ಡಿಸೆಂಬರ್ 1 ರಿಂದ ಕ್ರೆಡಿಟ್ ಕಾರ್ಡ್ ನಿಯಮದಲ್ಲಿ ಬದಲಾವಣೆ, ಸ್ವೈಪ್ ಮುನ್ನ ತಿಳಿದುಕೊಳ್ಳಿ!

ಈಗ ಬಹಳಷ್ಟು ಜನ ಕ್ರೆಡಿಟ್ ಕಾರ್ಡ್‌ಗಳನ್ನು ಬಳಸ್ತಾ ಇದ್ದಾರೆ. ಬ್ಯಾಂಕ್‌ಗಳು ಸುಲಭವಾಗಿ ಕ್ರೆಡಿಟ್ ಕಾರ್ಡ್‌ಗಳನ್ನು ಕೊಡ್ತಾ ಇವೆ. ಆದ್ರೆ, ಕಾರ್ಡ್‌ನಲ್ಲಿ ಮಾಡುವ ವ್ಯವಹಾರಗಳನ್ನ ಆಧರಿಸಿ ಗಿಫ್ಟ್ ವೋಚರ್‌ಗಳು ಮತ್ತು ಇತರ ಲಾಭಗಳನ್ನು ಕೊಡ್ತಾರೆ. ಮುಂದಿನ ತಿಂಗಳಿಂದ ಕ್ರೆಡಿಟ್ ಕಾರ್ಡ್ ನಿಯಮಗಳು ಬದಲಾಗಲಿವೆ.

ನಿಮ್ಮ ಹತ್ರ ಕ್ರೆಡಿಟ್ ಕಾರ್ಡ್ ಇದ್ರೆ, ನಿಮಗೊಂದು ಮುಖ್ಯವಾದ ಅಪ್ಡೇಟ್ ಇದೆ. ಡಿಸೆಂಬರ್ 1ರಿಂದ, ಕ್ರೆಡಿಟ್ ಕಾರ್ಡ್ ನಿಯಮಗಳು ಬದಲಾಗಲಿವೆ, ಬ್ಯಾಂಕ್‌ಗಳು ಕಾರ್ಡ್ ಲಾಭಗಳ ಮೇಲೆ ಪರಿಣಾಮ ಬೀರುವ ಎರಡು ಗಮನಾರ್ಹ ಬದಲಾವಣೆಗಳನ್ನು ಪರಿಚಯಿಸ್ತಾ ಇವೆ. ಈ ಅಪ್‌ಡೇಟ್‌ಗಳು ರಿವಾರ್ಡ್ ಪಾಯಿಂಟ್‌ಗಳು, ಅವುಗಳನ್ನು ಪಡೆಯುವುದು ಮತ್ತು ವಿಮಾನ ನಿಲ್ದಾಣ ಲೌಂಜ್ ಪ್ರವೇಶಕ್ಕೆ ಸಂಬಂಧಿಸಿದ ನಿಯಮಗಳಲ್ಲಿ ಬದಲಾವಣೆಗಳನ್ನು ಒಳಗೊಂಡಿವೆ.

ಡಿಸೆಂಬರ್ 1 ರಿಂದ, ವಿಮಾನಗಳು ಮತ್ತು ಹೋಟೆಲ್‌ಗಳನ್ನು ಬುಕ್ ಮಾಡಲು ರಿವಾರ್ಡ್ ಪಾಯಿಂಟ್‌ಗಳ ಸಂಖ್ಯೆಯನ್ನು ಬ್ಯಾಂಕ್‌ಗಳು ನಿಗದಿಪಡಿಸುತ್ತವೆ. ಒಟ್ಟು ಖರ್ಚಿನ 70% ಅಥವಾ ಮಾಸಿಕ ಗರಿಷ್ಠ (ಯಾವುದು ಕಡಿಮೆ ಇರುತ್ತದೆಯೋ ಅದು) ಕಾರ್ಡ್‌ದಾರರು ತಮ್ಮ ರಿವಾರ್ಡ್ ಪಾಯಿಂಟ್‌ಗಳನ್ನು ಬಳಸಬಹುದು. ಅದರಂತೆ ವೈಯಕ್ತಿಕ ಪ್ರೈಮ್ ಕಾರ್ಡ್‌ಗಳು 600,000 ಪಾಯಿಂಟ್‌ಗಳು, ಮಾರ್ಕ್ಯೂ ಕಾರ್ಡ್ 3,000 ಪಾಯಿಂಟ್‌ಗಳು, ರಿಸರ್ವ್ ಕಾರ್ಡ್ 2,000 ಪಾಯಿಂಟ್‌ಗಳು, ಯೆಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್‌ಗಳು 100,000 ಪಾಯಿಂಟ್‌ಗಳು ಎಂದು ತಿಳಿದುಬಂದಿದೆ.

ಗಿಫ್ಟ್ ವೋಚರ್‌ಗಳು ಅಥವಾ ಸ್ಟೇಟ್‌ಮೆಂಟ್ ಕ್ರೆಡಿಟ್‌ಗಳಿಗೆ ಲಭ್ಯವಿರುವ ಪಾಯಿಂಟ್‌ಗಳಲ್ಲಿ 50% ಮಾತ್ರ ರಿಡೀಮ್ ಮಾಡಲು ಅನುಮತಿಸುವ ಪ್ರಸ್ತುತ ಮಿತಿಗೆ ಹೆಚ್ಚುವರಿಯಾಗಿ ಈ ಹೊಸ ಮಿತಿ ಅನ್ವಯಿಸುತ್ತದೆ. ಏಪ್ರಿಲ್ 1, 2025 ರಿಂದ ಯೆಸ್ ಬ್ಯಾಂಕ್ ತನ್ನ ಕ್ರೆಡಿಟ್ ಕಾರ್ಡ್‌ಗಳಲ್ಲಿ ಉಚಿತ ವಿಮಾನ ನಿಲ್ದಾಣ ಲೌಂಜ್ ಪ್ರವೇಶಕ್ಕಾಗಿ ಖರ್ಚು ಮಿತಿಗಳನ್ನು ಹೆಚ್ಚಿಸುತ್ತಿದೆ.

ಹೊಸ ನಿಯಮಗಳ ಪ್ರಕಾರ, ಯೆಸ್ ಮಾರ್ಕ್ಯೂ ಕಾರ್ಡ್‌ಗೆ ಆರು ಲೌಂಜ್ ಭೇಟಿಗಳನ್ನು ಸೇರಿಸಲಾಗಿದೆ, ಯೆಸ್ ರಿಸರ್ವ್ ಕಾರ್ಡ್‌ಗೆ ಮೂರು ಭೇಟಿಗಳು ₹1 ಲಕ್ಷ ಖರ್ಚು ಮಾಡಬೇಕು, ಮತ್ತು ಯೆಸ್ ಫಸ್ಟ್ ಬಿಸಿನೆಸ್ ಕಾರ್ಡ್‌ಗಳಿಗೆ ಎರಡು ಭೇಟಿಗಳು ₹75,000 ಖರ್ಚು ಮಾಡಬೇಕು. Yes Elite+, Select, BYOC, Wellness Plus ಮತ್ತು Yes Prosperity ಬಿಸಿನೆಸ್ ಕಾರ್ಡ್‌ಗಳಿಗೆ, ಕಾರ್ಡ್‌ದಾರರು ಒಂದು ಅಥವಾ ಎರಡು ಲೌಂಜ್ ಭೇಟಿಗಳನ್ನು ಪಡೆಯಲು ₹50,000 ಖರ್ಚು ಮಾಡಬೇಕು.