ನಟರಾಗೋ ಮುನ್ನ ಶಿಕ್ಷಕರಿವರು: ವಿದ್ಯಾರ್ಥಿ ಮೂಲಕವೇ ಸಿನಿಮಾಗೆ ಎಂಟ್ರಿ ಕೊಟ್ಟ ಅಕ್ಷಯ್
ಬಾಲಿವುಡ್ನಲ್ಲಿ ಸೆಲೆಬ್ರಿಟಿಗಳಾಗಿ ಮಿಂಚೋ ಮುನ್ನ ಬಹಳಷ್ಟು ಸ್ಟಾರ್ಗಳು ಬೇರೆ ಬೇರೆ ಕ್ಷೇತ್ರದಲ್ಲಿ ತೊಡಗಿಕೊಂಡಿದ್ದರು. ನಿಜಜೀವನದಲ್ಲಿ ಶಿಕ್ಷಕರಾಗಿದ್ದುಕೊಂಡು ನಂತರ ಬಾಲಿವುಡ್ನಲ್ಲಿ ನೆಲೆಕೊಂಡುಕಂಡವರ್ಯಾರು ಗೊತ್ತಾ..? ಇಲ್ಲಿ ನೋಡಿ ಫೋಟೋಸ್
ನಿಜವಾಗಿ ಶಿಕ್ಷಕ ವೃತ್ತಿ ಮಾಡಿ, ಮಕ್ಕಳಿಗೆ ಪಾಠ ಮಾಡಿ ನಂತರ ನಟನೆಯಲ್ಲಿ ತೊಡಗಿಸಿಕೊಂಡ ಬಾಲಿವುಡ್ ಸೆಲೆಬ್ರಿಟಿಗಳಿವರು
ಮೃಣಾಲ್ ಸೇನ್, ಶ್ಯಾಮ್ ಬೆನೆಗಲ್, ಮಣಿರತ್ನಂ ಮತ್ತು ಇನ್ನಿತರರ ಸಿನಿಮಾಗಳಿಂದ ಚಲನಚಿತ್ರಗಳಲ್ಲಿ ನಟ-ನಿರ್ದೇಶಕಿಯಾಗಿ ಮಿಂಚಿದವರು ನಂದಿತಾ ದಾಸ್. ‘ಮಾಂಟೊ ಡೈರೆಕ್ಟರ್ ನಿವೇದಿತಾ ಶಿಕ್ಷಕಿಯಾಗಿದ್ರು. ದೆಹಲಿ ಸ್ಕೂಲ್ ಆಫ್ ಸೋಷಿಯಲ್ ವರ್ಕ್ನಿಂದ ಸ್ನಾತಕೋತ್ತರ ಪದವಿ ಮುಗಿಸಿದ ನಂತರ, ದಾಸ್ ರಿಷಿ ವ್ಯಾಲಿ ಶಾಲೆಯಲ್ಲಿ ಕೆಲಸ ಮಾಡುತ್ತಿದ್ದರು.
ಫಿಲ್ಮ್ಫೇರ್ ವಿಜೇತ ಮಾಚಿಸ್ ಹಿರಿಯ ನಟ ಚಂದ್ರಚೂರ್ ಸಿಂಗ್ ಶಿಕ್ಷಕರಾಗಿದ್ರು. ವಾಸ್ತವವಾಗಿ ಅವರು ಡೂನ್ನ ಶಾಲೆಯಲ್ಲಿ ಸಂಗೀತ ಶಿಕ್ಷಕರಾಗಿದ್ದರು. ನಟನೆಯ ಕುರಿತ ಅವರ ಉತ್ಸಾಹ ಅವರನ್ನು ಬಾಲಿವುಡ್ನಲ್ಲಿ ಮೆರೆಸಿತು
ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಒಮ್ಮೆ ಮುಂಬೈಯಲ್ಲಿ ಸಮರ ಕಲೆಗಳ ಶಿಕ್ಷಕರಾಗಿದ್ದರು. ಅವರು ಸಮರ ಕಲೆ ಕಲಿಯುವುದಕ್ಕಾಗಿಯೇ ಚಿಕ್ಕ ವಯಸ್ಸಿನಲ್ಲಿಯೇ ಶಾಲೆಯಿಂದಲೇ ದೂರ ಉಳಿದಿದ್ದರು. ಅವರ ಸಮರ ಕಲೆಯ ಕೌಶಲ್ಯಗಳನ್ನು ವೃದ್ಧಿಸಲು ವಿದೇಶಕ್ಕೆ ತೆರಳಿದ್ದರು. ನಂತರ ಅಕ್ಷಯ್ ಯುವ ಜನರಿಗೆ ತರಬೇತಿ ನೀಡಲು ಭಾರತಕ್ಕೆ ಬಂದರು. ಅವರ ವಿದ್ಯಾರ್ಥಿಗಳಲ್ಲಿ ಒಬ್ಬ ಫೋಟೋಗ್ರಾಫರ್ ಇದ್ದ. ಆತ ಅಕ್ಷಯ್ ಅವರ ಫೋಟೋ ತೆಗೆದು ಮಾಡೆಲಿಂಗ್ ಪ್ರಯತ್ನಿಸಲು ಪ್ರೋತ್ಸಾಹಿಸಿದ. ಈ ಮೂಲಕ ವಿದ್ಯಾರ್ಥಿ ಮೂಲಕವೇ ಸಿನಿಮಾರಂಗಕ್ಕೆ ಎಂಟ್ರಿ ಕೊಟ್ರು ಅಕ್ಷಯ್.
ತಮ್ಮ ನಟನಾ ಕೌಶಲ್ಯದಿಂದ ಚಿತ್ರರಂಗದಲ್ಲಿ ಮಿಂಚಿದ ನಟ ಅನುಪಮ್ ಖೇರ್, ತಮ್ಮ ಪ್ರತಿಭೆ ಬೋಧಿಸಿದ ಕೆಲವೇ ಖ್ಯಾತನಾಮರಲ್ಲಿ ಒಬ್ಬರು. ನಟನಾ ಆಕಾಂಕ್ಷಿಗಳಿಗಾಗಿ ಅವರು ಶಾಲೆಯನ್ನು ತೆರೆದಿದ್ದಾರೆ. ಅಲ್ಲಿ ಶಿಕ್ಷಕರಾಗಿಯೂ ಸೇವೆ ಸಲ್ಲಿಸುತ್ತಾರೆ. ಅವರ ನಟನಾ ಶಾಲೆಯ ವಿದ್ಯಾರ್ಥಿಗಳಲ್ಲಿ ದೀಪಿಕಾ ಪಡುಕೋಣೆ ಕೂಡಾ ಒಬ್ಬರು.
ಪ್ರಸಿದ್ಧ ನಟ ಮತ್ತು ಹಾಸ್ಯನಟ ದಿವಂಗತ ಕಡೇರ್ ಖಾನ್ ತಮ್ಮ ವೃತ್ತಿಜೀವನದಲ್ಲಿ ಶಿಕ್ಷಕನಾಗಿ, ನಟ, ಚಲನಚಿತ್ರ ನಿರ್ಮಾಪಕ, ನಿರ್ದೇಶಕ ಮತ್ತು ಬರಹಗಾರನಾಗಿ ಕೆಲಸ ಮಾಡಿದ್ದಾರೆ. ಅವರು ಬೈಕುಲ್ಲಾದ ಎಂ.ಎಚ್. ಸಬೂ ಸಿದ್ದಿಕ್ ಕಾಲೇಜ್ ಆಫ್ ಎಂಜಿನಿಯರಿಂಗ್ನಲ್ಲಿ ಪ್ರಮುಖ ಉಪನ್ಯಾಸಕರಲ್ಲಿ ಒಬ್ಬರು. ಅಲ್ಲಿ ಅವರು ಸಿವಿಲ್ ಎಂಜಿನಿಯರಿಂಗ್ ವಿಷಯ ಬೋಧಿಸುತ್ತಿದ್ದರು. ಅವರು ದುಬೈನಲ್ಲಿ ಹಿಂದಿ ಶಿಕ್ಷಕರಾಗಿಯೂ ಕೆಲಸ ಮಾಡಿದ್ದರು.