ನಿವೇದಿತಾ ಗೌಡ ಸೌಂದರ್ಯದ ಮುಂದೆ ಬೆಟ್ಟದಷ್ಟಿದ್ದ ಕೆಟ್ಟ ಕಾಮೆಂಟ್ ಕರಗಿಹೋದವು!

ನಟಿ ನಿವೇದಿತಾ ಗೌಡ ಮಂಗಳವಾರ ಸಂಜೆ ಸೂರ್ಯನ ಕೆಂಪು ಬಣ್ಣದ ಕಿರಣಗಳಿಗೆ ಅಂಕುಡೊಂಕಾಗಿ ನಿಂತು ತನ್ನ ಸೌಂದರ್ಯ ಪ್ರದರ್ಶನ ಮಾಡಿದ್ದಾಳೆ. ನಿವೇದಿತಾ ಸೌಂದರ್ಯಕ್ಕೆ ನೆಟ್ಟಿಗರು ಭಾರಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಬಿಗ್ ಬಾಸ್ ಮನೆಯಲ್ಲಿ ಒಟ್ಟುಗೂಡಿ ಸ್ಪರ್ಧಿಸಿ, ಮೈಸೂರು ದಸರಾ ಮಹೋತ್ಸವದಲ್ಲಿ ಪ್ರೇಮ ನಿವೇದನೆ ಮಾಡಿದ್ದ ರ್ಯಾಪರ್ ಚಂದನ್ ಶೆಟ್ಟಿಯ ಪ್ರೀತಿಯನ್ನು ಒಪ್ಪಿಕೊಂಡು ಮದುವೆ ಮಾಡಿಕೊಂಡಿದ್ದ ನಿವೇದಿತಾ ಗೌಡ, ಕೆಲ ವರ್ಷಗಳ ಸಂಸಾರ ಮಾಡಿ ಇತ್ತೀಚೆಗೆ ಡಿವೋರ್ಸ್ ಕೊಟ್ಟಿದ್ದಾಳೆ.

ನಿವೇದಿತಾ ಗೌಡ ಹಾಗೂ ಚಂದನ್ ಶೆಟ್ಟಿ ಡಿವೋರ್ಸ್ ಆದ ನಂತರ ಅವರಿಬ್ಬರ ಕ್ಯೂಟ್ ಜೋಡಿ ಬೇರೆ ಬೇರೆ ಆಗಿದ್ದಕ್ಕೆ ಲಕ್ಷಾಂತರ ಅಭಿಮಾನಿಗಳು ಅವರಿಗೆ ಕೆಟ್ಟದಾಗಿ ಬೈಯುತ್ತಿದ್ದರು. ಜೊತೆಗೆ, ನಿಮ್ಮ ಮುನಿಸು ಅಂತ್ಯಗೊಳಿಸಿ ಮತ್ತೆ ಒಂದಾಗುವಂತೆಯೂ ಸಲಹೆ ನೀಡಿದ್ದರು.

ಚಂದನ್ ಶೆಟ್ಟಿಯೊಂದಿಗೆ ಒಮ್ಮೆ ಸಂಸಾರ ಮಾಡಲು ಸಾಧ್ಯವಿಲ್ಲವೆಂದು ಡಿವೋರ್ಸ್ ಕೊಟ್ಟ ನಂತರ ತನ್ನ ಕುಟುಂಬದೊಂದಿಗೆ ಇದ್ದರು. ಈ ವೇಳೆ ತನ್ನ ಪ್ರಸಿದ್ಧಿಗೆ ಕಾರಣವಾಗಿದ್ದ ರೀಲ್ಸ್‌ಗಳನ್ನು ಮಾಡಲು ಪುನಾರಂಭಿಸಿದರು.

ಡಿವೋರ್ಸ್ ನಂತರ ನಿವೇದಿತಾ ಗೌಡ ತನ್ನಷ್ಟಕ್ಕೆ ತುಂಡುಡುಗೆಗಳನ್ನು ಧರಿಸಿ ಸ್ವತಂತ್ರ ಹಕ್ಕಿಯಾಗಿ ರೀಲ್ಸ್ ಮಾಡುತ್ತಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದರು. ಆದರೆ, ಅವರ ಪ್ರತಿ ಪೋಸ್ಟ್‌ಗಳಿಗೂ ನೆಟ್ಟಿಗರಿಂದ ನೂರಾರು ಕೆಟ್ಟ ಕಾಮೆಂಟ್‌ಗಳು ಬರುತ್ತಿದ್ದವು.

ಇದ್ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದ ನಿವೇದಿತಾ ಗೌಡ ತಾನು ರೀಲ್ಸ್ ಮಾಡುವುದನ್ನು ಮಾತ್ರ ನಿಲ್ಲಿಸಲಿಲ್ಲ. ಈವರೆಗೆ ನಿವೇದಿತಾ ಗೌಡಗೆ ಬೈಯುತ್ತಿದ್ದ ಅಭಿಮಾನಿಗಳು ಅವರ ಸೌಂದರ್ಯಕ್ಕೆ ಮಾರುಹೋಗಿದ್ದು, ಧನಾತ್ಮಕವಾಗಿ ಪ್ರತಿಕ್ರಿಯೆ ನೀಡಲು ಮುಂದಾಗಿದ್ದಾರೆ.

ನಿವೇದಿತಾ ಗೌಡ ಸಂಜೆ ಸೂರ್ಯನಿಗೆ ಮೈಯೊಡ್ಡಿದ ಫೋಟೋ ಹಂಚಿಕೊಂಡಿದ್ದಕ್ಕೆ ನಿವಿ ನಿನಗೆ ಬ್ಲೂ ತುಂಬಾ ಚೆನ್ನಾಗಿ ಒಪ್ಪುತ್ತದೆ, ನೀನು ಮುದ್ದು ರಾಜಕುಮಾರಿ, ಸುರ ಸುಂದರಾಂಗಿ ಎಂದು ಉತ್ತಮ ಕಾಮೆಂಟ್‌ಗಳು ಬಂದಿವೆ. ನೂರಾರು ಜನರು ಹಾರ್ಟ್ ಸ್ಮೈಲಿಯನ್ನು ಕಳಿಸಿ ಪ್ರೀತಿ ತೋರಿಸಿದ್ದಾರೆ.