ಅಭ್ಯಾಸ ನಡೆಸಲು ಭಾರತಕ್ಕೆ ಬಂದಿವೆ 3 ರಫೇಲ್
ಮಧ್ಯಪ್ರದೇಶದ ಗ್ವಾಲಿಯರ್ ಹಾಗೂ ಉತ್ತರಪ್ರದೇಶದ ಆಗ್ರಾ ವಾಯುನೆಲೆಯಲ್ಲಿ 3 ರಫೇಲ್ ಯುದ್ಧ ವಿಮಾನಗಳು ಭಾರತೀಯ ವಾಯುಪಡೆ ಜತೆ ಅಭ್ಯಾಸದಲ್ಲಿ ನಿರತವಾಗಿವೆ.
ನವದೆಹಲಿ[ಸೆ.04]: ರಫೇಲ್ ಯುದ್ಧ ವಿಮಾನ ಖರೀದಿ ಸಂಬಂಧ ಬಿಜೆಪಿ ಹಾಗೂ ಕಾಂಗ್ರೆಸ್ ನಡುವೆ ಜಟಾಪಟಿ ನಡೆಯುತ್ತಿರುವಾಗಲೇ, ಫ್ರಾನ್ಸ್ನ ಆ ವಿಮಾನಗಳು ಸದ್ದಿಲ್ಲದೇ ದೇಶದಲ್ಲಿ ಅಭ್ಯಾಸದಲ್ಲಿ ನಿರತವಾಗಿವೆ.
ಮಧ್ಯಪ್ರದೇಶದ ಗ್ವಾಲಿಯರ್ ಹಾಗೂ ಉತ್ತರಪ್ರದೇಶದ ಆಗ್ರಾ ವಾಯುನೆಲೆಯಲ್ಲಿ 3 ರಫೇಲ್ ಯುದ್ಧ ವಿಮಾನಗಳು ಭಾರತೀಯ ವಾಯುಪಡೆ ಜತೆ ಅಭ್ಯಾಸದಲ್ಲಿ ನಿರತವಾಗಿವೆ. ಆಸ್ಟ್ರೇಲಿಯಾದಲ್ಲಿ ಸಮರಾಭ್ಯಾಸ ನಡೆಸಿದ ಬಳಿಕ ಫ್ರಾನ್ಸ್’ಗೆ ಮರಳುತ್ತಿದ್ದ ಈ ವಿಮಾನಗಳನ್ನು ಭಾರತೀಯ ವಾಯುನೆಲೆಗಳಿಗೆ ತಂದು ಅಭ್ಯಾಸ ನಡೆಸಲಾಗುತ್ತಿದೆ.
ಮೂರು ದಿನಗಳ ಕಾಲ ಈ ವಿಮಾನಗಳು ಇಲ್ಲೇ ಇರಲಿವೆ. ಸದ್ಯ ಈ ವಿಮಾನ ಚಾಲನೆ ಅವಕಾಶ ಭಾರತೀಯ ಪೈಲಟ್ಗಳಿಗೆ ಲಭಿಸುವುದಿಲ್ಲ. ಭಾರತಕ್ಕೆ ಮೊದಲ ರಫೇಲ್ ಯುದ್ಧ ವಿಮಾನ ಮುಂದಿನ ವರ್ಷ ಮಧ್ಯಭಾಗದಲ್ಲಿ ದೊರೆಯಲಿದೆ.