ಆ ಟ್ಯಾಕ್ಸು, ಈ ಟ್ಯಾಕ್ಸು ಅಂತ ಭಾರತದಲ್ಲಿ ಕಟ್ಟಿ ಸುಸ್ತಾಗಿದ್ದರೆ ಈ ದೇಶಕ್ಕೆ ಹೋಗ್ಬಹುದು!

ತೆರಿಗೆ ವ್ಯವಸ್ಥೆಯಲ್ಲಿ, ಕೆಲವು ದೇಶಗಳು ತಮ್ಮ ಅಸಾಮಾನ್ಯ ನೀತಿಗಳಿಗಾಗಿ ಮುಂಚೂಣಿಯಲ್ಲಿವೆ. ಭಾರತದಲ್ಲಿ ಜಿಎಸ್‌ಟಿ ತೆರಿಗೆ ಬಗ್ಗೆಯೂ ಆಗಾಗ ಚರ್ಚೆಯಾಗುತ್ತಲೇ ಇರುತ್ತದೆ. ಇದೀಗ ಅನ್ನಪೂರ್ಣ ಓನರ್ ಮತ್ತು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ನಡುವಿನ ‘ಬನ್ ಬಟರ್ ಜಾಮ್’ ವಿವಾದದ ಬಗ್ಗೆ ಚರ್ಚೆಯಾಗುತ್ತಿದೆ. ಈ ಎಲ್ಲ ತೆರಿಗೆ ವಿವಾದದ ಮಧ್ಯೆ ತೆರಿಗೆ ಕಟ್ಟುವ ಯೋಚನೆ ಮಾಡುವ ಅಗತ್ಯವೇ ಇಲ್ಲದ ದೇಶವೊಂದಿದೆ. ಅದರ ಬಗ್ಗೆ ತಿಳಿದುಕೊಳ್ಳೋಣ. ಅಷ್ಟಕ್ಕೂ ತೆರಿಗೆಯೇ ಇಲ್ಲದೇ ಈ ದೇಶ ನಡೆಯುವುದು ಹೇಗೆ? ಈ ದೇಶದಲ್ಲಿ ಆದಾಯ ತೆರಿಗೆ ಇಲ್ಲ. ಮೌಲ್ಯವರ್ಧಿತ ತೆರಿಗೆ ಮತ್ತು ಸರಕು ಮತ್ತು ಸೇವಾ ತೆರಿಗೆ ಎಂದು ಕರೆಯಲ್ಪಡುವ ಜಿಎಸ್‌ಟಿ ಇಲ್ಲ. ಇದು ಅಪರೂಪವಾದರೂ, ಹಲವಾರು ದೇಶಗಳು, ವಿಶೇಷವಾಗಿ ಅರಬ್ ಮತ್ತು ಕೆರಿಬಿಯನ್ ದೇಶಗಳು ಆದಾಯ ತೆರಿಗೆ ವ್ಯವಸ್ಥೆ ಇಲ್ಲದೆ ಕಾರ್ಯನಿರ್ವಹಿಸುತ್ತವೆ.

ಸೌದಿ ಅರೇಬಿಯಾ, ಯುನೈಟೆಡ್ ಅರಬ್ ಎಮಿರೇಟ್ಸ್, ಬಹ್ರೇನ್ ಮತ್ತು ಬಹಾಮಾಸ್ ಆದಾಯ ತೆರಿಗೆ ಪಡೆಯದ ದೇಶಗಳಿಗೆ ಪ್ರಮುಖ ಉದಾಹರಣೆಗಳು.ಆದರೆ, ಬ್ರುನೈ ಮಾತ್ರ ಬೇರೆ ರೀತಿಯ ಯಾವುದೇ ತೆರಿಗೆ ಇಲ್ಲದೆಯೂ ಸುವ್ಯವಸ್ಥೆವಾಗಿದೆ. ಆದಾಯ ತೆರಿಗೆ, ವ್ಯಾಟ್, ಆಸ್ತಿ ತೆರಿಗೆ ಮತ್ತು ಜಿಎಸ್‌ಟಿ ಯಾವುದೇ ತೆರಿಗೆಗಳಿಲ್ಲ. ಬ್ರುನೈನಲ್ಲಿ ವಾಸಿಸುವವರು ಒಂದು ರೂಪಾಯಿ ತೆರಿಗೆಯನ್ನೂ ಪಾವತಿಸಬೇಕಾದ ಚಿಂತೆ ಇಲ್ಲದೇ ಕಾರ್ಯ ನಿರ್ವಹಿಸಬಹುದು. ವ್ಯಾಪಾರ ಮಾಡಬಹುದು. ಸ್ತುಗಳನ್ನು ಖರೀದಿಸಬಹುದು. ಇದರಿಂದ ಹಲವು ವರ್ಷಗಳಿಂದ ಕಡಿಮೆ ತೆರಿಗೆ ಹೊಂದಿರುವ ದೇಶಗಳ ಪಟ್ಟಿಯಲ್ಲಿ ಬ್ರುನೈ ಮೊದಲ ಸ್ಥಾನದಲ್ಲಿದೆ. ಬ್ರುನೈನ ಆರ್ಥಿಕ ಮಾದರಿ ಹೆಚ್ಚಿನ ದೇಶಗಳಿಗಿಂತ ಭಿನ್ನವಾಗಿದೆ. ಅದರ ಆರ್ಥಿಕತೆಯ ಬೆನ್ನೆಲುಬು ಸಮೃದ್ಧ ನೈಸರ್ಗಿಕ ಸಂಪನ್ಮೂಲಗಲಾದ ತೈಲ ಮತ್ತು ನೈಸರ್ಗಿಕ ಅನಿಲ.

ಸರ್ಕಾರವು ತನ್ನ ನಾಗರಿಕರಿಂದ ತೆರಿಗೆ ಸಂಗ್ರಹಿಸುವ ಅಗತ್ಯವಿಲ್ಲದೇ ಕಾರ್ಯನಿರ್ವಹಿಸಲು ಬ್ರುನೈ ನೈಸರ್ಗಿಕ ಸಂಪನ್ಮೂಲ ಅನುವು ಮಾಡಿಕೊಟ್ಟಿದೆ. ನೈಸರ್ಗಿಕ ಸಂಪನ್ಮೂಲಗಳ ಈ ಸಂಪತ್ತು ಬ್ರುನೈಗೆ ಸ್ಥಿರ ಆರ್ಥಿಕ ವ್ಯವಸ್ಥೆಯನ್ನು ಸೃಷ್ಟಿಸಿದೆ. ಅಲ್ಲಿ ತೈಲ ಮತ್ತು ಅನಿಲ ವಲಯದಲ್ಲಿನ ಕಾರ್ಪೊರೇಟ್‌ಗಳು ಮಾತ್ರ ಕಾರ್ಪೊರೇಟ್ ತೆರಿಗೆ ಪಾವತಿಸಬೇಕಾಗುತ್ತದೆ. ಈ ಕಾರ್ಪೊರೇಟ್ ತೆರಿಗೆಗಳನ್ನು ಪುರಸಭೆ ಸಂಸ್ಥೆಗಳು ಸಂಗ್ರಹಿಸುತ್ತವೆತಿ. ಈ ಪುರಸಭೆ ಸಂಸ್ಥೆಗಳು ಆಸ್ತಿಗಳು ಮತ್ತು ಇತರ ಆಸ್ತಿಗಳನ್ನು ಗುತ್ತಿಗೆಗೆ ನೀಡುವ ಮೂಲಕ ಆದಾಯ ಹೆಚ್ಚಿಸುವ ಕೆಲಸದಲ್ಲಿ ತೊಡಗಿಕೊಂಡಿವೆ. ಆದಾಗ್ಯೂ, ಈ ತೆರಿಗೆ ಹೊರೆಗಳನ್ನು ನಾಗರಿಕರ ಮೇಲೆ ವಿಧಿಸಲು ಈ ದೇಶದಲ್ಲಿ ಅವಕಾಶವಿಲ್ಲ, ಸಾರ್ವಜನಿಕರು ತೆರಿಗೆ ಹೊಣೆಗಳಿಂದ ಮುಕ್ತರಾಗಿದ್ದಾರೆ. ಆದಾಯ ತೆರಿಗೆ ಇಲ್ಲದಿರುವುದು ಬ್ರುನೈಗೆ ಮಾತ್ರ ಸೀಮಿತವಾಗಿಲ್ಲ. ಪ್ರಪಂಚದಾದ್ಯಂತ ಕನಿಷ್ಠ 17 ದೇಶಗಳು ವೈಯಕ್ತಿಕ ಆದಾಯದ ಮೇಲೆ ತೆರಿಗೆ ವಿಧಿಸುವುದಿಲ್ಲ.

ಸೌದಿ ಅರೇಬಿಯಾ, ಯುನೈಟೆಡ್ ಅರಬ್ ಎಮಿರೇಟ್ಸ್ ಮತ್ತು ಬಹ್ರೇನ್ ಸೇರಿ ಹಲವು ಅರಬ್ ಲೀಗ್ ರಾಷ್ಟ್ರಗಳು ಮತ್ತು ಬಹಾಮಾಸ್, ಕೆರಿಬಿಯನ್ ರಾಷ್ಟ್ರಗಳು ಮತ್ತು ಪೆಸಿಫಿಕ್ ದ್ವೀಪ ರಾಷ್ಟ್ರಗಳು ಆದಾಯ ತೆರಿಗೆ ವಿಧಿಸುವುದಿಲ್ಲ. ಆದರೆ, ಬ್ರುನೈನಲ್ಲಿ ಬೇರೆ ತೆರಿಗೆ ಪಾವತಿಸುವ ಅಗತ್ಯವೂ ಇಲ್ಲ ಎಂಬುವುದು ವಿಶೇಷ. ನೇರ ಮತ್ತು ಪರೋಕ್ಷ ತೆರಿಗೆಗಳು ಇಲ್ಲದಿದ್ದರೂ, ಸಾಮಾಜಿಕ ಕಲ್ಯಾಣವನ್ನು ಖಚಿತಪಡಿಸಿಕೊಳ್ಳಲು ಬ್ರುನೈ ಕಡ್ಡಾಯ ಉಳಿತಾಯ ಯೋಜನೆಯನ್ನು ಹೊಂದಿದೆ. ಎಲ್ಲಾ ಕಾರ್ಮಿಕರು ತಮ್ಮ ಸಂಬಳದಲ್ಲಿ 5% ಬ್ರುನೈ ಕೇಂದ್ರೀಯ ಪೂರೈಕೆ ನಿಧಿಗೆ ಕೊಡುಗೆ ನೀಡಬೇಕು. ದೇಶದ ಮೂಲಸೌಕರ್ಯ ಅಭಿವೃದ್ಧಿ ಮತ್ತು ಪಿಂಚಣಿ ವ್ಯವಸ್ಥೆಗೆ ಈ ನಿಧಿ ನಿರ್ಣಾಯಕವಾಗಿದೆ. ಈ 5% ರಲ್ಲಿ, 30% ಮೂಲಸೌಕರ್ಯ ಯೋಜನೆಗಳಿಗೆ ಹಂಚಲಾಗುತ್ತದೆ, ಉಳಿದ 70% ಜಾಗತಿಕ ಮಾರುಕಟ್ಟೆಗಳಲ್ಲಿ ಹೂಡಲಾಗುತ್ತದೆ. ಈ ಹೂಡಿಕೆಗಳಿಂದ ಬರುವ ಆದಾಯವು ದೇಶದ ಪಿಂಚಣಿ ವ್ಯವಸ್ಥೆಗೆ ಹಣವನ್ನು ನೀಡಲು ಸಹಾಯ ಮಾಡುತ್ತದೆ, ಇದು ತನ್ನ ನಾಗರಿಕರಿಗೆ ಸುರಕ್ಷಿತ ನಿವೃತ್ತಿಯನ್ನು ಒದಗಿಸುತ್ತದೆ.

ಒಟ್ಟು ಮೊತ್ತದ ಪಿಂಚಣಿ ಪಾವತಿಗಳನ್ನು ಒದಗಿಸುವ ಇತರ ದೇಶಗಳಿಗಿಂತ ಭಿನ್ನವಾಗಿ, ಬ್ರುನೈ ನಿವೃತ್ತಿ ನಂತರ ತನ್ನ ನಾಗರಿಕರಿಗೆ ಮಾಸಿಕ ಪಿಂಚಣಿ ನೀಡುತ್ತದೆ. ಇದು ನಿವೃತ್ತಿ ಹೊಂದಿದವರಿಗೆ ಸ್ಥಿರ ಆದಾಯವನ್ನು ಖಚಿತಪಡಿಸುತ್ತದೆ, ದೀರ್ಘಾವಧಿ ಆರ್ಥಿಕ ಭದ್ರತೆ ಒದಗಿಸುತ್ತದೆ. ಬ್ರುನೈ ತೆರಿಗೆ ರಹಿತ ರಾಷ್ಟ್ರವಾಗಿ ಅಭಿವೃದ್ಧಿ ಹೊಂದುತ್ತಿರುವಾಗ ಹಲವು ದೇಶಗಳಂತೆ ಹೆಚ್ಚಿನ ತೆರಿಗೆ ಹೊರೆ ಹೊಂದಿತ್ತು. ಉದಾಹರಣೆಗೆ, ಭಾರತದಲ್ಲಿ, ನಾಗರಿಕರು ಆದಾಯ ತೆರಿಗೆ, ಜಿಎಸ್‌ಟಿ, ಆಸ್ತಿ ತೆರಿಗೆ ಮತ್ತು ವಿವಿಧ ರೀತಿಯ ಪರೋಕ್ಷ ತೆರಿಗೆಗಳನ್ನು ಒಳಗೊಂಡಂತೆ ಕನಿಷ್ಠ 17 ವಿಭಿನ್ನ ರೀತಿಯ ತೆರಿಗೆಗಳಿಗೆ ಒಳಪಟ್ಟಿರುತ್ತಾರೆ. ಈ ಹೆಚ್ಚಿನ ತೆರಿಗೆ ದರ ಅನೇಕ ನಾಗರಿಕರಿಗೆ ಹೊರೆಯಾಗಬಹುದು.