ಮುಂದುವರಿದ ಭಾರತೀಯ ಸೇನೆಯ ಬೇಟೆ, ಕಾಶ್ಮೀರದಲ್ಲಿ ಮತ್ತಿಬ್ಬರು ಉಗ್ರರು ಉಡೀಸ್
ಜಮ್ಮು ಮತ್ತು ಕಾಶ್ಮೀರದ ಪುಲ್ವಾಮಾದಲ್ಲಿ ನಡೆದ ಭಯೋತ್ಪಾದಕ ದಾಳಿಯ ನಂತರ ಭಯೋತ್ಪಾದನೆಯ ಶಮನಕ್ಕೆ ಟೊಂಕಕಟ್ಟಿ ನಿಂತಿರುವ ಭಾರತೀಯ ಸೇನೆ ಮತ್ತಿಬ್ಬರು ಜೈಷ್ ಇ ಮೊಹಮ್ಮದ್ ಉಗ್ರರನ್ನು ಉಡೀಸ್ ಮಾಡಿದೆ.
ಶ್ರೀನಗರ, [ಫೆ.22]: ಜಮ್ಮುಕಾಶ್ಮೀರದ ಸೊಪೊರೆಯಲ್ಲಿ [ಶುಕ್ರವಾರ] ನಡೆದ ಎನ್ಕೌಂಟರ್ನಲ್ಲಿ ಮತ್ತಿಬ್ಬರು ಉಗ್ರರನ್ನು ಭಾರತೀಯ ಸೇನೆ ಹೊಡೆದುರುಳಿಸಿದೆ.
ಫೆಬ್ರುವರಿ 14ರಂದು ಪುಲ್ವಾಮಾದಲ್ಲಿ 40ಕ್ಕೂ ಹೆಚ್ಚು ಯೋಧರನ್ನು ಹತ್ಯೆ ಮಾಡಿದ ಉಗ್ರರ ಹುಟ್ಟಡಗಿಸಲು ಪಣ ತೊಟ್ಟಿರುವ ಭಾರತೀಯ ಸೇನೆ ಗಡಿಯಲ್ಲಿ ನಿರಂತರ ಕಾರ್ಯಾಚರಣೆ ನಡೆಸಿದೆ.
#UPDATE on Sopore Encounter: #JammuAndKashmir Police says, "Two terrorists killed. Arms & ammunition recovered; identities & affiliations being ascertained.
— ANI (@ANI) February 22, 2019
ಇನ್ನು ಈ ಬಗ್ಗೆ ಮಾಹಿತಿ ನೀಡಿರುವ ಜಮ್ಮು ಕಾಶ್ಮೀರ ಪೊಲೀಸರು ಸೊಪೊರೆಯಲ್ಲಿ ಇಬ್ಬರು ಉಗ್ರರನ್ನು ಹೊಡೆದುರುಳಿಸಲಾಗಿದ್ದು, ಅವರಿಂದ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಂಡಿರುವುದಾಗಿ ಸ್ಪಷ್ಟಪರಿಸಿದ್ದಾರೆ.
ಗನ್ ಹಿಡಿದರೆ ಕೊಲ್ಲುತ್ತೇವೆ: ಸೇನಾಪಡೆ
ಮತ್ತೊಂದೆಡೆ ಉತ್ತರ ಪ್ರದೇಶದಲ್ಲಿ ಇಬ್ಬರು ಜೈಷ್ ಇ ಮೊಹಮ್ಮದ್ ಉಗ್ರರನ್ನು ಬಂಧಿಸಲಾಗಿದೆ. ಜೈಷ್ ಇ ಮೊಹಮ್ಮದ್ ನ ಶಹನ್ವಾಜ್ ಅಹ್ಮದ್ ಮತ್ತು ಅಖಿಬ್ ಅಹ್ಮದ್ ಮಲೀಕ್ ಎಂದು ತಿಳಿದುಬಂದಿದೆ.
ಶಹನ್ವಾಜ್ ಕುಲ್ಗಾಂನವನಾದರೆ, ಮಲೀಕ್ ಪುಲ್ವಾಮಾದವನು ಎಂದು ಗುರುತಿಸಲಾಗಿದೆ. ಇಬ್ಬರೂ ಜೈಶ್ ಇ ಮೊಹಮ್ಮದ್ ಸಂಘಟನೆಗೆ ಸೇರಿದವರೆಂಬುದು ಸಾಬೀತಾಗಿದೆ.