ನೀವು ಪೋರ್ನ್‌ ವಿಡಿಯೋಗಳ ದಾಸರಾಗಿದ್ದೀರಿ ಅನ್ನೋದನ್ನ ತಿಳಿದುಕೊಳ್ಳೋದು ಹೇಗೆ?

ಮದ್ಯ, ಧೂಮಪಾನ, ಮಾದಕ ವ್ಯಸನಿಗಳು ನಮಗೆ ಆಗಾಗ್ಗೆ ಎದುರಾಗುತ್ತಲೇ ಇರುತ್ತಾರೆ. ಅವರಿಗೆ ವ್ಯಸನಿಯಾಗುವುದರಿಂದ ಉಂಟಾಗುವ ನಷ್ಟಗಳು ನಮಗೆ ತಿಳಿದಿದೆ. ಆದರೆ, ಲೈಂಗಿಕತೆ,  ಪೋರ್ನ್‌ಗೆ ವ್ಯಸನಿಯಾಗುವುದು ಅಪಾಯಕಾರಿಯೇ..? ಹೌದು ಎನ್ನುತ್ತಿದ್ದಾರೆ ತಜ್ಞರು

ಪೋರ್ನ್ ನೋಡುವ ಅಭ್ಯಾಸ ಅನೇಕರಿಗೆ ಇರುತ್ತದೆ. ಅವಿವಾಹಿತರು, ಸಂಗಾತಿ ಇಲ್ಲದವರು ಅವುಗಳನ್ನು ನೋಡುವುದು ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯವಾಗಿದೆ. ಆದರೆ, ಇದು ಗೀಳಾಗಿ ಪರಿಣಮಿಸಬಾರದು ಆ ಬಗ್ಗೆ ಎಚ್ಚರಿಕೆ ವಹಿಸಿಕೊಳ್ಳುವುದು ಅಗತ್ಯ ಎಂದು ತಜ್ಞರು ಹೇಳುತ್ತಾರೆ.

ವಾಸ್ತವವಾಗಿ.. ನೀವು ಪೋರ್ನ್‌ಗೆ ವ್ಯಸನಿಯಾಗಿದ್ದೀರಾ ಅಥವಾ ಇಲ್ಲವೇ ಎಂದು ತಿಳಿದುಕೊಳ್ಳುವುದು ಹೇಗೆ ಎಂಬ ಸಂದೇಹ ನಿಮಗೆ ಇರಬಹುದು.. ಒಂದು ವೇಳೆ ನೀವು ವ್ಯಸನಿಯಾಗಿದ್ದರೆ.. ಅದರಿಂದ ಹೇಗೆ ಹೊರಬರಬೇಕು ಎಂದು ತಿಳಿದಿಲ್ಲದಿರಬಹುದು. ಇದಕ್ಕೆ ತಜ್ಞರು ಹೇಳಿರುವ ಮಾಹಿತಿ ಇಲ್ಲಿದೆ.

ಪೋರ್ನ್ ನೋಡುವುದು ತಪ್ಪಲ್ಲ. ಆದರೆ.. ಅತಿಯಾಗಿ ನೋಡುವುದು ಅಪಾಯಕಾರಿ ಎಂದು ಹೇಳಲಾಗುತ್ತಿದೆ. ಅದಕ್ಕಾಗಿ ಒಂದು ಸಮಯವನ್ನು ನಿಗದಿಪಡಿಸಿಕೊಳ್ಳುವುದರಲ್ಲಿ ಯಾವುದೇ ತಪ್ಪಿಲ್ಲ ಎನ್ನುತ್ತಾರೆ

ವಾರಕ್ಕೆ ಅರ್ಧ ಗಂಟೆ ಅಥವಾ ಗಂಟೆಗಳ ಕಾಲ ಹೀಗೆ ಸಮಯವನ್ನು ನಿಗದಿಪಡಿಸಿಕೊಂಡು.. ಅದಕ್ಕೆ ತಕ್ಕಂತೆ ನೋಡಬೇಕು ಎಂದು ಹೇಳುತ್ತಾರೆ. ಇದ್ಯಾವುದು ಇಲ್ಲದೆ ಫ್ರೀ ಟೈಮ್‌ ಸಿಕ್ಕಾಗಲೆಲ್ಲಾ ಅಶ್ಲೀಲ ವೆಬ್‌ಸೈಟ್‌ ಓಪನ್‌ ಮಾಡೋಕೆ ಕುಳಿತರೆ ನಿಮಗೆ ಪೋರ್ನ್‌ ಗೀಳು ಹಿಡಿದಿದೆ ಎಂದರ್ಥ,

ಅನೇಕ ವಿವಾಹಿತ ಪುರುಷರಿಗೂ ಈ ವೀಡಿಯೊಗಳನ್ನು ನೋಡುವ ಅಭ್ಯಾಸ ಇರಬಹುದು. ಆದರೆ, ಗಂಡ ಹೆಂಡತಿ ಇಬ್ಬರೂ ಕುಳಿತುಕೊಂಡು ಪೋರ್ನ್‌ ನೋಡುವ ಅಭ್ಯಾಸವೇ ಮಾಡಬೇಡಿ ಎಂದು ತಜ್ಞರು ಹೇಳುತ್ತಾರೆ.

ಹಾಗಂತ ನಿಮ್ಮ ಪತ್ನಿಗೆ ಯಾವುದೇ ಆಕ್ಷೇಪಣೆ ಇಲ್ಲದಿದ್ದರೆ. ನೀವಿಬ್ಬರೂ ಒಟ್ಟಿಗೆ ಅವುಗಳನ್ನು ನೋಡಬಹುದು.. ಇದು ನಿಮ್ಮ ಲೈಂಗಿಕ ಜೀವನವನ್ನು ಇನ್ನಷ್ಟು ಆನಂದದಾಯಕವಾಗಿಸುತ್ತದೆ ಎಂದು ಹೇಳುತ್ತಾರೆ.

ಕೆಲವರು.. ಎಲ್ಲಿ ನೋಡುತ್ತಿದ್ದೇವೆ ಎಂಬುದನ್ನು ಮರೆತು ವರ್ತಿಸುತ್ತಾರೆ. ಉದಾಹರಣೆಗೆ ಕಚೇರಿಗಳು, ಬಸ್‌ಗಳಂತಹ ಸ್ಥಳಗಳಲ್ಲಿ ಇವುಗಳನ್ನು ನೋಡುವುದು ಒಳ್ಳೆಯದಲ್ಲ.

ನಿಮಗೆ ಅಂತಹ ಅಭ್ಯಾಸವಿದೆ ಎಂದು ನಿಮ್ಮ ಸ್ನೇಹಿತರಿಗೆ ತಿಳಿದರೆ.. ನೀವೇ ಅವರ ಮುಂದೆ ಕೀಳಾಗಿ ಬಿಡುತ್ತೀರಿ. ಸಾರ್ವಜನಿಕ ಸ್ಥಳಗಳಲ್ಲಿ ನೋಡುವುದು ಒಳ್ಳೆಯದಲ್ಲ.

ಪೋರ್ನ್‌ಗೆ ತುಂಬಾ ವ್ಯಸನಿಯಾಗುತ್ತಿದ್ದೇವೆ ಎಂಬ ಭಾವನೆ ಬಂದರೆ.. ಅದನ್ನು ತಪ್ಪಿಸುವುದು ಉತ್ತಮ. ಅದರ ಬದಲು ಸಂಗೀತ ಕೇಳುವುದು, ವಾಕಿಂಗ್, ಜಾಗಿಂಗ್ ಮುಂತಾದವುಗಳನ್ನು ಮಾಡಬೇಕು ಎನ್ನುತ್ತಾರೆ.

ಇದು ಅನೇಕರಿಗೆ ಒಂಟಿಯಾಗಿರುವಾಗಲೇ ನೋಡಬೇಕೆಂಬ ಆಲೋಚನೆ ಬರುತ್ತದೆ. ಆದ್ದರಿಂದ.. ಸಾಧ್ಯವಾದಷ್ಟು ಒಂಟಿಯಾಗಿರದಿರುವುದು ಒಳ್ಳೆಯದು.

ಒಬ್ಬಂಟಿಯಾಗಿರುವ ಸಮಯದಲ್ಲಿ ವೈಯಕ್ತಿಕ ಫೈನಾನ್ಸ್‌ನಂಥ ವಿಚಾರಗಳ ಬಗ್ಗೆ ಗಮನ ನೀಡುವು, ಯಾವುದಾದರೂ ಫ್ರೀಲ್ಯಾನ್ಸಿಂಗ್ ಕೆಲಸಕ್ಕಾಗಿ ಪ್ರಯತ್ನಿಸುವುದು ಉತ್ತಮ ಆಯ್ಕೆ.

ಅದು ಅಲ್ಲದಿದ್ದರೆ.. ನೀವು ಈಗಾಗಲೇ ಮದುವೆಯಾಗಿದ್ದರೆ.. ಆ ಸಮಯವನ್ನು ನಿಮ್ಮ ಹೆಂಡತಿಯೊಂದಿಗೆ ಕಳೆಯಲು ಪ್ರಯತ್ನಿಸಿ. ಪೋರ್ನ್ ನೋಡುವ ಬದಲು.. ಸಂಗಾತಿಯೊಂದಿಗೆ ನಿಜವಾಗಿಯೂ ಸಮಯ ಕಳೆಯುವುದು ಹೆಚ್ಚು ಸಂತೋಷವನ್ನು ನೀಡುತ್ತದೆ.

ಪೋರ್ನ್ ಮಾತ್ರವಲ್ಲ.. ಲೈಂಗಿಕತೆಗೆ ವ್ಯಸನಿಯಾಗುವುದು ಸಹ ಒಳ್ಳೆಯದಲ್ಲ ಎಂದು ತಜ್ಞರು ಎಚ್ಚರಿಸಿದ್ದಾರೆ. ಅತಿಯಾದ ಲೈಂಗಿಕತೆಯಿಂದ ಹಲವು ರೀತಿಯ ಗುಪ್ತರೋಗಳು ಬರುತ್ತಿವೆ.

ಲೈಂಗಿಕತೆ ಆರೋಗ್ಯಕ್ಕೆ ಒಳ್ಳೆಯದು ಎಂಬುದು ಎಲ್ಲರಿಗೂ ತಿಳಿದಿದೆ. ಆದರೆ.. ಅದೇ ಲೈಂಗಿಕತೆ ಮಿತಿಮೀರಿದರೆ ಅಪಾಯ ಎನ್ನುತ್ತಾರೆ ತಜ್ಞರು.

ಹೆಚ್ಚು ಲೈಂಗಿಕತೆ ನಡೆಸುವುದರಿಂದ ಮಾತ್ರ ವ್ಯಸನಿಯಾಗುವುದಿಲ್ಲ. ಗಂಟೆಗಟ್ಟಲೆ ಪೋರ್ನ್ ಚಿತ್ರಗಳನ್ನು ನೋಡುವುದು. ಲೈಂಗಿಕ ಬಯಕೆಗಳು ಹೆಚ್ಚಾಗಿರುವುದು.. ಆಗಾಗ್ಗೆ ಲೈಂಗಿಕತೆ ನಡೆಸಬೇಕೆಂದು ಅನಿಸುವುದು ಸಹ ಇದರ ಅಡಿಯಲ್ಲಿ ಬರುತ್ತದೆ ಎನ್ನುತ್ತಾರೆ.

013 ರಿಂದ ಇಲ್ಲಿಯವರೆಗೆ ಬ್ರಿಟನ್‌ನ 21,000 ಜನರು ಆ ಚಟದಿಂದ ಹೊರಬರಲು ಪ್ರಯತ್ನಿಸುತ್ತಿದ್ದಾರಂತೆ. ಇವರಲ್ಲಿ ಶೇ.91 ರಷ್ಟು ಪುರುಷರು. ಆದ್ದರಿಂದ.. ಬಾಧಿತರಲ್ಲಿ ಕೇವಲ ಶೇ.10 ರಷ್ಟು ಜನರು ಮಾತ್ರ ವೈದ್ಯರ ಬಳಿಗೆ ಹೋಗಿದ್ದಾರೆ.

2013 ರಲ್ಲಿ ಲೈಂಗಿಕ ವ್ಯಸನವನ್ನು ಮಾನಸಿಕ ಅಸ್ವಸ್ಥತೆಗಳ ಪಟ್ಟಿಯಲ್ಲಿ ಸೇರಿಸಬೇಕೆಂದು ಅಮೆರಿಕ ಮತ್ತು ಬ್ರಿಟನ್ ಭಾವಿಸಿದ್ದವು.

ಆದರೆ ಲೈಂಗಿಕತೆಯನ್ನು ವ್ಯಸನವೆಂದು ಗುರುತಿಸಲು ಸರಿಯಾದ ಆಧಾರವಿಲ್ಲದ ಕಾರಣ ಇದನ್ನು ಅಸ್ವಸ್ಥತೆಗಳ ಪಟ್ಟಿಯಲ್ಲಿ ಸೇರಿಸಲಾಗಿಲ್ಲ. ಆದರೆ.. ''ಕಂಪಲ್ಸಿವ್ ಸೆಕ್ಸುವಲ್ ಬಿಹೇವಿಯರ್'' ಅನ್ನು ವಿಶ್ವ ಆರೋಗ್ಯ ಸಂಸ್ಥೆ ರೂಪಿಸುವ ಅಂತರರಾಷ್ಟ್ರೀಯ ರೋಗಗಳ ವರ್ಗೀಕರಣದಲ್ಲಿ ಸೇರಿಸಬೇಕೆಂಬ ಪ್ರಸ್ತಾಪಗಳು ಬಂದಿದ್ದವು.

ಹಿಂದೆ ಜೂಜು, ಅತಿಯಾಗಿ ತಿನ್ನುವುದನ್ನು ಸಹ ಕಂಪಲ್ಸಿವ್ ಬಿಹೇವಿಯರ್‌ಗಳಲ್ಲಿ ಸೇರಿಸಲಾಗಿತ್ತು. ಅದೇ ರೀತಿ ಈಗ ಲೈಂಗಿಕ ವ್ಯಸನವೂ ಸಹ ಅದರಲ್ಲಿ ಸೇರುತ್ತದೆ ಎಂದು ಕೆಲವು ತಜ್ಞರು ಹೇಳುತ್ತಾರೆ.

2014 ರಲ್ಲಿ ನಡೆಸಿದ ಒಂದು ಅಧ್ಯಯನದ ಪ್ರಕಾರ.. ಪೋರ್ನ್ ವೀಡಿಯೊಗಳನ್ನು ನೋಡುವಾಗ ಮತ್ತು ಮಾದಕ ವಸ್ತುಗಳನ್ನು ಸೇವಿಸುವಾಗ ಮೆದುಳಿನಲ್ಲಿ ಒಂದೇ ರೀತಿಯ ಕ್ರಿಯೆಗಳು ನಡೆಯುತ್ತವೆ ಎಂದು ಕಂಡುಹಿಡಿಯಲಾಗಿದೆ

ಇದರ ಆಧಾರದ ಮೇಲೆ ಲೈಂಗಿಕತೆಯನ್ನು ವ್ಯಸನವೆಂದು ಪರಿಗಣಿಸಲಾಗುವುದಿಲ್ಲ ಎಂದು ಈ ಅಧ್ಯಯನವನ್ನು ಮುನ್ನಡೆಸಿದ ಸಂಶೋಧಕ ಡಾ. ವ್ಯಾಲೆರಿ ವೂನ್ ಹೇಳಿದ್ದಾರೆ.

ಕೆಲವರು ಈ ವಾದವನ್ನು ಒಪ್ಪುವುದಿಲ್ಲ. ಲೈಂಗಿಕತೆ ಅಥವಾ ಹಸ್ತಮೈಥುನವನ್ನು ಮದ್ಯ ಅಥವಾ ಇತರ ಮಾದಕ ವಸ್ತುಗಳೊಂದಿಗೆ ಹೋಲಿಸುವುದು ಹಾಸ್ಯಾಸ್ಪದ ಎಂದು ಇನ್ನು ಕೆಲವರು ಹೇಳುತ್ತಾರೆ.