ಏನಾಯ್ತೋ ಅದನ್ನು ಫ್ರಿಡ್ಜ್ನಲ್ಲಿ ತುಂಬಬೇಡಿ...
ಫ್ರಿಡ್ಜ್ ಆಧುನಿಕ ಜೀವನ ಶೈಲಿಯ ಅಗತ್ಯಗಳಲ್ಲೊಂದು. ಬೇಕು ನಿಜ. ಆದರೆ, ಸಿಕ್ಕಿದ್ದನ್ನೆಲ್ಲ ಅದರಲ್ಲಿ ತುಂಬಿಡುವುದು ತಪ್ಪು. ಅದನ್ನು ಬೇಕಾಬಿಟ್ಟಿ ಬಳಸಿದರೆ ಬ್ಯಾಕ್ಟಿರೀಯಾ, ಶೀಲೀಂಧ್ರಗಳು ತುಂಬಿ ಕೊಂಡು ನಮ್ಮ ಅನಾರೋಗ್ಯಕ್ಕೂ ಕಾರಣವಾಗಬಲ್ಲದು. ಇಡಿ ಅಡುಗೆ ಮನೆಯನ್ನೇ ಕೊಳಕಾಗಿಸಬಹುದು.
ಅಷ್ಟಕ್ಕೂ ಈ ಫ್ರಿಡ್ಜ್ ಅನ್ನು ಸ್ವಚ್ಛವಾಗಿಡುವುದು ಹೇಗೆ? ಇಲ್ಲಿವೆ ಸಿಂಪಲ್ ಟಿಪ್ಸ್...
- ಜಂಕ್ ಫುಡ್ ಹಾಗೂ ಪ್ಯಾಕ್ಡ್ ಫುಡ್ ಅನ್ನು ಫ್ರಿಡ್ಜ್ನಲ್ಲಿಡುವಾಗ ಸೂಚನೆಗಳನ್ನು ನೋಡಿಕೊಳ್ಳಿ. ಕಂಡಿದ್ದೆನ್ನೆಲ್ಲ ಕೋಲ್ಡ್ ಸ್ಟೋರೇಜ್ ಮಾಡ್ಲಿಕ್ಕೆ ಆಗೋಲ್ಲ.
- ತಾಪಮಾನ ಕನಿಷ್ಠ ಮಟ್ಟ -5 ಡಿಗ್ರಿಯಲ್ಲಿರಲಿ.
- ಫ್ರೀಜರ್ ತಾಪಮಾನ - 18 ಡಿಗ್ರಿ ಇರುವಂತೆ ನೋಡಿಕೊಳ್ಳಿ.
- ಸ್ವಲ್ಪ ಸ್ವಲ್ಪ ಪ್ರಮಾಣದ ಆಹಾರವನ್ನು ಸಮಾನವಾಗಿರುವಂತೆ ಎಲ್ಲೆಡೆ ಇಟ್ಟರೆ, ಸಮಾನವಾಗಿ ತಂಪಾಗಿರುತ್ತದೆ.
- ಕತ್ತರಿಸಿದ ಹಣ್ಣು ಮತ್ತು ಜ್ಯೂಸ್ಗಳನ್ನು ತಕ್ಷಣವೇ ಸೇವಿಸಬೇಕು. ಇಲ್ಲವೇ, ಸ್ವಲ್ಪ ಹೊತ್ತು ಮಾತ್ರ ಫ್ರಿಡ್ಜ್ನಲ್ಲಿಡಬೇಕು.
- ಎಕ್ಸ್ಪೈರಿ ಡೇಟ್ ನೆನಪಿಟ್ಟುಕೊಳ್ಳಲು, ದೊಡ್ಡದಾಗಿ ಡಬ್ಬಿ ಮೇಲೆ ಡೇಟ್ ಬರೆದಿಟ್ಟುಕೊಳ್ಳಿ. ಇಲ್ಲದಿದ್ದರೆ ಆ ವಸ್ತು ಹಾಳಾಗಿ ಬಿಡುತ್ತದೆ.
- ಅಡುಗೆ ಪದಾರ್ಥವನ್ನು ಕಣ್ಣಿಗೆ ಕಾಣುವಂತೆ ಇಟ್ಟುಕೊಳ್ಳಿ. ಇತರೆ ಕಚ್ಚಾ ಪದಾರ್ಥಗಳನ್ನು ಹಿಂದೆ ಇಡಿ. ಇಲ್ಲದಿದ್ದರೆ ನಾವೇನು ಇಟ್ಟಿದ್ದೇವೆ ಎನ್ನುವುದೇ ಮರೆತು ಹೋಗುತ್ತದೆ.
- ಮಾಂಸ , ಮೀನು ಮತ್ತಿತರ ಆಹಾರವನ್ನು - 18 ಡಿಗ್ರಿ ತಾಪಮಾನದಲ್ಲಿ ಶೇಖರಿಸಿಡಬೇಕು.
- ಅಡುಗೆಗೆ ಬಳಸುವ ಕೆಲವು ಸಾಮಾನುಗಳನ್ನು ಫ್ರೋಜನ್ ಬಾಕ್ಸ್ನಲ್ಲಿಡಬೇಕು.
- ಟಿನ್ ಆಹಾರವನ್ನು ಡಬ್ಬದಿಂದ ತೆಗೆದಿಡಬೇಕು.