ಹಿಂದೂ ವಿವಾಹ ಕಾಯ್ದೆಯ ಪ್ರಕಾರ, ಒಬ್ಬ ವ್ಯಕ್ತಿಯ ಸಂಗಾತಿಯು ಜೀವಂತವಾಗಿದ್ದರೆ ಅಥವಾ ವಿಚ್ಛೇದನ ಪಡೆಯುವ ಮೊದಲು, ಒಬ್ಬ ವ್ಯಕ್ತಿಯು ಇನ್ನೊಬ್ಬ ವ್ಯಕ್ತಿಯನ್ನು ಮದುವೆಯಾಗುವಂತಿಲ್ಲ ಅಥವಾ ಲಿವ್ ಇನ್ನಲ್ಲಿರುವಂತಿಲ್ಲ ಎಂದು ಅಲಹಾಬಾದ್ ಹೈಕೋರ್ಟ್ ಎತ್ತಿ ಹೇಳಿದೆ.
ವಿವಾಹಿತ ದಂಪತಿಯು ವಿಚ್ಚೇದನ ಪಡೆಯದೆ ಸಂಗಾತಿ ಜೀವಂತವಾಗಿರುವಾಗಲೇ ಮತ್ತೊಬ್ಬರನ್ನು ವಿವಾಹವಾಗುವುದಾಗಲೀ, ಲಿವ್ ಇನ್ನಲ್ಲಿರುವುದಾಗಲೀ ಮಾಡುವಂತಿಲ್ಲ ಎಂದು ಅಲಹಾಬಾದ್ ಹೈ ಕೋರ್ಟ್ ಹಿಂದೂ ವಿವಾಹ ಕಾಯ್ದೆಯನ್ನು ಎತ್ತಿ ಹಿಡಿದಿದೆ.
ಅಂತಹ ಸಂಬಂಧವು ನ್ಯಾಯಾಲಯದ ಬೆಂಬಲವನ್ನು ಪಡೆದರೆ, ಅದು ಸಮಾಜದಲ್ಲಿ ಅವ್ಯವಸ್ಥೆಯನ್ನು ಸೃಷ್ಟಿಸುತ್ತದೆ ಮತ್ತು ದೇಶದ ಸಾಮಾಜಿಕ ರಚನೆಯನ್ನು ನಾಶಪಡಿಸುತ್ತದೆ ಎಂದು ನ್ಯಾಯಾಲಯ ಅಭಿಪ್ರಾಯಪಟ್ಟಿದೆ.
ಇತ್ತೀಚೆಗೆ ಲಿವ್-ಇನ್ ಸಂಬಂಧದಲ್ಲಿ ದಂಪತಿ ಸಲ್ಲಿಸಿದ ರಕ್ಷಣೆ ಅರ್ಜಿಯನ್ನು ಅನುಮತಿಸಲು ನಿರಾಕರಿಸಿದ ಅಲಹಾಬಾದ್ ಹೈಕೋರ್ಟ್, ತಮ್ಮ ಸಂಗಾತಿಯಿಂದ ವಿಚ್ಛೇದನವನ್ನು ತೋರಿಸಲು ದಾಖಲೆಯಲ್ಲಿ ಏನೂ ಇಲ್ಲದೆಯೇ ಇಬ್ಬರೂ ಈಗಾಗಲೇ ಬೇರೆ ವ್ಯಕ್ತಿಗಳನ್ನು ಮದುವೆಯಾಗಿದ್ದಾರೆ ಎಂದು ಗಮನಿಸಿ ಈ ಮಾತು ಹೇಳಿತು.
4 ವರ್ಷ ಅನುಭವಕ್ಕೆ 45 ಲಕ್ಷ ರೂ. ಸಂಬಳ ಕೇಳಿದ ಉದ್ಯೋಗಿ; ಸಾಲ ಮಾಡಬೇಕಾ ...
ನ್ಯಾಯಮೂರ್ತಿ ರೇಣು ಅಗರ್ವಾಲ್ ಅವರ ಪೀಠವು ನ್ಯಾಯಾಲಯವು ಕಾನೂನಿಗೆ ವಿರುದ್ಧವಾದ ಇಂತಹ ಸಂಬಂಧಗಳನ್ನು ಬೆಂಬಲಿಸಲು ಸಾಧ್ಯವಿಲ್ಲ ಎಂದು ಹೇಳಿದೆ ಮತ್ತು ಅವುಗಳನ್ನು ಅನುಮೋದಿಸುವುದು ಸಮಾಜದ ಸುವ್ಯವಸ್ಥೆಗೆ ಭಂಗ ತರುತ್ತದೆ ಎಂದು ಎಚ್ಚರಿಸಿದೆ.
ತಮ್ಮ ಜೀವನ ಮತ್ತು ಸ್ವಾತಂತ್ರ್ಯದ ರಕ್ಷಣೆ ಕೋರಿ ಲಿವ್-ಇನ್ ದಂಪತಿಗಳು ಸಂವಿಧಾನದ 226 ನೇ ವಿಧಿಯ ಅಡಿಯಲ್ಲಿ ಸಲ್ಲಿಸಿದ ರಿಟ್ ಅರ್ಜಿಯಲ್ಲಿ ಈ ಆದೇಶವನ್ನು ಕೋರ್ಟ್ ನೀಡಿದೆ. ವಿಚಾರಣೆಯ ಸಮಯದಲ್ಲಿ, ಪುರುಷ ಸಂಗಾತಿಯ ಕಾನೂನುಬದ್ಧವಾಗಿ ವಿವಾಹವಾದ ಪತ್ನಿ ತನ್ನ ವಕೀಲರ ಮೂಲಕ ಕಾಣಿಸಿಕೊಂಡರು. ಅವರು ತಮ್ಮ ವಿವಾಹವನ್ನು ದೃಢೀಕರಿಸುವ ಪುರುಷನ ಹೆಸರನ್ನು ತನ್ನ ಪತಿ ಎಂದು ತೋರಿಸುವ ಆಧಾರ್ ಕಾರ್ಡ್ ಅನ್ನು ಪ್ರಸ್ತುತಪಡಿಸಿದರು. ಆದರೆ, ಲಿವ್ ಇನ್ ಸಂಬಂಧದಲ್ಲಿರುವ ಮಹಿಳೆಯ ಕಾನೂನುಬದ್ಧ ಪತಿ ಬೇರೊಬ್ಬ ಎಂಬುದನ್ನು ಆಕೆ ಒಪ್ಪಿಕೊಂಡಳು. ಅಷ್ಟೇ ಅಲ್ಲ, ಆಕೆಗೆ ಆ ಪತಿಯಿಂದ ಇಬ್ಬರು ಮಕ್ಕಳೂ ಇದ್ದಾರೆ. ಅಂದರೆ, ಆಕೆ ಲಿವ್ ಇನ್ನಲ್ಲಿರುವ ವ್ಯಕ್ತಿಯು ವಿಚ್ಚೇದನವಾಗದೆಯೇ ಈ ಮಹಿಳೆಯೊಂದಿಗಿರುವುದು, ಈಕೆಯೂ ತನ್ನ ಕಾನೂನುಬದ್ಧ ಪತಿಗೆ ವಿಚ್ಚೇದನ ಕೊಡದೆ ಆತನೊಂದಿರುವುದನ್ನು ಅನೈತಿಕ ಎಂದು ನ್ಯಾಯಾಲಯ ಹೇಳಿದೆ.
72 ವರ್ಷಗಳ ಕಾಲ ಲೋಹದ ಶ್ವಾಸಕೋಶವೇ ಬದುಕು; ಮಲಗಿದಲ್ಲಿಂದಲೇ ಸಾಧಿಸಿ ತ ...
ಪರಿಣಾಮವಾಗಿ, HC ಲೈವ್-ಇನ್ನಲ್ಲಿರುವ ವ್ಯವಸ್ಥೆಯನ್ನು ಕಾನೂನುಬಾಹಿರವೆಂದು ಪರಿಗಣಿಸಿತು ಮತ್ತು ಅವರ ರಕ್ಷಣೆಯ ಮನವಿಯನ್ನು ಅರ್ಹವಲ್ಲ ಎಂದು ವಜಾಗೊಳಿಸಿತು.
ಲಿವ್ಇನ್ಗೂ ಮತಾಂತರ ಕಡ್ಡಾಯ: ಅಲಹಾಬಾದ್ ಹೈಕೋರ್ಟ್
ಬೇರೆ ಬೇರೆ ಧರ್ಮದವರು ಲಿವ್ ಇನ್ ಸಂಬಂಧದಲ್ಲಿರುವಾಗ (ಮದುವೆ ಆಗದೇ ಪುರುಷ-ಮಹಿಳೆಯ ಸಹಜೀವನ) ಕಡ್ಡಾಯವಾಗಿ ಮತಾಂತರವಾಗಿರಬೇಕು ಎಂದು ಅಲಹಾಬಾದ್ ಹೈಕೋರ್ಟ್ ತೀರ್ಪು ನೀಡಿದೆ.
ಉತ್ತರ ಪ್ರದೇಶ ಮತಾಂತರ ಕಾಯ್ದೆಯನ್ನು ಉಲ್ಲೇಖಿಸಿ ತೀರ್ಪು ನೀಡಿರುವ ಕೋರ್ಟ್, ‘ಕಾಯ್ದೆ ಅನ್ವಯ ಮತಾಂತರ ಎಂಬುದು ಕೇವಲ ಮದುವೆಗೆ ಮಾತ್ರ ಅನ್ವಯ ಆಗುವುದಿಲ್ಲ. ಮದುವೆ ರೀತಿಯಲ್ಲಿ ನಡೆಸುವ ಎಲ್ಲ ಸಂಬಂಧಗಳಿಗೂ ಮತಾಂತರ ಕಡ್ಡಾಯವಾಗಿದೆ’ ಎಂದಿದೆ.
ಪ್ರಕರಣ
ಅಂತರ್ಧರ್ಮೀಯ ಜೋಡಿ ತಮಗೆ ರಕ್ಷಣೆ ಬೇಕೆಂದು ಕೋರಿ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದ್ದರು. ಆದರೆ ಅವರ ಪೈಕಿ ಒಬ್ಬರೂ ಸಹ ಮತಾಂತರಕ್ಕೆ ಅರ್ಜಿ ಸಲ್ಲಿಸಿರಲಿಲ್ಲ. ಮತಾಂತರಕ್ಕೆ ಅರ್ಜಿ ಸಲ್ಲಿಸದ ಕಾರಣ ಇವರನ್ನು ಕಾನೂನಾತ್ಮಕವಾಗಿ ಜೋಡಿ ಎನ್ನಲಾಗದು. ಹೀಗಾಗಿ ಇವರಿಗೆ ರಕ್ಷಣೆ ನೀಡಲು ಆಗದು ಎಂದು ಕೋರ್ಟ್ ಹೇಳಿದೆ.
