ವಿದೇಶಕ್ಕೆ ಪರಾರಿಯಾದ ಉದ್ಯಮಿಯಿಂದ ಜೇಟ್ಲಿ ಮಗಳಿಗೆ 24 ಲಕ್ಷ?
ವಿದೇಶಕ್ಕೆ ಪರಾರಿಯಾದ ಉದ್ಯಮಿಯೋರ್ವ ಕೇಂದ್ರ ವಿತ್ತ ಸಚಿವ ಅರುಣ್ ಜೇಟ್ಲಿ ಅವರ ಮಗಳಿಗೆ 24 ಲಕ್ಷ ರು. ನೀಡಿದ್ದಾರೆ ಎಂದು ಕಾಂಗ್ರೆಸ್ ಆರೋಪಿಸಿದೆ.
ನವದೆಹಲಿ: ವಿತ್ತ ಸಚಿವ ಅರುಣ್ ಜೇಟ್ಲಿ ಅವರ ಮಗಳು ಹಾಗೂ ಅಳಿಯನ ‘ಲಾ ಕಂಪನಿ’ಯು, ವಿದೇಶಕ್ಕೆ ಪರಾರಿಯಾಗಿರುವ ವಂಚಕ ವಜ್ರೋದ್ಯಮಿ ಮೇಹುಲ್ ಚೋಕ್ಸಿಯಿಂದ 24 ಲಕ್ಷ ರುಪಾಯಿ ರಿಟೇನರ್‌ಶಿಪ್ ಶುಲ್ಕ ಸ್ವೀಕರಿಸಿದೆ ಎಂದು ಕಾಂಗ್ರೆಸ್ ಆರೋಪಿಸಿದೆ. ಈ ಹಿನ್ನೆಲೆಯಲ್ಲಿ ಇಂಥ ವಂಚಕನ ಜತೆ ಜೇಟ್ಲಿ ಕುಟುಂಬಕ್ಕೆ ನಂಟಿದ್ದು, ಜೇಟ್ಲಿ ಕೂಡಲೇ ರಾಜೀನಾಮೆ ನೀಡಬೇಕೆಂದು ಒತ್ತಾಯಿಸಿದೆ.
ಸೋಮವಾರ ಈ ಬಗ್ಗೆ ಟ್ವೀಟ್ ಮಾಡಿರುವ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ, ‘ಚೋಕ್ಸಿ ಕಂಪನಿಯ ಪೇ ರೋಲ್‌ನಲ್ಲಿ ಜೇಟ್ಲಿ ಮಗಳಿದ್ದಾಳೆ. ಐಸಿಐಸಿಐ ಖಾತೆ ಸಂಖ್ಯೆ 12170500316 ರಿಂದ ಜೇಟ್ಲಿ ಮಗಳಿಗೆ ದುಡ್ಡು ಜಮಾ ಆಗಿದೆ. ಜೇಟ್ಲಿ ಈ ಕೂಡಲೇ ರಾಜೀನಾಮೆ ನೀಡಬೇಕು. ಈ ಸುದ್ದಿ ಹಾಕದಂತೆ ಮಾಧ್ಯಮಗಳ ಮೇಲೆ ಒತ್ತಡ ಹೇರಲಾಗುತ್ತಿದೆ’ ಎಂದಿದ್ದಾರೆ.
ಮರಳಿಸಿದ್ದೇನೆ- ಅಳಿಯ: ಗಮನಾರ್ಹವೆಂದರೆ, ಹಲವು ಸಮಯದ ಹಿಂದೆಯೇ ‘ನಾನು ಚೋಕ್ಸಿ ಹಗರಣ ಬೆಳಕಿಗೆ ಬಂದ ನಂತರ 24 ಲಕ್ಷ ರು. ರಿಟೇನರ್‌ಶಿಪ್ ವಾಪಸು ಮಾಡಿದ್ದೆ’ ಎಂದು ಬಕ್ಷಿ ಸ್ಪಷ್ಟನೆ ನೀಡಿದ್ದರು.
Arun Jaitlie’s daughter was on the payroll of thief Mehul Choksi. Meanwhile her FM daddy sat on his file & allowed him to flee.
— Rahul Gandhi (@RahulGandhi) October 22, 2018
She received money from ICICI a/c no: 12170500316
It’s sad that media has blacked out this story. The people of India won’t. #ArunJaitlieMustResign
