ಸಂಗಾತಿ ಗುಣ, ನಡತೆ ಹೇಗಿದೆ ಎಂದು ತಿಳಿದುಕೊಳ್ಳಬೇಕೇ? ಅವರ ರಾಶಿ ಬಗ್ಗೆ ತಿಳಿಯಿರಿ
ಮನುಷ್ಯನ ನಡವಳಿಕೆ, ಪ್ರೀತಿ, ಮದುವೆ ಎಲ್ಲಾ ವಿಷ್ಯ ಬಂದಾಗ ರಾಶಿ ಮುಖ್ಯ ಪಾತ್ರ ವಹಿಸುತ್ತದೆ. ಜ್ಯೋತಿಷ್ಯ ಶಾಸ್ತ್ರ ನಂಬುವವರು ರಾಶಿ ಬಗ್ಗೆ ಹೆಚ್ಚಿನ ನಂಬಿಕೆ ಇಟ್ಟಿರುತ್ತಾರೆ. ರಾಶಿ ಮನುಷ್ಯನ ಗುಣ ತಿಳಿಯಲು ಸಹಾಯ ಮಾಡುತ್ತದೆ. ಅಷ್ಟೇ ಯಾಕೆ, ಕೆಲಸ, ಪ್ರೀತಿ, ಜೀವನ ಎಲ್ಲವೂ ರಾಶಿ ಮೂಲಕವೇ ತಿಳಿಯಬಹುದು. ಸಂಗಾತಿಯ ಬಗ್ಗೆ ತಿಳಿಯಬೇಕು ಎಂದಾದರೆ ಅವರ ರಾಶಿ ಬಗ್ಗೆ ತಿಳಿದುಕೊಳ್ಳಿ. ಇದರಿಂದ ಅವರಲ್ಲಿ ಇರುವ ನೆಗೆಟಿವ್ ಗುಣದ ಬಗ್ಗೆ ತಿಳಿಯುತ್ತದೆ. ಆ ಬಗ್ಗೆ ತಿಳಿದುಕೊಂಡರೆ ಅವರ ಜೊತೆ ಚೆನ್ನಾಗಿ ಅರಿತುಕೊಂಡು ಬಾಳಲು ಸುಲಭವಾಗುತ್ತದೆ.
ಮೇಷ : ಇವ್ರು ತುಂಬಾ ಕೋಪಿಷ್ಠರು. ಸಣ್ಣ ವಿಷಯಗಳಿಗೂ ಹೆಚ್ಚು ಉತ್ಸುಕರಾಗಿರುತ್ತಾರೆ, ಅವರ ಅತಿರೇಖ ಉತ್ಸಾಹಿ ಗುಣ ಅವರಿಗೆ ಯಶಸ್ಸು ಸಿಗದಂತೆ ಮಾಡುತ್ತದೆ.
ವೃಷಭ :ರಿಲೇಷನ್‌ಶಿಪ್ ಬಗ್ಗೆ ತುಂಬಾ ಪೊಸೆಸಿವ್‌ ಆಗಿರುತ್ತಾರೆ. ಅಸೂಯೆ ಸ್ವಭಾವ ಇವರದ್ದಾಗಿರುತ್ತದೆ. ಹಠಮಾರಿಯೂ ಆಗಿರುತ್ತಾರೆ.
ಮಿಥುನ : ಮಿಥುನ ರಾಶಿಯವರು ಮೂಡಿ ಸ್ವಭಾವದವರು. ಬದಲಾಗುವ ಮನಸ್ಥಿತಿ ಸಂಬಂಧ ದೂರವಾಗಲು ಕಾರಣವಾಗುತ್ತದೆ.
ಕಟಕ :ತುಂಬಾ ಸೂಕ್ಷ್ಮ ಸ್ವಭಾವದ ಜನ. ಸ್ವಲ್ಪ ಹೆಚ್ಚು ಕಡಿಮೆಯಾದರೂ ಕೊರಗಲು ಆರಂಭಿಸುತ್ತಾರೆ.
ಸಿಂಹ : ಅಧಿಕಾರ ಚಲಾಯಿಸುವುದು ಈ ರಾಶಿಯವರ ಗುಣ. ಇದೇ ಇವರ ಮೈನಸ್‌ ಪಾಯಿಂಟ್. ಇವರ ಅಹಂಕಾರ ಲವ್ ಲೈಫ್ ಮೇಲೆ ಪರಿಣಾಮ ಬೀಳುತ್ತದೆ.
ಕನ್ಯಾ : ಈ ರಾಶಿಯವರದ್ದು ಜಗಳ ಮಾಡುವ ಸ್ವಭಾವ. ಅಲ್ಲದೆ ಪ್ರೀತಿ ಮಾಡಿದರೆ ತುಂಬಾ ಹೆಚ್ಚು ಪ್ರೀತಿ ಮಾಡುತ್ತಾರೆ. ದ್ವೇಷ ಮಾಡಿದರೆ ಮತ್ತೆಂದೂ ಒಂದಾಗೋದೇ ಇಲ್ಲ ಎನ್ನುವಂತೆ ದ್ವೇಷ ಸಾಧಿಸುತ್ತಾರೆ.
ತುಲಾ : ನಿರ್ಧಾರವನ್ನು ಬೇಗನೆ ಬದಲಾಯಿಸುವ ಗುಣ ಇವರದ್ದಾಗಿದೆ. ಜೊತೆಗೆ ನಿರ್ಧಾರವನ್ನು ತಾವೇ ತೆಗೆಯುವುದಿಲ್ಲ.
ವೃಶ್ಚಿಕ : ಸೇಡು ತೀರಿಸಿಕೊಳ್ಳಲು ಏನು ಬೇಕಾದರು ಮಾಡುತ್ತಾರೆ ಇವರು. ರಿಲೇಶನ್‌ಶಿಪ್‌ನಲ್ಲಿ ಹೆಚ್ಚು ಪೊಸೆಸಿವ್‌ ಆಗಿರುತ್ತಾರೆ.
ಧನು: ತಮ್ಮ ನೇರ, ಕೆಟ್ಟ ಮಾತುಗಳಿಂದ ನೋವನ್ನುಂಟು ಮಾಡುತ್ತಾರೆ. ಯಾವ ವಿಷಯದಲ್ಲೂ ಇವರು ಸ್ಥಿರವಾಗಿ ಯೋಚನೆ ಮಾಡಲಾರರು.
ಮಕರ: ಇವರಿಗೆ ತಮ್ಮೆದುರು ಇರುವವರಿಗೆ ಗೌರವ ಕೋಡೋದು ಬರೋಲ್ಲ. ತಮ್ಮದೇ ಆದ ರೂಲ್ಸ್ ಫಾಲೋ ಮಾಡುತ್ತಾರೆ.
ಕುಂಭ : ಇವರು ಇತರರಿಂದ ದೂರ ಇರಲು ಇಷ್ಟಪಡುತ್ತಾರೆ. ತಮ್ಮ ಇಷ್ಟದಂತೆ ನಡೆಸಿಕೊಂಡು ಹೋಗಲು ಬಯಸುತ್ತಾರೆ.
ಮೀನ : ತಮ್ಮದೇ ಪ್ರಪಂಚದಲ್ಲಿ ಕಳೆದು ಹೋಗಲು ಈ ರಾಶಿಯ ಜನ ಇಷ್ಟಪಡುತ್ತಾರೆ.
