Health Tips: ನಿಮ್ಮ ಈ 7 ಕೆಟ್ಟ ಅಭ್ಯಾಸಗಳು ಮೆದುಳನ್ನು ದುರ್ಬಲಗೊಳಿಸುತ್ತೆ …. ಹುಷಾರ್ !

ದೇಹ ಮತ್ತು ಮನಸ್ಸನ್ನು ಆರೋಗ್ಯವಾಗಿಡುವುದು ಬಹಳ ಮುಖ್ಯ.ಯಾಕಂದ್ರೆ ಇವೆರಡರ ಆರೋಗ್ಯದಿಂದ ಇದ್ರೆ ವೃದ್ಧಾಪ್ಯದಲ್ಲಿ ಮರೆಯುವ ಸಮಸ್ಯೆಯೊಂದಿಗೆ ಖಿನ್ನತೆಯಂತಹ (Depression) ಸಮಸ್ಯೆಗಳು ಬರುವ ಅಪಾಯವಿಲ್ಲ, ಆದರೆ ನಮ್ಮ ಕೆಲವು ಅಭ್ಯಾಸಗಳು ಮೆದುಳನ್ನು ದುರ್ಬಲಗೊಳಿಸಲು ಕೆಲಸ ಮಾಡುತ್ತವೆ ಎಂದು ನಿಮಗೆ ತಿಳಿದಿದೆಯೇ?  

ರಾತ್ರಿಯಿಡೀ ಪುಸ್ತಕಗಳನ್ನು ಓದಿದ ನಂತರವೂ, ಪರೀಕ್ಷಾ ಹಾಲಿನಲ್ಲಿ ಪ್ರಶ್ನೆ ಪತ್ರಿಕೆ ನೋಡಿದಾಗ, ನಮಗೆ ಏನೂ ನೆನಪಾಗೋದೆ ಇಲ್ಲ ಎಂದು ಅನಿಸುತ್ತೆ. ಒಂದು ಅಥವಾ ಎರಡು ದಿನ ಮುಂಚಿತವಾಗಿ ಆಫೀಸಿನಲ್ಲಿ ಪ್ರೆಸೆಂಟೇಷನ್‌ಗೆ ತಯಾರಿ ನಡೆಸಿದ ನಂತರವೂ, ಅನೇಕ ಬಾರಿ ನೀವು ಬಾಸ್ ಮುಂದೆ ಮಾತನಾಡಲು ತಡವರಿಸುತ್ತೀರಿ. ಮತ್ತೆ ಕೆಲವರಿಗೆ ಏನಾಗುತ್ತೆ ಅಂದ್ರೆ ಏನನ್ನೋ ಹುಡುಕಲು ರೂಮಿಗೆ ತೆರಳುತ್ತಾರೆ, ಆದರೆ ರೂಮಿಗೆ ಹೋದ ಕೂಡಲೇ ಯಾಕೆ ಹೋದೆ ಅನ್ನೋದೆ ಅವರಿಗೆ ಮರೆತು ಹೋಗುತ್ತೆ. ಹಾಗಿದ್ರೆ ಹೀಗೆ ಆಗೋದಕ್ಕೆ ಕಾರಣ ಏನು? 

ನಮ್ಮ ದಿನಚರಿ ಹದಗೆಟ್ಟಾಗ ಮತ್ತು ಅದು ನಮ್ಮ ಮೆದುಳನ್ನು ದುರ್ಬಲಗೊಳಿಸಲು ಪ್ರಾರಂಭಿಸುತ್ತದೆ. ಇದರಿಂದ, ನಮ್ಮ ಮೆದುಳಿನ ಆಲೋಚನಾ ಮತ್ತು ಅರ್ಥಮಾಡಿಕೊಳ್ಳುವ ಸಾಮರ್ಥ್ಯ ಕಡಿಮೆಯಾಗುತ್ತದೆ. ಹಾಗಿದ್ರೆ ಮೆದುಳಿನ ಆರೋಗ್ಯಕ್ಕೆ ಒಳ್ಳೆಯದಲ್ಲದ ಅಭ್ಯಾಸಗಳು ಯಾವುವು ಎಂದು ತಿಳಿಯೋಣ.

ವ್ಯಾಯಾಮ ಮಾಡದಿರುವುದು (not doing exercise)
ನೀವು ಯಾವುದೇ ರೀತಿಯ ವ್ಯಾಯಾಮ ಮಾಡದಿದ್ದರೆ, ಮೆದುಳಿಗೆ ಹಾನಿಯಾಗುತ್ತೆ. ನೃತ್ಯ, ನಡಿಗೆ (Walking), ಓಟ (Running), ಯೋಗ (Yoga), ಹೃದಯರಕ್ತನಾಳದ ವ್ಯಾಯಾಮ, ಭಾರ ಎತ್ತುವುದು ಮುಂತಾದ ದೇಹವನ್ನು ಆಯಾಸಗೊಳಿಸುವ ಯಾವುದೇ ಕೆಲಸವನ್ನು ನೀವು ಮಾಡದಿದ್ದರೆ, ನೀವು ಮನಸ್ಸನ್ನು ತೀಕ್ಷ್ಣಗೊಳಿಸಲು ಯಾವುದೇ ಪ್ರಯತ್ನ ಮಾಡುತ್ತಿಲ್ಲ ಎಂದರ್ಥ. ವ್ಯಾಯಾಮವು ದೇಹ ಮತ್ತು ಮನಸ್ಸನ್ನು ಆರೋಗ್ಯಕರವಾಗಿರಿಸುತ್ತದೆ. ಹಾಗಾಗಿ ಪ್ರತಿದಿನ ವ್ಯಾಯಾಮ ಮಾಡಿ.

ಸಾಕಷ್ಟು ನಿದ್ರೆ ಇಲ್ಲದಿರುವುದು (sleeplessness)
ನಿಮಗೆ ಸಾಕಷ್ಟು ನಿದ್ರೆ ಸಿಗದಿದ್ದರೂ, ನಿಮ್ಮ ಮೆದುಳು ಆಕ್ಟೀವ್ ಆಗಿ ಇರಲು ಸಾಧ್ಯವಾಗೋದಿಲ್ಲ. ಸಾಕಷ್ಟು ನಿದ್ರೆ ಪಡೆಯುವುದು ಎಂದರೆ ನೀವು ಹೇಗೆ ಮಲಗುತ್ತೀರಿ, ಯಾವಾಗ ಮಲಗುತ್ತೀರಿ ಮತ್ತು ನೀವು ಯಾವ ರೀತಿ ಮಲಗುತ್ತೀರಿ ಎಂಬುದನ್ನು ತಿಳಿದುಕೊಳ್ಳುವುದು. ಸರಿಯಾದ ಸಮಯದಲ್ಲಿ ಸರಿಯಾದ ಪ್ರಮಾಣದ ನಿದ್ರೆ ಪಡೆಯುವುದು ಬಹಳ ಮುಖ್ಯ. ಇದು ಮೆದುಳನ್ನು ಸಕ್ರಿಯವಾಗಿ ಮತ್ತು ಆರೋಗ್ಯಕರವಾಗಿರಿಸುತ್ತದೆ.

ಸ್ಥೂಲಕಾಯತೆಯನ್ನು ಕಡಿಮೆ ಮಾಡುವುದು (obesity)
ನಿಮ್ಮ ಹೊಟ್ಟೆ ಹೆಚ್ಚಾದಂತೆ ಮೆದುಳು ಚಿಕ್ಕದಾಗುತ್ತದೆ. ಆದ್ದರಿಂದ, ನಿಮ್ಮ ದಪ್ಪ ಹೊಟ್ಟೆಯನ್ನು ಕಡಿಮೆ ಮಾಡುವುದು ಬಹಳ ಮುಖ್ಯ. ದಪ್ಪ ಹೊಟ್ಟೆ ಮೆದುಳಿಗೆ ತುಂಬಾ ಹಾನಿಕಾರಕ. ನಿಮ್ಮ ಹೊಟ್ಟೆ ಮತ್ತು ಸೊಂಟವನ್ನು ಆಕಾರದಲ್ಲಿರಿಸಿಕೊಳ್ಳಿ ಏಕೆಂದರೆ ಇದು ನಿಮ್ಮ ಮನಸ್ಸನ್ನು ಆರೋಗ್ಯಕರವಾಗಿರಿಸುತ್ತದೆ.

ಅನಾರೋಗ್ಯಕರ ಆಹಾರ ಸೇವನೆ (junk food)
ಜಂಕ್, ಕರಿದ ಆಹಾರ, ಸಂರಕ್ಷಕಗಳಿಂದ ತುಂಬಿದ ಆಹಾರವು ಕ್ರಮೇಣ ನಿಮ್ಮ ಮೆದುಳಿನ ಸಾಮರ್ಥ್ಯವನ್ನು ಕಡಿಮೆ ಮಾಡುತ್ತದೆ. ಮನಸ್ಥಿತಿಯ ಬದಲಾವಣೆಗಳು, ಗೊಂದಲ, ಖಿನ್ನತೆಗೆ ಒಂದು ಕಾರಣವೆಂದರೆ ಅನಾರೋಗ್ಯಕರ ಆಹಾರ ಸೇವನೆ. ಇವುಗಳನ್ನು ತಿನ್ನೋದನ್ನ ಬಿಡಿ.

ಹೊಸದನ್ನು ಕಲಿಯುತ್ತಿಲ್ಲ (not learning new things)
ವಯಸ್ಸಾದಂತೆ ಹೊಸದನ್ನು ಕಲಿಯುವುದು ಬಹಳ ಮುಖ್ಯ.ವಯಸ್ಸಾದರೂ ಸಹ ಹೊಸ ಹೊಸ ವಿಷಯಗಳನ್ನು ಕಲಿಯುತ್ತಲೇ ಇರಿ. ನಮ್ಮ ಮೆದುಳಿಗೆ ಕೆಲಸ ನೀಡುತ್ತಿದ್ದರೆ, ಮೆದುಳು ಚೆನ್ನಾಗಿ ಕೆಲಸ ಮಾಡಲು ಸಾಧ್ಯವಾಗುತ್ತೆ. ಹಾಗಾಗಿ ಹೊಸ ಭಾಷೆ, ಸಂಗೀತ ವಾದನಗಳನ್ನು ಕಲಿಯಿರಿ. 

ಅತಿಯಾದ ಸ್ಕ್ರೀನ್ ಟೈಮ್ (screentime)
ಮೊಬೈಲ್, ಟಿವಿ, ಲ್ಯಾಪ್ಟಾಪ್-ಕಂಪ್ಯೂಟರ್ ಮುಂತಾದ ಎಲೆಕ್ಟ್ರಿಕ್ ಸಾಧನಗಳನ್ನು ತುಂಬಾ ಹೊತ್ತು ನೋಡುವುದು ಮನಸ್ಸು ಮತ್ತು ದೇಹ ಎರಡಕ್ಕೂ ಹಾನಿಕಾರಕ. ಹೆಚ್ಚು ಹೆಚ್ಚು ಸಮಯ ಸ್ಕ್ರೀನ್ ನೋಡುವುದರಿಂದ ಮೆದುಳಿನ ಸಾಮರ್ಥ್ಯ ಕಡಿಮೆಯಾಗುತ್ತೆ.

ಮನೆಯೊಳಗೆ ಹೆಚ್ಚು ಸಮಯ ಕಳೆಯುತ್ತಿದ್ದರೆ
ನೀವು ನಿಮ್ಮ ಹೆಚ್ಚಿನ ಸಮಯವನ್ನು ಮನೆಯಲ್ಲಿ ಕಳೆಯುತ್ತಿದ್ದರೆ, ತಾಜಾ ಗಾಳಿಯಲ್ಲಿ ಹೊರಗೆ ಹೋಗದಿದ್ದರೆ, ತೆರೆದ ಗಾಳಿಯಲ್ಲಿ ಉಸಿರಾಡದಿದ್ದರೆ, ಈ ಎಲ್ಲಾ ವಿಷಯಗಳು ನಿಮ್ಮ ಮನಸ್ಸನ್ನು ದುರ್ಬಲಗೊಳಿಸುತ್ತವೆ. ಇದು ನಿಮ್ಮ ಬೌದ್ಧಿಕ ಸಾಮರ್ಥ್ಯವನ್ನು ಕಡಿಮೆ ಮಾಡುತ್ತದೆ. ಪ್ರಕೃತಿಯ ಮಧ್ಯದಲ್ಲಿ ತೆರೆದ ಗಾಳಿಯಲ್ಲಿ ಪ್ರತಿದಿನ ಕನಿಷ್ಠ ಅರ್ಧ ಗಂಟೆ ಕಳೆಯಿರಿ. ಈ ರೀತಿಯಾಗಿ, ನೀವು ಖಿನ್ನತೆಯಿಂದ ದೂರವಿರುತ್ತೀರಿ, ಸಂತೋಷವಾಗಿರುತ್ತೀರಿ ಮತ್ತು ನಿಮ್ಮ ಬೌದ್ಧಿಕ ಸಾಮರ್ಥ್ಯಗಳು ಹೆಚ್ಚಾಗುತ್ತವೆ.