ಮತ್ತೋರ್ವ ಪತ್ರಕರ್ತೆಯ ಹತ್ಯೆ: ಬೆಚ್ಚಿ ಬಿದ್ದ ಪತ್ರಿಕೋದ್ಯಮ!

First Published 29, Aug 2018, 1:37 PM IST
TV journalist hacked to death in Bangladesh
Highlights

ಹರಿಯಿತು ಮತ್ತೋರ್ವ ಪತ್ರಕರ್ತೆಯ ನೆತ್ತರು! ಬಾಂಗ್ಲಾದಲ್ಲಿ ಟಿವಿ ಪತ್ರಕರ್ತೆಯ ಭೀಕರ ಕೊಲೆ! ಹರಿತವಾದ ಆಯುಧದಿಂದ ಇರುದು ಸುಬರ್ನಾ ಹತ್ಯೆ! ಸುಬರ್ನಾ ನೋಡಿ, ಬಾಂಗ್ಲಾ ಟಿವಿ ಪತ್ರಕರ್ತೆ     

ಢಾಕಾ(ಆ.29): ವಿಶ್ವದಾದ್ಯಂತ ಪತ್ರಕರ್ತರ ಮೇಲಿನ ಹಲ್ಲೆಗಳು ಹೆಚ್ಚುತ್ತಿದ್ದು, ಟಿವಿ ಪತ್ರಕರ್ತೆಯನ್ನು ಹರಿತವಾದ ಆಯುಧಗಳಿಂದ ಹತ್ಯೆ ಮಾಡಿರುವ ಘಟನೆ ಬಾಂಗ್ಲಾದೇಶದಲ್ಲಿ ನಡೆದಿದೆ. 

ಖಾಸಗಿ ಸುದ್ದಿ ವಾಹಿನಿಯ ವರದಿಗಾರ್ತಿಯಾಗಿದ್ದ ಸುಬರ್ನಾ ನೋಡಿ ಅವರನ್ನು ಅನಾಮಿಕ ದುಷ್ಕರ್ಮಿಗಳು ಹತ್ಯೆ ಮಾಡಿದ್ದಾರೆ. ಸುಬರ್ನಾ ತಮ್ಮ ಮನೆಯಲ್ಲಿದ್ದಾಗಲೇ ಆಕೆ ಮೇಲೆ ಹರಿತವಾದ ಆಯುಧಗಳಿಂದ ಹಲ್ಲೆ ಮಾಡಲಾಗಿದೆ.

ಪಬ್ನಾ ಜಿಲ್ಲೆಯ ರಾಧಾನಗರ್ ನಿವಾಸಿಯಾಗಿದ್ದ ಸುಬರ್ನಾ, ತಮ್ಮ ಮಗಳೊಂದಿಗೆ ವಾಸಿಸುತ್ತಿದ್ದರು. ಅಲ್ಲದೇ ಸುಬರ್ನಾ ಪತಿಯಿಂದ ವಿಚ್ಛೇದನ ಪಡೆಯುವ ಪ್ರಕ್ರಿಯೆಯಲ್ಲಿದ್ದರು ಎಂದು ತಿಳಿದುಬಂದಿದೆ. 

ದ್ವಿಚಕ್ರ ವಾಹನದಲ್ಲಿ ಬಂದಿದ್ದ ದುಷ್ಕರ್ಮಿಗಳು, ಸುಬರ್ನಾ ಮನೆ ಬಾಗಿಲು ತಟ್ಟಿದ್ದಾರೆ. ಸುಬರ್ನಾ ಬಾಗಿಲು ತೆರೆಯುತ್ತಿದ್ದಂತೆಯೇ ಹರಿತವಾದ ಆಯುಧದಿಂದ ಇರಿದು ಪತ್ರಕರ್ತೆಯನ್ನು ಹತ್ಯೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ.

loader