‘ನನ್ನ ಸಮುದ್ರ ನೀವು’ ಎನ್ನುತ್ತಾ ಫೋಟೋಗೆ ಪೋಸ್ ಕೊಟ್ಟ ಶಿವಣ್ಣ… ಥ್ರಿಲ್ ಆದ ಅಭಿಮಾನಿಗಳು

ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಹ್ಯಾಟ್ರಿಕ್ ಹೀರೋ ಶಿವರಾಜ್​ಕುಮಾರ್ (Dr Shivarajkumar) ಕಳೆದ ಡಿಸೆಂಬರ್ 18ರಂದು ಚಿಕಿತ್ಸೆಗಾಗಿ ಅಮೆರಿಕಕ್ಕೆ ತೆರಳಿದ್ದರು. ಕ್ಯಾನ್ಸರ್ ನಿಂದ ಬಳಲುತ್ತಿದ್ದರೂ ಶಿವಣ್ಣ ಆ ಬಗ್ಗೆ ಎಲ್ಲೂ ಹೆಚ್ಚು ಮಾಹಿತಿಯನ್ನು ಬಿಟ್ಟು ಕೊಡದೇ, ತಮ್ಮ ಸಿನಿಮಾದ ಪ್ರೊಮೋಶನ್ ಗಳಲ್ಲಿ, ರಿಯಾಲಿಟಿ ಶೋಗಳಲ್ಲಿ ಸಖತ್ ಎನರ್ಜಿಯಿಂದಲೇ ಭಾಗಿಯಾಗಿದ್ದರು ಶಿವಣ್ಣ. ಅಮೆರಿಕಾಗೆ ತೆರಳುವ ಮುನ್ನ ಮಾಧ್ಯಮವನ್ನು ಉದ್ದೇಶಿಸಿ ಮಾತನಾಡಿ, ನನಗೆ ಚಿಕಿತ್ಸೆ ಬಗ್ಗೆ ಭಯ ಇಲ್ಲ, ಆದರೆ ಮೂರು ತಿಂಗಳು ಮನೆಯನ್ನು, ಊರನ್ನು ಬಿಟ್ಟು ಇರಬೇಕು ಅನ್ನೋದು ಚಿಂತೆ ಎಂದು ಕಣ್ಣೀರಿಟ್ಟಿದ್ದರು. 
 

ಶಿವರಾಜ್ ಕುಮಾರ್ ಡಿಸೆಂಬರ್ 24ರಂದು ಅಮೆರಿಕದ ಫ್ಲೋರಿಡಾದಲ್ಲಿ ಮಿಯಾಮಿ ಕ್ಯಾನ್ಸರ್​ ಇನ್​ಸ್ಟಿಟ್ಯೂಟ್​ನಲ್ಲಿ (Cancer Institute) ಶಸ್ತ್ರಚಿಕಿತ್ಸೆ ನಡೆದಿತ್ತು. ಮೂತ್ರ ಕೋಶದ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಶಿವಣ್ಣನಿಗೆ ನಾಲ್ಕೈದು ಗಂಟೆಗಳ ಕಾಲ ಸರ್ಜರಿ ನಡೆದಿತ್ತು. ಇದೀಗ ಕ್ಯಾನ್ಸರ್ ನಿಂದ ಸಂಪೂರ್ಣವಾಗಿ ಗುಣಮುಖರಾಗಿರುವ ಶಿವಣ್ಣ ತಮ್ಮ ಫ್ಯಾಮಿಲಿ ಜೊತೆಗೆ ಸಮಯ ಕಳೆಯುತ್ತಿರುವ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿವೆ.  
 

ಚಿಕಿತ್ಸೆ ಬಳಿಕ ಐಸಿಯು ನಿಂದ ಡಿಸ್ಚಾರ್ಜ್ ಆದ ಬಳಿಕ ಗೀತಾ ಶಿವರಾಜ್ ಕುಮಾರ್, ಲೈವ್ ಬಂದು, ಈಗ ಸಂಪೂರ್ಣವಾಗಿ ಆರೋಗ್ಯವಾಗಿದ್ದಾರೆ ಎಂದು ತಿಳಿಸಿದ್ದರು. ಇದೀಗ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು, ತಮ್ಮ ಪತ್ನಿ ಗೀತಾ (wife Geetha), ಮಗಳು ನಿವೇದಿತಾ ಹಾಗೂ ಕುಟುಂಬದವರ ಜೊತೆ ಶಿವಣ್ಣ ಸುತ್ತಾಟ ನಡೆಸುತ್ತಿದ್ದಾರೆ. ಶಿವಣ್ಣನ ಎನರ್ಜಿ ನೋಡಿ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. 
 

ಶಿವರಾಜ್​ ಕುಮಾರ್ ತಮ್ಮ ಫ್ಯಾಮಿಲಿ ಜೊತೆ ಮಿಯಾಮಿಯಲ್ಲಿ ಸುತ್ತಾಟ ನಡೆಸುತ್ತಿದ್ದಾರೆ. ಮುಂದಿನ ಕೆಲ ದಿನಗಳನ್ನು ಅವರು ಅಲ್ಲಿಯೇ ಕಳೆಯಲಿದ್ದಾರೆ. ಸಂಪೂರ್ಣ ಗುಣಮುಖರಾದ ಬಳಿಕ  ಭಾರತಕ್ಕೆ ಹಿಂದಿರುಗಲಿದ್ದಾರೆ. ಸದ್ಯಕ್ಕಂತೂ ಅಲ್ಲಿನ ಪ್ರಕೃತಿ, ಬೀಚ್ ಎನ್ನುತ್ತಾ ಹತ್ತಿರದ ಪರಿಸರದಲ್ಲಿ ಸುತ್ತಾಡುತ್ತಾ ಎಂಜಾಯ್ ಮಾಡುತ್ತಿದ್ದಾರೆ. 
 

ಇದೀಗ ಚಿಕಿತ್ಸೆಯ ಬಳಿಕ ಶಿವರಾಜ್​ಕುಮಾರ್ ಸೋಶಿಯಲ್ ಮೀಡಿಯಾದಲ್ಲಿ ಮೊದಲ ಬಾರಿಗೆ ತಮ್ಮ ಫೋಟೊ ಒಂದನ್ನು ಶೇರ್ ಮಾಡಿ, ‘ನನ್ನ ಸಮುದ್ರ ನೀವು’ Cannot Wait To Get Back ಎಂದಿದ್ದಾರೆ. ಫೋಟೊದಲ್ಲಿ ಅವರ   ಲುಕ್ ಸಿಕ್ಕಾಪಟ್ಟೆ ಗಮನ ಸೆಳೆದಿದೆ. ಅವರು ಮೊದಲಿನ ಎನರ್ಜಿಯನ್ನು ಮತ್ತೆ ತಂದುಕೊಂಡಂತೆ ಕಾಣುತ್ತಿದೆ. ಶಿವಣ್ಣನ ಫೋಟೊ ನೋಡಿ ಸೆಲೆಬ್ರಿಟಿಗಳು, ಅಭಿಮಾನಿಗಳು ಶುಭ ಹಾರೈಸಿದ್ದಾರೆ. 
 

ನಮ್ಮ ಆಕಾಶ ನೀವು ಅಣ್ಣ  ಆದಷ್ಟು ಬೇಗ ಗುಣಮುಖರಾಗಿ ಬನ್ನಿ ಅಣ್ಣ, ನಿಮ್ಮ ಆರೋಗ್ಯ ಹೇಗಿದೆ. ನಿಮ್ಮನ್ನು ನೋಡಿ ಖುಷಿಯಾಯಿತು. ನಿಮ್ಮನ್ನು ನೋಡಿದ್ರೆ, 62 ಅಲ್ಲ 26 ವರ್ಷ ವಯಸ್ಸಾದಂತೆ ಕಾಣಿಸುತ್ತಿದೆ ಎಂದಿದ್ದಾರೆ. ಲವ್ ಯು ಅಂತಾನೂ ಹೇಳಿದ್ದಾರೆ. ಒಟ್ಟಲ್ಲಿ ಶಿವಣ್ಣ ಆದಷ್ಟು ಬೇಗನೇ ಗುಣಮುಖರಾಗಿ ಭಾರತಕ್ಕೆ ಹಿಂದಿರುಗಲಿ ಎಂದು ಹಾರೈಸಿದ್ದಾರೆ.