ಮಧುಮೇಹಿಗಳ ಲೈಂಗಿಕ ಜೀವನ ಹೇಗಿದ್ದರೆ ಆರೋಗ್ಯಕ್ಕೆ ಒಳ್ಳೇದು? ಇಲ್ಲಿವೆ ಟಿಪ್ಸ್

ಮಧುಮೇಹ (diabetes) ಪ್ರಕರಣಗಳು ದಿನದಿಂದ ದಿನಕ್ಕೆ ವೇಗವಾಗಿ ಹೆಚ್ಚುತ್ತಿವೆ. ಅದೇ ಸಮಯದಲ್ಲಿ, ಯುವಕರು ಸಹ ಚಿಕ್ಕ ವಯಸ್ಸಿನಲ್ಲಿಯೇ ಈ ಸಮಸ್ಯೆಗೆ ಬಲಿಯಾಗುತ್ತಿದ್ದಾರೆ. ಮಧುಮೇಹದದಿಂದ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಾಗುವುದರ ಜೊತೆಗೆ ಇತರ ಅನೇಕ ದೈಹಿಕ ಸಮಸ್ಯೆಗಳಿಗೆ ಕಾರಣವಾಗಬಹುದು. ಅದೇ ಸಮಯದಲ್ಲಿ, ಮಧುಮೇಹವು ನಿಮ್ಮ ಲೈಂಗಿಕ ಜೀವನದ (sex life) ಮೇಲೂ ಪರಿಣಾಮ ಬೀರುತ್ತದೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗಬಹುದು. 
 

ಹೌದು! ಅದು ಮಹಿಳೆಯಾಗಿರಲಿ ಅಥವಾ ಪುರುಷನಾಗಿರಲಿ, ಮಧುಮೇಹ ಇಬ್ಬರ ಸಂತಾನೋತ್ಪತ್ತಿ ಮತ್ತು ಲೈಂಗಿಕ ಚಟುವಟಿಕೆಗಳಿಗೆ ಅಡ್ಡಿಪಡಿಸುತ್ತದೆ. ಇಂದು ನಾವು ಮಧುಮೇಹದಿಂದ ಬಳಲುತ್ತಿರುವ ಮಹಿಳೆಯರ ಬಗ್ಗೆ ಮಾತನಾಡೋಣ. ಮಧುಮೇಹ ಮಹಿಳೆಯರು ಯಾವುದೇ ರೀತಿಯ ಲೈಂಗಿಕ ಚಟುವಟಿಕೆಯಲ್ಲಿ (sex activities) ಭಾಗವಹಿಸುವ ಮೊದಲು ಕೆಲವು ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳಬೇಕು.  

ಮಧುಮೇಹದ ಪರಿಣಾಮ
ಮಧುಮೇಹದ ಸಂದರ್ಭದಲ್ಲಿ, ಯೋನಿ ಶುಷ್ಕತೆಯ ಸಮಸ್ಯೆ ಇರಬಹುದು. ಅಧಿಕ ರಕ್ತದ ಸಕ್ಕರೆಯಿಂದಾಗಿ, ಯೋನಿಯ ರಕ್ತನಾಳಗಳು ಹಾನಿಗೊಳಗಾಗುತ್ತವೆ, ಇದರಿಂದಾಗಿ ಯೋನಿ ಶುಷ್ಕತೆ (vaginal dryness) ಉಂಟಾಗುತ್ತೆ. ಹೀಗಿರುವಾಗ ಸೆಕ್ಸ್ ಮಾಡೊದರಿಂದ ಹೆಚ್ಚಿನ ನೋವು ಉಂಟಾಗುತ್ತೆ.
 

ಇದಲ್ಲದೆ, ಮಧುಮೇಹದಿಂದಾಗಿ ದೇಹದಲ್ಲಿ ಹಾರ್ಮೋನುಗಳ ಬದಲಾವಣೆ ಉಂಟಾಗೋದು ಸಾಮಾನ್ಯ. ಇದರಿಂದಾಗಿ ಲೈಂಗಿಕ ಜೀವನದ ಮೇಲೂ ಪರಿಣಾಮ ಬೀರುತ್ತದೆ. ಮಧುಮೇಹ ಹೊಂದಿರುವ ಮಹಿಳೆಯರು ಮೂತ್ರನಾಳದ ಸೋಂಕುಗಳು (Urine Infection) ಮತ್ತು ಎಸ್ಟಿಐಗಳ ಅಪಾಯ ಹೊಂದಿರುತ್ತಾರೆ, ಇದು ಸಾಮಾನ್ಯವಾಗಿ ಲೈಂಗಿಕತೆ ಮತ್ತು ಸಂತೋಷದ ಮೇಲೆ ಪರಿಣಾಮ ಬೀರುತ್ತದೆ.

ಸಂಗಾತಿಯ ಲೈಂಗಿಕ ಜೀವನ
ಮಧುಮೇಹವಿದ್ದರೆ, ಗಂಡ, ಹೆಂಡತಿ ಇಬ್ಬರ ಮೇಲೂ ಪರಿಣಾಮ ಬೀರುತ್ತೆ. ನಿಮ್ಮ ಸಂಗಾತಿಗೂ ಮಧುಮೇಹವಿದ್ದರೆ, ರಕ್ತದಲ್ಲಿನ ಸಕ್ಕರೆ ಮಟ್ಟವು (blood sugar level) ನಿರಂತರವಾಗಿ ಹೆಚ್ಚಾಗುವುದರಿಂದ ನರಗಳಿಗೆ ಹಾನಿಯಾಗುವ ಅಪಾಯವಿದೆ. ಈ ಕಾರಣದಿಂದಾಗಿ ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆಯನ್ನು ಎದುರಿಸಬಹುದು, ಇದಲ್ಲದೇ ಆರ್ಗಸಂ ಹೊಂದುವುದು ಸಹ ಕಷ್ಟವಾಗುತ್ತೆ. 

ರಕ್ತದ ಸಕ್ಕರೆ ಮಟ್ಟವನ್ನು ಸಮತೋಲನದಲ್ಲಿರಿಸಿ
ಮಧುಮೇಹ ರೋಗಿಗಳು ತಮ್ಮ ಒಟ್ಟಾರೆ ಆರೋಗ್ಯವನ್ನು ಗಮನದಲ್ಲಿಟ್ಟುಕೊಂಡು ರಕ್ತದ ಗ್ಲೂಕೋಸ್ ಮಟ್ಟವನ್ನು (glucose levevl) ಸಮತೋಲನದಲ್ಲಿಡಬೇಕು. ಮಧುಮೇಹ ಹೊಂದಿರುವ ಮಹಿಳೆಯರು ಯೋನಿಯ ಆರೋಗ್ಯಕ್ಕಾಗಿ ರಕ್ತದಲ್ಲಿನ ಗ್ಲೂಕೋಸ್ ಅನ್ನು ಸಾಮಾನ್ಯವಾಗಿರಿಸಿಕೊಳ್ಳಬೇಕು. ಸಾಮಾನ್ಯ ರಕ್ತದ ಗ್ಲುಕೋಸ್ (Glucose level in Blood) ಮಟ್ಟಗಳು ನರವನ್ನು ಹಾನಿಗೊಳಿಸುವುದಿಲ್ಲ ಮತ್ತು ಸಾಕಷ್ಟು ಪ್ರಮಾಣದ ರಕ್ತವು ಯೋನಿಯನ್ನು ತಲುಪಲು ಅನುವು ಮಾಡಿಕೊಡುತ್ತದೆ, ಇದರಿಂದಾಗಿ ಯೋನಿ ಡ್ರೈ (Dry Vagina) ಆಗೋದಿಲ್ಲ.

ಆಹಾರಗಳ ಬಗ್ಗೆ ಗಮನ ಕೊಡಿ
ಹಾರ್ಮೋನುಗಳ ಸಮತೋಲನವನ್ನು ಕಾಪಾಡಿಕೊಳ್ಳಲು ಆಹಾರಗಳ ಬಗ್ಗೆ ಗಮನ ಹರಿಸುವುದು ಬಹಳ ಮುಖ್ಯ. ಇದಲ್ಲದೆ, ನಿಮ್ಮ ಸೆಕ್ಸ್ ಡ್ರೈವ್ (sex drive) ಸುಧಾರಿಸುವ ಕೆಲವು ಆಹಾರಗಳಿವೆ. ಉದಾಹರಣೆಗೆ, ಕಾಮಾಸಕ್ತಿಯನ್ನು ಉತ್ತೇಜಿಸುವ ಪ್ರಮುಖ ಖನಿಜ ಸತು. ಇದು ಟೆಸ್ಟೋಸ್ಟೆರಾನ್ ಉತ್ಪಾದನೆಯನ್ನು ಸುಧಾರಿಸುತ್ತದೆ, ಇದು ನಿಮ್ಮ ಕಾಮಾಸಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ನೀವು ಲೈಂಗಿಕ ಚಟುವಟಿಕೆಗೆ ಸುಲಭವಾಗಿ ಪ್ರಚೋದಿಸಲ್ಪಡುತ್ತೀರಿ.

ಶುಗರ್ ಲೆಸ್ ಲೂಬ್ರಿಕೆಂಟ್ ಬಳಸಿ
ಮಧುಮೇಹ ರೋಗಿಗಳು ಲೈಂಗಿಕ ಕ್ರಿಯೆಯ ಸಮಯದಲ್ಲಿ ಲೂಬ್ರಿಕೆಂಟ್ (Lubricant_ ಗಳನ್ನು ಬಳಸುವುದು ಬಹಳ ಮುಖ್ಯ. ನೀವು ಮಧುಮೇಹವನ್ನು ಹೊಂದಿದ್ದರೆ ಸರಿಯಾದ ಲೂಬ್ರಿಕೆಂಟ್ ಆಯ್ಕೆ ಮಾಡುವುದು ಬಹಳ ಮುಖ್ಯ. ಹೆಚ್ಚಿನ ಲೂಬ್ರಿಕೆಂಟ್ ಗಳು ಗ್ಲಿಸರಿನ್ ಮತ್ತು ಗ್ಲೈಕಾಲ್ ನಂತಹ ಸಕ್ಕರೆಯನ್ನು ಹೊಂದಿರುತ್ತವೆ. ಇವೆಲ್ಲವೂ ಮಧುಮೇಹದ ಸ್ಥಿತಿಯಲ್ಲಿ ಯೋನಿ ಪಿಎಚ್ ಮೇಲೆ ಪರಿಣಾಮ ಬೀರುತ್ತವೆ ಮತ್ತು ಯೀಸ್ಟ್ ಸೋಂಕಿನ (Yeast Infection) ಅಪಾಯವನ್ನು ಹೆಚ್ಚಿಸುತ್ತವೆ. ಇವೆಲ್ಲವನ್ನೂ ತಪ್ಪಿಸಲು, ನೈಸರ್ಗಿಕ ಲೂಬ್ರಿಕೆಂಟ್ ಗಳನ್ನು (natural lubricants) ಬಳಸಿ.  

ಯೋನಿ pH ಕಡೆಗೆ ಗಮನ ಕೊಡಿ
ರಕ್ತದಲ್ಲಿನ ಸಕ್ಕರೆ ಮಟ್ಟವು ಹೆಚ್ಚಾಗುವುದು ನಿಮ್ಮ ಯೋನಿ ಪಿಎಚ್ ಅನ್ನು ಅಸಮತೋಲನಗೊಳಿಸುತ್ತದೆ. ಈ ಸ್ಥಿತಿಯಲ್ಲಿ, ಯುಟಿಐನಂತಹ ಯೋನಿ ಸೋಂಕಿನ ಅಪಾಯ ಹೆಚ್ಚಾಗುತ್ತದೆ. ಅದೇ ಸಮಯದಲ್ಲಿ, ಈ ಪರಿಸ್ಥಿತಿಯಲ್ಲಿ, ಯೋನಿ ಒಣಗುತ್ತದೆ, ಜೊತೆಗೆ ಯೋನಿ ಬ್ಯಾಕ್ಟೀರಿಯಾ (Vaginal Becteria) ಅಸಮತೋಲನಗೊಳ್ಳುತ್ತದೆ, ಇದರಿಂದಾಗಿ ಬ್ಯಾಕ್ಟೀರಿಯಾದ (bacteria) ಯೋನಿನೋಸಿಸ್ ಅಪಾಯ ಹೆಚ್ಚಾಗುತ್ತದೆ. ಈ ಎಲ್ಲಾ ಪರಿಸ್ಥಿತಿಗಳನ್ನು ತಪ್ಪಿಸಲು ಪಿಎಚ್ ಸಮತೋಲನವನ್ನು (PH balance) ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ಇದಕ್ಕಾಗಿ ಆಹಾರಗಳ ಬಗ್ಗೆ ಗಮನ ಹರಿಸಿ ಮತ್ತು ಈ ವಿಷಯದ ಬಗ್ಗೆ ನಿಮ್ಮ ಸ್ತ್ರೀರೋಗ ತಜ್ಞರನ್ನು ಸಂಪರ್ಕಿಸಿ.