ಪತ್ನಿ ನೀತಾಗೆ ಮುಖೇಶ್ ಅಂಬಾನಿ ನೀಡಿದ ಜೆಟ್ ಲುಕ್ ನೋಡಿ ಒಮ್ಮೆ

ವಿಶ್ವದ ನಾಲ್ಕನೇ ಶ್ರೀಮಂತರಲ್ಲಿ ಸ್ಥಾನ ಪಡೆದಿರುವ ರಿಲಯನ್ಸ್ ಇಂಡಸ್ಟ್ರೀಸ್‌ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಮುಖೇಶ್ ಅಂಬಾನಿ ಒಂದಕ್ಕಿಂತ ಒಂದು ದುಬಾರಿ ವಸ್ತುಗಳನ್ನು ಹೊಂದಿದ್ದು, ಅದರ ಬೆಲೆಯ ಕೇಳಿದರೆ ಎಂತವರೂ ದಂಗಾಗುವುದು ಗ್ಯಾರಂಟಿ. ಅವರ ಮನೆ ಆಂಟಿಲಿಯಾವನ್ನು ದೇಶದ ಅತ್ಯಂತ ದುಬಾರಿ ಮತ್ತು ಐಷಾರಾಮಿ ಮನೆಗಳಲ್ಲಿ ಒಂದೆಂದು ಪರಿಗಣಿಸಲಾಗಿದೆ. ದುಬಾರಿ ಕಾರುಗಳಿಗೇನೂ ಕಡಿಮೆ ಇಲ್ಲ. ಮುಖೇಶ್ ಅಂಬಾನಿ ಒಂದು ವಿಹಾರ ನೌಕೆಯನ್ನು ಹೊಂದಿದ್ದು, ಇದರ ಮೌಲ್ಯ 1 ಮಿಲಿಯನ್ ಡಾಲರ್ (7,46,30,000.00 ರೂ.). ಅಷ್ಟೇ ಅಲ್ಲ, ಮುಖೇಶ್ ಏರ್ಬಸ್ 319 ಕಾರ್ಪೊರೇಟ್ ಜೆಟ್ ಸಹ ಹೊಂದಿದ್ದಾರೆ. ಮನರಂಜನಾ ಕ್ಯಾಬಿನ್, ಐಷಾರಾಮಿ ಸ್ಕೈ ಬಾರ್ ಮತ್ತು ಫ್ಯಾನ್ಸಿ ಡೈನಿಂಗ್‌ ಏರಿಯಾವನ್ನು ಹೊಂದಿದೆ ಇದು. ಅದನ್ನು ಖರೀದಿಸಿದಾಗ, ಅದರ ಮೌಲ್ಯ 100 ಮಿಲಿಯನ್ ಡಾಲರ್‌ (ಸುಮಾರು 7,46,22,50,000.00) ಆಗಿತ್ತು. 2007ರಲ್ಲಿ ಪತ್ನಿ ನೀತಾ ಅಂಬಾನಿ ಅವರ ಜನ್ಮದಿನದಂದು ಜೆಟ್ ಉಡುಗೊರೆಯಾಗಿ ನೀಡಿದರು. ಈ ಜೆಟ್‌ನ ಹೊರತಾಗಿ, ಮುಖೇಶ್ ಅಂಬಾನಿ ಇನ್ನೂ ಎರಡು ಖಾಸಗಿ ವಿಮಾನಗಳಾದ ಬೋಯಿಂಗ್ ಬ್ಯುಸಿನೆಸ್ ಜೆಟ್ -2 ಮತ್ತು ಫಾಲ್ಕನ್ 900 ಇಎಕ್ಸ್ ಹೊಂದಿದ್ದಾರೆ. ಮುಖೇಶ್ ಅಂಬಾನಿಯ ಏರ್ಬಸ್ 319 ರ ಒಳಗಿನ ಚಿತ್ರಗಳನ್ನು ನೋಡಿ.