ಅಪ್ಸರೆಯಂತೆ ಕಾಣಿಸುತ್ತಿರುವ ನಟಿ 'ಸನ್ನಿ ಲಿಯೋನ್' ಹಾಟ್ ಫೋಟೋಸ್!

ನಟಿ ಸನ್ನಿ ಲಿಯೋನ್ ಬಿಗ್ ಬಾಸ್‌ಗೆ ಭಾರತಕ್ಕೆ ಬಂದಾಗ ಆಕೆಯ  ಮೈಮಾಟ ನೋಡಿ ಮರುಳಾಗದವರು ಯಾರಿದ್ದಾರೆ? ಆದರೆ, ಬಿಗ್ ಬಾಸ್ ಬಳಿಕ ಸನ್ನಿ ಲಿಯೋನ್ ಭಾರತದಿಂದ ಮರೆಯಾಗುತ್ತಾರೆ ಎಂದೇ ಹೇಳಲಾಗುತ್ತಿತ್ತು. ಆದರೆ ಹಾಗಾಗಲಿಲ್ಲ!
 

ಕಾರಣ, ಸನ್ನಿ ಲಿಯೋನ್ ಅವರದು ಒಮ್ಮೆ ನೋಡಿದರೆ ಮರೆತುಬಿಡುವ ಮೈಮಾಟವಲ್ಲ. ಒಮ್ಮೆ ನೋಡಿದವರು ಮತ್ತೆ ಮತ್ತೆ ನೋಡಲೇಬೇಕು ಎನ್ನವಷ್ಟು ಸೌಂದರ್ಯದ ಖನಿ ಸನ್ನಿ ಲಿಯೋನ್. ಹೀಗಾಗಿ ಬಿಗ್ ಬಾಸ್‌ಗೆ ಬಂದವಳನ್ನು ವಾಪಸ್ ಕಳುಹಿಸದೇ ಭಾರತೀಯರು ಬಾಲಿವುಡ್‌ ಚಿತ್ರಗಳಲ್ಲಿ ಆಕೆಗೆ ಆಫರ್ ನೀಡುವ ಮೂಲಕ ಇಲ್ಲೇ ಆಕೆಗೊಂದು ಜಾಗ ಕೊಡಿಸಿಬಿಟ್ಟರು. 

ಕೊಟ್ಟ ಜಾಗವನ್ನು ಬಿಟ್ಟ ಬಾಣವನ್ನು ಸರಿಯಾಗಿಯೇ ಉಪಯೋಗಿಸಿಕೊಂಡ ಸನ್ನಿ ಲಿಯೋನ್, ಒಂದಾದ ಬಳಿಕ ಮತ್ತೊಂದರಂತೆ ಹಿಂದಿ ಚಿತ್ರಗಳಲ್ಲಿ ನಟಿಸಿ ಸೈ ಎನಿಸಿಕೊಂಡರು. ಜತೆಗೆ, ಹಿಂದಿ ಹೊರತಾಗಿ ಬೇರೆ ಭಾಷೆಗಳ ಹಾಡುಗಳಲ್ಲಿ ಸೊಂಟ ಬಳುಕಿಸುವ ಮೂಲಕ ಇಡೀ ಭಾರತದ ಚಿತ್ರರಂಗಕ್ಕೆ ಪರಿಚಿತ ನಟಿಯಾಗಿ ಬೆಳೆದರು.

ನಟಿಯಾಗಿ ಮಾತ್ರ ಗುರುತಿಸಿಕೊಳ್ಳದ ಸನ್ನಿ ಲಿಯೋನ್, ಆಗಾಗ ತಮಗಾದಷ್ಟು ಸಾಮಾಜಿಕ ಸೇವೆಗಳಲ್ಲಿ ಕೂಡ ತೊಡಗಿಸಿಕೊಂಡು ಭಾರತೀಯರ ಪ್ರೀತಿ  ವಿಶ್ವಾಸ ಗಳಿಸಿದ್ದಾರೆ. ಅನಾಥ ಮಕ್ಕಳನ್ನು ದತ್ತು ತೆಗೆದುಕೊಳ್ಳುವ ಮೂಲಕ ತಮ್ಮ ಸಾಮಾಜಿಕ ಕಳಕಳಿಯನ್ನು ಸಹ ಸನ್ನಿ ಲಿಯೋನ್ ಜಗಜ್ಜಾಹೀರು ಮಾಡಿದ್ದಾರೆ. 
 

ಬೇರೆ ಬೇರೆ ಕಮ್ಯೂನಿಟಿಯ, ಗಂಡು ಮತ್ತು ಹೆಣ್ಣು ಮಕ್ಕಳನ್ನು ದತ್ತು ತೆಗೆದುಕೊಂಡು ಸಾಕುತ್ತಿರುವ ನಟಿ ಸನ್ನಿ ಲಿಯೋನ್, ಕೌಟುಂಬಿಕ ಕಾಳಜಿ ವಹಿಸುವ ತಾಯಿಯಾಗಿ ಕೂಡ ಗಮನಸೆಳೆದಿದ್ದಾರೆ. ಕಪ್ಪು-ಬಿಳುಪು ಎಂಬ ಬೇಧ-ಭಾವ ಮಾಡದೇ ಮಕ್ಕಳನ್ನು ದತ್ತು ತೆಗೆದುಕೊಂಡು ಅವರನ್ನು ಪಾಲನೆ ಮಾಡುತ್ತಿರುವ ಸನ್ನಿ ಲಿಯೋನ್ ಬಗ್ಗೆ ಹಲವರಿಗೆ ಗೌರವವಿದೆ. 
 

ನಟಿ ಸನ್ನಿ ಲಿಯೋನ್ ತಮ್ಮ ವೃತ್ತಿಯಲ್ಲಿ ಮೊದಲಿನಿಂದಲೂ ಹಂತಹಂತವಾಗಿ ಟ್ರಾನ್ಸ್‌ಫಾರ್ಮ್ ಆಗಿರುವ ರೀತಿ ನಿಜಕ್ಕೂ ರೋಚಕ ಎನಿಸುವ ಕಥೆ. ವೃತ್ತಿ ಜೀವನದ ಪ್ರಾರಂಭದಲ್ಲಿ ನೀಲಿ ನಟಿ ಎಂಬ ಅಪಖ್ಯಾತಿ ಹೊತ್ತು ಬಂದು ಸನ್ನಿ ಲಿಯೋನ್, ಬಳಿಕ ಮದುವೆಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. 
 

ನಿಧಾನವಾಗಿ ತಮ್ಮ ವೃತ್ತಿ ಜೀವನದ ಪಥವನ್ನು ಬದಲಾಯಿಸಿಕೊಳ್ಳುತ್ತ ಹೆಚ್ಚು ಗೌರವಕ್ಕೆ ಪಾತ್ರಳಾಗುತ್ತ, ಭಾರತದ ಬಿಗ್ ಬಾಸ್ ರಿಯಾಲಿಟಿ ಶೋ ಪ್ರವೇಶ ಗಿಟ್ಟಿಸಿಕೊಂಡರು. ಹಿಂದಿ 'ಬಿಗ್‌ ಬಾಸ್'ನಲ್ಲಿ ಉಳಿದ ಸ್ಪರ್ಧಿಗಳ ಪ್ರೀತಿ-ಮೆಚ್ಚುಗೆ ಕೂಡ ಗಳಿಸಿಕೊಂಡ ಸನ್ನಿ, ಬಳಿಕ ನಿಧಾನವಾಗಿ ಬಾಲಿವುಡ್ ನಟಿಯಾಗಿ ಬೆಳೆದ ಪರಿ ನಿಜಕ್ಕೂ ಮೆಚ್ಚುವಂತದ್ದು. 

ನಟಿಯಾಗಿ ಜನಪ್ರಿಯತೆ ಪಡೆದುಕೊಂಡ ಸನ್ನಿ ಲಿಯೋನ್ ಆ ಬಳಿಕ ತಮ್ಮ ಚಿತ್ತವನ್ನು ಸಾಮಾಜಿಕ ಜಾಗೃತಿ ಹಾಗೂ ಕಳಕಳಿಯ ಕಡೆ ತಿರುಗಿಸಿಕೊಂಡು ಜನಮನ್ನಣೆ ಗಳಿಸುತ್ತ ತಮ್ಮ ಜೀವನದಲ್ಲಿ ಹೊಸ ಹೊಸ ಸಾಹಸಗಳತ್ತ ಹೊರಳಿದರು. 

ಇಂದು ನಟಿ ಸನ್ನಿ ಲಿಯೋನ್ ಎಂದರೆ, ಉಳಿದ ವೃತ್ತಿಪರ ನಟಿಯರಂತೆ ಆಕೆಯೂ ಒಬ್ಬರು ಎಂಬಷ್ಟು ಜನಮನ್ನಣೆ ಪಡೆದು ಗೌರವಾನ್ವಿತ ಜೀವನ ನಡೆಸುತ್ತಿದ್ದಾರೆ. ನಟಿ ಸನ್ನಿ ಲಿಯೋನ್ 'ಜೀವನ ಪಯಣ' ಮೆಚ್ಚುಗೆ ಗಳಿಸುವಂತಿದೆ. ಭವಿಷ್ಯದಲ್ಲಿ ನಟಿ ಸನ್ನಿ ಲಿಯೋನ್ ಕುರಿತು ಯಾರಾದರೂ 'ಬಯೋಗ್ರಫಿ' ನಿರ್ಮಾಣ ಮಾಡಿದರೆ ಅಚ್ಚರಿ ಇಲ್ಲ ಎನ್ನಬಹುದು.