ಬಹುದಿನಗಳ ಬಳಿಕ ಚಿನ್ನದ ದರದಲ್ಲಿ ದಾಖಲೆಯ ಕುಸಿತ, ಹೀಗಿದೆ ಇಂದಿನ ರೇಟ್!
ಏರಿಳಿತವಾಡುತ್ತಿದ್ದ ಚಿನ್ನದ ದರ ಮತ್ತೆ ಕುಸಿತ| ಚಿನ್ನ ಖರೀದಿಗೆ ಒಳ್ಳೆಯ ಸಮಯ| ಹೀಗಿದೆ ನೋಡಿ ಮಾರ್ಚ್ 22ರ ಗೋಲ್ಡ್ ರೇಟ್
Followಕೊರೋನಾ ಹಾವಳಿಯಿಂದ ಬೆಲೆ ಏರಿಕೆ ಕಂಡಿದ್ದ ಚಿನ್ನದ ಮೌಲ್ಯ ಸಾರ್ವಕಾಲಿಕ ದಾಖಲೆ ಸೃಷ್ಟಿಸಿತ್ತು.
ಅತ್ತ ಲಾಕ್‌ಡೌನ್‌ನಿಂದ ಕಂಗಾಲಾಗಿದ್ದ ಜನರಿಗೆ ಚಿನ್ನದ ದರ ಏರಿಕೆ ಮತ್ತೊಂದು ಶಾಕ್ ಕೊಟ್ಟಿತ್ತು.
ಶುಭ ಕಾರ್ಯ ನಿಗಧಿಪಡಿಸಿದ್ದವರು ಬೇರೆ ಉಪಾಯವಿಲ್ಲದೇ ದುಬಾರಿ ಬೆಲೆಗೆ ಚಿನ್ನ ಖರೀದಿಸಿದ್ದರು.
ಲಾಕ್‌ಡೌನ್ ಮುಗಿದು, ಕೊರೋನಾ ಹಾವಳಿ ಕಡಿಮೆಯಾಗುತ್ತಿದ್ದಂತೆಯತೇ ಚಿನ್ನದ ದರ ಕೊಂಚ ಇಳಿಕೆಯಾಗಿತ್ತು.
ಇದಾದ ಬಳಿಕ ಬಜೆಟ್‌ ಮಂಡನೆ ನಡೆದಿತ್ತು. ಬಜೆಟ್‌ ಟಾನಿಕ್‌ ಬಳಿಕ ಚಿನ್ನದ ದರ ಏಕಾಏಕಿ ಕುಸಿದಿತ್ತು. ಇದು ಗ್ರಾಹಕರ ಖುಷಿಗೆ ಕಾರಣವಾಗಿತ್ತು.
ಹೀಗಿದ್ದರೂ ಕಳೆದೊಂದು ವಾರದಿಂದ ಚಿನ್ನದ ದರ ಏರಿಕೆ ಇಳಿಕೆಯಾಟ ಆಡುತ್ತಿತ್ತು.
ಸದ್ಯ ಚಿನ್ನದ ದರ ಮತ್ತೆ ಇಳಿಕೆ ಹಾದಿ ಹಿಡಿದಿದೆ.
ಇಂದು ಬೆಂಗಳೂರಿನಲ್ಲಿ 10 ಗ್ರಾಂ 22 ಕ್ಯಾರೆಟ್ ಚಿನ್ನದ 190 ರೂ. ಇಳಿಕೆಯಾಗಿ ದರ 42,050 ರೂಪಾಯಿ ಆಗಿದೆ.
ಇನ್ನು, 24 ಕ್ಯಾರೆಟ್ನ 10 ಗ್ರಾಂ ಚಿನ್ನದ ದರ 200ರೂ. ಇಳಿಕೆಯಾಗಿ 45,880ರೂಪಾಯಿ ಆಗಿದೆ.
ಇನ್ನು ಇತ್ತ ಬೆಳ್ಳಿ ದರ ಮಾತ್ರ ಒಂದು ಕೆ. ಜಿ. ಬೆಳ್ಳಿ ದರ 67,500ರೂ ಆಗಿದೆ.
ಹೀಗಿದ್ದರೂ ತಜ್ಞರು ಮಾತ್ರ ಕೊರೋನಾ ಆತಂಕ ಇನ್ನೂ ನಿವಾರಣೆಯಾಗಿಲ್ಲ, ಹೀಗಾಗಿ ಚಿನ್ನದ ದರ ಏರಿಕೆ ಆಗುವ ಸಾಧ್ಯತೆಗಳಿವೆ ಎಂದು ಅಂದಾಜಿಸಿದ್ದಾರೆ
