ರಾಜ್ಯದ ರೈತರಿಗೆ ಸಿಗಬೇಕು 670 ಕೋಟಿ ರು.

ಸಕ್ಕರೆ ಕಾರ್ಖಾನೆಗಳು ಕೋಟ್ಯಂತರ ರೈತರ ಬಿಲ್‌ ಬಾಕಿ ಉಳಿಸಿಕೊಂಡಿರುವುದು ರೈತರನ್ನು ಕಂಗಾಲಾಗಿಸಿದೆ. ರಾಜ್ಯದ 43ಕ್ಕೂ ಅಧಿಕ ಕಾರ್ಖಾನೆಗಳು 670 ರು. ಕೋಟಿಗೂ ಅಧಿಕ ಹಣ ಬಾಕಿ ಉಳಿಸಿಕೊಂಡಿರುವುದು ಲೆಕ್ಕಕ್ಕೆ ಸಿಕ್ಕಿದೆ.

670 Crore pending For Karnataka Sugarcane Farmers

Web Desk

Bengaluru, First Published Nov 20, 2018, 8:57 AM IST

ಬೆಂಗಳೂರು : ಸಕ್ಕರೆ ಕಾರ್ಖಾನೆಗಳು ಕೋಟ್ಯಂತರ ರೈತರ ಬಿಲ್‌ ಬಾಕಿ ಉಳಿಸಿಕೊಂಡಿರುವುದು ರೈತರನ್ನು ಕಂಗಾಲಾಗಿಸಿದೆ. ರಾಜ್ಯದ 43ಕ್ಕೂ ಅಧಿಕ ಕಾರ್ಖಾನೆಗಳು 670 ರು. ಕೋಟಿಗೂ ಅಧಿಕ ಹಣ ಬಾಕಿ ಉಳಿಸಿಕೊಂಡಿರುವುದು ಲೆಕ್ಕಕ್ಕೆ ಸಿಕ್ಕಿದೆ.

ಇವುಗಳಲ್ಲಿ ಸಕ್ಕರೆ ಕಾರ್ಖಾನೆಗಳು ಅತ್ಯಧಿಕ ಪ್ರಮಾಣದಲ್ಲಿರುವ ಬೆಳಗಾವಿ, ಬಾಗಲಕೋಟೆ, ಮಂಡ್ಯ ಜಿಲ್ಲೆಗಳ 39 ಕಾರ್ಖಾನೆಗಳು ಒಟ್ಟಾರೆ 634 ರು. ಕೋಟಿ ಬಾಕಿ ಉಳಿಸಿಕೊಂಡಿವೆ. ಇವುಗಳಲ್ಲಿ ಹೆಚ್ಚಿನವು ರಾಜ್ಯದ ಪ್ರಭಾವಿ ರಾಜಕಾರಣಿಗಳದ್ದು ಎಂಬುದು ಗಮನಾರ್ಹ ಸಂಗತಿಯಾಗಿದೆ.

ಸಕ್ಕರೆ ನಾಡು ಬೆಳಗಾವಿ ಜಿಲ್ಲೆಯಲ್ಲಿ ರಾಜ್ಯದಲ್ಲೇ ಅತೀ ಹೆಚ್ಚು ಅಂದರೆ 24 ಸಕ್ಕರೆ ಕಾರ್ಖಾನೆಗಳಿದ್ದು, ಕಳೆದ ಐದು ವರ್ಷಗಳಿಂದ ಈವರೆಗೆ ರೈತರಿಗೆ ಒಟ್ಟು 185.6 ರು. ಕೋಟಿ ಕಬ್ಬಿನ ಬಾಕಿ ಬಿಲ್‌ ಉಳಿದಿದೆ. ಬಾಗಲಕೋಟೆ ಜಿಲ್ಲೆಯ 11 ಕಾರ್ಖಾನೆಗಳು ಒಟ್ಟು 285.65 ರು. ಕೋಟಿ ಬಾಕಿ ಉಳಿಸಿಕೊಂಡಿವೆ.

ಮಂಡ್ಯ ಜಿಲ್ಲೆಯ ನಾಲ್ಕು ಸಕ್ಕರೆ ಕಾರ್ಖಾನೆಗಳಿಂದ ರೈತರಿಗೆ 162.93 ಕೋಟಿ ರು ಬಾಕಿ ಪಾವತಿ ಮಾಡಬೇಕಾಗಿದೆ. ಇವುಗಳಲ್ಲಿ ಕೆಲವು ಸಕ್ಕರೆ ಕಾರ್ಖಾನೆಗಳು ಕಳೆದ ವರ್ಷದ ಬಾಕಿ ಉಳಿಸಿಕೊಂಡಿದ್ದರೆ, ಕೆಲ ಕಾರ್ಖಾನೆಗಳು ಎರಡು ಮೂರು ವರ್ಷಗಳಿಂದ ಬಿಲ್‌ ಪಾವತಿಸದೆ ರೈತರನ್ನು ಸತಾಯಿಸುತ್ತಿವೆ. ಇದೇ ವೇಳೆ ಸರ್ಕಾರಿ ಸ್ವಾಮ್ಯದ ಭದ್ರಾವತಿ ಸಕ್ಕರೆ ಕಾರ್ಖಾನೆಯೂ ರೈತರಿಗೆ ನೀಡಬೇಕಾಗಿದ್ದ 2.92 ರು. ಕೋಟಿ ನೀಡಿಲ್ಲ ಎಂಬ ಆರೋಪ ಕೇಳಿ ಬಂದಿದೆ.

ಎಷ್ಟುಬಾಕಿ ಬರಬೇಕು?

ಕಾರ್ಖಾನೆ ಹೆಸರು-ಸ್ಥಳ-ಬಾಕಿ ಮೊತ್ತ

ಮಲಪ್ರಭಾ ಸಹಕಾರಿ ಸಕ್ಕರೆ ಕಾರ್ಖಾನೆ-ಎಂ.ಕೆ.ಹುಬ್ಬಳ್ಳಿ-18.60 ಕೋಟಿ ರು.

ಸೌಭಾಗ್ಯ ಲಕ್ಷ್ಮಿ ಕಾರ್ಖಾನೆ-ಹಿರೇನಂದಿಹಳ್ಳಿ- 20 ಕೋಟಿ

ಸತೀಶ ಶುಗರ್ಸ್‌- ಪಿ.ಜಿ.ಹುಣಶ್ಯಾಳ- 30 ಕೋಟಿ ರು.

ಬೆಳಗಾವಿ ಶುಗರ್ಸ್‌-ಹುದಲಿ- 12 ಕೋಟಿ ರು.

ಶಿವಸಾಗರ ಕಾರ್ಖಾನೆ-ಉದಪುಡಿ- 24 ಕೋಟಿ ರು.

ಘಟಪ್ರಭಾ ಸಹಕಾರಿ ಸಕ್ಕರೆ ಕಾರ್ಖಾನೆ-ಗೋಕಾಕ- 4 ಕೋಟಿ ರು.

ರೇಣುಕಾ ಶುಗÜರ್ಸ್‌-ಮುನವಳ್ಳಿ-10 ಕೋಟಿ ರು.

ವಿಶ್ವನಾಥ ಶುಗರ್ಸ್‌-ಬೆಲ್ಲದಬಾಗೇವಾಡಿ-15ಕೋಟಿ ರು.

ಹಾಲಸಿದ್ದನಾಥ ಶುಗರ್ಸ್‌-ನಿಪ್ಪಾಣಿ- 8 ಕೋಟಿ ರು.

ಹಿರಣ್ಯಕೇಶಿ ಕಾರ್ಖಾನೆ-ಸಂಕೇಶ್ವರ- 10 ಕೋಟಿ ರು.

ಲೈಲಾ ಶುಗರ್ಸ್‌-ಖಾನಾಪುರ- 6 ಕೋಟಿ ರು.