ವಿಸ್ಡಮ್ ಹಲ್ಲು ನೋವು: ಕಾರಣ ಮತ್ತು ತಡೆಯಲು ಪರಿಣಾಮಕಾರಿ ಪರಿಹಾರ!!

ಬಾಯಿಯ ಹಿಂಭಾಗದಲ್ಲಿರುವ ಹಲ್ಲುಗಳು ಒಂದು ಗುಂಪಾಗಿವೆ. ಇವು ಆಹಾರಕ್ಕೆ ಜಗಿದು ಅರೆಯಲು ನೆರವಾಗುವ ಅತ್ಯಂತ ಕಠಿಣ ಮತ್ತು ಅಗಲವಾದ ಹಲ್ಲುಗಳ ಸಮೂಹ. ಹೆಚ್ಚಿನ ಜನರಲ್ಲಿ 17 ರಿಂದ 25ರ ನಡುವಿನ ವಯಸ್ಸಿನ ನಡುವೆ ವಿಸ್ಡಮ್ ಹಲ್ಲುಗಳು ಹೊರಹೊಮ್ಮಲು ಪ್ರಾರಂಭಿಸುತ್ತವೆ. ಕೆಲವರಿಗೆ ಈ ಪ್ರಕ್ರಿಯೆಯಲ್ಲಿ ಯಾವುದೇ ಸಮಸ್ಯೆ ಅಥವಾ ನೋವು ಇರುವುದಿಲ್ಲ, ಇನ್ನು ಕೆಲವರಿಗೆ ದೀರ್ಘಕಾಲದವರೆಗೆ ಕಾಡಬಹುದಾದಂತಹ ಅನುಭವವಾಗುತ್ತದೆ. ಏಕೆಂದರೆ, ಒಸಡುಗಳ ಮೂಲಕ ಹಲ್ಲುಗಳು ಒಡೆದು, ಜಗಿಯುವ ವ್ಯವಸ್ಥೆಯ ಭಾಗವಾಗುವುದು ಇದಕ್ಕೆ ಕಾರಣ.
 

ವಿಸ್ಡಮ್ ಹಲ್ಲು ನೋವಿಗೆ ಕಾರಣಗಳೇನು?
ವಿಸ್ಡಮ್ ಹಲ್ಲು ನೋವು ಮುಖ್ಯವಾಗಿ ಹಲ್ಲಿನ ಉಗಮದಿಂದ ಉಂಟಾಗುತ್ತದೆ. ಇದು ಒಸಡುಗಳ ಗೆರೆಯ ಮೂಲಕ ಒಡೆದು ಉರಿಯೂತ, ಕೆಂಪಾಗುವಿಕೆ ಮತ್ತು ಊತಕ್ಕೆ ಕಾರಣವಾಗಬಹುದು, ಇದು ತುಂಬಾ ನೋವಿನಿಂದ ಕೂಡಿರಬಹುದು. ಬಾಧಿತ ಪ್ರದೇಶದಲ್ಲಿ ರಕ್ತಸ್ರಾವವಾಗಬಹುದು, ಮತ್ತು  ತಲೆನೋವುಗಳ ಪ್ರಸಂಗಗಳನ್ನು ಅನುಭವಿಸಬಹುದು.

ಇದರ ಹೊರತಾಗಿ, ಒಂದು ವಿಸ್ಡಮ್ ಹಲ್ಲು ವಕ್ರವಾಗಿ ಹೊರಬಂದಾಗ ನೋವುಂಟು ಮಾಡಬಹುದು. ಇದು ಹಠಾತ್ ಆಗಿಯೂ ಸೋಂಕು ಉಂಟುಮಾಡಬಹುದು.

ವಿಸ್ಡಮ್ ಹಲ್ಲು ನೋವನ್ನು ತಡೆಗಟ್ಟುವುದು ಹೇಗೆ?
ನೋವಿನ ವಿಸ್ಡಮ್ ಹಲ್ಲು  ಒಟ್ಟಾರೆ ಮೌಖಿಕ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು. ಉರಿಯೂತ, ಊತ ಮತ್ತು ಸೋಂಕು ಇವೆಲ್ಲವೂ ಅಸ್ವಸ್ಥತೆ ಮತ್ತು ಚಡಪಡಿಕೆಗಳಿಗೆ ಕಾರಣವಾಗಬಹುದು. ದಂತ ವೈದ್ಯಕೀಯ ಚಿಕಿತ್ಸಾಲಯಕ್ಕೆ ಭೇಟಿ ನೀಡುವುದು ಯಾವಾಗಲೂ ಸೂಕ್ತವಾದರೂ, ಕೆಲವು ಮನೆಮದ್ದುಗಳ ಮೊರೆ ಹೋಗಬಹುದು, ಇದು  ತುಂಬಾ ಸಹಾಯ ಮಾಡುತ್ತದೆ.

ಉಪ್ಪು ನೀರಿನಿಂದ ಬಾಯಿ ಮುಕ್ಕಳಿಸಿ 
ಹಲ್ಲು ನೋವಿನಿಂದ ಬಳಲುತ್ತಿದ್ದಾಗಲೆಲ್ಲಾ,  ವಸಡುಗಳನ್ನು ಸ್ವಲ್ಪ ಉಪ್ಪು ನೀರಿನಿಂದ ಮುಕ್ಕಳಿಸಿದರೆ, ಇದು ಹಾನಿಕಾರಕ ಬ್ಯಾಕ್ಟೀರಿಯಾಗಳನ್ನು ಕೊಲ್ಲುವುದು ಮಾತ್ರವಲ್ಲದೆ, ಬಾಯಿಯ ನೋವನ್ನು ಶಮನಮಾಡುತ್ತದೆ.

ಜಜ್ಜಿದ ಶುಂಠಿ ಮತ್ತು ಬೆಳ್ಳುಳ್ಳಿ
ಬಾಯಿಯಲ್ಲಿ ಉಂಟಾಗುವ ಸೋಂಕು ಮತ್ತು ಉರಿಯೂತದಿಂದ ಹಲ್ಲುನೋವು ಉಂಟಾಗುತ್ತದೆ. ಇದನ್ನು ಕೆಲವು ಜಜ್ಜಿದ ಬೆಳ್ಳುಳ್ಳಿ ಮತ್ತು ಶುಂಠಿಯ ಸಹಾಯದಿಂದ ಶಮನಗೊಳಿಸಬಹುದು, ಇದು ಉರಿಯೂತ ಶಮನಕಾರಿ ಗುಣಗಳನ್ನು ಹೊಂದಿದ್ದು, ನೋವಿಗೆ ಕಾರಣವಾದ ರೋಗಕಾರಕಗಳ ವಿರುದ್ಧ ಹೋರಾಡುತ್ತದೆ.

ಲವಂಗ
ಲವಂಗ ಹಲ್ಲುನೋವುಗಳನ್ನು ಗುಣಪಡಿಸುವ ಸಾಮರ್ಥ್ಯ ಹೊಂದಿದೆ. ಇದು ಬ್ಯಾಕ್ಟೀರಿಯಾಗಳ ವಿರುದ್ಧ ಹೋರಾಡುವ ಮತ್ತು ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುವ ನೈಸರ್ಗಿಕ ಪರಿಹಾರವಾಗಿದೆ.

ಪೆಪ್ಪರ್ ಮಿಂಟ್
ಪೆಪ್ಪರ್ ಮಿಂಟ್ ನೈಸರ್ಗಿಕವಾಗಿ ಬಾಯಿಯ ಉರಿಯೂತವನ್ನು ಗುಣಪಡಿಸಬಹುದು ಮತ್ತು ನೋವನ್ನು ಕಡಿಮೆ ಮಾಡಬಹುದು. ಹಲ್ಲು ನೋವುಗಳನ್ನು ನಿವಾರಿಸಲು ಅಗತ್ಯವಾದ ಎಣ್ಣೆಯನ್ನು ಇದರಲ್ಲಿ ಒಳಗೊಂಡಿದ್ದು, ಇದು ಹಲ್ಲುನೋವುಗಳನ್ನು ನಿವಾರಿಸುತ್ತದೆ.

ಅರಿಶಿನ
ಅರಿಶಿನವು ಬಹುತೇಕ ಭಾರತೀಯ ಅಡುಗೆ ಮನೆಯಲ್ಲಿ ಇರುವ ಒಂದು ಸಾಂಪ್ರದಾಯಿಕ ಮಸಾಲೆಯಾಗಿದೆ. ಇದರ ಅನಲ್ಜೆಸಿಕ್ ಮತ್ತು ಉರಿಯೂತ ನಿವಾರಕ ಗುಣಗಳು ಹಲ್ಲುನೋವುಗಳಿಗೆ ಪರಿಣಾಮಕಾರಿ ಪರಿಹಾರವಾಗಿದೆ.

ಟೀ ಟ್ರೀ ಎಣ್ಣೆ
ಆಂಟಿ ಬ್ಯಾಕ್ಟೀರಿಯ ಗುಣಗಳಿಂದ ಸಮೃದ್ಧವಾಗಿರುವ ಟೀ ಟ್ರೀ ಎಣ್ಣೆಯು ಬಾಯಿಯಲ್ಲಿರುವ ಎಲ್ಲಾ ಬ್ಯಾಕ್ಟೀರಿಯಾಗಳನ್ನು ನಾಶ ಮಾಡಲು ಸಹಾಯ ಮಾಡುತ್ತದೆ. ಇದನ್ನು ನೇರವಾಗಿ ಒಸಡುಗಳಿಗೆ ಕೊಬ್ಬರಿ ಎಣ್ಣೆಯಿಂದ ಹಚ್ಚಿಕೊಳ್ಳಬಹುದು. ಇದು ತುಂಬಾ ಪರಿಣಾಮಕಾರಿ ಮತ್ತು  ನೋವನ್ನು ನಿವಾರಿಸುತ್ತದೆ.

ಗೋಧಿ ಹುಲ್ಲು
ಗೋಧಿ ಹುಲ್ಲಿನಲ್ಲಿ ಹೆಚ್ಚಿನ ಕ್ಲೋರೋಫಿಲ್ ಅಂಶವಿದ್ದು, ಇದು ಉರಿಯೂತ ಮತ್ತು ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಜೊತೆಗೆ ಬ್ಯಾಕ್ಟೀರಿಯಾಗಳ ಸಂಖ್ಯೆ ಹೆಚ್ಚಾಗದಂತೆ ತಡೆಯುತ್ತದೆ ಮತ್ತು ಸೋಂಕು ಹರಡದಂತೆ ತಡೆಯುತ್ತದೆ.

ಶೀತ ಅಥವಾ ಶಾಖದ ಪ್ಯಾಕ್ಗಳನ್ನು ಅನ್ವಯಿಸಿ
ಹಲ್ಲು ನೋವಿನ ವಿಷಯಕ್ಕೆ ಬಂದಾಗ, ಬಾಧಿತ ಪ್ರದೇಶಕ್ಕೆ ಐಸ್ ಪ್ಯಾಕ್ ಅಥವಾ ಸ್ವಲ್ಪ ಶಾಖವನ್ನು ಕೊಡುವುದರಿಂದ ತುಂಬಾ ಸಮಾಧಾನವಾಗಬಹುದು. ಇದು ಉರಿಯೂತವನ್ನು ನಿವಾರಿಸುವುದು ಮಾತ್ರವಲ್ಲದೆ ಊತ ಮತ್ತು ನೋವನ್ನು ಕಡಿಮೆ ಮಾಡುತ್ತದೆ. 

ಅಲೋವೆರಾ
ವಿಸ್ಡಮ್ ಹಲ್ಲುಗಳು ಬೆಳೆಯುವ ಜಾಗಕ್ಕೆ ಅಲೋವೆರಾವನ್ನು ಹಚ್ಚಬಹುದು. ಇದು ಕೇವಲ ಶಮನಕಾರಿ ಪರಿಣಾಮವನ್ನು ನೀಡುವುದು ಮಾತ್ರವಲ್ಲ, ಈ ಭಾಗದ ಉರಿಯೂತವನ್ನು ಕಡಿಮೆ ಮಾಡುತ್ತದೆ. ಶುದ್ಧ ಅಲೋವೆರಾ ಜೆಲ್ ಅನ್ನು  ಬಾಯಿಯ ಹಿಂಭಾಗಕ್ಕೆ ಹಚ್ಚಿಕೊಳ್ಳಬಹುದು, ಇದು ನೋವು ನಿವಾರಿಸಲು ಸಹಕರಿಸುತ್ತದೆ.

ಆಲ್ಕೋಹಾಲ್
ಆಲ್ಕೊಹಾಲ್ ಪಾನೀಯಗಳು ಹಲ್ಲುಗಳ ಮೂಲಕ ಪ್ರಚೋದಿಸಿದ ನೋವನ್ನು ನಿವಾರಿಸಲು ಸಹಾಯ ಮಾಡುವಂತಹ ಉತ್ತಮ ಗುಣಗಳನ್ನು ಹೊಂದಿವೆ. ವಸಡುಗಳಿಗೆ ಉಜ್ಜಿದರೆ ನೋವು ಕಡಿಮೆ ಮಾಡಬಹುದು.