ಡಿವೋರ್ಸ್ ಸುದ್ದಿ ಮತ್ತೆ ಸದ್ದು ಮಾಡ್ತಿದ್ದಂಗೆ ಲಿಂಗಭೈರವಿ ದರ್ಶನ ಪಡೆದ ನಟಿ ಸಮಂತಾ
ನಟಿ ಸಮಂತಾ ರುತ್ ಪ್ರಭು ಇಶಾ ಪೌಂಡೇಶನ್ ಗೆ ತೆರಳಿ ಲಿಂಗಭೈರವಿ ದರ್ಶನ ಪಡೆದು ಬಂದಿದ್ದು, ಅಲ್ಲಿನ ಫೋಟೊಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.
)
Followಸಮಂತಾ ರುತ್ ಪ್ರಭು (Samanth Ruth Prabhu) ತಮ್ಮ ಆರೋಗ್ಯ ಸಮಸ್ಯೆಯಿಂದಾಗಿ ಕೆಲವು ಸಮಯದಿಂದ ಸಿನಿಮಾ, ಶೂಟಿಂಗ್ ಗಳಿಂದ ದೂರವೇ ಉಳಿದಿದ್ದರು. ಯೋಗ, ಧ್ಯಾನ ಜೊತೆಗೆ ಟ್ರೀಟ್ ಮೆಂಟ್ ಪಡೆದುಕೊಳ್ಳೊದ್ರಲ್ಲಿ ಬ್ಯುಸಿಯಾಗಿದ್ರು. ಇದೀಗ ಮತ್ತೆ ತಮ್ಮ ಡಿವೋರ್ಸ್ ವಿಚಾರವಾಗಿ ಸಮಂತಾ ಸುದ್ದಿಯಲ್ಲಿದ್ದಾರೆ.
)
ತೆಲುಗಿನ ಸ್ಟಾರ್ ಜೋಡಿಗಳಾಗಿದ್ದ ಅಕ್ಕಿನೇನಿ ನಾಗ ಚೈತನ್ಯ ಮತ್ತು ಸಮಂತಾ ರುತ್ ಪ್ರಭು ವಿಚ್ಛೇದನದ (Divorce) ಹಿಂದೆ ಕೆಟಿಆರ್ ಕೈವಾಡವಿದೆ ಎಂದು ತೆಲಂಗಾಣ ಸಚಿವೆ ಕೊಂಡ ಸುರೇಖಾ ಅವರು ಹೇಳಿಕೆ ನೀಡಿದ್ದು, ಭಾರಿ ಸಂಚಲನ ಸೃಷ್ಟಿಸಿತ್ತು, ಅದಕ್ಕೆ ಸಮಂತಾ ತಿರುಗೇಟು ನೀಡಿದ್ದು, ನಂತರ ಸುರೇಖಾ ಕ್ಷಮೆ ಕೂಡ ಕೇಳಿದ್ದರು.
Samantha
ಒಂದು ಮಹಿಳೆಯಾಗಿ ಹೊರಗೆ ಬಂದು ದುಡಿಯಲು, ಮಹಿಳೆಯನ್ನು ಹೆಚ್ಚಿನ ಸಂದರ್ಭದಲ್ಲಿ ವಸ್ತುವಾಗಿ ಮಾತ್ರ ಕಾಣುವ ಗ್ಲಾಮರ್ ಇಂಡಸ್ಟ್ರಿಯಲ್ಲಿ ಬದುಕಲು, ಪ್ರೀತಿಯಲ್ಲಿ ಬೀಳಲು, ಪ್ರೀತಿಯಿಂದ ಕೆಳಗೆ ಬೀಳಲು, ಹೀಗಾದರೂ ಮತ್ತೆ ಎದ್ದು ನಿಂತು ಹೋರಾಡಲು ಬಹಳಷ್ಟು ಧೈರ್ಯ ಹಾಗೂ ಶಕ್ತಿ ಬೇಕು.ನನ್ನ ವಿಚ್ಛೇದನೆ ನನ್ನ ವೈಯಕ್ತಿಕ ವಿಚಾರ. ಅದರ ಬಗ್ಗೆ ನೀವು ಮಾತನಾಡಬಾರದು. ನಮ್ಮ ಸಂಗತಿ ಖಾಸಗಿಯಾಗಿರಬೇಕೆಂಬ ನಮ್ಮ ಉದ್ದೇಶ. ಇದರ ಬಗ್ಗೆ ನೀವು ಬೇಕಾಬಿಟ್ಟಿಯಾಗಿ ಮಾತನಾಡುವ ಅವಶ್ಯಕತೆ ಇಲ್ಲ ಎಂದು ಖಡಕ್ ಆಗಿ ಉತ್ತರ ನೀಡಿದ್ದರು.
ಇದೆಲ್ಲಾ ಆಗಿ ಸುದ್ದಿಯಲ್ಲಿರುವಾಗಲೇ ಸಮಂತಾ ಮತ್ತೆ ಇಶಾ ಫೌಂಡೇಶ್ ನತ್ತ (Isha Foundation) ಮುಖ ಮಾಡಿದ್ದಾರೆ. ಇಶಾ ಫೌಂಡೇಶನ್ ಗೆ ತೆರಳಿರುವ ಸಮಂತಾ ಅಲ್ಲಿ ಲಿಂಗ ಭೈರವಿ ದೇವಿಯ ದರ್ಶನ ಪಡೆದು ಬಂದಿದ್ದಾರೆ. ಅದಕ್ಕೆ ಸಂಬಂಧಿಸಿದ ಫೋಟೊಗಳನ್ನು ಸಹ ತಮ್ಮ ಸೋಶಿಯಲ್ ಮಿಡಿಯಾದಲ್ಲಿ ನಟಿ ಹಂಚಿಕೊಂಡಿದ್ದಾರೆ.
ಸಮಂತಾ ಲಿಂಗಭೈರವಿಗೆ ಕೈಮುಗಿಯುತ್ತಿರುವ ಫೋಟೊವನ್ನು ಹಂಚಿಕೊಂಡಿದ್ದು I took your word for it. Thank you Devi! ಎಂದು ಬರೆದುಕೊಂಡಿದ್ದಾರೆ. ಜೊತೆಗೆ ಎಲ್ಲರಿಗೂ ನವರಾತ್ರಿ ಹಬ್ಬದ ಶುಭಾಶಯಗಳನ್ನು ಕೋರಿದ್ದಾರೆ. ಸಮಂತಾ ಈ ಪೋಸ್ಟ್ ಗೆ ಪರ ವಿರೋಧಗಳು ಸಹ ಬಂದಿವೆ. ಹಲವರು ಲಿಂಗಭೈರವಿ ನಂಬಿದವರ ಕೈ ಬಿಡೋದಿಲ್ಲ ಎಲ್ಲರಿಗೂ ಒಳ್ಳೆಯದೇ ಆಗುತ್ತೆ ಎಂದರೆ, ಇನ್ನೂ ಕೆಲವರು ಕ್ರಿಶ್ಚಿಯನ್ ಆಗಿ ಹಿಂದೂ ಧರ್ಮ ಪಾಲಿಸೋದು ಯಾಕೆ ಅಂತಾನೂ ಕೇಳಿದ್ದಾರೆ.
ಸಮಂತಾ ತಮ್ಮ ಹೆಚ್ಚಿನ ಸಮಯವನ್ನು ಇಶಾ ಫೌಂಡೇಶನ್ ನಲ್ಲಿ ಕಳೆಯುತ್ತಾರೆ. ತಮಗೆ ಬಿಡುವು ಸಿಕ್ಕಾಗಲೆಲ್ಲಾ ನಟಿ ಇಶಾ ಸಂಸ್ಥೆಯಲ್ಲಿ ಧ್ಯಾನ, ಪೂಜೆಯಲ್ಲಿ ತಮ್ಮನ್ನ ತಾವು ತೊಡಗಿಸಿಕೊಳ್ಳುತ್ತಾರೆ. ಈವಾಗಲೂ ಸಮಂತಾ ಇಶಾ ಸಂಸ್ಥೆಯಲ್ಲಿದ್ದು, ಅಲ್ಲಿನ ಫೋಟೊಗಳನ್ನು ಹಂಚಿಕೊಳ್ಳುತ್ತಾ ಹೋಮ್ ಅವೇ ಫ್ರಮ್ ಹೋಮ್ ಎಂದು ಬರೆದುಕೊಂಡಿದ್ದಾರೆ. ಅಂದ್ರೆ ಇಶಾ ಸಂಸ್ಥೆ ಸಮಂತಾ ಪಾಲಿಗೆ ಮತ್ತೊಂದು ಮನೆಯಾಗಿದೆ ಅಂದ್ರೆ ತಪ್ಪಲ್ಲ.
ಇನ್ನು ಸಿನಿಮಾ ವಿಷಯಕ್ಕೆ ಬಂದ್ರೆ ನಟಿ ಕೊನೆಯದಾಗಿ ಖುಷಿ ಸಿನಿಮಾದಲ್ಲಿ ವಿಜಯ್ ದೇವರಕೊಂಡ ಜೊತೆ ನಟಿಸಿದ್ದರು. ಸದ್ಯ ಸಿಟಾಡಲ್ (Citadel)ಮತ್ತು ರಕ್ತ್ ಬ್ರಹ್ಮಾಂಡ್ ಎನ್ನುವ ಎರಡು ವೆಬ್ ಸೀರೀಸ್ ಗಳಲ್ಲಿ ಸಮಂತಾ ನಟಿಸುತ್ತಿದ್ದಾರೆ. ಸಮಂತಾ ಹೆಚ್ಚು ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸುವಂತಾಗಲಿ ಎಂದು ಅಭಿಮಾನಿಗಳು ಕಾಯ್ತಿದ್ದಾರೆ.
