ಮಲಗುವ ಸಮಯ ತಡವಾದಷ್ಟು ಹೃದ್ರೋಗ ಸಾಧ್ಯತೆ ಹೆಚ್ಚು?

ಮಲಗುವ ಸಮಯವನ್ನು ತಡ ಮಾಡಿದಷ್ಟು ಹೃದ್ರೋಗಗಳ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ ಎಂದು ಅಧ್ಯಯನವೊಂದು ಕಂಡುಹಿಡಿದಿದೆ. ಸಮಯಕ್ಕೆ ಸರಿಯಾಗಿ ಮಲಗುವುದು ಮಾತ್ರವಲ್ಲ, ಉತ್ತಮ ನಿದ್ರೆ ಪಡೆಯುವುದು ಸಹ ಮುಖ್ಯ. 

ನಮ್ಮ ಒಟ್ಟಾರೆ ಆರೋಗ್ಯಕ್ಕೆ ಸಾಕಷ್ಟು ನಿದ್ರೆ ಪಡೆಯುವುದು ಅತ್ಯಗತ್ಯ. ಆದ್ದರಿಂದ, ಮಲಗಲು ನಿಗದಿತ ಸಮಯ ಇರಬೇಕು. ನೀವು ಸರಿಯಾಗಿ ಮತ್ತು ಸರಿಯಾದ ಸಮಯಕ್ಕೆ ನಿದ್ರೆ ಮಾಡಿದ್ರೆ ಮಾತ್ರ ಹೃದಯದ ಆರೋಗ್ಯವು (healthy heart) ಚೆನ್ನಾಗಿರುತ್ತೆ. ಹಾಗಿದ್ರೆ ನಿಮ್ಮ ನಿದ್ರೆಯ ವೇಳಾಪಟ್ಟಿಯನ್ನು ನೀವು ಹೇಗೆ ಸುಧಾರಿಸಬಹುದು ಎಂಬುದನ್ನು ತಿಳಿಯಿರಿ.

ಅಧ್ಯಯನದ ಪ್ರಕಾರ, ಪ್ರತಿದಿನ 1.5 ಗಂಟೆಗಳ ವಿಳಂಬ ನಿದ್ರೆಯು ಹೃದಯದ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ನಿದ್ರೆಯ ಕೊರತೆಯು ಹೃದಯ ಸಂಬಂಧಿತ ಅನೇಕ ಕಾಯಿಲೆಗಳಿಗೆ (heart related problem) ಕಾರಣವಾಗಬಹುದು. ಈ ಅಧ್ಯಯನದಲ್ಲಿ, ಪ್ರತಿದಿನ ಒಂದು ನಿರ್ದಿಷ್ಟ ಸಮಯದಲ್ಲಿ ಮಲಗುವ ಜನರಿಗೆ ಹೃದ್ರೋಗಗಳು ಬರುವ ಸಾಧ್ಯತೆ ಕಡಿಮೆ ಎಂದು ಕಂಡುಬಂದಿದೆ. 

ನಿದ್ರೆಯ ಕೊರತೆಯು ನಮ್ಮ ಹೃದಯದ ಮೇಲೆ ಮಾತ್ರವಲ್ಲ, ಇಡೀ ಆರೋಗ್ಯದ ಮೇಲೆ ಕೆಟ್ಟ (affect on health) ಪರಿಣಾಮ ಬೀರುತ್ತದೆ. ಮಲಗಲು ನಿಗದಿತ ಸಮಯವನ್ನು ಹೊಂದಿರುವುದು ನಮ್ಮ ಆರೋಗ್ಯಕ್ಕೆ ಬಹಳ ಮುಖ್ಯ. ಮಲಗುವ ಸಮಯದ ವಿಳಂಬವು ಸೆಲ್ಯುಲಾರ್ ಹಾನಿ, ಉರಿಯೂತ ಮತ್ತು ಹೃದ್ರೋಗದ ಸಾಧ್ಯತೆಗಳನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಪ್ರತಿದಿನ ನಿಗದಿತ ಸಮಯದಲ್ಲಿ ಮಲಗಿ. ಅಲ್ಲದೆ, ಉತ್ತಮ ನಿದ್ರೆ ಪಡೆಯಿರಿ. ನಿಮ್ಮ ನಿದ್ರೆಯ ವೇಳಾಪಟ್ಟಿಯನ್ನು ನೀವು ಹೇಗೆ ನಿರ್ವಹಿಸಬಹುದು ಎಂದು ತಿಳಿಯೋಣ.

ಒತ್ತಡವನ್ನು ಕಡಿಮೆ ಮಾಡಿ (reduce stress): ಅತಿಯಾದ ಒತ್ತಡದಿಂದಾಗಿ ನಿದ್ರೆಯ ಸಮಸ್ಯೆ ಉಂಟಾಗುತ್ತದೆ. ಆದ್ದರಿಂದ, ಒತ್ತಡವನ್ನು ನಿರ್ವಹಿಸುವುದು ಬಹಳ ಮುಖ್ಯ. ಧ್ಯಾನ, ಯೋಗ, ವಾಕಿಂಗ್ ಇತ್ಯಾದಿಗಳು ನಿಮ್ಮ ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ವ್ಯಾಯಾಮ(exercise): ವ್ಯಾಯಾಮವು ದೇಹವನ್ನು ಆರೋಗ್ಯಕರವಾಗಿರಿಸುತ್ತದೆ. ಅಲ್ಲದೆ, ಇದು ದೇಹದಲ್ಲಿ ಸಂತೋಷದ ಹಾರ್ಮೋನುಗಳನ್ನು ಸೃಷ್ಟಿಸುತ್ತದೆ. ಇದು ಉತ್ತಮ ನಿದ್ರೆಗೆ ಕಾರಣವಾಗುತ್ತದೆ. ಆದರೆ ವ್ಯಾಯಾಮ ಮಾಡಿದ ಕೂಡಲೇ ಮಲಗೋದು ತಪ್ಪು.

ಫೋನ್ ಬಳಸಬೇಡಿ (Do not use phone at night): ನಾವು ಮಲಗುವ ಮೊದಲು ಫೋನ್ ಬಳಸುವ ಅಭ್ಯಾಸವನ್ನು ಹೊಂದಿದ್ದೇವೆ. ಅದರಿಂದ ಹೊರಸೂಸುವ ನೀಲಿ ಬೆಳಕು ನಿದ್ರೆಗೆ ಭಂಗ ತರುತ್ತದೆ ಮತ್ತು ಉತ್ತಮ ನಿದ್ರೆಗೆ ಕಾರಣವಾಗುವುದಿಲ್ಲ. ಫೋನ್ ಚಾಲನೆ ಮಾಡುವ ಮೂಲಕ ಮೆದುಳಿಗೆ ವಿಶ್ರಾಂತಿ ಪಡೆಯಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಮಲಗುವ ಒಂದು ಗಂಟೆ ಮೊದಲು ಫೋನ್ ಬಳಸೋದನ್ನು ನಿಲ್ಲಿಸಿ.

ಆಹಾರದ ಬಗ್ಗೆ ಕಾಳಜಿ ವಹಿಸಿ (take care of food): ಮಲಗುವ ಮೊದಲು ಕಾಫಿ, ಚಹಾ, ತಂಬಾಕು ಮತ್ತು ಆಲ್ಕೋಹಾಲ್ ಸೇವಿಸಬೇಡಿ. ತುಂಬಾ ಎಣ್ಣೆಯುಕ್ತ ಅಥವಾ ಮಸಾಲೆಯುಕ್ತ ಆಹಾರವನ್ನು ತಿನ್ನಬೇಡಿ ಮತ್ತು ತಿಂದ ತಕ್ಷಣ ಮಲಗೋದು ಸಹ ಸರಿಯಲ್ಲ ಇದು ನಿಮ್ಮ ನಿದ್ರೆಯ ಚಕ್ರವನ್ನು ಹಾನಿಗೊಳಿಸುತ್ತದೆ. ಅಲ್ಲದೆ, ಹಸಿರು ತರಕಾರಿಗಳು, ಹಣ್ಣುಗಳು, ಹಾಲು, ಮೊಸರು ಇತ್ಯಾದಿಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸಿ.

ಸಮಯ ಸೆಟ್ ಮಾಡಿ (set sleeping time): ಪ್ರತಿದಿನ ಮಲಗಲು ಮತ್ತು ಎದ್ದೇಳಲು ಸಮಯವನ್ನು ನಿಗದಿಪಡಿಸಿ. ಪ್ರತಿದಿನ ನಿಗದಿತ ಸಮಯದಲ್ಲಿ ಮಲಗಲು ಪ್ರಯತ್ನಿಸಿ ಮತ್ತು ಬೆಳಿಗ್ಗೆ ಬೇಗನೆ ಎಚ್ಚರಗೊಳ್ಳಿ, ಇದರಿಂದ ನಿಮ್ಮ ದೇಹವು ಆ ಸಮಯದಲ್ಲಿ ಮಲಗಲು ಒಗ್ಗಿಕೊಳ್ಳುತ್ತದೆ.