ನನಗೆ ಚಪ್ಪಾಳೆ ಬೇಡ ಆದ್ರೆ...: ಈ ಬಾರಿ ಪಿಎಂ ಮೋದಿ ಕೇಳಿದ್ದೇನು?
ವಿವಾದಕ್ಕೆ ಎಡೆಮಾಡುವ ಕಿಡಿಗೇಡಿತನ| ನಿಜಕ್ಕೂ ನನಗೆ ಗೌರವ ಸಲ್ಲಿಸಬೇಕು ಎಂದಿದ್ದರೆ ಕೊರೋನಾ ವೈರಸ್ ತೊಲಗುವವರೆಗಾದರೂ ಬಡ ಕುಟುಂಬಗಳ ಜವಾಬ್ದಾರಿ ತೆಗೆದುಕೊಳ್ಳಿ| ಮೋದಿ ಪರ ಚಪ್ಪಾಳೆ ಅಭಿಯಾನಕ್ಕೆ ಸ್ವತಃ ಪ್ರಧಾನಿ ಅಸಮ್ಮತಿ
ನವದೆಹಲಿ(ಏ.09): ಏಪ್ರಿಲ್‌ 12ರ ಭಾನುವಾರ ಸಂಜೆ 5 ಗಂಟೆಗೆ ದೇಶದ ಪ್ರಜೆಗಳು ತಮ್ಮ ಮನೆಯ ಬಾಲ್ಕನಿಗೆ ಬಂದು 5 ನಿಮಿಷಗಳ ಕಾಲ ಎದ್ದು ನಿಂತು ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಚಪ್ಪಾಳೆ ತಟ್ಟಿಗೌರವ ಸಮರ್ಪಿಸಬೇಕೆಂದು ಸಾಮಾಜಿಕ ಜಾಲತಾಣಗಳಲ್ಲಿ ಕರೆ ನೀಡಲಾಗುತ್ತಿದೆ.
ಈ ಬಗ್ಗೆ ಪ್ರತಿಕ್ರಿಯಿಸಿರುವ ಮೋದಿ, ಇದು ವಿವಾದಕ್ಕೆ ಎಡೆಮಾಡುವ ಕಿಡಿಗೇಡಿತನವೆಂದು ತೋರುತ್ತಿದೆ ಎಂದು ಅಸಮ್ಮತಿ ವ್ಯಕ್ತಪಡಿಸಿದ್ದಾರೆ.
ಈ ಕುರಿತು ಸರಣಿ ಟ್ವೀಟ್‌ ಮಾಡಿರುವ ಅವರು, ‘ನಿಜಕ್ಕೂ ನನಗೆ ಗೌರವ ಸಲ್ಲಿಸಬೇಕು ಎಂದಿದ್ದರೆ ಕೊರೋನಾ ವೈರಸ್ ತೊಲಗುವವರೆಗಾದರೂ ಬಡ ಕುಟುಂಬಗಳ ಜವಾಬ್ದಾರಿ ತೆಗೆದುಕೊಳ್ಳಿ. ಅದು ನನಗೆ ನೀವು ಸಲ್ಲಿಸುವ ದೊಡ್ಡ ಗೌರವ’ ಎಂದು ಮನವಿ ಮಾಡಿಕೊಂಡಿದ್ದಾರೆ.
"
Last Updated Apr 9, 2020, 11:51 AM IST
