ಉನ್ನಾವ್ ರೇಪ್‌ ಕೇಸ್‌: ಬಿಜೆಪಿ ಉಚ್ಛಾಟಿತ ಶಾಸಕ ದೋಷಿ!
ಉನ್ನಾವ್ ಅತ್ಯಾಚಾರ ಪ್ರಕರಣ| ಬಿಜೆಪಿ ಉಚ್ಚಾಟಿತ ಶಾಸಕ ಕುಲದೀಪ್‌ ಸೇಂಗರ್‌ ದೋಷಿ ಎಂದು ತೀರ್ಪಿತ್ತ ನ್ಯಾಯಾಲಯ|
 )
Followಲಕ್ನೋ[ಡಿ.16]: ಉತ್ತರ ಪ್ರದೇಶದ ಉನ್ನಾವ್‌ನಲ್ಲಿ 2 ವರ್ಷದ ಹಿಂದೆ[2017] ನಡೆದಿದ್ದ ಯುವತಿಯೊಬ್ಬಳ ಅಪಹರಣ, ಅತ್ಯಾಚಾರದ ಪ್ರಕರಣದ ತೀರ್ಪನ್ನು ಸ್ಥಳೀಯ ನ್ಯಾಯಾಲಯ ತೀರ್ಪು ಪ್ರಕಟಿಸಿದ್ದು, ಪ್ರಕರಣದ ಪ್ರಮುಖ ಆರೋಪಿ ಬಿಜೆಪಿ ಉಚ್ಚಾಟಿತ ಶಾಸಕ ಕುಲದೀಪ್‌ ಸೇಂಗರ್‌ರನ್ನು ದೋಷಿ ಎಂದು ಘೋಷಿಸಿದೆ.
"
ಪ್ರಕರಣ ಉತ್ತರಪ್ರದೇಶದಲ್ಲಿ ನಡೆದಿತ್ತಾದರೂ, ನ್ಯಾಯಸಮ್ಮತ ತನಿಖೆಗೆ ಸಂತ್ರಸ್ತೆ ಅನುಮಾನ ವ್ಯಕ್ತಪಡಿಸಿದ ಹಿನ್ನೆಲೆಯಲ್ಲಿ ಸ್ವತಃ ಸುಪ್ರೀಂಕೋರ್ಟ್‌ ಪ್ರಕರಣವನ್ನು ದೆಹಲಿಗೆ ವರ್ಗಾಯಿಸಿತ್ತು. ಪ್ರಕರಣದ ಬಗ್ಗೆ ಆ.5ರಿಂದ ದೈನಂದಿನ ವಿಚಾರಣೆ ನಡೆಸಿದ್ದ ನ್ಯಾಯಾಲಯ ಇಂದು ಡಿ. 16ಕ್ಕೆ ತೀರ್ಪು ಕಾಯ್ದಿರಿಸಿತ್ತು. ಇಂದು ತೀರ್ಪು ಪ್ರಕಟಿಸಿರುವ ನ್ಯಾಯಾಲಯ ಉಚ್ಚಾಟಿತ ಶಾಸಕ ಕುಲದೀಪ್‌ ಸೇಂಗರ್‌ರನ್ನು ದೋಷಿ ಎಂದು ಪ್ರಕಟಿಸಿದೆ ಹಾಗೂ ಶಿಕ್ಷೆ ತೀರ್ಪನ್ನು ಡಿ.19ಕ್ಕೆ ಕಾಯ್ದಿರಿಸಿದೆ.
ಶಾಸಕನ ವಿರುದ್ಧ ರೇಪ್‌ ಆರೋಪ ಮಾಡಿದ್ದಾಕೆ ಕಾರು ಅಪಘಾತ, ಸ್ಥಿತಿ ಗಂಭೀರ!
ಪ್ರಕರಣ ಹಿನ್ನೆಲೆ: ಬಿಜೆಪಿಯ ಶಾಸಕ ಸೇಂಗರ್‌ 2017ರಲ್ಲಿ ಮಹಿಳೆಯನ್ನು ಅಪಹರಿಸಿ ಅತ್ಯಾಚಾರ ಎಸಗಿದ್ದಾರೆ ಎಂದು ಆರೋಪಿಸಲಾಗಿದೆ. ಪ್ರಕರಣ ದೇಶದೆಲ್ಲೆಡೆ ವ್ಯಾಪಕ ಆಕ್ರೋಶಕ್ಕೆ ಗುರಿಯಾದ ಹಿನ್ನೆಯಲ್ಲಿ ಸೆಂಗಾರ್‌ ಅವರನ್ನು ಬಿಜೆಪಿ 2019 ಆಗಸ್ಟ್‌ನಲ್ಲಿ ಪಕ್ಷದಿಂದ ಉಚ್ಚಾಟನೆ ಮಾಡಿತ್ತು. ಈ ಮಧ್ಯೆ ಈ ಪ್ರಕರಣ ಇನ್ನೊಂದು ತಿರುವು ಪಡೆದುಕೊಂಡಿತ್ತು. ಕಳೆದ ಜುಲೈನಲ್ಲಿ ಸಂತ್ರಸ್ತ ಮಹಿಳೆ ಇದ್ದ ಕಾರು ಅಪಘಾತಕ್ಕೀಡಾಗಿತ್ತು. ಈ ಘಟನೆಯಲ್ಲಿ ಸಂತ್ರಸ್ತ ಮಹಿಳೆ ತೀವ್ರವಾಗಿ ಗಾಯಗೊಂಡು, ಆಕೆಯ ಇಬ್ಬರು ಚಿಕ್ಕಮ್ಮಂದಿರು ಸಾವಪ್ಪಿದ್ದರೂ. ಈ ಅಪಘಾತದ ಹಿಂದೆಯೂ ಸೇಂಗರ್‌ ಪಾತ್ರವಿದೆ ಎಂದು ಸಂತ್ರಸ್ತೆಯ ಕುಟುಂಬ ಆರೋಪಿಸಿತ್ತು.
ಬಿಜೆಪಿ ಶಾಸಕನಿಂದ ಅತ್ಯಾಚಾರ ನಡೆದಿರುವುದು ದೃಢಪಡಿಸಿದ ಸಿಬಿಐ
