ದುಬೈ ಶ್ರೀಮಂತ ಮಹಿಳೆ ಭಾರತದ ವೈದ್ಯೆ, ಫೋರ್ಬ್ಸ್ ಪಟ್ಟಿಯಲ್ಲೂ ಸ್ಥಾನ, ನಮ್ಮ ದೇಶಕ್ಕಿದು ಹೆಮ್ಮೆ

ಡಾ ಜುಲೇಖಾ ದೌದ್ ಅವರ ಯಶಸ್ಸಿನ ಕಥೆಯು ಎಲ್ಲರಿಗೂ ಸ್ಫೂರ್ತಿದಾಯಕವಾಗಿದೆ, ಏಕೆಂದರೆ ಅವರು ಮಹಾರಾಷ್ಟ್ರದ ಬಡ ಕುಟುಂಬದಿಂದ ಬಂದಿದ್ದರೂ ಸಹ, ವ್ಯಾಪಾರ ಮತ್ತು ಆರೋಗ್ಯ ರಕ್ಷಣೆಯಲ್ಲಿ ಉನ್ನತ ಸ್ಥಾನಕ್ಕೆ ಏರಿದವರು. ಜುಲೇಖಾ ದೌದ್ ದುಬೈನ ಶ್ರೀಮಂತ ಭಾರತೀಯ ಮಹಿಳೆಯರಲ್ಲಿ ಒಬ್ಬರು. ಮಾತ್ರವಲ್ಲ ಯುಎಇಯ ಮೊದಲ ಮಹಿಳಾ ವೈದ್ಯೆ ಅದರಲ್ಲೂ ಭಾರತೀಯೆ ಎಂಬುದು ನಮಗೆ ಹೆಮ್ಮೆ.

ಮಹಾರಾಷ್ಟ್ರದಲ್ಲಿ ಜನಿಸಿದ ಡಾ ಜುಲೇಖಾ ದೌದ್ ಆರ್ಥಿಕ ಅಸ್ಥಿರತೆಯನ್ನು ಕಂಡ ಕುಟುಂಬದಿಂದ ಬಂದವರು. ಜುಲೇಖಾ ಅವರ ತಂದೆ ಕಟ್ಟಡ ಕಾರ್ಮಿಕರಾಗಿದ್ದರು ಮತ್ತು ನಾಗಪುರದಲ್ಲಿ ದಿನಗೂಲಿ ಕೆಲಸ ಮಾಡುವ ಮೂಲಕ ಜೀವನ ಸಾಗಿಸುತ್ತಿದ್ದರು. 

ಬಡತನವನ್ನು ಮೆಟ್ಟಿ ನಿಂತು ಜುಲೇಖಾ ಮಹಾರಾಷ್ಟ್ರದ ಸರ್ಕಾರಿ ವೈದ್ಯಕೀಯ ಶಾಲೆಗೆ ಸೇರಿದರು ಮತ್ತು ನಂತರ 1964 ರಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಗೆ ತೆರಳಲು ನಿರ್ಧರಿಸಿದರು. ಡಾ ಜುಲೇಖಾ ದೌದ್ ಯುಎಇಯಲ್ಲಿ ವೈದ್ಯಕೀಯ ಅಭ್ಯಾಸ ಮಾಡಿದ ಮೊದಲ ಭಾರತೀಯ ಮಹಿಳೆಯಾದರು. ಆದರೆ ಅವರ ಸಾಧನೆಯ ಪ್ರಯಾಣ ನಿಲ್ಲಲಿಲ್ಲ.  

ದುಬೈನಲ್ಲಿ ಉನ್ನತ ಸ್ತ್ರೀರೋಗತಜ್ಞರಾಗಿ  10,000 ಕ್ಕೂ ಹೆಚ್ಚು ಹೆರಿಗೆಗಳನ್ನು ಮಾಡಿಸಿರುವ ಡಾ. ಜುಲೇಖಾ ದೌಡ್ ಅವರು ಯುಎಇಯಲ್ಲಿ ವೈದ್ಯರಾಗಿ ತಮ್ಮ ವೃತ್ತಿಜೀವನವನ್ನು ಮೂಲಭೂತ ಸಾಧನಗಳೊಂದಿಗೆ ಪ್ರಾರಂಭಿಸಿದ್ದರು.  ಕೆಲವೊಮ್ಮೆ ವಿದ್ಯುತ್ ಮತ್ತು ಸರಬರಾಜುಗಳ ಕೊರತೆ ಆಸ್ಪತ್ರೆಯಲ್ಲಿ ಹೆಚ್ಚಾಗಿತ್ತು. ಹೀಗಾಗಿ ಜುಲೇಖಾ ಸ್ವಂತ ಆಸ್ಪತ್ರೆಯನ್ನು ತೆರೆಯಲು ಇದು ಪ್ರೇರಣೆಯಾಯ್ತು. ಈ ಆಸ್ಪತ್ರೆ ಎಲ್ಲರಿಗೂ ಉನ್ನತ ದರ್ಜೆಯ ಆರೋಗ್ಯ ರಕ್ಷಣೆ ನೀಡುವ ಗುರಿಯನ್ನು ಹೊಂದಿದೆ. 

ಜುಲೇಖಾ ದೌದ್ 84 ನೇ ವಯಸ್ಸಿನಲ್ಲಿ, 1992 ರಲ್ಲಿ ಸ್ಥಾಪಿಸಲಾದ ಜುಲೇಖಾ ಹಾಸ್ಪಿಟಲ್ ಗ್ರೂಪ್‌ನ ಅಧ್ಯಕ್ಷೆ ಮತ್ತು ಸಂಸ್ಥಾಪಕರಾಗಿದ್ದಾರೆ. ಯುಎಇ ಮೂಲದ, ವೈದ್ಯೆ ಜೊತೆಗೆ ಉದ್ಯಮಿ ಸಾಗರೋತ್ತರ ಭಾರತೀಯರಿಗೆ ಭಾರತದ ಉನ್ನತ ಗೌರವಗಳನ್ನು ನೀಡುತ್ತದೆ. ಹೀಗಾಗಿ 2019ರಲ್ಲಿ ಪ್ರವಾಸಿ ಭಾರತೀಯ ಸಮ್ಮಾನ್ ಪ್ರಶಸ್ತಿ ಪಡೆದರು.

ಯುಎಇಯಲ್ಲಿ ಫೋರ್ಬ್ಸ್ ಮಧ್ಯಪ್ರಾಚ್ಯದ ಟಾಪ್ 100 ಭಾರತೀಯರ ಪಟ್ಟಿಯಲ್ಲಿ ಜುಲೇಖಾ ದೌದ್ ಕೂಡ ಸ್ಥಾನ ಪಡೆದಿದ್ದಾರೆ. ಹೆಸರಾಂತ ವೈದ್ಯರಿಂದ ಸ್ಥಾಪಿಸಲ್ಪಟ್ಟ ಜುಲೇಖಾ ಹಾಸ್ಪಿಟಲ್ ಗ್ರೂಪ್ ಈಗ USD 440 ಮಿಲಿಯನ್‌ಗಿಂತಲೂ ಹೆಚ್ಚಿನ ಜಾಗತಿಕ ಆದಾಯವನ್ನು ಹೊಂದಿದೆ. ಅಂದರೆ ಅದು 3632 ಕೋಟಿ ರೂ. 

ಯುಎಇಯಲ್ಲಿ ಮಾತ್ರವಲ್ಲ, ಕೈಗೆಟುಕುವ ಮತ್ತು ಅಗತ್ಯ ಆರೋಗ್ಯದ ಬಗ್ಗೆ ಜಾಗೃತಿ ಮೂಡಿಸುವ ಮೂಲಕ ಡಾ ಜುಲೇಖಾ ಭಾರತದಲ್ಲಿಯೂ ದಾಪುಗಾಲು ಹಾಕಿದ್ದಾರೆ, ನಾಗ್ಪುರದಲ್ಲಿ ಉನ್ನತ ವೈದ್ಯಕೀಯ ಸೌಲಭ್ಯವನ್ನು ತೆರೆಯಲು ವಿಶ್ವಬ್ಯಾಂಕ್‌ನೊಂದಿಗೆ ರೂ 198 ಕೋಟಿ ಒಪ್ಪಂದವನ್ನು ಪಡೆದುಕೊಂಡಿದ್ದಾರೆ ಮತ್ತು ಶಾರ್ಜಾದಲ್ಲಿರುವ ತನ್ನ ಸೌಲಭ್ಯಕ್ಕೆ 20 ಕೋಟಿಗೂ ಹೆಚ್ಚು ಕೊಡುಗೆ ನೀಡುತ್ತಿದ್ದಾರೆ.
 

ಮೊದಲ ಜುಲೇಖಾ ಆಸ್ಪತ್ರೆಯನ್ನು ಶಾರ್ಜಾದಲ್ಲಿ 1992 ರಲ್ಲಿ ಸ್ಥಾಪಿಸಲಾಯಿತು. ಇದು 30-ಹಾಸಿಗೆ ಸೌಲಭ್ಯದಿಂದ ಪ್ರಾರಂಭವಾಯಿತು ಮತ್ತು ಜುಲೇಖಾ ಗ್ರೂಪ್ ಈಗ ದುಬೈನಲ್ಲಿ 3 ವೈದ್ಯಕೀಯ ಕೇಂದ್ರಗಳು ಮತ್ತು ಔಷಧಾಲಯಗಳ ಸರಣಿಯೊಂದಿಗೆ ಮತ್ತೊಂದು ಆಸ್ಪತ್ರೆಯನ್ನು ಸೇರಿಸಲು ವಿಸ್ತರಿಸಿದೆ. ಇಂದು, ಜುಲೇಖಾ ಗ್ರೂಪ್ ಎಮಿರೇಟ್ಸ್‌ನ ಅತಿದೊಡ್ಡ ಖಾಸಗಿ ಆರೋಗ್ಯ ಸೇವಾ ಜಾಲಗಳಲ್ಲಿ ಒಂದಾಗಿದೆ. ಎರಡು ಆಸ್ಪತ್ರೆಗಳು ಮತ್ತು ಮೂರು ವೈದ್ಯಕೀಯ ಕೇಂದ್ರಗಳ ನಡುವೆ, ಜುಲೇಖಾ ಗ್ರೂಪ್ ವಾರ್ಷಿಕವಾಗಿ ಸುಮಾರು 550,000 ಜನರಿಗೆ ಚಿಕಿತ್ಸೆ ನೀಡುತ್ತದೆ. 

2004 ರಲ್ಲಿ, ದೌದ್ ನಾಗ್ಪುರದಲ್ಲಿ ವೃತ್ತಿಪರ ಮತ್ತು ತರಬೇತಿ ಕೇಂದ್ರ ಮತ್ತು ಚಾರಿಟಬಲ್ ಟ್ರಸ್ಟ್ ಅನ್ನು ಸ್ಥಾಪಿಸಿದರು. ಭಾರತದಲ್ಲಿ ಇವರು ನಾಗ್ಪುರ ಮತ್ತು ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿನ್ಯಾಸಗೊಳಿಸಲಾದ 'ಕ್ಲೀನ್ ಡ್ರಿಂಕಿಂಗ್ ವಾಟರ್' ಸೇರಿದೆ. ಜೊತೆಗೆ ಸುತ್ತಮುತ್ತ; ಪ್ರದೇಶದಲ್ಲಿ ಕಾರ್ಯನಿರ್ವಹಿಸದ ಶಿಕ್ಷಣ ಸಂಸ್ಥೆಗಳನ್ನು ಬೆಳೆಸಲು ಆರಂಭಿಸಿದ್ದಾರೆ. 
 

2016 ರಲ್ಲಿ ಡಾ. ದೌದ್ ತನ್ನ ತವರು ನಾಗ್ಪುರದಲ್ಲಿ ಅಲೆಕ್ಸಿಸ್ ಮಲ್ಟಿಸ್ಪೆಷಾಲಿಟಿ ಆಸ್ಪತ್ರೆ ಎಂದು ಕರೆಯಲ್ಪಡುವ 200 ಹಾಸಿಗೆಗಳ ಮಲ್ಟಿಸ್ಪೆಷಾಲಿಟಿ ಆಸ್ಪತ್ರೆಯನ್ನು ಸ್ಥಾಪಿಸಿದರು. ಆಸ್ಪತ್ರೆಯು ಡಾ. ದೌದ್ ಅವರ ಕೊಡುಗೆ ಮತ್ತು ಉಪಕ್ರಮವಾಗಿದ್ದು, ಇಡೀ ಮಧ್ಯ ಭಾರತದ ಸಮುದಾಯಕ್ಕೆ ಸೇವೆ ಸಲ್ಲಿಸುತ್ತಿದೆ