ಮಾ.23ಕ್ಕೆ ಭಾರತದಲ್ಲಿ ಜಾಗ್ವಾರ್ ಎಲೆಕ್ಟ್ರಿಕ್ ಕಾರು ಬಿಡುಗಡೆ; ದೇಶಾದ್ಯಂತ ಚಾರ್ಜಿಂಗ್ ಸ್ಟೇಶನ್!

ಟಾಟಾ ಮಾಲೀಕತ್ವದಲ್ಲಿ ಮತ್ತೊಂದು ಎಲೆಕ್ಟ್ರಿಕ್ ಕಾರು ಭಾರತದಲ್ಲಿ ಬಿಡುಗಡೆಯಾಗುತ್ತಿದೆ. ಜಾಗ್ವಾರ್ ಐಪೇಸ್ ಎಲೆಕ್ಚ್ರಿಕ್ ಕಾರು ಭಾರತದಲ್ಲಿ ಬಿಡುಗಡೆಯಾಗುತ್ತಿದೆ. ಇದಕ್ಕಾಗಿ ಈಗಾಗಲೇ ದೇಶಾದ್ಯಂತ ಚಾರ್ಜಿಂಗ್ ಸ್ಟೇಶನ್ ಅಳವಡಿಸಲಾಗಿದೆ. ಜಾಗ್ವಾರ್ ಎಲೆಕ್ಟ್ರಿಕ್ ಕಾರಿನ ಕುರಿತ ಹೆಚ್ಚಿನ ಮಾಹಿತಿ ಇಲ್ಲಿದೆ.

ಜಾಗ್ವಾರ್ ಲ್ಯಾಂಡ್ ರೋವರ್ ಇಂಡಿಯಾ ತನ್ನ ಮೊದಲ ಸಂಪೂರ್ಣ-ವಿದ್ಯುಚ್ಚಾಲಿತ ಕಾರ್ಯಕ್ಷಮತೆಯ ಎಸ್‍ಯುವಿ, ಜಾಗ್ವಾರ್ ಐ-ಪೇಸ್ ಮಾರ್ಚ್ 23 ರಂದು ಭಾರತದಲ್ಲಿ ಬಿಡುಗಡೆಯಾಗಲಿದೆ.   

19 ನಗರಗಳಲ್ಲಿ ಇಪ್ಪತ್ತೆರಡು ಶೋರೂಂಗಳಲ್ಲಿ ಈಗ ಮೂಲಸೌಕರ್ಯ ಮತ್ತು ಮಾರಾಟ ಮತ್ತು ಮಾರಾಟಾನಂತರದ ಬೆಂಬಲದ ದೃಷ್ಟಿಯಿಂದ ಇವಿ ಸಿದ್ಧವಾಗಿವೆ. ಪ್ರಸ್ತುತ ದೇಶಾದ್ಯಂತ ಮೆಟ್ರೋ ನಗರಗಳು ಮತ್ತು ಪ್ರಮುಖ ನಗರ ಕೇಂದ್ರಗಳಲ್ಲಿ ಜಾಗ್ವಾರ್ ಲ್ಯಾಂಡ್ ರೋವರ್ ಚಾರ್ಜಿಂಗ್ ಅಳವಡಿಲಾಗಿದೆ. 

ಗ್ರಾಹಕರ ಎಲ್ಲಾ ಅಗತ್ಯತೆಗಳು ಮತ್ತು ಸಂದೇಹಗಳನ್ನು ನಿವಾರಿಸಲು ಸಾಧ್ಯವಾಗುವಂತೆ  ಮಾರಾಟದ ಶೋ ರೂಂ ಸಿಬ್ಬಂದಿಗೆ ಜಾಗ್ವಾರ್ ಲ್ಯಾಂಡ್ ರೋವರ್ ಎಲೆಕ್ಟ್ರಿಕ್ ಕಾರಿನ ಬಗ್ಗೆ ಆಳವಾದ ಮತ್ತು ಮೀಸಲು ಕೋರ್ಸ್‍ಗಳೊಂದಿಗೆ ವ್ಯಾಪಕವಾಗಿ ತರಬೇತಿ ನೀಡಲಾಗಿದೆ.

ಪ್ರಸ್ತುತದಲ್ಲಿ ಭಾರತದಾದ್ಯಂತ ಚಿಲ್ಲರೆ ಮಾರಾಟ ಸೌಲಭ್ಯಗಳಲ್ಲಿ 35 ಕ್ಕೂ ಹೆಚ್ಚು  ಎಲೆಕ್ಟ್ರಾನಿಕ್ ವಾಹನ ಚಾರ್ಜಿಂಗ್ ಸ್ಥಾಪಿಸಲಾಗಿದೆ.  ಇನ್ನೂ ಹಲವು ಚಾರ್ಜಿಂಗ್ ಸ್ಟೇಶನ್ ಅಳವಡಿಕೆ ಸ್ಥಾಪಿಸಲಾಗುತ್ತಿದೆ. ಇದಲ್ಲದೆ, ಜಾಗ್ವಾರ್ ಲ್ಯಾಂಡ್ ರೋವರ್ ಗ್ರಾಹಕರು ತಮ್ಮ ಜಾಗ್ವಾರ್ ಐ-ಪೇಸ್ ಅನ್ನು ಟಾಟಾ ಪವರ್  ಚಾರ್ಜ್ ನೆಟ್‍ವರ್ಕ್ ಬಳಸಿ ದೇಶಾದ್ಯಂತ 200 ಕ್ಕೂ ಹೆಚ್ಚು ಚಾರ್ಜಿಂಗ್ ಪಾಯಿಂಟ್‍ಗಳಲ್ಲಿ ಚಾರ್ಜ್ ಮಾಡಬಹುದು. 

ಮಾಲ್‍ಗಳು, ರೆಸ್ಟೋರೆಂಟ್‍ಗಳು, ಕಚೇರಿಗಳು, ವಸತಿ ಸಂಕೀರ್ಣಗಳು ಮತ್ತು ಹೆದ್ದಾರಿಗಳಂತಹ ಅನುಕೂಲಕರ ಸ್ಥಳಗಳಲ್ಲಿ ಇವು ಲಭ್ಯವಿವೆ. ಜಾಗ್ವಾರ್ ಐ-ಪೇಸ್‍ನೊಂದಿಗೆ ದೇಶೀಯ ಚಾರ್ಜಿಂಗ್ ಕೇಬಲ್ ಮತ್ತು 7.4 ಕಿ.ವ್ಯಾ ಎಸಿ ವಾಲ್ ಮೌಂಟೆಡ್ ಚಾರ್ಜರ್ ಮೂಲಕ ಪ್ರಮಾಣಿತವಾಗಿ ಒದಗಿಸಲಾಗುವ ಮನೆಯ ಚಾರ್ಜಿಂಗ್ ಪರಿಹಾರಗಳ ಜೊತೆಗೆ ಈ ಚಾರ್ಜಿಂಗ್ ಆಯ್ಕೆಗಳು ಹೆಚ್ಚುವರಿಯಾಗಿವೆ.

ವಿದ್ಯುಚ್ಚಾಲಿತ ವಾಹನಗಳು ಕೇವಲ ಹೊಸ ಚಲನಶೀಲತೆಯ ಪರಿಹಾರವಾಗುವುದಿಲ್ಲ, ಬದಲಿಗೆ ಒಂದನ್ನು ಹೊಂದುವುದು ಹೊಸ ಮಾಲೀಕತ್ವದ ಅನುಭವವಾಗುತ್ತದೆ. ನಾವು ಇದನ್ನು ಗುರುತಿಸಿ, ಇವಿ ಯ ಮಾಲೀಕತ್ವವು ನಮ್ಮ ಗ್ರಾಹಕರಿಗೆ ತೊಂದರೆಯಿಲ್ಲದ ಅನುಭವವಾಗುವುದನ್ನು ಖಚಿತಪಡಿಸಿಕೊಳ್ಳಲು ನಮ್ಮ ಚಿಲ್ಲರೆ ವ್ಯಾಪಾರಿಗಳೊಂದಿಗೆ ಪಟ್ಟುಬಿಡದೆ ಕೆಲಸ ಮಾಡಿದ್ದೇವೆ. '' ಎಂದು ಜಾಗ್ವಾರ್ ಲ್ಯಾಂಡ್ ರೋವರ್ ಇಂಡಿಯಾದ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ರೋಹಿತ್ ಸೂರಿ ಹೇಳಿದರು.