ಬೀದಿ ಬದಿ ಮಲಗಿದ್ದ ಮಹಿಳೆ ಕೊಂದು,ಅತ್ಯಾಚಾರ : ಹಾಸನದಲ್ಲೊಂದು ಪೈಶಾಚಿಕ ಕೃತ್ಯ
ರಸ್ತೆ ಬದಿಯಲ್ಲಿ ಮಲಗಿದ್ದ ನಿರ್ಗತಿಕ ಮಹಿಳೆಯನ್ನು ಕೊಂದು ಶವದ ಮೇಲೆ ಅತ್ಯಾಚಾರ ಎಸಗಿದ ಪೈಶಾಚಿಕ ಕೃತ್ಯ ಹಾಸನದಲ್ಲಿ ನಡೆದಿದೆ.
ಹಾಸನ (ಆ.26): ತಲೆ ಮೇಲೆ ಇಟ್ಟಿಗೆ ಎತ್ತಿ ಹಾಕಿ ಮಹಿಳೆಯೊಬ್ಬಳನ್ನು ಬರ್ಬರವಾಗಿ ಹತ್ಯೆ ಮಾಡಿ, ಬಳಿಕ ಆಕೆಯ ಮೇಲೆ ಅತ್ಯಾಚಾರ ನಡೆಸಿದ ರಾಕ್ಷಸೀ ಕೃತ್ಯ ನಗರದ ಹಳೇ ಶಾಂತಿ ಸ್ಟೋರ್ ವೃತ್ತದಲ್ಲಿ ಸೋಮವಾರ ತಡರಾತ್ರಿ ನಡೆದಿದೆ.
ಮೊದಲಿಗೆ ಅತ್ಯಾಚಾರ ನಡೆಸಿ ಕೊಲೆ ನಡೆಸಿರಬಹುದೆಂದು ಅಂದಾಜಿಸಲಾಗಿತ್ತಾದರೂ ಪಕ್ಕದ ಕಟ್ಟಡದಲ್ಲಿದ್ದ ಸಿ.ಸಿ.ಟೀವಿ ಪರಿಶೀಲಿಸಿದ ಬಳಿಕ ಆರೋಪಿಯ ಪೈಶಾಶಿಕ ಕೃತ್ಯ ಬಯಲಾಗಿದೆ.
ಆಗಿದ್ದೇನು?: ನಗರದ ಬಿ.ಎಂ.ರಸ್ತೆಯಲ್ಲಿರುವ ಕನ್ನಿಕಾಪರಮೇಶ್ವರಿ ಸಹಕಾರಿ ಬ್ಯಾಂಕ್ ಬಾಗಿಲ ಮುಂದೆ ನಿರ್ಗತಿಕ ಮಹಿಳೆಯೊಬ್ಬರು ಮಲಗಿದ್ದು, ಈ ವೇಳೆ ತಡರಾತ್ರಿ ಅಲ್ಲಿಗೆ ಬಂದ ಪಾನಮತ್ತ ವ್ಯಕ್ತಿಯೊಬ್ಬ ಆಕೆಯನ್ನು ಎಬ್ಬಿಸಲು ಪ್ರಯತ್ನಿಸುತ್ತಾನೆ.
ಲಾಕ್ಡೌನ್ನಿಂದ ಸಂಕಷ್ಟ: ಮನೆ ಮಾಲೀಕಳನ್ನೇ ಹತ್ಯೆಗೈದು ದರೋಡೆ ಮಾಡಿದ್ದ ದಂಪತಿ!.
ನಂತರ ಅಲ್ಲೇ ಪಕ್ಕದಲ್ಲಿದ್ದ ಸಿಮೆಂಟ್ ಇಟ್ಟಿಗೆಯೊಂದನ್ನು ತಂದು ಆಕೆಯ ತಲೆ ಮೇಲೆ ಎತ್ತಿಹಾಕುತ್ತಾನೆ. ಈ ವೇಳೆ ಆಕೆಯ ರಕ್ತದ ಮಡುವಿನಲ್ಲಿ ಬಿದ್ದು ಒದ್ದಾಡುತ್ತಾ ಪ್ರಾಣಬಿಟ್ಟಿದ್ದರೂ ಈ ಕಾಮಪಿಶಾಷಿ ಮಹಿಳೆಯ ನಿರ್ಜೀವ ಶವದ ಮೇಲೂ ರಾಕ್ಷಸನಂತೆ ಎರಗಿ ತನ್ನ ಕಾಮದಾಹ ತೀರಿಸಿಕೊಳ್ಳುತ್ತಾನೆ.
ಈ ಎಲ್ಲ ಘಟನೆ ಪಕ್ಕದಲ್ಲೇ ಇದ್ದ ಕಟ್ಟಡದ ಸಿ.ಸಿ.ಟೀವಿಯಲ್ಲಿ ದಾಖಲಾಗಿದ್ದು, ಇಡೀ ಹಾಸನವನ್ನು ಬೆಚ್ಚಿಬೀಳಿಸಿದೆ. ಆರೋಪಿ ಮತ್ತು ಮಹಿಳೆ ಇಬ್ಬರ ಗುರುತೂ ಪತ್ತೆಯಾಗಿಲ್ಲ. ಆರೋಪಿಗಾಗಿ ಪೊಲೀಸರು ಹುಡುಕಾಟ ಮುಂದುವರಿಸಿದ್ದಾರೆ.