ಈ ಕನಸ ಕಂಡರೆ ದಿಢೀರ್ ಶ್ರೀಮಂತರಾಗುವಿರಿ ಎಂದರ್ಥ

ಕನಸು ಎಂದರೆ ಎಲ್ಲರಿಗೂ ಇಷ್ಟ ಆದರೆ ಅದು ಉತ್ತಮ ಕನಸಾಗಿದ್ದರೆ ಮಾತ್ರ. ಕೆಲವರಿಗೆ ರಾತ್ರಿ ನಿದ್ರೆ ಬರುತ್ತಿದ್ದಂತೆ ಕನಸಿನ ಲೋಕ ತೆರೆದುಕೊಳ್ಳುತ್ತದೆ. ಕೆಲವರು ಕನಸನ್ನು ಆನಂದಿಸಿದರೆ, ಮತ್ತೆ ಕೆಲವರು ಕನಸಿನಿಂದ ಬೆಚ್ಚಿ ಬೀಳುತ್ತಾರೆ. ಒಟ್ಟಲ್ಲಿ ಎಲ್ಲರಿಗೂ ಕನಸು ಬೀಳುತ್ತದೆ.  

ಹಗಲು ರಾತ್ರಿ ಇರಲಿ, ಮಲಗಿದಾಗಲೆಲ್ಲ ಕನಸುಗಳು ಖಂಡಿತ ಬರುತ್ತವೆ. ಪ್ರತಿಯೊಂದು ಕನಸುಗಳಿಗೂ ಅರ್ಥವಿದೆ ಎಂದು ಹೇಳಲಾಗುತ್ತದೆ. ಕನಸಿನಲ್ಲಿ ಕಾಣುವುದರ ಬಗ್ಗೆ ಅನೇಕ ಬಾರಿ ಸತ್ಯವಾಗುತ್ತದೆ ಎಂದು ಹೇಳಲಾಗುತ್ತದೆ. 

ಕೆಲವು ಕನಸುಗಳನ್ನು ನೋಡಿ ನೀವು ಮತ್ತಷ್ಟು ಶ್ರೀಮಂತರಾಗಬಲ್ಲಿರಿ. ಹೌದು ಹೀಗಂತ ಶಾಸ್ತ್ರಗಳು ತಿಳಿಸುತ್ತವೆ.  ಕೆಲವೊಂದು ಕನಸುಗಳು ವ್ಯಕ್ತಿಯನ್ನು ಶ್ರೀಮಂತರನ್ನಾಗಿ ಮಾಡಬಹುದು. ಆದರೆ, ಅವುಗಳಿಗೆ ಯಾವುದೇ ವೈಜ್ಞಾನಿಕ ಆಧಾರಗಳಿಲ್ಲ. ಅದು ಕೇವಲ ಮಾಹಿತಿ ಮಾತ್ರ. ಹಿಂದಿನ ಕಾಲದಿಂದಲೂ ಹೇಳಿಕೊಂಡು ಬಂದಿರುವ ನಂಬಿಕೆಯ ಪ್ರಕಾರ ಮನುಷ್ಯನಿಗೆ ಈ ರೀತಿಯಾದ ಕನಸು ಬಿದ್ದರೆ ಆತ ಶ್ರೀಮಂತನಾಗುತ್ತಾನೆ ಎಂದು ಅರ್ಥ.

ನೀವು ಕನಸಿನಲ್ಲಿ ಖಾಲಿ ಪಾತ್ರೆಗಳನ್ನು ಕಂಡರೆ, ಅದನ್ನು ತುಂಬಾ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಅಂದರೆ  ಶೀಘ್ರದಲ್ಲೇ ಶ್ರೀಮಂತರಾಗುತ್ತೀರಿ.

ಕನಸಿನಲ್ಲಿ ಇಲಿಗಳನ್ನು ಕಂಡರೆ,  ಹಠಾತ್ ಹಣಹೊಂದುತ್ತೀರಿ ಎಂದು ನಂಬಲಾಗಿದೆ. ಇದರಿಂದ ಬಡತನ ದೂರವಾಗುತ್ತದೆ. ಈ ಕನಸು ಕಂಡರೆ, ಮನೆಯ ಅತ್ಯಂತ ಕಿರಿಯ ಮಗುವಿಗೆ ಹೇಳಬೇಕು.

ಕನಸಿನಲ್ಲಿ ಮನೆಯಲ್ಲಿ ಪೊರಕೆಯನ್ನು ಕಂಡರೆ  ಜೀವನದಲ್ಲಿ ಸುಖ ಮತ್ತು ಸಮೃದ್ಧಿ ಯು ಬರುತ್ತದೆ ಎಂದರ್ಥ. 

ಪೊರಕೆ  ಸುಖ ಮತ್ತು ಸಮೃದ್ಧಿಯ ಸಂಕೇತವೆಂದು ಪರಿಗಣಿಸಲಾಗಿದೆ. ಅಂದರೆ  ಬೇಗನೇ ಶ್ರೀಮಂತನಾಗುತ್ತೀರಿ. ಈ ಕನಸಿನ ಬಗ್ಗೆ ಹೆಂಡತಿ ಅಥವಾ ತಾಯಿಗೆ ಹೇಳಬೇಕು.

ಕನಸಿನಲ್ಲಿ ಎಲೆಕ್ಟ್ರಾನಿಕ್ ವಸ್ತುಗಳು ಮುರಿದು ಬೀಳುವುದನ್ನು  ನೋಡಿದರೆ ಅದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. 

ಆದರೆ, ಎಲೆಕ್ಟ್ರಾನಿಕ್ ವಸ್ತುಗಳನ್ನು ಕನಸುಗಳಲ್ಲಿ ನೋಡುವುದು ಬಡತನಕ್ಕೆ ಸಂಕೇತ. ಆದರೆ ಅವುಗಳು ಮುರಿದು ಬೀಳುವುದನ್ನು ನೋಡುವುದೇ ಸಮೃದ್ಧಿಯ ಸಂಕೇತ.