ದೇಶದಲ್ಲಿ ನಾಲ್ವರ ಸಾವು, 1000ದತ್ತ ಕೊರೋನಾ ಸೋಂಕಿತರು!
ನಾಲ್ವರ ಸಾವು, 1000ದತ್ತ ಸೋಂಕಿತರು| ದೇಶದಲ್ಲಿ 4 ಸೋಂಕಿತರ ಸಾವು, ಒಟ್ಟು ಸಾವಿನ ಸಂಖ್ಯೆ 21ಕ್ಕೆ ಏರಿಕೆ| ದೇಶಾದ್ಯಂತ 54 ಹೊಸ ಕೊರೋನಾ ಪ್ರಕರಣಗಳು ದೃಢ
ನವದೆಹಲಿ(mA.೨೯): ಕೊರೋನಾ ವೈರಸ್ ದೇಶದಲ್ಲಿ ಶನಿವಾರ ಮತ್ತೆ ನಾಲ್ವರ ಪ್ರಾಣಪಕ್ಷಿಯನ್ನು ಕಿತ್ತುಕೊಂಡಿದೆ. ಈ ಮೂಲಕ ದೇಶದಲ್ಲಿ ಕೊರೋನಾಕ್ಕೆ ಬಲಿಯಾದವರ ಸಂಖ್ಯೆ 21ಕ್ಕೆ ಏರಿಕೆಯಾಗಿದೆ.
ಗುಜರಾತ್‌, ಕೇರಳ, ಮಹಾರಾಷ್ಟ್ರ ಹಾಗೂ ತೆಲಂಗಾಣದಲ್ಲಿ ತಲಾ ಒಬ್ಬರು ಕೊರೋನಾಕ್ಕೆ ಬಲಿಯಾಗಿದ್ದಾರೆ. ಈ ಪೈಕಿ ಕೇರಳ ಮತ್ತು ತೆಲಂಗಾಣದಲ್ಲಿ ಸಂಭವಿಸಿದ್ದು ಮೊದಲ ಸಾವಿನ ಪ್ರಕರಣಗಳಾಗಿವೆ. ಮತ್ತೊಂದೆಡೆ ಗುಜರಾತ್‌ನಲ್ಲಿ ಕೊರೋನಾದಿಂದ ಸಾವನ್ನಪ್ಪಿದವರ ಸಂಖ್ಯೆ 4ಕ್ಕೆ ಏರಿದೆ. ಇನ್ನು ಮಹಾರಾಷ್ಟ್ರದಲ್ಲಿ ಈ ವ್ಯಾಧಿಗೆ ಒಟ್ಟು 6 ಮಂದಿ ಪ್ರಾಣ ತೆತ್ತಿದ್ದಾರೆ.
ಇನ್ನು ಶನಿವಾರ ಒಂದೇ ದಿನ ದೇಶಾದ್ಯಂತ 54 ಹೊಸ ಕೊರೋನಾ ಪ್ರಕರಣಗಳು ದಾಖಲಾಗಿದ್ದು, ಈ ಮೂಲಕ ದೇಶದಲ್ಲಿ ಸೋಂಕಿತರ ಒಟ್ಟು 933ಕ್ಕೆ ಜಿಗಿದಿದೆ.
Last Updated Mar 29, 2020, 7:44 AM IST
