ಎಫ್‌ಬಿ, ಇನ್ಸ್ಟಾ ನಿಧಾನವಾಗಲು ಅಸಲಿ ಕಾರಣವಾದರೂ ಏನು?
ಇಂದಿನ ಪ್ರಪಂಚ ಸೋಶಿಯಲ್ ಮೀಡಿಯಾಕ್ಕೆ ಅದೆಷ್ಟು ಅಂಟಿಕೊಂಡಿದೆ ಎಂಬುದಕ್ಕೆ ಇಂದಿನ ಪ್ರಕರಣವೇ ಸಾಕ್ಷಿ. ಫೇಸ್ ಬುಕ್, ಇನ್ಸ್ಟಾಗ್ರಾಮ್ ನಲ್ಲಿ ಮಂಗಳವಾರ ಸಂಜೆ ಕಾಣಿಸಿಕೊಂಡ ನಿಧಾನದ ಸಮಸ್ಯೆ ಹಲವರನ್ನು ಕಾಡಿತು. ಹಾಗಾದರೆ ಇದಕ್ಕೆ ಅಸಲಿ ಕಾರಣವಾದರೂ ಏನು?
ಬೆಂಗಳೂರು(ನ.20): ಸಾಮಾಜಿಕ ಜಾಲತಾಣಗಳಾದ ಫೇಸ್ ಬುಕ್ ಮತ್ತು ಇನ್ಸ್ಟಾಗ್ರಾಮ್ ಏಕಾಏಕಿ ಕಾರ್ಯ ಸ್ಥಗಿತವಾಗಿದ್ದು, ಬಳಕೆದಾರರಲ್ಲಿ ಗೊಂದಲ ಸೃಷ್ಟಿಯಾಗಿತ್ತು. ಮಂಗಳವಾರ ಸಂಜೆ ಫೇಸ್ ಬುಕ್ ಮತ್ತು ಇನ್ಸಟಾಗ್ರಾಮ್ ನ ಕೆಲಸ ನಿರ್ವಹಣೆ ನಿಧಾನವಾಘಿತ್ತು.
ನಿಧಾನವಾಗುತ್ತಿರುವ ಸಮಸ್ಯೆ ಕಾಣಿಸಿಕೊಂಡ ನಂತರ ಸೋಶಿಯಲ್ ಮೀಡಿಯಾದಲ್ಲಿ ಇದೆ ವಿಚಾರ ಮತ್ತೆ ಟ್ರೆಂಡ್ ಆಯಿತು. #FacebookDown and #InstagramDown ಹ್ಯಾಷ್ ಟ್ಯಾಗ್ ಗಳ ಮೂಲಕ ನೆಟ್ಟಿಗರು ಅಭಿಪ್ರಾಯ ಹೊರ ಹಾಕಿದರು.
ಫೋಟೋ ಅಪ್ಲೋಡ್ ಮಾಡಲು ಬಳಸುವ ಇನ್ಸ್ಟಾಗ್ರಾಂ ಕೂಡ ಸ್ಥಗಿತಗೊಂಡಿತ್ತು. ಫೇಸ್ ಬುಕ್ ನಲ್ಲೂ ಅಪ್ ಲೋಡ್ ಸಮಸ್ಯೆ ಎದುರಾಗಿತ್ತು. ಪೇಜ್ಗಳು ತುಂಬ ನಿಧಾನವಾಗಿ ತೆರೆದುಕೊಳ್ಳುತ್ತವೆ. ಮೆಸೆಂಜರ್ನಲ್ಲಿ ಕೂಡ ಮೆಸೇಜ್ ಕಳಿಸಲು ಸಾಧ್ಯವಾಗುತ್ತಿರಲಿಲ್ಲ. ರಾತ್ರಿ ವೇಳೆಗೆ ಬಹುತೇಕ ಸರಿಯಾಯಿತಾದರೂ ಜನ ದೂರುವುದನ್ನು ನಿಲ್ಲಿಸಲಿಲ್ಲ.
