ನಿಮ್ಮ ಟಿವಿ ಸ್ಕ್ರೀನ್ ಮೇಲೂ ಕಾಣುತ್ತಾ ಇಂತಹ ನಂಬರ್? ಕಡೆಗಣಿಸಬೇಡಿ, ಎಚ್ಚರ!

ಸರಿ ಸುಮಾರು ಎಲ್ಲಾ ಪ್ರಸಿದ್ಧ ಟಿವಿ ಕಾರ್ಯಕ್ರಮಗಳು ಪ್ರಸಾರವಾಗುವಾಗ ಇವು ಕಾಣಿಸಿಕೊಳ್ಳುತ್ತವೆ. ಅದು ಲೈವದ ಆಗಿರಲಿ ಅಥವಾ ರೆಕಾರ್ಡೆಡ್ ಆಗಿರಲಿ ಇವು ಕಾಣಿಸಿಕೊಳ್ಳುತ್ತವೆ. ಈ ಸಂಖ್ಯೆ ನಿಮ್ಮ ಸೆಟ್‌ ಟಾಪ್‌ ಬಾಕಗ್ಸ್‌ನಿಂದ ಜನರೇಟ್ ಆಗಿರುತ್ತವೆ. ಹೀಗಾಗಿ ಈ ನಂಬರ್ ಬೇರಾವ ಟಿವಿಯಲ್ಲಿ ಕಾಣಿಸುವುದಿಲ್ಲ.

ನಿಮ್ಮ ಟಿವಿ ಪರದೆಯಲ್ಲಿ ನಂಬರ್ ಕಾಣಿಸಿಕೊಂಡಾಗ ಬೇರೆ ಟಿವಿಯಲ್ಲೂ ಕಾಣಿಸಿಕೊಳ್ಳುವ ನಂಬರ್ ನೀವು ಹೋಲಿಕೆ ಮಾಡಿಕೊಂಡರೆ ಇದು ಒಂದೇ ಆಗಿರುವುದಿಲ್ಲ. ಪ್ರತಿಯೊಂದು ಬಾಕ್ಸ್ ಕಾರ್ಯಕ್ರಮದ ವೇಳೆ ತನ್ನದೇ ಆದ ವಿಭಿನ್ನ ನಂಬರ್ ಜನರೇಟ್ ಮಾಡಿಕೊಳ್ಳುತ್ತದೆ. ಪೈರೆಸಿ ತಡೆಯಲು ಹೀಗೆ ಮಾಡಲಾಗುತ್ತದೆ.

ಅನೇಕ ಬಾರಿ ಜನರು ಲೈವ್ ಬರುವ ಮ್ಯಾಚ್ ಅಥವಾ ಪ್ರಸಿದ್ಧ ಕಾರ್ಯಕ್ರಮ ರೆಕಾರ್ಡ್ ಮಾಡಲು ಯತ್ನಿಸುತ್ತಾರೆ. ಬಳಿಕ ಇದನ್ನು ಸೋಶಿಯಲ್ ಮಿಡಿಯಾ ಮೂಲಕ ಸೇರ್ ಮಾಡಿಕೊಳ್ಳುತ್ತಾರೆ. ಇದು ಹಿಂದಿಯ ಪ್ರಸಿದ್ಧ ಶೋ ಕೌನ್ ಬನೇಗಾ ಕರೋಡ್‌ಪತಿಯಿಂದ ಹಿಡಿದು ಬಿಗ್‌ ಬಾಸ್‌ ಶೋವರೆಗೆ ಎಲ್ಲಕ್ಕೂ ನಡೆಯುತ್ತದೆ. ಹೀಗಿರುವಾಗ ಇಂತಹ ಕಾರ್ಯಕ್ರಮ ರೆಕಾರ್ಡ್‌ ಮಾಡುವಾಗ ಈ ನಂಬರ್ ಕಾಣಿಸಿಕೊಂಡರೆ ಅವರು ಇದನ್ನು ಎಲ್ಲಿಯೂಈ ಅಪ್ಲೋಡ್ ಮಾಡಲು ಸಾಧ್ಯವಿಲ್ಲ.

ರೆಕಾರ್ಡ್‌ ಮಾಡುವ ವೇಳೆ ಈ ನಂಬರ್ ಕೂಡಾ ರೆಕಾರ್ಡ್‌ ಆಗುತ್ತದೆ. ಈ ನಂಬರ್ ವಿಭಿನ್ನವಾಗಿರುವುದರಿಂದ ಇದನ್ನು ರೆಕಾರ್ಡ್ ಮಾಡಿದ್ದು ಯಾರೆಂದು ಕಂಡು ಹಿಡಿಯುವುದು ಅತಿ ಸುಲಭ. ಹೀಗಿರುವಾಗ ಇಂತಹವರ ವಿರುದ್ಧ ಸಂಬಂಧಪಟ್ಟವರು ಕೇಸ್ ದಾಖಲಿಸಬಹುದು.

ಕೇಬಲ್‌ನಲ್ಲಿ ಪ್ರಸಾರವಾಗುವಾಗ ಯಾರು ಬೇಕಾದರೂ ಯಾವುದೇ ಅಡೆ ತಡೆ ಇಲ್ಲದೇ ರೆಕಾರ್ಡ್ ಮಾಡಬಹುದಾಗಿತ್ತು. ಇದೇ ಕಾರಣಕ್ಕೆ ಸರ್ಕಾರ ಸೆಟ್‌ ಟಾಪ್‌ ಬಾಕ್ಸ್‌ಗೆ ಒತ್ತು ನೀಡಿತ್ತು. ಹೀಗಾಗಿ ಪೈರೆಸಿ ಕಾಟ ಕೊಂಚ ಕಡಿಮೆಯಾಗಿದೆ.