ಮದ್ವೆ ಆದ್ಮೇಲೆ ಲವ್ವು, ಡೇಟಿಂಗ್… ಭೂಮಿಕಾ-ಗೌತಮ್ ರೀತಿಯೇ ನಿಮ್ ಲೈಫಲ್ಲಿ ಆಗಿದ್ಯಾ?

ಸಾಮಾನ್ಯವಾಗಿ ಎಲ್ಲರ ಜೀವನದಲ್ಲೂ ಲವ್, ಡೇಟಿಂಗ್ (dating)ಎಲ್ಲಾನೂ ಆಗೋದು ಮದುವೆಗೂ ಮುನ್ನ. ಆ ದಿನಗಳೇ ಚೆನ್ನಾಗಿರುತ್ತೆ. ತಮ್ಮ ಸಂಗಾತಿಯನ್ನು ಭೇಟಿ ಮಾದಲು ಕಾತರ, ಯಾರಿಗೂ ಗೊತ್ತಾಗದಂತೆ ಕದ್ದು, ಮುಚ್ಚಿ ಭೇಟಿಯಾಗೋದು, ಕೈ ಕೈ ಹಿಡಿದು ಬೀದಿ ಬೀದಿ ಸುತ್ತೋದು ಎಲ್ಲವೂ ಒಂಥರಾ ಚೆನ್ನಾಗಿರುತ್ತೆ. ಆದ್ರೆ ಮದ್ವೆ ಆದ್ಮೇಲೆ ಇದನ್ನೆಲ್ಲಾ ಮಾಡೋಕೆ ಆಗೋದಿಲ್ಲ ಅಂತಾರೆ ಜನ. 
 

ಇಷ್ಟೆಲ್ಲ ಪೀಠಿಕೆ ಹಾಕ್ತಿರೋದು ಯಾಕಂದ್ರೆ ಗೌತಮ್ ಮತ್ತು ಭೂಮಿಕಾರ (Goutham and Bhoomika) ಲವ್ ಸ್ಟೋರಿ (Love Story) ಬಗ್ಗೆ ಹೇಳೋಕೆ ಹೊರಟಿರೋದು. ಈ ಜೋಡಿ ಸದ್ಯ ಕಿರುತೆರೆಯ ಮೋಸ್ಟ್ ರೊಮ್ಯಾಂಟಿಕ್ ಹಾಗೂ ಜನಪ್ರಿಯ ಜೋಡಿ (The Most and Popular Romantic pair of Kannada Small Screen). ತಮ್ಮ ಮತ್ತು ತಂಗಿಯ ಮದುವೆಗಾಗಿ, ಇಷ್ಟ ಇಲ್ಲದೇ ಇದ್ದರೂ ಮನೆಯವರ ಪ್ರೀತಿಗೆ ಬೆಲೆ ಕೊಟ್ಟು ಒಬ್ಬರಿಗೊಬ್ಬರು ಮದುವೆಯಾದ ಜೋಡಿ ಇವರದ್ದು. 
 

ಒಬ್ಬರಿಗೊಬ್ಬರು ಮುಖ ನೋಡಿದ್ರೇನೆ ಆಗದೆ ಇದ್ದ ಜೋಡಿ, ಮದುವೆಯಾದ ಬಳಿಕ ಯಾರು ಹೇಗೆ? ಏನು ಅನ್ನೋದನ್ನ ಅರ್ಥ ಮಾಡಿಕೊಂಡರು. ಇಬ್ಬರ ನಡುವೆ ಸ್ನೇಹವೂ ಬೆಳೆಯಿತು. ಸ್ನೇಹ ಪ್ರೇಮಕ್ಕೂ ತಿರುಗಿ ಸದ್ಯ ಇಬ್ಬರ ನಡುವೆ ಲವ್ವು, ರೊಮ್ಯಾನ್ಸ್ ಎಲ್ಲವೂ ನಡೆಯುತ್ತಿದೆ. ಇವರಿಬ್ಬರ ಮುದ್ದಾದ, ಪ್ರಬುದ್ಧ ಸಂಭಾಷಣೆ ಜನರಿಗೆ ತುಂಬಾನೆ ಇಷ್ಟ ಆಗ್ತಿದೆ. 
 

ಸದ್ಯ ಸೀರಿಯಲ್‌ನಲ್ಲಿ ಏನಾಗ್ತಿದೆ ಅನ್ನೋದನ್ನ ನೀವು ನೋಡಿದ್ದೀರಲ್ವಾ? ಭೂಮಿಕಾಗೆ ತನ್ನ ಮೊದಲ ಸಂಬಳ ಸಿಕ್ಕಿದೆ. ಮದ್ವೆ ಆದ ನಂತರ ಸಿಕ್ಕಿರೋ ಮೊದಲ ಸಂಬಳವನ್ನು ಗಂಡನಿಗೆ ನೀಡಿ, ಅದರಲ್ಲಿ 3 ಸಾವಿರ ತೆಗೆದುಕೊಂಡು ಭೂಮಿಕಾ ತನ್ನ ಪತಿ ಗೌತಮ್‌ಗೆ ಪಾರ್ಟಿ ಕೊಡಿಸೋದಕ್ಕೆ ಕರೆದುಕೊಂಡು ಹೋಗ್ತಿದ್ದಾಳೆ. ಜೊತೆಗೆ ಗೌತಮ್‌ಗೆ ಮಿಡಲ್ ಕ್ಲಾಸ್ ಪಾರ್ಟಿ ಹೇಗಿರುತ್ತೆ ಅನ್ನೋದನ್ನು ತೋರಿಸ್ತಿದ್ದಾಳೆ.

ಭೂಮಿಕಾ, ಗೌತಮ್ ಅವರನ್ನು ಕರೆದುಕೊಂಡು ಆಟೋಗೆ ಕಾಯ್ತಾ, ಇದು ನಮ್ಮ ಫಸ್ಟ್ ಡೇಟಿಂಗ್ ಅಂತಾಳೆ, ಆವಾಗ ಗೌತಮ್, ಮದ್ವೆ ಆದ್ಮೇನೆ ಇನ್ಯಾವ ಡೇಟಿಂಗ್ ಅಂತ ಕೇಳ್ತಾರೆ. ಭೂಮಿಕಾ ಹೌ ಅನ್ ರೊಮ್ಯಾಂಟಿಕ್ ಅನ್ನುತ್ತಲೇ ಮದ್ವೆ ಆಗಿಲ್ಲಾಂದ್ರೂ ಲವ್ ಆಗಿರ್ಲಿಲ್ವಲ್ಲ ಹಾಗಾಗಿ ಇದು ನಮ್ಮ ಫಸ್ಟ್ ಡೇಟಿಂಗ್ ಎನ್ನುತ್ತಾಳೆ. 
 

ನಮ್ಮ ಸ್ಟೋರಿ ಎಲ್ಲರ ಹಾಗಲ್ಲ ಅಲ್ವಾ? ಎಲ್ಲರೂ ಡೇಟ್ ಮಾಡಿ, ಕೈ ಕೈ ಹಿಡಿದು ಎಲ್ಲೆಡೆ ಸುತ್ತಾಡಿ, ಲವ್ ಮಾಡಿ ಮದ್ವೆ ಆಗ್ತಾರೆ, ಆದ್ರೆ ನಮ್ಮ ಸ್ಕ್ರೀನ್ ಪ್ಲೇನೆ ಉಲ್ಟಾ ಇದೆ. ನಾವು ಮದ್ವೆ ಆದ್ಮೆಲೆ ಲವ್ ಮಾಡಿದ್ವಿ, ಈವಾಗ ಡೇಟಿಂಗ್ ಮಾಡ್ತಿದ್ದಿವಿ ಅಷ್ಟೇ. ನಮ್ಮದು ಡಿಫರೆಂಟ್ ಸ್ಟೋರಿ ಅಂತಾಳೆ ಮಿಸಸ್ ಗೌತಮ್ ದಿವಾನ್.
 

ಇನ್ನು ಭೂಮಿಕಾ ನಿಲ್ಲಿಸಿದ ಆಟೋ ಡ್ರೈವರ್ ಇಬ್ಬರನ್ನ ನೋಡಿ ಪ್ಲ್ಯಾಶ್ ಬ್ಯಾಕ್ ನೆನಪಿಸಿಕೊಳ್ಳುತ್ತಾನೆ. ವರ್ಷಗಳ ಹಿಂದೆ ಇದೇ ಭೂಮಿಕಾ ಇದೇ ಆಟೋದಲ್ಲಿ ಕುಳಿತಾಗ ಮ್ಯಾಗಜಿನ್ ಮಾರಿಕೊಂಡು ಬಂದ ವ್ಯಕ್ತಿ ಭೂಮಿಕಾ ಕೈಗೆ ಮ್ಯಾಗಜಿನ್ ಕೊಟ್ಟಾಗ ಅದರಲ್ಲಿ ಗೌತಮ್ ದಿವಾನ್ ಫೋಟೋ ನೋಡಿ ಈ ಮ್ಯಾಗಝಿನ್ನೆ ಬೇಡ ಎಂದು ವಾಪಾಸ್ ಕೊಟ್ಟವಳು ಭೂಮಿಕಾ. 
 

ಹಳೆ ಘಟನೆಯನ್ನು ನೆನಪಿಸಿದ ಡ್ರೈವರ್. ಇದನ್ನೇ ಮೇಡಂ ವಿಧಿವಿಲಾಸ ವಿಪರ್ಯಾಸ ಅನ್ನೋದು. ಅವತ್ತು ಮ್ಯಾಗ್ಯಜಿನ್ ಫ್ರಂಟ್ ಪೇಜಲ್ಲಿ ಇವ್ರ ಫೋಟೋ ನೋಡಿಯೇ ಬೇಡವೆಂದೋರು, ಇದೀಗ ಗಂಡ -ಹೆಂಡತಿಯಾಗಿ ಜೊತೆಯಾಗಿ ಬಂದು ಇದೇ ಆಟೋದಲ್ಲಿ ಕೂತಿದ್ದೀರಿ. ಇದನ್ನೇ ನೋಡಿ ಡಿಫರೆಂಟ್ ಲವ್ ಸ್ಟೋರಿ ಅನ್ನೋದು ಎನ್ನುತ್ತಾನೆ. ನಿಜವಾಗ್ಲೂ ಇವರದ್ದು ತುಂಬಾನೆ ಡಿಫರೆಂಟ್ ಲವ್ ಸ್ಟೋರಿ ಅಂತ ನಮಗಂತೂ ಆನಿಸ್ತು. ನೀವು ಸಹ ಇಷ್ಟ ಇಲ್ಲದೆ ಮದ್ವೆ ಆಗಿ, ಆಮೇಲೆ ಗಂಡನ ಮೇಲೆ ಲವ್ ಆಗಿ ಡೇಟಿಂಗ್ ಗೆ ಹೋಗಿದ್ದೀರಾ?