ನಮ್ಮ ಡಿಸಿ ಸ್ನೇಹಾ ಮೇಡಂ ಸೀರಿಯಲ್ ಬಿಟ್ಮೇಲೆ ಸಖತ್ ಬೋಲ್ಡ್ ಆಗ್ಬಿಟ್ರಲ್ಲ!

ಝೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಪುಟ್ಟಕ್ಕನ ಮಕ್ಕಳು (Puttakkana Makkalu) ಧಾರಾವಾಹಿಯಲ್ಲಿ ಪ್ರಮುಖ ಪಾತ್ರದಲ್ಲಿ ಸ್ನೇಹಾ ಪಾತ್ರದ ಮೂಲಕ ಕರುನಾಡಿನ ಮನೆಮನೆಯನ್ನು ತಲುಪಿದ ನಟಿ ಸಂಜನಾ ಬುರ್ಲಿ. ಸ್ನೇಹಾ ಪಾತ್ರವನ್ನು ಇಷ್ಟು ಬೇಗ ಮುಗಿಸಿದ್ದು, ವೀಕ್ಷಕರಿಗೆ ನೋವನ್ನುಂಟು ಮಾಡಿದ್ದು, ಸ್ನೇಹಾ ಮತ್ತೆ ಬರಬೇಕು ಎಂದು ಆಶಿಸೋ ಅಭಿಮಾನಿಗಳ ಸಂಖ್ಯೆ ಇನ್ನೂ ಕಡಿಮೆಯಾಗಿಲ್ಲ. 
 

ಹೆಚ್ಚಿನ ವಿದ್ಯಾಭ್ಯಾಸ ಮುಂದುವರಿಸೋದಕ್ಕಾಗಿ ಸಂಜನಾ ಬುರ್ಲಿ (Sanjana Burli) ಧಾರಾವಾಹಿಯಿಂದ ಹೊರಬಂದಿರೋದಾಗಿ ಸೀರಿಯಲ್ ನಿರ್ದೇಶಕ ಆರೂರು ಜಗದೀಶ್ ಮಾಹಿತಿ ನೀಡಿದ್ದು, ಆಕೆಯ ಪಾತ್ರದಲ್ಲಿ ಬೇರೆ ಯಾರನ್ನೂ ತಂದರೂ ಅದು ವೀಕ್ಷಕರಿಗೆ ಇಷ್ಟವಾಗೋದಿಲ್ಲ, ಅಂತಾನೆ ಆ ಪಾತ್ರವನ್ನೇ ಕೊನೆಯಾಗಿಸಿ, ಮತ್ತೊಬ್ಬ ನಾಯಕಿಯನ್ನು ಸೀರಿಯಲ್ ನಲ್ಲಿ ಹಾಕಿರೋದಾಗಿ ಅವರು ತಿಳಿಸಿದ್ದರು. 
 

ಸದ್ಯ ಸೀರಿಯಲ್ ಬಿಟ್ಟ ಮೇಲೆ ನಟಿ ಸಂಜನಾ ಬುರ್ಲಿ ಸೋಶಿಯಲ್ ಮೀಡಿಯಾ, ಟ್ರಾವೆಲ್ ಎನ್ನುತ್ತಾ ಬ್ಯುಸಿಯಾಗಿದ್ದಾರೆ, ಜೊತೆಗೆ ತಮ್ಮ ಪ್ರತಿಯೊಂದು ಆಗು ಹೋಗುಗಳನ್ನು ತಮ್ಮ ಯೂಟ್ಯೂಬ್ ಚಾನೆಲ್ ಮೂಲಕ ಅಭಿಮಾನಿಗಳಿಗೆ ತಿಳಿಸುತ್ತಿದ್ದಾರೆ. ಅದರಲ್ಲಿ ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗಿ ನಟಿ ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯ ಪಾತ್ರ, ಕೊನೆಯ ಕ್ಷಣ, ತೆರೆಮರೆಯ ದೃಶ್ಯಗಳನ್ನು ಹಂಚಿಕೊಂಡಿದ್ದರು. 
 

ಇಷ್ಟೇ ಅಲ್ಲ ಯಾವಾಗ್ಲೂ ಸೀರೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದ ನಮ್ಮ ಡಿಸಿ ಸ್ನೇಹಾ ಮೇಡಂ, ಸದ್ಯ ಸೀರಿಯಲ್ ಬಿಟ್ಟ ಮೇಲೆ ಸಿಕ್ಕಾಪಟ್ಟೆ ಗ್ಲಾಮರಸ್ ಆಗಿದ್ದಾರೆ. ಇದೀಗ ಸಂಜನಾ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿರುವ ಫೋಟೊಗಳು ಸಿಕ್ಕಾಪಟ್ಟೆ ಸದ್ದು ಮಾಡ್ತಿವೆ.  Dare to unleash new shades of you now and then ಎಂದು ಕ್ಯಾಪ್ಶನ್ ಕೊಟ್ಟು ನಟಿ ಮಿಸಿ ಸ್ಕರ್ಟ್ ಕ್ರಾಪ್ ಟಾಪ್ ಧರಿಸಿರುವ ಫೋಟೊಗಳನ್ನು ಶೇರ್ ಮಾಡಿದ್ದಾರೆ. 
 

ಕಪ್ಪು ಬಣ್ಣದ ಲೆದರ್ ಮಿನಿ ಸ್ಕರ್ಟ್ ಧರಿಸಿರುವ ಸಂಜನಾ, ಅದಕ್ಕೆ ಮ್ಯಾಚ್ ಆಗುವಂತೆ ಪಿಂಕ್ ಬಣ್ಣದ ಟ್ಯೂಬ್ ಟಾಪ್ ಧರಿಸಿದ್ದಾರೆ. ಹೈ ಬನ್ ಹೇರ್ ಸ್ಟೈಲ್ ಮಾಡಿ, ಲೆದರ್ ಶೂ ಧರಿಸಿದ್ದಾರೆ. ನಟಿಯ ಈ ಹೊಸ ಲುಕ್ ನ್ನು ಅಭಿಮಾನಿಗಳು ಸಿಕ್ಕಾಪಟ್ಟೆ ಇಷ್ಟಪಟ್ಟಿದ್ದು, ಡಿಸಿ ಸ್ನೇಹಾ ಮೇಡಂ, ನಮ್ಮ ಮೆಸ್ಸು ಕಿಚ್ಚು ಹಚ್ಚುತ್ತಿದ್ದಾರೆ ಎನ್ನುವಂತೆ ಫೈರ್ ಇಮೋಜಿ ಮೂಲಕ ಕಾಮೆಂಟ್ ಮಾಡಿದ್ದಾರೆ.