ಎಡಗೈ ಜನರ ಬಗ್ಗೆ ನಿಮಗೆ ತಿಳಿಯದ ಸೀಕ್ರೆಟ್ ವಿಷಯಗಳು
ಎಡಗೈ ಜನರಿಗೆ ಸಮಸ್ಯೆ ಒಂದೇ ಎರಡೇ... ಬರೆಯುವಾಗ ಪಕ್ಕದಲ್ಲಿ ಕುಳಿತಿರುವ ಬಲಗೈ ವ್ಯಕ್ತಿಯ ಕೈಗೆ ತಾಗುತ್ತದೆ. ಇದರಿಂದ ಇಬ್ಬರಿಗೂ ಸಮಸ್ಯೆ. ಕತ್ತರಿ ವಿಷಯಕ್ಕೆ ಬಂದಾಗಲೂ ಹಿಡಿಯಲು ಸಮಸ್ಯೆ ಉಂಟಾಗುತ್ತದೆ. ಹೀಗೆ ಎಡಗೈ ಜನರು ತಮ್ಮ ದೈನಂದಿನ ಜೀವನದಲ್ಲಿ ಆಗಾಗ್ಗೆ ಇಂತಹ ಸಮಸ್ಯೆಯನ್ನು ಎದುರಿಸುತ್ತಾರೆ. ಆದರೆ ಎಡಗೈ ಜನರ ಬಗ್ಗೆ ತಿಳಿದಿಲ್ಲದ ಇತರ ವಿಷಯಗಳಿವೆ, ಆ ಇಂಟ್ರೆಸ್ಟಿಂಗ್ ವಿಷಯಗಳ ಬಗ್ಗೆ ತಿಳಿದುಕೊಕೊಳ್ಳಲೇಬೇಕು...
)
ಜನಸಂಖ್ಯೆಯ ಕೇವಲ 12 ಪ್ರತಿಶತ ಮಾತ್ರ ಲೆಫ್ಟೀಸ್, ಆದರೆ ಆ ಶೇಕಡಾವಾರು ನಿಧಾನವಾಗಿ ಹೆಚ್ಚುತ್ತಿದೆ. ಹೆಚ್ಚಿನ ದೇಶಗಳಲ್ಲಿ ಎಡಗೈಯಾಗಿರುವುದನ್ನು ಸ್ವೀಕರಿಸಲಾಗಿದ್ದರೂ, ಎಡಗೈ ಜನರನ್ನು ಒಪ್ಪಿಕೊಳ್ಳದ ದೇಶಗಳು ಇನ್ನೂ ಇವೆ. 1860 ರಲ್ಲಿ ಎಡಗೈ ಜನರು ದೆವ್ವದ ಜೊತೆ ಸಂಬಂಧ ಹೊಂದಿದ್ದಾರೆ ಎಂದು ಹೇಳಲಾಗುತ್ತಿತ್ತು. ಅವರನ್ನು ಜನ ಸ್ವೀಕರಿಸಲು ಹಿಂಜರಿಯುತ್ತಿದ್ದರು. ಆದರೆ ಈಗ ಕಾಲ ಬದಲಾಗಿದೆ. ಎಡಗೈ ಜನರನ್ನು ಸಹ ಜನ ಒಪ್ಪಿಕೊಂಡಿದ್ದಾರೆ.
)
ಅಲರ್ಜಿಗಳು: ನೀವು ಎಡಗೈಯವರಾಗಿದ್ದರೆ ಮತ್ತು ನಿಮಗೆ ಅಲರ್ಜಿ ಬರುತ್ತದೆಯೇ? ಅದು ಆಶ್ಚರ್ಯವೇನಿಲ್ಲ. ಲೆಫ್ಟೀಸ್ ಜನರಿಗೆ ಏನಾದರೂ ಅಲರ್ಜಿ ಆಗುವ ಸಾಧ್ಯತೆ 11 ಪಟ್ಟು ಹೆಚ್ಚು ಎಂದು ತಿಳಿದುಬಂದಿದೆ. ಆದುದರಿಂದ ಹುಷಾರಾಗಿರಬೇಕು.
ಮೈಗ್ರೇನ್ : ಎಡಗೈ ವ್ಯಕ್ತಿಯ ಜೀವನವು ಯಾವಾಗಲೂ ಗುಲಾಬಿ ಹಾಸಿಗೆಯಾಗಿರುವುದಿಲ್ಲ. ಎಡಗೈ ಜನರು ಮೈಗ್ರೇನ್ ಅನ್ನು ಬಲಗೈ ಜನರಿಗಿಂತ ಎರಡು ಪಟ್ಟು ಹೆಚ್ಚಾಗಿ ಹೊಂದಿರುತ್ತಾರೆ.
ನಿದ್ರೆಯಲ್ಲಿ ನಡೆಯುವ ಸಮಸ್ಯೆ : ಕೆಲವರು ನಿದ್ರೆಯಲ್ಲಿ ಚಲಿಸುವ ಸಮಸ್ಯೆ ಹೊಂದಿರುತ್ತಾರೆ. ಆದರೆ ಇದು ಎಡಗೈ ಜನರೊಂದಿಗೆ ಹೆಚ್ಚು ಸಾಮಾನ್ಯವಾಗಿದೆ. ಪಿಎಲ್ಎಂಡಿ ಸಮಸ್ಯೆ ಎಡಗೈಯವರಲ್ಲಿ ಸಾಮಾನ್ಯವಾಗಿದೆ. ಪಿಎಲ್ ಎಂಡಿ ಎನ್ನುವುದು ನಿದ್ರೆಯ ಸಮಯದಲ್ಲಿ ಕೈಕಾಲುಗಳು ಅನೈಚ್ಛಿಕವಾಗಿ ಚಲಿಸುವ ಸ್ಥಿತಿಯಾಗಿದೆ.
ಅವರು ಹೆಚ್ಚು ಬುದ್ಧಿವಂತರು: ಹೌದು, ಎಡಗೈಯಾಗಿರುವುದು ಅದರ ಅನುಕೂಲಗಳನ್ನು ಹೊಂದಿರುತ್ತದೆ. 2007 ರಲ್ಲಿ ನಡೆಸಿದ ಅಧ್ಯಯನವು ಎಡಗೈ ಜನರು ಸಾಮಾನ್ಯವಾಗಿ ಹೆಚ್ಚಿನ ಐಕ್ಯೂ ಹೊಂದಿರುತ್ತಾರೆ ಎಂದು ತೋರಿಸುತ್ತದೆ. ದುರದೃಷ್ಟವಶಾತ್, ಇದು ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂದು ನಿಖರವಾಗಿ ತಿಳಿದಿಲ್ಲ.
ಎಡಗೈ ಪುರುಷರು ಹೆಚ್ಚು: ಪುರುಷರು ಮಹಿಳೆಯರಿಗಿಂತ ಹೆಚ್ಚಾಗಿ ಎಡಗೈ ಉಪಯೋಗಿಸುತ್ತಾರೆ ಎಂದು ಸಮೀಕ್ಷೆ ತೋರಿಸಿದೆ. ಸಂಶೋಧಕರು 144 ಎಡಗೈ ಜನರ ಡೇಟಾವನ್ನು ಪರಿಶೀಲಿಸಿದರು, ಪುರುಷರಲ್ಲಿ ಮಹಿಳೆಯರಿಗಿಂತ ಶೇಕಡಾ 23 ರಷ್ಟು ಹೆಚ್ಚಾಗಿ ಎಡಗೈ ಜನರಿದ್ದಾರೆ ಎಂದು ತಿಳಿದು ಬಂದಿದೆ.
ಉತ್ತಮ ಮಲ್ಟಿ ಟಾಸ್ಕರ್ : ಬಲಗೈ ಜನರಿಗಿಂತ ಎಡಗೈ ಜನರು ಬಹುಕಾರ್ಯದಲ್ಲಿ ಉತ್ತಮವಾಗಿರುತ್ತಾರೆ. ಎಡಗೈ ಜನರು ಬಲಗೈ ಜನರಿಗಿಂತ ಉತ್ತಮವಾಗಿ ವಿಷಯಗಳನ್ನು ನೆನಪಿಸಿಕೊಳ್ಳಬಹುದು ಎಂದು ಸಹ ಕಂಡುಬಂದಿದೆ.
ಸೂಕ್ಷ್ಮ ದೃಷ್ಟಿ : ಬಲಗೈ ಜನರ ದೃಷ್ಟಿಗಿಂತ ಎಡಗೈ ಜನರ ದೃಷ್ಟಿ ನೀರೊಳಗಿರುವಾಗ ವೇಗವಾಗಿ ಹೊಂದಿಕೊಳ್ಳುತ್ತದೆ ಎಂದು ನರ ವಿಜ್ಞಾನಿಗಳು ಕಂಡುಹಿಡಿದಿದ್ದಾರೆ.
