿ ಟ್ವಿಸ್ಟ್ ಗೆಸ್ ಮಾಡಿ; ₹1 ಕೋಟಿ ನಿಮ್ಮದಾಗಬಹುದು!

ಟ್ರೇಲರ್ ಲಾಂಚ್ ಕಾರ್ಯಕ್ರಮದಲ್ಲಿ ಮಾತನಾಡಿದ ನಿರ್ದೇಶಕ ಸುಕು ಪೂರ್ವಜ್, ‘ಕಿಲ್ಲರ್’ ಸಿನಿಮಾದ ಇಂಟರ್ವೆಲ್‌ನಲ್ಲಿ ಯಾರೂ ಸುಲಭವಾಗಿ ಊಹಿಸಲಾಗದಂತಹ ಟ್ವಿಸ್ಟ್ ಇರಲಿದೆ ಎಂದು ಹೇಳಿದ್ದಾರೆ. ಈ ಟ್ವಿಸ್ಟ್‌ನ್ನು ಪ್ರೇಕ್ಷಕರು ಸಿನಿಮಾ ನೋಡಿದ ಬಳಿಕ ಕೇವಲ ಐದು ನಿಮಿಷಗಳ ಒಳಗೆ ಸರಿಯಾಗಿ ಗೆಸ್ ಮಾಡಬೇಕು. ಅದನ್ನು ಚಿತ್ರತಂಡ ನೀಡುವ ವಾಟ್ಸಾಪ್ ಸಂಖ್ಯೆಗೆ ಕಳುಹಿಸಬೇಕು. ಸರಿಯಾದ ಉತ್ತರ ನೀಡಿದವರಲ್ಲಿ ವಿಜೇತರನ್ನು ಆಯ್ಕೆ ಮಾಡಿ, ಚಿತ್ರದ ಸಕ್ಸಸ್ ಮೀಟ್ ಸಂದರ್ಭದಲ್ಲಿ ₹1 ಕೋಟಿ ಬಹುಮಾನ ನೀಡಲಾಗುತ್ತದೆ ಎಂದು ಮೇಕರ್ಸ್ ಘೋಷಿಸಿದ್ದಾರೆ. ಅಂದಹಾಗೆ, ಈ ಟ್ವಿಸ್ಟ್ ಏನು ಎಂಬುದನ್ನು ಚಿತ್ರತಂಡ ಸದ್ಯ ಬಹಿರಂಗಪಡಿಸಿಲ್ಲ. ಹೀಗಾಗಿ ‘ಕಿಲ್ಲರ್’ ಸಿನಿಮಾ ನೋಡಲು ಪ್ರೇಕ್ಷಕರಿಗೆ ಮತ್ತೊಂದು ಕಾರಣ ಸಿಕ್ಕಂತಾಗಿದೆ.

ಟೆರರಿಸ್ಟ್‌ನಿಂದ ವ್ಯಾಂಪೈರ್‌ವರೆಗೆ; ವಿಭಿನ್ನ ಅವತಾರಗಳಲ್ಲಿ ಜ್ಯೋತಿ ಪೂರ್ವಜ್

‘ಕಿಲ್ಲರ್’ ಸಿನಿಮಾದಲ್ಲಿ ಜ್ಯೋತಿ ಪೂರ್ವಜ್ ವಿಭಿನ್ನ ಶೇಡ್‌ಗಳ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ಟೆರರಿಸ್ಟ್, ಹೌಸ್‌ವೈಫ್, ಸ್ಪೈ ಹಾಗೂ ವ್ಯಾಂಪೈರ್ ಸೇರಿದಂತೆ ಹಲವು ವಿಭಿನ್ನ ಗೆಟಪ್‌ಗಳಲ್ಲಿ ಅವರು ಕಾಣಿಸಿಕೊಳ್ಳಲಿದ್ದಾರೆ. ಕಿರುತೆರೆಯಲ್ಲಿ ಹೆಚ್ಚಾಗಿ ಸಾಂಪ್ರದಾಯಿಕ ಪಾತ್ರಗಳ ಮೂಲಕ ಗುರುತಿಸಿಕೊಂಡಿದ್ದ ಜ್ಯೋತಿ, ಈ ಸಿನಿಮಾದ ಮೂಲಕ ತಮ್ಮ ಅಭಿನಯದ ಮತ್ತೊಂದು ಮುಖವನ್ನು ಪರಿಚಯಿಸುವ ಪ್ರಯತ್ನ ಮಾಡಿದ್ದಾರೆ. ವಿಭಿನ್ನ ಪಾತ್ರಗಳ ಜೊತೆಗೆ ಗ್ಲಾಮರ್ ಲುಕ್‌ನಲ್ಲಿಯೂ ಅವರು ಕಾಣಿಸಿಕೊಳ್ಳಲಿದ್ದು, ಈ ಹೊಸ ಅವತಾರ ಹೇಗಿರಲಿದೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿದೆ.

VFXಗೆ ಹೆಚ್ಚಿನ ಒತ್ತು; ಥ್ರಿಲ್ಲರ್ ಪ್ರಿಯರಿಗೆ ಸ್ಪೆಷಲ್ ಟ್ರೀಟ್?

ಸೈನ್ಸ್‌ಫಿಕ್ಷನ್ ಥ್ರಿಲ್ಲರ್ ಆಗಿರುವ ‘ಕಿಲ್ಲರ್’ ಸಿನಿಮಾದಲ್ಲಿ VFXಗೆ ವಿಶೇಷ ಪ್ರಾಮುಖ್ಯತೆ ನೀಡಲಾಗಿದೆ ಎಂದು ಚಿತ್ರತಂಡ ತಿಳಿಸಿದೆ. ಚಿತ್ರದ ಗುಣಮಟ್ಟದಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳದೆ ಸಿನಿಮಾವನ್ನು ರೂಪಿಸಿರುವುದಾಗಿ ಮೇಕರ್ಸ್ ಹೇಳಿದ್ದಾರೆ. ಅಕ್ಟೋಬರ್ 30ರಂದು ‘ಆದರ್ಶ ಕುಟುಂಬಂ’ ಮತ್ತು ‘ಕಲ್ಟ್’ ಸೇರಿದಂತೆ ಹಲವು ಸಿನಿಮಾಗಳು ಬಿಡುಗಡೆಯಾಗುತ್ತಿರುವುದರಿಂದ ‘ಕಿಲ್ಲರ್’ಗೆ ಬಾಕ್ಸ್ ಆಫೀಸ್‌ನಲ್ಲಿ ಪೈಪೋಟಿಯೂ ಎದುರಾಗಲಿದೆ. ಆದರೆ ವಿಭಿನ್ನ ಕಥಾಹಂದರ ಹಾಗೂ ಸೈನ್ಸ್‌ಫಿಕ್ಷನ್ ಥ್ರಿಲ್ಲರ್ ಅಂಶಗಳು ಸಿನಿಮಾ ಪ್ರೇಕ್ಷಕರನ್ನು ಸೆಳೆಯಲಿವೆ ಎಂಬ ವಿಶ್ವಾಸ ಚಿತ್ರತಂಡಕ್ಕಿದೆ.

₹1 ಕೋಟಿ ಗೆಲ್ಲೋದು ಯಾರು?

ಇನ್ನು ಒಂದೆಡೆ ಜ್ಯೋತಿ ಪೂರ್ವಜ್ ಅವರ ವಿಭಿನ್ನ ಪಾತ್ರಗಳು, ಮತ್ತೊಂದೆಡೆ ಯಾರೂ ಊಹಿಸಲಾಗದ ಇಂಟರ್ವೆಲ್ ಟ್ವಿಸ್ಟ್. ಅದರ ಜೊತೆಗೆ ಸರಿಯಾದ ಉತ್ತರ ನೀಡಿದವರಿಗೆ ₹1 ಕೋಟಿ ಬಹುಮಾನ! ಹೀಗಾಗಿ ‘ಕಿಲ್ಲರ್’ ಸಿನಿಮಾ ಬಿಡುಗಡೆಗೂ ಮುನ್ನವೇ ಕುತೂಹಲ ಹುಟ್ಟುಹಾಕಿದೆ. ಇಂಟರ್ವೆಲ್‌ನಲ್ಲಿ ಅಡಗಿರುವ ಆ ಸೀಕ್ರೆಟ್ ಏನು? ಅದನ್ನು ಐದು ನಿಮಿಷದಲ್ಲಿ ಯಾರು ಸರಿಯಾಗಿ ಗೆಸ್ ಮಾಡುತ್ತಾರೆ? ಆ ಅದೃಷ್ಟಶಾಲಿ ₹1 ಕೋಟಿ ಬಹುಮಾನವನ್ನು ಯಾರು ಗೆಲ್ಲುತ್ತಾರೆ? ಈ ಎಲ್ಲ ಪ್ರಶ್ನೆಗಳಿಗೆ ಉತ್ತರ ಸಿಗಬೇಕಾದರೆ ಅಕ್ಟೋಬರ್ 30ರವರೆಗೆ ಕಾಯಲೇಬೇಕು.

ಹಬ್ಬದ ಸೀಸನ್‌ನಲ್ಲಿ ಹುಂಡೈ ಕಾರುಗಳ ಮೇಲೆ ಬಂಪರ್ ಡಿಸ್ಕೌಂಟ್‌, ಕ್ರೇಟಾದಿಂದ ಔರಾವರೆಗೆ ಸಾಲು ಸಾಲು ಆಫರ್‌

Santosh Naik — Thu, 22 Oct 2026 20:42:40 +0530

ನವದೆಹಲಿ (ಅ.22): ಹಬ್ಬದ ಋತುವಿನ ಪ್ರಯುಕ್ತ ಪ್ರಸಿದ್ಧ ವಾಹನ ತಯಾರಕ ಸಂಸ್ಥೆ ಹುಂಡೈ (Hyundai), ತನ್ನ ವಿವಿಧ ಜನಪ್ರಿಯ ಕಾರುಗಳ ಮೇಲೆ ಭಾರಿ ರಿಯಾಯಿತಿ ಹಾಗೂ ವಿಶೇಷ ಆಫರ್‌ಗಳನ್ನು ಪ್ರಕಟಿಸಿದೆ. ಕಂಪನಿಯು ಕ್ರೇಟಾ (Creta), ಔರಾ (Aura), ಗ್ರಾಂಡ್ ಐ10 ನಿಯೋಸ್ (Grand i10 Nios), ಐ20 (i20), ಎಕ್ಸ್‌ಟರ್ (Exter), ವೆರ್ನಾ (Verna) ಹಾಗೂ ಅಲ್ಕಜಾರ್ (Alcazar) ಕಾರುಗಳ ಮೇಲೆ ಭಾರಿ ನಗದು ರಿಯಾಯಿತಿ (Cash Discount), ಎಕ್ಸ್‌ಚೇಂಜ್ ಬೋನಸ್ ಹಾಗೂ ಅಪ್‌ಗ್ರೇಡ್ ಪ್ರಯೋಜನಗಳನ್ನು ನೀಡುತ್ತಿದೆ.

ಕಂಪನಿಯ ಅತ್ಯಂತ ಜನಪ್ರಿಯ 'ಹುಂಡೈ ಕ್ರೇಟಾ' ಪೆಟ್ರೋಲ್ ಮಾದರಿಯ ಮೇಲೆ ₹35,000 ವರೆಗೆ ನಗದು ರಿಯಾಯಿತಿ ನೀಡಲಾಗಿದೆ. ಅದೇ ರೀತಿ 'ಕ್ರೇಟಾ ಎನ್ ಲೈನ್' (Creta N Line) ಮಾದರಿಯ ಮೇಲೆ ₹45,000 ನಗದು ರಿಯಾಯಿತಿ, ₹30,000 ಎಕ್ಸ್‌ಚೇಂಜ್ ಬೋನಸ್ ಹಾಗೂ ₹25,000 ಅಪ್‌ಗ್ರೇಡ್ ಬೋನಸ್ ಸೇರಿದೆ. ಈ ಎಲ್ಲಾ ಸೌಲಭ್ಯಗಳನ್ನು ಒಟ್ಟುಗೂಡಿಸಿದರೆ ಅರ್ಹ ಗ್ರಾಹಕರು ಬರೋಬ್ಬರಿ ₹1 ಲಕ್ಷದವರೆಗೆ ಉಳಿತಾಯ ಮಾಡುವ ಸುವರ್ಣಾವಕಾಶ ಲಭ್ಯವಿದೆ.

ಮತ್ತೊಂದೆಡೆ, 'ಕ್ರೇಟಾ ಎಲೆಕ್ಟ್ರಿಕ್' (Creta Electric) ಮಾದರಿಯ ಮೇಲೆಯೂ ₹30,000 ನಗದು ರಿಯಾಯಿತಿ, ₹15,000 ಎಕ್ಸ್‌ಚೇಂಜ್ ಬೋನಸ್ ಮತ್ತು ₹15,000 ಅಪ್‌ಗ್ರೇಡ್ ಪ್ರಯೋಜನಗಳನ್ನು ನೀಡಲಾಗಿದೆ. ಆದರೆ, ಈ ಎಲ್ಲಾ ರಿಯಾಯಿತಿಗಳು ಕಾರಿನ ಆಯಾ ವೇರಿಯೆಂಟ್ ಹಾಗೂ ಕಂಪನಿಯ ನಿಯಮಗಳು ಮತ್ತು ಷರತ್ತುಗಳಿಗೆ ಒಳಪಟ್ಟಿರುತ್ತವೆ.

ಗ್ರಾಂಡ್ ಐ10 ನಿಯೋಸ್ ಮತ್ತು ಔರಾ ಮೇಲಿರುವ ಆಫರ್‌ಗಳು

ಹುಂಡೈ ಸಂಸ್ಥೆಯ 'ಗ್ರಾಂಡ್ ಐ10 ನಿಯೋಸ್' ಪೆಟ್ರೋಲ್ ವೇರಿಯೆಂಟ್ ಮೇಲೆ ₹35,000 ಹಾಗೂ ಸಿಎನ್‌ಜಿ (CNG) ವೇರಿಯೆಂಟ್ ಮೇಲೆ ₹30,000 ನಗದು ರಿಯಾಯಿತಿ ನೀಡಲಾಗುತ್ತಿದೆ. ಇದಲ್ಲದೆ ಅರ್ಹ ಗ್ರಾಹಕರಿಗೆ ₹15,000 ಎಕ್ಸ್‌ಚೇಂಜ್ ಬೋನಸ್ ಮತ್ತು ₹15,000 ಅಪ್‌ಗ್ರೇಡ್ ಬೋನಸ್ ಸಹ ಸಿಗಲಿದೆ.

ಇನ್ನು 'ಹುಂಡೈ ಔರಾ' ಸೆಡಾನ್ ಕಾರಿನ ಪೆಟ್ರೋಲ್ ಆವೃತ್ತಿಗೆ ₹15,000 ಹಾಗೂ ಸಿಎನ್‌ಜಿ ಆವೃತ್ತಿಗೆ ₹30,000 ನಗದು ರಿಯಾಯಿತಿ ನಿಗದಿಪಡಿಸಲಾಗಿದೆ. ಇದರ ಜೊತೆಗೆ ₹5,000 ಸ್ಕ್ರ್ಯಾಪೇಜ್ ಬೋನಸ್ ಹಾಗೂ ಗ್ರಾಮೀಣ ಭಾಗದ ಗ್ರಾಹಕರಿಗೆ ₹5,000 ವಿಶೇಷ ಆಫರ್ ಸಹ ಲಭ್ಯವಿದೆ.

ಐ20 ಮತ್ತು ಎಕ್ಸ್‌ಟರ್ ಕಾರುಗಳ ಮೇಲೆ ಎಷ್ಟು ಉಳಿತಾಯ?

ಪ್ರೀಮಿಯಂ ಹ್ಯಾಚ್‌ಬ್ಯಾಕ್ 'ಹುಂಡೈ ಐ20' ನ ಆಯ್ದ ವೇರಿಯೆಂಟ್‌ಗಳ ಮೇಲೆ ₹25,000 ನಗದು ರಿಯಾಯಿತಿ, ₹15,000 ಎಕ್ಸ್‌ಚೇಂಜ್ ಬೋನಸ್ ಮತ್ತು ₹15,000 ಅಪ್‌ಗ್ರೇಡ್ ಬೋನಸ್ ನೀಡಲಾಗುತ್ತಿದೆ. ಕೆಲವು ನಿರ್ದಿಷ್ಟ ಗ್ರಾಹಕರಿಗೆ ಕಾರ್ಪೊರೇಟ್ ಹಾಗೂ ಗ್ರಾಮೀಣ ರಿಯಾಯಿತಿಯ ಹೆಚ್ಚುವರಿ ಸೌಲಭ್ಯವೂ ಸಿಗಲಿದೆ.

ಮತ್ತೊಂದೆಡೆ, ಮೈಕ್ರೋ ಎಸ್‍ಯುವಿ 'ಹುಂಡೈ ಎಕ್ಸ್‌ಟರ್' ಕಾರಿನ ಮೇಲೆ ₹20,000 ನಗದು ರಿಯಾಯಿತಿ, ₹10,000 ಎಕ್ಸ್‌ಚೇಂಜ್ ಬೋನಸ್ ಹಾಗೂ ₹10,000 ಅಪ್‌ಗ್ರೇಡ್ ಬೋನಸ್ ಲಭ್ಯವಿದ್ದು, ಈ ಆಫರ್‌ಗಳು ಕಾರಿನ ಆಯ್ದ ಆವೃತ್ತಿಗಳಿಗೆ ಮಾತ್ರ ಸೀಮಿತವಾಗಿವೆ.

ವೆರ್ನಾ ಮತ್ತು ಅಲ್ಕಜಾರ್ ಕಾರುಗಳ ಪ್ರಯೋಜನಗಳು

ಹುಂಡೈ 'ವೆರ್ನಾ' ಸೆಡಾನ್ ಕಾರಿನ ಮೇಲೆ ₹40,000 ವರೆಗೆ ನಗದು ರಿಯಾಯಿತಿ ನೀಡಲಾಗುತ್ತಿದೆ. ಇದರ ಜೊತೆಗೆ ಅರ್ಹ ಗ್ರಾಹಕರು ಸ್ಕ್ರ್ಯಾಪೇಜ್ ಅಥವಾ ಎಕ್ಸ್‌ಚೇಂಜ್ ಬೋನಸ್, ಅಪ್‌ಗ್ರೇಡ್ ಬೋನಸ್ ಹಾಗೂ ಕಾರ್ಪೊರೇಟ್ ಆಫರ್‌ಗಳ ಲಾಭವನ್ನು ಪಡೆಯಬಹುದು.

ಇನ್ನು 7-ಸೀಟರ್ ಎಸ್‍ಯುವಿ 'ಹುಂಡೈ ಅಲ್ಕಜಾರ್' ಪೆಟ್ರೋಲ್ ವೇರಿಯೆಂಟ್ ಮೇಲೆ ₹30,000 ನಗದು ರಿಯಾಯಿತಿ ಹಾಗೂ ₹20,000 ಎಕ್ಸ್‌ಚೇಂಜ್ ಬೋನಸ್ ಲಭ್ಯವಿದೆ. ಕಾರಿನ ಕೆಲವು ಆಯ್ದ ವೇರಿಯೆಂಟ್‌ಗಳಿಗೆ ಹೆಚ್ಚುವರಿ ಸ್ಕ್ರ್ಯಾಪೇಜ್ ಬೋನಸ್ ಸಹ ನೀಡಲಾಗುತ್ತಿದೆ.

ಖರೀದಿಗೂ ಮುನ್ನ ಈ ಸಂಗತಿಗಳು ಗಮನದಲ್ಲಿರಲಿ

ಹುಂಡೈ ಪ್ರಕಟಿಸಿರುವ ಈ ಹಬ್ಬದ ಆಫರ್‌ಗಳ ಸಂಪೂರ್ಣ ಲಾಭ ಪಡೆಯುವ ಮುನ್ನ ಗ್ರಾಹಕರು ತಮ್ಮ ಸಮೀಪದ ಹುಂಡೈ ಶೋರೂಂ ಅಥವಾ ಡೀಲರ್‌ಶಿಪ್‌ಗೆ ಭೇಟಿ ನೀಡಿ ನಿಖರ ಬೆಲೆ ಹಾಗೂ ರಿಯಾಯಿತಿ ವಿವರಗಳನ್ನು ಖಚಿತಪಡಿಸಿಕೊಳ್ಳುವುದು ಸೂಕ್ತ. ನಗರ, ವೇರಿಯೆಂಟ್, ಲಭ್ಯವಿರುವ ಸ್ಟಾಕ್ ಹಾಗೂ ಗ್ರಾಹಕರ ಅರ್ಹತೆಗೆ ಅನುಗುಣವಾಗಿ ಆಫರ್‌ಗಳು ಬದಲಾಗಬಹುದು.

ಕಂಪನಿಯು ಈ ಹಿಂದೆ ಘೋಷಿಸಿದ್ದ ನವರಾತ್ರಿ ಸ್ಕೀಮ್‌ನ ಬುಕಿಂಗ್ ಅವಧಿಯು ಅಕ್ಟೋಬರ್ 2 ರಿಂದ ಅಕ್ಟೋಬರ್ 10 ರವರೆಗೆ ಇತ್ತು. ಆದ್ದರಿಂದ ಪ್ರಸ್ತುತ ದಿನಗಳಲ್ಲಿ (ಉದಾಹರಣೆಗೆ ಅಕ್ಟೋಬರ್ 21 ರಿಂದಿತ್ತೀಚೆಗೆ) ಕಾರು ಬುಕ್ ಮಾಡುವ ಗ್ರಾಹಕರು, ಸದರಿ ಆಫರ್‌ಗಳು ಪ್ರಸ್ತುತ ಜಾರಿಯಲ್ಲಿವೆಯೇ ಹಾಗೂ ಡೆಲಿವರಿ ಪಡೆಯಲು ಇರುವ ಶರತ್ತುಗಳೇನು ಎಂಬುದನ್ನು ಡೀಲರ್‌ಗಳಿಂದ ಸ್ಪಷ್ಟವಾಗಿ ಕೇಳಿ ತಿಳಿದುಕೊಳ್ಳುವುದು ಒಳಿತು.

ನಿಮ್ಮ ಹತ್ರ ಪಲಾವ್ ಎಲೆ ಇದ್ರೆ ಸಾಕು... ಸೊಳ್ಳೆ ಕಾಟವೂ ಮಾಯ, ಕೆಟ್ಟ ಶಕ್ತಿಯೂ ದೂರ

Ashwini HR — Thu, 22 Oct 2026 20:30:38 +0530

Bay leaf for mosquitoes: ಸಂಜೆಯಾಗುತ್ತಿದ್ದಂತೆ ಮನೆಗೆ ನುಗ್ಗುವ ಸೊಳ್ಳೆಗಳು ಹಾಗೂ ಸಣ್ಣ ನೊಣಗಳನ್ನು ಓಡಿಸಲು ದುಬಾರಿ ಕಾಯಿಲ್, ಲಿಕ್ವಿಡ್‌ಗಳ ಮೊರೆ ಹೋಗುವ ಬದಲು, ಅಡುಗೆ ಮನೆಯಲ್ಲಿರುವ ಈ ಎರಡು ವಸ್ತುಗಳನ್ನು ಬಳಸಿದರೆ ಸಾಕು.

ಇಂತಹ ಸಮಸ್ಯೆಗೆ ಸುಲಭ ಪರಿಹಾರಪ್ರತಿದಿನ ಸಂಜೆಯಾಗುತ್ತಿದ್ದಂತೆ ಮನೆಗಳಲ್ಲಿ ಸೊಳ್ಳೆಗಳ ಕಾಟ ಶುರುವಾಗುತ್ತದೆ. ಸೊಳ್ಳೆ ಬತ್ತಿ, ರಾಸಾಯನಿಕ ಲಿಕ್ವಿಡ್‌ಗಳನ್ನು ಬಳಸಿದರೂ ಸೊಳ್ಳೆಗಳು ಹೋಗುತ್ತಿಲ್ಲ, ಜೊತೆಗೆ ಆ ಹೊಗೆಯಿಂದ ಆರೋಗ್ಯಕ್ಕೂ ಹಾನಿ ಎಂದು ಬೇಸರಗೊಂಡಿದ್ದೀರಾ? ಹಾಗಾದರೆ, ನಿಮ್ಮ ಅಡುಗೆಮನೆಯಲ್ಲಿರುವ 'ಪಲಾವ್ ಎಲೆ' (Bay leaf) ಹಾಗೂ 'ಅರಿಶಿನ' ಬಳಸಿ ಈ ಸಮಸ್ಯೆಗೆ ಸುಲಭವಾಗಿ ಹಾಗೂ ನೈಸರ್ಗಿಕವಾಗಿ ಮುಕ್ತಿ ಹೇಳಬಹುದು. ವಿಶೇಷವೆಂದರೆ, ಇದು ಕೇವಲ ಸೊಳ್ಳೆಗಳನ್ನು ಮಾತ್ರವಲ್ಲ, ಮನೆಯಲ್ಲಿರುವ ನಕಾರಾತ್ಮಕ ಶಕ್ತಿಯನ್ನೂ (Negative Energy) ದೂರ ಮಾಡುತ್ತದೆ!

ಮಾಡುವ ವಿಧಾನ ಹೇಗೆ?ಇದನ್ನು ಮಾಡುವುದು ಅತ್ಯಂತ ಸರಳ. ಒಂದು ಸಣ್ಣ ಬಟ್ಟಲಿನಲ್ಲಿ ಸ್ವಲ್ಪ ಅರಿಶಿನ ಪುಡಿಯನ್ನು ತೆಗೆದುಕೊಂಡು, ಅದಕ್ಕೆ ಕೇವಲ ಒಂದೆರಡು ಹನಿ ನೀರು ಸೇರಿಸಿ ಗಟ್ಟಿಯಾದ ಪೇಸ್ಟ್ ತಯಾರಿಸಿಕೊಳ್ಳಿ. ನೆನಪಿರಲಿ, ಪೇಸ್ಟ್ ತೆಳುವಾಗಿರಬಾರದು, ಗಟ್ಟಿಯಾಗಿರಬೇಕು. ನಂತರ ಈ ಅರಿಶಿನದ ಪೇಸ್ಟ್ ಅನ್ನು ಪಲಾವ್ ಎಲೆಗೆ (Bay leaf) ಸಂಪೂರ್ಣವಾಗಿ ಲೇಪಿಸಿ (ಹಚ್ಚಿ). ಬಳಿಕ, ಅರಿಶಿನ ಹಚ್ಚಿದ ಈ ಎಲೆಯನ್ನು ಬಿಸಿಲಿನಲ್ಲಿ ಚೆನ್ನಾಗಿ ಒಣಗಲು ಬಿಡಬೇಕು. ಎಲೆ ಪೂರ್ತಿಯಾಗಿ ಡ್ರೈ ಆದ ಮೇಲೆ, ಸಂಜೆಯ ಸಮಯದಲ್ಲಿ ಅದನ್ನು ಮನೆಯಲ್ಲಿ ಸುಡಬೇಕು.

ಇದರ ಪ್ರಯೋಜನಗಳೇನು?ಪಲಾವ್ ಎಲೆ ಮತ್ತು ಅರಿಶಿನ ಸುಟ್ಟಾಗ ಬರುವ ಹೊಗೆಯನ್ನು ಮನೆಯ ಮೂಲೆ ಮೂಲೆಗೂ ಹರಡುವಂತೆ ಮಾಡಬೇಕು. ಈ ನೈಸರ್ಗಿಕ ಹೊಗೆಯ ವಾಸನೆಗೆ ಮನೆಯಲ್ಲಿರುವ ಸಣ್ಣ ಸಣ್ಣ ನೊಣಗಳು ಹಾಗೂ ಸೊಳ್ಳೆಗಳು ತಕ್ಷಣವೇ ಕಾಲ್ಕೀಳುತ್ತವೆ.

ಅಷ್ಟೇ ಅಲ್ಲದೆ, ಪುರಾತನ ಕಾಲದಿಂದಲೂ ಅರಿಶಿನವನ್ನು ಶುದ್ಧತೆಯ ಸಂಕೇತವೆಂದು ನಂಬಲಾಗಿದೆ. ಪಲಾವ್ ಎಲೆಯ ಸುಗಂಧ ಹಾಗೂ ಅರಿಶಿನದ ಹೊಗೆಯು ಗಾಳಿಯನ್ನು ಶುದ್ಧೀಕರಿಸುವುದರ ಜೊತೆಗೆ, ಮನೆಯಲ್ಲಿರುವ ನೆಗೆಟಿವ್ ಎನರ್ಜಿಯನ್ನು ಹೊಡೆದೋಡಿಸಿ, ಮನಸ್ಸಿಗೆ ನೆಮ್ಮದಿ ನೀಡುವ ಸಕಾರಾತ್ಮಕ ವಾತಾವರಣವನ್ನು ನಿರ್ಮಿಸುತ್ತದೆ.

ಯಾವುದೇ ಖರ್ಚಿಲ್ಲದ, ರಾಸಾಯನಿಕ ಮುಕ್ತವಾದ ಈ ಸರಳ ಮನೆಮದ್ದನ್ನು ಇಂದೇ ಟ್ರೈ ಮಾಡಿ ನೋಡಿ.

'ಶಂಕರ್ ಗುರು' ಸಿನಿಮಾಗೆ ಬಾಲಿವುಡ್ ನಟರನ್ನ ರಿಜೆಕ್ಟ್ ಮಾಡಿದ ಡಾ. ರಾಜ್? ಬ್ಲಾಕ್ ಬಸ್ಟರ್ ಮಾಡಿದ ಪಾರ್ವತಮ್ಮ!

Sathish Kumar KH — Thu, 22 Oct 2026 20:23:38 +0530

ಕನ್ನಡ ಚಿತ್ರರಂಗದ ಮೇರು ನಟ, ನಟಸಾರ್ವಭೌಮ ಡಾ. ರಾಜ್‌ಕುಮಾರ್ ಅವರ ವೃತ್ತಿಜೀವನದಲ್ಲಿ ತ್ರಿಪಾತ್ರಾಭಿನಯದ ‘ಶಂಕರ್ ಗುರು’ (1978) ಚಿತ್ರಕ್ಕೆ ಅತ್ಯಂತ ಮಹತ್ವದ ಸ್ಥಾನವಿದೆ. ಆದರೆ, ಈ ಆಲ್-ಟೈಮ್ ಬ್ಲಾಕ್‌ಬಸ್ಟರ್ ಸಿನಿಮಾದ ಹಿಂದೆ ಅಣ್ಣಾವ್ರ ಅಪ್ಪಟ ಕನ್ನಡಾಭಿಮಾನ ಹಾಗೂ ನಿರ್ಮಾಪಕಿ ಪಾರ್ವತಮ್ಮ ರಾಜ್‌ಕುಮಾರ್ ಅವರ ಅದ್ಭುತ ಸಾಹಸಗಾಥೆಯಿದೆ ಎಂಬುದು ಹಲವರಿಗೆ ತಿಳಿದಿಲ್ಲ!

ಹೌದು, ಈ ಸಿನಿಮಾ ಮೊದಲು ಪಾರ್ವತಮ್ಮನವರ ಪಾಲಾಗಿದ್ದೇ ಒಂದು ದೊಡ್ಡ ಆಕಸ್ಮಿಕ.

ಹೇಮಾಮಾಲಿನಿ, ಅಮ್ಜದ್ ಖಾನ್ ಬರಬೇಕಿತ್ತು?

1977ರಲ್ಲಿ 'ಶಂಕರ್ ಗುರು' ಚಿತ್ರದ ಯೋಜನೆ ಆರಂಭವಾದಾಗ ಅದರ ಮೂಲ ನಿರ್ಮಾಪಕರು ದಾವಣಗೆರೆಯವರಾಗಿದ್ದರು. ಚಿತ್ರದ ಬಹುತೇಕ ಕಥೆ ಮತ್ತು ಸಾಹಸ ದೃಶ್ಯಗಳು ಕಾಶ್ಮೀರದಲ್ಲೇ ನಡೆಯಬೇಕಿದ್ದರಿಂದ, ಬಜೆಟ್ ಕೂಡ ಭಾರಿ ಪ್ರಮಾಣದಲ್ಲಿತ್ತು. ಹೀಗಾಗಿ ವ್ಯಾಪಾರ ಹಾಗೂ ಮಾರುಕಟ್ಟೆಯ ದೃಷ್ಟಿಯಿಂದ ಚಿತ್ರಕ್ಕೆ ಹಿಂದಿಯ ಹೆಸರಾಂತ ತಾರೆಯರಾದ ಹೇಮಾಮಾಲಿನಿ, ಗಬ್ಬರ್ ಸಿಂಗ್ ಖ್ಯಾತಿಯ ಅಮ್ಜದ್ ಖಾನ್ ಹಾಗೂ ಶಕ್ತಿಕಪೂರ್ ಅವರನ್ನು ಕರೆತರಲು ಮೂಲ ನಿರ್ಮಾಪಕರು ಯೋಜಿಸಿದ್ದರು.

ಆದರೆ ಇದಕ್ಕೆ ಡಾ. ರಾಜ್‌ಕುಮಾರ್ ಸುತಾರಾಂ ಒಪ್ಪಲಿಲ್ಲ! "ನಾವು ಬೇರೆ ಚಿತ್ರರಂಗದ ಕಲಾವಿದರನ್ನು ಕರೆತಂದು ಇಲ್ಲಿ ಅವಕಾಶ ಕೊಟ್ಟರೆ, ನಮ್ಮ ನೆಲದ ಪ್ರತಿಭಾವಂತ ಕನ್ನಡ ಕಲಾವಿದರಿಗೆ ಹೊರಗಿನವರು ಯಾರು ಅವಕಾಶ ಕೊಡುತ್ತಾರೆ? ನಮ್ಮ ಸಿನಿಮಾದಲ್ಲಿ ನಮ್ಮವರೇ ನಟಿಸಬೇಕು' ಎಂದು ಖಡಕ್ಕಾಗಿ ಹೇಳಿದರು. ಆದರೆ, ನಿರ್ಮಾಪಕರು ತಮ್ಮ ಹಠ ಬಿಡದ ಕಾರಣ ಚಿತ್ರೀಕರಣ ಅರ್ಧಕ್ಕೆ ಸ್ಥಗಿತಗೊಂಡು, ನಿರ್ಮಾಪಕರು ಪ್ರಾಜೆಕ್ಟ್‌ನಿಂದ ಹಿಂದೆ ಸರಿದರು.

ಪಾರ್ವತಮ್ಮ ಎಂಬ ಅಪ್ರತಿಮ ಧೀಮಂತ ಶಕ್ತಿಯ ಎಂಟ್ರಿ:

ಈ ಸಂಕಷ್ಟದ ಸಮಯದಲ್ಲಿ ಚಿತ್ರವನ್ನು ಕೈಬಿಡಲು ಇಷ್ಟಪಡದ ಪಾರ್ವತಮ್ಮ ರಾಜ್‌ಕುಮಾರ್ ಅವರು, ಖ್ಯಾತ ನಿರ್ಮಾಪಕ ಕೆ.ಸಿ.ಎನ್. ಚಂದ್ರಶೇಖರ್ ಅವರ ಸಹಕಾರದೊಂದಿಗೆ ಚಿತ್ರದ ಸಂಪೂರ್ಣ ನಿರ್ಮಾಣದ ಹೊಣೆಯನ್ನು ತಮ್ಮ ಹೆಗಲಿಗೆ ಏರಿಸಿಕೊಂಡರು.

ಅಂದಿನ ಕಾಲಕ್ಕೆ ಸುಮಾರು 100 ಜನರ ಬೃಹತ್ ಚಿತ್ರತಂಡವನ್ನು ಕಟ್ಟಿಕೊಂಡು, ಸತತ ಒಂದು ತಿಂಗಳ ಕಾಲ ಕಾಶ್ಮೀರದಲ್ಲಿ ಠಿಕಾಣಿ ಹೂಡಿ ಅದ್ದೂರಿಯಾಗಿ ಶೂಟಿಂಗ್ ಮುಗಿಸುವುದು ಸಣ್ಣ ಮಾತಾಗಿರಲಿಲ್ಲ. ನಿರ್ಮಾಣ ರಂಗಕ್ಕೆ ಹೊಸಬರಾಗಿದ್ದ ಪಾರ್ವತಮ್ಮನವರು ತೋರಿದ ಅಸಾಧಾರಣ ಧೈರ್ಯ ಮತ್ತು ಸಾಹಸ ಇಡೀ ಚಿತ್ರರಂಗವೇ ಬೆರಗಾಗುವಂತೆ ಮಾಡಿತ್ತು.

ಕಲ್ಪನೆಗೂ ನಿಲುಕದ ಯಶಸ್ಸು – ಹಣದ ಸುರಿಮಳೆ!

ಕಾಶ್ಮೀರದಲ್ಲಿ ಅದ್ಭುತವಾಗಿ ಚಿತ್ರೀಕರಣ ಪೂರೈಸಿ ಬಿಡುಗಡೆಯಾದ ‘ಶಂಕರ್ ಗುರು’ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಚಂಡಮಾರುತವನ್ನೇ ಎಬ್ಬಿಸಿತು! ಚಿತ್ರ ಭರ್ಜರಿ ಶತದಿನೋತ್ಸವ ಆಚರಿಸಿ ಹಣದ ಸುರಿಮಳೆಯನ್ನೇ ಸುರಿಸಿತು. ಡಾ. ರಾಜ್‌ಕುಮಾರ್ ಅವರು ಅಲ್ಲಿಯವರೆಗೆ ಕೇವಲ ನಟನೆಯ ಸಂಭಾವನೆಯಿಂದ ಗಳಿಸಿದ್ದ ಒಟ್ಟು ಹಣಕ್ಕಿಂತ ಸಾವಿರ ಪಟ್ಟು ಹೆಚ್ಚಿನ ಆದಾಯವನ್ನು ಈ ಒಂದೇ ಸಿನಿಮಾ ತಂದುಕೊಟ್ಟಿತು.

ಈ ಮಹತ್ತರ ಯಶಸ್ಸಿನ ಹಿಂದಿನ ಮತ್ತೊಂದು ಪ್ರಾಮಾಣಿಕ ಕೊಂಡಿ 'ವಿಜಯಾ ಹಂಚಿಕೆದಾರರು' (VPC). ಚಿತ್ರದ ಗಳಿಕೆಯ ಪ್ರತಿಯೊಂದು ರೂಪಾಯಿಯ ಲೆಕ್ಕವನ್ನು ಅತ್ಯಂತ ನಿಷ್ಠೆಯಿಂದ ಪಾರ್ವತಮ್ಮನವರ ಕೈಗಿಟ್ಟರು.

ಅಲ್ಲಿಂದ ಶುರುವಾದ ಪಾರ್ವತಮ್ಮನವರ ಗೆಲುವಿನ ಓಟ ಮುಂದೆ ಇತಿಹಾಸ. ಅವರು ಮುಟ್ಟಿದ್ದೆಲ್ಲಾ ಚಿನ್ನವಾಯಿತು. ಕನ್ನಡ ಚಿತ್ರರಂಗಕ್ಕೆ 85ಕ್ಕೂ ಹೆಚ್ಚು ಆಣಿಮುತ್ತಿನಂತಹ ಸದಭಿರುಚಿಯ ಚಿತ್ರಗಳನ್ನು ನೀಡಿ, ಸ್ವತಃ ಹಂಚಿಕಾ ಸಂಸ್ಥೆಯನ್ನು ಕಟ್ಟಿ ಕನ್ನಡ ಚಿತ್ರರಂಗದ ಧೀಮಂತ ನಿರ್ಮಾಪಕಿಯಾಗಿ ಅವರು ಚಿರಸ್ಥಾಯಿಯಾದರು.

ಶರ್ಟ್ ಸುಕ್ಕಾಗದೆ ₹500 ಕೋಟಿ ಗಳಿಸೋದು ರಜನಿ ಸರ್‌ಗೆ ಮಾತ್ರ ಸಾಧ್ಯ: ಅಲ್ಲು ಅರ್ಜುನ್ ಟ್ವೀಟ್ ವೈರಲ್!

Govindaraj S — Thu, 22 Oct 2026 20:19:15 +0530

ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಸದ್ಯ ನಿರ್ದೇಶಕ ಅಟ್ಲಿ ಅವರ ರಾಕಾ ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಈಗಾಗಲೇ ಈ ಚಿತ್ರದ ಬಗ್ಗೆ ಅಭಿಮಾನಿಗಳಲ್ಲಿ ಭಾರೀ ನಿರೀಕ್ಷೆ ಮೂಡಿದ್ದು, ಸಿನಿಮಾಗೆ ಸಂಬಂಧಿಸಿದ ಪ್ರತಿಯೊಂದು ಅಪ್‌ಡೇಟ್‌ಗಾಗಿ ಫ್ಯಾನ್ಸ್ ಕಾತರದಿಂದ ಕಾಯುತ್ತಿದ್ದಾರೆ. ಈ ನಡುವೆ ಬನ್ನಿ ಮಾಡಿರುವ ಒಂದು ಟ್ವೀಟ್ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ. 'ಶರ್ಟ್ ಸುಕ್ಕಾಗದಂತೆ ₹500 ಕೋಟಿಗೂ ಹೆಚ್ಚು ಗಳಿಸೋದು ರಜನಿ ಸರ್‌ಗೆ ಮಾತ್ರ ಸಾಧ್ಯ' ಎಂದು ಅವರು ಹೇಳಿರುವುದು ಗಮನ ಸೆಳೆದಿದೆ. ಹಾಗಾದರೆ ಅಲ್ಲು ಅರ್ಜುನ್ ಈ ಮಾತು ಹೇಳಿದ್ದೇಕೆ? ಇಲ್ಲಿದೆ ವಿವರ.

‘ಜೈಲರ್ 2’ಗೆ ಅಲ್ಲು ಅರ್ಜುನ್ ಫಿದಾ; ರಜನಿಕಾಂತ್‌ಗೆ ವಿಶೇಷ ಮೆಚ್ಚುಗೆ!

ಸೂಪರ್‌ಸ್ಟಾರ್ ರಜನಿಕಾಂತ್ ಅಭಿನಯದ, ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ ಜೈಲರ್ 2 ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಸದ್ದು ಮಾಡುತ್ತಿದೆ. ವಿಶ್ವಾದ್ಯಂತ ₹500 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿರುವ ಈ ಚಿತ್ರದ ಬಗ್ಗೆ ಸಿನಿಮಾ ಗಣ್ಯರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಇದೀಗ ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ ಕೂಡ ಜೈಲರ್ 2 ಚಿತ್ರವನ್ನು ವೀಕ್ಷಿಸಿ, ರಜನಿಕಾಂತ್ ಸೇರಿದಂತೆ ಇಡೀ ಚಿತ್ರತಂಡವನ್ನು ಹೊಗಳಿದ್ದಾರೆ.

ಈ ಕುರಿತು ತಮ್ಮ ಎಕ್ಸ್‌ (X) ಖಾತೆಯಲ್ಲಿ ಬರೆದಿರುವ ಅಲ್ಲು ಅರ್ಜುನ್, ಜೈಲರ್ 2 ಚಿತ್ರವನ್ನು ‘ಮೈಂಡ್ ಬ್ಲೋಯಿಂಗ್’ ಸಿನಿಮಾ ಎಂದು ಬಣ್ಣಿಸಿದ್ದಾರೆ. ರಜನಿಕಾಂತ್ ಅವರ ಸ್ಟಾರ್ ಪವರ್, ಸ್ಟೈಲ್ ಮತ್ತು ಔರಾ ಈ ಚಿತ್ರದಲ್ಲಿ ಅದ್ಭುತವಾಗಿ ಮೂಡಿಬಂದಿದೆ ಎಂದು ಮೆಚ್ಚಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಪ್ರೇಕ್ಷಕರಲ್ಲಿ ರೋಮಾಂಚನ ಮೂಡಿಸುವ ಪಕ್ಕಾ ಕಮರ್ಷಿಯಲ್ ಎಂಟರ್‌ಟೈನರ್ ಇದಾಗಿದೆ ಎಂದೂ ಹೇಳಿದ್ದಾರೆ.

ತಮ್ಮ ಪೋಸ್ಟ್‌ನಲ್ಲಿ ಅಲ್ಲು ಅರ್ಜುನ್, 'ನನ್ನ ಸಹೋದರ ಅನಿರುದ್ಧ್ ಅವರ ಸಂಗೀತ ಚಿತ್ರಮಂದಿರಗಳಲ್ಲಿ ಅಬ್ಬರಿಸಿದೆ. ನಟರು, ತಂತ್ರಜ್ಞರು ಮತ್ತು ನಿರ್ಮಾಪಕರು ಈ ಸಿನಿಮಾಕ್ಕಾಗಿ ತಮ್ಮ ಶ್ರಮವನ್ನೆಲ್ಲ ಧಾರೆ ಎರೆದಿದ್ದಾರೆ. ‘ದಿ ಶೋಮ್ಯಾನ್’ ನೆಲ್ಸನ್ ಸರ್ ಮತ್ತೊಂದು ಮೈಂಡ್ ಬ್ಲೋಯಿಂಗ್ ಹಿಟ್ ನೀಡಿದ್ದಾರೆ. ಶರ್ಟ್ ಸುಕ್ಕಾಗದಂತೆ ₹500 ಕೋಟಿಗೂ ಹೆಚ್ಚು ಗಳಿಸೋದು ರಜನಿ ಸರ್‌ಗೆ ಮಾತ್ರ ಸಾಧ್ಯ!' ಎಂದು ಬರೆದುಕೊಂಡಿದ್ದಾರೆ. ಜೊತೆಗೆ ಇಡೀ ಚಿತ್ರತಂಡಕ್ಕೆ ಹೃತ್ಪೂರ್ವಕ ಅಭಿನಂದನೆಗಳನ್ನೂ ತಿಳಿಸಿದ್ದಾರೆ.

ರಜನಿ ಸ್ಟೈಲ್‌ಗೆ ಫ್ಯಾನ್ಸ್ ಫಿದಾ; ಗಣ್ಯರಿಂದಲೂ ಮೆಚ್ಚುಗೆಯ ಸುರಿಮಳೆ!

ಅಲ್ಲು ಅರ್ಜುನ್ ಮಾತ್ರವಲ್ಲದೆ, ಕಮಲ್ ಹಾಸನ್, ಧನುಷ್, ರಿತೇಶ್ ದೇಶ್‌ಮುಖ್, ಕಾರ್ತಿಕ್ ಸುಬ್ಬರಾಜ್ ಮತ್ತು ಲಿಂಗುಸಾಮಿ ಸೇರಿದಂತೆ ಹಲವು ಸಿನಿಮಾ ಗಣ್ಯರು ಜೈಲರ್ 2 ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ರಜನಿಕಾಂತ್ ಅವರ ವಿಶಿಷ್ಟ ಸ್ಟೈಲ್, ಅನಿರುದ್ಧ್ ಅವರ ಹಿನ್ನೆಲೆ ಸಂಗೀತ ಮತ್ತು ನೆಲ್ಸನ್ ಅವರ ನಿರ್ದೇಶನ ಪ್ರೇಕ್ಷಕರನ್ನು ಚಿತ್ರಮಂದಿರಗಳಲ್ಲಿ ಹುಚ್ಚೆದ್ದು ಕುಣಿಯುವಂತೆ ಮಾಡುತ್ತಿದೆ ಎಂಬ ಮಾತುಗಳು ಕೇಳಿಬರುತ್ತಿವೆ.

ಜೈಲರ್ ಮೊದಲ ಭಾಗದ ಭರ್ಜರಿ ಯಶಸ್ಸಿನ ಬಳಿಕ ಸೀಕ್ವೆಲ್ ಬಗ್ಗೆ ನಿರೀಕ್ಷೆಗಳು ಸಹಜವಾಗಿಯೇ ಹೆಚ್ಚಾಗಿದ್ದವು. ಈ ಬಾರಿ ನೆಲ್ಸನ್ ದಿಲೀಪ್‌ಕುಮಾರ್ ಮತ್ತಷ್ಟು ಅದ್ಧೂರಿಯಾಗಿ ಚಿತ್ರವನ್ನು ರೂಪಿಸಿದ್ದಾರೆ. ರಜನಿಕಾಂತ್ ಜೊತೆಗೆ ಮಿಥುನ್ ಚಕ್ರವರ್ತಿ, ಮೋಹನ್‌ಲಾಲ್, ಶಿವರಾಜ್‌ಕುಮಾರ್, ಜಾಕಿ ಶ್ರಾಫ್, ವಿದ್ಯಾ ಬಾಲನ್, ಹೃತಿಕ್ ರೋಷನ್ ಮತ್ತು ಎಸ್.ಜೆ. ಸೂರ್ಯ ಸೇರಿದಂತೆ ಹಲವು ಖ್ಯಾತ ಕಲಾವಿದರು ಕಾಣಿಸಿಕೊಂಡಿದ್ದಾರೆ ಎನ್ನುವುದು ಚಿತ್ರದ ಹೈಪ್ ಹೆಚ್ಚಿಸಿದೆ.

ಚಿತ್ರದ ಆರಂಭದ ಭಾಗದಲ್ಲಿನ ರಜನಿಕಾಂತ್ ಅವರ ಎಂಟ್ರಿ ಹಾಗೂ ಮಾಸ್ ದೃಶ್ಯಗಳು ಅಭಿಮಾನಿಗಳಲ್ಲಿ ರೋಮಾಂಚನ ಮೂಡಿಸಿದರೆ, ದ್ವಿತೀಯಾರ್ಧವೂ ಪ್ರೇಕ್ಷಕರಿಗೆ ಹೆಚ್ಚುವರಿ ಮನರಂಜನೆ ನೀಡಿದೆ ಎಂಬ ಅಭಿಪ್ರಾಯಗಳು ವ್ಯಕ್ತವಾಗಿವೆ. ಒಟ್ಟಿನಲ್ಲಿ, ಬಾಕ್ಸ್ ಆಫೀಸ್‌ನಲ್ಲಿ ₹500 ಕೋಟಿಗೂ ಅಧಿಕ ಗಳಿಕೆ ಮಾಡಿರುವ ಜೈಲರ್ 2, ರಜಿನಿಕಾಂತ್ ಅವರ ಜನಪ್ರಿಯತೆ ಮತ್ತು ಬಾಕ್ಸ್ ಆಫೀಸ್ ಶಕ್ತಿಯ ಬಗ್ಗೆ ಮತ್ತೊಮ್ಮೆ ಚರ್ಚೆ ಹುಟ್ಟುಹಾಕಿದೆ.

ಇನ್ನು ಅಲ್ಲು ಅರ್ಜುನ್ ಅವರ 'ಶರ್ಟ್ ಸುಕ್ಕಾಗದಂತೆ ₹500 ಕೋಟಿ ಗಳಿಸೋದು ರಜನಿ ಸರ್‌ಗೆ ಮಾತ್ರ ಸಾಧ್ಯ' ಎಂಬ ಹೇಳಿಕೆ ಅಭಿಮಾನಿಗಳ ಗಮನ ಸೆಳೆಯುತ್ತಿದ್ದು, ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ.

ಪುಸ್ತಕ ಪ್ರಿಯರ ಹುಬ್ಬೇರಿಸಿದ ಅಪರೂಪದ ಕೃತಿ: ಕೇವಲ 50 ಪ್ರತಿಗಳಲ್ಲಿ ಒಂದಾಗಿದ್ದ ಬುಕ್‌ ಕೋಟಿ ಕೋಟಿಗೆ ಮಾರಾಟ!

Santosh Naik — Thu, 22 Oct 2026 20:18:18 +0530

ಲಂಡನ್ (ಅ.22): ಮಧ್ಯಯುಗದ ಸಾಹಿತ್ಯ, ಸಂಕೀರ್ಣ ಮುದ್ರಣ ತಂತ್ರಜ್ಞಾನ, ಭವ್ಯವಾದ ಸಾಂಪ್ರದಾಯಿಕ ಚಿತ್ರಗಳು ಹಾಗೂ ಅತ್ಯಪರೂಪದ ಬೈಂಡಿಂಗ್‌ನಿಂದ ಜಗತ್ಪ್ರಸಿದ್ಧವಾಗಿರುವ 130 ವರ್ಷ ಹಳೆಯ 'ಕೆಲ್ಮ್‌ಸ್ಕಾಟ್ ಚೌಸರ್' (Kelmscott Chaucer) ಎಂಬ ಪ್ರಸಿದ್ಧ ಪುಸ್ತಕದ ಪ್ರತಿಯೊಂದು ಬರೋಬ್ಬರಿ ₹2.68 ಕೋಟಿ ರೂಪಾಯಿಗೆ (ಅಕ್ಟೋಬರ್ 2026 ರಲ್ಲಿ) ಹರಾಜಾಗಿದೆ. ಈ ಕೃತಿಯ ವಿಷಯವಸ್ತುವಿಗಿಂತ ಹೆಚ್ಚಾಗಿ, ಇದರ ವಿಶಿಷ್ಟ ವಿನ್ಯಾಸ ಹಾಗೂ ಕಲಾತ್ಮಕ ಬೈಂಡಿಂಗ್ ಶೈಲಿಯಿಂದಾಗಿ ಇದನ್ನು ಜಗತ್ತಿನ ಅತ್ಯಂತ ಅಪರೂಪದ ಪುಸ್ತಕಗಳ ಸಾಲಿನಲ್ಲಿ ಸೇರಿಸಲಾಗಿದೆ. ಈ ಪ್ರತಿಯ ಅತ್ಯಂತ ವಿಶಿಷ್ಟ ಸಂಗತಿಯೆಂದರೆ, ಇದರ ಬೈಂಡಿಂಗ್ ಅನ್ನು 'ಪಿಗ್‌ಸ್ಕಿನ್' ಅಂದರೆ ಹಂದಿಯ ಚರ್ಮದಿಂದ ಮಾಡಲಾಗಿದೆ.

1896 ರಲ್ಲಿ ಪ್ರಕಟಣೆ - 87 ಮರದ ಕೆತ್ತನೆಯ ಸಾಂಪ್ರದಾಯಿಕ ಚಿತ್ರಗಳು

ಈ ಕೃತಿಯ ಅಪರೂಪದ ಇತಿಹಾಸವನ್ನು ಗಮನಿಸುವುದಾದರೆ, ಇದನ್ನು 1896 ರಲ್ಲಿ ಪ್ರಕಟಿಸಲಾಯಿತು. ಇಂಗ್ಲಿಷ್ ಮಾಧ್ಯಮದ ವರದಿಯ ಪ್ರಕಾರ, ಪ್ರಕಾಶಕರು ಈ ಪುಸ್ತಕದ ಕೆಲಸವನ್ನು ಪ್ರಕಟಣೆಗಿಂತ ಹಲವು ವರ್ಷಗಳ ಮುಂಚೆಯೇ ಆರಂಭಿಸಿದ್ದರು. ಅದರಂತೆ, 1894 ರ ಆಗಸ್ಟ್‌ನಲ್ಲಿ ಇದರ ಮುದ್ರಣ ಕಾರ್ಯ ಪ್ರಾರಂಭವಾಗಿ, 1896 ರ ಜೂನ್‌ನಲ್ಲಿ ಪುಸ್ತಕ ರೂಪದಲ್ಲಿ ಹೊರಬಂದು ಸಾರ್ವಜನಿಕರಿಗೆ ಲಭ್ಯವಾಯಿತು. ಈ ಪುಸ್ತಕದಲ್ಲಿ ಒಟ್ಟು 87 'ವುಡ್‌ಕಟ್'ಗಳು (ಅಂದರೆ ಮರದ ಹಲಗೆಗಳ ಮೇಲೆ ಕೈಯಿಂದ ಕೆ್ತಲಾದ ಅತ್ಯಂತ ಕಲಾತ್ಮಕ ಚಿತ್ರಗಳು) ಇದ್ದು, ಇವು ಈ ಗ್ರಂಥಕ್ಕೆ ಅತ್ಯಂತ ಪ್ರಮುಖ ಮೆರುಗನ್ನು ನೀಡಲಿವೆ.

ಹಂದಿ ಚರ್ಮದ ಬೈಂಡಿಂಗ್ - ಲಭ್ಯವಿರುವುದು ಕೇವಲ 50 ಪ್ರತಿಗಳು!

ಬರೋಬ್ಬರಿ ₹2.68 ಕೋಟಿಗೆ ಹರಾಜಾಗಿರುವ ಈ 'ಕೆಲ್ಮ್‌ಸ್ಕಾಟ್ ಚೌಸರ್' ಪುಸ್ತಕದ ಮತ್ತೊಂದು ಪ್ರಮುಖ ವೈಶಿಷ್ಟ್ಯವೆಂದರೆ ಇದರ ಕಲಾತ್ಮಕ ಬೈಂಡಿಂಗ್. ಇದನ್ನು ಮೂಲ 'ಪಿಗ್‌ಸ್ಕಿನ್' (ಹಂದಿ ಚರ್ಮ) ಬಳಸಿ 'ಡವ್ಸ್ ಬೈಂಡರಿ' (Doves Bindery - ಅತ್ಯಂತ ಕೈಚಳಕದ ಕಲಾತ್ಮಕ ಬೈಂಡಿಂಗ್ ಶೈಲಿ) ಮಾದರಿಯಲ್ಲಿ ಮಾಡಲಾಗಿದೆ. ಅಲ್ಲದೆ, ಪುಸ್ತಕವನ್ನು ಭದ್ರವಾಗಿಡಲು ವಿಶೇಷವಾದ ಪೆಟ್ಟಿಗೆಯನ್ನೂ (Box) ಒಳಗೊಂಡಿದೆ.

ಬಿಳಿ ಹಂದಿಯ ಚರ್ಮದಿಂದ ಬೈಂಡಿಂಗ್ ಮಾಡುವ ಈ ಕಲ್ಪನೆ ಹಾಗೂ ಪ್ರೇರಣೆಯನ್ನು ಜರ್ಮನ್ ಪುಸ್ತಕ ಬೈಂಡಿಂಗ್ ಸಂಪ್ರದಾಯದಿಂದ ಪಡೆಯಲಾಗಿತ್ತು. ಪುಸ್ತಕದ ಮುಖಪುಟದ ಮೇಲೆ ಸಂಕೀರ್ಣವಾದ ಕೆತ್ತನೆಗಳಿದ್ದು, ದ್ರಾಕ್ಷಿ ಬಳ್ಳಿಗಳ ವಿನ್ಯಾಸ, ಗುಲಾಬಿ, ಲಿಲಿ ಹೂವುಗಳು ಹಾಗೂ ಓಕ್ ಮರದ ಎಲೆಗಳ ಆಕೃತಿಗಳನ್ನು ಅತ್ಯಂತ ಕಲಾತ್ಮಕವಾಗಿ ಉಬ್ಬಿಸಿ ಕೆತ್ತಿಸಲಾಗಿದೆ. ಪುಸ್ತಕವನ್ನು ಮುಚ್ಚಲು ಎರಡು ಲೋಹದ ಲಾಕ್‌ಗಳನ್ನು ನೀಡಲಾಗಿದೆ. ಈ ವಿಶಿಷ್ಟ ಮಾದರಿಯಲ್ಲಿ ಕೇವಲ 50 ಪ್ರತಿಗಳನ್ನು ಮಾತ್ರ ಸಿದ್ಧಪಡಿಸಲಾಗಿದ್ದು, ಅವುಗಳಲ್ಲಿ ಒಂದು ಪ್ರತಿ ಇದೀಗ ಹರಾಜಾಗಿದೆ.

ಕಪ್ಪು ಮತ್ತು ಕೆಂಪು ವರ್ಣಗಳಲ್ಲಿ ಮುದ್ರಣ - ಕಲೆಯ ಸಂಕೇತ

ಲಂಡನ್‌ನ ಹ್ಯಾಮರ್‌ಸ್ಮಿತ್‌ನಲ್ಲಿರುವ ವಿಲಿಯಂ ಮೊರಿಸ್ ಅವರ 'ಕೆಲ್ಮ್‌ಸ್ಕಾಟ್ ಪ್ರೆಸ್' ನ ಅತ್ಯಂತ ಮಹತ್ವಾಕಾಂಕ್ಷೆಯ ಯೋಜನೆಗಳಲ್ಲಿ ಈ ಪುಸ್ತಕವೂ ಒಂದಾಗಿತ್ತು. ಮೊರಿಸ್ ಅವರು ಪ್ರಸಿದ್ಧ 'ಆರ್ಟ್ಸ್ ಅಂಡ್ ಕ್ರಾಫ್ಟ್ಸ್' (ಕಲೆ ಮತ್ತು ಕರಕುಶಲ) ಚಳವಳಿಯಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಂಡಿದ್ದರು. "ಪುಸ್ತಕಗಳು ಕೇವಲ ಸಾಹಿತ್ಯವನ್ನು ತಲುಪಿಸುವ ಮಾಧ್ಯಮವಾಗಷ್ಟೇ ಅಲ್ಲದೆ, ನೋಡಲು ಅತ್ಯಂತ ಸುಂದರವಾದ ಕಲಾಕೃತಿಗಳಾಗಿಯೂ ಕಣ್ಣಿಗೆ ಕಾಣಿಸಬೇಕು" ಎಂಬುದು ಮೊರಿಸ್ ಅವರ ದೃಢ ನಂಬಿಕೆಯಾಗಿತ್ತು.

ಈ ಗ್ರಂಥದಲ್ಲಿದ್ದ 87 ಬೃಹತ್ ವುಡ್‌ಕಟ್ ಚಿತ್ರಗಳನ್ನು ಮೊರಿಸ್ ಅವರ ಕಲಾತ್ಮಕ ಸಹಯೋಗಿ ಬರ್ನ್-ಜೋನ್ಸ್ ಅವರ ರೇಖಾಚಿತ್ರಗಳನ್ನು ಆಧಾರವಾಗಿಟ್ಟುಕೊಂಡು ಸಿದ್ಧಪಡಿಸಲಾಗಿತ್ತು. ಇವುಗಳನ್ನು ರಾಬರ್ಟ್ ಕ್ಯಾಟರ್ಸನ್-ಸ್ಮಿತ್ ಮರುರೂಪಿಸಿದ್ದರೆ, ಡಬ್ಲ್ಯೂ.ಎಚ್. ಹೂಪರ್ ಮರದ ಹಲಗೆಗಳ ಮೇಲೆ ಕೆತ್ತಿದ್ದರು. ಪುಸ್ತಕದ ಅಲಂಕಾರಿಕ ಬಾರ್ಡರ್‌ಗಳು, ಅಕ್ಷರಗಳ ವಿನ್ಯಾಸ, ಶೀರ್ಷಿಕೆ ಪುಟ ಹಾಗೂ ಇತರ ಪ್ರಮುಖ ಅಂಶಗಳನ್ನು ಮೊರಿಸ್ ಸ್ವತಃ ವಿನ್ಯಾಸಗೊಳಿಸಿದ್ದರು. ಇಡೀ ಪುಸ್ತಕವನ್ನು ಅತ್ಯಂತ ಆಕರ್ಷಕವಾಗಿ ಕಪ್ಪು ಮತ್ತು ಕೆಂಪು ಬಣ್ಣದ ಶಾಯಿಯಲ್ಲಿ ಮುದ್ರಿಸಲಾಗಿತ್ತು.

ಪ್ರತಿ ದಿನ ಅಡುಗೆಗೆ ಬೇಕಾಗೋ ಜೀರಿಗೆನಾ ಮಾರ್ಕೆಟ್‌ ನಿಂದ ತರ್ಬೇಡಿ : ಕುಂಡದಲ್ಲಿ ಸುಲಭವಾಗಿ ಬೆಳೆಯೋ ಟಿಪ್ಸ್‌ ಇಲ್ಲಿದೆ

Roopa Hegde — Thu, 22 Oct 2026 20:00:41 +0530

ಅಡುಗೆ ಮನೆಯಲ್ಲಿ ಜೀರಿಗೆ ಇಲ್ಲದಿದ್ದರೆ ಒಗ್ಗರಣೆ ಅಪೂರ್ಣ. ಸಾರು, ಪಲ್ಯ ಸೇರಿದಂತೆ ಹಲವು ಅಡುಗೆಗಳಿಗೆ ಜೀರಿಗೆ ವಿಶೇಷ ರುಚಿ ನೀಡುತ್ತದೆ. ಸಾಮಾನ್ಯವಾಗಿ ಎಲ್ಲರೂ ಅಂಗಡಿಯಿಂದ ಜೀರಿಗೆ ಖರೀದಿಸುತ್ತಾರೆ. ನೀವು ಮನೆಯಲ್ಲೇ ಜೀರಿಗೆ ಬೆಳೆಯಬಹುದು.

ಜೀರಿಗೆ ಬಿತ್ತಲು ಯಾವ ಸಮಯ ಸೂಕ್ತ?

ಜೀರಿಗೆ ತಂಪಾದ ಹವಾಮಾನದಲ್ಲಿ ಬೆಳೆಯುವ ಬೆಳೆ. ಸಾಮಾನ್ಯವಾಗಿ ಅಕ್ಟೋಬರ್ನಿಂದ ಡಿಸೆಂಬರ್ವರೆಗಿನ ಅವಧಿಯನ್ನು ಜೀರಿಗೆ ಬಿತ್ತಲು ಸೂಕ್ತ ಸಮಯವೆಂದು ಪರಿಗಣಿಸಲಾಗುತ್ತದೆ. ಈ ಸಮಯದಲ್ಲಿ ಹವಾಮಾನ ಅನುಕೂಲಕರವಾಗಿದ್ದರೆ ಬೀಜಗಳು ಚೆನ್ನಾಗಿ ಮೊಳಕೆಯೊಡೆಯಲು ಸಹಾಯವಾಗುತ್ತದೆ.

ಮಣ್ಣಿನ ಸಿದ್ಧತೆ

ಜೀರಿಗೆ ಬೀಜಗಳನ್ನು ಬಿತ್ತಲು ಹಗುರವಾದ ಮತ್ತು ಪೋಷಕಾಂಶಗಳಿಂದ ಸಮೃದ್ಧವಾಗಿರುವ ಮಣ್ಣು ಬೇಕು. ಇದಕ್ಕಾಗಿ ಶೇ. 50 ಕೊಕೊಪೀಟ್ ಮತ್ತು ಶೇ. 50 ವರ್ಮಿಕಂಪೋಸ್ಟ್ ಮಿಶ್ರಣ ಮಾಡಿ ಪಾಟಿಂಗ್ ಮಿಕ್ಸ್ ಸಿದ್ಧಪಡಿಸಿಕೊಳ್ಳಬಹುದು. ಕೊಕೊಪೀಟ್ ಮಣ್ಣಿನಲ್ಲಿ ತೇವಾಂಶ ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ. ವರ್ಮಿಕಂಪೋಸ್ಟ್ ಗಿಡಕ್ಕೆ ಅಗತ್ಯವಾದ ಪೋಷಕಾಂಶಗಳನ್ನು ಒದಗಿಸುತ್ತದೆ.

ಪಾಟ್‌ ಹೇಗಿರಬೇಕು?

ಜೀರಿಗೆ ಬೆಳೆಯಲು ವಿವಿಧ ರೀತಿಯ ಕುಂಡ ಅಥವಾ ಕಂಟೇನರ್ಗಳನ್ನು ಬಳಸಬಹುದು. ಆದರೆ ಕುಂಡದ ಕೆಳಭಾಗದಲ್ಲಿ ನೀರು ಹೊರಹೋಗಲು ರಂಧ್ರಗಳಿರಬೇಕು. ಹೆಚ್ಚುವರಿ ನೀರು ಕುಂಡದಲ್ಲೇ ನಿಂತರೆ ಬೀಜಗಳು ಕೊಳೆಯುವ ಸಾಧ್ಯತೆ ಇರುತ್ತದೆ.

ಕುಂಡದಲ್ಲಿ ಜೀರಿಗೆ ಬೆಳೆಯುವುದು ಹೇಗೆ?

ಮೊದಲು ಸಿದ್ಧಪಡಿಸಿದ ಮಣ್ಣಿನ ಮಿಶ್ರಣವನ್ನು ಕುಂಡದಲ್ಲಿ ತುಂಬಿ, ಸ್ವಲ್ಪ ನೀರು ಹಾಕಿ ಮಣ್ಣನ್ನು ತೇವಗೊಳಿಸಿ. ನಂತರ ಉತ್ತಮ ಗುಣಮಟ್ಟದ ಜೀರಿಗೆ ಬೀಜಗಳನ್ನು ಮಣ್ಣಿನ ಮೇಲೆ ಹರಡಿ. ಬೀಜಗಳನ್ನು ತುಂಬಾ ಹತ್ತಿರದಲ್ಲಿ ಬಿತ್ತಬಾರದು. ಬಳಿಕ ಬೀಜಗಳ ಮೇಲೆ ಅರ್ಧ ಇಂಚಿನಿಂದ ಒಂದು ಇಂಚಿನಷ್ಟು ಮಣ್ಣಿನ ಮಿಶ್ರಣವನ್ನು ಹರಡಿ. ಕೊನೆಯಲ್ಲಿ ಸ್ವಲ್ಪ ನೀರು ಹಾಕಿ.

ಜೀರಿಗೆ ಗಿಡದ ಆರೈಕೆ ಹೇಗೆ ಮಾಡಬೇಕು?

ಕುಂಡಕ್ಕೆ ಬೆಳಗಿನ ಬಿಸಿಲು ಬೀಳುವ ಸ್ಥಳವನ್ನು ಆಯ್ಕೆ ಮಾಡಿಕೊಳ್ಳಿ. ಮಣ್ಣಿನಲ್ಲಿ ತೇವಾಂಶ ಇರುವಂತೆ ನೋಡಿಕೊಳ್ಳಿ. ಅತಿಯಾಗಿ ನೀರು ಹಾಕಬೇಡಿ. ಇದರಿಂದ ಬೀಜಗಳು ಕೊಳೆಯಬಹುದು. ಗಿಡಗಳು ಬೆಳೆದಂತೆ ಸಾಕಷ್ಟು ಸೂರ್ಯನ ಬೆಳಕು ಸಿಗುವಂತೆ ನೋಡಿಕೊಳ್ಳಿ.

ಎಷ್ಟು ದಿನಗಳಲ್ಲಿ ಜೀರಿಗೆ ಗಿಡ ಬೆಳೆಯುತ್ತದೆ?

ಬಿತ್ತಿದ ಸುಮಾರು ಮೂರು ವಾರಗಳ ಬಳಿಕ ಗಿಡಗಳು ಬೆಳವಣಿಗೆ ಹೊಂದಲು ಆರಂಭಿಸಬಹುದು. ಈ ಹಂತದಲ್ಲಿ ಸಾಕಷ್ಟು ಬೆಳಕು ಮತ್ತು ಸರಿಯಾದ ನೀರಿನ ನಿರ್ವಹಣೆ ಮುಖ್ಯ. ಸುಮಾರು 40 ದಿನಗಳ ಬಳಿಕ ಗಿಡಗಳು ಮತ್ತಷ್ಟು ಬೆಳೆದಿರುವುದನ್ನು ಕಾಣಬಹುದು. ಆದರೆ ಈ ಅವಧಿ ಹವಾಮಾನ, ಬೀಜಗಳ ಗುಣಮಟ್ಟ ಮತ್ತು ಆರೈಕೆಯನ್ನು ಅವಲಂಬಿಸಿರುತ್ತದೆ. ಕುಂಡದಲ್ಲಿ ಬೆಳೆದ ಜೀರಿಗೆಯಿಂದ ಸಿಗುವ ಇಳುವರಿ ಮಣ್ಣಿನ ಪ್ರಮಾಣ ಮತ್ತು ಹವಾಮಾನಕ್ಕೆ ಅನುಗುಣವಾಗಿ ಬದಲಾಗಬಹುದು.

ಚಳಿ ಆಗ್ತಿದೆ ಎಂದ ಪತ್ನಿ, ಗಟ್ಟಿಯಾಗಿ ತಬ್ಬಿಕೊಂಡ ಪತಿ; ಹೆಂಡತಿಯ ಐದು ಪಕ್ಕೆಲುಬು ಡಮಾರ್!

Ganesh Mabla Gowda — Thu, 22 Oct 2026 19:58:59 +0530

ಚೀನಾದ ಒಬ್ಬ ಮಹಿಳೆ. ಹೆಸರು ಹುಬೈ ಜಿಂಗ್ಶಿ. ಪತಿ ವಾಂಗ್ ಜೊತೆ ವಾಸವಿದ್ದಾಳೆ. ಹೀಗೆ ಒಂದು ದಿನ ಆಕೆಗೆ ತುಂಬಾ ಚಳಿ ಆಗುತ್ತಿತ್ತು. ಅದಕ್ಕಾಗಿ ಆಕೆ ಪತಿ ಬಳಿಯಿಂದ ಪ್ರೀತಿಯ ಅಪ್ಪುಗೆ ಬಯಸಿದ್ದಳು. ನನಗೆ ವಿಪರಿತ ಚಳಿ ಆಗುತ್ತಿದೆ. ಬನ್ನಿ ಅಪ್ಪಿಕೊಳ್ಳಿ ಎಂದು ಕರೆದಿದ್ದಾಳೆ. ಪತ್ನಿಯ ಕರೆಗೆ ಓಗುಟ್ಟು ಬಂದ ಆತ ಜೋರಾಗಿ ಅಪ್ಪಿಕೊಂಡಿದ್ದಾನೆ. ಆಗಲೇ ಆಕೆಗೆ ನರಕ ದರ್ಶನ ಆಗಿರೋದು. ಅಪ್ಪಿಕೊಂಡ ಹೊಡೆತಕ್ಕೆ ಆಕೆ ನೋವಿನಿಂದ ಅಲ್ಲಿಯೇ ಕುಸಿದು ಬಿದ್ದಿದ್ದಾಳೆ ಎಂದು ಸಿಂಗಾಪುರದ ಮದರ್‍‌ಶಿಪ್ ವರದಿ ಮಾಡಿದೆ.

ಮುಂದೆ ಏನಾಯ್ತು?

ಕಳೆದ ಅಕ್ಟೋಬರ್ 19 ರಂದು ಈ ಘಟನೆ ನಡೆದಿದೆ. ಕುಸಿದು ಬಿದ್ದ ಆಕೆ ಸ್ವಲ್ಪ ಸುಧಾರಿಸಿಕೊಂಡಿದ್ದಾಳೆ. ರಾತ್ರಿ ಇಡೀ ನೋವು ಕಾಡಿದೆ. ಮಾರನೇಯ ದಿನ ಆಸ್ಪತ್ರೆಗೆ ಬಂದಿದ್ದಾರೆ. ವೈದ್ಯರ ಸಲಹೆಯಂತೆ ಸಿಟಿ ಸ್ಕ್ಯಾನ್ ಮಾಡಿದ್ದಾರೆ. ಎದೆಯ ಭಾಗವನ್ನು ಸ್ಕ್ಯಾನ್ ಮಾಡಿದಾಗ.. ಐದು ಪಕ್ಕೆಲುಬುಗಳು ಮುರಿದಿವೆ. ಇನ್ನೊಂದು ಎಲುಬು ಬಿರುಕು ಬಿಟ್ಟಿರೋದು ಗೊತ್ತಾಗಿದೆ..

ಮೂಳೆ ಮುರಿತಗೊಡರೂ ಅದಕ್ಕೆ ಶಸ್ತ್ರಚಿಕಿತ್ಸೆಯ ಅಗತ್ಯ ಇಲ್ಲ. ಸರಿ ಹೋಗುತ್ತದೆ. ಆದರೆ ಕಟ್ಟುನಿಟ್ಟಿನ ವಿಶ್ರಾಂತಿ ಪಾಲಿಸಬೇಕು ಎಂದು ಹೇಳಿ ಅದಕ್ಕೆ ಬೇಕಾಗಿರುವ ಔಷಧಿಗಳನ್ನ ನೀಡಿ ಕಳುಹಿಸಿದ್ದಾರೆ. ಇನ್ನು ತಪಾಸಣೆ ವೇಳೆ ವೈದ್ಯರು ಇನ್ನೊಂದು ವಿಚಾರವನ್ನು ಕಂಡುಕೊಂಡರು. ಪತಿ ಹಗ್ ಮಾಡಿದ ಕಾರಣಕ್ಕೆ ಆಕೆ ಕುಸಿದು ಬೀಳಲಿಲ್ಲ. ಆಕೆ ತೀವ್ರವಾದ ಆಸ್ಟಿಯೊಪೊರೋಸಿಸ್‌ ಎಂಬ ಕಾಯಿಲೆಯಿಂದ ಬಳಲುತ್ತಿದ್ದಾಳೆ. ಮಹಿಳೆಯ ಮೂಳೆಗಳು ದುರ್ಬಲಗೊಂಡಿವೆ ಅನ್ನೋದನ್ನು ಅರಿತುಕೊಂಡಿದ್ದಾರೆ. ದೈನಂದಿನ ದಿನಗಳಲ್ಲಿಆಕೆ ಮೂಳೆ ಮುರಿತದಿಂದ ಕುಸಿದು ಬೀಳುವ ಸಾಧ್ಯತೆ ಇತ್ತು ಎಂದು ವೈದ್ಯರು ವಿವರಿಸಿದ್ದಾರೆ.

ಪತಿ ವಾಂಗ್ ಹೇಳಿದ್ದೇನು?

ವೈದ್ಯರಿಗೆ ಪತಿ ವಾಂಗ್ ನೀಡಿರುವ ಮಾಹಿತಿ ಪ್ರಕಾರ.. ಹೆಂಡತಿ 45 ಕೆಜಿಯಿಂದ 50 ಕೆಜಿ ತೂಕವಿದ್ದಳು. ಆಗಾಗ ಕಟ್ಟುನಿಟ್ಟಿನ ಆಹಾರಕ್ರಮ ಅನುಸರಿಸುತ್ತಿದ್ದಳು. ಆಗಾಗ ಉಪವಾಸ ಮಾಡುತ್ತಿದ್ದಳು. ಪ್ರತಿದಿನ ಕಾಫಿ ಕುಡಿಯುತ್ತಿದ್ದಳು. ಎಂದಿಗೂ ಹೊರಗೆ ಹೋಗುತ್ತಿರಲಿಲ್ಲ, ಸೂರ್ಯನ ಬೆಳಕು ಬೀಳದಂತೆ ಬಟ್ಟೆ ಮುಚ್ಚಿಕೊಳ್ಳುತ್ತಿದ್ದಳು ಎಂದು ತಿಳಿಸಿದ್ದಾನೆ. ಆಗ ಸ್ಥಳೀಯ ವೈದ್ಯರು ಸೂರ್ಯನ ಬೆಳಕಿನ ಕೊರತೆಯಿಂದಾಗಿ ದೇಹವು ಸಾಕಷ್ಟು ವಿಟಮಿನ್ ಡಿ ಉತ್ಪಾದಿಸುವುದನ್ನು ತಡೆಯುತ್ತದೆ ಎಂದು ವಿವರಿಸಿದರು. ಇದು ಕ್ಯಾಲ್ಸಿಯಂ ಅನ್ನು ಹೀರಿಕೊಳ್ಳಲು ಮತ್ತು ಮೂಳೆಗಳನ್ನು ಬಲಪಡಿಸಲು ಅವಶ್ಯಕವಾಗಿದೆ ಎಂದು ತಿಳಿಸಿದ್ದಾರೆ.

ಕ್ಲೀವ್‌ಲ್ಯಾಂಡ್ ಕ್ಲಿನಿಕ್ ಪ್ರಕಾರ.. ಆಸ್ಟಿಯೊಪೊರೋಸಿಸ್ ನಿಮ್ಮ ಮೂಳೆಗಳನ್ನು ದುರ್ಬಲಗೊಳಿಸುವ ಮತ್ತು ಅವು ಮುರಿತದ ಸಾಧ್ಯತೆಯನ್ನು ಹೆಚ್ಚಿಸುವ ಕಾಯಿಲೆ. ದಿನ ಕಳೆದಂತೆ ಮೂಳೆಗಳನ್ನ ದುರ್ಬಲಗೊಳಿಸುತ್ತದೆ ಎಂದು ಹೇಳಿದೆ. ಪ್ರಸ್ತುತ ಮಹಿಳೆ ತನ್ನ ಆರೋಗ್ಯದತ್ತ ಗಮನ ಹರಿಸುತ್ತಿದ್ದಾಳೆ. ಮನೆಯಲ್ಲಿ ವಿಶ್ರಾಂತಿ ಪಡೆಯುತ್ತಿರುವ ಆಕೆ ಚೇತರಿಸಿಕೊಳ್ಳುತ್ತಿದ್ದಾಳೆ ಎಂದು ವರದಿಯಾಗಿದೆ. ವರದಿಗಳ ಪ್ರಕಾರ.. ವಿಷಯ ಗೊತ್ತಾದ ದಿನದಿಂದ ನಿತ್ಯ ಸೂರ್ಯನ ಬೆಳಕಿಗೆ ಹೋಗುತ್ತಾಳೆ. ನಿಯಮಿತವಾಗಿ ವಾಕಿಂಗ್ ಮಾಡುತ್ತಾಳೆ. ದೆಹಕ್ಕೆ ಹೆಚ್ಚುವರಿಯಾಗಿ ಕ್ಯಾಲ್ಸಿಯಮ್ ಸಿಗುವಂತೆ ನೋಡಿಕೊಳ್ಳುತ್ತಿದ್ದಾಳೆ.

Jio Platforms IPO ಧಮಾಕಾ : ಹೂಡಿಕೆದಾರರಿಂದ ಸಿಕ್ಕಿದೆ ಉತ್ತಮ ರೆಸ್ಪಾನ್ಸ್, ನಾಳೆ ಒಂದೇ ದಿನ ಅವಕಾಶ

Roopa Hegde — Thu, 22 Oct 2026 19:49:27 +0530

ರಿಲಯನ್ಸ್ ಗ್ರೂಪ್ನ ಜಿಯೋ ಪ್ಲಾಟ್ಫಾರ್ಮ್ಸ್ ಐಪಿಒ (IPO), ಹೂಡಿಕೆದಾರರ ಗಮನ ಸೆಳೆದಿದೆ. ಸುಮಾರು 30,213 ಕೋಟಿ ರೂಪಾಯಿ ಮೌಲ್ಯದ ಈ ಐಪಿಒಗೆ ಮೊದಲ ಎರಡು ದಿನಗಳಲ್ಲಿ ಭಾರಿ ಬೇಡಿಕೆ ವ್ಯಕ್ತವಾಗಿದೆ. ಅಕ್ಟೋಬರ್ 22ರ ವರದಿಗಳ ಪ್ರಕಾರ, ಆಂಕರ್ ಹೂಡಿಕೆದಾರರ ಬೇಡಿಕೆಯನ್ನು ಸೇರಿಸಿ ಒಟ್ಟು ಬಿಡ್ಗಳ ಮೌಲ್ಯ ಸುಮಾರು 3.58 ಲಕ್ಷ ಕೋಟಿ ರೂಪಾಯಿ ತಲುಪಿದೆ. ಆದರೂ, ಭಾರತದ ಐಪಿಒ ಇತಿಹಾಸದಲ್ಲಿ ಅತಿ ಹೆಚ್ಚು ಬಿಡ್ ಮೌಲ್ಯದ ದಾಖಲೆ ಜಿಯೋ ಹೆಸರಿನಲ್ಲಿಲ್ಲ.

ಜಿಯೋ ಐಪಿಒಗೆ ಎರಡನೇ ದಿನವೂ ಭಾರಿ ಬೇಡಿಕೆ

ಜಿಯೋ ಪ್ಲಾಟ್ಫಾರ್ಮ್ಸ್ ಐಪಿಒ ಅಕ್ಟೋಬರ್ 21ರಂದು ಸಾರ್ವಜನಿಕ ಚಂದಾದಾರಿಕೆಗೆ ತೆರೆಯಿತು. ಅಕ್ಟೋಬರ್ 22ರಂದು ಮಧ್ಯಾಹ್ನ 1.15ರ ವೇಳೆಗೆ ಐಪಿಒ 3.93 ಪಟ್ಟು ಸಬ್ಸ್ಕ್ರೈಬ್‌ ಪಡೆದಿತ್ತು. ಸಾರ್ವಜನಿಕರಿಗೆ ಮೀಸಲಿಟ್ಟಿದ್ದ ಸುಮಾರು 19.75 ಕೋಟಿ ಷೇರುಗಳಿಗೆ 77.64 ಕೋಟಿ ಷೇರುಗಳಿಗೆ ಬಿಡ್ ಸಲ್ಲಿಸಲಾಗಿತ್ತು. ಪ್ರತಿ ಷೇರಿಗೆ 1,119ರ ಗರಿಷ್ಠ ಬೆಲೆಯ ಆಧಾರದಲ್ಲಿ ಈ ಬಿಡ್ಗಳ ಮೌಲ್ಯ ಸುಮಾರು 86,880 ಕೋಟಿ ಆಗಿತ್ತು.

ಅಂದರೆ, ಐಪಿಒ ಗಾತ್ರಕ್ಕಿಂತ ಹಲವು ಪಟ್ಟು ಹೆಚ್ಚಿನ ಬೇಡಿಕೆ ವ್ಯಕ್ತವಾಗಿದೆ. ನಂತರದ ವರದಿಗಳ ಪ್ರಕಾರ, ಅಕ್ಟೋಬರ್ 22ರ ಸಂಜೆ ವೇಳೆಗೆ ಸಾರ್ವಜನಿಕ ಚಂದಾದಾರಿಕೆ ಸುಮಾರು 5 ಪಟ್ಟು ತಲುಪಿದ್ದು, ಆಂಕರ್ ಹೂಡಿಕೆದಾರರ ಬೇಡಿಕೆಯನ್ನೂ ಸೇರಿಸಿ ಒಟ್ಟು ಬೇಡಿಕೆ ಸುಮಾರು 3.58 ಲಕ್ಷ ಕೋಟಿ ಆಗಿದೆ.

ಆಂಕರ್ ಹೂಡಿಕೆದಾರರಿಗೆ 8,109 ಕೋಟಿ ಮೌಲ್ಯದ ಷೇರು ಹಂಚಿಕೆ

ಜಿಯೋ ಪ್ಲಾಟ್ಫಾರ್ಮ್ಸ್ ಒಟ್ಟು 212 ಆಂಕರ್ ಹೂಡಿಕೆದಾರರಿಗೆ 8,109.85 ಕೋಟಿ ಮೌಲ್ಯದ ಷೇರುಗಳನ್ನು ಹಂಚಿಕೆ ಮಾಡಿದೆ. ಪ್ರತಿ ಷೇರಿಗೆ 1,119ರ ಗರಿಷ್ಠ ಬೆಲೆಯಲ್ಲಿ ಈ ಹಂಚಿಕೆ ನಡೆದಿದೆ. ಸಾಂಸ್ಥಿಕ ಹೂಡಿಕೆದಾರರಿಂದ ಸುಮಾರು 2.5 ಲಕ್ಷ ಕೋಟಿ ಮೌಲ್ಯದ ಬೇಡಿಕೆ ವ್ಯಕ್ತವಾಗಿದೆ ಎಂದು ವರದಿಯಾಗಿದೆ. ಆಂಕರ್ ಹೂಡಿಕೆದಾರರಿಗೆ ಮೀಸಲಿಟ್ಟಿದ್ದ ಷೇರುಗಳ ಪ್ರಮಾಣಕ್ಕೆ ಹೋಲಿಸಿದರೆ ಇದು 30 ಪಟ್ಟು ಹೆಚ್ಚು ಬೇಡಿಕೆಯಾಗಿದೆ. ಆಂಕರ್ ಹೂಡಿಕೆದಾರರು ಎಂದರೆ ಐಪಿಒ ಸಾರ್ವಜನಿಕರಿಗೆ ತೆರೆಯುವ ಮೊದಲು ಷೇರುಗಳನ್ನು ಹಂಚಿಕೆ ಪಡೆಯುವ ಅರ್ಹ ದೊಡ್ಡ ಹೂಡಿಕೆದಾರರು. ಇವರಲ್ಲಿ ಮ್ಯೂಚುವಲ್ ಫಂಡ್ಗಳು, ವಿಮಾ ಕಂಪನಿಗಳು ಮತ್ತು ಇತರ ಹಣಕಾಸು ಸಂಸ್ಥೆಗಳು ಸೇರಿರುತ್ತವೆ.

ಭಾರತದ ಅತಿದೊಡ್ಡ ಐಪಿಒ ಬಿಡ್ ದಾಖಲೆ ಯಾರ ಹೆಸರಿನಲ್ಲಿದೆ?

ಜಿಯೋ ಐಪಿಒಗೆ ಭಾರಿ ಬೇಡಿಕೆ ಬಂದಿದ್ದರೂ, ಭಾರತದ ಐಪಿಒ ಇತಿಹಾಸದಲ್ಲಿ ಅತಿ ಹೆಚ್ಚು ಬಿಡ್ ಮೌಲ್ಯದ ದಾಖಲೆ ಇನ್ನೂ ರಿಲಯನ್ಸ್ ಪವರ್ ಹೆಸರಿನಲ್ಲಿದೆ. 2008ರಲ್ಲಿ ಬಿಡುಗಡೆಯಾದ ರಿಲಯನ್ಸ್ ಪವರ್ ಐಪಿಒಗೆ ಸುಮಾರು ₹7.52 ಲಕ್ಷ ಕೋಟಿ ಮೌಲ್ಯದ ಬಿಡ್ಗಳು ಬಂದಿದ್ದವು.

ಪ್ರಮುಖ ಐಪಿಒಗಳ ಬಿಡ್ ಮೌಲ್ಯಗಳ ಹೋಲಿಕೆ ಇಲ್ಲಿದೆ:

ರಿಲಯನ್ಸ್ ಪವರ್ (2008): ಸುಮಾರು ₹7.52 ಲಕ್ಷ ಕೋಟಿ

ಎಲ್‌ ಜಿ ಎಲೆಕ್ಟ್ರಾನಿಕ್ಸ್ ಇಂಡಿಯಾ (2025): ಸುಮಾರು ₹4.4 ಲಕ್ಷ ಕೋಟಿ

ಬಜಾಜ್ ಹೌಸಿಂಗ್ ಫೈನಾನ್ಸ್ (2024): ಸುಮಾರು ₹3.28 ಲಕ್ಷ ಕೋಟಿ

ಜಿಯೋ ಪ್ಲಾಟ್ಫಾರ್ಮ್ಸ್ (2026): ಅಕ್ಟೋಬರ್ 22ರ ವರದಿಯ ಪ್ರಕಾರ ಆಂಕರ್ ಬೇಡಿಕೆ ಸೇರಿಸಿ ಸುಮಾರು ₹3.58 ಲಕ್ಷ ಕೋಟಿ

ಜಿಯೋ ಐಪಿಒಗೆ ಅರ್ಜಿ ಸಲ್ಲಿಸಲು ಯಾವಾಗ ಕೊನೆಯ ದಿನ?

ಜಿಯೋ ಪ್ಲಾಟ್ಫಾರ್ಮ್ಸ್ ಐಪಿಒಗೆ ಅರ್ಜಿ ಸಲ್ಲಿಸಲು ಅಕ್ಟೋಬರ್ 23, 2026 ಕೊನೆಯ ದಿನವಾಗಿದೆ. ಷೇರಿನ ಬೆಲೆ ಪಟ್ಟಿಯನ್ನು 1,065ರಿಂದ 1,119ರವರೆಗೆ ನಿಗದಿಪಡಿಸಲಾಗಿದೆ. ಒಂದು ಲಾಟ್ನಲ್ಲಿ 12 ಷೇರುಗಳಿದ್ದು, ಗರಿಷ್ಠ ಬೆಲೆಯ ಆಧಾರದಲ್ಲಿ ಒಂದು ಲಾಟ್ಗೆ 13,428 ಹೂಡಿಕೆ ಮಾಡಬೇಕಾಗುತ್ತದೆ. ವರದಿಗಳ ಪ್ರಕಾರ, ಷೇರು ಹಂಚಿಕೆ ಅಕ್ಟೋಬರ್ 26ರಂದು ಅಂತಿಮಗೊಳ್ಳುವ ನಿರೀಕ್ಷೆಯಿದ್ದು, ಅಕ್ಟೋಬರ್ 28ರಂದು ಷೇರು ಮಾರುಕಟ್ಟೆಯಲ್ಲಿ ಲಿಸ್ಟಿಂಗ್ ಆಗುವ ಸಾಧ್ಯತೆಯಿದೆ.

ಲಿಸ್ಟಿಂಗ್ ದಿನ ಲಾಭ ಸಿಗುತ್ತದೆಯೇ?

IPOಗೆ ಹೆಚ್ಚಿನ ಬೇಡಿಕೆ ಬಂದಿದೆ ಎಂಬ ಕಾರಣಕ್ಕೆ ಲಿಸ್ಟಿಂಗ್ ದಿನ ಷೇರಿನ ಬೆಲೆ ಏರಲಿದೆ ಅಥವಾ ಹೂಡಿಕೆದಾರರಿಗೆ ಲಾಭ ಖಚಿತ ಎಂದು ಹೇಳಲು ಸಾಧ್ಯವಿಲ್ಲ. ಲಿಸ್ಟಿಂಗ್ ಬೆಲೆ ಮಾರುಕಟ್ಟೆಯ ಪರಿಸ್ಥಿತಿ, ಕಂಪನಿಯ ಮೌಲ್ಯಮಾಪನ ಮತ್ತು ಹೂಡಿಕೆದಾರರ ಬೇಡಿಕೆಯನ್ನು ಅವಲಂಬಿಸಿರುತ್ತದೆ. ಆದ್ದರಿಂದ, ಕೇವಲ ಚಂದಾದಾರಿಕೆ ಪ್ರಮಾಣ ಅಥವಾ ಗ್ರೇ ಮಾರ್ಕೆಟ್ ಪ್ರೀಮಿಯಂ ಆಧರಿಸಿ ಹೂಡಿಕೆ ನಿರ್ಧಾರ ತೆಗೆದುಕೊಳ್ಳುವುದಕ್ಕಿಂತ, ಕಂಪನಿಯ ಹಣಕಾಸಿನ ಸ್ಥಿತಿ ಮತ್ತು ಐಪಿಒಗೆ ಸಂಬಂಧಿಸಿದ ಅಧಿಕೃತ ದಾಖಲೆಗಳನ್ನು ಪರಿಶೀಲಿಸುವುದು ಮುಖ್ಯ.

ಗಾಯಕ ಸಿಧು ಮೂಸೆವಾಲಾ 2 ವರ್ಷದ ತಮ್ಮನ ಮೇಲೆ ಕೇಸ್ ದಾಖಲು! ಬಂದೂಕು ಸನ್ನೆ ವಿರುದ್ಧ ಆಕ್ರೋಶ

Suchethana D — Thu, 22 Oct 2026 19:49:07 +0530

ನಟ ಸಲ್ಮಾನ್ ಖಾನ್ ಜೊತೆ ಅತ್ಯಂತ ಸಮೀಪವರ್ತಿಯಾಗಿರುವ ಹಿನ್ನೆಲೆಯಲ್ಲಿ, ಪಂಜಾಬಿ ಗಾಯಕ ಸಿಧು ಮೂಸೆವಾಲಾ ಅವರನ್ನು ಬಿಷ್ಣೋಯಿ ಗ್ಯಾಂಗ್ 2022ರಲ್ಲಿ ಹತ್ಯೆ ಮಾಡಿತ್ತು. ಅವರ ಸಾವಿನ ನಂತರ ಅವರ ಅಪ್ಪ-ಅಮ್ಮನಿಗೆ ಮಗು ಹುಟ್ಟಿತ್ತು. ಅಂದರೆ ಸಿಧು ಅವರಿಗೆ ಸಹೋದರ ಹುಟ್ಟಿದ್ದ. ಅವನಿಗೆ ಈಗ ಎರಡೂವರೆ ವರ್ಷ ವಯಸ್ಸು. ಆದರೆ, ಈ ಬಾಲಕನ ಮೇಲೆ ಈಗ ಕೇಸ್ ದಾಖಲಾಗಿದೆ! ಛೋಟಾ ಸಿಧು ಎಂದೇ ಬಿಂಬಿತ ಆಗಿರುವ ಅವರ ತಮ್ಮ ಸುಖ್‌ದೀಪ್ ಸಿಂಗ್ ಸಿಧು, ತಮ್ಮ ಅಣ್ಣನಂತೆಯೇ ಬಂದೂಕು ಸನ್ನೆ ಮಾಡಿರುವುದರಿಂದ ಈ ದೂರು!

ಕೆನಡಾದ ಟೊರೊಂಟೊದಲ್ಲಿ ನಡೆದ ಸಂಗೀತ ಕಾರ್ಯಕ್ರಮವೊಂದರಲ್ಲಿ ಬಂದೂಕು ಸನ್ನೆ ಮಾಡಿದ್ದ ಬಾಲಕ. ಚಂಡೀಗಢ ಮೂಲದ ‘ವಕೀಲರು ಮತ್ತು ಮಾನವ ಹಕ್ಕುಗಳ ಅಂತಾರಾಷ್ಟ್ರೀಯ ಸಂಸ್ಥೆ’ ಅಕ್ಟೋಬರ್ 17ರಂದು ಮಾನ್ಸಾ ಉಪ ಆಯುಕ್ತರು ಮತ್ತು ಜಿಲ್ಲಾ ಮಕ್ಕಳ ರಕ್ಷಣಾ ಘಟಕಕ್ಕೆ ಅಧಿಕೃತ ದೂರು ಸಲ್ಲಿಸಿದೆ. ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಹಾಗೂ ವಕೀಲ ನವಕಿರಣ್ ಸಿಂಗ್ ಅವರು ಜುವೆನೈಲ್ ಜಸ್ಟೀಸ್ ಕಾಯ್ದೆಯಡಿ ಮಗುವಿನ ಪೋಷಕರಾದ ಬಲ್ಕೌರ್ ಸಿಂಗ್ ಮತ್ತು ಚರಣ್ ಕೌರ್ ಅವರ ಹೆಸರಿನಲ್ಲಿ ಈ ದೂರು ದಾಖಲಿಸಿದ್ದಾರೆ. ಮಗುವಿಗೆ ಹಿಂಸಾಚಾರದ ಅನುಕರಣೆ ಮಾಡದಂತೆ ನೋಡಿಕೊಳ್ಳಲು ಪೋಷಕರಿಗೆ ಸೂಕ್ತ ಕೌನ್ಸಿಲಿಂಗ್ ನೀಡುವಂತೆ ಕೋರಿದೆ.

ಆಗಿದ್ದೇನು?

ಸುಖ್‌ದೀಪ್ ಸಿಂಗ್ ಸಿಧು, ಇದೇ 9ರಂದು ಕೆನಡಾದ ಟೊರೊಂಟೊದಲ್ಲಿ ನಡೆದ ‘ಸೈಂಡ್ ಟು ಗಾಡ್ ವರ್ಲ್ಡ್ ಟೂರ್’ನ ಆರಂಭಿಕ ಪ್ರದರ್ಶನದ ವೇಳೆ ವೇದಿಕೆಗೆ ಕರೆತರಲಾಗಿತ್ತು. ಈ ವೇಳೆ ಆತ ಪಿಸ್ತೂಲ್ನಿಂದ ಗುಂಡು ಹಾರಿಸುವಂತಹ ಸನ್ನೆಗಳನ್ನು ಮಾಡಿ, ಬಂದೂಕಿನ ಶಬ್ದವನ್ನು ಅನುಕರಿಸಿದ್ದ. ಇಷ್ಟು ಚಿಕ್ಕ ವಯಸ್ಸಿನಲ್ಲಿ ಇಂಥ ಹಿಂಸಾಚಾರದ ಸನ್ನೆ ಸರಿಯಲ್ಲ ಎನ್ನುವುದು ದೂರುದಾರರ ವಾದ. ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲಾಗಿರುವ ವೀಡಿಯೊಗಳಲ್ಲಿ, ಮಗುವಿನ ಸುತ್ತಮುತ್ತಲಿದ್ದ ಕೆಲವರು ಆತನನ್ನು ಅಂತಹ ಸನ್ನೆಗಳನ್ನು ಮಾಡುವಂತೆ ಪ್ರೋತ್ಸಾಹಿಸುತ್ತಿರುವುದು ಕಂಡುಬಂದಿದೆ. ಚಿಕ್ಕ ವಯಸ್ಸಿನಲ್ಲಿಯೇ ಇಂತಹ ಹಿಂಸಾತ್ಮಕ ವರ್ತನೆಗಳನ್ನು ಪ್ರೋತ್ಸಾಹಿಸುವುದು ಮಗುವಿನ ಮಾನಸಿಕ ಬೆಳವಣಿಗೆಯ ಮೇಲೆ ಪರಿಣಾಮ ಬೀಳಬಹುದು ಮತ್ತು ಹಿಂಸೆಯನ್ನು ಸಹಜವೆಂದು ಪರಿಗಣಿಸಲು ದಾರಿ ಮಾಡಿಕೊಡಬಹುದು ಎಂದು ಸಂಸ್ಥೆ ಆತಂಕ ವ್ಯಕ್ತಪಡಿಸಿದೆ.

ಕೌನ್ಸಿಲಿಂಗ್ ವ್ಯವಸ್ಥೆಗೆ ಮನವಿ

ಮಗುವಿಗೆ ತನ್ನ ದಿವಂಗತ ಅಣ್ಣನ ನೆನಪಿನಾರ್ಥವಾಗಿ ನಡೆಯುವ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವುದಕ್ಕೆ ತಮ್ಮ ಯಾವುದೇ ತಕರಾರಿಲ್ಲ ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ. ಆದರೆ ಸಾರ್ವಜನಿಕ ವೇದಿಕೆಗಳಲ್ಲಿ ಗನ್ ಸನ್ನೆಗಳನ್ನು ಮಾಡಿಸುವುದನ್ನು ಮತ್ತು ಹಿಂಸಾಚಾರವನ್ನು ಪ್ರಚೋದಿಸುವುದನ್ನು ಮಾತ್ರ ವಿರೋಧಿಸುವುದಾಗಿ ತಿಳಿಸಿದೆ. ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ ಅಥವಾ ಅರ್ಹ ಮಕ್ಕಳ ಕೌನ್ಸಿಲರ್ ಮೂಲಕ ಪೋಷಕರಿಗೆ ಕೌನ್ಸಿಲಿಂಗ್ ವ್ಯವಸ್ಥೆ ಮಾಡಬೇಕು ಮತ್ತು ಮಗು ಭವಿಷ್ಯದಲ್ಲಿ ಇಂತಹ ಕೃತ್ಯಗಳನ್ನು ಪುನರಾವರ್ತಿಸದಂತೆ ಎಚ್ಚರಿಕೆ ವಹಿಸಲು ಅಧಿಕಾರಿಗಳಿಗೆ ನಿರ್ದೇಶನ ನೀಡಬೇಕೆಂದು ದೂರಿನಲ್ಲಿ ಒತ್ತಾಯಿಸಲಾಗಿದೆ.

Toe Rings: ಉದ್ಯೋಗಿ ಮಹಿಳೆಯರಿಗಾಗಿ ಸಿಂಪಲ್, ಸ್ಟೈಲಿಶ್ ಕಾಲುಂಗುರಗಳು; ಬೆಲೆಯೂ ಕಡಿಮೆ!

Govindaraj S — Thu, 22 Oct 2026 19:48:48 +0530

ಸಿಂಪಲ್ ಆಗಿ, ಸುಂದರವಾಗಿ ಕಾಣುವ ಕಾಲುಂಗುರಗಳನ್ನು ಖರೀದಿಸಲು ಯೋಚಿಸುತ್ತಿದ್ದೀರಾ? ಹಾಗಾದರೆ ಕಡಿಮೆ ಬೆಲೆಯಲ್ಲಿ ಸಿಗುವ ಸ್ಟೈಲಿಶ್ ಕಾಲುಂಗುರಗಳ ಡಿಸೈನ್ ಇಲ್ಲಿದೆ. ಒಮ್ಮೆ ನೋಡಿ.

ಹೇಳಿಕೊಳ್ಳಲಾಗದ ಸಮಸ್ಯೆಯಿಂದ ಬಳಲ್ತಿರೋ ನಿರ್ದೇಶಕ ಯೋಗರಾಜ್‌ ಭಟ್‌, ಇದಕ್ಕಿರುವ ಪರಿಣಾಮಕಾರಿ ಮನೆಮದ್ದುಗಳೇನು?

Santosh Naik — Thu, 22 Oct 2026 19:47:56 +0530

ಕನ್ನಡದ ಪ್ರಸಿದ್ಧ ನಿರ್ದೇಶಕ, ಮುಂಗಾರು ಮಳೆ, ಗಾಳಿಪಟ, ಪಂಚರಂಗಿ, ಪುನೀತ್‌ ರಾಜ್‌ಕುಮಾರ್‌ ಅವರ ಪರಮಾತ್ಮದಂಥ ಸಿನಿಮಾಗಳ ಮೂಲಕ ಕನ್ನಡ ಸಿನಿ ಅಭಿಮಾನಿಗಳಲ್ಲಿ ನೆಚ್ಚಿನ ಸ್ಥಾನ ಪಡೆದಿರುವ ಯೋಗರಾಜ್‌ ಭಟ್‌ ಅವರಿಗೆ ಹೇಳಿಕೊಳ್ಳಲಾಗದಂತ ಸಮಸ್ಯೆ ಭಾದಿಸಿದೆ. ಇತ್ತೀಚೆಗೆ ಗೋಲ್ಡನ್‌ ಸ್ಟಾರ್ ಗಣೇಶ್‌ ಅವರ 20 ವರ್ಷಗಳ ಸಿನಿ ಜರ್ನಿಯ ಸೆಲಿಬ್ರೇಷನ್‌ನ ಭಾಗವಾಗಿ ಆಂಕರ್‌ ಅನುಶ್ರೀ ಯೂಟ್ಯೂಬ್‌ ಚಾನೆಲ್‌ನಲ್ಲಿ ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಅವರೊಂದಿಗೆ ಭಾಗವಹಿಸಿದ್ದರು. ಇದೇ ಕಾರ್ಯಕ್ರಮದ ಆರಂಭದಲ್ಲಿ ತಮಗೆ ಇರುವ ಆರೋಗ್ಯ ಸಮಸ್ಯೆಯ ಬಗ್ಗೆ ಹೇಳಿಕೊಂಡಿದ್ದಾರೆ.

ಕಾರ್ಯಕ್ರಮದ ಆರಂಭದಲ್ಲೇ ಯೋಗರಾಜ್‌ ಭಟ್‌ ಅವರನ್ನು ಕಾಲೆಳೆಯಲು ಆರಂಭಿಸಿದ ಗಣೇಶ್‌ ಅವರಿಗೆ 'ಬಹಳ ಸಂದಿಗ್ಥ ಪರಿಸ್ಥಿತಿಯಲ್ಲೂ ಅವರು ಕಾರ್ಯಕ್ರಮಕ್ಕೆ ಬಂದಿದ್ದಾರೆ' ಎಂದು ಅನುಶ್ರೀ ನೆನಪಿಸಿದರು. ನಾನು ಶೋಗೆ ಬಂದ ತಕ್ಷಣವೇ ಅವರು ಹೇಳಿದ್ರು, 'ಹಿಂಗಾಗ್ಬಿಟ್ಟಿದೆ ಕಣೋ' ಎಂದರು. ನಮ್ಮ ಜನಕ್ಕೂ ಗೊತ್ತಿಲ್ಲ. ಇವೆಲ್ಲ ಬೇಡ ಅಲ್ವಾ ಸರ್‌ ಎಂದು ಅನುಶ್ರೀ ಹೇಳಿದಾಗ, ಸ್ವತಃ ಯೋಗರಾಜ್‌ ಭಟ್‌ ಅವರೇ ಹೇಳ್ಬಹುದೇನಪ್ಪಾ ಎಂದು ಅನುಮತಿ ಕೊಟ್ಟರು. ಕೊನೆಗೆ ಗಣೇಶ್‌ ಅವರೇ, ಹುಷಾರ್ ಇರಲಿಲ್ಲ. ಅದಕ್ಕೆ ಚೆಕ್‌ಅಪ್‌ಗೆ ಹೋಗಿ ಬಂದಿದ್ದಾರೆ ಎಂದು ಹೇಳಿ ತಿಳಿ ಮಾಡುವ ಪ್ರಯತ್ನ ಮಾಡಿದರು.

ಈ ವೇಳೆ ಸಭಿಕರೊಬ್ಬರು 'ಸೀಕ್ರೆಟ್‌ ಬೇರೆ ಇದೆ' ಎಂದಾಗ, 'ಆ ಸೀಕ್ರೆಟ್‌ ಜಾಗದ್ದೇ ಸಮಸ್ಯೆ' ಎಂದಾಗ ಇಡೀ ಕಾರ್ಯಕ್ರಮ ನಗೆಗಡಲಲ್ಲಿ ತೇಲಿತು. 'ಸರ್‌ ಹಿಂಗೆ ಹೇಳಿದ್ರೆ ತಪ್ಪು ತಿಳ್ಕೊಂಡು ಬಿಡ್ತಾರೆ' ಡೆಂದು ಅನುಶ್ರೀ ಹೇಳಿದಾಗ, 'ಹೆಂಗೋ ಗಣೇಶ್‌ ಈ ವಿಚಾರ ತೆಗೆದಿದ್ದಾನೆ' ಎಂದು ಸ್ವತಃ ಯೋಗರಾಜ್‌ ಭಟ್‌ ಅವರೇ ತಮ್ಮ ಸಮಸ್ಯೆ ಹೇಳಿಕೊಳ್ಳಲು ಆರಂಭಿಸಿದರು.

'ಮರ್ಯಾದೆ ಹೋದ್ರೆ ಚೂರ್‌ ಏನಕ್ಕೆ ಹೋಗ್ಬೇಕು,. ಹೋದ್ರೆ ಪೂರ್ತಿ ಹೋಗಲಿ, ಹೇಳಿ ಬಿಡ್ತನೆ. ನಮಗೆ ಒಬ್ಬರು ಹಿರಿಯ ಡಾಕ್ಟರು. ಈ ಪೃಷ್ಟ, ಮೊಳಕೆ ಅಂತಾ ಕರಿತಾರೆ, ಪೈಲ್ಸ್‌ ಅಂತಾ, ಗುಳ್ಳೆ ಅಂತಾ ಕರೀತಾರೆ. ಅದರದ್ದು ಏನೋ ಅನುಮಾನ ಬಂದು, ಅವರಿಗೆ ತೋರಿಸಲು ಹೋಗಿದ್ದೆ. ಅವರು ಯಾವತ್ತೂ ನನಗೆ ಸಿಕ್ಕಿದ್ರೂ ನನ್ನ ಕಂಡು ಹಿಡಿಯಲಿಲ್ಲ. ಸ್ವಲ್ಪ ವಯಸ್ಸು ಬೇರೆ ಅವರಿಗೆ ಆಗಿದೆ. ನಾನು ಅವರ ಕೈ ಹಿಡಿದುಕೊಂಡು, ಡಾಕ್ಟ್ರೇ ನಿಮಗೆ ಪೇಶಂಟ್‌ಗಳ ಮುಖ ನೋಡಿದ್ರೆ ಗೊತ್ತಾಗಲ್ಲ ಎಂದೆ. ಮುಖದ್ದೊಂದು ಪ್ರಾಸ ನೋಡಿಬಿಡಿ ಎಂದೆ. ಈಸಿಯಾಗಿ ಕಂಡುಹಿಡಿಯಬಹುದು ಎಂದೆ' ಎಂದು ತಮ್ಮ ಸಮಸ್ಯೆ ಹೇಳಿಕೊಂಡರು.ಇಂಥ ಫ್ರೆಂಡ್ಸ್‌ ಇದ್ದಿದ್ದ ಕಾರಣಕ್ಕೆ ನಾನು ಡಾಕ್ಟರ್‌ ಆಗಲಿಲ್ಲ ಎಂದು ಗಣೇಶ್‌ ನಗಾಡುತ್ತಲೇ ಹೇಳಿದಾಗ, ಯೋಗರಾಜ್‌ ಭಟ್‌ ಹಳೆಯ ದಿನಗಳನ್ನು ನೆನಪು ಮಾಡಿಕೊಂಡು ಮಾತಿನ ಚಟಾಕಿ ಹಾರಿಸಿದ್ದಾರೆ.

ಪೈಲ್ಸ್‌ಗೆ ಇರೋ ಮನೆಮದ್ದುಗಳೇನು?

ಪೈಲ್ಸ್ (ಮೂಲವ್ಯಾಧಿ) ಸಮಸ್ಯೆಯು ಆರಂಭಿಕ ಅಥವಾ ಸೌಮ್ಯ ಹಂತದಲ್ಲಿದ್ದರೆ ಕೆಲವೊಂದು ಸರಳ ಮನೆಮದ್ದುಗಳು ಹಾಗೂ ಜೀವನಶೈಲಿಯ ಬದಲಾವಣೆಗಳ ಮೂಲಕ ನೋವು, ಊತ ಮತ್ತು ತುರಿಕೆಯಿಂದ ಸುಲಭವಾಗಿ ಉಪಶಮ ಪಡೆಯಬಹುದು. ದಿನಕ್ಕೆ ಎರಡು ಬಾರಿಯಂತೆ ಉಗುರುಬೆಚ್ಚಗಿನ ನೀರಿನ ಟಬ್‌ನಲ್ಲಿ 15 ರಿಂದ 20 ನಿಮಿಷಗಳ ಕಾಲ ಕುಳಿತುಕೊಳ್ಳುವ 'ಸೀಟ್ ಬಾತ್' (Sitz Bath) ತೆಗೆದುಕೊಳ್ಳುವುದು ಹಾಗೂ ಬಾಧಿತ ಜಾಗಕ್ಕೆ ಮಂಜುಗಡ್ಡೆಯ ತುಂಡುಗಳನ್ನು ಶುದ್ಧ ಬಟ್ಟೆಯಲ್ಲಿ ಕಟ್ಟಿ 'ಕೋಲ್ಡ್ ಕಂಪ್ರೆಸ್' ಮಾಡುವುದರಿಂದ ಊತ ಮತ್ತು ಕಿರಿಕಿರಿ ಗಣನೀಯವಾಗಿ ಕಡಿಮೆಯಾಗುತ್ತದೆ. ಇದರ ಜೊತೆಗೆ, ಮಲವಿಸರ್ಜನೆಯ ನಂತರ ಅಥವಾ ಉರಿಯೂತವಿದ್ದಾಗ ಶುದ್ಧವಾದ ತೆಂಗಿನೆಣ್ಣೆ ಅಥವಾ ತಾಜಾ ಅಲೋವೆರಾ (ಲೋಳೆಸರ) ಜೆಲ್ ಹಚ್ಚಿಕೊಳ್ಳುವುದರಿಂದ ಚರ್ಮ ಒಣಗುವುದು ತಪ್ಪಿ, ಉರಿ ತಕ್ಷಣವೇ ಶಮನಗೊಳ್ಳುತ್ತದೆ.

ಈ ಮನೆಮದ್ದುಗಳೊಂದಿಗೆ ದೈನಂದಿನ ಆಹಾರ ಪದ್ಧತಿ ಹಾಗೂ ಶೌಚಾಲಯದ ಅಭ್ಯಾಸಗಳಲ್ಲಿ ಜಾಗರೂಕತೆ ವಹಿಸುವುದು ಅತ್ಯಗತ್ಯ. ಮಲಬದ್ಧತೆಯನ್ನು ತಡೆಗಟ್ಟಲು ದಿನಕ್ಕೆ ಕನಿಷ್ಠ 2 ರಿಂದ 3 ಲೀಟರ್ ನೀರು ಕುಡಿಯಬೇಕು ಮತ್ತು ಹಣ್ಣುಗಳು, ಹಸಿರು ತರಕಾರಿಗಳು ಹಾಗೂ ನಾರಿನಾಂಶ (ಫೈಬರ್) ಹೆಚ್ಚಿರುವ ಧಾನ್ಯಗಳನ್ನು ನಿಯಮಿತವಾಗಿ ಸೇವಿಸಬೇಕು. ಅಲ್ಲದೆ, ಮಲವಿಸರ್ಜನೆಯ ಸಮಯದಲ್ಲಿ ಅತಿಯಾಗಿ ಒತ್ತಡ ಹಾಕುವುದು, ಶೌಚಾಲಯದಲ್ಲಿ 5-10 ನಿಮಿಷಕ್ಕಿಂತ ಹೆಚ್ಚು ಸಮಯ ಕುಳಿತುಕೊಳ್ಳುವುದು, ಬಂದ ಮಲವನ್ನು ತಡೆಹಿಡಿಯುವುದು ಮತ್ತು ಅತಿಯಾದ ಖಾರ ಹಾಗೂ ಮಸಾಲೆ ಪದಾರ್ಥಗಳನ್ನು ಸೇವಿಸುವುದನ್ನು ಸಂಪೂರ್ಣವಾಗಿ ವಜಾಗೊಳಿಸಬೇಕು.

ಮಹಿಳೆಯರು ಮನೆಗೆಲಸಕ್ಕಷ್ಟೇ ಸೀಮಿತವೇ? ಭಾರತೀಯ ಪುರುಷರಿಗೆ CEO ಕೊಟ್ಟ ಖಡಕ್ ಸಂದೇಶ!

Chandrashekar GS — Thu, 22 Oct 2026 19:41:50 +0530

ಮಹಿಳೆಯರೇ ಎಲ್ಲವನ್ನೂ ಸ್ವಚ್ಛಗೊಳಿಸಬೇಕೇ? ಭಾರತೀಯ ಪುರುಷರ ಮನೋಭಾವಕ್ಕೆ ಗುರ್ಗಾಂವ್ ಸಿಇಒ ತರಾಟೆ!

ಮನೆಯ ಕೆಲಸ ಮಹಿಳೆಯರ ಜವಾಬ್ದಾರಿ ಮಾತ್ರವೇ? ಪುರುಷರು ಬಳಸಿದ ವಸ್ತುಗಳನ್ನು ಅವರೇ ಸ್ವಚ್ಛಗೊಳಿಸಿಕೊಳ್ಳುವ ಬದಲು ಮಹಿಳೆಯರು ಬಂದು ಸರಿಪಡಿಸಬೇಕು ಎಂದು ನಿರೀಕ್ಷಿಸುವುದು ಸರಿಯೇ? ಇಂತಹ ಪ್ರಶ್ನೆಗಳನ್ನು ಮುಂದಿಟ್ಟಿರುವ ಗುರ್ಗಾಂವ್‌ನ ಸಿಇಒ ಒಬ್ಬರು, ಮಹಿಳೆಯರೇ ಎಲ್ಲವನ್ನೂ ನೋಡಿಕೊಳ್ಳಬೇಕು ಎಂಬ ಮನೋಭಾವದ ವಿರುದ್ಧ ಧ್ವನಿ ಎತ್ತಿದ್ದಾರೆ. ಈ ಪದ್ಧತಿಯು ನಮ್ಮ ಸಂಸ್ಕೃತಿಯ ಭಾಗವೆಂದು ಸಮರ್ಥಿಸಿಕೊಳ್ಳುವುದಾದರೆ, ಅಂತಹ ಮನೋಭಾವವೇ ಬದಲಾಗಬೇಕು ಎಂಬರ್ಥದಲ್ಲಿ ಅವರು ನೀಡಿದ ಹೇಳಿಕೆ ಚರ್ಚೆಗೆ ಕಾರಣವಾಗಿದೆ.

ಮಹಿಳೆಯರೇ ಮನೆ ಕೆಲಸ ಮಾಡಬೇಕು ಎಂಬ ನಿರೀಕ್ಷೆ ಏಕೆ?

ಭಾರತದ ಅನೇಕ ಕುಟುಂಬಗಳಲ್ಲಿ ಅಡುಗೆ ಮಾಡುವುದು, ಪಾತ್ರೆ ತೊಳೆಯುವುದು, ಮನೆ ಸ್ವಚ್ಛಗೊಳಿಸುವುದು ಮತ್ತು ಮನೆಯ ಸದಸ್ಯರ ಕೆಲಸಗಳನ್ನು ಅಚ್ಚುಕಟ್ಟಾಗಿ ನೋಡಿಕೊಳ್ಳುವುದು ಮಹಿಳೆಯರ ಕರ್ತವ್ಯ ಎಂಬ ಭಾವನೆ ಇನ್ನೂ ಕಂಡುಬರುತ್ತದೆ. ಪುರುಷರು ಹೊರಗೆ ಕೆಲಸ ಮಾಡಿ ಹಣ ಸಂಪಾದಿಸುತ್ತಾರೆ, ಮಹಿಳೆಯರು ಮನೆಯ ಜವಾಬ್ದಾರಿ ನೋಡಿಕೊಳ್ಳುತ್ತಾರೆ ಎಂಬ ಸಾಂಪ್ರದಾಯಿಕ ಕಲ್ಪನೆಯೂ ಇದಕ್ಕೆ ಒಂದು ಕಾರಣವಾಗಿದೆ.

ಆದರೆ ಇಂದಿನ ದಿನಗಳಲ್ಲಿ ಮಹಿಳೆಯರೂ ಉದ್ಯೋಗ, ಕುಟುಂಬ ಮತ್ತು ವೈಯಕ್ತಿಕ ಬದುಕಿನ ನಡುವೆ ಸಮತೋಲನ ಸಾಧಿಸಲು ಶ್ರಮಿಸುತ್ತಿದ್ದಾರೆ. ಇಂತಹ ಸಂದರ್ಭದಲ್ಲಿ ಮನೆಯ ಎಲ್ಲ ಕೆಲಸಗಳನ್ನೂ ಮಹಿಳೆಯರೇ ಮಾಡಬೇಕು ಎಂದು ನಿರೀಕ್ಷಿಸುವುದು ಅವರ ಮೇಲಿನ ಹೆಚ್ಚುವರಿ ಹೊರೆ ಎಂಬ ಅಭಿಪ್ರಾಯ ವ್ಯಕ್ತವಾಗುತ್ತಿದೆ.

“ತಮ್ಮ ಕೆಲಸ ತಾವೇ ಮಾಡಿಕೊಳ್ಳುವುದು” ಮೂಲಭೂತ ಜವಾಬ್ದಾರಿ

ಪುರುಷರು ಬಳಸಿದ ತಟ್ಟೆ, ಲೋಟ ಅಥವಾ ಇತರ ವಸ್ತುಗಳನ್ನು ಅಲ್ಲಿಯೇ ಬಿಟ್ಟು, ಅವುಗಳನ್ನು ಮಹಿಳೆಯರು ಸ್ವಚ್ಛಗೊಳಿಸುತ್ತಾರೆ ಎಂದು ನಿರೀಕ್ಷಿಸುವುದು ಸಮಾನತೆಯ ಮನೋಭಾವಕ್ಕೆ ವಿರುದ್ಧವಾಗಿದೆ ಎಂಬುದು ಈ ಚರ್ಚೆಯ ಪ್ರಮುಖ ಅಂಶ.

ಮನೆಯ ಕೆಲಸದಲ್ಲಿ ಕೈಜೋಡಿಸುವುದು ಮಹಿಳೆಯರಿಗೆ ಮಾಡುವ ಸಹಾಯವಲ್ಲ; ಅದು ಮನೆಯ ಪ್ರತಿಯೊಬ್ಬ ಸದಸ್ಯನ ಜವಾಬ್ದಾರಿ. ತಾವು ಬಳಸಿದ ವಸ್ತುಗಳನ್ನು ಸರಿಯಾದ ಜಾಗದಲ್ಲಿ ಇಡುವುದು, ತಮ್ಮ ಬಟ್ಟೆಗಳನ್ನು ನಿರ್ವಹಿಸುವುದು ಮತ್ತು ಮನೆ ಸ್ವಚ್ಛವಾಗಿಡಲು ಸಹಕರಿಸುವುದು ಪ್ರತಿಯೊಬ್ಬರೂ ಕಲಿಯಬೇಕಾದ ಸರಳ ಅಭ್ಯಾಸಗಳು.

ಸಂಸ್ಕೃತಿಯ ಹೆಸರಿನಲ್ಲಿ ಅಸಮಾನತೆ ಬೇಡ

ಸಂಪ್ರದಾಯಗಳು ಕುಟುಂಬದ ಒಗ್ಗಟ್ಟು ಮತ್ತು ಪರಸ್ಪರ ಗೌರವವನ್ನು ಬೆಳೆಸಬೇಕು. ಆದರೆ ಮಹಿಳೆಯರ ಮೇಲೆ ಮಾತ್ರ ಮನೆಗೆ ಸಂಬಂಧಿಸಿದ ಕೆಲಸಗಳ ಹೊಣೆಗಾರಿಕೆಯನ್ನು ಹಾಕುವ ಪದ್ಧತಿಯನ್ನು ಸಂಸ್ಕೃತಿಯ ಹೆಸರಿನಲ್ಲಿ ಮುಂದುವರಿಸುವುದು ಎಷ್ಟು ಸರಿ ಎಂಬ ಪ್ರಶ್ನೆ ಈಗ ಮತ್ತೆ ಮುನ್ನೆಲೆಗೆ ಬಂದಿದೆ.

ಮನೆಯ ಕೆಲಸಗಳನ್ನು ಹಂಚಿಕೊಳ್ಳುವುದು ಕೇವಲ ಗಂಡ-ಹೆಂಡತಿಯ ನಡುವಿನ ವಿಷಯವಲ್ಲ. ಬಾಲ್ಯದಿಂದಲೇ ಗಂಡು ಮತ್ತು ಹೆಣ್ಣು ಮಕ್ಕಳಿಬ್ಬರಿಗೂ ಸ್ವಂತ ಕೆಲಸಗಳನ್ನು ತಾವೇ ಮಾಡಿಕೊಳ್ಳುವ ಅಭ್ಯಾಸ ಕಲಿಸಿದರೆ, ಜವಾಬ್ದಾರಿ ಮತ್ತು ಸಮಾನತೆಯ ಮನೋಭಾವ ಬೆಳೆಸಬಹುದು.

ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಕಾರಣವಾದ ಹೇಳಿಕೆ

ಗುರ್ಗಾಂವ್‌ನ ಸಿಇಒ ಅವರ ಈ ಹೇಳಿಕೆ, ಮನೆಕೆಲಸ ಮತ್ತು ಲಿಂಗಾಧಾರಿತ ನಿರೀಕ್ಷೆಗಳ ಬಗ್ಗೆ ಚರ್ಚೆಗೆ ಮತ್ತಷ್ಟು ಪುಷ್ಟಿ ನೀಡಿದೆ. ಮಹಿಳೆಯರ ಕೆಲಸವನ್ನು ಸಹಜ ಕರ್ತವ್ಯವೆಂದು ಪರಿಗಣಿಸುವ ಮನೋಭಾವ ಬದಲಾಗಬೇಕು ಎಂಬ ಅಭಿಪ್ರಾಯಕ್ಕೆ ಕೆಲವರು ಬೆಂಬಲ ಸೂಚಿಸಬಹುದು; ಇನ್ನೂ ಕೆಲವರು ಸಂಪ್ರದಾಯ ಮತ್ತು ಕುಟುಂಬದ ಜವಾಬ್ದಾರಿಗಳ ಕುರಿತು ವಿಭಿನ್ನ ಅಭಿಪ್ರಾಯ ಹೊಂದಿರಬಹುದು.

ಒಟ್ಟಿನಲ್ಲಿ, ಮನೆಯ ಕೆಲಸಕ್ಕೆ ಲಿಂಗದ ಮಿತಿಯನ್ನು ಹಾಕದೆ, ಕುಟುಂಬದ ಎಲ್ಲರೂ ಸಮಾನವಾಗಿ ಜವಾಬ್ದಾರಿ ಹಂಚಿಕೊಳ್ಳಬೇಕು ಎಂಬ ಸಂದೇಶ ಈ ಚರ್ಚೆಯ ಕೇಂದ್ರಬಿಂದುವಾಗಿದೆ.

Recently, a distant relative I barely know visited my home in Gurgaon. He is probably in his early 60s.

He finished his dinner, got up and went to the sink to wash his hands. Why couldn’t he take the plate with him?

I was thinking, who exactly are you expecting to pick up your plate? You’re not even in your own house.

Of course, I didn’t say anything. He was a guest and older than me.

The disturbing part isn’t even that he left his plate on the table. I genuinely don’t think it registered in his mind that he had left anything behind.

In his mind, dinner was over. The plate? Someone else would pick it up.

That’s how Indian men are trained. First your mother picks up after you, then your sister and then your wife.

Travel outside India and you realise how absurd this is.

We talk endlessly about preserving Indian culture. But we rarely ask which parts of that culture actually deserve to be preserved.

If ‘culture’ means a grown man can’t even pick up his own dirty plate because his mother, sister or wife will do it, maybe that part of our culture deserves to die.

Not everything old deserves to be preserved.

— Jasveer Singh (@jasveer10) October 21, 2026

ಕಿವೀಸ್ ಎದುರು ಮೊದಲ ಎಸೆತದಲ್ಲೇ ಸಿಕ್ಸರ್ ಸಿಡಿಸಿ ಟಿ20 ಕ್ರಿಕೆಟ್‌ನಲ್ಲಿ ಅಪರೂಪದ ವಿಶ್ವದಾಖಲೆ ಬರೆದ ಅಭಿಷೇಕ್ ಶರ್ಮಾ..!

Naveen Kodase — Thu, 22 Oct 2026 19:29:40 +0530

ಕ್ರೈಸ್ಟ್‌ಚರ್ಚ್: ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಮೊದಲ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ 4 ವಿಕೆಟ್‌ಗಳ ರೋಚಕ ಜಯ ಸಾಧಿಸಿದೆ. ಈ ಗೆಲುವಿನೊಂದಿಗೆ 5 ಪಂದ್ಯಗಳ ಟಿ20 ಸರಣಿಯಲ್ಲಿ ಶ್ರೇಯಸ್ ಅಯ್ಯರ್ ಪಡೆ ಶುಭಾರಂಭ ಮಾಡಿದೆ. ಇದೇ ಪಂದ್ಯದಲ್ಲಿ ಅಭಿಷೇಕ್ ಶರ್ಮಾ ವಿಶ್ವದಾಖಲೆ ನಿರ್ಮಿಸಿದ್ದಾರೆ.

ನ್ಯೂಜಿಲೆಂಡ್ ಎದುರಿನ ಮೊದಲ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ 226 ರನ್‌ಗಳನ್ನು ಬೆನ್ನತ್ತುವ ಮೂಲಕ ಹೊಸ ಮೈಲಿಗಲ್ಲು ನೆಟ್ಟಿದೆ. ಸಂಜು ಸ್ಯಾಮ್ಸನ್, ಅಭಿಷೇಕ್ ಶರ್ಮಾ, ಶ್ರೇಯಸ್ ಅಯ್ಯರ್ ಹಾಗೂ ನಮನ್ ಧೀರ್ ಸ್ಪೋಟಕ ಬ್ಯಾಟಿಂಗ್ ನೆರವಿನಿಂದ ಇನ್ನೂ ಎರಡು ಎಸೆತ ಬಾಕಿ ಇರುವಂತೆಯೇ ಭಾರತ ಗೆಲುವಿನ ನಗೆ ಬೀರಿತು. ಅಂದಹಾಗೆ ಇದು ಟಿ20 ಕ್ರಿಕೆಟ್‌ನಲ್ಲಿ ಭಾರತ ತಂಡವು ಯಶಸ್ವಿಯಾಗಿ ಬೆನ್ನತ್ತಿದ ಗರಿಷ್ಠ ಟಾರ್ಗೆಟ್ ಎನಿಸಿಕೊಂಡಿದೆ.

ಸವಾಲಿನ ಗುರಿ ಬೆನ್ನತ್ತಿದ ಭಾರತ ತಂಡಕ್ಕೆ ಆರಂಭಿಕರಾದ ಅಭಿಷೇಕ್ ಶರ್ಮಾ ಹಾಗೂ ಸಂಜು ಸ್ಯಾಮ್ಸನ್ ಸ್ಪೋಟಕ ಆರಂಭ ಒದಗಿಸಿಕೊಟ್ಟರು. ಮೊದಲ ವಿಕೆಟ್‌ಗೆ ಈ ಜೋಡಿ 5.5 ಓವರ್‌ಗಳಲ್ಲಿ 93 ರನ್‌ಗಳ ಜತೆಯಾಟವಾಡಿತು. ಅದರಲ್ಲೂ ಅಭಿಷೇಕ್ ಶರ್ಮಾ ಇನ್ನಿಂಗ್ಸ್‌ನ ಮೊದಲ ಎಸೆತದಲ್ಲೇ ಚೆಂಡನ್ನು ಸಿಕ್ಸರ್‌ಗಟ್ಟುವ ಮೂಲಕ ಅಪರೂಪದ ವಿಶ್ವದಾಖಲೆಯನ್ನು ತಮ್ಮ ಹೆಸರಿಗೆ ಬರೆಸಿಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ.

ಹೌದು, ಮ್ಯಾಟ್ ಹೆನ್ರಿ ಎಸೆದ ಮೊದಲ ಚೆಂಡನ್ನು ಅಭಿಷೇಕ್ ಶರ್ಮಾ ಕವರ್ ಡ್ರೈ ಕಡೆ ಸಿಕ್ಸರ್‌ಗಟ್ಟುವ ಮೂಲಕ ತಮ್ಮ ಖಾತೆಯನ್ನು ತೆರೆದರು. ಈ ಮೂಲಕ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಏಳನೇ ಬಾರಿಗೆ ಅಭಿಷೇಕ್ ಶರ್ಮಾ ಸಿಕ್ಸರ್ ಮೂಲಕ ಖಾತೆ ಆರಂಭಿಸಿ ಹೊಸ ವಿಶ್ವದಾಖಲೆ ಬರೆದರು.

ಇದಕ್ಕೂ ಮೊದಲು ಆಫ್ಘಾನಿಸ್ತಾನದ ಶಫೀಕುಲ್ಲಾ ಶಿನ್ವಾರಿ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಆರು ಬಾರಿ ಸಿಕ್ಸರ್ ಮೂಲಕ ಖಾತೆ ತೆರೆದಿದ್ದರು. ಇದೀಗ ಎಡಗೈ ಬ್ಯಾಟರ್ ಅಭಿಷೇಕ್ ಶರ್ಮಾ ಶಿನ್ವಾರಿಯನ್ನು ಹಿಂದಿಕ್ಕಿ ಹೊಸ ವಿಶ್ವದಾಖಲೆಯನ್ನು ಬರೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಇನ್ನು ಭಾರತದವರೇ ಆದ ಸೂರ್ಯಕುಮಾರ್ ಯಾದವ್ ಐದು ಬಾರಿ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಸಿಕ್ಸರ್ ಮೂಲಕ ಖಾತೆ ತೆರೆದಿದ್ದಾರೆ.

ಇನ್ನು ಮ್ಯಾಚ್ ವಿಚಾರಕ್ಕೆ ಬರುವುದಾದರೇ ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲೆಂಡ್ ತಂಡವು ಗ್ಲೆನ್ ಫಿಲಿಫ್ಸ್ ಅವರ ಸ್ಪೋಟಕ ಅರ್ಧಶತಕದ ನೆರವಿನಿಂದ ನಿಗದಿತ 20 ಓವರ್‌ಗಳಲ್ಲಿ 4 ವಿಕೆಟ್ ಕಳೆದುಕೊಂಡು 225 ರನ್‌ಗಳ ಸವಾಲಿನ ಮೊತ್ತ ಕಲೆಹಾಕಿತು.

ಗುರಿ ಬೆನ್ನತ್ತಿದ ಭಾರತ ಸಂಜು ಸ್ಯಾಮ್ಸನ್ ಆಕರ್ಷಕ ಅರ್ಧಶತಕ(67), ಅಭಿಷೇಕ್ ಶರ್ಮಾ(29), ಶ್ರೇಯಸ್ ಅಯ್ಯರ್(42), ನಮನ್ ಧೀರ್ ಅಜೇಯ 42 ರನ್‌ಗಳ ಬ್ಯಾಟಿಂಗ್‌ ನೆರವಿನಿಂದ 6 ವಿಕೆಟ್ ಕಳೆದುಕೊಂಡು ಇನ್ನೂ ಎರಡು ಎಸೆತ ಬಾಕಿ ಇರುವಂತೆಯೇ ಗೆಲುವಿನ ನಗೆಬೀರಿತು. ಇದರೊಂದಿಗೆ 5 ಪಂದ್ಯಗಳ ಟಿ20 ಸರಣಿಯಲ್ಲಿ ಭಾರತ 1-0 ಮುನ್ನಡೆ ಸಾಧಿಸಿದೆ.

Rapid Fire ಪ್ರಶ್ನೆಗೆ ದೀಪ್ಕೆ ಫಟಾಫಟ್ ಉತ್ತರ: ರಾಹುಲ್ ಗಾಂಧಿ ಹೆಸರು ಹೇಳ್ತಾರೆಂದು ಕಾಯ್ತಿದ್ದೋರಿಗೆ ಬಿಗ್ ಶಾಕ್

Suchethana D — Thu, 22 Oct 2026 19:29:37 +0530

ಕಾಕ್ರೋಚ್ ಜನತಾ ಪಕ್ಷದ ಸಂಸ್ಥಾಪಕ ಅಭಿಜೀತ್ ದೀಪ್ಕೆ ಕಳೆದ ಕೆಲವು ತಿಂಗಳುಗಳಿಂದ ಭಾರಿ ಸದ್ದು ಮಾಡುತ್ತಿದ್ದಾರೆ. ನೀಟ್ ಪರೀಕ್ಷೆಯಲ್ಲಿ ನಡೆದ ಅಕ್ರಮದ ನೆಪ ಇಟ್ಟುಕೊಂಡು ಅಮೆರಿಕದಿಂದ ಭಾರತದ ಶಿಕ್ಷಣ ಕ್ಷೇತ್ರ ಉದ್ಧಾರ ಮಾಡುವುದಾಗಿ ಬಂದ ದೀಪ್ಕೆ, ಈಗ ಹೊಸ ಹೊಸ ರೂಪದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಪಾಶ್ಚಿಮಾತ್ಯ ರಾಷ್ಟ್ರಗಳಲ್ಲಿ ಇದೇ ರೀತಿ ಶಿಕ್ಷಣ ಸುಧಾರಣೆ ಹೆಸರಿನಲ್ಲಿ Gen Zಗಳನ್ನು ಮುಂದು ಮಾಡಿ ಇಡೀ ದೇಶಕ್ಕೆ ಬೆಂಕಿ ಇಟ್ಟಿರುವ ಘಟನೆ ನಡೆಯುತ್ತಿರುವ ನಡುವೆಯೇ, ಭಾರತದಲ್ಲಿಯೂ Gen Z ಹೆಸರಿನಲ್ಲಿ ಸಿಜೆಪಿ ನೇತೃತ್ವದಲ್ಲಿ ಪ್ರತಿಭಟನೆ ಜೋರಾಗಿಯೇ ನಡೆಯುತ್ತಿದೆ.

ಉಲ್ಟಾ ಹೊಡೆದಿರೋ ದೀಪ್ಕೆ

ಇಷ್ಟು ದಿನಗಳವರೆಗೆ ತಾನೇ ನಾಯಕ ಎಂದು ಎಲ್ಲರಿಂದಲೂ ಬಿಂಬಿಸಿಕೊಳ್ಳುತ್ತಿದ್ದ ಅಭಿಜೀತ್ ದೀಪ್ಕೆ, ದೆಹಲಿಯಲ್ಲಿ ನಡೆದ ದಂಗೆಯ ಪ್ರಕರಣ ಈಗ ದೆಹಲಿ ಕ್ರೈಂಬ್ರ್ಯಾಂಚ್ ಕೈಗೆ ಹೋಗುತ್ತಲೇ ನಾನೇನಿದ್ದರೂ ನನ್ನ ಸ್ನೇಹಿತರಾದ ಸೌರವ್ ದಾಸ್ ಮತ್ತು ರಾಂಕಾ ಅವರ ಮಾತು ಕೇಳುವವ. ಅವರೇ ನಿಜವಾದ ನಾಯಕರು. ಎಲ್ಲರೂ ನಾನು ನಾಯಕ ಅಂದುಕೊಂಡಿದ್ದಾರೆ ಎಂದು ಹೇಳಿ ಸಿಕ್ಕಾಪಟ್ಟೆ ಟ್ರೋಲ್ಗೆ ಒಳಗಾದವರು. ಏಕೆಂದರೆ, ಇದರ ತನಿಖೆ ನಡೆಸುವ ಉದ್ದೇಶ ಈ ಪ್ರತಿಭಟನೆಯ ಹಿನ್ನೆಲೆ ಏನು, ವಿದೇಶಗಳಿಂದ ಐಷಾರಾಮಿ ವಿಮಾನಗಳಲ್ಲಿ ಲಕ್ಷ ಲಕ್ಷ ಖರ್ಚು ಮಾಡಿ ಬರುವಷ್ಟು ಹಣ ಎಲ್ಲಿಂದ ಬರುತ್ತಿದೆ, ಶಿಕ್ಷಣ ಸುಧಾರಣೆ ಹೆಸರಿನಲ್ಲಿ ನಿಜಕ್ಕೂ ನಡೆಯುತ್ತಿರುವುದುಏನು, ಏನಿದರ ಮರ್ಮ ಎಂಬ ಬಗ್ಗೆ ತನಿಖಾ ಸಂಸ್ಥೆ ಆಳಕ್ಕೆ ಇಳಿದರೆ ಎನ್ನುವ ಭಯ ದೀಪ್ಕೆ ಮುಖದಲ್ಲಿ ಕಾಣಿಸುತ್ತಿದೆ ಎಂದು ಜಾಲತಾಣಗಳಲ್ಲಿ ಚರ್ಚೆಯಾಗುತ್ತಿರುವುದು ಒಂದೆಡೆಯಾದರೆ, ಸಿಜೆಪಿಗೆ ಬಲವಾದ ಸಪೋರ್ಟ್ ಮಾಡ್ತಿರೋದು ಕಾಂಗ್ರೆಸ್,

ಇದೀಗ ದೀಪ್ಕೆಗೆ Rapi Fire ಪ್ರಶ್ನೆ ಕೇಳಲಾಗಿದೆ. factify_with_vishal ಎನ್ನುವ ಇನ್ಸ್ಟಾಗ್ರಾಮ್ನಲ್ಲಿ ಇದನ್ನು ಶೇರ್ ಮಾಡಲಾಗಿದೆ. ಎಲ್ಲಾ ಪ್ರಶ್ನೆಗಳಿಗೂ ಫಟಾಫಟ್ ಉತ್ತರ ಕೊಟ್ಟಿರೋ ದೀಪ್ಕೆ ಒಂದು ಪ್ರಶ್ನೆಯ ಉತ್ತರ ಮಾಡಿ ತೋರಿಸಿಲ್ಲ. ಇದ್ಯಾಕೆ, ಅವರು ಹೇಳಿದ್ದೇನು ಎನ್ನುವ ಪ್ರಶ್ನೆ ಈಗ ಎಲ್ಲರನ್ನೂ ಕಾಡುತ್ತಿದೆ! ಅಷ್ಟಕ್ಕೂ ಕಾಂಗ್ರೆಸ್ಸಿನವರು ರಾಹುಲ್ ಗಾಂಧಿಯೇ ನಮ್ಮ ಮುಂದಿನ ಯುವ ನಾಯಕ ಎಂದು ಹೇಳುತ್ತಿದ್ದರೆ, ದೀಪ್ಕೆ ಮಾತ್ರ ಏನು ಹೇಳಿದ್ರು ಎನ್ನೋ ಕುತೂಹಲ ಎಲ್ಲರನ್ನೂ ಕಾಡುತ್ತಿದೆ.

ಅಷ್ಟಕ್ಕೂ ಅವರಿಗೆ ಕೇಳಿದ ಪ್ರಶ್ನೆ ಏನು, ಅವರು ಕೊಟ್ಟ ಉತ್ತರ ಏನು ಎನ್ನೋದು ಇಲ್ಲಿದೆ ನೋಡಿ!

ತುಂಬಾ ಇಷ್ಟಪಡುವ ರಾಜಕಾರಣಿ- ನೆಹರು

ನಿಮಗೆ ನಂಬಿಕೆ ಇಲ್ಲದ ರಾಜಕಾರಣಿ- ನರೇಂದ್ರ ಮೋದಿ

ಜೊತೆಯಲ್ಲಿಯೇ ಪ್ರತಿಭಟನೆ ಮಾಡಲು ಇಷ್ಟಪಡುವ ವ್ಯಕ್ತಿ- ಪ್ರಕಾಶ್ ರಾಜ್

ಸಿಜೆಪಿ ಪ್ರತಿಭಟನೆಗೆ ಕರೆಯದೇ ಇರುವ ವ್ಯಕ್ತಿ- ಅಮಿತ್ ಷಾ

ಹೆಚ್ಚು ಕೇಳಿಸಿಕೊಳ್ಳಬೇಕಾದ ವ್ಯಕ್ತಿ- ಮೋದಿ

ಮುಂದಿನ ಯುವ ನಾಯಕ ಯಾರಾಗಬೇಕು ಎನ್ನುವ ಪ್ರಶ್ನೆ ಕೇಳಿದಾಗ ಬಹುತೇಕ ಮಂದಿ ದೀಪ್ಕೆ, ರಾಹುಲ್ ಗಾಂಧಿಯ ಹೆಸರು ಹೇಳುತ್ತಾರೆ ಎಂದೇ ಅಂದುಕೊಂಡಿದ್ದರು. ಆದರೆ ಅದಕ್ಕೆ ಅವರು ಮೌನವಾಗಿದ್ದಾರೆ. ಆ ಪ್ರಶ್ನೆಗೆ ಅವರು ಏನು ಉತ್ತರ ಕೊಟ್ಟರೆಂದು ತೋರಿಸಲಿಲ್ಲ! ಇದರ ಹಿಂದಿರುವ ಉದ್ದೇಶ ಏನು ಎನ್ನುವುದು ಅರ್ಥವಾಗುತ್ತಿಲ್ಲ ಎನ್ನುತ್ತಿದ್ದಾರೆ ಹಲವರು. ಅವರು ಬೇರೆ ಯಾರದ್ದೋ ಹೆಸರು ಹೇಳಿರಬೇಕು, ಆ ಬಳಿಕ ಆ ಭಾಗವನ್ನು ಮಾತ್ರ ಡಿಲೀಟ್ ಮಾಡಿಸಲಾಗಿದೆ ಎಂದೇ ಕಮೆಂಟ್ಸ್ನಲ್ಲಿ ಹೇಳಲಾಗುತ್ತಿದೆ!

ಈ ಹೆಸರು ಕೇಳಿದ ತಕ್ಷಣ ನಿಮ್ಮ ಮನಸ್ಸಿಗೆ ಬರುವ ಶಬ್ದ ಎನ್ನುವ ಪ್ರಶ್ನೆಗೆ ಅಭಿಜೀತ್ ದೀಪ್ಕೆ ಹೀಗೆಂದರು:

ನರೇಂದ್ರ ಮೋದಿ- ಹೆಚ್ಚು ಮಾತನಾಡ್ತಾರೆ

ರಾಹುಲ್ ಗಾಂಧಿ- ಫಿಟ್ನೆಸ್ ಎಂದಷ್ಟೇ ಹೇಳಿದರೇ ವಿನಾ ರಾಜಕಾರಣದಲ್ಲಿ ಇವರ ಪಾತ್ರ ಎಂದೋ, ಮುಂದಿನ ಪ್ರಧಾನಿ ಎಂದೋ ಅಥವಾ ಇನ್ನೇನೋ ಹೇಳದೇ ಇರುವುದು ಕೂಡ ಎಲ್ಲರಿಗೂ ಕುತೂಹಲ ಮೂಡಿಸಿದೆ!

ನೇಹಾ ಬೋರಾ- ಭಯಪಡದ ವ್ಯಕ್ತಿ

ಗ್ಯಾನೇಶ್ ಕುಮಾರ್- ರಾಜೀನಾಮೆ ನೀಡಿ

ಭಗತ್ ಸಿಂಗ್- ಲೆಜೆಂಡ್

ಧ್ರುವ್ ರಾಠಿ- ನನಗೆ ಇವರ ಬಗ್ಗೆ ಹೇಳಲು ಸರಿಯಾದ ಪದ ಇಲ್ಲ ಎನ್ನುತ್ತಲೇ ಇವರು ಗೇಮ್ ಚೇಂಜರ್ ಎಂದರು.

ಸೋನಂ ವಾಂಗ್ಚು- ರಾಷ್ಟ್ರವನ್ನು ಎಚ್ಚರಿಸಲು ಜೀವವನ್ನು ಪಣಕ್ಕಿಟ್ಟವರು

ಬಿ.ಆರ್.ಅಂಬೇಡ್ಕರ್- ಈ ನೆಲದಲ್ಲಿ ಹುಟ್ಟಿದ ಮಹಾನ್ ನಾಯಕ

View this post on Instagram

A post shared by Factify With Vishal (@factify_with_vishal)

ಮುದ್ದು ಮುಖದ ಮೋಕ್ಷಿತಾ ಪೈಗೆ ಹುಟ್ಟುಹಬ್ಬದ ಸಂಭ್ರಮ: ಲಕ್ಷ್ಮೀ ಸಿದ್ದಯ್ಯ, ಮಾನ್ಸಿ ವಿಶ್ ಹೀಗಿತ್ತು!

Govindaraj S — Thu, 22 Oct 2026 19:17:35 +0530

ಕನ್ನಡ ಕಿರುತೆರೆಯಲ್ಲಿ ತಮ್ಮದೇ ಆದ ಗುರುತನ್ನು ಮೂಡಿಸಿರುವ ನಟಿ ಹಾಗೂ ‘ಬಿಗ್ ಬಾಸ್’ ಮಾಜಿ ಸ್ಪರ್ಧಿ ಮೋಕ್ಷಿತಾ ಪೈ ಇಂದು (ಅಕ್ಟೋಬರ್ 22) ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ವಿಶೇಷ ದಿನದಂದು ಮೋಕ್ಷಿತಾ ಅವರಿಗೆ ಸಹ ಕಲಾವಿದರು, ಸ್ನೇಹಿತರು, ಧಾರಾವಾಹಿ ತಂಡದವರು ಹಾಗೂ ಅಭಿಮಾನಿಗಳಿಂದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ಅದರಲ್ಲೂ ಆಪ್ತರು ಹಂಚಿಕೊಂಡಿರುವ ಪ್ರೀತಿಯ ಸಂದೇಶಗಳು ಗಮನ ಸೆಳೆಯುತ್ತಿವೆ.

‘ಮುದ್ದು ಮುಖದ ಸಿಂಪಲ್ ಸುಂದರಿ’ಗೆ ಲಕ್ಷ್ಮೀ ಸಿದ್ದಯ್ಯ ಪ್ರೀತಿಯ ಹಾರೈಕೆ!

ಮೋಕ್ಷಿತಾ ಪೈ ಅವರ ಹುಟ್ಟುಹಬ್ಬದ ಪ್ರಯುಕ್ತ ‘ಜಗದ್ಧಾತ್ರೀ’ ಧಾರಾವಾಹಿಯಲ್ಲಿ ನಟಿಸುತ್ತಿರುವ ಲಕ್ಷ್ಮೀ ಸಿದ್ದಯ್ಯ ಅವರು ವಿಶೇಷ ಪೋಸ್ಟ್ ಹಂಚಿಕೊಂಡು ಶುಭಾಶಯ ತಿಳಿಸಿದ್ದಾರೆ. ಮೋಕ್ಷಿತಾ ಅವರ ಸರಳತೆ, ಹಿರಿಯರ ಮೇಲಿನ ಗೌರವ, ಕೆಲಸದ ಬಗೆಗಿನ ಶ್ರದ್ಧೆ ಹಾಗೂ ಅವರ ಮುದ್ದಾದ ನಗುವನ್ನು ಮೆಚ್ಚಿಕೊಂಡಿದ್ದಾರೆ.

ಮೋಕ್ಷಿತಾ ಅವರನ್ನು ‘ಮುದ್ದು ಮುಖದ ಸಿಂಪಲ್ ಸುಂದರಿ’ ಎಂದು ಪ್ರೀತಿಯಿಂದ ಕರೆದಿರುವ ಲಕ್ಷ್ಮೀ ಸಿದ್ದಯ್ಯ, ಅವರು ಸುಮ್ಮನಿದ್ದರೂ ಚೆಂದ, ಮಾತನಾಡಿದರೂ ಚೆಂದ, ನಕ್ಕರೆ ಇನ್ನೂ ಚೆಂದ ಎಂದು ತಮ್ಮ ಅಭಿಮಾನವನ್ನು ವ್ಯಕ್ತಪಡಿಸಿದ್ದಾರೆ. ಜೀವನದಲ್ಲಿ ಇನ್ನಷ್ಟು ಎತ್ತರಕ್ಕೆ ಏರುವ ಅವರ ಸಾಧನೆಯ ಹಾದಿಗೆ ದೇವರ ಆಶೀರ್ವಾದ ಸದಾ ಇರಲಿ ಎಂದು ಹಾರೈಸಿದ್ದಾರೆ. ಲಕ್ಷ್ಮೀ ಸಿದ್ದಯ್ಯ ಅವರ ಈ ಆತ್ಮೀಯ ಸಂದೇಶ ಮೋಕ್ಷಿತಾ ಮೇಲಿನ ಪ್ರೀತಿ ಮತ್ತು ಗೌರವವನ್ನು ಎತ್ತಿ ತೋರಿಸಿದ್ದು, ಅಭಿಮಾನಿಗಳ ಗಮನ ಸೆಳೆದಿದೆ.

9 ವರ್ಷಗಳ ಸ್ನೇಹದ ನೆನಪು; ಮಾನ್ಸಿ ಜೋಶಿ ಭಾವುಕ ಸಂದೇಶ!

ಮೋಕ್ಷಿತಾ ಪೈ ಅವರ ಸ್ನೇಹಿತೆ ಮಾನ್ಸಿ ಜೋಶಿ ಕೂಡ ಹುಟ್ಟುಹಬ್ಬದಂದು ವಿಶೇಷವಾಗಿ ಶುಭಕೋರಿದ್ದಾರೆ. ಬರೋಬ್ಬರಿ ಒಂಬತ್ತು ವರ್ಷಗಳ ಸ್ನೇಹದ ಪಯಣವನ್ನು ನೆನಪಿಸಿಕೊಂಡಿರುವ ಅವರು, ತಮ್ಮ ಜೀವನದಲ್ಲಿ ಮೋಕ್ಷಿತಾ ಇರುವುದಕ್ಕೆ ಸದಾ ಕೃತಜ್ಞಳಾಗಿರುವುದಾಗಿ ತಿಳಿಸಿದ್ದಾರೆ. ಮೋಕ್ಷಿತಾ ತಮ್ಮ ಪಾಲಿಗೆ ಕೇವಲ ಸ್ನೇಹಿತೆಯಲ್ಲ, ಜೀವದ ಗೆಳತಿ, ಸುರಕ್ಷಿತ ತಾಣ ಹಾಗೂ ಸದಾ ಜೊತೆಯಾಗಿರುವ ಸಂಗಾತಿ ಎಂಬ ಭಾವನೆಯನ್ನು ಮಾನ್ಸಿ ತಮ್ಮ ಬರಹದಲ್ಲಿ ಹಂಚಿಕೊಂಡಿದ್ದಾರೆ.

ಒಂಬತ್ತು ವರ್ಷಗಳ ಸುಂದರ ಸ್ನೇಹದ ಪಯಣ ಮುಗಿದಿದ್ದು, ಮುಂದಿನ ಇಡೀ ಜೀವನವೇ ತಮ್ಮಿಬ್ಬರಿಗಾಗಿ ಕಾಯುತ್ತಿದೆ ಎಂದು ಪ್ರೀತಿಯಿಂದ ಬರೆದುಕೊಂಡಿದ್ದಾರೆ. ಮಾನ್ಸಿ ಅವರ ಈ ಸಂದೇಶ ಇಬ್ಬರ ನಡುವಿನ ಗಾಢ ಸ್ನೇಹಕ್ಕೆ ಸಾಕ್ಷಿಯಾಗಿದ್ದು, ಮೋಕ್ಷಿತಾ ಅವರ ಹುಟ್ಟುಹಬ್ಬದ ಸಂಭ್ರಮಕ್ಕೆ ಮತ್ತಷ್ಟು ವಿಶೇಷ ಮೆರುಗು ನೀಡಿದೆ.

ಅಕ್ಕನಿಗೆ ಕೇಕ್ ತಿನ್ನಿಸಿ ಶುಭಕೋರಿದ ಗಗನ್ ದೀಪ್!

ಇನ್ನು ನಟ ಗಗನ್ ದೀಪ್ ಕೂಡ ಮೋಕ್ಷಿತಾ ಪೈ ಅವರಿಗೆ ಆತ್ಮೀಯವಾಗಿ ಹುಟ್ಟುಹಬ್ಬದ ಶುಭಾಶಯ ತಿಳಿಸಿದ್ದಾರೆ. ಅಕ್ಕನಿಗೆ ಕೇಕ್ ತಿನ್ನಿಸುತ್ತಿರುವ ಫೋಟೊವನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಅವರು, ಮೋಕ್ಷಿತಾ ತಮ್ಮ ಪಾಲಿಗೆ ಎಷ್ಟು ಮುಖ್ಯ ಎಂಬುದನ್ನು ಭಾವುಕ ಮಾತುಗಳ ಮೂಲಕ ವ್ಯಕ್ತಪಡಿಸಿದ್ದಾರೆ.

ತಮ್ಮ ಮನದ ಮಾತುಗಳನ್ನು ಆಗಾಗ ಹೇಳಿಕೊಳ್ಳದಿದ್ದರೂ, ಮೋಕ್ಷಿತಾ ಅವರೇ ತನಗೆ ಇಡೀ ಜಗತ್ತು ಎಂದು ಗಗನ್ ದೀಪ್ ಬರೆದುಕೊಂಡಿದ್ದಾರೆ. ಅವರು ಸದಾ ಸಂತೋಷವಾಗಿರುವುದನ್ನು ಹಾಗೂ ದಿನದಿಂದ ದಿನಕ್ಕೆ ಜೀವನದಲ್ಲಿ ಬೆಳೆಯುತ್ತಿರುವುದನ್ನು ನೋಡುವುದು ಹೆಮ್ಮೆಯ ಸಂಗತಿ ಎಂದೂ ತಿಳಿಸಿದ್ದಾರೆ. ಅಕ್ಕನ ಮೇಲಿನ ಪ್ರೀತಿಯನ್ನು ವರ್ಣಿಸಲು ಪದಗಳೇ ಸಾಲದು ಎಂಬ ಭಾವನಾತ್ಮಕ ಸಂದೇಶದೊಂದಿಗೆ ಶುಭ ಹಾರೈಸಿದ್ದಾರೆ.

ಅಭಿಮಾನಿಗಳಿಂದಲೂ ಶುಭಾಶಯಗಳ ಸುರಿಮಳೆ!

ಮೋಕ್ಷಿತಾ ಪೈ ಅವರ ಹುಟ್ಟುಹಬ್ಬದಂದು ಆಪ್ತರು ಹಂಚಿಕೊಂಡಿರುವ ಪ್ರೀತಿಯ ಸಂದೇಶಗಳು ಅವರ ಸರಳ ವ್ಯಕ್ತಿತ್ವ ಮತ್ತು ಸ್ನೇಹಪರ ಗುಣವನ್ನು ಮತ್ತೊಮ್ಮೆ ಮುನ್ನೆಲೆಗೆ ತಂದಿವೆ. ಲಕ್ಷ್ಮೀ ಸಿದ್ದಯ್ಯ ಅವರ ಮೆಚ್ಚುಗೆಯ ಮಾತುಗಳು, ಮಾನ್ಸಿ ಜೋಶಿ ಅವರ ಒಂಬತ್ತು ವರ್ಷಗಳ ಸ್ನೇಹದ ನೆನಪು ಹಾಗೂ ಗಗನ್ ದೀಪ್ ಅವರ ಭಾವುಕ ಹಾರೈಕೆಗಳು ಈ ಜನ್ಮದಿನವನ್ನು ಇನ್ನಷ್ಟು ವಿಶೇಷವಾಗಿಸಿವೆ.

ಇನ್ನು ಕಿರುತೆರೆ ಹಾಗೂ ‘ಬಿಗ್ ಬಾಸ್’ ಮೂಲಕ ಪ್ರೇಕ್ಷಕರ ಗಮನ ಸೆಳೆದಿರುವ ಮೋಕ್ಷಿತಾ ಪೈ ಅವರಿಗೆ ಅಭಿಮಾನಿಗಳು ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಶುಭಾಶಯಗಳನ್ನು ತಿಳಿಸುತ್ತಿದ್ದಾರೆ. ಅವರ ಮುಂದಿನ ಜೀವನ ಸುಖ, ಸಂತೋಷ ಹಾಗೂ ಯಶಸ್ಸಿನಿಂದ ತುಂಬಿರಲಿ ಎಂಬ ಹಾರೈಕೆಗಳು ಎಲ್ಲೆಡೆ ವ್ಯಕ್ತವಾಗುತ್ತಿವೆ.

ಟಿಯಾಗೋದಿಂದ ನೆಕ್ಸಾನ್‌ವರೆಗೆ ಟಾಟಾ ಕಾರುಗಳ ಮೇಲೆ ₹3.35 ಲಕ್ಷದವರೆಗೆ ಭರ್ಜರಿ ಡಿಸ್ಕೌಂಟ್; ಯಾವ ಕಾರಿಗೆ ಎಷ್ಟು ಆಫರ್?

Naveen Kodase — Thu, 22 Oct 2026 18:51:29 +0530

ಹಬ್ಬದ ಸೀಸನ್ ಶುರುವಾಗಿದೆ. ಇದೇ ಖುಷಿಯಲ್ಲಿ ಪ್ರಮುಖ ಆಟೋಮೊಬೈಲ್ ಕಂಪನಿ ಟಾಟಾ ಮೋಟಾರ್ಸ್ ತನ್ನ ಕಾರುಗಳ ಮೇಲೆ ಬರೋಬ್ಬರಿ 3.35 ಲಕ್ಷ ರೂ.ವರೆಗೆ ಭರ್ಜರಿ ಡಿಸ್ಕೌಂಟ್ ಘೋಷಿಸಿದೆ. ಯಾವ ಮಾಡೆಲ್ ಕಾರಿಗೆ ಎಷ್ಟು ರಿಯಾಯಿತಿ ಸಿಗುತ್ತಿದೆ ಅನ್ನೋದರ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ.

ಹಬ್ಬದ ಸೀಸನ್‌ನಲ್ಲಿ ಹೊಸ ಕಾರು ಖರೀದಿಸುವ ಪ್ಲಾನ್ ಮಾಡ್ತಿದ್ದೀರಾ? ಹಾಗಿದ್ರೆ ನಿಮಗೊಂದು ಗುಡ್ ನ್ಯೂಸ್. ಟಾಟಾ ಮೋಟಾರ್ಸ್ ತನ್ನ ಕಾರುಗಳ ಮೇಲೆ ಭರ್ಜರಿ ಡಿಸ್ಕೌಂಟ್ ಘೋಷಿಸಿದೆ. ಈ ಆಫರ್ ಬಳಸಿಕೊಂಡು ಗ್ರಾಹಕರು ಸಾವಿರದಿಂದ ಲಕ್ಷಾಂತರ ರೂಪಾಯಿವರೆಗೆ ಹಣ ಉಳಿಸಬಹುದು.

ಪೆಟ್ರೋಲ್, ಡೀಸೆಲ್, ಸಿಎನ್‌ಜಿ ಜೊತೆಗೆ ಎಲೆಕ್ಟ್ರಿಕ್ ಕಾರುಗಳ ಮೇಲೂ ಈ ಡಿಸ್ಕೌಂಟ್ ಲಭ್ಯವಿದೆ. ಟಿಯಾಗೋ, ಟಿಗೋರ್, ಆಲ್ಟ್ರೋಜ್‌ನಿಂದ ಹಿಡಿದು ನೆಕ್ಸಾನ್, ಪಂಚ್ ಇವಿ, ಕರ್ವ್ ಇವಿ, ಹ್ಯಾರಿಯರ್ ಇವಿವರೆಗೆ ಹಲವು ಮಾಡೆಲ್‌ಗಳು ಈ ಲಿಸ್ಟ್‌ನಲ್ಲಿವೆ. ಕಾರಿನ ಮಾಡೆಲ್ ಮತ್ತು ವೇರಿಯೆಂಟ್ ಆಧಾರದ ಮೇಲೆ ಡಿಸ್ಕೌಂಟ್ ಬದಲಾಗುತ್ತದೆ. ಗ್ರಾಹಕರು ಗರಿಷ್ಠ 3.35 ಲಕ್ಷ ರೂ.ವರೆಗೆ ಲಾಭ ಪಡೆಯಬಹುದು.

ಟಾಟಾ ಕಂಪನಿ ತನ್ನ ಎಂಟ್ರಿ ಲೆವೆಲ್ ಕಾರುಗಳ ಮೇಲೂ ಆಫರ್ ನೀಡುತ್ತಿದೆ. ಟಿಯಾಗೋ ಪೆಟ್ರೋಲ್ ಮತ್ತು ಸಿಎನ್‌ಜಿ ಮಾಡೆಲ್‌ಗಳ ಮೇಲೆ 35,000 ರೂ.ವರೆಗೆ ಲಾಭ ಸಿಗುತ್ತಿದೆ. ಇದರಲ್ಲಿ 15,000 ರೂ. ನೇರ ಡಿಸ್ಕೌಂಟ್, 5,000 ರೂ. ಒಇಎಂ ಸಪೋರ್ಟ್, ಜೊತೆಗೆ ಎಕ್ಸ್‌ಚೇಂಜ್ ಅಥವಾ ಸ್ಕ್ರ್ಯಾಪೇಜ್ ಬೆನಿಫಿಟ್ ಸೇರಿದೆ. ಎಕ್ಸ್‌ಚೇಂಜ್ ಬೋನಸ್ ಅಡಿ 10,000 ರೂ., ಸ್ಕ್ರ್ಯಾಪೇಜ್ ಅಡಿ 15,000 ರೂ.ವರೆಗೆ ಲಾಭ ಸಿಗಲಿದೆ. ಟಿಗೋರ್ ಖರೀದಿಸುವವರಿಗೆ ಒಟ್ಟು 30,000 ರೂ.ವರೆಗೆ ರಿಯಾಯಿತಿ ಸಿಗುತ್ತದೆ. ಪ್ರೀಮಿಯಂ ಹ್ಯಾಚ್‌ಬ್ಯಾಕ್ ಆಲ್ಟ್ರೋಜ್ ಸಿಎನ್‌ಜಿ ವೇರಿಯೆಂಟ್ ಮೇಲೆ 55,000 ರೂ. ಹಾಗೂ ಪೆಟ್ರೋಲ್, ಡೀಸೆಲ್ ವೇರಿಯೆಂಟ್‌ಗಳ ಮೇಲೆ 35,000 ರೂ.ವರೆಗೆ ಹಣ ಉಳಿಸಬಹುದು.

ಭಾರೀ ಡಿಮ್ಯಾಂಡ್ ಇರುವ ಟಾಟಾ ನೆಕ್ಸಾನ್ ಎಸ್‌ಯುವಿಯ ವಿವಿಧ ವೇರಿಯೆಂಟ್‌ಗಳ ಮೇಲೆ ದೊಡ್ಡ ಮಟ್ಟದ ಡಿಸ್ಕೌಂಟ್ ಲಭ್ಯವಿದೆ. ಆಯ್ದ ಪೆಟ್ರೋಲ್ ಮ್ಯಾನುವಲ್ ವೇರಿಯೆಂಟ್‌ಗಳ ಮೇಲೆ 75,000 ರೂ.ವರೆಗೆ ಹಣ ಉಳಿಸಬಹುದು. ಸಿಎನ್‌ಜಿ ಮಾಡೆಲ್ ಮೇಲೆ 60,000 ರೂ.ವರೆಗೆ ಲಾಭ ಸಿಗುತ್ತಿದೆ. ನೆಕ್ಸಾನ್‌ನ ಇತರ ಪೆಟ್ರೋಲ್ ಮ್ಯಾನುವಲ್ ಮತ್ತು ಆಟೋಮ್ಯಾಟಿಕ್ ವೇರಿಯೆಂಟ್‌ಗಳ ಮೇಲೆ 55,000 ರೂ.ವರೆಗೆ ರಿಯಾಯಿತಿ ನೀಡಲಾಗುತ್ತಿದೆ. ಡೀಸೆಲ್ ಮಾಡೆಲ್ ಮೇಲೆ 20,000 ರೂ.ವರೆಗೆ ಲಾಭ ಪಡೆಯಬಹುದು. ನೆಕ್ಸಾನ್ ಇವಿ ಖರೀದಿಸುವವರು 45,000 ರೂ.ವರೆಗೆ ಹಣ ಉಳಿಸಬಹುದು. ಇದರಲ್ಲಿ 10,000 ರೂ. ಗ್ರೀನ್ ಬೋನಸ್ ಕೂಡ ಸೇರಿದೆ.

ಟಾಟಾ ಪಂಚ್ ಪೆಟ್ರೋಲ್ ಮತ್ತು ಸಿಎನ್‌ಜಿ ಮಾಡೆಲ್‌ಗಳ ಮೇಲೆ ಸದ್ಯ ಯಾವುದೇ ಡಿಸ್ಕೌಂಟ್ ಇಲ್ಲ. ಆದರೆ ಎಲೆಕ್ಟ್ರಿಕ್ ಮಾಡೆಲ್ ಪಂಚ್ ಇವಿ ವೇರಿಯೆಂಟ್‌ಗಳ ಮೇಲೆ ಒಳ್ಳೆ ಉಳಿತಾಯ ಮಾಡಬಹುದು. ಪಂಚ್ ಇವಿ ಲಾಂಗ್ ರೇಂಜ್ ವೇರಿಯೆಂಟ್ ಮೇಲೆ 1.45 ಲಕ್ಷ ರೂ.ವರೆಗೆ ಡಿಸ್ಕೌಂಟ್ ನೀಡಲಾಗುತ್ತಿದೆ. ಮೀಡಿಯಂ ರೇಂಜ್ ವೇರಿಯೆಂಟ್ ಮೇಲೆ 1.25 ಲಕ್ಷ ರೂ., ಸ್ಮಾರ್ಟ್ ವೇರಿಯೆಂಟ್ ಮೇಲೆ 95,000 ರೂ.ವರೆಗೆ ರಿಯಾಯಿತಿ ಇದೆ. ಎಲ್ಲಕ್ಕಿಂತ ಹೆಚ್ಚಾಗಿ ಕರ್ವ್ ಇವಿಯ ಆಯ್ದ ವೇರಿಯೆಂಟ್‌ಗಳ ಮೇಲೆ ಗರಿಷ್ಠ 3.35 ಲಕ್ಷ ರೂ.ವರೆಗೆ ಹಣ ಉಳಿಸಬಹುದು. ಆದರೆ ಈ ಆಫರ್ ಕೆಲವು ವೇರಿಯೆಂಟ್‌ಗಳಿಗೆ ಮಾತ್ರ ಅನ್ವಯಿಸುತ್ತದೆ (ಎಕ್ಸ್ ಟ್ರಿಮ್‌ಗಳು ಇದರಲ್ಲಿ ಬರುವುದಿಲ್ಲ). ಕರ್ವ್ ಇವಿ ಕ್ರಿಯೇಟಿವ್ ವೇರಿಯೆಂಟ್ ಮೇಲೆ 2.85 ಲಕ್ಷ ರೂ.ವರೆಗೆ ಲಾಭ ಸಿಗಲಿದೆ.

ಟಾಟಾದ ದೊಡ್ಡ ಎಸ್‌ಯುವಿಗಳಾದ ಹ್ಯಾರಿಯರ್ ಮತ್ತು ಸಫಾರಿ ಡೀಸೆಲ್ ಮಾಡೆಲ್‌ಗಳ ಮೇಲೆ 45,000 ರೂ.ವರೆಗೆ ಹಬ್ಬದ ಆಫರ್ ಸಿಗುತ್ತಿದೆ. ಇದರಲ್ಲಿ ಎಕ್ಸ್‌ಚೇಂಜ್ ಮತ್ತು ಸ್ಕ್ರ್ಯಾಪೇಜ್ ಬೋನಸ್‌ಗಳು ಸೇರಿವೆ. ಹ್ಯಾರಿಯರ್ ಇವಿ ಫಿಯರ್‌ಲೆಸ್ ಮತ್ತು ಎಂಪವರ್ಡ್ ವೇರಿಯೆಂಟ್‌ಗಳ ಮೇಲೆ 2.75 ಲಕ್ಷ ರೂ.ವರೆಗೆ ಡಿಸ್ಕೌಂಟ್ ಪಡೆಯಬಹುದು. ಹಾಗೆಯೇ ಟಾಟಾ ಸಿಯೆರಾ ಪೆಟ್ರೋಲ್, ಡೀಸೆಲ್ ಮಾಡೆಲ್‌ಗಳ ಮೇಲೂ 30,000 ರೂ.ವರೆಗೆ ಲಾಭ ನೀಡಲಾಗುತ್ತಿದೆ.

ನೆನಪಿಡಿ: ಈ ಆಫರ್‌ಗಳು ಪ್ರದೇಶದಿಂದ ಪ್ರದೇಶಕ್ಕೆ ಬದಲಾಗುತ್ತವೆ. ಹಾಗಾಗಿ, ಕಾರು ಖರೀದಿಸುವ ಮುನ್ನ ಮಾಡೆಲ್ ಮತ್ತು ವೇರಿಯೆಂಟ್ ಪ್ರಕಾರ ಆಫರ್ ನಿಯಮಗಳನ್ನು ತಿಳಿದುಕೊಳ್ಳುವುದು ಒಳ್ಳೆಯದು.

ಕಾರ್ಪೆಟ್ ಕೊಳೆಯಾಗಿದ್ಯಾ? ಡ್ರೈ ಕ್ಲೀನ್ ಬಿಟ್ಟುಬಿಡಿ: ಮನೆಯಲ್ಲೇ ಹೀಗೆ ಮಾಡಿ ನೋಡಿ- ಫಳಫಳ ಹೊಳೆಯತ್ತೆ

Suchethana D — Thu, 22 Oct 2026 18:50:34 +0530

ಪ್ರತಿಯೊಬ್ಬರೂ ತಮ್ಮ ಮನೆ ಯಾವಾಗಲೂ ಸ್ವಚ್ಛವಾಗಿ ಮತ್ತು ಸುಂದರವಾಗಿ ಕಾಣಬೇಕೆಂದು ಬಯಸುತ್ತಾರೆ. ನಾವು ಅದನ್ನು ಪ್ರತಿದಿನ ಸ್ವಚ್ಛಗೊಳಿಸುತ್ತೇವೆ, ಆದರೆ ಕೆಲವು ವಸ್ತುಗಳು ಇನ್ನೂ ಗಮನಕ್ಕೆ ಬರುವುದಿಲ್ಲ. ಉದಾಹರಣೆಗೆ, ಕಾರ್ಪೆಟ್‌ಗಳು. ಪ್ರತಿದಿನ ನಡೆಯುವುದು ಮತ್ತು ಅವುಗಳ ಮೇಲೆ ಕುಳಿತುಕೊಳ್ಳುವುದು ಧೂಳು ಮತ್ತು ಕೊಳಕು ಸಂಗ್ರಹವಾಗಲು ಕಾರಣವಾಗುತ್ತದೆ. ಕ್ರಮೇಣ, ಅವುಗಳ ಹೊಳಪು ಕಡಿಮೆಯಾಗುತ್ತದೆ, ಅವು ಕೊಳಕಾಗಿ ಕಾಣುತ್ತವೆ. ಈಗ, ಕಾರ್ಪೆಟ್‌ಗಳನ್ನು ಯಂತ್ರದಿಂದ ತೊಳೆಯಲು ಸಾಧ್ಯವಿಲ್ಲ, ಮತ್ತು ಅವುಗಳನ್ನು ಕೈಯಿಂದ ತೊಳೆಯುವುದು ಸಹ ನೋವಿನ ಸಂಗತಿ.

ಡ್ರೈ ಕ್ಲೀನ್ ಬೇಡವೇ ಬೇಡ

ಆದ್ದರಿಂದ, ಹೆಚ್ಚಿನ ಜನರು ತಮ್ಮ ಕಾರ್ಪೆಟ್‌ಗಳನ್ನು ಡ್ರೈ ಕ್ಲೀನ್ ಮಾಡಲು ಆಯ್ಕೆ ಮಾಡುತ್ತಾರೆ. ಸಾಮಾಜಿಕ ಮಾಧ್ಯಮ ಪ್ರಭಾವಿ ದೀಪ್ತಿ ಕಪೂರ್ ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಈ ವೀಡಿಯೊದಲ್ಲಿ, ಕಾರ್ಪೆಟ್‌ಗಳನ್ನು ತೊಳೆಯದೆ ಸ್ವಚ್ಛಗೊಳಿಸುವ ಸರಳ ವಿಧಾನವನ್ನು ಅವರು ವಿವರಿಸುತ್ತಾರೆ. ಕೆಲವೇ ಪದಾರ್ಥಗಳೊಂದಿಗೆ, ನೀವು ಮನೆಯಲ್ಲಿ ನಿಮ್ಮ ಕಾರ್ಪೆಟ್ ಅನ್ನು ಹೇಗೆ ಸ್ವಚ್ಛಗೊಳಿಸಬಹುದು ಮತ್ತು ಅದರ ಹೊಳಪನ್ನು ಪುನಃಸ್ಥಾಪಿಸಬಹುದು ಎಂಬುದನ್ನು ದೀಪ್ತಿ ವಿವರಿಸುತ್ತಾರೆ. ಹೇಗೆ ಎಂದು ಕಂಡುಹಿಡಿಯೋಣ:

ನಿಮಗೆ ಬೇಕಾಗುವ ವಸ್ತುಗಳು

ಕಾರ್ಪೆಟ್‌ಗಳನ್ನು ಸ್ವಚ್ಛಗೊಳಿಸಲು, ನಿಮಗೆ ಪೊರಕೆ, ಸ್ವಚ್ಛವಾದ ಬಟ್ಟೆ, ಅಡಿಗೆ ಸೋಡಾ, ಉಪ್ಪು, ಶಾಂಪೂ ಮತ್ತು ಸ್ವಲ್ಪ ಬಿಳಿ ವಿನೆಗರ್ ಬೇಕಾಗುತ್ತದೆ.

ಕಾರ್ಪೆಟ್ ಅನ್ನು ತೊಳೆಯದೆ ಹೇಗೆ ಸ್ವಚ್ಛಗೊಳಿಸುವುದು?

* ಮೊದಲು, ಕಾರ್ಪೆಟ್ ಅನ್ನು ಸಂಪೂರ್ಣವಾಗಿ ಗುಡಿಸಿ. ಇದು ಕಾರ್ಪೆಟ್ ಮೇಲೆ ಸಂಗ್ರಹವಾಗಿರುವ ಯಾವುದೇ ಧೂಳು ಮತ್ತು ಕೊಳೆಯನ್ನು ತೆಗೆದುಹಾಕುತ್ತದೆ.

* ಈಗ, ಯಾರದ್ದಾದರೂ ಸಹಾಯದಿಂದ, ಕಾರ್ಪೆಟ್ ಅನ್ನು ತಲೆಕೆಳಗಾಗಿ ತಿರುಗಿಸಿ ಮತ್ತು ಹಿಂಭಾಗವನ್ನು ಚೆನ್ನಾಗಿ ಗುಡಿಸಿ. ಇದು ಕೆಳಗೆ ಸಂಗ್ರಹವಾಗಿರುವ ಯಾವುದೇ ಕೊಳೆಯನ್ನು ಸಹ ತೆಗೆದುಹಾಕುತ್ತದೆ.

* ಈಗ, ಕಾರ್ಪೆಟ್ ಅನ್ನು ನೇರವಾಗಿ ತಿರುಗಿಸಿ ಮತ್ತು ಅದರ ಮೇಲೆ ಸ್ವಲ್ಪ ಅಡಿಗೆ ಸೋಡಾವನ್ನು ಸಿಂಪಡಿಸಿ. ನೀವು ಇಡೀ ಕಾರ್ಪೆಟ್ ಮೇಲೆ ಅಡಿಗೆ ಸೋಡಾವನ್ನು ಸಮವಾಗಿ ಸಿಂಪಡಿಸಬೇಕು.

* ಮುಂದೆ, ಒಂದು ಲೀಟರ್ ನೀರನ್ನು ತೆಗೆದುಕೊಳ್ಳಿ. ಅದಕ್ಕೆ ಎರಡು ಚಮಚ ಉಪ್ಪು, ಎರಡು ಚಮಚ ಶಾಂಪೂ ಮತ್ತು ಎರಡು ಚಮಚ ಬಿಳಿ ವಿನೆಗರ್ ಸೇರಿಸಿ. ಎಲ್ಲವನ್ನೂ ಚೆನ್ನಾಗಿ ಮಿಶ್ರಣ ಮಾಡಿ.

* ಒಂದು ಸ್ವಚ್ಛವಾದ ಬಟ್ಟೆಯನ್ನು ತೆಗೆದುಕೊಂಡು ಅದನ್ನು ತಯಾರಿಸಿದ ನೀರಿನಲ್ಲಿ ಅದ್ದಿ ಚೆನ್ನಾಗಿ ಹಿಸುಕು ಹಾಕಿ.

* ನಂತರ, ಈ ಬಟ್ಟೆಯಿಂದ ಕಾರ್ಪೆಟ್ ಅನ್ನು ನಿಧಾನವಾಗಿ ಒರೆಸಿ.

* ನೀವು ಸರಳವಾಗಿ ತಯಾರಿಸಿದ ನೀರಿನಲ್ಲಿ ಬಟ್ಟೆಯನ್ನು ಅದ್ದಿ ಮತ್ತು ಅದರೊಂದಿಗೆ ಕಾರ್ಪೆಟ್ ಅನ್ನು ನಿಧಾನವಾಗಿ ಒರೆಸಿ.

* ಕಾರ್ಪೆಟ್ ತುಂಬಾ ಕೊಳಕಾಗಿದ್ದರೆ, ನೀವು ಇದನ್ನು ಎರಡರಿಂದ ಮೂರು ಬಾರಿ ಮಾಡಬಹುದು.

* ಇದು ನಿಮ್ಮ ಕಾರ್ಪೆಟ್ ಅನ್ನು ತೊಳೆಯುವ ಅಥವಾ ಡ್ರೈ ಕ್ಲೀನಿಂಗ್ ಅಗತ್ಯವಿಲ್ಲದೆ ಹೊಸದಾಗಿ ಕಾಣುವಂತೆ ಮಾಡುತ್ತದೆ. ಎಲ್ಲಾ ಕೊಳೆಯನ್ನು ತೆಗೆದುಹಾಕಲಾಗುತ್ತದೆ.

* ಸ್ವಚ್ಛಗೊಳಿಸಿದ ನಂತರ ಕಾರ್ಪೆಟ್ ಅನ್ನು ಚೆನ್ನಾಗಿ ಒಣಗಿಸಿ.

* ಸ್ವಚ್ಛಗೊಳಿಸಿದ ನಂತರ, ಸ್ವಲ್ಪ ಸಮಯದವರೆಗೆ ಒಣಗಲು ಬಿಡಿ. ವಾತಾಯನ ಮತ್ತು ಕಾರ್ಪೆಟ್ ಬೇಗನೆ ಒಣಗಲು ಅನುಮತಿಸಲು ಕೋಣೆಯಲ್ಲಿ ಕಿಟಕಿಗಳನ್ನು ತೆರೆಯಿರಿ. ಇದು ಕಾರ್ಪೆಟ್ ಒದ್ದೆಯಾದ ವಾಸನೆಯನ್ನು ತಡೆಯುತ್ತದೆ.

ಗಡಿಯಲ್ಲಿ ಸೇನಾ ನೆಲೆ, ಆಕಾಶದಲ್ಲಿ ರಫೇಲ್‌, S-400 ಮೂಲಕ ರಕ್ಷಣೆ: ಭಾರತೀಯ ಸೇನೆ ತಯಾರಿ ಕಂಡು ಹೌಹಾರಿದ ಬಾಂಗ್ಲಾದೇಶ

Santosh Naik — Thu, 22 Oct 2026 18:50:11 +0530

ನವದೆಹಲಿ (ಅ.22): ಗಡಿ ರಕ್ಷಣೆಗಾಗಿ ಭಾರತವು ಆಧುನಿಕ ತಂತ್ರಜ್ಞಾನ ಹಾಗೂ ಭಾರಿ ಸೇನಾ ಮೂಲಸೌಕರ್ಯಗಳನ್ನು ವ್ಯಾಪಕವಾಗಿ ಹೆಚ್ಚಿಸುತ್ತಿದೆ. ಮೂಲಗಳ ಪ್ರಕಾರ, ಗಡಿ ಭದ್ರತಾ ಪಡೆ (BSF) ಕೃತಕ ಬುದ್ಧಿಮತ್ತೆ (AI) ಆಧಾರಿತ ಕಮಾಂಡ್ ಸೆಂಟರ್‌ಗಳು ಮತ್ತು ಅತ್ಯಾಧುನಿಕ ಕಣ್ಗಾವಲು ವ್ಯವಸ್ಥೆಗಳ ನೆರವಿನಿಂದ ಭಾರತ-ಬಾಂಗ್ಲಾದೇಶ ಗಡಿಯಲ್ಲಿನ ಪ್ರತಿಯೊಂದು ಚಲನವಲನಗಳ ಮೇಲೆ ಕಟ್ಟುನಿಟ್ಟಿನ ನಿಗಾ ಇರಿಸಿದೆ.

ಭಾರತದ ಶರವೇಗದ ಮಿಲಿಟರಿ ಸಾಮರ್ಥ್ಯ ವೃದ್ಧಿ ಹಾಗೂ ಗಡಿಯಲ್ಲಿ ಬಲಗೊಳ್ಳುತ್ತಿರುವ ರಕ್ಷಣಾ ತಂತ್ರಗಳು ಇಡೀ ಪ್ರದೇಶದಲ್ಲಿ ಹೊಸ ತಂತ್ರಜ್ಞಾನ ಹಾಗೂ ಕಾರ್ಯತಂತ್ರದ ಸಂಚಲನವನ್ನು ಉಂಟುಮಾಡಿದೆ. ಬಾಂಗ್ಲಾದೇಶ ಗಡಿಗೆ ತೀರ ಹತ್ತಿರದಲ್ಲಿ ನಿರ್ಮಾಣಗೊಳ್ಳುತ್ತಿರುವ ನೂತನ ಭಾರತೀಯ ಸೇನಾ ನೆಲೆಗಳು, ಹೈಟೆಕ್ ಕಣ್ಗಾವಲು ತಂತ್ರಜ್ಞಾನ ಮತ್ತು ವಾಯು ರಕ್ಷಣಾ ವ್ಯವಸ್ಥೆಗಳ (Air Defence Systems) ನಿಯೋಜನೆ ಪ್ರಸ್ತುತ ಜಾಗತಿಕ ಮಟ್ಟದಲ್ಲೂ ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ಭಾರತವು ತನ್ನ ಪೂರ್ವ ಹಾಗೂ ಈಶಾನ್ಯ ವಲಯಗಳಲ್ಲಿ ರಕ್ಷಣಾ ಚೌಕಟ್ಟನ್ನು ಮತ್ತಷ್ಟು ಬಲಪಡಿಸಲು ಮುಂದಾಗಿದ್ದು, ಈ ಕ್ರಮಗಳು ನೆರೆರಾಷ್ಟ್ರ ಬಾಂಗ್ಲಾದೇಶದಲ್ಲಿ ಆತಂಕವನ್ನು ಸೃಷ್ಟಿಸಿವೆ. ವಿಶೇಷವಾಗಿ 'ಸಿಲಿಗುರಿ ಕಾರಿಡಾರ್' ರಕ್ಷಣೆಗೆ ಭಾರತ ನೀಡುತ್ತಿರುವ ಹೆಚ್ಚಿನ ಆದ್ಯತೆಯು ರಕ್ಷಣಾತ್ಮಕವಾಗಿ ಪ್ರಮುಖ ಹೆಜ್ಜೆಯಾಗಿದೆ.

ಸೇನಾ ಮೂಲಗಳ ಪ್ರಕಾರ, ಭಾರತೀಯ ಸೇನೆಯು ಮೂರು ಪ್ರಮುಖ ಆಯಕಟ್ಟಿನ ಸ್ಥಳಗಳಲ್ಲಿ ಹೊಸ ಸೇನಾ ನೆಲೆಗಳನ್ನು ಸ್ಥಾಪಿಸುವ ಯೋಜನೆಯನ್ನು ಚುರುಕುಗೊಳಿಸಿದೆ. ಅವುಗಳಲ್ಲಿ ಅಸ್ಸಾಂನ ಧುಬ್ರಿ ಜಿಲ್ಲೆಯ ಬಾಮುನಿ, ಬಿಹಾರದ ಕಿಶನ್‌ಗಂಜ್ ಹಾಗೂ ಪಶ್ಚಿಮ ಬಂಗಾಳದ ಉತ್ತರ ದಿನಾಜ್‌ಪುರ ಜಿಲ್ಲೆಯ ಚೋಪ್ರಾ ಸೇರಿವೆ.

ಧುಬ್ರಿಯಲ್ಲಿ 'ಲಾಚಿತ್ ಬರ್ಫುಕನ್' ಮಿಲಿಟರಿ ಸ್ಟೇಷನ್

ಅಸ್ಸಾಂನ ಧುಬ್ರಿಯಲ್ಲಿರುವ ಈ ನೂತನ ಸೇನಾ ನೆಲೆಗೂ ಬಾಂಗ್ಲಾದೇಶ ಗಡಿಗೂ ನಡುವೆ ಕೇವಲ 30 ರಿಂದ 40 ಕಿಲೋಮೀಟರ್ ಅಂತರವಿದೆ. ಈ ಮಿಲಿಟರಿ ಸ್ಟೇಷನ್ ಸುಮಾರು 1,200 ರಿಂದ 1,500 ಸೈನಿಕರಿಗೆ ವಸತಿ ಹಾಗೂ ತರಬೇತಿ ನೀಡುವ ಸಾಮರ್ಥ್ಯವನ್ನು ಹೊಂದಿದೆ. ಇದರಿಂದಾಗಿ ಗಡಿ ಪ್ರದೇಶದಲ್ಲಿ ಸೇನೆಯ ತತ್ಕ್ಷಣದ ಉಪಸ್ಥಿತಿ ಮತ್ತು ಕಣ್ಗಾವಲು ವ್ಯವಸ್ಥೆಗೆ ಅಪಾರ ಬಲ ಸಿಕ್ಕಂತಾಗಿದೆ.

ಚೋಪ್ರಾ ಮತ್ತು ಕಿಶನ್‌ಗಂಜ್ ಫಾರ್ವರ್ಡ್ ಬೇಸ್‌ಗಳು

ಪಶ್ಚಿಮ ಬಂಗಾಳದ ಚೋಪ್ರಾದಲ್ಲಿ ನಿರ್ಮಿಸಲಾಗಿರುವ ಸೇನಾ ನೆಲೆ ಬಾಂಗ್ಲಾದೇಶ ಗಡಿಯಿಂದ ಕೇವಲ 1 ಕಿಲೋಮೀಟರ್‌ಗಿಂತಲೂ ಕಡಿಮೆ ಅಂತರದಲ್ಲಿದೆ. ಅತ್ಯಂತ ಸೂಕ್ಷ್ಮ ಪ್ರದೇಶವಾದ ಸಿಲಿಗುರಿ ಕಾರಿಡಾರ್‌ಗೆ ತೀರ ಹತ್ತಿರವಿರುವುದರಿಂದ ಇದು ಅತ್ಯಂತ ಪ್ರಮುಖ ಕಾರ್ಯತಂತ್ರದ ನೆಲೆಯಾಗಿದೆ.

ಅಂತೆಯೇ ಬಿಹಾರದ ಕಿಶನ್‌ಗಂಜ್‌ನಲ್ಲಿರುವ ಫಾರ್ವರ್ಡ್ ಬೇಸ್, ತುರ್ತು ಸಂದರ್ಭಗಳಲ್ಲಿ ಸೈನಿಕರನ್ನು ಶೀಘ್ರವಾಗಿ ಸ್ಥಳಾಂತರಿಸಲು ಮತ್ತು ಸೇನಾ ಸಾಮಗ್ರಿಗಳ ಸಾಗಾಟವನ್ನು ಸುಲಭಗೊಳಿಸಲು ನೆರವಾಗಲಿದೆ. ಇದರ ಜೊತೆಗೆ, ಭಾರತ, ಬಾಂಗ್ಲಾದೇಶ ಮತ್ತು ಮ್ಯಾನ್ಮಾರ್ ತ್ರಿಕೋನ ಗಡಿಗೆ ಸಮೀಪವಿರುವ ಮಿಜೋರಾಂನ ಲಾಂಗ್‌ತ್ಲೈ ಜಿಲ್ಲೆಯ ಪರ್ವಾ ಗ್ರಾಮದ ಬಳಿಯೂ ಮತ್ತೊಂದು ಸೇನಾ ನೆಲೆ ನಿರ್ಮಿಸುವ ಸಾಧ್ಯತೆಗಳ ಬಗ್ಗೆ ಭಾರತೀಯ ಸೇನೆ ಪರಿಶೀಲಿಸುತ್ತಿದೆ.

'ಸಿಲಿಗುರಿ ಕಾರಿಡಾರ್' ಭದ್ರತೆಗೆ ಭಾರತದ ಗರಿಷ್ಠ ಆದ್ಯತೆ

ಭಾರತದ ಈ ಸಮಗ್ರ ರಕ್ಷಣಾ ವ್ಯೂಹದಲ್ಲಿ ಅತ್ಯಂತ ಪ್ರಮುಖವಾದದ್ದು 'ಸಿಲಿಗುರಿ ಕಾರಿಡಾರ್'. ಕೇವಲ 22 ಕಿಲೋಮೀಟರ್ ಅಗಲದ ಈ ಕಿರಿದಾದ ಭೂಭಾಗವನ್ನು 'ಚಿಕನ್ ನೆಕ್' (Chicken's Neck) ಎಂದೂ ಕರೆಯಲಾಗುತ್ತದೆ. ಇದು ಭಾರತದ ಮುಖ್ಯ ಭೂಭಾಗವನ್ನು ಈಶಾನ್ಯದ ಏಳು ಸಹೋದರಿ ರಾಜ್ಯಗಳೊಂದಿಗೆ (Seven Sister States) ಸಂಪರ್ಕಿಸುವ ಏಕೈಕ ಭೂಮಾರ್ಗವಾಗಿದೆ.

ಈ ಮಾರ್ಗದ ಮೂಲಕ ಈಶಾನ್ಯ ರಾಜ್ಯಗಳಿಗೆ ಸೇನಾ ತುಕಡಿಗಳ ಸಂಚಾರ, ಅಗತ್ಯ ವಸ್ತುಗಳ ಪೂರೈಕೆ ಮತ್ತು ಸಂಪರ್ಕವನ್ನು ಕಾಯ್ದುಕೊಳ್ಳುವುದು ರಾಷ್ಟ್ರೀಯ ಭದ್ರತೆಯ ದೃಷ್ಟಿಯಿಂದ ಅತ್ಯಂತ ನಿರ್ಣಾಯಕವಾಗಿದೆ. ಹೀಗಾಗಿ ಅಗತ್ಯ ಬಿದ್ದಾಗ ಸೈನಿಕರನ್ನು ಅತ್ಯಂತ ವೇಗವಾಗಿ ನಿಯೋಜಿಸಲು ಅನುವಾಗುವಂತೆ ಈ ಕಾರಿಡಾರ್ ಭದ್ರತೆಯನ್ನು ಭಾರತ ತನ್ನ ಮೊದಲ ಆದ್ಯತೆಯನ್ನಾಗಿಸಿಕೊಂಡಿದೆ.

AI ಮತ್ತು ಡ್ರೋನ್‌ಗಳಿಂದ ಕಟ್ಟುನಿಟ್ಟಿನ ಕಣ್ಗಾವಲು

ಗಡಿ ರಕ್ಷಣೆಗಾಗಿ ಭಾರತ ಈಗ ಅತ್ಯಾಧುನಿಕ ತಂತ್ರಜ್ಞಾನಗಳ ಮೊರೆ ಹೋಗಿದೆ. BSF 'ಎಐ' ಆಧಾರಿತ ಕಮಾಂಡ್ ಸೆಂಟರ್‌ಗಳು, ಥರ್ಮಲ್ ಕ್ಯಾಮೆರಾಗಳನ್ನು ಹೊಂದಿರುವ ಡ್ರೋನ್‌ಗಳು, ಆಂಟಿ-ಡ್ರೋನ್ ಸಿಸ್ಟಮ್ ಹಾಗೂ ರೇಡಿಯೋ ಫ್ರೀಕ್ವೆನ್ಸಿ ಜ್ಯಾಮರ್‌ಗಳ ಮೂಲಕ ಇಡೀ ಗಡಿಯನ್ನು ತಪಾಸಣೆಗೆ ಒಳಪಡಿಸುತ್ತಿದೆ.

ಭಾರತ ಮತ್ತು ಬಾಂಗ್ಲಾದೇಶದ ನಡುವೆ ಒಟ್ಟು 4,097 ಕಿಲೋಮೀಟರ್ ಉದ್ದದ ಸುದೀರ್ಘ ಗಡಿಯಿದ್ದು, ಇದರಲ್ಲಿ ಈಗಾಗಲೇ 3,240 ಕಿಲೋಮೀಟರ್ ಭಾಗದಲ್ಲಿ ತಂತಿಬೇಲಿ ಅಳವಡಿಸಲಾಗಿದೆ. ಇಷ್ಟೊಂದು ಬೃಹತ್ ಗಡಿಯಲ್ಲಿ ನಿರಂತರ ನಿಗಾ ಇಡುವುದು ಸವಾಲಿನ ಕೆಲಸವಾಗಿರುವುದರಿಂದ ಹೈಟೆಕ್ ತಂತ್ರಜ್ಞಾನಗಳನ್ನು ಭಾರತ ಪರಿಣಾಮಕಾರಿಯಾಗಿ ಬಳಸಿಕೊಳ್ಳುತ್ತಿದೆ.

ಆಗಸದಲ್ಲಿ ರಫೇಲ್, ಏರ್ ಡಿಫೆನ್ಸ್‌ಗೆ S-400 ಕ್ಷಿಪಣಿ ಪಡೆ

ಪೂರ್ವ ವಲಯದಲ್ಲಿ ವಾಯು ಭದ್ರತೆಗೂ ಭಾರತ ಭಾರಿ ಪ್ರಾಮುಖ್ಯತೆ ನೀಡಿದೆ. ಪಶ್ಚಿಮ ಬಂಗಾಳದ ಹಸಿಮಾರಾ ಏರ್‌ಬೇಸ್‌ನಲ್ಲಿ 'ರಫೇಲ್' ಯುದ್ಧ ವಿಮಾನಗಳ ಸ್ಕ್ವಾಡ್ರನ್ ಅನ್ನು ಈಗಾಗಲೇ ಸಜ್ಜುಗೊಳಿಸಲಾಗಿದೆ. ಇದರ ಜೊತೆಗೆ ಸಿಲಿಗುರಿ ಕಾರಿಡಾರ್ ಸುತ್ತಮುತ್ತ ರಷ್ಯಾದ ಅತ್ಯಾಧುನಿಕ 'S-400' ಏರ್ ಡಿಫೆನ್ಸ್ ಸಿಸ್ಟಮ್, ಭಾರತ-ಇಸ್ರೇಲ್ ಜಂಟಿ ಸಹಯೋಗದ 'MRSAM' ಕ್ಷಿಪಣಿ ವ್ಯವಸ್ಥೆ ಹಾಗೂ ಸ್ವದೇಶಿ ನಿರ್ಮಿತ ವಾಯು ರಕ್ಷಣಾ ವ್ಯವಸ್ಥೆಗಳನ್ನು ನಿಯೋಜಿಸಲಾಗಿದೆ.

ಶತ್ರುಗಳ ವಾಯು ದಾಳಿ, ಕ್ಷಿಪಣಿ ಹಾಗೂ ಡ್ರೋನ್ ಬೆದರಿಕೆಗಳಿಂದ ದೇಶದ ಪ್ರಮುಖ ನೆಲೆಗಳನ್ನು ರಕ್ಷಿಸುವುದು ಈ ಸಿಸ್ಟಮ್‌ಗಳ ಮುಖ್ಯ ಕೆಲಸವಾಗಿದೆ. ಇಷ್ಟೇ ಅಲ್ಲದೆ, ಸಿಲಿಗುರಿ ಕಾರಿಡಾರ್ ವ್ಯಾಪ್ತಿಯಲ್ಲಿ ಸೇನಾ ಶಸ್ತ್ರಾಸ್ತ್ರಗಳು ಹಾಗೂ ರಾಕೆಟ್ ಸಿಸ್ಟಮ್‌ಗಳನ್ನು ಸುರಕ್ಷಿತವಾಗಿರಿಸಲು ಭೂಗತ ಸಂಗ್ರಹಣಾ (Underground Storage) ಮೂಲಸೌಕರ್ಯಗಳನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ.

ಬಾಂಗ್ಲಾದೇಶದಲ್ಲಿ BSF ಡ್ರೋನ್ ಪತನ - ಹೆಚ್ಚಿದ ಜಾಗರೂಕತೆ

ಇತ್ತೀಚೆಗೆ ಬಾಂಗ್ಲಾದೇಶದ ಲಾಲ್ಮೋನಿರ್ಹಾಟ್ ಜಿಲ್ಲೆಯ ಪಾಟ್‌ಗ್ರಾಮ್ ಬಳಿಯ ಮೊಗಲ್‌ಬಾರಿ ಗಡಿಯಲ್ಲಿ ಭಾರತೀಯ ಬಿಎಸ್‌ಎಫ್‌ಗೆ ಸೇರಿದ ಕಣ್ಗಾವಲು ಡ್ರೋನ್ ಒಂದು ತಾಂತ್ರಿಕ ದೋಷದಿಂದ ಬಿದ್ದಿತ್ತು. ಅಂತರರಾಷ್ಟ್ರೀಯ ಗಡಿಯಿಂದ ಸುಮಾರು 10 ರಿಂದ 20 ಗಜಗಳಷ್ಟು ಒಳಭಾಗದಲ್ಲಿ ಬಿದ್ದಿದ್ದ ಈ ಡ್ರೋನ್ ಅನ್ನು ಬಾಂಗ್ಲಾದೇಶ ಗಡಿ ರಕ್ಷಣಾ ಪಡೆ (BGB) ವಶಕ್ಕೆ ಪಡೆದಿತ್ತು. ಈ ಘಟನೆಯ ನಂತರ ಗಡಿಯಲ್ಲಿ ಡ್ರೋನ್ ಕಣ್ಗಾವಲು ವ್ಯವಸ್ಥೆಯನ್ನು ಮತ್ತಷ್ಟು ಹೆಚ್ಚಿಸಲಾಗಿದೆ.

ಪ್ರತಿಯಾಗಿ, ಬಾಂಗ್ಲಾದೇಶ ಕೂಡ BGB ಪಡೆಗೆ ವಿವಿಧ ಮಾದರಿಯ ಕಣ್ಗಾವಲು ಡ್ರೋನ್‌ಗಳು ಮತ್ತು ಹ್ಯಾಂಡ್‌ಹೆಲ್ಡ್ ಆಂಟಿ-ಡ್ರೋನ್ ವ್ಯವಸ್ಥೆಗಳನ್ನು ಸೇರ್ಪಡೆಗೊಳಿಸುತ್ತಿದೆ. ಡ್ರೋನ್ ಕಾರ್ಯಾಚರಣೆಗಳ ತರಬೇತಿಗಾಗಿ ಹೊಸ ಶಾಲೆಯನ್ನು ಪ್ರಾರಂಭಿಸುತ್ತಿದ್ದು, ಲಾಲ್ಮೋನಿರ್ಹಾಟ್ ಏರ್‌ಬೇಸ್ ಅನ್ನು ಮರುಸಕ್ರಿಯಗೊಳಿಸಲು ಚರ್ಚೆ ನಡೆಸುತ್ತಿದೆ.

ಸದ್ಯದ ಪರಿಸ್ಥಿತಿಯಲ್ಲಿ, ಭಾರತ ತನ್ನ ಈಶಾನ್ಯ ಗಡಿಭಾಗ ಹಾಗೂ ಸಿಲಿಗುರಿ ಕಾರಿಡಾರ್ ಅನ್ನು ಒಂದು ಭದ್ರಕೋಟೆಯಾಗಿ ಪರಿವರ್ತಿಸುತ್ತಿದ್ದು, ಈ ಹೆಜ್ಜೆಗಳು ಭಾರತದ ಸಮಗ್ರತೆ ಮತ್ತು ರಾಷ್ಟ್ರೀಯ ಭದ್ರತೆಯ ದೃಷ್ಟಿಯಿಂದ ಅತ್ಯಂತ ಪ್ರಮುಖವೆನಿಸಿವೆ.

ಜೈಲರ್ 2 ಅಬ್ಬರಕ್ಕೆ ದಳಪತಿ ವಿಜಯ್ ದಾಖಲೆ ಉಡೀಸ್: 'ಲಿಯೋ' ಮೀರಿಸಿ ನಂ.1 ಪಟ್ಟಕ್ಕೇರಿದ ರಜನಿಕಾಂತ್!

Sathish Kumar KH — Thu, 22 Oct 2026 18:41:05 +0530

ಸೂಪರ್‌ಸ್ಟಾರ್ ರಜನಿಕಾಂತ್ ಅವರ ಬಾಕ್ಸ್ ಆಫೀಸ್ ಕ್ರೇಜ್‌ಗೆ ವಯಸ್ಸಿನ ಮಿತಿಯಿಲ್ಲ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ. ಸಾಮಾನ್ಯವಾಗಿ ಮಲಯಾಳಂ ನೆಲದಲ್ಲಿ ತಮಿಳು ನಟರ ಪೈಕಿ ದಳಪತಿ ವಿಜಯ್ ಅವರಿಗೆ ಅತಿ ಹೆಚ್ಚು ಮಾರುಕಟ್ಟೆ ಹಾಗೂ ಅಭಿಮಾನಿಗಳಿದ್ದಾರೆ ಎನ್ನಲಾಗುತ್ತದೆ. ಆದರೆ, ಇದೀಗ ರಜನಿಕಾಂತ್ ಅಬ್ಬರಕ್ಕೆ ಕೇರಳದ ಬಾಕ್ಸ್ ಆಫೀಸ್ ಇತಿಹಾಸವೇ ಬದಲಾಗಿದೆ.

ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ ಬಹುನಿರೀಕ್ಷಿತ 'ಜೈಲರ್ 2' (Jailer 2) ಸಿನಿಮಾ, ಬಿಡುಗಡೆಯಾದ ಕೇವಲ 7 ದಿನಗಳಲ್ಲೇ ಮಲಯಾಳಂ ನೆಲದಲ್ಲಿ ಸಾರ್ವಕಾಲಿಕ ದಾಖಲೆಗಳನ್ನು ಮುರಿದು ನಂ.1 ಸ್ಥಾನಕ್ಕೆ ಜಿಗಿದಿದೆ!

'ಲಿಯೋ' ದಾಖಲೆ ಉಡೀಸ್ ಮಾಡಿದ 'ಜೈಲರ್ 2':

ದಕ್ಷಿಣ ಭಾರತದ ಪ್ರಮುಖ ಬಾಕ್ಸ್ ಆಫೀಸ್ ಟ್ರ್ಯಾಕರ್ ‘South Indian BoxOffice’ ನೀಡಿರುವ ಅಧಿಕೃತ ವರದಿಯ ಪ್ರಕಾರ, 'ಜೈಲರ್ 2' ಸಿನಿಮಾ ಕೇರಳದಲ್ಲಿ ಕೇವಲ 7 ದಿನಗಳಲ್ಲಿ ಬರೋಬ್ಬರಿ ₹60.5 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿದೆ.

ಇದಕ್ಕೂ ಮುನ್ನ ದಳಪತಿ ವಿಜಯ್ ಅಭಿನಯದ 'ಲಿಯೋ' ಚಿತ್ರ ಗಳಿಸಿದ್ದ ₹60 ಕೋಟಿ ಕಲೆಕ್ಷನ್ ಅತ್ಯಧಿಕವಾಗಿತ್ತು. ಈಗ ಆ ದಾಖಲೆಯನ್ನು ರಜನಿಕಾಂತ್ ಕೇವಲ ಒಂದೇ ವಾರದಲ್ಲಿ ಪುಡಿಪುಡಿ ಮಾಡಿ ಅಗ್ರಸ್ಥಾನಕ್ಕೇರಿದ್ದಾರೆ. ಅಷ್ಟೇ ಅಲ್ಲದೆ, ಚಿತ್ರದ ನಾಗಾಲೋಟ ನೋಡಿದರೆ ಕೇರಳದಲ್ಲಿ ₹100 ಕೋಟಿ ಕ್ಲಬ್ ಸೇರಿದ ಮೊದಲ ತಮಿಳು ಚಿತ್ರ ಎಂಬ ಐತಿಹಾಸಿಕ ಮೈಲಿಗಲ್ಲನ್ನು ‘ಜೈಲರ್ 2’ ಮುಟ್ಟುವ ಎಲ್ಲಾ ಲಕ್ಷಣಗಳು ಗೋಚರಿಸುತ್ತಿವೆ.

ಕೇರಳದಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ ಟಾಪ್ 10 ತಮಿಳು ಸಿನಿಮಾಗಳು:

ಜೈಲರ್ 2 (Jailer 2) – ₹60.5 ಕೋಟಿ* (ಕೇವಲ 7 ದಿನಗಳಲ್ಲಿ!)
ಲಿಯೋ (LEO) – ₹60 ಕೋಟಿ
ಜೈಲರ್ (Jailer) – ₹57.75 ಕೋಟಿ
ವಿಕ್ರಮ್ (Vikram) – ₹40.2 ಕೋಟಿ
ಕೂಲಿ (Coolie) – ₹25 ಕೋಟಿ
ಪೊನ್ನಿಯಿನ್ ಸೆಲ್ವನ್ 1 (PS-1) – ₹24.15 ಕೋಟಿ
ಡಿ ಸಿ (DC) – ₹20.3 ಕೋಟಿ
ಬಿಗಿಲ್ (Bigil) – ₹19.6 ಕೋಟಿ
ಐ (I Movie) – ₹19.3 ಕೋಟಿ
ಪೊನ್ನಿಯಿನ್ ಸೆಲ್ವನ್ 2 (PS-2) – ₹19.15 ಕೋಟಿ

ಟಾಪ್ 5 ರಲ್ಲೇ ರಜನಿಕಾಂತ್ ಅವರ 3 ಸಿನಿಮಾಗಳು!

ವಿಶೇಷವೆಂದರೆ, ಕೇರಳದ ಟಾಪ್ 5 ತಮಿಳು ಸಿನಿಮಾಗಳ ಪಟ್ಟಿಯಲ್ಲಿ ಸೂಪರ್‌ಸ್ಟಾರ್ ರಜನಿಕಾಂತ್ ಅವರದ್ದೇ 3 ಸಿನಿಮಾಗಳಿವೆ ('ಜೈಲರ್ 2', 'ಜೈಲರ್' ಮೊದಲ ಭಾಗ ಹಾಗೂ 'ಕೂಲಿ'). ಇನ್ನು ಕಮಲ್ ಹಾಸನ್ ಅವರ 'ವಿಕ್ರಮ್' 4ನೇ ಸ್ಥಾನದಲ್ಲಿದೆ.

ದಳಪತಿ ವಿಜಯ್‌ಗೆ ಕೇರಳ ಭದ್ರಕೋಟೆ ಎನ್ನಲಾಗುತ್ತಿದ್ದ ಕಾಲದಲ್ಲಿ, ತಲೈವಾ ರಜನಿಕಾಂತ್ ತಮ್ಮ ಮಾಸ್ ಕಂಟೆಂಟ್ ಮೂಲಕ ಇಡೀ ಕೇರಳ ಚಿತ್ರಮಂದಿರಗಳನ್ನು ಆವರಿಸಿಕೊಂಡಿದ್ದು ಸಿನಿರಂಗವನ್ನು ದಂಗುಬಡಿಸಿದೆ.

ಕೆಮ್ಮಿಲ್ಲ, ತೀವ್ರ ಜ್ವರವೂ ಇಲ್ಲ… ಶ್ವಾಸಕೋಶಕ್ಕೆ ಹಾನಿ ಮಾಡಬಹುದು ಸೈಲೆಂಟ್ ನ್ಯುಮೋನಿಯಾ! ಈ ಲಕ್ಷಣ ನಿರ್ಲಕ್ಷಿಸಬೇಡಿ

Pavna Das — Thu, 22 Oct 2026 18:38:08 +0530

ಸೈಲೆಂಟ್ ನ್ಯುಮೋನಿಯಾ ಎಂದರೇನು?

ಬದಲಾಗುತ್ತಿರುವ ಹವಾಮಾನ ಮತ್ತು ವಾಯುಮಾಲಿನ್ಯದಿಂದ ಜನರಿಗೆ ಹಲವು ರೀತಿಯ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. ಏಕೆಂದರೆ ಇವೆರಡೂ ಮೊದಲು ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ. ನಿಮಗೆ ಶ್ವಾಸಕೋಶದ ಕಾಯಿಲೆ ಇದ್ದರೆ ಹೆಚ್ಚಿನ ಕಾಳಜಿ ವಹಿಸುವುದು ಅಗತ್ಯ. ನ್ಯಾಷನಲ್ ಹಾರ್ಟ್, ಲಂಗ್, ಅಂಡ್ ಬ್ಲಡ್ ಇನ್‌ಸ್ಟಿಟ್ಯೂಟ್‌ನ ಸಂಶೋಧನೆಯ ಪ್ರಕಾರ, ಅನೇಕರು ಶೀತ, ಸಣ್ಣ ಪ್ರಮಾಣದ ಕೆಮ್ಮು ಅಥವಾ ಸುಸ್ತನ್ನು ಸಾಮಾನ್ಯ ಸಮಸ್ಯೆ ಎಂದು ನಿರ್ಲಕ್ಷಿಸುತ್ತಾರೆ. ಆದರೆ ಕೆಲವು ಸಂದರ್ಭಗಳಲ್ಲಿ ಇವು ಶ್ವಾಸಕೋಶದ ಸೋಂಕಿನ ಸೂಚನೆಯೂ ಆಗಿರಬಹುದು. ಇದನ್ನು ಸೈಲೆಂಟ್ ನ್ಯುಮೋನಿಯಾ ಎಂದು ಕರೆಯಲಾಗುತ್ತದೆ.

ನ್ಯುಮೋನಿಯಾ ಎಂದರೇನು?

ನ್ಯಾಷನಲ್ ಹಾರ್ಟ್, ಲಂಗ್, ಅಂಡ್ ಬ್ಲಡ್ ಇನ್‌ಸ್ಟಿಟ್ಯೂಟ್‌ನ ಸಂಶೋಧನೆಯ ಪ್ರಕಾರ, ನ್ಯುಮೋನಿಯಾ ಶ್ವಾಸಕೋಶದ ಗಂಭೀರ ಸೋಂಕಾಗಿದ್ದು, ಬ್ಯಾಕ್ಟೀರಿಯಾ, ವೈರಸ್ ಅಥವಾ ಶಿಲೀಂಧ್ರಗಳಿಂದ ಉಂಟಾಗುತ್ತದೆ. ಇದನ್ನು ಮೂರು ವಿಧಗಳಾಗಿ ವಿಂಗಡಿಸಬಹುದು.

ವೈರಲ್ ನ್ಯುಮೋನಿಯಾ

ಈ ಸೋಂಕು ವೈರಸ್‌ನಿಂದ ಉಂಟಾಗುತ್ತದೆ. ಆರಂಭದಲ್ಲಿ ಇದರ ಲಕ್ಷಣಗಳು ಕಾಣಿಸದೇ ಇರಬಹುದು. ಆದರೆ ಇದು ನೇರವಾಗಿ ಶ್ವಾಸಕೋಶದ ಮೇಲೆ ಪರಿಣಾಮ ಬೀರುತ್ತದೆ. ಇದನ್ನು ಪತ್ತೆಹಚ್ಚಲು ಆಸ್ಪತ್ರೆಯಲ್ಲಿ ಎಕ್ಸ್‌ರೇ ಮಾಡಿಸಬೇಕಾಗಬಹುದು.

ಬ್ಯಾಕ್ಟೀರಿಯಲ್ ನ್ಯುಮೋನಿಯಾ

ಈ ಸೋಂಕಿನಿಂದ ಹಲವು ರೀತಿಯ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ತೀವ್ರ ಜ್ವರ, ಕೆಮ್ಮು, ಎದೆನೋವು ಮತ್ತು ಉಸಿರಾಟದ ತೊಂದರೆ ಉಂಟಾಗಬಹುದು.

ಫಂಗಲ್ ನ್ಯುಮೋನಿಯಾ

ರೋಗನಿರೋಧಕ ಶಕ್ತಿ ದುರ್ಬಲವಾಗಿರುವಾಗ ಶಿಲೀಂಧ್ರಗಳಿಂದ ಶ್ವಾಸಕೋಶದ ಸೋಂಕು ಉಂಟಾಗಬಹುದು. ಈ ಸಮಸ್ಯೆಗೆ ಸರಿಯಾದ ಸಮಯದಲ್ಲಿ ಚಿಕಿತ್ಸೆ ಪಡೆಯದಿದ್ದರೆ ಅದು ಗಂಭೀರ ಸ್ವರೂಪ ಪಡೆಯಬಹುದು.

ಹಾಗಾದರೆ ಸೈಲೆಂಟ್ ನ್ಯುಮೋನಿಯಾ ಎಂದರೇನು?

ಸೈಲೆಂಟ್ ನ್ಯುಮೋನಿಯಾ ಕೂಡ ಶ್ವಾಸಕೋಶದ ಸೋಂಕಾಗಿದೆ. ಇದರಲ್ಲಿ ಶ್ವಾಸಕೋಶದ ಸಣ್ಣ ಗಾಳಿಯ ಚೀಲಗಳಲ್ಲಿ ಉರಿಯೂತ ಉಂಟಾಗಿ ದ್ರವ ಅಥವಾ ಕೀವು ತುಂಬಿಕೊಳ್ಳಬಹುದು. ಇದರಿಂದ ಉಸಿರಾಡಲು ತೊಂದರೆಯಾಗುತ್ತದೆ. ನ್ಯುಮೋನಿಯಾದ ಲಕ್ಷಣಗಳು ಆರಂಭದಲ್ಲಿ ಕಾಣಿಸದಿದ್ದಾಗ ಅಥವಾ ತುಂಬಾ ಸೌಮ್ಯವಾಗಿದ್ದಾಗ ಅದನ್ನು ಸಾಮಾನ್ಯವಾಗಿ ಸೈಲೆಂಟ್ ನ್ಯುಮೋನಿಯಾ ಎಂದು ಕರೆಯಲಾಗುತ್ತದೆ. ಈ ಸಂದರ್ಭದಲ್ಲಿ ಸೋಂಕನ್ನು ತಡವಾಗಿ ಗುರುತಿಸುವ ಸಾಧ್ಯತೆಯಿದ್ದು, ಚಿಕಿತ್ಸೆಯಲ್ಲಿಯೂ ವಿಳಂಬವಾಗಬಹುದು.

ನಿರ್ಲಕ್ಷಿಸಬಾರದ ಲಕ್ಷಣಗಳು

ಅತಿಯಾದ ಸುಸ್ತು: ಯಾವುದೇ ಕೆಲಸ ಮಾಡದಿದ್ದರೂ ವಿಪರೀತ ಸುಸ್ತು ಕಾಣಿಸಿಕೊಂಡರೆ ನಿರ್ಲಕ್ಷಿಸಬೇಡಿ.
ಉಸಿರಾಟದ ತೊಂದರೆ: ನಡೆಯುವಾಗ ಅಥವಾ ವಿಶ್ರಾಂತಿಯಲ್ಲಿರುವಾಗಲೂ ನಿರಂತರವಾಗಿ ಉಸಿರಾಡಲು ತೊಂದರೆಯಾದರೆ ವೈದ್ಯರನ್ನು ಸಂಪರ್ಕಿಸಿ.
ನಿರಂತರ ಕೆಮ್ಮು: ದೀರ್ಘಕಾಲ ಕೆಮ್ಮು ಮುಂದುವರಿದರೆ ಅಥವಾ ಔಷಧಿ ತೆಗೆದುಕೊಂಡರೂ ಕಡಿಮೆಯಾಗದಿದ್ದರೆ ಗಮನಹರಿಸಿ.
ಹಸಿವು ಕಡಿಮೆಯಾಗುವುದು: ಆಹಾರ ಸೇವಿಸಲು ಮನಸ್ಸಾಗದಿರುವುದು ಅಥವಾ ಸಾಮಾನ್ಯಕ್ಕಿಂತ ಕಡಿಮೆ ತಿನ್ನುವುದು ಆರಂಭಿಕ ಲಕ್ಷಣವಾಗಿರಬಹುದು.
ಎದೆನೋವು: ಉಸಿರಾಡುವಾಗ ಅಥವಾ ಕೆಮ್ಮುವಾಗ ಹಲವು ದಿನಗಳ ಕಾಲ ಎದೆನೋವು ಕಾಣಿಸಿಕೊಂಡರೆ ನಿರ್ಲಕ್ಷಿಸಬೇಡಿ.

ಸೈಲೆಂಟ್ ನ್ಯುಮೋನಿಯಾದಿಂದ ದೂರವಿರಲು ಏನು ಮಾಡಬೇಕು?

ಮಾಸ್ಕ್ ಧರಿಸಿ.
ಕೈಗಳ ಸ್ವಚ್ಛತೆ ಕಾಪಾಡಿಕೊಳ್ಳಿ.
ವೈದ್ಯರ ಸಲಹೆಯಂತೆ ಸೂಕ್ತ ಲಸಿಕೆಗಳನ್ನು ಹಾಕಿಸಿಕೊಳ್ಳಿ.
ಸಮತೋಲಿತ ಆಹಾರ ಸೇವಿಸಿ.
ಅಗತ್ಯವಿದ್ದಾಗ ಶ್ವಾಸಕೋಶದ ಪರೀಕ್ಷೆ ಮಾಡಿಸಿಕೊಳ್ಳಿ.

ನೀವು ಕೊಂಡ ಚಿನ್ನ, ಬೆಳ್ಳಿ ಅಸಲಿಯೋ, ನಕಲಿಯೊ? ಮನೆಯಲ್ಲಿಯೇ ಮಾಡಿ ಈ ಸುಲಭದ ಪರೀಕ್ಷೆ

Suchethana D — Thu, 22 Oct 2026 18:35:55 +0530

ಈಗ ಹಬ್ಬದ ವಾತಾವರಣ. ಈಗಷ್ಟೇ ದಸರಾ ಮುಗಿದು ಇನ್ನೇನು ದೀಪಾವಳಿ ಆರಂಭವಾಗಲಿದೆ. ಆದ್ದರಿಂದ ಜನರು ಚಿನ್ನ ಮತ್ತು ಬೆಳ್ಳಿಯನ್ನು ಹೇರಳವಾಗಿ ಖರೀದಿಸುತ್ತಿದ್ದಾರೆ. ಚಿನ್ನ, ಬೆಳ್ಳಿಯ ರೇಟ್ ಗಗನಕ್ಕೆ ಏರುತ್ತಿದ್ದರೂ, ಇದನ್ನು ಕೊಳ್ಳುವವರ ಸಂಖ್ಯೆ ಮಾತ್ರ ಕಡಿಮೇನೇನಾಗಿಲ್ಲ. ಕೆಲವೊಂದು ಆಭರಣ ಮಳಿಗೆಗಳಲ್ಲಿ ಹಬ್ಬದ ಸಮಯದಲ್ಲಿ ಮುಗಿಬಿದ್ದು ಗ್ರಾಹಕರು ಕೊಳ್ಳುವುದು ನೋಡಿದರೆ, ನಿಜಕ್ಕೂ ಚಿನ್ನದ ರೇಟ್ ಲಕ್ಷದ ಸಮೀಪ ಬಂದಿದ್ಯಾ ಎಂದು ಎನ್ನಿಸುವುದು ಉಂಟು. ಮಧ್ಯಮ ವರ್ಗದವರು, ಈ ಪರಿಯ ಹಣವನ್ನು ಇವರೆಲ್ಲಾಎಲ್ಲಿಂದ ತರ್ತಾರೆ ಎಂದು ತಲೆಕೆಡಿಸಿಕೊಳ್ಳುವುದೇ ಒಂದು ಕೆಲಸವಾದರೆ, ಅತ್ತ ದೊಡ್ಡ ದೊಡ್ಡ ಏರಿಯಾಗಳಲ್ಲಿ ಚಿನ್ನದ ಮಳಿಗೆಗಳು ತಲೆ ಎತ್ತುವುದು ನೋಡಿದರೆ, ಅಬ್ಬಾ ನಮ್ಮ ಭಾರತ ಇಷ್ಟೊಂದು ಶ್ರೀಮಂತನಾ ಎನ್ನಿಸದೆಯೂ ಇರಲಾರದು!

ಆದರೆ, ಇದೇ ವೇಳೆ ಚಿನ್ನ, ಬೆಳ್ಳಿಯ ಹೆಸರಿನಲ್ಲಿ ಮೋಸ ಹೋಗುವವರು ಅಷ್ಟೇ ಪ್ರಮಾಣದಲ್ಲಿ ಇದ್ದಾರೆ. ನಿಮ್ಮಲ್ಲಿರುವ ಚಿನ್ನ ಮತ್ತು ಬೆಳ್ಳಿ ನಿಜವೋ ಅಥವಾ ನಕಲಿಯೋ ಎಂದು ನೀವು ತಿಳಿದುಕೊಳ್ಳಬೇಕು ಎಂಬುದು ಸ್ಪಷ್ಟವಾಗಿದೆ. ಅಂದರೆ ಚಿನ್ನದ ಶುದ್ಧತೆಯನ್ನು ಹೇಗೆ ಪರಿಶೀಲಿಸುವುದು ಎಂದು ನೀವು ತಿಳಿದಿರಬೇಕು. ಮನೆಯಲ್ಲಿ ಚಿನ್ನ ಮತ್ತು ಬೆಳ್ಳಿಯ ಶುದ್ಧತೆಯ ಪ್ರಾಥಮಿಕ ಅಂದಾಜನ್ನು ಪಡೆಯುವ ಕೆಲವು ಸುಲಭ ವಿಧಾನಗಳನ್ನು ಇಲ್ಲಿ ನಾವು ನಿಮಗೆ ಹೇಳುತ್ತಿದ್ದೇವೆ. ಆದಾಗ್ಯೂ, ಈ ಮನೆ ವಿಧಾನಗಳನ್ನು ಅಂತಿಮ ಪುರಾವೆ ಎಂದು ಪರಿಗಣಿಸಲಾಗುವುದಿಲ್ಲ.

ಆದಾಗ್ಯೂ, ಒಂದು ಮ್ಯಾಗ್ನೆಟ್ ಚಿನ್ನದಲ್ಲಿರುವ ಕಲ್ಮಶಗಳ ಪ್ರಾಥಮಿಕ ಅಂದಾಜನ್ನು ಮಾತ್ರ ನೀಡುತ್ತದೆ, ಆದರೆ ಐಸ್ ಪರೀಕ್ಷೆಯು ಬೆಳ್ಳಿಯ ಸತ್ಯಾಸತ್ಯತೆಯ ಖಾತರಿಯಲ್ಲ. ಅದಕ್ಕಾಗಿಯೇ ಯಾವುದೇ ಅಮೂಲ್ಯ ಲೋಹವನ್ನು ಖರೀದಿಸುವ ಮೊದಲು ಹಾಲ್‌ಮಾರ್ಕ್, ಬಿಲ್ ಮತ್ತು ಸಂಪೂರ್ಣ ಪರಿಶೀಲನೆಯನ್ನು ಪರಿಶೀಲಿಸುವುದು ಬಹಳ ಮುಖ್ಯ. ಚಿನ್ನವನ್ನು ಖರೀದಿಸುವಾಗ, ಚಿನ್ನದ ಶುದ್ಧತೆಯ ಬಗ್ಗೆ ಯಾವುದೇ ಸಂದೇಹವಿಲ್ಲದಂತೆ ಪ್ರತಿಷ್ಠಿತ ಅಂಗಡಿಯಿಂದ ಚಿನ್ನ ಮತ್ತು ಬೆಳ್ಳಿಯನ್ನು ಖರೀದಿಸಲು ಖಚಿತಪಡಿಸಿಕೊಳ್ಳಿ.

ನಿಜವಾದ ಚಿನ್ನವು ಆಯಸ್ಕಾಂತಕ್ಕೆ ಅಂಟಿಕೊಳ್ಳುತ್ತದೆಯೇ?

ಚಿನ್ನವು ಸಾಮಾನ್ಯವಾಗಿ ಆಯಸ್ಕಾಂತಕ್ಕೆ ಅಂಟಿಕೊಳ್ಳುವುದಿಲ್ಲ. ಆದ್ದರಿಂದ, ಬಲವಾದ ಆಯಸ್ಕಾಂತವನ್ನು ಚಿನ್ನದ ವಸ್ತುವಿನ ಬಳಿ ನೇರವಾಗಿ ಹಿಡಿದರೆ, ಅದು ಕಬ್ಬಿಣ ಅಥವಾ ಇನ್ನೊಂದು ಕಾಂತೀಯ ಲೋಹವನ್ನು ಹೊಂದಿದೆಯೇ ಎಂದು ಅನುಮಾನಿಸಬಹುದು. ಆದಾಗ್ಯೂ, ಆಯಸ್ಕಾಂತಕ್ಕೆ ಅಂಟಿಕೊಳ್ಳದ ಎಲ್ಲಾ ಚಿನ್ನವು ನಿಜವಾದದ್ದು ಎಂದು ಇದರ ಅರ್ಥವಲ್ಲ. ಅನೇಕ ನಕಲಿ ಅಥವಾ ಕಲಬೆರಕೆ ಲೋಹಗಳು ಸಹ ಆಯಸ್ಕಾಂತಕ್ಕೆ ಅಂಟಿಕೊಳ್ಳುವುದಿಲ್ಲ. ಇದಲ್ಲದೆ, ಆಭರಣಗಳಲ್ಲಿರುವ ಇತರ ವಸ್ತುಗಳು ಪರೀಕ್ಷಾ ಫಲಿತಾಂಶಗಳ ಮೇಲೆ ಪರಿಣಾಮ ಬೀರಬಹುದು, ಆದ್ದರಿಂದ ಕಾಂತೀಯ ವಿಧಾನವನ್ನು ಪ್ರಾಥಮಿಕ ಪರೀಕ್ಷೆಯಾಗಿ ಮಾತ್ರ ಬಳಸಬೇಕು. ಚಿನ್ನದ ನಿಜವಾದ ಶುದ್ಧತೆಯನ್ನು ನಿರ್ಧರಿಸಲು ಹಾಲ್‌ಮಾರ್ಕ್‌ಗಳು, ಬಿಲ್‌ಗಳು ಮತ್ತು ಪ್ರಮಾಣೀಕೃತ ಪರೀಕ್ಷೆಗಳನ್ನು ಸಹ ಪರಿಗಣಿಸಬೇಕು.

ಐಸ್ನಿಂದ ಬೆಳ್ಳಿಯನ್ನು ಹೇಗೆ ಪರೀಕ್ಷಿಸುವುದು?

ಬೆಳ್ಳಿಯನ್ನು ಆಭರಣಗಳಲ್ಲಿ ಮಾತ್ರವಲ್ಲದೆ ಇತರ ಅನೇಕ ಕೈಗಾರಿಕಾ ಮತ್ತು ವೈಜ್ಞಾನಿಕ ಉದ್ದೇಶಗಳಿಗಾಗಿಯೂ ಬಳಸಲಾಗುತ್ತದೆ. ಬೆಳ್ಳಿಯು ಶಾಖದ ಉತ್ತಮ ವಾಹಕವಾಗಿದೆ. ಈ ಕಾರಣಕ್ಕಾಗಿ, ಶುದ್ಧ ಬೆಳ್ಳಿ ವಸ್ತುವಿನ ಮೇಲೆ ಐಸ್ ಇಡುವುದರಿಂದ ಅದು ಇತರ ಕೆಲವು ಲೋಹಗಳಿಗಿಂತ ವೇಗವಾಗಿ ಕರಗಲು ಕಾರಣವಾಗಬಹುದು. ಅದಕ್ಕಾಗಿಯೇ ಬೆಳ್ಳಿಯನ್ನು ಗುರುತಿಸಲು ಐಸ್ ಪರೀಕ್ಷೆಯನ್ನು ಶಿಫಾರಸು ಮಾಡಲಾಗುತ್ತದೆ. ಆದಾಗ್ಯೂ, ಬೆಳ್ಳಿಗೆ ಅಂಟಿಕೊಳ್ಳುವ ಮಂಜುಗಡ್ಡೆ ಅಥವಾ ಬೇಗನೆ ಕರಗುವುದು ನಿಜವಾದ ಬೆಳ್ಳಿಯ ಪುರಾವೆಯಲ್ಲ. ಇತರ ಹಲವು ಲೋಹಗಳು ಅವುಗಳ ಉತ್ತಮ ಶಾಖ ವಾಹಕಗಳಿಂದಾಗಿ ಈ ಪರಿಣಾಮವನ್ನು ಪ್ರದರ್ಶಿಸಬಹುದು. ಆದ್ದರಿಂದ, ಈ ಮನೆಯ ಪ್ರಯೋಗವನ್ನು ಮಾತ್ರ ಆಧರಿಸಿ ಬೆಳ್ಳಿಯನ್ನು ನಿಜವಾದ ಅಥವಾ ನಕಲಿ ಎಂದು ಘೋಷಿಸುವುದು ಸರಿಯಲ್ಲ.

ಐಸ್ ಬಳಸಿ ಬೆಳ್ಳಿಯನ್ನು ಹೇಗೆ ಪರೀಕ್ಷಿಸುವುದು

ಬೆಳ್ಳಿ ಅಸಲಿಯೋ ನಕಲಿಯೋ ಎಂದು ನೀವು ಪರಿಶೀಲಿಸಲು ಬಯಸಿದರೆ, ನೀವು ಅದನ್ನು ಐಸ್ ತುಂಡಿನಿಂದ ಪರೀಕ್ಷಿಸಬಹುದು. ನೀವು ಈ ಪರೀಕ್ಷೆಯನ್ನು ಮನೆಯಲ್ಲಿಯೇ ಮಾಡಬಹುದು. ರೆಫ್ರಿಜರೇಟರ್ ಅಥವಾ ಫ್ರೀಜರ್‌ನಿಂದ ನೇರವಾಗಿ ಐಸ್ ತುಂಡನ್ನು ತೆಗೆದುಕೊಂಡು ಬೆಳ್ಳಿ ಆಭರಣಗಳು, ಪಾತ್ರೆಗಳು ಅಥವಾ ನಾಣ್ಯಗಳ ಮೇಲೆ ಇರಿಸಿ. ಬೆಳ್ಳಿಯನ್ನು ಶಾಖ ಮತ್ತು ಶಕ್ತಿಯ ಉತ್ತಮ ಉಷ್ಣ ವಾಹಕವೆಂದು ಪರಿಗಣಿಸಲಾಗುತ್ತದೆ. ನೀವು ಐಸ್ ಅನ್ನು ನಿಜವಾದ ಬೆಳ್ಳಿಯ ಮೇಲೆ ಇರಿಸಿದ ತಕ್ಷಣ, ಅದು ಸಾಮಾನ್ಯ ತಾಪಮಾನಕ್ಕಿಂತ ಹೆಚ್ಚು ವೇಗವಾಗಿ ಕರಗುತ್ತದೆ. ಇದು ನಿಜವಾದ ಬೆಳ್ಳಿಯನ್ನು ಸೂಚಿಸುತ್ತದೆ. ಆದಾಗ್ಯೂ, ಐಸ್ ನಿಧಾನವಾಗಿ ಅಥವಾ ಸಾಮಾನ್ಯ ದರದಲ್ಲಿ ಕರಗಿದರೆ ನಕಲಿ ಬೆಳ್ಳಿಯನ್ನು ಗುರುತಿಸಬಹುದು, ಅಂದರೆ ಲೋಹವು ನಕಲಿ ಅಥವಾ ಸರಳವಾಗಿ ಬೆಳ್ಳಿ ಲೇಪನವಾಗಿದೆ.

ದೃಢೀಕರಣವನ್ನು ಖಚಿತಪಡಿಸಿಕೊಳ್ಳಲು ಹಾಲ್‌ಮಾರ್ಕ್ ಪರಿಶೀಲಿಸಿ

ನಿಮ್ಮ ಚಿನ್ನ ನಿಜವಾಗಿದೆಯೇ ಎಂದು ಖಚಿತಪಡಿಸಿಕೊಳ್ಳಲು ನೀವು ಬಯಸಿದರೆ, ಹಾಲ್‌ಮಾರ್ಕ್ ಮತ್ತು ಸಂಬಂಧಿತ ಗುರುತಿನ ಗುರುತುಗಳನ್ನು ಪರಿಶೀಲಿಸುವುದು ಬಹಳ ಮುಖ್ಯ. ಖರೀದಿಸುವಾಗ ಯಾವಾಗಲೂ ಅಧಿಕೃತ ಮಾರಾಟಗಾರರಿಂದ ಬಿಲ್ ಪಡೆಯಿರಿ. ದುಬಾರಿ ವಸ್ತುವಿನ ಶುದ್ಧತೆಯ ಬಗ್ಗೆ ನಿಮಗೆ ಯಾವುದೇ ಸಂದೇಹಗಳಿದ್ದರೆ, ಪ್ರಮಾಣೀಕೃತ ಆಭರಣಕಾರ ಅಥವಾ ಮಾನ್ಯತೆ ಪಡೆದ ಪರೀಕ್ಷಾ ಕೇಂದ್ರದಿಂದ ಅದನ್ನು ಪರೀಕ್ಷಿಸುವುದು ಉತ್ತಮ. ಲೋಹದ ರಚನೆ ಮತ್ತು ಶುದ್ಧತೆಯ ಉತ್ತಮ ಮೌಲ್ಯಮಾಪನಕ್ಕಾಗಿ ಎಕ್ಸ್-ರೇ ಫ್ಲೋರೊಸೆನ್ಸ್ (XRF) ನಂತಹ ಪರೀಕ್ಷೆಗಳು ಅತ್ಯಗತ್ಯ.

ಪತಿ ಪ್ರೇಮ್ ಹುಟ್ಟುಹಬ್ಬಕ್ಕೆ ಮಧ್ಯರಾತ್ರಿ ಸ್ಪೆಷಲ್ ಸರ್ಪ್ರೈಸ್ ಕೊಟ್ಟ ರಕ್ಷಿತಾ: ಅಷ್ಟಕ್ಕೂ ಏನಂದ್ರು?

Govindaraj S — Thu, 22 Oct 2026 18:27:47 +0530

ಕನ್ನಡ ಚಿತ್ರರಂಗದ ಖ್ಯಾತ ನಿರ್ದೇಶಕ ಹಾಗೂ ನಟ ಜೋಗಿ ಪ್ರೇಮ್ ಇಂದು (ಅಕ್ಟೋಬರ್ 22) ತಮ್ಮ ಹುಟ್ಟುಹಬ್ಬವನ್ನು ಸಂಭ್ರಮದಿಂದ ಆಚರಿಸಿಕೊಳ್ಳುತ್ತಿದ್ದಾರೆ. ನೆಚ್ಚಿನ ನಿರ್ದೇಶಕನ ಜನ್ಮದಿನದ ಹಿನ್ನೆಲೆಯಲ್ಲಿ ಅಭಿಮಾನಿಗಳು, ಸಿನಿಮಾ ತಾರೆಯರು ಹಾಗೂ ಆಪ್ತರು ಸಾಮಾಜಿಕ ಜಾಲತಾಣಗಳ ಮೂಲಕ ಶುಭಾಶಯಗಳನ್ನು ತಿಳಿಸುತ್ತಿದ್ದಾರೆ. ಈ ನಡುವೆ ಪತ್ನಿ ರಕ್ಷಿತಾ ಪ್ರೇಮ್ ಅವರು ಪತಿಗೆ ವಿಶೇಷವಾಗಿ ಶುಭಕೋರುವ ಮೂಲಕ ಗಮನ ಸೆಳೆದಿದ್ದಾರೆ.

ಮಧ್ಯರಾತ್ರಿ ಕೇಕ್ ಕಟ್ ಮಾಡಿಸಿ ಪ್ರೇಮ್‌ಗೆ ವಿಶ್ ಮಾಡಿದ ರಕ್ಷಿತಾ!

ಪತಿ ಪ್ರೇಮ್ ಅವರ ಹುಟ್ಟುಹಬ್ಬವನ್ನು ವಿಶೇಷವಾಗಿಸಿದ ರಕ್ಷಿತಾ ಪ್ರೇಮ್, ಮಧ್ಯರಾತ್ರಿ ಕೇಕ್ ಕತ್ತರಿಸಿ ಸಂಭ್ರಮಿಸಿದ ಕ್ಷಣಗಳ ಫೋಟೊಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಪ್ರೇಮ್ ಅವರಿಗೆ ಪ್ರೀತಿಯಿಂದ ಶುಭಾಶಯ ತಿಳಿಸಿರುವ ಅವರು, ಈ ವರ್ಷ ಅವರ ವೃತ್ತಿಜೀವನದಲ್ಲಿ ಅತ್ಯಂತ ಯಶಸ್ವಿ ವರ್ಷವಾಗಲಿ ಎಂದು ಹಾರೈಸಿದ್ದಾರೆ.

ರಕ್ಷಿತಾ ಅವರ ಈ ವಿಶೇಷ ಶುಭಾಶಯದ ಪೋಸ್ಟ್ ಅಭಿಮಾನಿಗಳ ಗಮನ ಸೆಳೆದಿದ್ದು, ಜೋಗಿ ಪ್ರೇಮ್ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ಪ್ರೇಮ್ ಅವರ ಜನ್ಮದಿನದ ಸಂಭ್ರಮದಲ್ಲಿ ನಟ ರಾಣಾ ಮತ್ತು ಅವರ ಪತ್ನಿ, ಪ್ರೇಮ್-ರಕ್ಷಿತಾ ದಂಪತಿಯ ಪುತ್ರ ಸೂರ್ಯ ಸೇರಿದಂತೆ ಹಲವರು ಭಾಗಿಯಾಗಿದ್ದಾರೆ. ಈ ಸಂಭ್ರಮದ ಫೋಟೊಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿವೆ.

‘ಜೋಗಿ’ಯಿಂದ ‘ಏಕ್ ಲವ್ ಯಾ’ವರೆಗೆ ಪ್ರೇಮ್ ಸಿನಿ ಪಯಣ!

ತಮ್ಮದೇ ಆದ ವಿಶಿಷ್ಟ ಶೈಲಿ, ವಿಭಿನ್ನ ಕಥೆ ಹೇಳುವ ವಿಧಾನ ಮತ್ತು ಸಂಗೀತಕ್ಕೆ ವಿಶೇಷ ಒತ್ತು ನೀಡುವ ಮೂಲಕ ಜೋಗಿ ಪ್ರೇಮ್ ಕನ್ನಡ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ‘ಎಕ್ಸ್‌ಕ್ಯೂಸ್ ಮಿ’, ‘ಕರಿಯ’, ‘ಜೋಗಿ’, ‘ಈ ಪ್ರೀತಿ ಯಾಕೆ ಭೂಮಿ ಮೇಲಿದೆ’, ‘ಜೋಗಯ್ಯ’, ‘ಡಿಕೆ’, ‘ದಿ ವಿಲನ್’ ಹಾಗೂ ‘ಏಕ್ ಲವ್ ಯಾ’ ಸೇರಿದಂತೆ ಹಲವು ಸಿನಿಮಾಗಳಿಗೆ ಅವರು ನಿರ್ದೇಶನ ಮಾಡಿದ್ದಾರೆ.

ಪ್ರೇಮ್ ನಿರ್ದೇಶನದ ಸಿನಿಮಾಗಳು ತಮ್ಮ ವಿಭಿನ್ನ ನಿರೂಪಣೆ ಮತ್ತು ಭಾವನಾತ್ಮಕ ಅಂಶಗಳಿಂದ ಪ್ರೇಕ್ಷಕರ ಗಮನ ಸೆಳೆದಿವೆ. ನಿರ್ದೇಶನದ ಜೊತೆಗೆ ನಟನೆಯಲ್ಲಿಯೂ ಗುರುತಿಸಿಕೊಂಡಿರುವ ಅವರು, ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಆದ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ.

ಕಿಚ್ಚ ಸುದೀಪ್ ಜೊತೆ ಹೊಸ ಸಿನಿಮಾ; ಅಭಿಮಾನಿಗಳಲ್ಲಿ ಹೆಚ್ಚಿದ ನಿರೀಕ್ಷೆ!

ಇನ್ನೊಂದೆಡೆ, ಜೋಗಿ ಪ್ರೇಮ್ ಹಾಗೂ ಕಿಚ್ಚ ಸುದೀಪ್ ಅವರ ಕಾಂಬಿನೇಷನ್‌ನಲ್ಲಿ ಹೊಸ ಸಿನಿಮಾ ಮೂಡಿಬರಲು ಸಿದ್ಧವಾಗುತ್ತಿದೆ. ಈ ಇಬ್ಬರು ಜನಪ್ರಿಯ ಕಲಾವಿದರು ಒಂದಾಗುತ್ತಿರುವುದು ಅಭಿಮಾನಿಗಳಲ್ಲಿ ಈಗಾಗಲೇ ಕುತೂಹಲ ಮೂಡಿಸಿದೆ. ಚಿತ್ರದ ಕುರಿತು ಹೆಚ್ಚಿನ ಮಾಹಿತಿ ಹೊರಬರಬೇಕಿದ್ದು, ಪ್ರೇಮ್ ಅವರ ಮುಂದಿನ ಸಿನಿಮಾ ಯಾವ ರೀತಿಯ ಕಥೆಯೊಂದಿಗೆ ಪ್ರೇಕ್ಷಕರ ಮುಂದೆ ಬರಲಿದೆ ಎಂಬ ನಿರೀಕ್ಷೆ ಹೆಚ್ಚಾಗಿದೆ.

ಸದ್ಯ ಹುಟ್ಟುಹಬ್ಬದ ಸಂಭ್ರಮ, ಪತ್ನಿ ರಕ್ಷಿತಾ ಅವರ ಪ್ರೀತಿಯ ಶುಭಾಶಯಗಳು ಹಾಗೂ ಕಿಚ್ಚ ಸುದೀಪ್ ಜೊತೆಗಿನ ಹೊಸ ಸಿನಿಮಾದ ನಿರೀಕ್ಷೆ. ಜೋಗಿ ಪ್ರೇಮ್ ಅವರಿಗೆ ಈ ಜನ್ಮದಿನವನ್ನು ಮತ್ತಷ್ಟು ವಿಶೇಷವಾಗಿಸಿವೆ. ನೆಚ್ಚಿನ ನಿರ್ದೇಶಕನಿಗೆ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಶುಭಾಶಯಗಳನ್ನು ತಿಳಿಸುತ್ತಿದ್ದಾರೆ.

ದೇಶಾದ್ಯಂತ ಜಾವಾ ಯೆಜ್ಡಿ ಭಾರಿ ಜಾಲ ವಿಸ್ತರಣೆ, 2028 ರ ವೇಳೆಗೆ 700 ಶೋರೂಮ್‌ಗಳ ಬೃಹತ್ ಗುರಿ!

Gowthami K — Thu, 22 Oct 2026 18:19:56 +0530

ಬೆಂಗಳೂರು: ಖ್ಯಾತ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾದ ಜಾವಾ-ಯೆಜ್ಡಿ ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ ನೆಲೆಯನ್ನು ಮತ್ತಷ್ಟು ಬಲಪಡಿಸಲು ಮುಂದಾಗಿದೆ. ದೇಶಾದ್ಯಂತ ಗ್ರಾಹಕರಿಗೆ ತಲುಪುವ ಉದ್ದೇಶದಿಂದ ಬೃಹತ್ ಮಾರಾಟ ಮತ್ತು ಸೇವಾ ಜಾಲ ವಿಸ್ತರಣೆ ಯೋಜನೆಯನ್ನು ಪ್ರಕಟಿಸಿದ್ದು, 2028ರ ಆರ್ಥಿಕ ವರ್ಷದ ವೇಳೆಗೆ 700ಕ್ಕೂ ಹೆಚ್ಚು ಶೋರೂಮ್‌ಗಳನ್ನು ತೆರೆಯುವ ಬೃಹತ್ ಮೈಲಿಗಲ್ಲಿನ ಗುರಿಯನ್ನು ನಿಗದಿಪಡಿಸಿಕೊಂಡಿದೆ. ಪ್ರಸ್ತುತ 2026ನೇ ಸಾಲಿನಲ್ಲಿ ಸಂಸ್ಥೆಯು 500 ಡೀಲರ್‌ಶಿಪ್‌ಗಳ ಮೈಲಿಗಲ್ಲನ್ನು ಸಾಧಿಸುವ ನಿಟ್ಟಿನಲ್ಲಿ ಶರವೇಗದಲ್ಲಿ ಸಾಗುತ್ತಿದೆ.

ಮಾರಾಟದ ನಂತರದ ಸೇವೆ ಮತ್ತು ಬಿಡಿಭಾಗ ಪೂರೈಕೆಗೆ ಹೆಚ್ಚಿನ ಆದ್ಯತೆ

ಕೇವಲ ಹೊಸ ವಾಹನಗಳನ್ನು ಮಾರಾಟ ಮಾಡುವುದಕ್ಕೆ ಮಾತ್ರ ಸೀಮಿತವಾಗದೆ, ವಾಹನ ಖರೀದಿಸಿದ ನಂತರ ಗ್ರಾಹಕರಿಗೆ ನೀಡಲಾಗುವ ಸೇವಾ ಗುಣಮಟ್ಟವನ್ನು ಹೆಚ್ಚಿಸಲು ಕಂಪನಿ ವಿಶೇಷ ಆದ್ಯತೆ ನೀಡಿದೆ. ಗ್ರಾಹಕರಿಗೆ ಅಗತ್ಯವಿರುವ ಅಧಿಕೃತ ಬಿಡಿಭಾಗಗಳು ಯಾವುದೇ ವಿಳಂಬವಿಲ್ಲದೆ ಸುಲಭವಾಗಿ ಸಿಗುವಂತೆ ಪೂರೈಕೆ ಜಾಲವನ್ನು ಬಲಪಡಿಸಲಾಗಿದೆ.

ಅಲ್ಲದೆ, ಶೋರೂಮ್ ಮತ್ತು ಸರ್ವಿಸ್ ಸೆಂಟರ್‌ಗಳನ್ನು ಕೇವಲ ಮಹಾನಗರಗಳಿಗೆ ಸೀಮಿತಗೊಳಿಸದೆ, ದ್ವಿತೀಯ ಮತ್ತು ತೃತೀಯ ಹಂತದ ಸಣ್ಣ ನಗರಗಳಿಗೂ ವಿಸ್ತರಿಸಲಾಗುತ್ತಿದೆ. ಗ್ರಾಹಕರ ವಾಹನಗಳ ನಿಯಮಿತ ನಿರ್ವಹಣೆಗಾಗಿ ದೇಶಾದ್ಯಂತ ಲೆಜೆಂಡ್ಸ್ ಕೇರ್ ಕ್ಯಾಂಪ್ ಎಂಬ ವಿಶೇಷ ಸೇವಾ ಶಿಬಿರಗಳನ್ನು ಆಯೋಜಿಸಲಾಗುತ್ತಿದೆ.

ವಾಹನಗಳ ನಿರ್ಮಾಣ ಗುಣಮಟ್ಟದಲ್ಲಿ ಸುಧಾರಣೆ ಹಾಗೂ ವಾರಂಟಿ ಕೊಡುಗೆ

ಇತ್ತೀಚಿನ ತಲೆಮಾರಿನ ಜಾವಾ ಮತ್ತು ಯೆಜ್ಡಿ ಮೋಟಾರ್‌ಸೈಕಲ್‌ಗಳ ನಿರ್ಮಾಣ ಗುಣಮಟ್ಟ ಪೇಂಟಿಂಗ್ ಹಾಗೂ ಫಿಟ್ಟಿಂಗ್‌ಗಳಲ್ಲಿ ಗಣನೀಯ ಸುಧಾರಣೆ ಕಂಡುಬಂದಿದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ವರದಿ ಮಾಡಿದ್ದಾರೆ.

ಗ್ರಾಹಕರ ವಿಶ್ವಾಸವನ್ನು ಹೆಚ್ಚಿಸುವ ನಿಟ್ಟಿನಲ್ಲಿ, ಕಂಪನಿಯು ತನ್ನ ನೂತನ ಮೋಟಾರ್‌ಸೈಕಲ್‌ಗಳಿಗೆ 4 ವರ್ಷಗಳು ಅಥವಾ 50,000 ಕಿಲೋಮೀಟರ್‌ಗಳ ಉಚಿತ ಸ್ಟ್ಯಾಂಡರ್ಡ್ ವಾರಂಟಿಯನ್ನು ಘೋಷಿಸಿದೆ. ಇದರೊಂದಿಗೆ ಆಸಕ್ತ ಗ್ರಾಹಕರಿಗೆ ವಿಸ್ತೃತ ವಾರಂಟಿ ವಾರ್ಷಿಕ ನಿರ್ವಹಣಾ ಒಪ್ಪಂದ ಹಾಗೂ ತುರ್ತು ರೋಡ್‌ಸೈಡ್ ಸಿಸ್ಟನ್ಸ್ ಸೇವೆಗಳನ್ನೂ ಒದಗಿಸಲಾಗುತ್ತಿದೆ.

ಗ್ರಾಹಕರ ತೃಪ್ತಿಯೇ ನಮ್ಮ ಮುಖ್ಯ ಗುರಿ: ಅನುಪಮ್ ಥರೇಜಾ

ಕಂಪನಿಯ ಈ ಬೃಹತ್ ವಿಸ್ತರಣಾ ಹೆಜ್ಜೆಯ ಕುರಿತು ಮಾತನಾಡಿದ ಕ್ಲಾಸಿಕ್ ಲೆಜೆಂಡ್ಸ್‌ನ ಸಹ-ಸಂಸ್ಥಾಪಕ ಅನುಪಮ್ ಥರೇಜಾ, ಕಳೆದ ಕೆಲವು ವರ್ಷಗಳಿಂದ ಗ್ರಾಹಕರಿಗೆ ಉತ್ತಮ ಸೇವಾ ಅನುಭವ ನೀಡುವುದರ ಮೇಲೆ ನಾವು ತೀವ್ರ ಗಮನ ಹರಿಸಿದ್ದೇವೆ. ನೆಟ್‌ವರ್ಕ್ ವಿಸ್ತರಣೆ, ಸರ್ವಿಸ್ ಲಭ್ಯತೆ ಮತ್ತು ಮೂಲ ಬಿಡಿಭಾಗಗಳನ್ನು ಸುಲಭವಾಗಿ ಒದಗಿಸುವ ಮೂಲಕ ಪ್ರತಿಯೊಬ್ಬ ಗ್ರಾಹಕನಿಗೆ ಸಂಪೂರ್ಣ ವಿಶ್ವಾಸಾರ್ಹ ಸೇವೆ ನೀಡುವುದು ನಮ್ಮ ಆಶಯವಾಗಿದೆ. ಜಾವಾ, ಯೆಜ್ಡಿ ಅಥವಾ ಬಿಎಸ್‌ಎ ಮೋಟಾರ್‌ಸೈಕಲ್ ಖರೀದಿಸುವ ಪ್ರತಿಯೊಬ್ಬ ವಾಹನ ಸವಾರನಿಗೂ ಯಾವುದೇ ಕಿರಿಕಿರಿಯಿಲ್ಲದ ತೊಂದರೆರಹಿತ ಅನುಭವ ಸಿಗುವಂತೆ ಮಾಡುವುದೇ ನಮ್ಮ ಮುಖ್ಯ ಗುರಿ ಎಂದು ಸ್ಪಷ್ಟಪಡಿಸಿದ್ದಾರೆ.

ಒಟ್ಟಾರೆಯಾಗಿ, ಜಾವಾ-ಯೆಜ್ಡಿ ಸಂಸ್ಥೆಯು ಹೊಸ ಮಾಡೆಲ್‌ಗಳನ್ನು ಪರಿಚಯಿಸುವುದರ ಜೊತೆಗೆ, ಬಲವಾದ ಸರ್ವಿಸ್ ಮೂಲಸೌಕರ್ಯವನ್ನು ನಿರ್ಮಿಸುವ ಮೂಲಕ ಭಾರತೀಯ ಆಟೋ ಮೊಬೈಲ್ ಕ್ಷೇತ್ರದಲ್ಲಿ ಹೊಸ ಸಂಚಲನ ಸೃಷ್ಟಿಸಲು ಸಜ್ಜಾಗಿದೆ.

ಬೆಂಗಳೂರಲ್ಲಿ ಕೈಕೊಟ್ಟ ಸ್ಪೈಸ್‌ ಜೆಟ್‌ನ 3 ವಿಮಾನಗಳು.. ಪ್ರಯಾಣಿಕರಿಂದ ಭುಗಿಲೆದ್ದ ಆಕ್ರೋಶ

Ganesh Mabla Gowda — Thu, 22 Oct 2026 18:13:45 +0530

ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಸ್ಪೈಸ್‌ ಜೆಟ್‌ನ ಮೂರು ವಿಮಾನಗಳು ಪ್ರಯಾಣಿಕರಿಗೆ ಕೈಕೊಟ್ಟಿದ್ದು, ಪ್ರಯಾಣಿಕರ ಆಕ್ರೋಶಕ್ಕೆ ಕಾರಣವಾಗಿದೆ. ಸ್ಪೈಸ್ ಜೆಟ್‌ನ ಮೂರು ವಿಮಾನಗಳ ಹಾರಾಟದಲ್ಲಿ ಭಾರೀ ವಿಳಂಭವಾಗಿದೆ. ದೇವನಹಳ್ಳಿ ಬಳಿಯ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಘಟನೆ ನಡೆದಿದೆ.

ಗಂಟೆಗಳ ಮುಂಚೆಯೆ ಏರ್‍‌ಪೋರ್ಟ್‌ಗೆ ಬಂದು ಕುಳಿತಿದ್ದ ಪ್ರಯಾಣಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನಗರದ ಕೆಂಪೇಗೌಡ ಏರ್‍‌ಪೋರ್ಟ್‌ನಲ್ಲಿ ನೂರಾರು ಪ್ರಯಾಣಿಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ವಿಮಾನ ಹಾರಾಟದಲ್ಲಿ ವಿಳಂಬ ಆಗಿದೆ. ಜೊತೆಗೆ ಟೆಕ್ನಿಕಲ್ ಸಮಸ್ಯೆ ಹೇಳಿ ನಮಗೆ ಬೋರ್ಡಿಂಗ್ ಪಾಸ್ ಕೂಡ ನೀಡದೇ ವಿಳಂಬ ಮಾಡಿದ್ದಾರೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ಎಲ್ಲಿಂದ ಎಲ್ಲಿಗೆ ಹೋಗಬೇಕಿತ್ತು?

ಮೂರು ಸ್ಪೈಸ್ ಜೆಟ್ ವಿಮಾನಗಳು ಬೆಂಗಳೂರಿನಿಂದ ಕೊಲ್ಕತ್ತಾ ಮತ್ತು ಮುಂಬೈಗೆ ತೆರಳಬೇಕಿದ್ದವು. SG 158 ಬೆಂಗಳೂರು ಕೊಲ್ಕತ್ತಾ ಪ್ಲೈಟ್ ನಲ್ಲಿ 135 ಜನರು ಪ್ರಯಾಣ ಮಾಡಬೇಕಿತ್ತು. SG 647 ಬೆಂಗಳೂರು-ಕೊಲ್ಕತ್ತಾ 161 ಜನರು ಪ್ರಯಾಣಿಸಿಬೇಕಿತ್ತು. SG 633 ಬೆಂಗಳೂರು ಮುಂಬೈ ಪ್ಲೈಟ್ ನ 177 ಜನ ಪ್ರಯಾಣಿಕರು ಪ್ರಯಾಣ ಬೆಳಸಬೇಕಿತ್ತು.

ನಿನ್ನೆ ರಾತ್ರಿಯಿಂದ ಕೆಐಎಬಿ ಏರ್‍‌ ಪೋರ್ಟ್‌ನಲ್ಲೇ ಪ್ರಯಾಣಿಕರು ಬೀಡು ಬಿಟ್ಟಿದ್ದಾರೆ. ವಿಮಾನಕ್ಕಾಗಿ ಕಾದು, ಕಾದು ಸುಸ್ತಾಗಿರುವ ಪ್ರಯಾಣಿಕರು ಸ್ಪೈಸ್ ಜೆಟ್ ಏರ್‍‌ಲೈನ್ಸ್ ವಿರುದ್ಧ ವಿರುದ್ದ ಆಕ್ರೋಶ ಹೊರ ಹಾಕುತ್ತಿದ್ದಾರೆ. ಸಮರ್ಪಕ ಮಾಹಿತಿ ಸಹ ನೀಡದೇ ಗಂಟೆಗಟ್ಟಲೇ ನಮ್ಮನ್ನು ಕಾಯಿಸುತ್ತಿದ್ದಾರೆ. ಬೇರೆ ಬೇರೆ ಕೆಲಸಗಳ ನಿಮಿತ್ತ ನಾವು ಪ್ರಯಾಣ ಬೆಳೆಸುತ್ತಿದ್ದೇವು. ಆದರೆ ವಿಮಾನ ಇಷ್ಟೊಂದು ತಡವಾದರೆ ನಮ್ಮ ಕತೆ ಏನು ಎಂದು ಪ್ರಶ್ನೆ ಮಾಡಿದ್ದಾರೆ.

ಸ್ಪಷ್ಟನೆ ನೀಡದ ಏರ್‍‌ಲೈನ್ಸ್

ಇನ್ನು ವಿಮಾನ ಹಾರಾಟದಲ್ಲಿ ವಿಳಂಬ ಆಗರೋದಕ್ಕೆ ಇದುವರೆಗೆ ಯಾವುದೇ ಸ್ಪಷ್ಟನೆ ನೀಡಿಲ್ಲ ಅನ್ನೋದು ಪ್ರಯಾಣಿಕರ ಆಕ್ರೋಶ. ಯಾಕೆ ವಿಳಂಬ ಆಗ್ತಿದೆ? ಟೆಕ್ನಿಕಲ್ ಸಮಸ್ಯೆ ಅಂದರೆ ಏನು? ಬದಲಿ ವಿಮಾನಗಳು ಇರಲಿಲ್ಲವೇ? ಪ್ರಯಾಣಿಕರಿಗೆ ಆಗಿರುವ ನಷ್ಟಕ್ಕೆ ಸಂಸ್ಥೆ ಜವಾಬ್ದಾರಿ ಆಗಲಿದೆಯೇ? ಎಂಬ ಪ್ರಶ್ನೆಗಳು ಶುರುವಾಗಿದೆ. ಕೂಡಲೇ ವಿಳಂಬ ಪ್ರಯಾಣಕ್ಕೆ ಏರ್‍‌ಲೈನ್ಸ್ ಸೂಕ್ತ ತನಿಖೆ ನಡೆಸಬೇಕು ಎಂದು ಪ್ರಯಾಣಿಕರು ಒತ್ತಾಯಿಸಿದ್ದಾರೆ.

ಹಾಲಿವುಡ್ ಸಿನಿಮಾ ನೋಡಿದ್ರೂ ಸ್ಯಾಂಡಲ್‌ವುಡ್‌ ಸ್ಟಾರ್‌ಗೆ ಬಹುಪರಾಕ್.. ಯದುವೀರ್ ಒಡೆಯರ್ ನೆಚ್ಚಿನ ನಟ ಯಾರು ಗೊತ್ತೇ?

Ashwini HR — Thu, 22 Oct 2026 18:06:07 +0530

ಮೈಸೂರು ರಾಜವಂಶಸ್ಥರು ಹಾಗೂ ಸಂಸದರಾದ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಅವರ ರಾಜಕೀಯ ಮತ್ತು ರಾಜಮನೆತನದ ಬದುಕಿನ ಬಗ್ಗೆ ಎಲ್ಲರಿಗೂ ತಿಳಿದೇ ಇದೆ. ಆದರೆ, ಅವರ ವೈಯಕ್ತಿಕ ಜೀವನದ ಇಷ್ಟಗಳು, ಮೆಚ್ಚಿನ ಹವ್ಯಾಸಗಳು ಹೇಗಿವೆ ಎಂಬ ಕುತೂಹಲ ಅವರ ಅಭಿಮಾನಿಗಳಲ್ಲಿ ಸದಾ ಇರುತ್ತದೆ. ಇತ್ತೀಚೆಗೆ ನಡೆದ ಸಂದರ್ಶನವೊಂದರಲ್ಲಿ ತಮ್ಮ ಮನದಾಳದ ಇಷ್ಟ-ಕಷ್ಟಗಳನ್ನು ಮುಕ್ತವಾಗಿ ಹಂಚಿಕೊಂಡಿರುವ ಯದುವೀರ್, ಒಡವೆ-ವಸ್ತ್ರಗಳಾಚೆಗಿನ ತಮ್ಮ ಸರಳ ಹಾಗೂ ವಿಭಿನ್ನ ಲೋಕವನ್ನು ತೆರೆದಿಟ್ಟಿದ್ದಾರೆ.

ಯಾವ ಆಹಾರ, ಸಿನಿಮಾ ಇಷ್ಟ?

ಸಾಮಾನ್ಯವಾಗಿ ಎಲ್ಲರಿಗೂ ಮೈಸೂರು ಮಸಾಲೆ ದೋಸೆ ಎಂದರೆ ಅಚ್ಚುಮೆಚ್ಚು. ಆದರೆ, ಯದುವೀರ್ ಅವರಿಗೆ ಮಸಾಲೆ ದೋಸೆಗಿಂತ 'ಸೆಟ್ ದೋಸೆ' ಎಂದರೆ ಹೆಚ್ಚು ಇಷ್ಟವಂತೆ. ಇನ್ನು ಆಹಾರ ಪದ್ಧತಿಯ ವಿಚಾರಕ್ಕೆ ಬಂದರೆ, ದಕ್ಷಿಣ ಭಾರತೀಯ ಅಡುಗೆಗಳ ಜೊತೆಗೆ ಅವರಿಗೆ ಜಪಾನೀಸ್ ಅಡುಗೆಗಳು ಬಹಳ ಇಷ್ಟ ಎಂದು ಹೇಳಿದ್ದಾರೆ. ಸಿನಿಮಾದ ವಿಷಯ ಬಂದಾಗ, ಕಾದಂಬರಿ ಆಧಾರಿತ ಇಂಗ್ಲಿಷ್‌ನ 'ಟೆಂಕರ್ ಟೇಲರ್ ಸೋಲ್ಜರ್ ಸ್ಪೈ' (Tinker Tailor Soldier Spy) ಎಂಬ ಸ್ಪೈ ಥ್ರಿಲ್ಲರ್ ಸಿನಿಮಾ ತಮ್ಮ ಆಲ್-ಟೈಮ್ ಫೇವರಿಟ್ ಎಂದಿದ್ದಾರೆ.

ಇವರ ನಟನೆಗೆ ಮೆಚ್ಚುಗೆ

ಸ್ಯಾಂಡಲ್‌ವುಡ್‌ನ ನೆಚ್ಚಿನ ನಟನ ಕುರಿತು ಮಾತನಾಡಿದ ಅವರು, "ಕನ್ನಡದಲ್ಲಿ ರಿಷಬ್ ಶೆಟ್ಟಿ ಅವರ ಸಿನಿಮಾಗಳು ನನಗೆ ಬಹಳ ಇಷ್ಟ. ನಮ್ಮ ಸಂಸ್ಕೃತಿಯನ್ನು ಎತ್ತಿಹಿಡಿಯುತ್ತಾ, ನಮ್ಮ ಪಾರಂಪರಿಕ ಮೌಲ್ಯಗಳನ್ನು ರಕ್ಷಿಸಿ ಪ್ರದರ್ಶಿಸುವ ದೃಷ್ಟಿಯಲ್ಲಿ ಅವರು ಅತ್ಯುತ್ತಮ ಚಿತ್ರಗಳನ್ನು ಮಾಡುತ್ತಿದ್ದಾರೆ" ಎಂದು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.

ಯಾವ ಪುಸ್ತಕ, ಕ್ರೀಡೆ ಇಷ್ಟ?

ಯದುವೀರ್ ಅವರಿಗೆ ಓದುವುದೆಂದರೆ ಅಚ್ಚುಮೆಚ್ಚು. ವಿಶೇಷವೆಂದರೆ, ವಿಮಾನಯಾನ ಅಥವಾ ಪ್ರಯಾಣದ ವೇಳೆಯೂ ಮೊಬೈಲ್ ಅಥವಾ ಲ್ಯಾಪ್‌ಟಾಪ್ ಬಳಸುವ ಬದಲು, ಭೌತಿಕ ಪುಸ್ತಕಗಳನ್ನೇ (Physical Books) ಕೈಯಲ್ಲಿ ಹಿಡಿದು ಓದುವ ಹವ್ಯಾಸವನ್ನು ಇಂದಿಗೂ ರೂಢಿಸಿಕೊಂಡಿದ್ದಾರೆ. ಇನ್ನು ಕ್ರೀಡಾ ಲೋಕದಲ್ಲಿ ಇವರಿಗೆ ಬಾಸ್ಕೆಟ್‌ಬಾಲ್ ಹಾಗೂ 'ಫಾರ್ಮುಲಾ 1' (Formula 1) ರೇಸಿಂಗ್ ವೀಕ್ಷಿಸುವುದು ಅಂದರೆ ತುಂಬಾ ಇಷ್ಟವಂತೆ.

ಮೈಸೂರಿನ ಪ್ರಕೃತಿ ಪ್ರೇಮಿ

ಹೃದಯಸ್ಪರ್ಶಿ ವಿಷಯವೆಂದರೆ, ಇಡೀ ಮೈಸೂರು ನಗರದಲ್ಲಿ ಅವರಿಗೆ ಅತಿ ಹೆಚ್ಚು ಇಷ್ಟವಾದ ಜಾಗಗಳು ಯಾವುವು ಎಂಬ ಪ್ರಶ್ನೆಗೆ, ಅವರು ರಾಜಮನೆತನದ ಅರಮನೆಗಳ ಹೆಸರನ್ನು ಹೇಳದೆ, ಮೈಸೂರಿನ ನೈಸರ್ಗಿಕ ಪರಿಸರವನ್ನು ನೆರೆದಿದ್ದಾರೆ. ಕುಕ್ಕರಹಳ್ಳಿ ಕೆರೆ, ಲಿಂಗಾಂಬುಧಿ ಕೆರೆ ಹಾಗೂ ದೇವನೂರು ಕೆರೆಗಳ ಸುತ್ತಮುತ್ತಲಿನ ಹಸಿರು ವಾತಾವರಣ ಮತ್ತು ಪ್ರಕೃತಿಯ ಮಡಿಲು ತಮಗೆ ಅತ್ಯಂತ ನೆಮ್ಮದಿ ನೀಡುವ ತಾಣಗಳು ಎಂದು ತಿಳಿಸುವ ಮೂಲಕ ತಮ್ಮೊಳಗಿನ ಪ್ರಕೃತಿ ಪ್ರೇಮವನ್ನು ಹೊರಹಾಕಿದ್ದಾರೆ. ಈ ಸರಳತೆಯ ಮಾತುಗಳು ಸದ್ಯ ಎಲ್ಲರ ಗಮನ ಸೆಳೆದಿವೆ.

ಅಮೆರಿಕದಲ್ಲಿ ವಿದ್ಯಾಭ್ಯಾಸ

ಯದುವೀರ್ ಒಡೆಯರ್ ಅವರು ಬೋಸ್ಟನ್ ವಿಶ್ವವಿದ್ಯಾಲಯದಲ್ಲಿ (Boston University) ಅರ್ಥಶಾಸ್ತ್ರ ಮತ್ತು ಇಂಗ್ಲಿಷ್ ಸಾಹಿತ್ಯದಲ್ಲಿ ಉನ್ನತ ಶಿಕ್ಷಣ ಪಡೆದವರು. ವಿದೇಶದಲ್ಲಿ ಅಷ್ಟು ಆಧುನಿಕ ಶಿಕ್ಷಣ ಪಡೆದು ಬಂದಿದ್ದರೂ, ಅವರಲ್ಲಿನ ಅಪ್ಪಟ ಭಾರತೀಯತೆ ಮತ್ತು ದೇಸಿ ಸಂಸ್ಕೃತಿಯ ಮೇಲಿನ ಗೌರವ ಕಿಂಚಿತ್ತೂ ಕಮ್ಮಿಯಾಗಿಲ್ಲ ಎಂಬುದಕ್ಕೆ ಅವರ ಈ ಸರಳ ಇಷ್ಟಗಳೇ ಸಾಕ್ಷಿ. ಜಪಾನೀಸ್ ಫುಡ್ ಇಷ್ಟಪಟ್ಟರೂ, ಮಸಾಲೆ ದೋಸೆ ಬದಲು 'ಸೆಟ್ ದೋಸೆ' ಎನ್ನುವ ಅವರ ದೇಶಿ ರುಚಿಯ ಒಲವು ಇದಕ್ಕೆ ಉತ್ತಮ ಉದಾಹರಣೆ.

ತಲೈವಾ ಎದುರು ಭಾವುಕರಾದ ನಟಿ ಮೇಘನಾ ರಾಜ್: ಕನ್ನಡದಲ್ಲೇ ರಜನಿಕಾಂತ್ ಕೇಳಿದ ಪ್ರಶ್ನೆ ಇದು!

Govindaraj S — Thu, 22 Oct 2026 18:04:19 +0530

ಸ್ಯಾಂಡಲ್‌ವುಡ್ ನಟಿ ಮೇಘನಾ ರಾಜ್ ಬಹಳ ವರ್ಷಗಳ ಬಳಿಕ ತಮಿಳು ಚಿತ್ರರಂಗಕ್ಕೆ ಮರಳಿದ್ದಾರೆ. ಸೂಪರ್‌ಸ್ಟಾರ್ ರಜನಿಕಾಂತ್ ನಟನೆಯ ‘ಜೈಲರ್ 2’ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಅವರು, ಕನ್ನಡದ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅವರೊಂದಿಗೂ ತೆರೆ ಹಂಚಿಕೊಂಡಿದ್ದಾರೆ. ಬರೋಬ್ಬರಿ 14 ವರ್ಷಗಳ ಬಳಿಕ ತಮಿಳು ಸಿನಿಮಾದಲ್ಲಿ ನಟಿಸಿರುವ ಮೇಘನಾ ರಾಜ್, ಈ ಚಿತ್ರದ ಚಿತ್ರೀಕರಣದ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ಅದರಲ್ಲೂ ಮೊದಲ ಬಾರಿಗೆ ರಜನಿಕಾಂತ್ ಅವರನ್ನು ನೇರವಾಗಿ ಭೇಟಿಯಾದ ಕ್ಷಣವನ್ನು ನೆನಪಿಸಿಕೊಂಡಿರುವ ಅವರು, ಭಾವುಕರಾಗಿದ್ದಾರೆ.

ರಜನಿಕಾಂತ್ ಎದುರು ಬಂದಾಗ ಭಾವುಕರಾದ ಮೇಘನಾ ರಾಜ್!

ರಜನಿಕಾಂತ್ ಅವರನ್ನು ಮೊದಲ ಬಾರಿಗೆ ನೇರವಾಗಿ ಭೇಟಿಯಾಗಿದ್ದು ‘ಜೈಲರ್ 2’ ಚಿತ್ರದ ಸೆಟ್‌ನಲ್ಲಿಯೇ ಎಂದು ಮೇಘನಾ ರಾಜ್ ಹೇಳಿದ್ದಾರೆ. ಅವರ ತಂದೆ ಸುಂದರ್ ರಾಜ್ ಹಾಗೂ ತಾಯಿ ಪ್ರಮೀಳಾ ಜೋಷಾಯಿ ರಜನಿಕಾಂತ್ ಅವರೊಂದಿಗೆ ಸಿನಿಮಾಗಳಲ್ಲಿ ನಟಿಸಿದ್ದರೂ, ಬಾಲ್ಯದಲ್ಲಿ ತಮಗೆ ಅವರನ್ನು ಭೇಟಿಯಾಗುವ ಅವಕಾಶ ಸಿಕ್ಕಿರಲಿಲ್ಲವಂತೆ. ‘ಜೈಲರ್ 2’ ಚಿತ್ರೀಕರಣದ ವೇಳೆ ರಜನಿಕಾಂತ್ ಅವರನ್ನು ಭೇಟಿಯಾಗಬೇಕು ಎಂದು ನಿರ್ಧರಿಸಿದ ಮೇಘನಾ, ತಮ್ಮ ಸಿಬ್ಬಂದಿಗೆ ವಿಷಯ ತಿಳಿಸಿದ್ದಾರೆ.

ಆಗ ಅವರು ರಜನಿಕಾಂತ್ ಬಳಿ ತೆರಳಿ, ಸುಂದರ್ ರಾಜ್ ಅವರ ಮಗಳು ಬಂದಿದ್ದಾರೆ ಎಂದು ಹೇಳಿದ್ದಾರೆ. ಇದನ್ನು ಕೇಳಿದ ತಕ್ಷಣವೇ ರಜನಿಕಾಂತ್ ಅವರನ್ನು ಒಳಗೆ ಕರೆಸಿಕೊಂಡರಂತೆ. ಸೂಪರ್‌ಸ್ಟಾರ್ ಅವರನ್ನು ಕಣ್ಣಾರೆ ಕಂಡ ಕ್ಷಣ ಮೇಘನಾ ಭಾವುಕರಾಗಿದ್ದರಂತೆ. ತಕ್ಷಣವೇ ಹತ್ತಿರ ಬಂದ ರಜನಿಕಾಂತ್ ಕನ್ನಡದಲ್ಲಿಯೇ, ‘ಏನಾಯ್ತು?’ ಎಂದು ಪ್ರೀತಿಯಿಂದ ವಿಚಾರಿಸಿ ಸಮಾಧಾನಪಡಿಸಿದ್ದಾರೆ. ಬಳಿಕ ಮೇಘನಾ ಅವರ ತಂದೆ-ತಾಯಿಯ ಆರೋಗ್ಯದ ಬಗ್ಗೆಯೂ ಕುಶಲೋಪರಿ ವಿಚಾರಿಸಿದ್ದಾರೆ. ಈ ಘಟನೆಯನ್ನು ನೆನಪಿಸಿಕೊಂಡ ಮೇಘನಾ, ರಜನಿಕಾಂತ್ ಅವರನ್ನು ನೋಡಿದಾಗಲೆಲ್ಲ ದೇವರೇ ಎದುರು ಬಂದು ನಿಂತಂತೆ ಭಾಸವಾಗುತ್ತದೆ ಎಂಬ ಭಾವನೆಯನ್ನು ವ್ಯಕ್ತಪಡಿಸಿದ್ದಾರೆ.

‘ರಜನಿಕಾಂತ್ ಅವರಲ್ಲಿ ದೈವಿಕ ಶಕ್ತಿಯಿದೆ’

ರಜನಿಕಾಂತ್ ಅವರ ವ್ಯಕ್ತಿತ್ವದ ಬಗ್ಗೆ ಮಾತನಾಡಿರುವ ಮೇಘನಾ ರಾಜ್, ಅವರ ಸುತ್ತಲೂ ವಿಶೇಷವಾದ ಶುದ್ಧ ಶಕ್ತಿ ಇರುವಂತೆ ಅನಿಸುತ್ತದೆ ಎಂದು ಹೇಳಿದ್ದಾರೆ. ಅವರ ಯಶಸ್ಸು ಮತ್ತು ಅಭಿಮಾನಿಗಳ ಅಪಾರ ಪ್ರೀತಿಯಷ್ಟೇ ಅಲ್ಲ, ಅವರ ವ್ಯಕ್ತಿತ್ವದಲ್ಲಿರುವ ವಿಶಿಷ್ಟ ಗುಣವೂ ತಮ್ಮನ್ನು ಆಕರ್ಷಿಸಿದೆ ಎಂಬುದನ್ನು ತಿಳಿಸಿದ್ದಾರೆ. ‘ಜೈಲರ್ 2’ ಚಿತ್ರದಲ್ಲಿ ರಜನಿಕಾಂತ್ ಮಾತ್ರವಲ್ಲದೆ ವಿದ್ಯಾ ಬಾಲನ್, ಮಿಥುನ್ ಚಕ್ರವರ್ತಿ, ಎಸ್.ಜೆ. ಸೂರ್ಯ ಸೇರಿದಂತೆ ಹಲವು ಖ್ಯಾತ ಕಲಾವಿದರೊಂದಿಗೆ ಕೆಲಸ ಮಾಡುವ ಅವಕಾಶ ಮೇಘನಾ ಅವರಿಗೆ ಸಿಕ್ಕಿದೆ. ಇಂತಹ ದೊಡ್ಡ ತಾರಾಗಣದ ನಡುವೆ ತಾವು ನಟನಾ ಕ್ಷೇತ್ರಕ್ಕೆ ಹೊಸದಾಗಿ ಬಂದವರಂತೆ ಭಾಸವಾಗುತ್ತಿತ್ತು ಎಂದು ಅವರು ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ.

‘ಜೈಲರ್ 2’ ಚಿತ್ರೀಕರಣದ ಅನುಭವ ಹೇಗಿತ್ತು?

ಚಿತ್ರದ ಚಿತ್ರೀಕರಣದ ಬಗ್ಗೆ ಮಾತನಾಡಿರುವ ಮೇಘನಾ ರಾಜ್, ಸೆಟ್‌ನಲ್ಲಿ ನೈಜ ವಸ್ತುಗಳನ್ನು ಬಳಸಿಕೊಂಡು ಹಲವು ದೃಶ್ಯಗಳನ್ನು ಚಿತ್ರೀಕರಿಸಲಾಗಿತ್ತು ಎಂದು ಹೇಳಿದ್ದಾರೆ. ಪಟಾಕಿ ಸ್ಫೋಟಗಳು ಹಾಗೂ ಕಂಟೈನರ್ ಸ್ಫೋಟದ ದೃಶ್ಯಗಳನ್ನೂ ನೈಜವಾಗಿ ಚಿತ್ರೀಕರಿಸಿದ ಅನುಭವ ಅದ್ಭುತವಾಗಿತ್ತು ಎಂದು ವಿವರಿಸಿದ್ದಾರೆ. ಚಿತ್ರದ ಕೆಲವು ಸಾಹಸ ದೃಶ್ಯಗಳ ಚಿತ್ರೀಕರಣದಲ್ಲಿ ಕಂಡ ನೈಜತೆ ತಮಗೆ ವಿಶೇಷ ಅನುಭವ ನೀಡಿತು ಎಂದಿರುವ ಅವರು, ಈ ಸಿನಿಮಾದಲ್ಲಿ ಕೆಲಸ ಮಾಡಿದ್ದು ತಮ್ಮ ಪಾಲಿಗೆ ಸ್ಮರಣೀಯವಾಗಿದೆ ಎಂದು ತಿಳಿಸಿದ್ದಾರೆ.

ಶಿವಣ್ಣನ ಜೊತೆ ತೆರೆ ಹಂಚಿಕೊಂಡಿದ್ದು ಜೀವನದ ಮೈಲಿಗಲ್ಲು!

‘ಜೈಲರ್ 2’ ಚಿತ್ರದ ಮತ್ತೊಂದು ವಿಶೇಷ ಅನುಭವವೆಂದರೆ ಶಿವರಾಜ್‌ಕುಮಾರ್ ಅವರೊಂದಿಗೆ ನಟಿಸಿದ್ದು ಎಂದು ಮೇಘನಾ ರಾಜ್ ಹೇಳಿದ್ದಾರೆ. ಈ ಹಿಂದೆ ಅವರೊಂದಿಗೆ ಯಾವುದೇ ಸಿನಿಮಾದಲ್ಲಿ ನಟಿಸದಿದ್ದ ಮೇಘನಾ, ಇದೇ ಮೊದಲ ಬಾರಿಗೆ ಶಿವಣ್ಣನೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ. ಶಿವರಾಜ್‌ಕುಮಾರ್ ಸೆಟ್‌ಗೆ ಬಂದಾಗ ಮನೆಯವರೊಂದಿಗೆ ಇದ್ದಂತಹ ಆತ್ಮೀಯ ಭಾವನೆ ಮೂಡಿತು ಎಂದು ಅವರು ಸ್ಮರಿಸಿದ್ದಾರೆ. ಅವರ ಸರಳತೆ ಮತ್ತು ಅದ್ಭುತ ವ್ಯಕ್ತಿತ್ವ ಸೆಟ್‌ನ ವಾತಾವರಣವನ್ನೇ ಆತ್ಮೀಯವಾಗಿಸಿತ್ತು ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. ಈ ಹಿಂದೆ ಸಾಮಾಜಿಕ ಜಾಲತಾಣದಲ್ಲಿಯೂ ಶಿವಣ್ಣನೊಂದಿಗಿನ ಫೋಟೋಗಳನ್ನು ಹಂಚಿಕೊಂಡಿದ್ದ ಮೇಘನಾ, ಅವರೊಂದಿಗೆ ನಟಿಸುವ ಅವಕಾಶ ಸಿಕ್ಕಿದ್ದು ವರದಾನವೆಂದು ಬಣ್ಣಿಸಿದ್ದರು. ಕನ್ನಡದ ಈ ಇಬ್ಬರು ಕಲಾವಿದರು ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಅಭಿಮಾನಿಗಳಿಗೂ ವಿಶೇಷ ಕುತೂಹಲ ಮೂಡಿಸಿದೆ.

14 ವರ್ಷಗಳ ಬಳಿಕ ತಮಿಳು ಚಿತ್ರರಂಗಕ್ಕೆ ಮರಳಿದ ಮೇಘನಾ

ಇನ್ನು ದೀರ್ಘ ವಿರಾಮದ ಬಳಿಕ ತಮಿಳು ಚಿತ್ರರಂಗದಲ್ಲಿ ಕಾಣಿಸಿಕೊಳ್ಳುತ್ತಿರುವ ಮೇಘನಾ ರಾಜ್ ಅವರಿಗೆ ‘ಜೈಲರ್ 2’ ವಿಶೇಷ ಚಿತ್ರವಾಗಿದೆ. ರಜನಿಕಾಂತ್ ಅವರೊಂದಿಗೆ ಕೆಲಸ ಮಾಡುವ ಅವಕಾಶ, ಶಿವರಾಜ್‌ಕುಮಾರ್ ಜೊತೆ ತೆರೆ ಹಂಚಿಕೊಂಡ ಅನುಭವ ಹಾಗೂ ದೊಡ್ಡ ತಾರಾಗಣದ ಭಾಗವಾಗಿರುವುದು ಅವರ ಸಿನಿಮಾ ಪಯಣದ ಸ್ಮರಣೀಯ ಅಧ್ಯಾಯವಾಗಿ ಉಳಿಯಲಿದೆ. ‘ಜೈಲರ್ 2’ ಚಿತ್ರದ ಚಿತ್ರೀಕರಣದ ವೇಳೆ ರಜನಿಕಾಂತ್ ಅವರನ್ನು ಮೊದಲ ಬಾರಿಗೆ ಭೇಟಿಯಾದಾಗ ಭಾವುಕರಾದ ಕ್ಷಣದಿಂದ ಹಿಡಿದು ಶಿವಣ್ಣನೊಂದಿಗಿನ ಆತ್ಮೀಯ ಅನುಭವದವರೆಗೆ ಮೇಘನಾ ರಾಜ್ ಹಂಚಿಕೊಂಡಿರುವ ಸಂಗತಿಗಳು ಗಮನ ಸೆಳೆಯುತ್ತಿವೆ. ಈ ಸಿನಿಮಾ ಅವರ ವೃತ್ತಿಜೀವನದಲ್ಲಿ ಮತ್ತೊಂದು ವಿಶೇಷ ಮೈಲಿಗಲ್ಲಾಗುವ ನಿರೀಕ್ಷೆಯಿದೆ.

ಬ್ರಷ್, ಟೂತ್‌ಪೇಸ್ಟ್‌ನಿಂದ ಉಜ್ಜಬೇಕಿಲ್ಲ! ವಾಷಿಂಗ್ ಮಷಿನ್‌ನಲ್ಲೇ ಶೂಗಳನ್ನು ಹೀಗೆ ಸ್ವಚ್ಛಗೊಳಿಸಿ

Pavna Das — Thu, 22 Oct 2026 17:57:48 +0530

ವಾಷಿಂಗ್ ಮಷಿನ್‌ನಲ್ಲೇ ಶೂಗಳನ್ನು ಹೀಗೆ ಸ್ವಚ್ಛಗೊಳಿಸಿ

ಪ್ರತಿದಿನ ಬಳಸುವ ಶೂಗಳ ಮೇಲೆ ಧೂಳು, ಮಣ್ಣು ಮತ್ತು ಕೊಳೆ ಸಂಗ್ರಹವಾಗುವುದು ಸಾಮಾನ್ಯ. ವಿಶೇಷವಾಗಿ ಬಿಳಿ ಶೂಗಳನ್ನು ಸ್ವಚ್ಛಗೊಳಿಸುವುದು ಕಷ್ಟವಾಗಬಹುದು. ಆದರೆ ಕೆಲವು ಬಟ್ಟೆಯ ಶೂಗಳನ್ನು ವಾಷಿಂಗ್ ಮಷಿನ್‌ನಲ್ಲಿ ತೊಳೆಯಬಹುದು. ಶೂಗಳು ಹಾಳಾಗದಂತೆ ನೋಡಿಕೊಳ್ಳಲು ತೊಳೆಯುವ ಮೊದಲು ಲೇಬಲ್ ಪರಿಶೀಲಿಸುವುದು, ಸರಿಯಾದ ವಿಧಾನ ಅನುಸರಿಸುವುದು ಮತ್ತು ನೈಸರ್ಗಿಕವಾಗಿ ಒಣಗಿಸುವುದು ಮುಖ್ಯ.

ಅನೇಕ ಜನರು ತಮ್ಮ ಬೂಟುಗಳನ್ನು ಸ್ವಚ್ಛಗೊಳಿಸಲು ಬ್ರಷ್, ಸೋಪ್ ಅಥವಾ ಟೂತ್‌ಪೇಸ್ಟ್ ಬಳಸುತ್ತಾರೆ. ಆದರೆ, ಪದೇ ಪದೇ ಸ್ಕ್ರಬ್ಬಿಂಗ್ ಮಾಡುವುದರಿಂದ ಬಣ್ಣ ಮಸುಕಾಗಬಹುದು ಅಥವಾ ಬಟ್ಟೆಗೆ ಹಾನಿಯಾಗಬಹುದು. ಹಾಗಿದ್ರೆ ವಾಶಿಂಗ್ ಮಷಿನ್ ಬಳಸಿ ನಿಮ್ಮ ಶೂ ಕ್ಲೀನ್ ಮಾಡೋದು ಹೇಗೆ ಅನ್ನೋದನ್ನು ನೋಡೋಣ.

ವಾಷಿಂಗ್ ಮಷಿನ್‌ನಲ್ಲಿ ತೊಳೆಯುವ ಮೊದಲು ಶೂಗಳನ್ನು ಪರಿಶೀಲಿಸಿ

ಶೂಗಳನ್ನು ಮಷಿನ್‌ಗೆ ಹಾಕುವ ಮೊದಲು ಅವುಗಳ ಲೇಬಲ್‌ನಲ್ಲಿರುವ ಸ್ವಚ್ಛತೆಯ ಸೂಚನೆಗಳನ್ನು ಓದಿ. ಕ್ಯಾನ್ವಾಸ್, ಹತ್ತಿ, ನೈಲಾನ್ ಮತ್ತು ಪಾಲಿಯೆಸ್ಟರ್‌ನಿಂದ ತಯಾರಿಸಿದ ಕೆಲವು ಶೂಗಳನ್ನು ಮಷಿನ್‌ನಲ್ಲಿ ತೊಳೆಯಬಹುದು. ಆದರೆ ಚರ್ಮದ ಶೂಗಳು, ಸ್ಯೂಡ್ ಶೂಗಳು ಹಾಗೂ ಅಲಂಕಾರಿಕ ವಸ್ತುಗಳಿಂದ ತಯಾರಿಸಿದ ಶೂಗಳನ್ನು ಮಷಿನ್‌ನಲ್ಲಿ ತೊಳೆಯಬಾರದು. ತೊಳೆಯುವ ಮೊದಲು ಶೂಗಳ ಲೇಸ್‌ಗಳು ಮತ್ತು ಇನ್ಸೋಲ್‌ಗಳನ್ನು ತೆಗೆದಿಡಿ.

ಶೂಗಳ ಮೇಲಿರುವ ಮಣ್ಣು ಮತ್ತು ಧೂಳನ್ನು ತೆಗೆಯಿರಿ

ಮೃದುವಾದ ಬ್ರಷ್ ಅಥವಾ ಬಟ್ಟೆಯ ಸಹಾಯದಿಂದ ಶೂಗಳ ಅಡಿಭಾಗದಲ್ಲಿರುವ ಮಣ್ಣು ಮತ್ತು ಧೂಳನ್ನು ಸ್ವಚ್ಛಗೊಳಿಸಿ. ನಂತರ ಶೂಗಳನ್ನು ಮೆಶ್ ಲಾಂಡ್ರಿ ಬ್ಯಾಗ್‌ನಲ್ಲಿ ಹಾಕಿ. ಬ್ಯಾಗ್ ಇಲ್ಲದಿದ್ದರೆ ಹಳೆಯ ದಿಂಬಿನ ಕವರ್ ಬಳಸಬಹುದು. ಶೂಗಳು ಮಷಿನ್‌ನಲ್ಲಿ ತೊಳೆಯುವಾಗ ಜೋರಾಗಿ ಬಡಿಯುವುದನ್ನು ಕಡಿಮೆ ಮಾಡಲು ಅವುಗಳ ಜೊತೆಗೆ ಕೆಲವು ಹಳೆಯ ಟವೆಲ್‌ಗಳನ್ನು ಹಾಕಬಹುದು.

ಶೂಗಳನ್ನು ಗಾಳಿಯಲ್ಲಿ ಒಣಗಿಸಿ

ತೊಳೆದ ಬಳಿಕ ಶೂಗಳನ್ನು ಮಷಿನ್‌ನಿಂದ ಹೊರತೆಗೆದು ಗಾಳಿಯಾಡುವ ಸ್ಥಳದಲ್ಲಿ ಒಣಗಿಸಿ. ಶೂಗಳ ಆಕಾರ ಕಾಪಾಡಲು ಅವುಗಳ ಒಳಗೆ ಪೇಪರ್ ಟವೆಲ್‌ಗಳು ಅಥವಾ ಸ್ವಚ್ಛವಾದ ಬಟ್ಟೆಯನ್ನು ಇಡಬಹುದು. ಡ್ರೈಯರ್‌ನ ಹೆಚ್ಚಿನ ಶಾಖ ಅಥವಾ ನೇರ ಬಿಸಿಲಿನಲ್ಲಿ ಒಣಗಿಸುವುದನ್ನು ತಪ್ಪಿಸಿ. ಶೂಗಳು ಸಂಪೂರ್ಣವಾಗಿ ಒಣಗಿದ ನಂತರವೇ ಇನ್ಸೋಲ್‌ಗಳು ಮತ್ತು ಲೇಸ್‌ಗಳನ್ನು ಮತ್ತೆ ಹಾಕಿ.

ಶೂಗಳನ್ನು ತೊಳೆಯಲು ಎಷ್ಟು ಸಮಯ ಬೇಕು?

ವಾಷಿಂಗ್ ಮಷಿನ್‌ನಲ್ಲಿ ಶೂಗಳನ್ನು ತೊಳೆಯಲು ಸುಮಾರು 45 ನಿಮಿಷದಿಂದ ಒಂದು ಗಂಟೆಯವರೆಗೆ ಸಮಯ ಬೇಕಾಗಬಹುದು. ಆದರೆ ಅವು ಸಂಪೂರ್ಣವಾಗಿ ಒಣಗಲು ರಾತ್ರಿಯಿಡೀ ಅಥವಾ ಅದಕ್ಕಿಂತ ಹೆಚ್ಚಿನ ಸಮಯ ಬೇಕಾಗಬಹುದು. ಮುಖ್ಯವಾಗಿ, ಮಷಿನ್‌ನಲ್ಲಿ ತೊಳೆಯಲು ಸುರಕ್ಷಿತವೆಂದು ಶೂಗಳ ಲೇಬಲ್‌ನಲ್ಲಿ ತಿಳಿಸಿದ್ದರೆ ಮಾತ್ರ ಈ ವಿಧಾನ ಅನುಸರಿಸಿ.

Resuse Egg Shell : ಮೊಟ್ಟೆ ತಿಂದು ಸಿಪ್ಪೆ ಎಸೆಯಬೇಡಿ, ಕಸದಿಂದ ರಸ ತೆಗೆಯುವ ವಿಧಾನ ಇಲ್ಲಿದೆ

Roopa Hegde — Thu, 22 Oct 2026 17:48:36 +0530

ಮೊಟ್ಟೆ ಬಳಸಿ, ಮೊಟ್ಟೆಯ ಸಿಪ್ಪೆಯನ್ನು ಕಸಕ್ಕೆ ಎಸೆಯುವ ಬದಲು ಅದನ್ನು ನೀವು ನಾನಾ ರೀತಿಯಲ್ಲಿ ಬಳಸಬಹುದು. ಮೊಟ್ಟೆ ಸಿಪ್ಪೆಯನ್ನು ಗೊಬ್ಬರವಾಗಿ, ಪಾತ್ರೆ ಕ್ಲೀನ್ ಮಾಡಲು ಬಳಸಬಹುದು.

ಮೊಟ್ಟೆಯ ಸಿಪ್ಪೆಯಲ್ಲಿ ಶೇ. 90ಕ್ಕಿಂತ ಹೆಚ್ಚು ಕ್ಯಾಲ್ಸಿಯಂ ಕಾರ್ಬೊನೇಟ್ ಇರುತ್ತದೆ. ಇದು ಮನೆಯಲ್ಲಿರುವ ಗಿಡಗಳ ಆರೈಕೆಗೆ ಮಾತ್ರವಲ್ಲ, ಅಡುಗೆಮನೆಯ ಕೆಲವು ಕೆಲಸಗಳಿಗೂ ಉಪಯೋಗಕ್ಕೆ ಬರುತ್ತದೆ.

ಮೊಟ್ಟೆಯ ಸಿಪ್ಪೆಯನ್ನು ಚೆನ್ನಾಗಿ ತೊಳೆದು, ಬಿಸಿಲಿನಲ್ಲಿ ಒಣಗಿಸಿ ಮಿಕ್ಸಿಯಲ್ಲಿ ಪುಡಿ ಮಾಡಿಕೊಳ್ಳಿ. ಈ ಪುಡಿಯನ್ನು ಮನೆಯ ಗಿಡಗಳ ಮಣ್ಣಿಗೆ ಸ್ವಲ್ಪ ಪ್ರಮಾಣದಲ್ಲಿ ಸೇರಿಸಬಹುದು. ಟೊಮೆಟೊ, ಮೆಣಸಿನಕಾಯಿ ಮತ್ತು ಗುಲಾಬಿಯಂತಹ ಗಿಡಗಳಿಗೆ ಇದು ಕ್ಯಾಲ್ಸಿಯಂ ಒದಗಿಸಲು ಸಹಾಯ ಮಾಡುತ್ತದೆ. ಆದರೆ ಸಿಪ್ಪೆ ಮಣ್ಣಿನಲ್ಲಿ ನಿಧಾನವಾಗಿ ಕರಗುವುದರಿಂದ ಗಿಡಗಳಿಗೆ ತಕ್ಷಣ ಪೋಷಕಾಂಶ ಸಿಗುತ್ತದೆ ಎಂದಲ್ಲ.

ಮಿಕ್ಸಿ ಜಾರ್ನ ಬ್ಲೇಡ್ಗಳು ಮೊಂಡಾಗಿದ್ದರೆ ಮೊಟ್ಟೆಯ ಸಿಪ್ಪೆಯನ್ನು ಹಾಕಿ ಮಿಕ್ಸಿ ಮಾಡಿದರೆ ಮತ್ತೆ ಹರಿತವಾಗುತ್ತವೆ. ಮೊಟ್ಟೆ ಸಿಪ್ಪೆಯನ್ನು ಜಾರಿಗೆ ಹಾಕಿ ಒಂದೆರಡು ನಿಮಿಷ ರುಬ್ಬಿ. ಇದ್ರಿಂದ ಬ್ಲೇಡ್‌ ಹರಿತವಾಗುತ್ತದೆ.

ಬಾಣಲೆ ಅಥವಾ ಪಾತ್ರೆಯಲ್ಲಿ ಜಿಡ್ಡು ಮತ್ತು ಸುಟ್ಟ ಕಲೆಗಳಿದ್ದರೆ ಮೊಟ್ಟೆಯ ಸಿಪ್ಪೆಯನ್ನು ಪುಡಿ ಮಾಡಿ ಸ್ಕ್ರಬ್ನಂತೆ ಬಳಸಬಹುದು. ನಿಮ್ಮ ಪಾತ್ರೆ ತೊಳೆಯುವ ಸೋಪ್‌ ಗೆ ಈ ಪುಡಿಯನ್ನು ಹಾಕಿ, ಪಾತ್ರೆ ತೊಳೆಯಿರಿ. ನಾನ್ಸ್ಟಿಕ್ ಪಾತ್ರೆಗಳಿಗೆ ಇದನ್ನು ಬಳಸಬೇಡಿ.

ತೋಟದಲ್ಲಿರುವ ಗಿಡಗಳ ಎಲೆಗಳನ್ನು ಬಸವನ ಹುಳುಗಳು ತಿನ್ನುತ್ತಿದ್ದರೆ, ಗಿಡದ ಸುತ್ತ ಮೊಟ್ಟೆಯ ಸಿಪ್ಪೆಯ ಚೂರುಗಳನ್ನು ಹಾಕಬೇಕು. ಚೂಪಾದ ಸಿಪ್ಪೆಗಳು ಕೀಟಗಳನ್ನು ಸಂಪೂರ್ಣವಾಗಿ ತಡೆಯುತ್ತವೆ.

ಮೊಟ್ಟೆಯ ಸಿಪ್ಪೆಯ ಮೇಲ್ಭಾಗವನ್ನು ಸ್ವಲ್ಪ ಒಡೆದು, ಅದರೊಳಗೆ ಮಣ್ಣು ತುಂಬಿ ಕೊತ್ತಂಬರಿ, ಮೆಣಸಿನಕಾಯಿ ಅಥವಾ ಟೊಮೆಟೊದಂತಹ ಸಣ್ಣ ಬೀಜಗಳನ್ನು ಬಿತ್ತಬಹುದು. ಬೀಜ ಮೊಳಕೆಯೊಡೆದ ನಂತರ ಸಸಿಯನ್ನು ಸಿಪ್ಪೆ ಸಮೇತ ಮಣ್ಣಿನಲ್ಲಿ ನೆಡಬಹುದು.

ನಿಮ್ಮ ಗಾರ್ಡನ್ ಪೂರ್ತಿ ಬಣ್ಣ ಬಣ್ಣದ ಚಿಟ್ಟೆಗಳಿಂದ ತುಂಬಬೇಕೆ? ಈ 5 ಗಿಡ ನೆಡಿ

Pavna Das — Thu, 22 Oct 2026 17:44:25 +0530

ನಿಮ್ಮ ಮನೆಯ ಪುಟ್ಟ ಬಾಲ್ಕನಿಯಲ್ಲೂ ಬಣ್ಣಬಣ್ಣದ ಚಿಟ್ಟೆಗಳ ಕಲರವವನ್ನು ನೋಡಬಹುದು. ಇದಕ್ಕಾಗಿ ದೊಡ್ಡ ಉದ್ಯಾನವನದ ಅಗತ್ಯವಿಲ್ಲ. ಕೆಲವು ಸುಂದರವಾದ ಹೂವಿನ ಗಿಡಗಳನ್ನು ಬೆಳೆಸುವುದರಿಂದ ಚಿಟ್ಟೆಗಳಿಗೆ ಆಹಾರ ಒದಗಿಸಲು ಸಹಾಯವಾಗಬಹುದು. ಸರಿಯಾದ ಆರೈಕೆ, ಸಾಕಷ್ಟು ಸೂರ್ಯನ ಬೆಳಕು ಮತ್ತು ರಾಸಾಯನಿಕ ಕೀಟನಾಶಕಗಳ ಬಳಕೆಯನ್ನು ತಪ್ಪಿಸುವುದು ಮುಖ್ಯ.

1. ಚೆಂಡು ಹೂವು (Marigold)

ಹಳದಿ ಮತ್ತು ಕಿತ್ತಳೆ ಬಣ್ಣದ ಚೆಂಡು ಹೂವುಗಳು ಬಾಲ್ಕನಿಯ ಸೌಂದರ್ಯವನ್ನು ಹೆಚ್ಚಿಸುತ್ತವೆ. ಇದರ ಕೆಲವು ತಳಿಗಳು ಚಿಟ್ಟೆಗಳು ಮತ್ತು ಇತರ ಪರಾಗಸ್ಪರ್ಶಕ ಕೀಟಗಳನ್ನು ಆಕರ್ಷಿಸಬಹುದು. ಗಿಡವನ್ನು ನೀರು ಸರಿಯಾಗಿ ಹೊರಹೋಗುವ ವ್ಯವಸ್ಥೆಯಿರುವ ಕುಂಡದಲ್ಲಿ ನೆಡಿ. ಪ್ರತಿದಿನ ಕೆಲವು ಗಂಟೆಗಳ ಕಾಲ ಸೂರ್ಯನ ಬೆಳಕು ಸಿಗುವಂತೆ ನೋಡಿಕೊಳ್ಳಿ. ಮಣ್ಣಿನ ಮೇಲ್ಭಾಗ ಒಣಗಿದಾಗ ಮಾತ್ರ ನೀರು ಹಾಕಿ.

2. ಜೀನಿಯಾ (Zinnia)

ಕೆಂಪು, ಗುಲಾಬಿ, ಹಳದಿ ಮತ್ತು ಕಿತ್ತಳೆ ಬಣ್ಣಗಳಲ್ಲಿ ಅರಳುವ ಜೀನಿಯಾ ಹೂವುಗಳು ಬಾಲ್ಕನಿಗೆ ಹೊಸ ಮೆರುಗು ನೀಡುತ್ತವೆ. ಇದರ ಹೂವಿನ ಮಕರಂದ ಚಿಟ್ಟೆಗಳನ್ನು ಆಕರ್ಷಿಸುತ್ತದೆ. ಸಾಕಷ್ಟು ಸೂರ್ಯನ ಬೆಳಕು ಸಿಗುವ ಸ್ಥಳದಲ್ಲಿ ಗಿಡವನ್ನು ಬೆಳೆಸಿ. ಮಣ್ಣಿನಲ್ಲಿ ತೇವಾಂಶ ಇರುವಂತೆ ನೋಡಿಕೊಳ್ಳಿ, ಆದರೆ ಅತಿಯಾಗಿ ನೀರು ಹಾಕಬೇಡಿ. ಒಣಗಿದ ಹೂವುಗಳನ್ನು ನಿಯಮಿತವಾಗಿ ತೆಗೆದುಹಾಕುವುದರಿಂದ ಕೆಲವು ತಳಿಗಳಲ್ಲಿ ಹೊಸ ಹೂವುಗಳು ಅರಳಲು ಸಹಾಯವಾಗುತ್ತದೆ.

3. ಲ್ಯಾಂಟಾನಾ (Lantana)

ಲ್ಯಾಂಟಾನಾ ಗಿಡದಲ್ಲಿ ಸಣ್ಣ ಸಣ್ಣ ಹೂವುಗಳು ಗೊಂಚಲುಗಳಾಗಿ ಅರಳುತ್ತವೆ. ಇವುಗಳ ಮಕರಂದ ಚಿಟ್ಟೆಗಳನ್ನು ಆಕರ್ಷಿಸುತ್ತದೆ. ಈ ಗಿಡವು ಬಿಸಿಲಿರುವ ಜಾಗದಲ್ಲಿ ಚೆನ್ನಾಗಿ ಬೆಳೆಯುತ್ತದೆ. ಆದರೆ ಲ್ಯಾಂಟಾನಾದ ಕೆಲವು ತಳಿಗಳು ಆಕ್ರಮಣಕಾರಿ ಸಸ್ಯಗಳಾಗಿದ್ದು, ನೈಸರ್ಗಿಕ ಪರಿಸರದಲ್ಲಿ ವೇಗವಾಗಿ ಹರಡಬಹುದು. ಆದ್ದರಿಂದ ಸ್ಥಳೀಯ ಪರಿಸರಕ್ಕೆ ಸೂಕ್ತವಾದ ತಳಿಯನ್ನು ಆಯ್ಕೆ ಮಾಡಿ, ಕುಂಡದಲ್ಲಿಯೇ ನಿಯಂತ್ರಿತವಾಗಿ ಬೆಳೆಸಿ. ಮಕ್ಕಳು ಮತ್ತು ಸಾಕುಪ್ರಾಣಿಗಳು ಗಿಡದ ಹಣ್ಣುಗಳನ್ನು ತಿನ್ನದಂತೆ ಎಚ್ಚರಿಕೆ ವಹಿಸಿ.

4. ಮಿಲ್ಕ್‌ವೀಡ್ (Milkweed)

ಚಿಟ್ಟೆಗಳನ್ನು ಆಕರ್ಷಿಸುವುದರ ಜೊತೆಗೆ ಅವುಗಳ ಜೀವನಚಕ್ರವನ್ನು ತಿಳಿದುಕೊಳ್ಳಲು ಮಿಲ್ಕ್‌ವೀಡ್ ಗಿಡ ಸಹಕಾರಿ. ಇದರ ಕೆಲವು ಪ್ರಭೇದಗಳು ಮೊನಾರ್ಕ್ ಚಿಟ್ಟೆಯ ಮರಿಹುಳುಗಳಿಗೆ ಆಹಾರ ಒದಗಿಸುವ ಆತಿಥೇಯ ಸಸ್ಯಗಳಾಗಿವೆ. ಹೆಣ್ಣು ಚಿಟ್ಟೆಗಳು ಈ ಗಿಡದ ಮೇಲೆ ಮೊಟ್ಟೆ ಇಡುತ್ತವೆ ಮತ್ತು ಮರಿಹುಳುಗಳು ಎಲೆಗಳನ್ನು ತಿಂದು ಬೆಳೆಯುತ್ತವೆ. ಆದರೆ ಎಲ್ಲ ಚಿಟ್ಟೆಗಳಿಗೂ ಈ ಗಿಡ ಸೂಕ್ತವಲ್ಲ.

5. ಪೆಂಟಾಸ್ (Pentas)

ಪೆಂಟಾಸ್ ಗಿಡದಲ್ಲಿ ಸಣ್ಣ ನಕ್ಷತ್ರಾಕಾರದ ಹೂವುಗಳು ಗೊಂಚಲುಗಳಾಗಿ ಅರಳುತ್ತವೆ. ಇವು ಹಲವು ಬಣ್ಣಗಳಲ್ಲಿ ದೊರೆಯುತ್ತವೆ ಮತ್ತು ಚಿಟ್ಟೆಗಳನ್ನು ಆಕರ್ಷಿಸಲು ಸಹಾಯ ಮಾಡಬಹುದು. ನಿಮ್ಮ ಬಾಲ್ಕನಿಯಲ್ಲಿ ಇತರ ಹೂವಿನ ಗಿಡಗಳ ಜೊತೆಗೆ ಪೆಂಟಾಸ್ ಬೆಳೆಸಬಹುದು.

ಬಾಲ್ಕನಿಯನ್ನು ಚಿಟ್ಟೆಗಳ ಸ್ವರ್ಗವಾಗಿಸಲು ಟಿಪ್ಸ್

ಸಾಕಷ್ಟು ಬಿಸಿಲು: ಗಿಡಗಳಿಗೆ ಸೂಕ್ತ ಪ್ರಮಾಣದ ಸೂರ್ಯನ ಬೆಳಕು ಸಿಗುವಂತೆ ಕುಂಡಗಳನ್ನು ಜೋಡಿಸಿ.
ಹೂವಿನ ಗುಚ್ಛ: ಹಲವು ಹೂವಿನ ಗಿಡಗಳನ್ನು ಒಟ್ಟಿಗೆ ಬೆಳೆಸುವುದರಿಂದ ಚಿಟ್ಟೆಗಳಿಗೆ ಮಕರಂದ ಹುಡುಕಲು ಅನುಕೂಲವಾಗಬಹುದು.
ತೇವಾಂಶವಿರುವ ಮರಳು: ಆಳವಿಲ್ಲದ ತಟ್ಟೆಯಲ್ಲಿ ಸ್ವಲ್ಪ ತೇವಾಂಶವಿರುವ ಮರಳನ್ನು ಇಡಬಹುದು. ನೀರು ನಿಂತುಕೊಳ್ಳದಂತೆ ಮತ್ತು ತಟ್ಟೆಯನ್ನು ಸ್ವಚ್ಛವಾಗಿಡುವಂತೆ ನೋಡಿಕೊಳ್ಳಿ.
ಕೀಟನಾಶಕಗಳಿಂದ ದೂರವಿರಿ: ರಾಸಾಯನಿಕ ಕೀಟನಾಶಕಗಳು ಚಿಟ್ಟೆಗಳು ಮತ್ತು ಅವುಗಳ ಮರಿಹುಳುಗಳಿಗೆ ಹಾನಿ ಉಂಟುಮಾಡಬಹುದು.
ನಿಯಮಿತ ಆರೈಕೆ: ಗಿಡಗಳಿಗೆ ಅಗತ್ಯಕ್ಕೆ ತಕ್ಕಂತೆ ನೀರು ಹಾಕಿ, ಒಣಗಿದ ಹೂವುಗಳನ್ನು ತೆಗೆದುಹಾಕಿ.

'ಪ್ರೇಮದ ಊರಲಿ' ಶೂಟಿಂಗ್ ಸ್ಪಾಟ್‌ನಲ್ಲಿ ಭಾರೀ ಟ್ರಾಫಿಕ್ ಜಾಮ್; ಸೀಗೆಗುಡ್ಡ ಮಳೆ ಮಲ್ಲೇಶ್ವರ ಬೆಟ್ಟದಲ್ಲಿ ಜನವೋ ಜನ!

Sathish Kumar KH — Thu, 22 Oct 2026 17:42:57 +0530

'ಪ್ರೇಮದ ಊರಲಿ' ಸಿನಿಮಾ ಬಿಡುಗಡೆಯಾದ ನಂತರ ಹಾಸನದ ಸೀಗೆಗುಡ್ಡ ಮತ್ತು ಮಳೆ ಮಲ್ಲೇಶ್ವರ ದೇವಸ್ಥಾನ ಪ್ರವಾಸಿಗರ ನೆಚ್ಚಿನ ತಾಣವಾಗಿ ಬದಲಾಗಿದೆ. ಸಿನಿಮಾದಲ್ಲಿನ ದೃಶ್ಯಗಳಿಗೆ ಮಾರುಹೋದ ಜನಸಾಗರವೇ ಹರಿದುಬರುತ್ತಿದ್ದು, ಟ್ರಾಫಿಕ್ ಜಾಮ್ ಉಂಟಾಗುತ್ತಿದೆ. ಈ ದೃಶ್ಯಗಳನ್ನು ನೋಡಿ ನಿಮಗೇ ತಿಳಿಯುತ್ತದೆ.

ಹಾಸನ: ಸಿನಿಮಾಗಳ ಶಕ್ತಿ ಎಂಥದ್ದು ಎಂಬುದಕ್ಕೆ ಇಲ್ಲೊಂದು ಸ್ಪಷ್ಟ ನಿದರ್ಶನ ಸಿಕ್ಕಿದೆ. ಒಂದೇ ಒಂದು ಹಿಟ್ ಸಿನಿಮಾ ಇಡೀ ಊರಿನ ಅಥವಾ ಒಂದು ಅಜ್ಞಾತ ಸ್ಥಳದ ಭವಿಷ್ಯವನ್ನೇ ಬದಲಾಯಿಸಿಬಿಡಬಹುದು. ಇದಕ್ಕೆ ತಾಜಾ ಉದಾಹರಣೆ ಹಾಸನ ತಾಲೂಕಿನಲ್ಲಿರುವ ಪ್ರಶಾಂತ ಬೆಟ್ಟ ‘ಸೀಗೆಗುಡ್ಡ’ ಮತ್ತು ಅಲ್ಲಿನ ಐತಿಹಾಸಿಕ ‘ಶ್ರೀ ಮಳೆ ಮಲ್ಲೇಶ್ವರ ದೇವಸ್ಥಾನ’.

ಇತ್ತೀಚೆಗೆ ಸದ್ದು ಮಾಡಿದ ‘ಪ್ರೇಮದ ಊರಲಿ’ ಚಿತ್ರದ ಪ್ರಮುಖ ದೃಶ್ಯಗಳು ಇಲ್ಲಿ ಚಿತ್ರೀಕರಣಗೊಂಡ ನಂತರ, ಈ ತಾಣ ರಾತ್ರೋರಾತ್ರಿ ಪ್ರವಾಸಿಗರ ನೆಚ್ಚಿನ ಹಾಟ್‌ಸ್ಪಾಟ್ (Tourist Hotspot) ಆಗಿ ಮಾರ್ಪಟ್ಟಿದೆ!

ಒಂದು ಕಾಲದಲ್ಲಿ ಖಾಲಿ ಇದ್ದ ಜಾಗದಲ್ಲಿಂದು ಕಾಲಿಡಲು ಜಾಗವಿಲ್ಲ!

‘ಪ್ರೇಮದ ಊರಲಿ’ ಸಿನಿಮಾ ತೆರೆಕಾಣುವ ಮುನ್ನ ಹಾಸನದ ಸೀಗೆಗುಡ್ಡ ಹಾಗೂ ಮಳೆ ಮಲ್ಲೇಶ್ವರ ಸ್ವಾಮಿ ಸನ್ನಿಧಿ ಬೆರಳೆಣಿಕೆಯಷ್ಟು ಸ್ಥಳೀಯ ಭಕ್ತರಿಗೆ ಮಾತ್ರ ಸೀಮಿತವಾಗಿತ್ತು. ಆದರೆ ಸಿನಿಮಾ ಬಿಡುಗಡೆಯಾಗಿ ಜನಮೆಚ್ಚುಗೆ ಗಳಿಸುತ್ತಿದ್ದಂತೆ, ಚಿತ್ರದಲ್ಲಿ ಅದ್ಭುತವಾಗಿ ಸೆರೆಹಿಡಿಯಲಾದ ಸೀಗೆಗುಡ್ಡದ ನೈಸರ್ಗಿಕ ಸೌಂದರ್ಯಕ್ಕೆ ಸಿನಿರಸಿಕರು ಮಾರುಹೋಗಿದ್ದಾರೆ.

ವಿಶೇಷವಾಗಿ ವಾರಾಂತ್ಯ ಹಾಗೂ ರಜಾ ದಿನಗಳಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಜನರು ವಾಹನಗಳಲ್ಲಿ ಸೀಗೆಗುಡ್ಡಕ್ಕೆ ಲಗ್ಗೆ ಇಡುತ್ತಿದ್ದಾರೆ. ದೇವಸ್ಥಾನದ ರಸ್ತೆಗಳಲ್ಲಿ ಹಿಂದೆಂದೂ ಕಾಣದ ರೀತಿಯಲ್ಲಿ ಕಿಲೋಮೀಟರ್‌ಗಟ್ಟಲೆ ಭಾರಿ ಟ್ರಾಫಿಕ್ ಜಾಮ್ ಉಂಟಾಗುತ್ತಿದೆ.

ಸೆಲ್ಫಿ ಕ್ರೇಜ್ ಮತ್ತು ಹಾಡಿಗೆ ರೀಲ್ಸ್ ಧಮಾಕಾ:

ಸೀಗೆಗುಡ್ಡಕ್ಕೆ ಬರುತ್ತಿರುವ ಯುವಜನತೆ ಮತ್ತು ಪ್ರವಾಸಿಗರು ದೇವರ ದರ್ಶನ ಪಡೆಯುವುದರ ಜೊತೆಗೆ, ಸಿನಿಮಾದಲ್ಲಿ ಕಾಣಿಸಿಕೊಂಡ ಮಲ್ಲೇಶ್ವರ ದೇವರ ವಿಗ್ರಹದ ಮುಂದೆ ನಿಂತು ಮುಗಿಬಿದ್ದು ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುತ್ತಿದ್ದಾರೆ. ಅಷ್ಟೇ ಅಲ್ಲ, ಸಿನಿಮಾದ ಹಿಟ್ ಹಾಡುಗಳಿಗೆ ವಿಗ್ರಹ ಮತ್ತು ಬೆಟ್ಟದ ಹಿನ್ನೆಲೆಯಲ್ಲಿ ಇನ್‌ಸ್ಟಾಗ್ರಾಮ್ ರೀಲ್ಸ್‌ಗಳನ್ನು ಮಾಡುತ್ತಾ ಡ್ಯಾನ್ಸ್ ಮಾಡುತ್ತಿರುವುದು ಸಾಮಾನ್ಯ ದೃಶ್ಯವಾಗಿದೆ.

ಹಾಸನದ ಸುಂದರ ಹಸಿರು ಪರಿಸರ, ತಂಪಾದ ಗಾಳಿ ಹಾಗೂ ಬೆಟ್ಟದ ತುದಿಯ ರಮಣೀಯ ದೃಶ್ಯ ಪ್ರವಾಸಿಗರನ್ನು ಇನ್ನಿಲ್ಲದಂತೆ ಸೆಳೆಯುತ್ತಿದ್ದು, ಸ್ಥಳೀಯ ವ್ಯಾಪಾರಿಗಳ ಮುಖದಲ್ಲೂ ಮಂದಹಾಸ ಮೂಡಿಸಿದೆ. ಒಟ್ಟಿನಲ್ಲಿ, ‘ಪ್ರೇಮದ ಊರಲಿ’ ಚಿತ್ರವು ಹಾಸನದ ಈ ಪುಟ್ಟ ಗುಡ್ಡವನ್ನು ಕರ್ನಾಟಕದ ಹೊಸ ಟೂರಿಸ್ಟ್ ಸ್ಪಾಟ್ ಆಗಿ ಪರಿವರ್ತಿಸಿದೆ!

ಪೂರ್ಣ ವಿಡಿಯೋ ನೋಡಲು ಇಲ್ಲಿ ಕ್ಲಿಕ್ ಮಾಡಿ

Bengaluru: ಬೆಂಗಳೂರಿನಿಂದ ಅಮೆರಿಕಗೆ ಹಾರಿದ ಅದ್ಭುತ DNA ತಂತ್ರಜ್ಞಾನ! ಕಾರಣವೇನು?

Sumanth SN — Thu, 22 Oct 2026 17:40:20 +0530

ಭಾರತದಲ್ಲಿ ಪ್ರತಿಭೆಗಳಿಗೆ ಕೊರತೆ ಇಲ್ಲ. ತಂತ್ರಜ್ಞಾನ ಹೆಚ್ಚಾದಂತೆ ಹೊಸ ಹೊಸ ಅವಿಷ್ಕಾರಗಳು ನಡೆಯುತ್ತಲೇ ಇರುತ್ತದೆ. ಭಾರತದಲ್ಲಿ ಮಾತ್ರವಲ್ಲದೆ, ವಿದೇಶಗಳಲ್ಲಿಯೂ ಕೂಡ ಭಾರತ ಪ್ರತಿಭೆಗಳು ತಮ್ಮ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸುತ್ತಾರೆ. ಅದರಲ್ಲೂ ಭಾರತದಲ್ಲಿ ಅಗತ್ಯ ಬೆಂಬಲ ಹಾಗೂ ಅವಕಾಶಗಳು ಇಲ್ಲದೇ ಹಲವರು ವಿದೇಶಗಳಿಗೆ ತೆರಳುತ್ತಾರೆ. ಈಗ ನಾವು ಇಂತಹದ್ದೆ ಕಥೆಯನ್ನು ನಿಮ್ಮ ಮುಂದಿಡುತ್ತಿದ್ದೇವೆ. ಈಕೆ 24 ವರ್ಷದ ಅನುಘ ರಾಜೇಶ್, ಭಾರತದಲ್ಲಿಯೇ ಜನಿಸಿ, ಇಲ್ಲಿಯೇ ಶಿಕ್ಷಣ ಪಡೆದುಕೊಂಡು ಒಂದು ಹೊಸ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದ್ದರು. ಆದರೆ ಈಗ ಈ ತಂತ್ರಜ್ಞಾನವನ್ನು ಅಮೆರಿಕಗೆ ಶಿಫ್ಟ್ ಮಾಡಿದ್ದಾರೆ.

ಇದು ಕೇವಲ ಈಕೆಯ ಕಥೆ ಮಾತ್ರವಲ್ಲ, ಭಾರತದಿಂದ ಹೇಗೆ ಪ್ರತಿಭೆಗಳು ವಿದೇಶಗಳಿಗೆ ಹೇಗೆ ಹೋಗುತ್ತಿವೆ ಅನ್ನೋದಕ್ಕೆ ಒಂದು ಸ್ಪಷ್ಟ ಉದಾಹಣೆಯಾಗಿದೆ. ಅನಘ ರಾಜೇಶ್ ಅವರು ಬಿಐಟಿಎಸ್ ಪಿಲಾನಿಯಿಂದ ಪದವಿ ಪಡೆದುಕೊಂಡಿದ್ದರು. 2024ರಲ್ಲಿ ಬೆಂಗಳೂರಿನಲ್ಲಿ ಬಯೋಕಂಪ್ಯೂಟರ್ ಎಂಬ ಸ್ಟಾರ್ಟ್ ಅಪ್ ಸ್ಥಾಪಿಸಿದ್ದರು. ಅವರ ಕನಸು ಬಹಳ ದೊಡ್ಡದಾಗಿತ್ತು. ವಿಶ್ವದಲ್ಲಿರುವ ಡೇಟಾವನ್ನು ಸಾಮಾನ್ಯವಾಗಿ ಡಿಸ್ಕ್, ಟೇಪ್‌ಗಳಲ್ಲಿ ಸೇವ್ ಮಾಡುವಂತೆ, ಈ ಡೇಟಾವನ್ನು ಡಿಎನ್‌ಎ ರೂಪದಲ್ಲಿ ಶೇಖರಣೆ ಮಾಡುವ ಸ್ಟಾರ್ಟ್ ಅಪ್ ಆಗಿದೆ. ಇದಕ್ಕಾಗಿ ಬಹುದೊಡ್ಡ ಪ್ರಯೋಗಾಲವನ್ನು ರಚಿಸಿದ್ದರು.

ಸಾಮಾನ್ಯವಾಗಿ ಕಂಪ್ಯೂಟರ್ ಡೇಟಾವನ್ನು ಹರ್ಡ್ ಡಿಸ್ಕ್‌, ಮೆಮೊರಿ ಚಿಪ್ ಅಥವಾ ಕ್ಲೌಡ್ ಡೇಟಾ ಸೆಂಟರ್‌ನಲ್ಲಿ ಶೇಖರಣೆ ಮಾಡುತ್ತಾರೆ. ಆದರೆ ಇವರು 2024ರಲ್ಲಿ ಬೆಂಗಳೂರಿನಲ್ಲಿ ಸ್ಥಾಪಿಸಿದ ಬಯೋ ಕಂಪ್ಯೂಟರ್ ಸಂಸ್ಥೆ ಡಿಎನ್‌ಎ ಸಹಾಯದೊಂದಿಗೆ ಡೇಟಾವನ್ನು ಶೇಖರಣೆ ಮಾಡುವ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿತ್ತು. ಒಂದು ಗ್ರಾಂ ಡಿಎನ್‌ಎನಲ್ಲಿ 215 ಪೆಟಾಬೈಟ್‌ ಡೇಟಾವನ್ನು ಸಂಗ್ರಹಿಸಬಹುದಂತೆ. ವಿಶ್ವದ ಅತಿದೊಡ್ಡ ಡೇಟಾ ಕೇಂದ್ರಗಳನ್ನು ಸಣ್ಣ ಅಣುವಿನ ಗ್ರಾತಕ್ಕೆ ಕುಗ್ಗಿಸಲು ಇದು ನೆರವು ನೀಡುತ್ತದೆ.

ಇನ್ನು, ಸಂಗ್ರಹಿಸಿದ ಡೇಟಾ ಕೆಲವೇ ದಿನಗಳಲ್ಲಿ ಸ್ಕಾರ್ಪ್ ಆಗಬಹುದು ಅಥವಾ ಹಾರ್ಡ್ ಡಿಸ್ಕ್ ಗಳು ನಾಶವಾಗಬಹುದು. ಆದರೆ ಡಿಎನ್‌ಎ ಡೇಟಾವನ್ನು ಸಾವಿರಾರು ವರ್ಷ ಉಳಿದುಕೊಳ್ಳುತ್ತದೆ. ಇಂತಹ ಅದ್ಭುತ ತಂತ್ರಜ್ಞಾನವನ್ನು ಬೆಂಗಳೂರಿನಲ್ಲಿ ಸ್ಥಾಪಿಸಿ, ದೊಡ್ಡ ಸಂಸ್ಥೆಯಾಗಿ ಕಟ್ಟುವ ಪ್ರಯತ್ನ ಮಾಡಿದ್ದರು. ಆದರೆ ಈಗ ಬೆಂಗಳೂರಿನ ಪ್ರಯೋಗಾಲಯವನ್ನು ಮಾರಾಟ ಮಾಡಿ ಸ್ಯಾನ್ ಫ್ರಾನ್ಸಿಸ್ಕೋಗೆ ಶಿಫ್ಟ್ ಮಾಡಿದ್ದಾರೆ.

Meet Anagha Rajesh

24-year-old entrepreneur who invested ₹5 crore to build a Bengaluru-based lab called BioCompute.

She developed technology that can store data in DNA.

When she approached Indian investors they refused to fund her company because they wanted quick returns, which BioCompute couldn’t promise.

She also received no meaningful support from the Indian government.

Anagha eventually sold her lab for pennies and moved to the United States. As soon as she arrived investors lined up.

Bitter truth: India talks about becoming a global superpower but fails to value the skilled people who want to build India.

— Dr. Rajeshwari Iyer (@RajeshwariRW) October 20, 2026

ಏನಿದು ಬಯೋಕಂಪ್ಯೂಟರ್? ಹೇಗೆ ಪ್ರಾರಂಭ ಆಯ್ತು?

2024ರಲ್ಲಿ ಅನಘ ಬಯೋಕಂಪ್ಯೂಟರ್ ಎಂಬ ಸ್ಟಾರ್ಟ್ ಅಪ್ ಅನ್ನು ಪ್ರಾರಂಭಿಸಿದ್ದರು. ಇಲ್ಲಿ ಹೊಸ ಡಿಎನ್‌ಎ ಅನ್ನು ಟೆಂಪ್ಲೇಟ್‌ಗಳಲ್ಲಿ ಕಿಣ್ವಗಳೊಂದಿಗೆ ಬರೆಯಲಾಗುತ್ತದೆ. ಇದಕ್ಕೆ ಕಡಿಮೆ ಖರ್ಚಾಗುತ್ತದೆ. ಒಂದು ಮೆಗಾಬೈಟ್ ಡಿಎನ್‌ಎ ಡೇಟಾ ಸಂಗ್ರಹಕ್ಕೆ ಕೇವಲ ಒಂದು ಡಾಲರ್ ಮಾತ್ರ ಖರ್ಚಾಗುತ್ತದೆ. ಇಂದಿನ ತಂತ್ರಜ್ಞಾನಗಳಿಗೆ ಹೋಲಿಕೆ ಮಾಡಿದರೆ ಇದು ಬಹಳ ಕಡಿಮೆ ವೆಚ್ಚದ ತಂತ್ರಜ್ಞಾನ ಎಂದು ಖ್ಯಾತಿ ಪಡೆದುಕೊಂಡಿತ್ತು.

ಇಂತಹ ಒಂದು ಪ್ರಯೋಗ ಭಾರತದಲ್ಲಿ ಮೊದಲ ಬಾರಿಗೆ ಬೆಂಗಳೂರಿನಲ್ಲಿ ಲ್ಯಾಬ್ ಆರಂಭಿಸಲಾಗಿತ್ತು. ಕೋರಮಂಗಲದಲ್ಲಿ ನಿರ್ಮಿಸಲಾಗಿದ್ದ ಈ ಲ್ಯಾಬ್ ನಲ್ಲಿ ಸಾವಿರಾರು ಪ್ರಯೋಗಗಳನ್ನು ಮಾಡಲಾಗಿತ್ತು. ಇದಕ್ಕಾಗಿ ಸುಮಾರು ಐದು ಕೋಟಿ ರೂಪಾಯಿ ವೆಚ್ಚ ಮಾಡಲಾಗಿತ್ತು. ಆದರೆ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಅನಘ, ಜೂನ್‌ನಲ್ಲಿ ಒಂದು ಬ್ಲಾಗ್ ಪೋಸ್ಟ್‌ ಮಾಡಿದ್ದರು. ಇದರಲ್ಲಿ ಬೆಂಗಳೂರಿನ ಲ್ಯಾಬ್ ಅನ್ನು ಸ್ಥಗಿತಗೊಳಿಸಲಾಗಿದೆ. ಲ್ಯಾಬ್ ಉಪಕರಣಗಳನ್ನು ಕಡಿಮೆ ದರಕ್ಕೆ ಮಾರಾಟ ಮಾಡಲಾಯಿತು ಎಂದು ಬರೆದುಕೊಂಡು ಮಾಹಿತಿ ಹಂಚಿಕೊಂಡಿದ್ದರು. ಅಲ್ಲದೇ ಹೊಸ ಲ್ಯಾಬ್ ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿದೆ, ಮುಂದಿನ ತಂತ್ರಜ್ಞಾನ ಅಭಿವೃದ್ಧಿ ಹೆಚ್ಚು ಅಪಾಯ ಮತ್ತು ಹೂಡಿಕೆ ಹಾಗೂ ಹೆಚ್ಚಿನ ಪ್ರತಿಭೆಗಳನ್ನು ಒಳಗೊಂಡಿದೆ ಎಂದು ತಿಳಿಸಿದ್ದಾರೆ.

ಅನಘ ಅವರ ಸ್ಟೋರಿ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ಹೂಡಿಕೆ, ಸಂಶೋಧನೆ ಮತ್ತು ಮೂಲಸೌಕರ್ಯ ಸೇರಿದಂತೆ ಡಿಎನ್‌ಎ ಡೇಟಾದಂತಹ ದೀರ್ಘಕಾಲದ ವೈಜ್ಞಾನಿಕ ತಂತ್ರಜ್ಞಾನಕ್ಕೆ ಅಮೆರಿಕಾದಲ್ಲಿ ಹೆಚ್ಚಿನ ಬೆಂಬಲ ಸಿಗುವ ಅವರು ಅಲ್ಲಿಗೆ ಶಿಫ್ಟ್ ಆಗಿದ್ದಾರೆ ಎಂಬ ಅಭಿಪ್ರಾಯವನ್ನು ಹಲವರು ವ್ಯಕ್ತಪಡಿಸಿದ್ದಾರೆ. ಹೊಸ ತಂತ್ರಜ್ಞಾನ ರೂಪಿಸಲು ವಿದೇಶಗಳಲ್ಲಿ ಹೆಚ್ಚಿನ ಅವಕಾಶ ನೀಡಿದರೆ, ನಮ್ಮಲ್ಲಿ ಇದರಿಂದ ಲಾಭ ಯಾವಾಗ ಸಿಗುತ್ತೆ ಅಂತ ಹೂಡಿಕೆದಾರರು ಯೋಚನೆ ಮಾಡುತ್ತಾರೆ. ಡಿಎನ್ಎ ಸಂಗ್ರಹಣೆಯ ತಂತ್ರಜ್ಞಾನ ನಿರೀಕ್ಷಿತ ಮಟ್ಟದಲ್ಲಿ ಯಶಸ್ವಿಯಾಗಿದರೆ ಜಗತ್ತಿನ ತಂತ್ರಜ್ಞಾನವೇ ಬದಲಾವಣೆ ಆಗಲಿದೆ ಎಂದು ಕೆಲವರು ಪ್ರತಿಕ್ರಿಯೆ ನೀಡಿದ್ದಾರೆ.

ಮುಂದಿನ 3 ಗಂಟೆ ರಾಜ್ಯದ ಈ 13 ಜಿಲ್ಲೆಗಳಲ್ಲಿ ಮಳೆ ಸಾಧ್ಯತೆ: ನಿಮ್ಮ ಜಿಲ್ಲೆ ಇದೆಯೇ ನೋಡಿ?

Govindaraj S — Thu, 22 Oct 2026 17:39:24 +0530

ಬೆಂಗಳೂರು (ಅ.22): ಬೆಂಗಳೂರು ಸೇರಿದಂತೆ ರಾಜ್ಯದ 13 ಜಿಲ್ಲೆಗಳಲ್ಲಿ ಮುಂದಿನ ಮೂರು ಗಂಟೆಗಳಲ್ಲಿ ಮಳೆಯಾಗುವ ಸಾಧ್ಯತೆ ಇದೆ. ಗುಡುಗು, ಸಿಡಿಲು ಸಹಿತ ಸಾಧಾರಣ ಮಳೆಯಾಗುವ ಮುನ್ಸೂಚನೆ ಇದ್ದು, ಗಂಟೆಗೆ 30ರಿಂದ 40 ಕಿಲೋಮೀಟರ್ ವೇಗದಲ್ಲಿ ಬಿರುಗಾಳಿ ಬೀಸುವ ಸಾಧ್ಯತೆಯೂ ಇದೆ.

ರಾಜ್ಯದ ಹಲವು ಭಾಗಗಳಲ್ಲಿ ಹವಾಮಾನದಲ್ಲಿ ಬದಲಾವಣೆಯಾಗುವ ಮುನ್ಸೂಚನೆ ನೀಡಲಾಗಿದೆ. ಬೆಂಗಳೂರು ನಗರ ಮತ್ತು ಗ್ರಾಮಾಂತರ ಜಿಲ್ಲೆಗಳು ಸೇರಿದಂತೆ ಒಟ್ಟು 13 ಜಿಲ್ಲೆಗಳಲ್ಲಿ ಮುಂದಿನ ಮೂರು ಗಂಟೆಗಳ ಅವಧಿಯಲ್ಲಿ ಮಳೆಯಾಗುವ ಸಾಧ್ಯತೆ ಇದೆ ಎಂದು ತಿಳಿಸಲಾಗಿದೆ.

ಬೆಂಗಳೂರಿನಲ್ಲೂ ಮಳೆ ಸಾಧ್ಯತೆ

ಬೆಂಗಳೂರು ನಗರ ಮತ್ತು ಬೆಂಗಳೂರು ಗ್ರಾಮಾಂತರ ಜಿಲ್ಲೆಗಳಲ್ಲಿ ಗುಡುಗು, ಸಿಡಿಲು ಸಹಿತ ಸಾಧಾರಣ ಮಳೆಯಾಗುವ ಸಾಧ್ಯತೆ ಇದೆ. ಮಳೆಯೊಂದಿಗೆ ಗಂಟೆಗೆ 30-40 ಕಿ.ಮೀ ವೇಗದಲ್ಲಿ ಗಾಳಿ ಬೀಸುವ ಸಾಧ್ಯತೆಯೂ ಇರುವುದರಿಂದ ಸಾರ್ವಜನಿಕರು ಎಚ್ಚರಿಕೆ ವಹಿಸುವುದು ಸೂಕ್ತ.

ಮೈಸೂರು, ತುಮಕೂರು ಸೇರಿ ಹಲವು ಜಿಲ್ಲೆಗಳಿಗೆ ಮಳೆ ಮುನ್ಸೂಚನೆ

ಬೆಂಗಳೂರು ಹೊರತುಪಡಿಸಿ ಮೈಸೂರು, ತುಮಕೂರು, ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಗಳಲ್ಲಿಯೂ ಮಳೆಯಾಗುವ ಸಾಧ್ಯತೆ ಇದೆ. ಈ ಜಿಲ್ಲೆಗಳ ಕೆಲವು ಪ್ರದೇಶಗಳಲ್ಲಿ ಮುಂದಿನ ಮೂರು ಗಂಟೆಗಳಲ್ಲಿ ಮೋಡ ಕವಿದ ವಾತಾವರಣದೊಂದಿಗೆ ಗುಡುಗು, ಸಿಡಿಲು ಕಾಣಿಸಿಕೊಳ್ಳಬಹುದು.

ಮಲೆನಾಡು ಮತ್ತು ಕರಾವಳಿ ಜಿಲ್ಲೆಗಳಲ್ಲೂ ಮಳೆ

ಕೊಡಗು, ಚಿಕ್ಕಮಗಳೂರು, ಶಿವಮೊಗ್ಗ ಮತ್ತು ಹಾಸನ ಜಿಲ್ಲೆಗಳಿಗೆ ಮಳೆ ಮುನ್ಸೂಚನೆ ನೀಡಲಾಗಿದೆ. ಕರಾವಳಿ ಭಾಗದ ಉಡುಪಿ ಮತ್ತು ದಕ್ಷಿಣ ಕನ್ನಡ ಜಿಲ್ಲೆಗಳಲ್ಲಿಯೂ ಮಳೆಯಾಗುವ ಸಾಧ್ಯತೆ ಇದೆ.

ಗಂಟೆಗೆ 30-40 ಕಿ.ಮೀ ವೇಗದಲ್ಲಿ ಗಾಳಿ ಬೀಸುವ ಸಾಧ್ಯತೆ

ಮಳೆಯ ಜೊತೆಗೆ ಗಂಟೆಗೆ 30ರಿಂದ 40 ಕಿ.ಮೀ ವೇಗದಲ್ಲಿ ಬಿರುಗಾಳಿ ಬೀಸುವ ಸಾಧ್ಯತೆ ಇರುವುದರಿಂದ ಸಾರ್ವಜನಿಕರು ಮುನ್ನೆಚ್ಚರಿಕೆ ವಹಿಸಬೇಕು. ಗುಡುಗು ಮತ್ತು ಸಿಡಿಲು ಕಾಣಿಸಿಕೊಂಡರೆ ಮರಗಳ ಕೆಳಗೆ ಅಥವಾ ತೆರೆದ ಪ್ರದೇಶಗಳಲ್ಲಿ ನಿಲ್ಲುವುದನ್ನು ತಪ್ಪಿಸಿ, ಸುರಕ್ಷಿತ ಕಟ್ಟಡದೊಳಗೆ ಆಶ್ರಯ ಪಡೆಯುವುದು ಉತ್ತಮ. ಮುಂದಿನ ಮೂರು ಗಂಟೆಗಳು ಬೆಂಗಳೂರು ಸೇರಿದಂತೆ ಮಳೆ ಮುನ್ಸೂಚನೆ ಇರುವ ಜಿಲ್ಲೆಗಳ ನಿವಾಸಿಗಳಿಗೆ ಎಚ್ಚರಿಕೆಯಿಂದ ಇರಬೇಕಾದ ಸಮಯವಾಗಿದೆ. ಹೊರಗೆ ತೆರಳುವವರು ಮುನ್ನೆಚ್ಚರಿಕೆ ವಹಿಸುವುದು ಸೂಕ್ತ.

'ಆತನ ಬ್ಯಾಟಿಂಗ್ ನೋಡೋದೇ ಖುಷಿ' ಗೆಲುವಿನ ಬೆನ್ನಲ್ಲೇ ಈ ಆಟಗಾರನಿಗೆ ಕ್ರೆಡಿಟ್ ಕೊಟ್ಟ ಕ್ಯಾಪ್ಟನ್ ಅಯ್ಯರ್

Ganesh Mabla Gowda — Thu, 22 Oct 2026 17:35:13 +0530

ನ್ಯೂಜಿಲೆಂಡ್ ವಿರುದ್ಧದ ಮೊದಲ ಟಿ-20 ಪಂದ್ಯವನ್ನು ಟೀಂ ಇಂಡಿಯಾ 4 ವಿಕೆಟ್‌ಗಳಿಂದ ರೋಚಕವಾಗಿ ಗೆದ್ದುಕೊಂಡಿದೆ. ಬೆನ್ನಲ್ಲೇ ಟೀಂ ಇಂಡಿಯಾ ನಾಯಕ ಶ್ರೇಯಸ್ ಅಯ್ಯರ್.. ವಿಶ್ವಕಪ್ ಎದುರು ನೋಡುತ್ತಿರುವ ಎದುರಾಳಿ ತಂಡಗಳಿಗೆ ಬಿಗ್ ಮೆಸೇಜ್ ಪಾಸ್ ಮಾಡಿದ್ದಾರೆ.

ಇವತ್ತಿನ ಪಂದ್ಯದ ಬಗ್ಗೆ ಅಯ್ಯರ್ ಏನಂದ್ರು?

ಇವತ್ತು ನಮಗೆ ಸಿಕ್ಕಿರೋದು ಅದ್ಭುತ ಜಯ. ಈ ಗೆಲುವಿನೊಂದಿಗೆ ಪ್ರಯಾಣದ ಆಯಸದ ಬಗ್ಗೆ ಯೋಚನೆ ಮಾಡೋದನ್ನು ಬಿಡಬೇಕು. ಮೊದಲು ಬೌಲಿಂಗ್ ಮಾಡಿದ ನಮಗೆ ಪಿಚ್ ಸ್ಲೋ ಇದೆ ಅನಿಸಿತು. ಪ್ರತಿಬಾರಿಯೂ ಬೌಲಿಂಗ್ ಮಾಡಿದಾಗ ಸ್ವಲ್ಪ ನಿಂತು ಮುಂದೆ ಬರುತ್ತಿತ್ತು. ಕೊನೆಗೆ ನಾವು ಸ್ವಲ್ಪ ಮುಂದೆ ಬೌಲಿಂಗ್ ಮಾಡಿದೇವು. ಆದರೆ ಪಂದ್ಯ ಸಾಗುತ್ತಿದ್ದಂತೆಯೇ ಇಬ್ಬನಿ ಶುರುವಾಯಿತು. ಪರಿಣಾಮ ಎದುರಾಳಿ ತಂಡದ ಬ್ಯಾಟರ್‍‌ಗಳು ಬಾಲ್‌ಗಳನ್ನ ಸರಾಗವಾಗಿ ಬೌಂಡರಿ ಲೈನ್‌ಗೆ ಕಳುಹಿಸಿದರು. ಹೀಗಾಗಿ ಅವರು ಉತ್ತಮ ರನ್ ಕಲೆ ಹಾಕಿದರು. ಇಲ್ಲಿ ನಾವು ಅವರ ಹೋರಾಟವನ್ನು ಮೆಚ್ಚಲೇಬೇಕು.

ಜೊತೆಗೆ 220 ರನ್‌ಗಳಂತಹ ದೊಡ್ಡ ಮೊತ್ತವನ್ನು ಬೆನ್ನಟ್ಟುವಾಗ ನಮಗೆ ಉತ್ತಮ ಆರಂಭ ಬೇಕಿತ್ತು. ನಾವು ಕೇವಲ 6 ಓವರ್‍‌ನಲ್ಲೇ 80 ರಿಂದ 85 ರನ್‌ಗಳಿಸಿದೇವು. ಅದನ್ನು ಸಂಜು ಮತ್ತು ಅಭಿಷೇಕ್ ಶರ್ಮಾ ಮಾಡಿದರು. ಅವರಿಗೆ ನಾನು ಸಲಹೆ ನೀಡುವ ಅಗತ್ಯ ಇಲ್ಲ. ಅವರಿಬ್ಬರೂ ಅನುಭವಿಗಳು. ಸಂದರ್ಭಕ್ಕೆ ತಕ್ಕಂತೆ ಹೇಗೆ ಆಡಬೇಕು ಅನ್ನೋದು ಗೊತ್ತಿದೆ. ಒಮ್ಮೆ ಲಯ ಕಂಡುಕೊಂಡರೆ.. ಅದೇ ಬಿರುಸಿನ ಆಟವನ್ನು ಮುಂದುವರಿಸಿಕೊಂಡು ಹೋಗುತ್ತಾರೆ. ಅದಕ್ಕೆ ಉದಾಹರಣೆ ಅಂದ್ರೆ ಇವತ್ತಿನ ಪಂದ್ಯ.

ಆದರೆ ಪ್ರತಿ ಬಾರಿಯೂ ಹೀಗಾಗಲು ಸಾಧ್ಯವಿಲ್ಲ. ಒಮ್ಮೆ ಕ್ಲಿಕ್ ಆದರೆ ಪಂದ್ಯವನ್ನು ಸುಲಭವಾಗಿ ನಮ್ಮ ಕಡೆಗೆ ತಿರುಗಿಸಿಬಿಡುತ್ತಾರೆ. ಉಳಿದ ಬ್ಯಾಟರ್‌ಗಳಾದ ನಾವು ಬಂದು ಇನ್ನಿಂಗ್ಸ್‌ಗೆ ಆಸರೆಯಾಗಿ ನಿಂತು ಪಂದ್ಯವನ್ನು ಗೆಲ್ಲಿಸಿಕೊಡುವುದಷ್ಟೇ ನಮ್ಮ ಕೆಲಸವಾಗಿರುತ್ತದೆ ಎಂದರು.

ನಮನ್ ಧೀರ್ ಹೊಗಳಿದ ಕ್ಯಾಪ್ಟನ್

ಇದೇ ವೇಳೆ ಯುವ ಆಟಗಾರ ನಮನ್ ಧೀರ್ ಬ್ಯಾಟಿಂಗ್ ಮತ್ತು ಬೌಲಿಂಗ್ ಬಗ್ಗೆ ಹೊಗಳಿದರು. ಪಂದ್ಯದ ವೇಳೆ ಅವರು ನಮಗೆ ಸಾಕಷ್ಟು ಆಯ್ಕೆಗಳನ್ನು ನೀಡುತ್ತಾರೆ. ಎಡಗೈ ಅಥವಾ ಬಲಗೈ ಬ್ಯಾಟರ್‌ಗಳೇ ಇರಲಿ.. ವಿಶೇಷವಾಗಿ ಈ ಮೈದಾನದಲ್ಲಿ ಬಂದು ಆ 2-3 ಪ್ರಮುಖ ಓವರ್‌ಗಳನ್ನು ಬೌಲ್ ಮಾಡುವುದು ಪಂದ್ಯದ ಗತಿಯನ್ನೇ ಬದಲಾಯಿಸಬಲ್ಲದು. ಅವರ ಬಗ್ಗೆ ವೈಯಕ್ತಿಕವಾಗಿ ಹೇಳುವುದಾದರೆ.. ಇಂದು ಅವರು ತೋರಿದ ಆ ಶಾಂತ ಮತ್ತು ಸಂಯಮದ ಆಟ ಅದ್ಭುತವಾಗಿತ್ತು. ಅವರ ಬ್ಯಾಟಿಂಗ್ ನೋಡುವುದೇ ಒಂದು ಖುಷಿ ಎಂದು ಬಣ್ಣಿಸಿದ್ದಾರೆ.

ಪಂದ್ಯ ಹೇಗಿತ್ತು?

ಮೊದಲು ಬ್ಯಾಟ್ ಮಾಡಿದ್ದ ನ್ಯೂಜಿಲೆಂಡ್ 20 ಓವರ್‍‌ನಲ್ಲಿ 4 ವಿಕೆಟ್ ಕಳೆದುಕೊಂಡು 225 ರನ್‌ಗಳಿಸಿತ್ತು. ಈ ಗುರಿ ಬೆನ್ನು ಹತ್ತಿದ್ದ ಭಾರತ ತಂಡ 19.4 ಓವರ್‍‌ಗೆ 6 ವಿಕೆಟ್ ಕಳೆದುಕೊಂಡು 230 ರನ್‌ಗಳಿಸಿ ಗೆಲುವು ಸಾಧಿಸಿತು. ಟೀಂ ಇಂಡಿಯಾ ಪರ ಸಂಜು ಸ್ಯಾಮ್ಸನ್ 67, ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ 42, ನಮನ್ ಧೀರ್ 42, ಅಭಿಷೇಕ್ ಶರ್ಮಾ 29 ರನ್‌ಗಳ ಕಾಣಿಕೆ ನೀಡಿದರು.

SBI ಗ್ರಾಹಕರ ಡೇಟಾ ಲೀಕ್: ಈ ಕ್ಷಣದಲ್ಲಿ ನೀವು ಮಾಡಲೇಬೇಕಾದದ್ದು ಏನು? ಹೀಗೆ ಮಾಡಿ ಸೇಫ್ ಆಗಿರಿ

Suchethana D — Thu, 22 Oct 2026 17:32:29 +0530

ಮುಂಬೈ: ಸ್ಟೇಟ್ ಬ್ಯಾಂಕ್ ಆಫ್‌ ಇಂಡಿಯಾ(SBI)ದ ಮೇಲೆ ದೊಡ್ಡ ರೀತಿಯ ಸೈಬರ್ ಅಟ್ಯಾಕ್ ಆಗಿದೆ. ಈ ಸೈಬರ್ ದಾಳಿಯಿಂದ ಸರಿಸುಮಾರು 3,897 ಗ್ರಾಹಕರ ಪರ್ಸನಲ್ ಡೇಟಾ ಡಾರ್ಕ್‌ ವೆಬ್‌ನಲ್ಲಿ ಲೀಕ್ ಆಗಿದೆ ಎಂದು ಸ್ವತಃ ಬ್ಯಾಂಕ್ ಅಧಿಕಾರಿಗಳು ಖಚಿತಪಡಿಸಿದ್ದಾರೆ. ಆದರೆ ಅದು ಯಾರ ಡೇಟಾ ಏನು ಎನ್ನುವುದು ಪಬ್ಲಿಕ್ ಆಗಲಿಲ್ಲ. ಆದರೆ, ಈಗ ಲೀಕ್ ಆಗಿರುವ ಡೇಟಾದಲ್ಲಿ ಗ್ರಾಹಕರ ಹೆಸರು, ಫೋನ್ ನಂಬರ್, ಜನ್ಮ ದಿನಾಂಕ, ಲೋನ್ ಪಡೆಯಲು ನೀಡಿರುವ ಅಗತ್ಯ ದಾಖಲೆಗಳು ಲೀಕ್ ಆಗಿವೆ. ಷೇರು ವಿನಿಮಯ ಕೇಂದ್ರಕ್ಕೆ ನೀಡಿರುವ ಮಾಹಿತಿಯಲ್ಲಿ ಡಾರ್ಕ್‌ ವೆಬ್‌ನಲ್ಲಿ ಪತ್ತೆಯಾದ ಸುಮಾರು 3.75 ಲಕ್ಷ ದಾಖಲೆಗಳ ಪ್ರಾಥಮಿಕ ತನಿಖೆಯ ಬಳಿಕ 3897 ಗ್ರಾಹಕರ ವೈಯುಕ್ತಿಕ ಗುರುತಿನ ಮಾಹಿತಿ ಲೀಕ್ ಆಗಿದೆ ಎನ್ನುವುದನ್ನು ಬ್ಯಾಂಕ್ ಖಚಿತಪಡಿಸಿದೆ.

ನಿಮ್ಮ SBI ಬ್ಯಾಂಕ್ ಖಾತೆ ಸುರಕ್ಷಿತವಾಗಿದೆಯೇ?

ಡೇಟಾ ಸೋರಿಕೆ ಎಂದರೆ ನಿಮ್ಮ ಬ್ಯಾಂಕ್ ಖಾತೆಯನ್ನು ಹ್ಯಾಕ್ ಮಾಡಲಾಗಿದೆ ಅಥವಾ ನಿಮ್ಮ ಹಣವನ್ನು ಹಿಂಪಡೆಯುವ ಅಪಾಯವಿದೆ ಎಂದಲ್ಲ. ವೈಯಕ್ತಿಕ ಮಾಹಿತಿಯ ಬಹಿರಂಗಪಡಿಸುವಿಕೆ ಮತ್ತು ಬ್ಯಾಂಕ್ ಖಾತೆಗೆ ಅನಧಿಕೃತ ಪ್ರವೇಶದ ನಡುವೆ ಪ್ರಮುಖ ವ್ಯತ್ಯಾಸವಿದೆ. SBI ಯ ಪ್ರಾಥಮಿಕ ಸಂಶೋಧನೆಗಳು ಗ್ರಾಹಕರ ಗುರುತಿನ ವಿವರಗಳು ಮತ್ತು ಸಾಲಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಸೂಚಿಸುತ್ತವೆ. ಲಭ್ಯವಿರುವ ಮಾಹಿತಿಯು ಖಾತೆಯ ಪಾಸ್‌ವರ್ಡ್‌ಗಳು, ಪಿನ್‌ಗಳು, OTP ಗಳು ಅಥವಾ ವಹಿವಾಟು ರುಜುವಾತುಗಳು ರಾಜಿಯಾಗಿವೆ ಎಂದು ಸ್ಥಾಪಿಸುವುದಿಲ್ಲ..

3,897 ದಾಖಲೆಗಳ ಗುರುತಿಸುವಿಕೆಯು 3,897 ಖಾತೆಗಳನ್ನು ಹ್ಯಾಕ್ ಮಾಡಲಾಗಿದೆ ಅಥವಾ ಹಣವನ್ನು ಕಳವು ಮಾಡಲಾಗಿದೆ ಎಂದು ಅರ್ಥವಲ್ಲ. ಆದಾಗ್ಯೂ, ಗ್ರಾಹಕರು ಬಹಿರಂಗಪಡಿಸುವಿಕೆಯನ್ನು ನಿರ್ಲಕ್ಷಿಸಬಾರದು. ನೀವೇನೂ ಕೂಡಲೇ ಗಾಬರಿಯಾಗಬೇಕೆಂದೇನೂ ಇಲ್ಲ. ಹಾಗಂತ ಕೋಟ್ಯಂತರ ಮಂದಿ ಗ್ರಾಹಕರ ಪೈಕಿ ನನ್ನ ಡಾಟಾ ಲೀಕ್ ಆಗಿರಲಿಕ್ಕಿಲ್ಲ ಎಂದು ಸುಮ್ಮನೆಯೂ ಇರುವಂತಿಲ್ಲ. ನೀವು ಕೂಡಲೇ ಕೆಲವೊಂದು ಮುನ್ನೆಚ್ಚರಿಕೆಯನ್ನು ತೆಗೆದುಕೊಳ್ಳಬೇಕಿದೆ.

ವಂಚಕರು ಏನು ಮಾಡಬಹುದು?

ನಿಮ್ಮಲ್ಲಿ ಕೆಲವರ ಸಂಪೂರ್ಣ ಡಿಟೇಲ್ಸ್ ವಂಚಕರ ಕೈವಶ ಆಗಿರುವ ಹಿನ್ನೆಲೆಯಲ್ಲಿ, ಅವರು, ನಿಮಗೆ ಬ್ಯಾಂಕ್ ಅಧಿಕಾರಿಗಳೆಂದು ಹೇಳಿ ಕಾಲ್ ಮಾಡಬಹುದುದ. ನಿಮ್ಮ ಹೆಸರು, ಮೊಬೈಲ್ ಸಂಖ್ಯೆ, ವಿಳಾಸ ಅಥವಾ ಸಾಲಕ್ಕೆ ಸಂಬಂಧಿಸಿದ ವಿವರಗಳನ್ನು ತಿಳಿದಿರುವ ಯಾರಾದರೂ ಬ್ಯಾಂಕ್ ಉದ್ಯೋಗಿಯಾಗಿ ನಟಿಸಿ ನಿಮ್ಮ ಖಾತೆ ಅಥವಾ ಅರ್ಜಿಯಲ್ಲಿ ಸಮಸ್ಯೆ ಇದೆ ಎಂದು ಹೇಳಿಕೊಳ್ಳಬಹುದು. ಕರೆ ಮಾಡಿದವರು ನಿಮ್ಮ ಗುರುತನ್ನು ಪರಿಶೀಲಿಸಲು, ನಿಮ್ಮ KYC ವಿವರಗಳನ್ನು ನವೀಕರಿಸಲು ಅಥವಾ ಇನ್ನೇನೋ ಕೇಳಬಹುದು. ಹೀಗೆ ಯಾರೇ ಕಾಲ್ ಮಾಡಿ ಏನೇ ಹೇಳಿದರೂ, ನಿಮ್ಮ ಯಾವುದೇ ಮಾಹಿತಿ ಕೊಡಲೇಬೇಡಿ. ಅವರ ಬಳಿ ನಿಮ್ಮ ಎಲ್ಲಾ ಡಿಟೇಲ್ಸ್ ಇರುವ ಕಾರಣದಿಂದ ನಿಮ್ಮನ್ನು ಬ್ಯಾಂಕ್ ಅಧಿಕಾರಿ ಎಂದು ಸುಲಭದಲ್ಲಿ ವಂಚಿಸಬಹುದು. ಅವರು ಏನೇ ಕೇಳಿದರೂ ಅದಕ್ಕೆ ಉತ್ತರಿಸಬೇಡಿ. ಅದರಲ್ಲಿಯೂ ಮುಖ್ಯವಾಗಿ ಅವರು ಕೇಳೋದು OTP, PIN ಅಥವಾ ಪಾಸ್‌ವರ್ಡ್. ಇದನ್ನಂತೂ ಯಾವುದೇ ಕಾರಣಕ್ಕೂ ಹೇಳಬೇಡಿ.

ಸಾಲದ ಅರ್ಜಿಗಳಿಗೆ ಲಿಂಕ್ ಮಾಡಲಾದ ಮಾಹಿತಿಯ ಬಗ್ಗೆ ತಿಳಿದುಕೊಂಡು ನಿಮಗೆ ಒಂದಿಷ್ಟು ಆಮಿಷ ಒಡ್ಡಬಹುದು. ನಿಮ್ಮ ಸಾಲದಲ್ಲಿ ಮನ್ನಾ, ಕಡಿಮೆ ಬಡ್ಡಿದರ ಇತ್ಯಾದಿ ಹೇಳಿ ಮೋಸ ಮಾಡಬಹುದು. ಆದ್ದರಿಂದ ಇಂಥ ಸಂದರ್ಭಗಳಲ್ಲಿಯೂ ಅವರ ಆಮಿಷಕ್ಕೆ ಬಲಿಯಾಗದೇ ಯಾವುದೇ ಮಾಹಿತಿ ನೀಡಬೇಡಿ.

SBI ಖಾತೆದಾರರು ಈಗ ಏನು ಮಾಡಬೇಕು?

ಈ ಬಹಿರಂಗಪಡಿಸುವಿಕೆಯಿಂದಾಗಿ ಗ್ರಾಹಕರು ಭಯಭೀತರಾಗುವ ಅಥವಾ ತಮ್ಮ ಬ್ಯಾಂಕ್ ಖಾತೆಗಳನ್ನು ಮುಚ್ಚುವ ಅಗತ್ಯವಿಲ್ಲ. ಆದಾಗ್ಯೂ, ಕೆಲವು ಮುನ್ನೆಚ್ಚರಿಕೆಗಳು ಹಣಕಾಸಿನ ವಂಚನೆಗೆ ಗುರಿಯಾಗುವ ಅಪಾಯವನ್ನು ಕಡಿಮೆ ಮಾಡಬಹುದು.

1. ನಿಮ್ಮ OTP, PIN ಅಥವಾ ಪಾಸ್‌ವರ್ಡ್ ಅನ್ನು ಎಂದಿಗೂ ಹಂಚಿಕೊಳ್ಳಬೇಡಿ

ನಿಮ್ಮ ಒಂದು-ಬಾರಿ ಪಾಸ್‌ವರ್ಡ್ (OTP), ATM PIN, ಇಂಟರ್ನೆಟ್ ಬ್ಯಾಂಕಿಂಗ್ ಪಾಸ್‌ವರ್ಡ್ ಅಥವಾ ಇತರ ಗೌಪ್ಯ ರುಜುವಾತುಗಳನ್ನು SBI ಅನ್ನು ಪ್ರತಿನಿಧಿಸುತ್ತೇವೆ ಎಂದು ಹೇಳಿಕೊಳ್ಳುವ ಯಾರೊಂದಿಗೂ ಹಂಚಿಕೊಳ್ಳಬೇಡಿ. ನಿಮ್ಮ ವೈಯಕ್ತಿಕ ವಿವರಗಳನ್ನು ತಿಳಿದಿರುವ ಕರೆ ಮಾಡುವವರು ಅವರು ಬ್ಯಾಂಕ್‌ಗಾಗಿ ಕೆಲಸ ಮಾಡುತ್ತಾರೆ ಎಂದು ಸಾಬೀತುಪಡಿಸುವುದಿಲ್ಲ.

2. ಅನಿರೀಕ್ಷಿತ ಕರೆಗಳು ಮತ್ತು ಸಂದೇಶಗಳ ಬಗ್ಗೆ ಜಾಗರೂಕರಾಗಿರಿ

KYC ನವೀಕರಣಗಳು, ಖಾತೆ ನಿರ್ಬಂಧಗಳು, ಸಾಲ ಅನುಮೋದನೆಗಳು ಅಥವಾ ತುರ್ತು ಪರಿಶೀಲನೆಯ ಬಗ್ಗೆ ಅಪೇಕ್ಷಿಸದ ಕರೆಗಳನ್ನು ಅನುಮಾನದಿಂದ ಪರಿಗಣಿಸಿ. ಸಂದೇಶವು ನಿಮ್ಮ ಸರಿಯಾದ ವೈಯಕ್ತಿಕ ವಿವರಗಳನ್ನು ಹೊಂದಿರುವಂತೆ ಕಂಡುಬಂದರೂ ಸಹ, ಅಪರಿಚಿತ ಲಿಂಕ್‌ಗಳನ್ನು ಕ್ಲಿಕ್ ಮಾಡುವುದನ್ನು ಅಥವಾ ಅನಿರೀಕ್ಷಿತ ಲಗತ್ತುಗಳನ್ನು ತೆರೆಯುವುದನ್ನು ತಪ್ಪಿಸಿ.

3. ನಿಮ್ಮ ಖಾತೆಯ ವಹಿವಾಟುಗಳನ್ನು ನಿಯಮಿತವಾಗಿ ಪರಿಶೀಲಿಸಿ

ನೀವು ಗುರುತಿಸದ ಪಾವತಿಗಳಿಗಾಗಿ ನಿಮ್ಮ ಬ್ಯಾಂಕ್ ಸ್ಟೇಟ್‌ಮೆಂಟ್‌ಗಳು ಮತ್ತು ವಹಿವಾಟು ಇತಿಹಾಸವನ್ನು ಪರಿಶೀಲಿಸಿ. ಲಭ್ಯವಿರುವಲ್ಲೆಲ್ಲಾ SMS ಮತ್ತು ಇಮೇಲ್ ವಹಿವಾಟು ಎಚ್ಚರಿಕೆಗಳನ್ನು ಸಕ್ರಿಯಗೊಳಿಸಿ.

4. ನೀವು ಪರಿಚಯವಿಲ್ಲದ ವಹಿವಾಟನ್ನು ಗುರುತಿಸಿದರೆ, ಅದರ ಅಧಿಕೃತ ಚಾನೆಲ್‌ಗಳ ಮೂಲಕ ತಕ್ಷಣವೇ SBI ಅನ್ನು ಸಂಪರ್ಕಿಸಿ.

5. SBI ನ ಅಧಿಕೃತ ವೆಬ್‌ಸೈಟ್, ಅದರ ಪರಿಶೀಲಿಸಿದ ಬ್ಯಾಂಕಿಂಗ್ ಅಪ್ಲಿಕೇಶನ್‌ಗಳು ಅಥವಾ ಸ್ವತಂತ್ರವಾಗಿ ಪರಿಶೀಲಿಸಿದ ಗ್ರಾಹಕ-ಸೇವಾ ವಿವರಗಳನ್ನು ಬಳಸಿ. ಅನಿರೀಕ್ಷಿತ ಕರೆ ಮಾಡುವವರು ಅಥವಾ ಸಂದೇಶದಿಂದ ಒದಗಿಸಲಾದ ದೂರವಾಣಿ ಸಂಖ್ಯೆ ಅಥವಾ ಲಿಂಕ್ ಅನ್ನು ಅವಲಂಬಿಸಬೇಡಿ.

5. ಬ್ಯಾಂಕ್ ಉದ್ಯೋಗಿ ಎಂದು ಹೇಳಿಕೊಳ್ಳುವ ಯಾರೊಬ್ಬರ ಕೋರಿಕೆಯ ಮೇರೆಗೆ ಸ್ಕ್ರೀನ್-ಶೇರಿಂಗ್ ಅಥವಾ ರಿಮೋಟ್-ಆಕ್ಸೆಸ್ ಅಪ್ಲಿಕೇಶನ್ ಅನ್ನು ಎಂದಿಗೂ ಸ್ಥಾಪಿಸಬೇಡಿ.

6. ನಿಮ್ಮ ಕ್ರೆಡಿಟ್ ವರದಿಯನ್ನು ಮೇಲ್ವಿಚಾರಣೆ ಮಾಡಿ

ಸಾಲಗಳು ಅಥವಾ ಕ್ರೆಡಿಟ್ ಉತ್ಪನ್ನಗಳಿಗೆ ಅರ್ಜಿ ಸಲ್ಲಿಸಿದ ಗ್ರಾಹಕರು ಪರಿಚಯವಿಲ್ಲದ ಸಾಲ ಖಾತೆಗಳು, ಕ್ರೆಡಿಟ್ ಕಾರ್ಡ್‌ಗಳು ಅಥವಾ ಕ್ರೆಡಿಟ್ ವಿಚಾರಣೆಗಳಿಗಾಗಿ ತಮ್ಮ ಕ್ರೆಡಿಟ್ ವರದಿಗಳನ್ನು ನಿಯತಕಾಲಿಕವಾಗಿ ಪರಿಶೀಲಿಸಬೇಕು. ಯಾವುದೇ ಅನುಮಾನಾಸ್ಪದ ನಮೂದನ್ನು ಸಂಬಂಧಿತ ಸಾಲದಾತ ಮತ್ತು ಕ್ರೆಡಿಟ್ ಬ್ಯೂರೋಗೆ ವರದಿ ಮಾಡಿ.

7. ನಿಮ್ಮ ಇಮೇಲ್ ಮತ್ತು ಮೊಬೈಲ್ ಸಂಖ್ಯೆಯನ್ನು ಸುರಕ್ಷಿತಗೊಳಿಸಿ

ನಿಮ್ಮ ಇಮೇಲ್ ಖಾತೆಗೆ ಬಲವಾದ, ಅನನ್ಯ ಪಾಸ್‌ವರ್ಡ್ ಬಳಸಿ ಮತ್ತು ಲಭ್ಯವಿರುವಲ್ಲೆಲ್ಲಾ ಎರಡು-ಅಂಶ ದೃಢೀಕರಣವನ್ನು ಸಕ್ರಿಯಗೊಳಿಸಿ. ಸಾಧ್ಯವಾದರೆ ಪಾಸ್ವರ್ಡ್ ಬದಲಿಸಿ. ಇಲ್ಲದಿದ್ದರೆ, ಲಭ್ಯ ಇರುವ ಮಾಹಿತಿ ಪಡೆದು ಅವರೇ ಪಾಸ್‌ವರ್ಡ್‌ ಬದಲಿಸುವ ಸಾಧ್ಯತೆ ಇದೆ.

8. ನಿಮ್ಮ ಮೊಬೈಲ್ ನೆಟ್‌ವರ್ಕ್ ಇದ್ದಕ್ಕಿದ್ದಂತೆ ಕಾರ್ಯನಿರ್ವಹಿಸುವುದನ್ನು ನಿಲ್ಲಿಸಿದರೆ ಅಥವಾ ನಿಮ್ಮ ಸಿಮ್ ಅನಿರೀಕ್ಷಿತವಾಗಿ ಸೇವೆಯನ್ನು ಕಳೆದುಕೊಂಡರೆ, ಸಂಭವನೀಯ ಸಿಮ್-ಸಂಬಂಧಿತ ವಂಚನೆಯನ್ನು ತಳ್ಳಿಹಾಕಲು ನಿಮ್ಮ ಟೆಲಿಕಾಂ ಆಪರೇಟರ್ ಅನ್ನು ಸಂಪರ್ಕಿಸಿ.

9. ಶಂಕಿತ ಹಣಕಾಸು ವಂಚನೆಯನ್ನು ತಕ್ಷಣ ವರದಿ ಮಾಡಿ

ಅನಧಿಕೃತ ವಹಿವಾಟನ್ನು ನೀವು ಗಮನಿಸಿದರೆ ಅಥವಾ ಬ್ಯಾಂಕಿಂಗ್ ರುಜುವಾತುಗಳನ್ನು ಹಂಚಿಕೊಳ್ಳಲು ನಿಮ್ಮನ್ನು ಮೋಸಗೊಳಿಸಲಾಗಿದೆ ಎಂದು ನೀವು ಭಾವಿಸಿದರೆ, ತಕ್ಷಣ SBI ಅನ್ನು ಸಂಪರ್ಕಿಸಿ ಮತ್ತು ಅಗತ್ಯ ರಕ್ಷಣಾತ್ಮಕ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ವಿನಂತಿಸಿ.

ಇಟಲಿಯ ಬೂದಿಯೊಳಗಿಂದ ಎದ್ದುಬಂದ 2000 ವರ್ಷಗಳ ರೋಮನ್ ವೈಭವ, 1980ರಿಂದ ಸಾರ್ವಜನಿಕರಿಗೆ ನೋ ಎಂಟ್ರಿ ಇದ್ದ ನಿಗೂಢ ಅರಮನೆ

Gowthami K — Thu, 22 Oct 2026 17:25:29 +0530

ಪಾಂಪೆ (ಇಟಲಿ): ಪ್ರಾಚೀನ ಇಟಲಿಯ ಪಾಂಪೆ ಪುರಾತತ್ತ್ವ ಶಾಸ್ತ್ರದ ಅತ್ಯಂತ ಭವ್ಯ ಹಾಗೂ ಐತಿಹಾಸಿಕ ನಿವಾಸಗಳಲ್ಲಿ ಒಂದಾದ ‘ಮಾರ್ಕಸ್ ಫೇಬಿಯಸ್ ರುಫಸ್’ ಭವನಕ್ಕೆ ನೂತನ ಕಳೆ ಬರಲಿದೆ. ಸುಮಾರು 1.4 ಮಿಲಿಯನ್ ಯುರೋ ವೆಚ್ಚದಲ್ಲಿ ಈ ಪಾರಂಪರಿಕ ಕಟ್ಟಡವನ್ನು ಪುನಃಸ್ಥಾಪಿಸಲಾಗುತ್ತಿದ್ದು, ಇದರ ಸಂಪೂರ್ಣ ವೆಚ್ಚವನ್ನು ಖಾಸಗಿ ಉದ್ಯಮಿಯೊಬ್ಬರು ಭರಿಸುತ್ತಿದ್ದಾರೆ. ಬರುವ ಕ್ರಿಸ್‌ಮಸ್ ವೇಳೆಗೆ ಈ ಬೃಹತ್ ಅರಮನೆಯ ಒಂದು ಭಾಗವನ್ನು ಮಾರ್ಗದರ್ಶಿ ಪ್ರವಾಸಿ ಗುಂಪುಗಳಿಗೆ ವೀಕ್ಷಣೆಗೆ ಮುಕ್ತಗೊಳಿಸಲಾಗುವುದು ಎಂದು ಪಾಂಪೆ ಪುರಾತತ್ವ ಉದ್ಯಾನವನದ ಅಧಿಕಾರಿಗಳು ಅಧಿಕೃತವಾಗಿ ಪ್ರಕಟಿಸಿದ್ದಾರೆ.

ಕ್ರಿ.ಶ. 79 ರ ಜ್ವಾಲಾಮುಖಿ ಮತ್ತು ಅರಮನೆ ಇತಿಹಾಸ:

ಕ್ರಿಸ್ತಶಕ 79 ರಲ್ಲಿ ಸಂಭವಿಸಿದ ಮೌಂಟ್ ವೆಸುವಿಯಸ್ ಜ್ವಾಲಾಮುಖಿಯ ಭಯಾನಕ ಸ್ಫೋಟದಲ್ಲಿ ಇಡೀ ಪಾಂಪೆ ನಗರವೇ ಬೂದಿಯಡಿಯಲ್ಲಿ ಹೂತು ಹೋಗಿತ್ತು. ರೋಮ್‌ನ ಸಾಮ್ರಾಜ್ಯಶಾಹಿ ಅರಮನೆಗಳ ಮಾದರಿಯಲ್ಲೇ ನಿರ್ಮಿತವಾಗಿದ್ದ ಈ 'ಮಾರ್ಕಸ್ ಫೇಬಿಯಸ್ ರುಫಸ್' ನಿವಾಸವೂ ಅಂದು ಸರ್ವನಾಶವಾಗಿತ್ತು. ಪಾಂಪೆ ನಗರದ ರಕ್ಷಣಾ ಗೋಡೆಗಳ ಮೇಲೆ ನಾಲ್ಕು ಮಹಡಿಗಳಲ್ಲಿ ನಿರ್ಮಿಸಲಾಗಿದ್ದ ಈ ನಿವಾಸದಲ್ಲಿ ಸಂಕೀರ್ಣ ಕಾರಿಡಾರ್‌ಗಳು, ಜಟಿಲ ಮೆಟ್ಟಿಲುಗಳು ಹಾಗೂ ಐಷಾರಾಮಿ ಕೊಠಡಿಗಳಿವೆ. ಈ ಭವನದ ಮಾಲೀಕರು ಅಂದಿನ ರೋಮನ್ ಸಾಮ್ರಾಜ್ಯದ ಪ್ರಭಾವಿ ಮ್ಯಾಜಿಸ್ಟ್ರೇಟ್ ಆಗಿರಬಹುದು ಎಂದು ಇತಿಹಾಸಕಾರರು ನಂಬುತ್ತಾರೆ. 1980 ರಿಂದೀಚೆಗೆ ಭದ್ರತಾ ಕಾರಣಗಳಿಂದ ಈ ಕಟ್ಟಡಕ್ಕೆ ಸಾರ್ವಜನಿಕರ ಪ್ರವೇಶವನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿತ್ತು.

3,000 ಚದರ ಮೀಟರ್ ವಿಸ್ತೀರ್ಣ ಮತ್ತು ಅಲೆಕ್ಸಾಂಡರ್ ಮೊಸಾಯಿಕ್ ವೈಭವ:

ಪಾಂಪೆಯಲ್ಲಿರುವ ಮತ್ತೊಂದು ಸುಪ್ರಸಿದ್ಧ ತಾಣ 'ಹೌಸ್ ಆಫ್ ದಿ ಫೌನ್' ನಂತೆ ಈ ನಿವಾಸವೂ ಸುಮಾರು 3,000 ಚದರ ಮೀಟರ್‌ಗಿಂತಲೂ ಹೆಚ್ಚಿನ ವಿಸ್ತೀರ್ಣ ಹೊಂದಿದೆ. ಇಲ್ಲಿರುವ ಸುಂದರ ಅಂಗಳಗಳು, ಔಪಚಾರಿಕ ಸ್ವಾಗತ ಕೊಠಡಿಗಳು ಹಾಗೂ ಕಾರಂಜಿಗಳು ಅಂದಿನ ಶ್ರೀಮಂತ ಜೀವನಶೈಲಿಗೆ ಕನ್ನಡಿ ಹಿಡಿಯುತ್ತವೆ.

ಇಲ್ಲಿ ಪತ್ತೆಯಾಗಿದ್ದ ಪ್ರಸಿದ್ಧ 'ಅಲೆಕ್ಸಾಂಡರ್ ಮೊಸಾಯಿಕ್' ಪ್ರಾಚೀನ ಕರಕುಶಲತೆಯ ಮೇರುಕೃತಿಯಾಗಿದೆ. ಮಹಾನ್ ಅಲೆಕ್ಸಾಂಡರ್ ಮತ್ತು ಪರ್ಷಿಯನ್ ರಾಜ ಡೇರಿಯಸ್ III ನಡುವೆ ನಡೆದ ಇಸಸ್ ಕದನವನ್ನು ಬಿಂಬಿಸುವ ಈ ಕಲಾಕೃತಿಯನ್ನು 10 ಲಕ್ಷಕ್ಕೂ ಹೆಚ್ಚು ಸಣ್ಣ ಸಣ್ಣ ತೈಲವರ್ಣ ಕಲ್ಲುಗಳಿಂದ ನಿರ್ಮಾಣ ಮಾಡಲಾಗಿದೆ. ಮೂಲ ಮೊಸಾಯಿಕ್ ಪ್ರಸ್ತುತ ನೇಪಲ್ಸ್ ರಾಷ್ಟ್ರೀಯ ಪುರಾತತ್ವ ವಸ್ತುಸಂಗ್ರಹಾಲಯದಲ್ಲಿದ್ದರೂ, ಅದರ ಅತ್ಯಂತ ನಿಖರವಾದ ಪ್ರತಿಕೃತಿಯನ್ನು ಮೂಲ ಸ್ಥಳದಲ್ಲೇ ವೀಕ್ಷಕರಿಗಾಗಿ ಕಾಯ್ದಿರಿಸಲಾಗಿದೆ.

ಜರ್ಮನ್ ಉದ್ಯಮಿಯಿಂದ $1.6 ಮಿಲಿಯನ್ ದೇಣಿಗೆ:

ಈ ಐತಿಹಾಸಿಕ ಪುನರುಜ್ಜೀವನ ಯೋಜನೆಯ ಸಂಪೂರ್ಣ ವೆಚ್ಚವನ್ನು ಜರ್ಮನಿಯ ಉದ್ಯಮಿ ಫ್ರಾಂಕ್ ಹೋಫರ್ ವಹಿಸಿಕೊಂಡಿದ್ದಾರೆ. ಪಾಂಪೆ ಉದ್ಯಾನವನದ ಸುಪರಿಂಟೆಂಡೆಂಟ್ ಗೇಬ್ರಿಯಲ್ ಜುಚ್ಟ್ರಿಗೆಲ್ ಅವರು ಬರೆದ "ಪಾಂಪೆ: ದಿ ಎನ್‌ಚ್ಯಾಂಟೆಡ್ ಸಿಟಿ" ಪುಸ್ತಕದಿಂದ ಪ್ರೇರಿತರಾಗಿ ಹೋಫರ್ ಈ ನವೀಕರಣಕ್ಕೆ ಆರ್ಥಿಕ ನೆರವು ನೀಡಲು ಮುಂದೆ ಬಂದಿದ್ದಾರೆ.

ಇಂತಹ ಐತಿಹಾಸಿಕ ಪಾರಂಪರಿಕ ತಾಣವನ್ನು ಪುನರುಜ್ಜೀವನಗೊಳಿಸುವ ಯೋಜನೆಯ ಭಾಗವಾಗಿರುವುದು ನನಗೆ ಅತ್ಯಂತ ರೋಮಾಂಚನ ತಂದಿದೆ ಎಂದು ಹೋಫರ್ ಹರ್ಷ ವ್ಯಕ್ತಪಡಿಸಿದ್ದಾರೆ.

ಆಧುನಿಕ ತಂತ್ರಜ್ಞಾನ ಮತ್ತು 'ಪಾಂಪೆ ವೀನಸ್' ಹಸಿಚಿತ್ರದ ರಕ್ಷಣೆ:

2021 ರಿಂದ 2023 ರ ಅವಧಿಯಲ್ಲಿ ಕಟ್ಟಡದ ಬಲವರ್ಧನೆಗೆ ಪ್ರಾಥಮಿಕ ಕಾರ್ಯಗಳನ್ನು ಕೈಗೊಳ್ಳಲಾಗಿತ್ತು. ಪ್ರಸ್ತುತ ನವೀಕರಣ ಹಂತದಲ್ಲಿ ನಿವಾಸದ ಪ್ರಾರ್ಥನಾ ಮಂದಿರದಲ್ಲಿರುವ ಜಗತ್ಪ್ರಸಿದ್ಧ 'ಪಾಂಪೆ ವೀನಸ್' ವರ್ಣಚಿತ್ರಗಳು ಮತ್ತು ಇತರ ಹಸಿಚಿತ್ರಗಳನ್ನು ಮೂಲ ರೂಪಕ್ಕೆ ತರಲಾಗುತ್ತಿದೆ.

ಅಲ್ಲದೆ, ಪ್ರವಾಸಿಗರು ಈ ನಾಲ್ಕು ಮಹಡಿಗಳ ಜಟಿಲ ಚಕ್ರವ್ಯೂಹದಂತಹ ಅರಮನೆಯನ್ನು ಸುಲಭವಾಗಿ ಅರ್ಥೈಸಿಕೊಳ್ಳಲು ಡಿಜಿಟಲ್ ತಂತ್ರಜ್ಞಾನ ಮತ್ತು 3D ಗೈಡಿಂಗ್ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ. ಪುರಾತತ್ವ ಇಲಾಖೆಯ ಪ್ರಕಾರ, "ಈ ಅರಮನೆಯೊಳಗೆ ಹೆಜ್ಜೆಯಿಟ್ಟಾಗ ನೀವು 19ನೇ ಶತಮಾನದ ನೇಪಲ್ಸ್ ಅರಮನೆಯಲ್ಲಿದ್ದೀರಿ ಎನಿಸಬಹುದು, ಆದರೆ ಇದು ನಿಜವಾಗಿ 2,000 ವರ್ಷಗಳ ಹಿಂದಿನ ರೋಮನ್ ವೈಭವ!"

Gold Chain Designs: ಇಂದಿನ ಯುವತಿಯರಿಗಾಗಿ ಲೇಟೆಸ್ಟ್ ಡಿಸೈನ್ ಗೋಲ್ಡ್ ಚೈನ್ಸ್!

Naveen Kodase — Thu, 22 Oct 2026 17:22:37 +0530

ಇಂದಿನ ಯುವತಿಯರ ಅಭಿರುಚಿಗೆ ತಕ್ಕಂತೆ ಸ್ಟೈಲಿಶ್ ಹಾಗೂ ಟ್ರೆಂಡಿಯಾಗಿ ಕಾಣುವ ಲೇಟೆಸ್ಟ್ ಗೋಲ್ಡ್ ಚೈನ್ ಡಿಸೈನ್‌ಗಳು ಇಲ್ಲಿವೆ. ದಿನನಿತ್ಯದ ಬಳಕೆಗೆ ಮತ್ತು ವಿಶೇಷ ಸಂದರ್ಭಗಳಿಗೆ ಒಪ್ಪುವ ಸುಂದರವಾದ ಮಾಡೆಲ್‌ಗಳನ್ನು ಒಮ್ಮೆ ನೋಡಿ.

ಸಿಂಪಲ್ ಆಗಿ ಸಿಂಗಾರಗೊಂಡರೂ ಮುದ್ದಾದ ಸುಂದರಿ: ರುಕ್ಮಿಣಿ ವಸಂತ್ ದಸರಾ ಲುಕ್ ವೈರಲ್!

Govindaraj S — Thu, 22 Oct 2026 17:17:47 +0530

ಸ್ಯಾಂಡಲ್‌ವುಡ್‌ನ ಪ್ರತಿಭಾವಂತ ನಟಿ ರುಕ್ಮಿಣಿ ವಸಂತ್ ತಮ್ಮ ನಟನೆ ಮಾತ್ರವಲ್ಲ, ಸರಳ ಸೌಂದರ್ಯ ಮತ್ತು ಸ್ಟೈಲಿಶ್ ಲುಕ್‌ನಿಂದಲೂ ಅಭಿಮಾನಿಗಳ ಗಮನ ಸೆಳೆಯುತ್ತಾರೆ. ಇದೀಗ ಮೈಸೂರು ದಸರಾ ಸಂಭ್ರಮದಲ್ಲಿ ಅವರು ಕಾಣಿಸಿಕೊಂಡಿರುವ ಸಾಂಪ್ರದಾಯಿಕ ಲುಕ್ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದೆ. ನೀಲಿ ಬಣ್ಣದ ರೇಷ್ಮೆ ಸೀರೆ, ಆಕರ್ಷಕ ಚಿನ್ನದ ಒಡವೆಗಳು ಹಾಗೂ ಮುಖದ ಮೇಲಿನ ಮುದ್ದಾದ ನಗು ನಟಿಯ ಸೌಂದರ್ಯಕ್ಕೆ ಮತ್ತಷ್ಟು ಮೆರುಗು ನೀಡಿವೆ.

ನೀಲಿ ರೇಷ್ಮೆ ಸೀರೆಯಲ್ಲಿ ರುಕ್ಮಿಣಿ ವಸಂತ್!

ಮೈಸೂರು ದಸರಾ ಎಂದರೆ ಸಂಪ್ರದಾಯ, ಸಂಸ್ಕೃತಿ ಮತ್ತು ವೈಭವದ ಸಮ್ಮಿಲನ. ಇಂತಹ ಸಾಂಸ್ಕೃತಿಕ ಸಂಭ್ರಮಕ್ಕೆ ತಕ್ಕಂತೆ ರುಕ್ಮಿಣಿ ವಸಂತ್ ಸಾಂಪ್ರದಾಯಿಕ ಉಡುಪಿನಲ್ಲಿ ಕಂಗೊಳಿಸಿದ್ದಾರೆ. ನೀಲಿ ಬಣ್ಣದ ರೇಷ್ಮೆ ಸೀರೆ ಅವರ ಸೌಂದರ್ಯಕ್ಕೆ ವಿಶೇಷ ಮೆರುಗು ನೀಡಿದ್ದು, ಅವರ ಸೊಗಸಾದ ಉಡುಗೆ ಎಲ್ಲರ ಗಮನ ಸೆಳೆಯುತ್ತಿದೆ.

ಚಿನ್ನದ ಒಡವೆ, ವಿಭಿನ್ನ ಕೇಶವಿನ್ಯಾಸದ ಆಕರ್ಷಣೆ

ಸೀರೆಯ ಸೌಂದರ್ಯಕ್ಕೆ ಹೊಂದುವಂತೆ ಧರಿಸಿರುವ ಚಿನ್ನದ ಆಭರಣಗಳು ನಟಿಯ ಸಾಂಪ್ರದಾಯಿಕ ಲುಕ್‌ಗೆ ಮತ್ತಷ್ಟು ಕಳೆ ತಂದಿವೆ. ಜೊತೆಗೆ ಮರಾಠಿ ಶೈಲಿಯ ಕೇಶವಿನ್ಯಾಸ ಅವರ ಒಟ್ಟಾರೆ ಅಂದವನ್ನು ಇನ್ನಷ್ಟು ಆಕರ್ಷಕವಾಗಿಸಿದೆ. ಅತಿಯಾದ ಅಲಂಕಾರವಿಲ್ಲದೆ ಸರಳವಾಗಿ ಸಿಂಗಾರಗೊಂಡಿರುವ ರುಕ್ಮಿಣಿ, ಸಾಂಪ್ರದಾಯಿಕ ಉಡುಗೆಯಲ್ಲೂ ಸ್ಟೈಲಿಶ್ ಆಗಿ ಕಾಣಿಸಬಹುದು ಎಂಬುದನ್ನು ತೋರಿಸಿಕೊಟ್ಟಿದ್ದಾರೆ.

ಮುದ್ದಾದ ನಗು, ಸರಳತೆಯಲ್ಲೇ ವಿಶೇಷ ಆಕರ್ಷಣೆ

ರುಕ್ಮಿಣಿ ವಸಂತ್ ಅವರ ಲುಕ್‌ನಲ್ಲಿ ಹೆಚ್ಚು ಗಮನ ಸೆಳೆಯುವುದು ಅವರ ಸಹಜ ಸೌಂದರ್ಯ ಮತ್ತು ನಗುಮುಖ. ಕ್ಯಾಮೆರಾ ಮುಂದೆ ಅವರು ನೀಡಿರುವ ಆಕರ್ಷಕ ಪೋಸ್‌ಗಳು ಹಾಗೂ ಮುದ್ದಾದ ನಗು ಫೋಟೋಗಳಿಗೆ ಮತ್ತಷ್ಟು ಜೀವ ತುಂಬಿವೆ. ಅವರ ಸರಳ ವ್ಯಕ್ತಿತ್ವಕ್ಕೆ ಹೊಂದುವ ಈ ಸಾಂಪ್ರದಾಯಿಕ ಶೈಲಿ ಅಭಿಮಾನಿಗಳ ಮನಸ್ಸು ಗೆಲ್ಲುವಂತಿದೆ.

ಯುವತಿಯರಿಗೆ ಹೊಸ ಫ್ಯಾಷನ್ ಸ್ಫೂರ್ತಿ

ಇತ್ತೀಚಿನ ದಿನಗಳಲ್ಲಿ ಸಾಂಪ್ರದಾಯಿಕ ಉಡುಪುಗಳಿಗೆ ಮತ್ತೆ ಹೆಚ್ಚಿನ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಅದರಲ್ಲೂ ಹಬ್ಬದ ಸಂದರ್ಭಗಳಲ್ಲಿ ರೇಷ್ಮೆ ಸೀರೆ, ಚಿನ್ನದ ಒಡವೆ ಮತ್ತು ಸಾಂಪ್ರದಾಯಿಕ ಕೇಶವಿನ್ಯಾಸದ ಸಂಯೋಜನೆ ವಿಶೇಷ ಆಕರ್ಷಣೆಯಾಗಿದೆ. ರುಕ್ಮಿಣಿ ವಸಂತ್ ಅವರ ಈ ಲುಕ್ ಹಬ್ಬದ ಸಮಾರಂಭಗಳಲ್ಲಿ ಸಾಂಪ್ರದಾಯಿಕವಾಗಿ ಸಿಂಗಾರಗೊಳ್ಳಲು ಇಷ್ಟಪಡುವ ಯುವತಿಯರಿಗೆ ಫ್ಯಾಷನ್ ಸ್ಫೂರ್ತಿಯಾಗುವಂತಿದೆ.

ದಸರಾ ಸಂಭ್ರಮಕ್ಕೆ ಹೆಚ್ಚಿದ ಮೆರುಗು

ಇನ್ನು ಮೈಸೂರು ದಸರಾ ಸಂಭ್ರಮದ ನಡುವೆ ನೀಲಿ ರೇಷ್ಮೆ ಸೀರೆಯಲ್ಲಿ ಕಂಗೊಳಿಸಿರುವ ರುಕ್ಮಿಣಿ ವಸಂತ್ ಅವರ ಸಾಂಪ್ರದಾಯಿಕ ಲುಕ್ ಗಮನ ಸೆಳೆಯುತ್ತಿದೆ. ಅವರ ಸೊಗಸಾದ ಉಡುಗೆ, ಚಿನ್ನದ ಆಭರಣಗಳು ಮತ್ತು ಮನಮೋಹಕ ನಗು ಈ ಫೋಟೋಗಳ ವಿಶೇಷ ಆಕರ್ಷಣೆಯಾಗಿವೆ. ನಟಿಯ ಈ ಸುಂದರ ಲುಕ್ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿಯೂ ಗಮನ ಸೆಳೆಯುತ್ತಿದೆ.

'ರಾಹುಲ್ ಗಾಂಧಿಯಂತೆ ಮದುವೆ, ಮಕ್ಕಳಿಲ್ಲದ ಬದುಕು ನಿಮಗಷ್ಟವೇ? ಜೀರೋಧಾ ನಿಖಿಲ್ ಕಾಮತ್ ನೀಡಿದ ಉತ್ತರವೇನು

Santosh Naik — Thu, 22 Oct 2026 17:15:17 +0530

ನವದೆಹಲಿ (ಅ.22): ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಯವರಂತೆ ನೀವು ಕೂಡ ಮದುವೆ ಮತ್ತು ಮಕ್ಕಳಿಲ್ಲದ ಜೀವನವನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದೀರಾ? - 'ಎನ್‌ಡಿಟಿವಿ ವರ್ಲ್ಡ್ ಸಮ್ಮಿಟ್ 2026'ರಲ್ಲಿ ಎನ್‌ಡಿಟಿವಿಯ ಸಿಇಒ ರಾಹುಲ್ ಕನ್ವಲ್ ಅವರು ಕೇಳಿದ ಪ್ರಶ್ನೆಗೆ ಜೀರೋಧಾ (Zerodha) ಸಹಸಂಸ್ಥಾಪಕ ನಿಖಿಲ್ ಕಾಮತ್ ಅವರು ಯಾವುದೇ ಖಚಿತ ಉತ್ತರ ನೀಡಲು ನಿರಾಕರಿಸಿದ್ದಾರೆ. ಐದು ವರ್ಷಗಳ ನಂತರದ ಮಾತಿರಲಿ, ಇನ್ನು ಆರೇ ತಿಂಗಳಲ್ಲಿ ನನಗೆ ಏನು ಬೇಕು ಎಂಬುದೇ ನನಗೆ ತಿಳಿದಿಲ್ಲ ಎಂದಿರುವ ಕಾಮತ್, ಪ್ರಸ್ತುತ ತಮಗೆ ಯಾವುದು ಆದ್ಯತೆ ಎಂಬುದನ್ನು ಮಾತ್ರ ಸ್ಪಷ್ಟಪಡಿಸಿದ್ದಾರೆ.

"ನಾನು ನನ್ನ ಸ್ವಾತಂತ್ರ್ಯ ಮತ್ತು ಮನಸ್ಸಿನ ಶಾಂತಿಗಾಗಿ ಆದ್ಯತೆ ನೀಡುತ್ತಿದ್ದೇನೆ (Optimising for freedom and peace of mind)" ಎಂದು ಹೇಳಿದ ಕಾಮತ್, ವಿವಿಧ ವಿಷಯಗಳಲ್ಲಿ ತೊಡಗಿಸಿಕೊಳ್ಳಲು ಹಾಗೂ ಪ್ರತಿಯೊಂದು ಸಾಧ್ಯತೆಗಳಿಗೆ ಮುಕ್ತವಾಗಿರಲು ಸಮಯವಿರುವ ಜೀವನವನ್ನು ವಿವರಿಸಿದರು.

ಖಚಿತತೆ ಇಲ್ಲದ ಜನರೇ ನನಗೆ ಆಕರ್ಷಕ

ತಮ್ಮ ಬದುಕಿನ ಅನಿಶ್ಚಿತತೆಯು ತಮ್ಮನ್ನು ಎಂದಿಗೂ ಕಂಗಾಲುಗೊಳಿಸುವುದಿಲ್ಲ; ಬದಲಿಗೆ ಎಲ್ಲವೂ 'ಖಚಿತ' ಎನ್ನುವ ಮನಸ್ಥಿತಿಯೇ ತಮ್ಮನ್ನು ಹೆಚ್ಚು ಚಿಂತೆಗೀಡುಮಾಡುತ್ತದೆ ಎಂದ ಕಾಮತ್, ಯಾವ ಜನರು ಯಾವುದೇ ವಿಷಯದಲ್ಲಿ 'ಖಚಿತತೆ' ಹೊಂದಿರುವುದಿಲ್ಲವೋ ಅಂತಹ ಜನರೇ ನನಗೆ ಹೆಚ್ಚು ಆಕರ್ಷಕವಾಗಿ ಕಾಣುತ್ತಾರೆ ಎಂದು ಹೇಳಿದರು.

ಸಾಕಷ್ಟು ಜನರು ಯಾವುದೋ ಒಂದು ನಂಬಿಕೆಗೆ ಕಟ್ಟುಬಿದ್ದು, ಅದಕ್ಕೆ ಭಾವನಾತ್ಮಕವಾಗಿ ಅಂಟಿಕೊಳ್ಳುತ್ತಾರೆ. ಇದರಿಂದಾಗಿ ತಮ್ಮ ನಿರ್ಧಾರ ಅಥವಾ ಅಭಿಪ್ರಾಯವನ್ನು ಬದಲಾಯಿಸಿಕೊಳ್ಳುವುದು ಅವರಿಗೆ ಅತ್ಯಂತ ಕಷ್ಟವಾಗುತ್ತದೆ. ಅಲ್ಲಿ ಅವರ 'ಅಹಂ' (Ego) ಅಡ್ಡಬರುತ್ತದೆ. "ನಾನು ಸಾಧ್ಯವಾದಷ್ಟು ಕಾಲ ಆ ಕಟ್ಟುನಿಟ್ಟಾದ ಖಚಿತತೆಯ ವಿರುದ್ಧ ಹೋರಾಡುತ್ತಿದ್ದೇನೆ" ಎಂದು ತಿಳಿಸಿದರು. ಅವರ ಈ ಉತ್ತರವು ಅವರ ಭವಿಷ್ಯದ ಮದುವೆ ಮತ್ತು ಮಕ್ಕಳ ವಿಷಯವನ್ನು ಸಂಪೂರ್ಣವಾಗಿ ನಿರಾಕರಿಸದೆಯೇ, ಸಾಂಪ್ರದಾಯಿಕ ಕೌಟುಂಬಿಕ ಜೀವನಕ್ಕೂ ಬಾಗಿಲು ಮುಚ್ಚದೆ ಮುಕ್ತವಾಗಿಟ್ಟಿದೆ.

ಚೀನಾ ಅಭಿವೃದ್ಧಿ ಮಾದರಿ ಮತ್ತು 'ಸಿಇಒ' ಆಗಬೇಕಿರುವ ಮುಖ್ಯಮಂತ್ರಿಗಳು

ತಮ್ಮ ವೈಯಕ್ತಿಕ ನಿರ್ಧಾರಗಳಲ್ಲಿ ತೋರಿಸಿದ ಮುಕ್ತ ಮನಸ್ಥಿತಿಯನ್ನೇ ಚೀನಾದ ಆರ್ಥಿಕತೆ ಕುರಿತು ಮಾತನಾಡುವಾಗಲೂ ಕಾಮತ್ ಪ್ರದರ್ಶಿಸಿದರು. ಚೀನಾ ತಾನು ಕಮ್ಯುನಿಸ್ಟ್ ಎಂದು ಹೇಳಿಕೊಳ್ಳುತ್ತಾ ಬಂಡವಾಳಶಾಹಿ (Capitalist) ಟ್ಯಾಗ್ ಅನ್ನು ನಿರಾಕರಿಸಬಹುದು, ಆದರೆ ಅಲ್ಲಿನ ಸ್ಥಳೀಯ ಸರ್ಕಾರಗಳು ಪಕ್ಕಾ ಉದ್ಯಮ ಸಂಸ್ಥೆಗಳಂತೆ ಸ್ಪರ್ಧಿಸುತ್ತವೆ ಎಂದು ಕಾಮತ್ ವಿಶ್ಲೇಷಿಸಿದರು. 'ಚೀನಾದಲ್ಲಿ ಪ್ರತಿಯೊಂದು ಪುರಸಭೆ ಅಥವಾ ಪ್ರಾಂತ್ಯದ ಮೇಯರ್, ಮತ್ತೊಂದು ಪ್ರಾಂತ್ಯದ ಜೊತೆಗೆ ತಾನೊಬ್ಬ ಬಂಡವಾಳಶಾಹಿ ಸಂಸ್ಥೆಯ ಮುಖ್ಯಸ್ಥ ಎಂಬಂತೆ ಸ್ಪರ್ಧಿಸುತ್ತಾನೆ' ಎಂದು ಅವರು ತಿಳಿಸಿದ್ದಾರೆ.

ಇದೇ ಮಾದರಿಯನ್ನು ಭಾರತಕ್ಕೂ ಅನ್ವಯಿಸುವ ಸಾಧ್ಯತೆಯನ್ನು ತೇಲಿಬಿಟ್ಟ ಕಾಮತ್, "ಭಾರತದಲ್ಲಿ ಪ್ರತಿಯೊಂದು ರಾಜ್ಯದ ಮುಖ್ಯಮಂತ್ರಿಗಳು ಆಯಾ ರಾಜ್ಯದ ಸಿಇಒ (CEO) ಗಳಂತೆ ಕಾರ್ಯನಿರ್ವಹಿಸಬೇಕು. ತಮ್ಮ ರಾಜ್ಯಗಳ ಆರ್ಥಿಕತೆಯನ್ನು ವಿಸ್ತರಿಸಲು ಮತ್ತು ಬಂಡವಾಳ ಹೂಡಿಕೆಯನ್ನು ಆಕರ್ಷಿಸಲು ಅವರು ಸ್ಪರ್ಧಿಸಬೇಕು. ರಾಜ್ಯಗಳು ತಮ್ಮ ಆರ್ಥಿಕ ಬೆಳವಣಿಗೆಯ ಆರ್ಥಿಕ ಲಾಭವನ್ನು ತಾವೇ ಉಳಿಸಿಕೊಳ್ಳುವಂತಾದರೆ ಈ ಪ್ರೋತ್ಸಾಹ ಮತ್ತಷ್ಟು ಬಲಗೊಳ್ಳುತ್ತದೆ" ಎಂದು ಅಭಿಪ್ರಾಯಪಟ್ಟರು.

ಇದಕ್ಕೆ ಉದಾಹರಣೆಯಾಗಿ ಚೀನಾದ ಹೆಫೈ (Hefei) ನಗರವು 2008 ರಲ್ಲಿ ಡಿಸ್ಪ್ಲೇ ಪ್ಯಾನ್ ತಯಾರಕ ಕಂಪನಿಯಾದ 'ಬಿಒಇ ಟೆಕ್ನಾಲಜಿ'ಗೆ ತನ್ನ ವಾರ್ಷಿಕ ಆದಾಯದ ಹತ್ತನೇ ಒಂದು ಭಾಗ ಅಂದರೆ 500 ಮಿಲಿಯನ್ ಡಾಲರ್ ಹೂಡಿಕೆ ಮಾಡಿದ್ದನ್ನು ಉಲ್ಲೇಖಿಸಿತು. ಬಿಒಇ ಮುಂದೆ ವಿಶ್ವದ ಅತಿದೊಡ್ಡ ಡಿಸ್ಪ್ಲೇ ಪ್ಯಾನ್ ತಯಾರಕ ಸಂಸ್ಥೆಯಾಯಿತು. ಹಾಗೆಯೇ ಶಾಂಘೈ ನಗರವು ಟೆಸ್ಲಾ ಸಂಸ್ಥೆಗೆ ಕೇವಲ ಒಂದೇ ವರ್ಷದಲ್ಲಿ ಕಾರ್ಖಾನೆ ನಿರ್ಮಾಣದಿಂದ ಉತ್ಪಾದನೆ ಆರಂಭಿಸಲು ನೆರವಾಗಿತ್ತು. "ಯಾರು ಯಾವುದೇ ರಂಗದಲ್ಲಿ ಉತ್ತಮ ಕೆಲಸ ಮಾಡಿದ್ದಾರೋ ಅವರಿಂದ ನಾವು ಕಲಿಯಬೇಕು" ಎಂದು ಕಾಮತ್ ಹೇಳಿದ್ದಾರೆ..

ತಮ್ಮ ವೈಯಕ್ತಿಕ ಜೀವನದ ವಿಷಯಕ್ಕೆ ಬಂದಾಗ, ಅವರ ಬಳಿ ಯಾವುದೇ ನಿರ್ದಿಷ್ಟ ಬ್ಲೂಪ್ರಿಂಟ್ ಇರಲಿಲ್ಲ. ಮುಂದಿನ ಐದು ವರ್ಷಗಳು ಹೇಗಿರಬೇಕು ಎಂಬುದನ್ನು ಈಗಲೇ ನಿರ್ಧರಿಸುವುದಕ್ಕಿಂತ, ತಮ್ಮ ಸಮಯ ಮತ್ತು ಆಯ್ಕೆಗಳನ್ನು ಮುಕ್ತವಾಗಿಟ್ಟುಕೊಳ್ಳುವುದೇ ಪ್ರಮುಖವಾಗಿದೆ ಎಂದಿದ್ದಾರೆ.

ಸಿನಿಮಾಗಳಲ್ಲಿ ದೇಹ ಪ್ರದರ್ಶನ, ಎಕ್ಸ್ಪೋಸ್ ಕುರಿತು ಪತಿಯ ಎದುರೇ ರಹಸ್ಯ ಬಿಚ್ಚಿಟ್ಟ Rashmika Mandanna

Suchethana D — Thu, 22 Oct 2026 17:10:47 +0530

ದಕ್ಷಿಣ ಭಾರತೀಯ ಚಿತ್ರರಂಗದಿಂದ ಬಾಲಿವುಡ್‌ವರೆಗೆ ತಮ್ಮ ಛಾಪು ಮೂಡಿಸಿರುವ ನಟಿ ರಶ್ಮಿಕಾ ಮಂದಣ್ಣ, ಪ್ರಸ್ತುತ ತಮ್ಮ ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ಮೂಲಕ ಸುದ್ದಿಯಲ್ಲಿದ್ದಾರೆ. ಇತ್ತೀಚೆಗೆ, "ಕಾಫಿ ವಿತ್ ಕರಣ್ 9" ಕಾರ್ಯಕ್ರಮದಲ್ಲಿ "ಪೆದ್ದಿ" ಚಿತ್ರದಲ್ಲಿನ ಜಾನ್ವಿ ಕಪೂರ್ ಪಾತ್ರದ ಸುತ್ತಲಿನ ವಿವಾದದ ಬಗ್ಗೆ ಅವರು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದರು. ರಾಮ್ ಚರಣ್ ಅಭಿನಯದ ಈ ಚಿತ್ರದಲ್ಲಿ, ಜಾನ್ವಿ ತಮ್ಮ ಪಾತ್ರವನ್ನು ಅತಿಯಾದ ಗ್ಲಾಮರಸ್ ಮತ್ತು ಹಾಟ್ ಅವತಾರದಲ್ಲಿ ಕಾಣಿಸಿಕೊಂಡಿರುವ ಬಗ್ಗೆ ಪ್ರಶ್ನೆಗಳು ಎದ್ದಿವೆ. ಈ ವಿಷಯದ ಬಗ್ಗೆ ಮಾತನಾಡಿದ ರಶ್ಮಿಕಾ ಮಂದಣ್ಣ (Rashmika Mandanna), ಚಲನಚಿತ್ರಗಳಲ್ಲಿನ ತಮ್ಮ ಪಾತ್ರಗಳು ಮತ್ತು ಬಟ್ಟೆಗಳ ಬಗ್ಗೆ ಈಗಾಗಲೇ ಕೆಲವು ಮಿತಿಗಳನ್ನು ತಾವು ನಿಗದಿ ಪಡಿಸಿಕೊಂಡಿರುವ ಬಗ್ಗೆ ವಿವರಿಸಿದರು.

ರಶ್ಮಿಕಾ ಮಂದಣ್ಣ ಮತ್ತು ವಿಜಯ್ ದೇವರಕೊಂಡ ಅವರೊಂದಿಗಿನ ಸಂಭಾಷಣೆಯ ಸಮಯದಲ್ಲಿ, ಕರಣ್ ಜೋಹರ್ ಜಾನ್ವಿ ಕಪೂರ್ ಮತ್ತು "ಪೆದ್ದಿ" ಚಿತ್ರದ ಸುತ್ತಲಿನ ವಿವಾದವನ್ನು ಪ್ರಸ್ತಾಪಿಸಿದರು. ರಶ್ಮಿಕಾ ಅವರು ಯಾವುದಾದರೂ ಮಿತಿಗಳನ್ನು ಹಾಕಿಕೊಂಡಿದ್ದಾರಾ ಎನ್ನುವ ಪ್ರಶ್ನೆ ಕೇಳಿದರು. ಅದಕ್ಕೆ ಪ್ರತಿಕ್ರಿಯಿಸಿದ ರಶ್ಮಿಕಾ, ಹೌದು. ಕೆಲವು ರೀತಿಯ ಬಟ್ಟೆಗಳನ್ನು ಧರಿಸುವುದು ಅಥವಾ ಅತಿಯಾದ ದೇಹವನ್ನು ತೋರಿಸುವುದು ತಮಗೆ ಆರಾಮದಾಯಕವಲ್ಲ. ಆದ್ದರಿಂದ ನಾನು ಬಟ್ಟೆಯ ಬಗ್ಗೆ ಮಿತಿ ಹೊಂದಿದ್ದೇನೆ ಎಂದರು. ಚಿತ್ರೀಕರಣಕ್ಕೂ ಮುನ್ನ ತಮ್ಮ ಈ ಆದ್ಯತೆಗಳು ಮತ್ತು ಅನನುಕೂಲತೆಗಳ ಬಗ್ಗೆ ಮೊದಲೇ ನಿರ್ಮಾಪಕರಿಗೆ ತಿಳಿಸುವುದಾಗಿ ಅವರು ವಿವರಿಸಿದರು. ಇದಕ್ಕೆ ಪ್ರತಿಕ್ರಿಯೆ ನೀಡಿದ ವಿಜಯ ದೇವರಕೊಂಡ ಅವರು, ನಟರು ಅಗತ್ಯವಿದ್ದಾಗ ಒತ್ತಡವಿಲ್ಲದೆ "ಇಲ್ಲ" ಎಂದು ಹೇಳುವ ಧೈರ್ಯವನ್ನು ನೀಡುವ ಬೆಂಬಲ ವ್ಯವಸ್ಥೆಯನ್ನು ಹೊಂದಿರಬೇಕು ಎಂದು ಹೇಳಿದರು.

ಒಂದು ಪಾತ್ರಕ್ಕೆ ಬಿಕಿನಿ ಅಥವಾ ಅಂತಹುದೇ ಬಟ್ಟೆ ಧರಿಸುವುದು ಅಗತ್ಯವಾಗಬಹುದು, ಆದರೆ ತನ್ನ ಮಿತಿಗಳನ್ನು ನಿರ್ಮಾಪಕರಿಗೆ ಮೊದಲೇ ತಿಳಿಸುತ್ತೇನೆ. ನನಗೆ ಇಷ್ಟವಿಲ್ಲದ ಕೆಲವು ವಿಷಯಗಳಿವೆ. ಕೆಲವು ಪಾತ್ರಗಳಲ್ಲಿ ನಾನು ಬಿಕಿನಿ ಅಥವಾ ಅಂತಹುದೇ ಏನನ್ನಾದರೂ ಧರಿಸಬೇಕಾಗಬಹುದು. ಆದರೂ, ನನ್ನ ದೇಹವನ್ನು ತೋರಿಸಲು ನನಗೆ ಇಷ್ಟವಿಲ್ಲ ಎಂದು ನಾನು ಅವರಿಗೆ ಮೊದಲೇ ಹೇಳುತ್ತೇನೆ, ನಾನು ಆ ರೀತಿಯ ವ್ಯಕ್ತಿಯಲ್ಲ ಎಂದರು.

ಕಮರ್ಷಿಯಲ್ ಚಿತ್ರಗಳ ಕುರಿತು

ಕಮರ್ಷಿಯಲ್ ಚಿತ್ರಗಳಲ್ಲಿ, ನಟರು ಹೆಚ್ಚಾಗಿ ಅವರಿಗೆ ಸಂಪೂರ್ಣವಾಗಿ ಆರಾಮದಾಯಕವಲ್ಲದ ವೇಷಭೂಷಣಗಳನ್ನು ಧರಿಸಬೇಕಾಗುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ಕೂಡ ಮೊದಲೇ ಕೆಲವು ಮಿತಿಗಳನ್ನು ನಿಗದಿಪಡಿಸುತ್ತೇನೆ. ಹೆಚ್ಚಿನ ಸಂದರ್ಭಗಳಲ್ಲಿ, ನಿರ್ದೇಶಕರು ನನ್ನನ್ನು ಅರ್ಥಮಾಡಿಕೊಂಡು ಮಿತಿಗಳನ್ನು ಗೌರವಿಸುತ್ತಾರೆ ಎಂದಿದ್ದಾರೆ ನಟಿ. ವಿಜಯ್ ದೇವರಕೊಂಡ, "ಅಂತಹ ಸಂಭಾಷಣೆಗಳನ್ನು ನಡೆಸುವುದು ಸಹ ಸುಲಭವಲ್ಲ" ಎಂದು ಹೇಳಿದರು. ಕಲಾವಿದರಿಗೆ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಲು ಸ್ವಾತಂತ್ರ್ಯ ನೀಡಬೇಕು ಎಂದು ರಶ್ಮಿಕಾ ಹೇಳಿದರು. ವಿಜಯ್ ಕೂಡ ರಶ್ಮಿಕಾ ಅವರ ಮಾತನ್ನು ಬೆಂಬಲಿಸಿದರು. ಚಲನಚಿತ್ರ ನಿರ್ಮಾಪಕರು ಕಲಾವಿದರು ತಮ್ಮ ಕಾಳಜಿ ಅಥವಾ ಪ್ರಶ್ನೆಗಳನ್ನು ಹಿಂಜರಿಕೆಯಿಲ್ಲದೆ ವ್ಯಕ್ತಪಡಿಸಬಹುದಾದ ವಾತಾವರಣವನ್ನು ಸೃಷ್ಟಿಸಬೇಕು ಎಂದು ರಶ್ಮಿಕಾ ಹೇಳಿದರು. ಕೆಲವೊಮ್ಮೆ ಅವರು ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸುವುದು ಕಷ್ಟಕರವಾಗಿರುತ್ತದೆ ಎಂದು ಅವರು ಒಪ್ಪಿಕೊಂಡರು.

"ಪೆದ್ದಿ" ಚಿತ್ರದಲ್ಲಿ ಜಾನ್ವಿ ಕಪೂರ್ ಪಾತ್ರದ ಬಗ್ಗೆ ವಿವಾದ ಏಕೆ ಹುಟ್ಟಿಕೊಂಡಿತು?

ಬುಚಿ ಬಾಬು ಸನಾ ನಿರ್ದೇಶನದ "ಪೆದ್ದಿ" ಚಿತ್ರದಲ್ಲಿ ರಾಮ್ ಚರಣ್ ನಾಯಕಿಯಾಗಿ ನಟಿಸಿದರೆ, ಜಾನ್ವಿ ಕಪೂರ್ ನಾಯಕಿಯಾಗಿ ನಟಿಸಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಅನೇಕ ವೀಕ್ಷಕರು ಜಾನ್ವಿ ಪಾತ್ರದ, ಅವರ ವೇಷ ಭೂಷಣದ ಬಗ್ಗೆ ಪ್ರಶ್ನೆಗಳನ್ನು ಎತ್ತಿದ್ದಾರೆ. . ಕೆಲವರು ಅವರ ಪಾತ್ರವನ್ನು ಅತಿಯಾದ ಲೈಂಗಿಕ ರೀತಿಯಲ್ಲಿ ಚಿತ್ರಿಸಲಾಗಿದೆ ಮತ್ತು ಅವರ ವ್ಯಕ್ತಿತ್ವಕ್ಕಿಂತ ಹೆಚ್ಚಾಗಿ ಅವರ ನೋಟಕ್ಕೆ ಹೆಚ್ಚಿನ ಒತ್ತು ನೀಡಲಾಗಿದೆ ಎಂದು ಆರೋಪಿಸಿದ್ದಾರೆ.

ಕ್ರೈಸ್ಟ್‌ಚರ್ಚ್‌ನಲ್ಲಿ ಭಾರತದ ಬ್ಯಾಟಿಂಗೆ ಕಂಗೆಟ್ಟ ಕಿವೀಸ್; ಟೀಂ ಇಂಡಿಯಾಗೆ ರೋಚಕ ಜಯ

Naveen Kodase — Thu, 22 Oct 2026 16:50:09 +0530

ಕ್ರೈಸ್ಟ್‌ಚರ್ಚ್: ಸಂಜು ಸ್ಯಾಮ್ಸನ್, ಶ್ರೇಯಸ್ ಅಯ್ಯರ್ ಹಾಗೂ ಕೊನೆಯಲ್ಲಿ ನಮನ್ ಧೀರ್ ಸ್ಪೋಟಕ ಬ್ಯಾಟಿಂಗ್ ನೆರವಿನಿಂದ ನ್ಯೂಜಿಲೆಂಡ್ ಎದುರಿನ ಮೊದಲ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ 4 ವಿಕೆಟ್‌ಗಳ ರೋಚಕ ಜಯ ಸಾಧಿಸಿದೆ. ಇದರೊಂದಿಗೆ ಐದು ಪಂದ್ಯಗಳ ಟಿ20 ಸರಣಿಯಲ್ಲಿ ಭಾರತ 1-0 ಮುನ್ನಡೆ ಸಾಧಿಸಿದೆ.

ಟೀಂ ಇಂಡಿಯಾ ಸ್ಪೋಟಕ ಆರಂಭ

ಇಲ್ಲಿನ ಹೇಗ್ಲೆ ಓವಲ್ ಮೈದಾನದಲ್ಲಿ ಗೆಲ್ಲಲು 226 ರನ್‌ಗಳ ಕಠಿಣ ಗುರಿ ಬೆನ್ನತ್ತಿದ ಭಾರತಕ್ಕೆ ಆರಂಭಿಕರಾದ ಸಂಜು ಸ್ಯಾಮ್ಸನ್ ಹಾಗೂ ಅಭಿಷೇಕ್ ಶರ್ಮಾ ಸ್ಪೋಟಕ ಆರಂಭ ಒದಗಿಸಿಕೊಟ್ಟರು. ಭಾರತ 3.3 ಓವರ್‌ನಲ್ಲೇ ಅರ್ಧಶತಕದ ಗಡಿ ದಾಟಿತು. ಪವರ್‌ಪ್ಲೇನಲ್ಲೇ ಮೈಚಳಿ ಬಿಟ್ಟು ಬ್ಯಾಟ್ ಬೀಸಿದ ಈ ಜೋಡಿ 5.5 ಓವರ್‌ನಲ್ಲಿ 93 ರನ್‌ಗಳ ಜತೆಯಾಟವಾಡುವ ಮೂಲಕ ತಂಡಕ್ಕೆ ಭದ್ರಬುನಾದಿ ಹಾಕಿ ಕೊಟ್ಟಿತು. ಅಭಿಷೇಕ್ ಶರ್ಮಾ 12 ಎಸೆತಗಳಲ್ಲಿ 2 ಬೌಂಡರಿ ಹಾಗೂ 3 ಸಿಕ್ಸರ್ ಸಹಿತ 29 ರನ್ ಸಿಡಿಸಿ ಬ್ರೇಸ್‌ವೆಲ್‌ಗೆ ವಿಕೆಟ್ ಒಪ್ಪಿಸಿದರು. ಇನ್ನು ಮತ್ತೊಂದು ತುದಿಯಲ್ಲಿ ಮಿಂಚಿನ ಬ್ಯಾಟಿಂಗ್ ನಡೆಸಿದ ಸಂಜು ಸ್ಯಾಮ್ಸನ್ ಕೇವಲ 33 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 4 ಸಿಕ್ಸರ್ ಸಹಿತ ಸ್ಪೋಟಕ 67 ರನ್ ಸಿಡಿಸಿ ವಿಕೆಟ್ ಒಪ್ಪಿಸಿದರು.

ನಾಟಕೀಯ ಕುಸಿತ:

ಸಂಜು ಬ್ಯಾಟಿಂಗ್ ಮಾಡುವವರೆಗೂ ತಂಡ ಸುಲಭವಾಗಿ ಗುರಿ ತಲುಪಲಿದೆ ಎಂದುಕೊಂಡಿದ್ದರು. ಆದರೆ ಸಂಜು ವಿಕೆಟ್ ಪತನವಾಗುತ್ತಿದ್ದಂತೆಯೇ ಟೀಂ ಇಂಡಿಯಾ ನಾಟಕೀಯ ಕುಸಿತ ಕಂಡಿತು. ಕೇವಲ 7 ರನ್ ಅಂತರದಲ್ಲಿ ಭಾರತ 3 ಪ್ರಮುಖ ವಿಕೆಟ್ ಕಳೆದುಕೊಂಡಿತು. ಮೂರನೇ ಕ್ರಮಾಂಕಕ್ಕೆ ಬಡ್ತಿಪಡೆದ ತಿಲಕ್ ವರ್ಮಾ 6 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರೆ, ಇನ್‌ಫಾರ್ಮ್ ಬ್ಯಾಟರ್ ಇಶಾನ್ ಕಿಶನ್ ಬ್ಯಾಟಿಂಗ್ ಕೇವಲ 1 ರನ್‌ಗೆ ಸೀಮಿತವಾಯಿತು.

ಇದಾದ ಬಳಿಕ ನಾಯಕ ಶ್ರೇಯಸ್ ಅಯ್ಯರ್ ಹಾಗೂ ನಮನ್ ಧೀರ್ ಜೋಡಿ 43 ರನ್‌ಗಳ ಜತೆಯಾಟವಾಡುವ ಮೂಲಕ ತಂಡಕ್ಕೆ ಆಸರೆಯಾಯಿತು. ಶ್ರೇಯಸ್ ಅಯ್ಯರ್ 28 ಎಸೆತಗಳಲ್ಲಿ 42 ರನ್ ಸಿಡಿಸಿ ವಿಕೆಟ್ ಒಪ್ಪಿಸಿದರೆ, ನಮನ್ ಧೀರ್ ಕೇವಲ 15 ಎಸೆತಗಳಲ್ಲಿ 5 ಬೌಂಡರಿ ಹಾಗೂ ಎರಡು ಸಿಕ್ಸರ್ ಸಹಿತ ಅಜೇಯ 42 ರನ್ ಸಿಡಿಸಿ ಇನ್ನೂ ಎರಡು ಎಸೆತ ಬಾಕಿ ಇರುವಂತೆಯೇ ತಂಡವನ್ನು ಗೆಲುವಿನ ದಡ ಸೇರಿಸಿದರು.

ಇದಕ್ಕೂ ಮೊದಲು ಟಾಸ್ ಸೋತು ಬ್ಯಾಟ್ ಮಾಡಲಿಳಿದ ಆತಿಥೇಯ ನ್ಯೂಜಿಲೆಂಡ್ ತಂಡವು ಎಚ್ಚರಿಕೆಯ ಆರಂಭ ಪಡೆಯಿತು. ಟಿಮ್ ಸೀಫರ್ಟ್ 17 ಎಸೆತಗಳಲ್ಲಿ 24 ರನ್ ಗಳಿಸಿ ಮಯಾಂಕ್ ಯಾದವ್‌ಗೆ ವಿಕೆಟ್ ಒಪ್ಪಿಸಿದರು. ಆದರೆ ಮತ್ತೋರ್ವ ಆರಂಭಿಕ ಬ್ಯಾಟರ್ ಫಿನ್ ಅಲೆನ್ 24ವ ಎಸೆತಗಳಲ್ಲಿ 45 ರನ್ ಚಚ್ಚಿದರು. ಇನ್ನು ಡೇರಲ್ ಮಿಚೆಲ್ 28 ರನ್ ಗಳಿಸಿ ಅರ್ಶದೀಪ್ ಸಿಂಗ್‌ಗೆ ವಿಕೆಟ್ ಒಪ್ಪಿಸಿದರು. ಒಂದು ಕಡೆ ವಿಕೆಟ್ ಉರುಳುತ್ತಿದ್ದರೂ ಮತ್ತೊಂದು ತುದಿಯಲ್ಲಿ ಸ್ಪೋಟಕ ಬ್ಯಾಟಿಂಗ್ ನಡೆಸಿದ ಗ್ಲೆನ್ ಫಿಲಿಫ್ಸ್ ಕೇವಲ 40 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 3 ಸಿಕ್ಸರ್ ಸಹಿತ ಅಜೇಯ 82 ರನ್ ಬಾರಿಸುವ ಮೂಲಕ ತಂಡದ ಮೊತ್ತವನ್ನು 200ರ ಗಡಿ ದಾಟಿಸಿದರು. ಕೊನೆಯಲ್ಲಿ ಬೆವೊನ್ ಜೇಕೊಬ್ಸ್ 16 ಎಸೆತಗಳಲ್ಲಿ 31 ರನ್ ಸಿಡಿಸಿ ತಂಡಕ್ಕೆ ಉಪಯುಕ್ತ ಕಾಣಿಕೆ ನೀಡಿದರು.

ಭಾರತ ಪರ ಅರ್ಶದೀಪ್ ಸಿಂಗ್, ಮಯಾಂಕ್ ಯಾದವ್ ಹಾಗೂ ಅಕ್ಷರ್ ಪಟೇಲ್ ತಲಾ ಒಂದು ವಿಕೆಟ್ ಹಂಚಿಕೊಂಡರು. ಆದರೆ ಬರೋಬ್ಬರಿ 4 ವರ್ಷಗಳ ಬಳಿಕ ಟೀಂ ಇಂಡಿಯಾ ಪರ ಮೊದಲ ಸಲ ಬೌಲಿಂಗ್ ಮಾಡಿದ ಭುವನೇಶ್ವರ್ ಕುಮಾರ್ ಯಾವುದೇ ವಿಕೆಟ್ ಕಬಳಿಸಲು ಯಶಸ್ವಿಯಾಗಲಿಲ್ಲ. ಭುವಿ 4 ಓವರ್‌ನಲ್ಲಿ 49 ರನ್ ಚಚ್ಚಿಸಿಕೊಂಡರು.

ಅತ್ತೆಯ ಸೀರೆಯಲ್ಲಿ ಮಿಂಚಿದ ಕಿಚ್ಚನ ಪತ್ನಿ: ಮನಮುಟ್ಟುವ ಭಾವನಾತ್ಮಕ ವಿಡಿಯೋ ಹಂಚಿಕೊಂಡ ಪ್ರಿಯಾ!

Govindaraj S — Thu, 22 Oct 2026 16:54:38 +0530

ಕನ್ನಡದ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಹಾಗೂ ಅವರ ಪತ್ನಿ ಪ್ರಿಯಾ ದಾಂಪತ್ಯ ಜೀವನದ 25 ವರ್ಷಗಳ ಸಂಭ್ರಮದಲ್ಲಿದ್ದಾರೆ. ಬೆಳ್ಳಿ ಹಬ್ಬದ ಸಂಭ್ರಮದಲ್ಲಿರುವ ಈ ಜೋಡಿಗೆ ಅಭಿಮಾನಿಗಳು ಶುಭಾಶಯಗಳ ಮಹಾಪೂರವನ್ನೇ ಹರಿಸುತ್ತಿದ್ದಾರೆ. ಆದರೆ, ಈ ವಿಶೇಷ ದಿನದಂದು ಪ್ರಿಯಾ ಹಂಚಿಕೊಂಡಿರುವ ಒಂದು ವಿಡಿಯೋ ಎಲ್ಲರ ಗಮನ ಸೆಳೆದಿದೆ. ಅದಕ್ಕೆ ಕಾರಣ ಅವರು ಧರಿಸಿರುವ ಸೀರೆಯ ಹಿಂದಿರುವ ಭಾವನಾತ್ಮಕ ಕಥೆ!

ಅತ್ತೆಯ ಸೀರೆಯಲ್ಲಿ ಅಡಗಿದೆ ಪ್ರೀತಿಯ ನೆನಪು

ವಿವಾಹ ವಾರ್ಷಿಕೋತ್ಸವವೆಂದರೆ ಉಡುಗೊರೆ, ಸಂಭ್ರಮ ಮತ್ತು ಸಿಹಿ ನೆನಪುಗಳ ಸಂಗಮ. ಆದರೆ ಪ್ರಿಯಾ ಪಾಲಿಗೆ ಈ ಬಾರಿಯ ವಾರ್ಷಿಕೋತ್ಸವ ಕೇವಲ ಸಂಭ್ರಮಕ್ಕೆ ಸೀಮಿತವಾಗಿಲ್ಲ. ತಮ್ಮ ಬದುಕಿನಲ್ಲಿ ಇಂದು ದೈಹಿಕವಾಗಿ ಜೊತೆಯಿಲ್ಲದ ಹಿರಿಯರನ್ನು ಪ್ರೀತಿಯಿಂದ ಸ್ಮರಿಸುವ ವಿಶೇಷ ಸಂದರ್ಭವೂ ಆಗಿದೆ. ತಮ್ಮ ದಿವಂಗತ ಅತ್ತೆಯ ಮದುವೆಯ ಸೀರೆಯನ್ನು ಉಟ್ಟುಕೊಂಡ ಪ್ರಿಯಾ, ತಾಯಿಗಾಗಿ ತಂದೆ ಕೊಡಿಸಿದ್ದ ಚಿನ್ನದ ಬಳೆಯನ್ನೂ ಧರಿಸಿದ್ದಾರೆ. ತಲೆಮಾರುಗಳಿಂದ ಹರಿದುಬರುವ ಪ್ರೀತಿ, ಕುಟುಂಬದ ನೆನಪುಗಳು ಹಾಗೂ ಸಂಪ್ರದಾಯದ ಮೌಲ್ಯಗಳನ್ನು ಈ ಮೂಲಕ ಮತ್ತೊಮ್ಮೆ ನೆನಪಿಸಿದ್ದಾರೆ.

ಸೀರೆಯ ಮಡಿಕೆಗಳಲ್ಲಿ ಹಿರಿಯರ ನೆನಪು!

ಪ್ರಿಯಾ ಹಂಚಿಕೊಂಡಿರುವ ಸಂದೇಶದ ಸಾರವೇ ಮನಮುಟ್ಟುವಂತಿದೆ. ಕಳೆದ 25 ವರ್ಷಗಳಿಂದ ಸುದೀಪ್ ಜೊತೆ ಕೈಕೈ ಹಿಡಿದು ಬದುಕಿನ ಪಯಣ ಸಾಗಿಸಿರುವ ಅವರು, ತಮ್ಮ ಕುಟುಂಬದ ಹಿರಿಯರು ನೀಡಿದ ಪ್ರೀತಿಯ ಉಡುಗೊರೆಗಳನ್ನು ಗೌರವದಿಂದ ಕಾಪಾಡಿಕೊಂಡು ಬಂದಿದ್ದಾರೆ. ಸೀರೆಯ ಪ್ರತಿಯೊಂದು ಮಡಿಕೆ ಹಾಗೂ ಬಳೆಯ ಪ್ರತಿಯೊಂದು ಹೊಳಪಿನಲ್ಲೂ ಹಿರಿಯರ ನೆನಪು ಜೀವಂತವಾಗಿದೆ ಎಂಬ ಭಾವವನ್ನು ಅವರು ಹಂಚಿಕೊಂಡಿದ್ದಾರೆ.

ಹಿರಿಯರನ್ನು ಗೌರವಿಸುವುದು ಎಂದರೆ ಅವರ ನೆನಪನ್ನು ಮನಸ್ಸಿನಲ್ಲಿಟ್ಟುಕೊಳ್ಳುವುದಷ್ಟೇ ಅಲ್ಲ; ನಮ್ಮ ಬದುಕಿನ ರೀತಿ, ಕುಟುಂಬದಲ್ಲಿ ಬೆಳೆಸುವ ಪ್ರೀತಿ ಮತ್ತು ನಾವು ಮುಂದುವರಿಸುವ ಸಂಪ್ರದಾಯಗಳಲ್ಲಿಯೂ ಅವರನ್ನು ಜೀವಂತವಾಗಿರಿಸುವುದು ಎಂಬ ಸುಂದರ ಸಂದೇಶವನ್ನು ನೀಡಿದ್ದಾರೆ. ಸಂಪ್ರದಾಯವನ್ನು ಒಂದು ಸಮೂಹ ಗಾಯನಕ್ಕೆ ಹೋಲಿಸಿರುವ ಸುಪ್ರಿಯಾ, ನಮ್ಮ ಪೂರ್ವಜರ ಪ್ರೀತಿ ಮತ್ತು ಮೌಲ್ಯಗಳು ಇಂದಿಗೂ ನಮ್ಮ ಬದುಕಿನಲ್ಲಿ ಪ್ರತಿಧ್ವನಿಸುತ್ತಿವೆ ಎಂಬ ಅರ್ಥಪೂರ್ಣ ಭಾವನೆಯನ್ನು ವ್ಯಕ್ತಪಡಿಸಿದ್ದಾರೆ.

ಸರಳ ಆಚರಣೆ, ಸುಂದರ ನೆನಪುಗಳು

25ನೇ ವಿವಾಹ ವಾರ್ಷಿಕೋತ್ಸವದ ಈ ವಿಶೇಷ ಸಂದರ್ಭದಲ್ಲಿ ಕುಟುಂಬದ ಸದಸ್ಯರು ಒಟ್ಟಾಗಿ ಸೇರಿ ಹಿರಿಯರನ್ನು ಸ್ಮರಿಸಿದ್ದಾರೆ. ಸಾಂಪ್ರದಾಯಿಕ ಪೂಜೆ ಮತ್ತು ವಿಧಿವಿಧಾನಗಳೊಂದಿಗೆ ನಡೆದ ಆಚರಣೆಯ ಕ್ಷಣಗಳನ್ನು ಪ್ರಿಯಾ ವಿಡಿಯೋ ಮೂಲಕ ಹಂಚಿಕೊಂಡಿದ್ದಾರೆ. ಸಾಮಾನ್ಯವಾಗಿ ಸೆಲೆಬ್ರಿಟಿಗಳ ವಾರ್ಷಿಕೋತ್ಸವದ ಸಂಭ್ರಮದಲ್ಲಿ ಅದ್ಧೂರಿ ಉಡುಪುಗಳು ಮತ್ತು ವಿಶೇಷ ಆಚರಣೆಗಳು ಗಮನ ಸೆಳೆಯುತ್ತವೆ. ಆದರೆ ಸುಪ್ರಿಯಾ ಅವರ ಈ ಸಂಭ್ರಮದಲ್ಲಿ ಗಮನ ಸೆಳೆದಿರುವುದು ಆಭರಣಗಳ ವೈಭವಕ್ಕಿಂತ ಅವುಗಳ ಹಿಂದಿರುವ ನೆನಪುಗಳು; ಸೀರೆಯ ಸೌಂದರ್ಯಕ್ಕಿಂತ ಅದರೊಂದಿಗಿನ ಭಾವನಾತ್ಮಕ ನಂಟು.

ಅಭಿಮಾನಿಗಳ ಮನಗೆದ್ದ ಪ್ರಿಯಾ ನಡೆ

ಇನ್ನು ಪ್ರಿಯಾ ಅವರ ಈ ಭಾವನಾತ್ಮಕ ಪೋಸ್ಟ್‌ಗೆ ಅಭಿಮಾನಿಗಳಿಂದ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಹಿರಿಯರ ಮೇಲಿನ ಗೌರವ, ಕುಟುಂಬದ ಮೌಲ್ಯಗಳಿಗೆ ನೀಡಿರುವ ಆದ್ಯತೆ ಮತ್ತು ಸಂಪ್ರದಾಯವನ್ನು ಮುಂದಿನ ಪೀಳಿಗೆಗೆ ಕೊಂಡೊಯ್ಯುವ ಅವರ ಮನೋಭಾವ ಹಲವರ ಮನ ಮುಟ್ಟಿದೆ. ಸುದೀಪ್ ಮತ್ತು ಪ್ರಿಯಾ ಅವರ 25 ವರ್ಷಗಳ ದಾಂಪತ್ಯ ಪಯಣದ ಸಂಭ್ರಮಕ್ಕೆ ಈ ವಿಶೇಷ ಆಚರಣೆ ಮತ್ತಷ್ಟು ಅರ್ಥ ತುಂಬಿದೆ. ಪ್ರೀತಿ ಎಂದರೆ ಒಟ್ಟಿಗೆ ಕಳೆದ ವರ್ಷಗಳ ಲೆಕ್ಕವಷ್ಟೇ ಅಲ್ಲ; ನಮ್ಮ ಬದುಕಿಗೆ ಪ್ರೀತಿ ತುಂಬಿದವರ ನೆನಪುಗಳನ್ನು ಮುಂದಿನ ಪಯಣದಲ್ಲಿಯೂ ಜೊತೆಯಾಗಿಸಿಕೊಂಡು ಸಾಗುವುದೇ ನಿಜವಾದ ಬಂಧ ಎಂಬುದನ್ನು ಪ್ರಿಯಾ ಅವರ ಈ ನಡೆ ಸುಂದರವಾಗಿ ಸಾರಿದೆ.

ಡಿಕೆಶಿ ವಿರುದ್ಧ ಪತ್ರ ಸಮರ ಸಾರಿದ ಹೆಚ್‌ಡಿಕೆ, ಮಂಡ್ಯದಲ್ಲಿ ಬೃಹತ್ ಯೋಜನೆಗೆ ಹಿಂದೇಟು, ಜಾಗ ಕೊಡ್ತಿಲ್ಲ ಎಂದು ಆಕ್ರೋಶ

Ganesh Mabla Gowda — Thu, 22 Oct 2026 16:49:15 +0530

ಮಂಡ್ಯ: ಮಂಡ್ಯದಲ್ಲಿ ಕೈಗಾರಿಕಾ ಪರೀಕ್ಷಾ ಕೇಂದ್ರ ಸ್ಥಾಪನೆಗೆ ಜಾಗ ಕೊಡಲು ರಾಜ್ಯ ಸರ್ಕಾರ ಮೀನಾಮೇಷ ಮಾಡ್ತಿದೆ ಎಂದು ಆರೋಪಿಸಿ ಸಿಎಂ ಡಿಕೆ ಶಿವಕುಮಾರ್ ವಿರುದ್ಧ ಕೇಂದ್ರ ಸಚಿವ ಹೆಚ್‌ಡಿ ಕುಮಾರಸ್ವಾಮಿ ಬೇಸರ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಸಿಎಂ ಶಿವಕುಮಾರ್‍‌ಗೆ ಸುದೀರ್ಘ ಪತ್ರ ಬರೆದು, ಜಾಗಕ್ಕಾಗಿ ಆಗ್ರಹಿಸಿದ್ದಾರೆ.

ಭೂಮಿ ಮಂಜೂರಾತಿ ವಿಳಂಬಕ್ಕೆ ಬೇಸತ್ತು ಮುಖ್ಯಮಂತ್ರಿಗೆ ಪತ್ರ ಬರೆದಿರುವ ಕುಮಾರಸ್ವಾಮಿ, ಸುದೀರ್ಘ ಪತ್ರಕ್ಕೆ ದಾಖಲೆಗಳನ್ನೂ ಲಗತ್ತಿಸಿದ್ದಾರೆ. ಕೇಂದ್ರ ಸರ್ಕಾರಿ ಕೈಗಾರಿಕಾ ಸಂಸ್ಥೆ ಸ್ಥಾಪನೆಗೆ ಭೂ ಮಂಜೂರಾತಿ ವಿಳಂಬ ಮಾಡಲಾಗುತ್ತಿದೆ. ರಾಜ್ಯದ ಕೈಗಾರಿಕಾ ಅಭಿವೃದ್ಧಿಗೆ ಇದು ಒಳ್ಳೆಯ ಸಂದೇಶವಲ್ಲ. ARAI ಪರೀಕ್ಷಾ ಕೇಂದ್ರ ಸ್ಥಾಪನೆಗೆ ಈವರೆಗೂ ರಾಜ್ಯ ಸರ್ಕಾರ ಜಾಗ ನೀಡಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಮಂಡ್ಯ ಜಿಲ್ಲೆಯಲ್ಲಿ 'ನಿರ್ಮಾಣ ಮತ್ತು ಮೂಲಸೌಕರ್ಯ ಉಪಕರಣಗಳ ಪರೀಕ್ಷಾ ಕೇಂದ್ರ' (CIE Test Centre) ಹಾಗೂ 'ಎಲೆಕ್ಟ್ರಿಕ್ ವಾಹನ ಪರೀಕ್ಷಾ ಕೇಂದ್ರ' (EV Test Centre) ಸ್ಥಾಪನೆಗೆ ಕೇಂದ್ರ ಒಲವು ತೋರಿಸಿದೆ.

ರಾಜ್ಯ ಸರ್ಕಾರದಿಂದ ಕಳೆದ 10 ತಿಂಗಳಿನಿಂದ ಭೂಮಿ ಮಂಜೂರಾತಿಯಲ್ಲಿ ಮೀನಮೇಷ ಮಾಡ್ತಿದೆ ಅನ್ನೋದು ಕುಮಾರಸ್ವಾಮಿ ಅವರ ಆರೋಪ ಆಗಿದೆ.

ಕುಮಾರಸ್ವಾಮಿ ಬರೆದ ಪತ್ರದಲ್ಲಿ ಏನಿದೆ?

ವಿಷಯ: ಮಂಡ್ಯ ಜಿಲ್ಲೆಯಲ್ಲಿ 'ನಿರ್ಮಾಣ ಮತ್ತು ಮೂಲಸೌಕರ್ಯ ಉಪಕರಣಗಳ ಪರೀಕ್ಷಾ ಕೇಂದ್ರ' (CIE Test Centre) ಹಾಗೂ 'ಎಲೆಕ್ಟ್ರಿಕ್ ವಾಹನ ಪರೀಕ್ಷಾ ಕೇಂದ್ರ' (EV Test Centre) ಸ್ಥಾಪಿಸಲು ಕರ್ನಾಟಕ ಸರ್ಕಾರದಿಂದ ಕಳೆದ 10 ತಿಂಗಳಿಂದ ಭೂಮಿ ಮಂಜೂರಾತಿಯಲ್ಲಿ ವಿಳಂಬವಾಗಿರುವ ಬಗ್ಗೆ.

'ಆಟೋಮೋಟೀವ್ ರಿಸರ್ಚ್ ಅಸೋಸಿಯೇಷನ್ ಆಫ್ ಇಂಡಿಯಾ' (ARAI) ವತಿಯಿಂದ ಪ್ರಸ್ತಾಪಿಸಲಾಗಿರುವ 'ನಿರ್ಮಾಣ ಮತ್ತು ಮೂಲಸೌಕರ್ಯ ಉಪಕರಣಗಳ ಪರೀಕ್ಷಾ ಕೇಂದ್ರ' (CIE Test Centre) ಹಾಗೂ 'ಎಲೆಕ್ಟ್ರಿಕ್ ವಾಹನ ಪರೀಕ್ಷಾ ಕೇಂದ್ರ' (EV Test Centre) ಸ್ಥಾಪನೆಗಾಗಿ ಮಂಡ್ಯ ಜಿಲ್ಲೆಯಲ್ಲಿ ಭೂಮಿ ಮಂಜೂರು ಮಾಡುವಲ್ಲಿ, ರಾಜ್ಯ ಸರ್ಕಾರದಿಂದ ಕಳೆದ 10 ತಿಂಗಳಿಂದ ಉಂಟಾಗಿರುವ ನಿರಂತರ ವಿಳಂಬದತ್ತ ನಾನು ತಮ್ಮ ಗಮನ ಸೆಳೆಯಲು ಬಯಸುತ್ತೇನೆ.

ಕಳೆದ 10 ತಿಂಗಳುಗಳಿಂದ ನಾವು ನಿರಂತರವಾಗಿ ಈ ಬಗ್ಗೆ, ರಾಜ್ಯ ಸರ್ಕಾರದ ಸಕಾರಾತ್ಮಕ ನಿರ್ಧಾರದ ನಿರೀಕ್ಷೆಯಲ್ಲಿದ್ದೇವೆ. ಸ್ಥಳ ಪರಿಶೀಲನೆ, ತಾಂತ್ರಿಕ ಮೌಲ್ಯಮಾಪನ ಹಾಗೂ ಸಂಬಂಧಪಟ್ಟ ಇಲಾಖೆಗಳೊಂದಿಗೆ ಸಭೆಗಳನ್ನು ನಡೆಸುವ ಮೂಲಕ ಈ ಪ್ರಕ್ರಿಯೆಯನ್ನು ಸಕ್ರಿಯವಾಗಿ ಮುಂದುವರಿಸುತ್ತಿದ್ದೇವೆ. ಇಷ್ಟೆಲ್ಲಾ ನಿರಂತರ ಪ್ರಯತ್ನಗಳ ಹೊರತಾಗಿಯೂ, ಸೂಕ್ತ ಭೂಮಿಯನ್ನು ಮಂಜೂರು ಮಾಡುವ ವಿಷಯವು ಜಿಲ್ಲಾಡಳಿತ ಮತ್ತು ಕರ್ನಾಟಕ ಕೈಗಾರಿಕಾ ಪ್ರದೇಶ ಅಭಿವೃದ್ಧಿ ಮಂಡಳಿಯಿಂದ (KIADB) ಇನ್ನೂ ಭೂಮಿ ಮಂಜೂರಾತಿ ಇತ್ಯರ್ಥಗೊಂಡಿಲ್ಲ ಎಂಬ ಅಂಶವನ್ನು ತಮ್ಮ ಗಮನಕ್ಕೆ ತರಲು ಬಯಸುತ್ತೇನೆ.

'ನಿರ್ಮಾಣ ಮತ್ತು ಮೂಲಸೌಕರ್ಯ ಉಪಕರಣಗಳ ಪರೀಕ್ಷಾ ಕೇಂದ್ರ' (CIE Test Centre) ಹಾಗೂ 'ಎಲೆಕ್ಟ್ರಿಕ್ ವಾಹನ ಪರೀಕ್ಷಾ ಕೇಂದ್ರ' (EV Test Centre) ಸ್ಥಾಪನೆಗಾಗಿ ಯೋಜನೆಗೆ ಜಾಗ ಗುರುತಿಸುವ ನಿಟ್ಟಿನಲ್ಲಿ ARAI (Automotive Research Association of India) ನಿರಂತರ ತ್ವರಿತಗತಿಯಲ್ಲಿ ಪ್ರಯತ್ನಗಳನ್ನು ನಡೆಸುತ್ತಿದೆ. ದಿನಾಂಕ: 16-03-2024 ರಂದು ARAI ಸಂಸ್ಥೆಯ ತಂಡವು ಮಂಡ್ಯ ತಾಲೂಕಿನ ಬಸರಾಳು, ಮಂಡ್ಯ ಸಕ್ಕರೆ ಕಾರ್ಖಾನೆ ಮತ್ತು ಕೆ.ಆರ್.ಪೇಟೆ ಕೈಗಾರಿಕಾ ವಲಯದಲ್ಲಿನ ಸ್ಥಳಗಳಿಗೆ ಭೇಟಿ ನೀಡಿ ಪರಿಶೀಲಿಸಿದೆ. ತದನಂತರ ಭೂಮಿ ಮಂಜೂರಾತಿ ವಿಚಾರವಾಗಿ ಮಂಡ್ಯದ ಜಿಲ್ಲಾಧಿಕಾರಿಗಳನ್ನು ಭೇಟಿಯಾಗಿ ವಿಸ್ತ್ರತವಾಗಿ ಚರ್ಚಿಸಲಾಗಿದೆ. ಈ ವಿಷಯವಾಗಿ ದಿನಾಂಕ: 17-03-2024 ರಂದು ವಿಕಾಸಸೌಧದಲ್ಲಿ ವಾಣಿಜ್ಯ ಮತ್ತು ಕೈಗಾರಿಕಾ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಅವರೊಂದಿಗೆ ಸಭೆ ನಡೆಸಲಾಗಿದೆ. ದಿನಾಂಕ: 20-03-2024 ರಂದು ARAI ಸಂಸ್ಥೆಗೆ ಭೂಮಿ ಮಂಜೂರಾತಿಗೆ ಸಂಬಂಧಿಸಿದಂತೆ ವಿವರವಾದ ತಾಂತ್ರಿಕ ಅಗತ್ಯಗಳ ಮಾಹಿತಿಯನ್ನು ಕೂಡ ಜಿಲ್ಲಾಧಿಕಾರಿಗಳಿಗೆ ಸಲ್ಲಿಸಿರುತ್ತದೆ. ನಾನು ದಿನಾಂಕ: 13-04-2024 ರಂದು ವಿಧಾನ ಸೌಧದಲ್ಲಿ ಕರ್ನಾಟಕ ಸರ್ಕಾರದ ಬೃಹತ್ ಮತ್ತು ಮಧ್ಯಮ ಕೈಗಾರಿಕೆಗಳ ಸಚಿವರಾದ ಶ್ರೀ ಎಂ.ಬಿ. ಪಾಟೀಲ್ ಅವರೊಂದಿಗೆ ಸಭೆಯನ್ನು ನಡೆಸಿ ಮಂಡ್ಯ ಜಿಲ್ಲೆಯಲ್ಲಿ 'ನಿರ್ಮಾಣ ಮತ್ತು ಮೂಲಸೌಕರ್ಯ ಉಪಕರಣಗಳ ಪರೀಕ್ಷಾ ಕೇಂದ್ರ'

(CIE Test Centre) ಹಾಗೂ 'ಎಲೆಕ್ಟ್ರಿಕ್ ವಾಹನ ಪರೀಕ್ಷಾ ಕೇಂದ್ರ' (EV Test Centre) ಸ್ಥಾಪಿಸುವ ಯೋಜನೆಯ ವಿಸ್ತ್ರತ ವಿವರ ಹಾಗೂ ಭೂಮಿ ಅಗತ್ಯತೆಯ ಕುರಿತು ವಿವರವಾಗಿ ಚರ್ಚಿಸಲಾಗಿರುವುದು ತಮಗೇನೂ ತಿಳಿದಿರುವ ಸಂಗತಿಯಾಗಿರುತ್ತದೆ.

ಮುಂದುವರೆದು, ದಿನಾಂಕ: 06-05-2024 ರಂದು ತಾಂತ್ರಿಕ ಮೌಲ್ಯಮಾಪನಕ್ಕಾಗಿ ಬಸರಾಳು ಮತ್ತು ಹೆಗ್ಗಡತಿಹಳ್ಳಿಯಲ್ಲಿ ಗುರುತಿಸಲಾದ ಭೂಮಿಯ ವಿವರಗಳನ್ನು ಮಂಡ್ಯ ಜಿಲ್ಲಾಡಳಿತವು ARAI ಸಂಸ್ಥೆಗೆ ಒದಗಿಸಲಾಗಿರುತ್ತದೆ. ತದನಂತರ ARAI ತಾಂತ್ರಿಕ ತಂಡವು ದಿನಾಂಕ: 18-05-2024 ರಂದು ಯಲೆಚಾಕನಹಳ್ಳಿ ಗ್ರಾಮ ಸೇರಿದಂತೆ ಜಿಲ್ಲಾಡಳಿತವು ಗುರುತಿಸಲಾದ ಭೂಮಿಯ ಸ್ಥಳಗಳಿಗೆ ಮತ್ತೊಮ್ಮೆ ಭೇಟಿ ನೀಡಿ, ನಂತರ ದಿನಾಂಕ: 16-09-2024 ರಂದು ವಿಕಾಸಸೌಧದಲ್ಲಿ ವಾಣಿಜ್ಯ ಮತ್ತು ಕೈಗಾರಿಕಾ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ರವರ ಅಧ್ಯಕ್ಷತೆಯಲ್ಲಿ ARAI ಸಂಸ್ಥೆಯು, ಮಂಡ್ಯ ಜಿಲ್ಲಾಡಳಿತ ಮತ್ತು ಕರ್ನಾಟಕ ಕೈಗಾರಿಕಾ ಪ್ರದೇಶ ಅಭಿವೃದ್ಧಿ ಮಂಡಳಿ (KIADB) ಅಧಿಕಾರಿಗಳೊಂದಿಗೆ ಪರಿಶೀಲನಾ ಸಭೆ ನಡೆಯಿತು.

ಸದರಿ ಸಭೆಯಲ್ಲಿ ಬಸರಾಳು ಮತ್ತು ಯಲೆಚಾಕನಹಳ್ಳಿಯ ಜಾಗಗಳ ಸೂಕ್ತತೆಯನ್ನು ಕೂಲಂಕಷವಾಗಿ ಪರಿಶೀಲಿಸಲಾಯಿತು. ಬಸರಾಳಿನಲ್ಲಿರುವ ಸುಮಾರು 100 ಎಕರೆ ಜಾಗವು ರಸ್ತೆ ಸಂಪರ್ಕ ಸುಧಾರಣೆಗೆ ಒಳಪಟ್ಟು CIE ಪರೀಕ್ಷಾ ಕೇಂದ್ರಕ್ಕೆ ಸೂಕ್ತವಾಗಬಹುದು ಎಂದು ಸಭೆಯಲ್ಲಿ ತೀರ್ಮಾನಿಸಲಾಯಿತು. ಆದರೆ 'ಎಲೆಕ್ಟ್ರಿಕ್ ವಾಹನ ಪರೀಕ್ಷಾ ಕೇಂದ್ರ' ಕ್ಕೆ ಹೆಚ್ಚುವರಿಯಾಗಿ 60 ಎಕರೆ ಭೂಮಿಯ ಅಗತ್ಯವಿರುತ್ತದೆ. ಎರಡೂ ಸೌಲಭ್ಯಗಳನ್ನು ಒಟ್ಟಾಗಿ ಸ್ಥಾಪಿಸಲು ಯಲೆಚಾಕನಹಳ್ಳಿ ಭೂಮಿಯನ್ನು ಸಹ ಪರ್ಯಾಯ ಸ್ಥಳವಾಗಿ ಪರಿಶೀಲಿಸಲಾಯಿತು. ಇಲ್ಲಿ ದೀರ್ಘವಾದ ಪರೀಕ್ಷಾ ಹಾದಿ (Test track) ಮತ್ತು ಪಕ್ಕದಲ್ಲೇ ಕೈಗಾರಿಕಾ ಕೇಂದ್ರವನ್ನು ಅಭಿವೃದ್ಧಿಪಡಿಸುವ ಅವಕಾಶವಿತ್ತು. ಆದಾಗ್ಯೂ ಈ ಆಯ್ಕೆಯು ಮುಖ್ಯವಾಗಿ ಖಾಸಗಿ ಭೂಮಿಯನ್ನು ಸ್ವಾಧೀನಪಡಿಸಿಕೊಳ್ಳುವುದು ಮತ್ತು ರಸ್ತೆ ಸಂಪರ್ಕವನ್ನು ಅಭಿವೃದ್ಧಿಪಡಿಸುವುದು (ಮೈಸೂರು-ಬೆಂಗಳೂರು ಹೆದ್ದಾರಿಯಿಂದ ಸಂಪರ್ಕ ಮತ್ತು ರೈಲ್ವೆ ಮೇಲ್ಸೇತುವೆ ನಿರ್ಮಾಣ) ಮುಂತಾದ ಸವಾಲುಗಳನ್ನು ಹಾಗೂ ಅಡಚಣೆಗಳನ್ನು ಒಳಗೊಂಡಿರುವುದು ತಿಳಿದು ಬಂದಿದೆ.

ತದನಂತರ ಪರಾಮರ್ಶೆ ಸಭೆಯ ನಂತರ, ARAI ಸಂಸ್ಥೆಯು ದಿನಾಂಕ: 17-09-2024 ರಂದು ವಾಣಿಜ್ಯ ಮತ್ತು ಕೈಗಾರಿಕಾ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಮತ್ತು ಜಿಲ್ಲಾಧಿಕಾರಿಗಳಿಗೆ ಪತ್ರ ಬರೆದು, ಕ್ರಮವಾಗಿ ಯಲೆಚಾಕನಹಳ್ಳಿ ಮತ್ತು ಬಸರಾಳಿನಲ್ಲಿ ಭೂಮಿಯನ್ನು ಮಂಜೂರು ಮಾಡುವಂತೆ ARAI ಸಂಸ್ಥೆಯು ಕೋರಲಾಗಿರುತ್ತದೆ. ದಿನಾಂಕ: 25-09-2024 ರಂದು ಸಭೆಯ ನಡಾವಳಿಗಳು ಲಭ್ಯವಾಗಿದ್ದು, ದಿನಾಂಕ: 28-09-2024 ರಂದು ARAI ಸಂಸ್ಥೆಯು ತನ್ನ ಮನವಿಯನ್ನು ಪರಿಷ್ಕರಿಸಿ ಜಿಲ್ಲಾಡಳಿತಕ್ಕೆ ಸಲ್ಲಿಸಿರುತ್ತದೆ.

ಸದರಿ ಪತ್ರದಲ್ಲಿ ಬಸರಾಳುವಿನಲ್ಲಿ CIE ಸೌಲಭ್ಯಕ್ಕಾಗಿ ಸುಮಾರು 100 ಎಕರೆ ಭೂಮಿ ಮತ್ತು 'ಎಲೆಕ್ಟ್ರಿಕ್ ವಾಹನ ಪರೀಕ್ಷಾ ಕೇಂದ್ರ' ಸೌಲಭ್ಯಕ್ಕಾಗಿ ಹೆಚ್ಚುವರಿಯಾಗಿ 60 ಎಕರೆ ಭೂಮಿಯನ್ನು (ಆದ್ಯತೆಯ ಮೇರೆಗೆ ಮೊದಲ ಭೂಮಿಗೆ ಹೊಂದಿಕೊಂಡಿರುವಂತೆ) ಜಾಗವನ್ನು ಗುರುತಿಸುವಂತೆ ಕೋರಲಾಯಿತು. ಈ ಪರಿಷ್ಕೃತ ಪ್ರಸ್ತಾವನೆಯು ಪ್ರಾಯೋಗಿಕ ಮಾರ್ಗವನ್ನು ಒಳಗೊಂಡಿರುತ್ತದೆ.

ಏಕೆಂದರೆ ಇದು 'ಎಲೆಕ್ಟ್ರಿಕ್ ವಾಹನ ಪರೀಕ್ಷಾ ಕೇಂದ್ರ' ಕ್ಕೆ ಅಗತ್ಯವಿರುವ ಹೆಚ್ಚುವರಿ ಭೂಮಿಯ ವಿಷಯವನ್ನು ಬಗೆಹರಿಸಿಕೊಳ್ಳುವಾಗಲೇ CIE ಸೌಲಭ್ಯದ ಕೆಲಸವನ್ನು ಮುಂದುವರೆಸಲು ಅನುವು ಮಾಡಿಕೊಡುತ್ತದೆ. ಇಷ್ಟೆಲ್ಲಾ ಪ್ರಯತ್ನಗಳು ಮತ್ತು ಕಾರ್ಯಸಾಧ್ಯವಾದ ಕ್ರಮಗಳ ಗುರುತಿಸುವಿಕೆ ಹೊರತಾಗಿಯೂ ರಾಜ್ಯ ಸರ್ಕಾರ ಹಾಗೂ ಮಂಡ್ಯ ಜಿಲ್ಲಾಡಳಿತದಿಂದ ಭೂಮಿ ಮಂಜೂರಾತಿ ಆಗದೇ ಇನ್ನೂ ಬಾಕಿ ಉಳಿದಿದೆ.

ಪ್ರಸ್ತಾವಿತ ಸೌಲಭ್ಯಗಳು ಭಾರತದ ವಾಹನ ಮತ್ತು ವಿದ್ಯುತ್ ಚಾಲಿತ ವಾಹನ (electric mobility) ಪೂರಕ ವ್ಯವಸ್ಥೆಯನ್ನು ಬಲಪಡಿಸುತ್ತವೆ, ಸ್ಥಳೀಯ ತಂತ್ರಜ್ಞಾನ ಅಭಿವೃದ್ಧಿಗೆ ಬೆಂಬಲ ನೀಡುತ್ತವೆ ಹಾಗೂ ಈ ಪ್ರದೇಶದಲ್ಲಿ ಪೂರಕ ಕೈಗಾರಿಕೆಗಳು ಮತ್ತು ಉದ್ಯೋಗಾವಕಾಶಗಳನ್ನು ಸೃಷ್ಟಿಸಲಾಗುತ್ತದೆ. ಇವು ಕರ್ನಾಟಕದಲ್ಲಿ ಸುಧಾರಿತ ಪರೀಕ್ಷೆ, ಮೌಲ್ಯಮಾಪನ ಮತ್ತು ಉತ್ಪಾದನೆಗೆ ಸಂಬಂಧಿಸಿದ ಸಂಶೋಧನೆಗಾಗಿ ಬಲವಾದ ಪರಿಸರ ವ್ಯವಸ್ಥೆಯನ್ನು ನಿರ್ಮಿಸಲು ಸಹಾಯ ಮಾಡುತ್ತವೆ. ರಾಜ್ಯ ಸರ್ಕಾರದೊಂದಿಗೆ ಸುಮಾರು 10 ತಿಂಗಳುಗಳ ಕಾಲ ಅನೇಕ ಸಭೆಗಳನ್ನು ನಡೆಸಿ, ಚರ್ಚಿಸಿ ಹಾಗೂ ಪತ್ರ ವ್ಯವಹಾರಗಳನ್ನು ನಡೆಸಿದರೂ ಸಹ ಸಾರ್ವಜನಿಕ ಉಪಯೋಗದ ಯೋಜನೆಗಳಿಗೆ ಮೂಲಭೂತ ಅಗತ್ಯವಾದ ಭೂಮಿಯನ್ನು ಮಂಜೂರು ಮಾಡುವ ರಾಜ್ಯ ಸರ್ಕಾರದ ಹಾಗೂ ಮಂಡ್ಯ ಜಿಲ್ಲಾಡಳಿತದ ನಿರ್ಧಾರಕ್ಕಾಗಿ ಇಂತಹ ಪ್ರಮುಖ ಯೋಜನೆಯು ಕಾಯುತ್ತಿರುವುದು ದುರದೃಷ್ಟಕರ ಸಂಗತಿ ಎಂದು ನಾನು ಭಾವಿಸಿದ್ದೇನೆ.

ARAI ಬೆಳವಣಿಗೆಯ ಆಟೋಮೊಬೈಲ್ ಕ್ಷೇತ್ರದ ಮೇಲೆ ಅದು ಬೀರುವ ಸಕಾರಾತ್ಮಕ ಪ್ರಭಾವ ಮತ್ತು ಭಾರತದ ವಾಹನ ವಲಯದಲ್ಲಿ ಅದರ ವಿಸ್ತರಿಸುತ್ತಿರುವ ಪಾತ್ರದ ಹಿನ್ನೆಲೆಯನ್ನು ನೋಡಿದಾಗ ಈ ಪ್ರಸ್ತಾವನೆಯ ಮಹತ್ವವು ಇನ್ನಷ್ಟು ಸ್ಪಷ್ಟವಾಗುತ್ತದೆ. 1966ರಲ್ಲಿ ಸ್ಥಾಪಿತವಾದ ARAI ಸಂಸ್ಥೆಯು ಭಾರತ ಸರ್ಕಾರದ ಬೃಹತ್ ಕೈಗಾರಿಕೆ ಸಚಿವಾಲಯದ ಅಡಿಯಲ್ಲಿ ಕಾರ್ಯನಿರ್ವಹಿಸುವ ಪ್ರಮುಖ ವಾಹನ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆಯಾಗಿದ್ದು, ಇದು ವಾಹನ ಮೌಲ್ಯಮಾಪನ, ಇಂಗಾಲ ಹೊರಸೂಸುವಿಕೆ (emissions), ವಾಹನ ಸುರಕ್ಷತೆ, ಎಂಜಿನ್ ಅಭಿವೃದ್ಧಿ, ರಚನಾತ್ಮಕ ಚಲನಶೀಲತೆ (Structural dynamics), ವಾಹನ ಎಲೆಕ್ಟ್ರಾನಿಕ್ಸ್, ಪ್ರಮಾಣೀಕರಣ ಮತ್ತು ಇತರ ವಿಶೇಷ ಕ್ಷೇತ್ರಗಳಲ್ಲಿ ವ್ಯಾಪಕ ಸಾಮರ್ಥ್ಯವನ್ನು ಅಭಿವೃದ್ಧಿಪಡಿಸಿದೆ.

ರಾಷ್ಟ್ರದಲ್ಲಿ ಇಂತಹ ಕೇಂದ್ರಗಳು ಬೆರಳೆಣಿಕೆಯಷ್ಟು ಮಾತ್ರ ಇವೆ. ಮಹಾರಾಷ್ಟ್ರದ ಪುಣೆಯ ಆಟೋಮೋಟಿವ್ ರಿಸರ್ಚ್ ಅಸೋಸಿಯೇಷನ್ ಆಫ್ ಇಂಡಿಯಾ (ARAI), ಹರಿಯಾಣದ ಮಾನೇಸರ್‌ನಲ್ಲಿರುವ ಅಂತಾರಾಷ್ಟ್ರೀಯ ಆಟೋಮೋಟಿವ್ ತಂತ್ರಜ್ಞಾನ ಕೇಂದ್ರ (ICAT), ಚೆನ್ನೈನಲ್ಲಿರುವ ಗ್ಲೋಬಲ್ ಆಟೋಮೋಟೀವ್ ರಿಸರ್ಚ್ ಸೆಂಟರ್ (GARC), ಕಾಶ್ಮೀರದಲ್ಲಿರುವ ರಾಷ್ಟ್ರೀಯ ಆಟೋಮೋಟೀವ್ ಟೆಸ್ಟ್ ಟ್ರ್ಯಾಕ್ಸ್ (NATRAX) ಸಂಸ್ಥೆಗಳು ರಾಷ್ಟ್ರದಲ್ಲಿದ್ದು, ಈ ಕೇಂದ್ರಗಳ ಕೊಡುಗೆಯಿಂದ ಇಂದು ಹರಿಯಾಣ, ಮಹಾರಾಷ್ಟ್ರ, ತಮಿಳುನಾಡು ರಾಜ್ಯಗಳು ಆಟೋಮೊಬೈಲ್ ಕ್ಷೇತ್ರದಲ್ಲಿ ಮುಂಚೂಣಿ ರಾಜ್ಯಗಳಾಗಿ ಬೆಳೆದಿವೆ. ಹೀಗಾಗಿ ಇಂತಹ ಪ್ರತಿಷ್ಠಿತ ಕೇಂದ್ರಗಳು ನಮ್ಮ ಕರ್ನಾಟಕ ರಾಜ್ಯಕ್ಕೆ ಅಗತ್ಯವಾಗಿ ಬೇಕಾಗಿದೆ. ಯಾವುದೇ ಕಾರಣಕ್ಕೂ ARAI ಪರೀಕ್ಷಾ ಕೇಂದ್ರವನ್ನು ಕರ್ನಾಟಕ ಕಳೆದುಕೊಳ್ಳಬಾರದು ಎಂಬುದು ನನ್ನ ಕಳಕಳಿಯಾಗಿದೆ

ಹಾಗೂ ರಾಜಕೀಯವನ್ನು ಮೀರಿ ಸಾರ್ವಜನಿಕ ಪ್ರಾಮುಖ್ಯತೆ ಹೊಂದಿದ ಕೇಂದ್ರ ಸರ್ಕಾರಿ ಸ್ವಾಮ್ಯದ ಈ ಪ್ರತಿಷ್ಠಿತ ಸಂಸ್ಥೆಯನ್ನು ರಾಜ್ಯಕ್ಕೆ ಬರಮಾಡಿಕೊಳ್ಳಬೇಕಾಗಿರುವುದು ನಮ್ಮೆಲ್ಲರ ಆದ್ಯ ಕರ್ತವ್ಯವಾಗಿದೆ.

ಕರ್ನಾಟಕ ಸರ್ಕಾರದ 2024-25ನೇ ಸಾಲಿನ ಆಯ-ವ್ಯಯದ ಭಾಷಣದ ಕಂಡಿಕೆ 350ರಲ್ಲಿ ಮಂಡ್ಯದಲ್ಲಿ 'ಆಟೋಮೋಟಿವ್ ರಿಸರ್ಚ್ ಅಸೋಸಿಯೇಷನ್ ಆಫ್ ಇಂಡಿಯಾ' (ARAI) ಸಂಸ್ಥೆಗೆ 'ನಿರ್ಮಾಣ ಮತ್ತು ಮೂಲಸೌಕರ್ಯ ಉಪಕರಣಗಳ ಪರೀಕ್ಷಾ ಕೇಂದ್ರ' ಸ್ಥಾಪನೆಗಾಗಿ ಭೂಮಿಯನ್ನು ನೀಡಲಾಗುವುದೆಂದು ಘೋಷಣೆ ಮಾಡಿರುವುದನ್ನು ಹಾಗೂ ತಾವು ಹಲವಾರು ಸಂದರ್ಭಗಳಲ್ಲಿ ಕೈಗಾರಿಕಾ ಹೂಡಿಕೆಗಳಿಗೆ ಅಗತ್ಯವಿರುವ ಭೂಮಿಯನ್ನು ತಕ್ಷಣವೇ ಒದಗಿಸಲು ರಾಜ್ಯ ಸರ್ಕಾರ ಸಿದ್ಧವಿದೆ ಎಂದು ಮುಖ್ಯಮಂತ್ರಿಗಳಾಗಿ ತಾವು ಸಭೆ, ಸಮಾರಂಭಗಳಲ್ಲಿ ಹಾಗೂ ಸದನದಲ್ಲಿ ಹೇಳಿರುವುದನ್ನು ಸಹ ತಮ್ಮ ಗಮನಕ್ಕೆ ತರಬಯಸುತ್ತೇನೆ, ಹಾಗೂ ದಿನಾಂಕ: 28-09-2024 ರಂದು ಬೆಂಗಳೂರಿನ ಪ್ರದೇಶ ಕಾಂಗ್ರೆಸ್ ಸಮಿತಿ ಕಚೇರಿಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಕೈಗಾರಿಕೆ ಸ್ಥಾಪನೆ ಮತ್ತು ಉದ್ಯೋಗ ಸೃಜಿಸಲು ಬೇಕಿದ್ದರೆ ಸಾವಿರಾರು ಎಕರೆ ಭೂಮಿ ನೀಡಲಾಗುವುದು ಎಂದು ತಾವು ಹೇಳಿರುತ್ತೀರಿ. ತಮ್ಮ ಈ ಹೇಳಿಕೆಯು ಕೈಗಾರಿಕಾ ಅಭಿವೃದ್ಧಿಗೆ ಪೂರಕವಾಗಿದೆ ಎಂದು ನಾನು ಭಾವಿಸಿದ್ದೇನೆ. ಆದಾಗ್ಯೂ, ಪ್ರಸ್ತಾಪಿತ ಯೋಜನೆಗೆ ಇಲ್ಲಿಯವರೆಗೆ ರಾಜ್ಯ ಸರ್ಕಾರದಿಂದ ಭೂ ಮಂಜೂರಾತಿಯಲ್ಲಿ ವಿಳಂಬವಾಗುತ್ತಿರುವುದು ಅತ್ಯಂತ ಕಳವಳಕಾರಿ ಸಂಗತಿಯಾಗಿದೆ.

ಆದುದರಿಂದ, ಮೇಲ್ಕಂಡ ಎಲ್ಲಾ ಅಂಶಗಳ ಹಿನ್ನೆಲೆಯಲ್ಲಿ ಮಂಡ್ಯ ಜಿಲ್ಲೆಯಲ್ಲಿ ಕೈಗಾರಿಕೆ ಕ್ಷೇತ್ರದ ಅಭಿವೃದ್ಧಿ ಹಾಗೂ ಯುವ ಸಮೂಹಕ್ಕೆ ಉದ್ಯೋಗ ಸೃಜಿಸುವ ದೃಷ್ಟಿಯಿಂದ, ಪತ್ರಿಕೆ ಹಾಗೂ ಮಾಧ್ಯಮಗಳಲ್ಲಿ ಆಶ್ವಾಸನೆ ನೀಡುವ ಬದಲು ತಾವು ರಾಜ್ಯ ಸರ್ಕಾರದಿಂದ ಮಂಡ್ಯ ಜಿಲ್ಲೆಯಲ್ಲಿ ARAI ಕೇಂದ್ರಕ್ಕೆ ಅಗತ್ಯವಿರುವ ಭೂಮಿಯನ್ನು ಕೂಡಲೇ ಮಂಜೂರು ಮಾಡಬೇಕೆಂದು ಮತ್ತೊಮ್ಮೆ ಈ ಪತ್ರದ ಮೂಲಕ ಕೋರುತ್ತೇನೆ ಎಂದು ಸುದೀರ್ಘವಾಗಿ ಪತ್ರ ಬರೆದಿದ್ದಾರೆ.

ಬಸವ ಸಾಗರ ಡ್ಯಾಮ್‌ನಿಂದ ತೆಲಂಗಾಣಕ್ಕೆ 2 ಟಿಎಂಸಿ ನೀರು ಬಿಡುಗಡೆ: ಸಚಿವ ಎಂ.ಬಿ. ಪಾಟೀಲ್

Sathish Kumar KH — Thu, 22 Oct 2026 16:41:16 +0530

ವಿಜಯಪುರ (ಅ.22): ಯಾದಗಿರಿ ಜಿಲ್ಲೆಯ ಬಸವ ಸಾಗರ (ನಾರಾಯಣಪುರ) ಜಲಾಶಯದಿಂದ ನೆರೆಯ ತೆಲಂಗಾಣ ರಾಜ್ಯಕ್ಕೆ 2 ಟಿಎಂಸಿ ನೀರು ಬಿಡುಗಡೆ ಮಾಡಿರುವುದನ್ನು ಕೈಗಾರಿಕಾ ಹಾಗೂ ಮೂಲಸೌಕರ್ಯ ಅಭಿವೃದ್ಧಿ ಸಚಿವ ಎಂ.ಬಿ. ಪಾಟೀಲ್ ಅವರು ಪ್ರಬಲವಾಗಿ ಸಮರ್ಥಿಸಿಕೊಂಡಿದ್ದಾರೆ. ಕುಡಿಯುವ ನೀರಿನ ವಿಚಾರದಲ್ಲಿ ಯಾರೂ ರಾಜಕಾರಣ ಮಾಡಬಾರದು ಎಂದು ಅವರು ವಿಪಕ್ಷಗಳು ಹಾಗೂ ರೈತ ಸಂಘಟನೆಗಳಿಗೆ ಕಿವಿಮಾತು ಹೇಳಿದ್ದಾರೆ.

ವಿಜಯಪುರ ನಗರದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಸಚಿವರು, ತೆಲಂಗಾಣಕ್ಕೆ ನೀರು ಹರಿಸುತ್ತಿರುವುದಕ್ಕೆ ವ್ಯಕ್ತವಾಗಿರುವ ವಿರೋಧಕ್ಕೆ ಸ್ಪಷ್ಟನೆ ನೀಡಿದರು.

ಮಾನವೀಯತೆಯ ಆಧಾರದ ಮೇಲೆ ನೀರು ಬಿಡಲಾಗಿದೆ:

ತೆಲಂಗಾಣಕ್ಕೆ ನೀರು ಬಿಟ್ಟಿರುವುದರ ಕುರಿತು ಮಾತನಾಡಿದ ಎಂ.ಬಿ. ಪಾಟೀಲ್, 'ಕುಡಿಯುವ ನೀರಿನ ತೀವ್ರ ಸಮಸ್ಯೆ ಎದುರಾದಾಗ ನಾವು ಕೂಡ ಹಲವು ಬಾರಿ ನೆರೆಯ ಮಹಾರಾಷ್ಟ್ರ ಸರ್ಕಾರಕ್ಕೆ ಮನವಿ ಮಾಡಿ ಕೃಷ್ಣಾ ಮತ್ತು ಭೀಮಾ ನದಿಗಳಿಗೆ ನೀರು ಪಡೆದುಕೊಂಡಿದ್ದೇವೆ. ಅದೇ ಮಾದರಿಯಲ್ಲಿ ಇಂದು ತೆಲಂಗಾಣ ಜನರಿಗೆ ಕುಡಿಯುವ ನೀರಿನ ಸಮಸ್ಯೆ ಎದುರಾಗಿದೆ. ಕೇವಲ ಮಾನವೀಯತೆಯ ದೃಷ್ಟಿಯಿಂದ ಕುಡಿಯಲು ಮಾತ್ರ 2 ಟಿಎಂಸಿ ನೀರನ್ನು ಬಿಡುಗಡೆ ಮಾಡಲಾಗಿದೆಯೇ ಹೊರತು ಯಾವುದೇ ಬೆಳೆ ಬೆಳೆಯಲು ನೀರು ಕೊಟ್ಟಿಲ್ಲ' ಎಂದು ಸ್ಪಷ್ಟಪಡಿಸಿದರು.

ಬೇಸಿಗೆಯಲ್ಲಿ ನಮಗೆ ಸಮಸ್ಯೆಯಾಗಲ್ಲವೇ?: ಸಚಿವರ ಉತ್ತರ

ಈಗಲೇ ನೀರು ಬಿಟ್ಟರೆ ಮುಂಬರುವ ಬೇಸಿಗೆಯಲ್ಲಿ ರಾಜ್ಯದ ಜನರಿಗೆ ನೀರಿನ ಕೊರತೆಯಾಗುವುದಿಲ್ಲವೇ ಎಂಬ ಪ್ರಶ್ನೆಗೆ ಉತ್ತರಿಸಿದ ಅವರು, 'ಕೇವಲ 2 ಟಿಎಂಸಿ ನೀರನ್ನು ಮಾತ್ರ ಬಿಡಲಾಗುತ್ತಿದೆ. ಇದರಿಂದ ನಮ್ಮ ರಾಜ್ಯದ ಜನರಿಗೆ ಯಾವುದೇ ತೊಂದರೆಯಾಗದಂತೆ ಎಚ್ಚರಿಕೆ ವಹಿಸಲಾಗಿದೆ. ಕುಡಿಯುವ ನೀರು ಮನುಷ್ಯನ ಜೀವನ್ಮರಣದ ಪ್ರಶ್ನೆ. ಅಂತಹ ಸೂಕ್ಷ್ಮ ವಿಚಾರದಲ್ಲಿ ರಾಜಕೀಯ ಬೆರೆಸುವುದು ಶೋಭೆಯಲ್ಲ' ಎಂದರು.

ರೈತ ಸಂಘಟನೆಗಳ ವಿರೋಧಕ್ಕೆ ಎಂ.ಬಿ. ಪಾಟೀಲ್ ಪ್ರತಿಕ್ರಿಯೆ:

ತೆಲಂಗಾಣಕ್ಕೆ ನೀರು ಹರಿಸುವುದನ್ನು ವಿರೋಧಿಸಿ ರೈತ ಸಂಘಟನೆಗಳು ನಡೆಸುತ್ತಿರುವ ಪ್ರತಿಭಟನೆಗೆ ಪ್ರತಿಕ್ರಿಯಿಸಿದ ಸಚಿವರು, 'ಪ್ರತಿ ವರ್ಷ ಬೇಸಿಗೆ ಕಾಲದಲ್ಲಿ ಮಹಾರಾಷ್ಟ್ರದಿಂದ ಕೃಷ್ಣಾ ಮತ್ತು ಭೀಮಾ ನದಿಗಳಿಗೆ ನೀರು ಬಿಡಿಸಿಕೊಳ್ಳಲು ಇದೇ ರೈತ ಸಂಘಟನೆಗಳು ಸರ್ಕಾರಕ್ಕೆ ಒತ್ತಾಯಿಸುತ್ತವೆ. ಅಂದು ಮಹಾರಾಷ್ಟ್ರ ಮಾನವೀಯತೆ ತೋರಿ ನಮಗೆ ನೀರು ಕೊಟ್ಟಂತೆ, ಇಂದು ಸಂಕಷ್ಟದಲ್ಲಿರುವ ನೆರೆಯ ತೆಲಂಗಾಣಕ್ಕೆ ನೀರು ಕೊಡುವುದು ನಮ್ಮ ಕರ್ತವ್ಯ. ಆದ್ದರಿಂದ ರೈತರು ಈ ವಾಸ್ತವವನ್ನು ಅರ್ಥಮಾಡಿಕೊಳ್ಳಬೇಕು" ಎಂದು ಮನವಿ ಮಾಡಿದರು.

ರಿಲೀಸ್‌ಗೂ ಮುನ್ನವೇ ಬುಕ್ಕಿಂಗ್‌ನಲ್ಲಿ ಯಶ್ 'ರಾಮಾಯಣ' ಹವಾ: ಟಿಕೆಟ್ ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!

Govindaraj S — Thu, 22 Oct 2026 16:28:17 +0530

ನವೆಂಬರ್ 5, 2026ರಂದು ತೆರೆಕಾಣಲಿರುವ ರಣಬೀರ್ ಕಪೂರ್ ನಟನೆಯ 'ರಾಮಾಯಣ' ಚಿತ್ರದ ಅಡ್ವಾನ್ಸ್ ಬುಕ್ಕಿಂಗ್ ಜೋರಾಗಿ ನಡೆಯುತ್ತಿದೆ. ಈಗಾಗಲೇ 7.10 ಕೋಟಿ ರೂ. ಕಲೆಕ್ಷನ್ ಮಾಡಿರುವ ಚಿತ್ರದ ಪ್ರೀಮಿಯಂ ಟಿಕೆಟ್ ಬೆಲೆ 2,770 ರೂ.ಗೆ ಮಾರಾಟವಾಗುತ್ತಿದೆ. ಇಲ್ಲಿದೆ ಬಾಕ್ಸ್ ಆಫೀಸ್ ರಿಪೋರ್ಟ್. ರಣಬೀರ್ ಕಪೂರ್ ನಟನೆಯ 'ರಾಮಾಯಣ' ಸಿನಿಮಾ ಬಿಡುಗಡೆಗೂ ಮುನ್ನವೇ ಪ್ರೇಕ್ಷಕರಲ್ಲಿ ಭಾರಿ ಕುತೂಹಲ ಮೂಡಿಸಿದೆ. ನಿತೇಶ್ ತಿವಾರಿ ಈ ಬಿಗ್ ಬಜೆಟ್ ಚಿತ್ರವನ್ನು ನಿರ್ದೇಶಿಸಿದ್ದಾರೆ.

ಸಾಯಿ ಪಲ್ಲವಿ ಮತ್ತು ಯಶ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ನವೆಂಬರ್ 5, 2026ರಂದು ವಿಶ್ವಾದ್ಯಂತ ಈ ಸಿನಿಮಾ ಥಿಯೇಟರ್‌ಗಳಿಗೆ ಲಗ್ಗೆ ಇಡಲಿದೆ. ಚಿತ್ರದ ಅಡ್ವಾನ್ಸ್ ಬುಕ್ಕಿಂಗ್ ಈಗಾಗಲೇ ಶುರುವಾಗಿದೆ. ಟಿಕೆಟ್ ಸೇಲ್ಸ್ ಮತ್ತು ಪ್ರೀಮಿಯಂ ಬೆಲೆಗಳಿಂದ ಸಿನಿಮಾ ಸಖತ್ ಸದ್ದು ಮಾಡುತ್ತಿದೆ. ಆದರೆ, ಇತರ ದೊಡ್ಡ ಸಿನಿಮಾಗಳ ಮೊದಲ ದಿನದ ಅಡ್ವಾನ್ಸ್ ಬುಕ್ಕಿಂಗ್‌ಗೆ ಹೋಲಿಸಿದರೆ ಇದರ ಆರಂಭಿಕ ಗಳಿಕೆ ಇನ್ನೂ ಕಡಿಮೆ ಇದೆ. ಚಿತ್ರದ ಈವರೆಗಿನ ಕಲೆಕ್ಷನ್ ರಿಪೋರ್ಟ್ ಇಲ್ಲಿದೆ.

ರಾಮಾಯಣ ಅಡ್ವಾನ್ಸ್ ಬುಕ್ಕಿಂಗ್: 1.26 ಲಕ್ಷ ಟಿಕೆಟ್ ಸೋಲ್ಡ್

'ರಾಮಾಯಣ' ಸಿನಿಮಾ ಈವರೆಗೆ 7.10 ಕೋಟಿ ರೂ. ಗ್ರಾಸ್ ಅಡ್ವಾನ್ಸ್ ಬುಕ್ಕಿಂಗ್ ಕಲೆಕ್ಷನ್ ಮಾಡಿದೆ. ಬ್ಲಾಕ್ ಆದ ಸೀಟ್‌ಗಳನ್ನು ಹೊರತುಪಡಿಸಿದರೆ ಈ ಮೊತ್ತ 5.17 ಕೋಟಿ ರೂ. ಇದೆ ಎಂದು ಟ್ರೇಡ್ ರಿಪೋರ್ಟ್ ಅಂಕಿ-ಅಂಶಗಳು ತಿಳಿಸಿವೆ. ಅಕ್ಟೋಬರ್ 22ರ ಬೆಳಗ್ಗೆ 10 ಗಂಟೆಯ ಸ್ಯಾಕ್ನಿಲ್ಕ್ (Sacnilk) ಡೇಟಾ ಪ್ರಕಾರ, 3,707 ಶೋಗಳಿಂದ ಸುಮಾರು 1.26 ಲಕ್ಷ ಟಿಕೆಟ್‌ಗಳು ಮಾರಾಟವಾಗಿವೆ.

ಶೇ.15ರಷ್ಟು ಆಕ್ಯುಪೆನ್ಸಿ ದಾಖಲಾಗಿದ್ದು, ಈಗಾಗಲೇ 8 ಶೋಗಳು ಹೌಸ್‌ಫುಲ್ ಆಗಿವೆ. ರಿಲೀಸ್ ಡೇಟ್ ಹತ್ತಿರವಾದಂತೆ ಅಡ್ವಾನ್ಸ್ ಬುಕ್ಕಿಂಗ್ ಲೆಕ್ಕಾಚಾರಗಳು ದೊಡ್ಡ ಮಟ್ಟದಲ್ಲಿ ಬದಲಾಗುವ ಸಾಧ್ಯತೆ ಇದೆ. ಮುಂದಿನ ದಿನಗಳಲ್ಲಿ ಇನ್ನಷ್ಟು ಜನ ಟಿಕೆಟ್ ಬುಕ್ ಮಾಡುವ ನಿರೀಕ್ಷೆ ಇದೆ.

ನೈಟ್ ಶೋಗಳಿಗೆ ಭಾರಿ ಡಿಮ್ಯಾಂಡ್

ಅಡ್ವಾನ್ಸ್ ಬುಕ್ಕಿಂಗ್ ಕಲೆಕ್ಷನ್‌ನಲ್ಲಿ ಮಹಾರಾಷ್ಟ್ರ ಮೊದಲ ಸ್ಥಾನದಲ್ಲಿದೆ. ಒಟ್ಟು ಗ್ರಾಸ್ ಕಲೆಕ್ಷನ್‌ನಲ್ಲಿ ಶೇ.27ರಷ್ಟು, ಅಂದರೆ 1.93 ಕೋಟಿ ರೂ. ಕೇವಲ ಮಹಾರಾಷ್ಟ್ರದಿಂದಲೇ ಬಂದಿದೆ. ದೆಹಲಿ 1.78 ಕೋಟಿ ರೂ. ಗಳಿಸುವ ಮೂಲಕ ಎರಡನೇ ಸ್ಥಾನದಲ್ಲಿದೆ. ಗುಜರಾತ್‌ನಿಂದ 49.67 ಲಕ್ಷ ರೂ. ಕಲೆಕ್ಷನ್ ಆಗಿದೆ. ತೆಲಂಗಾಣದಲ್ಲಿ 37 ಶೋಗಳಿಂದ ಶೇ.61ರಷ್ಟು ಆಕ್ಯುಪೆನ್ಸಿ ದಾಖಲಾಗಿದ್ದು, 38.46 ಲಕ್ಷ ರೂ. ಗಳಿಸಿದೆ. ಪ್ರೇಕ್ಷಕರ ಟಿಕೆಟ್ ಬುಕ್ಕಿಂಗ್ ಟ್ರೆಂಡ್ ಕೂಡ ಕುತೂಹಲಕಾರಿಯಾಗಿದೆ.

ಸಂಜೆ 7 ಗಂಟೆಯ ನಂತರದ ಶೋಗಳು ಅತಿ ಹೆಚ್ಚು, ಅಂದರೆ 2.41 ಕೋಟಿ ರೂ. ಕಲೆಕ್ಷನ್ ಮಾಡಿವೆ. ಮಧ್ಯಾಹ್ನಕ್ಕೂ ಮುನ್ನದ ಶೋಗಳು 2.10 ಕೋಟಿ ರೂ. ಗಳಿಸಿದ್ದು, ಅತಿ ಹೆಚ್ಚು (ಶೇ.16) ಆಕ್ಯುಪೆನ್ಸಿ ದಾಖಲಿಸಿವೆ. ಮಧ್ಯಾಹ್ನದ ಶೋಗಳು 1.56 ಕೋಟಿ ರೂ. ಕಲೆಕ್ಷನ್ ಮಾಡಿದರೆ, ಸಂಜೆ 4 ರಿಂದ 6:59ರ ನಡುವಿನ ಶೋಗಳು 1.02 ಕೋಟಿ ರೂ. ಗಳಿಸಿವೆ. ಈ ಅಂಕಿ-ಅಂಶಗಳನ್ನು ಗಮನಿಸಿದರೆ, ಸಂಜೆಯ ಶೋಗಳಿಗೆ ಜನ ಹೆಚ್ಚು ಆಸಕ್ತಿ ತೋರುತ್ತಿದ್ದಾರೆ. ಆದರೆ, ಮಧ್ಯಾಹ್ನಕ್ಕೂ ಮುನ್ನದ ಶೋಗಳಲ್ಲಿ ಆಕ್ಯುಪೆನ್ಸಿ ಕೊಂಚ ಹೆಚ್ಚಾಗಿದೆ.

ಜೈಲರ್ 2, ಧುರಂಧರ್ 2, ಟಾಕ್ಸಿಕ್ ಹಿಂದಿಕ್ಕುತ್ತಾ ರಾಮಾಯಣ?

ಆರಂಭಿಕ ಬುಕ್ಕಿಂಗ್‌ಗೆ ಒಳ್ಳೆಯ ರೆಸ್ಪಾನ್ಸ್ ಸಿಕ್ಕಿದ್ದರೂ, ಇತರ ದೊಡ್ಡ ಸಿನಿಮಾಗಳ ಮೊದಲ ದಿನದ ಅಡ್ವಾನ್ಸ್ ಬುಕ್ಕಿಂಗ್ ದಾಖಲೆ ಮುರಿಯಲು 'ರಾಮಾಯಣ' ಇನ್ನೂ ಸಾಕಷ್ಟು ಕಲೆಕ್ಷನ್ ಮಾಡಬೇಕಿದೆ. ಟ್ರೇಡ್ ರಿಪೋರ್ಟ್ ಪ್ರಕಾರ, 'ಜೈಲರ್ 2' ಸಿನಿಮಾ 41.48 ಕೋಟಿ ರೂ. ಫೈನಲ್ ಗ್ರಾಸ್ ಅಡ್ವಾನ್ಸ್ ಬುಕ್ಕಿಂಗ್ ಮಾಡಿತ್ತು. 'ಧುರಂಧರ್ 2' 62.43 ಕೋಟಿ ರೂ. ಹಾಗೂ 'ಟಾಕ್ಸಿಕ್' 73.43 ಕೋಟಿ ರೂ. ಕಲೆಕ್ಷನ್ ಮಾಡಿದ್ದವು. ಬ್ಲಾಕ್ ಆದ ಸೀಟ್‌ಗಳನ್ನು ಹೊರತುಪಡಿಸಿ ನೋಡಿದರೆ, ಈ ಸಿನಿಮಾಗಳ ಕಲೆಕ್ಷನ್ ಕ್ರಮವಾಗಿ 37.60 ಕೋಟಿ ರೂ., 52.35 ಕೋಟಿ ರೂ. ಮತ್ತು 58.27 ಕೋಟಿ ರೂ. ಇತ್ತು.

ಆದರೆ, ಇವೆಲ್ಲವೂ ಆ ಸಿನಿಮಾಗಳ ಫೈನಲ್ ಅಡ್ವಾನ್ಸ್ ಬುಕ್ಕಿಂಗ್ ಲೆಕ್ಕಾಚಾರಗಳು. 'ರಾಮಾಯಣ' ಬುಕ್ಕಿಂಗ್ ಇನ್ನೂ ನಡೆಯುತ್ತಲೇ ಇದೆ. ಹೀಗಾಗಿ ಈಗಲೇ ಈ ಸಿನಿಮಾಗಳ ಜೊತೆ ಹೋಲಿಕೆ ಮಾಡುವುದು ಸರಿಯಲ್ಲ. ಚಿತ್ರದ ಪ್ರೀಮಿಯಂ ಟಿಕೆಟ್ ಬೆಲೆಗಳು ಕೂಡ ಸಖತ್ ಸದ್ದು ಮಾಡುತ್ತಿವೆ. ಮುಂಬೈನ ಲೋವರ್ ಪ್ಯಾರೆಲ್‌ನಲ್ಲಿರುವ ಫೀನಿಕ್ಸ್ ಪಲ್ಲಾಡಿಯಂನ PVR ICON ನಲ್ಲಿ ಆಯ್ದ ಐಮ್ಯಾಕ್ಸ್ 3D (IMAX 3D) ರಿಕ್ಲೈನರ್ ಟಿಕೆಟ್‌ಗಳ ಬೆಲೆ ಬರೋಬ್ಬರಿ 2,770 ರೂ. ಇದೆ.

ಇನ್ನು ನವೆಂಬರ್ 5 ಮತ್ತು 6ರಂದು ನಡೆಯುವ ಆಯ್ದ ಶೋಗಳಿಗೆ ಈ ಬೆಲೆ ನಿಗದಿಪಡಿಸಲಾಗಿದೆ. ದೊಡ್ಡ ತಾರಾಗಣ, ಅದ್ದೂರಿ ಮೇಕಿಂಗ್ ಮತ್ತು ಹೆಚ್ಚುತ್ತಿರುವ ಅಡ್ವಾನ್ಸ್ ಬುಕ್ಕಿಂಗ್‌ನಿಂದಾಗಿ 'ರಾಮಾಯಣ' ರಿಲೀಸ್ ಮೇಲೆ ಎಲ್ಲರ ಕಣ್ಣಿದೆ. ಬಾಕ್ಸ್ ಆಫೀಸ್‌ನಲ್ಲಿ ಈ ಸಿನಿಮಾ ಯಾವ ಮಟ್ಟಿಗೆ ಕಮಾಲ್ ಮಾಡಲಿದೆ ಎಂಬುದು ಮುಂದಿನ ದಿನಗಳಲ್ಲಿ ಗೊತ್ತಾಗಲಿದೆ.

52ನೇ ವಯಸ್ಸಿನಲ್ಲೂ ಕರಿಷ್ಮಾ ಕಪೂರ್ ಸಖತ್ ಫಿಟ್… ಗ್ಲೋಯಿಂಗ್ ಸ್ಕಿನ್ ಸೀಕ್ರೆಟ್ ಏನು?

Pavna Das — Thu, 22 Oct 2026 16:27:42 +0530

ಕರಿಷ್ಮಾ ಕಪೂರ್ ಫಿಟ್ನೆಸ್ ಸೀಕ್ರೆಟ್

52ರ ಹರೆಯದಲ್ಲೂ ನಟಿ ಕರಿಷ್ಮಾ ಕಪೂರ್ ತಮ್ಮ ಫಿಟ್‌ನೆಸ್ ಮತ್ತು ಸೌಂದರ್ಯದಿಂದ ಗಮನ ಸೆಳೆಯುತ್ತಾರೆ. ಸೆಲೆಬ್ರಿಟಿ ನ್ಯೂಟ್ರಿಷನಿಸ್ಟ್ ರುಜುತಾ ದಿವೇಕರ್ ಮಹಿಳೆಯರು ಆರೋಗ್ಯಕರವಾಗಿ ಮತ್ತು ಚಟುವಟಿಕೆಯಿಂದ ಇರಲು ಹಾಗೂ ಕರಿಷ್ಮಾ ಕಪೂರ್ ನಂತೆ 52ರಲ್ಲೂ ಫಿಟ್ ಮತ್ತು ಗ್ಲೋಯಿಂಗ್ ಸ್ಕಿನ್ ಪಡೆಯಲು ಮೂರು ಪ್ರಮುಖ ಸಲಹೆಗಳನ್ನು ನೀಡಿದ್ದಾರೆ. ಆ ಸಲಹೆಗಳ ಬಗ್ಗೆ ಒಂದಷ್ಟು ಮಾಹಿತಿ ತಿಳಿಯೋಣ.

ತೂಕ ಇಳಿಸಲು ಮಾತ್ರವಲ್ಲ, ದೇಹವನ್ನು ಬಲಪಡಿಸಲು ವ್ಯಾಯಾಮ ಮಾಡಿ

ಕರಿಷ್ಮಾ ಕಪೂರ್ ಅವರಂತೆ 52ರಲ್ಲೂ ಫಿಟ್ ಆಗಿರಲು ವಾರಕ್ಕೆ ಕನಿಷ್ಠ ಮೂರು ಗಂಟೆಗಳ ಕಾಲ ವ್ಯಾಯಾಮ ಮಾಡಲು ರುಜುತಾ ಸಲಹೆ ನೀಡುತ್ತಾರೆ. ವಾಕಿಂಗ್, ಸೈಕ್ಲಿಂಗ್, ನೃತ್ಯ ಅಥವಾ ಸ್ಟ್ರೆಂತ್ ಟ್ರೈನಿಂಗ್‌ನಂತಹ ಚಟುವಟಿಕೆಗಳು ಸ್ನಾಯುಗಳ ಬಲ ಮತ್ತು ಮೂಳೆಗಳ ಆರೋಗ್ಯ ಕಾಪಾಡಲು ಸಹಾಯ ಮಾಡುತ್ತದೆ.

ತೂಕ ಇಳಿಸುವ ನೆಪದಲ್ಲಿ ಊಟ ಬಿಡಬೇಡಿ

ತೂಕ ಕಡಿಮೆ ಮಾಡಿಕೊಳ್ಳಲು ಅನ್ನ, ರೊಟ್ಟಿ ಅಥವಾ ಕಾರ್ಬೋಹೈಡ್ರೇಟ್‌ಗಳನ್ನು ಸಂಪೂರ್ಣವಾಗಿ ತ್ಯಜಿಸುವ ಅಗತ್ಯವಿಲ್ಲ. ಪ್ರೋಟೀನ್, ಕಾರ್ಬೋಹೈಡ್ರೇಟ್, ಆರೋಗ್ಯಕರ ಕೊಬ್ಬು, ವಿಟಮಿನ್ ಮತ್ತು ಖನಿಜಾಂಶಗಳಿರುವ ಸಮತೋಲಿತ ಆಹಾರ ಸೇವಿಸುವುದು ಮುಖ್ಯ.

30ರ ವಯಸ್ಸಿನಿಂದಲೇ ಆರೋಗ್ಯಕ್ಕೆ ಆದ್ಯತೆ ನೀಡಿ

ಮಹಿಳೆಯರು 40 ಅಥವಾ 50ರ ವಯಸ್ಸಿನವರೆಗೆ ಕಾಯದೆ, 30ರ ವಯಸ್ಸಿನಿಂದಲೇ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಬೇಕು. ವ್ಯಾಯಾಮ, ಪೌಷ್ಟಿಕ ಆಹಾರ ಮತ್ತು ಸಾಕಷ್ಟು ನಿದ್ರೆ ಮುಂದಿನ ವಯಸ್ಸಿನಲ್ಲೂ ಆರೋಗ್ಯ ಕಾಪಾಡಲು ನೆರವಾಗಬಹುದು.

ಕರಿಷ್ಮಾ ಕಪೂರ್ ತೂಕ ಇಳಿಸುವಾಗಲೂ ಅನ್ನ ತಿನ್ನುತ್ತಿದ್ದರು

ಕರಿಷ್ಮಾ ಕಪೂರ್ ಈ ಹಿಂದೆ ತೂಕ ಇಳಿಸುವ ಸಮಯದಲ್ಲೂ ರಾತ್ರಿ ಫಿಶ್ ಕರಿ ಮತ್ತು ಅನ್ನ ತಿನ್ನುತ್ತಿದ್ದುದಾಗಿ ಹೇಳಿದ್ದರು. ಯಾವುದೇ ಒಂದು ಆಹಾರ ಪದಾರ್ಥ ಮಾತ್ರ ತೂಕ ಹೆಚ್ಚಳಕ್ಕೆ ಕಾರಣವಾಗುವುದಿಲ್ಲ. ಆಹಾರದ ಪ್ರಮಾಣ ಮತ್ತು ಒಟ್ಟಾರೆ ಜೀವನಶೈಲಿಯೂ ಮುಖ್ಯ.

ವಯಸ್ಸಾದಂತೆ ಮೂಳೆ ಮತ್ತು ಸ್ನಾಯುಗಳ ಆರೋಗ್ಯ ಕಾಪಾಡಿಕೊಳ್ಳಿ

ಪ್ರೋಟೀನ್, ಕ್ಯಾಲ್ಸಿಯಂ, ವಿಟಮಿನ್ ಡಿ, ವಿಟಮಿನ್ ಬಿ12 ಮತ್ತು ಕಬ್ಬಿಣಾಂಶವಿರುವ ಆಹಾರ ಸೇವಿಸುವುದು ಮುಖ್ಯ. ನಿರಂತರ ದಣಿವು ಅಥವಾ ದೌರ್ಬಲ್ಯ ಕಂಡುಬಂದರೆ ವೈದ್ಯರ ಸಲಹೆ ಪಡೆಯಬೇಕು.

ಫಿಟ್ ಆಗಿರಲು ಇಷ್ಟದ ಆಹಾರ ತ್ಯಜಿಸಬೇಕಿಲ್ಲ

ಆರೋಗ್ಯಕರ ಜೀವನಶೈಲಿ ಎಂದರೆ ಇಷ್ಟದ ಆಹಾರವನ್ನು ಸಂಪೂರ್ಣವಾಗಿ ಬಿಡುವುದಲ್ಲ. ಮನೆಯಲ್ಲೇ ತಯಾರಿಸುವ ಪೌಷ್ಟಿಕ ಆಹಾರವನ್ನು ಸೂಕ್ತ ಪ್ರಮಾಣದಲ್ಲಿ ಸೇವಿಸಿ, ಆಹಾರದಲ್ಲಿ ಸಮತೋಲನ ಕಾಪಾಡಿಕೊಳ್ಳುವುದು ಉತ್ತಮ.

ಉತ್ತಮ ಆಹಾರ ಮತ್ತು ವ್ಯಾಯಾಮದಿಂದ ವಯಸ್ಸಾಗುವುದನ್ನು ತಡೆಯಬಹುದೇ?

ಉತ್ತಮ ಆಹಾರ ಮತ್ತು ವ್ಯಾಯಾಮ ಆರೋಗ್ಯ ಕಾಪಾಡಲು ನೆರವಾಗುತ್ತವೆ. ಆದರೆ ವಯಸ್ಸಾಗುವ ನೈಸರ್ಗಿಕ ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ತಡೆಯಲು ಸಾಧ್ಯವಿಲ್ಲ. ಪ್ರತಿಯೊಬ್ಬರ ದೇಹ ಮತ್ತು ಆರೋಗ್ಯದ ಅಗತ್ಯಗಳು ವಿಭಿನ್ನವಾಗಿರುತ್ತವೆ.

ಕರಿಷ್ಮಾ ಕಪೂರ್ ಅವರ ಫಿಟ್‌ನೆಸ್‌ನಿಂದ ನಾವು ಏನು ಕಲಿಯಬಹುದು?

ಕರಿಷ್ಮಾ ಕಪೂರ್ ಅವರ ಫಿಟ್‌ನೆಸ್ ಅನ್ನು ಉದಾಹರಣೆಯಾಗಿ ಬಳಸಿಕೊಂಡು, ಉತ್ತಮ ಆರೋಗ್ಯವು ಒಂದೇ ದಿನದ ಪ್ರಯತ್ನದಿಂದ ರೂಪುಗೊಳ್ಳುವುದಿಲ್ಲ ಎಂದು ರುಜುತಾ ದಿವೇಕರ್ ಮಹಿಳೆಯರಿಗೆ ವಿವರಿಸುತ್ತಾರೆ; ಬದಲಾಗಿ, ಆರೋಗ್ಯಕರ ಅಭ್ಯಾಸಗಳನ್ನು ನಿರಂತರವಾಗಿ ಅಳವಡಿಸಿಕೊಳ್ಳುವುದು ಇದಕ್ಕೆ ಅಗತ್ಯವಾಗಿರುತ್ತದೆ. ಮಹಿಳೆಯರು ತಮ್ಮ 30ನೇ ವಯಸ್ಸಿನಿಂದಲೇ ದೈನಂದಿನ ದಿನಚರಿಯಲ್ಲಿ ವ್ಯಾಯಾಮವನ್ನು ಸೇರಿಸಿಕೊಂಡರೆ ಹಾಗೆಯೇ ಅನಗತ್ಯವಾಗಿ ಊಟವನ್ನು ತಪ್ಪಿಸುವುದನ್ನು ಕೈಬಿಟ್ಟು, ಸಮತೋಲಿತ ಆಹಾರಕ್ರಮವನ್ನು ಪಾಲಿಸಿದರೆ ಇದು ವಯಸ್ಸಾದಂತೆ ಉತ್ತಮ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಅವರಿಗೆ ಸಹಾಯ ಮಾಡುತ್ತದೆ.

ಸ್ಕೂಟಿಯಲ್ಲಿ ಹೋಗುವಾಗ ಕುತ್ತಿಗೆಗೆ ಬಿಗಿದ ಗಾಳಿಪಟದ ಮಾಂಜಾ ದಾರ, ಮಹಿಳೆ ದಾರುಣ ಸಾವು

Santosh Naik — Thu, 22 Oct 2026 16:21:23 +0530

ಹುಬ್ಬಳ್ಳಿ (ಅ.22): ವಾಣಿಜ್ಯ ನಗರಿ ಹುಬ್ಬಳ್ಳಿಯಲ್ಲಿ ಗಾಳಿಪಟ ಹಾರಿಸಲು ಬಳಸುವ ಮಾರಕ 'ಮಾಂಜಾ ದಾರ'ಕ್ಕೆ ಮತ್ತೊಂದು ಬಲಿಯಾಗಿದೆ. ಸ್ಕೂಟಿಯಲ್ಲಿ ತೆರಳುತ್ತಿದ್ದ ಮಹಿಳೆಯೊಬ್ಬರ ಕುತ್ತಿಗೆಗೆ ಮಾಂಜಾ ದಾರ ಸಿಲುಕಿ, ಅತಿಯಾದ ರಕ್ತಸ್ರಾವದಿಂದ ದಾರುಣವಾಗಿ ಮೃತಪಟ್ಟ ಘಟನೆ ನಗರದ ಶಿವಶಂಕರ ಕಾಲೋನಿ ಬಳಿ ನಡೆದಿದೆ. ಹುಬ್ಬಳ್ಳಿಯ ಭರತ್ ನಗರದ ನಿವಾಸಿ, ಲ್ಯಾಬ್ ಟೆಕ್ನಿಷಿಯನ್ ಆಗಿ ಕಾರ್ಯನಿರ್ವಹಿಸುತ್ತಿದ್ದ ವಿದ್ಯಾ ಮಂಜುನಾಥ ಗೌಡರ (38) ಮೃತಪಟ್ಟ ದುರ್ದೈವಿ ಮಹಿಳೆಯಾಗಿದ್ದಾರೆ.

ಇಂದು ಮಧ್ಯಾಹ್ನ ಸುಮಾರು 1 ಗಂಟೆಯ ಸಮಯದಲ್ಲಿ ವಿದ್ಯಾ ಅವರು ತಮ್ಮ ಮನೆಯಿಂದ ಕೆಲಸ ಮಾಡುವ ಲ್ಯಾಬ್‌ಗೆ ಸ್ಕೂಟಿ ಮೇಲೆ ಹೊರಟಿದ್ದರು. ಹುಬ್ಬಳ್ಳಿ ನಗರದ ಶಿವಶಂಕರ ಕಾಲೋನಿ ಬಳಿ ಸಾಗುತ್ತಿದ್ದಾಗ, ಗಾಳಿಪಟ ಹಾರಿಸಲು ಬಳಸಲಾಗುವ ಹರಿತವಾದ ಮಾಂಜಾ ದಾರ ದಿಢೀರನೆ ಅವರ ಕುತ್ತಿಗೆಗೆ ಬಿಗಿಯಾಗಿ ಸಿಲುಕಿದೆ.

ದಾರ ಕುತ್ತಿಗೆಯನ್ನು ಸೀಳಿದ್ದರಿಂದ ತೀವ್ರ ನೋವಿನಿಂದ ವಿದ್ಯಾ ಅವರು ಸ್ಕೂಟಿಯಿಂದ ರಸ್ತೆಗೆ ಬಿದ್ದಿದ್ದಾರೆ. ತಕ್ಷಣವೇ ಅತಿಯಾದ ರಕ್ತಸ್ರಾವ ಉಂಟಾಗಿದ್ದು, ಸ್ಥಳೀಯರು ಹಾಗೂ ಹತ್ತಿರದಲ್ಲಿದ್ದವರು ಅವರನ್ನು ತಕ್ಷಣ ಆಸ್ಪತ್ರೆಗೆ ಕರೆದೊಯ್ಯಲು ಯತ್ನಿಸಿದ್ದಾರೆ. ಆದರೆ, ತೀವ್ರ ರಕ್ತಸ್ರಾವದಿಂದಾಗಿ ಆಸ್ಪತ್ರೆಗೆ ತಲುಪಿಸುವಷ್ಟರಲ್ಲೇ ವಿದ್ಯಾ ಅವರು ಕೊನೆಯುಸಿರೆಳೆದಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಹಳೆ ಹುಬ್ಬಳ್ಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ತನಿಖೆ ಆರಂಭಿಸಿದ್ದಾರೆ.

ಕಿಮ್ಸ್ ಶವಾಗಾರಕ್ಕೆ ಪೊಲೀಸ್ ಆಯುಕ್ತರ ಭೇಟಿ

ಘಟನೆಯ ವಿಷಯ ತಿಳಿಯುತ್ತಿದ್ದಂತೆ ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಆಯುಕ್ತ ಭೂಷಣ್ ಜಿ. ಬೋರಸೆ ಅವರು ಹುಬ್ಬಳ್ಳಿಯ ಕಿಮ್ಸ್ (KIMS) ಆಸ್ಪತ್ರೆಯ ಶವಾಗಾರಕ್ಕೆ ಭೇಟಿ ನೀಡಿದರು. ಮೃತ ಮಹಿಳೆಯ ದೇಹವನ್ನು ಪರಿಶೀಲಿಸಿದ ಅವರು, ಕಣ್ಣೀರಿಡುತ್ತಿದ್ದ ಕುಟುಂಬಸ್ಥರಿಂದ ಘಟನೆಯ ವಿವರ ಪಡೆದು ಸಾಂತ್ವನ ಹೇಳಿದರು. ಬಳಿಕ ಮಾಧ್ಯಮಗಳೊಂದಿಗೆ ಮಾತನಾಡಿದ ಪೊಲೀಸ್ ಆಯುಕ್ತ ಭೂಷಣ್ ಬೋರಸೆ, ಮಾಂಜಾ ದಾರ ಬಳಸುವವರ ಮತ್ತು ಮಾರಾಟ ಮಾಡುವವರ ವಿರುದ್ಧ ಅತ್ಯಂತ ಕಠಿಣ ಎಚ್ಚರಿಕೆ ನೀಡಿದ್ದಾರೆ.

"ಯಾರು ಈ ಅಪಾಯಕಾರಿ ಮಾಂಜಾ ದಾರವನ್ನು ಬಳಕೆ ಮಾಡುತ್ತಿದ್ದಾರೋ ಅವರನ್ನು ತಕ್ಷಣವೇ ಪತ್ತೆ ಹಚ್ಚಿ ಬಂಧಿಸುತ್ತೇವೆ. ಯಾವುದೇ ಕಾರಣಕ್ಕೂ ಸಾರ್ವಜನಿಕರು ಗಾಳಿಪಟ ಹಾರಿಸಲು ಮಾಂಜಾ ದಾರವನ್ನು ಬಳಸಬಾರದು. ಒಂದು ವೇಳೆ ಬಳಸಿದ್ದು ಕಂಡುಬಂದರೆ ಅವರ ವಿರುದ್ಧ ಕಠಿಣ ಕ್ರಿಮಿನಲ್ ಪ್ರಕರಣ ದಾಖಲಿಸಲಾಗುತ್ತದೆ. ಅಷ್ಟೇ ಅಲ್ಲದೆ, ಇಂತಹ ಅಪಾಯಕಾರಿ ದಾರಗಳನ್ನು ಕಾನೂನುಬಾಹಿರವಾಗಿ ಮಾರಾಟ ಮಾಡುವ ಅಂಗಡಿಯವರು ಹಾಗೂ ವ್ಯಕ್ತಿಗಳ ಮೇಲೆಯೂ ಕ್ರಿಮಿನಲ್ ಕೇಸ್ ದಾಖಲಿಸಿ ಜೈಲಿಗಟ್ಟಲಾಗುವುದು" ಎಂದು ಆಯುಕ್ತರು ಖಡಕ್ ಎಚ್ಚರಿಕೆ ನೀಡಿದ್ದಾರೆ.

ದೋಸೆ ಹಂಚಿಗೆ ಎಣ್ಣೆ ಸವರಲು ಬಳಸುವ ಬ್ರಷ್‌ ಜಿಡ್ಡು ತೆಗೆಯಲು ಈ ಟ್ರಿಕ್ ಬಳಸಿ

Ashwini HR — Thu, 22 Oct 2026 16:17:42 +0530

Dosa brush cleaning hack: ನಾವು ಪ್ರತಿದಿನ ದೋಸೆ ಕಾವಲಿಗೆ ಎಣ್ಣೆ ಸವರಲು ಬ್ರಷ್ ಬಳಸುತ್ತೇವೆ. ಮೇಲ್ನೋಟಕ್ಕೆ ಇದು ಕ್ಲೀನ್ ಅನಿಸಿದರೂ, ಇದರ ಒಳಗಡೆ ಎಣ್ಣೆ ಜಿಡ್ಡು ಹಾಗೇ ಉಳಿದುಕೊಂಡಿರುತ್ತದೆ. ಈ ಜಿಡ್ಡನ್ನು ಹೋಗಲಾಡಿಸಲು ಕಷ್ಟಪಟ್ಟು ತೊಳೆಯುವ ಅವಶ್ಯಕತೆಯಿಲ್ಲ. ಈ ಟ್ರಿಕ್ ಬಳಸಿ ಸಾಕು.

ಮಂಗಳೂರು: ಕದ್ರಿ ದೇವಸ್ಥಾನದಲ್ಲಿ ನಡೆದ ಯಕ್ಷಗಾನದಲ್ಲಿ ಜಗನ್ಮಾತೆ ಪಾತ್ರಕ್ಕೆ ಬಣ್ಣ ಹಚ್ಚಿದ ಮುಸ್ಲಿಂ ಯುವತಿ!

Gowthami K — Thu, 22 Oct 2026 16:12:27 +0530

ಮಂಗಳೂರು: ಮಂಗಳೂರಿನ ಕದ್ರಿ ಶ್ರೀಮಂಜುನಾಥ ದೇವಸ್ಥಾನದ ಆವರಣದಲ್ಲಿ ಮಂಗಳವಾರ ನಡೆದ ‘ಶ್ರೀದೇವಿ ಮಹಾತ್ಮೆ’ ತೆಂಕುತಿಟ್ಟು ಯಕ್ಷಗಾನ ಬಯಲಾಟದಲ್ಲಿ ಹವ್ಯಾಸಿ ಕಲಾವಿದೆ, ಮುಸ್ಲಿಂ ಯುವತಿ ಶ್ರೀದೇವಿ ಮಹಾತ್ಮೆ ಪ್ರಸಂಗದ ಪ್ರಮುಖ ಪಾತ್ರ ಅಷ್ಟಭುಜೆಯ ಜಗನ್ಮಾತೆ ದೇವಿಯ ಪಾತ್ರದಲ್ಲಿ ಅಭಿನಯಿಸುವ ಮೂಲಕ ಕಲಾಪ್ರೇಮಿಗಳ ಮನೆ ಸೆಳೆದಿದ್ದಾರೆ.

ದ.ಕ. ಜಿಲ್ಲೆಯ ಬಂಟ್ವಾಳ ತಾಲೂಕಿನ ವಿಟ್ಲ ಮಾಡ ಮೂಲದ ‘ಯಕ್ಷಪ್ರಿಯೆ’ ತನು ವಿಟ್ಲ ಎಂದೇ ಖ್ಯಾತಿ ಪಡೆದ ಆರ್ಷಿಯಾ ಖಾನ್‌ ಅಷ್ಟಭುಜೆ ದೇವಿ ಪಾತ್ರದಲ್ಲಿ ರಂಗಸ್ಥಳ ಪ್ರವೇಶಿಸಿದ ಮೊದಲ ಮುಸ್ಲಿಂ ಮಹಿಳೆ ಎಂದ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಗುರುಮುಖೇನ ಯಕ್ಷಗಾನ ಅಭ್ಯಸಿಸಿರುವ ಈಕೆ ಈ ಹಿಂದೆ ಮಹಿಷಾಸುರ, ದೇವಿ ಸೇರಿದಂತೆ ಅನೇಕ ಪಾತ್ರ ನಿರ್ವಹಿಸಿ ಸೈ ಎನಿಸಿದ್ದರು.

ಕದಳಿ ಕಲಾ ಕೇಂದ್ರ ದಸರಾ ಅಂಗವಾಗಿ ಕದಳಿ ದಶಾಹ ಹೆಸರಿನಲ್ಲಿ ಈ ಯಕ್ಷಗಾನ ಕಾರ್ಯಕ್ರಮ ಆಯೋಜಿಸಿತ್ತು. ಕಲೆಗೆ ಜಾತಿ, ಧರ್ಮದ ಹಂಗಿಲ್ಲ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿರುವ ಆರ್ಷಿಯಾ ಖಾನ್‌ ಅವರ ಈ ಸಾಧನೆಯನ್ನು ಯಕ್ಷಗಾನ ಪ್ರೇಮಿಗಳು ಕೊಂಡಾಡಿದ್ದಾರೆ.

9 ತಿಂಗಳ ಗರ್ಭಿಣಿಯಿಂದ ಯಕ್ಷಗಾನ!

9 ತಿಂಗಳ ತುಂಬು ಗರ್ಭಿಣಿಯೊಬ್ಬರು ಯಕ್ಷಗಾನ ರಂಗ ಪ್ರವೇಶ ಮಾಡಿ ಗಮನ ಸೆಳೆದಿರುವ ಘಟನೆ ದಕ್ಷಿಣ ಕನ್ನಡ ಜಿಲ್ಲೆಯ ಸುರತ್ಕಲ್‌ನಲ್ಲಿ ನಡೆದಿದೆ. ದಿಶಾ ಶೆಟ್ಟಿ ಹವ್ಯಾಸಿ ಕಲಾವಿದೆಯಾಗಿದ್ದು, ಯಕ್ಷಗುರು ರಾಕೇಶ್‌ ರೈ ನಿರ್ದೇಶನದ ದಶಾವತಾರ ಯಕ್ಷಗಾನ ಪ್ರದರ್ಶನದಲ್ಲಿ ಪ್ರಹ್ಲಾದನ ತಾಯಿ ಕಯಾದು ಪಾತ್ರ ನಿರ್ವಹಿಸಿ ಸೈ ಎನಿಸಿಕೊಂಡಿದ್ದಾರೆ. ಇವರ ಅಭಿನಯದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಈ ಬಗ್ಗೆ ಮಾತನಾಡಿದ ದಿಶಾ, ‘ನಮ್ಮದು ಯಕ್ಷಗಾನದ ಕುಟುಂಬ. ನನ್ನ ಅಮ್ಮ ಹಾಗೂ ಚಿಕ್ಕಮ್ಮ ಕೂಡ ಗರ್ಭಿಣಿಯಾಗಿದ್ದ ಸಂದರ್ಭದಲ್ಲಿ ಯಕ್ಷಗಾನ ಪಾತ್ರ ಮಾಡಿದ್ದು ಪ್ರೇರಣೆಯಾಗಿತ್ತು. ಸುರತ್ಕಲ್‌ನಲ್ಲಿ ನಡೆದ ಯಕ್ಷಗಾನದಲ್ಲಿ ಪ್ರಹ್ಲಾದನ ತಾಯಿಯ ಪಾತ್ರ ಮಾಡಿದ್ದೇನೆ. ಸುಮಾರು 20 ವರ್ಷದಿಂದ ಪುಂಡು ವೇಷ ಮಾಡುತ್ತಿದ್ದು, ಪ್ರಹ್ಲಾದನ ತಾಯಿಯ ಪಾತ್ರ ತಾಯ್ತನದ ಭಾವನೆಗೆ ಪೂರಕವಾಗಿತ್ತು’ ಎಂದಿದ್ದಾರೆ.

ಇದನ್ನು ಸಾಧನೆ ಎಂದು ಹೇಳುವುದಿಲ್ಲ. ಪ್ರತಿಯೊಬ್ಬ ಮಹಿಳೆಯರಲ್ಲಿ ಗರ್ಭಿಣೆ ಸಮಯ ಬೇರೆ ಬೇರೆ ರೀತಿಯಾಗಿದ್ದು, ತುಂಬಾ ಸೂಕ್ಷ್ಮವಾದ ಸಮಯವಾಗಿರುವುದರಿಂದ, ಇದನ್ನು ಅನುಕರಣೆ ಮಾಡಬೇಡಿ. ನಾನು ಮಾಡಿದ್ದೇನೆಂದು ಬೇರೆಯವರು ಮಾಡಬೇಡಿ. ನಾನು ಸಕ್ರಿಯವಾಗಿ ಇದ್ದ ಕಾರಣ ಸಾಧ್ಯವಾಗಿದೆ. ವಿಡಿಯೋ ವೈರಲ್‌ ಆದ ಬಳಿಕ ಜನರು ಇದನ್ನು ಯಾವ ರೀತಿ ತೆಗೆದುಕೊಳ್ಳುತ್ತಾರೆಂಬ ಹೆದರಿಕೆಯಿತ್ತು ಎಂದು ದಿಶಾ ಶೆಟ್ಟಿ ಹೇಳಿದ್ದಾರೆ.

ಯಶ್ ನಟನೆಯ 'ರಾಮಾಯಣ' ಒಟಿಟಿಯಲ್ಲಿ ಎಲ್ಲಿ ನೋಡಬಹುದು? ಸಬ್‌ಸ್ಕ್ರೈಬರ್‌ಗಳಿಗೆ ಬಿಗ್ ಟ್ವಿಸ್ಟ್!

Govindaraj S — Thu, 22 Oct 2026 16:10:58 +0530

ರಣಬೀರ್ ಕಪೂರ್ ಮತ್ತು ಯಶ್ ಕಾಂಬಿನೇಷನ್‌ನ ಬಹುನಿರೀಕ್ಷಿತ ರಾಮಾಯಣ: ಪಾರ್ಟ್ 1 ಸಿನಿಮಾ ಗ್ರ್ಯಾಂಡ್ ಆಗಿ ಥಿಯೇಟರ್‌ಗೆ ಬರಲು ರೆಡಿಯಾಗುತ್ತಿದೆ. ಇದರ ಜೊತೆಗೆ ಅಭಿಮಾನಿಗಳಿಗೆ ಮತ್ತೊಂದು ಗುಡ್ ನ್ಯೂಸ್ ಸಿಕ್ಕಿದೆ. ಚಿತ್ರತಂಡ ಈ ಸಿನಿಮಾದ ಡಿಜಿಟಲ್ ಸ್ಟ್ರೀಮಿಂಗ್ ಪಾರ್ಟ್ನರ್ ಯಾರು ಅನ್ನೋದನ್ನು ಕನ್ಫರ್ಮ್ ಮಾಡಿದೆ. ನಿತೇಶ್ ತಿವಾರಿ ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಭಾರತದ ಅತಿದೊಡ್ಡ ಮಹಾಕಾವ್ಯವನ್ನು ತೆರೆಮೇಲೆ ತರಲು ದೊಡ್ಡ ತಾರಾಗಣವೇ ಒಂದಾಗಿದೆ. ಸಿನಿಮಾದ ರಿಲೀಸ್ ಡೇಟ್ ಅನೌನ್ಸ್ ಆಗಿದ್ದರೂ, ಒಟಿಟಿ ಪ್ರೀಮಿಯರ್ ಮತ್ತು ಸ್ಟ್ರೀಮಿಂಗ್ ದರದ ಬಗ್ಗೆ ಇನ್ನೂ ಸಸ್ಪೆನ್ಸ್ ಮುಂದುವರಿದಿದೆ.

ಜಿಯೋ ಹಾಟ್‌ಸ್ಟಾರ್‌ನಲ್ಲಿ ಎಕ್ಸ್‌ಟ್ರಾ ದುಡ್ಡು ಕೊಡಬೇಕಾ?

ಥಿಯೇಟರ್‌ನಲ್ಲಿ ರಿಲೀಸ್ ಆದ ಬಳಿಕ 'ರಾಮಾಯಣ: ಪಾರ್ಟ್ 1' ಜಿಯೋ ಹಾಟ್‌ಸ್ಟಾರ್‌ನಲ್ಲಿ (JioHotstar) ಸ್ಟ್ರೀಮ್ ಆಗಲಿದೆ. ಈ ಬೃಹತ್ ಪ್ರಾಜೆಕ್ಟ್ ನಿರ್ಮಾಣ ಮಾಡಿರುವ ಪ್ರೈಮ್ ಫೋಕಸ್ ಸ್ಟುಡಿಯೋಸ್ ಜೊತೆ ಜಿಯೋ ಹಾಟ್‌ಸ್ಟಾರ್ ಒಪ್ಪಂದ ಮಾಡಿಕೊಂಡಿದೆ. ಆದರೆ, ಸಬ್‌ಸ್ಕ್ರೈಬರ್‌ಗಳಿಗೆ ಇಲ್ಲಿ ಒಂದು ಟ್ವಿಸ್ಟ್ ಇದೆ. ಈ ಸಿನಿಮಾವನ್ನು 'ಪೇ-ಪರ್-ವ್ಯೂ' (pay-per-view) ಮಾದರಿಯಲ್ಲಿ ರಿಲೀಸ್ ಮಾಡಲು ಪ್ಲಾನ್ ನಡೆಯುತ್ತಿದೆ.

ಅಂದರೆ, ನಿಮ್ಮ ಬಳಿ ರೆಗ್ಯುಲರ್ ಸಬ್‌ಸ್ಕ್ರಿಪ್ಷನ್ ಇದ್ದರೂ, ಈ ನಿರ್ದಿಷ್ಟ ಸಿನಿಮಾವನ್ನು ನೋಡಲು ನೀವು ಪ್ರತ್ಯೇಕವಾಗಿ ಹಣ ಪಾವತಿಸಬೇಕಾಗುತ್ತದೆ. ಜಿಯೋ ಹಾಟ್‌ಸ್ಟಾರ್ ಸಬ್‌ಸ್ಕ್ರಿಪ್ಷನ್ ಇದ್ದ ತಕ್ಷಣ ಸಿನಿಮಾ ಫ್ರೀಯಾಗಿ ಸಿಗುವುದಿಲ್ಲ. ವೀಕ್ಷಕರು ಹೆಚ್ಚುವರಿ ಹಣ ಕೊಡಬೇಕಾ ಅಥವಾ ಬೇಡವಾ ಅನ್ನೋದರ ಬಗ್ಗೆ ಚಿತ್ರತಂಡ ಇನ್ನೂ ಅಂತಿಮ ನಿರ್ಧಾರ ಪ್ರಕಟಿಸಿಲ್ಲ. ಒಟಿಟಿ ರಿಲೀಸ್ ಡೇಟ್ ಮತ್ತು ಪೇ-ಪರ್-ವ್ಯೂ ದರವನ್ನು ಕೂಡ ಇನ್ನೂ ಅನೌನ್ಸ್ ಮಾಡಿಲ್ಲ. ಡಿಜಿಟಲ್ ಪ್ರೀಮಿಯರ್ ಹತ್ತಿರ ಬಂದಾಗ ಹೆಚ್ಚಿನ ಡೀಟೇಲ್ಸ್ ಸಿಗುವ ಸಾಧ್ಯತೆ ಇದೆ.

ಥಿಯೇಟರ್‌ಗೆ ಯಾವಾಗ ಬರುತ್ತೆ?

ಒಟಿಟಿಗೆ ಬರುವ ಮುನ್ನ, 'ರಾಮಾಯಣ: ಪಾರ್ಟ್ 1' ಸಿನಿಮಾ 2026ರ ನವೆಂಬರ್ 5ರಂದು ದೀಪಾವಳಿ ಹಬ್ಬದ ಪ್ರಯುಕ್ತ ವಿಶ್ವಾದ್ಯಂತ ಥಿಯೇಟರ್‌ಗಳಲ್ಲಿ ರಿಲೀಸ್ ಆಗಲಿದೆ. ಹಿಂದಿ, ತಮಿಳು, ತೆಲುಗು, ಕನ್ನಡ, ಮಲಯಾಳಂ ಮತ್ತು ಇಂಗ್ಲಿಷ್ ಭಾಷೆಗಳಲ್ಲಿ ಈ ಸಿನಿಮಾ ತೆರೆಕಾಣಲಿದೆ. ಐಮ್ಯಾಕ್ಸ್ 3ಡಿ (IMAX 3D) ಸೇರಿದಂತೆ ಪ್ರೀಮಿಯಂ ಫಾರ್ಮ್ಯಾಟ್‌ಗಳಲ್ಲಿ ಸಿನಿಮಾ ರಿಲೀಸ್ ಆಗಲಿದ್ದು, ಪ್ರೇಕ್ಷಕರಿಗೆ ಅದ್ಭುತ ದೃಶ್ಯವೈಭವದ ಅನುಭವ ಸಿಗಲಿದೆ.

ಬೃಹತ್ ಬಜೆಟ್ ಮತ್ತು ದೊಡ್ಡ ಸ್ಟಾರ್ ಕಾಸ್ಟ್ ಇರುವುದರಿಂದ, ಈ ಸಿನಿಮಾ ಭಾರತೀಯ ಚಿತ್ರರಂಗದಲ್ಲೇ ಅತಿ ಹೆಚ್ಚು ನಿರೀಕ್ಷೆ ಹುಟ್ಟುಹಾಕಿದೆ. ಸದ್ಯಕ್ಕೆ ನವೆಂಬರ್ 5ರಂದು ಥಿಯೇಟರ್ ರಿಲೀಸ್ ಡೇಟ್ ಫಿಕ್ಸ್ ಆಗಿದೆ. ಆದರೆ ಒಟಿಟಿಗೆ ಯಾವಾಗ ಬರುತ್ತೆ ಅನ್ನೋದನ್ನು ಮೇಕರ್ಸ್ ಇನ್ನೂ ಕನ್ಫರ್ಮ್ ಮಾಡಿಲ್ಲ.

ಸ್ಟಾರ್ ಕಾಸ್ಟ್ ಡೀಟೇಲ್ಸ್ ಇಲ್ಲಿದೆ

'ರಾಮಾಯಣ: ಪಾರ್ಟ್ 1' ಸಿನಿಮಾದ ಕಾಸ್ಟಿಂಗ್ ಬಗ್ಗೆಯೇ ಎಲ್ಲೆಡೆ ಭಾರಿ ಚರ್ಚೆ ನಡೆಯುತ್ತಿದೆ. ರಣಬೀರ್ ಕಪೂರ್ ಶ್ರೀರಾಮನಾಗಿ ನಟಿಸುತ್ತಿದ್ದರೆ, ಯಶ್ ರಾವಣನ ಪಾತ್ರದಲ್ಲಿ ಅಬ್ಬರಿಸಲಿದ್ದಾರೆ. ಸಾಯಿ ಪಲ್ಲವಿ ಸೀತೆಯಾಗಿ ಮತ್ತು ಸನ್ನಿ ಡಿಯೋಲ್ ಹನುಮಂತನಾಗಿ ಕಾಣಿಸಿಕೊಳ್ಳಲಿದ್ದಾರೆ. ರವಿ ದುಬೆ ಲಕ್ಷ್ಮಣನ ಪಾತ್ರ ಮಾಡುತ್ತಿದ್ದಾರೆ. ಇವರ ಜೊತೆಗೆ ಅರುಣ್ ಗೋವಿಲ್, ಲಾರಾ ದತ್ತಾ, ರಕುಲ್ ಪ್ರೀತ್ ಸಿಂಗ್, ವಿವೇಕ್ ಒಬೆರಾಯ್, ಕುನಾಲ್ ಕಪೂರ್ ಮತ್ತು ಕಾಜಲ್ ಅಗರ್ವಾಲ್ ಕೂಡ ಈ ಪ್ರಾಜೆಕ್ಟ್‌ನಲ್ಲಿದ್ದಾರೆ. ವಾಲ್ಮೀಕಿ ರಾಮಾಯಣವನ್ನು ಆಧರಿಸಿ ನಿತೇಶ್ ತಿವಾರಿ ಈ ಲೈವ್-ಆಕ್ಷನ್ ಸಿನಿಮಾವನ್ನು ನಿರ್ದೇಶಿಸುತ್ತಿದ್ದಾರೆ.

ಇನ್ನು ಶ್ರೀಧರ್ ರಾಘವನ್ ಚಿತ್ರಕಥೆ ಬರೆದಿದ್ದಾರೆ. ನಮಿತ್ ಮಲ್ಹೋತ್ರಾ ಅವರ ಪ್ರೈಮ್ ಫೋಕಸ್ ಸ್ಟುಡಿಯೋಸ್, ಡಿಎನ್‌ಇಜಿ (DNEG) ಮತ್ತು ಯಶ್ ಅವರ ಮಾನ್ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಾಣ ಮಾಡುತ್ತಿವೆ. ಈ ಸಿನಿಮಾವನ್ನು ಅಂತಾರಾಷ್ಟ್ರೀಯ ಮಟ್ಟಕ್ಕೆ ಕೊಂಡೊಯ್ಯಲು ಹಾನ್ಸ್ ಜಿಮ್ಮರ್ ಮತ್ತು ಎ.ಆರ್. ರೆಹಮಾನ್ ಸಂಗೀತ ಸಂಯೋಜನೆ ಮಾಡುತ್ತಿದ್ದಾರೆ. ಈ ಮಹಾಕಾವ್ಯವನ್ನು ಎರಡು ಭಾಗಗಳಲ್ಲಿ ಹೇಳಲು ಚಿತ್ರತಂಡ ಪ್ಲಾನ್ ಮಾಡಿದ್ದು, ಎರಡನೇ ಭಾಗ 2027ರ ದೀಪಾವಳಿಗೆ ರಿಲೀಸ್ ಆಗಲಿದೆ.

ಭಾರತದಲ್ಲಿ ಅತಿ ಹೆಚ್ಚು ಭಾಷೆ ಮಾತನಾಡುವ ನಗರ ಯಾವುದು? ನಮ್ಮ ಬೆಂಗಳೂರಿಗೆ ಎಷ್ಟನೇ ಸ್ಥಾನ?

Naveen Kodase — Thu, 22 Oct 2026 16:06:16 +0530

ಬೆಂಗಳೂರು: ಭಾರತ ವೈವಿಧ್ಯಮಯ ಸಂಸ್ಕೃತಿ, ಭಾಷೆ ಹಾಗೂ ಸಂಪ್ರದಾಯಗಳ ನಾಡಾಗಿದೆ. ಇಲ್ಲಿನ ಪ್ರತಿಯೊಂದು ಪ್ರದೇಶವೂ ತನ್ನದೇ ಆದ ಗುರುತನ್ನು ಹೊಂದಿದೆ. ಆದರೆ ಭಾರತದ ಯಾವ ನಗರದಲ್ಲಿ ಅತಿಹೆಚ್ಚು ಭಾಷೆಗಳನ್ನು ಮಾತನಾಡುವ ಜನರು ವಾಸಿಸುತ್ತಿದ್ದಾರೆ ಗೊತ್ತಾ? ಈ ನಗರ ಭಾರತದ ಭಾಷಾ ವ್ಯವಿಧ್ಯತೆಗೆ ಒಳ್ಳೆಯ ಉದಾಹರಣೆ.

ಕರ್ನಾಟಕದ ರಾಜಧಾನಿಯಾದ ನಮ್ಮ ಬೆಂಗಳೂರು, ಭಾರತದ ಪ್ರಮುಖ ಬಹುಭಾಷಾ ನಗರಗಳಲ್ಲಿ ಒಂದೆಂದು ವ್ಯಾಪಕವಾಗಿ ಗುರುತಿಸಲ್ಪಟ್ಟಿದೆ. ಕನ್ನಡ ಇಲ್ಲಿನ ಮಾತೃಭಾಷೆಯಾಗಿದ್ದು, ಗಾರ್ಡನ್‌ ಸಿಟಿ ಖ್ಯಾತಿಯ ಬೆಂಗಳೂರಿನಲ್ಲಿ ಕನ್ನಡ ಮಾತ್ರವಲ್ಲದೇ ತಮಿಳು, ತೆಲುಗು, ಹಿಂದಿ, ಮಲೆಯಾಳಂ, ಉರ್ದು ಹಾಗೂ ಇಂಗ್ಲೀಷ್ ಭಾಷೆಯನ್ನು ಬಳಸುವ ಜನರು ವ್ಯಾಪಕವಾಗಿ ಕಾಣಸಿಗುತ್ತಾರೆ. ದೇಶದ ನಾನಾ ಮೂಲೆಗಳಿಂದ ಜನರು ತಮ್ಮ ಉಜ್ವಲ ಭವಿಷ್ಯ ಬಯಸಿ ಬೆಂಗಳೂರಿಗೆ ಬರುತ್ತಾರೆ.

ಬೆಂಗಳೂರು ಭಾಷಾ ವೈವಿಧ್ಯತೆಗೆ ಕಾರಣ

ಈ ವೈವಿಧ್ಯತೆಗೆ ಪ್ರಮುಖ ಕಾರಣಗಳಲ್ಲಿ ಒಂದು, ಬೆಂಗಳೂರಿನ ಆರ್ಥಿಕ ಮತ್ತು ಶೈಕ್ಷಣಿಕ ಬೆಳವಣಿಗೆ. 'ಭಾರತದ ಸಿಲಿಕಾನ್ ವ್ಯಾಲಿ' ಎಂದು ಸಾಮಾನ್ಯವಾಗಿ ಕರೆಯಲ್ಪಡುವ ಬೆಂಗಳೂರು, ಮಾಹಿತಿ ತಂತ್ರಜ್ಞಾನ, ವ್ಯವಹಾರ ಮತ್ತು ಸ್ಟಾರ್ಟ್‌ಅಪ್‌ನ ಪ್ರಮುಖ ಕೇಂದ್ರವಾಗಿ ತನ್ನನ್ನು ತಾನು ಸ್ಥಾಪಿಸಿಕೊಂಡಿದೆ. ಇಲ್ಲಿರುವ ಮಾಹಿತಿ ತಂತ್ರಜ್ಞಾನ ಕಂಪನಿಗಳು, ಬಹುರಾಷ್ಟ್ರೀಯ ಸಂಸ್ಥೆಗಳು ಮತ್ತು ಸ್ಟಾರ್ಟ್-ಅಪ್‌ಗಳು ದೇಶಾದ್ಯಂತದ ವೃತ್ತಿಪರರನ್ನು ಆಕರ್ಷಿಸುತ್ತವೆ. ಅದೇ ಸಮಯದಲ್ಲಿ, ಇಲ್ಲಿನ ಶಿಕ್ಷಣ ಸಂಸ್ಥೆಗಳು ಉನ್ನತ ಶಿಕ್ಷಣವನ್ನು ಪಡೆಯಲು ಬಯಸುವ ಸಾವಿರಾರು ವಿದ್ಯಾರ್ಥಿಗಳನ್ನು ಸೆಳೆಯುತ್ತಾ ಬಂದಿದೆ.

ಜನರು ಉದ್ಯೋಗ ಅಥವಾ ಶಿಕ್ಷಣಕ್ಕಾಗಿ ಬೆಂಗಳೂರಿನಲ್ಲಿ ನೆಲೆಸಿದಾಗ, ಅವರು ತಮ್ಮ ಭಾಷೆಗಳು, ಸಂಪ್ರದಾಯಗಳು ಮತ್ತು ಸಾಂಸ್ಕೃತಿಕ ಆಚರಣೆಗಳನ್ನು ತಮ್ಮೊಂದಿಗೆ ತರುತ್ತಾರೆ. ಕಾಲಕ್ರಮೇಣ, ಈ ಸಮುದಾಯಗಳು ನಗರದ ವಿಶಿಷ್ಟ ಗುರುತನ್ನು ರೂಪಿಸುವಲ್ಲಿ ಕೊಡುಗೆ ನೀಡಿವೆ. ಇಲ್ಲಿ ಮನೆಗಳು, ಕೆಲಸದ ಸ್ಥಳಗಳು, ಮಾರುಕಟ್ಟೆಗಳು ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಅನೇಕ ಭಾಷೆಗಳನ್ನು ಮಾತನಾಡುವವರು ಸುಲಭವಾಗಿ ಕಾಣಸಿಗುತ್ತಾರೆ.

ಅನೇಕ ಭಾಷಾ ಸಮುದಾಯಗಳ ಉಪಸ್ಥಿತಿಯ ಹೊರತಾಗಿಯೂ, ಕನ್ನಡವು ಬೆಂಗಳೂರಿನ ಪ್ರಮುಖ ಸ್ಥಳೀಯ ಭಾಷೆಯಾಗಿ ಮುಂದುವರಿದಿದೆ. ಕರ್ನಾಟಕದ ಅಧಿಕೃತ ಭಾಷೆಯಾಗಿರುವ ಕನ್ನಡವನ್ನು ಸರ್ಕಾರಿ ಕಚೇರಿಗಳು, ಸಾರ್ವಜನಿಕ ಆಡಳಿತ, ಸಾರಿಗೆ ವ್ಯವಸ್ಥೆಗಳು ಮತ್ತು ಅಧಿಕೃತ ಸಂವಹನಗಳಲ್ಲಿ ವ್ಯಾಪಕವಾಗಿ ಬಳಸಲಾಗುತ್ತದೆ. ನಗರದಾದ್ಯಂತ ತಮಿಳು ಮತ್ತು ತೆಲುಗು ಭಾಷೆಗಳನ್ನು ಕೂಡ ಸಾಮಾನ್ಯವಾಗಿ ಮಾತನಾಡಲಾಗುತ್ತದೆ. ತಮಿಳುನಾಡು, ಆಂಧ್ರಪ್ರದೇಶ ಮತ್ತು ತೆಲಂಗಾಣಗಳಿಗೆ ಬೆಂಗಳೂರು ಭೌಗೋಳಿಕವಾಗಿ ಹತ್ತಿರದಲ್ಲಿರುವುದರಿಂದ, ಶತಮಾನಗಳಿಂದಲೂ ಈ ಪ್ರದೇಶಗಳ ನಡುವೆ ಅಕ್ಕಪಕ್ಕದ ರಾಜ್ಯದ ಜನರ ಓಡಾಟ ಮತ್ತು ಸಂಪರ್ಕಕ್ಕೆ ಉತ್ತೇಜನ ಸಿಕ್ಕಿದೆ.

ಬೆಂಗಳೂರಿನ ಬಹುಭಾಷಾ ಪರಿಸರದಲ್ಲಿ, ಪ್ರಮುಖ ದಕ್ಷಿಣ ಭಾರತೀಯ ಭಾಷೆಗಳ ಹೊರತಾಗಿ, ಹಿಂದಿ ಮತ್ತು ಇಂಗ್ಲಿಷ್‌ಗಳು ಮಹತ್ವದ ಪಾತ್ರವನ್ನು ವಹಿಸಿವೆ. ಉತ್ತರ ಪ್ರದೇಶ, ಬಿಹಾರ, ರಾಜಸ್ಥಾನ, ಮಧ್ಯಪ್ರದೇಶ ಮತ್ತು ಉತ್ತರ ಭಾರತದ ಇತರ ಭಾಗಗಳಿಂದ ಅನೇಕ ಜನರು ಉದ್ಯೋಗ ಅರಸಿಕೊಂಡು ಈ ನಗರಕ್ಕೆ ಬರುತ್ತಾರೆ. ವಿಭಿನ್ನ ಭಾಷಾ ಹಿನ್ನೆಲೆಯುಳ್ಳ ಜನರ ನಡುವೆ ಸಂವಹನ ನಡೆಸಲು ಹಿಂದಿ ಸಾಮಾನ್ಯವಾಗಿ ಒಂದು ಸಾಮಾನ್ಯ ಭಾಷೆಯಾಗಿ ಬಳಸಲಾಗುತ್ತಿದೆ. ಇನ್ನು, ಕಾರ್ಪೊರೇಟ್ ಕಚೇರಿಗಳು, ಶಿಕ್ಷಣ ಸಂಸ್ಥೆಗಳು ಮತ್ತು ವ್ಯಾಪಾರ ವಲಯಗಳಲ್ಲಿ, ವಿಶೇಷವಾಗಿ ತಂತ್ರಜ್ಞಾನ ಕ್ಷೇತ್ರದಲ್ಲಿ, ಇಂಗ್ಲಿಷ್ ಭಾಷೆಯನ್ನು ವ್ಯಾಪಕವಾಗಿ ಬಳಸಲಾಗುತ್ತದೆ.

ಬೇರೆ ರಾಜ್ಯಗಳ ನಗರಗಳಲ್ಲಿ ಹೇಗಿದೆ ಭಾಷಾ ವೈವಿಧ್ಯತೆ?

ಭಾರತದ ಇತರ ಹಲವು ಮಹಾನಗರಗಳು ಕೂಡ ತಮ್ಮ ಭಾಷಾ ವೈವಿಧ್ಯತೆಗೆ ಹೆಸರುವಾಸಿಯಾಗಿವೆ; ಆದಾಗ್ಯೂ, ಸ್ಥಳೀಯ ಇತಿಹಾಸ, ವಲಸೆ ಮಾದರಿಗಳು ಮತ್ತು ಪ್ರಾದೇಶಿಕ ಪ್ರಭಾವಗಳಿಗೆ ಅನುಗುಣವಾಗಿ ಆಯಾ ನಗರಗಳ ಭಾಷಾ ಸ್ವರೂಪಗಳು ಭಿನ್ನವಾಗಿರುತ್ತವೆ. ಮುಂಬೈನಲ್ಲಿ ಮರಾಠಿ, ಹಿಂದಿ, ಗುಜರಾತಿ ಮತ್ತು ಇಂಗ್ಲಿಷ್ ಭಾಷೆಗಳ ಪ್ರಭಾವ ಹೆಚ್ಚಾಗಿದ್ದರೆ, ದೆಹಲಿಯಲ್ಲಿ ಹಿಂದಿ, ಪಂಜಾಬಿ, ಉರ್ದು ಮತ್ತು ಇಂಗ್ಲಿಷ್ ಭಾಷೆಗಳನ್ನು ಸಾಮಾನ್ಯವಾಗಿ ಮಾತನಾಡಲಾಗುತ್ತದೆ. ಹೈದರಾಬಾದ್‌ನಲ್ಲಿ ತೆಲುಗು, ಉರ್ದು, ಹಿಂದಿ ಮತ್ತು ಇಂಗ್ಲಿಷ್ ಮಾತನಾಡುವವರ ಮಿಶ್ರಣವಿದ್ದರೆ, ಚೆನ್ನೈನಲ್ಲಿ ದೈನಂದಿನ ಸಂವಹನದಲ್ಲಿ ತಮಿಳು ಭಾಷೆಯು ಪ್ರಬಲವಾಗಿದೆ; ಇದರ ಜೊತೆಗೆ ಅಲ್ಲಿ ತೆಲುಗು, ಹಿಂದಿ ಮತ್ತು ಇಂಗ್ಲಿಷ್ ಭಾಷೆಗಳೂ ಬಳಕೆಯಲ್ಲಿವೆ.

ಅಂತಿಮವಾಗಿ, ಬೆಂಗಳೂರಿನ ಭಾಷಾ ಸ್ವರೂಪವು ಜನರ ಚಲನವಲನವನ್ನು ಹಾಗೂ ಈ ನಗರವು ಪ್ರಮುಖ ಆರ್ಥಿಕ ಮತ್ತು ಶೈಕ್ಷಣಿಕ ಕೇಂದ್ರವಾಗಿ ವಿಕಸನಗೊಂಡಿರುವುದನ್ನು ಪ್ರತಿಬಿಂಬಿಸುತ್ತದೆ. ಇಲ್ಲಿನ ಬೀದಿಗಳು, ಕೆಲಸದ ಸ್ಥಳಗಳು ಮತ್ತು ಬಡಾವಣೆಗಳು ಭಾರತದ ವಿಶಾಲ ವೈವಿಧ್ಯತೆಯ ಒಂದು ನೋಟವನ್ನು ಒದಗಿಸುತ್ತವೆ; ಇಲ್ಲಿ ವಿವಿಧ ಭಾಷೆಗಳು ದೈನಂದಿನ ಜೀವನವನ್ನು ರೂಪಿಸುತ್ತಾ ಮುಂದುವರಿದಿವೆ. ಒಟ್ಟಿನಲ್ಲಿ ಬೆಂಗಳೂರು ನಗರ ಅತಿಹೆಚ್ಚು ಭಾಷೆಗಳನ್ನು ಮಾತನಾಡುವ ಭಾರತದ ನಂ.1 ನಗರ ಎನಿಸಿಕೊಂಡಿದೆ.

ಮಾನ್ಯತಾ ಟೆಕ್ ಪಾರ್ಕ್ ಮುಂದಿನ ಮೆಟ್ರೋ ಕಾಮಗಾರಿ ಬ್ಯಾರಿಕೇಡ್ ತೆರವಿಗೆ ಗಡುವು; ಕೃಷ್ಣ ಬೈರೇಗೌಡ ವಾರ್ನಿಂಗ್

Sathish Kumar KH — Thu, 22 Oct 2026 16:06:11 +0530

ಬೆಂಗಳೂರು: ರಾಜಧಾನಿಯ ಹೊರವರ್ತುಲ ರಸ್ತೆಯ ಪ್ರಮುಖ ಐಟಿ ಕಾರಿಡಾರ್ ಆದ ಮಾನ್ಯತಾ ಟೆಕ್ ಪಾರ್ಕ್ ಬಳಿ ನಡೆಯುತ್ತಿರುವ ‘ನಮ್ಮ ಮೆಟ್ರೋ’ (Namma Metro) ಕಾಮಗಾರಿಯ ಆಮೆಗತಿ ಹಾಗೂ ರಸ್ತೆಯಿಡೀ ಅಡ್ಡಾದಿಡ್ಡಿ ಬ್ಯಾರಿಕೇಡ್ ಹಾಕಿ ಟ್ರಾಫಿಕ್ ಜಾಮ್ ಸೃಷ್ಟಿಸಿರುವ ಮೆಟ್ರೋ ಅಧಿಕಾರಿಗಳ ವಿರುದ್ಧ ಸಚಿವ ಕೃಷ್ಣ ಬೈರೇಗೌಡ ಅವರು ಕೆಂಡಾಮಂಡಲರಾಗಿದ್ದಾರೆ.

ಮೆಟ್ರೋ ಅಧಿಕಾರಿಗಳ ಜೊತೆ ಸ್ಥಳ ಪರಿಶೀಲನೆ ನಡೆಸಿದ ಸಚಿವರು, ಬಿಎಂಆರ್‌ಸಿಎಲ್ (BMRCL) ಹಿರಿಯ ಅಧಿಕಾರಿಗಳು ಹಾಗೂ ಗುತ್ತಿಗೆದಾರರನ್ನು ನಡುರಸ್ತೆಯಲ್ಲೇ ಹಿಗ್ಗಾಮುಗ್ಗಾ ತರಾಟೆಗೆ ತೆಗೆದುಕೊಂಡಿದ್ದಲ್ಲದೆ, ಮುಂದಿನ ಮಂಗಳವಾರದೊಳಗೆ ರಸ್ತೆಯಲ್ಲಿರುವ ಅನಗತ್ಯ ಬ್ಯಾರಿಕೇಡ್‌ಗಳನ್ನು ತೆರವುಗೊಳಿಸುವಂತೆ ಖಡಕ್ ಗಡುವು ನೀಡಿದ್ದಾರೆ.

"ಕಾಮಗಾರಿ ವೇಗ ನೋಡಿದ್ರೆ ನೀವು ಮುಗಿಸೋದು ಯಾವಾಗ್ಲೋ?": ಸಚಿವರ ಆಕ್ರೋಶ

ಮೆಟ್ರೋ ಎಂಡಿ ಪಿ.ಸಿ. ಜಾಫರ್ ಅವರೊಂದಿಗೆ ಕಾಮಗಾರಿ ವೀಕ್ಷಣೆ ನಡೆಸಿದ ಸಚಿವ ಕೃಷ್ಣ ಬೈರೇಗೌಡ, ಯೋಜನೆಯ ವಿಳಂಬದ ಬಗ್ಗೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದರು.

"ನಿಮ್ಮ ಕಾಮಗಾರಿ ವೇಗ ಗಮನಿಸಿದರೆ ನೀವು ಮುಗಿಸೋದು ಯಾವ ಕಾಲಕ್ಕೋ? ಬೇಗ ಅಂತೂ ನೀವು ಕೆಲಸ ಮುಗಿಸಲ್ಲ. ಜನ ರಸ್ತೆಯಲ್ಲಿ ನಿತ್ಯ ಗಂಟೆಗಟ್ಟಲೆ ಟ್ರಾಫಿಕ್‌ನಲ್ಲಿ ಸಿಲುಕಿ ನರಕಯಾತನೆ ಅನುಭವಿಸುತ್ತಿದ್ದಾರೆ. ಆದರೆ ನೀವು ಮಾತ್ರ ಕಾಮಗಾರಿಯ ನೆಪದಲ್ಲಿ ರಸ್ತೆಯ ಸಿಕ್ಕಸಿಕ್ಕ ಜಾಗದಲ್ಲೆಲ್ಲ ಬ್ಯಾರಿಕೇಡ್ ಹಾಕಿ ಕೂತಿದ್ದೀರಿ. ನಾನು ಪದೇ ಪದೇ ಹೇಳ್ತಾನೇ ಇದ್ದೀನಿ, ಆದ್ರೆ ನಿಮ್ಮ ತಲೆಗೆ ಹೋಗ್ತಿಲ್ಲ" ಎಂದು ಅಧಿಕಾರಿಗಳ ವಿರುದ್ಧ ಕಿಡಿಕಾರಿದರು.

ಕಂಟ್ರಾಕ್ಟರ್‌ಗಳಿಗೆ ಜಾಗ ಮಾಡಿಕೊಡಲು ಜನರನ್ನು ಬಲಿ ಪಡಿಬೇಡಿ!

ಮೆಟ್ರೋ ಸುರಂಗ ಮಾರ್ಗ ಹಾಗೂ ಎಲಿವೇಟೆಡ್ ಸ್ಟೇಷನ್ ನಿರ್ಮಾಣದ ಸಂದರ್ಭದಲ್ಲಿ ಕನಿಷ್ಠ ರಸ್ತೆ ಸುರಕ್ಷತಾ ನಿಯಮಗಳನ್ನೂ ಪಾಲಿಸದೆ ಇರುವುದನ್ನು ಗಮನಿಸಿದ ಸಚಿವರು:

ಅನಗತ್ಯ ಜಾಗ ಒತ್ತುವರಿ: ಕಾಮಗಾರಿಗೆ ಎಷ್ಟು ಜಾಗ ಬೇಕೋ ಅಷ್ಟನ್ನು ಬಿಟ್ಟು, ಹೆಚ್ಚುವರಿಯಾಗಿ ರಸ್ತೆಯ ಬಹುಭಾಗವನ್ನು ಮೆಟ್ರೋ ಬ್ಯಾರಿಕೇಡ್‌ಗಳಿಂದ ಮುಚ್ಚಲಾಗಿದೆ. ಇದರಿಂದಾಗಿ ವಾಹನ ಸವಾರರಿಗೆ ರಸ್ತೆಯೇ ಇಲ್ಲದಂತಾಗಿದೆ.

ಶೂನ್ಯ ಸುರಕ್ಷತೆ: ಕಾಮಗಾರಿ ನಡೆಯುವ ಜಾಗದಲ್ಲಿ ಸಾರ್ವಜನಿಕರಿಗೆ ಯಾವುದೇ ಸುರಕ್ಷತಾ ಮುನ್ನೆಚ್ಚರಿಕೆಗಳನ್ನು ವಹಿಸಿಲ್ಲ.

ಕಂಟ್ರಾಕ್ಟರ್‌ಗಳ ಲಾಭ: ಗುತ್ತಿಗೆದಾರರ ಉಪಕರಣಗಳು ಮತ್ತು ವಾಹನಗಳನ್ನು ನಿಲ್ಲಿಸಲು ರಸ್ತೆಯನ್ನೇ ಬಂದ್ ಮಾಡಲಾಗಿದ್ದು, ಕಂಟ್ರಾಕ್ಟರ್‌ಗಳ ಅನುಕೂಲಕ್ಕಾಗಿ ಸಾರ್ವಜನಿಕರ ಹಿತಾಸಕ್ತಿಯನ್ನು ಬಲಿ ಕೊಡಲಾಗುತ್ತಿದೆ ಎಂದು ಸಚಿವರು ತೀವ್ರ ಆಕ್ರೋಶ ವ್ಯಕ್ತಪಡಿಸಿದರು.

ಮಂಗಳವಾರದೊಳಗೆ ತೆರವು ಮಾಡದಿದ್ದರೆ ಕ್ರಮದ ಎಚ್ಚರಿಕೆ:

ಮಾನ್ಯತಾ ಟೆಕ್ ಪಾರ್ಕ್‌ನಿಂದ ಹೆಬ್ಬಾಳ ಮತ್ತು ನಾಗವಾರ ಮಾರ್ಗವಾಗಿ ನಿತ್ಯ ಲಕ್ಷಾಂತರ ಐಟಿ ಉದ್ಯೋಗಿಗಳು ಮತ್ತು ಸಾರ್ವಜನಿಕರು ಸಂಚರಿಸುತ್ತಾರೆ. ಈ ಮಾರ್ಗದಲ್ಲಿ ಮೆಟ್ರೋ ಬೇಜವಾಬ್ದಾರಿತನದಿಂದಾಗಿ ಕಿಲೋಮೀಟರ್‌ಗಟ್ಟಲೆ ವಾಹನಗಳು ಸಾಲುಗಟ್ಟಿ ನಿಲ್ಲುತ್ತಿವೆ.

‘ಕಾಮಗಾರಿಗೆ ಅಗತ್ಯವಿರುವ ಜಾಗವನ್ನು ಮಾತ್ರ ಬಳಸಿಕೊಳ್ಳಿ. ರಸ್ತೆಯ ಮೇಲೆ ಅನಗತ್ಯವಾಗಿ ಹಾಕಿರುವ ಎಲ್ಲ ಹೆಚ್ಚುವರಿ ಬ್ಯಾರಿಕೇಡ್‌ಗಳನ್ನು ಮುಂದಿನ ಮಂಗಳವಾರದೊಳಗೆ ಯಾವುದೇ ನೆಪ ಹೇಳದೆ ತಕ್ಷಣ ತೆರವುಗೊಳಿಸಬೇಕು. ಸಾರ್ವಜನಿಕರಿಗೆ ಸುಗಮ ವಾಹನ ಸಂಚಾರಕ್ಕೆ ದಾರಿ ಮಾಡಿಕೊಡಬೇಕು’ ಎಂದು ಬಿಎಂಆರ್‌ಸಿಎಲ್ ಅಧಿಕಾರಿಗಳಿಗೆ ಸಚಿವರು ಅಂತಿಮ ಎಚ್ಚರಿಕೆ ನೀಡಿದ್ದಾರೆ.

ತಾಯಿಯೇ ಸರ್ವಸ್ವ, ಆಕೆಗೆ ಕೊಟ್ಟ ಮಾತೇ ಗುರಿ! ಯುವಕನ ಪ್ರತಿದಿನದ 50 ಕಿ.ಮೀ. ಓಟದ ಹಿಂದಿದೆ ಭಾವುಕ ಕಥೆ

Chandrashekar GS — Thu, 22 Oct 2026 16:04:53 +0530

ತಾಯಿಗಾಗಿ ದಿನಕ್ಕೆ 50 ಕಿ.ಮೀ ಓಟ! 12 ಜ್ಯೋತಿರ್ಲಿಂಗಗಳ ದರ್ಶನಕ್ಕೆ ಹೊರಟ ಬಿಹಾರದ ಯುವಕ

ತಾಯಿಯ ಮೇಲಿನ ಪ್ರೀತಿ ಎಂತಹ ಸಂಕಲ್ಪಕ್ಕೆ ಪ್ರೇರಣೆ ನೀಡಬಲ್ಲದು ಎಂಬುದಕ್ಕೆ ಬಿಹಾರದ 19 ವರ್ಷದ ಮೋನು ಮೆಟುರ್ಬಾಲಾ ಅವರ ಕಥೆ ಉದಾಹರಣೆಯಾಗಿದೆ. ತಾಯಿ ಗಂಭೀರ ಅನಾರೋಗ್ಯದಿಂದ ಬಳಲುತ್ತಿದ್ದಾಗ ಅವರು ದೇವರಿಗೆ ಒಂದು ಹರಕೆ ಹೊತ್ತಿದ್ದರು. ತಾಯಿ ಗುಣಮುಖರಾದರೆ ದೇಶದ 12 ಜ್ಯೋತಿರ್ಲಿಂಗಗಳಿಗೆ ಓಡುತ್ತಾ ತೆರಳಿ ದರ್ಶನ ಪಡೆಯುವುದಾಗಿ ಸಂಕಲ್ಪ ಮಾಡಿದ್ದರು. ಇದೀಗ ಆ ಮಾತನ್ನು ಉಳಿಸಿಕೊಳ್ಳಲು ಸಾವಿರಾರು ಕಿಲೋಮೀಟರ್‌ಗಳ ಪ್ರಯಾಣ ಕೈಗೊಂಡಿದ್ದು, ಅವರ ಕಥೆ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ.

ತಾಯಿಯ ಆರೋಗ್ಯಕ್ಕಾಗಿ ದೇವರಲ್ಲಿ ಪ್ರಾರ್ಥನೆ

ಬಿಹಾರದ ಅರಾರಿಯಾ ಜಿಲ್ಲೆಯ ನಿವಾಸಿ ಮೋನು ಅವರ ತಾಯಿ ಅನಾರೋಗ್ಯಕ್ಕೆ ಒಳಗಾದಾಗ ಕುಟುಂಬದಲ್ಲಿ ಆತಂಕದ ವಾತಾವರಣ ನಿರ್ಮಾಣವಾಗಿತ್ತು. ಈ ಕಷ್ಟದ ಸಮಯದಲ್ಲಿ ಮೋನು ಭಗವಾನ್ ಶಿವನಲ್ಲಿ ತಾಯಿಯ ಆರೋಗ್ಯ ಸುಧಾರಿಸಲಿ ಎಂದು ಪ್ರಾರ್ಥಿಸಿದ್ದರು. ತಾಯಿ ಚೇತರಿಸಿಕೊಂಡರೆ ದೇಶದ 12 ಜ್ಯೋತಿರ್ಲಿಂಗಗಳಿಗೆ ಓಡುತ್ತಾ ತೆರಳಿ ದರ್ಶನ ಪಡೆಯುವುದಾಗಿ ಹರಕೆ ಹೊತ್ತಿದ್ದರು ಎಂದು ವರದಿಗಳು ತಿಳಿಸಿವೆ.

ತಾಯಿಯ ಆರೋಗ್ಯ ಸುಧಾರಿಸಿದ ಬಳಿಕ ಮೋನು ತಮ್ಮ ಸಂಕಲ್ಪವನ್ನು ಈಡೇರಿಸಲು ಮುಂದಾದರು. ಅವರ ಪಾಲಿಗೆ ಇದು ಕೇವಲ ಧಾರ್ಮಿಕ ಯಾತ್ರೆಯಲ್ಲ; ಕಷ್ಟದ ಸಮಯದಲ್ಲಿ ಮಾಡಿದ ಪ್ರಾರ್ಥನೆಗೆ ಕೃತಜ್ಞತೆ ಸಲ್ಲಿಸುವ ಮತ್ತು ತಾಯಿಗೆ ನೀಡಿದ ಮಾತನ್ನು ಉಳಿಸಿಕೊಳ್ಳುವ ಪ್ರಯತ್ನವೂ ಆಗಿದೆ.

ದಿನಕ್ಕೆ ಸುಮಾರು 50 ಕಿಲೋಮೀಟರ್ ಓಡಾಟ!

ವರದಿಗಳ ಪ್ರಕಾರ, ಮೋನು 2026ರ ಮಾರ್ಚ್ 15ರಂದು ತಮ್ಮ ಯಾತ್ರೆ ಆರಂಭಿಸಿದ್ದಾರೆ. ವಾಹನಗಳಲ್ಲಿ ಪ್ರಯಾಣಿಸುವ ಬದಲು ಓಡುತ್ತಲೇ ವಿವಿಧ ಶಿವಕ್ಷೇತ್ರಗಳನ್ನು ತಲುಪುವುದು ಅವರ ಸಂಕಲ್ಪದ ವಿಶೇಷತೆ. ಅವರು ಪ್ರತಿದಿನ ಸುಮಾರು 50 ಕಿಲೋಮೀಟರ್ ಓಡುತ್ತಿದ್ದು, ಇದುವರೆಗೆ ಸುಮಾರು 8,000 ಕಿಲೋಮೀಟರ್ ಕ್ರಮಿಸಿದ್ದಾರೆ ಎನ್ನಲಾಗಿದೆ.

12 ಜ್ಯೋತಿರ್ಲಿಂಗಗಳಲ್ಲಿ ಐದು ಕ್ಷೇತ್ರಗಳಿಗೆ ಈಗಾಗಲೇ ಭೇಟಿ ನೀಡಿರುವುದಾಗಿ ವರದಿಗಳು ತಿಳಿಸಿವೆ. ಇಷ್ಟೊಂದು ದೂರವನ್ನು ಕ್ರಮಿಸಲು ದೈಹಿಕ ಸಾಮರ್ಥ್ಯದ ಜೊತೆಗೆ ತಾಳ್ಮೆ, ನಿರಂತರ ಅಭ್ಯಾಸ ಮತ್ತು ದೃಢಸಂಕಲ್ಪವೂ ಅಗತ್ಯ. ದಾರಿಯಲ್ಲಿನ ಹವಾಮಾನ, ರಸ್ತೆ ಪರಿಸ್ಥಿತಿ ಮತ್ತು ದಣಿವನ್ನು ಎದುರಿಸುತ್ತಾ ಅವರು ತಮ್ಮ ಯಾತ್ರೆಯನ್ನು ಮುಂದುವರಿಸುತ್ತಿದ್ದಾರೆ.

View this post on Instagram

A post shared by BLACK PANTHER (@monu_betaurabala)

12 ಜ್ಯೋತಿರ್ಲಿಂಗಗಳ ದರ್ಶನದ ಗುರಿ

ಹಿಂದೂ ಧಾರ್ಮಿಕ ನಂಬಿಕೆಯ ಪ್ರಕಾರ, 12 ಜ್ಯೋತಿರ್ಲಿಂಗಗಳು ಭಗವಾನ್ ಶಿವನಿಗೆ ಸಮರ್ಪಿತವಾದ ಪ್ರಮುಖ ಪವಿತ್ರ ಕ್ಷೇತ್ರಗಳಾಗಿವೆ. ಗುಜರಾತ್‌ನ ಸೋಮನಾಥದಿಂದ ತಮಿಳುನಾಡಿನ ರಾಮೇಶ್ವರಂವರೆಗೆ ದೇಶದ ವಿವಿಧ ಭಾಗಗಳಲ್ಲಿ ಈ ಕ್ಷೇತ್ರಗಳು ಹರಡಿಕೊಂಡಿವೆ. ಎಲ್ಲ 12 ಕ್ಷೇತ್ರಗಳಿಗೆ ಭೇಟಿ ನೀಡುವುದು ಅನೇಕ ಶಿವಭಕ್ತರ ಪಾಲಿಗೆ ಮಹತ್ವದ ಆಧ್ಯಾತ್ಮಿಕ ಸಂಕಲ್ಪವಾಗಿದೆ.

ಮೋನು ತಮ್ಮ ಯಾತ್ರೆಯ ಮೂಲಕ ಈ ಎಲ್ಲ ಕ್ಷೇತ್ರಗಳ ದರ್ಶನ ಪಡೆಯಲು ಬಯಸಿದ್ದಾರೆ. ವರದಿಗಳ ಪ್ರಕಾರ, ಚಾರ್‌ಧಾಮ್ ಯಾತ್ರೆಯನ್ನೂ ಪೂರ್ಣಗೊಳಿಸುವ ಆಸೆ ಅವರಿಗಿದೆ. ಆದರೆ ಉಳಿದ ಕ್ಷೇತ್ರಗಳಿಗೆ ಭೇಟಿ ನೀಡುವ ಅವರ ಪ್ರಯಾಣ ಇನ್ನೂ ಮುಂದುವರಿಯುತ್ತಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ಮೆಚ್ಚುಗೆ

ಮೋನು ಅವರ ಯಾತ್ರೆಯ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಅನೇಕರು ಅವರ ತಾಯಿಯ ಮೇಲಿನ ಪ್ರೀತಿ ಮತ್ತು ದೃಢಸಂಕಲ್ಪವನ್ನು ಮೆಚ್ಚಿದ್ದಾರೆ. ಭಾರತೀಯ ಸಂಪ್ರದಾಯದಲ್ಲಿ ತಂದೆ-ತಾಯಿಯ ಸೇವೆಗೆ ಹೆಸರಾದ ಶ್ರವಣಕುಮಾರನಿಗೆ ಕೆಲವರು ಮೋನು ಅವರನ್ನು ಹೋಲಿಸಿದ್ದಾರೆ. ಪ್ರಯಾಣದ ವೇಳೆ ಸ್ಥಳೀಯರಿಂದ ಊಟ, ನೀರು ಮತ್ತು ತಂಗಲು ನೆರವು ದೊರೆಯುತ್ತಿದೆ ಎಂದು ವರದಿಗಳು ತಿಳಿಸಿವೆ.

ಮೋನು ಅವರ ಈ ಪಯಣ ಪ್ರೀತಿ, ಭಕ್ತಿ ಮತ್ತು ಕೊಟ್ಟ ಮಾತನ್ನು ಉಳಿಸಿಕೊಳ್ಳುವ ಮನೋಭಾವವನ್ನು ನೆನಪಿಸುತ್ತದೆ. ಇಷ್ಟು ದೂರ ಓಡುವುದು ದೈಹಿಕವಾಗಿ ಸವಾಲಿನ ಕೆಲಸವಾಗಿರುವುದರಿಂದ, ಪ್ರಯಾಣದ ಉದ್ದಕ್ಕೂ ಆರೋಗ್ಯ, ವಿಶ್ರಾಂತಿ ಮತ್ತು ಸುರಕ್ಷತೆಗೆ ಆದ್ಯತೆ ನೀಡುವುದೂ ಮುಖ್ಯ. ಅವರ ಸಂಕಲ್ಪ ಸುರಕ್ಷಿತವಾಗಿ ಪೂರ್ಣಗೊಳ್ಳಲಿ ಎಂಬುದು ಅನೇಕರ ಹಾರೈಕೆ.

Rain: ಕರ್ನಾಟಕ ಸೇರಿ ದಕ್ಷಿಣ ಭಾರತದಲ್ಲಿ ನಾಳೆಯಿಂದ ಮಳೆ ಅಬ್ಬರ; ಗುಡುಗು + ಮಿಂಚು + ಬಿರುಗಾಳಿ, IMD ಎಚ್ಚರಿಕೆ

Sushma Hegde — Thu, 22 Oct 2026 16:04:14 +0530

ದಕ್ಷಿಣ ಭಾರತದ ಹಲವು ರಾಜ್ಯಗಳಲ್ಲಿ ಮುಂದಿನ ಕೆಲವು ದಿನ ಮಳೆಯ ಅಬ್ಬರ ಹೆಚ್ಚಾಗುವ ಸಾಧ್ಯತೆಯಿದೆ. ಕರ್ನಾಟಕ, ಕೇರಳ, ತಮಿಳುನಾಡು ಮತ್ತು ಆಂಧ್ರಪ್ರದೇಶದ ಹಲವು ಭಾಗಗಳಲ್ಲಿ ಗುಡುಗು, ಮಿಂಚು ಸಹಿತ ಮಳೆಯಾಗುವ ಮುನ್ಸೂಚನೆಯನ್ನು ಭಾರತೀಯ ಹವಾಮಾನ ಇಲಾಖೆ (IMD) ನೀಡಿದೆ. ಕೆಲವು ಪ್ರದೇಶಗಳಲ್ಲಿ ಪ್ರತ್ಯೇಕವಾಗಿ ಭಾರೀ ಮಳೆಯಿಂದ ಅತಿ ಭಾರೀ ಮಳೆಯಾಗುವ ಸಾಧ್ಯತೆಯೂ ಇದೆ. ಇದೇ ವೇಳೆ, ವಾಯವ್ಯ ಭಾರತದ ಕೆಲವು ಭಾಗಗಳಲ್ಲೂ ಮಳೆ ಚಟುವಟಿಕೆ ಹೆಚ್ಚಾಗುವ ನಿರೀಕ್ಷೆಯಿದೆ.

ಕೇರಳದಲ್ಲಿ ಅಕ್ಟೋಬರ್ 23ರಿಂದ 27ರವರೆಗೆ ಭಾರೀ ಮಳೆ ಸಾಧ್ಯತೆ

ಕೇರಳದ ಕೆಲವು ಪ್ರದೇಶಗಳಲ್ಲಿ ಅಕ್ಟೋಬರ್ 23ರಿಂದ 27ರವರೆಗೆ ಪ್ರತ್ಯೇಕವಾಗಿ ಭಾರೀ ಮಳೆಯಿಂದ ಅತಿ ಭಾರೀ ಮಳೆಯಾಗುವ ಸಾಧ್ಯತೆಯಿದೆ ಎಂದು IMD ಎಚ್ಚರಿಸಿದೆ. ಕೇರಳ ಮತ್ತು ಮಾಹೆಯಲ್ಲಿ ಅಕ್ಟೋಬರ್ 23 ಮತ್ತು 24ರಂದು ವ್ಯಾಪಕ ಮಳೆಯಾಗುವ ನಿರೀಕ್ಷೆಯಿದೆ. ಅಕ್ಟೋಬರ್ 24 ಮತ್ತು 25ರಂದು ಕೇರಳ ಹಾಗೂ ಮಾಹೆಯ ಕೆಲವು ಪ್ರದೇಶಗಳಲ್ಲಿ ಭಾರೀ ಮಳೆಯಾಗಬಹುದು. ಅಕ್ಟೋಬರ್ 23, 26 ಮತ್ತು 27ರಂದೂ ಕೇರಳದ ಪ್ರತ್ಯೇಕ ಸ್ಥಳಗಳಲ್ಲಿ ಭಾರೀ ಮಳೆಯ ಮುನ್ಸೂಚನೆ ಇದೆ. ಲಕ್ಷದ್ವೀಪದಲ್ಲೂ ವ್ಯಾಪಕ ಮಳೆಯಾಗುವ ಸಾಧ್ಯತೆಯಿದ್ದು, ಅಕ್ಟೋಬರ್ 23ರಂದು ಕೆಲವು ಕಡೆ ಭಾರೀ ಮಳೆಯಾಗಬಹುದು. ಪ್ರತಿಕೂಲ ಹವಾಮಾನದ ಹಿನ್ನೆಲೆಯಲ್ಲಿ ಅಕ್ಟೋಬರ್ 23ರಿಂದ 25ರವರೆಗೆ ಕೇರಳ ಮತ್ತು ಲಕ್ಷದ್ವೀಪದ ಕರಾವಳಿ ಪ್ರದೇಶಗಳಲ್ಲಿ ಮೀನುಗಾರಿಕೆಗೆ ತೆರಳದಂತೆ ಹವಾಮಾನ ಇಲಾಖೆ ಸಲಹೆ ನೀಡಿದೆ.

ತಮಿಳುನಾಡಿನ 17 ಜಿಲ್ಲೆಗಳಿಗೆ ಯೆಲ್ಲೋ ಅಲರ್ಟ್‌

ತಮಿಳುನಾಡಿನ 17 ಜಿಲ್ಲೆಗಳಿಗೆ IMD ಯೆಲ್ಲೋ ಅಲರ್ಟ್‌ ನೀಡಿದೆ. ಚೆನ್ನೈ, ತಿರುವಳ್ಳೂರು, ಚೆಂಗಲ್ಪಟ್ಟು, ಕಾಂಚೀಪುರಂ, ಕಡಲೂರು ಮತ್ತು ತಿರುಚಿ ಸೇರಿದಂತೆ ಹಲವು ಜಿಲ್ಲೆಗಳಲ್ಲಿ ಅಕ್ಟೋಬರ್ 23ರವರೆಗೆ ಎಚ್ಚರಿಕೆ ಜಾರಿಯಲ್ಲಿದೆ. ರಾಜ್ಯದ ಕೆಲವು ಭಾಗಗಳಲ್ಲಿ ಗುಡುಗು, ಮಿಂಚು ಸಹಿತ ಮಳೆಯಾಗುವ ಸಾಧ್ಯತೆಯಿದೆ. ಗಂಟೆಗೆ 40ರಿಂದ 50 ಕಿ.ಮೀ. ವೇಗದಲ್ಲಿ ಗಾಳಿ ಬೀಸುವ ನಿರೀಕ್ಷೆಯಿದ್ದು, ಗಾಳಿಯ ವೇಗ ಕೆಲವೆಡೆ ಗಂಟೆಗೆ 60 ಕಿ.ಮೀ.ವರೆಗೂ ತಲುಪಬಹುದು. ಅಕ್ಟೋಬರ್ 23 ಮತ್ತು 24ರಂದು ಪ್ರತ್ಯೇಕ ಪ್ರದೇಶಗಳಲ್ಲಿ ಭಾರೀ ಮಳೆಯಾಗುವ ಸಾಧ್ಯತೆಯಿದೆ. ಹೀಗಾಗಿ ತಮಿಳುನಾಡಿನಲ್ಲಿ ವಾರದ ಅಂತ್ಯದವರೆಗೂ ಮಳೆಯ ವಾತಾವರಣ ಮುಂದುವರಿಯಬಹುದು.

ಕರ್ನಾಟಕದ ಹವಾಮಾನ ಹೇಗಿರಲಿದೆ?

ಕರಾವಳಿ ಕರ್ನಾಟಕ ಮತ್ತು ದಕ್ಷಿಣ ಒಳನಾಡಿನ ಹಲವು ಭಾಗಗಳಲ್ಲಿ ಅಕ್ಟೋಬರ್ 23ರಿಂದ ವ್ಯಾಪಕ ಮಳೆಯಾಗುವ ಸಾಧ್ಯತೆಯಿದೆ. ದಕ್ಷಿಣ ಒಳನಾಡಿನ ಕೆಲವು ಪ್ರದೇಶಗಳಲ್ಲಿ ಪ್ರತ್ಯೇಕವಾಗಿ ಭಾರೀ ಮಳೆಯಾಗುವ ಮುನ್ಸೂಚನೆ ಇದೆ. ಉತ್ತರ ಒಳನಾಡಿನಲ್ಲೂ ಅಲ್ಲಲ್ಲಿ ಹಗುರದಿಂದ ಸಾಧಾರಣ ಮಳೆಯಾಗಬಹುದು. ರಾಜ್ಯದ ಕೆಲವು ಭಾಗಗಳಲ್ಲಿ ಗುಡುಗು ಮತ್ತು ಮಿಂಚು ಸಹಿತ ಮಳೆಯಾಗುವ ಸಾಧ್ಯತೆಯಿದ್ದು, ಬಿರುಗಾಳಿಯ ಎಚ್ಚರಿಕೆಯನ್ನೂ ನೀಡಲಾಗಿದೆ. ಕೆಲವು ಪ್ರದೇಶಗಳಲ್ಲಿ ಗಂಟೆಗೆ 30ರಿಂದ 40 ಕಿ.ಮೀ. ವೇಗದಲ್ಲಿ ಗಾಳಿ ಬೀಸಬಹುದು. ಗಾಳಿಯ ವೇಗ ಗಂಟೆಗೆ 50 ಕಿ.ಮೀ.ವರೆಗೂ ತಲುಪುವ ಸಾಧ್ಯತೆಯಿದೆ. ಕರಾವಳಿ ಕರ್ನಾಟಕದಲ್ಲಿ ಅಕ್ಟೋಬರ್ 23 ಮತ್ತು 24ರಂದು ಮಳೆಯ ಚಟುವಟಿಕೆ ಹೆಚ್ಚಾಗುವ ನಿರೀಕ್ಷೆಯಿದೆ.

ಆಂಧ್ರಪ್ರದೇಶದಲ್ಲೂ ಭಾರೀ ಮಳೆ ಮುನ್ಸೂಚನೆ

ಆಂಧ್ರಪ್ರದೇಶದ ಕೆಲವು ಭಾಗಗಳಲ್ಲಿ ಅಕ್ಟೋಬರ್ 23ರಂದು ಭಾರೀ ಮಳೆಯಾಗುವ ಸಾಧ್ಯತೆಯಿದೆ ಎಂದು ಹವಾಮಾನ ಇಲಾಖೆ ತಿಳಿಸಿದೆ. ಕರಾವಳಿ ಆಂಧ್ರಪ್ರದೇಶ, ಯಾನಂ ಮತ್ತು ರಾಯಲಸೀಮಾ ಪ್ರದೇಶಗಳಲ್ಲಿ ಭಾರೀ ಮಳೆಯೊಂದಿಗೆ ಗುಡುಗು, ಮಿಂಚು ಹಾಗೂ ಬಲವಾದ ಗಾಳಿ ಬೀಸುವ ಸಾಧ್ಯತೆಯಿದೆ.

ದೆಹಲಿ-ಎನ್‌ಸಿಆರ್‌ನಲ್ಲಿ ವಾರಾಂತ್ಯಕ್ಕೆ ಮಳೆ ಸಾಧ್ಯತೆ

ದೆಹಲಿ ಮತ್ತು ಸುತ್ತಮುತ್ತಲಿನ ಎನ್‌ಸಿಆರ್‌ ಪ್ರದೇಶಗಳಲ್ಲಿ ಅಕ್ಟೋಬರ್ 24 ಮತ್ತು 25ರಂದು ಅಲ್ಲಲ್ಲಿ ಮಳೆಯಾಗುವ ಸಾಧ್ಯತೆಯಿದೆ. ವಾಯವ್ಯ ಭಾರತದಲ್ಲೂ ಅಕ್ಟೋಬರ್ 23ರಿಂದ ಮಳೆಯ ಚಟುವಟಿಕೆ ಹೆಚ್ಚಾಗುವ ನಿರೀಕ್ಷೆಯಿದೆ. ಜಮ್ಮು-ಕಾಶ್ಮೀರ, ಲಡಾಖ್ ಮತ್ತು ಉತ್ತರಾಖಂಡದ ಕೆಲವು ಭಾಗಗಳಲ್ಲಿ ಮಳೆಯಾಗಬಹುದು. ಪಂಜಾಬ್ ಮತ್ತು ಹರಿಯಾಣದಲ್ಲೂ ಅಕ್ಟೋಬರ್ 24 ಮತ್ತು 25ರಂದು ಅಲ್ಲಲ್ಲಿ ಮಳೆಯಾಗುವ ಸಾಧ್ಯತೆಯಿದೆ.

ಮುಂದಿನ ದಿನಗಳಲ್ಲಿ ಮಳೆ ಹೆಚ್ಚಾಗುವ ಮುನ್ಸೂಚನೆ

IMD ಮುನ್ಸೂಚನೆಯ ಪ್ರಕಾರ, ಮುಂದಿನ ಕೆಲವು ದಿನ ದಕ್ಷಿಣ ಭಾರತದ ಹಲವು ಭಾಗಗಳಲ್ಲಿ ಮಳೆಯ ಚಟುವಟಿಕೆ ಮುಂದುವರಿಯುವ ಸಾಧ್ಯತೆಯಿದೆ. ಕೇರಳದಲ್ಲಿ ಅಕ್ಟೋಬರ್ 23ರಿಂದ 27ರವರೆಗೆ ಭಾರೀ ಮಳೆಯಿಂದ ಅತಿ ಭಾರೀ ಮಳೆಯಾಗುವ ಸಾಧ್ಯತೆಯಿದ್ದರೆ, ಕರ್ನಾಟಕದ ಕೆಲವು ಪ್ರದೇಶಗಳಲ್ಲಿ ವ್ಯಾಪಕ ಮಳೆಯಾಗಬಹುದು. ತಮಿಳುನಾಡಿನಲ್ಲೂ ಅಕ್ಟೋಬರ್ 24ರವರೆಗೆ ಮಳೆಯಾಗುವ ನಿರೀಕ್ಷೆಯಿದೆ.

ಬೆಂಗಳೂರಲ್ಲಿ ಸಿಸಿಬಿ ಭರ್ಜರಿ ಕಾರ್ಯಾಚರಣೆ, Airtel ನೀಡಿದ ಒಂದೇ ಒಂದು ದೂರಿನಿಂದ ತಪ್ಪಿತು ಭಾರೀ ದುರಂತಗಳು

Ganesh Mabla Gowda — Thu, 22 Oct 2026 16:03:53 +0530

ಬೆಂಗಳೂರು: ನಗರದ ವೈಟ್‌ಫೀಲ್ಡ್‌ನಲ್ಲಿ ಸೈಬರ್ ಕ್ರೈಂ ಪೊಲೀಸರು ಭರ್ಜರಿ ಕಾರ್ಯಾಚರಣೆ ನಡೆಸಿದ್ದು, ಮುಂದೆ ಆಗಬಹುದಾಗಿದ್ದ ದುರಂತಗಳನ್ನ ತಪ್ಪಿಸಿದ್ದಾರೆ ಎಂಬ ಮಾತುಗಳು ಕೇಳಿಬಂದಿವೆ.

ವೈಟ್‌ಫೀಲ್ಡ್‌ನಲ್ಲಿ ಅಕ್ರಮ ಸಿಮ್ ಜಾಲ

ಅಕ್ರಮ ಸಿಮ್ ಜಾಲದ ಮೇಲೆ ಕಣ್ಣಿಟ್ಟಿದ್ದ ಸಿಸಿಬಿ ಪೊಲೀಸ್ ಅಧಿಕಾರಿಗಳು..ಕಾಡುಗೋಡಿ, ಪಟ್ಟಂದೂರು ಅಗ್ರಹಾರದಲ್ಲಿ ದೊಡ್ಡ ಬೇಟೆ ಆಡಿದ್ದಾರೆ. ಎರಡು ಪ್ರತ್ಯೇಕ ಅಪಾರ್ಟ್‌ಮೆಂಟ್‌ಗಳಲ್ಲಿ ನಡೆಯುತ್ತಿದ್ದ ಅಕ್ರಮ ದಂಧೆ ಬಗ್ಗೆ ಖಚಿತ ಮಾಹಿತಿ ಪಡೆದು ದಾಳಿ ನಡೆಸಿದ್ದಾರೆ. ಈ ವೇಳೆ ಒಟ್ಟು 10ಕ್ಕೂ ಹೆಚ್ಚು ಸಿಮ್ ಬಾಕ್ಸ್‌ಗಳನ್ನ ವಶಕ್ಕೆ ಪಡೆದುಕೊಂಡಿದ್ದಾರೆ.

ಈ ಕಾರ್ಯಚರಣೆಯಲ್ಲಿ ಕರ್ನಾಟಕ ಸೈಬರ್ ಕಮಾಂಡ್ ಸೆಂಟರ್ ಹಾಗೂ ಟೆಲಿಕಾಂ ಇಲಾಖೆ ಅಧಿಕಾರಿಗಳು ಜಂಟಿಯಾಗಿ ಕಾರ್ಯಾಚರಣೆ ನಡೆಸಿದ್ದಾರೆ. ಅಧಿಕಾರಿಗಳ ಹಠಾತ್ ದಾಳಿಯಲ್ಲಿ ಕಾಡುಗೋಡಿಯಲ್ಲಿ 6 ಸಿಮ್ ಬಾಕ್ಸ್ ಸಾಧನಗಳು ಸೀಜ್ ಮಾಡಲಾಗಿದೆ. ಇನ್ನು, ಪಟ್ಟಂದೂರು ಅಗ್ರಹಾರದಲ್ಲಿ 4 ಸಿಮ್ ಬಾಕ್ಸ್ ಸಾಧನಗಳನ್ನ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.

32 ಸಿಮ್ ಸ್ಲಾಟ್‌ಗಳು

ವಶಕ್ಕೆ ಪಡೆಯಲಾಗಿರುವ ಪ್ರತಿ ಬಾಕ್ಸ್‌ನಲ್ಲೂ ಬರೋಬ್ಬರಿ 32 ಸಿಮ್ ಸ್ಲಾಟ್‌ಗಳು ಇರೋದು ಬೆಳಕಿಗೆ ಬಂದಿದೆ. ಎರಡೂ ಸ್ಥಳಗಳಲ್ಲೂ ಸುಮಾರು 320 ಸಿಮ್ ಸಂಪರ್ಕಗಳ ಸಾಮರ್ಥ್ಯ ಇದೆ. ಏರ್‌ಟೆಲ್ ಸಿಮ್‌ಗಳ ಅನಧಿಕೃತ ಬಳಕೆ ಆರೋಪ ಕೇಳಿಬಂದಿದೆ. ಈ ಸಂಬಂಧ ಭಾರತಿ ಏರ್‌ಟೆಲ್ ಸಂಸ್ಥೆಯು ಸಂಬಂಧಿಸಿದ ಅಧಿಕಾರಿಗಳಿಗೆ ದೂರು ನೀಡಿತ್ತು.

ಪ್ರಕರಣ ದಾಖಲಿಸಿಕೊಂಡು ತನಿಖೆ ಶುರುವಾಗಿತ್ತು. ಮೊದಲಿಗೆ ಮಹಾರಾಷ್ಟ್ರದ ತಿರೋಡಾದಿಂದ ಇ-ಸಿಮ್ ಪೂರೈಕೆ ಜಾಲದ ಸುಳಿವು ಸಿಕ್ಕಿತ್ತು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಹಾರಾಷ್ಟ್ರದ ನಾಲ್ವರು ಆರೋಪಿಗಳ ಬಂಧಿಸಲಾಗಿದೆ. ಸಿಮ್ ಕಾರ್ಡ್‌ಗಳನ್ನು ಇ-ಸಿಮ್ ಪ್ರೊಫೈಲ್‌ಗಳಾಗಿ ಪರಿವರ್ತಿಸಿ ಬಳಕೆ ಮಾಡುತ್ತಿದ್ದರೆಂಬ ಆರೋಪ ಬಂಧಿತರ ಮೇಲೆ ಇದೆ. ಪೊಲೀಸರು ಹೆಚ್ಚಿನ ತನಿಖೆಯನ್ನು ಮುಂದುವರಿಸಿದ್ದಾರೆ.

ಮತ್ತೊಂದು ಅನುಮಾನ

ಅಕ್ರಮ ಸಿಮ್‌ಗಳ ಜಾಲ ಬಯಲಾಗುತ್ತಿದ್ದಂತೆಯೇ ಹಲವು ಅನುಮಾನಗಳಿಗೆ ದಾರಿ ಮಾಡಿಕೊಟ್ಟಿದೆ. ಅಕ್ರಮವಾಗಿ ತಯಾರಿಸಿದ ಎಲ್ಲಾ ಸಿಮ್‌ಗಳು ಸೈಬರ್ ವಂಚನೆ ಪ್ರಕರಣಗಳಲ್ಲಿ ಬಳಸಲಾಗುತ್ತಿತ್ತಾ ಎಂಬ ಅನುಮಾನ ಶುರುವಾಗಿದೆ. ಡಿಜಿಟಲ್ ಅರೆಸ್ಟ್ ವಂಚನೆಗೂ ಸಿಮ್ ಬಾಕ್ಸ್ ಜಾಲಕ್ಕೂ ಸಂಪರ್ಕವಿದೆಯೇ? ಇತರೆ ಸೈಬರ್ ವಂಚನೆ ಪ್ರಕರಣಗಳ ನಂಟಿನ ಬಗ್ಗೆಯೂ ಪೊಲೀಸರು ತನಿಖೆ ನಡೆಸ್ತಿದ್ದಾರೆ.

ಮಹಾರಾಷ್ಟ್ರ, ಕರ್ನಾಟಕ ಸೇರಿದಂತೆ ಸೈಬರ್ ವಂಚನೆ ಜಾಲವು ದೇಶಾದ್ಯಂತ ಹರಡಿರುವ ಸಾಧ್ಯತೆ ಇದೆ. ಇಂಥ ನಕಲಿ ಸಿಮ್‌ಗಳನ್ನ ಬಳಸಿ ನೂರಾರು ಕೋಟಿ ರೂಪಾಯಿ ವಂಚಿಸಿರಬಹುದು ಎನ್ನಲಾಗುತ್ತಿದ್ದು, ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸ್ ಅಧಿಕಾರಿಗಳು ತಮ್ಮ ತನಿಖೆಯನ್ನು ಮುಂದುವರಿಸಿದ್ದಾರೆ. ವಶಪಡಿಸಿಕೊಂಡ ಸಾಧನಗಳ ತಾಂತ್ರಿಕ ಪರಿಶೀಲನೆಯನ್ನೂ ಮುಂದುವರಿಸಿದ್ದು, ಜಾಲದ ಹಿಂದಿರುವ ಇತರ ಆರೋಪಿಗಳ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ.

ಜೆಪಿ ನಗರದಿಂದ ಮೈಸೂರು ರಸ್ತೆ ಮಾರ್ಗ, 13,409 ಚದರ ಮೀಟರ್ ಹೆಚ್ಚುವರಿ ಜಾಗ ಸ್ವಾಧೀನಕ್ಕೆ BMRCL ಸಿದ್ಧತೆ

Santosh Naik — Thu, 22 Oct 2026 16:01:26 +0530

ಬೆಂಗಳೂರು (ಅ.22): ನಮ್ಮ ಮೆಟ್ರೋದ ಬಹುನಿರೀಕ್ಷಿತ 3ನೇ ಹಂತದ (Phase 3) ಅಡಿಯಲ್ಲಿ ಬರುವ 'ಆರೆಂಜ್ ಲೈನ್' (Orange Line) ಯೋಜನೆಯ ಪ್ಯಾಕೇಜ್-1 ಕ್ಕಾಗಿ ಹೆಚ್ಚುವರಿ ಭೂಮಿ ಸ್ವಾಧೀನಪಡಿಸಿಕೊಳ್ಳಲು ಕರ್ನಾಟಕ ಸರ್ಕಾರ ಪೂರ್ವಭಾವಿ ಅಧಿಸೂಚನೆಯನ್ನು (Preliminary Notification) ಹೊರಡಿಸಿದೆ. ಜೆ.ಪಿ. ನಗರ 4ನೇ ಹಂತದಿಂದ ಮೈಸೂರು ರಸ್ತೆಯ ಕಡೆಗೆ ಸಾಗುವ ಈ ಕಾರಿಡಾರ್‌ಗೆ ಸಂಬಂಧಿಸಿದಂತೆ ಸರ್ಕಾರ ಹೊರಡಿಸಿರುವ ಮೂರನೇ ಭೂಸ್ವಾಧೀನ ಅಧಿಸೂಚನೆ ಇದಾಗಿದೆ.

2026 ರ ಅಕ್ಟೋಬರ್ 16 ರಂದು ಕರ್ನಾಟಕ ರಾಜ್ಯ ಪತ್ರದಲ್ಲಿ (State Gazette) ಪ್ರಕಟಗೊಂಡಿರುವ ಈ ಅಧಿಸೂಚನೆಯಲ್ಲಿ, ಒಟ್ಟು 11 ನಮೂದುಗಳಲ್ಲಿ (Entries) 13,409.05 ಚದರ ಮೀಟರ್ ವಿಸ್ತೀರ್ಣದ ಸ್ವತ್ತುಗಳನ್ನು ಗುರುತಿಸಲಾಗಿದೆ. ಸ್ವಾಧೀನಪಡಿಸಿಕೊಳ್ಳಲು ಉದ್ದೇಶಿಸಲಾದ ಆಸ್ತಿಗಳ ಐಡೆಂಟಿಫಿಕೇಷನ್ ಸಂಖ್ಯೆ, ಸರ್ವೆ ಸಂಖ್ಯೆಗಳು, ಜಮೀನಿನ ವಿಸ್ತೀರ್ಣ ಮತ್ತು ಅಲ್ಲಿರುವ ಪ್ರಸ್ತುತ ಕಟ್ಟಡಗಳ ವಿವರಗಳನ್ನು ಅಧಿಸೂಚನೆಯಲ್ಲಿ ಸೇರಿಸಲಾಗಿದೆ. ಉದ್ದೇಶಿತ ಮೆಟ್ರೋ ಮಾರ್ಗ ಹಾದುಹೋಗುವ ಕಗ್ಗಲಿಪುರ, ಜರಗನಹಳ್ಳಿ ಸೇರಿದಂತೆ ವಿವಿಧ ಪ್ರದೇಶಗಳ ಆಸ್ತಿಗಳು ಇದರಲ್ಲಿ ಸೇರಿವೆ.

44.65 ಕಿ.ಮೀ ಯೋಜನೆಗೆ ತೀವ್ರಗೊಂಡ ಪ್ರಕ್ರಿಯೆ

ಈ ಕುರಿತು ಪ್ರತಿಕ್ರಿಯಿಸಿರುವ 'ಬೆಂಗಳೂರು ಮೆಟ್ರೋ ರೈಲು ಕಾರ್ಪೊರೇಷನ್ ಲಿಮಿಟೆಡ್' (BMRCL) ಹಿರಿಯ ಅಧಿಕಾರಿಯೊಬ್ಬರು, "ಇದು ನಮ್ಮ ಮೆಟ್ರೋ ಹಂತ 3ರ ಕಾರಿಡಾರ್-1 ರ ಪ್ಯಾಕೇಜ್-1 ಕ್ಕಾಗಿ ಹೊರಡಿಸಲಾದ ಮೂರನೇ ಭೂಸ್ವಾಧೀನ ಅಧಿಸೂಚನೆಯಾಗಿದೆ. ಒಟ್ಟು 44.65 ಕಿ.ಮೀ ಉದ್ದದ ಹಂತ-3 ಯೋಜನೆಯು ನಗರದಾದ್ಯಂತ ಎರಡು ಕಾರಿಡಾರ್‌ಗಳಲ್ಲಿ 31 ಮೆಟ್ರೋ ನಿಲ್ದಾಣಗಳನ್ನು ಹೊಂದಲಿದ್ದು, ಅದರ ಭೂಸ್ವಾಧೀನ ಪ್ರಕ್ರಿಯೆಯ ಭಾಗವಾಗಿ ಈ ಕ್ರಮ ಕೈಗೊಳ್ಳಲಾಗಿದೆ" ಎಂದು ತಿಳಿಸಿದ್ದಾರೆ.

ಮತ್ತೊಂದೆಡೆ, ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಂದ ಯೋಜನೆಗೆ ಅನುಮೋದನೆ ದೊರೆತು ಎರಡು ವರ್ಷಗಳಿಗೂ ಹೆಚ್ಚು ಕಾಲ ಕಳೆದ ನಂತರ, ಬಿಎಮ್‌ಆರ್‌ಸಿಎಲ್ ಇತ್ತೀಚೆಗೆ ಹಂತ-3ಕ್ಕೆ 'ಜನರಲ್ ಕನ್ಸಲ್ಟೆಂಟ್' (General Consultant) ಆಗಿ ಕಾರ್ಯನಿರ್ವಹಿಸಲು ದೇಶೀಯ ಮತ್ತು ಅಂತರರಾಷ್ಟ್ರೀಯ ಸಲಹಾ ಸಂಸ್ಥೆಗಳಿಂದ ಆಸಕ್ತಿ ಅಭಿವ್ಯಕ್ತಿ (EOI) ಆಹ್ವಾನಿಸಿದೆ. ಈ ಸಲಹಾ ಸಂಸ್ಥೆಯು ಉಭಯ ಕಾರಿಡಾರ್‌ಗಳ ಅಭಿವೃದ್ಧಿಗೆ ಅಗತ್ಯವಿರುವ ತಾಂತ್ರಿಕ ಮತ್ತು ಯೋಜನಾ ನಿರ್ವಹಣಾ ಬೆಂಬಲವನ್ನು ನೀಡಲಿದೆ.

ಯಾವೆಲ್ಲಾ ಕಾರಿಡಾರ್‌ಗಳು ಸೇರಿವೆ?

ಕಾರಿಡಾರ್ 1: ಜೆ.ಪಿ. ನಗರ 4ನೇ ಹಂತದಿಂದ ಕೆಂಪಾಪುರದವರೆಗೆ ಒಟ್ಟು 32.15 ಕಿ.ಮೀ ಉದ್ದದ ಮಾರ್ಗವಾಗಿದ್ದು, ಇದರಲ್ಲಿ 22 ಮೆಟ್ರೋ ನಿಲ್ದಾಣಗಳು ಬರಲಿವೆ.
ಕಾರಿಡಾರ್ 2: ಹೊಸಹಳ್ಳಿಯಿಂದ ಕಡಬಗೆರೆವರೆಗೆ ಒಟ್ಟು 12.50 ಕಿ.ಮೀ ಉದ್ದದ ಮಾರ್ಗವಾಗಿದ್ದು, ಇದರಲ್ಲಿ 9 ಮೆಟ್ರೋ ನಿಲ್ದಾಣಗಳು ನಿರ್ಮಾಣಗೊಳ್ಳಲಿವೆ.

ಜಪಾನ್‌ನ 'JICA' ದಿಂದ ₹102.48 ಬಿಲಿಯನ್ ಯೆನ್ ಸಾಲ

ಈ ಎರಡು ಕಾರಿಡಾರ್‌ಗಳ ಭಾಗಶಃ ಆರ್ಥಿಕ ನೆರವಿಗಾಗಿ ಬಿಎಮ್‌ಆರ್‌ಸಿಎಲ್, ಜಪಾನ್‌ನ 'ಜಪಾನ್ ಇಂಟರ್ನ್ಯಾಷನಲ್ ಕೋಆಪರೇಷನ್ ಏಜೆನ್ಸಿ' (JICA) ಸಂಸ್ಥೆಯಿಂದ 102.48 ಬಿಲಿಯನ್ ಯೆನ್ (Japanese Official Development Assistance) ಸಾಲಕ್ಕಾಗಿ ಅರ್ಜಿ ಸಲ್ಲಿಸಿದೆ.

"ಉದ್ದೇಶಿತ ಜಿಕಾ (JICA) ಸಾಲವು ಯೋಜನೆಯ ಒಟ್ಟು ವೆಚ್ಚದ ಒಂದು ಭಾಗವನ್ನು ಮಾತ್ರ ಭರಿಸಲಿದ್ದು, ಬಾಕಿ ಹಣವನ್ನು ಬಿಎಮ್‌ಆರ್‌ಸಿಎಲ್ ಸ್ವತಃ ಭರಿಸಲಿದೆ. ಜಿಕಾ ಸಾಲದ ಮೂಲಕ ಹಣಕಾಸು ಒದಗಿಸುವ ಎಲ್ಲಾ ಕಾಮಗಾರಿಗಳ ಪ್ರಕ್ರಿಯೆ, ಟೆಂಡರ್ ಮತ್ತು ಸಲಹೆಗಾರರ ನೇಮಕಾತಿಯನ್ನು ಜಿಕಾ ಮಾರ್ಗದರ್ಶಿ ಸೂತ್ರಗಳಿಗೆ ಅನುಗುಣವಾಗಿಯೇ ನೆರವೇರಿಸಲಾಗುತ್ತದೆ" ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

ನೇಮಕಗೊಳ್ಳುವ 'ಜನರಲ್ ಕನ್ಸಲ್ಟೆಂಟ್' ಸಂಸ್ಥೆಯು ಎಂಜಿನಿಯರಿಂಗ್ ವಿನ್ಯಾಸಗಳನ್ನು ಪರಿಶೀಲಿಸುವುದು, ಟೆಂಡರ್ ದಾಖಲೆಗಳನ್ನು ಸಿದ್ಧಪಡಿಸಿ ಅಂತಿಮಗೊಳಿಸುವುದು, ಬಿಡ್‌ಗಳನ್ನು ಮೌಲ್ಯಮಾಪನ ಮಾಡುವುದು ಮತ್ತು ಗುತ್ತಿಗೆ ಮಾತುಕತೆಗಳಲ್ಲಿ ಸಹಾಯ ಮಾಡಲಿದೆ. ಕಾಮಗಾರಿ ಆರಂಭಗೊಂಡ ನಂತರ, ಕಾಮಗಾರಿಯ ಗುಣಮಟ್ಟ, ಕೆಲಸದ ಸ್ಥಳದಲ್ಲಿ ಸುರಕ್ಷತೆ, ಪರಿಸರ ನಿಯಮಗಳ ಪಾಲನೆಯನ್ನು ಮೇಲ್ವಿಚಾರಣೆ ಮಾಡುವುದು ಹಾಗೂ ಮೆಟ್ರೋ ಮಾರ್ಗಗಳು ಕಾರ್ಯಾಚರಣೆಗೆ ಮುನ್ನ ನಡೆಸುವ ಪರೀಕ್ಷೆಗಳಿಗೆ ಸೂಕ್ತ ಬೆಂಬಲ ನೀಡಲಿದೆ.

ನಮ್ಮ ಮೆಟ್ರೋ ಹಂತ-3 ಯೋಜನೆ ಪೂರ್ಣಗೊಂಡರೆ ಬೆಂಗಳೂರಿನಾದ್ಯಂತ ಸಂಪರ್ಕ ಜಾಲ ಮತ್ತಷ್ಟು ವೃದ್ಧಿಸಲಿದ್ದು, ನಗರದ ಅತ್ಯಂತ ಬ್ಯುಸಿ ರಸ್ತೆಗಳಲ್ಲಿ ಸಂಚಾರ ದಟ್ಟಣೆ (Traffic Congestion) ಗಣನೀಯವಾಗಿ ಕಡಿಮೆಯಾಗುವ ನಿರೀಕ್ಷೆಯಿದೆ.

ಗುಂಡಿನ ದಾಳಿ ಬಳಿಕ ಟೈಗರ್ ಶ್ರಾಫ್ ಹೇಗಿದ್ದಾರೆ? ಮಗನ ಹೆಲ್ತ್ ಅಪ್ಡೇಟ್ ಕೊಟ್ಟ ತಾಯಿ ಆಯೇಷಾ

Govindaraj S — Thu, 22 Oct 2026 15:55:38 +0530

ಅಕ್ಟೋಬರ್ 21, 2026ರಂದು ಬಾಲಿವುಡ್ ನಟ ಟೈಗರ್ ಶ್ರಾಫ್ ತಾಯಿ ಆಯೇಷಾ ಶ್ರಾಫ್ ತಮ್ಮ ಮಗ ಸೇಫ್ ಆಗಿದ್ದಾನೆ ಎಂದು ಖಚಿತಪಡಿಸಿದ್ದಾರೆ. ಮುಂಬೈನ ಜುಹು ಪ್ರದೇಶದಲ್ಲಿ ಟೈಗರ್ ಕಾರಿನ ಮೇಲೆ ಗುಂಡಿನ ದಾಳಿ ನಡೆದ ಕೆಲವೇ ದಿನಗಳಲ್ಲಿ ಈ ಅಪ್ಡೇಟ್ ಸಿಕ್ಕಿದೆ. ಪಾಪರಾಜಿಗಳು ಕ್ಯಾಮೆರಾ ಹಿಡಿದು ಕೇಳಿದಾಗ, ಆಯೇಷಾ ನಗುಮುಖದಿಂದ ಥಂಬ್ಸ್-ಅಪ್ ಮಾಡಿದ್ದಾರೆ. ನಟ ಚೇತರಿಸಿಕೊಳ್ಳುತ್ತಿದ್ದಾರೆ ಅನ್ನೋದನ್ನು ಈ ಮೂಲಕ ಅವರು ತಿಳಿಸಿದ್ದಾರೆ. ಆಯೇಷಾ ಅವರ ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಆತಂಕದಲ್ಲಿದ್ದ ಫ್ಯಾನ್ಸ್‌ಗೆ ರಿಲೀಫ್ ಕೊಟ್ಟಿದೆ.

ಅಕ್ಟೋಬರ್ 18, 2026ರಂದು ಟೈಗರ್ ಶ್ರಾಫ್ ಫುಟ್ಬಾಲ್ ಆಟ ಮುಗಿಸಿ ವಾಪಸ್ ಬರುತ್ತಿದ್ದಾಗ, ದುಷ್ಕರ್ಮಿಗಳು ಅವರ ಕಾರಿನ ಮೇಲೆ ಗುಂಡಿನ ದಾಳಿ ನಡೆಸಿದ್ದರು. ಗನ್ ಪೌಡರ್ ಮತ್ತು ಒಡೆದ ಗಾಜಿನ ಚೂರುಗಳಿಂದ ಈ ಆಕ್ಷನ್ ಹೀರೋಗೆ ಸಣ್ಣಪುಟ್ಟ ಗಾಯಗಳಾಗಿದ್ದವು. ಆದರೆ, ಈ ಹಗಲು ಹೊತ್ತಿನ ದಾಳಿಯಲ್ಲಿ ಅವರ ಡ್ರೈವರ್ ಮತ್ತು ಅಲ್ಲಿದ್ದ ಮತ್ತೊಬ್ಬ ವ್ಯಕ್ತಿಗೆ ಗಂಭೀರ ಗಾಯಗಳಾಗಿದ್ದವು. ಈ ಘಟನೆ ಇಡೀ ಮುಂಬೈ ಸಿನಿಮಾ ಇಂಡಸ್ಟ್ರಿಯನ್ನು ಬೆಚ್ಚಿಬೀಳಿಸಿತ್ತು.

ಮಗನ ಆರೋಗ್ಯದ ಬಗ್ಗೆ ತಾಯಿಯ ಭರವಸೆ

ಮುಂಬೈನಲ್ಲಿ ನಡೆದ ಒಂದು ಕಾರ್ಯಕ್ರಮಕ್ಕೆ ಆಯೇಷಾ ಶ್ರಾಫ್ ತಮ್ಮ ಮಗಳು ಕೃಷ್ಣಾ ಶ್ರಾಫ್ ಜೊತೆ ಬಂದಿದ್ದರು. ಈ ವೇಳೆ ಪಾಪರಾಜಿಗಳು ಅವರನ್ನು ಸುತ್ತುವರಿದು, "ಟೈಗರ್ ಜಿ ಕೈಸೇ ಹೈ?" (ಟೈಗರ್ ಹೇಗಿದ್ದಾರೆ?) ಎಂದು ಕೇಳಿದ್ದಾರೆ. ಇದಕ್ಕೆ ಆಯೇಷಾ ಥಂಬ್ಸ್-ಅಪ್ ಮಾಡುವ ಮೂಲಕ, ಟೈಗರ್ ಆರೋಗ್ಯದ ಬಗ್ಗೆ ಹಬ್ಬಿದ್ದ ವದಂತಿಗಳಿಗೆ ಬ್ರೇಕ್ ಹಾಕಿದ್ದಾರೆ. ಕೇವಲ ಮಗನ ಬಗ್ಗೆ ಮಾತ್ರವಲ್ಲ, ದಾಳಿಯಲ್ಲಿ ಗಾಯಗೊಂಡವರ ಬಗ್ಗೆಯೂ ಆಯೇಷಾ ಶ್ರಾಫ್ ಕಾಳಜಿ ತೋರಿದ್ದಾರೆ.

ಅಕ್ಟೋಬರ್ 20, 2026ರ ಮಂಗಳವಾರದಂದು ಅವರು ಉಮೇಶ್ ಚೌಹಾಣ್ ಎಂಬುವವರನ್ನು ಭೇಟಿಯಾಗಿದ್ದಾರೆ. 35 ವರ್ಷದ ಈ ವ್ಲಾಗರ್ ಎದೆಗೆ ಗುಂಡು ತಗುಲಿತ್ತು. ಕೆಇಎಂ (KEM) ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಉಮೇಶ್ ಆರೋಗ್ಯದ ಬಗ್ಗೆ ಆಯೇಷಾ ವಿಚಾರಿಸಿದ್ದಾರೆ. ಉಮೇಶ್ ಸ್ನೇಹಿತರಿಗೆ ತಮ್ಮ ಕಾಂಟ್ಯಾಕ್ಟ್ ನಂಬರ್ ಕೊಟ್ಟಿರುವ ಅವರು, ಚೇತರಿಕೆಯ ಬಗ್ಗೆ ನಿಯಮಿತವಾಗಿ ಅಪ್ಡೇಟ್ ನೀಡುವಂತೆ ಕೇಳಿಕೊಂಡಿದ್ದಾರೆ. ಜೊತೆಗೆ, ಎಲ್ಲಾ ರೀತಿಯ ನೆರವು ನೀಡುವುದಾಗಿ ಭರವಸೆ ಕೊಟ್ಟಿದ್ದಾರೆ.

ಸೋಷಿಯಲ್ ಮೀಡಿಯಾದಲ್ಲಿ ಫ್ಯಾನ್ಸ್ ಆತಂಕ

ಆಯೇಷಾ ಕೊಟ್ಟ ಈ ಅಪ್ಡೇಟ್ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಫ್ಯಾನ್ಸ್ ಮತ್ತು ನ್ಯೂಸ್ ಚಾನೆಲ್‌ಗಳು ಟೈಗರ್ ಬಗ್ಗೆ ಮಾಹಿತಿ ಪಡೆಯಲು ಕಾಯುತ್ತಿದ್ದವು. ಈ ಭಯಾನಕ ಘಟನೆಯ ಬಳಿಕ ನಟನ ಸುರಕ್ಷತೆಯ ಬಗ್ಗೆ ಜನರಿಗಿದ್ದ ಕಾಳಜಿಯನ್ನು ಇದು ತೋರಿಸುತ್ತದೆ.

ಚುರುಕುಗೊಂಡ ಪೊಲೀಸ್ ತನಿಖೆ

ಮುಂಬೈ ಪೊಲೀಸರು ಈ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿ, ತೀವ್ರ ತನಿಖೆ ಆರಂಭಿಸಿದ್ದಾರೆ. ದಾಳಿ ನಡೆದ ಕೆಲವೇ ಹೊತ್ತಿನಲ್ಲಿ ರಾಜಸ್ಥಾನದ ಕೋಟಾದಲ್ಲಿ ಮೂವರು ಶಂಕಿತರನ್ನು ಪೊಲೀಸರು ಬಂಧಿಸಿದ್ದಾರೆ. ಇದು ಪೊಲೀಸರ ಕ್ಷಿಪ್ರ ಕಾರ್ಯಾಚರಣೆಗೆ ಸಾಕ್ಷಿಯಾಗಿದೆ. ಆಮೇಲೆ ದೆಹಲಿ ಪೊಲೀಸರು ಕೂಡ ಕಾರ್ಯಾಚರಣೆ ನಡೆಸಿ ಮತ್ತಷ್ಟು ಜನರನ್ನು ಅರೆಸ್ಟ್ ಮಾಡಿದ್ದಾರೆ. ಅಕ್ಟೋಬರ್ 21, 2026ರ ಹೊತ್ತಿಗೆ ಒಟ್ಟು ಹತ್ತು ಜನರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ದುಷ್ಕರ್ಮಿಗಳು ಸತತ ಹತ್ತು ದಿನಗಳ ಕಾಲ ಟೈಗರ್ ಶ್ರಾಫ್ ಅವರನ್ನು ಫಾಲೋ ಮಾಡಿದ್ದರು ಎಂದು ತನಿಖಾಧಿಕಾರಿಗಳು ತಿಳಿಸಿದ್ದಾರೆ. ಪಾಪರಾಜಿಗಳ ವಿಡಿಯೋಗಳು ಮತ್ತು ಸೋಷಿಯಲ್ ಮೀಡಿಯಾ ಪೋಸ್ಟ್‌ಗಳನ್ನು ಬಳಸಿ ಅವರು ಪಕ್ಕಾ ಪ್ಲಾನ್ ಮಾಡಿದ್ದರು. ಟೈಗರ್ ದಿನಚರಿಯನ್ನು ಸ್ಟಡಿ ಮಾಡಿ, ಅವರು ಒಂಟಿಯಾಗಿರುವ ಸಮಯ ನೋಡಿ ಅಟ್ಯಾಕ್ ಮಾಡಿದ್ದಾರೆ. ಆದರೆ, ಈ ದಾಳಿಯ ಪ್ರಮುಖ ಟಾರ್ಗೆಟ್ ಟೈಗರ್ ಶ್ರಾಫ್ ಆಗಿರಲಿಲ್ಲ ಎಂಬ ಅನುಮಾನಗಳೂ ಇವೆ.

ಇದು ಪ್ರಕರಣದ ಹಿಂದಿರುವ ಬೇರೆಯದೇ ಉದ್ದೇಶವನ್ನು ಸೂಚಿಸುತ್ತಿದೆ. ಮಹಾರಾಷ್ಟ್ರದ ಉಪಮುಖ್ಯಮಂತ್ರಿ ಏಕನಾಥ್ ಶಿಂಧೆ ಅವರು ಟೈಗರ್ ಶ್ರಾಫ್ ಮತ್ತು ಅವರ ಕುಟುಂಬವನ್ನು ಭೇಟಿಯಾಗಿ ಧೈರ್ಯ ತುಂಬಿದ್ದಾರೆ. ಈ ದಾಳಿಯನ್ನು ಖಂಡಿಸಿರುವ ಅವರು, ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದಾಗಿ ಭರವಸೆ ನೀಡಿದ್ದಾರೆ. ಕಾನೂನು ಸುವ್ಯವಸ್ಥೆ ಕಾಪಾಡಲು ಸರ್ಕಾರ ಬದ್ಧವಾಗಿದೆ ಎಂದು ಶಿಂಧೆ ಸ್ಪಷ್ಟಪಡಿಸಿದ್ದಾರೆ.

Driving Licence ಗೆ ಸಂಬಂಧಿಸಿದಂತೆ ಕೇಂದ್ರ ಸರ್ಕಾರದ ಮಹತ್ವದ ನಿರ್ಧಾರ, ಶುಲ್ಕದಿಂದ ಪರೀಕ್ಷೆವರೆಗೆ ಬದಲಾಗ್ಬಹುದು ಈ ಎಲ್ಲ ನಿಯಮ

Roopa Hegde — Thu, 22 Oct 2026 15:50:33 +0530

ಡ್ರೈವಿಂಗ್‌ ಲೈಸೆನ್ಸ್‌ ಗೆ ಸಂಬಂಧಿಸಿದಂತೆ ಮಹತ್ವದ ನಿರ್ಧಾರ ಕೈಗೊಳ್ಳಲು ಸರ್ಕಾರ ಮುಂದಾಗ್ತಿದೆ. ಪ್ರಸ್ತಾವಿತ ಕರಡು ನಿಯಮಗಳ ಪ್ರಕಾರ, ಲೈಸೆನ್ಸ್ನಲ್ಲಿರುವ ವಿಳಾಸ, ಮೊಬೈಲ್ ಸಂಖ್ಯೆ ಮತ್ತು ಇಮೇಲ್ನಂತಹ ವಿವರಗಳನ್ನು ಅಪ್ಡೇಟ್ ಮಾಡಲು ಶುಲ್ಕ ವಿಧಿಸದಿರುವ ಪ್ರಸ್ತಾಪವಿದೆ. ಈ ಬದಲಾವಣೆ ಜಾರಿಗೆ ಬಂದರೆ ಲೈಸೆನ್ಸ್ ವಿವರಗಳನ್ನು ತಿದ್ದುಪಡಿ ಮಾಡಿಸುವವರಿಗೆ ಅನುಕೂಲವಾಗಬಹುದು.

ಡ್ರೈವಿಂಗ್‌ ಲೆಸೆನ್ಸ್‌ ನಲ್ಲಿ ಮಹತ್ವದ ಬದಲಾವಣೆ

ಸುರಕ್ಷಿತ ಚಾಲನೆಗೆ ಸಂಬಂಧಿಸಿದ ಟ್ಯುಟೋರಿಯಲ್ ಮೌಲ್ಯಮಾಪನದಲ್ಲಿ ಪಾಸ್ ಆಗಲು ಅಗತ್ಯವಿರುವ ಅಂಕಗಳನ್ನು ಶೇಕಡಾ 60ರಿಂದ 75ಕ್ಕೆ ಹೆಚ್ಚಿಸುವ ಪ್ರಸ್ತಾಪವಿದೆ. ಜೊತೆಗೆ, ಸುರಕ್ಷಿತ ಚಾಲನೆಗೆ ಸಂಬಂಧಿಸಿದ ಟ್ಯುಟೋರಿಯಲ್ ಕನಿಷ್ಠ 30 ನಿಮಿಷಗಳ ಕಾಲ ಇರಬೇಕು ಎಂಬ ನಿಯಮವನ್ನೂ ಪ್ರಸ್ತಾಪಿಸಲಾಗಿದೆ.

ಡ್ರೈವಿಂಗ್ ಲೈಸೆನ್ಸ್ನಲ್ಲಿನ ಹೆಸರು, ವಿಳಾಸ ಅಥವಾ ಇತರ ವಿವರಗಳನ್ನು ಬದಲಾಯಿಸಲು ಅರ್ಜಿ ಸಲ್ಲಿಸಿದರೆ, ಸಂಬಂಧಪಟ್ಟ ಲೈಸೆನ್ಸಿಂಗ್ ಪ್ರಾಧಿಕಾರವು 15 ದಿನಗಳೊಳಗೆ ಅರ್ಜಿಯನ್ನು ಅನುಮೋದಿಸಬೇಕು ಅಥವಾ ತಿರಸ್ಕರಿಸಬೇಕು ಎಂಬ ಪ್ರಸ್ತಾಪವಿದೆ. ಇದರಿಂದ ಅರ್ಜಿದಾರರು ಹೆಚ್ಚು ಸಮಯ ಕಾಯುವುದನ್ನು ತಪ್ಪಿಸಬಹುದು.

ವಿಳಾಸ ಬದಲಾವಣೆಗೆ ಸಲ್ಲಿಸಿದ ಅರ್ಜಿಯ ಬಗ್ಗೆ 30 ದಿನಗಳವರೆಗೆ ಯಾವುದೇ ನಿರ್ಧಾರ ಕೈಗೊಳ್ಳದಿದ್ದರೆ, ಆ ಅರ್ಜಿಯನ್ನು ಅನುಮೋದಿಸಲಾಗಿದೆ ಎಂದು ಪರಿಗಣಿಸುವ 'Deemed Approved' ವ್ಯವಸ್ಥೆಯನ್ನು ಪ್ರಸ್ತಾಪಿಸಲಾಗಿದೆ. ಆದರೆ, ಈ ನಿಯಮ ಇನ್ನೂ ಕರಡು ಹಂತದಲ್ಲಿದೆ.

ವಿಳಾಸದ ಪುರಾವೆಗಾಗಿ ವಿದ್ಯುತ್ ಬಿಲ್ ಮತ್ತು ಗೃಹಬಳಕೆಯ ಎಲ್ಪಿಜಿ ಗ್ಯಾಸ್ ಬಿಲ್ಗಳನ್ನು ಸ್ವೀಕರಿಸುವ ಪ್ರಸ್ತಾಪವಿದೆ. ಈ ಬಿಲ್ಗಳು ಅರ್ಜಿ ಸಲ್ಲಿಸುವ ದಿನಾಂಕಕ್ಕೆ ಮೂರು ತಿಂಗಳಿಗಿಂತ ಹಳೆಯದಾಗಿರಬಾರದು ಎಂಬ ಷರತ್ತು ಇದೆ. ಡ್ರೈವಿಂಗ್ ಲೈಸೆನ್ಸ್ ನವೀಕರಣ, ಡುಪ್ಲಿಕೇಟ್ ಲೈಸೆನ್ಸ್ ಪಡೆಯುವುದು, ಹೊಸ ವಾಹನದ ವರ್ಗವನ್ನು ಸೇರಿಸುವುದು ಹಾಗೂ ಹೆಸರು ಅಥವಾ ವಿಳಾಸ ಬದಲಾಯಿಸುವಂತಹ ಸೇವೆಗಳಿಗೆ ಪ್ರತ್ಯೇಕ ಅರ್ಜಿಗಳನ್ನು ಸಲ್ಲಿಸುವ ಬದಲು, ಒಂದೇ Form 2A ಮೂಲಕ ಅರ್ಜಿ ಸಲ್ಲಿಸುವ ವ್ಯವಸ್ಥೆಯನ್ನು ಪ್ರಸ್ತಾಪಿಸಲಾಗಿದೆ.

ಮಾಹಿತಿ ಸ್ವಯಂಚಾಲಿತವಾಗಿ ಭರ್ತಿ

ಆನ್ಲೈನ್ನಲ್ಲಿ ಅರ್ಜಿ ಸಲ್ಲಿಸುವಾಗ, ಅರ್ಜಿದಾರರ ಹಳೆಯ ಮಾಹಿತಿಯನ್ನು ಸಾರಥಿ ಪೋರ್ಟಲ್ನಿಂದ ಸ್ವಯಂಚಾಲಿತವಾಗಿ ಪಡೆಯುವ ವ್ಯವಸ್ಥೆಯನ್ನು ಪ್ರಸ್ತಾಪಿಸಲಾಗಿದೆ. ಆದರೆ, ಪೋರ್ಟಲ್ನಲ್ಲಿ ಲಭ್ಯವಿಲ್ಲದ ಮಾಹಿತಿಯನ್ನು ಅರ್ಜಿದಾರರು ಸ್ವತಃ ನಮೂದಿಸಬೇಕಾಗಬಹುದು.

ಡ್ರೈವಿಂಗ್ ಲೈಸೆನ್ಸ್ನಿಂದ ಯಾವುದಾದರೂ ವಾಹನದ ವರ್ಗವನ್ನು, ಉದಾಹರಣೆಗೆ ಭಾರೀ ವಾಹನಗಳ ವರ್ಗವನ್ನು, ಕೈಬಿಡಲು ಅರ್ಜಿ ಸಲ್ಲಿಸಿದರೆ ಏಳು ದಿನಗಳೊಳಗೆ ಕ್ರಮ ಕೈಗೊಳ್ಳುವ ಪ್ರಸ್ತಾಪವಿದೆ. ಆದರೆ, ಒಂದು ವಾಹನದ ವರ್ಗವನ್ನು ಶಾಶ್ವತವಾಗಿ ಕೈಬಿಟ್ಟರೆ, ಆ ದಿನಾಂಕದಿಂದ ಒಂದು ವರ್ಷದವರೆಗೆ ಅದೇ ವರ್ಗಕ್ಕೆ ಸಂಬಂಧಿಸಿದ ಲರ್ನರ್ ಲೈಸೆನ್ಸ್ ಅಥವಾ ಡ್ರೈವಿಂಗ್ ಲೈಸೆನ್ಸ್ ಪಡೆಯಲು ಅರ್ಹರಾಗಿರುವುದಿಲ್ಲ ಎಂಬ ಷರತ್ತನ್ನೂ ಪ್ರಸ್ತಾಪಿಸಲಾಗಿದೆ.

ಡ್ರೈವಿಂಗ್ ಲೈಸೆನ್ಸ್ ಅರ್ಜಿ ನಮೂನೆಯಲ್ಲಿ ತುರ್ತು ಸಂದರ್ಭದಲ್ಲಿ ಸಂಪರ್ಕಿಸಬಹುದಾದ ವ್ಯಕ್ತಿಯ ಹೆಸರು ಮತ್ತು ಮೊಬೈಲ್ ಸಂಖ್ಯೆ ದಾಖಲಿಸುವ ವ್ಯವಸ್ಥೆಯನ್ನು ಪ್ರಸ್ತಾಪಿಸಲಾಗಿದೆ. ಇದಲ್ಲದೆ, ರಕ್ತದ ಗುಂಪಿನ ಮಾಹಿತಿ ಕಡ್ಡಾಯಗೊಳಿಸುವುದು ಹಾಗೂ ಅಂಗಾಂಗ ದಾನಕ್ಕೆ ಸಂಬಂಧಿಸಿದ ಆಯ್ಕೆಯನ್ನು ಅರ್ಜಿಯಲ್ಲಿ ಸೇರಿಸುವ ಪ್ರಸ್ತಾಪವೂ ಇದೆ.

ಈ ಬದಲಾವಣೆಗಳಿಗೆ ಸಂಬಂಧಿಸಿದ ಅಧಿಸೂಚನೆಯನ್ನು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು 2026ರ ಅಕ್ಟೋಬರ್ 16ರಂದು ಹೊರಡಿಸಿದ್ದು, ಅಕ್ಟೋಬರ್ 21ರಂದು ರಾಜಪತ್ರದಲ್ಲಿ ಪ್ರಕಟಿಸಲಾಗಿದೆ ಎಂದು ವರದಿ ತಿಳಿಸಿದೆ. ಆದರೆ, ಇವು ಸದ್ಯಕ್ಕೆ ಕರಡು ನಿಯಮಗಳಾಗಿವೆ. ಇನ್ನೂ ಅಂತಿಮ ಅನುಮೋದನೆ ದೊರೆತಿಲ್ಲ. ಪ್ರಸ್ತಾಪಗಳ ಕುರಿತು ಸಾರ್ವಜನಿಕರು ತಮ್ಮ ಆಕ್ಷೇಪಣೆಗಳು ಮತ್ತು ಸಲಹೆಗಳನ್ನು ಸಲ್ಲಿಸಲು ಸರ್ಕಾರ 30 ದಿನಗಳ ಕಾಲಾವಕಾಶ ನೀಡಿದೆ.

PV Sindhu: ಬೆಳ್ಳಿ 'ಬತುಕಮ್ಮ' ಜೊತೆ ಪಿಸಿ ಸಿಂಧು, ಟ್ರೋಲ್‌ಗಳಿಗೆ ಖಡಕ್ ರಿಪ್ಲೇ ಕೊಟ್ಟ ಬ್ಯಾಡ್ಮಿಂಟನ್ ಸ್ಟಾರ್

Sumanth SN — Thu, 22 Oct 2026 15:47:25 +0530

ನವರಾತ್ರಿಯ ಸಂಭ್ರಮದ ಸಮಯದಲ್ಲಿ ತೆಲಂಗಾಣ ಸೇರಿದಂತೆ ಆಂಧ್ರ ಪ್ರದೇಶ ಕೆಲವು ಭಾಗಗಳಲ್ಲಿ ಬತುಕಮ್ಮ ಹಬ್ಬವನ್ನು ಅದ್ದೂರಿಯಾಗಿ ಆಚರಣೆ ಮಾಡಲಾಗುತ್ತದೆ. ಇದು ಒಂದು ಸಾಂಪ್ರದಾಯಿಕ ಹೂವುಗಳ ಹಬ್ಬವಾಗಿದ್ದು, ಪಾರ್ವತಿ ದೇವಿಯನ್ನು 'ಬದುಕು ನೀಡುವ ತಾಯಿ' ಎಂನ ಭಾವನೆಯೊಂದಿಗೆ ಆಚರಣೆ ಮಾಡುತ್ತಾರೆ. ಸದ್ಯ ಸ್ಟಾರ್ ಬ್ಯಾಡ್ಮಿಂಟನ್ ಆಟಗಾರ್ತಿ ಪಿವಿ ಸಿಂಧು ಕೂಡ ಹಬ್ಬವನ್ನು ಅದ್ಧೂರಿಯಾಗಿ ಆಚರಣೆ ಮಾಡಿದ್ದಾರೆ. ಇದೇ ವೇಳೆ ಕಳೆದ ವರ್ಷ ಹಬ್ಬ ಆಚರಣೆ ಮಾಡಿದ ಫೋಟೋಗಳನ್ನು ಇನ್‌ ಸ್ಟಾದಲ್ಲಿ ಶೇರ್ ಮಾಡಿದ್ದರು. ಆದರೆ ಬೆಳ್ಳಿಯ 'ಬತುಕಮ್ಮ' ಜೊತೆಗೆ ಹಬ್ಬದಲ್ಲಿ ಭಾಗಿಯಾದ ಸಿಂಧು ಅವರ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಟ್ರೋಲ್ ಆಗಿತ್ತು.

'ಬತುಕಮ್ಮ' ಎಂದರೆ, ಹೂಗಳಿಂದ ಅಲಂಕರಿಸಿರುವ ದೇವರನ್ನು ನೋಡುತ್ತೇವೆ. ಆದರೆ ನಿಮ್ಮ ಶ್ರೀಮಂತಿಕೆಯನ್ನು ಇಲ್ಲಿ ತೋರಿಸಬೇಡಿ ಎಂದು ಹಲವರು ಟೀಕೆ ಮಾಡಿದ್ದರು. ಆದರೆ ಇಂತಹ ಕಾಮೆಂಟ್ ಗಳಿಗೆ ಸ್ಟಾರ್ ಆಟಗಾರ್ತಿ ತಿರುಗೇಟು ನೀಡಿದ್ದಾರೆ.

ನನ್ನ ತವರು ಮನೆಯಲ್ಲಿ 'ಬತುಕಮ್ಮ' ಹಬ್ಬವನ್ನು ಆವರಣೆ ಮಾಡೋದಿಲ್ಲ. ಈ ಹಬ್ಬ ಆಚರಣೆ ಮಾಡುವ ಸಂಸ್ಕೃತಿ ನಮ್ಮ ಮನೆಯಲ್ಲಿ ಇಲ್ಲ. ನನ್ನ ಜೀವನದಲ್ಲಿ ಮೊದಲ ಬಾರಿಗೆ ಈ ಹಬ್ಬದಲ್ಲಿ ಭಾಗಿಯಾಗಿದ್ದೇನೆ. ಏಕೆಂದರೆ ನಾನು ತೆಲಂಗಾಣದ ಕರೀಂನಗರದಲ್ಲಿರುವ ಕುಟುಂಬದ ಸೊಸೆಯಾಗಿ ಬಂದಿದ್ದೇನೆ ಎಂದು ಸಿಂಧು ಹೇಳಿದ್ದಾರೆ.

'ಯಾವುದೇ ವ್ಯಕ್ತಿಯ ಬಗ್ಗೆ ಒಂದು ಅಭಿಪ್ರಾಯಕ್ಕೆ ಬರುವ ಮುನ್ನ ಈ ಸಂಪ್ರದಾಯವನ್ನು ಅರ್ಥ ಮಾಡಿಕೊಳ್ಳಿ. ನಾನು ಶೇರ್ ಮಾಡಿರುವ ಫೋಟೋದಲ್ಲಿ ನನ್ನ ಹಿಂದೆ ಒಮ್ಮೆ ಗಮನಿಸಿ. ಅಲ್ಲಿ ಭಾರೀ ಪ್ರಮಾಣದ ಹೂಗಳಿಂದ ಮಾಡಿರುವ ಬತುಕಮ್ಮನನ್ನು ಗಮಿನಿಸಿದ್ದೀರಾ? ಇಡೀ ದಿನ ಅದನ್ನು ಸುಂದರವಾಗಿ ತಯಾರಿಸಿದ್ದೇವು, ಇದಕ್ಕಾಗಿ ಬಹಳ ಇಷ್ಟಪಟ್ಟು ಕಲಿತುಕೊಂಡು ಮಾಡಿದ್ದೇನೆ. ಇದರ ಜೊತೆಯೇ ನಾವು ಹಬ್ಬ ಆಚರಣೆ ಮಾಡಿದ್ದೇವೆ' ಎಂದು ಆಟಗಾರ್ತಿ ತಿಳಿಸಿದ್ದಾರೆ.

ಇದೇ ಸಂದರ್ಭದಲ್ಲಿ ಬೆಳ್ಳಿ ಬತುಕಮ್ಮ ಬಗ್ಗೆಯೂ ಸ್ಪಷ್ಟನೆ ನೀಡಿರುವ ಸಿಂಧು, ನನ್ನ ಮನಸ್ಸಿಗೆ ಬಹಳ ಹತ್ತಿರವಾಗಿರುವ ಈ ಸಂಪ್ರದಾಯದಲ್ಲಿ ನನ್ನನ್ನು ಆತ್ಮೀಯವಾಗಿ ಆಹ್ವಾನಿಸಿ, ನನಗೆ ನಮ್ಮ ಅತ್ತೆಯವರು ತೋರಿಸಿದ ಪ್ರೀತಿಗೆ ಪ್ರತೀಕವಾಗಿದೆ. ಇಲ್ಲಿ ಸಂಪ್ರದಾಯದೊಂದಿಗೆ ತಾಯಿಯ ಪ್ರೀತಿಗೂ ಅವಕಾಶ ಇರುತ್ತದೆ ಎಂದು ಹೇಳಿದ್ದಾರೆ.

ಇದಕ್ಕೂ ಮೊದಲು, ಪ್ರಕೃತಿಯೊಂದಿಗೆ ಆಳವಾದ ನಂಟನ್ನು ಹೊಂದಿರುವ 'ಬತುಕಮ್ಮ' ಹಬ್ಬವನ್ನು ತಾನು ಎಷ್ಟು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂಬುದರ ಕುರಿತು ಸಿಂಧು ಬರೆದುಕೊಂಡಿದ್ದರು. ಆ ಹಬ್ಬದ ವೈವಿಧ್ಯಮಯ ಬಣ್ಣಗಳು, ಸುಂದರವಾದ ಹೂವುಗಳು ಮತ್ತು ಅಲ್ಲಿನ ಹಬ್ಬದ ವಾತಾವರಣವನ್ನು ಅವರು ನೆನಪಿಸಿಕೊಂಡರು. ತಾವು ಈ ಸಂಭ್ರಮಾಚರಣೆಯಿಂದ ದೂರವಿದ್ದರೂ, ತಮ್ಮ ಮನಸ್ಸು ಸಂಪೂರ್ಣವಾಗಿ ತೆಲಂಗಾಣದ ಈ ಹೂವುಗಳ ಹಬ್ಬದ ಮೇಲೆಯೇ ನೆಲೆಸಿದೆ ಎಂಬುದನ್ನು ತಮ್ಮ ಪೋಸ್ಟ್‌ನಲ್ಲಿ ತಿಳಿಸಿದ್ದರು.

Before passing judgment, please understand the tradition ❤️

We don’t traditionally celebrate Bathukamma in my family, so this was my very first! And I’ve married into a family from the very heart of Telangana - Karimnagar.

See that rather large floral Bathukamma in the background ? I spent pretty much the whole day decorating it , and that’s what we celebrated with!

The silver Bathukamma was my mother-in-law’s way of welcoming me into a tradition that’s so close to her heart ❤️

Surely, there’s room for a mother’s love alongside tradition ❤️

— PV Sindhu (@Pvsindhu1) October 18, 2026

ಟ್ರೆಂಡ್‌ಗಳನ್ನು ಫಾಲೋ ಮಾಡಬೇಡಿ, ನೀವೇ ಟ್ರೆಂಡ್‌ಸೆಟರ್‌ಗಳಾಗಿ! ಯುವಜನತೆಗೆ ಶ್ರೀಶ್ರೀ ರವಿಶಂಕರ್ ಕಿವಿಮಾತು

Naveen Kodase — Thu, 22 Oct 2026 15:44:14 +0530

ಯುವಜನತೆಯೇ ಹೊಸ ಟ್ರೆಂಡ್ ಸೃಷ್ಟಿಸಿ! Gen Z ಜೊತೆ ಗುರುದೇವ್ ಶ್ರೀಶ್ರೀ ರವಿಶಂಕರ್ ಮುಕ್ತ ಸಂವಾದ

ಇಂದಿನ ಯುವಜನತೆ ಎದುರಿಸುತ್ತಿರುವ ಸವಾಲುಗಳು ಕೇವಲ ಓದು, ಉದ್ಯೋಗ ಮತ್ತು ಹಣ ಸಂಪಾದನೆಗೆ ಸೀಮಿತವಾಗಿಲ್ಲ. ಪ್ರೀತಿ, ಸಂಬಂಧಗಳು, ಮಾನಸಿಕ ಒತ್ತಡ, ಭವಿಷ್ಯದ ನಿರ್ಧಾರಗಳು ಮತ್ತು ಸಾಮಾಜಿಕ ಜಾಲತಾಣಗಳ ಪ್ರಭಾವವೂ ಅವರ ಜೀವನದ ಪ್ರಮುಖ ಭಾಗವಾಗಿವೆ. ಇಂತಹ ಹಲವು ವಿಚಾರಗಳ ಕುರಿತು ಆಧ್ಯಾತ್ಮಿಕ ಗುರು ಗುರುದೇವ್ ಶ್ರೀಶ್ರೀ ರವಿಶಂಕರ್ ಅವರು ಸುಮಾರು 2,000 ಯುವಜನರೊಂದಿಗೆ ಮುಕ್ತ ಸಂವಾದ ನಡೆಸಿದ್ದು, ಅವರ ಮಾತುಗಳು ಗಮನ ಸೆಳೆದಿವೆ.

ಯುವಕರ ಪ್ರಶ್ನೆಗಳಿಗೆ ಗುರುದೇವ್ ಉತ್ತರ

ಬೆಂಗಳೂರಿನ ಆರ್ಟ್ ಆಫ್ ಲಿವಿಂಗ್ ಅಂತಾರಾಷ್ಟ್ರೀಯ ಕೇಂದ್ರದಲ್ಲಿ ನಡೆದ ಸಂವಾದದಲ್ಲಿ ಯುವಕರು ತಮ್ಮ ವೈಯಕ್ತಿಕ ಜೀವನ, ವೃತ್ತಿ, ಹಣ ಸಂಪಾದನೆ, ಯಶಸ್ಸು ಮತ್ತು ಸಂಬಂಧಗಳ ಕುರಿತು ಪ್ರಶ್ನೆಗಳನ್ನು ಕೇಳಿದರು. ಭಯವಿದ್ದರೂ ಸರಿಯಾದ ನಿರ್ಧಾರ ತೆಗೆದುಕೊಳ್ಳುವುದು ಹೇಗೆ, ಜೀವನದಲ್ಲಿ ಗುರಿ ತಲುಪುವ ಓಟದಲ್ಲಿ ಒತ್ತಡವನ್ನು ಹೇಗೆ ನಿಭಾಯಿಸಬೇಕು ಎಂಬ ವಿಚಾರಗಳೂ ಚರ್ಚೆಗೆ ಬಂದವು.

ನಿರ್ಧಾರ ತೆಗೆದುಕೊಂಡ ಬಳಿಕ ಅದಕ್ಕೆ ಬದ್ಧರಾಗಿರುವುದು ಮುಖ್ಯ. ಅದೇ ಸಮಯದಲ್ಲಿ ಪರಿಸ್ಥಿತಿಗೆ ಅನುಗುಣವಾಗಿ ಬದಲಾವಣೆ ಮಾಡಿಕೊಳ್ಳುವ ಮನೋಭಾವವೂ ಇರಬೇಕು ಎಂಬ ಸಂದೇಶವನ್ನು ಗುರುದೇವ್ ನೀಡಿದ್ದಾರೆ ಎಂದು ವರದಿಯಾಗಿದೆ.

ಪ್ರೀತಿ, ಸಂಬಂಧಗಳು ಮತ್ತು ಮಾನಸಿಕ ಒತ್ತಡ

ಇಂದಿನ ಯುವಜನತೆಯಲ್ಲಿ ಸಂಬಂಧಗಳ ಬಗ್ಗೆ ಗೊಂದಲ, ಅತಿಯಾದ ಯೋಚನೆ ಮತ್ತು ಭವಿಷ್ಯದ ಆತಂಕ ಸಾಮಾನ್ಯ ಚರ್ಚೆಯ ವಿಷಯಗಳಾಗಿವೆ. ಮತ್ತೊಂದು ವರದಿಯಲ್ಲಿ, ಯುವಕರು ‘ಸೋಲ್‌ಮೇಟ್’ ಮತ್ತು ‘ಸಿಚ್ಯುಯೇಷನ್‌ಶಿಪ್’ ನಡುವಿನ ವ್ಯತ್ಯಾಸದ ಬಗ್ಗೆಯೂ ಗುರುದೇವ್ ಅವರನ್ನು ಪ್ರಶ್ನಿಸಿದ್ದರು.

ಇದಕ್ಕೆ ಪ್ರತಿಕ್ರಿಯಿಸಿದ ಅವರು, ಸಂಬಂಧಗಳಲ್ಲಿ ಇನ್ನೊಬ್ಬರ ಭಾವನೆಗಳನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯ ಎಂದು ತಿಳಿಸಿದರು. ಮನಸ್ಸಿನಲ್ಲಿ ನಿರಂತರವಾಗಿ ಓಡಾಡುವ ಆಲೋಚನೆಗಳಿಂದ ಹೊರಬರಲು ಉಸಿರಾಟದ ಮೇಲೆ ಗಮನಹರಿಸುವಂತಹ ಸರಳ ಅಭ್ಯಾಸಗಳು ಸಹಾಯ ಮಾಡಬಹುದು ಎಂಬ ಸಲಹೆಯನ್ನೂ ನೀಡಿದರು.

ಯಶಸ್ಸಿಗೆ ಆತ್ಮವಿಶ್ವಾಸ ಮತ್ತು ಸ್ಥಿರ ಮನಸ್ಸು ಅಗತ್ಯ

ಯಶಸ್ಸು ಎಂದರೆ ಸೋಲನ್ನು ಸಂಪೂರ್ಣವಾಗಿ ತಪ್ಪಿಸುವುದಲ್ಲ. ಆರಂಭದಲ್ಲಿ ವಿಫಲವಾದರೂ ಮತ್ತೆ ಪ್ರಯತ್ನಿಸುವ ಧೈರ್ಯ ಬೆಳೆಸಿಕೊಳ್ಳಬೇಕು ಎಂಬುದು ಗುರುದೇವ್ ಅವರ ಸಂದೇಶದ ಪ್ರಮುಖ ಅಂಶವಾಗಿದೆ. ಅನುಮಾನಗಳು ಬರುವುದು ಸಹಜವಾದರೂ ಅವುಗಳೇ ನಮ್ಮ ವ್ಯಕ್ತಿತ್ವವನ್ನು ನಿರ್ಧರಿಸಲು ಬಿಡಬಾರದು ಎಂದು ಅವರು ಯುವಜನತೆಗೆ ಸಲಹೆ ನೀಡಿದ್ದಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ ಕಾಣುವ ಪ್ರತಿಯೊಂದು ಮಾಹಿತಿಯನ್ನೂ ನಂಬಬಾರದು. ಕೃತಕ ಬುದ್ಧಿಮತ್ತೆಯ ಮೂಲಕ ಸೃಷ್ಟಿಯಾಗುವ ನಕಲಿ ವಿಷಯಗಳ ಬಗ್ಗೆಯೂ ಎಚ್ಚರಿಕೆ ಅಗತ್ಯ ಎಂದು ಅವರು ಹೇಳಿದ್ದಾರೆ.

ಯುವಜನತೆಗೆ ಹೊಸ ದಿಕ್ಕು

ಯುವಕರು ಉತ್ಸಾಹದಿಂದ, ಕುತೂಹಲದಿಂದ ಮತ್ತು ಚೈತನ್ಯದಿಂದ ಇರಬೇಕು. ಆದರೆ ತಮ್ಮ ವರ್ತನೆಯಿಂದ ಇತರರಿಗೆ ನೋವುಂಟುಮಾಡಬಾರದು ಎಂಬ ಸಂದೇಶವನ್ನೂ ಗುರುದೇವ್ ನೀಡಿದ್ದಾರೆ. ಸ್ಪರ್ಧೆಯ ಒತ್ತಡದ ನಡುವೆ ಸ್ವಂತ ಸಾಮರ್ಥ್ಯವನ್ನು ನಂಬುವುದು, ಮಾನಸಿಕ ಸಮತೋಲನ ಕಾಪಾಡುವುದು ಮತ್ತು ಹೊಸ ಆಲೋಚನೆಗಳಿಗೆ ತೆರೆದುಕೊಳ್ಳುವುದು ಇಂದಿನ ಯುವಜನತೆಗೆ ಮುಖ್ಯವಾಗಿದೆ.

ಅದೇ ಮನೆ, ಅದೇ ಪಾತ್ರಗಳು: ನಿಗೂಢತೆಯ ‘ಅಯ್ಯನ ಮನೆ’ ರಹಸ್ಯ ಭಾಗ 2ರಲ್ಲಿ ಬಯಲಾಗುತ್ತಾ?

Govindaraj S — Thu, 22 Oct 2026 15:41:09 +0530

ಕನ್ನಡದ ಜನಪ್ರಿಯ ಸಸ್ಪೆನ್ಸ್-ಥ್ರಿಲ್ಲರ್ ವೆಬ್ ಸರಣಿ ‘ಅಯ್ಯನ ಮನೆ’ ಇದೀಗ ಎರಡನೇ ಸೀಸನ್‌ನೊಂದಿಗೆ ಮರಳುತ್ತಿದೆ. ‘ಅಯ್ಯನ ಮನೆ 2’ ಅಕ್ಟೋಬರ್ 23ರಿಂದ ZEE5 ಓಟಿಟಿಯಲ್ಲಿ ಸ್ಟ್ರೀಮಿಂಗ್ ಆರಂಭಿಸಲಿದೆ.

ಕನ್ನಡದ ಹಿಟ್ ಸಸ್ಪೆನ್ಸ್-ಥ್ರಿಲ್ಲರ್ ವೆಬ್ ಸರಣಿ ‘ಅಯ್ಯನ ಮನೆ’ ಬಂದು ಸರಿಯಾಗಿ ಒಂದು ವರ್ಷದ ಬಳಿಕ, ಇದೀಗ ಇದರ ಎರಡನೇ ಭಾಗ ‘ಅಯ್ಯನ ಮನೆ 2’ ಅಕ್ಟೋಬರ್ 23ರಂದು ಜೀ 5 ಓಟಿಟಿಯಲ್ಲಿ ಸ್ಟ್ರೀಮಿಂಗ್ ಆರಂಭಿಸಲಿದೆ. ರಮೇಶ್ ಇಂದಿರಾ ಈ ಸರಣಿ ಬರೆದು ನಿರ್ದೇಶಿಸಿದ್ದು, ಶ್ರುತಿ ನಾಯ್ಡು ನಿರ್ಮಿಸಿದ್ದಾರೆ. ರೂಪೇಶ್ ಶೆಟ್ಟಿ, ಖುಷಿ ರವಿ, ಅಕ್ಷಯ್ ನಾಯಕ್ ನಟಿಸಿದ್ದಾರೆ.

‘ಕನ್ನಡದಲ್ಲೂ ಗುಣಮಟ್ಟದ ಸ್ವಂತಿಕೆಯ ಕಂಟೆಂಟ್ ಮೂಡಿಬರಬಹುದು ಎಂಬುದನ್ನು ‘ಅಯ್ಯನ ಮನೆ’ ಸಾಬೀತುಪಡಿಸಿದೆ. ಮೊದಲ ಸೀಸನ್‌ಗೆ ಸಿಕ್ಕ ಅಪಾರ ಪ್ರೀತಿ ಹಾಗೂ ಜನಮೆಚ್ಚುಗೆಯೇ ನಮಗೆ ಎರಡನೇ ಸೀಸನ್ ಅನ್ನು ಇನ್ನಷ್ಟು ರೋಚಕವಾಗಿ ಮತ್ತು ಉನ್ನತ ಗುಣಮಟ್ಟದಲ್ಲಿ ರೂಪಿಸಲು ದೊಡ್ಡ ಸ್ಪೂರ್ತಿಯಾಗಿದೆ’ ಎಂದು ನಿರ್ಮಾಪಕಿ ಶ್ರುತಿ ನಾಯ್ಡು ಹೇಳಿದ್ದಾರೆ.

ಮೊದಲ ಸೀಸನ್‌ನಲ್ಲಿ ಬಿಟ್ಟಿದ್ದ ನಿಗೂಢ ಎಳೆಗಳು ಮತ್ತು ‘ಅಲ್ಲಿ ಅಸಲಿಗೆ ಏನಾಯಿತು’ ಎಂಬ ಕುತೂಹಲದ ಪ್ರಶ್ನೆಗಳಿಗೆ ಸೀಸನ್ 2ರಲ್ಲಿ ಉತ್ತರ ಸಿಗಲಿದೆ. ಅದೇ ಮನೆ, ಅದೇ ಮೂಲ ಪಾತ್ರಗಳ ಮುಂದುವರಿದ ಕಥಾ ಹಂದರವಿದ್ದು, ಈ ಬಾರಿ ನಿಗೂಢತೆ ಹಾಗೂ ನಾಟಕೀಯ ತಿರುವುಗಳು ಇನ್ನಷ್ಟು ತೀವ್ರವಾಗಿರಲಿವೆ.

ಒಟ್ಟು 6 ಕಂತುಗಳನ್ನು ಒಳಗೊಂಡಿರಲಿದೆ. ಶ್ರುತಿ ನಾಯ್ಡು, ‘ಪರಭಾಷೆಗಳಿಗೆ ಸೆಡ್ಡು ಹೊಡೆಯುವಂತೆ ಕನ್ನಡದಲ್ಲೇ ನೈಜ, ಸ್ವಂತಿಕೆಯ ಕಂಟೆಂಟ್‌ಗಳನ್ನು ಸೃಷ್ಟಿಸುವ ಉದ್ದೇಶಕ್ಕೆ ಕನ್ನಡಿಗರು ಈ ವೆಬ್ ಸರಣಿ ನೋಡುವ ಮೂಲಕ ಜೊತೆಯಾಗಬೇಕಿದೆ’ ಎಂದು ತಿಳಿಸಿದ್ದಾರೆ.

ನಟನೆ ಸಾಕು.. ಸಿನಿಮಾ ನಿರ್ದೇಶನಕ್ಕೆ ಸಜ್ಜಾದ ನಟಿ, ರಂಗಕರ್ಮಿ ಅಕ್ಷತಾ ಪಾಂಡವಪುರ: ಪ್ಲ್ಯಾನ್ ಏನು?

Govindaraj S — Thu, 22 Oct 2026 15:26:46 +0530

ಸಾಹಿತಿ, ನಟಿ, ರಂಗಕರ್ಮಿ ಅಕ್ಷತಾ ಪಾಂಡವಪುರ ಇದೀಗ ಸಿನಿಮಾ ನಿರ್ದೇಶನಕ್ಕೆ ಸಜ್ಜಾಗಿದ್ದಾರೆ. ರಾಜ್ಯ ಪ್ರಶಸ್ತಿ ಹಾಗೂ ಫಿಲ್ಮ್‌ಫೇರ್ ಪ್ರಶಸ್ತಿ ಪಡೆದಿರುವ ನಟಿ, ‘ಲೀಕ್ ಔಟ್’ ರಂಗಪ್ರಯೋಗದ ಮೂಲಕವೂ ಗಮನ ಸೆಳೆದಿದ್ದಾರೆ.

ಸಾಹಿತಿ, ನಟಿ, ರಂಗಕರ್ಮಿ ಹೀಗೆ ಬೇರೆ ಬೇರೆ ಪಾತ್ರಗಳನ್ನು ಅಚ್ಚುಕಟ್ಟಾಗಿ ನಿಭಾಯಿಸುವ ಸಾಮರ್ಥ್ಯವುಳ್ಳ ಅಪಾರ ಪ್ರತಿಭಾವಂತೆ ಅಕ್ಷತಾ ಪಾಂಡವಪುರ ಇದೀಗ ಸಿನಿಮಾ ನಿರ್ದೇಶನಕ್ಕೆ ಇಳಿಯುತ್ತಿದ್ದಾರೆ. ಪ್ರಸ್ತುತ ಅವರು ಸಿನಿಮಾ ನಿರ್ಮಾಣ ಪ್ರಕ್ರಿಯೆಗಳನ್ನು ಆರಂಭಿಸಿದ್ದು, ಕ್ರೌಡ್‌ ಫಂಡಿಂಗ್‌ ಮೂಲಕ ಸಿನಿಮಾ ರೂಪಿಸುವ ಉದ್ದೇಶ ಹೊಂದಿದ್ದಾರೆ.

ಸಿನಿಮಾದಲ್ಲಿನ ನಟನೆಗೆ ರಾಜ್ಯ ಪ್ರಶಸ್ತಿ, ಫಿಲ್ಮ್‌ ಫೇರ್‌ ಪ್ರಶಸ್ತಿ ಪಡೆದಿರುವ ಅವರು ‘ಲೀಕ್‌ ಔಟ್‌’ ಎಂಬ ವಿಶಿಷ್ಟ ರಂಗಪ್ರಯೋಗದಿಂದ ನಾಡಿನುದ್ದಕ್ಕೂ ಜನಪ್ರೀತಿ ಗಳಿಸಿದ್ದಾರೆ. ಆ ರಂಗಪ್ರಯೋಗ 125 ಪ್ರದರ್ಶನ ಕಂಡಿರುವುದು ಅವರ ಹೆಗ್ಗಳಿಕೆ. ನಾನು ನಟಿಯಾಗಿದ್ದರೂ ಸಿನಿಮಾ ನಿರ್ದೇಶನ ನನ್ನ ಕನಸು. ಕಳೆದ ಎರಡು ವರ್ಷಗಳಿಂದ ನಾನು ಈ ಕುರಿತೇ ಆಲೋಚಿಸುತ್ತಿದ್ದೇನೆ. ಇದೀಗ ಸಮಾನ ಮನಸ್ಕರ ತಂಡ ಕಟ್ಟುತ್ತಿದ್ದೇನೆ.

ಒಂದು ವಿಡಂಬನಾತ್ಮಕ ಕತೆಯನ್ನು ಪ್ರಸ್ತುತ ಪಡಿಸುವ ಆಸೆ ನನ್ನದು. ತುಂಬಾ ದೊಡ್ಡ ತಾರಾಗಣವಿರುವ ಈ ಚಿತ್ರದಲ್ಲಿ ಮಹಿಳಾ ಪಾತ್ರಗಳು ಜಾಸ್ತಿ ಇರುತ್ತವೆ ಎಂದು ಅವರು ಅಕ್ಷತಾ ಪಾಂಡವಪುರ ತಿಳಿಸಿದ್ದಾರೆ. ಸದ್ಯ ಪ್ರೀ ಪ್ರೊಡಕ್ಷನ್‌ ಹಂತದಲ್ಲಿರುವ ಈ ಸಿನಿಮಾ ತಂಡ ಸೇರುವ ಆಸಕ್ತಿ ಇರುವವರು 9353771172 ಸಂಖ್ಯೆ ಸಂಪರ್ಕಿಸಬಹುದು.

ಕಾರ್ಪೊರೇಟ್ ನೌಕರಿ ತೊರೆದು, ತ್ಯಾಜ್ಯ ಬಟ್ಟೆಗಳಲ್ಲೇ ಬೊಂಬೆಗಳ ಸಾಮ್ರಾಜ್ಯ ಕಟ್ಟಿ 'ಇಂಡಿಯನ್ ಬಾರ್ಬಿ' ಸೃಷ್ಟಿಸಿದ ಸುಹಾಸ್

Ashwini HR — Thu, 22 Oct 2026 15:26:42 +0530

ಇಂದಿನ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ದೊಡ್ಡ ಕಂಪನಿಯಲ್ಲಿ ಲಕ್ಷಾಂತರ ರೂ. ಸಂಬಳದ ನೌಕರಿ ಸಿಕ್ಕರೆ ಸಾಕು, ಯಾರೂ ಅದನ್ನು ಬಿಟ್ಟು ಹೊರಬರಲು ಸಾಹಸ ಮಾಡುವುದಿಲ್ಲ. ಆದರೆ, ಅದೇ ಹಣ, ಸೌಕರ್ಯಗಳ ಹಿಂದೆ ಓಡುವುದು ತಾತ್ಕಾಲಿಕ ಸಂತೋಷವಷ್ಟೇ ಎಂದು ಅರಿತು, ನಗರದ ಗದ್ದಲದಿಂದ ದೂರಾಗಿ, ಕಾಡಿನಂಚಿನಲ್ಲಿ ಬದುಕು ಕಟ್ಟಿಕೊಂಡು, ಇಂದು ಸಾವಿರಾರು ಮಕ್ಕಳ ನೆಚ್ಚಿನ 'ನೀಲಾ' ಬೊಂಬೆಗಳ ಮೂಲಕ ಹೆಮ್ಮೆಯ ಉದ್ಯಮವೊಂದನ್ನು ಕಟ್ಟಿ ನಿಲ್ಲಿಸಿದ್ದಾರೆ ಮೈಸೂರಿನ ಸುಹಾಸ್ ರಾಮೆಗೌಡ.

ಕಾರ್ಪೊರೇಟ್ ನೌಕರಿಯಿಂದ ಆಫ್-ಗ್ರಿಡ್ ಬದುಕಿನಡೆಗೆ

ಮೈಸೂರಿನಲ್ಲಿ ಮಧ್ಯಮ ವರ್ಗದ ಕುಟುಂಬದಲ್ಲಿ ಹುಟ್ಟಿ ಬೆಳೆದ ಸುಹಾಸ್, ಎಂಬಿಎ ಮುಗಿಸಿ ಬೆಂಗಳೂರಿನಲ್ಲಿ ಕೇವಲ 6,000 ರೂ. ಸಂಬಳದ ಉದ್ಯೋಗದಿಂದ ತಮ್ಮ ವೃತ್ತಿಜೀವನ ಆರಂಭಿಸಿದ್ದರು. ಕಠಿಣ ಪರಿಶ್ರಮದಿಂದ ಶೆಲ್ (Shell), ಬ್ಯಾಂಕ್ ಆಫ್ ಅಮೆರಿಕದಂತಹ ದೊಡ್ಡ ಕಾರ್ಪೊರೇಟ್ ಕಂಪನಿಗಳಲ್ಲಿ ಉನ್ನತ ಹುದ್ದೆಗೇರಿದರು. ಕೈಯಲ್ಲಿ ಒಳ್ಳೆಯ ಸಂಪಾದನೆ ಇದ್ದರೂ, ದುಬಾರಿ ಕಾರು, ಬ್ರಾಂಡೆಡ್ ಬಟ್ಟೆಗಳ ಖರೀದಿಯ ಈ ಜೀವನ ತಾತ್ಕಾಲಿಕ ಖುಷಿಯನ್ನಷ್ಟೇ ನೀಡುತ್ತಿದೆ ಎಂಬುದನ್ನು ಅವರ ಪತ್ನಿ ಸುನಿತಾ ಅವರ ಮಾರ್ಗದರ್ಶನದಲ್ಲಿ ಅರಿತುಕೊಂಡರು.

ಅಂತಿಮವಾಗಿ 2017ರಲ್ಲಿ ತಮ್ಮ ಉದ್ಯೋಗಕ್ಕೆ ರಾಜೀನಾಮೆ ನೀಡಿ, ಪತ್ನಿ ಮತ್ತು ಮಗನೊಂದಿಗೆ ನಗರದ ಗದ್ದಲದಿಂದ ದೂರವಾಗಿ ನೀಲಗಿರಿ ಜಿಲ್ಲೆಯ ಊಟಿ ಸಮೀಪದ ಅರಣ್ಯ ಪ್ರದೇಶದಲ್ಲಿ (Off-grid living) ನೆಲೆಸಿದರು. ಅಲ್ಲಿ ಸ್ಥಳೀಯರ ಒಡನಾಟ, ಅವರ ಕಷ್ಟಗಳು ಮತ್ತು ಮಹಿಳೆಯರ ಪರಿಸ್ಥಿತಿ ಅವರನ್ನು ಹೊಸದೊಂದು ಸಾಮಾಜಿಕ ಚಿಂತನೆಗೆ ಮುಖಮಾಡುವಂತೆ ಮಾಡಿತು.

'ದಿ ಗುಡ್ ಡಾಲ್' ಮತ್ತು 'ನೀಲಾ' ಬೊಂಬೆಗಳ ಹುಟ್ಟು

ಊಟಿಯಲ್ಲಿ ನೆಲೆಸಿದ ಬಳಿಕ ಸ್ಥಳೀಯ ಮಹಿಳೆಯರಿಗೆ ಕರಕುಶಲ ತರಬೇತಿ ನೀಡಿ ಉದ್ಯೋಗ ಕಲ್ಪಿಸುವ ಸಣ್ಣ ಪ್ರಯತ್ನ ಆರಂಭವಾಯಿತು. ಮೊದಲು ಕ್ವಿಲ್ಟ್ (Quilt) ಮತ್ತು ಕೋವಿಡ್ ಕಾಲದಲ್ಲಿ ಮಾಸ್ಕ್ ತಯಾರಿಕೆಯಲ್ಲಿ ತೊಡಗಿದ್ದ ಇವರು, ಸಮಾಜಕ್ಕೆ ನಿಜವಾದ ಕೊರತೆಯಿರುವ ಮತ್ತು ಮಕ್ಕಳ ಸಮಸ್ಯೆಗೆ ಪರಿಹಾರವಾಗುವ ಉತ್ಪನ್ನದ ಹುಡುಕಾಟದಲ್ಲಿದ್ದರು. ಆಗ ಹುಟ್ಟಿಕೊಂಡಿದ್ದೇ 'ಬಾಡಿ ಪಾಸಿಟಿವ್' (Body Positive) ಆಗಿರುವ ಅಪ್ಪಟ ಭಾರತೀಯ ಬೊಂಬೆಗಳ ಕಲ್ಪನೆ.

ಮಾರುಕಟ್ಟೆಯಲ್ಲಿ ಸಿಗುವ ವಿದೇಶಿ ಬೊಂಬೆಗಳು (ಬಾರ್ಬಿ ಮುಂತಾದವು) ನಮ್ಮ ಮಕ್ಕಳ ದೇಹದಸ್ಸಿಗಾಗಲಿ ಅಥವಾ ಬಣ್ಣಕ್ಕಾಗಲಿ ಹೊಂದುವುದಿಲ್ಲ. ಅಲ್ಲದೆ, ಅವು ಮಕ್ಕಳ ಮೇಲೆ ತಪ್ಪು ಸೌಂದರ್ಯದ ಮಾನದಂಡಗಳನ್ನು ಹೇರುತ್ತಿವೆ ಎಂಬುದನ್ನು ಅರಿತ ಇವರು, ಭಾರತೀಯ ಕಂದು ಬಣ್ಣದ, ದೇಹದ ಸ್ವಾಭಾವಿಕ ರಚನೆಯುಳ್ಳ ಬೊಂಬೆಗಳನ್ನು ತಯಾರಿಸಲು ಮುಂದಾದರು. ನೀಲಗಿರಿ ಬೆಟ್ಟಗಳ 'ನೀಲಕುರಿಂಜಿ' ಹೂವಿನ ಸ್ಫೂರ್ತಿಯಿಂದ ಈ ಬೊಂಬೆಗೆ 'ನೀಲಾ' ಎಂದು ಹೆಸರಿಡಲಾಯಿತು. ಇಂದು ಈ ಬೊಂಬೆಗಳು ದೆಹಲಿ, ಮುಂಬೈ, ಬೆಂಗಳೂರು ಸೇರಿದಂತೆ ದೇಶದ ಮೂಲೆ ಮೂಲೆಗಳಿಗೆ ತಲುಪಿವೆ. ಮಾರುಕಟ್ಟೆಯಲ್ಲಿ ಜನರು ಇವರನ್ನು ಪ್ರೀತಿಯಿಂದ 'ಇಂಡಿಯನ್ ಬಾರ್ಬಿ' ಎಂದು ಕರೆಯಲಾರಂಭಿಸಿದರು.

ಪರಿಸರ ಸ್ನೇಹಿ ಮತ್ತು ಮಹಿಳಾ ಸಬಲೀಕರಣ

ಈ ಉದ್ಯಮದ ವಿಶೇಷತೆಯೆಂದರೆ, ಬೊಂಬೆಗಳ ತಯಾರಿಕೆಗೆ ಸಂಪೂರ್ಣವಾಗಿ ತ್ಯಾಜ್ಯ ಬಟ್ಟೆಗಳನ್ನು (Upcycled fabric - ಗಾರ್ಮೆಂಟ್‌ಗಳ ಕಟ್‌ಪೀಸ್‌ಗಳು) ಬಳಸಲಾಗುತ್ತದೆ. ಇದುವರೆಗೆ ಸುಮಾರು 30,000 ಕೆ.ಜಿ ಗೂ ಅಧಿಕ ಬಟ್ಟೆಯ ತ್ಯಾಜ್ಯವನ್ನು ಮರುಬಳಕೆ ಮಾಡಲಾಗಿದೆ. ಜೊತೆಗೆ, ನೀಲಗಿರಿ ಭಾಗದ 100ಕ್ಕೂ ಹೆಚ್ಚು ಮಹಿಳೆಯರಿಗೆ ಈ ಮೂಲಕ ಮಾಸಿಕ ಸ್ಥಿರ ಆದಾಯ ಸಿಗುವಂತೆ ಮಾಡಿ, ಮಹಿಳಾ ಸಬಲೀಕರಣಕ್ಕೆ ನಿಜವಾದ ಅರ್ಥ ಕಲ್ಪಿಸಿದ್ದಾರೆ.

ಕೇವಲ ಆಟಿಕೆಗಳಷ್ಟೇ ಅಲ್ಲದೆ, 'ನೀಲಾ' ಪಾತ್ರದ ಮೂಲಕ ಕಾಮಿಕ್ ಸ್ಟ್ರಿಪ್ಸ್ ('Raising Neela') ಹಾಗೂ ವೆಸ್ಟ್‌ಲ್ಯಾಂಡ್ ಬುಕ್ಸ್ ಮೂಲಕ ಮಕ್ಕಳ ಪುಸ್ತಕಗಳನ್ನು ಹೊರತರುವ ಮೂಲಕ ಸುಹಾಸ್ ಮತ್ತು ಅವರ ತಂಡ ಮಕ್ಕಳ ಜಗತ್ತಿನಲ್ಲಿ ವಿಸ್ತಾರವಾದ ಕಥೆಯ ಲೋಕವನ್ನೇ ಸೃಷ್ಟಿಸುತ್ತಿದೆ.

ಮಗನಿಗೆ 'ಅನ್ಸ್ಕೂಲಿಂಗ್' ಪ್ರಯಾಣ

ಸಂಪ್ರದಾಯವಾದಿ ಶಾಲೆಗೆ ಕಳುಹಿಸುವ ಬದಲು ತಮ್ಮ ಮಗ ಆರವ್‌ಗೆ 'ಅನ್ಸ್ಕೂಲಿಂಗ್' (Unschooling) ನೀಡುವ ಮೂಲಕ ವಿಭಿನ್ನ ಪ್ರಯೋಗ ಮಾಡಿದರು. ಯಾವುದೇ ಒತ್ತಡವಿಲ್ಲದೆ ತನ್ನ ಸ್ವಂತ ಆಸಕ್ತಿಯಿಂದಲೇ ಭೌತಶಾಸ್ತ್ರ ಮತ್ತು ಗಣಿತವನ್ನು ಕಲಿತುಕೊಂಡ ಆರವ್, ಇಂದು ತನ್ನ 19ನೇ ವಯಸ್ಸಿನಲ್ಲಿ ತಂದೆಯ ಉದ್ಯಮದ ಬೆಳವಣಿಗೆಗೆ (ಸೋಷಿಯಲ್ ಮೀಡಿಯಾ ಮತ್ತು MIS ನಿರ್ವಹಣೆ) ನೆರವಾಗುತ್ತಿರುವುದು ಇವರ ಪೋಷಣೆಯ ಹೆಗ್ಗುರುತಾಗಿದೆ.

ಸಾಧನೆಯ ಹಾದಿ

ಕೈತುಂಬಾ ಸಂಬಳವಿದ್ದ ಕಾರ್ಪೊರೇಟ್ ಜೀವನವನ್ನು ತೊರೆದು, ಗ್ರಾಮೀಣ ಮಹಿಳೆಯರ ಬದುಕಿಗೆ ಬೆಳಕಾಗಿ, ಭಾರತೀಯ ಸಂಸ್ಕೃತಿಯ ಆಟಿಕೆಗಳನ್ನು ಜಾಗತಿಕ ಮಟ್ಟಕ್ಕೆ ಕೊಂಡೊಯ್ಯುತ್ತಿರುವ ಸುಹಾಸ್ ರಾಮೆಗೌಡ ಅವರ ಪಯಣ ಇಂದಿನ ಯುವ ಉದ್ಯಮಚೇತನಗಳಿಗೆ ನಿಜಕ್ಕೂ ಒಂದು ದೊಡ್ಡ ಸ್ಪೂರ್ತಿಯಾಗಿದೆ.

'ಪ್ರೇಮದ ಊರಲಿ' ಟಿಕೆಟ್‌ಗಾಗಿ ಮಹಿಳೆಯರ ಕಿತ್ತಾಟ, ಮಾಂಗಲ್ಯ ಸರವನ್ನೇ ಕಿತ್ಕೊಂಡು ಹೊಡೆದಾಟ

Ganesh Mabla Gowda — Thu, 22 Oct 2026 15:26:14 +0530

ಹಾವೇರಿ: 'ಪ್ರೇಮದ ಊರಲಿ' ಸಿನಿಮಾ ಭರ್ಜರಿ ಸಕ್ಸಸ್ ಕಾಣ್ತಿದೆ. ಸಿನಿಮಾ ನೋಡಲು ಚಿತ್ರಮಂದಿರಗಳಿಗೆ ಬರುತ್ತಿರೋರ ಸಂಖ್ಯೆ ಹೆಚ್ಚುತ್ತಲೇ ಇದ್ದು, ಬಹುತೇಕ ಥಿಯೇಟರ್‍‌ಗಳು ಹೌಸ್‌ಫುಲ್ ಆಗಿವೆ. ಲೇಟೆಸ್ಟ್ ವಿಚಾರ ಏನಂದರೆ.. ಹಾವೇರಿಯಲ್ಲಿ ಸಿನಿಮಾ ಟಿಕೆಟ್‌ಗಾಗಿ ಬಿಗ್ ಫೈಟ್ ನಡೆದಿದೆ.

ಮಹಿಳೆಯರ ಮಧ್ಯೆ ಟಿಕೆಟ್‌ಗಾಗಿ ದೊಡ್ಡ ಗಲಾಟೆಯೇ ಆಗಿದೆ.. ಹಾವೇರಿಯ ಮಾಗಾವಿ ಚಿತ್ರಮಂದಿರದ ಮುಂದೆ ಮಹಿಳೆಯರು ಕಿತ್ತಾಟ ನಡೆಸಿದ್ದಾರೆ. ಮಹಿಳೆಯರು ತಮ್ಮ ಪತಿಯನ್ನು ಕರೆದುಕೊಂಡು ಸಿನಿಮಾ ಥಿಯೇಟರ್‍‌ಗೆ ಬಂದಿದ್ದರು. ಟಿಕೆಟ್ ಖರೀದಿಗಾಗಿ ಲೈನ್‌ನಲ್ಲಿ ನಿಂತಾಗಿ ಏನೋ ಕಿರಿಕ್ ಆಗಿದೆ.

ನೂರಾರು ಜನರ ಮಧ್ಯೆ ಮಹಿಳೆಯರು ದೊಡ್ಡದಾಗಿ ಗಲಾಟೆ ಮಾಡಿಕೊಂಡಿದ್ದಾರೆ. ಮಾತಿಗೆ ಮಾತು ಬೆಳೆಸಿ ಮನಸ್ಸೋ ಇಚ್ಛೆ ಬೈಯ್ದಾಡಿಕೊಂಡಿದ್ದಾರೆ. ಅದೂ ಸಾಲದಕ್ಕೆ ಕೈಕೈ ಮಿಲಾಯಿಸಿದ್ದಾರೆ. ಮುಖ ಪರಚಿಕೊಂಡಿದ್ದಾರೆ. ಈ ವೇಳೆ ಓರ್ವ ಮಹಿಳೆಯ ಮಾಂಗಲ್ಯ ಸರ ಕಿತ್ತುಬಂದಿದೆ. ಆಗ ಮಹಿಳೆಯ ನಡುವಿನ ಕಿತ್ತಾಟ ಮತ್ತಷ್ಟು ಜೋರಾಗಿದೆ.

ಹೀಗೆ ಗಲಾಟೆ ನಡೆಯುತ್ತಿದ್ದಾಗ ಅಲ್ಲಿಂದ ಕೆಲವು ಸಮಾಧಾನಪಡಿಸಲು ಎಂಟ್ರಿಯಾಗಿದ್ದರು. ಅವರ ಮಾತನ್ನೂ ಕೇಳದೇ ಜೋರಾಗಿ ಗಲಾಟೆ ಮಾಡಿಕೊಂಡಿದ್ದಾರೆ. ಸಿನಿಮಾ ಥಿಯೇಟರ್ ಮುಂದೆ ಹೈಡ್ರಾಮಾ ಸೃಷ್ಟಿಯಾಗಿತ್ತು. ಗಲಾಟೆ ಜೋರಾದ ಹಿನ್ನೆಲೆಯಲ್ಲಿ ಮಹಿಳೆಯರ ಪತಿಯರು ಅಸಹಾಯಕರಾಗಿ ನಿಲ್ಲುವಂತೆ ಮಾಡಿತ್ತು. ಕೊನೆಗೆ ಸಿನಿಮಾ ನೋಡದೇ ವಾಪಸ್ ಹೋಗಿದ್ದಾರೆ ಎಂದು ವರದಿಯಾಗಿದೆ.

ಕಲೆಕ್ಷನ್‌ನಲ್ಲಿ ದಾಖಲೆ

ಕನ್ನಡ ಚಿತ್ರರಂಗದಲ್ಲಿ ಸಣ್ಣ ಬಜೆಟ್‌ನ ಸಿನಿಮಾವೊಂದು ಬಾಕ್ಸ್‌ ಆಫೀಸ್‌ನಲ್ಲಿ ದೊಡ್ಡ ದಾಖಲೆ ಬರೆದಿದೆ. ಆರಂಭದಲ್ಲಿ ಚಿತ್ರಮಂದಿರಗಳಲ್ಲಿ ಶೋ ಪಡೆಯುವುದಕ್ಕೂ ಪರದಾಡಿದ್ದ ‘ಪ್ರೇಮದ ಊರಲ್ಲಿ’ ಸಿನಿಮಾ ಈಗ ವಿಶ್ವಾದ್ಯಂತ ಸುಮಾರು ₹105 ಕೋಟಿ ಗಳಿಸಿ, ಅತಿ ಹೆಚ್ಚು ಕಲೆಕ್ಷನ್‌ ಮಾಡಿದ ಕನ್ನಡ ಚಿತ್ರಗಳ ಪಟ್ಟಿಯಲ್ಲಿ ಆರನೇ ಸ್ಥಾನಕ್ಕೇರಿದೆ ಎಂದು ವರದಿಯಾಗಿದೆ. ವಿಶೇಷವೆಂದರೆ.. ಸುದೀಪ್‌ ನಟನೆಯ ‘ವಿಕ್ರಾಂತ್‌ ರೋಣ’ ಮತ್ತು ಪುನೀತ್‌ ರಾಜ್‌ಕುಮಾರ್‌ ಅಭಿನಯದ ‘ಜೇಮ್ಸ್‌’ ಸಿನಿಮಾಗಳ ಕಲೆಕ್ಷನ್‌ ಅನ್ನೂ ಈ ಚಿತ್ರ ಹಿಂದಿಕ್ಕಿದೆ ಎನ್ನಲಾಗಿದೆ.

ಚಿತ್ರರಂಗದ ಬಾಕ್ಸ್‌ ಆಫೀಸ್‌ ಮಾಹಿತಿ ನೀಡುವ Sacnilk ಪ್ರಕಾರ..‘ಪ್ರೇಮದ ಊರಲ್ಲಿ’ ಸಿನಿಮಾ ವಿಶ್ವಾದ್ಯಂತ ₹102.19 ಕೋಟಿ ಗಳಿಸಿತ್ತು. 27ನೇ ದಿನವೂ ₹2.37 ಕೋಟಿ ಗಳಿಕೆ ಕಂಡಿದ್ದು, ಒಟ್ಟು ಕಲೆಕ್ಷನ್‌ ₹105 ಕೋಟಿಯ ಸಮೀಪಕ್ಕೆ ತಲುಪಿದೆ ಎಂದು ವರದಿಯಾಗಿದೆ. 26ನೇ ದಿನ ಭಾರತದಲ್ಲಿ 943 ಶೋಗಳ ಮೂಲಕ ₹4.25 ಕೋಟಿ ಗ್ರಾಸ್‌ ಕಲೆಕ್ಷನ್‌ ಮಾಡಿದ್ದರೆ, ವಿದೇಶಗಳಲ್ಲಿ ₹20 ಲಕ್ಷ ಗಳಿಸಿತ್ತು. ಆ ದಿನದ ಒಟ್ಟು ಗಳಿಕೆ ₹4.45 ಕೋಟಿ ಆಗಿತ್ತು. ಚಿತ್ರಕ್ಕೆ ಸುಮಾರು ಶೇ.72ರಷ್ಟು ಆಕ್ಯುಪೆನ್ಸಿ ದಾಖಲಾಗಿದ್ದು, ಈವರೆಗೆ 57 ಲಕ್ಷಕ್ಕೂ ಹೆಚ್ಚು ಪ್ರೇಕ್ಷಕರು ಸಿನಿಮಾ ವೀಕ್ಷಿಸಿದ್ದಾರೆ ಎನ್ನಲಾಗಿದೆ. ಈ ಅಂಕಿಅಂಶಗಳು ಚಿತ್ರದ ಮೂಲ ಕನ್ನಡ ಆವೃತ್ತಿಗೆ ಸಂಬಂಧಿಸಿವೆ. ಕನ್ನಡದಲ್ಲಿ ಸಿಕ್ಕಿರುವ ಯಶಸ್ಸಿನ ಬೆನ್ನಲ್ಲೇ ಚಿತ್ರತಂಡ ತೆಲುಗಿನಲ್ಲಿ ‘ಪ್ರೇಮನೆ ಊರಿಲೋ’ ಎಂಬ ಹೆಸರಿನಲ್ಲಿ ಬಿಡುಗಡೆ ಮಾಡಲು ಯೋಜಿಸಿದೆ. ತಮಿಳು, ಮಲಯಾಳಂ ಮತ್ತು ಹಿಂದಿ ಡಬ್ಬಿಂಗ್‌ ಆವೃತ್ತಿಗಳ ಬಗ್ಗೆಯೂ ಚರ್ಚೆಗಳು ನಡೆಯುತ್ತಿವೆ ಎಂದು ವರದಿಯಾಗಿದೆ.

ಬೆಂಗಳೂರು ಟ್ರಾಫಿಕ್ ಶಮನಕ್ಕೆ ಮಾಸ್ಟರ್ ಪ್ಲಾನ್: 1 ಲಕ್ಷ ಕೋಟಿ ರೂ. ಮೂಲಸೌಕರ್ಯ ಯೋಜನೆಗಳೊಂದಿಗೆ ಹೊಸ 'ಸಿಎಂಪಿ' ಸಿದ್ಧ

Gowthami K — Thu, 22 Oct 2026 15:24:30 +0530

ಬೆಂಗಳೂರು: ರಾಜಧಾನಿ ಬೆಂಗಳೂರಿನ ತೀವ್ರ ಸಂಚಾರ ದಟ್ಟಣೆ, ಮೂಲಸೌಕರ್ಯ ವ್ಯವಸ್ಥೆಗೆ ಶಮನ ನೀಡಲು ರಾಜ್ಯ ಸರಕಾರವು ಬೃಹತ್ ಯೋಜನೆಯೊಂದಕ್ಕೆ ಚಾಲನೆ ನೀಡಿದೆ. ನಗರ ಭೂ ಸಾರಿಗೆ ನಿರ್ದೇಶನಾಲಯ (DULT) ಮುಂಬರುವ ಒಂದು ವರ್ಷದೊಳಗೆ ಬೆಂಗಳೂರಿಗೆ ನೂತನ 'ಸಮಗ್ರ ಚಲನಶೀಲತಾ ಯೋಜನೆಯನ್ನು ಸಿದ್ಧಪಡಿಸಿ ಅನಾವರಣಗೊಳಿಸಲಿದೆ.

ಸುಮಾರು ₹1 ಲಕ್ಷ ಕೋಟಿ ಮೌಲ್ಯದ ಸುರಂಗ ರಸ್ತೆಗಳು ಹಾಗೂ 12ಕ್ಕೂ ಹೆಚ್ಚು ನೂತನ ಫ್ಲೈಓವರ್‌ಗಳು ಸೇರಿದಂತೆ ಹಲವು ಬೃಹತ್ ಯೋಜನೆಗಳು ಪ್ರಸ್ತುತ ಅನುಮೋದನೆಯ ವಿವಿಧ ಹಂತಗಳಲ್ಲಿದ್ದು, ಇವೆಲ್ಲವನ್ನೂ ನಗರದ ವಿಶಾಲವಾದ 'ಪರಿಷ್ಕೃತ ಮಾಸ್ಟರ್ ಪ್ಲಾನ್' ಜೊತೆ ಸಂಯೋಜಿಸಿ ಜಾರಿಗೊಳಿಸುವುದು ಈ ನೂತನ ಸಿಎಂಪಿಯ ಪ್ರಮುಖ ಉದ್ದೇಶವಾಗಿದೆ.

6 ವರ್ಷಗಳ ನಂತರ ಬದಲಾಗುತ್ತಿರುವ ಯೋಜನೆ:

ಇದಕ್ಕೂ ಮೊದಲು 2020 ರಲ್ಲಿ DULT ನಗರದ ಮೊದಲ ಸಿಎಂಪಿಯನ್ನು ಸಿದ್ಧಪಡಿಸಿತ್ತು. ಅದರಲ್ಲಿ ಬಸ್ ಆದ್ಯತೆಯ ಕಾರಿಡಾರ್‌ಗಳು, ಮೆಟ್ರೋಲೈಟ್, 50 ಕಿ.ಮೀ. ಟೆಂಡರ್‌ಶ್ಯೂರ್ ರಸ್ತೆಗಳು, ಸೈಕಲ್ ಟ್ರ್ಯಾಕ್‌ಗಳು ಹಾಗೂ ಸಾರ್ವಜನಿಕ ಸಾರಿಗೆಯ ಬಳಕೆಯನ್ನು ಶೇ. 40 ರಿಂದ ಶೇ. 70 ಕ್ಕೆ ಹೆಚ್ಚಿಸುವ ಬೃಹತ್ ಗುರಿ ಹೊಂದಲಾಗಿತ್ತು. 2035 ರ ವೇಳೆಗೆ ಸುಮಾರು ₹2.30 ಲಕ್ಷ ಕೋಟಿ ವೆಚ್ಚದಲ್ಲಿ ಅನುಷ್ಠಾನಗೊಳಿಸಬೇಕಿದ್ದ ಈ ಯೋಜನೆಗಳು ಬಹುತೇಕ ಕಾಗದದ ಮೇಲೆಯೇ ಉಳಿದಿದ್ದವು.

ಪ್ರಸ್ತುತ ಗ್ರೇಟರ್ ಬೆಂಗಳೂರು ಪ್ರಾಧಿಕಾರ ರಚನೆಯಾಗಿ ನಗರದ ವಿಸ್ತೀರ್ಣವು ದ್ವಿಗುಣಗೊಂಡಿರುವುದರಿಂದ, ಹೊರವಲಯಗಳು, ಉಪಗ್ರಹ ನಗರಗಳು ಹಾಗೂ ಪ್ರಮುಖ ಸಾರಿಗೆ ಕಾರಿಡಾರ್‌ಗಳನ್ನು ಒಳಗೊಂಡಂತೆ ವಿಶಾಲ ದೃಷ್ಟಿಕೋನದಲ್ಲಿ ಹೊಸ ಸಿಎಂಪಿಯನ್ನು ರೂಪಿಸಲಾಗುತ್ತಿದೆ.

₹4.16 ಕೋಟಿ ವೆಚ್ಚದಲ್ಲಿ DULT ನಿಂದ ಹೊಸ ಸಮೀಕ್ಷೆ:

ನಮ್ಮ ಮೆಟ್ರೋ ಯೋಜನೆಗಳಿಗೆ ಕೇಂದ್ರ ಸರಕಾರದ ಅನುದಾನ ಹಾಗೂ ಅನುಮೋದನೆ ಪಡೆಯಲು 'ಸಿಎಂಪಿ' ವರದಿ ಕಡ್ಡಾಯವಾಗಿದೆ. ಈ ಹಿನ್ನೆಲೆಯಲ್ಲಿ ₹4.16 ಕೋಟಿ ವೆಚ್ಚದಲ್ಲಿ DULT ನೂತನ ಯೋಜನೆಗೆ ಚೌಕಟ್ಟು ಸಿದ್ಧಪಡಿಸುತ್ತಿದೆ. ಬಿಎಂಎಲ್‌ಟಿಎ ಸಂಸ್ಥೆಯು ಸಿಬ್ಬಂದಿ ಕೊರತೆಯಿಂದ ಸಂಪೂರ್ಣವಾಗಿ ಕಾರ್ಯಾಚರಿಸದ ಕಾರಣ, ಸಾರಿಗೆ ಇಲಾಖೆಯ ಹಿರಿಯ ಅಧಿಕಾರಿಗಳು ಮತ್ತು ಸಲಹೆಗಾರರು DULT ಉಸ್ತುವಾರಿಯಲ್ಲೇ ಸಮೀಕ್ಷೆಗಳನ್ನು ಪ್ರಾರಂಭಿಸಿದ್ದಾರೆ.

ಹೊಸ ಸಿಎಂಪಿಯು ಬೃಹತ್ ಸರಕು ಟ್ರಕ್ ಟರ್ಮಿನಲ್‌ಗಳು, ಅಂತರರಾಜ್ಯ ಬಸ್ ಸ್ಟ್ಯಾಂಡ್‌ಗಳು ಮತ್ತು ಹೆಚ್ಚು ದಟ್ಟಣೆ ಉಂಟುಮಾಡುವ ಪ್ರಮುಖ ಮೂಲಗಳನ್ನು ನಗರದ ಗಡಿಯಿಂದ ಹೊರಗೆ ಸ್ಥಳಾಂತರಿಸುವ ಕುರಿತು ಅಧ್ಯಯನ ನಡೆಸಲಿದೆ.

ಕುದುರೆಯ ಮುಂಭಾಗದಲ್ಲಿ ಬಂಡಿ ಕಟ್ಟಿದಂತೆ, ತಜ್ಞರ ಕಳವಳ

ಸರಕಾರದ ಈ ಹೊಸ ಯೋಜನೆಗೆ ನಗರ ಸಾರಿಗೆ ತಜ್ಞರಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಅಧಿಕಾರಿ ಸತ್ಯ ಅರಿಕತುತರಂ ಪ್ರಕಾರ, ಸರಕಾರ ಈಗಾಗಲೇ ₹1.5 ಲಕ್ಷ ಕೋಟಿ ವೆಚ್ಚದ ಸುರಂಗ ರಸ್ತೆ ಹಾಗೂ ಮೇಲ್ಸೇತುವೆ ಯೋಜನೆಗಳನ್ನು ಸ್ವತಂತ್ರವಾಗಿ ಘೋಷಿಸಿ ಅನುಮೋದಿಸಿದೆ. ಈಗ ಸಿಎಂಪಿ ಸಿದ್ಧಪಡಿಸುತ್ತಿರುವುದು ಯೋಜನೆ ರೂಪಿಸಿ ಮೂಲಸೌಕರ್ಯ ತರುವುದಕ್ಕಿಂತ, ಈಗಾಗಲೇ ನಿರ್ಧರಿಸಿದ ಯೋಜನೆಗಳಿಗೆ ಸಿಎಂಪಿಯನ್ನು ಹೊಂದಿಕೊಳ್ಳುವಂತೆ ಮಾಡುವುದಾಗಿದೆ. ಇದು ಕುದುರೆಯ ಮುಂದೆ ಬಂಡಿಯನ್ನು ಕಟ್ಟಿದಂತೆ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ನಗರ ಯೋಜಕ ಅಶ್ವಿನ್ ಮಹೇಶ್ ಅವರ ಪ್ರಕಾರ, ಬೆಂಗಳೂರಿನ ರಸ್ತೆ ಜಾಲದಲ್ಲಿ ಸಂಪರ್ಕದ ಕೊರತೆಯಿದೆ. ಪ್ರಮುಖ ರಸ್ತೆಗಳು ಏಕಾಏಕಿ ಕಿರಿದಾಗುವುದು ಅಥವಾ ಅಂತ್ಯಗೊಳ್ಳುವುದರಿಂದ ಸಂಪೂರ್ಣ ಟ್ರಾಫಿಕ್ ಒತ್ತಡ ಪ್ರಮುಖ ಅಪಧಮನಿ ರಸ್ತೆಗಳ ಮೇಲೆಯೇ ಬೀಳುತ್ತಿದೆ.

ಅಂಕಿ-ಅಂಶಗಳಲ್ಲಿ ಬೆಂಗಳೂರಿನ ವಾಹನ ದಟ್ಟಣೆ:

ಬೆಂಗಳೂರು ಜಿಲ್ಲಾ ಉಸ್ತುವಾರಿ ಸಚಿವ ಕೃಷ್ಣ ಬೈರೇಗೌಡ ನೀಡಿರುವ ಮಾಹಿತಿಯಂತೆ, ನಗರಕ್ಕೆ ಅಗತ್ಯವಿರುವ ಶೇ. 15 ರಸ್ತೆ-ನಗರ ಅನುಪಾತಕ್ಕೆ ಹೋಲಿಸಿದರೆ ಪ್ರಸ್ತುತ ಬೆಂಗಳೂರಿನಲ್ಲಿ ಕೇವಲ ಶೇ. 8 ರಷ್ಟು ಮಾತ್ರ ರಸ್ತೆ ಜಾಲವಿದೆ. ನಗರದ ಜನಸಂಖ್ಯೆ ಸುಮಾರು 1.4 ಕೋಟಿಯಷ್ಟಿದ್ದರೆ, ನೋಂದಾಯಿತ ಒಟ್ಟು ವಾಹನಗಳ ಸಂಖ್ಯೆ 1.28 ಕೋಟಿಗೆ ತಲುಪಿದೆ. ಅಂದರೆ ಸರಾಸರಿ ಪ್ರತಿ ವ್ಯಕ್ತಿಗೆ ಬಹುತೇಕ ಒಂದು ವಾಹನ ರಸ್ತೆಯಲ್ಲಿದ್ದು, ಹೊಸ ಸಿಎಂಪಿ ಜಾರಿಯಾದಾಗ ಮಾತ್ರ ನಗರದ ಚಲನಶೀಲತೆಗೆ ಸ್ಪಷ್ಟ ದಾರಿ ಸಿಗಲಿದೆ.

Lauki soup: ಏನೇ ಮಾಡಿದ್ರೂ ತೂಕ ಇಳಿತಿಲ್ವಾ? ಈ ಸೂಪ್ ಕುಡಿದ್ರೆ ಸಾಕು, ಹೊಸ ರೆಸಿಪಿ ಇಲ್ಲಿದೆ

Ravi Janekal — Thu, 22 Oct 2026 15:23:36 +0530

lauki soup for weight loss: ಆಧುನಿಕ ಕಾಲದ ಜೀವನ ಶೈಲಿ, ಆಹಾರ ಕ್ರಮದಿಂದ ಭಾರತೀಯರಿಗೆ ತೂಕ ಹೆಚ್ಚಳ ಒಂದು ದೊಡ್ಡ ಸಮಸ್ಯೆಯಾಗಿ ಪರಿಣಮಿಸಿದೆ. ತೂಕ ಇಳಿಸಲು ಮನೆಯಲ್ಲೇ ಕೆಲವೇ ನಿಮಿಷಗಳಲ್ಲಿ ತಯಾರಿಬಹುದಾದ ಸೂಪ್ ರೆಸಿಪಿ ಇಲ್ಲಿದೆ ಇಂದೇ ಪ್ರಯತ್ನಿಸಿ

ಆಧುನಿಕ ಕಾಲದ ಜೀವನ ಶೈಲಿ, ಆಹಾರ ಕ್ರಮದಿಂದ ಭಾರತೀಯರಿಗೆ ತೂಕ ಹೆಚ್ಚಳ ಒಂದು ದೊಡ್ಡ ಸಮಸ್ಯೆಯಾಗಿ ಪರಿಣಮಿಸಿದೆ. ತೂಕ ಕಡಿಮೆ ಇದ್ದಾಗ ಬೇಗನೇ ಹೆಚ್ಚಿಸಬಹುದು. ಆದರೆ ಹೆಚ್ಚಾದ ತೂಕ ಇಳಿಸಲು ತುಂಬಾ ಶ್ರಮ ಪಡಬೇಕು. ಹೀಗಾಗಿ ಶುರುವಿನಲ್ಲೇ ದೇಹದ ತೂಕ ಹೆಚ್ಚಾಗದಂತೆ ಆಹಾರ ಕ್ರಮ ನೋಡಿಕೊಳ್ಳುವುದು, ದಿನನಿತ್ಯದ ವ್ಯಾಯಮ ಮಾಡುವುದೇ ಉತ್ತಮ.

ನೀವು ಈಗಾಗಲೇ ಹೆಚ್ಚಿನ ತೂಕ ಹೊಂದಿದ್ದರೆ. ತೂಕ ಇಳಿಸಿಕೊಳ್ಳಲು ವ್ಯಾಯಾಮ ಒಂದೇ ಪರಿಹಾರವಲ್ಲ. ಆಹಾರ ಕ್ರಮದಲ್ಲಿ ಸ್ವಲ್ಪ ಬದಲಾವಣೆ ತಂದರೂ ದೇಹದ ತೂಕ ಇಳಿಯುತ್ತಿದೆ. ಇದೆ. ಸಾಮಾನ್ಯವಾಗಿ ತೂಕ ಹೆಚ್ಚಳ ಎಂದರೆ ವ್ಯಾಯಾಮ, ಜಿಮ್ ವರ್ಕೌಟ್ ಮಾಡಲು ಹೇಳುತ್ತಾರೆ. ಆದರೆ ಇದೊಂದೇ ಮಾಡುವುದರಿಂದ ದೇಹದ ತೂಕ ಇಳಿಯುವುದಿಲ್ಲ. ಹಾಗೆ ಇಳಿದರೂ ಅದು ತಾತ್ಕಾಲಿಕ ನೀವು ಶಾಶ್ವತವಾಗಿ ದೇಹದ ತೂಕದಲ್ಲಿ ಬ್ಯಾಲೆನ್ಸ್ ಕಾಪಾಡಿಕೊಳ್ಳಬೇಕೆಂದರೆ ತಿನ್ನುವ ಆಹಾರ ಕ್ರಮದಲ್ಲಿ ಬದಲಾವಣೆಯಾಗಬೇಕು.

ಕೆಲವರು 'ಚುಕ್ಕಿ'(Chukchi) ವಿಧಾನದಲ್ಲಿ ದೇಹದ ತೂಕ ಇಳಿಸಲು ಪ್ರಯತ್ನಿಸುತ್ತಾರೆ. ಇದು ದೇಹಕ್ಕೆ ಹಾನಿಯುಂಟು ಮಾಡಬಹುದು. ತೂಕ ಇಳಿಸುವ ಪ್ರಕ್ರಿಯೆಯಲ್ಲಿ ದೇಹದಲ್ಲಿ ನೀರಿನಾಂಶ(ಹೈಡ್ರೇಷನ್) ಸರಿಯಾದ ಪ್ರಮಾಣದಲ್ಲಿರುವುದು ಅವಶ್ಯಕ. ಯಾವ್ಯಾವುದೋ ಸಮಯದಲ್ಲಿ ಮನಸಿಗೆ ಬಂದಿದ್ದು, ಕಣ್ಣಿಗೆ ಕಂಡಿದ್ದೆಲ್ಲ ತಿನ್ನುವ ಬದಲು ಸಮಯಕ್ಕೆ ಸರಿಯಾಗಿ ಆಹಾರ ಸೇವಿಸುವ ಅಭ್ಯಾಸ ಬೆಳಸಿಕೊಳ್ಳಬೇಕು.

ಅದರಲ್ಲೂ ತೂಕ ಇಳಿಸುವವರು ಸೋರೆಕಾಯಿಯಿಂದ(Dudhi Bhopla) ತಯಾರಿಸಿದ ಸೂಪ್ ಕುಡಿಯಿರಿ. ಏಕೆಂದರೆ ಸೋರೆಕಾಯಿ ಆರೋಗ್ಯಕ್ಕೆ ಒಳ್ಳೆಯದು. ಅದರಲ್ಲಿನ ಪೊಟ್ಯಾಸಿಯಂ, ವಿಟಮಿನ್ ಸಿ, ಇತರೆ ಸೂಕ್ಷ್ಮ ಪೋಷಕಾಂಶಗಳು ಹೇರವವಾಗಿವೆ.

ದಿನನಿತ್ಯ ಊಟದಲ್ಲಿ ಈ ತರಕಾರಿಗಳಿರಲಿ

ಬೆಳಗ್ಗೆ ಚಿತ್ರಾನ್ನ, ಮಧ್ಯಾಹ್ನ ಅನ್ನ, ರಾತ್ರಿ ಅನ್ನ.. ಈ ರೀತಿ ಆಹಾರ ಕ್ರಮದಿಂದ ದೇಹದ ತೂಕ ಹೆಚ್ಚುತ್ತಲೇ ಹೋಗುತ್ತದೆ ಹೊರತು ಕಡಿಮೆಯಾಗುವುದಿಲ್ಲ. ಹೀಗಾಗಿ ಮೂರು ಹೊತ್ತು ಅನ್ನ ತಿನ್ನುವ ಬದಲು ಸ್ವಲ್ಪ ಬದಲಾವಣೆ ಮಾಡಿಕೊಳ್ಳಬೇಕು. ನಿಮ್ಮ ದಿನನಿತ್ಯದ ಊಟದಲ್ಲಿ ಯಾವಾಗಲೂ ವಿವಿಧ ತರಕಾರಿ, ಸೊಪ್ಪು ಇರುವಂತೆ ನೋಡಿಕೊಳ್ಳಿ. ಇದು ಅನಗತ್ಯ ಕೊಬ್ಬು ಸೇರುವುದು ಕಡಿಮೆ ಮಾಡುತ್ತದೆ. ಕೊಬ್ಬನ್ನು ತಡೆದು ಸ್ಲಿಮ್ ಆಗಿ ಕಾಣುವಂತೆ ಮಾಡುತ್ತದೆ. ಸೋರೆಕಾಯಿ ಸೂಪ್ ತಯಾರಿಸಲು ಹೆಚ್ಚು ಸಮಯನೂ ಬೇಕಿಲ್ಲ.

ಸೋರೇಕಾಯಿ
ತುಪ್ಪ
ಬೆಳ್ಳುಳ್ಳಿ
ಧನಿಯಾ-ಜೀರಿಗೆ ಪುಡಿ
ಕೊತ್ತಂಬರಿ ಸೊಪ್ಪು
ಕರಿಮೆಣಸಿನ ಪುಡಿ

ಮೊದಲಿಗೆ ಸೋರೆಕಾಯಿ ಚೆನ್ನಾಗಿ ತೊಳೆಯಿರಿ. ಬಳಿಕ ಅದರ ಮೇಲಿನ ಸಿಪ್ಪೆ ತೆಗೆಯಿರಿ. ಸಣ್ಣ ಸಣ್ಣ ತುಂಡುಗಳನ್ನಾಗಿ ಕತ್ತರಿಸಿಕೊಳ್ಳಿ,
ಕತ್ತರಿಸಿದ ಸೋರೆಕಾಯಿ ತುಂಡುಗಳನ್ನು ಕುಕ್ಕರ್‌ಗೆ ಹಾಕಿ, ಅಗತ್ಯವಿರುವಷ್ಟು ನೀರು ಹಾಕಿ. ಚೆನ್ನಾಗಿ ಬೇಯಿಸಿಕೊಳ್ಳಿ.
ಸೋರೇಕಾಯಿ ಮೃದುವಾಗಿ ಬೆಂದ ನಂತರ ಅದನ್ನು ಮಿಕ್ಸರ್‌ಗೆ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ.
ಈಗ ಒಂದು ಪಾತ್ರೆಯಲ್ಲಿ ತುಪ್ಪ ಹಾಕಿ ಬಿಸಿ ಮಾಡಿಕೊಳ್ಳಿ. ಅದಕ್ಕೆ ಸಣ್ಣಗೆ ಹೆಚ್ಚಿದ ಬೆಳ್ಳುಳ್ಳಿ ಹಾಕಿ ಹೊಂಬಣ್ಣ ಬರುವವರೆಗೆ ಹುರಿಯಿರಿ. ನಂತರ ರುಬ್ಬಿದ ಸೋರೇಕಾಯಿ ಮಿಶ್ರಣ ಅದರಲ್ಲಿ ಹಾಕಿ, ಅಗತ್ಯವಿರುವಷ್ಟು ನೀರು ಸೇರಿಸಿ ಕಲಸಿ.
ಈಗ ಸೂಪ್ ಕುದಿಯಲು ಆರಂಭಿಸುತ್ತಿದ್ದಂತೆ ಧನಿಯಾ-ಜೀರಿಗೆ ಪುಡಿ, ಕರಿಮೆಣಸಿನ ಪುಡಿ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪನ್ನು ಸೇರಿಸಿ.
ನಂತರ ಕಡಿಮೆ ಉರಿಯಲ್ಲಿ 2–3 ನಿಮಿಷ ಕುದಿಸಿ, ಗ್ಯಾಸ್ ಆಫ್ ಮಾಡಿ.
ರುಚಿಕರವಾದ ಸೋರೇಕಾಯಿ ಸೂಪ್ ರೆಡಿ!
ಕಡಿಮೆ ಕ್ಯಾಲೊರಿ ಹೊಂದಿರುವ ಈ ಸೂಪ್, ತೂಕ ಇಳಿಕೆ ಬೆಸ್ಟ್ ಆಯ್ಕೆಯಾಗಿದೆ.

ಅರಿಶಿನ, ಮೆಣಸಿನ ಪುಡಿಯಿಂದಲೇ 1,892 ಚದರ ಅಡಿ ಚಿತ್ರ! ಗಿನ್ನೆಸ್‌ ದಾಖಲೆ ಬರೆದ ಕನ್ನಡಿಗ ಟೆಕ್ಕಿ

Sushma Hegde — Thu, 22 Oct 2026 15:09:24 +0530

ಸಾಮಾನ್ಯವಾಗಿ ಅಡುಗೆ ಮನೆಯಲ್ಲಿ ಬಳಸುವ ಅರಿಶಿನ ಮತ್ತು ಮೆಣಸಿನ ಪುಡಿ ಅಡುಗೆಗೆ ಬಣ್ಣ, ರುಚಿ ನೀಡುತ್ತವೆ. ಆದರೆ ಇದೇ ಸಾಮಗ್ರಿಗಳನ್ನು ಬಳಸಿ ಒಬ್ಬ ಕಲಾವಿದ ಬರೋಬ್ಬರಿ 1,892.5 ಚದರ ಅಡಿ ವಿಸ್ತೀರ್ಣದ ಚಿತ್ರ ಬಿಡಿಸಿದ್ದಾರೆ ಎಂದರೆ ನಂಬುತ್ತೀರಾ? ಕರ್ನಾಟಕದ ಧಾರವಾಡದ ಕಲಾವಿದ ಅಮರ್‌ ಕಾಳೆ ತಮ್ಮ ವಿಭಿನ್ನ ಪ್ರಯತ್ನದ ಮೂಲಕ ಗಿನ್ನೆಸ್‌ ವಿಶ್ವ ದಾಖಲೆ ಪುಸ್ತಕದಲ್ಲಿ ಸ್ಥಾನ ಪಡೆದಿದ್ದಾರೆ.

ಅರಿಶಿನ, ಮೆಣಸಿನ ಪುಡಿಯಿಂದ ಮೂಡಿಬಂದ ಕರ್ನಾಟಕದ ಚಿತ್ರ!

2026ರ ಜನವರಿಯಲ್ಲಿ ಧಾರವಾಡದಲ್ಲಿ ಅಮರ್‌ ಕಾಳೆ ಈ ವಿಶೇಷ ಚಿತ್ರವನ್ನು ರಚಿಸಿದ್ದಾರೆ. ಸುಮಾರು 175.82 ಚದರ ಮೀಟರ್‌ ಅಂದರೆ 1,892.5 ಚದರ ಅಡಿ ವಿಸ್ತೀರ್ಣದ ಈ ಕಲಾಕೃತಿಯನ್ನು ತಯಾರಿಸಲು ಅವರು ಸುಮಾರು 6 ಕೆ.ಜಿ. ಅರಿಶಿನ ಪುಡಿ ಮತ್ತು 5 ಕೆ.ಜಿ. ಮೆಣಸಿನ ಪುಡಿಯನ್ನು ಬಳಸಿದ್ದಾರೆ. ಸಾಮಾನ್ಯ ಬಣ್ಣಗಳ ಬದಲಿಗೆ ಅಡುಗೆಗೆ ಬಳಸುವ ಮಸಾಲೆ ಪದಾರ್ಥಗಳನ್ನೇ ಆಯ್ಕೆ ಮಾಡಿಕೊಂಡಿದ್ದು ಈ ಕಲಾಕೃತಿಯ ವಿಶೇಷತೆ. ಅರಿಶಿನದ ಹಳದಿ ಮತ್ತು ಮೆಣಸಿನ ಪುಡಿಯ ಕೆಂಪು ಬಣ್ಣಗಳನ್ನು ಬಳಸಿ ಅವರು ಕರ್ನಾಟಕದ ಭೂಪಟವನ್ನು ಚಿತ್ರಿಸಿದ್ದಾರೆ. ಅದರ ಮಧ್ಯಭಾಗದಲ್ಲಿ ರಾಜ್ಯದ ಐತಿಹಾಸಿಕ ಪರಂಪರೆಯನ್ನು ಸಾರುವ ಹಂಪಿಯ ಕಲ್ಲಿನ ರಥಕ್ಕೆ ಪ್ರಮುಖ ಸ್ಥಾನ ನೀಡಿದ್ದಾರೆ. ಈ ಮೂಲಕ ಮಸಾಲೆ ಪದಾರ್ಥಗಳಿಂದ ರಚಿಸಿದ ಅತಿದೊಡ್ಡ ಚಿತ್ರ ಎಂಬ ಗಿನ್ನೆಸ್‌ ವಿಶ್ವ ದಾಖಲೆಯನ್ನು ಅಮರ್‌ ಕಾಳೆ ತಮ್ಮದಾಗಿಸಿಕೊಂಡಿದ್ದಾರೆ. ಈ ಸಾಧನೆ 2026ರ ಜನವರಿ 27ರಂದು ಧಾರವಾಡದಲ್ಲಿ ದಾಖಲಾಗಿದೆ.

ಕರ್ನಾಟಕದ ಕಲೆ, ಸಂಸ್ಕೃತಿ ಮತ್ತು ಪರಂಪರೆಯನ್ನು ಜಗತ್ತಿಗೆ ತೋರಿಸುವ ಪ್ರಯತ್ನ

ಅಮರ್‌ ಕಾಳೆ ಈ ಚಿತ್ರವನ್ನು ಕೇವಲ ದಾಖಲೆಯ ಉದ್ದೇಶದಿಂದ ರಚಿಸಿಲ್ಲ. ಕರ್ನಾಟಕದ ಶ್ರೀಮಂತ ಸಂಸ್ಕೃತಿ, ಇತಿಹಾಸ ಮತ್ತು ವಾಸ್ತುಶಿಲ್ಪವನ್ನು ಜಗತ್ತಿಗೆ ಪರಿಚಯಿಸುವ ಉದ್ದೇಶವೂ ಇದರ ಹಿಂದಿದೆ. ವಿಶ್ವವಿಖ್ಯಾತ ಹಂಪಿಯ ಕಲ್ಲಿನ ರಥವು ವಿಜಯನಗರ ಸಾಮ್ರಾಜ್ಯದ ವಾಸ್ತುಶಿಲ್ಪದ ಪ್ರಮುಖ ಸಂಕೇತಗಳಲ್ಲಿ ಒಂದಾಗಿದೆ. ಯುನೆಸ್ಕೋ ವಿಶ್ವ ಪರಂಪರೆಯ ತಾಣವಾಗಿರುವ ಹಂಪಿಯ ಈ ಸ್ಮಾರಕವನ್ನು ಕರ್ನಾಟಕದ ಭೂಪಟದ ಮಧ್ಯದಲ್ಲಿ ಚಿತ್ರಿಸುವ ಮೂಲಕ ರಾಜ್ಯದ ಭೌಗೋಳಿಕ ಗುರುತು ಮತ್ತು ಸಾಂಸ್ಕೃತಿಕ ಪರಂಪರೆಯನ್ನು ಒಂದೇ ಕಲಾಕೃತಿಯಲ್ಲಿ ಬೆಸೆದಿದ್ದಾರೆ.

“ಕರ್ನಾಟಕದ ಶ್ರೀಮಂತ ಸಂಸ್ಕೃತಿ, ಪರಂಪರೆ, ಕಲೆ ಮತ್ತು ವಾಸ್ತುಶಿಲ್ಪವನ್ನು ಜಗತ್ತಿಗೆ ಪರಿಚಯಿಸಲು ಈ ಕಲಾಕೃತಿ ನನ್ನ ಸಣ್ಣ ಕೊಡುಗೆ” ಎಂದು ಅಮರ್‌ ಕಾಳೆ ಗಿನ್ನೆಸ್‌ ವಿಶ್ವ ದಾಖಲೆ ಸಂಸ್ಥೆಗೆ ತಿಳಿಸಿದ್ದಾರೆ. ಈ ಬೃಹತ್‌ ಚಿತ್ರವನ್ನು ಪೂರ್ಣಗೊಳಿಸಲು ಅವರಿಗೆ ಸುಮಾರು 10 ಗಂಟೆಗಳು ಬೇಕಾಗಿವೆ. ಚಿತ್ರ ರಚನೆಯ ಬಳಿಕ ಉಳಿದ ಹೆಚ್ಚುವರಿ ಮಸಾಲೆ ಪುಡಿಯನ್ನು ವ್ಯರ್ಥ ಮಾಡದೆ ದಾನ ಮಾಡಿರುವುದು ಕೂಡ ಅವರ ಪರಿಸರ ಕಾಳಜಿಯನ್ನು ತೋರಿಸುತ್ತದೆ.

ತಂದೆಯಿಂದ ಪ್ರೇರಣೆ; ಬಾಲ್ಯದ ಹವ್ಯಾಸವೇ ವೃತ್ತಿಯಾಯಿತು

ಅಮರ್‌ ಕಾಳೆ ಅವರ ಕಲಾ ಪಯಣದ ಹಿಂದೆ ಬಾಲ್ಯದ ಆಸಕ್ತಿ ಮತ್ತು ತಂದೆಯ ಪ್ರೇರಣೆ ಇದೆ. ಅವರ ತಂದೆಯೂ ಕಲಾವಿದರಾಗಿದ್ದು, ಬಾಲ್ಯದಿಂದಲೇ ಚಿತ್ರಕಲೆಯ ವಾತಾವರಣದಲ್ಲಿ ಬೆಳೆದ ಅಮರ್‌ ಅವರಿಗೆ ಸಹಜವಾಗಿಯೇ ಕಲೆಯ ಬಗ್ಗೆ ಆಸಕ್ತಿ ಮೂಡಿತ್ತು. ಬಣ್ಣಗಳು, ಕುಂಚಗಳು ಮತ್ತು ವಿಭಿನ್ನ ಚಿತ್ರಕಲಾ ತಂತ್ರಗಳನ್ನು ಪ್ರಯೋಗಿಸುತ್ತಾ ತಮ್ಮ ಕೌಶಲವನ್ನು ಬೆಳೆಸಿಕೊಂಡರು. ಆರಂಭದಲ್ಲಿ ಹವ್ಯಾಸವಾಗಿದ್ದ ಚಿತ್ರಕಲೆ ಕ್ರಮೇಣ ಜನರ ಗಮನ ಸೆಳೆಯಿತು. ಚಿತ್ರ ಬಿಡಿಸಿಕೊಡುವಂತೆ ಬೇಡಿಕೆಗಳೂ ಬರತೊಡಗಿದವು.

ಆದರೆ ಅಮರ್‌ ಮೆಕ್ಯಾನಿಕಲ್‌ ಎಂಜಿನಿಯರಿಂಗ್‌ನಲ್ಲಿ ಡಿಪ್ಲೊಮಾ ಪೂರ್ಣಗೊಳಿಸಿ ಉದ್ಯೋಗವನ್ನೂ ಪಡೆದಿದ್ದರು. ಎಲ್ಲರಂತೆ ಉದ್ಯೋಗ ಜೀವನ ಮುಂದುವರಿಸುವ ಅವಕಾಶವಿದ್ದರೂ, 2018ರಲ್ಲಿ ಅವರು ಮಹತ್ವದ ನಿರ್ಧಾರ ಕೈಗೊಂಡರು. ಎಂಜಿನಿಯರಿಂಗ್‌ ಉದ್ಯೋಗವನ್ನು ತೊರೆದು ಪೂರ್ಣಾವಧಿ ಕಲಾವಿದರಾಗಲು ಮುಂದಾದರು. ಗಿನ್ನೆಸ್‌ ವಿಶ್ವ ದಾಖಲೆ ಸಂಸ್ಥೆಯ ಮಾಹಿತಿಯ ಪ್ರಕಾರ, ಅವರು ಸುಮಾರು ಎಂಟು ವರ್ಷಗಳಿಂದ ವೃತ್ತಿಪರವಾಗಿ ಕಲಾ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿದ್ದಾರೆ. ಯಾವುದೇ ಔಪಚಾರಿಕ ಕಲಾ ತರಬೇತಿಯಿಲ್ಲದೆ ಸ್ವಯಂ ಕಲಿತ ಕಲಾವಿದರಾಗಿರುವ ಅವರು, ಆಯಿಲ್‌ ಮತ್ತು ಅಕ್ರಿಲಿಕ್‌ ಬಣ್ಣಗಳಲ್ಲಿಯೂ ಕೆಲಸ ಮಾಡುತ್ತಾರೆ.

ಒಂದಲ್ಲ, ಮೂರು ಬಾರಿ ಗಿನ್ನೆಸ್‌ ವಿಶ್ವ ದಾಖಲೆ!

ಅರಿಶಿನ ಮತ್ತು ಮೆಣಸಿನ ಪುಡಿಯಿಂದ ಬೃಹತ್‌ ಚಿತ್ರ ಬಿಡಿಸಿರುವುದು ಅಮರ್‌ ಕಾಳೆ ಅವರ ಮೊದಲ ದಾಖಲೆ ಸಾಧನೆಯಲ್ಲ. ಅವರು ಈಗಾಗಲೇ ವಿಭಿನ್ನ ಕಲಾ ಪ್ರಯೋಗಗಳ ಮೂಲಕ ಗಿನ್ನೆಸ್‌ ವಿಶ್ವ ದಾಖಲೆಗಳಲ್ಲಿ ಹೆಸರು ದಾಖಲಿಸಿದ್ದಾರೆ.

2021: ಒಂದು ನಿಮಿಷದಲ್ಲಿ 98 ಕೈಮುದ್ರೆಗಳನ್ನು ಚಿತ್ರಿಸುವ ಮೂಲಕ ದಾಖಲೆ ನಿರ್ಮಿಸಿದ್ದರು. ಈ ದಾಖಲೆಯನ್ನು ಬಳಿಕ ಮತ್ತೊಬ್ಬರು ಮೀರಿಸಿದ್ದಾರೆ.

ಫೆಬ್ರವರಿ 2026: ಬಾಯಿಯಿಂದ ಚಿತ್ರ ಬಿಡಿಸುವ ಮೂಲಕ 112.36 ಚದರ ಮೀಟರ್‌ (1,209.43 ಚದರ ಅಡಿ) ವಿಸ್ತೀರ್ಣದ ಬೃಹತ್‌ ಕಲಾಕೃತಿ ರಚಿಸಿದರು. ಆಪರೇಷನ್‌ ಸಿಂದೂರ್‌ನಿಂದ ಪ್ರೇರಿತವಾದ ಈ ಚಿತ್ರದಲ್ಲಿ ಭಾರತೀಯ ಸೈನಿಕನನ್ನು ಚಿತ್ರಿಸಿದ್ದರು.

ಜನವರಿ 2026: ಅರಿಶಿನ ಮತ್ತು ಮೆಣಸಿನ ಪುಡಿಯನ್ನು ಬಳಸಿ 1,892.5 ಚದರ ಅಡಿ ವಿಸ್ತೀರ್ಣದ ಚಿತ್ರ ರಚಿಸಿ, ಅತಿದೊಡ್ಡ ಮಸಾಲೆ ಚಿತ್ರ ಎಂಬ ದಾಖಲೆ ನಿರ್ಮಿಸಿದರು.

2018ರಲ್ಲಿ ಉದ್ಯೋಗ ತೊರೆದಾಗ ಗಿನ್ನೆಸ್‌ ದಾಖಲೆ ನಿರ್ಮಿಸುವುದೇ ತಮ್ಮ ಗುರಿಯಾಗಿರಲಿಲ್ಲ. ಬಾಲ್ಯದಿಂದ ಪ್ರೀತಿಸಿದ ಕಲೆಯಲ್ಲೇ ಮುಂದುವರಿಯಬೇಕು ಎಂಬ ಆಸೆ ಮಾತ್ರ ಅವರಲ್ಲಿತ್ತು. ಇಂದು ಅದೇ ನಿರ್ಧಾರ ಅವರನ್ನು ಜಾಗತಿಕ ಮಟ್ಟದಲ್ಲಿ ಗುರುತಿಸಿಕೊಳ್ಳುವಂತೆ ಮಾಡಿದೆ. ಮುಂದೆಯೂ ವಿಭಿನ್ನ ಪ್ರಯೋಗಗಳ ಮೂಲಕ ಹೊಸ ಕಲಾಕೃತಿಗಳನ್ನು ರಚಿಸಿ ದಾಖಲೆ ನಿರ್ಮಿಸುವ ಆಸೆ ಅಮರ್‌ ಕಾಳೆ ಅವರಿಗಿದೆ. ದೊಡ್ಡ ಸಾಧನೆ ಮಾಡಲು ದುಬಾರಿ ಉಪಕರಣಗಳೇ ಬೇಕೆಂದಿಲ್ಲ; ವಿಭಿನ್ನ ಆಲೋಚನೆ, ಸೃಜನಶೀಲತೆ ಮತ್ತು ಅದನ್ನು ಕಾರ್ಯರೂಪಕ್ಕೆ ತರುವ ಧೈರ್ಯವಿದ್ದರೆ ಸಾಕು ಎಂಬುದನ್ನು ಕರ್ನಾಟಕದ ಈ ಕಲಾವಿದ ಸಾಬೀತುಪಡಿಸಿದ್ದಾರೆ.

ರಮೇಶ್–ಸುರೇಶ್ ಜೋಡಿಯಿಂದ ಮನೆಮಾತಾದ ಕ್ಯಾಡ್ಬರಿ 5 ಸ್ಟಾರ್! ಈ ಯಶಸ್ಸಿನ ಹಿಂದಿದೆ ಮಜವಾದ ಕಥೆ

Chandrashekar GS — Thu, 22 Oct 2026 14:59:26 +0530

ಕ್ಯಾಡ್ಬರಿ 5 ಸ್ಟಾರ್‌ನ ಯಶಸ್ಸಿನ ಪಯಣ

1969ರಲ್ಲಿ ಆರಂಭವಾದ ಚಾಕೊಲೇಟ್‌ನ ಕಥೆ

ಕ್ಯಾಡ್ಬರಿ 5 ಸ್ಟಾರ್ ಅನ್ನು 1969ರಲ್ಲಿ ಮಾರುಕಟ್ಟೆಗೆ ಪರಿಚಯಿಸಲಾಯಿತು. ಚಾಕೊಲೇಟ್, ಕ್ಯಾರಮೆಲ್ ಮತ್ತು ನೌಗಟ್‌ನ ಸಂಯೋಜನೆಯಿಂದ ಈ ಉತ್ಪನ್ನ ತನ್ನದೇ ಆದ ರುಚಿಯನ್ನು ಹೊಂದಿತ್ತು. ಆದರೆ ಮಾರುಕಟ್ಟೆಯಲ್ಲಿ ಜನಪ್ರಿಯವಾಗಲು ಉತ್ತಮ ಉತ್ಪನ್ನವೊಂದೇ ಸಾಕಾಗುವುದಿಲ್ಲ; ಅದನ್ನು ಗ್ರಾಹಕರಿಗೆ ಪರಿಚಯಿಸುವ ವಿಧಾನವೂ ಮುಖ್ಯ. ಈ ವಿಚಾರವನ್ನು ಗಮನದಲ್ಲಿಟ್ಟುಕೊಂಡು ಬ್ರ್ಯಾಂಡ್ ತನ್ನ ಜಾಹೀರಾತುಗಳಲ್ಲಿ ವಿಭಿನ್ನ ಪ್ರಯೋಗಗಳನ್ನು ಮಾಡಿತು.

ರಮೇಶ್–ಸುರೇಶ್ ಜೋಡಿ ಹೇಗೆ ಜನಪ್ರಿಯವಾಯಿತು?

2005–06ರ ಅವಧಿಯಲ್ಲಿ ಕ್ಯಾಡ್ಬರಿ 5 ಸ್ಟಾರ್‌ಗಾಗಿ ಜಾಹೀರಾತು ಅಭಿಯಾನವನ್ನು ರೂಪಿಸಲಾಯಿತು. ಜಾಹೀರಾತು ಸಂಸ್ಥೆ ಒಗಿಲ್ವಿ (Ogilvy) ಈ ಅಭಿಯಾನದಲ್ಲಿ ಪ್ರಮುಖ ಪಾತ್ರ ವಹಿಸಿತು. ರಮೇಶ್ ಮತ್ತು ಸುರೇಶ್ ಪಾತ್ರಗಳ ಮೂಲಕ ಚಾಕೊಲೇಟ್ ತಿಂದಾಗ ಸುತ್ತಲಿನ ಜಗತ್ತನ್ನೇ ಮರೆತು ತಮ್ಮದೇ ಲೋಕದಲ್ಲಿ ಮುಳುಗುವ ಕಲ್ಪನೆಯನ್ನು ಹಾಸ್ಯಮಯವಾಗಿ ತೋರಿಸಲಾಯಿತು.

‘ಜೋ ಖಾಯೇ, ಖೋ ಜಾಯೇ’ ಎಂಬ ಟ್ಯಾಗ್‌ಲೈನ್ ಈ ಅಭಿಯಾನದ ಪ್ರಮುಖ ಆಕರ್ಷಣೆಯಾಯಿತು. ಸಾಮಾನ್ಯ ಜಾಹೀರಾತುಗಳಂತೆ ಉತ್ಪನ್ನದ ಗುಣಗಳನ್ನು ವಿವರಿಸುವ ಬದಲು, ಒಂದು ಮನರಂಜನಾತ್ಮಕ ಅನುಭವವನ್ನು ಪ್ರೇಕ್ಷಕರಿಗೆ ನೀಡಲಾಯಿತು. ವಿಚಿತ್ರ ಸನ್ನಿವೇಶಗಳಲ್ಲಿ ಸಿಲುಕುವ ಈ ಜೋಡಿಯ ಮುಗ್ಧ ವರ್ತನೆ ಪ್ರೇಕ್ಷಕರನ್ನು ನಗಿಸಿತು. ಕ್ರಮೇಣ ರಮೇಶ್–ಸುರೇಶ್ ಪಾತ್ರಗಳು ಚಾಕೊಲೇಟ್‌ನ ಗುರುತಿನ ಭಾಗವಾದವು.

ಜಾಹೀರಾತಿನ ಯಶಸ್ಸಿನ ಹಿಂದಿನ ತಂತ್ರವೇನು?

ಈ ಅಭಿಯಾನದ ಪ್ರಮುಖ ಶಕ್ತಿ ಅದರ ಸರಳತೆ ಮತ್ತು ನಿರಂತರತೆಯಾಗಿತ್ತು. ಪ್ರತಿ ಜಾಹೀರಾತಿನಲ್ಲೂ ಹೊಸ ಸನ್ನಿವೇಶಗಳಿದ್ದರೂ, ಚಾಕೊಲೇಟ್ ತಿಂದಾಗ ಎಲ್ಲವನ್ನೂ ಮರೆತುಹೋಗುವ ಮೂಲ ಕಲ್ಪನೆಯನ್ನು ಉಳಿಸಿಕೊಳ್ಳಲಾಯಿತು. ಇದರಿಂದ ಗ್ರಾಹಕರು ಜಾಹೀರಾತನ್ನು ಸುಲಭವಾಗಿ ಗುರುತಿಸುವಂತಾಯಿತು.

ನಂತರ ‘ಈಟ್ 5 ಸ್ಟಾರ್, ಡು ನಥಿಂಗ್’ (Eat 5 Star, Do Nothing) ಸೇರಿದಂತೆ ಹೊಸ ಅಭಿಯಾನಗಳ ಮೂಲಕ ಬ್ರ್ಯಾಂಡ್ ತನ್ನ ವಿಶಿಷ್ಟ ಹಾಸ್ಯಶೈಲಿಯನ್ನು ಮುಂದುವರಿಸಿತು. ದೂರದರ್ಶನದ ಜಾಹೀರಾತುಗಳ ಜೊತೆಗೆ ಡಿಜಿಟಲ್ ವೇದಿಕೆಗಳಲ್ಲಿಯೂ ಈ ಕಲ್ಪನೆಯನ್ನು ವಿಸ್ತರಿಸಲಾಯಿತು.

ಬ್ರ್ಯಾಂಡ್‌ಗಳಿಗೆ ಸಿಗುವ ಪಾಠ

ಕ್ಯಾಡ್ಬರಿ 5 ಸ್ಟಾರ್‌ನ ಕಥೆ, ಗ್ರಾಹಕರ ಮನಸ್ಸಿನಲ್ಲಿ ಉಳಿಯಲು ಕೇವಲ ಉತ್ಪನ್ನದ ಗುಣಮಟ್ಟವಷ್ಟೇ ಅಲ್ಲ, ಅದರ ಸುತ್ತ ರೂಪಿಸುವ ಕಥೆ ಮತ್ತು ಭಾವನಾತ್ಮಕ ಸಂಪರ್ಕವೂ ಮುಖ್ಯ ಎಂಬುದನ್ನು ತೋರಿಸುತ್ತದೆ. ರಮೇಶ್–ಸುರೇಶ್ ಜೋಡಿ ಹಾಸ್ಯದ ಮೂಲಕ ಬ್ರ್ಯಾಂಡ್‌ಗೆ ವಿಶಿಷ್ಟ ಗುರುತು ನೀಡಿತು. ಅದಕ್ಕಾಗಿಯೇ ವರ್ಷಗಳು ಕಳೆದರೂ ಈ ಪಾತ್ರಗಳು ಮತ್ತು ಅವುಗಳ ಜಾಹೀರಾತುಗಳು ಜನರ ನೆನಪಿನಲ್ಲಿ ಉಳಿದಿವೆ.

ಬೆಂಗಳೂರಲ್ಲಿ ಮಧ್ಯರಾತ್ರಿ ಪಟಾಕಿ ಸದ್ದು: ಸುಳ್ಳು ಹೇಳಿದ್ರಾ ಮೋಹಕತಾರೆ ರಮ್ಯಾ? ಅಷ್ಟಕ್ಕೂ ಫನ್ ವರ್ಲ್ಡ್ ಹೇಳಿದ್ದೇನು?

Naveen Kodase — Thu, 22 Oct 2026 14:54:25 +0530

ಬೆಂಗಳೂರು: ಇತ್ತೀಚಿಗಿನ ದಿನಗಳಲ್ಲಿ ನಗರದಲ್ಲಿ ತಡರಾತ್ರಿ ಮೋಜಿಗಾಗಿ ಪಟಾಕಿ ಸಿಡಿಸುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಇಂತಹವರ ವಿರುದ್ದ ಕ್ರಮ ತೆಗೆದುಕೊಳ್ಳಬೇಕು ಎಂದು ಮೋಹಕತಾರೆ ರಮ್ಯಾ ಟ್ವೀಟ್ ಮಾಡಿ ತಮ್ಮ ಆಕ್ರೋಶ ಹೊರಹಾಕಿದ್ದಾರೆ. ರಾತ್ರಿ ಸುಮಾರು ಮೂರು ಗಂಟೆಯಾದ್ರೂ 'ಫನ್‌ ವರ್ಲ್ಡ್‌'ನಲ್ಲಿ ಪಟಾಕಿ ಸಿಡಿಸಿ ಸಂಭ್ರಮಿಸುವವರ ವಿರುದ್ದ ರಮ್ಯಾ ಕಿಡಿ ಕಾಡಿದ್ದರು. ಇದಕ್ಕೀಗ ಫನ್‌ ವರ್ಲ್ಡ್‌ ಮ್ಯಾನೇಜ್‌ಮೆಂಟ್ ಸ್ಪಷ್ಟನೆ ನೀಡಿದೆ.

ಕಿಡಿ ಹಚ್ಚಿದ ರಮ್ಯಾ ಟ್ವೀಟ್

ರಾತ್ರಿ 10 ಗಂಟೆಯಿಂದ ಬೆಳಗ್ಗೆ ಆರು ಗಂಟೆಯವರೆಗೆ ಪಟಾಕಿ ಸಿಡಿಸುವುದನ್ನು ಸುಪ್ರೀಂ ಕೋರ್ಟ್ ನಿಷೇಧಿಸಿದೆ. ವಿಶೇಷ ಅನುಮತಿಯಿದ್ದರೂ ಸಹ ಮಧ್ಯರಾತ್ರಿಯ ನಂತರ ಲೌಡ್‌ ಸ್ಪೀಕರ್ ಬಳಸುವಂತಿಲ್ಲ. ವಿಶೇಷ ಸಂದರ್ಭಗಳಲ್ಲಿ ಹೊಂದಾಣಿಕೆ ಮಾಡಿಕೊಳ್ಳಬಹುದು ಎನ್ನುವುದು ನನಗೂ ಅರ್ಥವಾಗುತ್ತದೆ. ಆದರೆ ಎಲ್ಲಾ ಸಂದರ್ಭಗಳಲ್ಲಿಯೂ ಅಡ್ಜೆಸ್ಟ್‌ ಮಾಡಿಕೊಳ್ಳಲು ಖಂಡಿತವಾಗಿಯೂ ಆಗುವುದಿಲ್ಲ. ಇಲ್ಲೇ ಹತ್ತಿರದಲ್ಲೇ ಆಸ್ಪತ್ರೆಗಳಿವೆ, ಸುತ್ತಮುತ್ತ ಹಿರಿಯ ನಾಗರಿಕರು ಮತ್ತು ಮಕ್ಕಳು ವಾಸಿಸುತ್ತಿದ್ದಾರೆ. ಹೀಗೆ ಮಧ್ಯರಾತ್ರಿ ಪಟಾಕಿ ಸಿಡಿಸೋದು, ಜೋರಾಗಿ ಸಾಂಗ್ಸ್ ಹಾಕೋದು ಎಷ್ಟು ಸರಿ? ಈ ಬಗ್ಗೆ ಸೂಕ್ತ ಕ್ರಮ ತೆಗೆದುಕೊಳ್ಳಿ ಎಂದು ರಮ್ಯಾ ಬೆಂಗಳೂರು ಪೊಲೀಸರಿಗೆ ಮನವಿ ಮಾಡಿಕೊಂಡಿದ್ದರು.

It's almost 3am, and Fun World is still bursting crackers and blasting music. The Supreme Court has prohibited bursting crackers between 10pm and 6am, and loudspeakers can't run past midnight even with special permission. I understand occasions call for some flexibility, but not at this hour. There are hospitals nearby and senior citizens and children living all around.

@BlrCityPolice @DCPNorthBCP

— Ramya/Divya Spandana (@divyaspandana) October 21, 2026

ಫನ್‌ ವರ್ಲ್ಡ್‌ ಕಡೆಯಿಂದ ಸ್ಪಷ್ಟನೆ:

ಇದೀಗ ರಮ್ಯಾ ಸಾಮಾಜಿಕ ಜಾಲತಾಣದ ಪೋಸ್ಟ್‌ಗೆ ಫನ್ ವರ್ಲ್ಡ್‌ ಮ್ಯಾನೇಜ್‌ಮೆಂಟ್ ಪ್ರತಿಕ್ರಿಯಿಸಿದ್ದು, ರಮ್ಯಾ ಅವರು ಹೇಳಿದ ಸಮಯದಲ್ಲಿ ಫನ್ ವರ್ಲ್ಡ್‌ ಓಪನ್ ಇರುವುದಿಲ್ಲ ಎಂದಿದ್ದಾರೆ. ಫನ್ ವರ್ಲ್ಡ್‌ನಲ್ಲಿ ಬೆಳಗ್ಗೆ 10 ಗಂಟೆಯಿಂದ ಸಂಜೆ 7ರಷ್ಟರಲ್ಲಿ ಎಲ್ಲಾ ಆ್ಯಕ್ಟಿವಿಟೀಸ್ ಮುಗಿಯುತ್ತೆ. ನಮ್ಮಲ್ಲಿ ಯಾವುದೇ ಪಟಾಕಿಗಳನ್ನು ಫನ್ ವರ್ಲ್ಡ್‌ ಒಳಗೆ ತೆಗೆದುಕೊಂಡು ಹೋಗಲು ಅವಕಾಶವಿಲ್ಲ. ಒಳಗೆ ಬರುವವರ ಬ್ಯಾಗ್ ಸಂಪೂರ್ಣವಾಗಿ ಚೆಕ್ ಮಾಡಿ ಕಳಿಸಲಾಗುತ್ತೆ. ಪಕ್ಕದಲ್ಲೇ ಪೊಲೀಸ್ ಠಾಣೆಯಿದ್ದು, ಅವರು ನಮ್ಮನ್ನು ಗಮನಿಸುತ್ತಾರೆ. ಬೇಕಾದ್ರೆ ಬಂದು ನಮ್ಮ ಕ್ಯಾಮೆರಾಗಳನ್ನು ಪರಿಶೀಲನೆ ಮಾಡಬಹುದು ಎಂದಿದ್ದಾರೆ.

ರಮ್ಯಾ ಅವರು ತಪ್ಪು ಮಾಹಿತಿಯಿಂದ ಹೀಗೆ ಹಾಕಿರಬಹುದು. ನಮ್ಮ ಎದುರು ಭಾಗದಲ್ಲಿ ಪ್ರತಿ ವರ್ಷ ದಸರಾ ಹಬ್ಬ ಆಚರಣೆ ಮಾಡುತ್ತಾರೆ. ಬಹುಶಃ ಅವರು ಏನಾದ್ರೂ ಪಟಾಕಿ ಹೊಡೆದಿರಬಹುದು. ಅದನ್ನು ಇವರು ತಪ್ಪಾಗಿ ತಿಳಿದುಕೊಂಡು ನಮ್ಮ ಮೇಲೆ ಹೇಳಿರಬಹುದು. ನಾವು ಒಳ್ಳೆಯ ರೀತಿಯಿಂದ ರಿಕ್ವೆಸ್ಟ್ ಮಾಡುತ್ತಿದ್ದೇವೆ. ನಿಮಗೆ ತಪ್ಪು ಮಾಹಿತಿ ಬಂದಿದೆ. ಒಳೆಯ ರೀತಿಯಿಂದ ಟ್ವೀಟ್ ರಿಮೂವ್ ಮಾಡಿ, ತಪ್ಪು ಮಾಹಿತಿ ಬಂದಿದೆ ಎಂದು ತಿಳಿಸಿ. ಪ್ಲೀಜ್ ನಿಮ್ಮ ಪೋಸ್ಟ್‌ ಅನ್ನು ರಿಮೂವ್ ಮಾಡಿ ನನ್ನ ಕಡೆಯಿಂದ ತಪ್ಪಾಗಿದೆ ಎಂದು ಟ್ವೀಟ್ ಮಾಡಬಹುದು ಎಂದು ಫನ್ ವರ್ಲ್ಡ್‌ ಮ್ಯಾನೇಜರ್ ಹಾಗೂ ಇನ್‌ಚಾರ್ಜ್ ಸೂರ್ಯ ಹೇಳಿದ್ದಾರೆ.

ಏಕಾದಶಿ ದಿನವೇ ಚಿತ್ರದುರ್ಗದ ಬಳಿ ಬಸ್-ಲಾರಿ ನಡುವೆ ಭೀಕರ ಅಪಘಾತ: ಸಾವು ನೋವು ಎಷ್ಟು?

Ravi Janekal — Thu, 22 Oct 2026 14:27:58 +0530

ಚಿತ್ರದುರ್ಗ (ಅ.22) ಕೆಎಸ್‌ಆರ್‌ಟಿಸಿ ಬಸ್ ಮತ್ತು ಲಾರಿ ನಡುವೆ ಭೀಕರ ಡಿಕ್ಕಿ ಸಂಭವಿಸಿದ್ದು ಬಸ್‌ನಲ್ಲಿ ಪ್ರಯಾಣಿಸುತ್ತಿದ್ದ ಹದಿನೈದಕ್ಕೂ ಹೆಚ್ಚು ಮಂದಿ ಗಾಯಗೊಂಡ ಘಟನೆ ಚಿತ್ರದುರ್ಗ ತಾಲೂಕಿನ ಮಲ್ಲಾಪುರ ಬಳಿಯ ರಾಷ್ಟ್ರೀಯ ಹೆದ್ದಾರಿ 13 ರಲ್ಲಿ ನಡೆದಿದೆ.

ದುರಂತ ಘಟನೆಯಲ್ಲಿ ಗಾಯಗೊಂಡವರ ಪೈಕಿ ಐವರು ಪ್ರಯಾಣಿಕರು ಗಂಭೀರ ಗಾಯಗೊಂಡಿದ್ದು ಗಾಯಾಳುಗಳನ್ನು ಚಿತ್ರದುರ್ಗ ಜಿಲ್ಲಾಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಮಲ್ಲಾಪುರ ಗ್ರಾಮದ ಬಳಿ ಭೀಕರ ಅಪಘಾತ:

ಮುಂದೆ ಹೋಗುತ್ತಿದ್ದ ಲಾರಿಗೆ ಸಾರಿಗೆ ಬಸ್ ಹಿಂಬದಿಯಿಂದ ಡಿಕ್ಕಿ ಹೊಡೆದಿದೆ. ಮೇಲ್ನೋಟಕ್ಕೆ ಚಾಲಕನ ನಿರ್ಲಕ್ಷ್ಯವೇ ಕಾರಣ ಎಂದು ತಿಳಿದುಬಂದಿದೆ. ಹಿಂಬದಿಯಿಂದ ಡಿಕ್ಕಿ ಹೊಡೆದ ಪರಿಣಾಮ ಲಾರಿ ಅರ್ಧ ಭಾಗ ಬಸ್‌ನೊಳಗೆ ನುಗ್ಗಿ ಬಸ್‌ ಮುಂಭಾಗ ಸಂಪೂರ್ಣ ನುಜ್ಜುಗುಜ್ಜಾಗಿದೆ. ಸೀಟುಗಳು ಮುರಿದುಬಿದ್ದಿವೆ. ಅದೃಷ್ಟವಶಾತ್ ಸದ್ಯ ಯಾವುದೇ ಪ್ರಾಣಾಹಾನಿ ದಾಖಲಾಗಿಲ್ಲ.

ಸ್ಥಳಕ್ಕೆ ಪೊಲೀಸರು ಭೇಟಿ ಸ್ಥಳ ಪರಿಶೀಲನೆ

ಘಟನೆಯ ಮಾಹಿತಿ ತಿಳಿಯುತ್ತಿದ್ದಂತೆ ಚಿತ್ರದುರ್ಗ ಗ್ರಾಮಾಂತರ ಠಾಣೆ ಸಿಪಿಐ ಬಾಲಚಂದ್ರ ನಾಯ್ಕ್ ಸ್ಥಳಕ್ಕೆ ದೌಡಾಯಿಸಿದ್ದಾರೆ. ಘಟನೆ ನಡೆದ ಸ್ಥಳದ ಪರಿಶೀಲನೆ ನಡೆಸಿದ್ದಾರೆ. ಘಟನೆಗೆ ನಿಖರ ಕಾರಣ ತಿಳಿದುಬಂದಿಲ್ಲ. ಚಿತ್ರದುರ್ಗ ಗ್ರಾಮಾಂತರ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.

ಮೈಸೂರು ದಸರಾದಲ್ಲಿ ವಿನಯ್ ಗೌಡಗೆ ಮುಜುಗರ ತಂದ ಘಟನೆ; ಬೆನ್ನು ಬಿಡದ ಸರ್ಕಲ್ ಸೈಡ್!

Mahmad Rafik — Thu, 22 Oct 2026 14:20:32 +0530

ಮೈಸೂರು ದಸರಾ ಜಂಬೂಸವಾರಿಯಲ್ಲಿ ಭಾಗವಹಿಸಿದ್ದ ನಟ ವಿನಯ್ ಗೌಡ ಅವರನ್ನು ಜನರು ಬಿಗ್‌ಬಾಸ್ ಕಾರ್ಯಕ್ರಮದ 'ಸರ್ಕಲ್' ಹೇಳಿಕೆ ನೆನಪಿಸಿ ಟ್ರೋಲ್ ಮಾಡಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ಪರ-ವಿರೋಧ ಕಮೆಂಟ್ ಮಾಡುತ್ತಿದ್ದಾರೆ.

ಮೈಸೂರು ಜಂಬೂಸವಾರಿಯಲ್ಲಿ ಈ ಬಾರಿ ಕನ್ನಡ ಕಲಾವಿದರು ಭಾಗಿಯಾಗಿದ್ದರು. ಅಭಿಮಾನಿಗಳು ತಮ್ಮ ನೆಚ್ಚಿನ ತಾರೆಯರನ್ನು ನೋಡುತ್ತಿದ್ದಂತೆ ಅವರ ಹೆಸರನ್ನು ಪ್ರೀತಿಯಿಂದ ಕೂಗುತ್ತಾರೆ. ಆದ್ರೆ ಬಿಗ್‌ಬಾಸ್ ಮಾಜಿ ಸ್ಪರ್ಧಿ, ನಟ ವಿನಯ್‌ ಗೌಡರನ್ನ ಅವರ ಹೇಳಿಕೆಯನ್ನು ಬಳಸಿ ಕೂಗಲಾಗಿದೆ.

ಹೌದು, ಈ ಬಾರಿ ಬಿಗ್‌ಬಾಸ್ ಸೀಸನ್ ಆರಂಭಕ್ಕೂ ಮುನ್ನ ಅಗ್ನಿಪರೀಕ್ಷೆ ಎಂದು ಶೋ ನಡೆಸಲಾಗಿತ್ತು. ಈ ಶೋಗೆ ಬಿಗ್‌ಬಾಸ್ ಮಾಜಿ ಸ್ಪರ್ಧಿಗಳಾದ ನಟಿಯರಾದ ಶೃತಿ, ಸಂಗೀತಾ ಶೃಂಗೇರಿ, ಗಾಯಕ ಚಂದನ್ ಶೆಟ್ಟಿ ಮತ್ತು ನಟ ವಿನಯ್ ಗೌಡ ತೀರ್ಪುಗಾರರಾಗಿದ್ದರು. ಮತ್ತೋರ್ವ ಸ್ಪರ್ಧಿ ನಿರಂಜನ್ ದೇಶಪಾಂಡೆ ಕಾರ್ಯಕ್ರಮದ ನಿರೂಪಕರಾಗಿದ್ದರು.

ಈ ಕಾರ್ಯಕ್ರಮದಲ್ಲಿ ಸ್ಪರ್ಧಿಯೊಬ್ಬರಿಗೆ ವಿನಯ್‌ ಗೌಡ, ಸರ್ಕಲ್‌ಗೆ ಎಷ್ಟು ಸೈಡ್ ಇರುತ್ತೆ ಎಂದು ಕೇಳುತ್ತಾರೆ. ವೃತ್ತಕ್ಕೆ ಯಾವುದೇ ಬದಿ ಇಲ್ಲ ಎಂದು ಸ್ಪರ್ಧಿ ಹೇಳುತ್ತಾರೆ. ಈ ವೇಳೆ ವಿನಯ್ ಗೌಡ, ಸರ್ಕಲ್‌ಗೆ ಎರಡು ಸೈಡ್ ಅಂತಾರೆ. ಈ ಒಂದು ಸಂಭಾಷಣೆ ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಇಷ್ಟಕ್ಕೆ ಸುಮ್ಮನಾಗದ ವಿನಯ್ ಗೌಡ, ಸಾಮಾಜಕ ಜಾಲತಾಣದ ಮೂಲಕ ಸ್ಪಷ್ಟನೆಯನ್ನು ನೀಡಿದ್ದರು.

ಇನ್ನು ಬಿಗ್‌ಬಾಸ್ ಸೀಸನ್ 13ರ ವೇದಿಕೆ ಮೇಲೆ ಸುದೀಪ್ ಸಹ, ಸರ್ಕಲ್ ವಿಚಾರವನ್ನು ಹೇಳಿ ವಿನಯ್ ಗೌಡ ಅವರನ್ನು ತಮಾಷೆ ಮಾಡಿದ್ದರು. ಇದೀಗ ಜನರು ಈ ಸರ್ಕಲ್ ವಿಷಯವನ್ನು ಇನ್ನು ನೆನಪಿನಲ್ಲಿಟ್ಟಿಕೊಂಡಿದ್ದು, ವಿನಯ್‌ ಗೌಡ ಅವರನ್ನು ಟ್ರೋಲ್ ಮಾಡುತ್ತಿದ್ದಾರೆ. ಜಂಬೂಸವಾರಿಯಲ್ಲಿ ಭಾಗಿಯಾಗಲು ಬಂದ ವಿನಯ್ ಗೌಡರನ್ನು ಜನರು ನೇರವಾಗಿಯೇ ಟ್ರೋಲ್ ಮಾಡಿದ್ದಾರೆ.

ಸದ್ಯ ಈ ಟ್ರೋಲ್ ವಿಡಿಯೋ ವೈರಲ್ ಆಗಿದ್ದು, ಜನರು ತಮ್ಮ ಅಭಿಪ್ರಾಯವನ್ನು ಕಮೆಂಟ್ ಮಾಡುತ್ತಿದ್ದಾರೆ. ಏನೋ ಅವತ್ತು ಬೈ ಮಿಸ್ಟೇಕ್ ಆಗಿ ಹೇಳಿದ್ದನ್ನ ಇಷ್ಟೊಂದು ಸೀರಿಯಸ್ಸಾಗಿ ತಗೊಳ್ಳೋದಾ ಜನಕ್ಕೆ ಯಾವಾಗ ಬುದ್ಧಿ ಬರುತ್ತೋ? Mysore circle inspector vinay ದಸರಾ ಉಸ್ತುವಾರಿ ಕೊಟ್ಟಿದ್ದಾರೆ. ಪಾಪ ಗುರು, ಸಣ್ಣ ಹುಡುಗರೂ ಸಹ ಬಿಡ್ತಿಲ್ಲ, ಓವರ್ ಆಕ್ಟಿಂಗ್ ಮಾಡಿದ್ರೆ ಹೀಗೆ ಆಗೋದು. ಗಣಿತದ ಪಿತಾಮಹ. ಹೋಗ್ಲಿ ಬಿಡ್ರೋ ಎಂಬತೆಲ್ಲಾ ಕಮೆಂಟ್‌ಗಳು ಬಂದಿವೆ.

ಉಳಿದ ಅನ್ನವಿದೆಯಾ? ಮೊಟ್ಟೆ ಸೇರಿಸಿ ಹೀಗೆ ಮಾಡಿ, ರುಚಿಯಾದ ಎಗ್ ಫ್ರೈಡ್ ರೈಸ್ ರೆಡಿ!

Sushma Hegde — Thu, 22 Oct 2026 14:18:13 +0530

ಪ್ರತಿದಿನ ಒಂದೇ ರೀತಿಯ ಅನ್ನ, ಸಾಂಬಾರ್ ತಿಂದು ಬೇಸರವಾಗಿದೆಯೇ? ಹಾಗಾದರೆ ಮನೆಯಲ್ಲೇ ಸುಲಭವಾಗಿ ತಯಾರಿಸಬಹುದಾದ ಎಗ್ ಫ್ರೈಡ್ ರೈಸ್ ಒಮ್ಮೆ ಟ್ರೈ ಮಾಡಿ. ಮೊಟ್ಟೆ, ತರಕಾರಿಗಳು ಮತ್ತು ಸಾಸ್‌ಗಳ ಮಿಶ್ರಣದಿಂದ ತಯಾರಿಸುವ ಈ ಖಾದ್ಯ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರಿಗೂ ಇಷ್ಟವಾಗುತ್ತದೆ. ಬೆಳಗಿನ ಉಪಾಹಾರಕ್ಕೆ, ಮಧ್ಯಾಹ್ನದ ಊಟಕ್ಕೆ ಅಥವಾ ರಾತ್ರಿ ಭೋಜನಕ್ಕೆ ಇದನ್ನು ಸವಿಯಬಹುದು. ಕಡಿಮೆ ಸಮಯದಲ್ಲಿ ತಯಾರಿಸಬಹುದಾದ ಈ ರೆಸಿಪಿ ಬ್ಯುಸಿ ದಿನಗಳಿಗೂ ಸೂಕ್ತವಾಗಿದೆ.

ಎಗ್ ಫ್ರೈಡ್ ರೈಸ್ ಮಾಡಲು ಬೇಕಾಗುವ ಸಾಮಗ್ರಿಗಳು

ಬೇಯಿಸಿದ ಬಾಸ್ಮತಿ ಅಕ್ಕಿ – 2 ಕಪ್

ಮೊಟ್ಟೆ – 3

ಕ್ಯಾರೆಟ್ – ಅರ್ಧ ಕಪ್

ಹಸಿರು ಬಟಾಣಿ – ಅರ್ಧ ಕಪ್

ಹಸಿರು ಈರುಳ್ಳಿ – ಅರ್ಧ ಕಪ್

ಈರುಳ್ಳಿ – ಅರ್ಧ ಕಪ್

ಬೆಳ್ಳುಳ್ಳಿ – 3 ಎಸಳು

ಶುಂಠಿ – 1 ಇಂಚು

ಸೋಯಾ ಸಾಸ್ – 1 ಟೀಸ್ಪೂನ್

ಚಿಲ್ಲಿ ಸಾಸ್ – 1 ಟೀಸ್ಪೂನ್

ಅಡುಗೆ ಎಣ್ಣೆ – 2 ಟೀಸ್ಪೂನ್

ರುಚಿಗೆ ತಕ್ಕಷ್ಟು ಉಪ್ಪು

ಎಗ್ ಫ್ರೈಡ್ ರೈಸ್ ಮಾಡುವ ವಿಧಾನ

ಹಂತ 1: ಅನ್ನವನ್ನು ಸಿದ್ಧಪಡಿಸಿ

ಮೊದಲು ಬಾಸ್ಮತಿ ಅಕ್ಕಿಯನ್ನು ಚೆನ್ನಾಗಿ ತೊಳೆದು ಬೇಯಿಸಿಕೊಳ್ಳಿ. ಅನ್ನವು ಮೆತ್ತಗಾಗಿ ಅಂಟಿಕೊಳ್ಳದಂತೆ ನೋಡಿಕೊಳ್ಳಿ. ಬೇಯಿಸಿದ ಅನ್ನವನ್ನು ತಣ್ಣಗಾಗಲು ಬಿಡಿ. ಉಳಿದಿರುವ ತಣ್ಣನೆಯ ಅನ್ನವನ್ನೂ ಈ ರೆಸಿಪಿಗೆ ಬಳಸಬಹುದು.

ಹಂತ 2: ಮೊಟ್ಟೆಯನ್ನು ಹುರಿಯಿರಿ

ಒಂದು ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿ ಬಿಸಿ ಮಾಡಿ. ಮೂರು ಮೊಟ್ಟೆಗಳನ್ನು ಒಡೆದು ಹಾಕಿ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಕಲಕುತ್ತಾ ಹುರಿಯಿರಿ. ಮೊಟ್ಟೆ ಬೇಯಿ ಸಣ್ಣ ತುಂಡುಗಳಾದ ಬಳಿಕ ಅದನ್ನು ಪ್ರತ್ಯೇಕವಾಗಿ ತೆಗೆದಿಡಿ.

ಹಂತ 3: ಈರುಳ್ಳಿ, ಬೆಳ್ಳುಳ್ಳಿ ಹುರಿಯಿರಿ

ಅದೇ ಬಾಣಲೆಗೆ ಉಳಿದ ಎಣ್ಣೆ ಹಾಕಿ ಸಣ್ಣಗೆ ಹೆಚ್ಚಿದ ಈರುಳ್ಳಿ, ಬೆಳ್ಳುಳ್ಳಿ ಮತ್ತು ಶುಂಠಿಯನ್ನು ಸೇರಿಸಿ ಹುರಿಯಿರಿ. ಹಸಿ ವಾಸನೆ ಹೋಗಿ ಸ್ವಲ್ಪ ಪರಿಮಳ ಬರುವವರೆಗೆ ಹುರಿದರೆ ಸಾಕು.

ಹಂತ 4: ತರಕಾರಿಗಳನ್ನು ಸೇರಿಸಿ

ಈಗ ಸಣ್ಣಗೆ ಹೆಚ್ಚಿದ ಕ್ಯಾರೆಟ್ ಮತ್ತು ಹಸಿರು ಬಟಾಣಿಯನ್ನು ಸೇರಿಸಿ ಹುರಿಯಿರಿ. ತರಕಾರಿಗಳು ಸ್ವಲ್ಪ ಮೆತ್ತಗಾಗುವವರೆಗೆ ಬೇಯಿಸಿ. ಹೆಚ್ಚು ಮೆತ್ತಗೆ ಮಾಡದೆ ಸ್ವಲ್ಪ ಗರಿಗರಿಯಾಗಿರುವಂತೆ ನೋಡಿಕೊಂಡರೆ ರುಚಿ ಹೆಚ್ಚುತ್ತದೆ.

ಹಂತ 5: ಅನ್ನವನ್ನು ಮಿಶ್ರಣ ಮಾಡಿ

ಈಗ ತಣ್ಣಗಾದ ಅನ್ನವನ್ನು ಬಾಣಲೆಗೆ ಹಾಕಿ, ತರಕಾರಿಗಳೊಂದಿಗೆ ಚೆನ್ನಾಗಿ ಮಿಶ್ರಣ ಮಾಡಿ. ಅನ್ನದ ಉಂಡೆಗಳು ಇದ್ದರೆ ಸೌಮ್ಯವಾಗಿ ಬಿಡಿಸಿ, ಮಧ್ಯಮದಿಂದ ಹೆಚ್ಚಿನ ಉರಿಯಲ್ಲಿ ಸ್ವಲ್ಪ ಸಮಯ ಹುರಿಯಿರಿ.

ಹಂತ 6: ಸಾಸ್ ಮತ್ತು ಉಪ್ಪು ಸೇರಿಸಿ

ಅನ್ನಕ್ಕೆ ಸೋಯಾ ಸಾಸ್, ಚಿಲ್ಲಿ ಸಾಸ್ ಮತ್ತು ಅಗತ್ಯವಿದ್ದಷ್ಟು ಉಪ್ಪು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಸಾಸ್‌ಗಳಲ್ಲಿ ಈಗಾಗಲೇ ಉಪ್ಪು ಇರುವುದರಿಂದ ಉಪ್ಪನ್ನು ಎಚ್ಚರಿಕೆಯಿಂದ ಸೇರಿಸಿ.

ಹಂತ 7: ಮೊಟ್ಟೆ ಸೇರಿಸಿ

ಮೊದಲು ಹುರಿದಿಟ್ಟುಕೊಂಡ ಮೊಟ್ಟೆಯನ್ನು ಅನ್ನಕ್ಕೆ ಸೇರಿಸಿ. ಎಲ್ಲಾ ಪದಾರ್ಥಗಳು ಸಮವಾಗಿ ಮಿಶ್ರಣವಾಗುವಂತೆ ಚೆನ್ನಾಗಿ ತಿರುವಿ.

ಹಂತ 8: ಹಸಿರು ಈರುಳ್ಳಿಯೊಂದಿಗೆ ಸವಿಯಿರಿ

ಕೊನೆಯಲ್ಲಿ ಹೆಚ್ಚಿದ ಹಸಿರು ಈರುಳ್ಳಿಯನ್ನು ಸೇರಿಸಿ ಒಂದು ನಿಮಿಷ ಹುರಿಯಿರಿ. ಇದೀಗ ಬಿಸಿಬಿಸಿಯಾದ, ರುಚಿಕರವಾದ ಎಗ್ ಫ್ರೈಡ್ ರೈಸ್ ಸವಿಯಲು ಸಿದ್ಧ!

ಎಗ್ ಫ್ರೈಡ್ ರೈಸ್ ರುಚಿಯಾಗಿ ಬರಲು ಈ ಟಿಪ್ಸ್ ಫಾಲೋ ಮಾಡಿ

ಅನ್ನವನ್ನು ಬೇಯಿಸಿದ ಬಳಿಕ ತಣ್ಣಗಾಗಿಸಿ ಬಳಸಿ. ಇದರಿಂದ ಅನ್ನ ಅಂಟಿಕೊಳ್ಳುವುದು ಕಡಿಮೆಯಾಗುತ್ತದೆ. ಅನ್ನವನ್ನು ಅತಿಯಾಗಿ ಬೇಯಿಸಬೇಡಿ; ಕಾಳುಗಳು ಪ್ರತ್ಯೇಕವಾಗಿರುವುದು ಮುಖ್ಯ. ತರಕಾರಿಗಳನ್ನು ಹೆಚ್ಚು ಮೆತ್ತಗೆ ಮಾಡದೆ ಸ್ವಲ್ಪ ಗರಿಗರಿಯಾಗಿರುವಂತೆ ಹುರಿಯಿರಿ. ಸೋಯಾ ಸಾಸ್ ಮತ್ತು ಚಿಲ್ಲಿ ಸಾಸ್‌ಗಳನ್ನು ನಿಮ್ಮ ರುಚಿಗೆ ತಕ್ಕಂತೆ ಹೊಂದಿಸಿಕೊಳ್ಳಿ. ಕೊನೆಯಲ್ಲಿ ಹಸಿರು ಈರುಳ್ಳಿ ಸೇರಿಸುವುದರಿಂದ ಉತ್ತಮ ಪರಿಮಳ ಮತ್ತು ರುಚಿ ಸಿಗುತ್ತದೆ.

ಸಲಿಂಗ ಪ್ರೇಮಿಯಿಂದ ಅಪ್ಪನಾಗ್ತಿರೋ ಡಚ್ ಪ್ರಧಾನಿ: ಮಗು ಹುಟ್ಟುತ್ತಿರೋದು ಹೇಗೆ? ರೋಚಕ ಪ್ರೇಮ ಕಥೆ ಇಲ್ಲಿದೆ

Suchethana D — Thu, 22 Oct 2026 14:07:26 +0530

ಡಚ್ ಪ್ರಧಾನಿ ರಾಬ್ ಜೆಟ್ಟನ್ 2027 ರಲ್ಲಿ ತಂದೆಯಾಗಲಿದ್ದಾರೆ. ಅವರು ಸಾಮಾಜಿಕ ಮಾಧ್ಯಮದಲ್ಲಿ ಈ ಕುರಿತು ಘೋಷಿಸಿದ್ದಾರೆ. ಜೆಟ್ಟನ್ ಅವರ ಪಾಲುದಾರ ನಿಕೋಲಸ್ ಕೀನನ್ ಅರ್ಜೆಂಟೀನಾದ ಹಾಕಿ ಆಟಗಾರರಾಗಿದ್ದು, ಈ ಸಲಿಂಗ ಜೋಡಿ ಈಗ ಮಗುವಿನ ನಿರೀಕ್ಷೆಯಲ್ಲಿದೆ. 2001 ರಲ್ಲಿ ಸಲಿಂಗಕಾಮಿ ವಿವಾಹವನ್ನು ಕಾನೂನುಬದ್ಧಗೊಳಿಸಿದ ವಿಶ್ವದ ಮೊದಲ ದೇಶ ನೆದರ್ಲ್ಯಾಂಡ್ಸ್. ಜೆಟ್ಟನ್ ದೇಶದ ಮೊದಲ ಬಹಿರಂಗ ಸಲಿಂಗಕಾಮಿ ಪ್ರಧಾನಿ. ಆದಾಗ್ಯೂ, ಅವರು ವಿಶ್ವದ ಮೊದಲ ಸಲಿಂಗಕಾಮಿ ಪ್ರಧಾನಿಯಲ್ಲ. ಬಹಿರಂಗವಾಗಿ ಸಲಿಂಗಕಾಮಿ ನಾಯಕರು ಈ ಹಿಂದೆ ಇತರ ದೇಶಗಳಲ್ಲಿ ಸರ್ಕಾರದ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದ್ದಾರೆ. ಜೆಟ್ಟನ್ ಕೇವಲ 39 ವರ್ಷ ವಯಸ್ಸಿನಲ್ಲಿ ಪ್ರಧಾನಿಯಾದರು.

ಮಗು ಹೇಗೆ?

ಡಚ್ ಮಾಧ್ಯಮದ ಪ್ರಕಾರ, ಮಗುವಿನ ಜನನವನ್ನು ಸರೊಗಸಿ ಮೂಲಕ ಸುಗಮಗೊಳಿಸಲಾಗಿದೆ. ಅವರ ಇಬ್ಬರು ಸ್ನೇಹಿತೆಯರು ಈ ಪ್ರಕ್ರಿಯೆಯಲ್ಲಿ ಸಹಾಯ ಮಾಡಿದ್ದಾರೆ. ಒಬ್ಬರು ಮೊಟ್ಟೆಯನ್ನು ದಾನ ಮಾಡಿದರೆ, ಇನ್ನೊಬ್ಬರು ಮಗುವನ್ನು ಹೆತ್ತು ನೀಡಲಿದ್ದಾರೆ. ಈ ಮೂಲಕ, ಎರಡನೇ ಮಹಾಯುದ್ಧದ ನಂತರ ತಮ್ಮ ಅಧಿಕಾರಾವಧಿಯಲ್ಲಿ ಮಗುವನ್ನು ಪಡೆದ ಮೊದಲ ಡಚ್ ಪ್ರಧಾನಿ ಜೆಟ್ಟನ್ ಆಗಿರುತ್ತಾರೆ.

ಇವರ ಲವ್ ಸ್ಟೋರಿ ಹೀಗಿದೆ ನೋಡಿ...

ಈ ಸಲಿಂಗ ಜೋಡಿಯ ಕಥೆಯು ಟಿಕ್‌ಟಾಕ್ ವೀಡಿಯೊದೊಂದಿಗೆ ಪ್ರಾರಂಭವಾಯಿತು.ಮೊದಲು ಇವರು ಸೂಪರ್‌ಮಾರ್ಕೆಟ್‌ನಲ್ಲಿ ಭೇಟಿಯಾದರು. 2021 ರಲ್ಲಿ, ಜೆಟ್ಟನ್ ಮತ್ತು ಸಹ ಡಚ್ ನಾಯಕನ ನಡುವಿನ ಪ್ರಣಯದ ವೀಡಿಯೊ ಟಿಕ್‌ಟಾಕ್‌ನಲ್ಲಿ ವೈರಲ್ ಆಯಿತು. ಅದರಲ್ಲಿ, ಇಬ್ಬರು ನಾಯಕರು ಪರಸ್ಪರ ಮೋಜು, ನಗುವುದು ಮತ್ತು ನೃತ್ಯ ಮಾಡುತ್ತಿರುವುದು ಕಂಡುಬಂದಿದೆ. ವೀಡಿಯೊ ವೈರಲ್ ಆದ ನಂತರ, ರಾಬ್ ಜೆಟ್ಟನ್ ಯುವಜನರಲ್ಲಿ ಪ್ರಸಿದ್ಧರಾದರು. 2022 ರಲ್ಲಿ, ಕೀನನ್ ಜೆಟ್ಟನ್ ಅವರನ್ನು ಸೂಪರ್‌ಮಾರ್ಕೆಟ್‌ನಲ್ಲಿ ನೋಡಿದರು ಮತ್ತು ವೈರಲ್ ವೀಡಿಯೊದಿಂದ ಅವರನ್ನು ಗುರುತಿಸಿದರು. ಈ ಸಮಯದಲ್ಲಿ, ಇಬ್ಬರೂ ಮಾತನಾಡಲು ಪ್ರಾರಂಭಿಸಿದರು.

ನಂತರ ಕೀನನ್ ಒಂದು ಸಂದರ್ಶನದಲ್ಲಿ ಜೆಟ್ಟನ್ ಇನ್ಸ್ಟಾಗ್ರಾಮ್ ನಲ್ಲಿ ಸಂದೇಶ ಕಳುಹಿಸುವ ಮೂಲಕ ಸಂಭಾಷಣೆಯನ್ನು ಪ್ರಾರಂಭಿಸಿದರು ಎಂದು ಬಹಿರಂಗಪಡಿಸಿದ್ದಾರೆ. ಆರಂಭದಲ್ಲಿ, ಅವರ ಸಂಬಂಧವು ಖಾಸಗಿಯಾಗಿತ್ತು, ಆದರೆ ಆಗಸ್ಟ್ 2023 ರಲ್ಲಿ, ಅವರು ತಮ್ಮ ಸಂಬಂಧವನ್ನು ಸಾರ್ವಜನಿಕಗೊಳಿಸಿದರು. ನವೆಂಬರ್ 2024 ರಲ್ಲಿ, ಇಬ್ಬರೂ ತಮ್ಮ ನಿಶ್ಚಿತಾರ್ಥವನ್ನು ಘೋಷಿಸಿದರು. ಅವರ ವಿವಾಹವನ್ನು ಜೂನ್ 2026 ಕ್ಕೆ ನಿಗದಿಪಡಿಸಲಾಗಿತ್ತು, ಆದರೆ ಜೆಟ್ಟನ್ ಪ್ರಧಾನಿಯಾದ ನಂತರ ಅವರು ಅದನ್ನು ಸ್ವಲ್ಪ ಸಮಯದವರೆಗೆ ಮುಂದೂಡಿದರು.

ರಾಬ್ ಜೆಟ್ಟನ್ ಮಾರ್ಚ್ 25, 1987 ರಂದು ನೆದರ್ಲ್ಯಾಂಡ್ಸ್‌ನ ವೆಗೆಲ್‌ನಲ್ಲಿ ಜನಿಸಿದರು. ಅವರು ತಮ್ಮ ಬಾಲ್ಯವನ್ನು ಹತ್ತಿರದ ಉಡೆನ್ ನಗರದಲ್ಲಿ ಕಳೆದರು. ಜೆಟ್ಟನ್ 2017 ರಲ್ಲಿ ಡೆಮೋಕ್ರಾಟ್-66 ಪಕ್ಷದ ಸಂಸತ್ ಸದಸ್ಯರಾಗಿ ರಾಜಕೀಯ ಪ್ರವೇಶಿಸಿದರು. ನಂತರ ಅವರು ಹವಾಮಾನ ಮತ್ತು ಇಂಧನ ನೀತಿ ಸಚಿವರಾದರು. ಜೆಟ್ಟನ್ ಅವರ ಪಕ್ಷವು ಕಳೆದ ವರ್ಷದ ಚುನಾವಣೆಯಲ್ಲಿ ಗೆದ್ದಿತು ಮತ್ತು ಅವರು ಫೆಬ್ರವರಿ 23 ರಂದು ಪ್ರಧಾನಿ ಸ್ಥಾನವನ್ನು ವಹಿಸಿಕೊಂಡರು. 39 ನೇ ವಯಸ್ಸಿನಲ್ಲಿ, ಅವರು ನೆದರ್ಲ್ಯಾಂಡ್ಸ್ ಇತಿಹಾಸದಲ್ಲಿ ಈ ಹುದ್ದೆಯನ್ನು ಅಲಂಕರಿಸಿದ ಅತ್ಯಂತ ಕಿರಿಯ ನಾಯಕರಾದರು.

ಬೆಂಗಳೂರಿನ ಬೃಹತ್ ಫ್ಲೈಓವರ್ ಯೋಜನೆಗಳಿಗೆ ಬಿಗ್ ಟ್ವಿಸ್ಟ್, 6 ಕಾರಿಡಾರ್‌ಗಳಿಗೆ ಮರು ಟೆಂಡರ್, ಕಾರಣವೇನು?

Gowthami K — Thu, 22 Oct 2026 13:57:55 +0530

ಬೆಂಗಳೂರು: ರಾಜಧಾನಿ ಬೆಂಗಳೂರಿನ ಟ್ರಾಫಿಕ್ ದಟ್ಟಣೆ ನಿಯಂತ್ರಿಸಲು ರೂಪಿಸಲಾಗಿದ್ದ ಮೂಲಸೌಕರ್ಯ ಯೋಜನೆಗಳಲ್ಲಿ ಪ್ರಮುಖ ಮರುಪರಿಶೀಲನೆ ನಡೆದಿದೆ. ನಗರದಲ್ಲಿ ಸುಮಾರು ₹1,500 ಕೋಟಿ ವೆಚ್ಚದಲ್ಲಿ ನಿರ್ಮಿಸಲು ಉದ್ದೇಶಿಸಲಾಗಿದ್ದ 6 ಪ್ರಮುಖ ಫ್ಲೈಓವರ್ ಹಾಗೂ ಎಲಿವೇಟೆಡ್ ಕಾರಿಡಾರ್ ಯೋಜನೆಗಳಿಗೆ ‘ಬೆಂಗಳೂರು ಸ್ಮಾರ್ಟ್ ಇನ್ಫ್ರಾಸ್ಟ್ರಕ್ಚರ್ ಲಿಮಿಟೆಡ್’-ಬಿಸ್ಮೈಲ್ ನೂತನವಾಗಿ ಮರು ಟೆಂಡರ್ ಪ್ರಕ್ರಿಯೆಯನ್ನು ಆರಂಭಿಸಿದೆ.

ಮೊದಲು ಸಲ್ಲಿಕೆಯಾಗಿದ್ದ ಟೆಂಡರ್ ದಾಖಲೆಗಳು ನಗರಾಭಿವೃದ್ಧಿ ಇಲಾಖೆಯ ಪ್ರಮಾಣಿತ ಗುತ್ತಿಗೆ ನಿಯಮಗಳು ಮತ್ತು ಮಾನದಂಡಗಳಿಗೆ ಅನುಗುಣವಾಗಿಲ್ಲದ ಕಾರಣ, ಹಳೆಯ ಬಿಡ್‌ಗಳನ್ನು ರದ್ದುಗೊಳಿಸಿ ಹೊಸದಾಗಿ ಅರ್ಜಿ ಆಹ್ವಾನಿಸುವಂತೆ ಸರಕಾರದ ಉಪಸಮಿತಿಯು ಶಿಫಾರಸು ಮಾಡಿತ್ತು.

11 ಬೃಹತ್ ಯೋಜನೆಗಳ ಪೈಕಿ 6 ಯೋಜನೆಗಳಿಗೆ ಮರು ಜೀವ

ಗ್ರೇಟರ್ ಬೆಂಗಳೂರು ಪ್ರಾಧಿಕಾರ ವ್ಯಾಪ್ತಿಯ ಐದು ನಗರ ನಿಗಮಗಳಲ್ಲಿ ಒಟ್ಟು ₹13,262.70 ಕೋಟಿ ವೆಚ್ಚದಲ್ಲಿ 75.6 ಕಿ.ಮೀ. ಉದ್ದದ 11 ಎಲಿವೇಟೆಡ್ ಕಾರಿಡಾರ್‌ಗಳನ್ನು ನಿರ್ಮಿಸಲು ರಾಜ್ಯ ಸಚಿವ ಸಂಪುಟವು ಕಳೆದ ಏಪ್ರಿಲ್‌ನಲ್ಲಿ ಅನುಮೋದನೆ ನೀಡಿತ್ತು. ಈ ಬೃಹತ್ ಯೋಜನೆಯನ್ನು ಜಾರಿಗೊಳಿಸುವ ಹೊಣೆಯನ್ನು ‘ಬಿ-ಸ್ಮೈಲ್’ ಸಂಸ್ಥೆಗೆ ವಹಿಸಲಾಗಿತ್ತು. ಪ್ರಸ್ತುತ ಮತ್ತೆ ಟೆಂಡರ್ ಕರೆದಿರುವ 6 ಪ್ರಮುಖ ಯೋಜನೆಗಳ ವಿವರ ಹೀಗಿದೆ.

ಕೋಗಿಲು ಕ್ರಾಸ್ ಎಲಿವೇಟೆಡ್ ಕಾರಿಡಾರ್ (ದೊಡ್ಡಬಳ್ಳಾಪುರ ರಸ್ತೆ): ₹1,026.66 ಕೋಟಿ
ಶೋಲೆ ಸರ್ಕಲ್‌ನಿಂದ ಸೇಂಟ್ ಜಾನ್ಸ್ ಆಸ್ಪತ್ರೆ ರಸ್ತೆ ಕಾರಿಡಾರ್: ₹564 ಕೋಟಿ
ಮಿನರ್ವಾ ಸರ್ಕಲ್‌ನಿಂದ ಹಡ್ಸನ್ ಸರ್ಕಲ್ ಕಾರಿಡಾರ್: ₹539.94 ಕೋಟಿ
ಪೈಪ್‌ಲೈನ್ ರಸ್ತೆ ಗ್ರೇಡ್ ಸೆಪರೇಟರ್: ₹315.28 ಕೋಟಿ
ಕೋಣನಕುಂಟೆ ಕ್ರಾಸ್ ಫ್ಲೈಓವರ್ (ಕನಕಪುರ ರಸ್ತೆ): ₹76.76 ಕೋಟಿ
ಎಂಇಐ ಜಂಕ್ಷನ್ ಸ್ಪ್ಲಿಟ್ ಫ್ಲೈಓವರ್ (ತುಮಕೂರು ರಸ್ತೆ): ₹41.62 ಕೋಟಿ

ಮತ್ತೆ 3 ಯೋಜನೆಗಳಿಗೆ ಶೀಘ್ರವೇ ಬಿಡ್ಡಿಂಗ್, 2 ಕಾರಿಡಾರ್‌ಗಳಿಗೆ ಟೋಲ್ ವ್ಯವಸ್ಥೆ:

ಮುಂದಿನ ಒಂದು ವಾರದೊಳಗೆ ಇಂದಿರಾನಗರ 100 ಅಡಿ ರಸ್ತೆಯ ಫ್ಲೈಓವರ್, ಶಿರಸಿ ವೃತ್ತದಿಂದ ನಾಯಂಡಹಳ್ಳಿವರೆಗಿನ 5.2 ಕಿ.ಮೀ. ಉದ್ದದ ಫ್ಲೈಓವರ್ ಹಾಗೂ ಕನಕಪುರ ರಸ್ತೆಯ ಸಣ್ಣ ಫ್ಲೈಓವರ್ ಸೇರಿದಂತೆ ಮತ್ತ ಮೂರು ಯೋಜನೆಗಳಿಗೆ ಹೊಸ ಬಿಡ್‌ಗಳನ್ನು ಆಹ್ವಾನಿಸಲು ಅಧಿಕಾರಿಗಳು ಸಿದ್ಧತೆ ನಡೆಸಿದ್ದಾರೆ.

ಇದಲ್ಲದೆ, ರಾಗಿಗುಡ್ಡ ಜಂಕ್ಷನ್‌ನಿಂದ ಕನಕಪುರ ಮುಖ್ಯ ರಸ್ತೆಗೆ ಸಂಪರ್ಕ ಕಲ್ಪಿಸುವ ಮಾರ್ಗ ಹಾಗೂ ಯಶವಂತಪುರದ ಮೇಥಿಕೆರೆ ಕ್ರಾಸ್‌ನಿಂದ ಐಐಎಸ್‌ಸಿ, ಮೆಖ್ರಿ ವೃತ್ತ, ಜಯಮಹಲ್ ಮತ್ತು ಹಲಸೂರು ಸರೋವರದ ಮೂಲಕ ಓಲ್ಡ್ ಮದ್ರಾಸ್ ರಸ್ತೆಗೆ ಸಂಪರ್ಕಿಸುವ ಮತ್ತೊಂದು ಬೃಹತ್ ಕಾರಿಡಾರ್‌ಗೆ ಟೋಲ್ ಆಧಾರಿತ ಎಲಿವೇಟೆಡ್ ಯೋಜನೆಯಾಗಿ ಟೆಂಡರ್ ಪ್ರಕ್ರಿಯೆ ಮುಂದುವರಿದಿದೆ.

ಹೈಕೋರ್ಟ್ ಮೆಟ್ಟಿಲೇರಿದ ವಿವಾದ

ಒಂದೆಡೆ ಸರಕಾರವು ಟೆಂಡರ್ ಪ್ರಕ್ರಿಯೆಯನ್ನು ತೀವ್ರಗೊಳಿಸುತ್ತಿದ್ದರೆ, ಇನ್ನೊಂದೆಡೆ ಸ್ಥಳೀಯ ನಿವಾಸಿಗಳು ಹಾಗೂ ಪ್ರಜಾಸಂಘಟನೆಗಳಿಂದ ಯೋಜನೆಗಳಿಗೆ ತೀವ್ರ ವಿರೋಧ ವ್ಯಕ್ತವಾಗುತ್ತಿದೆ. ವಿಶೇ‍ಷವಾಗಿ ಇಂದಿರಾನಗರ 100 ಅಡಿ ರಸ್ತೆಯ ಫ್ಲೈಓವರ್ ಹಾಗೂ ರಾಗಿಗುಡ್ಡ-ಕನಕಪುರ ರಸ್ತೆ ಕಾರಿಡಾರ್ ಯೋಜನೆಗಳು ಪರಿಸರ ಮತ್ತು ವಸತಿ ಪ್ರದೇಶಗಳಿಗೆ ಧಕ್ಕೆ ತರುತ್ತವೆ ಎಂದು ಆರೋಪಿಸಿ ಸಾರ್ವಜನಿಕರು ಇತ್ತೀಚೆಗೆ ಬೃಹತ್ ಮಾನವ ಸರಪಳಿ ನಿರ್ಮಿಸಿ ಪ್ರತಿಭಟಿಸಿದ್ದರು. ಇಂದಿರಾನಗರ ಫ್ಲೈಓವರ್ ಯೋಜನೆಯನ್ನು ರದ್ದುಗೊಳಿಸುವಂತೆ ಕೋರಿ ಸ್ಥಳೀಯ ನಿವಾಸಿಗಳು ಈಗಾಗಲೇ ಕರ್ನಾಟಕ ಹೈಕೋರ್ಟ್ ಮೆಟ್ಟಿಲೇರಿದ್ದು, ಅರ್ಜಿ ವಿಚಾರಣೆ ಹಂತದಲ್ಲಿದೆ.

First railway station: ಈ ರೈಲು ನಿಲ್ದಾಣದಲ್ಲಿ ಮೊದಲ ಬಾರಿಗೆ ಗೇಮಿಂಗ್‌ ಸೆಂಟರ್‌! ಟ್ರೇನ್‌ಗಾಗಿ ಕಾಯುವಾಗ ಇನ್ಮುಂದೆ ಬೋರ್‌ ಆಗಲ್ಲ

Sushma Hegde — Thu, 22 Oct 2026 13:50:15 +0530

ರೈಲು ಬರುವವರೆಗೆ ನಿಲ್ದಾಣದಲ್ಲಿ ಸುಮ್ಮನೆ ಕಾಯಬೇಕೆಂದಿಲ್ಲ. ಇನ್ನು ಮುಂದೆ ಗೇಮಿಂಗ್‌ ಆಡುತ್ತಾ, ಮನರಂಜನೆಯೊಂದಿಗೆ ಸಮಯ ಕಳೆಯುವ ಅವಕಾಶ ಪ್ರಯಾಣಿಕರಿಗೆ ಸಿಗಬಹುದು. ಕೇರಳದ ಎರ್ನಾಕುಲಂ ಜಂಕ್ಷನ್‌ ರೈಲು ನಿಲ್ದಾಣದಲ್ಲಿ ಗೇಮಿಂಗ್‌ ಮತ್ತು ಎಂಟರ್‌ಟೈನ್‌ಮೆಂಟ್‌ ಸೆಂಟರ್‌ ಆರಂಭಿಸಲು ದಕ್ಷಿಣ ರೈಲ್ವೆ ಯೋಜನೆ ರೂಪಿಸಿದೆ. ಈ ಯೋಜನೆ ಜಾರಿಯಾದರೆ, ಕೇರಳದ ರೈಲು ನಿಲ್ದಾಣವೊಂದರಲ್ಲಿ ಇಂತಹ ಸೌಲಭ್ಯ ಆರಂಭವಾಗುತ್ತಿರುವ ಮೊದಲ ಪ್ರಯತ್ನವಾಗಲಿದೆ.

6,000 ಚದರ ಅಡಿಗೂ ಹೆಚ್ಚು ವಿಸ್ತೀರ್ಣದಲ್ಲಿ ಮನರಂಜನಾ ಕೇಂದ್ರ

ಎರ್ನಾಕುಲಂ ಜಂಕ್ಷನ್‌ನಲ್ಲಿ 6,000 ಚದರ ಅಡಿಗೂ ಹೆಚ್ಚು ವಿಸ್ತೀರ್ಣದಲ್ಲಿ, ಎರಡು ಮಹಡಿಗಳಲ್ಲಿ ಈ ಕೇಂದ್ರವನ್ನು ನಿರ್ಮಿಸಲು ಯೋಜಿಸಲಾಗಿದೆ. ಇಲ್ಲಿ ಗೇಮಿಂಗ್‌ ವಲಯಗಳು, ವರ್ಚುವಲ್‌ ಗೇಮಿಂಗ್‌ ಸೌಲಭ್ಯಗಳು ಮತ್ತು ಮನರಂಜನೆಗಾಗಿ ಪ್ರತ್ಯೇಕ ಸ್ಥಳಗಳು ಇರಲಿವೆ. ಈ ಕೇಂದ್ರವು ಮುಂದಿನ ಕೆಲವು ತಿಂಗಳುಗಳಲ್ಲಿ ಕಾರ್ಯಾರಂಭ ಮಾಡುವ ನಿರೀಕ್ಷೆಯಿದೆ.

ನಿಲ್ದಾಣದ ಆಫೀಸರ್ಸ್‌ ರೆಸ್ಟ್‌ ಹೌಸ್‌ ಸಮೀಪ ಈ ಸೌಲಭ್ಯವನ್ನು ಅಭಿವೃದ್ಧಿಪಡಿಸಲು ಉದ್ದೇಶಿಸಲಾಗಿದೆ. ಇದನ್ನು ಬಿಲ್ಡ್‌, ಆಪರೇಟ್‌ ಆ್ಯಂಡ್‌ ಟ್ರಾನ್ಸ್‌ಫರ್‌ (BOT) ಮಾದರಿಯಲ್ಲಿ ನಿರ್ಮಿಸಲಾಗುತ್ತದೆ. ಈ ಸಂಬಂಧ ತಿರುವನಂತಪುರಂ ರೈಲ್ವೆ ವಿಭಾಗವು 10 ವರ್ಷಗಳ ಗುತ್ತಿಗೆ ಅವಧಿಗೆ ಬಿಡ್‌ ಆಹ್ವಾನಿಸಿದೆ.

ಸಭೆ, ಕುಟುಂಬಗಳಿಗೂ ಪ್ರತ್ಯೇಕ ಸ್ಥಳ

ಈ ಕೇಂದ್ರದ ಮೊದಲ ಮಹಡಿಯಲ್ಲಿ ಮೂರು ಸಭಾ ಸ್ಥಳಗಳನ್ನು ಒದಗಿಸುವ ಯೋಜನೆಯಿದೆ. ಇವುಗಳಲ್ಲಿ ಒಂದು ಸ್ಥಳದಲ್ಲಿ ಸುಮಾರು 15 ಜನರು ಕುಳಿತುಕೊಳ್ಳಬಹುದು. ಮತ್ತೊಂದು ಸಣ್ಣ ಕೊಠಡಿಯನ್ನು ಕುಟುಂಬಗಳ ಬಳಕೆಗೆ ಮೀಸಲಿಡಲು ಉದ್ದೇಶಿಸಲಾಗಿದೆ. ಮೂರನೇ ಸ್ಥಳದ ಕುರಿತು ಇನ್ನೂ ಅಂತಿಮ ನಿರ್ಧಾರ ಕೈಗೊಂಡಿಲ್ಲ. ಪ್ರಯಾಣಿಕರ ಅನುಕೂಲಕ್ಕಾಗಿ ಶೌಚಾಲಯ ಮತ್ತು ವಾಶ್‌ರೂಮ್‌ಗಳ ವ್ಯವಸ್ಥೆಯೂ ಇರಲಿದೆ.

ಸಣ್ಣ ರೈಲು ನಿಲ್ದಾಣಗಳಲ್ಲೂ ಪ್ಲೇಸ್ಟೇಷನ್‌ ಸೌಲಭ್ಯ?

ಎರ್ನಾಕುಲಂ ಜಂಕ್ಷನ್‌ ಪ್ರಮುಖ ಸ್ಥಳವಾಗಿರುವುದರಿಂದ ಮೊದಲಿಗೆ ಇಲ್ಲಿಯೇ ಈ ಯೋಜನೆಯನ್ನು ಜಾರಿಗೊಳಿಸಲು ದಕ್ಷಿಣ ರೈಲ್ವೆ ನಿರ್ಧರಿಸಿದೆ. ಪ್ರಯಾಣಿಕರಿಂದ ಸಿಗುವ ಪ್ರತಿಕ್ರಿಯೆಯನ್ನು ಆಧರಿಸಿ, ಇತರ ರೈಲು ನಿಲ್ದಾಣಗಳಿಗೂ ಈ ಪರಿಕಲ್ಪನೆಯನ್ನು ವಿಸ್ತರಿಸುವ ಸಾಧ್ಯತೆಯಿದೆ.

ದಕ್ಷಿಣ ರೈಲ್ವೆಯ ವಾಣಿಜ್ಯ ವಿಭಾಗದ ಹಿರಿಯ ಅಧಿಕಾರಿಯೊಬ್ಬರ ಪ್ರಕಾರ, ಸಣ್ಣ ರೈಲು ನಿಲ್ದಾಣಗಳಲ್ಲೂ ಪ್ಲೇಸ್ಟೇಷನ್‌ ಗೇಮಿಂಗ್‌ ಸೌಲಭ್ಯಗಳನ್ನು ಆರಂಭಿಸುವ ಕುರಿತು ವಿಭಾಗವು ಚಿಂತನೆ ನಡೆಸುತ್ತಿದೆ. ಇದರಿಂದ ರೈಲುಗಳಿಗಾಗಿ ಕಾಯುವ ಮಕ್ಕಳು ಮತ್ತು ಯುವ ಪ್ರಯಾಣಿಕರಿಗೆ ಮನರಂಜನೆಯ ಹೊಸ ಆಯ್ಕೆ ಸಿಗಬಹುದು.

ರೈಲು ನಿಲ್ದಾಣಗಳಲ್ಲಿ ಹೊಸ ಸೌಲಭ್ಯಗಳ ಅಳವಡಿಕೆ

ರೈಲು ನಿಲ್ದಾಣಗಳಲ್ಲಿ ಪ್ರಯಾಣಿಕರಿಗೆ ಒದಗಿಸುವ ಸೌಲಭ್ಯಗಳನ್ನು ಹೆಚ್ಚಿಸುವುದರ ಜೊತೆಗೆ, ವಾಣಿಜ್ಯ ಚಟುವಟಿಕೆಗಳನ್ನು ವಿಸ್ತರಿಸುವುದು ದಕ್ಷಿಣ ರೈಲ್ವೆಯ ಉದ್ದೇಶವಾಗಿದೆ. ಟಿಕೆಟ್‌ ಆದಾಯದ ಹೊರತಾಗಿ ಇತರ ಮೂಲಗಳಿಂದ ಆದಾಯ ಗಳಿಸುವ ಪ್ರಯತ್ನದ ಭಾಗವಾಗಿಯೂ ಈ ಯೋಜನೆಯನ್ನು ಪರಿಗಣಿಸಲಾಗಿದೆ.

ಈಗಾಗಲೇ ವಿವಿಧ ರೈಲು ನಿಲ್ದಾಣಗಳಲ್ಲಿ ದಿನಸಿ ವಸ್ತುಗಳ ಮಳಿಗೆಗಳು, ಸುಗಂಧ ದ್ರವ್ಯಗಳ ಮಳಿಗೆಗಳು ಮತ್ತು ಕಾರ್‌ ಸರ್ವಿಸ್‌ ಕೇಂದ್ರಗಳಂತಹ ಸೌಲಭ್ಯಗಳನ್ನು ಪರಿಚಯಿಸಲು ದಕ್ಷಿಣ ರೈಲ್ವೆ ಸಿದ್ಧತೆ ನಡೆಸುತ್ತಿದೆ.

ಎರ್ನಾಕುಲಂನ ಸ್ಥಳೀಯ ನಿವಾಸಿ ಅಕ್ಷಯ್‌ ಪಿ.ಆರ್. ಈ ಯೋಜನೆಯನ್ನು ಸ್ವಾಗತಿಸಿದ್ದಾರೆ. ವಿಶೇಷವಾಗಿ ಮಕ್ಕಳಿಗಾಗಿ ಮನರಂಜನೆ ಮತ್ತು ಗೇಮಿಂಗ್‌ ವಲಯ ಆರಂಭಿಸುವುದರಿಂದ ಪ್ರಯಾಣಿಕರ ಅನುಭವ ಸುಧಾರಿಸುವುದರ ಜೊತೆಗೆ, ನಿಲ್ದಾಣವನ್ನು ಹೆಚ್ಚು ಆಧುನಿಕಗೊಳಿಸಲು ಸಹಕಾರಿಯಾಗಲಿದೆ ಎಂಬುದು ಅವರ ಅಭಿಪ್ರಾಯ.

Rudraksha Mala: ಯಾವ ಮುಖದ ರುದ್ರಾಕ್ಷಿ ಧರಿಸಿದ್ರೆ ಏನು ಲಾಭ ? ರುದ್ರಾಕ್ಷಿ ಧರಿಸುವ ಮುನ್ನ ಇದು ನೆನಪಿರಲಿ

Roopa Hegde — Thu, 22 Oct 2026 13:48:23 +0530

ಹಿಂದೂ ಧರ್ಮದಲ್ಲಿ ರುದ್ರಾಕ್ಷಿಗೆ ವಿಶೇಷ ಮಹತ್ವವಿದೆ. ಇದನ್ನು ಶಿವನ ಕಣ್ಣೀರಿನಿಂದ ಉದ್ಭವಿಸಿದ ಪವಿತ್ರ ಮಣಿ ಎಂದು ನಂಬಲಾಗುತ್ತದೆ. ಒಂದರಿಂದ 14 ಮುಖಿಗಳವರೆಗೆ ವಿವಿಧ ರುದ್ರಾಕ್ಷಗಳಿದ್ದು, ಪ್ರತಿಯೊಂದಕ್ಕೂ ತನ್ನದೇ ಆದ ಧಾರ್ಮಿಕ ಮಹತ್ವವಿದೆ ಎಂದು ನಂಬಲಾಗಿದೆ.

ರುದ್ರಾಕ್ಷಿಯನ್ನು ಕೇವಲ ಭಕ್ತಿಯ ಸಂಕೇತವಾಗಿ ಮಾತ್ರವಲ್ಲದೆ, ರಕ್ಷಣೆಯ ಕವಚವಾಗಿಯೂ ಪರಿಗಣಿಸಲಾಗುತ್ತದೆ. ಹಿಂದೂ ಧರ್ಮದಲ್ಲಿ 1ರಿಂದ 21 ಮುಖಿಗಳವರೆಗಿನ ರುದ್ರಾಕ್ಷಿಗಳ ಉಲ್ಲೇಖವಿದೆ. ಶಿವಪುರಾಣದಲ್ಲಿ 1ರಿಂದ 14 ಮುಖಿ ರುದ್ರಾಕ್ಷಿಗಳಿಗೂ ವಿಶೇಷ ಮಹತ್ವ ನೀಡಲಾಗಿದೆ. ಏಕಮುಖಿ ರುದ್ರಾಕ್ಷಿಯಲ್ಲಿ ಒಂದು ಮುಖವಿರುತ್ತದೆ. ಇದು ಅಪರೂಪವಾಗಿ ದೊರೆಯುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಇದನ್ನು ಧರಿಸುವುದರಿಂದ ಮನಸ್ಸಿಗೆ ಶಾಂತಿ ಸಿಗುತ್ತದೆ. ಪೂಜೆ, ಧ್ಯಾನದ ಕಡೆಗೆ ಹೆಚ್ಚು ಗಮನ ಹರಿಸಲು ಸಹಾಯವಾಗುತ್ತದೆ. ಇದನ್ನು ಶಿವನ ಅನುಗ್ರಹ ಪಡೆಯುವ ಸಂಕೇತವೆಂದೂ ಪರಿಗಣಿಸಲಾಗುತ್ತದೆ.

ದ್ವಿಮುಖಿ ರುದ್ರಾಕ್ಷಿಯಲ್ಲಿ ಎರಡು ಮುಖಗಳಿರುತ್ತವೆ. ಇದನ್ನು ಏಕತೆ, ಸಾಮರಸ್ಯ ಮತ್ತು ಸಂಬಂಧಗಳಲ್ಲಿನ ಹೊಂದಾಣಿಕೆಯ ಸಂಕೇತವೆಂದು ನಂಬಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಇದನ್ನು ಧರಿಸುವುದರಿಂದ ಮನಸ್ಸಿನಲ್ಲಿ ಶಾಂತಿ ನೆಲೆಸುತ್ತದೆ ಮತ್ತು ಸಂಬಂಧಗಳಲ್ಲಿ ಸಾಮರಸ್ಯ ಹೆಚ್ಚುತ್ತದೆ.

ಮೂರು ಮುಖಗಳನ್ನು ಹೊಂದಿರುವ ತ್ರಿಮುಖಿ ರುದ್ರಾಕ್ಷಿಗೆ ಹಿಂದೂ ಧರ್ಮದಲ್ಲಿ ವಿಶೇಷ ಸ್ಥಾನವಿದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಇದನ್ನು ಧರಿಸುವುದರಿಂದ ಆತ್ಮವಿಶ್ವಾಸ ಮತ್ತು ಸಕಾರಾತ್ಮಕ ಚಿಂತನೆ ಹೆಚ್ಚುತ್ತದೆ ಎಂದು ಹೇಳಲಾಗುತ್ತದೆ.

ನಾಲ್ಕು ಮುಖಗಳಿರುವ ಚತುರ್ಮುಖಿ ರುದ್ರಾಕ್ಷಿಯನ್ನು ಜ್ಞಾನ ಮತ್ತು ಬುದ್ಧಿವಂತಿಕೆಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಇದನ್ನು ಧರಿಸುವುದರಿಂದ ಏಕಾಗ್ರತೆ ಮತ್ತು ನೆನಪಿನ ಶಕ್ತಿ ಹೆಚ್ಚುತ್ತದೆ ಎಂಬ ಧಾರ್ಮಿಕ ನಂಬಿಕೆಯಿದೆ.

ಪಂಚಮುಖಿ ರುದ್ರಾಕ್ಷಿ ಅತ್ಯಂತ ಜನಪ್ರಿಯವಾದ ರುದ್ರಾಕ್ಷಿಗಳಲ್ಲಿ ಒಂದಾಗಿದೆ. ಐದು ಮುಖಗಳನ್ನು ಹೊಂದಿರುವ ಇದನ್ನು ಶಾಂತಿ, ಸಕಾರಾತ್ಮಕತೆ ಮತ್ತು ನೆಮ್ಮದಿಯ ಸಂಕೇತವಾಗಿ ನೋಡಲಾಗುತ್ತದೆ. ಧಾರ್ಮಿಕ ಸಂಪ್ರದಾಯಗಳಲ್ಲಿ ಪುರುಷರು, ಮಹಿಳೆಯರು ಮತ್ತು ಮಕ್ಕಳು ಇದನ್ನು ಧರಿಸಬಹುದು ಎಂದು ನಂಬಲಾಗಿದೆ.

ಆರು ಮುಖಗಳನ್ನು ಹೊಂದಿರುವ ಷಣ್ಮುಖಿ ರುದ್ರಾಕ್ಷಿಯನ್ನು ವಿಶೇಷವಾಗಿ ಏಕಾಗ್ರತೆ ಮತ್ತು ಆತ್ಮವಿಶ್ವಾಸದೊಂದಿಗೆ ಸಂಬಂಧಿಸಿ ನೋಡಲಾಗುತ್ತದೆ. ಕೆಲವು ಧಾರ್ಮಿಕ ನಂಬಿಕೆಗಳ ಪ್ರಕಾರ, ಇದನ್ನು ಧರಿಸುವುದರಿಂದ ಮನಸ್ಸು ಶಾಂತವಾಗಿರುತ್ತದೆ ಮತ್ತು ಗಮನ ಕೇಂದ್ರೀಕರಿಸಲು ಸಹಾಯವಾಗುತ್ತದೆ.

ಏಳು ಮುಖಗಳಿರುವ ಸಪ್ತಮುಖಿ ರುದ್ರಾಕ್ಷಿಯನ್ನು ಒತ್ತಡ ಮತ್ತು ಮಾನಸಿಕ ಚಿಂತೆಗಳಿಂದ ನೆಮ್ಮದಿ ಪಡೆಯುವ ಸಂಕೇತವಾಗಿ ಪರಿಗಣಿಸಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಇದನ್ನು ಧರಿಸುವುದರಿಂದ ಕೆಲಸ ಮತ್ತು ವೃತ್ತಿಜೀವನದ ಕಡೆಗೆ ಗಮನ ಹರಿಸಲು ನೆರವಾಗುತ್ತದೆ.

ಎಂಟು ಮುಖಗಳನ್ನು ಹೊಂದಿರುವ ಅಷ್ಟಮುಖಿ ರುದ್ರಾಕ್ಷಿಗೂ ಧಾರ್ಮಿಕ ಮಹತ್ವವಿದೆ. ಇದನ್ನು ಧರಿಸುವುದರಿಂದ ಮನಸ್ಸಿಗೆ ಶಾಂತಿ ಮತ್ತು ನೆಮ್ಮದಿ ದೊರೆಯುತ್ತದೆ ಎಂಬ ನಂಬಿಕೆಯಿದೆ.

ಒಂಬತ್ತು ಮುಖಗಳಿರುವ ನವಮುಖಿ ರುದ್ರಾಕ್ಷಿಯನ್ನು ಧಾರ್ಮಿಕವಾಗಿ ಮಹತ್ವಪೂರ್ಣವೆಂದು ಪರಿಗಣಿಸಲಾಗುತ್ತದೆ. ಇದನ್ನು ಧರಿಸುವುದರಿಂದ ಸಕಾರಾತ್ಮಕ ಶಕ್ತಿ ದೊರೆಯುತ್ತದೆ ಮತ್ತು ಮನೋಬಲ ಹೆಚ್ಚುತ್ತದೆ ಎಂಬ ನಂಬಿಕೆಯಿದೆ.

ಹತ್ತು ಮುಖಗಳನ್ನು ಹೊಂದಿರುವ ದಶಮುಖಿ ರುದ್ರಾಕ್ಷಿಯನ್ನು ರಕ್ಷಣೆಯ ಸಂಕೇತವಾಗಿ ನೋಡಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಇದು ನಕಾರಾತ್ಮಕ ಶಕ್ತಿಗಳಿಂದ ರಕ್ಷಣೆ ನೀಡುತ್ತದೆ ಎಂದು ನಂಬಲಾಗಿದೆ.

ಹನ್ನೊಂದು ಮುಖಗಳಿರುವ ಏಕಾದಶಮುಖಿ ರುದ್ರಾಕ್ಷಿಯನ್ನು ಧೈರ್ಯ, ಆತ್ಮವಿಶ್ವಾಸ ಮತ್ತು ಮನೋಬಲದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಇದನ್ನು ಧರಿಸುವುದರಿಂದ ಮನಸ್ಸಿನ ಮೇಲೆ ನಿಯಂತ್ರಣ ಸಾಧಿಸಲು ಸಹಾಯವಾಗುತ್ತದೆ ಎಂಬ ನಂಬಿಕೆಯಿದೆ.

ಹನ್ನೆರಡು ಮುಖಗಳನ್ನು ಹೊಂದಿರುವ ದ್ವಾದಶಮುಖಿ ರುದ್ರಾಕ್ಷಿಯನ್ನು ಶಕ್ತಿ, ತೇಜಸ್ಸು ಮತ್ತು ಆತ್ಮವಿಶ್ವಾಸದ ಸಂಕೇತವಾಗಿ ನೋಡಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಇದು ವ್ಯಕ್ತಿಯಲ್ಲಿ ಸಕಾರಾತ್ಮಕ ಭಾವನೆಗಳನ್ನು ಹೆಚ್ಚಿಸುತ್ತದೆ.

ಹದಿಮೂರು ಮುಖಗಳಿರುವ ತ್ರಯೋದಶಮುಖಿ ರುದ್ರಾಕ್ಷಿಯನ್ನು ಧಾರ್ಮಿಕ ಸಂಪ್ರದಾಯಗಳಲ್ಲಿ ವಿಶೇಷವೆಂದು ಪರಿಗಣಿಸಲಾಗುತ್ತದೆ. ಇದನ್ನು ಧರಿಸುವುದರಿಂದ ಆತ್ಮವಿಶ್ವಾಸ ಮತ್ತು ಮನಸ್ಸಿನ ನೆಮ್ಮದಿ ಹೆಚ್ಚುತ್ತದೆ ಎಂಬ ನಂಬಿಕೆಯಿದೆ.

ಹದಿನಾಲ್ಕು ಮುಖಗಳನ್ನು ಹೊಂದಿರುವ ಚತುರ್ದಶಮುಖಿ ರುದ್ರಾಕ್ಷಿಯನ್ನು ಅತ್ಯಂತ ವಿಶೇಷವಾದ ರುದ್ರಾಕ್ಷಿಗಳಲ್ಲಿ ಒಂದೆಂದು ಪರಿಗಣಿಸಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಇದನ್ನು ಧರಿಸುವುದರಿಂದ ಧೈರ್ಯ, ಮನೋಬಲ ಮತ್ತು ಮಾನಸಿಕ ನೆಮ್ಮದಿ ದೊರೆಯುತ್ತದೆ.

'ಪ್ರೇಮದ ಊರಲಿ' ಹಾಡು ಹಾಡಿದ ಮಕ್ಕಳನ್ನ ಸನ್ಮಾನಿಸಿದ ಮಡಿಕೇರಿ ದಸರಾ ಸಾಂಸ್ಕೃತಿಕ ವೇದಿಕೆ, ಇತ್ತ 100 ಕೋಟಿ ಕ್ಲಬ್‌ ಸೇರಿದ ಸಿನಿಮಾ

Ashwini HR — Thu, 22 Oct 2026 13:44:58 +0530

ಕರುನಾಡಿನಾದ್ಯಂತ ಸಂಚಲನ ಮೂಡಿಸಿರುವ ಜನಪ್ರಿಯ ‘ಪ್ರೇಮದ ಊರಲಿ’ ಸಿನಿಮಾಗೆ ಹಾಡು ಹಾಡಿ, ತಮ್ಮ ಅದ್ಭುತ ಗಾಯನದ ಮೂಲಕ ಕಲಾಪ್ರೇಮಿಗಳ ಮನಸೂರೆಗೊಂಡ ಕಾರ್ಕಳದ ಜೇಸಿ ಶಾಲೆಯ ಪುಟಾಣಿ ಪ್ರತಿಭೆಗಳನ್ನು ಮಡಿಕೇರಿ ದಸರಾ ಸಾಂಸ್ಕೃತಿಕ ವೇದಿಕೆ ಗುರುತಿಸಿ, ಅದ್ಧೂರಿಯಾಗಿ ಗೌರವಿಸಿದೆ.

ಮಡಿಕೇರಿ ದಸರಾ ಮಹೋತ್ಸವದ ವಿಶೇಷ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಜೇಸಿ ಶಾಲೆಯ ಮಕ್ಕಳು, ಪ್ರಖ್ಯಾತ ‘ಪ್ರೇಮದ ಊರಲಿ...’ ಸಿನಿಮಾದ ಹಾಡಿಗೆ ಅತ್ಯಂತ ಆಕರ್ಷಕವಾಗಿ ಪ್ರದರ್ಶನ ನೀಡಿದರು. ಮಕ್ಕಳ ಈ ಕಲಾ ಪ್ರದರ್ಶನ ಕಣ್ತುಂಬಿಕೊಂಡ ಮಡಿಕೇರಿಯ ಕಲಾಭಿಮಾನಿಗಳು ಫಿದಾ ಆಗಿದ್ದಾರೆ. ಪುಟಾಣಿಗಳ ಪ್ರತಿಭೆಯನ್ನು ಗುರುತಿಸಿದ ದಸರಾ ಸಾಂಸ್ಕೃತಿಕ ಸಮಿತಿಯು, ಮಕ್ಕಳನ್ನು ಪ್ರಥಮ ಸನ್ಮಾನದೊಂದಿಗೆ ಗೌರವಿಸಿದ್ದು ವಿಶೇಷವಾಗಿತ್ತು.

ಧನ್ಯವಾದ ತಿಳಿಸಿದ ಶಿಕ್ಷಕಿ ವಂದನಾ ರೈ

ಈ ಕುರಿತು ಅಪಾರ ಹರ್ಷ ವ್ಯಕ್ತಪಡಿಸಿರುವ ಜೇಸಿ ಶಾಲೆಯ ಶಿಕ್ಷಕಿ ವಂದನಾ ರೈ (vandana_rai.karkala) ಅವರು ತಮ್ಮ ಇನ್‌ಸ್ಟಾಗ್ರಾಮ್ ಪೇಜ್‌ನಲ್ಲಿ ಸುಂದರ ನೆನಪುಗಳನ್ನು ಹಂಚಿಕೊಂಡಿದ್ದಾರೆ. "ನಮ್ಮ ಜೇಸಿ ಶಾಲೆ ಕಾರ್ಕಳದ ಪ್ರತಿಭೆಗಳನ್ನು ಗುರುತಿಸಿ ಪ್ರೋತ್ಸಾಹಿಸಿದ ಮಡಿಕೇರಿ ದಸರಾ ಸಾಂಸ್ಕೃತಿಕ ವೇದಿಕೆಗೆ ಇಡೀ ಶಾಲಾ ಆಡಳಿತ ಮಂಡಳಿ ಮತ್ತು ಪೋಷಕರ ಪರವಾಗಿ ಕೋಟಿ ಕೋಟಿ ಧನ್ಯವಾದಗಳು" ಎಂದು ಭಾವನಾತ್ಮಕವಾಗಿ ಧನ್ಯವಾದ ಅರ್ಪಿಸಿದ್ದಾರೆ.

ಮುಂದುವರಿದು, "ನಮ್ಮ ಜೇಸಿ ಶಾಲೆಯ ಪುಟಾಣಿ ಮಕ್ಕಳ ಕಲಾ ಕೌತುಕಕ್ಕೆ ಮಡಿಕೇರಿ ದಸರಾ ಮಹೋತ್ಸವದ ವೇದಿಕೆಯಲ್ಲಿ ಮುಕ್ತ ಅವಕಾಶ ನೀಡಿ, ಪ್ರಥಮ ಸನ್ಮಾನದೊಂದಿಗೆ ಗೌರವಿಸಿದ ಸಾಂಸ್ಕೃತಿಕ ಸಮಿತಿಗೆ ಹಾಗೂ ಮಡಿಕೇರಿಯ ಕಲಾಭಿಮಾನಿ ಜನತೆಗೆ ನಮ್ಮ ಅನಂತ ಧನ್ಯವಾದಗಳು" ಎಂದಿದ್ದಾರೆ. ಅಲ್ಲದೆ, ಈ ಮಕ್ಕಳ ಸಾಧನೆಯ ಹಿಂದೆ ಶ್ರಮಿಸಿದ ಮತ್ತು ವಿಶೇಷ ಮಾರ್ಗದರ್ಶನ ನೀಡಿದ ರವಿ ಅವರಿಗೂ ಈ ಸಂದರ್ಭದಲ್ಲಿ ವಿಶೇಷ ಧನ್ಯವಾದಗಳನ್ನು ತಿಳಿಸಿದ್ದಾರೆ.

ಮಕ್ಕಳ ಈ ಮುದ್ದು ಪ್ರದರ್ಶನ ಹಾಗೂ ಮಡಿಕೇರಿ ದಸರಾದ ವೇದಿಕೆಯಲ್ಲಿ ಸಿಕ್ಕ ಈ ದೊಡ್ಡ ಗೌರವವು ಕಾರ್ಕಳದ ಜನತೆಗೆ ಹಾಗೂ ಶಾಲೆಯ ಸಿಬ್ಬಂದಿಗೆ ಅಪಾರ ಹೆಮ್ಮೆ ತಂದಿದೆ. ಸಾಮಾಜಿಕ ಜಾಲತಾಣವಾದ ಇನ್‌ಸ್ಟಾಗ್ರಾಮ್‌ನಲ್ಲಿ ವಂದನಾ ರೈ ಹಂಚಿಕೊಂಡಿರುವ ಈ ಪೋಸ್ಟ್‌ಗೆ ಈಗ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದು, ನೆಟ್ಟಿಗರು ಪುಟಾಣಿ ಪ್ರತಿಭೆಗಳಿಗೆ ಶುಭ ಹಾರೈಸುತ್ತಿದ್ದಾರೆ. ಗ್ರಾಮೀಣ ಹಾಗೂ ಪಟ್ಟಣ ಪ್ರದೇಶದ ಪ್ರತಿಭೆಗಳಿಗೆ ಇಂತಹ ದೊಡ್ಡ ವೇದಿಕೆಗಳು ಸಿಕ್ಕಾಗ ಮಾತ್ರ ಕಲಾವಿದರು ಬೆಳೆಯಲು ಸಾಧ್ಯ ಎಂಬುದಕ್ಕೆ ಈ ಘಟನೆಯೇ ಸಾಕ್ಷಿಯಾಗಿದೆ.

100 ಕೋಟಿ ಕ್ಲಬ್‌ ಸೇರಿ ಇತಿಹಾಸ ಸೃಷ್ಟಿಸಿದ ‘ಪ್ರೇಮದ ಊರಲಿ’!

ಮನೋಜ್ ಕುಮಾರ್ ನಿರ್ದೇಶನದ, ಸಂಪೂರ್ಣ ನವಪ್ರತಿಭೆಗಳನ್ನೊಳಗೊಂಡ ‘ಪ್ರೇಮದ ಊರಲಿ’ ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಅಕ್ಷರಶಃ ಧೂಳೆಬ್ಬಿಸಿದ್ದು, 100 ಕೋಟಿ ರೂಪಾಯಿ ಕ್ಲಬ್ ಸೇರುವಲ್ಲಿ ಯಶಸ್ವಿಯಾಗಿದೆ. ಸಿನಿಮಾದ ಈ ಅದ್ಭುತ ಯಶಸ್ಸಿನ ಸಂಭ್ರಮದಲ್ಲಿರುವ ಚಿತ್ರತಂಡ, ನಿನ್ನೆ ಮೈಸೂರು ದಸರಾದಲ್ಲಿ ಭಾಗವಹಿಸಿ ಕಲಾಪ್ರೇಮಿಗಳ ಗಮನ ಸೆಳೆದಿತ್ತು.

ಯಾವುದೇ ದೊಡ್ಡ ತಾರಾಗಣವಿಲ್ಲದೆ, ಸಂಪೂರ್ಣವಾಗಿ ಬಾಯ್ಮಾತಿನ ಪ್ರಚಾರದ (Word of Mouth) ಮೂಲಕವೇ ಪ್ರೇಕ್ಷಕರನ್ನು ಥಿಯೇಟರ್‌ಗಳತ್ತ ಸೆಳೆದ ಈ ಚಿತ್ರ, ದಿನದಿಂದ ದಿನಕ್ಕೆ ತನ್ನ ಜನಪ್ರಿಯತೆಯನ್ನು ವಿಸ್ತರಿಸಿಕೊಳ್ಳುತ್ತಾ ಸಾಗಿದೆ. ಸಿನಿಮಾ ಇಂಡಸ್ಟ್ರಿ ಟ್ರ್ಯಾಕರ್ ಸ್ಯಾಕ್ನಿಲ್ಕ್ ವರದಿಯ ಪ್ರಕಾರ, ಬಿಡುಗಡೆಯಾಗಿ 27 ದಿನಗಳನ್ನು ಪೂರೈಸಿರುವ ‘ಪ್ರೇಮದ ಊರಲಿ’ ಒಟ್ಟು 107.67 ಕೋಟಿ ರೂಪಾಯಿಗಳಿಗೂ ಅಧಿಕ ಕಲೆಕ್ಷನ್ ಮಾಡುವ ಮೂಲಕ ಅಚ್ಚರಿ ಮೂಡಿಸಿದೆ.

ವಾರದ ದಿನಗಳಾದ ಮಂಗಳವಾರ 5 ಕೋಟಿ ಹಾಗೂ ಬುಧವಾರ 5.30 ಕೋಟಿ ರೂ.ಗಳ ಭರ್ಜರಿ ಕಲೆಕ್ಷನ್ ಮಾಡುವ ಮೂಲಕ, ವರ್ಕಿಂಗ್ ಡೇಸ್‌ನಲ್ಲೂ ಸಿನಿಮಾ ತನ್ನ ಬಲವನ್ನು ಸಾಬೀತುಪಡಿಸಿದೆ. ಕೇವಲ 26 ದಿನಗಳಲ್ಲೇ 100 ಕೋಟಿ ರೂ. ಗಡಿಯನ್ನು ದಾಟುವ ಮೂಲಕ ಕನ್ನಡದ ಹೆಮ್ಮೆಯ ಸಿನಿಮಾಗಳ ಸಾಲಿಗೆ ಇದು ಸೇರ್ಪಡೆಗೊಂಡಿದೆ.

'ನಾನು ಟೀಂ ಇಂಡಿಯಾಗೆ ಬಂದೇ ಬರ್ತೀನಿ': ಮತ್ತೆ ಗುಡುಗಿದ ಅನುಭವಿ ವೇಗಿ ಮೊಹಮ್ಮದ್ ಶಮಿ..!

Naveen Kodase — Thu, 22 Oct 2026 13:37:20 +0530

ಬೆಂಗಳೂರು: ಭಾರತ ಕ್ರಿಕೆಟ್ ತಂಡದ ಅನುಭವಿ ವೇಗಿ ಮೊಹಮ್ಮದ್ ಶಮಿ, ನ್ಯೂಜಿಲೆಂಡ್ ಪ್ರವಾಸಕ್ಕೆ ಆಯ್ಕೆಯಾಗಬಹುದು ಎನ್ನುವ ನಿರೀಕ್ಷೆ ಹುಸಿಯಾಗಿದೆ. ಹೀಗಿದ್ದರೂ ತಾವು ಹೋರಾಟ ನಿಲ್ಲಿಸುವುದಿಲ್ಲ, ಭಾರತ ತಂಡಕ್ಕೆ ಕಮ್‌ಬ್ಯಾಕ್‌ ಮಾಡುತ್ತೇನೆ ಎಂದು ಗುಡುಗಿದ್ದಾರೆ.

ನ್ಯೂಜಿಲೆಂಡ್ ಎದುರಿನ ಏಕದಿನ ಸರಣಿಗೆ ಜಸ್ಪ್ರೀತ್ ಬುಮ್ರಾ ಅನುಪಸ್ಥಿತಿಯಲ್ಲಿ ಮೊಹಮ್ಮದ್‌ ಶಮಿಗೆ ಭಾರತ ತಂಡದಲ್ಲಿ ಸ್ಥಾನ ಸಿಗಬಹುದು ಎನ್ನುವ ನಿರೀಕ್ಷೆ ಹುಸಿಯಾಗಿದೆ. ದೇಶಿ ಕ್ರಿಕೆಟ್‌ನಲ್ಲಿ ಅದ್ಭುತ ಪ್ರದರ್ಶನ ನೀಡುತ್ತಿದ್ದರೂ ಶಮಿ ಪದೇ ಪದೇ ಆಯ್ಕೆ ಸಮಿತಿಯಿಂದ ಕಡೆಗಣನೆಗೆ ಒಳಗಾಗುತ್ತಿದ್ದಾರೆ.

ಮೊಹಮ್ಮದ್ ಸಮಿ 2025ರ ಚಾಂಪಿಯನ್ಸ್ ಟ್ರೋಫಿ ಫೈನಲ್‌ನಲ್ಲಿ ಕೊನೆಯ ಬಾರಿಗೆ ಭಾರತ ತಂಡವನ್ನು ಪ್ರತಿನಿಧಿಸಿದ್ದರು. ಇದಾದ ಬಳಿಕ ಗಾಯದಿಂದ ಚೇತರಿಸಿಕೊಂಡು ಐಪಿಎಲ್ ಹಾಗೂ ದೇಶಿ ಕ್ರಿಕೆಟ್‌ನಲ್ಲಿ ಮಿಂಚಿದರೂ ಶಮಿಗೆ ಟೀಂ ಇಂಡಿಯಾ ಬಾಗಿಲು ಇನ್ನೂ ಓಪನ್ ಆಗಿಲ್ಲ. ಇದರ ಬೆನ್ನಲ್ಲೇ ಶಮಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಬದುಕು ಮುಗಿಯಿತಾ ಎನ್ನುವ ಪ್ರಶ್ನೆ ಕಾಡಲಾರಂಭಿಸಿದೆ

ಶಮಿಯನ್ನು ಆಯ್ಕೆ ಸಮಿತಿ ಕಡೆಗಣಿಸುವುದು ಈಗಂತೂ ಸಾಮಾನ್ಯವಾಗಿಬಿಟ್ಟಿದೆ. ಇದನ್ನು ನೋಡಿದರೆ ನನಗೆ ನಿಜಕ್ಕೂ ನೋವಾಗುತ್ತಿದೆ. ಭಾರತ ತಂಡದ ಪರ ಮಾತ್ರವಲ್ಲದೇ ದೇಶಿ ಕ್ರಿಕೆಟ್‌ನಲ್ಲೂ ಶಮಿ ಒಳ್ಳೆಯ ಲಯದಲ್ಲಿದ್ದಾರೆ. ಹೀಗಿದ್ದೂ ಸೆಲೆಕ್ಟರ್ಸ್‌ ಆತನನ್ನು ಪರಿಗಣಿಸಿಲ್ಲ. ಇದನ್ನೆಲ್ಲಾ ನೋಡಿದರೆ ಶಮಿ ಭಾರತ ಪರ ಆಡೋದು ಕಷ್ಟ. ಸುಮ್ಮನೆ ತಮ್ಮ ಬ್ಯಾಗ್ ಪ್ಯಾಕ್ ಮಾಡಿ ನಿವೃತ್ತಿ ಘೋಷಿಸುವುದು ಒಳ್ಳೆಯದು ಎಂದು ಟೀಂ ಇಂಡಿಯಾ ಮಾಜಿ ಕ್ರಿಕೆಟಿಗ ಮೊಹಮ್ಮದ್ ಶಮಿ ಅಭಿಪ್ರಾಯಪಟ್ಟಿದ್ದಾರೆ.

ಇನ್ನು ಇದೆಲ್ಲದರ ನಡುವೆ ಮೊಹಮ್ಮದ್ ಶಮಿ ಈ ಕುರಿತಂತೆ ಮೌನ ಮುರಿದಿದ್ದು, ತಾವು 2027ರ ಏಕದಿನ ವಿಶ್ವಕಪ್ ಆಡುವ ಕನಸನ್ನು ಕೈಬಿಡುವುದಿಲ್ಲ ಎಂದು ಹೇಳಿದ್ದಾರೆ. ನನ್ನ ಗುರಿ ಭಾರತ ತಂಡಕ್ಕೆ ಮತ್ತೊಮ್ಮೆ ಆಡುವುದಾಗಿದೆ. ನಾನು ಈ ಭರವಸೆಯನ್ನು ಕಳೆದುಕೊಳ್ಳುವುದಿಲ್ಲ ಎಂದು ಅನುಭವಿ ವೇಗಿ ಹೇಳಿದ್ದಾರೆ.

ಪ್ರತಿಯೊಬ್ಬ ಆಟಗಾರರಿಗೂ ಒಂದು ಗುರಿಯಿರಬೇಕು. ನಾನೀಗ ಸದ್ಯ ಭಾರತ ತಂಡದಲ್ಲಿಲ್ಲ. ಈಗೇನಿದ್ದರೂ ನಾನು ದೇಶಿ ಕ್ರಿಕೆಟ್‌ ಆಡುವುದು, ಅಲ್ಲಿ ನನ್ನ ಸ್ಕಿಲ್ ಇನ್ನಷ್ಟು ಉತ್ತಮ ಮಾಡಿಕೊಳ್ಳುವುದಾಗಿದೆ. ಭವಿಷ್ಯದಲ್ಲಿ ಏನೇನು ಆಗಲಿದೆಯೋ ಗೊತ್ತಿಲ್ಲ. ಒಂದು ವೇಳೆ ನನಗೆ 2027ರ ಏಕದಿನ ವಿಶ್ವಕಪ್ ಆಡುವ ಅವಕಾಶ ಸಿಕ್ಕಿದರೆ, ಖಂಡಿತವಾಗಿಯೂ 100% ಕಪ್ ಗೆಲ್ಲಿಸಲು ನಾನು ಪ್ರಯತ್ನ ಮಾಡುತ್ತೇನೆ. ನನ್ನ ದೇಶಕ್ಕೆ ಕಪ್ ಗೆಲ್ಲಲು ನಾನು ಇನ್ನಷ್ಟು ಕಠಿಣ ಪರಿಶ್ರಮ ಪಡುತ್ತೇನೆ, ನಾನು ಹೋರಾಟ ಕೈಬಿಡುವುದಿಲ್ಲ. ಭಾರತಕ್ಕೆ ಕಮ್‌ಬ್ಯಾಕ್ ಮಾಡುತ್ತೇನೆ ಎಂದು ಸಂದೇಶ ರವಾನಿಸಿದ್ದಾರೆ.

ಮುಂಬರುವ ದಿನಗಳಲ್ಲಾದರೂ ಮೊಹಮ್ಮದ್ ಶಮಿಗೆ ಟೀಂ ಇಂಡಿಯಾ ಅವಕಾಶ ಸಿಗಬೇಕೇ? ಅಥವಾ ಯುವ ವೇಗಿಗಳಿಗೆ ಅವಕಾಶ ನೀಡಬೇಕೇ ಎನ್ನುವುದನ್ನು ಕಮೆಂಟ್ ಮಾಡುವ ಮೂಲಕ ತಿಳಿಸಿ.

ಸೀಮಂತದ ಬಳಿಕ ಹಾಟ್ ಲುಕ್ನಲ್ಲಿ Karna Serial ನಿತ್ಯಾ: ನಟಿ ನಮ್ರತಾ ಗೌಡ ಕ್ಯೂಟ್ ಫೋಟೋಸ್ ಇಲ್ಲಿವೆ

Suchethana D — Thu, 22 Oct 2026 13:34:29 +0530

'ಕರ್ಣ' ಧಾರಾವಾಹಿಯಲ್ಲಿ ನಿತ್ಯಾ ಪಾತ್ರಧಾರಿ ನಮ್ರತಾ ಗೌಡ, ಮಾಡರ್ನ್ ಡ್ರೆಸ್‌ನಲ್ಲಿ ಹಾಟ್ ಫೋಟೋಶೂಟ್ ಮಾಡಿಸಿದ್ದಾರೆ. ಬಿಗ್‌ಬಾಸ್ ಖ್ಯಾತಿಯ ನಮ್ರತಾ ರೈತರ ಪರ ಹೋರಾಡುವ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಕರ್ಣ ಸೀರಿಯಲ್ (Karna Serial)ನಲ್ಲಿ ಸದ್ಯ ಸ್ಟೋರಿಯೇ ಫುಲ್ ಬದಲಾಗಿ ಹೋಗಿದೆ. ಆರಂಭದಲ್ಲಿ ನಿಧಿ, ನಿತ್ಯಾ ಮತ್ತು ಕರ್ಣನ ಸುತ್ತಲೂ ಸುತ್ತುತ್ತಿದ್ದ ಸ್ಟೋರಿ ಬೇರೆ ರೂಪ ಪಡೆದುಕೊಂಡಿದೆ. ಕಣ್ಮರೆಯಾಗಿದ್ದ ನಿತ್ಯಾ ಮಧ್ಯೆ ಮತ್ತೆ ಕಾಣಿಸಿಕೊಂಡಿದ್ದಳು, ಅವಳ ಸೀಮಂತ ನೆರವೇರಿದೆ. ಈಗೇನಿದ್ದರೂ ಕರ್ಣ ಅಮ್ಮ-ಮಗನ ಸೆಂಟಿಮೆಂಟ್ ಸ್ಟೋರಿ.

ಆರಂಭದಲ್ಲಿ ನಿತ್ಯಾ ಇದ್ದಾಗ ಸೀರಿಯಲ್ ಅನ್ನು ಜನರು ಸಿಕ್ಕಾಪಟ್ಟೆ ಇಷ್ಟಪಟ್ಟಿದ್ದರು. ನಿತ್ಯಾನ್ನು ಕರ್ಣ ಅನಿವಾರ್ಯವಾಗಿ ಮದುವೆಯಾದಾಗ, ಮುಂದೇನು ಎನ್ನುವ ತವಕ ಇತ್ತು. ಕೊನೆಗೆ ಈಗ ನಿತ್ಯಳನ್ನು ಸಂಪೂರ್ಣ ದೂರ ಮಾಡಿದ್ದು, ನಿತ್ಯಾ ಪಾತ್ರಧಾರಿಯಾಗಿದ್ದ ನಮ್ರತಾ ಗೌಡ (Namratha Gowda) ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ಮಾತ್ರ ಆ್ಯಕ್ಟೀವ್ ಆಗಿದ್ದಾರೆ.

ಅಷ್ಟಕ್ಕೂ ನಟಿ ನಮ್ರತಾ ಗೌಡ ಸದ್ಯ ಪಿಸಿ. ಶೇಖರ್ ನಿರ್ದೇಶನದ ʻಮಹಾನ್ʼ ಸಿನಿಮಾದಲ್ಲಿ ನಗರದಿಂದ ಹಳ್ಳಿಗೆ ಮರಳಿ ರೈತರ ಹಕ್ಕುಗಳಿಗಾಗಿ ಹೋರಾಡುವ ವಿದ್ಯಾವಂತ ಯುವತಿಯಾಗಿ ಅವರು ನಟಿಸುತ್ತಿದ್ದಾರೆ. ಇತ್ತೀಚೆಗಷ್ಟೇ ಚಿತ್ರತಂಡ ಇದರ ಫಸ್ಟ್ ಲುಕ್ ಬಿಡುಗಡೆ ಮಾಡಿದೆ. ನಟ ಶಿವರಾಜ್‌ಕುಮಾರ್ ಹಾಗೂ ವಿಜಯ ರಾಘವೇಂದ್ರ ಅವರಂತಹ ದೊಡ್ಡ ನಟರ ಜೊತೆ ನಮ್ರತಾ ಅವರ ಈ ಹೊಸ ಅವತಾರ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿದೆ.

ಇದೀಗ ನಟಿ ಹಾಟ್ ವಿಡಿಯೋಶೂಟ್ ಮಾಡಿಸಿಕೊಂಡಿದ್ದಾರೆ. ಇದರಲ್ಲಿ ಅವರು, ಮಿನಿ ಡ್ರೆಸ್ ತೊಟ್ಟು ಪೋಸ್ ಕೊಟ್ಟಿದ್ದಾರೆ. ಈ ಮೂಲಕ ನಟಿ, ಸೀರೆಗೂ ಸೈ, ಮಾಡರ್ನ್ ಡ್ರೆಸ್ಗೂ ಸೈ ಎನ್ನುವಂತೆ ಕಾಣಿಸಿಕೊಂಡಿದ್ದಾರೆ.

ಇನ್ನು ನಮ್ರತಾ ಗೌಡ ಅವರು ನಟಿಸುತ್ತಿರುವ ಸಿನಿಮಾ ಕುರಿತು ಹೇಳುವುದಾದರೆ, ಇಲ್ಲಿ ನಟಿ ಸಮಾಜಕ್ಕೆ ಪ್ರೇರಣೆಯಾಗುವಂತಹ ಅತ್ಯಂತ ಜವಾಬ್ದಾರಿಯುತ ಪಾತ್ರದಲ್ಲಿದ್ದಾರೆ. ನಗರದಲ್ಲಿ ಉನ್ನತ ವಿದ್ಯಾಭ್ಯಾಸವನ್ನ ಪೂರೈಸಿ, ನಂತರ ಹಳ್ಳಿಗೆ ಮರಳಿ ರೈತರ ಕಷ್ಟ-ನಷ್ಟಗಳಿಗೆ ಹೆಗಲು ಕೊಡುವ ಹಾಗೂ ಅವರ ಹಕ್ಕುಗಳಿಗಾಗಿ ಧ್ವನಿಯಾಗುವ ಕಳಕಳಿಯುಳ್ಳ ವಿದ್ಯಾವಂತ ಯುವತಿಯಾಗಿ ಮಿಂಚಿದ್ದಾರೆ.

ಇನ್ನು ನಮ್ರತಾ ಗೌಡ ಕುರಿತು ಹೇಳುವುದಾದರೆ, ಬಾಲನಟಿಯಾಗಿ ಕನ್ನಡ ಸಿನಿಮಾಗಳಲ್ಲಿ ಎಂಟ್ರಿ ಕೊಟ್ಟಿದ್ದ ನಮ್ರತಾಗೆ ಹೆಚ್ಚು ಹೆಸರು ತಂದುಕೊಟ್ಟಿದ್ದು, ಸೀರಿಯಲ್ಗಳು. ಅದರಲ್ಲಿಯೂ ನಾಗಿಣಿ ಸೀರಿಯಲ್ ಅವರಿಗೆ ದೊಡ್ಡ ಖ್ಯಾತಿಯನ್ನೇ ಕೊಟ್ಟಿತು. ಅದಕ್ಕಿಂತ ಅವರ ಜೀವನದಲ್ಲಿ ದೊಡ್ಡ ಬ್ರೇಕ್ ಸಿಕ್ಕಿದ್ದು, ಬಿಗ್‌ ಬಾಸ್‌ ಕನ್ನಡ ಸೀಸನ್‌ 10. ಅಲ್ಲಿಂದ ಬಂದ ಮೇಲೆ ಒಂದಷ್ಟು ಷೋಗಳಲ್ಲಿ ಅವಕಾಶ ಸಿಕ್ಕಿತು. ಜೊತೆಗೆ ಸೋಷಿಯಲ್ ಮೀಡಿಯಾದಲ್ಲಿಯೂ ಆ್ಯಕ್ಟೀವ್ ಆಗಿದ್ದಾರೆ. ನಮ್ರತಾ ಗೌಡ ಅವರು ಹಲವಾರು ಸೆಲೆಬ್ರಿಟಿಗಳಂತೆಯೇ ಪುನೀತ್ ರಾಜ್ಕುಮಾರ್ (Puneet Rajkumar) ಅವರ ಅಭಿಮಾನಿ ಕೂಡ. ತಮ್ಮ ಕೈಮೇಲೆ ನಟ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರ ಹೆಸರನ್ನು ಟ್ಯಾಟೂ ಹಾಕಿಸಿಕೊಳ್ಳುವ ಮೂಲಕ ಗೌರವ ಸಲ್ಲಿಸಿದ್ದರು.

ಮೈಸೂರು ದಸರಾ ವಿವಾದಕ್ಕೆ ಬಿಗ್ ಟ್ವಿಸ್ಟ್‌! ಸಚಿವರನ್ನು ತಡೆದ ಎಸ್‌ಪಿ ರಿಷ್ಯಂತ್ ವಿರುದ್ಧ ತನಿಖೆಗೆ ಆದೇಶಿಸಿದ್ರಾ ಸಿಎಂ?

Ravi Janekal — Thu, 22 Oct 2026 13:34:21 +0530

ದಾವಣಗೆರೆ (ಅ.22): ಮೈಸೂರು ದಸರಾ ವೇಳೆ ಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಹಿಂದೆ ತೆರಳುತ್ತಿದ್ದ ಸಚಿವರನ್ನು ಭದ್ರತಾ ಕಾರಣಗಳಿಗೆ ಎಸ್‌ಪಿ ರಿಷ್ಯಂತ್ ಅವರು ತಡೆದ ಬಗ್ಗೆ ಇದೀಗ ಹೊಸ ವಿವಾದಕ್ಕೆ ಕಾರಣವಾಗಿದ್ದು, ಈ ಬಗ್ಗೆ ದಾವಣಗೆರೆಯಲ್ಲಿ ಸಚಿವ ಕೆಎಸ್ ಬಸವಂತಪ್ಪ ಮಹತ್ವದ ಹೇಳಿಕೆ ನೀಡಿದ್ದಾರೆ.

ನಮ್ಮನ್ನು ಯಾವ ಕಾರಣಕ್ಕೆ ತಡೆದಿದ್ದು?

ಮೈಸೂರು ದಸರಾ ವೇಳೆ ಎಸ್‌ಪಿ ರಿಷ್ಯಂತ್ ತಡೆದ ಬಗ್ಗೆ ಮಾಧ್ಯಮಗಳೊಂದಿಗೆ ಮಾತನಾಡಿದ ಸಚಿವರು, ನಮ್ಮನ್ನು ತಡೆದ ವಿಚಾರ ಮುಖ್ಯಮಂತ್ರಿ ಡಿಕೆ ಶಿವಕುಮಾರ ಅವರು ಗಂಭೀರವಾಗಿ ಪರಿಗಣಿಸಿದ್ದಾರೆ. ಅಧಿಕಾರಿಗಳ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳಲು ಮುಖ್ಯ ಕಾರ್ಯದರ್ಶಿಗಳಿಗೆ ಸೂಚಿಸಿದ್ದಾರೆ, ಅಲ್ಲದೆ ಈ ಬಗ್ಗೆ ತನಿಖೆ ಮಾಡಿ ವರದಿ ನೀಡುವಂತೆಯೂ ಸೂಚಿಸಿದ್ದಾರೆ ಎಂದು ತಿಳಿಸಿದರು.

ನಾವು ಸಚಿವರು, ನಮ್ಮನ್ನೇ ತಡೆಯುತ್ತಾರೆಂದರೆ ಏನರ್ಥ?

ಅಲ್ಲಿ ಮುಖ್ಯಮಂತ್ರಿಗಳು ಮಾತ್ರ ಪ್ರವೇಶಿಸಬೇಕು ಎಂಬ ಶಿಷ್ಟಾಚಾರವಿದ್ದಿದ್ದರೆ ನಮಗೆ ಮೊದಲೇ ಗೊತ್ತಾಗುತ್ತಿತ್ತು. ಶಿಷ್ಟಾಚಾರವಿದ್ದಾಗಲೂ ನಾವು ಏಕೆ ಸಿಎಂ ಹಿಂದೆ ಹೋಗುತ್ತಿದ್ದೆವು? ಆದರೆ ಆ ರೀತಿ ಯಾವುದೇ ಶಿಷ್ಟಾಚಾರ ಇರಲಿಲ್ಲ. ಯಾವ ಕಾರಣಕ್ಕಾಗಿ ನಮ್ಮನ್ನ ತಡೆದರು ಅನ್ನೋದು ಗೊತ್ತಾಗಬೇಕು. ಈ ಬಗ್ಗೆ ಪೊಲೀಸ್ ಅಧಿಕಾರಿ ವಿರುದ್ಧ ತನಿಖೆ ಆಗಬೇಕು. ನಾವು ಸರ್ಕಾರದಲ್ಲಿನ ಸಚಿವರು. ನಾವು ಸಚಿವರು ಎಂದು ಗೊತ್ತಿದ್ದರೂ ನಮ್ಮ ತಡೆಯುತ್ತಾರೆಂದರೆ ಏನರ್ಥ? ಇದು ಸರಿಯಾದ ಕ್ರಮ ಅಲ್ಲ. ಈ ರೀತಿ ಅಸಭ್ಯವಾಗಿ ವರ್ತಿಸುವ ಅಧಿಕಾರಿಗಳ ಮೇಲೆ ಮುಂದಿನ ದಿನಗಳಲ್ಲಿ ಕ್ರಮ ಆಗಲಿದೆ ಎಂದರು.

ಸದ್ಯ ಘಟನೆ ಸಂಬಂಧ ಸಿಎಂ ಗಮನಕ್ಕೆ ಬರುತ್ತಿದ್ದಂತೆ ತನಿಖೆಗೆ ಸೂಚಿಸಿದ್ದಾರೆ. ವರದಿ ಬಂದ ಬಳಿಕ ಸಂಬಂಧಪಟ್ಟ ಅಧಿಕಾರಿಗಳ ಮೇಲೆ ಸೂಕ್ತ ಕ್ರಮ ಆಗುತ್ತೆ ಎಂದರು.

ಕಾರಿನಲ್ಲಿ ಮೈಸೂರು ಅರಮನೆ ಬಳಿ ಬಂದ ಸಿಎಂ ಈ ವೇಳೆ ಸಿಎಂ ಜೊತೆಯಲ್ಲೇ ಸಚಿವ ಶಿವರಾಜ ತಂಗಡಗಿ ಸೇರಿ ಇತರೆ ಮುಖಂಡರು ಬಂದಿದ್ದರು. ಸಿಎಂ ಕಾರಿನಿಂದ ಇಳಿದು ಒಳಗೆ ಪ್ರವೇಶಿಸುತ್ತಿದ್ದಂತೆ ಅಲ್ಲಿ ಪೊಲೀಸರು ಬಿಗಿಭದ್ರತೆ ಕೈಗೊಂಡಿದ್ದರು. ಈ ವೇಳೆ ಒಳಗೆ ಸಿಎಂ ಹೊರತುಪಡಿಸಿ ಸಚಿವ ತಂಗಡಗಿಯನ್ನ ತಡೆದು ನಿಲ್ಲಿಸಿದರು. ಇದರಿಂದ ತುಸು ಮುಜುಗರ ಅನುಭವಿಸಿದ ಸಚಿವ ತಂಗಡಗಿ ಪೊಲೀಸ್ ಅಧಿಕಾರಿಯ ವಿರುದ್ಧ ಗರಂ ಆದ ಘಟನೆಯೂ ವಿಡಿಯೋದಲ್ಲಿ ದಾಖಲಾಗಿದೆ.

ಹತ್ತೇ ತಿಂಗಳಲ್ಲಿ 18 ಕೆಜಿ ತೂಕ ಇಳಿಸಿದ ನಟಿ ಮಾಧುರಿ ದೀಕ್ಷಿತ್ ಡಾಕ್ಟರ್ ಪತಿ: ಅವ್ರು ಕೊಟ್ಟ 4 ಟಿಪ್ಸ್ ಕೇಳಿ

Suchethana D — Thu, 22 Oct 2026 13:03:58 +0530

ಮುಂಬೈ: ಧಕ್ ಧಕ್ ಬೆಡಗಿ ಎಂದೇ ಫೇಮಸ್ ಆಗಿರೋ ನಟಿ ಮಾಧುರಿ ದೀಕ್ಷಿತ್ ಅವರಿಗೆ ಈಗ 59 ವರ್ಷ ವಯಸ್ಸು, ಇದರ ಹೊರತಾಗಿಯೂ ಅವರು ಫಿಟ್ ಆ್ಯಂಡ್ ಫೈನ್ ಆಗಿರುವುದು ಮಾತ್ರವಲ್ಲದೇ ಇನ್ನೂ 30ರ ಚೆಲುವೆಯಂತೆ ಕಾಣಿಸುತ್ತಾರೆ. ಅದಕ್ಕಾಗಿ ಅವರು ಹಲವಾರು ಡಯೆಟ್ಗಳನ್ನು ಫಾಲೋ ಮಾಡುತ್ತಾರೆ. ಆದರೆ, ಹೃದಯ ಶಸ್ತ್ರಚಿಕಿತ್ಸಕರಾಗಿರುವ ಅವರ ಪತಿ ಡಾ. ಶ್ರೀರಾಮ್ ನೇನೆ ಮಾತ್ರ ತೂಕ ಹೆಚ್ಚಿಸಿಕೊಂಡಿದ್ದರು. ಆದರೆ ಇದೀಗ ಕೇವಲ 10 ತಿಂಗಳಿನಲ್ಲಿ ಡಾ.ನೇನೆ ಅವರು ತಮ್ಮ ತೂಕವನ್ನು ಗಮನಾರ್ಹವಾಗಿ ಕಡಿಮೆ ಮಾಡಿಕೊಂಡಿದ್ದಾರೆ. INKTalks ಗೆ ನೀಡಿದ ಸಂದರ್ಶನದಲ್ಲಿ, ಡಾ. ನೇನೆ ತಮ್ಮ ತೂಕ 18 ಕೆ.ಜಿ ಹಾಗೂ ಕೊಬ್ಬಿನ ಶೇಕಡಾವಾರು ಪ್ರಮಾಣವನ್ನು 16 ಪ್ರತಿಶತಕ್ಕೆ ಇಳಿಸಿರುವುದಾಗಿ ಹೇಳಿದ್ದಾರೆ.

ಇದಕ್ಕೆ ಮುಖ್ಯವಾಗಿ ಕಾರಣವಾದದ್ದು, ಸಸ್ಯಾಹಾರಿ ಆಹಾರ ಸೇವನೆ ಮತ್ತು ಮದ್ಯಪಾನ ತ್ಯಜಿಸಿರುವುದು ಎಂದಿದ್ದಾರೆ. ಅವರು ಕೊಟ್ಟಿರುವ ಕೆಲವೊಂದು ಟಿಪ್ಸ್ ಇಲ್ಲಿದೆ

ಸಸ್ಯಾಹಾರಿ ಆಹಾರ ಅಳವಡಿಸಿಕೊಳ್ಳುವುದು

ಡಾ. ನೇನೆ ಮಾಡಿದ ಪ್ರಮುಖ ಬದಲಾವಣೆಗಳಲ್ಲಿ ಒಂದು ಸಸ್ಯಾಹಾರಿ ಆಹಾರವನ್ನು ಅಳವಡಿಸಿಕೊಳ್ಳುವುದು. ಇದರರ್ಥ ಪ್ರಾಣಿ ಆಧರಿತ ಆಹಾರಗಳನ್ನು ತಪ್ಪಿಸುವುದು ಮತ್ತು ನಿಮ್ಮ ದೈನಂದಿನ ಆಹಾರ ಪದ್ಧತಿಯನ್ನು ಬದಲಾಯಿಸುವುದು. ಚೆನ್ನಾಗಿ ಯೋಜಿತ ಸಸ್ಯಾಹಾರಿ ಆಹಾರದಲ್ಲಿ ತರಕಾರಿಗಳು, ಹಣ್ಣುಗಳು, ಧಾನ್ಯಗಳು, ದ್ವಿದಳ ಧಾನ್ಯಗಳು, ಬೀನ್ಸ್, ಮಸೂರ, ಬೀಜಗಳು ಮತ್ತು ಬೀಜಗಳು ಸೇರಿವೆ. ಈ ಆಹಾರಗಳು ಫೈಬರ್ ಮತ್ತು ವಿವಿಧ ಜೀವಸತ್ವಗಳು, ಖನಿಜಗಳು ಮತ್ತು ಇತರ ಪ್ರಯೋಜನಕಾರಿ ಸಂಯುಕ್ತಗಳನ್ನು ಒದಗಿಸುತ್ತವೆ. ಆದಾಗ್ಯೂ, ಸಸ್ಯಾಹಾರಿ ಆಹಾರವನ್ನು ಅಳವಡಿಸಿಕೊಳ್ಳುವುದರಿಂದ ತೂಕ ನಷ್ಟ ಅಥವಾ ಸುಧಾರಿತ ಚಯಾಪಚಯ ಆರೋಗ್ಯವನ್ನು ಸ್ವಯಂಚಾಲಿತವಾಗಿ ಖಾತರಿಪಡಿಸುವುದಿಲ್ಲ. ಆಹಾರದ ಒಟ್ಟಾರೆ ಗುಣಮಟ್ಟ ಮತ್ತು ಪ್ರಮಾಣವು ಮುಖ್ಯವಾಗಿದೆ. ಹೆಚ್ಚು ಸಂಸ್ಕರಿಸಿದ ಸಸ್ಯಾಹಾರಿ ಆಹಾರಗಳಲ್ಲಿ ಸಮೃದ್ಧವಾಗಿರುವ ಆಹಾರವು ಹೆಚ್ಚಿನ ಕ್ಯಾಲೋರಿಗಳು, ಸೇರಿಸಿದ ಸಕ್ಕರೆ, ಉಪ್ಪು ಮತ್ತು ಅನಾರೋಗ್ಯಕರ ಕೊಬ್ಬುಗಳನ್ನು ಹೊಂದಿರಬಹುದು.

ಸಸ್ಯಾಹಾರಿ ಆಹಾರವನ್ನು ಅನುಸರಿಸುವವರು ವಿಟಮಿನ್ ಬಿ 12, ಕಬ್ಬಿಣ, ಕ್ಯಾಲ್ಸಿಯಂ, ಅಯೋಡಿನ್, ವಿಟಮಿನ್ ಡಿ ಮತ್ತು ಒಮೆಗಾ -3 ಕೊಬ್ಬಿನಾಮ್ಲಗಳಂತಹ ಪೋಷಕಾಂಶಗಳ ಬಗ್ಗೆಯೂ ಗಮನ ಹರಿಸಬೇಕು. ಸಾಕಷ್ಟು ಪ್ರೋಟೀನ್ ಸೇವನೆಯು ಸಹ ಮುಖ್ಯವಾಗಿದೆ, ವಿಶೇಷವಾಗಿ ನಿಯಮಿತವಾಗಿ ವ್ಯಾಯಾಮ ಮಾಡುವವರು ಅಥವಾ ತೂಕ ಇಳಿಸಿಕೊಳ್ಳುವಾಗ ಸ್ನಾಯುವಿನ ದ್ರವ್ಯರಾಶಿಯನ್ನು ಕಾಪಾಡಿಕೊಳ್ಳಲು ಬಯಸುವವರಿಗೆ.

ಮದ್ಯಪಾನ ತ್ಯಜಿಸುವುದು

ಡಾ. ನೆನೆ ತಮ್ಮ ಜೀವನಶೈಲಿಯ ಬದಲಾವಣೆಗಳ ಭಾಗವಾಗಿ ಮದ್ಯಪಾನ ಮಾಡುವುದನ್ನು ತ್ಯಜಿಸಿದ್ದಾರೆ ಎಂದು ಬಹಿರಂಗಪಡಿಸಿದರು. ಮದ್ಯಪಾನವು ಕ್ಯಾಲೊರಿಗಳನ್ನು ಸೇರಿಸುತ್ತದೆ, ಆದರೆ ಗಮನಾರ್ಹ ಪೋಷಣೆಯನ್ನು ಒದಗಿಸುವುದಿಲ್ಲ. ಸೇವನೆಯ ಪ್ರಮಾಣ ಮತ್ತು ಆವರ್ತನವನ್ನು ಅವಲಂಬಿಸಿ, ಇದು ನಿದ್ರೆಯ ಗುಣಮಟ್ಟ, ಹಸಿವು ನಿಯಂತ್ರಣ ಮತ್ತು ನಿಯಮಿತ ವ್ಯಾಯಾಮ ಮತ್ತು ಆಹಾರ ಪದ್ಧತಿಯನ್ನು ಕಾಪಾಡಿಕೊಳ್ಳುವ ಸಾಮರ್ಥ್ಯದ ಮೇಲೂ ಪರಿಣಾಮ ಬೀರುತ್ತದೆ. ಆದ್ದರಿಂದ, ಮದ್ಯಪಾನವನ್ನು ಕಡಿಮೆ ಮಾಡುವುದು ಅಥವಾ ಸಂಪೂರ್ಣವಾಗಿ ತ್ಯಜಿಸುವುದು ಕೆಲವು ಜನರು ತಮ್ಮ ತೂಕವನ್ನು ನಿರ್ವಹಿಸಲು ಮತ್ತು ಅವರ ಆರೋಗ್ಯದ ಕೆಲವು ಅಂಶಗಳನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಆದಾಗ್ಯೂ, ಪರಿಣಾಮವು ಪ್ರತಿಯೊಬ್ಬ ವ್ಯಕ್ತಿಯ ಸಂದರ್ಭಗಳನ್ನು ಅವಲಂಬಿಸಿ ಬದಲಾಗುತ್ತದೆ ಮತ್ತು ಮದ್ಯಪಾನವನ್ನು ತ್ಯಜಿಸುವುದರಿಂದ ತೂಕ ಇಳಿಕೆ ಖಾತರಿಯಾಗುವುದಿಲ್ಲ.

ಮದ್ಯಪಾನದಿಂದ ಯಕೃತ್ತಿನ ಕಾಯಿಲೆ ಮತ್ತು ಕೆಲವು ರೀತಿಯ ಕ್ಯಾನ್ಸರ್ ಸೇರಿದಂತೆ ಹಲವಾರು ಆರೋಗ್ಯ ಅಪಾಯಗಳು ಉಂಟಾಗುತ್ತವೆ. ಮದ್ಯಪಾನದಿಂದ ದೂರವಿರುವುದರಿಂದ ಮದ್ಯಪಾನಕ್ಕೆ ಸಂಬಂಧಿಸಿದ ಅಪಾಯಗಳು ಕಡಿಮೆಯಾಗಬಹುದು, ಆದಾಗ್ಯೂ ಪ್ರಯೋಜನದ ವ್ಯಾಪ್ತಿಯು ವ್ಯಕ್ತಿಯ ಹಿಂದಿನ ಸೇವನೆ ಮತ್ತು ಒಟ್ಟಾರೆ ಆರೋಗ್ಯವನ್ನು ಅವಲಂಬಿಸಿರುತ್ತದೆ.

ಆರೋಗ್ಯ ತಪಾಸಣೆ ಫಲಿತಾಂಶಗಳಿಗೆ ಗಮನ ಕೊಡುವುದು

ಡಾ. ನೆನೆ ಅವರು ವಿವರಿಸಿದಂತೆ, ನಿಯಮಿತ ತಪಾಸಣೆಗಳು ಹೆಚ್ಚಿನ ಆರೋಗ್ಯ ಸೂಚಕಗಳನ್ನು ಬಹಿರಂಗಪಡಿಸಿದಾಗ ಅವರ ಆರೋಗ್ಯವು ಸುಧಾರಿಸಲು ಪ್ರಾರಂಭಿಸಿತು. ಈ ಪ್ರತಿಕ್ರಿಯೆಯು ಅವರ ಜೀವನಶೈಲಿ ಅವರು ಅನುಸರಿಸುತ್ತಿದ್ದ ಆರೋಗ್ಯ ಸಲಹೆಗೆ ಅನುಗುಣವಾಗಿದೆಯೇ ಎಂದು ಮರುಪರಿಶೀಲಿಸುವಂತೆ ಮಾಡಿತು. ನಿಯಮಿತ ಆರೋಗ್ಯ ತಪಾಸಣೆಗಳು ಸ್ಪಷ್ಟ ಲಕ್ಷಣಗಳಾಗುವ ಮೊದಲು ಸಂಭಾವ್ಯ ಸಮಸ್ಯೆಗಳನ್ನು ಗುರುತಿಸಲು ಸಹಾಯ ಮಾಡುತ್ತದೆ. ವ್ಯಕ್ತಿಯ ವಯಸ್ಸು, ವೈದ್ಯಕೀಯ ಇತಿಹಾಸ ಮತ್ತು ಅಪಾಯಕಾರಿ ಅಂಶಗಳನ್ನು ಅವಲಂಬಿಸಿ, ಇವುಗಳಲ್ಲಿ ರಕ್ತದೊತ್ತಡ, ರಕ್ತದ ಸಕ್ಕರೆ, ಕೊಲೆಸ್ಟ್ರಾಲ್ ಮಟ್ಟಗಳು ಮತ್ತು ವೈದ್ಯರು ಶಿಫಾರಸು ಮಾಡಿದ ಇತರ ಪರೀಕ್ಷೆಗಳು ಒಳಗೊಂಡಿರಬಹುದು.

ಅಸಹಜ ಫಲಿತಾಂಶಗಳು ವ್ಯಕ್ತಿಗೆ ನಿರ್ದಿಷ್ಟ ಕಾಯಿಲೆ ಇದೆ ಎಂದು ಅರ್ಥವಲ್ಲ. ವೈದ್ಯಕೀಯ ಇತಿಹಾಸ, ಲಕ್ಷಣಗಳು ಮತ್ತು ಇತರ ವೈದ್ಯಕೀಯ ಸಂಶೋಧನೆಗಳ ಸಂದರ್ಭದಲ್ಲಿ ಅವುಗಳನ್ನು ವಿಶ್ಲೇಷಿಸಬೇಕು. ಆರೋಗ್ಯವನ್ನು ತಿಳಿಸುವ ಮೊದಲು ದೇಹದ ತೂಕ ಅಥವಾ ದೈಹಿಕ ಸಾಮರ್ಥ್ಯದಲ್ಲಿ ಸ್ಪಷ್ಟ ಬದಲಾವಣೆಗಳಿಗಾಗಿ ಕಾಯುವುದು ಮುಖ್ಯವಲ್ಲ. ಸೂಕ್ತವಾಗಿದ್ದಾಗ ನಿಯಮಿತ ತಪಾಸಣೆಗಳು, ಜನರು ಮತ್ತು ಅವರ ವೈದ್ಯರಿಗೆ ಅಪಾಯಕಾರಿ ಅಂಶಗಳನ್ನು ಗುರುತಿಸಲು ಮತ್ತು ಜೀವನಶೈಲಿಯ ಬದಲಾವಣೆಗಳು ಅಥವಾ ಚಿಕಿತ್ಸೆಯ ಅಗತ್ಯವಿದೆಯೇ ಎಂದು ನಿರ್ಧರಿಸಲು ಸಹಾಯ ಮಾಡುತ್ತದೆ.

ಜೀವನಶೈಲಿಯ ಬದಲಾವಣೆಗಳನ್ನು ಸುಸ್ಥಿರಗೊಳಿಸುವುದು

ಡಾ. ನೆನೆ ಜೀವನಶೈಲಿಯ ಬದಲಾವಣೆಗಳೊಂದಿಗಿನ ತಮ್ಮ ಪ್ರಯೋಗಗಳನ್ನು ಚರ್ಚಿಸಿದರು ಮತ್ತು ಆರೋಗ್ಯದ ಮೇಲೆ ಅವುಗಳ ಪ್ರಭಾವವನ್ನು ನಿರ್ಣಯಿಸಿದರು. ಅವರು ತಮ್ಮ ರೋಗಿಗಳು ಮತ್ತು ಕುಟುಂಬದೊಂದಿಗೆ ಪ್ರಯತ್ನಿಸಿದ ವಿಧಾನಗಳ ಬಗ್ಗೆಯೂ ಚರ್ಚಿಸಿದರು. ಅವರ ಅನುಭವವು ಆರೋಗ್ಯವನ್ನು ಒಂದೇ ಅಳತೆಯ ಮೇಲೆ ಕೇಂದ್ರೀಕರಿಸುವ ಬದಲು ದೈನಂದಿನ ನಡವಳಿಕೆಗಳ ಸಂಯೋಜನೆಯಾಗಿ ನೋಡುವ ಪ್ರಾಮುಖ್ಯತೆಯನ್ನು ಎತ್ತಿ ತೋರಿಸುತ್ತದೆ. ಆಹಾರ, ದೈಹಿಕ ಚಟುವಟಿಕೆ, ನಿದ್ರೆ, ಒತ್ತಡ ನಿರ್ವಹಣೆ ಮತ್ತು ಇತರ ಅಭ್ಯಾಸಗಳು ಒಟ್ಟಾರೆ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ. ತೂಕ ಇಳಿಸಿಕೊಳ್ಳಲು ಪ್ರಯತ್ನಿಸುತ್ತಿರುವ ಜನರಿಗೆ, ಸುಸ್ಥಿರ ವಿಧಾನವು ಸಾಮಾನ್ಯವಾಗಿ ಸಮತೋಲಿತ ಆಹಾರವನ್ನು ಸೇವಿಸುವುದು, ನಿಯಮಿತ ದೈಹಿಕ ಚಟುವಟಿಕೆಯನ್ನು ಕಾಪಾಡಿಕೊಳ್ಳುವುದು ಮತ್ತು ದೀರ್ಘಕಾಲದವರೆಗೆ ಅನುಸರಿಸಲು ಕಷ್ಟಕರವಾದ ಅತಿಯಾದ ನಿರ್ಬಂಧಿತ ಯೋಜನೆಗಳನ್ನು ತಪ್ಪಿಸುವುದನ್ನು ಒಳಗೊಂಡಿರುತ್ತದೆ. ಏರೋಬಿಕ್ ಚಟುವಟಿಕೆಯು ಹೃದಯರಕ್ತನಾಳದ ಆರೋಗ್ಯವನ್ನು ಸುಧಾರಿಸುತ್ತದೆ. ಸಾಕಷ್ಟು ನಿದ್ರೆ ಮತ್ತು ವಿಶ್ರಾಂತಿ ಕೂಡ ಮುಖ್ಯವಾಗಿದೆ ಏಕೆಂದರೆ ಅವು ಶಕ್ತಿಯ ಮಟ್ಟಗಳು, ಹಸಿವು ಮತ್ತು ವ್ಯಾಯಾಮದ ಕಾರ್ಯಕ್ಷಮತೆಯ ಮೇಲೆ ಪರಿಣಾಮ ಬೀರುತ್ತವೆ.

ಅತ್ಯಂತ ಸೂಕ್ತವಾದ ದಿನಚರಿಯು ವ್ಯಕ್ತಿಯ ವೈದ್ಯಕೀಯ ಇತಿಹಾಸ, ದೈಹಿಕ ಸಾಮರ್ಥ್ಯ ಮತ್ತು ಗುರಿಗಳನ್ನು ಅವಲಂಬಿಸಿರುತ್ತದೆ. ಮೊದಲೇ ಅಸ್ತಿತ್ವದಲ್ಲಿರುವ ಆರೋಗ್ಯ ಪರಿಸ್ಥಿತಿಗಳನ್ನು ಹೊಂದಿರುವ ಜನರು ಪ್ರಮುಖ ಆಹಾರ ಬದಲಾವಣೆಗಳನ್ನು ಮಾಡುವ ಮೊದಲು ಅಥವಾ ತೀವ್ರವಾದ ವ್ಯಾಯಾಮ ಕಾರ್ಯಕ್ರಮವನ್ನು ಪ್ರಾರಂಭಿಸುವ ಮೊದಲು ಅರ್ಹ ಆರೋಗ್ಯ ವೃತ್ತಿಪರರನ್ನು ಸಂಪರ್ಕಿಸಬೇಕು.

ಡಾ. ಶ್ರೀರಾಮ್ ನೇನೆ ಅವರ ತೂಕ ಇಳಿಸುವ ಪ್ರಯಾಣದಿಂದ ನಾವು ಏನು ಕಲಿಯಬಹುದು?

ಆಹಾರಕ್ರಮದಲ್ಲಿ ಬದಲಾವಣೆಗಳನ್ನು ಮಾಡಿಕೊಂಡು ಮದ್ಯಪಾನ ತ್ಯಜಿಸಿದ ನಂತರ, ಅವರು 18 ಕೆಜಿ ತೂಕ ಇಳಿಸಿಕೊಂಡರು ಮತ್ತು ಅವರ ದೇಹದ ಕೊಬ್ಬನ್ನು ಶೇಕಡಾ 16 ಕ್ಕೆ ಇಳಿಸಿಕೊಂಡರು ಎಂದು ಡಾ. ನೇನೆ ವಿವರಿಸಿದರು. ವೈದ್ಯಕೀಯ ಜ್ಞಾನವಿರುವ ಜನರು ಸಹ ಆರೋಗ್ಯ ಕಾಳಜಿಯನ್ನು ಎದುರಿಸುವಾಗ ತಮ್ಮ ಅಭ್ಯಾಸಗಳನ್ನು ಮರುಪರಿಶೀಲಿಸಬೇಕಾಗಬಹುದು ಎಂಬುದನ್ನು ಅವರ ಅನುಭವವು ನೆನಪಿಸುತ್ತದೆ. ಆದಾಗ್ಯೂ, ಅವರ ಫಲಿತಾಂಶಗಳನ್ನು ಪ್ರಮಾಣಿತ ತೂಕ ಇಳಿಸುವ ಗುರಿಯಾಗಿ ತೆಗೆದುಕೊಳ್ಳಬಾರದು. ಒಬ್ಬ ವ್ಯಕ್ತಿಯು ಎಷ್ಟು ತೂಕವನ್ನು ಕಳೆದುಕೊಳ್ಳಬೇಕು, ಆರೋಗ್ಯಕರ ದೇಹದ ಕೊಬ್ಬಿನ ಶ್ರೇಣಿ ಹೇಗಿರಬೇಕು ಮತ್ತು ಯಾವ ಜೀವನಶೈಲಿಯ ಬದಲಾವಣೆಗಳು ಅವರಿಗೆ ಹೆಚ್ಚು ಪ್ರಯೋಜನಕಾರಿಯಾಗಿರುತ್ತವೆ ಎಂಬುದು ವೈಯಕ್ತಿಕ ಅಂಶಗಳನ್ನು ಅವಲಂಬಿಸಿರುತ್ತದೆ. ಬೇರೊಬ್ಬರ ರೂಪಾಂತರವನ್ನು ಪುನರಾವರ್ತಿಸಲು ಪ್ರಯತ್ನಿಸುವ ಬದಲು, ಅಳೆಯಬಹುದಾದ ಆರೋಗ್ಯ ಗುರಿಗಳು, ಸಮತೋಲಿತ ಪೋಷಣೆ, ನಿಯಮಿತ ದೈಹಿಕ ಚಟುವಟಿಕೆ ಮತ್ತು ದೀರ್ಘಕಾಲದವರೆಗೆ ನಿರ್ವಹಿಸಬಹುದಾದ ಅಭ್ಯಾಸಗಳ ಮೇಲೆ ಕೇಂದ್ರೀಕರಿಸಿ.

ಸಚಿನ್ ತೆಂಡೂಲ್ಕರ್ ಕೊಟ್ಟ ಆ ಸಲಹೆಯೇ ನನ್ನ ಆಟ ಬದಲಿಸಿತು! ಕೆರಿಯರ್ ಬೆಸ್ಟ್ ಸ್ಕೋರ್ ಬಳಿಕ ಟೆಂಬಾ ಬವುಮಾ ಹೇಳಿದ್ದೇನು?

Chandrashekar GS — Thu, 22 Oct 2026 12:56:52 +0530

ಸಚಿನ್ ತೆಂಡೂಲ್ಕರ್ ಆಟದ ಶೈಲಿಯಿಂದ ಸ್ಫೂರ್ತಿ ಪಡೆದ ಟೆಂಬಾ ಬವುಮಾ: ಆಸ್ಟ್ರೇಲಿಯಾ ವಿರುದ್ಧ 179 ರನ್‌ಗಳ ಭರ್ಜರಿ ಆಟ!

ಕ್ರಿಕೆಟ್‌ನಲ್ಲಿ ಸಾಧನೆ ಮಾಡಲು ಪ್ರತಿಭೆಯ ಜೊತೆಗೆ ತಾಳ್ಮೆ, ಸರಿಯಾದ ತಂತ್ರ ಮತ್ತು ಆತ್ಮವಿಶ್ವಾಸವೂ ಮುಖ್ಯ. ಇದಕ್ಕೆ ದಕ್ಷಿಣ ಆಫ್ರಿಕಾ ತಂಡದ ನಾಯಕ ಟೆಂಬಾ ಬವುಮಾ ಅವರ ಆಟ ಉತ್ತಮ ಉದಾಹರಣೆ. ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ವೃತ್ತಿಜೀವನದ ಶ್ರೇಷ್ಠ 179 ರನ್ ಗಳಿಸಿದ ಬವುಮಾ, ತಮ್ಮ ಬ್ಯಾಟಿಂಗ್ ಶೈಲಿಯ ಮೇಲೆ ಭಾರತದ ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಅವರ ಪ್ರಭಾವವಿದೆ ಎಂದು ಬಹಿರಂಗಪಡಿಸಿದ್ದಾರೆ.

ಆಸ್ಟ್ರೇಲಿಯಾ ವಿರುದ್ಧ ಬವುಮಾ ಅವರ ಅಮೋಘ ಇನ್ನಿಂಗ್ಸ್

ದಕ್ಷಿಣ ಆಫ್ರಿಕಾದ ಗ್ಕೆಬರ್ಹಾದಲ್ಲಿ ನಡೆದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಆತಿಥೇಯ ತಂಡ ಆರಂಭದಲ್ಲೇ ಸಂಕಷ್ಟಕ್ಕೆ ಸಿಲುಕಿತ್ತು. ತಂಡದ ಪ್ರಮುಖ ವಿಕೆಟ್‌ಗಳು ಬೇಗನೆ ಪತನಗೊಂಡು 110 ರನ್‌ಗಳಿಗೆ ಆರು ವಿಕೆಟ್ ಕಳೆದುಕೊಂಡಿತ್ತು. ಈ ಸಂದರ್ಭದಲ್ಲಿ ನಾಯಕ ಬವುಮಾ ಜವಾಬ್ದಾರಿಯುತ ಆಟವಾಡಿ ತಂಡಕ್ಕೆ ಆಸರೆಯಾದರು.

334 ಎಸೆತಗಳನ್ನು ಎದುರಿಸಿದ ಅವರು 18 ಬೌಂಡರಿ ಹಾಗೂ ಒಂದು ಸಿಕ್ಸರ್ ನೆರವಿನಿಂದ 179 ರನ್ ಗಳಿಸಿದರು. ಇದು ಟೆಸ್ಟ್ ಕ್ರಿಕೆಟ್‌ನಲ್ಲಿ ಅವರ ವೈಯಕ್ತಿಕ ಗರಿಷ್ಠ ಮೊತ್ತವಾಗಿದೆ. ಈ ಹಿಂದೆ 2023ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಗಳಿಸಿದ್ದ 172 ರನ್‌ಗಳೇ ಅವರ ಅತ್ಯುತ್ತಮ ಸಾಧನೆಯಾಗಿತ್ತು.

ಜಾನ್ಸನ್ ಮತ್ತು ಹಾರ್ಮರ್ ಜೊತೆ ಮಹತ್ವದ ಜೊತೆಯಾಟ

ಬವುಮಾ ಅವರ ಇನ್ನಿಂಗ್ಸ್‌ಗೆ ಮಾರ್ಕೊ ಜಾನ್ಸನ್ ಮತ್ತು ಸೈಮನ್ ಹಾರ್ಮರ್ ಅವರ ಕೊಡುಗೆಯೂ ನೆರವಾಯಿತು. ಜಾನ್ಸನ್ 85 ರನ್ ಗಳಿಸಿದರೆ, ಹಾರ್ಮರ್ 82 ರನ್‌ಗಳ ಕಾಣಿಕೆ ನೀಡಿದರು.

ಜಾನ್ಸನ್ ಜೊತೆ ಏಳನೇ ವಿಕೆಟ್‌ಗೆ 132 ರನ್‌ಗಳ ಜೊತೆಯಾಟವಾಡಿದ ಬವುಮಾ, ನಂತರ ಹಾರ್ಮರ್ ಜೊತೆ ಎಂಟನೇ ವಿಕೆಟ್‌ಗೆ 183 ರನ್ ಸೇರಿಸಿದರು. ಈ ಜೊತೆಯಾಟಗಳು ದಕ್ಷಿಣ ಆಫ್ರಿಕಾವನ್ನು ಸಂಕಷ್ಟದಿಂದ ಹೊರತಂದು ಬಲವಾದ ಸ್ಥಿತಿಗೆ ತಲುಪಿಸಿದವು. ತಂಡವು ಮೊದಲ ಇನ್ನಿಂಗ್ಸ್‌ನಲ್ಲಿ 425 ರನ್‌ಗಳಿಗೆ ಒಂಬತ್ತು ವಿಕೆಟ್ ಕಳೆದುಕೊಂಡಾಗ ಡಿಕ್ಲೇರ್ ಮಾಡಿಕೊಂಡಿತು.

ಸಚಿನ್ ತೆಂಡೂಲ್ಕರ್ ಅವರ ಬ್ಯಾಟಿಂಗ್ ಶೈಲಿಯಿಂದ ಸ್ಫೂರ್ತಿ

ತಮ್ಮ ಶ್ರೇಷ್ಠ ಇನ್ನಿಂಗ್ಸ್ ಬಳಿಕ ಮಾತನಾಡಿದ ಬವುಮಾ, ಸಚಿನ್ ತೆಂಡೂಲ್ಕರ್ ಅವರ ಬ್ಯಾಟಿಂಗ್ ತಂತ್ರವನ್ನು ಅನುಸರಿಸಲು ಪ್ರಯತ್ನಿಸುತ್ತೇನೆ ಎಂದು ಹೇಳಿದರು. ವಿಶೇಷವಾಗಿ ಬ್ಯಾಟಿಂಗ್ ಮಾಡುವಾಗ ದೇಹದ ಚಲನವಲನವನ್ನು ಪರಿಣಾಮಕಾರಿಯಾಗಿ ಬಳಸುವುದು ಮತ್ತು ಚೆಂಡನ್ನು ದೇಹಕ್ಕೆ ಹತ್ತಿರದಲ್ಲೇ ಆಡುವುದು ಸಚಿನ್ ಅವರಿಂದ ಕಲಿತ ಪ್ರಮುಖ ಅಂಶಗಳಾಗಿವೆ ಎಂದು ವಿವರಿಸಿದರು.

ಬವುಮಾ ಅವರ ಪ್ರಕಾರ, ತಾವು ಎತ್ತರದ ಆಟಗಾರರಲ್ಲದ ಕಾರಣ ದೊಡ್ಡ ಹೆಜ್ಜೆಗಳನ್ನು ಇಡುವುದಕ್ಕಿಂತ, ಕಡಿಮೆ ಚಲನೆಯಲ್ಲೇ ಸರಿಯಾಗಿ ಚೆಂಡನ್ನು ಎದುರಿಸುವುದಕ್ಕೆ ಆದ್ಯತೆ ನೀಡುತ್ತಾರೆ. ಸಚಿನ್ ಅವರ ಆಟದ ಶೈಲಿಯಲ್ಲಿರುವ ಈ ಅಂಶಗಳು ತಮ್ಮ ಬ್ಯಾಟಿಂಗ್‌ಗೆ ನೆರವಾಗಿವೆ ಎಂಬುದು ಅವರ ಮಾತಿನ ಸಾರ.

ಒತ್ತಡದ ಸಮಯದಲ್ಲಿ ನಾಯಕನ ಜವಾಬ್ದಾರಿಯುತ ಆಟ

ಮೊದಲ ಟೆಸ್ಟ್‌ನಲ್ಲಿ ಉತ್ತಮ ಕೊಡುಗೆ ನೀಡಲು ಸಾಧ್ಯವಾಗದಿದ್ದ ಬವುಮಾ, ಎರಡನೇ ಪಂದ್ಯದಲ್ಲಿ ತಂಡಕ್ಕೆ ನೆರವಾಗುವ ಗುರಿಯೊಂದಿಗೆ ಕಣಕ್ಕಿಳಿದಿದ್ದರು. ಆಸ್ಟ್ರೇಲಿಯಾದ ಬಲಿಷ್ಠ ಬೌಲಿಂಗ್ ಪಡೆಯನ್ನು ಎದುರಿಸಿ ದೀರ್ಘ ಇನ್ನಿಂಗ್ಸ್ ಆಡಿದ್ದು ಅವರ ತಾಳ್ಮೆ ಮತ್ತು ಏಕಾಗ್ರತೆಯನ್ನು ತೋರಿಸಿತು.

ಈ ಪ್ರದರ್ಶನವು ವೈಯಕ್ತಿಕ ದಾಖಲೆ ಮಾತ್ರವಲ್ಲದೆ, ಸಂಕಷ್ಟದಲ್ಲಿದ್ದ ದಕ್ಷಿಣ ಆಫ್ರಿಕಾ ತಂಡಕ್ಕೂ ಮಹತ್ವದ ನೆರವು ನೀಡಿತು. ಕ್ರಿಕೆಟ್ ದಿಗ್ಗಜರಿಂದ ಸ್ಫೂರ್ತಿ ಪಡೆದು, ಅದನ್ನು ತಮ್ಮ ಆಟಕ್ಕೆ ಹೊಂದಿಸಿಕೊಳ್ಳುವ ಮೂಲಕ ಉತ್ತಮ ಪ್ರದರ್ಶನ ನೀಡಬಹುದು ಎಂಬುದಕ್ಕೆ ಬವುಮಾ ಅವರ ಇನ್ನಿಂಗ್ಸ್ ಒಂದು ಉದಾಹರಣೆಯಾಗಿದೆ.

Ghost Town: ವಿಸ್ಮಯ, ನಿಗೂಢವಾಗಿರುವ ಈ ಸ್ಥಳಕ್ಕೆ ಪ್ರವಾಸ ಹೋಗಬೇಕಾ? ಇದೇ ಬೆಸ್ಟ್ ಟೈಂ! ಯಾಕೆ ಗೊತ್ತಾ?

Ravi Janekal — Thu, 22 Oct 2026 12:55:58 +0530

ಒಂದು ಕಾಲದಲ್ಲಿ ಜನಜಂಗುಳಿಯಿಂದ ತುಂಬಿರುತ್ತಿದ್ದ ಈ ಪಟ್ಟಣ, ಅಂದು ನಡೆದ ಒಂದು ದುರಂತದಿಂದ ರಾತ್ರೋರಾತ್ರಿಯೇ ಸ್ಮಶಾನವಾಯ್ತು, ಅಪಾರ ಪ್ರಮಾಣದ ಜನರು ಸತ್ತರು, ಅಷ್ಟೇ ಕಣ್ಮರೆಯಾದರು. ಭಾರತದ ಕೊನೆಯ ನೆಲವಿದು. ಈ ಸ್ಥಳಕ್ಕೆ ಪ್ರವಾಸ ಮಾಡಲು ಕಾರಣಗಳು ಇಲ್ಲಿವೆ.

ತಮಿಳುನಾಡಿನ ರಾಮೇಶ್ವರಂ ಬಳಿ ಇರುವ ಧನುಷ್ಕೋಡಿ(Dhanushkodi)ಯನ್ನು 'India's Last Land' ಎಂದು ಕರೆಯಲಾಗುತ್ತದೆ. ಒಂದು ಕಡೆ ಬಂಗಾಳ ಕೊಲ್ಲಿ ಮತ್ತೊಂದು ಕಡೆ ಹಿಂದೂ ಮಹಾಸಾಗರಗಳ ನಡುವೆ ನೆಲೆಗೊಂಡಿರುವ ಈ ಸ್ಥಳವು, 1964ರ ಚಂಡಮಾರುತ(catastrophic cyclone)ದಿಂದ ಉಳಿದುಕೊಂಡಿರುವ ಅವಶೇಷಗಳ ಜೊತೆಗೆ ಅತ್ಯಂತ ಸುಂದರ, ನೈಸರ್ಗಿಕ ಸೊಬಗಿನಿಂದ ಕೂಡಿದ ಈ ಸ್ಥಳವು ಪ್ರವಾಸಿಗರನ್ನು ಸೆಳೆಯುತ್ತಿದೆ.

ಇಂದು ಜನರಿಲ್ಲದೆ ಸ್ಮಶಾನ ಮೌನ ಆವರಿಸಿರಿವು ಈ ಪ್ರದೇಶದಲ್ಲಿ ಹಿಂದೆ ಜನಜಂಗುಳಿಯಿಂದ ಕೂಡಿದ್ದ ಒಂದು ಪಟ್ಟಣವಾಗಿತ್ತು. ಆದರೆ ಅಂದು ನಡೆದ ನೈಸರ್ಗಿಕ ದುರಂತ ಘಟನೆಯಿಂದಾಗಿ ಇಂದು ಜನವಸತಿ ಇಲ್ಲವಾದರೂ ಅನೇಕ ಪ್ರವಾಸಿಗರನ್ನು ಆಕರ್ಷಿಸುವ ಒಂದು ವಿಶಿಷ್ಟ ತಾಣವಾಗಿ ಮಾರ್ಪಟ್ಟಿದೆ.

ಧನುಷ್ಕೋಡಿ ಎಂದು ಕೇಳಿದೊಡನೆಯೇ ಕಣ್ಮುಂದೆ ಬರುವುದು ಸಮುದ್ರದ ಮಧ್ಯೆ ಹಾದುಹೋಗಿರುವ ರಸ್ತೆ, ವಿಶಾಲವಾದ ನೀಲಿ ಜಲರಾಶಿ, ಪಾಳುಬಿದ್ದು, ಇಂದಿಗೂ ಹಿಂದಿನ ಘಟನೆಗಳ ಕಥೆ ಹೇಳುವ ಕಟ್ಟಡಗಳ ದೃಶ್ಯಗಳು ಕಣ್ಣಮುಂದೆ ಬರುತ್ತವೆ. ಆದರೆ ಈ ಸೌಂದರ್ಯದ ಹಿಂದೆ ಎದೆನಡುಗಿಸುವಂತಹ ಮನಕಲಕುವ ಇತಿಹಾಸವೊಂದಿದೆ.

1964 ಡಿಸೆಂಬರ್ ನಲ್ಲಿ ಅಂದು ಏನಾಯ್ತು?

1964ರ ಡಿಸೆಂಬರ್‌ನಲ್ಲಿ ಈ ಪ್ರದೇಶಕ್ಕೆ ಭೀಕರ ಚಂಡಮಾರುತವೊಂದು ಅಪ್ಪಳಿಸಿತು. ಅದೆಷ್ಟು ಪ್ರಬಲವಾಗಿತ್ತೆಂದರೆ ಆ ರಕ್ಕಸ ಗಾಳಿಯ ವೇಗಕ್ಕೆ ಸಮುದ್ರದ ಅಲೆಗಳು ಭಯಂಕರ ಎತ್ತರಕ್ಕೆ ಎದ್ದು ಪಟ್ಟಣಕ್ಕೆ ಇಡೀ ಪಟ್ಟಣವನ್ನೇ ರಾತ್ರೋರಾತ್ರಿ ಹೊಸಕಿ ಹಾಕಿತು. ಇದ್ಯಾವುದರ ಅಪಾಯದ ಸೂಚನೆ ಇಲ್ಲದೆ ಮಲಗಿದ್ದ ಸಾವಿರಾರು ಜನರು, ಮನೆಗಳು, ರೈಲು ನಿಲ್ದಾಣ, ಚರ್ಚ್ ಸೇರಿದಂತೆ ಅನೇಕ ಕಟ್ಟಡಗಳು ನಾಶವಾದವು. ಈ ದುರಂತದಲ್ಲಿ ಅಪಾರ ಸಂಖ್ಯೆಯ ಜನರು ಪ್ರಾಣ ಕಳೆದುಕೊಂಡರು. ಒಂದು ಕಾಲದಲ್ಲಿ ಆರ್ಥಿಕ ಚಟುವಟಿಕೆ, ಜನಸಂಚಾರದಿಂದ ತುಂಬಿದ್ದ ಧನುಷ್ಕೋಡಿಯ ದುರಂತದ ಬಳಿಕ ಜನರೇ ಇಲ್ಲದ ಘೋಸ್ಟ್ ಟೌನ್ ಆಯ್ತು. ಅದೇ ಕಾರಣಕ್ಕೆ ಇಂದಿಗೂ ಈ ಸ್ಥಳವನ್ನು ಭೂತಗಳ ಪಟ್ಟಣ ಎಂದೇ ಕರೆಯಲಾಗುತ್ತಿದೆ.

ಧನುಷ್ಕೋಡಿಗೆ ಅನೇಕ ಪ್ರವಾಸಿಗರನ್ನು ಆಕರ್ಷಿಸಲು ಮುಖ್ಯ ಕಾರಣವೆಂದರೆ ಎರಡು ಕಡೆಯ ಸಮುದ್ರ, ಮಧ್ಯಭಾಗದಲ್ಲಿ ಸಾಗುವ ರಸ್ತೆ. ರಾಮೇಶ್ವರದಿಂದ ಈ ಪ್ರದೇಶದ ಕಡೆಗೆ ಪ್ರಯಾಣಿಸುವಾಗ, ರಸ್ತೆಯ ಎರಡೂ ಬದಿಗಳಲ್ಲಿ ನೀಲಿ ಸಮುದ್ರ ನೋಡಬಹುದು. ನೀವು ಇನ್ನೂ ಮುಂದೆ ಸಾಗಿದಂತಲ್ಲ ಸುತ್ತಲಿನ ಭೂಮಿ ಚಿಕ್ಕದಾಗುತ್ತಾ ಹೋಗುತ್ತದೆ. ಮೊದಲಸಲ ಪ್ರವಾಸಕ್ಕೆ ಹೋಗಿದ್ದರೆ ಒಂದು ಸಣ್ಣ ನಡುಕ ಹುಟ್ಟುತ್ತದೆ. ಅಲ್ಲಿನ ಜಲರಾಶಿ, ನೈಸರ್ಗಿಕವೇ ಹಾಗಿದೆ. ಎಲ್ಲೆಡೆ ಸಮುದ್ರವೇ ವಿಸ್ತರಿಸಿಕೊಂಡಿರುವಂತಹ ಅನುಭವ ಉಂಟಾಗುತ್ತದೆ.

ಧನುಷ್ಕೋಡಿಯ ತುತ್ತತುದಿಯಲ್ಲಿರುವ 'ಅರಿಚಲ್ ಮುನೈ' ಒಂದು ಪ್ರಮುಖ ಆಕರ್ಷಣೆ. ಇಲ್ಲಿ ಬಂಗಾಳ ಕೊಲ್ಲಿ ಮತ್ತು ಹಿಂದೂ ಮಹಾಸಾಗರಗಳು ಸಂಧಿಸುವುದನ್ನು ಕಾಣಬಹುದು. ಈ ಎರಡು ಜಲರಾಶಿಗಳಲ್ಲಿ ನೀರಿನ ಬಣ್ಣ ಮತ್ತು ಅಲೆಗಳ ಸ್ವರೂಪವು ವಿಭಿನ್ನವಾಗಿರುವುದು ಪ್ರವಾಸಿಗರಿಗೆ ವಿಶೇಷ ಕುತೂಹಲವನ್ನು ಉಂಟುಮಾಡುತ್ತದೆ.

ಧನುಷ್ಕೋಡಿಯು ಐತಿಹಾಸಿಕ ಮಹತ್ವ, ಆಧ್ಯಾತ್ಮಿಕ ಗುರುತು ಎರಡನ್ನೂ ಹೊಂದಿದೆ. ಶ್ರೀರಾಮನು ವಾನರ ಸೇನೆಯ ಸಹಾಯದಿಂದ ಲಂಕೆಯನ್ನು ತಲುಪಲು ನಿರ್ಮಿಸಿದ ಸೇತುವೆಯೇ 'ರಾಮ ಸೇತು' ಎಂದು ನಂಬಲಾಗಿದೆ. ಭಾರತದ ಪಂಬನ್ ದ್ವೀಪದಿಂದ ಶ್ರೀಲಂಕಾದ ಮನ್ನಾರ್ ದ್ವೀಪದವರೆಗೆ ಸುಣ್ಣದ ಕಲ್ಲುಗಳ ರಚನೆಗಳು, ಮರಳಿನ ದಿಬ್ಬಗಳು ಮತ್ತು ಹವಳದ ಬಂಡೆಗಳ ಸರಪಳಿಯೊಂದು ವಿಸ್ತರಿಸಿದೆ. ಇದನ್ನು 'ಆಡಮ್ಸ್ ಬ್ರಿಡ್ಜ್' (Adam's Bridge) ಎಂದೂ ಕರೆಯಲಾಗುತ್ತದೆ.

ರಾಮೇಶ್ವರದಿಂದ ಧನುಷ್ಕೋಡಿಗೆ ನೀವು ರಸ್ತೆ ಮಾರ್ಗದ ಮೂಲಕ ತಲುಪಬಹುದು. ಇಲ್ಲಿ ನೀವು ಅರಿಚಲ್ ಮುನೈ, ಧನುಷ್ಕೋಡಿ ಕಡಲತೀರ, ಹಳೆಯ ಚರ್ಚ್‌ನ ಅವಶೇಷಗಳು ಮತ್ತು ಹಿಂದೆ ಇದ್ದ ಪಟ್ಟಣದ ಕುರುಹುಗಳನ್ನು ನೋಡಬಹುದು. ಸಾಮಾನ್ಯವಾಗಿ, ಅಕ್ಟೋಬರ್‌ನಿಂದ ಫೆಬ್ರವರಿ ನಡುವಿನ ಅವಧಿಯಲ್ಲಿ ಹವಾಮಾನವು ಪ್ರವಾಸಕ್ಕೆ ಅನುಕೂಲಕರವಾಗಿರುತ್ತದೆ. ನಿಮ್ಮ ಪ್ರವಾಸದ ಬಗ್ಗೆ ಪ್ಲಾನ್ ಮಾಡುವ ಮೊದಲು ಅಲ್ಲಿನ ಹವಾಮಾನ, ರಸ್ತೆ ಸ್ಥಿತಿಗತಿ ಮತ್ತು ಪ್ರವಾಸಿಗರಿಗೆ ಪ್ರವೇಶವಿರುವ ಸಮಯದ ಬಗ್ಗೆ ಪರಿಶೀಲಿಸಿಕೊಳ್ಳುವುದು ಸೂಕ್ತ.

Bengaluru: ಫೋನ್‌ ವಾಪಸ್‌ ಕೊಡಲು ₹3,000 ಕೇಳಿದ ರಾಪಿಡೋ ಚಾಲಕ; ಕೊನೆಗೆ ಸಹಾಯಕ್ಕೆ ಬಂದ ಪೊಲೀಸರೇ ಹೀರೋ

Sushma Hegde — Thu, 22 Oct 2026 12:54:19 +0530

ಬೆಂಗಳೂರಿಗೆ ಕೆಲಸದ ನಿಮಿತ್ತ ಬಂದಿದ್ದ ಇಬ್ಬರು ವೃತ್ತಿಪರರಿಗೆ ರಾಪಿಡೋ ಕ್ಯಾಬ್‌ನಲ್ಲಿ ಮೊಬೈಲ್ ಫೋನ್ ಮರೆತು ಬಿಟ್ಟಿದ್ದೇ ದೊಡ್ಡ ಸಂಕಷ್ಟವಾಗಿ ಪರಿಣಮಿಸಿದೆ. ಫೋನ್‌ ವಾಪಸ್‌ ನೀಡಲು ಚಾಲಕ ₹3,000 ಕೇಳಿದ್ದಾನೆ ಎಂಬ ಆರೋಪ ಕೇಳಿಬಂದಿದ್ದು, ಕೊನೆಗೆ ಚಿಕ್ಕಜಾಲ ಪೊಲೀಸರ ಸಮಯೋಚಿತ ನೆರವಿನಿಂದ ಪ್ರಯಾಣಿಕರಿಗೆ ತಮ್ಮ ಫೋನ್‌ ಮರಳಿ ಸಿಕ್ಕಿದೆ. ಈ ಘಟನೆಯ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ಪೋಸ್ಟ್‌ ಈಗ ಗಮನ ಸೆಳೆದಿದೆ.

ಯಲಹಂಕಕ್ಕೆ ಹೋಗಿದ್ದಾಗ ಕಾರಿನಲ್ಲಿ ಮರೆತ ಫೋನ್‌

ಕೆಲಸದ ನಿಮಿತ್ತ ಬೆಂಗಳೂರಿಗೆ ಬಂದಿದ್ದ ಇಬ್ಬರು ವೃತ್ತಿಪರರು ತಮ್ಮ ಮ್ಯಾನೇಜರ್‌ ಜೊತೆ ಯಲಹಂಕಕ್ಕೆ ತೆರಳಲು ರಾಪಿಡೋ ಕ್ಯಾಬ್‌ ಬುಕ್‌ ಮಾಡಿದ್ದರು. ಸ್ಥಳೀಯ ಆಹಾರವನ್ನು ಸವಿಯುವ ಉದ್ದೇಶದಿಂದ ಅಲ್ಲಿಗೆ ತೆರಳಿದ್ದ ವೇಳೆ ಅವರಲ್ಲಿ ಒಬ್ಬರು ತಮ್ಮ ಮೊಬೈಲ್‌ ಫೋನ್‌ ಅನ್ನು ಕ್ಯಾಬ್‌ನಲ್ಲೇ ಮರೆತುಬಿಟ್ಟಿದ್ದರು. ಗಮ್ಯಸ್ಥಾನ ತಲುಪಿದ ಬಳಿಕ ಫೋನ್‌ ಕಾಣೆಯಾಗಿರುವುದು ಗೊತ್ತಾಗಿದೆ. ತಕ್ಷಣವೇ ಅವರು ಕ್ಯಾಬ್‌ ಚಾಲಕನನ್ನು ಸಂಪರ್ಕಿಸಿದ್ದಾರೆ. ಮೊದಲಿಗೆ ಫೋನ್‌ ತನ್ನ ಬಳಿ ಇಲ್ಲ ಎಂದು ಹೇಳಿದ್ದ ಚಾಲಕ, ನಂತರ ತನ್ನ ಬಳಿ ಇರುವುದಾಗಿ ಒಪ್ಪಿಕೊಂಡಿದ್ದಾನೆ ಎನ್ನಲಾಗಿದೆ.

ಫೋನ್‌ ವಾಪಸ್‌ ನೀಡಲು ₹3,000 ಬೇಡಿಕೆ!

ಫೋನ್‌ ಮರಳಿ ಪಡೆಯಲು ಪ್ರಯಾಣಿಕರು ಚಾಲಕನಿಗೆ ಕರೆ ಮಾಡಿ, ಅದನ್ನು ತಂದುಕೊಟ್ಟರೆ ಸೂಕ್ತ ಹಣ ನೀಡುವುದಾಗಿ ಹೇಳಿದ್ದಾರೆ. ಆದರೆ ಚಾಲಕ ತಾನು ಮತ್ತೊಂದು ಟ್ರಿಪ್‌ನಲ್ಲಿರುವುದಾಗಿ ತಿಳಿಸಿದ್ದಾನೆ. ಹೀಗಾಗಿ ಸ್ವಿಗ್ಗಿ ಜೆನಿ ಮೂಲಕ ಫೋನ್‌ ಪಿಕಪ್‌ ಮಾಡಿಸುವ ಪರ್ಯಾಯವನ್ನೂ ಪ್ರಯಾಣಿಕರು ಸೂಚಿಸಿದ್ದಾರೆ.

ಆದರೆ, ತಾನು ಕಚೇರಿಯಲ್ಲಿ ಕಾಯುತ್ತಿರುವುದರಿಂದ ಕ್ಯಾಬ್‌ ಬಿಟ್ಟು ಹೋಗಲು ಸಾಧ್ಯವಿಲ್ಲ ಎಂದು ಚಾಲಕ ಹೇಳಿದ್ದಾನೆ ಎನ್ನಲಾಗಿದೆ. ಅಲ್ಲದೆ, ಮುಂದೆ ತನಗೆ ₹4,000 ಮೊತ್ತದ ಟ್ರಿಪ್‌ ಇರುವುದರಿಂದ ಫೋನ್‌ ತಲುಪಿಸಲು ₹3,000 ನೀಡಬೇಕು ಎಂದು ಬೇಡಿಕೆ ಇಟ್ಟಿದ್ದಾನೆ ಎಂದು ಪ್ರಯಾಣಿಕರು ತಮ್ಮ ಪೋಸ್ಟ್‌ನಲ್ಲಿ ಆರೋಪಿಸಿದ್ದಾರೆ. ಸೂಕ್ತ ಪರಿಹಾರ ನೀಡಲು ಸಿದ್ಧವಿದ್ದರೂ ಇಷ್ಟೊಂದು ದೊಡ್ಡ ಮೊತ್ತ ಕೇಳಿದ್ದು ಅಸಮಾಧಾನಕ್ಕೆ ಕಾರಣವಾಯಿತು ಎಂದು ಅವರು ಹೇಳಿದ್ದಾರೆ. ಮಧ್ಯಾಹ್ನ 1 ಗಂಟೆಗೆ ಆರಂಭವಾದ ಈ ಸಮಸ್ಯೆ ಸಂಜೆ 4 ಗಂಟೆಯಾದರೂ ಬಗೆಹರಿದಿರಲಿಲ್ಲ. ಕೊನೆಗೆ ಫೋನ್‌ ಅನ್ನು ಮರುದಿನ ನೀಡಬಹುದು ಎಂದು ಚಾಲಕ ಹೇಳಿದ್ದಾನೆ ಎನ್ನಲಾಗಿದೆ.

ಕನ್ನಡ ಬಾರದಿದ್ದರೂ ನೆರವಿಗೆ ಬಂದ ಪೊಲೀಸರು!

ಏನು ಮಾಡಬೇಕೆಂದು ತೋಚದೆ ಇಬ್ಬರೂ ಚಿಕ್ಕಜಾಲ ಪೊಲೀಸ್‌ ಠಾಣೆಗೆ ತೆರಳಿದ್ದಾರೆ. ಬೆಂಗಳೂರಿನ ಸ್ಥಳೀಯ ಭಾಷೆ ಕನ್ನಡ ಮಾತನಾಡಲು ಬಾರದ ಕಾರಣ ಆರಂಭದಲ್ಲಿ ಅವರಿಗೆ ಆತಂಕವಿತ್ತು. ಆದರೆ, ಅಲ್ಲಿ ಪೊಲೀಸರಿಂದ ಸಿಕ್ಕ ನೆರವು ಅವರ ನಿರೀಕ್ಷೆಯನ್ನೇ ಬದಲಿಸಿತು. ಪೊಲೀಸ್‌ ಸಿಬ್ಬಂದಿಯೊಬ್ಬರು ಹಿಂದಿಯಲ್ಲಿ ಸಂವಹನ ನಡೆಸಲು ಸಹಾಯ ಮಾಡಿದರು. ಬಳಿಕ ಚಾಲಕನ ವಿವರಗಳನ್ನು ಪಡೆದು ಆತನನ್ನು ನೇರವಾಗಿ ಸಂಪರ್ಕಿಸಿದರು ಎಂದು ಪ್ರಯಾಣಿಕರು ತಿಳಿಸಿದ್ದಾರೆ.

ಫೋನ್‌ ಅನ್ನು ಪೊಲೀಸ್‌ ಠಾಣೆಗೆ ತಂದುಕೊಡುವಂತೆ ಸೂಚಿಸಿದ ಪೊಲೀಸರು, ಸಹಕರಿಸದಿದ್ದರೆ ವಾಹನ ವಶಪಡಿಸಿಕೊಳ್ಳುವಂತಹ ಮುಂದಿನ ಕ್ರಮ ಕೈಗೊಳ್ಳಬೇಕಾಗಬಹುದು ಎಂದು ಎಚ್ಚರಿಕೆ ನೀಡಿದರು ಎನ್ನಲಾಗಿದೆ. ಪೊಲೀಸರ ಮಧ್ಯಪ್ರವೇಶದ ಬಳಿಕ ಚಾಲಕನ ವರ್ತನೆ ಬದಲಾಯಿತು. ಆತ ಪ್ರಯಾಣಿಕರನ್ನು ಸಂಪರ್ಕಿಸಿ ಫೋನ್‌ ಹಸ್ತಾಂತರಿಸಲು ಒಪ್ಪಿಕೊಂಡಿದ್ದಾನೆ. ಸುಮಾರು ಐದು ಕಿಲೋಮೀಟರ್‌ ದೂರಕ್ಕೆ ಪಿಕಪ್‌ ಬುಕ್‌ ಮಾಡಿದ ಬಳಿಕ ಇಬ್ಬರೂ ತಮ್ಮ ಮೊಬೈಲ್‌ ಫೋನ್‌ ಅನ್ನು ಮರಳಿ ಪಡೆದುಕೊಂಡಿದ್ದಾರೆ.

ಪೊಲೀಸರ ಕಾರ್ಯಕ್ಕೆ ನೆಟ್ಟಿಗರಿಂದ ಮೆಚ್ಚುಗೆ

ಈ ಘಟನೆಯನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ಪ್ರಯಾಣಿಕರು, ತಮಗೆ ಸಹಾಯ ಮಾಡಿದ ಚಿಕ್ಕಜಾಲ ಪೊಲೀಸರನ್ನು ವಿಶೇಷವಾಗಿ ಶ್ಲಾಘಿಸಿದ್ದಾರೆ. “ಪೊಲೀಸರು ತಾಳ್ಮೆಯಿಂದ ನಮ್ಮ ಸಮಸ್ಯೆಯನ್ನು ಆಲಿಸಿದರು. ಭಾಷೆಯ ಸಮಸ್ಯೆ ಇದ್ದರೂ ನಮ್ಮನ್ನು ವಾಪಸ್‌ ಕಳುಹಿಸದೆ, ಪರಿಹಾರ ಕಂಡುಕೊಳ್ಳಲು ಸಹಾಯ ಮಾಡಿದರು. ಇಂತಹ ನೆರವನ್ನು ನಿರೀಕ್ಷಿಸಿರಲಿಲ್ಲ” ಎಂಬುದು ಅವರ ಪೋಸ್ಟ್‌ನ ಸಾರಾಂಶ.

ಪೋಸ್ಟ್‌ ವೈರಲ್‌ ಆಗುತ್ತಿದ್ದಂತೆ ಅನೇಕರು ಪೊಲೀಸರ ಕಾರ್ಯವೈಖರಿಯನ್ನು ಮೆಚ್ಚಿದ್ದಾರೆ. “ಇಂತಹ ಘಟನೆಗಳು ಬೆಂಗಳೂರಿನ ಪೊಲೀಸರ ಬಗ್ಗೆ ನಂಬಿಕೆ ಹೆಚ್ಚಿಸುತ್ತವೆ” ಎಂದು ಒಬ್ಬರು ಪ್ರತಿಕ್ರಿಯಿಸಿದ್ದಾರೆ. ಮತ್ತೊಬ್ಬರು, “ಹಿಂದಿಯಲ್ಲಿ ದೂರು ನೀಡಲು ಅವಕಾಶ ಮಾಡಿಕೊಟ್ಟಿದ್ದೂ ಶ್ಲಾಘನೀಯ” ಎಂದಿದ್ದಾರೆ.

ಇನ್ನೊಬ್ಬ ಸಾಮಾಜಿಕ ಜಾಲತಾಣ ಬಳಕೆದಾರರು, ನ್ಯೂಯಾರ್ಕ್‌ನಲ್ಲಿ ಉಬರ್‌ ಮೂಲಕ ಕಳೆದುಹೋದ ವಸ್ತುವನ್ನು ಮರಳಿ ಪಡೆಯಲು ಶುಲ್ಕ ಪಾವತಿಸಿದ ಅನುಭವವನ್ನು ಹಂಚಿಕೊಂಡಿದ್ದಾರೆ. ಆದರೆ, ಫೋನ್‌ ಹಿಂದಿರುಗಿಸಲು ₹3,000 ಕೇಳಿದ ಮೊತ್ತದ ಬಗ್ಗೆ ಅವರು ಅನುಮಾನ ವ್ಯಕ್ತಪಡಿಸಿದ್ದಾರೆ.

ಮ್ಯಾಚ್ ಫಿಕ್ಸಿಂಗ್ ಆರೋಪ ಎದುರಿಸಿದ ಟಾಪ್ 6 ಫೇಮಸ್ ಕ್ರಿಕೆಟಿಗರಿವರು..! ಈ ಲಿಸ್ಟ್‌ನಲ್ಲಿದ್ದಾರೆ ಜಗತ್ತಿನ ಶ್ರೀಮಂತ ಕ್ರಿಕೆಟಿಗ

Naveen Kodase — Thu, 22 Oct 2026 12:52:08 +0530

ಬೆಂಗಳೂರು: ಕ್ರಿಕೆಟ್ ಜಗತ್ತಿನಲ್ಲಿ ಅವಿರತ ಸಮರ್ಪಣಾಭಾವದಿಂದ ಆಡುವ ಮೂಲಕ ಖ್ಯಾತಿಯನ್ನು ಗಳಿಸಿರುತ್ತಾರೆ. ಆದರೆ ಜಗತ್ತಿನ ಫೇಮಸ್ ಆಟಗಾರರಾಗಿ ಬೆಳೆದ ಬಳಿಕ ಕೆಲವು ಆಟಗಾರರು ಮ್ಯಾಚ್‌ ಫಿಕ್ಸಿಂಗ್‌ನಂತಹ ವಿವಾದಗಳಲ್ಲಿ ಸಿಲುಕಿಕೊಂಡು, ವರ್ಷಗಳಿಂದ ಗಳಿಸಿದ ಗೌರವವನ್ನು ಮಣ್ಣುಪಾಲು ಮಾಡಿಕೊಂಡು ಬಿಡುತ್ತಾರೆ. ಕ್ರಿಕೆಟ್‌ ಜಗತ್ತಿನಲ್ಲಿ ಅಂತಹ ಹತ್ತು ಹಲವು ಘಟನೆಗಳು ನಮ್ಮ ಕಣ್ಣ ಮುಂದೆಯೇ ಇದೆ. ಜಂಟಲ್‌ಮನ್ ಗೇಮ್ ಎಂದೇ ಕರೆಸಿಕೊಳ್ಳುವ ಕ್ರಿಕೆಟ್‌ನಲ್ಲಿ ಮ್ಯಾಚ್ ಫಿಕ್ಸಿಂಗ್ ಆರೋಪಕ್ಕೆ ಗುರಿಯಾದ ಟಾಪ್ 6 ಆಟಗಾರರು ಯಾರು ಎನ್ನುವುದನ್ನು ನೋಡೋಣ ಬನ್ನಿ.

1. ಮೊಹಮ್ಮದ್ ಅಜರುದ್ದೀನ್:

ಟೀಂ ಇಂಡಿಯಾದ ನಾಯಕರಾಗಿದ್ದ ಅಜರುದ್ದೀನ್ 2000ನೇ ಇಸವಿಯಲ್ಲಿ ಮ್ಯಾಚ್ ಫಿಕ್ಸಿಂಗ್ ವಿವಾದದಲ್ಲಿ ಸಿಲುಕಿಕೊಂಡರು. ಇದಾದ ಬಳಿಕ ಈ ಕುರಿತಂತೆ ತನಿಖೆ ನಡೆಸಿದ ಬಿಸಿಸಿಐ, ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಅಜರುದ್ದೀನ್ ಅವರ ಮೇಲೆ ಅಜೀವ ನಿಷೇಧ ಹೇರಿತ್ತು. ಆದರೆ ಇದರ ವಿರುದ್ದ ಹೋರಾಟ ನಡೆಸಿದ ಅಜರುದ್ದೀನ್, ಹನ್ನೊಂದು ವರ್ಷಗಳ ಬಳಿಕ ಆಂಧ್ರಪ್ರದೇಶ ಹೈಕೋರ್ಟ್, ಅಜರುದ್ದೀನ್ ಅವರ ಮೇಲೆ ಹೇರಿದ್ದ ಬ್ಯಾನ್ ಅನ್ನು ರದ್ದುಪಡಿಸಿತು.

2. ಹ್ಯಾನ್ಸಿ ಕ್ರೋನಿ:

ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಹ್ಯಾನಿ ಕ್ರೋನಿ ಕೂಡಾ 2000ನೇ ಇಸವಿಯಲ್ಲಿ ಇದೇ ಮ್ಯಾಚ್ ಫಿಕ್ಸಿಂಗ್ ವಿವಾದದ ಸುಳಿಯಲ್ಲಿ ಸಿಲುಕಿದರು. ಹ್ಯಾನ್ಸಿ ಕ್ರೋನಿ ತಾವು ಬುಕಿಗಳಿಂದ ಮ್ಯಾಚ್‌ ಫಿಕ್ಸಿಂಗ್‌ಗೆ ಹಣ ಪಡೆದುಕೊಂಡಿದ್ದನ್ನು ಒಪ್ಪಿಕೊಂಡಿದ್ದರು. ಇದರ ಬೆನ್ನಲ್ಲೇ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಮಂಡಳಿಯು ಕ್ರೋನಿ ಮೇಲೆ ಅಜೀವ ನಿಷೇಧ ಹೇರಿತು. ಇದಾಗಿ ಎರಡು ವರ್ಷಗಳಲ್ಲೇ 32 ವರ್ಷದ ಕ್ರೋನಿ 2002ರ ವಿಮಾನ ದುರಂತದಲ್ಲಿ ಕೊನೆಯುಸಿರೆಳೆದರು.

3. ಎಸ್ ಶ್ರೀಶಾಂತ್:

2007ರ ಟಿ20 ವಿಶ್ವಕಪ್ ಹಾಗೂ 2011 ಏಕದಿನ ವಿಶ್ವಕಪ್ ವಿಜೇತ ತಂಡದ ಸದಸ್ಯ, ಟೀಂ ಇಂಡಿಯಾ ವೇಗಿ ಎಸ್ ಶ್ರೀಶಾಂತ್ ಕೂಡಾ 2013ರ ಐಪಿಎಲ್ ವೇಳೆ ಸ್ಪಾಟ್‌ ಫಿಕ್ಸಿಂಗ್ ಆರೋಪಕ್ಕೆ ಗುರಿಯಾಗಿದ್ದರು. ಆರಂಭದಲ್ಲಿ ಬಿಸಿಸಿಐ ಶ್ರೀಶಾಂತ್ ಮೇಲೆ ಜೀವಾವಧಿ ಬ್ಯಾನ್ ವಿಧಿಸಿತ್ತು. ಇನ್ನು ಇದಾದ ಬಳಿಕ ಕಾನೂನು ಹೋರಾಟ ನಡೆಸಿದ ಶ್ರೀಶಾಂತ್‌ಗೆ 2019ರಲ್ಲಿ ಸುಪ್ರೀಂ ಕೋರ್ಟ್ ರಿಲ್ಯಾಕ್ಸ್ ನೀಡಿತ್ತು. ಸರ್ವೋಚ್ಚ ನ್ಯಾಯಾಲಯ ಅಜೀವ ಶಿಕ್ಷೆ ತೆರವು ಮಾಡಿ, ಶಿಕ್ಷೆಯ ಪ್ರಮಾಣ ಕಡಿಮೆ ಮಾಡಲು ಸೂಚಿಸಿತ್ತು. ಬಳಿಕ ಬಿಸಿಸಿಐ ಎಸ್ ಶ್ರೀಶಾಂತ್‌ಗೆ ಏಳು ವರ್ಷಗಳ ಕಾಲ ನಿಷೇಧ ಹೇರಿತ್ತು.

4. ಸಲ್ಮಾನ್ ಭಟ್:

ಪಾಕಿಸ್ತಾನದ ಮಾಜಿ ನಾಯಕ ಸಲ್ಮಾನ್ ಭಟ್, 2010ರ ಕುಖ್ಯಾತ ಲಾರ್ಡ್ಸ್ ಟೆಸ್ಟ್ ಮ್ಯಾಚ್‌ ಫಿಕ್ಸಿಂಗ್‌ನ ಮಾಸ್ಟರ್ ಮೈಂಡ್. ಇಂಗ್ಲೆಂಡ್ ಎದುರಿನ ಲಾರ್ಡ್ಸ್‌ ಟೆಸ್ಟ್‌ನಲ್ಲಿ ಉದ್ದೇಶಪೂರ್ವಕವಾಗಿ ನೋ ಬಾಲ್ ಹಾಕುವಂತೆ ಪಾಕ್ ಬೌಲರ್‌ಗೆ ಒತ್ತಡ ಹೇರಿದ್ದರು. ಇದರ ಪರಿಣಾಮವಾಗಿ ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ICC) ಸಲ್ಮಾನ್ ಭಟ್ ಮೇಲೆ ಐದು ವರ್ಷಗಳ ನಿಷೇಧವನ್ನು ವಿಧಿಸಿತು ಮತ್ತು ಯುನೈಟೆಡ್ ಕಿಂಗ್‌ಡಮ್‌ನಲ್ಲಿ ಜೈಲು ಶಿಕ್ಷೆಯೂ ವಿಧಿಸಲಾಯಿತು.

5. ಮೊಹಮ್ಮದ್ ಆಮೀರ್:

2010ರ ಲಾರ್ಡ್ಸ್ ಟೆಸ್ಟ್ ವೇಳೆಯಲ್ಲಿಯೇ ಮ್ಯಾಚ್‌ ಫಿಕ್ಸಿಂಗ್‌ನಲ್ಲಿ ಸಿಕ್ಕಿಬಿದ್ದ ಮತ್ತೋರ್ವ ಪಾಕ್ ವೇಗಿ ಮೊಹಮ್ಮದ್ ಆಮೀರ್. ಸಲ್ಮಾನ್ ಭಟ್ ಸೂಚನೆ ಮೇರೆಗೆ ಆಮೀರ್ ಉದ್ದೇಶಪೂರ್ವಕವಾಗಿ ನೋ ಬಾಲ್ ಎಸೆದಿರುವುದು ಬೆಳಕಿಗೆ ಬಂದಿತ್ತು. ತನ್ನ ಎಳೆಯ ವಯಸ್ಸಿನ ಕಾರಣದಿಂದಾಗಿ, ಅಮೀರ್ ಐಸಿಸಿಯಿಂದ ಐದು ವರ್ಷಗಳ ನಿಷೇಧಕ್ಕೆ ಒಳಗಾದರು ಮತ್ತು ಅಪರಾಧಿ ಬಾಲಾಪರಾಧಿಗಳ ಸುಧಾರಣಾ ಕೇಂದ್ರದಲ್ಲಿ ಕಾಲ ಕಳೆದರು. ಇತರ ಅನೇಕರಿಗಿಂತ ಭಿನ್ನವಾಗಿ, ತಮ್ಮ ಮೇಲಿದ್ದ ನಿಷೇಧ ಮುಗಿದ ನಂತರ, 2016ರಲ್ಲಿ ಅಮೀರ್ ಯಶಸ್ವಿಯಾಗಿ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಕಮ್‌ಬ್ಯಾಕ್ ಮಾಡಿದರು.

6. ಅಜಯ್ ಜಡೇಜಾ:

ಜಗತ್ತಿನ ಶ್ರೀಮಂತ ಕ್ರಿಕೆಟಿಗ, ಟೀಂ ಇಂಡಿಯಾ ಮಾಜಿ ಆಟಗಾರ ಅಜಯ್ ಜಡೇಜಾ ಕೂಡಾ ಮ್ಯಾಚ್ ಫಿಕ್ಸಿಂಗ್‌ಗೆ ಒಳಗಾಗಿದ್ದರು. 2000ನೇ ಇಸವಿಯ ಮ್ಯಾಚ್‌ ಫಿಕ್ಸಿಂಗ್‌ನಲ್ಲಿಯೇ ಅಜಯ್ ಜಡೇಜಾ ಹೆಸರು ಕೂಡಾ ಥಳುಕು ಹಾಕಿಕೊಂಡಿತ್ತು. ತನಿಖೆ ಬಳಿಕ ಜಡೇಜಾ ಮೇಲೆ ಬಿಸಿಸಿಐ ಐದು ವರ್ಷ ನಿಷೇಧ ಹೇರಿತ್ತು. ಇದಾದ ಬಳಿಕ ಕಾನೂನು ಹೋರಾಟ ನಡೆಸಿದ ಜಡೇಜಾಗೆ 2003ರಲ್ಲಿ ಡೆಲ್ಲಿ ಹೈಕೋರ್ಟ್ ರಿಲೀಫ್ ನೀಡಿತ್ತು. ಜಡೇಜಾ ಮೇಲಿದ್ದ ಬ್ಯಾನ್ ತೆರವು ಮಾಡಿ, ದೇಶಿ ಕ್ರಿಕೆಟ್‌ನಲ್ಲಿ ಪಾಲ್ಗೊಳ್ಳಲು ಅವಕಾಶ ನೀಡಿತ್ತು. ಅಂದಹಾಗೆ ಅಜಯ್ ಜಡೇಜಾ ಗುಜರಾತ್‌ನ ಜಾಮ್‌ನಗರ ರಾಜಮನೆತನದವರಾಗಿದ್ದು, 2024ರಲ್ಲಿ ಅವರನ್ನು ಈ ರಾಜಮನೆತನದ ಉತ್ತರಾಧಿಕಾರಿ ಎಂದು ಘೋಷಿಸಲಾಯಿತು. ಹೀಗಾಗಿ ಅವರಿಗೆ ವಂಶಪಾರಂಪರ್ಯವಾಗಿ ಬಂದ ಸಂಪತ್ತು ಸೇರಿ 1450 ಕೋಟಿ ರುಪಾಯಿ ಒಡೆಯರಾಗಿದ್ದಾರೆ.

'ಯಶ್‌ಗೆ ಆಗಲೇ ಆ ಕಿಚ್ಚಿತ್ತು' : ನಂದಗೋಕುಲ ಸೀರಿಯಲ್‌ನ ಸುಂದರ ನೆನಪು ಬಿಚ್ಚಿಟ್ಟ ನಟಿ ಲಕ್ಷ್ಮೀ ಸಿದ್ದಯ್ಯ

Ashwini HR — Thu, 22 Oct 2026 12:52:01 +0530

Yash early days: ರಾಕಿಂಗ್ ಸ್ಟಾರ್ ಯಶ್ ಇಂದು ಕೆಜಿಎಫ್ ಮೂಲಕ ಜಾಗತಿಕ ಮಟ್ಟದಲ್ಲಿ ಸದ್ದು ಮಾಡುತ್ತಿದ್ದಾರೆ. ಆದರೆ, ಅವರು ಈ ಹಂತ ತಲುಪಲು ಪಟ್ಟ ಶ್ರಮ ಮತ್ತು ಅವರ ಆರಂಭಿಕ ದಿನಗಳ ನಟನೆಯನ್ನು ಅವರ ಸಹನಟಿ ಲಕ್ಷ್ಮೀ ಸಿದ್ದಯ್ಯ ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.

ಸುಂದರ ನೆನಪುಗಳನ್ನು ಹಂಚಿಕೊಂಡ ನಟಿರಾಕಿಂಗ್ ಸ್ಟಾರ್ ಯಶ್ ಇಂದು ಕನ್ನಡ ಚಿತ್ರರಂಗವನ್ನು ಜಾಗತಿಕ ಮಟ್ಟಕ್ಕೆ ಕೊಂಡೊಯ್ದಿರುವುದು ನಿಜಕ್ಕೂ ಹೆಮ್ಮೆಯ ವಿಷಯ ಎಂದು ಕಿರುತೆರೆಯ ಖ್ಯಾತ ನಟಿ ಲಕ್ಷ್ಮೀ ಸಿದ್ದಯ್ಯ ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ. ಯಶ್ ಅವರ ಆರಂಭಿಕ ದಿನಗಳ ಜನಪ್ರಿಯ ಧಾರಾವಾಹಿ ‘ನಂದಗೋಕುಲ’ದಲ್ಲಿ ಅವರೊಂದಿಗೆ ತೆರೆ ಹಂಚಿಕೊಂಡಿದ್ದ ಸುಂದರ ನೆನಪುಗಳನ್ನು ನಟಿ ಸಂದರ್ಶನವೊಂದರಲ್ಲಿ ಮೆಲಕು ಹಾಕಿದ್ದಾರೆ.

ಆಗಲೇ ಸಾಧಿಸುವ ಛಲವಿತ್ತುಯಶ್ ಮತ್ತು ರಾಧಿಕಾ ಪಂಡಿತ್ ಅವರ ಬೆಳವಣಿಗೆಯ ಬಗ್ಗೆ ಮಾತನಾಡಿದ ಲಕ್ಷ್ಮೀ ಸಿದ್ದಯ್ಯ, "ಯಶ್ ಮತ್ತು ರಾಧಿಕಾ ಇಂದು ಮುಟ್ಟಿರುವ ಎತ್ತರ ನೋಡಿ ತುಂಬಾ ಹೆಮ್ಮೆಯಾಗುತ್ತದೆ. ಯಶ್ ಜೊತೆ ನಾನು ಜೋಡಿಯಾಗಿ ನಟಿಸಿದ್ದೆ. ಆ ಕಾಲದಲ್ಲೇ ಅವನಲ್ಲಿ 'ಏನಾದರೂ ಸಾಧಿಸಲೇಬೇಕು' ಎಂಬ ತೀವ್ರವಾದ ಕಿಚ್ಚಿತ್ತು. ಅಂದುಕೊಂಡಂತೆ ಅವನು ಇಂದು ಸಾಧಿಸಿ ತೋರಿಸಿದ್ದಾನೆ. ನಮ್ಮ ಕನ್ನಡ ಚಿತ್ರರಂಗವನ್ನು ನಾವು ಊಹಿಸಲೂ ಸಾಧ್ಯವಾಗದ ಮಟ್ಟಕ್ಕೆ ಕೊಂಡೊಯ್ದಿದ್ದಾನೆ. ಅವನು ಯಾವಾಗಲೂ ಚೆನ್ನಾಗಿರಬೇಕು ಎಂಬುದೇ ನನ್ನ ಆಶಯ" ಎಂದು ಹಾರೈಸಿದರು.

'ನಂದಗೋಕುಲ'ದ ತಮಾಷೆಯ ಎಂಟ್ರಿ ಸೀನ್ಧಾರಾವಾಹಿಯ ಚಿತ್ರೀಕರಣದ ದಿನಗಳನ್ನು ನೆನಪಿಸಿಕೊಂಡ ನಟಿ, ತಮ್ಮ ಪರಿಚಯದ ದೃಶ್ಯದ (Entry Scene) ಬಗ್ಗೆ ಸ್ವಾರಸ್ಯಕರ ಪ್ರಸಂಗವನ್ನು ಹಂಚಿಕೊಂಡರು.

"ಆ ಧಾರಾವಾಹಿಯಲ್ಲಿ ನನ್ನ ಪಾತ್ರದ ಎಂಟ್ರಿ ಸೀನ್ ತುಂಬಾ ಮಜವಾಗಿತ್ತು. ನಾನು ಮಾಡರ್ನ್ ಡ್ರೆಸ್ ಧರಿಸಿ, ಕಿವಿಗೆ ಇಯರ್‌ಫೋನ್ ಹಾಕಿಕೊಂಡು ರಸ್ತೆಯಲ್ಲಿ ಒಬ್ಬಳೇ ಜೋರಾಗಿ ನಗುತ್ತಾ ಬರುತ್ತಿರುತ್ತೇನೆ. ಇದನ್ನು ನೋಡಿದ ಯಶ್ ಮತ್ತು ಕಾಮಿಡಿ ನಟ ಗಿರೀಶ್, 'ಹುಡುಗಿ ನೋಡಲು ಚೆನ್ನಾಗಿದ್ದಾಳೆ, ಆದರೆ ಹುಚ್ಚಿಯಂತೆ ಆಡ್ತಿದ್ದಾಳೆ. ಪಾಪ ಇವಳನ್ನು ಸುರಕ್ಷಿತವಾಗಿ ಮನೆಗೆ ಬಿಡೋಣ' ಎಂದು ನನ್ನನ್ನು ಹಿಂಬಾಲಿಸಿಕೊಂಡು ಬರುತ್ತಾರೆ. ಕೊನೆಗೆ ಬಂದು 'ಏನಮ್ಮಾ ನಿನ್ನ ಸಮಸ್ಯೆ?' ಎಂದು ವಿಚಾರಿಸಿದಾಗ, ನಾನು ಇಯರ್‌ಫೋನ್ ತೆಗೆಯುತ್ತೇನೆ. ಆಗ ಅವರಿಗೆ ತಿಳಿಯುತ್ತದೆ—ನಾನು ಹುಚ್ಚಿಯಲ್ಲ, ಫೋನ್‌ನಲ್ಲಿ ಮಾತನಾಡುತ್ತಾ ನಗುತ್ತಿದ್ದೆ ಎಂದು! ಈ ದೃಶ್ಯ ಚಿತ್ರೀಕರಣ ಮಾಡುವಾಗ ನಾವೆಲ್ಲರೂ ತುಂಬಾ ನಕ್ಕಿದ್ದೆವು," ಎಂದು ಆ ದಿನಗಳ ತಮಾಷೆಯನ್ನು ವಿವರಿಸಿದರು.

ಸಮಕಾಲೀನ ಪ್ರತಿಭಾವಂತ ಕಲಾವಿದರ ದಂಡೇ ಇತ್ತು'ನಂದಗೋಕುಲ' ಧಾರಾವಾಹಿಯಲ್ಲಿ ವಿನಯಾ ಪ್ರಸಾದ್ ಸಹ ಇದ್ದರು. ರಾಧಿಕಾ ಪಂಡಿತ್ ಸೇರಿದಂತೆ ಸಮಕಾಲೀನ ಪ್ರತಿಭಾವಂತ ಕಲಾವಿದರ ದಂಡೇ ಇತ್ತು. ನಾವೆಲ್ಲರೂ ಒಂದೇ ವಯಸ್ಸಿನವರಾಗಿದ್ದರಿಂದ ಶೂಟಿಂಗ್ ಸೆಟ್‌ನಲ್ಲಿ ಸದಾ ತಮಾಷೆ, ಸಂತಸದ ವಾತಾವರಣ ಇರುತ್ತಿತ್ತು ಎಂದು ಲಕ್ಷ್ಮೀ ಸಿದ್ದಯ್ಯ ನೆನಪಿಸಿಕೊಂಡಿದ್ದಾರೆ.

ಸಿಬ್ಬಂದಿ ಕೊರತೆ ನೀಗಿಸಲು ಖಾಸಗಿ ಮೊರೆ ಹೋದ ರಾಜ್ಯ ಸರ್ಕಾರ; ಥರ್ಡ್‌ ಪಾರ್ಟಿಗೆ ನಿಶಾನೆ

Kannadaprabha News — Thu, 22 Oct 2026 12:48:28 +0530

ಬೆಂಗಳೂರು: ರಾಜ್ಯ ಸರ್ಕಾರದ ವಿವಿಧ ಇಲಾಖೆಗಳಲ್ಲಿ ಪರಿಶೀಲನಾ ಸಿಬ್ಬಂದಿ ಕೊರತೆಯಿಂದ ತಪಾಸಣೆಗಳು ವಿಳಂಬವಾಗುತ್ತಿರುವ ಹಿನ್ನೆಲೆಯಲ್ಲಿ ಖಾಸಗಿ ಏಜೆನ್ಸಿಗಳಿಂದ (ಥರ್ಡ್‌ ಪಾರ್ಟಿ) ತಪಾಸಣೆ ಮತ್ತು ಆಡಿಟ್ ಕಾರ್ಯ ಕೈಗೊಳ್ಳುವಂತೆ ರಾಜ್ಯ ಸರ್ಕಾರ ಸೂಚನೆ ನೀಡಿದೆ.

ಕ್ಷೇತ್ರ ಮಟ್ಟದಲ್ಲಿ ಸಿಬ್ಬಂದಿ ಕೊರತೆಯಿಂದಾಗಿ ಪ್ರಮುಖ ಇಲಾಖೆಗಳಲ್ಲಿ ನಿಯಮಿತ ಪರಿಶೀಲನೆಗಳು ಬಾಕಿ ಉಳಿಯುತ್ತಿವೆ. ಇಂಥ ಇಲಾಖೆಗಳಲ್ಲಿ ಆದ್ಯತೆ ಮೇರೆಗೆ ಈ ವ್ಯವಸ್ಥೆ ಜಾರಿಯಾಗಲಿದೆ. ಕರ್ನಾಟಕ ಆಡಳಿತ ಸುಧಾರಣಾ ಆಯೋಗ-2 ನೀಡಿದ್ದ ಶಿಫಾರಸು ಅನ್ವಯ ಪ್ರಜಾಸೇವಾ ಇಲಾಖೆ ಪ್ರಧಾನ ಕಾರ್ಯದರ್ಶಿ ಹರ್ಷ ಗುಪ್ತಾ ಅವರು ಆದೇಶ ಹೊರಡಿಸಿದ್ದು, ಎಲ್ಲ ಇಲಾಖೆಗಳ ಪ್ರಧಾನ ಕಾರ್ಯದರ್ಶಿಗಳಿಗೆ ಈ ಸಂಬಂಧ ಕ್ರಿಯಾಯೋಜನೆ ರೂಪಿಸಲು ತಿಳಿಸಿದ್ದಾರೆ.

ವಾರ್ಷಿಕ ಪರಿಶೀಲನೆಯೂ ಏಜೆನ್ಸಿಗೆ:

ಕಾನೂನು ಮತ್ತು ಮಾಪನಶಾಸ್ತ್ರ ಇಲಾಖೆ ವ್ಯಾಪ್ತಿಯಲ್ಲಿ ತೂಕ ಮತ್ತು ಅಳತೆ ಉಪಕರಣಗಳ ವಾರ್ಷಿಕ ಪರಿಶೀಲನೆ ಹಾಗೂ ಮುದ್ರೆ ಒತ್ತುವಿಕೆ, ಆಹಾರ ಸುರಕ್ಷತೆ ಮತ್ತು ಔಷಧ ಆಡಳಿತ ಇಲಾಖೆ ವ್ಯಾಪ್ತಿಯಲ್ಲಿ ಆಹಾರ ಉದ್ಯಮಗಳು, ರೆಸ್ಟೋರೆಂಟ್‌ಗಳು, ಮೆಡಿಕಲ್ ಸ್ಟೋರ್‌ಗಳು ಮತ್ತು ಫಾರ್ಮಸಿಗಳ ವಾರ್ಷಿಕ ಪರಿಶೀಲನೆ ನಡೆಸುವಂಥ ಕೆಲಸಗಳನ್ನು ಅಧಿಕೃತ ಮೂರನೇ ವ್ಯಕ್ತಿ ಏಜೆನ್ಸಿಗೆ ವಹಿಸಲು ಸೂಚಿಸಲಾಗಿದೆ.

ಕಾನೂನಾತ್ಮಕ ಕಂಟ್ರೋಲ್

ಕಾರ್ಖಾನೆಗಳು ಹಾಗೂ ಬಾಯ್ಲರ್‌ಗಳ ಇಲಾಖೆ ವ್ಯಾಪ್ತಿಯಲ್ಲಿ ಕೈಗಾರಿಕಾ ಬಾಯ್ಲರ್‌ಗಳ ಸುರಕ್ಷತಾ ತಪಾಸಣೆ ಮತ್ತು ವಾರ್ಷಿಕ ಪ್ರಮಾಣೀಕರಣ ನಡೆಸಬಹುದು. ಖಾಸಗಿ ಅಥವಾ ಥರ್ಡ್ ಪಾರ್ಟಿ ಏಜೆನ್ಸಿಗಳು ತಪಾಸಣೆ ನಡೆಸಿದರೂ, ಕಾನೂನಾತ್ಮಕ ನಿಯಂತ್ರಣಾ ಅಧಿಕಾರಗಳು ಸಂಪೂರ್ಣವಾಗಿ ಸರ್ಕಾರಿ ಅಧಿಕಾರಿಗಳ ಬಳಿಯೇ ಇರಲಿದೆ. ಆಹಾರ ಅಥವಾ ಔಷಧಗಳ ಮಾದರಿ ಸಂಗ್ರಹಣೆ, ಜಪ್ತಿ ಹಾಗೂ ಕಾನೂನು ಅಭಿಯೋಜನೆ ಅಧಿಕಾರಗಳು ಸರ್ಕಾರಿ ಅಧಿಕಾರಿಗಳ ಬಳಿಯೇ ಇರಲಿವೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

ಆದ್ಯತೆ ಆಧಾರದ ಮೇರೆಗೆ ಈ ವ್ಯವಸ್ಥೆ ಜಾರಿ

ಏಜೆನ್ಸಿಗಳು ನೀಡುವ ವರದಿ ಮತ್ತು ಆಡಿಟ್‌ಗಳನ್ನು ಆಧರಿಸಿ, ಅಧಿಕಾರಿಗಳು ನಿರ್ದಿಷ್ಟ ಮತ್ತು ಅಪಾಯ ಸಾಧ್ಯತೆ ಹೆಚ್ಚಿರುವ ಸಂಸ್ಥೆಗಳ ಮೇಲಷ್ಟೇ ಗಮನಹರಿಸಿ ತಪಾಸಣೆ ನಡೆಸಲಿದ್ದಾರೆ. ಕಾರ್ಯನಿರ್ವಹಣೆಯಲ್ಲಿ ನಿರ್ಲಕ್ಷ್ಯ, ಅಕ್ರಮ ಅಥವಾ ಲೋಪವೆಸಗುವ ಏಜೆನ್ಸಿಗಳನ್ನು ಕಪ್ಪುಪಟ್ಟಿಗೆ ಸೇರಿಸುವುದು ಸೇರಿ ಕಠಿಣ ಕ್ರಮ ಜರುಗಿಸಲಾಗುತ್ತದೆ. ಇನ್ನು ಮುಖ್ಯ ಕಾರ್ಯದರ್ಶಿಗಳ ನೇತೃತ್ವದಲ್ಲಿ ನಡೆಯುವ ಕೆಡಿಪಿ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಈ ವಿಷಯದ ಕುರಿತು ವಿಶೇಷ ಪರಾಮರ್ಶೆ ನಡೆಯಲಿದೆ ಎಂದು ವಿವರಿಸಲಾಗಿದೆ.

Sonia Gandhi Joins Instagram: ಇನ್ಸ್ಟಾಗ್ರಾಮ್ ಗೆ ಲಗ್ಗೆ ಇಟ್ಟ ಸೋನಿಯಾ ಗಾಂಧಿ, ಮೊದಲ ವಿಡಿಯೋದಲ್ಲಿ ಏನಿದೆ?

Roopa Hegde — Thu, 22 Oct 2026 12:47:45 +0530

ಕಾಂಗ್ರೆಸ್‌ ನ ಹಿರಿಯ ನಾಯಕಿ ಸೋನಿಯಾ ಗಾಂಧಿ ಬಹಳ ದಿನಗಳ ಬಳಿಕ ಸೋಶಿಯಲ್ ಮೀಡಿಯಾದಲ್ಲಿ ಹೊಸ ಹೆಜ್ಜೆ ಇಟ್ಟಿದ್ದಾರೆ. ಗುರುವಾರ ಅವರು ಇನ್ಸ್ಟಾಗ್ರಾಮ್ಗೆ ಎಂಟ್ರಿ ಕೊಟ್ಟಿದ್ದಾರೆ. ತಮ್ಮ ಮುಂಬರುವ ಪುಸ್ತಕದ ಮೊದಲ ಲುಕ್ ಹಂಚಿಕೊಂಡಿದ್ದಾರೆ.

ಇನ್ಸ್ಟಾಗ್ರಾಮ್‌ ನಲ್ಲಿ ಸೋನಿಯಾ ಮೊದಲ ವಿಡಿಯೋ

ಸೋನಿಯಾ ಗಾಂಧಿ ಮಕ್ಕಳಾದ ರಾಹುಲ್ ಗಾಂಧಿ ಮತ್ತು ಪ್ರಿಯಾಂಕಾ ಗಾಂಧಿ ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿದ್ದಾರೆ. ಆದ್ರೆ ಸೋನಿಯಾ ಗಾಂಧಿ ಅಕೌಂಟ್‌ ಇರಲಿಲ್ಲ. ಈಗ ಇನ್ಸ್ಟಾಗ್ರಾಮ್‌ ಗೆ ಬಂದಿರುವ ಸೋನಿಯಾ ಗಾಂಧಿ, ತಮ್ಮ ಮೊದಲ ವಿಡಿಯೋ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಪುಸ್ತಕದೊಂದಿಗೆ ಅವರು ಕಾಣಿಸಿಕೊಂಡಿದ್ದಾರೆ. 'Belonging: A Journey of Love' ಎಂಬ ಶೀರ್ಷಿಕೆಯ ಈ ಪುಸ್ತಕ ನವೆಂಬರ್ನಲ್ಲಿ ಬಿಡುಗಡೆಯಾಗಲಿದೆ.

ತಮ್ಮ ಮೊದಲ ಪೋಸ್ಟ್ನಲ್ಲಿ ಸೋನಿಯಾ ಗಾಂಧಿ, ಎಲ್ಲರಿಗೂ ನಮಸ್ಕಾರ. ಈ ಕ್ಷಣವನ್ನು ನಿಮ್ಮೆಲ್ಲರೊಂದಿಗೆ ಹಂಚಿಕೊಳ್ಳಲು ನನಗೆ ತುಂಬಾ ಸಂತೋಷವಾಗುತ್ತಿದೆ. ನನ್ನ ಪುಸ್ತಕ 'Belonging: A Journey of Love'ನ ಮೊದಲ ಲುಕ್ ಇಲ್ಲಿದೆ ಎಂದು ಬರೆದುಕೊಂಡಿದ್ದಾರೆ. ಈ ಪುಸ್ತಕ ಪ್ರೀತಿ, ಕರ್ತವ್ಯ, ನಷ್ಟ ಮತ್ತು ಬದುಕಿನಲ್ಲಿ ನಮ್ಮದೇ ಆದ ನೆಲೆಯನ್ನು ಕಂಡುಕೊಳ್ಳುವ ಕಥೆಯನ್ನು ಒಳಗೊಂಡಿದೆ. ತಮ್ಮ ಜೀವನದ ಈ ಕಥೆಯನ್ನು ಓದುಗರೊಂದಿಗೆ ಹಂಚಿಕೊಳ್ಳಲು ಕಾತರದಿಂದ ಕಾಯುತ್ತಿರುವುದಾಗಿಯೂ ಅವರು ತಿಳಿಸಿದ್ದಾರೆ.

ಸೋನಿಯಾ ಗಾಂಧಿ ಜೀವನದ ಕಥೆ

ಸೋನಿಯಾ ಗಾಂಧಿ ಅವರ ಈ ಆತ್ಮಕಥೆಯಲ್ಲಿ ಇಟಲಿಯಲ್ಲಿ ಕಳೆದ ಬಾಲ್ಯದಿಂದ ಹಿಡಿದು, ಮಾಜಿ ಪ್ರಧಾನಿ ರಾಜೀವ್ ಗಾಂಧಿ ಅವರೊಂದಿಗಿನ ಪ್ರೇಮಕಥೆ ಹಾಗೂ ವೈಯಕ್ತಿಕ ಜೀವನದಲ್ಲಿ ಎದುರಿಸಿದ ಕಷ್ಟದ ಕ್ಷಣಗಳವರೆಗೆ ಹಲವು ವಿಚಾರಗಳನ್ನು ವಿವರಿಸಲಾಗಿದೆ. ಇಟಲಿಯಲ್ಲಿ ಜನಿಸಿದ ಸೋನಿಯಾ ಗಾಂಧಿ, 1965ರಲ್ಲಿ ಇಂಗ್ಲೆಂಡ್ನ ಕೇಂಬ್ರಿಡ್ಜ್ನಲ್ಲಿ 19 ವರ್ಷದ ವಿದ್ಯಾರ್ಥಿನಿಯಾಗಿದ್ದಾಗ ರಾಜೀವ್ ಗಾಂಧಿ ಅವರನ್ನು ಭೇಟಿಯಾಗಿದ್ದರು. ಬಳಿಕ ಈ ಜೋಡಿ 1968ರ ಫೆಬ್ರವರಿ 25ರಂದು ವಿವಾಹವಾಗಿತ್ತು. ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಅವರ ಸೊಸೆಯಾಗಿ ಭಾರತಕ್ಕೆ ಬಂದ ಸೋನಿಯಾ, ನಂತರ ಭಾರತೀಯ ರಾಜಕೀಯದಲ್ಲಿ ಪ್ರಮುಖ ನಾಯಕಿಯಾಗಿ ಬೆಳೆದರು. ಇಂದಿರಾ ಗಾಂಧಿ ಮತ್ತು ರಾಜೀವ್ ಗಾಂಧಿ ಅವರ ಹತ್ಯೆಯಂತಹ ವೈಯಕ್ತಿಕ ದುರಂತಗಳು ಅವರ ಬದುಕಿನ ಮೇಲೆ ಆಳವಾದ ಪರಿಣಾಮ ಬೀರಿದ್ದವು. ಈ ಘಟನೆಗಳ ಬಗ್ಗೆಯೂ ಪುಸ್ತಕದಲ್ಲಿ ವಿವರಗಳಿರುವ ನಿರೀಕ್ಷೆಯಿದೆ.

ತಾಯಿಯ ಪುಸ್ತಕದ ಬಗ್ಗೆ ರಾಹುಲ್ ಗಾಂಧಿ ಹೆಮ್ಮೆ

ಇತ್ತೀಚೆಗೆ ತಮ್ಮ ತಂದೆ ರಾಜೀವ್ ಗಾಂಧಿ ಅವರ 82ನೇ ಜನ್ಮದಿನದ ಸಂದರ್ಭದಲ್ಲಿ ರಾಹುಲ್ ಗಾಂಧಿ, ತಾಯಿಯ ಪುಸ್ತಕದ ಬಗ್ಗೆ ಸಂತೋಷ ವ್ಯಕ್ತಪಡಿಸಿದ್ದರು. ನಿಮ್ಮನ್ನು ಪ್ರೀತಿಸುವ ಲಕ್ಷಾಂತರ ಜನರು ನಿಮ್ಮ ಕಥೆಯನ್ನು ಓದಲು ಸಾಧ್ಯವಾಗುತ್ತಿರುವುದಕ್ಕೆ ನನಗೆ ತುಂಬಾ ಸಂತೋಷ ಮತ್ತು ಹೆಮ್ಮೆ ಇದೆ. ವೈಯಕ್ತಿಕ ವಿಚಾರಗಳನ್ನು ಹಂಚಿಕೊಳ್ಳಲು ಇಷ್ಟಪಡದ ನಿಮ್ಮಂತಹ ವ್ಯಕ್ತಿಗೆ ಈ ಸುಂದರ ಕಥೆಯನ್ನು ಜಗತ್ತಿನೊಂದಿಗೆ ಹಂಚಿಕೊಳ್ಳುವುದು ಎಷ್ಟು ಕಷ್ಟವಾಗಿರಬಹುದು ಎಂಬುದು ನನಗೆ ಗೊತ್ತು ಎಂದು ರಾಹುಲ್ ಹೇಳಿದ್ದರು.

ನವೆಂಬರ್ 10ರಂದು ಪುಸ್ತಕ ಬಿಡುಗಡೆ

ಸೋನಿಯಾ ಗಾಂಧಿ ಅವರ 'Belonging: A Journey of Love' ಪುಸ್ತಕವು ನವೆಂಬರ್ 10ರಂದು ಬಿಡುಗಡೆಯಾಗಲಿದೆ. ಭಾರತದಲ್ಲಿ ಹಾರ್ಪರ್ಕಾಲಿನ್ಸ್ ಇಂಡಿಯಾ ಮತ್ತು ಜಾಗತಿಕವಾಗಿ ಪೆಂಗ್ವಿನ್ ರ್ಯಾಂಡಮ್ ಹೌಸ್ನ ನಾಫ್ ಪ್ರಕಾಶನ ಸಂಸ್ಥೆಗಳು ಈ ಪುಸ್ತಕವನ್ನು ಪ್ರಕಟಿಸಲಿವೆ.

ದೆಹಲಿಯ ಬಿಕಾನೇರ್ ಹೌಸ್‌ನಲ್ಲಿ ಕಲಾ ಪ್ರದರ್ಶನ: ಪ್ರಿಯಾಂಕಾ ಗಾಂಧಿ ಪುತ್ರನ ಫೋಟೋಗೆ ಸೆನ್ಸಾರ್‌ಶಿಪ್ ಅಸಮಾಧಾನ

Gowthami K — Thu, 22 Oct 2026 12:43:45 +0530

ನವದೆಹಲಿ: ಕಾಂಗ್ರೆಸ್ ನಾಯಕಿ, ಲೋಕಸಭಾ ಸಂಸದೆ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರ ಪುತ್ರ, ಛಾಯಾಗ್ರಾಹಕ ರೈಹಾನ್ ವಾದ್ರಾ ಅವರ ಕಲಾ ಪ್ರದರ್ಶನ ದೆಹಲಿಯಲ್ಲಿ ದೊಡ್ಡ ರಾಜಕೀಯ ಹಾಗೂ ಸಾಂಸ್ಕೃತಿಕ ವಿವಾದಕ್ಕೆ ಕಾರಣವಾಗಿದೆ. ದೆಹಲಿಯಲ್ಲಿರುವ ರಾಜಸ್ಥಾನ ಸರ್ಕಾರದ ಆಡಳಿತಕ್ಕೊಳಪಟ್ಟ ಬಿಕಾನೇರ್ ಹೌಸ್‌ನಲ್ಲಿ ಆಯೋಜಿಸಲಾಗಿದ್ದ ತಮ್ಮ 'ನೋ ಐಡಿಯಾ ಈಸ್ ಫೈನಲ್' ಶೀರ್ಷಿಕೆಯ ಛಾಯಾಚಿತ್ರ ಪ್ರದರ್ಶನದಿಂದ ಸುಮಾರು 74 ಫೋಟೋಗಳನ್ನು ಬಲವಂತವಾಗಿ ತೆರವುಗೊಳಿಸಲಾಗಿದೆ ಎಂದು ರೈಹಾನ್ ವಾದ್ರಾ ಆರೋಪಿಸಿದ್ದಾರೆ.

ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಇತ್ತೀಚೆಗೆ ನಡೆದ ಯುವಕರ ಹಾಗೂ ವಿಪಕ್ಷಗಳ ಪ್ರತಿಭಟನೆಗಳನ್ನು ಕಲಾತ್ಮಕವಾಗಿ ದಾಖಲಿಸಿದ್ದ ಈ ಫೋಟೋಗಳು ಆಕ್ಷೇಪಾರ್ಹ ಮತ್ತು ರಾಜಕೀಯ ವಿವಾದಕ್ಕೆ ಕಾರಣವಾಗಬಹುದು ಎಂಬ ನೆಪವೊಡ್ಡಿ ಆಡಳಿತ ಮಂಡಳಿ ಈ ಕ್ರಮ ಕೈಗೊಂಡಿದೆ.

105 ಫೋಟೋಗಳಲ್ಲಿ 75 ಚಿತ್ರಗಳಿಗೆ ವಿರೋಧ, ರಾಷ್ಟ್ರಧ್ವಜದ ಫೋಟೋಗೂ ಕತ್ತರಿ!

ಘಟನೆಯ ಕುರಿತು ಖಾಸಗಿ ಸುದ್ದಿವಾಹಿನಿಯೊಂದಿಗೆ ಮಾತನಾಡಿದ ರೈಹಾನ್ ವಾದ್ರಾ, ನಮ್ಮ ದೇಶದಲ್ಲಿ ನಮ್ಮ ಕಣ್ಣೆದುರೇ ನಡೆಯುತ್ತಿರುವ ಸಮಾಜಮುಖಿ ಚಳುವಳಿಗಳು, ಜನರು ಒಂದೆಡೆ ಸೇರಿದಾಗ ಮೂಡುವ ಕಾವ್ಯಮಯ ಕ್ಷಣಗಳನ್ನು ಕಲಾತ್ಮಕವಾಗಿ ಕ್ಯಾಮೆರಾದಲ್ಲಿ ಸೆರೆಹಿಡಿಯುವುದು ನನ್ನ ಉದ್ದೇಶವಾಗಿತ್ತು. ಪ್ರದರ್ಶನಕ್ಕೆ ಸಿದ್ಧಗೊಳಿಸಿದ್ದ 105 ಛಾಯಾಚಿತ್ರಗಳಲ್ಲಿ 75 ಚಿತ್ರಗಳನ್ನು ತೆಗೆದುಹಾಕುವಂತೆ ಅಥವಾ ರದ್ದುಪಡಿಸುವಂತೆ ಪ್ರದರ್ಶನ ಪ್ರಾರಂಭವಾಗುವ ಕೆಲವೇ ಗಂಟೆಗಳ ಮೊದಲು ಲಿಖಿತ ನೋಟಿಸ್ ನೀಡಲಾಯಿತು ಎಂದು ತಿಳಿಸಿದ್ದಾರೆ.

ವಿಶೇಷವೆಂದರೆ, ತೆರವುಗೊಳಿಸಲು ಸೂಚಿಸಿದ ಚಿತ್ರಗಳಲ್ಲಿ ಭಾರತದ ತ್ರಿವರ್ಣ ರಾಷ್ಟ್ರಧ್ವಜವನ್ನು ಹೊಂದಿದ್ದ ಎರಡು ಪ್ರಮುಖ ಛಾಯಾಚಿತ್ರಗಳೂ ಸೇರಿದ್ದವು. ಆರಂಭದಲ್ಲಿ ಅವುಗಳನ್ನು ಕೆಳಗಿಳಿಸಲು ರೈಹಾನ್ ನಿರಾಕರಿಸಿದರೂ, ಕೊನೆಗೆ ಸಿಬ್ಬಂದಿ ಅಧಿಕಾರ ಬಳಸಿ ಚಿತ್ರಗಳನ್ನು ತೆರವುಗೊಳಿಸಿದ್ದಾರೆ. ಈ ಕುರಿತು ಇನ್‌ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿರುವ ಅವರು, ಸಾರ್ವಜನಿಕ ಸ್ಥಳಗಳು ಕಲಾವಿದರ ಅಭಿವ್ಯಕ್ತಿ ಸ್ವಾತಂತ್ರ್ಯವನ್ನು ಎತ್ತಿಹಿಡಿಯಬೇಕೇ ಹೊರತು ಸೆನ್ಸಾರ್‌ಶಿಪ್ ಹೇರಬಾರದು ಎಂದಿದ್ದಾರೆ.

ಪ್ರಜಾಪ್ರಭುತ್ವದ ಆಶಯಕ್ಕೆ ಧಕ್ಕೆ: ಪ್ರಿಯಾಂಕಾ ಗಾಂಧಿ ಖಂಡನೆ

ತಮ್ಮ ಪುತ್ರನ ಕಲಾಕೃತಿಗಳ ಮೇಲಿನ ಈ ನಿರ್ಬಂಧವನ್ನು ಪ್ರಿಯಾಂಕಾ ಗಾಂಧಿ ವಾದ್ರಾ ತೀವ್ರವಾಗಿ ಖಂಡಿಸಿದ್ದು, ಬಿಕಾನೇರ್ ಹೌಸ್ ಆಡಳಿತದ ನಡೆಯನ್ನು ಹಾಸ್ಯಾಸ್ಪದ ಎಂದು ಬಣ್ಣಿಸಿದ್ದಾರೆ. ಇವು ಕೇವಲ ಪ್ರತಿಭಟನೆಗಳ ದೃಶ್ಯ ದಾಖಲಾತಿಗಳಾಗಿದ್ದವು. ಯಾರನ್ನೂ ಅವಹೇಳನ ಮಾಡುವ ಉದ್ದೇಶ ಇದರಲ್ಲಿರಲಿಲ್ಲ. ಯುವಕರ ಧ್ವನಿಯನ್ನು ಅಡಗಿಸಲು ಆಡಳಿತಾರೂಢ ಸರ್ಕಾರ ಯತ್ನಿಸುತ್ತಿದೆ. ಇಂದು ಒಬ್ಬ ಕಲಾವಿದನಿಗೆ ಹೀಗಾಗಿದೆ, ನಾಳೆ ಮತ್ತೊಬ್ಬ ಕಲಾವಿದನಿಗೆ ಈ ಸ್ಥಿತಿ ಬರಬಹುದು. ಅಧಿಕಾರದಲ್ಲಿರುವವರು ಜನರ ಅಭಿವ್ಯಕ್ತಿಗೆ ಭಯಪಡುತ್ತಿದ್ದಾರೆ ಎಂದರೆ, ಅವರು ರಕ್ಷಿಸಿಕೊಳ್ಳಲು ಯತ್ನಿಸುತ್ತಿರುವ ಅಧಿಕಾರವನ್ನು ಈಗಾಗಲೇ ಕಳೆದುಕೊಂಡಿದ್ದಾರೆ ಎಂದರ್ಥ ಎಂದು ಅವರು ಕಿಡಿಕಾರಿದ್ದಾರೆ.

ರಾಜಕೀಯ ವಾಕ್ಸಮರ ಹಾಗೂ ಕಾಂಗ್ರೆಸ್ ಆಕ್ರೋಶ:

ಇತ್ತೀಚಿನ ವಾರಗಳಲ್ಲಿ ಮತದಾರರ ಪಟ್ಟಿ ವಂಚನೆ ಆರೋಪಗಳಿಗೆ ಸಂಬಂಧಿಸಿದಂತೆ ಮುಖ್ಯ ಚುನಾವಣಾ ಆಯುಕ್ತರ ರಾಜೀನಾಮೆಗೆ ಒತ್ತಾಯಿಸಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ನೇತೃತ್ವದಲ್ಲಿ ನಡೆದ ಬೃಹತ್ ಪ್ರತಿಭಟನೆಗಳ ಚಿತ್ರಗಳೂ ಈ ಪ್ರದರ್ಶನದಲ್ಲಿದ್ದವು. ಈ ವಿಷಯವೇ ಆಡಳಿತ ಮಂಡಳಿಯ ಕಣ್ಣು ಕೆಂಪಾಗಿಸಲು ಕಾರಣ ಎನ್ನಲಾಗಿದೆ.

ಕಾಂಗ್ರೆಸ್ ವಕ್ತಾರ ಪವನ್ ಖೇರಾ ಈ ಕುರಿತು ಎಕ್ಸ್ ತಾಣದಲ್ಲಿ ಪ್ರತಿಕ್ರಿಯಿಸಿ, ರಾಷ್ಟ್ರಧ್ವಜದ ಫೋಟೋ ಕೂಡ ಸೆನ್ಸಾರ್‌ಶಿಪ್‌ನ ಕತ್ತರಿಯಿಂದ ಪಾರಾಗುತ್ತಿಲ್ಲ ಎಂದರೆ, ಇಲ್ಲಿ ತೊಂದರೆ ಇರುವುದು ಕಲೆಯಲ್ಲ, ಬದಲಿಗೆ ಆಡಳಿತ ನಡೆಸುವ ವ್ಯವಸ್ಥೆಯಲ್ಲಿ. ಗ್ಯಾಲರಿಯ ಗೋಡೆಗಳಲ್ಲಿ ಚಿತ್ರಗಳ ಬದಲಾಗಿ ಖಾಲಿ ಮೊಳೆಗಳು ಮಾತ್ರ ಮಿನುಗುತ್ತಿರುವುದು ಪ್ರಜಾಪ್ರಭುತ್ವದ ಇಂದಿನ ಭೀಕರ ಸೆನ್ಸಾರ್‌ಶಿಪ್‌ಗೆ ಸಾಕ್ಷಿಯಾಗಿದೆ ಎಂದು ಆಡಳಿತಾರೂಢ ಬಿಜೆಪಿ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

ಅತ್ತ ಬಿಕಾನೇರ್ ಹೌಸ್‌ನ ಮುಖ್ಯ ನಿವಾಸ ಆಯುಕ್ತ ರೋಹಿತ್ ಕುಮಾರ್ ಸೇರಿದಂತೆ ಉನ್ನತಾಧಿಕಾರಿಗಳು ಈ ವಿವಾದದ ಕುರಿತು ಯಾವುದೇ ಅಧಿಕೃತ ಹೇಳಿಕೆ ನೀಡಲು ನಿರಾಕರಿಸಿದ್ದಾರೆ.

ಯಾರೇ ಕೂಗಾಡಲಿ... ಬ್ಯಾಂಡ್ಸೆಟ್ ತರಿಸಿದ್ರೂ ನಿದ್ದೆಯಿಂದ ಏಳದ ಬಾಲಕ- ರಾತ್ರೋರಾತ್ರಿ ಸ್ಟಾರ್; ಫನ್ನಿ ವಿಡಿಯೋ ವೈರಲ್

Suchethana D — Thu, 22 Oct 2026 12:42:48 +0530

ಹೆಚ್ಚಿನ ಮನೆಗಳಲ್ಲಿ ಇದೇ ಕಥೆ ಎನ್ನಿ, ಶಾಲೆಗೆ ಹೋಗುವಾಗ ಬೆಳಿಗ್ಗೆ ಮಕ್ಕಳನ್ನು ಎಬ್ಬಿಸುವುದೇ ಅಪ್ಪ-ಅಮ್ಮಂದಿರಿಗೆ ದೊಡ್ಡ ತಲೆನೋವು. ಅದರಲ್ಲಿಯೂ ಈಗಂತೂ ಬೆಳಿಗ್ಗೆ 7-8 ಗಂಟೆಗೆಲ್ಲಾ ಶಾಲೆ. ಆಗಿನ್ನೂ ಈ ಪುಟಾಣಿಗಳಿಗೆ ಮಧ್ಯರಾತ್ರಿ. ಆಗಲೇ ಅವರನ್ನು ಎಬ್ಬಿಸಿ, ಅವರಿಗೆ ಸ್ನಾನ ಮಾಡಿಸಿ, ಅವರ ಬಾಯಲ್ಲಿ ಒಂದಿಷ್ಟು ತಿನಿಸು ತುರುಕಿ, ಟಿಫನ್ ಬಾಕ್ಸ್ ಕೊಟ್ಟು, ಶಾಲೆಯ ಗಾಡಿಯೋ, ಬಸ್ಸೋ ಇನ್ನಾವುದೇ ವಾಹನದಲ್ಲಿ ಮಕ್ಕಳನ್ನು ಕಳುಹಿಸುವುದರೊಳಗೆ ಅಪ್ಪ-ಅಮ್ಮಂದಿರ (ಅದರಲ್ಲಿಯೂ ಹೆಚ್ಚಾಗಿ ಅಮ್ಮಂದಿರ) ಜೀವ ಅರ್ಧ ಹೋಗಿರುತ್ತದೆ. ಇದು ಪಾಲಕರ ಪಾಡಾದರೆ, ಇನ್ನು ಮಕ್ಕಳು ಪಾಪ ಇಷ್ಟೆಲ್ಲಾ ಮಾಡುತ್ತಿದ್ದರೂ ಅವರು ನಿದ್ದೆ ಮಾತ್ರ ಹೋಗಿರುವುದಿಲ್ಲ ನಿದ್ದೆಯ ಮಂಪರಿನಲ್ಲಿಯೇ ಇರುತ್ತಾರೆ.

ಇದೀಗ, ಬಾಲಕನೊಬ್ಬನನ್ನು ಏಳಿಸಲು ಅಪ್ಪನೊಬ್ಬ ಬ್ಯಾಂಡ್ ಸೆಟ್ ತರಿಸಿರುವ ಫನ್ನಿ ವಿಡಿಯೋ ವೈರಲ್ ಆಗುತ್ತಿದೆ. Chandigarh MEDIA ಎನ್ನುವ ಫೇಸ್ಬುಕ್ ಖಾತೆಯಲ್ಲಿ ಈ ವಿಡಿಯೋ ಶೇರ್ ಮಾಡಲಾಗಿದೆ. ಇದರಲ್ಲಿ ಬಾಲಕನೊಬ್ಬ ಗಡದ್ದಾಗಿ ಮಲಗಿದ್ದಾನೆ. ಅವನ ಶಾಲೆಗೆ ಲೇಟ್ ಆಗಿರುವ ಕಾರಣದಿಂದ ಪಾಲಕರು ಎಷ್ಟೇ ಏಳಿಸಿದರೂ ಅವನು ಏಳಲೇ ಇಲ್ಲ. ಎಲ್ಲಾ ಪ್ರಯತ್ನ ಮಾಡಿ ಸೋತಾಗ ಅಪ್ಪ ಬ್ಯಾಂಡ್ಸೆಟ್ ಅವರನ್ನು ಕರೆಸಿದ್ದಾರೆ.

ಬ್ಯಾಂಡ್ಸೆಟ್ಗೂ ಜಗ್ಗಲಿಲ್ಲ!

ಹಾಗೆಂದ ಮಾತ್ರ ಈ ಬಾಲಕ ಎದ್ದು ಬಿಡ್ತಾನೆ. ಬ್ಯಾಂಡ್ಸೆಟ್ ಬಿಟ್ಟು ಭೂಕಂಪ ಆದ್ರೂ ನಾನು ಏಳಲ್ಲ ಎಂದು ಪಣ ತೊಟ್ಟು ಮಲಗಿದ್ದಾನೆ ಕಂದ. ನಂತರ ಆತನನ್ನು ಬಡಿದು ಎಬ್ಬಿಸಿದರೂ ಅವನಿಗೆ ಈ ಲೋಕದ ಪರಿವೇ ಇಲ್ಲ. ಇದರ ವಿಡಿಯೋ ವೈರಲ್ ಆಗುತ್ತಲೇ ತಮಾಷೆಗಳ ಕಮೆಂಟ್ಸ್ ತುಂಬಿ ಹೋಗಿದೆ. ಹಲವರು ಹಲವು ರೀತಿಯಲ್ಲಿ ಕಮೆಂಟ್ಸ್ ಮಾಡುತ್ತಿದ್ದಾರೆ.

ಫನ್ನಿ ಕಮೆಂಟ್ಸ್

ಕೆಲವರು ಈತ ಕುಂಭಕರ್ಣನ ವಂಶದವ ಇರಬೇಕು ಎಂದಿದ್ದರೆ, ಮತ್ತೆ ಕೆಲವರು ಈತ ಕಳ್ಳ ಪುಟಾಣಿ. ಶಾಲೆಗೆ ಹೋಗಲು ಇಷ್ಟವಿಲ್ಲದ ಕಾರಣ, ನಿದ್ದೆ ಮಾಡಿದಂತೆ ನಾಟಕ ಮಾಡುತ್ತಿದ್ದಾನೆ ಎಂದು ತಮಾಷೆಮಾಡುತ್ತಿದ್ದಾರೆ. ಮತ್ತೆ ಹಲವರು, ತಮ್ಮ ಮನೆಯಲ್ಲಿ ಮಕ್ಕಳನ್ನು ಎಬ್ಬಿಸಲು ತಾವು ಪಡುವ ಕಷ್ಟಗಳ ಬಗ್ಗೆ ಕಮೆಂಟ್ಸ್ನಲ್ಲಿ ಹೇಳುತ್ತಿದ್ದಾರೆ. ಮತ್ತೆ ಕೆಲವರು ದೊಡ್ಡವರಾದ ಮೇಲೆ ನಿದ್ದೆಗಾಗಿ ಒದ್ದಾಡಬೇಕು, ಈ ವಯಸ್ಸಿನಲ್ಲಿ ಆದರೂ ಚೆನ್ನಾಗಿ ನಿದ್ದೆ ಮಾಡಲಿ ಬಿಡಿ, ಆತನನ್ನು ಎಬ್ಬಿಸಬೇಡಿ ಎನ್ನುತ್ತಿದ್ದಾರೆ. ಒಟ್ಟಿನಲ್ಲಿ ಈ ಬಾಲಕ ಈಗ ಸೋಷಿಯಲ್ ಮೀಡಿಯಾ ಸ್ಟಾರ್ ಆಗಿದ್ದಾನೆ. ಅವನಿಗೂ ತಾನಿಷ್ಟು ವೈರಲ್ ಆಗುತ್ತೇನೆಂದು ಗೊತ್ತೇ ಇಲ್ಲ. ಸ್ವಲ್ಪ ವರ್ಷ ಬಿಟ್ಟು ಈ ವಿಡಿಯೋ ನೋಡಿದಾಗ ಅವನೇ ಸುಸ್ತಾಗಿ ಹೋಗೋದು ಗ್ಯಾರೆಂಟಿ.

Mysuru: ದಸರಾದಲ್ಲಿ ದಲಿತ ಸಚಿವರಿಗೆ ಅವಮಾನ, BJP ಆರೋಪದ ಬೆನ್ನಲ್ಲೇ ವಿಚಾರಣೆಗೆ ಸಿಎಂ ಆದೇಶ

Sumanth SN — Thu, 22 Oct 2026 12:42:22 +0530

ಬೆಂಗಳೂರು: ಮೈಸೂರು ಅರಮನೆ ಆವರಣದಲ್ಲಿ ನಿನ್ನೆ ನಡೆದ ನಂದಿಧ್ವಜ ಪೂಜೆ ಸಂದರ್ಭದಲ್ಲಿ ಸಚಿವರಾದ ಬಾಲಕೃಷ್ಣ, ನರೇಂದ್ರ ಸ್ವಾಮಿ, ಬಸವಂತಪ್ಪ ಅವರನ್ನು ಪೂಜೆ ಆವರಣ ಪ್ರವೇಶಿಸಲು ಪೊಲೀಸ್ ಅಧಿಕಾರಿಗಳು ನಿರ್ಬಂಧಿಸಿದ ಪ್ರಕರಣದ ಬಗ್ಗೆ ವಿಚಾರಣೆ ನಡೆಸಿ ವರದಿ ನೀಡುವಂತೆ ಸಿಎಂ ಡಿ ಕೆ ಶಿವಕುಮಾರ್ ಅವರು ಸರಕಾರದ ಮುಖ್ಯ ಕಾರ್ಯದರ್ಶಿ ಶಾಲಿನಿ ರಜನೀಶ್ ಅವರಿಗೆ ಸೂಚನೆ ನೀಡಿದ್ದಾರೆ.

ಮೈಸೂರು ನಂದಿಧ್ವಜ ಪೂಜೆ ಸಂದರ್ಭ ಮಂತ್ರಿಗಳಿಗೆ ಅವಕಾಶ ನಿರಾಕರಣೆ ಪ್ರಕರಣ

ಮಂತ್ರಿಗಳನ್ನೇ ನಿರ್ಬಂಧಿಸುವ ಮೂಲಕ ಅಧಿಕಾರಿಗಳು ಉದ್ಧಟತನದಿಂದ ವರ್ತಿಸಿರುವುದು ಕಂಡು ಬಂದಿದೆ. ತಕ್ಷಣ ಖುದ್ದು ನಾನೇ ಮಧ್ಯಪ್ರವೇಶಿಸಿ ಮಂತ್ರಿಗಳ ಪ್ರವೇಶಕ್ಕೆ ಅನುವು ಮಾಡಿಕೊಟ್ಟಿದ್ದೇನೆ. ಆದರೂ ಅಧಿಕಾರಿಗಳ ಉಡಾಫೆ ಸಹಿಸಲು ಆಗುವುದಿಲ್ಲ. ಹೀಗಾಗಿ ಇದಕ್ಕೆ ಹೊಣೆಗಾರರು ಯಾರು ಎಂಬ ಬಗ್ಗೆ ವಿಚಾರಣೆ ನಡೆಸಿ ವರದಿ ನೀಡುವಂತೆ ಮುಖ್ಯ ಕಾರ್ಯದರ್ಶಿ ಅವರಿಗೆ ಅದೇಶಿಸಿದ್ದೇನೆ ಎಂದು ಸಿಎಂ ಅವರು ಮಾಧ್ಯಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ವರದಿ ಬಂದ ನಂತರ ತಪ್ಪಿತಸ್ಥ ಅಧಿಕಾರಿಗಳ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಸಿಎಂ ಅವರು ಹೇಳಿದ್ದಾರೆ.

ಏನಿದು ಘಟನೆ?

ಮೈಸೂರು ಜಂಬೂ ಸವಾರಿಗೂ ಮುನ್ನ ನಂದಿಧ್ವಜಕ್ಕೆ ಪೂಜೆ ಸಲ್ಲಿಕೆ ಮಾಡಲು ಸಿಎಂ ಡಿಕೆ ಶಿವಕುಮಾರ್ ಅವರೊಂದಿಗೆ ಸಚಿವರು ತೆರಳುತ್ತಿದ್ದರು. ಈ ಸಂದರ್ಭದಲ್ಲಿ ಸಚಿವರಾದ ಬಸವಂತಪ್ಪ, ಶಿವರಾಜ್ ತಂಗಡಗಿ, ನರೇಂದ್ರ ಸ್ವಾಮಿ ಅವರನ್ನು ಹಿರಿಯ ಐಪಿಎಸ್ ಅಧಿಕಾರಿ ತಡೆದಿದ್ದರು. ಇದರೊಂದಿಗೆ ಸಚಿವರಿಗೆ ಮುಜುಗರ ಎದುರಾಗಿತ್ತು. ಕೂಡಲೇ ಮಧ್ಯ ಪ್ರವೇಶ ಮಾಡಿದ್ದ ಸಿಎಂ, ಸಚಿವರನ್ನು ಬಿಡಲು ಹೇಳಿದ್ದರು. ಆ ಬಳಿಕ ಸಚಿವರು ಸಿಎಂ ಅವರೊಂದಿಗೆ ತೆರಳಿದ್ದರು.

ಈ ಕುರಿತಂತೆ ಮಾಧ್ಯಮಗಳೊಂದಿಗೆ ಮಾತನಾಡಿದ್ದ ಸಿಎಂ ಡಿಕೆ ಶಿವಕುಮಾರ್ ಅವರು, ಯಾರೋ ಅಧಿಕಾರಿಗಳು ಹೀಗೆ ಮಾಡಿದ್ದಾರೆ, ಆಗ ನಾನೇ ಅವರನ್ನು ಬಿಡಿಸಿದೆ. ಧ್ವಜ ಕಂಬದ ಪೂಜೆಗೆ ನಾನೇ ಬಂದು ಬಿಡಿಸಬೇಕಾಗಿಯಿತು. ಅದಕ್ಕೆಲ್ಲ ನಾನು ಏನು ಮಾಡೋಕೆ ಆಗಲ್ಲ. ನಮ್ಮ ಚಿಫ್ ಸೆಕ್ರೆಟರಿ ಅವರ ಮೇಲೆ ತನಿಖೆ ಮಾಡಿ ವಿಡಿಯೋ ಶಾಟ್ಸ್ ತೆಗೆದು ಏನು ಎತ್ತ ಎಂದು ನೋಡುತ್ತಿದ್ದಾರೆ. ದಸರಾ ಬಹಳ ವ್ಯವಸ್ಥಿತವಾಗಿ ನಡೆದಿದೆ. ಯತೀಂದ್ರ ಒಬ್ಬರ ಕೈಯಲ್ಲಿ ಆಗಲ್ಲ, ಆದ್ದರಿಂದಲೇ ನಾನು ಒಬ್ಬೊಬ್ಬರು ಒಂದೊಂದು ಜವಾಬ್ದಾರಿ ತಗೋಬೇಕು ಎಂದು ಹೇಳಿದ್ದೆ. ಫಾರೇನ್ ಡೆಲಿಗೆಟ್ಸ್ ನ ರಾಯರೆಡ್ಡಿ ನೋಡಿಕೊಂಡರು, ಸಂತೋಷ ಎಲೆಕ್ಷನ್ ಇರುವ ಕಾರಣಕ್ಕೆ ಬರಲಿಲ್ಲ. ಸಚಿವ ಜಾರ್ಜ್ ಬಹಳ ಚೆನ್ನಾಗಿ ಅಚ್ಚುಕಟ್ಟಾಗಿ ಲೈಟಿಂಗ್ ಮಾಡಿದ್ದಾರೆ. ಎಲ್ಲಾ ಜವಾಬ್ದಾರಿ ವಹಿಸಿಕೊಂಡವರು ಬಹಳ ಚೆನ್ನಾಗಿ ಮಾಡಿದ್ದಾರೆ. ಕೆಲವರಿಗೆ ಎಲೆಕ್ಷನ್ ಇತ್ತು ನಾನು ಪೋರ್ಸ್ ಮಾಡಲು ಹೋಗಿಲ್ಲ ಎಂದಷ್ಟೇ ಸಿಎಂ ಹೇಳಿದರು.

6 ಬೆಳ್ಳುಳ್ಳಿ ಎಸಳು + 1 ನಿಂಬೆಹಣ್ಣಿನಿಂದ ತಯಾರಿಸಿ ರುಚಿಯಾದ ತಿಂಡಿ; ಚಟ್‌ಪಟ್ ರೆಸಿಪಿ

Mahmad Rafik — Thu, 22 Oct 2026 12:29:30 +0530

ತರಕಾರಿ ಬೆಲೆ ಏರಿಕೆಯ ಸಮಯದಲ್ಲಿ ಕೇವಲ ಬೆಳ್ಳುಳ್ಳಿ ಮತ್ತು ನಿಂಬೆಹಣ್ಣು ಬಳಸಿ 5 ನಿಮಿಷದಲ್ಲಿ ರುಚಿಯಾದ ತಿಂಡಿ ಮಾಡುವ ವಿಧಾನವನ್ನು ಇಲ್ಲಿ ವಿವರಿಸಲಾಗಿದೆ. ಅನ್ನಕ್ಕೆ ಒಗ್ಗರಣೆ ಮತ್ತು ಮಸಾಲೆ ಸೇರಿಸಿ ಮಾಡುವ ಈ ಸ್ಪೈಸಿ ರೆಸಿಪಿ ಬೆಳಗಿನ ಉಪಹಾರಕ್ಕೆ ಹೇಳಿಮಾಡಿಸಿದ್ದು.

ಬೆಳಗ್ಗೆ ತಿಂಡಿ ಏನು ಮಾಡೋದು ಒಂದು ಸವಾಲು ಆದ್ರೆ, ತರಕಾರಿ ಬೆಲೆ ಗಗನಕ್ಕೇರಿಕೆ ಆಗುತ್ತಿರೋದು ಮಧ್ಯಮವರ್ಗದವರಿಗೆ ಚಿಂತೆಯನ್ನುಂಟು ಮಾಡಿದೆ. ಇಂದು ನಾವು ನಿಮಗೆ ಕೇವಲ ಬೆಳ್ಳುಳ್ಳಿ ಮತ್ತು ನಿಂಬೆಹಣ್ಣಿನಿಂದ ರುಚಿಯಾದ ಸ್ಪೈಸಿ ತಿಂಡಿ ಮಾಡೋದು ಹೇಗೆ ಎಂದು ಹೇಳುತ್ತಿದ್ದೇವೆ.

ಅನ್ನ: 1 ಕಪ್, ಬೆಳ್ಳುಳ್ಳಿ ಎಸಳು: 6 ರಿಂದ 8, ನಿಂಬೆಹಣ್ಣು: ಒಂದು, ಒಗ್ಗರಣೆಗೆ ಸಾಸಿವೆ ಮತ್ತು ಜೀರಿಗೆ, ಎರಡು ಟೀ ಸ್ಪೂನ್ ಅಡುಗೆಎಣ್ಣೆ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಚಿಟಿಕೆಯಷ್ಟು ಅರಿಶಿನ ಪುಡಿ, 1 ಟೀ ಸ್ಪೂನ್ ಅಚ್ಚಖಾರದ ಪುಡಿ

ಮೊದಲಿಗೆ ಬೆಳ್ಳುಳ್ಳಿಯ ಎಸಳು ಬಿಡಿಸಿಕೊಂಡು ಎತ್ತಿಟ್ಟುಕೊಳ್ಳಿ. ಒಲೆ ಆನ್ ಮಾಡಿಕೊಂಡು ಬಾಣಲೆಯನ್ನಿಟ್ಟುಕೊಳ್ಳಿ. ಈಗ ಬಾಣಲೆಗೆ ಅಡುಗೆಎಣ್ಣೆ ಹಾಕಿ. ಎಣ್ಣೆ ಬಿಸಿಯಾಗುತ್ತಿದ್ದಂತೆ ಸಾಸವೆ ಮತ್ತು ಜೀರಿಗೆ ಹಾಕಿ ಸಿಡಿಸಿಕೊಳ್ಳಿ. ಸಾಸವೆ ಸಿಡಿಯುತ್ತಿದ್ದಂತೆಯೇ ಜಜ್ಜಿಕೊಂಡಿರುವ ಬೆಳ್ಳುಳ್ಳಿಯನ್ನು ಸೇರಿಸಿಕೊಳ್ಳಬೇಕು.

ಬೆಳ್ಳುಳ್ಳಿ ಪರಿಮಳ ಬರುತ್ತಿದ್ದಂತೆಯೇ ಒಲೆ ಆಫ್ ಮಾಡಿಕೊಂಡು ಅರಿಶಿನ, ಅಚ್ಚಖಾರದ ಪುಡಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿಕೊಳ್ಳಿ. ಈಗ ಇದಕ್ಕೆ ಒಂದು ಬೌಲ್‌ ಅನ್ನವನ್ನು ಸೇರಿಸಿಕೊಂಡು ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಬೇಕು. ಕೊನೆಯದಾಗಿ ನಿಂಬೆಹಣ್ಣಿನ ರಸ ಸೇರಿಸಿ ಮತ್ತೊಮ್ಮೆ ಮಿಕ್ಸ್ ಮಾಡಿಕೊಳ್ಳಿ.

ಎಲ್ಲಾ ಮಸಾಲೆ ಚೆನ್ನಾಗಿ ಮಿಕ್ಸ್ ಮಾಡಿಕೊಂಡ ನಂತರ ಒಲೆ ಆನ್ ಮಾಡಿಕೊಂಡು ಒಂದೆರಡು ನಿಮಿಷ ಬಿಸಿ ಮಾಡಿಕೊಂಡ್ರೆ ರುಚಿಯಾದ ಸ್ಪೈಸಿಯಾದ ತಿಂಡಿ ಸವಿಯಲು ಸಿದ್ಧವಾಗುತ್ತದೆ. ಬೇಕಿದ್ರೆ ಕೊನೆಗೆ ಸಣ್ಣದಾಗಿ ಕೊಚ್ಚಿಕೊಂಡಿರುವ ಕೋತಂಬರಿ ಸೊಪ್ಪು ಸೇರಿಸಿಕೊಳ್ಳಬೇಕು. ಒಗ್ಗರಣೆ ಸಮಯದಲ್ಲಿ ಕರೀಬೇವು, ಉದ್ದಿನಬೇಳೆಯನ್ನು ಸೇರಿಸಿಕೊಳ್ಳಬಹುದು.

100 ಕೋಟಿ ಆಸ್ತಿ ತಿಮ್ಮಪ್ಪನಿಗೆ ಸಮರ್ಪಣೆ: ಅವಿವಾಹಿತೆಯಾಗಿಯೇ ಉಳಿದ ನಟಿ ಕಾಂಚನಾ ಕುತೂಹಲದ ಸ್ಟೋರಿ

Suchethana D — Thu, 22 Oct 2026 12:20:45 +0530

ಹೈದರಾಬಾದ್: ಇಂದಿನ ಪ್ರೇಕ್ಷಕರಿಂದ ಅಜ್ಜಿಯ ಪಾತ್ರಕ್ಕಾಗಿ ಸ್ಮರಿಸಿಕೊಳ್ಳುವ ಹಿರಿಯ ನಟಿ ಕಾಂಚನಾ, ಸ್ಯಾಂಡಲ್ವುಡ್ನಲ್ಲಿಯೂ ಸಿಕ್ಕಾಪಟ್ಟೆ ಫೇಮಸ್. 60-70ರ ದಶಕದ ದಕ್ಷಿಣ ಭಾರತದ ಪ್ರಸಿದ್ಧ ನಟಿಯಾಗಿದ್ದು, ಕನ್ನಡದಲ್ಲಿ ಡಾ. ರಾಜ್‌ಕುಮಾರ್ ಅವರೊಂದಿಗೆ ಬಬ್ರುವಾಹನ , ಶಂಕರ್ ಗುರು , ಮತ್ತು ನಾನೊಬ್ಬ ಕಳ್ಳ ಹೀಗೆ ಮುಂತಾದ ಜನಪ್ರಿಯ ಚಿತ್ರಗಳಲ್ಲಿ ನಟಿಸಿದ್ದಾರೆ. ಜೊತೆಗೆ ಕನ್ನಡ, ತೆಲುಗು, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ 150ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದ ನಟಿ ಈಕೆ. ಇವರಿಗೆ ಈಗ 87 ವರ್ಷ ವಯಸ್ಸು. ಕೆಲವು ತಿಂಗಳ ಹಿಂದೆ ನಟಿ, ಹಲವು ವರ್ಷಗಳ ನಂತರ ಸಾರ್ವಜನಿಕವಾಗಿ ಕಾಣಿಸಿಕೊಂಡು ಸಂಚಲನ ಮೂಡಿಸಿದರು. ಚೆನ್ನೈನ ಕಾರ್ಯಕ್ರಮವೊಂದಕ್ಕೆ ಬಂದಿದ್ದ ನಟಿ, ಅಲ್ಲಿಂದ ಆಟೋರಿಕ್ಷಾದಲ್ಲಿ ಪ್ರಯಾಣಿಸಿದ್ದು ಎಲ್ಲರನ್ನೂ ಬೆರಗುಗೊಳಿಸಿತ್ತು. ಸುಮಾರು 100 ಕೋಟಿ ರೂಪಾಯಿ ಆಸ್ತಿಯ ಒಡತಿ, ಹೇಗೆಲ್ಲಾ ಇರಬಹುದಿತ್ತು. ಅದೂ ಈ ಇಳಿಯ ವಯಸ್ಸಿನಲ್ಲಿ ಆಟೋದಲ್ಲಿ ಬಂದಿದ್ದು ನೋಡಿದಾಗ ಎಲ್ಲರ ಕಣ್ಣು ನಟಿಯತ್ತ ಸೆಳೆಯಿತು.

ಇದೇ ಸಂದರ್ಭದಲ್ಲಿ ಅವರ ಜೀವನದ ಬಗ್ಗೆ ತಿಳಿದುಕೊಳ್ಳುವ ಕುತೂಹಲ ಹಲವರಿಗಾಗಿತ್ತು. ಇವರ ಜೀವನಗಾಥೆಯೇ ರೋಚಕವಾಗಿದೆ. 100 ಕೋಟಿ ಆಸ್ತಿಯನ್ನು ದಾನ ಮಾಡಿ, ಆಟೋದಲ್ಲಿ ಪ್ರಯಾಣಿಸುತ್ತಿರುವ ನಟಿ ಈಕೆ! ಕಾಂಚನಾ ಈಗ ಅವರ ತಂಗಿಯ ಬೆಂಬಲದೊಂದಿಗೆ ಶಾಂತ ಮತ್ತು ಆಧ್ಯಾತ್ಮಿಕ ಜೀವನವನ್ನು ನಡೆಸುತ್ತಿದ್ದಾರೆ. ಅವರು ತಮ್ಮ ದಿನಗಳನ್ನು ಪ್ರಾರ್ಥನೆಯಲ್ಲಿ ಕಳೆಯುತ್ತಿದ್ದಾರೆ. ಅವರ ಘನತೆ, ದಯೆ ಮತ್ತು ಅಸಾಧಾರಣ ಔದಾರ್ಯವನ್ನು ಮೆಚ್ಚುವ ಅಭಿಮಾನಿಗಳಿಗೆ ಅವರ ಕಥೆ ಸ್ಫೂರ್ತಿ ನೀಡುತ್ತಲೇ ಇದೆ. ಹಲವು ನಟರು ದಾನದ ರೂಪದಲ್ಲಿ ಒಂದಷ್ಟು ಹಣವನ್ನು ದಾನ ಮಾಡುತ್ತಿದ್ದರೆ, ಕಾಂಚನಾ ಅವರ ಕೊಡುಗೆ ವಿಶಿಷ್ಟವಾಗಿದೆ. ಅವರು ತಿರುಮಲ ತಿರುಪತಿ ದೇವಸ್ಥಾನಕ್ಕೆ ಸುಮಾರು 100 ಕೋಟಿ ರೂಪಾಯಿ ಮೌಲ್ಯದ ಆಸ್ತಿಯನ್ನು ದಾನ ಮಾಡಿದ್ದಾರೆ. ವೆಂಕಟೇಶ್ವರನ ಮೇಲಿನ ಅವರ ಭಕ್ತಿ ಅವರ ಜೀವನವನ್ನು ರೂಪಿಸಿತು. ಅವರು ಮದುವೆಯಾಗದಿರಲು ನಿರ್ಧರಿಸಿದರು ಮತ್ತು ಸದ್ದಿಲ್ಲದೆ ಬದುಕಿದರು, ಆಧ್ಯಾತ್ಮಿಕತೆ ಮತ್ತು ಸೇವೆಯ ಮೇಲೆ ಕೇಂದ್ರೀಕರಿಸಿದರು.

ದೇಣಿಗೆ ನೀಡಿದ್ಯಾಕೆ?

ಕಾಂಚನಾ ಮತ್ತು ಅವರ ಸಹೋದರಿ ಗಿರಿಜಾ ಪಾಂಡೆ ಚೆನ್ನೈನ ಟಿ ನಗರ ಮತ್ತು ಜಿ.ಎನ್. ಚೆಟ್ಟಿ ರಸ್ತೆಯಲ್ಲಿ ಅಮೂಲ್ಯವಾದ ಭೂಮಿಯನ್ನು ಆನುವಂಶಿಕವಾಗಿ ಪಡೆದರು. ಸಂಬಂಧಿಕರು ಅದನ್ನು ಕಸಿದುಕೊಳ್ಳಲು ಪ್ರಯತ್ನಿಸಿದಾಗ, ಅವರು ದೀರ್ಘ ಕಾನೂನು ಹೋರಾಟ ನಡೆಸಿದರು. ಪ್ರಕರಣವನ್ನು ಗೆದ್ದ ನಂತರ, ಅವರು ದೇವರಿಗೆ ನೀಡಿದ ವಾಗ್ದಾನವನ್ನು ಉಳಿಸಿಕೊಂಡರು. ಆರು ಮಹಡಿಗಳಿಗೂ ಹೆಚ್ಚು ಅಳತೆಯ ಭೂಮಿಯನ್ನು ಅವರು ವೆಂಕಟೇಶ್ವರ ಮತ್ತು ಪದ್ಮಾವತಿ ದೇವಿಗೆ ಭವ್ಯ ದೇವಾಲಯವನ್ನು ನಿರ್ಮಿಸಲು ಟಿಟಿಡಿಗೆ ದಾನ ಮಾಡಿದರು. ಈ ಆಸ್ತಿಯ ಮೌಲ್ಯ ಈಗ 100 ಕೋಟಿ ರೂಪಾಯಿಗಳಿಗಿಂತ ಹೆಚ್ಚು.

ಚಲನಚಿತ್ರಗಳಿಗೆ ಮೊದಲು, ಕಾಂಚನಾ ಗಗನಸಖಿಯಾಗಿ ಕೆಲಸ ಮಾಡುತ್ತಿದ್ದರು. ನಿರ್ದೇಶಕ ಸಿ.ವಿ. ಶ್ರೀಧರ್ ಅವರನ್ನು ಗುರುತಿಸಿ ಕಾದಲಿಕ್ಕ ನೆರಮಿಲೈ ಚಿತ್ರದಲ್ಲಿ ನಟಿಸಿದಾಗ ಅವರ ಜೀವನ ಬದಲಾಯಿತು. ಅವರು 1960 ಮತ್ತು 70 ರ ದಶಕದ ಅತ್ಯಂತ ಜನಪ್ರಿಯ ನಾಯಕಿಯರಲ್ಲಿ ಒಬ್ಬರಾದರು, ದಕ್ಷಿಣ ಭಾರತೀಯ ಭಾಷೆಗಳು ಮತ್ತು ಹಿಂದಿಯಲ್ಲಿ 200 ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿದರು. ಆ ಯುಗದ ಬಹುತೇಕ ಎಲ್ಲ ಉನ್ನತ ನಾಯಕರೊಂದಿಗೆ ಅವರು ಜೋಡಿಯಾಗಿ ನಟಿಸಿದರು ಮತ್ತು ಪ್ರೇಮ ನಗರ, ಶ್ರೀ ಕೃಷ್ಣಾವತಾರಂ ಮತ್ತು ಆನಂದ ಭೈರವಿಯಂತಹ ಹಿಟ್‌ಗಳಲ್ಲಿ ಉತ್ಸಾಹಭರಿತ ಅಭಿನಯದ ಮೂಲಕ ಅಭಿಮಾನಿಗಳನ್ನು ಗೆದ್ದರು.

ನಟಿಯ ಹಿನ್ನೆಲೆ

ಚೆನ್ನೈನಲ್ಲಿ ತೆಲುಗು ಕುಟುಂಬದಲ್ಲಿ ಜನಿಸಿದ ಅವರು ಬ್ರಹ್ಮಚರ್ಯದ ಜೀವನವನ್ನು ಆರಿಸಿಕೊಂಡರು ಮತ್ತು ಅವಿವಾಹಿತರಾಗಿದ್ದರು. ಅವರ ನಿಜವಾದ ಹೆಸರು ವಸುಂಧರಾ ದೇವಿ. ಅವರು 46 ವರ್ಷಗಳ ಕಾಲ ಯಾವುದೇ ವಿರಾಮವಿಲ್ಲದೆ ನಟಿಸಿದರು. ಚಿತ್ರರಂಗದಿಂದ ಸ್ವಲ್ಪ ವಿರಾಮದ ನಂತರ, ಕಾಂಚನಾ 2017 ರಲ್ಲಿ ಬಿಡುಗಡೆಯಾದ ತೆಲುಗು ಚಿತ್ರ 'ಅರ್ಜುನ್ ರೆಡ್ಡಿ'ಯಲ್ಲಿ ಅಜ್ಜಿಯ ಪಾತ್ರವನ್ನು ನಿರ್ವಹಿಸಿದರು.ನಟಿ ಕಾಂಚನಾ ಅವರು ಚಿತ್ರರಂಗದಲ್ಲಿ ಗಳಿಸಿದ ಹಣದಿಂದ ಚೆನ್ನೈನ ತ್ಯಾಗರಾಯ ನಗರದಲ್ಲಿ ಆಸ್ತಿಗಳನ್ನು ಖರೀದಿಸಿದ್ದರು. ತಮ್ಮ ಸಂಬಂಧಿಕರು ಆ ಆಸ್ತಿಗಳನ್ನು ಕಬಳಿಸಿದ್ದಾರೆ ಎಂದು ಅವರು ಸಂದರ್ಶನವೊಂದರಲ್ಲಿ ಹೇಳಿದ್ದರು. ಆಸ್ತಿಗಳನ್ನು ವಶಪಡಿಸಿಕೊಂಡರೆ, ತಿರುಪತಿ ವೆಂಕಟಾಚಲಪತಿಗೆ ಪತ್ರ ಬರೆಯುವುದಾಗಿ ಅವರು ವಿನಂತಿಸಿದ್ದರು. ವಿವಿಧ ಹಂತದ ಹೋರಾಟದ ನಂತರ, ಕಾಂಚನಾ ನ್ಯಾಯಾಲಯದ ಪ್ರಕರಣವನ್ನು ಗೆದ್ದು ಎಲ್ಲಾ ಆಸ್ತಿಗಳನ್ನು ಪಡೆದರು. ಪರಿಣಾಮವಾಗಿ, ಕಾಂಚನಾ ಅವರು 80 ಕೋಟಿ ರೂ. ಮೌಲ್ಯದ ಆಸ್ತಿಯನ್ನು ಎಳುಮಲೈಯನ್‌ಗೆ ಬರೆದುಕೊಟ್ಟಿರುವುದಾಗಿ ಹೇಳಿದ್ದರು.ಈಗ 87 ವರ್ಷ ವಯಸ್ಸಿನ ಕಾಂಚನಾ, ಸಂದರ್ಶನವೊಂದರಲ್ಲಿ, "ಈ ಜಗತ್ತಿನಲ್ಲಿ ಯಾವುದೂ ಶಾಶ್ವತವಲ್ಲ" ಎಂದು ಹೇಳಿದ್ದಾರೆ.

Tata Car Sales: ನವರಾತ್ರಿ ಸಂದರ್ಭದಲ್ಲಿ ದಾಖಲೆ ಬರೆದ ಕಂಪನಿ: ಒಂದೇ ದಿನ 10 ಸಾವಿರ ಕಾರ್‌ ಮಾರಾಟ

Roopa Hegde — Thu, 22 Oct 2026 12:18:51 +0530

ಹಬ್ಬ ಬರ್ತಿದ್ದಂತೆ ಜನರ ಖರೀದಿ ಹೆಚ್ಚಾಗುತ್ತೆ. ಅದ್ರಲ್ಲೂ ವಿಜಯ ದಶಮಿ ದಿನ ವಾಹನ ಖರೀದಿದಾರರ ಸಂಖ್ಯೆ ಹೆಚ್ಚು. ಈ ಬಾರಿ ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ ಗೆ ಅದ್ಭುತ ರೆಸ್ಪಾನ್ಸ್‌ ಸಿಕ್ಕಿದೆ. ಹಬ್ಬದ ಸಂದರ್ಭದಲ್ಲಿ ಕಂಪನಿಯು 50 ಸಾವಿರಕ್ಕೂ ಹೆಚ್ಚು ಕಾರುಗಳನ್ನು ಗ್ರಾಹಕರಿಗೆ ಡೆಲಿವರಿ ಮಾಡಿದೆ.

ದಶಮಿ ದಿನ 10 ಸಾವಿರ ಕಾರ್ ಡೆಲಿವರಿ

ವಿಶೇಷ ಅಂದ್ರೆ ದಶಮಿಯ ಒಂದೇ ದಿನ ಟಾಟಾ ಮೋಟಾರ್ಸ್‌ ನ 10 ಸಾವಿರ ಕಾರುಗಳು ಮಾರಾಟವಾಗಿವೆ. ಟಾಟಾ ಮೋಟಾರ್ಸ್ನ ಕಾರುಗಳು ಮತ್ತು ಎಸ್ಯುವಿಗಳಿಗೆ ಸದ್ಯ ಭಾರತೀಯ ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆ ಇದೆ. ಕಳೆದ ಹಲವು ತಿಂಗಳ ಮಾರಾಟದ ದಾಖಲೆಗಳನ್ನು ಗಮನಿಸಿದರೆ, ದೇಶದಲ್ಲಿ ಅತಿ ಹೆಚ್ಚು ಕಾರುಗಳನ್ನು ಮಾರಾಟ ಮಾಡುವ ಕಂಪನಿಗಳ ಪೈಕಿ ಟಾಟಾ ಮೋಟಾರ್ಸ್ ಎರಡನೇ ಸ್ಥಾನದಲ್ಲಿದೆ.

ಗ್ರಾಹಕರ ವಿಶ್ವಾಸ ಹೆಚ್ಚಾಗಿರುವುದರಿಂದ ಶೋರೂಮ್ಗಳಿಗೆ ಭೇಟಿ ನೀಡುವವರ ಸಂಖ್ಯೆ ಹೆಚ್ಚಾಗಿದೆ. ಕಾರುಗಳ ಬಗ್ಗೆ ವಿಚಾರಣೆ ನಡೆಸುವುದು, ಬುಕ್ಕಿಂಗ್ ಮಾಡುವುದು ಮತ್ತು ಹೊಸ ವಾಹನಗಳನ್ನು ಡೆಲಿವರಿ ಪಡೆಯುವ ಪ್ರಕ್ರಿಯೆಯೂ ಹೆಚ್ಚಾಗಿದೆ ಎಂದು ಕಂಪನಿ ತಿಳಿಸಿದೆ.

ಕಂಪನಿ ಹೇಳಿದ್ದೇನು?

ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ನ ಮುಖ್ಯ ವಾಣಿಜ್ಯ ಅಧಿಕಾರಿ ಅಮಿತ್ ಕಾಮತ್ ಅವರ ಪ್ರಕಾರ, ಹಬ್ಬದ ಸಮಯದಲ್ಲಿ ಗ್ರಾಹಕರ ಉತ್ಸಾಹ ಹೆಚ್ಚಾಗಿದೆ. ವಿವಿಧ ಪವರ್ಟ್ರೇನ್ ಆಯ್ಕೆಗಳೊಂದಿಗೆ ಲಭ್ಯವಿರುವ ಕಂಪನಿಯ ಕಾರುಗಳು ಮತ್ತು ಎಸ್ಯುವಿಗಳಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ನವರಾತ್ರಿ ಸಂದರ್ಭದಲ್ಲಿ ಗ್ರಾಹಕರಿಂದ ವಿಶೇಷವಾಗಿ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಈ ಹಬ್ಬದ ಅವಧಿಯಲ್ಲಿ 50 ಸಾವಿರಕ್ಕೂ ಹೆಚ್ಚು ವಾಹನಗಳನ್ನು ಡೆಲಿವರಿ ಮಾಡಲಾಗಿದ್ದು, ದಸರಾ ದಿನವೊಂದರಲ್ಲೇ 10 ಸಾವಿರಕ್ಕೂ ಹೆಚ್ಚು ವಾಹನಗಳು ಗ್ರಾಹಕರ ಕೈ ಸೇರಿವೆ ಎಂದು ಅವರು ತಿಳಿಸಿದ್ದಾರೆ.

ನವರಾತ್ರಿ ಕಾರು ಮಾರಾಟದಲ್ಲಿ ಎಷ್ಟು ಬೆಳವಣಿಗೆ?

ಫೆಡರೇಷನ್ ಆಫ್ ಆಟೋಮೊಬೈಲ್ ಡೀಲರ್ಸ್ ಅಸೋಸಿಯೇಷನ್ಸ್ (FADA) ಬಿಡುಗಡೆ ಮಾಡಿರುವ ಮಾಹಿತಿಯ ಪ್ರಕಾರ, ನವರಾತ್ರಿ ಸಂದರ್ಭದಲ್ಲಿ ದೇಶದಲ್ಲಿ ಒಟ್ಟು 1,82,728 ಕಾರುಗಳು ಮಾರಾಟವಾಗಿವೆ.

• 2024ರ ನವರಾತ್ರಿ: 1,65,534 ಕಾರುಗಳ ಮಾರಾಟ.

• 2026ರ ನವರಾತ್ರಿ: 1,82,728 ಕಾರುಗಳ ಮಾರಾಟ.

• ಬೆಳವಣಿಗೆ: ಶೇಕಡಾ 10.39

2024ರ ನವರಾತ್ರಿಗೆ ಹೋಲಿಸಿದರೆ ಈ ಬಾರಿ ಕಾರು ಮಾರಾಟದಲ್ಲಿ ಶೇಕಡಾ 10.39ರಷ್ಟು ಬೆಳವಣಿಗೆಯಾಗಿದೆ. ಆದರೆ, 2025ರ ನವರಾತ್ರಿಗೆ ಹೋಲಿಸಿದರೆ ಮಾರಾಟದಲ್ಲಿ ಶೇಕಡಾ 21.91ರಷ್ಟು ಇಳಿಕೆಯಾಗಿದೆ. ಕಳೆದ ವರ್ಷ ನವರಾತ್ರಿ 11 ದಿನಗಳ ಕಾಲ ನಡೆದಿದ್ದರೆ, ಈ ಬಾರಿ 10 ದಿನಗಳ ಕಾಲ ಮಾತ್ರ ನಡೆದಿರುವುದು ಮಾರಾಟದ ಅಂಕಿಅಂಶಗಳ ಮೇಲೆ ಪರಿಣಾಮ ಬೀರಿದೆ ಎಂದು FADA ತಿಳಿಸಿದೆ. ಒಟ್ಟಿನಲ್ಲಿ, ನವರಾತ್ರಿ ಹಬ್ಬದ ಸಂದರ್ಭದಲ್ಲಿ ಟಾಟಾ ಮೋಟಾರ್ಸ್ನ ಕಾರುಗಳಿಗೆ ಸಿಕ್ಕಿರುವ ಉತ್ತಮ ಪ್ರತಿಕ್ರಿಯೆ ದೀಪಾವಳಿ ಮಾರಾಟದ ಮೇಲೂ ಸಕಾರಾತ್ಮಕ ಪರಿಣಾಮ ಬೀರುವ ನಿರೀಕ್ಷೆಯಿದೆ.

Virender Sehwag: ₹7,000 ಪೆಟ್ರೋಲ್‌ ಬಿಲ್‌ ಮಗನ ಕಣ್ಣು ತೆರೆಸಿತೇ? ಸೆಹ್ವಾಗ್‌ ಹಂಚಿಕೊಂಡ ಅಪರೂಪದ ವಿಡಿಯೋ

Sushma Hegde — Thu, 22 Oct 2026 12:18:08 +0530

ಭಾರತದ ಮಾಜಿ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್‌ ಮೈದಾನದಲ್ಲಿ ತಮ್ಮ ಸ್ಫೋಟಕ ಬ್ಯಾಟಿಂಗ್‌ನಿಂದ ಅಭಿಮಾನಿಗಳನ್ನು ರಂಜಿಸಿದವರು. ಆದರೆ ಮಕ್ಕಳನ್ನು ಬೆಳೆಸುವ ವಿಚಾರದಲ್ಲಿ ಅವರ ಆಲೋಚನೆ ವಿಭಿನ್ನವಾಗಿದೆ. ದುಡ್ಡು, ಐಷಾರಾಮಿ ಕಾರು, ದುಬಾರಿ ವಾಚ್‌ಗಳೇ ಜೀವನದ ಯಶಸ್ಸಲ್ಲ; ಸ್ವಂತ ಪರಿಶ್ರಮದಿಂದ ಸಾಧನೆ ಮಾಡಿ, ನೆಲದ ಮೇಲೆ ಕಾಲಿಟ್ಟು ಬದುಕುವುದೇ ನಿಜವಾದ ಯಶಸ್ಸು ಎಂಬುದು ಸೆಹ್ವಾಗ್‌ ಅವರ ನಂಬಿಕೆ.

ಅಕ್ಟೋಬರ್‌ 20ರಂದು 48ನೇ ವರ್ಷದ ಹುಟ್ಟುಹಬ್ಬ ಆಚರಿಸಿಕೊಂಡ ಸೆಹ್ವಾಗ್‌, ತಮ್ಮ ಮಕ್ಕಳಾದ ಆರ್ಯವೀರ್‌ ಮತ್ತು ವೇದಾಂತ್‌ಗೆ ಜೀವನದ ಮೌಲ್ಯಗಳನ್ನು ಹೇಗೆ ಕಲಿಸುತ್ತಿದ್ದಾರೆ ಎಂಬುದನ್ನು ಹಂಚಿಕೊಂಡಿದ್ದಾರೆ. ಅದರಲ್ಲೂ ಮಗನೊಬ್ಬ ಕಾರಿಗೆ ಪೆಟ್ರೋಲ್‌ ಹಾಕಿಸಿದಾಗ ಬಂದ ₹7,000 ಬಿಲ್‌ ಹಣದ ಬೆಲೆಯನ್ನು ಅರ್ಥಮಾಡಿಕೊಳ್ಳಲು ಹೇಗೆ ಕಾರಣವಾಯಿತು ಎಂಬ ಘಟನೆ ಗಮನ ಸೆಳೆದಿದೆ.

₹7,000 ಪೆಟ್ರೋಲ್‌ ಬಿಲ್‌ ಕಂಡು ಮಗನಿಗೆ ಶಾಕ್‌!

ಡಿಜಿಟಲ್‌ ಕಂಟೆಂಟ್‌ ಕ್ರಿಯೇಟರ್‌ ನೇಹಾ ಬೇಡಿ ಅವರೊಂದಿಗೆ ನಡೆಸಿದ ಸಂವಾದದಲ್ಲಿ ಸೆಹ್ವಾಗ್‌ ತಮ್ಮ ಮಕ್ಕಳ ಕ್ರಿಕೆಟ್‌ ಆಸಕ್ತಿ ಮತ್ತು ಹಣದ ನಿರ್ವಹಣೆ ಬಗ್ಗೆ ಮಾತನಾಡಿದ್ದಾರೆ. ಅವರ ಇಬ್ಬರು ಮಕ್ಕಳು ಕ್ರಿಕೆಟ್‌ ಆಡುತ್ತಿದ್ದು, ಒಬ್ಬರು ಅಂಡರ್‌-16 ಮಟ್ಟದಲ್ಲಿ, ಮತ್ತೊಬ್ಬರು ಅಂಡರ್‌-19 ಮಟ್ಟದಲ್ಲಿ ಆಡುತ್ತಿದ್ದಾರೆ. ಕ್ರಿಕೆಟ್‌ನಿಂದ ಅವರು ಹಣವನ್ನೂ ಗಳಿಸುತ್ತಿದ್ದಾರೆ ಎಂದು ಸೆಹ್ವಾಗ್‌ ತಿಳಿಸಿದ್ದಾರೆ.

“ನನ್ನ ಮಕ್ಕಳು ಕ್ರಿಕೆಟ್‌ ಆಡಲು ಆರಂಭಿಸಿದ್ದಾರೆ. ಒಬ್ಬ ಅಂಡರ್‌-16, ಮತ್ತೊಬ್ಬ ಅಂಡರ್‌-19 ಆಡುತ್ತಿದ್ದಾನೆ. ಅವರು ₹2–3 ಲಕ್ಷ ಸಂಪಾದಿಸುತ್ತಿದ್ದಾರೆ. ಒಮ್ಮೆ ಅವರಲ್ಲಿ ಒಬ್ಬ ಕಾರಿಗೆ ಪೆಟ್ರೋಲ್‌ ಹಾಕಿಸಿದಾಗ ಬಿಲ್‌ ₹7,000 ಆಗಿತ್ತು” ಎಂದು ಸೆಹ್ವಾಗ್‌ ಹೇಳಿದ್ದಾರೆ. ತಂದೆ ಹಣ ಪಾವತಿಸುವಾಗ ಇಂತಹ ಖರ್ಚು ಮಕ್ಕಳಿಗೆ ದೊಡ್ಡ ವಿಷಯವಾಗಿ ಕಾಣಿಸುವುದಿಲ್ಲ. ಆದರೆ ಸ್ವಂತ ಹಣದಿಂದ ಬಿಲ್‌ ಪಾವತಿಸಬೇಕಾದಾಗ ಅದರ ಮೌಲ್ಯ ಅರಿವಾಗುತ್ತದೆ. ಈ ಸಣ್ಣ ಘಟನೆಯ ಮೂಲಕ ಮಕ್ಕಳಿಗೆ ಹಣ ಸಂಪಾದಿಸುವುದಷ್ಟೇ ಅಲ್ಲ, ಅದನ್ನು ಜವಾಬ್ದಾರಿಯಿಂದ ಖರ್ಚು ಮಾಡುವುದೂ ಮುಖ್ಯ ಎಂಬ ಪಾಠ ಕಲಿಸಲು ಸೆಹ್ವಾಗ್‌ ಪ್ರಯತ್ನಿಸಿದ್ದಾರೆ.

‘ತೋರಿಕೆಗಾಗಿ ಜೀವನ ಮಾಡಬೇಡಿ’ ಎಂದ ಸೆಹ್ವಾಗ್‌!

ಇಂದಿನ ಯುವಜನರಿಗೆ ದುಬಾರಿ ಕಾರುಗಳು, ಬ್ರ್ಯಾಂಡೆಡ್‌ ವಾಚ್‌ಗಳು ಮತ್ತು ಐಷಾರಾಮಿ ಜೀವನದ ಬಗ್ಗೆ ಆಕರ್ಷಣೆ ಇರುವುದು ಸಹಜ. ಸೆಹ್ವಾಗ್‌ ಅವರ ಮಕ್ಕಳೂ ಇದಕ್ಕೆ ಹೊರತಾಗಿಲ್ಲ. ತಮ್ಮ ವಾಚ್‌ಗಳನ್ನು ಮಕ್ಕಳು ತೆಗೆದುಕೊಂಡು ಧರಿಸುತ್ತಾರೆ ಎಂಬುದನ್ನೂ ಅವರು ಹಂಚಿಕೊಂಡಿದ್ದಾರೆ. “ಮಕ್ಕಳು ವಸ್ತುಗಳ ಬಗ್ಗೆ ಆಕರ್ಷಿತರಾಗುತ್ತಾರೆ. ಬಿಎಂಡಬ್ಲ್ಯು ಕಾರಿನಲ್ಲಿ ಹೋಗಬೇಕು, ರೇಂಜ್‌ ರೋವರ್‌ನಲ್ಲಿ ಹೋಗಬೇಕು ಎಂದು ಬಯಸುತ್ತಾರೆ. ನನ್ನ ಮಗ ನನ್ನ ವಾಚ್‌ಗಳನ್ನು ತೆಗೆದುಕೊಂಡು ಧರಿಸುತ್ತಾನೆ” ಎಂದು ಸೆಹ್ವಾಗ್‌ ಹೇಳಿದ್ದಾರೆ.

ಆದರೆ, ದುಬಾರಿ ವಸ್ತುಗಳನ್ನು ಹೊಂದಿರುವುದೇ ಯಶಸ್ಸು ಎಂದು ಮಕ್ಕಳು ಭಾವಿಸಬಾರದು ಎಂಬುದು ಅವರ ಆಶಯ. ಈ ಬಗ್ಗೆ ಅವರು ನೀಡುವ ಸಂದೇಶ ಸರಳವಾಗಿದೆ: “ತೋರಿಕೆಗಾಗಿ ಜೀವನ ನಡೆಸಬೇಡಿ; ನಿಜವಾದ ಜೀವನ ನಡೆಸಿ. ನೀವು ಏನಾದರೂ ಸಾಧನೆ ಮಾಡಿದಾಗ ಜನರು ನಿಮ್ಮನ್ನು ನೋಡಿ ಮೆಚ್ಚುವಂತಿರಬೇಕು.” ಇತರರನ್ನು ಮೆಚ್ಚಿಸಲು ಐಷಾರಾಮಿ ವಸ್ತುಗಳನ್ನು ಖರೀದಿಸುವುದಕ್ಕಿಂತ, ಸ್ವಂತ ಪರಿಶ್ರಮದಿಂದ ಗುರುತಿಸಿಕೊಳ್ಳುವುದು ಮುಖ್ಯ ಎಂದು ಸೆಹ್ವಾಗ್‌ ಮಕ್ಕಳಿಗೆ ತಿಳಿಸಿಕೊಡುತ್ತಿದ್ದಾರೆ.

ತಂದೆ ದೊಡ್ಡ ಕ್ರಿಕೆಟಿಗ, ಮಕ್ಕಳಿಗೆ ಹೋಲಿಕೆಗಳ ಸವಾಲು!

ಸೆಹ್ವಾಗ್‌ ಅವರ ಮಕ್ಕಳಿಗೆ ಕ್ರಿಕೆಟ್‌ ಜಗತ್ತಿನಲ್ಲಿ ಬೆಳೆಯಲು ತಂದೆಯ ಅನುಭವದ ನೆರವು ಸಿಗಬಹುದು. ಆದರೆ, ಪ್ರಸಿದ್ಧ ಕ್ರಿಕೆಟಿಗನ ಮಕ್ಕಳಾಗಿರುವುದರಿಂದ ಅವರ ಆಟವನ್ನು ತಂದೆಯ ಸಾಧನೆಗಳೊಂದಿಗೆ ಹೋಲಿಸುವ ಸಾಧ್ಯತೆಯೂ ಇದೆ. ಈ ವಾಸ್ತವವನ್ನು ಬಾಲ್ಯದಿಂದಲೇ ಮಕ್ಕಳಿಗೆ ತಿಳಿಸುತ್ತಿರುವುದಾಗಿ ಸೆಹ್ವಾಗ್‌ ಹೇಳಿದ್ದಾರೆ. ಅವರು ಮುಂದೊಂದು ದಿನ ಪ್ರಥಮ ದರ್ಜೆ ಅಥವಾ ಅಂತಾರಾಷ್ಟ್ರೀಯ ಕ್ರಿಕೆಟ್‌ ಆಡಲು ಆರಂಭಿಸಿದರೆ, ಜನರು ತಮ್ಮ ಪ್ರದರ್ಶನವನ್ನು ತಂದೆಯ ಆಟದೊಂದಿಗೆ ಹೋಲಿಸಬಹುದು. ಟೀಕೆಗಳನ್ನೂ ಎದುರಿಸಬೇಕಾಗಬಹುದು ಎಂಬುದನ್ನು ಅರ್ಥಮಾಡಿಕೊಳ್ಳಬೇಕು ಎನ್ನುವುದು ಅವರ ಅಭಿಪ್ರಾಯ.

ಆನೆ ಮತ್ತು ಬೊಗಳುವ ನಾಯಿಗಳ ಉದಾಹರಣೆ!

ಟೀಕೆಗಳನ್ನು ಹೇಗೆ ಎದುರಿಸಬೇಕು ಎಂಬುದನ್ನು ಮಕ್ಕಳಿಗೆ ತಿಳಿಸಲು ಸೆಹ್ವಾಗ್‌ ಒಂದು ಸರಳ ಉದಾಹರಣೆಯನ್ನೂ ನೀಡಿದ್ದಾರೆ. ಆನೆಯೊಂದು ನಾಯಿಗಳು ಬೊಗಳಿದರೂ ತನ್ನ ದಾರಿಯಲ್ಲಿ ಸಾಗುವಂತೆ, ಅನಗತ್ಯ ಟೀಕೆಗಳು ಮತ್ತು ಇತರರ ಅಭಿಪ್ರಾಯಗಳಿಗೆ ಹೆಚ್ಚು ತಲೆಕೆಡಿಸಿಕೊಳ್ಳಬಾರದು ಎಂಬುದು ಈ ಉದಾಹರಣೆಯ ಸಂದೇಶ. ಜೀವನದಲ್ಲಿ ಹೋಲಿಕೆಗಳು, ಟೀಕೆಗಳು ಮತ್ತು ಅನಗತ್ಯ ಅಭಿಪ್ರಾಯಗಳು ಎದುರಾಗುವುದು ಸಹಜ. ಆದರೆ ಅವುಗಳಿಗೇ ಪ್ರತಿಕ್ರಿಯಿಸುತ್ತಾ ಕುಳಿತರೆ ಗುರಿ ತಲುಪಲು ಸಾಧ್ಯವಿಲ್ಲ. ಬದಲಾಗಿ, ತಮ್ಮ ಗುರಿಯತ್ತ ಗಮನಹರಿಸಿ ಪರಿಶ್ರಮದಿಂದ ಮುನ್ನಡೆಯಬೇಕು ಎಂದು ಸೆಹ್ವಾಗ್‌ ಮಕ್ಕಳಿಗೆ ಕಲಿಸುತ್ತಿದ್ದಾರೆ.

NoBroker ಮೂಲಕ ಫ್ಲಾಟ್ ಕೇಳಿ ಮುಂಗಡ ಕೊಟ್ಟರೆ ಮನೆ ಖಾಲಿ ಇಲ್ಲ, ಹಣವೂ ವಾಪಸ್ ಇಲ್ಲ! ಬಾಡಿಗೆದಾರನ ರೆಡ್ಡಿಟ್ ಪೋಸ್ಟ್ ವೈರಲ್

Ravi Janekal — Thu, 22 Oct 2026 11:48:27 +0530

ಇಂದಿನ ಜನರು ತಮ್ಮ ಯಾವುದೇ ಸಮಸ್ಯೆಗೆ ಪರಿಹಾರ ಹುಡುಕುವುದರಿಂದ ಹಿಡಿದು, ವೈಯಕ್ತಿಕ ಅನುಭವ ಹಂಚಿಕೆ, ಉಪಯುಕ್ತ ಮಾಹಿತಿ ಪಡೆಯುವವರೆಗೆ ಜನರಿಗೆ ತಕ್ಷಣಕ್ಕೆ ನೆರವಿಗೆ ಬರುವ ಪ್ಲಾಟ್‌ಫಾರಂ ಆಗಿ ರೆಡ್ಡಿಟ್(Reddit) ಜನಪ್ರಿಯವಾಗಿದೆ. ಇದಕ್ಕೆ ತಾಜಾ ನಿದರ್ಶನ ಎಂಬಂತೆ ಬೆಂಗಳೂರಿನಲ್ಲೊಂದು ಘಟನೆ ನಡೆದಿದೆ.

ಮುಂಗಡ ಕೊಟ್ಟ ಹಣ ವಾಪಸ್ ಕೊಡಲು ಮನೆ ಮಾಲೀಕ ನಿರಾಕರಣೆ

ಇಂದಿರಾನಗರದಲ್ಲಿ ಫ್ಲಾಟ್ ಖರೀದಿಸಬೇಕು ಅನ್ನೋ ಕನಸು ಕಂಡಿದ್ದ ಬಾಡಿಗೆ ಮನೆಯಲ್ಲಿ ವಾಸಿಸುವ ವ್ಯಕ್ತಿಯೊಬ್ಬರು ಫ್ಲಾಟ್ ಪಡೆಯಲು ಮಾಲೀಕರಿಗೆ 20,000 ರೂಪಾಯಿಗಳನ್ನು ಮುಂಗಡವಾಗಿ ನೀಡಿದ್ದಾರೆ. ಆದರೆ ಆ ಹಣವನ್ನು ಹಿಂದಿರುಗಿಸಲು ಮನೆ ಮಾಲೀಕ ನಿರಾಕರಿಸಿದ ಹಿನ್ನೆಲೆ ಮುಂದೇನು ಎಂಬ ಆತಂಕಕ್ಕೊಳಗಾಗಿ ಸಲಹೆಗಾಗಿ ರೆಡ್ಡಿಟ್(reddit) ಮೊರೆ ಹೋಗಿದ್ದಾರೆ.

ಇತ್ತ ಬಾಡಿಗೆ ಮನೆ ಇಲ್ಲ, ಅತ್ತ ಮುಂಗಡ ಹಣನೂ ಇಲ್ಲ

ಆಗಿದ್ದೇನೆಂದರೆ ಬಾಡಿಗೆ ಫ್ಲಾಟ್‌ಗೆ ಬರಲು ಒಂದು ದಿನಾಂಕ ಕೊಟ್ಟಿದ್ದರು. ಅದಕ್ಕಾಗಿ ಹಣವನ್ನು ವಂಚನೆಗೊಳಗಾದ ವ್ಯಕ್ತಿ ಮನೆ ಮಾಲೀಕನಿಗೆ ಅಡ್ವಾನ್ಸ್ ಆಗಿ ಕೊಟ್ಟಿದ್ದರು. ನಿಗದಿಪಡಿಸಿದ ದಿನಾಂಕದಂದು ಫ್ಲಾಟ್‌ಗೆ ಹೋದರೆ ಅಲ್ಲಿ ಈಗಾಗಲೇ ವಾಸಿಸುತ್ತಿರುವವರು ಮನೆ ಖಾಲಿ ಮಾಡಿಲ್ಲ. ಅವರು ಖಾಲಿ ಮಾಡಲು ಇನ್ನು ಇಪ್ಪತ್ತು ದಿನಗಳ ಕಾಲ ಕಾಲಾವಕಾಶ ಬೇಕು ಎನ್ನುತ್ತಿದ್ದಾರೆ. ಆದರೆ ಅಲ್ಲಿವರೆಗೆ ಕಾಯಲು ಆಗದು, ಬೇರೊಂದು ಮನೆ ನೋಡಿಕೊಳ್ಳುತ್ತೇನೆ, ಮುಂಗಡವಾಗಿ ಕೊಟ್ಟು ದುಡ್ಡು ವಾಪಸ್ ಕೊಡಲು ಕೇಳಿದರೆ ಮನೆ ಮಾಲೀಕ ಕೊಡಲು ಒಪ್ಪುತ್ತಿಲ್ಲ! ಈಗ ಬೇರೆ ಮನೆ ನೋಡಿದರೆ ಮಾಲೀಕನಿಂದ ಇಪ್ಪತ್ತು ಸಾವಿರ ಕಳೆದುಕೊಳ್ಳಬೇಕಾಗುತ್ತೆ. ಆದರೆ ಇದೇ ಮನೆ ಬೇಕು ಅಂದರೆ ಇನ್ನು ಇಪ್ಪತ್ತು ದಿನ ಕಾಯಬೇಕು. ಮಾಲೀಕನ ವಂಚನೆ ತಿಳಿಯದೆ ಮೋಸ ಹೋಗಿದ್ದಾರೆ.

ರೆಡ್ಡಿಟ್ ಪೋಸ್ಟ್‌ನಲ್ಲಿ ಬರೆದಿದ್ದೇನು?

ವ್ಯಕ್ತಿ ತಮಗಾದ ಅನುಭವವನ್ನು r/bangalorerentals ಎಂಬ ಸಬ್‌ರೆಡಿಟ್‌ನಲ್ಲಿ ಹಂಚಿಕೊಂಡು ಸಹಾಯ, ಕಾನೂನು ಸಲಹೆ ಕೇಳಿ ಪೋಸ್ಟ್ ಮಾಡಿದ್ದಾರೆ. ಇದೇ ರೀತಿಯ ಬಾಡಿಗೆ ಸಮಸ್ಯೆಗಳನ್ನು ಎದುರಿಸಿದ್ದ ಜನರು ಈ ಪೋಸ್ಟ್‌ಗೆ ರಿಪ್ಲೆ ಮಾಡುವ ಮೂಲಕ ಹಲವು ಸಲಹೆಗಳನ್ನು ನೀಡಿದ್ದಾರೆ.

ನೋಬ್ರೋಕರ್‌ನಲ್ಲಿ ಮನೆ ಬಾಡಿಗೆ ಪಡೆಯುವ ಮುನ್ನ ಎಚ್ಚರ!

'ನೋಬ್ರೋಕರ್' (NoBroker) ಪ್ಲಾಟ್‌ಫಾರ್ಮ್‌ನಲ್ಲಿ, ಮನೆಯ ಮಾಲೀಕರೇ ನೇರವಾಗಿ ಪಟ್ಟಿ ಮಾಡಿದ್ದ ಒಂದು ವಿಶಾಲವಾದ ಫ್ಲಾಟ್ ಅವರಿಗೆ ಸಿಕ್ಕಿತು. ಮೊದಲಿಗೆ ಕರೆ ಮಾಡಿದಾಗ ಮನೆ ಮಾಲೀಕ ಮನೆ ಖಾಲಿ ಇದೆ ಎಂದು ಒಂದು ಮನೆ ಪ್ರವೇಶಿಸಲು ದಿನಾಂಕ ನೀಡಿದ್ದರು. ಆ ದಿನದಂದು ಮನೆಗೆ ಪ್ರವೇಶಿಸಲು ಹೇಳಿದ್ದರು. ಆದರೆ ಮನೆಗೆ ಬಂದಾಗ ಬೇರೊಂದು ದಿನಾಂಕ ಕೊಟ್ಟರು. ಮುಂಗಡಕೊಟ್ಟ ಹಣ ವಾಪಸ್ ಕೊಡಲು ನಿರಾಕರಿಸಿದರು. ಆದರೆ ಮನೆಗೆ ಪ್ರವೇಶಿಸುವ ದಿನದಂದು ಬಾಡಿಗೆ ಒಪ್ಪಂದವನ್ನು ಹಸ್ತಾಂತರಿಸುವ ಮೊದಲು, ಮನೆ ಮಾಲೀಕರು ಪೂರ್ಣ ಭದ್ರತಾ ಠೇವಣಿಯನ್ನು (ಸೆಕ್ಯುರಿಟಿ ಡೆಪಾಸಿಟ್) ನೀಡುವಂತೆ ಕೇಳಿದರು. ಬಾಡಿಗೆದಾರರ ಪ್ರಕಾರ ಅವರು ಮಾತುಕತೆ ನಡೆಸಿ ಒಂದು ತಿಂಗಳ ಬಾಡಿಗೆಗೆ ಸಮನಾದ 20,000 ರೂಪಾಯಿಗಳನ್ನು ಪಾವತಿಸಿದ್ದರು. ಅಲ್ಲದೆ ಉಳಿದ ಮೊತ್ತವನ್ನು ಮನೆಗೆ ಪ್ರವೇಶಿಸಿದ ನಂತರ ನೀಡುವುದಾಗಿ ಒಪ್ಪಿಕೊಂಡಿದ್ದರು. ಆದರೆ ಮನೆ ಮಾಲೀಕರೇ ಹೇಳಿದ್ದ ದಿನಾಂಕಕ್ಕೆ ಮನೆಗೆ ಹೋದರೆ, ಆಗ ಅಲ್ಲಿ ವಾಸವಿದ್ದ ಬಾಡಿಗೆದಾರರು ಮನೆಯನ್ನು ಖಾಲಿ ಮಾಡಿರಲಿಲ್ಲ. ಪ್ರಸ್ತುತ ಮನೆಯಲ್ಲಿರುವವರಿಗೆ ಕೊನೆಯ ಕ್ಷಣದಲ್ಲಿ ಸಮಸ್ಯೆ ಎದುರಾಗಿದ್ದರಿಂದ ಅವರು ಇನ್ನೂ 20 ದಿನಗಳ ಕಾಲ ಅಲ್ಲಿಯೇ ಉಳಿಯಲಿದ್ದಾರೆ ಎಂದು ಮನೆ ಮಾಲೀಕರು ತಿಳಿಸಿದರು.

ಈ ವಿಷಯದ ಬಗ್ಗೆ ಮೊದಲೇ ಮನೆ ಮಾಲೀಕ ಹೇಳಬಹುದಿತ್ತು. ಆದರೆ ಮನೆ ವಿಚಾರ ಮಾತನಾಡಿದಾಗಲೂ ಅದರ ಬಗ್ಗೆ ಹೇಳಿರಲಿಲ್ಲ. ಈಗ ಹೇಳಿದರೆ ಏನು ಮಾಡುವುದು. ಅದಕ್ಕಾಗಿ ಮನೆ ಬಾಡಿಗೆದಾರರ ವಿಳಂಬ, ಕಾರಣ ನನಗೆ ಬೇಕಾಗಿಲ್ಲ. ನಾನು ಕೂಡ ತೊಂದರೆಯಲ್ಲಿದ್ದೇನೆ. ಒಂದೋ ಈಗ ಮನೆ ಕೊಡಿ, ಇಲ್ಲ ಮುಂಗಡ ಕೊಟ್ಟಿರೋ ಹಣ ವಾಪಸ್ ಕೊಡಿ, ಬೇರೊಂದು ಮನೆ ಹುಡುಕಿಕೊಳ್ಳುವೆ ಎಂದು ಹೇಳಿದ್ದಾರೆ. ಯಾವಾಗ ಮುಂಗಡ ಹಣ ಕೇಳಿದನೋ ಆಗ ಮನೆ ಮಾಲೀಕ ಹಣ ಹಿಂತಿರುಗಿಸಲು ನಿರಾಕರಿಸಿದ್ದಾರೆ

ಹಣ ಮರಳಿ ಪಡೆಯಲು ರೆಡ್ಡಿಟ್ ಯೂಸರ್ಸ್ ನೀಡಿದ ಸಲಹೆಗಳೇನು?

ಬಾಡಿಗೆದಾರರು ಕಾನೂನು ಕ್ರಮ ಕೈಗೊಳ್ಳುವ ಬಗ್ಗೆ ಯೋಚಿಸುತ್ತಿದ್ದರೂ, ಮನೆ ಮಾಲೀಕರು ಈ ಹಣವನ್ನು non-refundable token ಎಂದು ಬಿಂಬಿಸಬಹುದು ಎಂಬ ಭಯ ಅವರಿಗಿತ್ತು. ಅವರ ನಡುವಿನ ಒಪ್ಪಂದವು ಕೇವಲ ಮೌಖಿಕವಾಗಿದ್ದು, ಯಾವುದೇ ಲಿಖಿತ ಒಪ್ಪಂದಕ್ಕೆ ಸಹಿ ಹಾಕಿರಲಿಲ್ಲವಾದ್ದರಿಂದ, ಮುಂದೆ ಹೇಗೆ ಮುಂದುವರಿಯಬೇಕು ಎಂಬುದು ಅವರಿಗೆ ಸ್ಪಷ್ಟವಿರಲಿಲ್ಲ. ಅಲ್ಲದೆ, ಮತ್ತೊಂದು ಮನೆಯನ್ನು ಹುಡುಕುವ ಅವಧಿಯಲ್ಲಿ ತಾತ್ಕಾಲಿಕ ವಸತಿಗಾಗಿ ಹಣ ಖರ್ಚು ಮಾಡಬೇಕಾಗುತ್ತದೆ ಎಂಬ ಚಿಂತೆಯೂ ಅವರಿಗಿತ್ತು. ಇದಕ್ಕೆ ಸಂಬಂಧಿಸಿದಂತೆ ರೆಡ್ಡಿಟ್‌ನ ಹಲವು ಬಳಕೆದಾರರು ತಮ್ಮ ಸಲಹೆಗಳನ್ನು ಹಂಚಿಕೊಂಡಿದ್ದಾರೆ.

ಒಬ್ಬ ವ್ಯಕ್ತಿಯು ಆ ಬಾಡಿಗೆದಾರರಿಗೆ ಸ್ಥಳೀಯ ಸ್ವಯಂಸೇವಕ ಗುಂಪಿನಿಂದ ಸಹಾಯ ಪಡೆಯುವಂತೆ ಸಲಹೆ ನೀಡುತ್ತಾ,'St Broseph' ಸಬ್‌ರೆಡ್ಡಿಟ್‌ನಲ್ಲಿ ಪೋಸ್ಟ್ ಮಾಡಿ. ಅವರು ನಿಮಗೆ ಸಹಾಯ ಮಾಡುತ್ತಾರೆ' ಎಂದು ಬರೆದರು.

ಮತ್ತೊಬ್ಬರು, ಒಂದು ತಿಂಗಳ ಕಾಲ 'ಪೇಯಿಂಗ್ ಗೆಸ್ಟ್' (PG) ವಸತಿಯಲ್ಲಿ ಉಳಿದುಕೊಳ್ಳುವಂತೆಯೂ, ವಿಳಂಬದಿಂದ ಉಂಟಾದ ಹೆಚ್ಚುವರಿ ವೆಚ್ಚಗಳ ಬಗ್ಗೆ ಮನೆಮಾಲೀಕರಿಗೆ ತಿಳಿಸುವಂತೆಯೂ ಸಲಹೆ ನೀಡಿದರು.

ಮತ್ತೊಬ್ಬ ಬಳಕೆದಾರರು ನಗರದಲ್ಲಿನ ಬಾಡಿಗೆ ಪದ್ಧತಿಗಳ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸುತ್ತಾ, 'ಅಬ್ಬಾ, ಈ ನಗರ ಮತ್ತು ಇದರ ದುರಾಸೆ!' ಎಂದು ಪ್ರತಿಕ್ರಿಯಿಸಿದರು.

ವಕೀಲರೆಂದು ತಮ್ಮನ್ನು ಪರಿಚಯಿಸಿಕೊಂಡ ಒಬ್ಬರು, ಮರುಪಾವತಿ ಮನೆ ಮಾಲೀಕರನ್ನು ಕೇಳಿದ ಲಿಖಿತ ದಾಖಲೆ ಇಟ್ಟುಕೊಳ್ಳುವಂತೆ ಹೇಳಿದರು. ಸಂಕ್ಷಿಪ್ತವಾಗಿ ಸತ್ಯಗಳನ್ನು ವಾಟ್ಸಾಪ್‌ನಲ್ಲಿ ಅವರಿಗೆ ಸಂದೇಶ ಕಳುಹಿಸಿ, ಭದ್ರತಾ ಠೇವಣಿಯ ಮರುಪಾವತಿ ಕೇಳಿ ಯಾವುದೇ ಉತ್ತರವು ಅವರ ಕಡೆಯಿಂದ ಬರದಿದ್ದರೆ ನಿರಾಕರಿಸಿದ್ದರೆ ಅದು ಎವಿಡೆನ್ಸ್ ಆಗಿ ಇಟ್ಟುಕೊಳ್ಳುವಂತೆ ಹೇಳಿದರು. ಬಳಿಕ ನೀವು ವಕೀಲರ ಮೂಲಕ ಲೀಗಲ್ ನೋಟಿಸ್ ಕಳಿಸಬಹುದು. ಇದಕ್ಕಾಗಿ ನಿಮಗೆ ಸುಮಾರು 5 ಸಾವಿರ ವೆಚ್ಚವಾಗಬಹುದು ಎಂದರು.

ಗಮನಿಸಿ: ಈ ಲೇಖನವು ಬಳಕೆದಾರರು ಹಂಚಿಕೊಂಡ ಅನುಭವವನ್ನು ಆಧರಿಸಿದೆ. ಮೂಲ ಪೋಸ್ಟ್‌ನಲ್ಲಿ ಮಾಡಲಾದ ಆರೋಪ, ಸತ್ಯಾಸತ್ಯತೆಗಳು ಏಷ್ಯಾನೆಟ್ ಸುವರ್ಣ ನ್ಯೂಸ್ ಪರಿಶೀಲಿಸಿಲ್ಲ.

ಒಂದೇ ಏಟಿಗೆ ₹5,500 ಅಗ್ಗವಾದ ಬೆಳ್ಳಿ! ಚಿನ್ನದ ಬೆಲೆಯಲ್ಲೂ ಭಾರಿ ಇಳಿಕೆ: ಬೆಂಗಳೂರಿನಲ್ಲಿ ಇಂದಿನ ರೇಟ್ ಎಷ್ಟು?

Ashwini HR — Thu, 22 Oct 2026 11:39:32 +0530

ಚಿನ್ನ ಮತ್ತು ಬೆಳ್ಳಿ ಖರೀದಿಸಲು ಯೋಜಿಸುತ್ತಿರುವ ಗ್ರಾಹಕರಿಗೆ ಶುಭ ಸುದ್ದಿ ಸಿಕ್ಕಿದೆ. ಜಾಗತಿಕ ಮಾರುಕಟ್ಟೆಯಲ್ಲಿನ ಹಿಂಜರಿತ ಹಾಗೂ ಕಚ್ಚಾ ತೈಲ ಬೆಲೆ ಏರಿಕೆಯ ಪರಿಣಾಮವಾಗಿ, ದೇಶೀಯ ಮಾರುಕಟ್ಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಭಾರಿ ಕುಸಿತ ದಾಖಲಾಗಿದೆ. ವಿಶೇಷವಾಗಿ ಬೆಳ್ಳಿ ಬೆಲೆಯಲ್ಲಿ ಒಂದೇ ದಿನದಲ್ಲಿ ಬರೋಬ್ಬರಿ ₹5,500 ಕ್ಕೂ ಅಧಿಕ ಇಳಿಕೆ ಕಂಡುಬಂದರೆ, ಚಿನ್ನದ ದರವೂ ಶೇಕಡ 1 ರಷ್ಟು ಅಗ್ಗವಾಗಿದೆ.

MCX ಮಾರುಕಟ್ಟೆಯಲ್ಲಿ ಚಿನ್ನ-ಬೆಳ್ಳಿ ಪರಿಸ್ಥಿತಿ ಏನು?

ಮಲ್ಟಿ ಕಮೊಡಿಟಿ ಎಕ್ಸ್‌ಚೇಂಜ್ (MCX) ನಲ್ಲಿ ಬೆಳ್ಳಿ ಬೆಲೆ ಶೇಕಡ 2 ಕ್ಕಿಂತ ಹೆಚ್ಚು ಕುಸಿದು, ಪ್ರತಿ ಕಿಲೋಗ್ರಾಂಗೆ ₹2,03,580 ಕ್ಕೆ ತಲುಪಿದೆ. ಅಂದರೆ ಕಳೆದ ವಹಿವಾಟಿಗೆ ಹೋಲಿಸಿದರೆ ಸುಮಾರು ₹5,500 ಇಳಿಕೆಯಾಗಿದೆ.

ಇನ್ನೊಂದೆಡೆ, MCX ನಲ್ಲಿ ಚಿನ್ನದ ಬೆಲೆಯೂ ಸುಮಾರು ಶೇಕಡ 1 ರಷ್ಟು ಇಳಿಕೆಯಾಗಿದ್ದು, 10 ಗ್ರಾಂ ಚಿನ್ನದ ಇಂಟ್ರಾಡೇ ಬೆಲೆ ₹1,44,268 ಕ್ಕೆ ಕುಸಿದಿದೆ.

ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಹಿಂಜರಿತ

ಜಾಗತಿಕ ಮಟ್ಟದಲ್ಲೂ ಅಮೂಲ್ಯ ಲೋಹಗಳ ಬೆಲೆ ಒತ್ತಡಕ್ಕೆ ಸಿಲುಕಿದೆ

ಸ್ಪಾಟ್ ಗೋಲ್ಡ್ (Spot Gold): ಶೇಕಡ 1 ರಷ್ಟು ಇಳಿಕೆಯಾಗಿ ಪ್ರತಿ ಔನ್ಸ್‌ಗೆ 4,112 ಡಾಲರ್ ಆಸುಪಾಸಿನಲ್ಲಿ ವಹಿವಾಟು ನಡೆಸುತ್ತಿದೆ.

ಸ್ಪಾಟ್ ಸಿಲ್ವರ್ (Spot Silver): ಶೇಕಡ 2.2 ರಷ್ಟು ಕುಸಿದು ಪ್ರತಿ ಔನ್ಸ್‌ಗೆ 56.6 ಡಾಲರ್‌ಗೆ ತಲುಪಿದೆ.

ಕಚ್ಚಾ ತೈಲ ಏರಿಕೆ: ಅಮೆರಿಕದ WTI ಕಚ್ಚಾ ತೈಲ ದರ ಶೇ. 1.4 ರಷ್ಟು ಏರಿಕೆಯಾಗಿ ಪ್ರತಿ ಬ್ಯಾರೆಲ್‌ಗೆ 98.5 ಡಾಲರ್ ತಲುಪಿದ್ದರೆ, ಬ್ರೆಂಟ್ ಕ್ರೂಡ್ ಶೇ. 1.7 ರಷ್ಟು ಏರಿಕೆಯಾಗಿ ಬ್ಯಾರೆಲ್‌ಗೆ 111 ಡಾಲರ್ ತಲುಪಿದೆ. ತೈಲ ಬೆಲೆ ಏರಿಕೆಯು ಹಣದುಬ್ಬರ ಹಾಗೂ ಇಂಧನ ಬಿಕ್ಕಟ್ಟಿನ ಆತಂಕವನ್ನು ಹೆಚ್ಚಿಸಿದೆ.

ಬೆಂಗಳೂರು ಸೇರಿದಂತೆ ಪ್ರಮುಖ ನಗರಗಳಲ್ಲಿ ಇಂದಿನ ಚಿನ್ನದ ದರ (ಪ್ರತಿ 10 ಗ್ರಾಂಗೆ)

ಬೆಂಗಳೂರು, ಮುಂಬೈ, ಕೋಲ್ಕತ್ತಾ, ಹೈದರಾಬಾದ್

24 ಕ್ಯಾರೆಟ್ ಚಿನ್ನ: ₹1,46,070

22 ಕ್ಯಾರೆಟ್ ಚಿನ್ನ: ₹1,33,890

18 ಕ್ಯಾರೆಟ್ ಚಿನ್ನ: ₹1,09,550

ದೆಹಲಿಯಲ್ಲಿ ಇಂದಿನ ದರ

24 ಕ್ಯಾರೆಟ್ ಚಿನ್ನ: ₹1,46,220

22 ಕ್ಯಾರೆಟ್ ಚಿನ್ನ: ₹1,34,040

18 ಕ್ಯಾರೆಟ್ ಚಿನ್ನ: ₹1,09,700

1. ಚಿನ್ನ ಖರೀದಿಗೆ ಇದು ಸರಿಯಾದ ಸಮಯವೇ? (Buy on Dip)

ಮಾರುಕಟ್ಟೆ ತಜ್ಞರ ಪ್ರಕಾರ, ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಇಂತಹ ಹಠಾತ್ ಇಳಿಕೆ ಕಂಡುಬಂದಾಗ ಅದನ್ನು 'ಬೈ ಆನ್ ಡಿಪ್' (Buy on Dip) ಅವಕಾಶವೆಂದು ಪರಿಗಣಿಸಬಹುದು. ಮುಂಬರುವ ಮದುವೆ ಸೀಸನ್ ಅಥವಾ ಹಬ್ಬಗಳಿಗೆ ಆಭರಣ ಖರೀದಿಸಲು ಬಯಸುವವರಿಗೆ ಹಾಗೂ ಹೂಡಿಕೆದಾರರಿಗೆ ಇದು ಉತ್ತಮ ಸಮಯವಾಗಿದೆ.

2. 24K, 22K ಮತ್ತು 18K ನಡುವಿನ ವ್ಯತ್ಯಾಸವೇನು?

(ಸಾಮಾನ್ಯ ಗ್ರಾಹಕರಿಗೆ ತಿಳಿಯಬೇಕಾದ ಮಾಹಿತಿ)

24 ಕ್ಯಾರೆಟ್ ಚಿನ್ನ (99.9% ಶುದ್ಧ): ಇದು ಅತ್ಯಂತ ಶುದ್ಧ ಚಿನ್ನ. ನಾಣ್ಯಗಳು ಮತ್ತು ಬಿಸ್ಕೆಟ್‌ಗಳಿಗೆ ಮಾತ್ರ ಬಳಸಲಾಗುತ್ತದೆ (ಆಭರಣ ಮಾಡಲು ಸಾಧ್ಯವಿಲ್ಲ).

22 ಕ್ಯಾರೆಟ್ ಚಿನ್ನ (91.6% ಶುದ್ಧ): ಇದರಲ್ಲಿ ಶೇಕಡ 91.6 ರಷ್ಟು ಚಿನ್ನ ಮತ್ತು ಉಳಿದದ್ದು ತಾಮ್ರ/ಬೆಳ್ಳಿ ಬೆರೆಸಿರುತ್ತಾರೆ. ದಿನನಿತ್ಯ ಬಳಸುವ ಆಭರಣಗಳಿಗೆ ಇದು ಅತ್ಯಂತ ಶ್ರೇಷ್ಠ.

18 ಕ್ಯಾರೆಟ್ ಚಿನ್ನ (75% ಶುದ್ಧ): ಇದು ವಜ್ರ (Diamond) ಹಾಗೂ ಹರಳುಗಳುಳ್ಳ ಆಭರಣಗಳನ್ನು ತಯಾರಿಸಲು ಹೆಚ್ಚು ಸೂಕ್ತ ಮತ್ತು ಗಟ್ಟಿಯಾಗಿರುತ್ತದೆ.

3. ಚಿನ್ನ ಖರೀದಿಸುವಾಗ 'HUID ಹಾಲ್‌ಮಾರ್ಕ್' ಮರೆಯಬೇಡಿ

ಬಂಗಾರದ ಅಂಗಡಿಗೆ ಹೋದಾಗ ಕೇವಲ ಬೆಲೆ ಮಾತ್ರ ನೋಡಬೇಡಿ. ಕೇಂದ್ರ ಸರ್ಕಾರದ ನಿಯಮದ ಪ್ರಕಾರ, ಪ್ರತಿಯೊಂದು ಚಿನ್ನದ ಆಭರಣದ ಮೇಲೂ ಬಿಐಎಸ್ (BIS) ಲೋಗೋ ಮತ್ತು 6 ಅಂಕಿಯ HUID ಕೋಡ್ (Hallmark Unique Identification) ಕಡ್ಡಾಯವಾಗಿ ಇರಬೇಕು. ಇದು ಚಿನ್ನದ ಅಸಲಿ ಶುದ್ಧತೆಯ ಗ್ಯಾರಂಟಿ ನೀಡುತ್ತದೆ.

4. ಮುಂದಿನ ದಿನಗಳಲ್ಲಿ ಬೆಲೆ ಏರುತ್ತಾ? ಇಳಿಯುತ್ತಾ?

ಜಾಗತಿಕ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ಬೆಲೆ ಏರಿಕೆಯಾಗುತ್ತಿರುವುದು ಮತ್ತು ಮಧ್ಯಪ್ರಾಚ್ಯದ ಭೌಗೋಳಿಕ ಉದ್ವಿಗ್ನತೆಯಿಂದಾಗಿ ಹೂಡಿಕೆದಾರರು ಚಿನ್ನವನ್ನು ಸುರಕ್ಷಿತ ಹೂಡಿಕೆ (Safe Haven) ಎಂದು ಪರಿಗಣಿಸುತ್ತಾರೆ. ಹಾಗಾಗಿ ಸದ್ಯದ ಈ ಇಳಿಕೆ ತಾತ್ಕಾಲಿಕವಾಗಿದ್ದು, ಮುಂದಿನ ದಿನಗಳಲ್ಲಿ ಮತ್ತೆ ಬೆಲೆ ಏರಿಕೆಯಾಗುವ ಸಾಧ್ಯತೆ ಇದೆ ಎಂದು ಆರ್ಥಿಕ ತಜ್ಞರು ಎಚ್ಚರಿಸಿದ್ದಾರೆ.

(ಗಮನಿಸಿ: ಇಲ್ಲಿ ನೀಡಲಾಗಿರುವ ದರಗಳು ಮಾರುಕಟ್ಟೆಯ ಮೂಲ ದರಗಳಾಗಿವೆ. ಆಭರಣ ಖರೀದಿಸುವಾಗ ಜಿಎಸ್‌ಟಿ (GST) ಮತ್ತು ಮೇಕಿಂಗ್ ಚಾರ್ಜಸ್ (ತಯಾರಿಕಾ ವೆಚ್ಚ) ಸೇರ್ಪಡೆಯಾಗುವುದರಿಂದ ಅಂತಿಮ ಬೆಲೆ ವ್ಯತ್ಯಾಸವಾಗಬಹುದು).

ಒಂದೇ ಒಂದು ಗೇಮ್ ಫ್ಲಾಪ್ ಆಗಿದ್ದಕ್ಕೆ ಸ್ಟುಡಿಯೋ ಮುಚ್ಚಿದ ದೈತ್ಯ ಗೇಮಿಂಗ್ ಕಂಪನಿ, 400 ಉದ್ಯೋಗಿಗಳ ವಜಾ!

Gowthami K — Thu, 22 Oct 2026 11:28:29 +0530

ವೀಡಿಯೊ ಗೇಮಿಂಗ್ ಉದ್ಯಮದಲ್ಲಿ ಬಹುದೊಡ್ಡ ಪಲ್ಲಟವೊಂದು ಸಂಭವಿಸಿದೆ. ಪ್ರಪಂಚದಾದ್ಯಂತ ಕೋಟ್ಯಂತರ ಗೇಮರ್‌ಗಳ ಮನಗೆದ್ದಿದ್ದ 'ಮಾಸ್ ಎಫೆಕ್ಟ್' ಮತ್ತು 'ಡ್ರ್ಯಾಗನ್ ಏಜ್' ನಂತಹ ರೋಲ್ ಪ್ಲೇಯಿಂಗ್ ಆಟಗಳ ಸೃಷ್ಟಿಕರ್ತ, ಕೆನಡಾ ಮೂಲದ ಖ್ಯಾತ ‘ಬಯೋವೇರ್’ ಸ್ಟುಡಿಯೋವನ್ನು ಸಂಪೂರ್ಣವಾಗಿ ಮುಚ್ಚಲು ದೈತ್ಯ ಗೇಮಿಂಗ್ ಪ್ರಕಾಶಕ ಎಲೆಕ್ಟ್ರಾನಿಕ್ ಆರ್ಟ್ಸ್ ನಿರ್ಧರಿಸಿದೆ. ಈ ಕುರಿತು ಕಂಪನಿಯು ತನ್ನ ಉದ್ಯೋಗಿಗಳಿಗೆ ಆಂತರಿಕ ಇಮೇಲ್ ಹಾಗೂ ಅಧಿಕೃತ ಬ್ಲಾಗ್ ಮೂಲಕ ಮಾಹಿತಿ ರವಾನಿಸಿದೆ.

ಮೂರೂವರೆ ದಶಕಗಳ ಸುದೀರ್ಘ ಇತಿಹಾಸ ಹೊಂದಿರುವ ಬಯೋವೇರ್ ಸ್ಟುಡಿಯೋದ ಅಂತ್ಯದೊಂದಿಗೆ, ಆರಂಭಿಕ ಹಂತದಲ್ಲಿದ್ದ ಮುಂಬರುವ 'ಮಾಸ್ ಎಫೆಕ್ಟ್' ಯೋಜನೆಯನ್ನೂ ಸಂಪೂರ್ಣವಾಗಿ ರದ್ದುಗೊಳಿಸಲಾಗಿದೆ.

400 ಉದ್ಯೋಗಿಗಳ ವಜಾ, ಶೇ. 3 ರಷ್ಟು ಸಿಬ್ಬಂದಿಗೆ ಕೋಕ್!

ಬ್ಲೂಮ್‌ಬರ್ಗ್ ವರದಿಯ ಪ್ರಕಾರ, ಪ್ರಸ್ತುತ ಜಾಗತಿಕ ಗೇಮಿಂಗ್ ಮಾರುಕಟ್ಟೆಯಲ್ಲಿನ ಹಿನ್ನಡೆ ಹಾಗೂ ಕಂಪನಿಯ ಮರುರಚನೆಯ (Restructuring) ಭಾಗವಾಗಿ ಇಎ ಸುಮಾರು 400 ಉದ್ಯೋಗಿಗಳನ್ನು ಕೆಲಸದಿಂದ ವಜಾಗೊಳಿಸುತ್ತಿದೆ. ಇದು ಕಂಪನಿಯ ಒಟ್ಟು ಉದ್ಯೋಗಿಗಳ ಸರಿಸುಮಾರು ಶೇ. 3 ರಷ್ಟಾಗಿದೆ. ಈ ವಜಾ ಪಟ್ಟಿಯಲ್ಲಿ ಕೆನಡಾದ ಎಡ್ಮಂಟನ್‌ನಲ್ಲಿರುವ ಬಯೋವೇರ್ ಸ್ಟುಡಿಯೋದ ಸುಮಾರು 50 ಪ್ರಮುಖ ಗೇಮ್ ಡೆವಲಪರ್‌ಗಳು ಸೇರಿದ್ದಾರೆ. ಉದ್ಯೋಗ ಕಳೆದುಕೊಳ್ಳುವ ಸಿಬ್ಬಂದಿಗೆ ಇಎ ಸಂಸ್ಥೆಯೊಳಗಿನ ಇತರ ವಿಭಾಗಗಳಲ್ಲಿ ಅವಕಾಶಗಳನ್ನು ಹುಡುಕಲು ನೆರವಾಗುವುದಾಗಿ ಭರವಸೆ ನೀಡಲಾಗಿದೆ.

ಮುಚ್ಚುವಿಕೆಗೆ ಪ್ರಮುಖ ಕಾರಣವೇನು?

ಇಎ ಸಂಸ್ಥೆಯ ಮುಖ್ಯ ಸ್ಟುಡಿಯೋಸ್ ಅಧಿಕಾರಿ ಕ್ಯಾಮ್ ವೆಬರ್ ಹಾಗೂ ಮುಖ್ಯ ಕಾರ್ಯಾಚರಣಾ ಅಧಿಕಾರಿ ಡೇವಿಡ್ ಟಿನ್ಸನ್, "ಕಳೆದ ಕೆಲವು ತಿಂಗಳುಗಳಿಂದ ನಾವು ನಮ್ಮ ಆರ್ಥಿಕ ಹಾಗೂ ತಾಂತ್ರಿಕ ಪ್ರಗತಿಯನ್ನು ಕೂಲಂಕಷವಾಗಿ ಪರಿಶೀಲಿಸಿದ್ದೇವೆ. ಅತ್ಯಂತ ಕಠಿಣ ಮನಸ್ಸಿನಿಂದ ಈ ನಿರ್ಧಾರಕ್ಕೆ ಬರಲಾಗಿದೆ ಎಂದು ತಿಳಿಸಿದ್ದಾರೆ.

ಬಯೋವೇರ್ ಮುಚ್ಚಲು ಮುಖ್ಯ ಕಾರಣವೆಂದರೆ, ಇತ್ತೀಚೆಗೆ ಬಿಡುಗಡೆಯಾದ 'ಡ್ರ್ಯಾಗನ್ ಏಜ್: ದಿ ವೀಲ್‌ಗಾರ್ಡ್' ಗೇಮ್ ಮಾರುಕಟ್ಟೆಯಲ್ಲಿ ನಿರೀಕ್ಷಿತ ಮಟ್ಟದ ಮಾರಾಟ ಕಾಣದಿರುವುದು. ಇದು ಕಂಪನಿಗೆ ಭಾರಿ ಆರ್ಥಿಕ ಹಿನ್ನಡೆ ಉಂಟುಮಾಡಿತ್ತು.

55 ಬಿಲಿಯನ್ ಡಾಲರ್ ಒಪ್ಪಂದ ಮತ್ತು ಆರ್ಥಿಕ ಒತ್ತಡ:

ಸೌದಿ ಅರೇಬಿಯಾದ ಸಾರ್ವಜನಿಕ ಹೂಡಿಕೆ ನಿಧಿ , ಸಿಲ್ವರ್ ಲೇಕ್ ಮತ್ತು ಅಫಿನಿಟಿ ಪಾರ್ಟ್‌ನರ್ಸ್ ನೇತೃತ್ವದಲ್ಲಿ ಇಎ ಸಂಸ್ಥೆಯನ್ನು $55 ಬಿಲಿಯನ್ ವೆಚ್ಚದಲ್ಲಿ ಖಾಸಗೀಕರಣಗೊಳಿಸಲಾಗಿತ್ತು. ಈ ಬೃಹತ್ ಒಪ್ಪಂದದ ಪರಿಣಾಮವಾಗಿ ಇಎ ಕಂಪನಿಯ ಮೇಲೆ ಸುಮಾರು $18 ಶತಕೋಟಿ ಸಾಲದ ಹೊರೆ ಬಿದ್ದಿತ್ತು. ಈ ವೆಚ್ಚವನ್ನು ಸರಿದೂಗಿಸಲು ಮತ್ತು ಹೂಡಿಕೆದಾರರಿಗೆ $700 ಮಿಲಿಯನ್ ಉಳಿಸುವ ನಿಟ್ಟಿನಲ್ಲಿ ಇಎ ಭಾರಿ ವೆಚ್ಚ ಕಡಿತ ಮತ್ತು ಉದ್ಯೋಗಿಗಳ ವಜಾ ಕಾರ್ಯಕ್ಕೆ ಕೈಹಾಕಿದೆ.

ಇಎ ಸಂಸ್ಥೆಯ ಮುಂದಿನ ಯೋಜನೆಗಳೇನು?

ಬಯೋವೇರ್ ಮುಚ್ಚಿದರೂ, ಹೆಚ್ಚು ಲಾಭದಾಯಕ ಹಾಗೂ ಬೃಹತ್ ಮಟ್ಟದ ಆಕ್ಷನ್ ಗೇಮ್‌ಗಳ ಮೇಲೆ ಗಮನ ಹರಿಸುವುದಾಗಿ ಇಎ ಸ್ಪಷ್ಟಪಡಿಸಿದೆ.

ಸ್ಟಾರ್ ವಾರ್ಸ್ ಮತ್ತು ಮಾರ್ವೆಲ್: ಮುಂಬರುವ 'ಮಾರ್ವೆಲ್ಸ್ ಐರನ್ ಮ್ಯಾನ್' ಮತ್ತು ಮುಂದಿನ 'ಸ್ಟಾರ್ ವಾರ್ಸ್ ಜೇಡಿ' ಗೇಮ್‌ಗಳ ಅಭಿವೃದ್ಧಿ ಮುಂದುವರಿಯಲಿದೆ.

ಬ್ಯಾಟಲ್‌ಫೀಲ್ಡ್ ಜಂಟಿ ಯೋಜನೆ: ರಿಸ್ಪಾನ್ ಮತ್ತು ಡೈಸ್ ಸ್ಟುಡಿಯೋಗಳು ಸೇರಿ ಹೊಸ 'ಬ್ಯಾಟಲ್‌ಫೀಲ್ಡ್' ಹಾಗೂ 'ಸ್ಟಾರ್ ವಾರ್ಸ್: ಬ್ಯಾಟಲ್‌ಫ್ರಂಟ್' ಸರಣಿಯ ಮುಂದಿನ ಭಾಗದ ಕೆಲಸಗಳಲ್ಲಿ ಭಾಗಿಯಾಗಲಿವೆ.

ಇಎ ಸ್ಪೋರ್ಟ್ಸ್ ಮತ್ತು ಬಾಕ್ಸಿಂಗ್: ಇಎ ಸ್ಪೋರ್ಟ್ಸ್ ವಿಭಾಗದಲ್ಲಿ ಪ್ರಾಜೆಕ್ಟ್ ಗ್ರಿಡಿರಾನ್ ಎಂಬ ಓಪನ್-ವರ್ಲ್ಡ್ ಅಮೇರಿಕನ್ ಫುಟ್‌ಬಾಲ್ ಆಟ ಮತ್ತು ಪ್ರಸಿದ್ಧ 'ಫೈಟ್ ನೈಟ್' ಬಾಕ್ಸಿಂಗ್ ಸರಣಿಯ ಪುನರಾಗಮನಕ್ಕೆ ಸಿದ್ಧತೆ ನಡೆಯುತ್ತಿದೆ.

IND vs NZ ಮೊದಲ ಟಿ20 ಪಂದ್ಯ ಮಳೆಯಿಂದ ರದ್ದಾಗುತ್ತಾ? ಕ್ರೈಸ್ಟ್‌ಚರ್ಚ್‌ ಹವಾಮಾನ ವರದಿ ಏನು?

Naveen Kodase — Thu, 22 Oct 2026 11:26:58 +0530

ಕ್ರೈಸ್ಟ್‌ಚರ್ಚ್: ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಐದು ಪಂದ್ಯಗಳ ಟಿ20 ಸರಣಿಯು ಇಂದಿನಿಂದ ಆರಂಭವಾಗಲಿದೆ. ಇನ್ನು ಈ ಪಂದ್ಯಕ್ಕೆ ಮಳೆಯ ಭೀತಿ ಎದುರಾಗಿದೆ. ಅಷ್ಟಕ್ಕೂ ಇಂದಿನ ಹವಾಮಾನ ವರದಿ ಹೇಗಿದೆ? ಪಂದ್ಯ ರದ್ದಾಗುವ ಸಾಧ್ಯತೆ ಎಷ್ಟು ನೋಡೋಣ ಬನ್ನಿ.

ಕ್ರೈಸ್ಟ್‌ಚರ್ಚ್‌ನಲ್ಲಿಂದು ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಮೊದಲ ಟಿ20 ಪಂದ್ಯ ಆರಂಭವಾಗಲಿದೆ. ಈ ಹೈವೋಲ್ಟೇಜ್ ಮ್ಯಾಚ್ ಕಣ್ತುಂಬಿಕೊಳ್ಳಲು ಕ್ರಿಕೆಟ್ ಅಭಿಮಾನಿಗಳು ತುದಿಗಾಲಿನಲ್ಲಿ ನಿಂತಿದ್ದಾರೆ. ಎರಡು ತಂಡಗಳು ಮೊದಲ ಪಂದ್ಯವನ್ನು ಗೆದ್ದು ಸರಣಿಯಲ್ಲಿ ಶುಭಾರಂಭ ಮಾಡಲು ಎದುರು ನೋಡುತ್ತಿವೆ.

ಮೇಲ್ನೋಟಕ್ಕೆ ಶ್ರೇಯಸ್ ಅಯ್ಯರ್ ನೇತೃತ್ವದ ಟೀಂ ಇಂಡಿಯಾ, ಸಾಕಷ್ಟು ಸಮತೋಲಿತವಾಗಿ ಕಂಡು ಬರುತ್ತಿದೆ. ಇನ್ನು ಇದೆಲ್ಲದರ ನಡುವೆ ಮೊದಲ ಪಂದ್ಯಕ್ಕೆ ಮಳೆರಾಯ ಅಡ್ಡಿಪಡಿಸುವ ಸಾಧ್ಯತೆಯೂ ಇದೆ. ಈ ಹಿಂದೆ ಭಾರತ ಹಾಗೂ ವೆಸ್ಟ್ ಇಂಡೀಸ್ ನಡುವಿನ ಐದನೇ ಹಾಗೂ ನಿರ್ಣಾಯಕ ಟಿ20 ಪಂದ್ಯವು ಮಳೆಯಿಂದ ಅರ್ಧಕ್ಕೆ ರದ್ದಾಗಿತ್ತು. ಇದೀಗ ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಪಂದ್ಯಕ್ಕೂ ಮಳೆ ಅಡ್ಡಿಪಡಿಸುವ ಸಾಧ್ಯತೆಯಿದೆ.

ಕ್ರೈಸ್ಟ್‌ಚರ್ಚ್‌ನ ಹವಾಮಾನ ವರದಿ ಏನು?

AccuWeather ವರದಿಯ ಪ್ರಕಾರ ಕ್ರೈಸ್ಟ್‌ಚರ್ಚ್‌ನಲ್ಲಿ ತಾಪಮಾನ 9 ಡಿಗ್ರಿ ಸೆಲ್ಸಿಯಸ್‌ಗೆ ಕುಸಿಯುವ ಸಾಧ್ಯತೆಯಿದೆ. ಹೀಗಾಗಿ ಭಾರತೀಯ ಆಟಗಾರರು ತಣ್ಣನೆಯ ವಾತಾವರಣದಲ್ಲಿ ಆಡಬೇಕಾದ ಒತ್ತಡಕ್ಕೆ ಒಳಗಾಗಲಿದ್ದಾರೆ. ಭಾರತದ ವಾತಾವರಣಕ್ಕೂ ನ್ಯೂಜಿಲೆಂಡ್‌ನ ವಾತಾವರಣಕ್ಕೂ ಸಾಕಷ್ಟು ವ್ಯತ್ಯಾಸವಿದೆ. ಇದಷ್ಟೇ ಅಲ್ಲದೇ ಪಂದ್ಯ ನಡೆಯುವ ಸಂದರ್ಭದಲ್ಲಿ ಗಂಟೆಗೆ 26 ಕಿಲೋಮೀಟರ್ ವೇಗದಲ್ಲಿ ಗಾಳಿ ಬೀಸುವ ಸಾಧ್ಯತೆಯಿದೆ. ಪಂದ್ಯ ನಡೆಯುವಾಗ ಮೈದಾನದ ಸುತ್ತಮುತ್ತ 42% ಕಪ್ಪು ಮೋಡ ಕವಿಯುವ ನಿರೀಕ್ಷೆಯಿದ್ದು, ಪಂದ್ಯದ ನಡುವೆ ಆಗಾಗ ಮಳೆ ಬರುವ ಸಾಧ್ಯತೆಯೂ ಇದೆ.

ಭಾರತ ಹಾಗೂ ನ್ಯೂಜಿಲೆಂಡ್ ನಡುವಿನ ಪಂದ್ಯಕ್ಕೆ ಮಳೆ ಅಡ್ಡಿಪಡಿಸುವ ಸಾಧ್ಯತೆಯಿದ್ದರೂ, ಸಂಪೂರ್ಣ ಮ್ಯಾಚ್ ರದ್ದಾಗುವ ಸಾಧ್ಯತೆ ಕಡಿಮೆ. ಇನ್ನು ಭಾರತೀಯ ಕಾಲಮಾನ 12.30ಕ್ಕೆ ಈ ಹೈವೋಲ್ಟೇಜ್ ಆರಂಭವಾಗಲಿದ್ದು, ಸೋನಿ ಸ್ಪೋರ್ಟ್ಸ್‌ ನೆಟ್‌ವರ್ಕ್‌ನಲ್ಲಿ ನೇರಪ್ರಸಾರವಾಗಲಿದೆ.

ಮೊದಲ ಪಂದ್ಯಕ್ಕೆ ಭಾರತ ಸಂಭಾವ್ಯ ತಂಡ:

ಸಂಜು ಸ್ಯಾಮ್ಸನ್(ವಿಕೆಟ್ ಕೀಪರ್), ಅಭಿಷೇಕ್ ಶರ್ಮಾ, ಇಶಾನ್ ಕಿಶನ್, ಶ್ರೇಯಸ್ ಅಯ್ಯರ್(ನಾಯಕ), ತಿಲಕ್ ವರ್ಮಾ, ಶಿವಂ ದುಬೆ, ನಿತೀಶ್ ಕುಮಾರ್ ರೆಡ್ಡಿ, ಅಕ್ಷರ್ ಪಟೇಲ್, ಭುವನೇಶ್ವರ್ ಕುಮಾರ್, ಪ್ರಿನ್ಸ್ ಯಾದವ್, ಅರ್ಶದೀಪ್ ಸಿಂಗ್

ಮೊದಲ ಪಂದ್ಯಕ್ಕೆ ನ್ಯೂಜಿಲೆಂಡ್ ಸಂಭಾವ್ಯ ತಂಡ:

ಫಿಲ್ ಅಲೆನ್, ಟಿಮ್ ಸೀಫರ್ಟ್(ವಿಕೆಟ್ ಕೀಪರ್), ಡೆವೊನ್ ಕಾನ್‌ವೇ, ಗ್ಲೆನ್ ಫಿಲಿಫ್ಸ್, ಡೇರಲ್ ಮಿಚೆಲ್, ಮೈಕಲ್ ಬ್ರಾಸ್‌ವೆಲ್, ಮಿಚೆಲ್ ಸ್ಯಾಂಟ್ನರ್(ನಾಯಕ), ನೇಥನ್ ಸ್ಮಿತ್, ಕೈಲ್ ಜೇಮಿಸನ್, ಮ್ಯಾಟ್ ಹೆನ್ರಿ, ಲಾಕಿ ಫರ್ಗ್ಯೂಸನ್.

Premada Oorali: ಸುದೀಪ್‌, ಪುನೀತ್‌ ಸಿನಿಮಾಗಳನ್ನೇ ಹಿಂದಿಕ್ಕಿದ ‘ಪ್ರೇಮದ ಊರಲ್ಲಿ’; ಕನ್ನಡದ ಟಾಪ್‌ 6 ಚಿತ್ರಗಳ ಪಟ್ಟಿಗೆ ಎಂಟ್ರಿ!

Sushma Hegde — Thu, 22 Oct 2026 11:24:45 +0530

ಕನ್ನಡ ಚಿತ್ರರಂಗದಲ್ಲಿ ಸಣ್ಣ ಬಜೆಟ್‌ನ ಸಿನಿಮಾವೊಂದು ಬಾಕ್ಸ್‌ ಆಫೀಸ್‌ನಲ್ಲಿ ದೊಡ್ಡ ದಾಖಲೆ ಬರೆದಿದೆ. ಆರಂಭದಲ್ಲಿ ಚಿತ್ರಮಂದಿರಗಳಲ್ಲಿ ಶೋ ಪಡೆಯುವುದಕ್ಕೂ ಪರದಾಡಿದ್ದ ‘ಪ್ರೇಮದ ಊರಲ್ಲಿ’ ಸಿನಿಮಾ ಈಗ ವಿಶ್ವಾದ್ಯಂತ ಸುಮಾರು ₹105 ಕೋಟಿ ಗಳಿಸಿ, ಅತಿ ಹೆಚ್ಚು ಕಲೆಕ್ಷನ್‌ ಮಾಡಿದ ಕನ್ನಡ ಚಿತ್ರಗಳ ಪಟ್ಟಿಯಲ್ಲಿ ಆರನೇ ಸ್ಥಾನಕ್ಕೇರಿದೆ ಎಂದು ವರದಿಯಾಗಿದೆ. ವಿಶೇಷವೆಂದರೆ, ಸುದೀಪ್‌ ನಟನೆಯ ‘ವಿಕ್ರಾಂತ್‌ ರೋಣ’ ಮತ್ತು ಪುನೀತ್‌ ರಾಜ್‌ಕುಮಾರ್‌ ಅಭಿನಯದ ‘ಜೇಮ್ಸ್‌’ ಸಿನಿಮಾಗಳ ಕಲೆಕ್ಷನ್‌ ಅನ್ನೂ ಈ ಚಿತ್ರ ಹಿಂದಿಕ್ಕಿದೆ ಎನ್ನಲಾಗಿದೆ.

₹100 ಕೋಟಿ ಕ್ಲಬ್‌ ಸೇರಿದ ‘ಪ್ರೇಮದ ಊರಲ್ಲಿ’

ಚಿತ್ರರಂಗದ ಬಾಕ್ಸ್‌ ಆಫೀಸ್‌ ಮಾಹಿತಿ ನೀಡುವ Sacnilk ಪ್ರಕಾರ, ‘ಪ್ರೇಮದ ಊರಲ್ಲಿ’ ಸಿನಿಮಾ ವಿಶ್ವಾದ್ಯಂತ ₹102.19 ಕೋಟಿ ಗಳಿಸಿತ್ತು. 27ನೇ ದಿನವೂ ₹2.37 ಕೋಟಿ ಗಳಿಕೆ ಕಂಡಿದ್ದು, ಒಟ್ಟು ಕಲೆಕ್ಷನ್‌ ₹105 ಕೋಟಿಯ ಸಮೀಪಕ್ಕೆ ತಲುಪಿದೆ ಎಂದು ವರದಿಯಾಗಿದೆ. 26ನೇ ದಿನ ಭಾರತದಲ್ಲಿ 943 ಶೋಗಳ ಮೂಲಕ ₹4.25 ಕೋಟಿ ಗ್ರಾಸ್‌ ಕಲೆಕ್ಷನ್‌ ಮಾಡಿದ್ದರೆ, ವಿದೇಶಗಳಲ್ಲಿ ₹20 ಲಕ್ಷ ಗಳಿಸಿತ್ತು. ಆ ದಿನದ ಒಟ್ಟು ಗಳಿಕೆ ₹4.45 ಕೋಟಿ ಆಗಿತ್ತು. ಚಿತ್ರಕ್ಕೆ ಸುಮಾರು ಶೇ.72ರಷ್ಟು ಆಕ್ಯುಪೆನ್ಸಿ ದಾಖಲಾಗಿದ್ದು, ಈವರೆಗೆ 57 ಲಕ್ಷಕ್ಕೂ ಹೆಚ್ಚು ಪ್ರೇಕ್ಷಕರು ಸಿನಿಮಾ ವೀಕ್ಷಿಸಿದ್ದಾರೆ ಎನ್ನಲಾಗಿದೆ. ಈ ಅಂಕಿಅಂಶಗಳು ಚಿತ್ರದ ಮೂಲ ಕನ್ನಡ ಆವೃತ್ತಿಗೆ ಸಂಬಂಧಿಸಿವೆ. ಕನ್ನಡದಲ್ಲಿ ಸಿಕ್ಕಿರುವ ಯಶಸ್ಸಿನ ಬೆನ್ನಲ್ಲೇ ಚಿತ್ರತಂಡ ತೆಲುಗಿನಲ್ಲಿ ‘ಪ್ರೇಮನೆ ಊರಿಲೋ’ ಎಂಬ ಹೆಸರಿನಲ್ಲಿ ಬಿಡುಗಡೆ ಮಾಡಲು ಯೋಜಿಸಿದೆ. ತಮಿಳು, ಮಲಯಾಳಂ ಮತ್ತು ಹಿಂದಿ ಡಬ್ಬಿಂಗ್‌ ಆವೃತ್ತಿಗಳ ಬಗ್ಗೆಯೂ ಚರ್ಚೆಗಳು ನಡೆಯುತ್ತಿವೆ ಎಂದು ವರದಿಯಾಗಿದೆ.

ಸುದೀಪ್‌, ಪುನೀತ್‌ ಸಿನಿಮಾಗಳನ್ನು ಹಿಂದಿಕ್ಕಿದ ಚಿತ್ರ

ವಿಶ್ವಾದ್ಯಂತದ ಗಳಿಕೆಯ ಆಧಾರದಲ್ಲಿ ‘ಪ್ರೇಮದ ಊರಲ್ಲಿ’ ಕನ್ನಡದ ಅತಿ ಹೆಚ್ಚು ಗಳಿಕೆ ಮಾಡಿದ ಚಿತ್ರಗಳ ಪಟ್ಟಿಯಲ್ಲಿ ಆರನೇ ಸ್ಥಾನ ಪಡೆದಿದೆ ಎನ್ನಲಾಗಿದೆ. ಈ ಮೂಲಕ ಸುದೀಪ್‌ ಅಭಿನಯದ ‘ವಿಕ್ರಾಂತ್‌ ರೋಣ’ ಮತ್ತು ಪುನೀತ್‌ ರಾಜ್‌ಕುಮಾರ್‌ ನಟನೆಯ ‘ಜೇಮ್ಸ್‌’ ಸಿನಿಮಾಗಳನ್ನು ಹಿಂದಿಕ್ಕಿದೆ.

ವರದಿಯಲ್ಲಿ ಉಲ್ಲೇಖಿಸಿರುವ ಕಲೆಕ್ಷನ್‌ ಪಟ್ಟಿಯ ಪ್ರಕಾರ, ಕನ್ನಡದ ಅತಿ ಹೆಚ್ಚು ಗಳಿಕೆ ಮಾಡಿದ ಮೊದಲ ಐದು ಸಿನಿಮಾಗಳು ಹೀಗಿವೆ:

1. ಕೆಜಿಎಫ್‌: ಚಾಪ್ಟರ್‌ 2

2. ಕಾಂತಾರ: ಚಾಪ್ಟರ್‌ 1

3. ಕಾಂತಾರ

4. ಟಾಕ್ಸಿಕ್‌: ಎ ಫೇರಿಟೇಲ್‌ ಫಾರ್‌ ಗ್ರೋನ್‌-ಅಪ್ಸ್‌

5. ಕೆಜಿಎಫ್‌: ಚಾಪ್ಟರ್‌ 1

ಆದರೆ ಬಾಕ್ಸ್‌ ಆಫೀಸ್‌ ಗಳಿಕೆಯ ಅಂಕಿಅಂಶಗಳು ವಿವಿಧ ಮೂಲಗಳಲ್ಲಿ ಬದಲಾಗಬಹುದು. ಹೀಗಾಗಿ ಈ ಸ್ಥಾನಮಾನವನ್ನು ವರದಿಯಲ್ಲಿ ಉಲ್ಲೇಖಿಸಿರುವ ಅಂಕಿಅಂಶಗಳ ಆಧಾರದಲ್ಲಿ ನೋಡಬೇಕಿದೆ.

₹2.5 ಕೋಟಿ ಬಜೆಟ್‌ಗೆ ₹105 ಕೋಟಿ ಗಳಿಕೆ!

‘ಪ್ರೇಮದ ಊರಲ್ಲಿ’ ಸಿನಿಮಾದ ಯಶಸ್ಸಿನ ಮತ್ತೊಂದು ವಿಶೇಷವೆಂದರೆ ಅದರ ಕಡಿಮೆ ನಿರ್ಮಾಣ ವೆಚ್ಚ. ಸುಮಾರು ₹2.5 ಕೋಟಿ ಬಜೆಟ್‌ನಲ್ಲಿ ನಿರ್ಮಾಣವಾದ ಈ ಚಿತ್ರ ₹105 ಕೋಟಿ ಗಳಿಸಿದ್ದರೆ, ಅದರ ವಿಶ್ವಾದ್ಯಂತದ ಗ್ರಾಸ್‌ ಕಲೆಕ್ಷನ್‌ ಬಜೆಟ್‌ನ ಸುಮಾರು 42 ಪಟ್ಟು ಆಗುತ್ತದೆ. ಇದರಿಂದ ಚಿತ್ರಕ್ಕೆ ಭಾರಿ ಪ್ರಮಾಣದ ವಾಣಿಜ್ಯ ಯಶಸ್ಸು ಸಿಕ್ಕಿರುವುದು ಸ್ಪಷ್ಟವಾಗುತ್ತದೆ. ಆದರೆ ಗ್ರಾಸ್‌ ಕಲೆಕ್ಷನ್‌ ಸಂಪೂರ್ಣವಾಗಿ ನಿರ್ಮಾಪಕರಿಗೆ ಲಾಭವಾಗಿ ಸಿಗುವುದಿಲ್ಲ. ಚಿತ್ರಮಂದಿರಗಳ ಪಾಲು, ವಿತರಣೆ ವೆಚ್ಚ ಮತ್ತು ಇತರ ಖರ್ಚುಗಳನ್ನು ಪರಿಗಣಿಸಿದಾಗ ನಿಜವಾದ ಲಾಭದ ಲೆಕ್ಕ ಬದಲಾಗುತ್ತದೆ.

ಐದು ವರ್ಷ ಕೆಲಸವಿಲ್ಲದೆ ಪರದಾಡಿದ್ದ ನಿರ್ದೇಶಕ!

‘ಪ್ರೇಮದ ಊರಲ್ಲಿ’ ಯಶಸ್ಸಿನ ಹಿಂದೆ ನಿರ್ದೇಶಕ ಮನೋಜ್‌ ಕುಮಾರ್‌ ಅವರ ಸುದೀರ್ಘ ಹೋರಾಟದ ಕಥೆಯೂ ಇದೆ. ಅವರು ತಮ್ಮ ವೃತ್ತಿಜೀವನವನ್ನು ಕರ್ನಾಟಕದ ಸಿಂಗಲ್‌ ಸ್ಕ್ರೀನ್‌ ಚಿತ್ರಮಂದಿರಗಳಲ್ಲಿ ಟಾರ್ಚ್‌ಬಾಯ್‌ ಆಗಿ ಆರಂಭಿಸಿದ್ದರು. ಬಳಿಕ 2021ರಲ್ಲಿ ‘ಅಕ್ಷಿ’ ಚಿತ್ರದ ಮೂಲಕ ನಿರ್ದೇಶಕರಾಗಿ ಪಾದಾರ್ಪಣೆ ಮಾಡಿದರು. ಈ ಸಿನಿಮಾ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಯನ್ನೂ ಗೆದ್ದಿತ್ತು. ಆದರೂ ಪ್ರಶಸ್ತಿ ಪಡೆದ ನಂತರವೂ ಅವರಿಗೆ ಸುಮಾರು ಐದು ವರ್ಷಗಳ ಕಾಲ ಸೂಕ್ತ ಕೆಲಸ ಸಿಗದೆ ಪರದಾಡಬೇಕಾಯಿತು ಎಂದು ವರದಿಯಾಗಿದೆ. ‘ಆರ್ಟ್‌ ಸಿನಿಮಾಗಳಿಂದ ಹಣ ಗಳಿಸಲು ಸಾಧ್ಯವಿಲ್ಲ’ ಎಂಬ ಅಭಿಪ್ರಾಯದಿಂದಾಗಿ ಹಲವು ಮಂದಿ ಅವರ ಯೋಜನೆಗಳಿಗೆ ಒಪ್ಪಿಗೆ ನೀಡಿರಲಿಲ್ಲ ಎನ್ನಲಾಗಿದೆ.

ಈ ಮನಸ್ಥಿತಿಯನ್ನು ಬದಲಿಸಬೇಕೆಂದು ನಿರ್ಧರಿಸಿದ ಮನೋಜ್‌ ಕುಮಾರ್‌, ಐದು ವರ್ಷಗಳ ಕಾಲ ಭಾವನಾತ್ಮಕ ಕಥೆಯೊಂದನ್ನು ಕಮರ್ಷಿಯಲ್‌ ಶೈಲಿಯಲ್ಲಿ ರೂಪಿಸಿದರು. ಟಿವಿ ನಟರಾದ ಶ್ರೀರಾಮ್‌ ಮತ್ತು ರಮಿಳಾ ಶಿವು, ಚಿತ್ರನಟರಾದ ತಪಸ್ವಿನಿ ಪೂಣಚ್ಚ ಹಾಗೂ ರಂಗಾಯಣ ರಘು ಅವರನ್ನು ಪ್ರಮುಖ ಪಾತ್ರಗಳಲ್ಲಿ ಆಯ್ಕೆ ಮಾಡಿಕೊಂಡರು. ಸೀಮಿತ ಬಜೆಟ್‌ನಲ್ಲಿ ಕರ್ನಾಟಕದ ದೂರದ ಪ್ರದೇಶವೊಂದರಲ್ಲಿ ಚಿತ್ರೀಕರಣ ನಡೆಸಲಾಯಿತು.

ಕೇವಲ 60 ಶೋಗಳಿಂದ ಆರಂಭವಾದ ಸಿನಿಮಾ!

ಚಿತ್ರ ಬಿಡುಗಡೆಗೆ ಸಿದ್ಧವಾದಾಗಲೂ ನಿರೀಕ್ಷಿತ ಪ್ರಮಾಣದಲ್ಲಿ ಚಿತ್ರಮಂದಿರಗಳು ಸಿಕ್ಕಿರಲಿಲ್ಲ. ಆರಂಭದಲ್ಲಿ ಕೇವಲ 60 ಶೋಗಳನ್ನು ಪಡೆಯಲು ಸಾಧ್ಯವಾಗಿತ್ತು ಎಂದು ವರದಿಯಾಗಿದೆ. ಪ್ರಚಾರವೂ ಕಡಿಮೆ ಇದ್ದ ಕಾರಣ ಚಿತ್ರ ಪ್ರೇಕ್ಷಕರನ್ನು ತಲುಪುತ್ತದೆಯೇ ಎಂಬ ಅನುಮಾನ ಚಿತ್ರತಂಡವನ್ನು ಕಾಡಿತ್ತು. ಆಗ ಚಿತ್ರತಂಡ ವಿಭಿನ್ನ ಪ್ರಚಾರದ ಹಾದಿ ಹಿಡಿಯಿತು. ಮದುವೆ ಆಮಂತ್ರಣ ಪತ್ರಿಕೆಯ ಮಾದರಿಯಲ್ಲಿ ಕಾರ್ಡ್‌ಗಳನ್ನು ಮುದ್ರಿಸಿ, ರಸ್ತೆಯಲ್ಲಿ ಜನರಿಗೆ ಹಂಚಿ ಸಿನಿಮಾ ನೋಡುವಂತೆ ಮನವಿ ಮಾಡಿತು.

ಮೊದಲ ದಿನ ಚಿತ್ರಕ್ಕೆ ಕೇವಲ ₹9 ಲಕ್ಷ ಗಳಿಕೆ ಬಂದಿತ್ತು. ಆದರೆ ಸಿನಿಮಾ ನೋಡಿದ ಪ್ರೇಕ್ಷಕರಿಂದ ಸಕಾರಾತ್ಮಕ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದಂತೆ, ಬಾಯಿಮಾತಿನ ಪ್ರಚಾರ ಹೆಚ್ಚಾಯಿತು. ದೊಡ್ಡ ಮಟ್ಟದ ಜಾಹೀರಾತುಗಳಿಲ್ಲದಿದ್ದರೂ ಜನರ ಶಿಫಾರಸಿನಿಂದ ಚಿತ್ರಮಂದಿರಗಳಿಗೆ ಪ್ರೇಕ್ಷಕರು ಬರಲಾರಂಭಿಸಿದರು. ಹೀಗೆ ಸಣ್ಣ ಬಜೆಟ್‌ನ ಸಿನಿಮಾ ದೊಡ್ಡ ಮಟ್ಟದ ಯಶಸ್ಸಿನತ್ತ ಮುನ್ನಡೆಯಿತು.

Ballari: ಹುಟ್ಟಿದ ಕಂದ ಸುಖಪಟ್ಟಿತಲೇ ಪರಾಕ್: ಮೈಲಾರ ಲಿಂಗೇಶ್ವರನ ನಿಗೂಢ ಭವಿಷ್ಯವಾಣಿ!

Kannadaprabha News — Thu, 22 Oct 2026 11:24:23 +0530

ಬಳ್ಳಾರಿ: ಕುರುಗೋಡು ತಾಲೂಕಿನ ಯರಿಂಗಳಿಗಿ ಗ್ರಾಮದ ಮೈಲಾರ ಲಿಂಗೇಶ್ವರ ದೇವಸ್ಥಾನದಲ್ಲಿ ದಸರಾ ಹಬ್ಬದ ಅಂಗವಾಗಿ ಮಂಗಳವಾರ ನಡೆದ ಕಾರ್ಣಿಕೋತ್ಸವದಲ್ಲಿ ನವೀನ್ ಬಡಿಗೇರ್ ಹುಟ್ಟಿದ ಕಂದ ಸುಖಪಟ್ಟಿತಲೇ ಪರಾಕ್ ಎಂದು ಭವಿಷ್ಯವಾಣಿ ನುಡಿದರು.

ಏಳುದಿನಗಳ ಕಾಲ ಉಪವಾಸ ವ್ರತ ಆಚರಿಸುವ ಧಾರವಾಡ ಮೂಲದ ನವೀನ್ ಬಡಿಗೇರ್ ಕಾರ್ಣಿಕ ನುಡಿದರು. ಈ ಬಾರಿ ಮಳೆ, ಬೆಳೆ ಹುಲುಸಾಗಿರುತ್ತವೆ ಎಂದು ಕಾರ್ಣಿಕದ ಭವಿಷ್ಯದ ನುಡಿ ರೈತರು ವ್ಯಾಖ್ಯಾನಿಸಿದರು. ಯರಿಂಗಳಿಗಿ ಗ್ರಾಮವೂ ಸೇರಿದಂತೆ ಜಿಲ್ಲೆಯ ವಿವಿಧ ಗ್ರಾಮಗಳಿಂದ ಬಂದಿದ್ದ ಸಾವಿರಾರು ಜನರು ಕಾರ್ಣಿಕೋತ್ಸವಕ್ಕೆ ಸಾಕ್ಷಿಯಾದರು.

ಶುಕ್ರವಾರ ದೇವಸ್ಥಾನದಲ್ಲಿ ಸರಪಳಿ ಸೇವೆ ಜರುಗಿತು. ನವೀನ್ ಬಡಿಗೇರ್, ವಿಠ್ಠೋಬಪ್ಪ, ಕಾರ್ತಿಕ್ ಮತ್ತು ರಾಜು ಸ್ವಾಮಿ ಕಬ್ಬಿಣದ ಸರಪಳಿ ಎಳೆದು ತುಂಡು ಮಾಡುವ ಮೂಲಕ ನೆರೆದ ಜನರನ್ನು ಮೂಕವಿಸ್ಮಿತರನ್ನಾಗಿ ಮಾಡಿದರು.

ಬಳ್ಳಾರಿಯ ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿ ಕಚೇರಿಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಕಾಳಪ್ಪ ಆಚಾರಿ ಎನ್ನುವವರು ಪ್ರಾರಂಭದಿಂದ ಸರಪಳಿ ಪವಾಡ ಮತ್ತು ಕಾರ್ಣಿಕ ನುಡಿಯುತ್ತಿದ್ದರು. ಅವರು ಲಿಂಗೈಕ್ಯರಾದ ನಂತರ ಅವರ ಮಗ ನವೀನ್ ಬಡಿಗೇರ್ ಆರು ವರ್ಷಗಳಿಂದ ಕಾರಣಿಕ ನುಡಿಯುತ್ತಿದ್ದಾರೆ.

ಕಾರ್ಣಿಕೋತ್ಸವದ ಅಂಗವಾಗಿ ದೇವಸ್ಥಾನದಲ್ಲಿ ಸೋಮವಾರ ಮತ್ತು ಮಂಗಳವಾರ ವಿಶೇಷ ಪೂಜಾ ವಿಧಿವಿಧಾನಗಳು ಜರುಗಿದವು. ಭಕ್ತರು ದೇವಸ್ಥಾನಕ್ಕೆ ಭೇಟಿ ನೀಡಿ ಮೈಲಾರ ಲಿಂಗೇಶ್ವರ ಸ್ವಾಮಿಯ ದರ್ಶನ ಪಡೆದು ಹೂ, ಹಣ್ಣು, ಕಾಯಿ ಸಮರ್ಪಿಸಿ ಭಕ್ತಿ ಮೆರೆದರು.

ಸೃಷ್ಟಿಗೆ ನಾಡು ಸಿರಿ ಆಯಿತು, ಮೈಲಾರಲಿಂಗೇಶ್ವರ ಕಾರ್ಣಿಕ

ಬೀರೂರು (ಚಿಕ್ಕಮಗಳೂರು): ಇಟ್ಟ ರಾಮನ ಬಾಣಕ್ಕೆ ಹುಸಿಯಿಲ್ಲ, ‘ಸೃಷ್ಟಿಗೆ ನಾಡು ಸಿರಿಯಾಯಿತು’, ಮದಗಜಗಳು ಕಾದಾಡಿದರು, ಕತ್ತಲೆಯ ದೀಪಕ್ಕೆ ಬೆಳಕಾಯಿತು, ಸರ್ವರು ಎಚ್ಚರದಿಂದಿರಬೇಕು... ಪರಾಕ್. ಇದು ಮೈಲಾರಲಿಂಗ ಸ್ವಾಮಿಯ ದಶರಥ ಪೂಜಾರ ಕಾರ್ಣಿಕದ ನುಡಿಗಳು.

ಮೈಲಾರಲಿಂಗಸ್ವಾಮಿ ದಸರಾ ಕಾರ್ಣಿಕದ ನುಡಿಮುತ್ತುಗಳು ಬುಧವಾರ ಬೆಳಗ್ಗಿನ ಜಾವ 4.50ಕ್ಕೆ ನಡೆದವು. ಪ್ರಕೃತಿಯ ಕೃಪೆ ಮತ್ತು ಉತ್ತಮ ಮಳೆ-ಬೆಳೆಯಿಂದಾಗಿ ನಾಡು-ನುಡಿ ಸಮೃದ್ಧಿಯಾಗಲಿದೆ. ಸಮಾಜದಲ್ಲಿ ಅಥವಾ ರಾಜಕೀಯ ರಂಗದಲ್ಲಿ ದೊಡ್ಡ ಮಟ್ಟದ ಅಧಿಕಾರ ಸ್ಪರ್ಧೆ, ವಾಗ್ವಾದ ನಡೆಯಬಹುದು. ಅಜ್ಞಾನ ಅಥವಾ ಕಷ್ಟಗಳೆಂಬ ‘ಕತ್ತಲು’ ಆವರಿಸಿದಾಗ, ಸತ್ಯ, ನ್ಯಾಯ ಅಥವಾ ದೈವಿಕ ಶಕ್ತಿಯು ‘ದೀಪ’ವಾಗಿ ಸಮಾಜಕ್ಕೆ ದಾರಿತೋರಲಿದೆ.

ಮುಂಬರುವ ದಿನಗಳಲ್ಲಿ ಪ್ರಕೃತಿಯ ಬದಲಾವಣೆಗಳಿರಬಹುದು, ಸಾಮಾಜಿಕ ಸವಾಲು, ವ್ಯಕ್ತಿಗಳ ನಡುವಿನ ಸಂಘರ್ಷ ಇರಬಹುದು, ಎಲ್ಲದರಲ್ಲೂ ಜನರು ಎಚ್ಚರಿಕೆಯಿಂದ ಹೆಜ್ಜೆ ಇಡಬೇಕು ಎಂದು ಕಾರ್ಣಿಕವನ್ನು ವರ್ಣಿಸಲಾಗಿದೆ.

ಇನ್ಮುಂದೈತೆ ಜೈದೇವ್‌-ಶಕುಂತಲಾಗೆ ಮಾರಿಹಬ್ಬ; ಇನ್ನೆಂದೆರಡು ಕೊಡು ಗೌತಮ್, ಕೆಡಿ ಶಾಕ್

Mahmad Rafik — Thu, 22 Oct 2026 11:11:08 +0530

ವಿದೇಶದಿಂದ ಗೌತಮ್ ದಿವಾನ್ ಸುರಕ್ಷಿತವಾಗಿ ಮರಳಿದ್ದು, ಜೈದೇವ್ ಮತ್ತು ಶಕುಂತಲಾ ಅವರ ಸಂಚು ವಿಫಲವಾಗಿದೆ. ಮನೆಗೆ ಬಂದ ತಕ್ಷಣ ಗೌತಮ್, ತನ್ನ ಮೇಲಿನ ದಾಳಿಯ ಹಿಂದಿನ ಸತ್ಯ ತಿಳಿದುಕೊಂಡು ಜೈದೇವ್‌ಗೆ ಕಪಾಳಮೋಕ್ಷ ಮಾಡಿದ್ದಾನೆ.

ಸುಮಾರು ಒಂದು ತಿಂಗಳಿನಿಂದ ಧಾರಾವಾಹಿಯಿಂದ ದೂರವಾಗಿ ಗೌತಮ್ ದಿವಾನ್ ಕಂಬ್ಯಾಕ್ ಆಗಿದೆ. ಕೆಲಸದ ಹಿನ್ನೆಲೆ ವಿದೇಶಕ್ಕೆ ತೆರಳಿದ್ದ ಗೌತಮ್ ದಿವಾನ್ ಪ್ರಾಣ ತೆಗೆಯಲು ಇಲ್ಲಿಂದಲೇ ಜೈದೇವ್ ಮತ್ತು ಶಕುಂತಲಾ ಪ್ಲಾನ್ ಮಾಡಿದ್ದರು. ದುಷ್ಟರ ಸಂಚು ವಿಫಲವಾಗಿದ್ದರಿಂದ ಗೌತಮ್ ಸುರಕ್ಷಿತವಾಗಿ ಮರಳಿದ್ದು, ಜೈದೇವ್‌ಗೆ ಬಿಗ್‌ ಶಾಕ್ ನೀಡಿದ್ದಾನೆ.

ಮನೆಗೆ ಬರುತ್ತಿದ್ದಂತೆ ನೆಚ್ಚಿನ ಮಡದಿ ಭೂಮಿಕಾಗೆ ಗೌತಮ್ ಶಾಕಿಂಗ್ ಸರ್ಪೈಸ್ ನೀಡಿದ್ದನು. ಸೋದರ ಪಾರ್ಥನಿಂದ ಮನೆಗೆ ಜೈದೇವ್‌ ಬಂದಿರುವ ವಿಷಯ ತಿಳಿದಿದೆ. ಅಪಾಯದಲ್ಲಿದ್ದ ಅತ್ತಿಗೆಯನ್ನು ರಕ್ಷಣೆ ಮಾಡಿದ್ದಕ್ಕೆ ಅನಿವಾರ್ಯವಾಗಿ ಮನೆಯೊಳಗೆ ಕರೆದುಕೊಳ್ಳಲಾಯ್ತು ಎಂದು ಪಾರ್ಥ ಹೇಳಿದ್ದಾನೆ. ಇದರಿಂದ ಕೋಪಗೊಂಡ ಗೌತಮ್, ಭೂಮಿಕಾಳ ಜಾಗದಲ್ಲಿರುವ ದೀಪಿಕಾಳನ್ನು ಕರೆದು ಪ್ರಶ್ನೆ ಮಾಡಿದ್ದಾನೆ.

ನನ್ನನ್ನು ರಕ್ಷಣೆ ಮಾಡಿದ್ದರಿಂದ ಬದಲಾಗಿರಬಹುದು. ಹಾಗಾಗಿ ಒಂದು ಅವಕಾಶ ನೀಡಿದೆ ಎಂದಷ್ಟೇ ಹೇಳಿ ದೀಪಿಕಾ ನುಣುಚಿಕೊಂಡಿದ್ದಾಳೆ. ಕೂಡಲೇ ಕರೆ ಮಾಡಿ ಜೈದೇವ್‌ಗೆ ಮನೆಗೆ ಬರಬೇಕೆಂದು ಹೇಳುವಂತೆ ಗೌತಮ್ ಸೂಚಿಸಿದ್ದಾನೆ. ವಿದೇಶದಿಂದ ಗೌತಮ್ ಬಂದಿರೋ ವಿಷಯ ಕೇಳಿ ಜೈದೇವ್ ಶಾಕ್ ಆಗಿದ್ದನು. ರಾತ್ರಿಯಿಂದ ಮನೆಯಲ್ಲಿರದ ಜೈದೇವ್‌ಗೆ ಈ ವಿಷಯ ತಿಳಿಸಲು ಶಕುಂತಲಾ ಹಲವು ಬಾರಿ ಕಾಲ್ ಮಾಡಿದ್ದಳು. ಆದ್ರೆ ಜೈದೇವ್ ಕಾಲ್ ರಿಸೀವ್ ಮಾಡಿರಲಿಲ್ಲ.

ಮನೆಗೆ ಬರುವ ಮುಂಚೆ ತಾಯಿಗೆ ಕಾಲ್ ಮಾಡಿದ ಜೈದೇವ್, ಯಾವಾಗ ಬಂದಿದ್ದು ಎಂದು ಕೇಳುತ್ತಾನೆ. ಇದಕ್ಕೆ ಭೂಮಿಕಾಳನ್ನು ರಕ್ಷಿಸಿರೋದಕ್ಕೆ ಗೌತಮ್ ಖುಷಿಯಾಗಿದ್ದಾನೆ. ಗೌತಮ್ ಒಳ್ಳೆಯ ಮೂಡ್‌ನಲ್ಲಿರುವಾಗಲೇ ಮನೆಗೆ ಬಂದು ಸೇರಿಕೊಳ್ಳುವಂತೆ ಮಗನಿಗೆ ಶಕುಂತಲಾ ಹೇಳುತ್ತಾಳೆ.

ಮನೆಗೆ ಜೈದೇವ್‌ ಬರುತ್ತಿದ್ದಂತೆ ಆತನ ಕಪಾಳಕ್ಕೆ ಗೌತಮ್ ಹೊಡೆದಿದ್ದಾನೆ. ಅಮೆರಿಕಾದಲ್ಲಿ ನನ್ನ ಮೇಲೆ ನಡೆದ ಎಲ್ಲಾ ದಾಳಿಗಳ ಹಿಂದಿರೋದು ನೀನೇ ಎಂಬ ಸತ್ಯ ಕಂಡುಕೊಂಡಿದ್ದೇನೆ ಎಂದು ಗೌತಮ್ ಹೇಳಿದ್ದಾನೆ. ಈ ವಿಷಯ ತಿಳಿಯುತ್ತಿದ್ದಂತೆ ಜೈದೇವ್ ಮತ್ತು ಶಕುಂತಲಾ ಶಾಕ್ ಆಗಿದ್ದಾರೆ.

ಸೆಟ್‌ನಲ್ಲಿ ನಡೆಯೋದು ಕಿರಣ್‌ ರಾಜ್‌ಗೆ ಏನೂ ಗೊತ್ತಿರೋದಿಲ್ಲ! ಕರ್ಣ ನಿಧಿಯಲ್ಲಿ ಹೆಚ್ಚು ಟಚಪ್ ಮಾಡ್ಕೊಳ್ಳೋರು ಯಾರು?

Roopa Hegde — Thu, 22 Oct 2026 11:09:46 +0530

Zee Kannada Karna Serial : ಜೀ ಕುಟುಂಬ ಅವಾರ್ಡ್ ಹತ್ತಿರ ಬರ್ತಿದೆ. ಅದಕ್ಕೂ ಮೊದಲು ನಾಮಿನೇಷನ್ ಇವೆಂಟ್ ನಡೆಯುತ್ತಿದೆ. ಕರ್ಣ ನಿಧಿ ಬಗ್ಗೆ ಒಂದಿಷ್ಟು ಇಂಟರೆಸ್ಟಿಂಗ್ ವಿಷ್ಯ ಹೊರಗೆ ಬರ್ತಿದೆ.

ಜೀ ಕನ್ನಡದ ಟ್ರೆಂಡಿಂಗ್ ಕಪಲ್ ಅಂದ್ರೆ ಕರ್ಣ-ನಿಧಿ. ಸೀರಿಯಲ್ ನಲ್ಲಿ ಕರ್ಣ ನಿಧಿ ರೋಮ್ಯಾನ್ಸ್, ಮಾತುಕತೆ ಕೇಳೋದು, ನೋಡೋದು ವೀಕ್ಷಕರಿಗೆ ಬಹಳ ಖುಷಿ. ಶೀಘ್ರವೇ ಜೀ ಕನ್ನಡದಲ್ಲಿ ಕುಟುಂಬ ಅವಾರ್ಡ್ ಕಾರ್ಯಕ್ರಮ ಪ್ರಸಾರವಾಗಲಿದೆ. ಇದ್ರ ನಿಮಿತ್ತ ನಡೆದ ಸಂದರ್ಶನವೊಂದರಲ್ಲಿ ಕರ್ಣ ಹಾಗೂ ನಿಧಿ ತಮ್ಮಿಬ್ಬರ ಬಗ್ಗೆ ಸಾಕಷ್ಟು ವಿಷ್ಯಗಳನ್ನು ಹಂಚಿಕೊಂಡಿದ್ದಾರೆ.

ಕರ್ಣ ಹಾಗೂ ನಿಧಿಯನ್ನು ನೀವು ತೆರೆ ಮೇಲೆ ನೋಡಿರ್ತೀರಿ. ತೆರೆ ಹಿಂದೆ ಅವರು ಏನೆಲ್ಲ ಮಾಡ್ತಾರೆ ಎನ್ನುವ ಪ್ರಶ್ನೆ ಕಾಡೋದು ಸಾಮಾನ್ಯ. ಶೂಟಿಂಗ್ ನಲ್ಲಿ ನಿರ್ದೇಶಕರು ಕಟ್ ಎನ್ನುತ್ತಿದ್ದಂತೆ ಯಾರೆಲ್ಲ ಮೇಕಪ್ ಮಾಡ್ಕೊಳ್ತಾರೆ ಎನ್ನುವ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. ಸಾಮಾನ್ಯವಾಗಿ ನಿಧಿ ಅಂತ ಎಲ್ಲರೂ ಗೆಸ್ ಮಾಡಿರ್ತಾರೆ. ಆದ್ರೆ ನಿಧಿಗಿಂತ ಕರ್ಣ ಇದ್ರಲ್ಲಿ ಮುಂದಿದ್ದಾರೆ. ಕರ್ಣ ಮೇಕಪ್ ಮಾಡುವ ಬದಲು ಪದೇ ಪದೇ ತಲೆ ಬಾಚಿಕೊಳ್ತಾರಂತೆ. ಒಂದೊಂದು ಸೀನ್ ಆದ್ಮೇಲು ತಲೆ ಬಾಚಿಕೊಳ್ಳೋದು ಕರ್ಣ ಅಂತ ನಿಧಿ ಹೇಳಿದ್ದಾರೆ. ಕರ್ಣನಿಗಿಂತ ವಿನಯ್ ಇದ್ರಲ್ಲಿ ಎಲ್ಲರಿಗಿಂತ ಮುಂದಿದ್ದಾರಂತೆ.

ಬರೀ ತಲೆ ಬಾಚಿಕೊಳ್ಳೋದ್ರಲ್ಲಲ್ಲ ತಿನ್ನೋದ್ರಲ್ಲೂ ಕರ್ಣ ಮುಂದಿದ್ದಾರೆ. ಅವರು ಅದು ಇದು ಅಂತ ಡಯಟ್ ಆಹಾರ ತಿನ್ನುತ್ತಿರುತ್ತಾರೆ. ಬರೀ ತಾವು ತಿನ್ನೋದಲ್ಲ ಸೆಟ್ ನಲ್ಲಿರುವ ಎಲ್ಲರಿಗೂ ಆಹಾರ ನೀಡ್ತಾರಂತೆ ಕರ್ಣ. ಆನ್ಲೈನ್ ನಲ್ಲಿ ಫುಡ್ ಬುಕ್ ಮಾಡೋದ್ರಲ್ಲಿ ಫಾಸ್ಟ್ ಇರುವ ಕರ್ಣ, ಬೇರೆ ವಿಷ್ಯದ ಬಗ್ಗೆ ತಲೆ ಹಾಕೋದಿಲ್ಲ. ಶೂಟ್ ಮುಗಿಯುತ್ತಿದ್ದಂತೆ ಮೇಲೆ ರೂಮ್ ಸೇರುವ ಕರ್ಣ, ಮತ್ತೆ ತಮ್ಮ ಶೂಟ್ ಬಂದಾಗ್ಲೇ ಕೆಳಗೆ ಬರ್ತಾರಂತೆ.

ಜೀ ಕನ್ನಡಕ್ಕೆ ಈ ಬಾರಿ ಕುಟುಂಬ ಅವಾರ್ಡ್ ಹೆಚ್ಚು ಸ್ಪೇಷಲ್ ಆಗಿದೆ. ಅದಕ್ಕೆ ಕಾರಣ ಜೀ ಕನ್ನಡ 20 ವರ್ಷಗಳ ಸಂಭ್ರಮಾಚರಣೆಯಲ್ಲಿದೆ. ಅಕ್ಟೋಬರ್ 24 ಮತ್ತು 25 ರಂದು ಜೀ ಕುಟುಂಬ ನಾಮಿನೇಷನ್ ಇವೆಂಟ್ ನಡೆಯಲಿದೆ.

ಮಾರುಕಟ್ಟೆಯಿಂದ ತರೋದೇ ಬೇಡ.. ಕೇವಲ 15-20 ದಿನದಲ್ಲಿ ಸೊಂಪಾದ ಹಸಿರು ಕೊತ್ತಂಬರಿ ಸೊಪ್ಪು ಮನೆಯಲ್ಲೇ ರೆಡಿ!

Ashwini HR — Thu, 22 Oct 2026 11:05:45 +0530

How to grow coriander at home: ಮಾರುಕಟ್ಟೆಯಿಂದ ತಂದ ಕೊತ್ತಂಬರಿ ಸೊಪ್ಪು ಫ್ರಿಡ್ಜ್‌ನಲ್ಲಿಟ್ಟರೂ ಬೇಗನೆ ಕೊಳೆತು ನಾರುತ್ತಿದ್ಯಾ? ಹಾಗಿದ್ದರೆ ಅಡುಗೆಮನೆಯಲ್ಲಿರುವ ಧನಿಯಾ ಬೀಜಗಳಿಂದಲೇ ಕುಂಡದಲ್ಲಿ ಕೇವಲ 15 ರಿಂದ 20 ದಿನದಲ್ಲಿ ಕೊತ್ತಂಬರಿ ಸೊಪ್ಪನ್ನು ಬೆಳೆಯುವ ಟ್ರಿಕ್ ಇಲ್ಲಿದೆ..

ವರ್ಷಪೂರ್ತಿ ಫ್ರೆಶ್ ಕೊತ್ತಂಬರಿ ಸೊಪ್ಪನ್ನು ಪಡೆಯಲುಮಾರುಕಟ್ಟೆಯಲ್ಲಿ ಸಿಗುವ ಕೊತ್ತಂಬರಿ ಸೊಪ್ಪಿನಲ್ಲಿ ರಾಸಾಯನಿಕಗಳ ಬಳಕೆ ಹೆಚ್ಚಿರುತ್ತದೆ ಮತ್ತು ಮನೆಗೆ ತಂದ ಎರಡೇ ದಿನಕ್ಕೆ ಕೊಳೆತುಹೋಗುತ್ತದೆ. ಆದರೆ ಅಡುಗೆಮನೆಯಲ್ಲಿರುವ ಧನಿಯಾ ಬೀಜಗಳಿಂದಲೇ ನಿಮ್ಮ ಮನೆಯ ಬಾಲ್ಕನಿ ಅಥವಾ ಟೆರೇಸ್‌ನಲ್ಲಿ ವರ್ಷಪೂರ್ತಿ ಫ್ರೆಶ್ ಕೊತ್ತಂಬರಿ ಸೊಪ್ಪನ್ನು ಪಡೆಯಬಹುದು.

1. ಬೀಜಗಳನ್ನು 2 ಹೋಳು ಮಾಡುವ ಸೀಕ್ರೆಟ್ ಟ್ರಿಕ್ (Seed Splitting)ಕೊತ್ತಂಬರಿ ಬೇಗನೆ ಮೊಳಕೆಯೊಡೆಯದಿರಲು ಮುಖ್ಯ ಕಾರಣ ಬೀಜಗಳನ್ನು ಹಾಗೇ ಬಿತ್ತುವುದು.ಧನಿಯಾ ಬೀಜಗಳನ್ನು (Coriander seeds) ಚಪಾತಿ ಲಟ್ಟಣಿಗೆಯಿಂದ ಅಥವಾ ಕೈಯಿಂದ ಲಘುವಾಗಿ ಉಜ್ಜಿ ಎರಡು ಹೋಳುಗಳನ್ನಾಗಿ (2 Halves) ಮಾಡಿಕೊಳ್ಳಿ.ಬೀಜ ಪುಡಿಯಾಗಬಾರದು, ಕೇವಲ 2 ಭಾಗಗಳಾಗಬೇಕು. ಇದರಿಂದ ಪ್ರತಿಯೊಂದು ಬೀಜವೂ ನೂರಕ್ಕೆ ನೂರು ಮೊಳಕೆಯೊಡೆಯುತ್ತದೆ.

2. ಸರಿಯಾದ ಕುಂಡ (Pot) ಆಯ್ಕೆಮಾಡಿಕೊತ್ತಂಬರಿ ಗಿಡದ ಬೇರುಗಳು ಆಳಕ್ಕೆ ಇಳಿಯುವುದಿಲ್ಲ. ಹಾಗಾಗಿ ಆಳವಾದ ಕುಂಡಕ್ಕಿಂತ ಅಗಲವಾದ ಮತ್ತು ಕೇವಲ 4 ರಿಂದ 5 ಇಂಚು ಆಳವಿರುವ ಟ್ರೇ ಅಥವಾ ಕುಂಡ ಇದಕ್ಕೆ ಹೇಳಿಮಾಡಿಸಿದ್ದು. ಕುಂಡದ ಕೆಳಭಾಗದಲ್ಲಿ ನೀರು ಸರಾಗವಾಗಿ ಹರಿದುಹೋಗಲು ತೂತುಗಳಿರಲಿ.

3. ಮಣ್ಣಿನ ಮಿಶ್ರಣ (Potting Mix)40% ಸಾಮಾನ್ಯ ಮಣ್ಣು, 30% ಕೋಕೋಪೀಟ್ ಮತ್ತು 30% ಎರೆಹುಳು ಗೊಬ್ಬರ (ವರ್ಮಿ ಕಂಪೋಸ್ಟ್) ಬೆರೆಸಿ ಕುಂಡಕ್ಕೆ ತುಂಬಿಸಿ. ಮಣ್ಣು ಸಡಿಲವಾಗಿದ್ದರೆ ಬೇರುಗಳು ಬೇಗನೆ ಹರಡುತ್ತವೆ.

4. ಬಿತ್ತುವ ವಿಧಾನಎರಡು ಹೋಳು ಮಾಡಿದ ಬೀಜಗಳನ್ನು ಮಣ್ಣಿನ ಮೇಲೆ ಸಮನಾಗಿ ಉದುರಿಸಿ.ಬೀಜಗಳ ಮೇಲೆ ಕೇವಲ ಅರ್ಧ ಇಂಚಿನಷ್ಟು ತೆಳುವಾದ ಮಣ್ಣು ಅಥವಾ ಕೋಕೋಪೀಟ್ ಹಾಕಿ ಮುಚ್ಚಿ (ಬೀಜಗಳು ತುಂಬಾ ಆಳಕ್ಕೆ ಹೋಗಬಾರದು).

5. ನೀರು ಹಾಕುವಾಗ ಈ ತಪ್ಪು ಮಾಡ್ಬೇಡಿ (Use Spray Only)ಮಗ್ ಅಥವಾ ಪೈಪ್‌ನಿಂದ ರಭಸವಾಗಿ ನೀರು ಸುರಿಯಬೇಡಿ. ಇದರಿಂದ ಬೀಜಗಳು ಕೊಚ್ಚಿಹೋಗುತ್ತವೆ ಅಥವಾ ಮಣ್ಣಿನ ಕೆಳಗೆ ಹುದುಗಿ ಕೊಳೆತುಹೋಗುತ್ತವೆ. ಯಾವಾಗಲೂ ಸ್ಪ್ರೇ ಬಾಟಲ್ ಮೂಲಕ ಮಣ್ಣು ತೇವವಾಗುವಂತೆ ಮಾತ್ರ ನೀರು ಸಿಂಪಡಿಸಿ.

6. ಬಿಸಿಲು ಮತ್ತು ಸ್ಥಳಕುಂಡವನ್ನು ದಿನಕ್ಕೆ ಕೇವಲ 2 ರಿಂದ 3 ಗಂಟೆ ಮುಂಜಾನೆಯ ಎಳೆಬಿಸಿಲು ಬೀಳುವ ಜಾಗದಲ್ಲಿಡಿ. ಸುಡುವ ಮಧ್ಯಾಹ್ನದ ಬಿಸಿಲಿನಲ್ಲಿಟ್ಟರೆ ಎಲೆಗಳು ಒಣಗಿಹೋಗುತ್ತವೆ.

ಕೇವಲ 7 ರಿಂದ 8 ದಿನಗಳಲ್ಲಿ ಬೀಜಗಳು ಮೊಳಕೆಯೊಡೆಯುತ್ತವೆ. 15 ರಿಂದ 20 ದಿನಗಳ ಹೊತ್ತಿಗೆ ಅಡುಗೆಗೆ ಬಳಸುವಷ್ಟು ಸೊಂಪಾದ, ಹಸಿರಾದ ಕೊತ್ತಂಬರಿ ಸೊಪ್ಪು ಸಿದ್ಧವಾಗುತ್ತದೆ!

ಬೆಳಗ್ಗೆ ತಿಂಡಿ ತಿಂದರೂ ರಾತ್ರಿ ಊಟದ ಚಿಂತೆ! ದುಬೈನಲ್ಲಿ ಭಾರತೀಯ ಪುರೋಹಿತರ ಕಷ್ಟದ ದಿನಗಳು

Chandrashekar GS — Thu, 22 Oct 2026 11:01:20 +0530

ದುಬೈ ಜೀವನದ ಹಿಂದೆ ಅಡಗಿರುವ ಕಷ್ಟದ ಕಥೆ: ನಿಗದಿತ ಸಂಬಳವಿಲ್ಲದೆ ಬದುಕು ಸಾಗಿಸಿದ ಪುರೋಹಿತ!

ವಿದೇಶದಲ್ಲಿ ಕೆಲಸ, ಕೈತುಂಬ ಸಂಬಳ, ಐಷಾರಾಮಿ ಜೀವನ, ಉತ್ತಮ ಭವಿಷ್ಯ… ವಿದೇಶಕ್ಕೆ ಹೋಗುವ ಅನೇಕರ ಕನಸು ಇದೇ ಆಗಿರುತ್ತದೆ. ಆದರೆ ವಿದೇಶದಲ್ಲಿ ನೆಲೆಸಿದ ಎಲ್ಲರ ಬದುಕೂ ಹೀಗೆಯೇ ಇರುತ್ತದೆಯೇ? ದುಬೈನಲ್ಲಿ ಕೆಲಸ ಮಾಡುತ್ತಿರುವ ಭಾರತೀಯ ಪುರೋಹಿತರೊಬ್ಬರು ಹಂಚಿಕೊಂಡಿರುವ ಅನುಭವ ಈ ಪ್ರಶ್ನೆಯನ್ನು ಹುಟ್ಟುಹಾಕಿದೆ. ಅವರ ಆರಂಭದ ದಿನಗಳ ಆರ್ಥಿಕ ಸಂಕಷ್ಟದ ಕಥೆ ಈಗ ಗಮನ ಸೆಳೆಯುತ್ತಿದೆ.

ಯಾರು ಈ ದುಬೈ ಪುರೋಹಿತ?

ಮಧ್ಯಪ್ರದೇಶದ ಜಬಲ್ಪುರ ಮೂಲದ ಶಾಸ್ತ್ರಿ ನೀರಜ್ ಪಂಡಿತ್‌ಜಿ ದುಬೈನಲ್ಲಿ ಹಿಂದೂ ಪುರೋಹಿತರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಅಲ್ಲಿನ ಭಾರತೀಯ ಸಮುದಾಯದ ಜನರಿಗೆ ಪೂಜೆ ಹಾಗೂ ಧಾರ್ಮಿಕ ವಿಧಿವಿಧಾನಗಳನ್ನು ನೆರವೇರಿಸುವುದು ಅವರ ಕೆಲಸ.

ಆದರೆ, ಈ ಕೆಲಸಕ್ಕೆ ಅವರಿಗೆ ಆರಂಭದಲ್ಲಿ ಪ್ರತಿ ತಿಂಗಳು ನಿಗದಿತ ಸಂಬಳ ಸಿಗುತ್ತಿರಲಿಲ್ಲ. ಅವರು ಎಷ್ಟು ಪೂಜೆಗಳನ್ನು ನೆರವೇರಿಸುತ್ತಾರೆ ಮತ್ತು ಅದಕ್ಕೆ ಎಷ್ಟು ದಕ್ಷಿಣೆ ಸಿಗುತ್ತದೆ ಎಂಬುದರ ಮೇಲೆ ಅವರ ಆದಾಯ ಅವಲಂಬಿತವಾಗಿತ್ತು. ಹೀಗಾಗಿ, ಪ್ರತಿ ತಿಂಗಳು ಎಷ್ಟು ಹಣ ಕೈಗೆ ಬರುತ್ತದೆ ಎಂಬುದನ್ನು ಮೊದಲೇ ಲೆಕ್ಕ ಹಾಕುವುದು ಕಷ್ಟವಾಗಿತ್ತು.

ಒಂದು ಪೂಜೆಗೆ ₹4,800ರಿಂದ ₹12,000ರವರೆಗೆ ದಕ್ಷಿಣೆ!

ನೀರಜ್ ಪಂಡಿತ್‌ಜಿ ತಮ್ಮ ಆರಂಭದ ದಿನಗಳ ಆದಾಯದ ಬಗ್ಗೆ ಮಾತನಾಡುವಾಗ, ಕೆಲವೊಮ್ಮೆ 200 ಯುಎಇ ದಿರ್ಹಮ್‌ (ಸುಮಾರು ₹4,800), ಇನ್ನೂ ಕೆಲವೊಮ್ಮೆ 500 ದಿರ್ಹಮ್‌ (ಸುಮಾರು ₹12,000) ದಕ್ಷಿಣೆಯಾಗಿ ಸಿಗುತ್ತಿತ್ತು ಎಂದು ತಿಳಿಸಿದ್ದಾರೆ.

ಮೊತ್ತ ನೋಡಲು ಉತ್ತಮವೆನಿಸಿದರೂ, ಇದು ಪ್ರತಿ ತಿಂಗಳು ಖಚಿತವಾಗಿ ಸಿಗುವ ಸಂಬಳವಾಗಿರಲಿಲ್ಲ. ಪೂಜೆಗಳು ಸಿಗದ ದಿನಗಳಲ್ಲಿ ಆದಾಯವೂ ಕಡಿಮೆಯಾಗುತ್ತಿತ್ತು. ಇದರಿಂದ ದಿನನಿತ್ಯದ ಖರ್ಚುಗಳನ್ನು ನಿರ್ವಹಿಸುವುದು ಸವಾಲಾಗಿತ್ತು.

ಬೆಳಗಿನ ಉಪಾಹಾರ ಆಯಿತು, ರಾತ್ರಿ ಊಟಕ್ಕೆ ಹಣ ಸಿಗುತ್ತಾ?

ತಮ್ಮ ಜೀವನದ ಕಷ್ಟದ ದಿನಗಳನ್ನು ನೆನಪಿಸಿಕೊಂಡ ಪಂಡಿತ್‌ಜಿ, ಬೆಳಗಿನ ಉಪಾಹಾರ ಸೇವಿಸಿದ ನಂತರವೂ ರಾತ್ರಿ ಊಟಕ್ಕೆ ಹಣವನ್ನು ಹೇಗೆ ಹೊಂದಿಸಿಕೊಳ್ಳಬೇಕು ಎಂಬ ಚಿಂತೆ ಕಾಡುತ್ತಿತ್ತು ಎಂದು ಹೇಳಿದ್ದಾರೆ.

ಈ ಮಾತು ವಿದೇಶದಲ್ಲಿರುವವರ ಆರ್ಥಿಕ ಅನಿಶ್ಚಿತತೆಯನ್ನು ಸರಳವಾಗಿ ವಿವರಿಸುತ್ತದೆ. ದುಬೈನಂತಹ ನಗರದಲ್ಲಿ ಉತ್ತಮ ಅವಕಾಶಗಳಿದ್ದರೂ, ನಿಗದಿತ ಆದಾಯವಿಲ್ಲದಿದ್ದರೆ ಊಟ, ವಸತಿ ಮತ್ತು ಇತರ ದೈನಂದಿನ ಅಗತ್ಯಗಳನ್ನು ನಿಭಾಯಿಸುವುದು ಕಷ್ಟವಾಗಬಹುದು.

ವಿದೇಶಕ್ಕೆ ಹೋಗುವುದರಿಂದಲೇ ಜೀವನ ಸುಲಭವಾಗುವುದಿಲ್ಲ ಎಂಬುದನ್ನು ಅವರ ಅನುಭವ ನೆನಪಿಸುತ್ತದೆ.

ಎಲ್ಲರೂ ಪ್ರೀತಿ ಮತ್ತು ಗೌರವದಿಂದ ಬದುಕಬೇಕು

ತಮ್ಮ ವೈಯಕ್ತಿಕ ಸಂಕಷ್ಟದ ಜೊತೆಗೆ ನೀರಜ್ ಪಂಡಿತ್‌ಜಿ ಮತ್ತೊಂದು ಮಹತ್ವದ ಸಂದೇಶವನ್ನೂ ನೀಡಿದ್ದಾರೆ. ಭಾರತ ಸೇರಿದಂತೆ ವಿವಿಧ ದೇಶಗಳ ಜನರು ಪರಸ್ಪರ ಪ್ರೀತಿ ಮತ್ತು ಗೌರವದಿಂದ ಬದುಕಬೇಕು ಎಂಬುದು ಅವರ ಆಶಯ.

ಹಬ್ಬಗಳು ಜನರನ್ನು ದೂರ ಮಾಡುವ ಬದಲು ಹತ್ತಿರ ತರಬೇಕು. ವಿಭಿನ್ನ ಹಿನ್ನೆಲೆಯ ಜನರು ಒಟ್ಟಾಗಿ ಹಬ್ಬಗಳನ್ನು ಆಚರಿಸುವ ಮೂಲಕ ಪರಸ್ಪರ ಬಾಂಧವ್ಯವನ್ನು ಬೆಳೆಸಿಕೊಳ್ಳಬೇಕು ಎಂಬ ಸಂದೇಶವನ್ನೂ ಅವರು ಹಂಚಿಕೊಂಡಿದ್ದಾರೆ.

ವಿದೇಶದ ಬದುಕು ಕಲಿಸುವ ಪಾಠವೇನು?

ನೀರಜ್ ಪಂಡಿತ್‌ಜಿ ಅವರ ಕಥೆ ವಿದೇಶದಲ್ಲಿ ಕೆಲಸ ಮಾಡುವ ಪ್ರತಿಯೊಬ್ಬರ ಬದುಕೂ ಒಂದೇ ರೀತಿ ಇರುವುದಿಲ್ಲ ಎಂಬುದನ್ನು ತೋರಿಸುತ್ತದೆ. ವಿದೇಶಕ್ಕೆ ತೆರಳುವ ಮೊದಲು ಉದ್ಯೋಗದ ಸ್ವರೂಪ, ಆದಾಯದ ಸ್ಥಿರತೆ, ವಸತಿ ವೆಚ್ಚ ಮತ್ತು ಉಳಿತಾಯದ ಸಾಧ್ಯತೆಗಳನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯ.

ಹಣ ಗಳಿಸುವುದಷ್ಟೇ ಅಲ್ಲ, ನೆಮ್ಮದಿಯಿಂದ ಬದುಕಲು ಅಗತ್ಯವಾದ ಆರ್ಥಿಕ ಭದ್ರತೆಯೂ ಮುಖ್ಯ. ದುಬೈ ಪುರೋಹಿತರ ಈ ಅನುಭವ ಅದನ್ನೇ ನೆನಪಿಸುತ್ತದೆ.

View this post on Instagram

A post shared by Jagdish Chawla | Abroad Stories (@jaggy.abroad)

ಸಾಗರ ದಸರಾ: ಬನ್ನಿ ಶಾಸ್ತ್ರದಲ್ಲಿ ತಹಶೀಲ್ದಾರ್ ಡಾ.ಪ್ರತಿಭಾ ಕಣ್ಣೀರು ಹಾಕಿದ್ದೇಕೆ?

Kannadaprabha News — Thu, 22 Oct 2026 10:52:24 +0530

ಸಾಗರ: ಮುಂದಿನ ವರ್ಷದಿಂದ ಶಿವಮೊಗ್ಗ, ಹೊಸನಗರ ಮಾದರಿಯಲ್ಲಿ ಸಾಗರದಲ್ಲಿಯೂ ದಸರಾ ಆಯೋಜಿಸಲು ಚಿಂತನೆ ನಡೆಸಲಾಗಿದೆ ಎಂದು ಶಾಸಕ ಹಾಗೂ ಅರಣ್ಯ ಕೈಗಾರಿಕಾ ಅಭಿವೃದ್ಧಿ ನಿಗಮದ ಅಧ್ಯಕ್ಷ ಗೋಪಾಲಕೃಷ್ಣ ಬೇಳೂರು ತಮ್ಮ ಆಶಯ ವ್ಯಕ್ತಪಡಿಸಿದರು.

ಸಾಗರ ದಸರಾ ಮಾಡಲು ಬೇಳೂರು ಇಚ್ಛೆ:

ಪಟ್ಟಣದ ಪ್ರವಾಸಿ ಮಂದಿರದ ಅವರಣದಲ್ಲಿ ಮಂಗಳವಾರ ತಾಲೂಕು ಆಡಳಿತದಿಂದ ಏರ್ಪಡಿಸಿದ್ದ ಬನ್ನಿ ಮುಡಿಯುವ ಶಾಸ್ತ್ರದಲ್ಲಿ ಪಾಲ್ಗೊಂಡು ಮಾತನಾಡಿದ ಅವರು, ದಸರಾವನ್ನು ಅರ್ಥಪೂರ್ಣವಾಗಿ ಅಚರಿಸಲು ವಿವಿಧ ಸಂಘಸಂಸ್ಥೆಗಳ ಸಭೆ ಕರೆದು ಚರ್ಚೆ ನಡೆಸಲಾಗುತ್ತದೆ. ಸಾಗರ ಕಲೆ, ಸಾಹಿತ್ಯ, ಸಾಂಸ್ಕೃತಿಕವಾಗಿ ತನ್ನದೆ ಸ್ಥಾನ ಹೊಂದಿದೆ. ಇಲ್ಲಿ ದಸರಾ ಉತ್ಸವ ನಡೆಸಬೇಕು ಎನ್ನುವುದು ನನ್ನ ಇಚ್ಛೆಯಾಗಿದೆ ಎಂದು ಹೇಳಿದರು.

ಸೀಮೋಲ್ಲಂಘನೆ ಶಾಸ್ರ್ರ ನೆರವೇರಿಸಿ ಮಾತನಾಡಿದ ಉಪವಿಭಾಗಾಧಿಕಾರಿ ವೀರೇಶಕುಮಾರ್, ಪ್ರತಿವರ್ಷ ಸಾಗರದಲ್ಲಿ ದಸರಾ ಹಬ್ಬವನ್ನು ವಿಶೇಷವಾಗಿ ನಡೆಸಿಕೊಂಡು ಬರಲಾಗುತ್ತಿದೆ. ಈ ವರ್ಷದಿಂದ ಬನ್ನಿ ಮುಡಿಯುವ ಶಾಸ್ತ್ರ ಮುಗಿದ ನಂತರ ಮಾಜಿ ಶಾಸಕರು, ಹಿರಿಯರು, ಗಣ್ಯರ ಮನೆಗೆ ತೆರಳಿ ಬನ್ನಿ ನೀಡಿ ಶುಭಾಶಯ ಕೋರುವ ಹೊಸ ಪದ್ಧತಿಯನ್ನು ಜಾರಿಗೆ ತರಲಾಗುತ್ತಿದೆ ಎಂದು ಹೇಳಿದರು.

ತಹಶೀಲ್ದಾರ್ ಡಾ.ಪ್ರತಿಭಾ ಜಮಾಬಂಧಿಗೆ ಸಹಿ ಹಾಕಿದರು. ಮಾರಿಕಾಂಬಾ ಪ್ರತಿಷ್ಠಾನದ ಅಧ್ಯಕ್ಷ ಎಂ.ನಾಗರಾಜ್, ಟಿ.ವಿ.ಪಾಂಡುರಂಗ, ಶ್ರೀನಿವಾಸ್ ಮೇಸ್ತ್ರೀ, ಎಂ.ಡಿ.ಆನಂದ್, ಸುಂದರ ಸಿಂಗ್, ಕೆ.ಎನ್. ನಾಗೇಂದ್ರ, ಐ.ವಿ. ಹೆಗಡೆ, ಗಣಪತಿ ಮಂಡಗಳಲೆ, ಗಿರೀಶ್ ಕೋವಿ, ಗಣಪತಿ ದೇವಸ್ಥಾನದ ಅರ್ಚಕರಾದ ನವೀನ್ ಜೋಯ್ಸ್ ಇನ್ನಿತರರು ಹಾಜರಿದ್ದರು.

ಎಇಸಿಯಿಂದ ಬನ್ನಿಮುಡಿಯುವ ಶಾಸ್ತ್ರ: ಕಣ್ಣೀರು ಹಾಕಿದ ತಹಶೀಲ್ದಾರ್

ಪ್ರತಿವರ್ಷ ಬನ್ನಿ ಮುಡಿಯುವ ಶಾಸ್ತ್ರವನ್ನು ತಹಶೀಲ್ದಾರ್ ನೆರವೇರಿಸಿಕೊಂಡು ಬರುವುದು ರೂಢಿಯಾಗಿತ್ತು. ಆದರೆ ಈ ವರ್ಷ ಉಪವಿಭಾಗಾಧಿಕಾರಿ ಸೀಮೋಲ್ಲಂಘನೆ ನೆರವೇರಿಸಿದ್ದು ಸಾರ್ವಜನಿಕರ ಆಕ್ಷೇಪಕ್ಕೆ ಕಾರಣವಾಗಿದೆ. ತಹಶೀಲ್ದಾರ್ ಡಾ.ಪ್ರತಿಭಾ ಮಹಿಳೆ ಎನ್ನುವ ಕಾರಣಕ್ಕೆ ಅವರಿಂದ ಸೀಮೋಲ್ಲಂಘನೆ ಶಾಸ್ತ್ರ ಮಾಡಿಸಬಾರದು ಎನ್ನುವ ನಿಯಮವಿದೆ ಎಂದು ಕೆಲವರು ಅಭಿಪ್ರಾಯಿಸಿದ್ದರೂ, ಕಳೆದ ವರ್ಷ ಹೊಸನಗರದಲ್ಲಿ ತಹಶೀಲ್ದಾರ್ ರಶ್ಮಿ ಹಾಲೇಶ್ ಬಾಳೆಮರ ಕಡಿದು ಸೀಮೋಲ್ಲಂಘನೆ ಶಾಸ್ತ್ರ ಮಾಡಿದ್ದರು. ಆದರೆ ಸಾಗರದಲ್ಲಿ ತಹಶೀಲ್ದಾರ್ ಅವರು ಜಮಾಬಂದಿ ನಡೆಸಿದರೂ ಬನ್ನಿ ಮುಡಿಯುವ ಶಾಸ್ತ್ರದಲ್ಲಿ ಪಾಲ್ಗೊಳ್ಳದೆ ಇರುವ ಬಗ್ಗೆ ಸ್ಥಳೀಯವಾಗಿ ವ್ಯಾಪಕ ಚರ್ಚೆ ನಡೆಯಿತು. ತಹಶೀಲ್ದಾರ್ ಡಾ.ಪ್ರತಿಭಾ ಯಾವುದೇ ಧಾರ್ಮಿಕ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳದೇ ಜನರ ನಡುವೆ ನಿಂತು ಕಣ್ಣೀರು ಹಾಕುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಇಡ್ಲಿ, ದೋಸೆಗೆ ಕೊಬ್ಬರಿ ಚಟ್ನಿ ಬದಲು ದಾಳಿಂಬೆ ಚಟ್ನಿ ಟ್ರೈ ಮಾಡಿ, ಸಖತ್ ರುಚಿ! ಇಲ್ಲಿದೆ ಹೊಸ ರೆಸಿಪಿ!

Ravi Janekal — Thu, 22 Oct 2026 10:52:03 +0530

Pomegranate Chutney Recipe ನೀವು ಹೊಸ ರೆಸಿಪಿ ಹುಡುಕುತ್ತಿದ್ದರೆ, ನಿಮಗಾಗಿ ಹೊಸ ರೆಸಿಪಿಯೊಂದು ಇಲ್ಲಿದೆ. ಕೊಬ್ಬರಿ ಚಟ್ನಿ ಬದಲಿಗೆ ಐರನ್ ರಿಚ್ ಆಗಿರುವ ದಾಳಿಂಬೆ ಚಟ್ನಿ ತಯಾರಿಸಿ ಚಪ್ಪರಿಸಿ ತಿನ್ನಿ. ದಾಳಿಂಬೆ ಚಟ್ನಿ ಮಾಡುವ ಸುಲಭ ವಿಧಾನ ಇಲ್ಲಿದೆ

ನಮ್ಮ ಹಿರಿಯರ ಕಾಲದಲ್ಲಿ ಪಾಕ ವಿಧಾನದಲ್ಲಿ ಅಂದರೆ ಅಡುಗೆ ದಿನನಿತ್ಯದ ಅಡುಗೆಯಲ್ಲಿ ಹೆಚ್ಚಿನ ಹೊಸ ರೆಸಿಪಿ ಪ್ರಯೋಗಗಳೇನೂ ಇರಲಿಲ್ಲ. ಬೆಳಗ್ಗೆ ಉಪ್ಪಿಟ್ಟು, ಇಡ್ಲಿ, ಮಧ್ಯಾಹ್ನ ಚಪಾತಿ ಅನ್ನ, ರಾತ್ರಿ ಊಟಕ್ಕೂ ಅದೇ ಅನ್ನ ಸಾರು.. ಹೀಗೆ ದಿನದ ಅಡುಗೆ ಮಾಡಲಾಗುತ್ತಿತ್ತು. ಹಬ್ಬದಲ್ಲಿ ಮಾತ್ರ ಒಂದು ಸಿಹಿ ತಿನಿಸು ಅದರಲ್ಲೂ ಹೆಚ್ಚಾಗಿ ಹೋಳಿಗೆ ಜೊತೆಗೆ ಅನ್ನ ಹೋಳಿಗೆ ಸಾರು ಸಿದ್ಧವಾಗುತ್ತಿದ್ದು ಬಿಟ್ಟರೆ ಸಾಮಾನ್ಯ ದಿನಗಳಲ್ಲಿ ವಿಶೇಷ ಅಡುಗೆ ಏನೂ ಇರುತ್ತಿರಲಿಲ್ಲ.

ಆದರೀಗ ಕಾಲ ಬದಲಾಗಿದೆ. ಗೃಹಿಣಿಯರು ಪ್ರತಿದಿನವೂ ಹೊಸ ಹೊಸ ರೆಸಿಪಿ ಹುಡುಕುತ್ತಲೇ ಇರುತ್ತಾರೆ. ಅಷ್ಟೇ ಅಲ್ಲ ದಿನವೂ ಅಡುಗೆ ಮನೆಯಲ್ಲಿ ಅದರ ಪ್ರಯೋಗ ನಡೆಯುತ್ತಲೇ ಇರುತ್ತದೆ. ನೀವು ಅಂತಹ ಹೊಸ ಹೊಸ ರೆಸಿಪಿ ಹುಡುಕುವ ವರ್ಗದವರಾಗಿದ್ದರೆ ಬನ್ನಿ ಹೊಸ ದಾಳಿಂಬೆ ಚಟ್ನಿ ಮಾಡುವುದು ಹೇಗೆ ತಿಳಿಯೋಣ.

ದಾಳಿಂಬೆಯಿಂದ ಚಟ್ನಿ ಮಾಡೋದಾ! ಇಂಥ ಪ್ರಶ್ನೆ ಮೂಡುವುದು ಸಹಜ. ಏಕೆಂದರೆ ದಾಳಿಂಬೆ ಅಂದರೆ ಹಣ್ಣು ತಿಂದೇ ಅಭ್ಯಾಸ. ಅದರಿಂದ ಚಟ್ನಿ ಮಾಡುವುದೆಂದರೆ ಹೊಸತು. ಆದರೆ ಬಹುತೇಕರಲ್ಲಿ ಇದೀಗ ದಾಳಿಂಬೆ ಚಟ್ನಿ ಮಾಡುವುದು ಹೆಚ್ಚಾಗುತ್ತಿದೆ.

ದಾಳಿಂಬೆ ಚಟ್ನಿ ತುಂಬಾ ರುಚಿ ನೋಡೋಕೂ ಆಕರ್ಷಣೆ, ನೋಡಿದ್ರೆನೇ ಬಾಯಲ್ಲಿ ನೀರೂರಿಸುತ್ತೆ. ದಾಳಿಂಬೆ ಚಟ್ನಿ ಸವಿಯಲು ಪ್ರತಿಯೊಬ್ಬರಿಗೂ ಇಷ್ಟವಾಗುತ್ತೆ. ಊಟದ ರುಚಿಯನ್ನು ಹೆಚ್ಚಿಸಲು ಉಪ್ಪಿನಕಾಯಿ, ಹಪ್ಪಳ, ಪುಡಿ, ಚಟ್ನಿ ಬಳಸುತ್ತೇವಲ್ಲವಾ? ಅದೇ ರೀತಿ ದಾಳಿಂಬೆ ಚಟ್ನಿ ಅನ್ನ-ಬೇಳೆ ಅಥವಾ ಸಾರು, ಪರಾಠ, ವಡಾಪಾವ್ ಅಥವಾ ಮೆಣಸಿನಕಾಯಿ ಭಜಿಗೆ ಸಕತ್ ರುಚಿ ಹೆಚ್ಚಿಸುತ್ತೆ.

ಚಟ್ನಿ ವಿಷಯಕ್ಕೆ ಬಂದ್ರೆ ನಾವು ಸಾಮಾನ್ಯವಾಗಿ ಕಾಯಿ ಚಟ್ನಿ ಮಾಡ್ತೇವೆ, ಇಡ್ಲಿ ಇರಲಿ, ದೋಸೆ ಇರಲಿ, ಚಪಾತಿ, ಪೂರಿ ಇರಲಿ ಎಲ್ಲದಕ್ಕು ಕೊಬ್ಬರಿ ಚಟ್ನಿ ಮಾಡಲಾಗುತ್ತೆ. ಆದರೆ ಅದರ ಬದಲು ದಾಳಿಂಬೆ ಚಟ್ನಿ ಮಾಡಿದ್ರೆ ಹೇಗೆ? ದಾಳಿಂಬೆ ಚಟ್ನಿ ಮಾಡೋದು ಕಷ್ಟಕರವಲ್ಲ, ಇಲ್ಲಿ ಸರಳವಾಗಿ ಹೇಗೆ ಮಾಡೋದು ಅನ್ನೋದು ತಿಳಿಸಲಾಗಿದೆ. ನೀವು ಈ ಸುಲಭ ವಿಧಾನವನ್ನು ಅನುಸರಿಸಿ 'ದಾಳಿಂಬೆ ಚಟ್ನಿ'ಯನ್ನು ತಯಾರಿಸಬಹುದು.

ಸಂತೆಯಯಲ್ಲಿ, ಸಾಮಾನ್ಯ ಹಣ್ಣು ವ್ಯಾಪಾರಸ್ಥರಲ್ಲಿ ದಾಳಿಂಬೆ ಸಿಗುತ್ತವೆ. ನೀವು ಸ್ವಲ್ಪ ಹುಳಿ, ಸ್ವಲ್ಪ ಸಿಹಿ ಇಷ್ಟಪಡುವವರಾಗಿದ್ದರೆ ಈ ದಾಳಿಂಬೆ ಚಟ್ನಿ ನಿಮಗೆ ಹೇಳಿಮಾಡಿಸಿದಂತಿದೆ. ಇದನ್ನು ಸಾಮಾನ್ಯ ಊಟದ ಜೊತೆಗೆ ಸೇವಿಸಬಹುದು. ಚಟ್ನಿ ತಯಾರಿಸಲು ಹೆಚ್ಚಿನ ಸಮಯವೂ ಬೇಕಿಲ್ಲ. ಅಡುಗೆ ಮನೆಯಲ್ಲಿರುವ ಕೆಲವೇ ಪದಾರ್ಥ ಬಳಸಿಕೊಂಡು ಇದನ್ನ ರೆಡಿ ಮಾಡಬಹುದು. ದಾಳಿಂಬೆ ಕಾಳುಗಳನ್ನು ಸೇವಿಸುವುದರಿಂದ ದೇಹಕ್ಕೆ ಅಗತ್ಯವಾದ ಕಬ್ಬಿಣಾಂಶ (ಐರನ್) ಸಿಗುತ್ತದೆ ಮತ್ತು ಆರೋಗ್ಯ ಸುಧಾರಿಸುತ್ತದೆ.

ಬೇಕಾಗುವ ಪದಾರ್ಥಗಳು

ದಾಳಿಂಬೆ
ಶುಂಠಿ
ಬೆಳ್ಳುಳ್ಳಿ
ಹಸಿರು ಮೆಣಸಿನಕಾಯಿ
ಪುದೀನಾ ಎಲೆಗಳು
ಈರುಳ್ಳಿ
ಟೊಮೆಟೋ
ಉಪ್ಪು
ನೀರು

ಚಟ್ನಿ ತಯಾರಿಸುವ ಮೊದಲು ದಾಳಿಂಬೆ ಕಾಳುಗಳನ್ನು ತೊಳೆದು ಸ್ವಚ್ಛಗೊಳಿಸಿ, ಅದರಿಂದ ಕಾಳುಗಳನ್ನು ಬೇರ್ಪಡಿಸಿ.

ಒಂದು ಮಿಕ್ಸರ್ ಜಾರ್‌ನಲ್ಲಿ ದಾಳಿಂಬೆ ಕಾಳುಗಳು, ಹಸಿ ಮೆಣಸಿನಕಾಯಿ, ಈರುಳ್ಳಿ ಮತ್ತು ಬೆಳ್ಳುಳ್ಳಿಯನ್ನು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ಚಟ್ನಿ ತಯಾರಿಸಲು ಸ್ವಲ್ಪ ನೀರನ್ನು ಸೇರಿಸುವುದು ಅಗತ್ಯ.

ನಂತರ ಅದಕ್ಕೆ ಕೊತ್ತಂಬರಿ ಸೊಪ್ಪು, ಪುದೀನಾ, ಈರುಳ್ಳಿ, ಟೊಮೆಟೊ ಮತ್ತು ಸ್ವಲ್ಪ ಸಿಹಿಯನ್ನು (ಬೆಲ್ಲ ಅಥವಾ ಸಕ್ಕರೆ) ಸೇರಿಸಿ ಮತ್ತೊಮ್ಮೆ ರುಬ್ಬಿಕೊಳ್ಳಿ.

ಹೀಗೆ ತಯಾರಿಸಿದ ಚಟ್ನಿಯನ್ನು ರೆಫ್ರಿಜರೇಟರ್‌ನಲ್ಲಿ (ಫ್ರಿಡ್ಜ್‌ನಲ್ಲಿ) ಇಟ್ಟರೆ, ಅದು 4 ರಿಂದ 5 ದಿನಗಳವರೆಗೆ ಕೆಡದಂತೆ ಇರುತ್ತದೆ.

ಸುಲಭ ವಿಧಾನದಲ್ಲಿ ತಯಾರಿಸಿದ ರುಚಿಕರವಾದ ದಾಳಿಂಬೆ ಚಟ್ನಿ ಕೆಲವೇ ನಿಮಿಷದಲ್ಲಿ ರೆಡಿ.

ಚಟ್ನಿ ಖಾರವಾಗಿರಬೇಕೆಂದರೆ, ನೀವು ಅದರಲ್ಲಿ ಮೆಣಸಿನಕಾಯಿಯ ಪ್ರಮಾಣವನ್ನು ಹೆಚ್ಚಿಸಬಹುದು. ಇದರಿಂದ ಇದರ ರುಚಿ ಇನ್ನಷ್ಟು ಹೆಚ್ಚಾಗುತ್ತದೆ.

ನಡುರಾತ್ರಿ ಬೆಂಗಳೂರಿನಲ್ಲಿ ಸದ್ದು: ಪಟಾಕಿ ಸಿಡಿಸಿದ್ದಕ್ಕೆ ನಟಿ ರಮ್ಯಾ ಕಿಡಿ, ಪೊಲೀಸರಿಗೆ ದೂರು!

Gowthami K — Thu, 22 Oct 2026 10:36:34 +0530

ಬೆಂಗಳೂರು: ಮೋಜು-ಮಸ್ತಿಯ ಹೆಸರಿನಲ್ಲಿ ನಡುರಾತ್ರಿ ಪಟಾಕಿ ಸಿಡಿಸಿ, ಭಾರಿ ಶಬ್ದದೊಂದಿಗೆ ಹಾಡುಗಳನ್ನು ಹಾಕಿ ಸಾರ್ವಜನಿಕರಿಗೆ ತೊಂದರೆ ಉಂಟು ಮಾಡಿದ ಘಟನೆಗೆ ಸಂಬಂಧಿಸಿದಂತೆ ಸ್ಯಾಂಡಲ್‌ವುಡ್ ನಟಿ, ಮಾಜಿ ಸಂಸದೆ ರಮ್ಯಾ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಬೆಂಗಳೂರಿನ ಪ್ರಸಿದ್ಧ 'ಫನ್ ವರ್ಲ್ಡ್' ಆವರಣದಲ್ಲಿ ಮಧ್ಯರಾತ್ರಿ ಸುಮಾರು 3 ಗಂಟೆಯ ವೇಳೆಗೆ ನಡೆದ ಈ ಆಚರಣೆಯನ್ನು ಖಂಡಿಸಿರುವ ಅವರು, ನಿಯಮ ಉಲ್ಲಂಘಿಸುವವರ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವಂತೆ ಬೆಂಗಳೂರು ನಗರ ಪೊಲೀಸರಿಗೆ ಸಾಮಾಜಿಕ ಜಾಲತಾಣದ ಮೂಲಕ ಮನವಿ ಮಾಡಿದ್ದಾರೆ.

ಸುಪ್ರೀಂ ಕೋರ್ಟ್ ಆದೇಶದ ಬಹಿರಂಗ ಉಲ್ಲಂಘನೆ:

ಘಟನೆ ಕುರಿತು ತಮ್ಮ ಎಕ್ಸ್ ಖಾತೆಯಲ್ಲಿ ಅಸಮಾಧಾನ ಹೊರಹಾಕಿರುವ ನಟಿ ರಮ್ಯಾ, ರಾತ್ರಿ 10 ಗಂಟೆಯಿಂದ ಬೆಳಿಗ್ಗೆ 6 ಗಂಟೆಯವರೆಗೆ ಸಾರ್ವಜನಿಕ ಸ್ಥಳಗಳಲ್ಲಿ ಭಾರಿ ಶಬ್ದ ಉಂಟು ಮಾಡುವ ಪಟಾಕಿಗಳನ್ನು ಸಿಡಿಸುವುದನ್ನು ಸುಪ್ರೀಂ ಕೋರ್ಟ್ ಸಂಪೂರ್ಣವಾಗಿ ನಿಷೇಧಿಸಿದೆ. ವಿಶೇಷ ಕಾರ್ಯಕ್ರಮಗಳಿಗೆ ಅನುಮತಿ ಇದ್ದರೂ ಸಹ ಮಧ್ಯರಾತ್ರಿಯ ನಂತರ ಲೌಡ್‌ಸ್ಪೀಕರ್‌ಗಳನ್ನು ಬಳಸಲು ಕಾನೂನಿನಲ್ಲಿ ಅವಕಾಶವಿಲ್ಲ. ಹೀಗಿದ್ದರೂ ನಿಯಮಗಳನ್ನು ಗಾಳಿಗೆ ತೂರಿ ಸಾರ್ವಜನಿಕರ ಶಾಂತಿಗೆ ಭಂಗ ತರುವುದು ಎಷ್ಟರ ಮಟ್ಟಿಗೆ ಸರಿ? ಎಂದು ಪ್ರಶ್ನಿಸಿದ್ದಾರೆ.

ಆಸ್ಪತ್ರೆ ರೋಗಿಗಳು ಹಾಗೂ ಹಿರಿಯ ನಾಗರಿಕರಿಗೆ ತೊಂದರೆ:

ವಿಶೇಷ ಸಂದರ್ಭಗಳಲ್ಲಿ ಅಥವಾ ಹಬ್ಬ-ಹರಿದಿನಗಳಲ್ಲಿ ಸಾರ್ವಜನಿಕರು ಸ್ವಲ್ಪ ಮಟ್ಟಿಗೆ ಹೊಂದಾಣಿಕೆ ಮಾಡಿಕೊಳ್ಳುವುದು ಸಹಜ ಎಂಬುದು ನನಗೆ ಅರ್ಥವಾಗುತ್ತದೆ. ಆದರೆ ಪ್ರತಿಯೊಂದು ಕಾರ್ಯಕ್ರಮದ ಹೆಸರಿನಲ್ಲೂ ಸಾರ್ವಜನಿಕರು ಪ್ರತಿದಿನ ಅಡ್ಜಸ್ಟ್ ಮಾಡಿಕೊಳ್ಳಬೇಕು ಎಂದು ನಿರೀಕ್ಷಿಸುವುದು ಖಂಡಿತವಾಗಿಯೂ ಸರಿಯಲ್ಲ. ಫನ್ ವರ್ಲ್ಡ್ ಸುತ್ತಮುತ್ತಲಿನ ಪ್ರದೇಶದಲ್ಲಿ ಪ್ರಮುಖ ಆಸ್ಪತ್ರೆಗಳಿವೆ, ನೂರಾರು ಹಿರಿಯ ನಾಗರಿಕರು ಹಾಗೂ ಪುಟ್ಟ ಮಕ್ಕಳು ವಾಸಿಸುತ್ತಿದ್ದಾರೆ. ಮಧ್ಯರಾತ್ರಿ 3 ಗಂಟೆಗೆ ಈ ರೀತಿ ಅತಿಯಾದ ಶಬ್ದ ಮಾಡುವುದರಿಂದ ಅನಾರೋಗ್ಯದಿಂದ ಬಳಲುತ್ತಿರುವ ರೋಗಿಗಳಿಗೆ ಮತ್ತು ಕಿರಿಯ-ಹಿರಿಯರ ನಿದ್ದೆಗೆ ಭಂಗ ಉಂಟಾಗುತ್ತದೆ ಎಂದು ಅವರು ಕಳವಳ ವ್ಯಕ್ತಪಡಿಸಿದ್ದಾರೆ.

ಬೆಂಗಳೂರು ಪೊಲೀಸರಿಗೆ ಕ್ರಮಕ್ಕಾಗಿ ಆಗ್ರಹ:

ಇಂತಹ ಜವಾಬ್ದಾರಿ ರಹಿತ ಕೃತ್ಯಗಳು ನಗರದಲ್ಲಿ ಮರುಕಳಿಸದಂತೆ ತಡೆಯಲು ಜಾಗೃತಿ ಮೂಡಿಸುವುದರ ಜೊತೆಗೆ, ಮಧ್ಯರಾತ್ರಿ ನಿಯಮ ಮೀರಿ ಕಾರ್ಯಕ್ರಮ ನಡೆಸಿದ ಆಯೋಜಕರು ಹಾಗೂ ಫನ್ ವರ್ಲ್ಡ್ ಆಡಳಿತ ಮಂಡಳಿಯ ವಿರುದ್ಧ ಬೆಂಗಳೂರು ನಗರ ಪೊಲೀಸರು ತಕ್ಷಣವೇ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ರಮ್ಯಾ ಒತ್ತಾಯಿಸಿದ್ದಾರೆ. ನಟಿ ರಮ್ಯಾ ಅವರ ಈ ಟ್ವೀಟ್‌ಗೆ ಸಾರ್ವಜನಿಕರಿಂದ ಹಾಗೂ ನೆಟ್ಟಿಗರಿಂದ ಭಾರಿ ಬೆಂಬಲ ವ್ಯಕ್ತವಾಗಿದ್ದು, ನಗರದಲ್ಲಿ ರಾತ್ರಿ ವೇಳೆ ಹೆಚ್ಚುತ್ತಿರುವ ಶಬ್ದ ಮಾಲಿನ್ಯದ ವಿರುದ್ಧ ಕಠಿಣ ಕ್ರಮ ಜರುಗಿಸಬೇಕೆಂಬ ಕೂಗು ಮತ್ತೆ ಜೋರಾಗಿದೆ.

Office politics: ಕಷ್ಟಪಟ್ಟು ದುಡಿದು ಒಳ್ಳೆಯ ಸಂಬಳ ಪಡೆದಿದ್ದೇ ತಪ್ಪಾಯ್ತಾ? ಬೆಂಗಳೂರಿನ ಉದ್ಯೋಗಿಗೆ ಮ್ಯಾನೇಜರ್‌ ಕಿರುಕುಳ

Sushma Hegde — Thu, 22 Oct 2026 10:29:54 +0530

ಬೆಂಗಳೂರಿನಲ್ಲಿ ಕೆಲಸ ಮಾಡುವ ಉದ್ಯೋಗಿಯೊಬ್ಬರಿಗೆ ತಮ್ಮ ಸಂಬಳವೇ ಸಮಸ್ಯೆಯಾಗಿ ಪರಿಣಮಿಸಿದೆಯೇ? ಮುಂಬರುವ ವೇತನ ಹೆಚ್ಚಳದ (Appraisal) ಮುನ್ನವೇ ರಾಜೀನಾಮೆ ನೀಡುವಂತೆ ಮ್ಯಾನೇಜರ್‌ ಒತ್ತಡ ಹೇರುತ್ತಿದ್ದಾರೆ ಎಂಬ ಉದ್ಯೋಗಿಯ ಆರೋಪ ಈಗ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಕಾರಣವಾಗಿದೆ. ತಂಡದ ಬಜೆಟ್‌ಗೆ ಹೋಲಿಸಿದರೆ ಉದ್ಯೋಗಿಯ ಸಂಬಳ ಹೆಚ್ಚಾಗಿದೆ ಎಂಬ ಕಾರಣ ನೀಡಿ ರಾಜೀನಾಮೆ ಕೇಳಲಾಗುತ್ತಿದೆ ಎನ್ನಲಾಗಿದೆ.

ಎರಡು ತಿಂಗಳ ಹಿಂದಷ್ಟೇ ಬದಲಾಗಿದ್ದ ಮ್ಯಾನೇಜರ್‌!

ಉದ್ಯೋಗಿಯೊಬ್ಬರು, 'ನನ್ನ ಸಂಬಳ ಹೆಚ್ಚಿದೆ ಎಂಬ ಕಾರಣಕ್ಕೆ ಮ್ಯಾನೇಜರ್‌ ರಾಜೀನಾಮೆ ಕೇಳುತ್ತಿದ್ದಾರೆ, ನಾನೇನು ಮಾಡಲಿ?' ಎಂಬ ಅರ್ಥದ ಶೀರ್ಷಿಕೆಯೊಂದಿಗೆ ತಮ್ಮ ಸಮಸ್ಯೆಯನ್ನು ಹಂಚಿಕೊಂಡಿದ್ದಾರೆ. ಉದ್ಯೋಗಿಯ ಹೇಳಿಕೆಯ ಪ್ರಕಾರ, ಸುಮಾರು ಎರಡು ತಿಂಗಳ ಹಿಂದೆ ಅವರ ಮ್ಯಾನೇಜರ್‌ ಬದಲಾಗಿದ್ದರು. ಹೊಸ ಮ್ಯಾನೇಜರ್‌ ಬಂದ ಬಳಿಕ ತಮ್ಮ ಮೇಲೆ ಒತ್ತಡ ಹೆಚ್ಚಾಗಿದೆ ಎಂದು ಅವರು ಆರೋಪಿಸಿದ್ದಾರೆ. ಮುಂಬರುವ ಅಪ್ರೈಸಲ್‌ಗೂ ಮುನ್ನವೇ ರಾಜೀನಾಮೆ ನೀಡುವಂತೆ ಮ್ಯಾನೇಜರ್‌ ಕೇಳುತ್ತಿದ್ದಾರೆ ಎಂದು ತಿಳಿಸಿದ್ದಾರೆ.

ಇದಕ್ಕೆ ನೀಡಿರುವ ಕಾರಣವೆಂದರೆ, ಉದ್ಯೋಗಿಗೆ ಈಗಾಗಲೇ ಉತ್ತಮ ಸಂಬಳವಿದ್ದು, ತಂಡದ ಬಜೆಟ್‌ನಲ್ಲಿ ಅದಕ್ಕಿಂತ ಹೆಚ್ಚಿನ ಮೊತ್ತವನ್ನು ನಿರ್ವಹಿಸಲು ಸಾಧ್ಯವಿಲ್ಲ ಎಂಬುದಾಗಿದೆ. ಹೀಗಾಗಿ, ಮುಂಬರುವ ಅಪ್ರೈಸಲ್‌ನಲ್ಲಿ ವೇತನ ಹೆಚ್ಚಳ ನೀಡುವ ಪರಿಸ್ಥಿತಿಯನ್ನು ತಪ್ಪಿಸಲು ಈ ಕ್ರಮ ಕೈಗೊಳ್ಳಲಾಗುತ್ತಿದೆಯೇ ಎಂಬ ಅನುಮಾನ ಉದ್ಯೋಗಿಯಲ್ಲಿ ಮೂಡಿದೆ.

ಅಕ್ಟೋಬರ್‌ 24ರ ವೇತನದ ದಿನಕ್ಕೂ ಮುನ್ನವೇ ಒತ್ತಡ?

ಉದ್ಯೋಗಿಯ ಪ್ರಕಾರ, ಮುಂದಿನ ವೇತನ ಚಕ್ರ ಅಕ್ಟೋಬರ್‌ 24ರ ಸುಮಾರಿಗೆ ಬರಲಿದ್ದು, ಅದಕ್ಕೂ ಮುನ್ನ ರಾಜೀನಾಮೆ ನೀಡುವಂತೆ ಒತ್ತಡ ಹೇರಲಾಗುತ್ತಿದೆ. ತನ್ನ ಕೆಲಸದಲ್ಲಿ ಯಾವುದೇ ತಪ್ಪು ಮಾಡಿರುವುದು ತನಗೆ ತಿಳಿದಿಲ್ಲ ಎಂದು ಹೇಳಿರುವ ಉದ್ಯೋಗಿ, ಕೇವಲ ಬಜೆಟ್‌ ಸಮಸ್ಯೆಯ ಕಾರಣಕ್ಕೆ ತಮ್ಮನ್ನು ಕೆಲಸ ಬಿಡುವಂತೆ ಕೇಳುತ್ತಿರುವುದು ಸರಿಯೇ ಎಂಬ ಪ್ರಶ್ನೆ ಎತ್ತಿದ್ದಾರೆ.

"ನಾನು ಆತುರದಲ್ಲಿ ಯಾವುದೇ ನಿರ್ಧಾರ ತೆಗೆದುಕೊಳ್ಳಲು ಬಯಸುವುದಿಲ್ಲ. ಈ ಪರಿಸ್ಥಿತಿಗೆ ನನ್ನ ಕೆಲಸದ ಕಾರ್ಯಕ್ಷಮತೆಗಿಂತ ಬಜೆಟ್‌ ಸಮಸ್ಯೆಯೇ ಕಾರಣವಾಗಿರುವಂತೆ ಕಾಣುತ್ತಿದೆ" ಎಂದು ಅವರು ತಮ್ಮ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ. ಎರಡು ತಿಂಗಳ ನೋಟಿಸ್‌ ಅವಧಿಯೂ ಇರುವುದಾಗಿ ವಿವರಿಸಿರುವ ಅವರು, ಸ್ವಯಂಪ್ರೇರಿತವಾಗಿ ರಾಜೀನಾಮೆ ನೀಡದಿದ್ದರೆ ಕಂಪನಿಯೇ ಕೆಲಸದಿಂದ ತೆಗೆದುಹಾಕುವ ಸಂದರ್ಭದಲ್ಲಿ ಯಾವ ಪರಿಣಾಮಗಳು ಎದುರಾಗಬಹುದು ಎಂದು ಇತರರ ಸಲಹೆ ಕೇಳಿದ್ದಾರೆ.

'ರಾಜೀನಾಮೆ ಕೊಡಬೇಡಿ' ಎಂದ ನೆಟ್ಟಿಗರು!

ಈ ಪೋಸ್ಟ್‌ ವೈರಲ್‌ ಆಗುತ್ತಿದ್ದಂತೆ ಹಲವರು ಉದ್ಯೋಗಿಗೆ ಧೈರ್ಯ ತುಂಬಿದ್ದಾರೆ. ಯಾವುದೇ ಒತ್ತಡಕ್ಕೆ ಮಣಿದು ತಕ್ಷಣ ರಾಜೀನಾಮೆ ನೀಡಬಾರದು ಎಂದು ಸಲಹೆ ನೀಡಿದ್ದಾರೆ.

- ಮೊದಲು ಹೊಸ ಉದ್ಯೋಗ ಹುಡುಕಿ: ಪ್ರಸ್ತುತ ಕೆಲಸ ಬಿಡುವ ಮೊದಲು ಬೇರೆ ಕಂಪನಿಯಲ್ಲಿ ಉದ್ಯೋಗಾವಕಾಶ ಹುಡುಕಿ, ಸಾಧ್ಯವಾದರೆ ಹೊಸ ಆಫರ್‌ ಪಡೆದ ಬಳಿಕ ಮುಂದಿನ ನಿರ್ಧಾರ ತೆಗೆದುಕೊಳ್ಳಿ ಎಂದು ಒಬ್ಬರು ಸಲಹೆ ನೀಡಿದ್ದಾರೆ.

- ಎಲ್ಲ ಸಂವಹನಗಳ ದಾಖಲೆ ಇಟ್ಟುಕೊಳ್ಳಿ: ಮ್ಯಾನೇಜರ್‌ ಜೊತೆಗಿನ ಮಾತುಕತೆ, ಇಮೇಲ್‌ಗಳು ಮತ್ತು ರಾಜೀನಾಮೆ ನೀಡುವಂತೆ ಒತ್ತಡ ಹೇರಿರುವುದಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳುವಂತೆ ಮತ್ತೊಬ್ಬರು ಹೇಳಿದ್ದಾರೆ.

- ಎಚ್‌ಆರ್‌ ಗಮನಕ್ಕೆ ತನ್ನಿ: ಈ ಸಮಸ್ಯೆಯನ್ನು ಕಂಪನಿಯ ಮಾನವ ಸಂಪನ್ಮೂಲ ವಿಭಾಗದ (HR) ಗಮನಕ್ಕೆ ತಂದು, ತಮ್ಮ ಕಡೆಯಿಂದ ನಡೆದಿರುವ ಘಟನೆಗಳನ್ನು ಲಿಖಿತವಾಗಿ ದಾಖಲಿಸುವುದು ಉತ್ತಮ ಎಂದು ಇನ್ನೊಬ್ಬ ಬಳಕೆದಾರರು ಅಭಿಪ್ರಾಯಪಟ್ಟಿದ್ದಾರೆ.

- ಕಂಪನಿಯ ನಿರ್ಧಾರಕ್ಕಾಗಿ ಕಾಯಿರಿ: ಉದ್ಯೋಗಿಯೇ ರಾಜೀನಾಮೆ ನೀಡುವ ಬದಲು, ಕಂಪನಿಯೇ ಕೆಲಸದಿಂದ ತೆಗೆದುಹಾಕುವ ನಿರ್ಧಾರ ಕೈಗೊಂಡರೆ ಅದರ ಹಿಂದಿನ ಕಾರಣಗಳನ್ನು ಅಧಿಕೃತವಾಗಿ ದಾಖಲಿಸುವ ಅಗತ್ಯ ಎದುರಾಗಬಹುದು ಎಂದು ಕೆಲವರು ಹೇಳಿದ್ದಾರೆ.

ಹೆಬ್ಬಾಳ ಕಿರು ಸುರಂಗ ಮಾರ್ಗ: 1128 ಮರ ಕಡಿಯುವ BDA ಪ್ರಸ್ತಾವನೆಗೆ 1600 ಆಕ್ಷೇಪಣೆ

Mahmad Rafik — Thu, 22 Oct 2026 10:29:12 +0530

ಬೆಂಗಳೂರಿನ ಹೆಬ್ಬಾಳ ಜಂಕ್ಷನ್‌ನಲ್ಲಿ ಸುರಂಗ ಮಾರ್ಗ ನಿರ್ಮಾಣಕ್ಕಾಗಿ 1,128 ಮರಗಳನ್ನು ಕಡಿಯುವ ಬಿಡಿಎ ಪ್ರಸ್ತಾವನೆಗೆ ಸಾರ್ವಜನಿಕರಿಂದ ತೀವ್ರ ವಿರೋಧ ವ್ಯಕ್ತವಾಗಿದೆ. ಈ ಯೋಜನೆಗೆ ಹಸಿರು ನ್ಯಾಯಮಂಡಳಿ (NGT) ತಡೆಯಾಜ್ಞೆ ನೀಡಿದೆ.

ಬೆಂಗಳೂರಿನ ಹೆಬ್ಬಾಳ ಜಂಕ್ಷನ್‌ನಲ್ಲಿ 2.3 ಕಿ.ಮೀ. ಉದ್ದದ ಸಣ್ಣ ಸುರಂಗ ಮಾರ್ಗ ನಿರ್ಮಾಣಕ್ಕಾಗಿ 1,128 ಮರಗಳನ್ನು ಕಡಿಯುವ ಬಿಡಿಎ (BDA) ಪ್ರಸ್ತಾವನೆಗೆ ನಾಗರಿಕರಿಂದ ಸುಮಾರು 1,600 ಆಕ್ಷೇಪಣೆಗಳು ಬಂದಿವೆ. ಈ ಕುರಿತು ಮರ ತಜ್ಞರ ಸಮಿತಿಯು ಆಕ್ಷೇಪಣೆಗಳನ್ನು ಪರಿಶೀಲಿಸಿ, ಸ್ಥಳ ತನಿಖೆ ನಡೆಸಿದ ನಂತರ ಎಷ್ಟು ಮರಗಳನ್ನು ಉಳಿಸಬಹುದು, ಸ್ಥಳಾಂತರಿಸಬಹುದು ಅಥವಾ ಕಡಿಯಬಹುದು ಎಂಬ ಅಂತಿಮ ನಿರ್ಧಾರ ತೆಗೆದುಕೊಳ್ಳಲಿದೆ.

ಈ ಮೂರು ಪಥದ ದ್ವಿಮುಖ ಅಂಡರ್‌ಪಾಸ್ ಯೋಜನೆಗೆ ಹೆಬ್ಬಾಳ ಕೆರೆ ಪ್ರದೇಶದಲ್ಲಿ ಸುಮಾರು 3.5 ಎಕರೆ ಭೂಮಿಯನ್ನು ಒದಗಿಸಲು ಬೆಂಗಳೂರು ಉತ್ತರ ನಗರ ನಿಗಮ (BNCC) ಒಪ್ಪಿಕೊಂಡಿದೆ. ಈ ಮಾರ್ಗವು ಹೆಬ್ಬಾಳ ಜಂಕ್ಷನ್‌ನಿಂದ ಕೆವಿಎಎಫ್‌ಎಸ್‌ಯು (KVAFSU) ಮೂಲಕ ಕೃಷಿ ವಿಜ್ಞಾನ ವಿಶ್ವವಿದ್ಯಾಲಯದ (UAS) ಸಿಬ್ಬಂದಿ ವಸತಿಗೃಹಗಳಿಗೆ ಸಂಪರ್ಕ ಕಲ್ಪಿಸುತ್ತದೆ.

ಅರಣ್ಯ, ಪರಿಸರ ಮತ್ತು ಹವಾಮಾನ ಬದಲಾವಣೆ ಸೊಸೈಟಿ ಸಲ್ಲಿಸಿದ ಅರ್ಜಿಯ ಮೇರೆಗೆ, ಚೆನ್ನೈನಲ್ಲಿರುವ ರಾಷ್ಟ್ರೀಯ ಹಸಿರು ನ್ಯಾಯಮಂಡಳಿಯ (NGT) ದಕ್ಷಿಣ ವಲಯ ಪೀಠವು ಈ ಯೋಜನೆಯಡಿ ಮರ ಕಡಿಯುವುದಕ್ಕೆ ಅಕ್ಟೋಬರ್ 16 ರಂದು ತಡೆಯಾಜ್ಞೆ ನೀಡಿದೆ. ಅಲ್ಲದೆ ಈ ಪ್ರಸ್ತಾವನೆಯು ಕರ್ನಾಟಕ ಹೈಕೋರ್ಟ್‌ನಲ್ಲಿಯೂ ಕಾನೂನು ಸವಾಲನ್ನು ಎದುರಿಸುತ್ತಿದೆ.

ಸುರಂಗ ನಿರ್ಮಾಣದಿಂದ 70ಕ್ಕೂ ಹೆಚ್ಚು ತಳಿಗಳ 1,128 ಮರಗಳು ನಾಶವಾಗುವುದಲ್ಲದೆ, ಹೆಬ್ಬಾಳ ಕೆರೆ, ಜೀವವೈವಿಧ್ಯ, ಅಂತರ್ಜಲ ಮಟ್ಟ ಹಾಗೂ ಹೆಬ್ಬಾಳ ಮತ್ತು ನಾಗವಾರ ಕೆರೆಗಳನ್ನು ಸಂಪರ್ಕಿಸುವ ನೈಸರ್ಗಿಕ ಜಲವಿಜ್ಞಾನ ವ್ಯವಸ್ಥೆಯ ಮೇಲೆ ಗಂಭೀರ ಪರಿಣಾಮ ಬೀರಲಿದೆ ಎಂದು ಅರ್ಜಿಯಲ್ಲಿ ಕಳವಳ ವ್ಯಕ್ತಪಡಿಸಲಾಗಿದೆ.

ಪರಿಸರ ಶಿಕ್ಷಣತಜ್ಞೆ ಹಾಗೂ ಹೆಬ್ಬಾಳದ ನಿವಾಸಿ ಎಲಿಜಬೆತ್ ಎಸ್. ಮಾತನಾಡಿ, "ಸಾಮಾನ್ಯವಾಗಿ ಬೆಂಗಳೂರಿನ 2 ಕಿ.ಮೀ ರಸ್ತೆಯಲ್ಲಿ ಸುಮಾರು 900 ಮರಗಳು ಸಿಗುವುದಿಲ್ಲ. ಪ್ರಸ್ತಾಪಿತ ಮಾರ್ಗವು ಶೈಕ್ಷಣಿಕ ಆವರಣಗಳು, ಕೆರೆಯ ಬಫರ್ ಝೋನ್ ಹಾಗೂ ಟ್ರೀ ಪಾರ್ಕ್ ಮೂಲಕ ಹಾದುಹೋಗುತ್ತಿರುವುದೇ ಇಲ್ಲಿ ಇಷ್ಟೊಂದು ದೊಡ್ಡ ಸಂಖ್ಯೆಯಲ್ಲಿ ಮರಗಳಿರಲು ಕಾರಣ. ಇದು ಈ ಪ್ರದೇಶದ ಪರಿಸರ ಸೂಕ್ಷ್ಮತೆಯನ್ನು ಎತ್ತಿಹಿಡಿಯುತ್ತದೆ," ಎಂದು ಹೇಳಿದ್ದಾರೆ.

ಕೆನಡಾ ಬಿಟ್ಟು ಮೈಸೂರಿಗೆ ಬರಲು ಸಿದ್ಧವಾದ ಕುಟುಂಬ; ₹1.5 ಲಕ್ಷದಲ್ಲಿ ಐಷಾರಾಮಿ ಜೀವನ ಸಾಧ್ಯವೇ?

Sushma Hegde — Thu, 22 Oct 2026 10:03:31 +0530

ಕೆನಡಾದ ಒಂಟಾರಿಯೊದಲ್ಲಿ ನೆಲೆಸಿದ್ದ ಮೂವರ ಕುಟುಂಬವೊಂದು ಭಾರತಕ್ಕೆ ಮರಳಲು ನಿರ್ಧರಿಸಿದ್ದು, ಕರ್ನಾಟಕದ ಮೈಸೂರಿನಲ್ಲಿ ವಾಸಿಸಲು ಯೋಜಿಸಿದೆ. ಆದರೆ, ತಿಂಗಳಿಗೆ ₹1.5 ಲಕ್ಷ ಬಜೆಟ್‌ನಲ್ಲಿ ಕುಟುಂಬದ ಜೀವನ ನಿರ್ವಹಣೆ ಸಾಧ್ಯವೇ ಎಂಬ ಪ್ರಶ್ನೆಯನ್ನು ಸಾಮಾಜಿಕ ಜಾಲತಾಣದಲ್ಲಿ ಮುಂದಿಟ್ಟಿದ್ದು, ಈ ಚರ್ಚೆ ಈಗ ಗಮನ ಸೆಳೆಯುತ್ತಿದೆ.

ಗಂಡ, ಹೆಂಡತಿ ಹಾಗೂ ಎಂಟು ವರ್ಷದ ಮಗುವನ್ನು ಒಳಗೊಂಡಿರುವ ಈ ಕುಟುಂಬ, ಮೈಸೂರಿನಲ್ಲಿ ಮನೆ ಖರ್ಚಿನ ಬಗ್ಗೆ ಚಿಂತಿಸುವ ಅಗತ್ಯವಿಲ್ಲ ಎಂದು ಹೇಳಿದೆ. ಈಗಾಗಲೇ ವಸತಿ ವ್ಯವಸ್ಥೆಯನ್ನು ಮಾಡಿಕೊಳ್ಳಲಾಗಿದ್ದು, ಬಾಡಿಗೆ ಅಥವಾ ಗೃಹಸಾಲದ ಕಂತು ಪಾವತಿಸುವ ಹೊರೆ ಇರುವುದಿಲ್ಲ. ಹೀಗಾಗಿ, ಉಳಿದ ಅಗತ್ಯ ವೆಚ್ಚಗಳನ್ನು ₹1.5 ಲಕ್ಷದೊಳಗೆ ನಿರ್ವಹಿಸಬಹುದೇ ಎಂಬುದನ್ನು ತಿಳಿದುಕೊಳ್ಳಲು ಅವರು ಸ್ಥಳೀಯರು ಹಾಗೂ ವಿದೇಶದಿಂದ ಭಾರತಕ್ಕೆ ಮರಳಿರುವವರ ಸಲಹೆ ಕೇಳಿದ್ದಾರೆ.

ಹಸಿರು ಪರಿಸರದ ನಡುವೆ ವಾಸಿಸುವ ಆಸೆ

ಕುಟುಂಬದ ವ್ಯಕ್ತಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಮಾಹಿತಿಯ ಪ್ರಕಾರ, ಅವರಿಗೆ ಹಸಿರು ಪರಿಸರ, ತೆಂಗಿನ ತೋಟಗಳು ಅಥವಾ ನೀರಿನ ಮೂಲಗಳ ಸಮೀಪ ವಾಸಿಸುವ ಆಸೆಯಿದೆ. ಕುಟುಂಬದ ತಿಂಗಳ ಬಜೆಟ್ ಸುಮಾರು ₹1.5 ಲಕ್ಷವಾಗಿದ್ದು, ಇದು ಕೆನಡಾದ ಕರೆನ್ಸಿಯಲ್ಲಿ ಅಂದಾಜು 2,200 ಡಾಲರ್‌ಗೆ ಸಮಾನ ಎಂದು ತಿಳಿಸಿದ್ದಾರೆ.

ಈ ಬಜೆಟ್‌ನಲ್ಲಿ ವಿದ್ಯುತ್, ನೀರು, ಅಡುಗೆ ಅನಿಲ, ದಿನಸಿ ಸಾಮಗ್ರಿಗಳು, ಮನೆಗೆಲಸದವರ ಸಂಬಳ, ವಾಹನದ ಇಂಧನ ಮತ್ತು ನಿರ್ವಹಣೆ ಹಾಗೂ ಮಗುವಿನ ಶಾಲಾ ಶುಲ್ಕ ಸೇರಿದಂತೆ ದಿನನಿತ್ಯದ ಅಗತ್ಯ ವೆಚ್ಚಗಳನ್ನು ಭರಿಸುವ ಯೋಜನೆಯಿದೆ. ಮನೆ ಬಾಡಿಗೆ ಇಲ್ಲದಿರುವುದರಿಂದ ಈ ಮೊತ್ತದಲ್ಲಿ ನೆಮ್ಮದಿಯ ಜೀವನ ನಡೆಸಲು ಸಾಧ್ಯವೇ ಎಂಬುದೇ ಅವರ ಪ್ರಮುಖ ಪ್ರಶ್ನೆಯಾಗಿದೆ.

ಮೈಸೂರಿನಲ್ಲಿ ಯಾವ ಶಾಲೆ ಉತ್ತಮ?

ಕುಟುಂಬಕ್ಕೆ ಎದುರಾಗಿರುವ ಮತ್ತೊಂದು ಪ್ರಮುಖ ಪ್ರಶ್ನೆ ಮಗುವಿನ ಶಿಕ್ಷಣಕ್ಕೆ ಸಂಬಂಧಿಸಿದೆ. ಮೈಸೂರಿನ ಎಕ್ಸೆಲ್ ಪಬ್ಲಿಕ್ ಸ್ಕೂಲ್‌ನಂತಹ ಶಾಲೆಗಳಲ್ಲಿ ಪ್ರವೇಶ ಪಡೆಯುವುದು ಎಷ್ಟು ಕಷ್ಟ ಎಂಬುದನ್ನು ಅವರು ಕೇಳಿದ್ದಾರೆ.

ಅಷ್ಟೇ ಅಲ್ಲದೆ, ಮಕ್ಕಳು ಕೇವಲ ಕಪ್ಪು ಹಲಗೆಯ ಮುಂದೆ ಕುಳಿತು ಪಾಠ ಕೇಳುವುದಕ್ಕಿಂತ, ಪ್ರಾಯೋಗಿಕ ಚಟುವಟಿಕೆಗಳ ಮೂಲಕ ಕಲಿಯುವಂತಹ ಪರ್ಯಾಯ ಶಿಕ್ಷಣ ಸಂಸ್ಥೆಗಳು ಮೈಸೂರಿನಲ್ಲಿ ಇವೆಯೇ ಎಂಬ ಬಗ್ಗೆಯೂ ಮಾಹಿತಿ ಬಯಸಿದ್ದಾರೆ. ವಿದೇಶದಿಂದ ಭಾರತಕ್ಕೆ ಮರಳುವ ಕುಟುಂಬಗಳಿಗೆ ಮಕ್ಕಳ ಶಿಕ್ಷಣ, ಕಲಿಕೆಯ ವಿಧಾನ ಮತ್ತು ಶಾಲೆಯ ವಾತಾವರಣ ಪ್ರಮುಖ ಆದ್ಯತೆಗಳಾಗಿರುವುದರಿಂದ ಈ ಪ್ರಶ್ನೆ ಸಹಜವಾಗಿಯೇ ಗಮನ ಸೆಳೆದಿದೆ.

ಕೆಆರ್‌ಎಸ್ ರಸ್ತೆ ಉತ್ತಮವೇ? ಬೋಗಾದಿ ಅಥವಾ ವಿಜಯನಗರ ಹೇಗಿದೆ?

ಮೈಸೂರಿನಲ್ಲಿ ವಾಸಿಸಲು ಸೂಕ್ತವಾದ ಪ್ರದೇಶವನ್ನು ಆಯ್ಕೆ ಮಾಡುವ ಬಗ್ಗೆಯೂ ಕುಟುಂಬ ಸಲಹೆ ಕೇಳಿದೆ. ಕಾವೇರಿ ನದಿ ಹಾಗೂ ಕೆಆರ್‌ಎಸ್ ರಸ್ತೆ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಾಸಿಸುವುದು ಉತ್ತಮವೇ? ಅಥವಾ ಬೋಗಾದಿ ಹಾಗೂ ವಿಜಯನಗರ 4ನೇ ಹಂತದಂತಹ ಬಡಾವಣೆಗಳನ್ನು ಆಯ್ಕೆ ಮಾಡಬೇಕೇ ಎಂದು ಪ್ರಶ್ನಿಸಿದೆ.

ಶುದ್ಧ ಗಾಳಿ, ನೀರು ಮತ್ತು ಹಸಿರು ಪರಿಸರಕ್ಕೆ ಆದ್ಯತೆ ನೀಡುವ ಕುಟುಂಬಕ್ಕೆ ಬೇಸಿಗೆಯಲ್ಲಿ ನೀರಿನ ಪೂರೈಕೆ ಹೇಗಿರುತ್ತದೆ ಎಂಬುದೂ ಮುಖ್ಯವಾಗಿದೆ. ಹೀಗಾಗಿ, ಈ ಪ್ರದೇಶಗಳಲ್ಲಿ ನೀರಿನ ಲಭ್ಯತೆ ಮತ್ತು ಪೂರೈಕೆಯ ಸ್ಥಿರತೆಯ ಬಗ್ಗೆ ಸ್ಥಳೀಯರ ಅಭಿಪ್ರಾಯವನ್ನು ಕೋರಿದ್ದಾರೆ.

₹1.5 ಲಕ್ಷದಲ್ಲಿ ಜೀವನ ಸಾಧ್ಯವೇ? ನೆಟ್ಟಿಗರು ಹೇಳಿದ್ದೇನು?

ಈ ಪ್ರಶ್ನೆಗೆ ಪ್ರತಿಕ್ರಿಯಿಸಿರುವ ಸಾಮಾಜಿಕ ಜಾಲತಾಣ ಬಳಕೆದಾರರು, ಕುಟುಂಬದ ಜೀವನಶೈಲಿ ಮತ್ತು ಖರ್ಚು ಮಾಡುವ ರೀತಿಯನ್ನು ಅವಲಂಬಿಸಿ ಉತ್ತರ ಬದಲಾಗುತ್ತದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಒಬ್ಬ ಬಳಕೆದಾರರು ಎಲೆಕ್ಟ್ರಿಕ್ ವಾಹನ (EV) ಖರೀದಿಸುವುದು ಮತ್ತು ಮನೆಯ ಮೇಲೆ ಸೌರ ವಿದ್ಯುತ್ ವ್ಯವಸ್ಥೆ ಅಳವಡಿಸಿಕೊಳ್ಳುವುದು ದೀರ್ಘಾವಧಿಯಲ್ಲಿ ವೆಚ್ಚವನ್ನು ಕಡಿಮೆ ಮಾಡಲು ಸಹಾಯ ಮಾಡಬಹುದು ಎಂದು ಸಲಹೆ ನೀಡಿದ್ದಾರೆ.

ಮತ್ತೊಬ್ಬರು, ಕುಟುಂಬಕ್ಕೆ ತಿಂಗಳಿಗೆ ₹1.5 ಲಕ್ಷ ಆದಾಯ ಎಲ್ಲಿಂದ ಬರಲಿದೆ ಎಂಬುದನ್ನು ತಿಳಿದುಕೊಳ್ಳುವ ಕುತೂಹಲ ವ್ಯಕ್ತಪಡಿಸಿದ್ದಾರೆ. ಅದು ಸ್ಥಿರ ಠೇವಣಿಯಿಂದ ಬರುವ ಬಡ್ಡಿಯೇ ಅಥವಾ ಬೇರೆ ಆದಾಯದ ಮೂಲವಿದೆಯೇ ಎಂದು ಪ್ರಶ್ನಿಸಿದ್ದಾರೆ.

ಇನ್ನೊಬ್ಬ ಬಳಕೆದಾರರು, ಕಾರಿನ ಆಯ್ಕೆ, ಆಹಾರ ಮತ್ತು ದಿನಸಿ ಖರ್ಚು, ಬಟ್ಟೆ ಹಾಗೂ ಇತರ ವೈಯಕ್ತಿಕ ಅಗತ್ಯಗಳ ಮೇಲೆ ಒಟ್ಟು ವೆಚ್ಚ ನಿರ್ಧಾರವಾಗುತ್ತದೆ ಎಂದು ಹೇಳಿದ್ದಾರೆ.

"ಭಾರತದಲ್ಲಿ ತಿಂಗಳಿಗೆ ₹1 ಲಕ್ಷದಲ್ಲೂ ಜೀವನ ನಡೆಸಬಹುದು. ಅದೇ ರೀತಿ, ₹1 ಕೋಟಿ ಇದ್ದರೂ ಕೆಲವರು ಬಡವರಂತೆ ಬದುಕಬಹುದು. ಎಲ್ಲವೂ ಜೀವನಶೈಲಿಯನ್ನು ಅವಲಂಬಿಸಿರುತ್ತದೆ. ಮನೆ ಖರ್ಚು ಇಲ್ಲದೆ ಮಿತವ್ಯಯದ ಜೀವನ ನಡೆಸಿದರೆ ₹1.5 ಲಕ್ಷದಲ್ಲಿ ಬದುಕುವುದು ಸಾಧ್ಯ" ಎಂಬುದು ಅವರ ಅಭಿಪ್ರಾಯದ ಸಾರವಾಗಿದೆ.

ಇನ್ಫೋಸಿಸ್ ಉದ್ಯೋಗಿಗಳಿಂದ ಸಲಹೆ ಪಡೆಯಲು ಸೂಚನೆ

ಮೈಸೂರಿನ ಇನ್ಫೋಸಿಸ್ ಕಚೇರಿಯಲ್ಲಿ ಕೆಲಸ ಮಾಡುವ ಕೆಲವು ಹಿರಿಯ ಉದ್ಯೋಗಿಗಳು ತಮ್ಮ ಕುಟುಂಬಗಳೊಂದಿಗೆ ನಗರದಲ್ಲಿ ನೆಲೆಸಿದ್ದಾರೆ ಎಂದು ಮತ್ತೊಬ್ಬರು ಗಮನ ಸೆಳೆದಿದ್ದಾರೆ.

ಕುಟುಂಬದ ಆರ್ಥಿಕ ಪರಿಸ್ಥಿತಿ ಮತ್ತು ಜೀವನಶೈಲಿಗೆ ಹೋಲಿಕೆಯಾಗುವಂತಹ ಅನುಭವ ಹೊಂದಿರುವವರನ್ನು ನೇರವಾಗಿ ಸಂಪರ್ಕಿಸಿ ಮಾಹಿತಿ ಪಡೆಯುವುದು ಉತ್ತಮ ಎಂದು ಅವರು ಸಲಹೆ ನೀಡಿದ್ದಾರೆ. ಒಟ್ಟಿನಲ್ಲಿ, ಮನೆ ಬಾಡಿಗೆಯ ಹೊರೆ ಇಲ್ಲದಿದ್ದರೆ ಮೈಸೂರಿನಲ್ಲಿ ತಿಂಗಳಿಗೆ ₹1.5 ಲಕ್ಷದಲ್ಲಿ ಆರಾಮದಾಯಕ ಜೀವನ ನಡೆಸಲು ಸಾಧ್ಯವೇ ಎಂಬ ಚರ್ಚೆ ಮುನ್ನೆಲೆಗೆ ಬಂದಿದೆ. ಆದರೆ, ಶಾಲೆಯ ಶುಲ್ಕ, ವಾಹನದ ನಿರ್ವಹಣೆ, ದಿನಸಿ ಖರ್ಚು, ಆರೋಗ್ಯದ ಅಗತ್ಯಗಳು ಮತ್ತು ಕುಟುಂಬದ ಜೀವನಶೈಲಿಯನ್ನು ಪರಿಗಣಿಸಿದ ಬಳಿಕವೇ ನಿಖರವಾದ ಮಾಸಿಕ ಬಜೆಟ್ ರೂಪಿಸಲು ಸಾಧ್ಯ. ನೆಟ್ಟಿಗರ ಅಭಿಪ್ರಾಯಗಳ ಪ್ರಕಾರ, ಸರಿಯಾದ ಯೋಜನೆ ಮತ್ತು ವೆಚ್ಚಗಳ ನಿಯಂತ್ರಣ ಈ ಕುಟುಂಬದ ಪಾಲಿಗೆ ಪ್ರಮುಖವಾಗಲಿದೆ.

ಶಿವಮೊಗ್ಗ ದಸರಾ ಇತಿಹಾಸದಲ್ಲೇ ಕಪ್ಪು ಚುಕ್ಕೆ: ಅಂಬಾರಿ ಆನೆ ರೊಚ್ಚಿಗೇಳಲು ಆ ಒಂದು ತಪ್ಪೇ ಕಾರಣ!

Gowthami K — Thu, 22 Oct 2026 09:57:33 +0530

ಶಿವಮೊಗ್ಗ: ಶಿವಮೊಗ್ಗ ನಗರದಲ್ಲಿ ಅದ್ಧೂರಿಯಾಗಿ ಜರುಗುತ್ತಿದ್ದ ದಸರಾ ಜಂಬೂಸವಾರಿ ಮೆರವಣಿಗೆಯಲ್ಲಿ ಎಲ್ಲರ ಕಣ್ಣಾಗಿದ್ದ ಅಂಬಾರಿ ಆನೆ 'ಸೋಮಣ್ಣ' ಇದ್ದಕ್ಕಿದ್ದಂತೆ ಭಯಗೊಂಡು, ರೊಚ್ಚಿಗೆದ್ದು ಹಿಂತಿರುಗಿ ಓಡಿದ ದುರ್ಘಟನೆ ಸಾರ್ವಜನಿಕರಲ್ಲಿ ಭಾರೀ ಆತಂಕ ಮೂಡಿಸಿತ್ತು. ಶಿವಪ್ಪ ನಾಯಕನ ಅರಮನೆಯ ಆವರಣದಿಂದ ಸುಮಾರು 650 ಕೆಜಿ ತೂಕದ ಬೆಳ್ಳಿ ಅಂಬಾರಿಯನ್ನು ಹೊತ್ತು ಗಜಗಾಂಭೀರ್ಯದಿಂದ ಸಾಗುತ್ತಿದ್ದ ಸೋಮಣ್ಣ, ಮಾರ್ಗಮಧ್ಯೆ ಇದ್ದಕ್ಕಿದ್ದಂತೆ ಉಲ್ಟಾ ತಿರುಗಿ ಓಡಲು ಆರಂಭಿಸಿದ. ಈ ಘಟನೆಯಿಂದಾಗಿ ಬೆಳ್ಳಿ ಅಂಬಾರಿ ನೆಲಕ್ಕೆ ಬಿದ್ದು, ಮೆರವಣಿಗೆಯಲ್ಲಿದ್ದ ಜನರು ಚೆಲ್ಲಾಪಿಲ್ಲಿಯಾಗಿ ಓಡುವಂತಾಯಿತು.

ಆರಂಭದಲ್ಲಿ ಪಟಾಕಿ ಶಬ್ದ ಹಾಗೂ ಡೋಲುಗಳ ಅತಿಯಾದ ಗದ್ದಲವೇ ಆನೆ ಗಾಬರಿಗೊಳ್ಳಲು ಕಾರಣವೆಂದು ಭಾವಿಸಲಾಗಿತ್ತು. ಆದರೆ, ಆನೆಯ ಈ ದಿಢೀರ್ ವರ್ತನೆಯ ಹಿಂದೆ ಒಬ್ಬ ವ್ಯಕ್ತಿಯ ಸಣ್ಣ ಅಚಾತುರ್ಯ ಮತ್ತು ವೈಜ್ಞಾನಿಕ ಕಾರಣವಿರುವುದು ಈಗ ಬೆಳಕಿಗೆ ಬಂದಿದೆ.

ಹಿಂಭಾಗದ ಸ್ಪರ್ಶವೇ ಪ್ರಚೋದನೆ!

ಮೆರವಣಿಗೆಯಲ್ಲಿ ಸ್ವಯಂಸೇವಕನಾಗಿ ಭಾಗವಹಿಸಿದ್ದ ಯುವಕನೊಬ್ಬ ಮಾಡಿದ ಸಣ್ಣ ತಪ್ಪು ಈ ಅನಾಹುತಕ್ಕೆ ಮುನ್ನುಡಿ ಬರೆಯಿತು. ಮೆರವಣಿಗೆ ಸಾಗುತ್ತಿದ್ದಾಗ ಈ ಯುವಕ ಆನೆಯ ಹಿಂಭಾಗದಿಂದ ನುಗ್ಗಿ, ಸೋಮಣ್ಣನ ಹಿಂಭಾಗಕ್ಕೆ ‘ಪಟ್’ ಎಂದು ತಟ್ಟಿದ್ದಾನೆ. ಈ ಹಠಾತ್ ಸ್ಪರ್ಶವಾಗುತ್ತಿದ್ದಂತೆಯೇ ಆನೆ ತಕ್ಷಣವೇ ಹಿಂತಿರುಗಿ ಓಡಲು ಶುರುಮಾಡಿದೆ. ಯುವಕನಿಗೆ ತಾನು ಮಾಡಿದ ತಪ್ಪಿನ ಅರಿವಾಗುವಷ್ಟರಲ್ಲಿ ಅನಾಹುತ ನಡೆದುಹೋಗಿತ್ತು.

ಆನೆ ಹಿಂದಿನಿಂದ ಮುಟ್ಟಿದರೆ ಯಾಕೆ ರೊಚ್ಚಿಗೇಳುತ್ತದೆ?

ಆನೆಗಳ ದೃಷ್ಟಿ ಕೋನದಲ್ಲಿ ಅವುಗಳ ನೇರ ಹಿಂಭಾಗವು 'ಬ್ಲೈಂಡ್ ಸ್ಪಾಟ್' ಆಗಿದೆ. ಅಂದರೆ ಆನೆಗೆ ತನ್ನ ಮುಂಭಾಗ ಹಾಗೂ ಎರಡೂ ಬದಿಗಳು ಕಾಣಿಸುತ್ತವೆಯೇ ಹೊರತು, ತನ್ನ ನೇರ ಹಿಂಭಾಗದಲ್ಲಿ ಏನಿದೆ ಎಂಬುದು ಕಾಣಿಸುವುದಿಲ್ಲ. ಆನೆಗೆ ಹಿಂಭಾಗ ಕಾಣಲ್ಲ. ಹಠಾತ್ ಯಾರೋ ಹಿಂದಿನಿಂದ ಮುಟ್ಟಿದರೆ, ಅದನ್ನು ಆನೆ ದಾಳಿ ಅಥವಾ ಬೆದರಿಕೆ ಅಂತಲೇ ಭಾವಿಸುತ್ತೆ, ತಕ್ಷಣ ಗಲಿಬಿಲಿಯಾಗುತ್ತೆ. ಹಿಂದಿನಿಂದ ಬೆಚ್ಚಿ ಬಿದ್ದಾಗ ಆನೆ ಮುಂದೆ ಓಡಲ್ಲ, ತಕ್ಷಣ ತಿರುಗಿ ಬೆದರಿಕೆ ಏನು ಅಂತ ನೋಡುತ್ತೆ. ತಿರುಗಿದಾಗ ಜನರ ಕೂಗಾಟ, ಗದ್ದಲ ಕಂಡು ಅದರ ಪ್ಯಾನಿಕ್ ಇನ್ನೂ ಹೆಚ್ಚಾಗಿ ಕುರುಡನಂತೆ ಓಡಲು ದಿಕ್ಕಾಪಾಲಾಗಿ ಓಡಲು ಶುರು ಮಾಡುತ್ತೆ, ದಾರಿಯಲ್ಲಿ ಸಿಗುವುದನ್ನೆಲ್ಲಾ ತುಳಿದು ಹಾಕುತ್ತೆ.

ದಾಳಿ ಎಂಬ ಭ್ರಮೆ:

ಈಗಾಗಲೇ ಡೋಲುಗಳ ಸದ್ದು, ಪಟಾಕಿಗಳ ಆರ್ಭಟ ಹಾಗೂ ಲಕ್ಷಾಂತರ ಜನರ ಗದ್ದಲದಿಂದ ಆನೆ ತೀವ್ರ ಮಾನಸಿಕ ಒತ್ತಡದಲ್ಲಿ ಇರುತ್ತದೆ. ಇಂತಹ ಸಂದರ್ಭದಲ್ಲಿ ಕಾಣಿಸದ ಹಿಂಭಾಗದಿಂದ ಯಾರೋ ಹಠಾತ್ ಸ್ಪರ್ಶಿಸಿದಾಗ, ಯಾರೋ ತನ್ನ ಮೇಲೆ ದಾಳಿ ಮಾಡುತ್ತಿದ್ದಾರೆ ಎಂಬ ಭಯ ಆನೆಯಲ್ಲಿ ಹುಟ್ಟುತ್ತದೆ.

ಸ್ವಯಂ ರಕ್ಷಣೆ ಮತ್ತು ಪ್ಯಾನಿಕ್:

ಅಪರಿಚಿತ ಸ್ಪರ್ಶವಾದ ತಕ್ಷಣ ಆನೆಯಲ್ಲಿ ‘ಹೋರಾಡು ಇಲ್ಲವೇ ಓಡು’ ಎಂಬ ಸಹಜ ಪ್ರವೃತ್ತಿ ಜಾಗೃತಗೊಳ್ಳುತ್ತದೆ. ತಕ್ಷಣವೇ ಹಿಂತಿರುಗಿ ನೋಡುವ ಪ್ರಯತ್ನದಲ್ಲಿ ಆನೆ ಬಲವಾಗಿ ತಿರುಗುತ್ತದೆ. ಹೀಗೆ ತಿರುಗಿದಾಗ ಎದುರು ಕಾಣುವ ಜನರ ಕೂಗಾಟ ಮತ್ತು ಗೊಂದಲವನ್ನು ನೋಡಿ ಮತ್ತಷ್ಟು ಗಾಬರಿಗೊಂಡು, ದಾರಿಯಲ್ಲಿ ಸಿಕ್ಕಿದ್ದನ್ನೆಲ್ಲ ತುಳಿಯುತ್ತ ಕಣ್ಣುಮುಚ್ಚಿ ಓಡಲು ಪ್ರಾರಂಭಿಸುತ್ತದೆ.

ಸಕ್ರೆಬೈಲು ಬಿಡಾರಕ್ಕೆ ಮರಳಿದ ಆನೆಗಳು

ಶಿವಮೊಗ್ಗ ದಸರಾದ ಜಂಬೂಸವಾರಿ ವೇಳೆ ಅಂಬಾರಿ ಹೊತ್ತು ಸೋಮಣ್ಣ ಆನೆ ದಿಕ್ಕಾಪಾಲಾಗಿ ಓಡಿದ ದುರ್ಘಟನೆ ಬಳಿಕ ಸೋಮಣ್ಣ ಆನೆ ನಿಯಂತ್ರಣಕ್ಕೆ ಬಂದ ಹಿನ್ನೆಲೆ ರಾತ್ರಿಯೇ ಆನೆಗಳನ್ನು ಸಕ್ರೆಬೈಲು ಆನೆ ಬಿಡಾರಕ್ಕೆ ಆನೆಗಳನ್ನು ಸ್ಥಳಾಂತರ ಮಾಡಲಾಗಿದೆ.

ಮುಂಜಾಗೃತ ಕ್ರಮವಾಗಿ ಶಿವಮೊಗ್ಗ ನಗರದ ವಾಸವಿ ಶಾಲೆ ಬಳಿ ನಿರ್ಮಿಸಿರುವ ರ್ಯಾಂಪ್ ಸಹಾಯದಿಂದ ಲಾರಿಗೆ ಆನೆಗಳನ್ನು ಹತ್ತಿಸುತ್ತಿಸಿದ ಬಿಡಾರದ ಸಿಬ್ಬಂದಿ ಮೂರು ಪ್ರತ್ಯೇಕ ಲಾರಿಯಲ್ಲಿ ಸೋಮಣ್ಣ ಹಾಗೂ ಬಹದ್ದೂರ್ ಆನೆಯ ಕಾಲಿಗೆ ಚೈನ್ ಹಾಕಿಯೇ ಅರಣ್ಯಾಧಿಕಾರಿಗಳು ಶಿಫ್ಟ್ ಮಾಡಿದ್ದಾರೆ.

ಶಿವಮೊಗ್ಗ ದಸರಾದ ಜಂಬೂ ಸವಾರಿ ವೇಳೆ ಭಯದಿಂದ ದಿಕ್ಕಾಪಾಲಾಗಿ ಓಡಿದ್ದ ಸೋಮಣ್ಣ ಆನೆಯ ಅಬ್ಬರಕ್ಕೆ 2 ಕಾರುಗಳ ಜೊತೆಗೆ ಬೈಕ್ ಗೂ ಹಾನಿಯಾಗಿದೆ. ಶಿವಮೊಗ್ಗ ನಗರದ ಕೋಟೆ ರಸ್ತೆಯ ಮನೆಯೊಂದರ ಹೆಂಚು ಸಹ ಪುಡಿ ಪುಡಿ‌ಯಾಗಿದೆ.

ಸ್ಮಾರ್ಟ್ ಆಯ್ತು ಸಾರಿಗೆ ಸಂಸ್ಥೆ; 15 ಲಕ್ಷ ಡೌನ್‌ಲೋಡ್, 2.7 ಲಕ್ಷ ಸೀಟ್‌ ಬುಕ್ಕಿಂಗ್‌

Kannadaprabha News — Thu, 22 Oct 2026 09:34:09 +0530

ಅಜೀಜ ಅಹ್ಮದ ಬಳಗಾನೂರ

ಹುಬ್ಬಳ್ಳಿ: ರಾಜ್ಯದ ನಾಲ್ಕು ಸಾರಿಗೆ ಸಂಸ್ಥೆಗಳ ಸೇವೆಗಳನ್ನು ಒಂದೇ ವೇದಿಕೆಯಲ್ಲಿ ಒದಗಿಸುವ "ಒಂದು ಕರ್ನಾಟಕ ಮೊಬಿಲಿಟಿ (KSRTC AWATAR v2.0) ಆ್ಯಪ್‌"ಗೆ ಪ್ರಯಾಣಿಕರಿಂದ ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ. ಬಸ್‌ ಟಿಕೆಟ್‌ಗಾಗಿ ಗಂಟೆಗಟ್ಟಲೆ ಕೌಂಟರ್‌ನಲ್ಲಿ ಸರದಿ ನಿಲ್ಲುವ ಸಮಸ್ಯೆಯಿಂದ ಮುಕ್ತಿ ದೊರೆತಂತಾಗಿದೆ.

ವಾಟ್ಸ್‌ಆ್ಯಪ್‌ನಲ್ಲೂ ಟಿಕೆಟ್‌

ದೂರು ಸಲ್ಲಿಕೆ, ಟಿಕೆಟ್‌ ರದ್ದತಿ

ದಾಖಲೆ ಬರೆದ ವಾಟ್ಸಪ್ ಬುಕ್ಕಿಂಗ್

ಸಹಾಯವಾಣಿ ಸಂಖ್ಯೆ ಈ ರೀತಿಯಾಗಿದೆ

KSRTC AWATAR v2.0 ಆ್ಯಪ್

ಭೈರತಿ ಸುರೇಶ, ಸಾರಿಗೆ ಸಚಿವರು

ಆ್ಯಪ್‌ ಆರಂಭವಾದ ಒಂದೇ ತಿಂಗಳಿಗೆ 15 ಲಕ್ಷ ಡೌನ್‌ಲೋಡ್, 2.7 ಲಕ್ಷ ಸೀಟ್‌ ಬುಕ್ಕಿಂಗ್‌
ಒಂದೇ ಆ್ಯಪ್‌ನಲ್ಲಿ ಕೆಎಸ್‌ಆರ್‌ಟಿಸಿ, ಎನ್‌ಡಬ್ಲ್ಯೂಕೆಆರ್‌ಟಿಸಿ, ಕೆಕೆಆರ್‌ಟಿಸಿ, ಬಿಎಂಟಿಸಿ ಸೇವೆ ಲಭ್ಯ
ಮೊಬೈಲ್‌ ಆ್ಯಪ್‌ ಜತೆಗೆ ವಾಟ್ಸ್‌ಆ್ಯಪ್‌ ಮೂಲಕವೂ ಬಸ್‌ ಟಿಕೆಟ್‌ ಕಾಯ್ದಿರಿಸುವ ಸೌಲಭ್ಯ

14 ವರ್ಷದ ಪ್ರೀತಿಗೆ ವಿರೋಧ; ಡೆತ್‌ನೋಟ್‌ನಲ್ಲಿ ಮೂವರ ಹೆಸ್ರು ಬರೆದು ಪ್ರಾಣಬಿಟ್ಟ ಶಿಕ್ಷಕಿ

Kannadaprabha News — Thu, 22 Oct 2026 09:18:09 +0530

ಕೊಪ್ಪಳ: ಪ್ರೇಮ ಸಂಬಂಧ ಹಾಗೂ ಮದುವೆಗೆ ಅಡ್ಡಿಯಾಗಿದೆ ಎಂಬ ಆರೋಪದ ಹಿನ್ನೆಲೆಯಲ್ಲಿ ಡೆತ್‌ನೋಟ್ ಬರೆದಿಟ್ಟು ಖಾಸಗಿ ಶಾಲೆಯ ಶಿಕ್ಷಕಿಯೊಬ್ಬರು ತುಂಗಭದ್ರಾ ಜಲಾಶಯದ ಹಿನ್ನೀರಿಗೆ ಬಿದ್ದು ಆತ್ಮ*ತ್ಯೆ ಮಾಡಿಕೊಂಡಿರುವ ಘಟನೆ ನಡೆದಿದೆ. ಕೊಪ್ಪಳ ತಾಲೂಕಿನ ಕಾತರಕಿ ಗ್ರಾಮದ ಸಂಗೀತ ಮೇಟಿ ಮೃತ ಶಿಕ್ಷಕಿ.

ದಸರಾ ಹಬ್ಬದ ದಿನದಂದು ಸಂಗೀತ ಅವರು ಕೊಪ್ಪಳಕ್ಕೆ ಹೋಗಿ ಬರುವುದಾಗಿ ಹೇಳಿ ತೆರಳಿದ್ದು, ಬಳಿಕ ಮನೆಗೆ ಮರಳಿರಲಿಲ್ಲ. ವಿಜಯನಗರ ಜಿಲ್ಲೆ ಸಮೀಪದ ತುಂಗಭದ್ರಾ ಜಲಾಶಯದ ಹಿನ್ನೀರಿನಲ್ಲಿ ಅವರ ಮೃತದೇಹ ಪತ್ತೆಯಾಗಿದೆ.

14 ವರ್ಷಗಳ ಪ್ರೀತಿಗೆ ವಿರೋಧ

ಸಂಗೀತ ಮೇಟಿ ಅವರು ತಮ್ಮ ಸಂಬಂಧಿ ವಿಕಾಸ್ ಎಂಬುವವರನ್ನು ಸುಮಾರು 14 ವರ್ಷಗಳಿಂದ ಪ್ರೀತಿಸುತ್ತಿದ್ದರು ಎನ್ನಲಾಗಿದೆ. ಇವರಿಬ್ಬರ ಪ್ರೇಮ ಸಂಬಂಧದ ವಿಚಾರ ಎರಡೂ ಕುಟುಂಬಗಳಿಗೂ ತಿಳಿದಿತ್ತು ಎಂದು ಹೇಳಲಾಗಿದೆ. ಆದರೆ, ಮದುವೆ ವಿಚಾರದಲ್ಲಿ ವಿಕಾಸ್ ಕುಟುಂಬದಲ್ಲಿ ಗೊಂದಲ ಉಂಟಾಗಿತ್ತು. ವಿಕಾಸ್ ಅವರ ಸಹೋದರ ವಸಂತ್ ಹಾಗೂ ಅವರ ಪತ್ನಿ ರೇಣುಕಾ ಮದುವೆಗೆ ಅಡ್ಡಿಪಡಿಸುತ್ತಿದ್ದರು ಎಂಬ ಆರೋಪ ಕೇಳಿಬಂದಿದೆ.

ಡೆತ್‌ನೋಟ್‌ನಲ್ಲಿ ಮೂವರ ಹೆಸರು

ಆತ್ಮ*ತ್ಯೆಗೂ ಮುನ್ನ ಸಂಗೀತಾ ಬರೆದಿಟ್ಟಿದ್ದಾರೆ ಎನ್ನಲಾದ ಡೆತ್‌ನೋಟ್‌ನಲ್ಲಿ ಪ್ರೇಮ ವೈಫಲ್ಯ ಹಾಗೂ ಮದುವೆಗೆ ಅಡ್ಡಿಯಾದ ಬಗ್ಗೆ ಉಲ್ಲೇಖಿಸಲಾಗಿದೆ ಎನ್ನಲಾಗಿದೆ. ವಿಕಾಸ್, ವಸಂತ್ ಕೊಪ್ಪದ್ ಹಾಗೂ ರೇಣುಕಾ ಅವರ ಹೆಸರುಗಳನ್ನು ಉಲ್ಲೇಖಿಸಿ, ತಮ್ಮ ಸಾವಿಗೆ ಈ ಮೂವರೇ ಕಾರಣ ಎಂದು ಆರೋಪಿಸಿದ್ದಾರೆ ಎನ್ನಲಾಗಿದೆ. ಅಲ್ಲದೆ, ಮೂವರಿಗೆ ಗಲ್ಲು ಶಿಕ್ಷೆ ವಿಧಿಸಬೇಕು ಎಂಬುದಾಗಿಯೂ ಡೆತ್‌ನೋಟ್‌ನಲ್ಲಿ ಬರೆದಿದ್ದಾರೆ ಎಂದು ತಿಳಿದುಬಂದಿದೆ.

ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ತನಿಖೆ ನಡೆಸಿ, ಡೆತ್‌ನೋಟ್‌ನ ಸತ್ಯಾಸತ್ಯತೆ ಹಾಗೂ ಅದರಲ್ಲಿನ ಆರೋಪಗಳ ಕುರಿತು ಪರಿಶೀಲನೆ ನಡೆಸಬೇಕಿದೆ.

iPhone ಖರೀದಿಗೆ ಹೊಸ ನಿಯಮ, ಗ್ರಾಹಕರಿಗೆ ಶಾಕಿಂಗ್‌ ನ್ಯೂಸ್‌ ಕೊಟ್ಟ ಆಪಲ್‌ ಕಂಪನಿ

Ganesh Mabla Gowda — Thu, 22 Oct 2026 09:14:38 +0530

ಐಫೋನ್‌ಗೆ ಬೇಡಿಕೆ ಭಾರೀ ಹೆಚ್ಚಾಗಿದೆ. ಇದೀಗ ಆಪಲ್‌ ಸಂಸ್ಥೆಯು ತನ್ನ ಗ್ರಾಹಕರಿಗೆ ಶಾಕಿಂಗ್‌ ನ್ಯೂಸ್‌ ಒಂದನ್ನ ನೀಡಿದೆ. ಫೋನ್‌ ಖರೀದಿಗೆ ಹೊಸ ನಿಯಮ ಜಾರಿಗೆ ತಂದಿದೆ. ಅದರ ಹೊಸ ನಿಯಮ ಮೂರು ನಾಲ್ಕು ಮೊಬೈಲ್‌ಗಳನ್ನ ಹೊಂದುವ ಕನಸಿಗೆ ತಣ್ಣೀರು ಇಡಲಿದೆ.

ಹೌದು.. ಭಾರತದಲ್ಲಿ ಆಪಲ್ ತನ್ನ ಗ್ರಾಹಕರಿಗೆ ಟೆನ್ಷನ್‌ ತಂದಿಟ್ಟಿದೆ. ಭಾರತೀಯ ಮಾರುಕಟ್ಟೆಯಲ್ಲಿ ಐಫೋನ್ ಖರೀದಿಗೆ ಮಿತಿ ವಿಧಿಸಿದೆ. ಹೊಸ ನಿಯಮಗಳ ಪ್ರಕಾರ.. ಗ್ರಾಹಕರು ಈಗ ಸಂಪೂರ್ಣ ಐಫೋನ್ ಶ್ರೇಣಿಯಿಂದ ಗರಿಷ್ಠ ಎರಡು ಯೂನಿಟ್‌ಗಳನ್ನು ಖರೀದಿಸಬಹುದು. ಖರೀದಿದಾರರು ಆನ್‌ಲೈನ್‌ನಲ್ಲಿ ಮೂರು ಐಫೋನ್‌ಗಳನ್ನು ಖರೀದಿಸಲು ಪ್ರಯತ್ನಿಸಿದರೆ.. ಸಿಸ್ಟಂ ಅದನ್ನು ಸ್ವೀಕರಿಸುವುದಿಲ್ಲ. ಅಂದರೆ ನೀವು ಒಂದೇ ಬಾರಿಗೆ ಮೂರು ಫೋನ್‌ ಆರ್ಡರ್‌ ಮಾಡಲು ಯತ್ನಿಸಿದರೆ ಅದು ಸಾಧ್ಯವಾಗುವುದಿಲ್ಲ.

ಇನ್ನು ಕಂಪನಿ ನಿಯಮಗಳ ಪ್ರಕಾರ.. ಗ್ರಾಹಕರು ಒಂದೇ ಮಾದರಿಯ 2 ಐಫೋನ್‌ಗಳನ್ನು ಏಕಕಾಲದಲ್ಲಿ ಆರ್ಡರ್ ಮಾಡಬಹುದು. ಜೊತೆಗೆ ತಮ್ಮ ಆಯ್ಕೆಯ ಎರಡು ವಿಭಿನ್ನ ಐಫೋನ್ ಮಾದರಿಗಳನ್ನು ಆಯ್ಕೆ ಮಾಡಬಹುದು. ಅಕ್ಟೋಬರ್ 23 ರಂದು ಪ್ರಾರಂಭವಾಗುವ ಐಫೋನ್ ಡ್ಯುಯೊದ ಅಧಿಕೃತ ಮಾರಾಟಕ್ಕೂ ಮುನ್ನ ಕಂಪನಿಯು ಹೊಸ ನಿಯಮವನ್ನು ಜಾರಿಗೆ ತಂದಿದೆ. ಅದರಲ್ಲೂ ವಿಶೇಷವಾಗಿ ಐಫೋನ್ ಡ್ಯುಯೊ ಆಪಲ್‌ನ ಮೊದಲ ಮಡಿಸಬಹುದಾದ ಸ್ಮಾರ್ಟ್‌ಫೋನ್ ಆಗಿದೆ.

ಯಾಕೆ ಈ ನಿಯಮ?

ಇದು ಹಬ್ಬದ ಸೀಸನ್.‌ ಫೋನ್‌ಗಳಿಗೆ ಸಹಜವಾಗಿಯೇ ಬೇಡಿಕೆ ಇದೆ. ಬೇಡಿಕೆಗೆ ತಕ್ಕಂತೆ ಫೋನ್‌ಗಳನ್ನ ಮಾರಾಟ ಮಾಡೋದು ಕಷ್ಟ. ಜೊತೆಗೆ ಐಫೋನ್‌ಗೆ ಇರುವ ಬೇಡಿಕೆಯನ್ನೇ ಕೆಲವರು ಬಂಡವಾಳ ಮಾಡಿಕೊಂಡು ಬ್ಲಾಕ್‌ ಮಾರ್ಕೆಟ್‌ ಮೂಲಕ ಹಣದ ದಂಧೆಗೆ ಇಳಿಯುವ ಸಾಧ್ಯತೆ ಇದೆ. ಜೊತೆಗೆ ಹಠಾತ್ ಸ್ಟಾಕ್ ಕೊರತೆ ತಡೆಗಟ್ಟಲು ಈ ಕ್ರಮವನ್ನು ತೆಗೆದುಕೊಂಡಿದೆ ಎಂದು ವರದಿಯಾಗಿದೆ. ಇನ್ನು ಈ ನಿಯಮವು ಪ್ರೀಮಿಯಂ ಅಥವಾ ಹೊಸದಾಗಿ ಬಿಡುಗಡೆಯಾದ ಸ್ಮಾರ್ಟ್‌ಫೋನ್‌ಗಳಿಗೆ ಸೀಮಿತವಾಗಿಲ್ಲ. ಇದು ಅಂಗಡಿಗಳಲ್ಲಿ ಲಭ್ಯವಿರುವ ಹಳೆಯ ಮತ್ತು ಹೊಸ ಎರಡೂ ಐಫೋನ್ ಮಾದರಿಗಳಿಗೆ ಅನ್ವಯ.

ಖರೀದಿ ಮಿತಿ ಐಫೋನ್ ಡ್ಯುಯೊ, ಐಫೋನ್ 18 ಪ್ರೊ ಮತ್ತು ಐಫೋನ್ 18 ಪ್ರೊ ಮ್ಯಾಕ್ಸ್ ಸೇರಿದಂತೆ ಎಲ್ಲಾ ಫೋನ್‌ಗಳಿಗೆ ಅನ್ವಯಿಸುತ್ತದೆ. ಗ್ರಾಹಕರು ಐಫೋನ್ ಡ್ಯುಯೊದ ಎರಡು ಯೂನಿಟ್‌ಗಳನ್ನು ಆರ್ಡರ್ ಮಾಡಬಹುದು. ಐಫೋನ್ ಡ್ಯುಯೊ ಜೊತೆಗೆ ಐಫೋನ್ 18 ಪ್ರೊ ಖರೀದಿಸಬಹುದು. ಐಫೋನ್ 17 ಸೇರಿದಂತೆ ಇತರ ಮಾದರಿಗಳಿಗೂ ಇದೇ ನಿಯಮ ಅನ್ವಯಿಸುತ್ತದೆ. ಗ್ರಾಹಕರು ಮೂರನೇ ಫೋನ್ ಖರೀದಿಸಲು ಬಯಸಿದರೆ ಅದು ಸಾಧ್ಯವಾಗುವುದಿಲ್ಲ. ಪ್ರತಿಯೊಬ್ಬ ಗ್ರಾಹಕರು ಗರಿಷ್ಠ ಎರಡು ಐಫೋನ್‌ಗಳನ್ನು ಖರೀದಿಸಬಹುದು.

ರಣಜಿ ಟ್ರೋಫಿ: ಸೌರಾಷ್ಟ್ರ ವಿರುದ್ಧವೂ ಡ್ರಾ, ಕರ್ನಾಟಕಕ್ಕೆ ಸತತ 2ನೇ ಪಂದ್ಯದಲ್ಲೂ ನಿರಾಸೆ! ರಾಜ್ಯಕ್ಕೆ ಮುಂದಿನ ಹಾದಿ ಕಠಿಣ

Kannadaprabha News — Thu, 22 Oct 2026 09:09:18 +0530

ಬೆಂಗಳೂರು: ಈ ಬಾರಿ ರಣಜಿ ಟ್ರೋಫಿ ದೇಸಿ ಪ್ರಥಮ ದರ್ಜೆ ಕ್ರಿಕೆಟ್‌ ಟೂರ್ನಿಯಲ್ಲಿ ಕರ್ನಾಟಕ ತಂಡ ಸತತ 2ನೇ ಪಂದ್ಯದಲ್ಲೂ ಡ್ರಾಗೆ ತೃಪ್ತಿಪಟ್ಟುಕೊಂಡಿದೆ. ಆಂಧ್ರ ವಿರುದ್ಧ ಮೊದಲ ಪಂದ್ಯವನ್ನು ಡ್ರಾ ಮಾಡಿಕೊಂಡಿದ್ದ ರಾಜ್ಯ ತಂಡ, ಈಗ ಆಲೂರಿನಲ್ಲಿ ಸೌರಾಷ್ಟ್ರ ವಿರುದ್ಧ ಪಂದ್ಯದಲ್ಲೂ ಡ್ರಾಗೆ ತೃಪ್ತವಾಗಿದೆ. ಇದರೊಂದಿಗೆ ತಂಡ 1 ಅಂಕ ಪಡೆಯಿತು. ಒಟ್ಟು 2 ಪಂದ್ಯಗಳಲ್ಲಿ 2 ಅಂಕ ಗಳಿಸಿದ್ದು, ‘ಬಿ’ ಗುಂಪಿನಲ್ಲಿ 6ನೇ ಸ್ಥಾನದಲ್ಲಿದೆ. ಮುಂದಿನ 5 ಪಂದ್ಯಗಳ ಪೈಕಿ ರಾಜ್ಯಕ್ಕೆ ಇನ್ನು 4 ಗೆಲುವು ಅಗತ್ಯವಿದೆ.

ಮೊದಲ ಇನ್ನಿಂಗ್ಸ್‌ನಲ್ಲಿ ಕರ್ನಾಟಕ 342 ರನ್‌ ಗಳಿಸಿದ್ದರೆ, ಸೌರಾಷ್ಟ್ರ 349 ರನ್‌ ಕಲೆಹಾಕಿ ಇನ್ನಿಂಗ್ಸ್‌ ಮುನ್ನಡೆ ಪಡೆದಿತ್ತು. ಕೆಳ ಮಧ್ಯಮ ಕ್ರಮಾಂಕದ ಹೋರಾಟ ಸೌರಾಷ್ಟ್ರ ಮೇಲುಗೈ ಸಾಧಿಸುವಂತೆ ಮಾಡಿತು. ಬಳಿಕ 2ನೇ ಇನ್ನಿಂಗ್ಸ್‌ ಆರಂಭಿಸಿದ್ದ ರಾಜ್ಯ ತಂಡ ಬುಧವಾರ 7 ವಿಕೆಟ್‌ಗೆ 243 ರನ್‌ ಗಳಿಸಿ ಡಿಕ್ಲೇರ್‌ ಘೋಷಿಸಿತು. ಅನೀಶ್‌ ಕೆ.ವಿ. 79, ಶ್ರೀಜಿತ್‌ 52, ಮನ್ವಂತ್‌ 31, ರೋಹನ್‌ 38, ಕರುಣ್‌ ನಾಯರ್‌ 33 ರನ್‌ ಗಳಿಸಿದರು. ಗೆಲುವಿಗೆ 237 ರನ್‌ ಗುರಿ ಪಡೆದಿದ್ದ ಸೌರಾಷ್ಟ್ರ, 2 ವಿಕೆಟ್‌ಗೆ 137 ರನ್‌ ಗಳಿಸಿದ್ದಾಗ ಪಂದ್ಯ ಡ್ರಾಗೊಳಿಸಲಾಯಿತು.

ಸ್ಕೋರ್‌: ಕರ್ನಾಟಕ 342/10 ಮತ್ತು 243/7 ಡಿಕ್ಲೇರ್‌(ಅನೀಶ್‌ 79, ಶ್ರೀಜಿತ್‌ 52, ರೋಹನ್‌ 38, ಪಾರ್ಥ್‌ 3-80), ಸೌರಾಷ್ಟ್ರ 349/10 ಮತ್ತು 137/2 (ಚಿರಾಗ್‌ ಜಾನಿ ಔಟಾಗದೆ 63, ಮನ್ವಂತ್‌ 1-29)

ಮುಂಬೈ, ತಮಿಳುನಾಡು, ಕೇರಳಕ್ಕೆ ಇನ್ನಿಂಗ್ಸ್‌ ಜಯ

ಹಿಮಾಚಲ ಪ್ರದೇಶ ವಿರುದ್ಧ ಮುಂಬೈ ಇನ್ನಿಂಗ್ಸ್‌ ಹಾಗೂ 97 ರನ್‌ ಅಂತರದಲ್ಲಿ ಗೆದ್ದರೆ, ತಮಿಳುನಾಡು ತಂಡ ಉತ್ತರಾಖಂಡ ವಿರುದ್ಧ ಇನ್ನಿಂಗ್ಸ್‌ ಹಾಗೂ 66 ರನ್‌ಗಳಲ್ಲಿ ಜಯಗಳಿಸಿತು. ಒಡಿಶಾ ವಿರುದ್ಧ ಕೇರಳ ಇನ್ನಿಂಗ್ಸ್‌ ಹಾಗೂ 36 ಅಂತರದಲ್ಲಿ ಗೆಲುವು ಸಾಧಿಸಿತು. ಆದರೆ ಹಾಲಿ ಚಾಂಪಿಯನ್‌ ಜಮ್ಮು-ಕಾಶ್ಮೀರ ತಂಡ ವಿದರ್ಭ ವಿರುದ್ಧ 3 ವಿಕೆಟ್‌ ಸೋಲನುಭವಿಸಿತು.

ಜ.21ರಿಂದ ಅಂಡರ್‌-19 ಮಹಿಳಾ ಟಿ20 ವಿಶ್ವಕಪ್‌

ದುಬೈ: 3ನೇ ಆವೃತ್ತಿಯ ಅಂಡರ್‌-19 ಮಹಿಳಾ ಟಿ20 ವಿಶ್ವಕಪ್‌ ಮುಂದಿನ ವರ್ಷದ ಜನವರಿ 21ರಿಂದ ಫೆಬ್ರವರಿ 6 ತನಕ ನಡೆಯಲಿದೆ. ನೇಪಾಳ ಮತ್ತು ಬಾಂಗ್ಲಾದೇಶದ ಆತಿಥ್ಯದಲ್ಲಿ ಟೂರ್ನಿ ನಡೆಯಲಿದೆ.

ಹಾಲಿ ಚಾಂಪಿಯನ್ ಭಾರತ ಪ್ರಶಸ್ತಿ ಉಳಿಸಿಕೊಳ್ಳುವ ತವಕದಲ್ಲಿದ್ದು, ಜ.22ರ ಮೊದಲ ಪಂದ್ಯದಲ್ಲಿ ವೆಸ್ಟ್‌ಇಂಡೀಸ್‌ ತಂಡದ ವಿರುದ್ಧ ತನ್ನ ಅಭಿಯಾನ ಆರಂಭಿಸಲಿದೆ. ಬಾಂಗ್ಲಾದ ಚಿತ್ತಗಾಂಗ್‌, ಸಿಲೆಟ್‌, ನೇಪಾಳದ ಕಾಠ್ಮಂಡುವಿನಲ್ಲಿ ಪಂದ್ಯಗಳು ನಡೆಯಲಿದ್ದು, ನಾಲ್ಕು ಗುಂಪಿನಲ್ಲಿ ತಲಾ 4 ತಂಡಗಳಿವೆ. ಎರಡು ಬಾರಿಯ ಚಾಂಪಿಯನ್ ಭಾರತ ‘ಎ’ ಗುಂಪಿನಲ್ಲಿ ಬಾಂಗ್ಲಾ, ಯುಎಇ, ಆಸ್ಟ್ರೇಲಿಯಾ ತಂಡದ ಜೊತೆಗಿದೆ.

5 ಚಿನ್ನದ ಪದಕ ಗೆದ್ದ ಯಾಣದ ಗ್ರಾಮೀಣ ಪ್ರತಿಭೆ ಕಾವ್ಯಾ; 9.71 CGPA, PUCಯಲ್ಲಿ 97%, SSLCಯಲ್ಲಿ 95%

Kannadaprabha News — Thu, 22 Oct 2026 09:07:44 +0530

ಕುಮಟಾ: ಮೂಲ ಸೌಲಭ್ಯಗಳ ಕೊರತೆಯ ನಡುವೆಯೂ ಸಾಧನೆಯ ಶಿಖರವೇರಬಹುದು ಎಂಬುದನ್ನು ಕುಮಟಾ ತಾಲೂಕಿನ ಯಾಣದಂತಹ ಸೌಲಭ್ಯ ವಂಚಿತ ಗ್ರಾಮೀಣ ಪರಿಸರದಿಂದ ಬಂದ ಪ್ರತಿಭೆ ಕಾವ್ಯಾ ಮರಾಠಿ ಸಾಬೀತುಪಡಿಸಿದ್ದಾಳೆ. ಕಂಪ್ಯೂಟರ್ ಸೈನ್ಸ್ ಆ್ಯಂಡ್ ಎಂಜಿನಿಯರಿಂಗ್(ಸಿಎಸ್‌ಇ) ವಿಭಾಗದಲ್ಲಿ ಐದು ಚಿನ್ನದ ಪದಕಗಳನ್ನು ಗಳಿಸುವ ಮೂಲಕ ಶೈಕ್ಷಣಿಕ ಕ್ಷೇತ್ರದಲ್ಲಿ ಗಮನಾರ್ಹ ಸಾಧನೆ ಮಾಡಿದ್ದಾರೆ.

9.71 ಸಿಜಿಪಿಎ ಗಳಿಕೆ

ಬೆಂಗಳೂರಿನ ಡಾ. ಅಂಬೇಡ್ಕರ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ಕಂಪ್ಯೂಟರ್ ಸೈನ್ಸ್ ಆ್ಯಂಡ್ ಎಂಜಿನಿಯರಿಂಗ್ ವಿಭಾಗದಲ್ಲಿ ವ್ಯಾಸಂಗ ಮಾಡಿದ ಕಾವ್ಯಾ, 9.71 ಸಿಜಿಪಿಎ ಗಳಿಸಿ ಕಾಲೇಜಿನ ಇನ್‌ಸ್ಟಿಟ್ಯೂಟ್ ಟಾಪರ್ ಆಗಿ ಹೊರಹೊಮ್ಮಿದ್ದಾರೆ. ಅಲ್ಲದೆ, ಸಿಎಸ್‌ಇ ವಿಭಾಗದಲ್ಲಿ ಪ್ರಥಮ ರ‍್ಯಾಂಕ್ ಗಳಿಸಿ ತನ್ನ ಪ್ರತಿಭೆಯನ್ನು ಅನಾವರಣಗೊಳಿಸಿದ್ದಾರೆ.

ಕಾವ್ಯಾ ತನ್ನ ಶೈಕ್ಷಣಿಕ ಸಾಧನೆಗಾಗಿ ಐದು ಪ್ರತಿಷ್ಠಿತ ಚಿನ್ನದ ಪದಕಗಳನ್ನು ಪಡೆದಿದ್ದಾರೆ. ಅವುಗಳಲ್ಲಿ ಇನ್‌ಸ್ಟಿಟ್ಯೂಟ್ ಟಾಪರ್ ಅಮಾಂಗ್ ಗರ್ಲ್ಸ್, ಕಂಪ್ಯೂಟರ್ ಸೈನ್ಸ್ ಆ್ಯಂಡ್ ಎಂಜಿನಿಯರಿಂಗ್ ಪ್ರೋಗ್ರಾಂನಲ್ಲಿ ಪ್ರಥಮ ರ‍್ಯಾಂಕ್, ಬೆಸ್ಟ್ ಪರ್ಫಾರ್ಮರ್ ಆಫ್ ದಿ ಇನ್‌ಸ್ಟಿಟ್ಯೂಟ್, ಅಕಾಡೆಮಿಕ್ ಎಕ್ಸಲೆನ್ಸ್ ಅವಾರ್ಡ್ ಹಾಗೂ ಇನ್‌ಸ್ಟಿಟ್ಯೂಟ್ ಟಾಪರ್ ಪ್ರಶಸ್ತಿಗಳು ಸೇರಿವೆ. ಈಚೆಗೆ ಪದಕಗಳನ್ನು ಪ್ರದಾನ ಮಾಡಲಾಯಿತು.

ಪಿಯುಸಿಯಲ್ಲಿ ಶೇ. 97.10 ಅಂಕ, SSLCಯಲ್ಲಿ ಶೇ. 95.36 ಅಂಕ

ಇದಲ್ಲದೆ, ಪಿಯುಸಿ ವ್ಯಾಸಂಗದ ಸಂದರ್ಭದಲ್ಲಿಯೂ ಕಾವ್ಯಾ ಉತ್ತಮ ಸಾಧನೆ ಮಾಡಿದ್ದರು. ಸರ್ ಎಂ. ವಿಶ್ವೇಶ್ವರಯ್ಯ ಪ್ರೀ-ಯುನಿವರ್‌ಸಿಟಿ ಕಾಲೇಜಿನಲ್ಲಿ ವಿಜ್ಞಾನ ವಿಭಾಗದಲ್ಲಿ ವ್ಯಾಸಂಗ ಮಾಡಿ ಶೇ. 97.10 ಅಂಕ ಗಳಿಸಿದ್ದರು. ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯಲ್ಲಿಯೂ ಸರ್ ಎಂ. ವಿಶ್ವೇಶ್ವರಯ್ಯ ಪ್ರೌಢಶಾಲೆಯಲ್ಲಿ ವ್ಯಾಸಂಗ ಮಾಡಿ ಶೇ. 95.36 ಅಂಕ ಪಡೆದಿದ್ದರು.

ಸೌಲಭ್ಯಗಳ ಕೊರತೆ, ಗ್ರಾಮೀಣ ಪರಿಸರದ ಮಿತಿಗಳು ಇವೆಲ್ಲವನ್ನೂ ಮೀರಿ ಕಾವ್ಯಾ ಸಾಧಿಸಿರುವ ಈ ಯಶಸ್ಸು ವಿದ್ಯಾರ್ಥಿ ಸಮುದಾಯಕ್ಕೆ ಪ್ರೇರಣೆಯಾಗಿದೆ. ಸಾಧನೆಗೆ ನಗರಗಳಲ್ಲಿನ ಸೌಲಭ್ಯಗಳೇ ಮಾನದಂಡವಲ್ಲ; ನಿರಂತರ ಪರಿಶ್ರಮ, ಗುರಿಯೆಡೆಗಿನ ಬದ್ಧತೆ ಮತ್ತು ಆತ್ಮವಿಶ್ವಾಸ ಇದ್ದರೆ ಗ್ರಾಮೀಣ ಭಾಗದ ವಿದ್ಯಾರ್ಥಿಗಳೂ ಉನ್ನತ ಸಾಧನೆ ಮಾಡಬಲ್ಲರು ಎಂಬುದಕ್ಕೆ ಕಾವ್ಯಾ ಮರಾಠಿ ಉದಾಹರಣೆಯಾಗಿದ್ದಾರೆ. ಇವರು ಗಣಪತಿ ಮರಾಠಿ ಹಾಗೂ ವೀಣಾ ದಂಪತಿಯ ಪುತ್ರಿ.

ಐದು ಚಿನ್ನದ ಪದಕ ಪಡೆದಿರೋ ಕಾವ್ಯಾ

ಯಾಣದಂತಹ ಸೌಲಭ್ಯ ವಂಚಿತ ಗ್ರಾಮದಿಂದ ಬೆಂಗಳೂರಿನ ತಾಂತ್ರಿಕ ಶಿಕ್ಷಣ ಸಂಸ್ಥೆಯಲ್ಲಿ ಐದು ಚಿನ್ನದ ಪದಕಗಳನ್ನು ಗಳಿಸುವವರೆಗಿನ ಆಕೆಯ ಸಾಧನೆ ಗ್ರಾಮೀಣ ಪ್ರತಿಭೆಯ ಸಾಮರ್ಥ್ಯವನ್ನು ಎತ್ತಿ ತೋರಿಸಿದೆ. ಕಾವ್ಯಾ ಅವರ ಸಾಧನೆಗೆ ಕುಟುಂಬದವರು, ಶಿಕ್ಷಕರು, ಗ್ರಾಪಂ ಮಾಜಿ ಸದಸ್ಯ ರಾಜೀವ ಭಟ್ ಅಭಿನಂದನೆ ಸಲ್ಲಿಸಿದ್ದಾರೆ.

ಇಡ್ಲಿಗೆ ಬಟರ್ ಚಿಕನ್ ಸ್ಟಫಿಂಗ್! ವೈರಲ್ ಡಿಶ್ ಕಂಡು ನೆಟ್ಟಿಗರ ಆಕ್ರೋಶ, 20 ವರ್ಷ ಜೈಲು ಶಿಕ್ಷೆ ಎಂದಿದ್ದೇಕೆ?

Chandrashekar GS — Thu, 22 Oct 2026 09:05:57 +0530

ಇಡ್ಲಿಯೊಳಗೆ ಬಟರ್ ಚಿಕನ್! ಹೊಸ ಫುಡ್ ಪ್ರಯೋಗಕ್ಕೆ ಆಹಾರಪ್ರಿಯರ ಆಕ್ರೋಶ

ಸಾಂಪ್ರದಾಯಿಕ ಇಡ್ಲಿಗೆ ವಿಭಿನ್ನ ರೂಪ

ದಕ್ಷಿಣ ಭಾರತದ ಜನಪ್ರಿಯ ಉಪಾಹಾರವಾದ ಇಡ್ಲಿ ಈಗ ಮತ್ತೊಂದು ವಿಚಿತ್ರ ಫುಡ್ ಪ್ರಯೋಗದ ಕಾರಣಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಬಂದಿದೆ. ಮೃದುವಾದ ಇಡ್ಲಿಯೊಳಗೆ ಮಸಾಲೆಯುಕ್ತ ಬಟರ್ ಚಿಕನ್ ತುಂಬಿಸಿ ತಯಾರಿಸಿರುವ ಖಾದ್ಯದ ವಿಡಿಯೊ ವೈರಲ್ ಆಗಿದ್ದು, ಆಹಾರಪ್ರಿಯರಿಂದ ವಿಭಿನ್ನ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ.

ಸಾಮಾನ್ಯವಾಗಿ ಅಕ್ಕಿ ಮತ್ತು ಉದ್ದಿನ ಬೇಳೆಯಿಂದ ತಯಾರಿಸುವ ಇಡ್ಲಿಯನ್ನು ತೆಂಗಿನಕಾಯಿ ಚಟ್ನಿ, ಸಾಂಬಾರ್ ಅಥವಾ ಖಾರದ ಪುಡಿಯೊಂದಿಗೆ ಸವಿಯಲಾಗುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಬೀದಿ ಆಹಾರ ಮಾರಾಟಗಾರರು ಮತ್ತು ಆಹಾರ ವಿಡಿಯೊ ಮಾಡುವವರು ಜನರ ಗಮನ ಸೆಳೆಯಲು ಪರಿಚಿತ ಖಾದ್ಯಗಳಿಗೆ ಹೊಸ ಹೊಸ ರೂಪ ನೀಡುತ್ತಿದ್ದಾರೆ. ಇಡ್ಲಿ ಸ್ಯಾಂಡ್‌ವಿಚ್, ಚಾಕೊಲೇಟ್ ಇಡ್ಲಿ ಹಾಗೂ ವಿವಿಧ ಸಾಸ್‌ಗಳನ್ನು ಸೇರಿಸಿದ ಇಡ್ಲಿಗಳಂತಹ ಪ್ರಯೋಗಗಳು ಈ ಹಿಂದೆ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಗಮನ ಸೆಳೆದಿದ್ದವು.

ಈಗ ಬಟರ್ ಚಿಕನ್ ಮತ್ತು ಇಡ್ಲಿಯ ಸಂಯೋಜನೆ ಹೊಸ ಚರ್ಚೆಗೆ ಕಾರಣವಾಗಿದೆ.

“20 ವರ್ಷ ಜೈಲು ಶಿಕ್ಷೆ ಬೇಕಂತೆ!” ಎಂದ ನೆಟ್ಟಿಗರು

ಈ ವಿಚಿತ್ರ ಖಾದ್ಯದ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ತಮಾಷೆಯ ಪ್ರತಿಕ್ರಿಯೆಗಳು ಹರಿದಾಡುತ್ತಿವೆ. ಇಡ್ಲಿಯ ಮೂಲ ರುಚಿಯನ್ನು ಬದಲಾಯಿಸಬಾರದು ಎಂದು ಭಾವಿಸುವವರು ಈ ಪ್ರಯೋಗವನ್ನು ಟೀಕಿಸುತ್ತಿದ್ದಾರೆ. “ಇಡ್ಲಿಯನ್ನು ಇಡ್ಲಿಯಾಗಿಯೇ ಬಿಡಿ”, “ಇಂತಹ ಪ್ರಯೋಗ ಮಾಡಿದ್ದಕ್ಕೆ 20 ವರ್ಷ ಜೈಲು ಶಿಕ್ಷೆ ವಿಧಿಸಬೇಕು” ಎಂಬಂತಹ ವ್ಯಂಗ್ಯಭರಿತ ಪ್ರತಿಕ್ರಿಯೆಗಳು ಗಮನ ಸೆಳೆಯುತ್ತಿವೆ.

ಆದರೆ, ಇಲ್ಲಿ ಹೇಳಲಾಗುತ್ತಿರುವ ಜೈಲು ಶಿಕ್ಷೆಯ ಮಾತುಗಳು ಆಹಾರಪ್ರಿಯರ ತಮಾಷೆಯ ಪ್ರತಿಕ್ರಿಯೆಗಳಷ್ಟೇ. ಇಂತಹ ಖಾದ್ಯ ತಯಾರಿಸಿದ್ದಕ್ಕೆ ನಿಜವಾಗಿಯೂ ಜೈಲು ಶಿಕ್ಷೆ ವಿಧಿಸಲಾಗಿದೆ ಎಂಬುದಕ್ಕೆ ಯಾವುದೇ ಮಾಹಿತಿ ಇಲ್ಲ.

ಫುಡ್ ಫ್ಯೂಷನ್‌ಗೆ ಹೆಚ್ಚುತ್ತಿರುವ ಕ್ರೇಜ್

ಇತ್ತೀಚಿನ ದಿನಗಳಲ್ಲಿ ಆಹಾರವನ್ನು ರುಚಿಗಾಗಿ ಮಾತ್ರವಲ್ಲ, ಅದರ ವಿಭಿನ್ನ ರೂಪ ಮತ್ತು ಪ್ರಸ್ತುತಿಗಾಗಿ ಕೂಡ ಜನರು ಗಮನಿಸುತ್ತಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೊ ವೈರಲ್ ಆಗಬೇಕು ಎಂಬ ಉದ್ದೇಶದಿಂದ ಕೆಲವರು ಜನಪ್ರಿಯ ಖಾದ್ಯಗಳನ್ನು ಹೊಸ ಪದಾರ್ಥಗಳೊಂದಿಗೆ ಸಂಯೋಜಿಸಿ ಪ್ರಯೋಗ ಮಾಡುತ್ತಾರೆ. ಇಂತಹ ಪ್ರಯೋಗಗಳಲ್ಲಿ ಕೆಲವು ಜನರಿಗೆ ಇಷ್ಟವಾದರೆ, ಇನ್ನೂ ಕೆಲವು ಸಾಂಪ್ರದಾಯಿಕ ಆಹಾರದ ಅಭಿಮಾನಿಗಳಿಗೆ ಅಸಮಾಧಾನ ಉಂಟುಮಾಡುತ್ತವೆ. ಇಡ್ಲಿಯ ವಿಭಿನ್ನ ರೂಪಗಳ ಬಗ್ಗೆ ಈ ಹಿಂದೆಯೂ ಇಂತಹ ಚರ್ಚೆಗಳು ನಡೆದಿವೆ.

ಬಟರ್ ಚಿಕನ್ ಇಡ್ಲಿಯ ವಿಷಯದಲ್ಲಿಯೂ ಇದೇ ರೀತಿಯ ಪ್ರತಿಕ್ರಿಯೆ ಕಾಣಿಸುತ್ತಿದೆ. ಕೆಲವರಿಗೆ ಇದು ಹೊಸ ರುಚಿಯನ್ನು ಪ್ರಯತ್ನಿಸುವ ಅವಕಾಶವಾಗಬಹುದು; ಇನ್ನು ಕೆಲವರಿಗೆ ಇಡ್ಲಿಯ ಮೂಲ ಸ್ವರೂಪಕ್ಕೆ ಮಾಡಿದ ಅನಗತ್ಯ ಬದಲಾವಣೆಯಂತೆ ಕಾಣಬಹುದು.

ಒಟ್ಟಿನಲ್ಲಿ, ಈ ಖಾದ್ಯ ನಿಜವಾಗಿಯೂ ರುಚಿಕರವಾಗಿದೆಯೇ ಅಥವಾ ಕೇವಲ ಗಮನ ಸೆಳೆಯುವ ಪ್ರಯೋಗವೇ ಎಂಬುದನ್ನು ಸವಿದವರ ಅಭಿಪ್ರಾಯವೇ ನಿರ್ಧರಿಸಬೇಕು. ಆದರೆ ಒಂದು ವಿಷಯವಂತೂ ಸ್ಪಷ್ಟ—ಸಾಂಪ್ರದಾಯಿಕ ಆಹಾರಕ್ಕೆ ಹೊಸ ರೂಪ ನೀಡಿದಾಗ ರುಚಿಗಿಂತಲೂ ಅದರ ಸುತ್ತ ನಡೆಯುವ ಚರ್ಚೆಯೇ ಕೆಲವೊಮ್ಮೆ ಹೆಚ್ಚು ವೈರಲ್ ಆಗುತ್ತದೆ!

ಕುಷ್ಟಗಿ ರೈಲ್ವೆ ಮೇಲ್ಸೇತುವೆ ಶೀಘ್ರದಲ್ಲೇ ಸಂಚಾರಕ್ಕೆ ಮುಕ್ತ, ಬೆಂಗಳೂರು ರೈಲು ಸಂಚಾರಕ್ಕೆ ಒತ್ತಾಯ

Gowthami K — Thu, 22 Oct 2026 09:00:42 +0530

ಕುಷ್ಟಗಿ: ಪಟ್ಟಣದ ಗದಗ ವಾಡಿ ಮಾರ್ಗದಲ್ಲಿರುವ ₹31 ಕೋಟಿ ವೆಚ್ಚದ ರೈಲ್ವೆ ರಸ್ತೆ ಮೇಲ್ಸೇತುವೆ (ಆರ್‌ಒಬಿ) ಕಾಮಗಾರಿ ಬಹುತೇಕ ಪೂರ್ಣಗೊಂಡಿದ್ದು, ಬಾಕಿ ಉಳಿದಿರುವ ಕಾಮಗಾರಿಗಳನ್ನು ಅತಿ ಶೀಘ್ರದಲ್ಲಿ ಪೂರ್ಣಗೊಳಿಸಿ ವಾಹನಗಳ ಸಂಚಾರಕ್ಕೆ ಮುಕ್ತಗೊಳಿಸಲಾಗುವುದು ಎಂದು ಸಂಸದ ರಾಜಶೇಖರ ಹಿಟ್ನಾಳ ತಿಳಿಸಿದರು.

ಪಟ್ಟಣದ ರೈಲ್ವೆ ಮೇಲ್ಸೇತುವೆ ಕಾಮಗಾರಿ ವೀಕ್ಷಿಸಿದ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಮೇಲ್ಸೇತುವೆಯ ಬಹುತೇಕ ಕಾಮಗಾರಿ ಪೂರ್ಣಗೊಂಡಿದೆ. ಪೇಂಟಿಂಗ್ ಹಾಗೂ ವಿದ್ಯುತ್ ದೀಪಗಳ ಅಳವಡಿಕೆ ಸೇರಿದಂತೆ ಶೇ. 5ರಷ್ಟು ಕಾಮಗಾರಿ ಮಾತ್ರ ಬಾಕಿ ಉಳಿದಿದೆ. ಈ ಕಾಮಗಾರಿಗಳನ್ನು ಇನ್ನೆರಡು ದಿನಗಳಲ್ಲಿ ಪೂರ್ಣಗೊಳಿಸುವಂತೆ ರೈಲ್ವೆ ಇಲಾಖೆಯ ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದರು.

ಕುಷ್ಟಗಿ ಮತ್ತು ಕೊಪ್ಪಳ ಮಾರ್ಗವಾಗಿ ಸಂಚರಿಸುವ ವಾಹನಗಳು ರೈಲ್ವೆ ಗೇಟ್ ಬಳಿ ರೈಲುಗಳ ಸಂಚಾರದ ಸಮಯದಲ್ಲಿ ದೀರ್ಘಕಾಲ ಕಾಯಬೇಕಾಗುತ್ತಿದೆ. ಇದರಿಂದ ವಾಹನ ಸವಾರರಿಗೆ ಸಮಯ ವ್ಯರ್ಥವಾಗುವ ಜತೆಗೆ ಸಂಚಾರಕ್ಕೂ ತೊಂದರೆಯಾಗುತ್ತಿದೆ. ಮೇಲ್ಸೇತುವೆ ಸಂಚಾರಕ್ಕೆ ಮುಕ್ತವಾದರೆ ವಾಹನಗಳ ಸುಗಮ ಸಂಚಾರಕ್ಕೆ ಅನುಕೂಲವಾಗಲಿದೆ. ಸಾರ್ವಜನಿಕರ ಬಹುದಿನಗಳ ನಿರೀಕ್ಷೆಯಲ್ಲಿರುವ ಈ ಕಾಮಗಾರಿಯನ್ನು ಆದಷ್ಟು ಬೇಗ ಪೂರ್ಣಗೊಳಿಸಿ ಸಂಚಾರಕ್ಕೆ ಅವಕಾಶ ಕಲ್ಪಿಸಲಾಗುವುದು ಎಂದು ಹೇಳಿದರು.

ಸರ್ವಿಸ್ ರಸ್ತೆ ನಿರ್ಮಾಣ:

ಮೇಲ್ಸೇತುವೆ ಸುತ್ತಮುತ್ತಲಿನ ಜಮೀನುಗಳಿಗೆ ಎತ್ತಿನ ಬಂಡಿ ಹಾಗೂ ಕೃಷಿ ವಾಹನಗಳಲ್ಲಿ ತೆರಳುವ ರೈತರಿಗೆ ತೊಂದರೆಯಾಗದಂತೆ ಸರ್ವಿಸ್ ರಸ್ತೆ ನಿರ್ಮಿಸಲಾಗುವುದು. ಮೇಲ್ಸೇತುವೆಯ ಬಾಕಿ ಕಾಮಗಾರಿಗಳನ್ನು ಪೂರ್ಣಗೊಳಿಸಿದ ಬಳಿಕ ಸರ್ವಿಸ್ ರಸ್ತೆ ನಿರ್ಮಾಣ ಕಾರ್ಯವನ್ನೂ ಕೈಗೆತ್ತಿಕೊಳ್ಳಲಾಗುವುದು ಎಂದು ತಿಳಿಸಿದ ಸಂಸದರು, ಬಾಕಿ ಕಾಮಗಾರಿಗಳನ್ನು ಪೂರ್ಣಗೊಳಿಸಿದ ನಂತರ ಮೇಲ್ಸೇತುವೆಯನ್ನು ಅಧಿಕೃತವಾಗಿ ಲೋಕಾರ್ಪಣೆ ಮಾಡಲು ಕ್ರಮ ಕೈಗೊಳ್ಳಲಾಗುವುದು ಎಂದರು.

ಕಾಂಗ್ರೆಸ್‌ ಮುಖಂಡ ದೊಡ್ಡಬಸವನಗೌಡ ಪಾಟೀಲ್‌ ಬಯ್ಯಾಪುರ, ಲಾಡ್ಲೇಮಷಾಕ ದೋಟಿಹಾಳ, ಉಮೇಶ ಮಂಗಳೂರು, ಮಹಾಂತೇಶ ಅಗಸಿಮುಂದಿನ್‌, ಮೈನುದ್ದೀನ್‌ ಮುಲ್ಲಾ, ಮಾನಪ್ಪ ತಳವಾರ, ಬಸವರಾಜ ಹೊರಪ್ಯಾಟಿ, ನಜೀರಸಾಬ ಮೂಲಿಮನಿ ಇದ್ದರು.

ಕುಷ್ಟಗಿ-ಬೆಂಗಳೂರು ರೈಲು ಸಂಚಾರಕ್ಕೆ ಒತ್ತಾಯ:

ಕುಷ್ಟಗಿಯಿಂದ ಬೆಂಗಳೂರಿಗೆ ರೈಲು ಸಂಚಾರ ಆರಂಭಿಸುವಂತೆ ರೈಲ್ವೆ ಹೋರಾಟ ಸಮಿತಿಯ ಪ್ರಧಾನ ಕಾರ್ಯದರ್ಶಿ ವೀರೇಶ ಬಂಗಾರಶೆಟ್ಟರ ಹಾಗೂ ಸಮಿತಿಯ ಸದಸ್ಯರು ಸಂಸದ ರಾಜಶೇಖರ ಹಿಟ್ನಾಳ ಅವರನ್ನು ಒತ್ತಾಯಿಸಿದರು.

ಈಗಾಗಲೇ ಸಿಂಧನೂರು ನಗರದಿಂದ ರೈಲು ಸಂಚಾರ ಆರಂಭವಾಗಿದೆ. ಆದರೆ ಕುಷ್ಟಗಿಯಿಂದ ಇನ್ನೂ ರೈಲು ಸಂಚಾರ ಆರಂಭವಾಗದಿರುವುದೇಕೆ ಎಂದು ಪ್ರಶ್ನಿಸಿದ ಸಮಿತಿ ಸದಸ್ಯರು, ರೈಲ್ವೆ ಇಲಾಖೆಯ ಅಧಿಕಾರಿಗಳೊಂದಿಗೆ ಚರ್ಚಿಸಿ ಕುಷ್ಟಗಿಯಿಂದ ಬೆಂಗಳೂರಿಗೆ ರೈಲು ಸಂಚಾರ ಆರಂಭಿಸಲು ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು.

ಇದಕ್ಕೆ ಪ್ರತಿಕ್ರಿಯಿಸಿದ ಸಂಸದ ರಾಜಶೇಖರ ಹಿಟ್ನಾಳ, ಈಗಾಗಲೇ ಈ ವಿಷಯವಾಗಿ ರೈಲ್ವೆ ಅಧಿಕಾರಿಗಳೊಂದಿಗೆ ಚರ್ಚಿಸಲಾಗಿದೆ. ಆದರೆ ರೈಲುಗಳ ಸ್ವಚ್ಛತೆ (ಕ್ಲೀನಿಂಗ್) ಹಾಗೂ ಸರ್ವಿಸ್‌ಗೆ ಸಂಬಂಧಿಸಿದ ಸಮಸ್ಯೆಗಳಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದು, ಈ ಕುರಿತು ಮತ್ತೊಮ್ಮೆ ರೈಲ್ವೆ ಅಧಿಕಾರಿಗಳನ್ನು ಮುಖಾಮುಖಿಯಾಗಿ ಭೇಟಿ ಮಾಡಿ ಚರ್ಚಿಸೋಣ. ಸಮಸ್ಯೆಗಳ ಕುರಿತು ಸಮಗ್ರವಾಗಿ ಚರ್ಚಿಸಿ ಸೂಕ್ತ ನಿರ್ಣಯ ಕೈಗೊಳ್ಳುವ ನಿಟ್ಟಿನಲ್ಲಿ ಪ್ರಯತ್ನಿಸೋಣ ಎಂದು ತಿಳಿಸಿದರು.

73 ವರ್ಷದಿಂದ ಸಾಗುವಳಿ ಮಾಡ್ತಿರೋ ಭೂಮಿಯಲ್ಲಿ ಸೋಲಾರ್ ಘಟಕ ಆರಂಭಕ್ಕೆ ರೈತರ ವಿರೋಧ

Kannadaprabha News — Thu, 22 Oct 2026 08:54:58 +0530

ಹೊಸಪೇಟೆ: ತಾಲೂಕಿನ ಡಣಾಪುರ ಬಳಿ ಸೋಲಾರ್ ವಿದ್ಯುತ್ ಘಟಕ ಸ್ಥಾಪನೆಗೆ ಕರ್ನಾಟಕ ರಾಜ್ಯ ರೈತ ಸಂಘ ತೀವ್ರ ವಿರೋಧ ವ್ಯಕ್ತಪಡಿಸಿ ತಹಸೀಲ್ದಾರ್‌ ಕಚೇರಿ ಮುಂದೆ ಪ್ರತಿಭಟನೆ ನಡೆಸಿ ತಹಸೀಲ್ದಾರ್ ಶೃತಿ ಎಂ. ಮಳ್ಳಪ್ಪಗೌಡ್ರು ಅವರಿಗೆ ಮನವಿ ಸಲ್ಲಿಸಿದರು.

ಸರ್ಕಾರದಿಂದ ಸಿಗದ ಹಕ್ಕುಪತ್ರ

ಪ್ರತಿಭಟನಾ ಸಭೆ ಉದ್ದೇಶಿಸಿ ಕರ್ನಾಟಕ ರಾಜ್ಯ ರೈತ ಸಂಘದ ರಾಜ್ಯ ಸಂಘಟನಾ ಕಾರ್ಯದರ್ಶಿ ಬಿ.ಗೋಣಿಬಸಪ್ಪ ಮಾತನಾಡಿ, ತಾಲೂಕಿನ ಮರಿಯಮ್ಮನಹಳ್ಳಿ ಹೋಬಳಿಯ ಡಣಾಯಕನಕೆರೆ ಕಂದಾಯ ಗ್ರಾಮದ ವ್ಯಾಪ್ತಿಯಲ್ಲಿ ಕಳೆದ 73 ವರ್ಷಗಳಿಂದ ಸಾಗುವಳಿ ಮಾಡುತ್ತಿರುವ ರೈತರಿಗೆ ಈವರೆಗೆ ಸರ್ಕಾರ ಹಕ್ಕು ಪತ್ರ ನೀಡಿಲ್ಲ.

1959 ರಲ್ಲಿ ತುಂಗಭದ್ರಾ ಜಲಾಶಯ ನಿರ್ಮಾಣ ಸಂದರ್ಭದಲ್ಲಿ ಮುಳುಗಡೆಯಾದ ಪ್ರದೇಶಗಳ ನಿರಾಶ್ರಿತರಿಗೆ ಸರ್ಕಾರ ಪುನರ್ವಸತಿಗಾಗಿ ಈ ಪ್ರದೇಶದಲ್ಲಿ ಭೂಮಿ ನೀಡಿದೆ. ಆದರೆ ಸರ್ಕಾರದಿಂದ ನೀಡಲಾದ ಜಮೀನುಗಳಿಗೆ ಈವರೆಗೆ ಹಕ್ಕು ಪತ್ರ ನೀಡಿಲ್ಲ. ಈ ಕುರಿತಂತೆ ಈ ಭಾಗದ ರೈತರು ಹಲವಾರು ವರ್ಷಗಳಿಂದ ಹೋರಾಟ ನಡೆಸುತ್ತಾ ಬಂದಿದ್ದಾರೆ.

ಸೋಲಾರ್ ಘಟಕ ಆರಂಭಕ್ಕೆ ಪರವಾನಿಗೆ ನೀಡದಂತೆ ಒತ್ತಾಯ

ತಹಸೀಲ್ದಾರ, ಜಿಲ್ಲಾಧಿಕಾರಿ ಸೇರಿದಂತೆ ಜನಪ್ರತಿನಿಧಿಗಳಿಗೆ ಸರ್ಕಾರಕ್ಕೆ ಮನವಿಪತ್ರ ಸಲ್ಲಿಸಿದರೂ ರೈತರು ಸಾಗುವಳಿ ಮಾಡುತ್ತಿರುವ ಜಮೀನುಗಳಿಗೆ ಹಕ್ಕುಪತ್ರ ನೀಡಿರುವುದಿಲ್ಲ. ಆದರೆ ಇದೇ ಸಂದರ್ಭದಲ್ಲಿ ಖಾಸಗಿ ಕಂಪನಿಯವರು ಸೋಲಾರ್ ವಿದ್ಯುತ್ ಘಟಕ ಸ್ಥಾಪನೆಗೆ ಪರವಾನಗಿ ಕೋರಿ ಅರ್ಜಿ ಸಲ್ಲಿಸಿದ್ದು. ಜಿಲ್ಲಾಡಳಿತ ಯಾವುದೇ ಕಾರಣಕ್ಕೂ ಪರವಾನಗಿ ನೀಡಬಾರದು ಎಂದು ಒತ್ತಾಯಿಸಿದರು.

ಹೆದ್ದಾರಿ ತಡೆದು ಪ್ರತಿಭಟನೆ ನಡೆಸುವ ಎಚ್ಚರಿಕೆ

ತುಂಗಭದ್ರಾ ನಿರಾಶ್ರಿತರ ಜಮೀನುಗಳಿಗೆ ಹಕ್ಕುಪತ್ರ ನೀಡುವಂತೆ ಒತ್ತಾಯಿಸಿ ತಾಲೂಕಿನ ಡಣಾಪುರ ಬಳಿ ರಾಜ್ಯ ರೈತ ಸಂಘದ ನೇತೃತ್ವದಲ್ಲಿ ಹೆದ್ದಾರಿ ಬಂದ್ ಮಾಡಿ ಪ್ರತಿಭಟನೆ ನಡೆಸಲಾಗುವುದು. ಈ ಸಂದರ್ಭದಲ್ಲಿ ರೈತರಿಗೆ ತೊಂದರೆ ಆದರೆ ಅದಕ್ಕೆ ಜಿಲ್ಲಾಡಳಿತ ಹಾಗೂ ಸರ್ಕಾರವೇ ನೇರ ಹೊಣೆಯಾಗಲಿದೆ ಎಂದು ಎಚ್ಚರಿಸಿದರು.

ಈ ಸಂದರ್ಭದಲ್ಲಿ ಕರ್ನಾಟಕ ರಾಜ್ಯ ರೈತ ಸಂಘದ ತಾಲೂಕಾಧ್ಯಕ್ಷ ಗಂಟೆ ಸೋಮಶೇಖರ್, ಯಮುನೂರ, ರಾಜಬಕ್ಷಿ, ಹುಚ್ಚುಸಾಬ್, ಕನಕರಾಯ, ಹುಲುಗಪ್ಪ, ಉಮೇಶ, ಮಾರೆಪ್ಪ, ರಮೇಶ, ದಾದಾಪೀರ್, ನಾಗರಾಜ, ರಾಮಪ್ಪ ಸೇರಿದಂತೆ ಮತ್ತಿತರರು ಭಾಗವಹಿಸಿದ್ದರು.

ಇದನ್ನೂ ಓದಿ: ಆಲಮಟ್ಟಿಯಿಂದ ನಿತ್ಯ 27,500 ಕ್ಯುಸೆಕ್ ನೀರು ಬಿಡುಗಡೆ: ಇದರ ಹಿಂದಿನ ರಹಸ್ಯವೇನು ?

ಇಂದಿನಿಂದ ಭಾರತ vs ಕಿವೀಸ್‌ ಟಿ20 ಚಾಲೆಂಜ್‌; ಟೀಂ ಇಂಡಿಯಾದ ಪ್ಲಸ್‌ ಮತ್ತು ಮೈನಸ್‌ ಏನು?

Kannadaprabha News — Thu, 22 Oct 2026 08:46:55 +0530

ಕ್ರೈಸ್ಟ್‌ಚರ್ಚ್‌: ವೆಸ್ಟ್‌ಇಂಡೀಸ್‌ ವಿರುದ್ಧ ಸರಣಿ ಮುಗಿದು 4 ದಿನಗಳಾಗುತ್ತಲೇ ಭಾರತ ತಂಡ ಈಗ ನ್ಯೂಜಿಲೆಂಡ್‌ ವಿರುದ್ಧ ಟಿ20 ಸರಣಿಗೆ ಸಜ್ಜಾಗಿದೆ. ಗುರುವಾರದಿಂದ ಉಭಯ ತಂಡಗಳ ನಡುವೆ ನ್ಯೂಜಿಲೆಂಡ್‌ನಲ್ಲಿ 5 ಪಂದ್ಯಗಳ ಟಿ20 ಸರಣಿ ಆರಂಭಗೊಳ್ಳಲಿದೆ.

ಭಾರತ ಕಳೆದೆರಡು ಟಿ20 ಸರಣಿಗಳಲ್ಲಿ ಗೆದ್ದಿದೆ. ಆದರೆ ಈಗ ನ್ಯೂಜಿಲೆಂಡ್‌ ಪ್ರವಾಸ ಕೈಗೊಳ್ಳುತ್ತಿರುವುದರಿಂದ ತಂಡಕ್ಕೆ ಅಲ್ಲಿ ಕಠಿಣ ಸವಾಲು ಎದುರಾಗುವುದು ಖಚಿತ. ಹೀಗಾಗಿ ಸರಣಿ ಗೆಲುವಿಗಾಗಿ ತಂಡ ಭಾರೀ ಪರಿಶ್ರಮ ಪಡಬೇಕಿದೆ. ಭಾರತ ಕೊನೆ ಬಾರಿ ನ್ಯೂಜಿಲೆಂಡ್‌ನಲ್ಲಿ ಟಿ20 ಆಡಿದ್ದು 2022ರಲ್ಲಿ. ಮಳೆ ಪೀಡಿತ ಆ ಸರಣಿಯಲ್ಲಿ ಭಾರತ 1-0 ಅಂತರದಲ್ಲಿ ಗೆದ್ದಿತ್ತು. ಅಲ್ಲದೆ, ಈ ಬಾರಿ ತಂಡ ವಿಶ್ವ ಚಾಂಪಿಯನ್‌ ಪಟ್ಟದೊಂದಿಗೆ, ಹೆಚ್ಚಿನ ಯುವ ಪ್ರತಿಭೆಗಳೊಂದಿಗೆ ಆಡುತ್ತಿರುವುದರಿಂದಾಗಿ ಸಹಜವಾಗಿಯೇ ತಂಡ ಸರಣಿ ಗೆಲುವಿನ ವಿಶ್ವಾಸದೊಂದಿಗೆ ಕಣಕ್ಕಿಳಿಯಲಿದೆ. ಆದರೆ ತಂಡಕ್ಕೆ ಅನುಭವಿಗಳ ಕೊರತೆ ಉಂಟಾಗಬಹುದು.

ಭಾರತ ತಂಡಕ್ಕೆ ಸ್ಥಿರತೆಯೇ ಸವಾಲು

ಭಾರತ ಬಲಿಷ್ಠ ಬ್ಯಾಟಿಂಗ್‌ ಪಡೆಯನ್ನು ಹೊಂದಿದ್ದರೂ, ಸ್ಥಿರತೆ ಕಾಯ್ದುಕೊಳ್ಳಲು ಹಲವು ಬ್ಯಾಟರ್ಸ್‌ ವಿಫಲರಾಗುತ್ತಿದ್ದಾರೆ. ಅಭಿಷೇಕ್‌ ಶರ್ಮಾ, ಸಂಜು ಸ್ಯಾಮ್ಸನ್‌, ತಿಲಕ್‌ ವರ್ಮಾ, ಶ್ರೇಯಸ್‌, ಇಶಾನ್‌ ಕಿಶನ್‌ ಸ್ಥಿರ ಪ್ರದರ್ಶನ ನೀಡಬೇಕಾದ ಅಗತ್ಯವಿದೆ. ಆಲ್ರೌಂಡ್‌ ವಿಭಾಗದಲ್ಲಿ ಅಕ್ಷರ್‌ ಪಟೇಲ್‌, ಶಿವಂ ದುಬೆ, ನಿತೀಶ್‌ ತಂಡಕ್ಕೆ ನೆರವಾಗಬೇಕಿದೆ.

4 ವರ್ಷಗಳ ಬಳಿಕ ಭಾರತ ಟಿ20 ತಂಡಕ್ಕೆ ಮರಳಿರುವ ಭುವನೇಶ್ವರ್‌ ಕುಮಾರ್‌, ಸಿಕ್ಕ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಬೇಕಿದೆ. ಅವರು ತಂಡಕ್ಕೆ ಮರಳಿರುವುದು ಬೌಲಿಂಗ್‌ ಪಡೆಯ ಆತ್ಮವಿಶ್ವಾಸ ಹೆಚ್ಚಿಸಿದೆ.

ಜಯದ ವಿಶ್ವಾಸ:

ನ್ಯೂಜಿಲೆಂಡ್‌ ತಂಡದಲ್ಲಿ ವಿಶ್ವಶ್ರೇಷ್ಠ ಬ್ಯಾಟರ್ಸ್‌ ಹಾಗೂ ಬೌಲರ್‌ಗಳಿದ್ದು, ಈ ಸರಣಿಯಲ್ಲಿ ಭಾರತಕ್ಕೆ ಕಠಿಣ ಸವಾಲು ನೀಡುವುದು ಖಚಿತ. ಫಿನ್‌ ಆ್ಯಲೆನ್‌, ಟಿಮ್‌ ಸೀಫರ್ಟ್‌ ಸ್ಫೋಟಕ ಆಟ, ಡೆವೋನ್‌ ಕಾನ್‌ವೇ, ಡ್ಯಾರಿಲ್‌ ಮಿಚೆಲ್‌, ಗ್ಲೆನ್‌ ಫಿಲಿಪ್ಸ್‌ ಬ್ಯಾಟಿಂಗ್‌ ತಂಡದ ಬಲ. ನಾಯಕ ಮಿಚೆಲ್‌ ಸ್ಯಾಂಟ್ನರ್‌ ಹಾಗೂ ಬ್ರೇಸ್‌ವೆಲ್‌ ಆಲ್ರೌಂಡ್‌ ಆಟದ ಮೂಲಕ ತಂಡಕ್ಕೆ ಗೆಲುವು ತಂದುಕೊಡಬಲ್ಲ ಸಾಮರ್ಥ್ಯ ಹೊಂದಿದ್ದಾರೆ. ಬೌಲಿಂಗ್‌ ವಿಭಾಗದಲ್ಲಿ ಜೇಮಿಸನ್‌, ಮ್ಯಾಟ್‌ ಹೆನ್ರಿ, ಫರ್ಗ್ಯೂಸನ್‌ ಇದ್ದಾರೆ.

ಪಂದ್ಯ ಆರಂಭ: ಮಧ್ಯಾಹ್ನ 12.30ಕ್ಕೆ

ಪ್ರಸಾರ: ಸೋನಿ ಸ್ಪೋರ್ಟ್ಸ್‌, ಸೋನಿ ಲೈವ್‌.

02 ಸರಣಿ: ಭಾರತ ತಂಡ ನ್ಯೂಜಿಲೆಂಡ್‌ನಲ್ಲಿ ಆಡಿದ ಕೊನೆ 2 ಟಿ20 ಸರಣಿಯಲ್ಲೂ ಗೆದ್ದಿದೆ. ಈಗ ಹ್ಯಾಟ್ರಿಕ್‌ ವಿಶ್ವಾಸದಲ್ಲಿದೆ.

08 ಪಂದ್ಯ: ನ್ಯೂಜಿಲೆಂಡ್‌ನಲ್ಲಿ ನಡೆದ ಕೊನೆ 8 ಅಂ.ರಾ. ಟಿ20 ಪಂದ್ಯಗಳ ಪೈಕಿ ಒಂದರಲ್ಲೂ 200+ ರನ್‌ ದಾಖಲಾಗಿಲ್ಲ.

ಜಿಂಬಾಬ್ವೆ ವಿರುದ್ಧ ಭಾರತ ಮಹಿಳೆಯರು ಕ್ಲೀನ್‌ಸ್ವೀಪ್‌

ರಾಯ್ಪುರ: ಜಿಂಬಾಬ್ವೆ ವಿರುದ್ಧ 3 ಪಂದ್ಯಗಳ ಟಿ20 ಸರಣಿಯನ್ನು ಭಾರತ ಮಹಿಳಾ ತಂಡ 3-0 ಅಂತರದಲ್ಲಿ ಕ್ಲೀನ್‌ಸ್ವೀಪ್‌ ಮಾಡಿಕೊಂಡಿದೆ. ಮಂಗಳವಾರ ನಡೆದ 3ನೇ ಪಂದ್ಯದಲ್ಲಿ ಭಾರತ 92 ರನ್‌ಗಳಿಂದ ಗೆಲುವು ಸಾಧಿಸಿತು. ಮೊದಲು ಬ್ಯಾಟ್‌ ಮಾಡಿದ ಭಾರತ 7 ವಿಕೆಟ್‌ಗೆ 216 ರನ್‌ ಸಿಡಿಸಿತು. ನಾಯಕಿ ಸ್ಮೃತಿ ಮಂಧನಾ ಬ್ಯಾಟಿಂಗ್‌ಗೆ ಆಗಮಿಸಲಿಲ್ಲ. ಶಫಾಲಿ 69, ಮಾಜಿ ನಾಯಕಿ ಹರ್ಮನ್‌ಪ್ರೀತ್‌ ಕೌರ್‌ ಔಟಾಗದೆ 91 ರನ್‌ ಸಿಡಿಸಿದರು. ದೊಡ್ಡ ಗುರಿ ಬೆನ್ನತ್ತಿದ ಜಿಂಬಾಬ್ವೆ 7 ವಿಕೆಟ್‌ಗೆ 124 ರನ್‌ ಗಳಿಸಿ ಸೋಲೊಪ್ಪಿಕೊಂಡಿತು.

ಕಿತ್ತೂರು ಉತ್ಸವಕ್ಕೆ ಮುನ್ನವೇ ಕಳಚಿಬಿದ್ದ ಚನ್ನಮ್ಮ ಪ್ರತಿಮೆಯ ಖಡ್ಗ ಹಿಡಿದ ಬಲಗೈ! ರಾತ್ರೋ ರಾತ್ರಿ ನಡೆದಿದ್ದೇನು?

Kannadaprabha News — Thu, 22 Oct 2026 08:38:50 +0530

ಕಿತ್ತೂರು (ಅ.22): ಪಟ್ಟಣದ ರಾಷ್ಟ್ರೀಯ ಹೆದ್ದಾರಿ ಪಕ್ಕದ ಚನ್ನಮ್ಮಾಜಿಯ ಪುತ್ಥಳಿಯ ಕಳಚಿದ್ದ ಖಡ್ಗ ಹಿಡಿದಿದ್ದ ಬಲಗೈಯನ್ನು ತಾಲೂಕಾಡಳಿತದ ಅಧಿಕಾರಿಗಳು ರಾತ್ರೋರಾತ್ರಿ ಸರಿಪಡಿಸಿದ್ದಾರೆ.

ಚನ್ನಮ್ಮ ಪುತ್ಥಳಿಯ ಬಲಗೈ ಕಳಚಿದ್ದು ವೈರಲ್

ಬಲಗೈ ಕಳಚಿದ ವಿಷಯ ಕಾಡ್ಗಿಚ್ಚಿನಂತೆ ಹರಡಿದ ಪರಿಣಾಮ ಎಚ್ಚೆತ್ತ ಜಿಲ್ಲಾಡಳಿತ ಹಾಗೂ ತಾಲೂಕಾಡಳಿತದ ಅಧಿಕಾರಿಗಳು ಹಾಗೂ ಸ್ಥಳೀಯ ಜನಪ್ರತಿನಿಧಿಗಳು ಮಧ್ಯರಾತ್ರಿಯೇ ಸವದತ್ತಿಯ ಉಗರಗೋಳ ಗ್ರಾಮದ ಕೆಲಸಗಾರರನ್ನು ಕರೆಸಿ ಸರಿಪಡಿಸಿದ್ದಾರೆ.

ಅ.23 ರಿಂದ 25ರವರೆಗೆ ನಡೆಯುವ ಕಿತ್ತೂರು ಉತ್ಸವಕ್ಕೆ ಸಚಿವರು ಹಾಗೂ ಜನಪ್ರತಿನಿಧಿಗಳು ಸೇರಿದಂತೆ ಸಾರ್ವಜನಿಕರು ಆಗಮಿಸಲಿದ್ದಾರೆ. ಈ ಪುತ್ಥಳಿಗೆ ಮಾಲಾರ್ಪಣೆ ಮಾಡಿ ನಂತರ ಇಲ್ಲಿಯೇ ವೀರಜ್ಯೋತಿಯನ್ನು ಬರಮಾಡಿಕೊಂಡು ಈ ಸ್ಥಳದಿಂದಲೇ ಮೆರವಣಿಗೆ ಆರಂಭಿಸುವ ವಾಡಿಕೆ. ಆದರೆ, ಉತ್ಸವಕ್ಕೆ ಎರಡು ದಿನ ಬಾಕಿ ಉಳಿದ ಪರಿಣಾಮ ಎಲ್ಲರಲ್ಲಿಯೂ ಈ ಬಲಗೈ ಕಳಚಿದೆ ಪ್ರಕರಣ ತಲ್ಲಣ ಮೂಡಿಸಿತ್ತು. ಪರಿಣಾಮ ಮಧ್ಯರಾತ್ರಿವರೆಗೂ ತಾಲೂಕಾಡಳಿತ ಎಚ್ಚರಿಕೆ ವಹಿಸಿ ಎಲ್ಲವನ್ನು ಸರಿಪಡಿಸಿದೆ.

ಈ ಸಂದರ್ಭದಲ್ಲಿ ಪಪಂ ಅಧ್ಯಕ್ಷ ಜೈಸಿದ್ದರಾಮ ಮಾರಿಹಾಳ, ಪಪಂ ಸದಸ್ಯರು ಸೇರಿದಂತೆ ತಹಸೀಲ್ದಾರ್‌ ಕಲ್ಲಗೌಡ ಪಾಟೀಲ, ಸಿಪಿಐ ಸಿವಾನಂದ ಗುಡಗನಟ್ಟಿ, ಪಿಎಸ್ಐ ಭರತ.ಎಸ್, ಪಪಂ ಮುಖ್ಯಾಧಿಕಾರಿ ಮಲ್ಲಯ್ಯಾ ಹಿರೇಮಠ ಸೇರಿದಂತೆ ಪ್ರಮುಖರು ಹಾಗೂ ಶಾಸಕರ ಆಪ್ತರು ಸ್ಥಳದಲ್ಲಿದ್ದರು.

ಮೂರ್ತಿ ಬದಲಾವಣೆಗೆ ಆಗ್ರಹ

ಪುತ್ಥಳಿ ಪ್ರತಿಷ್ಠಾಪಿಸಿ 20 ವರ್ಷ ಕಳೆದರೂ ಜಿಲ್ಲಾಡಳಿತ ಹಾಗೂ ತಾಲೂಕಾಡಳಿತ ಇತ್ತ ಗಮನ ಹರಿಸಿಲ್ಲ. ಈಗ ಬಲಗೈ ಕಳಚಿ ಭಿನ್ನವಾಗಿದೆ. ಕೂಡಲೇ ಈ ಮೂರ್ತಿಯನ್ನು ಬದಲಾಯಿಸಿ ನೂತನ ಮೂರ್ತಿಯನ್ನು ಪ್ರತಿಷ್ಠಾಪಿಸುವಂತೆ ಚನ್ನಮ್ಮಾಜಿಯ ಅಭಿಮಾನಿಗಳು ಹಾಗೂ ಪಟ್ಟಣದ ನಾಗರಿಕರು ಮತ್ತು ಸಂಘ ಸಂಸ್ಥೆಗಳ ಮುಖಂಡರು ಆಗ್ರಹಿಸಿದ್ದಾರೆ.

ಆಲಮಟ್ಟಿಯಿಂದ ನಿತ್ಯ 27,500 ಕ್ಯುಸೆಕ್ ನೀರು ಬಿಡುಗಡೆ: ಇದರ ಹಿಂದಿನ ರಹಸ್ಯವೇನು ?

Kannadaprabha News — Thu, 22 Oct 2026 08:34:48 +0530

ವಿಜಯಪುರ: ಆಲಮಟ್ಟಿ ಜಲಾಶಯದಿಂದ ನಾರಾಯಣಪುರ ಜಲಾಶಯಕ್ಕೆ ಕಳೆದ ಮೂರು ದಿನಗಳಿಂದ ನೀರಾವರಿ ಸುಮಾರು 27,500 ಕ್ಯುಸೆಕ್ ನೀರನ್ನು ಹರಿಸಲಾಗುತ್ತಿದ್ದು, ಇದರ ಹಿಂದೆ ತೆಲಂಗಾಣಕ್ಕೆ ನೀರು ಹರಿಸುವ ಉದ್ದೇಶ ಅಡಗಿದೆ ಎಂದು ಆರೋಪಿಸಲಾಗಿದೆ.

ಕಳೆದ 10 ದಿನಗಳ ಹಿಂದೆಯಷ್ಟೇ ತೆಲಂಗಾಣಕ್ಕೆ 2 ಟಿಎಂಸಿ ನೀರು ಬಿಡಲಾಗಿತ್ತು. ಈಗ ಮತ್ತೆ ಅದೇ ಉದ್ದೇಶಕ್ಕಾಗಿ ಆಲಮಟ್ಟಿಯಿಂದ ಏಕಾಏಕಿ ಹೆಚ್ಚಿನ ಪ್ರಮಾಣದ ನೀರು ಬಿಡಲಾಗುತ್ತಿದೆ ಎಂದು ಆರೋಪಿಸಲಾಗಿದೆ.

ನೀರು ಹರಿಸುವ ಉದ್ದೇಶದ ಬಗ್ಗೆಅನುಮಾನ?

ಜಲಾಶಯದ ಬಲಭಾಗದಲ್ಲಿರುವ ವಿದ್ಯುತ್ ಉತ್ಪಾದನಾ ಕೇಂದ್ರದ ಮೂಲಕ ನೀರು ಬಿಡಲಾಗುತ್ತಿದ್ದು, ಇನ್ನೂ ಒಂದೆರಡು ದಿನಗಳ ಕಾಲ ನೀರು ಹರಿಸುವ ಸಾಧ್ಯತೆ ಇದ್ದು, ನಾರಾಯಣಪುರ ಜಲಾಶಯದ ನೀರಾವರಿ ಬೇಡಿಕೆಗಾಗಿ ಮಾತ್ರ ಬಿಡಲಾಗುತ್ತಿದೆ ಎಂದು ಕೆಬಿಜೆಎನ್ಎಲ್ ಹಿರಿಯ ಅಧಿಕಾರಿಗಳು ಹೇಳುತ್ತಿದ್ದರು ಅದರ ಹಿಂದೆ ಅನ್ಯ ರಾಜ್ಯಕ್ಕೆ ನೀರು ಹರಿಸುವ ಉದ್ದೇಶ ಅಡಗಿದೆ ಎನ್ನಲಾಗಿದೆ. ಜಲಾಶಯದ ವಿದ್ಯುತ್ ಘಟಕ ದ ಮೂಲಕ ನೀರು ಬಿಟ್ಟ ಕಾರಣ 3 ಮಿಲಿಯನ್ ಯುನಿಟ್ ಆಸುಪಾಸು ವಿದ್ಯುತ್ ಉತ್ಪಾದನೆ ಯಾಗುತ್ತಿದೆ.

ಅಖಂಡ ಕರ್ನಾಟಕ ರೈತ ಸಂಘದಿಂದ ಗಂಭೀರ ಆರೋಪ

ಮೂರು ದಿನಗಳಲ್ಲಿ ಸುಮಾರು 7 ಟಿಎಂಸಿ ಅಡಿ ನೀರು ಹರಿದು ಹೋಗಿದ್ದು, ಇನ್ನೂ ಒಂದೆರೆಡು ದಿನ ಹೊರಹರಿವು ಇದೇ ರೀತಿ ಮುಂದುವರೆದರೆ ಅದು 10 ಟಿಎಂಸಿ ದಾಟಬಹುದು ಎಂದು ಅಖಂಡ ಕರ್ನಾಟಕ ರೈತ ಸಂಘದ ರಾಜ್ಯ ಕಾರ್ಯದರ್ಶಿ ಅರವಿಂದ ಕುಲಕರ್ಣಿ ಆರೋಪಿಸಿದರು.

ಹಬ್ಬದ ಸಂದರ್ಭದಲ್ಲಿ ಸಾರ್ವಜನಿಕರ ಗಮನ ಕಡಿಮೆ ಇರುವುದರಿಂದ ರಾತ್ರಿ ವೇಳೆ ನೀರು ಬಿಡಲಾಗುತ್ತಿದೆ. ಬೇಸಿಗೆಯ ಬಿಸಿಲಿನ ತೀವ್ರತೆ ಹೆಚ್ಚಿದ್ದು, ಕುಡಿಯುವ ನೀರಿಗೂ ಪರದಾಡುವ ಪರಿಸ್ಥಿತಿ ನಿರ್ಮಾಣವಾಗಿದೆ. ಇಂತಹ ಸಂದರ್ಭದಲ್ಲಿ ನೀರು ಹರಿಸುವ ಅಗತ್ಯವೇನು ಎಂದು ಪ್ರಶ್ನಿಸಿರುವ ಅವರು, ನೀರು ಹರಿಸುವುದನ್ನು ತಕ್ಷಣ ನಿಲ್ಲಿಸದಿದ್ದರೆ ನದಿಯಲ್ಲಿ ನೀರಿನಲ್ಲಿ ನಿಂತು ಪ್ರತಿಭಟಿಸುವುದಾಗಿ ಎಚ್ಚರಿಕೆ ನೀಡಿದರು.

ಆಲಮಟ್ಟಿ ಜಲಾಶಯದ ಮಟ್ಟ

ಆಲಮಟ್ಟಿ ಜಲಾಶಯದಲ್ಲಿ ಪ್ರಸ್ತುತ 516.80 ಮೀಟರ್ ಮಟ್ಟದವರೆಗೆ ಸುಮಾರು 83 ಟಿಎಂಸಿ ಅಡಿ ನೀರು ಸಂಗ್ರಹವಾಗಿದೆ. ವಿದ್ಯುತ್ ಉತ್ಪಾದನಾ ಘಟಕದ ಮೂಲಕ 27,345 ಕ್ಯುಸೆಕ್ ಹಾಗೂ ಹಿನ್ನೀರಿನ ಬಳಕೆ ಕಾಲುವೆ ಸೇರಿದಂತೆ ಒಟ್ಟು 35,741 ಕ್ಯುಸೆಕ್ ನೀರು ಜಲಾಶಯದಿಂದ ಹೊರಹರಿಯುತ್ತಿದೆ.

ಚೂಪಾದ ಕಾರೆಮುಳ್ಳಿನ ಮೇಲೆ ದೇವಿಯ ಮೆರವಣಿಗೆ! ಮೈ ಜುಮ್ಮೆನಿಸುವ ದಸರೀಘಟ್ಟ ಚೌಡೇಶ್ವರಿ ದೇವಿ ಉತ್ಸವ!

Kannadaprabha News — Thu, 22 Oct 2026 08:18:37 +0530

ತಿಪಟೂರು (ಅ.22): ನಾಡಿನ ಶಕ್ತಿದೇವತೆಗಳಲ್ಲಿ ಒಂದಾದ ತಾಲೂಕಿನ ದಸರೀಘಟ್ಟದ ಶ್ರೀ ಚೌಡೇಶ್ವರಿ ದೇವಿ ಮುಳ್ಳುಗದ್ದಿಗೆ ಉತ್ಸವ ಆಳೆತ್ತರದ ಗಟ್ಟಿಕಾರೆಮುಳ್ಳಿನ ರಾಶಿಯ ಮೇಲೆ ವಿಜಯದಶಮಿ ಅತ್ಯಂತ ವೈಭವ ಮತ್ತು ಭಕ್ತಿ ಪರಾಕಾಷ್ಠೆಯಿಂದ ನಡೆಯಿತು.

ಧಾರ್ಮಿಕ ಸಭೆ ಸಾನ್ನಿಧ್ಯ ವಹಿಸಿದ್ದ ಆದಿಚುಂಚನಗಿರಿ ಮಹಾಸಂಸ್ಥಾನ ಪೀಠಾಧ್ಯಕ್ಷರಾದ ಜಗದ್ಗುರು ಡಾ. ಶ್ರೀ ನಿರ್ಮಲಾನಂದನಾಥ ಸ್ವಾಮೀಜಿಯವರು ಆಶೀರ್ವಚನ ನೀಡುತ್ತ, ಶ್ರೀ ಚೌಡೇಶ್ವರಿ ತಾಯಿಯಿಂದ ಹಲವಾರು ಪವಾಡ ಜರುಗಿದ್ದು ದೇವಿ ಶಕ್ತಿಯನ್ನು ನಾವು, ನೀವೆಲ್ಲ ಅರಿತಿದ್ದೇವೆ. ಜಗತ್ತಿನ ಸಂಸಾರ ಮುಳ್ಳು ಗದ್ದಿಗೆಯಂತೆ ಎಂದು ತಿಳಿಸಿದರು.

ಭಗವಂತನ ಸ್ಮರಣೆ ಮಾಡಿದರೆ ಕಷ್ಟಗಳು ಮಂಜಿನಂತೆ ಕರಗುತ್ತವೆ

ಬದುಕಿನಲ್ಲಿ ಹಲವಾರು ಕಷ್ಟಗಳು ಬರುತ್ತವೆ. ಕಷ್ಟಕ್ಕೆ ಯಾರು ಕಾರಣರಲ್ಲ. ಆಧ್ಯಾತ್ಮಿಕ ತಾಪ, ಭೌತಿಕ ತಾಪ, ಆದಿ ದೈವಿಕ ತಾಪ ಕೂಡ ಬರಲಿದೆ. ಈ ಎಲ್ಲಾ ತಾಪಗಳನ್ನು ಪರಿಹರಿಸಿಕೊಳ್ಳಲು ತಾಯಿ ಶ್ರೀ ಚೌಡೇಶ್ವರಿ ದೇವಿಯಿಂದ ಮಾತ್ರ ಸಾಧ್ಯ. ಜೀವನದಲ್ಲಿ ನಾವು ಯಾರಿಗೂ ತೊಂದರೆ ಮಾಡಬಾರದು. ನಾವು ಮಾಡಿದ ಒಳ್ಳೆಯದು ಹಾಗೂ ಕೆಟ್ಟದ್ದನ್ನು ನಾವೇ ಅನುಭವಿಸಬೇಕಾಗುತ್ತದೆ. ಕಷ್ಟಗಳೆಂಬುವು ಸಾಮಾನ್ಯ. ಕಷ್ಟಗಳೆಂಬ ಮುಳ್ಳುಗಳ ಮೇಲೆ ನಡೆಯುವಾಗ ಭಗವಂತನ ಸ್ಮರಣೆ ಮಾಡಿದರೆ ಕಷ್ಟಗಳು ಮಂಜಿನಂತೆ ಕರಗುತ್ತವೆ. ಸಂಸಾರದ ಸಾಗರದಲ್ಲಿ ಸಹ ಕಷ್ಟಗಳು ನಿವಾರಣೆಯಾಗಲು ದೈವೀಭಕ್ತಿ ಅಗತ್ಯ. ಸುಖ ದುಃಖಗಳು ಬಂದಾಗ ದೇವರ ಸ್ಮರಣೆ ಮಾಡಬೇಕು. ಜಗತ್ತಿನ ಸೃಷ್ಟಿಕರ್ತ ಪರಮಾತ್ಮ. ಮನುಷ್ಯನಾದವನು ಕೃತಜ್ಞತಾ ಬಾವದಿಂದ ಬದುಕಬೇಕು ಎಂದರು.

ವಿಜ್ಞಾನ ಎಷ್ಟೇ ಮುಂದುವರಿದರೂ ಜ್ಙಾನವೆಂಬುದು ಮಸುಕಾಗಿದೆ. ಪ್ರಕೃತಿ ಮುಂದೆ ಮನುಷ್ಯ ಕ್ಷಣಿಕನಾಗಿದ್ದಾನೆ. ಅಂತಃಕರಣ ಶುದ್ಧಿಗೊಂಡರೆ ಮತ್ತಷ್ಟು ಶಕ್ತಿ ಪಡೆಯಬಹುದು. ಮನುಷ್ಯನ ಪಯಣ ಯಾವಾಗಲೂ ಒಳ್ಳೆಯ ದಿಕ್ಕಿನಲ್ಲಿ ಸಾಗಲಿ. ಯಾವಾಗಲೂ ದೇವರ ಮೇಲೆ ಹಾಗೂ ಗುರುವಿನ ಮೇಲೆ ಶ್ರದ್ಧೆ ಇಟ್ಟುಕೊಳ್ಳಬೇಕು. ಜ್ಞಾನ ಗುರುವಿನಿಂದ ಬರಲಿದ್ದು ದೇವಿ, ದೇವತೆಗಳ ಭಕ್ತಿ ಸ್ಮರಣೆಯಿಂದ ಕಷ್ಟಗಳು ಪರಿಹಾರವಾಗಲಿವೆ ಎಂದು ಹೇಳಿದರು.

ಮಾದೀಹಳ್ಳಿ ರಾಮಕೃಷ್ಣ ಮಠದ ಶ್ರೀ ಪ್ರದ್ಯುತ್ ನಾಥ ಸ್ವಾಮೀಜಿ ಮಾತನಾಡಿ ಶ್ರೀ ಚೌಡೇಶ್ವರಿ ದೇವಿಯು ಸಜ್ಜನರಿಗೆ ಆಶೀರ್ವದಿಸಲಿದ್ದು ಇಲ್ಲಿಗೆ ಬಂದಿರುವ ಭಕ್ತರೆಲ್ಲರಿಗೂ ಚೌಡೇಶ್ವರಿ ತಾಯಿ ಮಕ್ಕಳಂತೆ ಬಂದಿದ್ದಾರೆ. ಜಗತ್ತಿನಲ್ಲಿ ಶಕ್ತಿಯ ವೈಶಿಷ್ಟ್ಯಗಳನ್ನ ಜಗನ್ಮಾತೆಯಿಂದ ಕಾಣಲು ಸಾಧ್ಯ. ಭಕ್ತರೆಲ್ಲರಿಗೂ ದೇವಿ ಕೃಪೆ ದೊರಕಲಿ ಎಂದು ಶ್ರೀಗಳು ಹೇಳಿದರು.

ಈ ಧಾರ್ಮಿಕ ಸಭೆಯಲ್ಲಿ ಮಂಗಳೂರಿನ ಶ್ರೀ ಧರ್ಮಪಾಲನಾಥ ಸ್ವಾಮೀಜಿ, ಚಿಕ್ಕಬಳ್ಳಾಪುರ ಮಠದ ಶ್ರೀ ಪ್ರಭುಲಿಂಗನಾಥ ಸ್ವಾಮೀಜಿ, ಮಂಗಳನಾಥಸ್ವಾಮೀಜಿ, ಬಸವನಂದಸ್ವಾಮೀಜಿ, ಶ್ರವಣಬೆಳಗೊಳದ ಬಸವೇಶ್ವರ ಸ್ವಾಮೀಜಿ, ತುಮಕೂರು ಶಾಖಾಮಠದ ನಿಶ್ಚಲನಾಥ ಸ್ವಾಮೀಜಿ, ಬಾನಂದೂರು ಮಠದ ಶ್ರೀ ಮನಸ್ವಿನಾಥ ಸ್ವಾಮೀಜಿ, ಮೈಸೂರಿನ ಶ್ರೀ ಸೋಮೇಶ್ವರ ನಾಥ ಸ್ವಾಮೀಜಿ, ಹಾಸನದ ಶ್ರೀ ಶಂಭುನಾಥ ಸ್ವಾಮೀಜಿ, ದಸರೀಘಟ್ಟ ಶಾಖಾಮಠದ ಸತ್‌ಕೀರ್ತಿನಾಥ ಸ್ವಾಮೀಜಿ, ಜೆಡಿಎಸ್ ಮುಖಂಡ ಶಾಂತಕುಮಾರ್, ಮಠದ ಟ್ರಸ್ಟಿಗಳಾದ ಡಾ. ಜಿತೇಂದ್ರ, ರವಿಶಂಕರ್, ಕೈಲಾಸನಾಥ ಗೌಡ, ಆದಿಚುಂಚನಗಿರಿ ಮಠದ ಪ್ರಾಧ್ಯಾಪಕ ಶಿವರಾಂ, ಗುಡಿಗೌಡ ಕುಮಾರಸ್ವಾಮಿ ಸೇರಿದಂತೆ ಗ್ರಾಮಸ್ಥರು, ಅಕ್ಕಪಕ್ಕದ ಗ್ರಾಮಸ್ಥರು ಮತ್ತಿತರರಿದ್ದರು.

ಮುಳ್ಳು ಗದ್ದುಗೆ ವಿಶೇಷ

ಸುಮಾರು ಆರೇಳು ಅಡಿಯಷ್ಟು ಉದ್ದ-ಅಗಲದ ಜಾಗದಲ್ಲಿ ಅಳೆತ್ತರದಷ್ಟು ಗಟ್ಟಿ ಕಾರೆಮುಳ್ಳಿನ ಗಿಡಗಳನ್ನು ರಾಶಿ ಹಾಕಲಾಗುತ್ತದೆ. ಈ ಮುಳ್ಳಿನ ರಾಶಿಯ ಮೇಲೆ ಶ್ರೀ ಚೌಡೇಶ್ವರಿ ದೇವಿಯವರ ಉತ್ಸವ ಮೂರ್ತಿಯನ್ನು ಆರೇಳು ಭಕ್ತರು ಹೊತ್ತುಕೊಂಡ ಅತ್ಯಂತ ಭಕ್ತಿಶ್ರದ್ಧೆಯಿಂದ ಸರಾಗವಾಗಿ ಮುಳ್ಳಿನ ರಾಶಿಯನ್ನು ತುಳಿಯುತ್ತಾ ಒಂದು ಭಾಗದಿಂದ ಮತ್ತೊಂದು ಭಾಗಕ್ಕೆ ಮರ‍್ನಾಲ್ಕು ಬಾರಿಹತ್ತಿ ನಡೆಯುತ್ತಾರೆ. ಇದರ ಜೊತೆಗೆ ಹರಕೆ ಮಾಡಿಕೊಂಡ ಭಕ್ತ ಸಮೂಹವೂ ದೇವಿಯ ಹಿಂದೆ ನಡೆದುಕೊಂಡು ಹೋಗುವ ಮೂಲಕ ತಮ್ಮ ಹರಕೆ ತೀರಿಸಿ ಧನ್ಯತಾಭಾವ ಮೆರೆಯುತ್ತಾರೆ.

Post Office: ಇಂದಿನಿಂದ 3 ದಿನ ಬೆಂಗಳೂರಿನ ಈ ಅಂಚೆ ಕಚೇರಿಗಳಲ್ಲಿ ಕೆಲ ಸೇವೆ ಅಲಭ್ಯ

Kannadaprabha News — Thu, 22 Oct 2026 08:10:28 +0530

ಬೆಂಗಳೂರು: ನೂತನ ತಂತ್ರಾಂಶ ಅಳವಡಿಸುತ್ತಿರುವ ಕಾರಣ ಅ.22ರಿಂದ 25ರವರೆಗೆ ಬೆಂಗಳೂರು ಅಂಚೆ ಮಹಾ ಕಾರ್ಯಾಯಾಲಯ ಸೇರಿದಂತೆ ನಗರದ ವಿವಿಧ ಅಂಚೆ ಕಚೇರಿಗಳಲ್ಲಿ ಪಿಎಲ್ಐ ಹಾಗೂ ಆರ್‌ಪಿಎಲ್‌ಐಗೆ ಸಂಬಂಧಿಸಿದ ಕೆಲವೊಂದು ಸೇವೆಗಳು ಲಭ್ಯವಿರುವುದಿಲ್ಲ.

ಬೆಂಗಳೂರು ಅಂಚೆ ಮಹಾ ಕಾರ್ಯಾಲಯವು (ಜಿಪಿಒ), ಅಂಚೆ ಜೀವ ವಿಮೆ (ಪಿಎಲ್‌ಐ) ಮತ್ತು ಗ್ರಾಮೀಣ ಅಂಚೆ ಜೀವ ವಿಮೆ (ಆರ್‌ಪಿಎಲ್‌ಐ) ಪಾಲಿಸಿದಾರರಿಗೆ ಉತ್ತಮ ಸೇವೆ ಒದಗಿಸುವ ಉದ್ದೇಶದಿಂದ ತನ್ನ ಪ್ರಸ್ತುತ ಮ್ಯಾಕ್‌ಕ್ಯಾಮಿಷ್‌ ತಂತ್ರಾಂಶದಿಂದ ಇನ್‌ಸ್ಯೂರೆನ್ಸ್‌ ಮ್ಯಾನೇಜ್ಮೆಂಟ್‌ ಸಲ್ಯೂಷನ್‌ ತಂತ್ರಾಂಶವನ್ನು ಅಳವಡಿಸಿಕೊಳ್ಳಲಾಗುತ್ತಿದೆ. ಈ ಹೊಸ ತಂತ್ರಾಂಶವು ಅ.26ರಿಂದ ಜಾರಿಗೆ ಬರಲಿದೆ.

ಯಾವೆಲ್ಲಾ ಅಂಚೆ ಕಚೇರಿಗಳು?

ಈ ಹಿನ್ನೆಲೆಯಲ್ಲಿ ಅ.22ರಿಂದ 26ರವರಗೆ ಜಿಪಿಒ ಮತ್ತು ಅದರ ವ್ಯಾಪ್ತಿಗೆ ಬರುವ ಅರೇಬಿಕ್ ಕಾಲೇಜು, ಬಾಣಸವಾಡಿ, ಸಿಎಂಎಂ ಕೋರ್ಟ್‌ ಕಾಂಪ್ಲೆಕ್ಸ್‌, ಫ್ರೇಸರ್‌ ಟೌನ್‌, ಹೈಕೋರ್ಟ್‌, ಎಚ್‌ಕೆಪಿ ರಸ್ತೆ, ಹೊರಮಾವು, ಜಲವಾಯು ವಿಹಾರ್‌, ಕಲ್ಯಾಣ ನಗರ, ಕೊತ್ತನೂರು, ಲೆಜಿಸ್ಲಚರ್ಸ್‌ ಹೋಮ್‌, ಲಿಂಗರಾಜಪುರಂ, ಮಾರುತಿ ಸೇವಾ ನಗರ, ಮ್ಯೂಸಿಯಂ ರಸ್ತೆ, ರಾಜಭವನ, ಶಿವನ್‌ ಚಟ್ಟಿ ಗಾರ್ಡನ್ಸ್‌, ಸೇಂಟ್‌ ಥಾಮಸ್‌ ಟೌನ್‌, ವಸಂತನಗರ, ವಿಧಾನಸೌಧ ಅಂಚೆ ಕಚೇರಿಗಳಲ್ಲಿ ಪಿಎಲ್ಐ, ಆರ್‌ಪಿಎಲ್‌ಐಗೆ ಸಂಬಂಧಿಸಿದ ಪ್ರೀಮಿಯಂ ಸಂಗ್ರಹಣೆ, ಸಾಲದ ಪ್ರೀಮಿಯಂ ಸಂಗ್ರಹಣೆ, ಸಾಲ ಮರು ಪಾವತಿ ಪ್ರಕ್ರಿಯೆ ಮತ್ತು ಗ್ರಾಹಕರ ಸೇವೆಗೆ ಸಂಂಧಿಸಿದಂತೆ ಇತರ ಎಲ್ಲ ಸೇವೆಗಳು ಲಭ್ಯವಿರುವುದಿಲ್ಲ ಎಂದು ಪ್ರಕಟಣೆಯಲ್ಲಿ ಜಿಪಿಒ ಮುಖ್ಯ ಅಂಚೆಪಾಲರು ತಿಳಿಸಿದ್ದಾರೆ.

ಆದರೆ, ಬೆಂಗಳೂರು ಜಿಪಿಒ ಹೊರತುಪಡಿಸಿ ಬೇರೆ ಕಚೇರಿಗಳಿಂದ ಪಾಲಿಸಿಗಳನ್ನು ಪಡೆದಿರುವವರ ಪಾಲಿಸಿದಾರರು ಈ ಮೇಲಿನ ಅವಧಿಯಲ್ಲಿ ಆನ್‌ಲೈನ್‌ ಮೂಲಕ ಅಥವಾ ಇತರ ಮುಖ್ಯ ಅಂಚೆ ಕಚೇರಿಗಳಲ್ಲಿ ತಮ್ಮ ಪ್ರೀಮಿಯಂ ಅನ್ನು ಪಾವತಿಸುವುದನ್ನು ಮುಂದುರಿಸಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಸಂಸತ್ತಿನ ಐತಿಹಾಸಿಕ ಸೆಂಗೋಲ್ ಹಿಂದಿನ ಮಹಾನ್ ಶಿಲ್ಪಿ ವುಮ್ಮಿಡಿ ಎಥಿರಾಜ್ (99) ನಿಧನ

Kannadaprabha News — Thu, 22 Oct 2026 07:59:17 +0530

ನವದೆಹಲಿ: ದೇಶದ ಮೊದಲ ಪ್ರಧಾನಿ ಜವಾಹರ್‌ಲಾಲ್‌ ನೆಹರು ಅವರಿಗೆ ಸೆಂಗೋಲ್‌ ಹಸ್ತಾಂತರಿಸಿದ್ದ ಹಾಗೂ ಇತ್ತೀಚೆಗೆ ಲೋಕಸಭೆ ಹೊಸ ಕಟ್ಟಡದಲ್ಲಿ ಪ್ರತಿಷ್ಠಾಪಿಸಲ್ಪಟ್ಟಿದ್ದ ಐತಿಹಾಸಿಕ ಸೆಂಗೋಲ್‌ ಹಿಂದಿನ ಶಿಲ್ಪಿ ತಿರು ವುಮ್ಮಿಡಿ ಎಥಿರಾಜ್‌ ಅವರು ತಮ್ಮ 99ನೇ ವಯಸ್ಸಿನಲ್ಲಿ ನಿಧನರಾದರು.

ವುಮ್ಮಿಡಿ ತಮಿಳುನಾಡಿನ ಪ್ರತಿಷ್ಠಿತ ಕುಟುಂಬದಲ್ಲಿ ಜನಿಸಿದವರು. 125 ವರ್ಷಗಳ ಇತಿಹಾಸವಿರುವ ವುಮ್ಮಿಡಿ ಬಂಗಾರು ಜ್ಯುವೆಲ್ಲರ್ಸ್ ಸಂಸ್ಥೆಯ ಮನೆತನದವರು.

1947ರಲ್ಲಿ ಸ್ವಾತಂತ್ರ್ಯ ಸಿಕ್ಕ ಬಳಿಕ ತಮಿಳುನಾಡಿನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ವುಮ್ಮಿಡಿ ಬಂಗಾರು ಚೆಟ್ಟಿ ಆಭರಣ ಸಂಸ್ಥೆಯವರು ಸೆಂಗೋಲ್‌ (ರಾಜದಂಡ) ನಿರ್ಮಿಸಿ ಅಂದಿನ ಪ್ರಧಾನಿ ನೆಹರು ಅವರಿಗೆ ಹಸ್ತಾಂತರಿಸಿದ್ದರು. ಇದರ ನಿರ್ಮಾಣದಲ್ಲಿ ಎಥಿರಾಜ್‌ ಅವರು ಪ್ರಮುಖ ಪಾತ್ರ ವಹಿಸಿದ್ದರು.

ದಶಕಗಳ ಕಾಲ ಅದು ಅಲಹಾಬಾದ್‌ ವಸ್ತು ಸಂಗ್ರಹಾಲಯದಲ್ಲಿ ಇಡಲಾಗಿತ್ತು. 2023ರಲ್ಲಿ ಸಂಸತ್‌ನ ಹೊಸ ಕಟ್ಟಡ ಉದ್ಘಾಟನೆಯ ಸಂದರ್ಭದಲ್ಲಿ ಪ್ರಧಾನಿ ಮೋದಿ ಅವರು ಲೋಕಸಭೆಯ ಸ್ಪೀಕರ್‌ ಆಸನದ ಸಮೀಪ ಸೆಂಗೋಲ್‌ ಅನ್ನು ಪ್ರತಿಷ್ಠಾಪಿಸಿದರು. ಈ ಸಂದರ್ಭದಲ್ಲಿ ಸೆಂಗೋಲ್‌ ನಿರ್ಮಾಣದಲ್ಲಿ ಪಾಲ್ಗೊಂಡಿದ್ದ ವುಮ್ಮಿಡಿ ಕುಟುಂಬದ ಸದಸ್ಯರನ್ನೂ ಪ್ರಧಾನಿ ಭೇಟಿಯಾಗಿದ್ದರು.

ಅವರ ಸಾವಿಗೆ ಪ್ರಧಾನಿ ನರೇಂದ್ರ ಮೋದಿ, ಉಪ ರಾಷ್ಟ್ರಪತಿ ಸಿ.ಪಿ. ರಾಧಾಕೃಷ್ಣನ್‌ ಸೇರಿದಂತೆ ಹಲವರು ಸಂತಾಪ ಸೂಚಿಸಿದ್ದಾರೆ.

ಎಕ್ಸ್‌ನಲ್ಲಿ ಟ್ಚೀಟಿಸಿರುವ ಮೋದಿ, ‘ತಿರು ವುಮ್ಮಿಡಿ ಎಥಿರಾಜ್‌ ಅವರ ನಿಧನದಿಂದ ತೀವ್ರ ದುಃಖವಾಗಿದೆ, ಅವರು ತಮಿಳುನಾಡಿನ ಪ್ರತಿಷ್ಠಿತ ಕುಟುಂಬವೊಂದರಲ್ಲಿ ಜನಿಸಿದ್ದರು. ಮಾಜಿ ಪ್ರಧಾನಿ ನೆಹರು ಅವರಿಗೆ ಅರ್ಪಿಸಲಾದ ಸೆಂಗೋಲ್‌ ನಿರ್ಮಿಸುವಲ್ಲಿ ಅವರ ಶ್ರಮ ಅವಿಸ್ಮರಣೀಯ’ ಎಂದಿದ್ದಾರೆ.

Yakshagana: ಸುರತ್ಕಲ್‌ನಲ್ಲಿ ಒಂಭತ್ತು ತಿಂಗಳ ತುಂಬು ಗರ್ಭಿಣಿಯಿಂದ ಯಕ್ಷಗಾನ! ವೈರಲ್

Kannadaprabha News — Thu, 22 Oct 2026 07:52:47 +0530

ಮೂಲ್ಕಿ,ಸುರತ್ಕಲ್‌ (ಅ.22) ಬಂಟರ ಭವನದಲ್ಲಿ ಯಕ್ಷಸಿರಿಯ ನಾಲ್ಕನೇ ವರ್ಷದ ವಾರ್ಷಿಕೋತ್ಸವ ಸಂದರ್ಭ ಯಕ್ಷಗುರು ರಾಕೇಶ್‌ ರೈ ನಿರ್ದೇಶನದಲ್ಲಿ ನಡೆದ ದಶಾವತಾರ ಯಕ್ಷಗಾನ ಪ್ರದರ್ಶನದಲ್ಲಿ 9 ತಿಂಗಳ ತುಂಬು ಗರ್ಭಿಣಿ, ಹವ್ಯಾಸಿ ಕಲಾವಿದೆ ದಿಶಾ ಶೆಟ್ಟಿ(Disha Shetty) ಪ್ರಹ್ಲಾದನ ತಾಯಿ ಕಯಾದು ಪಾತ್ರ ಮಾಡಿ ಗಮನ ಸೆಳೆದಿದ್ದಾರೆ.

ಈ ವಿಚಾರ ಈಗ ಜಾಲತಾಣದಲ್ಲಿ ವೈರಲ್ ಆಗಿದೆ.

ನಮ್ಮದು ಯಕ್ಷಗಾನ(Yakshagana)ದ ಕುಟುಂಬವಾಗಿದ್ದು, ನನ್ನ ಅಮ್ಮ ಹಾಗೂ ಚಿಕ್ಕಮ್ಮ ಕೂಡ ಗರ್ಭಿಣಿಯಾಗಿದ್ದ ಸಂದರ್ಭದಲ್ಲಿ ಯಕ್ಷಗಾನ ಪಾತ್ರ ಮಾಡಿದ್ದು ಪ್ರೇರಣೆಯಾಗಿತ್ತು. ಸುರತ್ಕಲ್‌ ನಲ್ಲಿ ನಡೆದ ಯಕ್ಷಗಾನದಲ್ಲಿ ಪ್ರಹ್ಲಾದನ ತಾಯಿಯ ಪಾತ್ರ ಮಾಡಿದ್ದೇನೆ. ಗುರುಗಳಾದ ರಾಕೇಶ್‌ ರೈ(Director Rakesh Rai) ಬೆಂಬಲ ನೀಡಿದ್ದಾರೆ. ಪಾತ್ರ ಮಾಡುವ ಮುಂಚೆ ಅವಕಾಶ ಸಿಕ್ಕಿದ ಬಗ್ಗೆ ಮನೆಯವರಲ್ಲಿ ಚರ್ಚಿಸಿ, ನಿರ್ಧಾರ ತೆಗೆದುಕೊಂಡಿದ್ದೇನೆ. ಪುರುಷರು ಮಹಿಳೆ ಪಾತ್ರವನ್ನು ಮಾಡುತ್ತಿದ್ದು, ನಾನು ಮಹಿಳೆ ಪಾತ್ರವನ್ನು ಚಾಲೆಂಜ್‌ ಆಗಿ ಸ್ವೀಕರಿಸಿದ್ದೇನೆ. ಹೆಸರು ಮಾಡಬೇಕಂತ ಮಾಡಿಲ್ಲ ಎಂದು ದಿಶಾ ಸ್ಪಷ್ಟಪಡಿಸಿದ್ದಾರೆ.

ತಾಯ್ತನದ ಭಾವನೆಗೆ ಪಾತ್ರ ಪೂರಕವಾಗಿತ್ತು

ಪಾತ್ರ ಮಾಡುವ ವಿಚಾರ ರಹಸ್ಯವಾಗಿರಿಸಲಾಗಿತ್ತು. ಸುಮಾರು 20 ವರ್ಷದಿಂದ ಪುಂಡು ವೇಷ ಮಾಡುತ್ತಿದ್ದು ಪ್ರಹ್ಲಾದನ ತಾಯಿಯ ಪಾತ್ರ ತಾಯ್ತನದ ಭಾವನೆಗೆ ಪೂರಕವಾಗಿತ್ತು. ಇದನ್ನು ಸಾಧನೆ ಎಂದು ಹೇಳುವುದಿಲ್ಲ. ಪ್ರತಿಯೊಬ್ಬ ಮಹಿಳೆಯರಲ್ಲಿ ಗರ್ಭಿಣೆ ಸಮಯದಲ್ಲಿ ಬೇರೆ ಬೇರೆ ರೀತಿಯಾಗಿದ್ದು ತುಂಬಾ ಸೂಕ್ಷ್ಮವಾದ ಸಮಯವಾಗಿರುವುದರಿಂದ, ಇದನ್ನು ಅನುಕರಣೆ ಮಾಡಬೇಡಿ, ನಾನು ಮಾಡಿದ್ದೇನೆಂದು ಬೇರೆಯವರು ಮಾಡಬೇಡಿ. ನಾನು ಆ್ಯಕ್ಟೀವ್‌ ಇದ್ದ ಕಾರಣ ಸಾಧ್ಯವಾಗಿದೆ. ವಿಡಿಯೋ ವೈರಲ್‌ ಆದ ಬಳಿಕ ಜನರು ಇದನ್ನು ಯಾವ ರೀತಿ ತೆಗೆದುಕೊಳ್ಳುತ್ತಾರೆಂಬ ಹೆದರಿಕೆಯಿತ್ತು ಎಂದು ದಿಶಾ ಶೆಟ್ಟಿ ಹೇಳಿದ್ದಾರೆ.

ವಿದೇಶದಲ್ಲಿದ್ದರೂ ಭಾರತೀಯ ಸಂಪ್ರದಾಯ ಮರೆಯದ ಪ್ರಿಯಾಂಕಾ! ಪತಿ ಜೊತೆ ಮಗಳ ಪಾದ ತೊಳೆದು, ಕನ್ಯಾ ಪೂಜೆ ಮಾಡಿದ ದೇಸಿ ಗರ್ಲ್!

Pavna Das — Thu, 22 Oct 2026 07:37:44 +0530

ವಿದೇಶದಲ್ಲಿ ನೆಲೆಸಿದ್ದರೂ ಭಾರತೀಯ ಸಂಸ್ಕೃತಿ ಮತ್ತು ಸಂಪ್ರದಾಯವನ್ನು ಮರೆತಿಲ್ಲ ನಟಿ ಪ್ರಿಯಾಂಕಾ ಚೋಪ್ರಾ. ಲಾಸ್ ಏಂಜಲೀಸ್‌ನ ತಮ್ಮ ಮನೆಯಲ್ಲಿ ಪತಿ ನಿಕ್ ಜೋನಸ್ ಮತ್ತು ಮಗಳು ಮಾಲ್ತಿ ಮೇರಿ ಜೊತೆ ಮಹಾನವಮಿ ಹಾಗೂ ದಸರಾ ಹಬ್ಬವನ್ನು ಸಂಭ್ರಮದಿಂದ ಆಚರಿಸಿದ್ದಾರೆ.

ಬಾಲಿವುಡ್‌ನ ದೇಸಿ ಗರ್ಲ್ ಪ್ರಿಯಾಂಕಾ ಚೋಪ್ರಾ ವಿದೇಶದಲ್ಲಿ ನೆಲೆಸಿದ್ದರೂ ಭಾರತೀಯ ಸಂಸ್ಕೃತಿಯನ್ನು ಮರೆತಿಲ್ಲ. ಅಮೆರಿಕಾದಲಿ ವಾಸಿಸುತ್ತಿದ್ದರೂ ತಮ್ಮ ಭಾರತೀಯ ಸಂಪ್ರದಾಯಗಳ ನಂಟು ಉಳಿಸಿಕೊಳ್ಳುವುದು ಹೇಗೆ ಎಂಬುದನ್ನು ಪ್ರಿಯಾಂಕಾ ಅವರಿಂದ ಕಲಿಯಬೇಕು. ಇತ್ತೀಚೆಗೆ ನಟಿ ಲಾಸ್ ಏಂಜಲೀಸ್‌ನ ತಮ್ಮ ಮನೆಯಲ್ಲಿ ಮಹಾನವಮಿ ಮತ್ತು ದಸರಾ ಹಬ್ಬದ ಸಂದರ್ಭದಲ್ಲಿ ವಿಶೇಷ ಪೂಜೆ ನೆರವೇರಿಸಿದ್ದಾರೆ.

ಪ್ರಿಯಾಂಕಾ ತಮ್ಮ ಪತಿ ನಿಕ್ ಜೋನಸ್ ಮತ್ತು ಮಗಳು ಮಾಲ್ತಿ ಮೇರಿ ಜೊತೆ ಸಂಪೂರ್ಣ ವಿಧಿವಿಧಾನಗಳೊಂದಿಗೆ ಮಹಾನವಮಿ ಮತ್ತು ದಸರಾ ಆಚರಿಸಿದ್ದಾರೆ. ನಟಿ ಮಗಳ ಪಾದಗಳನ್ನು ತೊಳೆಯುತ್ತಿರುವುದು ಕಂಡುಬಂದರೆ, ಮತ್ತೊಂದೆಡೆ ಹೋಮಕುಂಡದ ಮುಂದೆ ಕುಳಿತು ಪೂಜೆ ಸಲ್ಲಿಸುತ್ತಿರುವ ಪ್ರಿಯಾಂಕಾ ಮತ್ತು ನಿಕ್ ಗಮನ ಸೆಳೆದಿದ್ದಾರೆ.

ಇನ್ನು ಪ್ರಿಯಾಂಕಾ ಚೋಪ್ರಾ ಅವರ ಮನೆಯಲ್ಲಿರುವ ದೇವಸ್ಥಾನವು ತನ್ನ ಸರಳತೆ ಮತ್ತು ಭವ್ಯತೆಯಿಂದ ಎಲ್ಲರ ಗಮನ ಸೆಳೆದಿದೆ. ದೇವಸ್ಥಾನದಲ್ಲಿ ಬಿಳಿ ಅಮೃತಶಿಲೆಯಿಂದ ನಿರ್ಮಿಸಲಾದ ಬೃಹತ್ ಶಿವನ ವಿಗ್ರಹವಿದೆ. ಶಾಂತ ಭಂಗಿಯಲ್ಲಿರುವ ಶಿವನ ಈ ವಿಗ್ರಹದ ಹಿಂಭಾಗದಲ್ಲಿ ಗುಲಾಬಿ ಬಣ್ಣದ ಬೌಗೆನ್ವಿಲಿಯಾ ಹೂಗಳಿಂದ ಅಲಂಕಾರ ಮಾಡಲಾಗಿದೆ. ಇದು ಇಡೀ ದೇವಸ್ಥಾನಕ್ಕೆ ಅತ್ಯಂತ ಸುಂದರವಾದ ಲುಕ್ ನೀಡುತ್ತದೆ.

ದೇವಸ್ಥಾನದಲ್ಲಿರುವ ಶಿವನ ವಿಗ್ರಹದ ಸುತ್ತಲೂ ಚಿನ್ನದ ಬಣ್ಣದ ಸ್ಟ್ಯಾಂಡ್‌ಗಳ ಮೇಲೆ ಮೇಣದಬತ್ತಿಗಳನ್ನು ಇರಿಸಲಾಗಿದೆ. ಇದರ ಜೊತೆಗೆ ದೇವಸ್ಥಾನದಲ್ಲಿ ಗಣೇಶನ ಪುಟ್ಟ ವಿಗ್ರಹ ಮತ್ತು ಪೂಜೆಗೆ ಸಂಬಂಧಿಸಿದ ಇತರ ವಸ್ತುಗಳೂ ಕಾಣಬಹುದು. ಅಮೆರಿಕದಲ್ಲಿ ವಾಸಿಸುತ್ತಿದ್ದರೂ ಪ್ರಿಯಾಂಕಾ ಮತ್ತು ನಿಕ್ ತಮ್ಮ ಮನೆಯಲ್ಲಿ ಭಾರತೀಯ ಹಬ್ಬಗಳು ಹಾಗೂ ಸಂಪ್ರದಾಯಗಳನ್ನು ಸಂಪೂರ್ಣ ವಿಧಿವಿಧಾನಗಳೊಂದಿಗೆ ಆಚರಿಸುತ್ತಾರೆ.

ಮಹಾನವಮಿ ಪೂಜೆಯ ಅತ್ಯಂತ ಮುದ್ದಾದ ಕ್ಷಣವೆಂದರೆ ಪ್ರಿಯಾಂಕಾ ಮತ್ತು ನಿಕ್ ತಮ್ಮ ಮಗಳು ಮಾಲ್ತಿಯ ಪಾದಗಳನ್ನು ತೊಳೆಯುತ್ತಿರುವುದು. ಫೋಟೋದಲ್ಲಿ ನಿಕ್ ಬೆಳ್ಳಿಯ ತಟ್ಟೆಯಲ್ಲಿ ಮಾಲ್ತಿಯ ಪಾದಗಳನ್ನು ತೊಳೆಯುತ್ತಿರುವುದು ಕಂಡುಬರುತ್ತದೆ. ಇದರ ಜೊತೆಗೆ ಪ್ರಿಯಾಂಕಾ ಕೂಡ ಮಾಲ್ತಿಯ ಪಾದಗಳನ್ನು ಸ್ಪರ್ಶಿಸುತ್ತಿದ್ದಾರೆ,. ಕನ್ಯಾ ಪೂಜೆಯಲ್ಲಿ ಚಿಕ್ಕ ಹೆಣ್ಣುಮಕ್ಕಳನ್ನು ದೇವಿಯ ಸ್ವರೂಪವೆಂದು ಭಾವಿಸಿ ಪೂಜಿಸುವ ಸಂಪ್ರದಾಯವಿದೆ.

ಈ ಸಂದರ್ಭದಲ್ಲಿ ಮಾಲ್ತಿ ಬಿಳಿ ಬಣ್ಣದ ಸುಂದರ ಲೆಹೆಂಗಾ-ಚೋಲಿ ಧರಿಸಿದ್ದು. ಆಕೆಯ ಕುತ್ತಿಗೆಯಲ್ಲಿ 'ಜೈ ಮಾತಾ ದೀ' ಎಂದು ಬರೆದಿರುವ ಕೆಂಪು ಬಣ್ಣದ ದುಪಟ್ಟಾ ಕಾಣಬಹುದು. ಹಣೆಯ ಮೇಲಿನ ಕೆಂಪು ತಿಲಕ ಮತ್ತು ಕೈಗಳಲ್ಲಿನ ಬಳೆಗಳು ಆಕೆಯನ್ನು ಮತ್ತಷ್ಟು ಮುದ್ದಾಗಿ ಕಾಣುವಂತೆ ಮಾಡಿದೆ.

ಪೂಜೆಗಾಗಿ ಪ್ರಿಯಾಂಕಾ ಚೋಪ್ರಾ ತಿಳಿ ಮಿಂಟ್ ಗ್ರೀನ್ ಬಣ್ಣದ ಹೂವಿನ ವಿನ್ಯಾಸವಿರುವ ಅನಾರ್ಕಲಿ ಸೂಟ್ ಧರಿಸಿದ್ದು, ಸಂಪೂರ್ಣವಾಗಿ ದೇಸಿ ಗರ್ಲ್ ಆಗಿ ಕಾಣಿಸಿದ್ದಾರೆ. ಪೂಜೆಗಾಗಿ ಅವರು ಯಾವುದೇ ಮೇಕಪ್ ಇಲ್ಲದೆ ಸಿಂಪಲ್ ಆಗಿ ಕಾಣಿಸಿದ್ದಾರೆ. ಇನ್ನು ನಿಕ್ ಜೋನಸ್ ಕೂಡ ಮಿಂಟ್ ಗ್ರೀನ್ ಬಣ್ಣದ ಕುರ್ತಾದೊಂದಿಗೆ ಬಿಳಿ ಪೈಜಾಮಾ ಧರಿಸಿದ್ದರು.

Asian Para Games 2026: ಕೇವಲ ಮೂರೇ ದಿನದಲ್ಲಿ 62 ಪದಕ ಬೇಟೆಯಾಡಿದ ಭಾರತ!

Kannadaprabha News — Thu, 22 Oct 2026 07:33:58 +0530

ನಗೋಯಾ (ಅ.22): ಜಪಾನ್‌ನಲ್ಲಿ ನಡೆಯುತ್ತಿರುವ ಪ್ಯಾರಾ ಏಷ್ಯನ್‌ ಗೇಮ್ಸ್‌ನಲ್ಲಿ ಭಾರತ ಪದಕ ಬೇಟೆ ಮುಂದುವರಿಸಿದೆ. ಕೇವಲ 3 ದಿನಗಳಲ್ಲೇ ಬರೋಬ್ಬರಿ 62 ಪದಕ ಗೆದ್ದಿದೆ. ಮೊದಲ ದಿನವಾದ ಸೋಮವಾರ 4 ಚಿನ್ನ ಸೇರಿ 11 ಪದಕ ಗೆದ್ದಿದ್ದ ಭಾರತ, ಮಂಗಳವಾರ 5 ಚಿನ್ನ ಸೇರಿ 24 ಪದಕ ಹಾಗೂ 3ನೇ ದಿನವಾದ ಬುಧವಾರ 5 ಚಿನ್ನ ಸೇರಿ 27 ಪದಕ ತನ್ನದಾಗಿಸಿಕೊಂಡಿತು.

ಭಾರತಕ್ಕೆ ಸಿಕ್ಕ ಪದಕಗಳಲ್ಲಿ ಬಹುತೇಕ ಪ್ಯಾರಾ ಅಥ್ಲೆಟಿಕ್ಸ್‌ನಲ್ಲೇ ಒಲಿದವು. ಮಹಿಳೆಯರ 400 ಮೀ. ಟಿ20 ವಿಭಾಗದಲ್ಲಿ ದೀಪ್ತಿ ಜೀವಾಂಜಿ ಚಿನ್ನ ಸಂಪಾದಿಸಿದರು. ಪುರುಷರ 100 ಮೀ. ಟಿ45 ವಿಭಾಗದಲ್ಲಿ ದಿಲೀಪ್‌ ಗಾವಿಟ್‌ ಚಿನ್ನ, ಮೊಹಮ್ಮದ್‌ ಬಾಸಿಲ್‌ ಬೆಳ್ಳೀ ಪಡೆದರು. ಹೈಜಂಪ್‌ ಟಿ64 ವಿಭಾಗದಲ್ಲಿ ಪ್ರವೀಣ್‌ ಕುಮಾರ್‌ ಚಿನ್ನ, ಬಂಟಿ ಬೆಳ್ಳಿ ಗೆದ್ದರು. ಶಾಟ್‌ಪುಟ್‌ನ ಎಫ್‌53 ವಿಭಾಗದಲ್ಲಿ ಆಯುಶ್‌ ವರ್ಮಾ ಬಂಗಾರದ ಸಾಧನೆ ಮಾಡಿದರು. ಪುರುಷರ ಡಿಸ್ಕಸ್‌ ಎಸೆತದ ಟಿ51/ಟಿ52/ಟಿ53 ವಿಭಾಗದಲ್ಲಿ ಪ್ರಣವ್‌ ಸೂರ್ಮ ಚಿನ್ನ, ರಾಮ್‌ರತನ್‌ ಸಿಂಗ್‌ ಬೆಳ್ಳಿ ಗೆದ್ದರು.

ಶೀತಲ್‌-ಪಾಯಲ್‌ ಬೆಳ್ಳಿಗೆ ತೃಪ್ತಿ:

ಚಿನ್ನದ ನಿರೀಕ್ಷೆಯಲ್ಲಿದ್ದ ಭಾರತದ ಪ್ಯಾರಾ ಆರ್ಚರಿ ತಾರೆಗಳಾದ ಶೀತಲ್‌ ದೇವಿ ಹಾಗೂ ಪಾಯಲ್‌ ನಾಗ್‌ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡರು. ಈ ಜೋಡಿ ಕಾಂಪೌಂಡ್‌ ಮಹಿಳಾ ಡಬಲ್ಸ್‌ನಲ್ಲಿ ಚೀನಾ ವಿರುದ್ಧ 141-150ರಲ್ಲಿ ಸೋತಿತು.

ನಿಶಾದ್‌, ಸಿಮ್ರನ್‌ಗೆ 2 ಚಿನ್ನ:

ನಿಶಾದ್‌ ಕುಮಾರ್‌ ಲಾಂಗ್‌ಜಂಪ್‌ ಬಳಿಕ ಹೈಜಂಪ್‌ನಲ್ಲೂ ಚಿನ್ನ ಬಾಚಿದರು. ಅವರು ಟಿ47 ವಿಭಾಗದಲ್ಲಿ ಚಾಂಪಿಯನ್‌ ಆದರು. ಭಾರತದ ಧ್ವಜದಾರಿಯಾಗಿದ್ದ ಸಿಮ್ರನ್‌ಗೆ ಶರ್ಮಾ ಅಥ್ಲೆಟಿಕ್ಸ್‌ನ 100 ಮೀ., 200 ಮೀ. ರೇಸ್‌ನಲ್ಲಿ ಬಂಗಾರ ಗೆದ್ದರು.

ಶಾಟ್‌ಪುಟ್‌, ಡಿಸ್ಕಸ್‌ ಥ್ರೋನಲ್ಲಿ ಕ್ಲೀನ್‌ಸ್ವೀಪ್

ಭಾರತ 2 ದಿನಗಳಲ್ಲಿ 2 ವಿಭಾಗದಲ್ಲಿ ಕ್ಲೀನ್‌ಸ್ವೀಪ್‌ ಸಾಧನೆ ಮಾಡಿತು. ಪುರುಷರ ಡಿಸ್ಕಸ್‌ ಎಸೆತದ ಎಫ್‌43/ಎಫ್‌44/ಎಫ್‌62/ಎಫ್‌64 ವಿಭಾಗದಲ್ಲಿ ದೇವೇಂದರ್‌ ಕುಮಾರ್‌ ಚಿನ್ನ, ರಾಕೇಶ್‌ ಬೆಳ್ಳಿ, ಪ್ರದೀಪ್‌ ಕುಮಾರ್‌ ಕಂಚು ಗೆದ್ದರು. ಶಾಟ್‌ಪುಟ್‌ನ ಎಫ್‌46 ವಿಭಾಗದಲ್ಲಿ ಸಚಿನ್‌ ಖಿಲಾರಿ ಚಿನ್ನ, ಮೊಹಮ್ಮದ್‌ ಯಾಸಿರ್‌ ಬೆಳ್ಳಿ, ಪರ್ವೀನ್‌ ಕಂಚು ತಮ್ಮದಾಗಿಸಿಕೊಂಡರು.

ರಾಜ್ಯದ ನಿರಂಜನ್‌ಗೆ ಕಂಚು, ಶರತ್‌ಗೆ ಬೆಳ್ಳಿ

ಕರ್ನಾಟಕದ ಮತ್ತಿಬ್ಬರು ಅಥ್ಲೀಟ್‌ಗಳು ಪದಕ ಗೆದ್ದಿದ್ದಾರೆ. ಪುರುಷರ 200 ಮೀ. ವೈಯಕ್ತಿಕ ಮೆಡ್ಲೆ ಎಸ್‌ಎಮ್‌7 ವಿಭಾಗದಲ್ಲಿ ನಿರಂಜನ್‌ ಮುಕುಂದನ್‌ ಬೆಳ್ಳಿ ಪದಕ ಗೆದ್ದರು. ಶರತ್ ಮಾಕೇನಹಳ್ಳಿ ಪುರುಷರ 1500 ಮೀ. ಟಿ12 ವಿಭಾಗದಲ್ಲಿ ಬೆಳ್ಳಿ ಪದಕ ಜಯಿಸಿದರು. ಸ್ಪರ್ಧೆ ಮುಗಿದಾಗ ಶರತ್‌ ಕಂಚು ಗೆದ್ದಿದ್ದರು. ಆದರೆ ಚಿನ್ನ ವಿಜೇತ ಉಜ್ಬೇಕಿಸ್ತಾನದ ಫಖ್ರಿದ್ದೀನ್‌ ಖಮರೇವ್‌ ನಿಯಮ ಉಲ್ಲಂಘನೆ ಕಾರಣಕ್ಕೆ ಅನರ್ಹಗೊಂಡ ಕಾರಣ ಶರತ್‌ಗೆ ಕಂಚಿನ ಪದಕ ಬೆಳ್ಳಿ ಲಭಿಸಿತು.

62ರ ಪೈಕಿ 42 ಪದಕ ಪ್ಯಾರಾ ಅಥ್ಲೆಟಿಕ್ಸ್‌ನಲ್ಲಿ ಪಡೆದ ಭಾರತೀಯರು

ಭಾರತ ಕೂಟದಲ್ಲಿ ಈವರೆಗೂ 62 ಪದಕ ಗೆದ್ದಿದೆ. ಈ ಪೈಕಿ 42 ಪದಕಗಳು ಪ್ಯಾರಾ ಅಥ್ಲೆಟಿಕ್ಸ್‌ನಲ್ಲೇ ಒಲಿದಿವೆ. ಈ ವಿಭಾಗದಲ್ಲಿ 13 ಚಿನ್ನ, 14 ಬೆಳ್ಳಿ ಹಾಗೂ 15 ಕಂಚು ಸೇರಿ 42 ಪದಕ ಗೆದ್ದಿದ್ದಾರೆ. ಉಳಿದಂತೆ ಪ್ಯಾರಾ ಆರ್ಚರಿಯಲ್ಲಿ 1, ಜುಡೋ, ಪವರ್‌ಲಿಫ್ಟಿಂಗ್‌ನಲ್ಲಿ ತಲಾ 2, ಈಜಿನಲ್ಲಿ 6, ಟೇಬಲ್‌ ಟೆನಿಸ್‌ನಲ್ಲಿ 5 ಹಾಗೂ ಶೂಟಿಂಗ್‌ನಲ್ಲಿ 4 ಪದಕ ಬಂದಿವೆ.

ಕಬ್ಬು ಬೆಳೆಗಾರರಿಗೆ ವಿಜಯದಶಮಿ ದಿನ ಜಂಟಿ ಸಮಿತಿ ಶುಭ ಸಂದೇಶ; ಹೊಸ ಮಾರ್ಗಸೂಚಿ ಸಾಧ್ಯತೆ

Kannadaprabha News — Thu, 22 Oct 2026 07:19:45 +0530

ನವದೆಹಲಿ: ಕಬ್ಬು ಬೆಳೆಗಾರರ ಸಮಸ್ಯೆಗಳಿಗೆ ಸ್ಪಂದಿಸಿ ಪರಿಹಾರ ಕಲ್ಪಿಸುವ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ರಚಿಸಿದ್ದ ಜಂಟಿ ಸಮಿತಿ ನವದೆಹಲಿಯಲ್ಲಿ ವಿಜಯದಶಮಿ ದಿನ ತನ್ನ ಮೊದಲ ಸಭೆ ನಡೆಸಿದ್ದು, ಶೀಘ್ರವೇ ಸಕ್ಕರೆ ವಲಯದ ಹೊಸ ಮಾರ್ಗಸೂಚಿ ರೂಪಿಸಲು ಸನ್ನದ್ಧವಾಗಿದೆ.

ಕೃಷಿ ವಿಜ್ಞಾನಿಗಳೊಂದಿಗೆ ಅಗತ್ಯ ಸಮಾಲೋಚನೆ

ರಮೇಶ್ ಚಂದ್ರ ಅಧ್ಯಕ್ಷತೆಯ ಈ ಜಂಟಿ ಸಮಿತಿ ಬುಧವಾರ ತನ್ನ ಮೊದಲ ಸಭೆ ನಡೆಸಿದ್ದು, ರಾಜ್ಯ ಸರ್ಕಾರಗಳು, ಸಕ್ಕರೆ ಕಾರ್ಖಾನೆಗಳು, ಕಬ್ಬು ಬೆಳೆಗಾರರು ಮತ್ತು ಕೃಷಿ ವಿಜ್ಞಾನಿಗಳೊಂದಿಗೆ ಅಗತ್ಯ ಸಮಾಲೋಚನೆ ನಡೆಸಲು ನಿರ್ಧರಿಸಿದೆ.

ಕಬ್ಬು ಬೆಳೆಗಾರರ ಸಮಸ್ಯೆಗಳು ಸೇರಿದಂತೆ ಸಮಗ್ರ ಸಕ್ಕರೆ ವಲಯದ ಸಾಧಕ-ಬಾಧಕಗಳ ಕುರಿತು ಸಮಾಲೋಚನೆಗೆ ಕಬ್ಬು ಬೆಳೆಗಾರರು, ಸಕ್ಕರೆ ಕಾರ್ಖಾನೆಗಳ ಸಂಘಗಳು, ಒಕ್ಕೂಟಗಳು, ಸಕ್ಕರೆ ಮತ್ತು ಕಬ್ಬು ಕ್ಷೇತ್ರದ ಪ್ರಮುಖ ಸಂಶೋಧನಾ ಸಂಸ್ಥೆಗಳನ್ನು ಸಹ ತೊಡಗಿಸಿಕೊಳ್ಳಲು ಸಮಿತಿ ತೀರ್ಮಾನಿಸಿದೆ.

ಶೀಘ್ರದಲ್ಲೇ ಜಂಟಿ ಸಮಿತಿ ಕಾರ್ಯ ಆರಂಭ

ಕರ್ನಾಟಕ, ಮಹಾರಾಷ್ಟ್ರ, ಉತ್ತರಪ್ರದೇಶ, ಹರ್ಯಾಣ ಸೇರಿದಂತೆ ಕಬ್ಬು ಬೆಳೆಯುವ ಪ್ರದೇಶಗಳ ವಿಜ್ಞಾನಿಗಳು, ಸಂಶೋಧಕರು ಹಾಗೂ ಕೃಷಿ ವಿಶ್ವವಿದ್ಯಾಲಯಗಳ ಪ್ರತಿನಿಧಿಗಳನ್ನೂ ಸಮಾಲೋಚನಾ ಪ್ರಕ್ರಿಯೆಯಲ್ಲಿ ತೊಡಗಿಸಿಕೊಳ್ಳಲು ನಿರ್ಧರಿಸಿದ್ದು, ಶೀಘ್ರದಲ್ಲೇ ಜಂಟಿ ಸಮಿತಿ ಕಾರ್ಯ ಆರಂಭವಾಗಲಿದೆ.

ವೈಜ್ಞಾನಿಕ ಸಲಹೆ-ಸೂಚನೆಗಳನ್ನು ಸ್ವೀಕರಿಸುವ ಜಂಟಿ ಸಮಿತಿ ಸಕ್ಕರೆ ವಲಯದ ಸಮಗ್ರ ಮತ್ತು ಸುಸ್ಥಿರ ಅಭಿವೃದ್ಧಿಗೆ ಹೊಸ ಮಾರ್ಗಸೂಚಿ ರೂಪಿಸುವ ಕುರಿತು ತನ್ನ ವರದಿಯಲ್ಲಿ ಉಲ್ಲೇಖಿಸುವ ನಿರೀಕ್ಷೆಯಿದೆ.

ಸುಸ್ಥಿರ ನೀಲನಕ್ಷೆಗೆ ಪ್ಲ್ಯಾನ್

ದೇಶದ ಸಕ್ಕರೆ ವಲಯಕ್ಕೆ ಭದ್ರ ಹಾಗೂ ಸುಸ್ಥಿರವಾದ ನೀಲನಕ್ಷೆಯನ್ನು ರೂಪಿಸಲು ಸಹ ರಮೇಶ ಚಂದ್ರ ಅಧ್ಯಕ್ಷತೆಯ ಜಂತು ಸಮಿತಿ ಗಹನ ಚಿಂತನೆ ನಡೆಸಿದೆ.

ಇದನ್ನೂ ಓದಿ: ಬಾಹ್ಯಾಕಾಶದಲ್ಲಿ ಸಂಘರ್ಷವಲ್ಲ, ಸಹಕಾರ ಅಗತ್ಯ: ವಿಶ್ವಸಂಸ್ಥೆ ಸಭೆಯಲ್ಲಿ ಸುಧಾಮೂರ್ತಿ

ಬೆಂಗಳೂರು: ಮನೆ, ಅಂಗಡಿ ಪಿಜಿಗಳಲ್ಲಿ ದಸರಾ ಹಬ್ಬದ ರಾಶಿ ರಾಶಿ ಕಸ.. ತ್ಯಾಜ್ಯ ಸಂಗ್ರಹಿಸಲು ವಾಹನವೇ ಬರುತ್ತಿಲ್ಲ..!

Kannadaprabha News — Thu, 22 Oct 2026 07:12:40 +0530

ಬೆಂಗಳೂರು (ಅ.22): ಘನತ್ಯಾಜ್ಯ ನಿರ್ವಹಣೆಗೆ ಸಂಬಂಧಿಸಿದಂತೆ ಕಸ ಸಂಗ್ರಹಣೆಗೆ ವಾಹನಗಳು ಆಗಮಿಸದಿರುವ, ಖಾಲಿ ನಿವೇಶನಗಳಲ್ಲಿ ಕಸ ಸುರಿಯುವುದು ಮತ್ತು ರಸ್ತೆ ಸ್ವಚ್ಛತೆ ಕೈಗೊಳ್ಳದಿರುವ ಕುರಿತು ಎರಡನೇ ಫೋನ್‌ ಇನ್‌ ಕಾರ್ಯಕ್ರಮದಲ್ಲಿ ಹತ್ತಕ್ಕೂ ಹೆಚ್ಚು ದೂರುಗಳು ಸ್ವೀಕೃತಗೊಂಡಿವೆ ಎಂದು ಬೆಂಗಳೂರು ಉತ್ತರ ನಗರ ಪಾಲಿಕೆ ತಿಳಿಸಿದೆ.

ತ್ಯಾಜ್ಯ ಸಂಗ್ರಹಿಸಲು ವಾಹನ ಬರುತ್ತಿಲ್ಲ: 8 ದೂರು

ಪಾಲಿಕೆ ಆಯುಕ್ತ ಪೊಮ್ಮಲ ಸುನೀಲ್‌ಕುಮಾರ್‌ ಮಾರ್ಗದರ್ಶನದಲ್ಲಿ ಘನತ್ಯಾಜ್ಯ ನಿರ್ವಹಣೆ ಕುರಿತು ಸಾರ್ವಜನಿಕರಿಂದ ಅಹವಾಲು ಆಲಿಸಲಾಯಿತು. ಕಸ ಸಂಗ್ರಹಣಾ ವಾಹನ ಆಗಮಿಸದಿರುವ ಕುರಿತು ಎಂಟು ದೂರುಗಳು ಹಾಗೂ ಖಾಲಿ ನಿವೇಶನದಲ್ಲಿ ಕಸ ಸುರಿಯುವ ಮತ್ತು ರಸ್ತೆ ಕಸ ಗುಡಿಸಲು ಕಾರ್ಯ ಕೈಗೊಳ್ಳದಿರುವ ಬಗ್ಗೆ ತಲಾ ಒಂದೊಂದು ದೂರುಗಳು ಬಂದಿವೆ.

ಸಹಾಯ 2.0’ ವ್ಯವಸ್ಥೆಯಲ್ಲಿ ದಾಖಲಿಸಿ

ಸ್ವೀಕೃತ ಅಹವಾಲುಗಳನ್ನು ‘ಸಹಾಯ 2.0’ ವ್ಯವಸ್ಥೆಯಲ್ಲಿ ದಾಖಲಿಸಿ, ಸಂಬಂಧಪಟ್ಟ ಅಧಿಕಾರಿಗಳಿಗೆ ಜವಾಬ್ದಾರಿ ವಹಿಸಲಾಗುತ್ತಿದೆ. ಅಹವಾಲುಗಳ ವಿಲೇವಾರಿ ಪ್ರಗತಿ ಪರಿಶೀಲಿಸಿ, ಅವುಗಳನ್ನು ಕಾಲಮಿತಿಯೊಳಗೆ ಇತ್ಯರ್ಥಪಡಿಸಲು ಅಗತ್ಯ ಕ್ರಮ ಕೈಗೊಳ್ಳಲಾಗುತ್ತದೆ ಎಂದು ಪಾಲಿಕೆ ಅಧಿಕಾರಿಗಳು ತಿಳಿಸಿದರು.

ಬೆಂಗಳೂರು ಉತ್ತರ ನಗರ ಪಾಲಿಕೆ ವ್ಯಾಪ್ತಿಯ 7 ವಿಭಾಗಗಳಲ್ಲಿ ಘನತ್ಯಾಜ್ಯ ನಿರ್ವಹಣೆಯನ್ನು ವ್ಯವಸ್ಥಿತಗೊಳಿಸಲು ಬ್ಲಾಕ್‌ವಾರು ಮೈಕ್ರೋ ಪ್ಲಾನಿಂಗ್ ಅನುಷ್ಠಾನಗೊಳಿಸಲಾಗುತ್ತಿದೆ ಎಂದರು.

ಫೋನ್‌ ಇನ್‌ ಕಾರ್ಯಕ್ರಮದಲ್ಲಿ ಜಂಟಿ ಆಯುಕ್ತರಾದ ಪಲ್ಲವಿ, ಮೊಹಮ್ಮದ್ ನಯೀಮ್ ಮೊಮಿನ್, ಉಪ ಆಯುಕ್ತ ಸೋಮಶೇಖರ, ಡಿಜಿಎಂ ರಶ್ಮಿ ಸೇರಿದಂತೆ ಇತರರಿದ್ದರು.

ದಸರಾ ಹಬ್ಬದ ಕಸ ನಿಗದಿತ ಸ್ಥಳದಲ್ಲಿ ಹಾಕಲು ಮನವಿ

ಬೆಂಗಳೂರು: ದಸರಾ ಹಬ್ಬದ ಹಿನ್ನೆಲೆಯಲ್ಲಿ ವ್ಯಾಪಾರಸ್ಥರು, ರೈತರು, ನಾಗರಿಕರು ಕಸವನ್ನು ಎಲ್ಲೆಂದರಲ್ಲಿ ಬಿಸಾಡದೆ ನಿಗದಿತ ಸ್ಥಳದಲ್ಲಿ ತ್ಯಾಜ್ಯವನ್ನು ತಂದು ಹಾಕುವಂತೆ ಬೆಂಗಳೂರು ನಗರ ಕೇಂದ್ರ ಪಾಲಿಕೆ ಆಯುಕ್ತ ಜಿ.ಜಗದೀಶ್‌ ಮನವಿ ಮಾಡಿದ್ದಾರೆ.

ಕೆ.ಆರ್.ಮಾರುಕಟ್ಟೆ ಮತ್ತು ಸುತ್ತಲಿನ ಪ್ರದೇಶ, ಗಾಂಧಿಬಜಾರ್, ಆಟದ ಮೈದಾನಗಳ ಹತ್ತಿರ ಸೇರಿದಂತೆ ವಿವಿಧ ಸ್ಥಳಗಳಲ್ಲಿ ರೈತರು, ವ್ಯಾಪಾರಸ್ಥರು ಬಾಳೆ ದಿಂಡು, ಕುಂಬಳಕಾಯಿ, ಹೂವು, ಹಣ್ಣು ಹಂಪಲು ಇತರೆ ತಳಿರು ತೋರಣಗಳ ವಸ್ತುಗಳನ್ನು, ಪೂಜಾ ಸಾಮಗ್ರಿಗಳನ್ನು ಮಾರಾಟ ಮಾಡುತ್ತಿರುವ ರೈತರು, ವ್ಯಾಪಾರಸ್ಥರು ತ್ಯಾಜ್ಯವನ್ನು ಎಲ್ಲೆಂದರಲ್ಲಿ ಬಿಸಾಡಬಾರದು. ರಸ್ತೆ ಬದಿಯಲ್ಲಿ ಹಾಗೂ ಎಲ್ಲೆಂದರಲ್ಲಿ ತ್ಯಾಜ್ಯ ಬಿಸಾಕುವುದರಿಂದ ನಗರ ಪಾಲಿಕೆಯ ಸ್ವಚ್ಛತಾ ಸಿಬ್ಬಂದಿಗಳಾದ ಪೌರಕಾರ್ಮಿಕರು ತ್ಯಾಜ್ಯವನ್ನು ತೆಗೆಯಲು ಹೆಚ್ಚಿನ ಶ್ರಮ ವಹಿಸಬೇಕಾಗುತ್ತದೆ. ಹಾಗಾಗಿ ವ್ಯಾಪಾರಸ್ಥರು ವ್ಯಾಪಾರ ಮುಗಿದ ಮೇಲೆ ಉಳಿಯುವ ತ್ಯಾಜ್ಯವನ್ನು ನಿಗದಿಪಡಿಸಿದ ಸ್ಥಳದಲ್ಲಿ ತಂದು ಹಾಕುವಂತೆ ಆಯುಕ್ತರು ವಿನಂತಿಸಿದ್ದಾರೆ.

ದಸರಾ ಹಬ್ಬದ ತ್ಯಾಜ್ಯ ಸಂಗ್ರಹಣೆ ಮತ್ತು ವಿಲೇವಾರಿಗಾಗಿ ಹಬ್ಬದ ತ್ಯಾಜ್ಯ ಉತ್ಪತ್ತಿಯಾಗುವ ಸ್ಥಳಗಲ್ಲಿ ಹೆಚ್ಚುವರಿ ಸಿಬ್ಬಂದಿಗಳನ್ನು ಹಾಗೂ ಆಟೋ ಟಿಪ್ಪರ್ ಗಳನ್ನು ನಿಯೋಜನೆ ಮಾಡಲಾಗಿದೆ ಎಂದು ಅವರು ತಿಳಿಸಿದ್ದಾರೆ.

ಬಾಹ್ಯಾಕಾಶದಲ್ಲಿ ಸಂಘರ್ಷವಲ್ಲ, ಸಹಕಾರ ಅಗತ್ಯ: ವಿಶ್ವಸಂಸ್ಥೆ ಸಭೆಯಲ್ಲಿ ಸುಧಾಮೂರ್ತಿ

Kannadaprabha News — Thu, 22 Oct 2026 07:11:53 +0530

ವಿಶ್ವಸಂಸ್ಥೆ: ಅಮೆರಿಕ, ಚೀನಾದಂತಹ ರಾಷ್ಟ್ರಗಳು ಬಾಹ್ಯಾಕಾಶದಲ್ಲಿ ಶಸ್ತ್ರಾಸ್ತ್ರಗಳನ್ನು ನಿಯೋಜಿಸಿ, ಭೂಮಿಯಾಚೆಯೂ ಕದನಕ್ಕೆ ಸಿದ್ಧತೆ ನಡೆಸುತ್ತಿರುವ ಹೊತ್ತಿನಲ್ಲಿ, ‘ಬಾಹ್ಯಾಕಾಶವು ಸಹಕಾರದ ಕ್ಷೇತ್ರವಾಗಿ ಉಳಿಯಬೇಕೇ ಹೊರತು ಸಂಘರ್ಷದ ತಾಣವಾಗಬಾರದು. ಇದಕ್ಕಾಗಿ ಬಾಹ್ಯಾಕಾಶದಲ್ಲಿ ಶಸ್ತ್ರಾಸ್ತ್ರ ಸ್ಪರ್ಧೆಯನ್ನು ತಡೆಯುವ, ಕಾನೂನುಬದ್ಧವಾಗಿ ಬದ್ಧಗೊಳಿಸುವ ಅಂತಾರಾಷ್ಟ್ರೀಯ ಒಪ್ಪಂದ ಅಗತ್ಯ’ ಎಂದು ಭಾರತ ಪ್ರತಿಪಾದಿಸಿದೆ.

ಒಂದೇ ಭೂಮಿ, ಒಂದೇ ಕುಟುಂಬ, ಒಂದೇ ಭವಿಷ್ಯ

ಮಂಗಳವಾರ ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯ ಮೊದಲ ಸಮಿತಿ ಸಭೆಯಲ್ಲಿ ಮಾತನಾಡಿದ ಸಂಸದೆ ಸುಧಾ ಮೂರ್ತಿ, ‘ಭಾರತವು ಬಾಹ್ಯಾಕಾಶ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ರಾಷ್ಟ್ರ. ನಮ್ಮ ಬಾಹ್ಯಾಕಾಶ ಕಾರ್ಯಕ್ರಮವು ಅಭಿವೃದ್ಧಿ ಮತ್ತು ಭದ್ರತೆಯ ಆಯಾಮಗಳನ್ನು ಒಳಗೊಂಡಿದೆ. ನಾವೆಲ್ಲರೂ ಒಂದೇ ಭೂಮಿ, ಒಂದೇ ಕುಟುಂಬ ಮತ್ತು ಒಂದೇ ಭವಿಷ್ಯವನ್ನು ಹೊಂದಿರುವಾಗ, ಅಂತರಿಕ್ಷವು ನಮ್ಮೆಲ್ಲರಿಗೂ ಸೇರಿದ್ದು ಎಂದು ಭಾರತ ನಂಬುತ್ತದೆ. ಆದ್ದರಿಂದ ಅದು ಸಂಘರ್ಷದ ತಾಣವಾಗದೆ, ಸಹಕಾರದ ಕ್ಷೇತ್ರವಾಗಿ ಉಳಿಯಬೇಕು’ ಎಂದು ಹೇಳಿದರು.

ಬಾಹ್ಯಾಕಾಶದಲ್ಲಿ ಶಸ್ತ್ರಾಸ್ತ್ರ ಸ್ಪರ್ಧೆ

‘ಬಾಹ್ಯಾಕಾಶದಲ್ಲಿ ಶಸ್ತ್ರಾಸ್ತ್ರ ಸ್ಪರ್ಧೆಯನ್ನು ತಡೆಯುವ ವಿಧಾನಗಳ ಕುರಿತು, ಹಾಗೂ ಯಾವ ವಿಧಾನಕ್ಕೆ ಆದ್ಯತೆ ನೀಡಬೇಕು ಎಂಬ ವಿಷಯದಲ್ಲಿ ಭಿನ್ನಾಭಿಪ್ರಾಯಗಳು ಮುಂದುವರಿದಿವೆ. ಆದರೆ ಸಾರ್ವತ್ರಿಕವಾಗಿ ಸ್ವೀಕಾರಾರ್ಹವಾದ, ಪರಿಶೀಲಿಸಬಹುದಾದ ಬಾಹ್ಯಾಕಾಶದಲ್ಲಿ ಶಸ್ತ್ರಾಸ್ತ್ರ ಸ್ಪರ್ಧೆಯನ್ನು ತಡೆಗಟ್ಟುವ (ಪಿಎಆರ್‌ಒಎಸ್‌) ಸಾಧನವೊಂದರ ಅಗತ್ಯವಿದೆ. ಭಾರತವು ಸಾರ್ವತ್ರಿಕ, ತಾರತಮ್ಯರಹಿತ ಹಾಗೂ ಪಾರದರ್ಶಕ ಕ್ರಮಗಳಿಗೆ ಮುಕ್ತವಾಗಿದೆ’ ಎಂದು ಮೂರ್ತಿ ಭಾರತದ ಅಭಿಪ್ರಾಯವನ್ನು ವಿಶ್ವದ ಮುಂದಿಟ್ಟರು.

ಭಾರತದ ಸಾಧನೆ

2023ರಲ್ಲಿ ಚಂದ್ರನ ಅಂಗಳದಲ್ಲಿ ಇಳಿಯುದ ಸಾಧನೆ ಮಾಡಿರುವ ಭಾರತವು ಮಾನವಸಹಿತ ಯೋಜನೆಯಾದ ಗಗನಯಾನದ ಸಿದ್ಧತೆ ನಡೆಸುತ್ತಿದೆ. ಜತೆಗೆ ತನ್ನದೇ ಆದ ‘ಭಾರತೀಯ ಅಂತರಿಕ್ಷ ಕೇಂದ್ರ’ ನಿರ್ಮಾಣದ ಬಗ್ಗೆಯೂ ಚಿಂತನೆ ನಡೆಸಿದ ಎಂದು ಸುಧಾ ಮೂರ್ತಿ ತಿಳಿಸಿದರು.

Macron attacks Trump: ಫ್ರಾನ್ಸ್‌ನಲ್ಲಿ ಮುಸ್ಲಿಂ ವಲಸಿಗರ ಅಕ್ರಮಣ ಆಗಿಲ್ಲ; ಅವೆಲ್ಲ ಎಐ ಸೃಷ್ಟಿ ಎಂದ ಮ್ಯಾಕ್ರಾನ್!

Ravi Janekal — Thu, 22 Oct 2026 06:52:50 +0530

ವಾಷಿಂಗ್ಟನ್‌ (ಅ.22): ‘ಫ್ರಾನ್ಸ್‌ನಲ್ಲಿನ ದಂಗೆಗೆ ವಲಸಿಗರು ಕಾರಣ. ಪ್ಯಾರಿಸ್‌ ಶೀಘ್ರ ಮುಸ್ಲಿಂ ನಗರ ಆಗಲಿದೆ. ದೇಶದ ಗಡಿ ಮುಚ್ಚಿ’ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಫ್ರಾನ್ಸ್ ವಿರುದ್ಧ ಕಿಡಿಕಾರಿದ್ದಾರೆ.

ದೇಶದಲ್ಲಿ ಕಳೆದ ಕೆಲವು ದಿನದಿಂದ ನಡೆಯುತ್ತಿರುವ ಜೆನ್‌ಝೀ ಹಾಗೂ ಜನತಾ ದಂಗೆ ಬಗ್ಗೆ ಪ್ರಸ್ತಾಪಿಸಿ ಮಾತನಾಡಿದ ಟ್ರಂಪ್‌, ‘ಫ್ರಾನ್ಸ್ ಹೊತ್ತಿ ಉರಿಯುತ್ತಿದೆ. ಸಂಪೂರ್ಣ ವಿಭಿನ್ನವಾದ ವಿಶ್ವದ ಭಾಗಗಳಿಂದ ಬಂದ, ಹೃದಯದ ತುಂಬಾ ದ್ವೇಷವನ್ನೇ ತುಂಬಿಕೊಂಡ ವಲಸಿಗರು, ಒಂದೊಮ್ಮೆ ಅದ್ಭುತ ದೇಶವಾಗಿದ್ದ ಫ್ರಾನ್ಸ್‌ ಅನ್ನು ಧ್ವಂಸಗೊಳಿಸಿದ್ದಾರೆ. ಈಗಾಲಾದರೂ ನಿಮ್ಮ ದೇಶದ ಗಡಿ ಭಾಗವನ್ನು ಮುಚ್ಚಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳಿ. ಕಾಲ ಮೀರುವ ಮುನ್ನ ಎಚ್ಚೆತ್ತುಕೊಳ್ಳಿ’ ಎಂದರು.

‘ಬಹಳ ಹಿಂದೆ, ನೀವು ಫ್ರಾನ್ಸ್‌ನಲ್ಲಿ ದೊಡ್ಡ ತಪ್ಪು ಮಾಡುತ್ತಿದ್ದೀರಿ. ನೀವು ಜಗತ್ತಿನ ಎಲ್ಲರನ್ನೂ ಒಳಗೆ ಬರಲು ಬಿಡುತ್ತಿದ್ದೀರಿ. ಎಂದು ಫ್ರಾನ್ಸ್‌ ಅಧ್ಯಕ್ಷ ಮ್ಯಾಕ್ರನ್‌ಗೆ ಹೇಳಿದ್ದೆ’ ಎಂದು ಸ್ಮರಿಸಿದ ಟ್ರಂಪ್‌, ‘ಪ್ಯಾರಿಸ್ ಶೀಘ್ರದಲ್ಲೇ ಮುಸ್ಲಿಂ ನಗರವಾಗಲಿದೆ’ ಎಂದು ಆತಂಕ ವ್ಯಕ್ತಪಡಿಸಿದರು.

ಮುಸ್ಲಿಂ ದೇಶದ ಟ್ರಂಪ್ ಹೇಳಿಕೆ ಸ್ಟುಪಿಡ್ ಎಂದ ಮ್ಯಾಕ್ರಾನ್!

ಫ್ರಾನ್ಸ್ ಮುಸ್ಲಿಂ ನಗರವಾಗಲಿದೆ ಎಂಬ ಅಮೆರಿಕ ಅಧ್ಯಕ್ಷ ಟ್ರಂಪ್ ಹೇಳಿಕೆಗೆ ಮ್ಯಾಕ್ರಾನ್ ಕಿಡಿಕಾರಿದ್ದು, ಇದೊಂದು ಸ್ಟುಪಿಡ್ ಹೇಳಿಕೆ ಎಂದಿದ್ದಾರೆ. ಅಲ್ಲದೆ ಫ್ರಾನ್ಸ್‌ನಲ್ಲಿ ಗಲಭೆಗಳು ಮಾಧ್ಯಮಗಳಲ್ಲಿ ತೋರಿಸಿದಂತೆ ಆಗಿಲ್ಲ ಅವೆಲ್ಲವೂ ಎಐ ಸೃಷ್ಟಿ. ಫ್ರಾನ್ಸ್ ಗೆ ಮಸಿ ಬಳಿಯಲು ವಿದೇಶಿ ಶಕ್ತಿಗಳು ಎಐ ವಿಡಿಯೋ ಸೃಷ್ಟಿಸಿ ಹರಿಬಿಡುತ್ತಿದ್ದಾರೆ ಎಂದಿದ್ದಾರೆ.

ಹಾಗಾದರೆ 2500ಕ್ಕೂ ಜನರ ಬಂಧನ ಹೇಗಾಯ್ತು?

ಫ್ರಾನ್ಸ್‌ಗೆ ಮುಸ್ಲಿಂ ವಲಸಿಗರ ಹಿಂಡುಗಳ ಆಕ್ರಮಣವಾಗಿಲ್ಲ, ಆ ಚಿತ್ರಗಳು ಸುಳ್ಳು, ಎಐ ಮತ್ತು ವಿದೇಶಿ ಕುತಂತ್ರ ಅಂತ ಹೇಳಿದ್ದಾನೆ.

ಫ್ರಾನ್ಸ್‌ನಲ್ಲಿ ಕಳೆದ ವಾರಾಂತ್ಯದಲ್ಲಿ ಜೀವನದ ವೆಚ್ಚದ ವಿರುದ್ಧ ಪ್ರತಿಭಟನೆಗಳು ಗಲಭೆ ಲೂಟಿಗೆ ತಿರುಗಿದ್ದವು. ಎರಡೂವರೆ ಸಾವಿರಕ್ಕೂ ಹೆಚ್ಚು ಜನರನ್ನು ಬಂಧಿಸಿದ್ದಾರೆ ಎಂದು ಫ್ರಾನ್ಸ್ ಪೊಲೀಸರು ಅಧಿಕೃತವಾಗಿ ಹೇಳಿರುವಾಗ ಇದನ್ನ ಎಐ ಸೃಷ್ಟಿ ಎನ್ನಲಾಗುತ್ತಾ? ಆದರೆ ಮ್ಯಾಕ್ರಾನ್ ಎಲ್ಲವನ್ನೂ ಎಐ ಚಿತ್ರಗಳು ಮತ್ತು ವಿದೇಶಿ ಹಸ್ತಕ್ಷೇಪ ಅಂತ ಕರೆದು ತಪ್ಪಿಸಿಕೊಳ್ಳುತ್ತಿದ್ದಾರಾ? ಅಥವಾ ಮುಂದಿನ ಚುನಾವಣೆಗಾಗಿ ಇದರಲ್ಲೂ ತುಷ್ಟೀಕರಣ ರಾಜಕಾರಣ ಮಾಡುತ್ತಿದ್ದಾನಾ? ಎಂಬ ಅನುಮಾನ ಮೂಡಿದೆ. ಟ್ರಂಪ್ ಮತ್ತು ಕೆಲವರು ವಲಸೆ ಮತ್ತು ಇಸ್ಲಾಮಿಸ್ಟ್‌ಗಳನ್ನು ದೂಷಿಸಿದ್ದಾರೆ. ಆದರೆ ಇದನ್ನೆಲ್ಲ ಮ್ಯಾಕ್ರಾನ್ ಮೂರ್ಖತನದ ಹೇಳಿಕೆ ಎಂದು ಕರೆದಿದ್ದಾನೆ.

ನಿಜವಾಗಿಯೂ ಎಐ ಚಿತ್ರಗಳು ಇದ್ದವಾ?

ಫ್ರಾನ್ಸ್ ಹಿಂಸಾಚಾರದಲ್ಲಿ ಎಐ ವಿಡಿಯೋಗಳು ಸೃಷ್ಟಿಯಾಗಿರೋದು ನಿಜ ಉದಾಹರಣಗೆ ಎಫೆಲ್ ಟವರ್ ಮೇಲೆ ಪ್ಯಾಲೆಸ್ತಿನ್ ಧ್ವಜ ಹಾರಿಸಿರೋದು ಎಐ ಸೃಷ್ಟಿ. ಹಾಗಾಂತ ಫ್ರಾನ್ಸ್‌ನಲ್ಲಿ ಹಿಂಸಾಚಾರ ನಡೆದಿಲ್ಲ ಎಂಬ ಮ್ಯಾಕ್ರಾನ್ ಹೇಳಿಕೆ ಸಂಪೂರ್ಣ ಸುಳ್ಳು. ಏಕೆಂದರೆ ದಂಗೆ ಹಿಂಸಾಚಾರ ಲೂಟಿ ಮಾಡುವ ಲೈವ್ ವಿಡಿಯೋಗಳೇ ಸೋಷಿಯಲ್ ಮೀಡಿಯಾದಲ್ಲಿ ಬರುತ್ತಿರುವಾಗ ಮ್ಯಾಕ್ರಾನ್ ಹೇಳಿಕೆಯನ್ನ ಜಗತ್ತು ನಂಬುತ್ತದೆಯೇ? ಮ್ಯಾಕ್ರಾನ್ ಹೇಳಿಕೆ ಬಳಿಕ ನೆಟಿಜನ್ ಕಿಡಿಕಾರಿದ್ದಲ್ಲದೆ ಇದು ಮತಬ್ಯಾಂಕ್ ರಾಜಕಾರಣದ ಪರಮಾವಧಿ, ಫ್ರಾನ್ಸ್ ನಾಗರಿಕರನ್ನ ದೇವರೇ ಕಾಪಾಡಬೇಕು. ಏಕೆಂದರೆ ಮ್ಯಾಕ್ರಾನ್‌ನ ಮಾತು ನಂಬುವಷ್ಟು ಅವರು ಮುಗ್ಧರು ಎಂದಿದ್ದಾರೆ.

Macron attacks Trump: "France was not invaded by hordes of Muslim immigrants. Those images are false, it's AI and foreign manipulation." https://t.co/maBFwwcLgF

— RadioGenoa (@RadioGenoa) October 21, 2026

ಇಂದಿನ ಜಾತಕ, ಅಕ್ಟೋಬರ್ 22: ವೃಷಭ, ತುಲಾ ಮತ್ತು ಕುಂಭ ರಾಶಿಯವರಿಗೆ ಪ್ರಗತಿಯ ಹಾದಿ

Sushma Hegde — Thu, 22 Oct 2026 06:26:06 +0530

ಮೇಷ ರಾಶಿ

ಇಂದು ನಿಮಗೆ ಕಠಿಣ ಪರಿಶ್ರಮ, ಜವಾಬ್ದಾರಿ ಮತ್ತು ಯಶಸ್ಸಿನ ಆಸಕ್ತಿದಾಯಕ ಕಥೆಯನ್ನು ಹೇಳಬಹುದು! ಕೆಲಸದ ಒತ್ತಡ ಹೆಚ್ಚಾಗುತ್ತದೆ, ಮತ್ತು ಕೆಲವರು, ನಿಮ್ಮ ಪ್ರಗತಿಯನ್ನು ನೋಡಿ, ಅಡೆತಡೆಗಳನ್ನು ಸೃಷ್ಟಿಸಲು ಪ್ರಯತ್ನಿಸಬಹುದು. ಆದಾಗ್ಯೂ, ನಿಮ್ಮ ತಿಳುವಳಿಕೆ ಮತ್ತು ತಾಳ್ಮೆಯ ಮುಂದೆ ಅವರ ತಂತ್ರಗಳು ಅಚಲವಾಗಿರುತ್ತವೆ. ನೀವು ಆಧ್ಯಾತ್ಮಿಕ ಅನ್ವೇಷಣೆಗಳತ್ತ ಆಕರ್ಷಿತರಾಗುತ್ತೀರಿ ಮತ್ತು ಅಗತ್ಯವಿರುವ ಯಾರಿಗಾದರೂ ಸಹಾಯ ಮಾಡುವುದರಿಂದ ನಿಮಗೆ ವಿವರಿಸಲು ಕಷ್ಟಕರವಾದ ಶಾಂತಿಯ ಮಟ್ಟ ಬರುತ್ತದೆ. ಸರಿಯಾದ ಯೋಜನೆಯೊಂದಿಗೆ ದಿನವನ್ನು ಪ್ರಾರಂಭಿಸುವುದರಿಂದ ಅತ್ಯಂತ ಸವಾಲಿನ ಕೆಲಸಗಳು ಸಹ ಸುಲಭವಾಗುತ್ತವೆ.

ವೃಷಭ ರಾಶಿ

ಇಂದು, ನಿಮ್ಮ ಮನೆಯಲ್ಲಿ ನೀವು ಸಂತೋಷದ ಶಬ್ದಗಳನ್ನು ಕೇಳಬಹುದು, ಅದು ಇಡೀ ಕುಟುಂಬದ ವಾತಾವರಣವನ್ನು ಬದಲಾಯಿಸುತ್ತದೆ! ಕುಟುಂಬಕ್ಕೆ ಹೊಸ ಸದಸ್ಯರ ಆಗಮನದ ಸುದ್ದಿ ಹಬ್ಬದ ವಾತಾವರಣವನ್ನು ಸೃಷ್ಟಿಸಬಹುದು. ಏತನ್ಮಧ್ಯೆ, ಹಿಂದಿನ ತಪ್ಪು ನಿಮಗೆ ಭವಿಷ್ಯದಲ್ಲಿ ಬುದ್ಧಿವಂತ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸಹಾಯ ಮಾಡುವ ಪಾಠವನ್ನು ಕಲಿಸಬಹುದು. ನಿಮ್ಮ ಕೆಲಸವನ್ನು ಸಮಾಜದಲ್ಲಿ ಪ್ರಶಂಸಿಸಲಾಗುತ್ತದೆ ಮತ್ತು ಜನರು ನಿಮ್ಮ ವ್ಯಕ್ತಿತ್ವದಿಂದ ಪ್ರಭಾವಿತರಾಗುತ್ತಾರೆ.

ಮಿಥುನ ರಾಶಿ

ಇಂದು, ನಿಮಗಾಗಿ ಪ್ರಗತಿಯ ಹೊಸ ಬಾಗಿಲುಗಳು ತೆರೆದುಕೊಳ್ಳಬಹುದು ಮತ್ತು ನಿಮ್ಮ ಬಹುಕಾಲದ ಕನಸುಗಳು ನನಸಾಗಬಹುದು! ಕೆಲಸದಲ್ಲಿ ಹಿರಿಯ ಅಧಿಕಾರಿಗಳ ಬೆಂಬಲವು ನಿಮ್ಮ ಸ್ಥಾನವನ್ನು ಬಲಪಡಿಸುತ್ತದೆ. ನೀವು ಉದ್ಯೋಗ ಬದಲಾವಣೆಯನ್ನು ಪರಿಗಣಿಸುತ್ತಿದ್ದರೆ, ನೀವು ಬಯಸುವ ಅವಕಾಶವನ್ನು ಪಡೆಯುವ ಸಾಧ್ಯತೆಗಳು ಹೆಚ್ಚಾಗಬಹುದು. ನೀವು ಕಳೆದುಕೊಂಡಿದ್ದರಿಂದ ದುಃಖಿತನಾಗಿದ್ದ ಒಂದು ಅಮೂಲ್ಯ ವಸ್ತುವನ್ನು ಹುಡುಕುವ ಸಾಧ್ಯತೆಯೂ ಇದೆ. ನಿಮ್ಮ ಕಾರ್ಯನಿರತ ವೇಳಾಪಟ್ಟಿಯ ಹೊರತಾಗಿಯೂ, ಕುಟುಂಬಕ್ಕಾಗಿ ಸಮಯವನ್ನು ಮೀಸಲಿಡುವುದು ನಿಮ್ಮ ಸಂಬಂಧಗಳನ್ನು ಹೆಚ್ಚಿಸುತ್ತದೆ.

ಕರ್ಕಾಟಕ ರಾಶಿ

ಇಂದು, ನಿಮ್ಮ ಗೌರವ ಮತ್ತು ಗೌರವ ಹೆಚ್ಚಾಗಬಹುದು, ಮತ್ತು ನಿಮ್ಮ ಮಾತುಗಳನ್ನು ಮೊದಲಿಗಿಂತ ಹೆಚ್ಚು ಗಂಭೀರವಾಗಿ ಪರಿಗಣಿಸಬಹುದು! ಸಮಾಜದಲ್ಲಿ ಮತ್ತು ಕೆಲಸದಲ್ಲಿ ನಿಮ್ಮ ಖ್ಯಾತಿ ಬಲಗೊಳ್ಳುವ ಲಕ್ಷಣಗಳು ಕಂಡುಬರುತ್ತವೆ. ಆದಾಗ್ಯೂ, ನೀವು ಯಾರೊಂದಿಗಾದರೂ ಪಾಲುದಾರಿಕೆಯಲ್ಲಿ ಹೊಸ ವ್ಯವಹಾರವನ್ನು ಪ್ರಾರಂಭಿಸಲು ಯೋಜಿಸುತ್ತಿದ್ದರೆ, ಅದರಲ್ಲಿ ತೊಡಗಿಸಿಕೊಳ್ಳುವ ಮೊದಲು ಪ್ರತಿಯೊಂದು ಅಂಶವನ್ನು ಎಚ್ಚರಿಕೆಯಿಂದ ಪರೀಕ್ಷಿಸಿ. ಸರ್ಕಾರಿ ಯೋಜನೆಗಳು ಅಥವಾ ಸುರಕ್ಷಿತ ಹೂಡಿಕೆಗಳಿಂದ ಪ್ರಯೋಜನಗಳು ಸಿಗುವ ಸಾಧ್ಯತೆಯಿದೆ. ಮತ್ತೊಂದೆಡೆ, ಯಾರಿಗಾದರೂ ಹಣವನ್ನು ಸಾಲ ನೀಡುವ ಮೊದಲು ಎಚ್ಚರಿಕೆಯಿಂದ ಯೋಚಿಸಿ.

ಸಿಂಹ ರಾಶಿ:

ಇಂದು, ಸ್ನೇಹಿತರ ಸಭೆ, ರುಚಿಕರವಾದ ಆಹಾರ ಮತ್ತು ಪ್ರೀತಿಪಾತ್ರರ ಒಡನಾಟವು ನಿಮ್ಮ ದಿನವನ್ನು ಸ್ಮರಣೀಯವಾಗಿಸಬಹುದು! ಸ್ನೇಹಿತರೊಂದಿಗೆ ನಗುವ ಮತ್ತು ಹೃತ್ಪೂರ್ವಕ ಸಂಭಾಷಣೆ ನಡೆಸುವ ಅವಕಾಶವನ್ನು ನೀವು ಹೊಂದಿರುತ್ತೀರಿ. ಹಳೆಯ ರಾಜಕೀಯ ಅಥವಾ ಸಾಮಾಜಿಕ ಸಮಸ್ಯೆಯನ್ನು ಪರಿಹರಿಸುವುದರಿಂದ ಪರಿಹಾರ ಸಿಗಬಹುದು. ಸ್ನೇಹಿತರ ಬೆಂಬಲವು ನಿಮ್ಮ ನೈತಿಕತೆಯನ್ನು ಹಲವು ವಿಧಗಳಲ್ಲಿ ಹೆಚ್ಚಿಸುತ್ತದೆ. ನಿಮ್ಮ ಕುಟುಂಬದೊಂದಿಗೆ ಶುಭ ಅಥವಾ ಶುಭ ಕಾರ್ಯಕ್ರಮಕ್ಕೆ ಹಾಜರಾಗಲು ನಿಮಗೆ ಅವಕಾಶ ಸಿಕ್ಕರೆ, ಅದು ನಿಮ್ಮ ಸಂತೋಷವನ್ನು ಹೆಚ್ಚಿಸುತ್ತದೆ.

ಕನ್ಯಾ ರಾಶಿ :

ಇಂದು, ಅದೃಷ್ಟವು ನಿಮ್ಮ ತೊಂದರೆಗಳನ್ನು ಹಿಂದೆ ಬಿಡಲು ನಿರ್ಧರಿಸಿದೆ ಎಂದು ಅನಿಸಬಹುದು! ದೀರ್ಘಕಾಲದ ತೊಂದರೆಗಳು ಕ್ರಮೇಣ ಕಡಿಮೆಯಾಗಬಹುದು ಮತ್ತು ಹಠಾತ್ ಆರ್ಥಿಕ ಲಾಭ ಅಥವಾ ಒಳ್ಳೆಯ ಸುದ್ದಿ ನಿಮ್ಮ ಮುಖದಲ್ಲಿ ನಗು ತರಿಸಬಹುದು. ಆದಾಗ್ಯೂ, ಈ ಒಳ್ಳೆಯ ಸಮಯವನ್ನು ಸಂಪೂರ್ಣವಾಗಿ ಬಳಸಿಕೊಳ್ಳಲು, ನಿಮ್ಮ ಕೋಪವನ್ನು ನಿಯಂತ್ರಿಸುವುದು ಅತ್ಯಗತ್ಯ. ಸಣ್ಣ ವಿಷಯಗಳಿಗೆ ಅಸಮಾಧಾನದ ಮನಸ್ಥಿತಿಯು ಉತ್ತಮ ಅವಕಾಶವನ್ನು ಹದಗೆಡಿಸಬಹುದು.

ತುಲಾ ರಾಶಿ :

ಇಂದು ಆರ್ಥಿಕ ವಿಷಯದಲ್ಲಿ ಒಳ್ಳೆಯ ಸುದ್ದಿ ನಿಮ್ಮ ಉತ್ಸಾಹವನ್ನು ಹೆಚ್ಚಿಸಬಹುದು! ಹೊಸ ಆದಾಯದ ಮೂಲಗಳು ಅಥವಾ ಉತ್ತಮ ಗಳಿಕೆಯ ಅವಕಾಶಗಳು ನಿಮ್ಮ ಆರ್ಥಿಕ ಪರಿಸ್ಥಿತಿಯನ್ನು ಬಲಪಡಿಸುವ ನಿರೀಕ್ಷೆಯಿದೆ. ಭವಿಷ್ಯಕ್ಕಾಗಿ ದೀರ್ಘಕಾಲದಿಂದ ಯೋಜಿಸಲಾದ ಯೋಜನೆಗಳನ್ನು ಕಾರ್ಯಗತಗೊಳಿಸುವತ್ತ ನೀವು ಹೆಜ್ಜೆ ಇಡಬಹುದು. ವಿದ್ಯಾರ್ಥಿಗಳು ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಲು ಉತ್ತಮ ಅವಕಾಶವನ್ನು ಸಹ ಹೊಂದಿರುತ್ತಾರೆ. ಸ್ಪರ್ಧೆಯಲ್ಲಿ ಭಾಗವಹಿಸುವ ಮೂಲಕ ಅವರು ತಮ್ಮ ಸಾಮರ್ಥ್ಯಗಳನ್ನು ಸಾಬೀತುಪಡಿಸಬಹುದು.

ವೃಶ್ಚಿಕ ರಾಶಿ :

ಇಂದು ನಿಮ್ಮ ಆರೋಗ್ಯಕ್ಕೆ ಆದ್ಯತೆ ನೀಡುವುದು ನಿಮ್ಮ ಬುದ್ಧಿವಂತ ನಡೆ! ಆಹಾರ ಪದ್ಧತಿಯಲ್ಲಿ ಅಜಾಗರೂಕತೆ ಮತ್ತು ಅನಿಯಮಿತ ದಿನಚರಿಗಳನ್ನು ತಪ್ಪಿಸಿ, ಇದರಿಂದ ಸಣ್ಣ ಸಮಸ್ಯೆಗಳು ದೊಡ್ಡ ಸಮಸ್ಯೆಗಳಾಗುವುದಿಲ್ಲ. ಒಳ್ಳೆಯ ಸುದ್ದಿ ಏನೆಂದರೆ, ದೀರ್ಘಕಾಲದ ಸಮಸ್ಯೆಗೆ ಪರಿಹಾರ ಸಿಗಬಹುದು, ನಿಮ್ಮ ಮನಸ್ಸಿನ ಮೇಲಿನ ಹೊರೆ ಕಡಿಮೆಯಾಗುತ್ತದೆ. ವಿಶ್ವಾಸಾರ್ಹ ವ್ಯಕ್ತಿಯ ಸಲಹೆಯು ನೀವು ಮೊದಲು ಪರಿಗಣಿಸದ ದಿಕ್ಕಿನಲ್ಲಿ ನಿಮ್ಮನ್ನು ನಿರ್ದೇಶಿಸಬಹುದು. ನಿಮ್ಮ ಕುಟುಂಬದೊಂದಿಗೆ ಮೋಜು, ಮನರಂಜನೆ ಮತ್ತು ಸಂತೋಷದ ಕ್ಷಣಗಳಿಗೆ ಅವಕಾಶಗಳನ್ನು ನೀವು ಕಂಡುಕೊಳ್ಳುವಿರಿ. ಆದಾಗ್ಯೂ, ಸಣ್ಣ ವಿಷಯಗಳಿಗೆ ವಾದಗಳ ಸಾಧ್ಯತೆ ಇರುತ್ತದೆ.

ಧನು ರಾಶಿ:

ಇಂದು ನಿಮ್ಮ ಸೌಕರ್ಯಗಳು ಮತ್ತು ಐಷಾರಾಮಿಗಳು ಹೆಚ್ಚಾಗಬಹುದು, ಆದರೆ ಹಣದ ವಿಷಯದಲ್ಲಿ ಸ್ವಲ್ಪ ಅಜಾಗರೂಕತೆಯು ತೊಂದರೆಗೆ ಕಾರಣವಾಗಬಹುದು! ಹಣಕಾಸಿನ ವಹಿವಾಟುಗಳಲ್ಲಿ ತೀವ್ರ ಎಚ್ಚರಿಕೆ ವಹಿಸಿ ಮತ್ತು ಅಪಾಯಕಾರಿ ನಿರ್ಧಾರಗಳನ್ನು ತಪ್ಪಿಸಿ. ಸಂದರ್ಭಗಳು ಕೆಲವೊಮ್ಮೆ ನಿರೀಕ್ಷೆಯಂತೆ ನಡೆಯದಿರಬಹುದು, ಆದರೆ ತಾಳ್ಮೆಯನ್ನು ಕಾಪಾಡಿಕೊಳ್ಳುವುದು ನಿಮಗೆ ಸರಿಯಾದ ಮಾರ್ಗವನ್ನು ಕಂಡುಕೊಳ್ಳಲು ಸಹಾಯ ಮಾಡುತ್ತದೆ. ಉದ್ಯೋಗವನ್ನು ಹುಡುಕುತ್ತಿರುವವರು ಹೊಸ ಅವಕಾಶವನ್ನು ಕಂಡುಕೊಳ್ಳಬಹುದು, ಆದರೆ ಈಗಾಗಲೇ ಕೆಲಸ ಮಾಡುತ್ತಿರುವವರು ಹೊಸ ಜವಾಬ್ದಾರಿಗಳನ್ನು ಪಡೆಯುವ ಸಾಧ್ಯತೆಯಿದೆ.

ಮಕರ ರಾಶಿ:

ಹಳೆಯ ನೆನಪುಗಳು, ಹೊಸ ಸಂತೋಷಗಳು ಮತ್ತು ಈಡೇರದ ಆಸೆಗಳನ್ನು ಈಡೇರಿಸುವ ಭರವಸೆ ಇಂದು ನಿಮ್ಮ ದಿನವನ್ನು ವಿಶೇಷವಾಗಿಸಬಹುದು! ವರ್ಷಗಳ ನಂತರ ಹಳೆಯ ಸ್ನೇಹಿತನನ್ನು ಭೇಟಿಯಾಗುವುದು ನೆನಪುಗಳನ್ನು ಮರಳಿ ತರಬಹುದು ಮತ್ತು ಸಂತೋಷದ ಅಲೆಯನ್ನು ತರಬಹುದು. ಬಹುಕಾಲದ ಆಸೆ ಈಡೇರುವ ಸೂಚನೆಗಳೂ ಇವೆ, ಇದು ನಿಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ. ವಿದ್ಯಾರ್ಥಿಗಳು ತಮ್ಮ ಕಠಿಣ ಪರಿಶ್ರಮದಿಂದ ಸಕಾರಾತ್ಮಕ ಫಲಿತಾಂಶಗಳನ್ನು ಪಡೆಯುವ ಸಮಯ ಇದಾಗಿರಬಹುದು.

ಕುಂಭ ರಾಶಿ :

ಇಂದು, ನಿಮ್ಮ ವಿವೇಕವು ಅನಗತ್ಯ ಖರ್ಚುಗಳನ್ನು ತಪ್ಪಿಸಲು ಮತ್ತು ನಿಮ್ಮ ಭವಿಷ್ಯಕ್ಕೆ ಬಲವಾದ ಅಡಿಪಾಯವನ್ನು ಹಾಕಲು ಸಹಾಯ ಮಾಡುತ್ತದೆ! ಇತರರೊಂದಿಗೆ ಸ್ಪರ್ಧಿಸಲು ಅಥವಾ ಪ್ರದರ್ಶನ ನೀಡಲು ಹಣವನ್ನು ಖರ್ಚು ಮಾಡುವುದನ್ನು ತಪ್ಪಿಸಿ. ನಿಮ್ಮ ಮಗುವಿನ ಭವಿಷ್ಯದ ಬಗ್ಗೆ ನೀವು ಒಂದು ಪ್ರಮುಖ ನಿರ್ಧಾರವನ್ನು ತೆಗೆದುಕೊಳ್ಳಬೇಕಾಗಬಹುದು, ಆದ್ದರಿಂದ ಆತುರಪಡುವ ಬದಲು ಎಲ್ಲಾ ಅಂಶಗಳನ್ನು ಪರಿಗಣಿಸಿ. ನಿಮ್ಮ ಅತ್ತೆ-ಮಾವರಿಂದ ಆರ್ಥಿಕ ಬೆಂಬಲವನ್ನು ಸೂಚಿಸಲಾಗುತ್ತದೆ, ಇದು ಅಗತ್ಯವನ್ನು ಪೂರೈಸಲು ಸಹಾಯ ಮಾಡುತ್ತದೆ.

ಮೀನ:

ಇಂದು, ನಿಮಗಾಗಿ ಸಂತೋಷದ ಹಲವು ಬಾಗಿಲುಗಳು ತೆರೆದುಕೊಳ್ಳಬಹುದು! ನಿಮ್ಮ ವೈವಾಹಿಕ ಜೀವನದಲ್ಲಿ ಪ್ರೀತಿ ಮತ್ತು ತಿಳುವಳಿಕೆ ಮೇಲುಗೈ ಸಾಧಿಸುತ್ತದೆ, ಮನೆಯಲ್ಲಿ ಆಹ್ಲಾದಕರ ವಾತಾವರಣವನ್ನು ಸೃಷ್ಟಿಸುತ್ತದೆ. ಕಾನೂನು ವಿಷಯವು ದೀರ್ಘಕಾಲದವರೆಗೆ ಕಳವಳಕ್ಕೆ ಕಾರಣವಾಗಿದ್ದರೆ, ಅನುಕೂಲಕರ ಫಲಿತಾಂಶ ಬರುವ ಸಾಧ್ಯತೆಯಿದೆ. ಇದು ಹೆಚ್ಚಿನ ಪರಿಹಾರವನ್ನು ತರಬಹುದು. ಹೊಸ ಕೆಲಸ ಅಥವಾ ಚಟುವಟಿಕೆಯಲ್ಲಿ ನಿಮ್ಮ ಆಸಕ್ತಿ ಹೆಚ್ಚಾಗುತ್ತದೆ ಮತ್ತು ನೀವು ಅದನ್ನು ಪ್ರಾರಂಭಿಸಲು ಉತ್ಸಾಹದಿಂದ ಇರುತ್ತೀರಿ.

ಆಲಿಸು ಕಂದ: ಶ್ರವಣದೋಷವುಳ್ಳ ಮಕ್ಕಳಿಗೆ ಉಚಿತ ಕಾಕ್ಲಿಯರ್ ಇಂಪ್ಲಾಂಟ್; ಆರೋಗ್ಯ ಇಲಾಖೆಯಿಂದ ಮಹತ್ವದ ಯೋಜನೆ ಜಾರಿ!

Kannadaprabha News — Thu, 22 Oct 2026 06:10:08 +0530

ಬೆಂಗಳೂರು (ಅ.22): ಆರೋಗ್ಯ ಇಲಾಖೆಯು ತೀವ್ರ ಶ್ರವಣದೋಷವುಳ್ಳ ಮಕ್ಕಳಿಗೆ ಹೊಸ ಬದುಕು ನೀಡುವ ಉದ್ದೇಶದಿಂದ ಪ್ರಸಕ್ತ ಸಾಲಿನಲ್ಲಿ ‘ಆಲಿಸು ಕಂದ’ ಕಾರ್ಯಕ್ರಮದ ಅಡಿ 200 ಮಕ್ಕಳಿಗೆ ಉಚಿತ ಕಾಕ್ಲಿಯರ್ ಇಂಪ್ಲಾಂಟ್ ಶಸ್ತ್ರಚಿಕಿತ್ಸೆ ನಡೆಸಲು ನಿರ್ಧರಿಸಿದೆ.

ಶ್ರವಣದೋಷ ಮುಕ್ತ ಕರ್ನಾಟಕ ಅಭಿಯಾನದಡಿ ಮಕ್ಕಳಿಗೆ ಶ್ರವಣದೋಷ ಇದ್ದರೆ ಅವರ ಸಮಸ್ಯೆ ಬಗೆಹರಿಸಲು ‘ಆಲಿಸು ಕಂದ’ ಕಾರ್ಯಕ್ರಮ ರೂಪಿಸಲಾಗಿದೆ.

ಇದನ್ನೂ ಓದಿ: ಪ್ರಧಾನಿ ಮೋದಿ ಬಳಿ ₹5400 ಕೋಟಿ ಕೇಳಿದೆ, ಈ ಸಲ ನೋಡೋಣ ಡಿಕೆ ಅಂದ್ರು.. ಏಷ್ಯಾನೆಟ್ ವಿಶೇಷ ಸಂದರ್ಶನದಲ್ಲಿ ಸಿಎಂ ಹೇಳಿದ್ದೇನು?

‘ಆಲಿಸು ಕಂದ’ ಯೋಜನೆಗೆ ಇಂದು ಸಚಿವ ಖಾದರ್ ಚಾಲನೆ

ತೊಟ್ಟಿಲಿನಿಂದ ತರಗತಿವರೆಗೆ ಶ್ರವಣ ಆರೈಕೆ ಪ್ರತಿಯೊಂದು ಮಗುವಿನ ಹಕ್ಕು. ಹೀಗಾಗಿ ಯೋಜನೆಯಡಿ ಶ್ರವಣದೋಷ ಪರಿಹಾರ ಕಲ್ಪಿಸುವ ಆಲಿಸು ಕಂದ ಕಾರ್ಯಕ್ರಮದ ಈವರೆಗಿನ ಸಾಧನೆ ಹಾಗೂ ಮುಂದೆ 200 ಮಕ್ಕಳಿಗೆ ಕಾಕ್ಲಿಯರ್ ಇಂಪ್ಲಾಂಟ್‌ ಶಸ್ತ್ರಚಿಕಿತ್ಸೆ ಮಾಡುವ ಕುರಿತು ಅ.22 ರಂದು ಬೆಳಗ್ಗೆ 10.30 ಗಂಟೆವರೆಗೆ ಆರೋಗ್ಯ ಸಚಿವ ಯು.ಟಿ ಖಾದರ್‌ ಚಾಲನೆ ನೀಡಲಿದ್ದಾರೆ ಎಂದು ಇಲಾಖೆ ಪ್ರಕಟಣೆ ತಿಳಿಸಿದೆ.

ಆರೋಗ್ಯ ಸೌಧದ ಬಿ.ಸಿ.ರಾಯ್ ಸಭಾಂಗಣದಲ್ಲಿ ವಿಶೇಷ ಕಾರ್ಯಕ್ರಮ ಆಯೋಜಿಸಿದ್ದು, ಕಾರ್ಯಕ್ರಮದಲ್ಲಿ ಫಲಾನುಭವಿ ಮಕ್ಕಳು ಭಾಗವಹಿಸಲಿದ್ದಾರೆ.

ಪ್ರಧಾನಿ ಮೋದಿ ಬಳಿ ₹5400 ಕೋಟಿ ಕೇಳಿದೆ, ಈ ಸಲ ನೋಡೋಣ ಡಿಕೆ ಅಂದ್ರು.. ಏಷ್ಯಾನೆಟ್ ವಿಶೇಷ ಸಂದರ್ಶನದಲ್ಲಿ ಸಿಎಂ ಹೇಳಿದ್ದೇನು?

Kannadaprabha News — Thu, 22 Oct 2026 05:51:20 +0530

ಬೆಂಗಳೂರು (ಅ.22): ಪಕ್ಷ, ಸರ್ಕಾರ, ಸಿದ್ಧಾಂತ ಬೇರೆ ಬೇರೆ ಆದರೂ ಪ್ರದಾನಿ ನರೇಂದ್ರ ಮೋದಿ ಮತ್ತು ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಅವರೊಂದಿಗೆ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್‌ ಅವರು ಉತ್ತಮ ಆಡಳಿತಾತ್ಮಕ ಸಂಬಂಧ ಮತ್ತು ರಾಜಕೀಯೇತರ ಬಾಂಧವ್ಯ ಹೊಂದಿದ್ದಾರೆ ಎಂಬ ಮಾತುಗಳಿವೆ. ಈ ಬಗ್ಗೆ ಸ್ವತಃ ಮುಖ್ಯಮಂತ್ರಿ ಅವರೇ ಏಷ್ಯಾನೆಟ್‌ ಸುವರ್ಣ ನ್ಯೂಸ್‌ನ ವಿಶೇಷ ಸಂದರ್ಶನದಲ್ಲಿ ಮನಬಿಚ್ಚಿ ಮಾತನಾಡಿದ್ದಾರೆ.

ನಾವು ಒಕ್ಕೂಟ ವ್ಯವಸ್ಥೆಯಲ್ಲಿದ್ದೇವೆ. ರಾಜ್ಯದ ವಿಚಾರಗಳ ಚರ್ಚೆಗೆ ಸಮಯ ಕೇಳಿದಾಗ ಮೋದಿ ಅವರು ಇಲ್ಲ ಎಂದಿಲ್ಲ. ಸೈದ್ಧಾಂತಿಕ ಭಿನ್ನಾಭಿಪ್ರಾಯ ಇರಬಹುದು. ನಾವೂ ಅವರಿಗೆ ಗೌರವ ಕೊಡಬೇಕಲ್ವಾ? ಅದೇ ರೀತಿ ಅಮಿತ್‌ ಶಾ ಅವರಿಗೂ ಡಿ.ಕೆ.ಶಿವಕುಮಾರ್‌ ಅವರ ಇತರೆ ರಾಜ್ಯಗಳೊಂದಿಗಿನ ಸಹಕಾರ ಮನೋಭಾವ ಇಷ್ಟ. ಅದನ್ನು ಹೊಗಳಿದ್ದಾರೆ ಎಂದು ಕೂಡ ನೆನಪಿಸಿಕೊಂಡರು.

ಮೋದಿ ಅವರು ರಾಜ್ಯಕ್ಕೆ ಬಂದಾಗ ತಮ್ಮ ಕೈ ಹಿಡಿದುಕೊಂಡು ಓಡಾಡುತ್ತಾರೆ. ತಾವೂ ಅವರನ್ನು ಹೊಗಳುತ್ತೀರಿ. ಮತ್ತೊಂದೆಡೆ ಅಮಿತ್‌ ಶಾ ಅವರ ಜೊತೆಗಿನ ತಮ್ಮ ಭೇಟಿಯಲ್ಲೂ ಪಾಸಿಟಿವ್‌ ವೈಬ್‌ ಕಾಣುತ್ತದೆಯಲ್ಲಾ ಎಂಬ ಪ್ರಶ್ನೆಗೆ ಉತ್ತರಿಸಿದ ಅವರು, ನಾವು ಒಕ್ಕೂಟ ವ್ಯವಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದೇವೆ. ಸೈದ್ಧಾಂತಿಕವಾಗಿ ಭಿನ್ನಾಪ್ರಾಯ ಇರಬಹುದು. ಆದರೆ, ವೈಯಕ್ತಿಕವಾಗಿ ಒಂದು ಸ್ಥಾನದಲ್ಲಿರುವವರಿಗೆ ಗೌರವ ಕೊಡಲೇಬೇಕು. ನಾನು ಕಾಂಗ್ರೆಸ್‌ನವನಾಗಿದ್ದೇನೆ. ನಿತ್ಯ ಬಿಜೆಪಿಯವರನ್ನು ಬೈಯುತ್ತಿರುತ್ತೇನೆ. ಹಾಗಂತ ನಾನು ಮೋದಿ, ಅಮಿತ್‌ ಶಾ ಅವರ ಭೇಟಿಗೆ ಸಮಯ ಕೇಳಿದಾಗ ನಿರಾಕರಿಸಿಲ್ಲ. ಅವರೇಕೆ ನಮಗೆ ಸಮಯ ಕೊಡುತ್ತಾರೆ. ಅದನ್ನು ನಾವು ಗೌರವಿಸಬೇಕಲ್ವಾ? ರಾಜ್ಯಕ್ಕೆ ಬರಬೇಕಾದ ಸಾಕಷ್ಟು ಅನುದಾನ, ತೆರಿಗೆ ಬಾಕಿ ಇನ್ನೂ ಕೊಟ್ಟಿಲ್ಲ. ಮೊನ್ನೆ ಮೋದಿ ಅವರು ಸಿಕ್ಕಾಗ ಭದ್ರಾ ಮೇಲ್ಡಂಡೆ ಯೋಜನೆಗೆ ಕೇಂದ್ರದ ಬಜೆಟ್‌ನಲ್ಲಿ ₹5400 ಕೋಟಿ ಘೋಷಣೆ ಮಾಡಿದಿರಿ ಇನ್ನೂ ಕೊಟ್ಟಿಲ್ಲ ಎಂದು ಕೇಳಿದೆ. ಅವರು ಈ ಸಲ ನೋಡೋಣ ಡಿಕೆ ಅಂದರು ಎಂದು ತಿಳಿಸಿದರು.

ಈಗ ಕಬ್ಬು ಬೆಳೆಗಾರರ ಸಮಸ್ಯೆ ಚರ್ಚೆಗೂ ಮೋದಿ ಅವರ ಸಮಯ ಕೇಳಿದ್ದೇನೆ. ಏಕೆಂದರೆ ಇದು ಕೇಂದ್ರದವರು ಪರಿಹರಿಸಬೇಕಾದ ಸಮಸ್ಯೆ. ಎಥನಾಲ್‌, ಸಕ್ಕರೆ ದರ ಹೆಚ್ಚಳ ನಾವು ತೀರ್ಮಾನ ಮಾಡಲಾಗಲ್ಲ. ಸಂಬಂಧಿಸಿದ ಎಲ್ಲಾ ರಾಜ್ಯದವರೊಂದಿಗೆ ಚರ್ಚಿಸಿ ಕೇಂದ್ರದವರು ತೀರ್ಮಾನಿಸಬೇಕು. ನನ್ನೊಟ್ಟಿಗೆ ಬಂದರೆ ಸರ್ವಪಕ್ಷ ನಿಯೋಗ ಕೊಂಡೊಯ್ಯುತ್ತೇನೆ. ಬರದಿದ್ದರೆ ನಾನೊಬ್ಬನೇ ಹೋಗುತ್ತೇನೆ ಎಂದರು.

ಡಿಕೆ ನೋಡಿ ಕಲಿಯಿರಿ ಅಂತಾರೆ ಅಮಿತ್‌ ಶಾ

ಇನ್ನು, ಅಮಿತ್‌ ಶಾ ಅವರೊಂದಿಗೆ ರಾಜ್ಯದ ನೀರಾವರಿ ಯೋಜನೆಗಳು ಸೇರಿದಂತೆ ಅಭಿವೃದ್ಧಿ ಯೋಜನೆಗಳ ಕುರಿತು ಸಾಕಷ್ಟು ಬಾರಿ ಮಾತನಾಡಿದ್ದೇನೆ. ಅವರೂ ಸ್ಪಂಧಿಸಿದ್ದಾರೆ. ನೀರಾವರಿ ವಿಚಾರದಲ್ಲಿ ನೆರೆ ರಾಜ್ಯಗಳ ಮುಖ್ಯಮಂತ್ರಿಗಳ ಸಹಕಾರದೊಂದಿಗೆ ನಾನು ಮಾಡಿದ ಕಾರ್ಯಗಳನ್ನು ಅವರು ಮೆಚ್ಚಿದ್ದಾರೆ. ಡಿಕೆ ನೋಡಿ ಸಹಕಾರ ಮನೋಭಾವ ಕಲಿಯರಿ ಎಂದು ಹೇಳಿದ್ದೂ ಉಂಟು. ಅದು ಬಿಟ್ಟರೆ ಆತ್ಮೀಯತೆ ಅಂತ ಏನಿಲ್ಲ, ರಾಜಕೀಯವನ್ನೂ ಏನು ಮಾತನಾಡಿಲ್ಲ ಎಂದರು.

----

ಹರಿಪ್ರಸಾದ್‌ ನನ್ನ ನಡುವೆ ಮನಸ್ತಾಪ ಏನಿಲ್ಲ

ಇತ್ತೀಚೆಗೆ ಉದ್ಯಮಿ ಗೌತಮ್‌ ಅದಾನಿ ಅವರು ತಮ್ಮನ್ನು ಭೇಟಿ ಮಾಡಿದ್ದಕ್ಕೆ ಕೆಪಿಸಿಸಿ ಅಧ್ಯಕ್ಷರಾದ ಬಿ.ಕೆ.ಹರಿಪ್ರಸಾದ್‌ ಅವರೇ ಅಪಸ್ವರ ಎತ್ತಿದ್ದರು. ತಮ್ಮ ಮತ್ತು ಅವರ ನಡುವೆ ಮನಸ್ತಾಪವೇನಾದರೂ ಇದೆಯಾ ಎಂಬ ಪ್ರಶ್ನೆಗೆ ಶಿವಕುಮಾರ್ ಅವರು, ನಾನು ಬಿಜೆಪಿ, ದಳದವರ ಮೇಲೆಯೇ ಮನಸ್ತಾಪ ಹೊಂದಲು ಇಷ್ಟ ಪಡುವುದಿಲ್ಲ. ಬಿ.ಕೆ.ಹರಿಪ್ರಸಾದ್ ಅವರು ನಮ್ಮ ಪಕ್ಷದ ಅಧ್ಯಕ್ಷರು. ಅವರು ಅಧ್ಯಕ್ಷರಾಗಿರುವುದು ನಮ್ಮ ಭಾಗ್ಯ. ಅದಾನಿ ಅವರು ನಮ್ಮ ರಾಜ್ಯದಲ್ಲಿ ಸಾಕಷ್ಟು ವ್ಯವಹಾರ ಹೊಂದಿದ್ದಾರೆ. ಅವರಿಂದ ನಾವು ವಿದ್ಯುತ್‌ ಖರೀದಿ ಮಾಡುತ್ತಿದ್ದೇವೆ. ಅವರ ಸಿಮೆಂಟ್‌ ಫ್ಯಾಕ್ಟರಿ ರಾಜ್ಯದಲ್ಲಿದೆ. ಅಂತಹ ಒಬ್ಬ ಉದ್ಯಮಿ ಬಂದು ನಮ್ಮನ್ನು ಭೇಟಿ ಮಾಡಬೇಕೆಂದಾಗ ಬೇಡ ಅನ್ನೋಕಾಗುತ್ತಾ ಎಂದರು.

ಸಿದ್ದರಾಮಯ್ಯ ಅವರ ಅಧಿಕಾರಾವಧಿಯಲ್ಲಿ ಇಲ್ಲದ ಸರ್ಕಾರ ಮತ್ತು ಪಕ್ಷದ ನಡುವಿನ ಸಮನ್ವಯ ಸಮಿತಿ ತಾವು ಮುಖ್ಯಮಂತ್ರಿ ಆದಾಗ ಮಾಡಲು ನಿಮ್ಮ ಪಕ್ಷ ತೀರ್ಮಾನಿಸಿದ್ದೇಕೆ? ನಿಮಗೆ ಮೂಗುದಾರ ಹಾಕುವ ಪ್ರಯತ್ನವಾ ಎಂಬ ಪ್ರಶ್ನೆಗೆ, ಅದೆಲ್ಲಾ ಸುಳ್ಳು. ಸಮನ್ವಯ ಸಮಿತಿ ಮಾಡೋಕೆ ಹೇಳಿದ್ದೇ ನಾನು. ನಾನೇ ಸರ್ಕಾರದಿಂದ 20 ಹೆಸರುಗಳನ್ನು ಸಮಿತಿಗೆ ಕೊಟ್ಟಿದ್ದೇನೆ. ಸರ್ಕಾರದಲ್ಲಿ ಯಾವುದೇ ತೀರ್ಮಾನ, ಯೋಜನೆ, ತಿದ್ದುಪಡಿ ಮಾಡುವ ಮುನ್ನ ರಾಜಕೀಯವಾಗಿ ಚರ್ಚೆ ಆಗಬೇಕೆಂದು ಈ ತೀರ್ಮಾನ ಮಾಡಿದ್ದೇವೆ. ನಾನು ಪ್ರಜಾಪ್ರಭುತ್ವ, ಸಾಮೂಹಿಕ ನಾಯಕತ್ವದಲ್ಲಿ ನಂಬಿಕೆ ಇಟ್ಟಿರುವವನು. ಸಮನ್ವಯ ಸಮಿತಿ ಸರ್ಕಾರಕ್ಕೆ ಸಲಹೆ, ಸೂಚನೆಗಳನ್ನು ನೀಡಬೇಕು. ಕಾರ್ಯಕರ್ತರಿಗೂ ದನಿಯಾಗಬೇಕು ಎಂದು ಹೇಳಿದರು.

ಏಜೆನ್ಸಿಗಳು ಹೇಗೆಲ್ಲ ಟ್ರ್ಯಾಪ್ ಮಾಡ್ತಾರೆ ಗೊತ್ತಾ? ಸಚಿವ ಶಾಸಕರಿಗೆ ಬೆಚ್ಚಿಬಿಳಿಸುವ ಮಾಹಿತಿ ಬಿಚ್ಚಿಟ್ಟ ಜಾರಕಿಹೊಳಿ!

Kannadaprabha News — Thu, 22 Oct 2026 05:33:25 +0530

ಧಾರವಾಡ (ಅ.22): ಗಡಿಯಾರ, ಚಸ್ಮಾ, ಉಂಗುರದಲ್ಲಿ ಕ್ಯಾಮೆರಾ ಇಟ್ಟು, ಟ್ರ್ಯಾಪ್‌ ಮಾಡುವ ಪ್ರಯತ್ನ ನಡೆದಿದ್ದು, ಸಚಿವರು ಹಾಗೂ ಶಾಸಕರು ಎಚ್ಚರ ವಹಿಸಬೇಕೆಂದು ಸಚಿವ ಸತೀಶ ಜಾರಕಿಹೊಳಿ ಹೇಳಿದರು.

ಬುಧವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ಟ್ರ್ಯಾಪ್‌ ಮಾಡಲು ಏಜೆನ್ಸಿ ಅವರು ನಿಮ್ಮ ಹಿಂದೆ ಬಿದ್ದಿದ್ದು, ಹುಷಾರಾಗಿ ಇರಲು ಸ್ವತಃ ಮುಖ್ಯಮಂತ್ರಿಗಳೇ ಹೇಳಿದ್ದಾರೆ ಎಂದು ತಿಳಿಸಿದರು. ನಿತ್ಯವೂ ನೂರಾರು ಜನರು ಭೇಟಿಗೆ ಬರುತ್ತಾರೆ. ಹೀಗಾಗಿ ಸ್ಟಿಂಗ್ ಮಾಡುವವರನ್ನು ಕಂಡು ಹಿಡಿಯುವುದು ಅಸಾಧ್ಯ. ಎಲ್ಲಿವರೆಗೂ ಮಾಧ್ಯಮಗಳು ಸ್ಟಿಂಗ್ ಆಪರೇಷನ್ ನಿಲ್ಲಿಸುವುದಿಲ್ಲವೋ ಅಲ್ಲಿ ವರೆಗೂ ಮುಂದುವರಿಯಲಿದೆ ಎಂದರು.

ಅ.26ಕ್ಕೆ ರೈತರ ಸಭೆ:

ಬೆಳಗಾವಿಯಲ್ಲಿ ರೈತರ ಧರಣಿ ವೇಳೆ ರಸ್ತೆ ಖಾಲಿ ಮಾಡಿಸಿದ ಪ್ರಶ್ನೆಗೆ ಉತ್ತರಿಸಿದ ಸಚಿವ ಜಾರಕಿಹೊಳಿ, ನಾವು ಯಾರ ಪರವಾಗಿಯೂ, ಯಾರ ವಿರೋಧವೂ ಇಲ್ಲ. ನ್ಯಾಯದ ಪರ ಇದ್ದು ಅ. ೨೬ಕ್ಕೆ ಬೆಳಗಾವಿಯಲ್ಲಿ ಕಬ್ಬು ಬೆಳೆಗಾರರ ಸಭೆ ಜರುಗಲಿದೆ ಎಂದು ತಿಳಿಸಿದರು.

ಭಿನ್ನಮತವಿಲ್ಲ:

ಕಾಂಗ್ರೆಸ್ ಪಕ್ಷದಲ್ಲಿ ಯಾವುದೇ ಭಿನ್ನಮತವಿಲ್ಲ. ಎಲ್ಲರೂ ಒಗ್ಗೂಡಿಯೇ ರಾಜ್ಯದಲ್ಲಿ ನಡೆಯುವ ನಾಲ್ಕು ವಿಧಾನ ಪರಿಷತ್ ಕ್ಷೇತ್ರಗಳಲ್ಲಿ ಪಕ್ಷದ ಅಭ್ಯರ್ಥಿಗಳ ಗೆಲುವಿಗೆ ಶ್ರಮಿಸುತ್ತಿದ್ದಾರೆ. ಈ ಗೆಲವು ಮುಂಬರುವ ವಿಧಾನಸಭೆ ಚುನಾವಣೆಗೂ ದಿಕ್ಸೂಚಿಯಾಗಲಿದೆ ಎಂದು ಹೇಳಿದರು.

ದಸರಾ ನೋಡಲು ಹೋಗಿ ಪಾನಿ ಪುರಿ ತಿಂದು ಅನಾಹುತ, ಒಂದೇ ಕುಟುಂಬದ 7 ಮಂದಿ ಸಾವು ಬದುಕಿನ ಹೋರಾಟ

Ganesh Mabla Gowda — Wed, 21 Oct 2026 23:15:39 +0530

ಪಾನಿಪುರಿ ಅಂದ್ರೆ ಸಾಕು ಅದೆಷ್ಟೋ ಮಂದಿಯ ಬಾಯಲ್ಲಿ ನೀರು ಬರುತ್ತೆ. ಸಂಜೆ ಏನಾದರೂ ಸರಿ ಒಂದು ರೌಂಡ್‌ ಪಾನಿ ಇಳಿಸಿದ ಮೇಲೆಯೇ ಸಮಾಧಾನ ಅನ್ನೋರು ಇದ್ದಾರೆ. ಇದೀಗ ಇದೇ ಪಾನಿಪುರಿ ಪ್ರಿಯರಿಗೆ ಶಾಕಿಂಗ್‌ ನ್ಯೂಸ್‌ ಹೊರಬಿದ್ದಿದೆ. ರಸ್ತೆ ಬದಿಯಲ್ಲಿ ಪಾನಿಪುರಿ ತಿಂದ ಒಂದೇ ಕುಟುಂಬದ ಏಳು ಜನರು ತೀವ್ರ ಅಸ್ವಸ್ಥಗೊಂಡಿದ್ದಾರೆ. ಛತ್ತೀಸ್‌ಗಢದ ಬಿಲಾಸ್‌ಪುರದಲ್ಲಿ ನಡೆದಿದೆ.

ಏನಿದು ಘಟನೆ?

ಛತ್ತೀಸ್‌ಗಢದ ಪರ್ಸದಾ ಗ್ರಾಮದ ಕುಟುಂಬ ಒಂದು ಭಾನುವಾರ ರಾತ್ರಿ ದುರ್ಗಾ ಪೂಜೆಯ ಪೆಂಡಾಲ್‌ಗಳನ್ನು ನೋಡಲು ಬಿಲಾಸ್‌ಪುರಕ್ಕೆ ಬಂದಿತ್ತು. ಪೂಜೆ ಮುಗಿಸಿ ಮಧ್ಯರಾತ್ರಿ ಮನೆಗೆ ಮರಳುವಾಗ.. ರಸ್ತೆ ಬದಿಯ ಅಂಗಡಿ ಒಂದರಲ್ಲಿ ಪಾನಿಪುರಿ ತಿಂದಿದ್ದಾರೆ. ಪಾನಿಪುರಿ ತಿಂದ ಕೆಲವೇ ಕ್ಷಣಗಳಲ್ಲಿ ಕುಟುಂಬದ ಸದಸ್ಯರಿಗೆ ವಾಂತಿ, ತೀವ್ರ ಹೊಟ್ಟೆನೋವು ಮತ್ತು ಹೊಟ್ಟೆ ಸೆಳೆತ ಕಾಣಿಸಿಕೊಂಡಿದೆ. ಪರಿಸ್ಥಿತಿ ಬಿಗಡಾಯಿಸಿದ ಹಿನ್ನೆಲೆಯಲ್ಲಿ, ತಕ್ಷಣವೇ ಎಲ್ಲರನ್ನೂ ಬಿಲಾಸ್‌ಪುರದ ಸಿಮ್ಸ್ (CIMS) ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ವರದಿಯಾಗಿದೆ.

ಮಕ್ಕಳ ಸ್ಥಿತಿ ಗಂಭೀರ

ಆಸ್ಪತ್ರೆಗೆ ದಾಖಲಾದವರಲ್ಲಿ ಮಹೇಶ್ ಸಾಹು (32), ಸಂತೋಷ್ (27), ಪ್ರಭಾ (26), ಸುಮನ್ (18), ಸುಜಿತಾ (16), ಸೋಮೇಶ್ (15) ಮತ್ತು 6 ವರ್ಷದ ಬಾಲಕ ಶಿವಾಂಶ್ ಸಾಹು ಸೇರಿದ್ದಾರೆ. ಇವರಲ್ಲಿ ಮೂವರು ಮಕ್ಕಳ ಸ್ಥಿತಿ ಗಂಭೀರವಾಗಿದೆ. 6 ವರ್ಷದ ಬಾಲಕನನ್ನು ತೀವ್ರ ನಿಗಾ ಘಟಕದಲ್ಲಿ ಇರಿಸಲಾಗಿದೆ. ಪ್ರಸ್ತುತ ಎಲ್ಲರ ಸ್ಥಿತಿ ಸ್ಥಿರವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ. ಕಲುಷಿತ ಆಹಾರದಿಂದಾಗಿ (ಫುಡ್ ಪಾಯ್ಸನಿಂಗ್) ಹೀಗಾಗಿರಬಹುದು ಎಂದು ಶಂಕಿಸಲಾಗಿದೆ.

ಘಟನೆ ಬಗ್ಗೆ ಮಾಹಿತಿ ಸಿಗುತ್ತಿದ್ದಂತೆಯೇ ಆರೋಗ್ಯ ಇಲಾಖೆ ಅಧಿಕಾರಿಗಳು ಎಚ್ಚೆತ್ತುಕೊಂಡಿದ್ದಾರೆ. ಸಂಬಂಧಪಟ್ಟ ಪಾನಿಪುರಿ ಅಂಗಡಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಪಾನಿಪುರಿ, ಮಸಾಲಾ ನೀರು ಹಾಗೂ ಇತರ ಪದಾರ್ಥಗಳ ಮಾದರಿಗಳನ್ನು (ಸ್ಯಾಂಪಲ್) ಲ್ಯಾಬ್ ಪರೀಕ್ಷೆಗೆ ಕಳುಹಿಸಲಾಗಿದೆ. ಪೊಲೀಸರು ಕೂಡ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ ಎನ್ನಲಾಗಿದೆ.

ಸಲಹೆ

ಜನದಟ್ಟಣೆ ಮತ್ತು ಧೂಳು ಹೆಚ್ಚಾಗಿರುವ ರಸ್ತೆ ಬದಿಯ ಅಂಗಡಿಗಳಲ್ಲಿ ತಿನ್ನುವುದನ್ನು ತಪ್ಪಿಸಿ
ಅಂಗಡಿಯವರು ಫಿಲ್ಟರ್/ಆರ್‌ಒ (RO) ನೀರನ್ನು ಬಳಸುತ್ತಿದ್ದಾರೆಯೇ ಎಂದು ಗಮನಿಸಿ
ಬಿಸಿಬಿಸಿಯಾಗಿರುವ ಆಹಾರ ಪದಾರ್ಥಗಳಿಗೆ ಮಾತ್ರ ಆದ್ಯತೆ ನೀಡಿ
ಸಣ್ಣ ಮಕ್ಕಳಿಗೆ ರಸ್ತೆ ಬದಿಯ ತಂಪು ಪದಾರ್ಥಗಳು ಮತ್ತು ಮಸಾಲಾ ನೀರು ಕೊಡುವುದನ್ನು ತಪ್ಪಿಸಿ
ರಸ್ತೆ ಬದಿಯ ಆಹಾರ (ಸ್ಟ್ರೀಟ್ ಫುಡ್) ತಿನ್ನುವಾಗ ಸ್ವಚ್ಛತೆಗೆ ಹೆಚ್ಚಿನ ಗಮನ ಕೊಡಿ
ಕುಡಿಯುವ ನೀರು ಮತ್ತು ಬಳಸುವ ಪದಾರ್ಥಗಳು ಶುದ್ಧವಾಗಿವೆಯೇ ಎಂದು ಖಚಿತಪಡಿಸಿಕೊಳ್ಳಿ
ಕಲುಷಿತ ಆಹಾರ ಸೇವಿಸಿ ವಾಂತಿ ಅಥವಾ ವಿಪರೀತ ಹೊಟ್ಟೆನೋವು ಕಾಣಿಸಿಕೊಂಡರೆ, ನಿರ್ಲಕ್ಷ್ಯ ಮಾಡದೆ ಕೂಡಲೇ ವೈದ್ಯರನ್ನು ಸಂಪರ್ಕಿಸಿ

ಭಾರತದಲ್ಲಿ ಸೀಲಿಂಗ್ ಫ್ಯಾನ್‌ಗೆ 3 ಬ್ಲೇಡ್, ಅಮೆರಿಕದಲ್ಲಿ 5 ಬ್ಲೇಡ್ ಫ್ಯಾನ್ ಯಾಕಿರುತ್ತೆ ಗೊತ್ತಾ?

Sathish Kumar KH — Wed, 21 Oct 2026 23:02:42 +0530

ಭಾರತದ ಮನೆಗಳಲ್ಲಿ ಹೆಚ್ಚಾಗಿ 3 ಬ್ಲೇಡ್‌ಗಳ ಸೀಲಿಂಗ್ ಫ್ಯಾನ್ ಬಳಸುತ್ತಾರೆ. ಆದರೆ ಅಮೆರಿಕದ ಮನೆಗಳಲ್ಲಿ 4 ಅಥವಾ 5 ಬ್ಲೇಡ್‌ಗಳ ಫ್ಯಾನ್ ಇರುತ್ತೆ. ಇದರ ಹಿಂದಿನ ಅಸಲಿ ಕಾರಣ ಇಲ್ಲಿದೆ.

ಭಾರತದಲ್ಲಿ ವರ್ಷದ ಬಹುಪಾಲು ಸಮಯ ಬಿಸಿಲು ಮತ್ತು ಸೆಕೆ ಇರುತ್ತದೆ. ಜೊತೆಗೆ ಹ್ಯುಮಿಡಿಟಿ ಕೂಡ ಹೆಚ್ಚಿರುವುದರಿಂದ ಜನರಿಗೆ ನೇರವಾದ ಮತ್ತು ವೇಗವಾದ ಗಾಳಿ ಬೇಕಾಗುತ್ತದೆ. 3 ಬ್ಲೇಡ್‌ಗಳ ಫ್ಯಾನ್‌ಗಳು ಗಾಳಿಯ ಪ್ರತಿರೋಧವನ್ನು ಕಡಿಮೆ ಎದುರಿಸುತ್ತವೆ. ಇದರಿಂದ ಮೋಟಾರ್ ಫ್ಯಾನ್ ಅನ್ನು ಹೆಚ್ಚು ವೇಗವಾಗಿ ತಿರುಗಿಸಲು ಸಾಧ್ಯವಾಗುತ್ತದೆ.

ವೇಗವಾಗಿ ತಿರುಗುವುದರಿಂದ ನಮಗೆ ಭರ್ಜರಿ ಗಾಳಿ ಸಿಗುತ್ತದೆ. ಆದರೆ, ಕೇವಲ ಬ್ಲೇಡ್‌ಗಳ ಸಂಖ್ಯೆ ಮಾತ್ರ ಫ್ಯಾನ್‌ನ ಸಾಮರ್ಥ್ಯವನ್ನು ನಿರ್ಧರಿಸುವುದಿಲ್ಲ. ಬ್ಲೇಡ್‌ನ ಆಕಾರ, ಉದ್ದ, ಪಿಚ್, ಮೋಟಾರ್ ಸಾಮರ್ಥ್ಯ ಮತ್ತು ತಿರುಗುವ ವೇಗ ಕೂಡ ಮುಖ್ಯವಾಗುತ್ತದೆ. ಸರಿಯಾಗಿ ಡಿಸೈನ್ ಮಾಡಿದರೆ 3, 4 ಅಥವಾ 5 ಬ್ಲೇಡ್ ಫ್ಯಾನ್ ಕೂಡ ಅತ್ಯುತ್ತಮ ಗಾಳಿ ಕೊಡಬಲ್ಲದು.

ಅಮೆರಿಕದ ಬಹುತೇಕ ಮನೆಗಳಲ್ಲಿ ತಾಪಮಾನವನ್ನು ಕಂಟ್ರೋಲ್ ಮಾಡಲು HVAC (ಹೀಟಿಂಗ್, ವೆಂಟಿಲೇಶನ್ ಮತ್ತು ಏರ್ ಕಂಡೀಷನಿಂಗ್) ಸಿಸ್ಟಮ್ ಇರುತ್ತದೆ. ಎಸಿ ಜೊತೆಗೆ ಕೋಣೆಯೆಲ್ಲಾ ತಂಪಾದ ಗಾಳಿ ಹರಡಲು ಅವರು ಸೀಲಿಂಗ್ ಫ್ಯಾನ್ ಬಳಸುತ್ತಾರೆ.

ಅಮೆರಿಕದ ಮಾರುಕಟ್ಟೆಯಲ್ಲಿ 4 ಮತ್ತು 5 ಬ್ಲೇಡ್ ಫ್ಯಾನ್‌ಗಳು ಅವುಗಳ ಡಿಸೈನ್‌ನಿಂದಾಗಿ ಹೆಚ್ಚು ಫೇಮಸ್. ಇವು ಕಡಿಮೆ ವೇಗದಲ್ಲಿ ತಿರುಗುತ್ತಾ, ಎಸಿಯ ತಂಪಾದ ಗಾಳಿಯನ್ನು ಕೋಣೆಯ ತುಂಬಾ ಮೆಲ್ಲನೆ ಹರಡುತ್ತವೆ. ಹಾಗಂತ ಅಮೆರಿಕದಲ್ಲಿ 3 ಬ್ಲೇಡ್ ಫ್ಯಾನ್ ಬಳಸುವುದೇ ಇಲ್ಲ ಅಂತಲ್ಲ. ಅಲ್ಲಿಯೂ 3 ಬ್ಲೇಡ್ ಫ್ಯಾನ್‌ಗಳು ಸಿಗುತ್ತವೆ. ಕೋಣೆಯ ಅಳತೆ, ಹವಾಮಾನ ಮತ್ತು ಜನರ ಇಷ್ಟದ ಮೇಲೆ ಫ್ಯಾನ್ ಆಯ್ಕೆ ನಿಂತಿರುತ್ತದೆ.

ಫ್ಯಾನ್ ಬ್ಲೇಡ್‌ಗಳ ಸಂಖ್ಯೆ ಅದರ ಕೆಲಸದ ಮೇಲೆ ಪ್ರಭಾವ ಬೀರುತ್ತದೆ. ಆದರೆ, ಹೆಚ್ಚು ಬ್ಲೇಡ್ ಇದ್ದರೆ ಹೆಚ್ಚು ಗಾಳಿ ಬರುತ್ತದೆ ಅನ್ನೋದು ತಪ್ಪು. ಒಂದು ಸೀಲಿಂಗ್ ಫ್ಯಾನ್ ಎಷ್ಟು ಚೆನ್ನಾಗಿ ಗಾಳಿ ಕೊಡುತ್ತದೆ ಅನ್ನೋದು ಹಲವು ಅಂಶಗಳ ಮೇಲೆ ನಿಂತಿದೆ:

* ಬ್ಲೇಡ್ ಡಿಸೈನ್: ಬ್ಲೇಡ್‌ಗಳ ಉದ್ದ, ಅಗಲ, ಆಕಾರ ಮತ್ತು ಅದು ಬಾಗಿರುವ ರೀತಿ ಗಾಳಿಯ ಪ್ರಮಾಣವನ್ನು ನಿರ್ಧರಿಸುತ್ತದೆ.

* ತಿರುಗುವ ವೇಗ: ಫ್ಯಾನ್ ವೇಗವಾಗಿ ತಿರುಗಿದಾಗ ಸಹಜವಾಗಿಯೇ ಹೆಚ್ಚು ಗಾಳಿ ಬರುತ್ತದೆ.

* ಮೋಟಾರ್ ಸಾಮರ್ಥ್ಯ: ವಿದ್ಯುತ್ ಅನ್ನು ಮೋಟಾರ್ ಎಷ್ಟು ಚೆನ್ನಾಗಿ ಬಳಸಿಕೊಂಡು ಫ್ಯಾನ್ ತಿರುಗಿಸುತ್ತದೆ ಅನ್ನೋದು ಮುಖ್ಯ.

* ಗಾಳಿಯ ಪ್ರತಿರೋಧ: ಬ್ಲೇಡ್‌ಗಳು ಹೆಚ್ಚಾದಂತೆ ಗಾಳಿಯ ಪ್ರತಿರೋಧ ಹೆಚ್ಚಾಗಿ ಮೋಟಾರ್ ಮೇಲೆ ಒತ್ತಡ ಬೀಳುತ್ತದೆ.

3 ಬ್ಲೇಡ್ ಫ್ಯಾನ್‌ಗಳು ಕಡಿಮೆ ಪ್ರತಿರೋಧ ಎದುರಿಸುವುದರಿಂದ ವೇಗವಾಗಿ ತಿರುಗುತ್ತವೆ. ಹಾಗೆಯೇ 4 ಅಥವಾ 5 ಬ್ಲೇಡ್ ಫ್ಯಾನ್‌ಗಳ ಮೋಟಾರ್ ಮತ್ತು ಡಿಸೈನ್ ಸರಿಯಾಗಿದ್ದರೆ ಅವು ಕೂಡ ಭರ್ಜರಿ ಗಾಳಿ ಕೊಡುತ್ತವೆ.

ಫ್ಯಾನ್ ಸೌಂಡ್ ಮಾಡುವುದಕ್ಕೆ ಹಲವು ಕಾರಣಗಳಿವೆ. ಅದರಲ್ಲಿ ಬ್ಲೇಡ್‌ಗಳ ಸಂಖ್ಯೆ ಕೂಡ ಒಂದು. ಭಾರತದಲ್ಲಿ ಬಳಸುವ ಫ್ಯಾನ್‌ಗಳು ಹೆಚ್ಚು ಗಾಳಿ ಕೊಡಲು ವೇಗವಾಗಿ ತಿರುಗುತ್ತವೆ. ಹೀಗಾಗಿ ಗಾಳಿಯನ್ನು ಸೀಳುವ ಸೌಂಡ್ ನಮಗೆ ಸ್ಪಷ್ಟವಾಗಿ ಕೇಳಿಸುತ್ತದೆ.

ಹಾಗಂತ 3 ಬ್ಲೇಡ್ ಫ್ಯಾನ್‌ಗಳೆಲ್ಲಾ ಸೌಂಡ್ ಮಾಡುತ್ತವೆ ಅಂತಲ್ಲ. ಅಮೆರಿಕದಲ್ಲಿ ಬಳಸುವ ಫ್ಯಾನ್‌ಗಳು ಕಡಿಮೆ ವೇಗದಲ್ಲಿ ತಿರುಗುವಂತೆ ಡಿಸೈನ್ ಮಾಡಿರುತ್ತಾರೆ. ಹೀಗಾಗಿ ಅವು ಸೈಲೆಂಟ್ ಆಗಿ ಕೆಲಸ ಮಾಡುತ್ತವೆ. ಫ್ಯಾನ್‌ನ ಸೌಂಡ್ ಅದರ ಮೋಟಾರ್ ಕ್ವಾಲಿಟಿ, ಬೇರಿಂಗ್, ಬ್ಲೇಡ್‌ಗಳ ಬ್ಯಾಲೆನ್ಸ್ ಮತ್ತು ಫಿಟ್ಟಿಂಗ್ ಮೇಲೆ ನಿಂತಿರುತ್ತದೆ. ಸರಿಯಾಗಿ ಮೇಂಟೇನ್ ಮಾಡಿದರೆ 3, 4 ಅಥವಾ 5 ಬ್ಲೇಡ್ ಫ್ಯಾನ್ ಕೂಡ ಸೈಲೆಂಟ್ ಆಗಿ ತಿರುಗುತ್ತದೆ.

ಸೀಲಿಂಗ್ ಫ್ಯಾನ್ ಖರೀದಿಸುವಾಗ ಕೇವಲ ಬ್ಲೇಡ್‌ಗಳ ಸಂಖ್ಯೆ ನೋಡಬೇಡಿ. ಅದರ ಒಟ್ಟಾರೆ ಪರ್ಫಾರ್ಮೆನ್ಸ್ ಗಮನಿಸಿ. ಈ ಕೆಳಗಿನ ಅಂಶಗಳನ್ನು ನೆನಪಿನಲ್ಲಿಡಿ:

* ಗಾಳಿಯ ಹರಿವು: ಫ್ಯಾನ್ ಎಷ್ಟು ಚೆನ್ನಾಗಿ ಗಾಳಿ ಕೊಡುತ್ತದೆ ಮತ್ತು ನಿಮ್ಮ ಅಗತ್ಯಕ್ಕೆ ತಕ್ಕಂತೆ ಇದೆಯಾ ಎಂದು ಚೆಕ್ ಮಾಡಿ.

* ಕೋಣೆಯ ಅಳತೆ: ನಿಮ್ಮ ಕೋಣೆಯ ಸೈಜ್‌ಗೆ ಹೊಂದುವಂತಹ ಫ್ಯಾನ್ ಆಯ್ಕೆ ಮಾಡಿ.

* ವಿದ್ಯುತ್ ಬಳಕೆ: ಕರೆಂಟ್ ಬಿಲ್ ಉಳಿಸಲು ಫ್ಯಾನ್‌ನ ವಾಟೇಜ್ (Wattage) ಎಷ್ಟಿದೆ ಎಂದು ಹೋಲಿಕೆ ಮಾಡಿ.

* ಸೌಂಡ್: ಮಲಗುವ ಕೋಣೆ ಅಥವಾ ಓದುವ ಕೋಣೆಗೆ ಸೈಲೆಂಟ್ ಆಗಿ ತಿರುಗುವ ಫ್ಯಾನ್ ಆಯ್ಕೆ ಮಾಡಿ.

* ಮೋಟಾರ್: ಮೋಟಾರ್ ಸಾಮರ್ಥ್ಯ ಮತ್ತು ಕಂಪನಿ ಕೊಡುವ ವಾರಂಟಿ ಗಮನಿಸಿ.

ನಿಮಗೆ ಭರ್ಜರಿ ಗಾಳಿ ಬೇಕಿದ್ದರೆ 3 ಬ್ಲೇಡ್ ಫ್ಯಾನ್ ಬೆಸ್ಟ್. ಸೈಲೆಂಟ್ ಆಗಿ ಕೆಲಸ ಮಾಡುವ ಫ್ಯಾನ್ ಬೇಕಿದ್ದರೆ ನಿಮ್ಮ ಅಗತ್ಯಕ್ಕೆ ತಕ್ಕಂತೆ 3, 4 ಅಥವಾ 5 ಬ್ಲೇಡ್ ಫ್ಯಾನ್ ಆಯ್ಕೆ ಮಾಡಬಹುದು.

ಮಳೆ ನೀರಿನಲ್ಲಿ ಮುಳುಗಿದ ಕಾರು, ಬೈಕ್ ಸ್ಟಾರ್ಟ್ ಮಾಡ್ತಿದ್ದೀರಾ? ಲಕ್ಷಗಟ್ಟಲೆ ಖರ್ಚಾಗಬಹುದು, ಹುಷಾರ್!

Sathish Kumar KH — Wed, 21 Oct 2026 22:56:38 +0530

ಮಳೆಗಾಲ ಬಂತು ಅಂದ್ರೆ ವಾಹನ ಸವಾರರಿಗೆ ಹೊಸ ಟೆನ್ಷನ್ ಶುರುವಾಗುತ್ತೆ. ಮಳೆ ನೀರಿನಲ್ಲಿ ಸಿಲುಕಿದ ವಾಹನವನ್ನು ಹೊರತೆಗೆಯುವಾಗ ಹಲವರು ಮಾಡುವ ಒಂದು ಸಣ್ಣ ತಪ್ಪು, ಸಾವಿರಾರು ರೂಪಾಯಿ ಖರ್ಚನ್ನು ಲಕ್ಷಕ್ಕೆ ಏರಿಸಬಹುದು!

ಮಳೆಗಾಲ ಶುರುವಾಯ್ತು ಅಂದ್ರೆ ವಾಹನ ಸವಾರರಿಗೆ ಹೊಸ ಟೆನ್ಷನ್ ಶುರುವಾಗುತ್ತೆ. ರಸ್ತೆಯಲ್ಲಿ ನಿಲ್ಲುವ ನೀರು, ದಿಢೀರ್ ಪ್ರವಾಹದಿಂದ ವಾಹನಗಳು ಮುಳುಗುವ ಸಮಸ್ಯೆಗಳು ಎದುರಾಗುತ್ತವೆ. ಆದರೆ, ಮಳೆ ನೀರಿನಲ್ಲಿ ಸಿಲುಕಿದ ವಾಹನವನ್ನು ಹೊರತೆಗೆಯುವಾಗ ಹಲವರು ಮಾಡುವ ಒಂದು ಸಣ್ಣ ತಪ್ಪು, ಸಾವಿರಾರು ರೂಪಾಯಿ ಖರ್ಚನ್ನು ಲಕ್ಷಕ್ಕೆ ಏರಿಸಬಹುದು!

ನೀರು ಇಳಿದ ತಕ್ಷಣ ಗಾಡಿ ಸರಿಯಾಗುತ್ತಾ?

ಖಂಡಿತ ಇಲ್ಲ!

ಕಾರು ಅಥವಾ ಬೈಕ್ ಮಳೆ ನೀರಿನಲ್ಲಿ ಮುಳುಗಿದಾಗ, ಅದರ ಪ್ರಮುಖ ಭಾಗಗಳಿಗೆ ನೀರು ನುಗ್ಗಿರುವ ಸಾಧ್ಯತೆ ಇರುತ್ತದೆ. ವಿಶೇಷವಾಗಿ ಇಂಜಿನ್, ಎಲೆಕ್ಟ್ರಿಕಲ್ ಕನೆಕ್ಷನ್, ಸೆನ್ಸಾರ್ ಮತ್ತು ಕಂಟ್ರೋಲ್ ಮಾಡ್ಯೂಲ್‌ಗಳು ಹಾಳಾಗುವ ಅಪಾಯವಿರುತ್ತದೆ.

ಹೊರಗಡೆಯಿಂದ ನೋಡಲು ವಾಹನ ಸಾಮಾನ್ಯವಾಗಿ ಕಂಡರೂ, ಒಳಗೆ ಆಗಿರುವ ಹಾನಿ ತಕ್ಷಣಕ್ಕೆ ಗೊತ್ತಾಗುವುದಿಲ್ಲ.

ಅದರಲ್ಲೂ, ನೀರು ನುಗ್ಗಿರುವ ಇಂಜಿನ್ ಅನ್ನು ಮತ್ತೆ ಸ್ಟಾರ್ಟ್ ಮಾಡುವುದು ಅತಿ ದೊಡ್ಡ ಅಪಾಯ!

ವಾಹನದ ಇಂಜಿನ್ ಒಳಗೆ ನೀರು ನುಗ್ಗಿದ್ದರೆ, ಅದನ್ನು ಸ್ಟಾರ್ಟ್ ಮಾಡಿದಾಗ ಪಿಸ್ಟನ್ ಸೇರಿದಂತೆ ಇಂಜಿನ್‌ನ ಒಳಭಾಗಗಳು ಸಂಪೂರ್ಣವಾಗಿ ಹಾಳಾಗಬಹುದು. ಇದನ್ನು 'ಹೈಡ್ರೋಲಾಕ್' (Hydrolock) ಅಂತ ಕರೆಯುತ್ತಾರೆ.

ಸಾಮಾನ್ಯವಾಗಿ, ಇಂಜಿನ್ ಒಳಗೆ ಗಾಳಿ ಹೋಗಬೇಕಾದ ಜಾಗಕ್ಕೆ ನೀರು ಹೋದರೆ, ಅದನ್ನು ಕಂಪ್ರೆಸ್ ಮಾಡಲು ಸಾಧ್ಯವಾಗುವುದಿಲ್ಲ. ಇದರಿಂದ ಇಂಜಿನ್ ತಿರುಗುವುದು ನಿಂತು, ಪ್ರಮುಖ ಭಾಗಗಳು ಮುರಿದುಹೋಗಬಹುದು.

ಇದರ ಪರಿಣಾಮವಾಗಿ, ಇಂಜಿನ್ ಬಿಚ್ಚಿ ರಿಪೇರಿ ಮಾಡುವ ಪರಿಸ್ಥಿತಿ ಬರಬಹುದು. ಕೆಲವು ಬಾರಿ ಇಡೀ ಇಂಜಿನ್ ಅನ್ನೇ ಬದಲಾಯಿಸಬೇಕಾಗಬಹುದು.

ಆಧುನಿಕ ಕಾರುಗಳಲ್ಲಿರುವ ಎಲೆಕ್ಟ್ರಾನಿಕ್ ಕಂಟ್ರೋಲ್ ಸಿಸ್ಟಮ್, ವೈರಿಂಗ್, ಸೆನ್ಸಾರ್‌ಗಳಿಗೆ ಹಾನಿಯಾದರೆ ಖರ್ಚು ಇನ್ನೂ ಹೆಚ್ಚಾಗುತ್ತದೆ.

ವಾಹನದ ಮಾಡೆಲ್ ಮತ್ತು ಹಾನಿಯ ಪ್ರಮಾಣವನ್ನು ಆಧರಿಸಿ, ರಿಪೇರಿ ಖರ್ಚು ಸಾವಿರಾರು ರೂಪಾಯಿಗಳಿಂದ ಲಕ್ಷಾಂತರ ರೂಪಾಯಿವರೆಗೂ ಹೋಗಬಹುದು!

ವಾಹನ ತಜ್ಞರು ನೀಡುವ ಪ್ರಮುಖ ಮುನ್ನೆಚ್ಚರಿಕಾ ಕ್ರಮಗಳು ಇಲ್ಲಿವೆ:

1. ತಕ್ಷಣ ಸ್ಟಾರ್ಟ್ ಮಾಡಬೇಡಿ!

ವಾಹನ ನೀರಿನಲ್ಲಿ ಮುಳುಗಿದ್ದರೆ ಅಥವಾ ಇಂಜಿನ್ ಒಳಗೆ ನೀರು ನುಗ್ಗಿರುವ ಅನುಮಾನವಿದ್ದರೆ, ಮತ್ತೆ ಸ್ಟಾರ್ಟ್ ಮಾಡಲು ಪ್ರಯತ್ನಿಸಬೇಡಿ.

2. ಪದೇ ಪದೇ ಸೆಲ್ಫ್ ಹೊಡೆಯಬೇಡಿ!

ವಾಹನವನ್ನು ಸ್ಟಾರ್ಟ್ ಮಾಡಲು ಪದೇ ಪದೇ ಪ್ರಯತ್ನಿಸಿದರೆ, ಆಗಿರುವ ಹಾನಿ ಮತ್ತಷ್ಟು ಹೆಚ್ಚಾಗಬಹುದು.

3. ನೀರು ಇಳಿಯುವವರೆಗೆ ಕಾಯುವುದು ಮಾತ್ರ ಸಾಲದು!

ಹೊರಗಡೆ ನೀರು ಇಳಿದರೂ, ಇಂಜಿನ್ ಮತ್ತು ಎಲೆಕ್ಟ್ರಿಕಲ್ ಸಿಸ್ಟಮ್ ಒಳಗೆ ತೇವಾಂಶ ಅಥವಾ ನೀರು ಹಾಗೇ ಉಳಿದಿರಬಹುದು.

4. ನುರಿತ ಮೆಕ್ಯಾನಿಕ್ ಅಥವಾ ಅಧಿಕೃತ ಸರ್ವೀಸ್ ಸೆಂಟರ್ ಸಂಪರ್ಕಿಸಿ!

ವಾಹನವನ್ನು ಚೆಕ್ ಮಾಡಿದ ಮೇಲೆಯೇ ಸ್ಟಾರ್ಟ್ ಮಾಡಬೇಕಾ ಬೇಡವಾ ಎಂದು ನಿರ್ಧರಿಸಬೇಕು. ಅಗತ್ಯವಿದ್ದರೆ, ರೋಡ್ ಸೈಡ್ ಅಸಿಸ್ಟೆನ್ಸ್ ಅಥವಾ ಟೋಯಿಂಗ್ ವಾಹನ ಬಳಸಿ.

5. ಎಲೆಕ್ಟ್ರಿಕ್ ಕಾರುಗಳ ಬಗ್ಗೆ ಇರಲಿ ಹೆಚ್ಚಿನ ನಿಗಾ!

ಎಲೆಕ್ಟ್ರಿಕ್ ವಾಹನಗಳಲ್ಲಿ ಹೈ-ವೋಲ್ಟೇಜ್ ಬ್ಯಾಟರಿ ಮತ್ತು ಎಲೆಕ್ಟ್ರಿಕಲ್ ಸಿಸ್ಟಮ್ ಇರುವುದರಿಂದ, ಪ್ರವಾಹದ ನೀರಿನಲ್ಲಿ ಸಿಲುಕಿದ ವಾಹನವನ್ನು ನೀವೇ ಚೆಕ್ ಮಾಡಲು ಅಥವಾ ಓಡಿಸಲು ಹೋಗಬೇಡಿ. ತಜ್ಞರ ಸಹಾಯ ಪಡೆಯಿರಿ.

ಇನ್ನೊಂದು ಪ್ರಮುಖ ವಿಚಾರ!

ಮಳೆ ನೀರು ನಿಂತಿರುವ ರಸ್ತೆಯಲ್ಲಿ ವಾಹನ ಓಡಿಸುವಾಗಲೇ ಎಚ್ಚರದಿಂದಿರಿ. ನೀರಿನ ಆಳ ಗೊತ್ತಿಲ್ಲದ ಜಾಗದಲ್ಲಿ ವಾಹನ ಇಳಿಸಬೇಡಿ. ಹರಿಯುವ ಪ್ರವಾಹದ ನೀರಿನಲ್ಲಿ ವಾಹನ ಓಡಿಸಲು ಪ್ರಯತ್ನಿಸುವುದು ಜೀವಕ್ಕೆ ಅಪಾಯ ತರಬಹುದು.

ವಾಹನ ಈಗಾಗಲೇ ನೀರಿನಲ್ಲಿ ಸಿಲುಕಿದ್ದರೆ, ಅದನ್ನು ಸುರಕ್ಷಿತವಾಗಿ ಹೊರತೆಗೆಯುವುದಕ್ಕೆ ಮೊದಲ ಆದ್ಯತೆ ನೀಡಿ.

ವಾಹನ ಮಾಲೀಕರೇ… ಈ ಮಾಹಿತಿಯನ್ನು ಮರೆಯಬೇಡಿ!

ಮಳೆ ನೀರಿನಲ್ಲಿ ನೆಂದ ಎಲ್ಲಾ ವಾಹನಗಳೂ ಹಾಳಾಗುತ್ತವೆ ಎಂದು ಹೇಳಲಾಗುವುದಿಲ್ಲ. ಹಾಗೆಯೇ, ನೀರು ನುಗ್ಗಿದ ಎಲ್ಲಾ ವಾಹನಗಳಿಗೂ ಲಕ್ಷಗಟ್ಟಲೆ ಖರ್ಚಾಗುತ್ತದೆ ಎಂದೂ ಹೇಳಲಾಗುವುದಿಲ್ಲ.

ಆದರೆ, ಇಂಜಿನ್ ಒಳಗೆ ನೀರು ನುಗ್ಗಿರುವ ಸಾಧ್ಯತೆ ಇರುವಾಗ ವಾಹನವನ್ನು ಸ್ಟಾರ್ಟ್ ಮಾಡುವುದು, ಸಣ್ಣ ಸಮಸ್ಯೆಯನ್ನು ದೊಡ್ಡ ಹಾನಿಯಾಗಿ ಬದಲಾಯಿಸಬಹುದು.

ಕೆಲವೇ ನಿಮಿಷಗಳ ಆತುರ, ದೊಡ್ಡ ರಿಪೇರಿ ಖರ್ಚಾಗಿ ಬದಲಾಗದಿರಲಿ!

ಈ ಮಳೆಗಾಲದಲ್ಲಿ ನಿಮ್ಮ ವಾಹನವನ್ನು ಮತ್ತು ನಿಮ್ಮ ಹಣವನ್ನು ಸುರಕ್ಷಿತವಾಗಿರಿಸಿಕೊಳ್ಳಿ. ಈ ಮಾಹಿತಿಯನ್ನು ಕಾರು ಮತ್ತು ಬೈಕ್ ಹೊಂದಿರುವ ನಿಮ್ಮ ಸ್ನೇಹಿತರು, ಸಂಬಂಧಿಕರೊಂದಿಗೆ ಹಂಚಿಕೊಳ್ಳಿ!

ಬೆಂಗಳೂರು ಏರ್‌ಪೋರ್ಟ್ ಸಿಟಿ ಮೆಟ್ರೋ ನಿಲ್ದಾಣ ನಿರ್ಮಾಣ ಶೀಘ್ರ: ಬ್ಲೂ ಲೈನ್‌ಗಾಗಿ ಬಿಐಎಎಲ್‌ನಿಂದ ಸಿದ್ಧತೆ!

Santosh Naik — Wed, 21 Oct 2026 22:37:54 +0530

ಬೆಂಗಳೂರು (ಅ.21): ನಮ್ಮ ಮೆಟ್ರೋದ ಬಹುನಿರೀಕ್ಷಿತ 'ಬ್ಲೂ ಲೈನ್' (Blue Line) ಮಾರ್ಗದಲ್ಲಿ ಬರುವ 'ಏರ್‌ಪೋರ್ಟ್ ಸಿಟಿ' (Airport City) ಮೆಟ್ರೋ ನಿಲ್ದಾಣದ ಮೂಲ ಸಿವಿಲ್ ರಚನೆಗಳು (Core Structure) ಪೂರ್ಣಗೊಳ್ಳುವ ಹಂತಕ್ಕೆ ತಲುಪಿದ್ದು, ಈ ನಿಲ್ದಾಣವನ್ನು ಅತ್ಯಾಧುನಿಕ ಮಾಡ್ಯುಲರ್ ವ್ಯವಸ್ಥೆಗಳೊಂದಿಗೆ ನಿರ್ಮಿಸಲು 'ಬೆಂಗಳೂರು ಇಂಟರ್ನ್ಯಾಷನಲ್ ಏರ್‌ಪೋರ್ಟ್ ಲಿಮಿಟೆಡ್' (BIAL) ಶೀಘ್ರದಲ್ಲೇ ಕಾಮಗಾರಿ ಆರಂಭಿಸಲಿದೆ.

'ಏರ್‌ಪೋರ್ಟ್ ವೆಸ್ಟ್' (Airport West) ಎಂದೂ ಕರೆಯಲ್ಪಡುವ ಈ ಮೆಟ್ರೋ ನಿಲ್ದಾಣವು ರಾಷ್ಟ್ರೀಯ ಹೆದ್ದಾರಿ-44 (NH-44) ರ ಟ್ರಂಪೆಟ್ ಇಂಟರ್‌ಚೇಂಜ್ ದಾಟಿದ ತಕ್ಷಣವೇ ವಿಮಾನ ನಿಲ್ದಾಣದ ಟರ್ಮಿನಲ್‌ಗಳತ್ತ ಸಾಗುವ ಮಾರ್ಗದಲ್ಲಿದೆ. 'ಬೆಂಗಳೂರು ಮೆಟ್ರೋ ರೈಲು ಕಾರ್ಪೊರೇಷನ್ ಲಿಮಿಟೆಡ್' (BMRCL) ಜೊತೆಗಿನ ಒಪ್ಪಂದದ ಪ್ರಕಾರ, ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ ಆಡಳಿತ ಸಂಸ್ಥೆಯಾದ BIAL ಈ ನಿಲ್ದಾಣವನ್ನು ಸ್ವತಃ ನಿರ್ಮಿಸುತ್ತಿದೆ.

ರಸ್ತೆಯ ಮಧ್ಯಭಾಗದಲ್ಲಿ 'ಅಟ್-ಗ್ರೇಡ್' ಶೈಲಿಯ ನಿಲ್ದಾಣ

ಯೋಜನೆಯ ವಿನ್ಯಾಸದ ಪ್ರಕಾರ, ಈ ನಿಲ್ದಾಣವನ್ನು 'ಅಟ್-ಗ್ರೇಡ್' (ರಸ್ತೆ ಮಟ್ಟದಲ್ಲೇ) ಮಾದರಿಯಲ್ಲಿ ನಿರ್ಮಿಸಲಾಗುತ್ತಿದ್ದು, ಬದಿಯ ಪ್ಲಾಟ್‌ಫಾರ್ಮ್ (Side Platform) ವಿನ್ಯಾಸವನ್ನು ಹೊಂದಿರಲಿದೆ. ನಿಲ್ದಾಣದ ಸಿವಿಲ್, ಆರ್ಕಿಟೆಕ್ಚರಲ್ ಮತ್ತು ಫಿನಿಷಿಂಗ್ ಕಾಮಗಾರಿಗಳನ್ನು ಕೈಗೊಳ್ಳಲು ಬಿಐಎಎಲ್ ಇದೀಗ ಹೊರಗಿನ ಏಜೆನ್ಸಿಗಳಿಂದ ಇಒಐ (Expression of Interest - ಆಸಕ್ತಿ ಅಭಿವ್ಯಕ್ತಿ) ಆಹ್ವಾನಿಸಿದೆ.

ವಿಮಾನ ನಿಲ್ದಾಣದ ಟರ್ಮಿನಲ್‌ಗಳ ಕಡೆಗೆ ಹೋಗುವ ರಸ್ತೆಯ ಮಧ್ಯಭಾಗದಲ್ಲಿ ಈ ನಿಲ್ದಾಣವು ಬರಲಿದ್ದು, ಉತ್ತರ ಮತ್ತು ದಕ್ಷಿಣ ದಿಕ್ಕುಗಳಲ್ಲಿ ಎರಡು ಪ್ರವೇಶ ಮತ್ತು ನಿರ್ಗಮನ (Entry-Exit) ದ್ವಾರಗಳನ್ನು ಹೊಂದಿರಲಿದೆ. ಇದರೊಂದಿಗೆ ಪ್ರಯಾಣಿಕರ ಅನುಕೂಲಕ್ಕಾಗಿ ಕಾಲ್ನಡಿಗೆ ಮೇಲ್ಸೇತುವೆಯನ್ನೂ (Foot-Over Bridge) ಯೋಜಿಸಲಾಗಿದೆ.

ಆಯ್ಕೆಯಾಗುವ ಏಜೆನ್ಸಿಯು ಗೇಡ್ ಸ್ಲ್ಯಾಬ್ ನಿರ್ಮಾಣ, ಸ್ಕ್ರೀಡಿಂಗ್, ಬ್ಲಾಕ್‌ವರ್ಕ್, ಪ್ಲಾಸ್ಟರಿಂಗ್, ಫ್ಲೋರಿಂಗ್, ಸ್ಟೋನ್ ಕ್ಲ್ಯಾಡಿಂಗ್, ಪೇಂಟಿಂಗ್ ಮತ್ತು ವಾಟರ್‌ಪ್ರೂಫಿಂಗ್‌ನಂತಹ ಪ್ರಮುಖ ಕಾಮಗಾರಿಗಳನ್ನು ನೆರವೇರಿಸಲಿದೆ. ಅಂತರರಾಷ್ಟ್ರೀಯ ವಿಮಾನಗಳ ಕಾರ್ಯಾಚರಣೆ ನಡೆಯುವ 'ಟರ್ಮಿನಲ್ 2' (T2) ರಿಂದ ಸುಮಾರು 2.5 ಕಿ.ಮೀ ಪಶ್ಚಿಮಕ್ಕೆ ಈ ನಿಲ್ದಾಣವು ನಿರ್ಮಾಣಗೊಳ್ಳುತ್ತಿದ್ದು, ವಿಮಾನ ನಿಲ್ದಾಣದ ಸುತ್ತಮುತ್ತ ನಡೆಯುತ್ತಿರುವ ರಿಯಲ್ ಎಸ್ಟೇಟ್ ಅಭಿವೃದ್ಧಿ ಯೋಜನೆಗಳಿಗೆ ಸುಲಭ ಸಂಪರ್ಕ ಕಲ್ಪಿಸಲಿದೆ.

₹1,800 ಕೋಟಿ ವೆಚ್ಚದಲ್ಲಿ ಬೃಹತ್ ವಾಣಿಜ್ಯ ಸಂಕೀರ್ಣ

ಮುಂದಿನ ದಿನಗಳಲ್ಲಿ ಈ ಪ್ರದೇಶದಲ್ಲಿ ₹1,800 ಕೋಟಿ ವೆಚ್ಚದ ಬೃಹತ್ ವಾಣಿಜ್ಯ ಸಂಕೀರ್ಣ ಹಾಗೂ 8,000 ಆಸನಗಳ ಸಾಮರ್ಥ್ಯವುಳ್ಳ ಕನ್ವೆನ್ಷನ್ ಸೆಂಟರ್ ನಿರ್ಮಿಸಲು ಉದ್ದೇಶಿಸಲಾಗಿದೆ.

'ಏರ್‌ಪೋರ್ಟ್ ಸಿಟಿ' ಯೋಜನೆಯ ಒಟ್ಟು 450 ಎಕರೆ ಪೈಕಿ 110 ಎಕರೆ ಪ್ರದೇಶವನ್ನು ಈಗಾಗಲೇ ಅಭಿವೃದ್ಧಿಪಡಿಸಲಾಗಿದೆ ಅಥವಾ ಅಭಿವೃದ್ಧಿ ಹಂತದಲ್ಲಿದೆ. ಈ ಪೈಕಿ 70 ಎಕರೆ ಜಾಗವನ್ನು ಏರ್ ಇಂಡಿಯಾ (Air India) ಮತ್ತು ಇಂಡಿಗೋ (IndiGo) ಸಂಸ್ಥೆಗಳು ತಮ್ಮ ವಿಮಾನಗಳ 'ನಿರ್ವಹಣೆ, ದುರಸ್ತಿ ಮತ್ತು ಕಾರ್ಯಾಚರಣೆ' (MRO) ಘಟಕಕ್ಕಾಗಿ ಪಡೆದುಕೊಂಡಿವೆ. ಈ ಎಲ್ಲಾ ಅಭಿವೃದ್ಧಿ ಕಾಮಗಾರಿಗಳನ್ನು ಬಿಐಎಎಲ್‌ನ ಅಂಗಸಂಸ್ಥೆಯಾದ 'ಬೆಂಗಳೂರು ಏರ್‌ಪೋರ್ಟ್ ಸಿಟಿ ಲಿಮಿಟೆಡ್' (BACL) ಕಾರ್ಯಗತಗೊಳಿಸುತ್ತಿದೆ.

2028 ಕ್ಕೆ ಪೂರ್ಣ ಪ್ರಮಾಣದ ಮೆಟ್ರೋ ಸೇವೆ

ನಗರದ ದಕ್ಷಿಣ ಭಾಗದಲ್ಲಿರುವ ಸಿಲ್ಕ್ ಬೋರ್ಡ್ ಜಂಕ್ಷನ್‌ನಿಂದ ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ಹಾಗೂ ಅದರ ಆವರಣದವರೆಗೆ ಒಟ್ಟು 58 ಕಿಲೋಮೀಟರ್ ದೂರವನ್ನು ಸಂಪರ್ಕಿಸುವ ಈ ಬ್ಲೂ ಲೈನ್ ಮೆಟ್ರೋ ಮಾರ್ಗವು, 2028 ರ ವೇಳೆಗೆ ಪೂರ್ಣ ಪ್ರಮಾಣದಲ್ಲಿ ಸಾರ್ವಜನಿಕ ಕಾರ್ಯಾಚರಣೆಗೆ ಲಭ್ಯವಾಗುವ ನಿರೀಕ್ಷೆಯಿದೆ.

ಭುವಿ ಬಗ್ಗೆ ಬಿಗ್‌ ಅಪ್‌ಡೇಟ್ಸ್‌ ಕೊಟ್ಟ ಬಿಸಿಸಿಐ, ನಾಳೆಯ ಪಂದ್ಯಕ್ಕೂ ಮೊದಲೇ ಫ್ಯಾನ್ಸ್‌ ಫುಲ್‌ ಖುಷ್

Ganesh Mabla Gowda — Wed, 21 Oct 2026 22:33:30 +0530

ನಾಲ್ಕು ವರ್ಷಗಳ ಬಳಿಕ ತಂಡಕ್ಕೆ ಕಂಬ್ಯಾಕ್‌ ಮಾಡಿರುವ ಭುವನೇಶ್ವರ್‌ ಕುಮಾರ್‌ ನ್ಯೂಜಿಲೆಂಡ್‌ ಪ್ರವಾಸದ ಕೇಂದ್ರಬಿಂದು. ಟೀಂ ಇಂಡಿಯಾ ನ್ಯೂಜಿಲೆಂಡ್‌ ವಿರುದ್ಧ ಐದು ಟಿ20 ಪಂದ್ಯಗಳನ್ನ ಆಡಲಿದೆ. ನಾಳೆಯಿಂದ ಪಂದ್ಯ ಆರಂಭವಾಗಲಿದ್ದು, ಬಿಸಿಸಿಐ ಭುವನೇಶ್ವರ್‌ ಕುಮಾರ್‌ ಬಗ್ಗೆ ಬಿಗ್‌ ಅಪ್‌ಡೇಟ್ಸ್‌ ನೀಡಿದೆ.

ಟೀಂ ಇಂಡಿಯಾ ನ್ಯೂಜಿಲೆಂಡ್‌ ಪ್ರವಾಸದಲ್ಲಿ ಜಸ್‌ಪ್ರಿತ್‌ ಬುಮ್ರಾರನ್ನು ಬಿಟ್ಟು ಆಡಲಿದೆ. ಇದರಿಂದ ತಂಡಕ್ಕೆ ಕೊಂಚ ಹಿನ್ನಡೆ ಆಗಬಹುದು ಎಂದು ಹೇಳಲಾಗುತ್ತಿದ್ದರೂ ಭುವನೇಶ್ವರ್‌ ಕುಮಾರ್‌ ಅವರ ಎಂಟ್ರಿಯಿಂದಾಗಿ ನಿರೀಕ್ಷೆಗಳು ಹೆಚ್ಚಾಗಿವೆ. ಫ್ಯಾನ್ಸ್‌ ಭುವಿ ಅವರ 2.O ಆಟವನ್ನು ಕಣ್ತುಂಬಿಕೊಳ್ಳಲು ಕಾಯುತ್ತಿದ್ದಾರೆ. ಇದರ ಮಧ್ಯೆ ಬಿಸಿಸಿಐ ಅಭಿಮಾನಿಗಳ ಎಕ್ಸೈಟ್‌ಮೆಂಟ್‌ ಅನ್ನು ಹೆಚ್ಚಿಸಿದೆ. ಭುವಿ ಅವರು ಮೈದಾನದಲ್ಲಿ ಬೆವರು ಇಳಿಸುತ್ತಿರುವ ವಿಡಿಯೋವನ್ನು ಬಿಸಿಸಿಐ ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದೆ.

4 ವರ್ಷಗಳ ಬಳಿಕ ಕಂಬ್ಯಾಕ್

ನಾಲ್ಕು ವರ್ಷಗಳ ಬಳಿಕ ತಂಡಕ್ಕೆ ಮರಳಿರುವ ಭುವಿಗೆ ಮತ್ತೊಮ್ಮೆ ತಮ್ಮ ಸಾಮರ್ಥ್ಯವನ್ನು ಸಾಬೀತುಪಡಿಸಿಕೊಳ್ಳಲು ಒಳ್ಳೆಯ ಅವಕಾಶ. ಇದನ್ನು ಗಂಭೀರವಾಗಿ ಪರಿಗಣಿಸಿರುವ ಅವರು, ಅದಕ್ಕೆ ತಕ್ಕಂತೆ ಪ್ರಯತ್ನ ಮಾಡುತ್ತಿದ್ದಾರೆ. ವಿಶೇಷ ಅಂದ್ರೆ ಬಿಸಿಸಿಐ ಹಂಚಿಕೊಂಡ ವಿಡಿಯೋದಲ್ಲಿ ಟೀಂ ಇಂಡಿಯಾ ಜರ್ಸಿ ತೊಟ್ಟು ಪ್ರ್ಯಾಕ್ಟಿಸ್‌ ಮಾಡುತ್ತಿದ್ದಾರೆ. ಇತ್ತೀಚೆಗೆ ಟೀಂ ಇಂಡಿಯಾ ವೆಸ್ಟ್‌ ವಿಂಡೀಸ್‌ ವಿರುದ್ಧ ಟಿ20 ಸಿರೀಸ್‌ ಆಡಿತ್ತು. ಈ ವೇಳೆ ಅರ್ಷದೀಪ್‌ ಸಿಂಗ್‌ ಗಾಯ ಹಿನ್ನೆಲೆಯಲ್ಲಿ ಐದನೇ ಪಂದ್ಯಕ್ಕೆ ಭುವಿಯನ್ನು ಸೇರಿಕೊಳ್ಳಲಾಯಿತು. ಆದರೆ ಮಳೆಯ ಕಾರಣ ಬೆಂಗಳೂರಿನಲ್ಲಿ ನಡೆಯಬೇಕಿದ್ದ ಪಂದ್ಯ ಯಾವುದೇ ಫಲಿತಾಂಶ ಕಾಣದ ರದ್ದಾಯಿತು. ಈ ವೇಳೆ ಭುವಿಗೆ ಬೌಲಿಂಗ್‌ ಮಾಡಲು ಅವಕಾಶ ಸಿಕ್ಕಿರಲಿಲ್ಲ. ಟೀಂ ಇಂಡಿಯಾ ಜರ್ಸಿಯಲ್ಲಿ ಮತ್ತೊಮ್ಮೆ ಭುವಿ ನೋಡಿದ ಫ್ಯಾನ್ಸ್‌ ಫುಲ್‌ ಖುಷಿಯಾಗಿದ್ದಾರೆ..

Coming Soon

Bhuvneshwar Kumar in #TeamIndia colours...again

#NZvIND | @BhuviOfficial https://t.co/O7Wrkr5cFK

— BCCI (@BCCI) October 21, 2026

ನ್ಯೂಜಿಲೆಂಡ್‌ ವಿರುದ್ಧ ಟೀಂ ಇಂಡಿಯಾ ನಾಳೆಯಿಂದ ಟಿ20 ಪಂದ್ಯವನ್ನು ಆಡಲಿದೆ. ನಾಳೆ ಕ್ರೈಸ್ಟ್ ಚರ್ಚ್‌ನ ಹ್ಯಾಗ್ಲಿ ಓವಲ್‌ನಲ್ಲಿ ನಡೆಯಲಿದೆ. ನ್ಯೂಜಿಲೆಂಡ್‌ನ ಈ ಪಿಚ್‌ ಭುವಿಗೆ ಹೆಚ್ಚು ಪ್ರಯೋಜನಕಾರಿ ಆಗಲಿದೆ ಎಂದು ನಂಬಲಾಗಿದೆ. ಪಿಚ್‌ ಸ್ವಿಂಗ್‌ ಮಾಡೋರಿಗೆ ತುಂಬಾ ಆಗಲಿದೆ ಅನ್ನOದನ್ನು ನ್ಯೂಜಿಲೆಂಡ್‌ನ ಕ್ಯಾಪ್ಟನ್‌ ಒಪ್ಪಿಕೊಂಡಿದ್ದಾರೆ. ಭುವಿ ಅವರು ಕಳೆದ ಎರಡು ಐಪಿಎಲ್‌ನಲ್ಲಿ ಅದ್ಭುತ ಬೌಲಿಂಗ್‌ ದಾಳಿ ನಡೆಸಿ ತಂಡಕ್ಕೆ ಕಂಬ್ಯಾಕ್‌ ಮಾಡಿದ್ದಾರೆ. ಭುವಿ ತಂಡಕ್ಕೆ ಮರಳಿರೋದು ಆನೆ ಬಲ ಬಂದಂತಾಗಿದೆ. ಯುವ ಬೌಲರ್‌ಗಳಿಗೆ ತಂಡದಲ್ಲಿ ಹೊಸ ಸ್ಪೂರ್ತಿ ಸಿಗಲಿದೆ. ನಾಳೆ ಅವರು ಹೇಗೆ ಸಾಮರ್ಥ್ಯವನ್ನು ಸಾಬೀತು ಮಾಡಲಿದ್ದಾರೆ ಎಂಬ ಕುತೂಹಲ ಹೆಚ್ಚಾಗಿದೆ.

Christchurch

Getting into the groove ft. #Teamindia

#NZvIND https://t.co/W4gxKwyaL3

— BCCI (@BCCI) October 21, 2026

JBL, Sonyಯನ್ನೂ ಮಣಿಸಿದ 'ಅಹುಜಾ' ಸೌಂಡ್ ಸಿಸ್ಟಮ್.. 80 ವರ್ಷದಿಂದ ಭಾರತೀಯರ ಎದೆಬಡಿತವಾದ ದೇಸಿ ಬ್ರ್ಯಾಂಡ್

Ashwini HR — Wed, 21 Oct 2026 22:11:41 +0530

ಹಳ್ಳಿಗಳ ಜಾತ್ರೆ, ಊರಿನ ದೇವಸ್ಥಾನದ ಸುಪ್ರಭಾತ, ಶಾಲೆಯ ಪ್ರಾರ್ಥನೆ ಅಥವಾ ರಾಜಕೀಯ ನಾಯಕರ ಭಾಷಣ... ಎಲ್ಲೇ ಹೋದರೂ ಮರಗಳಿಗೆ, ಕರೆಂಟ್ ಕಂಬಗಳಿಗೆ ಕಟ್ಟಿರುವ ಬೂದು ಬಣ್ಣದ ಆ ಕೊಳವೆ ಮೈಕ್ (Horn Speaker) ಮತ್ತು ಕೆಳಗಿರುವ ಕಪ್ಪು ಬಣ್ಣದ ಬೃಹತ್ ಕಬ್ಬಿಣದ ಪೆಟ್ಟಿಗೆಯಂತಹ ಆಂಪ್ಲಿಫೈಯರ್ ನಮಗೆ ಕಾಣಿಸುತ್ತದೆ. ಅದರ ಮೇಲೆ ಬಿಳಿ ಅಕ್ಷರಗಳಲ್ಲಿ ಬರೆದಿರುವ ಒಂದೇ ಹೆಸರು — 'ಅಹುಜಾ' (AHUJA).

ಜೆಬಿಎಲ್ (JBL), ಸೋನಿ (Sony), ಬೋಸ್ (Bose) ಮುಂತಾದ ಬಿಲಿಯನ್ ಡಾಲರ್ ವಿದೇಶಿ ಕಂಪನಿಗಳೇ ಭಾರತಕ್ಕೆ ಬಂದರೂ, ಕಳೆದ 80 ವರ್ಷಗಳಿಂದ ಈ 'ಅಹುಜಾ' ಬ್ರ್ಯಾಂಡ್‌ನ ಪ್ರಾಬಲ್ಯವನ್ನು ಅಲುಗಾಡಿಸಲು ಯಾರಿಂದಲೂ ಸಾಧ್ಯವಾಗಿಲ್ಲ! ಏನಿದರ ಸೀಕ್ರೆಟ್? ಇಲ್ಲಿದೆ ಅಚ್ಚರಿಯ ಯಶೋಗಾಥೆ.

1940ರಲ್ಲಿ ಶುರುವಾದ 'ಮೇಕ್ ಇನ್ ಇಂಡಿಯಾ' ಕ್ರಾಂತಿ

ಸ್ವಾತಂತ್ರ್ಯಕ್ಕೂ ಮುನ್ನ (1940ರಲ್ಲಿ) ಭಾರತದಲ್ಲಿ ನಾಯಕರ ಭಾಷಣಕ್ಕೆ ಅಥವಾ ಸಾರ್ವಜನಿಕ ಸಭೆಗಳಿಗೆ ಇಂಗ್ಲೆಂಡ್ ಅಥವಾ ಜರ್ಮನಿಯಿಂದ ದುಬಾರಿ ಬೆಲೆಯ ಮೈಕ್ ಸೆಟ್‌ಗಳನ್ನು ತರಿಸಬೇಕಾಗಿತ್ತು. ಅವು ಹಾಳಾದರೆ ರಿಪೇರಿ ಮಾಡುವವರೇ ಇರಲಿಲ್ಲ. ಆಗ ಅಮರ್‌ನಾಥ್ ಅಹುಜಾ ಎಂಬ ಭಾರತೀಯ ಯುವಕ, "ನಮ್ಮ ದೇಶದ ಜನರಿಗೆ ನಾವೇ ಸೌಂಡ್ ಸಿಸ್ಟಮ್ ಏಕೆ ತಯಾರಿಸಬಾರದು?" ಎಂದು ಯೋಚಿಸಿ ದೆಹಲಿಯಲ್ಲಿ 'ಅಹುಜಾ ರೇಡಿಯೋಸ್' (Ahuja Radios) ಸಂಸ್ಥೆಯನ್ನು ಸ್ಥಾಪಿಸಿದರು.

ಅಹುಜಾ ಆಂಪ್ಲಿಫೈಯರ್‌ಗಳು ಅಷ್ಟೊಂದು ಭಾರವಾಗಿರುವುದೇಕೆ?

ಅಹುಜಾ ಆಂಪ್ಲಿಫೈಯರ್‌ಗಳನ್ನು ಕೈಯಿಂದ ಎತ್ತಿದರೆ ಕನಿಷ್ಠ 15 ರಿಂದ 25 ಕೆಜಿ ತೂಗುತ್ತವೆ. ಇದಕ್ಕೆ ಕಾರಣ ಅವುಗಳ ಒಳಗೆ ಬಳಸುವ ದಪ್ಪನೆಯ ಶುದ್ಧ ತಾಮ್ರದ (Copper) ಕಾಯಿಲ್ ಮತ್ತು ಬೃಹತ್ ಟ್ರಾನ್ಸ್‌ಫಾರ್ಮರ್‌ಗಳು!

ಭಾರತದ ಹಳ್ಳಿಗಳಲ್ಲಿ ಕರೆಂಟ್ ವೋಲ್ಟೇಜ್ ಪದೇ ಪದೇ ಏರಿಳಿತವಾಗುತ್ತದೆ. ಸಾಮಾನ್ಯ ಆಂಪ್ಲಿಫೈಯರ್‌ಗಳು ಸುಟ್ಟುಹೋಗುತ್ತವೆ. ಆದರೆ ಅಹುಜಾದ ಹೆವಿ ಟ್ರಾನ್ಸ್‌ಫಾರ್ಮರ್‌ಗಳು ಎಂತಹ ವೋಲ್ಟೇಜ್ ಏರಿಳಿತವನ್ನೂ ಸುಲಭವಾಗಿ ತಡೆದುಕೊಳ್ಳುತ್ತವೆ.

ಬಿಸಿಲು, ಧೂಳು, ಮಳೆ ಎಂತಹ ಕಠಿಣ ವಾತಾವರಣದಲ್ಲೂ ವರ್ಷಗಟ್ಟಲೆ ನಿರಂತರವಾಗಿ ಕೆಲಸ ಮಾಡುತ್ತವೆ.

'100 ವೋಲ್ಟ್ ಲೈನ್ ಮ್ಯಾಚಿಂಗ್' ಸೀಕ್ರೆಟ್ ಟೆಕ್ನಾಲಜಿ

ಜಾತ್ರೆಗಳಲ್ಲಿ ಆಂಪ್ಲಿಫೈಯರ್ 1 ಕಿಲೋಮೀಟರ್ ದೂರದಲ್ಲಿದ್ದರೂ, ರಸ್ತೆಯುದ್ದಕ್ಕೂ ಕಟ್ಟಿರುವ 20-30 ಸ್ಪೀಕರ್‌ಗಳು ಒಂದೇ ತೆಳುವಾದ ವೈರ್‌ನಲ್ಲಿ ಜೋರಾಗಿ ಹೇಗೆ ಧ್ವನಿಸುತ್ತವೆ?

ಸಾಮಾನ್ಯವಾಗಿ ದೂರ ಹೋದಂತೆ ಆಡಿಯೋ ಸಿಗ್ನಲ್ ಕಡಿಮೆಯಾಗುತ್ತದೆ. ಆದರೆ ಅಹುಜಾ '100V Line Matching' ತಂತ್ರಜ್ಞಾನವನ್ನು ಪರಿಚಯಿಸಿತು.

ಇದು ಆಡಿಯೋ ಸಿಗ್ನಲ್ ಅನ್ನು 100 ವೋಲ್ಟ್‌ಗೆ ಹೆಚ್ಚಿಸುತ್ತದೆ. ಇದರಿಂದ ನೂರಾರು ಮೀಟರ್ ಉದ್ದದ ವೈರ್ ಎಳೆದರೂ ಧ್ವನಿ ಕಿಂಚಿತ್ತೂ ಕಡಿಮೆಯಾಗುವುದಿಲ್ಲ. ಪ್ರತಿಯೊಂದು ಸ್ಪೀಕರ್‌ನಲ್ಲೂ ಧ್ವನಿ ಸ್ಪಷ್ಟವಾಗಿ ಮತ್ತು ಗಟ್ಟಿಯಾಗಿ ಹೊರಹೊಮ್ಮುತ್ತದೆ.

ಕೇವಲ 10 ರಿಂದ 20 ರೂಪಾಯಿಗೆ ರಿಪೇರಿ!

ಆಧುನಿಕ ವಿದೇಶಿ ಬ್ರ್ಯಾಂಡ್‌ಗಳು ಹಾಳಾದರೆ ಇಡೀ ಮದರ್‌ಬೋರ್ಡ್ ಅನ್ನೇ ಬದಲಾಯಿಸಬೇಕು, ಸಾವಿರಾರು ರೂಪಾಯಿ ಖರ್ಚಾಗುತ್ತದೆ. ಆದರೆ ಅಹುಜಾ ಸರ್ಕ್ಯೂಟ್ ಅತ್ಯಂತ ಸರಳ. ಊರಿನ ಸಣ್ಣ ರೇಡಿಯೋ ಮೆಕ್ಯಾನಿಕ್ ಕೂಡ ಸೋಲ್ಡರಿಂಗ್ ಐರನ್ ಹಿಡಿದು, 10-20 ರೂಪಾಯಿಯ ಸಣ್ಣ ಕೆಪಾಸಿಟರ್ ಅಥವಾ ಟ್ರಾನ್ಸಿಸ್ಟರ್ ಹಾಕಿ ತಕ್ಷಣವೇ ರಿಪೇರಿ ಮಾಡಿಕೊಡಬಹುದು.

ನಕಲಿ ವಾಟ್ಸ್ ಇಲ್ಲ (100% Real Power)

ಮಾರುಕಟ್ಟೆಯಲ್ಲಿ ಸಿಗುವ ಚೈನೀಸ್ ಬ್ರ್ಯಾಂಡ್‌ಗಳು 5000W, 10,000W ಎಂದು ಬರೆದುಕೊಂಡರೂ ಕನಿಷ್ಠ 50W ಶಕ್ತಿಯನ್ನೂ ಕೊಡುವುದಿಲ್ಲ. ಆದರೆ ಅಹುಜಾ ಬಾಕ್ಸ್ ಮೇಲೆ 500 Watts ಎಂದು ಬರೆದಿದ್ದರೆ, ಅದು ನೂರಕ್ಕೆ ನೂರು ನಿಜವಾದ 500W RMS ಪವರ್ ಅನ್ನೇ ನೀಡುತ್ತದೆ.

ಜೆಬಿಎಲ್, ಸೋನಿ ಭಾರತದ ಮಾರುಕಟ್ಟೆಯಲ್ಲಿ ಸೋತಿದ್ದೇಕೆ?

1990ರ ನಂತರ ಭಾರತಕ್ಕೆ ಬಂದ ಜೆಬಿಎಲ್, ಬೋಸ್ ಮುಂತಾದ ಬ್ರ್ಯಾಂಡ್‌ಗಳು ಎಸಿ ಕೋಣೆಗಳು, ಮ್ಯೂಸಿಕ್ ಸ್ಟುಡಿಯೋ ಮತ್ತು ಪಬ್‌ಗಳಿಗೆ ಮಾತ್ರ ಸೀಮಿತವಾದವು. ಏಕೆಂದರೆ ಅವುಗಳ ಬೆಲೆ ಲಕ್ಷಗಳಲ್ಲಿದೆ ಮತ್ತು ತುಂಬಾ ಸೂಕ್ಷ್ಮವಾಗಿವೆ. ಭಾರತದ ಧೂಳು, ಮಳೆ, ಗದ್ದಲದ ಜಾತ್ರೆಗಳಲ್ಲಿ ಆಡಂಬರದ ವಿದೇಶಿ ಸ್ಪೀಕರ್‌ಗಳು ಬಾಳಿಕೆ ಬರುವುದಿಲ್ಲ. ಅದಕ್ಕಾಗಿಯೇ ಇಂದಿಗೂ ಟೆಂಟ್ ಹೌಸ್ ಮತ್ತು ಸಾರ್ವಜನಿಕ ಸಭೆಗಳಲ್ಲಿ ಅಹುಜಾ ಬಿಟ್ಟರೆ ಬೇರೆ ಆಯ್ಕೆಯಿಲ್ಲ!

ಜಾಗತಿಕ ಮಟ್ಟದಲ್ಲಿ ಭಾರತದ ಹೆಮ್ಮೆ

ದೆಹಲಿಯ ಓಖ್ಲಾ ಇಂಡಸ್ಟ್ರಿಯಲ್ ಏರಿಯಾದಿಂದ ಆರಂಭವಾದ ಅಹುಜಾ, ಇಂದು ಏಷ್ಯಾ, ಆಫ್ರಿಕಾ ಮತ್ತು ಗಲ್ಫ್ ದೇಶಗಳು ಸೇರಿದಂತೆ ವಿಶ್ವದ 50ಕ್ಕೂ ಹೆಚ್ಚು ದೇಶಗಳಿಗೆ ಸೌಂಡ್ ಸಿಸ್ಟಮ್‌ಗಳನ್ನು ರಫ್ತು ಮಾಡುತ್ತಿದೆ. ಸ್ವಾತಂತ್ರ್ಯ ಪೂರ್ವದಲ್ಲಿ ಇಂಗ್ಲೆಂಡ್‌ನಿಂದ ಸೌಂಡ್ ಸಿಸ್ಟಮ್ ತರಿಸಿಕೊಳ್ಳುತ್ತಿದ್ದ ಭಾರತ, ಇಂದು ಜಗತ್ತಿಗೇ ಸೌಂಡ್ ಸಿಸ್ಟಮ್ ರಫ್ತು ಮಾಡುವ ಮಟ್ಟಕ್ಕೆ ಬೆಳೆದುನಿಂತಿರುವುದಕ್ಕೆ ಅಹುಜಾ ಕಂಪನಿಯೇ ಜೀವಂತ ಸಾಕ್ಷಿ!

ಹೊಸ SUV ಲಾಂಚ್‌ ಮಾಡಿದ ಮಹೀಂದ್ರಾ: ರಗಡ್ ಲುಕ್‌ನಲ್ಲಿ ಬಂದ Bolero Bold, ಏನಿದರ ವಿಶೇಷತೆ

Santosh Naik — Wed, 21 Oct 2026 22:10:39 +0530

ನವದೆಹಲಿ (ಅ.21): ದೇಶದ ಪ್ರಮುಖ ವಾಹನ ತಯಾರಕ ಸಂಸ್ಥೆಯಾದ 'ಮಹೀಂದ್ರಾ ಅಂಡ್ ಮಹೀಂದ್ರಾ' ತನ್ನ ಎಂಟ್ರಿ ಲೆವೆಲ್ ಎಸ್‌ಯುವಿ (SUV) ವಿಭಾಗದಲ್ಲಿ ಹೊಸ ಆವೃತ್ತಿ ಪರಿಚಯಿಸಿದೆ. ಗ್ರಾಹಕರ ಅತ್ಯಂತ ನೆಚ್ಚಿನ ವಾಹನವಾದ 'ಮಹೀಂದ್ರಾ ಬೊಲೆರೊ'ದ ಹೊಸ 'ಬೋಲ್ಡ್ ಎಡಿಷನ್' (Bolero Bold Edition) ಅನ್ನು ಕಂಪನಿಯು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಈ ಹೊಸ ಎಡಿಷನ್‌ನಲ್ಲಿ ಸುಧಾರಿತ ಎಕ್ಸ್‌ಟೀರಿಯರ್ (ಹೊರವಿನ್ಯಾಸ) ಹಾಗೂ ಇಂಟೀರಿಯರ್ (ಒಳವಿನ್ಯಾಸ) ಅಪ್‌ಡೇಟ್‌ಗಳನ್ನು ನೀಡಲಾಗಿದ್ದು, ಹಲವು ಹೊಸ ಎಕ್ಸೆಸರೀಸ್ ಸೌಲಭ್ಯಗಳನ್ನು ಅಳವಡಿಸಲಾಗಿದೆ.

ಕಳೆದ ಕೆಲವು ದಿನಗಳಿಂದ ಈ ಹೊಸ ಎಸ್‌ಯುವಿಯ ಟೀಸರ್‌ಗಳನ್ನು ಹಂಚಿಕೊಳ್ಳುವ ಮೂಲಕ ಕುತೂಹಲ ಕೆರಳಿಸಿದ್ದ ಮಹೀಂದ್ರಾ, ಇದೀಗ ಅಧಿಕೃತವಾಗಿ ಕಾರನ್ನು ಲಾಂಚ್ ಮಾಡಿದೆ. ಇದು ಬೊಲೆರೊ ಕಾರಿನ ಪೂರ್ಣ ನವೀಕೃತ ಮಾದರಿಯಲ್ಲ, ಬದಲಾಗಿ ವಿಶೇಷ 'ಎಡಿಷನ್' ಆಗಿದೆ.

ಸೆಪ್ಟೆಂಬರ್‌ನಲ್ಲಿ 9,710 ಯುನಿಟ್‌ಗಳ ಮಾರಾಟ - ಶೇ. 253 ರಷ್ಟು ಭಾರಿ ಏರಿಕೆ

ಮಹೀಂದ್ರಾ ಬೊಲೆರೊ ಕಾರಿಗೆ ದೇಶಾದ್ಯಂತ ಭಾರಿ ಬೇಡಿಕೆಯಿದೆ. ವಿಶೇಷವಾಗಿ ಟೈಯರ್-2 ಹಾಗೂ ಟೈಯರ್-3 ನಗರಗಳಲ್ಲಿ, ಕೇವಲ ಶೋ-ಆಫ್‌ಗಿಂತ ಗಟ್ಟಿಮುಟ್ಟಾದ ಹಾಗೂ ದೃಢಕಾಯದ ಕಾರನ್ನು ಬಯಸುವ ಜನರಿಗೆ ಬೊಲೆರೊ ಮೊದಲ ಆಯ್ಕೆಯಾಗಿದೆ. ಮಾರಾಟದ ಅಂಕಿಅಂಶಗಳನ್ನು ಗಮನಿಸಿದರೆ, ಕಳೆದ ಸೆಪ್ಟೆಂಬರ್ (2026) ತಿಂಗಳಿನಲ್ಲಿ ಬೊಲೆರೊ ಮಾರಾಟವು ವಾರ್ಷಿಕ ಆಧಾರದ ಮೇಲೆ (Year-on-Year) ಬರೋಬ್ಬರಿ ಶೇಕಡಾ 253 ರಷ್ಟು ಏರಿಕೆ ಕಂಡಿದೆ. ಒಂದೇ ತಿಂಗಳಿನಲ್ಲಿ ಒಟ್ಟು 9,710 ಯುನಿಟ್‌ಗಳಷ್ಟು ಬೊಲೆರೊ ಕಾರುಗಳು ಮಾರಾಟವಾಗಿ ದಾಖಲೆ ಬರೆದಿವೆ.

ಹೊಸ ಎಸ್‌ಯುವಿಯ ವಿಶೇ‍ಷತೆಗಳೇನು?

ಬೊಲೆರೊ ಬೋಲ್ಡ್ ಎಡಿಷನ್‌ನ ಮೂಲ ಶೈಲಿ ಹಾಗೂ ವಿನ್ಯಾಸದಲ್ಲಿ ಯಾವುದೇ ದೊಡ್ಡ ಬದಲಾವಣೆಗಳನ್ನು ಮಾಡಲಾಗಿಲ್ಲ. ಎಂದಿನಂತೆ ಗಟ್ಟಿಮುಟ್ಟಾದ ರಗಡ್ ಲುಕ್ ನೀಡುವ ಫ್ರಂಟ್ ಎಂಡ್, ಹ್ಯಾಲೊಜನ್ ಹೆಡ್‌ಲ್ಯಾಂಪ್‌ಗಳು, ಮೆಟಲ್ ಬಂಪರ್ ಗ್ರಿಲ್ ಹಾಗೂ ಇತರ ಸಾಂಪ್ರದಾಯಿಕ ವೈಶಿಷ್ಟ್ಯಗಳು ಮುಂದುವರಿದಿವೆ. ಆದರೆ, 'ಬೋಲ್ಡ್ ಎಡಿಷನ್'ಗೆ ಆಕರ್ಷಕ ನೋಟ ನೀಡಲು 'ಬ್ರಾಂಜ್ ಇನ್ಸ್‌ಪೈರ್ಡ್ ಶೈಲಿ'ಯನ್ನು (Bronze-inspired styling) ನೀಡಲಾಗಿದೆ. ಫ್ರಂಟ್ ಗ್ರಿಲ್‌ನಲ್ಲಿ ಬ್ರಾಂಜ್ ಆಕ್ಸೆಂಟ್ಸ್, ಆಕರ್ಷಕ ಬೋಲ್ಡ್ ಸೈಡ್ ಕ್ಲ್ಯಾಡಿಂಗ್, ಬ್ರಾಂಜ್ ಬಣ್ಣದ ಅಲೋಯ್ ವೀಲ್ಸ್ (Bronze Alloy Wheels), ರೂಫ್ ರೇಲ್ಸ್ (Roof Rails), ಬ್ರಾಂಜ್ ಆಕ್ಸೆಂಟ್ ಒಳಗೊಂಡ ಕಪ್ಪು ಲೆದರೆಟ್ ಸೀಟುಗಳು (Black Leatherette Seats) ಹಾಗೂ ಹಿಂಭಾಗದ ಸುರಕ್ಷತೆಗಾಗಿ 'ರಿವರ್ಸ್ ವ್ಯೂ ಕ್ಯಾಮೆರಾ' (Rear View Camera) ಹೊಂದಿದೆ.

ಕಂಪನಿಯು ಈ ಎಕ್ಸೆಸರೀಸ್ ಪ್ಯಾಕೇಜ್‌ನ ಪ್ರತ್ಯೇಕ ಬೆಲೆಯನ್ನು ಇನ್ನೂ ಅಧಿಕೃತವಾಗಿ ಪ್ರಕಟಿಸಿಲ್ಲ. ಈ ಎಕ್ಸೆಸರೀಸ್ ಪ್ಯಾಕ್ ಅನ್ನು 'ಡೀಲರ್ ಲೆವೆಲ್ ಪ್ಯಾಕ್' ಆಗಿಯೂ ನೀಡುವ ಸಾಧ್ಯತೆಯಿದ್ದು, ಬೊಲೆರೊದ ಬೇಸ್ ವೇರಿಯೆಂಟ್ ಖರೀದಿಸುವ ಗ್ರಾಹಕರಿಗೂ ಇದು ಅನುಕೂಲವಾಗಲಿದೆ. ಪ್ರಸ್ತುತ ಬೊಲೆರೊ ಎಸ್‌ಯುವಿಯ ಆರಂಭಿಕ ಎಕ್ಸ್-ಶೋರೂಂ ಬೆಲೆ ₹8.57 ಲಕ್ಷ ಇದ್ದು, ಟಾಪ್ ವೇರಿಯೆಂಟ್ ಬೆಲೆ ₹9.99 ಲಕ್ಷ ಆಗಿದೆ.

ಎಂಜಿನ್ ಸಾಮರ್ಥ್ಯ ಹಾಗೂ ಮೈಲೇಜ್

ಬೊಲೆರೊ ಬೋಲ್ಡ್ ಎಡಿಷನ್‌ನಲ್ಲಿ ಯಾವುದೇ ಎಂಜಿನ್ ಬದಲಾವಣೆ ಮಾಡಲಾಗಿಲ್ಲ. ಇದರಲ್ಲಿ ಮುಂಚಿನಂತೆಯೇ 1.5 ಲೀಟರ್‌ನ 3-ಸಿಲಿಂಡರ್ ಡೀಸೆಲ್ ಎಂಜಿನ್ ಇರಲಿದೆ. ಈ ಎಂಜಿನ್ 76 HP ಶಕ್ತಿ (Power) ಹಾಗೂ 210 Nm ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ರಿಯರ್-ವೀಲ್ ಡ್ರೈವ್ (RWD) ವ್ಯವಸ್ಥೆ ಹೊಂದಿರುವ ಈ ಎಸ್‌ಯುವಿಯಲ್ಲಿ 5-ಸ್ಪೀಡ್ ಮ್ಯಾನುಯಲ್ ಗೇರ್‌ಬಾಕ್ಸ್ ನೀಡಲಾಗಿದೆ. ಕಂಪನಿಯ ಪ್ರಕಾರ ಈ ಬೊಲೆರೊ ಎಸ್‌ಯುವಿಯು ಪ್ರತಿ ಲೀಟರ್‌ಗೆ 16.5 ಕಿ.ಮೀ ಮೈಲೇಜ್ ನೀಡುತ್ತದೆ.

ಹನುಮಾನ್ ಹೀರೋ ಮದುವೆ ಸುದ್ದಿ ಸಖತ್ ವೈರಲ್: ಮೆಗಾ ಹೀರೋ ಸಾಯಿ ಕೂಡ ಹಸೆಮಣೆ ಏರ್ತಾರಂತೆ!

Govindaraj S — Wed, 21 Oct 2026 22:01:13 +0530

ಡಿಸೆಂಬರ್‌ನಲ್ಲಿ ತೇಜ ಸಜ್ಜಾ ಮದುವೆಯಾಗಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಇನ್ನೊಂದೆಡೆ, ನವೆಂಬರ್‌ನಲ್ಲಿ ಸಾಯಿ ಧರಮ್ ತೇಜ್ ಕೂಡ ಹಸೆಮಣೆ ಏರಲು ಸಿದ್ಧರಾಗುತ್ತಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ.

ಟಾಲಿವುಡ್ ಯುವ ನಟ ತೇಜ ಸಜ್ಜಾ ಮದುವೆ ವಿಚಾರ ಈಗ ಸಖತ್ ಸದ್ದು ಮಾಡುತ್ತಿದೆ. ಸಾಲು ಸಾಲು ಹಿಟ್ ಸಿನಿಮಾಗಳ ಮೂಲಕ ಗುರುತಿಸಿಕೊಂಡಿರುವ ಈ ನಟ, ಶೀಘ್ರದಲ್ಲೇ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಕುಟುಂಬಸ್ಥರು ನಿಶ್ಚಯಿಸಿರುವ ಈ ಮದುವೆಗೆ ಡಿಸೆಂಬರ್‌ನಲ್ಲಿ ಮುಹೂರ್ತ ಫಿಕ್ಸ್ ಆಗಲಿದೆಯಂತೆ. ಆದರೆ, ಈ ಬಗ್ಗೆ ತೇಜ ಸಜ್ಜಾ ಕಡೆಯಿಂದ ಇನ್ನೂ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಹುಡುಗಿ ಯಾರು, ಮದುವೆ ದಿನಾಂಕ ಯಾವುದು ಅನ್ನೋದು ಸದ್ಯಕ್ಕೆ ಸಸ್ಪೆನ್ಸ್.

ತೇಜ ಸಜ್ಜಾ ಕೈಹಿಡಿಯಲಿರುವ ಹುಡುಗಿ ಅಮೆರಿಕದಲ್ಲಿ ಹುಟ್ಟಿ ಬೆಳೆದವರಂತೆ. ಸದ್ಯ ಅವರು ಭಾರತದಲ್ಲೇ ನೆಲೆಸಿದ್ದಾರೆ ಎಂಬ ಮಾಹಿತಿ ಇದೆ. ಸಾಫ್ಟ್‌ವೇರ್ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿರುವ ಆಕೆಯ ಕುಟುಂಬಕ್ಕೂ, ಸಿನಿಮಾ ರಂಗಕ್ಕೂ ಯಾವುದೇ ಸಂಬಂಧವಿಲ್ಲವಂತೆ. ಎರಡೂ ಕುಟುಂಬದ ಹಿರಿಯರು ಸೇರಿ ಈ ಮದುವೆ ನಿಶ್ಚಯಿಸಿದ್ದಾರೆ ಎನ್ನಲಾಗುತ್ತಿದೆ. ತೇಜ ಸಜ್ಜಾ ಅಥವಾ ಅವರ ಕುಟುಂಬದವರು ಅಧಿಕೃತವಾಗಿ ಹೇಳಿಕೆ ನೀಡಿದ ಮೇಲಷ್ಟೇ ಈ ಬಗ್ಗೆ ಸ್ಪಷ್ಟ ಚಿತ್ರಣ ಸಿಗಲಿದೆ.

ವೃತ್ತಿಜೀವನದಲ್ಲಿ ತೇಜ ಸಜ್ಜಾ ಸದ್ಯ ಸಕ್ಸಸ್ ಟ್ರ್ಯಾಕ್‌ನಲ್ಲಿದ್ದಾರೆ. 'ಹನುಮಾನ್' ಹಾಗೂ 'ಮಿರಾಯ್' ಸಿನಿಮಾಗಳ ಯಶಸ್ಸು ಅವರಿಗೆ ದೊಡ್ಡ ಹೆಸರು ತಂದುಕೊಟ್ಟಿದೆ. ವಿಭಿನ್ನ ಕಥೆಗಳನ್ನು ಆಯ್ಕೆ ಮಾಡಿಕೊಳ್ಳುತ್ತಾ ಅವರು ತಮ್ಮದೇ ಆದ ಛಾಪು ಮೂಡಿಸುತ್ತಿದ್ದಾರೆ. ಸದ್ಯ ಅವರು ನಟಿಸುತ್ತಿರುವ 'ಜಾಂಬಿ ರೆಡ್ಡಿ ನೆಕ್ಸ್ಟ್ ಲೆವೆಲ್' ಸಿನಿಮಾ ಮೇಲೂ ಭಾರಿ ನಿರೀಕ್ಷೆ ಇದೆ. ಇದರ ಜೊತೆಗೆ ಅಮೆಜಾನ್ ಪ್ರೈಮ್ ವಿಡಿಯೋದ 'ಟ್ರೈಟರ್ಸ್' ಶೋನಲ್ಲೂ ಅವರು ಕಾಣಿಸಿಕೊಳ್ಳುತ್ತಿದ್ದಾರೆ.

ಇನ್ನೊಂದೆಡೆ, ಮೆಗಾ ಹೀರೊ ಸಾಯಿ ಧರಮ್ ತೇಜ್ ಕೂಡ ತಮ್ಮ ಮದುವೆ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ. 2026ರಲ್ಲಿ ಮದುವೆಯಾಗುವುದಾಗಿ ಅವರು ಈ ಹಿಂದೆ ಹೇಳಿದ್ದರು. ಆದರೆ, ಈ ನವೆಂಬರ್‌ನಲ್ಲೇ ಅವರು ಹಸೆಮಣೆ ಏರಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಹುಡುಗಿ ಯಾರು ಅನ್ನೋದನ್ನು ಮಾತ್ರ ಇನ್ನೂ ಸೀಕ್ರೆಟ್ ಆಗಿ ಇಟ್ಟಿದ್ದಾರೆ. ಬ್ರೇಕಪ್ ನಂತರ ತಾನು ಸಾಕಷ್ಟು ಕಷ್ಟಪಟ್ಟಿದ್ದಾಗಿ ಅವರು ಈ ಹಿಂದೆ ಹೇಳಿಕೊಂಡಿದ್ದರು. ಸದ್ಯದ ಮಾಹಿತಿ ಪ್ರಕಾರ, ಸಾಯಿ ಧರಮ್ ತೇಜ್ ತಮ್ಮ ಬಾಲ್ಯದ ಗೆಳತಿಯನ್ನೇ ಮದುವೆಯಾಗಲಿದ್ದಾರಂತೆ.

ಸಾಯಿ ಧರಮ್ ತೇಜ್ ಸದ್ಯ 'ಸಾಂಬರಾಲ ಏಟಿ ಗಟ್ಟು' ಸಿನಿಮಾ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ. ಈ ಚಿತ್ರಕ್ಕಾಗಿ ಅವರು ಬರೋಬ್ಬರಿ ಎರಡು ವರ್ಷ ಮೀಸಲಿಟ್ಟಿದ್ದಾರೆ. ಅವರ ಕೆರಿಯರ್‌ನಲ್ಲೇ ಅತಿ ದೊಡ್ಡ ಬಜೆಟ್‌ನ ಈ ಸಿನಿಮಾ 2027ರ ಸಂಕ್ರಾಂತಿಗೆ ರಿಲೀಸ್ ಆಗಲಿದೆ. ರೋಹಿತ್ ಕೆ.ಪಿ ನಿರ್ದೇಶನದ ಈ ಚಿತ್ರವನ್ನು 'ಹನುಮಾನ್' ನಿರ್ಮಾಪಕರಾದ ನಿರಂಜನ್ ರೆಡ್ಡಿ ಹಾಗೂ ಚೈತನ್ಯ ರೆಡ್ಡಿ ನಿರ್ಮಿಸುತ್ತಿದ್ದಾರೆ. ಇದರ ಜೊತೆಗೆ ನಿರ್ದೇಶಕ ತೇಜ ಅವರ ಹೊಸ ಸಿನಿಮಾಗೂ ಸಾಯಿ ಧರಮ್ ತೇಜ್ ಗ್ರೀನ್ ಸಿಗ್ನಲ್ ಕೊಟ್ಟಿದ್ದು, ಅನಿಲ್ ಸುಂಕರ ನಿರ್ಮಾಣದ ಈ ಚಿತ್ರದ ಶೂಟಿಂಗ್ ಮುಂದಿನ ತಿಂಗಳು ಶುರುವಾಗಲಿದೆ.

ಡಾ. ವಿಷ್ಣುವರ್ಧನ್ ಮೊದಲ ಮಲಯಾಳಂ ಸಿನಿಮಾ 'ಅಡಿಮೈ ಚೆಂಗಿಲಾ'ಗೆ 47 ವರ್ಷ! ಸಾಹಸಸಿಂಹ ಅಲ್ಲಿಗೆ ಹೋಗಿದ್ದೇಕೆ?

Sathish Kumar KH — Wed, 21 Oct 2026 21:53:36 +0530

ಸಾಹಸಸಿಂಹ ಡಾ. ವಿಷ್ಣುವರ್ಧನ್ ಅವರು ನಟಿಸಿದ ಮೊದಲ ಮಲಯಾಳಂ ಚಿತ್ರ 'ಅಡಿಮೈ ಚೆಂಗಿಲಾ' ಬಿಡುಗಡೆಯಾಗಿ 47 ವರ್ಷಗಳು ಕಳೆದಿವೆ. ಪ್ರೇಮ್ ನಜೀರ್ ಜೊತೆಗಿನ ನಟನೆ, ಎ.ಆರ್.ರೆಹಮಾನ್ ಗುರುವಿನ ಸಂಗೀತ ಈ ಚಿತ್ರದ ವಿಶೇಷತೆಯಾಗಿದೆ. ಆದರೆ, ವಿಷ್ಣುದಾದಾ ಈ ಚಿತ್ರಕ್ಕೆ ಆಯ್ಕೆಯಾಗಲು ಒಂದು ರೋಚಕ ಕಾರಣವಿದೆ.

ಕನ್ನಡ ಚಿತ್ರರಂಗದ ಯುಗಪುರುಷ, ಕೋಟ್ಯಂತರ ಕನ್ನಡಿಗರ ಪ್ರೀತಿಯ 'ಸಾಹಸಸಿಂಹ' ಡಾ. ವಿಷ್ಣುವರ್ಧನ್ ಅವರ ಅಭಿನಯದ ಕೀರ್ತಿ ಕೇವಲ ಗಂಧದಗುಡಿ, ನಾಗರಹಾವು, ಯಜಮಾನ, ಕೋಟಿಗೊಬ್ಬ ಹೀಗೆ ಕೆಲವೇ ಸಿನಿಮಾಗಳಿಗೆ ಮಾತ್ರ ಸೀಮಿತವಾಗಿರಲಿಲ್ಲ. ತಮಿಳು, ತೆಲುಗು, ಹಿಂದಿ ಹಾಗೂ ಮಲಯಾಳಂ ಭಾಷೆಗಳಲ್ಲೂ ತಮ್ಮ ಗಂಭೀರ ನಟನೆ ಮತ್ತು ಸ್ಟೈಲ್ ಮೂಲಕ ಕಮಾಲ್ ಮಾಡಿದ್ದ ಮಹಾನ್ ನಟ ಅವರು.

ಇದೀಗ ವಿಷ್ಣುದಾದಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದ ಮೊದಲ ಮಲಯಾಳಂ ಚಿತ್ರ 'ಅಡಿಮೈ ಚೆಂಗಿಲಾ' (Adimai Changala) ತೆರೆಕಂಡು ಭರ್ತಿ 47 ವರ್ಷಗಳು ಕಳೆದಿವೆ. ಈ ಐತಿಹಾಸಿಕ ವೆಸ್ಟರ್ನ್ ಶೈಲಿಯ ಆ್ಯಕ್ಷನ್ ಸಿನಿಮಾದ ಹಿಂದೆ ಒಂದು ಅತ್ಯಂತ ರೋಚಕ ಮತ್ತು ಕಣ್ಣೀರಿನ ಕಥೆಯಿದೆ!

'ಅಡಿಮೈ ಚೆಂಗಿಲಾ' ಚಿತ್ರದ ಚಿತ್ರಕಥೆ ಸಿದ್ಧವಾದಾಗ, ಅದರಲ್ಲಿದ್ದ ರಗಡ್ ವೆಸ್ಟರ್ನ್ ಆ್ಯಕ್ಷನ್ ನಾಯಕನ ಪಾತ್ರಕ್ಕಾಗಿ ಅಂದಿನ ಮಲಯಾಳಂ ಚಿತ್ರರಂಗದ ಆ್ಯಕ್ಷನ್ ಸೂಪರ್‌ಸ್ಟಾರ್ ಜಯನ್ (Jayan) ಅವರನ್ನು ಆಯ್ಕೆ ಮಾಡಲಾಗಿತ್ತು.

ಆದರೆ ವಿಧಿಯ ಆಟವೇ ಬೇರೆಯಾಗಿತ್ತು. ‘ಕೊಲಿಲಕ್ಕಂ’ (Kolilakkam) ಎಂಬ ಸಿನಿಮಾದ ಕ್ಲೈಮ್ಯಾಕ್ಸ್ ಸಾಹಸ ದೃಶ್ಯವನ್ನು ಚಿತ್ರೀಕರಿಸುವ ವೇಳೆ, ಹೆಲಿಕಾಪ್ಟರ್‌ನಿಂದ ಕೆಳಗೆ ಬಿದ್ದು ಜಯನ್ ಭೀಕರ ಅಪಘಾತದಲ್ಲಿ ಅಕಾಲಿಕವಾಗಿ ಸಾವನ್ನಪ್ಪಿದರು. ಈ ಆಘಾತದಿಂದ ಇಡೀ ಮಲಯಾಳಂ ಚಿತ್ರರಂಗವೇ ಕಂಬನಿ ಮಿಡಿಯಿತು. ಜಯನ್ ಇಲ್ಲದ ಮೇಲೆ ಆ ಪವರ್‌ಫುಲ್ ಆ್ಯಕ್ಷನ್ ಪಾತ್ರವನ್ನು ನಿಭಾಯಿಸುವವರು ಯಾರು ಎಂಬ ಪ್ರಶ್ನೆ ಎದುರಾದಾಗ ನಿರ್ದೇಶಕ ಎ. ಬಿ. ರಾಜ್ ಹಾಗೂ ನಿರ್ಮಾಪಕ ಆರ್. ಎಸ್. ಪ್ರಭು ಅವರ ಕಣ್ಣಿಗೆ ಕಂಡ ಏಕೈಕ ಮಾಸ್ ಹೀರೋ ನಮ್ಮ ಡಾ. ವಿಷ್ಣುವರ್ಧನ್!

ವಿಷ್ಣುದಾದಾ ಅವರ ಗಾಂಭೀರ್ಯ, ಕಣ್ಣಿನ ತೀಕ್ಷ್ಣತೆ ಹಾಗೂ ಮೈನವಿರೇಳಿಸುವ ಸಾಹಸಗಳನ್ನು ಕಂಡಿದ್ದ ಮಲಯಾಳಂ ಚಿತ್ರತಂಡ, ಅವರನ್ನು ಗೌರವಪೂರ್ವಕವಾಗಿ ಆ ಪಾತ್ರಕ್ಕೆ ಆಹ್ವಾನಿಸಿತು. ಕನ್ನಡಿಗರ ಸಾಹಸಸಿಂಹ ಮಲಯಾಳಂ ಸೂಪರ್‌ಸ್ಟಾರ್ ಪ್ರೇಮ್ ನಜೀರ್ ಅವರೊಂದಿಗೆ ತೆರೆ ಹಂಚಿಕೊಂಡು, ಆ ಪಾತ್ರಕ್ಕೆ ಜೀವ ತುಂಬಿ ಅದ್ಭುತವಾಗಿ ನ್ಯಾಯ ಒದಗಿಸಿದರು.

ಈ ಚಿತ್ರದ ಮತ್ತೊಂದು ಪ್ರಮುಖ ವಿಶೇಷತೆ ಎಂದರೆ ಸಂಗೀತ. ಭಾರತದ ಖ್ಯಾತ ಸಂಗೀತ ನಿರ್ದೇಶಕ ಎಂ.ಕೆ. ಅರ್ಜುನನ್ (M.K. Arjunan) ಈ ಚಿತ್ರಕ್ಕೆ ನಾದಸಂಯೋಜನೆ ಮಾಡಿದ್ದರು. ಇವರು ಬೇರಾರೂ ಅಲ್ಲ, ಇಂದಿನ ವಿಶ್ವವಿಖ್ಯಾತ ಆಸ್ಕರ್ ಪ್ರಶಸ್ತಿ ವಿಜೇತ ಸಂಗೀತ ಮಾಂತ್ರಿಕ ಎ.ಆರ್. ರೆಹಮಾನ್ (A.R. Rahman) ಅವರಿಗೆ ಆರಂಭಿಕ ದಿನಗಳಲ್ಲಿ ಕೀ-ಬೋರ್ಡ್ ನುಡಿಸುವುದನ್ನು ಕಲಿಸಿಕೊಟ್ಟ ಗುರುಗಳು! ಈ ಚಿತ್ರದಲ್ಲಿದ್ದ 'ಹಸ್ಸಿನಬ್ಬಿ ಸಲ್ಲಲ್ಲಾ' ಎಂಬ ಗೀತೆ ಅಂದಿನ ಕಾಲಕ್ಕೆ ದೇಶಾದ್ಯಂತ ಭಾರಿ ಸಂಚಲನ ಮೂಡಿಸಿತ್ತು.

'ಅಡಿಮೈ ಚೆಂಗಿಲಾ' ಬಿಡುಗಡೆಯಾದಾಗ ಮಲಯಾಳಂ ಪ್ರೇಕ್ಷಕರು ವಿಷ್ಣುವರ್ಧನ್ ಅವರ ಲುಕ್, ಖಡಕ್ ಮ್ಯಾನರಿಸಂ ಹಾಗೂ ಸಾಹಸ ದೃಶ್ಯಗಳಿಗೆ ಮಾರುಹೋದರು. ಪ್ರೇಮ್ ನಜೀರ್ ಅವರಂತಹ ಲೆಜೆಂಡರಿ ನಟನ ಜತೆ ಸಮಬಲವಾಗಿ ನಟಿಸಿ ಸೈ ಎನಿಸಿಕೊಂಡರು. ಕನ್ನಡದ ಕೀರ್ತಿ ಪತಾಕೆಯನ್ನು ಬೇರೆ ಭಾಷೆಯಲ್ಲೂ ಮುಗಿಲೆತ್ತರಕ್ಕೆ ಹಾರಿಸಿದ ಹೆಗ್ಗಳಿಕೆ ಸಾಹಸಸಿಂಹನದ್ದು ಎಂಬುದಕ್ಕೆ 'ಅಡಿಮೈ ಚೆಂಗಿಲಾ' ಚಿತ್ರವೇ ಜ್ವಲಂತ ಸಾಕ್ಷಿ.

ರಾವಣನಿಗೆ ಚಿನ್ನದ ಲಂಕೆಯನ್ನು ಗಿಫ್ಟ್ ಆಗಿ ನೀಡಿದ್ದು ಯಾರು?

Ganesh Mabla Gowda — Wed, 21 Oct 2026 21:45:21 +0530

ದಸರಾ ಹಿನ್ನೆಲೆಯಲ್ಲಿ ರಾವಣನ ವಧೆ ಕಾರ್ಯಕ್ರಮಗಳು ಜೋರಾಗಿವೆ. ನಿಮಗೆ ಗೊತ್ತಾ? ರಾಮಾಯಣದಲ್ಲಿ ಬರುವ ರಾವಣನ ಲಂಕೆ ಅತ್ಯಂತ ಭವ್ಯ ಮತ್ತು ಶ್ರೀಮಂತ ನಗರ ಆಗಿತ್ತು. ಅದೇ ಕಾರಣಕ್ಕೆ ಅದನ್ನು 'ಚಿನ್ನದ ಲಂಕೆ' ಎಂದು ಕರೆಯಲಾಗುತ್ತದೆ. ರಾವಣನಿಗೆ ಈ ಚಿನ್ನದ ಲಂಕೆ ಒಲಿದಿದ್ದು ಹೇಗೆ ಗೊತ್ತಾ? ನೀಡಿದ್ದು ಯಾರು?

ಪುರಾಣಗಳಲ್ಲಿ ಲಂಕೆಗೆ ಸಂಬಂಧಿಸಿದ ಎರಡು ಕಥೆಗಳು ಹೆಚ್ಚು ಜನಪ್ರಿಯ. ಮೊದಲ ಕಥೆಯು ಶಿವ ಮತ್ತು ಪಾರ್ವತಿ ದೇವಿಯನ್ನು ಒಳಗೊಂಡಿರೋದು. ಅದರಲ್ಲಿ ಲಂಕೆಯ ಭವ್ಯ ನಿರ್ಮಾಣ ಮತ್ತು ರಾವಣನ ಆಗಮನವನ್ನು ತಿಳಿಸುತ್ತದೆ. ಎರಡನೆಯ ಕಥೆಯು ಲಂಕೆ ಮತ್ತು ದೈವಿಕ ಪುಷ್ಪಕ ವಿಮಾನದ ಮೇಲೆ ನಿಯಂತ್ರಣ ಹೊಂದಿರುವ ರಾವಣನ ಮಲಸಹೋದರ ಕುಬೇರನಿಗೆ ಸಂಬಂಧಿಸಿದ್ದಾಗಿದೆ.

ದಂತಕಥೆಯ ಪ್ರಕಾರ.. ಪಾರ್ವತಿ ದೇವಿಯು ಒಮ್ಮೆ ಶಿವನು ವಾಸಿಸಲು ಒಂದು ಭವ್ಯವಾದ ಅರಮನೆಯನ್ನು ನಿರ್ಮಿಸುವ ಬಯಕೆ ವ್ಯಕ್ತಪಡಿಸಿದಳು. ನಂತರ ಶಿವನು ದೇವರುಗಳ ದೈವಿಕ ವಾಸ್ತುಶಿಲ್ಪಿ ವಿಶ್ವಕರ್ಮನಿಗೆ ಭವ್ಯವಾದ ಅರಮನೆ ನಿರ್ಮಿಸಲು ನಿಯೋಜಿಸಿದ. ವಿಶ್ವಕರ್ಮನು ಸಾಗರದ ಮಧ್ಯದಲ್ಲಿ ಒಂದು ಭವ್ಯವಾದ ನಗರವನ್ನು ನಿರ್ಮಿಸಿದ. ಅದರ ಸೌಂದರ್ಯವು ವ್ಯಾಪಕವಾಗಿ ಮೆಚ್ಚುಗೆ ಪಡೆಯಿತು. ಇದು ಚಿನ್ನದಿಂದ ಅಲಂಕರಿಸಲ್ಪಟ್ಟಿತು ಮತ್ತು ನಂತರ ಚಿನ್ನದ ಲಂಕಾ ಎಂದು ಪ್ರಸಿದ್ಧವಾಯಿತು ಎಂದು ಹೇಳಲಾಗುತ್ತದೆ.

ದಂತಕಥೆಯ ಪ್ರಕಾರ..ಭವ್ಯ ಅರಮನೆಯ ಗೃಹಪ್ರವೇಶ ಸಮಾರಂಭಕ್ಕೆ ರಾವಣನನ್ನೂ ಆಹ್ವಾನಿಸಲಾಗಿತ್ತು. ಆ ಸಮಯದಲ್ಲಿ ರಾವಣನನ್ನು ಒಬ್ಬ ಮಹಾನ್ ವಿದ್ವಾಂಸ ಮತ್ತು ಶಿವನ ಮಹಾನ್ ಭಕ್ತ ಎಂದು ಪರಿಗಣಿಸಲಾಗಿತ್ತು. ಅವನು ಧಾರ್ಮಿಕ ಪೂಜೆ ಮತ್ತು ಗೃಹಪ್ರವೇಶ ಸಮಾರಂಭವನ್ನು ನಿರ್ವಹಿಸಿದ. ಈ ಸಮಯದಲ್ಲಿ.. ರಾವಣನು ಲಂಕೆಯ ಭವ್ಯತೆಯಿಂದ ತುಂಬಾ ಪ್ರಭಾವಿತನಾಗಿ ಶಿವನಿಂದ ಅದೇ ಚಿನ್ನದ ನಗರವನ್ನು ಕೇಳಿದ. ಶಿವನು ರಾವಣನ ಆಸೆ ಈಡೇರಿಸಿದ. ಅಲ್ಲಿಂದ ಲಂಕೆ ರಾವಣನ ನಿಯಂತ್ರಣಕ್ಕೆ ಬಂದಿತು. ಈ ಘಟನೆಯಿಂದ ಪಾರ್ವತಿ ದೇವಿಯು ಕೋಪಗೊಂಡು ಲಂಕೆಯ ಭವಿಷ್ಯವನ್ನು ಶಪಿಸಿದಳು ಎಂದು ಹೇಳಲಾಗುತ್ತದೆ..

ಚಿನ್ನದ ಲಂಕೆಯ ಕುರಿತಾದ ಎರಡನೇ ಪ್ರಮುಖ ಕಥೆಯು ರಾವಣ ಮತ್ತು ಸಹೋದರ ಕುಬೇರನಿಗೆ ಸಂಬಂಧಿಸಿದ್ದು. ರಾಮಾಯಣ ಸಂಪ್ರದಾಯದಲ್ಲಿ.. ಕುಬೇರನನ್ನು ಋಷಿ ವಿಶ್ರವನ ಮಗ ಮತ್ತು ರಾವಣನ ಮಲಸಹೋದರ ಎಂದು ವಿವರಿಸಲಾಗಿದೆ. ಕುಬೇರನನ್ನು ಸಂಪತ್ತು ಮತ್ತು ಸಮೃದ್ಧಿಯ ದೇವರು ಎಂದು ಪರಿಗಣಿಸಲಾಗುತ್ತದೆ. ಕಥೆಯ ಪ್ರಕಾರ.. ಲಂಕೆಯನ್ನು ಮೂಲತಃ ಕುಬೇರ ಆಳುತ್ತಿದ್ದ. ಅವನು ಅಲ್ಲಿಂದಲೇ ಆಳಿದನು. ಪೌರಾಣಿಕ ಗ್ರಂಥಗಳಲ್ಲಿ ದೈವಿಕ ವಿಮಾನ ಎಂದು ವಿವರಿಸಲಾದ ಪುಷ್ಪಕ ವಿಮಾನವನ್ನೂ ಅವನು ಹೊಂದಿದ್ದನು. ರಾವಣನು ಕಠಿಣ ತಪಸ್ಸಿನ ಮೂಲಕ ಅಧಿಕಾರವನ್ನು ಪಡೆದಾಗ..ಅವನು ತನ್ನ ಸಾಮ್ರಾಜ್ಯವನ್ನು ವಿಸ್ತರಿಸುವ ಬಯಕೆ ಬೆಳೆಸಿಕೊಂಡನು. ರಾವಣನು ಯುದ್ಧದಲ್ಲಿ ಕುಬೇರನನ್ನು ಸೋಲಿಸಿ ಲಂಕೆಯ ಮೇಲೆ ತನ್ನ ನಿಯಂತ್ರಣವನ್ನು ಸ್ಥಾಪಿಸಿದ. ಪುಷ್ಪಕ ವಿಮಾನವೂ ಅವನ ಸ್ವಾಧೀನಕ್ಕೆ ಬಂದಿತು.

ರಾವಣನ ಆಳ್ವಿಕೆಯಲ್ಲಿ ಲಂಕೆಯು ಅತ್ಯಂತ ಸಮೃದ್ಧ ಮತ್ತು ಶಕ್ತಿಶಾಲಿ ನಗರವಾಗಿತ್ತು ಎಂದು ವರ್ಣಿಸಲಾಗಿದೆ. ರಾಮಾಯಣದ ಸುಂದರಕಾಂಡದಲ್ಲಿ.. ಹನುಮಂತನು ಲಂಕೆಗೆ ಬಂದಾಗ, ಅವನಿಗೆ ಅಲ್ಲಿನ ಅರಮನೆಗಳು, ಕಟ್ಟಡಗಳು, ದ್ವಾರಗಳು ಮತ್ತು ಅಲಂಕಾರಗಳ ಭವ್ಯವಾದ ವಿವರಣೆಯನ್ನು ನೀಡಲಾಗುತ್ತದೆ. ಲಂಕೆಯ ಸಮೃದ್ಧಿ ಮತ್ತು ರಾವಣನ ಶಕ್ತಿಯನ್ನು ಗಮನಿಸಿದ ಹನುಮಂತನು ಅದರ ವೈಭವವನ್ನು ನೋಡಿ ಆಶ್ಚರ್ಯಚಕಿತನಾಗುತ್ತಾನೆ. ತನ್ನ ಶಕ್ತಿ ಮತ್ತು ಸಂಪತ್ತಿನಿಂದ..ರಾವಣನು ಲಂಕೆಯನ್ನು ಬಲವಾದ ಸಾಮ್ರಾಜ್ಯದ ಕೇಂದ್ರವನ್ನಾಗಿ ಪರಿವರ್ತಿಸಿದನು. ನಂತರದ ಸೀತೆಯ ಅಪಹರಣವು ಅವನ ಜೀವನ ಮತ್ತು ಲಂಕೆಯ ಇತಿಹಾಸವನ್ನು ಸಂಪೂರ್ಣವಾಗಿ ಬದಲಾಯಿಸಿತು.

ಸ್ಪೋರ್ಟಿ ಲುಕ್‌ನಲ್ಲಿ ಅಬ್ಬರಿಸಲು ಬಂದ ಹೊಸ ಪಲ್ಸರ್ N250SS: 6-ಸ್ಪೀಡ್ ಗೇರ್‌ಬಾಕ್ಸ್, ಕ್ವಿಕ್‌ಶಿಫ್ಟರ್, TFT ಡಿಸ್‌ಪ್ಲೇ ಮ್ಯಾಜಿಕ್!

Santosh Naik — Wed, 21 Oct 2026 21:40:26 +0530

ನವದೆಹಲಿ (ಅ.21): ಪ್ರಸಿದ್ಧ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆಯಾದ 'ಬಜಾಜ್ ಆಟೋ' ತನ್ನ ಅತ್ಯಂತ ಜನಪ್ರಿಯ 'ಪಲ್ಸರ್ N250' ಬೈಕ್‌ನ ಮತ್ತಷ್ಟು ನವೀಕೃತ ಹಾಗೂ ಹೆವಿ ಫೀಚರ್‌ಗಳನ್ನು ಹೊಂದಿರುವ ಹೊಸ 'ಪಲ್ಸರ್ N250SS' (Pulsar N250SS) ಆವೃತ್ತಿಯನ್ನು ಭಾರತೀಯ ಮಾರುಕಟ್ಟೆಗೆ ಅಧಿಕೃತವಾಗಿ ಬಿಡುಗಡೆ ಮಾಡಿದೆ. ಕಂಪನಿಯು ಈ ನೂತನ ಬೈಕ್‌ನ ದೆಹಲಿ ಎಕ್ಸ್-ಶೋರೂಂ ಬೆಲೆಯನ್ನು ₹1,59,406 ಎಂದು ನಿಗದಿಪಡಿಸಿದೆ. ಹಳೆಯ ಮಾದರಿಗೆ ಹೋಲಿಸಿದರೆ, ಹೊಸ N250SS ಆವೃತ್ತಿಯಲ್ಲಿ ಎಂಜಿನ್, ಗೇರ್‌ಬಾಕ್ಸ್ ಹಾಗೂ ತಂತ್ರಜ್ಞಾನಕ್ಕೆ ಸಂಬಂಧಿಸಿದಂತೆ ಹಲವು ದೊಡ್ಡ ಮಟ್ಟದ ಅಪ್‌ಡೇಟ್‌ಗಳನ್ನು ನೀಡಲಾಗಿದೆ.

4V ಎಂಜಿನ್ ಜೊತೆಗೆ 6-ಸ್ಪೀಡ್ ಗೇರ್‌ಬಾಕ್ಸ್

ಹೊಸ ಪಲ್ಸರ್ N250SS ಬೈಕ್‌ನಲ್ಲಿ ನವೀಕರಿಸಿದ 249cc ನ '4-ವಾಲ್ವ್' (4V) ಎಂಜಿನ್ ಅನ್ನು ಅಳವಡಿಸಲಾಗಿದೆ. ಇದರ ಜೊತೆಗೆ ಎಲೆಕ್ಟ್ರಾನಿಕ್ ಥ್ರೊಟಲ್ ಬಾಡಿ ಹಾಗೂ ಹೊಸ '6-ಸ್ಪೀಡ್' ಗೇರ್‌ಬಾಕ್ಸ್ ಅನ್ನು ಜೋಡಿಸಲಾಗಿದೆ. ಈ 6-ಸ್ಪೀಡ್ ಗೇರ್‌ಬಾಕ್ಸ್‌ನಿಂದಾಗಿ ಹೈವೇಗಳಲ್ಲಿ (ಹೆದ್ದಾರಿಗಳಲ್ಲಿ) ವೇಗವಾಗಿ ಬೈಕ್ ಚಲಾಯಿಸುವಾಗ ಅತ್ಯುತ್ತಮ ಕ್ರೂಸಿಂಗ್ ಹಾಗೂ ಉತ್ತಮ ಗೇರ್ ಕಂಟ್ರೋಲ್ ಸಿಗಲಿದೆ.

ಇದರೊಂದಿಗೆ ಬೈಕ್‌ನಲ್ಲಿ 'ಬೈ-ಡೈರೆಕ್ಷನಲ್ ಕ್ವಿಕ್‌ಶಿಫ್ಟರ್' (Bi-directional quickshifter) ಅಳವಡಿಸಲಾಗಿದೆ. ಇದರಿಂದಾಗಿ ಚಾಲಕನು ಕ್ಲಚ್ ಬಳಸುವ ಅಗತ್ಯವಿಲ್ಲದೆ ತಕ್ಷಣವೇ ಗೇರ್‌ಗಳನ್ನು ಮೇಲಕ್ಕೆ ಅಥವಾ ಕೆಳಕ್ಕೆ (Up/Down) ಸುಲಭವಾಗಿ ಶಿಫ್ಟ್ ಮಾಡಬಹುದಾಗಿದೆ.

5-ಇಂಚಿನ TFT ಡಿಸ್‌ಪ್ಲೇಯಲ್ಲಿ ಗೂಗಲ್ ಮ್ಯಾಪ್ಸ್ ಮಿನ್ನರಿಂಗ್!

ಪಲ್ಸರ್ N250SS ನ ಅತ್ಯಂತ ಪ್ರಮುಖ ಹಾಗೂ ದೊಡ್ಡ ಅಪ್‌ಡೇಟ್ ಎಂದರೆ ಇದರ ಹೊಸ 5-ಇಂಚಿನ ಕಲರ್ 'TFT ಇನ್ಸ್ಟ್ರುಮೆಂಟ್ ಕನ್ಸೋಲ್'. ಇದರಲ್ಲಿ 'ಗೂಗಲ್ ಮ್ಯಾಪ್ಸ್ ಮಿನ್ನರಿಂಗ್' (Google Maps Mirroring) ಸೌಲಭ್ಯವನ್ನು ನೀಡಲಾಗಿದ್ದು, ಚಾಲಕರು ಬೈಕ್‌ನ ಸ್ಕ್ರೀನ್‌ನಲ್ಲೇ ನೇರವಾಗಿ ನ್ಯಾವಿಗೇಷನ್ (ಮಾರ್ಗಸೂಚಿ) ಮಾಹಿತಿಯನ್ನು ವೀಕ್ಷಿಸಬಹುದಾಗಿದೆ. ಇಷ್ಟೇ ಅಲ್ಲದೆ, ದಿನನಿತ್ಯದ ಸವಾರಿಗೆ ಹಾಗೂ ಸುದೀರ್ಘ ಪ್ರಯಾಣಕ್ಕೆ ಅನುಕೂಲವಾಗುವಂತೆ ಯುಎಸ್‌ಬಿ ಟೈಪ್-ಸಿ (USB Type-C) ಚಾರ್ಜಿಂಗ್ ಪೋರ್ಟ್ ಮತ್ತು ನವೀಕೃತ ಸ್ವಿಚ್‌ಗೇರ್ ಸೌಲಭ್ಯಗಳನ್ನು ಒದಗಿಸಲಾಗಿದೆ.

ಐದು ರೈಡಿಂಗ್ ಮೋಡ್‌ಗಳು ಹಾಗೂ ಟ್ರ್ಯಾಕ್ಷನ್ ಕಂಟ್ರೋಲ್

ಸವಾರರ ಸುರಕ್ಷತೆ ಮತ್ತು ಚಾಲನಾ ಅನುಭವವನ್ನು ಉತ್ತಮಗೊಳಿಸಲು ಹೊಸ ಪಲ್ಸರ್ N250SS ನಲ್ಲಿ ವಿವಿಧ ರಸ್ತೆ ಪರಿಸ್ಥಿತಿಗಳಿಗೆ ಅನುಗುಣವಾಗಿ 5 ವಿಭಿನ್ನ ರೈಡಿಂಗ್ ಮೋಡ್‌ಗಳನ್ನು ನೀಡಲಾಗಿದೆ. ಅವುಗಳೆಂದರೆ ಸ್ಪೋರ್ಟ್ (Sport), ರೋಡ್ (Road), ರೈನ್ (Rain), ಆಫ್-ರೋಡ್ (Off-road) ಹಾಗೂ ಟೂರ್ (Tour). ಜೊತೆಗೆ, ಜಾರುವ ರಸ್ತೆಗಳಲ್ಲಿ ಬೈಕ್ ನಿಯಂತ್ರಣ ತಪ್ಪದಂತೆ ತಡೆಯಲು 'ಟ್ರ್ಯಾಕ್ಷನ್ ಕಂಟ್ರೋಲ್' (Traction Control) ವ್ಯವಸ್ಥೆಯನ್ನು ಸಹ ಒದಗಿಸಲಾಗಿದೆ.

ಇದಲ್ಲದೆ, ಅಡ್ಜಸ್ಟಬಲ್ ಕ್ಲಚ್ ಮತ್ತು ಬ್ರೇಕ್ ಲಿವರ್‌ಗಳು, ರೇಡಿಯಲ್ ರಿಯರ್ ಟೈರ್ ಹಾಗೂ ಗೋಲ್ಡ್ ಫಿನಿಶ್ ಹೊಂದಿರುವ USD ಫ್ರಂಟ್ ಫೋರ್ಕ್ ಸಸ್ಪೆನ್ಷನ್ ಬೈಕ್‌ನ ಮೆರುಗನ್ನು ಹೆಚ್ಚಿಸಿವೆ. ಹೊಸ ಗ್ರಾಫಿಕ್ಸ್ ಮತ್ತು ರೆಡ್ ಅಲಾಯ್ ವೀಲ್ಸ್ ಬೈಕ್‌ಗೆ ಸ್ಪೋರ್ಟಿ ಲುಕ್ ನೀಡಿವೆ.

ಪ್ರಸ್ತುತ ಮಾಡೆಲ್‌ಗಿಂತ ಎಷ್ಟು ದುಬಾರಿ?

ದೆಹಲಿ ಎಕ್ಸ್-ಶೋರೂಂ ದರದಂತೆ ಪಲ್ಸರ್ N250SS ಬೆಲೆ ₹1,59,406 ಆಗಿದೆ. ಇದು ಸ್ಟ್ಯಾಂಡರ್ಡ್ 'ಪಲ್ಸರ್ N250' ಮಾದರಿಗಿಂತ ಸುಮಾರು ₹14,000 ಗಳಷ್ಟು ದುಬಾರಿಯಾಗಿದೆ. ಆದರೆ, ಹೆಚ್ಚುವರಿ ಬೆಲೆಗೆ ತಕ್ಕಂತೆ ಬೈಕ್‌ನಲ್ಲಿ 4V ಎಂಜಿನ್, 6-ಸ್ಪೀಡ್ ಗೇರ್‌ಬಾಕ್ಸ್, TFT ಡಿಸ್‌ಪ್ಲೇ, ಕ್ವಿಕ್‌ಶಿಫ್ಟರ್ ಮತ್ತು ಹಲವು ಅತ್ಯಾಧುನಿಕ ಎಲೆಕ್ಟ್ರಾನಿಕ್ ಫೀಚರ್‌ಗಳು ದೊರೆಯುತ್ತಿರುವುದು ಬೈಕ್ ಪ್ರಿಯರಿಗೆ ಉತ್ತಮ ಆಯ್ಕೆಯಾಗಿದೆ.

ಊಟ ಮಾಡುವಾಗ ಎಚ್ಚರ: ಮುಖದ ಶೇಪ್ ಬದಲಾಗಲು ಈ ಅಭ್ಯಾಸವೂ ಕಾರಣವಾಗಬಹುದು, ತಜ್ಞರು ಹೇಳೋದೇನು?

Govindaraj S — Wed, 21 Oct 2026 21:37:08 +0530

ನಮ್ಮಲ್ಲಿ ಬಹುತೇಕರು ಊಟ ಮಾಡುವಾಗ ಬಾಯಿಯ ಒಂದೇ ಕಡೆ ಆಹಾರವನ್ನು ಅಗಿಯುತ್ತಾರೆ. ಹೀಗೆ ಒಂದೇ ಕಡೆ ಅಗಿಯುವುದರಿಂದ ಏನೆಲ್ಲಾ ಸಮಸ್ಯೆಗಳು ಬರುತ್ತವೆ ಗೊತ್ತಾ? ಇದರಿಂದ ಮುಖದ ಆಕಾರವೇ ಬದಲಾಗಬಹುದು ಎನ್ನುತ್ತಾರೆ ತಜ್ಞರು.

ಊಟ ಮಾಡುವಾಗ ಎರಡು ಕಡೆಯ ಹಲ್ಲುಗಳನ್ನು ಬಳಸಿ ಅಗಿಯುವುದು ಒಳ್ಳೆಯದು. ಇದರಿಂದ ನಿಮ್ಮ ದವಡೆಯ ಸ್ನಾಯುಗಳು ಸಮತೋಲನದಲ್ಲಿ ಕೆಲಸ ಮಾಡುತ್ತವೆ. ಆದರೆ, ಯಾವಾಗಲೂ ಒಂದೇ ಕಡೆ ಅಗಿಯುವುದರಿಂದ ಆ ಕಡೆಯ ಸ್ನಾಯುಗಳ ಮೇಲೆ ಹೆಚ್ಚು ಒತ್ತಡ ಬೀಳುತ್ತದೆ. ಇನ್ನೊಂದು ಕಡೆಯ ಸ್ನಾಯುಗಳು ಕಡಿಮೆ ಕೆಲಸ ಮಾಡುತ್ತವೆ. ಈ ಅಭ್ಯಾಸ ದೀರ್ಘಕಾಲ ಮುಂದುವರಿದರೆ, ಎರಡು ಕಡೆಯ ಸ್ನಾಯುಗಳ ಗಾತ್ರದಲ್ಲಿ ವ್ಯತ್ಯಾಸವಾಗಬಹುದು. ಪರಿಣಾಮವಾಗಿ, ಮುಖ ಒಂದು ಕಡೆ ಸ್ವಲ್ಪ ದೊಡ್ಡದಾಗಿ ಮತ್ತು ಇನ್ನೊಂದು ಕಡೆ ಚಿಕ್ಕದಾಗಿ ಕಾಣಬಹುದು. ಆದರೆ, ಮುಖದ ಆಕಾರ ಬದಲಾಗಲು ಇದೊಂದೇ ಕಾರಣವಲ್ಲ. ದವಡೆ ಮೂಳೆಗಳ ರಚನೆ ಮತ್ತು ಹಲ್ಲುಗಳ ಜೋಡಣೆಯ ಸಮಸ್ಯೆಗಳೂ ಕಾರಣವಾಗಬಹುದು.

ಒಂದೇ ಕಡೆ ಅಗಿಯುವುದರಿಂದ ಆ ಕಡೆಯ ಹಲ್ಲುಗಳ ಮೇಲೆ ಅತಿಯಾದ ಒತ್ತಡ ಬೀಳುತ್ತದೆ. ಇದು ಹಲ್ಲು ಸವೆತ ಮತ್ತು ಬಿರುಕು ಬಿಡುವಂತಹ ಸಮಸ್ಯೆಗಳಿಗೆ ಕಾರಣವಾಗುತ್ತದೆ. ನಿಮಗೆ ಈಗಾಗಲೇ ಹಲ್ಲು ಹುಳುಕಾಗಿದ್ದರೆ ಅಥವಾ ದುರ್ಬಲವಾಗಿದ್ದರೆ, ಈ ಸಮಸ್ಯೆ ಇನ್ನಷ್ಟು ಹೆಚ್ಚಾಗಬಹುದು. ಇನ್ನೊಂದು ಕಡೆ, ನೀವು ಹಲ್ಲುಗಳನ್ನು ಸರಿಯಾಗಿ ಬಳಸದಿದ್ದರೆ, ಅಲ್ಲಿ ಆಹಾರದ ಕಣಗಳು ಮತ್ತು ಬ್ಯಾಕ್ಟೀರಿಯಾ ಸೇರಿಕೊಳ್ಳುತ್ತವೆ. ಹಲ್ಲುಗಳನ್ನು ಸರಿಯಾಗಿ ಸ್ವಚ್ಛಗೊಳಿಸದಿದ್ದರೆ, ವಸಡು ಸಮಸ್ಯೆ ಮತ್ತು ಹಲ್ಲು ಕೊಳೆಯುವ ಅಪಾಯವಿರುತ್ತದೆ. ಸೋಂಕು ಹಲ್ಲಿನ ಒಳಭಾಗವನ್ನು ತಲುಪಿದರೆ, ವಿಪರೀತ ನೋವು ಬರಬಹುದು. ಹಾಗಾಗಿ, ನೀವು ಒಂದೇ ಕಡೆ ಅಗಿಯಲು ಕಾರಣವೇನು ಎಂಬುದನ್ನು ಪತ್ತೆಹಚ್ಚಿ, ಅಗತ್ಯವಿದ್ದರೆ ದಂತ ವೈದ್ಯರನ್ನು ಭೇಟಿಯಾಗಬೇಕು.

ಬಾಯಿಯಲ್ಲಿ ಆಹಾರವನ್ನು ಸಣ್ಣ ತುಂಡುಗಳಾಗಿ ಅಗಿಯುವುದು ಜೀರ್ಣಕ್ರಿಯೆಯ ಪ್ರಮುಖ ಭಾಗ. ಆಹಾರವನ್ನು ಸರಿಯಾಗಿ ಅಗಿಯದೆ ನುಂಗಿದರೆ ಜೀರ್ಣಕ್ರಿಯೆ ಸಮಸ್ಯೆಗಳು ಬರುತ್ತವೆ. ಆದರೆ, ಒಂದೇ ಕಡೆ ಅಗಿಯುವುದರಿಂದ ಜೀರ್ಣಾಂಗ ವ್ಯವಸ್ಥೆ ನೇರವಾಗಿ ದುರ್ಬಲವಾಗುತ್ತದೆ ಎಂದು ಹೇಳಲು ಸಾಕಷ್ಟು ಪುರಾವೆಗಳಿಲ್ಲ. ಬಾಯಿ ತೆರೆಯಲು ಮತ್ತು ಮುಚ್ಚಲು ಸಹಾಯ ಮಾಡುವ ದವಡೆ ಕೀಲುಗಳನ್ನು ಟೆಂಪೊರೊಮ್ಯಾಂಡಿಬ್ಯುಲರ್ ಜಾಯಿಂಟ್ಸ್ (TMJ) ಎಂದು ಕರೆಯುತ್ತಾರೆ. ಒಂದೇ ಕಡೆ ಅಗಿಯುವುದರಿಂದ ದವಡೆ ಸ್ನಾಯುಗಳ ಮೇಲೆ ಒತ್ತಡ ಹೆಚ್ಚಾಗಿ, ಕೆಲವರಿಗೆ ಕಿರಿಕಿರಿ ಉಂಟಾಗಬಹುದು. ದವಡೆ ಆಡಿಸುವಾಗ ಶಬ್ದ ಬರುವುದು, ಅಗಿಯುವಾಗ ನೋವು ಮತ್ತು ಬಾಯಿಯನ್ನು ಸಂಪೂರ್ಣವಾಗಿ ತೆರೆಯಲು ಕಷ್ಟವಾಗುವಂತಹ ಲಕ್ಷಣಗಳನ್ನು ನಿರ್ಲಕ್ಷಿಸಬಾರದು. ಈ ಸಮಸ್ಯೆಗಳಿಗೆ ಬೇರೆ ಕಾರಣಗಳೂ ಇರಬಹುದು, ಹಾಗಾಗಿ ವೈದ್ಯಕೀಯ ತಪಾಸಣೆ ಅಗತ್ಯ.

ಒಂದೇ ಕಡೆ ಅಗಿಯುವುದರಿಂದ ನಿಮ್ಮ ಮುಖದ ಆಕಾರ ಬದಲಾದಂತೆ ಅನಿಸಿದರೆ, ಮೊದಲು ಆ ಅಭ್ಯಾಸಕ್ಕೆ ಕಾರಣವೇನು ಎಂಬುದನ್ನು ನೀವು ಕಂಡುಹಿಡಿಯಬೇಕು. ನಿಮಗೆ ಹಲ್ಲುನೋವು, ಹಲ್ಲು ಇಲ್ಲದಿರುವುದು ಅಥವಾ ಹಲ್ಲುಗಳ ಜೋಡಣೆಯಲ್ಲಿ ಸಮಸ್ಯೆ ಇದ್ದರೆ, ಅದಕ್ಕೆ ಚಿಕಿತ್ಸೆ ಪಡೆಯಬೇಕು. ನಿಮಗೆ ಎರಡು ಕಡೆ ಆರೋಗ್ಯಕರ ಹಲ್ಲುಗಳಿದ್ದು, ಅಗಿಯುವಾಗ ನೋವಿಲ್ಲದಿದ್ದರೆ, ಎರಡೂ ಕಡೆ ಸಮಾನವಾಗಿ ಅಗಿಯುವ ಅಭ್ಯಾಸವನ್ನು ನೀವು ರೂಢಿಸಿಕೊಳ್ಳಬಹುದು. ಆದರೆ, ನೋವಿರುವ ಕಡೆ ಬಲವಂತವಾಗಿ ಅಗಿಯಬಾರದು.

ಮುಖದ ಮಸಾಜ್ ಮತ್ತು ವಿಶೇಷ ವ್ಯಾಯಾಮಗಳು ನಿಮ್ಮ ಮುಖವನ್ನು ಸರಿಪಡಿಸುತ್ತವೆ ಎಂಬುದಕ್ಕೆ ಯಾವುದೇ ಬಲವಾದ ವೈಜ್ಞಾನಿಕ ಪುರಾವೆಗಳಿಲ್ಲ. ಹಾಗೆಯೇ, ಮುಖ ವಾಲಿದ ಕಡೆ ಮಲಗುವುದರಿಂದ ಮುಖ ನೇರವಾಗುತ್ತದೆ ಎಂಬುದು ಸುಳ್ಳು. ಮಲಗುವ ಭಂಗಿಯನ್ನು ಬದಲಾಯಿಸುವುದು ಈ ಸಮಸ್ಯೆಗೆ ಪರಿಹಾರವಲ್ಲ. ನಿಮ್ಮ ಮುಖದ ಆಕಾರದಲ್ಲಿ ಸ್ಪಷ್ಟ ವ್ಯತ್ಯಾಸವಿದ್ದರೆ, ದಂತ ವೈದ್ಯರು ಅಥವಾ ಬಾಯಿಯ ಶಸ್ತ್ರಚಿಕಿತ್ಸಕರನ್ನು ಸಂಪರ್ಕಿಸುವುದು ಉತ್ತಮ. ಸಮಸ್ಯೆಯ ಕಾರಣವನ್ನು ಆಧರಿಸಿ ಅವರು ಸರಿಯಾದ ಚಿಕಿತ್ಸೆಯನ್ನು ನೀಡುತ್ತಾರೆ.

ಹಲ್ಲುಗಳ ಅಸಮರ್ಪಕ ಜೋಡಣೆಯಿಂದಾಗಿ ದವಡೆಗಳು ಸರಿಯಾಗಿ ಹೊಂದಿಕೊಳ್ಳದಿದ್ದರೆ, ಕ್ಲಿಪ್ ಹಾಕುವುದು ಉಪಯುಕ್ತ. ಕ್ಲಿಪ್‌ಗಳು ಹಲ್ಲುಗಳನ್ನು ನಿಧಾನವಾಗಿ ಸರಿಯಾದ ಸ್ಥಾನಕ್ಕೆ ತರುತ್ತವೆ. ಇದು ಹಲ್ಲುಗಳ ಜೋಡಣೆ ಮತ್ತು ಕಚ್ಚುವ ವಿಧಾನವನ್ನು ಸುಧಾರಿಸುತ್ತದೆ. ಆದರೆ, ಎಲ್ಲಾ ರೀತಿಯ ಮುಖದ ಅಸಮತೋಲನವನ್ನು ಕ್ಲಿಪ್‌ಗಳ ಮೂಲಕ ಸಂಪೂರ್ಣವಾಗಿ ಸರಿಪಡಿಸಬಹುದು ಎಂದು ಹೇಳಲಾಗುವುದಿಲ್ಲ. ಇದು ಸಮಸ್ಯೆ ಹಲ್ಲುಗಳ ಜೋಡಣೆಗೆ ಸಂಬಂಧಿಸಿದ್ದಾ ಅಥವಾ ದವಡೆ ಮೂಳೆಗಳ ರಚನೆಗೆ ಸಂಬಂಧಿಸಿದ್ದಾ ಎಂಬುದರ ಮೇಲೆ ಆಧಾರಿತವಾಗಿದೆ. ಚಿಕಿತ್ಸೆಗೆ ಬೇಕಾಗುವ ಸಮಯವೂ ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾಗುತ್ತದೆ. ದವಡೆ ಮೂಳೆಗಳ ರಚನೆಯಲ್ಲಿ ತೀವ್ರ ವ್ಯತ್ಯಾಸಗಳಿದ್ದರೆ, ಕೆಲವರಿಗೆ ಶಸ್ತ್ರಚಿಕಿತ್ಸೆ ಬೇಕಾಗಬಹುದು. ಈ ಚಿಕಿತ್ಸೆಯು ದವಡೆ ಮೂಳೆಗಳ ಸ್ಥಾನವನ್ನು ಸರಿಪಡಿಸುತ್ತದೆ. ಆದರೆ, ಎಲ್ಲರಿಗೂ ಶಸ್ತ್ರಚಿಕಿತ್ಸೆ ಬೇಕಾಗುವುದಿಲ್ಲ. ತಜ್ಞರು ಸಮಸ್ಯೆಯ ತೀವ್ರತೆಯ ಆಧಾರದ ಮೇಲೆ ನಿರ್ಧಾರ ತೆಗೆದುಕೊಳ್ಳುತ್ತಾರೆ.

ವುಡನ್ ಸೋಫಾ vs ಫ್ಯಾಬ್ರಿಕ್ ಸೋಫಾ: ಯಾವುದು ಹೆಚ್ಚು ಬಾಳಿಕೆ ಬರುತ್ತೆ? ಮನೆಗೆ ಯಾವುದು ಬೆಸ್ಟ್?

Govindaraj S — Wed, 21 Oct 2026 21:14:26 +0530

ಮನೆಯ ಲಿವಿಂಗ್ ರೂಮ್ ಅಂದ ಹೆಚ್ಚಿಸಲು ವುಡನ್ ಸೋಫಾ ಅಥವಾ ಫ್ಯಾಬ್ರಿಕ್ ಸೋಫಾ, ನಿಮ್ಮ ಮನೆಗೆ ಯಾವುದು ಬೆಸ್ಟ್? ಇವೆರಡರ ಲಾಭಗಳು, ಬಾಳಿಕೆ ಮತ್ತು ನಿರ್ವಹಣೆ ಬಗ್ಗೆ ಇಲ್ಲಿದೆ ಕಂಪ್ಲೀಟ್ ಡೀಟೇಲ್ಸ್.

ಮನೆಯ ಲಿವಿಂಗ್ ರೂಮ್ ಅಂದ ಹೆಚ್ಚಿಸಲು ಮತ್ತು ಫ್ಯಾಮಿಲಿ ಜೊತೆ ರಿಲ್ಯಾಕ್ಸ್ ಮಾಡಲು ಸೋಫಾ ತುಂಬಾ ಮುಖ್ಯ. ಆದರೆ ಹೊಸ ಸೋಫಾ ಖರೀದಿಸುವಾಗ ವುಡನ್ ಸೋಫಾ (Wooden Sofa) ತಗೋಬೇಕಾ ಅಥವಾ ಫ್ಯಾಬ್ರಿಕ್ ಸೋಫಾ (Fabric Sofa) ತಗೋಬೇಕಾ ಅನ್ನೋದು ದೊಡ್ಡ ಕನ್ಫ್ಯೂಷನ್. ಇವೆರಡರಲ್ಲೂ ಅದರದ್ದೇ ಆದ ಲಾಭಗಳಿವೆ. ನಿಮ್ಮ ಮನೆಗೆ ಯಾವುದು ಸೂಕ್ತ ಅಂತ ವಿವರವಾಗಿ ನೋಡೋಣ.

ವುಡನ್ ಸೋಫಾ: ತೇಗ (Teak) ಮತ್ತು ಬೀಟೆ (Rosewood) ಮರಗಳಿಂದ ಮಾಡಿದ ಸೋಫಾಗಳು ತಲೆಮಾರುಗಳವರೆಗೆ ಬಾಳಿಕೆ ಬರುತ್ತವೆ. ಇವು ಬೇಗ ಹಾಳಾಗುವುದಿಲ್ಲ ಮತ್ತು ಹೆಚ್ಚು ತೂಕ ತಡೆಯುತ್ತವೆ.

ಫ್ಯಾಬ್ರಿಕ್ ಸೋಫಾ: ಮಾಡರ್ನ್ ಡಿಸೈನ್‌ನಲ್ಲಿ ಸಿಗುವ ಫ್ಯಾಬ್ರಿಕ್ ಸೋಫಾಗಳ ಲೈಫ್ ಅದರ ಬಟ್ಟೆ ಮತ್ತು ಫೋಮ್ (Foam) ಗುಣಮಟ್ಟವನ್ನು ಅವಲಂಬಿಸಿರುತ್ತದೆ. ಸರಿಯಾಗಿ ನೋಡಿಕೊಂಡರೆ 5 ರಿಂದ 8 ವರ್ಷಗಳವರೆಗೆ ಚೆನ್ನಾಗಿರುತ್ತವೆ.

ಫ್ಯಾಬ್ರಿಕ್ ಸೋಫಾ: ಒರಗಿ ಕೂರಲು ಮತ್ತು ದೀರ್ಘಕಾಲ ಮಲಗಿ ರಿಲ್ಯಾಕ್ಸ್ ಮಾಡಲು ಫ್ಯಾಬ್ರಿಕ್ ಸೋಫಾಗಳೇ ಬೆಸ್ಟ್. ಮೃದುವಾದ ಮೆತ್ತೆಗಳು ಮತ್ತು ದೇಹಕ್ಕೆ ಹೊಂದಿಕೊಳ್ಳುವ ಡಿಸೈನ್ ಇದಕ್ಕೆ ಎಕ್ಸ್ಟ್ರಾ ಕಂಫರ್ಟ್ ಕೊಡುತ್ತವೆ.

ವುಡನ್ ಸೋಫಾ: ಮರದ ಸೋಫಾಗಳು ಸ್ವಲ್ಪ ಗಟ್ಟಿಯಾಗಿರುತ್ತವೆ. ಆದರೂ, ಇದರ ಮೇಲೆ ಸಾಫ್ಟ್ ಕುಶನ್‌ಗಳನ್ನು (Cushions) ಹಾಕುವ ಮೂಲಕ ಬೇಕಾದ ಕಂಫರ್ಟ್ ಪಡೆಯಬಹುದು.

ವುಡನ್ ಸೋಫಾ: ಇದನ್ನು ಮೇಂಟೇನ್ ಮಾಡೋದು ತುಂಬಾ ಸುಲಭ. ದೂಳನ್ನು ಒಣ ಬಟ್ಟೆಯಿಂದ ಸುಲಭವಾಗಿ ಒರೆಸಿ ಕ್ಲೀನ್ ಮಾಡಬಹುದು. ಕಲೆ ಆದರೂ ಟೆನ್ಷನ್ ಇಲ್ಲ.

ಫ್ಯಾಬ್ರಿಕ್ ಸೋಫಾ: ದೂಳು ಮತ್ತು ಟೀ, ಕಾಫಿ ಚೆಲ್ಲಿದರೆ ಬಟ್ಟೆಯ ಮೇಲೆ ಕಲೆ ಆಗುವ ಚಾನ್ಸ್ ಇರುತ್ತೆ. ಹಾಗಾಗಿ, ಇದನ್ನು ವ್ಯಾಕ್ಯೂಮ್ ಕ್ಲೀನರ್ ಬಳಸಿ ಆಗಾಗ ಕ್ಲೀನ್ ಮಾಡಬೇಕು ಅಥವಾ ತೆಗೆದು ತೊಳೆಯಬಹುದಾದ 'Removable Covers' ಬಳಸಬೇಕು.

ವುಡನ್ ಸೋಫಾ: ಭಾರತೀಯ ಸಾಂಪ್ರದಾಯಿಕ ಮನೆಗಳಿಗೆ ಮತ್ತು ರಾಯಲ್ ಲುಕ್ ಇಷ್ಟಪಡುವವರಿಗೆ ವುಡನ್ ಸೋಫಾ ಮೊದಲ ಆಯ್ಕೆ. ಜೊತೆಗೆ, ಎಲ್ಲಾ ಹವಾಮಾನಕ್ಕೂ ಇದು ಸೂಟ್ ಆಗುತ್ತೆ.

ಫ್ಯಾಬ್ರಿಕ್ ಸೋಫಾ: ಮಾಡರ್ನ್ (Modern/Minimalist) ಮನೆಗಳಿಗೆ ಮತ್ತು ಕಲರ್‌ಫುಲ್ ಇಂಟೀರಿಯರ್ ಡಿಸೈನ್‌ಗಳಿಗೆ ಫ್ಯಾಬ್ರಿಕ್ ಸೋಫಾಗಳು ಪರ್ಫೆಕ್ಟ್ ಮ್ಯಾಚ್.

ನಿಮಗೆ ಯಾವುದು ಸೆಟ್ ಆಗುತ್ತೆ?

ನಿಮಗೆ ಹೆಚ್ಚು ಲೈಫ್, ಕಡಿಮೆ ಮೇಂಟೆನೆನ್ಸ್ ಮತ್ತು ಟ್ರೆಡಿಷನಲ್ ಲುಕ್ ಬೇಕು ಅಂದ್ರೆ ವುಡನ್ ಸೋಫಾ ಬೆಸ್ಟ್. ಅದೇ ರೀತಿ, ಹೆಚ್ಚು ಕಂಫರ್ಟ್, ಮಾಡರ್ನ್ ಕಲರ್ಸ್ ಮತ್ತು ಸಾಫ್ಟ್ ಫೀಲ್ ಬೇಕು ಅಂದ್ರೆ ಫ್ಯಾಬ್ರಿಕ್ ಸೋಫಾ ಆರಿಸಿಕೊಳ್ಳಿ.

ದೇಶದ ಪ್ರತಿ ಗಲ್ಲಿ ಗಲ್ಲಿಯೂ ಜಂತರ್ ಮಂತರ್: SIR ವಿರುದ್ಧ ಸಮರ ಸಾರಿದ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್‌ ಪತಿ ಪರಕಾಲ ಪ್ರಭಾಕರ್!

Santosh Naik — Wed, 21 Oct 2026 21:02:04 +0530

ನವದೆಹಲಿ (ಅ.21): ಕೇಂದ್ರ ಚುನಾವಣಾ ಆಯೋಗವು ಕೈಗೊಂಡಿರುವ ಮತದಾರರ ಪಟ್ಟಿಯ 'ವಿಶೇಷ ತೀವ್ರ ಪರಿಷ್ಕರಣೆ' (SIR - Special Intensive Revision) ಪ್ರಕ್ರಿಯೆಯನ್ನು ಸಂಪೂರ್ಣವಾಗಿ ರದ್ದುಗೊಳಿಸಬೇಕು ಹಾಗೂ ಮುಖ್ಯ ಚುನಾವಣಾ ಆಯುಕ್ತ (CEC) ಜ್ಞಾನೇಶ್ ಕುಮಾರ್ ಅವರು ತಕ್ಷಣವೇ ರಾಜೀನಾಮೆ ನೀಡಬೇಕು ಎಂದು ಆಗ್ರಹಿಸಿ ಅಕ್ಟೋಬರ್ 23 ರಂದು ನಡೆಯಲಿರುವ ಬೃಹತ್ ದೇಶವ್ಯಾಪಿ ಪ್ರತಿಭಟನೆಯಲ್ಲಿ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರ ಪತಿಯೂ ಆಗಿರುವ ಪ್ರಸಿದ್ಧ ಅರ್ಥಶಾಸ್ತ್ರಜ್ಞ ಪರಕಾಲ ಪ್ರಭಾಕರ್ ಭಾಗವಹಿಸಲಿದ್ದಾರೆ.

'ಪೀಪಲ್ ಅಗೇನ್ಸ್ಟ್ ಎಸ್‌ಐಆರ್' (People Against SIR) ಒಕ್ಕೂಟದ ವತಿಯಿಂದ ಆಯೋಜಿಸಲಾಗಿರುವ ಈ ಪ್ರತಿಭಟನಾ ಸಮಾವೇಶದಲ್ಲಿ 'ಕಾಕ್ರೋಚ್ ಜನತಾ ಪಾರ್ಟಿ' (CJP) ಸಂಸ್ಥಾಪಕ ಅಭಿಜಿತ್ ದೀಪ್ಕೆ, ನಟ ಹಾಗೂ ಸಾಮಾಜಿಕ ಹೋರಾಟಗಾರ ಪ್ರಕಾಶ್ ರಾಜ್, ಹಿರಿಯ ವಕೀಲ ಪ್ರಶಾಂತ್ ಭೂಷಣ್, ರೈತ ನಾಯಕ ರಾಕೇಶ್ ಟಿಕಾಯತ್, ಐಸಾ (AISA) ಅಧ್ಯಕ್ಷೆ ನೇಹಾ ಬೋರಾ ಹಾಗೂ ಲೇಖಕ ತುಷಾರ್ ಗಾಂಧಿ ಸೇರಿದಂತೆ ಹಲವು ಸಾರ್ವಜನಿಕ ಪ್ರಮುಖರು ಒಂದೇ ವೇದಿಕೆಯಲ್ಲಿ ಕೈಜೋಡಿಸಲಿದ್ದಾರೆ.

ದೇಶದ ಪ್ರತಿ ಗಲ್ಲಿ ಗಲ್ಲಿಯೂ ಜಂತರ್ ಮಂತರ್, ಪರಕಾಲ ಪ್ರಭಾಕರ್ ಕರೆ

ಕೇಂದ್ರ ಸರ್ಕಾರದ ಆರ್ಥಿಕ ಹಾಗೂ ಸಾಮಾಜಿಕ ನೀತಿಗಳ ಪ್ರಖರ ವಿಮರ್ಶಕರಾಗಿರುವ ಲೇಖಕ ಹಾಗೂ ಅರ್ಥಶಾಸ್ತ್ರಜ್ಞ ಪರಕಾಲ ಪ್ರಭಾಕರ್ ಅವರು ಎಕ್ಸ್ (ಟ್ವಿಟರ್) ಖಾತೆಯಲ್ಲಿ, "ಹರ್ ಗಲಿ ಮೇಂ ಜಂತರ್ ಮಂತರ್! (ಪ್ರತಿಯೊಂದು ಗಲ್ಲಿಯಲ್ಲೂ ಜಂತರ್ ಮಂತರ್!) ಶುಕ್ರವಾರ, ಅಕ್ಟೋಬರ್ 23, 2026. ಪ್ರಜಾಪ್ರಭುತ್ವವನ್ನು ಮರುಸ್ಥಾಪಿಸಲು ಜನಸಾಮಾನ್ಯರ ಮೆರವಣಿಗೆ. ಈ ಸವಾಲನ್ನು ಎದುರಿಸಲು ನಾವೆಲ್ಲರೂ ಎದ್ದು ನಿಲ್ಲೋಣ" ಎಂದು ಟ್ವೀಟ್ ಮಾಡುವ ಮೂಲಕ ಪ್ರತಿಭಟನೆಗೆ ಕರೆ ನೀಡಿದ್ದಾರೆ. ಈ ಪ್ರತಿಭಟನೆಗೆ ಬೆಂಬಲ ನೀಡುವಂತೆ 'ಇಂಡಿಯಾ' (INDIA) ಒಕ್ಕೂಟದ ಪಕ್ಷಗಳಿಗೂ ಮನವಿ ಮಾಡಲಾಗಿದೆಯಾದರೂ, ಅವರ ಅಧಿಕೃತ ಭಾಗವಹಿಸುವಿಕೆ ಇನ್ನೂ ಸ್ಪಷ್ಟವಾಗಿಲ್ಲ.

ಯಾರೀ ಪರಕಾಲ ಪ್ರಭಾಕರ್?

ಆಂಧ್ರಪ್ರದೇಶದ ನರಸಾಪುರದಲ್ಲಿ ಜನಿಸಿದ ಪರಕಾಲ ಪ್ರಭಾಕರ್, ದೆಹಲಿಯ ಜವಾಹರಲಾಲ್ ನೆಹರೂ ವಿಶ್ವವಿದ್ಯಾಲಯದಲ್ಲಿ (JNU) ವ್ಯಾಸಂಗ ಮಾಡುತ್ತಿದ್ದಾಗ ನಿರ್ಮಲಾ ಸೀತಾರಾಮನ್ ಅವರನ್ನು ಭೇಟಿಯಾಗಿ 1986 ರಲ್ಲಿ ವಿವಾಹವಾದರು. ತಮ್ಮ ಪತ್ನಿ ದಶಕಗಳಿಂದ ಬಿಜೆಪಿ ಪಕ್ಷದ ಪ್ರಮುಖ ನಾಯಕಿಯಾಗಿದ್ದರೂ, ಪ್ರಭಾಕರ್ ಮಾತ್ರ ಆಡಳಿತಾರೂಢ ಬಿಜೆಪಿಯ ಪ್ರಮುಖ ನೀತಿಗಳ ವಿರುದ್ಧ ಮುಕ್ತವಾಗಿ ಧ್ವನಿ ಎತ್ತುತ್ತಲೇ ಬಂದಿದ್ದಾರೆ.

ತಮ್ಮ ಪ್ರಸಿದ್ಧ 'ದಿ ಕ್ರೂಕ್ಡ್ ಟಿಂಬರ್ ಆಫ್ ನ್ಯೂ ಇಂಡಿಯಾ' (The Crooked Timber of New India) ಪುಸ್ತಕದಲ್ಲಿ ಪ್ರಭಾಕರ್ ಅವರು ನೋಟು ನಿಷೇಧ, ನಿರುದ್ಯೋಗ ಏರಿಕೆ ಹಾಗೂ ಪ್ರಜಾಸತ್ತಾತ್ಮಕ ಸಂಸ್ಥೆಗಳ ದುರ್ಬಲತೆಯ ಬಗ್ಗೆ ಕಟುವಾಗಿ ಟೀಕಿಸಿದ್ದರು. ಅಷ್ಟೇ ಅಲ್ಲದೆ, ಅಕ್ಟೋಬರ್ 8 ರಂದು ಬೆಂಗಳೂರಿನ ಫ್ರೀಡಂ ಪಾರ್ಕ್‌ನಲ್ಲಿ ಸಿಜೆಪಿ ಆಯೋಜಿಸಿದ್ದ ಪ್ರತಿಭಟನೆಯಲ್ಲಿ ಯೂಟ್ಯೂಬರ್ ಧ್ರುವ್ ರಾಠಿ ಹಾಗೂ ಪ್ರಕಾಶ್ ರಾಜ್ ಜೊತೆ ಪ್ರಭಾಕರ್ ಭಾಗವಹಿಸಿದ್ದರು.

ರಾಜಕೀಯವಾಗಿಯೂ ಅನುಭವ ಹೊಂದಿರುವ ಇವರು 2009 ರಲ್ಲಿ ನಟ ಚಿರಂಜೀವಿ ಸ್ಥಾಪಿಸಿದ್ದ 'ಪ್ರಜಾರಾಜ್ಯಂ' ಪಕ್ಷದಲ್ಲಿದ್ದರು. 2014 ರಿಂದ 2018 ರವರೆಗೆ ಆಂಧ್ರಪ್ರದೇಶದ ಚಂದ್ರಬಾಬು ನಾಯ್ಡು ಸರ್ಕಾರದಲ್ಲಿ ಸಂವಹನ ಸಲಹೆಗಾರರಾಗಿ ಕಾರ್ಯನಿರ್ವಹಿಸಿದ್ದರು. ಆದರೆ 2018 ರಲ್ಲಿ ಟಿಡಿಪಿ ಎನ್‌ಡಿಎಯಿಂದ ಹೊರಬಂದಾಗ, "ತಮ್ಮ ಕುಟುಂಬದವರು ಕೇಂದ್ರ ಸರ್ಕಾರದಲ್ಲಿದ್ದಾರೆ" ಎಂಬ ವಿರೋಧ ಪಕ್ಷಗಳ ಆರೋಪಕ್ಕೆ ಬೇಸತ್ತು ಅವರು ರಾಜೀನಾಮೆ ನೀಡಿದ್ದರು. ಇದೀಗ ಎಸ್‌ಐಆರ್ ವಿರುದ್ಧದ ಹೋರಾಟಕ್ಕೆ ಇವರ ಬೆಂಬಲ ಸಿಕ್ಕಿರುವುದು ಚಳವಳಿಗೆ ಭಾರಿ ಶಕ್ತಿ ತಂದಿದೆ.

13 ಕೋಟಿ ಮತದಾರರ ಹೆಸರು ಡಿಲೀಟ್ - ತೀವ್ರಗೊಂಡ ಎಸ್‌ಐಆರ್ ವಿರೋಧಿ ಹೋರಾಟ

ಅಕ್ಟೋಬರ್ 14 ರಂದು ವಿದ್ಯಾರ್ಥಿಗಳು, ರೈತರು, ದಲಿತರು, ಆದಿವಾಸಿಗಳು ಹಾಗೂ ಅಲ್ಪಸಂಖ್ಯಾತ ಸಂಘಟನೆಗಳು ಒಗ್ಗೂಡಿ 'ಪೀಪಲ್ ಅಗೇನ್ಸ್ಟ್ ಎಸ್‌ಐಆರ್' ಒಕ್ಕೂಟವನ್ನು ರಚಿಸಿಕೊಂಡಿವೆ. ಆಯೋಗವು ಜಾರಿಗೆ ತಂದಿರುವ ಎಸ್‌ಐಆರ್ ಪ್ರಕ್ರಿಯೆಯಿಂದಾಗಿ ದೇಶದ ಶೋಷಿತ, ಬಡ ಹಾಗೂ ಹಿಂದುಳಿದ ವರ್ಗಗಳ ಬರೋಬ್ಬರಿ 13 ಕೋಟಿ ಅರ್ಹ ಮತದಾರರ ಹೆಸರುಗಳನ್ನು ಮತದಾರರ ಪಟ್ಟಿಯಿಂದ ಕಾನೂನುಬಾಹಿರವಾಗಿ ವಜಾಗೊಳಿಸಲಾಗಿದೆ ಎಂದು ಒಕ್ಕೂಟ ಆರೋಪಿಸಿದೆ.

ಪ್ರಸ್ತುತ ಪ್ರತಿಭಟನೆಗೆ ಉತ್ತೇಜನ ನೀಡಲು "ಹರ್ ಹಾತ್ ಮೇಂ ತಿರಂಗಾ, ಹರ್ ಗಲಿ ಮೇಂ ಜಂತರ್ ಮಂತರ್" (ಪ್ರತಿಯೊಬ್ಬರ ಕೈಯಲ್ಲೂ ತ್ರಿವರ್ಣ ಧ್ವಜ, ಪ್ರತಿಯೊಂದು ಬೀದಿಯಲ್ಲೂ ಜಂತರ್ ಮಂತರ್) ಎಂಬ ಘೋಷವಾಕ್ಯವನ್ನು ನೀಡಲಾಗಿದೆ. ಗಮನಾರ್ಹವೆಂದರೆ, ಕೇಂದ್ರ ಗೃಹ ಸಚಿವಾಲಯದ ವ್ಯಾಪ್ತಿಗೆ ಬರುವ ದೆಹಲಿ ಪೊಲೀಸರು ಇತ್ತೀಚೆಗಷ್ಟೇ ಜಂತರ್ ಮಂತರ್ ಅನ್ನು 'ಪ್ರತಿಭಟನಾ ಸ್ಥಳ'ವಲ್ಲ ಎಂದು ರದ್ದುಗೊಳಿಸಿ ನಿಷೇಧ ಹೇರಿದ್ದರು. ಇದಾದ ಬೆನ್ನಲ್ಲೇ ಈ ಕರೆ ಬಂದಿದೆ.

ಬೆಂಗಳೂರು ಶಿಕ್ಷಕರ ಕ್ಷೇತ್ರ: ಕಾಂಗ್ರೆಸ್ ಅಭ್ಯರ್ಥಿ ಪುಟ್ಟಣ್ಣ ವಿರುದ್ಧ ಚುನಾವಣಾ ಆಯೋಗಕ್ಕೆ ಬಿಜೆಪಿ ದೂರು!

Sathish Kumar KH — Wed, 21 Oct 2026 20:39:12 +0530

ಬೆಂಗಳೂರು (ಅ.21): ಬೆಂಗಳೂರು ಶಿಕ್ಷಕರ ಕ್ಷೇತ್ರದ ಚುನಾವಣೆ ಕಣ ದಿನದಿಂದ ದಿನಕ್ಕೆ ಕಾವು ಪಡೆದುಕೊಳ್ಳುತ್ತಿದ್ದು, ಕಾಂಗ್ರೆಸ್ ಹಾಗೂ ಬಿಜೆಪಿ ನಡುವೆ ಆರೋಪ-ಪ್ರತ್ಯಾರೋಪಗಳು ಜೋರಾಗಿವೆ. ಕಾಂಗ್ರೆಸ್ ಅಭ್ಯರ್ಥಿ ಪುಟ್ಟಣ್ಣ ಅವರು ಮತದಾರರಿಗೆ ಬಹಿರಂಗವಾಗಿ ಆಮಿಷ ಒಡ್ಡುತ್ತಿದ್ದು, ಚುನಾವಣಾ ನೀತಿ ಸಂಹಿತೆಯನ್ನು ಗಾಳಿಗೆ ತೂರಿದ್ದಾರೆ ಎಂದು ಆರೋಪಿಸಿ ರಾಜ್ಯ ಬಿಜೆಪಿ ನಿಯೋಗವು ಪ್ರಾದೇಶಿಕ ಚುನಾವಣಾಧಿಕಾರಿಗಳಿಗೆ ಗಂಭೀರ ದೂರು ಸಲ್ಲಿಸಿದೆ.

ಶಾಂತಿನಗರದಲ್ಲಿರುವ ಪ್ರಾದೇಶಿಕ ಚುನಾವಣಾ ಕಚೇರಿಗೆ ತೆರಳಿದ ಬಿಜೆಪಿ ನಿಯೋಗವು, ಪುಟ್ಟಣ್ಣ ಅವರ ವಿರುದ್ಧ ಸೂಕ್ತ ಕಾನೂನು ಕ್ರಮ ಜರುಗಿಸುವಂತೆ ಲಿಖಿತ ದೂರು ನೀಡಿ ಚುನಾವಣಾ ಪ್ರಕರಣ ದಾಖಲಿಸಲು ಆಗ್ರಹಿಸಿದೆ.

ದೂರಿನಲ್ಲಿ ಏನಿದೆ? ಗಂಭೀರ ಆರೋಪಗಳೇನು?

ಬಿಜೆಪಿ ಕಾನೂನು ಸಲಹೆಗಾರರಾದ ವಸಂತ್ ಕುಮಾರ್ ಅವರ ನೇತೃತ್ವದ ನಿಯೋಗ ಈ ದೂರನ್ನು ಸಲ್ಲಿಸಿದ್ದು, ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು ಕಾಂಗ್ರೆಸ್ ಅಭ್ಯರ್ಥಿಯ ವಿರುದ್ಧ ಹಲವು ಗಂಭೀರ ಆರೋಪಗಳನ್ನು ಮಾಡಿದ್ದಾರೆ:

ಶಿಕ್ಷಕರಿಗೆ ಗಿಫ್ಟ್ ಕೂಪನ್ ಆಮಿಷ: ಬೆಂಗಳೂರು ಶಿಕ್ಷಕರ ಕ್ಷೇತ್ರದ ವ್ಯಾಪ್ತಿಯಲ್ಲಿ ಮತದಾರರಾಗಿರುವ ಶಿಕ್ಷಕರಿಗೆ ಕಾಂಗ್ರೆಸ್ ಅಭ್ಯರ್ಥಿ ಪುಟ್ಟಣ್ಣ ಅವರು ಗಿಫ್ಟ್ ಕೂಪನ್ ಕಾರ್ಡ್‌ಗಳನ್ನು ಹಂಚುವ ಮೂಲಕ ಮತ ಸೆಳೆಯಲು ಆಮಿಷವೊಡ್ಡುತ್ತಿದ್ದಾರೆ.

ದಸರಾ ಹಬ್ಬದ ನೆಪ: ದಸರಾ ಹಬ್ಬದ ಶುಭಾಶಯ ಕೋರುವ ನೆಪದಲ್ಲಿ ರಾಜಾರೋಷವಾಗಿ ಬೆಂಗಳೂರಿನ ಎಲ್ಲಾ ಶಿಕ್ಷಕ ಮತದಾರರಿಗೆ ಉಡುಗೊರೆ ಕೂಪನ್‌ಗಳನ್ನು ವ್ಯವಸ್ಥಿತವಾಗಿ ವಿತರಿಸಲಾಗುತ್ತಿದೆ.

ನೀತಿ ಸಂಹಿತೆ ಉಲ್ಲಂಘನೆ: ಇಂದು ಮಧ್ಯಾಹ್ನದಿಂದಲೇ ನಗರದ ವಿವಿಧೆಡೆ ಈ ಕೂಪನ್‌ಗಳನ್ನು ಹಂಚಲಾಗುತ್ತಿದ್ದು, ಇದು ಚುನಾವಣಾ ನೀತಿ ಸಂಹಿತೆಯ ಸ್ಪಷ್ಟ ಹಾಗೂ ಗಂಭೀರ ಉಲ್ಲಂಘನೆಯಾಗಿದೆ ಎಂದು ಬಿಜೆಪಿ ಆರೋಪಿಸಿದೆ.

ತಕ್ಷಣ ಕೇಸ್ ದಾಖಲಿಸಲು ಬಿಜೆಪಿ ಆಗ್ರಹ:

‘ಶಿಕ್ಷಕರಂತಹ ಪ್ರಬುದ್ಧ ಮತದಾರರಿಗೇ ಆಮಿಷವೊಡ್ಡಿ ಪ್ರಜಾಪ್ರಭುತ್ವದ ಮೌಲ್ಯಗಳನ್ನು ಕಡೆಗಣಿಸಲಾಗುತ್ತಿದೆ. ಪುಟ್ಟಣ್ಣ ಅವರ ಈ ಕೃತ್ಯದ ಬಗ್ಗೆ ತಕ್ಷಣ ತನಿಖೆ ನಡೆಸಿ, ಅವರ ವಿರುದ್ಧ ಪ್ರಜಾಪ್ರತಿನಿಧಿ ಕಾಯ್ದೆಯಡಿ ಚುನಾವಣಾ ಅಪರಾಧ ಪ್ರಕರಣ (Election Case) ದಾಖಲಿಸಬೇಕು ಮತ್ತು ಅವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕು’ ಎಂದು ಬಿಜೆಪಿ ಕಾನೂನು ಸಲಹೆಗಾರ ವಸಂತ್ ಕುಮಾರ್ ಒತ್ತಾಯಿಸಿದ್ದಾರೆ.

ಈ ದೂರಿನಿಂದಾಗಿ ಬೆಂಗಳೂರು ಶಿಕ್ಷಕರ ಕ್ಷೇತ್ರದ ಚುನಾವಣಾ ಅಖಾಡದಲ್ಲಿ ರಾಜಕೀಯ ಜಟಾಪಟಿ ಮತ್ತಷ್ಟು ತೀವ್ರಗೊಂಡಿದೆ. ಚುನಾವಣಾಧಿಕಾರಿಗಳು ಈ ದೂರನ್ನು ಪರಿಗಣಿಸಿ ಮುಂದಿನ ಯಾವ ಕ್ರಮ ಕೈಗೊಳ್ಳಲಿದ್ದಾರೆ ಎಂಬುದು ಕುತೂಹಲ ಮೂಡಿಸಿದೆ.

ಕೋಲ್ಕತ್ತಾದಲ್ಲಿ ರಣಬೀರ್ ಕಪೂರ್‌ ಭಾರೀ ಎಡವಟ್ಟು! ಪಬ್ಲಿಕ್‌ ಮುಂದೆ 'ರಾಮಾಯಣ'ದ ರಾಮನ ಬಾಯಿಂದ ಈ ಮಾತು!?

Shriram Bhat — Wed, 21 Oct 2026 20:36:07 +0530

ಕೋಲ್ಕತ್ತಾ ದಸರಾ ಕಾರ್ಯಕ್ರಮದಲ್ಲಿ ರಣಬೀರ್ ಕಪೂರ್ ಎಡವಟ್ಟು! ವೈರಲ್ ಆಯ್ತು ‘ರಾಮ’ನ ಭಾಷಣದ ವಿಡಿಯೋ

‘ರಾಮಾಯಣ’ ಸಿನಿಮಾದ ಮೂಲಕ ಶ್ರೀರಾಮನ ಪಾತ್ರದಲ್ಲಿ ಕಾಣಿಸಿಕೊಳ್ಳಲು ಸಜ್ಜಾಗಿರುವ ಬಾಲಿವುಡ್ ನಟ ರಣಬೀರ್ ಕಪೂರ್ (Ranbir Kapoor) ಇದೀಗ ತಮ್ಮ ಭಾಷಣದ ವಿಚಾರವಾಗಿ ಸುದ್ದಿಯಲ್ಲಿದ್ದಾರೆ. ಕೋಲ್ಕತ್ತಾದಲ್ಲಿ ನಡೆದ ದಸರಾ ಕಾರ್ಯಕ್ರಮದಲ್ಲಿ ಮಾತನಾಡುವಾಗ ಅವರು ಹೇಳಿದ ಒಂದು ಮಾತು ಚರ್ಚೆಗೆ ಕಾರಣವಾಗಿದ್ದು, ಅದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಅಕ್ಟೋಬರ್ 20ರಂದು ಕೋಲ್ಕತ್ತಾದ ಸಾಲ್ಟ್ ಲೇಕ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ‘ರಾಮಾಯಣ’ ಚಿತ್ರತಂಡದ ಪ್ರಮುಖ ನಟರಾದ ರಣಬೀರ್ ಕಪೂರ್ ಮತ್ತು ಯಶ್ ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ರಣಬೀರ್ ಹಿಂದಿಯಲ್ಲಿ ಮಾತನಾಡುತ್ತಾ, ‘ಜೈ ಶ್ರೀರಾಮ್’ ಎಂದು ಭಾಷಣ ಆರಂಭಿಸಿದರು. ಬಳಿಕ ಕೋಲ್ಕತ್ತಾದ ಪವಿತ್ರ ಭೂಮಿಯಲ್ಲಿ ದಸರಾ ಆಚರಿಸಲು ಅವಕಾಶ ಸಿಕ್ಕಿರುವುದು ಸಂತೋಷ ಮತ್ತು ಗೌರವದ ವಿಷಯ ಎಂದು ತಿಳಿಸಿ, ಅಲ್ಲಿದ್ದ ಗಣ್ಯರಿಗೆ ಧನ್ಯವಾದ ಅರ್ಪಿಸಿದರು.

ಒಂದು ಪದದಿಂದಲೇ ಶುರುವಾಯ್ತು ಚರ್ಚೆ!

ದಸರಾ ಹಬ್ಬದ ಮಹತ್ವದ ಕುರಿತು ಮಾತನಾಡಿದ ರಣಬೀರ್, ದುಷ್ಟತನ ಎಷ್ಟೇ ಬಲಿಷ್ಠವಾಗಿದ್ದರೂ ಕೊನೆಗೆ ಸದ್ಗುಣ ಮತ್ತು ಪ್ರಾಮಾಣಿಕತೆ ನಾಶವಾಗುತ್ತದೆ ಎಂಬ ಅರ್ಥ ಬರುವಂತೆ ಹೇಳಿದ್ದಾರೆ ಎಂದು ವರದಿಯಾಗಿದೆ. ಅವರು ಹೇಳಬೇಕಾಗಿದ್ದ ಸಂದೇಶಕ್ಕೆ ವಿರುದ್ಧವಾದ ಅರ್ಥ ವ್ಯಕ್ತವಾದ ಕಾರಣ, ಈ ಮಾತು ಗಮನ ಸೆಳೆದಿದೆ. ಸಾಮಾನ್ಯವಾಗಿ ದುಷ್ಟತನದ ಮೇಲೆ ಸದ್ಗುಣವೇ ಜಯ ಸಾಧಿಸುತ್ತದೆ ಎಂಬುದೇ ದಸರಾ ಹಬ್ಬದ ಸಂದೇಶ.

ಆ ಬಳಿಕ ಪ್ರೀತಿ ಮತ್ತು ಸಂತೋಷವನ್ನು ಹರಡಬೇಕು, ಸದಾ ಸನ್ಮಾರ್ಗದಲ್ಲಿ ನಡೆಯಲು ಪ್ರಯತ್ನಿಸಬೇಕು ಎಂದು ಹೇಳಿ, ‘ರಾಮಾಯಣ’ ತಂಡದ ಪರವಾಗಿ ಎಲ್ಲರಿಗೂ ದಸರಾ ಶುಭಾಶಯ ಕೋರಿದರು. ಆದರೆ ಭಾಷಣದ ಆ ಒಂದು ಭಾಗದ ವಿಡಿಯೋ ತುಣುಕು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ನೆಟ್ಟಿಗರು ವಿಭಿನ್ನ ಪ್ರತಿಕ್ರಿಯೆಗಳನ್ನು ವ್ಯಕ್ತಪಡಿಸುತ್ತಿದ್ದಾರೆ.

‘ರಾಮಾಯಣ’ ಚಿತ್ರಕ್ಕೆ ತೆರಿಗೆ ವಿನಾಯಿತಿ ಘೋಷಣೆ!

ಕಾರ್ಯಕ್ರಮದಲ್ಲಿ ಚಿತ್ರದ ಕುರಿತು ಮತ್ತೊಂದು ಪ್ರಮುಖ ಬೆಳವಣಿಗೆಯೂ ನಡೆದಿದೆ. ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಸುವೆಂದು ಅಧಿಕಾರಿ, ‘ರಾಮಾಯಣ’ ಚಿತ್ರಕ್ಕೆ ರಾಜ್ಯದಲ್ಲಿ ತೆರಿಗೆ ವಿನಾಯಿತಿ ನೀಡಿರುವುದಾಗಿ ಘೋಷಿಸಿದ್ದಾರೆ ಎಂದು ವರದಿಯಾಗಿದೆ. ಮುಂದಿನ ದಿನಗಳಲ್ಲಿ ಶ್ರೀಕೃಷ್ಣ, ಅರ್ಜುನ ಮತ್ತು ಮಹಾಭಾರತದಂತಹ ಪೌರಾಣಿಕ ಕಥೆಗಳನ್ನಾಧರಿಸಿದ ಸಿನಿಮಾಗಳನ್ನೂ ನೋಡಬಹುದು ಎಂದು ಅವರು ಹೇಳಿದ್ದಾರೆ.

ನಿತೇಶ್ ತಿವಾರಿ ನಿರ್ದೇಶನದ ಈ ಚಿತ್ರದಲ್ಲಿ ರಣಬೀರ್ ಕಪೂರ್ ರಾಮನಾಗಿ, ಸಾಯಿ ಪಲ್ಲವಿ ಸೀತೆಯಾಗಿ ಮತ್ತು ಯಶ್ ರಾವಣನಾಗಿ ನಟಿಸಿದ್ದಾರೆ. ಚಿತ್ರದ ಮೊದಲ ಭಾಗ ನವೆಂಬರ್ 5ರಂದು ದೀಪಾವಳಿ ಸಂದರ್ಭದಲ್ಲಿ ಬಿಡುಗಡೆಯಾಗಲಿದ್ದು, ಎರಡನೇ ಭಾಗ 2027ರಲ್ಲಿ ತೆರೆಗೆ ಬರಲಿದೆ.

ಬೆಂಗಳೂರು: ವಿಧಾನಸೌಧ ಬ್ಲಾಸ್ಟ್‌ ಮಾಡುವ ಎಐ ವಿಡಿಯೋ ಕ್ರಿಯೇಟ್‌ ಮಾಡಿದ್ದ ವಲಸೆ ಕಾರ್ಮಿಕ ಅಲಿ ಬಂಧನ!

Santosh Naik — Wed, 21 Oct 2026 20:21:31 +0530

ಬೆಂಗಳೂರು (ಅ.21): ಕರ್ನಾಟಕದ ಶಕ್ತಿಕೇಂದ್ರ ಬೆಂಗಳೂರಿನ ವಿಧಾನಸೌಧವನ್ನು ಬಾಂಬ್ ಸ್ಫೋಟಿಸಿ ಉಡಾಯಿಸಿದಂತೆ AI ತಂತ್ರಜ್ಞಾನವನ್ನು ಬಳಸಿ ನಕಲಿ (Fake) ವೀಡಿಯೊ ಸೃಷ್ಟಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದ 25 ವರ್ಷದ ವಲಸೆ ಕಾರ್ಮಿಕನೊಬ್ಬನನ್ನು ಬೆಂಗಳೂರು ನಗರ ಪೊಲೀಸರು ಬಂಧಿಸಿದ್ದಾರೆ. ಬಂಧಿತ ಆರೋಪಿಯನ್ನು ಬಿಹಾರ ರಾಜ್ಯದ ಅರಾರಿಯಾ ಜಿಲ್ಲೆಯ ಮೂಲದ ಅಲಿ ಎಂದು ಗುರುತಿಸಲಾಗಿದ್ದು, ಈತ ಕಳೆದ ಕೆಲವು ತಿಂಗಳುಗಳಿಂದ ಬೆಂಗಳೂರಿನಲ್ಲಿ ದಿನಗೂಲಿ ಆಧಾರದ ಮೇಲೆ ಪೈಪ್ ಫಿಟ್ಟರ್ (Pipe fitter) ಆಗಿ ಕೆಲಸ ಮಾಡುತ್ತಿದ್ದ ಎಂದು ತಿಳಿದುಬಂದಿದೆ.

ಪೊಲೀಸ್ ಅಧಿಕಾರಿಗಳು ನೀಡಿರುವ ಮಾಹಿತಿಯ ಪ್ರಕಾರ, ಅಕ್ಟೋಬರ್ 20 ರ ಮಂಗಳವಾರ ಬೆಳಿಗ್ಗೆ jnx__king__h_g ಎಂಬ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್ ಮೂಲಕ ಈ ವಿವಾದಾತ್ಮಕ ವೀಡಿಯೊ ಸೋಶಿಯಲ್‌ ಮೀಡಿಯಾಗೆ ಅಪ್‌ಲೋಡ್ ಆಗಿತ್ತು. ವೀಡಿಯೊದ ಆರಂಭದಲ್ಲಿ ವಿಧಾನಸೌಧ ಕಟ್ಟಡದ ಹೊರಭಾಗದ ನೈಜ ದೃಶ್ಯಾವಳಿಗಳನ್ನು ತೋರಿಸಲಾಗಿದ್ದು, ತದನಂತರ ಅತ್ಯಾಧುನಿಕ 'ಎಐ' ವಿಷುಯಲ್ ಎಫೆಕ್ಟ್ಸ್‌ಗಳನ್ನು ಬಳಸಿ ಐತಿಹಾಸಿಕ ವಿಧಾನಸೌಧ ಕಟ್ಟಡವು ಭೀಕರ ಸ್ಫೋಟಕ್ಕೆ ತುತ್ತಾಗಿ ಧ್ವಂಸಗೊಳ್ಳುತ್ತಿರುವಂತೆ ನಕಲಿ ಚಿತ್ರಣವನ್ನು ಸೃಷ್ಟಿಸಲಾಗಿತ್ತು.

ಸೋಶಿಯಲ್ ಮೀಡಿಯಾದಲ್ಲಿ ಸಾರ್ವಜನಿಕ ಶಾಂತಿ ಹಾಗೂ ಭದ್ರತೆಗೆ ಧಕ್ಕೆ ತರುವಂತಹ ಅಂಶಗಳ ಮೇಲೆ ಪೊಲೀಸರು ನಡೆಸುತ್ತಿದ್ದ ನಿಯಮಿತ 'ಡಿಜಿಟಲ್ ಕಣ್ಗಾವಲು' (Digital Surveillance) ಕಾರ್ಯಾಚರಣೆಯ ವೇಳೆ ಈ ಅಪಾಯಕಾರಿ ವೀಡಿಯೊ ಪತ್ತೆಯಾಗಿದೆ.

ಬಿಎನ್‌ಎಸ್ (BNS) ಕಾಯ್ದೆಯಡಿ ಎಫ್‌ಐಆರ್ - ಐಪಿ ಅಡ್ರೆಸ್ ಮೂಲಕ ಅರೆಸ್ಟ್

ವಿಷಯ ತಿಳಿದ ತಕ್ಷಣವೇ ಕಾರ್ಯಪ್ರವೃತ್ತರಾದ ವಿಧಾನಸೌಧ ಪೊಲೀಸ್ ಠಾಣೆಯ ಪೊಲೀಸ್ ಇನ್ಸ್‌ಪೆಕ್ಟರ್ ಎಸ್.ಪಿ. ಕುಮಾರ್ ಸ್ವಾಮಿ ಅವರು, 'ಭಾರತೀಯ ನ್ಯಾಯ ಸಂಹಿತೆ' (BNS), 2023 ರ ಸೆಕ್ಷನ್ 353(1)(b) ಹಾಗೂ 353(2) ರ ಅಡಿಯಲ್ಲಿ ಪ್ರಥಮ ಮಾಹಿತಿ ವರದಿ (FIR) ದಾಖಿಸಿಕೊಂಡಿದ್ದಾರೆ. ಬಳಿಕ ಸೈಬರ್ ತಜ್ಞರ ನೆರವಿನಿಂದ ಸದರಿ ಇನ್‌ಸ್ಟಾಗ್ರಾಮ್ ಖಾತೆಗೆ ಸಂಬಂಧಿಸಿದ ಇಂಟರ್ನೆಟ್ ಪ್ರೋಟೋಕಾಲ್ (IP) ಲಾಗ್‌ಗಳು ಹಾಗೂ ಡಿಜಿಟಲ್ ಹೆಜ್ಜೆಗುರುತುಗಳನ್ನು ಸುಮ್ಮನೆ ಟ್ರ್ಯಾಕ್ ಮಾಡಿದ ಪೊಲೀಸರು, ನಗರದಲ್ಲಿದ್ದ ಆರೋಪಿ ಅಲಿಯ ವಾಸಸ್ಥಳವನ್ನು ಪತ್ತೆಹಚ್ಚಿ ಆತನನ್ನು ಕಸ್ಟಡಿಗೆ ತೆಗೆದುಕೊಂಡಿದ್ದಾರೆ.

ಪ್ರಸ್ತುತ ಆರೋಪಿ ಅಲಿ ಪೊಲೀಸರ ವಶದಲ್ಲಿದ್ದು, ಆತನನ್ನು ಸುದೀರ್ಘ ವಿಚಾರಣೆಗೆ ಒಳಪಡಿಸಲಾಗಿದೆ. ಇಂತಹ ಎಐ ವೀಡಿಯೊವನ್ನು ಸೋಶಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಲು ಆತನ ನಿಜವಾದ ಉದ್ದೇಶವೇನಿತ್ತು? ಈ ವೀಡಿಯೊ ತಯಾರಿಕೆಯಲ್ಲಿ ಅಥವಾ ಎಡಿಟಿಂಗ್‌ನಲ್ಲಿ ಆತನಿಗೆ ಬೇರೆ ಯಾರಾದರೂ ನೆರವಾಗಿದ್ದರೇ? ಹಾಗೂ ಈ ಘಟನೆಯ ಹಿಂದೆ ಯಾವುದಾದರೂ ದೊಡ್ಡ ಮಟ್ಟದ ಭದ್ರತಾ ಬೆದರಿಕೆ ಅಥವಾ ಗೂಢಚರ್ಯೆಯ ಶಂಕೆ ಇದೆಯೇ? ಎಂಬಿತ್ಯಾದಿ ಕೋನಗಳಲ್ಲಿ ಪೊಲೀಸರು ತನಿಖೆಯನ್ನು ತೀವ್ರಗೊಳಿಸಿದ್ದಾರೆ.

ಎಲ್ಲರೂ ಬಾಯಿಗೆ ಬಂದಷ್ಟು ಹೇಳ್ತಿದ್ದಾರೆ: ರಜನಿಕಾಂತ್ 'ಜೈಲರ್ 2' ಅಸಲಿ ಕಲೆಕ್ಷನ್ ಇಷ್ಟೇ ನೋಡಿ!

Govindaraj S — Wed, 21 Oct 2026 20:14:45 +0530

ತಮಿಳುನಾಡು ಮಾತ್ರವಲ್ಲದೆ ಕೇರಳ, ಕರ್ನಾಟಕ, ಆಂಧ್ರ ಹಾಗೂ ತೆಲಂಗಾಣದಲ್ಲೂ ರಜನಿಕಾಂತ್ ಅವರ 'ಜೈಲರ್ 2' ಸಿನಿಮಾ ಸಕ್ಕತ್ತಾಗಿ ಓಡುತ್ತಿದೆ. ಆಯುಧ ಪೂಜೆ ಪ್ರಯುಕ್ತ ರಿಲೀಸ್ ಆದ ಈ ಸಿನಿಮಾ, ನಾಲ್ಕು ದಿನಗಳ ಸಾಲು ರಜೆಯನ್ನು ಚೆನ್ನಾಗಿ ಬಳಸಿಕೊಂಡಿದೆ. ಆದರೆ, ಶೇರ್ ಹಂಚಿಕೆ ವಿಚಾರದಲ್ಲಿ ಗಲಾಟೆ ನಡೆದಿದ್ದರಿಂದ ಸೇಲಂ ಸೇರಿದಂತೆ ಕೆಲವು ಕಡೆ ಮೊದಲ ಎರಡು ದಿನ ಸಿನಿಮಾ ರಿಲೀಸ್ ಆಗಿರಲಿಲ್ಲ.

ಸಿನಿಮಾಗೆ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ಕಿದ್ದನ್ನು ನೋಡಿ, ಎರಡು ದಿನಗಳ ಬಳಿಕ ಮಾತುಕತೆ ನಡೆಸಿ ಸೇಲಂನಲ್ಲಿ ಸಿನಿಮಾ ರಿಲೀಸ್ ಮಾಡಿದ್ದಾರೆ. ಎರಡು ದಿನ ಲೇಟ್ ಆಗಿ ರಿಲೀಸ್ ಆದ ಕಾರಣ, ಆ ನಷ್ಟವನ್ನು ಸರಿದೂಗಿಸಲು ಕೆಲವು ಥಿಯೇಟರ್‌ಗಳಲ್ಲಿ 'ಜೈಲರ್ 2' ಸಿನಿಮಾವನ್ನು ನಾನ್ ಸ್ಟಾಪ್ ಆಗಿ ಪ್ರದರ್ಶನ ಮಾಡುತ್ತಿದ್ದಾರೆ ಎಂದು ವಲೈಪೇಚ್ಚು ಅಂತಣನ್ ಹೇಳಿದ್ದಾರೆ. ಇದರ ಜೊತೆಗೆ ಕಲೆಕ್ಷನ್ ಬಗ್ಗೆ ಹರಿದಾಡುತ್ತಿರುವ ಸುಳ್ಳು ಸುದ್ದಿಗಳಿಗೆ ವಲೈಪೇಚ್ಚು ಬಿಸ್ಮಿ ಬ್ರೇಕ್ ಹಾಕಿದ್ದಾರೆ.

ಶೀಘ್ರದಲ್ಲೇ ಅಧಿಕೃತ ರಿಪೋರ್ಟ್?

ಜೈಲರ್ 2 ಸಿನಿಮಾ 600 ಕೋಟಿ ರೂ. ಕಲೆಕ್ಷನ್ ಮಾಡಿದೆ ಎನ್ನುವುದೆಲ್ಲ ಶುದ್ಧ ಸುಳ್ಳು ಎಂದು ಬಿಸ್ಮಿ ಹೇಳಿದ್ದಾರೆ. 6 ದಿನಗಳಲ್ಲಿ ಈ ಸಿನಿಮಾ ವಿಶ್ವಾದ್ಯಂತ 470 ಕೋಟಿ ರೂ. ಮಾತ್ರ ಗಳಿಸಿದೆ. ಇದರಲ್ಲಿ ತಮಿಳುನಾಡಿನ ಕಲೆಕ್ಷನ್ 122 ಕೋಟಿ ರೂ. ಆಗಿದೆ. ಬರುವ ಶುಕ್ರವಾರದ ಹೊತ್ತಿಗೆ ಸಿನಿಮಾ ವಿಶ್ವಾದ್ಯಂತ 500 ಕೋಟಿ ರೂ. ಹಾಗೂ ತಮಿಳುನಾಡಿನಲ್ಲಿ 155 ಕೋಟಿ ರೂ. ಕಲೆಕ್ಷನ್ ಮಾಡಲಿದೆ. ಸನ್ ಪಿಕ್ಚರ್ಸ್ ಶೀಘ್ರದಲ್ಲೇ ಅಧಿಕೃತ ರಿಪೋರ್ಟ್ ನೀಡುವ ಸಾಧ್ಯತೆ ಇದೆ ಎಂದು ಅವರು ತಿಳಿಸಿದ್ದಾರೆ.

ಯಾಕೆ ಸೈಲೆಂಟ್ ಆಗಿದೆ?

ಸನ್ ಪಿಕ್ಚರ್ಸ್ ಸಂಸ್ಥೆ ಕಲೆಕ್ಷನ್ ಬಗ್ಗೆ ಯಾಕೆ ಸೈಲೆಂಟ್ ಆಗಿದೆ ಎಂದು ಹಲವರು ಕೇಳ್ತಿದ್ದಾರೆ. ಇದಕ್ಕೆ ಬಿಸ್ಮಿ ಕಾರಣ ಕೊಟ್ಟಿದ್ದಾರೆ. ಕಲಾನಿಧಿ ಮಾರನ್ ಅವರು ಸದ್ಯ ಅನಿರುದ್ಧ್ ಹಾಗೂ ಕಾವ್ಯಾ ಮಾರನ್ ಮದುವೆ ಕೆಲಸಗಳಲ್ಲಿ ಬ್ಯುಸಿಯಾಗಿದ್ದಾರೆ. ಹಾಗಾಗಿ ಕಲೆಕ್ಷನ್ ರಿಪೋರ್ಟ್ ಕಡೆ ಅವರು ಗಮನ ಕೊಟ್ಟಿಲ್ಲ. ನವೆಂಬರ್‌ನಲ್ಲಿ ಇವರ ಮದುವೆ ನಡೆಯಲಿದೆ. ನವೆಂಬರ್ 21ರಂದು ಚೆನ್ನೈನಲ್ಲಿ ನಡೆಯುವ ಅದ್ಧೂರಿ ಆರತಕ್ಷತೆಯಲ್ಲಿ ಸಿನಿಮಾ ಹಾಗೂ ರಾಜಕೀಯ ಗಣ್ಯರು ಭಾಗವಹಿಸಲಿದ್ದಾರೆ.

ಭಾರತದಲ್ಲಿದೆ ವಿಶ್ವದ ಏಕೈಕ 'ಸಸ್ಯಾಹಾರಿ' ನಗರ: ಇಲ್ಲಿ ಮಾಂಸ-ಮೊಟ್ಟೆ ಮಾತ್ರವಲ್ಲ, ಈರುಳ್ಳಿ-ಬೆಳ್ಳುಳ್ಳಿಯೂ ಬ್ಯಾನ್!

Sathish Kumar KH — Wed, 21 Oct 2026 20:10:30 +0530

ನಮ್ಮ ಭಾರತ ವೈವಿಧ್ಯತೆಗಳ ತವರೂರು. ಇಲ್ಲಿನ ಸಂಸ್ಕೃತಿ, ಆಚಾರ-ವಿಚಾರಗಳು ವಿಶ್ವದ ಗಮನ ಸೆಳೆಯುತ್ತವೆ. ಆದರೆ, ನಮ್ಮ ದೇಶದಲ್ಲೇ ವಿಶ್ವದ ಏಕೈಕ 'ಸಂಪೂರ್ಣ ಶಾಕಾಹಾರಿ ನಗರ' (100% Pure Vegetarian City) ಒಂದಿದೆ ಎಂಬುದು ನಿಮಗೆ ಗೊತ್ತೇ? ಹೌದು, ಈ ಊರಿನಲ್ಲಿ ಮಾಂಸ, ಮೀನು, ಮೊಟ್ಟೆ ಮಾರಾಟ ಕಾನೂನುಬದ್ಧವಾಗಿಯೇ ನಿಷೇಧಕ್ಕೊಳಗಾಗಿದೆ. ಅಷ್ಟೇ ಅಲ್ಲ, ಇಲ್ಲಿ ಈರುಳ್ಳಿ ಮತ್ತು ಬೆಳ್ಳುಳ್ಳಿಯನ್ನು ಕೂಡ ಸಾರ್ವಜನಿಕವಾಗಿ ಬಳಸುವುದಿಲ್ಲ!

ಆ ಪವಿತ್ರ ನಗರವೇ ಗುಜರಾತ್‌ನ ಭಾವನಗರ ಜಿಲ್ಲೆಯಲ್ಲಿರುವ ‘ಪಾಲಿಟಾನಾ’ (Palitana).

900ಕ್ಕೂ ಹೆಚ್ಚು ದೇವಾಲಯಗಳ ತಾಣ, ಅಹಿಂಸೆಯ ನೆಲೆವೀಡು:

ಶತ್ರುಂಜಯ ಬೆಟ್ಟಗಳ ತಪ್ಪಲಿನಲ್ಲಿರುವ ಪಾಲಿಟಾನಾ, ಜೈನ ಧರ್ಮೀಯರ ಅತ್ಯಂತ ಪವಿತ್ರ ತೀರ್ಥಕ್ಷೇತ್ರಗಳಲ್ಲಿ ಒಂದಾಗಿದೆ. ಈ ಬೆಟ್ಟದ ಮೇಲೆ ಅಮೃತಶಿಲೆಯಿಂದ (Marble) ಕೆತ್ತಲಾದ ಸುಮಾರು 900ಕ್ಕೂ ಹೆಚ್ಚು ಅದ್ಭುತ ಜೈನ ದೇವಾಲಯಗಳಿವೆ. ಇದು ಕೇವಲ ಧಾರ್ಮಿಕ ಕ್ಷೇತ್ರವಲ್ಲದೆ, ಅಹಿಂಸಾ ತತ್ವದ ಅತಿ ದೊಡ್ಡ ಪ್ರತೀಕವಾಗಿದೆ. ಜಗತ್ತಿನಲ್ಲೇ ಮಾಂಸಾಹಾರ ಹಾಗೂ ಪ್ರಾಣಿವಧೆಯನ್ನು ಕಾನೂನುಬದ್ಧವಾಗಿ ಸಂಪೂರ್ಣ ನಿಷೇಧಿಸಿದ ಮೊದಲ ನಗರ ಎಂಬ ಐತಿಹಾಸಿಕ ಹೆಗ್ಗಳಿಕೆ ಪಾಲಿಟಾನಾಗೆ ಸಲ್ಲುತ್ತದೆ.

ಮಾಂಸ, ಮೊಟ್ಟೆ ಸಂಪೂರ್ಣ ಬ್ಯಾನ್ ಆಗಿದ್ದು ಯಾವಾಗ?

2014ರಲ್ಲಿ ಈ ನಗರದ ಪಾವಿತ್ರ್ಯತೆಯನ್ನು ಕಾಪಾಡಲು ನೂರಾರು ಜೈನ ಮುನಿಗಳು ಮತ್ತು ಸ್ಥಳೀಯರು ಬೃಹತ್ ಮಟ್ಟದ ಉಪವಾಸ ಸತ್ಯಾಗ್ರಹ ಕೈಗೊಂಡಿದ್ದರು. ನಗರದಲ್ಲಿರುವ ಕಸಾಯಿಖಾನೆಗಳನ್ನು (Slaughterhouses) ಶಾಶ್ವತವಾಗಿ ಮುಚ್ಚಬೇಕು ಮತ್ತು ಮೂಕಪ್ರಾಣಿಗಳ ಹತ್ಯೆ ನಿಲ್ಲಬೇಕು ಎಂದು ಪ್ರಬಲವಾಗಿ ಆಗ್ರಹಿಸಿದ್ದರು. ಜನರ ಹಾಗೂ ಮುನಿಗಳ ಧಾರ್ಮಿಕ ಭಾವನೆಗಳಿಗೆ ಸ್ಪಂದಿಸಿದ ಗುಜರಾತ್ ಸರ್ಕಾರ, 2014ರಲ್ಲಿ ಪಾಲಿಟಾನಾ ಪುರಸಭೆ ವ್ಯಾಪ್ತಿಯಲ್ಲಿ ಪ್ರಾಣಿಗಳನ್ನು ಕೊಲ್ಲುವುದು, ಮಾಂಸ ಮತ್ತು ಮೊಟ್ಟೆ ಮಾರಾಟ ಮಾಡುವುದನ್ನು ಅಧಿಕೃತವಾಗಿ ನಿಷೇಧಿಸಿ ಆದೇಶ ಹೊರಡಿಸಿತು. ನಿಯಮ ಮೀರಿ ಯಾರಾದರೂ ಮಾಂಸಾಹಾರ ಮಾರಾಟ ಮಾಡಿದರೆ ಅವರಿಗೆ ಕಠಿಣ ಶಿಕ್ಷೆ ಮತ್ತು ದಂಡ ವಿಧಿಸಲಾಗುತ್ತದೆ.

ಮದ್ಯವೂ ಇಲ್ಲ, ಈರುಳ್ಳಿ-ಬೆಳ್ಳುಳ್ಳಿಯೂ ಇಲ್ಲ! ಸಾತ್ವಿಕತೆಯೇ ಇಲ್ಲಿನ ಜೀವಾಳ:

ಗುಜರಾತ್‌ನಲ್ಲಿ ಮೊದಲಿನಿಂದಲೂ ಮದ್ಯಪಾನ ನಿಷೇಧ (Dry State) ಜಾರಿಯಲ್ಲಿದೆ. ಇನ್ನು ಮಾಂಸ ಮತ್ತು ಮೊಟ್ಟೆ ಮೇಲೂ ನಿಷೇಧ ಹೇರಿದ್ದರಿಂದ, ಪಾಲಿಟಾನಾ ನಗರವು ಮದ್ಯ ಮತ್ತು ಮಾಂಸ ಎರಡೂ ಲಭ್ಯವಿಲ್ಲದ ಭಾರತದ ಏಕೈಕ ನಗರವಾಗಿ ಹೊರಹೊಮ್ಮಿದೆ.

ಇಲ್ಲಿನ ಹೋಟೆಲ್‌ಗಳು, ರೆಸ್ಟೋರೆಂಟ್‌ಗಳು ಹಾಗೂ ರಸ್ತೆಬದಿಯ ತಿನಿಸು ಕೇಂದ್ರಗಳಲ್ಲಿ ಕೇವಲ ಶುದ್ಧ ಸಾತ್ವಿಕ ಆಹಾರ ಮಾತ್ರ ಲಭ್ಯವಿರುತ್ತದೆ. ಜೈನ ಸಂಪ್ರದಾಯದಂತೆ ಈರುಳ್ಳಿ, ಬೆಳ್ಳುಳ್ಳಿಯನ್ನು ಸಹ ಬಳಸದ ಶುದ್ಧ ಸಾತ್ವಿಕ ಊಟ ಇಲ್ಲಿನ ವಿಶೇಷತೆ. ಅಹಿಂಸಾ ಪರಮೋ ಧರ್ಮ ಎಂಬ ಮಾತನ್ನು ಬದುಕಿನಲ್ಲಿ ಅಳವಡಿಸಿಕೊಂಡಿರುವ ಪಾಲಿಟಾನಾ, ಇಂದು ಜಗತ್ತಿನಾದ್ಯಂತ ಲಕ್ಷಾಂತರ ಪ್ರವಾಸಿಗರಿಗೆ ಮತ್ತು ಶಾಂತಿಪ್ರಿಯರಿಗೆ ದೊಡ್ಡ ಮಾದರಿಯಾಗಿ ನಿಂತಿದೆ.

ರಾತ್ರಿ ಒಣ ಬಟಾಣಿ ನೆನೆಸೋಕೆ ಮರೆತುಹೋಯ್ತಾ? 1 ಗಂಟೆಯಲ್ಲಿ ಬೆಣ್ಣೆಯಂತೆ ಮೃದುವಾಗಿ ಉಬ್ಬಲು ಇಲ್ಲಿದೆ ಸಿಂಪಲ್ ಟ್ರಿಕ್

Ashwini HR — Wed, 21 Oct 2026 20:09:50 +0530

ಬೆಳಗ್ಗೆ ದಿಡೀರನೆ ಪಲಾವ್, ಕುರ್ಮಾ ಅಥವಾ ಉಪ್ಮಾ ಮಾಡಬೇಕು ಎಂದಾಗ, ಅಥವಾ ಮನೆಗೆ ಯಾರಾದರೂ ಅತಿಥಿಗಳು ಬಂದಾಗ ಬಟಾಣಿ ನೆನೆಸಲು ಮರೆತಿರುವುದು ನೆನಪಾಗಿ ಗಾಬರಿಯಾಗುವುದು ಸಾಮಾನ್ಯ. ಒಣ ಬಟಾಣಿ ನೆನೆಯಲು ಕನಿಷ್ಠ 7 ರಿಂದ 8 ಗಂಟೆಗಳ ಕಾಲಾವಕಾಶ ಬೇಕು. ಆದರೆ, ಅಡುಗೆಮನೆಯ ಈ ಒಂದು ಸಿಂಪಲ್ ಟ್ರಿಕ್ ಗೊತ್ತಿದ್ದರೆ, ಕೇವಲ 45 ನಿಮಿಷದಿಂದ 1 ಗಂಟೆಯೊಳಗೆ ಒಣ ಬಟಾಣಿಯನ್ನು ಹಸಿ ಬಟಾಣಿಯಂತೆ ಮೃದುವಾಗಿ ನೆನೆಸಿಕೊಳ್ಳಬಹುದು.

ದಿಡೀರ್ ಬಟಾಣಿ ನೆನೆಸುವ ಹಂತ-ಹಂತದ ವಿಧಾನ

ಹಂತ 1: ತಣ್ಣೀರಿನಲ್ಲಿ 10 ನಿಮಿಷ ನೆನೆಸಿ

ಮೊದಲು ನಿಮಗೆ ಬೇಕಾದಷ್ಟು ಒಣ ಬಟಾಣಿಯನ್ನು ಒಂದು ಪಾತ್ರೆಗೆ ಹಾಕಿ. ಕಾಳುಗಳು ಮುಳುಗುವಷ್ಟು (ಸುಮಾರು 2 ರಿಂದ 2.5 ಕಪ್) ಸಾಮಾನ್ಯ ನೀರನ್ನು ಹಾಕಿ ಕೇವಲ 10 ನಿಮಿಷಗಳ ಕಾಲ ಹಾಗೇ ಬಿಡಿ.

ಹಂತ 2: ನೀರನ್ನು ಬಸಿದು ತೆಗೆಯಿರಿ

10 ನಿಮಿಷಗಳ ನಂತರ, ಬಟಾಣಿ ಹಾಕಿದ್ದ ತಣ್ಣೀರನ್ನು ಸಂಪೂರ್ಣವಾಗಿ ಚೆಲ್ಲಿ (ಬಸಿದು) ಬಟಾಣಿಯನ್ನು ಮಾತ್ರ ಪಾತ್ರೆಯಲ್ಲಿ ಉಳಿಸಿಕೊಳ್ಳಿ.

ಹಂತ 3: ಬಿಸಿನೀರಿನ ಮ್ಯಾಜಿಕ್ (Hot Water Trick)

ಇನ್ನೊಂದು ಪಾತ್ರೆಯಲ್ಲಿ ನೀರನ್ನು ಕಾಯಿಸಿಕೊಳ್ಳಿ (ನೀರು ಉಗುರುಬೆಚ್ಚಗಿರುವುದಕ್ಕಿಂತ ಸ್ವಲ್ಪ ಹೆಚ್ಚು ಬಿಸಿಯಾಗಿರಬೇಕು, ಕುದಿಯುವ ನೀರಲ್ಲ). ಈ ಬಿಸಿನೀರನ್ನು ಬಟಾಣಿ ಮುಳುಗುವಷ್ಟು (ಪಾತ್ರೆಯ ಮುಕ್ಕಾಲು ಭಾಗದಷ್ಟು) ಸುರಿಯಿರಿ.

ಹಂತ 4: 1 ಗಂಟೆ ಮುಚ್ಚಿಡಿ

ಬಿಸಿನೀರು ಸುರಿದ ನಂತರ ತಕ್ಷಣವೇ ಪಾತ್ರೆಗೆ ಮುಚ್ಚಳ ಮುಚ್ಚಿ 45 ನಿಮಿಷದಿಂದ 1 ಗಂಟೆಗಳ ಕಾಲ ಹಾಗೇ ಬಿಡಿ.

ಕೇವಲ 1 ಗಂಟೆಯಲ್ಲಿ ಒಣ ಬಟಾಣಿ ಬಿಸಿನೀರಿನ ಹಬೆ ಹಾಗೂ ಶಾಖವನ್ನು ಹೀರಿಕೊಂಡು, ರಾತ್ರಿಯಿಡೀ ನೆನೆಸಿದಷ್ಟೇ ಸಾಫ್ಟ್ ಹಾಗೂ ಉಬ್ಬಿಕೊಂಡು ಹಸಿ ಬಟಾಣಿಯಂತೆ ಬಳಕೆಗೆ ರೆಡಿಯಾಗುತ್ತದೆ! ನಂತರ ಇದನ್ನು ಪಲಾವ್ ಅಥವಾ ಕುರ್ಮಾಗೆ ನೇರವಾಗಿ ಬಳಸಬಹುದು.

ಇದು ನಿಮಗೆ ಗೊತ್ತಾ?

1. ಹಾಟ್‌ಬಾಕ್ಸ್ ಅಥವಾ ಫ್ಲಾಸ್ಕ್ ಟ್ರಿಕ್ (ಕೇವಲ 30 ನಿಮಿಷ ಸಾಕು)

ಇನ್ನೂ ಬೇಗನೆ ಬಟಾಣಿ ನೆನೆಯಬೇಕೆಂದರೆ, ಬಿಸಿನೀರು ಮತ್ತು ಬಟಾಣಿಯನ್ನು ಸಾಮಾನ್ಯ ಪಾತ್ರೆಗೆ ಹಾಕುವ ಬದಲು ಚಪಾತಿ ಇಡುವ ಹಾಟ್‌ಬಾಕ್ಸ್ (Casserole) ಅಥವಾ ಥರ್ಮಸ್ ಫ್ಲಾಸ್ಕ್ (Thermos Flask) ಒಳಗೆ ಹಾಕಿ ಮುಚ್ಚಳ ಗಟ್ಟಿಯಾಗಿ ಮುಚ್ಚಿ. ಶಾಖ ಹೊರಗೆ ಹೋಗದೆ ಒಳಗೆ ಹಾಗೇ ಉಳಿಯುವುದರಿಂದ ಕೇವಲ 30 ರಿಂದ 40 ನಿಮಿಷಗಳಲ್ಲೇ ಬಟಾಣಿ ಸಂಪೂರ್ಣವಾಗಿ ಉಬ್ಬಿ ಸಾಫ್ಟ್ ಆಗುತ್ತದೆ!

2. ಬಟಾಣಿ ಹಸಿರಾಗಿಯೇ ಉಳಿಯಲು 'ಸಕ್ಕರೆ ಟ್ರಿಕ್'

ಒಣ ಬಟಾಣಿಯನ್ನು ನೆನೆಸಿ ಬೇಯಿಸಿದಾಗ ಅದರ ನೈಸರ್ಗಿಕ ಹಸಿರು ಬಣ್ಣ ಮಾಸಿ ಹೋಗಿ ಮಂದವಾಗುತ್ತದೆ. ಬಟಾಣಿ ಅಂಗಡಿಯ ಹಸಿ ಬಟಾಣಿಯಂತೆಯೇ ಆಕರ್ಷಕ ಹಸಿರು ಬಣ್ಣದಲ್ಲಿರಲು, ಬಿಸಿನೀರಿಗೆ ಅರ್ಧ ಚಮಚ ಸಕ್ಕರೆ ಸೇರಿಸಿ ನೆನೆಸಿ. ಇದರಿಂದ ಬಣ್ಣವೂ ಚೆನ್ನಾಗಿರುತ್ತದೆ, ಜೊತೆಗೆ ರುಚಿಯೂ ಹೆಚ್ಚುತ್ತದೆ.

3. ಬೇಯಿಸುವಾಗ 'ಚಿಟಿಕೆ ಸೋಡಾ' (ಅಡುಗೆ ಸೋಡಾ)

ದಿಡೀರನೆ ನೆನೆಸಿದ ಬಟಾಣಿ ಬೇಗನೆ ಸಾಫ್ಟ್ ಆಗಿ ಬೇಯಬೇಕೆಂದರೆ, ಕುಕ್ಕರ್‌ನಲ್ಲಿ ಬೇಯಿಸುವಾಗ ಕೇವಲ ಒಂದು ಚಿಟಿಕೆ ಅಡುಗೆ ಸೋಡಾ ಮತ್ತು ಸ್ವಲ್ಪ ಉಪ್ಪು ಹಾಕಿ 2 ಸೀಟಿ ಕೂಗಿಸಿ. ಬಟಾಣಿ ಬೆಣ್ಣೆಯಂತೆ ಮೃದುವಾಗಿ ಬೇಯುತ್ತದೆ.

4. ಮನೆಯಲ್ಲೇ 'ಫ್ರೋಜನ್ ಬಟಾಣಿ' ಮಾಡಿ 1 ವರ್ಷ ಸ್ಟೋರ್ ಮಾಡುವ ಟಿಪ್

ಚಳಿಗಾಲದಲ್ಲಿ ಮಾರುಕಟ್ಟೆಯಲ್ಲಿ ಹಸಿ ಬಟಾಣಿ ಅಗ್ಗವಾಗಿ ಸಿಕ್ಕಾಗ, ಕಾಳುಗಳನ್ನು ಬಿಡಿಸಿ ಬಿಸಿನೀರಿನಲ್ಲಿ 2 ನಿಮಿಷ ಹಾಕಿ ತೆಗೆಯಿರಿ. ನಂತರ ತಕ್ಷಣ ಐಸ್ ನೀರಿನಲ್ಲಿ ಹಾಕಿ, ಒಣಗಿಸಿ ಜಿಪ್‌ಲಾಕ್ (Ziploc) ಕವರ್‌ನಲ್ಲಿ ಹಾಕಿ ಫ್ರೀಜರ್‌ನಲ್ಲಿಟ್ಟರೆ ಬರೋಬ್ಬರಿ 1 ವರ್ಷದವರೆಗೂ ಹಾಳಾಗದೆ ಹಸಿಯಾಗಿಯೇ ಇರುತ್ತದೆ.

ಬೆಂಗಳೂರು ಕೆಂಪೇಗೌಡ ವಿಮಾನ ನಿಲ್ದಾಣದ ಕಸದಿಂದಲೇ ವಾರ್ಷಿಕ ₹7 ಕೋಟಿ ಆದಾಯ!

Santosh Naik — Wed, 21 Oct 2026 19:57:39 +0530

ಬೆಂಗಳೂರು (ಅ.21): ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ನಿರ್ವಹಿಸುವ 'ಬೆಂಗಳೂರು ಇಂಟರ್ನ್ಯಾಷನಲ್ ಏರ್‌ಪೋರ್ಟ್ ಲಿಮಿಟೆಡ್' (BIAL) ಪರಿಸರ ಸಂರಕ್ಷಣೆ ಹಾಗೂ ಸಸ್ಟೈನಬಿಲಿಟಿ (ಸುಸ್ಥಿರತೆ) ವಿಭಾಗದಲ್ಲಿ ಭಾರಿ ಸಾಧನೆ ಮಾಡಿದೆ. ವಿಮಾನ ನಿಲ್ದಾಣದಲ್ಲಿ ಉತ್ಪತ್ತಿಯಾಗುವ ಸುಮಾರು ಶೇಕಡಾ 98 ರಷ್ಟು ತ್ಯಾಜ್ಯವನ್ನು ಮರುಬಳಕೆ ಮಾಡಬಹುದಾದ ಸಂಪನ್ಮೂಲಗಳನ್ನಾಗಿ ಪರಿವರ್ತಿಸುತ್ತಿರುವ ಬಿಯಾಲ್‌ನ 'ವೇಸ್ಟ್ ಟು ರಿಸೋರ್ಸ್ ಸೆಂಟರ್' (Waste to Resource Centre) ಯೋಜನೆಗೆ 'ಸಿಐಐ ಗ್ರೀನ್‌ಕೊ ವೇಸ್ಟ್ ಅಂಡ್ ರಿಸೋರ್ಸ್ ಮ್ಯಾನೇಜ್‌ಮೆಂಟ್ ಸಮ್ಮಿಟ್ 2026' ರಲ್ಲಿ (Cll GreenCo Summit 2026) ಗೌರವಿಸಿ ಪ್ರಶಸ್ತಿ ನೀಡಲಾಗಿದೆ.

ಈ ಅತ್ಯಾಧುನಿಕ ತ್ಯಾಜ್ಯ ಸಂಸ್ಕರಣಾ ಕೇಂದ್ರವು ಜೈವಿಕ (Organic) ಮತ್ತು ಅಜೈವಿಕ (Inorganic) ತ್ಯಾಜ್ಯಗಳನ್ನು ಸಂಸ್ಕರಿಸಿ ಮರುಬಳಕೆ ಮಾಡುತ್ತದೆ. ಇದರಿಂದ ರಿಸೈಕ್ಲಿಂಗ್ ವಸ್ತುಗಳನ್ನು ಮರುಪಡೆಯುವುದಲ್ಲದೆ, ಜೈವಿಕ ಇಂಧನ (Bioenergy) ಮತ್ತು ಇತರ ಉಪಯುಕ್ತ ಸಂಪನ್ಮೂಲಗಳನ್ನು ಉತ್ಪಾದಿಸಲಾಗುತ್ತಿದೆ.

ವಾರ್ಷಿಕ ₹7 ಕೋಟಿ ಆದಾಯ ಹಾಗೂ 5,600 ಟನ್ ಹಸಿರುಮನೆ ಅನಿಲ ತಡೆ

ಬಿಯಾಲ್ ನೀಡಿರುವ ಅಧಿಕೃತ ಮಾಹಿತಿಯ ಪ್ರಕಾರ, ಕಳೆದೆರಡು ವರ್ಷಗಳಲ್ಲಿ ಈ ಕೇಂದ್ರವು ವಾರ್ಷಿಕವಾಗಿ 3,800 ಟನ್‌ಗಳಷ್ಟು ಅಜೈವಿಕ ವಸ್ತುಗಳನ್ನು ಮರುಬಳಕೆಗೆ ಕಳುಹಿಸಿದೆ ಹಾಗೂ 5,800 ಟನ್‌ಗಳಷ್ಟು ಹಸಿರು (ಜೈವಿಕ) ತ್ಯಾಜ್ಯವನ್ನು ಯಶಸ್ವಿಯಾಗಿ ಸಂಸ್ಕರಿಸಿದೆ.

ಹೀಗೆ ಸಂಸ್ಕರಿಸಿ ಪುನರ್ಬಳಕೆ ಮಾಡಿದ ವಸ್ತುಗಳ ಮಾರಾಟ ಮತ್ತು ಮರುಬಳಕೆಯಿಂದ ಬಿಯಾಲ್ ಸಂಸ್ಥೆಯು ವಾರ್ಷಿಕ ಸುಮಾರು ₹7 ಕೋಟಿ ರೂಪಾಯಿಗಳಷ್ಟು ಭಾರಿ ಆದಾಯವನ್ನು ಗಳಿಸುತ್ತಿದೆ. ಇದರ ಜೊತೆಗೆ, 2025 ರ ಸಾಲಿನಲ್ಲಿ ಬರೋಬ್ಬರಿ 5,600 ಟನ್‌ಗಳಷ್ಟು ಹಸಿರುಮನೆ ಅನಿಲ (Greenhouse Gas) ಹೊರಸೂಸುವಿಕೆಯನ್ನು ತಡೆಯುವ ಮೂಲಕ ಜಾಗತಿಕ ತಾಪಮಾನ ಏರಿಕೆಗೆ ಕಡಿವಾಣ ಹಾಕಲು ನೆರವಾಗಿದೆ.

ಈ ಸಾಧನೆಯ ಕುರಿತು ಪ್ರಶಂಸೆ ವ್ಯಕ್ತಪಡಿಸಿರುವ ಸಿಐಐ ಗ್ರೀನ್ ಬ್ಯುಸಿನೆಸ್ ಸೆಂಟರ್‌ನ ಹಸಿರು ಉತ್ಪಾದನೆ ವಿಭಾಗದ ಕಾರ್ಯನಿರ್ವಾಹಕ ನಿರ್ದೇಶಕ ಎನ್. ಮುತ್ತುಸೆಷಿಯನ್, "Circular Economy ತತ್ವಗಳನ್ನು ಅಳವಡಿಸಿಕೊಳ್ಳುವುದರಿಂದ ಪರಿಸರ ಸಂರಕ್ಷಣೆಯ ಜೊತೆಗೆ ಉತ್ತಮ ಆರ್ಥಿಕ ಲಾಭವನ್ನು ಪಡೆಯಬಹುದು ಎಂಬುದಕ್ಕೆ ಕೆಂಪೇಗೌಡ ವಿಮಾನ ನಿಲ್ದಾಣದ ಈ ತ್ಯಾಜ್ಯ ಸಂಸ್ಕರಣಾ ಕೇಂದ್ರವೇ ಜಗತ್ತಿಗೆ ಅತ್ಯುತ್ತಮ ಉದಾಹರಣೆಯಾಗಿದೆ" ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

Guddada Bhootha: ಶಿರಸಿಯಲ್ಲಿ 'ಗುಡ್ಡದ ಭೂತ'.. ಬೆಂಗಳೂರಿಂದ ಹೋದ ಹೀರೋ ಮೈಮೇಲೆ ದೆವ್ವದ ಆಟ, ಪಾಠ, ಕಾಟವೇ? ಏನಿದು ಶಾಕಿಂಗ್ ನ್ಯೂಸ್?

Shriram Bhat — Wed, 21 Oct 2026 19:50:33 +0530

ಹಳೆಯ ಕೊಲೆ ಪ್ರಕರಣವೊಂದನ್ನು ಮತ್ತೆ ತನಿಖೆಗೆ ಒಳಪಡಿಸುವ ಸುಳಿವು ಸಿಕ್ಕಿದೆ. ಅಪರಾಧ ಎಸಗಿದವರು ಎಷ್ಟೇ ಜಾಗರೂಕತೆಯಿಂದ ನಡೆದುಕೊಂಡರೂ, ಯಾವುದಾದರೊಂದು ಸುಳಿವು ಉಳಿದಿರುತ್ತದೆ ಎಂಬ ಆಶಯದೊಂದಿಗೆ ಅಲೋಕ್ ತನಿಖೆ ಆರಂಭಿಸುತ್ತಾನೆ. ಏನಿದು ಗುಡ್ಡದ ಭೂತದ ಚೇಷ್ಟೇ? ಶಿರಸಿಯಲ್ಲಿ ಆಗಿದ್ದು ಯಾವಾಗ?

ರೆಡಿ ಇದೆ ‘ಗುಡ್ಡದ ಭೂತ’! ಏನಿದು ಶಿರಸಿಯಲ್ಲಿ ಗುಡ್ಡದ ಭೂತದ ಕಥೆ?

ಹಳೆಯ ಕೊಲೆ ಪ್ರಕರಣವೊಂದನ್ನು ಮತ್ತೆ ತನಿಖೆಗೆ ಒಳಪಡಿಸುವ ಸುಳಿವು ಸಿಕ್ಕಿದೆ. ಅಪರಾಧ ಎಸಗಿದವರು ಎಷ್ಟೇ ಜಾಗರೂಕತೆಯಿಂದ ನಡೆದುಕೊಂಡರೂ, ಯಾವುದಾದರೊಂದು ಸುಳಿವು ಉಳಿದಿರುತ್ತದೆ ಎಂಬ ಆಶಯದೊಂದಿಗೆ ನಾಯಕ ಅಲೋಕ್ ತನಿಖೆ ಆರಂಭಿಸುತ್ತಾನೆ. ಆ ಹೆಜ್ಜೆಗುರುತುಗಳನ್ನು ಪತ್ತೆಹಚ್ಚುತ್ತಾ ಪ್ರಕರಣದ ಹಿಂದಿರುವ ಸತ್ಯವನ್ನು ಹುಡುಕುವ ಪ್ರಯತ್ನ ಇದು.. ಏನು ನೋಡಿ..

ಕನ್ನಡ ಚಿತ್ರರಂಗದಲ್ಲಿ ವಿಭಿನ್ನ ಶೀರ್ಷಿಕೆಯ ಮೂಲಕವೇ ಕುತೂಹಲ ಮೂಡಿಸಿರುವ ಹೊಸ ಸಿನಿಮಾ ‘ಗುಡ್ಡದ ಭೂತ’. ಇಂದ್ರಜಿತ್ ಲಂಕೇಶ್ ಪುತ್ರ ಸಮರ್ಜಿತ್ ಲಂಕೇಶ್ ಈ ಚಿತ್ರದ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದು, ಎರಡನೇ ಸಿನಿಮಾದಲ್ಲೇ ಪೊಲೀಸ್ ಅಧಿಕಾರಿಯ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಕರಾವಳಿಯ ಹಿನ್ನೆಲೆಯ ಕೊಲೆ ಪ್ರಕರಣದ ಸುತ್ತ ಸಾಗುವ ಈ ಕಥೆ ಇದೀಗ ಸಿನಿಪ್ರಿಯರ ಗಮನ ಸೆಳೆಯುತ್ತಿದೆ.

ಸಮರ್ಜಿತ್ ಲಂಕೇಶ್ ‘ಗೌರಿ’ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ನಾಯಕನಾಗಿ ಪರಿಚಯವಾಗಿದ್ದರು. ಆ ಚಿತ್ರವನ್ನು ಅವರ ತಂದೆ ಇಂದ್ರಜಿತ್ ಲಂಕೇಶ್ ನಿರ್ದೇಶಿಸಿದ್ದರು. ಇದೀಗ ತಮ್ಮ ಎರಡನೇ ಚಿತ್ರದಲ್ಲಿ ನಿರ್ದೇಶಕ ಭರತ್ ಎಸ್. ನಾವುಂದ್ ಅವರೊಂದಿಗೆ ಕೈಜೋಡಿಸಿದ್ದಾರೆ. ‘ಗುಡ್ಡದ ಭೂತ’ ಸಿನಿಮಾದಲ್ಲಿ ಸಮರ್ಜಿತ್, ಅಲೋಕ್ ಎಂಬ ಹೆಸರಿನ ಪೊಲೀಸ್ ಉಪನಿರೀಕ್ಷಕ (ಎಸ್‌ಐ) ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಕೊಲೆ ಪ್ರಕರಣದ ಬೆನ್ನತ್ತುವ ಪೊಲೀಸ್ ಅಧಿಕಾರಿ!

ಚಿತ್ರದ ಟೀಸರ್‌ನಲ್ಲಿ ಹಳೆಯ ಕೊಲೆ ಪ್ರಕರಣವೊಂದನ್ನು ಮತ್ತೆ ತನಿಖೆಗೆ ಒಳಪಡಿಸುವ ಸುಳಿವು ಸಿಕ್ಕಿದೆ. ಅಪರಾಧ ಎಸಗಿದವರು ಎಷ್ಟೇ ಜಾಗರೂಕತೆಯಿಂದ ನಡೆದುಕೊಂಡರೂ, ಯಾವುದಾದರೊಂದು ಸುಳಿವು ಉಳಿದಿರುತ್ತದೆ ಎಂಬ ಆಶಯದೊಂದಿಗೆ ನಾಯಕ ಅಲೋಕ್ ತನಿಖೆ ಆರಂಭಿಸುತ್ತಾನೆ. ಆ ಹೆಜ್ಜೆಗುರುತುಗಳನ್ನು ಪತ್ತೆಹಚ್ಚುತ್ತಾ ಪ್ರಕರಣದ ಹಿಂದಿರುವ ಸತ್ಯವನ್ನು ಹುಡುಕುವ ಪ್ರಯತ್ನವೇ ಚಿತ್ರದ ಪ್ರಮುಖ ಆಕರ್ಷಣೆಯಾಗಿದೆ.

‘ಗುಡ್ಡದ ಭೂತ’ ಶೀರ್ಷಿಕೆಯೇ ವಿಶೇಷ!

ಈ ಹಿಂದೆ ಇದೇ ಹೆಸರಿನ ಜನಪ್ರಿಯ ಧಾರಾವಾಹಿ ಪ್ರಸಾರವಾಗಿದ್ದು, ಸೂಪರ್ ಹಿಟ್ ಆಗಿತ್ತು. ಇದೀಗ ಇದೇ ಶೀರ್ಷಿಕೆಯ ಸಿನಿಮಾ ಕರಾವಳಿಯ ಕಥೆಯನ್ನು ಹೊಸ ರೀತಿಯಲ್ಲಿ ಪ್ರೇಕ್ಷಕರ ಮುಂದೆ ತರಲು ಸಜ್ಜಾಗಿದೆ. ಚಿತ್ರದಲ್ಲಿ ನಾಯಕನಿಗೆ ದೈವದ ಆವಾಹನೆಯಾಗುವ ದೃಶ್ಯವೂ ಇದ್ದು, ಇದು ರಿಷಬ್ ಶೆಟ್ಟಿ ಅಭಿನಯದ ‘ಕಾಂತಾರ’ವನ್ನು ನೆನಪಿಸುವಂತಿದೆ.

ಚಿತ್ರೀಕರಣ ಪೂರ್ಣ, ನಾಲ್ಕು ಹಾಡುಗಳ ಸೊಗಸು!

ಭರತ್ ಎಸ್. ನಾವುಂದ್ ನಿರ್ದೇಶನದ ಈ ಚಿತ್ರವನ್ನು ಎನ್.ಎಂ. ಕಾಂತರಾಜ್ ನಿರ್ಮಿಸಿದ್ದಾರೆ. ಶ್ರೀಹರಿ ಸಂಗೀತ ಸಂಯೋಜಿಸಿದ್ದು, ಸಿನಿಮಾದಲ್ಲಿ ನಾಲ್ಕು ಹಾಡುಗಳಿವೆ. ಚಿತ್ರೀಕರಣ ಪೂರ್ಣಗೊಂಡಿದ್ದು, ಟೀಸರ್ ಕೂಡ ಬಿಡುಗಡೆಯಾಗಿದೆ.

ಪೊಲೀಸ್ ತನಿಖೆ, ಕರಾವಳಿಯ ಸಂಸ್ಕೃತಿ ಮತ್ತು ದೈವಿಕ ಅಂಶಗಳ ಮಿಶ್ರಣ ಹೊಂದಿರುವ ‘ಗುಡ್ಡದ ಭೂತ’ ಚಿತ್ರದಲ್ಲಿ ಸಮರ್ಜಿತ್ ಲಂಕೇಶ್ ಹೇಗೆ ಮಿಂಚಲಿದ್ದಾರೆ ಎಂಬ ಕುತೂಹಲ ಇದೀಗ ಹೆಚ್ಚಾಗಿದೆ. ಸಿನಿಮಾದ ಬಿಡುಗಡೆಯ ದಿನಾಂಕದ ಬಗ್ಗೆ ಇನ್ನಷ್ಟು ಮಾಹಿತಿ ಹೊರಬರಬೇಕಿದೆ.

Cotton Suits: ಮಹಿಳೆಯರೇ, ಸಿಂಪಲ್ ಲುಕ್‌ನಲ್ಲೂ ಮಿಂಚಬೇಕು ಅಂದ್ರೆ ಈ ಕಾಟನ್ ಸೂಟ್ಸ್ ಟ್ರೈ ಮಾಡಿ!

Govindaraj S — Wed, 21 Oct 2026 19:50:04 +0530

ನೀವು ಸ್ಟೈಲಿಶ್ ಹಾಗೂ ಕಂಫರ್ಟ್ ಆಗಿರುವ ಡ್ರೆಸ್‌ಗಳ ಹುಡುಕಾಟದಲ್ಲಿದ್ದೀರಾ? ಹಾಗಾದರೆ ಕಾಟನ್ ಸೂಟ್ಸ್ ನಿಮಗೆ ಬೆಸ್ಟ್ ಆಯ್ಕೆ. ಸಿಂಪಲ್ ಡಿಸೈನ್‌ನಿಂದ ಹಿಡಿದು ಕ್ಲಾಸಿ ಲುಕ್ ನೀಡುವ ಆಕರ್ಷಕ ಸೂಟ್‌ಗಳ ಕಲೆಕ್ಷನ್ ಇಲ್ಲಿದೆ. ಒಮ್ಮೆ ಕಣ್ಣಾಡಿಸಿ.

Silver Anklets: ಕಾಲಿಗೆ ಹಾಕಿದರೆ ಎಲ್ಲರ ಕಣ್ಣು ನಿಮ್ಮ ಮೇಲೆಯೇ.. ಇವು ಹೆವಿ ಡಿಸೈನ್ ಬೆಳ್ಳಿ ಗೆಜ್ಜೆಗಳು!

Govindaraj S — Wed, 21 Oct 2026 19:40:13 +0530

ಬೆಳ್ಳಿ ಗೆಜ್ಜೆಗಳು ಪಾದಗಳ ಅಂದವನ್ನು ಮತ್ತಷ್ಟು ಹೆಚ್ಚಿಸುತ್ತವೆ. ಸಾಂಪ್ರದಾಯಿಕ ಲುಕ್‌ನಿಂದ ಹಿಡಿದು ಟ್ರೆಂಡಿ ಸ್ಟೈಲ್‌ವರೆಗೆ ಗಮನ ಸೆಳೆಯುವ ಹೆವಿ ಡಿಸೈನ್ ಗೆಜ್ಜೆಗಳು ಇಲ್ಲಿವೆ. ಒಮ್ಮೆ ನೋಡಿ.

ಅತಿಹೆಚ್ಚು ಹಿಂದೂಗಳಿರುವ ಭಾರತದ ಟಾಪ್ 5 ರಾಜ್ಯಗಳಿವು..! ಕರ್ನಾಟಕಕ್ಕೆ ಎಷ್ಟನೇ ಸ್ಥಾನ?

Naveen Kodase — Wed, 21 Oct 2026 19:39:11 +0530

ಬೆಂಗಳೂರು: ಭಾರತ ಬಹುಸಂಖ್ಯಾತ ಹಿಂದೂಗಳಿರುವ ದೇಶ. ವಿಶ್ವದ ಪ್ರಾಚೀನ ಜೀವಂತ ಧರ್ಮಗಳಲ್ಲಿ ಹಿಂದೂ ಧರ್ಮವೂ ಒಂದಾಗಿದೆ. ಹಿಂದೂ ಧರ್ಮ ವಿಶ್ವದ ಮೂರನೇ ಅತಿದೊಡ್ಡ ಧರ್ಮವಾಗಿದೆ. ಇನ್ನು ಭಾರತದಲ್ಲಿ ಟಾಪ್-5 ಅತಿಹೆಚ್ಚು ಹಿಂದೂ ಧರ್ಮದವರು ವಾಸಿಸುವ ರಾಜ್ಯಗಳು ಯಾವುವು ನೋಡೋಣ.

ಹಿಮಾಲಯದ ತಪ್ಪಲಿನಲ್ಲಿರುವ ಹಿಮಾಚಲ ಪ್ರದೇಶದಲ್ಲಿ ವಾಸಿಸುವರ ಪೈಕಿ 95% ಮಂದಿ ಹಿಂದೂಗಳು. ಈ ರಾಜ್ಯದಲ್ಲಿ ಐದು ಶಕ್ತಿಪೀಠಗಳಿವೆ. ಮೊದಲಿನಿಂದಲೂ ಹಿಮಾಚಲ ಪ್ರದೇಶದಲ್ಲಿ ಹಿಂದೂಗಳು ಬಹುಸಂಖ್ಯಾತರಾಗಿದ್ದಾರೆ.

ಓಡಿಶಾದಲ್ಲಿ ವಾಸಿಸುವವರ ಪೈಕಿ 94% ಮಂದಿ ಹಿಂದೂ ಧರ್ಮದ ಅನುಯಾಯಿಗಳಾಗಿದ್ದಾರೆ. ದಿ ಇಂಡಿಯನ್ ಇಂಡೆಕ್ಸ್ ವರದಿಯ ಪ್ರಕಾರ, ಹಿಮಾಚಲ ಪ್ರದೇಶ ಬಳಿಕ ಅತಿಹೆಚ್ಚು ಹಿಂದೂಗಳು ವಾಸಿಸುವ ರಾಜ್ಯವೆಂದರೇ ಅದು ಒಡಿಶಾವಾಗಿದೆ. ಹಿಂದೂಗಳ ಪವಿತ್ರ ಕ್ಷೇತ್ರ ಪುರಿ ಜಗನ್ನಾಥ ದೇವಸ್ಥಾನವಿರುವುದು ಇದೇ ಓಡಿಶಾದಲ್ಲಿ.

ದಟ್ಟ ಅರಣ್ಯ ಹಾಗೂ ವಾಟರ್‌ಪಾಲ್ಸ್‌ಗೆ ಹೆಸರುವಾಸಿಯಾಗಿರುವ ಛತ್ತೀಸ್‌ಗಢದಲ್ಲಿ ವಾಸಿಸುವವರ ಪೈಕಿ 93% ಹಿಂದೂಗಳಾಗಿದ್ದಾರೆ. ಇಲ್ಲಿ ಬುಡಕಟ್ಟು ಸಮುದಾಯವೇ ಹೆಚ್ಚಿದೆ. ಛತ್ತೀಸ್‌ಗಢವೂ ಅತಿಹೆಚ್ಚು ಹಿಂದೂಗಳು ವಾಸಿಸುವ ರಾಜ್ಯಗಳ ಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದುಕೊಂಡಿದೆ.

ವಿಸ್ತೀರ್ಣದಲ್ಲಿ ಭಾರತದ ಎರಡನೇ ಅತಿದೊಡ್ಡ ರಾಜ್ಯವಾಗಿ ಗುರುತಿಸಿಕೊಂಡಿರುವ ಮಧ್ಯಪ್ರದೇಶವು, ಜನಸಂಖ್ಯೆಯಲ್ಲಿ ಐದನೇ ಸ್ಥಾನ ಪಡೆದುಕೊಂಡಿದೆ. ಇನ್ನು ಮಧ್ಯಪ್ರದೇಶದಲ್ಲಿ 91% ಹಿಂದೂಗಳು ವಾಸವಾಗಿದ್ದಾರೆ. ಹಿಂದೂಗಳ ಪವಿತ್ರ ಧಾರ್ಮಿಕ ಕ್ಷೇತ್ರವಾದ ಮಹಾಕಾಳೇಶ್ವರ ಜ್ಯೋತಿರ್ಲಿಂಗ ವಿರುವುದು ಇದೇ ರಾಜ್ಯದಲ್ಲಿ.

2011ರ ಜನಗಣತಿಯ ಪ್ರಕಾರ ಗುಜರಾತ್‌ನಲ್ಲಿ ಸುಮಾರು 6.2 ಕೋಟಿ ಜನಸಂಖ್ಯೆಯಿತ್ತು. ಇಲ್ಲಿ ವಾಸಿಸುವ 89% ಮಂದಿ ಹಿಂದೂಗಳಾಗಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿಯವರ ತವರು ಕ್ಷೇತ್ರವಾಗಿರುವ ಗುಜರಾತ್‌ನಲ್ಲೇ ಪ್ರಖ್ಯಾತ ಸೋಮನಾಥ ದೇವಸ್ಥಾನವೂ ಇದೆ.

ಇನ್ನು ನಮ್ಮ ಕರ್ನಾಟಕದಲ್ಲಿ ಸುಮಾರು 84% ಮಂದಿ ಹಿಂದೂಗಳಿದ್ದಾರೆ ಎಂದು ದ ಇಂಡಿಯನ್ ಇಂಡೆಕ್ಸ್ ವರದಿ ಮಾಡಿದೆ. ಈ ಮೂಲಕ ಕರ್ನಾಟಕವು ಅತಿಹೆಚ್ಚು ಹಿಂದೂಗಳನ್ನು ಹೊಂದಿರುವ ರಾಜ್ಯಗಳ ಪಟ್ಟಿಯಲ್ಲಿ ಹನ್ನೊಂದನೇ ಸ್ಥಾನ ಪಡೆದುಕೊಂಡಿದೆ.

ಬೆಂಗಳೂರಿನಲ್ಲೊಂದು 'ಪವಿತ್ರ ಪಂಚವಟಿ ವನ'.. ಕೃಷಿ ಲೋಕದ ಮಹತ್ವ ಹೇಳಿದ ನಟ ಸುಚೇಂದ್ರ ಪ್ರಸಾದ್

Ashwini HR — Wed, 21 Oct 2026 19:27:49 +0530

"ಅನ್ನ ಎಲ್ಲಿಂದ ಬರುತ್ತೆ ಅಂದರೆ ಝೊಮ್ಯಾಟೋ, ಸ್ವಿಗ್ಗಿ ಅಂಕಲ್ ತಂದುಕೊಡ್ತಾರೆ, ಹಾಲು ನಂದಿನಿ ಬೂತ್‌ನಲ್ಲಿ ಬರುತ್ತೆ ಎನ್ನುವ ಇಂದಿನ ತಲೆಮಾರಿಗೆ ಮಣ್ಣಿನ ನಿಜವಾದ ವಾಸನೆ ಮತ್ತು ಕೃಷಿಯ ಶ್ರಮವನ್ನು ಕಲಿಸಲೇಬೇಕು!" — ಹೀಗೆಂದು ಸಂಕಲ್ಪ ತೊಟ್ಟು, ಬೆಂಗಳೂರಿನ ಗದ್ದಲದಿಂದ ಕೊಂಚ ದೂರದಲ್ಲಿರುವ ರಾಮೋಹಳ್ಳಿಯ ದೊಡ್ಡಾಲದ ಮರದ ಬಳಿ 7-8 ಎಕರೆ ಜಾಗದಲ್ಲಿ ಸಮಾನಮನಸ್ಕರ ಜೊತೆಗೂಡಿ 'ಸ್ವಯಂ ಕೃಷಿ' ಎಂಬ ವಿನೂತನ ನೈಸರ್ಗಿಕ ಕೃಷಿ ಕಲಿಕಾ ಕೇಂದ್ರವನ್ನು ತೆರೆದಿಟ್ಟಿದ್ದಾರೆ ಖ್ಯಾತ ನಟ ಸುಚೇಂದ್ರ ಪ್ರಸಾದ್ ಮತ್ತು ಕೆ.ಎಸ್. ರವಿ ತಂಡ. ಕಲಾಮಾಧ್ಯಮಕ್ಕೆ ನೀಡಿದ ಸಂದರ್ಶನನದಲ್ಲಿ ಅವರು ಈ ಕುರಿತು ವಿವರಿಸಿದ್ದು, ಏನಿದು 'ಸ್ವಯಂ ಕೃಷಿ'? ಇದರ ವಿಶೇಷತೆಗಳೇನು? ಎಂದು ನೋಡೋಣ ಬನ್ನಿ..

ಕೇವಲ ಪ್ರವಾಸ ಬಂದು, ಫೋಟೋ ತೆಗೆಸಿಕೊಂಡು ಹೋಗುವ ರೆಸಾರ್ಟ್ ಸಂಸ್ಕೃತಿ ಇದಲ್ಲ. ಇಲ್ಲಿಗೆ ಬರುವ ಪ್ರತಿಯೊಬ್ಬರೂ ಮಣ್ಣಿಗೆ ಇಳಿದು ತಾವೇ ನೇಗಿಲು ಹಿಡಿದು ಉಳುಮೆ ಮಾಡಬೇಕು, ಬಿತ್ತಬೇಕು, ಕಳೆ ಕೀಳಬೇಕು ಹಾಗೂ ಇಲ್ಲಿ ಬೆಳೆದ ಸಿರಿಧಾನ್ಯ-ತರಕಾರಿಗಳನ್ನು ತಾವೇ ಅಡುಗೆ ಮಾಡಿ ಉಣ್ಣಬೇಕು. "ಕೈ ಕೆಸರಾದರೆ ಮಾತ್ರ ಬಾಯಿ ಮೊಸರು, ಜಗ ಹಸಿರು" ಎಂಬುದನ್ನು ಪ್ರಾಯೋಗಿಕವಾಗಿ ಕಲಿಸುವುದು ಇದರ ಮೂಲ ಉದ್ದೇಶ.

ಕೃಷಿ ಪಿತಾಮಹ 'ಪರಾಶರ ಮುನಿ'ಗಳ ನೆನಪು

ನಮಗೆ ವೇದವ್ಯಾಸರು ಗೊತ್ತು, ಆದರೆ ಅವರ ತಂದೆಯಾದ ಪರಾಶರ ಮಹರ್ಷಿಗಳು ಸಾವಿರಾರು ವರ್ಷಗಳ ಹಿಂದೆಯೇ 'ಕೃಷಿ ಪರಾಶರ' ಎಂಬ ಅಮೂಲ್ಯ ಕೃಷಿ ಗ್ರಂಥವನ್ನು ಬರೆದು ಭಾರತಕ್ಕೆ ಕೃಷಿ ವಿಜ್ಞಾನವನ್ನು ಕೊಟ್ಟವರು ಎಂಬುದು ಬಹುತೇಕರಿಗೆ ತಿಳಿದಿಲ್ಲ. "ರೈತ ಸ್ವತಃ ನಿಂತು ಆರೈಕೆ ಮಾಡಿದರೆ ಭೂಮಿ ಚಿನ್ನದ ಬೆಳೆ ಕೊಡುತ್ತದೆ, ನಿರ್ಲಕ್ಷಿಸಿದರೆ ಬಡತನ ಕಟ್ಟಿಟ್ಟ ಬುತ್ತಿ" ಎಂದು ಸಾರಿದ ಪರಾಶರ ಮುನಿಗಳ ಮೂರ್ತಿಯನ್ನು ಇಲ್ಲಿ ಪ್ರತಿಷ್ಠಾಪಿಸಿ, ಅವರ ಕೃಷಿ ತತ್ವಗಳನ್ನು ಪುನರುಜ್ಜೀವನಗೊಳಿಸಲಾಗುತ್ತಿದೆ.

ಕಣ್ಣೆದುರೇ ಜೀವಂತವಾದ 30 ವರ್ಷ ಹಳೆಯ 'ಏತ ನೀರಾವರಿ'

ಶಾಲಾ ಪಠ್ಯಪುಸ್ತಕಗಳಲ್ಲಿ ಓದಿ ಮರೆತುಹೋಗಿದ್ದ, ಯಾವುದೇ ವಿದ್ಯುತ್ ಅಥವಾ ಯಂತ್ರಗಳಿಲ್ಲದೆ ಕೇವಲ ತೂಕ ಮತ್ತು ಸಮತೋಲನದ ಮೂಲಕ ಬಾವಿಯಿಂದ ನೀರು ಸೇದಿ ಕಾಲುವೆಗೆ ಹರಿಸುವ ಸಾಂಪ್ರದಾಯಿಕ 'ಏತ ನೀರಾವರಿ' (Lever Lift Irrigation) ಘಟಕವನ್ನು ಇಲ್ಲಿ ಪುನಃ ಜೀವಂತಗೊಳಿಸಲಾಗಿದೆ. ಪ್ರತಿಯೊಬ್ಬರೂ ತಾವೇ ಸ್ವತಃ ಬಾವಿಯಿಂದ ನೀರು ಸೇದುವ ಅಪರೂಪದ ಅನುಭವ ಇಲ್ಲಿ ಲಭ್ಯ.

ಪವಿತ್ರ ಪಂಚವಟಿ ವನ

ದೇವಸ್ಥಾನ ಮತ್ತು ಆಶ್ರಮಗಳ ಪಕ್ಕದಲ್ಲಿ ಪ್ರಾಚೀನ ಕಾಲದಿಂದಲೂ ಬೆಳೆಸುತ್ತಿದ್ದ 5 ಪವಿತ್ರ ವೃಕ್ಷಗಳಾದ ಆಲ, ಅರಳಿ (ಅಶ್ವತ್ಥ), ಬಿಲ್ವಪತ್ರೆ, ಅಶೋಕ ಹಾಗೂ ಔದುಂಬರ (ನೆಲ್ಲಿ) ಮರಗಳ 'ಪಂಚವಟಿ'ಯನ್ನು ಇಲ್ಲಿ ಬೆಳೆಸಲಾಗಿದೆ. ಈ ಮರಗಳು ನೀಡುವ ಹೇರಳ ಆಮ್ಲಜನಕ ಮತ್ತು ಪರಿಸರ ಸಮತೋಲನದ ಮಹತ್ವವನ್ನು ಜನರಿಗೆ ತಿಳಿಸಿಕೊಡಲಾಗುತ್ತಿದೆ.

ಸಾಂಪ್ರದಾಯಿಕ 'ತೊಟ್ಟಿ ಮನೆ' & ಹಳ್ಳಿ ಬದುಕು

ಮೊಗಸಾಲೆ, ಪಡಸಾಲೆ, ಜಗಲಿ, ಹಂಡೆ ಒಲೆ, ರುಬ್ಬುಗುಂಡು, ಹಿತ್ತಾಳೆ-ತಾಮ್ರದ ಪಾತ್ರೆಗಳುಳ್ಳ ಸುಂದರ ಹೆಂಚಿನ ತೊಟ್ಟಿ ಮನೆಯನ್ನು ನಿರ್ಮಿಸಲಾಗಿದೆ. ರಾಸಾಯನಿಕ ಮುಕ್ತ ಸಾವಯವ ಗೊಬ್ಬರ, ಜೇನು ಸಾಕಾಣಿಕೆ, ಹೈನುಗಾರಿಕೆ, ಎತ್ತಿನ ಬಂಡಿ ಸವಾರಿ, ಬುಗರಿ, ಚಿನ್ನಿದಾಂಡು ಮುಂತಾದ ದೇಶಿ ಆಟಗಳ ಸೌಲಭ್ಯವೂ ಇಲ್ಲಿದೆ.

ಮೊಬೈಲ್ ಮತ್ತು ಪ್ಲಾಸ್ಟಿಕ್ ಮುಕ್ತ ವಲಯ

"ಕೂಗುಮಾರಿಗಳಂತಿರುವ ಸ್ಮಾರ್ಟ್‌ಫೋನ್‌ಗಳ ದಾಸ್ಯದಿಂದ ಮುಕ್ತಿ ಪಡೆಯಿರಿ" ಎನ್ನುವ ಸುಚೇಂದ್ರ ಪ್ರಸಾದ್, ಇಲ್ಲಿ ಮೊಬೈಲ್ ಬಳಕೆಯನ್ನು ಪಕ್ಕಕ್ಕಿಟ್ಟು ಮಣ್ಣಿನೊಂದಿಗೆ ಬೆರೆಯಲು ಕರೆ ನೀಡಿದ್ದಾರೆ. ಇದು ಸಂಪೂರ್ಣ ಪ್ಲಾಸ್ಟಿಕ್ ನಿಷೇಧಿತ ವಲಯವಾಗಿದೆ.

ಸುಚೇಂದ್ರ ಪ್ರಸಾದ್ ಮಾತು

"ನಾನು ಸಾಹಿತ್ಯ, ಸಿನಿಮಾ, ರಂಗಭೂಮಿಯಲ್ಲಿದ್ದರೂ ಮೂಲತಃ ಹಳ್ಳಿಯಿಂದ ಬಂದ ಕೃಷಿಕನ ಮಗ. ನಮ್ಮ ಜೀವಿತದ ಶೇಷಾಯುಷ್ಯವನ್ನು ಪ್ರಕೃತಿಯ ಒಡನಾಟದಲ್ಲಿ ಸದುಪಯೋಗಪಡಿಸಿಕೊಳ್ಳಬೇಕು. ಭೂಕೃಷಿ ಮಾಡದೆ ಅನ್ನ ಉಣ್ಣುವ ಹಕ್ಕು ನಮಗಿಲ್ಲ. ಯುವ ಪೀಳಿಗೆ ಹಾಗೂ ಮಕ್ಕಳು ಸ್ವಿಗ್ಗಿ-ಝೊಮ್ಯಾಟೋ ಭ್ರಮೆಯಿಂದ ಹೊರಬಂದು ಮಣ್ಣಿನ ಮಹತ್ವ ತಿಳಿಯಲು ಸ್ವಯಂ ಕೃಷಿಗೆ ಮರಳಿ ಬರಬೇಕು."

7 ದಿನಗಳ ಜೈಲು ವಾಸದ ಬಳಿಕ ಬಿಡುಗಡೆಯಾದ ಸಿಜೆಪಿ ನಾಯಕರು, ಜಂತರ್ ಮಂತರ್ ಪ್ರತಿಭಟನೆ ಪ್ರಕರಣದಲ್ಲಿ ಸೌರವ್, ಆಶುತೋಷ್‌ಗೆ ರಿಲೀಫ್

Santosh Naik — Wed, 21 Oct 2026 19:23:06 +0530

ನವದೆಹಲಿ (ಅ.21): ಪ್ರತಿಭಟನಾ ಸ್ಥಳವೆಂದು ರದ್ದುಗೊಳಿಸಲಾಗಿರುವ ದೆಹಲಿಯ ಐತಿಹಾಸಿಕ ಜಂತರ್ ಮಂತರ್ ಆವರಣಕ್ಕೆ ಅಕ್ರಮವಾಗಿ ಪ್ರವೇಶಿಸಿ ರಾಷ್ಟ್ರಧ್ವಜ ಹಾರಿಸಿದ ಆರೋಪದ ಮೇಲೆ ಬಂಧನಕ್ಕೊಳಗಾಗಿದ್ದ 'ಕಾಕ್ರೋಚ್ ಜನತಾ ಪಾರ್ಟಿ' (CJP) ನಾಯಕರಾದ ಸೌರವ್ ದಾಸ್ ಹಾಗೂ ಆಶುತೋಷ್ ರಾಂಕಾ ಅವರನ್ನು 7 ದಿನಗಳ ನ್ಯಾಯಾಂಗ ಬಂಧನದ ಬಳಿಕ ಬಿಡುಗಡೆ ಮಾಡಲು ದೆಹಲಿಯ ವಿಶೇಷ ಕಾರ್ಯನಿರ್ವಾಹಕ ಮ್ಯಾಜಿಸ್ಟ್ರೇಟ್ ಆದೇಶಿಸಿದ್ದಾರೆ. ಅಕ್ಟೋಬರ್ 14 ರಿಂದ ನ್ಯಾಯಾಂಗ ಬಂಧನದಲ್ಲಿದ್ದ ಸಿಜೆಪಿಯ ಅಧಿಕೃತ ವಕ್ತಾರರಾದ ಆಶುತೋಷ್ ರಾಂಕಾ ಹಾಗೂ ಸೌರವ್ ದಾಸ್ ಅವರನ್ನು ತಕ್ಷಣವೇ ಜೈಲಿನಿಂದ ಬಿಡುಗಡೆ ಮಾಡಲು ಆದೇಶ ಹೊರಡಿಸಲಾಗಿದೆ.

ಪ್ರಕರಣದ ಹಿನ್ನೆಲೆ - 'ಪೀಸ್‌ ಬಾಂಡ್' ಉಲ್ಲಂಘನೆ ಆರೋಪ

ನಿಷೇಧಿತ ಜಂತರ್ ಮಂತರ್ ಆವರಣದ ಬೀಗ ಹಾಕಲಾಗಿದ್ದ ಬಾಗಿಲುಗಳನ್ನು ಏರಿ ಅಕ್ಟೋಬರ್ 13 ರಂದು ಒಳಗೆ ಪ್ರವೇಶಿಸಿದ್ದ ರಾಂಕಾ ಹಾಗೂ ದಾಸ್, ಸರ್ಕಾರದ ವಿರುದ್ಧ ರಾಷ್ಟ್ರಧ್ವಜ ಪ್ರದರ್ಶಿಸಿ ಪ್ರತಿಭಟನೆ ನಡೆಸಿದ್ದರು. ಇದಕ್ಕೂ ಮುನ್ನ ಅಕ್ಟೋಬರ್ 10 ರಂದು ಇಬ್ಬರನ್ನೂ ವಶಕ್ಕೆ ಪಡೆದುಕೊಂಡಿದ್ದ ವೇಳೆ, ಅವರು ಬರೆದುಕೊಟ್ಟಿದ್ದ 'ಪೀಸ್‌ ಬಾಂಡ್' ಅನ್ನು (Peace bond) ಈ ಕೃತ್ಯದ ಮೂಲಕ ಸಂಪೂರ್ಣವಾಗಿ ಉಲ್ಲಂಘಿಸಿದ್ದಾರೆ ಎಂದು ಸರ್ಕಾರಿ ಅಭಿಯೋಜಕರು (Prosecution) ಕೋರ್ಟ್‌ಗೆ ತಿಳಿಸಿದ್ದರು.

ಈ ಹಿನ್ನೆಲೆಯಲ್ಲಿ ಅಕ್ಟೋಬರ್ 14 ರಂದು ವಿಶೇಷ ಕಾರ್ಯನಿರ್ವಾಹಕ ಮ್ಯಾಜಿಸ್ಟ್ರೇಟ್ ಎದುರು ಇವರನ್ನು ಹಾಜರುಪಡಿಸಿದಾಗ, ಆರಂಭದಲ್ಲಿ 5 ದಿನಗಳ ನ್ಯಾಯಾಂಗ ಬಂಧನ ವಿಧಿಸಲಾಗಿತ್ತು. ತದನಂತರ ಸೋಮವಾರ ಅವರ ಬಂಧನ ಅವಧಿಯನ್ನು ಮತ್ತಷ್ಟು 2 ದಿನಗಳ ಕಾಲ ವಿಸ್ತರಿಸಲಾಗಿತ್ತು.

ಆದರೆ, ಸಿಜೆಪಿ ಪಕ್ಷವು "ತಮ್ಮ ನಾಯಕರ ಬಿಡುಗಡೆಯನ್ನು ಉದ್ದೇಶಪೂರ್ವಕವಾಗಿ ತಡೆಯಲು ಪ್ರಕ್ರಿಯೆಗಳನ್ನು ವಿಳಂಬಗೊಳಿಸಲಾಗುತ್ತಿದೆ" ಎಂದು ಆರೋಪಿಸಿ ಬಂಧನ ಅವಧಿ ವಿಸ್ತರಣೆಯನ್ನು ಪ್ರಶ್ನಿಸಿ ದೆಹಲಿ ಹೈಕೋರ್ಟ್ ಮೆಟ್ಟಿಲೇರಿತ್ತು.

ಬಾಂಡ್‌ ಉಲ್ಲಂಘನೆ ಮಾಡಿದ್ದನ್ನು ಪ್ರಶ್ನಿಸಿದ ದೆಹಲಿ ಹೈಕೋರ್ಟ್‌

ಬುಧವಾರ ಈ ಅರ್ಜಿಯ ವಿಚಾರಣೆ ನಡೆಸಿದ ದೆಹಲಿ ಹೈಕೋರ್ಟ್, ನಾಯಕರು ಕೈಗೊಂಡ 'ಬಾಂಡ್ ಉಲ್ಲಂಘನೆ'ಯನ್ನು ತೀವ್ರವಾಗಿ ಎತ್ತಿ ತೋರಿಸಿತು. ವಿದೇಶಗಳಲ್ಲಿ ನಡೆಯುತ್ತಿರುವ ಹಿಂಸಾತ್ಮಕ ಪ್ರತಿಭಟನೆಗಳನ್ನು ಪರೋಕ್ಷವಾಗಿ ಉಲ್ಲೇಖಿಸಿದ ಪೀಠವು, ಪ್ರತಿಭಟನಾಕಾರರ ಜವಾಬ್ದಾರಿಯನ್ನು ನೆನಪಿಸಿತು.

"ನೀವು ಪ್ರತಿಭಟನೆಯ ಮುಂಚೂಣಿಯಲ್ಲಿದ್ದೀರಿ. ನೀವು ಬ್ಯಾರಿಕೇಡ್‌ಗಳನ್ನು ಮುರಿದಾಗ, ನಿಮ್ಮನ್ನು ನೋಡಿ ಇತರ ಜನರೂ ಅದನ್ನೇ ಅನುಸರಿಸುವ ಅಪಾಯವಿರುತ್ತದೆ. ಆ ಬಳಿಕ ಬರುವ ಜನರು ನಿಮ್ಮ ನಿಯಂತ್ರಣದಲ್ಲಿ ಇರದಿರಬಹುದು. ನಮ್ಮ ದೇಶದ ಹೊರಗೆ ಇದು ಸಂಭವಿಸಿರುವುದನ್ನು ನಾವು ನೋಡಿದ್ದೇವೆ. ವಿದ್ಯಾರ್ಥಿ ಪ್ರತಿಭಟನೆಯಾಗಿ ಆರಂಭವಾದದ್ದು ಅಂತಿಮವಾಗಿ ಕಟ್ಟಡಗಳಿಗೆ ಬೆಂಕಿ ಹಚ್ಚುವ ಹಾಗೂ ಹಿಂಸಾಚಾರದ ಹಂತಕ್ಕೆ ತಲುಪಿತ್ತು" ಎಂದು ಹೈಕೋರ್ಟ್ ಕಳವಳ ವ್ಯಕ್ತಪಡಿಸಿತು.

ವಯಸ್ಸು, ಪ್ರತಿಭಟನೆಯ ಉದ್ದೇಶ ಬದಲಾಗುತ್ತಿದೆಯೇ ಹೊರತು ಜನರಲ್ಲ!

ವಿಚಾರಣೆ ವೇಳೆ ಅರ್ಜಿದಾರರ ವಯಸ್ಸನ್ನು ವಿಚಾರಿಸಿದ ಪೀಠಕ್ಕೆ, ಅವರ ವಯಸ್ಸು 27 ಮತ್ತು 31 ವರ್ಷ ಎಂದು ತಿಳಿಸಲಾಯಿತು. ಇದಕ್ಕೆ ಪ್ರತಿಕ್ರಿಯಿಸಿದ ಕೋರ್ಟ್, "ಅವರೇನು ಜೆನ್ ಜಿ (Gen Z) ವಯಸ್ಸಿನವರಲ್ಲ. ಮಿಲೆನಿಯಲ್ಸ್‌ಗಳಿಗೆ ಈಗ ಎಷ್ಟು ವಯಸ್ಸು?" ಎಂದು ಪ್ರಶ್ನಿಸಿತು.

ಜೊತೆಗೆ ಸಿಜೆಪಿಯ ಸಾಲು ಸಾಲು ಪ್ರತಿಭಟನೆಗಳ ಉದ್ದೇಶವನ್ನು ಪ್ರಶ್ನಿಸಿದ ಕೋರ್ಟ್, "ಹಿಂದೆ (ಜೂನ್ ಮತ್ತು ಜುಲೈನಲ್ಲಿ) ನೀಟ್ (NEET) ಪರೀಕ್ಷೆ ಸೇರಿದಂತೆ ಪ್ರಶ್ನೆ ಪತ್ರಿಕೆ ಸೋರಿಕೆ ವಿರುದ್ಧ ವಿದ್ಯಾರ್ಥಿ ಪ್ರತಿಭಟನೆ ಎಂದು ಮಕ್ಕಳು ಭಾಗವಹಿಸಿದ್ದರು. ಆದರೆ ಈಗಿನ ಪ್ರತಿಭಟನೆಯ ಉದ್ದೇಶವೇ ಬೇರೆಯಾಗಿದೆ. ಪ್ರತಿಭಟಿಸುವ ವ್ಯಕ್ತಿಗಳು ಮಾತ್ರ ಅವರೇ ಇದ್ದಾರೆ, ಆದರೆ ಪ್ರತಿಭಟನೆಯ ಕಾರಣಗಳು ಮಾತ್ರ ಬದಲಾಗುತ್ತಿವೆ" ಎಂದು ತೀಕ್ಷ್ಣವಾಗಿ ಟಿಪ್ಪಣಿ ಮಾಡಿತು. ಪ್ರಸ್ತುತ ಸಿಜೆಪಿ ಪಕ್ಷವು, ಮತದಾರರ ಪಟ್ಟಿಗಳ ವಿಶೇಷ ತೀವ್ರ ಪರಿಷ್ಕರಣೆಯಲ್ಲಿ ಅಕ್ರಮ ಎಸಗಲಾಗಿದೆ ಹಾಗೂ ಏಕಪಕ್ಷೀಯವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ಆರೋಪಿಸಿ ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರ ರಾಜೀನಾಮೆಗೆ ಆಗ್ರಹಿಸಿ ಜಂತರ್ ಮಂತರ್‌ನಲ್ಲಿ ಪ್ರತಿಭಟನೆ ಕೈಗೊಂಡಿತ್ತು. ಪ್ರಕರಣದ ಸುದೀರ್ಘ ವಿಚಾರಣೆಯ ನಂತರ, ವಿಶೇಷ ಮ್ಯಾಜಿಸ್ಟ್ರೇಟ್ ಆದೇಶದಂತೆ ಇಬ್ಬರೂ ನಾಯಕರ ಬಿಡುಗಡೆಗೆ ಹಾದಿ ಸುಗಮವಾಗಿದೆ.

Ramayana: ಯಶ್ ನಟನೆಯ ರಾಮಾಯಣಕ್ಕೆ ಸಿಕ್ತು ಸೆನ್ಸಾರ್ ಸರ್ಟಿಫಿಕೇಟ್..! ಈ ದಿನದಂದು ಐದು ಭಾಷೆಗಳಲ್ಲಿ ರಿಲೀಸ್

Naveen Kodase — Wed, 21 Oct 2026 19:18:28 +0530

ಸಿನಿಪ್ರಿಯರು ಕಾತುರದಿಂದ ಕಾಯುತ್ತಿರುವ ನಿತೀಶ್ ತಿವಾರಿ ನಿರ್ದೇಶನದ ಬೃಹತ್ ಕ್ಯಾನ್ವಾಸ್‌ನ 'ರಾಮಾಯಣ' ಚಿತ್ರದ ಮೊದಲ ಭಾಗದ ರಿಲೀಸ್ ಡೇಟ್ ಫಿಕ್ಸ್ ಆಗಿದೆ. 2026ರ ನವೆಂಬರ್ 5ರಂದು ಈ ಸಿನಿಮಾ ವಿಶ್ವಾದ್ಯಂತ ತೆರೆಕಾಣಲಿದೆ. ರಾಕಿಂಗ್ ಸ್ಟಾರ್ ಯಶ್ ರಾವಣನಾಗಿ ನಟಿಸಿರುವ ಚಿತ್ರದ ಸೆನ್ಸಾರ್ ಪ್ರಕ್ರಿಯೆ ಮುಗಿದಿದ್ದು, ಸೆನ್ಸಾರ್ ಮಂಡಳಿ 'ಯು' (U) ಸರ್ಟಿಫಿಕೇಟ್ ನೀಡಿದೆ. ಸಿನಿಮಾದ ಒಟ್ಟು ಅವಧಿ 3 ಗಂಟೆ 15 ನಿಮಿಷಗಳಷ್ಟಿದೆ. ಇತ್ತೀಚೆಗಷ್ಟೇ ಎ.ಆರ್. ರೆಹಮಾನ್ ಸಂಗೀತ ಸಂಯೋಜನೆಯ 'ರಾವಣ ತಾಂಡವ' ಹಾಡು ರಿಲೀಸ್ ಆಗಿ ಸದ್ದು ಮಾಡುತ್ತಿದೆ. ಚಿತ್ರದಲ್ಲಿ ರಣಬೀರ್ ಕಪೂರ್ ರಾಮನಾಗಿ, ಯಶ್ ರಾವಣನಾಗಿ ಹಾಗೂ ಸಾಯಿ ಪಲ್ಲವಿ ಸೀತೆಯಾಗಿ ನಟಿಸಿದ್ದಾರೆ.

ನಮಿತ್ ಮಲ್ಹೋತ್ರಾ ಅವರ ಪ್ರೈಮ್ ಫೋಕಸ್ ಸ್ಟುಡಿಯೋಸ್, 8 ಬಾರಿ ಆಸ್ಕರ್ ಗೆದ್ದಿರುವ ಖ್ಯಾತ ವಿಎಫ್‌ಎಕ್ಸ್ ಸ್ಟುಡಿಯೋ ಡಿಎನ್‌ಇಜಿ (DNEG) ಹಾಗೂ ಯಶ್ ಅವರ ಮಾನ್‌ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಿಸುತ್ತಿವೆ. ಕನ್ನಡ, ಹಿಂದಿ, ಮಲಯಾಳಂ, ತೆಲುಗು ಮತ್ತು ತಮಿಳು ಸೇರಿ ಒಟ್ಟು 5 ಭಾಷೆಗಳಲ್ಲಿ ಸಿನಿಮಾ ರಿಲೀಸ್ ಆಗಲಿದೆ. ಇತ್ತೀಚೆಗೆ ಬಿಡುಗಡೆಯಾದ ರಿಲೀಸ್ ಡೇಟ್ ಪೋಸ್ಟರ್ ಸಿನಿಲೋಕದಲ್ಲಿ ದೊಡ್ಡ ಸಂಚಲನ ಸೃಷ್ಟಿಸಿದೆ. ಪಾತ್ರಗಳ ಆಕರ್ಷಕ ಲುಕ್ ಹಾಗೂ ಸಿನಿಮಾದ ಬೃಹತ್ ಕ್ಯಾನ್ವಾಸ್ ಅನ್ನು ಈ ಪೋಸ್ಟರ್ ಕಣ್ಣಿಗೆ ಕಟ್ಟುವಂತೆ ತೋರಿಸಿದೆ.

ಭರ್ಜರಿಯಾಗಿ ಟ್ರೈಲರ್ ರಿಲೀಸ್

ಇತ್ತೀಚೆಗಷ್ಟೇ ರಿಲೀಸ್ ಆದ ಟ್ರೈಲರ್ ಅದ್ಭುತ ದೃಶ್ಯವೈಭವದ ಮೂಲಕ ಗಮನ ಸೆಳೆದಿದೆ. ಸೋನಿ ಪಿಕ್ಚರ್ಸ್ ಸಂಸ್ಥೆ ಚಿತ್ರದ ಅಂತಾರಾಷ್ಟ್ರೀಯ ವಿತರಣಾ ಹಕ್ಕನ್ನು ಪಡೆದುಕೊಂಡಿದೆ. ಉತ್ತರ ಭಾರತದಲ್ಲಿ ಧರ್ಮ ಪ್ರೊಡಕ್ಷನ್ಸ್ ಈ ಸಿನಿಮಾವನ್ನು ಥಿಯೇಟರ್‌ಗಳಿಗೆ ತರುತ್ತಿದೆ. ಭಾರತೀಯ ಚಿತ್ರರಂಗದ ಅತಿದೊಡ್ಡ ತಾರಾಗಣ ಈ ಐತಿಹಾಸಿಕ ಸಿನಿಮಾದಲ್ಲಿದೆ. ತಲೆಮಾರುಗಳಿಂದ ಪೂಜಿಸಲ್ಪಡುವ ಧರ್ಮದ ಸಂಕೇತವಾದ ಶ್ರೀರಾಮನ ಪಾತ್ರಕ್ಕೆ ರಣಬೀರ್ ಕಪೂರ್ ಜೀವ ತುಂಬಿದ್ದಾರೆ. ಸೀತಾಮಾತೆಯಾಗಿ ಸಾಯಿ ಪಲ್ಲವಿ ನಟಿಸಿದ್ದು, ಪಾತ್ರಕ್ಕೆ ಬೇಕಾದ ಸರಳತೆ, ಶಕ್ತಿ ಮತ್ತು ಕರುಣೆಯನ್ನು ಅದ್ಭುತವಾಗಿ ಕಟ್ಟಿಕೊಟ್ಟಿದ್ದಾರೆ.

ರಾವಣನಾಗಿ ಯಶ್ ಆರ್ಭಟ

ಪ್ರೈಮ್ ಫೋಕಸ್ ಸ್ಟುಡಿಯೋಸ್ ಜೊತೆಗೆ ತಮ್ಮ 'ಮಾನ್‌ಸ್ಟರ್ ಮೈಂಡ್ ಕ್ರಿಯೇಷನ್ಸ್' ಮೂಲಕ ಚಿತ್ರಕ್ಕೆ ಬಂಡವಾಳ ಹೂಡುತ್ತಿರುವ ಪ್ಯಾನ್ ಇಂಡಿಯಾ ಸೂಪರ್‌ಸ್ಟಾರ್, 'ರಾಕಿಂಗ್ ಸ್ಟಾರ್' ಯಶ್, ವಿಶ್ವ ಸಿನಿಮಾದ ಅತ್ಯಂತ ಶಕ್ತಿಶಾಲಿ ವಿಲನ್‌ಗಳಲ್ಲಿ ಒಬ್ಬರಾದ ರಾವಣನ ಪಾತ್ರದಲ್ಲಿ ಅಬ್ಬರಿಸಲಿದ್ದಾರೆ. ಖ್ಯಾತ ನಟಿ ಶೋಭನಾ ಕೈಕೇಯಿಯಾಗಿ ನಟಿಸುತ್ತಿರುವುದು ಚಿತ್ರದ ಮತ್ತೊಂದು ಹೈಲೈಟ್. ಹಿಂದಿನ ಕಾಲದ ಜನಪ್ರಿಯ 'ರಾಮಾಯಣ' ಟಿವಿ ಸೀರಿಯಲ್‌ನಲ್ಲಿ ಶ್ರೀರಾಮನಾಗಿ ಮನೆಮಾತಾಗಿದ್ದ ಅರುಣ್ ಗೋವಿಲ್, ಇಲ್ಲಿ ದಶರಥ ಮಹಾರಾಜನಾಗಿ ಕಮ್‌ಬ್ಯಾಕ್ ಮಾಡುತ್ತಿದ್ದಾರೆ.

'ದಂಗಲ್' ಸಿನಿಮಾದ ಮೂಲಕ ಚೀನಾ ಸೇರಿದಂತೆ ಜಾಗತಿಕ ಬಾಕ್ಸ್ ಆಫೀಸ್‌ನಲ್ಲಿ ದಾಖಲೆ ಬರೆದಿದ್ದ ನಿರ್ದೇಶಕ ನಿತೀಶ್ ತಿವಾರಿ, ಭಾರತೀಯ ಸಂಸ್ಕೃತಿಯ ಕಥೆಯನ್ನು ಜಗತ್ತಿಗೆ ಹೇಳಲು ಹೊರಟಿದ್ದಾರೆ. ನಮಿತ್ ಮಲ್ಹೋತ್ರಾ ಅವರ ಈ 'ರಾಮಾಯಣ' ಭಾರತೀಯ ಚಿತ್ರರಂಗದ ವಿವಿಧ ತಲೆಮಾರುಗಳ ಪ್ರತಿಭೆಗಳನ್ನು ಒಗ್ಗೂಡಿಸಿದೆ. ರವಿ ದುಬೆ ಲಕ್ಷ್ಮಣನಾಗಿ, ಅಜಿಂಕ್ಯ ದೇವ್ ವಿಶ್ವಾಮಿತ್ರನಾಗಿ, ಕುನಾಲ್ ಕಪೂರ್ ಇಂದ್ರದೇವನಾಗಿ ಹಾಗೂ ರಕುಲ್ ಪ್ರೀತ್ ಸಿಂಗ್ ಶೂರ್ಪನಖಿಯಾಗಿ ನಟಿಸಿದ್ದಾರೆ. ಆಸ್ಕರ್ ವಿಜೇತ ಸಂಗೀತ ದಿಗ್ಗಜರಾದ ಹ್ಯಾನ್ಸ್ ಜಿಮ್ಮರ್ ಮತ್ತು ಎ.ಆರ್. ರೆಹಮಾನ್ ಮೊದಲ ಬಾರಿಗೆ ಈ ಚಿತ್ರಕ್ಕಾಗಿ ಒಂದಾಗಿದ್ದಾರೆ. ಆಸ್ಕರ್ ವಿಜೇತ ಶ್ರೀಧರ್ ರಾಘವನ್ ಚಿತ್ರಕ್ಕೆ ಚಿತ್ರಕಥೆ ಬರೆದಿದ್ದಾರೆ.

8 ಬಾರಿ ಅಕಾಡೆಮಿ ಪ್ರಶಸ್ತಿ ಗೆದ್ದಿರುವ ಖ್ಯಾತ ವಿಎಫ್‌ಎಕ್ಸ್ ಸ್ಟುಡಿಯೋ ಡಿಎನ್‌ಇಜಿ (DNEG) ಚಿತ್ರದ ದೃಶ್ಯವೈಭವವನ್ನು ಸೃಷ್ಟಿಸಿದೆ. "ರಾಮಾಯಣ ಕೇವಲ ಒಂದು ಕಥೆಯಲ್ಲ, ಅದು ನಮ್ಮ ಜೀವನ ಮತ್ತು ಸಂಸ್ಕೃತಿಯ ಭಾಗ. ಭಾರತದ ಅತಿದೊಡ್ಡ ಮಹಾಕಾವ್ಯವನ್ನು ಅದರ ಸಂಪೂರ್ಣ ಸೌಂದರ್ಯ ಮತ್ತು ಘನತೆಯೊಂದಿಗೆ ಜಗತ್ತಿನ ಮುಂದೆ ಪ್ರಸ್ತುತಪಡಿಸುವುದು ನಮ್ಮ ಗುರಿ" ಎಂದು ನಿರ್ಮಾಪಕ ನಮಿತ್ ಮಲ್ಹೋತ್ರಾ ಹೇಳಿದ್ದಾರೆ. ಎರಡು ಭಾಗಗಳಲ್ಲಿ ಮೂಡಿಬರುತ್ತಿರುವ ಈ ಸಿನಿಮಾ ಸರಣಿಯ ಮೊದಲ ಭಾಗ, ಭಾರತೀಯ ಚಿತ್ರರಂಗದ ಅತ್ಯಂತ ದುಬಾರಿ ಮತ್ತು ಬೃಹತ್ ಪ್ರಾಜೆಕ್ಟ್‌ಗಳಲ್ಲಿ ಒಂದಾಗಿದೆ.

ಭಾರತದ ಗುಟ್ಟು ಚೀನಾಕ್ಕೆ ರವಾನೆ ಆರೋಪ: ಯೋಧನ ಪತ್ನಿ ವಿರುದ್ಧ ದೂರು ದಾಖಲು! ಯಾರೀಕೆ

Suchethana D — Wed, 21 Oct 2026 19:13:03 +0530

ಜಮ್ಮು: ಬೇಹುಗಾರಿಕೆಗೆ ಸಂಬಂಧಿಸಿದ ಚಟುವಟಿಕೆಗಳ ಆರೋಪದ ಮೇಲೆ ಸೇನಾ ಅಧಿಕಾರಿಯೊಬ್ಬರ ಪತ್ನಿಯ ವಿರುದ್ಧ ಪ್ರಕರಣ ದಾಖಲಾಗಿದೆ. ಚೀನಾದ ಗುಪ್ತಚರ ಏಜೆಂಟ್‌ಗಾಗಿ ಸೂಕ್ಷ್ಮ ರಾಷ್ಟ್ರೀಯ ಭದ್ರತಾ ವಿಷಯಗಳ ಕುರಿತು ವಿಶ್ಲೇಷಣಾತ್ಮಕ ದಾಖಲೆಗಳನ್ನು ತಯಾರಿಸಲು ಅವರು ChatGPT ಮತ್ತು Cloud ನಂತಹ AI ಪರಿಕರಗಳನ್ನು ಬಳಸಿದ್ದಾರೆ ಎಂದು ಆರೋಪಿಸಲಾಗಿದೆ.

ಅಧಿಕಾರಿಗಳ ಪ್ರಕಾರ, ಮಹಿಳೆಯು ತನ್ನ ಪತಿಯೊಂದಿಗೆ ಜಮ್ಮುವಿನಲ್ಲಿ ವಾಸಿಸುತ್ತಿದ್ದಾರೆ. 2023ರಲ್ಲಿ ವಿಶ್ವಸಂಸ್ಥೆಯಲ್ಲಿ (UN) ಐಟಿ ಇಂಟರ್ನ್‌ಶಿಪ್ ಪೂರ್ಣಗೊಳಿಸಿದ್ದ ಈ ಮಹಿಳೆ, ಪ್ರಸ್ತುತ ಸ್ವತಂತ್ರ ಸಂಶೋಧಕರಾಗಿ ಕೆಲಸ ಮಾಡುತ್ತಿದ್ದಾರೆ. ಸೂಕ್ಷ್ಮ ಭದ್ರತೆ, ರಕ್ಷಣೆ ಮತ್ತು ಭೌಗೋಳಿಕ ರಾಜಕೀಯ ವಿಷಯಗಳ ಕುರಿತು ವಿಶ್ಲೇಷಣಾತ್ಮಕ ಲೇಖನಗಳನ್ನು ಸಿದ್ಧಪಡಿಸುವ ಕಾರ್ಯವನ್ನು ಮಹಿಳೆಗೆ ವಹಿಸಲಾಗಿತ್ತು. ಈ ವಿಷಯಗಳಲ್ಲಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ನಿಯಂತ್ರಣ ರೇಖೆಯ (LoC) ಉದ್ದಕ್ಕೂ ಚಟುವಟಿಕೆಗಳು, ಅರುಣಾಚಲ ಪ್ರದೇಶದ ನಿರ್ಣಾಯಕ ಮೂಲಸೌಕರ್ಯ ಯೋಜನೆಗಳು ಮತ್ತು ಡ್ರೋನ್‌ಗಳ ನಿಯೋಜನೆ ಸೇರಿವೆ. ಈ ಸಂದರ್ಭದಲ್ಲಿ ಮಾಹಿತಿ ಸೋರಿಕೆ ಆಗಿದೆ ಎನ್ನಲಾಗಿದೆ. ಜಮ್ಮುವಿನ ಗಾಂಧಿನಗರ ಪೊಲೀಸ್ ಠಾಣೆಯಲ್ಲಿ ಶುಕ್ರವಾರ ಪ್ರಕರಣ ದಾಖಲಾದ ಬಳಿಕ, ಡಿಎಸ್‌ಪಿ ಶ್ರೇಣಿಯ ಅಧಿಕಾರಿಯೊಬ್ಬರು ಈ ಮಹಿಳೆಯನ್ನು ತೀವ್ರ ವಿಚಾರಣೆಗೆ ಒಳಪಡಿಸಿದ್ದಾರೆ. ಆದರೂ ಸದ್ಯಕ್ಕೆ ಯಾವುದೇ ಬಂಧನ ನಡೆದಿಲ್ಲ ಎಂದು ಪೊಲೀಸರು ತಿಳಿಸಿದ್ದು, ಅವರ ಸಂಶೋಧನಾ ಚಟುವಟಿಕೆಗಳ ಸ್ವರೂಪ ಮತ್ತು ರಹಸ್ಯ ದಾಖಲೆಗಳ ಕೈ ಬದಲಾವಣೆಯ ಬಗ್ಗೆ ತನಿಖೆ ಮುಂದುವರೆದಿದೆ.

ಸಿಕ್ಕಿಬಿದ್ದದ್ದು ಹೇಗೆ?

ಅಕ್ಟೋಬರ್ 14 ರಂದು ಪಠಾಣಕೋಟ್‌ಗೆ ತೆರಳಲು ಜಮ್ಮುವಿನ ತಾವಿ ರೈಲ್ವೆ ನಿಲ್ದಾಣಕ್ಕೆ ಆಗಮಿಸಿದ್ದ ಈ ಮಹಿಳೆಯನ್ನು ಪೊಲೀಸರು ಹಾಗೂ ಕೇಂದ್ರ ಗುಪ್ತಚರ ಸಂಸ್ಥೆಯ ಅಧಿಕಾರಿಗಳು ಜಂಟಿಯಾಗಿ ವಶಕ್ಕೆ ಪಡೆದಿದ್ದರು. ಬಳಿಕ ಆಕೆಯನ್ನು ಸಮೀಪದ ಸೇನಾ ನೆಲೆಗೆ ಕರೆದೊಯ್ದು ಸುದೀರ್ಘ ವಿಚಾರಣೆ ನಡೆಸಲಾಗಿದೆ. ತನಿಖೆಯ ಭಾಗವಾಗಿ ಆಕೆಯ ಮೊಬೈಲ್ ಫೋನ್ ಅನ್ನು ವಶಪಡಿಸಿಕೊಳ್ಳಲಾಗಿದ್ದು, ವೈಜ್ಞಾನಿಕ ಪರೀಕ್ಷೆಗಾಗಿ ಫೋರೆನ್ಸಿಕ್ ಲ್ಯಾಬ್‌ಗೆ ಕಳುಹಿಸಲಾಗಿದೆ. FIR ದಾಖಲಾದ ನಂತರ ಪ್ರಶ್ನಿಸಲಾಗುತ್ತಿದ್ದು, ಅವರು ತನಿಖಾ ಸಂಸ್ಥೆಗಳೊಂದಿಗೆ ಸಹಕರಿಸುತ್ತಿದ್ದಾರೆ ಎಂದು ತಿಳಿದುಬಂದಿದೆ.

ತೀವ್ರ ನಿಗಾ

ಅಧಿಕಾರಿಗಳ ಪ್ರಕಾರ, ಈ ವಿಷಯದಲ್ಲಿ ಕಳೆದ ಶುಕ್ರವಾರ ಜಮ್ಮುವಿನ ಗಾಂಧಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಮಹಿಳೆಯ ವಿರುದ್ಧ ಅಧಿಕೃತ ರಹಸ್ಯ ಕಾಯ್ದೆಯಡಿಯಲ್ಲಿ ಆರೋಪ ಹೊರಿಸಲಾಗಿದೆ, ಇದು ಬೇಹುಗಾರಿಕೆ ಮತ್ತು ಗೌಪ್ಯ ಸರ್ಕಾರಿ ಮಾಹಿತಿಗೆ ಅನಧಿಕೃತ ಪ್ರವೇಶಕ್ಕೆ ಸಂಬಂಧಿಸಿದೆ. ಕ್ರಿಮಿನಲ್ ಪಿತೂರಿ ಮತ್ತು ದೇಶದ ಸಾರ್ವಭೌಮತ್ವದ ವಿರುದ್ಧದ ಅಪರಾಧಗಳಿಗೆ ಸಂಬಂಧಿಸಿದ ಭಾರತೀಯ ದಂಡ ಸಂಹಿತೆಯ (ಐಪಿಸಿ) ವಿಭಾಗಗಳನ್ನು ಸಹ ಅನ್ವಯಿಸಲಾಗಿದೆ.

ಪ್ರಕರಣದ ತನಿಖೆಯನ್ನು ಉಪ ಪೊಲೀಸ್ ವರಿಷ್ಠಾಧಿಕಾರಿಗೆ ವಹಿಸಲಾಗಿದೆ. ಸುಳಿವು ದೊರೆತ ಮೇರೆಗೆ, ಕೇಂದ್ರ ಗುಪ್ತಚರ ಸಂಸ್ಥೆ ಮತ್ತು ಪೊಲೀಸರ ಜಂಟಿ ತಂಡವು ಅಕ್ಟೋಬರ್ 14 ರಂದು ಜಮ್ಮು ತಾವಿ ರೈಲು ನಿಲ್ದಾಣದಲ್ಲಿ ಪಠಾಣ್‌ಕೋಟ್‌ಗೆ ರೈಲು ಹತ್ತಲು ತಯಾರಿ ನಡೆಸುತ್ತಿದ್ದಾಗ ಮಹಿಳೆಯನ್ನು ತಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಪ್ರಾಥಮಿಕ ತನಿಖೆಯ ಹಂತದಲ್ಲಿ ಮಹಿಳೆಯು ಯಾವುದೇ ರಹಸ್ಯ ಅಥವಾ ಗೌಪ್ಯ ಮಾಹಿತಿಯನ್ನು ಅಧಿಕೃತವಾಗಿ ರವಾನಿಸಿದ್ದಾರೆ ಎಂಬುದು ಇನ್ನೂ ಸಂಪೂರ್ಣವಾಗಿ ದೃಢಪಟ್ಟಿಲ್ಲ. ಆದಾಗ್ಯೂ, ವಿದೇಶಿ ಸಂಸ್ಥೆಗಳು ಅಥವಾ ವ್ಯಕ್ತಿಗಳೊಂದಿಗೆ ಆಕೆಗೆ ಇರಬಹುದಾದ ನಂಟು ಹಾಗೂ ಸಂಪರ್ಕಗಳ ಕುರಿತು ಪೊಲೀಸರು ತಾಂತ್ರಿಕ ಸಾಕ್ಷ್ಯಗಳನ್ನು ಕಲೆಹಾಕುತ್ತಿದ್ದಾರೆ. ಆಕೆಯ ಹಿನ್ನೆಲೆ ಮತ್ತು ಚಲನವಲನಗಳ ಮೇಲೆ ತನಿಖಾ ಸಂಸ್ಥೆಗಳು ತೀವ್ರ ಕಣ್ಣಿಟ್ಟಿವೆ.

ಶಿವಮೊಗ್ಗ ದಸರಾ ಆನೆ ಅವಘಡ ಬೆನ್ನಲ್ಲೇ ಎಚ್ಚೆತ್ತ ಸರ್ಕಾರ: ಜಂಬೂಸವಾರಿ ಆನೆಗಳಿಗೆ ಇನ್ಮುಂದೆ 1 ತಿಂಗಳು ತಾಲೀಮು!

Sathish Kumar KH — Wed, 21 Oct 2026 19:11:11 +0530

ಬೆಂಗಳೂರು/ಶಿವಮೊಗ್ಗ (ಅ.21): ಶಿವಮೊಗ್ಗದಲ್ಲಿ ವಿಜಯದಶಮಿಯಂದು ನಡೆದ ಜಂಬೂಸವಾರಿ ವೇಳೆ ಅಂಬಾರಿ ಹೊತ್ತಿದ್ದ 'ಸೋಮಣ್ಣ' ಆನೆ ಏಕಾಏಕಿ ಬೆದರಿ ಓಡಿ ಆತಂಕ ಸೃಷ್ಟಿಸಿದ ಘಟನೆಯ ಬೆನ್ನಲ್ಲೇ ರಾಜ್ಯ ಸರ್ಕಾರ ಎಚ್ಚೆತ್ತುಕೊಂಡಿದೆ. ಈ ಗಂಭೀರ ಲೋಪವನ್ನು ಗಂಭೀರವಾಗಿ ಪರಿಗಣಿಸಿರುವ ಅರಣ್ಯ, ಪರಿಸರ ಮತ್ತು ಜೀವಶಾಸ್ತ್ರ ಸಚಿವ ರಾಮಲಿಂಗಾರೆಡ್ಡಿ ಅವರು, ಮುಂದಿನ ವರ್ಷದಿಂದ ಜಂಬೂಸವಾರಿಯಲ್ಲಿ ಪಾಲ್ಗೊಳ್ಳುವ ಆನೆಗಳಿಗೆ ಕನಿಷ್ಠ 20 ದಿನಗಳಿಂದ 1 ತಿಂಗಳವರೆಗೆ ಕಡ್ಡಾಯ ತಾಲೀಮು ನೀಡುವಂತೆ ಅರಣ್ಯ ಇಲಾಖೆಗೆ ಖಡಕ್ ಸೂಚನೆ ನೀಡಿದ್ದಾರೆ.

ಅಧಿಕಾರಿಗಳಿಂದ ವಿವರಣೆ ಕೇಳಿದ ಸಚಿವರು:

ಜಂಬೂಸವಾರಿ ವೇಳೆ ನಡೆದ ಅಚಾತುರ್ಯದ ಕುರಿತು ಶಿವಮೊಗ್ಗ ಜಿಲ್ಲಾಧಿಕಾರಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ (SP) ಹಾಗೂ ಅರಣ್ಯ ಇಲಾಖೆಯ ಉನ್ನತ ಅಧಿಕಾರಿಗಳೊಂದಿಗೆ ಸಚಿವರು ದೂರವಾಣಿ ಮೂಲಕ ಸಮಾಲೋಚನೆ ನಡೆಸಿ ಮಾಹಿತಿ ಪಡೆದರು. ಆನೆ ದಿಢೀರ್ ಬೆದರಲು ಕಾರಣವೇನು? ಮುಂಜಾಗ್ರತಾ ಕ್ರಮಗಳ ಕೊರತೆಯಿತ್ತೇ? ವಾಹನಗಳಿಗೆ ಎಷ್ಟು ಹಾನಿಯಾಗಿದೆ ಮತ್ತು ಸಾರ್ವಜನಿಕರಿಗೆ ಏನಾದರೂ ಅಪಾಯವಾಗಿದೆಯೇ ಎಂಬ ಬಗ್ಗೆ ಸಂಪೂರ್ಣ ವರದಿ ಪಡೆದುಕೊಂಡರು.

ಜನಸಂದಣಿ ಮತ್ತು ವಾದ್ಯಗಳ ಸದ್ದಿಗೆ ಒಗ್ಗಿಕೊಳ್ಳಲು ತರಬೇತಿ ಅನಿವಾರ್ಯ:

ಈ ಕುರಿತು ಕಟ್ಟುನಿಟ್ಟಿನ ಸೂಚನೆ ನೀಡಿರುವ ಸಚಿವರು, 'ದಸರಾ ಹಾಗೂ ಸಾರ್ವಜನಿಕ ಉತ್ಸವಗಳಲ್ಲಿ ಭಾಗವಹಿಸುವ ಆನೆಗಳಿಗೆ ಮುಂಚಿತವಾಗಿಯೇ ಅತ್ಯುನ್ನತ ಮಟ್ಟದ ಮಾನಸಿಕ ಮತ್ತು ದೈಹಿಕ ಸಿದ್ಧತೆ ಅಗತ್ಯವಿದೆ. ಹೀಗಾಗಿ ಮುಂದಿನ ದಿನಗಳಲ್ಲಿ ನುರಿತ ಮಾವುತರು ಹಾಗೂ ಕಾವಾಡಿಗರ ನೇತೃತ್ವದಲ್ಲಿ ಕನಿಷ್ಠ 20 ರಿಂದ 30 ದಿನಗಳ ಕಾಲ ನಿರಂತರ ತಾಲೀಮು ನಡೆಸಬೇಕು. ವಿಪರೀತ ಜನಸಂದಣಿ, ವಾದ್ಯಗಳ ಕರ್ಕಶ ಸದ್ದು, ಸಿಡಿಮದ್ದು ಮತ್ತು ಮೆರವಣಿಗೆಯ ವಾತಾವರಣಕ್ಕೆ ಆನೆಗಳು ಒಗ್ಗಿಕೊಳ್ಳುವಂತೆ ಮುಂಚಿತವಾಗಿಯೇ ತರಬೇತಿ ನೀಡಬೇಕು' ಎಂದು ಸ್ಪಷ್ಟಪಡಿಸಿದರು.

ಭಾವನೆಗಳ ಜೊತೆ ಆಟವಾಡಬೇಡಿ, ಸುರಕ್ಷತೆಗೆ ಮೊದಲ ಆದ್ಯತೆ:

'ದಸರಾ ಜಂಬೂಸವಾರಿ ಕೇವಲ ಸಾಂಸ್ಕೃತಿಕ ಆಚರಣೆಯಷ್ಟೇ ಅಲ್ಲ, ಇದು ಲಕ್ಷಾಂತರ ಜನರ ಧಾರ್ಮಿಕ ಭಾವನೆ ಮತ್ತು ನಂಬಿಕೆಗಳಿಗೆ ಸಂಬಂಧಿಸಿದ ಪವಿತ್ರ ಸಂಪ್ರದಾಯ. ಇಂತಹ ಸಂದರ್ಭದಲ್ಲಿ ಆನೆಗಳು ಬೆದರಿ ಓಡುವುದು ಸಾರ್ವಜನಿಕರಲ್ಲಿ ಭೀತಿ ಹುಟ್ಟಿಸುವುದರ ಜೊತೆಗೆ ಧಾರ್ಮಿಕ ಭಾವನೆಗಳಿಗೂ ಧಕ್ಕೆ ತರುತ್ತದೆ. ಹೀಗಾಗಿ ಅಧಿಕಾರಿಗಳು ಯಾವುದೇ ನಿರ್ಲಕ್ಷ್ಯ ವಹಿಸದೆ ಹೆಚ್ಚಿನ ಜಾಗರೂಕತೆ ವಹಿಸಬೇಕು. ಆನೆಗಳ ದೈಹಿಕ ಹಾಗೂ ಮಾನಸಿಕ ಆರೋಗ್ಯವನ್ನು ಪರಿಶೀಲಿಸಿ, ಫಿಟ್ನೆಸ್ ಪರೀಕ್ಷೆ ನಡೆಸಿದ ನಂತರವೇ ಜಂಬೂಸವಾರಿಗೆ ನಿಯೋಜಿಸಬೇಕು' ಎಂದು ಎಚ್ಚರಿಕೆ ನೀಡಿದರು.

ಶಿವಮೊಗ್ಗ ಘಟನೆಯಿಂದ ಪಾಠ ಕಲಿತಿರುವ ಅರಣ್ಯ ಇಲಾಖೆ, ಇನ್ಮುಂದೆ ಮೈಸೂರು ದಸರಾ ಮಾದರಿಯಲ್ಲೇ ರಾಜ್ಯದ ಇತರೆ ಜಿಲ್ಲೆಗಳಲ್ಲಿ ನಡೆಯುವ ಜಂಬೂಸವಾರಿಗಳಿಗೂ ಆನೆಗಳಿಗೆ ಕಟ್ಟುನಿಟ್ಟಿನ ನಿಯಮಗಳನ್ನು ಜಾರಿಗೆ ತರಲು ಮುಂದಾಗಿದೆ.

ಗಿಡ ತುಂಬಾ ಟೊಮೆಟೊದಿಂದ ತುಂಬಬೇಕಾ? ಗೊಬ್ಬರ ಹಾಕುವಾಗ ಈ ತಪ್ಪು ಮಾಡ್ಬೇಡಿ

Pavna Das — Wed, 21 Oct 2026 19:07:06 +0530

ಟೊಮೆಟೊ ಗಿಡದ ಆರೈಕೆ

ಮನೆಯ ಟೆರೇಸ್, ಬಾಲ್ಕನಿ ಅಥವಾ ಗಾರ್ಡನ್‌ನಲ್ಲಿ ಟೊಮೆಟೊ ಬೆಳೆಯಲು ಅನೇಕರು ಇಷ್ಟಪಡುತ್ತಾರೆ. ಟೊಮೆಟೊ ಗಿಡಗಳು ಮನೆಯ ಸೌಂದರ್ಯವನ್ನು ಹೆಚ್ಚಿಸುವುದರ ಜೊತೆಗೆ ಅಡುಗೆಗೂ ಉಪಯೋಗವಾಗುತ್ತವೆ. ಆದರೆ, ಗಿಡಗಳನ್ನು ನೆಟ್ಟ ನಂತರ ಅವುಗಳ ಆರೈಕೆಗೆ ಹೆಚ್ಚಿನ ಗಮನ ನೀಡಬೇಕು. ಸರಿಯಾಗಿ ಆರೈಕೆ ಮಾಡಿದರೂ ಕೆಲವೊಮ್ಮೆ ಗಿಡಗಳಲ್ಲಿ ಎಲೆಗಳು ಹೇರಳವಾಗಿ ಬೆಳೆದಿರುತ್ತವೆ, ಆದರೆ ಹೂವುಗಳು ಮತ್ತು ಹಣ್ಣುಗಳು ಕಡಿಮೆ ಇರುತ್ತವೆ. ಇದಕ್ಕೆ ಗೊಬ್ಬರವನ್ನು ತಪ್ಪಾಗಿ ಬಳಸುವುದೂ ಒಂದು ಕಾರಣವಾಗಿರಬಹುದು. ಗಿಡದಲ್ಲಿ ಹೆಚ್ಚು ಟೊಮೆಟೊ ಬೆಳೆಯಲು, ಏನು ಮಾಡಬೇಕು ನೋಡೋಣ.

1. ಅಗತ್ಯಕ್ಕಿಂತ ಹೆಚ್ಚು ಗೊಬ್ಬರ ಹಾಕಬೇಡಿ

ಟೊಮೆಟೊ ಗಿಡಗಳಿಗೆ ಹೆಚ್ಚು ಗೊಬ್ಬರ ಹಾಕಿದರೆ ಹೆಚ್ಚು ಹಣ್ಣುಗಳು ಬಿಡುತ್ತವೆ ಎಂಬುದು ತಪ್ಪು ಕಲ್ಪನೆ. ಉದಾಹರಣೆಗೆ, ನೈಟ್ರೋಜನ್ ಹೆಚ್ಚಿರುವ ಗೊಬ್ಬರವನ್ನು ಅತಿಯಾಗಿ ಬಳಸಿದರೆ ಎಲೆಗಳು ವೇಗವಾಗಿ ಬೆಳೆಯಬಹುದು. ಆದರೆ ಹೂವು ಮತ್ತು ಹಣ್ಣುಗಳ ಬೆಳವಣಿಗೆ ನಿರೀಕ್ಷಿತ ಮಟ್ಟದಲ್ಲಿ ಇರದೇ ಇರಬಹುದು. ಆದ್ದರಿಂದ ಗಿಡದ ಬೆಳವಣಿಗೆ ಮತ್ತು ಮಣ್ಣಿನ ಅಗತ್ಯಕ್ಕೆ ಅನುಗುಣವಾಗಿ ಮಾತ್ರ ಗೊಬ್ಬರವನ್ನು ಬಳಸಿ.

2. ಕೊಟ್ಟಿಗೆ ಗೊಬ್ಬರವನ್ನು ಸರಿಯಾದ ರೀತಿಯಲ್ಲಿ ಬಳಸಿ

ಕೊಟ್ಟಿಗೆ ಗೊಬ್ಬರವನ್ನು ಹಸಿ ರೂಪದಲ್ಲಿಯೇ ನೇರವಾಗಿ ಗಿಡಕ್ಕೆ ಹಾಕಬೇಡಿ. ತಾಜಾ ಸಗಣಿ ಗೊಬ್ಬರವನ್ನು ಬಳಸುವುದರಿಂದ ಮಣ್ಣಿನ ಗುಣಮಟ್ಟಕ್ಕೆ ಹಾನಿಯಾಗುವ ಸಾಧ್ಯತೆಯಿದೆ. ಆದ್ದರಿಂದ ಚೆನ್ನಾಗಿ ಕೊಳೆತ ಅಥವಾ ಪಕ್ವಗೊಂಡ ಸೆಗಣಿ ಗೊಬ್ಬರವನ್ನು ಬಳಸಿ. ಇದನ್ನು ಕಾಂಪೋಸ್ಟ್‌ನೊಂದಿಗೆ ಬೆರೆಸಿ ಮಣ್ಣಿಗೆ ಸೇರಿಸಬಹುದು.

3. ಒಂದೇ ರೀತಿಯ ಗೊಬ್ಬರವನ್ನು ಪದೇಪದೇ ಬಳಸಬೇಡಿ

ಟೊಮೆಟೊ ಗಿಡಗಳ ಉತ್ತಮ ಬೆಳವಣಿಗೆಗೆ ನೈಟ್ರೋಜನ್, ರಂಜಕ (Phosphorus) ಮತ್ತು ಪೊಟ್ಯಾಸಿಯಂ ಸೇರಿದಂತೆ ವಿವಿಧ ಪೋಷಕಾಂಶಗಳು ಅಗತ್ಯವಿವೆ. ಒಂದೇ ರೀತಿಯ ಗೊಬ್ಬರವನ್ನು ಪದೇಪದೇ ಬಳಸುವುದರಿಂದ ಮಣ್ಣಿನಲ್ಲಿರುವ ಪೋಷಕಾಂಶಗಳ ಸಮತೋಲನ ತಪ್ಪಬಹುದು. ಹೀಗಾಗಿ, ಉತ್ತಮ ಗುಣಮಟ್ಟದ ಕಾಂಪೋಸ್ಟ್ ಮತ್ತು ಟೊಮೆಟೊ ಗಿಡಗಳಿಗೆ ಸೂಕ್ತವಾದ ಸಮತೋಲಿತ ಗೊಬ್ಬರವನ್ನು ಬಳಸಿ. ಅಗತ್ಯವಿದ್ದರೆ ಮಣ್ಣಿನ ಪರೀಕ್ಷೆ ಮಾಡಿಸಿ, ಅದರ ಫಲಿತಾಂಶಕ್ಕೆ ಅನುಗುಣವಾಗಿ ಗೊಬ್ಬರ ಆಯ್ಕೆ ಮಾಡಿಕೊಳ್ಳಿ.

4. ಒಣಗಿದ ಮಣ್ಣಿಗೆ ಗೊಬ್ಬರ ಹಾಕುವುದನ್ನು ತಪ್ಪಿಸಿ

ತುಂಬಾ ಒಣಗಿದ ಮಣ್ಣಿಗೆ ಗೊಬ್ಬರ ಹಾಕುವುದರಿಂದ ಗಿಡದ ಬೇರುಗಳಿಗೆ ಹಾನಿಯಾಗಬಹುದು. ವಿಶೇಷವಾಗಿ ಗೊಬ್ಬರದ ಪ್ರಮಾಣ ಹೆಚ್ಚಿದ್ದರೆ ಈ ಅಪಾಯ ಹೆಚ್ಚಾಗಬಹುದು. ಆದ್ದರಿಂದ ಗೊಬ್ಬರ ಹಾಕುವ ಮೊದಲು ಮಣ್ಣಿನ ತೇವಾಂಶವನ್ನು ಪರಿಶೀಲಿಸಿ. ಮಣ್ಣು ಒಣಗಿದ್ದರೆ ಸ್ವಲ್ಪ ನೀರು ಹಾಕಿ, ನಂತರ ಗೊಬ್ಬರವನ್ನು ಬಳಸಿ.

ಗೊಬ್ಬರದ ಪ್ಯಾಕೆಟ್‌ನಲ್ಲಿ ನೀಡಿರುವ ಸೂಚನೆಗಳನ್ನು ಪಾಲಿಸಿ. ಗೊಬ್ಬರ ಹಾಕಿದ ನಂತರವೂ ಗಿಡಕ್ಕೆ ಅಗತ್ಯವಿರುವಷ್ಟು ಮಾತ್ರ ನೀರು ಕೊಡಿ. ಮಣ್ಣಿನಲ್ಲಿ ನೀರು ನಿಂತುಕೊಳ್ಳದಂತೆ ನೋಡಿಕೊಳ್ಳಿ, ಏಕೆಂದರೆ ಅತಿಯಾದ ನೀರು ಬೇರುಗಳು ಕೊಳೆಯಲು ಕಾರಣವಾಗಬಹುದು. ಮಣ್ಣು ತೇವವಾಗಿರುವಷ್ಟು ನೀರು ನೀಡುವುದು ಉತ್ತಮ.

ಈ ಕಾರಣಕ್ಕೆ ಯಾರೂ ರಾವಣನ ಪಾತ್ರದಲ್ಲಿ ನಟಿಸಲು ಬಯಸುವುದಿಲ್ಲ: ಯಶ್ ಧೈರ್ಯಕ್ಕೆ ಸಾಯಿ ಪಲ್ಲವಿ ಮೆಚ್ಚುಗೆ

Govindaraj S — Wed, 21 Oct 2026 18:56:52 +0530

ದಕ್ಷಿಣ ಭಾರತದ ಚಿತ್ರರಂಗದ ಪ್ರತಿಭಾವಂತ ನಟಿಯರಲ್ಲಿ ಒಬ್ಬರಾಗಿರುವ ಸಾಯಿ ಪಲ್ಲವಿ, ಇದೀಗ ಬಹುನಿರೀಕ್ಷಿತ ‘ರಾಮಾಯಣ’ ಚಿತ್ರದ ಮೂಲಕ ಬಾಲಿವುಡ್‌ನಲ್ಲೂ ಗಮನ ಸೆಳೆಯುತ್ತಿದ್ದಾರೆ. ಈ ಸಿನಿಮಾದಲ್ಲಿ ಸೀತಾ ದೇವಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಅವರು, ರಾವಣನ ಪಾತ್ರಕ್ಕೆ ಯಶ್ ಆಯ್ಕೆಯಾಗಿರುವ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. 'ಯಾರೂ ರಾವಣನ ಪಾತ್ರದಲ್ಲಿ ನಟಿಸಲು ಬಯಸುವುದಿಲ್ಲ' ಎಂದು ಹೇಳಿರುವ ಸಾಯಿ ಪಲ್ಲವಿ, ಈ ಸವಾಲಿನ ಪಾತ್ರವನ್ನು ಒಪ್ಪಿಕೊಂಡ ಯಶ್ ಅವರ ಧೈರ್ಯವನ್ನು ಪ್ರಶಂಸಿಸಿದ್ದಾರೆ.

‘ಯಾರೂ ರಾವಣನಾಗಲು ಬಯಸುವುದಿಲ್ಲ’ ಎಂದ ಸಾಯಿ ಪಲ್ಲವಿ!

ಮಲಯಾಳಂ ಚಿತ್ರರಂಗದಲ್ಲಿ ತೆರೆಕಂಡ ‘ಪ್ರೇಮಂ’ ಸಿನಿಮಾದಲ್ಲಿ ಮಲರ್ ಟೀಚರ್ ಪಾತ್ರದ ಮೂಲಕ ಅಪಾರ ಜನಪ್ರಿಯತೆ ಗಳಿಸಿದವರು ಸಾಯಿ ಪಲ್ಲವಿ. ಈ ಚಿತ್ರದ ಯಶಸ್ಸಿನ ಬಳಿಕ ಅವರಿಗೆ ದಕ್ಷಿಣ ಭಾರತದ ಚಿತ್ರರಂಗದಲ್ಲಿ ಸಾಕಷ್ಟು ಅವಕಾಶಗಳು ದೊರೆತವು. ತಮ್ಮ ಸಹಜ ಅಭಿನಯ, ಸರಳ ವ್ಯಕ್ತಿತ್ವ ಹಾಗೂ ವಿಭಿನ್ನ ಪಾತ್ರಗಳ ಆಯ್ಕೆಯಿಂದ ಅವರು ಪ್ರೇಕ್ಷಕರ ಮನಗೆದ್ದಿದ್ದಾರೆ.

ತಮಿಳು, ತೆಲುಗು ಮತ್ತು ಮಲಯಾಳಂ ಚಿತ್ರಗಳಲ್ಲಿ ನಟಿಸಿ ಗುರುತಿಸಿಕೊಂಡಿರುವ ಸಾಯಿ ಪಲ್ಲವಿ, ಇದೀಗ ಹಿಂದಿ ಚಿತ್ರರಂಗದಲ್ಲೂ ತಮ್ಮ ಛಾಪು ಮೂಡಿಸುತ್ತಿದ್ದಾರೆ. ‘ರಾಮಾಯಣ’ ಸಿನಿಮಾದಲ್ಲಿ ಸೀತಾ ದೇವಿಯ ಪಾತ್ರ ನಿರ್ವಹಿಸುತ್ತಿರುವ ಅವರು, ಇದೇ ಚಿತ್ರದ ರಾವಣನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ರಾಕಿಂಗ್ ಸ್ಟಾರ್ ಯಶ್ ಬಗ್ಗೆ ಮಾತನಾಡಿದ್ದಾರೆ.

ಯಶ್ ಅವರ ಧೈರ್ಯಕ್ಕೆ ಸಾಯಿ ಪಲ್ಲವಿ ಮೆಚ್ಚುಗೆ

ಇತ್ತೀಚೆಗೆ ನಡೆದ ತೆಲುಗು ಪ್ರಚಾರ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ ಸಾಯಿ ಪಲ್ಲವಿ, ರಾವಣನಂತಹ ಪಾತ್ರವನ್ನು ಆಯ್ಕೆ ಮಾಡಿಕೊಳ್ಳುವುದು ಸುಲಭದ ನಿರ್ಧಾರವಲ್ಲ ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಸಾಮಾನ್ಯವಾಗಿ ರಾವಣನ ಪಾತ್ರದಲ್ಲಿ ನಟಿಸಿದರೆ ಪ್ರೇಕ್ಷಕರಿಂದ ನಕಾರಾತ್ಮಕ ಪ್ರತಿಕ್ರಿಯೆ ಎದುರಾಗಬಹುದು ಎಂಬ ಭಾವನೆ ಇರುತ್ತದೆ. ಹೀಗಾಗಿ ಅನೇಕರು ಇಂತಹ ಪಾತ್ರವನ್ನು ಒಪ್ಪಿಕೊಳ್ಳಲು ಹಿಂದೇಟು ಹಾಕಬಹುದು ಎಂದು ಅವರು ಹೇಳಿದ್ದಾರೆ.

ಆದರೆ, ಯಶ್ ಈ ಸವಾಲನ್ನು ಸ್ವೀಕರಿಸಿ ರಾವಣನ ಪಾತ್ರದಲ್ಲಿ ನಟಿಸಲು ಮುಂದಾಗಿರುವುದನ್ನು ಸಾಯಿ ಪಲ್ಲವಿ ಮೆಚ್ಚಿಕೊಂಡಿದ್ದಾರೆ. ಈ ಪಾತ್ರದ ಆಯ್ಕೆಯೇ ಯಶ್ ಅವರ ಧೈರ್ಯವನ್ನು ತೋರಿಸುತ್ತದೆ ಎಂಬರ್ಥದಲ್ಲಿ ಮಾತನಾಡಿರುವ ಅವರು, ಇಂತಹ ವಿಭಿನ್ನ ಪಾತ್ರವನ್ನು ಒಪ್ಪಿಕೊಳ್ಳಲು ವಿಶೇಷ ಆತ್ಮವಿಶ್ವಾಸ ಬೇಕು ಎಂಬುದನ್ನು ತಮ್ಮ ಮಾತುಗಳ ಮೂಲಕ ವ್ಯಕ್ತಪಡಿಸಿದ್ದಾರೆ.

‘ರಾಮಾಯಣ’ದಲ್ಲಿ ರಾವಣನಾಗಿ ಯಶ್, ಸೀತೆಯಾಗಿ ಸಾಯಿ ಪಲ್ಲವಿ

‘ಕೆಜಿಎಫ್’ ಸರಣಿಯ ಮೂಲಕ ದೇಶಾದ್ಯಂತ ಮಾತ್ರವಲ್ಲದೆ ಜಾಗತಿಕ ಮಟ್ಟದಲ್ಲೂ ಗುರುತಿಸಿಕೊಂಡಿರುವ ಯಶ್, ‘ರಾಮಾಯಣ’ ಚಿತ್ರದ ಮೂಲಕ ಮತ್ತೊಂದು ವಿಭಿನ್ನ ಪಾತ್ರದಲ್ಲಿ ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದ್ದಾರೆ. ಈ ಸಿನಿಮಾದಲ್ಲಿ ಅವರು ರಾವಣನಾಗಿ ಕಾಣಿಸಿಕೊಂಡರೆ, ಸಾಯಿ ಪಲ್ಲವಿ ಸೀತಾ ದೇವಿಯ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ನಿತೇಶ್ ತಿವಾರಿ ನಿರ್ದೇಶನದಲ್ಲಿ, ನಮಿತ್ ಮಲ್ಹೋತ್ರಾ ನಿರ್ಮಾಣದಲ್ಲಿ ಅದ್ದೂರಿಯಾಗಿ ರೂಪುಗೊಳ್ಳುತ್ತಿರುವ ಈ ಚಿತ್ರದಲ್ಲಿ ರಣಬೀರ್ ಕಪೂರ್ ಸೇರಿದಂತೆ ಹಲವು ಪ್ರಮುಖ ಕಲಾವಿದರು ನಟಿಸುತ್ತಿದ್ದಾರೆ. ಪೌರಾಣಿಕ ಕಥೆಯನ್ನು ಆಧರಿಸಿರುವ ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ನಿರೀಕ್ಷೆ ಹುಟ್ಟಿಸಿದೆ.

2026ರ ನವೆಂಬರ್‌ನಲ್ಲಿ ‘ರಾಮಾಯಣ’ ಬಿಡುಗಡೆ ನಿರೀಕ್ಷೆ

ಇನ್ನು ‘ರಾಮಾಯಣ’ ಚಿತ್ರದ ಮೊದಲ ಭಾಗವು 2026ರ ನವೆಂಬರ್‌ನಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಚಿತ್ರದ ತಾರಾಗಣ, ಅದ್ದೂರಿ ನಿರ್ಮಾಣ ಮತ್ತು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿರುವ ಕಲಾವಿದರ ಕಾರಣದಿಂದಾಗಿ ಸಿನಿಮಾ ಈಗಾಗಲೇ ಸಿನಿಪ್ರಿಯರ ಗಮನ ಸೆಳೆದಿದೆ. ಇದೀಗ ರಾವಣನ ಪಾತ್ರದಲ್ಲಿ ಯಶ್ ನಟಿಸಿರುವುದರ ಬಗ್ಗೆ ಸಾಯಿ ಪಲ್ಲವಿ ವ್ಯಕ್ತಪಡಿಸಿರುವ ಮೆಚ್ಚುಗೆ ಕೂಡ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿಸಿದೆ. ಸೀತೆಯಾಗಿ ಸಾಯಿ ಪಲ್ಲವಿ ಮತ್ತು ರಾವಣನಾಗಿ ಯಶ್ ತೆರೆಮೇಲೆ ಹೇಗೆ ಕಾಣಿಸಿಕೊಳ್ಳಲಿದ್ದಾರೆ ಎಂಬುದನ್ನು ನೋಡಲು ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ.

ತಂದೆಯ ಮಡಿಲಲ್ಲಿ ಆಡಬೇಕಿದ್ದ ಕಂದಮ್ಮ ಇನ್ನಿಲ್ಲ; 5 ವರ್ಷದ ಮಗಳ ಅಂತ್ಯಕ್ರಿಯೆಗಾಗಿ ತಂದೆಯ ಭಾವುಕ ಮನವಿ

Chandrashekar GS — Wed, 21 Oct 2026 18:53:21 +0530

ನ್ಯೂಯಾರ್ಕ್‌ನಲ್ಲಿ ಐದು ವರ್ಷದ ಮಗಳ ದುರಂತ ಸಾವು; ಅಂತ್ಯಕ್ರಿಯೆಗೆ ನೆರವು ಕೋರುತ್ತಿರುವ ತಂದೆ

ಮಗಳ ಅಗಲಿಕೆಯಿಂದ ಕಂಗಾಲಾದ ತಂದೆ

ಅಮೆರಿಕದ ನ್ಯೂಯಾರ್ಕ್‌ನಲ್ಲಿ ಐದು ವರ್ಷದ ಬಾಲಕಿಯೊಬ್ಬಳ ದುರಂತ ಸಾವು ಕುಟುಂಬವನ್ನು ಶೋಕಸಾಗರದಲ್ಲಿ ಮುಳುಗಿಸಿದೆ. ಮಗಳ ಅಗಲಿಕೆಯ ನೋವಿನ ನಡುವೆಯೇ ಆಕೆಯ ಅಂತ್ಯಕ್ರಿಯೆ ಮತ್ತು ಸಮಾಧಿ ವ್ಯವಸ್ಥೆಗಳ ವೆಚ್ಚ ಭರಿಸಲು ಸಾಧ್ಯವಾಗದೆ, ಭಾರತೀಯ ಮೂಲದ ತಂದೆ ಕುಲದೀಪ್ ಸಿಂಗ್ ಆರ್ಥಿಕ ನೆರವು ಕೋರುತ್ತಿದ್ದಾರೆ. ಈ ಘಟನೆ ನ್ಯೂಯಾರ್ಕ್‌ನ ಕ್ವೀನ್ಸ್ ಪ್ರದೇಶದ ರಿಚ್ಮಂಡ್ ಹಿಲ್‌ ನಿವಾಸದಲ್ಲಿ ನಡೆದಿದೆ ಎಂದು ವರದಿಗಳು ತಿಳಿಸಿವೆ.

ಫಬಿಯಾನಾ ಕಾಬೆಲ್ಲೊ ಮೃತಪಟ್ಟ ಐದು ವರ್ಷದ ಬಾಲಕಿ. ಅಕ್ಟೋಬರ್ 14ರಂದು ಆಕೆಯ ತಾಯಿ ಫ್ರಾನ್ಸಿಸ್ ಕಾಬೆಲ್ಲೊ ತುರ್ತು ಪೊಲೀಸ್ ಸಹಾಯವಾಣಿ 911ಕ್ಕೆ ಕರೆ ಮಾಡಿ, ಮಗಳಿಗೆ ಹಾನಿ ಮಾಡಿರುವುದಾಗಿ ತಿಳಿಸಿದ್ದಾಳೆ ಎಂದು ಮಾಧ್ಯಮ ವರದಿಗಳು ಹೇಳಿವೆ. ಸ್ಥಳಕ್ಕೆ ಬಂದ ಪೊಲೀಸರು ಬಾಲಕಿಯನ್ನು ಪ್ರಜ್ಞಾಹೀನ ಸ್ಥಿತಿಯಲ್ಲಿ ಕಂಡು ಆಸ್ಪತ್ರೆಗೆ ಕರೆದೊಯ್ದರು. ಆದರೆ, ಆಕೆಯನ್ನು ಉಳಿಸಲು ಸಾಧ್ಯವಾಗಲಿಲ್ಲ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ತಾಯಿಯನ್ನು ಬಂಧಿಸಿ ಕೊ*ಲೆ ಆರೋಪ ಹೊರಿಸಲಾಗಿದೆ.

ಅಂತ್ಯಕ್ರಿಯೆ ವೆಚ್ಚಕ್ಕಾಗಿ ಆನ್‌ಲೈನ್ ನಿಧಿ ಸಂಗ್ರಹ

ಮಗಳ ಸಾವಿನಿಂದ ತೀವ್ರ ದುಃಖದಲ್ಲಿರುವ ಕುಲದೀಪ್ ಸಿಂಗ್, ಅಂತ್ಯಕ್ರಿಯೆ ಮತ್ತು ಸಮಾಧಿ ವೆಚ್ಚಗಳನ್ನು ಭರಿಸಲು GoFundMe ಮೂಲಕ ಆನ್‌ಲೈನ್ ನಿಧಿ ಸಂಗ್ರಹ ಆರಂಭಿಸಿದ್ದಾರೆ. ಈ ಕಾರ್ಯಕ್ಕೆ ಸುಮಾರು 18,000 ಅಮೆರಿಕನ್ ಡಾಲರ್ ಸಂಗ್ರಹಿಸುವ ಗುರಿ ಇಟ್ಟಿದ್ದಾರೆ. ಅಂತ್ಯಕ್ರಿಯೆ ಸಂಸ್ಥೆ ಮತ್ತು ಸಮಾಧಿ ಸ್ಥಳದ ವೆಚ್ಚಕ್ಕಾಗಿ ಮುಂಗಡ ಹಣ ಪಾವತಿಸಬೇಕಿದ್ದು, ಅದನ್ನು ಒಬ್ಬರೇ ಭರಿಸುವುದು ಕಷ್ಟವಾಗಿದೆ ಎಂದು ಅವರು ಮನವಿ ಮಾಡಿದ್ದಾರೆ.

ಉಬರ್ ಚಾಲಕರಾಗಿ ಕೆಲಸ ಮಾಡುತ್ತಿರುವ ಸಿಂಗ್, ಮಗಳ ಸಾವಿನ ದುಃಖದ ನಡುವೆಯೂ ಕೆಲಸ ಮುಂದುವರಿಸಬೇಕಾದ ಅನಿವಾರ್ಯತೆ ಎದುರಿಸುತ್ತಿದ್ದಾರೆ. ಬಾಡಿಗೆ ಕಾರನ್ನು ಬಳಸಿ ದುಡಿಯುತ್ತಿರುವ ಅವರು, ಒಂದು ಕಡೆ ಕುಟುಂಬದ ನೋವನ್ನು ನಿಭಾಯಿಸುತ್ತಾ ಮತ್ತೊಂದು ಕಡೆ ಅಂತ್ಯಕ್ರಿಯೆಯ ವ್ಯವಸ್ಥೆಗಳನ್ನು ಮಾಡಬೇಕಾಗಿದೆ. ಮಗಳಿಗೆ ಗೌರವಯುತ ಅಂತಿಮ ವಿದಾಯ ನೀಡಲು ಜನರು ಸಾಧ್ಯವಾದಷ್ಟು ನೆರವು ನೀಡಬೇಕು ಅಥವಾ ನಿಧಿ ಸಂಗ್ರಹದ ಮಾಹಿತಿಯನ್ನು ಇತರರೊಂದಿಗೆ ಹಂಚಿಕೊಳ್ಳಬೇಕು ಎಂದು ಅವರು ಮನವಿ ಮಾಡಿದ್ದಾರೆ.

ಎಲ್ಲರಿಗೂ ಪ್ರೀತಿಪಾತ್ರಳಾಗಿದ್ದ ಫಬಿಯಾನಾ

ಕುಟುಂಬದವರ ನೆನಪಿನಲ್ಲಿ ಫಬಿಯಾನಾ ಸದಾ ನಗುವಿನೊಂದಿಗೆ ಎಲ್ಲರನ್ನೂ ಆತ್ಮೀಯವಾಗಿ ಮಾತನಾಡಿಸುತ್ತಿದ್ದ ಮಗು. ಆಕೆಯ ಸಂಬಂಧಿಕರು ಆಕೆಯನ್ನು ಪ್ರೀತಿಯಿಂದ ನೆನಪಿಸಿಕೊಂಡಿದ್ದಾರೆ. ಹಿರಿಯರ ಬಗ್ಗೆ ಕಾಳಜಿ ವಹಿಸುತ್ತಿದ್ದ ಆಕೆ, ತನ್ನ ಮುತ್ತಜ್ಜಿಗೆ ನಡೆಯಲು ತೊಂದರೆಯಾದಾಗ ಕೈಹಿಡಿದು ಸಹಾಯ ಮಾಡುತ್ತಿದ್ದಳು ಎಂದು ವರದಿಯಾಗಿದೆ. ಆಕೆಯ ಸ್ನೇಹಪರ ಸ್ವಭಾವ ಕುಟುಂಬದವರಿಗೆ ವಿಶೇಷವಾಗಿ ನೆನಪಾಗಿದೆ.

ಪ್ರಕರಣದ ತನಿಖೆ ಮುಂದುವರಿಕೆ

ಮಗುವಿನ ಸಾವಿಗೆ ನಿಖರವಾದ ಕಾರಣವೇನು ಎಂಬುದನ್ನು ಅಧಿಕಾರಿಗಳು ಪರಿಶೀಲಿಸುತ್ತಿದ್ದಾರೆ. ಮರಣೋತ್ತರ ಪರೀಕ್ಷೆಯಲ್ಲಿ ಕೆಲವು ಗಾಯದ ಗುರುತುಗಳು ಕಂಡುಬಂದಿವೆ ಎಂದು ವರದಿಗಳು ತಿಳಿಸಿವೆ. ಆದರೆ ಸಾವಿನ ಅಧಿಕೃತ ಕಾರಣವನ್ನು ವೈದ್ಯಕೀಯ ಪರೀಕ್ಷಾಧಿಕಾರಿಗಳು ನಿರ್ಧರಿಸಬೇಕಿದೆ. ತಾಯಿಯ ವಿರುದ್ಧ ಕೊ*ಲೆ ಆರೋಪ ದಾಖಲಾಗಿದ್ದು, ಪ್ರಕರಣದ ತನಿಖೆ ಮುಂದುವರಿದಿದೆ. ಘಟನೆಗೆ ಕಾರಣವೇನು ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.

ಮಗಳ ಅಂತಿಮ ವಿಧಿವಿಧಾನಗಳನ್ನು ಗೌರವಯುತವಾಗಿ ನೆರವೇರಿಸುವುದೇ ಈಗ ಕುಲದೀಪ್ ಸಿಂಗ್ ಅವರ ಪ್ರಮುಖ ಉದ್ದೇಶವಾಗಿದೆ. ಮಗುವಿನ ಸಾವಿನಿಂದ ಉಂಟಾದ ದುಃಖದ ಜೊತೆಗೆ ಆರ್ಥಿಕ ಸಂಕಷ್ಟವನ್ನೂ ಎದುರಿಸುತ್ತಿರುವ ಅವರ ಪರಿಸ್ಥಿತಿ, ವಿದೇಶದಲ್ಲಿ ಕುಟುಂಬದ ಬೆಂಬಲವಿಲ್ಲದೆ ಕಷ್ಟಗಳನ್ನು ಎದುರಿಸುವವರ ಸವಾಲುಗಳನ್ನೂ ನೆನಪಿಸುತ್ತದೆ.

ಬೆಂಗಳೂರಲ್ಲಿ ನಡೆದ ರಾಷ್ಟ್ರೀಯ ರೊಟಾಕ್ಸ್‌ ಕಾರ್ಟಿಂಗ್‌ ಚಾಂಪಿಯನ್‌ಶಿಪ್‌, ಕೃಷ್ ಗುಪ್ತಾ ಚಾಂಪಿಯನ್

Chethan Kumar — Wed, 21 Oct 2026 18:46:06 +0530

ಬೆಂಗಳೂರು (ಅ.21) : ಬೆಂಗಳೂರಿನ ಕಾರ್ಟೋಪಿಯಾ ಸರ್ಕ್ಯೂಟ್‌ನಲ್ಲಿ ನಡೆದ ಮೆಕೊ ಎಫ್‌ಎಂಎಸ್‌ಸಿಐ ರಾಷ್ಟ್ರೀಯ ರೊಟಾಕ್ಸ್ ಕಾರ್ಟಿಂಗ್ ಚಾಂಪಿಯನ್‌ಶಿಪ್‌ನ ಆರನೇ ಹಾಗೂ ಅಂತಿಮ ಸುತ್ತಿನಲ್ಲಿ ಹಿರಿಯರ ವಿಭಾಗದಲ್ಲಿ ರಾಯೋ ರೇಸಿಂಗ್‌ನ ಕೃಷ್ ಗುಪ್ತಾ ಪೋಡಿಯಂ ಸ್ಥಾನ ಪಡೆದಿದ್ದಾರೆ. ಈ ಮೂಲಕ ಚೊಚ್ಚಲ ರಾಷ್ಟ್ರೀಯ ರೊಟಾಕ್ಸ್ ಕಾರ್ಟಿಂಗ್ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಕಮ್‌ಬ್ಯಾಕ್ ಮಾಡಿದ ಕೃಷ್

ಮುಂಬೈನ ಕೃಷ್ ಈ ಅಂತಿಮ ಸುತ್ತನ್ನು ಅತ್ಯಂತ ಕಳಪೆಯಾಗಿ ಆರಂಭಿಸಿದರು. ಕಳಪೆ ಕ್ವಾಲಿಫೈಯಿಂಗ್‌ನಿಂದಾಗಿ ಅವರು ಹದಿನಾರನೇ ಸ್ಥಾನಕ್ಕೆ ಕುಸಿದಿದ್ದರು. ಆದರೂ ಕೃಷ್ ಅದ್ಭುತವಾಗಿ ಚೇತರಿಸಿಕೊಂಡು, ಎರಡು ಹೀಟ್‌ಗಳಲ್ಲೂ 10 ಓವರ್‌ಟೇಕ್‌ಗಳನ್ನು ಮಾಡುವ ಮೂಲಕ ಎರಡರಲ್ಲೂ ಆರನೇ ಸ್ಥಾನ ಪಡೆದರು.ಚಾಂಪಿಯನ್‌ಶಿಪ್ ಅಂಕಗಳನ್ನು ಹೊಂದಿರುವ ನಿರ್ಣಾಯಕ ಪ್ರಿ-ಫೈನಲ್‌ನಲ್ಲಿ ಕೃಷ್ ಆರನೇ ಸ್ಥಾನದಿಂದ ಆರಂಭಿಸಿದರು. ಕೆಲ ಕ್ಷಣದಲ್ಲೇ ಮೂರನೇ ಸ್ಥಾನಕ್ಕೆ ಜಿಗಿದ ಕೃಷ್‌, ಆ ಬಳಿಕ 2ನೇ ಸ್ಥಾನ ಪಡೆದು ಕೊನೆ ವರೆಗೂ ಅದೇ ಸ್ಥಾನ ಕಾಯ್ದುಕೊಂಡರು. ಚೆನ್ನೈನ ಎಸ್‌ಪೋರ್ಟ್ಸ್‌ನ ಇಶಾಂತ್ ವೆಂಕಟೇಶನ್ ಪ್ರಿ-ಫೈನಲ್ ಗೆದ್ದರು.

ಕೃಷ್ ಫೈನಲ್ ಅನ್ನು ಎರಡನೇ ಸ್ಥಾನದಿಂದ ಆರಂಭಿಸಿದರೂ, ಆರಂಭದಲ್ಲೇ ಮೂರನೇ ಸ್ಥಾನಕ್ಕೆ ಕುಸಿದರು. ನಂತರ ಅವರನ್ನು ಬೆಂಗಳೂರಿನ ಇಶಾನ್ ಮಾದೇಶ್ ಹಿಂದಿಕ್ಕಿದರು. ಆದರೆ ಅಂತಿಮವಾಗಿ ವೆಂಕಟೇಶನ್ ಮತ್ತು ಬೆಂಗಳೂರಿನ ಎಸ್‌ಪೋರ್ಟ್ಸ್‌ನ ರುಹಾನ್‌ ಆಳ್ವಾ ಅವರ ನಂತರ ಮೂರನೇ ಸ್ಥಾನ ಪಡೆದರು. ಕೃಷ್ ಪ್ರಿ-ಫೈನಲ್ ಮತ್ತು ಫೈನಲ್ ಎರಡರಲ್ಲೂ ತಮ್ಮ ಹತ್ತಿರದ ಚಾಂಪಿಯನ್‌ಶಿಪ್ ಪ್ರತಿಸ್ಪರ್ಧಿಗಳಿಗಿಂತ ಉತ್ತಮ ಸ್ಥಾನ ಪಡೆದರು. ಇದು ಕೃಷ್ ಅವರಿಗೆ ತಮ್ಮ ಚಾಂಪಿಯನ್‌ಶಿಪ್ ಮುನ್ನಡೆಯನ್ನು ವಿಸ್ತರಿಸಲು ಮತ್ತು ಪುಣೆಯ ಕ್ರೆಸ್ಟ್ ಮೋಟಾರ್‌ಸ್ಪೋರ್ಟ್ಸ್‌ನ ಅರ್ಜುನ್ ಛೇಡಾ ಹಾಗೂ ಬೆಂಗಳೂರಿನ ಅಕ್ಷತ್ ಮಿಶ್ರಾ ಅವರನ್ನು ಹಿಂದಿಕ್ಕಿ ಪ್ರಶಸ್ತಿ ಗೆಲ್ಲಲು ಅವಕಾಶ ಮಾಡಿಕೊಟ್ಟಿತು.

ರಾಯೋ ರೇಸಿಂಗ್‌ನ ಕೃಷ್ ಚಾಂಪಿಯನ್‌ಶಿಪ್‌ನಲ್ಲಿ ಎರಡು ಗೆಲುವುಗಳು ಮತ್ತು ಎರಡು ಮೂರನೇ ಸ್ಥಾನಗಳು ಸೇರಿದಂತೆ ಒಟ್ಟು ನಾಲ್ಕು ಪೋಡಿಯಂಗಳೊಂದಿಗೆ ಅತ್ಯುತ್ತಮ ಪ್ರದರ್ಶನ ನೀಡಿದರು. ಅವರು 428 ಅಂಕಗಳೊಂದಿಗೆ ಪ್ರಶಸ್ತಿಯನ್ನು ಗೆದ್ದುಕೊಂಡರೆ, ಛೇಡಾ 415 ಅಂಕಗಳೊಂದಿಗೆ ಮತ್ತು ಮಿಶ್ರಾ 414 ಅಂಕಗಳೊಂದಿಗೆ ನಂತರದ ಸ್ಥಾನಗಳಲ್ಲಿದ್ದಾರೆ.

ವಿಶ್ವ ಫೈನಲ್ಸ್‌ಗೆ ಅರ್ಹತೆ

ರಾಷ್ಟ್ರೀಯ ಟ್ರೋಫಿಯ ಜೊತೆಗೆ, ರಾಯೋ ರೇಸಿಂಗ್ ಚಾಲಕ ಕೃಷ್ ಪೋರ್ಚುಗಲ್‌ನ ಪೋರ್ಟಿಮಾವೊದಲ್ಲಿ ನಡೆಯಲಿರುವ ರೊಟಾಕ್ಸ್ ವಿಶ್ವ ಫೈನಲ್ಸ್‌ನಲ್ಲಿ ಭಾರತವನ್ನು ಅಧಿಕೃತವಾಗಿ ಪ್ರತಿನಿಧಿಸುವ ಅವಕಾಶ ಪಡೆದಿದ್ದಾರೆ. ಅಲ್ಲಿ 56ಕ್ಕೂ ಹೆಚ್ಚು ದೇಶಗಳ ಚಾಂಪಿಯನ್‌ಗಳು ವಿಶ್ವ ಪ್ರಶಸ್ತಿಗಾಗಿ ಸ್ಪರ್ಧಿಸಲಿದ್ದಾರೆ.

‘ನನ್ನ ಮೊದಲ ರಾಷ್ಟ್ರೀಯ ಪ್ರಶಸ್ತಿಯು ನಾನು ಬಯಸಿದ್ದಕ್ಕಿಂತ ಹೆಚ್ಚು ಸಮಯ ತೆಗೆದುಕೊಂಡಿದೆ. ಅಂತಿಮವಾಗಿ ರಾಷ್ಟ್ರೀಯ ಚಾಂಪಿಯನ್ ಆಗಿರುವುದು ತುಂಬಾ ಸಂತೋಷ ತಂದಿದೆ. ನನ್ನ ಪೋಷಕರು, ನನ್ನ ತಂಡ ಮತ್ತು ಮೆಕ್ಯಾನಿಕ್‌ಗಳಿಗೆ ನಾನು ಧನ್ಯವಾದ ಹೇಳಲು ಬಯಸುತ್ತೇನೆ’ ಎಂದು ಕೃಷ್ ಹೇಳಿದರು.

ಎಂಟು ಬಾರಿಯ ರಾಷ್ಟ್ರೀಯ ಚಾಂಪಿಯನ್ ರಾಯೋಮಂಡ್ ಬನಾಜಿ ಮಾತನಾಡಿ, ‘ಕೃಷ್ ಕೆಲವು ವರ್ಷಗಳಿಂದ ಸತತ ಪ್ರಯತ್ನ ನಡೆಸುತ್ತಿದ್ದರು. ಕೊನೆಗೂ ಅವರಿಗೆ ರಾಷ್ಟ್ರೀಯ ಪ್ರಶಸ್ತಿ ಸಿಕ್ಕಿದೆ. ಈ ಪ್ರಶಸ್ತಿಗೆ ಅವರು ಅರ್ಹರು’ ಎಂದರು.

ದರ್ಶನ್ ಐಷಾರಾಮಿ ಕಾರು, ಬೈಕುಗಳಿಗೆ ಮಗ ವಿನೀಶ್ ಆಯುಧ ಪೂಜೆ: ಕ್ಯೂಟ್ ಫೋಟೋಗಳು ವೈರಲ್

Suchethana D — Wed, 21 Oct 2026 18:45:55 +0530

ನಟ ದರ್ಶನ್ ಜೈಲಿನಲ್ಲಿರುವ ಕಾರಣ ಈ ಬಾರಿಯ ಆಯುಧ ಪೂಜೆಯನ್ನು ಅವರ ಪುತ್ರ ವಿನೀಶ್ ನೆರವೇರಿಸಿದ್ದಾರೆ. ದುಬಾರಿ ಕಾರುಗಳಿಗೆ ಪೂಜೆ ಸಲ್ಲಿಸಿದ ಫೋಟೋಗಳು ವೈರಲ್ ಆಗಿವೆ. ಅಪ್ಪನಂತೆಯೇ ಕುದುರೆ ಸವಾರಿ ಕಲಿಯುತ್ತಿರುವ ವಿನೀಶ್, ಫಾರ್ಮ್‌ಹೌಸ್ ಜವಾಬ್ದಾರಿಯನ್ನೂ ನಿಭಾಯಿಸುತ್ತಿದ್ದಾರೆ.

ನಟ ದರ್ಶನ್ ಅವರು ಪ್ರತಿಬಾರಿಯೂ ತಮ್ಮ ಮನೆಯಲ್ಲಿ ಆಯುಧ ಪೂಜೆಯನ್ನು ಅದ್ದೂರಿಯಾಗಿಯೇ ಮಾಡುತ್ತಿದ್ದರು. ಅವರ ಬಳಿ ಹಲವಾರು ಐಷಾರಾಮಿ ಕಾರುಗಳಿವೆ, ಜೊತೆಗೆ ಒಂದಿಷ್ಟು ಬೈಕ್ಗಳೂ ಇವೆ. ಇವೆಲ್ಲಕ್ಕೂ ಭರ್ಜರಿಯಾಗಿ ಪೂಜೆ ನಡೆಯುತ್ತಿತ್ತು. ಆಯುಧ ಪೂಜೆಯ ಸಂದರ್ಭದಲ್ಲಿ ಅವರ ಮನೆ ಮತ್ತು ಫಾರ್ಮ್‌ಹೌಸ್‌ನಲ್ಲಿ ನಡೆಯುವ ಪೂಜಾ ಕಾರ್ಯಕ್ರಮಗಳು ಜೋರಾಗಿ ನಡೆಯುತ್ತವೆ.

ಆದರೆ ಕಳೆದ ಎರಡು ವರ್ಷಗಳಿಂದ, ದರ್ಶನ್ ಅವರು ಜೈಲಿನಲ್ಲಿ ಇರುವ ಕಾರಣ, ಅವರಿಲ್ಲದ ದಸರಾ ನಡೆಯುತ್ತಿದೆ. ಈ ಬಾರಿ ಅವರ ಪುತ್ರ ವಿನೀಶ್ ಪೂಜೆ ನೆರವೇರಿಸಿದ್ದಾರೆ. ಅದರ ಫೋಟೋಗಳು ವೈರಲ್ ಆಗುತ್ತಿವೆ.

ವಿನೀಶ್ ದರ್ಶನ್ ಅವರು, ದುಬಾರಿ ಕಾರುಗಳಿಗೆ ಪೂಜೆ ನೆರವೇರಿಸಿದ ವಿಶೇಷ ವಿಡಿಯೋ ಮತ್ತು ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದಾರೆ. ಅವರ ಕೈಯಲ್ಲಿ ಎಲ್ಲ ಕಾರುಗಳ ಕೀಗಳನ್ನೂ ನೋಡಬಹುದಾಗಿದೆ. ಬೆಂಗಳೂರಿನ ಆರ್‌.ಆರ್‌.ನಗರದ ಮನೆಯಲ್ಲಿಯೇ ದಸರಾ ಹಬ್ಬ ಮಾಡಲಾಗಿದೆ. ಮನೆಯ ಮುಂದೆ ಸಾಲಾಗಿಯೇ ಕಾರು ನಿಲ್ಲಿಸಿ ಮಗ ವಿನೀಶ್ ಪೂಜೆ ಸಲ್ಲಿಸಿದ್ದಾರೆ.

ಅಂದಹಾಗೆ ಇದಾಗಲೇ ವಿನೀತ್ ಅಪ್ಪನಂತೆಯೇ ಕುದುರೆಗಳನ್ನು ಓಡಿಸೋದ್ರಲ್ಲಿ ನಿಸ್ಸೀಮ. ಸಮಯ ಸಿಕ್ಕಾಗ ಕುದುರೆಗಳ ದೇಖರೇಕೆಯಲ್ಲೇ ಸಮಯ ವ್ಯಯಿಸೋದು ಆತನಿಗೆ ಪ್ರಿಯ. ದರ್ಶನ್ ಜೈಲಿನಲ್ಲಿರೋವಾಗ ಅವರ ಫಾರ್ಮ್ ಹೌಸ್ ಮೆಂಟೈನ್ ಹೇಗೆ ಆಗುತ್ತೆ? ಅವರ ಬಳಿ ಇರೋ ಕುದುರೆಗಳ ಗತಿಯೇನು ಎಂದೇ ಅಂದುಕೊಳ್ಳಲಾಗಿತ್ತು. ಈಗ ಅಪ್ಪನ ಸ್ಥಾನದಲ್ಲಿ ಮಗನೇ ಎಲ್ಲವನ್ನೂ ನಿಭಾಯಿಸುತ್ತಿದ್ದಾನೆ.

ದರ್ಶನ್ ಪುತ್ರ ವಿನೀಶ್‌ಗೆ ಚಿಕ್ಕಬಳ್ಳಾಪುರದ ಅನಿಮಲ್ ಲವರ್ ಗೌತಮ್ ಸದ್ಯ ಕುದುರೆ ತರಬೇತಿಯನ್ನು ಕೊಡ್ತಿದ್ದಾರೆ. 16 ಕುದುರೆ, 16 ನಾಟಿ ಹಸುಗಳನ್ನು ಸಾಕಿರುವ ಗೌತಮ್, ವಿನೀಶ್‌ಗೂ ಪ್ರಾಣಿಗಳನ್ನು ಹೇಗೆ ನೋಡಿಕೋಳ್ಳಬೇಕು ಅನ್ನೋದನ್ನ ತಿಳಿಸಿ ಕೊಡ್ತಿದ್ದಾರೆ. ವಿನೀಶ್ ಲಭ್ಯರಿದ್ದಾಗ ತಮ್ಮ ಸಮಯ ನೋಡಿಕೊಂಡು ಕುದರೆ ಓಡಿಸೋದನ್ನ ಗೌತಮ್ ಕಲಿಸಿಕೊಡ್ತಾರೆ. ಚಿಂತಾಮಣಿ ತಾಲೂಕಿನ ನಾರಾಯಣ ಹಳ್ಳಿಯ ಗೌತಮ್ ತೋಟಕ್ಕೆ ಬಂದು ವಿನೀಶ್, ಕುದುರೆ ಓಡಿಸೋದನ್ನ ಕಲಿತಿದ್ದಾನೆ.

ನನ್ನ ಮಗನಿಗೆ ಪ್ರಾಣಿ ಪಕ್ಷಿ ಎಂದರೆ ತುಂಬ ಇಷ್ಟ. ಅವನು ಬೇಸಿಕ್‌ ಕಲಿಯಬೇಕು, ಎಲ್ಲವೂ ಗೊತ್ತಿರಬೇಕು, ಮೊದಲು ಕಷ್ಟಪಡಲಿ ಎಂದು ದರ್ಶನ್‌ ಅವರೇ ಕೆಲ ವರ್ಷಗಳ ಹಿಂದೆ ಏಷ್ಯಾನೆಟ್‌ ಸುವರ್ಣ ನ್ಯೂಸ್‌ಗೆ ನೀಡಿದ್ದ ಸಂದರ್ಶನದಲ್ಲಿ ಒಮ್ಮೆ ಹೇಳಿಕೊಂಡಿದ್ದರು.

Ramayana: ಶ್ರೀರಾಮನಿಗೇ 'ಜಯವಾಗಲಿ' ಎಂದು ರಾವಣನೇ ಕಂಕಣ ಕಟ್ಟಿದ್ದ.. ಅದ್ಯಾಕೆ 'ಶತ್ರು'ವಿಗೇ ಮಿತ್ರನಾಗಿದ್ದು ಅಸುರ? ಏನೋ ಇದೆ ಇಲ್ಲಿ!

Shriram Bhat — Wed, 21 Oct 2026 18:43:35 +0530

ಈ ಇಬ್ಬರು ಬದ್ಧವೈರಿಗಳ ನಡುವೆಯೂ ಧರ್ಮ ಮತ್ತು ಪಾಂಡಿತ್ಯಕ್ಕೆ ವಿಶೇಷ ಸ್ಥಾನವಿತ್ತು ಎನ್ನುವ ಕುತೂಹಲಕಾರಿ ಕಥೆಯೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ. ಅದುವೇ ಶ್ರೀರಾಮನಿಗೆ ಶಿವಪೂಜೆ ಮಾಡಿಸಿ, ಕೊನೆಗೆ ‘ವಿಜಯೀಭವ’ ಎಂದು ಆಶೀರ್ವದಿಸಿದ ರಾವಣನ ಕಥೆ! ಏನಿದು ಅಚ್ಚರಿ ನೋಡಿ!

ಶ್ರೀರಾಮನಿಗೆ ‘ವಿಜಯೀಭವ’ ಎಂದು ಹರಸಿದ್ಯಾಕೆ ರಾವಣ!? ರಾಮಾಯಣದ ಈ ರೋಚಕ ಕಥೆ ನಿಮಗೆ ಗೊತ್ತೇ?

ಶ್ರೀರಾಮ ಮತ್ತು ರಾವಣ ಎಂದಾಕ್ಷಣ ನೆನಪಾಗುವುದು ಮಹಾಯುದ್ಧ, ಸೀತಾಪಹರಣ ಮತ್ತು ಅಧರ್ಮದ ವಿರುದ್ಧ ಧರ್ಮದ ವಿಜಯ. ಆದರೆ ಈ ಇಬ್ಬರು ಬದ್ಧವೈರಿಗಳ ನಡುವೆಯೂ ಧರ್ಮ ಮತ್ತು ಪಾಂಡಿತ್ಯಕ್ಕೆ ವಿಶೇಷ ಸ್ಥಾನವಿತ್ತು ಎನ್ನುವ ಕುತೂಹಲಕಾರಿ ಕಥೆಯೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಗಮನ ಸೆಳೆಯುತ್ತಿದೆ. ಅದುವೇ ಶ್ರೀರಾಮನಿಗೆ ಶಿವಪೂಜೆ ಮಾಡಿಸಿ, ಕೊನೆಗೆ ‘ವಿಜಯೀಭವ’ ಎಂದು ಆಶೀರ್ವದಿಸಿದ ರಾವಣನ ಕಥೆ!

ನಿತೇಶ್ ತಿವಾರಿ ನಿರ್ದೇಶನದ, ರಣಬೀರ್ ಕಪೂರ್, ಸಾಯಿ ಪಲ್ಲವಿ ಮತ್ತು ಯಶ್ ಅಭಿನಯದ ‘ರಾಮಾಯಣ’ ಸಿನಿಮಾದ ಕುರಿತು ಚರ್ಚೆಗಳು ಜೋರಾಗಿರುವ ಬೆನ್ನಲ್ಲೇ, ಮಹಾಕಾವ್ಯಕ್ಕೆ ಸಂಬಂಧಿಸಿದ ಇಂತಹ ಅಪರೂಪದ ಕಥೆಗಳು ಮತ್ತೊಮ್ಮೆ ಮುನ್ನೆಲೆಗೆ ಬರುತ್ತಿವೆ.

ಶಿವಪೂಜೆಗೆ ಶತ್ರುವನ್ನೇ ಆಹ್ವಾನಿಸಿದ ರಾಮ!

ಜನಪ್ರಚಲಿತ ಕಥೆಯ ಪ್ರಕಾರ, ಲಂಕೆಯ ಮೇಲೆ ಯುದ್ಧ ಸಾರುವ ಮೊದಲು ಶ್ರೀರಾಮನು ರಾಮೇಶ್ವರದಲ್ಲಿ ಶಿವಲಿಂಗವನ್ನು ಪ್ರತಿಷ್ಠಾಪಿಸಿ ಪೂಜೆ ಸಲ್ಲಿಸಲು ನಿರ್ಧರಿಸಿದನು. ಯುದ್ಧದಲ್ಲಿ ಜಯಗಳಿಸಲು ಪರಮಶಿವನ ಅನುಗ್ರಹ ಪಡೆಯುವುದು ಆತನ ಉದ್ದೇಶವಾಗಿತ್ತು. ಪೂಜೆಯನ್ನು ಶಾಸ್ತ್ರೋಕ್ತವಾಗಿ ನೆರವೇರಿಸಲು ಶ್ರೇಷ್ಠ ವೇದಪಂಡಿತನ ಅಗತ್ಯವಿದ್ದಾಗ, ಮಹಾನ್ ಶಿವಭಕ್ತನೂ ಪಾಂಡಿತ್ಯಶಾಲಿಯೂ ಆಗಿದ್ದ ರಾವಣನನ್ನೇ ಪುರೋಹಿತನಾಗಿ ಆಹ್ವಾನಿಸಿದನೆಂದು ಹೇಳಲಾಗುತ್ತದೆ.

ಸೀತೆಯನ್ನು ಕರೆತಂದ ಲಂಕಾಧಿಪತಿ!

ಶತ್ರುವಿನ ಆಹ್ವಾನವಾಗಿದ್ದರೂ, ಬ್ರಾಹ್ಮಣನಾಗಿ ಧಾರ್ಮಿಕ ವಿಧಿವಿಧಾನಗಳನ್ನು ನೆರವೇರಿಸುವುದು ತನ್ನ ಕರ್ತವ್ಯವೆಂದು ರಾವಣ ಒಪ್ಪಿಕೊಂಡನೆಂಬುದು ಈ ಕಥೆಯ ಮತ್ತೊಂದು ವಿಶೇಷ. ಆ ಸಮಯದಲ್ಲಿ ಸೀತೆ ಲಂಕೆಯಲ್ಲಿ ಬಂಧಿಯಾಗಿದ್ದಳು. ಪೂಜೆಗೆ ಪತ್ನಿ ಸಮೇತರಾಗಿ ಕುಳಿತುಕೊಳ್ಳಬೇಕೆಂಬ ಸಂಪ್ರದಾಯದ ಹಿನ್ನೆಲೆಯಲ್ಲಿ, ರಾವಣನು ಸೀತೆಯನ್ನು ಪುಷ್ಪಕ ವಿಮಾನದಲ್ಲಿ ಕರೆತಂದು ಶ್ರೀರಾಮನ ಪಕ್ಕದಲ್ಲಿ ಕೂರಿಸಿದನೆಂದು ಜನಪದ ಕಥೆಗಳು ವಿವರಿಸುತ್ತವೆ.

ತನ್ನ ಶತ್ರುವಿಗೇ ವಿಜಯದ ಆಶೀರ್ವಾದ!

ಪೂಜೆ ಮುಗಿದ ಬಳಿಕ ಶ್ರೀರಾಮನು ಪುರೋಹಿತನಾಗಿದ್ದ ರಾವಣನ ಆಶೀರ್ವಾದ ಪಡೆದನೆಂದೂ, ರಾವಣನು ಆತನಿಗೆ ‘ವಿಜಯೀಭವ’ ಎಂದು ಹರಸಿದನೆಂದೂ ಈ ಕಥೆಯಲ್ಲಿ ಹೇಳಲಾಗುತ್ತದೆ. ಬಳಿಕ ಸೀತೆಯನ್ನು ಮತ್ತೆ ಲಂಕೆಗೆ ಕರೆದೊಯ್ದನೆಂಬ ವಿವರಣೆಯೂ ಇದೆ.

ಆದರೆ, ಈ ಪ್ರಸಂಗವು ಮೂಲ ವಾಲ್ಮೀಕಿ ರಾಮಾಯಣದಲ್ಲಿ ಕಂಡುಬರುವುದಿಲ್ಲ. ಇದು ಅಧ್ಯಾತ್ಮ ರಾಮಾಯಣ ಮತ್ತು ವಿವಿಧ ಪ್ರಾದೇಶಿಕ ಜನಪದ ಪರಂಪರೆಗಳಿಗೆ ಸಂಬಂಧಿಸಿದ ಕಥೆಯಾಗಿ ಜನಪ್ರಿಯವಾಗಿದೆ. ರಾವಣನ ಪಾಂಡಿತ್ಯ, ಶಿವಭಕ್ತಿ ಮತ್ತು ಧಾರ್ಮಿಕ ಕರ್ತವ್ಯನಿಷ್ಠೆಯನ್ನು ನೆನಪಿಸುವ ಈ ಪ್ರಸಂಗ, ಶತ್ರುತ್ವದ ನಡುವೆಯೂ ಧರ್ಮಕ್ಕೆ ಮಹತ್ವ ನೀಡುವ ಸಂದೇಶವನ್ನು ಸಾರುತ್ತದೆ.

ಶ್ರೀರಾಮ-ರಾವಣ ಯುದ್ಧಕ್ಕೂ ಮುನ್ನ ನಡೆದ ಅಚ್ಚರಿಯ ಸಂಗತಿಯೊಂದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. 'ಶತ್ರುವಾಗಿದ್ದರೂ, 'ರಾಘವನಿಗೆ ಜಯವಾಗಲಿ' ಎಂದು ರಾವಣನೇ ಹರಸಿದ್ದನಂತೆ' ಎಂಬ ಸುದ್ದಿ ಇದೀಗ ಜಗತ್ತಿನ ತುಂಬೆಲ್ಲಾ ಹರಡಿದ್ದು, ತ್ರೇತಾಯುಗದಲ್ಲಿ ಧರ್ಮಕ್ಕೆ ಅದೆಷ್ಟು ಮಹತ್ವದ ಸ್ಥಾನ ಇತ್ತು, ಹಾಗೂ ಮಾನವ-ದಾನವ ಎಲ್ಲರಲ್ಲಿಯೂ ಧರ್ಮ ಮನೆಮಾಡಿತ್ತು ಎನ್ನಲಾಗುತ್ತಿದೆ.

ವಿದ್ಯಾರ್ಥಿ ಪ್ರೊಟೆಸ್ಟ್‌ನಲ್ಲಿ ಆಸ್ತಿ ಹಾನಿಯಾದ್ರೆ ಪೋಷಕರು ಪಾವಕಿಸಬೇಕು, ಹೊಸ ನೀತಿ ತಂದ PM ಮೆಲೋನಿ

Chethan Kumar — Wed, 21 Oct 2026 18:37:19 +0530

ಇಟಲಿ (ಅ.21) ಭಾರತದಲ್ಲಿ ವಿದ್ಯಾರ್ಥಿಗಳ ಹೋರಾಟಗಳು ನಡೆಯುತ್ತಿದೆ. ಇನ್ನು ಫ್ರಾನ್ಸ್, ಬೆಲ್ಜಿಯಂ ಸೇರಿದಂತೆ ಯೂರೋಪ್ ರಾಷ್ಟ್ರದಲ್ಲ ವಿದ್ಯಾರ್ಥಿಗಳ ಹೆಸರಿನಲ್ಲಿ ಪ್ರತಿಭಟನೆಗಳು ತೀವ್ರಗೊಳ್ಳುತ್ತಿದೆ. ಫ್ರಾನ್ಸ್ ಹೊತ್ತಿ ಉರಿಯುತ್ತಿದೆ. ಈ ಬೆಳವಣಿಗೆ ನಡುವೆ ಇಟಲಿಯಲ್ಲಿ ಪ್ರಧಾನಿ ಜಾರ್ಜಿಯಾ ಮೆಲೋನಿ ಕಟ್ಟು ನಿಟ್ಟಿನ ನಿಯಮ ಜಾರಿಗೆ ತಂದಿದ್ದಾರೆ. ಕಳೆದ ಹಲವು ವರ್ಷಗಳಿಂದ ಭಾರಿ ವಿವಾದಕ್ಕೆ ಕಾರಣಾಗಿದ್ದ ಈ ನೀತಿಯನ್ನು ಸದ್ಯದ ಪ್ರತಿಭಟನೆ ಬೆಳವಣಿಗೆ ನಡುವೆ ಜಾರಿಗೆ ತಂದಿದ್ದಾರೆ. ಈ ಮೂಲಕ ವಿದ್ಯಾರ್ಥಿಗಳು ಪ್ರತಿಭಟನೆ ಮಾಡಿದರೆ ಈ ಪೈಕಿ ಅಪ್ರಾಪ್ತರು ಸಾರ್ವಜನಿಕ ಆಸ್ತಿ ಪಾಸ್ತಿ ನಾಶ ಮಾಡುವುದು, ಅಂಗಡಿ ಮುಂಗಟ್ಟುಗಳು ಲೂಟಿ ಮಾಡಿದರೆ ಅಪ್ರಾಪ್ತರ ಪೋಷಕರು ನಾಶದ ಹಣ ಪಾವತಿಸಬೇಕು. ಹೊಸ ನೀತಿಯನ್ನು ಪ್ರಧಾನಿ ಮೆಲೋನಿ ಘೋಷಿಸಿದ್ದಾರೆ.

ಅಪ್ರಾಪ್ತರ ಪೋಷಕರಿಂದ ವಸೂಲಿ

ಇಟಲಿ ಸರ್ಕಾರ ಹೊಸ ನೀತಿಗೆ ಅನುಮೋದನೆ ನೀಡಿದೆ. ದಂಗೆ,ಹಿಂಸೆ ವೇಳೆ ಹಲವು ಬಾರಿ ಅಪ್ರಾಪ್ತರು ಅನ್ನೋ ಕಾರಣಕ್ಕೆ ಶಿಕ್ಷೆ ನೀಡಲು, ಸಾರ್ವಜನಿಕ ಆಸ್ತಿ ಪಾಸ್ತಿ ನಾಶದ ಹೊಣೆಯನ್ನು ಹೊರಿಸಲು ಸಾಧ್ಯವಾಗುವುದಿಲ್ಲ. ಇದು ಸರ್ಕಾರದ ಬೊಕ್ಕಸದ ಮೇಲೆ ಪರಿಣಾಮ ಬೀರುವುದು ಮಾತ್ರವಲ್ಲ, ಮತ್ತಷ್ಟು ಅಪ್ರಾಪ್ತರು ಅಪರಾಧ ಎಸಗಲು ಆಹ್ವಾನ ನೀಡಿದಂತೆ ಎಂಬ ಚರ್ಚೆ ನಡೆಯುತ್ತಲೇ ಇತ್ತು. ಸದ್ಯ ಯೂರೋಪ್ ಎಲ್ಲೆಡೆ ವಿದ್ಯಾರ್ಥಿ ಹೆಸರಿನಲ್ಲಿ ಪ್ರತಿಭಟನೆ ನಡೆಯುತ್ತಿದೆ. ಅಂಗಡಿಗಳನ್ನು ಲೂಟಿ ಮಾಡಲಾಗುತ್ತಿದೆ. ಪಾರಂಪರಿಕ ಕಟ್ಟಗಳು, ಐತಿಹಾಸಿಕ ಕಟ್ಟಡಗಳಿಗೆ ಬೆಂಕಿ ಹಚ್ಚಲಾಗುತ್ತಿದೆ. ಇದರಿಂದ ಎಚ್ಚೆತ್ತುಕೊಂಡಿರುವ ಇಟಲಿ ಸರ್ಕಾರ ಹೊಸ ನೀತಿಗೆ ಅನುಮೋದನೆ ನೀಡಿದೆ.

ಹೊತ್ತಿ ಉರಿಯುತ್ತಿದೆ ಉತ್ತರ ಇಟಲಿ

ಉತ್ತರ ಇಟಲಿಯಲ್ಲಿ ಹಿಂಸಾತ್ಮಕ ಪ್ರತಿಭಟನೆ ತೀವ್ರಗೊಂಡಿದೆ. ಭಾರಿ ಪ್ರಮಾಣದಲ್ಲಿ ಆಸ್ತಿಪಾಸ್ತಿಗಳು ನಾಶವಾಗಿದೆ. ಉತ್ತರ ಇಟಲಿಯ ಹಲವು ಭಾಗದಲ್ಲಿ ವಿದ್ಯಾರ್ಥಿಗಳು, ಅಪ್ರಾಪ್ತ ವಯಸ್ಕರು ಪ್ರತಿಭಟನೆ ಹೆಸರಿನಲ್ಲಿ ಬೀದಿಗಿಳಿದಿದ್ದಾರೆ. ಪೊಲೀಸರ ಮೇಲೂ ದಾಳಿ ಮಾಡಿದ್ದಾರೆ. ಅಂಗಡಿಗಳ ಗಾಜು, ಬಾಗಿಲು ಮುರಿದು ಇದ್ದ ವಸ್ತುಗಳನ್ನು ದೋಚಿದ್ದಾರೆ. ಹಲವು ಅಂಗಡಿಗಳಿಗೆ ಬೆಂಕಿ ಹಚ್ಚಿದ್ದಾರೆ. ಈ ಬೆಳವಣಿಗೆ ಬೆನ್ನಲ್ಲೇ ಮೆಲೋನಿ ಹೊಸ ನೀತಿ ಜಾರಿಗೆ ತಂದಿದ್ದಾರೆ.

ಹೊಸ ನೀತಿಗೆ ಅನುಮೋದನೆ ನೀಡಿದ ಬಳಿಕ ಈ ಕುರಿತು ಜಾರ್ಜಿಯಾ ಮೆಲೋನಿ ಪ್ರತಿಕ್ರಿಯಿಸಿದ್ದಾರೆ. ಪ್ರತಿಭಟಿಸಲು ಎಲ್ಲರಿಗೂ ಹಕ್ಕು ಇದೆ. ಪ್ರತಿಭಟನೆ ಹೆಸರಿನಲ್ಲಿ ಸಾರ್ವಜನಿಕ ಆಸ್ತಿ ನಾಶ ಮಾಡುವುದು, ಅಂಗಡಿಗಳ ಲೂಟಿ ಮಾಡುವುದು ಅಪರಾಧವಾಗಿದೆ. ಇದಕ್ಕೆ ಸರ್ಕಾರ ಅವಕಾಶ ಕೊಡುವುದಿಲ್ಲ. ಸಾರ್ವಜನಿಕ ಆಸ್ತಿ ನಾಶ ಮಾಡುವುದು, ಲೂಟಿ ಮಾಡುವುದು ಕ್ರಿಮಿನಲ್ ಪ್ರಕರಣಗಳಾಗಿದೆ. ಇದಕ್ಕೆ ತಕ್ಕೆ ಶಿಕ್ಷೆ ನೀಡಲಾಗುತ್ತದೆ. ಅಪ್ರಾಪ್ತ ಮಕ್ಕಳನ್ನೇ ಈ ಪ್ರತಿಭಟನೆಯಲ್ಲಿ ಬಳಸಿಕೊಳ್ಳಲಾಗುತ್ತದೆ. ಹೀಗಾಗಿ ಪೋಷಕರು ದುಬಾರಿ ದಂಡ ಪಾವತಿಸಬೇಕಾಗುತ್ತದೆ ಎಂದು ಮೆಲೋನಿ ಎಚ್ಚರಿಸಿದ್ದಾರೆ.

ಪ್ರತಿಭಟನೆ ವೇಳೆ ಆಸ್ತಿ ಪಾಸ್ತಿ ನಷ್ಟವಾದರೆ ಪ್ರತಿಭಟನಕಾರರು ಹೊಣೆಯಾಗುತ್ತಾರೆ. ಪ್ರತಿಭಟನೆಯಲ್ಲಿ ಯಾರು ಪಾಲ್ಗೊಳ್ಳುತ್ತಾರೆ, ಪ್ರತಿಭಟನೆ ಯಾವುದೇ ಕ್ಷಣದಲ್ಲೂ ಆಯೋಜಕರ ಕೈಯಿಂದ ಹೈಜಾಕ್ ಆಗದಂತೆ ನೋಡಿಕೊಳ್ಳುವ ಜವಾಬ್ದಾರಿ ಸಂಘಟಕರ ಮೇಲಿರುತ್ತದೆ. ಆಸ್ತಿ ಪಾಸ್ತಿ ನಾಶವಾದರೆ ಅವರೇ ಹೊಣೆಗಾರರು, ಅಪ್ರಾಪ್ತರಾಗಿದ್ದರೆ, ಪೋಷಕರು ಹೊಣೆಗಾರರು ಎಂದು ಮೆಲೋನಿ ಹೇಳಿದ್ದಾರೆ.

ಸಾಯಿ ಪಲ್ಲವಿಯಲ್ಲಿ ಸೀತಾ ದೇವಿಯ ಛಾಯೆ ಕಂಡ ಯಶ್: ರಾಮಾಯಣ ಚಿತ್ರದ ಆ ಸೀಕ್ರೆಟ್ ಕೂಡಾ ಬಿಚ್ಚಿಟ್ರು!

Govindaraj S — Wed, 21 Oct 2026 18:33:58 +0530

ರಾಕಿಂಗ್ ಸ್ಟಾರ್ ಯಶ್ ಇದೀಗ ‘ರಾಮಾಯಣ’ ಚಿತ್ರದ ಮೂಲಕ ಬಾಲಿವುಡ್‌ನಲ್ಲೂ ಸದ್ದು ಮಾಡಲು ಸಜ್ಜಾಗಿದ್ದಾರೆ. ಈ ಸಿನಿಮಾದಲ್ಲಿ ರಾವಣನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವ ಯಶ್, ನಟಿ ಸಾಯಿ ಪಲ್ಲವಿ ಅವರ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ. ಸಾಯಿ ಪಲ್ಲವಿ ಅವರ ವ್ಯಕ್ತಿತ್ವದಲ್ಲಿ ಸೀತಾ ದೇವಿಯ ಛಾಯೆ ಕಾಣಿಸುತ್ತದೆ ಎಂದು ಹೇಳಿರುವ ಅವರು, ಆಕೆಯಲ್ಲಿರುವ ಭಕ್ತಿ, ತೇಜಸ್ಸು ಮತ್ತು ವಿಶೇಷ ಆಕರ್ಷಣೆಯನ್ನು ಕೊಂಡಾಡಿದ್ದಾರೆ. ಯಶ್ ಅವರ ಈ ಮಾತುಗಳು ಇದೀಗ ಅಭಿಮಾನಿಗಳ ಗಮನ ಸೆಳೆಯುತ್ತಿವೆ.

ಸಾಯಿ ಪಲ್ಲವಿ ಬಗ್ಗೆ ಯಶ್ ಹೇಳಿದ್ದೇನು?

ದಕ್ಷಿಣ ಭಾರತದ ಸಿನಿಮಾಗಳ ಮೂಲಕ ಅಪಾರ ಅಭಿಮಾನಿಗಳನ್ನು ಸಂಪಾದಿಸಿರುವ ನಟಿ ಸಾಯಿ ಪಲ್ಲವಿ, ಇದೀಗ ‘ರಾಮಾಯಣ’ ಚಿತ್ರದ ಮೂಲಕ ಸೀತಾ ದೇವಿಯ ಪಾತ್ರದಲ್ಲಿ ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದ್ದಾರೆ. ಈ ಚಿತ್ರದ ಪ್ರೀ-ರಿಲೀಸ್ ಕಾರ್ಯಕ್ರಮದಲ್ಲಿ ಮಾತನಾಡಿದ ಯಶ್, ಸಾಯಿ ಪಲ್ಲವಿ ಅವರ ವ್ಯಕ್ತಿತ್ವ ಮತ್ತು ಸೀತೆಯ ಪಾತ್ರಕ್ಕೆ ಅವರು ಹೇಗೆ ಹೊಂದಿಕೆಯಾಗುತ್ತಾರೆ ಎಂಬುದರ ಬಗ್ಗೆ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಸಾಯಿ ಪಲ್ಲವಿ ಅವರನ್ನು ಪ್ರೀತಿಯಿಂದ ‘ಪಲ್ಲವಿ’ ಎಂದೇ ಕರೆಯುವ ಯಶ್, ಆಕೆ ಅದ್ಭುತ ವ್ಯಕ್ತಿತ್ವ ಹೊಂದಿರುವ ಮಹಿಳೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಅವರಲ್ಲಿ ವಿಶೇಷವಾದ ಸ್ತ್ರೀತ್ವದ ಶಕ್ತಿ ಇದೆ. ಪಲ್ಲವಿ ಅವರ ವ್ಯಕ್ತಿತ್ವದಲ್ಲಿ ಸೀತಾ ದೇವಿಯ ಛಾಯೆ ಕಾಣಿಸುತ್ತದೆ ಎಂದು ತಮಗೆ ಅನಿಸುತ್ತದೆ ಎಂಬ ಅರ್ಥದಲ್ಲಿ ಮಾತನಾಡಿದ್ದಾರೆ. ಅಷ್ಟೇ ಅಲ್ಲದೆ, ಸಾಯಿ ಪಲ್ಲವಿ ಅವರಲ್ಲಿರುವ ಭಕ್ತಿ ಮತ್ತು ವಿಶೇಷ ತೇಜಸ್ಸು ತಮ್ಮನ್ನು ಅಚ್ಚರಿಗೊಳಿಸಿದೆ ಎಂದೂ ಯಶ್ ಹೇಳಿದ್ದಾರೆ. ಸೀತಾ ದೇವಿಯ ಪಾತ್ರವನ್ನು ನಿರ್ವಹಿಸುವುದು ಸುಲಭದ ಕೆಲಸವಲ್ಲ. ಆದರೆ ಸಾಯಿ ಪಲ್ಲವಿ ಅವರಲ್ಲಿ ಆ ಪಾತ್ರಕ್ಕೆ ಬೇಕಾದ ತೇಜಸ್ಸು ಮತ್ತು ಹೊಳಪನ್ನು ಕಾಣಬಹುದು ಎಂದು ಅವರು ಮೆಚ್ಚುಗೆ ಸೂಚಿಸಿದ್ದಾರೆ.

‘ರಾಮಾಯಣ’ದಲ್ಲಿ ರಾವಣನಾಗಿ ಯಶ್; ಸೀತೆಯಾಗಿ ಸಾಯಿ ಪಲ್ಲವಿ

ಕನ್ನಡ ಚಿತ್ರರಂಗದಲ್ಲಿ ‘ಕೆಜಿಎಫ್’ ಸರಣಿಯ ಮೂಲಕ ಜಾಗತಿಕ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ಯಶ್, ಇದೀಗ ‘ರಾಮಾಯಣ: ಪಾರ್ಟ್ 1’ ಚಿತ್ರದ ಮೂಲಕ ಹಿಂದಿ ಚಿತ್ರರಂಗಕ್ಕೂ ಪದಾರ್ಪಣೆ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಅವರು ರಾವಣನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದು, ಅವರ ಪಾತ್ರದ ಬಗ್ಗೆ ಈಗಾಗಲೇ ಭಾರೀ ನಿರೀಕ್ಷೆಗಳು ಮೂಡಿವೆ. ಇನ್ನು ಸಾಯಿ ಪಲ್ಲವಿ ಸೀತಾ ದೇವಿಯ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಪೌರಾಣಿಕ ಕಥೆಯನ್ನು ಆಧರಿಸಿದ ಈ ಬೃಹತ್ ಚಿತ್ರದಲ್ಲಿ ಇಬ್ಬರೂ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುತ್ತಿರುವುದು ವಿಶೇಷವಾಗಿದೆ. ಯಶ್ ಅವರ ಈ ಮೆಚ್ಚುಗೆಯ ಮಾತುಗಳು ಸಾಯಿ ಪಲ್ಲವಿ ಅವರ ಪಾತ್ರದ ಮೇಲಿನ ನಿರೀಕ್ಷೆಯನ್ನೂ ಹೆಚ್ಚಿಸಿವೆ.

ನಿತೇಶ್ ತಿವಾರಿ ನಿರ್ದೇಶನದಲ್ಲಿ ಭರ್ಜರಿಯಾಗಿ ಸಿದ್ಧವಾಗುತ್ತಿರುವ ‘ರಾಮಾಯಣ’

ನಿರ್ದೇಶಕ ನಿತೇಶ್ ತಿವಾರಿ ಸಾರಥ್ಯದಲ್ಲಿ ‘ರಾಮಾಯಣ’ ಸಿನಿಮಾ ಅದ್ದೂರಿಯಾಗಿ ರೂಪುಗೊಳ್ಳುತ್ತಿದೆ. ನಮಿತ್ ಮಲ್ಹೋತ್ರಾ ಅವರ ನಿರ್ಮಾಣದಲ್ಲಿ ಮೂಡಿಬರುತ್ತಿರುವ ಈ ಚಿತ್ರದಲ್ಲಿ ರಣಬೀರ್ ಕಪೂರ್, ಸಾಯಿ ಪಲ್ಲವಿ, ಯಶ್, ಕಾಜಲ್ ಅಗರ್ವಾಲ್, ರಕುಲ್ ಪ್ರೀತ್ ಸಿಂಗ್ ಹಾಗೂ ರವಿ ದುಬೆ ಸೇರಿದಂತೆ ಹಲವು ಕಲಾವಿದರು ನಟಿಸುತ್ತಿದ್ದಾರೆ. ಭಾರತೀಯ ಭಾಷೆಗಳ ಜೊತೆಗೆ ಇಂಗ್ಲಿಷ್‌ನಲ್ಲೂ ಈ ಚಿತ್ರವನ್ನು ಬಿಡುಗಡೆ ಮಾಡುವ ಯೋಜನೆ ಇದೆ. ಪೌರಾಣಿಕ ಕಥೆ, ದೊಡ್ಡ ತಾರಾಗಣ ಮತ್ತು ಅದ್ದೂರಿ ನಿರ್ಮಾಣದ ಕಾರಣದಿಂದಾಗಿ ‘ರಾಮಾಯಣ’ ಭಾರತೀಯ ಚಿತ್ರರಂಗದ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾಗಿದೆ.

ದೀಪಾವಳಿಗೆ ತೆರೆಗೆ ಬರಲಿದೆಯೇ ‘ರಾಮಾಯಣ: ಪಾರ್ಟ್ 1’?

ಇನ್ನು ‘ರಾಮಾಯಣ: ಪಾರ್ಟ್ 1’ ಚಿತ್ರವು 2026ರ ನವೆಂಬರ್ 5ರಂದು ದೀಪಾವಳಿ ಸಂದರ್ಭದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಯಶ್ ರಾವಣನಾಗಿ ಹೇಗೆ ಕಾಣಿಸಿಕೊಳ್ಳಲಿದ್ದಾರೆ? ಸಾಯಿ ಪಲ್ಲವಿ ಸೀತಾ ದೇವಿಯ ಪಾತ್ರಕ್ಕೆ ಯಾವ ರೀತಿಯ ಜೀವ ತುಂಬಲಿದ್ದಾರೆ? ಎಂಬ ಕುತೂಹಲ ಅಭಿಮಾನಿಗಳಲ್ಲಿದೆ. ಸಾಯಿ ಪಲ್ಲವಿ ಅವರ ವ್ಯಕ್ತಿತ್ವದಲ್ಲಿ ಸೀತಾ ದೇವಿಯ ಛಾಯೆ ಕಾಣುತ್ತದೆ ಎಂಬ ಯಶ್ ಅವರ ಮೆಚ್ಚುಗೆಯ ಮಾತುಗಳು ‘ರಾಮಾಯಣ’ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿವೆ. ತೆರೆಮೇಲೆ ಈ ಜೋಡಿಯ ಪಾತ್ರಗಳು ಹೇಗೆ ಮೂಡಿಬರಲಿವೆ ಎಂಬುದನ್ನು ನೋಡಲು ಪ್ರೇಕ್ಷಕರು ಕಾತರದಿಂದ ಕಾಯುತ್ತಿದ್ದಾರೆ.

ಕಿರುತೆರೆಯ 'ರಾಣಿ' ಈಗ ಬೆಳ್ಳಿತೆರೆಗೆ: ಅಮ್ಮ ಮಗಳ ಬಾಂಧವ್ಯಕ್ಕೆ ಜೀವ ತುಂಬಿದ್ದ ಧನ್ವಿಯ ಪಾತ್ರ ಯಾವುದು?

Sathish Kumar KH — Wed, 21 Oct 2026 18:17:00 +0530

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ 'ರಾಣಿ' ಧಾರಾವಾಹಿಯ ಬಾಲನಟಿ ಧನ್ವಿ ಇದೀಗ ಸಿನಿಮಾಗೆ ಕಾಲಿಟ್ಟಿದ್ದಾಳೆ. ಕಿರುತೆರೆಯಲ್ಲಿ ರಾಣಿಯಾಗಿ ಧಾರಾವಾಹಿಯಲ್ಲಿ ಅದ್ಭುತವಾಗಿ ನಟಿಸುತ್ತಿರುವ ಧನ್ವಿಗೆ ಬೆಳ್ಳಿತೆರೆಯ ಬಾಗಿಲು ತೆರೆದಿದೆ. ಇಲ್ಲಿ ತಾಯಿ-ಮಗಳ ಬಾಂಧವ್ಯಕ್ಕೆ ಜೀವ ತುಂಬಿದ ರಾಣಿ, ಶಬರಿ ಸಿನಿಮಾದಲ್ಲಿ ಅಪ್ಪ-ಮಗಳ ಬಾಂಧವ್ಯಕ್ಕೆ ಸಾಕ್ಷಿಯಾಗಲಿದ್ದಾಳೆ. ಇದೀಗ ಶಬರಿ ಚಿತ್ರತಂಡವು ಸಿದ್ದಗಂಗಾ ಮಠಕ್ಕೆ ಭೇಟಿ ನೀಡಿ ಶ್ರೀ ಸಿದ್ದಲಿಂಗ ಸ್ವಾಮೀಜಿ ಆಶೀರ್ವಾದ ಪಡೆದಿದ್ದಾರೆ.

'ಒರಟ ಐ ಲವ್ ಯು' ಚಿತ್ರ ಖ್ಯಾತಿಯ ನಿರ್ದೇಶಕ ಒರಟ ಶ್ರೀ ನಿರ್ದೇಶಿಸಿರುವ ‘ಶಬರಿ’ ಚಲನಚಿತ್ರ ತಂಡದವರು ಸೋಮವಾರ ಬೆಳಗ್ಗೆ ಸಿದ್ಧಗಂಗಾ ಮಠಕ್ಕೆ ಭೇಟಿ ನೀಡಿ ಸಿದ್ಧಲಿಂಗ ಸ್ವಾಮೀಜಿಗಳ ಆಶೀರ್ವಾದ ಪಡೆದರು. ಅಲ್ಲದೆ ಡಾ. ಶಿವಕುಮಾರ ಸ್ವಾಮೀಜಿಗಳ ಗದ್ದುಗೆಗೂ ಭೇಟಿ ನೀಡಿ ಪೂಜೆ ಸಲ್ಲಿಸಿದರು.

ಸಂಬಂಧಗಳ ಸೇತುವೆ ಕಟ್ಟುವ ಸಿನಿಮಾ ನಿರ್ಮಾಣವಾಗಲಿ

ಈ ವೇಳೆ ಶಬರಿ ಚಿತ್ರದ ಭಿತ್ತಿಪತ್ರ ಬಿಡುಗಡೆ ಮಾಡಿದ ಸ್ವಾಮೀಜಿ, ಇಂದು ಮನುಷ್ಯ ಸಂಬಂಧಗಳ ನಡುವೆ ಕಂದಕಗಳು ನಿರ್ಮಾಣವಾಗಿ ಕೌಟುಂಬಿಕ ಸಮಸ್ಯೆಗಳು ಹೆಚ್ಚಾಗುತ್ತಿವೆ. ತಂದೆ-ಮಗಳ ಬಾಂಧವ್ಯದ ಮಹತ್ವ ಹೊಂದಿರುವ ಕಥೆ ಒಳಗೊಂಡ ಶಬರಿ ಚಿತ್ರವು ಕೌಟುಂಬಿಕ ಸಾಮರಸ್ಯ ಸಾರುವ ಚಿತ್ರವಾಗಿದೆ. ಇವತ್ತಿನ ದಿನಮಾನದಲ್ಲಿ ಜನರಲ್ಲಿ, ಸಮಾಜದಲ್ಲಿ ಬಾಂಧವ್ಯ ಬೆಸೆಯುವ, ಭಾವೈಕ್ಯತೆಯ ಭಾವನೆ ಬಿತ್ತುವ ಕೆಲಸ ಆಗಬೇಕು. ತಂದೆ-ಮಗಳು, ಗಂಡ-ಹೆಂಡತಿ, ಬಂಧು ಬಳಗದ ನಡುವೆ ಬಿರುಕು ಹೆಚ್ಚಾಗುತ್ತಿದೆ. ಸಂಬಂಧಗಳ ನಡುವಿನ ಬಿರುಕು ಹೋಗಲಾಡಿಸಿ ಸೇತುವೆ ಕಟ್ಟುವ ಮೂಲಕ ಸಮಾಜದ ಪರಿವರ್ತನೆಗೆ ಈ ಚಿತ್ರಕಾರಣವಾಗಲಿ ಎಂದು ಸಿದ್ಧಲಿಂಗ ಸ್ವಾಮೀಜಿ ಹಾರೈಸಿದರು.

ಶಬರಿಚಿತ್ರ ನಿರ್ದೇಶಕ ಒರಟ ಶ್ರೀ, ಕನ್ನಡ ಸೇನೆ ಜಿಲ್ಲಾಧ್ಯಕ್ಷ ಡಾ.ಧನಿಯಾಕುಮಾರ್, ಶಬರಿ ಪಾತ್ರದಲ್ಲಿ ಅಭಿನಯಿಸಿರುವ ರಾಣಿ’ ಧಾರಾವಾಹಿಯ ರಾಣಿ ಪಾತ್ರಧಾರಿ ಧನ್ವಿ, ಚಿತ್ರದ ನಾಯಕ ಸಮರ್ಥ್, ಖಡಕ್ ಪೊಲೀಸ್‌ ಅಧಿಕಾರಿ ಪಾತ್ರದಲ್ಲಿರುವ ಯೋಗೀಶ್ ವೀರ್ ಮೊದಲಾದವರು ಈ ವೇಳೆ ಹಾಜರಿದ್ದರು. ಬರವಿ ಫಿಲಂ ಬ್ಯಾನರ್‌ ಅಡಿಯಲ್ಲಿ ಶಬರಿಚಿತ್ರ ನಿರ್ಮಾಣವಾಗಿದ್ದು, ರಮೇಶ್, ಸುಧಾಕರ ರೆಡ್ಡಿ, ವಿಷ್ಣುಕಾಂತ್‌ ಚಿತ್ರ ನಿರ್ಮಾಣ ಮಾಡಿದ್ದಾರೆ. ಈ ತಿಂಗಳ 23 ರಂದು ಶಬರಿ ಚಿತ್ರ ರಾಜ್ಯಾದ್ಯಂತ ಬಿಡುಗಡೆ ಆಗಲಿದೆ ಎಂದು ನಿರ್ದೇಶಕ ಒರಟ ಶ್ರೀ ಹೇಳಿದರು.

ಧ್ರುವ ಸರ್ಜಾ ಜೊತೆ ‘ಕೆಮಿಸ್ಟ್ರಿ’ ಮಾಡಿದ ‘ವಜ್ರಕಾಯ’ ನಭಾ: ಮುಂದಿನ ಚಿತ್ರದ ಬಗ್ಗೆ ಬಿಚ್ಚಿಟ್ಟ ಆಸೆ ಏನು?

Govindaraj S — Wed, 21 Oct 2026 18:12:47 +0530

ಸ್ಯಾಂಡಲ್‌ವುಡ್‌ನಲ್ಲಿ ‘ವಜ್ರಕಾಯ’ ಸಿನಿಮಾ ಮೂಲಕ ಗಮನ ಸೆಳೆದಿದ್ದ ನಟಿ ನಭಾ ನಟೇಶ್ ಇದೀಗ ಮತ್ತೆ ಕನ್ನಡ ಚಿತ್ರರಂಗಕ್ಕೆ ಮರಳಲು ಸಜ್ಜಾಗಿದ್ದಾರೆ. ನಟ ಧ್ರುವ ಸರ್ಜಾ ಜೊತೆ ‘ಕೆಮಿಸ್ಟ್ರಿ’ ಎಂಬ ರೊಮ್ಯಾಂಟಿಕ್ ಡ್ರಾಮಾ ಸಿನಿಮಾದಲ್ಲಿ ನಭಾ ನಟಿಸುತ್ತಿದ್ದು, ಬಹಳ ಸಮಯದ ಬಳಿಕ ಕನ್ನಡ ಪ್ರೇಕ್ಷಕರ ಮುಂದೆ ಬರಲಿದ್ದಾರೆ. ಇದೇ ವೇಳೆ ಕನ್ನಡದ ದಿಗ್ಗಜ ನಟರ ಸಿನಿಮಾಗಳನ್ನು ನೋಡುತ್ತಾ ಬೆಳೆದ ದಿನಗಳನ್ನು ನೆನಪಿಸಿಕೊಂಡಿರುವ ಅವರು, ಮುಂದಿನ ದಿನಗಳಲ್ಲಿ ಹಾರರ್ ಸಿನಿಮಾಗಳಲ್ಲಿ ಹಾಗೂ ಭಾವನಾತ್ಮಕವಾಗಿ ಕುಸಿದಿರುವ ವಿಭಿನ್ನ ಪಾತ್ರಗಳಲ್ಲಿ ನಟಿಸುವ ಆಸೆಯನ್ನೂ ವ್ಯಕ್ತಪಡಿಸಿದ್ದಾರೆ.

ಧ್ರುವ ಸರ್ಜಾ ಜೊತೆ ‘ಕೆಮಿಸ್ಟ್ರಿ’ ಮೂಲಕ ಕನ್ನಡಕ್ಕೆ ರೀ ಎಂಟ್ರಿ

ನಭಾ ನಟೇಶ್ ಕನ್ನಡ ಚಿತ್ರರಂಗಕ್ಕೆ ‘ವಜ್ರಕಾಯ’ ಸಿನಿಮಾ ಮೂಲಕ ಪರಿಚಯವಾದವರು. ಆ ಬಳಿಕ ಅವರ ಸಿನಿ ಪಯಣ ಬೇರೆ ದಿಕ್ಕಿನಲ್ಲಿ ಸಾಗಿತ್ತು. ಇದೀಗ ಧ್ರುವ ಸರ್ಜಾ ಅಭಿನಯದ ‘ಕೆಮಿಸ್ಟ್ರಿ’ ಚಿತ್ರದ ಮೂಲಕ ಮತ್ತೆ ಕನ್ನಡ ಸಿನಿಮಾದಲ್ಲಿ ನಟಿಸುವ ಅವಕಾಶ ಸಿಕ್ಕಿರುವುದಕ್ಕೆ ಅವರು ಸಂತಸ ವ್ಯಕ್ತಪಡಿಸಿದ್ದಾರೆ. ‘ವೆರೈಟಿ ಇಂಡಿಯಾ’ ಜೊತೆಗಿನ ಸಂಭಾಷಣೆಯಲ್ಲಿ ಮಾತನಾಡಿರುವ ನಭಾ, ತಮ್ಮ ಮಾತೃಭಾಷೆಯಲ್ಲಿ ಮತ್ತೆ ನಟಿಸಬೇಕು ಮತ್ತು ಕನ್ನಡ ಚಿತ್ರರಂಗಕ್ಕೆ ಮರಳಬೇಕು ಎಂಬ ಆಸೆ ಬಹಳ ಹಿಂದಿನಿಂದಲೂ ಇತ್ತು ಎಂದು ಹೇಳಿದ್ದಾರೆ. ‘ಕೆಮಿಸ್ಟ್ರಿ’ ಆ ಕನಸನ್ನು ನನಸಾಗಿಸುತ್ತಿದೆ ಎಂದು ಅವರು ತಿಳಿಸಿದ್ದಾರೆ.

2017ರಲ್ಲಿ ಬಿಡುಗಡೆಯಾದ ‘ಸಾಹೇಬ’ ಚಿತ್ರದ ಬಳಿಕ ಕನ್ನಡದಲ್ಲಿ ಅವರ ಹೊಸ ಸಿನಿಮಾ ಕಾಣಿಸಿಕೊಂಡಿರಲಿಲ್ಲ. ಇದೀಗ ಸುಮಾರು ಒಂಬತ್ತು ವರ್ಷಗಳ ಅಂತರದ ನಂತರ ಕನ್ನಡ ಚಿತ್ರರಂಗಕ್ಕೆ ಮರಳುತ್ತಿರುವುದು ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ. ‘ಕೆಮಿಸ್ಟ್ರಿ’ ಒಂದು ಪ್ರೇಮಕಥೆಯಾಗಿದ್ದು, ಇಂದಿನ ಮಹಿಳೆಯರ ಬದುಕಿಗೆ ಸಂಬಂಧಿಸಿದ ಅಂಶಗಳನ್ನೂ ಒಳಗೊಂಡಿರುವ ವಿಭಿನ್ನ ಪಾತ್ರದಲ್ಲಿ ನಟಿಸುವ ಅವಕಾಶ ಸಿಕ್ಕಿದೆ ಎಂದು ನಭಾ ಹೇಳಿದ್ದಾರೆ.

ಅಪಘಾತದ ಬಳಿಕ ಮೂರು ವರ್ಷಗಳ ವಿರಾಮ; ಮತ್ತೆ ಬಲವಾಗಿ ಮರಳಿದ ನಟಿ

ನಭಾ ನಟೇಶ್ ತಮ್ಮ ವೃತ್ತಿಜೀವನದಲ್ಲಿ ಎದುರಿಸಿದ ಕಠಿಣ ಸಮಯವನ್ನೂ ನೆನಪಿಸಿಕೊಂಡಿದ್ದಾರೆ. 2021ರಲ್ಲಿ ಕಾಂಕ್ರೀಟ್ ನೆಲದ ಮೇಲೆ ಜಾರಿ ಬಿದ್ದ ಪರಿಣಾಮ ಅವರ ಭುಜದ ಮೂಳೆ ಮುರಿದಿತ್ತು. ಈ ಗಂಭೀರ ಅಪಘಾತದಿಂದಾಗಿ ಅವರು ಸುಮಾರು ಮೂರು ವರ್ಷಗಳ ಕಾಲ ನಟನೆಯಿಂದ ವಿರಾಮ ತೆಗೆದುಕೊಳ್ಳಬೇಕಾಯಿತು. ಈ ಕುರಿತು ಮಾತನಾಡಿರುವ ನಭಾ, ಅಪಘಾತದ ಬಳಿಕ ನಟನೆಯಿಂದ ದೂರ ಉಳಿಯಬೇಕಾಯಿತು. ಆದರೆ ಆ ವಿರಾಮದ ನಂತರ ಇನ್ನಷ್ಟು ಬಲವಾಗಿ ಮರಳಿದ್ದೇನೆ ಎಂಬ ಅರ್ಥದಲ್ಲಿ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದಾರೆ. ವೃತ್ತಿಜೀವನದಲ್ಲಿ ಇಂತಹ ಸವಾಲುಗಳನ್ನು ಎದುರಿಸಿದರೂ, ಮತ್ತೆ ಸಿನಿಮಾ ಲೋಕದಲ್ಲಿ ಸಕ್ರಿಯರಾಗಿರುವುದು ಅವರ ಅಭಿಮಾನಿಗಳಿಗೆ ಖುಷಿಯ ವಿಚಾರವಾಗಿದೆ.

ಕನ್ನಡದ ದಿಗ್ಗಜರ ಸಿನಿಮಾಗಳನ್ನು ನೋಡುತ್ತಾ ಬೆಳೆದ ನಭಾ

ಕನ್ನಡ ಚಿತ್ರರಂಗಕ್ಕೆ ಮರಳುತ್ತಿರುವ ಸಂದರ್ಭದಲ್ಲಿ ನಭಾ ನಟೇಶ್ ತಮ್ಮ ಬಾಲ್ಯದ ಸಿನಿಮಾ ನೆನಪುಗಳನ್ನೂ ಹಂಚಿಕೊಂಡಿದ್ದಾರೆ. ಡಾ. ರಾಜ್‌ಕುಮಾರ್, ಶಂಕರ್ ನಾಗ್, ಅನಂತ್ ನಾಗ್, ಅಂಬರೀಷ್ ಹಾಗೂ ವಿಷ್ಣುವರ್ಧನ್ ಅವರಂತಹ ಕನ್ನಡದ ದಿಗ್ಗಜ ನಟರ ಸಿನಿಮಾಗಳನ್ನು ನೋಡುತ್ತಾ ಬೆಳೆದಿದ್ದೇನೆ ಎಂದು ಅವರು ಹೇಳಿದ್ದಾರೆ.

‘ವಜ್ರಕಾಯ’ ಚಿತ್ರದ ಮೂಲಕ ಕನ್ನಡದಲ್ಲಿ ನಟಿಸಲು ಆರಂಭಿಸಿದ ಬಳಿಕ ತಮ್ಮ ವೃತ್ತಿಜೀವನ ಬೇರೆ ದಿಕ್ಕಿನಲ್ಲಿ ಸಾಗಿತು. ಆದರೂ ಕನ್ನಡಕ್ಕೆ ಮರಳಿ, ತೆರೆಮೇಲೆ ತಮ್ಮ ಮಾತೃಭಾಷೆಯಲ್ಲಿ ಮಾತನಾಡಬೇಕು ಎಂಬ ಆಸೆ ಸದಾ ಇತ್ತು. ಇದೀಗ ‘ಕೆಮಿಸ್ಟ್ರಿ’ ಮೂಲಕ ಆ ಆಸೆ ಈಡೇರುತ್ತಿದೆ ಎಂದು ನಭಾ ತಿಳಿಸಿದ್ದಾರೆ. ತೆಲುಗಿನಲ್ಲಿ ‘ನನ್ನು ದೋಚುಕುಂದುವಟೆ’ ಚಿತ್ರದ ಮೂಲಕವೂ ಪ್ರೇಕ್ಷಕರ ಗಮನ ಸೆಳೆದಿದ್ದ ನಭಾ, ಇದೀಗ ಪ್ರೇಮಕಥೆಯ ಮೂಲಕ ಮತ್ತೊಮ್ಮೆ ಈ ಪ್ರಕಾರದ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

ಮಹಿಳಾ ಪಾತ್ರಗಳಲ್ಲಿ ಬದಲಾವಣೆ; ಹೊಸ ಕಥೆಗಳಿಗೆ ನಭಾ ಮೆಚ್ಚುಗೆ

ಭಾರತೀಯ ಸಿನಿಮಾಗಳಲ್ಲಿ ಮಹಿಳಾ ಪಾತ್ರಗಳನ್ನು ಚಿತ್ರಿಸುವ ರೀತಿಯಲ್ಲೂ ಬದಲಾವಣೆ ಆಗುತ್ತಿದೆ ಎಂದು ನಭಾ ಅಭಿಪ್ರಾಯಪಟ್ಟಿದ್ದಾರೆ. ಹಿಂದೆ ಮಹಿಳೆಯರ ಅನುಭವಗಳನ್ನು ಒಂದೇ ದೃಷ್ಟಿಕೋನದಿಂದ ತೋರಿಸಲಾಗುತ್ತಿತ್ತು. ಆದರೆ ಈಗಿನ ಕಥೆಗಳಲ್ಲಿ ಮಹಿಳೆಯರ ಬದುಕಿನ ಹಲವು ಆಯಾಮಗಳು, ಭಾವನೆಗಳು ಹಾಗೂ ಸವಾಲುಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ ಸಿಗುತ್ತಿದೆ ಎಂದು ಅವರು ಹೇಳಿದ್ದಾರೆ.

ಮಹಿಳಾ ದೃಷ್ಟಿಕೋನದಿಂದ ಹೇಳಲಾಗುತ್ತಿರುವ ಕಥೆಗಳು ಹೆಚ್ಚುತ್ತಿರುವುದು ಚಿತ್ರರಂಗದಲ್ಲಿ ಸಕಾರಾತ್ಮಕ ಬದಲಾವಣೆ ಎಂದು ನಭಾ ಅಭಿಪ್ರಾಯಪಟ್ಟಿದ್ದಾರೆ. ಭಾಷೆಗಳ ಗಡಿ ದಾಟಿ ವಿಭಿನ್ನ ಕಥೆಗಳು ಪ್ರೇಕ್ಷಕರನ್ನು ತಲುಪುತ್ತಿರುವ ಈ ಸಂದರ್ಭದಲ್ಲಿ, ಮಹಿಳಾ ಪಾತ್ರಗಳಿಗೂ ಹೆಚ್ಚಿನ ಆಳ ಮತ್ತು ವಿಭಿನ್ನ ವ್ಯಕ್ತಿತ್ವ ನೀಡಲಾಗುತ್ತಿದೆ ಎಂಬುದು ಅವರ ಮಾತಿನ ಸಾರ.

ಹಾರರ್ ಸಿನಿಮಾ, ಭಾವನಾತ್ಮಕವಾಗಿ ಕುಸಿದ ಪಾತ್ರ; ನಭಾ ಮನಸ್ಸಿನಲ್ಲಿದೆ ಹೊಸ ಆಸೆ!

ನಭಾ ನಟೇಶ್ ಮುಂದಿನ ದಿನಗಳಲ್ಲಿ ಪ್ರಯೋಗಾತ್ಮಕ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವ ಆಸೆ ಹೊಂದಿದ್ದಾರೆ. ವಿಶೇಷವಾಗಿ ಹಾರರ್ ಥ್ರಿಲ್ಲರ್ ಸಿನಿಮಾಗಳಲ್ಲಿ ನಟಿಸುವುದು ಅಥವಾ ಮಾನಸಿಕವಾಗಿ ಹಾಗೂ ಭಾವನಾತ್ಮಕವಾಗಿ ಸಂಕಷ್ಟದಲ್ಲಿರುವ ವ್ಯಕ್ತಿಯ ಪಾತ್ರವನ್ನು ನಿರ್ವಹಿಸುವುದು ಅವರ ಆಸೆಯಾಗಿದೆ. ರಂಗಭೂಮಿಯ ಹಿನ್ನೆಲೆ ಹೊಂದಿರುವ ನಭಾ, ವಿಭಿನ್ನ ಭಾವನಾತ್ಮಕ ಸ್ಥಿತಿಗಳನ್ನು ಅರ್ಥಮಾಡಿಕೊಂಡು ಪಾತ್ರದಲ್ಲಿ ಜೀವಿಸುವ ತರಬೇತಿ ಪಡೆದಿದ್ದೇನೆ ಎಂದು ಹೇಳಿದ್ದಾರೆ.

ವಿವಿಧ ಪ್ರಕಾರದ ಸಿನಿಮಾಗಳನ್ನು ನೋಡುವುದರಿಂದಲೂ ಹೊಸ ಪಾತ್ರಗಳನ್ನು ಪ್ರಯತ್ನಿಸುವ ಆಸೆ ಹೆಚ್ಚಾಗಿದೆ ಎಂದಿದ್ದಾರೆ. ಕತ್ತಲೆಯ ಛಾಯೆ ಹೊಂದಿರುವ ಪಾತ್ರವಾಗಿರಲಿ ಅಥವಾ ಭಾವನಾತ್ಮಕವಾಗಿ ಮುರಿದುಹೋದ ವ್ಯಕ್ತಿಯ ಪಾತ್ರವಾಗಿರಲಿ, ಇಂತಹ ಸವಾಲಿನ ಪಾತ್ರವೊಂದರಲ್ಲಿ ನಟಿಸಲು ಬಯಸುತ್ತೇನೆ. ಮುಂದಿನ ಸಿನಿಮಾದಲ್ಲಿ ಅಂತಹ ಅವಕಾಶ ಸಿಗಲಿ ಎಂದು ಆಶಿಸುತ್ತಿದ್ದೇನೆ ಎಂಬ ಅರ್ಥದಲ್ಲಿ ತಮ್ಮ ಆಸೆಯನ್ನು ಅವರು ಹಂಚಿಕೊಂಡಿದ್ದಾರೆ.

ಫ್ಲಾರೆನ್ಸ್ ಪ್ಯೂ, ಕೊರಿಯನ್ ಹಾರರ್ ಸಿನಿಮಾ ಇಷ್ಟಪಟ್ಟ ನಭಾ

ಹಾಲಿವುಡ್ ನಟಿ ಫ್ಲಾರೆನ್ಸ್ ಪ್ಯೂ ಅವರ ಅಭಿನಯದ ಬಗ್ಗೆಯೂ ನಭಾ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ‘ಮಿಡ್‌ಸಮ್ಮರ್’ ಮತ್ತು ‘ಎ ಗುಡ್ ಪರ್ಸನ್’ ಸಿನಿಮಾಗಳಲ್ಲಿನ ಅವರ ನಟನೆ ಇಷ್ಟವಾಯಿತು ಎಂದು ಹೇಳಿದ್ದಾರೆ. ಇದಲ್ಲದೆ, ಕೊರಿಯನ್ ಹಾರರ್ ಸಿನಿಮಾ ‘ಎಕ್ಸ್ಹುಮಾ’ ವೀಕ್ಷಿಸಿದ್ದು, ಅದರಲ್ಲಿ ಕಿಮ್ ಗೋ-ಯುನ್ ಅವರ ಅಭಿನಯವೂ ತುಂಬಾ ಇಷ್ಟವಾಯಿತು ಎಂದು ನಭಾ ತಿಳಿಸಿದ್ದಾರೆ. ಹಾರರ್ ಪ್ರಕಾರದ ಸಿನಿಮಾಗಳಲ್ಲಿನ ವಿಭಿನ್ನ ಕಥನ ಮತ್ತು ಅಭಿನಯದ ಸಾಧ್ಯತೆಗಳು ತಮ್ಮನ್ನು ಆಕರ್ಷಿಸುತ್ತವೆ ಎಂಬುದನ್ನೂ ಅವರು ಹಂಚಿಕೊಂಡಿದ್ದಾರೆ.

ಕೊನೆಯದಾಗಿ ‘ಡಾರ್ಲಿಂಗ್’ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು

ಇನ್ನು ನಭಾ ನಟೇಶ್ ಕೊನೆಯದಾಗಿ 2024ರಲ್ಲಿ ಬಿಡುಗಡೆಯಾದ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾ ‘ಡಾರ್ಲಿಂಗ್’ನಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ ಧ್ರುವ ಸರ್ಜಾ ಜೊತೆಗಿನ ‘ಕೆಮಿಸ್ಟ್ರಿ’ ಮೂಲಕ ಕನ್ನಡ ಚಿತ್ರರಂಗಕ್ಕೆ ಮರಳಲು ಸಜ್ಜಾಗಿದ್ದಾರೆ. ಕನ್ನಡದ ದಿಗ್ಗಜ ನಟರ ಸಿನಿಮಾಗಳನ್ನು ನೆನಪಿಸಿಕೊಳ್ಳುವುದರಿಂದ ಹಿಡಿದು, ಮಾತೃಭಾಷೆಯಲ್ಲಿ ಮತ್ತೆ ನಟಿಸುವ ಸಂತಸ ಹಾಗೂ ಹಾರರ್ ಮತ್ತು ಭಾವನಾತ್ಮಕವಾಗಿ ಸವಾಲಿನ ಪಾತ್ರಗಳನ್ನು ಮಾಡುವ ಆಸೆಯವರೆಗೆ ನಭಾ ನಟೇಶ್ ತಮ್ಮ ಮುಂದಿನ ಸಿನಿ ಪಯಣದ ಬಗ್ಗೆ ಹಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ‘ಕೆಮಿಸ್ಟ್ರಿ’ ಚಿತ್ರದಲ್ಲಿ ಧ್ರುವ ಸರ್ಜಾ ಜೊತೆ ಅವರ ಜೋಡಿ ಹೇಗೆ ಮೂಡಿಬರಲಿದೆ ಎಂಬುದನ್ನು ನೋಡಲು ಅಭಿಮಾನಿಗಳು ಕಾತರರಾಗಿದ್ದಾರೆ.

58 ಮಕ್ಕಳ ತಂದೆ! ಮಕ್ಕಳ ಹೆಸರೇ ನೆನಪಿಲ್ಲ, ಹೊಟ್ಟೆ ತುಂಬಿಸಲು ಪರದಾಟ.. ಆದರೂ ಮಕ್ಕಳನ್ನು ಹೆರುತ್ತಲೇ ಇದ್ದಾನೆ

Ganesh Mabla Gowda — Wed, 21 Oct 2026 18:01:19 +0530

ಇವತ್ತಿನ ಯುವಕರು ಮದುವೆ ಮಾಡಿಕೊಂಡರೂ ಮಕ್ಕಳೇ ಬೇಡ ಎಂದು ದೂರ ಸರಿಯುತ್ತಿದ್ದಾರೆ. ಅವರಿವರ ಒತ್ತಾಯಕ್ಕೆ ಮಾಡಿಕೊಂಡರೂ ಒಂದು ಅಥವಾ ಎರಡು ಮಕ್ಕಳಿಗೆ ಸುಸ್ತಾಗಿ ಹೋಗುತ್ತಾರೆ. ಆದರೆ ಇಲ್ಲೊಬ್ಬ ವ್ಯಕ್ತಿ ಇದ್ದಾನೆ. ಆತನಿಗೆ ಬರೋಬ್ಬರಿ 70ಕ್ಕೂ ಹೆಚ್ಚು ಮಕ್ಕಳು. ಅವರಲ್ಲಿ ಸದ್ಯ ಬದುಕಿರೊದು 58 ಮಕ್ಕಳು. ತನ್ನ ಮಕ್ಕಳ ಹೆಸರೇ ಗೊತ್ತಿರದ ಈತನಿಗೆ ಇನ್ನೂ ಮಕ್ಕಳನ್ನ ಮಾಡಿಕೊಳ್ಳುವ ಹೆಸರು. ಅಂದ್ಹಾಗೆ ಈತನ ಕಿರಿಯ ಮಗನಿಗೆ ಈಗಷ್ಟೇ ಮೂರು ತಿಂಗಳು.

ಅಂದ್ಹಾಗೆ ಆತನ ಹೆಸರು ಮುಹಮ್ಮದ್ ಸಾದಿಕ್. ಆಫ್ಘಾನಿಸ್ತಾನ ಮೂಲದ ಈತ, ತನ್ನ 58 ಮಕ್ಕಳ ಸಾಕಲು ಆಗದೇ ಪರದಾಟ ನಡೆಸ್ತಿದ್ದಾನೆ. ಈ ಬಗ್ಗೆ ಬಿಬಿಸಿ ಗ್ಲೋಬಲ್ ವುಮೆನ್ ವರದಿ ಮಾಡಿದೆ. ಆ ವರದಿಗಳ ಪ್ರಕಾರ.. ಸಾಧಿಕ್ ಅವರ ಕಿರಿಯ ಮಗುವಿಗೆ ಕೇವಲ ಮೂರು ತಿಂಗಳು. ಇಷ್ಟೊಂದು ಮಕ್ಕಳನ್ನ ಮಾಡಿಕೊಂಡಿರುವ ಸಾಧಿಕ್ ಅತ್ಯಂತ ಅಗರ್ಭ ಶ್ರೀಮಂತ ಅಲ್ಲವೇ ಅಲ್ಲ. ಆತ ಗಳಿಸೋದು ಅತ್ಯಲ್ಪ ಆದಾಯ. ಇದರಿಂದಾಗಿ ಆತ ತನ್ನ ಕುಟುಂಬದ ದೈನಂದಿನ ಅಗತ್ಯಗಳನ್ನು ಪೂರೈಸಲು ಕಷ್ಟಪಡುತ್ತಿದ್ದಾನೆ. ಅದೆಷ್ಟೋ ಮಕ್ಕಳು ಸಾಕಷ್ಟು ಆಹಾರ, ಪಾದರಕ್ಷೆಗಳು ಮತ್ತು ಇತರ ಅಗತ್ಯ ವಸ್ತುಗಳಿಲ್ಲದೇ ಪರದಾಟ ನಡೆಸ್ತಿದ್ದಾರೆ.

ये देखकर आप माथा पकड़ लेंगे. ये अफगानिस्तान के मो. सादिक हैं. 4 पत्नियों से 70 बच्चे पैदा किया है, इसमें 58 जीवित हैं. सबसे छोटा अभी 3 महीने का है.

अजीब यह कि इनके पास रहने को ढंग का मकान नहीं है. खाना बनाने की व्यवस्था नहीं है. कभी-कभी बच्चे भूखे रह जाते हैं.

अब कहते हैं, अगर मुझे पता होता कि एक दिन मैं ऐसी परिस्थिति में आ जाऊंगा तो मैं कभी इतने बच्चे पैदा नहीं करता.

— Shivani Sahu (@askshivanisahu) October 21, 2026

ಸಾಧಿಕ್ ಕಾರು ಮಾರಾಟದ ಮಳಿಗೆಯಲ್ಲಿ ಕೆಲಸ ಮಾಡುತ್ತಾನೆ. ಕಾರು ಮಾರಾಟದಿಂದ ಬಂದ ಆದಾಯಕ್ಕೆ ಅನುಗುಣವಾಗಿ ಹಣ ಸಂಪಾದನೆ ಮಾಡುತ್ತಾನೆ. ಕಾರುಗಳ ಮಾರಾಟದಿಂದ ಬರುವ ಆದಾಯವೇ ಈತನ ಏಕೈಕ ಆದಾಯದ ಮೂಲ. ಹೀಗಾಗಿ ಅವನ ಎಲ್ಲಾ ಮಕ್ಕಳಿಗೆ ಹೊಟ್ಟೆಗೆ, ಬಟ್ಟೆಗೆ ಮಾಡೋದೇ ಕಷ್ಟವಾಗಿದೆ.

ಹೇಗಿದೆ ಮನೆಯ ವಾತಾವರಣ?

ಅಷ್ಟೊಂದು ಮಕ್ಕಳನ್ನು ಮಾಡಿಕೊಂಡಿರುವ ಪುಣ್ಯಾತ್ಮನಿಗೆ ಉಳಿದುಕೊಳ್ಳಲು ಸರಿಯಾದ ಒಂದು ಮನೆ ಕೂಡ ಇಲ್ಲ. ಮನೆ ಬಾಗಿಲು ಇಲ್ಲ. ಕಿಟಕಿಗಳು ಇಲ್ಲ. ಮಳೆ ಬಂದರೆ ಅವರು ಮಾತ್ರವಲ್ಲ, ಮನೆಯಲ್ಲಿರುವ ವಸ್ತುಗಳೂ ಕೂಡ ಒದ್ದೆ ಆಗುತ್ತವೆ. ಗ್ಯಾಸ್ ವ್ಯವಸ್ಥೆಯೂ ಇಲ್ಲ. ಕಟ್ಟಿಗೆಯಿಂದಲೇ ಅಡುಗೆ ಮಾಡಬೇಕು. ಕಟ್ಟಿಗೆ ಪಡೆಯಲು ಇವರ ಬಳಿ ಅಷ್ಟೊಂದು ಹಣ ಇಲ್ಲ. ಹೀಗಾಗಿ ಆಗಾಗ ಪೇಪರ್‍‌ಗಳನ್ನು ಉರಿಸಲಾಗುತ್ತದೆ. ಹಂಗೋ, ಹಿಂಗೋ ಜೀವನ ನಡೆಯುತ್ತಿದೆ ಎಂದು ವರದಿಯಾಗಿದೆ.

ಸಾಧಿಕ್ ಹೇಳೋದೇನು?

ನನ್ನ ಮನೆಯಲ್ಲಿ ಮಕ್ಕಳೇ ತುಂಬಿ ಹೋಗಿದ್ದಾರೆ. ಹೀಗಾಗಿ ಅವರೆಲ್ಲರ ಹೆಸರು ನೆನಪಿಟ್ಟುಕೊಳ್ಳುವುದು ಕಷ್ಟವಾಗಿದೆ. ನನಗೆ ಅವರೆಲ್ಲರ ಹೆಸರುಗಳು ನೆನಪಿಲ್ಲ. ಹೆಚ್ಚಿನ ಸಮಯ, ನಾನು ಅವರನ್ನು ಮಗ ಅಥವಾ ಮಗು ಎಂದು ಕರೆಯುತ್ತೇನೆ. ಒಬ್ಬ ತಂದೆಯಾಗಿ ತನ್ನ ಜವಾಬ್ದಾರಿಗಳನ್ನು ಪೂರೈಸಲು ಸಾಧ್ಯವಾಗಿಲ್ಲ. ವಿಶೇಷವಾಗಿ ತಮ್ಮ ಮಕ್ಕಳ ಮೂಲಭೂತ ಅಗತ್ಯಗಳನ್ನು ಪೂರೈಸುವ ವಿಚಾರದಲ್ಲಿ ಎಂದು ಬಿಬಿಸಿ ನಡೆಸಿದ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾನೆ.

ನನ್ನ ಹೆಂಡತಿಯರು ಚಿಕ್ಕವರಿದ್ದಾಗ ಮದುವೆಯಾದೆ. ನನ್ನ ಅನೇಕ ಮಕ್ಕಳು ಸತ್ತರು ಏಕೆಂದರೆ ಅವರ ತಾಯಂದಿರು ತುಂಬಾ ಚಿಕ್ಕವರಾಗಿದ್ದರು. ಅವರಿಗೆ ಮಕ್ಕಳನ್ನು ಹೇಗೆ ನೋಡಿಕೊಳ್ಳಬೇಕು, ಅವರಿಗೆ ಹಾಲುಣಿಸುವುದು ಅಥವಾ ನೋಡಿಕೊಳ್ಳುವುದು ಹೇಗೆ ಎಂದು ತಿಳಿದಿರಲಿಲ್ಲ. ನನ್ನ ಕೆಲವು ಮಕ್ಕಳು ಕ್ಷಯ, ನಾಯಿಕೆಮ್ಮು ಮತ್ತು ದಡಾರದಿಂದ ಸತ್ತರು. ನಾವು ಆಹಾರವನ್ನು ಪಡೆಯಲು ಕಷ್ಟಪಡುತ್ತೇವೆ. ಇದು ನನಗೆ ಮೊದಲೇ ಗೊತ್ತಾಗಿದ್ದರೆ ಇಷ್ಟೊಂದು ಮಕ್ಕಳು ಆಗುತ್ತಿರಲಿಲ್ಲ ಎಂದಿದ್ದಾನೆ.ಆತ ಹೇಳಿಕೊಂಡಿರುವ ಪ್ರಕಾರ ಪ್ರಸ್ತುತ ನಾಲ್ಕು ಪತ್ನಿಯರನ್ನು ಹೊಂದಿದ್ದಾನೆ.

من أغرب عجائب أفغانستان !

رجل من ولاية أروزجان لديه 58 ابنًا وابنة من أربع زوجات، ويقول إنه ينسى أحيانا أسماء بعض أبنائه لكثرتهم.

و لکن هو یعاني من الفقر الشديد. https://t.co/N8EuVySfEX

— اسـتاذ یـاســر (@UstadYasir70860) October 20, 2026

Tiger: ಟೈಗರ್ ಶ್ರಾಫ್ ಅಲ್ಲ, ಬಾಲಿವುಡ್ ಬೇರೆ ಸ್ಟಾರ್ ನಟರು ಹಿಟ್ ಲಿಸ್ಟ್‌ನಲ್ಲಿದ್ದರು.. ಆದ್ರೆ ಟೈಗರ್ 'ಟಾರ್ಗೆಟ್' ಆಗಿದ್ದು ಹೇಗೆ?

Shriram Bhat — Wed, 21 Oct 2026 17:53:52 +0530

ಟೈಗರ್ ಶ್ರಾಫ್ ಮೇಲಿನ ದಾಳಿ ಪ್ರಕರಣಕ್ಕೆ ಟ್ವಿಸ್ಟ್: ಬೇರೆ ಬಾಲಿವುಡ್ ಸ್ಟಾರ್ ನಟರು ಹಿಟ್ ಲಿಸ್ಟ್‌ನಲ್ಲಿದ್ದರೇ?

ಬಾಲಿವುಡ್ ನಟ ಟೈಗರ್ ಶ್ರಾಫ್ ಅವರ ಕಾರಿನ ಮೇಲೆ ನಡೆದ ಗುಂಡಿನ ದಾಳಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂಬೈ ಪೊಲೀಸರ ತನಿಖೆ ಮುಂದುವರಿದಿದೆ. ಈ ಪ್ರಕರಣದಲ್ಲಿ ನಾಲ್ವರು ಆರೋಪಿಗಳನ್ನು ಬಂಧಿಸಿ ವಿಚಾರಣೆ ನಡೆಸಲಾಗುತ್ತಿದೆ. ಇದರ ಬೆನ್ನಲ್ಲೇ ಬಾಲಿವುಡ್‌ನ ಹಿರಿಯ ನಟರಾದ ಅಮಿತಾಭ್ ಬಚ್ಚನ್, ಅಕ್ಷಯ್ ಕುಮಾರ್ ಮತ್ತು ಆಮಿರ್ ಖಾನ್ ಅವರಿಗೂ ಅಪಾಯವಿತ್ತು ಎಂಬ ಮಾಹಿತಿ ತನಿಖೆಯ ವೇಳೆ ಬೆಳಕಿಗೆ ಬಂದಿದೆ ಎಂದು ವರದಿಯಾಗಿದೆ.

ನಟ ಸಲ್ಮಾನ್ ಖಾನ್ ಅವರ ನಿವಾಸದ ಸುತ್ತಮುತ್ತ ಪರಿಶೀಲನೆ

ಪೊಲೀಸ್ ಮೂಲಗಳ ಪ್ರಕಾರ, ಬಂಧಿತ ಆರೋಪಿಗಳು ಮೊದಲಿಗೆ ನಟ ಸಲ್ಮಾನ್ ಖಾನ್ ಅವರ ನಿವಾಸದ ಸುತ್ತಮುತ್ತ ಪರಿಶೀಲನೆ ನಡೆಸಿದ್ದರು ಎನ್ನಲಾಗಿದೆ. ಆದರೆ ಸಲ್ಮಾನ್ ಖಾನ್ ಅವರಿಗೆ ವೈ-ಪ್ಲಸ್ (Y+) ಭದ್ರತೆ ಇರುವ ಹಿನ್ನೆಲೆಯಲ್ಲಿ ಆ ಯೋಜನೆಯನ್ನು ಕೈಬಿಟ್ಟಿದ್ದರು ಎಂಬ ಮಾಹಿತಿ ಲಭ್ಯವಾಗಿದೆ. ಬಳಿಕ ಇತರ ಖ್ಯಾತ ನಟರ ಚಲನವಲನ ಹಾಗೂ ಅವರ ನಿವಾಸಗಳ ಸುತ್ತಲಿನ ಭದ್ರತಾ ವ್ಯವಸ್ಥೆಗಳ ಬಗ್ಗೆ ಮಾಹಿತಿ ಸಂಗ್ರಹಿಸಲು ಮುಂದಾಗಿದ್ದರು ಎನ್ನಲಾಗಿದೆ.

ಅಮಿತಾಭ್ ಬಚ್ಚನ್, ಅಕ್ಷಯ್ ಕುಮಾರ್ ಮತ್ತು ಆಮಿರ್ ಖಾನ್

ಅಮಿತಾಭ್ ಬಚ್ಚನ್, ಅಕ್ಷಯ್ ಕುಮಾರ್ ಮತ್ತು ಆಮಿರ್ ಖಾನ್ ಅವರ ಮನೆಗಳ ಸುತ್ತ ನಿಗಾ ಇಡಲು ಸ್ಥಳೀಯ ಆಟೋ ಚಾಲಕರ ನೆರವು ಪಡೆದಿದ್ದರು ಎಂಬ ಅಂಶವೂ ತನಿಖೆಯಲ್ಲಿ ಪ್ರಸ್ತಾಪವಾಗಿದೆ. ಸಾಮಾನ್ಯರಂತೆ ಓಡಾಡುತ್ತಾ ಭದ್ರತಾ ವ್ಯವಸ್ಥೆಯಲ್ಲಿನ ಲೋಪಗಳನ್ನು ಪತ್ತೆಹಚ್ಚಲು ಯತ್ನಿಸಿದ್ದರು ಎನ್ನಲಾಗಿದೆ. ಆದರೆ ನಟರ ನಿವಾಸಗಳ ಸುತ್ತ ಪೊಲೀಸರ ಕಾವಲು ಮತ್ತು ಖಾಸಗಿ ಭದ್ರತಾ ಸಿಬ್ಬಂದಿಯ ಕಟ್ಟುನಿಟ್ಟಿನ ನಿಗಾ ಇದ್ದ ಕಾರಣ, ಆರೋಪಿಗಳಿಗೆ ತಮ್ಮ ಯೋಜನೆಯನ್ನು ಮುಂದುವರಿಸಲು ಸಾಧ್ಯವಾಗಲಿಲ್ಲ ಎಂದು ವರದಿಗಳು ತಿಳಿಸಿವೆ.

ಹಿರಿಯ ನಟರನ್ನು ತಲುಪುವುದು ಕಷ್ಟವಾದ ಹಿನ್ನೆಲೆಯಲ್ಲಿ, ತುಸು ಕಡಿಮೆ ಭದ್ರತೆ ಹೊಂದಿರಬಹುದಾದ ಯುವ ನಟರನ್ನು ಗುರಿಯಾಗಿಸಲು ಆರೋಪಿಗಳು ಮುಂದಾಗಿದ್ದರು ಎಂಬ ಶಂಕೆಯೂ ವ್ಯಕ್ತವಾಗಿದೆ. ಇದೇ ಹಿನ್ನೆಲೆಯಲ್ಲಿ ಟೈಗರ್ ಶ್ರಾಫ್ ಅವರ ಚಲನವಲನದ ಮೇಲೆ ನಿಗಾ ಇಟ್ಟು, ಅವರ ಕಾರಿನ ಮೇಲೆ ಗುಂಡಿನ ದಾಳಿ ನಡೆಸಿದ್ದರು ಎಂದು ತನಿಖಾಧಿಕಾರಿಗಳು ಪರಿಶೀಲಿಸುತ್ತಿದ್ದಾರೆ.

ಈ ಬೆಳವಣಿಗೆಯ ಬೆನ್ನಲ್ಲೇ ಮುಂಬೈ ಸಶಸ್ತ್ರ ಪೊಲೀಸ್ ಪಡೆ ಮತ್ತು ಕ್ರೈಮ್ ಬ್ರಾಂಚ್ ಅಧಿಕಾರಿಗಳು ಜಂಟಿ ಸಭೆ ನಡೆಸಿದ್ದಾರೆ ಎನ್ನಲಾಗಿದೆ. ಅಮಿತಾಭ್, ಅಕ್ಷಯ್ ಮತ್ತು ಆಮಿರ್ ಅವರ ನಿವಾಸಗಳ ಸುತ್ತ ಭದ್ರತೆಯನ್ನು ಹೆಚ್ಚಿಸಲಾಗಿದ್ದು, ಹಬ್ಬಗಳ ಸಂದರ್ಭ ಹಾಗೂ ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ಹೆಚ್ಚಿನ ಮುನ್ನೆಚ್ಚರಿಕೆ ವಹಿಸುವಂತೆ ನಟರ ಭದ್ರತಾ ತಂಡಗಳಿಗೆ ಸೂಚನೆ ನೀಡಲಾಗಿದೆ.

ಗಮನಿಸಿ: ಈ ಪ್ರಕರಣದ ತನಿಖೆ ಇನ್ನೂ ಮುಂದುವರಿದಿರುವುದರಿಂದ, ಆರೋಪಿಗಳ ಉದ್ದೇಶ ಮತ್ತು ಇತರ ನಟರನ್ನು ಗುರಿಯಾಗಿಸಿಕೊಂಡಿದ್ದರೆಂಬ ಮಾಹಿತಿಯನ್ನು ಪೊಲೀಸರು ಅಧಿಕೃತವಾಗಿ ದೃಢಪಡಿಸುವವರೆಗೆ ವರದಿಯಾದ ಆರೋಪಗಳೆಂದೇ ಪರಿಗಣಿಸಬೇಕು.

ಈ ಬಾರಿಯ Bigg Boss ಇಷ್ಟ್ಯಾಕೆ ಡಲ್? ಜನರನ್ನು ಸೆಳೀತಿಲ್ಲ ಏಕೆ? ನಟಿ ಕಾವ್ಯಾ ಗೌಡ ಏನಂದ್ರು ಕೇಳಿ

Suchethana D — Wed, 21 Oct 2026 17:52:55 +0530

ಎಲ್ಲಾ ಭಾಷೆಗಳಲ್ಲಿಯೂ ಅತಿ ದೊಡ್ಡ ಷೋ ಎನ್ನಿಸಿಕೊಂಡಿರುವ ಬಿಗ್ಬಾಸ್, ಈ ಬಾರಿ ಕನ್ನಡದಲ್ಲಿ ಜನರನ್ನು ಅಷ್ಟು ಸೆಳೆಯುತ್ತಿಲ್ಲ. ತುಂಬಾ ಡಲ್ ಆಗಿದೆ ಎನ್ನುವ ಮಾತುಗಳು ಕೇಳಿಬರುತ್ತಿವೆ. ಬಿಗ್ಬಾಸ್ ರಿಯಾಲಿಟಿ ಷೋ ಮೇಲೆ ವೀಕ್ಷಕರು ಯಾಕೋ ಆಸಕ್ತಿ ತೋರುವಂತೆ ಕಾಣಿಸುತ್ತಿಲ್ಲ. ಇದನ್ನು ನೋಡಲು ಈ ಹಿಂದೆ ಇದ್ದಷ್ಟು ಕ್ರೇಜ್ ಈ ಬಾರಿ ಇಲ್ಲ. ಇದು ಬಹುತೇಕ ಎಲ್ಲಾ ಭಾಷೆಗಳ ಬಿಗ್ಬಾಸ್ ರಿಯಾಲಿಟಿ ಷೋಗಳ ಕಥೆಯಾದಂತಿದೆ. ಅದರಲ್ಲಿಯೂ ಕನ್ನಡದ ಬಿಗ್ಬಾಸ್ 12ನೇ ಸೀಸನ್ ಸೃಷ್ಟಿಸಿದಷ್ಟು ಹವಾ 13ನೇ ಸೀಸನ್ ಸೃಷ್ಟಿಸುತ್ತಿಲ್ಲ ಎನ್ನುವುದಕ್ಕೆ ಪ್ರೊಮೋ ಬಿಡುಗಡೆಯಾದಾಗಲೆಲ್ಲಾ ನೆಟ್ಟಿಗರು ಹಾಕುತ್ತಿರುವ ಕಮೆಂಟ್ಸ್ ಸಾಕ್ಷಿಯಾಗಿದೆ. ಜಗಳ, ಗಲಾಟೆ, ಗದ್ದಲ, ಕಚ್ಚಾಟ, ರೊಮಾನ್ಸ್ ಎಷ್ಟೂ ಎಂದು ನೋಡಲು ಸಾಧ್ಯ ಗುರೂ. ಏನೂ ಟೇಸ್ಟೇ ಇಲ್ಲ ಎನ್ನುವಂಥ ಕಮೆಂಟ್ಸ್ಗಳು ಬರುತ್ತಿವೆ..

ಇದೇ ಕಾರಣಕ್ಕೆ ಬಿಗ್ಬಾಸ್ಗೆ ವೀಕ್ಷಕರನ್ನು ಹಿಡಿದುಕೊಳ್ಳಲು ಹೊಸ ಹೊಸ ಸಾಹಸಗಳಿಗೆ ಕೈಹಾಕಲೇಬೇಕಾದ ಅನಿವಾರ್ಯತೆ ಉಂಟಾಗುವುದು ಸಹಜ. ಈ ಹಿಂದೆ ಹಿಂದಿನ ಬಿಗ್ಬಾಸ್ನಲ್ಲಿ ಕಾಂಟ್ರವರ್ಸಿ ಕ್ರಿಯೇಟ್ ಮಾಡಿ ಜನರು ಅದನ್ನು ನೋಡುವ ಹಾಗೆ ಮಾಡಲಾಗಿತ್ತು. ಆದರೆ, ಇವೆಲ್ಲವೂ ಸ್ಕ್ರಿಪ್ಟೆಡ್ ಕಾಂಟ್ರವರ್ಸಿಗಳು ಎಂದು ವೀಕ್ಷಕರಿಗೂ ಈಗೀಗ ಅರ್ಥವಾಗುತ್ತಿರುವ ಕಾರಣ, ಬಹುತೇಕ ಭಾಷೆಗಳ ರಿಯಾಲಿಟಿ ಷೋಗಳನ್ನು ನೋಡಲು ಮುಂದೆ ಬರುತ್ತಿಲ್ಲ ಎಂದೇ ಹೇಳಲಾಗುತ್ತಿದೆ. ಇದೇ ಪ್ರಶ್ನೆಯನ್ನು ಇದೀಗ ಬಿಗ್ಬಾಸ್ನಿಂದ ಎಲಿಮಿನೇಟ್ ಆಗಿ ಹೊರಕ್ಕೆ ಬಂದಿರುವ ನಟಿ ಕಾವ್ಯಾ ಗೌಡ ಅವರಿಗೆ ಕೇಳಲಾಗಿದೆ. ಈ ಸಲದ ಬಿಗ್ಬಾಸ್ ಏಕಿಷ್ಟು ಡಲ್ ಎನ್ನುವ ಪ್ರಶ್ನೆ ಕೇಳಲಾಗಿದೆ.

ಕಾವ್ಯಾ ಗೌಡ ಹೇಳಿದ್ದೇನು?

ಬಾಸ್ ಟಿವಿ ಚಾನೆಲ್ಗೆ ನೀಡಿರುವ ಸಂದರ್ಶನದಲ್ಲಿ ನಟಿ, ಈ ವಿಷಯವನ್ನು ಪ್ರಸ್ತಾಪಿಸಿದ್ದಾರೆ. ಸುದೀಪ್ ಸರ್ ಕೂಡ ಒಂದೆರಡು ಬಾರಿ ಈ ವಿಷಯವನ್ನು ಪ್ರಸ್ತಾಪಿಸಿದ್ದರು. ನಮಗೂ ಬೇಸರವಾಗಿತ್ತು. ಆದರೆ ಕಾರಣ ನನಗೂ ತಿಳಿಯುತ್ತಿಲ್ಲ. ಅಷ್ಟಕ್ಕೂ ನಾನು ಈಗ ತಾನೇ ಹೊರಕ್ಕೆ ಬಂದಿದ್ದೇನೆ. ಯಾವ ಎಪಿಸೋಡ್ಗಳನ್ನೂ ನೋಡಲಿಲ್ಲ. ಆದ್ದರಿಂದ ಎಲ್ಲಿ ಕೊರತೆಯಾಗಿದೆ ಎಂದು ಹೇಳುವುದು ಕಷ್ಟ ಎಂದಿದ್ದಾರೆ ನಟಿ ಕಾವ್ಯಾ ಗೌಡ (Bigg Boss Kavya Gowda). ಸ್ಪರ್ಧಿಗಳು ಸಿಕ್ಕಾಪಟ್ಟೆ ಎಂಟರ್ಟೈನ್ ಮಾಡ್ತೀವಿ, ಗಲಾಟೆನೂ ಇದೆ. ಎಲ್ಲವೂ ಇದೆ. ಆದರೆ ಯಾಕೆ ಜನರ ಗಮನ ಸೆಳೆಯುತ್ತಿಲ್ಲ ಎನ್ನುವುದು ತಿಳಿಯುತ್ತಿಲ್ಲ. ನಾನೇನಾದ್ರೂ ಎಪಿಸೋಡ್ಗಳನ್ನು ನೋಡಿದ್ದರೆ ಹೇಳಬಹುದಿತ್ತು ಎಂದಿದ್ದಾರೆ ಕಾವ್ಯಾ.

ಕಳೆದ ಬಾರಿ ಗಿಲ್ಲಿ, ರಕ್ಷಿತಾ ಹವಾ

ಅಷ್ಟಕ್ಕೂ ಕಳೆದ ಸೀಸನ್ನಲ್ಲಿ ಗಿಲ್ಲಿ ನಟನ ಹವಾ ಜೋರಾಗಿತ್ತು. ಗಿಲ್ಲಿ ಮತ್ತು ಕಾವ್ಯಾ ಜೋಡಿ ಸಕತ್ ಟ್ರೆಂಡಿಂಗ್ನಲ್ಲಿ ಇತ್ತು. ಗದ್ದಲ ಗಲಾಟೆಯಿಂದಲೇ ಒಂದಷ್ಟು ಮಂದಿ ಫೇಮಸ್ ಆಗಿದ್ರು. ರಕ್ಷಿತಾ ಶೆಟ್ಟಿ ತಮ್ಮ ಮಾತಿನಿಂದ ಎಲ್ಲರನ್ನೂ ಮೋಡಿ ಮಾಡಿದ್ದರು. ಈ ಬಾರಿ ಗದ್ದಲ, ಗಲಾಟೆಗೆ ಏನೂ ಕೊರತೆ ಇಲ್ಲ. ಆದರೂ ಈ ಷೋ ಬಗ್ಗೆ ಜನರು ಇಂಟರೆಸ್ಟ್ ಕಳೆದುಕೊಳ್ಳುತ್ತಿರುವುದು ಸ್ಪಷ್ಟಾಗಿದೆ. ಸೋಷಿಯಲ್ ಮೀಡಿಯಾಗಳಲ್ಲಿಯೂ ಇದರ ಬಗ್ಗೆ ಹಿಂದಿನಷ್ಟು ಚರ್ಚೆ ಆಗ್ತಿರೋದು ಬಹಳ ಕಡಿಮೆಯೇ. ಅಚ್ಚರಿ ಎಂದರೆ ಎಲಿಮಿನೇಟ್ ಆಗಿ ಹೊರಕ್ಕೆ ಬಂದರೂ ಅವರ ಬಗ್ಗೆ ಕೂಡ ಹಿಂದಿನಷ್ಟು ಚರ್ಚೆ ಆಗುತ್ತಿಲ್ಲ. ಅಲ್ಲಿಗೆ ಬಿಗ್ಬಾಸ್ ತನ್ನ ಹಿಂದಿನ ಕ್ರೇಜ್ ಕಳೆದುಕೊಳ್ಳುತ್ತಿದೆ ಎಂದೇ ಹೇಳಲಾಗುತ್ತಿದೆ. ಇದೇ ಕಾರಣಕ್ಕೆ ಈಗ ಬಹುಮಾನ ಘೋಷಣೆ ಮಾಡಲಾಗಿದೆ. ಅನಾರೋಗ್ಯದಿಂದ ಬಿಗ್ಬಾಸ್ಗೆ ಹೋಗದಿದ್ದ ಕುಮಾರಿಯಿಂದಾದರೂ ಒಂದಷ್ಟು ವ್ಯೂವ್ಸ್ ಬರಬಹುದು ಎಂದು ಆಕೆಯನ್ನೂ ಕಳುಹಿಸಲಾಗಿದೆ. ಮುಂದೆ ಏನಾಗುತ್ತೋ ನೋಡಬೇಕಿದೆ.

ಸ್ವಿಗ್ಗಿ, ಜೊಮ್ಯಾಟೊಗೆ ಶಾಕ್? ಫುಡ್ ಡೆಲಿವರಿಗೆ ಹೊಸ ದೈತ್ಯನ ಎಂಟ್ರಿ! ಬೆಂಗಳೂರಿನಲ್ಲಿ ಈಗಾಗಲೇ ಫುಡ್ ಡೆಲಿವರಿ ಟೆಸ್ಟ್ ಆರಂಭ..!

Naveen Kodase — Wed, 21 Oct 2026 17:52:51 +0530

Flipkart Food Delivery: Eat-In by Minutes ಭಾರತದ ಆನ್‌ಲೈನ್ ಫುಡ್ ಡೆಲಿವರಿ ಮಾರುಕಟ್ಟೆಗೆ ಇ-ಕಾಮರ್ಸ್ ದೈತ್ಯ ಫ್ಲಿಪ್‌ಕಾರ್ಟ್ ಎಂಟ್ರಿ ಕೊಡುತ್ತಿದೆ. ಸ್ವಿಗ್ಗಿ ಮತ್ತು ಜೊಮ್ಯಾಟೊಗೆ ನೇರ ಪೈಪೋಟಿ ನೀಡಲಿರುವ ಈ ಹೊಸ ಸೇವೆಯನ್ನು ಕಂಪನಿ ಇದೇ ತಿಂಗಳಾಂತ್ಯಕ್ಕೆ ಲಾಂಚ್ ಮಾಡುವ ಸಾಧ್ಯತೆಯಿದೆ. ಫುಡ್ ಆರ್ಡರ್ ಮತ್ತು ಡೆಲಿವರಿ ಸೇವೆಯ ಟೆಸ್ಟಿಂಗ್ ಅನ್ನು ಕಂಪನಿ ಈಗಾಗಲೇ ಶುರು ಮಾಡಿದೆ.

'ಈಟ್-ಇನ್ ಬೈ ಮಿನಿಟ್ಸ್' ಟೆಸ್ಟಿಂಗ್ ಹಂತದಲ್ಲಿದೆ

'ಈಟ್-ಇನ್ ಬೈ ಮಿನಿಟ್ಸ್' (Eat-in by Minutes) ಹೆಸರಿನಲ್ಲಿ ಫ್ಲಿಪ್‌ಕಾರ್ಟ್ ತನ್ನ ಹೊಸ ಫುಡ್ ಡೆಲಿವರಿ ಸೇವೆಯನ್ನು ಪರೀಕ್ಷಿಸುತ್ತಿದೆ ಎಂದು ಟೆಕ್‌ಕ್ರಂಚ್ ವರದಿಯನ್ನು ಉಲ್ಲೇಖಿಸಿ ಇಂಡಿಯಾ ಟುಡೇ ಟೆಕ್ ವರದಿ ಮಾಡಿದೆ. ಬೆಂಗಳೂರಿನಲ್ಲಿ ಮೊದಲ ಹಂತದ ಟೆಸ್ಟಿಂಗ್ ನಡೆಯುತ್ತಿದೆ. ಫ್ಲಿಪ್‌ಕಾರ್ಟ್‌ನ ಕ್ವಿಕ್ ಕಾಮರ್ಸ್ ಸೇವೆಯಾದ 'ಫ್ಲಿಪ್‌ಕಾರ್ಟ್ ಮಿನಿಟ್ಸ್'ಗೆ ಲಿಂಕ್ ಮಾಡಿ ಈ ಹೊಸ ಹೆಸರನ್ನು ಇಡಲಾಗಿದೆ. ಇದೇ ತಿಂಗಳ ಕೊನೆಯಲ್ಲಿ ಸೇವೆ ಶುರುವಾಗುವ ನಿರೀಕ್ಷೆಯಿದೆ. ಆದರೆ, ಆರಂಭದಲ್ಲಿ ಯಾವೆಲ್ಲಾ ನಗರಗಳಲ್ಲಿ ಇದು ಸಿಗಲಿದೆ ಎಂಬ ಬಗ್ಗೆ ಇನ್ನೂ ಸ್ಪಷ್ಟತೆಯಿಲ್ಲ.

ಈ ಬಗ್ಗೆ ಫ್ಲಿಪ್‌ಕಾರ್ಟ್ ಕಡೆಯಿಂದ ಯಾವುದೇ ಅಧಿಕೃತ ಪ್ರತಿಕ್ರಿಯೆ ಬಂದಿಲ್ಲ. ಆದರೆ, ಈ ವರ್ಷದ ಜುಲೈನಲ್ಲಿ ಫ್ಲಿಪ್‌ಕಾರ್ಟ್ ಗ್ರೂಪ್ ಸಿಇಒ ಕಲ್ಯಾಣ್ ಕೃಷ್ಣಮೂರ್ತಿ ಅವರು ಫುಡ್ ಡೆಲಿವರಿ ಸೇವೆ ಆರಂಭಿಸುವ ಪ್ಲಾನ್ ಬಗ್ಗೆ ಖಚಿತಪಡಿಸಿದ್ದರು.

8,000 ಉದ್ಯೋಗಿಗಳಿಗೆ ಟೆಸ್ಟಿಂಗ್ ಸೇವೆ

ಸದ್ಯಕ್ಕೆ ಕಂಪನಿ ತನ್ನ ಉದ್ಯೋಗಿಗಳಿಗೆ ಮಾತ್ರ ಈ ಟೆಸ್ಟಿಂಗ್ ಸೀಮಿತಗೊಳಿಸಿದೆ. ಆರಂಭದಲ್ಲಿ ಕೆಲವೇ ನೂರು ಉದ್ಯೋಗಿಗಳಿಗೆ ಮಾತ್ರ ಇದ್ದ ಈ ಟೆಸ್ಟಿಂಗ್ ಅನ್ನು ಈಗ ಸುಮಾರು 8,000 ಉದ್ಯೋಗಿಗಳಿಗೆ ವಿಸ್ತರಿಸಲಾಗಿದೆ. ಫ್ಲಿಪ್‌ಕಾರ್ಟ್ ಶಾಪಿಂಗ್ ಆ್ಯಪ್‌ನಲ್ಲಿ ಈ ಹೊಸ ಸೇವೆಗಾಗಿ ಪ್ರತ್ಯೇಕ ಟ್ಯಾಬ್ ಕೂಡ ಸೇರಿಸಲಾಗಿದೆ. ಫ್ಲಿಪ್‌ಕಾರ್ಟ್ ಮಿನಿಟ್ಸ್, ಟ್ರಾವೆಲ್ ಬುಕ್ಕಿಂಗ್ ಸೇವೆಗಳ ಜೊತೆಯಲ್ಲೇ ಫುಡ್ ಡೆಲಿವರಿ ವಿಭಾಗವೂ ಗ್ರಾಹಕರಿಗೆ ಸಿಗಲಿದೆ.

ಫುಡ್ ಡೆಲಿವರಿಗೆ ಇ-ಕಾರ್ಟ್ (eKart) ಬಳಕೆ

ಸರ್ಕಾರದ ಬೆಂಬಲಿತ ಓಪನ್ ನೆಟ್‌ವರ್ಕ್ ಫಾರ್ ಡಿಜಿಟಲ್ ಕಾಮರ್ಸ್ (ONDC) ಮೂಲಕ ಲಿಸ್ಟ್ ಆಗಿರುವ ಹೋಟೆಲ್‌ಗಳು ಮತ್ತು ಫ್ಲಿಪ್‌ಕಾರ್ಟ್ ಜೊತೆ ನೇರ ಒಪ್ಪಂದ ಮಾಡಿಕೊಂಡಿರುವ ರೆಸ್ಟೋರೆಂಟ್‌ಗಳು ಈ ಹೊಸ ಸೇವೆಯಲ್ಲಿ ಲಭ್ಯವಿರಲಿವೆ. ಗ್ರಾಹಕರಿಗೆ ಊಟ ತಲುಪಿಸಲು ಫ್ಲಿಪ್‌ಕಾರ್ಟ್ ತನ್ನ ಲಾಜಿಸ್ಟಿಕ್ಸ್ ವಿಭಾಗವಾದ ಇ-ಕಾರ್ಟ್‌ನ (eKart) ಪ್ರತ್ಯೇಕ ಡೆಲಿವರಿ ನೆಟ್‌ವರ್ಕ್ ಅನ್ನು ಬಳಸಲಿದೆ. ಕ್ವಿಕ್ ಕಾಮರ್ಸ್ ಡೆಲಿವರಿ ಮಾಡುವವರಿಗಿಂತ ಫುಡ್ ಡೆಲಿವರಿ ಮಾಡುವ ಸಿಬ್ಬಂದಿ ಬೇರೆಯೇ ಇರುತ್ತಾರೆ. ಬೆಂಗಳೂರಿನಲ್ಲಿ 'ಈಟ್-ಇನ್ ಬೈ ಮಿನಿಟ್ಸ್' ಎಂದು ಬರೆದಿರುವ ಟಿ-ಶರ್ಟ್ ಧರಿಸಿದ ಡೆಲಿವರಿ ಬಾಯ್‌ಗಳು ಈಗಾಗಲೇ ಕಾಣಿಸಿಕೊಂಡಿದ್ದಾರೆ ಎಂದು ವರದಿಗಳು ಹೇಳಿವೆ.

ಜೊಮ್ಯಾಟೊ ಮತ್ತು ಸ್ವಿಗ್ಗಿಗೆ ಟಫ್ ಫೈಟ್

ಸದ್ಯ ಭಾರತದ ಫುಡ್ ಡೆಲಿವರಿ ಮಾರುಕಟ್ಟೆಯಲ್ಲಿ ಜೊಮ್ಯಾಟೊ ಮತ್ತು ಸ್ವಿಗ್ಗಿ ಪಾರುಪತ್ಯ ಮೆರೆಯುತ್ತಿವೆ. ಕೆನ್ ರಿಸರ್ಚ್ (Ken Research) ಅಂಕಿಅಂಶಗಳ ಪ್ರಕಾರ, 2024ರಲ್ಲಿ ಜೊಮ್ಯಾಟೊ ಶೇ. 58ರಷ್ಟು ಮಾರುಕಟ್ಟೆ ಪಾಲು ಹೊಂದಿದ್ದರೆ, ಸ್ವಿಗ್ಗಿ ಸುಮಾರು ಶೇ. 34ರಷ್ಟು ಪಾಲು ಹೊಂದಿದೆ. ರ್ಯಾಪಿಡೊ (Rapido) ಕೂಡ 'ಒನ್ಲಿ' (Only) ಹೆಸರಿನಲ್ಲಿ ಫುಡ್ ಡೆಲಿವರಿ ಸೇವೆ ಶುರು ಮಾಡಿದ್ದರೂ, ಅದು ಕೆಲವೇ ಪ್ರದೇಶಗಳಿಗೆ ಮಾತ್ರ ಸೀಮಿತವಾಗಿದೆ. ಈ ಹಿಂದೆ ಉಬರ್, ಅಮೆಜಾನ್, ಗೂಗಲ್‌ನಂತಹ ದೊಡ್ಡ ಕಂಪನಿಗಳು ಕೂಡ ಈ ಕ್ಷೇತ್ರಕ್ಕೆ ಎಂಟ್ರಿ ಕೊಡಲು ಪ್ರಯತ್ನಿಸಿದ್ದವು. ಆದರೆ, ಮಾರುಕಟ್ಟೆಯಲ್ಲಿ ದೊಡ್ಡ ಮಟ್ಟದ ಪ್ರಭಾವ ಬೀರಲು ಅವುಗಳಿಗೆ ಸಾಧ್ಯವಾಗಲಿಲ್ಲ. 2020ರಲ್ಲಿ ಉಬರ್ ಭಾರತದಲ್ಲಿ ತನ್ನ ಉಬರ್ ಈಟ್ಸ್ (Uber Eats) ವ್ಯವಹಾರವನ್ನು ಜೊಮ್ಯಾಟೊಗೆ ಮಾರಾಟ ಮಾಡಿತ್ತು.

ಬೆಳೆಯುತ್ತಿರುವ ಆನ್‌ಲೈನ್ ಫುಡ್ ಮಾರುಕಟ್ಟೆ

ಪೈಪೋಟಿ ಜೋರಾಗಿದ್ದರೂ, ಭಾರತದ ಆನ್‌ಲೈನ್ ಫುಡ್ ಡೆಲಿವರಿ ಮಾರುಕಟ್ಟೆಯಲ್ಲಿ ಬೆಳೆಯಲು ಸಾಕಷ್ಟು ಅವಕಾಶಗಳಿವೆ. ಬ್ರೋಕರೇಜ್ ಸಂಸ್ಥೆ ಬರ್ನ್‌ಸ್ಟೈನ್ (Bernstein) ವರದಿ ಪ್ರಕಾರ, ಒಟ್ಟು ಆಹಾರ ಸೇವಾ ಮಾರುಕಟ್ಟೆಯಲ್ಲಿ ಆನ್‌ಲೈನ್ ಡೆಲಿವರಿಯ ಪಾಲು ಕೇವಲ ಶೇ. 15ಕ್ಕಿಂತ ಸ್ವಲ್ಪ ಹೆಚ್ಚಿದೆ. ಈ ಮಾರುಕಟ್ಟೆ ಪ್ರತಿ ವರ್ಷ ಶೇ. 18 ರಿಂದ ಶೇ. 20ರಷ್ಟು ಬೆಳೆಯುತ್ತಿದೆ ಎಂದು ಅಂಕಿಅಂಶಗಳು ತೋರಿಸುತ್ತಿವೆ. ಈ ಹೊತ್ತಿನಲ್ಲಿ ಫ್ಲಿಪ್‌ಕಾರ್ಟ್ ಎಂಟ್ರಿ ಕೊಟ್ಟಿರುವುದು ಭಾರತದ ಫುಡ್ ಡೆಲಿವರಿ ವಲಯದಲ್ಲಿ ಪೈಪೋಟಿಯನ್ನು ಮತ್ತಷ್ಟು ಹೆಚ್ಚಿಸಲಿದೆ.

ದೇವಿಯಾಗಿ ನಯನತಾರಾ ರೀ ಎಂಟ್ರಿ, ವಿಲನ್ ರೆಜಿನಾಗೆ ದುನಿಯಾ ವಿಜಯ್ ಸಾಥ್: ಆ ಟ್ರೇಲರ್‌‌ನಲ್ಲಿ ಏನಿದೆ?

Govindaraj S — Wed, 21 Oct 2026 17:41:36 +0530

ದಕ್ಷಿಣ ಭಾರತದ ಲೇಡಿ ಸೂಪರ್‌ಸ್ಟಾರ್ ನಯನತಾರಾ ಮತ್ತೊಮ್ಮೆ ದೇವಿಯ ಪಾತ್ರದಲ್ಲಿ ಪ್ರೇಕ್ಷಕರ ಮುಂದೆ ಬರಲು ಸಜ್ಜಾಗಿದ್ದಾರೆ. ಬಹುನಿರೀಕ್ಷಿತ ‘ಮೂಕುತಿ ಅಮ್ಮನ್ 2’ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿದ್ದು, ಪೌರಾಣಿಕ ಕಥೆ ಮತ್ತು ಇಂದಿನ ಕಾಲದ ಘಟನೆಗಳ ನಡುವಿನ ಸಂಘರ್ಷದ ಝಲಕ್ ನೀಡಿದೆ. ಈ ಚಿತ್ರದಲ್ಲಿ ನಯನತಾರಾ ದೇವಿ ಮಹಾಶಕ್ತಿ ಹಾಗೂ ಆಧುನಿಕ ಕಾಲದ ಮತ್ತೊಂದು ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಸುಳಿವು ಸಿಕ್ಕಿದೆ. ಇನ್ನು ರೆಜಿನಾ ಕಸ್ಸಾಂಡ್ರಾ ಖಳನಾಯಕಿಯಾಗಿ ಮಿಂಚಿದ್ದಾರೆ.

ಬಿಡುಗಡೆಯಾಯಿತು ‘ಮೂಕುತಿ ಅಮ್ಮನ್ 2’ ಟ್ರೇಲರ್‌

ದೀಪಾವಳಿ ಹಬ್ಬದ ಸಂದರ್ಭದಲ್ಲಿ, ನವೆಂಬರ್ 6, 2026ರಂದು ಚಿತ್ರವನ್ನು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಲು ಚಿತ್ರತಂಡ ಸಿದ್ಧತೆ ನಡೆಸಿದೆ. ಈ ಹಿನ್ನೆಲೆಯಲ್ಲಿ ಇದೀಗ ಟ್ರೇಲರ್‌ ಬಿಡುಗಡೆ ಮಾಡಲಾಗಿದ್ದು, ಚಿತ್ರದ ಕಥೆ, ಪಾತ್ರಗಳು ಹಾಗೂ ಅದ್ಭುತ ಶಕ್ತಿಗಳ ನಡುವಿನ ಕಾಳಗದ ಬಗ್ಗೆ ಕುತೂಹಲ ಹೆಚ್ಚಿಸಿದೆ. ಟ್ರೇಲರ್‌ ಆರಂಭದಲ್ಲಿ ಹಿಂದಿನ ಕಾಲದ ಒಂದು ದೃಶ್ಯ ಕಾಣಿಸಿಕೊಳ್ಳುತ್ತದೆ. ಅಲ್ಲಿ ಎರಡು ಪ್ರಬಲ ಶಕ್ತಿಗಳು ಮುಖಾಮುಖಿಯಾಗಲು ಸಜ್ಜಾಗಿರುವ ಸುಳಿವು ಸಿಗುತ್ತದೆ.

ಬಳಿಕ ಕಥೆ ಇಂದಿನ ಕಾಲಕ್ಕೆ ತಿರುಗುತ್ತದೆ. ಹಿಂದಿನ ಕಾಲದಲ್ಲಿ ನಡೆದ ಸಂಘರ್ಷವೇ ಮತ್ತೊಮ್ಮೆ ಹೊಸ ರೂಪದಲ್ಲಿ ಮರುಕಳಿಸುತ್ತಿದೆಯೇ ಎಂಬ ಪ್ರಶ್ನೆ ಮೂಡುತ್ತದೆ. ಇದರ ನಡುವೆ ಭಯಭೀತಳಾಗಿರುವ ಪೊಲೀಸ್ ಕಾನ್‌ಸ್ಟೆಬಲ್ ಒಬ್ಬಳ ಸುತ್ತ ಕಥೆ ಸಾಗುತ್ತದೆ. ಆರಂಭದಲ್ಲಿ ಅನಿರೀಕ್ಷಿತ ಘಟನೆಯೊಂದರಲ್ಲಿ ಸಿಲುಕಿಕೊಳ್ಳುವ ಆಕೆ, ಕ್ರಮೇಣ ಸಾಮಾನ್ಯ ಜನರ ಬದುಕನ್ನು ಮೀರಿದ ದೈವಿಕ ಶಕ್ತಿಗಳ ಸಂಘರ್ಷದ ಭಾಗವಾಗುವಂತೆ ಕಾಣಿಸುತ್ತಾಳೆ. ಹೀಗೆ ಟ್ರೇಲರ್‌ ಪೌರಾಣಿಕ ಅಂಶಗಳ ಜೊತೆಗೆ ಇಂದಿನ ಕಾಲದ ಕಥೆಯನ್ನೂ ಬೆಸೆದಿದೆ.

ದೇವಿ ಮಹಾಶಕ್ತಿಯಾಗಿ ನಯನತಾರಾ; ದ್ವಿಪಾತ್ರದಲ್ಲಿ ಕಾಣಿಸಿಕೊಳ್ತಾರಾ?

ಈ ಚಿತ್ರದ ಪ್ರಮುಖ ಆಕರ್ಷಣೆ ನಯನತಾರಾ ಅವರ ಪಾತ್ರ. ಟ್ರೇಲರ್‌‌ನಲ್ಲಿ ಅವರು ದೇವಿ ಮಹಾಶಕ್ತಿಯಾಗಿ ಕಾಣಿಸಿಕೊಂಡಿದ್ದು, ಮತ್ತೊಂದೆಡೆ ಆಧುನಿಕ ಕಾಲದ ಮಹಿಳೆಯ ಪಾತ್ರದಲ್ಲೂ ನಟಿಸಿರುವ ಸುಳಿವು ಸಿಗುತ್ತದೆ. ಎರಡೂ ಪಾತ್ರಗಳ ವ್ಯಕ್ತಿತ್ವ ವಿಭಿನ್ನವಾಗಿರುವಂತೆ ತೋರುತ್ತದೆ. ಆದರೆ ಈ ಎರಡು ಪಾತ್ರಗಳ ನಡುವೆ ಯಾವ ರೀತಿಯ ಸಂಬಂಧವಿದೆ? ಅವುಗಳ ಕಥೆ ಹೇಗೆ ಒಂದಾಗುತ್ತದೆ? ಎಂಬುದನ್ನು ಚಿತ್ರತಂಡ ಸದ್ಯಕ್ಕೆ ರಹಸ್ಯವಾಗಿಯೇ ಉಳಿಸಿದೆ. ಹೀಗಾಗಿ ನಯನತಾರಾ ಅವರ ಪಾತ್ರದ ಬಗ್ಗೆ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಾಗಿದೆ.

ವಿಲನ್ ಆಗಿ ರೆಜಿನಾ ಕಸ್ಸಾಂಡ್ರಾ ಎಂಟ್ರಿ

‘ಮೂಕುತಿ ಅಮ್ಮನ್ 2’ ಚಿತ್ರದಲ್ಲಿ ರೆಜಿನಾ ಕಸ್ಸಾಂಡ್ರಾ ಖಳನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಟ್ರೇಲರ್‌‌ನಲ್ಲಿ ಅವರ ಪಾತ್ರವೇ ಚಿತ್ರದ ಪ್ರಮುಖ ಸಂಘರ್ಷದ ಕೇಂದ್ರದಲ್ಲಿರುವಂತೆ ಭಾಸವಾಗುತ್ತದೆ. ನಯನತಾರಾ ಅವರ ದೈವಿಕ ಶಕ್ತಿಯ ಪಾತ್ರಕ್ಕೂ ರೆಜಿನಾ ಅವರ ಪಾತ್ರಕ್ಕೂ ಯಾವ ರೀತಿಯ ಮುಖಾಮುಖಿ ನಡೆಯಲಿದೆ ಎಂಬುದು ಚಿತ್ರದ ಮೇಲಿನ ನಿರೀಕ್ಷೆಯನ್ನು ಹೆಚ್ಚಿಸಿದೆ. ಟ್ರೇಲರ್‌‌ನ ಕೊನೆಯಲ್ಲಿ ಇನ್ನೂ ಮೂವರು ದೈವಿಕ ವ್ಯಕ್ತಿಗಳ ಆಗಮನದ ಸುಳಿವು ನೀಡಲಾಗಿದೆ. ಆ ಮೂವರು ಯಾರು? ಕಥೆಯಲ್ಲಿ ಅವರ ಪಾತ್ರವೇನು? ಎಂಬ ಪ್ರಶ್ನೆಗಳಿಗೆ ಸದ್ಯಕ್ಕೆ ಉತ್ತರ ಸಿಕ್ಕಿಲ್ಲ. ಈ ನಿಗೂಢ ಅಂಶಗಳು ಚಿತ್ರದ ಬಗ್ಗೆ ಮತ್ತಷ್ಟು ಚರ್ಚೆಗೆ ಕಾರಣವಾಗಿವೆ.

‘ಮೂಕುತಿ ಅಮ್ಮನ್ 2’ ತಾರಾಗಣವೇನು?

ನಯನತಾರಾ ಮತ್ತು ರೆಜಿನಾ ಕಸ್ಸಾಂಡ್ರಾ ಜೊತೆಗೆ ಕನ್ನಡದ ನಟ ದುನಿಯಾ ವಿಜಯ್, ಊರ್ವಶಿ, ಯೋಗಿ ಬಾಬು, ಅಭಿನಯ, ಶ್ರುತಿ ಎಸ್ ಸೇರಿದಂತೆ ಹಲವು ಕಲಾವಿದರು ಚಿತ್ರದಲ್ಲಿ ನಟಿಸಿದ್ದಾರೆ. ವಿಭಿನ್ನ ಭಾಷೆಗಳ ಕಲಾವಿದರು ಒಂದೇ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವುದು ವಿಶೇಷವಾಗಿದೆ.

2020ರ ‘ಮೂಕುತಿ ಅಮ್ಮನ್’ ಚಿತ್ರದ ಮುಂದುವರಿದ ಭಾಗ

‘ಮೂಕುತಿ ಅಮ್ಮನ್ 2’ ಚಿತ್ರವು 2020ರಲ್ಲಿ ಬಿಡುಗಡೆಯಾದ ‘ಮೂಕುತಿ ಅಮ್ಮನ್’ ಚಿತ್ರದ ಮುಂದುವರಿದ ಭಾಗವಾಗಿದೆ. ಮೊದಲ ಚಿತ್ರದಲ್ಲಿ ನಯನತಾರಾ ದೇವಿಯ ಪಾತ್ರದಲ್ಲಿ ನಟಿಸಿದ್ದರು. ದೈವಿಕ ಶಕ್ತಿಯೊಂದು ಸಾಮಾನ್ಯ ಜನರ ಜೀವನವನ್ನು ಪ್ರವೇಶಿಸಿದಾಗ ಏನೆಲ್ಲ ಬದಲಾವಣೆಗಳು ನಡೆಯುತ್ತವೆ ಎಂಬುದನ್ನು ಆ ಸಿನಿಮಾ ತೋರಿಸಿತ್ತು. ಮೊದಲ ಭಾಗವನ್ನು ಆರ್.ಜೆ. ಬಾಲಾಜಿ ಮತ್ತು ಎನ್.ಜೆ. ಸರವಣನ್ ನಿರ್ದೇಶಿಸಿದ್ದರು. ಚಿತ್ರವು ನೇರವಾಗಿ ಒಟಿಟಿಯಲ್ಲಿ ಬಿಡುಗಡೆಯಾಗಿತ್ತು. ಪ್ರಸ್ತುತ ಮೊದಲ ಭಾಗವನ್ನು ಜಿಯೋಹಾಟ್‌ಸ್ಟಾರ್‌ನಲ್ಲಿ ವೀಕ್ಷಿಸಬಹುದು.

ಇನ್ನು ಪೌರಾಣಿಕ ಕಥಾಹಂದರ, ದೈವಿಕ ಶಕ್ತಿಗಳ ಸಂಘರ್ಷ, ನಯನತಾರಾ ಅವರ ವಿಭಿನ್ನ ಪಾತ್ರಗಳು ಹಾಗೂ ರೆಜಿನಾ ಕಸ್ಸಾಂಡ್ರಾ ಅವರ ಖಳನಾಯಕಿಯ ಅವತಾರದಿಂದ ‘ಮೂಕುತಿ ಅಮ್ಮನ್ 2’ ಟ್ರೇಲರ್‌ ಗಮನ ಸೆಳೆದಿದೆ. ನವೆಂಬರ್ 6ರಂದು ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಚಿತ್ರಮಂದಿರಗಳಿಗೆ ಬರಲಿರುವ ಈ ಸಿನಿಮಾ ಪ್ರೇಕ್ಷಕರನ್ನು ಎಷ್ಟರ ಮಟ್ಟಿಗೆ ರಂಜಿಸಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ಉಜ್ಜುವ ಕಷ್ಟ ಬೇಡ.. ಟಾಯ್ಲೆಟ್ ರೂಂನಲ್ಲಿ ಈ ಪುಡಿ ಹಾಕಿದ್ರೆ ಸಾಕು, 25-30 ವರ್ಷದ ಪಾಚಿ-ಕಲೆಯೂ ಕರಗುತ್ತೆ

Ashwini HR — Wed, 21 Oct 2026 17:38:48 +0530

ಬೋರ್‌ವೆಲ್ ನೀರು ಅಥವಾ ಉಪ್ಪು ನೀರಿನಿಂದಾಗಿ ಬಾತ್‌ರೂಮ್ ಟೈಲ್ಸ್ ಮತ್ತು ಟಾಯ್ಲೆಟ್ ಕಮೋಡ್ ಮೇಲೆ ಹಳದಿ, ಕಪ್ಪು ಹಾಗೂ ಬಿಳಿ ಬಣ್ಣದ ಉಪ್ಪಿನ ಕಲೆಗಳು ಕುಳಿತುಬಿಡುತ್ತವೆ. ಎಷ್ಟೇ ದುಬಾರಿ ಹಾರ್ಪಿಕ್ ಅಥವಾ ಆಸಿಡ್ ಹಾಕಿ ತಿಕ್ಕಿದರೂ ಈ ಹಠಮಾರಿ ಕಲೆಗಳು ಹೋಗುವುದಿಲ್ಲ. ಆದರೆ, ಮನೆಯಲ್ಲೇ ತಯಾರಿಸುವ ಒಂದು ಸೀಕ್ರೆಟ್ ಪುಡಿ ಹಾಗೂ ಲಿಕ್ವಿಡ್ ಬಳಸಿದರೆ 25-30 ವರ್ಷಗಳ ಹಳೆಯ ಪಾಚಿಯೂ ಕೂಡ ಕೇವಲ 10 ನಿಮಿಷಗಳಲ್ಲಿ ಮಾಯವಾಗುತ್ತದೆ.

ಬೇಕಾಗುವ ಸಾಮಗ್ರಿಗಳು

ಲಿಂಬೆ ಪುಡಿ (ಸಿಟ್ರಿಕ್ ಆಸಿಡ್ / Citric Acid): 1 ರಿಂದ 2 ಚಮಚ (ಇದು ಅಂಗಡಿಗಳಲ್ಲಿ ಸಣ್ಣ ಕ್ರಿಸ್ಟಲ್ ರೂಪದಲ್ಲಿ ಸಿಗುತ್ತದೆ, ಕಲೆ ಕರಗಿಸಲು ಇದು ಮೇನ್ ಇಂಗ್ರಿಡಿಯಂಟ್).ಅಡುಗೆ ಸೋಡಾ (ಬೇಕಿಂಗ್ ಸೋಡಾ): 1 ಚಮಚಅಡುಗೆ ಉಪ್ಪು: 2 ಚಮಚಅರಿಶಿನ ಪುಡಿ: ಅರ್ಧ ಚಮಚ (ಕ್ರಿಮಿಕೀಟ, ಬ್ಯಾಕ್ಟೀರಿಯಾ ಮತ್ತು ಇನ್‌ಫೆಕ್ಷನ್ ತಡೆಯಲು)ಡಾಂಬರ್ ಗುಳಿಗೆ (ನುಸಿಗುಳಿಗೆ / Naphthalene Ball): 1 (ಪುಡಿ ಮಾಡಿದ್ದು - ದುರ್ವಾಸನೆ, ಜಿರಳೆ ಹಾಗೂ ಹಲ್ಲಿಗಳನ್ನು ಓಡಿಸಲು)

ಫೋಮಿಂಗ್ ಲಿಕ್ವಿಡ್ ತಯಾರಿಸಲು

ಟೂತ್ ಪೇಸ್ಟ್: 1 ಚಮಚನೀರು: ಅರ್ಧ ಬಾಟಲ್ (ಸುಮಾರು 250 ml)

ಬಳಸುವ ಸುಲಭ ವಿಧಾನ

ಲಿಕ್ವಿಡ್ ರೆಡಿ ಮಾಡಿಅರ್ಧ ಬಾಟಲ್ ನೀರಿಗೆ 1 ಚಮಚ ಟೂತ್ ಪೇಸ್ಟ್ ಹಾಕಿ, ಮುಚ್ಚಳ ಮುಚ್ಚಿ ಚೆನ್ನಾಗಿ ಕುಲುಕಿ (Shake ಮಾಡಿ). ಪೇಸ್ಟ್ ಕರಗಿ ಚೆನ್ನಾಗಿ ನೊರೆ (Foam) ಬರುವಂತೆ ಲಿಕ್ವಿಡ್ ಸಿದ್ಧಪಡಿಸಿ.

ಪುಡಿಯನ್ನು ಸಿಂಪಡಿಸಿಪಾಚಿ ಕಟ್ಟಿರುವ ಕಮೋಡ್, ವಾಶ್ ಬೇಸಿನ್ ಅಥವಾ ಬಾತ್‌ರೂಮ್‌ನ ಉಪ್ಪಿನ ಕಲೆ ಇರುವ ಟೈಲ್ಸ್ ಮೇಲೆ ತಯಾರಿಸಿಟ್ಟುಕೊಂಡಿರುವ ಪುಡಿಯ ಮಿಶ್ರಣವನ್ನು (ಲಿಂಬೆ ಪುಡಿ, ಸೋಡಾ, ಉಪ್ಪು, ಅರಿಶಿನ, ಡಾಂಬರ್ ಪುಡಿ) ಸಮನಾಗಿ ಉದುರಿಸಿ.

ಲಿಕ್ವಿಡ್ ಸುರಿದು 10-15 ನಿಮಿಷ ಬಿಡಿಪುಡಿ ಹಾಕಿದ ಜಾಗದ ಮೇಲೆ ನೀವು ತಯಾರಿಸಿದ ಟೂತ್ ಪೇಸ್ಟ್ ಲಿಕ್ವಿಡ್ ಅನ್ನು ಸುರಿಯಿರಿ. ಇದು ಲಿಂಬೆ ಪುಡಿ ಮತ್ತು ಸೋಡಾದೊಂದಿಗೆ ವರ್ತಿಸಿ ಭಾರಿ ನೊರೆ ಉಂಟುಮಾಡುತ್ತದೆ. ಇದನ್ನು ಹಾಗೇ 10 ರಿಂದ 15 ನಿಮಿಷ ಬಿಡಿ.

ತೊಳೆಯಿರಿ (ಉಜ್ಜುವ ಕಷ್ಟವೇ ಇಲ್ಲ)15 ನಿಮಿಷಗಳ ನಂತರ ಬ್ರಷ್‌ನಿಂದ ಹಗುರವಾಗಿ ಸವರಿ ನೀರು ಹಾಕಿದರೆ ಸಾಕು. ಯಾವುದೇ ಆಸಿಡ್ ಇಲ್ಲದೆ, ಜಾಸ್ತಿ ಶ್ರಮವಿಲ್ಲದೆ ಕಲೆಗಳು ಸಂಪೂರ್ಣ ಕರಗಿ ಟಾಯ್ಲೆಟ್-ಬಾತ್‌ರೂಮ್ ಪಳಪಳನೆ ಹೊಳೆಯುತ್ತದೆ.

ಇದರಿಂದಾಗುವ ಲಾಭಗಳು

ಏರ್ ಬ್ಲಾಕ್ ಕ್ಲಿಯರ್ ಆಗುತ್ತೆ: ಕಮೋಡ್ ಅಥವಾ ಸಿಂಕ್‌ನಲ್ಲಿ ನೀರು ಸರಾಗವಾಗಿ ಹೋಗದೆ ಏರ್ ಹಿಡಿದಿದ್ದರೆ, ಲಿಂಬೆ ಪುಡಿ (ಸಿಟ್ರಿಕ್ ಆಸಿಡ್) ಹಾಕುವುದರಿಂದ ಪೈಪ್‌ನಲ್ಲಿರುವ ಕಲ್ಮಶ ಕರಗಿ ನೀರು ಸರಾಗವಾಗಿ ಹರಿಯುತ್ತದೆ.

ದುರ್ವಾಸನೆ ಮಾಯ: ಡಾಂಬರ್ ಗುಳಿಗೆ ಮತ್ತು ಕೋಲ್ಗೇಟ್ ಪರಿಮಳದಿಂದ ಬಾತ್‌ರೂಮ್‌ನಲ್ಲಿ ಯಾವುದೇ ಕೆಟ್ಟ ವಾಸನೆ ಬರುವುದಿಲ್ಲ.

ಎಷ್ಟು ದಿನಕ್ಕೊಮ್ಮೆ ಮಾಡಬೇಕು?

ನಿಮ್ಮ ಮನೆಯಲ್ಲಿ ಉಪ್ಪುನೀರಿನ ಸಮಸ್ಯೆ ಹೆಚ್ಚಿದ್ದರೆ, ವಾರಕ್ಕೆ ಒಮ್ಮೆ ಈ ವಿಧಾನ ಅನುಸರಿಸಿ. ನಂತರದ ದಿನಗಳಲ್ಲಿ ತಿಂಗಳಿಗೆ ಒಮ್ಮೆ ಮಾಡಿದರೆ ಸಾಕು, ಟಾಯ್ಲೆಟ್ ಸದಾ ಹೊಸದರಂತೆ ಇರುತ್ತದೆ. ಈ ಮಿಶ್ರಣದಲ್ಲಿ ಬಳಸುವ ಡಾಂಬರ್ ಗುಳಿಗೆಯ (Naphthalene Ball) ವಾಸನೆಗೆ ಬಾತ್‌ರೂಮ್‌ನ ಡ್ರೈನೇಜ್ ಪೈಪ್ ಮೂಲಕ ಒಳಗೆ ನುಗ್ಗುವ ಜಿರಳೆಗಳು, ಹಲ್ಲಿಗಳು ಹಾಗೂ ಕಣ್ಣಿಗೆ ಕಾಣದ ಸಣ್ಣ ಕ್ರಿಮಿಕೀಟಗಳು ಸಂಪೂರ್ಣವಾಗಿ ದೂರವಾಗುತ್ತವೆ.

ಬೆಂಗಳೂರು ಕೆರೆಗಳ ಸ್ವಚ್ಛತೆ ಅಭಿಯಾನ; ಪಾಲಿಕೆ, ಪೌರ ಕಾರ್ಮಿಕರ ಜೊತೆಗೆ ಜನರೂ ಕೈಜೋಡಿಸುವಂತೆ ಮನವಿ!

Sathish Kumar KH — Wed, 21 Oct 2026 17:37:44 +0530

ಬೆಂಗಳೂರು (ಅ.21): ಬೆಂಗಳೂರು ನಗರ ಕೇಂದ್ರ ಪಾಲಿಕೆಯು 'ಸ್ವಚ್ಛ ಸರ್ವೇಕ್ಷಣ್ 2025-26' ರಾಷ್ಟ್ರೀಯ ಶ್ರೇಯಾಂಕ ಪಟ್ಟಿಯಲ್ಲಿ ಉತ್ತಮ ಸ್ಥಾನ ಗಳಿಸುವ ಗುರಿಯೊಂದಿಗೆ, ಪ್ರಮುಖ ಕೆರೆಗಳ ಸುತ್ತಮುತ್ತ 4ನೇ ಹಂತದ ವಿಶೇಷ ಸ್ವಚ್ಛತಾ ಅಭಿಯಾನವನ್ನು ಯಶಸ್ವಿಯಾಗಿ ನಡೆಸಲಾಗಿದೆ. ಕೆರೆಗಳ ಸ್ವಚ್ಛತೆಗೆ ಸಾರ್ವಜನಿಕರೂ ಸಹಕಾರ ನೀಡಬೇಕು ಎಂದು ಕೇಂದ್ರ ನಗರ ಪಾಲಿಕೆ ಆಯುಕ್ತ ಜಗದೀಶ್ ಜಿ. ಮನವಿ ಮಾಡಿದ್ದಾರೆ.

4 ಪ್ರಮುಖ ಕೆರೆಗಳಲ್ಲಿ ಕಾರ್ಯಾಚರಣೆ:

ಸಿಲಿಕಾನ್ ಸಿಟಿಯನ್ನು ತ್ಯಾಜ್ಯಮುಕ್ತ ಹಾಗೂ ಸುಂದರ ನಗರವನ್ನಾಗಿ ರೂಪಿಸುವ ನಿಟ್ಟಿನಲ್ಲಿ ಬೆಂಗಳೂರು ಕೇಂದ್ರ ನಗರ ಪಾಲಿಕೆ ಮಹತ್ವದ ಹೆಜ್ಜೆಯಿಟ್ಟಿದೆ. ಈ ನಿಟ್ಟಿನಲ್ಲಿ ಪಾಲಿಕೆಯು ರೂಪಿಸಿರುವ ಪೂರ್ವ ನಿಯೋಜಿತ ಕಾರ್ಯಸೂಚಿಯಂತೆ (Action Plan) ಈ ಕೆಳಗಿನ ನಾಲ್ಕು ಪ್ರಮುಖ ಕೆರೆಗಳ ಅಂಗಳ, ನಡಿಗೆ ಪಥ (Walking tracks) ಹಾಗೂ ಸುತ್ತಮುತ್ತಲಿನ ರಸ್ತೆ ಬದಿಗಳನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸಲಾಗಿದೆ.

ಹಲಸೂರು ಕೆರೆ
ಜಿ.ಎಂ. ಪಾಳ್ಯ ಭೈರಸಂದ್ರ ಕೆರೆ
ಕಸ್ತೂರಿ ನಗರ ಕೆರೆ
ಕಗ್ಗದಾಸಪುರ ಕೆರೆ

69 ಕೆ.ಜಿ ಪ್ಲಾಸ್ಟಿಕ್ ಹಾಗೂ ಘನತ್ಯಾಜ್ಯ ತೆರವು:

ಈ ವಿಶೇಷ ಕಾರ್ಯಾಚರಣೆಯಲ್ಲಿ ಕೆರೆ ಅಂಗಳ ಹಾಗೂ ಸುತ್ತಮುತ್ತಲಿನ ಪರಿಸರದಲ್ಲಿ ಎಸೆಯಲಾಗಿದ್ದ ಪ್ಲಾಸ್ಟಿಕ್ ಕವರ್‌ಗಳು, ನೀರಿನ ಬಾಟಲಿಗಳು, ಕಾಗದ, ಆಹಾರ ತ್ಯಾಜ್ಯ ಹಾಗೂ ಒಣ ಎಲೆಗಳನ್ನು ಸಿಬ್ಬಂದಿ ತೆರವುಗೊಳಿಸಿದರು. ಒಟ್ಟು 69 ಕೆ.ಜಿ. ಪ್ಲಾಸ್ಟಿಕ್ ಘನತ್ಯಾಜ್ಯವನ್ನು ಸಂಗ್ರಹಿಸಿ, ವೈಜ್ಞಾನಿಕ ವಿಲೇವಾರಿಗಾಗಿ ಸೂಕ್ತ ಸಂಸ್ಕರಣಾ ಘಟಕಗಳಿಗೆ ರವಾನಿಸಲಾಗಿದೆ.

ಶ್ರಮಿಸಿದ ಪೌರಕಾರ್ಮಿಕರು:

ಕೆರೆಗಳ ನೈರ್ಮಲ್ಯ ಕಾಪಾಡುವ ಈ ಮಹತ್ಕಾರ್ಯದಲ್ಲಿ ಪೌರಕಾರ್ಮಿಕರು ಹಾಗೂ ಸ್ವಚ್ಛತಾ ಸಿಬ್ಬಂದಿ ಬೆವರು ಹರಿಸಿ ಕೆಲಸ ಮಾಡಿದ್ದಾರೆ. ನಗರದ ಪರಿಸರ ಸಮತೋಲನ ಕಾಯ್ದುಕೊಳ್ಳಲು ಮತ್ತು ಅಂತರ್ಜಲ ಮಟ್ಟ ವೃದ್ಧಿಸಲು ಕೆರೆಗಳು ಜೀವನಾಡಿಗಳಾಗಿದ್ದು, ಇವುಗಳ ಶುಚಿತ್ವ ಕಾಪಾಡುವುದು ಪಾಲಿಕೆಯ ಪ್ರಮುಖ ಆದ್ಯತೆಯಾಗಿದೆ ಎಂದು ಆಯುಕ್ತರು ವಿವರಿಸಿದ್ದಾರೆ.

ಸಾರ್ವಜನಿಕರಿಗೆ ಆಯುಕ್ತರ ಕಳಕಳಿಯ ಮನವಿ:

'ಪಾಲಿಕೆ ಮತ್ತು ಪೌರಕಾರ್ಮಿಕರು ಎಷ್ಟೇ ಶ್ರಮಿಸಿದರೂ, ಸಾರ್ವಜನಿಕರ ಸಹಕಾರವಿಲ್ಲದೆ ಸಂಪೂರ್ಣ ಸ್ವಚ್ಛತೆ ಅಸಾಧ್ಯ. ವಾಯುವಿಹಾರಕ್ಕೆ ಬರುವ ನಾಗರಿಕರು ಹಾಗೂ ಸ್ಥಳೀಯರು ಕೆರೆ ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಎಲ್ಲೆಂದರಲ್ಲಿ ಕಸ ಎಸೆಯಬಾರದು. ನಗರದ ಸೌಂದರ್ಯ ಹಾಗೂ ಪರಿಸರ ರಕ್ಷಣೆ ಪ್ರತಿಯೊಬ್ಬ ನಾಗರಿಕನ ಜವಾಬ್ದಾರಿಯಾಗಿದ್ದು, ಕೆರೆಗಳ ಸಂರಕ್ಷಣೆಗೆ ಎಲ್ಲರೂ ಕೈಜೋಡಿಸಬೇಕು' ಎಂದು ಆಯುಕ್ತ ಜಗದೀಶ್ ಜಿ. ಸಾರ್ವಜನಿಕರಲ್ಲಿ ವಿನಂತಿಸಿದ್ದಾರೆ.

ಕುಂಡದಲ್ಲೇ ಸುಲಭವಾಗಿ ಬೆಳೆಯಿರಿ ಭರಪೂರ ಬಟಾಣಿ: ಸಸಿ ನೆಡುವ ಹಂತ ಹಂತದ ಮಾಹಿತಿ ಇಲ್ಲಿದೆ

Suchethana D — Wed, 21 Oct 2026 17:30:02 +0530

ಇನ್ನೇನು ಚಳಿಗಾಲ ಸಮೀಪಿಸ್ತಾ ಇದೆ. ಈ ಸಲ ಚಳಿಗಾಲವೇ ಇಲ್ಲ. ಬರೀ ಬಿಸಿಲು ಎನ್ನುವ ಮಾತಿದೆ. ಅದೇನೇ ಇದ್ದರೂ, ಚಳಿಗಾಲ ಎಂದರೆ ಎಲ್ಲೆಲ್ಲೂ ಹಸಿರು ಬಟಾಣಿಯದ್ದೇ ಕಾರುಬಾರು. ಇದಾಗಲೇ ಮಾರುಕಟ್ಟೆಗಳಲ್ಲಿ ಬಟಾಣಿ ಆರಂಭವಾಗಿದೆ. ಆದರೆ, ಬಟಾಣಿ ಬೆಳೆಯುವವರು ಸಸಿ ನೆಡಲು ಚಳಿಗಾಲ ಸೂಕ್ತವಾಗಿದೆ. ಮನೆಯಲ್ಲಿಯೇ ಇರುವ ಚಿಕ್ಕ ಜಾಗಗಳಲ್ಲಿ ಇದನ್ನು ಬೆಳೆಯಬಹುದು. ಇಲ್ಲದೇ ಹೋದರೆ ಟೆರೇಸ್ ಮೇಲೆಯೂ ಬೆಳೆಯಬಹುದು. ಕುಂಡ ಸ್ವಲ್ಪ ದೊಡ್ಡದಿದ್ದರೆ ಅದರಲ್ಲಿಯೂ ಸುಲಭದಲ್ಲಿ ಬೆಳೆಯಬಹುದಾಗಿದೆ ಬಟಾಣಿ. ಸೀಮಿತ ಜಾಗದಲ್ಲಿಯೂ ನೀವು ಬಟಾಣಿ ಬಳ್ಳಿಗಳನ್ನು ಸುಲಭವಾಗಿ ಬೆಳೆಯಬಹುದು. ನೀವು ಮಾಡಬೇಕಾಗಿರುವುದು ಸರಿಯಾದ ಮಣ್ಣು, ಸಾಕಷ್ಟು ಸೂರ್ಯನ ಬೆಳಕು ಮತ್ತು ನೀರು. ಸೀಮಿತ ಜಾಗದಲ್ಲಿ ಹಸಿರು ಬಟಾಣಿಗಳನ್ನು ಹೇಗೆ ಬೆಳೆಯುವುದು ಎಂದು ತಿಳಿಯಿರಿ.

ಬಟಾಣಿಗಳನ್ನು ಬೆಳೆಯಲು ನೀವು ಯಾವ ರೀತಿಯ ಮಡಕೆಯನ್ನು ಆರಿಸಬೇಕು?

ಬಟಾಣಿ ಬಳ್ಳಿಗಳು ಮೇಲ್ಮುಖವಾಗಿ ಬೆಳೆಯುತ್ತವೆ, ಆದ್ದರಿಂದ ತುಂಬಾ ಸಣ್ಣ ಮಡಕೆಗಿಂತ ಕನಿಷ್ಠ 12-15 ಇಂಚು ಆಳ ಮತ್ತು ಅಗಲದ ಮಡಕೆಯನ್ನು ಆರಿಸಿ. ನೀರಿನ ಒಳಚರಂಡಿಗಾಗಿ ಕುಂಡದ ಕೆಳಭಾಗದಲ್ಲಿ ಒಳಚರಂಡಿ ರಂಧ್ರಗಳಿರಬೇಕು. ಒಂದು ಮಡಕೆಯಲ್ಲಿ ಹೆಚ್ಚು ಬೀಜಗಳನ್ನು ನೆಡುವುದರಿಂದ ಸಸ್ಯಗಳಿಗೆ ಸಾಕಷ್ಟು ಸ್ಥಳಾವಕಾಶ ದೊರೆಯುವುದಿಲ್ಲ, ಆದ್ದರಿಂದ ಅಂತರದ ಬಗ್ಗೆ ಜಾಗರೂಕರಾಗಿರಿ.

ಬಟಾಣಿಗಳನ್ನು ಬೆಳೆಯಲು ಯಾವ ರೀತಿಯ ಮಣ್ಣು ಸೂಕ್ತವಾಗಿರಬೇಕು?

ಬಟಾಣಿ ಸಸ್ಯಗಳಿಗೆ ಮಣ್ಣು ಸಡಿಲವಾಗಿರಬೇಕು ಮತ್ತು ಚೆನ್ನಾಗಿ ನೀರು ಬರಿದಾಗಬೇಕು. ನೀವು ಸಾಮಾನ್ಯ ತೋಟದ ಮಣ್ಣಿಗೆ ವರ್ಮಿಕಾಂಪೋಸ್ಟ್ ಅಥವಾ ಚೆನ್ನಾಗಿ ಕೊಳೆತ ಸಾವಯವ ಗೊಬ್ಬರವನ್ನು ಸೇರಿಸಬಹುದು. ಮಣ್ಣು ತುಂಬಾ ಜಿಗುಟಾಗಿರಬಾರದು ಅಥವಾ ನೀರು ಹಿಡಿದಿಟ್ಟುಕೊಳ್ಳಬಾರದು, ಏಕೆಂದರೆ ಇದು ಬೇರುಗಳಿಗೆ ಹಾನಿಯಾಗಬಹುದು.

ಈ ರೀತಿಯ ಪಾತ್ರೆಯಲ್ಲಿ ಬಟಾಣಿ ಬೀಜಗಳನ್ನು ನೆಡಿ

ಆರೋಗ್ಯಕರ, ಚೆನ್ನಾಗಿ ನೀರು ಬಸಿದ ಬಟಾಣಿ ಬೀಜಗಳನ್ನು ತೆಗೆದುಕೊಳ್ಳಿ. ಅವುಗಳನ್ನು ಮಣ್ಣಿನಲ್ಲಿ ಸುಮಾರು 1-2 ಇಂಚು ಆಳದಲ್ಲಿ ನೆಟ್ಟು ಮೇಲೆ ಸ್ವಲ್ಪ ಮಣ್ಣನ್ನು ಸಿಂಪಡಿಸಿ. ನೆಟ್ಟ ನಂತರ, ಮಣ್ಣಿಗೆ ಲಘುವಾಗಿ ನೀರು ಹಾಕಿ. ಬೀಜಗಳು ಕೆಲವೇ ದಿನಗಳಲ್ಲಿ ಮೊಳಕೆಯೊಡೆಯಲು ಪ್ರಾರಂಭಿಸುತ್ತವೆ. ಸಸ್ಯವು ಪ್ರತಿದಿನ ಸುಮಾರು 5-6 ಗಂಟೆಗಳ ಕಾಲ ಸೂರ್ಯನ ಬೆಳಕನ್ನು ಪಡೆಯಬೇಕು. ಮಣ್ಣಿನ ಮೇಲಿನ ಪದರವು ಸ್ವಲ್ಪ ಒಣಗಿದಾಗ ಮಾತ್ರ ನೀರು ಹಾಕಿ.

ಬೆಂಗಳೂರಿನ ಕನ್ನಡ ಭವನದಲ್ಲಿ ಶ್ರೀ ಮಧ್ವ ಜಯಂತಿ ಉತ್ಸವ: ಗಣ್ಯರಿಂದ ಶ್ರೀಮಧ್ವಾಚಾರ್ಯರಿಗೆ ನಮನ

Govindaraj S — Wed, 21 Oct 2026 17:17:08 +0530

ಬೆಂಗಳೂರು (ಅ.21): ನಗರದ ಕನ್ನಡ ಭವನದಲ್ಲಿ ಕರ್ನಾಟಕ ಸರ್ಕಾರದ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ವತಿಯಿಂದ ಆಯೋಜಿಸಲಾಗಿದ್ದ ಶ್ರೀ ಮಧ್ವ ಜಯಂತಿ ಉತ್ಸವ ಭಕ್ತಿಭಾವದಿಂದ ನೆರವೇರಿತು. ಧಾರ್ಮಿಕ ಹಾಗೂ ಆಧ್ಯಾತ್ಮಿಕ ಮಹತ್ವ ಹೊಂದಿದ್ದ ಈ ಕಾರ್ಯಕ್ರಮದಲ್ಲಿ ಗಣ್ಯರು, ಧಾರ್ಮಿಕ ಮುಖಂಡರು ಹಾಗೂ ಮಧ್ವಾಚಾರ್ಯರ ಅನುಯಾಯಿಗಳು ಪಾಲ್ಗೊಂಡು ಶ್ರೀಮಧ್ವಾಚಾರ್ಯರಿಗೆ ಗೌರವ ನಮನ ಸಲ್ಲಿಸಿದರು.

ಕಾರ್ಯಕ್ರಮವನ್ನು ಮಾಜಿ ಸಚಿವ ಹಾಗೂ ಶಾಸಕ ದಿನೇಶ್ ಗುಂಡೂರಾವ್, ಕರ್ನಾಟಕ ರಾಜ್ಯ ಬ್ರಾಹ್ಮಣ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷ ಅಸಗೋಡು ಜಯಸಿಂಹ, ಪಂ.ಪೂ. ಡಾ. ಶ್ರೀ ವ್ಯಾಸನಕೆರೆ ಪ್ರಭಂಜನ ಆಚಾರ್ಯ ಹಾಗೂ ದ್ವೈತ ವೇದಾಂತ ಫೌಂಡೇಶನ್‌ನ ನಿರ್ದೇಶಕರು ಮತ್ತು ಶ್ರೀ ಉತ್ತರಾದಿ ಮಠದ ಪ್ರಮುಖರಾದ ಪಂ.ಪೂ. ಡಾ. ಶ್ರೀ ಸತ್ಯಧ್ಯಾನ ಆಚಾರ್ಯ ಅವರ ಉಪಸ್ಥಿತಿಯಲ್ಲಿ ಉದ್ಘಾಟಿಸಲಾಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಪಂ.ಪೂ. ಡಾ. ಶ್ರೀ ಸತ್ಯಧ್ಯಾನ ಆಚಾರ್ಯ ಅವರು, ಶ್ರೀಮಧ್ವಾಚಾರ್ಯರ ತತ್ವ, ಸಿದ್ಧಾಂತ ಹಾಗೂ ಆಧ್ಯಾತ್ಮಿಕ ಕೊಡುಗೆಗಳ ಮಹತ್ವವನ್ನು ಸ್ಮರಿಸಿದರು. ಮಧ್ವಾಚಾರ್ಯರ ತತ್ವಜ್ಞಾನ ಮತ್ತು ಬೋಧನೆಗಳು ಧಾರ್ಮಿಕ ಹಾಗೂ ಆಧ್ಯಾತ್ಮಿಕ ಕ್ಷೇತ್ರದಲ್ಲಿ ಮಹತ್ವದ ಸ್ಥಾನ ಪಡೆದಿವೆ ಎಂಬುದನ್ನು ಅವರು ತಮ್ಮ ಮಾತುಗಳಲ್ಲಿ ಉಲ್ಲೇಖಿಸಿದರು.

ಶ್ರೀಮಧ್ವಾಚಾರ್ಯರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ

ಕಾರ್ಯಕ್ರಮದ ಅಂಗವಾಗಿ ಕರ್ನಾಟಕ ರಾಜ್ಯ ತ್ರಿಮತಸ್ಥ ಬ್ರಾಹ್ಮಣ ಮಹಾಸಭಾದ ರಾಜ್ಯಾಧ್ಯಕ್ಷರಾದ ಡಾ. ಪಂ. ಶ್ರೀ ಪ್ರಸನ್ನಾಚಾರ್ಯ ಎಸ್. ಕಟ್ಟಿ ಅವರು ತ್ರೈಲೋಕ್ಯಾಚಾರ್ಯರ ಭಾವಚಿತ್ರಕ್ಕೆ ಪುಷ್ಪಾರ್ಚನೆ ಸಲ್ಲಿಸಿ ಪೂಜಾ ಕೈಂಕರ್ಯಗಳನ್ನು ನೆರವೇರಿಸಿದರು. ಈ ಮೂಲಕ ಶ್ರೀಮಧ್ವಾಚಾರ್ಯರ ಸ್ಮರಣೆಗೆ ಗೌರವ ಸಲ್ಲಿಸಲಾಯಿತು.

ಇದೇ ಸಂದರ್ಭದಲ್ಲಿ ವೇದವ್ಯಾಸ ಕಟ್ಟಿ ಹಾಗೂ ವರದರಾಜ ಕಟ್ಟಿ ಅವರು ಶ್ರೀಮಧ್ವಾಚಾರ್ಯರ ಭಾವಚಿತ್ರದ ಮುಂದೆ ಆಚಾರ್ಯರ ಮಹಿಮೆ ಮತ್ತು ವೈಶಿಷ್ಟ್ಯಗಳನ್ನು ವರ್ಣಿಸುವ ಸ್ತೋತ್ರಗಳನ್ನು ಪಠಿಸಿದರು. ಭಕ್ತಿಪೂರ್ಣ ಸ್ತೋತ್ರ ಪಠಣದ ಮೂಲಕ ಶ್ರೀಮದಾಚಾರ್ಯರಿಗೆ ನಮನ ಸಲ್ಲಿಸಲಾಯಿತು.

ಧಾರ್ಮಿಕ ಪರಂಪರೆಯ ಸ್ಮರಣೆಗೆ ವೇದಿಕೆಯಾದ ಉತ್ಸವ

ಶ್ರೀ ಮಧ್ವ ಜಯಂತಿ ಉತ್ಸವವು ಶ್ರೀಮಧ್ವಾಚಾರ್ಯರ ಜೀವನ, ತತ್ವಜ್ಞಾನ ಮತ್ತು ಆಧ್ಯಾತ್ಮಿಕ ಪರಂಪರೆಯನ್ನು ಸ್ಮರಿಸುವ ಮಹತ್ವದ ಸಂದರ್ಭವಾಯಿತು. ಧಾರ್ಮಿಕ ಆಚರಣೆಗಳು, ಪುಷ್ಪಾರ್ಚನೆ ಹಾಗೂ ಸ್ತೋತ್ರ ಪಠಣದ ಮೂಲಕ ಕಾರ್ಯಕ್ರಮಕ್ಕೆ ಭಕ್ತಿಯ ವಾತಾವರಣ ಮೂಡಿಬಂದಿತು. ಬೆಂಗಳೂರಿನ ಕನ್ನಡ ಭವನದಲ್ಲಿ ನಡೆದ ಈ ಉತ್ಸವವು ಶ್ರೀಮಧ್ವಾಚಾರ್ಯರ ತತ್ವಾದರ್ಶಗಳನ್ನು ಸ್ಮರಿಸುವುದರ ಜೊತೆಗೆ, ಅವರ ಆಧ್ಯಾತ್ಮಿಕ ಪರಂಪರೆಯ ಮಹತ್ವವನ್ನು ಸಾರುವ ಕಾರ್ಯಕ್ರಮವಾಗಿ ಗಮನ ಸೆಳೆಯಿತು.

ಬಿಸಿ ತರಂಗಗಳಾಚೆಗೂ ಋತುಬಂಧ: ದೇಹ ಮತ್ತು ಮನಸ್ಸಿನ ಬದಲಾವಣೆಗಳನ್ನು ಅರ್ಥಮಾಡಿಕೊಳ್ಳೋಣ

Suvarna News — Wed, 21 Oct 2026 17:09:08 +0530

ಋತುಬಂಧ ಅಥವಾ ಮುಟ್ಟುನಿಲ್ಲುವಿಕೆ ಮಹಿಳೆಯ ಜೀವನದ ಒಂದು ಸಹಜ ಘಟ್ಟ. ಇದು ಕೇವಲ ಮುಟ್ಟು ನಿಲ್ಲುವ ಘಟನೆಯಲ್ಲ; ದೇಹ, ಮನಸ್ಸು ಮತ್ತು ಭಾವನೆಗಳಲ್ಲಿ ಗಮನಾರ್ಹ ಬದಲಾವಣೆಗಳನ್ನು ತರುವ ಹೊಸ ಹಂತವಾಗಿದೆ. ಸಾಮಾನ್ಯವಾಗಿ 45 ರಿಂದ 55 ವರ್ಷಗಳ ನಡುವೆ ಋತುಚಕ್ರ ಶಾಶ್ವತವಾಗಿ ನಿಲ್ಲುತ್ತದೆ. ಸತತ ಒಂದು ವರ್ಷದವರೆಗೆ ಮುಟ್ಟು ಆಗದಿದ್ದಾಗ ಅದನ್ನು ಋತುಬಂಧ ಎಂದು ಕರೆಯಲಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ 40 ವರ್ಷಕ್ಕೂ ಮುನ್ನವೇ ಋತುಬಂಧ ಕಾಣಿಸಿಕೊಳ್ಳುವ ಮಹಿಳೆಯರ ಸಂಖ್ಯೆಯೂ ಹೆಚ್ಚುತ್ತಿದೆ. ಜೀವನಶೈಲಿಯ ಬದಲಾವಣೆ, ಒತ್ತಡ, ಆಟೋಇಮ್ಯೂನ್ ಸಮಸ್ಯೆಗಳು ಹಾಗೂ ಕೆಲವು ವೈದ್ಯಕೀಯ ಕಾರಣಗಳು ಇದಕ್ಕೆ ಸಂಬಂಧಿಸಿರಬಹುದು.

ಋತುಬಂಧದ ಸಂದರ್ಭದಲ್ಲಿ ಈಸ್ಟ್ರೋಜನ್ ಮತ್ತು ಪ್ರೊಜೆಸ್ಟರೋನ್ ಎಂಬ ಮಹಿಳಾ ಹಾರ್ಮೋನುಗಳ ಪ್ರಮಾಣ ಕಡಿಮೆಯಾಗುತ್ತದೆ. ಇದರ ಪರಿಣಾಮವಾಗಿ ದೇಹದಲ್ಲಿ ಹಲವು ಬದಲಾವಣೆಗಳು ಆರಂಭವಾಗುತ್ತವೆ. ಬಹುತೇಕರಿಗೆ ಪರಿಚಿತವಾದ ಲಕ್ಷಣವೆಂದರೆ ‘ಹಾಟ್ ಫ್ಲಶಸ್’ ಅಥವಾ ಬಿಸಿ ತರಂಗಗಳು. ಇದ್ದಕ್ಕಿದ್ದಂತೆ ಮೈ ಬಿಸಿಯಾಗುವುದು, ಮುಖ ಕೆಂಪಾಗುವುದು, ಅತಿಯಾದ ಬೆವರುವಿಕೆ ಹಾಗೂ ರಾತ್ರಿ ನಿದ್ರೆಗೆ ಅಡ್ಡಿಯಾಗುವುದು ಸಾಮಾನ್ಯ.

ಆದರೆ ಋತುಬಂಧದ ಅನುಭವ ಬಿಸಿ ತರಂಗಗಳಿಗೆ ಮಾತ್ರ ಸೀಮಿತವಾಗಿಲ್ಲ. ಎಲುಬಿನ ಸಾಂದ್ರತೆ ಕಡಿಮೆಯಾಗುವುದರಿಂದ ಕೀಲು ನೋವು, ಬೆನ್ನುನೋವು ಹಾಗೂ ಅಸ್ಥಿಸವಕಳಿಯ ಅಪಾಯ ಹೆಚ್ಚಾಗಬಹುದು. ಕೆಲವು ಮಹಿಳೆಯರಲ್ಲಿ ತೂಕ ಹೆಚ್ಚಳ, ಜೀರ್ಣಕ್ರಿಯೆಯ ವ್ಯತ್ಯಾಸ, ಹೊಟ್ಟೆ ಉಬ್ಬರ ಮತ್ತು ಮೂತ್ರವಿಸರ್ಜನೆಗೆ ಸಂಬಂಧಿಸಿದ ತೊಂದರೆಗಳೂ ಕಾಣಿಸಬಹುದು. ಜೊತೆಗೆ ಯೋನಿಯ ಆರ್ದ್ರತೆ ಕಡಿಮೆಯಾಗುವುದು, ಲೈಂಗಿಕ ಆಸಕ್ತಿಯಲ್ಲಿ ವ್ಯತ್ಯಾಸ ಮತ್ತು ಅಸೌಕರ್ಯಗಳೂ ಉಂಟಾಗಬಹುದು.

ದೈಹಿಕ ಬದಲಾವಣೆಗಳಷ್ಟೇ ಮಾನಸಿಕ ಬದಲಾವಣೆಗಳೂ ಪ್ರಮುಖವಾಗಿವೆ. ಕಾರಣವಿಲ್ಲದ ಆತಂಕ, ಒಂಟಿತನ, ಖಿನ್ನತೆ, ಕಿರಿಕಿರಿ, ಮರೆವು ಹಾಗೂ ಏಕಾಗ್ರತೆಯ ಕೊರತೆ ಕೆಲವರಲ್ಲಿ ಕಂಡುಬರಬಹುದು. ಈ ಹಂತದಲ್ಲಿ ಕುಟುಂಬದ ಭಾವನಾತ್ಮಕ ಬೆಂಬಲ ಮಹಿಳೆಯ ಆತ್ಮವಿಶ್ವಾಸವನ್ನು ಹೆಚ್ಚಿಸಲು ನೆರವಾಗುತ್ತದೆ.

ಋತುಬಂಧವನ್ನು ಕೇವಲ ವೈದ್ಯಕೀಯ ಬದಲಾವಣೆಯಾಗಿ ನೋಡದೆ, ಜೀವನದ ಒಂದು ಭಾವನಾತ್ಮಕ ಪರಿವರ್ತನೆಯಾಗಿಯೂ ಅರ್ಥಮಾಡಿಕೊಳ್ಳಬೇಕು. ಮಕ್ಕಳು ಸ್ವತಂತ್ರರಾಗುವುದು, ಉದ್ಯೋಗದ ಒತ್ತಡ, ಕುಟುಂಬದ ಜವಾಬ್ದಾರಿಗಳ ಬದಲಾವಣೆ ಹಾಗೂ ವಯಸ್ಸಿನ ಅರಿವು ಇವೆಲ್ಲವೂ ಈ ಸಮಯದಲ್ಲಿ ಮಹಿಳೆಯ ಮನಸ್ಥಿತಿಯ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಆದ್ದರಿಂದ ಕುಟುಂಬದವರು ಈ ಹಂತವನ್ನು ಸಹಾನುಭೂತಿಯಿಂದ ಅರ್ಥಮಾಡಿಕೊಂಡು, ಭಾವನಾತ್ಮಕ ಬೆಂಬಲ ನೀಡುವುದು ಬಹಳ ಮುಖ್ಯ. ಮಹಿಳೆಯ ಆರೋಗ್ಯವು ಕೇವಲ ಅವರ ವೈಯಕ್ತಿಕ ವಿಷಯವಲ್ಲ; ಅದು ಕುಟುಂಬದ ಸಮಗ್ರ ಆರೋಗ್ಯ ಮತ್ತು ಸಂತೋಷಕ್ಕೂ ನಿಕಟವಾಗಿ ಸಂಬಂಧಿಸಿದೆ.

ಋತುಬಂಧ ಯಾವುದೇ ರೋಗವಲ್ಲ. ಇದು ಬದುಕಿನ ಸಹಜ ಪರಿವರ್ತನೆ. ಸಮತೋಲಿತ ಆಹಾರ, ನಿಯಮಿತ ವ್ಯಾಯಾಮ, ಯೋಗ, ಪ್ರಾಣಾಯಾಮ, ಗುಣಮಟ್ಟದ ನಿದ್ರೆ ಮತ್ತು ನಿಯಮಿತ ಆರೋಗ್ಯ ತಪಾಸಣೆಗಳ ಮೂಲಕ ಈ ಹಂತವನ್ನು ಸುಲಭವಾಗಿ ಎದುರಿಸಬಹುದು. ಅಗತ್ಯವಿದ್ದಲ್ಲಿ ವೈದ್ಯರ ಸಲಹೆ ಪಡೆದು ರಕ್ತಪರೀಕ್ಷೆ, ಎಲುಬಿನ ಆರೋಗ್ಯ ಹಾಗೂ ಸ್ತ್ರೀರೋಗ ಸಂಬಂಧಿತ ತಪಾಸಣೆಗಳನ್ನು ಮಾಡಿಸಿಕೊಳ್ಳುವುದು ಮುಖ್ಯ.

ಋತುಬಂಧವನ್ನು ಭಯದಿಂದ ನೋಡುವುದಕ್ಕಿಂತ ಅರಿವಿನಿಂದ ಸ್ವೀಕರಿಸಿದಾಗ, ಅದು ಜೀವನದ ಅಂತ್ಯವಲ್ಲ; ಆರೋಗ್ಯಕರ ಮತ್ತು ಆತ್ಮವಿಶ್ವಾಸಭರಿತ ಹೊಸ ಅಧ್ಯಾಯದ ಆರಂಭವಾಗುತ್ತದೆ.

ಡಾ. ಮಮತಾ ಕೆ.ವಿ, ಪ್ರಾಂಶುಪಾಲರು, ಆಯುರ್ವೇದ ಪ್ರಸೂತಿ ಮತ್ತು ಸ್ತ್ರೀರೋಗ ತಜ್ಞೆ, ಎಸ್‌ಡಿಎಂ ಕಾಲೇಜ್ ಆಫ್ ಆಯುರ್ವೇದ, ಆಸ್ಪತ್ರೆ ಮತ್ತು ಸಂಶೋಧನಾ ಕೇಂದ್ರ, ಉಡುಪಿ.

ಪಾರಿವಾಳ ಓಡಿಸೋ ಎಲ್ಲಾ ಪ್ಲ್ಯಾನ್ ಠುಸ್ ಆಗಿವ್ಯಾ? ನೆಟ್ ಹಾಕೋದೇ ಬೇಡ- ತಜ್ಞರು ಕೊಟ್ಟ ಈಸಿ ಟಿಪ್ಸ್ ಇಲ್ಲಿದೆ ನೋಡಿ

Suchethana D — Wed, 21 Oct 2026 17:08:49 +0530

ಪ್ರತಿಯೊಬ್ಬರೂ ತಮ್ಮ ಬಾಲ್ಕನಿಯನ್ನು ಸ್ವಚ್ಛವಾಗಿರಬೇಕೆಂದು ಬಯಸುತ್ತಾರೆ. ಜನರು ಅದನ್ನು ಸುಂದರಗೊಳಿಸಲು ವಿವಿಧ ಸಸ್ಯಗಳನ್ನು ನೆಡುತ್ತಾರೆ. ಆದಾಗ್ಯೂ, ಪಾರಿವಾಳಗಳು ಬಾಲ್ಕನಿಗಳಲ್ಲಿ ಬರುತ್ತವೆ. ಹಕ್ಕಿಗಳಿಗೆ ಧಾನ್ಯ ಹಾಕುವುದರಿಂದ ಪುಣ್ಯ ಬರುತ್ತದೆ ಎಂದು ಹೇಳಲಾಗುತ್ತದೆಯಾದರೂ, ಪಾರಿವಾಳಗಳಿಂದ ಉಸಿರಾಟದ ಸಮಸ್ಯೆ ಸೇರಿದಂತೆ ಕೆಲವು ಆರೋಗ್ಯ ಸಮಸ್ಯೆಗಳು ಬರುವುದು ಇದಾಗಲೇ ದೃಢಪಟ್ಟಿವೆ. ಅಷ್ಟೇ ಅಲ್ಲದೇ ಪಾರಿವಾಳಗಳು ಸಿಕ್ಕಾಪಟ್ಟೆ ಹಿಕ್ಕೆ ಹಾಕಿ ಮನೆಯ ಅಂದವನ್ನೇ ಕೆಡಿಸುವುದು ಇದೆ. ಬೇರಾವ ಪಕ್ಷಿಗಳೂ ಮಾಡದಷ್ಟು ಗಲೀಜು ಇದು ಮಾಡುತ್ತದೆ. ಇದೇ ಕಾರಣಕ್ಕೆ ಪಕ್ಷಿ ಪ್ರಿಯರು ಕೂಡ ಪಾರಿವಾಳಗಳಿಂದ ದೂರ ಇರಲು ಬಯಸುತ್ತಾರೆ. ಕೆಲವು ಸಾರ್ವಜನಿಕ ಪ್ರದೇಶಗಳಲ್ಲಿ, ಪಾರಿವಾಳಗಳಿಂದ ರೋಗ ಉಂಟಾಗುತ್ತದೆ ಎನ್ನುವ ಕಾರಣಕ್ಕೆ, ಅದಕ್ಕೆ ಧಾನ್ಯ ಹಾಕಿದವರ ಮೇಲೆ ಕಠಿಣ ಕ್ರಮಗಳನ್ನೂ ತೆಗೆದುಕೊಳ್ಳಲಾಗುತ್ತಿದೆ. ಆದ್ದರಿಂದ ಪಾರಿವಾಳಗಳನ್ನು ನೋಡಿ ಅಯ್ಯೋ ಪಾಪ ಎನ್ನುವವರು ಕೂಡ ಒಂದು ಹಂತದಲ್ಲಿ ಅದನ್ನು ದ್ವೇಷಿಸುವ ಹಾಗೆ ಆಗಿಬಿಡುತ್ತದೆ.

ಪಾರಿವಾಳಗಳ ರಕ್ಷಣೆಯಿಂದ ಸಾಮಾನ್ಯವಾಗಿ ಎಲ್ಲೆಡೆ ಮನೆಯ ಸುತ್ತಲೂ ಬಲೆ ಹಾಕುವುದನ್ನು ನೋಡಬಹುದು. ದೊಡ್ಡ ದೊಡ್ಡ ಕಟ್ಟಡಗಳಲ್ಲಿಯೂ ಈ ಬಲೆ ಹಾಕಿರುತ್ತಾರೆ. ಪಾರಿವಾಳ ಕುಳಿತುಕೊಳ್ಳಬಾರದು ಎನ್ನುವುದು ಇದಕ್ಕೆ ಕಾರಣ. ಆದರೆ ಈ ರೀತಿ ಬಲೆ ಹಾಕಿದರೆ ಅದು ಮನೆಯ ಅಂದವನ್ನೂ ಕೆಡಿಸುವುದು ಇದೆ. ಕೋಟ್ಯಂತರ ರೂಪಾಯಿ ಖರ್ಚು ಮಾಡಿ ಹೊಸಮನೆ ಕಟ್ಟಿ, ಅದಕ್ಕೆ ಬೇಕಾಗುವ ರೀತಿಯಲ್ಲಿ ಡಿಸೈನ್ ಮಾಡಿಸಿ, ಬಳಿಕ ಬಲೆ ಹಾಕಿದರೆ ಎಲ್ಲವೂ ನೀರಿನಲ್ಲಿ ಹೋಮ ಮಾಡಿದಂತೆ ಆಗುವುದು ಇದೆ.

ಎಲ್ಲಾ ಪ್ಲ್ಯಾನ್ ಫ್ಲಾಪ್

ತೋಟಗಾರಿಕೆ ತಜ್ಞರಾದ ಅನು ಮತ್ತು ವರುಣ್ ತಮ್ಮ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್‌ನಲ್ಲಿ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ಈ ವೀಡಿಯೊದಲ್ಲಿ, ಅವುಗಳನ್ನು ಓಡಿಸಲು ಅವರು ಸರಳ ವಿಧಾನವನ್ನು ವಿವರಿಸುತ್ತಾರೆ. ಅನು ಮತ್ತು ವರುಣ್ ತಮ್ಮ ಬಾಲ್ಕನಿಯಿಂದ ಪಾರಿವಾಳಗಳನ್ನು ದೂರವಿಡಲು ಹಲವಾರು ವಿಧಾನಗಳನ್ನು ಪ್ರಯತ್ನಿಸಿದ್ದಾರೆಂದು ಹೇಳಿದ್ದಾರೆ. ಆರಂಭದಲ್ಲಿ ತಮ್ಮ ಬಾಲ್ಕನಿಯಲ್ಲಿ ಕಪ್ಪು ಪಾಲಿಥಿನ್ ಅನ್ನು ನೇತುಹಾಕಲು ಪ್ರಯತ್ನಿಸಿದ್ದೆವು. ಕಪ್ಪು ಪಾಲಿಥಿನ್ ಪಾರಿವಾಳಗಳನ್ನು ಹೆದರಿಸುತ್ತದೆ ಮತ್ತು ಅವು ಅಲ್ಲಿಗೆ ಬರುವುದನ್ನು ನಿಲ್ಲಿಸುತ್ತವೆ ಎಂದು ಭಾವಿಸಿದ್ದೆವು. ಆದರೆ ಅದು ಕೆಲಸ ಮಾಡಲಿಲ್ಲ ಎಂದಿದ್ದಾರೆ. ಇದರ ನಂತರ, ಅವರು ತಮ್ಮ ಬಾಲ್ಕನಿಯಲ್ಲಿ ವಿಂಡ್ ಚೈಮ್ ಅನ್ನು ನೇತುಹಾಕಲು ಪ್ರಯತ್ನಿಸಿದರು. ಆದರೆ ಗಾಳಿಯ ಗಂಟೆಯ ಶಬ್ದ ಕೂಡ ಪಾರಿವಾಳಗಳು ಬರುವುದನ್ನು ನಿಲ್ಲಿಸಲಿಲ್ಲ. ಜನರ ಸಲಹೆಯ ಮೇರೆಗೆ, ಪಾರಿವಾಳಗಳನ್ನು ದೂರವಿಡಲು ಅವರು ತಮ್ಮ ಬಾಲ್ಕನಿಯಲ್ಲಿ ಬೆಳ್ಳುಳ್ಳಿ ನೀರನ್ನು ಸಿಂಪಡಿಸಿದರು. ಆದರೆ ಈ ವಿಧಾನವು ಕೆಲಸ ಮಾಡಲಿಲ್ಲ. ಬೆಳ್ಳುಳ್ಳಿ ಸಿಂಪಡಿಸಿದ ಸ್ವಲ್ಪ ಸಮಯದ ನಂತರ, ಪಾರಿವಾಳಗಳು ಮತ್ತೆ ಅವರ ಬಾಲ್ಕನಿಗೆ ಬರಲು ಪ್ರಾರಂಭಿಸಿದವು. ಯಾರೋ ಹೇಳಿದ್ರು ಎಂದು ಟೇಪ್ನಲ್ಲಿ ಗಾಯತ್ರಿ ಮಂತ್ರವನ್ನೂ ಹಾಕಿಟ್ಟರಂತೆ. ಅದು ಕೂಡ ವರ್ಕ್ ಆಗಲಿಲ್ಲ.

ಕೊನೆಯ ವಿಧಾನ ಸಕ್ಸಸ್

ಇದೆಲ್ಲವನ್ನೂ ಪ್ರಯತ್ನಿಸಿದ ನಂತರ, ಅವರು ಅಂತಿಮವಾಗಿ ಮನೆಯಲ್ಲಿ ಬಿದ್ದಿದ್ದ ಹಳೆಯ ಸಿ.ಡಿಗಳನ್ನು (CD) ಬಳಸಿದರು. ತೋಟಗಾರಿಕೆ ತಜ್ಞರು ಹಗ್ಗದ ಸಹಾಯದಿಂದ ತಮ್ಮ ಬಾಲ್ಕನಿಯಲ್ಲಿ ವಿವಿಧ ಸ್ಥಳಗಳಲ್ಲಿ ಹಳೆಯ ಸಿ.ಡಿಗಳನ್ನು ನೇತುಹಾಕಿದರು ಎಂದು ಹೇಳುತ್ತಾರೆ. ಈ ವಿಧಾನವು ಅದ್ಭುತ ಫಲಿತಾಂಶಗಳನ್ನು ತೋರಿಸಿದೆ. ಸಿಡಿಗಳ ಪ್ರತಿಫಲನದಿಂದಾಗಿ ಪಾರಿವಾಳಗಳು ಅವರ ಬಾಲ್ಕನಿಗೆ ಬರುವುದನ್ನು ನಿಲ್ಲಿಸಿದವು. ವಾಸ್ತವವಾಗಿ, ಸಿ.ಡಿಗಳ ಮೇಲೆ ಬೆಳಕು ಬಿದ್ದಾಗ, ಅವು ಹೊಳೆಯಲು ಪ್ರಾರಂಭಿಸುತ್ತವೆ. ಈ ಹೊಳಪು ಪಾರಿವಾಳಗಳನ್ನು ದೂರವಿಡುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಈ ಸರಳ ವಿಧಾನವನ್ನು ಪ್ರಯತ್ನಿಸಬಹುದು. ನೀವು ಹಗ್ಗವನ್ನು ಬಳಸಿ ನಿಮ್ಮ ಬಾಲ್ಕನಿಯಲ್ಲಿ ವಿವಿಧ ಸ್ಥಳಗಳಲ್ಲಿ ಸಿಡಿಗಳನ್ನು ನೇತುಹಾಕಬಹುದು ಅಥವಾ ನೀವು ಅವುಗಳನ್ನು ಡಬಲ್ ಟೇಪ್ ಬಳಸಿ ಗೋಡೆಗಳಿಗೆ ಅಂಟಿಸಬಹುದು. ಈ ಸರಳ ವಿಧಾನವು ನಿಮ್ಮ ಸಮಸ್ಯೆಯನ್ನು ಪರಿಹರಿಸಬಹುದು ಮತ್ತು ಪಾರಿವಾಳಗಳು ನಿಮ್ಮ ಬಾಲ್ಕನಿಗೆ ಬರುವುದನ್ನು ನಿಲ್ಲಿಸಬಹುದು. ಇದು ನಿಮ್ಮ ಸಸ್ಯಗಳನ್ನು ಸುರಕ್ಷಿತವಾಗಿರಿಸುತ್ತದೆ ಮತ್ತು ನಿಮ್ಮ ಮನೆಯನ್ನು ಸ್ವಚ್ಛವಾಗಿರಿಸುತ್ತದೆ.

ಶಿವಮೊಗ್ಗ ದಸರಾದಲ್ಲಿ ವಿಘ್ನ, ಆನೆಯಿಂದ ಅಂಬಾರಿ ಕಳಚಿ ಬಿದ್ದು ಚಾಮುಂಡೇಶ್ವರಿ ವಿಗ್ರಹಕ್ಕೆ ಹಾನಿ

Chethan Kumar — Wed, 21 Oct 2026 17:05:12 +0530

ಶಿವಮೊಗ್ಗ (ಅ.21) ಶಿವಮೊಗ್ಗ ದಸರಾದಲ್ಲಿ ಅಂಬಾರಿ ಕಳಚಿ ಬಿದ್ದು ದೇವಿ ಚಾಮುಂಡೇಶ್ವರಿ ದೇವಿ ಕೈ ಮುರಿದ ಘಟನೆ ನಡೆದಿದೆ. ಇದು ಶಿವಮೊಗ್ಗ ಸೇರಿದಂತೆ ನಾಡಿನ ಜನತೆಯಲ್ಲಿ ತೀವ್ರ ಆತಂಕ ಸೃಷ್ಟಿಸಿದೆ. ಸಾಲು ಸಾಲು ವಿಘ್ನಗಳು ಅಪಶಕುನ ನುಡಿದಿದೆ ಅನ್ನೋ ಮಾತಗಳು ಕೇಳಿಬರುತ್ತಿದೆ. ಶಿವಮೊಗ್ಗ ದಸರಾದಲ್ಲಿ ಅಂಬಾರಿ ಹೊತ್ತ ಆನೆ ಸೋಮಣ್ಣ ದಿಕ್ಕಾಪಾಲಾಗಿ ಓಡಿದ ಪರಿಣಾಮ ಅಂಬಾರಿ ಕಳಚಿ ಬಿದ್ದಿದೆ. ಅಂಬಾರಿಯಲ್ಲಿ ಮೆರವಣಿಗೆ ಮೂಲಕ ಸಾಗಬೇಕಿದ್ದ ದೇವಿ ಚಾಮಂಡೇಶ್ವರಿ ವಿಗ್ರಹವೂ ಬಿದ್ದಿದೆ. ಕೈ ಮುರಿದು ವಿಗ್ರಹಕ್ಕೆ ಹಾನಿಯಾಗಿದೆ. ಇತ್ತ ಆನೆಯ ಮಾವುತನೂ ಬಿದ್ದು ಗಾಯಗೊಂಡಿದ್ದಾನೆ. ಇದು ಅಪಶಕುನದ ಸಂಕೇತ ಎಂಬ ಮಾತುಗಳು ಕೇಳಿಬರುತ್ತಿದೆ.

ದೊಡ್ಡ ಅಪಶಕುನದ ಮುನ್ಸೂಚನೆ

ಶಿವಮೊಗ್ಗದ ದಸರಾ ಪ್ರತಿ ವರ್ಷದಿಂದ ಈ ವರ್ಷವೂ ಅದ್ದೂರಿಯಾಗಿ ಆರಂಭಗೊಂಡಿತ್ತು. ಕಳೆದ ಆರು ವರ್ಷಗಳಿಂದ ಸಾಗರ್ ಆನೆ ಶಿವಮೊಗ್ಗ ದಸರಾದ ಅಂಬಾರಿ ಜವಾಬ್ದಾರಿ ಹೊತ್ತಿತ್ತು.ಆದರೆ ಈ ಬಾರಿ ಕಾಲು ನೋವಿನ ಪರಿಣಾಮ ಸೋಮಣ್ಣ ಆನೆಗೆ ಜವಾಬ್ದಾರಿ ನೀಡಲಾಗಿತ್ತು. ಆನೆಯ ಅಂಬಾರಿ ಮೆರವಣಿಗೆ ಚಾಲನೆ ಸಿಕ್ಕ ಕೆಲವೇ ಹೊತ್ತಲ್ಲಿ ಅವಘಡ ಸಂಭವಿಸಿದೆ.

ಕಳಚಿ ಬಿತ್ತು ಅಂಬಾರಿ

ಅಂಬಾರಿ ಹೊತ್ತ ಸೋಮಣ್ಣ ಆನೆ ಭಯದಿಂದ ದಿಕ್ಕಾಪಾಲಾಗಿ ಓಡಲು ಆರಂಭಿಸಿದೆ. ಆನೆಯನ್ನು ನಿಯಂತ್ರಿಸಲು ಮಾವುತ ಇನ್ನಿಲ್ಲದ ಪ್ರಯತ್ನ ಮಾಡಿದ್ದಾನೆ. ಆದರೆ ಸಾಧ್ಯವಾಗಿಲ್ಲ. ಆನೆ ಒಂದೇ ಸಮನೇ ಒಡಲು ಆರಂಭಿಸಿದಾಗ ಕಟ್ಟಿದ್ದ ಅಂಬಾನಿ ಕಳಚಿ ಬಿದ್ದಿದೆ.ಅಂಬಾರಿ ಕಳಚಿ ಬೀಳುತ್ತಿದ್ದಂತೆ ಮಾವುತ ಕೂಡ ಆನೆಯಿಂದ ಬಿದ್ದಿದ್ದಾನೆ. ಅಂಬಾರಿಯಲ್ಲಿ ಮೆರವಣಿಗೆ ಮೂಲಕ ಸಾಗಬೇಕಿದ್ದ ದೇವಿ ಚಾಮಂಡೇಶ್ವರಿ ವಿಗ್ರಹವೂ ಕೆಳಕ್ಕೆ ಬಿದ್ದಿದೆ.

ದೇವಿ ವಿಗ್ರಹದ ಕೈಮುರಿತ

ಚಾಮಂಡೇಶ್ವರಿ ದೇವಿ ವಿಗ್ರಹ ಅಂಬಾರಿ ಜೊತೆ ಕಳಕ್ಕೆ ಬಿದ್ದಿದೆ. ಆನೆ ಮೇಲಿಂದ ಬಿದ್ದ ರಭಸಕ್ಕೆ ಚಾಮಂಡೇಶ್ವರಿ ದೇವಿಯ ವಿಗ್ರಹದ ಕೈ ಮುರಿದಿದೆ. ಇತ್ತ ಅಂಬಾರಿ ಬಿದ್ದು ಕೆಲ ವಾಹನಗಳು ಜಖಂಗೊಂಡಿದೆ. ಇತ್ತ ಆನೆ ಹೋದ ರಭಸಕ್ಕೂ ಕೆಲ ವಾಹನ ಜಖಂಗೊಂಡಿದೆ. ದೇವಿ ವಿಗ್ರಹ ಹಾಗೂ ಮುರಿದ ಕೈಗಳನ್ನು ಸ್ಥಳೀಯರು ಹಾಗೂ ಸಿಬ್ಬಂದಿಗಳು ವಶಕ್ಕೆ ಪಡೆದಿದ್ದಾರೆ. ಅಂಬಾರಿ ಕಳಚಿ ಬಿದ್ದಿದ್ದು ಮಾತ್ರವಲ್ಲ, ಚಾಮುಂಡೇಶ್ವರಿ ವಿಗ್ರಹಕ್ಕೆ ಹಾನಿ, ಮಾವುತನಿಗೆ ಗಾಯ ಘಟನೆಗಳು ಅಪಶಕುನ ಹೇಳುತ್ತಿದೆ ಎಂಬ ಮಾತುಗಳು ಕೇಳಿಬರುತ್ತಿದೆ.

ಅಪ್ಪಟ ಬಂಗಾಳಿ ಸುಂದರಿಯಂತೆ ಮಿಂಚಿದ ಆಲಿಯಾ: ಕೆಂಪು ಸೀರೆಯಲ್ಲಿ ನಟಿಯ ಸೊಬಗು ನೋಡಿ!

Govindaraj S — Wed, 21 Oct 2026 17:02:23 +0530

ಬಾಲಿವುಡ್ ನಟಿ ಆಲಿಯಾ ಭಟ್ ತಮ್ಮ ಸೌಂದರ್ಯ ಮತ್ತು ಸ್ಟೈಲಿಶ್ ಲುಕ್‌ನಿಂದ ಸದಾ ಅಭಿಮಾನಿಗಳ ಗಮನ ಸೆಳೆಯುತ್ತಾರೆ. ಇದೀಗ ದುರ್ಗಾ ಪೂಜೆಯ ನವಮಿ ಸಂಭ್ರಮದಲ್ಲಿ ಆಲಿಯಾ ಧರಿಸಿರುವ ಕೆಂಪು ಸೀರೆ ಹಾಗೂ ನೀಲಿ ಬಣ್ಣದ ಬ್ಲೌಸ್ ಎಲ್ಲರ ಗಮನ ಸೆಳೆದಿದೆ. ಅಪ್ಪಟ ಬಂಗಾಳಿ ಸಂಪ್ರದಾಯದ ಉಡುಗೆಯಲ್ಲಿ ಮಿಂಚಿರುವ ನಟಿಯ ಹೊಸ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿವೆ.

ಅಕ್ಟೋಬರ್ 19ರ ಸೋಮವಾರ ನವಮಿ ಆಚರಣೆಯ ಅಂಗವಾಗಿ ದುರ್ಗಾ ಪೂಜೆಯ ಸಂಭ್ರಮದಲ್ಲಿ ಭಾಗವಹಿಸಿದ್ದ ಆಲಿಯಾ, ಸಾಂಪ್ರದಾಯಿಕ ಬಂಗಾಳಿ ಶೈಲಿಯ ಉಡುಗೆಯ ಮೂಲಕ ಹಬ್ಬದ ಕಳೆಯನ್ನು ಹೆಚ್ಚಿಸಿದ್ದಾರೆ. ಕೆಂಪು ಸೀರೆಗೆ ಕಾಂಟ್ರಾಸ್ಟ್ ಆಗಿ ನೀಲಿ ಬಣ್ಣದ ಬ್ಲೌಸ್ ಧರಿಸಿದ್ದ ಅವರು, ತಮ್ಮ ಸಿಂಪಲ್ ಹಾಗೂ ಎಲಿಗಂಟ್ ಲುಕ್‌ನಿಂದ ಗಮನ ಸೆಳೆದಿದ್ದಾರೆ.

ಕೆಂಪು ಸೀರೆ, ನೀಲಿ ಬ್ಲೌಸ್‌.. ಆಲಿಯಾ ಲುಕ್‌ಗೆ ಫ್ಯಾನ್ಸ್ ಫಿದಾ!

ದುರ್ಗಾ ಪೂಜೆಯ ಸಂಭ್ರಮಕ್ಕಾಗಿ ಆಲಿಯಾ ಭಟ್ ಆಯ್ಕೆ ಮಾಡಿಕೊಂಡಿದ್ದು ಆಕರ್ಷಕ ಕೆಂಪು ಬಣ್ಣದ ಸೀರೆ. ಗುಲಾಬಿ ಬಣ್ಣದ ಬಾರ್ಡರ್ ಹೊಂದಿದ್ದ ಈ ಸೀರೆಗೆ ನೀಲಿ ಬಣ್ಣದ ಶಾರ್ಟ್ ಸ್ಲೀವ್ ಬ್ಲೌಸ್ ಮತ್ತಷ್ಟು ಮೆರುಗು ನೀಡಿದೆ. ಕೆಂಪು, ಗುಲಾಬಿ ಹಾಗೂ ನೀಲಿ ಬಣ್ಣಗಳ ಕಾಂಬಿನೇಷನ್ ನಟಿಯ ಲುಕ್‌ಗೆ ಹಬ್ಬದ ವಿಶೇಷ ಕಳೆ ತಂದಿದೆ.

ಇನ್ನು ಆಲಿಯಾ ತಮ್ಮ ಸೀರೆಯನ್ನು ಬಂಗಾಳದ ಸಾಂಪ್ರದಾಯಿಕ ಉಡುಗೆ ಶೈಲಿಯಾದ ‘ಆಟ್ಪೌರೆ’ (Aatpoure) ಶೈಲಿಯಲ್ಲಿ ಉಟ್ಟಿದ್ದರು. ಈ ಸಾಂಪ್ರದಾಯಿಕ ಡ್ರೇಪಿಂಗ್ ಸ್ಟೈಲ್ ಅವರ ಲುಕ್‌ಗೆ ಅಪ್ಪಟ ಬಂಗಾಳಿ ಸ್ಪರ್ಶ ನೀಡಿದೆ. ಆಧುನಿಕ ಫ್ಯಾಷನ್‌ಗಿಂತ ಸಂಪ್ರದಾಯಕ್ಕೆ ಹೆಚ್ಚಿನ ಒತ್ತು ನೀಡಿದ್ದ ಆಲಿಯಾ, ತಮ್ಮ ಸರಳ ಸೌಂದರ್ಯದಿಂದಲೇ ಅಭಿಮಾನಿಗಳ ಮನ ಗೆದ್ದಿದ್ದಾರೆ.

ಚಿನ್ನದ ಆಭರಣ, ಪುಟ್ಟ ಬಿಂದಿ.. ಸಾಂಪ್ರದಾಯಿಕ ಲುಕ್‌ಗೆ ಮತ್ತಷ್ಟು ಮೆರುಗು!

ತಮ್ಮ ಉಡುಗೆಗೆ ತಕ್ಕಂತೆ ಆಲಿಯಾ ಚಿನ್ನದ ಕಿವಿಯೋಲೆ, ನೆಕ್ಲೇಸ್ ಹಾಗೂ ಬಳೆಗಳನ್ನು ಧರಿಸಿದ್ದರು. ಕೂದಲನ್ನು ಅಚ್ಚುಕಟ್ಟಾಗಿ ಹಿಂದಕ್ಕೆ ಬನ್ ಶೈಲಿಯಲ್ಲಿ ಕಟ್ಟಿಕೊಂಡು, ಹಣೆಯ ಮೇಲೆ ಪುಟ್ಟ ಬಿಂದಿ ಇಟ್ಟುಕೊಂಡಿದ್ದರು. ಅಷ್ಟೇ ಅಲ್ಲದೆ, ಹೆಚ್ಚು ಅಲಂಕಾರವಿಲ್ಲದ ಸರಳ ಮೇಕಪ್ ಅವರ ನೈಸರ್ಗಿಕ ಸೌಂದರ್ಯವನ್ನು ಮತ್ತಷ್ಟು ಎತ್ತಿ ತೋರಿಸಿದೆ.

ಒಟ್ಟಿನಲ್ಲಿ, ಕೆಂಪು ಸೀರೆ, ನೀಲಿ ಬ್ಲೌಸ್, ಚಿನ್ನದ ಆಭರಣ ಹಾಗೂ ಸಾಂಪ್ರದಾಯಿಕ ಬಂಗಾಳಿ ಶೈಲಿಯ ಉಡುಗೆಯೊಂದಿಗೆ ಆಲಿಯಾ ಭಟ್ ಸಂಪೂರ್ಣ ಹಬ್ಬದ ಕಳೆಯಲ್ಲಿ ಮಿಂಚಿದ್ದಾರೆ. ಅವರ ಈ ಲುಕ್ ಕ್ಲಾಸಿಕ್ ಫೆಸ್ಟಿವ್ ಫ್ಯಾಷನ್‌ಗೆ ಉತ್ತಮ ಉದಾಹರಣೆಯಾಗಿದೆ.

ಅಯಾನ್ ಮುಖರ್ಜಿ ಸೇರಿದಂತೆ ಸ್ನೇಹಿತರ ಜೊತೆ ಆಲಿಯಾ!

ದುರ್ಗಾ ಪೂಜೆಯ ಪೆಂಡಲ್‌ಗೆ ಭೇಟಿ ನೀಡಿದ್ದ ಆಲಿಯಾ ಭಟ್ ತಮ್ಮ ಸ್ನೇಹಿತರನ್ನು ಭೇಟಿಯಾಗಿ ಆತ್ಮೀಯವಾಗಿ ಮಾತನಾಡಿದ್ದಾರೆ. ಈ ವೇಳೆ ಅವರ ಆಪ್ತ ಸ್ನೇಹಿತ ಹಾಗೂ ನಿರ್ದೇಶಕ ಅಯಾನ್ ಮುಖರ್ಜಿ, ನಟಿ ತಾನಿಷಾ ಸೇರಿದಂತೆ ಹಲವರು ಉಪಸ್ಥಿತರಿದ್ದರು. ಪೆಂಡಲ್‌ನಲ್ಲಿ ಸ್ನೇಹಿತರೊಂದಿಗೆ ಸಮಯ ಕಳೆಯುತ್ತಾ, ಎಲ್ಲರಿಗೂ ಶುಭಾಶಯ ವಿನಿಮಯ ಮಾಡಿಕೊಂಡ ಆಲಿಯಾ ಅವರ ಫೋಟೋಗಳು ಹಾಗೂ ವಿಡಿಯೋಗಳು ಗಮನ ಸೆಳೆದಿವೆ.

ಇದಕ್ಕೂ ಎರಡು ದಿನಗಳ ಮೊದಲು ಆಲಿಯಾ ಅವರ ಪತಿ, ನಟ ರಣಬೀರ್ ಕಪೂರ್ ಕೂಡ ದುರ್ಗಾ ಪೂಜೆಯ ಸಂಭ್ರಮದಲ್ಲಿ ಭಾಗವಹಿಸಿದ್ದರು. ಇದೀಗ ಆಲಿಯಾ ಕೂಡ ಪೂಜೆಯಲ್ಲಿ ಪಾಲ್ಗೊಂಡಿರುವುದು ಅಭಿಮಾನಿಗಳ ಗಮನ ಸೆಳೆದಿದೆ.

ನವಮಿ ಸಂಭ್ರಮದಲ್ಲಿ ದುರ್ಗಾ ದೇವಿಯ ಆರಾಧನೆ

ನವರಾತ್ರಿಯ ಪ್ರಮುಖ ದಿನಗಳಲ್ಲಿ ಒಂದಾದ ನವಮಿಗೆ ವಿಶೇಷ ಮಹತ್ವವಿದೆ. ಈ ದಿನ ಭಕ್ತರು ದುರ್ಗಾ ದೇವಿಗೆ ವಿಶೇಷ ಪೂಜೆ ಸಲ್ಲಿಸಿ, ವಿವಿಧ ಧಾರ್ಮಿಕ ಆಚರಣೆಗಳಲ್ಲಿ ಪಾಲ್ಗೊಳ್ಳುತ್ತಾರೆ. ಹಬ್ಬದ ಅಂತಿಮ ಹಂತದ ಸಂಭ್ರಮದ ನಡುವೆ ದುರ್ಗಾ ದೇವಿಯ ಆರಾಧನೆ ಹಾಗೂ ಸಾಂಪ್ರದಾಯಿಕ ಆಚರಣೆಗಳು ವಿಶೇಷ ಸ್ಥಾನ ಪಡೆದುಕೊಳ್ಳುತ್ತವೆ. ಇನ್ನು ನಾರ್ತ್ ಬಾಂಬೆ ದುರ್ಗಾ ಪೂಜಾ ಪೆಂಡಲ್‌ನಲ್ಲಿ ನಡೆದ ಸಂಭ್ರಮದಲ್ಲಿ ಈ ಹಿಂದೆ ನಟಿ ಕಾಜೋಲ್ ತಮ್ಮ ಮಗಳು ನೈಸಾ ಹಾಗೂ ಮಗ ಯುಗ್ ಜೊತೆ ಕಾಣಿಸಿಕೊಂಡಿದ್ದರು. ಈ ಪೂಜಾ ಕಾರ್ಯಕ್ರಮಗಳ ಆಯೋಜಕರಲ್ಲಿ ಕಾಜೋಲ್ ಕೂಡ ಒಬ್ಬರಾಗಿದ್ದಾರೆ.

ಸದ್ಯ ದುರ್ಗಾ ಪೂಜೆಯ ನವಮಿ ಸಂಭ್ರಮದಲ್ಲಿ ಅಪ್ಪಟ ಬಂಗಾಳಿ ಶೈಲಿಯಲ್ಲಿ ಕಂಗೊಳಿಸಿದ ಆಲಿಯಾ ಭಟ್ ಅವರ ಕೆಂಪು ಸೀರೆಯ ಲುಕ್ ಈಗ ಫ್ಯಾಷನ್ ಪ್ರಿಯರ ಗಮನ ಸೆಳೆಯುತ್ತಿದೆ. ಸರಳತೆ ಮತ್ತು ಸಂಪ್ರದಾಯದ ಸುಂದರ ಮಿಶ್ರಣವಾಗಿರುವ ನಟಿಯ ಈ ಉಡುಗೆ ಹಬ್ಬದ ಫ್ಯಾಷನ್‌ಗೆ ಹೊಸ ಮೆರುಗು ನೀಡಿದೆ.

'ನನ್ನ ಬಳಿ ಎಂಜಿನಿಯರಿಂಗ್ ಡಿಗ್ರಿ ಇಲ್ಲ'.. ಆದರೂ ಹಾರುವ ಕಾರು ನಿರ್ಮಿಸಿ ಜಗತ್ತಿನ ಗಮನ ಮೆಕ್ಯಾನಿಕ್ ಮಗ!

Chandrashekar GS — Wed, 21 Oct 2026 16:54:15 +0530

ಎಂಜಿನಿಯರಿಂಗ್ ಪದವಿಯಿಲ್ಲದೆ ಹಾರುವ ವಾಹನ ನಿರ್ಮಿಸಿದ ಯುವಕ; ಇಂಟರ್ನೆಟ್ ಕಲಿಕೆ, ಸ್ವಂತ ಪರಿಶ್ರಮವೇ ಬಂಡವಾಳ!

ಉತ್ತರಾಖಂಡದ ಅಲ್ಮೋರಾ ಜಿಲ್ಲೆಯ ಯುವ ಆವಿಷ್ಕಾರಕ ರವಿ ಟಮ್ಟಾ, ತಮ್ಮ ವಿಭಿನ್ನ ಪ್ರಯತ್ನದಿಂದ ಗಮನ ಸೆಳೆದಿದ್ದಾರೆ. ಮೋಟಾರ್ ಮೆಕ್ಯಾನಿಕ್ ಆಗಿರುವ ತಂದೆಯ ಮಗನಾದ ರವಿ, ಇಂಟರ್ನೆಟ್ ಮೂಲಕ ತಾಂತ್ರಿಕ ವಿಷಯಗಳನ್ನು ಕಲಿತು, ಏಕವ್ಯಕ್ತಿ ಹಾರುವ ವಾಹನದ ಮಾದರಿಯನ್ನು ನಿರ್ಮಿಸಿದ್ದಾರೆ. ಅವರ ಈ ಪ್ರಯತ್ನವು ತಂತ್ರಜ್ಞಾನದ ಬಗ್ಗೆ ಆಸಕ್ತಿ ಹೊಂದಿರುವ ಯುವಜನರಿಗೆ ಸ್ಫೂರ್ತಿಯಾಗುವಂತಿದೆ.

ಹತ್ತು ವರ್ಷಗಳ ಕನಸು ನನಸಾಗಿಸಿದ ರವಿ

‘ಹಪಿಡಾ ಸ್ಕೈನೆಕ್ಸ್’ ಎಂಬ ಹಾರುವ ವಾಹನ

ರವಿ ನಿರ್ಮಿಸಿರುವ ವಾಹನದ ಹೆಸರು Hapida Skynex. ಇದು ಒಬ್ಬ ವ್ಯಕ್ತಿ ಕುಳಿತು ಹಾರಲು ವಿನ್ಯಾಸಗೊಳಿಸಲಾದ ವೈಯಕ್ತಿಕ ಹಾರುವ ವಾಹನದ ಪ್ರಾಯೋಗಿಕ ಮಾದರಿಯಾಗಿದೆ. ಹೆಲಿಕಾಪ್ಟರ್‌ನಂತೆ ಹಲವು ರೋಟರ್‌ಗಳ ಸಹಾಯದಿಂದ ಮೇಲಕ್ಕೆ ಏರುವ ಈ ವಾಹನವನ್ನು ರವಿ ತಮ್ಮ ಮನೆಯ ಕಾರ್ಯಾಗಾರದಲ್ಲಿ ಜೋಡಿಸಿದ್ದಾರೆ.

2015ರಲ್ಲಿ ಹಾರುವ ವಾಹನ ನಿರ್ಮಿಸುವ ಕನಸು ಕಂಡಿದ್ದ ರವಿ, ಹಲವು ವರ್ಷಗಳ ಪ್ರಯತ್ನದ ಬಳಿಕ ಅದರ ಮಾದರಿಯನ್ನು ಸಿದ್ಧಪಡಿಸಿದ್ದಾರೆ. ಪ್ರಾಥಮಿಕ ಪರೀಕ್ಷೆಯಲ್ಲಿ ವಾಹನವು ಸುಮಾರು ಒಂದು ನಿಮಿಷ ಗಾಳಿಯಲ್ಲಿ ತೇಲುವಲ್ಲಿ ಯಶಸ್ವಿಯಾಗಿದೆ. ಇದು ಅವರ ಯೋಜನೆಯಲ್ಲಿನ ಮಹತ್ವದ ಹೆಜ್ಜೆಯಾಗಿದೆ.

ಇಂಟರ್ನೆಟ್‌ನಿಂದ ಕಲಿತು ತಂತ್ರಜ್ಞಾನ ಅಭಿವೃದ್ಧಿ

ರವಿ ತಮ್ಮ ಆರಂಭಿಕ ಶಿಕ್ಷಣವನ್ನು ಸ್ವಗ್ರಾಮದಲ್ಲೇ ಪಡೆದಿದ್ದು, ನೈನಿತಾಲ್‌ನಿಂದ ಕಲಾ ವಿಭಾಗದಲ್ಲಿ ಪದವಿ ಪಡೆದಿದ್ದಾರೆ ಎಂದು ವರದಿಗಳು ತಿಳಿಸಿವೆ. ಔಪಚಾರಿಕ ಎಂಜಿನಿಯರಿಂಗ್ ಶಿಕ್ಷಣಕ್ಕಿಂತ ಸ್ವಂತ ಆಸಕ್ತಿ, ಅಂತರ್ಜಾಲದ ಮಾಹಿತಿ ಮತ್ತು ನಿರಂತರ ಪ್ರಯೋಗಗಳ ಮೂಲಕ ತಾಂತ್ರಿಕ ಜ್ಞಾನ ಬೆಳೆಸಿಕೊಂಡಿದ್ದಾರೆ.

ಅವರ ತಂದೆ ಹರೀಶ್ ರಾಮ್ ಮೋಟಾರ್ ಮೆಕ್ಯಾನಿಕ್ ಆಗಿ ಕೆಲಸ ಮಾಡುತ್ತಾರೆ. ಯಂತ್ರಗಳ ನಡುವೆಯೇ ಬೆಳೆದ ರವಿಗೆ ವಾಹನಗಳ ಬಗ್ಗೆ ಆಸಕ್ತಿ ಮೂಡಿದ್ದು, ಮುಂದೆ ಅದೇ ಆಸಕ್ತಿ ಹೊಸ ಆವಿಷ್ಕಾರಗಳತ್ತ ಕರೆದೊಯ್ದಿದೆ.

ದೇಶ-ವಿದೇಶಗಳಿಂದ ಬಿಡಿಭಾಗಗಳ ಸಂಗ್ರಹ

ಈ ವಾಹನದ ನಿರ್ಮಾಣಕ್ಕಾಗಿ ರವಿ ಚೀನಾದಿಂದ ಕೆಲವು ಬಿಡಿಭಾಗಗಳನ್ನು ತರಿಸಿಕೊಂಡಿದ್ದು, ಚೆನ್ನೈನಿಂದ ಎಂಜಿನ್‌ನ್ನೂ ಪಡೆದಿದ್ದಾರೆ. ಬಳಿಕ ಅವುಗಳನ್ನು ಒಟ್ಟುಗೂಡಿಸಿ ವಾಹನದ ಮಾದರಿಯನ್ನು ಸಿದ್ಧಪಡಿಸಿದ್ದಾರೆ.

ಹಾರುವ ಕಾರಿನ ಕನಸಿನ ಮುಂದಿನ ಹಂತವೇನು?

ರವಿ ಅವರ ಕಂಪನಿಯಾದ Hapida Sky Private Limited, ಈ ಯೋಜನೆಯನ್ನು ಮುಂದುವರಿಸುತ್ತಿದೆ. ವಾಹನಕ್ಕೆ ಪೇಟೆಂಟ್ ಪಡೆಯುವುದು ಹಾಗೂ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯದ (DGCA) ಅಗತ್ಯ ಅನುಮತಿಗಳನ್ನು ಪಡೆಯುವುದು ಮುಂದಿನ ಹಂತಗಳಾಗಿವೆ. ಆದ್ದರಿಂದ ಇದನ್ನು ಈಗಾಗಲೇ ಸಾರ್ವಜನಿಕ ಬಳಕೆಗೆ ಅನುಮೋದನೆ ಪಡೆದ ಹಾರುವ ಕಾರು ಎಂದು ಪರಿಗಣಿಸಲಾಗದು.

ರವಿ ಈ ಹಿಂದೆ ಅರಣ್ಯ ಇಲಾಖೆಗೆ ಅಗ್ನಿಶಾಮಕ ಸಾಧನ, ವಿಶೇಷ ವಾಕಿಂಗ್ ಸ್ಟಿಕ್ ಮತ್ತು ಇತರ ಉಪಯುಕ್ತ ಸಾಧನಗಳನ್ನೂ ಅಭಿವೃದ್ಧಿಪಡಿಸಿದ್ದಾರೆ. ಅವರ ಕಥೆ ಹೇಳುವ ಮುಖ್ಯ ಪಾಠವೆಂದರೆ, ಕಲಿಯುವ ಆಸಕ್ತಿ ಮತ್ತು ಸಮಸ್ಯೆಗಳಿಗೆ ಪರಿಹಾರ ಹುಡುಕುವ ಮನೋಭಾವ ಇದ್ದರೆ ಹೊಸ ಆಲೋಚನೆಗಳಿಗೆ ದಾರಿ ತೆರೆಯಬಹುದು.

View this post on Instagram

A post shared by The Better India (@thebetterindia)

ಸದ್ಯಕ್ಕೆ ಟೀಂ ಇಂಡಿಯಾ ಬಾಗಿಲು ಬಂದ್? ನೇರವಾಗಿ ಪ್ಲೇಯಿಂಗ್ 11ಗೆ ಬರೋಕಾಗಲ್ಲ: ವೈಭವ್ ಬಗ್ಗೆ ಶ್ರೇಯಸ್ ಅಯ್ಯರ್ ಹೇಳಿದ್ದೇನು?

Naveen Kodase — Wed, 21 Oct 2026 16:52:33 +0530

ಕ್ರೈಸ್ಟ್‌ಚರ್ಚ್: ನ್ಯೂಜಿಲೆಂಡ್ ವಿರುದ್ಧದ ಐದು ಪಂದ್ಯಗಳ ಟಿ20 ಸರಣಿಗೂ ಮುನ್ನ ಯುವ ಆಟಗಾರ ವೈಭವ್ ಸೂರ್ಯವಂಶಿಯನ್ನು ಪ್ಲೇಯಿಂಗ್ 11ನಲ್ಲಿ ಆಡಿಸುವ ಬಗ್ಗೆ ಟೀಂ ಇಂಡಿಯಾ ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ ಸ್ಪಷ್ಟನೆ ನೀಡಿದ್ದಾರೆ. ತಂಡಕ್ಕೆ ಬಂದ ತಕ್ಷಣವೇ ಪ್ಲೇಯಿಂಗ್ 11ನಲ್ಲಿ ಜಾಗ ಪಡೆಯುವುದು ವೈಭವ್‌ಗೆ ಸುಲಭವಲ್ಲ. ತನ್ನ ಅವಕಾಶಕ್ಕಾಗಿ ಆತ ಕಾಯಲೇಬೇಕು ಎಂದು ಮೊದಲ ಟಿ20 ಪಂದ್ಯಕ್ಕೂ ಮುನ್ನ ನಡೆದ ಸುದ್ದಿಗೋಷ್ಠಿಯಲ್ಲಿ ಶ್ರೇಯಸ್ ಹೇಳಿದ್ದಾರೆ.

ವೈಭವ್ ಸೂರ್ಯವಂಶಿಗೆ ಭವಿಷ್ಯವಿದೆ

ವೈಭವ್ ಇನ್ನೂ ಚಿಕ್ಕ ಹುಡುಗ. ಆತನಿಗೆ ಸಾಕಷ್ಟು ಭವಿಷ್ಯವಿದೆ. ಇಂಥ ಪ್ರತಿಭೆ ಡ್ರೆಸ್ಸಿಂಗ್ ರೂಮ್‌ನಲ್ಲಿ ಖುಷಿಯಾಗಿರೋದು ಮುಖ್ಯ. ಸದ್ಯಕ್ಕೆ ಆತ ಬಂದ ತಕ್ಷಣ ನೇರವಾಗಿ ತಂಡದಲ್ಲಿ ಆಡೋಕೆ ಆಗಲ್ಲ. ಯಾಕಂದ್ರೆ ನಮ್ಮ ಓಪನರ್‌ಗಳು ಸತತವಾಗಿ ಉತ್ತಮ ಪ್ರದರ್ಶನ ನೀಡ್ತಿದ್ದಾರೆ, ಜೊತೆಗೆ ಭಾರತಕ್ಕೆ ವಿಶ್ವಕಪ್ ಗೆದ್ದುಕೊಟ್ಟಿದ್ದಾರೆ. ವಿದೇಶಿ ಪ್ರವಾಸಗಳಲ್ಲಿ ತಂಡದ ಜೊತೆಗಿದ್ದರೆ ಇಲ್ಲಿನ ವಾತಾವರಣದ ಬಗ್ಗೆ ವೈಭವ್‌ಗೆ ಒಳ್ಳೆ ಐಡಿಯಾ ಸಿಗುತ್ತೆ. ಮುಂದೊಂದು ದಿನ ಈ ಪಿಚ್‌ಗಳಲ್ಲಿ ಆಡೋಕೆ ಇಳಿದಾಗ ಆತ ಸಂಪೂರ್ಣವಾಗಿ ರೆಡಿಯಾಗಿರ್ತಾನೆ ಎಂದು ಶ್ರೇಯಸ್ ವಿವರಿಸಿದರು. ಇದರೊಂದಿಗೆ ಸದ್ಯಕ್ಕಂತೂ ವೈಭವ್ ಸೂರ್ಯವಂಶಿಗೆ ಭಾರತ ಟಿ20 ತಂಡದ ಬಾಗಿಲು ತಾತ್ಕಾಲಿಕವಾಗಿ ಬಂದ್ ಆಗಿದೆ ಎನ್ನುವುದನ್ನು ಪರೋಕ್ಷವಾಗಿ ಸ್ಪಷ್ಟಪಡಿಸಿದ್ದಾರೆ.

ಓಪನಿಂಗ್ ಜೋಡಿಯಾದ ಸಂಜು ಸ್ಯಾಮ್ಸನ್ ಮತ್ತು ಅಭಿಷೇಕ್ ಶರ್ಮಾಗೆ ಮ್ಯಾನೇಜ್‌ಮೆಂಟ್ ಸಂಪೂರ್ಣ ಬೆಂಬಲ ನೀಡಲಿದೆ. ವೈಭವ್‌ನನ್ನು ಹಂತ ಹಂತವಾಗಿ ಮಾತ್ರ ತಂಡಕ್ಕೆ ಸೇರಿಸಿಕೊಳ್ಳುತ್ತೇವೆ ಎಂದು ಶ್ರೇಯಸ್ ಸುಳಿವು ನೀಡಿದರು. ಬ್ಯಾಟಿಂಗ್ ಆರ್ಡರ್ ಬದಲಾವಣೆ ಬಗ್ಗೆಯೂ ಅಯ್ಯರ್ ಮನಸ್ಸು ಬಿಚ್ಚಿ ಮಾತನಾಡಿದರು. ತಂಡದ ಪರಿಸ್ಥಿತಿಗೆ ತಕ್ಕಂತೆ ಆಟಗಾರರು ಹೊಂದಿಕೊಳ್ಳಬೇಕು ಎಂದು ಅವರು ಹೇಳಿದರು.

ತಂಡದ ಮತ್ತು ಪರಿಸ್ಥಿತಿಯ ಬೇಡಿಕೆಗೆ ತಕ್ಕಂತೆ ಬ್ಯಾಟ್ ಮಾಡಲು ಆಟಗಾರರು ರೆಡಿ ಇರಬೇಕು. ಯಾವುದೇ ಬ್ಯಾಟಿಂಗ್ ಕ್ರಮಾಂಕ ಸಿಕ್ರೂ ಅದರಲ್ಲಿ ಖುಷಿ ಪಡಬೇಕು. ಒಬ್ಬ ಆಟಗಾರ ನಿರ್ದಿಷ್ಟ ಸ್ಥಾನದಲ್ಲೇ ಬ್ಯಾಟ್ ಮಾಡ್ತೀನಿ ಅಂತ ಹಠ ಹಿಡಿಯೋಕಾಗಲ್ಲ. ಕಳೆದ ವಿಶ್ವಕಪ್‌ನಲ್ಲಿ ಇಶಾನ್ ಕಿಶನ್ ಮೂರನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಿದ್ರು, ಈಗ ನಂಬರ್ 1 ಬ್ಯಾಟರ್ ಆಗಿದ್ದಾರೆ. ನಾನು ಕೂಡ ಮೇಲಿನ ಕ್ರಮಾಂಕದಲ್ಲೇ ಬ್ಯಾಟ್ ಮಾಡ್ತೀನಿ ಅಂತ ಹಠ ಮಾಡಲ್ಲ, ಯಾವುದೇ ಸ್ಥಾನದಲ್ಲೂ ಆಡೋಕೆ ನಾನು ರೆಡಿ ಎಂದು ಶ್ರೇಯಸ್ ಸ್ಪಷ್ಟಪಡಿಸಿದರು.

ಮೊದಲ ಟಿ20 ಪಂದ್ಯಕ್ಕೆ ಬಲಿಷ್ಠ ಭಾರತ ಸಂಭಾವ್ಯ ತಂಡ ಹೀಗಿದೆ:

ಸಂಜು ಸ್ಯಾಮ್ಸನ್, ಅಭಿಷೇಕ್ ಶರ್ಮಾ, ಇಶಾನ್ ಕಿಶನ್, ಶ್ರೇಯಸ್ ಅಯ್ಯರ್(ನಾಯಕ), ತಿಲಕ್ ವರ್ಮಾ, ನಿತೀಶ್ ಕುಮಾರ್ ರೆಡ್ಡಿ, ಶಿವಂ ದುಬೆ, ಅಕ್ಷರ್ ಪಟೇಲ್, ಭುವನೇಶ್ವರ್ ಕುಮಾರ್, ಅರ್ಶದೀಪ್ ಸಿಂಗ್, ಪ್ರಿನ್ಸ್ ಯಾದವ್.

ದೀಪಾವಳಿಯ ನಂತರ ಬುಧನ ನೇರ ಸಂಚಾರ; ಈ 8 ರಾಶಿಯವರಿಗೆ ಉದ್ಯೋಗ, ವ್ಯಾಪಾರದಲ್ಲಿ ಭರ್ಜರಿ ಲಾಭ!

Sushma Hegde — Wed, 21 Oct 2026 16:45:48 +0530

ದೀಪಾವಳಿಯ ಸ್ವಲ್ಪ ಸಮಯದ ನಂತರ, ನಿರ್ದಿಷ್ಟವಾಗಿ ನವೆಂಬರ್ 13 ರಂದು ರಾತ್ರಿ 9:22 ರ ಸುಮಾರಿಗೆ, ಬುಧ ಗ್ರಹವು ತುಲಾ ರಾಶಿಯಲ್ಲಿ ತನ್ನ ಹಿಮ್ಮುಖ ಸಂಚಾರವನ್ನು ಪೂರ್ಣಗೊಳಿಸುತ್ತದೆ ಮತ್ತು ನೇರ ಸಂಚಾರಕ್ಕೆ (ಮಾರ್ಗ) ಮರಳುತ್ತದೆ. ಅಕ್ಟೋಬರ್ 24 ರಿಂದ ಹಿಮ್ಮುಖದಲ್ಲಿದ್ದ ಬುಧವು ಈಗ ನೇರ ಸಂಚಾರಕ್ಕೆ ಮರಳುತ್ತಿರುವುದರಿಂದ, ಅನೇಕ ಸ್ಥಗಿತಗೊಂಡ ಯೋಜನೆಗಳು ವೇಗವನ್ನು ಪಡೆಯುತ್ತವೆ. ವ್ಯವಹಾರದಲ್ಲಿ ಗಮನಾರ್ಹ ಬೆಳವಣಿಗೆ ಇರುತ್ತದೆ.

ಮೇಷ

ಮೇಷ ರಾಶಿಯವರಿಗೆ ಕಚೇರಿಯಲ್ಲಿ ತಮ್ಮ ಸಾಮರ್ಥ್ಯಗಳನ್ನು ಸಾಬೀತುಪಡಿಸಲು ಇದು ಸರಿಯಾದ ಸಮಯ. ಅವರಿಗೆ ಹೊಸ ವೃತ್ತಿಪರ ಜವಾಬ್ದಾರಿಗಳು ಸಿಗುತ್ತವೆ. ಉದ್ಯಮಿಗಳು ತಮ್ಮ ಸಂಪರ್ಕಗಳ ಮೂಲಕ ಹೊಸ ಒಪ್ಪಂದಗಳಿಗೆ ಸಹಿ ಹಾಕಬಹುದು.

ವೃಷಭ

ವೃಷಭ ರಾಶಿಯವರಿಗೆ, ಯೋಜಿಸಲಾದ ಯೋಜನೆಗಳು ಯಶಸ್ವಿಯಾಗಿ ಕಾರ್ಯಗತಗೊಳ್ಳುತ್ತವೆ. ಮೇಲಧಿಕಾರಿಗಳೊಂದಿಗೆ ಪರಿಣಾಮಕಾರಿ ಸಂವಹನವು ಕಚೇರಿಯಲ್ಲಿ ಮನ್ನಣೆಯನ್ನು ತರುತ್ತದೆ. ಆದಾಯ ಮತ್ತು ವೆಚ್ಚಗಳ ನಡುವೆ ಸಮತೋಲನವನ್ನು ಕಾಯ್ದುಕೊಳ್ಳುವುದು ಒಳ್ಳೆಯದು.

ಮಿಥುನ

ಬುಧ ಮಿಥುನ ರಾಶಿಯ ಅಧಿಪತಿಯಾಗಿರುವುದರಿಂದ, ಈ ಗ್ರಹದ ನೇರ ಚಲನೆಯು ನಿಮಗೆ ಶುಭ ಫಲಿತಾಂಶಗಳನ್ನು ತರುತ್ತದೆ. ನಿಮ್ಮ ಆಲೋಚನೆಗಳನ್ನು ಸ್ಪಷ್ಟವಾಗಿ ವ್ಯಕ್ತಪಡಿಸುವ ಮೂಲಕ ನೀವು ಎಲ್ಲರ ಗಮನವನ್ನು ಸೆಳೆಯುವಿರಿ. ಮಾಧ್ಯಮ ಮತ್ತು ಮಾರ್ಕೆಟಿಂಗ್ ಕ್ಷೇತ್ರಗಳಲ್ಲಿರುವವರಿಗೆ ಇದು ಲಾಭದಾಯಕ ಅವಧಿಯಾಗಿದೆ.

ಕನ್ಯಾ

ಕನ್ಯಾ ರಾಶಿಯವರಿಗೆ, ಕಾರ್ಯಕ್ಷಮತೆ ಸುಧಾರಿಸುತ್ತದೆ. ಬಾಕಿ ಇರುವ ಯೋಜನೆಗಳನ್ನು ನೀವು ಸುಲಭವಾಗಿ ಪೂರ್ಣಗೊಳಿಸಲು ಸಾಧ್ಯವಾಗುತ್ತದೆ. ವ್ಯಾಪಾರ ವಿಸ್ತರಣೆ ಮತ್ತು ಹೊಸ ಗ್ರಾಹಕರನ್ನು ಆಕರ್ಷಿಸಲು ಇದು ಅತ್ಯಂತ ಅನುಕೂಲಕರ ಸಮಯ.

ಸಿಂಹ

ಸಿಂಹ ರಾಶಿಯಲ್ಲಿ ಜನಿಸಿದವರಿಗೆ ತಮ್ಮ ಕೌಶಲ್ಯ ಮತ್ತು ಕಠಿಣ ಪರಿಶ್ರಮಕ್ಕೆ ವೇದಿಕೆ ಸಿಗುತ್ತದೆ. ಇದು ವೃತ್ತಿಪರ ಬೆಳವಣಿಗೆಗೆ ಕಾರಣವಾಗುತ್ತದೆ. ಉದ್ಯಮಿಗಳು ತಮ್ಮ ಉತ್ಪನ್ನಗಳೊಂದಿಗೆ ಹೆಚ್ಚಿನ ಪ್ರೇಕ್ಷಕರನ್ನು ತಲುಪುವಲ್ಲಿ ಯಶಸ್ವಿಯಾಗುತ್ತಾರೆ.

ತುಲಾ

ಬುಧನು ತುಲಾ ರಾಶಿಯಲ್ಲಿ ತನ್ನ ನೇರ ಚಲನೆಯನ್ನು ಪ್ರಾರಂಭಿಸುತ್ತಿದ್ದಂತೆ, ನಿಮ್ಮ ನಿರ್ಧಾರ ತೆಗೆದುಕೊಳ್ಳುವ ಸಾಮರ್ಥ್ಯವು ಸುಧಾರಿಸುತ್ತದೆ. ಸ್ಥಗಿತಗೊಂಡ ವ್ಯವಹಾರಗಳು ಪುನರುಜ್ಜೀವನಗೊಳ್ಳುತ್ತವೆ ಮತ್ತು ನೀವು ಹೊಸ ಉದ್ಯೋಗಾವಕಾಶಗಳನ್ನು ಪಡೆಯುತ್ತೀರಿ.

ಮಕರ

ಮಕರ ರಾಶಿಯವರಿಗೆ ಕೆಲಸದಲ್ಲಿ ಸಹೋದ್ಯೋಗಿಗಳಿಂದ ಸಂಪೂರ್ಣ ಬೆಂಬಲ ಸಿಗುತ್ತದೆ, ಆದ್ದರಿಂದ ಕೆಲಸಗಳು ಸುಗಮವಾಗಿ ನಡೆಯುತ್ತವೆ. ವ್ಯಾಪಾರ ಕ್ಷೇತ್ರದಲ್ಲಿ, ಹಳೆಯ ಗ್ರಾಹಕರೊಂದಿಗೆ ಸಂಬಂಧವನ್ನು ನವೀಕರಿಸುವುದು ಲಾಭದಾಯಕವಾಗಿರುತ್ತದೆ.

ಕುಂಭ

ಕುಂಭ ರಾಶಿಯವರಿಗೆ, ಹೊಸ ಯೋಜನೆಗಳನ್ನು ಪ್ರಾರಂಭಿಸಲು ಮತ್ತು ವೃತ್ತಿಪರ ಸಂಪರ್ಕಗಳನ್ನು ವಿಸ್ತರಿಸಲು ಇದು ತುಂಬಾ ಒಳ್ಳೆಯ ಸಮಯ. ಉದ್ಯೋಗ ಬದಲಾವಣೆಗಾಗಿ ಕಾಯುತ್ತಿರುವವರಿಗೆ ಒಳ್ಳೆಯ ಸುದ್ದಿ ಸಿಗುವ ಸಾಧ್ಯತೆಯಿದೆ. ಅಲ್ಲದೆ, ಮಾರುಕಟ್ಟೆ ಪರಿಸ್ಥಿತಿಗಳ ಉತ್ತಮ ತಿಳುವಳಿಕೆಯೊಂದಿಗೆ ಮಾಡಿದ ಹೂಡಿಕೆಗಳು ಉತ್ತಮ ಲಾಭವನ್ನು ತರುತ್ತವೆ.

ಕೇವಲ 1 ಬೆಳ್ಳುಳ್ಳಿ ಇದ್ರೆ ಸಾಕು.. ಮನೆ, ತೋಟದತ್ತ ಬರುವ ಹಾವುಗಳು ದಿಕ್ಕು ಬದಲಿಸಿ ತಕ್ಷಣ ಕಾಲ್ಕಿಳುತ್ತವೆ!

Ashwini HR — Wed, 21 Oct 2026 16:43:34 +0530

ಮಳೆಗಾಲದಲ್ಲಿ ಅಥವಾ ಬೇಸಿಗೆಯ ಸೆಖೆಗೆ ತಂಪು ಹುಡುಕಿಕೊಂಡು ಮನೆ, ಕಾಂಪೌಂಡ್ ಹಾಗೂ ಅಂಗಳಕ್ಕೆ ಹಾವುಗಳು ಬರುವುದು ಸಾಮಾನ್ಯ. ಮನೆಯಲ್ಲಿ ಚಿಕ್ಕ ಮಕ್ಕಳು, ಸಾಕುಪ್ರಾಣಿಗಳು ಇರುವಾಗ ಇದು ತೀವ್ರ ಆತಂಕ ಹುಟ್ಟಿಸುತ್ತದೆ. ಹಾವುಗಳಿಗೆ ತೊಂದರೆ ಕೊಡದೆ, ಅವು ಮನೆ ಅಥವಾ ಅಂಗಳದ ಆಸುಪಾಸಿಗೂ ಸುಳಿಯದಂತೆ ತಡೆಯಲು ಈ ಕೆಳಗಿನ ನೈಸರ್ಗಿಕ ವಿಧಾನಗಳನ್ನು ಅನುಸರಿಸಬಹುದು.

1. ಹಾವುಗಳು ಬರದಂತೆ ತಡೆಯಲು ಮೊದಲ ಮುನ್ನೆಚ್ಚರಿಕೆ

ಆಹಾರದ ತ್ಯಾಜ್ಯ ಎಸೆಯಬೇಡಿ: ಮನೆ ಸುತ್ತಮುತ್ತ ಉಳಿದ ಊಟ, ಕಸ ಎಸೆಯುವುದರಿಂದ ಇಲಿ, ಹೆಗ್ಗಣ ಮತ್ತು ಕಪ್ಪೆಗಳು ಹೆಚ್ಚಾಗುತ್ತವೆ. ಇವುಗಳನ್ನು ಬೇಟೆಯಾಡಲು ಹಾವುಗಳು ಸುಲಭವಾಗಿ ಮನೆಯೊಳಗೆ ನುಗ್ಗುತ್ತವೆ.

ರಂಧ್ರ ಮತ್ತು ಬಿರುಕುಗಳನ್ನು ಮುಚ್ಚಿ: ಕಾಂಪೌಂಡ್ ಗೋಡೆ, ಮೆಟ್ಟಿಲು ಅಥವಾ ಅಂಗಳದಲ್ಲಿರುವ ಬಿರುಕು ಹಾಗೂ ಇಲಿ ಬಿದ್ದಿರುವ ರಂಧ್ರಗಳನ್ನು ಮೊದಲಿಗೆ ಸಿಮೆಂಟ್ ಹಾಕಿ ಮುಚ್ಚಿ.

2. ಹಾವುಗಳನ್ನು ಓಡಿಸುವ ನೈಸರ್ಗಿಕ ಸ್ಪ್ರೇ ಮತ್ತು ಮನೆಮದ್ದುಗಳು

ಹಾವುಗಳಿಗೆ ವಾಸನೆಯ ಗ್ರಹಣ ಶಕ್ತಿ (Smell Sense) ತುಂಬಾ ತೀಕ್ಷ್ಣವಾಗಿರುತ್ತದೆ. ಈ ಕೆಳಗಿನ ತೀವ್ರ ವಾಸನೆಗೆ ಅವು ಹತ್ತಿರವೂ ಸುಳಿಯುವುದಿಲ್ಲ

ದಾಲ್ಚಿನ್ನಿ ಎಣ್ಣೆ (Cinnamon Oil): ದಾಲ್ಚಿನ್ನಿ ಎಣ್ಣೆಯನ್ನು ನೀರಿನೊಂದಿಗೆ ಬೆರೆಸಿ ಮನೆ ಸುತ್ತ ಮತ್ತು ಬಾಗಿಲುಗಳ ಬಳಿ ಸ್ಪ್ರೇ ಮಾಡಿದರೆ ಹಾವುಗಳು ಆ ದಿಕ್ಕಿಗೆ ಬರುವುದಿಲ್ಲ.

ಬಿಳಿ ವಿನೆಗರ್ (White Vinegar): ವಿನೆಗರ್ ಅನ್ನು ನೀರಿನೊಂದಿಗೆ ಮಿಕ್ಸ್ ಮಾಡಿ ಮನೆ ಸುತ್ತಮುತ್ತ ಸ್ಪ್ರೇ ಮಾಡಿ. ಇದರ ತೀಕ್ಷ್ಣ ಹುಳಿ ವಾಸನೆ ಹಾವುಗಳಿಗೆ ಇಷ್ಟವಾಗುವುದಿಲ್ಲ.

ಸಲ್ಫರ್ ಪೌಡರ್ (ಗಂಧಕದ ಪುಡಿ): ಹಳದಿ ಬಣ್ಣದ ಸಲ್ಫರ್ ಪುಡಿಯನ್ನು ಕಾಂಪೌಂಡ್ ಗಡಿಯ ಸುತ್ತ ಗೆರೆಯಂತೆ ಹಾಕಿದರೆ, ಅದರ ರಾಸಾಯನಿಕ ವಾಸನೆಗೆ ಹಾವುಗಳು ಗಡಿ ದಾಟಿ ಒಳಗೆ ಬರುವುದಿಲ್ಲ.

ಮನೆಯಲ್ಲೇ ತಯಾರಿಸುವ ಬೆಳ್ಳುಳ್ಳಿ ಸ್ಪ್ರೇ: ಬೆಳ್ಳುಳ್ಳಿ ಎಸಳುಗಳನ್ನು ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿ. ರುಬ್ಬಿದ ಬೆಳ್ಳುಳ್ಳಿ ಪೇಸ್ಟ್‌ಗೆ ಸಾಕಷ್ಟು ನೀರನ್ನು ಹಾಕಿ ಚೆನ್ನಾಗಿ ಕಲಸಿ. ನಂತರ ಟೀ ಸೋಸುವ ಜಾಲರಿ (Tea Strainer) ಅಥವಾ ತೆಳುವಾದ ಹತ್ತಿ ಬಟ್ಟೆಯ ಮೂಲಕ ಆ ನೀರನ್ನು ಸೋಸಿ (ಫಿಲ್ಟರ್ ಮಾಡಿ). ಆಗ ಬೆಳ್ಳುಳ್ಳಿಯ ಸಿಪ್ಪೆ, ತಿರುಳು (ಚರಟ) ಜಾಲರಿಯಲ್ಲೇ ಉಳಿಯುತ್ತದೆ ಮತ್ತು ಕೇವಲ ಘಾಟು ವಾಸನೆಯುಳ್ಳ ಶುದ್ಧ ನೀರು ಮಾತ್ರ ಕೆಳಗೆ ಬಟ್ಟಲಿಗೆ ಬೀಳುತ್ತದೆ. ಆ ನೀರನ್ನು ಸ್ಪ್ರೇ ಬಾಟಲಿಗೆ ತುಂಬಿಸಬೇಕು. ಇದನ್ನು ಕತ್ತಲೆಯ ಮೂಲೆಗಳು, ಪೊದೆಗಳು ಮತ್ತು ಕಾಂಪೌಂಡ್ ಬಳಿ ಸ್ಪ್ರೇ ಮಾಡಿದರೆ ಬೆಳ್ಳುಳ್ಳಿಯ ಖಾರವಾದ ವಾಸನೆಗೆ ಹಾವುಗಳು ಕಾಲ್ಕಿಳುತ್ತವೆ.

3. ಮನೆ ಸುತ್ತಮುತ್ತ ಬೆಳೆಸಬೇಕಾದ 'ಹಾವು ನಿರೋಧಕ ಗಿಡಗಳು' (Snake Repellent Plants)

ಈ ಗಿಡಗಳನ್ನು ಅಂಗಳದಲ್ಲಿ ಅಥವಾ ಕುಂಡಗಳಲ್ಲಿ ಬೆಳೆಸಿದರೆ ಹಾವುಗಳು ಬರುವುದಿಲ್ಲ

ಲೆಮನ್‌ಗ್ರಾಸ್ (Lemongrass - ನಿಂಬೆ ಹುಲ್ಲು): ಇದರ ಸಿಟ್ರಸ್ ಪರಿಮಳವು ಹಾವುಗಳಿಗೆ ತೀವ್ರ ಕಿರಿಕಿರಿ ಉಂಟುಮಾಡುತ್ತದೆ.

ಚೆಂಡು ಹೂವಿನ ಗಿಡ (Marigold): ಚೆಂಡು ಹೂವಿನ ಗಿಡದ ಬೇರುಗಳು ಮತ್ತು ಹೂವಿನ ಘಾಟು ವಾಸನೆಗೆ ಹಾವುಗಳು ಹತ್ತಿರ ಸುಳಿಯುವುದಿಲ್ಲ.

ಸರ್ಪಗಂಧ (Snake Root): ಆಯುರ್ವೇದದಲ್ಲಿ ಪ್ರಸಿದ್ಧವಾಗಿರುವ ಸರ್ಪಗಂಧ ಗಿಡದ ವಾಸನೆಗೆ ಹಾವುಗಳು ಹೆದರಿ ದೂರ ಓಡುತ್ತವೆ.

ಬೆಳ್ಳುಳ್ಳಿ ಬಳ್ಳಿ (Garlic Creeper): ಈ ಬಳ್ಳಿಯ ಎಲೆಗಳನ್ನು ಉಜ್ಜಿದರೆ ತೀವ್ರ ಬೆಳ್ಳುಳ್ಳಿಯ ವಾಸನೆ ಬರುತ್ತದೆ, ಇದು ಹಾವುಗಳಿಗೆ ಅಲರ್ಜಿ.

ನಾಗದಾಳಿ / ನಾಗದಮನಿ ಗಿಡ: ಸಾಂಪ್ರದಾಯಿಕ ಆಯುರ್ವೇದ ಗಿಡವಾಗಿದ್ದು, ಹಾವು ನಿರೋಧಕ ಶಕ್ತಿ ಹೊಂದಿದೆ.

ಸ್ನೇಕ್ ಪ್ಲಾಂಟ್ & ಕಳ್ಳಿ ಗಿಡಗಳು (Cactus): ಇವುಗಳ ಮೊನಚಾದ ಎಲೆಗಳು ಮತ್ತು ಮುಳ್ಳುಗಳಿರುವ ಕಾರಣ ಹಾವುಗಳು ಇವುಗಳ ಮೇಲೆ ತೆವಳಲು ಇಷ್ಟಪಡುವುದಿಲ್ಲ.

ಬ್ಲಾಕ್‌ಬಸ್ಟರ್ ಆಗಿ ಹೊರಹೊಮ್ಮಿದ ಬೇಲ್‌, ಸೋಶಿಯಲ್‌ ಮೀಡಿಯಾದಲ್ಲಿ ಕಳೆಗಟ್ಟಿದ ಸಂಭ್ರಮ

Suvarna News — Wed, 21 Oct 2026 16:40:55 +0530

'ಬೇಲ್‌' ಸಿನಿಮಾ ಬ್ಲಾಕ್‌ಬಸ್ಟರ್ ಜೋನ್‌ಗೆ ಕಾಲಿಟ್ಟಿದ್ದು, ಇದಕ್ಕೆ ಅತ್ಯಂತ ಜೋರಾದ ಸಂಭ್ರಮಾಚರಣೆ ಆನ್‌ಲೈನ್‌ನಲ್ಲಿ ನಡೆಯುತ್ತಿದೆ. ಈ ಚಿತ್ರವು ಎಕ್ಸ್ (X), ಇನ್‌ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್‌ಗಳಲ್ಲಿ ಟ್ರೆಂಡ್ ಆಗುತ್ತಿದೆ. ಫ್ಯಾನ್ ಎಡಿಟ್‌ಗಳು, ರಿಯಾಕ್ಷನ್ ವೀಡಿಯೊಗಳು, ಮೀಮ್‌ಗಳು ಮತ್ತು ಡ್ಯಾನ್ಸ್ ಕ್ಲಿಪ್‌ಗಳು ಟೈಮ್‌ಲೈನ್‌ಗಳಲ್ಲಿ ಹರಿದಾಡುತ್ತಿವೆ. ಗಲ್ಲಾಪೆಟ್ಟಿಗೆಯ (Box office) ಅಂಕಿಅಂಶಗಳು ಪ್ರಬಲವಾಗಿವೆ, ಆದರೆ ಅಸಲಿ ಕಥೆಯಿರುವುದು ಅಭಿಮಾನಿಗಳು ಮತ್ತು ಸಾಮಾನ್ಯ ವೀಕ್ಷಕರಿಂದ ಬರುತ್ತಿರುವ ಪ್ರತಿಕ್ರಿಯೆಗಳ ಮಹಾಅಲೆಯಲ್ಲಿ. ಸೋಶಿಯಲ್‌ ಮೀಡಿಯಾಗಳು ಬೇಲ್‌ ಗೆಲುವನ್ನು ಮಹಾ ಉತ್ಸವದ ರೀತಿಯಲ್ಲಿ ಸಂಭ್ರಮಿಸುತ್ತಿದೆ.

ಮೊದಲ ಶೋ ಮುಗಿಯುತ್ತಿದ್ದಂತೆ ಪ್ರತಿಕ್ರಿಯೆಗಳು ಹರಿದುಬರಲು ಪ್ರಾರಂಭಿಸಿದವು. ಬಹುತೇಕ ಪ್ರತಿಯೊಂದು ಟ್ವೀಟ್‌ನಲ್ಲೂ ಇದ್ದ ಸಾಮಾನ್ಯ ಎಳೆಯೆಂದರೆ ಶಿವ ರಾಜ್‌ಕುಮಾರ್ ಅವರ ಸ್ಕ್ರೀನ್ ಪ್ರೆಸೆನ್ಸ್ ಮತ್ತು ಚಿತ್ರದಲ್ಲಿ ಮಾಸ್ ಹಾಗೂ ಎಮೋಷನ್‌ಗಳನ್ನು ಸಮತೋಲನಗೊಳಿಸಿದ ರೀತಿ.

ಒಬ್ಬ ಯೂಸರ್‌ @Lords_138 "ಶಿವಣ್ಣ ತಮ್ಮ ಸ್ವ್ಯಾಗ್ ಮತ್ತು ಸ್ಕ್ರೀನ್ ಪ್ರೆಸೆನ್ಸ್‌ನಿಂದ ಇಡೀ ಸಿನಿಮಾವನ್ನು ಹೆಗಲ ಮೇಲೆ ಹೊತ್ತೊಯ್ದಿದ್ದಾರೆ. ಆಕ್ಷನ್ ಬ್ಲಾಕ್‌ಗಳು ಅತ್ಯುತ್ತಮವಾಗಿವೆ ಮತ್ತು ಅದ್ಭುತವಾಗಿವೆ. ಪಕ್ಕಾ ಡೀಸೆಂಟ್ ವಾಚ್." ಎಂದು ಬರೆದುಕೊಂಡಿದ್ದಾರೆ.

ಮತ್ತೊಬ್ಬ ಯೂಸರ್‌ ಆದ ದತ್ತು (@RSYTOXIC) ಚಿತ್ರಕ್ಕೆ 4/5 ರೇಟಿಂಗ್ ನೀಡಿ ಹೀಗೆ ಟ್ವೀಟ್ ಮಾಡಿದ್ದಾರೆ: "ಫ್ರೆಶ್ ಶಿವಣ್ಣ, ನಿರೂಪಣೆ, ಮಾಸ್ ಕ್ಷಣಗಳು ಮತ್ತು ಶಕ್ತಿಶಾಲಿ ಬಿಜಿಎಂ (BGM) ನೊಂದಿಗೆ ಮೊದಲಾರ್ಧ ಪ್ರಬಲವಾಗಿದೆ. ಇಂಟರ್ವಲ್ ಚೆನ್ನಾಗಿ ಕೆಲಸ ಮಾಡಿದೆ. ದ್ವಿತೀಯಾರ್ಧವು ಭಾವನಾತ್ಮಕ ಕುಟುಂಬ ಕ್ಷಣಗಳು, ಆಕ್ಷನ್ ಮತ್ತು ತೃಪ್ತಿದಾಯಕ ಕ್ಲೈಮ್ಯಾಕ್ಸ್‌ನೊಂದಿಗೆ ಮತ್ತಷ್ಟು ತೀವ್ರಗೊಳ್ಳುತ್ತದೆ. ಒಟ್ಟಾರೆಯಾಗಿ, ಇದೊಂದು ಸಾಲಿಡ್ ಮಾಸ್ + ಎಮೋಷನ್ ಪ್ಯಾಕೇಜ್."

ಈ ಆರಂಭಿಕ ಪ್ರತಿಕ್ರಿಯೆಗಳು ಸಿನಿಮಾದ ವಾತಾವರಣವನ್ನು ರೂಪಿಸಿದವು. ಅವು ಹೊಸ ಅವತಾರ, ಚೆನ್ನಾಗಿ ಸಮ್ಮಿಶ್ರಗೊಂಡ ಮಾಸ್ ಬ್ಲಾಕ್‌ಗಳು ಮತ್ತು ಭಾವನಾತ್ಮಕವಾಗಿ ತಲುಪಿಸುವ ದ್ವಿತೀಯಾರ್ಧದ ಬಗ್ಗೆ ಮಾತನಾಡಿದವು.

ಇಂಟರ್ನೆಟ್‌ನಲ್ಲಿ ಅಭಿಮಾನಿಗಳ ಪ್ರತಿಕ್ರಿಯೆಗಳು

ಇಂಟರ್ನೆಟ್ 'ಬೇಲ್‌' ಸಿನಿಮಾದ ಕಂಟೆಂಟ್‌ನಿಂದ ತುಂಬಿಹೋಗಿದೆ. ಅನೇಕ ಟ್ವೀಟ್‌ಗಳು ಇಂಟರ್ವಲ್ ಬ್ಲಾಕ್ ಮತ್ತು ದ್ವಿತೀಯಾರ್ಧದ ಮೇಲೆ ಗಮನ ಕೇಂದ್ರೀಕರಿಸಿದ್ದವು, ಇವು ಚಿತ್ರದ ಅತ್ಯಂತ ಪ್ರಬಲ ಭಾಗಗಳಾಗಿ ಕಂಡುಬರುತ್ತವೆ.

ರೈಸನ್ ಶ್ರೀಧರ್ (RISEN SHRIDHAR) ಹೀಗೆ ಪೋಸ್ಟ್ ಮಾಡಿದ್ದಾರೆ: "ಫಸ್ಟ್ ಹಾಫ್ @NimmaShivanna ಹಿಂದೆಂದೂ ಕಾಣದ ಅವತಾರದಲ್ಲಿ, ಅಪರೂಪದ ಚಿತ್ರಕಥೆ, ಮಾಸ್ ಬ್ಲಾಕ್‌ಗಳನ್ನು ಅತ್ಯುತ್ತಮವಾಗಿ ಸಮ್ಮಿಲನಗೊಳಿಸಲಾಗಿದೆ, @AJANEESHB ಅವರ ಬಿಜಿಎಂ ಟಾಪ್ ನಾಚ್‌. ಸೆಕೆಂಡ್ ಹಾಫ್ ಹೈ ಆಕ್ಟೇನ್ ಪ್ರಬಲ ಫ್ಯಾಮಿಲಿ ಡ್ರಾಮಾ, ಹಿಡಿದಿಟ್ಟುಕೊಳ್ಳುವ ಚಿತ್ರಕಥೆ, ಸಹ-ನಟರ ಅಭಿನಯ ಬಹಳ ಚೆನ್ನಾಗಿ ಎದ್ದು ಕಾಣುತ್ತದೆ. ಈಗಲೇ ಬುಕ್ ಮಾಡಿ."

ಪವನ್ ಕುಮಾರ್ ತಮ್ಮ ಸಿನಿಮಾ ಮಧ್ಯದಲ್ಲೇ ಪ್ರತಿಕ್ರಿಯೆಯನ್ನು ಹಂಚಿಕೊಂಡಿದ್ದಾರೆ: "#Bail ಸಿನಿಮಾದ ಮೊದಲ ಹಾಫ್ ಮುಗಿಯಿತು. #shivanna ಅವರದ್ದು ಬ್ಯಾಂಗರ್ ಸ್ಕ್ರೀನ್ ಪ್ರೆಸೆನ್ಸ್. ಎಮೋಷನ್ಸ್ ಮತ್ತು ಶೀರ್ಷಿಕೆ/ಚಿತ್ರಕಥೆ ಚೆನ್ನಾಗಿ ಕೆಲಸ ಮಾಡಿವೆ. #tagaru ನಂತರ ಶಿವಣ್ಣ ಅವರ ಅತ್ಯುತ್ತಮ ಸಿನಿಮಾಗಳಲ್ಲಿ ಒಂದಾಗಲಿದೆ. 2ನೇ ಹಾಫ್‌ಗಾಗಿ ಕಾಯಲು ಸಾಧ್ಯವಿಲ್ಲ. @PavanWadeyar ಹಿಡಿದಿಟ್ಟುಕೊಳ್ಳುವ ಚಿತ್ರಕಥೆ ಮತ್ತು ಕಥೆಯೊಂದಿಗೆ ನಿಜವಾಗಿಯೂ ಅತ್ಯುತ್ತಮವಾಗಿ ಮಾಡಿದ್ದಾರೆ."

ಸೌತ್ ಡೈನಸ್ಟಿ (@Punith1118) ಕೂಡ ಟ್ವೀಟ್‌ ಮಾಡಿದದ್ದು: "ಮೊದಲ ಹಾಫ್‌ ಶಕ್ತಿಶಾಲಿ ಓಪನಿಂಗ್‌ನೊಂದಿಗೆ ಪ್ರಾರಂಭವಾಗುತ್ತದೆ. ಫ್ರೆಶ್ ಅವತಾರದಲ್ಲಿ ಶಿವಣ್ಣ ಮಿಂಚುತ್ತಾರೆ. ಮಾಸ್ ಕ್ಷಣಗಳು ಮತ್ತು ಆಕ್ಷನ್ ಬ್ಲಾಕ್‌ಗಳು ಚೆನ್ನಾಗಿ ಕೆಲಸ ಮಾಡಿವೆ."

@Chikki ಹೀಗೆ ಬರೆದುಕೊಂಡಿದ್ದು: "ಮೊದಲಾರ್ಧದಲ್ಲಿ ಫ್ರೆಶ್ ಶಿವಣ್ಣ ಜೊತೆಗೆ ಸಾಲಿಡ್ ಆಕ್ಷನ್ ಇದೆ, ಮತ್ತು ದ್ವಿತೀಯಾರ್ಧವು ಪ್ರಬಲ ಕುಟುಂಬದ ಭಾವನೆಗಳನ್ನು, ಶಿವಣ್ಣ ಅವರ ಸ್ಕ್ರೀನ್ ಪ್ರೆಸೆನ್ಸ್ ಅನ್ನು ತರುತ್ತದೆ...."

ಈ ಪ್ರತಿಕ್ರಿಯೆಗಳು ಯಾವುದು ಕೆಲಸ ಮಾಡುತ್ತಿದೆ ಎಂಬುದನ್ನು ಎತ್ತಿ ತೋರಿಸುತ್ತವೆ: ಆಕ್ಷನ್ ಮತ್ತು ಎಮೋಷನ್ ಸಮ್ಮಿಶ್ರಣ, ಹಿಡಿದಿಟ್ಟುಕೊಳ್ಳುವ ಚಿತ್ರಕಥೆ, ಮತ್ತು ಪೋಷಕ ಪಾತ್ರವರ್ಗದ, ವಿಶೇಷವಾಗಿ ಸಾಯಿ ಕುಮಾರ್ ಮತ್ತು ಜಯರಾಮ್ ಅವರ ಪ್ರಬಲ ಅಭಿನಯಗಳು.

ಸೋಶಿಯಲ್‌ ಮೀಡಿಯಾದಲ್ಲಿ ಚಿತ್ರದ ಕ್ರೇಜ್

ವಿಮರ್ಶೆಗಳನ್ನು ಹೊರತುಪಡಿಸಿ, ಸೋಶಿಯಲ್‌ ಮೀಡಿಯಾದಲ್ಲಿ ಅಭಿಮಾನಿ ನಿರ್ಮಿತ ಕಂಟೆಂಟ್‌ಗಳಿಂದ ತುಂಬಿವೆ. "ಶಿವಣ್ಣ ಆಂಥೆಮ್" ಅನ್ನು ಎಣಿಕೆಯಿಲ್ಲದ ಎಡಿಟ್‌ಗಳಲ್ಲಿ ಬಳಸಲಾಗುತ್ತಿದೆ. "ಕಮ್ಲಿ ಕಮ್ಲಿ" ಹಾಡು ಡ್ಯಾನ್ಸ್ ಚಾಲೆಂಜ್ ಆಗಿ ಬದಲಾಗಿದ್ದು, ಅಭಿಮಾನಿಗಳು ಚಿತ್ರಮಂದಿರಗಳ ಒಳಗಿನಿಂದ, ಹೊರಗಿನಿಂದ ಮತ್ತು ಮನೆಗಳಿಂದಲೂ ವೀಡಿಯೊಗಳನ್ನು ಪೋಸ್ಟ್ ಮಾಡುತ್ತಿದ್ದಾರೆ. ಬ್ಯಾಕ್‌ಗ್ರೌಂಡ್ ಸ್ಕೋರ್ ಅನ್ನು ಕ್ಲಿಪ್ ಮಾಡಿ ಮೋಟಿವೇಶನಲ್ ವೀಡಿಯೊಗಳಲ್ಲಿ ಮರುಬಳಕೆ ಮಾಡಲಾಗುತ್ತಿದೆ.

ಚಿತ್ರದ ಸಂಭಾಷಣೆಗಳ ಮೇಲಿನ ಮೀಮ್‌ಗಳು ವ್ಯಾಪಕವಾಗಿ ಹರಿದಾಡುತ್ತಿವೆ. ಹುಲಿ ಬೇಟೆಯಾಡುವುದು ವೃತ್ತಿಯೇ ಹೊರತು ಆಸಕ್ತಿಯಲ್ಲ ಎಂಬ ಸಾಲು ಮೆಚ್ಚಿನ ಕ್ಯಾಪ್ಶನ್ ಆಗಿ ಬದಲಾಗಿದೆ. #Bail, #Shivanna, ಮತ್ತು #BailBlockbuster ಹ್ಯಾಶ್‌ಟ್ಯಾಗ್‌ಗಳು ದಿನನಿತ್ಯ ಟ್ರೆಂಡ್ ಆಗುತ್ತಿವೆ.

ಕಂಟೆಂಟ್‌ನ ಪ್ರಮಾಣವು ಬೆರಗುಗೊಳಿಸುವಂತಿದೆ. ಚಿತ್ರಕ್ಕೆ ಮೀಸಲಾದ ಇನ್‌ಸ್ಟಾಗ್ರಾಮ್ ಪೇಜ್‌ಗಳು ದಿನಕ್ಕೆ ಹಲವು ಬಾರಿಗೆ ಪೋಸ್ಟ್ ಮಾಡುತ್ತಿವೆ. ಯೂಟ್ಯೂಬ್ ಚಾನೆಲ್‌ಗಳು ರಿಯಾಕ್ಷನ್ ವೀಡಿಯೊಗಳು, ವಿಮರ್ಶೆ ವೀಡಿಯೊಗಳು ಮತ್ತು ಬ್ರೇಕ್‌ಡೌನ್‌ಗಳನ್ನು ಅಪ್‌ಲೋಡ್ ಮಾಡುತ್ತಿವೆ. ಪ್ರತಿಯೊಂದು ಹೊಸ ರೀಲ್ ಅಥವಾ ಶಾರ್ಟ್ಸ್ ವೀಡಿಯೊ ಸಿನಿಮಾವನ್ನು ಹೊಸಬರಿಗೆ ಪರಿಚಯಿಸುತ್ತಿದೆ.

ಬಝ್‌ನಿಂದ ಬಾಕ್ಸ್ ಆಫೀಸ್‌ವರೆಗೆ

ಆನ್‌ಲೈನ್ ಬಝ್ ಬರಿ ಶಬ್ದ ಮಾತ್ರವಲ್ಲ. ಅದು ಟಿಕೆಟ್ ಮಾರಾಟವಾಗಿ ಬದಲಾಗುತ್ತಿದೆ. ವಾರದ ದಿನಗಳ (Weekday) ಶೋಗಳು ಉತ್ತಮ ಪ್ರದರ್ಶನ ಕಾಣುತ್ತಿವೆ, ಇದು ಸ್ಟಾರ್ ಸಿನಿಮಾಗಳ ಬಿಡುಗಡೆಗೆ ಸಾಮಾನ್ಯವಲ್ಲ. ಸೋಶಿಯಲ್‌ ಮೀಡಿಯಾದಿಂದ ವರ್ಧಿಸಲ್ಪಟ್ಟ ಬಾಯ್ಮಾತಿನ ಪ್ರಚಾರವು ಸಿನಿಮಾದ ಯಶಸ್ಸಿಗೆ ಕಾರಣವಾಗುತ್ತಿದೆ.

ಜನರು ಕ್ಲಿಪ್‌ಗಳನ್ನು ನೋಡಿ ಮತ್ತು ಪ್ರತಿಕ್ರಿಯೆಗಳನ್ನು ಓದಿದ ನಂತರ ಟಿಕೆಟ್‌ಗಳನ್ನು ಬುಕ್ ಮಾಡುತ್ತಿದ್ದಾರೆ. ಚಿತ್ರವು ಈಗ ಚರ್ಚೆಯ ವಿಷಯವಾಗಿದೆ, ಮತ್ತು ಚರ್ಚೆಗಳು ಟಿಕೆಟ್‌ಗಳನ್ನು ಮಾರಾಟ ಮಾಡುತ್ತಿವೆ. ವಾರದ ದಿನಗಳ ಹಿಡಿತವು ನಿರೀಕ್ಷೆಗಿಂತ ಗಟ್ಟಿಯಾಗಿದೆ ಎಂದು ಟ್ರೇಡ್ ಅನಾಲಿಸ್ಟ್‌ಗಳು ಗಮನಿಸಿದ್ದಾರೆ.

'ಬೇಲ್‌' ಕೇವಲ ಗಲ್ಲಾಪೆಟ್ಟಿಗೆಯ ಅಂಕಿಅಂಶಗಳಿಗೆ ಮಾತ್ರವಲ್ಲದೆ ತನ್ನ ಸೋಶಿಯಲ್‌ ಮೀಡಿಯಾ ಉಪಸ್ಥಿತಿಗಾಗಿಯೂ ದೊಡ್ಡ ಹಿಟ್ ಆಗಿದೆ. ಸಿನಿಮಾವು ಪೂರ್ಣ ಪ್ರಮಾಣದ ಉತ್ಸವವಾಗಿ ಬದಲಾಗಿದೆ. ಶಿವ ರಾಜ್‌ಕುಮಾರ್ ಅವರಿಗೆ, ಇದು ಅವರ ರೀಚ್‌ಗೆ ಮತ್ತೊಂದು ಪುರಾವೆಯಾಗಿದೆ. ಅವರ ಅಭಿಮಾನಿಗಳ ಬಳಗ ಕೇವಲ ನಿಷ್ಠಾವಂತ ಮಾತ್ರವಲ್ಲ, ಅದು ಡಿಜಿಟಲ್ ಆಗಿದೆ. ಆನ್‌ಲೈನ್‌ನಲ್ಲಿ ಹೇಗೆ ಸದ್ದು ಮಾಡಬೇಕೆಂದು ಅವರಿಗೆ ತಿಳಿದಿದೆ. ಅವರು ಬಿಡುಗಡೆಯನ್ನು ಒಂದು ಚಳವಳಿಯಾಗಿ ಪರಿವರ್ತಿಸಿದ್ದಾರೆ.

ಬಾಕ್ಸಾಫೀಸ್‌ನಲ್ಲಿ ಬಲವಾದ ಹಿಡಿತ ಹಾಗೂ ಸೋಶಿಯಲ್‌ ಮೀಡಿಯಾದಲ್ಲಿ ಕಡಿಮೆಯಾಗದಿರುವ ಟ್ರೆಂಡ್‌ನೊಂದಿಗೆ ಬೇಲ್‌ ಪ್ರತಿಯೊಂದು ಅರ್ಥದಲ್ಲೂ ತನ್ನನ್ನು ತಾನು ಬ್ಲಾಕ್‌ಬಸ್ಟರ್ ಆಗಿ ದೃಢವಾಗಿ ಸ್ಥಾಪಿಸಿಕೊಂಡಿದೆ. ದಶಕಗಳಿಂದ ಪ್ರೇಕ್ಷಕರನ್ನು ರಂಜಿಸುತ್ತಿರುವ ತಾರೆಗೆ, ಈ ಕ್ರೈಮ್ ಡ್ರಾಮಾ ಅವರ 131ನೇ ಸಿನಿಮಾವಾಗಿದೆ, ಇದು ಅವರ ಆಕರ್ಷಣೆ ಎಂದಿನಂತೆ ಪ್ರಬಲವಾಗಿದೆ ಎಂಬುದನ್ನು ನಿರೂಪಿಸುವ ಗಮನಾರ್ಹ ಮೈಲಿಗಲ್ಲಾಗಿದೆ.

ಕ್ರೇಜಿ ಕಾಂಬಿನೇಷನ್‌ಗೆ ವೇದಿಕೆ ಸಿದ್ಧ? ‘ಜೈಲರ್ 2’ ನಿರ್ದೇಶಕನ ಜೊತೆ ಹೃತಿಕ್ ರೋಷನ್ ಸಿನಿಮಾ!

Govindaraj S — Wed, 21 Oct 2026 16:40:03 +0530

ಸೂಪರ್‌ಸ್ಟಾರ್ ರಜನಿಕಾಂತ್ ಅಭಿನಯದ ‘ಜೈಲರ್ 2’ ಸಿನಿಮಾ ಸದ್ಯ ಭಾರೀ ಚರ್ಚೆಯಲ್ಲಿದೆ. ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನದ ಈ ಚಿತ್ರದ ಬಗ್ಗೆ ಆರಂಭದಿಂದಲೂ ದೊಡ್ಡ ನಿರೀಕ್ಷೆಗಳಿದ್ದವು. ಈ ನಡುವೆ ಬಾಲಿವುಡ್‌ನ ಗ್ರೀಕ್ ಗಾಡ್ ಹೃತಿಕ್ ರೋಷನ್ ಹೆಸರು ದಕ್ಷಿಣ ಭಾರತದ ಸಿನಿಮಾ ವಲಯದಲ್ಲಿ ಮತ್ತೊಮ್ಮೆ ಸದ್ದು ಮಾಡುತ್ತಿದೆ. ಹೃತಿಕ್ ಮತ್ತು ನೆಲ್ಸನ್ ಕಾಂಬಿನೇಷನ್‌ನಲ್ಲಿ ಹೊಸ ಸಿನಿಮಾ ಮೂಡಿಬರಲಿದೆಯೇ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಹೆಚ್ಚಾಗಿದೆ.

ಹೃತಿಕ್ ರೋಷನ್ ಜೊತೆ ನೆಲ್ಸನ್ ಸಿನಿಮಾ ಮಾಡ್ತಾರಾ?

ತಮ್ಮ ವಿಭಿನ್ನ ನಿರ್ದೇಶನ ಶೈಲಿ, ಡಾರ್ಕ್ ಕಾಮಿಡಿ ಹಾಗೂ ಸ್ಟೈಲಿಶ್ ಆ್ಯಕ್ಷನ್ ಮೂಲಕ ಪ್ರೇಕ್ಷಕರ ಗಮನ ಸೆಳೆದಿರುವ ನಿರ್ದೇಶಕ ನೆಲ್ಸನ್ ದಿಲೀಪ್‌ಕುಮಾರ್, ಇದೀಗ ಬಾಲಿವುಡ್ ಸ್ಟಾರ್ ಹೃತಿಕ್ ರೋಷನ್ ಜೊತೆ ಸಿನಿಮಾ ಮಾಡಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಒಂದು ವೇಳೆ ಈ ಕಾಂಬಿನೇಷನ್ ನಿಜವಾದರೆ, ಸಿನಿಪ್ರಿಯರಿಗೆ ವಿಭಿನ್ನ ರೀತಿಯ ಪ್ಯಾನ್ ಇಂಡಿಯಾ ಸಿನಿಮಾ ಸಿಗುವ ಸಾಧ್ಯತೆಯಿದೆ. ಹೃತಿಕ್ ರೋಷನ್ ಅವರ ಸ್ಟೈಲಿಶ್ ಲುಕ್, ಅದ್ಭುತ ಡ್ಯಾನ್ಸ್ ಹಾಗೂ ಆ್ಯಕ್ಷನ್‌ಗೆ ದೊಡ್ಡ ಅಭಿಮಾನಿ ಬಳಗವಿದೆ.

ಇತ್ತ ನೆಲ್ಸನ್ ತಮ್ಮದೇ ಆದ ವಿಭಿನ್ನ ಕಥೆ ಹೇಳುವ ಶೈಲಿಯಿಂದ ಗುರುತಿಸಿಕೊಂಡಿದ್ದಾರೆ. ಹೀಗಿರುವಾಗ ಈ ಇಬ್ಬರು ಒಂದೇ ಸಿನಿಮಾದಲ್ಲಿ ಕೈಜೋಡಿಸಿದರೆ ಕಥೆ ಹೇಗಿರಬಹುದು? ಹೃತಿಕ್‌ಗಾಗಿ ನೆಲ್ಸನ್ ಯಾವ ರೀತಿಯ ಪಾತ್ರವನ್ನು ಸಿದ್ಧಪಡಿಸಬಹುದು? ಎಂಬ ಚರ್ಚೆ ಈಗಾಗಲೇ ಅಭಿಮಾನಿಗಳಲ್ಲಿ ಶುರುವಾಗಿದೆ. ಆದರೆ, ಈ ಕಾಂಬಿನೇಷನ್ ಬಗ್ಗೆ ಸದ್ಯ ಕೇಳಿಬರುತ್ತಿರುವ ಮಾಹಿತಿಗೆ ಅಧಿಕೃತ ದೃಢೀಕರಣ ಸಿಕ್ಕಿಲ್ಲ. ಹೀಗಾಗಿ ಸಿನಿಮಾ ಖಚಿತವಾಗಿದೆ ಎಂದು ಹೇಳುವುದಕ್ಕಿಂತ, ಈ ಕುರಿತು ಚರ್ಚೆಗಳು ನಡೆಯುತ್ತಿವೆ ಎನ್ನುವುದೇ ಸೂಕ್ತ.

ಹೊಂಬಾಳೆ ಫಿಲ್ಮ್ಸ್ ಬ್ಯಾನರ್‌ನಲ್ಲಿ ಹೃತಿಕ್ ಸಿನಿಮಾ?

ಕನ್ನಡದ ಹೆಮ್ಮೆಯ ನಿರ್ಮಾಣ ಸಂಸ್ಥೆ ಹೊಂಬಾಳೆ ಫಿಲ್ಮ್ಸ್ ಬ್ಯಾನರ್‌ನಲ್ಲಿ ಹೃತಿಕ್ ರೋಷನ್ ಸಿನಿಮಾ ಮಾಡಲಿದ್ದಾರೆ ಎಂಬ ಸುದ್ದಿ ಈ ಹಿಂದೆಯೂ ಕೇಳಿಬಂದಿತ್ತು. ಇದೀಗ ಆ ಚಿತ್ರಕ್ಕೆ ನೆಲ್ಸನ್ ದಿಲೀಪ್‌ಕುಮಾರ್ ನಿರ್ದೇಶನ ಮಾಡಬಹುದು ಎಂಬ ಮಾತುಗಳು ಸಿನಿಮಾ ಪ್ರೇಮಿಗಳ ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿವೆ.

ಹೊಂಬಾಳೆ ಫಿಲ್ಮ್ಸ್ ಈಗಾಗಲೇ ದೊಡ್ಡ ಮಟ್ಟದ ಸಿನಿಮಾಗಳ ಮೂಲಕ ದೇಶಾದ್ಯಂತ ಗಮನ ಸೆಳೆದಿದೆ. ಇಂತಹ ಸಂಸ್ಥೆಯ ನಿರ್ಮಾಣದಲ್ಲಿ ಹೃತಿಕ್ ರೋಷನ್ ನಟಿಸಿ, ನೆಲ್ಸನ್ ನಿರ್ದೇಶನ ಮಾಡಿದರೆ, ಈ ಸಿನಿಮಾ ಬಗ್ಗೆ ನಿರೀಕ್ಷೆಗಳು ಸಹಜವಾಗಿಯೇ ಗಗನಕ್ಕೇರಬಹುದು. ಆದರೆ ಚಿತ್ರದ ಕಥೆ, ತಾರಾಗಣ, ನಿರ್ಮಾಣದ ಯೋಜನೆ ಹಾಗೂ ಚಿತ್ರೀಕರಣದ ದಿನಾಂಕದ ಕುರಿತು ಇನ್ನೂ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.

ನೆಲ್ಸನ್ ಕೈಯಲ್ಲಿ ಸಾಲು ಸಾಲು ಸಿನಿಮಾಗಳು!

ಮತ್ತೊಂದೆಡೆ, ನೆಲ್ಸನ್ ದಿಲೀಪ್‌ಕುಮಾರ್ ಅವರ ಮುಂದಿನ ಸಿನಿಮಾಗಳ ಬಗ್ಗೆಯೂ ಚಿತ್ರರಂಗದಲ್ಲಿ ಹಲವು ಚರ್ಚೆಗಳು ನಡೆಯುತ್ತಿವೆ. ರಜನಿಕಾಂತ್ ಮತ್ತು ಕಮಲ್ ಹಾಸನ್ ಅವರಂತಹ ದಿಗ್ಗಜರನ್ನು ಒಂದೇ ಸಿನಿಮಾದಲ್ಲಿ ಒಟ್ಟುಗೂಡಿಸುವ ಮಲ್ಟಿಸ್ಟಾರರ್ ಪ್ರಾಜೆಕ್ಟ್, ಜೂನಿಯರ್ ಎನ್‌ಟಿಆರ್ ಜೊತೆಗಿನ ಸಿನಿಮಾ ಸೇರಿದಂತೆ ಹಲವು ಯೋಜನೆಗಳ ಬಗ್ಗೆ ಅಭಿಮಾನಿಗಳಲ್ಲಿ ನಿರೀಕ್ಷೆಗಳಿವೆ.

ಈ ಹಿನ್ನೆಲೆಯಲ್ಲಿ ಹೃತಿಕ್ ರೋಷನ್ ಜೊತೆಗಿನ ಸಿನಿಮಾ ಯಾವಾಗ ಆರಂಭವಾಗಬಹುದು ಎಂಬ ಪ್ರಶ್ನೆ ಎದ್ದಿದೆ. ನೆಲ್ಸನ್ ತಮ್ಮ ಇತರ ಪ್ರಾಜೆಕ್ಟ್‌ಗಳನ್ನು ಪೂರ್ಣಗೊಳಿಸಿದ ಬಳಿಕ ಈ ಚಿತ್ರಕ್ಕೆ ಕೈಹಾಕುತ್ತಾರಾ? ಅಥವಾ ಅದಕ್ಕೂ ಮುನ್ನವೇ ಈ ಕಾಂಬಿನೇಷನ್ ಸೆಟ್ಟೇರಲಿದೆಯಾ? ಎನ್ನುವುದಕ್ಕೆ ಸದ್ಯ ಸ್ಪಷ್ಟ ಉತ್ತರ ಸಿಕ್ಕಿಲ್ಲ.

ಇನ್ನು ಹೃತಿಕ್ ರೋಷನ್, ನೆಲ್ಸನ್ ದಿಲೀಪ್‌ಕುಮಾರ್ ಹಾಗೂ ಹೊಂಬಾಳೆ ಫಿಲ್ಮ್ಸ್ ಒಂದಾಗಲಿವೆ ಎಂಬ ಸುದ್ದಿ ನಿಜವಾದರೆ, ಬಾಲಿವುಡ್ ಮತ್ತು ದಕ್ಷಿಣ ಭಾರತದ ಚಿತ್ರರಂಗದ ನಡುವೆ ಮತ್ತೊಂದು ಭರ್ಜರಿ ಸಿನಿಮಾ ಮೂಡಿಬರುವ ಸಾಧ್ಯತೆಯಿದೆ. ಆದರೆ ಈ ಕುತೂಹಲಕಾರಿ ಕಾಂಬಿನೇಷನ್‌ಗೆ ಸಂಬಂಧಿಸಿದಂತೆ ಹೃತಿಕ್ ರೋಷನ್, ನೆಲ್ಸನ್ ಅಥವಾ ಹೊಂಬಾಳೆ ಫಿಲ್ಮ್ಸ್ ಅಧಿಕೃತವಾಗಿ ಘೋಷಣೆ ಮಾಡುವವರೆಗೆ ಅಭಿಮಾನಿಗಳು ಕಾಯಬೇಕಿದೆ.

ದಿಕ್ಕಾಪಾಲು ಓಡಿದ ಆನೆಯಿಂದ ಕಳಚಿ ಬಿದ್ದ ಶಿವಮೊಗ್ಗ ದಸರಾ ಅಂಬಾರಿ, ವಾಹನ ಜಖಂ-ಮಾವುತನಿಗೆ ಗಾಯ

Chethan Kumar — Wed, 21 Oct 2026 16:24:13 +0530

ಶಿವಮೊಗ್ಗ(ಅ.21) ದಸರಾ ಹಬ್ಬದ ಸಂಭ್ರಮ ಮನೆ ಮಾಡಿದೆ. ರಾಜ್ಯದ ಪ್ರತಿ ಜಿಲ್ಲೆಯಲ್ಲೂ ದಸರಾ ಕಳೆಗಟ್ಟಿದೆ. ಶಿವಮೊಗ್ಗದಲ್ಲಿ ಮೈಸೂರು ರೀತಿಯಲ್ಲೇ ದಸರಾ ಹಬ್ಬ ಆಚರಿಸಲಾಗುತ್ತದೆ. ಆದರೆ ಈ ಬಾರಿ ಅಂಬಾರಿ ಹೊತ್ತ ಆನೆ ದಿಕ್ಕಾಪಾಲಾಗಿ ಓಡಿದ ಪರಿಣಾಮ ಅವಘಡ ಸಂಭವಿಸಿದೆ. ಮೊಟ್ಟಮೊದಲ ಬಾರಿಗೆ ಚಾಮುಂಡೇಶ್ವರಿ ದೇಹ ದೇವಿಯ ವಿಗ್ರಹ ಹೊತ್ತಿದ್ದ ಸೋಮಣ್ಣ ಮೆರವಣಿಗೆಯಲ್ಲಿ ಬೆದರಿ ದಿಕ್ಕಾಪಾಲಾಗಿ ಓಡಿದೆ. ಆನೆ ಮೇಲಿದ್ದ ಅಂಬಾರಿ ಕೆಳಕ್ಕೆ ಬಿದ್ದರೆ, ಮಾವುತ ಕೆಳಕ್ಕೆ ಬಿದ್ದು ಗಾಯಗೊಂಡಿದ್ದಾನೆ. ಇತ್ತ ಹಲವು ವಾಹನಗಳು ಜಖಂಗೊಂಡಿದೆ.

ಶಿವಮೊಗ್ಗದ ಕೋಟೆ ಆಂಜನೇಯಸ್ವಾಮಿ ದೇಗುಲದ ಬಳಿ ದಸರಾ ಉತ್ಸವಕ್ಕೆ ಚಾಲನೆ ನೀಡಲಾಗಿತ್ತು. ಜಿಲ್ಲಾಧಿಕಾರಿ ಪ್ರಭುಲಿಂಗ ಕವಳಿಕಟ್ಟಿ ಹಾಗೂ ಶಾಸಕ ಚನ್ನಬಸಪ್ಪ ಶಿವಮೊಗ್ಗ ದಸರಾ ಅಂಬಾರಿಗೆ ಚಾಲನೆ ನೀಡಲಾಗಿತ್ತು. ಮೆರವಣಿಗೆಯಲ್ಲಿ ಸ್ವಲ್ಪ ದೂರ ಸಾಗಿದ ಅಂಬಾರಿ ಹೊತ್ತ ಆನೆ ಸೋಮಣ್ಣ ಭಯಗೊಂಡಿದೆ. ಒಂದೆಡೆ ಬ್ಯಾಂಡ್ ವಾದ್ಯ, ಮತ್ತೊಂದೆಡೆ ಕಿಕ್ಕಿರಿದು ಸೇರಿದ ಜನರನ್ನು ನೋಡಿ ಆನೆ ಬೆದರಿ ದಿಕ್ಕಪಾಲಾಗಿ ಓಡಿದೆ.

ಆನೆಯ ಮೇಲಿದ್ದ ಅಂಬಾರಿ ಕೆಳಗೆ ಬಿದ್ದು ಹಾನಿ

ಸೋಮಣ್ಣ ಆನೆ ಮೇಲೆ ದಸರಾ ಅಂಬಾರಿ ಕಟ್ಟಲಾಗಿತ್ತು. ಆದರೆ ದಿಕ್ಕಾಪಾಲಾಗಿ ಓಡುವ ವೇಳೆ ಅಂಬಾರಿ ಕೆಳಕ್ಕೆ ಬಿದ್ದಿದೆ. ಆನೆಯನ್ನು ನಿಯಂತ್ರಿಸಲು ಮಾವುತ ಹರಹಾಸ ಪಟ್ಟರೂ ಸಾಧ್ಯವಾಗಲಿಲ್ಲ. ಅಂಬಾರಿ ಕಳಚಿ ಬೀಳುತ್ತಿದ್ದಂತೆ ಆನ ಮೇಲಿದ್ದ ಮಾವುತ ಕೂಡ ಕೆಳಕ್ಕೆ ಬಿದ್ದಿದ್ದಾನೆ. ಇದರಿಂಕ ಮಾವುತನಿಗೂ ಗಾಯವಾಗಿದೆ.

ಈ ಬಾರಿ ಶಿವಮೊಗ್ಗ ದಸರಾ ಮೆರವಣಿಗೆಗೆ ಎಲ್ಲಾ ತಯಾರಿ ಮಾಡಿಕೊಳ್ಳಲಾಗಿತ್ತು. ಆದರೆ ಕೊನೆಯ ಕ್ಷಣದಲ್ಲಿ ಅಂಬಾರಿ ಹೊರುವ ಆನೆ ಬದಲಿಸಲಾಗಿತ್ತು. ಜೊತೆಗೆ ಹೆಣ್ಣಾನೆ ಕೂಡ ಇರಲಿಲ್ಲ. ಆರು ವರ್ಷದಿಂದ ಅಂಬಾರಿ ಹೊರುತ್ತಿದ್ದ ಕಿಂಗ್ ಸಾಗರ್ ಆನೆಯನ್ನು ಅಂಬಾರಿ ಹೊರುವ ಜವಾಬ್ದಾರಿಯಿಂದ ಮುಕ್ತಿಗೊಳಿಸಲಾಗಿತ್ತು. ಕಾಲು ನೋವಿನ ಕಾರಣದಿಂದ ಸಾಗರ್ ಆನೆ ಮೇಲೆ ಅಂಬಾರಿ ಹೊರಿಸಿ ಸಮಸ್ಯೆ ಮೈಮೇಲೆ ಎಳೆದುಕೊಳ್ಳುವುದು ಬೇಡ ಎಂದು ಅರಣ್ಯ ಇಲಾಖೆ ನಿರ್ಧರಿಸಿತ್ತು. ಹೀಗಾಗಿ ಸಕ್ರಬೈಲು ಆನೆ ಶಿಬಿರದ ಸೋಮಣ್ಣ ಆನೆಗೆ ಅಂಬಾರಿ ಹೊರುವ ಜವಾಬ್ದಾರಿ ನೀಡಲಾಗಿತ್ತು. ಆದರೆ ಸೋಮಣ್ಣ ಆನೆ ಮೆರವಣಿಗೆ ಆರಂಭಗೊಳ್ಳುತ್ತಿದ್ದಂತೆ ಅಂಬಾರಿ ಹೊತ್ತ ಆನೆ ಭಯಗೊಂಡಿದೆ. ಇದರ ಪರಿಣಾಮ ದಿಕ್ಕಾಪಾಲಾಗಿದೆ ಓಡಿದೆ. ಮಾವುತ ಆನೆಯ ನಿಯಂತ್ರಿಸಲು ಪ್ರಯತ್ನ ಪಟ್ಟಿದ್ದಾನೆ. ಇತ್ತ ಸಿಬ್ಬಂದಿಗಳು ಆನೆಯನ್ನು ನಿಯಂತ್ರಣಕ್ಕೆ ತರಲು ಪ್ರಯತ್ನಿಸಿದ್ದಾರೆ. ಅಷ್ಟರಲ್ಲೇ ಅಂಬಾರಿಯೂ ಕಳಚಿ ಬಿದ್ದಿದೆ.

ನಾಲ್ಕನೇ ಬಾರಿಗೆ ಶಿವಮೊಗ್ಗ ದಸರಾ ಅಂಬಾರಿಯಲ್ಲಿ ಆನೆಗಳ ಸಂಕಷ್ಟ

ಶಿವಮೊಗ್ಗ ದಸರಾ ಅಂಬಾರಿ ನಾಲ್ಕನೇ ಬಾರಿ ಆನೆಗಳಿಂದ ಸಂಕಷ್ಟಕ್ಕೆ ಸಿಲುಕಿದೆ.. 2019ರಲ್ಲಿ ಮೊದಲ ಬಾರಿಗೆ ಮೊಟಕಾಗಿತ್ತು. ಅಂಬಾರಿ ಹೊರಬೇಕಿದ್ದ ಸಾಗರ್ ಆನೆ ಅಸ್ವಸ್ಥಗೊಂಡಿತ್ತು. ಹಾಗಾಗಿ ಅಂಬಾರಿಯನ್ನು ಲಾರಿ ಮೇಲೆ ಮೆರವಣಿಗೆ ಮಾಡಲಾಗಿತ್ತು. ಇನ್ನು 2021ರಲ್ಲಿ ಕೋವಿಡ್ ಸೋಕಿಂ ಕಾರಣ ಆನೆಗಳಿಗೆ ತಾಲೀಮು ನಡೆಸಲು ಸಾಧ್ಯವಾಗಿರಲಿಲ್ಲ. ಹೀಗಾಗಿ ಆನೆ ಅಂಬಾರಿ ಹೊತ್ತಿರಲಿಲ್ಲ. 2023ರ ವಿಜಯದಶಮಿ ಹಿಂದಿನ ದಿನ ಕುಮ್ಕಿ ಆನೆ ನೇತ್ರಾವತಿ ಮರಿ ಹಾಕಿದ ಕಾರಣ ಆನೆ ಅಂಬಾರಿ ಇರಲಿಲ್ಲ. ಇದೀಗ ಸೋಮಣ್ಣ ಆನೆ ಭಯಗೊಂಡು ಪರಿಣಾಮ ಅಂಬಾರಿ ಕಳಚಿ ಬಿದ್ದ ಘಟನೆ ನಡೆದಿದೆ.

ಕೊಡಗು ಶಾಲೆಗಳಿಗೆ ನಾಳೆ ರಜೆ: ಮಡಿಕೇರಿ, ಗೋಣಿಕೊಪ್ಪಲು ದಸರಾ ಹಿನ್ನೆಲೆ ಜಿಲ್ಲಾಧಿಕಾರಿ ಆದೇಶ

Sathish Kumar KH — Wed, 21 Oct 2026 16:31:58 +0530

ಕೊಡಗು (ಅ.21): ಮಡಿಕೇರಿ ದಸರಾ ಹಾಗೂ ಗೋಣಿಕೊಪ್ಪಲು ದಸರಾ ಮಹೋತ್ಸವದ ಹಿನ್ನೆಲೆಯಲ್ಲಿ ಕೊಡಗು ಜಿಲ್ಲೆಯ ಶಾಲಾ ವಿದ್ಯಾರ್ಥಿಗಳಿಗೆ ನಾಳೆ ಕೊಡಗು ಜಿಲ್ಲೆಯ ಶಾಲೆಗಳಿಗೆ ರಜೆ ಘೋಷಿಸಿ ಜಿಲ್ಲಾಧಿಕಾರಿ ಸೋಮಶೇಖರ್ ಅಧಿಕೃತ ಆದೇಶ ಹೊರಡಿಸಿದ್ದಾರೆ.

ರಜೆ ಘೋಷಣೆಗೆ ಕಾರಣವೇನು?

ಇಂದು ರಾತ್ರಿ ಮಡಿಕೇರಿ ಹಾಗೂ ಗೋಣಿಕೊಪ್ಪಲಿನಲ್ಲಿ ಐತಿಹಾಸಿಕ ದಸರಾ ಜನೋತ್ಸವ ಅತ್ಯಂತ ವಿಜೃಂಭಣೆಯಿಂದ ಜರುಗಲಿದೆ. ಸಾವಿರಾರು ಜನರು ಈ ವೈಭವವನ್ನು ಕಣ್ತುಂಬಿಕೊಳ್ಳಲು ಆಗಮಿಸುತ್ತಿದ್ದು, ದಶಮಂಟಪಗಳ ಮೆರವಣಿಗೆ ರಾತ್ರಿಯಿಡೀ ಸಾಗಿ ಮುಂಜಾನೆಯವರೆಗೂ ಮುಂದುವರಿಯಲಿದೆ. ಈ ಸಂಭ್ರಮಾಚರಣೆಯ ಹಿನ್ನೆಲೆಯಲ್ಲಿ ಜಿಲ್ಲೆಯಲ್ಲಿ ನಾಳೆ ಮುಂಜಾನೆ ಖಾಸಗಿ ಬಸ್‌ಗಳ ಸಂಚಾರದಲ್ಲಿ ವ್ಯತ್ಯಯ ಉಂಟಾಗುವ ಸಾಧ್ಯತೆಯಿದೆ. ದೂರದ ಊರುಗಳಿಂದ ಶಾಲೆಗಳಿಗೆ ಬರುವ ವಿದ್ಯಾರ್ಥಿಗಳಿಗೆ ಬಸ್ ಸೌಲಭ್ಯ ಸಿಗದೆ ಪರದಾಡುವ ಪರಿಸ್ಥಿತಿ ನಿರ್ಮಾಣವಾಗಬಾರದು ಎಂಬ ದೃಷ್ಟಿಯಿಂದ ಈ ಮುನ್ನೆಚ್ಚರಿಕೆ ಕ್ರಮ ಕೈಗೊಳ್ಳಲಾಗಿದೆ.

ದಸರಾ ಮುಗಿದ ಬೆನ್ನಲ್ಲೇ ರಸ್ತೆಗಳಲ್ಲಿ ಜನದಟ್ಟಣೆ ಮತ್ತು ವಾಹನ ದಟ್ಟಣೆ ಹೆಚ್ಚಿರುವುದರಿಂದ ವಿದ್ಯಾರ್ಥಿಗಳ ಹಿತದೃಷ್ಟಿಯಿಂದ ರಜೆ ನೀಡುವುದು ಸೂಕ್ತ ಎಂದು ಜಿಲ್ಲಾಡಳಿತ ನಿರ್ಧರಿಸಿದೆ. ಜಿಲ್ಲಾಧಿಕಾರಿ ಸೋಮಶೇಖರ್ ಅವರು ಹೊರಡಿಸಿರುವ ಈ ಆದೇಶವು ಜಿಲ್ಲೆಯ ಎಲ್ಲಾ ಸರ್ಕಾರಿ, ಅನುದಾನಿತ ಮತ್ತು ಖಾಸಗಿ ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳಿಗೆ ಅನ್ವಯವಾಗಲಿದೆ. ಈ ನಿರ್ಧಾರದಿಂದಾಗಿ ದಸರಾ ಹಬ್ಬದ ಸಂಭ್ರಮದಲ್ಲಿರುವ ವಿದ್ಯಾರ್ಥಿಗಳು ಹಾಗೂ ಪೋಷಕರಿಗೆ ದೊಡ್ಡ ನಿರಾಳತೆ ಸಿಕ್ಕಂತಾಗಿದೆ.

ನಟಿ ಕಯಾದು ಬಳಸಿದ ವಾಟರ್ ಬಾಟಲ್‌ಗೆ 3 ಲಕ್ಷ ರೂ: ‘ಇದೇನಿದು ಹುಚ್ಚು?’ ಎಂದ ನೆಟ್ಟಿಗರು

Govindaraj S — Wed, 21 Oct 2026 16:23:05 +0530

ಸೌತ್ ಸಿನಿರಂಗದಲ್ಲಿ ಸದ್ಯ ಸಖತ್ ಸದ್ದು ಮಾಡುತ್ತಿರುವ ನಟಿಯರಲ್ಲಿ ಕಯಾದು ಲೋಹರ್ ಕೂಡ ಒಬ್ಬರು. ‘ಡ್ರ್ಯಾಗನ್’ ಚಿತ್ರದ ಬಳಿಕ ನಟಿಯ ಬೇಡಿಕೆ ಮತ್ತಷ್ಟು ಹೆಚ್ಚಾಗಿದ್ದು, ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಇತ್ತೀಚೆಗೆ ‘ದಿ ಪ್ಯಾರಡೈಸ್’ ಮೂಲಕ ಪ್ರೇಕ್ಷಕರ ಮುಂದೆ ಬಂದಿರುವ ಈ ಬೆಡಗಿಯ ಕುರಿತಾದ ವಿಚಿತ್ರ ಸುದ್ದಿಯೊಂದು ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಅಷ್ಟಕ್ಕೂ ಆ ಸುದ್ದಿ ಏನು ಅಂತೀರಾ? ಕಯಾದು ಲೋಹರ್ ಬಳಸಿದ್ದ ವಾಟರ್ ಬಾಟಲ್‌ಗೆ ಬರೋಬ್ಬರಿ 3 ಲಕ್ಷ ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆಯಂತೆ! ಈ ವಿಚಾರವೇ ಇದೀಗ ನೆಟ್ಟಿಗರ ಹುಬ್ಬೇರಿಸುವಂತೆ ಮಾಡಿದೆ.

ಕಯಾದು ಬಳಸಿದ ಬಾಟಲ್‌ಗೆ 3 ಲಕ್ಷ ರೂ. ಬೆಲೆ!

ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಬಳಸಿದ ವಸ್ತುಗಳಿಗೆ ಅಭಿಮಾನಿಗಳು ವಿಶೇಷ ಮಹತ್ವ ನೀಡುವುದು ಹೊಸದೇನಲ್ಲ. ಸ್ಟಾರ್‌ಗಳು ಬಳಸಿದ ಬಟ್ಟೆ, ಶೂ, ಆ್ಯಕ್ಸೆಸರೀಸ್ ಸೇರಿದಂತೆ ಹಲವು ವಸ್ತುಗಳನ್ನು ಸಂಗ್ರಹಿಸಿಕೊಳ್ಳುವ ಅಭಿಮಾನಿಗಳೂ ಇದ್ದಾರೆ. ಆದರೆ ಇದೀಗ ವೈರಲ್ ಆಗಿರುವ ವಿಚಾರ ಮಾತ್ರ ಕೊಂಚ ವಿಚಿತ್ರವಾಗಿದೆ. ಶೂಟಿಂಗ್ ವೇಳೆ ಕಯಾದು ಲೋಹರ್ ಬಳಸಿದ್ದರೆನ್ನಲಾದ ವಾಟರ್ ಬಾಟಲ್‌ವೊಂದನ್ನು ಯಾರೋ ವ್ಯಕ್ತಿ ಆನ್‌ಲೈನ್ ಮಾರ್ಕೆಟ್‌ಪ್ಲೇಸ್ OLXನಲ್ಲಿ ಮಾರಾಟಕ್ಕೆ ಇಟ್ಟಿದ್ದಾರೆ ಎನ್ನಲಾಗಿದೆ. ಅಷ್ಟೇ ಅಲ್ಲ, ಆ ಬಾಟಲ್‌ಗೆ ನಿಗದಿಪಡಿಸಿರುವ ಬೆಲೆ ಕೇಳಿದರೆ ಮತ್ತಷ್ಟು ಅಚ್ಚರಿ!

ಬರೋಬ್ಬರಿ 3 ಲಕ್ಷ ರೂಪಾಯಿ!

ಹೌದು, ಕಯಾದು ಬಳಸಿದ್ದಾಳೆ ಎಂಬ ಕಾರಣಕ್ಕೆ ಆ ಸಾಮಾನ್ಯ ವಾಟರ್ ಬಾಟಲ್‌ಗೆ ಇಷ್ಟೊಂದು ಬೆಲೆ ನಿಗದಿಪಡಿಸಿರುವ ಸುದ್ದಿ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಚರ್ಚೆಯಾಗುತ್ತಿದೆ.

‘ಬಾಟಲ್‌ಗೂ ಸೆಲೆಬ್ರಿಟಿ ರೇಟ್‌ನಾ?’ ಎಂದ ನೆಟ್ಟಿಗರು!

ಈ ಪೋಸ್ಟ್ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರಿಂದ ತರಹೇವಾರಿ ಪ್ರತಿಕ್ರಿಯೆಗಳು ಬರುತ್ತಿವೆ. ‘ಸೆಲೆಬ್ರಿಟಿ ಕ್ರೇಜ್ ಅಂದ್ರೆ ಇಷ್ಟೊಂದುನಾ?’, ‘ಬಳಸಿದ ವಾಟರ್ ಬಾಟಲ್‌ಗೆ 3 ಲಕ್ಷ ರೂಪಾಯಿನಾ?’ ಎಂದು ಹಲವರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಇನ್ನು ಕೆಲವರು ಇದನ್ನು ನೋಡಿ ತಮಾಷೆಯ ಕಾಮೆಂಟ್‌ಗಳನ್ನು ಮಾಡುತ್ತಿದ್ದರೆ, ಮತ್ತೊಂದಷ್ಟು ಮಂದಿ ಅಭಿಮಾನಕ್ಕೂ ಒಂದು ಮಿತಿಯಿರಬೇಕು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಸೆಲೆಬ್ರಿಟಿಗಳ ಜನಪ್ರಿಯತೆಯನ್ನು ಬಳಸಿಕೊಂಡು ಕೆಲವರು ವಿಚಿತ್ರ ರೀತಿಯಲ್ಲಿ ಹಣ ಸಂಪಾದಿಸಲು ಪ್ರಯತ್ನಿಸುತ್ತಾರೆ ಎಂಬ ಚರ್ಚೆಯೂ ಇದೀಗ ಶುರುವಾಗಿದೆ.

ಅಭಿಮಾನವೇ? ಇಲ್ಲ ಕ್ರೇಜ್‌ನ ಮತ್ತೊಂದು ಲೆವೆಲ್ಲಾ?

ಸ್ಟಾರ್‌ಗಳ ಮೇಲಿನ ಅಭಿಮಾನ ಕೆಲವೊಮ್ಮೆ ಯಾವ ಹಂತಕ್ಕೆ ತಲುಪುತ್ತದೆ ಎನ್ನುವುದಕ್ಕೆ ಈ ಘಟನೆ ಮತ್ತೊಂದು ಉದಾಹರಣೆಯಂತೆ ಕಾಣುತ್ತಿದೆ. ಸಾಮಾನ್ಯವಾಗಿ ಸೆಲೆಬ್ರಿಟಿಗಳ ಬಳಸಿದ ವಸ್ತುಗಳನ್ನು ನೆನಪಿಗಾಗಿ ಇಟ್ಟುಕೊಳ್ಳುವುದನ್ನು ನಾವು ನೋಡಿದ್ದೇವೆ. ಆದರೆ ಅದೇ ವಸ್ತುವನ್ನು ಲಕ್ಷಾಂತರ ರೂಪಾಯಿಗೆ ಮಾರಾಟ ಮಾಡಲು ಮುಂದಾಗಿರುವುದು ಮಾತ್ರ ನೆಟ್ಟಿಗರಿಗೆ ಅಚ್ಚರಿ ಮೂಡಿಸಿದೆ. ಇದರಲ್ಲಿ ನಿಜವಾಗಿಯೂ ಕಯಾದು ಲೋಹರ್ ಬಳಸಿದ ಅದೇ ಬಾಟಲ್ ಇದೆಯೇ? ಅಥವಾ ಸೆಲೆಬ್ರಿಟಿ ಹೆಸರನ್ನು ಬಳಸಿಕೊಂಡು ಮಾಡಿರುವ ಪ್ರಚಾರವೇ? ಎಂಬುದಕ್ಕೆ ಸದ್ಯ ಸ್ಪಷ್ಟತೆ ಇಲ್ಲ.

ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಕಯಾದು ಲೋಹರ್

ಇನ್ನು ಸಿನಿಮಾ ವಿಚಾರಕ್ಕೆ ಬಂದರೆ, ‘ಡ್ರ್ಯಾಗನ್’ ಚಿತ್ರದ ಬಳಿಕ ಕಯಾದು ಲೋಹರ್ ಅವರ ಸಿನಿಮಾ ಜರ್ನಿ ಮತ್ತಷ್ಟು ವೇಗ ಪಡೆದುಕೊಂಡಿದೆ. ಇತ್ತೀಚೆಗೆ ‘ದಿ ಪ್ಯಾರಡೈಸ್’ ಚಿತ್ರದ ಮೂಲಕವೂ ಪ್ರೇಕ್ಷಕರ ಗಮನ ಸೆಳೆದಿರುವ ಅವರು ಸದ್ಯ ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಒಂದೆಡೆ ಸಿನಿಮಾಗಳ ಮೂಲಕ ಸುದ್ದಿಯಾಗುತ್ತಿರುವ ಕಯಾದು, ಮತ್ತೊಂದೆಡೆ ಅವರ ಹೆಸರಿನಲ್ಲಿ ವೈರಲ್ ಆಗುತ್ತಿರುವ ಈ ವಿಚಿತ್ರ ವಾಟರ್ ಬಾಟಲ್ ವಿಚಾರವೂ ನೆಟ್ಟಿಗರ ಗಮನ ಸೆಳೆಯುತ್ತಿದೆ. ಕಯಾದು ಲೋಹರ್ ಬಳಸಿದ ವಾಟರ್ ಬಾಟಲ್‌ಗೆ 3 ಲಕ್ಷ ರೂಪಾಯಿ ಬೆಲೆ ಎಂಬ ಸುದ್ದಿ ನಿಜವೇ? ಅಥವಾ ಸೋಶಿಯಲ್ ಮೀಡಿಯಾದ ಮತ್ತೊಂದು ವಿಚಿತ್ರ ವೈರಲ್ ಪೋಸ್ಟ್‌ ಮಾತ್ರವೇ? ಎಂಬ ಕುತೂಹಲ ಸದ್ಯ ಎಲ್ಲರಲ್ಲೂ ಮೂಡಿದೆ.

ಹಬ್ಬ ಮುಗೀತು, ಆನ್ಲೈನ್ನಲ್ಲಿ ತರಿಸಿಕೊಂಡ ಬಟ್ಟೆ ವಾಪಸ್ ಆಯ್ತು! ರಾಶಿ ರಾಶಿ ಬಟ್ಟೆಯ ವಿಡಿಯೋ ವೈರಲ್

Suchethana D — Wed, 21 Oct 2026 16:22:09 +0530

ಆನ್ಲೈನ್ ಷಾಪಿಂಗ್ ಮಾಡುವುದು ಎಂದರೆ ಹಲವರಿಗೆ ತುಂಬಾ ಇಷ್ಟ. ಅದರಲ್ಲಿಯೂ ಬಟ್ಟೆಗಳನ್ನು ತೆಗೆದುಕೊಳ್ಳುವವರ ದೊಡ್ಡ ದಂಡೇ ಇದೆ. ಇವರ ಪೈಕಿ ಕೆಲವರಿಗೆ ಒಂದು ರೀತಿ ಚಟ ಇದೆ. ಅದೇನೆಂದರೆ, ಬಟ್ಟೆ ಖರೀದಿಸೋದು. ಅದನ್ನು ಧರಿಸಿ ರೀಲ್ಸ್ ಮಾಡಿಯೋ, ಇಲ್ಲವೇ ಯಾವುದೋ ಫಂಕ್ಷನ್ಗೆ ಹಾಕಿಕೊಂಡೋ ಬಳಿಕ ಅದರ ಫಿಟ್ಟಿಂಗ್ ಸರಿಯಿಲ್ಲ ಎಂದೋ, ಬಣ್ಣ ಇಷ್ಟ ಆಗಲಿಲ್ಲ ಎಂದೋ... ಹೀಗೆ ಏನೇನೋ ನೆಪ ಹೇಳಿ ಅದನ್ನು ರಿಟರ್ನ್ ಮಾಡುತ್ತಾರೆ. ಅದನ್ನೇ ಬೇರೆಯವರು ಆನ್ಲೈನ್ನಲ್ಲಿ ತರಿಸಿಕೊಂಡು ಹಾಕಿಕೊಳ್ತಾರೆ. ಆದ್ದರಿಂದ ಆನ್ಲೈನ್ನಲ್ಲಿ ಬಟ್ಟೆ ಪರ್ಚೇಸ್ ಮಾಡುವಾಗ ಸ್ವಲ್ಪ ಯೋಚಿಸಿ ಖರೀದಿಸಿದರೆ ಉತ್ತಮ.

ವೈರಲ್ ವಿಡಿಯೋದಿಂದ ಬೇಸ್ತು ಬಿದ್ದ ಜನ

ಇದಕ್ಕೆ ಉದಾಹರಣೆಯಾಗಿರುವ ವಿಡಿಯೋ ಒಂದು ವೈರಲ್ ಆಗುತ್ತಿದೆ. ನವರಾತ್ರಿ ಸಮಯದಲ್ಲಿ ದಾಂಡಿಯಾ ನೃತ್ಯ ಫೇಮಸ್. ಉತ್ತರ ಭಾರತದ ಈ ನೃತ್ಯ ಈಗ ಬೆಂಗಳೂರು ಸೇರಿದಂತೆ ಎಲ್ಲಾ ನಗರಗಳಲ್ಲಿಯೂ ಮಾಡುವುದು ಇದೆ. ದಾಂಡಿಯಾ ನೃತ್ಯಕ್ಕೆ ವಿಶೇಷ ಉಡುಪು ಬೇಕಾಗುತ್ತದೆ. ಅದು ಮತ್ತೆ ಪ್ರಯೋಜನಕ್ಕೆ ಬರುವುದಿಲ್ಲ. ಆದ್ದರಿಂದಲೇ ಚಾಲಾಕಿ ಯುವತಿಯರು ಆನ್ಲೈನ್ನಲ್ಲಿ ದಾಂಡಿಯಾ ಬಟ್ಟೆ ತರಿಸುವುದು, ಡಾನ್ಸ್ ಮಾಡಿದ ಬಳಿಕ ಅದರ ಕೆಲಸ ಮುಗಿಯುವ ಕಾರಣದಿಂದ ಅದು ಸರಿಯಿಲ್ಲ ಎಂದುಕೊಂಡು ರಿಟರ್ನ್ ಮಾಡುತ್ತಿದ್ದಾರೆ. ಹೀಗೆ ಮಾಡಿರುವ ರಿಟರ್ನ್ ಪಾರ್ಸಲ್ನ ರಾಶಿ ರಾಶಿ ಬಟ್ಟೆಗಳನ್ನು ಆನ್ಲೈನ್ ವಿತರಣಾ ಏಜೆಂಟ್ ತೋರಿಸಿರುವ ವಿಡಿಯೋ ವೈರಲ್ ಆಗಿದೆ.

ದಾಂಡಿಯಾ ಖತಮ್, ಪಾರ್ಸೆಲ್ ರಿಟರ್ನ್"

"ದಾಂಡಿಯಾ ಖತಮ್, ಪಾರ್ಸೆಲ್ ರಿಟರ್ನ್" ಎಂಬ ಶೀರ್ಷಿಕೆಯ ವೀಡಿಯೊದಲ್ಲಿ, ದಾಂಡಿಯಾ ಹಬ್ಬಗಳು ಮುಗಿದ ನಂತರ ಬಟ್ಟೆಗಳನ್ನು ಹೇಗೆ ಹಿಂದಿರುಗಿಸಲಾಗಿದೆ ಎಂದು ವಿತರಣಾ ಏಜೆಂಟ್ ತೋರಿಸುತ್ತಿದ್ದಾರೆ. ಹಲವಾರು ಸಹ ವಿತರಣಾ ಏಜೆಂಟ್‌ಗಳು ಹಬ್ಬದ ಬಟ್ಟೆಗಳಿಗೆ ಇದೇ ರೀತಿಯ ರಿಟರ್ನ್ ಆರ್ಡರ್‌ಗಳನ್ನು ಸ್ವೀಕರಿಸಿರುವುದಾಗಿ ಕಮೆಂಟ್ಸ್ ಮಾಡಿದ್ದಾರೆ. ಬಟ್ಟೆಗಳ ರಾಶಿಯತ್ತ ಗಮನ ಸೆಳೆದ ಏಜೆಂಟ್, ಆಚರಣೆಗಳು ಮುಗಿದ ಬಳಿಕ ಹೇಗೆ ಗ್ರಾಹಕರು ತಮ್ಮ ದಾಂಡಿಯಾ ಬಟ್ಟೆಗಳನ್ನು ಹಿಂತಿರುಗಿಸುತ್ತಿರುವಂತೆ ಕಂಡುಬಂದಿದೆ ಎಂದು ತಿಳಿಸಿದರು. ಅವರು ಈ ಪ್ರವೃತ್ತಿಯನ್ನು ತಮಾಷೆಯೆಂದು ಬಣ್ಣಿಸಿದರು ಮತ್ತು ಈ ದೃಶ್ಯಗಳು ಇ-ಕಾಮರ್ಸ್ ರಿಟರ್ನ್ ನೀತಿಗಳ ದುರುಪಯೋಗದ ಬಗ್ಗೆ ಚರ್ಚೆಗಳನ್ನು ಹುಟ್ಟುಹಾಕಿವೆ.

ಒಬ್ಬ ಬಳಕೆದಾರರು ಹಿಂದಿರುಗಿಸಿದ ಉಡುಪುಗಳ ಭವಿಷ್ಯದ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ, ಜನದಟ್ಟಣೆಯ ಹಬ್ಬದ ಕಾರ್ಯಕ್ರಮಗಳಲ್ಲಿ ಧರಿಸಿದ ಬಟ್ಟೆಗಳನ್ನು ಅಂತಿಮವಾಗಿ ಇತರ ಗ್ರಾಹಕರಿಗೆ ಮಾರಾಟ ಮಾಡಬಹುದೇ ಎಂದು ಪ್ರಶ್ನಿಸಿದ್ದಾರೆ. ಹಿಂದೆ ಬಟ್ಟೆಗಳನ್ನು ಬಳಸಿದಾಗ ಮಾರಾಟಗಾರರು ಬಹಿರಂಗಪಡಿಸಬೇಕು ಎಂದು ಬಳಕೆದಾರರು ವಾದಿಸಿದ್ದಾರೆ, ಸಂಭಾವ್ಯ ನೈರ್ಮಲ್ಯದ ಕಾಳಜಿಗಳ ಬಗ್ಗೆ ದನಿ ಎತ್ತಿದ್ದಾರೆ. ಕೆಲವರು ರಿಟರ್ನ್ ಮಾಡುವುದಿದ್ದರೆ ಅದಕ್ಕೆ ಟೈಂ ಲಿಮಿಡ್ ಹಾಕಬೇಕು ಎಂದು ವಾದಿಸುತ್ತಿದ್ದಾರೆ.

Mysuru: ಸರ್ಕಾರ-ಅರಮನೆ ನಡುವೆ ಸಮನ್ವಯದ ಕೊರತೆ, ನೂರಾರು ವರ್ಷಗಳಿಂದ ನಡೆದುಕೊಂಡು ಬಂದಿದ್ದ ವಜ್ರಮುಷ್ಠಿ ಕಾಳಗ ಕ್ಯಾನ್ಸಲ್‌!

Santosh Naik — Wed, 21 Oct 2026 16:16:18 +0530

ಮೈಸೂರು (ಅ.21): ವಿಶ್ವಪ್ರಸಿದ್ಧ ಮೈಸೂರು ದಸರಾ ಮಹೋತ್ಸವದ ವಿಜಯದಶಮಿಯ ಶುಭ ದಿನದಂದು ಮೈಸೂರು ಅರಮನೆ ಆವರಣದಲ್ಲಿ ಪೊಲೀಸರ ಅತಿಯಾದ ನಿರ್ಬಂಧ ಹಾಗೂ ಗೊಂದಲಕಾರಿ ನಡವಳಿಕೆಯಿಂದಾಗಿ ನೂರಾರು ವರ್ಷಗಳಿಂದ ಶ್ರದ್ಧಾಭಕ್ತಿಯಿಂದ ನಡೆದುಕೊಂಡು ಬಂದಿದ್ದ ಸಾಂಪ್ರದಾಯಿಕ ಆಚರಣೆಗಳೇ ಸಂಪೂರ್ಣ ಉಲ್ಟಾಪಲ್ಟಿಯಾದ ಘಟನೆ ನಡೆದಿದೆ. ಅರಮನೆಯಲ್ಲಿ ರಾಜಪರಂಪರೆಯಂತೆ ನಡೆಯಬೇಕಿದ್ದ ಐತಿಹಾಸಿಕ 'ವಜ್ರಮುಷ್ಟಿ ಕಾಳಗ'ದ ಪ್ರಕ್ರಿಯೆಗೆ ಪೊಲೀಸರು ಅಡ್ಡಿಪಡಿಸಿದ್ದು, ಪಾಸ್ ಹೊಂದಿದ್ದರೂ ಜೆಟ್ಟಿ ಪೈಲ್ವಾನರನ್ನು ಒಳಗೆ ಬಿಡದೆ ತಡೆದ ಪರಿಣಾಮ ಅರಮನೆ ಆವರಣದಲ್ಲಿ ಭಾರಿ ಅವ್ಯವಸ್ಥೆ ಹಾಗೂ ವಾಗ್ವಾದ ಸೃಷ್ಟಿಯಾಗಿದೆ.

ವಿಜಯದಶಮಿಯಂದು ಬೆಳಿಗ್ಗೆ 9 ಗಂಟೆಗೆ ಸರಿಯಾಗಿ ಸಾಂಪ್ರದಾಯಿಕ ವಜ್ರಮುಷ್ಟಿ ಕಾಳಗ ನಡೆಯಬೇಕಿತ್ತು. ಇದಕ್ಕಾಗಿ ಪ್ರಮುಖ ಜೆಟ್ಟಿಗಳು ಅರಮನೆಯ ಶ್ವೇತ ವರಾಹ ಸ್ವಾಮಿ ದೇವಾಲಯದ ಬಳಿ ಜಾತಿಗಳ ಪೂಜೆ ಕಾರ್ಯ ನೆರವೇರಿಸಿ, ಸುಮಾರು ಒಂದೂವರೆ ಗಂಟೆಗೂ ಹೆಚ್ಚು ಕಾಲ ಪೂರ್ವಾಭಾವಿ ಸಿದ್ಧತೆಗಳನ್ನು ಕೈಗೊಳ್ಳಬೇಕಿತ್ತು.

ರಾಜವಂಶಸ್ಥರು ನೀಡಿರುವ ಅಧಿಕೃತ ಪಾಸ್‌ಗಳನ್ನು ಕೈಯಲ್ಲಿ ಹಿಡಿದುಕೊಂಡು ಬಂದಿದ್ದರೂ ಪೊಲೀಸರು ಜೆಟ್ಟಿಗಳನ್ನು ಹಾಗೂ ಅವರ ಕಡೆಯವರನ್ನು ಅರಮನೆ ಆವರಣಕ್ಕೆ ಬಿಡದೆ ತಡೆದು ವಿಳಂಬ ಮಾಡಿದರು. ಕೆಲವರನ್ನು ಮಾತ್ರ ಒಳಗೆ ಬಿಟ್ಟು, ಇನ್ನು ಕೆಲವರನ್ನು ಹೊರಗೆ ತಡೆದು ನಿಲ್ಲಿಸಲಾಯಿತು. ಅಷ್ಟೇ ಅಲ್ಲದೆ, ಪ್ರಮುಖ ಪೂಜೆ ನಡೆಯಬೇಕಿದ್ದ ಶ್ವೇತ ವರಾಹ ಸ್ವಾಮಿ ದೇವಾಲಯವೂ ಸಮಯಕ್ಕೆ ಸರಿಯಾಗಿ ಓಪನ್ ಆಗಿರಲಿಲ್ಲ.

ಈ ಕುರಿತು ತೀವ್ರ ಅಸಮಾಧಾನ ವ್ಯಕ್ತಪಡಿಸಿರುವ ಬೆಂಗಳೂರು ಗರಡಿ ಜೆಟ್ಟಿ ಸಂಘದ ಅಧ್ಯಕ್ಷ ಜಗನ್ನಾಥ್ ಎ. ಜೆಟ್ಟಿ, "ಎಲ್ಲಾ ಜೆಟ್ಟಿಗಳು ಒಂದೆಡೆ ಸೇರಿದರಷ್ಟೇ ಕಾಳಗದ ಸಿದ್ಧತೆ ಸಾಧ್ಯ. ಕಾಳಗ ಆರಂಭಕ್ಕೂ ಮುನ್ನ ಒಂದೂವರೆ ಗಂಟೆ ಸಿದ್ಧತೆ ಮಾಡಿಕೊಳ್ಳಬೇಕಿತ್ತು. ಆದರೆ ಪೊಲೀಸರು ಪಾಸ್ ಇದ್ದರೂ ಒಳಗೆ ಬಿಡದೆ ಅನಗತ್ಯ ಕಿರಿಕಿರಿ ಉಂಟುಮಾಡಿದ್ದಾರೆ" ಎಂದು ಕಿಡಿಕಾರಿದ್ದಾರೆ.

ಸರ್ಕಾರ-ಅರಮನೆ ನಡುವೆ ಸಮನ್ವಯದ ಕೊರತೆ

ಅರಮನೆ ಆಡಳಿತ ಹಾಗೂ ಸರ್ಕಾರದ ಪೊಲೀಸ್ ಇಲಾಖೆ ನಡುವೆ ಸೂಕ್ತ ಸಮನ್ವಯದ ಕೊರತೆ ಎದ್ದು ಕಾಣುತ್ತಿದ್ದು, ರಾಜವಂಶಸ್ಥರಿಗೆ ಪೊಲೀಸ್ ಅಧಿಕಾರಿಗಳು ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂಬ ಆರೋಪ ಕೇಳಿಬಂದಿದೆ. ರಾಜವಂಶಸ್ಥರು ನೀಡಿರುವ ಗೌರವಾನ್ವಿತ ಪಾಸ್‌ಗಳಿಗೂ ಬೆಲೆ ನೀಡದೆ ಪೊಲೀಸರು ಅತಿಯಾಗಿ ವರ್ತಿಸಿದ್ದರಿಂದ, ಮುಹೂರ್ತದ ಒಳಗಾಗಿ ಅರಮನೆಯೊಳಗೆ ಬಂದು ಸಿದ್ಧತೆ ನಡೆಸಲು ಸಾಧ್ಯವಾಗದೆ ಜೆಟ್ಟಿ ಪೈಲ್ವಾನರು ಹಾಗೂ ಉಸ್ತಾದ್‌ಗಳು ಕಂಗಾಲಾದರು. ಅಂತಿಮವಾಗಿ ಯದುವೀರ್ ಕೃಷ್ಣದತ್ತ ಚಾಮರಾಜ ಒಡೆಯರ್ ಅವರು ಖಾಸಗಿ ದರ್ಬಾರ್ ಮುಗಿಸಿ ವಿಜಯಯಾತ್ರೆ ಹೊರಟ ನಂತರವಷ್ಟೇ ಜಟ್ಟಿಗಳಿಗೆ ಅರಮನೆಯೊಳಗೆ ಪ್ರವೇಶಿಸಲು ಸಾಧ್ಯವಾಯಿತು.

ವಿಜಯಯಾತ್ರೆಯ ಮುಹೂರ್ತ ಮೀರುವ ಆತಂಕ - ಆಚರಣೆ ಉಲ್ಟಾಪಲ್ಟ!:

ಸಾಮಾನ್ಯವಾಗಿ ಅರಮನೆಯಲ್ಲಿ ಮೊದಲು ವಜ್ರಮುಷ್ಟಿ ಕಾಳಗ ನಡೆದು, ಆ ನಂತರ ರಾಜವಂಶಸ್ಥರ ವಿಜಯಯಾತ್ರೆ ನಡೆಯುವುದು ನೂರಾರು ವರ್ಷಗಳ ಸಂಪ್ರದಾಯ. ಆದರೆ ಪೊಲೀಸರ ಕಿರಿಕಿನಿಂದಾಗಿ ಜಟ್ಟಿಗಳು ಕಾಳಗದ ಅಂಕಣ ತಲುಪಲು ತಡವಾಯಿತು. ಈ ನಡುವೆ ವಿಜಯಯಾತ್ರೆಯ ಶುಭ ಮುಹೂರ್ತವೇ ಮೀರಿ ಹೋಗುವ ಆತಂಕ ಸೃಷ್ಟಿಯಾಯಿತು. ಸ್ಥಿತಿಗತಿಯನ್ನು ಅರಿತ ಅರಮನೆ ಮಂಡಳಿ ಹಾಗೂ ರಾಜವಂಶಸ್ಥರು, ಸಾಂಪ್ರದಾಯಿಕ ಕ್ರಮವನ್ನು ಬದಲಿಸಿ ಮೊದಲು ಯದುವೀರ್ ಅವರ 'ವಿಜಯಯಾತ್ರೆ'ಯನ್ನು ಆರಂಭಿಸಿದರು. ವಿಜಯಯಾತ್ರೆ ಹಾಗೂ ಬನ್ನಿ ಪೂಜೆ ಪೂರ್ಣಗೊಂಡ ನಂತರವಷ್ಟೇ ವಜ್ರಮುಷ್ಟಿ ಕಾಳಗ ನಡೆಸಲು ತೀರ್ಮಾನಿಸಲಾಯಿತು.

ಪೊಲೀಸರೊಂದಿಗೆ ಸುದೀರ್ಘ ವಾಗ್ವಾದ ನಡೆಸಿದ ಬಳಿಕ ಕೊನೆಗೂ ಜಟ್ಟಿಗಳು ಕಾಳಗದ ಅಂಕಣಕ್ಕೆ ತೆರಳಿದ್ದಾರಾದರೂ, ಯೋಜಿತ ಸಮಯಕ್ಕೆ ಕಾಳಗ ನಡೆಯದ ಕಾರಣ ಸದ್ಯ ವಜ್ರಮುಷ್ಟಿ ಕಾಳಗ ರದ್ದುಪಡಿಸಲು ತೀರ್ಮಾನಿಸಲಾಗಿದೆ. ಖಾಕಿ ಪಡೆಯ ಈ ಭಾರಿ ಎಡವಟ್ಟಿನ ವಿರುದ್ಧ ಮೈಸೂರಿನ ಸಾಂಪ್ರದಾಯಿಕ ಪ್ರಜಾವರ್ಗ ಹಾಗೂ ರಾಜಮನೆತನದ ಅಭಿಮಾನಿಗಳಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗಿದೆ.

ಈ ಪೇಸ್ಟ್ ಹಚ್ಚಿ 10 ನಿಮಿಷ ಬಿಡಿ.. ಕೇವಲ ಒಂದೇ ವಾಶ್‌ನಲ್ಲಿ ಬಟ್ಟೆಯ ಮೇಲಿನ ಹಠಮಾರಿ ಕಪ್ಪು-ಹಳದಿ ಕಲೆಗಳು ಮಾಯ!

Ashwini HR — Wed, 21 Oct 2026 16:07:34 +0530

ಬಿಳಿ ಬಟ್ಟೆಗಳು ನೋಡಲು ಎಷ್ಟು ಅಂದವೋ, ಅವುಗಳನ್ನು ನಿರ್ವಹಿಸುವುದು ಅಷ್ಟೇ ಕಷ್ಟ. ಎಷ್ಟೇ ಸೋಪು ಹಾಕಿ ತಿಕ್ಕಿದರೂ ಹಳದಿ ಅಥವಾ ಕಪ್ಪುಕಲೆ ಹಾಗೇ ಉಳಿದುಬಿಡುತ್ತದೆ. ಬ್ಲೀಚಿಂಗ್ ಪೌಡರ್ ಬಳಸಿದರೆ ಬಟ್ಟೆಯ ನೂಲುಗಳು ಹಾಳಾಗುತ್ತವೆ. ಆದರೆ ಮನೆಯಲ್ಲಿರುವ ಈ ಕೆಳಗಿನ ವಸ್ತು ಬಳಸಿ ಬಟ್ಟೆಗೂ ಯಾವುದೇ ಹಾನಿಯಾಗದಂತೆ ಕಲೆಗಳನ್ನು ಕ್ಷಣಾರ್ಧದಲ್ಲಿ ಮಾಯ ಮಾಡಬಹುದು.

ಕ್ಲೀನಿಂಗ್‌ಗೆ ಬೇಕಾಗುವ ಸಾಮಗ್ರಿಗಳು

ಟೂತ್‌ಪೇಸ್ಟ್: 1 ಚಮಚ (ಯಾವುದೇ ಬಿಳಿ ಬಣ್ಣದ ಪೇಸ್ಟ್)ಬೇಕಿಂಗ್ ಸೋಡಾ (ಅಡುಗೆ ಸೋಡಾ): 1 ಚಮಚಡಿಟರ್ಜೆಂಟ್ ಪೌಡರ್ (ಬಟ್ಟೆ ತೊಳೆಯುವ ಪುಡಿ): 1 ಚಮಚಉಪ್ಪು: ಅರ್ಧ ಚಮಚನೀರು: ಪೇಸ್ಟ್ ಕಲಸಲು ಬೇಕಾದಷ್ಟು

ಬಳಸುವ ಸುಲಭ ವಿಧಾನ

ಮಿಶ್ರಣ ತಯಾರಿಸಿಒಂದು ಸಣ್ಣ ಬಟ್ಟಲಿನಲ್ಲಿ 1 ಚಮಚ ಟೂತ್‌ಪೇಸ್ಟ್, ಬೇಕಿಂಗ್ ಸೋಡಾ, ಡಿಟರ್ಜೆಂಟ್ ಪೌಡರ್ ಮತ್ತು ಸ್ವಲ್ಪ ಉಪ್ಪು ಹಾಕಿ. ಅದಕ್ಕೆ ಸ್ವಲ್ಪ ನೀರು ಸೇರಿಸಿ ದಪ್ಪನೆಯ ಪೇಸ್ಟ್ ರೀತಿ ಕಲಸಿಕೊಳ್ಳಿ.

ಕಲೆಯ ಮೇಲೆ ಹಚ್ಚಿಶರ್ಟ್‌ನ ಕಾಲರ್, ಕಂಕುಳಿನ ಭಾಗದ ಹಳದಿ ಕಲೆ ಅಥವಾ ಕೊಳೆಯಾದ ಸಾಕ್ಸ್ ಮೇಲೆ ಈ ಪೇಸ್ಟ್ ಅನ್ನು ನೇರವಾಗಿ ಸವರಿ.

10 ರಿಂದ 15 ನಿಮಿಷ ನೆನೆಯಲು ಬಿಡಿಪೇಸ್ಟ್ ಹಚ್ಚಿದ ನಂತರ ಬಟ್ಟೆಯನ್ನು ಹಾಗೇ 10 ರಿಂದ 15 ನಿಮಿಷಗಳ ಕಾಲ ಬಿಡಿ. ಈ ಸಮಯದಲ್ಲಿ ಬೇಕಿಂಗ್ ಸೋಡಾ ಮತ್ತು ಪೇಸ್ಟ್‌ನ ಅಂಶಗಳು ಬಟ್ಟೆಯ ನಾರಿನೊಳಗೆ ಇಳಿದು ಗಟ್ಟಿಯಾದ ಕೊಳೆಯನ್ನು ಕರಗಿಸುತ್ತವೆ.

ಹಗುರವಾಗಿ ಉಜ್ಜಿ ತೊಳೆಯಿರಿ15 ನಿಮಿಷಗಳ ನಂತರ ಹಳೆಯ ಟೂತ್‌ಬ್ರಷ್ ಅಥವಾ ಕೈಯಿಂದ ಆ ಜಾಗವನ್ನು ಹಗುರವಾಗಿ ತಿಕ್ಕಿ, ನಂತರ ಸಾಮಾನ್ಯ ನೀರಿನಲ್ಲಿ ತೊಳೆಯಿರಿ. ಕೇವಲ ಒಂದೇ ವಾಶ್‌ನಲ್ಲಿ ಕಪ್ಪು ಮತ್ತು ಹಳದಿ ಕಲೆಗಳು ಸಂಪೂರ್ಣ ಮಾಯವಾಗಿ, ಬಟ್ಟೆ ಮತ್ತೆ ಹೊಸದರಂತೆ ಹೊಳೆಯಲು ಶುರುವಾಗುತ್ತದೆ.

ತಲೆ ಎಣ್ಣೆ ಮತ್ತು ಜಿಡ್ಡಿನ ಕಲೆಗೆ ಇದು ರಾಮಬಾಣಶರ್ಟ್ ಕಾಲರ್ ಕಪ್ಪಾಗಲು ಮುಖ್ಯ ಕಾರಣ ನಾವು ತಲೆಗೆ ಹಚ್ಚುವ ಎಣ್ಣೆ ಮತ್ತು ಕುತ್ತಿಗೆಯ ಬೆವರು. ಕೇವಲ ಡಿಟರ್ಜೆಂಟ್‌ಗೆ ಈ ಎಣ್ಣೆಯ ಜಿಡ್ಡು ಬೇಗ ಹೋಗುವುದಿಲ್ಲ. ನೀವು ತಯಾರಿಸುವ ಪೇಸ್ಟ್‌ಗೆ ಅಥವಾ ನೇರವಾಗಿ ಕಾಲರ್ ಮೇಲೆ ಪಾತ್ರೆ ತೊಳೆಯುವ ಲಿಕ್ವಿಡ್ (Vim ಅಥವಾ ಯಾವುದೇ Dishwash Gel) ಅನ್ನು 4-5 ಹನಿ ಹಾಕಿ ಹಗುರವಾಗಿ ಉಜ್ಜಿ. ಪಾತ್ರೆ ತೊಳೆಯುವ ಲಿಕ್ವಿಡ್ ಜಿಡ್ಡನ್ನು (Grease/Oil) ಕರಗಿಸುವುದರಲ್ಲಿ ನಂಬರ್ 1 ಆಗಿರುವುದರಿಂದ, ಕಾಲರ್ ಮೇಲಿನ ಎಣ್ಣೆ ಜಿಡ್ಡು ಮತ್ತು ಹಠಮಾರಿ ಕಪ್ಪು ಕಲೆಗಳು ಕ್ಷಣಾರ್ಧದಲ್ಲಿ ಬಿಟ್ಟುಕೊಳ್ಳುತ್ತವೆ!

ಇದನ್ನು ಮರೆಯದಿರಿ

ಬಿಸಿಲಿನಲ್ಲೇ ಒಣಗಿಸಿ (ನ್ಯಾಚುರಲ್ ಬ್ಲೀಚ್)ಬಿಳಿ ಬಟ್ಟೆಗಳನ್ನು ತೊಳೆದ ನಂತರ ನೆರಳಿನಲ್ಲಿ ಒಣಗಿಸುವ ಬದಲು ನೇರವಾದ ಬಿಸಿಲಿನಲ್ಲಿ (Sunlight) ಒಣಗಿಸಿ. ಸೂರ್ಯನ ಕಿರಣಗಳು ನೈಸರ್ಗಿಕ ಬ್ಲೀಚ್‌ನಂತೆ ಕೆಲಸ ಮಾಡಿ, ಬಿಳಿ ಬಟ್ಟೆಗಳು ಮತ್ತಷ್ಟು ಪ್ರಕಾಶಮಾನವಾಗಿ ಹೊಳೆಯುವಂತೆ ಮಾಡುತ್ತವೆ.

ಉಗುರುಬೆಚ್ಚಗಿನ ನೀರಿನ ಬಳಕೆಕಲೆಗಳು ತುಂಬಾ ಹಳೆಯದಾಗಿದ್ದರೆ, ಪೇಸ್ಟ್ ಹಚ್ಚಿ ಉಜ್ಜಿದ ನಂತರ ಬಟ್ಟೆಯನ್ನು ಉಗುರುಬೆಚ್ಚಗಿನ ನೀರಿನಲ್ಲಿ (Lukewarm water) 5 ನಿಮಿಷ ಅದ್ದಿ ತೆಗೆದು ವಾಶ್ ಮಾಡಿದರೆ ಕಠಿಣವಾದ ಕೊಳೆಯೂ ಕ್ಷಣಾರ್ಧದಲ್ಲಿ ಮಾಯವಾಗುತ್ತದೆ.

ಗಮನಿಸಬೇಕಾದ ಪ್ರಮುಖ ಎಚ್ಚರಿಕೆಈ ಟ್ರಿಕ್‌ಗಾಗಿ ಕೇವಲ ಬಿಳಿ ಬಣ್ಣದ ಟೂತ್‌ಪೇಸ್ಟ್ (White paste) ಮಾತ್ರ ಬಳಸಿ. ಯಾವುದೇ ಕಾರಣಕ್ಕೂ ಕಲರ್ ಜೆಲ್ (Gel) ಇರುವ ಪೇಸ್ಟ್‌ಗಳನ್ನು ಬಳಸಬೇಡಿ, ಇದರಿಂದ ಬಟ್ಟೆಗೆ ಬಣ್ಣ ತಾಗುವ ಸಾಧ್ಯತೆ ಇರುತ್ತದೆ.

ಕಾಲರ್ ಉಜ್ಜಲು ಹಳೆಯ ಟೂತ್‌ಬ್ರಷ್ ಬಳಸಿ, ಗಟ್ಟಿಯಾದ ಬಟ್ಟೆ ಬ್ರಷ್‌ನಿಂದ ಜೋರಾಗಿ ಉಜ್ಜಿದರೆ ಶರ್ಟ್‌ನ ನೂಲು ಕಿತ್ತುಹೋಗಬಹುದು.

IPL 2027: ಹಾರ್ದಿಕ್ ಪಾಂಡ್ಯ ಟ್ರೇಡ್‌ ಮಾಡಿಕೊಳ್ಳಲು ರೆಡಿಯಾದ 3 ತಂಡಗಳು..! ಯಾರ ಜತೆ ಮುಂಬೈ ಇಂಡಿಯನ್ಸ್‌ ಡೀಲ್?

Naveen Kodase — Wed, 21 Oct 2026 16:03:29 +0530

Hardik Pandya IPL 2027 Trade News:

2027ರ ಐಪಿಎಲ್ ಮಿನಿ ಹರಾಜಿಗೂ ಮುನ್ನ ಹಾರ್ದಿಕ್ ಪಾಂಡ್ಯ ಟ್ರೇಡ್ ಆಗುವುದು ಬಹುತೇಕ ಖಚಿತವಾಗಿದೆ. ಕಳೆದ ಸೀಸನ್ ಐಪಿಎಲ್ ಮುಕ್ತಾಯವಾದ ಬೆನ್ನಲ್ಲೇ ಹಾರ್ದಿಕ್ ಪಾಂಡ್ಯ ತಾವು ಮುಂಬೈ ಇಂಡಿಯನ್ಸ್ ತಂಡ ತೊರೆಯುವುದಾಗಿ ಫ್ರಾಂಚೈಸಿ ಬಳಿ ಸ್ಪಷ್ಟಪಡಿಸಿದ್ದರು. ಇದಾದ ಬಳಿಕ ಎಲ್ಲರ ಮನಸ್ಸಿನಲ್ಲಿ ಮೂಡಿದ ಪ್ರಶ್ನೆಯೆಂದರೇ ಹಾರ್ದಿಕ್ ಪಾಂಡ್ಯ ಟ್ರೇಡ್ ಆಗ್ತಾರೋ ಅಥವಾ ಹರಾಜಿಗೆ ಬರುತ್ತಾರೋ ಎಂದು. ಇದೀಗ ಹಾರ್ದಿಕ್ ಪಾಂಡ್ಯ ಭವಿಷ್ಯದ ಬಗ್ಗೆ ಮಹತ್ವದ ಅಪ್‌ಡೇಟ್ಸ್ ಹೊರಬಿದ್ದಿದ್ದು, ಸ್ಟಾರ್ ಆಲ್ರೌಂಡರ್ ಅವರನ್ನು ಟ್ರೇಡ್ ಮೂಲಕ ತನ್ನ ತೆಕ್ಕೆಗೆ ಸೇರಿಸಿಕೊಳ್ಳಲು ಮೂರು ಫ್ರಾಂಚೈಸಿಗಳು ತುದಿಗಾಲಿನಲ್ಲಿ ನಿಂತಿವೆ ಎಂದು ವರದಿಯಾಗಿದೆ. ಇದೀಗ ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಯು ಯಾರ ಜತೆ ಡೀಲ್ ಫೈನಲ್ ಮಾಡಲಿದೆ ಎನ್ನುವ ಕುತೂಹಲ ಜೋರಾಗಿದೆ.

ಹಾರ್ದಿಕ್ ಪಾಂಡ್ಯ ಟ್ರೇಡ್‌ ಬಗ್ಗೆ ಮಹತ್ವದ ಅಪ್‌ಡೇಟ್ಸ್:

ಟೈಮ್ಸ್ ಆಫ್ ಇಂಡಿಯಾ ವರದಿಯ ಪ್ರಕಾರ, ಹಾರ್ದಿಕ್ ಪಾಂಡ್ಯ ಅವರನ್ನು ಟ್ರೇಡ್ ಮೂಲಕ ಖರೀದಿಸಲು ಮೂರು ಫ್ರಾಂಚೈಸಿಗಳು ಮುಂಬೈ ಇಂಡಿಯನ್ಸ್ ಬಳಿ ಒಲವು ವ್ಯಕ್ತಪಡಿಸಿವೆ. ಮೂರು ತಂಡಗಳು ಈಗಾಗಲೇ ಮುಂಬೈ ಇಂಡಿಯನ್ಸ್ ಜತೆ ಒಂದು ಸುತ್ತಿನ ಮಾತುಕತೆ ನಡೆಸಿವೆ. ಇದೀಗ ಅಂತಿಮ ನಿರ್ಧಾರವನ್ನು ಮುಂಬೈ ಇಂಡಿಯನ್ಸ್ ತೆಗೆದುಕೊಳ್ಳಬೇಕಿದೆ. ಯಾವ ಫ್ರಾಂಚೈಸಿಯು ಪಾಂಡ್ಯಗೆ ಬದಲಿ ಆಟಗಾರನ ರೂಪದಲ್ಲಿ ತನಗೆ ನೀಡಲಿದೆ, ಅಥವಾ ಎಷ್ಟು ದೊಡ್ಡ ಆಫರ್ ನೀಡಲಿದೆ ಎನ್ನುವುದನ್ನು ಗಮನದಲ್ಲಿಟ್ಟುಕೊಂಡು ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿ ಅಂತಿಮ ನಿರ್ಧಾರ ಕೈಗೊಳ್ಳಲಿದೆ. ಇಲ್ಲದಿದ್ದರೇ ಇನ್ನೊಂದು ಸೀಸನ್ ಪಾಂಡ್ಯ ಅವರನ್ನು ತಮ್ಮ ತಂಡದಲ್ಲೇ ಮುಂದುವರೆಯುವಂತೆ ಮನವೊಲಿಸುವ ಸಾಧ್ಯತೆಯೂ ಇದೆ ಎನ್ನಲಾಗಿದೆ.

ಹಾರ್ದಿಕ್ ಪಾಂಡ್ಯ ಭವಿಷ್ಯ ನಿರ್ಧಾರವಾಗುವುದು ಯಾವಾಗ?

ಹಾರ್ದಿಕ್ ಪಾಂಡ್ಯ ಅವರನ್ನು ತಮ್ಮ ತೆಕ್ಕೆಗೆ ಸೆಳೆದುಕೊಳ್ಳಲು ಮೂರು ಫ್ರಾಂಚೈಸಿಗಳು ಪ್ರಯತ್ನಿಸುತ್ತಿವೆಯಾದರೂ, ಯಾರೂ ಕೂಡಾ ನೇರವಾಗಿ ಆಲ್ರೌಂಡರ್ ಜತೆ ಮಾತುಕತೆ ನಡೆಸಿಲ್ಲ. ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿ ಒಪ್ಪಿದರಷ್ಟೇ ಟ್ರೇಡ್ ಮಾಡಿಕೊಳ್ಳಲು ಸಾಧ್ಯವಾಗಲಿದೆ. ಅಂದಹಾಗೆ ಡಿಸೆಂಬರ್ ಮಧ್ಯದಲ್ಲಿ ಆಟಗಾರರ ಮಿನಿ ಹರಾಜು ನಡೆಯಲಿದ್ದು, ಇದಕ್ಕೂ ಒಂದು ತಿಂಗಳು ಮುಂಚಿತವಾಗಿ ಅಂದರೆ ನವೆಂಬರ್ ಮಧ್ಯ ಭಾಗದಲ್ಲಿ ಎಲ್ಲಾ ತಂಡಗಳು ರೀಟೈನ್ ಅಥವಾ ರಿಲೀಸ್ ಪಟ್ಟಿಯನ್ನು ಅಂತಿಮಗೊಳಿಸಲಿವೆ. ಇದೇ ಸಂದರ್ಭದಲ್ಲಿ ಪಾಂಡ್ಯ ಯಾವ ತಂಡದ ಪಾಲಾಗಲಿದ್ದಾರೆ ಎನ್ನುವ ಸ್ಪಷ್ಟ ಚಿತ್ರಣ ಸಿಗಲಿದೆ. ಟೈಮ್ಸ್ ಆಫ್ ಇಂಡಿಯಾ ವರದಿಯ ಪ್ರಕಾರ ನವೆಂಬರ್ ಮೊದಲ ವಾರದಲ್ಲಿಯೇ ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿ ಅಂತಿಮ ತೀರ್ಮಾನ ಪ್ರಕಟಿಸಲಿದೆ.

ಹಾರ್ದಿಕ್ ಪಾಂಡ್ಯ ಬಳಿಕ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ಯಾರು?

ಹಾರ್ದಿಕ್ ಪಾಂಡ್ಯ ಕಳೆದ ಮೂರು ಸೀಸನ್‌ನಲ್ಲಿ ಮುಂಬೈ ಇಂಡಿಯನ್ಸ್ ನಾಯಕರಾಗಿದ್ದರು. ಪಾಂಡ್ಯ ನಾಯಕತ್ವದಲ್ಲಿ ಮುಂಬೈ ಇಂಡಿಯನ್ಸ್ ನಿರೀಕ್ಷಿತ ಪ್ರದರ್ಶನ ತೋರಲು ವಿಫಲವಾಗಿತ್ತು. ಒಂದು ವೇಳೆ ಪಾಂಡ್ಯ ಟ್ರೇಡ್ ಆದರೆ, ಮುಂಬೈ ಇಂಡಿಯನ್ಸ್ ಹೊಸ ನಾಯಕನನ್ನು ನೇಮಿಸಲಿದೆ. ಮತ್ತೆ ರೋಹಿತ್ ಶರ್ಮಾ ಮುಂಬೈ ಇಂಡಿಯನ್ಸ್‌ ನಾಯಕರಾಗಲಿದ್ದಾರೆ ಎನ್ನುವ ಸುದ್ದಿ ವೈರಲ್ ಆಗಿತ್ತು. ಇನ್ನು ಭಾರತಕ್ಕೆ ಟಿ20 ವಿಶ್ವಕಪ್ ಗೆದ್ದುಕೊಟ್ಟ ನಾಯಕ ಸೂರ್ಯಕುಮಾರ್ ಯಾದವ್ ಕೂಡಾ ರೇಸ್‌ನಲ್ಲಿದ್ದಾರೆ. ಇದೆಲ್ಲದರ ಹೊರತಾಗಿ ಭವಿಷ್ಯದ ವಿಚಾರವನ್ನು ಗಮನದಲ್ಲಿಟ್ಟುಕೊಂಡು ಟೀಂ ಇಂಡಿಯಾ ಟಿ20 ತಂಡದ ಉಪನಾಯಕ ತಿಲಕ್ ವರ್ಮಾ ಅವರಿಗೆ ಮುಂಬೈ ಫ್ರಾಂಚೈಸಿ ನಾಯಕತ್ವ ಪಟ್ಟ ಕಟ್ಟಲು ಒಲವು ತೋರಿದೆ ಎನ್ನಲಾಗಿದೆ.

ರಜನಿಕಾಂತ್ ಆನ್‌ಸ್ಕ್ರೀನ್ ಮೊಮ್ಮಗನ ಹಿನ್ನೆಲೆ ಗೊತ್ತಾದ್ರೆ ಶಾಕ್ ಆಗ್ತೀರಾ! ರಿತ್ವಿಕ್ ಜ್ಯೋತಿ ಏನೆಲ್ಲಾ ಮಾಡ್ಕೊಂಡಿದಾರೆ?

Shriram Bhat — Wed, 21 Oct 2026 16:00:55 +0530

ತಮಿಳುನಾಡಿನ ಕೊಯಮತ್ತೂರಿನವರಾದ ರಿತ್ವಿಕ್ ಜ್ಯೋತಿ ರಾಜ್, ‘ರಿತು ರಾಕ್ಸ್ ರಿತ್ವಿಕ್’ ಎಂದೂ ಪರಿಚಿತರಾಗಿದ್ದಾರೆ. ಬಾಲನಟನಾಗಿರುವ ಅವರು ಕಂಟೆಂಟ್ ಕ್ರಿಯೇಟರ್ ಆಗಿಯೂ ಕೆಲಸ ಮಾಡುತ್ತಿದ್ದಾರೆ. ಜೊತೆಗೆ, ಇನ್ನೂ ಏನೇನು ಮಾಡುತ್ತಿದ್ದಾರೆ ನೋಡಿ..

Jailer 2: ರಜನಿಕಾಂತ್ ಮೊಮ್ಮಗನ ಪಾತ್ರದಲ್ಲಿ ಮಿಂಚಿದ ರಿತ್ವಿಕ್ ಜ್ಯೋತಿ ರಾಜ್ ಹಿನ್ನೆಲೆ ಏನು?

ಸೂಪರ್‌ಸ್ಟಾರ್ ರಜನಿಕಾಂತ್ (Rajinikanth) ಅಭಿನಯದ ‘ಜೈಲರ್’ ಮತ್ತು ಅದರ ಮುಂದುವರಿದ ಭಾಗ ‘ಜೈಲರ್ 2’ ಸಿನಿಮಾಗಳಲ್ಲಿ ಕಾಣಿಸಿಕೊಂಡಿರುವ ಬಾಲನಟ ರಿತ್ವಿಕ್ ಜ್ಯೋತಿ ರಾಜ್ (Rithvik Jothi Raj) ಇದೀಗ ಸುದ್ದಿಯಲ್ಲಿದ್ದಾರೆ. ಸಿನಿಮಾದಲ್ಲಿ ರಜನಿಕಾಂತ್ ಅವರ ಮೊಮ್ಮಗನ ಪಾತ್ರದಲ್ಲಿ ನಟಿಸಿ ಗಮನ ಸೆಳೆದಿರುವ ಈ ಬಾಲಕನಿಗೆ ನಟನೆಯ ಜೊತೆಗೆ ಕೋಡಿಂಗ್, ರೊಬೊಟಿಕ್ಸ್ ಮತ್ತು ಉದ್ಯಮದಲ್ಲೂ ಆಸಕ್ತಿ ಇದೆ. ಸ್ನೇಹಿತರ ಜೊತೆ ಸೇರಿ ಸ್ವಂತ ಕಂಪನಿಯನ್ನೂ ಆರಂಭಿಸಿರುವುದಾಗಿ ಅವರು ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ಯಾರು ಈ ರಿತ್ವಿಕ್ ಜ್ಯೋತಿ ರಾಜ್?

ತಮಿಳುನಾಡಿನ ಕೊಯಮತ್ತೂರಿನವರಾದ ರಿತ್ವಿಕ್ ಜ್ಯೋತಿ ರಾಜ್, ‘ರಿತು ರಾಕ್ಸ್ ರಿತ್ವಿಕ್’ ಎಂದೂ ಪರಿಚಿತರಾಗಿದ್ದಾರೆ. ಬಾಲನಟನಾಗಿರುವ ಅವರು ಕಂಟೆಂಟ್ ಕ್ರಿಯೇಟರ್ ಆಗಿಯೂ ಗುರುತಿಸಿಕೊಂಡಿದ್ದಾರೆ. ಆರಂಭದಲ್ಲಿ ವಿವಿಧ ವಿಡಿಯೋಗಳ ಮೂಲಕ ಪ್ರೇಕ್ಷಕರ ಗಮನ ಸೆಳೆದ ಅವರು, ವಿಭಿನ್ನ ಪಾತ್ರಗಳಿಗೆ ತಕ್ಷಣವೇ ಬದಲಾಗುವ ತಮ್ಮ ಪ್ರತಿಭೆಯಿಂದ ಮೆಚ್ಚುಗೆ ಗಳಿಸಿದರು.

ನಂತರ ಸಿನಿಮಾಗಳಲ್ಲಿಯೂ ಅವಕಾಶ ಪಡೆದ ರಿತ್ವಿಕ್, ‘O2’, ‘ಸರ್ಡಾರ್’ ಮತ್ತು ‘ಲಕ್ಕಿ ಭಾಸ್ಕರ್’ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿದ್ದಾರೆ. 2023ರಲ್ಲಿ ಬಿಡುಗಡೆಯಾದ ತಮಿಳಿನ ‘ಜೈಲರ್’ ಚಿತ್ರದಲ್ಲಿ ರಜನಿಕಾಂತ್ ಅವರ ಮೊಮ್ಮಗನ ಪಾತ್ರ ನಿರ್ವಹಿಸಿದ್ದು, ಅವರಿಗೆ ಹೆಚ್ಚಿನ ಜನಪ್ರಿಯತೆ ತಂದುಕೊಟ್ಟಿತು. ಇದೀಗ ‘ಜೈಲರ್ 2’ನಲ್ಲೂ ಕಾಣಿಸಿಕೊಂಡಿರುವುದರಿಂದ ಅವರ ಬಗ್ಗೆ ಅಭಿಮಾನಿಗಳ ಕುತೂಹಲ ಹೆಚ್ಚಾಗಿದೆ.

ಬೋರ್ ಆಗಬಾರದೆಂದು ಸ್ನೇಹಿತರ ಜೊತೆ ಕಂಪನಿ ಆರಂಭ!

ವಿಡಿಯೋ ಕಾಲ್‌ಗಳಲ್ಲಿ ಸಮಯ ಕಳೆಯುವಾಗ ಬೇಸರವಾಗುತ್ತಿದ್ದ ಕಾರಣ ಸ್ನೇಹಿತರ ಜೊತೆ ಸೇರಿ ಹೊಸದನ್ನು ಮಾಡಬೇಕೆಂದು ಯೋಚಿಸಿದ್ದಾಗಿ ರಿತ್ವಿಕ್ ಹೇಳಿದ್ದಾರೆ. ಆರಂಭದಲ್ಲಿ ವೆಬ್‌ಸೈಟ್ ನಿರ್ಮಿಸುವ ಆಲೋಚನೆ ಮೂಡಿತು. ತಮ್ಮ ಸ್ನೇಹಿತರ ಗುಂಪಿಗೆ ಕೋಡಿಂಗ್ ಬಗ್ಗೆ ಸ್ವಲ್ಪ ತಿಳಿದಿದ್ದರಿಂದ ವೆಬ್‌ಸೈಟ್ ರಚಿಸಲು ಪ್ರಯತ್ನಿಸಿದರು. ಹೀಗೆ ಶುರುವಾದ ಯೋಜನೆ ಕ್ರಮೇಣ ಸಣ್ಣ ಉದ್ಯಮದ ರೂಪ ಪಡೆದುಕೊಂಡಿತು.

ಅವರ ಹೇಳಿಕೆಯ ಪ್ರಕಾರ, ಈ ವೆಬ್‌ಸೈಟ್ ಮೂಲಕ ಉತ್ಪನ್ನಗಳನ್ನು ಮಾರಾಟ ಮಾಡುವುದರ ಜೊತೆಗೆ ಕೋರ್ಸ್‌ಗಳನ್ನೂ ನೀಡಲಾಗುತ್ತದೆ. ಆದರೆ, ಸದ್ಯಕ್ಕೆ ವೆಬ್‌ಸೈಟ್‌ಗೆ ಹೆಚ್ಚಿನ ಸಂಖ್ಯೆಯಲ್ಲಿ ಸಂದರ್ಶಕರು ಬರುತ್ತಿಲ್ಲ ಎಂಬುದನ್ನೂ ಅವರು ಒಪ್ಪಿಕೊಂಡಿದ್ದಾರೆ.

ಕೋಡಿಂಗ್, ಪೈಥಾನ್ ಮತ್ತು ರೊಬೊಟಿಕ್ಸ್‌ನಲ್ಲೂ ಆಸಕ್ತಿ!

ಸಂದರ್ಶನದಲ್ಲಿ ರಿತ್ವಿಕ್ ತಮ್ಮ ತಾಂತ್ರಿಕ ಆಸಕ್ತಿಯ ಬಗ್ಗೆಯೂ ಮಾತನಾಡಿದ್ದಾರೆ. ತಮಗೆ ಪೈಥಾನ್ ಪ್ರೋಗ್ರಾಮಿಂಗ್ ಭಾಷೆ ತಿಳಿದಿದೆ ಎಂದು ಹೇಳಿರುವ ಅವರು, ರೊಬೊಟಿಕ್ಸ್‌ನಲ್ಲೂ ಆಸಕ್ತಿ ಹೊಂದಿದ್ದು, ರೋಬೋಟ್‌ಗಳನ್ನು ತಯಾರಿಸುವ ಬಗ್ಗೆ ತಿಳಿದಿರುವುದಾಗಿ ವಿವರಿಸಿದ್ದಾರೆ.

ರಿತ್ವಿಕ್ ಅವರ ಕಂಪನಿಯಲ್ಲಿ ಒಟ್ಟು ಐವರು ಸದಸ್ಯರಿದ್ದು, ಎಲ್ಲರೂ ಒಟ್ಟಾಗಿ ಕೆಲಸ ಮಾಡುತ್ತಿದ್ದಾರೆ ಎನ್ನಲಾಗಿದೆ. ಆದರೆ ಕಂಪನಿಯ ನೋಂದಣಿ, ಆದಾಯ ಅಥವಾ ಮೌಲ್ಯಮಾಪನದ ಬಗ್ಗೆ ಅಧಿಕೃತ ಮಾಹಿತಿ ಲಭ್ಯವಿಲ್ಲ. ಹೀಗಾಗಿ ಇದನ್ನು ಸ್ನೇಹಿತರೊಂದಿಗೆ ಆರಂಭಿಸಿರುವ ಸಣ್ಣ ಉದ್ಯಮ ಪ್ರಯತ್ನವೆಂದು ಪರಿಗಣಿಸುವುದು ಸೂಕ್ತ.

ಬಾಲನಟನಾಗಿ ಗುರುತಿಸಿಕೊಂಡಿರುವ ರಿತ್ವಿಕ್, ಚಿಕ್ಕ ವಯಸ್ಸಿನಲ್ಲೇ ಸಿನಿಮಾ ಮತ್ತು ತಂತ್ರಜ್ಞಾನ ಎರಡರಲ್ಲೂ ಆಸಕ್ತಿ ತೋರಿಸುತ್ತಿರುವುದು ಇದೀಗ ಗಮನ ಸೆಳೆಯುತ್ತಿದೆ.

‘ಶಕುನಿ’ ಅಂತವರು ಯಾರು? ಧನ್ವೀರ್ ಗೌಡ ಪೋಸ್ಟ್ ಹಿಂದೆ ಯಾರಿದ್ದಾರೆ ಎಂಬುದೇ ಈಗ ಚರ್ಚೆ!

Govindaraj S — Wed, 21 Oct 2026 15:59:24 +0530

ದಸರಾ ಹಬ್ಬದ ಸಂಭ್ರಮದ ನಡುವೆ ನಟ ಧನ್ವೀರ್ ಗೌಡ ಹಂಚಿಕೊಂಡಿರುವ ಒಂದೇ ಒಂದು ಇನ್‌ಸ್ಟಾಗ್ರಾಮ್ ಸ್ಟೋರಿ ಇದೀಗ ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದೆ. ಯಾವುದೇ ಹೆಸರು ಪ್ರಸ್ತಾಪಿಸದೆ, ‘ಶಕುನಿ’ ಹಾಗೂ ‘ಸಂತ್ರಸ್ತ’ ಎಂಬ ಪದಗಳನ್ನು ಬಳಸಿರುವ ಧನ್ವೀರ್ ಅವರ ಪೋಸ್ಟ್‌ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಹಾಗಾದರೆ ಈ ಮಾತಿನ ಹಿಂದಿರುವ ವ್ಯಕ್ತಿ ಯಾರು? ಧನ್ವೀರ್ ಯಾರಿಗೆ ಟಾಂಗ್ ಕೊಟ್ಟಿದ್ದಾರೆ ಎಂಬ ಪ್ರಶ್ನೆ ಇದೀಗ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.

ದಸರಾ ಹಬ್ಬದಂದು ಧನ್ವೀರ್ ಹಾಕಿದ ಪೋಸ್ಟ್ ವೈರಲ್

ಹಬ್ಬದ ಶುಭ ಸಂದರ್ಭದಲ್ಲಿ ಧನ್ವೀರ್ ಗೌಡ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಮಾಸ್ ಲುಕ್‌ನ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ. ಆದರೆ ಫೋಟೋಗಿಂತಲೂ ಅದರೊಂದಿಗೆ ಬರೆದಿರುವ ಸಾಲುಗಳು ನೆಟ್ಟಿಗರ ಗಮನ ಸೆಳೆದಿವೆ. 'ಕೆಲವರಿರುತ್ತಾರೆ ಶಕುನಿ ಅಂತವರು ಕೊನೆವರೆಗೂ ಆಟವಾಡಿ ಕೊನೆಗೆ ತಾವೇ ಸಂತ್ರಸ್ತರಂತೆ ನಟಿಸುತ್ತಾರೆ. ಸತ್ಯಕ್ಕೆ ಯಾವತ್ತೂ ಸಾಕ್ಷಿ ಬೇಕಾಗಿಲ್ಲ, ಕಾಲವೇ ಉತ್ತರ ಕೊಡುತ್ತೆ' ಎಂಬರ್ಥದ ಸಂದೇಶವನ್ನು ಅವರು ಹಂಚಿಕೊಂಡಿದ್ದಾರೆ. ಇದರ ಜೊತೆಗೆ ನಾಡಿನ ಜನತೆಗೆ ದಸರಾ ಹಾಗೂ ವಿಜಯದಶಮಿ ಹಬ್ಬದ ಶುಭಾಶಯವನ್ನೂ ತಿಳಿಸಿದ್ದಾರೆ.

ಧನ್ವೀರ್ ಮಾತಿನ ಹಿಂದಿರುವವರು ಯಾರು?

ಧನ್ವೀರ್ ಅವರ ಈ ಪೋಸ್ಟ್‌ನಲ್ಲಿ ಯಾರ ಹೆಸರನ್ನೂ ನೇರವಾಗಿ ಉಲ್ಲೇಖಿಸಲಾಗಿಲ್ಲ. ಹೀಗಾಗಿ, 'ಈ ಮಾತು ಯಾರಿಗಾಗಿ?', 'ಧನ್ವೀರ್ ಯಾರಿಗೆ ಟಾಂಗ್ ಕೊಟ್ಟಿದ್ದಾರೆ?' ಎಂಬ ಚರ್ಚೆ ಸಾಮಾಜಿಕ ಜಾಲತಾಣಗಳಲ್ಲಿ ಶುರುವಾಗಿದೆ. ಈಗಾಗಲೇ ಧನ್ವೀರ್ ಇಂತಹ ಅರ್ಥಗರ್ಭಿತ ಹಾಗೂ ನೇರವಾಗಿ ಹೆಸರು ಹೇಳದ ಪೋಸ್ಟ್‌ಗಳ ಮೂಲಕ ಗಮನ ಸೆಳೆದಿರುವುದರಿಂದ, ಈ ಬಾರಿಯೂ ಅವರ ಸ್ಟೋರಿಯ ಹಿಂದೆ ಯಾವುದಾದರೂ ನಿರ್ದಿಷ್ಟ ಘಟನೆ ಇದೆಯೇ ಎಂಬ ಕುತೂಹಲ ಹೆಚ್ಚಾಗಿದೆ. ಆದರೆ ಧನ್ವೀರ್ ಗೌಡ ಸ್ವತಃ ಈ ಪೋಸ್ಟ್ ಯಾರನ್ನು ಉದ್ದೇಶಿಸಿ ಹಾಕಲಾಗಿದೆ ಎಂಬುದನ್ನು ಸ್ಪಷ್ಟಪಡಿಸಿಲ್ಲ. ಹೀಗಾಗಿ ಸದ್ಯಕ್ಕೆ ಹರಿದಾಡುತ್ತಿರುವುದು ಅಭಿಮಾನಿಗಳು ಮತ್ತು ನೆಟ್ಟಿಗರ ಊಹಾಪೋಹಗಳಷ್ಟೇ.

ದರ್ಶನ್ ಅಭಿಮಾನಿಗಳಲ್ಲೂ ಕುತೂಹಲ

ಧನ್ವೀರ್ ಗೌಡ ಅವರು ನಟ ದರ್ಶನ್ ತೂಗುದೀಪ ಅವರ ಆಪ್ತ ವಲಯದಲ್ಲಿ ಗುರುತಿಸಿಕೊಂಡಿರುವುದಲ್ಲದೆ, ದರ್ಶನ್ ಅವರ ಕಟ್ಟಾ ಅಭಿಮಾನಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಹೀಗಾಗಿ ಧನ್ವೀರ್ ಅವರ ಯಾವುದೇ ಹೇಳಿಕೆ ಅಥವಾ ಸಾಮಾಜಿಕ ಜಾಲತಾಣದ ಪೋಸ್ಟ್‌ಗಳು ದರ್ಶನ್ ಅಭಿಮಾನಿಗಳ ಗಮನ ಸೆಳೆಯುವುದು ಸಹಜ. ಈ ಹಿನ್ನೆಲೆಯಲ್ಲೇ ಇದೀಗ ವೈರಲ್ ಆಗಿರುವ ಧನ್ವೀರ್ ಅವರ ಪೋಸ್ಟ್ ಕೂಡ ದರ್ಶನ್ ಅಭಿಮಾನಿಗಳ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿದೆ. ಆದರೆ ಈ ಪೋಸ್ಟ್‌ಗೂ ದರ್ಶನ್ ಅವರ ವಿಚಾರಕ್ಕೂ ನೇರ ಸಂಬಂಧವಿದೆ ಎಂದು ಧನ್ವೀರ್ ಎಲ್ಲಿಯೂ ಹೇಳಿಲ್ಲ. ಹೀಗಾಗಿ ಈ ಬಗ್ಗೆ ಯಾವುದೇ ನಿರ್ದಿಷ್ಟ ತೀರ್ಮಾನಕ್ಕೆ ಬರುವಂತಿಲ್ಲ.

‘ಬಜಾರ್’ ಮೂಲಕ ಎಂಟ್ರಿ ಕೊಟ್ಟ ಧನ್ವೀರ್

ಧನ್ವೀರ್ ಗೌಡ ಅವರು ‘ಬಜಾರ್’ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ನಾಯಕನಾಗಿ ಪರಿಚಿತರಾದವರು. ಮೊದಲ ಸಿನಿಮಾದಲ್ಲೇ ಮಾಸ್ ಹೀರೋ ಇಮೇಜ್ ಪಡೆದುಕೊಂಡ ಅವರು ಬಳಿಕ ‘ಬೈ ಟು ಲವ್’ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ನಟನೆ ಮಾತ್ರವಲ್ಲದೆ, ತಮ್ಮ ವಿಭಿನ್ನ ಸ್ಟೈಲ್ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿನ ಸಕ್ರಿಯತೆಯಿಂದಲೂ ಧನ್ವೀರ್ ಆಗಾಗ ಸುದ್ದಿಯಾಗುತ್ತಾರೆ.

ಒಂದು ಸ್ಟೋರಿ.. ಹಲವು ಪ್ರಶ್ನೆಗಳು!

ಇನ್ನು ದಸರಾ ಹಬ್ಬದ ದಿನ ಧನ್ವೀರ್ ಗೌಡ ಹಂಚಿಕೊಂಡಿರುವ ಈ ಒಂದೇ ಒಂದು ಇನ್‌ಸ್ಟಾಗ್ರಾಮ್ ಸ್ಟೋರಿ ಇದೀಗ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ‘ಶಕುನಿ’ ಯಾರು? ‘ಸಂತ್ರಸ್ತ’ರಂತೆ ನಟಿಸುತ್ತಿರುವವರು ಯಾರು? ಧನ್ವೀರ್ ಅವರ ಈ ಪೋಸ್ಟ್ ನಿಜಕ್ಕೂ ಯಾರಿಗೆ ಟಾಂಗ್? ಈ ಪ್ರಶ್ನೆಗಳಿಗೆ ಧನ್ವೀರ್ ಅವರೇ ಮುಂದಿನ ದಿನಗಳಲ್ಲಿ ಉತ್ತರ ನೀಡುತ್ತಾರಾ ಎಂಬುದನ್ನು ಕಾದು ನೋಡಬೇಕಿದೆ. ಸದ್ಯಕ್ಕಂತೂ ಅವರ ಪೋಸ್ಟ್ ಮಾತ್ರ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಸದ್ದು ಮಾಡುತ್ತಿದೆ.

ಸ್ಕಾಚ್, ಜಪಾನೀಸ್ ಬ್ರ್ಯಾಂಡ್‌ಗಳಿಗೆ ಪೈಪೋಟಿ: ಜಾಗತಿಕ ಪ್ರಶಸ್ತಿಗಳನ್ನು ಗೆದ್ದು ಮಿಂಚುತ್ತಿವೆ ಭಾರತದ ವಿಸ್ಕಿಗಳು!

Chandrashekar GS — Wed, 21 Oct 2026 15:54:21 +0530

ಜಾಗತಿಕ ವಿಸ್ಕಿ ಮಾರುಕಟ್ಟೆಯಲ್ಲಿ ಭಾರತದ ಹೊಸ ಅಲೆ; ಅಮೃತ್, ಇಂದ್ರಿ, ಗೋದಾವನ್ ಬ್ರ್ಯಾಂಡ್‌ಗಳಿಗೆ ಅಂತರರಾಷ್ಟ್ರೀಯ ಮನ್ನಣೆ!

ಭಾರತವೆಂದರೆ ವಿಸ್ಕಿ ಸೇವನೆಯ ದೊಡ್ಡ ಮಾರುಕಟ್ಟೆ ಎಂಬುದು ಬಹಳ ಹಿಂದಿನಿಂದಲೂ ತಿಳಿದಿರುವ ಸಂಗತಿ. ಆದರೆ ಈಗ ಭಾರತ ಕೇವಲ ವಿಸ್ಕಿ ಖರೀದಿಸುವ ದೇಶವಷ್ಟೇ ಅಲ್ಲ, ವಿಶ್ವದ ಗಮನ ಸೆಳೆಯುವ ಪ್ರೀಮಿಯಂ ವಿಸ್ಕಿಗಳನ್ನು ತಯಾರಿಸುವ ದೇಶವಾಗಿಯೂ ಗುರುತಿಸಿಕೊಳ್ಳುತ್ತಿದೆ. ಭಾರತೀಯ ಬ್ರ್ಯಾಂಡ್‌ಗಳು ಪ್ರತಿಷ್ಠಿತ ಅಂತರರಾಷ್ಟ್ರೀಯ ಸ್ಪರ್ಧೆಗಳಲ್ಲಿ ಪ್ರಶಸ್ತಿಗಳನ್ನು ಗೆಲ್ಲುತ್ತಿರುವುದು ಈ ಬದಲಾವಣೆಗೆ ಸಾಕ್ಷಿಯಾಗಿದೆ.

ಸ್ಕಾಚ್ ಮತ್ತು ಜಪಾನೀಸ್ ವಿಸ್ಕಿಗಳಿಗೆ ಪೈಪೋಟಿ ನೀಡುತ್ತಿರುವ ಭಾರತೀಯ ಬ್ರ್ಯಾಂಡ್‌ಗಳು

ಗೋದಾವನ್ ಮತ್ತು ಇಂದ್ರಿ ಸಾಧನೆ

2026ರಲ್ಲಿ ಬ್ರಿಟನ್‌ನಲ್ಲಿ ನಡೆದ World Whisky Masters ಸ್ಪರ್ಧೆಯಲ್ಲಿ ಭಾರತದ ಗೋದಾವನ್ (Godawan) ಪ್ರೀಮಿಯಂ ವಿಸ್ಕಿ ‘ಮಾಸ್ಟರ್ ಮೆಡಲ್’ ಪ್ರಶಸ್ತಿಯನ್ನು ಗೆದ್ದಿದೆ. ಇದಕ್ಕೂ ಹಿಂದಿನ ವರ್ಷ ಲಾಸ್ ವೇಗಾಸ್‌ನಲ್ಲಿ ನಡೆದ Global Spirits Awards ಸ್ಪರ್ಧೆಯಲ್ಲಿ ಭಾರತೀಯ ಬ್ರ್ಯಾಂಡ್ ಇಂದ್ರಿ (Indri) ‘Best World Whisky’ ಪ್ರಶಸ್ತಿಯನ್ನು ಪಡೆದುಕೊಂಡಿತ್ತು.

ಈ ಸಾಧನೆಗಳು ಭಾರತೀಯ ವಿಸ್ಕಿಗಳ ಗುಣಮಟ್ಟಕ್ಕೆ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಮನ್ನಣೆ ದೊರೆಯುತ್ತಿರುವುದನ್ನು ತೋರಿಸುತ್ತವೆ. ಹಿಂದೆ ಸ್ಕಾಟ್ಲೆಂಡ್ ಮತ್ತು ಜಪಾನ್‌ನ ವಿಸ್ಕಿಗಳು ಹೆಚ್ಚು ಪ್ರಸಿದ್ಧವಾಗಿದ್ದ ಜಾಗತಿಕ ಮಾರುಕಟ್ಟೆಯಲ್ಲಿ ಭಾರತೀಯ ಸಿಂಗಲ್ ಮಾಲ್ಟ್ ಬ್ರ್ಯಾಂಡ್‌ಗಳೂ ತಮ್ಮದೇ ಆದ ಸ್ಥಾನವನ್ನು ರೂಪಿಸಿಕೊಳ್ಳುತ್ತಿವೆ.

ಭಾರತೀಯ ಪ್ರೀಮಿಯಂ ವಿಸ್ಕಿಗಳ ಬೆಳವಣಿಗೆಗೆ ಕಾರಣವೇನು?

ಅಮೃತ್ ಆರಂಭಿಸಿದ ಹೊಸ ಅಧ್ಯಾಯ

ಭಾರತದ ಪ್ರೀಮಿಯಂ ವಿಸ್ಕಿಗಳ ಜಾಗತಿಕ ಪಯಣದಲ್ಲಿ ಅಮೃತ್ (Amrut) ಪ್ರಮುಖ ಪಾತ್ರ ವಹಿಸಿದೆ. ಜಗದಾಳೆ ಕುಟುಂಬ ಆರಂಭಿಸಿದ ಈ ಸಂಸ್ಥೆ ಹಲವು ದಶಕಗಳಿಂದ ಸಿಂಗಲ್ ಮಾಲ್ಟ್ ವಿಸ್ಕಿ ತಯಾರಿಸುತ್ತಿದೆ.

ಒಂದು ಕಾಲದಲ್ಲಿ ಭಾರತದಲ್ಲಿ ಕಡಿಮೆ ಬೆಲೆಯ ಮಿಶ್ರಿತ ವಿಸ್ಕಿಗಳಿಗೆ ಹೆಚ್ಚಿನ ಬೇಡಿಕೆ ಇತ್ತು. ಇದರಿಂದ ಉತ್ತಮ ಗುಣಮಟ್ಟದ ಭಾರತೀಯ ಮಾಲ್ಟ್ ವಿಸ್ಕಿಗಳಿಗೆ ದೇಶೀಯ ಮಾರುಕಟ್ಟೆಯಲ್ಲಿ ಸೂಕ್ತ ಮನ್ನಣೆ ಪಡೆಯುವುದು ಕಷ್ಟವಾಗಿತ್ತು. ಅಂತಾರಾಷ್ಟ್ರೀಯ ಮಟ್ಟದಲ್ಲಿಯೂ ಭಾರತೀಯ ವಿಸ್ಕಿಗಳ ಬಗ್ಗೆ ಉತ್ತಮ ಅಭಿಪ್ರಾಯ ಮೂಡಿಸಲು ನಿರ್ಮಾಪಕರು ಶ್ರಮಿಸಬೇಕಾಯಿತು.

ಆದರೆ ಗುಣಮಟ್ಟ, ವಿಭಿನ್ನ ರುಚಿಗಳು, ಸಣ್ಣ ಪ್ರಮಾಣದ ವಿಶೇಷ ಉತ್ಪಾದನೆ ಮತ್ತು ಮರದ ಪೀಪಾಯಿಗಳಲ್ಲಿ ವಿಸ್ಕಿಯನ್ನು ಪಕ್ವಗೊಳಿಸುವ ಹೊಸ ಪ್ರಯೋಗಗಳು ಭಾರತೀಯ ಬ್ರ್ಯಾಂಡ್‌ಗಳಿಗೆ ಹೊಸ ಗುರುತನ್ನು ತಂದುಕೊಟ್ಟಿವೆ.

ಭಾರತದ ವಿಸ್ಕಿಗಳಿಗೆ ಜಾಗತಿಕ ಭವಿಷ್ಯ

ಇಂದು ಭಾರತೀಯ ವಿಸ್ಕಿ ತಯಾರಕರು ಕೇವಲ ಕಡಿಮೆ ಬೆಲೆಯ ಉತ್ಪನ್ನಗಳ ಮೇಲೆ ಅವಲಂಬಿತರಾಗಿಲ್ಲ. ವಿಭಿನ್ನ ರುಚಿ ಮತ್ತು ವಿಶಿಷ್ಟ ತಯಾರಿಕಾ ವಿಧಾನಗಳ ಮೂಲಕ ಪ್ರೀಮಿಯಂ ಗ್ರಾಹಕರನ್ನು ಆಕರ್ಷಿಸುತ್ತಿದ್ದಾರೆ.

ಅಂತರರಾಷ್ಟ್ರೀಯ ಪ್ರಶಸ್ತಿಗಳು ಈ ಬ್ರ್ಯಾಂಡ್‌ಗಳ ವಿಶ್ವಾಸಾರ್ಹತೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತವೆ. ಭಾರತೀಯ ಉತ್ಪಾದಕರಿಗೆ ಹೊಸ ಮಾರುಕಟ್ಟೆಗಳನ್ನು ತಲುಪುವ ಅವಕಾಶವನ್ನೂ ಸೃಷ್ಟಿಸುತ್ತವೆ.

ಒಟ್ಟಿನಲ್ಲಿ, ಅಮೃತ್‌ನಿಂದ ಇಂದ್ರಿ ಮತ್ತು ಗೋದಾವನ್‌ವರೆಗೆ ಭಾರತೀಯ ವಿಸ್ಕಿಗಳ ಬೆಳವಣಿಗೆ ದೇಶದ ಉತ್ಪಾದನಾ ಸಾಮರ್ಥ್ಯ ಮತ್ತು ಹೊಸತನಕ್ಕೆ ಸಾಕ್ಷಿಯಾಗಿದೆ. ಜಾಗತಿಕ ಸ್ಪರ್ಧೆಯಲ್ಲಿ ಭಾರತ ತನ್ನದೇ ಆದ ಗುರುತನ್ನು ಬಲಪಡಿಸಿಕೊಳ್ಳುತ್ತಿರುವುದು ಈ ಕ್ಷೇತ್ರದ ಪ್ರಮುಖ ಬೆಳವಣಿಗೆಯಾಗಿದೆ.

Fish death: ಬೆಂಗಳೂರಿನ ಸಿದ್ದಾಪುರ ಕೆರೆಯಲ್ಲಿ 600 ಮೀನುಗಳ ಸಾವು! ಕೊಳಚೆ ನೀರು, ಪ್ಲಾಸ್ಟಿಕ್ ತ್ಯಾಜ್ಯವೇ ಕಂಟಕ

Sushma Hegde — Wed, 21 Oct 2026 15:51:29 +0530

ಬೆಂಗಳೂರಿನಲ್ಲಿ ಭಾರೀ ಮಳೆಯಾದ ಬೆನ್ನಲ್ಲೇ ಬ್ರೂಕ್‌ಫೀಲ್ಡ್ ಬಳಿಯ ಸಿದ್ದಾಪುರ ಕೆರೆಯಲ್ಲಿ ನೂರಾರು ಮೀನುಗಳು ಸಾವನ್ನಪ್ಪಿರುವ ಘಟನೆ ಆತಂಕ ಮೂಡಿಸಿದೆ. ಸೋಮವಾರ (ಅಕ್ಟೋಬರ್ 19, 2026) ಬೆಳಿಗ್ಗೆ ಕೆರೆಯ ಮೇಲ್ಮೈಯಲ್ಲಿ ಸುಮಾರು 500ರಿಂದ 600 ಸತ್ತ ಮೀನುಗಳು ತೇಲುತ್ತಿರುವುದು ಕಂಡುಬಂದಿದೆ. ಭಾರೀ ಮಳೆಯ ಬಳಿಕ ಸಮೀಪದ ರಾಜಕಾಲುವೆಯಿಂದ ಹೆಚ್ಚಿನ ಪ್ರಮಾಣದ ಸಂಸ್ಕರಿಸದ ಕೊಳಚೆ ನೀರು ಕೆರೆಗೆ ಹರಿದು ಬಂದಿರುವುದೇ ಈ ಘಟನೆಗೆ ಕಾರಣವಾಗಿರಬಹುದು ಎಂಬ ಶಂಕೆ ವ್ಯಕ್ತವಾಗಿದೆ. ಕೆರೆಯಲ್ಲಿ ಪ್ಲಾಸ್ಟಿಕ್ ಬಾಟಲಿಗಳು ಸೇರಿದಂತೆ ಅಪಾರ ಪ್ರಮಾಣದ ಕಸವೂ ಕಂಡುಬಂದಿದ್ದು, ಬೆಂಗಳೂರಿನ ಕೆರೆಗಳ ನಿರ್ವಹಣೆ ಕುರಿತು ಮತ್ತೆ ಪ್ರಶ್ನೆಗಳು ಎದ್ದಿವೆ.

ಕೆರೆಯ ಮೇಲೆ ತೇಲುತ್ತಿದ್ದ 600 ಸತ್ತ ಮೀನುಗಳು!

ಸಿದ್ದಾಪುರ ಕೆರೆಗೆ ಪ್ರತಿದಿನ ಬೆಳಗಿನ ವಾಕಿಂಗ್‌ಗಾಗಿ ಬರುತ್ತಿದ್ದ ಸ್ಥಳೀಯ ನಿವಾಸಿ ವಿಪಿನ್ ಚೋಪ್ರಾ ಅವರು ಮೀನುಗಳ ಸಾಮೂಹಿಕ ಸಾವನ್ನು ಗಮನಿಸಿದ್ದಾರೆ. ಕೆರೆಯ ಮೇಲೆ ನೂರಾರು ಮೀನುಗಳು ತೇಲುತ್ತಿದ್ದವು. ಅಲ್ಲದೆ, ಸುತ್ತಮುತ್ತಲ ಪ್ರದೇಶದಲ್ಲಿ ತೀವ್ರ ದುರ್ವಾಸನೆ ಹರಡಿತ್ತು ಎಂದು ಅವರು ತಿಳಿಸಿದ್ದಾರೆ.

ಕೆರೆಯ ನೀರಿನಲ್ಲಿ ಕಸ ಮತ್ತು ಭಗ್ನಾವಶೇಷಗಳು ತೇಲುತ್ತಿರುವುದನ್ನೂ ಅವರು ಗಮನಿಸಿದ್ದಾರೆ. ಮಳೆಯ ಬಳಿಕ ಕೆರೆಯ ಸ್ಥಿತಿ ಮತ್ತಷ್ಟು ಹದಗೆಟ್ಟಿದ್ದು, ಜಲಮೂಲವೇ ಕೊಳಚೆ ನೀರಿನ ಗುಂಡಿಯಂತಾಗಿದೆ ಎಂದು ಸ್ಥಳೀಯರು ಆತಂಕ ವ್ಯಕ್ತಪಡಿಸಿದ್ದಾರೆ.

ರಾಜಕಾಲುವೆಯಿಂದ ಕೆರೆಗೆ ಹರಿಯಿತೇ ಕಚ್ಚಾ ಕೊಳಚೆ ನೀರು?

ಸಮೀಪದ ರಾಜಕಾಲುವೆಯಿಂದ ಸಂಸ್ಕರಿಸದ ಕೊಳಚೆ ನೀರು ಕೆರೆಗೆ ಸೇರುತ್ತಿರುವುದೇ ಮೀನುಗಳ ಸಾವಿಗೆ ಕಾರಣವಾಗಿರಬಹುದು ಎಂಬುದು ಸ್ಥಳೀಯರ ಶಂಕೆ. ಮಳೆಯ ಸಂದರ್ಭದಲ್ಲಿ ಹೆಚ್ಚಿನ ಪ್ರಮಾಣದ ನೀರು ಹರಿದುಬಂದಾಗ ಕೊಳಚೆ ನೀರು ಮತ್ತು ತ್ಯಾಜ್ಯ ಕೆರೆಗೆ ಸೇರುವ ಸಾಧ್ಯತೆ ಹೆಚ್ಚಾಗುತ್ತದೆ. ಕೊಳಚೆ ನೀರಿನಲ್ಲಿರುವ ಮಾಲಿನ್ಯಕಾರಕಗಳು ಕೆರೆಯ ಪರಿಸರ ವ್ಯವಸ್ಥೆಯ ಮೇಲೆ ಪರಿಣಾಮ ಬೀರಬಹುದು. ನೀರಿನಲ್ಲಿ ಕರಗಿರುವ ಆಮ್ಲಜನಕದ ಪ್ರಮಾಣ ಕಡಿಮೆಯಾದರೆ ಮೀನುಗಳ ಬದುಕುಳಿಯುವಿಕೆಯೂ ಕಷ್ಟವಾಗುತ್ತದೆ.

ವಿಪಿನ್ ಚೋಪ್ರಾ ಅವರ ಪ್ರಕಾರ, ಕೆರೆಯ ಸಮೀಪದಲ್ಲಿರುವ ಸಣ್ಣ ಕೊಳ ಅಥವಾ ಚೌಗು ಪ್ರದೇಶಕ್ಕೆ ಪಕ್ಕದ ಚರಂಡಿಯಿಂದ ಪ್ಲಾಸ್ಟಿಕ್ ಬಾಟಲಿಗಳು ಸೇರಿದಂತೆ ಸಾಕಷ್ಟು ಕಸ ಸೇರುತ್ತಿದೆ. ಈ ಹಿಂದೆ ಕಸ ಕೆರೆಗೆ ಪ್ರವೇಶಿಸದಂತೆ ತಡೆಯಲು ಅಲ್ಲಿ ತಡೆಗೋಡೆ ಇತ್ತು. ಆದರೆ, ಅದು ಮುರಿದುಹೋಗಿರುವುದರಿಂದ ತ್ಯಾಜ್ಯ ನೇರವಾಗಿ ಕೆರೆಗೆ ಸೇರುತ್ತಿರಬಹುದು ಎಂದು ಅವರು ಆತಂಕ ವ್ಯಕ್ತಪಡಿಸಿದ್ದಾರೆ.

ಮನೆಗಳಿಂದ ಚರಂಡಿಗೆ ಕಸ ಎಸೆಯಲಾಗುತ್ತಿದೆಯೇ?

ಸಮೀಪದ ಮನೆಗಳಿಂದ ಕಸವನ್ನು ಚರಂಡಿಗೆ ಎಸೆಯಲಾಗುತ್ತಿದೆ ಎಂಬ ಶಂಕೆಯನ್ನೂ ಸ್ಥಳೀಯರು ವ್ಯಕ್ತಪಡಿಸಿದ್ದಾರೆ. ಸಂಸ್ಕರಿಸದ ಕೊಳಚೆ ನೀರು ಹತ್ತಿರದ ಒಳಚರಂಡಿ ಕೊಳವೆಗಳಿಂದ ಚರಂಡಿಗೆ ಹರಿದು, ಅಲ್ಲಿಂದ ಸಣ್ಣ ಕೊಳದ ಮೂಲಕ ಕೆರೆಗೆ ಸೇರುತ್ತಿರಬಹುದು ಎಂದು ವಿಪಿನ್ ಚೋಪ್ರಾ ಅಭಿಪ್ರಾಯಪಟ್ಟಿದ್ದಾರೆ.

ಕೆರೆಯ ಬಹುಪಾಲು ಪ್ರದೇಶದಲ್ಲಿ ಕೆಸರು ತುಂಬಿದ್ದು, ಪಾಚಿ ಆವರಿಸಿರುವುದನ್ನೂ ಅವರು ಗಮನಿಸಿದ್ದಾರೆ. ಇದರಿಂದ ನೀರಿನ ಗುಣಮಟ್ಟ ಹದಗೆಟ್ಟು, ಆಮ್ಲಜನಕದ ಮಟ್ಟ ಕಡಿಮೆಯಾಗಿರುವ ಸಾಧ್ಯತೆಯಿದೆ. ಆದರೆ ಮೀನುಗಳ ಸಾವಿಗೆ ನಿಖರವಾದ ಕಾರಣವನ್ನು ಖಚಿತಪಡಿಸಲು ನೀರಿನ ಗುಣಮಟ್ಟದ ಪರೀಕ್ಷೆ ಮತ್ತು ಸಂಬಂಧಿತ ಅಧಿಕಾರಿಗಳ ಪರಿಶೀಲನೆ ಅಗತ್ಯವಾಗಿದೆ.

ಒಂದು ವರ್ಷದ ಹಿಂದಷ್ಟೇ ಪುನರುಜ್ಜೀವನಗೊಂಡಿದ್ದ ಕೆರೆ!

ಸಿದ್ದಾಪುರ ಕೆರೆಯನ್ನು ಕೇವಲ ಒಂದು ವರ್ಷದ ಹಿಂದೆಯಷ್ಟೇ ಸಸ್ಯ ನೆಡುವ ಅಭಿಯಾನದ ಮೂಲಕ ಪುನರುಜ್ಜೀವನಗೊಳಿಸಲಾಗಿತ್ತು ಎಂದು ವಿಪಿನ್ ಚೋಪ್ರಾ ತಿಳಿಸಿದ್ದಾರೆ. ಅಂದಿನಿಂದ ಕೆರೆಯ ಸ್ಥಿತಿ ಆರೋಗ್ಯಕರವಾಗಿತ್ತು ಎಂದು ಅವರು ಹೇಳಿದ್ದಾರೆ.

ಆದರೆ ಈಗ ಕಸ, ಪ್ಲಾಸ್ಟಿಕ್ ತ್ಯಾಜ್ಯ ಮತ್ತು ಕೊಳಚೆ ನೀರಿನ ಸಮಸ್ಯೆ ಮತ್ತೆ ಕಾಣಿಸಿಕೊಂಡಿರುವುದು ಸ್ಥಳೀಯರಲ್ಲಿ ನಿರಾಸೆ ಮೂಡಿಸಿದೆ. ಕೆರೆಯನ್ನು ಪುನರುಜ್ಜೀವನಗೊಳಿಸುವುದಷ್ಟೇ ಅಲ್ಲದೆ, ಅದಕ್ಕೆ ಸೇರುವ ನೀರಿನ ಮೂಲಗಳನ್ನೂ ಸ್ವಚ್ಛವಾಗಿಡುವುದು ಅಗತ್ಯ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.

ಅಧಿಕಾರಿಗಳಿಗೆ ದೂರು ನೀಡಿದರೂ ಸಿಕ್ಕಿಲ್ಲ ಪ್ರತಿಕ್ರಿಯೆ?

ಕೆರೆಯ ಬಳಿ ಅಳವಡಿಸಲಾಗಿರುವ ಫಲಕದಲ್ಲಿ ದೂರು ದಾಖಲಿಸಲು ಅಧಿಕೃತ ಇಮೇಲ್ ವಿಳಾಸಗಳು ಮತ್ತು ವಾಟ್ಸ್‌ಆ್ಯಪ್ ಸಂಖ್ಯೆಯನ್ನು ನೀಡಲಾಗಿದೆ. ವಿಪಿನ್ ಚೋಪ್ರಾ ಅವರು ಈ ಮೂಲಕ ದೂರು ಸಲ್ಲಿಸಿದ್ದು, ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಗೂ ಪತ್ರ ಬರೆದಿದ್ದಾರೆ.

ಇದಲ್ಲದೆ, ನೆರೆಹೊರೆಯ ಇತರ ನಿವಾಸಿಗಳನ್ನೂ ಸಂಪರ್ಕಿಸಿದ್ದು, ಅವರೂ ಈ ಸಮಸ್ಯೆಯನ್ನು ಅಧಿಕಾರಿಗಳ ಗಮನಕ್ಕೆ ತಂದಿದ್ದಾರೆ ಎಂದು ಅವರು ತಿಳಿಸಿದ್ದಾರೆ. ಆದರೆ ಈವರೆಗೆ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ ಎಂದು ಚೋಪ್ರಾ ಹೇಳಿದ್ದಾರೆ.

ವಿಜಯ್‌ ಬಳಿಕ ಮತ್ತೊಬ್ಬ ಸ್ಟಾರ್ ನಟ ರಾಜಕಾರಣಕ್ಕೆ ಎಂಟ್ರಿ?‌ ಬೆಚ್ಚಿಬಿದ್ದ TVK , ಕುತೂಹಲ ಮೂಡಿಸಿದ ನಡೆ

Ganesh Mabla Gowda — Wed, 21 Oct 2026 15:51:13 +0530

ಚೆನ್ನೈ: ದಳಪತಿ ವಿಜಯ್‌ ಬಳಿಕ ತಮಿಳುನಾಡು ರಾಜಕಾರಣಕ್ಕೆ ಮತ್ತೊಬ್ಬ ಸೂಪರ್‌ ಸ್ಟಾರ್‌ ಎಂಟ್ರಿ ಆಗುವ ಬಗ್ಗೆ ಮಾತುಕತೆಗಳು ಜೋರಾಗಿವೆ. ವಿಜಯ್‌ ರಾಜಕೀಯಕ್ಕೆ ಎಂಟ್ರಿ ನೀಡಿ, ರಾಜ್ಯದ ಸಿಎಂ ಆಗಿ ರಾಜ್ಯಭಾರ ನಡೆಸ್ತಿದ್ದಾರೆ. ಲೇಟೆಸ್ಟ್‌ ವಿಷಯ ಏನೆಂದರೆ.. ಚಿತ್ರರಂಗದ ಮತ್ತೊಬ್ಬ ಸ್ಟಾರ್ ನಟ ವಿಜಯ್‌ ಅವರ ಹಾದಿಯನ್ನೇ ತುಳಿಯಲಿದ್ದಾರೆ ಎಂದ ಚರ್ಚೆಗಳು ಜೋರಾಗಿವೆ. ಅವರು ಬೇರೆ ಯಾರೂ ಅಲ್ಲ. ʼಕೊಲವೆರಿ ಡಿʼ ಸ್ಟಾರ್‌, ರಾಷ್ಟ್ರಪತಿ ಪ್ರಶಸ್ತಿ ವಿಜೇತ ಧನುಷ್!

ರಾಜಕಾರಣಕ್ಕೆ ಧನುಷ್‌ ಎಂಟ್ರಿ?

ಧನುಷ್‌ ಅವರು ರಾಜಕಾರಣಕ್ಕೆ ಬರಲಿದ್ದಾರೆ ಎಂಬ ಊಹಾಪೋಹಗಳು ಕಳೆದ ಒಂದೂವರೆ ತಿಂಗಳಿನಿಂದ ಚಿಕ್ಕದಾಗಿ ಹರಿದಾಡುತ್ತಿದ್ದವು. ಇದೀಗ ಅದು ದೊಡ್ಡಮೊಟ್ಟದಲ್ಲಿ ಶುರುವಾಗಿದೆ. ಅದಕ್ಕೆ ಕಾರಣ ಧನುಷ್‌ ಅವರು ಇತ್ತೀಚೆಗೆ ಪರೋಕ್ಷವಾಗಿ ನೀಡುತ್ತಿರುವ ಸುಳಿವುಗಳು. ಇತ್ತೀಚೆಗೆ ಕೊಯಮತ್ತೂರಿನಲ್ಲಿ ಸಭೆ ಒಂದು ನಡೆದಿದೆ. ಈ ವೇಳೆ ತಮ್ಮ ಅಭಿಮಾನಿಗಳ ಸಂಘವನ್ನು ʼಧನುಷ್‌ ನರಪಾನಿ ಇಯಕ್ಕಂ (ಧನುಷ್‌ ಕಲ್ಯಾಣ ಚಳವಳಿ) ಎಂದು ಮರು ನಾಮಕರಣ ಮಾಡಲಾಗಿದೆ. ಸಭೆಯಲ್ಲಿ 3000 ಸಾವಿರ ಪದಾಧಿಕಾರಿಗಳು ಭಾಗವಹಿಸಿದ್ದರು. ಈ ವೇಳೆ ಶಿಸ್ತು, ಜನರ ಕಲ್ಯಾಣ ಕಾರ್ಯಕ್ರಮ ಮತ್ತು ಸಾಮಾಜಿಕ ಜವಾಬ್ದಾರಿಯ ಬಗ್ಗೆ ಒತ್ತು ನೀಡಲಾಗಿದೆ ಎಂದು ಹೇಳಲಾಗಿದೆ.

ಕೆಲವು ವರದಿಗಳ ಪ್ರಕಾರ ಈ ಸಭೆಯಲ್ಲಿ ಧನುಷ್‌ ಇರಲಿಲ್ಲ. ಇನ್ನು ರಾಜಕೀಯ ಎಂಟ್ರಿ ವದಂತಿ ಬಗ್ಗೆ ನಟನಿಂದ ಯಾವುದೇ ಹೇಳಿಕೆ ಬಂದಿಲ್ಲ. ಜೊತೆಗೆ ರಾಜಕೀಯ ಚಟುವಟಿಕೆಯ ಬಗ್ಗೆಯೂ ಯಾವುದೇ ಅಧಿಕೃತ ಹೇಳಿಕೆಗಳು ಇಲ್ಲ. ಆದರೆ.. ತಮಿಳುನಾಡು ರಾಜಕಾರಣದಲ್ಲಿ ಧನುಷ್‌ ಹೆಸರು ಮುನ್ನೆಲೆ ಬಂದಿರೋದು ಸತ್ಯ. ಈ ಹಿಂದಿನ ಸ್ಥಳೀಯ ವರದಿಗಳ ಪ್ರಕಾರ... ಧನುಷ್ ಚುನಾವಣಾ ಆಯೋಗದಲ್ಲಿ 'ತಮಿಳಗ ಎಲುಚಿ ಕಲಗಂ' ಎಂಬ ಹೆಸರಿನಲ್ಲಿ ಹೊಸ ರಾಜಕೀಯ ಪಕ್ಷ ನೋಂದಾಯಿಸಿದ್ದಾರೆ ಎಂದಿದ್ದವು. ಕೊನೆಗೆ ಅದು ಆಧಾರರಹಿತ ಸುದ್ದಿಗಳು ಹೇಳಲಾಗಿತ್ತು. ಧನುಷ್‌ ಚುನಾವಣಾ ಆಯೋಗವನ್ನು ಸಂಪರ್ಕ ಮಾಡಿಲ್ಲ. ಇದು ಇಂಟರ್‌ನೆಟ್‌ನಲ್ಲಿ ಹರಿದಾಡುತ್ತಿರುವ ಕಟ್ಟುಕತೆ ಎನ್ನಲಾಗಿತ್ತು.

ಧನುಷ್‌ ಸುದ್ದಿ ಮೂಲಗಳು ಏನು ಹೇಳ್ತಿವೆ?

ವೆಲ್ಫೇರ್ ಕ್ಲಬ್ ಚಟುವಟಿಕೆಗಳನ್ನು ರಾಜಕೀಯ ಉದ್ದೇಶಗಳಿಗೆ ಬಳಸಿಕೊಳ್ಳಬಾರದು. ಧನುಷ್ ರಾಜಕೀಯದಿಂದ ದೂರ ಇದ್ದಾರೆ. ಅವರು ತಮ್ಮ ಸಿನಿಮಾ ಪ್ಲಾನ್‌ಗಳು ಹಾಗೂ ಸಮಾಜ ಕಲ್ಯಾಣ ಕಾರ್ಯಗಳ ಮೇಲೆ ಗಮನ ಹರಿಸಿದ್ದಾರೆ ಎಂದು ಮೂಲಗಳು ಹೇಳಿವೆ.

ಧನುಷ್‌ ರಾಜಕಾರಣದ ಬಗ್ಗೆ ಟಿವಿಕೆ ಪ್ರತಿಕ್ರಿಯೆ

ಧನುಷರ್‌ ರಾಜಕಾರಣ ಬಗ್ಗೆ ಪ್ರತಿಕ್ರಿಯಿಸಿರುವ ಟಿವಿಕೆ ಪಕ್ಷ.. ರಾಜಕೀಯ ನವೋದ್ಯಮಗಳಿಗೆ ಟಿವಿಕೆ ಸ್ಫೂರ್ತಿಯಾಗಿದೆ. ಇದು ತುಂಬಾ ಖುಷಿಯ ವಿಚಾರ. ವಿಜಯ್ ಇದಕ್ಕಾಗಿ 30 ವರ್ಷಗಳ ಕಾಲ ಕೆಲಸ ಮಾಡಿದರು. ಇದು ಸುಲಭವಲ್ಲ. ಪರ್ಯಾಯ ರಾಜಕೀಯ ಶಕ್ತಿಗಳು ಹೊರಹೊಮ್ಮಬಹುದಾದರೂ, ಅವುಗಳ ಶಕ್ತಿ ಮತ್ತು ತಮ್ಮನ್ನು ತಾವು ಉಳಿಸಿಕೊಳ್ಳುವ ಸಾಮರ್ಥ್ಯವು ಮುಖ್ಯ. ವಿಜಯ್ ಅವರ ವಿಧಾನವು ಭವಿಷ್ಯದಲ್ಲಿ ಅಭ್ಯರ್ಥಿಗಳಿಗೆ ಒಂದು ಮಾದರಿಯಾಗಬಹುದು. ರಾಜಕೀಯ ಪಕ್ಷವನ್ನು ನಡೆಸುವುದು, ಚುನಾವಣೆಗಳನ್ನು ಗೆಲ್ಲುವುದು ಅಷ್ಟು ಸುಲಭ ಇಲ್ಲ. ಅದಕ್ಕೆ ಬದ್ಧತೆ ಬೇಕು ಎಂದಿದೆ.

ಧನುಷ್ ಅವರ ಮೂಲ ಹೆಸರು ವೆಂಕಟೇಶ್ ಪ್ರಭು. ಧನುಷ್‌ ಅನ್ನೋದು ಅವರ ರಂಗನಾಮ. ನಟ, ನಿರ್ಮಾಪಕ, ಗೀತರಚನೆಕಾರ ಮತ್ತು ಹಿನ್ನೆಲೆ ಗಾಯಕ. 2011ರಲ್ಲಿ ತಮಿಳು ಚಿತ್ರ ಆಡುಕಲಂ ಗಾಗಿ ಅತ್ಯುತ್ತಮ ನಟನಿಗಾಗಿರುವ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಗೆದ್ದರು. ಅದೇ ವರ್ಷ ತಮ್ಮ ವೈ ದಿಸ್ ಕೊಲವೆರಿ ಡಿ ಹಾಡಿನ ಮೂಲಕ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಸುದ್ದಿಯಾದರು. ಧನುಷ್‌ಗೆ ಆರು ರಾಷ್ಟ್ರೀಯ ಪ್ರಶಸ್ತಿಗಳು ಒಲಿದಿವೆ. 2026 ರಲ್ಲಿ ಧನುಷ್ ಅವರ ನಿವ್ವಳ ಮೌಲ್ಯ ಸುಮಾರು ₹230 ಕೋಟಿ ಅಥವಾ ಸರಿಸುಮಾರು $27-28 ಮಿಲಿಯನ್ ಆಗಿದೆ ಎಂದು ಟೈಮ್ಸ್‌ ಆಫ್‌ ಇಂಡಿಯಾ ವರದಿ ಮಾಡಿದೆ.

ಆರೆಸ್ಸೆಸ್‌ ಗಣವೇಷ ಧರಿಸಿ ವಿಜಯದಶಮಿ ಕಾರ್ಯಕ್ರಮದಲ್ಲಿ ಭಾಗಿಯಾದ ಮಾಜಿ ಟೀಮ್‌ ಇಂಡಿಯಾ, RCB ಪ್ಲೇಯರ್‌

Santosh Naik — Wed, 21 Oct 2026 15:49:29 +0530

ಪುಣೆ (ಅ.21): ಭಾರತೀಯ ಕ್ರಿಕೆಟ್ ತಂಡದ ಮಾಜಿ ಆಲ್ ರೌಂಡರ್ ಕೇದಾರ್‌ ಜಾಧವ್ (Kedar Jadhav) ಅವರ ಸಂಪೂರ್ಣ ಭಿನ್ನವಾದ ಅವತಾರ ಸಾರ್ವಜನಿಕವಾಗಿ ಹೊರಬಿದ್ದಿದೆ. ಮೂಲತಃ ಮಹಾರಾಷ್ಟ್ರದ ಪುಣೆ ಮೂಲದವರಾದ ಕೇದಾರ್‌ ಜಾಧವ್, ರಾಷ್ಟ್ರೀಯ ಸ್ವಯಂಸೇವಕ ಸಂಘದ (RSS) ವಿಜಯದಶಮಿ ಉತ್ಸವದ ಪಥ ಸಂಚಲನದಲ್ಲಿ ಸಂಪೂರ್ಣ ಸಂಘದ ಗಣವೇಷ ತೊಟ್ಟು ಭಾಗವಹಿಸಿದ್ದು, ಈ ಕುರಿತು ಅವರು ಹಂಚಿಕೊಂಡಿರುವ ಫೋಟೋ ಈಗ ಭಾರಿ ಚರ್ಚೆಗೆ ಗ್ರಾಸವಾಗಿದೆ.

ಟೀಮ್ ಇಂಡಿಯಾ ಪರ ಹಲವು ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿರುವ ಕೇದಾರ್‌ ಜಾಧವ್ ಅವರಿಗೆ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಜೊತೆ ಆಳವಾದ ನಂಟಿದೆ ಎಂಬ ವಿಷಯ ಹಲವರಿಗೆ ತಿಳಿದಿರಲಿಲ್ಲ. ಅಕ್ಟೋಬರ್ 20 ರಂದು ಪುಣೆಯ ಡೆಕ್ಕನ್ ಜಿಮ್ಖಾನಾ ಕಾಲೋನಿಯಲ್ಲಿ ಆಯೋಜಿಸಲಾಗಿದ್ದ ಆರ್‌ಎಸ್‌ಎಸ್ ವಿಜಯದಶಮಿ ಉತ್ಸವದ ಕಾರ್ಯಕ್ರಮದಲ್ಲಿ ಜಾಧವ್ ಸಕ್ರಿಯವಾಗಿ ಭಾಗವಹಿಸಿದ್ದರು.

ಗಣವೇಷದಲ್ಲಿ ಶಿಸ್ತಿನ ಹೆಜ್ಜೆ - ಇನ್‌ಸ್ಟಾಗ್ರಾಮ್‌ನಲ್ಲಿ ಫೋಟೋ ಹಂಚಿಕೊಂಡ ಕ್ರಿಕೆಟರ್

ಕಾರ್ಯಕ್ರಮದ ನಂತರ ಕೇದಾರ್‌ ಜಾಧವ್ ಅವರು ಆರ್‌ಎಸ್‌ಎಸ್ ಸಮವಸ್ತ್ರದಲ್ಲಿರುವ ತಮ್ಮ ಫೋಟೋವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ (Instagram) ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ಅವರು ಬಿಳಿ ಶರ್ಟ್, ಖಾಕಿ ಪ್ಯಾಂಟ್, ಕಪ್ಪು ಟೋಪಿ ಧರಿಸಿದ್ದು, ಕೈಯಲ್ಲಿ ದಂಡ (ಕೋಲು) ಹಿಡಿದುಕೊಂಡು ಶಿಸ್ತಿನ ಸ್ವಯಂಸೇವಕನಂತೆ ಮಿಂಚಿದ್ದಾರೆ. ಫೋಟೋದೊಂದಿಗೆ ಆರ್‌ಎಸ್‌ಎಸ್ ವಿಚಾರಧಾರೆ ಹಾಗೂ ಪಥ ಸಂಚಲನಕ್ಕೆ ಸಂಬಂಧಿಸಿದ ಭಾವನಾತ್ಮಕ ಸಂದೇಶವೊಂದನ್ನು ಹಂಚಿಕೊಂಡಿರುವ ಅವರು, "ಸಂಘದ ಪಥ ಸಂಚಲನ ಎಂದರೆ ಕೇವಲ ಶಿಸ್ತುಬದ್ಧ ಹೆಜ್ಜೆಗಳಷ್ಟೇ ಅಲ್ಲ..." ಎಂಬರ್ಥದಲ್ಲಿ ಬರೆದುಕೊಂಡಿದ್ದಾರೆ.

2024 ರ ಜೂನ್‌ನಲ್ಲಿ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದ ಜಾಧವ್

ಪ್ರಸ್ತುತ 41 ವರ್ಷ ವಯಸ್ಸಿನ ಕೇದಾರ್‌ ಜಾಧವ್, 2024 ರ ಜೂನ್ 3 ರಂದು ಕ್ರಿಕೆಟ್‌ನ ಎಲ್ಲಾ ಮಾದರಿಗಳಿಂದ (All forms of cricket) ನಿವೃತ್ತಿ ಘೋಷಿಸಿದ್ದರು. ಸೋಶಿಯಲ್ ಮೀಡಿಯಾ ಪೋಸ್ಟ್ ಮೂಲಕವೇ ತಮ್ಮ ನಿವೃತ್ತಿಯ ನಿರ್ಧಾರವನ್ನು ಕ್ರೀಡಾಲೋಕಕ್ಕೆ ತಿಳಿಸಿದ್ದರು. ಕೇದಾರ್‌ ಜಾಧವ್ 2014 ರ ನವೆಂಬರ್ 16 ರಂದು ಶ್ರೀಲಂಕಾ ವಿರುದ್ಧ ನಡೆದ ಏಕದಿನ ಪಂದ್ಯದ (ODI) ಮೂಲಕ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದರು.

ಕೇದಾರ್‌ ಜಾಧವ್ ಅವರ ಕ್ರಿಕೆಟ್ ವೃತ್ತಿಜೀವನದ ಅಂಕಿಅಂಶಗಳು

ಏಕದಿನ ಕ್ರಿಕೆಟ್ (ODI): ಭಾರತದ ಪರ ಒಟ್ಟು 73 ಅಂತರರಾಷ್ಟ್ರೀಯ ಏಕದಿನ ಪಂದ್ಯಗಳನ್ನು ಆಡಿರುವ ಕೇದಾರ್‌ ಜಾಧವ್, 42.09 ರ ಉತ್ತಮ ಸರಾಸರಿಯಲ್ಲಿ 1,389 ರನ್‌ಗಳನ್ನು ಕಲೆಹಾಕಿದ್ದಾರೆ. ಇದರಲ್ಲಿ 2 ಭರ್ಜರಿ ಶತಕಗಳು ಹಾಗೂ 6 ಅರ್ಧಶತಕಗಳು ಸೇರಿವೆ. ಉಪಯುಕ್ತ ಪಾರ್ಟ್-ಟೈಮ್ ಬೌಲರ್ ಕೂಡ ಆಗಿದ್ದ ಇವರು, ಏಕದಿನ ಕ್ರಿಕೆಟ್‌ನಲ್ಲಿ 27 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ.

ಟಿ20 ಕ್ರಿಕೆಟ್ (T20I): ಭಾರತದ ಪರ 9 ಅಂತರರಾಷ್ಟ್ರೀಯ ಟಿ20 ಪಂದ್ಯಗಳನ್ನು ಆಡಿರುವ ಇವರು 123.23 ರ ಸ್ಟ್ರೈಕ್ ರೇಟ್‌ನಲ್ಲಿ 58 ರನ್ ಗಳಿಸಿದ್ದಾರೆ.

ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಕೇದಾರ್‌ ಜಾಧವ್ ಮುಖ್ಯವಾಗಿ ಮಹೇಂದ್ರ ಸಿಂಗ್ ಧೋನಿ ನೇತೃತ್ವದ 'ಚೆನ್ನೈ ಸೂಪರ್ ಕಿಂಗ್ಸ್' (CSK) ಹಾಗೂ 'ಸನ್‌ರೈಸರ್ಸ್ ಹೈದರಾಬಾದ್' (SRH) ತಂಡಗಳ ಪರ ಆಡಿದ್ದಾರೆ. ಸಿಎಸ್‌ಕೆ ಪರ ಆಡುವಾಗ ಹಲವು ತುರ್ತು ಸಂದರ್ಭಗಳಲ್ಲಿ ಮ್ಯಾಚ್ ವಿನ್ನಿಂಗ್ ಇನ್ನಿಂಗ್ಸ್ ಆಡಿದ್ದರು. ಐಪಿಎಲ್‌ನಲ್ಲಿ ಒಟ್ಟು 95 ಪಂದ್ಯಗಳನ್ನು ಆಡಿರುವ ಇವರು 123.17 ರ ಸ್ಟ್ರೈಕ್ ರೇಟ್‌ನಲ್ಲಿ 4 ಅರ್ಧಶತಕಗಳೊಂದಿಗೆ 1,196 ರನ್‌ಗಳನ್ನು ಗಳಿಸಿದ್ದಾರೆ.

ಬೆಳಗ್ಗೆ ಕಸ ಹಾಕಲು ಆಗಲ್ವಾ? ಚಿಂತೆ ಬಿಡಿ! ಬೆಂಗಳೂರು ಪಾಲಿಕೆಯಿಂದ ಸಂಜೆ ವೇಳೆ ಕಸ ಸಂಗ್ರಹಕ್ಕೆ ಚಾಲನೆ

Sathish Kumar KH — Wed, 21 Oct 2026 15:47:40 +0530

ಬೆಂಗಳೂರು (ಅ.21): ಮುಂಜಾನೆಯೇ ಕಚೇರಿಗೆ ಓಡುವ ಉದ್ಯೋಗಿಗಳು, ಕಾಲೇಜು ವಿದ್ಯಾರ್ಥಿಗಳು ಹಾಗೂ ಗೃಹಿಣಿಯರಿಗೆ ಗ್ರೇಟರ್ ಬೆಂಗಳೂರು ವ್ಯಾಪ್ತಿಯಲ್ಲಿ ಕಸ ವಿಲೇವಾರಿ ಮಾಡುವುದೇ ದೊಡ್ಡ ತಲೆನೋವಾಗಿತ್ತು. ಬೆಳಗ್ಗೆ ಕಸದ ಆಟೋಗಳು ಬರುವ ಸಮಯಕ್ಕೆ ಮನೆಯಲ್ಲಿ ಇಲ್ಲದ ಕಾರಣ ರಸ್ತೆಬದಿಯಲ್ಲಿ ಕಸ ಎಸೆಯುವ ‘ಬ್ಲಾಕ್‌ಸ್ಪಾಟ್‌’ಗಳು ಹೆಚ್ಚುತ್ತಿದ್ದವು. ಈ ಗಂಭೀರ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ಬೆಂಗಳೂರು ದಕ್ಷಿಣ ನಗರ ಪಾಲಿಕೆ ಮಹತ್ವದ ಹೆಜ್ಜೆಯಿಟ್ಟಿದ್ದು, ಸಂಜೆ ವೇಳೆಯೂ ಕಸ ಸಂಗ್ರಹಿಸುವ ವಿನೂತನ ವ್ಯವಸ್ಥೆಯನ್ನು ಪ್ರಾಯೋಗಿಕವಾಗಿ ಆರಂಭಿಸಿದೆ.

ಬೆಂಗಳೂರು ದಕ್ಷಿಣ ನಗರ ಪಾಲಿಕೆ ಆಯುಕ್ತರಾದ ಶ್ರೀ ಕೆ. ಎನ್. ರಮೇಶ್ ಅವರು ಈ ಪ್ರಾಯೋಗಿಕ ಕಾರ್ಯವನ್ನು ಖುದ್ದು ಪರಿಶೀಲನೆ ನಡೆಸಿದ್ದಾರೆ.

ಸಂಜೆ 5 ರಿಂದ ರಾತ್ರಿ 12 ರವರೆಗೆ ಕಸ ಸಂಗ್ರಹಣೆ:

ಬೆಳಗ್ಗಿನ ಜಾವ ಆತುರದಲ್ಲಿ ಕಸದ ವಾಹನಗಳಿಗೆ ಕಸ ನೀಡಲು ಸಾಧ್ಯವಾಗದ ನಾಗರಿಕರ ಅನುಕೂಲಕ್ಕಾಗಿ, ಬೊಮ್ಮನಹಳ್ಳಿ ವಿಧಾನಸಭಾ ವ್ಯಾಪ್ತಿಯಲ್ಲಿ ಸಂಜೆ 5 ಗಂಟೆಯಿಂದ ಮಧ್ಯರಾತ್ರಿ 12 ಗಂಟೆಯವರೆಗೆ ಹಸಿ ಮತ್ತು ಒಣ ಕಸ ಸಂಗ್ರಹಿಸುವ ವಾಹನಗಳು ಕಾರ್ಯನಿರ್ವಹಿಸಲಿವೆ. ಇದರಿಂದಾಗಿ ರಸ್ತೆಬದಿಯ ಕಸದ ಬ್ಲಾಕ್‌ಸ್ಪಾಟ್‌ಗಳನ್ನು ಸಂಪೂರ್ಣವಾಗಿ ನಿಯಂತ್ರಿಸಲು ಸಾಧ್ಯವಾಗಲಿದೆ ಎಂದು ಆಯುಕ್ತರು ತಿಳಿಸಿದ್ದಾರೆ.

5 ಪ್ರಮುಖ ವಾರ್ಡ್‌ಗಳಲ್ಲಿ ಪ್ರಾಯೋಗಿಕ ಜಾರಿ:

ಸದ್ಯಕ್ಕೆ ಈ ಯೋಜನೆಯನ್ನು ಬೊಮ್ಮನಹಳ್ಳಿ ವಿಧಾನಸಭಾ ಕ್ಷೇತ್ರ ವ್ಯಾಪ್ತಿಯ 4 ವಾರ್ಡ್‌ಗಳು ಹಾಗೂ ಹೊಂಗಸಂದ್ರ ವಾರ್ಡ್ ಸೇರಿದಂತೆ ಒಟ್ಟು 5 ವಾರ್ಡ್‌ಗಳಲ್ಲಿ ಜಾರಿಗೆ ತರಲಾಗಿದೆ.
ಈ 5 ವಾರ್ಡ್‌ಗಳಲ್ಲಿ ಬೆಳಗ್ಗೆ ಒಟ್ಟು 160 ಕಸ ಸಂಗ್ರಹಣಾ ವಾಹನಗಳು ಕಾರ್ಯಾಚರಣೆ ನಡೆಸುತ್ತಿವೆ.
ಸಂಜೆ ವೇಳೆ ಹೆಚ್ಚುವರಿಯಾಗಿ 20 ರಿಂದ 25 ಆಟೋಗಳ ಮೂಲಕ ಕಸ ಸಂಗ್ರಹಿಸಲಾಗುತ್ತಿದೆ.
ಹೊಂಗಸಂದ್ರ ವಾರ್ಡ್ ಒಂದರಲ್ಲೇ ಬೆಳಗ್ಗೆ 31 ಆಟೋಗಳು ಸಂಚರಿಸುತ್ತಿದ್ದರೆ, ಸಂಜೆ ವೇಳೆಗೆ 6 ವಾಹನಗಳು (3 ಹಸಿ ಕಸ ಹಾಗೂ 3 ಒಣ ಕಸ ಸಂಗ್ರಹಕ್ಕೆ) ಮೀಸಲಾಗಿವೆ.
ಪಾಲಿಕೆಯ ಈ ಜನಪರ ನಿರ್ಧಾರಕ್ಕೆ ಸ್ಥಳೀಯ ನಿವಾಸಿಗಳು, ಅದರಲ್ಲೂ ಮುಖ್ಯವಾಗಿ ಐಟಿ-ಬಿಟಿ ಉದ್ಯೋಗಿಗಳು ಮತ್ತು ಗೃಹಿಣಿಯರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

HSR ಲೇಔಟ್ ಫ್ಲೈಓವರ್ ಕೆಳಗೆ ಪಾರ್ಕಿಂಗ್ ವ್ಯವಸ್ಥೆ:

ಇದೇ ವೇಳೆ ಹೆಚ್‌ಎಸ್‌ಆರ್ ಲೇಔಟ್‌ನ ಅಗರ ಕೆರೆ ಸುತ್ತಮುತ್ತಲಿನ ಸಂಚಾರ ದಟ್ಟಣೆ ಹಾಗೂ ಪಾರ್ಕಿಂಗ್ ಸಮಸ್ಯೆಗೆ ಪರಿಹಾರ ಹುಡುಕಲು ಆಯುಕ್ತರು ಮುಂದಾಗಿದ್ದಾರೆ. ಜೆಎಸ್‌ಎಸ್ (JSS) ಪಬ್ಲಿಕ್ ಸ್ಕೂಲ್ ಮುಂಭಾಗದ ಮೇಲ್ಸೇತುವೆ (Flyover) ಕೆಳಭಾಗದಲ್ಲಿರುವ ನಿರುಪಯುಕ್ತ ಜಾಗವನ್ನು ಸಾರ್ವಜನಿಕ ವಾಹನಗಳ ಪಾರ್ಕಿಂಗ್‌ಗೆ ಯೋಗ್ಯವಾಗುವಂತೆ ಅಭಿವೃದ್ಧಿಪಡಿಸಲು ಪರಿಶೀಲನೆ ನಡೆಸಿದ ಅವರು, ಈ ಬಗ್ಗೆ ತಕ್ಷಣವೇ ಪ್ರಸ್ತಾವನೆ ಸಿದ್ಧಪಡಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿದರು.

ಪರಿಶೀಲನೆ ವೇಳೆ ಎಜಿಎಂ (AGM) ಶ್ರೀಮತಿ ನೇತ್ರಾವತಿ, ಆರ್‌ಡಬ್ಲ್ಯೂಎ (RWA) ಪ್ರತಿನಿಧಿ ಡಾ. ಶಾಂತಿ ಸೇರಿದಂತೆ ಹಲವು ಅಧಿಕಾರಿಗಳು ಉಪಸ್ಥಿತರಿದ್ದರು.

ಗಾನಕೋಗಿಲೆ ಪಾತ್ರಕ್ಕೆ ಈ ಕನ್ನಡ ನಟಿಗೆ ಬಿಗ್ ಆಫರ್? ಪಿ. ಸುಶೀಲಾ ಬಯೋಪಿಕ್‌ನಲ್ಲಿ ಬಿಗ್ ಸರ್ಪ್ರೈಸ್!

Govindaraj S — Wed, 21 Oct 2026 15:33:12 +0530

ಭಾರತೀಯ ಸಂಗೀತ ಲೋಕದ ದಂತಕಥೆ, ಗಾನಕೋಗಿಲೆ ಎಂದೇ ಖ್ಯಾತರಾದ ಹಿರಿಯ ಗಾಯಕಿ ಪಿ. ಸುಶೀಲಾ ಅವರ ಜೀವನಕಥೆ ಇದೀಗ ಬೆಳ್ಳಿತೆರೆಗೆ ಬರುವ ಸಿದ್ಧತೆಯಲ್ಲಿದೆ ಎನ್ನಲಾಗಿದೆ. ಈ ಬಹುನಿರೀಕ್ಷಿತ ಬಯೋಪಿಕ್‌ನಲ್ಲಿ ಕನ್ನಡದ ಜನಪ್ರಿಯ ನಟಿ ರುಕ್ಮಿಣಿ ವಸಂತ್ ಅವರು ಪಿ. ಸುಶೀಲಾ ಅವರ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ ಎಂಬ ಸುದ್ದಿ ಸದ್ಯ ಸಿನಿರಂಗದಲ್ಲಿ ಸದ್ದು ಮಾಡುತ್ತಿದೆ.

ಭಾರತೀಯ ಚಿತ್ರರಂಗದಲ್ಲಿ ಬಯೋಪಿಕ್‌ಗಳ ಟ್ರೆಂಡ್ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದೆ. ರಾಜಕೀಯ ನಾಯಕರು, ಕ್ರೀಡಾಪಟುಗಳ ಜೀವನಗಾಥೆಗಳನ್ನು ತೆರೆಮೇಲೆ ಕಂಡಿದ್ದ ಪ್ರೇಕ್ಷಕರು ಇದೀಗ ಸಂಗೀತ ಕ್ಷೇತ್ರದ ದಿಗ್ಗಜರ ಬದುಕು, ಹೋರಾಟ ಮತ್ತು ಸಾಧನೆಯ ಕಥೆಗಳನ್ನು ಕಣ್ತುಂಬಿಕೊಳ್ಳುವ ಅವಕಾಶ ಪಡೆಯುತ್ತಿದ್ದಾರೆ. ಈ ಸಾಲಿಗೆ ಇದೀಗ ಮತ್ತೊಂದು ಮಹತ್ವದ ಹೆಸರು ಸೇರ್ಪಡೆಯಾಗುವ ಸಾಧ್ಯತೆ ಇದೆ. ಸಾವಿರಾರು ಸುಮಧುರ ಗೀತೆಗಳಿಗೆ ಧ್ವನಿಯಾಗಿರುವ ಪಿ. ಸುಶೀಲಾ ಅವರ ಅಪರೂಪದ ಸಂಗೀತ ಪಯಣವನ್ನು ಸಿನಿಮಾ ರೂಪದಲ್ಲಿ ಕಟ್ಟಿಕೊಡುವ ಪ್ರಯತ್ನ ನಡೆಯುತ್ತಿದೆ ಎನ್ನಲಾಗಿದೆ.

ಸುಶೀಲಮ್ಮನ ಜೀವನಕ್ಕೆ ಸಿನಿಮಾ ರೂಪ?

ದಕ್ಷಿಣ ಭಾರತದ ಸಿನಿರಂಗದಲ್ಲಿ ದಶಕಗಳ ಕಾಲ ತಮ್ಮ ಮಧುರ ಕಂಠದಿಂದ ಪ್ರೇಕ್ಷಕರ ಮನಗೆದ್ದಿರುವ ಪಿ. ಸುಶೀಲಾ ಅವರು ಭಾರತೀಯ ಚಿತ್ರರಂಗದ ಅತ್ಯಂತ ಗೌರವಾನ್ವಿತ ಹಿನ್ನೆಲೆ ಗಾಯಕರಲ್ಲಿ ಒಬ್ಬರು. ಕನ್ನಡ, ತೆಲುಗು, ತಮಿಳು, ಮಲಯಾಳಂ ಸೇರಿದಂತೆ ಹಲವು ಭಾಷೆಗಳಲ್ಲಿ ಅವರು ಹಾಡಿರುವ ಗೀತೆಗಳು ಇಂದಿಗೂ ಸಂಗೀತಪ್ರಿಯರ ನೆಚ್ಚಿನ ಹಾಡುಗಳಾಗಿವೆ. ಅವರ ವೃತ್ತಿಜೀವನದ ಏಳುಬೀಳು, ಸಂಗೀತ ಕ್ಷೇತ್ರದಲ್ಲಿ ಕಂಡ ಯಶಸ್ಸು, ವೈಯಕ್ತಿಕ ಬದುಕಿನ ಪ್ರಮುಖ ಘಟ್ಟಗಳು ಹಾಗೂ ಸಿನಿರಂಗದೊಂದಿಗಿನ ಅವರ ಸುದೀರ್ಘ ನಂಟು. ಇವೆಲ್ಲವೂ ಬಯೋಪಿಕ್‌ನ ಕಥಾಹಂದರವಾಗುವ ನಿರೀಕ್ಷೆಯಿದೆ.

ನಿರ್ಮಾಣದ ಹೊಣೆ ರೆಹಮಾನ್ ಹೆಗಲಿಗೆ?

ಈ ಪ್ರಾಜೆಕ್ಟ್‌ಗೆ ಸಂಬಂಧಿಸಿದಂತೆ ಮತ್ತೊಂದು ಕುತೂಹಲಕಾರಿ ಸುದ್ದಿ ಹರಿದಾಡುತ್ತಿದೆ. ಆಸ್ಕರ್ ಪುರಸ್ಕೃತ ಸಂಗೀತ ನಿರ್ದೇಶಕ ಎ.ಆರ್. ರೆಹಮಾನ್ ಅವರು ಪಿ. ಸುಶೀಲಾ ಅವರ ಬಯೋಪಿಕ್ ನಿರ್ಮಾಣಕ್ಕೆ ಆಸಕ್ತಿ ತೋರಿದ್ದಾರೆ ಎನ್ನಲಾಗಿದೆ. ಸುಶೀಲಾ ಅವರ ಸಂಗೀತ ಸಾಧನೆಯನ್ನು ದೊಡ್ಡ ಮಟ್ಟದಲ್ಲಿ ಪ್ರೇಕ್ಷಕರಿಗೆ ಪರಿಚಯಿಸುವ ಉದ್ದೇಶದಿಂದ ರೆಹಮಾನ್ ಈ ಯೋಜನೆಯೊಂದಿಗೆ ಕೈಜೋಡಿಸಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ. ಆದರೆ ಈ ಬಗ್ಗೆ ಚಿತ್ರತಂಡದಿಂದ ಇನ್ನೂ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.

‘ಸುಶೀಲಮ್ಮ’ನ ಪಾತ್ರಕ್ಕೆ ರುಕ್ಮಿಣಿ ವಸಂತ್?

ಬಯೋಪಿಕ್‌ಗೆ ಸಂಬಂಧಿಸಿದಂತೆ ಸದ್ಯ ಹೆಚ್ಚು ಚರ್ಚೆಯಾಗುತ್ತಿರುವ ವಿಚಾರವೆಂದರೆ ಪಿ. ಸುಶೀಲಾ ಅವರ ಪಾತ್ರವನ್ನು ಯಾರು ನಿರ್ವಹಿಸಲಿದ್ದಾರೆ? ಎಂಬುದು. ಈ ಪಾತ್ರಕ್ಕಾಗಿ ಕನ್ನಡದ ನಟಿ ರುಕ್ಮಿಣಿ ವಸಂತ್ ಅವರನ್ನು ಸಂಪರ್ಕಿಸಲಾಗಿದೆ ಎನ್ನಲಾಗುತ್ತಿದೆ. ‘ಸಪ್ತ ಸಾಗರದಾಚೆ ಎಲ್ಲೋ’ ಚಿತ್ರದ ಮೂಲಕ ಪ್ರೇಕ್ಷಕರ ಗಮನ ಸೆಳೆದಿರುವ ರುಕ್ಮಿಣಿ, ತಮ್ಮ ಸಹಜ ಅಭಿನಯ ಮತ್ತು ಸರಳ ಸೌಂದರ್ಯದಿಂದಲೇ ವಿಶೇಷ ಅಭಿಮಾನಿ ಬಳಗ ಹೊಂದಿದ್ದಾರೆ.

ಪಿ. ಸುಶೀಲಾ ಅವರ ಯೌವನದ ದಿನಗಳ ಪಾತ್ರದಿಂದ ಹಿಡಿದು, ಅವರ ಜೀವನದ ವಿವಿಧ ಹಂತಗಳನ್ನು ರುಕ್ಮಿಣಿ ಹೇಗೆ ಕಟ್ಟಿಕೊಡಲಿದ್ದಾರೆ ಎಂಬ ಕುತೂಹಲ ಈಗಾಗಲೇ ಸಿನಿಪ್ರಿಯರಲ್ಲಿ ಮೂಡಿದೆ. ವಿಶೇಷವಾಗಿ ಸುಶೀಲಮ್ಮ ಅವರ ಮುಖಚಹರೆ, ಗಾಂಭೀರ್ಯ ಮತ್ತು ಸರಳ ವ್ಯಕ್ತಿತ್ವಕ್ಕೆ ರುಕ್ಮಿಣಿ ಸೂಕ್ತ ಆಯ್ಕೆಯಾಗಬಹುದು ಎಂಬ ಅಭಿಪ್ರಾಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ಕೇಳಿಬರುತ್ತಿವೆ.

ಅಧಿಕೃತ ಘೋಷಣೆ ಯಾವಾಗ?

ಸದ್ಯಕ್ಕೆ ಪಿ. ಸುಶೀಲಾ ಬಯೋಪಿಕ್ ಕುರಿತಂತೆ ಹಲವು ಸುದ್ದಿಗಳು ಹರಿದಾಡುತ್ತಿದ್ದರೂ, ಚಿತ್ರದ ನಿರ್ಮಾಣ, ನಿರ್ದೇಶಕರು, ತಾರಾಗಣ ಅಥವಾ ರುಕ್ಮಿಣಿ ವಸಂತ್ ಅವರ ಪಾತ್ರದ ಬಗ್ಗೆ ಅಧಿಕೃತ ಘೋಷಣೆ ಹೊರಬಿದ್ದಿಲ್ಲ. ಒಂದು ವೇಳೆ ಈ ಪ್ರಾಜೆಕ್ಟ್ ಅಧಿಕೃತವಾಗಿ ಘೋಷಣೆಯಾದರೆ, ಭಾರತೀಯ ಸಂಗೀತ ಲೋಕದ ಮತ್ತೊಂದು ಅಪರೂಪದ ಕಥೆ ಬೆಳ್ಳಿತೆರೆಗೆ ಬಂದಂತಾಗಲಿದೆ.

ಅದರಲ್ಲೂ ಎ.ಆರ್. ರೆಹಮಾನ್ ಅವರಂತಹ ಸಂಗೀತ ದಿಗ್ಗಜರ ಹೆಸರು ಕೇಳಿಬರುತ್ತಿರುವುದು ಈ ಸಿನಿಮಾದ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ಇದೀಗ ಎಲ್ಲರ ಕಣ್ಣು ಪಿ. ಸುಶೀಲಾ ಅವರ ಬಯೋಪಿಕ್‌ನ ಅಧಿಕೃತ ಘೋಷಣೆ ಹಾಗೂ ‘ಸುಶೀಲಮ್ಮ’ನ ಪಾತ್ರಕ್ಕೆ ರುಕ್ಮಿಣಿ ವಸಂತ್ ಅವರ ಆಯ್ಕೆ ನಿಜವೇ? ಎಂಬುದರ ಮೇಲೆ ನೆಟ್ಟಿದೆ.

ಶಿವಮೊಗ್ಗ ಜಂಬೂಸವಾರಿಯಲ್ಲಿ ಕೊನೆ ಕ್ಷಣದ ಟ್ವಿಸ್ಟ್: ಸಾಗರ್ OUT, ಹೊಸ ಹೀರೋ ಸೋಮಣ್ಣ IN!

Sumanth SN — Wed, 21 Oct 2026 15:22:11 +0530

ಶಿವಮೊಗ್ಗ: ಮೈಸೂರಿನ ಬಳಿಕ ರಾಜ್ಯದಲ್ಲಿ ಅತೀ ಹೆಚ್ಚು ಖ್ಯಾತಿಯನ್ನು ಶಿವಮೊಗ್ಗ ದಸರಾ ಪಡೆದುಕೊಂಡಿದೆ. ಆದರೆ ಈ ಬಾರಿಯ ದಸರಾದಲ್ಲಿ ನಿರೀಕ್ಷಿತ ಬದಲಾವಣೆಯಾಗಿದ್ದು, ಅಂಬಾರಿ ಹೊರುವ ಆನೆಯನ್ನು ಕೊನೆಯ ಕ್ಷಣದಲ್ಲಿ ಬದಲಾವಣೆ ಮಾಡಲಾಗಿದೆ. ಈ ಹಿಂದೆ ನಿಗದಿಪಡಿಸಲಾಗಿದ್ದ ಸಾಗರ್ ಆನೆಯೂ ಅಂಬಾರಿ ಹೊರುವ ರೇಸ್‌ನಿಂದ ಹೊರ ನಡೆದಿದ್ದು, ಸೋಮಣ್ಣ ಆನೆಗೆ ಈಗ ಹೊಸದಾಗಿ ಜವಾಬ್ದಾರಿ ನೀಡಲಾಗಿದೆ.

ಕಳೆದ ಆರು ವರ್ಷಗಳಿಂದ ಸಾಗರ್ ಆನೆ ಅಂಬಾರಿ ಹೊರುವ ಜವಾಬ್ದಾರಿಯನ್ನು ನಿರ್ವಹಿಸಿತ್ತು. ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಸೋಮಣ್ಣ ಆನೆ ಅಂಬಾರಿ ಹೊರಲಿದೆ. ಸಾಗರ್ ಆನೆ ಕಾಲು ನೋವಿನಿಂದ ಬಳಲುತ್ತಿದ್ದು, ಯಾವುದೇ ರಿಸ್ಕ್ ತೆಗೆದುಕೊಕೊಳ್ಳಲು ಮುಂದಾಗದ ಅರಣ್ಯ ಇಲಾಖೆ ಮಹತ್ವದ ನಿರ್ಧಾರ ಕೈಗೊಂಡಿದೆ.

ಸೋಮಣ್ಣನಿಗೆ ಇದು ಅಗ್ನಿಪರೀಕ್ಷೆ

ಅಂದಹಾಗೇ, ಖದರ್ ಸೋಮಣ್ಣ ಆನೆ ಸಕ್ರೆಬೈಲು ಬಿಡಾರದಿಂದ ಬಂದಿದ್ದು, ಇದೇ ಮೊದಲ ಬಾರಿಗೆ ಜಂಬೂಸವಾರಿಯಲ್ಲಿ ಅಂಬಾರಿಯನ್ನು ಹೊರಲಿದೆ. 650 KG ಬೆಳ್ಳಿ ಅಂಬಾರಿ ಹೊರುವ ಜವಾಬ್ದಾರಿ ಸೋಮಣ್ಣ ಹೆಗಲೇರಿದೆ. ಕಳೆದ ಆರು ವರ್ಷಗಳಿಂದ ಅಂಬಾರಿ ಹೊರುತ್ತಿದ್ದ ಸಾಗರ್ ಬದಲು ಸೋಮಣ್ಣಗೆ ಜವಾಬ್ದಾರಿ ನೀಡಲಾಗಿದೆ. ಆದರೆ ಈ ಹಿಂದೆಯೂ ಸಾಗರ್ ಆನೆ ಅಂಬಾರಿ ಹೊರುವ ಜವಾಬ್ದಾರಿಯನ್ನು ಮಿಸ್ ಮಾಡಿಕೊಂಡಿತ್ತು.

ಶಿವಮೊಗ್ಗ ದಸರಾದಲ್ಲಿ ಸಾಗರ್ ಗೆ ಕಂಟಕ

2019ರ ದಸರಾ ಸಂದರ್ಣದಲ್ಲಿ ಸಾಗರ್ ಆನೆ ಕೊನೆಯ ಕ್ಷಣದಲ್ಲಿ ಅಸ್ವಸ್ಥ ಆಗಿತ್ತು. ಈ ಸಂದರ್ಭದಲ್ಲಿ ಅಂಬಾರಿಯನ್ನು ಲಾರಿ ಮೇಲೆ ಮೆರವಣಿಗೆ ಮಾಡಲಾಗಿತ್ತು. ಆ ಬಳಿಕ 2021ರಲ್ಲಿ ಕೋವಿಡ್ ಕಾರಣ ತಾಲೀಮು ಇರಲಿಲ್ಲ, ಆದ್ದರಿಂದ ಅಂಬಾರಿ ಹೊತ್ತಿರಲಿಲ್ಲ. 2023ರಲ್ಲಿ ವಿಜಯದಶಮಿ ಹಿಂದಿನ ದಿನ ಕುಮ್ಕಿ ಆನೆ ನೇತ್ರಾವತಿ ಮರಿ ಹಾಕಿತ್ತು. ಹಾಗಾಗಿ ಆನೆ ಮೇಲೆ ಅಂಬಾರಿ ಇರಲಿಲ್ಲ. ಈ ಬಾರಿ ಅಂಬಾರಿ ಹೊರಬೇಕಿತ್ತು, ಆದರೆ ಕಾಲು ನೋವಿನಿಂದ ಅಂಬಾರಿ ಹೊರುವ ಜವಾಬ್ದಾರಿಯನ್ನು ಬದಲಾವಣೆ ಮಾಡಲಾಗಿದೆ.

ಇಂದು ಮಧ್ಯಾಹ್ನ ಕೋಟೆ ಶಿವಪ್ಪನಾಯಕ ಅರಮನೆ ಮುಂಭಾಗದಿಂದ ಅಲ್ಲಮಪ್ರಭು ಮೈದಾನದವರೆಗೆ ಜಂಬೂಸವಾರಿ ನಡೆಯಲಿದ್ದು, ಸೋಮಣ್ಣ ಆನೆ ಅಂಬಾರಿ ಹೊರಲಿದ್ದಾನೆ. ಸೋಮಣ್ಣ ಜೊತೆಗೆ ಸಾಗರ್ ಮತ್ತು ಬಹದ್ದೂರ್ ಆನೆಗಳು ಸಾಥ್ ನೀಡಲಿವೆ.

ದೀಪಾವಳಿಗೆ ಗುಡ್ ನ್ಯೂಸ್, ಚಿನ್ನದ ಬೆಲೆಯಲ್ಲಿ ಭಾರಿ ಇಳಿಕೆ ಸೂಚಿಸಿದ ತಜ್ಞರ ತಂಡ

Chethan Kumar — Wed, 21 Oct 2026 15:21:32 +0530

ದಸರಾ ಹಬ್ಬದ ಸಂಭ್ರಮ ಕಳೆಗಟ್ಟಿದೆ. ಕೆಲವೇ ದಿನಗಳಲ್ಲಿ ದೀಪಾವಳಿ ಹಬ್ಬದ ಸಂಭ್ರಮ ಮನೆ ಮಾಡಲಿದೆ. ಇದೀಗ ಆರ್ಥಿಕ ತಜ್ಞರ ತಂಡ ಗುಡ್ ನ್ಯೂಸ್ ನೀಡಿದೆ. ದೀಪಾವಳಿಗೆ ಚಿನ್ನದ ಬೆಲೆಯಲ್ಲಿ ಭಾರಿ ಇಳಿಕೆಯಾಗಲಿದೆ ಎಂದು ಸೂಚಿಸಿದೆ.

ಚಿನ್ನದ ದುಬಾರಿ ಪಟ್ಟ ಕಳಚುತಾ? ಆರ್ಥಿಕ ತಜ್ಞರು ಮಹತ್ವದ ಸೂಚನೆಯೊಂದು ನೀಡಿದ್ದಾರೆ. ಈ ಬಾರಿ ದೀಪಾವಳಿ ವೇಳೆಗೆ ಚಿನ್ನದ ಬೆಲೆಯಲ್ಲಿ ಭಾರಿ ಇಳಿಕೆಯಾಲಿದೆ ಎಂದಿದ್ದಾರೆ. ಸದ್ಯ ಚಿನ್ನದ ಬೆಲೆ ನಿಧಾನವಾಗಿ ಇಳಿಕೆಯಾಗುತ್ತಿದೆ. ದೀಪಾವಳಿ ವೇಳೆಗೆ ಗಣನೀಯ ಇಳಿಕೆಯೊಂದಿಗೆ ಗ್ರಾಹಕರ ಕೈಸೇರಲಿದೆ ಎಂದು ಆರ್ಥಿಕ ತಜ್ಞರು ಸೂಚಿಸಿದ್ದಾರೆ. ಸದ್ಯ ಇಳಿಕೆಯಸ ಪ್ರಮಾಣ, ಚಿನ್ನದ ಬೆಲೆ ಇಳಿಕೆ ಕಾರಣಗಳನ್ನು ತಜ್ಞರು ಸೂಚಿಸಿದ್ದಾರೆ.

ಇಂದು (ಅ.21) ಚಿನ್ನದ ಬೆಲೆ ಇಳಿಕೆಯತ್ತ ಸಾಗಿದೆ. ಎಂಸಿಎಕ್ಸ್ ಮಾರುಕಟ್ಟೆಯಲ್ಲಿ ಇಂದು ಚಿನ್ನದ ಬೆಲೆಯಲ್ಲಿ ಶೇಕಡಾ 0.03ರಷ್ಟು ಇಳಿಕೆ ಕಂಡಿದೆ. ಈ ಮೂಲಕ 10 ಗ್ರಾಂ ಚಿನ್ನದ ಬೆಲೆ 1,46,482 ರೂಪಾಯಿ ಆಗಿದೆ. ಇದಕ್ಕೂ ಮೊದಲು ಚಿನ್ನ ಮಾರುಕಟ್ಟೆಯಲ್ಲಿ ಮುಕ್ತಾಯದ ವ್ಯಾಪಾರ ವೇಳೆ 1,46,519 ರೂಪಾಯಿಗೆ ವಹಿವಾಟು ಮುಗಿಸಿತ್ತು.

ಭಾರತ ಸೇರಿದಂತೆ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಇಳಿಕೆಯಾಗಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ 0.3ರಷ್ಟು ಇಳಿಕೆಯಾಗಿದೆ.ಪ್ರತಿ ಔನ್ಸ್‌ಗೆ $4,128.92 ಆಗಿತ್ತು. ಚಿನ್ನ ನಿಧಾನವಾಗಿ ಬೆಲೆಯ ಭಾರ ಇಳಿಸುತ್ತಿದೆ. ಇದಕ್ಕೆ ಕಾರಣಗಳು ಸ್ಪಷ್ಟವಾಗಿದೆ.

ದೀಪಾವಳಿ, ದಾಂತೇರಸ್ ವೇಳೆ ಚಿನ್ನದ ಬೆಲೆಯಲ್ಲಿ ಇಳಿಕೆಯಾಕಲಿದೆ. ಈ ವೇಳೆ ಚಿನ್ನದ ಬೇಡಿಕೆ ಭಾರತದಲ್ಲಿ ಹೆಚ್ಚಾಗಲಿದೆ. ಆದರೂ ಬೆಲೆ ಕೈಗೆಟುಕಲಿದೆ ಎಂದು ತಜ್ಞರು ಸೂಚಿಸಿದ್ದಾರೆ. ಆದರೆ ದೀಪಾವಳಿ, ದಾಂತೇರಸ್ ಬೆನ್ನಲ್ಲೇ ಚಿನ್ನದ ಬೆಲೆಯಲ್ಲಿ ಕೊಂಚ ಏರಿಕೆಯಾಗಲಿದೆ. ಮದುವೆ ಸೀಸನ್ ಸೇರಿದಂತೆ ಇತಲ ಕೆಲ ಕಾರಣಗಳಿಂದ ಚಿನ್ನದ ಬೇಡಿಕೆ ಹೆಚ್ಚಾಗಲಿದೆ ಎಂದು ತಜ್ಞರೂ ಸೂಚಿಸಿದ್ದಾರೆ.

ಹೌಥಿ ಬಂಡುಕೋರರು ಸೌದಿ ಅರೆಬಿಯಾ ಹಲವೆಡೆ ದಾಳಿ ಮಾಡುತ್ತಿದ್ದಾರೆ. ತೈಲ ಘಟಕ, ವಿಮಾನ ನಿಲ್ದಾಣ ಸೇರಿದಂತೆ ಹಲವೆಡೆ ದಾಳಿಯಾಗಿದೆ. ಜಲಸಂಧಿಗಳಲ್ಲಿ ತೈಲ ಹಡಕುಗಳ ಮೇಲೆ ದಾಳಿ ಮಾಡುತ್ತಿದ್ದಾರೆ. ಇದರಿಂದ ತೈಲ ಬೆಲೆ ಏರಿಕೆಯಾಗುತ್ತದೆ. ಪರಿಣಾಣ ಎಲ್ಲಾ ವಸ್ತುಗಳ ಬೆಲೆ ಏರಿಕೆಯಾಗಲಿದೆ. ಹಣದುಬ್ಬರ ನಿಯಂತ್ರಿಸಲು ಬಡ್ಡಿ ದರ ಏರಿಕೆ ಮಾಡಿದರೆ ಹೂಡಿಕೆದಾರರು ರಿಟರ್ನ್ಸ್ ಮೇಲೆ ಹೂಡಿಕೆ ಹೆಚ್ಚು ಮಾಡುತ್ತಾರೆ. ಇದರಿಂದ ಚಿನ್ನ ಮೇಲಿನ ಹೂಡಿಕೆ ಕಡಿಮೆಯಾಗಲಿದೆ ಎಂದು ತಜ್ಞರು ಸೂಚಿಸಿದ್ದಾರೆ.

First Train: ಸ್ವಾತಂತ್ರ್ಯ ಬಂದು 79 ವರ್ಷಗಳ ಬಳಿಕ ಈ ಪಟ್ಟಣಕ್ಕೆ ಮೊದಲ ರೈಲು! ₹1,628 ಕೋಟಿ ವೆಚ್ಚದಲ್ಲಿ 2 ಹೊಸ ರೈಲು ಆರಂಭ

Sushma Hegde — Wed, 21 Oct 2026 15:03:58 +0530

ಭಾರತಕ್ಕೆ ಸ್ವಾತಂತ್ರ್ಯ ಬಂದು 79 ವರ್ಷಗಳ ಬಳಿಕ ಛತ್ತೀಸ್‌ಗಢದ ಈ ದೂರದ ಪಟ್ಟಣಕ್ಕೆ ಮೊದಲ ಬಾರಿಗೆ ರೈಲು ಸಂಪರ್ಕ ಕಲ್ಪಿಸಲಾಗಿದೆ. ದಶಕಗಳ ಕಾಯುವಿಕೆಗೆ ಕೊನೆಗೂ ತೆರೆ ಬಿದ್ದಿದ್ದು, ₹1,628 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾದ ರೈಲು ಮಾರ್ಗ ಲೋಕಾರ್ಪಣೆಗೊಂಡಿದೆ. ಇದರೊಂದಿಗೆ ಎರಡು ಹೊಸ ಪ್ರಯಾಣಿಕ ರೈಲುಗಳಿಗೂ ಚಾಲನೆ ನೀಡಲಾಗಿದೆ. ಈ ಹೊಸ ರೈಲು ಸಂಪರ್ಕದಿಂದ ಸ್ಥಳೀಯ ಜನರ ಪ್ರಯಾಣ ಸುಲಭವಾಗುವುದಷ್ಟೇ ಅಲ್ಲದೆ, ಶಿಕ್ಷಣ, ಆರೋಗ್ಯ, ಉದ್ಯೋಗ ಮತ್ತು ವ್ಯಾಪಾರ ಕ್ಷೇತ್ರಗಳಿಗೂ ಹೊಸ ಅವಕಾಶಗಳು ಸಿಗುವ ನಿರೀಕ್ಷೆಯಿದೆ.

79 ವರ್ಷಗಳ ಬಳಿಕ ರೋಘಾಟ್‌ಗೆ ರೈಲು ಸಂಪರ್ಕ!

ಛತ್ತೀಸ್‌ಗಢದ ರೋಘಾಟ್ ಪ್ರದೇಶಕ್ಕೆ ಸ್ವಾತಂತ್ರ್ಯಾನಂತರ ಇದೇ ಮೊದಲ ಬಾರಿಗೆ ರಾಷ್ಟ್ರೀಯ ರೈಲ್ವೆ ಜಾಲದ ಸಂಪರ್ಕ ದೊರೆತಿದೆ. ಮಂಗಳವಾರ ನಡೆದ ಕಾರ್ಯಕ್ರಮದಲ್ಲಿ ತಾಡೋಕಿ–ರೋಘಾಟ್ ಬ್ರಾಡ್‌ಗೇಜ್ ರೈಲು ಮಾರ್ಗವನ್ನು ಉದ್ಘಾಟಿಸಲಾಯಿತು. ಇದೇ ಸಂದರ್ಭದಲ್ಲಿ ಅಭನ್‌ಪುರ–ಕುರೂದ್ ರೈಲು ಮಾರ್ಗಕ್ಕೂ ಚಾಲನೆ ನೀಡಲಾಯಿತು. ಛತ್ತೀಸ್‌ಗಢ ಮುಖ್ಯಮಂತ್ರಿ ವಿಷ್ಣು ದೇವ್ ಸಾಯಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ವಿಡಿಯೋ ಕಾನ್ಫರೆನ್ಸ್ ಮೂಲಕ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು. ಇದೇ ವೇಳೆ ರಾಯ್‌ಪುರದಲ್ಲಿ ಎಲೆಕ್ಟ್ರಿಕ್ ಲೋಕೋಮೋಟಿವ್ ನಿರ್ವಹಣಾ ಘಟಕ ನಿರ್ಮಾಣಕ್ಕೆ ಶಂಕುಸ್ಥಾಪನೆಯನ್ನೂ ನೆರವೇರಿಸಲಾಯಿತು.

₹1,628 ಕೋಟಿ ವೆಚ್ಚದಲ್ಲಿ ನಿರ್ಮಾಣವಾದ ರೈಲು ಮಾರ್ಗ

ದಳ್ಳಿ–ರಾಜಹರಾ–ರೋಘಾಟ್ ರೈಲು ಯೋಜನೆಯ ಒಟ್ಟು ಉದ್ದ 95 ಕಿಲೋಮೀಟರ್. ₹1,628 ಕೋಟಿ ವೆಚ್ಚದ ಈ ಯೋಜನೆಯ ಅಂತಿಮ 17.5 ಕಿಲೋಮೀಟರ್ ಉದ್ದದ ತಾಡೋಕಿ–ರೋಘಾಟ್ ಮಾರ್ಗದ ಉದ್ಘಾಟನೆಯೊಂದಿಗೆ ರೈಲು ಸಂಪರ್ಕ ಪೂರ್ಣಗೊಂಡಿದೆ. ಇದುವರೆಗೆ ಸೀಮಿತ ಸಾರಿಗೆ ಸೌಲಭ್ಯಗಳನ್ನು ಅವಲಂಬಿಸಿದ್ದ ಈ ಭಾಗದ ಜನರಿಗೆ ರೈಲು ಸೇವೆ ದೊಡ್ಡ ಅನುಕೂಲವಾಗಲಿದೆ. ದೂರದ ಊರುಗಳಿಂದ ನಗರಗಳಿಗೆ ತೆರಳುವ ಪ್ರಯಾಣಿಕರಿಗೆ ಸಮಯ ಮತ್ತು ಪ್ರಯಾಣದ ತೊಂದರೆ ಕಡಿಮೆಯಾಗುವ ನಿರೀಕ್ಷೆಯಿದೆ.

ಮುಖ್ಯಮಂತ್ರಿ ವಿಷ್ಣು ದೇವ್ ಸಾಯಿ ಮಾತನಾಡಿ, ರಾಜ್ಯದಲ್ಲಿ ರೈಲ್ವೆ ಸೇರಿದಂತೆ ವಿವಿಧ ಕ್ಷೇತ್ರಗಳ ಅಭಿವೃದ್ಧಿ ಕಾರ್ಯಗಳು ವೇಗವಾಗಿ ನಡೆಯುತ್ತಿವೆ ಎಂದು ತಿಳಿಸಿದರು. ಪ್ರಸಕ್ತ ರೈಲ್ವೆ ಬಜೆಟ್‌ನಲ್ಲಿ ಛತ್ತೀಸ್‌ಗಢಕ್ಕೆ ₹7,000 ಕೋಟಿಗೂ ಅಧಿಕ ಅನುದಾನ ದೊರೆತಿದೆ ಎಂದೂ ಅವರು ಹೇಳಿದರು.

ಎರಡು ಹೊಸ ರೈಲು ಸೇವೆಗಳಿಗೆ ಚಾಲನೆ

ರೋಘಾಟ್‌ಗೆ ರೈಲು ಸಂಪರ್ಕ ಕಲ್ಪಿಸುವುದರ ಜೊತೆಗೆ ಎರಡು ಹೊಸ ಪ್ರಯಾಣಿಕ ರೈಲು ಸೇವೆಗಳನ್ನು ಆರಂಭಿಸಲಾಗಿದೆ.

ರೋಘಾಟ್–ರಾಯ್‌ಪುರ ರೈಲು: ರೋಘಾಟ್ ಭಾಗದ ಜನರಿಗೆ ರಾಜ್ಯ ರಾಜಧಾನಿ ರಾಯ್‌ಪುರ ತಲುಪಲು ಅನುಕೂಲ.

ರಾಯ್‌ಪುರ–ಕುರೂದ್ ರೈಲು: ಕುರೂದ್ ಮತ್ತು ಸುತ್ತಮುತ್ತಲಿನ ಪ್ರದೇಶಗಳ ಪ್ರಯಾಣಿಕರಿಗೆ ಹೆಚ್ಚಿನ ಸಾರಿಗೆ ಆಯ್ಕೆ.

ಈ ರೈಲು ಸೇವೆಗಳಿಂದ ವಿದ್ಯಾರ್ಥಿಗಳು, ಉದ್ಯೋಗಿಗಳು, ವ್ಯಾಪಾರಿಗಳು ಹಾಗೂ ಚಿಕಿತ್ಸೆಗೆ ನಗರಗಳಿಗೆ ತೆರಳುವ ಜನರಿಗೆ ಅನುಕೂಲವಾಗಲಿದೆ. ಸಣ್ಣ ಪಟ್ಟಣಗಳು ಮತ್ತು ದೊಡ್ಡ ವಾಣಿಜ್ಯ ಕೇಂದ್ರಗಳ ನಡುವಿನ ಸಂಪರ್ಕ ಸುಧಾರಿಸುವುದರಿಂದ ಸ್ಥಳೀಯ ವ್ಯಾಪಾರಕ್ಕೂ ಉತ್ತೇಜನ ಸಿಗಬಹುದು.

ಕೈಗಾರಿಕೆಗಳಿಗೂ ಸಿಗಲಿದೆ ರೈಲು ಸಂಪರ್ಕದ ಬಲ

ರೋಘಾಟ್ ರೈಲು ಮಾರ್ಗದ ಮಹತ್ವ ಪ್ರಯಾಣಿಕರ ಸಂಚಾರಕ್ಕೆ ಮಾತ್ರ ಸೀಮಿತವಾಗಿಲ್ಲ. ಈ ಪ್ರದೇಶದಲ್ಲಿ ಕಬ್ಬಿಣದ ಅದಿರಿನ ಸಂಪನ್ಮೂಲಗಳಿದ್ದು, ರೈಲು ಸಂಪರ್ಕವು ಅದಿರನ್ನು ಕೈಗಾರಿಕೆಗಳಿಗೆ ಸಾಗಿಸಲು ನೆರವಾಗುವ ನಿರೀಕ್ಷೆಯಿದೆ. ವಿಶೇಷವಾಗಿ ಭಿಲಾಯಿ ಉಕ್ಕಿನ ಕಾರ್ಖಾನೆಯಂತಹ ಕೈಗಾರಿಕೆಗಳಿಗೆ ಅಗತ್ಯವಿರುವ ಕಚ್ಚಾ ವಸ್ತುಗಳ ಸಾಗಣೆಗೆ ಈ ಮಾರ್ಗ ಉಪಯುಕ್ತವಾಗಬಹುದು. ರೈಲು ಮೂಲಕ ಸರಕು ಸಾಗಣೆ ಸುಗಮವಾದರೆ ಸಾರಿಗೆ ವೆಚ್ಚ ಮತ್ತು ಸಮಯವನ್ನು ಕಡಿಮೆ ಮಾಡುವ ಅವಕಾಶವಿದೆ. ಇದರಿಂದ ಕೈಗಾರಿಕಾ ಚಟುವಟಿಕೆಗಳು ಹೆಚ್ಚಾಗಿ, ಸ್ಥಳೀಯವಾಗಿ ಉದ್ಯೋಗಾವಕಾಶಗಳೂ ಸೃಷ್ಟಿಯಾಗಬಹುದು.

ಛತ್ತೀಸ್‌ಗಢದಲ್ಲಿ ರೈಲ್ವೆ ಜಾಲ ವಿಸ್ತರಣೆ

ಛತ್ತೀಸ್‌ಗಢದಲ್ಲಿ ಹೊಸ ರೈಲು ಮಾರ್ಗಗಳು, ಗೇಜ್ ಪರಿವರ್ತನೆ ಮತ್ತು ಹೆಚ್ಚುವರಿ ಹಳಿಗಳ ನಿರ್ಮಾಣದ ಮೂಲಕ ರೈಲ್ವೆ ಮೂಲಸೌಕರ್ಯವನ್ನು ವಿಸ್ತರಿಸಲಾಗುತ್ತಿದೆ ಎಂದು ಕೇಂದ್ರ ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ತಿಳಿಸಿದ್ದಾರೆ. ಖಾರ್ಸಿಯಾ–ಪರಮಲ್ಕಾಸಾ ಡಬಲ್ ಲೈನ್ ಯೋಜನೆಯ ಕಾಮಗಾರಿ ಪ್ರಗತಿಯಲ್ಲಿದೆ. ಪೆಂದ್ರಾ ರೋಡ್–ಬಿಲಾಸ್ಪುರ–ಉಸ್ಲಾಪುರ ಮಾರ್ಗದಲ್ಲಿ ಮೂರನೇ ರೈಲು ಹಳಿ ನಿರ್ಮಾಣಕ್ಕೂ ಕೇಂದ್ರ ಸಚಿವ ಸಂಪುಟ ಇತ್ತೀಚೆಗೆ ಅನುಮೋದನೆ ನೀಡಿದೆ. ಈ ಯೋಜನೆಗಳು ರೈಲು ಸಂಚಾರದ ಸಾಮರ್ಥ್ಯ ಹೆಚ್ಚಿಸುವುದು, ಪ್ರಯಾಣಿಕರ ಸಂಪರ್ಕ ಸುಧಾರಿಸುವುದು ಮತ್ತು ಕೈಗಾರಿಕಾ ಬೆಳವಣಿಗೆಗೆ ನೆರವಾಗುವುದನ್ನು ಗುರಿಯಾಗಿಸಿಕೊಂಡಿವೆ.

ಅಭನ್‌ಪುರ–ಕುರೂದ್ ಬ್ರಾಡ್‌ಗೇಜ್ ಮಾರ್ಗವೂ ಉದ್ಘಾಟನೆ

ಇದೇ ಕಾರ್ಯಕ್ರಮದಲ್ಲಿ 22 ಕಿಲೋಮೀಟರ್ ಉದ್ದದ ಅಭನ್‌ಪುರ–ಕುರೂದ್ ಬ್ರಾಡ್‌ಗೇಜ್ ರೈಲು ಮಾರ್ಗವನ್ನೂ ಉದ್ಘಾಟಿಸಲಾಯಿತು. ಇದು ಅಭನ್‌ಪುರ–ಧಮ್ತರಿ ರೈಲ್ವೆ ಯೋಜನೆಯ ಭಾಗವಾಗಿದೆ. ಅಭನ್‌ಪುರದಿಂದ ರಾಜಿಮ್‌ವರೆಗೆ ಗೇಜ್ ಪರಿವರ್ತನೆಯ ಬಳಿಕ ಈಗಾಗಲೇ ಪ್ರಯಾಣಿಕ ರೈಲು ಸೇವೆಗಳು ಕಾರ್ಯನಿರ್ವಹಿಸುತ್ತಿವೆ. ಕುರೂದ್–ಧಮ್ತರಿ ನಡುವಿನ ಉಳಿದ ಮಾರ್ಗದ ಕಾಮಗಾರಿ ಮುಂದುವರಿದಿದ್ದು, ಶೀಘ್ರದಲ್ಲೇ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.

Solar project; ಬರೋಬ್ಬರಿ 1,000 ಮೆಗಾವ್ಯಾಟ್ ಸೋಲಾರ್ ಪವರ್! ದೇಶದ ಗಮನ ಸೆಳೆಯುತ್ತಿದೆ ಕರ್ನಾಟಕದ ಈ ಮೆಗಾ ಪ್ಲಾನ್

Bhimasi M Koleppanavar — Wed, 21 Oct 2026 14:55:42 +0530

ಕರ್ನಾಟಕ ರಾಜ್ಯವು ಹಸಿರು ಇಂಧನ ಮತ್ತು ಸುಸ್ಥಿರ ಮೂಲಸೌಕರ್ಯ ಕ್ಷೇತ್ರದಲ್ಲಿ ಬೃಹತ್ ಯೋಜನೆಗಳನ್ನು ಕೈಗೆತ್ತಿಕೊಳ್ಳುವ ಮೂಲಕ ಭಾರಿ ಮುನ್ನಡೆ ಸಾಧಿಸುತ್ತಿದೆ. ಸೌರ ವಿದ್ಯುತ್, ಬ್ಯಾಟರಿ ಇಂಧನ ಶೇಖರಣಾ ವ್ಯವಸ್ಥೆ , ಹಸಿರು ಹೈಡ್ರೋಜನ್ ಹಾಗೂ ಇಕೋ-ಫ್ರೆಂಡ್ಲಿ ಡೇಟಾ ಸೆಂಟರ್‌ಗಳ ಸ್ಥಾಪನೆಗೆ ರಾಜ್ಯ ಸರ್ಕಾರ ಮತ್ತು ವಿವಿಧ ಇಂಧನ ಸಂಸ್ಥೆಗಳು ಭರದಿಂದ ಕಾರ್ಯನಿರ್ವಹಿಸುತ್ತಿವೆ.

1,000 MW ಸೌರ ಹಾಗೂ ಬೃಹತ್ BESS ಯೋಜನೆಗಳು!

ಕರ್ನಾಟಕ ವಿದ್ಯುತ್ ನಿಗಮ ನಿಯಮಿತವು ರಾಜ್ಯದಾದ್ಯಂತ 1,000 MW ಸಾಮರ್ಥ್ಯದ ಸೌರ ವಿದ್ಯುತ್ ಯೋಜನೆ ಹಾಗೂ 2,000 MWh (2 ಗಂಟೆಗಳ ಅವಧಿ) ಬ್ಯಾಟರಿ ಇಂಧನ ಶೇಖರಣಾ ವ್ಯವಸ್ಥೆ ಸ್ಥಾಪಿಸಲು ಜಾಗತಿಕ ಟೆಂಡರ್ ಆಹ್ವಾನಿಸಿದೆ. ಹಗಲಿನಲ್ಲಿ ಉತ್ಪಾದನೆಯಾಗುವ ಹೆಚ್ಚುವರಿ ಸೌರ ವಿದ್ಯುತ್ ಅನ್ನು ಸಂಗ್ರಹಿಸಿ, ವಿದ್ಯುತ್ ಬೇಡಿಕೆ ಹೆಚ್ಚಿರುವ ಪೀಕ್ ಅವಧಿಯಲ್ಲಿ ಪೂರೈಸಲು ಹಾಗೂ ಗ್ರಿಡ್ ಸ್ಥಿರತೆಯನ್ನು ಕಾಯ್ದುಕೊಳ್ಳಲು ಈ ಬೃಹತ್ ಯೋಜನೆ ರೂಪಿಸಲಾಗಿದೆ. ಇದಲ್ಲದೆ, ಕರ್ನಾಟಕ ನವೀಕರಿಸಬಹುದಾದ ಇಂಧನ ಅಭಿವೃದ್ಧಿ ನಿಯಮಿತವು ಕುಷ್ಟಗಿಯಲ್ಲಿ 250 MW / 500 MWh ಮತ್ತು ಹುಲಿಯೂರುದುರ್ಗದಲ್ಲಿ 200 MW / 400 MWh ಸಾಮರ್ಥ್ಯದ ಒಟ್ಟು 450 MW / 900 MWh ಪ್ರತ್ಯೇಕ ಯೋಜನೆಗಳ ನಿರ್ಮಾಣಕ್ಕೆ ಜಾಗತಿಕ ಬಿಡ್ ಕರೆದಿದೆ. ಈ ಯೋಜನೆಗಳಿಗೆ ಕೇಂದ್ರ ಸರ್ಕಾರದ ಮಾರ್ಗದರ್ಶನದಂತೆ ಪ್ರತಿ MWh ಗೆ ₹18 ಲಕ್ಷದಂತೆ ವಯಾಬಿಲಿಟಿ ಗ್ಯಾಪ್ ಫಂಡಿಂಗ್ ಅನುದಾನ ಸಹ ಲಭ್ಯವಾಗಲಿದೆ.

ಪಾವಗಡ ಸೌರ ಪಾರ್ಕ್‌ನಲ್ಲಿ ಪೇಸ್ ಡಿಜಿಟೆಕ್ ಜಯ!

ಕೆಆರ್‌ಇಡಿಎಎಲ್ ಆಯೋಜಿಸಿದ್ದ ಪಾವಗಡ ಸೌರ ಪಾರ್ಕ್‌ನ ಟೆಂಡರ್‌ನಲ್ಲಿ ಪೇಸ್ ಡಿಜಿಟೆಕ್ ಸಂಸ್ಥೆಯು 250 MW ಸೌರ ಯೋಜನೆ ಮತ್ತು 1,100 MWh ಯೋಜನೆಯನ್ನು ಪಡೆದುಕೊಂಡಿದೆ. ಅಂದಾಜು ₹1,775 ಕೋಟಿ ವೆಚ್ಚದ ಈ ಯೋಜನೆಗೆ ಬೆಸ್ಕಾಂ ಜತೆ ಯೂನಿಟ್‌ಗೆ ₹5.51 ದರದಲ್ಲಿ 25 ವರ್ಷಗಳ ಸುದೀರ್ಘ ವಿದ್ಯುತ್ ಖರೀದಿ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ. ಇದು ಮುಂದಿನ 18 ತಿಂಗಳೊಳಗೆ ಸಂಪೂರ್ಣವಾಗಿ ಕಾರ್ಯಾರಂಭ ಮಾಡಲಿದೆ.

ಮಾದರಿ ಸೌರ ಗ್ರಾಮಗಳು ಮತ್ತು ಹೈಡ್ರೋಜನ್ ಘಟಕ!

ಕೇಂದ್ರ ಸರ್ಕಾರದ ಮಾದರಿ ಸೌರ ಗ್ರಾಮ ಯೋಜನೆಯಡಿ ಮಂಡ್ಯ ಜಿಲ್ಲೆಯ ಮದ್ದೂರು ತಾಲೂಕಿನ ಬೆಸಗರಹಳ್ಳಿ ಮತ್ತು ಕೇಸ್ತೂರು ಗ್ರಾಮಗಳನ್ನು ಸಾಮರ್ಥ್ಯವುಳ್ಳ ಅಭ್ಯರ್ಥಿಗಳಾಗಿ ಆಯ್ಕೆ ಮಾಡಲಾಗಿದೆ. ಅತ್ಯಧಿಕ ಸೌರ ಶಕ್ತಿ ಅಳವಡಿಸಿಕೊಳ್ಳುವ ಗ್ರಾಮಕ್ಕೆ ₹1 ಕೋಟಿ ಕೇಂದ್ರ ಅನುದಾನ ಸಿಗಲಿದೆ. ಜೊತೆಗೆ, ಬಳ್ಳಾರಿ ಥರ್ಮಲ್ ಪವರ್ ಸ್ಟೇಷನ್ ಆವರಣದಲ್ಲಿ 300 kW ಸಾಮರ್ಥ್ಯದ ಹಸಿರು ಹೈಡ್ರೋಜನ್ ಉತ್ಪಾದನಾ ಘಟಕ ಸ್ಥಾಪಿಸಲು ಕೆಆರ್‌ಇಡಿಎಎಲ್ ಪ್ರಕ್ರಿಯೆ ನಡೆಸುತ್ತಿದೆ.

ಸುಸ್ಥಿರ ಡೇಟಾ ಸೆಂಟರ್ ನೀತಿ (2026-31)!

ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ ಮೂಲಸೌಕರ್ಯವನ್ನು ಹಸಿರು ಇಂಧನದೊಂದಿಗೆ ಸಂಯೋಜಿಸಲು 'ಸುಸ್ಥಿರ ಡೇಟಾ ಸೆಂಟರ್ ನೀತಿ 2026-31' ಜಾರಿಗೆ ತರಲಾಗಿದೆ. ₹13 ಶತಕೋಟಿ ಬಜೆಟ್ ಒಳಗೊಂಡಿರುವ ಈ ನೀತಿಯು 2031ರ ವೇಳೆಗೆ 1 GW IT ಲೋಡ್ ತಲುಪುವ ಗುರಿ ಹೊಂದಿದ್ದು, ಮೈಸೂರು ಮತ್ತು ಮಂಗಳೂರಿನಂತಹ ಪ್ರಾದೇಶಿಕ ನಗರಗಳಲ್ಲೂ ಪರಿಸರಸ್ನೇಹಿ ಡೇಟಾ ಸೆಂಟರ್‌ಗಳನ್ನು ಉತ್ತೇಜಿಸುತ್ತಿದೆ.

₹8 ಲಕ್ಷದೊಳಗೆ ಬೆಸ್ಟ್ SUV ಕಾರುಗಳು: ಟಾಟಾ ನೆಕ್ಸಾನ್‌ನಿಂದ ಸ್ಕೋಡಾ ಕೈಲಾಕ್‌ವರೆಗೆ! ಬೆಸ್ಟ್ ಮೈಲೇಜ್ ಹಾಗೂ ಸೇಫ್ಟಿ ಎಸ್‌ಯುವಿಗಳಿವು!

Naveen Kodase — Wed, 21 Oct 2026 14:54:08 +0530

ಮಾರುಕಟ್ಟೆಯಲ್ಲಿ ಬಜೆಟ್ ಎಸ್‌ಯುವಿ ಕಾರುಗಳಿಗೆ ಯಾವಾಗಲೂ ಭಾರಿ ಡಿಮ್ಯಾಂಡ್ ಇರುತ್ತದೆ. ಕೇವಲ 8 ಲಕ್ಷ ರೂ. ಬಜೆಟ್‌ನಲ್ಲಿ ಬೆಸ್ಟ್ ಮೈಲೇಜ್ ಹಾಗೂ ಟಾಪ್ ಸೇಫ್ಟಿ ಫೀಚರ್ಸ್ ಇರುವ ಕಾರುಗಳು ಈಗ ಲಭ್ಯವಿವೆ. ಮಾರುತಿ, ಟಾಟಾ, ಸ್ಕೋಡಾ ಮತ್ತು ಹ್ಯುಂಡೈ ಕಂಪನಿಯ ಈ ಕಾರುಗಳ ಬೆಲೆ ಹಾಗೂ ಫೀಚರ್ಸ್ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.

8 ಲಕ್ಷದೊಳಗಿನ ಬೆಸ್ಟ್ ಎಸ್‌ಯುವಿ ಕಾರುಗಳು

ನಿಮ್ಮ ಬಜೆಟ್ 8 ಲಕ್ಷ ರೂ. ಇದೆಯಾ? ಫ್ಯಾಮಿಲಿಗಾಗಿ ಒಂದು ಒಳ್ಳೆ ಎಸ್‌ಯುವಿ ಕಾರು ಖರೀದಿಸುವ ಪ್ಲಾನ್ ಮಾಡ್ತಿದ್ದೀರಾ? ಹಾಗಿದ್ದರೆ ಮಾರುಕಟ್ಟೆಯಲ್ಲಿ ನಿಮಗಾಗಿ ಸೂಪರ್ ಆಪ್ಷನ್‌ಗಳಿವೆ. ಮಾರುತಿ ಸುಜುಕಿ ಬ್ರೆಝಾ, ಟಾಟಾ ನೆಕ್ಸಾನ್, ಸ್ಕೋಡಾ ಕೈಲಾಕ್ ಹಾಗೂ ಹ್ಯುಂಡೈ ವೆನ್ಯೂ ಕಾರುಗಳು ಗ್ರಾಹಕರ ಫಸ್ಟ್ ಚಾಯ್ಸ್ ಆಗಿವೆ. ಆದರೆ ಈ ನಾಲ್ಕು ಕಾರುಗಳಲ್ಲಿ ನಿಮ್ಮ ದುಡ್ಡಿಗೆ ತಕ್ಕ ಬೆಲೆ ಕೊಡುವ ಕಾರು ಯಾವುದು ಅಂತ ಡಿಸೈಡ್ ಮಾಡೋದು ಸ್ವಲ್ಪ ಕಷ್ಟ. ಈ ಜನಪ್ರಿಯ ಎಸ್‌ಯುವಿಗಳ ಬೆಲೆ, ಮೈಲೇಜ್, ಇಂಜಿನ್, ಸೇಫ್ಟಿ ಹಾಗೂ ಫೀಚರ್ಸ್ ಬಗ್ಗೆ ನಾವಿಲ್ಲಿ ಹೇಳ್ತೀವಿ.

ಟಾಟಾ ನೆಕ್ಸಾನ್: 5-ಸ್ಟಾರ್ ಸೇಫ್ಟಿ ಜೊತೆಗೆ ಸೂಪರ್ ಮೈಲೇಜ್

ಟಾಟಾ ನೆಕ್ಸಾನ್ ಕಾರಿನ ಆರಂಭಿಕ ಬೆಲೆ ಕೂಡ 7.39 ಲಕ್ಷ ರೂ. (ಎಕ್ಸ್-ಶೋರೂಂ) ಇದೆ. ಈ ಕಾರು 1.2 ಲೀಟರ್ ಟರ್ಬೊ-ಪೆಟ್ರೋಲ್ ಹಾಗೂ 1.5 ಲೀಟರ್ ಡೀಸೆಲ್ ಇಂಜಿನ್ ಆಪ್ಷನ್‌ಗಳಲ್ಲಿ ಸಿಗುತ್ತದೆ. ನೆಕ್ಸಾನ್ ಕಾರು 5 ಸ್ಟಾರ್ ಸೇಫ್ಟಿ ರೇಟಿಂಗ್ ಪಡೆದಿದೆ. ಅಷ್ಟೇ ಅಲ್ಲ, ಇದರಲ್ಲಿ 6 ಏರ್‌ಬ್ಯಾಗ್‌ಗಳು ಸ್ಟ್ಯಾಂಡರ್ಡ್ ಆಗಿ ಬರುತ್ತವೆ. ಕಾರಿನ ಒಳಗೆ 10.25 ಇಂಚಿನ ಟಚ್‌ಸ್ಕ್ರೀನ್, ಡಿಜಿಟಲ್ ಕ್ಲಸ್ಟರ್, 360 ಡಿಗ್ರಿ ಕ್ಯಾಮೆರಾ ಹಾಗೂ ವೆಂಟಿಲೇಟೆಡ್ ಸೀಟ್‌ಗಳಂತಹ ಮಾಡರ್ನ್ ಫೀಚರ್ಸ್ ಇವೆ. ಇದರ ಪೆಟ್ರೋಲ್ ಮಾಡೆಲ್ 17 ರಿಂದ 17.5 ಕಿ.ಮೀ ಮೈಲೇಜ್ ಕೊಟ್ಟರೆ, ಡೀಸೆಲ್ ಮಾಡೆಲ್ ಬರೋಬ್ಬರಿ 23 ರಿಂದ 24 ಕಿ.ಮೀ ಮೈಲೇಜ್ ಕೊಡುತ್ತದೆ.

ಮಾರುತಿ ಸುಜುಕಿ ಬ್ರೆಝಾ: ಸೂಪರ್ ಲುಕ್, ಬೆಸ್ಟ್ ಪರ್ಫಾರ್ಮೆನ್ಸ್

ಮಾರುತಿ ಸುಜುಕಿ ಬ್ರೆಝಾ ಕಾರಿನ ಆರಂಭಿಕ ಬೆಲೆ 7.39 ಲಕ್ಷ ರೂ. (ಎಕ್ಸ್-ಶೋರೂಂ) ಇದೆ. ಕಂಪನಿಯು ಇದರಲ್ಲಿ 1.5 ಲೀಟರ್ K15C ಪೆಟ್ರೋಲ್ ಇಂಜಿನ್ ನೀಡಿದ್ದು, ಇದು ಸ್ಮೂತ್ ಪರ್ಫಾರ್ಮೆನ್ಸ್ ಕೊಡುತ್ತದೆ. ಈ ಕಾರಿನ ಇಂಟೀರಿಯರ್ ತುಂಬಾ ಕಂಫರ್ಟ್ ಆಗಿದ್ದು, ಕ್ಯಾಬಿನ್‌ನಲ್ಲಿ ಒಳ್ಳೆ ಲೆಗ್‌ರೂಮ್ ಸಿಗುತ್ತದೆ.

ಸೇಫ್ಟಿ ವಿಚಾರಕ್ಕೆ ಬಂದರೆ, ಬ್ರೆಝಾ ಕಾರಿನಲ್ಲಿ 6 ಏರ್‌ಬ್ಯಾಗ್‌ಗಳು, 5-ಸ್ಟಾರ್ ಭಾರತ್ NCAP ರೇಟಿಂಗ್, ESP ಹಾಗೂ ಹಿಲ್ ಹೋಲ್ಡ್ ಅಸಿಸ್ಟ್ ಫೀಚರ್ಸ್ ಇವೆ. ಜೊತೆಗೆ 9/10.1 ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್, ಎಲೆಕ್ಟ್ರಿಕ್ ಸನ್‌ರೂಫ್, 360-ಡಿಗ್ರಿ ಕ್ಯಾಮೆರಾ ಮತ್ತು ವೈರ್‌ಲೆಸ್ ಚಾರ್ಜರ್ ಸೌಲಭ್ಯಗಳಿವೆ.

ಸದ್ಯ ಮಾರುತಿ ಸುಜುಕಿ ಕಂಪನಿಯಲ್ಲಿ ಅತಿ ಹೆಚ್ಚು ಸೇಲ್ ಆಗುತ್ತಿರುವ ಮಾಡೆಲ್ ಎಂದರೆ ಇದೇ ಬ್ರೆಝಾ. ಹಬ್ಬದ ಸೀಸನ್‌ನಲ್ಲಿ ಈ ಕಾರು ಭರ್ಜರಿಯಾಗಿ ಸೇಲ್ ಆಗುತ್ತಿದೆ. ದೇಶಾದ್ಯಂತ ಇದುವರೆಗೆ ಬರೋಬ್ಬರಿ 15 ಲಕ್ಷ ಬ್ರೆಝಾ ಕಾರುಗಳು ಮಾರಾಟವಾಗಿವೆ.

ಹ್ಯುಂಡೈ ವೆನ್ಯೂ: ಅರ್ಬನ್ ಸ್ಟೈಲ್ ಜೊತೆಗೆ ಅಡ್ವಾನ್ಸ್ಡ್ ಟೆಕ್ನಾಲಜಿ

ಹ್ಯುಂಡೈ ವೆನ್ಯೂ ಕಾರಿನ ಆರಂಭಿಕ ಬೆಲೆ 7.99 ಲಕ್ಷ ರೂ. (ಎಕ್ಸ್-ಶೋರೂಂ) ನಿಂದ ಶುರುವಾಗುತ್ತದೆ. ಇದರಲ್ಲಿ 1.2 ಲೀಟರ್ ಪೆಟ್ರೋಲ್, 1.0 ಲೀಟರ್ ಟರ್ಬೊ-ಪೆಟ್ರೋಲ್ ಹಾಗೂ 1.5 ಲೀಟರ್ ಡೀಸೆಲ್ ಇಂಜಿನ್ ಆಪ್ಷನ್‌ಗಳಿವೆ. ವೆನ್ಯೂ ಕ್ಯಾಬಿನ್ ತುಂಬಾ ಪ್ರಾಕ್ಟಿಕಲ್ ಆಗಿದೆ. ಇದರಲ್ಲಿ ರಿಕ್ಲೈನಿಂಗ್ ರಿಯರ್ ಸೀಟ್‌ಗಳು ಹಾಗೂ ಆಂಬಿಯೆಂಟ್ ಲೈಟಿಂಗ್ ನೀಡಿದ್ದಾರೆ. ಜೊತೆಗೆ 8 ಇಂಚಿನ ಟಚ್‌ಸ್ಕ್ರೀನ್, ಬ್ಲೂಲಿಂಕ್ ಕನೆಕ್ಟೆಡ್ ಕಾರ್ ಟೆಕ್, ಲೆವೆಲ್-2 ADAS ನಂತಹ ಸೇಫ್ಟಿ ಫೀಚರ್ಸ್ ಇವೆ. ಎಲ್ಲಾ ವೇರಿಯೆಂಟ್‌ಗಳಲ್ಲೂ 6 ಏರ್‌ಬ್ಯಾಗ್‌ಗಳು ಸ್ಟ್ಯಾಂಡರ್ಡ್ ಆಗಿ ಸಿಗುತ್ತವೆ. ಇಂಜಿನ್ ಆಧಾರದ ಮೇಲೆ ಈ ಕಾರು 17 ರಿಂದ 21 ಕಿ.ಮೀ ವರೆಗೆ ಮೈಲೇಜ್ ಕೊಡುತ್ತದೆ.

ಸ್ಕೋಡಾ ಕೈಲಾಕ್: ಪ್ರೀಮಿಯಂ ಡಿಸೈನ್, ಪವರ್‌ಫುಲ್ ಇಂಜಿನ್

ಸ್ಕೋಡಾ ಕೈಲಾಕ್ ಕಾರಿನ ಆರಂಭಿಕ ಬೆಲೆ 7.59 ಲಕ್ಷ ರೂ. (ಎಕ್ಸ್-ಶೋರೂಂ) ಇದೆ. ಕಂಪನಿಯು ಇದರಲ್ಲಿ 1.0 ಲೀಟರ್ TSI ಟರ್ಬೊ-ಪೆಟ್ರೋಲ್ ಇಂಜಿನ್ ನೀಡಿದೆ. ಇದು 115PS ಪವರ್ ಹಾಗೂ 178Nm ಟಾರ್ಕ್ ಉತ್ಪಾದಿಸುತ್ತದೆ. ಈ ಕಾರಿನಲ್ಲಿ 446 ಲೀಟರ್ ಬೂಟ್ ಸ್ಪೇಸ್ ಇದ್ದು, ಫ್ಯಾಮಿಲಿ ಟ್ರಿಪ್‌ಗಳಿಗೆ ಹೇಳಿಮಾಡಿಸಿದಂತಿದೆ. ಇದರಲ್ಲಿ 10.1 ಇಂಚಿನ ಟಚ್‌ಸ್ಕ್ರೀನ್, ವೆಂಟಿಲೇಟೆಡ್ ಸೀಟ್‌ಗಳು ಹಾಗೂ ಆಟೋಮ್ಯಾಟಿಕ್ ಕ್ಲೈಮೇಟ್ ಕಂಟ್ರೋಲ್ ಫೀಚರ್ಸ್ ಇವೆ. ಸೇಫ್ಟಿಗಾಗಿ 6 ಏರ್‌ಬ್ಯಾಗ್‌ಗಳು ಮತ್ತು ರೋಲ್‌ಓವರ್ ಪ್ರೊಟೆಕ್ಷನ್ ನೀಡಿದ್ದಾರೆ. ಈ ಕಾರು ಸುಮಾರು 18 ರಿಂದ 19 ಕಿ.ಮೀ ಮೈಲೇಜ್ ಕೊಡುತ್ತದೆ.

ನಿಮ್ಮ ಫ್ಯಾಮಿಲಿಗೆ ಯಾವ ಎಸ್‌ಯುವಿ ಬೆಸ್ಟ್?

ಯಾವುದೇ ಟೆನ್ಷನ್ ಇಲ್ಲದೆ ಒಳ್ಳೆ ಮೈಲೇಜ್ ಹಾಗೂ ಕಡಿಮೆ ಮೇಂಟೆನೆನ್ಸ್ ಬೇಕು ಎನ್ನುವವರಿಗೆ ಮಾರುತಿ ಬ್ರೆಝಾ ಬೆಸ್ಟ್ ಆಪ್ಷನ್. ಇನ್ನು ಹೆಚ್ಚಿನ ಸೇಫ್ಟಿ ಹಾಗೂ ಡೀಸೆಲ್ ಇಂಜಿನ್ ಇಷ್ಟಪಡುವವರಿಗೆ ಟಾಟಾ ನೆಕ್ಸಾನ್ ಪರ್ಫೆಕ್ಟ್ ಚಾಯ್ಸ್. ಪವರ್‌ಫುಲ್ ಡ್ರೈವಿಂಗ್ ಎಕ್ಸ್‌ಪೀರಿಯೆನ್ಸ್ ಹಾಗೂ ದೊಡ್ಡ ಬೂಟ್ ಸ್ಪೇಸ್ ಬೇಕಿದ್ದರೆ ನೀವು ಸ್ಕೋಡಾ ಕೈಲಾಕ್ ಆಯ್ಕೆ ಮಾಡಬಹುದು. ಮಾಡರ್ನ್ ಡಿಸೈನ್ ಹಾಗೂ ADAS ನಂತಹ ಅಡ್ವಾನ್ಸ್ಡ್ ಫೀಚರ್ಸ್ ಹುಡುಕುತ್ತಿರುವವರಿಗೆ ಹ್ಯುಂಡೈ ವೆನ್ಯೂ ಹೇಳಿಮಾಡಿಸಿದ ಕಾರು.

Skin Care Secret Tips: ನಿಮ್ಮ ಸ್ಕಿನ್ ರೇಷ್ಮೆಯಂತೆ ಹೊಳೆಯಬೇಕೇ? ಹಾಗಿದ್ರೆ ನಿಮ್ಮ ಡಯಟ್ ಹೀಗಿರಲಿ

Shriram Bhat — Wed, 21 Oct 2026 14:51:21 +0530

ತ್ವಚೆಯ ಆರೈಕೆಗೆ ಎಲ್ಲರೂ ಹೆಚ್ಚು ಒತ್ತು ನೀಡುತ್ತಾರೆ. ಆದರೆ ಕೇವಲ ದುಬಾರಿ ಕ್ರೀಮ್‌ಗಳನ್ನು ಹಚ್ಚುವುದರಿಂದ, ಟ್ರೀಟ್‌ಮೆಂಟ್ ತೆಗೆದುಕೊಳ್ಳುವುದರಿಂದ ಮಾತ್ರ ಪ್ರಯೋಜನವಿಲ್ಲ. ತ್ವಚೆ ಒಳಗಿನಿಂದಲೇ ಆರೋಗ್ಯವಾಗಿರಲು ಪೌಷ್ಟಿಕಾಂಶವಿರುವ ಆಹಾರಗಳನ್ನು ಸೇವಿಸುವುದು ಬಹಳ ಮುಖ್ಯ. ಹಾಗಿದ್ರೆ ಏನ್ ತಿನ್ಬೇಕು?

ಕೇವಲ ದುಬಾರಿ ಕ್ರೀಮ್‌ಗಳನ್ನು ಹಚ್ಚುವುದರಿಂದ, ಟ್ರೀಟ್‌ಮೆಂಟ್ ತೆಗೆದುಕೊಳ್ಳುವುದರಿಂದ ಮಾತ್ರ ಪ್ರಯೋಜನವಿಲ್ಲ. ತ್ವಚೆ ಒಳಗಿನಿಂದಲೇ ಆರೋಗ್ಯವಾಗಿರಲು ಪೌಷ್ಟಿಕಾಂಶವಿರುವ ಆಹಾರಗಳನ್ನು ಸೇವಿಸುವುದು ಬಹಳ ಮುಖ್ಯ. ಹಾಗಿದ್ರೆ ಏನ್ ತಿನ್ಬೇಕು? ನೋಡಿ..

ಕುಂಬಳಕಾಯಿ ಬೀಜಗಳಲ್ಲಿ ಜಿಂಕ್ ಮತ್ತು ಅಗತ್ಯ ಖನಿಜಾಂಶಗಳು ಹೇರಳವಾಗಿವೆ. ಇವು ಚರ್ಮದಲ್ಲಿ ಕಾಲಜನ್ ಉತ್ಪಾದನೆಯನ್ನು ಹೆಚ್ಚಿಸಿ, ತ್ವಚೆಯನ್ನು ಯೌವನಯುತವಾಗಿಡಲು ನೆರವಾಗುತ್ತವೆ.

ಸಾಲ್ಮನ್, ಬಂಗುಡೆ ಮತ್ತು ಮತ್ತಿಯಂತಹ ಮೀನುಗಳಲ್ಲಿ ಪ್ರೋಟೀನ್ ಹಾಗೂ ಅಮೈನೋ ಆಸಿಡ್‌ಗಳು ಹೇರಾಳವಾಗಿವೆ. ಇವು ತ್ವಚೆಯ ಜೊತೆಗೆ ಹೃದಯ ಮತ್ತು ಮೆದುಳಿನ ಆರೋಗ್ಯಕ್ಕೂ ಬಹಳ ಒಳ್ಳೆಯದು.

ಮೊಟ್ಟೆಯಲ್ಲಿ ಪ್ರೋಟೀನ್ ಮತ್ತು ಅಮೈನೋ ಆಸಿಡ್‌ಗಳು ಹೆಚ್ಚಿನ ಪ್ರಮಾಣದಲ್ಲಿವೆ. ಇವು ಕಾಲಜನ್ ಉತ್ಪಾದನೆಯನ್ನು ಹೆಚ್ಚಿಸುವ ಮೂಲಕ ತ್ವಚೆ ಹಾಗೂ ಒಟ್ಟಾರೆ ದೇಹದ ಆರೋಗ್ಯವನ್ನು ಸುಧಾರಿಸುತ್ತವೆ.

ಕಿತ್ತಳೆ, ನಿಂಬೆ ಮತ್ತು ದ್ರಾಕ್ಷಿಯಂತಹ ಸಿಟ್ರಸ್ ಹಣ್ಣುಗಳು ವಿಟಮಿನ್ ಸಿ ಯಿಂದ ಸಮೃದ್ಧವಾಗಿವೆ. ಪ್ರತಿದಿನ ಇವುಗಳನ್ನು ಸೇವಿಸುವುದರಿಂದ ತ್ವಚೆಯ ಕಾಂತಿ ಮತ್ತು ಆರೋಗ್ಯ ವೃದ್ಧಿಯಾಗುತ್ತದೆ.

ಬೆಟ್ಟದ ನೆಲ್ಲಿಕಾಯಿಯಲ್ಲಿ ವಿಟಮಿನ್ ಸಿ ಮತ್ತು ಆ್ಯಂಟಿಆಕ್ಸಿಡೆಂಟ್ ಗುಣಗಳು ಹೇರಳವಾಗಿವೆ. ಇವು ತ್ವಚೆಯಲ್ಲಿ ಕಾಲಜನ್ ಉತ್ಪಾದನೆಯನ್ನು ಹೆಚ್ಚಿಸಿ, ಚರ್ಮದ ಆರೋಗ್ಯವನ್ನು ಕಾಪಾಡುತ್ತವೆ.

ನೀವು ಯಾರು GenZ ಗಳೇ? ನಿಮ್ಮ ವಯಸ್ಸು ಎಷ್ಟು? ಸಿಜೆಪಿ ನಾಯಕರ ಅರ್ಜಿಗೆ ಹೈಕೋರ್ಟ್ ಛೀಮಾರಿ

Chethan Kumar — Wed, 21 Oct 2026 14:47:32 +0530

ನವದೆಹಲಿ (ಅ.21) ಕಾಕ್ರೋಚ್ ಜನತಾ ಪಾರ್ಟಿ ಅಬ್ಬರಕ್ಕೆ ಹೈಕೋರ್ಟ್‌ನಲ್ಲಿ ಬ್ರೇಕ್ ಬಿದ್ದಿದೆ. ತಿರಂಗ ಹಿಡಿದ ಕಾರಣಕ್ಕೆ ಬಂಧಿಸಲಾಗಿದೆ, ತಿರಂಗ ಹಿಡಿದರೆ ಬಿಜೆಪಿ ಸರ್ಕಾರ ಅರೆಸ್ಟ್ ಮಾಡುತ್ತಿದೆ ಎಂದು ಬಿಂಬಿಸಲು ಹೊರಟ ಸಿಜೆಪಿ ನಾಯಕ ಅಭಿಜಿತ್ ದೀಪ್ಕೆ, ಸೌರವ್ ದಾಸ್ ಹಾಗೂ ಅಶುತೋಶ್ ರಂಕಾಗೆ ತೀವ್ರ ಹಿನ್ನಡೆಯಾಗಿದೆ.ನಿಷೇಧಿತ ಜಂತರ್ ಮಂತರ್‌ ಪ್ರವೇಶ ಮಾಡಿದ ಸಿಜೆಪಿ ನಾಯಕರಾದ ಅಶುತೋಶ್ ರಂಕಾ, ಸೌರವ್ ದಾಸ್ ಅವರನ್ನು ಪೊಲೀಸರು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಿದ್ದರು. ಇದನ್ನು ಪ್ರಶ್ನಿಸಿ ನೇರವಾಗಿ ಹೈಕೋರ್ಟ್ ಮೆಟ್ಟಿಲೇರಿದ್ದ ಸಿಜೆಪಿ ನಾಯಕರನ್ನು ದೆಹಲಿ ಹೈಕೋರ್ಟ್ ತೀವ್ರವಾಗಿ ತರಾಟೆಗೆ ತೆಗೆದುಕೊಂಡಿದೆ. ನೀವು ಯಾರು? ನಿಮ್ಮ ವಯಸ್ಸು ನೋಡಿದರೆ ಜೆನ್‌ಝಿ ಕ್ಯಾಟಗರಿಯಲ್ಲಿ ನೀವು ಬರುವುದಿಲ್ಲ. ಬಾಂಡ್ ಉಲ್ಲಂಘಿಸಿದರೆ ನಿಮ್ಮ ವಿರುದ್ದ ಕ್ರಮ ಕೈಗೊಳ್ಳುವುದು ತಪ್ಪಾ ಎಂದು ಹೈಕೋರ್ಟ್ ಪ್ರಶ್ನಿಸಿದೆ.ಹೈಕೋರ್ಟ್‌ನಿಂದ ಛೀಮಾರಿ ಹಾಕಿಸಿಕೊಂಡ ಬೆನ್ನಲ್ಲೇ ಸಲ್ಲಿಸಿದ ಅರ್ಜಿಯನ್ನು ಸಿಜೆಪಿ ಹಿಂಪಡೆದಿದೆ.

ದೆಹಲಿ 10ರಂದು ಸಿಜೆಪಿ ಆಯೋಜಿಸಿದ ಪ್ರತಿಭಟನೆ ವೇಳೆ ನಾಯಕರನ್ನು ಅರೆಸ್ಟ್ ಮಾಡಲಾಗಿತ್ತು. ಬಳಿಕ ಬಾಂಡ್ ಮೇಲೆ ಬಿಡುಗಡೆ ಮಾಡಲಾಗಿತ್ತು. ಮರು ದಿನ ಜಂತರ್ ಮಂತರ್ ಪ್ರತಿಭಟನಾ ಸ್ಥಳ ಅಲ್ಲ ಎಂದು ಘೋಷಿಸಿದ ಸರ್ಕಾರ, ಬೇರೆ ಸ್ಥಳ ಗುರುತಿಸಿತ್ತು. ಆದರೆ ನಿಷೇಧಿತ ಜಂತರ್ ಮಂತರ್ ಪ್ರವೇಶಿಸಿ ಪ್ರತಿಭಟಿಸಲು ಮುಂದಾದ ಸಿಜೆಪಿ ನಾಯಕರನ್ನು ಪೊಲೀಸರು ಅರೆಸ್ಟ್ ಮಾಡಿ 5 ದಿನಗಳ ನ್ಯಾಯಾಂಗ ಬಂಧನಕ್ಕೆ ಒಳಪಡಿಸಿತ್ತು. ಇದನ್ನು ಪ್ರಶ್ನಿಸಿ ಹೈಕೋರ್ಟ್‌ನಲ್ಲಿ ತುರ್ತು ಅರ್ಜಿ ಸಲ್ಲಿಕೆ ಮಾಡಲಾಗಿತ್ತು. ಈ ಅರ್ಜಿ ವಿಚಾರಣೆ ನಡೆಸಿದ ಹೈಕೋರ್ಟ್ ಸಿಜೆಪಿ ನಾಯಕರನ್ನು ಹಿಗ್ಗಾಮುಗ್ಗಾ ಜಾಡಿಸಿದೆ.

ವಿದ್ಯಾರ್ಥಿ ಪ್ರತಿಭಟನೆ ವಿದೇಶದಲ್ಲಿ ಹಿಂಸೆಗೆ ತಿರುಗಿದೆ ಗೊತ್ತಾ?

ಜಂತರ್ ಮಂತರ್ ನಿಷೇಧಿತ ಪ್ರದೇಶವಾಗಿತ್ತು. ಅಲ್ಲಿಗೆ ಬ್ಯಾರಿಕೇಡ್ ಮುರಿದು ಪ್ರವೇಶ ಮಾಡಿದ್ದೀರಿ. ಪ್ರತಿಭಟನೆ ಮಂಚೂಣಿಯಲ್ಲಿ ನೀವಿದ್ದೀರಿ. ನೀವೆ ನಾಯಕರು, ನೀವು ಬ್ಯಾರಿಕೇಡ್ ಮುರಿದು ಒಳ ಪ್ರವೇಶಿಸಿದರೆ ಇತರರು ಅನುಸರಿಸುತ್ತಾರೆ. ನೀವು ನಿಯಂತ್ರಣದಲ್ಲಿರಬಹುದು, ಆದರೆ ನಿಮ್ಮ ನಿಯಂತ್ರಣದಲ್ಲಿರದ ಜನರು ಇರುತ್ತಾರೆ. ಪರಿಸ್ಥಿತಿ ನಿಯಂತ್ರಣಕ್ಕೆ ಬಾರದ ಸ್ಥಿತಿ ತಲುಪುತ್ತದೆ. ನಿಮಗೆ ವಿದೇಶಗಳಲ್ಲಿ ನಡೆಯತ್ತಿರುವ ವಿದ್ಯಾರ್ಥಿಗಳ ಪ್ರತಿಭಟನೆಗಳು ಗೊತ್ತಾ? ವಿದ್ಯಾರ್ಥಿ ಪ್ರತಿಭಟನೆಗಳು ಹಿಂಸಾರೂಪ ಪಡೆದಿದೆ. ಕಟ್ಟಡಕ್ಕೆ ಬೆಂಕಿ ಹಚ್ಚಿದ ಘಟನೆಗಳು ನಡೆದಿದೆ. ನೀವೇ ಶಾಂತಿ ಪಾಲನೆ ಕುರಿತು ನೀಡಿದ ಬಾಂಡ್ ಉಲ್ಲಂಘಿಸಿದಾಗ ಅಧಿಕಾರಿಗಳು ಮತ್ತಷ್ಟು ಕಠಿಣ ಕ್ರಮ ಕೈಗೊಳ್ಳಬಾರದ ಎಂದು ಕೋರ್ಟ್ ಪ್ರಶ್ನಿಸಿದೆ.

ನೀವು ಜೆನ್‌ಝಿ ಅಲ್ಲ

ಸೌರವ್ ದಾಸ್ ಹಾಗೂ ಅಶುತೋಶ್ ರಾಂಕ ಸಲ್ಲಿಸಿದ ಅರ್ಜಿ ವಿಚಾರಣೆ ವೇಳೆ ಜೆನ್‌ಝಿ ಹೆಸರಿನ ಪ್ರತಿಭಟನೆಯಲ್ಲಿ ನೀವು ಹೇಗೆ ಸೇರಿಕೊಂಡಿದ್ದೀರಿ ಎಂದು ಪ್ರಶ್ನಿಸಿತು. ಈ ಮೊದಲು ಮಾಡಿದ ಹೋರಾಟ ವಿದ್ಯಾರ್ಥಿಗಳ ಪ್ರತಿಭಟನೆಯಾಗಿತ್ತು. ಇಗೀಗ ಸ್ವರೂಪ ಬದಲಾಗಿದೆ. ಅಶುತೋಶ್ ರಂಗಾ ವಯಸ್ಸು 32 ಹಾಗೂ ಸೌರವ್ ದಾಸ್ 27. ನೀವು ಜೆನ್‌ಝಿ ಕ್ಯಾಟಗರಿಯಲ್ಲಿ ಬರುವುದಿಲ್ಲ. 1997ರ ನಂತರ ಜನಿಸಿದವರು ಜೆನ್‌ಝಿ, ನೀವು ಯಾರು ಎಂದು ಕೋರ್ಟ್ ಪ್ರಶ್ನಿಸಿತು.

ಘಟನೆ ನಡೆದ ಕೂಗಳತೆ ದೂರದಲ್ಲಿ ಮ್ಯಾಜಿಸ್ಟ್ರೇಟ್ ಕೋರ್ಟ್ ಇದೆ. ಮ್ಯಾಜಿಸ್ಟ್ರೇಟ್ ಕೋರ್ಟ್‌ಗೆ ಹೋಗದೆ ತುರ್ತಾಗಿ ಹೈಕೋರ್ಟ್‌ಗೆ ಬಂದಿದ್ದೇಕೆ, ಹೋರಾಟಕ್ಕೆ ಬೇರೆ ಸ್ಥಳ ಗುರುತಿಸಲಾಗಿತ್ತು. ಆದರೂ ಬಾಂಡ್, ನಿಯಮ ಉಲ್ಲಂಘಿಸಿ ಜಂತರ್ ಮಂತರ್ ಪ್ರವೇಶಿಸಿ ಏನು ಮಾಡಲು ಹೊರಟಿದ್ದೀರಿ ಎಂದು ಕೋರ್ಟ್ ಪ್ರಶ್ನಿಸಿದೆ. ಇಂದು ಮ್ಯಾಜಿಸ್ಟ್ರೇಟ್ ಕೋರ್ಟ್‌ನಲ್ಲಿ ಇದೇ ವಿಚಾರಣೆ ನಡೆಯಲಿದೆ. ಇದಕ್ಕೂ ಮೊದಲು ಹೈಕೋರ್ಟ್‌ಗೆ ಬರುವ ಧಾವಂತ ಏನಿತ್ತು ಎಂದು ಕೋರ್ಟ್ ಕೇಳಿದೆ.

ಹೈಕೋರ್ಟ್‌ನಲ್ಲಿ ಸಲ್ಲಿಸಿದ ಅರ್ಜಿಯನ್ನು ಹಿಂಪಡೆಯುತ್ತೀರಾ ಅಥವಾ ಏನು ಎಂದು ಹೈಕೋರ್ಟ್ ಕೇಳಿದೆ. ಛೀಮಾರಿ ಹಾಕಿಕೊಂಡು ಸೊರಗಿದ್ದ ಸಿಜೆಪಿ ತಕ್ಷಣವೇ ಹೈಕೋರ್ಟ್‌ಗೆ ಸಲ್ಲಿಸಿದ ಅರ್ಜಿಯನ್ನು ಹಿಂಪಡೆಯಲು ಒಪ್ಪಿಕೊಂಡಿತು.

ಮೆಕ್ಕಾದಲ್ಲಿ ಮುತ್ತು ಕೊಟ್ಟಿದ್ದಕ್ಕೆ ಪತಿ-ಪತ್ನಿಯ ಶಿರಚ್ಛೇದನ: ಕಂದಮ್ಮ ಅನಾಥ- ಅಸಲಿಗೆ ಅಲ್ಲಿ ಆಗಿದ್ದೇ ಬೇರೆ

Suchethana D — Wed, 21 Oct 2026 14:36:04 +0530

ಅವರು ಲವರ್ಸ್ ಅಲ್ಲ, ಬದಲಿಗೆ ಎಂಟು ವರ್ಷದ ಹೆಣ್ಣು ಮಗುವಿನ ಅಪ್ಪ-ಅಮ್ಮ. ಬಾಂಗ್ಲಾದೇಶದ ಈ ದಂಪತಿಗೆ ಮೆಕ್ಕಾಕ್ಕೆ ಹೋಗುವುದು ಹಲವು ವರ್ಷಗಳ ಕನಸಾಗಿತ್ತು. ಅದರಂತೆಯೇ ಅವರು ಮೆಕ್ಕಾಕ್ಕೆ ಹೋಗಿದ್ದರು. ಕೊನೆಗೂ ತಮ್ಮ ಆಸೆ ನೆರವೇರಿದೆ ಎಂದು ಇಬ್ಬರೂ ಭಾವುಕರಾಗಿದ್ದಾರೆ. ಕಣ್ಣಿನಲ್ಲಿ ನೀರು ತುಂಬಿದೆ. ಇದೇ ಖುಷಿಯಲ್ಲಿ ಪತಿ, ತನ್ನದೇ ಪತ್ನಿಯ ಹಣೆಗೆ ಮುತ್ತಿಕ್ಕಿದ್ದಾನೆ. ಆ ಖುಷಿಯಲ್ಲಿ, ಭಾವುಕರಾದ ಅವರು, ಕೊನೆಗೂ ತಮ್ಮ ಆಸೆ ಈಡೇರಿದ್ದಕ್ಕೆ ಅಪ್ಪಿಕೊಂಡಿದ್ದಾರೆ. ಅಲ್ಲಿ ಅಶ್ಲೀಲತೆ ಇರಲಿಲ್ಲ. ಭಾವುಕರಾದಾಗ, ಅದೆಷ್ಟೋ ವರ್ಷಗಳ ಕನಸು ನನಸಾದಾಗ ಪತಿ-ಪತ್ನಿಯೋ ಅಥವಾ ಇನ್ನಾರೋ ಪ್ರೀತಿಯಿಂದ ಮಾಡುವ ಆಲಂಗನ ಅದಾಗಿತ್ತು... ಅಷ್ಟೇ...

ಅಲ್ಲಿಗೆ ಬಂದಿದ್ದ ಹೀನ ಮನಸ್ಥಿತಿಯ ಪಾಕಿಸ್ತಾನಿಯೊಬ್ಬನಿಗೆ ಇದು ಅಶ್ಲೀಲವಾಗಿ ಕಂಡಿತು! ಪತಿ-ಪತ್ನಿ ಸಾರ್ವಜನಿಕವಾಗಿ ಅಸಭ್ಯವಾಗಿ ವರ್ತಿಸಿದಂತೆ ಕಂಡಿತೋ ಅಥವಾ ಇನ್ನೇನು ಹೀನಾಯ ಮನಸ್ಥಿತಿ ಅವನಲ್ಲಿ ಇತ್ತೋ ಗೊತ್ತಿಲ್ಲ. ಅಪವಿತ್ರ ಮತ್ತು ಅಸಭ್ಯ ವರ್ತನೆ' ಇದು ಎಂದು ಹೇಳಿ ವಿಡಿಯೋ ಮಾಡಿಕೊಂಡು ವೈರಲ್ ಮಾಡಿದ. ಆದರೆ ಅಲ್ಲಿ ನಡೆದದ್ದು ಏನು ಎಂದು ಯಾರೂ ನೋಡಲೇ ಇಲ್ಲ. ಅಲ್ಲಿಯ ಮನಸ್ಥಿತಿಗಳಿಗೆ ಕಂಡಿದ್ದು, ಅವರು ಕಿಸ್ ಮಾಡಿದ್ದಾರೆ ಎನ್ನುವುದು. ಸರಿ, ಹೀಗೆ ಸಾರ್ವಜನಿಕವಾಗಿ ಅಶ್ಲೀಲ ವರ್ತನೆ ಮಾಡಿದರೆ, ಅಲ್ಲಿ ಸಿಗುವುದು ಕಠಿಣ ಶಿಕ್ಷೆ ಮರಣದಂಡನೆ. ಈ ಘಟನೆ ಬೇರೆ ಬೇರೆ ರೂಪ ಪಡೆಯಿತು, ಹನಿಮೂನ್ಗೆ ಹೋದಾಗ ಅಶ್ಲೀಲವಾಗಿ ನಡೆದುಕೊಂಡರು, ಎಲ್ಲರ ಎದುರೇ ಏನೇನೋ ಮಾಡಿದರು ಎಂದೆಲ್ಲಾ ಸುದ್ದಿಯಾಯಿತು. ಆದರೆ ಅಸಲಿ ವಿಡಿಯೋ ಈಗ ವೈರಲ್ ಆಗಿದ್ದು, ಅಲ್ಲಿ ನಡೆದದ್ದು ಮೇಲೆ ತಿಳಿಸಿದ ವಿಷಯವಷ್ಟೇ.

ಶಿರಚ್ಛೇದನ ಶಿಕ್ಷೆ

ಆದರೆ, ಅದು ಭಾರತ ಅಲ್ಲವಲ್ಲ! ಸೌದಿ. ಇಸ್ಲಾಮಿಕ್ ಕಾನೂನಿನಡಿ 'ತಜೀರ್' (ನ್ಯಾಯಾಧೀಶರ ವಿವೇಚನೆಗೆ ಬಿಟ್ಟ ಕಠಿಣ ಶಿಕ್ಷೆ) ಅಡಿಯಲ್ಲಿ ಈ ಮರಣದಂಡನೆ ಜಾರಿಗೊಳಿಸಲಾಯಿತು. ಅದು ಶಿರಚ್ಛೇದನದ ಆದೇಶ! ಇಬ್ಬರಿಗೂ ಶಿರಚ್ಛೇದನ ಮಾಡಲಾಯಿತು. ಆದರೆ, ಅಲ್ಲಿ ನಡೆದ ಇನ್ನೊಂದು ಘಟನೆ ಮಾತ್ರ ಎಂಥವರ ಕಣ್ಣಿನಲ್ಲಿಯೂ ನೀರು ತರಿಸುವಂಥದ್ದು. ಅಪ್ಪ-ಅಮ್ಮನ ಶವಕ್ಕೆ 8 ವರ್ಷದ ಮಗಳಿಗೆ ಮಣ್ಣು ಹಾಕಿಸಲಾಯಿತು. ಒಮ್ಮೆ ಊಹಿಸಿಕೊಳ್ಳಿ. ಅಲ್ಲಿ ಅಪ್ಪ ಅಮ್ಮ ಇಬ್ಬರೂ ಶವವಾಗಿ ಬಿದ್ದಿದ್ದಾರೆ. ಆ ಕಂದಮ್ಮನ ಮನಸ್ಥಿತಿ ಅದ್ಹೇಗೆ ಇರಬಹುದು ಎಂದು. ಜೋರಾಗಿ ಅಳುತ್ತಾ ಆ ಕಂದ ಮಣ್ಣು ಹಾಕಿದ್ದಾಳೆ.

ಬಾಂಗ್ಲಾದ ಪ್ರತಿಕ್ರಿಯೆ

ಬಳಿಕ ಶವವನ್ನು ಬಾಂಗ್ಲಾದೇಶಕ್ಕೆ ಕಳುಹಿಸಲಾಗಿದೆ. ತಮ್ಮ ದೇಶದ ಪ್ರಜೆಗಳಿಗೆ ಮರಣದಂಡನೆ ಜಾರಿಗೊಳಿಸುವ ಮುನ್ನ ಸೌದಿ ಸರ್ಕಾರವು ತಮಗೆ ಯಾವುದೇ ಮುನ್ಸೂಚನೆ ಅಥವಾ ಮಾಹಿತಿ ನೀಡಿಲ್ಲ ಎಂದು ಬಾಂಗ್ಲಾದೇಶ ಸರ್ಕಾರ ಅಸಮಾಧಾನ ವ್ಯಕ್ತಪಡಿಸಿದೆ. ಮಸೀದಿಯೊಳಗೆ ದಂಪತಿ ನಡೆಸಿಕೊಂಡ ರೀತಿ ಅಥವಾ ಅಪರಾಧದ ನಿಖರ ಸ್ವರೂಪದ ಬಗ್ಗೆ ಸೌದಿ ಆಡಳಿತವು ಯಾವುದೇ ಅಧಿಕೃತ ಸ್ಪಷ್ಟ ವಿವರಗಳನ್ನು ಬಹಿರಂಗಪಡಿಸಿಲ್ಲ ಎನ್ನಲಾಗಿದ್ದು, ಸದ್ಯ ವೈರಲ್ ಆಗಿರುವ ವಿಡಿಯೋದಲ್ಲಿ ಅಲ್ಲಿ ನಡೆದಿರುವುದು ಯಾವುದೇ ಅಸಭ್ಯ ವರ್ತನೆ ಅಲ್ಲ ಎನ್ನುವುದು ತಿಳಿದುಬಂದಿದೆ. ಆದರೆ ಎಲ್ಲವೂ ಮುಗಿದು ಹೋಗಿದೆ!

ಸೀರೆ ಉಟ್ಟು AK47 ನಿಂದ ಗುಂಡು ಹಾರಿಸಿದ ಲೇಡಿ ಸಿಂಗಂ, ದಸರಾ ಹಬ್ಬದಲ್ಲಿ ದೇಶಾದ್ಯಂತ ಸುದ್ದಿಯಾದ ಈ ಅಧಿಕಾರಿ ಯಾರು?

Ganesh Mabla Gowda — Wed, 21 Oct 2026 14:35:17 +0530

ನವದೆಹಲಿ: ದಸರಾ ಹಬ್ಬದ ಸಂದರ್ಭದಲ್ಲಿ ಮಹಿಳಾ ಪೊಲೀಸ್‌ ಅಧಿಕಾರಿ ಒಬ್ಬರು ಭಾರೀ ಸುದ್ದಿ ಆಗುತ್ತಿದ್ದಾರೆ. ಸಾಂಪ್ರದಾಯಿಕ ಸೀರೆಯುಟ್ಟು ಅವರು ಎಕೆ47 ಗನ್‌ನಿಂದ ಗುಂಡುಗಳನ್ನ ಹಾರಿಸಿ ಎಲ್ಲರನ್ನೂ ಬೆರಗು ಗೊಳಿಸಿದ್ದಾರೆ. ಸದ್ಯ ಅವರ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ಭಾರೀ ವೈರಲ್‌ ಆಗುತ್ತಿದೆ.

ಆಗಿದ್ದೇನು?

ಸೋಶಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿರುವ ವಿಡಿಯೋ ಛತ್ತೀಸ್‌ಗಢದ ರಾಜನಂದಗಾಂವ್ ಜಿಲ್ಲೆಯದ್ದು! ದಸರಾ ಸಂದರ್ಭದಲ್ಲಿ ಆಯುಧ ಪೂಜೆ ದೇಶದ ಮೂಲೆ ಮೂಲೆಯಲ್ಲೂ ನಡೆಯುತ್ತದೆ. ಅಂತೆಯೇ ರಾಜ್‌ನಂದಗಾಂವ್ ಪೊಲೀಸ್ ಲೈನ್ಸ್‌ನಲ್ಲಿ ಆಯುಧಪೂಜೆ ಕಾರ್ಯಕ್ರಮ ಆಯೋಜನೆಗೊಂಡಿತ್ತು. ಈ ವೇಳೆ ಖಡಕ್‌ ಮಹಿಳಾ ಪೊಲೀಸ್‌ ಅಧಿಕಾರಿ ಪೂಜೆ ಸಂದರ್ಭದಲ್ಲಿ ಗನ್‌ ತೆಗೆದುಕೊಂಡು ಏಕಾಏಕಿ ಗಾಳಿಯಲ್ಲಿ ಗಂಡುಗಳನ್ನ ಸಿಡಿಸಿದ್ದಾರೆ. ಅವರ ಗನ್‌ ಹಿಡಿದು ಗುಂಡುಗಳನ್ನ ಹಾರಿಸುವ ವಿಡಿಯೋ ವೈರಲ್‌ ಆಗಿದೆ.

ಯಾರು ಆ ಲೇಡಿ ಸಿಂಗಂ? ಹೆಸರು ಅಂಕಿತಾ ಶರ್ಮಾ. ಛತ್ತೀಸ್‌ಗಢ ಕೇಡರ್‌ನ 2018 ರ ಬ್ಯಾಚ್ ಐಪಿಎಸ್ ಅಧಿಕಾರಿ ಆಗಿದ್ದಾರೆ. ಖಡಕ್‌ ಅಧಿಕಾರಿ ಆಗಿದ್ದು, ಕಠಿಣ ಪೊಲೀಸ್‌ ವ್ಯವಸ್ಥೆ ಮತ್ತು ಕಾನೂನು ಸುವ್ಯವಸ್ಥೆಯ ಕೆಲಸಕ್ಕಾಗಿ ಅವರು ಹೆಸರುವಾಸಿ ಆಗಿದ್ದಾರೆ. ಛತ್ತೀಸ್‌ಗಢದ ನಕ್ಸಲ್‌ ಪೀಡಿತ ಜಿಲ್ಲೆಗಳಲ್ಲಿ ತುಂಬಾ ದಕ್ಷವಾಗಿ ಕಾರ್ಯನಿರ್ವಹಿಸಿದ್ದಾರೆ. ಅನೇಕ ಯಶಸ್ವಿ ಕೂಂಬಿಂಗ್‌ ನಡೆಸಿ ಹೆಸರುವಾಸಿ ಆಗಿದ್ದಾರೆ. ನಕ್ಸಲ್‌ ಪೀಡಿತ ಪ್ರದೇಶಗಳಲ್ಲಿ ಅವರ ಕಠಿಣ ಹೋರಾಟ ಹಾಗೂ ಅವರು ಪೊಲೀಸ್‌ ಇಲಾಖೆಯಲ್ಲಿ ತೋರುತ್ತಿರುವ ಸಾಹಸದ ಕೆಲಸಗಳಿಂದಾಗಿ ಲೇಡಿ ಸಿಂಗಂ ಎಂದು ಕರೆಯಲಾಗುತ್ತದೆ.

ಅಂದ್ಹಾಗೆ ಅಂಕಿತ್‌ ಶರ್ಮಾ, ಜೂನ್ 25, 1990 ರಂದು ಛತ್ತೀಸ್‌ಗಢದ ದುರ್ಗ್ ಜಿಲ್ಲೆಯಲ್ಲಿ ಜನಿಸಿದರು. 2017 ರ ಯುಪಿಎಸ್‌ಸಿ ನಾಗರಿಕ ಸೇವೆಗಳ ಪರೀಕ್ಷೆಯಲ್ಲಿ 203 ರ ಅಖಿಲ ಭಾರತ ಶ್ರೇಣಿಯನ್ನು ಪಡೆದರು. ತವರು ಕೇಡರ್, ಛತ್ತೀಸ್‌ಗಢಕ್ಕೆ ಹಂಚಿಕೆಯಾದರು. ಯುಪಿಎಸ್‌ ಪರೀಕ್ಷೆಯ ಮೂರನೇ ಪ್ರಯತ್ನದಲ್ಲಿ ತಮ್ಮ ಕನಸುಗಳನ್ನ ನನಸು ಮಾಡಿಕೊಂಡರು. ಮೊದಲ ಪ್ರಯತ್ನದಲ್ಲೇ ಮೇನ್‌ ಎಕ್ಸಂಗೆ ಎಂಟ್ರಿಯಾದರು. ಆದರೆ ಎರಡನೇ ಪ್ರಯತ್ನದಲ್ಲಿ ಅವರಿಂದ ಅದು ಸಾಧ್ಯವಾಗಿರಲಿಲ್ಲ.

ಪೊಲೀಸ್‌ ಅಧಿಕಾರಿ ಆಗಿ ತವರು ರಾಜ್ಯಕ್ಕೆ ಎಂಟ್ರಿ ನೀಡಿದ್ದ ಅಂಕಿತಾ ಶರ್ಮಾ, ಛತ್ತೀಸ್‌ಗಢದ ಭಾಟಪಾರದಲ್ಲಿ ಮೊದಲ ಸೇವೆ. ರಾಯ್‌ಪುರದ ಆಜಾದ್ ಚೌಕ್‌ನ ಸಿಎಸ್‌ಪಿ ಆಗಿಯೂ ಸೇವೆ ಸಲ್ಲಿಸಿದರು. ಮೇ 2022 ರಲ್ಲಿ, ಅವರು ಖೈರಾಗಢದ ಎಸ್‌ಪಿಯಾಗಿ ನೇಮಕಗೊಂಡರು. ಆ ಮೂಲಕ ಜಿಲ್ಲೆಯ ಮೊದಲ ಮಹಿಳಾ ಎಸ್‌ಪಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಪ್ರಸ್ತುತ ರಾಜನಂದಗಾಂವ್ ಜಿಲ್ಲೆಯ ಎಸ್ಪಿ ಆಗಿದ್ದಾರೆ.

During the Shastra Puja event on Vijayadashami, SP Ankita Sharma of Rajnandgaon, Chhattisgarh, handled an AK-47 rifle and performed aerial firing with it. https://t.co/NrXtosmUuG

— Treeni (@treeni) October 20, 2026

ಈ ನಾಲ್ಕು ಪದಾರ್ಥಗಳಿಂದಲೇ ರಾಜಸ್ಥಾನದ ಪ್ರಸಿದ್ಧ ಚುರ್ಮಾ ಲಡ್ಡು ತಯಾರಿಸಿ, ಇಲ್ಲಿದೆ ಹೊಸ ರೆಸಿಪಿ, ಇಂದೇ ಟ್ರೈ ಮಾಡಿ!

Ravi Janekal — Wed, 21 Oct 2026 14:25:03 +0530

Rajasthani churma laddu recipe: ನವರಾತ್ರಿ ಹಬ್ಬಕ್ಕೆ ಹೇಳಿ ಮಾಡಿಸಿದ ಸಿಹಿ ತಿಂಡಿ ಇದು. ರಾಜಸ್ಥಾನದಲ್ಲಿ ಈ ಸಿಹಿ ತಿಂಡಿ ತುಂಬಾ ಪ್ರಸಿದ್ಧವಾಗಿದೆ, ಮೈಸೂರಿನ ಮೈಸೂರು ಪಾಕ ಎಷ್ಟು ಪ್ರಸಿದ್ಧವೋ ರಾಜಸ್ಥಾನದಲ್ಲೂ ಈ ಚುರ್ಮಾ ಲಡ್ಡು ಅಷ್ಟೇ ಪ್ರಸಿದ್ಧಿ. ಬಾಯಲಿಟ್ಟರೆ ಕರಗುವಂಥ ಮೃದು, ಅದರ ರುಚಿಗೆ ಮನಸೋಲದವರೇ ಇಲ್ಲ ಎನ್ನಬಹುದು.

ಈಗ ಹಬ್ಬಗಳ ಸೀಸನ್. ಕೆಲವರಿಗೆ ಸಿಹಿ ತಿಂಡಿ ಮಾಡುವಷ್ಟು ಸಮಯವಿಲ್ಲ. ಇನ್ನು ಕೆಲವರಿಗೆ ಹೇಗೆ ಮಾಡಬೇಕು ಎಂಬ ಪಾಕ ವಿಧಾನವೇ ಗೊತ್ತಿರಲ್ಲ. ಇದರಿಂದಾಗಿ ಹಬ್ಬ ಬಂದಾಗ ಪಕ್ಕದ ಸ್ವೀಟ್‌ ಶಾಪ್‌ನಲ್ಲಿ ಹೋಳಿಗೆಯಿಂದ ಹಿಡಿದು ಲಡ್ಡುವರೆಗೆ ಎಲ್ಲವನ್ನೂ ಖರೀದಿಸಿ ತರುತ್ತಾರೆ. ಆದರೆ ಇತ್ತೀಚಿನ ಆಹಾರ ಇಲಾಖೆಯವರ ದಾಳಿಯಲ್ಲಿ ಪತ್ತೆಯಾದ ಕಲಬೆರಕೆ, ಕಳಪೆ ಎಣ್ಣೆ, ಅತಿಯಾದ ಸಕ್ಕರೆ ಇವೆಲ್ಲವೂ ಆರೋಗ್ಯದ ಮೇಲೆ ಗಂಭೀರ ಪರಿಣಾಮ ಬೀರುತ್ತವೆ. ಅದರ ಬದಲು ಅಡುಗೆ ಮನೆಯಲ್ಲೇ ಇರುವ ಆಹಾರ ಪದಾರ್ಥಗಳಿಂದ ಸುಲಭವಾಗಿ ಸಿದ್ಧಪಡಿಸಬಹುದಾದ ಚುರ್ಮಾ ಲಡ್ಡು ಮಾಡುವುದು ಬೆಸ್ಟ್.

ಚುರ್ಮಾ ಲಡ್ಡು(Churma laddu recipe) ಹೇಗೆ ಮಾಡಬೇಕು ಎಂಬ ಪಾಕವಿಧಾನವನ್ನು ನಾವಿಲ್ಲಿ ಹೇಳಲಿದ್ದೇವೆ. ಈ ಪಾಕವಿಧಾನ ಹೆಚ್ಚಾfಗಿ ರಾಜಸ್ಥಾನದಲ್ಲಿ ತುಂಬಾ ಜನಪ್ರಿಯ. ಬಹುಬೇಗ ತಯಾರಿಸಿ ತಿನ್ನಬಹುದಾದ ಈ ಲಡ್ಡು ಮಾಡುವುದು ನೀವು ಕಲಿಯಿರಿ. ಇಂದೇ ಟ್ರೈ ಮಾಡಿ.

ಚುರ್ಮಾ ಲಡ್ಡು ಮಾಡಲು ಬೇಕಾಗುವ ಪದಾರ್ಥಗಳು

ಗೋಧಿ ಹಿಟ್ಟು - 2 ಕಪ್
ಉತ್ತಮ ರವೆ - 1 ಬಟ್ಟಲು
ಕಡಲೆ ಹಿಟ್ಟು - ಅರ್ಧ ಬಟ್ಟಲು
ಸಾದಾ ತುಪ್ಪ - 1 ಕಪ್ (ಅಗತ್ಯವಿದ್ದಷ್ಟು)
ಬೆಲ್ಲ - 1 ಕಪ್
ಗೋಡಂಬಿ - ಕೆಲವು
ಬಾದಾಮಿ - ಕೆಲವು
ಪಿಸ್ತಾ - ಕೆಲವು
ಗಸಗಸೆ ಬೀಜಗಳು - 2 ಟೀಸ್ಪೂನ್
ಏಲಕ್ಕಿ ಪುಡಿ - ಅರ್ಧ ಟೀ ಚಮಚ
ಬೆಚ್ಚಗಿನ ನೀರು - ಹಿಟ್ಟನ್ನು ಬೆರೆಸಲು

ಚುರ್ಮಾ ಲಡ್ಡು ಮಾಡುವ ವಿಧಾನ:

ಚುರ್ಮಾ ಲಡ್ಡು ಮಾಡಲು, ಮೊದಲು 2 ಕಪ್ ಗೋಧಿ ಹಿಟ್ಟು ತೆಗೆದುಕೊಳ್ಳಿ.
ಇದರಲ್ಲಿ 1 ಕಪ್ ರವೆ ಮಿಶ್ರಣ ಮಾಡಿ. ನೀವು ಈ ಗುಣಮಟ್ಟದ ರವೆ ಬಳಸಿ.
ಒಂದು ವೇಳೆ ರವೆ ದಪ್ಪವಾಗಿದ್ದರೆ, ಅದನ್ನು ಮಿಕ್ಸರ್‌ನಲ್ಲಿ ಪುಡಿಮಾಡಿ.
ಈಗ ಒಂದು ಬಟ್ಟಲಿನಲ್ಲಿ ಕಡಲೆ ಹಿಟ್ಟು, ಗೋಧಿ ಹಿಟ್ಟು ಮತ್ತು ರವೆ ತೆಗೆದುಕೊಂಡು ಅದಕ್ಕೆ 3 ಚಮಚ ತುಪ್ಪ ಸೇರಿಸಿ.
ಎಲ್ಲಾ ಒಣ ಪದಾರ್ಥಗಳನ್ನು ಕೈಯಿಂದ ಚೆನ್ನಾಗಿ ಕಲಸಿ.
ಈಗ ಬೆಚ್ಚಗಿನ ನೀರನ್ನು ಸ್ವಲ್ಪ ಸ್ವಲ್ಪವಾಗಿ ಸೇರಿಸುತ್ತಾ ಗಟ್ಟಿಯಾದ ಹಿಟ್ಟನ್ನು ಬೆರೆಸಿಕೊಳ್ಳಿ.
ಹಿಟ್ಟನ್ನು ಎರಡು ಭಾಗಗಳಾಗಿ ವಿಂಗಡಿಸಿ ಸಣ್ಣ ಉಂಡೆಗಳನ್ನು ಮಾಡಿ. ಈ ಉಂಡೆಗಳನ್ನು ಬಿಸಿ ಎಣ್ಣೆ ಅಥವಾ ತುಪ್ಪದಲ್ಲಿ ಹುರಿಯಿರಿ.
ಗ್ಯಾಸ್ ಮೇಲೆ ಪ್ಯಾನ್ ಇಟ್ಟು ಅದಕ್ಕೆ ತುಪ್ಪ ಸೇರಿಸಿ, ಬಾದಾಮಿ ಮತ್ತು ಗೋಡಂಬಿಯನ್ನು ಹುರಿದು, ತಟ್ಟೆಗೆ ತೆಗೆದುಕೊಳ್ಳಿ.
ನಂತರ ಈಗ, ತುಪ್ಪಕ್ಕೆ ಮಾವಾ ಸೇರಿಸಿ ಮತ್ತು ಕಡಿಮೆ ಉರಿಯಲ್ಲಿ ಹುರಿಯಿರಿ.
ಈಗ ಬಾಣಲೆಗೆ ಅರ್ಧ ಕಪ್ ತುಪ್ಪ ಸೇರಿಸಿ. ಹುರಿದ ಉಂಡೆಗಳನ್ನು ಪುಡಿ ರೂಪದಲ್ಲಿ ಸೇರಿಸಿ. ಪುಡಿಯು ತುಪ್ಪದಲ್ಲಿ ಚೆನ್ನಾಗಿ ಹುರಿದ ನಂತರ, ಸಕ್ಕರೆ ಪುಡಿ ಮತ್ತು ಹುರಿದ ಒಣ ಹಣ್ಣುಗಳ ತುಂಡುಗಳನ್ನು ಸೇರಿಸಿ ಮತ್ತು ಉರಿಯನ್ನು ಆಫ್ ಮಾಡಿ.
ತಯಾರಿಸಿದ ಮಿಶ್ರಣವು ತಣ್ಣಗಾದ ನಂತರ, ಅದನ್ನು ದುಂಡಗಿನ ಲಡ್ಡುಗಳಾಗಿ ಮಾಡಿಕೊಂಡು ಸವಿಯಬಹುದು.
ಗಾಳಿಯಾಡ, ಸ್ವಚ್ಛವಾದ ಗಾಜಿನ ಡಬ್ಬಿಯಲ್ಲಿ ಹಾಕಿಟ್ಟರೆ ಹಲವು ವಾರಗಳವರೆಗೂ ಚುರ್ಮಾ ಲಡ್ಡು ಸವಿಯಬಹುದು. ಮಕ್ಕಳಿಗೂ ಇಷ್ಟ.

Food: ಕಪ್ಪಾಗಲ್ಲ, ಕೆಡಲ್ಲ, ಹುಣಸೆಹಣ್ಣನ್ನು 365 ದಿನಗಳ ಕಾಲ ಫ್ರೆಶ್ ಆಗಿ ಇಡಲು ಇಲ್ಲಿದೆ ಮ್ಯಾಜಿಕ್ ಟ್ರಿಕ್!

Bhimasi M Koleppanavar — Wed, 21 Oct 2026 14:18:38 +0530

ಭಾರತೀಯ ಪಾಕಪದ್ಧತಿಯಲ್ಲಿ ಹುಣಸೆಹಣ್ಣಿಗೆ ಪ್ರಮುಖ ಸ್ಥಾನವಿದೆ. ದಾಲ್, ಸಾಂಬಾರ್ ಹಾಗೂ ರಸಂನಂತಹ ನಿತ್ಯದ ಅಡುಗೆಗಳಿಗೆ ಹುಣಸೆಹಣ್ಣು ಅತ್ಯಗತ್ಯ. ಹೆಚ್ಚಿನ ಮನೆಗಳಲ್ಲಿ ಇಡೀ ವರ್ಷಕ್ಕೆ ಸಾಕಾಗುವಷ್ಟು ಹುಣಸೆಹಣ್ಣನ್ನು ಒಂದೇ ಬಾರಿಗೆ ಖರೀದಿಸಿ ಸಂಗ್ರಹಿಸುವುದು ವಾಡಿಕೆ. ಆದರೆ, ಮಳೆಗಾಲದಲ್ಲಿ ಗಾಳಿಯಲ್ಲಿನ ತೇವಾಂಶದಿಂದಾಗಿ ಹುಣಸೆಹಣ್ಣು ಮೆತ್ತಗಾಗಿ ಜಿಗುಟಾಗುತ್ತದೆ. ಕೆಲವೇ ದಿನಗಳಲ್ಲಿ ಕೆಂಪು ಬಣ್ಣದ ಹುಣಸೆಹಣ್ಣು ಕಪ್ಪಾಗಿ, ಬೂಷ್ಟು ಹಿಡಿದು ಹಾಳಾಗುತ್ತದೆ. ಮಳೆಗಾಲದಲ್ಲೂ ಹುಣಸೆಹಣ್ಣು ತನ್ನ ಮೂಲ ಬಣ್ಣ ಹಾಗೂ ರುಚಿ ಕಳೆದುಕೊಳ್ಳದೆ ತಾಜಾವಾಗಿಡಲು ಕೆಲವು ಪ್ರಮುಖ ಸಲಹೆಗಳು ಇಲ್ಲಿವೆ:

ಬೀಜಗಳನ್ನು ಕಡ್ಡಾಯವಾಗಿ ತೆಗೆಯಿರಿ!

ಮಾರುಕಟ್ಟೆಯಿಂದ ತಂದ ಹುಣಸೆಹಣ್ಣನ್ನು ಹಾಗೆಯೇ ಶೇಖರಿಸಿಡಬೇಡಿ. ಶೇಖರಿಸುವ ಮುನ್ನ ಹುಣಸೆಹಣ್ಣಿನಲ್ಲಿರುವ ಎಲ್ಲಾ ಬೀಜಗಳನ್ನು ಸಂಪೂರ್ಣವಾಗಿ ತೆಗೆದುಹಾಕಿ. ಬೀಜಗಳು ಒಳಗಿದ್ದರೆ ತೇವಾಂಶದ ಸಂಪರ್ಕಕ್ಕೆ ಬಂದಾಗ ಹುಣಸೆಹಣ್ಣು ಬೇಗನೆ ಹಾಳಾಗುತ್ತದೆ.

ಸೂಕ್ತ ಪಾತ್ರೆಗಳ ಆಯ್ಕೆ!

ಹುಣಸೆಹಣ್ಣನ್ನು ಪ್ಲಾಸ್ಟಿಕ್, ಅಲ್ಯೂಮಿನಿಯಂ ಅಥವಾ ಉಕ್ಕಿನ (ಸ್ಟೀಲ್) ಪಾತ್ರೆಗಳಲ್ಲಿ ಇಡಬೇಡಿ. ಹುಣಸೆಹಣ್ಣಿನಲ್ಲಿರುವ ಆಮ್ಲೀಯ ಗುಣವು ಲೋಹಗಳೊಂದಿಗೆ ಪ್ರತಿಕ್ರಿಯಿಸಿ ಬಣ್ಣ ಬದಲಾಯಿಸುತ್ತದೆ. ಆದ್ದರಿಂದ ಗಾಳಿಯಾಡದ **ಗಾಜಿನ ಬಾಟಲಿ** ಅಥವಾ ನಮ್ಮ ಹಿರಿಯರು ಬಳಸುತ್ತಿದ್ದ **ಮಣ್ಣಿನ ಪಾತ್ರೆಯಲ್ಲಿ** ಸಂಗ್ರಹಿಸುವುದು ಅತ್ಯಂತ ಸೂಕ್ತ.

ಉಪ್ಪಿನ ಬಳಕೆ!

ಹುಣಸೆಹಣ್ಣನ್ನು ಪಾತ್ರೆಯಲ್ಲಿ ಪದರಗಳಾಗಿ (Layers) ಜೋಡಿಸುವಾಗ, ಪ್ರತಿ ಪದರದ ನಡುವೆ ಸ್ವಲ್ಪ ಉಪ್ಪನ್ನು ಸಿಂಪಡಿಸಿ. ಉಪ್ಪು ತೇವಾಂಶವನ್ನು ಹೀರಿಕೊಳ್ಳುತ್ತದೆ ಮತ್ತು ಬೂಷ್ಟು ಹಿಡಿಯುವುದನ್ನು ತಡೆಯುತ್ತದೆ.

ಫ್ರಿಡ್ಜ್‌ನಲ್ಲಿ ತಿರುಳಿನ ಸಂಗ್ರಹಣೆ!

ಹೆಚ್ಚುವರಿ ಹುಣಸೆಹಣ್ಣು ಇದ್ದರೆ, ಅದರ ತಿರುಳನ್ನು ತೆಗೆದು **ಜಿಪ್ಲಾಕ್ ಚೀಲದಲ್ಲಿ (Ziplock Bag)** ಇಟ್ಟು ರೆಫ್ರಿಜರೇಟರ್‌ನ ತರಕಾರಿ ವಿಭಾಗದಲ್ಲಿ ಇರಿಸಿ. ಈ ರೀತಿ ಮಾಡುವುದರಿಂದ ವರ್ಷವಿಡೀ ಬಣ್ಣ ಮತ್ತು ಸುವಾಸನೆ ಕೆಡದೆ ತಾಜಾವಾಗಿರುತ್ತದೆ.

ಹುಣಸೆಹಣ್ಣಿನ ಪೇಸ್ಟ್ ತಯಾರಿ!

ಹುಣಸೆಹಣ್ಣನ್ನು ಬಿಸಿ ನೀರಿನಲ್ಲಿ ನೆನೆಸಿ, ತಿರುಳು ತೆಗೆದು ನಯವಾದ ಪೇಸ್ಟ್ ಮಾಡಿ ಗಾಜಿನ ಬಾಟಲಿಯಲ್ಲಿ ತುಂಬಿ ಫ್ರಿಡ್ಜ್‌ನಲ್ಲಿಡಬಹುದು. ಇದು ಅಡುಗೆ ಮಾಡುವಾಗ ತಕ್ಷಣ ಬಳಸಲು ಅತ್ಯಂತ ಅನುಕೂಲಕರವಾಗಿದೆ.

ವಹಿಸಬೇಕಾದ ಪ್ರಮುಖ ಮುನ್ನೆಚ್ಚರಿಕೆ!

ದೈನಂದಿನ ಬಳಕೆಗೆ ಬೇಕಾಗುವಷ್ಟು ಹುಣಸೆಹಣ್ಣನ್ನು ಮಾತ್ರ ಸಣ್ಣ ಪಾತ್ರೆಯಲ್ಲಿ ಪ್ರತ್ಯೇಕವಾಗಿ ಎತ್ತಿಟ್ಟುಕೊಳ್ಳಿ. ದೊಡ್ಡ ಶೇಖರಣಾ ಪಾತ್ರೆಯನ್ನು ಪದೇ ಪದೇ ತೆರೆಯುವುದು, ಒದ್ದೆಯಾದ ಕೈಗಳಿಂದ ಅಥವಾ ಒದ್ದೆ ಸೌಟಿನಿಂದ ಸ್ಪರ್ಶಿಸುವುದರಿಂದ ಗಾಳಿ ಮತ್ತು ತೇವಾಂಶ ಒಳಹೋಗಿ ಹುಣಸೆಹಣ್ಣು ಬೇಗನೆ ಕಪ್ಪಾಗುತ್ತದೆ. ಈ ಸಣ್ಣ ಮುನ್ನೆಚ್ಚರಿಕೆಗಳನ್ನು ಪಾಲಿಸಿದರೆ ಮಳೆಗಾಲದಲ್ಲೂ ಹುಣಸೆಹಣ್ಣು ತನ್ನ ಮೂಲ ಬಣ್ಣದಲ್ಲೇ ಉತ್ತಮ ಸ್ಥಿತಿಯಲ್ಲಿರುತ್ತದೆ.

'ದುನಿಯಾ'ಗೆ ಸಿಗಲಿಲ್ಲ ನಯಾಪೈಸೆ ಸಂಭಾವನೆ.. ಸಿನಿಮಾ ಹಿಟ್ ಆದ್ಮೇಲೆ ಮಾಡಿದ ಆ ಒಂದು ತಪ್ಪಿನ ಬಗ್ಗೆ ನಟಿ ರಶ್ಮಿ ಓಪನ್ ಟಾಕ್!

Ashwini HR — Wed, 21 Oct 2026 14:16:45 +0530

ಕನ್ನಡ ಚಿತ್ರರಂಗದ ಇತಿಹಾಸದಲ್ಲೇ ಹೊಸ ಮೈಲಿಗಲ್ಲು ಸೃಷ್ಟಿಸಿದ ಸೂರಿ ನಿರ್ದೇಶನದ 'ದುನಿಯಾ' ಸಿನಿಮಾ ಯಾರಿಗೆ ತಾನೇ ನೆನಪಿಲ್ಲ ಹೇಳಿ? ದುನಿಯಾ ವಿಜಯ್ ಜೊತೆಗೆ 'ಪೂರ್ಣಿಮಾ' ಪಾತ್ರದಲ್ಲಿ ನಟಿಸಿ ಕನ್ನಡಿಗರ ಹೃದಯ ಗೆದ್ದಿದ್ದ ನಟಿ ರಶ್ಮಿ, ಆ ಚಿತ್ರದ ಮೂಲಕ ರಾತ್ರೋರಾತ್ರಿ ಸ್ಟಾರ್ ನಟಿಯಾಗಿ ಹೊರಹೊಮ್ಮಿದ್ದರು. ಆದರೆ ತೆರೆಯ ಮೇಲೆ ಅಷ್ಟೊಂದು ಯಶಸ್ಸು ಕಂಡ ಆ ಸಿನಿಮಾದಿಂದ ನಟಿ ರಶ್ಮಿ ಅವರಿಗೆ ಸಿಕ್ಕ ಸಂಭಾವನೆ ಮಾತ್ರ ಶೂನ್ಯ! ಇತ್ತೀಚಿನ ಸಂದರ್ಶನವೊಂದರಲ್ಲಿ ಮಾತನಾಡಿರುವ ಅವರು, ತಮ್ಮ ಸಿನಿ ಪಯಣದ ಕಹಿ ಅನುಭವಗಳು, ಸಂಭಾವನೆಯ ಸವಾಲುಗಳು ಹಾಗೂ ಕೆರಿಯರ್‌ನ ಅತಿ ದೊಡ್ಡ ತಪ್ಪು ನಿರ್ಧಾರದ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ.

'ಅವರಿಗೆ ದುರಹಂಕಾರವಿದೆ, ಜೋರ್ ಮಾಡುತ್ತಿದ್ದಾರೆ'

ಸಿನಿಮಾರಂಗದಲ್ಲಿ ಸಂಭಾವನೆಯ ವಿಚಾರವಾಗಿ ನಟಿಯರು ಎದುರಿಸುವ ಸಂಕಷ್ಟಗಳ ಬಗ್ಗೆ ಮಾತನಾಡಿದ ರಶ್ಮಿ, "ದುನಿಯಾ ಚಿತ್ರಕ್ಕಾಗಿ ನಾನು ಯಾವುದೇ ಸಂಭಾವನೆಯನ್ನು (Payment) ಪಡೆದಿರಲಿಲ್ಲ. ಚಿತ್ರರಂಗದಲ್ಲಿ ನಮ್ಮ ಹಕ್ಕಿನ ಸಂಭಾವನೆಯ ಬಗ್ಗೆ ಮಾತನಾಡಿದರೆ ಅಥವಾ ಕೇಳಿದರೆ, 'ಅವರಿಗೆ ದುರಹಂಕಾರವಿದೆ, ಜೋರ್ ಮಾಡುತ್ತಿದ್ದಾರೆ' ಎಂದು ತಪ್ಪು ತಿಳಿಯಲಾಗುತ್ತದೆ. ನಮ್ಮ ಬಗ್ಗೆ ಕೆಟ್ಟದಾಗಿ ಮಾತನಾಡಲು ಶುರು ಮಾಡುತ್ತಾರೆ" ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. ಕಷ್ಟಪಟ್ಟು ಬೆವರು ಸುರಿಸಿ ದುಡಿದ ನಟ-ನಟಿಯರು ಸಂಭಾವನೆ ಕೇಳುವುದೇ ಒಂದು ದೊಡ್ಡ ಅಪರಾಧ ಎನ್ನುವಂತೆ ಇಂಡಸ್ಟ್ರಿಯಲ್ಲಿ ನೋಡಲಾಗುತ್ತದೆ ಎಂಬ ಕಟು ವಾಸ್ತವವನ್ನು ಅವರು ಯಾವುದೇ ಮುಲಾಜಿಲ್ಲದೆ ಬಿಚ್ಚಿಟ್ಟಿದ್ದಾರೆ.

'ಬೇರೆ ಸಿನಿಮಾಗಳನ್ನು ಒಪ್ಪಿಕೊಂಡು ನಟಿಸಬೇಕಿತ್ತು'

ಇನ್ನು ತಮ್ಮ ವೃತ್ತಿಜೀವನದ ಅತಿ ದೊಡ್ಡ ಸೋಲು ಅಥವಾ ತಪ್ಪು ನಿರ್ಧಾರದ ಬಗ್ಗೆ ನೆನಪಿಸಿಕೊಂಡ ರಶ್ಮಿ, "ದುನಿಯಾ ಸಿನಿಮಾ ಬ್ಲಾಕ್‌ಬಸ್ಟರ್ ಹಿಟ್ ಆದ ನಂತರ ತಕ್ಷಣವೇ ಬೇರೆ ಸಿನಿಮಾಗಳನ್ನು ಒಪ್ಪಿಕೊಂಡು ನಟಿಸಬೇಕಿತ್ತು. ಆದರೆ ಮುಂದಿನ ಅದ್ಭುತ ಅವಕಾಶಗಳಿಗಾಗಿ ಕಾಯುತ್ತಾ (Wait ಮಾಡಿ) ಬರೋಬ್ಬರಿ 2 ವರ್ಷಗಳ ಅಮೂಲ್ಯ ಸಮಯವನ್ನು ಹಾಳು ಮಾಡಿಕೊಂಡೆ. ಆ 2 ವರ್ಷಗಳಲ್ಲಿ ಯಾವುದೇ ಚಿತ್ರಗಳನ್ನು ಮಾಡದೆ ಸುಮ್ಮನೆ ಕುಳಿತಿದ್ದು ನನ್ನ ಜೀವನದ ಅತಿ ದೊಡ್ಡ ಹಿನ್ನಡೆ. ಅಂದು ಕಾಯದೆ ಬಂದಂತಹ ಅವಕಾಶಗಳನ್ನು ಬಳಸಿಕೊಂಡು ಸತತವಾಗಿ ಸಿನಿಮಾಗಳನ್ನು ಮಾಡಿದ್ದರೆ, ನಾನು ಇನ್ನೂ ಹೆಚ್ಚಿನ ಉತ್ತಮ ಚಿತ್ರಗಳಲ್ಲಿ ಅಭಿನಯಿಸಬಹುದಿತ್ತು ಮತ್ತು ನನ್ನ ಸಿನಿ ಕೆರಿಯರ್ ಮತ್ತೊಂದು ಹಂತದಲ್ಲಿರುತ್ತಿತ್ತು" ಎಂದು ಪಶ್ಚಾತ್ತಾಪ ಹಂಚಿಕೊಂಡಿದ್ದಾರೆ.

ರಶ್ಮಿ ಕಹಿ ಅನುಭವಗಳು

ಚಿತ್ರರಂಗವು ಹೊರಗಿನಿಂದ ನೋಡುವವರಿಗೆ ಅತ್ಯಂತ ಆಕರ್ಷಕವಾಗಿ, ಐಷಾರಾಮಿಯಾಗಿ ಕಾಣಿಸುತ್ತದೆ. ಆದರೆ ತೆರೆಯ ಹಿಂದಿನ ನೋವು, ಸಂಭಾವನೆಯ ವಂಚನೆ ಮತ್ತು ಸರಿಯಾದ ಮಾರ್ಗದರ್ಶನದ ಕೊರತೆಯಿಂದ ಎಷ್ಟೋ ಪ್ರತಿಭಾವಂತ ಕಲಾವಿದರು ನಷ್ಟ ಅನುಭವಿಸುತ್ತಾರೆ ಎಂಬುದಕ್ಕೆ ನಟಿ ರಶ್ಮಿ ಅವರ ಈ ಮಾತುಗಳೇ ಸಾಕ್ಷಿ. ಸಿನಿಮಾ ರಂಗಕ್ಕೆ ಹೊಸದಾಗಿ ಹೆಜ್ಜೆ ಇಡುವ ಯುವ ಕಲಾವಿದರಿಗೆ ರಶ್ಮಿ ಅವರ ಈ ಕಹಿ ಅನುಭವಗಳು ಒಂದು ದೊಡ್ಡ ಎಚ್ಚರಿಕೆಯ ಪಾಠವಾಗಿದೆ.

ನಯಾಪೈಸೆ ಹಣವೂ ಸಿಗಲಿಲ್ಲ

2007ರಲ್ಲಿ ಬಿಡುಗಡೆಯಾದ 'ದುನಿಯಾ' ಚಿತ್ರ ಇಡೀ ಗಾಂಧಿನಗರದ ಚಿತ್ರಣವನ್ನೇ ಬದಲಿಸಿತು. ಆ ಚಿತ್ರದ ಮೂಲಕ ನಾಯಕ 'ದುನಿಯಾ ವಿಜಯ್' ಸ್ಟಾರ್ ನಟರಾದರು, ನಿರ್ದೇಶಕ 'ಸೂರಿ' ಸ್ಯಾಂಡಲ್‌ವುಡ್‌ನ ಬೇಡಿಕೆಯ ನಿರ್ದೇಶಕರಾದರು. ಆದರೆ, ಅದೇ ಸಿನಿಮಾದ ನಾಯಕಿಯಾಗಿ ನಟಿಸಿದ್ದ ರಶ್ಮಿಗೆ ಮಾತ್ರ ಆ ಚಿತ್ರದಿಂದ ನಯಾಪೈಸೆ ಹಣವೂ ಸಿಗಲಿಲ್ಲ, ಅವರ ಕೆರಿಯರ್‌ಗೂ ಭದ್ರ ಬುನಾದಿ ಸಿಗಲಿಲ್ಲ ಎಂಬುದು ಚಿತ್ರರಂಗದ ವಿಪರ್ಯಾಸ.

ಹಿರಿತೆರೆಯಿಂದ ದೂರವಾದ ನಂತರ, ನಟಿ ರಶ್ಮಿ ಕಲರ್ಸ್ ಕನ್ನಡದ ಜನಪ್ರಿಯ ರಿಯಾಲಿಟಿ ಶೋ 'ಬಿಗ್ ಬಾಸ್ ಕನ್ನಡ ಸೀಸನ್ 7'ರಲ್ಲಿ ಸ್ಪರ್ಧಿಯಾಗಿ ಎಂಟ್ರಿ ಕೊಟ್ಟಿದ್ದರು. ಆ ಮೂಲಕ ಮತ್ತೆ ಕನ್ನಡಿಗರ ಮನೆ-ಮನಗಳಿಗೆ ಹತ್ತಿರವಾಗುವ ಪ್ರಯತ್ನ ಮಾಡಿದ್ದರು.

Food: ಮೈದಾ ಹಿಟ್ಟು ಯಾವುದರಿಂದ & ಹೇಗೆ ತಯಾರಾಗುತ್ತೆ? ಇಲ್ಲಿದೆ ಅಚ್ಚರಿಯ ಸತ್ಯ!

Mahmad Rafik — Wed, 21 Oct 2026 14:06:20 +0530

ಗೋಧಿ ಹಿಟ್ಟು Vs ಮೈದಾ ಹಿಟ್ಟು: ಈ ಲೇಖನವು ಮೈದಾ ಹಿಟ್ಟು ಸಿದ್ದವಾಗುವ ಪ್ರಕ್ರಿಯೆಯನ್ನು ವಿವರಿಸುತ್ತದೆ. ಅಂತೆಯೇ ಮೈದಾ ಹಿಟ್ಟಿನ ಉತ್ಪನ್ನಗಳನ್ನು ಸೇವಿಸಿದ ಬಳಿಕ ಆರೋಗ್ಯದಲ್ಲಾಗುವ ಏರುಪೇರುಗಳ ಮಾಹಿತಿಯನ್ನು ಹೊಂದಿದೆ.

ಬೇಕರಿ ಫುಡ್‌ಗಳನ್ನು (ಬಿಸ್ಕಟ್, ಬ್ರೆಡ್, ಕುಕ್ಕಿಸ್, ಪಿಜ್ಜಾ) ಮೈದಾ ಹಿಟ್ಟಿನಿಂದಲೇ ತಯಾರಿಸುತ್ತಾರೆ. ಮನೆಗಳಲ್ಲಿ ಮೈದಾ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದು ಹೇಳುತ್ತಿರುತ್ತಾರೆ. ಆದ್ರೂ ಆಹಾರ ಬಳಕೆಯಲ್ಲಿ ಮೈದಾ ಬಳಕೆ ಮಾಡಲಾಗುತ್ತದೆ. ಈ ಮೈದಾ ಹಿಟ್ಟು ಹೇಗೆ ಸಿದ್ಧವಾಗುತ್ತೆ ಎಂಬುದರ ಮಾಹಿತಿಯನ್ನು ಈ ಲೇಖನ ಒಳಗೊಂಡಿದೆ.

ನಾವು ಪ್ರತಿದಿನ ಬಳಸುವ ಗೋಧಿಯಿಂದಲೇ ಮೈದಾ ಕೂಡ ತಯಾರಾಗುತ್ತೆ. ಆದ್ರೆ, ಇದನ್ನ ಪ್ರೊಸೆಸ್ ಮಾಡುವ ವಿಧಾನ ಮಾತ್ರ ಸಂಪೂರ್ಣ ಬೇರೆಯಾಗಿರುತ್ತದೆ. ಮೊದಲಿಗೆ, ಗೋಧಿಯನ್ನು ಚೆನ್ನಾಗಿ ತೊಳೆದು, ಅದರಲ್ಲಿರುವ ಮಣ್ಣು ಮತ್ತು ಧೂಳಿನಂಶವನ್ನು ತೆಗೆಯುತ್ತಾರೆ.

ನಂತರ ಈ ಕಾಳುಗಳನ್ನು ರೋಲರ್ ಮಿಲ್‌ಗಳಲ್ಲಿ ರುಬ್ಬಿ, ಹೊಟ್ಟು (bran), ಜರ್ಮ್ (germ) ಮತ್ತು ಎಂಡೋಸ್ಪರ್ಮ್ (endosperm) ಅನ್ನು ಬೇರೆ ಮಾಡ್ತಾರೆ. ಹೀಗೆ ಬೇರೆ ಮಾಡಿದ ಬಿಳಿ ಹಿಟ್ಟನ್ನು (ಎಂಡೋಸ್ಪರ್ಮ್) ಹಲವು ಬಾರಿ ಜರಡಿ ಹಿಡಿದು, ಅಲ್ಟ್ರಾ ಫೈನ್ ಮೈದಾ ತಯಾರಿಸುತ್ತಾರೆ.

ಈ ಹಿಟ್ಟು ಸ್ವಲ್ಪ ಹಳದಿ ಬಣ್ಣದಲ್ಲಿರುತ್ತೆ. ಇದನ್ನ ನೋಡಲು ಬೆಳ್ಳಗೆ, ಆಕರ್ಷಕವಾಗಿ ಕಾಣುವಂತೆ ಮಾಡಲು ಬೆಂಜಾಯ್ಲ್ ಪೆರಾಕ್ಸೈಡ್ ಅಥವಾ ಕ್ಲೋರಿನ್ ಡೈಆಕ್ಸೈಡ್‌ನಂತಹ ರಾಸಾಯನಿಕಗಳನ್ನು ಬಳಸಿ ಬ್ಲೀಚ್ ಮಾಡ್ತಾರೆ.

ಮೈದಾ ಆರೋಗ್ಯಕ್ಕೆ ಒಳ್ಳೆಯದಲ್ಲ ಅಂತ ಎಲ್ಲರೂ ಹೇಳ್ತಾರೆ. ಯಾಕಂದ್ರೆ, ಈ ಹಿಟ್ಟಿನಲ್ಲಿ ನಾರಿನಂಶ (ಫೈಬರ್) ಇರೋದಿಲ್ಲ. ಮೈದಾ ತಯಾರಿಸುವಾಗ ಹೊಟ್ಟೆಲ್ಲಾ ತೆಗೆಯುವುದರಿಂದ ಇದರಲ್ಲಿ ಫೈಬರ್ ತುಂಬಾ ಕಡಿಮೆ ಇರುತ್ತೆ. ಅದಕ್ಕೇ, ಮೈದಾದಿಂದ ಮಾಡಿದ ಫುಡ್ಸ್ ತಿಂದರೆ ಮಲಬದ್ಧತೆ, ಅಜೀರ್ಣ ಮತ್ತು ಹೊಟ್ಟೆ ಉಬ್ಬರ ಶುರುವಾಗುತ್ತೆ. ಅಷ್ಟೇ ಅಲ್ಲ, ಮೈದಾದಲ್ಲಿ ಗ್ಲೈಸೆಮಿಕ್ ಇಂಡೆಕ್ಸ್ ತುಂಬಾ ಹೆಚ್ಚಿರುತ್ತೆ.

ಇದು ತಿಂದ ತಕ್ಷಣ ಗ್ಲೂಕೋಸ್ ಆಗಿ ಬದಲಾಗಿ ರಕ್ತದಲ್ಲಿನ ಶುಗರ್ ಲೆವೆಲ್ ಹೆಚ್ಚಿಸುತ್ತೆ. ಹಾಗಾಗಿ, ಶುಗರ್ ಪೇಷೆಂಟ್ಸ್ ಮೈದಾ ಫುಡ್ಸ್‌ನಿಂದ ದೂರ ಇರಬೇಕು.

ಮೈದಾವನ್ನು ರಿಫೈನ್ ಮಾಡುವಾಗ ವಿಟಮಿನ್ ಮತ್ತು ಮಿನರಲ್ಸ್ ಎಲ್ಲವೂ ನಾಶವಾಗುತ್ತೆ. ಇದರಲ್ಲಿ ಉಳಿಯುವುದು ಬರೀ ಪಿಷ್ಟ ಮಾತ್ರ. ಇದರಿಂದ ದೇಹಕ್ಕೆ ಯಾವುದೇ ಪೋಷಕಾಂಶ ಸಿಗುವುದಿಲ್ಲ. ಮೈದಾ ಫುಡ್ಸ್ ತಿಂದಾಗ ತಕ್ಷಣಕ್ಕೆ ಎನರ್ಜಿ ಬಂದಂತೆ ಅನಿಸಿದರೂ, ಸ್ವಲ್ಪ ಹೊತ್ತಿನಲ್ಲೇ ಸುಸ್ತಾಗುತ್ತೆ. ಮತ್ತೆ ಮತ್ತೆ ಸಿಹಿ ತಿನ್ನಬೇಕು, ಜಂಕ್ ಫುಡ್ ತಿನ್ನಬೇಕು ಅನ್ನೋ ಆಸೆ ಹೆಚ್ಚಾಗುತ್ತೆ. ಇದರಿಂದ ತೂಕ ಕೂಡ ಜಾಸ್ತಿಯಾಗುತ್ತೆ. ಜೊತೆಗೆ, ಮೈದಾ ತಯಾರಿಸಲು ಬಳಸುವ ರಾಸಾಯನಿಕಗಳು ನಮ್ಮ ಜೀರ್ಣಾಂಗ ವ್ಯವಸ್ಥೆ ಮೇಲೆ ಕೆಟ್ಟ ಪರಿಣಾಮ ಬೀರಿ, ಹಲವು ಆರೋಗ್ಯ ಸಮಸ್ಯೆಗಳನ್ನು ತಂದೊಡ್ಡುತ್ತವೆ.

ಹಬ್ಬದ ದಿನಗಳಲ್ಲಿ ಅಥವಾ ಅಪರೂಪಕ್ಕೆ ಬೇಕರಿ ಐಟಮ್ಸ್ ತಿಂದರೆ ದೊಡ್ಡ ನಷ್ಟವಿಲ್ಲ. ಆದ್ರೆ, ಪ್ರತಿದಿನ ಮೈದಾ ಬ್ರೆಡ್, ಪಿಜ್ಜಾ, ಪಾಸ್ತಾ, ಬಿಸ್ಕೆಟ್ ತಿನ್ನುವುದೇ ಅಸಲಿ ಸಮಸ್ಯೆ. ಮೈದಾ ಬದಲು ಗೋಧಿ ಹಿಟ್ಟು, ಜೋಳ, ಸಜ್ಜೆ, ರಾಗಿ ಅಥವಾ ಕಡಲೆ ಹಿಟ್ಟು ಬಳಸಿದರೆ ಆರೋಗ್ಯವಾಗಿರಬಹುದು.

ಮೈದಾ ನಮ್ಮ ದೇಹಕ್ಕೆ ಸಂಪೂರ್ಣ ವಿಷವಲ್ಲದಿದ್ದರೂ, ಖಂಡಿತ ಆರೋಗ್ಯಕರ ಆಹಾರವಂತೂ ಅಲ್ಲ. ಇದನ್ನ ಪೂರ್ತಿಯಾಗಿ ಬಿಡುವ ಅಗತ್ಯವಿಲ್ಲ, ಆದ್ರೆ ಮಿತವಾಗಿ ಬಳಸುವುದೇ ಆರೋಗ್ಯಕ್ಕೆ ಸೇಫ್.

Smriti Irani: ‘ಈ ನೆನಪುಗಳು ಸದಾ ನನ್ನೊಂದಿಗಿರುತ್ತವೆ…’ ಧಾರಾವಾಹಿ ಮುಕ್ತಾಯಕ್ಕೆ ಸ್ಮೃತಿ ಇರಾನಿ ಭಾವುಕ ಪೋಸ್ಟ್

Sushma Hegde — Wed, 21 Oct 2026 14:05:42 +0530

ಟಿವಿ ಪ್ರೇಕ್ಷಕರ ಮನಗೆದ್ದ ಜನಪ್ರಿಯ ಧಾರಾವಾಹಿ ‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ 2’ (Kyunki Saas Bhi Kabhi Bahu Thi 2) ಇದೀಗ ತನ್ನ ಪ್ರಸಾರವನ್ನು ಮುಕ್ತಾಯಗೊಳಿಸಿದೆ. ಈ ಧಾರಾವಾಹಿಯ ಅಂತ್ಯಕ್ಕೆ ನಟಿ ಹಾಗೂ ರಾಜಕಾರಣಿ ಸ್ಮೃತಿ ಇರಾನಿ ಭಾವುಕ ಸಂದೇಶದ ಮೂಲಕ ವಿದಾಯ ಹೇಳಿದ್ದಾರೆ. ಧಾರಾವಾಹಿಯ ಸೆಟ್‌ನಲ್ಲಿ ಕಳೆದ ಕ್ಷಣಗಳು, ನೆನಪುಗಳು ಮತ್ತು ಇಡೀ ತಂಡದೊಂದಿಗೆ ಬೆಸೆದುಕೊಂಡ ಭಾವನಾತ್ಮಕ ಸಂಬಂಧವನ್ನು ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

‘ಮತ್ತೆ ನಮ್ಮ ಕಥೆಗಳು ಒಂದಾಗುವವರೆಗೆ…’ ಎಂದ ಸ್ಮೃತಿ ಇರಾನಿ

ಧಾರಾವಾಹಿ ಮುಕ್ತಾಯವಾಗುತ್ತಿರುವ ಹಿನ್ನೆಲೆಯಲ್ಲಿ ಸ್ಮೃತಿ ಇರಾನಿ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಕೆಲವು ವಿಶೇಷ ಕ್ಷಣಗಳನ್ನು ಹಂಚಿಕೊಂಡಿದ್ದಾರೆ. ಇಡೀ ಪ್ರಯಾಣ ಭಾವನೆಗಳ ರೋಲರ್ ಕೋಸ್ಟರ್‌ನಂತಿತ್ತು ಎಂದು ಅವರು ವರ್ಣಿಸಿದ್ದಾರೆ. ಹಳೆಯ ಕಥೆಗಳನ್ನು ಮತ್ತೊಮ್ಮೆ ನೆನಪಿಸಿಕೊಳ್ಳುವುದು, ಹೊಸ ಅನುಭವಗಳನ್ನು ಪಡೆಯುವುದು ಮತ್ತು ಪ್ರತಿಯೊಂದು ತಿರುವಿನಲ್ಲೂ ವಿಭಿನ್ನ ಭಾವನೆಗಳನ್ನು ಅನುಭವಿಸಿದ್ದು ಈ ಪಯಣದ ವಿಶೇಷವಾಗಿತ್ತು ಎಂಬ ಅರ್ಥದಲ್ಲಿ ಅವರು ಬರೆದುಕೊಂಡಿದ್ದಾರೆ.

ಪರದೆ ಇಳಿದ ಬಳಿಕವೂ ಈ ಧಾರಾವಾಹಿಯಲ್ಲಿ ಸೃಷ್ಟಿಯಾದ ನೆನಪುಗಳು ಮತ್ತು ಅನುಭವಗಳು ತಮ್ಮೊಂದಿಗೆ ಸದಾ ಉಳಿಯಲಿವೆ ಎಂದು ಸ್ಮೃತಿ ಇರಾನಿ ಭಾವುಕವಾಗಿ ತಿಳಿಸಿದ್ದಾರೆ. “Until our stories find each other again…” ಎಂಬ ಅವರ ಮಾತು ಅಭಿಮಾನಿಗಳ ಗಮನ ಸೆಳೆದಿದೆ. ಅಂದರೆ, ನಮ್ಮ ಕಥೆಗಳು ಮತ್ತೆ ಒಂದಾಗುವವರೆಗೆ ಎಂಬ ಭಾವನಾತ್ಮಕ ಸಂದೇಶದೊಂದಿಗೆ ಅವರು ವಿದಾಯ ಹೇಳಿದ್ದಾರೆ.

167 ಎಪಿಸೋಡ್‌ಗಳಿಗೆ ಪ್ಲಾನ್, ಆದರೆ ಪ್ರಸಾರವಾಗಿದ್ದು 450 ಎಪಿಸೋಡ್‌ಗಳು!

ಈ ಧಾರಾವಾಹಿಯ ಮುಕ್ತಾಯದ ಬಗ್ಗೆ ನಿರ್ಮಾಪಕಿ ಏಕ್ತಾ ಕಪೂರ್ ಕೂಡ ಭಾವುಕ ಸಂದೇಶ ಹಂಚಿಕೊಂಡಿದ್ದಾರೆ. ಆರಂಭದಲ್ಲಿ ಕೇವಲ 167 ಎಪಿಸೋಡ್‌ಗಳನ್ನು ಪ್ರಸಾರ ಮಾಡುವ ಯೋಜನೆ ಇತ್ತು. ಆದರೆ ಪ್ರೇಕ್ಷಕರ ಪ್ರೀತಿ ಮತ್ತು ಧಾರಾವಾಹಿಯ ಜನಪ್ರಿಯತೆಯಿಂದಾಗಿ ಒಟ್ಟು 450 ಎಪಿಸೋಡ್‌ಗಳವರೆಗೆ ಪ್ರಸಾರವಾಯಿತು ಎಂದು ಅವರು ತಿಳಿಸಿದ್ದಾರೆ.

‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ’ ತಮ್ಮನ್ನು ರೂಪಿಸುವಲ್ಲಿ ಮಹತ್ವದ ಪಾತ್ರ ವಹಿಸಿದೆ ಎಂದು ಏಕ್ತಾ ಕಪೂರ್ ನೆನಪಿಸಿಕೊಂಡಿದ್ದಾರೆ. ಧಾರಾವಾಹಿಗೆ ವಿದಾಯ ಹೇಳುವುದು ಕಷ್ಟವಾದರೂ, ಅದರ ಮೇಲಿನ ಪ್ರೀತಿ ಎಂದಿಗೂ ಕಡಿಮೆಯಾಗುವುದಿಲ್ಲ ಎಂಬ ಭಾವನೆಯನ್ನು ಅವರು ವ್ಯಕ್ತಪಡಿಸಿದ್ದಾರೆ.

ಮತ್ತೆ ತುಳಸಿ ಮತ್ತು ಮಿಹಿರ್ ಆಗಿ ಬಂದಿದ್ದ ಸ್ಮೃತಿ ಇರಾನಿ, ಅಮರ್ ಉಪಾಧ್ಯಾಯ್

2000ರಲ್ಲಿ ಆರಂಭವಾದ ‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ’ ಭಾರತೀಯ ಕಿರುತೆರೆಯ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದಾಗಿತ್ತು. ಈ ಧಾರಾವಾಹಿಯಲ್ಲಿ ತುಳಸಿ ವಿರಾನಿ ಪಾತ್ರದ ಮೂಲಕ ಸ್ಮೃತಿ ಇರಾನಿ ಅಪಾರ ಜನಪ್ರಿಯತೆ ಗಳಿಸಿದ್ದರು. ಮಿಹಿರ್ ವಿರಾನಿ ಪಾತ್ರದಲ್ಲಿ ಅಮರ್ ಉಪಾಧ್ಯಾಯ್ ಕೂಡ ಪ್ರೇಕ್ಷಕರ ಮನಗೆದ್ದಿದ್ದರು.

2025ರ ಜುಲೈ 29ರಂದು ‘ಕ್ಯೂಂಕಿ ಸಾಸ್ ಭಿ ಕಭಿ ಬಹು ಥಿ 2’ ಸ್ಟಾರ್ ಪ್ಲಸ್‌ನಲ್ಲಿ ಆರಂಭವಾಗಿತ್ತು. ಹಳೆಯ ಧಾರಾವಾಹಿಯ ಮುಂದುವರಿದ ಭಾಗವಾಗಿ ಬಂದ ಈ ಹೊಸ ಆವೃತ್ತಿಯಲ್ಲಿ ಸ್ಮೃತಿ ಇರಾನಿ ಮತ್ತು ಅಮರ್ ಉಪಾಧ್ಯಾಯ್ ಮತ್ತೆ ತುಳಸಿ ಹಾಗೂ ಮಿಹಿರ್ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದರು. ಹಳೆಯ ಧಾರಾವಾಹಿಯ ನೆನಪುಗಳನ್ನು ಮರುಕಳಿಸಿದ ಈ ಹೊಸ ಆವೃತ್ತಿ ಇದೀಗ 450 ಎಪಿಸೋಡ್‌ಗಳ ಬಳಿಕ ಅಂತ್ಯಗೊಂಡಿದೆ.

ಅಭಿಮಾನಿಗಳ ಮನದಲ್ಲಿ ಉಳಿಯಲಿವೆ ಆ ನೆನಪುಗಳು

ಒಂದು ಧಾರಾವಾಹಿ ಮುಕ್ತಾಯವಾದರೂ ಅದರ ಪಾತ್ರಗಳು ಮತ್ತು ಕಥೆಗಳು ಪ್ರೇಕ್ಷಕರ ನೆನಪಿನಲ್ಲಿ ಉಳಿಯುತ್ತವೆ. ಅದರಲ್ಲೂ ವರ್ಷಗಳ ಕಾಲ ಜನರೊಂದಿಗೆ ಭಾವನಾತ್ಮಕ ಸಂಬಂಧ ಬೆಳೆಸಿಕೊಂಡ ಧಾರಾವಾಹಿಗಳಿಗೆ ವಿದಾಯ ಹೇಳುವುದು ಅಭಿಮಾನಿಗಳಿಗೂ ಸುಲಭವಲ್ಲ.

ಸ್ಮೃತಿ ಇರಾನಿ ಮತ್ತು ಏಕ್ತಾ ಕಪೂರ್ ಅವರ ಭಾವುಕ ಸಂದೇಶಗಳು ಈ ಧಾರಾವಾಹಿಯೊಂದಿಗೆ ಬೆಸೆದುಕೊಂಡಿದ್ದ ನೆನಪುಗಳನ್ನು ಮತ್ತೊಮ್ಮೆ ಮುನ್ನೆಲೆಗೆ ತಂದಿವೆ. ತುಳಸಿ ಮತ್ತು ಮಿಹಿರ್ ಜೋಡಿಯನ್ನು ಮತ್ತೆ ಕಿರುತೆರೆಯಲ್ಲಿ ನೋಡಿದ್ದ ಅಭಿಮಾನಿಗಳಿಗೆ ಈ ಮುಕ್ತಾಯ ಭಾವುಕ ಕ್ಷಣವಾಗಿದೆ.

Mysuru ಅರಮನೆಯಲ್ಲಿ ಮಮತೆಯ ದರ್ಬಾರ್: ರಾಜಮಾತೆ-ಮೊಮ್ಮಗನ ತುಂಟಾಟಕ್ಕೆ ದಸರಾ ಜನತೆ ಫಿದಾ!

Bhimasi M Koleppanavar — Wed, 21 Oct 2026 13:55:05 +0530

ಮೈಸೂರು ದಸರಾ ಎಂದರೆ ನೆನಪಾಗುವುದು ರಾಜ ಗಾಂಭೀರ್ಯದ ಹೆಜ್ಜೆ ಇಡುವ ಆನೆ, ಅಂಬಾರಿ, ಮತ್ತು ತಾಯಿ ಚಾಮುಂಡೇಶ್ವರ ಜಂಬೂ ಸವಾರಿ. ಅಲ್ಲದೇ ಸಾಂಪ್ರದಾಯಿಕ ಪೂಜ, ಶಿಸ್ತಿನ ವಿಧಿವಿಧಾನಗಳು. ಆದರೆ, ಈ ಭವ್ಯತೆಯ ನಡುವೆ ಜನರ ಹೃದಯವನ್ನು ಅತಿ ಹೆಚ್ಚು ಸ್ಪರ್ಶಿಸುತ್ತಿರುವುದು ಅರಮನೆಯ ಒಳಗೆ ಕಂಡುಬರುತ್ತಿರುವ ಮಮತೆಯ ಮತ್ತು ಕೌಟುಂಬಿಕ ಕ್ಷಣಗಳು. ಈ ಬಾರಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ವಿಡಿಯೋಗಳು ರಾಜಮನೆತನದ ಆಚೆಗಿನ ಒಂದು ಸುಂದರ ಅಜ್ಜಿ-ಮೊಮ್ಮಗನ ಭಾವನಾತ್ಮಕ ಬಾಂಧವ್ಯವನ್ನು ಜಗತ್ತಿಗೆ ಪರಿಚಯಿಸುತ್ತಿವೆ. ಈ ಕುರಿತು ಕಂಪ್ಲೀಟ್‌ ಸ್ಟೋರಿ ಇಲ್ಲಿದೆ.

ರಾಜ ಗಾಂಭೀರ್ಯದ ನಡುವೆ ಅರಳಿದ ಕೌಟುಂಬಿಕ ಪ್ರೀತಿ!

ಅರಮನೆಯ ಖಾಸಗಿ ದರ್ಬಾರ್ ಮತ್ತು ಆಯುಧ ಪೂಜೆಯ ಸಂದರ್ಭಗಳು ಅತ್ಯಂತ ಕಟ್ಟುನಿಟ್ಟಿನ ನಿಯಮಗಳಿಂದ ಕೂಡಿರುತ್ತವೆ. ಇಂತಹ ಗಂಭೀರ ವಾತಾವರಣದ ನಡುವೆಯೂ, ಪ್ರಮೋದಾದೇವಿ ಒಡೆಯರ್ ಮತ್ತು ಅವರ ಮುದ್ದಿನ ಮೊಮ್ಮಗ ಆದ್ಯವೀರ್ ಒಡೆಯರ್ ನಡುವಿನ ಮುದ್ದಾದ ತುಂಟಾಟ ಇಡೀ ಹಬ್ಬಕ್ಕೆ ಒಂದು ಕೌಟುಂಬಿಕ ಕಳೆ ತಂದುಕೊಟ್ಟಿದೆ. ಸಿಂಹಾಸನದ ಮೇಲಿರುವ ರಾಜಪ್ರಭುತ್ವದ ಗಾಂಭೀರ್ಯಕ್ಕಿಂತ, ಅಲ್ಲಿ ಹರಿಯುತ್ತಿರುವ ಅಜ್ಜಿ-ಮೊಮ್ಮಗನ ಪ್ರೀತಿ ದೊಡ್ಡದು ಎಂಬುದನ್ನು ಈ ಕ್ಷಣಗಳು ನಿರೂಪಿಸುತ್ತವೆ.

ಪ್ರಮೋದಾ ದೇವಿ ಒಡೆಯರ್ ಕಣ್ಣುಗಳಲ್ಲಿ ಮೂಡಿದ ಮಿನುಗು!

ಪತಿ ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಅವರ ಅಗಲಿಕೆಯ ನಂತರ, ಇಡೀ ರಾಜಮನೆತನವನ್ನು ಮತ್ತು ದಸರಾ ಪರಂಪರೆಯನ್ನು ಮುನ್ನಡೆಸಿಕೊಂಡು ಬಂದವರು ಪ್ರಮೋದಾದೇವಿ ಒಡೆಯರ್‍‌. ಇಂದು ಅವರದ್ದೇ ಮಡಿಲಲ್ಲಿ ಬೆಳೆಯುತ್ತಿರುವ ಪುಟ್ಟ ಯುವರಾಜ ಆದ್ಯವೀರ್, ತಂದೆ ಯದುವೀರ್ ಒಡೆಯರ್ ಅವರ ಪಕ್ಕದಲ್ಲಿ ರಾಜ ಪೋಷಾಕು ಧರಿಸಿ ಶಿಸ್ತಿನಿಂದ ಕುಳಿತುಕೊಳ್ಳುವುದನ್ನು ನೋಡುವಾಗ, ರಾಜಮಾತೆಯ ಕಣ್ಣುಗಳಲ್ಲಿ ಮೂಡುವ ತೃಪ್ತಿ ಮತ್ತು ಹೆಮ್ಮೆಯ ಮಿನುಗು ಕೋಟಿ ರೂಪಾಯಿ ಕೊಟ್ಟರೂ ಸಿಗದ ಅದ್ಭುತ ಭಾವನೆ.

ಪರಂಪರೆಯ ಹಸ್ತಾಂತರಕ್ಕೆ ಸಾಕ್ಷಿಯಾದ ಮುಗ್ಧತೆ!

ಪುಟ್ಟ ವಯಸ್ಸಿನ ಆದ್ಯವೀರ್ ತನ್ನ ತಂದೆಯನ್ನು ನೋಡಿ ಅದೇ ರೀತಿ ಸಾರ್ವಜನಿಕರಿಗೆ ಕೈಮುಗಿಯುವುದು, ರಾಜರ ಶೈಲಿಯಲ್ಲಿ ಸೆಲ್ಯೂಟ್ ಹೊಡೆಯುವುದನ್ನು ಕಣ್ಣುಂಬಿಕೊಳ್ಳುವುದು ಭಾವುಕ ಕ್ಷಣ. ಶತಮಾನಗಳ ಇತಿಹಾಸವಿರುವ ರಾಜಪರಂಪರೆ ಹೇಗೆ ಮುಂದಿನ ಪೀಳಿಗೆಗೆ ಅತ್ಯಂತ ಸಹಜವಾಗಿ ಮತ್ತು ಮುಗ್ಧವಾಗಿ ಹಸ್ತಾಂತರವಾಗುತ್ತಿದೆ ಎಂಬುದಕ್ಕೆ ಈ ಪುಟ್ಟ ಯುವರಾಜನ ನಡವಳಿಕೆಯೇ ಸಾಕ್ಷಿ. ಇದನ್ನು ಅರಮನೆಯ ಗ್ಯಾಲರಿಯಲ್ಲಿ ಕುಳಿತು ಹೆಮ್ಮೆಯಿಂದ ನೋಡುವ ತಾಯಿ ತ್ರಿಷಿಕಾ ಕುಮಾರಿ ಅವರ ಮುಖದ ಭಾವನೆಗಳು ಪ್ರತಿಯೊಬ್ಬ ತಾಯಿಗೂ ಕನೆಕ್ಟ್ ಆಗುವಂತಿವೆ.

ಗಾಂಭೀರ್ಯ ಸರಿಸಿ ನಿಲ್ಲುವ ಮೊಮ್ಮಗನ ತುಂಟಾಟ!

ಎಷ್ಟೇ ರಾಜಮನೆತನವಾದರೂ ಮಗುವಿನ ಮುಗ್ಧತೆ ಮತ್ತು ತುಂಟಾಟಕ್ಕೆ ಯಾವುದೇ ಬೌಂಡರಿ ಇರುವುದಿಲ್ಲ. ಪೂಜೆಯ ಮಧ್ಯೆ ಮುದ್ದಾಗಿ ಆಕಳಿಸುವುದು, ಸುತ್ತಲೂ ಕುತೂಹಲದಿಂದ ನೋಡುವುದು ಮತ್ತು ಅಜ್ಜಿಯ ಹತ್ತಿರ ಬಂದಾಗ ಅವರ ಸೆರಗು ಹಿಡಿದು ಎಳೆಯುವ ಮುದ್ದಾದ ತುಂಟಾಟಗಳು ಜನರ ಮನಸ್ಸು ಕದಿಯುತ್ತಿವೆ. ಸದಾ ಗಂಭೀರ ಮುಖಭಾವದಿಂದ ಧಾರ್ಮಿಕ ವಿಧಿವಿಧಾನಗಳಲ್ಲಿ ನಿರತರಾಗಿರುವ ಪ್ರಮೋದಾದೇವಿ ಒಡೆಯರ್‍‌, ಮೊಮ್ಮಗನ ತುಂಟಾಟಕ್ಕೆ ಕೊಡುವ ಮುಗುಳ್ನಗು ಮತ್ತು ಅವನ ತಲೆ ಸವರುವ ರೀತಿ ಅರಮನೆಯಲ್ಲೂ ಸಾಮಾನ್ಯರಂತೆಯೇ ಇರುವ ಅಜ್ಜಿ-ಮೊಮ್ಮಗನ ಮಮತೆಯ ಲೋಕವನ್ನು ಎತ್ತಿ ತೋರಿಸುತ್ತದೆ.

ನೆಟ್ಟಿಗರ ಮನಗೆದ್ದ 'ರಿಯಲ್' ಕೌಟುಂಬಿಕ ಮೌಲ್ಯಗಳು!

ಇಂದಿನ ಡಿಜಿಟಲ್ ಯುಗದಲ್ಲಿ ಜಂಟಿ ಕುಟುಂಬಗಳು ಮತ್ತು ಹಿರಿಯರೊಂದಿಗಿನ ಬಾಂಧವ್ಯ ಕಡಿಮೆ ಆಗುತ್ತಿರುವಾಗ, ಮೈಸೂರು ಅರಮನೆಯ ಈ ದೃಶ್ಯಗಳು ಸಮಾಜಕ್ಕೆ ಒಂದು ಸಂದೇಶ ನೀಡುತ್ತಿವೆ. ಇದೇ ಕಾರಣಕ್ಕೆ ಇನ್ಸ್ಟಾಗ್ರಾಮ್ ಮತ್ತು ಯೂಟ್ಯೂಬ್‌ನಲ್ಲಿ ಜನರು ಇವುಗಳನ್ನು ಕೇವಲ 'ರಾಜಮನೆತನದ ವಿಡಿಯೋ' ಎಂದು ನೋಡುತ್ತಿಲ್ಲ, ಬದಲಿಗೆ ತಮ್ಮದೇ ಮನೆಯ ಹಬ್ಬದ ಸಂಭ್ರಮದಂತೆ ಭಾವನಾತ್ಮಕವಾಗಿ ಸ್ವೀಕರಿಸಿ, ಲಕ್ಷಾಂತರ ಲೈಕ್ಸ್ ಮತ್ತು ಕಮೆಂಟ್‌ಗಳ ಮೂಲಕ ಪ್ರೀತಿ ಹರಿಸುತ್ತಿದ್ದಾರೆ.

ದಸರಾ ಎಂದರೇನೇ ಪ್ರಿತಿಯ ಪರಂಪರೆ!

ಕೊನೆಯದಾಗಿ, ಮೈಸೂರು ದಸರಾ ಎಂದರೆ ಕೇವಲ ಅಂಬಾರಿ, ಆನೆಗಳು ಮತ್ತು ದೀಪಾಲಂಕಾರದ ವೈಭವವಷ್ಟೇ ಅಲ್ಲ; ಅದು ತಲೆಮಾರುಗಳನ್ನು ಬೆಸೆಯುವ ಪ್ರೀತಿ, ಪರಂಪರೆ ಮತ್ತು ಕೌಟುಂಬಿಕ ಮೌಲ್ಯಗಳ ಮಹಾಸಂಗಮ ಎಂಬುದನ್ನು ಅರಮನೆಯ ಈ 'ಮಮತೆಯ ದರ್ಬಾರ್' ಸಾಬೀತುಪಡಿಸಿದೆ.

ಹಿಂಗಾರಿನಿಂದ ಸಮೃದ್ಧಿ ಎನ್ನುತ್ತಲೇ ರಾಜ್ಯ ರಾಜಕಾರಣದ ಕುರಿತು ಕೋಡಿಶ್ರೀ ಭವಿಷ್ಯವಾಣಿ ಏನು

Suchethana D — Wed, 21 Oct 2026 13:50:38 +0530

ಧಾರವಾಡ: ಪ್ರತಿವರ್ಷವೂ ದಸರಾ ಸಮಯ ಸೇರಿದಂತೆ ಕೆಲವೊಂದು ಪ್ರಮುಖ ದಿನಗಳಲ್ಲಿ ಕೋಡಿಮಠದ ಡಾ. ಶಿವಾನಂದ ಶಿವಯೋಗಿ ರಾಜೇಂದ್ರ ಸ್ವಾಮೀಜಿ ಭವಿಷ್ಯವಾಣಿ ನುಡಿಯುತ್ತಾರೆ. ಇವರ ಭವಿಷ್ಯ ನಿಜವಾಗುತ್ತದೆ ಎಂದು ಹಲವು ಭಕ್ತರು ನಂಬುವುದು ಇದೆ. ಈ ಹಿಂದೆ ಇವರಾಡಿರುವ ವಾಣಿಗಳು ನಿಜವಾಗಿವೆ ಎಂದೂ ಹೇಳಲಾಗುತ್ತದೆ. ಅದೇ ರೀತಿ ಇದೀಗ ಧಾರವಾಡದಲ್ಲಿ ನಡೆದ ಜಂಬೂಸವಾರಿ ಉತ್ಸವದಲ್ಲಿ ಭಾಗವಹಿಸಿದ ಬಳಿಕ ಮಾಧ್ಯಮಗಳೊಂದಿಗೆ ಮಾತನಾಡಿದ ಕೋಡಿಶ್ರೀ ಅವರು ಕೆಲವೊಂದು ವಿಷಯಗಳ ಬಗ್ಗೆ ತಿಳಿಸಿದ್ದಾರೆ. ರಾಜ್ಯದಲ್ಲಿನ ಮಳೆ-ಬೆಳೆ ಬಗ್ಗೆ ತಿಳಿಸುತ್ತಲೇ ರಾಜ್ಯದ ರಾಜಕೀಯದ ಕುರಿತು ಕೇಳಿದ ಪ್ರಶ್ನೆಗೂ ಪ್ರತಿಕ್ರಿಯೆ ನೀಡಿದ್ದಾರೆ.

ಮಳೆಯ ಕುರಿತು ಹೇಳಿದ್ದೇನು?

ಕೋಡಿಶ್ರೀ ಅವರು ಮಳೆಯ ಬಗ್ಗೆ ಮಾತನಾಡುತ್ತಾ, ಹಿಂಗಾರು ಮಳೆ ಉತ್ತಮವಾಗಿ ಸುರಿಯಲಿದೆ. ನಾಡು ಸುಭಿಕ್ಷವಾಗಲಿದೆ ಎಂದಿದ್ದಾರೆ. ಈ ಹಿಂದೆ ಹೇಳಿದಂತೆ ಮುಂಗಾರು ಮಳೆ ಸಮರ್ಪಕವಾಗಿ ಆಗದೆ, ನೀರಿನ ಅಭಾವ, ಅನ್ನದ ಕೊರತೆ ಹಾಗೂ ಜನಜೀವನದಲ್ಲಿ ತೀವ್ರ ಸಂಕಷ್ಟಗಳು ಎದುರಾಗಿದ್ದವು. ಆದರೆ, ಈಗ ಮುಂದೆ ಹಿಂಗಾರು ಮಳೆ ಉತ್ತಮವಾಗಿ ಸುರಿಯಲಿದೆ. ಇದರಿಂದ ನಾಡಿನಲ್ಲಿ ಸಮೃದ್ಧಿ ಉಂಟಾಗಿ, ಜನರಿಗೆ ಎದುರಾಗಿದ್ದ ಸಂಕಷ್ಟಗಳು ಕಳೆದು ನೆಮ್ಮದಿ ಮತ್ತು ಶಾಂತಿ ಸಿಗಲಿದೆ. ಜಲಾಶಯಗಳು ಹಾಗೂ ಜಲಚರಗಳಿಗೂ ಒಳಿತಾಗಲಿದೆ ಎಂದು ನುಡಿದಿದ್ದಾರೆ. ಅಖಂಡ ಕರ್ನಾಟಕದ ಸಾಹಿತ್ಯ, ಸಂಸ್ಕೃತಿ, ಜನಜೀವನ ಹಾಗೂ ರೈತರು, ಕಾರ್ಮಿಕರು ಸೇರಿದಂತೆ ಸಮಸ್ತ ಮನುಕುಲ ಒಂದಾಗಿ ಸಾಗಬೇಕು ಎಂದು ಕೋಡಿಶ್ರೀ ಆಶಯ ವ್ಯಕ್ತಪಡಿಸಿದ್ದಾರೆ.

ಈ ಬಾರಿಯ ಮಳೆಯಿಂದ ಜಲಚರಗಳಿಗೂ ಒಳಿತಾಗಲಿದೆ. ಜನ, ಜಾನುವಾರುಗಳ ಸಮೃದ್ಧಿ ಸಿಗಲಿದೆ ಎಂದು ಕೋಡಿಶ್ರೀಗಳು ಭರವಸೆ ನೀಡಿದ್ದಾರೆ. ಈ ಮೂಲಕ ರಾಜ್ಯದಲ್ಲಿ ಹಿಂಗಾರು ಮಳೆಯಿಂದ ಉತ್ತಮ ಇಳುವರಿ, ಆರ್ಥಿಕ ಸಂಕಷ್ಟದಲ್ಲಿರುವ ರೈತರು ಚೇತರಿಸಿಕೊಳ್ಳಲಿದ್ದಾರೆ. ಬರಗಾಲದೋತ್ತರ ಜನಜೀವನ ಸಹಜ ಸ್ಥಿತಿಗೆ ಮರಳಲಿದೆ ಎಂದು ಸ್ವಾಮೀಜಿ ನುಡಿದರು. ರೋಗ ರುಜಿನಗಳು ದೂರಾಗಿ, ಉತ್ತಮ ಮಳೆ-ಬೆಳೆ ಆಗಿ ನಾಡಿನ ಜನರಿಗೆ ಶಾಂತಿ ಹಾಗೂ ನೆಮ್ಮದಿ ಸಿಗಲಿ ಎಂದು ಕೋಡಿ ಮಠದ ಶ್ರೀಗಳು ಪ್ರಾರ್ಥಿಸಿದರು.

ರಾಜಕೀಯದ ಬಗ್ಗೆ ಏನ್ ಹೇಳಿದ್ರು?

ರಾಜ್ಯ ರಾಜಕಾರಣದ ಬಗ್ಗೆ ಏನಾದರೂ ಹೇಳುತ್ತಾರೆಯೇ ಎಂದು ನೋಡುವ ಸಲುವಾಗಿ ಮಾಧ್ಯಮದವರು ಈ ಪ್ರಶ್ನೆಯನ್ನು ಸ್ವಾಮೀಜಿಗೆ ಕೇಳಿದಾಗ, ಆ ಬಗ್ಗೆ ಸ್ಪಷ್ಟ ಉತ್ತರ ಕೊಡದ ಅವರು, ರಾಜ್ಯ ರಾಜಕಾರಣ ಬಗ್ಗೆ ನನಗಿಂತ ನಿಮಗೆ ಚೆನ್ನಾಗಿ ಗೊತ್ತಿದೆ ಎಂದಷ್ಟೇ ಹೇಳಿ, ಎಲ್ಲರಿಗೂ ಒಳಿತಾಗಲಿ, ದೈವ ಕೃಪೆ ಇರಲಿ ಎಂದು ತೆರಳಿದರು.

68 ಕಿಲೋ ಮೀಟರ್‌ ಮೈಲೇಜ್, ಈ ಸ್ಕೂಟರ್‌ನ ಮಾರಾಟವು ಶೇಕಡಾ 90 ರಷ್ಟು ಹೆಚ್ಚಾಗಿದೆ..

Ganesh Mabla Gowda — Wed, 21 Oct 2026 13:47:14 +0530

ಕಳೆದ ಸೆಪ್ಟೆಂಬರ್‌ನಲಿ ಯಮಹ ಕಂಪನಿ ಭರ್ಜರಿ ಲಾಭದಲ್ಲಿ ಇದೆ. ಸ್ಕೂಟರ್‌ಗಳ ಮಾರಾಟದಲ್ಲಿ ಶೇಕಡಾ 90 ರಷ್ಟು ಪ್ರಗತಿ ಸಾಧಿಸಿದ್ದು, ಗ್ರಾಹಕರು ಖರೀದಿಸಲು ಮುಗಿಬಿದ್ದಿದ್ದಾರೆ ಎಂದು ಸಂಸ್ಥೆ ಹೇಳಿಕೊಂಡಿದೆ. ಈ ಕುರಿತ ಒಂದು ರಿಪೋರ್ಟ್‌ ಇಲ್ಲಿದೆ.

ಕಳೆದ ಸೆಪ್ಟೆಂಬರ್‌ಗೆ ಹೋಲಿಸಿದರೆ ಯಮಹ ಮೋಟಾರ್‌ ಇಂಡಿಯಾ ತನ್ನ ಸ್ಕೂಟರ್‌ಗಳ ಮಾರಾಟದಲ್ಲಿ ಶೇಕಡಾ 10 ರಷ್ಟು ಪ್ರಗತಿಯನ್ನ ಈ ಸೆಪ್ಟೆಂಬರ್‌ನಲ್ಲಿ ಕಂಡಿದೆ. ದೇಸಿಯ ಮಾರುಕಟ್ಟೆಯಲ್ಲಿ ಹೆಚ್ಚು ಬೆಳವಣಿಗೆ ಕಂಡಿದೆ. ಯಮಹಾ ರೇಝಡ್‌ ಭಾರತದಲ್ಲಿ ಹೆಚ್ಚು ಮಾರಾಟವಾಗಿದೆ. 2025ರ ಸೆಪ್ಟೆಂಬರ್‌ನಲ್ಲಿ ಯಮಹ ಒಟ್ಟು 73307 ವಾಹನಗಳನ್ನ ಮಾರಾಟ ಮಾಡಿತ್ತು. ಅದೇ ಈ ಬಾರಿ 80782 ವಾಹನಗಳನ್ನ ಮಾರಾಟ ಮಾಡಿದೆ. ಕಳೆದ ಅಗಸ್ಟ್‌ನಲ್ಲಿ 68796 ರಷ್ಟು ಮಾರಾಟ ಮಾಡಿರೋದನ್ನ ಹೋಲಿಸಿದರೆ ಶೇ. 17.42 ರಷ್ಟು ಬೆಳವಣಿಗೆ ನೋಡಬಹುದು.

ವಾಹನಗಳ ಮಾರಾಟದಲ್ಲಿ ಯಮಹಾ ಫ್ಯಾಸಿನೋ ಹೆಚ್ಚು ಮುಂಚೂಣಿಯಲ್ಲಿದೆ. ಈ ಸ್ಕೂಟರ್‌ನ ಮಾರಾಟವು ಶೇಕಡಾ 90.58 ರಷ್ಟು ಹೆಚ್ಚಳವಾಗಿದೆ. ಸೆಪ್ಟೆಂಬರ್‌ನಲ್ಲಿ 11349 ಯುನಿಟ್‌ಗಳು ಮಾರಾಟ ಆಗಿದೆ. 2025ರ ಸೆಪ್ಟೆಂಬರ್‌ನಲ್ಲಿ 5955 ಯುನಿಟ್‌ಗಳು ಮಾತ್ರ ಮಾರಾಟ ಆಗಿದ್ದವು. ಅಂದರೆ ಇದು ವರ್ಷದಿಂದ ವರ್ಷಕ್ಕೆ ಶೇಕಡಾ 90ಕ್ಕಿಂತ ಹೆಚ್ಚಿನ ಸಂಖ್ಯೆಯಲಿ ಮಾರಾಟವನ್ನು ಕಂಡಿದೆ.

ಟರ್ 125 ಸಿಸಿ
ಏರ್-ಕೂಲ್ಡ್
4-ಸ್ಟ್ರೋಕ್ ಎಂಜಿನ್
8.2 ಪಿಎಸ್ ಪವರ್
10.3 ಎನ್ಎಂ ಟಾರ್ಕ್
ಟಿಎಫ್‌ಟಿ ಮೀಟರ್
ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್
ಫೋನ್ ಕರೆ, ಎಸ್‌ಎಂಎಸ್, ಇಮೇಲ್ ಎಚ್ಚರಿಕೆ‌
ವಿವಿಧ ಅಪ್ಲಿಕೇಷನ್‌ ಕನೆಕ್ಷನ್‌
ಪ್ರತಿ ಲೀಟರ್‌ಗೆ 68 ಕಿಲೋಮೀಟರ್ ಮೈಲೇಜ್
ಬೆಲೆ ₹78,980 ರಿಂದ ಪ್ರಾರಂಭ

ಭಾರತದಲ್ಲಿ ಅದರ ಮಾರಾಟದ ಬಗ್ಗೆ ಹೇಳೋದಾದರೆ.. ಕಂಪನಿಯ ರೇಝಡ್‌ಆರ್‌ಗೆ ಬೇಡಿಕೆ ಹೆಚ್ಚಿದೆ. ಸೆಪ್ಟೆಂಬರ್‌ ಸ್ಕೂಟರ್‌ 22088 ಯುನಿಟ್‌ಗಳನ್ನ ಮಾರಾಟ ಮಾಡಿದೆ. ಆರ್‌15 ಮಾರಾಟದಲ್ಲಿ ಎರಡನೇ ಸ್ಥಾನದಲ್ಲಿದೆ.14256 ಯೂನಿಟ್‌ಗಳನ್ನ ಮಾರಾಟ ಮಾಡಿದೆ. ಎಫ್‌ಝೆಡ್‌ ಮೂರನೇ ಸ್ಥಾನದಲ್ಲಿದೆ. ನಾಲ್ಕನೇ ಸ್ಥಾನದಲ್ಲಿ ಫ್ಯಾಸಿನೋ ಇದೆ.

ಭಾರತದಲ್ಲಿ ಟೆಸ್ಲಾ ರೋಡ್‌ಸ್ಟರ್ ಹಾರು ಕಾರಿನ ಬುಕಿಂಗ್ ಆರಂಭ, ಡೌನ್‌ಪೇಮೆಂಟ್,ಬೆಲೆ ಎಷ್ಟು?

Chethan Kumar — Wed, 21 Oct 2026 13:36:35 +0530

ನವದೆಹಲಿ (ಅ.21) ವಿಶ್ವದ ನಂಬರ್ 1 ಎಲೆಕ್ಟ್ರಿಕ್ ಕಾರು ಟೆಸ್ಲಾ ಇದೀಗ ವಿಶ್ವದಲ್ಲೇ ಭಾರಿ ಸಂಚಲನ ಸೃಷ್ಟಿಸಿದೆ. ಹಾರುವ ಕಾರು ಬಿಡುಗಡೆ ಮಾಡುವ ಮೂಲಕ ಹೊಸ ಇತಿಹಾಸ ರಚಿಸಿದೆ. ಇದೀಗ ಈ ಕಾರು ಭಾರತದಲ್ಲಿ ಲಭ್ಯವಿದೆ. ಟೆಸ್ಲಾ ಇತ್ತೀಚೆಗೆಷ್ಟೇ ಭಾರತಕ್ಕೆ ಪ್ರವೇಶ ಮಾಡಿದೆ. ವೈ ಮಾಡೆಲ್ ಕಾರಿನ ಮೂಲಕ ಭಾರತಕ್ಕೆ ಎಂಟ್ರಿಕೊಟ್ಟ ಟೆಸ್ಲಾ ಇದೀಗ ನೇರವಾಗಿ ರೋಡ್‌ಸ್ಟರ್ ಫ್ಲೈಯಿಂಗ್ ಕಾರು ನೀಡುತ್ತಿದೆ. 5 ಲಕ್ಷ ರೂಪಾಯಿ ಪಾವತಿ ಮೂಲಕ ಈ ಕಾರು ಬುಕಿಂಗ್ ಮಾಡಿಕೊಳ್ಳಬಹುದು.

ಕಾರಿನ ಬುಂಕಿಂಗ್ ಹೇಗೆ?

ಟೆಸ್ಲಾ ರೋಡ್‌‌ಸ್ಟರ್ ಎಲೆಕ್ಟ್ರಿಕ್ ಕಾರಿನ ಬುಕಿಂಗ್ ಅಧಿಕೃತ ಟೆಸ್ಲಾ ವೆಬ್‌ಸೈಟ್ ಮೂಲಕ ಮಾಡಬಹುದು. ಬುಕಿಂಗ್ ಆರಭಂಭದಲ್ಲಿ 5.01 ಲಕ್ಷ ರೂಪಾಯಿ ಪಾವತಿಸಬೇಕು. ಆದರೆ ಇಲ್ಲಿಗೆ ಬುಕಿಂಗ್ ಪೂರ್ಣಗೊಳ್ಳುವುದಿಲ್ಲ. 5.01 ಲಕ್ಷ ರೂ ಪಾವತಿ ಬಳಿಕ 10 ದಿನಗಳ ಸಮಯವಿದೆ. ಈ ಸಮಯದಲ್ಲಿ ಬುಕಿಂಗ್ ಕ್ಯಾನ್ಸಲ್ ಮಾಡಬಹುದು. ಕ್ಯಾನ್ಸಲ್ ಮಾಡಿದರೆ ಪಾವತಿ ಮಾಡಿದ 5.01 ಲಕ್ಷ ರೂಪಾಯಿ ಸಂಪೂರ್ಣ ಮರುಪಾವತಿಯಾಗಲಿದೆ. 10 ದಿನದ ಒಳಗೆ ಬಾಕಿ ಉಳಿದ ಬುಕಿಂಗ್ ಹಣ ಅಂದರೆ 45.05 ಲಕ್ಷ ರೂಪಾಯಿ ಪಾವತಿಸಬೇಕು. ಹೌದು ಟೆಸ್ಲಾ ರೋಡ್‌ಸ್ಟರ್ ಕಾರಿನ ಬುಕಿಂಗ್ ಬೆಲೆ 50.06 ಲಕ್ಷ ರೂಪಾಯಿ.

ಕಾರಿನ ಬೆಲೆ ಎಷ್ಟು?

ಟೆಸ್ಲಾ ರೋಡ್‌ಸ್ಟರ್ ವಿಶ್ವವನ್ನೇ ಚಕಿತಗೊಳಿಸಿದ ಕಾರು, ಗುರತ್ವಾಕರ್ಷಣ ಬಲಕ್ಕೆ ಸವಾಲೆಸೆದು ಸಾಗಿದ ಕಾರು. ಹಾರುವ ಕಾರನ್ನೇ ಆವಿಷ್ಕಾರ ಮಾಡಿ ಅಷ್ಟೇ ವೇಗದಲ್ಲಿ ಕಾರು ಪ್ರಿಯರ ಬಳಿ ತಲುಪಿಸುತ್ತಿರುವ ಕೀರ್ತಿ ಟೆಸ್ಲಾಗಿದೆ. ಹಲವು ವಿಶೇಷತೆಗಳ ಈ ಕಾರಿನ ಬೆಲೆ 2.5 ಕೋಟಿ ರೂಪಾಯಿ (ಎಕ್ಸ್ ಶೋ ರೂಂ).

ಭಾರತದಲ್ಲಿ ಕಾರು ಬಿಡುಗಡೆ ಯಾವಾಗ?

ಇತ್ತೀಚೆಗೆ ಟೆಸ್ಲಾ ರೋಡ್‌ಸ್ಟರ್ ಕಾರು ಬಿಡುಗಡೆ ಮಾಡಿ ಹಲವು ಘೋಷಣೆ ಮಾಡಿತ್ತು. 2028ರಲ್ಲಿ ಟೆಸ್ಲಾ ರೋಡ್‌ಸ್ಟರ್ ಕಾರು ಉತ್ಪಾದನೆ ಆರಂಭಗೊಳ್ಳಲಿದೆ ಎಂದಿತ್ತು. ಎಡಭಾಗದಲ್ಲಿ ಸ್ಟೀರಿಂಗ್ ವ್ಹೀಲ್ ಇರುವ ಕಾರಿನ ಉತ್ಪಾದನೆ 2028ರಲ್ಲಿ ನಡೆಯಲಿದೆ. ಭಾರತದಲ್ಲಿ ಬಲಭಾಗದಲ್ಲಿ ಡ್ರೈವಿಂಗ್ ವ್ಹೀಲ್ ಇರಲಿದೆ. ಈ ಕಾರಿನ ಉತ್ಪಾದನೆ ಕುರಿತು ಸ್ಪಷ್ಟ ಮಾಹಿತಿ ಹೊರಬಿದ್ದಿಲ್ಲ. ಹೀಗಾಗಿ ಭಾರತದಲ್ಲಿ ಕಾರು ಬಿಡುಗಡೆ ಹಾಗೂ ಡೆಲಿವರಿ ವಿಳಂಬವಾಗಲಿದೆ.

ಭಾರತದಲ್ಲಿ ಮತ್ತೊಂದು ಟೆಸ್ಲಾ

ಸದ್ಯ ಭಾರತದಲ್ಲಿ ಟೆಸ್ಲಾದ ವೈ ಮಾಡೆಲ್ ಕಾರುಗಳು ಮಾತ್ರ ಲಭ್ಯವಿದೆ. ಇದೀಗ ರೋಡ್‌ಸ್ಟರ್ ಆಗಮಿಸುತ್ತಿದೆ. ರೋಡ್‌ಸ್ಟರ್‌ಗೂ ಮೊದಲು ಭಾರತದಲ್ಲಿ ಟೆಸ್ಲಾ ವೈಎಲ್ ಮಾಡೆಲ್ ಕಾರು ಬಿಡುಗಡೆ ಮಾಡುತ್ತಿದೆ. ಇದು 6 ಸೀಟಿನ ಕಾರಾಗಿದೆ. 0-100 ಕಿಲೋಮೀಟರ್ ವೇಗವನ್ನು ಕೇವಲ 4.5 ಸೆಕೆಂಡ್‌ನಲ್ಲಿ ಪಡೆದುಕೊಳ್ಳಲಿದೆ. ಒಂದು ಬಾರಿ ಚಾರ್ಜ್ ಮಾಡಿದರೆ 681 ಕಿಲೋಮೀಟರ್ ಮೈಲೇಜ್ ನೀಡಲಿದೆ.

2008 ರಿಂದಲೂ ಪ್ರತಿದಿನ ಇದು ಅಪ್ಪಳಿಸುತ್ತಿದೆ! ಅಸಲಿಗೆ ಭೂಮಿಗೆ ಏನಾಗುತ್ತಿದೆ?

Ravi Janekal — Wed, 21 Oct 2026 13:33:59 +0530

Climate Change Crisis Heat Waves Melting Himalayas Drought: ಜಾಗತಿಕ ತಾಪಮಾನ ಏರಿಕೆ, ಹವಾಮಾನ ಬದಲಾವಣೆ ಮತ್ತು ಹೆಚ್ಚುತ್ತಿರುವ ಹೀಟ್ ವೇವ್‌ನಿಂದ ಭೂಮಿಯ ಮೇಲಾಗುತ್ತಿರುವ ಗಂಭೀರ ಪರಿಣಾಮಗಳು ಹಾಗೂ ಭವಿಷ್ಯದ ಅಪಾಯಗಳ ಬಗ್ಗೆ ಸಂಪೂರ್ಣ ಮಾಹಿತಿ.

ಕಳೆದೆರಡು ದಶಕಗಳಿಂದ ದಿನೇದಿನೇ ಭೂಮಿಯಲ್ಲಿ ವಿಚಿತ್ರ ಬೆಳವಣಿಗೆಗಳು ನಡೆಯಲಾರಂಭಿಸಿವೆ. ಒಂದು ಕಡೆ ವಿವಿಧ ರೀತಿಯಿಂದ ವಾಯು, ಜಲ, ನೆಲ, ಮಾಲಿನ್ಯದಿಂದ ಭೂಮಿಯ ಪರಿಸರವು ತೀವ್ರ ಬಿಸಿಯಾಗುತ್ತಿದೆ. ಅಲ್ಲದೆ ಇದು ಪ್ರತಿವರ್ಷವೂ ಹೆಚ್ಚುತ್ತಲೇ ಸಾಗಿದೆ. ಇನ್ನೊಂದೆಡೆ ನೇಪಾಳ, ಅಸ್ಸಾಂನಲ್ಲಿ ಸಂಭವಿಸಿದ ಭಾರೀ ಸ್ಫೋಟ ಪ್ರವಾಹವನ್ನು ನಾವು ಇತ್ತೀಚಿಗೆ ನೋಡಲಾರಂಭಿಸಿದ್ದೇವೆ. ಪ್ರಪಂಚದಾದ್ಯಂತದ ವಿಜ್ಞಾನಿಗಳು ಮತ್ತು ಪರಿಸರವಾದಿಗಳು ಹಿಂದಿನಿಂದಲೂ ಹಿಮಾಲಯ ಕರುಗುತ್ತಿರುವ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ. ಪ್ರಪಂಚದಾದ್ಯಂತ ಹೆಚ್ಚುತ್ತಿರುವ ತಾಪಮಾನದ ಪರಿಣಾಮಗಳು ಈಗ ಇನ್ನೂ ಗಂಭೀರ ರೂಪಗಳಲ್ಲಿ ಮುನ್ನೆಲೆಗೆ ಬರುತ್ತಿವೆ.

ಇದು ನಿನ್ನೆ ಮೊನ್ನೆಯಿಂದ ಸಂಭವಿಸುತ್ತಿರುತ್ತಿರುವುದು ಅಲ್ಲ, ಜುಲೈ 6, 2008 ರಿಂದ ಭೂಮಿಯ ಮೇಲೆ ಪ್ರತಿದಿನ ಕನಿಷ್ಠ ಒಂದು ಶಾಖದ ಬಿರುಗಾಳಿ ರೂಪುಗೊಳ್ಳುತ್ತಿದೆ ಎಂದು ಹೇಳಲಾಗಿದೆ. ಈ ಸರಣಿಯು 18 ವರ್ಷಗಳಿಂದಲೂ ನಡೆಯುತ್ತಿದ್ದು, ಇನ್ನೂ ಮುಗಿದಿಲ್ಲ. ಭೂಮಿಯ ಹವಾಮಾನ ಬದಲಾಗುತ್ತಿರುವ ರೀತಿ ವೇಗ ನೋಡಿದರೆ ಮುಂದಿನ ದಿನಗಳು ಮನುಷ್ಯರು ಬದುಕುವುದು ಸವಾಲಾಗಿ ಪರಿಣಮಿಸಲಿದೆ.

ಏನಿದು ಹೀಟ್ ವೇವ್?

ಈ ಬಾರಿ ಭಾರತದಾದ್ಯಂತ ಒಟ್ಟಾರೆ ಮುಂಗಾರು ಮಳೆಯೇ ಕುಸಿದು, ಮಳೆಗಾಲದಲ್ಲೇ ಕುಡಿಯುವ ನೀರಿಗೆ ಹಾಹಾಕಾರ ಶುರುವಾಗಿದೆ, ಮಳೆಗಾಲದಲ್ಲಿ ಬೇಸಿಗೆಯಂತಹ ಬಿಸಿಲು , ಉಷ್ಣ ಬಿರುಗಾಳಿ, ಇದು ಕೇವಲ ನಗರದಲ್ಲಿನ ತಾಪಮಾನ ಏರಿಕೆಯಲ್ಲ, ಜಾಗತಿಕವಾಗಿಯೂ ಭೂಮಿ ತೀವ್ರಗತಿಯಲ್ಲಿ ಬಿಸಿಯಾಗುತ್ತಿದೆ. ಸಮುದ್ರಗಳೇ ಕುದಿಯುತ್ತಿವೆ. ಹಿಮಾಲಯದ ಮಂಜುಗಡ್ಡೆಯೂ ತೀವ್ರವಾಗಿ ಕರುಗುತ್ತಿವೆ.

ಉಷ್ಣಾಂಶ ಹೆಚ್ಚಳ, ಹೀಟ್ ವೇವ್, ಹವಾಮಾನದಲ್ಲಿನ ಬದಲಾವಣೆಗಳಿಂದಾಗಿ ರಾತ್ರಿಯ ತಾಪಮಾನವು ಕಡಿಮೆಯಾಗುವುದಿಲ್ಲ. ಇದರರ್ಥ ದೇಹ ಹಗಲಿನ ಶಾಖದಿಂದ ಚೇತರಿಸಿಕೊಳ್ಳಲು ಕೂಡ ಅವಕಾಶ ಇಲ್ಲದಂತಾಗಿದೆ. ಹಗಲು ರಾತ್ರಿ ಶಾಖದ ಬಿಸಿಗೆ ಹೃದಯದ ಸಮಸ್ಯೆಗಳ ಅಪಾಯ ಹೆಚ್ಚುತ್ತಿದೆ. ಪಳೆಯುಳಿಕೆ ಇಂಧನಗಳ ಹೆಚ್ಚಿದ ಬಳಕೆ, ಕಲ್ಲಿದ್ದಲು ಮತ್ತು ತೈಲದ ದಹನ, ಅರಣ್ಯನಾಶ ಮತ್ತು ಹಸಿರುಮನೆ ಅನಿಲಗಳ ಹೊರಸೂಸುವಿಕೆಯಿಂದಾಗಿ ಭೂಮಿಯ ಉಷ್ಣತೆಯು ಇನ್ನಷ್ಟು ಹೆಚ್ಚುತ್ತಿರುವ ಬಗ್ಗೆ ಹವಾಮಾನ ವಿಜ್ಞಾನಿಗಳು ಆತಂಕ ವ್ಯಕ್ತಪಡಿಸಿದ್ದಾರೆ.

ಬೆಂಗಳೂರಿನಂತಹ ಮಹಾನಗರ ಬೆಳೆದಂತೆಲ್ಲ ಅಭಿವೃದ್ಧಿ ಹೆಸರಲ್ಲಿ ಮರಗಳನ್ನು ಕಡಿಯುವುದು ಮರಗಳಿದ್ದ ಜಾಗದಲ್ಲಿ ಬೃಹತ್ ಕಾಂಕ್ರಿಟ್ ಕಟ್ಟಡಗಳು, ವಾಹನಗಳ ಸಂಖ್ಯೆ ಹೆಚ್ಚಳದಿಂದಾಗಿ ರಾತ್ರಿ ಕೂಡ ಶಾಖದ ಪರಿಣಾಮ ಹೆಚ್ಚಾಗಿ ಕಂಡುಬರುತ್ತೆ. ಇದರಿಂದ ಹಿರಿಯ ನಾಗರಿಕರು, ಮಕ್ಕಳು ಹೆಚ್ಚಿನ ತೊಂದರೆ ಅನುಭವಿಸಬೇಕಾಗುತ್ತದೆ.

ದಿನೇದಿನೆ ಹೆಚ್ಚುತ್ತಿರುವ ಶಾಖದ ಪರಿಣಾಮದಿಂದಾಗಿ ಮಳೆಯ ಕೊರತೆಯಾಗುತ್ತಿದೆ. ಕಾಲಕಾಲಕ್ಕೆ ಸರಿಯಾಗಿ ಮಳೆ ಬಾರದೆ ಕೃಷಿ ಬೆಳೆಗಳಿಗೆ ನೀರಿಲ್ಲದೆ ರೈತರ ಫಸಲು ಒಣಗಿ ಹಾಳಾಗುತ್ತಿವೆ. ಇದರ ಪರಿಣಾಮ ಆಹಾರದ ಕೊರತೆ ಬೆಲೆಗಳು ಏರಿಕೆಯಾಗುತ್ತಿದೆ. ಇತ್ತ ಕೃಷಿ ನಾಶದಿಂದ ಆಹಾರದ ಕೊರತೆ, ಕುಡಿದು ಬದುಕೋಣವೆಂದರೆ ಜಲಮೂಲಗಳೇ ಖಾಲಿ. ಹೀಗಾದಾಗ ಬದುಕು ಅಸಹನೀಯವೆನಿಸುತ್ತಿದೆ.

ಕಳೆದೆರಡು ದಶಕಗಳಿಂದ ಭೂಮಿ ತೀವ್ರವಾಗಿ ಬದಲಾಗುತ್ತಿದ್ದರೂ ಎಚ್ಚೆತ್ತುಕೊಳ್ಳದಿದ್ದರೆ, ಏರುತ್ತಿರುವ ತಾಪಮಾನವನ್ನು ತಡೆಗಟ್ಟಲು ಮುಂದಾಗದಿದ್ದರೆ, ಇಂಗಾಲದ ಹೊರಸೂಸುವಿಕೆಯನ್ನು ಕಡಿಮೆ ಮಾಡದಿದ್ದರೆ, ಮರಗಳನ್ನು ಬೆಳೆಸದಿದ್ದರೆ, ನವೀಕರಿಸಬಹುದಾದ ಶಕ್ತಿಯನ್ನು ಬಳಸದಿದ್ದರೆ, ಸುಸ್ಥಿರ ಅಭಿವೃದ್ಧಿಗೆ ಆದ್ಯತೆ ನೀಡದಿದ್ದರೆ ಇನ್ನು ಕೆಲವು ವರ್ಷಗಳಲ್ಲಿ ಬದುಕುವದು ಕಷ್ಟವಾದೀತು.

Necklace Designs: ರೇಷ್ಮೆ ಸೀರೆಗೆ ಮ್ಯಾಚ್ ಆಗುವ ಈ ಒಂದು ನೆಕ್ಲೇಸ್ ಸಾಕು..!

Naveen Kodase — Wed, 21 Oct 2026 13:32:10 +0530

ಮದುವೆ ಅಥವಾ ಫಂಕ್ಷನ್‌ಗಳಲ್ಲಿ ಗ್ರ್ಯಾಂಡ್ ಆಗಿ ಕಾಣಬೇಕು, ಆದರೆ ಕುತ್ತಿಗೆ ತುಂಬಾ 4-5 ಸರಗಳನ್ನು ಹಾಕಿಕೊಳ್ಳಲು ಇಷ್ಟವಿಲ್ಲದವರು ಈ ಹೆವಿ ನೆಕ್ಲೇಸ್ ಟ್ರೈ ಮಾಡಬಹುದು. ರೇಷ್ಮೆ ಸೀರೆಗೆ ಒಪ್ಪುವ, ನಿಮ್ಮ ಅಂದವನ್ನು ಮತ್ತಷ್ಟು ಹೆಚ್ಚಿಸುವ ಸುಂದರವಾದ ನೆಕ್ಲೇಸ್ ಡಿಸೈನ್‌ಗಳು ಇಲ್ಲಿವೆ ನೋಡಿ.

Vijayapura: ವಿಜಯೇಂದ್ರ ಭೇಟಿ ರಹಸ್ಯ ಬಿಚ್ಚಿಟ್ಟ ಯತ್ನಾಳ್: ಮುಂದಿನ ನಡೆ ಏನು?

Sumanth SN — Wed, 21 Oct 2026 13:31:01 +0530

ವಿಜಯಪುರ: ಬಿಜೆಪಿ ರಾಜ್ಯಾಧ್ಯಕ್ಷ ಬಿವೈ ವಿಜಯೇಂದ್ರ ಅವರನ್ನು ಭೇಟಿಯಾದ ಕುರಿತಂತೆ ರಾಜ್ಯ ರಾಜಕಾರಣದಲ್ಲಿ ನಡೆಯುತ್ತಿರುವ ಚರ್ಚೆಗಳ ಕುರಿತಂತೆ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್, ಮೊದಲ ಬಾರಿಗೆ ಪ್ರತಿಕ್ರಿಯೆ ನೀಡಿದ್ದಾರೆ. ವಿಜಯಪುರದಲ್ಲಿ ಮಾಧಮಗಳೊಂದಿಗೆ ಮಾತನಾಡಿದ ಶಾಸಕ ಯತ್ನಾಳ್, ನಾವೇನು ರಾಜಕೀಯ ಮಾತನಾಡಿಲ್ಲ. ಯಾವುದೇ ರೀತಿ ಒಪ್ಪಂದ ಆಗಿಲ್ಲ. ಪತ್ರಕರ್ತರು ಪಕ್ಷಾತೀತರಾಗಿರುತ್ತಾರೆ. ಅವರ ಮನೆಯಲ್ಲಿ ರಾಜಕಾರಣ ಮಾತನಾಡಲು ಬರುವುದಿಲ್ಲ. ಒಪ್ಪಂದ ಮಾತನಾಡಲು ಆಗುವುದಿಲ್ಲ. ಸುಮ್ನೇ ಆರಾಮಾ, ಆರಾಮ್ ಎಂದು ಎಷ್ಟೇ ಮಾತನಾಡಿದ್ದೇವೆ. ಯಾವುದೇ ರಾಜಕೀಯ ಚರ್ಚೆ ಮಾಡಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಎರಡು ಗಂಟೆ ಚರ್ಚೆ ಆಯ್ತಾ?

ಮರುಗೇಶ್ ನಿರಾಣಿ ಅವರೊಂದಿಗೆ ಚರ್ಚೆ ವಿಚಾರವಾಗಿಯೂ ಸ್ಪಷ್ಟನೆ ನೀಡಿರುವ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್, ಕಳೆದ 30 ರಿಂದ 35 ವರ್ಷಗಳಿಂದ ನಾರಾಯಣಸಾ ಬಾಂಡಗೆ ದಸರಾ ಊಟಕ್ಕೆ ಹೋಗ್ತಿದ್ದೇವೆ. ಅವರ ಮನೆಗೆ ದಸರಾ ಸಂದರ್ಭದಲ್ಲಿ ಊಟಕ್ಕೆ ಹೋಗುವುದು ಸಹಜ. ಆಯುಧ ಪೂಜೆ ದಿವಸ ಮನೆಯಲ್ಲಿ ದೇವಿಯ ಪ್ರಸಾದ ವ್ಯವಸ್ಥೆ ಮಾಡಿಸಿರುತ್ತಾರೆ. ಪ್ರಸಾದಕ್ಕಾಗಿ ಹೋಗಿದ್ದೆ, ಆಕಸ್ಮಿಕವಾಗಿ ಅಲ್ಲಿ ನಿರಾಣಿ ಅವರು ಬಂದರು, ಅವರು ಊಟ ಮಾಡಿದ್ದಾರೆ. ನಾನು ಊಟ ಮಾಡಿದ್ದೇನೆ. ನಂತರ ನನ್ನ ಪಾಡಿಗೆ ನಾನು ಬಂದೆ, ಅವರು ಪಾಡಿಗೆ ಅವರು ಹೋದರು. ನಾನು ನನ್ನ ವಾಹನದಲ್ಲಿ ನಾನು ಬಂದೆ, ಅವರ ವಾಹನದಲ್ಲಿ ಅವರು ಹೋದರು. ಇಲ್ಲಿ ಎರಡು ಗಂಟೆ ಚರ್ಚೆ ನಡೆದಿದೆ ಅನ್ನೋದು ಏನು ಇಲ್ಲ ಎಂದು ತಿಳಿಸಿದರು.

'ಪಕ್ಷಕ್ಕೆ ಸೇರಿಸಿಕೊಳ್ಳಿ ಅಂತ ನಾನು ಕೇಳುವುದಿಲ್ಲ'

ತಾವು ಯಾವುದೇ ರಾಜಕೀಯ ತೀರ್ಮಾನ ತೆಗೆದುಕೊಂಡಿಲ್ಲ ಎಂದು ತಿಳಿಸಿರುವ ಯತ್ನಾಳ್, ಭೇಟಿಯ ಸಂದರ್ಭದಲ್ಲಿ ಯಾವುದೇ ರಾಜಕೀಯ ಮಾತುಕತೆ, ಚರ್ಚೆ, ಸಂಧಾನ ಏನು ಆಗಿಲ್ಲ. ಮಾತುಕತೆ ಸಂಧಾನಗಳು ದೆಹಲಿಯಲ್ಲಿ ಆಗುತ್ತವೆ. ಈ ಬಗ್ಗೆ ವರಿಷ್ಠರು ಕರೆಯಿಸಿಕೊಳ್ತಾರೆ. ಯಾರಿಗೂ ಹೇಳಬೇಡಿ ನೀವು ಬನ್ನಿ ಎಂದು ಕರೆದು ಮಾತುಕತೆ ನಡೆಸುತ್ತಾರೆ. ನಾಳೆ ನಾನು ದೆಹಲಿ ಹೋಗಲಿದ್ದೇ‌ನೆ, ಎರಡು ದಿನ ಅಲ್ಲಿಯೇ ಉಳಿದುಕೊಳ್ಳಲಿದ್ದೇನೆ. ಆದರೆ ದೆಹಲಿಯಲ್ಲಿ ಯಾವುದೇ ನಾಯಕರನ್ನ ಭೇಟಿ ಮಾಡಲ್ಲ, ನನ್ನನ್ನು ಪಕ್ಷಕ್ಕೆ ತೆಗೆದುಕೊಳ್ಳಿ ಅಂತ ಯಾವುದೇ ಕಾರಣಕ್ಕೂ ಯಾರಿಗೂ ದಂಬಾಲು ಬೀಳುವುದಿಲ್ಲ. ಕಬ್ಬು ಬೆಳೆಯುವ ರೈತರ ಸಮಸ್ಯೆ ದೊಡ್ಡದಿದೆ. ಆದ್ದರಿಂದ ಈ ಬಗ್ಗೆ ಕೆಲವು ಮನವಿಗಳನ್ನು ನೀಡಬೇಕಿದೆ. ಆದ್ದರಿಂದಲೇ ದೆಹಲಿಗೆ ಹೋಗಬೇಕಿದೆ ಎಂದು ತಿಳಿಸಿದರು.

'ನನಗೆ ಬಹಳ ದಿನಗಳ ಹಿಂದೆಯೇ ಒಂದು ಸುಳಿವು ಸಿಕ್ಕಿದೆ'

ಕಳೆದ ಎರಡು ದಿನಗಳಿಂದ ನನಗೆ ಮಾತನಾಡದಿರುವವರು ಕೂಡ ಮಾತನಾಡಲು ಶುರು ಮಾಡಿದ್ದಾರೆ. ಯತ್ನಾಳ್ ಬಿಜೆಪಿ ಬರ್ತಾರೆ ಅಂತ ಕೆಲವರು ಹಬ್ಬದ ಶುಭಾಶಯ ತಿಳಿಸುತ್ತಿದ್ದಾರೆ. ಪಕ್ಷಕ್ಕಾಗಿ ದುಡಿದವರು ಯಾರು ಈಗ ಪಕ್ಷದಲ್ಲಿ ಸ್ಥಾನ ಪಡೆದುಕೊಂಡಿದ್ದಾರೆ. ನಾವು ವಾಜಪೇಯಿ ಅವರ ಕಾಲದಲ್ಲಿ ಕೆಲಸ ಮಾಡಿದ್ದೇನೆ. ಆದರೆ ಈಗ ಪಕ್ಷದ ಕಾರ್ಯರ್ತರ ಭಾವನೆಯನ್ನು ಕೇಂದ್ರದ ನಾಯಕರು ಅರ್ಥ ಮಾಡಿಕೊಳ್ಳಬೇಕು. ವಿರೋಧ ಪಕ್ಷವಾಗಿ ಈಗಿನ ನಾಯಕರು ಹೇಗೆ ಕೆಲಸ ಮಾಡುತ್ತಿದ್ದಾರೆ ಅಂತ ವರದಿ ತೆಗೆದುಕೊಳ್ಳಬೇಕು. ನಮಗೆ ಕರೆದು ಅವಕಾಶ ನೀಡುವುದಾದರೆ, ಮೊದಲ ಸ್ಥಾನವೇ ನೀಡಬೇಕು. ನಾನು ಯಾವತ್ತು ಬಿಜೆಪಿ ವಿರುದ್ಧ ಕೆಲಸ ಮಾಡಿಲ್ಲ. ಕರ್ನಾಟಕದಲ್ಲಿ ಕುಮಾರಸ್ವಾಮಿ ಅವರು ವಿರೋಧ ಪಕ್ಷದ ನಾಯಕರಾಗಿದ್ದಾರೆ, ರಾಜ್ಯ ಬಿಜೆಪಿ ನಾಯಕರನ್ನು ಜನ ಹೇಗೆ ನಂಬಬೇಕು. ಬಹಳ ದಿನಗಳ ಹಿಂದೆಯೇ ನಮಗೆ ವರಿಷ್ಠರು ಮಾತನಾಡಿದ್ದಾರೆ. ಅಲ್ಲಿಂದಲೇ ನನಗೆ ಒಂದು ಸುಳಿವು ಇದೆ, ಆದರೆ ನಾಯಕತ್ವ ಬದಲಾವಣೆ ಆಗಬೇಕಿದೆ. ಅದನ್ನು ಆ ಬಳಿಕ ಸಂಧಾನ ಪ್ರಕ್ರಿಯೆ ಚುರುಕುಗೊಳ್ಳುತ್ತದೆ. ರಾಜ್ಯದಲ್ಲಿ ನಾಯಕತ್ವ ಬದಲಾವಣೆಯೇ ನನ್ನ ಮೊದಲ ಷರತ್ತು ಎಂದು ಹೇಳಿದ್ದಾರೆ.

Anupama Parameswaran: 'ನಮ್ಮಿಬ್ಬರ ವಯಸ್ಸಿನ ಅಂತರ ಸಾಕಷ್ಟಿದೆ'.. ಆದ್ರೂ ಮೋಹನ್‌ಲಾಲ್ ಮೇಲೆ ನಂಗೆ ಕ್ರಶ್!

Shriram Bhat — Wed, 21 Oct 2026 13:29:58 +0530

ಮೋಹನ್‌ಲಾಲ್ ನನ್ನ ಕ್ರಶ್!

ದಕ್ಷಿಣ ಭಾರತದ ಖ್ಯಾತ ನಟಿ ಅನುಪಮಾ ಪರಮೇಶ್ವರನ್ (Anupama Parameswaran) ತಮ್ಮ ನೆಚ್ಚಿನ ನಟನ ಬಗ್ಗೆ ಆಸಕ್ತಿದಾಯಕ ವಿಚಾರವೊಂದನ್ನು ಹಂಚಿಕೊಂಡಿದ್ದಾರೆ. ಮಲಯಾಳಂ ಸೂಪರ್‌ಸ್ಟಾರ್ ಮೋಹನ್‌ಲಾಲ್ ಅವರೇ ತಮ್ಮ ಜೀವನದ ಏಕೈಕ ಸೆಲೆಬ್ರಿಟಿ ಕ್ರಶ್ ಎಂದು ನಟಿ ಬಹಿರಂಗಪಡಿಸಿದ್ದಾರೆ. ಇಬ್ಬರ ನಡುವೆ ಸಾಕಷ್ಟು ವಯಸ್ಸಿನ ಅಂತರವಿದೆ ಎಂಬುದು ತಿಳಿದಿದ್ದರೂ, ಅವರ ಮೇಲಿನ ಅಭಿಮಾನ ಕಡಿಮೆಯಾಗಿಲ್ಲ ಎಂದು ಅನುಪಮಾ ಹೇಳಿದ್ದಾರೆ. ಯೂಟ್ಯೂಬ್ ಚಾನೆಲ್ 'Honest Townhall' ಜೊತೆಗಿನ ಸಂವಾದದಲ್ಲಿ ಅವರು ಈ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

ಮೋಹನ್‌ಲಾಲ್ ಅವರೇ ಅನುಪಮಾ ಅವರ ಸೆಲೆಬ್ರಿಟಿ ಕ್ರಶ್!

ಬಾಲ್ಯದಿಂದಲೂ ಮೋಹನ್‌ಲಾಲ್ ಅವರ ಸಿನಿಮಾಗಳನ್ನು ನೋಡುತ್ತಾ ಬೆಳೆದಿರುವ ಅನುಪಮಾ, ಅವರ ನಟನೆಯ ಬಗ್ಗೆ ಅಪಾರ ಮೆಚ್ಚುಗೆ ಹೊಂದಿದ್ದಾರೆ. ತಮ್ಮ ಸೆಲೆಬ್ರಿಟಿ ಕ್ರಶ್ ಕುರಿತು ಮಾತನಾಡಿದ ಅವರು, “ನಾನು ಚಿಕ್ಕವಳಿದ್ದಾಗಿನಿಂದಲೂ ಮೋಹನ್‌ಲಾಲ್ ಸರ್ ಅವರ ಸಾಕಷ್ಟು ಸಿನಿಮಾಗಳನ್ನು ನೋಡುತ್ತಾ ಬೆಳೆದಿದ್ದೇನೆ. ನಮ್ಮಿಬ್ಬರ ನಡುವೆ ಸಾಕಷ್ಟು ವಯಸ್ಸಿನ ಅಂತರವಿದೆ ಎಂಬುದು ನನಗೆ ಗೊತ್ತು. ಆದರೆ ಕ್ರಶ್ ಅಂದರೆ ಕ್ರಶ್ ಅಲ್ವಾ?” ಎಂದು ನಗುತ್ತಲೇ ಹೇಳಿದ್ದಾರೆ.

ಅನುಪಮಾ ಅವರ ಈ ಮಾತುಗಳು ಅಭಿಮಾನಿಗಳ ಗಮನ ಸೆಳೆಯುತ್ತಿವೆ. ಹಿರಿಯ ನಟನ ಮೇಲಿನ ತಮ್ಮ ಅಭಿಮಾನವನ್ನು ಅವರು ಯಾವುದೇ ಮುಚ್ಚುಮರೆಯಿಲ್ಲದೆ ವ್ಯಕ್ತಪಡಿಸಿದ್ದಾರೆ.

ಮೋಹನ್‌ಲಾಲ್ ಅಭಿಮಾನಿ ಕುಟುಂಬವೇ ಇದೆ!

ಅನುಪಮಾ ಅವರಿಗೆ ಮಾತ್ರವಲ್ಲ, ಅವರ ತಾಯಿ ಮತ್ತು ಕಿರಿಯ ಸಹೋದರನಿಗೂ ಮೋಹನ್‌ಲಾಲ್ ಎಂದರೆ ತುಂಬಾ ಇಷ್ಟವಂತೆ. ತಮ್ಮ ಕುಟುಂಬದಲ್ಲಿರುವ ಮೋಹನ್‌ಲಾಲ್ ಅಭಿಮಾನಿಗಳ ಬಗ್ಗೆ ಮಾತನಾಡಿದ ನಟಿ, ತಮ್ಮ ಸಹೋದರನಿಗೆ ಮೋಹನ್‌ಲಾಲ್ ಮೇಲೆ ತನಗಿಂತಲೂ ಹೆಚ್ಚು ಕ್ರಶ್ ಇರಬಹುದು ಎಂದು ಹೇಳಿದ್ದಾರೆ.

“ನನ್ನ ತಾಯಿ ಮೋಹನ್‌ಲಾಲ್ ಅವರ ದೊಡ್ಡ ಅಭಿಮಾನಿ. ನನ್ನ ಕಿರಿಯ ಸಹೋದರನೂ ಅವರ ಅಭಿಮಾನಿ. ಈಗಲೂ ನಾನು ಇನ್‌ಸ್ಟಾಗ್ರಾಂ ತೆರೆದು ನೋಡಿದರೆ, ನನ್ನ ಸಹೋದರ ನನ್ನ ಯೋಗಕ್ಷೇಮದ ಬಗ್ಗೆ ಕೇಳುವುದಕ್ಕಿಂತ ಮೋಹನ್‌ಲಾಲ್ ಅವರ ರೀಲ್ಸ್ ಮತ್ತು ಅವರ ಕುರಿತ ವಿಚಾರಗಳನ್ನೇ ಹೆಚ್ಚು ಕಳುಹಿಸುತ್ತಾನೆ” ಎಂದು ಅನುಪಮಾ ತಮಾಷೆಯಾಗಿ ವಿವರಿಸಿದ್ದಾರೆ.

'ಕ್ರೇಜಿ ಕಲ್ಯಾಣಂ' ಬಳಿಕ ಅನುಪಮಾ ಬ್ಯುಸಿ

ಅನುಪಮಾ ಪರಮೇಶ್ವರನ್ ಕೊನೆಯದಾಗಿ ತೆಲುಗಿನ ಕಾಮಿಡಿ ಮನರಂಜನಾ ಸಿನಿಮಾ 'ಕ್ರೇಜಿ ಕಲ್ಯಾಣಂ'ನಲ್ಲಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ಅಕ್ಟೋಬರ್ 16ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಿದೆ.

ಇನ್ನೊಂದೆಡೆ, ಮೋಹನ್‌ಲಾಲ್ ತಮ್ಮ ಮುಂಬರುವ ಮಲಯಾಳಂ ಸಿನಿಮಾ 'ಆಪರೇಷನ್ ಗಂಗಾ'ದಲ್ಲಿ ಉಗಾಂಡಾದ ಪ್ರಸಿದ್ಧ ನೃತ್ಯ ತಂಡ 'ಟ್ರಿಪ್ಲೆಟ್ಸ್ ಘೆಟ್ಟೋ ಕಿಡ್ಸ್' ಕಾಣಿಸಿಕೊಳ್ಳಲಿದೆ ಎಂದು ಘೋಷಿಸಿದ್ದಾರೆ. ತಮ್ಮ 1997ರ 'ವರ್ಣಪ್ಪಕಿಟ್ಟು' ಚಿತ್ರದ 'ಒಕ್ಕೆಲ ಒಕ್ಕೆಲ' ಹಾಡಿಗೆ ತಂಡ ನೃತ್ಯ ಮಾಡಿರುವ ವಿಡಿಯೋವನ್ನೂ ಹಂಚಿಕೊಂಡಿದ್ದಾರೆ.

ವಿಷ್ಣು ಮೋಹನ್ ನಿರ್ದೇಶನದ 'ಆಪರೇಷನ್ ಗಂಗಾ' 2022ರಲ್ಲಿ ಉಕ್ರೇನ್‌ನಿಂದ ಭಾರತೀಯರನ್ನು ಸ್ಥಳಾಂತರಿಸಿದ ಕಾರ್ಯಾಚರಣೆಯಿಂದ ಪ್ರೇರಣೆ ಪಡೆದ ಆಕ್ಷನ್ ಡ್ರಾಮಾ ಚಿತ್ರವಾಗಿದೆ. ಇತ್ತೀಚೆಗೆ ಮೋಹನ್‌ಲಾಲ್, ರಜನಿಕಾಂತ್ ಅಭಿನಯದ 'ಜೈಲರ್ 2' ಚಿತ್ರದಲ್ಲೂ ಕಾಣಿಸಿಕೊಂಡಿದ್ದರು.

ರಾತ್ರಿ ಬೀದಿ ನಾಯಿಗಳು ಬೆನ್ನಟ್ಟಿದರೆ ಏನ್ ಮಾಡ್ಬೇಕು? ಟೂ-ವೀಲರ್ ಸವಾರರು ಮಾಡಲೇಬಾರದ 4 ತಪ್ಪುಗಳಿವು

Ashwini HR — Wed, 21 Oct 2026 13:19:34 +0530

Street dogs chasing bike: ಬೈಕ್ ಸವಾರರಿಗೆ ಬೀದಿ ನಾಯಿಗಳ ಕಾಟ ಹೊಸದೇನಲ್ಲ. ಆದರೆ ನಾಯಿಗಳು ಹಿಂದೆ ಬಿದ್ದಾಗ ಹೆಚ್ಚಿನವರು ಗಾಡಿ ವೇಗ ಹೆಚ್ಚಿಸುವುದು ಅಥವಾ ಕಾಲಿನಿಂದ ಒದೆಯಲು ಹೋಗಿ ಅಪಘಾತ ಮಾಡಿಕೊಳ್ಳುತ್ತಾರೆ. ಇಂತಹ ಪರಿಸ್ಥಿತಿಯಲ್ಲಿ ಪ್ರಾಣಿ ಮನೋವಿಜ್ಞಾನದ ಪ್ರಕಾರ ಹೇಗೆ ನಡೆದುಕೊಳ್ಳಬೇಕು?

ಅಪ್ಪಿತಪ್ಪಿಯೂ ಮಾಡಬಾರದ ತಪ್ಪುಗಳುರಾತ್ರಿ ವೇಳೆಯಲ್ಲೋ ಅಥವಾ ನಿರ್ಜನ ರಸ್ತೆಗಳಲ್ಲೋ ಬೈಕ್ ಅಥವಾ ಸ್ಕೂಟರ್‌ನಲ್ಲಿ ಹೋಗುವಾಗ ಇದ್ದಕ್ಕಿದ್ದಂತೆ ಬೀದಿ ನಾಯಿಗಳು ಬೊಗಳುತ್ತಾ ಬೆನ್ನಟ್ಟುವುದು ಸಾಮಾನ್ಯ. ಇಂತಹ ಸಂದರ್ಭದಲ್ಲಿ ಬಹುತೇಕ ಸವಾರರು ಗಾಬರಿಯಾಗಿ ಮಾಡುವ ಸಣ್ಣಪುಟ್ಟ ತಪ್ಪುಗಳಿಂದಾಗಿ ಬಿದ್ದು ಕೈ-ಕಾಲು ಮುರಿದುಕೊಳ್ಳುತ್ತಾರೆ, ಕೆಲವೊಮ್ಮೆ ಪ್ರಾಣಕ್ಕೇ ಅಪಾಯವಾಗುತ್ತದೆ. ನಾಯಿಗಳು ಬೆನ್ನಟ್ಟಿದಾಗ ಅಪ್ಪಿತಪ್ಪಿಯೂ ಮಾಡಬಾರದ ತಪ್ಪುಗಳು ಮತ್ತು ಪಾರಾಗುವ ಸರಿಯಾದ ಮಾರ್ಗ ಇಲ್ಲಿದೆ..

ಬೀದಿ ನಾಯಿಗಳು ಬೆನ್ನಟ್ಟಿದಾಗ ಈ 4 ತಪ್ಪುಗಳನ್ನು ಮಾಡಬೇಡಿ1. ಹಠಾತ್ ಆಗಿ ಬೈಕ್ ಸ್ಪೀಡ್ ಹೆಚ್ಚಿಸಬೇಡಿ (Do Not Speed Up)ನಾಯಿಗಳು ಬೆನ್ನಟ್ಟಿದ ತಕ್ಷಣ ಹೆಚ್ಚಿನವರು ಭಯದಿಂದ ಆಕ್ಸಿಲರೇಟರ್ ತಿರುಗಿಸಿ ಗಾಡಿಯ ವೇಗ ಹೆಚ್ಚಿಸುತ್ತಾರೆ. ಇದು ಅತ್ಯಂತ ಅಪಾಯಕಾರಿ! ವೇಗ ಹೆಚ್ಚಿಸಿದಾಗ ಬೈಕ್ ಸ್ಕಿಡ್ ಆಗಿ ಬೀಳಬಹುದು ಅಥವಾ ಎದುರಿಗೆ ಬರುವ ವಾಹನಗಳಿಗೆ ಡಿಕ್ಕಿಯಾಗಬಹುದು. ಜೊತೆಗೆ, ಪ್ರಾಣಿಶಾಸ್ತ್ರದ ಪ್ರಕಾರ ನೀವು ವೇಗವಾಗಿ ಹೋದಷ್ಟೂ ನಾಯಿಗಳು ನಿಮ್ಮನ್ನು 'ಬೇಟೆಯಾಡುವ ವಸ್ತು' (Chasing target) ಎಂದು ಭಾವಿಸಿ ಮತ್ತಷ್ಟು ರೋಷದಿಂದ ಬೆನ್ನಟ್ಟುತ್ತವೆ.

2. ಕಿರುಚಾಡುವುದು ಮತ್ತು ನಿರಂತರ ಹಾರ್ನ್ ಹಾಕುವುದನ್ನು ನಿಲ್ಲಿಸಿನಾಯಿಗಳನ್ನು ಬೆದರಿಸಲು ಗಾಬರಿಯಿಂದ ಜೋರಾಗಿ ಕೂಗಾಡುವುದು ಅಥವಾ ಸತತವಾಗಿ ಕರ್ಕಶವಾಗಿ ಹಾರ್ನ್ ಮಾಡುವುದು ತಪ್ಪು. ವಿಪರೀತ ಶಬ್ದಗಳು ನಾಯಿಗಳಲ್ಲಿ ಮತ್ತಷ್ಟು ಆಕ್ರೋಶ ಮತ್ತು ಆತಂಕವನ್ನು ಹೆಚ್ಚಿಸುತ್ತವೆ. ಇದರಿಂದ ಅವು ಹೆದರಿ ಓಡುವ ಬದಲು ಮತ್ತಷ್ಟು ರೊಚ್ಚಿಗೆದ್ದು ದಾಳಿ ಮಾಡಲು ಮುಂದಾಗುತ್ತವೆ.

3. ಕಾಲಿನಿಂದ ಒದೆಯಲು ಹೋಗಬೇಡಿಬೈಕ್ ಓಡಿಸುತ್ತಲೇ ಚಲಿಸುವ ಗಾಡಿಯಿಂದ ಕಾಲಿನಿಂದ ನಾಯಿಯನ್ನು ಒದೆಯಲು ಅಥವಾ ಬೆದರಿಸಲು ಪ್ರಯತ್ನಿಸಬೇಡಿ. ಹೀಗೆ ಮಾಡಿದರೆ 100% ವಾಹನದ ಬ್ಯಾಲೆನ್ಸ್ ತಪ್ಪಿ ನೆಲಕ್ಕೆ ಅಪ್ಪಳಿಸುತ್ತೀರಿ. ಚಲಿಸುವ ವಾಹನದಿಂದ ಬಿದ್ದರೆ ಗಂಭೀರ ಗಾಯಗಳಾಗುತ್ತವೆ.

4. ನಾಯಿಗಳ ಕಣ್ಣನ್ನು ನೇರವಾಗಿ ದಿಟ್ಟಿಸಿ ನೋಡಬೇಡಿ (Avoid Direct Eye Contact)ಪ್ರಾಣಿಗಳ ಮನೋವಿಜ್ಞಾನದ ಪ್ರಕಾರ, ಅವುಗಳ ಕಣ್ಣನ್ನು ನೇರವಾಗಿ ನೋಡುವುದನ್ನು ನಾಯಿಗಳು 'ಸವಾಲು' (Challenge) ಅಥವಾ 'ಆಕ್ರಮಣದ ಸಂಕೇತ' ಎಂದು ಪರಿಗಣಿಸುತ್ತವೆ. ಆದ್ದರಿಂದ ನಿಮ್ಮ ದೃಷ್ಟಿಯನ್ನು ಮುಂದಿನ ರಸ್ತೆಯ ಮೇಲಷ್ಟೇ ಇಡಿ.

ಹಾಗಾದರೆ ನಾಯಿಗಳಿಂದ ಪಾರಾಗುವ ಸರಿಯಾದ ದಾರಿ ಯಾವುದು?ಗಾಡಿಯ ವೇಗವನ್ನು ನಿಧಾನಗೊಳಿಸಿ (Slow Down): ನಾಯಿಗಳು ಬೆನ್ನಟ್ಟಿದಾಗ ಗಾಬರಿಯಾಗದೆ ಬೈಕಿನ ವೇಗವನ್ನು ನಿಧಾನವಾಗಿ ಕಡಿಮೆ ಮಾಡಿ. ನೀವು ನಿಧಾನವಾದಂತೆ, ನಾಯಿಗಳು ತಮ್ಮ ಬೆನ್ನಟ್ಟುವ ಆಸಕ್ತಿಯನ್ನು ಕಳೆದುಕೊಂಡು ನಿಧಾನವಾಗಿ ಹಿಂದೆ ಸರಿಯುತ್ತವೆ.

ಅಗತ್ಯಬಿದ್ದರೆ ಗಾಡಿ ನಿಲ್ಲಿಸಿ ಶಾಂತರಾಗಿರಿ: ನಾಯಿಗಳು ತೀರಾ ಹತ್ತಿರ ಬಂದರೆ, ಗಾಡಿಯನ್ನು ಸುರಕ್ಷಿತವಾಗಿ ಬದಿಗೆ ನಿಲ್ಲಿಸಿ, ಶಾಂತರಾಗಿ ಬೈಕ್ ಮೇಲೆಯೇ ಕುಳಿತುಕೊಳ್ಳಿ. ನೀವು ಯಾವುದೇ ಆಕ್ರಮಣಕಾರಿ ಚಲನವಲನ ಮಾಡದಿದ್ದರೆ, ಅವು 1-2 ಬಾರಿ ಬೊಗಳಿ ತಾವಾಗಿಯೇ ಹೊರಟುಹೋಗುತ್ತವೆ.

ನೆನಪಿರಲಿ: ಇಂತಹ ಸಮಯದಲ್ಲಿ ಭಯಪಡದೆ 'ಸಂಯಮ' ಕಾಯ್ದುಕೊಳ್ಳುವುದೇ ನಿಮ್ಮ ಪ್ರಾಣ ರಕ್ಷಣೆಗೆ ಏಕೈಕ ದಾರಿ.

ಎರಡೇ ದಿನಕ್ಕೆ ಎದೆ ಮೇಲಿನ ಗುಂಡಿನ ಗಾಯವೂ ಮಾಯ? ಬ್ಯಾಂಡೇಜ್ ರಹಿತ ನಟ ಟೈಗರ್ ಶ್ರಾಫ್ ಫೋಟೋಸ್ ವೈರಲ್

Suchethana D — Wed, 21 Oct 2026 13:19:05 +0530

ಮುಂಬೈ: ಟೈಗರ್ ಶ್ರಾಫ್ ಮೇಲೆ ಮೊನ್ನೆ ಅರ್ಥಾತ್ 18ರ ರಾತ್ರಿ ನಡೆದ ಗುಂಡಿನ ದಾಳಿ ಇಡೀ ಸಿನಿಮಾ ಇಂಡಸ್ಟ್ರಿ ಮಾತ್ರವಲ್ಲದೇ ದೇಶವನ್ನೇ ಬೆಚ್ಚಿಬೀಳಿಸಿದೆ. ಟೈಗರ್ ಶ್ರಾಫ್ ಅವರ ಎದೆ ಸೇರಿ ಹಲವು ಕಡೆಗಳಲ್ಲಿ ಗುಂಡು ಬಿದ್ದಿರುವುದಾಗಿ ವರದಿಯಾಗಿತ್ತು. ಈ ಸಂಬಂಧ ಬ್ಯಾಂಡೇಜ್ ಕೂಡ ಹಾಕಲಾಗಿತ್ತು. ಎದೆಯ ಭಾಗ, ಕೈಗೆ ಸೇರಿದಂತೆ ದೇಹದ ಕೆಲವು ಕಡೆಗಳಲ್ಲಿ ಬ್ಯಾಂಡೇಜ್ ಹಾಕಲಾಗಿತ್ತು. ಘಟನೆ ನಡೆದ ದಿನ ಮಹಾರಾಷ್ಟ್ರದ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್, ಉಪ ಮುಖ್ಯಮಂತ್ರಿ ಏಕನಾಥ ಶಿಂಧೆ ಸೇರಿದಂತೆ ಕೆಲವು ಗಣ್ಯರು ನಟನ ಮನೆಗೆ ಭೇಟಿ ಕೊಟ್ಟಾಗ ಆ ಚಿತ್ರಗಳಲ್ಲಿ ಎದೆ ಮೇಲೆ ಸೇರಿದಂತೆ ಕೆಲವು ಕಡೆಗಳಲ್ಲಿ ಗುಂಡು ಬಿದ್ದ ಜಾಗ ಎನ್ನಲಾದ ಕಡೆಗಳಲ್ಲಿ ಬ್ಯಾಂಡೇಜ್ ಹಾಕಿದ್ದನ್ನು ನೋಡಬಹುದಾಗಿತ್ತು.

ಆದರೆ, ಎರಡೇ ಎರಡು ದಿನಗಳಲ್ಲಿ ಎದೆ ಮೇಲೆ ಗುಂಡು ಬಿದ್ದ ಜಾಗದ ಬ್ಯಾಂಡೇಜ್ ಮಾಯವಾಗಿರುವ ಫೋಟೋಗಳು ವೈರಲ್ ಆಗುತ್ತಿದ್ದು, ಇದು ಸಿಕ್ಕಾಪಟ್ಟೆ ಟ್ರೋಲ್ ಆಗುತ್ತಿದೆ. ಹಾಗಿದ್ರೆ ಟೈಗರ್ ಶ್ರಾಫ್ ಎದೆ ಮೇಲೆ ಗುಂಡು ಬಿದ್ದಿದೆ ಎಂದು ಸುಳ್ಳು ಹೇಳಿದ್ರಾ ಎಂದು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ. ಸಿನಿಮಾದಲ್ಲಿ ಆ್ಯಕ್ಟ್ ಮಾಡಿದಂತೆ ನಿಜ ಜೀವನದಲ್ಲಿಯೂ ಚೆನ್ನಾಗಿ ಆ್ಯಕ್ಟ್ಮಾಡಿದ್ರು ಎಂದೆಲ್ಲಾ ಹೇಳಲಾಗುತ್ತಿದೆ. ಅಸಲಿಗೆ ಏನಾಗಿದೆ ಎನ್ನುವುದು ತಿಳಿದಿಲ್ಲ. ಆದರೆ ವೈರಲ್ ಆಗ್ತಿರೋ ಫೋಟೋ ನೋಡಿ ಮಾತ್ರ ಎರಡೇ ದಿನಗಳಲ್ಲಿ ಇದು ಹೇಗೆ ಸಾಧ್ಯ ಎಂದು ಪ್ರಶ್ನಿಸುತ್ತಿದ್ದಾರೆ. ಕೈಮೇಲಿನ ಬ್ಯಾಂಡೇಜ್ ಕೂಡ ಕಾಣಿಸುತ್ತಿಲ್ಲ. ಆದ್ದರಿಂದ ಇದು ಹೇಗೆ ಸಾಧ್ಯ ಎನ್ನುವುದು ಪ್ರಶ್ನೆ.

ವಕೀಲರಿಂದ ಫೋಟೋ ಶೇರ್

ಅಷ್ಟಕ್ಕೂ, ವಕೀಲ ಆಶಿಶ್ ಶೆಲಾರ್ ಅವರು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ನಟನ ಮನೆಗೆ ಭೇಟಿ ಕೊಟ್ಟ ಫೋಟೋಸ್ಶೇರ್ ಮಾಡಿಕೊಂಡಿದ್ದಾರೆ. ಜುಹುವಿನಲ್ಲಿ ನಡೆದ ದುರದೃಷ್ಟಕರ ಗುಂಡಿನ ಘಟನೆಯ ನಂತರ ಟೈಗರ್ ಶ್ರಾಫ್ ಅವರನ್ನು ಭೇಟಿ ಮಾಡಿ ಅವರ ಯೋಗಕ್ಷೇಮ ವಿಚಾರಿಸಿದೆ. ಇಂತಹ ಹಿಂಸಾಚಾರಗಳಿಗೆ ನಮ್ಮ ಸಮಾಜದಲ್ಲಿ ಸ್ಥಾನವಿಲ್ಲ. ಅವರಿಗೆ ಶಕ್ತಿ ತುಂಬಿ ಶೀಘ್ರವಾಗಿ ಚೇತರಿಸಿಕೊಳ್ಳಲಿ ಎಂದು ಹಾರೈಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ. ಅವರು ತಮ್ಮ ಭೇಟಿಯ ಕೆಲವೊಂದು ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದು, ಅದರಲ್ಲಿ ಟೈಗರ್ ಶ್ರಾಫ್ ಎದೆ ಮೇಲಿನ ಬ್ಯಾಂಡೇಜೇ ಮಾಯವಾಗಿದ್ದು, ಇದು ಹಲವಾರು ಅನುಮಾನಗಳಿಗೆ ಎಡೆ ಮಾಡಿಕೊಡುತ್ತಿದೆ ಎನ್ನುತ್ತಿದ್ದಾರೆ ನೆಟ್ಟಿಗರು!

ಆರೋಪಿಗಳು ಹೇಳಿದ್ದೇನು?

ಅಸಲಿಗೆ ಶೂಟರ್‌ಗಳು ಮುಂಬೈಗೆ ಬಂದಿದ್ದು ಟೈಗರ್ ಶ್ರಾಫ್‌ಗಾಗಿ ಅಲ್ಲವೇ ಅಲ್ಲ. ಪೊಲೀಸರ ವಿಚಾರಣೆ ವೇಳೆ ಈ ಅಚ್ಚರಿಯ ಸತ್ಯವನ್ನು ಆರೋಪಿಗಳು ಬಾಯ್ಬಿಟ್ಟಿರುವುದಾಗಿಯೂ ವರದಿಯಾಗಿದೆ. ಬಂಧಿತರನ್ನು ಪೊಲೀಸರು ತೀವ್ರ ವಿಚಾರಣೆಗೆ ಒಳಪಡಿಸಿದಾಗ ಅಸಲಿ ಕಥೆ ಹೊರಬಿದ್ದಿದೆ. ಮೂವರು ಆರೋಪಿಗಳು ಮುಂಬೈಗೆ ಬಂದಿದ್ದು ಬೇರೊಬ್ಬ ವಿಐಪಿಯನ್ನು ಮುಗಿಸಲು. ಆ ವಿಐಪಿ ಓಡಾಡುವ ಜಾಗಗಳಲ್ಲೆಲ್ಲಾ ಆರೋಪಿಗಳು ಹೊಂಚು ಹಾಕಿ ಕುಳಿತಿದ್ದರು. ಆದರೆ, ಆತನ ಮೇಲೆ ಅಟ್ಯಾಕ್ ಮಾಡುವುದು ಅಷ್ಟು ಸುಲಭವಲ್ಲ ಎಂಬುದು ಇವರಿಗೆ ಅರ್ಥವಾಗಿತ್ತು. ಇದೇ ಗ್ಯಾಪ್‌ನಲ್ಲಿ ಟೈಗರ್ ಶ್ರಾಫ್ ಫ್ಯಾನ್ಸ್ ಇನ್‌ಸ್ಟಾಗ್ರಾಮ್‌ನಲ್ಲಿ ಹಾಕಿದ್ದ ರೀಲ್ಸ್ ಇವರ ಕಣ್ಣಿಗೆ ಬಿದ್ದಿದೆ. ನಟನಿಗೆ ಯಾವುದೇ ಪೊಲೀಸ್ ಭದ್ರತೆ ಇಲ್ಲ ಎಂಬುದು ರೀಲ್ಸ್ ಮೂಲಕ ಗೊತ್ತಾದ ತಕ್ಷಣ, ತಮ್ಮ ಟಾರ್ಗೆಟ್ ಅನ್ನು ಟೈಗರ್ ಶ್ರಾಫ್ ಕಡೆಗೆ ಶಿಫ್ಟ್ ಮಾಡಿದ್ದಾರೆ ಎಂದು ಪೊಲೀಸ್ ಮೂಲಗಳನ್ನು ಉಲ್ಲೇಖಿಸಿ ಎನ್‌ಡಿಟಿವಿ ವರದಿ ಮಾಡಿದೆ. ಅದರ ಬಗ್ಗೆ ತನಿಖೆ ನಡೆಯಬೇಕಿದೆ ಅಷ್ಟೇ. ಆದರೆ ಈಗ ಬ್ಯಾಂಡೇಜ್ ಮಾತ್ರ ಪ್ರಶ್ನೆಯಾಗಿಯೇ ಉಳಿದಿದೆ. ಟೈಗರ್ ಶ್ರಾಫ್ ಗುಟ್ಕಾ ಜಾಹೀರಾತಿಗೆ ಬರುವ ಕಾರಣದಿಂದ ಅದನ್ನು ತಿಂದರೆ ಬೇಗ ಗಾಯ ವಾಸಿಯಾಗ್ತದೆ ಎಂದು ಹಲವರು ನಟನ ಕಾಲೆಳೆಯುತ್ತಿದ್ದಾರೆ. the_quad_news ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಇದನ್ನು ಶೇರ್ ಮಾಡಲಾಗಿದೆ.

IPL 2027 ಹರಾಜಿಗೂ ಮುನ್ನ ಇಬ್ಬರು ಬಿಗ್ ಹಿಟ್ಟರ್‌ಗಳನ್ನು ಕೈಬಿಡಲು ರೆಡಿಯಾದ ಗುಜರಾತ್ ಟೈಟಾನ್ಸ್..! RCB ಗೆ ಬರ್ತಾರಾ ಈ ಗನ್ ಫೀಲ್ಡರ್..?

Naveen Kodase — Wed, 21 Oct 2026 13:10:05 +0530

ಬೆಂಗಳೂರು: 2027ರ ಐಪಿಎಲ್ ಟೂರ್ನಿಗೆ ಎಲ್ಲಾ ಫ್ರಾಂಚೈಸಿಗಳು ಭರ್ಜರಿ ಸಿದ್ದತೆ ಆರಂಭಿಸಿವೆ. ಹೀಗಿರುವಾಗಲೇ ಗುಜರಾತ್ ಟೈಟಾನ್ಸ್ ಪಾಳಯದಲ್ಲಿ ಮಹತ್ವದ ಬೆಳವಣಿಗೆಗಳು ನಡೆಯುತ್ತಿವೆ. 2027ರ ಐಪಿಎಲ್ ಮಿನಿ ಹರಾಜಿಗೂ ಮುನ್ನ ಮಾಜಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ಇಬ್ಬರು ಬಿಗ್ ಹಿಟ್ಟರ್‌ಗಳನ್ನು ಕೈಬಿಡಲು ಸಿದ್ದತೆ ನಡೆಸಿದೆ.

2027ರ ಇಂಡಿಯನ್ ಪ್ರೀಮಿಯರ್ ಲೀಗ್ ಆಟಗಾರರ ಮಿನಿ ಹರಾಜು ಮುಂಬರುವ ಡಿಸೆಂಬರ್‌ನಲ್ಲಿ ನಡೆಯಲಿದೆ. ಇದಕ್ಕೂ ಮೊದಲು ಎಲ್ಲಾ 10 ಫ್ರಾಂಚೈಸಿಗಳು ಯಾವ ಆಟಗಾರರನ್ನು ಉಳಿಸಿಕೊಳ್ಳಬೇಕು, ಯಾವ ಆಟಗಾರರನ್ನು ಕೈಬಿಡಬೇಕು ಎನ್ನುವುದನ್ನು ಅಳೆದುತೂಗಿ ಲೆಕ್ಕಚಾರ ಹಾಕಲಾರಂಭಿಸಿವೆ. ನವೆಂಬರ್ ತಿಂಗಳ ಮಧ್ಯದವರೆಗೂ ಆಟಗಾರರ ರೀಟೈನ್, ರಿಲೀಸ್‌ಗೆ ಬಿಸಿಸಿಐ ಅವಕಾಶ ನೀಡಿದೆ.

ಇದೇ ಕಾರಣಕ್ಕೆ ಎಲ್ಲಾ ಫ್ರಾಂಚೈಸಿಗಳು ಯಾವ ಆಟಗಾರರನ್ನು ರಿಲೀಸ್ ಮಾಡಬೇಕು. ಯಾವ ಆಟಗಾರರನ್ನು ಯಾವ ತಂಡಕ್ಕೆ ಟ್ರೇಡ್ ಮಾಡಬೇಕು ಎಂದು ಲೆಕ್ಕಾಚಾರ ಹಾಕುತ್ತಿವೆ. ಹೀಗಿರುವಾಗಲೇ ಕಳೆದ ಸೀಸನ್‌ನ ರನ್ನರ್ ಅಪ್ ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿಯು ಮುಂಬರುವ ಐಪಿಎಲ್ ಮಿನಿ ಹರಾಜಿಗೂ ಮುನ್ನ ದೇಶಿ ಕ್ರಿಕೆಟ್‌ನ ಬಿಗ್ ಹಿಟ್ಟರ್ ಶಾರುಕ್ ಖಾನ್ ಹಾಗೂ ಕಿವೀಸ್ ಮೂಲದ ಗನ್ ಫೀಲ್ಡರ್ ಗ್ಲೆನ್ ಫಿಲಿಫ್ಸ್ ಅವರನ್ನು ರಿಲೀಸ್‌ ಮಾಡಲು ಮುಂದಾಗಿದೆ ಎಂದು ವರದಿಯಾಗಿದೆ.

2026ರ ಐಪಿಎಲ್ ಟೂರ್ನಿಯುದ್ದಕ್ಕೂ ಅಭೂತಪೂರ್ವ ಪ್ರದರ್ಶನ ತೋರಿದ್ದ ಗುಜರಾತ್ ಟೈಟಾನ್ಸ್ ತಂಡವು ಫೈನಲ್ ಪ್ರವೇಶಿಸಿತ್ತು. ಆದರೆ ಫೈನಲ್‌ನಲ್ಲಿ ಆರ್‌ಸಿಬಿಗೆ ಶರಣಾಗುವ ಮೂಲಕ ರನ್ನರ್ ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತ್ತು. ಪಿಟಿಐ ವರದಿಯ ಪ್ರಕಾರ ಇದೀಗ ಗುಜರಾತ್ ತಂಡವು ತನ್ನ ಕಾಂಬಿನೇಷನ್‌ನಲ್ಲಿ ಹೆಚ್ಚಿನ ಬದಲಾವಣೆ ಮಾಡದಿರಲು ತೀರ್ಮಾನಿಸಿದೆ. ಹೀಗಾಗಿ ತನ್ನ ಮಧ್ಯಮ ಕ್ರಮಾಂಕದ ಬ್ಯಾಟರ್‌ಗಳಾದ ಶಾರುಕ್ ಖಾನ್ ಹಾಗೂ ಗ್ಲೆನ್ ಫಿಲಿಫ್ಸ್ ಅವರನ್ನು ಮಾತ್ರ ತಂಡದಿಂದ ರಿಲೀಸ್ ಮಾಡಲು ಜಿಟಿ ತೀರ್ಮಾನಿಸಿದೆ ಎಂದು ವರದಿಯಾಗಿದೆ.

ಇಬ್ಬರನ್ನು ರಿಲೀಸ್ ಮಾಡಿದ್ರೆ ಗುಜರಾತ್ ಪರ್ಸ್‌ನಲ್ಲಿ ಉಳಿಯೋದೆಷ್ಟು?

2025ರ ಐಪಿಎಲ್ ಮೆಗಾ ಹರಾಜಿನಲ್ಲಿ 4 ಕೋಟಿ ರುಪಾಯಿ ನೀಡಿ ಶಾರುಕ್ ಖಾನ್ ಅವರನ್ನು ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿಯು ತನ್ನ ತೆಕ್ಕೆಗೆ ಸೆಳೆದುಕೊಂಡಿತ್ತು. ಇನ್ನು ಗ್ಲೆನ್ ಫಿಲಿಫ್ಸ್‌ಗೆ 2 ಕೋಟಿ ರುಪಾಯಿ ನೀಡಿ ಖರೀದಿಸಿತ್ತು. ಇವರಿಬ್ಬರನ್ನು ಕೈಬಿಟ್ಟರೇ ಗುಜರಾತ್ ಬಳಿ ಆರು ಕೋಟಿ ರುಪಾಯಿ ಉಳಿಯಲಿದೆ. ಇದಕ್ಕೆ ಬದಲಾಗಿ ಬಲಿಷ್ಠ ಮಧ್ಯಮ ಕ್ರಮಾಂಕದ ಬ್ಯಾಟರ್ ಹುಡುಕಾಟದಲ್ಲಿದೆ.

ಗುಜರಾತ್ ಪರ ಹೇಗಿತ್ತು ಶಾರುಕ್, ಫಿಲಿಫ್ಸ್ ಪ್ರದರ್ಶನ?

2025ರ ಐಪಿಎಲ್‌ನಲ್ಲಿ ಶಾರುಕ್ ಖಾನ್ ಗುಜರಾತ್ ಪರ 15 ಪಂದ್ಯಗಳನ್ನಾಡಿ ಒಂದು ಅರ್ಧಶತಕ ಸಹಿತ ಕೇವಲ 179 ರನ್ ಬಾರಿಸಿದ್ದರು. ಇನ್ನು ಕಳೆದ ಸೀಸನ್‌ನಲ್ಲಿ ಶಾರುಕ್ 9 ಪಂದ್ಯಗಳನ್ನಾಡಿ ಕೇವಲ 43 ರನ್ ಗಳಿಸಿ ನಿರಾಸೆ ಮೂಡಿಸಿದ್ದರು. ಇನ್ನೊಂದೆಡೆ 2025ರ ಐಪಿಎಲ್‌ನಲ್ಲಿ ಫಿಲಿಫ್ಸ್‌ಗೆ ಆಡಲು ಒಂದೇ ಒಂದು ಪಂದ್ಯದಲ್ಲಿ ಅವಕಾಶ ಸಿಕ್ಕಿರಲಿಲ್ಲ. ಕಳೆದ ಸೀಸನ್‌ನಲ್ಲಿ ಕಿವೀಸ್ ಆಟಗಾರ 6 ಪಂದ್ಯಗಳಿಂದ ಕೇವಲ 67 ರನ್ ಗಳಿಸಿ ನಿರಾಸೆ ಮೂಡಿಸಿದ್ದರು.

ಆರ್‌ಸಿಬಿ ಪಾಲಾಗ್ತಾರಾ ಕಿವೀಸ್ ಗನ್‌ ಫೀಲ್ಡರ್ ಫಿಲಿಫ್ಸ್;

ನ್ಯೂಜಿಲೆಂಡ್ ಮೂಲದ ಗನ್ ಫೀಲ್ಡರ್ ಹಾಗೂ ಉಪಯುಕ್ತ ಬ್ಯಾಟಿಂಗ್ ಆಲ್ರೌಂಡರ್ ಆಗಿರುವ ಗ್ಲೆನ್‌ ಫಿಲಿಫ್ಸ್‌ಗೆ ಹೆಚ್ಚಿನ ಅವಕಾಶ ಗುಜರಾತ್ ಟೈಟಾನ್ಸ್ ತಂಡದಲ್ಲಿ ಸಿಕ್ಕಿರಲಿಲ್ಲ. ಮೈದಾನದಲ್ಲಿ ಪಾದರಸದಷ್ಟೇ ಚುರುಕಾಗಿರುವ ಹಾಗೂ ಎಂತಹ ಕಠಿಣ ಕ್ಯಾಚ್ ಆಗಿದ್ದರೂ ಸುಲಭವಾಗಿ ಹಿಡಿಯುವ ಗ್ಲೆನ್ ಫಿಲಿಫ್ಸ್ ಅವರನ್ನು ಮುಂಬರುವ ಐಪಿಎಲ್ ಮಿನಿ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿಯು ಖರೀದಿಸುತ್ತಾ ಎನ್ನುವುದನ್ನು ಕಾದು ನೋಡಬೇಕಿದೆ.

ಫೇಮ್‌, ದುಡ್ಡು ಸಿಕ್ಕಮೇಲಷ್ಟೇ ಗೌರವ ಕೊಡ್ತಾರಾ? ಸ್ಯಾಂಡಲ್‌ವುಡ್‌ನ ಕಹಿ ಸತ್ಯ ಬಿಚ್ಚಿಟ್ಟ ನಟಿ ತಪಸ್ವಿನಿ ಪೂಣಚ್ಚ

Sushma Hegde — Wed, 21 Oct 2026 13:00:12 +0530

ಚಿತ್ರರಂಗ ಎಂದರೆ ಬಣ್ಣದ ಜಗತ್ತು, ಖ್ಯಾತಿ, ಹಣ ಮತ್ತು ಅಭಿಮಾನಿಗಳ ಪ್ರೀತಿ ಎಂದು ಹಲವರು ಭಾವಿಸುತ್ತಾರೆ. ಆದರೆ ಸಿನಿಮಾ ಕ್ಷೇತ್ರದಲ್ಲಿ ಗುರುತಿಸಿಕೊಳ್ಳುವ ಹಾದಿ ಅಷ್ಟು ಸುಲಭವಲ್ಲ. ಹೊಸ ಅವಕಾಶಗಳನ್ನು ಹುಡುಕುವುದು, ತಮ್ಮ ಪ್ರತಿಭೆಯನ್ನು ಸಾಬೀತುಪಡಿಸುವುದು ಮತ್ತು ತಮ್ಮದೇ ಆದ ನಿರ್ಧಾರಗಳಿಗೆ ಬದ್ಧರಾಗಿರುವುದು ಕಲಾವಿದರ ಪಾಲಿಗೆ ದೊಡ್ಡ ಸವಾಲು. ಇದೀಗ ಕನ್ನಡ ಚಿತ್ರರಂಗದಲ್ಲಿ ತಮ್ಮದೇ ಆದ ಆಯ್ಕೆಗಳ ಮೂಲಕ ಗುರುತಿಸಿಕೊಳ್ಳುತ್ತಿರುವ ನಟಿ ತಪಸ್ವಿನಿ ಪೂಣಚ್ಚ ಅವರ ಸಿನಿಪಯಣ ಗಮನ ಸೆಳೆಯುತ್ತಿದೆ.

ಕೊಡಗಿನ ಮಣ್ಣಿನಿಂದ ಕನ್ನಡ ಚಿತ್ರರಂಗಕ್ಕೆ ಬಂದಿರುವ ತಪಸ್ವಿನಿ, ರಿಷಬ್ ಶೆಟ್ಟಿ ನಿರ್ದೇಶನದ ‘ಹರಿಕಥೆ ಅಲ್ಲ ಗಿರಿಕಥೆ’ ಚಿತ್ರದ ಮೂಲಕ 2022ರಲ್ಲಿ ಸ್ಯಾಂಡಲ್‌ವುಡ್‌ಗೆ ಪರಿಚಯವಾದರು. ಇದೀಗ ‘ಪ್ರೇಮದ ಊರಲಿ’ ಚಿತ್ರದ ಮೂಲಕ ಪ್ರೇಕ್ಷಕರ ಪ್ರೀತಿಗೆ ಪಾತ್ರರಾಗಿದ್ದಾರೆ. ಅವರ ಸಿನಿಪಯಣದ ಕುರಿತು ‘HARI Kathe’ ಪಾಡ್‌ಕಾಸ್ಟ್‌ನಲ್ಲಿ ಹಲವು ಆಸಕ್ತಿದಾಯಕ ವಿಚಾರಗಳು ಹಂಚಿಕೊಂಡಿದ್ದಾರೆ.

ಫೇಮ್‌, ಹಣವೇ ಎಲ್ಲವೂ ಅಲ್ಲ!

ಪಾಡ್‌ಕಾಸ್ಟ್‌ನಲ್ಲಿ ಅವರು ಸಹಿ ಹಾಕುವ ಮೊದಲು, "ನೀವು ನಿಮ್ಮ ಅಸಿಸ್ಟೆಂಟ್, ಪೋಷಕರನ್ನು ಕರೆದುಕೊಂಡು ಬರಬಹುದು, ಯೋಜನೆ ನಿಮ್ಮದೇ" ಎಂದೆಲ್ಲಾ ಸಿಹಿ ಮಾತುಗಳನ್ನು ಆಡುವವರು, ಒಮ್ಮೆ ಅಗ್ರಿಮೆಂಟ್ ಪೇಪರ್ ಮೇಲೆ ಸಹಿ ಬೀಳುತ್ತಿದ್ದಂತೆ ಸಂಪೂರ್ಣ ಬದಲಾಗುತ್ತಾರೆ. "ಒಮ್ಮೆ ನೀವು ಸಹಿ ಹಾಕಿದರೆ, ಅವರ ಎಲ್ಲಾ ಷರತ್ತುಗಳಿಗೂ ಒಪ್ಪಿಕೊಂಡಂತೆಯೇ. ಆ ನಂತರ ನಿಮ್ಮ ಕೈಯಲ್ಲಿ ಏನೂ ಇರುವುದಿಲ್ಲ," ಎಂದು ಚಿತ್ರರಂಗದಲ್ಲಿ ಹೊಸಬರು ಹೇಗೆ ಒಪ್ಪಂದಗಳ ಬಲೆಯಲ್ಲಿ ಸಿಲುಕಿಕೊಳ್ಳುತ್ತಾರೆ ಎಂಬುದನ್ನು ಎಳೆಎಳೆಯಾಗಿ ಹೇಳಿದ್ದಾರೆ.

ಸಿನಿಮಾ ಕ್ಷೇತ್ರದಲ್ಲಿ ಯಶಸ್ಸು ಗಳಿಸಿದ ಬಳಿಕ ಕಲಾವಿದರಿಗೆ ಹೆಚ್ಚಿನ ಮನ್ನಣೆ ಸಿಗುತ್ತದೆ ಎಂಬ ಅಭಿಪ್ರಾಯ ಹಲವರಲ್ಲಿದೆ. ಆದರೆ ಖ್ಯಾತಿ ಮತ್ತು ಹಣಕ್ಕಿಂತಲೂ ವ್ಯಕ್ತಿತ್ವ, ಸ್ವಾಭಿಮಾನ ಹಾಗೂ ಪರಸ್ಪರ ಗೌರವ ಮುಖ್ಯ ಎಂಬ ವಿಚಾರವೂ ಚಿತ್ರರಂಗದ ಚರ್ಚೆಗಳಲ್ಲಿ ಮಹತ್ವ ಪಡೆಯುತ್ತದೆ. ಹೊಸ ಕಲಾವಿದರು ಚಿತ್ರರಂಗದಲ್ಲಿ ತಮ್ಮದೇ ಆದ ಸ್ಥಾನ ಕಂಡುಕೊಳ್ಳುವಾಗ ಅನೇಕ ಸವಾಲುಗಳನ್ನು ಎದುರಿಸಬೇಕಾಗುತ್ತದೆ. ಇಂತಹ ಸಂದರ್ಭದಲ್ಲಿ ತಮ್ಮ ಆಯ್ಕೆಗಳಿಗೆ ಬೆಲೆ ಕೊಡುವುದು ಮತ್ತು ಸ್ವಂತ ವ್ಯಕ್ತಿತ್ವವನ್ನು ಉಳಿಸಿಕೊಳ್ಳುವುದು ಮುಖ್ಯವಾಗುತ್ತದೆ ಎಂದು ತಪಸ್ವಿನಿ ಪೂಣಚ್ಚ ಹೇಳಿದ್ದಾರೆ.

ಹಾಗೇ ಇಂಡಸ್ಟ್ರಿಯ ಹಿರಿಯರು ಅಥವಾ ನಿರ್ಮಾಪಕರು ಮಾಡುವ ಮ್ಯಾನಿಪುಲೇಷನ್ ಬಗ್ಗೆ ಮಾತನಾಡಿದ ಅವರು, "ಅವರು ನಮ್ಮ ಮನಸ್ಸನ್ನು ಬದಲಾಯಿಸಲು ಯತ್ನಿಸುತ್ತಾರೆ. 'ಮೊದಲು ನಕ್ಷತ್ರದಂತೆ ಮೆರೆಯಿರಿ, 35 ಅಥವಾ 40 ವರ್ಷದ ನಂತರ ಸೆಟಲ್ ಆಗಿ, ಅಲ್ಲಿಯವರೆಗೂ ಹಣ ಮಾಡಿ, ಪ್ರಸಿದ್ಧಿ ಪಡೆಯಿರಿ. ಯಾಕಂದ್ರೆ ನಿಮ್ಮ ಬಳಿ ದುಡ್ಡು, ಫೇಮ್ ಇದ್ದರೆ ಮಾತ್ರ ಈ ಜಗತ್ತು ಗೌರವ ಕೊಡುತ್ತೆ' ಎಂದು ನಂಬಿಸಲು ನೋಡುತ್ತಾರೆ, ಆಗ ಅವರು ಸಾರ್... ನಿಮ್ಮ ಫೇಮ್, ನಿಮ್ಮ ಸ್ಟಾರ್ ಸ್ಟೇಟಸ್ ನಿಮಗೇ ಇರಲಿ. ನನಗೆ ಅದು ಯಾವುದೂ ಬೇಡ, ಆ ತರದ ಗೌರವವೂ ನನಗೆ ಸಿಗಬೇಕಿಲ್ಲ" ಎಂದು ನೇರವಾಗಿಯೇ ಹಿರಿಯರಿಗೆ ತಿರುಗೇಟು ನೀಡಿದ್ದಾಗಿ ಹೇಳಿಕೊಂಡಿದ್ದಾರೆ ಈ ಪಾಡ್‌ಕಾಸ್ಟ್‌ನಲ್ಲಿ.

ತಮ್ಮದೇ ಆಯ್ಕೆಗಳ ಮೂಲಕ ಗುರುತಿಸಿಕೊಳ್ಳುತ್ತಿರುವ ತಪಸ್ವಿನಿ

ತಪಸ್ವಿನಿ ಪೂಣಚ್ಚ ಅವರು ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ಬಳಿಕ ತಮ್ಮ ಸಿನಿಪಯಣವನ್ನು ಮುಂದುವರಿಸುತ್ತಿದ್ದಾರೆ. ‘ಹರಿಕಥೆ ಅಲ್ಲ ಗಿರಿಕಥೆ’ ಚಿತ್ರದ ಮೂಲಕ ಆರಂಭವಾದ ಅವರ ಪಯಣಕ್ಕೆ ‘ಪ್ರೇಮದ ಊರಲಿ’ ಮತ್ತೊಂದು ಗುರುತಾಗಿದೆ. ಚಿತ್ರರಂಗದಲ್ಲಿ ಹೆಸರು ಮಾಡಬೇಕೆಂಬ ಆಸೆಯ ಜೊತೆಗೆ, ತಮ್ಮ ಪ್ರತಿಭೆಗೆ ತಕ್ಕ ಪಾತ್ರಗಳನ್ನು ಆಯ್ಕೆ ಮಾಡಿಕೊಳ್ಳುವುದು ಕೂಡ ಕಲಾವಿದರ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ತಪಸ್ವಿನಿ ಅವರ ಸಿನಿಪಯಣವೂ ಈ ಕಾರಣದಿಂದ ಸಿನಿಪ್ರಿಯರ ಗಮನ ಸೆಳೆಯುತ್ತಿದೆ.

'ಪ್ರೇಮದ ಊರಲಿ' ಮೂಲಕ ಪ್ರೇಕ್ಷಕರ ಪ್ರೀತಿ

ತಪಸ್ವಿನಿ ಪೂಣಚ್ಚ ಅವರ ಸಿನಿಪಯಣದಲ್ಲಿ 'ಪ್ರೇಮದ ಊರಲಿ' ಚಿತ್ರವೂ ಗಮನ ಸೆಳೆಯುವ ಹೆಸರಾಗಿದೆ. ಈ ಚಿತ್ರದ ಮೂಲಕ ಅವರು ಪ್ರೇಕ್ಷಕರ ಪ್ರೀತಿಗೆ ಪಾತ್ರರಾಗಿದ್ದಾರೆ. ತಮ್ಮ ಅಭಿನಯದ ಮೂಲಕ ಪ್ರೇಕ್ಷಕರನ್ನು ತಲುಪುತ್ತಿರುವ ನಟಿ, ಕನ್ನಡ ಚಿತ್ರರಂಗದಲ್ಲಿ ಇನ್ನಷ್ಟು ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಳ್ಳುವ ನಿರೀಕ್ಷೆ ಮೂಡಿಸಿದ್ದಾರೆ. ಚಿತ್ರರಂಗದಲ್ಲಿ ಹೊಸಬರಿಗೆ ತಮ್ಮ ಪ್ರತಿಭೆಯನ್ನು ಸಾಬೀತುಪಡಿಸುವುದು ಸುಲಭವಲ್ಲ. ಅಂತಹ ಸಂದರ್ಭದಲ್ಲಿ ಪ್ರೇಕ್ಷಕರ ಗಮನ ಸೆಳೆಯುವ ಪಾತ್ರಗಳು ನಟ-ನಟಿಯರ ಮುಂದಿನ ಪಯಣಕ್ಕೆ ಹೊಸ ಅವಕಾಶಗಳನ್ನು ತೆರೆದಿಡಬಹುದು.

ಸ್ವಾತಿ ನಕ್ಷತ್ರಕ್ಕೆ ಸೂರ್ಯನ ಚಲನೆ: ಅಕ್ಟೋಬರ್ 24 ರಿಂದ 15 ದಿನ 4 ರಾಶಿಗೆ ಬಂಪರ್

Mahmad Rafik — Wed, 21 Oct 2026 12:56:32 +0530

ಅಕ್ಟೋಬರ್ 24 ರಿಂದ ನವೆಂಬರ್ 8 ರವರೆಗೆ ಸೂರ್ಯನು ಸ್ವಾತಿ ನಕ್ಷತ್ರಕ್ಕೆ ಪ್ರವೇಶಿಸಲಿದ್ದಾನೆ. ಈ ವಿಶೇಷ ಚಲನೆಯಿಂದ 4 ರಾಶಿಯವರ ವೃತ್ತಿ ಹಾಗೂ ಆರ್ಥಿಕ ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆಗಳಾಗಲಿವೆ.

ಸೂರ್ಯನನ್ನು ಆತ್ಮ ವಿಶ್ವಾಸ, ಗೌರವ, ನಾಯಕತ್ವದ ಅಂಶ ಎಂದು ಪರಿಗಣಿಸಲಾಗುತ್ತದೆ. ಹಾಗಾಗಿ ಸೂರ್ಯನ ಚಲನೆಯು ಎಲ್ಲಾ 12 ರಾಶಿಚಕ್ರದ ಮೇಲೆ ಪರಿಣಾಮ ಬೀರುತ್ತದೆ. ಇದೇ ಅಕ್ಟೋಬರ್ 24ರಂದು ಸೂರ್ಯನು ಸ್ವಾತಿ ನಕ್ಷತ್ರಕ್ಕೆ ಚಲಿಸಲಿದ್ದು, ನವೆಂಬರ್‌ 8ರವರೆಗೆ ಇಲ್ಲಿರಲಿದ್ದಾನೆ. ಈ ವಿಶೇಷವಾದ ಚಲನೆಯಿಂದ 4 ರಾಶಿಚಕ್ರದವರು ಮುಂದಿನ 15 ದಿನಗಳಲ್ಲಿ ವೃತ್ತಿ, ಆರ್ಥಿಕ ಸ್ಥಿತಿ ಮತ್ತು ವೈಯಕ್ತಿಕ ಜೀವನದಲ್ಲಿ ಸಕಾರಾತ್ಮಕ ಬೆಳವಣಿಗೆ ಕಾಣುತ್ತಾರೆ. ಜ್ಯೋತಿಷ್ಯದಲ್ಲಿ ಸೂರ್ಯನನ್ನು ರಾಜಗ್ರಹ ಎಂದು ಕರೆಯಲಾಗುವುದರಿಂದ, ಈ ಗೋಚಾರವು ಪ್ರಮುಖ ಬದಲಾವಣೆಗಳಿಗೆ ಕಾರಣವಾಗುತ್ತದೆ.

ಕೆಲಸಕ್ಕೆ ಸಂಬಂಧಿಸಿದಂತಹ ವಿಷಯಗಳಲ್ಲಿ ಗುಡ್‌ನ್ಯೂಸ್ ಸಿಗಲಿದೆ.
ದೀರ್ಘಕಾಲದಿಂದ ಬಾಕಿ ಉಳಿದಿರೋ ಕೆಲಸಗಳು ಪೂರ್ಣಗೊಳ್ಳಲಿವೆ.
ಮೇಲಾಧಿಕಾರಿಗಳಿಂದ ಮೆಚ್ಚುಗೆ ಪಡೆದುಕೊಳ್ಳಲು ಅವಕಾಶ ಸಿಗಲಿದೆ.
ಹಣಕಾಸಿನ ವ್ಯವಹಾರದಿಂದ ಲಾಭ, ಹಣದ ಹೊಸ ಮಾರ್ಗ ತೆರೆದುಕೊಳ್ಳಲಿದೆ
ವೈಯಕ್ತಿಕ ಜೀವನದಲ್ಲಿ ಸಮತೋಲನ

ದೀರ್ಘಸಮಯದಿಂದ ಕೆಲಸ ಹುಡುಕುತ್ತಿರೋರಿಗೆ ಒಳ್ಳೆಯ/ನೆಚ್ಚಿನ ಉದ್ಯೋಗ ಸಿಗಲಿದೆ
ಉದ್ಯೋಗಿಗಳಿಗೆ ಹೆಚ್ಚಿನ ಜವಾಬ್ದಾರಿ ಸಿಗಲಿದ್ದು, ನಿಮ್ಮ ಸಾಮರ್ಥ್ಯ ಸಾಬೀತುಪಡಿಸಿಕೊಳ್ಳಲು ಇದು ಸುವರ್ಣವಕಾಶ
ವ್ಯವಹಾರ ವಿಸ್ತರಣೆಗೆ ಸೂಕ್ತ ಸಮಯ
ಆರ್ಥಿಕ ಪರಿಸ್ಥಿತಿಯ ಸುಧಾರಣೆ, ಹಳೆಯ ಹೂಡಿಕೆಗಳಿಂದ ಉತ್ತಮ ಪ್ರತಿಫಲ

ಮೇಲಾಧಿಕಾರಿಗಳಿಂದ ಕೆಲಸದಲ್ಲಿ ಪ್ರೋತ್ಸಾಹ, ಬೆಂಬಲ ಸಿಗಲಿದೆ
ಬಡ್ತಿ/ಹೊಸ ಉದ್ಯೋಗದ ಹುಡುಕಾಟ ಮಾಡೋರಿಗೆ ಶುಭ ಸುದ್ದಿ
ಹಿಂದಿನ ಪ್ರಯತ್ನಗಳಿಂದಾಗಿ ಆರ್ಥಿಕ ಪರಿಸ್ಥಿತಿ ಸುಧಾರಣೆ
ಕುಟುಂಬ ಮತ್ತು ಕೆಲಸದ ನಡುವೆ ಸಮತೋಲನ ಕಾಯ್ದುಕೊಳ್ಳಿ. ಖರ್ಚಿನ ಮೇಲೆ ಹಿಡಿತವಿರಲಿ

ಆರ್ಥಿಕ ಮತ್ತು ವೃತ್ತಿಜೀವನಕ್ಕೆ ಹೊಸ ಮಾರ್ಗ ತೆರೆದುಕೊಳ್ಳಲಿದೆ
ಪ್ರತಿಭೆ ಪ್ರದರ್ಶನಕ್ಕೆ ವೇದಿಕೆ ಸಿಗಲಿದೆ
ಹೊಸ ಜವಾಬ್ದಾರಿ ಜೊತೆ ಕೆಲಸದ ಒತ್ತಡ ಹೆಚ್ಚಳ, ಕೆಲಸಕ್ಕ ಸಂಬಂಧಿಸಿದ ವಿಷಯದಲ್ಲಿ ಒಳ್ಳೆಯ ಸುದ್ದಿ
ಆದಾಯ ಮತ್ತು ವೆಚ್ಚಗಳಲ್ಲಿ ಸಮತೋಲನದ ಅವಶ್ಯಕತೆ, ಉಳಿತಾಯ ಹೆಚ್ಚಿಸಿ
ಸಮಸ್ಯೆಗಳನ್ನು ನೇರವಾಗಿ ಚರ್ಚಿಸಿ ಬಗೆಹರಿಸಿಕೊಳ್ಳಿ
ಕೆಲಸಕ್ಕೆ ಸಂಬಂಧಿಸಿದಂತೆ ದೀರ್ಘ ಪ್ರಯಾಣ ಸಾಧ್ಯತೆ

ರೀಲ್ಸ್ನಲ್ಲಿ ಮೈಮರೆತ ದಂಪತಿ: ಸಮುದ್ರದೊಳಗೆ ಮಗು ಹೋದ್ರೂ ಪರಿವೇ ಇಲ್ಲ! ಶಾಕಿಂಗ್ ವಿಡಿಯೋ ವೈರಲ್

Suchethana D — Wed, 21 Oct 2026 12:54:47 +0530

ಇಂದು ರೀಲ್ಸ್‌ ಎನ್ನುವ ಹುಚ್ಚು ಬಹುತೇಕರನ್ನು ಆವರಿಸಿಕೊಂಡು ಬಿಟ್ಟಿದೆ. ದಿಢೀರ್‍‌ ಎಂದು ಫೇಮಸ್‌ ಆಗಲು ಕಾಣುವ ಮಾರ್ಗ ಇದೊಂದೇ. ರೀಲ್ಸ್‌ ಮಾಡುವವರ ಸಂಖ್ಯೆ ಹೆಚ್ಚುತ್ತಿದ್ದಂತೆಯೇ, ಕಾಂಪಿಟೇಷನ್‌ ಕೂಡ ಜಾಸ್ತಿಯಾಗುತ್ತಿದೆ. ಅದಕ್ಕಾಗಿಯೇ ಕೆಲವರು ವಿಭಿನ್ನ ರೀತಿಯಲ್ಲಿ ರೀಲ್ಸ್‌ ಮಾಡುವ ತವಕದಲ್ಲಿ ಇರುತ್ತಾರೆ. ಇದೇ ಕಾರಣಕ್ಕೆ ಎಷ್ಟೋ ಮಂದಿ ಅಪಾಯಕಾರಿ ಎನ್ನುವ ರೀಲ್ಸ್‌ ಮಾಡಿ ಜೀವ ಕಳೆದುಕೊಂಡವರಿದ್ದಾರೆ, ಕೈ-ಕಾಲು ಮುರಿದುಕೊಂಡು ನರಳುತ್ತಿರುವವರೂ ಇದ್ದಾರೆ. ಇಂಥವರ ಬಗ್ಗೆ ಪ್ರತಿನಿತ್ಯ ಸುದ್ದಿಯಾಗುತ್ತಲೇ ಇರುತ್ತದೆ. ರೈಲು ಹಳಿಗಳ ಮೇಲೆ ನಿಲ್ಲುವುದು, ಬೆಟ್ಟದ ತುದಿಯಲ್ಲಿ ಹೋಗುವುದು... ಹೀಗೆ ರೀಲ್ಸ್ ಹುಚ್ಚಿಗೆ ಬಲಿಯಾಗಿ ಪ್ರಾಣ ಕಳೆದುಕೊಳ್ಳುವವರು ಒಂದೆಡೆಯಾದರೆ, ಚಿತ್ರ-ವಿಚಿತ್ರವಾಗಿ ರೀಲ್ಸ್‌ ಮಾಡಲು ಹೋಗಿ ಥಳಿತಕ್ಕೆ ಒಳಗಾಗುವವರೂ ಇದ್ದಾರೆ.

ಮೈಮರೆತ ದಂಪತಿ

ಆದರೆ, ಇಲ್ಲೊಂದು ಘಟನೆಯಲ್ಲಿ ಗಂಡ- ಹೆಂಡತಿ ಸಮುದ್ರ ತೀರದಲ್ಲಿ ರೀಲ್ಸ್ ಮಾಡುತ್ತಿದ್ದಾಗ ತಮ್ಮ ಬಳಿ ಮಗು ಇದೆ ಎನ್ನೋದೇ ಮರೆತಿದ್ದಾರೆ. ಆ ಮಗು ನೀರನ್ನು ಕಂಡು ಖುಷಿಯಿಂದ ಸಮುದ್ರದ ಒಳಗೆ ಹೋಗಿದೆ. ಅಲ್ಲಿಯೇ ಇದ್ದ ಯುವಕನೊಬ್ಬ ಅದನ್ನು ನೋಡಿ, ಮಗುವನ್ನು ರಕ್ಷಿಸಿದ್ದಾನೆ. ಆದರೂ ಈ ಮಹಾನ್ ಅಪ್ಪ-ಅಮ್ಮನಿಗೆ ಅದರ ಅರಿವೇ ಇಲ್ಲ, ರೀಲ್ಸ್ನಲ್ಲಿಯೇ ಮುಳುಗಿದ್ದಾರೆ. ಒಂದು ವೇಳೆ ಆ ಮಗುವನ್ನುಯುವಕ ರಕ್ಷಿಸದೇ ಹೋಗಿದ್ದರೆ, ಈ ರೀಲ್ಸ್ ತಾರೆಯರು ತಾವು ಅಂದುಕೊಂಡಂತೆ ಫೇಮಸ್ ಆಗ್ತಿದ್ದರು, ಆದರೆ ಮಗುವನ್ನು ಕಳೆದುಕೊಳ್ಳುತ್ತಿದ್ದರಷ್ಟೇ. ಎಂಥ ವಿಪರ್ಯಾಸ ಇದು ಎನ್ನಿಸದೇ ಇರಲಾರದು.

ಈಚೆಗೆ ನಡೆದ ಇನ್ನೂ ಕೆಲವು ಘಟನೆ

ಇತ್ತೀಚೆಗೆ ಜಲಪಾತದ ಮಧ್ಯೆ ನಿಂತುಕೊಂಡು ರೀಲ್ಸ್‌ ಮಾಡುವ ಸಂದರ್ಭದಲ್ಲಿ, ಪ್ರವಾಹದಲ್ಲಿ ಸಿಲುಕಿಕೊಂಡು ಕುಟುಂಬವೊಂದು ಕೊಚ್ಚಿ ಹೋದ ದೃಶ್ಯ ವೈರಲ್‌ ಆಗಿತ್ತು. ಇದರ ಬೆನ್ನಲ್ಲೇ ಮಹಾರಾಷ್ಟ್ರದ ರಾಯಗಡ ಜಿಲ್ಲೆಯಲ್ಲಿ ಅನ್ವಿ ಕಂಬಾರ್ ಎಂಬ 27 ವರ್ಷದ ಯುವತಿ ರೀಲ್ಸ್ ಮಾಡಲು ಕಾರನ್ನು ರಿವರ್ಸ್ ತೆಗೆಯುವಾಗ 300 ಅಡಿ ಆಳದ ಕಂದಕಕ್ಕೆ ಕಾರು ಉರುಳಿ ಸಾವನ್ನಪ್ಪಿದ್ದರು. ಹೀಗೆ ರೀಲ್ಸ್‌ ಹುಚ್ಚು ಪ್ರಾಣವನ್ನು ಪಡೆಯುತ್ತಿದ್ದರೂ ಅದನ್ನು ಲೆಕ್ಕಿಸದ ಯುವ ಸಮೂಹ ಒಂದೆಡೆಯಾದರೆ, ಇನ್ನೊಂದು ಕಡೆ ಇಂಥ ಅಶ್ಲೀಲ ಎನ್ನುವ ರೀಲ್ಸ್ ಮಾಡಿ ಸಾರ್ವಜನಿಕರಿಂದ ಥಳಿತಕ್ಕೆ ಒಳಗಾಗುವುದೂ ಇದೆ.

आज Husband के साथ समुन्द्र पर घूमने गई थी जहाँ हमने देखा एक पति पत्नी Reel बनाने में इतने मगन थे अपनी बच्ची को पानी में ही छोड़ दिया।

बच्ची समुन्द्र की लहरों में बहने से बच गई एक भय्या ने ध्यान दिया और बचा लिया।

क्या अब Reel बाजी लोगों के लिए इतनी जरूरी हो गई है अपने बच्चों... Real news

— _ (@Mariyam_MBD) October 19, 2026

Ramayana: ಬಾಕ್ಸ್ ಆಫೀಸ್ ಧೂಳೀಪಟ ಮಾಡಿದ 'ರಾಮಾಯಣ'; ರಿಲೀಸ್ ಮುನ್ನವೇ ಕಲೆಕ್ಷನ್‌ನಲ್ಲಿ ಇತಿಹಾಸ ಸೃಷ್ಟಿಸಿದ ಸಿನೆಮಾ!

Bhimasi M Koleppanavar — Wed, 21 Oct 2026 12:52:50 +0530

ಖ್ಯಾತ ನಿರ್ದೇಶಕ ನಿತೇಶ್ ತಿವಾರಿ ಹಾಗೂ ನಿರ್ಮಾಪಕ ನಮಿತ್ ಮಲ್ಹೋತ್ರಾ ಅವರ ಕನಸಿನ ಸಂಯೋಜನೆಯಲ್ಲಿ ಮೂಡಿಬರುತ್ತಿರುವ ಬಹುನಿರೀಕ್ಷಿತ 'ರಾಮಾಯಣ' ಚಿತ್ರವು ಕಳೆದ ಹಲವು ದಿನಗಳಿಂದ ಭಾರತೀಯ ಚಿತ್ರರಂಗದಲ್ಲಿ ಭಾರಿ ಸುದ್ದಿಯಲ್ಲಿದೆ. ಅತ್ಯಂತ ಬೃಹತ್ ಪ್ರಮಾಣದ ಅಂದರೆ ₹4,000 ಕೋಟಿ ವೆಚ್ಚದ ಬಜೆಟ್‌ನಲ್ಲಿ ನಿರ್ಮಾಣವಾಗುತ್ತಿರುವ ಈ ಮಹಾಕಾವ್ಯ ಆಧಾರಿತ ಚಲನಚಿತ್ರವು ಒಟ್ಟು ಎರಡು ಭಾಗಗಳಲ್ಲಿ ಬಿಡುಗಡೆಯಾಗಲಿದೆ. ಚಿತ್ರದ ಮೊದಲ ಭಾಗವು ಈ ಬಾರಿಯ ದೀಪಾವಳಿ ಹಬ್ಬಕ್ಕೆ ಅಂದರೆ ನವೆಂಬರ್ 5 ರಂದು ಜಾಗತಿಕವಾಗಿ ಪ್ರೇಕ್ಷಕರ ಮುಂದೆ ಬರಲಿದ್ದು, ಎರಡನೇ ಭಾಗವು ಮುಂದಿನ ವರ್ಷದ ದೀಪಾವಳಿ ಹಬ್ಬಕ್ಕೆ ತೆರೆಕಾಣಲಿದೆ. ಆದರೆ, ಸಿನಿಮಾ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವುದಕ್ಕೂ ಮುಂಚೆಯೇ ಅಡ್ವಾನ್ಸ್ ಬುಕಿಂಗ್‌ನಲ್ಲಿ ದಾಖಲೆ ಮಟ್ಟದ ಗಳಿಕೆ ಮಾಡುವ ಮೂಲಕ ಭಾರಿ ಇತಿಹಾಸ ಸೃಷ್ಟಿಸಿದೆ.

ವಿದೇಶಿ ಬಾಕ್ಸ್ ಆಫೀಸ್‌ನಲ್ಲಿ ಅಡ್ವಾನ್ಸ್ ಬುಕಿಂಗ್ ಹವಾ!

ದಸರಾ ಹಬ್ಬದ ಶುಭ ಸಂದರ್ಭದಲ್ಲಿ ಭಾರತಕ್ಕಿಂತ ಮೊದಲೇ ಜಾಗತಿಕ ಮಟ್ಟದಲ್ಲಿ 'ರಾಮಾಯಣ' ಚಿತ್ರದ ಮುಂಗಡ ಬುಕಿಂಗ್ ಪ್ರಕ್ರಿಯೆ ಭರದಿಂದ ಆರಂಭವಾಗಿತ್ತು. ಟಿಕೆಟ್ ಬುಕಿಂಗ್ ಶುರುವಾದ ತಕ್ಷಣವೇ ವಿದೇಶಗಳಲ್ಲಿ ಸಿನಿಪ್ರಿಯರಿಂದ ಅಪಾರ ಉತ್ಸಾಹ ಹಾಗೂ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕೆನಡಾ, ಅಮೆರಿಕ, ಯುಕೆ ಮತ್ತು ಆಸ್ಟ್ರೇಲಿಯಾಗಳಂತಹ ಪ್ರಮುಖ ದೇಶಗಳಲ್ಲಿ ಮುಂಗಡ ಬುಕಿಂಗ್‌ಗೆ ಅಭೂತಪೂರ್ವ ಚಾಲನೆ ಸಿಕ್ಕಿದೆ. ಫಿಲ್ಮ್ಸ್ ಡಿಸ್ಕೋರ್ಸ್‌ನ ಅಂಕಿ-ಅಂಶಗಳನ್ನು ಉಲ್ಲೇಖಿಸಿದ್ದು, ಸಿನಿಮಾ ಬಿಡುಗಡೆಗೆ ಇನ್ನು 15 ದಿನಗಳು ಬಾಕಿ ಇರುವಂತೆಯೇ ಅಮೆರಿಕ, ಯುಕೆ, ಕೆನಡಾ ಮತ್ತು ಆಸ್ಟ್ರೇಲಿಯಾ ಸೇರಿದಂತೆ ಈ ನಾಲ್ಕು ದೇಶಗಳ ಸಂಯೋಜಿತ ಗಳಿಕೆಯಲ್ಲಿ 1.12 ಮಿಲಿಯನ್ ಯುಎಸ್ ಡಾಲರ್ ಸಂಗ್ರಹವಾಗಿದೆ. ಇದು ಚಿತ್ರದ ಲಭ್ಯವಿರುವ ಪ್ರತಿಯೊಂದು ಪ್ರದರ್ಶನದಿಂದ ಬಂದ ಒಟ್ಟು ಗಳಿಕೆಯಾಗಿದೆ.

ಭಾರತದಲ್ಲಿ ಮೊದಲ ದಿನದ ಮುಂಗಡ ಬುಕಿಂಗ್ ಕಲೆಕ್ಷನ್!

ಇನ್ನೊಂದೆಡೆ, ದಸರಾ ಹಬ್ಬದ ಸಂದರ್ಭದಲ್ಲಿ ಭಾರತದಲ್ಲೂ 'ರಾಮಾಯಣ' ಸಿನಿಮಾದ ಅಡ್ವಾನ್ಸ್ ಬುಕಿಂಗ್ ಆರಂಭವಾಗಿದೆ. ಆದರೆ ಪ್ರಸ್ತುತ ದೇಶದಲ್ಲಿ ಕೆಲವೇ ಕೆಲವು ಪ್ರದರ್ಶನಗಳಿಗೆ ಮಾತ್ರ ಮುಂಗಡ ಬುಕಿಂಗ್‌ಗೆ ಅವಕಾಶ ನೀಡಲಾಗಿದೆ. ಭಾರತದ ಚಿತ್ರಮಂದಿರಗಳಲ್ಲಿ ಸಿನಿಮಾ ಟಿಕೆಟ್ ಬೆಲೆಯು ₹400 ರಿಂದ ₹500 ಗಳ ನಡುವೆ ನಿಗದಿಯಾಗಿದೆ. ಸಾಕ್ನಿಲ್ಕ್ವ ರದಿಯ ಪ್ರಕಾರ, ಚಿತ್ರವು ಪ್ರಸ್ತುತ ಒಂದು ಪ್ರದರ್ಶನದ ದಿನಾಂಕದ ಮುಂಗಡ ಟಿಕೆಟ್‌ಗಳ ಮಾರಾಟದಿಂದಲೇ ಒಟ್ಟು ₹4.78 ಕೋಟಿ ಗ್ರೋಸ್ ಕಲೆಕ್ಷನ್ ಮಾಡಿದೆ. ಬ್ಲಾಕ್ ಮಾಡಿದ ಸೀಟುಗಳನ್ನು ಹೊರತುಪಡಿಸಿ, ಕೇವಲ ಮುಂಗಡ ಬುಕಿಂಗ್‌ನಿಂದ ಚಿತ್ರದ ನಿವ್ವಳ ಗಳಿಕೆ ₹2.96 ಕೋಟಿ ತಲುಪಿದೆ. ಪ್ರಮುಖ ನಗರಗಳ ಪೈಕಿ ರಾಷ್ಟ್ರೀಯ ರಾಜಧಾನಿ ಪ್ರದೇಶ ಮುಂಚೂಣಿಯಲ್ಲಿದ್ದು, ಇಲ್ಲಿಯವರೆಗೆ ಅಡ್ವಾನ್ಸ್ ಬುಕಿಂಗ್ ಒಂದರಲ್ಲೇ ₹1.39 ಕೋಟಿ ಗಳಿಸಿದೆ.

ದಿಗ್ಗಜ ತಾರಾಗಣ ಹಾಗೂ ದೃಶ್ಯ ವೈಭವ!

ನಿತೇಶ್ ತಿವಾರಿ ನಿರ್ದೇಶನದ ಈ ಬಿಗ್ ಬಜೆಟ್ ಸಿನಿಮಾದಲ್ಲಿ ಬಾಲಿವುಡ್ ಹಾಗೂ ದಕ್ಷಿಣ ಭಾರತದ ಪ್ರಮುಖ ಅನುಭವಿ ಕಲಾವಿದರು ಸಾಥ್ ನೀಡಿದ್ದಾರೆ. ಚಿತ್ರದಲ್ಲಿ ರಣಬೀರ್ ಕಪೂರ್, ಸಾಯಿ ಪಲ್ಲವಿ, ರಾಕಿಂಗ್ ಸ್ಟಾರ್ ಯಶ್, ರವಿ ದುಬೆ, ರಾಕುಲ್ ಪ್ರೀತ್ ಸಿಂಗ್, ಲಾರಾ ದತ್ತ ಹಾಗೂ ಅರುಣ್ ಗೋವಿಲ್ ಅವರಂತಹ ಶ್ರೇಷ್ಠ ನಟರು ಬಣ್ಣ ಹಚ್ಚಿದ್ದಾರೆ. ಅಲ್ಲದೆ, ಚಿತ್ರದಲ್ಲಿ ವಿಶೇಷ ಆಕರ್ಷಣೆಯಾಗಿ 'ಜಟಾಯು' ಪಾತ್ರಕ್ಕೆ ಹಿರಿಯ ನಟ ಅನುಪಮ್ ಖೇರ್ ಧ್ವನಿ ನೀಡಿದ್ದಾರೆ.

ಪಂಜಾಬ್ ಸಿಎಂ ಭಗವಂತ್ ಮಾನ್ ದೆಹಲಿಯಲ್ಲಿ ಪೊಲೀಸರ ವಶಕ್ಕೆ, ಆಪ್ ಬಾಂಬ್‌ಗೆ ಕೋಲಾಹಲ

Chethan Kumar — Wed, 21 Oct 2026 12:47:17 +0530

ದೆಹಲಿ (ಅ.21) ಆಮ್ ಆದ್ಮಿ ಪಾರ್ಟಿ ಗಂಭೀರ ಆರೋಪ ಮಾಡಿ ರಾಜಕೀಯ ಕೋಲಾಹಲ ಸೃಷ್ಟಿಸಿದೆ. ಪ್ಯಾರಿಸ್‌ನಿಂದ ಮರಳಿದ ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಸಿಂಗ್ ಮಾನ್‌ರನ್ನು ದೆಹಲಿ ವಿಮಾನ ನಿಲ್ದಾಣದಲ್ಲಿ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. 3 ಗಂಟೆಗಳ ಕಾಲ ಭಗಂವತ್ ಮಾನ್ ಪೊಲೀಸರ ವಶದಲ್ಲಿದ್ದರು. 50 ಸಾವಿರ ರೂಪಾಯಿ ದಂಡ ವಿಧಿಸಿದ್ದಾರೆ. ಯಾವುದೇ ಮುಖ್ಯಮಂತ್ರಿಯನ್ನು ಪೊಲೀಸ್ ವಶಕ್ಕೆ ಪಡೆಯಲು ಕನಿಷ್ಠ ಕಾನೂನು ಪ್ರಕ್ರಿಯೆಗಳಿವೆ. ಆದರೆ ಇದ್ಯಾವುದರ ಪರಿವೇ ಇಲ್ಲದೆ ಮುಖ್ಯಮಂತ್ರಿಯನ್ನೇ ಬಿಜೆಪಿ ಸರ್ಕಾರ ಪೊಲೀಸ್ ವಶದಲ್ಲಿರಿಸಿದೆ ಎಂದು ಆಮ್ ಆದ್ಮಿ ಪಾರ್ಟಿ ಗಂಭೀರ ಆರೋಪ ಮಾಡಿದೆ.

ಪೊಲೀಸರ ವಶಕ್ಕೆ ಪಡೆದು ಪಂಜಾಬ್‌ ಅವಮಾನಿಸಿದ ಬಿಜೆಪಿ

ಆಮ್ ಆದ್ಮಿ ಪಾರ್ಟಿ ಮಾಧ್ಯಮ ವಕ್ತಾರ ಬಾಲ್ತೆಜ್ ಪನ್ನು ಗಂಭೀರ ಆರೋಪ ಮಾಡಿದ್ದಾರೆ. ಭಗವಂತ್ ಸಿಂಗ್ ಮಾನ್ ಪ್ಯಾರಿಸ್‌ನಿಂದ ದೆಹಲಿ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡ್ ಆಗಿದ್ದಾರೆ. ತಕ್ಷಣವೆ ದೆಹಲಿ ವಿಮಾನ ನಿಲ್ದಾಣದಲ್ಲಿ ಪೊಲೀಸರು ಮಾನ್ ವಶಕ್ಕೆ ಪಡೆದಿದ್ದಾರೆ. ಯಾವ ಕಾರಣವೂ ನೀಡಿಲ್ಲ, ಯಾವು ಸೂಚನೆ ಇಲ್ಲ. ನೇರವಾಗಿ ಪೊಲೀಸರ ವಶಕ್ಕೆ ಪಡೆದಿದ್ದಾರೆ. ಮಾನ್ ಅವರ ಲಗೇಜ್ ಬ್ಯಾಗ್ ಇನ್ನು ಬಂದಿರಲಿಲ್ಲ. ಇದೇ ಕಾರಣ ಮುಂದಿಟ್ಟು ಮಾನ್ ಅವರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಬಳಿಕ 50 ಸಾವಿರ ರೂಪಾಯಿ ಚಲನ್ ವಿಧಿಸಿದ್ದಾರೆ ಎಂದು ಬಾಲ್ತೇಜ್ ಪನ್ನು ಆರೋಪಿಸಿದ್ದಾರೆ.

ಪಂಜಾಬ್ ಮುಖ್ಯಮಂತ್ರಿಯನ್ನು ಬಿಜೆಪಿ ಸರ್ಕಾರ ಪೊಲೀಸ್ ವಶಕ್ಕೆ ಪಡೆದು ಪಂಜಾಬ್ ಜನತೆಯನ್ನು ಅವಮಾನಿಸಿದೆ. ಭಗವಂಕತ್ ಮಾನ್ ಹಾಗೂ ಪಂಜಾಬ್ ಜನತೆಯ ಗೌರವಕ್ಕೆ ಧಕ್ಕೆ ತರುವ ಕೆಲಸ ಬಿಜೆಪಿ ಸರ್ಕಾರ ಮಾಡಿದೆ. 3 ಗಂಟೆಗಳ ಬಳಿಕ 50 ಸಾವಿರ ರೂಪಾಯಿ ದಂಡ ಪಾವತಿಸಿ ಬಳಿಕ ಹೊರಡುವಾಗ ದೆಹಲಿ ಪೊಲೀಸ್ ಅಧಿಕಾರಿಗಳು ಆಗಮಿಸಿದ್ದಾರೆ. ಮೇಲಿನಿಂದ ತೀವ್ರ ಒತ್ತಡವಿದೆ. ಹೀಗಾಗಿ ವಶಕ್ಕೆ ಪಡೆದಿದ್ದೇವೆ ಎಂದರು. ಈ ಮೂಲಕ ಬಿಜೆಪಿ ಸರ್ಕಾರದ ಸರ್ವಾಧಿಕಾರಿ, ಎದುರಾಳಿಗಳನ್ನು ಮುಗಿಸುವ ತಂತ್ರ ಬಯಲಾಗಿದೆ ಎಂದು ಬಾಲ್ತೇಜ್ ಪನ್ನು ಹೇಳಿದ್ದಾರೆ. 50 ಸಾವಿರ ರೂಪಾಯಿ ದಂಡ, 3 ಗಂಟೆ ಪೊಲೀಸ್ ವಶಕ್ಕೆ ಪಡೆದಿದ್ದು ಯಾಕೆ ಅನ್ನೋದನ್ನು ಅಧಿಕಾರಿಗಳು ಬಹಿರಂಗಪಡಿಸಿಲ್ಲ. ಆದರೆ ಮೇಲಿನ ಒತ್ತಡ ಎಂದಿದ್ದಾರೆ. ಇದು ಬಿಜೆಪಿ ಸರ್ಕಾರದ ಆಡಳಿತ ಎಂದು ಬಾಲ್ತೇಜ್ ಪನ್ನು ಗಂಭೀರ ಆರೋಪ ಮಾಡಿದ್ದಾರೆ.

ಪ್ಯಾರಿಸ್ ಭೇಟಿಗೆ ಹೈಕೋರ್ಟ್ ಅನುಮತಿ

ಭಗಂವತ್ ಸಿಂಗ್ ಮಾನ್ ಪ್ಯಾರಿಸ್ ಭೇಟಿಗೆ ಕೇಂದ್ರ ಸರ್ಕಾರ ಅನುಮತಿ ನಿರಾಕರಿಸಿತ್ತು. ಕೇಂದ್ರ ಅನುಮತಿ ನಿರಾಕರಿಸಿದ ಬೆನ್ನಲ್ಲೇ ಪಂಜಾಬ್ ಹರ್ಯಾಣ ಹೈಕೋರ್ಟ್ ಮೆಟ್ಟಿಲೇರಿದ್ದ ಭಗಂವತ್ ಸಿಂಗ್ ಮಾನ್‌ಗೆ ಅನುಮತಿ ಸಿಕ್ಕಿತ್ತು ಎಂದು ಬಾಲ್ತೇಜ್ ಪನ್ನು ಹೇಳಿದ್ದಾರೆ. ಹೈಕೋರ್ಟ್ ಅನುಮತಿ ಪಡೆದು ಪ್ಯಾರಿಸ್‌ಗೆ ತೆರಳಿದ್ದಾರೆ. ಯಾವ ನಿಯಮ ಉಲ್ಲಂಘನೆ ಆಗಿಲ್ಲ. ವಿನಾಕಾರಣ ಬಿಜೆಪಿ ಸರ್ಕಾರ ಕಿರುಕುಳ ನೀಡುತ್ತಿದೆ ಎಂದು ಬಾಲ್ತೇಜ್ ಪನ್ನು ಹೇಳಿದ್ದಾರೆ.

ಯಾವುದೇ ಸಿಎಂರನ್ನು ಈ ರೀತಿ ವಶಕ್ಕೆ ಪಡೆದಿದ್ದಾರಾ?

ರಾಜ್ಯದ ಮುಖ್ಯಮಂತ್ರಿಯನ್ನು ವಶಕ್ಕೆ ಪಡೆಯಲು ಕೋರ್ಟ್ ಅನುಮತಿ ಬೇಕು. ಇಲ್ಲೀವರೆಗೆ ಯಾವುದಾದರು ಮುಖ್ಯಮಂತ್ರಿಯನ್ನು ಈ ರೀತಿ ವಿಮಾನ ನಿಲ್ದಾಣದಲ್ಲಿ ವಶಕ್ಕೆ ಪಡೆದಿದ್ದೀರಾ? ಇದು ಅವಮಾನವಲ್ಲದೆ ಮತ್ತೇನು? ಮೋದಿ ಸರ್ಕಾರ ಭಗವಂತ್ ಮಾನ್ ವಿದೇಶ ಪ್ರಯಾಣಕ್ಕೆ ನಿರ್ಬಂಧ ವಿಧಿಸುತ್ತಲೇ ಇದೆ. ಎಲ್ಲಿ ವಿದೇಶಕ್ಕೆ ಹೋಗಿ ಬಂಡವಾಳ ತಂದು ಪಂಜಾಬ್ ಅಭಿವೃದ್ಧಿ ಮಾಡುತ್ತಾರೆ ಅನ್ನೋ ಆತಂಕ ಮೋದಿಗೆ ಇದೆ. ಹೀಗಾಗಿ ಒಂದಲ್ಲ ಒಂದು ಕಾರಣ ನೀಡಿ ಭಗವಂತ್ ಮಾನ್ ಮೇಲೆ ಮುಗಿಬೀಳುತ್ತಿದ್ದಾರೆ ಎಂದು ಬಾಲ್ತೇಜ್ ಪನ್ನು ಆರೋಪಿಸಿದ್ದಾರೆ.

YASH: ರಾಮಾಯಣದಲ್ಲಿ ಯಶ್ 'ರಾವಣ'ನ ತಾಂಡವ ನೃತ್ಯ; ಮೈ ಜುಂ ಎನ್ನಿಸುವ ವಿಡಿಯೋ ವೈರಲ್!

Shriram Bhat — Wed, 21 Oct 2026 12:45:14 +0530

ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್ ಯಶ್ ರಾವಣನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಈ ಚಿತ್ರದ ರಾವಣನ ತಾಂಡವ ನೃತ್ಯದ ವಿಡಿಯೋ ಬಿಡುಗಡೆಯಾಗಿದ್ದು, ಅಭಿಮಾನಿಗಳು ಏನಂತಿದಾರೆ?

Ramayana Movie: ರಾವಣನ ತಾಂಡವಕ್ಕೆ ರಾಕಿಂಗ್ ಸ್ಟಾರ್ ಯಶ್ ಅಬ್ಬರ, ಮೈ ಜುಮ್ಮೆನಿಸುವ ವಿಡಿಯೋ ವೈರಲ್!

ಬಹುನಿರೀಕ್ಷಿತ ‘ರಾಮಾಯಣ’ ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್ ಯಶ್ ರಾವಣನಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದೀಗ ಈ ಚಿತ್ರದ ರಾವಣನ ತಾಂಡವ ನೃತ್ಯದ ವಿಡಿಯೋ ಬಿಡುಗಡೆಯಾಗಿದ್ದು, ಅಭಿಮಾನಿಗಳಲ್ಲಿ ಭಾರೀ ಕುತೂಹಲ ಮೂಡಿಸಿದೆ. ಶಿವನ ಪರಮಭಕ್ತ ರಾವಣನ ಪಾತ್ರದಲ್ಲಿ ಯಶ್ ಅವರ ಆವೇಶಭರಿತ ನೃತ್ಯ ಗಮನ ಸೆಳೆಯುತ್ತಿದ್ದು, ಅವರ ಹೊಸ ಲುಕ್ ಮತ್ತು ಶಕ್ತಿಯುತ ಅಭಿನಯದ ಬಗ್ಗೆ ಚರ್ಚೆಗಳು ಶುರುವಾಗಿವೆ.

ರಾವಣನಾಗಿ ಯಶ್ ಪರಕಾಯ ಪ್ರವೇಶ!

ಮಹಾದೇವನ ಆರಾಧಕನಾದ ರಾವಣನ ತಾಂಡವ ನೃತ್ಯಕ್ಕೆ ವಿಶೇಷ ಮಹತ್ವವಿದೆ. ‘ರಾಮಾಯಣ’ ಚಿತ್ರದಲ್ಲಿ ಯಶ್ ಇದೇ ದೃಶ್ಯಕ್ಕೆ ಜೀವ ತುಂಬಿದ್ದಾರೆ. ಜಟಾಧಾರಿ ರಾವಣನ ರೂಪದಲ್ಲಿ ಶಿವನ ಮುಂದೆ ಅವರು ಪ್ರದರ್ಶಿಸಿರುವ ತಾಂಡವ ನೃತ್ಯದಲ್ಲಿ ಆಕ್ರೋಶ, ಭಕ್ತಿ, ಆವೇಶ ಮತ್ತು ಅಪಾರ ಶಕ್ತಿ ಎದ್ದು ಕಾಣುತ್ತವೆ. ಪ್ರತಿ ಚಲನೆಯಲ್ಲೂ ಶಕ್ತಿಯನ್ನು ಪ್ರದರ್ಶಿಸಿರುವ ಯಶ್, ಪಾತ್ರಕ್ಕೆ ಸಂಪೂರ್ಣವಾಗಿ ಹೊಂದಿಕೊಂಡಂತೆ ಕಾಣಿಸುತ್ತಿದ್ದಾರೆ.

ಈಗ ಬಿಡುಗಡೆಯಾಗಿರುವ ವಿಡಿಯೋ ಚಿಕ್ಕದಾಗಿದ್ದರೂ, ಅದರಲ್ಲಿರುವ ಅದ್ಧೂರಿ ದೃಶ್ಯಗಳು ಮತ್ತು ಯಶ್ ಅವರ ನೃತ್ಯದ ಶೈಲಿ ಪ್ರೇಕ್ಷಕರ ಗಮನ ಸೆಳೆಯುತ್ತಿದೆ. ರಾವಣನ ಪಾತ್ರದಲ್ಲಿ ಯಶ್ ಹೇಗೆ ಕಾಣಿಸಿಕೊಳ್ಳಬಹುದು ಎಂಬ ಅಭಿಮಾನಿಗಳ ಕುತೂಹಲಕ್ಕೆ ಈ ವಿಡಿಯೋ ಮತ್ತಷ್ಟು ಇಂಬು ನೀಡಿದೆ.

ರಾಕಿ ಭಾಯ್‌ನ ಡ್ಯಾನ್ಸ್‌ಗೆ ಹೊಸ ವೇದಿಕೆ!

ಯಶ್ ಉತ್ತಮ ನೃತ್ಯಪಟು ಎಂಬುದು ಅಭಿಮಾನಿಗಳಿಗೆ ಗೊತ್ತಿರುವ ವಿಚಾರ. ಆದರೆ ‘ಕೆಜಿಎಫ್’ ಸರಣಿಯಲ್ಲಿ ಅವರ ನೃತ್ಯಪ್ರತಿಭೆಯನ್ನು ಪ್ರದರ್ಶಿಸಲು ಹೆಚ್ಚು ಅವಕಾಶ ಇರಲಿಲ್ಲ. ‘ಟಾಕ್ಸಿಕ್’ ಚಿತ್ರದಲ್ಲೂ ಇದೇ ರೀತಿಯ ನೃತ್ಯಕ್ಕೆ ಎಷ್ಟು ಅವಕಾಶ ಸಿಗಲಿದೆ ಎಂಬುದು ಕುತೂಹಲದ ಸಂಗತಿ. ಆದರೆ ‘ರಾಮಾಯಣ’ದಲ್ಲಿ ರಾವಣನ ತಾಂಡವದ ಮೂಲಕ ಯಶ್ ತಮ್ಮ ವಿಭಿನ್ನ ಪ್ರತಿಭೆಯನ್ನು ಅನಾವರಣಗೊಳಿಸಿದ್ದಾರೆ.

ಜಟಾಧಾರಿ ರಾವಣನ ಹೊಸ ರೂಪವೂ ವಿಶೇಷ ಗಮನ ಸೆಳೆಯುತ್ತಿದೆ. ಆಕ್ಷನ್ ಹೀರೋನಂತೆ ಕಾಣಿಸುವ ಈ ಲುಕ್‌ನಲ್ಲಿ ಯಶ್ ಅವರನ್ನು ನೋಡಲು ಅಭಿಮಾನಿಗಳು ಉತ್ಸುಕರಾಗಿದ್ದಾರೆ.

ನವೆಂಬರ್ 5ರಂದು ‘ರಾಮಾಯಣ’ ಬಿಡುಗಡೆ

ನಿತೇಶ್ ತಿವಾರಿ ನಿರ್ದೇಶನದ ‘ರಾಮಾಯಣ’ ಸಿನಿಮಾ ನವೆಂಬರ್ 5ರಂದು ತೆರೆಗೆ ಬರಲು ಸಿದ್ಧವಾಗಿದೆ. ನಮಿತ್ ಮಲ್ಹೋತ್ರಾ ಮತ್ತು ಯಶ್ ಈ ಮಹತ್ವಾಕಾಂಕ್ಷಿ ಯೋಜನೆಯಲ್ಲಿ ಹೂಡಿಕೆ ಮಾಡಿದ್ದಾರೆ. ಭಾರತೀಯ ಮಹಾಕಾವ್ಯವನ್ನು ಹೊಸ ದೃಷ್ಟಿಕೋನದಲ್ಲಿ ಪ್ರೇಕ್ಷಕರಿಗೆ ಪರಿಚಯಿಸುವುದು ಚಿತ್ರತಂಡದ ಉದ್ದೇಶವಾಗಿದೆ.

ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ಚಿತ್ರದ ಪ್ರೀ-ರಿಲೀಸ್ ಕಾರ್ಯಕ್ರಮದಲ್ಲಿ ಯಶ್, ಇಡೀ ಕುಟುಂಬ ಒಟ್ಟಿಗೆ ಕುಳಿತು ವೀಕ್ಷಿಸಬಹುದಾದ ಸಿನಿಮಾವನ್ನು ರೂಪಿಸಿರುವುದಾಗಿ ಹೇಳಿಕೊಂಡಿದ್ದರು. ಎರಡು ಭಾಗಗಳಲ್ಲಿ ಮೂಡಿಬರುತ್ತಿರುವ ಈ ಚಿತ್ರದ ಮೊದಲ ಭಾಗ ನವೆಂಬರ್ 5ರಂದು ಬಿಡುಗಡೆಯಾಗಲಿದ್ದು, ಎರಡನೇ ಭಾಗ 2027ರ ದೀಪಾವಳಿ ಸಂದರ್ಭದಲ್ಲಿ ತೆರೆಗೆ ಬರಲಿದೆ ಎಂದು ಚಿತ್ರತಂಡ ತಿಳಿಸಿದೆ.

ರಾವಣನ ತಾಂಡವದ ಈ ಕಿರು ವಿಡಿಯೋ ಚಿತ್ರದ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದ್ದು, ಯಶ್ ಅವರ ವಿಭಿನ್ನ ಅವತಾರವನ್ನು ದೊಡ್ಡ ಪರದೆಯಲ್ಲಿ ನೋಡಲು ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ.

ದೆಹಲಿ ದಂಗೆ ಕ್ರೈಂಬ್ರ್ಯಾಂಚ್ ಕೈಗೆ ಹೋಗ್ತಿದ್ದಂತೆ ದೀಪ್ಕೆ ಯೂ-ಟರ್ನ್: ಗಲಾಟೆ ಕ್ರೆಡಿಟ್ ಸೌರವ್, ರಾಂಕಾ ತಲೆಗೆ ಕಟ್ಟಿದ ಅಭಿಜೀತ್

Suchethana D — Wed, 21 Oct 2026 12:33:05 +0530

ಭಾರತದಲ್ಲಿ ಶಿಕ್ಷಣ ಸುಧಾರಣೆ ಮಾಡುತ್ತೇನೆ ಎಂದು ನೆಪ ಹೇಳಿಕೊಂಡು ಅಮೆರಿಕದಿಂದ ಬಂದು ದೆಹಲಿಯ ಜಂತರ್ಮಂತರ್ನಲ್ಲಿ ಕೆಲ ತಿಂಗಳ ಹಿಂದೆ ಹಿಂಸಾಚಾರಕ್ಕೆ ಕಾರಣವಾಗಿ, ಈಗ SIR ನೆಪದಲ್ಲಿ ಇನ್ನೊಂದು ಗದ್ದಲ ಸೃಷ್ಟಿಸುವ ಹುನ್ನಾರ ಮಾಡುವ ಗಂಭೀರ ಆರೋಪ ಹೊತ್ತ ಅಭಿಜೀತ್ ದೀಪ್ಕೆ ಈಗ ಯೂಟರ್ನ್ ಹೊಡೆದಿದ್ದಾರೆ. ಪಾಶ್ಚಿಮಾತ್ಯ ರಾಷ್ಟ್ರಗಳಲ್ಲಿ ಶಿಕ್ಷಣ ಸುಧಾರಣೆ ಹೆಸರಿನಲ್ಲಿ Gen Zಗಳಿಂದ ನಡೆಯುತ್ತಿರುವ ಹಿಂಸಾಚಾರ, ಇಡೀ ದೇಶಕ್ಕೆ ಬೆಂಕಿ ಇಟ್ಟು ಮಜ ನೋಡುತ್ತಿರುವ ಕೆಲವೊಂದು ಶಕ್ತಿಗಳಂತೆಯೇ ಭಾರತದಲ್ಲಿಯೂ Gen Zಗಳ ತಲೆಗೆ ಇಲ್ಲಸಲ್ಲದ್ದನ್ನು ತುಂಬಿ ದೊಡ್ಡ ಷಡ್ಯಂತ್ರ ಮಾಡಲು ಕೆಲವೊಂದು ಶಕ್ತಿಗಳು ಹೊಂಚು ನಡೆಸುತ್ತಿರುವುದು ಭಾರತದ ಇಂಟಲಿಜೆನ್ಸ್ಗೆ ತಿಳಿದೇ ದೆಹಲಿಯಲ್ಲಿ ಪ್ರತಿಭಟನೆಗೆ ಅವಕಾಶ ನೀಡಿರಲಿಲ್ಲ. ಆದರೆ, ಕೇಂದ್ರ ಸರ್ಕಾರ ಜಿರಳೆಗಳಿಗೆ ಹೆದರಿತು ಎಂದು ಪೋಸ್ಟ್ ಹಾಕಿಕೊಂಡು ಸಂತೋಷ ಪಟ್ಟವರು ಹಲವರು. ಆದರೆ ಒಂದು ವೇಳೆ ಸರ್ಕಾರ ಪ್ರತಿಭಟನೆಗೆ ಅವಕಾಶ ಕಲ್ಪಿಸಿದ್ದೇ ಆದರೆ, ಭಾರತ ರಣರಂಗವಾಗುತ್ತಿತ್ತು ಎಂದೇ ವಿಶ್ಲೇಷಿಸಲಾಗುತ್ತಿದೆ.

ಇದರ ನಡುವೆಯೇ, ಭಾರತದಲ್ಲಿ ಸುಧಾರಣೆ ಆಗಬೇಕು ಎಂದು ಬಂದಿರೋ ಅಭಿಜೀತ್ ದೀಪ್ಲೆ ಯಾಕೋ ಈಗ ಸ್ವಲ್ಪ ಯೂ-ಟರ್ನ್ ಹೊಡೆದ್ರಾ ಎನ್ನುವ ಬಗ್ಗೆ ಭಾರಿ ಚರ್ಚೆಯಾಗುತ್ತಿದೆ. ಇದಕ್ಕೆ ಕಾರಣ, ದೆಹಲಿಯಲ್ಲಿ ನಡೆದ ಗಲಭೆಯ ವಿಚಾರಣೆಯನ್ನು ಇದೀಗ ದೆಹಲಿಯ ಕ್ರೈಂಬ್ರ್ಯಾಂಚ್ ಕೈಗೆತ್ತಿಕೊಂಡಿದೆ. ಅಗತ್ಯ ಬಿದ್ದರೆ ರಾಷ್ಟ್ರೀಯ ತನಿಖಾ ಸಂಸ್ಥೆ- NIA ನಡೆಸಲಿದೆ. ಹೀಗೇನಾದರೂ ಆದರೆ ಈ ಪ್ರತಿಭಟನಾಕಾರರ ಸಂಪೂರ್ಣ ಜಾತಕ ಹೊರಕ್ಕೆ ಬರಲಿದೆ. ಇವರಿಗೆ ಫಂಡಿಂಗ್ ಎಲ್ಲಿಂದ ನಡೆಯುತ್ತಿದೆ ಎನ್ನುವುದರಿಂದ ಹಿಡಿದು, ಇವರ ಉದ್ದೇಶವೇನು ಎನ್ನುವವರೆಗೆ ಎಲ್ಲವೂ ಬಯಲಾಗಿದೆ. ಇದೇ ಕಾರಣಕ್ಕೇನೇ ಈಗ ಕಾಕ್ರೋಚ್ ಜನತಾ ಪಕ್ಷ (CJP) ಸಂಸ್ಥಾಪಕ, ಇಡೀ ಪ್ರತಿಭಟನೆಯ ಮಾಸ್ಟರ್ಮೈಂಡ್ ಅಭಿಜೀತ್ ದೀಪ್ಕೆ ವಿಡಿಯೋಒಂದನ್ನು ರಿಲೀಸ್ ಮಾಡಿದ್ದು, ಇದರಲ್ಲಿ ಪ್ರತಿಭಟನೆಯ ಹಿಂದಿರುವುದು ನನಗಿಂತ ಹೆಚ್ಚಾಗಿ ಸೌರವ್ ದಾಸ್ ಮತ್ತು ಅಶುತೋಷ್ ರಾಂಕಾ ಎಂದು ಹೇಳಿದ್ದಾರೆ.'

ದೀಪ್ಕೆ ಯೂ-ಟರ್ನ್!

ವಿಡಿಯೋದಲ್ಲಿ ದೀಪ್ಕೆ, ನಾನೇನಿದ್ದರೂ ಅವರು ಹೇಳಿದಂತೆ ಕೇಳಿದೆ. ಅವರ ಆದೇಶ ಫಾಲೋ ಮಾಡಿದೆಯಷ್ಟೇ. ನಾನು ನಿಜವಾಗಿಯೂ ಹೇಳುತ್ತಿದ್ದೇನೆ. ಅವರಿಬ್ಬರ ಆರ್ಡರ್ ಫಾಲೋ ಮಾಡುವುದೇ ನನ್ನ ಕೆಲಸವಾಗಿತ್ತು. ಆದರೆ ಎಲ್ಲರಿಗೂ ನಾನೇ ನಾಯಕ ಎಂದು ಎನ್ನಿಸುತ್ತಿದೆ. ಆದರೆ ಅಸಲಿಗೆ ಹಾಗಲ್ಲ. ಅವರಿಗೆ ನನಗಿಂತಲೂ ಚೆನ್ನಾಗಿ ಗೊತ್ತಿದೆ ಎನ್ನುವ ಮೂಲಕ ಇಡೀ ಘಟನೆಯನ್ನು ಅವರ ಮೇಲೆ ಹಾಕುವ ಪ್ರಯತ್ನ ಮಾಡಿದ್ದಾರೆ ಎಂದು ಭಾರಿ ಟ್ರೋಲ್ ಆಗುತ್ತಿದೆ. ಇದ್ಯಾವಾಗ ಈ ಪರಿ ಟ್ರೋಲ್ ಆಯಿತೋ, ದೀಪ್ಕೆ ಇದಕ್ಕೆ ಸ್ಪಷ್ಟನೆ ನೀಡಿ, ನಾನು ಹೇಳಿದ್ದನ್ನುತಪ್ಪಾಗಿ ಅರ್ಥೈಸಿಕೊಳ್ಳಲಾಗುತ್ತಿದೆ. ನಾನು ಅವರಿಬ್ಬರ ಮೇಲೆ ಗೂಬೆ ಕೂಡ್ರಿಸುತ್ತಿಲ್ಲ. ಅವರನ್ನು ಬಸ್ ಕೆಳಗೆ ತಳ್ಳಿ ನಾನು ಮಜಾ ನೋಡುತ್ತಿಲ್ಲ. ನಾವೆಲ್ಲರೂ ಸೇರಿಯೇ ಎಲ್ಲಾ ಪ್ಲ್ಯಾನ್ ಮಾಡಿದ್ದು ಎಂದು ಸಮಜಾಯಿಷಿ ಕೊಟ್ಟಿದ್ದಾರೆ!

ಸ್ಪಷ್ಟನೆ ಕೊಟ್ಟ ಲೀಡರ್

ಜೈಲಿನಲ್ಲಿರುವ ಸಹ ನಾಯಕರಾದ ಸೌರವ್ ದಾಸ್ ಮತ್ತು ಅಶುತೋಷ್ ರಂಕಾ ಅವರ ಮೇಲೆ ಆರೋಪ ಹೊರಿಸಲು ಪ್ರಯತ್ನಿಸುತ್ತಿದ್ದಾರೆ ಎಂದು ಆರೋಪಿಸುತ್ತಿರುವುದು ಸರಿಯಲ್ಲ. ಇಬ್ಬರೂ ನನಗಿಂತ "ಉತ್ತಮ ನಾಯಕರು ಮತ್ತು ಜನರು" ಎಂದು ಹೇಳಿದ್ದಾರೆ. ಅವರಿಬ್ಬರನ್ನೂ ಹೊಗಳುವುದು ಅವರಿಂದ ದೂರವಾಗುವ ಪ್ರಯತ್ನವಲ್ಲ, ಬದಲಿಗೆ ಹೆಮ್ಮೆಯ ವಿಷಯ. ನಾವು ಮೂವರು ಬಲವಾದ ಬಾಂಧವ್ಯವನ್ನು ಹಂಚಿಕೊಂಡಿದ್ದೇವೆ. ಸಾಮಾಜಿಕ ಮಾಧ್ಯಮದಲ್ಲಿನ ಟೀಕೆಗಳಿಂದ ವಿಭಜಿಸಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ. "ಸೌರವ್ ಮತ್ತು ಆಶು ನನಗಿಂತ ಉತ್ತಮ ನಾಯಕರು ಮತ್ತು ಕೇವಲ ನಾಯಕರಲ್ಲ, ಅವರು ನನಗಿಂತ ಉತ್ತಮ ಜನರು ಎಂಬುದನ್ನು ಒಪ್ಪಿಕೊಳ್ಳಲು ನನಗೆ ಯಾವುದೇ ನಾಚಿಕೆ ಇಲ್ಲ" ಎಂದು ಅವರು ಹೇಳಿದರು, ಇಬ್ಬರು ಬುದ್ಧಿವಂತ ಮತ್ತು ನಿರ್ಣಾಯಕ ಸಹೋದ್ಯೋಗಿಗಳು ತಮ್ಮ ಪಕ್ಕದಲ್ಲಿರುವುದಕ್ಕೆ ಹೆಮ್ಮೆಪಡುತ್ತೇನೆ ಎಂದರು.

ದೀಪ್ಕೆ ಹೇಳಿದ ವಿಡಿಯೋ ಈ ಕೆಳಗಿನ ಲಿಂಕ್ನಲ್ಲಿದೆ:

https://www.facebook.com/reel/1800477218100405

ಪ್ರಗ್ಯಾನ್ ಓಜಾ ಚೀಫ್ ಸೆಲೆಕ್ಟರ್ ಆಗುತ್ತಿದ್ದಂತೆಯೇ ಟೀಂ ಇಂಡಿಯಾದಲ್ಲಿ ಸತತವಾಗಿ ಸ್ಥಾನ ಪಡೆಯುತ್ತಿದ್ದ ಈ 5 ಆಟಗಾರರಿಗೆ ಶುರುವಾಯ್ತು ನಡುಕ..!

Naveen Kodase — Wed, 21 Oct 2026 12:22:03 +0530

ಬೆಂಗಳೂರು: ಅಜಿತ್ ಅಗರ್ಕರ್ ಅವರಿಂದ ತೆರವಾದ ಬಿಸಿಸಿಐ ಚೀಫ್ ಸೆಲೆಕ್ಟರ್ ಸ್ಥಾನಕ್ಕೆ ಹೊಸದಾಗಿ ಪ್ರಗ್ಯಾನ್ ಓಜಾ ನೇಮಕವಾಗಿದ್ದಾರೆ. ಇದರ ಬೆನ್ನಲ್ಲೇ ಟೀಂ ಇಂಡಿಯಾದಲ್ಲಿ ಸತತವಾಗಿ ಸ್ಥಾನ ಪಡೆಯುತ್ತಿದ್ದ ಐದು ಆಟಗಾರರಿಗೆ ಇದೀಗ ನಡುಕ ಶುರುವಾಗಿದೆ. ಈ ಕುರಿತಾದ ಇಂಟ್ರೆಸ್ಟಿಂಗ್ ಮಾಹಿತಿ ಇಲ್ಲಿದೆ.

ಭಾರತ ಕ್ರಿಕೆಟ್‌ನ ಮಾಜಿ ಆಟಗಾರ ಪ್ರಗ್ಯಾನ್ ಓಜಾ ಇದೀಗ ಟೀಂ ಇಂಡಿಯಾ ಸ್ಟಾರ್ ಆಟಗಾರರ ಭವಿಷ್ಯ ನಿರ್ಧರಿಸಲು ರೆಡಿಯಾಗಿದ್ದಾರೆ. ಅಜಿತ್ ಅಗರ್ಕರ್ ಯಾವೆಲ್ಲಾ ಆಟಗಾರರನ್ನು ಬ್ಯಾಕ್‌ಅಪ್ ಮಾಡಿದ್ದರೋ, ಅವರ ಪೈಕಿ ಕೆಲ ಆಟಗಾರರಿಗೆ ಇದೀಗ ಹೊಸ ತಲೆನೋವು ಶುರುವಾಗಿದೆ. ಇದೀಗ ಓಜಾ ಚೀಫ್ ಸೆಲೆಕ್ಟರ್ ಆಗುತ್ತಿದ್ದಂತೆಯೇ ಈ ಐದು ಭಾರತೀಯ ಆಟಗಾರರಿಗೆ ನಡುಕ ಶುರುವಾಗಿದೆ. ಈ ಲಿಸ್ಟ್‌ನಲ್ಲಿ ಅಚ್ಚರಿಯ ಹೆಸರುಗಳು ಇವೆ.

ಟೀಂ ಇಂಡಿಯಾ ದಿಗ್ಗಜ ಆಲ್ರೌಂಡರ್ ರವೀಂದ್ರ ಜಡೇಜಾ ಅವರನ್ನು ಇದೀಗ ಓಜಾ ತಾವು ಚೀಫ್ ಸೆಲೆಕ್ಟರ್ ಆಗುತ್ತಿದ್ದಂತೆಯೇ ಏಕದಿನ ತಂಡದಿಂದ ಗೇಟ್‌ಪಾಸ್ ನೀಡಿದ್ದಾರೆ. ಜಡ್ಡು ವೆಸ್ಟ್ ಇಂಡೀಸ್ ಎದುರಿನ ಏಕದಿನ ಸರಣಿಯಲ್ಲಿ ಭಾರತ ತಂಡದ ಭಾಗವಾಗಿದ್ದರು. ಆದರೆ ಓಜಾ ಚೀಫ್ ಸೆಲೆಕ್ಟರ್ ಆಗುತ್ತಿದ್ದಂತೆಯೇ ಕಿವೀಸ್ ಎದುರಿನ ಏಕದಿನ ಸರಣಿಯಿಂದ ಜಡೇಜಾ ಅವರನ್ನು ಹೊರಗಿಡಲಾಗಿದೆ. ಹೀಗಾಗಿ ಜಡ್ಡು 2027ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲೂ ಭಾರತ ತಂಡದಲ್ಲಿ ಸ್ಥಾನ ಪಡೆಯುವ ಸಾಧ್ಯತೆ ಕಡಿಮೆ ಎನ್ನಲಾಗುತ್ತಿದೆ.

ಸ್ಪಿನ್ ಆಲ್ರೌಂಡರ್ ವಾಷಿಂಗ್ಟನ್ ಸುಂದರ್‌ಗೆ ಮಾಜಿ ಚೀಫ್ ಸೆಲೆಕ್ಟರ್ ಅಜಿತ್ ಅಗರ್ಕರ್ ಹೆಚ್ಚು ಹೆಚ್ಚು ಅವಕಾಶ ನೀಡುತ್ತಾ ಬಂದಿದ್ದರು. ಸುಂದರ್ ಮೂರು ಮಾದರಿಯಲ್ಲೂ ಭಾರತ ತಂಡವನ್ನು ಪ್ರತಿನಿಧಿಸುತ್ತಿದ್ದರು. ಆದರೆ ಓಜಾ ಇದೀಗ ಸುಂದರ್‌ಗೆ ಸೀಮಿತ ಓವರ್‌ಗಳ ತಂಡದಿಂದ ಗೇಟ್‌ಪಾಸ್ ನೀಡಿದ್ದಾರೆ. ಸುಂದರ್ ಬದಲಿಗೆ ಇದೀಗ ಓಜಾ ಕಿವೀಸ್ ಎದುರಿನ ಟಿ20 ಹಾಗೂ ಏಕದಿನ ಸರಣಿಯಲ್ಲಿ ನಮನ್ ಧೀರ್‌ಗೆ ಅವಕಾಶ ನೀಡಿದ್ದಾರೆ. ಸುಂದರ್‌ ಕೂಡಾ ಟೆಸ್ಟ್‌ಗೆ ಸೀಮಿತವಾಗುವ ಸಾಧ್ಯತೆಯಿದೆ.

ಟೀಂ ಇಂಡಿಯಾ ಟೆಸ್ಟ್ ಆರಂಭಿಕನಾಗಿ ಯಶಸ್ಸು ಗಳಿಸಿರುವ ಯಶಸ್ವಿ ಜೈಸ್ವಾಲ್, 2027ರ ಏಕದಿನ ವಿಶ್ವಕಪ್ ಟೂರ್ನಿಗೆ ಬ್ಯಾಕ್‌ಅಪ್ ಓಪನ್ನರ್ ಆಗಿ ಸ್ಥಾನ ಪಡೆಯುವ ನಿರೀಕ್ಷೆಯಲ್ಲಿದ್ದರು. ಆದರೆ ಓಜಾ ಚೀಫ್ ಸೆಲೆಕ್ಟರ್ ಆಗುತ್ತಿದ್ದಂತೆಯೇ ನ್ಯೂಜಿಲೆಂಡ್ ಎದುರಿನ ಏಕದಿನ ಸರಣಿಯಿಂದ ಹೊರಗುಳಿದಿದ್ದಾರೆ. ಓಜಾ ನೇತೃತ್ವದ ಟೀಮ್ ಮ್ಯಾನೇಜ್‌ಮೆಂಟ್ ಇದೀಗ ಜೈಸ್ವಾಲ್ ಬದಲಿಗೆ ಏಕದಿನ ಕ್ರಿಕೆಟ್‌ನಲ್ಲಿ ಋತುರಾಜ್ ಗಾಯಕ್ವಾಡ್ ಅವರನ್ನು ಬ್ಯಾಕ್‌ಅಪ್ ಓಪನ್ನರ್ ಮಾಡುವ ಲಕ್ಷಣಗಳು ಕಾಣಿಸುತ್ತಿವೆ.

ವೇಗದ ಬೌಲಿಂಗ್ ಆಲ್ರೌಂಡರ್ ಸೂರ್ಯಾನ್ಶ್‌ ಶೆಡ್ಗೆ ಭಾರತ ಸೀಮಿತ ಓವರ್‌ಗಳ ತಂಡದಲ್ಲಿ ಬ್ಯಾಕ್‌ಅಪ್ ಆಲ್ರೌಂಡರ್ ರೂಪದಲ್ಲಿ ಸ್ಥಾನ ಪಡೆಯುತ್ತಾ ಬಂದಿದ್ದರು. ಈಗ ಓಜಾ ಚೀಫ್ ಸೆಲೆಕ್ಟರ್ ಆದ ಬೆನ್ನಲ್ಲೇ ಶೆಡ್ಗೆಗೆ ಗೇಟ್‌ಪಾಸ್ ನೀಡಿ ಮೂರು ಮಾದರಿಯಲ್ಲೂ ಮತ್ತೋರ್ವ ಆಲ್ರೌಂಡರ್ ನಿತೀಶ್‌ ಕುಮಾರ್ ರೆಡ್ಡಿಗೆ ಹೆಚ್ಚಿನ ಅವಕಾಶ ನೀಡಲಾಗುತ್ತಿದೆ. ಶೆಡ್ಗೆ ಟೀಂ ಇಂಡಿಯಾಗೆ ಮತ್ತೆ ಕಮ್‌ಬ್ಯಾಕ್‌ ಮಾಡಬೇಕಿದ್ದರೇ, ದೇಶಿ ಕ್ರಿಕೆಟ್‌ನಲ್ಲಿ ಅಸಾಧಾರಣ ಪ್ರದರ್ಶನ ತೋರಬೇಕಿದೆ.

ಆಫ್‌ಸ್ಪಿನ್ ಆಲ್ರೌಂಡರ್ ಸಾರಾನ್ಶ್‌ ಜೈನ್ ಅವರಿಗೆ ಅಜಿತ್ ಅಗರ್ಕರ್ ನೇತೃತ್ವದ ಸೆಲೆಕ್ಷನ್ ಕಮಿಟಿ ಲಂಕಾ ಎದುರಿನ ಟೆಸ್ಟ್ ಸರಣಿಯಲ್ಲಿ ಸ್ಥಾನ ನೀಡಿತ್ತು. ಇದೀಗ ಓಜಾ ನೇತೃತ್ವದಲ್ಲಿ ಕಿವೀಸ್ ಎದುರಿನ ಟೆಸ್ಟ್ ಸರಣಿಗೆ ಭಾರತ ತಂಡ ಆಯ್ಕೆ ಮಾಡುವಾಗ ಸಾರಾನ್ಶ್‌ ಜೈನ್ ಹೆಸರು ನಾಪತ್ತೆಯಾಗಿದೆ. ಜೈನ್ ಮತ್ತೆ ಟೀಂ ಇಂಡಿಯಾಗೆ ಕಮ್‌ಬ್ಯಾಕ್ ಮಾಡುವ ಸಾಧ್ಯತೆ ಕಷ್ಟವಿದೆ.

ಕುತ್ತಿಗೆ, ಮೊಣಕೈ ಸುತ್ತಲು ಕಪ್ಪಾಗಿದೆಯೇ? ದುಬಾರಿ ಕ್ರೀಂ ಬೇಡ, ಮನೆಯಲ್ಲಿನ ಈ ಮೂರು ಪದಾರ್ಥಗಳು ಹಚ್ಚಿದ್ರೆ ಸಾಕು!

Ravi Janekal — Wed, 21 Oct 2026 12:15:49 +0530

ಅನೇಕ ಮಹಿಳೆಯರ ದೊಡ್ಡ ಸಮಸ್ಯೆ ಎಂದರೆ ಕುತ್ತಿಗೆ, ಮೊಣಕೈ ಕಾಲುಗಳ ಎರಡು ಬದಿಯ ಕೀಲುಗಳಲ್ಲಿ ಕಪ್ಪು ಕಲೆ. ಇದರಿಂದಾಗಿ ಇತರರೊಂದಿಗೆ ಬರೆಯಲು ಬಹುತೇಕ ಮಹಿಳೆಯರು ಹಿಂಜರಿಯುತ್ತಾರೆ, ಕುತ್ತಿಗೆ ಕಪ್ಪಾಗಿದೆ, ಮೊಣಕೈ ಕಪ್ಪಗಿದೆ ಎಂದು ತುಂಬಾ ತೋಳಿನ ಡ್ರೆಸ್ ಅನ್ನೇ ತಮಗೆ ಇಷ್ಟವಿಲ್ಲದಿದ್ದರೂ ಯಾವಾಗಲೂ ಧರಿಸುತ್ತಾರೆ.

ಇನ್ನು ಈ ಸಮಸ್ಯೆ ಹೋಗಲಾಡಿಸಲು ಅವರು ಪಡುವ ಪಾಡು ಅಷ್ಟಿಷ್ಟಲ್ಲ, ಸ್ಕಿನ್ ಕೇರ್‌ ಶಾಪಿಂಗ್ ನಲ್ಲಿ ಸಿಗುವ ದುಬಾರಿ ಬೆಲೆಯ ಕ್ರೀಮ್ ಬಳಸಿದ್ರೂ ಅದರಲ್ಲಿ ಎಳ್ಳಷ್ಟು ಬದಲಾವಣೆ ಕಂಡು ಬರೋದಿಲ್ಲ ಆದರೆ ಸಮಸ್ಯೆ ಮಾತ್ರ ಹಾಗೆ ಉಳಿಯುತ್ತದೆ. ಹೀಗಾಗಿ ದುಬಾರಿ ಪ್ರಾಡಕ್ಟ್ ಬಿಟ್ಟು ಈ ಸರಳ ಉಪಾಯ ಫಾಲೋ ಮಾಡಿದರೆ ಕಪ್ಪು ಕಲೆ ತೆಗೆದುಹಾಕಬಹುದು. ಅದು ಹೇಗೆ ಎಂಬುದು ಇಲ್ಲಿ ತಿಳಿದುಕೊಳ್ಳೋಣ.

ಮಹಿಳೆಯರು ತಮ್ಮ ಮುಖಂದ ಅಂದಕ್ಕಾಗಿ ನಿರಂತರವಾಗಿ ಏನಾದರೊಂದು ಪ್ರಯೋಗ ಮಾಡುತ್ತಲೇ ಇರುತ್ತಾರೆ. ಸ್ಕಿನ್ ಕೇರ್ ಕ್ರೀಮ್‌ಗಳು, ದುಬಾರಿ ಫೇಸ್ ಪ್ಯಾಕ್‌ಗಳು ಬಳಸುತ್ತಾರೆ. ಆದರೆ ಮುಖದ ಅಂದಕ್ಕೆ ಕೊಡುವ ಪ್ರಾಮುಖ್ಯತೆ ಕುತ್ತಿಗೆ, ಮೊಣಕೈ ಮತ್ತು ಮೊಣಕಾಲುಗಳ ಮೇಲಿನ ಚರ್ಮಕ್ಕೆ ಕೊಡುವುದಿಲ್ಲ ಎಂಬುದೇ ಅಚ್ಚರಿ ಹುಟ್ಟಿಸುತ್ತದೆ. ಈಗಾಗಿ ನೋಡೋಕೆ ಮುಖ ಅಂದವಾಗಿದ್ದರೂ ಕುತ್ತಿಗೆ, ಮೊಣಕೈ ಮತ್ತು ಮೊಣಕಾಲುಗಳ ಮೇಲಿನ ಚರ್ಮವು ಕಪ್ಪಾದ ಕಾಣುತ್ತದೆ. ಅದನ್ನು ನಿರ್ಲಕ್ಷಿಸದೆ ಮುಖದ ಅಂದಕ್ಕಾಗಿ ವಹಿಸಿದಂತೆಯೇ ಕಾಳಜಿ ಅವಶ್ಯವಾಗಿ ಬೇಕು.

ಚರ್ಮ ಕಪ್ಪಾಗಲು ಪ್ರಾರಂಭಿಸಿದ ನಂತರ ಅದರ ಮೇಲೆಮೇಲೆ ಕೊಳಕು ಸಂಗ್ರಹವಾಗಲು ಪ್ರಾರಂಭಿಸುತ್ತದೆ. ದೇಹದ ಮೇಲೆ ಸತ್ತ ಜೀವಕೋಶಗಳು ಸಂಗ್ರಹವಾದ ನಂತರ ಟ್ಯಾನಿಂಗ್ ಸಮಸ್ಯೆ ಹೆಚ್ಚಾಗುತ್ತದೆ. ದೇಹದ ಮೇಲಿನ ಕೊಳೆ ತೆಗೆದುಹಾಕಲು ಚರ್ಮವನ್ನು ಗಟ್ಟಿಯಾಗಿ ಉಜ್ಜಲಾಗುತ್ತೆ. ಇದರಿಂದ ಸಮಸ್ಯೆ ಹೆಚ್ಚಾಗುತ್ತೆ ವಿನಹ ಕಡಿಮೆಯಾಗುವುದಿಲ್ಲ. ಅದರ ಬದಲಾಗಿ ಅಡುಗೆಮನೆಯಲ್ಲೇ ಸಿಗುವ ಕೆಲವು ಪದಾರ್ಥಗಳನ್ನು ಬಳಸಿಕೊಂಡು ಬಾಡಿ ಮಾಸ್ಕ್ ತಯಾರಿಸಬಹುದು. ಮನೆಮದ್ದುಗಳನ್ನು ಬಳಸುವುದರಿಂದ ಚರ್ಮಕ್ಕೆ ಯಾವುದೇ ಹಾನಿಯಾಗುವುದಿಲ್ಲ

ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುವುದರಿಂದ ಟ್ಯಾನಿಂಗ್ ಹೆಚ್ಚುವುದಿಲ್ಲ:

ಸೂರ್ಯನ ಬೆಳಕಿಗೆ ಒಡ್ಡಿಕೊಳ್ಳುವುದರಿಂದ ಟ್ಯಾನಿಂಗ್ ಹೆಚ್ಚಾಗುವುದಿಲ್ಲ, ಆದರೆ ದೇಹದ ಮೇಲೆ ಕೊಳಕು ಸಂಗ್ರಹವಾಗುತ್ತದೆ. ಟ್ಯಾನಿಂಗ್ ಅಥವಾ ಪಿಗ್ಮೆಂಟೇಶನ್ ದೇಹದ ಮೇಲಿನ ಚರ್ಮವನ್ನು ಕಪ್ಪಾಗಿಸುತ್ತದೆ. ಕೆಲವೊಮ್ಮೆ ತೆಗೆದುಕೊಳ್ಳುವ ಮಾತ್ರೆ, ಔಷಧಿಗಳ ಸೇವನೆಯಿಂದ ದೇಹದ ಮೇಲಿನ ಚರ್ಮವು ಕಪ್ಪಾಗುತ್ತದೆ. ಆದ್ದರಿಂದ, ದುಬಾರಿ ತ್ವಚೆ ಉತ್ಪನ್ನಗಳನ್ನು ಬಳಸುವ ಬದಲು ಚರ್ಮದಿಂದ ಕೊಳೆಯನ್ನು ತೆಗೆದುಹಾಕಲು ಕೆಲವು ಮನೆಮದ್ದುಗಳನ್ನು ಬಳಸಬೇಕು. ನೀವು ಚರ್ಮದ ಸ್ವಚ್ಛತೆಗೆ ಸರಿಯಾದ ಮತ್ತು ನೈಸರ್ಗಿಕವಾದ ವಿಧಾನ ಅಳವಡಿಸಿಕೊಂಡರೆ ದೇಹದ ಮೇಲಿನ ಚರ್ಮವು ಸ್ವಚ್ಛವಾಗಿರುತ್ತದೆ, ಚರ್ಮವು ಕಾಂತಿಯುತವಾಗಿ ಕಾಣುತ್ತದೆ. ಅಲ್ಲದೆ ಯಾವುದೇ ದುಬಾರಿ ಪ್ರಾಡಕ್ಟ್ ಬೇಕಾಗಿಯೂ ಇಲ್ಲ.

ಬಾಡಿ ಮಾಸ್ಕ್ ತಯಾರಿಸುವ ವಿಧಾನ ಹೇಗೆ?

ದೇಹದಿಂದ ಟ್ಯಾನಿಂಗ್ ತೆಗೆದುಹಾಕಲು ಸಾಮಾಜಿಕ ಮಾಧ್ಯಮದಲ್ಲಿ ವಿಭಿನ್ನ ಪರಿಹಾರಗಳನ್ನು ತೋರಿಸಲಾಗುತ್ತದೆ. ಬಾಡಿ ವಾಶ್ ಅಥವಾ ಮಾಸ್ಕ್ ಅನ್ನು ನಿಂಬೆ, ಎನೋ, ಕಾಫಿ ಅಥವಾ ಶಾಂಪೂ ಮುಂತಾದ ಪದಾರ್ಥಗಳನ್ನು ಬೆರೆಸಿ ತಯಾರಿಸಲಾಗುತ್ತದೆ. ಆದರೆ ಮನೆ ಮದ್ದುಗಳನ್ನು ಸ್ವಲ್ಪ ತಪ್ಪಾಗಿ ಬಳಸಿದರೂ ಚರ್ಮದ ಅಲರ್ಜಿ ಅಥವಾ ತುರಿಕೆಗೆ ಕಾರಣವಾಗಬಹುದು ಹೀಗಾಗಿ ಸೂಕ್ಷ್ಮ ಚರ್ಮ ಹೊಂದಿರುವ ಮಹಿಳೆಯರು ತಮ್ಮ ಚರ್ಮದ ಬಗ್ಗೆ ಸರಿಯಾದ ಕಾಳಜಿ ವಹಿಸಬೇಕಾಗುತ್ತದೆ. ಯಾವುದೇ ಪದಾರ್ಥ ಅಥವಾ ಮಾಸ್ಕ್ ಅನ್ನು ಅನ್ವಯಿಸುವ ಮೊದಲು ಪ್ಯಾಚ್ ಪರೀಕ್ಷೆಯನ್ನು ಮಾಡಬೇಕಾಗುತ್ತದೆ.

ಟ್ಯಾನಿಂಗ್‌ ಕುತ್ತಿಗೆ ನಡುವೆ ಕಪ್ಪು ಕಲೆಗೆ ಮನೆ ಮದ್ದುಗಳು:

ಬಿಸಿಲು ಅಥವಾ ಟ್ಯಾನಿಂಗ್ ನಿಂದ ಉಂಟಾಗುವ ಕಪ್ಪಾಗುವ ಕುತ್ತಿಗೆಗೆ ಮನೆಮದ್ದುಗಳು. ಇದಕ್ಕಾಗಿ ಒಂದು ಬಟ್ಟಲಿನಲ್ಲಿ ಒಂದು ಚಮಚ ಹಾಲು, ಒಂದು ಚಮಚ ಅರಿಶಿನ ಮತ್ತು ಅರ್ಧ ಚಮಚ ಜೇನುತುಪ್ಪವನ್ನು ಬೆರೆಸಿ ಮಿಶ್ರಣವನ್ನು ತಯಾರಿಸಿ. ತಯಾರಾದ ಮಿಶ್ರಣವನ್ನು ಕುತ್ತಿಗೆ, ಮೊಣಕಾಲುಗಳು ಮತ್ತು ದೇಹದ ಕಪ್ಪು ಭಾಗಗಳಿಗೆ ಹಚ್ಚಿ ನಿಧಾನವಾಗಿ ಮಸಾಜ್ ಮಾಡಿ. ಮಸಾಜ್ ಮಾಡುವುದರಿಂದ ದೇಹದ ಮೇಲೆ ಸಂಗ್ರಹವಾಗಿರುವ ಸತ್ತ ಚರ್ಮ, ಕೊಳೆ ಕಡಿಮೆಯಾಗುತ್ತದೆ. 10 ನಿಮಿಷಗಳ ನಂತರ, ಚರ್ಮವನ್ನು ನೀರಿನಿಂದ ಸ್ವಚ್ಛಗೊಳಿಸಿ. ಇದರ ಹೊರತಾಗಿ ಟ್ಯಾನಿಂಗ್ ಕಡಿಮೆ ಮಾಡಲು ಫೇಸ್ ಪ್ಯಾಕ್‌ಗಳು ಮಾತ್ರವಲ್ಲದೆ ಹೊರಗೆ ಹೋಗುವಾಗ ಸನ್‌ಸ್ಕ್ರೀನ್ ಹಚ್ಚುವುದು ಸಹ ಅಷ್ಟೇ ಮುಖ್ಯ. ಇದು ಸೂರ್ಯನ ಕಿರಣಗಳಿಂದ ಉಂಟಾಗುವ ಟ್ಯಾನಿಂಗ್‌ನಿಂದ ಚರ್ಮವನ್ನು ರಕ್ಷಿಸುತ್ತದೆ.

ಗಮನಿಸಿ: ಈ ಲೇಖನವು ಆರೋಗ್ಯ ನಿಯತಕಾಲಿಕೆಗಳಿಂದ ಸಂಗ್ರಹಿಸಿದ ಪ್ರಾಥಮಿಕ ಮಾಹಿತಿಯಾಗಿದೆ. ಚರ್ಮ ಸಂಬಂಧಿತ ಯಾವುದೇ ಸಮಸ್ಯೆಗೆ ಸಂಬಂಧಿಸಿದ ವೈದ್ಯರನ್ನ ಸಂಪರ್ಕಿಸಿ

ಬ್ರಿಟಿಷರ ಗುಲಾಮ RSSನಿಂದ ನಾವ್ ಕಲೀಬೇಕಾ? ಪಥಸಂಚಲನ ಕುರಿತು ಪ್ರಿಯಾಂಕ್ ಖರ್ಗೆ ಗುಡುಗು

Chethan Kumar — Wed, 21 Oct 2026 12:13:29 +0530

ಬೆಂಗಳೂರು (ಅ.21) ಆರ್‌ಎಸ್ಎಸ್ ಪಥಸಂಚಲನ ವಿಚಾರದಲ್ಲಿ ಗೃಹ ಸಚಿವ ಪ್ರಿಯಾಂಕ ಖರ್ಗೆ ತಮ್ಮ ನಿಲುವ ಸಮರ್ಥಿಸಿದ್ದಾರೆ. ಆರ್‌ಎಸ್ಎಸ್ ಪಥಸಂಚಲನಕ್ಕೆ ಸೂಕ್ತವಾಗಿ ಅನುಮತಿ ಕೇಳಬೇಕು. ಬಾಯಿಮಾತಿನಲ್ಲಿ ಹೇಳಿದರೆ ಆಗುವುದಿಲ್ಲ. ನಾನು ಕೇಳಿದ್ರಲ್ಲಿ ತಪ್ಪಿದ್ದರೆ, ಲೋಪ ಇದ್ದರೆ ತಿದ್ದಿಕೊಳ್ಳೋಕೆ ತಯಾರಿದ್ದೀನಿ ಎಂದು ಪ್ರಿಯಾಂಕ್ ಖರ್ಗೆ ಹೇಳಿದ್ದಾರೆ. ಆರ್‌ಎಸ್ಎಸ್ ಪಥಸಂಚಲನ ಮಾಡುವಾಗ ಪೊಲೀಸರಿಗೆ ಮಾಹಿತಿ ನೀಡುತ್ತಿದ್ದರು. ಮಾಹಿತಿ ಬೇಡ, ಅನುಮತಿ ಕೇಳಿ ಪಡೆದುಕೊಳ್ಳಿ ಎಂದು ಪ್ರಿಯಾಂಕ್ ಖರ್ಗೆ ಹೇಳಿದ್ದಾರೆ.

ಪೊಲೀಸ್ ಇಲಾಖೆ RSSನ ಆಳು ಮಕ್ಕಳಲ್ಲ. ಮಾಹಿತಿ ಕೊಟ್ಟಿದ್ದೇವೆ, ವ್ಯವಸ್ಥೆ ಮಾಡಿ ಎಂದು ಹೇಳಿದರೆ ಪೊಲೀಸ್ ಇಲಾಖೆ ಮಾಡಲ್ಲ. ಬಹಳಷ್ಟು ಜನ ಹಬ್ಬ ಆಚರಿಸುತ್ತಾರೆ. ಆರ್‌ಎಸ್ಎಸ್ ಕಾನೂನು, ಸಂವಿಧಾನಕ್ಕಿಂತ ಮೇಲಲ್ಲ. ಮೊದಲು ಅನುಮತಿ ಕೇಳಿ, ಸೂಕ್ತ ಅನಿಸಿದರೆ ಕೊಡುತ್ತೇವೆ ಎಂದು ಪ್ರಿಯಾಂಕ್ ಖರ್ಗೆ ಹೇಳಿದ್ದಾರೆ. ಗಣೇಶ ಮೆರವಣಿಗೆ ಮಾಡುವಾಗ ಮಾಹಿತಿ ಕೇಳ್ತೀರಾ? ಅನುಮತಿ ಕೇಳ್ತೀರಾ..? ಮನೆ ಕಾರ್ಯಕ್ರಮ ಮಾಡಬೇಕಾದರೆ ರೋಡ್ ಮೇಲೆ ಪೆಂಡಾಲ್ ಹಾಕಿದಾಗ ಏನ್ ಮಾಡ್ತೀರಾ? ಎಲ್ಲರಿಗೂ ಒಂದೇ ನಿಯಮ, ಅದು ಆರ್‌ಎಸ್ಎಸ್‌ಗೂ ಅನ್ವಯಿಸುತ್ತದೆ ಎಂದು ಪ್ರಿಯಾಂಕ್ ಖರ್ಗೆ ಹೇಳಿದ್ದಾರೆ.

ಪೊಲೀಸ್ ಇಲಾಖೆಯವರು ಮನೆ ಕೆಲಸ ಮಾಡೋರಾ?

ರೂಟ್ ಮಾರ್ಚಸ್ ಮೇಲೆ ಏನಾದ್ರು ತೊಂದ್ರೆ ಇದ್ರೆ ಲೋಕಲ್ ಅಲ್ಲಿ ಸರಿ ಮಾಡ್ಕೊಳಿ. ದಯವಿಟ್ಟು ಪೊಲೀಸ್ ಇಲಾಖೆಗೆ ಸರ್ಕಾರಗಳಿಗೆ ಗೌರವ ಕೊಡೋದು ಕಲಿಯಲಿ. ಮಾಡ್ತಾ ಇದೀವಿ ಸೂಕ್ತ ಕ್ರಮ ವಹಿಸಿ ಅಂದ್ರೆ ಇಲಾಖೆಯವರು ಅವರ ಮನೇಲಿ ಕೆಲಸ ಮಾಡೋರ? ಅನುಮತಿ ಪಡೆಯದೇ ಮಾಡೋದಕ್ಕೆ ಆಗೋದಿಲ್ಲ ಎಂದು ಪ್ರಿಯಾಂಕ್ ಖರ್ಗೆ ಹೇಳಿದ್ದಾರೆ.

ಆರ್‌ಎಸ್ಎಸ್‌ ನೂರು ವರ್ಷದ ಇತಿಹಾಸದಲ್ಲಿ ಯಾವ ಪ್ರತಿಭಟನೆ ಮಾಡಿದ್ದಾರೆ. ಬ್ರಿಟಿಷರ ಗುಲಾಮರು ಇವರು ಪೆನ್ಷನ್ ತಗೊಳೋವರ ಹತ್ರ ನಾವು ಕಲಿಬೇಕಾ. ಯಾರಾದ್ರು ಏನಾದ್ರು RSS ನಿಂದ ಕಲಿಯೋದು ಇದ್ಯಾ . ಅವರ ಇತಿಹಾಸ ತೆಗೆದು ನೋಡಿ. ಯಾರು ಬ್ರಿಟಿಷರ ಹತ್ರ 60 ರೂ ಪೆನ್ಷನ್ ತಗೋತಾ ಇದ್ರು ಸಾವರ್ಕರ್ ಅಂತವರು ಇವರ ಲೀಡರ್. ಇವರಿಂದ ನಾವು ಏನು ಕಲಿಯೋಕೆ ಇದೆ ಎಂದು ಪ್ರಿಯಾಂಕ್ ಖರ್ಗೆ ಹೇಳಿದ್ದಾರೆ.

ರಿಜಿಮ್ ಚೇಂಜ್ ಹೇಗೆ ಮಾಡೋದಕ್ಕೆ ಆಗುತ್ತೆ

ಮೋಹನ್ ಭಾಗವತ್ ರೆಜಿಮ್ ಚೇಂಜ್ ಉಲ್ಲೇಖ ವಿಚಾರಕ್ಕೆ ಪ್ರಿಯಾಂಕ್ ಖರ್ಗೆ ಪ್ರತಿಕ್ರಿಯಿಸಿದ್ದಾರೆ. ರೆಜಿಮ್ ಹೇಗೆ ಚೇಂಜ್ ಮಾಡೋದಕ್ಕೆ ಆಗುತ್ತೆ. ಚೀಫ್ ಎಲೆಕ್ಷನ್ ಕಮಿಷನ್ ಅವರದು,ಇವಿಎಂ ಅವರದು ವೋಟರ್ ಲಿಸ್ಟ್ ಅವರದು. ಫಾರ್ಮ್ 6 ಅವರದು ಫಾರ್ಮ್ 7 ಅವರದು ಹೇಗೆ ಚೇಂಜ್ ಮಾಡೋದು. ಇದು ಪರ್ಮನೆಂಟ್‌ ಪವರ್ ನಲ್ಲಿ ಇರೋದಕ್ಕೆ ಮಾಡ್ತಾ ಇರೋ ಸಂಚು. ಈಗ ಜನರು ಬೀದಿಗೆ ಇಳಿತಾ ಇದಾರೆ ಅದು ಅದಕ್ಕೆ ಸಾಕ್ಷಿ ಅಲ್ವಾ. ಫ್ ಎಲೆಕ್ಷನ್ ಕಮೀಷನ್ ಗೆ ಜುಡಿಷಿಯಲ್ ಇಮ್ಯುನಿಟಿ ಯಾಕೆ ಬೇಕು ಅಂದ್ರೆ ಉತ್ತರ ಇಲ್ಲ. ಚುನಾವಣಾ ಆಯೋಗವನ್ನೇ ಕ್ಯಾಪ್ಚರ್ ಮಾಡಿದೀವಿ ನಾವು ಅಂತಾರೆ. ಇವರೇ ಪಾಕಿಸ್ತಾನದ ಜೊತೆಗೆ ನಂಟು ಬೆಳೆಸಬೇಕು ಅಂತ ಇದಾರಲ್ಲ. ಯಾರು ಇವರಿಗೆಲ್ಲಾ ಮಾತನಾಡೋದಕ್ಕೆ ಅವಕಾಶ ಕೊಟ್ಟವರು ಎಂದು ಪ್ರಿಯಾಂಕ್ ಖರ್ಗೆ ಹೇಳಿದ್ದಾರೆ.

ಗೋಧಿ ರವೆ vs ಬಾಂಬೆ ರವೆ: ಸಕ್ಕರೆ ಕಾಯಿಲೆ ಇರುವವರಿಗೆ ಯಾವ ಉಪ್ಪಿಟ್ಟು ಬೆಸ್ಟ್? ಇಲ್ಲಿದೆ ವೈದ್ಯರ ಸಲಹೆ

Ashwini HR — Wed, 21 Oct 2026 12:04:57 +0530

ಇತ್ತೀಚಿನ ದಿನಗಳಲ್ಲಿ ಸಕ್ಕರೆ ಕಾಯಿಲೆ (ಡಯಾಬಿಟಿಸ್) ಕೇವಲ ವಯಸ್ಸಾದವರಿಗೆ ಮಾತ್ರವಲ್ಲದೆ, 20 ರಿಂದ 30 ವರ್ಷದ ಯುವಜನರಲ್ಲೂ ಸಾಮಾನ್ಯವಾಗುತ್ತಿದೆ. ಕೇವಲ ಸಿಹಿ ತಿಂದರೆ ಮಾತ್ರ ಶುಗರ್ ಬರುವುದಿಲ್ಲ, ಬದಲಿಗೆ ದಿನನಿತ್ಯ ಅತಿಯಾಗಿ ಕಾರ್ಬೋಹೈಡ್ರೇಟ್‌ಗಳು (ಪಿಷ್ಟ ಪದಾರ್ಥಗಳು) ಇರುವ ಆಹಾರಗಳನ್ನು ಪದೇ ಪದೇ ಸೇವಿಸುವುದೇ ಇದಕ್ಕೆ ಮುಖ್ಯ ಕಾರಣ. ಹೀಗಾಗಿ ಮಧುಮೇಹಿಗಳು ಬೆಳಗಿನ ಉಪಹಾರಕ್ಕೆ ಗೋಧಿ ರವೆ ಉಪ್ಪಿಟ್ಟು (ಉಪ್ಮಾ) ತಿನ್ನಬೇಕೋ? ಬಾಂಬೆ ರವೆ (ಸೂಜಿ) ಉಪ್ಪಿಟ್ಟು ತಿನ್ನಬೇಕೋ? ಎಂಬ ಗೊಂದಲದಲ್ಲಿರುತ್ತಾರೆ. ಈ ಬಗ್ಗೆ ಖ್ಯಾತ ವೈದ್ಯೆ ಡಾ. ದೀಪ್ತಿ ಕರೇಟಿ ನೀಡಿರುವ ಉಪಯುಕ್ತ ಮಾಹಿತಿ ಇಲ್ಲಿದೆ.

ಗೋಧಿ ರವೆ ಹೇಗೆ ಮಾಡಲಾಗುತ್ತದೆ? ಏನಿರುತ್ತದೆ?

ಸಂಪೂರ್ಣ ಗೋಧಿಯನ್ನು ಸಣ್ಣ ತುಂಡುಗಳಾಗಿ ಕತ್ತರಿಸಿ ಗೋಧಿ ರವೆ (ಬ್ರೋಕನ್ ವೀಟ್) ಮಾಡಲಾಗುತ್ತದೆ. ಇದರಲ್ಲಿ ಗೋಧಿಯ ಮೇಲ್ಪದರ (ಬ್ರಾನ್), ಮೊಳಕೆ ತಿರುಳು (ಜೆರ್ಮ್) ಮತ್ತು ಒಳಭಾಗ (ಎಂಡೋಸ್ಪರ್ಮ್) ಎಂಬ ಮೂರೂ ಭಾಗಗಳು ಇರುತ್ತವೆ. 100 ಗ್ರಾಂ ಗೋಧಿ ರವೆಯಲ್ಲಿ ಸುಮಾರು 350 ಕ್ಯಾಲೊರಿ, 70 ಗ್ರಾಂ ಕಾರ್ಬೋಹೈಡ್ರೇಟ್, 10 ಗ್ರಾಂ ಪ್ರೋಟೀನ್ ಮತ್ತು ಬರೋಬ್ಬರಿ 12 ಗ್ರಾಂ ನಾರಿನಂಶ (ಫೈಬರ್) ಇರುತ್ತದೆ.

ಇದರಲ್ಲಿ ನಾರಿನಂಶ ಹೆಚ್ಚಿರುವುದರಿಂದ ಇದು ನಿಧಾನವಾಗಿ ಜೀರ್ಣವಾಗುತ್ತದೆ. ಇದರಿಂದಾಗಿ ರಕ್ತದಲ್ಲಿ ಒಮ್ಮೆಲೆ ಸಕ್ಕರೆ ಪ್ರಮಾಣ (Blood Sugar) ಹೆಚ್ಚಾಗುವುದಿಲ್ಲ ಹಾಗೂ ಹೊಟ್ಟೆ ತುಂಬಿದ ಅನುಭವ ದೀರ್ಘಕಾಲ ಇರುತ್ತದೆ. ಜೊತೆಗೆ ವಿಟಮಿನ್ B, ಕ್ಯಾಲ್ಸಿಯಂ ಮತ್ತು ಐರನ್ ಸಿಗುವುದರಿಂದ ಹೃದಯದ ಆರೋಗ್ಯಕ್ಕೂ ಇದು ಒಳ್ಳೆಯದು.

ಬಾಂಬೆ ರವೆಯಲ್ಲಿ ಏನಿರುತ್ತದೆ?

ಇನ್ನೊಂದೆಡೆ, ಬಿಳಿಯಾಗಿ ಕಾಣುವ ಬಾಂಬೆ ರವೆಯಲ್ಲಿ (ಸೂಜಿ) ಕೇವಲ ಎಂಡೋಸ್ಪರ್ಮ್ ಮಾತ್ರವಿದ್ದು, ನಾರಿನಂಶ ತೀರ ಕಡಿಮೆಯಿರುತ್ತದೆ. ಇದರ ಗ್ಲೈಸೆಮಿಕ್ ಇಂಡೆಕ್ಸ್ (GI) ಸುಮಾರು 70 ರಷ್ಟಿರುತ್ತದೆ. ಇದು ಹೊಟ್ಟೆಯಲ್ಲಿ ಅತ್ಯಂತ ವೇಗವಾಗಿ ಜೀರ್ಣವಾಗುವುದರಿಂದ, ರಕ್ತದಲ್ಲಿ ಗ್ಲೂಕೋಸ್ ಮಟ್ಟವನ್ನು ಥಟ್ಟನೆ ಹೆಚ್ಚಿಸಿಬಿಡುತ್ತದೆ. ಇದು ಮೃದು ಹಾಗೂ ರುಚಿಕರವಾಗಿರುವುದರಿಂದ ಜನರು ಇದನ್ನು ಮಿತಿಮೀರಿ ತಿನ್ನುವ ಸಾಧ್ಯತೆಯೂ ಹೆಚ್ಚಿರುತ್ತದೆ.

ಆದ್ದರಿಂದ ಮಧುಮೇಹಿಗಳಿಗೆ ಬಾಂಬೆ ರವೆಗಿಂತ ಗೋಧಿ ರವೆಯೇ 100 ಪ್ರತಿಶತ ಸುರಕ್ಷಿತ ಮತ್ತು ಆರೋಗ್ಯಕರ ಆಯ್ಕೆಯಾಗಿದೆ ಎಂದು ವೈದ್ಯರು ಸ್ಪಷ್ಟಪಡಿಸಿದ್ದಾರೆ.

ಬಾಂಬೆ ರವೆ ತಿನ್ನಬೇಕಾದರೆ ಹೀಗೆ ಮಾಡಿ..

ಒಂದು ವೇಳೆ ಗೋಧಿ ರವೆ ಸಿಗದೆ ಅನಿವಾರ್ಯವಾಗಿ ಬಾಂಬೆ ರವೆ ಬಳಸಬೇಕಾದರೆ, ಅದಕ್ಕೆ ಕ್ಯಾರೆಟ್, ಬೀನ್ಸ್, ಹಸಿ ಬಟಾಣಿ ಅಥವಾ ಪನೀರ್‌ನಂತಹ ತರಕಾರಿಗಳನ್ನು ಹೆಚ್ಚಾಗಿ ಸೇರಿಸಿ ತಯಾರಿಸಿ. ಇದರಿಂದ ನಾರಿನಂಶ ಹೆಚ್ಚಾಗಿ ಶುಗರ್ ಏರಿಕೆಯನ್ನು ಸ್ವಲ್ಪಮಟ್ಟಿಗೆ ನಿಯಂತ್ರಿಸಬಹುದು. ಆದರೆ ಇದನ್ನು ಅಪರೂಪಕ್ಕೊಮ್ಮೆ ಮಾತ್ರ ಸವಿಯಬೇಕು. ನಿತ್ಯದ ಆಹಾರದಲ್ಲಿ ಗೋಧಿ ರವೆ ಉಪ್ಮಾವನ್ನೇ ರೂಢಿಸಿಕೊಳ್ಳುವುದು ಆರೋಗ್ಯಕ್ಕೆ ಅತ್ಯುತ್ತಮ.

ಇದು ಗಮನದಲ್ಲಿರಲಿ

1. ಕೇವಲ ಗೋಧಿ ರವೆ ಮಾತ್ರವಲ್ಲದೆ, ಇತ್ತೀಚಿನ ದಿನಗಳಲ್ಲಿ ಲಭ್ಯವಿರುವ ನವಣೆ ರವೆ, ಸಾಮೆ ರವೆ ಅಥವಾ ರಾಗಿ ರವೆಯಿಂದಲೂ ಉಪ್ಮಾ ಮಾಡಬಹುದು. ಇವುಗಳಲ್ಲಿ ಗ್ಲೈಸೆಮಿಕ್ ಇಂಡೆಕ್ಸ್ (GI) ಗೋಧಿ ರವೆಗಿಂತಲೂ ಕಡಿಮೆಯಿರುವುದರಿಂದ ರಕ್ತದಲ್ಲಿ ಸಕ್ಕರೆ ಮಟ್ಟ ನಿಯಂತ್ರಣದಲ್ಲಿಡಲು ಇದು ಮತ್ತಷ್ಟು ಸಹಕಾರಿ.

2. ಕೇವಲ ಉಪ್ಮಾ ತಿಂದರೆ ರಕ್ತದಲ್ಲಿ ಸಕ್ಕರೆ ಅಂಶ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ಉಪ್ಮಾದ ಜೊತೆಗೆ ಒಂದು ಬೌಲ್ ಮೊಸರು ಅಥವಾ ಕಾಳುಗಳ ಸಲಾಡ್ / ಮೊಳಕೆಕಾಳು ಅಥವಾ ಒಂದು ಬೇಯಿಸಿದ ಮೊಟ್ಟೆ (Boiled Egg) ಸೇವಿಸಿದರೆ ಕಾರ್ಬೋಹೈಡ್ರೇಟ್ ನಿಧಾನವಾಗಿ ಜೀರ್ಣವಾಗಿ, ಶುಗರ್ ಲೆವೆಲ್ ಹತೋಟಿಯಲ್ಲಿರುತ್ತದೆ.

3. "ಇದು ಗೋಧಿ ರವೆ, ಶುಗರ್‌ಗೆ ಒಳ್ಳೆಯದು" ಎಂದು 2-3 ಪ್ಲೇಟ್ ತಿನ್ನಬಾರದು. ಏಕೆಂದರೆ 100 ಗ್ರಾಂ ಗೋಧಿ ರವೆಯಲ್ಲೂ 70 ಗ್ರಾಂ ಕಾರ್ಬೋಹೈಡ್ರೇಟ್ ಇರುತ್ತದೆ. ಹಾಗಾಗಿ, ಒಂದು ಸಣ್ಣ ಕಪ್ ಅಳತೆಯಲ್ಲಿ ಮಾತ್ರ ತಿಂಡಿ ಸೇವಿಸುವುದು ಉತ್ತಮ.

4. ಉಪ್ಮಾ ಮಾಡುವಾಗ ಅತಿಯಾದ ಎಣ್ಣೆ ಅಥವಾ ತುಪ್ಪ ಬಳಸುವುದರಿಂದ ತೂಕ ಹೆಚ್ಚಾಗಬಹುದು (Obesity). ಆದ್ದರಿಂದ ಕನಿಷ್ಠ ಪ್ರಮಾಣದ ಎಣ್ಣೆ ಮತ್ತು ಹೆಚ್ಚು ತರಕಾರಿಗಳನ್ನು ಬಳಸಿ ತಯಾರಿಸುವುದು ಸೂಕ್ತ.