ದೇಶದ ಈ ಗ್ರಾಮದಲ್ಲಿ ಗಡಿಯಾರ ಮುಳ್ಳು ತಿರುಗೋದು ಉಲ್ಟಾ, ಸಪ್ತಪದಿಯೂ ಉಲ್ಟಾ

ನೀವು ಪ್ರಪಂಚದಾದ್ಯಂತ ಸಾಕಷ್ಟು ಗಡಿಯಾರಗಳನ್ನು ನೋಡಿರಬಹುದು, ಆದರೆ ಛತ್ತೀಸ್ ಗಢದ ಈ ಹಳ್ಳಿಯ ಗಡಿಯಾರಗಳು (clock) ಬಹುಶಃ ನಿಮ್ಮನ್ನು ಕನ್ ಫ್ಯೂಸ್ ಮಾದಬಹುದು. ಗಡಿಯಾರ ಮಾತ್ರವಲ್ಲ, ಈ ಹಳ್ಳಿಯಲ್ಲಿರುವ ಎಲ್ಲವೂ ನಿಮಗೆ ವಿಚಿತ್ರ ಎನಿಸಬಹುದು. ಈ ಹಳ್ಳಿಯ ಅಭ್ಯಾಸದ ಪ್ರಕಾರ, ಗಡಿಯಾರ ಮುಳ್ಳುಗಳು ಇಲ್ಲಿ ವಿರುದ್ಧ ದಿಕ್ಕಿನಲ್ಲಿ ಚಲಿಸುತ್ತವೆ. 

12 ಗಂಟೆಯ ನಂತರ, ನಮ್ಮಲ್ಲಿ ಗಂಟೆ 1 ಆದರೆ, ಈ ಪ್ರದೇಶದಲ್ಲಿ 12 ಗಂಟೆ ಬಳಿಕ 11 ಗಂಟೆ ಆಗುತ್ತದೆ. ಆಶ್ಚರ್ಯಪಡಬೇಡಿ, ಈ ಹಳ್ಳಿಯ ಬಗ್ಗೆ ಆಸಕ್ತಿದಾಯಕ ವಿಷಯಗಳನ್ನು ನಿಮಗೆ ಹೇಳೋಣ. ಯಾಕೆ ಇಲ್ಲಿ ಹೀಗೆ ನಡೆಯುತ್ತೆ? ಈ ಪ್ರದೇಶ ಎಲ್ಲಿದೆ ಎನ್ನುವ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ.

ಇಲ್ಲಿರುವ ಗಡಿಯಾರಗಳು ಅಪ್ರದಕ್ಷಿಣಾಕಾರವಾಗಿ ಚಲಿಸುತ್ತವೆ -
ಈ ಹಳ್ಳಿಯಲ್ಲಿ, ಗಡಿಯಾರಗಳು ಸಾಮಾನ್ಯ ಗಡಿಯಾರಗಳಂತೆ ಎಡದಿಂದ ಬಲಕ್ಕೆ ಚಲಿಸುವುದಿಲ್ಲ. ಇದರರ್ಥ ಇಲ್ಲಿನ ಗಡಿಯಾರಗಳು ಅಪ್ರದಕ್ಷಿಣಾಕಾರವಾಗಿ ಚಲಿಸುತ್ತವೆ (clock runs backward). ಈ ಪದ್ಧತಿಯನ್ನು ಅನುಸರಿಸುವವರು ಗೊಂಡ ಆದಿವಾಸಿ ಸಮುದಾಯದ ಜನರು. ಈ ರೀತಿಯಾಗಿ  ಚಲಿಸುವ ಗಡಿಯಾರವು ಪರಿಪೂರ್ಣವಾಗಿ ಚಲಿಸುತ್ತದೆ ಮತ್ತು ಸರಿಯಾದ ಸಮಯವನ್ನು ನೀಡುತ್ತದೆ ಎಂದು ಇಲ್ಲಿನ ಜನ ಹೇಳುತ್ತಾರೆ.

ಕಾರಣ ಏನು?
ಈ ಸಮುದಾಯವು ತನ್ನ ಗಡಿಯಾರಕ್ಕೆ ಹೆಸರಿಟ್ಟಿದೆ. ಈ ಗಡಿಯಾರವನ್ನು ಗೊಂಡ್ವಾನ ಸಮಯ ಎಂದು ಕರೆಯಲಾಗುತ್ತದೆ. ಭೂಮಿಯು ಬಲದಿಂದ ಎಡಕ್ಕೆ ತಿರುಗುತ್ತದೆ ಎಂದು ಜನರು ಹೇಳುತ್ತಾರೆ, ಇದನ್ನು ಹೊರತುಪಡಿಸಿ, ಚಂದ್ರ ಅಥವಾ ಸೂರ್ಯ ಅಥವಾ ನಕ್ಷತ್ರಗಳು ಸಹ ಅದೇ ರೀತಿ ಚಲಿಸುವುದನ್ನು ಕಾಣಬಹುದು.
 

ಈ ಕಾರಣಕ್ಕಾಗಿ, ಗಡಿಯಾರದ ಈ ದಿಕ್ಕನ್ನು ಇಡಲಾಗುತ್ತದೆ -
ಈ ಕಾರಣಕ್ಕಾಗಿಯೇ ಈ ಸಮುದಾಯದ ಜನರು ತಮ್ಮ ಗಡಿಯಾರದ ದಿಕ್ಕನ್ನು ಸಹ ಅದೇ ರೀತಿಯಾಗಿ ಹೊಂದಿಸಿದೆ. ಆದರೆ ಇವರ ಈ ಅಪ್ರದಕ್ಷಿಣಾಕಾರದ ಗಡಿಯಾರದ ಚಲನೆ ಮಾತ್ರ ಎಲ್ಲರಿಗೂ ಅಚ್ಚರಿಯನ್ನುಂಟು ಮಾಡುವಂತೆ ಇದೆ. 

ಜನರು ಸಹ ಸಪ್ತಪದಿಯನ್ನು ಹಿಮ್ಮುಖವಾಗಿ ಹೆಜ್ಜೆಹಾಕುತ್ತಾರೆ
ಗೊಂಡ ಸಮುದಾಯದ ಜನರು ಮದುವೆಯಾಗುವ ವಿಧಾನವೂ (marriage rituals) ಸಾಕಷ್ಟು ವಿಭಿನ್ನವಾಗಿದೆ. ಈ ಸಮುದಾಯದಲ್ಲಿ, ವಧು ಮತ್ತು ವರರ ಸುತ್ತುಗಳನ್ನು ಸಹ ಸಾಮಾನ್ಯ ಜನರಂತೆ ತೆಗೆದುಕೊಳ್ಳಲಾಗುವುದಿಲ್ಲ, ಆದರೆ ವಿರುದ್ಧ ದಿಕ್ಕಿನಲ್ಲಿ ತೆಗೆದುಕೊಳ್ಳಲಾಗುತ್ತದೆ.

ಇಲ್ಲಿ ಎಷ್ಟು ಜನರು ವಾಸಿಸುತ್ತಿದ್ದಾರೆ -
ಈ ಆಚರಣೆಯನ್ನು ಅನುಸರಿಸುವ ಬುಡಕಟ್ಟು ಸಮುದಾಯವು ಗೊಂಡ ಬುಡಕಟ್ಟು ಸಮುದಾಯವಾಗಿದೆ. ಈ ಸಮುದಾಯವು ಕೊರ್ಬಾ ಜಿಲ್ಲೆಯ ಆದಿವಾಸಿ ಶಕ್ತಿ ಪೀಠದೊಂದಿಗೆ ಸಂಬಂಧ ಹೊಂದಿದೆ ಮತ್ತು ಪ್ರಕೃತಿಯ ನಿಯಮಗಳನ್ನು (law of nature) ಅನುಸರಿಸುವುದರಿಂದ ಅವರ ಗಡಿಯಾರವು ಅತ್ಯಂತ ನೈಸರ್ಗಿಕವಾಗಿದೆ ಎಂದು ಅವರು ನಂಬುತ್ತಾರೆ. ಛತ್ತೀಸ್ ಗಢದ ಈ ಪ್ರದೇಶದಲ್ಲಿ ಸುಮಾರು 10,000 ಕುಟುಂಬಗಳು ವಾಸಿಸುತ್ತಿವೆ.